MAD LOVE (Suga FF) BY Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: MAD LOVE (Suga FF) BY Hlutei Jocund Pachuau (Completed)

Unread post by Ngaia » May 17th, 2020, 3:37 pm

MAD LOVE (SUGA FF)

CHAPTER-7


HLUTEI JOCUND PACHUAU









A hrawk bâwk hi ka hmet vak dawn mile, ka ngaihtuahna vâng chuan hmui hupin ka nui ri ker ker reng a, thil ka hre chhuak thut, ka phone chu la in a muhîl lai thlâ chu ka'n la tak tak mai a, a lan chiân loh ka hlauh vâng chuan ka'n in her rem deuh zèl a, a kutah ka kiu chuan ka la delh palh zui.


"Engemaw i tih le?"


Ka phu chiang lutuk chu khum atang ka tla ri dawt thei, ka mawng lai tak ka la sawh zui, ana ka ti lutuk chu ka ner sak sak a, ka hawi chho chu mâwl min tih hmèl zet hian min lo enkur chu niin, zah zèlah ka'n nuih tlawn ringawt a, ka tho nghâl vat bawk, ka mawng lah chu ana zawk thei.


"Ka thlâ ila tiraw?"


"Enga!!!!....teuh lo...engvângin nge ka lâk ngawt anga?"


Bah niai chuan ka'n ti a, engemaw sawi hian a phun sup mai,


"Khawi i phone kha"


A bân chu a rawn phar a, ka pèk loh dân tûr chu, a thlalâk a tam ropui si,ka phone chu ka hnunglamah ka lo dah zui hmak bawk.


"Engvângin maw? I thla ka la lo ka tih chu"

Vîn lek lek chuan ka'n ti a, khum atang chuan rawn tho in min chhuhsak a tum ta mai, rang zet chuan ka lo tlânchhe nghâl vat a, a thlâ ka la tih a hriat chuan ka zak dâwn lutuk, hmuh pawh ka hmu ngam tawh teuh lo mai, min la ûm kâwi char char tho nia.



A tâwp a tâwpah chuan min chhuhsak ta nge nge a

"Khawi min pe rawh, Min Yoongi"


Tihpaha ban ka tum chu a kalsawn zèl bawk si, chimawm hian,


"Khawi min pe rawh ka tih chu"



Tihpaha pan hnaih hret ka tum chu khum ke ah chuan in chhuihin ka in palthlu ta nawk a, Min Yoongi chu ka bawhthlu nghâl rawk rawk bawk.


A khumah chuan ka bawhthlu rân mai,Hnâi zetah chuan kan in en ta kar a, ka laih deuh tlat vâng chuan ka âw chu ka'n thiân kharh a,


Thawh mai ka tum chu min lo pawm beh tlat vâng chuan phâwk hrâ hian ka en kar a, a mit taka ka en hian ka zâm chhe vek zèl, ka lungphû bawk chu arawn ri leh dup dup tawh.


"Yoongi Oppa"


Ka ngaihtuahna tang chuan ka harh zawk a, Min Yoongi pawh harh chhuak thut ni âwm fahran hian a tho thut a, khum atang chuan min nemthla dawt leh nghâl, min ngaihsak zui tawh lèm lo chuan kawngkhâr lam a pan daih anih chu, thinrim zet chuan ka tho ve hmak a, hetiang a a awm thin vâng hi lawm Min Yoongi chu ka huat èm èm.



Kawngkhâr a hawng chiah chu Producer Adora bawk kha a ni, a rawn nui lût var var a, Min Yoongi kâwngah chuan a kuah nghâl chat bawk, ka thin zâwn hi arawn na leh veng veng tawh, ka lo hawisawn hmak a.


"Eheee...Nurse Ireum, ilo awm ve reng alaw? Ka lo hre miah lo a"



A tih chuan an mahni lam chu hawi leh vatin ka lo nui lui sak a, a hmèl atang hian min ngainat hmèl bîk vak lo, ka hmuh dân chuan min en hniâm ngawih ngawih in ka hria.


"Aa...nia...ka kal tawh dâwn alawm"



Bah niai a, tihpahin ka kal sawn zâl zâl a, An mahni pawh en tawh lo chuan ka chhuak ta hmak a.



MIN YOONGI POV




"Tinge ilo kal leh?"


Ka tih chuan Adora chu a ner deuh sak a,


"Ka purse ka theihnghilh daih a, a hrim hrim ah ka ngai che lawm"



Tihpaha min rawn kuah atum chu ka lo nemsawn vat a, ngaihthat loh hmèl zet hian min en kar mai.


"Tinge i nuam lo leh tawh ami?"


Ngaih that loh hmèl zeta Tihpahin ka chal chu arawn khawih a, ka lo hawisawn nghâl vat bawk, Adora hi chu hmeichhe fel tak ni mahse a mizia hi ka ngaihthei thin lo, a zaktheilo reuhin a ngampa bawk si, min ti cheng cheng zèl hi a hnè awm ka ti, min duh tih ka hria a, hnar ngâi lèm lo mahila ka duh ve em em hran lo, bâkah ngaihzâwng neih hi ka tum lo bur, Ka fans te tâna ka tih theih awm chhunah ka ngai hmiah.


"Tinge vawiin i awm dân hi?"


Tih sap pahin ka nghâwngah chuan a kut chu rawn suih in min enkar a,


"Mahni a awm ka duh, haw rawh"


"Hmmm.....tih hlim che ka duh alawm"



In la no zet hian ati nâng nâng a, ka bialnu angin en ngâi chuang lo mahila min zar buai reng zèl tho, vawi hnih khat techu lo mutpui ve tawh mahila ka duh tak tak thei chuang lo, duh ve chu ka tum nasa, ala naupanga engmah a hrethiam lo anih ka ring a, mahse ka chunga thu neih a tum leh lutuk thin hi ka ngaithei lo, ka unau tepawn an hre vek ang, ka sawi lo na a, an hria chu a ang ka ti, duh tak tak loh hetianga khawsak pui reng chu nuâm tihna ka nei ngai lo, mahse amah zâwk hi bul tan hmasa tu a ni ziah a, min zar hneh ve bawk nèn, kei mipa ka lo ni ve tho si a, a tâwpah keimah zâwk hi ka tlâwm leh nge nge zel.


"Oppa, min peh hèl tum suh aw, a nih loh chuan PD Nim bulah kan chungchâng hi ka sawi vek a ni mai"


A tih chuan ka nui lui hak a,


"I duh leh sawi la, pawi ka tih i ring rèng rèng ami?"


"Hmmm...Suala, a nih ka kal, min rawn be rèng rèng suh ang che"


Tihpah chuan a chhuak tâu ta hmak a, a chhuak chiah chu ka room kawngkhâr chu ka kalh zui ve hmak a.



Hmeichhe fel leh rilru tha tak a ni, mahse ka khawngaih vâng chauh a alaka that chhuah hrâm hrâm thin ka ni, ala naupang bawk si.


________TIME SKIP_________

Roomah chuan ka tih dân ngâi bawkin ka tawm nilèng leh thak a, Balcony atang chuan Jimin, Jungkook, Taehyung te pangpâr huan a in ti ti laih laih chu coffee in pah chuan ka lo thlîr ve reng a, Khua a thim thet thet tawh vângin a vawt tawh hlè bawk, an thusawi ho tak tak techu ka awmna tang chuan ka lo nuih pui ve suk suk a.



"Tinge pâwnah in awm reng? In damlo mai tûr a sin"



Chu âw ka hriat veleh chuan ka'n enchiâng deuh a, Na Ireum a ni tih ka hre thei.


"Lo thu ve rawh Game kan khèl a"


Jungkookie chuan alo ti vat a,


"Zanriah ei tawh ang u, ka ril a tâm"


Na Ireum chuan a lo tihsan daih a, ka lo nui hak thung.




NA IREUM POV



Zanriah chu Ni dang ang lo takin kan kîl kim thap a, Min Yoongi lah chu ka zâwn chiah a a thut väng chuan ka chaw ei pawh a tui lo.


"Ireum shi...ipa chu tlawh i tum ami?"


Jin chuan a ti a,


"Mmm...ka tlawh lohna a rei tawh lutuk a, harsatna a awm chuan min lo call mai rawh aw"



Min Yoongi ka'n en kar a, a chaw ei mawlh mawlh pah chuan a bu nghauh ringawt, en pawh min en ve lèm lo.



Nichin khân enge PD Adora nèn an tih ang le? Pd Adora kha thinrim deuh a alo chhuak kha chu ka hmu ngèi a, ni lo, ka ngaihtuahna hi, hetiang lam ringawt buaipui hman ka ni lo, Min Yoongi hian a duh ve pawh a ni mahna, lo duh mahse ka lo buaina tûr a awm lo, ka buaina tûr ni lo ah hian ka buai rei mah mah a ni.



__________



Chaw ei kham chuan thlèng chu ka sil sat sat a, midang erawh chu Common room alamah an ti ti tui khawp mai, Ajhuma hi a tar tawh sia, ka khawngaih vâng hian ka theih ang ang chuan ka pui ve thin, Min Yoongi room pawh keimân ka tih fel sak tlângpui, mahse ka tih fel hmasak ber tuma hmeichhe kekawrte ka hmu kha chu ka luak lo chauh.


Ka thlèngsil lai chu ka tâwp chat a, An ni hi, an lo mudûn tawh a niang a, awi a ni thei lo.


Ka lu chu thing nawk nawkin ka thlèng sil lai chu ka'n ham ri buan buan a, ka ngaihtuahna hi a tha lo lutuk, Na Ireum tinge amah ringawt kha i ngaihtuah reng a,mahse ka ngaihtuahna ho tak tak te hian min ti lungchhe ve thei tlat.


Ka mittui bawk chu arawn tling leh kiau tawh, van hah thlâk tak, he mittui ve chhèn lah hian tlâkna hun tûr a hre hlawl lo, insût ri hraih hraih chungin thlèng chu ka sil mial mial a.


"I tha em?"


Ka phu chiang lutuk, ka hawi lèt chu Min Yoongi chuan min lo en kur mai, ka mittui chu ka hru hul nghâl mawlh mawlh a.


"Tha e, ka tha mah mah"


Thinrim zet ka'n ti ringawt a, ka thinrimna chhan hre lo tân chuan ka â amaw a ti hrim hrim ang.


"Engemaw i hriat le"



Tih sup pahin frigde chu a hawng ruk ruk a, ka chhâng tawh lo, thinrim zet chuan thlèng chu ka'n sil chhunzawm leh ringawt a.



____________




MIN YOONGI POV




Ka hla phuah tawh sa chu ka'n en vang vang a, Keimân ka sak chuan nalh ka ti thlâwt lo,midang lah hna pawimawh ah an chhuak vek bawk si.


Na Ireum kha ala kal lo in ka hria, hmanhmawh takin ka studio atang chuan ka chhuak nghâl vat a, step a arawn chho nèn chuan kan in tâwk chiah.


"Ka studio ah lo kal lawk teh"


"Mahse ka pa...."


"Ka hria, minute 5 bâk a ni lo ang"


Ka tih chuan min zui ve leh mai a, ka studio ah chuan inthlahrung zet hian arawn lût a, a hawikual zek zek reng leh nghâl, hmuhnawm a awm âwm pawh ka hriat ve si loh.


"Hei hi han en vang vang la, i sa lawk thei angem?"



Tihpahin hla thû leh A thlûk in ziahna chu ka pe a,


"Mahse, Ka zaithiam lo sin"



Hlauhthâwn hmèl zet hian ati nâng nâng a, ka hmanhmawh tawh tehrèng nèn.


"I zâithiâm ka tih vâng a ni lo, sa chhin lawk rawh, a nalh dâwn nge dâwn lo ka hre duh"


Ka tih chuan hreh hmèl zet hian a ner leh sak a, thâwk chu ala deuh hak bawk, tlar 5 lek sak theih lohna chhan tûr a awm lo.


Ka Guiter chu la in perh tûr chuan ka in ring nghâl at a,

"I in ring em?"


Ka tih chuan a chil lem khalh pah hian a bu nghauh a.


"Awle tan ang aw"


Tihpah chuan ka'n perh nghâl ral ral a, lâi uluk lutuk tak mai hian arawn zâi chhuak anih chu, hetiang èm èm a zâithiâm lo hi ka la hre ngai lo, engtin nge maw a thiâm zâwk le?


"A tâwk...duhtawk rawh"


Ka Guiter chu ka dah hmak a, sa tûra ka lo ti kher kher kha ka inchhîr rum rum thei, tlar hnih pawh a sa zo hman lo ang.


"Engtin nge tiang èm èm khân i zâithiâm loh theih a?"


Ka tih chuan lungâwi loh hmèl zet hian min en deuh hâ a, ka nuih pawh a ti za lo, ka thin ati rim zâwk.


"Ka zaithiâm lo ka tih mawlh mawlh kha, chuti taka zâithiâm lo min tih techuan min sak tîr loh mai tûr che lawm, Sual lutuk mai, Kei aia zaithiâm PD Adora kha sâwm mai ta che"



Awki sâng zeta tih tâwn tâwn pah chuan a chhuak tâu ta hmak a, mak ka ti lutuk chu ka en ngâi ka en vung vung ringawt, enge vawiin tlai a awm dân hi a mak èm èm le.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 17th, 2020, 3:38 pm

MAD LOVE (SUGA FF)

CHAPTER-8

BY

HLUTEI JOCUND PACHUAU




Rei deuh hnû ah keipawh ka studio tang chuan ka chhuak zui ve a, midang pawh an lo awm kim leh thap tawh, an bulah chuan thu in an thil ei tûr rawn lei techu ka ei ve nghâl mial mial a, Na Ireum alo la haw miah lo, henû hi lo haw a tum lo a mawni le? Kawngkhâr lam chu ka melh deuh sek a, sana ka melh pah reng bawk, 11 pm a ri tèp tawh, engemaw a tih chen chen le, henu hian ka ngaihtuahna te hi a luah khat vek tawh, DUHNA tih tepawn a sawi theih ang chu.



"Taehyung ah....Ireum hi high school kan kal lai a nûthaui kan tih thin nèn khân in ang iti ve em?"



Na Ireum hming an sawi tawh hi chuan ka lo bengkhawn vat zèl.


"Ti ve tho, mahse Nuthaui tekha chu a thâu èm kha"


Taehyung chuan alo ti ve vat a,


"A chèr tawh pawh a ni maithei a, mahse Nuthaui kha chuan min hriat ka ring bawk sia, Ireum shi chuan min hre miah lo"



Jimin chuan ngaihtuah zui ni âwm fahran hian a ngawi vang vang a,


"A ni lo ang"


Taehyung chuan alo ti a.



"Hyung, Nuthaui chu tunge?"


Jungkookie chuan alo hre châk fâl leh tawh khawp mai.


"High school kan kal lai ami a nia, a thau reuh lutuk, mahse a thiâm thei ania, Nuthaui tiin kan chhaih thin a"



Jimin bawk chuan alo ti a, an thusawi ngâithla kar chuan kawngkhâr lam chu ka lo melh pah reng bawk a, Na Ireum lungngaih hmèl zeta rawn lût chhat chhat ka hmuh chuan ka lo insiam tha nghâl vat.



"Ireum rawn ei ve rawh"



Jhope chuan alo ti vat a, Na Ireum hmèl atang chuan rilru hahna a nei tih ka hre mai, a zia a zâwi tlat.


"Ka chau deuh a, ka han châwl hahdam tawh a nge"


Tihpah chuan a chho tlang nghâl mai a, midang chu phâwk hrâ hian an in en hlawm a.


"Tinge a awm dân kha?"



Jhope chuan zâwi zet hian ati sur sur a,


"Ka hre lo, Hyung, i hau leh tawh mi?"



Taehyungin a tih chuan Min rawn en thup hlawm a,

"Engvângin nge ka hauh ngawt anga?"


Ka lo ti nghâl thah ringawt, kei chauhin ka ti lungngâi thin âwm ang zia zâng a.


"Jungkookie enge a chhan han zâwt chhin teh"


Namjoon chuan a ti a,


"Ka duh bîk teuh lo mai"



Alo ti bawk si, ngâwi rengin mu tûr chuan ka chho ve nghâl vat a.



NA IREUM POV




Khumah chuan thu in Doctor thusawi chu ka ngaihtuah lèt vang vang a,ka pa thin hi thlâk vat a nih loh chuan a nunna in a tuar dâwn tih an sawi bawk si, a thin thlâk tûr pawh lo hmu tehrèng ila pawisa ka nei rih bawk si lo, ka rilru avan hah tak, ka pa chu ka lakah tha èm èm ngai lo mahse ka thih tîr ngawt thei lo, Mahni chauh a ka nau enkawl ka zuam ngang lo a ni.



Thil ka hre chhuak thut, Ka pa ringawt ka lo ngaihtuah a, Min Yoongi damdawi ka la pe miah lo, ka va han Mâwl tak.




Hmanhmawh takin a damdawi leh tui châwi chung chuan a room lam chu ka pan vat a.



Kawngka chu ka kik nghâl karh karh bawk, min chhâng miah lo, ka'n lût tlang nghâl pawp a.



Khumah chuan Head phone ngaithla chung hian a phone chu alo hmet mual mual a nih chu, engmah sawi lo in a khum bul dawhkân ah chuan a damdawi chu ka'n chhawp sak a.



"I damdawi ei hun a pèl tawh na a, naktûk ah a dang chu i ei tlâi deuh mai dâwn nia"




Nui lui sak chung chuan ka'n ti a, engmah a sawi lo, ngâwi rengin damdawi chu a ei ve mai a, vawiin tlai ka tih dân vâng khân min hauh hrep ka ring a nia, min hâu miah lo nia, mahse nuam lo ka ti zâwk, khatianga ânkhum tûr kha ka ni lo tih ka in hria.



"Ding lawk teh"



Kal mai ka tum chu ka ding chat a, ama lam ka hawi chu hmèl vawt ruih hian min lo en leh kur tawh.


"Mamawh ila nei em ni?"


"Ka muhîl thei lo, zan tin ka sawi kher a ngai ami?"



A rawn ti nghut a, mu ve leh tûra min sâwm na ah ka ngâi hmiah, engmah sawi lo in a bulah chuan ka in thawlh ve nghâl vat a, ka dam lo enkawl lai ni mahse hmeichhia leh mipa hetianga mut dun ziah chu a nuam vak lo, milâr tak leh nghâl, lo mangchhe palh ta ila, ni loh pawn ka chil thli te lo thlauh palh ta ila, awi...ka zah tûr zia chu.



Attention posi bawk chuan ka mu leh ar tawh, thâwk chu ala deuh hak hak reng a, a khum hi a lian tha a, mudun mahila duhtâwkin a tâl theih, kan in hlat hlè bawk.


"Na i nei emni?"


Ka hma zawna in chung melh kar chuan ka'n ti sap a,


"Nei lo, zan in chu ka muhîl thei lo, ka damdawi kha ka ei leh dâwn"



Tihpah chuan a tho ta mai, sleeping pills ei reng hi a tân a tha lo, bâkah ka damdawi pèk thin nèn hian a in hal,


"Ni lo, i ei thei lo ang"



Tihpah chuan ka tho vat a, a damdawi keng lai reng chu ka chhuhsak nghâl vat bawk.


"Min pe rawh, engvângin nge ka ei theih loh ang?"



"Ka damdawi pèk che nèn khân a in hal a, a tha lo Min Yoongi, mutthilh tum rawh, ka pui ang che"



Ka tih chuan a hmâi chu a tuai puat a, he damdawi hian a chiah hneh tawh hlè tih ka hre thei, hetiang a ei reng chuan a tha lo telh telh zâwk ang, hetiang alo ei thin vâng a nih hi a that chhuah har èm èm.


"Min pui ang maw? Engtin ?"


A nui hak a, a nui hmèl hian min ti hlâu lek lek thei, a zawhna chu ka chhâng thei lo, tih dân tûr ka hre bîk tlat lo, a awm dân lah a pângâi bawk si lo, thâwk ala hawk hawk reng a, a vawi tawn sek bawk.


"I bulah ka mu dâwn lawm, Min ring rawh, engkim a tha, engmah hlâu suh, i kiangah ka awm reng dâwn lawm"



Aw khûr dar dar a ka tih chuan a khumah chuan beidawn hmèl zet hian a thu thla hnawk a, keipawh rilru hah tawh nâk alaia zan in berkherah hetianga a awm chu a hrehawm ka ti, zan in chu phûrna ka nei lo.


A bulah chuan thu thla ve in a dar ah chuan ka'n khawih a, a thu kun tlawk tlawk ka hmuh hian ka lo hrehawm ve ngawih ngawih zèl.


"Engkim a tha nia, hawh, mu ang le"



Dam diai a ka tih chuan ngâwireng hian a mu vè mai a, hetiang ho hi chu thinrima tâwng chî an ni lo, dawh thei takin, zaidam tak siin naupang thlèm anga thlèm an ngai thin.


Keipawh chu ka muthla ve nghâl a, han kuah vang vang thei ila chu a zia deuh ka ring, mahse sîk pawh ka si ngam lo,


"Ngatinge Mi tin mai hian min haw vek anga ka hriat tlat le?"


A rawn ti chhuak sup a, ama lam ka hawi chu inchung lam hi alo melh ngar ngar thung,


"Hneh tum rawh, khawnge nangmah haw tu te chu? Zawng la i hmu miah lo ang"



Ka tih chuan arawn hawi ve vat a,


"A sawi chu awl sam alawm"


A ti ringawt, a dik chiah, a sawi chu awlsam lutuk, ala tawng ve lo tân chuan hriatthiam a har alawm.



"Iti dik alawm, mahse tûnah chuan mut i mamawh, I mutthilh theih nân enge ka tih ang?"




Ka tih chuan min rawn en kur a, Light kan off lo bawk nèn a chiang duh kelh kulh khawp mai.


"Light kha off rawh"



Tih ringawt chuan min chhâng a, ka bula light chu ka off nghâl hmak bawk,a thim dîm deuh ruih a, mahse Min Yoongi hmèl erawh ka hmu thei tho.


"Na Ireum, ka beidawng takzet a ni, Ka nun hi a beidawn thlâk, lemchan reng hi ka ning tawh"



A rawn thu chhuak hlawl a, a thlan tuiin a bual tih a hmâi leh nghâwng huh hlap atang chuan ka hre thei, a bulah chuan thu chhuak ve in a dârah bawk chuan ka khawih leh a.



"Min Yoongi, tiâng khân awm suh, i tlâwm mai tûr a ni lo, i lamah ka tang tlat a nia,hei hi ka sawi ka ring ngâi lo, keichuan ka ngaisâng lutuk che, tlèm chuan i sual deuh a, mahse ka ngaisâng lutuk che"



Ka tih chuan nui suk chung hian min rawn en vung vung a, keipawn ka lo en ve kar bawk,


"A tîr kha chuan i sual ka tia, ih...ka huphurh lutuk a, chuan maw...ihhh....i tawngkam na deuh deuh te hian min vèl tap ziah i hre lo mai mai nih kha"


Ka'n ti nghâl mawlh mawlh a, hetiânga ka ti ti pui reng loh chuan a in ngaihtuah hah leh vak vak ang tih ka hlâu.



"Ka chau lutuk"



Tihsup pahin ka dârah chuan a lû chu arawn nghat dat a, ka lo tèk chhuai thei, ka tawng lai chu tâwp hmakin chelo chuan ka awm ngar ngar a.


"Na Ireum nang hi hmeichhe duhawm tak ini"



A ti sup mai, ka chil ka lo lem khalh ringawt, duhawm min tih tak tak phei chu ka ring lo, a rilru a fîm loh vângah ka ngâi hmiah.


Rawn tho riai riai in hnâi zetah hian min rawn en a, ka lo en lèt ve kar bawk.


"Kei hi mipa ka ni tih i hre lo nge? I hre lo der zawk"


A tih chuan ka chil chu ka lem leh khalh a, ka hre ve reng sia, a bula mut tepawh nuam ka ti bîk tawp si lo, ama tan hmasak vek hi ni sia.



"Ka... hre reng e a"


Ban chat chuan ka lo ti a, chu vèleh ka inrin hmâ chuan min rawn fâwp thut a nih chu, ka mumang em ni? A ni bawk si lo, che lo chuan ka lo dawh mâwl tawp a, mahse hetiânga awm chu tha lo.


A âwmah chuan ka'n nem vak a, min thlah nghâl vat bawk.


"Min puih i tum a ni lawm ni?"


A ti deuh sup a, ka phalna la lo a min fawh ve ngawt vâng chuan ka thin a rim tho a, nuam ka ti ru deuh tho bawk si.


"Khatiang kha iti thei lo"


Ka tih chuan lungâwi loh hmèl zet hian min enkar a, ka zâm ti tih leh dèr tawh.




"Min puih i duh tak tak lo tiraw? "


Vawt ruih hian arawn ti a,


"Duh e, duh tehrèng mai, mahse khatiâng lo khân....Min Yoongi, ka lakah rilru tha lo i pu thei lo"


"Mahse tikhân ka mu thei dâwn alawm"



Za lo zet chuan ka nui hak a,


"Dâwt sawi suh aw, kei hi hmeichhe duk dak lo tak ka ni lo a nia, i bula ka mut vâng mai hian i duh duhin min khawih thei lo"



Ka in control hrâm hrâm a, tawngkam vîn ka hmang lo, mahse ka lungâwi lo hlè tih erawh a hriat ka ring.

" A nih chuan a tha e chhuak rawh"



A ti hmuk a, zan in a awm dân hi mak ka ti ngawih ngawih,


"Min Yoongi, enge maw i hriat le, Keichu nangmah enkawl tu mai che ka ni, puih che ka tum mai alawm, mahse hetiânga i awm dâwn anih chuan vawi khat mah ka riahpui tawh dâwn lo che"



Ka'n ti ve hmak a, Naupang chhia pawh a ni lo, ka rilru a hah sa tawh tehrèng nèn, ka thinrim a, hauh vak lah a chî bawk sî lo.


"Min pui thei lo chu nih hi, keichuan khatia awm kha ka duh, Na Ireum nag hi ka mamawh che, ka kiânga awm tûrin ka duh che, damdawi tello a min awm tîr thei tu chu nangmah chauh hi ini"


Ni lo, a â tawh a nih hi, Na Ireum, beiseina nei suh Mawli, ka rilru chuan ka infuih mawlh mawlh a, a rilru ang ang a sawi tawp zèl hian ka thin a ti rim tlat zèl.


"Awle, ka chhuak ang, zan ina thil thleng hi chu thleng lo anga awm ka lo tum dâwn nia"



Tihpah chuan ka chhuak nghâl vang vang a.


______________





Ka khumah chuan ka in ngaihtuah vang vang a, ani kha ka duh alawm, mahse khatiâng zâwnga min ti kha chu ka lâwm bîk lo,ani khân min mamawh amaw? Damdawi tello a awmtîr thei tu ka ni amaw, a nih chuan kei hi, min duh ve tihna em ni ang? Mahse thil thleng thei lo hul huâl a ni, min duh thei lo, engkim a pawi zo vek a ni mai.



Vawi khat mah ka hnaih tawh ngâi lo ang.



MIN YOONGI POV

NEXT MORNING


Khumah chuan ka mu mengkar reng a, engemaw khatia ka lo tih kher kher le? Ka va han mâwl tak, lo insûm ve tûr ka nia, peih lo zet chuan ka tho chhuak ve a.




Choka lama luh ka tum chu Jin Hyung leh Na Ireum lo inkuah ka hmuh chuan ka biru nghâl vat a, Na Ireum chu a tapin ka hria, nizân ka tih dân vâng kha mawni le? Ka en thla leh dèk dèk a, an lo inthlah tawh.


"Ireum lungngâi lo la, ipa chu a tha leh èm èm ang"



Jin Hyung chuan a dâra ben thak thak pah chuan a ti a, ka thîk leh tlat tawh, Ka room ah chuan ka lèt leh ta daih a, ka lakah a thinrim ngawt ang tih ka hria, ka awm dân kha a mawi lo takzet a ni.



Kawngka kik karh karh ri ka hriat vâng chuan ka insiam tha vat, khumah chuan tho hlim ang tak chuan ka lo mutha nghâl vat a, Na Ireum chuan ngâwi rengin ka coffee in tûr alo châwi lût reng chu niin, ka lo enkar a, a hnâr hmâwr leh mit techu a sen tèk mai, a tap nasa hlè tih ka hre thei, apa chu a tha lo viau emawni le? Mahse min en ve hauh lo thung.



"Tûk thuan an peih tèp tawh a, lo tho chhuak la rawn ei ve tache"



Dam thlap hian a ti a, engmah thleng lo ang hmakin zu awm vèla mawle, ka thin ati rim lek lek zâwk, nizân vâng khân min hau se, min ân khum hrep se nuam ka ti zâwk ngèi ang.



"Ka ei dawn lo"


Ka lo ti ringawt a, a rûk chuan ka ril chu a tâm khawp mai,


"Awle, i ei duh loh chuan a tha lawm"



Awlsam zet hian a ti nih chu, ka thin a rim leh ut ut tawh, engmah thleng lo ang mai a awm vâng hi nih ka ring.



"Na Ireum"


Ka'n ti ringawt a,


"Aw enge ni ta?"



Tihpahin min rawn pan hnâi deuh a,


"A ngâi lo, chhuak rawh"



Ka tih chuan a chhuak nghâl mai a, a awm dân chuan ka huat tâwk a tling leh èm èm tawh, a chhuah hnû chuan kawngkhâr chu ka en vung vung ringawt a, hmeichhe mak tak a ni, A rilru hahna te chu Min hrilh tûr a nia, tinge Jin Hyung kha a hrilh daih? Haa....ngaihtuah tawh lo teh ang.

TIME SKIP




Pum ri ruk ruk chuan ka mu reng ringawt, ka ei dâwn lo tih ka lo sawi lak lawh tawh si, room ah chuan ka tei ka tei ringawt, kawngkhâr kik ri ka hre leh ta, Na Ireum a nih ringin Khumah chuan ka mu nghâl sawk sawk a.




Jhope chuan ka tûkthuan ei tûr chu nui vur vur hian arawn châwi lût a.


"Hyung, tlèm tal ei rawh nuamsam lo viau mahla"



Zâng vah hian arawn ti a, ka nawmsam loh vânga ei loh tum pawh ka ni tawp si lo a, tûnah tak hi chuan ka dam tha mah mah a ni.


"Hoeseok"


"Huh...???"



"Tu emaw chungah thil tisuâl ta ila, ani chuan engmah thleng lo angin awm ta se, mahse inthiâmlo tho ta ila, engtin nge ngaihdam ka dîl ang"




Ka tih chuan phâwk hrû hian min rawn en a .


"Tû lakah? Pd Adora maw? In in hau ami?"



Tihpahin ka khumah chuan arawn thu thla ve nghâl vat a,


"Sawi mai teh, chutiang i hriat a ngai lo"



Ka tih chuan nui vûn vûn hian min en a,


"I biak ngam loh chuan va tex la, Ka tihpalh Boihte, ka siam tha leh vek ang ti la"



A tih chuan a remruat na chu a thawk dâwn lo chiang tih ka hriat vâng chuan ka lo ner nûng a,


"A nih loh pawn ti hian ti la"


Tihpahin bangah chuan min rawn nawr bet a, serious deuh hian min la enkur zui.


"I thinrim anih chuan sawi la, ka tihpalh, tiang hian"



"Kal mai teh, i râwn tlâk hlawl loh"


Tihpahin ka ke chuan ka'n tlawh lèng lawp a, khum atang chuan a tla ri dawt thei, ala nui huah huah zui.


"Hyung, keimân ka lo bia ang"



Tihpah chuan a chhuak zui nghâl a, koh lèt leh ka tum chu a tlân chhuak hman tawh si, ka va han ngei zawk zawk tak, Adora a be dâwn tih ka chiang, Na Ireum zâwk a ni reng sia, mahse ka sawi ngam bawk si lo, ka buai zo vek dâwn a nih hi.



NA IREUM POV



Engtin nge pawisa chu ka neih theih ang? PD Nim bulah ka hlawh advance in ka dîl mai dâwn amawni le? Ni leh lo....a zahthlâk ka tih zâwng tak a ni, khawi atangin nge pawisa chu ka neih theih ang? Ka pa damdawiin awm man leh Wooje hman chawp tûr ka hlawh chhuak ve tâwk tâwk chauh a ni sia, engtin nge ka tih ang aw....



Common roomah chuan tûmah an awm loh vâng chuan ka vei tawn sek a, Min Yoongi a room atang lo chhuk ka hmuh chuan ka ding chat mai, nizân vâng khân peh hèl hrâm hrâm ka tum a, a theih bawk sî loh, a hmèl hmuh reng hi ka thei lo.



"Na Ireum"


Choka lam pan ka tum chu ka ding chat a, hreh zet chuan amah chu ka en vat, engmah thleng lo ang hmak a awm tum mahila ka chhûngrilah hian ka khûr ru der der mai, min la enkur leh nghâl.




"Oppa"



Tih rî ka hriat veleh kawngkhâr lam chu ka hawi vat a, PD Adora bawk a ni, rawn tlân phei dâwr dâwr in Min Yoongi chu a rawn kuah nghâl thlawp a, ka thinlung hi ana leh veng veng tawh, ka mittui bawk hi arawn tla leh mai dâwn, Min Yoongi chuan a kuah lèt ve lo, min en reng tih ka hriat vâng chuan ka hnunglam chu ka hawi vat a.


"Oppa.... Jhope Oppa khân engkim min lo hrilh a, keima thiâmloh zâwk alawm"


Ati niah niah a, ka mittui tla mai tûr chu ka khap lèt nghâl fak bawk.


"Na Ireum"


Vawt ruih a rawn ti tû áw ka hriat rual chuan ka mûr nghâl chuaih mai, thâwk chu la hawkin an mahni lam hawi chuan ka'n nui lui sâng a, mahse ka thinlung erawh ana veng veng mai.


"I roomah han in kâwm rawh u, Coffee ka lo siam sak ang che u"


Ka lo ti nghâl zung zung a, Min Yoongi chuan engmah a sawi lo, hmèl vawt ruih hian min enkur reng ringawt, PD Adora chuan mak tih hmèl zet hian min entawn zak zak a, kan awm dân kha a hre chhuak mai ang tih ka hlau, rang thei ang ber chuan choka lam chu ka pan nghâl vat a.




Min ko zui tawh lo chu Ka thaw huai thei, tinge khatia min enkur reng le? Sawi duh a neih ngèi ka ring, mahse engmah ka ngâithla dâwn lo, Min Yoongi chu ka tân chuan ka damlo enkawl lai mai a ni, ka thinlung hi thup bo hmakin ka hnâ leh ka chhûngkua bâk ka ngaihtuah tawh dâwn lo,ka rilru tina hman pawh ka nih loh hi.




Coffee ka siam mawlh mawlh lai chuan Jimin Leh Jungkook chu thlan hluâm hian an rawn lût dûn a, an la hah hmèl em em zui.


"Tui...tui ka duh"


Taehyung pawh chuan arawn ti lût mawlh mawlh a, eng tak chu ti hlawm ang maw.


"Coffee ka lo siam a, in in ve duh em?"


Ka lo ti nghâl vat a.


"Aw ka duh"


Rang zet hian Jimin chuan alo ti a,

"Keipawn ka duh ve"

Jungkook pawh chuan alo ti ve vat a.

"Keichuan ka duh ve lo"


Taehyung chuan tui vawt in khalh pah hian alo ti ve vat a.


"Enge in tih a, in van hah hmèl hlawm em em"


"Dance practice mawle, Japan tour kha thlaleh mai a ni tawh sia"


Jungkook chuan ati ve mai a, ni dâwn tak e, Min Yoongi lah chuan a ngâi pawimawh vak si lo a, hepa hi a â takzet tawh a nih hi, hmeichhia bâk a buaipui lo.


An coffee in tûr chu ka siam sak hmasa phawt a, Min Yoongi room a luh chu ka hreh ngawih ngawih, midang lah ka tîr ngam bawk si lo, an hah bawk sia.


Ni e, ka tih tho tho a ngai, Min Yoongi hi ka tân engmah a ni lo, ka dam lo ve mai a ni.



Inseh ruh tûn in a room lam pan chuan Coffee chu ka châwi chho a.



Room kawngkhâr ka thleng chu ka thâwm hriat vâng chuan ka ding nghâl chat mai.



"Oppa tiang ngawt chuan kan inkâr hi iti tâwp thei lo ang, khâ nu vâng kha em ni? Nurse Ireum vâng kha mi? Kha nu kha i duh tiraw? Ka bân tîr dâwn"



Thinrim tak chuan Adora chuan ati ta piâp piâp mai, ka hmui chu hupin an thusawi chu ka lo ngâithla kar reng a, Min Yoongi hian then a tum tihna em ni ang? Ni leh lo, an in date loh thû kha a sawi sia, dâwt min lo hrilh reng a ni maw.


"A ni lo ka tih chu, Ka sawi tawh kha, ka duh thei ngang lo che, min kalsan rawh, kei ni lo mipa fel tak i tawng èm èm ang"


Min Yoongi chuan ti lèt ve fak a, ka lo zak chem chem thei, Adora chu ni ila ka haw nal nal ang, engemaw henu hian a duh em em le? A tlâwm thlâk ka lo ti ngawih ngawih.


"Oppa, kan pahnih chungchâng hi i theihnghilh tawh ami? ka hmangaih zia che pawh i hriat vek kha"



Tap chung chuan a ti mawlh mawlh a, Min Yoongi tawng ri erawh ka hre thei tawh lo,



"A tha e, ka kalsan ang che, Hlim takin awm rawh"


Tihpah chuan arawn chhuak ta mai, Kawngkhâr arawn hawng thut chu ka lo phu chiâng ngang mai, ka biru hman tawh si lo, thinrim hmèl zet hian min en deuh khâih a,


"Coffee maw?"


Tihpah chuan mittui tling kiau hian a nui hak a, Min Yoongi pawh arawn dâk ve nghâl bawk, sawi mai tûr ka hre lo, ka ngâwi reng ringawt.


"I coffee siam hi ka in hlawl lo ang"


Tihpahin ka coffee siam sa tha zet chuan ka chhîpah hian min leih vek a nih chu.



"Engthil nge maw itih le?"


Min Yoongi chuan vîn thawt a tihpahin Adora chu arawn dang vat a, ka kut vèl sa lutuk chuan ka tray ken lâi pawh ka keng nghet thei tawh lo, ka thlauh baw ta vek a, ka coffee thlauh buak chuan ka kè vèlah ala per zui, asa lutuk, ka chhîp te hi a thîp vek thei,


"Nangmah vâng vek anih hi"


Tih tuarh pah chuan hmanhmawh zet hian a tlân thla nghâl dâwr dâwr a, chèt mai na châng pawh ka hre lo, a awm dân kha râpthlâk ka ti lutuk, ka lakah alo thinrim viau pawn tiâng èm èm a a chèt duh hi ka ring phalo rèng rèng, hmeichhe nasa tak a ni.


Ka rilru ana hlè bawk, mittui tling kiau chuan ka tray thlauh chu ka chhar nghâl mawlh mawlh a.


Ka mittui pawh ka dang zo tawh lo, arawn luangthla ta ngiai ngiai mai, hetiânga hmuhsitna hi ka tawng fo tawh na a, ngâiah ka nei thei lo, high school ka kal lai zawng zawnga ka tawn deuh reng ni mahse ka rilru tina ber tu ala ni fo mai.


"Duhtâwk rawh, lo kal teh"


Tihpahin Min Yoongi chuan ka bâna arawn vuan chu ka lo thing thla sawk a, ka tawng chhuak thei lo, ka âwmah hian min hnawh ut ut mai, ka tawng chhuah vaih chuan ka tap vak dâwn tih ka hre sa.


"Na Ireum, luh lul suh, lo kal teh ka tih chu"



Tihpah chuan min pawt tho nghâl sawk a, a room ah chuan min pawt lût nghâl dâwr dâwr bawk, kawngkhâr chu a kalh zui hmak bawk a.


"Engthil nge maw i tih le? Min kal tîr rawh"


Aw khûr dar dar chuan ka'n ti a, a ngâwipawimawh vak lo niang, ngâwi rengin a towel chuan min rawn hru mawlh mawlh a.


"Ka thil tih buak kha ka tih fâi a ngâi a nia"


Tap âw tiau chuan ka'n ti a, ka insûm thei tawh lo, ka tap ri nghâl hak ringawt, ka pa vângin ka rilru alo na sâ tawh nèn, ka lungngaihna zawng zawng techu an rawn in sâwmkhâwm ang mai hian ka ngaihtuahna ah techuan an rawn lût zut zut a.


Towel chuan min rawn khuh vekin min kuah bet ta thlawp a, tan pawh ka tang buai peih tawh lo, a âwmah chuan beiin ka in hnît hlap hlap reng ringawt.


"Keima thiâmloh vek anih kha, nangmah hmel bel phèt che a tum a, ka thiâm loh a ni"


A ti ve sup a, thil mak tak a ni, Min Yoongi hian ngaihdam min dîl ve nia, ka mumang tepawh a ang zâwk, ka chhâng tawh lo, min kuahna tang chuan ka tâl thla nghâl vat a.


"Ihh...coffee kha rawn pèk che u ka tum a, engmah ka hre lo a nia"



Bah niai chuan ka'n ti a,


"Pd Adora chu ngaihdam ka lo dîl dawn nia"


Tihpaha kal mai ka tum chu min pawt lèt deuh sawk a, kawngkhâr ah chuan min nawr betin chiang zet hian min en leh kar tawh, ka chil chu ka lo lem khalh a.


"Ngati nge lem i chan reng a? engmah hre lo angin awm tawh suh Na Ireum, ka rilru put hmang hi i hria tih ka hre reng, chuan ka rilru put hmang ang hi i pu ve tho tih ka hre bawk"




Thinrim inseh ruh tûn a atih tâkah chuan ka lo enkar a, a rilru put hmang hi sawi chhuak lo se, engmah hi thleng lo se ka ti ngawih ngawih, ni e, ka duh alawm, mahse kan inkâr hi keipawn ka hrethiám lo,min duh ve tih ka hria, ka ring thei angem ka hre lo, rin erawh ka duh a, mahse ka chiang lo, kan inkâr hi engtin nge a awm zèl dawn ka hre lo, inzawmna kan siam dûn thei lo, a hlauhawm zia hi ka hre chiâng lutuk tlat, kan inkârah engmah a awm rih lo chung pawn tiâng hi ka tawng a nia.


"Min Yoongi i thusawi awmzia ka hre lo"


Ka lo ti ve hmak a,


"Hre lo der rèng rèng suh, nizâna ka awm dân vâng khân, min peh hèl i tum reng a, chu pawh ka duh che tih i hriat vâng a nih kha"



A tih chuan amah chu ka enkar a, mi fing tak chu a ni ve chiâng alawm.


"Min thlah rawh, nang hian min duh tak tak lo, i rilru a buai rih a nih kha, nakinah kan inbe leh dâwn nia"


Tipaha tâl chhuah mai ka tum chu ka hmûi ah chuan dimna tel hauh lo min rawn fâwp ta tâwn tâwn a, dan nachâng pawh ka hre lo, ka lo dawh ngar ngar ringawt nia, min thlah leh nghâl vat a.


"Ti khân i hrethiâm tawh em? Nge ni a ka unau teho bulah khuan ka kiss leh dâwn che"


Chiang fak hian arawn ti a, ka zak lutuk, ka awm dân hi, ka lungphû te, awi arang leh dut dut tawh, engmah sawi lo chuan ka hmûi hup chungin kawngkhâr chu ka hawng rawk rawk a, ka tlân chhuak nal nal ringawt.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 17th, 2020, 3:38 pm

MAD LOVE (SUGA FF)

CHAPTER-9

BY

HLUTEI JOCUND PACHUAU


Duh angin a thui thei lo tih ka hria, current kan nei regu lo lutuk a, 🤧


Roomah chuan lût in ka âwm chu ka dawm vang vang a, thil theih a ni lo, ka tih tâwp a ngâi, anih loh chuan hmangaihna khurah ka tlu lût mai ang tih ka hlâu a ni.



Ka kawr huh zawr vek chu thlâkin kawrlum lian chu ka ha a, kekawr hâk nuam tak tlèma tight lam chu ka ha leh tawp a, Min Yoongi room lam chu ka pan leh vat bawk.



A room kawngkhâr bula coffee baw nuaih chu ka ti fâi nghâl sawk sawk a.


Arawn chhuak mai ang tih ka hlauh vâng chuan ka hmanhmawh hle, ka hmu ngam tawh lo ka zak tlat,ka phone ri ral ral ka en chuan Wooje lek chu lo niin.



"Hello?"


"Na Wooje unaunu ini em aw.."


"Aw ni e....tunge inih a?"



"Na Wooje zirtîrtu ka nia, i unaupa hi nikhaw hrelo a a tlûk vângin damdawiin ah a awm mèk a,i buai loh chuan i rawn kal thei angem?"



Ka thâ chu a khûr nghâl zawih zawih thei.


"Thei e, tinge chutia a awm a?"


"Zu an in lai man an ni a, a hrem nân school kan tlân hual tîr a, chuan nikhua a hre lo zui a"



A thusawi chuan min ti phuzawk thei,


"Awle, ka rawn kal nghâl ang"



Ka thil ken lai chu Inhnuailamah chuan ka tlân thlâkpui dáwr dâwr a, rilru fîm pawh ka pu thei lo, tlân hlîr chuan ka vei kual zak zak a, Midang lah chuan phâwk hrû hian min lo en tawp ringawt, Yeontan lah chuan min lo zui det det reng leh nghâl.



"Ireum i rilru ava hah hmèl ve?"



Jin chuan min ngaihtuah hmèl zet hian alo ti a,


"Nia, ka nau in buaina a tâwk a, damdawiinah ka kal lawk a ngai"


Tihpah chuan inchung lam chu ka pan zui leh mai , ka roomah chuan lûtin ka bag leh ka pawisa neihsa zawng zawng chu la chhuakin chhuah leh mai ka tum chu Min Yoongi alo ding kur mai.


"Khawnge i kal dawn?"


A zawhna pawh chu ka ngâipawimawh tawh lo, chhâng lo a kal pelh mai ka tum chu ka bânah chuan min vuan chawt a.


"Nang nena inhniâl hman ka ni lo, min thlah teh"


Tâl chhuah ka tum chu min vuan nghet sauh amaw tih tûr a ni.


"Ka zawhna che kha chhâng rawh"



Arawn ti nghut a, ka thin a rim tûn tawh.


"Damdawiinah ka unaupa in buaina a tâwk a, ka kal vat a ngai, min thlah teh"



Ka'n ti chuai raih a, ka rilru a hah tawh nèn, ka thâ te hi a khûr der der mai.


"Khawi damdawiin ah? A tha lo viau em?"


Arawn ti leh lawi si, ka hmûi hnuailam chu pet ngar ngar in thâwk chu ka'n la hawk a,


"Ka hre lo, ka kal vat a ngai"


"Ka lo hruai ang che"



Tihpah chuan min kâi thla nghâl dâwr dâwr a,


"A theih loh, practice i ngaih kha"



Ka'n ti deuh hlak a, ka thusawi chu hrelo ang hmakin a awm leh tawh.



Inhnuai kan thleng thlâ chu ka kut a vawnna chu tâl thlâk ka tum a, min thlah duh dèr lo, Midang ho chuan phâwk hrû hian min lo en hlawm a.



"Hyung, khawnge in kal dawn?"

Jimin chuan mak tih hmèl zet hian alo ti hû a.

"Na Ireum hi ka va hruai lawk ange, min lo va kalsan mai ru"


Tihpah chuan min kai chhuak nghâl dâwr dâwr a, a tih ang ang chuan ka awm tawp ringawt, sawi sawi mahila min ti lui tâl dâwn tho.



MIN YOONGI POV



Ka car a lukhum ka dah that chu khumin mask chuan ka hmâi chu ka tuam vat a, ka in khalh chhuak zui nghâl bawk.




Ka phurhnu lah chu hmanhmawh tih hriat zet hian a che deuh sek sek a, a hawi kual zak zak reng ringawt.


"Khawi damdawiin ah nge?"




"Kwangdong Damdawiinah"



"Enga?"


Ka'n ti deuh thawt a, Kwangdong ber kher, Gangnamah hian Hospital a tam teh rèng nen engemaw a lûn lai berkher a an dah le?


"Lo kal ve a ngai lo ka tih ka tih kha"


Ati niah niah a, nui suk pahin a biangah chuan ka va piai zauh a, rum zet hian min melh reuh leh nghâl, a thinrim hian a duhawm zual ka ti, ka lo nuih suk ringawt.


"Na Wooje i va han châk dâwn lo tak"


Amah chuan aphun sep sep a, nimin lawkah apa vângin a tap a, tûnah a unaupa vângin a rilru a hah leh èm èm a, Mahse Na Ireum hi ala hlim thei tho, a khawvèl thlîr dân ang hian thlîr ka châk a, a hlimna ang hi neih ve ka châk takzet a ni, Buaina a ngah tehrèng nèn ka tân theih tâwp ala chhuah ve khanglâng chu nia, kei lahin ka lo ti hrehawm ve chhèn bawk si, Sual ka in ti ngawih ngawih.




____________




Rei vak lo ah Kwangdong Damdawiin chu kan thleng ve nghâl mai a, parking a ka car ka tih din rual chuan a chhuk thla nghâl sawk sawk mai.


"Ka lawm e, ka kal nghâl mai ang"


"Ding teh"


Ka tih chuan rang zet hian tukverh ah arawn dâk leh a,

"Min nghah pawh i tum lo a"


"Enga! I rawn kal thei lo ang, mi in an hre dâwn che sin, bâkah practice i ngaih kha"


Aw râwl lah chu ring tha phiân leh nghâl, ka chhâng tawh lo, car atang chuan chhuk thlâ in a bânah chuan ka vuan chawt a, Damdawiin in chhûngah chuan ka luh pui nghâl vat.




___________



"Na Wooje hi khawnge a awm?"


Tiin Receiptionist bulah chuan a zâwt a, chu nû lah chuan min en duh èm èm leh nghâl, ka lo kun daih ringawt.


"Saw lamah sâwn a awm"


Tihpahin a nau awmna lam ni âwm tak chu a kâwk a, Na Ireum chuan hmanhmawh takin chu nû kawhna lam chu a pan zui vat bawk, a hnungah chuan ka zui ve reng a, a bawp tâwi tehrèng nen ala kal chak reuh phiân leh nghâl.




Room pakhatah chuan min luhpuiin a unaupa a zawng ni âwm tak hian a hawi kual zak zak a.



Mipa khat la naupan hmèl tak, awmna lam hi a pan nghâl chat mai, a unaupa ani tih ka hre thei mai, an in ang reuh phiân leh nghâl, Mahse Na Ireum ang lo takin a len hmèl zèk mai,



"Na Wooje, zu in lo tûrin ka hrilh mawlh mawlh che kha, ka pa vânga ka rilru hah tawh tehrèng nèn, nang tal chu tianga i awm hi ka ring lo sin"



Thinrim hmèl zet chuan a unaupa damlo mu reng chu a hâu mial mial a, an bulah chuan ka lo ding ngâwi ve reng a, a unaupa chuan min en hrek hrek mai.


"Noona...min ring lo mi? Ka in ve lo, ka thiante khân an in a, chuan zu kha ka kawrah min tih buak palh a, Noona, ka in lo tak tak"



A unaupa chuan alo ti ve nghâl mawlh mawlh a, a unaunu chu a zah thiâm hlè mai.


"I thian techu kâwm tawh suh, in zirtîrtute nakinah ka la rawn hmû ang"



Tih hlak pah chuan a khum bula thutthlèng ah chuan a thu a, min rawn en vat.


"Lo thu ta che"


Dam diai hian arawn ti a, a nui leh var var tawh nia, keipawh chu a bulah chuan ngâwi reng hian ka thu thla ve a.


"Ani hi tunge?"


"Ka thian a nih hi...Min Yoongi hei hi ka unaupa a nia"


Min hmèl hriattîr nghâl zung zung a,


"Ka tihpalh Noona, i rilru tih hah ka tum vâng a ni lo nia"


Inthlahrun hmèl zet hian a nau chuan a ti ve sup a,


"A pawi lo, ka sawi kha hre reng rawh aw, zu in loh tûr, sports lam engmah ti lo bawk la, nang leh zèl hetia i awm chuan engtin nge tha takin ka hna ka thawh theih ang"



A unaupa kuta vawn pah chuan dam thlap hian a ti a, Tûn ah hian ka hre chiah, Na Ireum hi hmeichhe puitling tak a ni, an unau an in hmangaih dân èm èm te hi, hetiânga awm ve hi ka châk lutuk.


"Anih ngaihzawng i nei em?"


A unaupa chu zak tih hriat zet hian arawn khuh kharh kharh a, henu lah hi, a unaupa ngaihzawng thleng thleng thlan sak a tum emaw ni le?



"Nei lo, Noona, i ti ang lo thei lutuk"


A ti ve sup a, Na Ireum chu a rawn nui hak mai, keipawh chu an unau inkâwm melh melh bulah chuan ka lo thu ngâwi ve kur a, a kar lakah ka lo nui ve suk suk ringawt, mahse a unaupa a tih dân hi control a tum mah mah in ka hria, ani ang rual techu Basketball khelh te nuam ti tâwk chauh ala ni sia, mahse phal loh chhan a nei pawh a ni mai thei, engmah henû lah hian a sawi duh si lo.




______________




NA IREUM POV




Doctor ten ka nau chu a ngaihtuah awm loh thû an sawi vângin in lamah kan haw leh ta zawk a.


Min Yoongi khân kan in thleng min thlahin ani chu company lamah a lèt leh tawh thung, ka ngai nghâl veng veng mai, Min Yoongi hi misual tak chu alo ni lo nih hi.



"Noona, Suga khân tinge a rawn zui ve che a?"




Ka nau in arawn tih chuan ka âw chu ka'n thiân kharh a.


"Ani kha ka damlo enkawl lai anih kha, mahse zèp tlat tûr aw"



"Avan mak, an ni techu an lâr lutuk, kan school hmeichhe ho phei chuan BTS hi duh lo an awm lo ang"


"Ka hria lawm"


Ka lo ti vat a, ka nau chu kan inkâr hi hrilh duh viau mahila la zèp rih ka duh zâwk, a ngaih ka ti tha lo palh ang, bâkah ka bialpa a nih leh nih loh pawh ka la hre lo.



"Noona, ka tha tho sia, zan in pawh rawn riak lo mah la pawi lo, a nuam ka ti chiah lo a"



Inthlahrun hmèl zet hian a ti leh tawh, Min Yoongi phalna ka lâk ber techuan ka riak âwm emai.


"A pawi lo, min mamawh chuan min lo call mai ang"



______________




Chaw ei kham chuan keima khumah ngèi mai ah chuan ka'n mu dar dar a, ka khum hi Ka awmna khum ai khân tè zawk mahse ka ngâi veng veng mai.



Ka phone ri ka hriat vèleh chuan ka en vat a, Min Yoongi message lek chu niin, hepa hi a â ta mawni le? Min rawn call ve mai âwm,


"Ka ngai lutuk che"


Tih ringawt hi a rawn thawn a, ka lâi lutuk chu ka nui vur vur ringawt, khumah chuan ka'n tâl vak phawt a.


"Damdawi kha ei theihnghilh lo la, tui deuh in mut i tum dâwn nia"


Tiin ka'n chhânglèt vat a, ti hian kan in date tihna mawni le? Engmah ka hrethiám lo, mahse nuâm ka ti bawk si, min kiss lai techu ngaihtuah zuiin Ka puan sin lai techuan ka'n in khuh ringawt a, ka zah zia kha, tiângkhân alo zei tih ka hre miah lo.



A rawn call ta nge nge a, ka chhâng a ngem? Ka âw techu ka'n thiân hmasa phawt a



"Hello"


"Na Ireum"


A rawn tih ringawt a, a ngâwi leh daih, a chauh hmèl èm èm leh nghâl.


"I tha em?"


"Aih, ka tha lo"


Arawn ti hmuk a, a buai leh em ni ang?


"Enge thleng a? I tha lo viau ami? Ka rawn kal dawn em?"


Ka'n ti nghâl chûl a, khum atang chuan ka inperh tho nghâl at bawk.


"Ka bulah i mu thei dâwn si lo a, ka mu thei dâwn lo, rawn kal mai rawh"



Ka nui sak a, hepa hi, buaina a tâwk amaw ka tia, van hahthlâk tak, tûnah tak hi chuan naupang chhia ka ti ngawih ngawih.


"Min Yoongi, naupang chhia pawh inih loh kha"


Ka'n ti hlak a, mahse ka nui vur vur tho.


"Na Ireum nang hi min ngai ve miah lo tiraw"


A tih chuan ka âw chu ka'n thiân leh kharh a, ka lâi leh tlat tawh.


"Engvângin nge ka ngaih ngawt ang che ka bialpa pawh ini hleinèm"


Ka'n ti ve a, zei hi ka inti ve em em ringawt.


"Ka ni lo mi?"


A rawn ti lèt hû a,


"Ka sawi tawh kha, kan pahnih chuan inkawp thei kan ni lo, kan inkawp vânga Ka hnâ ka chân vaih chuan ka chan tûr chu i hriat kha"



"Hmaichhanah sawi ang, ka rawn kal dawn"



A off zui hmak a, hèpâ hi, ka phone chu ka en ngar ngar ringawt, engtin nge ka tih ang le? Kei hian lo pawm ta ila, midangin an hriat chhuah chuan ka tân a pawi thui dâwn tih ka hre chiang.



Room atang chuan ka tlân chhuak nghâl vat a.



"Wooje kal lawkna tûr ka nei a, ka chhuak lawk dâwn nia"



Min chhân hma chuan ka chhuak zui hmak a, kan in hi a lian vak lo na a, mahse a fâl reuh ang reng khawp mai, ka nu damlai ami daih tawh kha a nia, ka nu duh dân angin a bul vèlah chuan pangpâr kan chîng teuh bawk, pangpâr hi ka ngaina hlè a, a bîk in Daisy pâr hi ka ngaina zual bawk.

_____________

Gate pâwnah chuan ka lo nghâk rân a, a vawt bawk si, ka kut leh ka hmâi te hi a hik mum mum thei, Bike ri ka hriat vèleh chuan ka lo ding mar nghâl at a.



Helmet full face khum mahse Min Yoongi a ni tih ka hre thei, ka zâwnah chuan arawn ding vat a.


"Chuang rawh"


"Enga!...khawnge kan kal dawn?"



Ka lo ti nghâl vat bawk, kan in ah arawn lût dâwn maw ka lo tia.


"Helai atanga hla lo tè ah"


Tih ringawt chuan min chhâng a, ngaihtha zân lo chuan ka chuang zui ve mai bawk a.




____________




Hmân zâna kan kalna ngâi bawk ah khân min hruai leh tawh, nui sak chung chuan ka chhuk thla ve vat a, ka thutna ah bawk chuan ka thu leh tharh a, ani pawh chu a rawn thu ve mai bawk.



"Na Ireum nang hian min hnâwl itum tih min hrilh miah suh"



Thûm deuh chhur hian arawn ti a, a âw leh a hmèl hi a in rem lo ka ti thei nia.


"Min Yoongi"

Tihsap pahin a hmèl ka en chu mask alo vuah tawh lo, lukhum erawh a khum tho, a vawt a ti ve a niang a hnâr hmâwr chu a sen tèk a, a thaw khu hlat hlat bawk.


"Min hnâwl tum suh"


Ati leh nghut a, ka mittui pawh a rawn tling leh nghâl ngiai ngiai tawh, ka biang tawn tawnah chuan rawn vuan in chiang zet hian min enkar a, a kut erawh chu a lum nuam thur thur lutuk.


"Engmah hlâu lo tûra min zirtîrtu inih kha, engmah hlâu suh, min ring tawp rawh"



A ti deuh hmuk a, mahse thinrim hmèl erawh a pu tawh lo, a thusawi chu ka ngaihtuah vang vang a, mipa rintlâk tak a nih ngèi pawh ka ring, ka thinlung hian a pawm hmiah thei nia.


"Ka tihpalh, kan dinhmun a in thlâu bawk sia, kei aia tha i hmu em em ang Min Yoongi"


" Nang aia tha techu Hmu tehrèng e, mahse nangmah ang hi an awm ve hleinèm"



A tih chuan ka en vang vang a, min fak na nge min sawisèlna phei chu ka hre lo, Lawm tûr nge thinrim tûr pawh ka hre chuang lo,chutia kan in en vang vang tâkah chuan min kiss a tum in ka hria, a rawn hnâi tial tial a, ka lo maimitchhîng nghâl vat.



Ka mit zâwnah tak a lukhum hmakawh chuan min chhun sawk a, ka meng nghâl zawk thei, a lukhum alo dâl lek chu lo niin.


Ri lo chuan chuan min lo nuih char char a nih chu, ka zah tawh tehrèng nen, a hmâi chu hupin kûn chung hian a nui char char leh nghâl, ka thin a rim lek lek tawh.


"Nui tawh suh"


Tihpahin a dârah chuan ka bèng sawk a,


"Ka tihpalh, ka lukhum hi ka lo theihnghilh daih a"



Nuih insûm tih hriat zet hian arawn ti a, a pum a dawm vawng vawng bawk, ka zak lutuk hi khûk ral daih mai ka duh, ka lo inrin ve tawh tehrèng nèn.


"Lo kal teh"



Tihpahin min kâitho vat a, a thim lai deuh ah chuan min kalpui dâwr dâwr mai,



A thim lai kan thleng chu a lukhum chu a phelh vat a, thim mahse kan bul vèl a èng vek vângin kan la in hmu thei tho.


A bulah chuan ka lo ding ngâwi kar a, min rawn en pah chuan a nui suk mai, ka lo lâi leh èm èm tawh.



Ka biang tawn tawnah chuan rawn vuan in min fâwp nghâl vawng vawng a, keipawh chuan ka lo chhânglèt nghâl vat, eng ang pawn hnâwl tum mahila ka thinlung hi ka thunun thei bîk lo, kan hlimna hian eng chen nge a daih dâwn hre lo mahila tûnah rih chuan ka hlim takzet a ni.



Min fawh hnû chuan min kuah zui vang vang a, keipawn a kâwngah chuan lo kuah ve in a âwmah chuan ka bei hlè hlè mai.



"Min Yoongi nang hian ngaihzâwng i nei nual tawh tih ka hre mai"



Ka ti sap a, a nui hak tih a taksa che dawt atang chuan ka hre thei.


"I ring dik ang"


A ti ve sup a, ka hmûi ka lo ti pawrh vak ringawt.


"Tu te nge?"


Ka'n ti nghâl vat a, dâk vahin a hmèl chu ka en kar bawk, min chhân tum hmèl pawn a awm lo, min rawn kuah leh a tum chu ka lo indang vat a.

"Idol ve tho a mi? Pakhat tal i date tawh em?"


Ka hre châk lutuk hi ka za leh cheng tawh mai.

"Aw..min zâwt tawh lo la, hetiang lam sawi hi nuam ka ti lo"


A tih chuan a nuih sak a, a biang tawn tawn ah chuan a kareh zâu hawk thei khawpin ka'n piai a, a thin a rim miah lo mawle.


"I duhawm reuh lutuk, Putarte i ang"


Za zet chuan ka nuih a, ka nui lai chu min en vang vang pah hian a nui ve suk suk mai,


__________


Thutthlèng uai thei ah bawk chuan kan thu dûn leh a, a dârah chuan ka lû chu ka nghat pah reng bawk, nuam chu ti viau mahila a vawt ka ti lutuk, ka ke hmâwr te hi a hik vek thei nia, a hmèl ka'n en chu thil tam tak ngaihtuah ni âwm fahran hian a melh ngai chu alo melh ngar ngar a,


Ka rin aiin ngaihzâwng angah tawh hmèl, mahse BTS hrim hrim hi chu kei hetiang music lam ngaina ngâi miah lo pawn ka hre ve a, an lâr bawk a an luck hlè pawh ka ring, Keipawn ngaihzâwng tachu nei ve tawh tho mahila pakhat bâk ka la nei lo, ani hi chuan a nei nual tawh tih a zei dân atang hian ka hria, an lo va inthup thei tak, nakinah a bialnu hlui te ho chu ka la dâwp chhuak leh tho ang, Girl group ho chu ka hre ve nual a, tû tak ni hlawm ang maw, mahse an lo hmelthat hlawm viau khân keimah ka insit rum rum dâwn tih ka hre sa, nurse ve mai ka nia, ka hmeltha fâlin ka pian lah a nalh èm èm bîk bawk si lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 17th, 2020, 3:39 pm

MAD LOVE (SUGA FF)

CHAPTER-10

BY

HLUTEI JOCUND PACHUAU


Story kar laka Ads click tûr awm zeuh zeuh thin kha lo click zèl ru aw hmeltha ho😉😘

NEXT MORNING




In lamah chuan zân chu ka riak ta tho a, ka nau eirawng bâwl sakin Min Yoongi te awmna lamah chuan ka lèt leh nghâl vat a.




"Ireum i unaupa chu enge an?"



Namjoon chauh common room ah alo awm chu niin,

"A tha lutuk, ngaihtuah awm a ni lo"



Nui var var chuan ka'n ti a, a phone chu min khawihsan leh mai bawk, inchung lamah chuan chho in ka room aiin Min Yoongi room lam chu ka pan hmasa zâwk a, tûk in zîng khân min rawn be miah lo, a tih thin dân a ni lo ah ngaiin ka ngaih ka ti tha mai a, mahse ani hi harsatna te alo tâwk leh palh thei tlat.



A room kawngkhâr chu ka'n kik karh karh a, kawngkhâr arawn in hawng chiah chu ka mengbial nghâl kâwk mai.


PD Adora maw! Tinge hetah a awm le? An in zawmna a chhu chat tawh ti khân a sawi sia.


"Enge ni ta? Mak iva tih hmèl ve?"


Ngei awm zet hian a ti a, engthil nge thleng hi engmah ka hriat chian hmâ chu thinrima ngaihdân siam nghâl ka tum bîk lo.


"Ti hran lo e, Min Yoongi a that leh that loh rawn zawh ka tum a"


Pângâi tak chuan ka'n ti a,


"A inbual a, Unnie tiin ka ko mai ang che, i laka ka chèt dân vâng khân a pawi ka ti takzet a ni"


Inthiâmlo âwm fahran hian a ti a, a inthiâmlohna a hmèl atang hian ka hmu hlawl lo,ka va han bèng châk tak.


"A pawi hleinèm, hriat sual palh vâng chauh a nih kha"


Ka lo ti ve mai a,


"Ihmaw..Oppa hian min hrilh fiah vek tawh a, chuan kan inkawp leh tawh"


Awlsam zet hian ati a, ka thinlung hi ana zawk thei, a room kawngkhâr a adin tlat vâng chuan a room chu ka'n thlèk dèk dèk a.



"Lo lût rawh"


Awlsam zeta tihpah hian kawng chu min kiân ve mai a, a room ka lût chiah tih chuan Min Yoongi pawh bathroom atang chuan arawn chhuak ve a, min hmu chiah chu a ding dat mai, ka rilru natna te thup bo in ka'n nuih sak a.


"I mu tha em? Mamawh i neih ka ring a"


Ka'n ti sap a,


"Ka mu tha lo, i hriat kha, mahse damdawi kha chu ka ei lo nia"


A tih chuan ka nui sak a.


"Anih chuan ka lo va chhuak a nge"


Tihpah chuan chhuah leh mai ka tum a, PD Adora chu chibai ka bûk zauh bawk.


"Na Ireum ding lawk teh"



Arawn tih chuan ka mûr chuaih thei, chhîng sawk pah chuan ka ding dat a.


"I dinhmun report theh luh ka ngai sia, ka hmanhmawh a nia"



Min en leh rûn tawh,


"Oppa, ka thusawi kha ka la sawi zo lo a nia"



Adora pawh chuan alo ti ve vat a, engmah sawi tawh lo chuan ka chhuak nal nal ringawt.



Manager Sejin hnèna report theh luh tûr chu ka siam fel mawlh mawlh a, tûnah rih chuan damdawi a ei tawh lo a, chuan a buai khât tawh khawp mai, ka mut pui thin thû te thleng chuan ka ziak tel vek a, zèp kher tûla ka hriat loh vâng a ni.



___________TIME SKIP______



Manager Sejin in ka report ziah a chhiar chu aw thiân kharh pah hian a tarmit chu a siam tha zauh mai, ka mutpui tih ka ziah lai kha a chhiar thleng tawh a niang, a chhiar zo tih hriat zet hian lehkhabu chu dawhkânah dahin min en vang vang a.



"Engmah a thleng lo maw?"


A rawn ti sup a, ka nuih tepawh aza lek lek zâwk e a.


"Manager teuh lo mai, hei techu ka tân chuan thil âwm lo tak pawh a ni lo, thil thleng pângâi tak alawm"


Ka tih tâkah chuan a bu ve nghauh nghauh a,


"Anih enge i ngaihdân? Kârleh mai khi Concert an neih hun tûr a ni tawh sia, tha taka a tih theih i ring em?"



Ka ngaihtuah vang vang a, tûnah hi chuan ka beiseina a sâng lo khawp mai.


"Ka beiseina chu sâng lo mahse tha taka a tih theih nân ka theih tâwp ka chhuah ang"


Manager chu rilru hah hmèl zet hian thâwk chu a'n la hawk a.


"PD Nim hnènah thulh tûrin kan ngèn mai dâwn em ni? PD Nim pawh a beiseina a sâng bîk lo a"


Beidawn hmèl zet hian a ti sup a, ka khawngaih let ling zawk.


"Ni lo e, Manager lungngâi mah tache, Min Yoongi chuan a ti thei em em ang, ka ring tlat a ni, an concert tûr hi kan thulh anih vaih chuan An Fans te kan ti lungâwi dâwn lo sin"


"A dik alawm, PD Nim nèn chuan i lakah rinna kan nghat a nia Ireum"



A tih chuan ka chil chu ka lem khalh a, ka mawh phurhna sân zia hi ka hrechiang zual sauh in ka hria, mahse ka inrin tâwkna tekha khawnge a awm tak? Huihhaa....


"Ka theih tâwp ka chhuah ang"


Ka ti sap a, mahse a rûk tak chuan ka hlâu rilru khawp mai.



_______TIME SKIP________




Ka kutah an nghat a nih chuan ka theih tâwp ka chhuah tûr a ni.


Min Yoongi roomah chuan ka'n lût tlang pawp a, Adora alo awm tawh lo hlauh, ka rilru natna te thup bo in ka theih tâwp ka chhuah ang, balcony ah chuan coffee in pahin alo thu veuh veuh a nih chu.

Rang zet chuan ka pan nghâl dâwr dâwr a,


"Tho rawh"


Ka'n ti ringawt a, mak tih hmèl zet hian min hau ringawt.


"Min Yoongi i thutna tang khân tho tûrin thû ka pe a che"


Ka tih chuan phun hluk pahin a tho ve mai a, in kuangkuah hlûn a mitmeng tih zîm deuh sawr sawr pah a min en khûih takah chuan ka zâm leh nghâl dèr tawh.


"Nichin vâng khân i lungâwi lo tih ka hre mai"


A ti sup a,


"Lo kal teh"



Tihpah in min tih thin dân ang chuan a ban rèka vawn pahin a room lamah chuan ka'n luh pui a, inhnuai lamah chuan ka chhuk thlâk pui dâwr dâwr bawk.


"Na Ireum, enge tih i tum le"


A ti nuah nuah a, a chhe zawi ve ngawt mai, mahse a natna vâng a ni bawk si, Midang ho chuan mak tih hmèl zet hian min lo en hû hlawm a.



An bulah chuan ka thut tîr ve hmiah bawk, Min Yoongi hrilh hai hmèl chuan ka nuih ati za ngèi mai.


"Game khèl ang u"


Ka tih chuan phâwk hrû hian min en hlawm a.



"Eng lam?"


Jhope chuan alo ti vat a,


"Ka hre lo, nangmah ni'n thlang ula"


"Nia, ti ang u"


Jungkook pawh chuan phûr hmèl zet hian arawn ti a, an duh ang Game chu khèlin kan hlimpui khawp mai.



_____________



MIN YOONGI POV





Zan in tlâi chu ka hah ngèi mai, Na Ireum hian tinge maw min tih duh dah sâwt èm èm le? Adora ka room a hmuh vâng khân phuba lâk a tum te hi ni lo maw le?



Khumah chuan ka muthla hnawk a, Na Ireum rawtna vângin kan zai ho a, kan lâm ho a, ka hah lutuk, ka nuih na ah ka pum te hi ana vek thei nia, midang lah chuan nuam an ti phian leh nghâl.



"Min Yoongi"


Ka room arawn kik leh dawt dawt tawh, vawiin chu ka ning lek lek zâwk, nî dangah hetiâng min tih tîr ngâi si lo a, henû tèreuh hian a thu hnuaia min dah a tum ve khanglâng amawni le.



Kawngkhâr ka hawng chu alo nui var var a,


"Hawh...rawng bâwl dûn ang"


"Ajhuma awm reng kha Na Ireum min chawlh hahdam tîr ve teh"



Ka lo ti nûng nûng a, ka bânah chuan vuan in min chhuah pui lui ta tho, peih lo viau mahila a thinrim ang tih ka hlauh vângin a tih ang ang chuan ka awm ve ta tawp a, zaidam reuh viau mahse a thinrim chu a hlauhawm reuh viau ka ring, engemaw he hmeichhia tereuhtè hi ka laka a lungâwi loh ka hlauh èm èm chhan pawh hi ka hre lo e a.



Choka ah chuan chawhmeh chi hrang hrang hi alo inchhawp dul mai,

"Hei hi kan siam vek dâwn tihna mi?"


Ka tih chuan a bu nghauh nghauh a,


"Khawnge Ajhuma?"


"A dam lo a arawn kal thei dawn lo lawm, Ei rawng bâwl i thiam tih Taehyung shi in min hrilh vek, bâwl dûn ang, awi a nuam dâwn e"


A nui leh ver ver tawh, za lo zet chuan ka nui ve hak ringawt, Kim Taehyung chu a châk lo khawp ang.


"Na Ireum,Ka lakah phuba lâk i tum a ni lo maw? Tinge vawiin i a awm dân hi?"


A hmèl ka en chuan a hmûi chu a ti pawrh zauh a,

"Min Yoongi, khatiang mai mai a thinrim a titau rual pawh ka nih loh hi, Keichuan ka ring che a, Hlim takin awm dun ka duh, ring tûr che in min ti a ni lawm ni?"


Awlsam zet hian a ti reuh a, a thusawi chuan ka nuih a ti za tlat, nui hak pah chuan ka pawt hnâi a, ka kuah nghâl vawng vawng ringawt, tinge maw he hmeichhia hian min hîp em em le?


"Engmah ka hmu lo nia"


Tih rî ka hriat rual chuan ka thlah vat a, ani pawh a in la hrang rang khawp mai, Hoe Seok chu nui vur vur hian arawn kal a.


"Ireum hian Min Yoongi nèn rawng kan bâwl dâwn a ti tlat a Hyung"



A ti deuh lûng lûng a,


"A dik alawm"


Ka lo ti ringawt, kan inkâr hi chu vawiin atang hian sawi kher ngâi lo in an hriat vek tawh ka ring, tlang takin kan indate tih sawi kan hreh ve ve sia, keipawn ka hreh tho.



"Ireum, Hyung hian eirawng bâwl a thiam teh mai nia aw"


Na Ireum chu alo nui sak a, kei erawh chuan sangha siam ka tum vângin ka buaipui nghâl daih thung.


"Tu eirawng bâwl thiam thiam kan ti dâwn lawm"


A ti sa sa rî chu ka lo hre pha reng a, ka nui suk ringawt, naupang chhia lutuk mai.



NA IREUM POV




Ei rawng bâwl tu ber a nih vâng chuan min tirh na piangah chuan ka kal ve zèl a, ka thû a âwih phiân leh nghâl, ka hlim veng veng mai, diktak chuan keimah pawn ka ti vek thei tho a, midang pawn rawng chu bâwl tum tho mahse ka phalloh tlat vângin an ti lui bîk lo, Min Yoongi chu a roomah inkhungin a in ngaihtuah hah leh ngut ngut anga, ka hmuh phâk lo a hrehawm a tuar tûr chu ka phallo, in ngaihtuah hahna hun a neih loh nân vawiin nilèngin ka vèng a, ka tibuai char char bawk, min ning tih ka hre reng, chuan a châu tawh hlè bawk ang, mahse hetia a taksa a sawizawi hi a tân a tha zâwk, a rawngbâwl tûrh tûrh lai chu thlâ ka lo lâk rûk sak char char a.


"Ti khân i hmeltha lutuk"


Ka'n ti zauh , nui suk chung hian min rawn melh zawk ringawt, a bulah chuan dingin uluk zet hian ka en vang vang a.

"Engemaw i tih le?"


Mak tih hmèl zet hian min rawn en hû mai,


"Bialpa eirawng bâwl thiâm ka neih ka in ring lo a"


Ka tih chuan âtthlâk tih hmèl zet hian a nui hak a, a hlimna nih dâwn phawt chuan âtthlâk tak tak chet te, thu mâwl deuh deuh sawi te hi pawi tihna ka nei lo, ka hnâ a nih mai bâkah ka bialpa a ni tawh tlat.


"Min Yoongi, kei hi min bum kual mai mai a nih vaih chuan i châk lo ngawt ang"


Tihpahin chemtè chu ka'n lek vâ a,

"I mâwl reuh emai a"


A ti sup ringawt, Adora thusawi kha ka theihnghilh a ni bîk lo, ka hrereng tho a, mahse ka rilru tih hnual nân hman ka tum lo, Inkawp leh ang pawn lo ngâi mahse tûnah hi chuan ka chhuah dâwn bîk lo rèng rèng, min âtchilh bur theih nân hma ka la sauh sauh zâwk ang, Hetiang inbeihna rèng rèngah hian tlâwm ka tum ngai lo, hei hi ka mizia chu a ni, Min Yoongi hian min duh thû min hrilh hmasa a, ka tâ a ni tawh tlat, midangin min chuhpui ka rem ti lo bur.





Thil dang ka theih ang ang chu ka lo siâm ve a, eirawng bâwl chu high school ka kal lai atang tawh a ka kuta awm chawt a nih vângin ka thiâm lutuk tlat, ka siam tui èm èm pawn ka hre lo na a, ka pa leh ka unaupa in ka eirawng bâwl sa chu tui ti takin an ei ve ziah tho.



___________



Kan bâwl zawh chuan thlèng chu ka'n khâwng ri vak a,mahse tûmah an la rawn chhuak lo.



"Enge maw i tih le?"


Min Yoongi chuan a ti sup a,


"Kha kha ka tih thin dân a nih kha"


Awlsam zet hian ka ti a, tih ngaihna a hre bîk lo niang a nui hak ringawt.


"Zan riah kan peih tawh ania"


Ring zeta tih pah chuan thlèng chu ka'n khâwng ri leh vak vak a,


"A tâwk...... a bengchheng"



Min rawn lâk sak hmak a, ka lo nuih hak ringawt.


"Ireum kha kha enge awmzia?"


Jimin chuan arawn ti lût niah niah a, an rawn inzui thâm thâm mai, Chaw ei dawh kânah chuan an thu ta thap a.

"Ka tih thin dân a nih kha"



Ka lo tihsan hmak ringawt, keimah chuan chaw ei chu ka siam mial mial a, ngâwi reng chuan min lo nghâk ve thap mai.


"Ireum Shi ka lo pui ang che"



Jungkook chuan tihpahin ka chaw hmeh siam sa chu alo chhawp mial mial a.



Min Yoongi sangha siam ka hâwp chhin chu tui tak a ni, alo siam thiâm tak tak a nih hi.


"Enge an?"


A rawn ti sup a, nui var varin ka kut zungpui chu ka lo hmuh zauh ringawt.


Phûr hmèl zet hian an ei zui ve mai a, vawiin tlâi chu nidang aiin ka ei hnem in ka hria, ka thau leh vak ang tih chu ka hlâu khawp mai.

_______________TIME SKIP________




Min Yoongi chu a hla thar tûr record tûrin a chhuak daih a, ka lung a lèng nghâl veng veng mai, midang hian kan inkâr hi an hriat ve vek tawh ka ring, mahse engmah an sawi bawk si lo, hre lo ang hmakin an awm in ka hre ber.



"Ireum shi, Sozu in ang u hmiang"



Jimin chuan arawn ti lâng lâng a, rang zet chuan ka chhuk thla nghâl vat,


Jimin, Jungkook, Taehyung, techu pangpâr huan ah chuan an lo thu thap a, Sozu ûm li vèl hi an lo chhawp bawk, zân ni mahse pâwnah chuan light an vuah fur a vângin inchhûng lam ang tho in a èng bawk, a vawt bawk a niang an lo thaw khu hlat hlat hlawm mai, an bulah chhan ka thu thla ve vat a.



"Ireum, i in thei lo viau em?"


Taehyung chuan nui sâng hian alo ti a, Yeontan a pawm lai chu chhuhsakin ka pawm sak nghâl vat bawk.


"Ka in lohna a rei tawh a, ka in theih vak ka ring lo, mahse min lo thlit"


Tihpahin no chu ka la a, nui vur vur pah hian min lo thlit nghâl vat bawk, Ka'n tlâk nghâl pawp a, ka then sawk thei nia, a tui loh zia hi, a kha si, ka kawchhûngah techuan asa thla up up thei nia.



"Hyung nèn hian in inkâr a that tawh hmèl kan lo tia"



Taehyung bawk chuan a ti leh a.


"Tha tehrèng mai, a tha mah mah"


Ka lo ti vat a, an nui dar dar mai, an hre ru reng tih ka hria, min dâwp an tum ve ni ngèi tûr a ni.



"Hyung nèn hian in inkârah engemaw a awm tiraw?"


Jungkook chuan alo ti vat a, ka nui nghâl var var mai, ka hmâi hup chung chuan ka'n tè that that a, an nui nasa hlawm ngang mai, ka zah a piangin tiang hian ka tè chiâm zèl.


"Ireum hi i lâi ka vawikhat hriatna"


Jimin chuan nui hak hak pah hian arawn ti a,


"In awm dûn deuh chawt sia, kan hrethiám lutuk che u ,mahse kan hmuh lai chuan in duat lutuk lo ula, nei velo tân hmuh a hrehawm"


Taehyung chuan a ti sup a, nui hak pahin a dâr ah chuan ka bèng taih ringawt.





MIN YOONGI POV




Ka haw chu pangpâr huana Midang lo ti ti mawlh mawlh ka hmuh chuan ka pan vat a, naupang ho chuan an in ve khanglâng a ni maw.



"Hyung, Ireum chu a rûi lutuk a, a mu tawh"



Jimin chuan meng pawh meng tha mang lo hian a ti a, enge maw an hriat bîka an nuih a zat èm èm chhan pawh hi ka hre lo e a, an nui char char hlawm leh nghâl, ka in ve châk vak loh vâng chuan ka luhsawn ta hmak a.



Na Ireum chuan a in ve tak tak amawni le, a room chu ka'n thlèk dèk dèk chhin a, a awm miah lo, henu hi khawnge a kal ang? Ka room ah a awm amawni le.



Hmanhmawh takin ka room lam chu ka pan a, ka khumah chuan Ka kawr lum ha chung hian alo mu kâk a nih chu,ka nui suk a, ka bag chu dahin a bulah chuan ka in thawlh ve nghâl vat.


"Ilo haw tawh maw?"


Meng mang lo hian arawn ti niah niah a.


"Iva in hnem âwm ve"


"Mmm...zan in chu ka in teuh a, ka rilru tih thâwl nân mawle, chuan i kawrlum hi ka ha ve tawp"


Rûi tih hriat zet hian arawn ti leh niah niah a, a biang tâi tèk bawk sia a duhawm ngèi mai.


"I kawrlum ka ha hi i thinrim lo tiraw?"


Mit meng zîm sar hian min rawn en a.


"Rim lo e, muhîl rawh"


Ka lo ti ve mai a, mut chhuah hmèl zet hian a nui hak mai.


"Dik tak chuan, bialpa neih a hetia an kawrlum hâk sak te hi ka châk ve thei lutuk a, a romantic ka ti tlat, iti ve em?"



A rawn ti chuan ka lo bu nghauh a, ka tih èm èm phei chu ka hre chuang lo, mahse a lâwmna ni bawk sia,


"Adora khân in in date leh tih a sawi a, nang hian beiseina i siam tih min hrilh miah suh"


A rawn ti chuan mak ti takin ka en a, Adora chu tûk in zînga ka room a ka hmuh bâk kha ka la hmu miah lo, chuan a thusawi pawh ka ngaihthlâk sak duh lo bawk,henû hian dâwt a sawi chiang khawp mai, hetiânga a huang tâu telh telh dâwn a nih chuan a châk lo ngawt ang.


"Dáwt a sawi nih chu, Na Ireum min ring rawh ka tih kha"


"Ka ring che lawm, mahse maw kha thû a sawi lai khân ka rilru na lutuk a, mahse a pawi lo, khanû lakah khân chân che ka tum lo bur"


A tih chuan ka nui suk a, a biangah chuan ka piai zauh bawk.


"A thusawi vâng chuan zu te i in a?"


"Ni lo e, rilru hahna dang ka ngah lutuk, ka nau chu ka ngaihtuah lo a, mahse ka pa kha a thin thlâk tur kan la hmu thei si lo a, a rang thei ang bera thlâk anih loh chuan a nunna in a tuar dâwn an tia"



A hmèl chu ka en vang vang a, nui hmèl pu mahse a rilru erawh ana ngawih ngawih tih ka hmu thei, tinge engmah a sawi loh le? Tûnah pawh hian rûi lo chu nise tiang thû hi a sawi miah lo ang.



"Muhîl rawh le, lo kal teh"



Tihpahin ka âwm ah chuan ka bei tîr a, a muhîl chuan ka hria.


A rawn tho leh thut a, nui vûn vûn hian min en kar pah chuan ka kawr âwm ah hian arawn thâm deuh lawp a, ka lo phu deuh zawk leh nghâl, a hmûi chu liak huh hlapin min rawn fâwp ta mai, ka beisei loh lutuk a nih vâng nge chèt na châng pawh ka hre lo.


Min thlah leh vatin lungâwi loh tih hriat zet hian min enkar a,


"I duh lo mi? I kawr hi phelh rawh"


Tihpahin ka kawr chu rawn phelh a tum ta mai, a kutah chuan ka lo man sak vat a.


"Engthil nge maw i tih le?"


Ka tawngkam a vîn deuh vâng a niang a men pâr mai, Ka hmeichhe duh deuhin hetiânga min sâwm chu hniâl a har ka ti, mahse a ruih laia mutpui chu ka tum lo bur, naktûk zîngah a hre chhuak anga min be duh lo emaw, ka lakah a thinrim anga, kan inkâr hi a ti tâwp mai ang tih ka hlâu, a rilru a len hmèl reuh si, a nasa reuh dâwn lutuk tih hi ka hre chiang lutuk tlat.


"Min Yoongi nang hian min duh ve tak tak amaw ka lo tia, a tha e, kan inkâr a tawp"



Thinrim zet chuan a tho ta hmak a, ka ngaih a ngam leh bawk si lo, a hnunglam atang chuan a kal tûr chu ka'n kuah deuh chawt a, din pawh a ding ngîl thei lo nia mawle.



"Ka tihpalh, khatiâng khân mâwi lo takin ka che tawh lo ang"



Tap âw tiau hian arawn ti leh lawi bawk si, keima lam hawi chuan ka'n kuai her a, a mittui chu a tling kiau leh nghâl, hmeichhe tap thlèm hi ka thiâm loh zâwng tak anih mai bâkah ka peih loh zâwng tak a ni.


"A pawi lo a tha vek, hawh mu ang"


Dam thei ang ber chuan ka'n ti ve a, ka pian tirh ata hmeichhe tap ka vawikhat thlèmna a ni ngèi ang.


Ka khum lam pan pui mai ka tum chu ala ding tlat nia, tûm deuh bâr hian min enkar a,


"Enge?"


Ka tih chuan muangchâng hian min rawn en riai riai a,

"Min kiss dâwn lo mi?"


Ala ti ta deuh deuh chu niin, a awm dân hi in hria se chu a zak viau ang, ka nuih suk a, a hmûi nèm thep leh lum thar thar ah chuan ka'n fâwp vang vang a,min lo chhâng tha phiân leh nghâl, sozu rim ala nam hak zui, a kut khing hnih chu ka nghâwngah chuan a rawn suih nghâl hmak a, hmeichhe dang chu nise ka ngei leh nghâl ringawt tawh in ka ring, mahse Na Ireum hi chu a duhawm vèl vek ni mai hian ka hria, a kâwngah chuan chelhin ka'n pawm kâng nawlh a, a bawp pahnih chuan min khaw kherh vâng mai, a mawng lamah chuan dâwmin la fâwp reng chung chuan khum lam chu ka pan pui a.




Khumah chuan ka'n mut riai riai a, a mit meng de sar sar a min melh techuan a sexy riau in ka hria, ka bawh bet ta rân mai, Ka insûm hrâm hrâm tûr a ni, mahse ka thei tawh bîk lo, naktûkah chuan a duh duhin min ti rawh se ka inhuâm vek.



A thawmhnaw hâk techu ka phelh sak ta vek a, hetiâng hian a pian analh tih ka lo hre miah lo, a bra vâr hâk techu a sexy riau in ka hre vek tawh, muangchâng chuan ka'n fâwp leh riai riai a,


"Naktûkah ka laka i thinrim vaih chuan"


Ka ti sup a, a rawn nui har har mai, keipawh chu ka nui ve tawp a.


"Putarte i ang a nih mai chu a"

Ala ti duh lek chauh, kan nih nih kan ni tawh mai niang chu, duhthâw zet chuan ka'n fâwp tan a, a nghâwngah techuan chuk thla zèlin, ka thil tih tum chu ka'n ti nghâl zung zung a, alo rûm hak hak thîn techuan min ti phûr zual sauhin ka hria.



Ka rin ang ngèiin alo la thianghlim leh nghâl, ka va han tisual chiang tak èm, engmah awmzia awm tawh si lo, "Min Yoongi iti sual tak zet a ni" keimah chuan ka phun sup a, Na Ireum na tuar chu thlan in a bual huh vek leh nghâl, ka tisual chiang lutuk, mahse a sâwt tawh si lo, a duh vâng ni hauh lo in a thianghlimna min hlân dâwn chu nia, mahse inchhîr in awmzia a nei tawh lo.


"Ka tihpalh Na Ireum, engtikah mah ka thlah thlam lo ang che"


Tihsup pahin a chalah chuan ka chuk zauh a, a sîr ah chuan ka let thla nghâl tawp bawk, ka bân chu kham tîrin ka kuah vang vang a, a muhîl nghâl dèr mai.




NEXT MORNING



NA IREUM POV




Ka harh chu Ka taksa te hi a rawn na ut ut mai, ka hmeichhiatna techuan min rawn tur ut ut a, enge ka chungah thleng hi, ka'n hawi kual a, Min Yoongi roomah ka mu tih ka hre chiah, thawh mai ka tum chu thil ka hre chhuak zawk mai, Kei hian thawmhnaw ka lo ha rèng rèng lo, LaLPa lehh.....!!!!!!....ka chungah enge thleng? Min Yoongi erawh ka hmu miah lo, ka puan sin lai chu ka'n keu hawng a, a ni thei lo.....engthil nge ka tih tâk hi? Ka ngaihtuahna te hi a buai vek, ka thâ techu arawn khûr zawih zawih a, ka mittui a luang nghâl ngiai ngiai bawk, he khawvèla ka thil neih hlut ber ka chân tih chu hrilh chawp ngai lo in ka hre nghâl mai.



Min Yoongi chu bathroom atang chuan inbual zo tih hriat zet hian arawn chhuak a, min hmu chiah chu a ding dat mai, inthiamlohna in a khat tih a hmèl atang chuan ka hre mai.


"Enge ka chungah itih?"



Aw khûr dar dar chuan ka lo ti a, khumah chuan rawn thu thla ve in min enkar a.


"Ka tihpalh, ka tum rèng vâng a ni lo"


Inthiâmloh hmèl zet hian a ti a, mahse ka thin a rim tho, ka phalna pawh ala miah lo, hetiâng mi lek hi maw alo nih? Ka duhna hi rem chângah lâk alo tum reng tihna em ni ang?


Thawh mai ka tum chu ka dâr tawn tawnah chuan arawn vuan a, ka lo tang ve tang tang bawk, mahse mipa zâwk na na na chu ka hneh lo chiang kher mai.


"Kal bo rawh ka hua che"


Tap tiau chuan ka ti a,


"Ka tihpalh ka tih chu, engmah ka siamtha thei tawh dâwn lo tih ka hria, mahse engtikah mah ka kalsan lo ang che, Na Ireum min ring rawh"


A ti ve sup a, a hmèl atang chuan a ti ve tak tak tih ka hmu thiâm mai, mahse tûna ka thil chân ngaihtuah hi chuan ngaihdamna tham ala ni hauh lo.


"Ka roomah ka kal dawn,vawikhat mah i roomah hian ka rawn kal tawh lo ang"


Ka tih mawlh mawlh lai chuan a room chu kawngkhâr chu a rawn in kik karh karh mai, phâwk hrû hian kan in en dûn a,


"Hyung"



Jeon Jungkook a ni tih ka hre nghâl, rang takin ka puansin lai chuan ka in khuh nghâl sawk sawk a, a khumah chuan ka muleh nghâl thlawp bawk.


Min Yoongi pawh chuan kawngkhâr chu a hawng zui tih a thâwm tang chuan ka hre thei.


"Hyung, vawiin chu i jacket kha ka ha ve dawn"


A tih ri chu ka lo ngâithla kar a,


"Awle, la ta che"


Min Yoongi pawh chuan pângâi thei ang ber hian ati a, ka thin te hi a phu dèp dèp mai, kan inkâr hi hre vek tho mahse a roomah ka riak tih an hriat vaih chuan ka tân a zahthlâk dâwn lutuk.



"A nih ka kal, Morning u, Ireum nangpawh aw"


A ti ta mai, phâwk hrâ chuan ka meng a, ka puansin lai chu ka hawng nghâl vat, Min Yoongi chu ka'n enkar a.


"Engtin nge ka awm tih a hriat?"


Ka'n ti ringawt a,


"Ka hre bîk lo"


A ti sup ringawt, awi ka zak lutuk, Min Yoongi khumah chuan let thla leh tawpin a lukham chuan ka hmâi chu ka nawr vak a, ka tè vak vak ringawt.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 17th, 2020, 3:39 pm

MAD LOVE (SUGA FF)


CHAPTER-11

BY

HLUTEI JOCUND PACHUAU




Ka tho leh hluai chu mak tih hmèl zet hian min lo enkur a,


"Hnunglam hawi rawh"




Ka tih ruâl chuan ngâwi reng hian a hawi ve mai a, hmanhmawh takin ka thawmhnaw chu ka inbel sawk sawk a, a khum atang ka tho chu bedsheet a thisen kâi niai ka hmuh chuan ka tim uai thei, thâwk la hawk pah chuan Ka kal nghâl vat bawk.


"Na Ireum"


Ka chhuak tûr chu ka ding dat a, amah chu ka en nghâl vat.


"Ka tihpalh"


Min en vung vung a, ka hnunglam ka hawi leh nghâl daih, chhâng tawh lo chuan ka chhuahsan nal nal a, ka room ah chuan lûtin khumah chuan ka bawk thlawp ringawt, ka mittui luang ngiai ngiai chu ka hru nghâl vat a.


"Nu ka tihpalh, vawikhat mah zu ka in tawh lo ang"



Ka ti sap ringawt, ka nu khân pasal ka neih hmâ chu ka thianghlimna vawng him tlat tûrin min ti kha nia, ka nu duhthusâm pawh ka ti hlawhtling thei si lo, Min Yoongi chu ka haw lo, diktak chuan ka thiâmloh zâwk a ni, a roomah te khân va kal dâwk dâwk lo ila chu tiang hi a thleng miah lo ang, a room a ka kal kha ka hriat hnuhnun ber a nia, ni leh lo, a kawrlum ka hâk sak lai pawh ka hria, Ka va han mâwl tak.





Ka taksa te hi ana ngut ngut mai, ka luak te a chhuak a, ka châu nghulh mai, khawsik tûr ang mai hian vâwt ka ti er er reng leh nghâl.



Mahse ka hna ka thawh tho a ngai, Min Yoongi room lam chu ka pan vat a, alo awm tawh lo hlauh e, a bedsheet chu ka thlâk sak nghâl sawk sawk a, ka fîmkhur loh chuan mualphona lian tak a thleng thei tih ka hriat vângin a bedsheet ka thisen kâina chu paih tûrin ka dah ta daih a.




Inhnuai lamah chuan ka chhuk thla ve vat, mahse ka ke pèn zawng hian ka bawp hi a khûr ru der der thei nia, ka awm dân chu min hriat chhuah mai ka hlauh vâng chuan ka inthup hrâm hrâm a.



"Ireum i mutui em?"



Jimin chuan nui sâng hian alo ti a, ka lo nui lui sak ringawt, a bulah chuan ka thu thla ve nghâl a, Min Yoongi erawh ka hmu lo, a hla thar buaipuiin a chhuak leh tawh a ni maithei ni, a chhuah dâwn techuan mite hrilh ve tûr a nia, ka thin a rim deuh tûn a, ka tah te hi a chhuak ut ut mai, hepa hi tinge maw mi care hi a thiâm thlâwt loh le? Min ngaihsak dân a thiam lo nge ni anga min ngaihsak lo ve hrim hrim zawk pawh hi ka hre lo e a.


"Ivan nawm loh hmèl ve"



Jin chuan ngaihthat loh hmèl zeta min en vung vung pah hian a ti a, nui lui sakin ka lû chu ka lo thing ringawt, ni e, zèp lo chuan tûnah tak hian ka khua a sik in ka hria, ka thaw techu arawn sa huam huam a, choka ah chuan kalin tui chu ka'n in khawlh khawlh a, a vawt ka ti lutuk, mahse tinge ka thlan tuiin min bual tho nia.



Taehyung leh Jungkook techuan rawng an lo bâwl mial mial a.

"Puih in ngai em?"



"Aih, Coffee i duh em?"


Jungkook chuan zâng vah hian alo ti a, Jungkook hi ka hmu hreh deuh tlat, min man Chiang nasa mai sia, keichu eng ang pawn biru mahila Chhuat laia ka thawmhnaw tla darh nuaih atang khân a hriat vek tho sia.


"Aw...duh tho"



Zuai raih a tihpahin ka thu thla hnawk a, dawhkân chu ka bawh nghâl ngiai bawk, tinge ka chauh èm èm le? Hetianga awm hman hi ka ni lo sin, mahse ka chau lutuk, men pawh ka meng tha thei lo.


"Ireum, tinge a? I tha em?"



Jungkook min kohna chu hla deuh atang hian ka hre ruai ruai a, ka hmâi ah arawn bèng thak thak tih pawh ka hria, an pahnih tawng chu mumang ang mai hian ka hre ruai ruai mai, bân tha chakzet hian min pawm nawlhin inchung lamah chuan min chhoh pui dâwr dâwr a, ka rilru chu a fîm vek, mahse engmah chiang taka hriat theih erawh ka nei chuang lo, ka khumah chuan min mut riai riai a.




"A khuasik a nih hi, Sejin Hyung kan ko mai dâwn em ni?"



Jungkook âw a ni,


"Doctor ko zâwk mai ang u"


Namjoon chuan alo ti ve vat a.


"Chanchin hi Yoongi hyung ka'n hrilh a nge"


Jimin pawh chuan alo ti ve a, Min Yoongi hming an lam vèleh chuan ka tah arawn chhuak ut ut mai, Mahse ka chau lutuk, tap tûr pawn ka mit ka meng peih lo, mahse ka mittui erawh ka bek vèlah chuan a luangthla tih ka hre thei.


"Ireum i tha em? I tap em ni?"



Taehyung âw a ni, chhâng thei ila chu 'Tap e Mawla in zawh hranpa a ngai ami?' tiin ka chhâng ngèi ang, A mâwl zia pawh ka sawi thei lo.



An tawng ri techu a fiah lo tual tual a, a rawn thim ta mup mai.


______________



Ka bân thîp zek zek chuan min ti harh zawk a, ka meng chu ka roomah ka lo la mu reng a, ka'n hawikual chu Min lo en thap mai, ka bânah chuan Drip hi an lo khâi bawk a.



Mahse ka mi hmuh te vâng chuan ka phu zawk thei, Min Yoongi chu ka room a sofa a thu chungin uluk zet hian min lo en kar reng a, a bulah chuan Adora a tel ve bawk, hmundang chu ka hawisan daih nghâl hmak a, ka rilru ana leh ut ut tawh, ka tah mai loh nân ka hmûi chu ka pet ngar ngar bawk.



Jungkook chuan nui var var hian min lo en a, mi dang pawh an nui var var hlawm mai, peih lo chung chung chuan ka nuih lèt ve sak a.


"Ireum, ka rin aiin i rit daih"


Jungkook chuan a ti sap a, midang chu an lo nui hak thung, min pawm chho tu kha Jungkook a ni tih ka hre nghâl mai.


"Ka lawm e, in hna ah kal tawh rawh u ka tha nia"



Nui lui sak pah chuan ka'n ti a,


"Doctor chuan thisen i neih loh thû a sawi a, chuan zân i mu tlèm tih a sawi bawk, Ireum nurse inia, i taksa tâna pawi thei techu i hre lo mi?"



Namjoon chuan thutak zet hian alo ti a, ka mut theih loh chhan leh ka rilru hah chhan hi tûmân hre lo se ka duh, sawi pawh tûlin ka hre lo bawk.


"Nia, zân menrei hi ngâi ah ka nei tawh a, taksa in a tuar pawh a âwm lo hran lo"



"Ireum i dâng vek a nia"


Jhope pawh chuan alo ti ve a, ka lo nui hak ringawt, kan inbiak mawlh mawlh lai chuan Min Yoongi chu ngâwi ngal hian kil khatah chuan alo thu reng a, engemaw tal sawi ve se ka ti, Mahse PD Adora awm ve tlat bawk si, Jungkook chu ka mit mei zauh a, Adora chu ka'n melh leh zauh bawk, a hrethiám a ngem le? Hriatthiam loh hmèl zet hian min la en hâ zui.


An chhuak ta sap sap hlawm a.


"Noona, min pui lawk thei angem? "


Jungkook chuan a ti a,A hrethiâm chu ka nui ru sak sak mai, fing reuh lutuk.


"Enge?"


Adora chuan alo ti ve vat a,


"Ka hla ah a nia, tlèma tih danglam deuh ka duh a, min lo pui lawk teh a"


"Awle tehrèng mai"



Awlsam zet hian a ti a, An chhuak tûr chu ka lo mit sîr reng bawk.


"Oppa enge ila tih dawn?"



Ka lo then sawk thei.


"Lo va chhuak ru"



Min Yoongi chuan awki hniâm zet hian a ti ve sup a.


"Noona kal ang tih tûr ala nei alawm Hyung chuan"



Jungkook chuan a kâi chhuak dâwr dâwr a,Taehyung lah chu a lo nui vûn vûn ringawt, ngaih that loh hmèl zet chuan PD Adora chu a chhuak ve mai a,ka rilru in ka nui ver ver ni maiin ka hria.



Kawngkhâr a kalh ri rak tih ka hriat rual chuan ka thin te hi alo phu leh dup dup tawh.



Ka lo enkar a, ka khum bula Couch ah chuan ngâwi rengin arawn thu ve mai a,


"Nangmah vâng a nih hi"


Ka lo ti nghâl ngawt a, a kiai sak ringawt.


"Ka hria lawm, ka tihpalh lutuk"


A ti ve sup a, Min Yoongi zia pawh hi a dang leh tawh, a chauh hmèl ngawih ngawihin ka hria.


"I tha em? Na i nei ami?"



Ka tih chuan tûm deuh hmuk hian min rawn en a.


"Na Ireum, min ngaihtuah theih dinhmunah pawh i din loh kha"


Vawt ruih hian a ti a, ni tak e, keipawh hi a, ka che over mah mah in ka hria.


"Ka hria, hetia ka tih vâng hian ka ngâidam che tihna ni lo nia"


Ka'n ti leh hrâm a, a nui hak mai, fiâmthû ka thawh âwm pawh ka hre si lo a.

"Ka hria e, anih min ngaihdam theih nân enge ka tih ang?"



Ka ngaihtuah vang vang a, han sawi mai tûr pawh ka hre lo, thil thleng tawh chu a thleng tawh a ni mai a, engti kawng mahin ka siamtha thei tawh dâwn lo.


"Ka thû âwih la, Chu chu ka duh ber"


Thutak zet chuan ka'n ti a, a bu ve nghauh mai,ngati nge ni dang aia ka zâm tlat le? Ka chhûngril hi a khûr der der mai, Ka khawsik chu a zia tawh sia.


"Chawlh hahdam i duh em? Ka kalsan rih dâwn che mi?"


Chhân tuma ka ân zuau lai chuan Adora chu arawn lût thut a, ka ngâwi hmak mai, a zawhna pawh chu ka chhâng tawh lèm lo.


"Oppa min va thlah la, haw ka duh tawh"



Min Yoongi bulah chuan rawn thu in a bânah chuan a vuan a, a vawnna chu ka lo en tlawk tlawk ringawt, ka puansin hnuaia ka kut chu a rûk chuan ka lo hûm ngawt ngawt a, Ka rilru ana, mahse ka inthup hrâm hrâm a ngai.


Min Yoongi chuan min vèng thâwng tih hriat zet hian min rawn melh zawk pahin Adora kut chu ala thla vat a.


"Ka peih lo, Car i nei reng alawm"


Alo tihsan hmuk a, Adora chu lungâwi lo tih hriat zet hian a tûm hmak mai.


"Anih lo va chhuak rawh a fâl in Nurse Ireum hi biak ka duh"


A tih chuan Adora chu ka en zawk a, Min Yoongi ngaih tha lo hmèl pawh ka hai lo chiang khawp mai.


"Engmah sawi dun pui tûr i nei lo, haw vat rawh"



Min Yoongi chuan alo ti hmuk a,


"Ka haw dâwn reng, Lo va chhuak rawh hmeichhe lam chungchâng ka sawipui dawn"


A tih chuan Min Yoongi chu chhuak tûrin ka mit mei zauh a, Ngaih that loh hmèl zet chuan a chhuak ve mai a.



Min Yoongi a chhuak chiah chu Adora chuan rum zet hian min en kal mai, eng tak chu min sawipui ang maw.


"Oppa nèn hian in inkârah enge awm?"


Thâwk chu la halh pahin ka'n mengkual ralh a, ka sual ka chhuah ve palh ang tih ka hlâu zawk.


"A damlo a ka enkawl, chuan kan pahnih hian kan inpawh lutuk, i duh chuan Manager Sejin pawh i zâwt thei ang"



Awlsam zet hian ka lo ti a, za lo zet hian a nui hul hak mai.


"En teh, Oppa hi kei aia hrechiâng tû an awm lo ang, Hmeichhe tam takin an hèl a, Oppa hian hnar dân a thiâm loh èm vângin keimân ka hnar sak thin, a then techu pawisa te ka pe a, ka hriat puina thlapa mutpui tepawh a nei, Mahse tûmah rei a date ngai lo, keimah lo chu, ka hrilh ang che, In lo indate anih vaih chuan i rilru i pèk tak tak hma hian kalsan rawh, nakinah i rilru ana lutuk palh ange"


A sawi zâwng chuan ka rilru hi ana ngut ngut thei, mahse ka âwih dâwn bîk lo,


"Min hrilh avângin ka lawm e, mahse vânneih thlâk takin kan indate lo hlauh, I pawisa chu hmeichhe dang laka va vawrh zâwk rawh"


Ka tih chuan a thinrim hmèl chu a sen tân tân thei.


"Chuan a hrim hrim in, hei hi ka sawi tûr a ni chiah em chu ka hre lo na a, mahse Min Yoongi hian heti khawp hian a duh lo che a, tinge kalsan i tum miah loh a, tinge i zar buai reng a?"



Ngeiawm zet chuan ka'n ti a, a ding chhuak ta hluai mai, a en ngâi chu a en ngar ngar a, keilah chuan tawng chhuak fuh in ti fahran hian ka lo enkiau mai.


"A chhan chu kei hian ka thianghlimna ka hlân alawm, chuvângin kalsan ka tum lo a, ka kalsan ngai hek lo ang"



Dâwt a sawi lo tih a hmèl atanga ka hriat chian èm vâng chuan ka nui tâwp riai riai a, ka thinlung hi chem hriâm taka vih ang mai hian ana vawng vawng mai, engmah sawi zui tawh lo chuan a tlân chhuak ta daih a.


A reh vawng vawng mai,a awmzia chu kei chauh ka lo ni lo tihna ni maw, ka mittui chu ka hriat loh kâr in arawn tling leh pam tawh, ka âwmah hian min rawn hnawh ut ut mai, ka mittui chu khap lèt tum mahila ka thei lo, ka tâwt lutuk chu van va dâk chung chuan thâwk techu kan la hawk a, ka thâwk lâk rual chuan ka mittui arawn luangthla nghâl ngiai ngiai mai.


"Na Ireum, tap suh"


Keimah chuan ka phun mawlh mawlh a, mahse ka thei lo, ka tap lo thei lo, tap chung chuan thâwk chu ka'n la hawk thin, ka tâwt lutuk hi awm ngaihna pawh ka hre lo.



PD Adora ka tih dân vâng khân ka inthiâm lo takzet a ni, a rilru na hmèl ka hmuh khân sual ka inti ngawih ngawih, ka hmeichhiatpui lakah thil lian tak ka tisual a ni, kawngkhâr ri rak ka hriat rual chuan ka in lu khûp hmak a.


Thâwm atang chuan Min Yoongi a ni tih ka hria, mahse tûnah rih chuan a hmèl ka hmu duh lo, ka thinrim insûm zolo in a hmâi ah ka tuân palh ang tih ka hlâu.


"Na Ireum, i muhîl lo tih ka hria"


Vawt ruih hian arawn ti a, ka laka a thil tih kha ka thinrimna chu a ni, mahse ka ngaidam vek tawh, a chhan chu keimah pawh ka dik vek bîk lo tih ka in hria, Mahse hmeichhe dang leh zèl lakah pawh alo ti a, ka haw hlur tawh mai, Adora a tih ang te khân min la ti ve lo ang tih pawh ka hre lo, keichuan khatiang kha ka tuar ve thei teuh lo, mahse ka hlutna ber a awm tawh sî loh chuan engtin nge ka awm ang, Min Yoongi hi lo pâwngpaw hauh ve hlur pawh ni ila Adora kha ka ngaihtuah tel zèl anga, hlim takin a bulah ka awm thei dâwn chuang lo, bâkah a thlah mai mai dâwn lo a, kei hian ka nei thei dâwn lo tih ka hre chiang, ka rilru a buai nuaih mai, Min Yoongi hi ka tâ a ni thei dâwn lo.


"Na Ireum"


A rawn tih rual chuan ka in khuhna chu hawng vatin ka thu chhuak hlawl a, rum zet hian ka melh tlawk tlawk ringawt.


"I tap ami? Khanû khân enge lo sawi a?"


Min ngaihtuah hmèl zet hian a ti chûl a, mahse ka chhâng thei lo, ka tawng dâwn hian ka tap dâwn zèl, ka âwmah min hnawh leh ut ut tawh.


"I tha em?"


Ka bianga rawn dawm a tum chu ngawi reng chuan ka lo bèng thla sawk a, a hrilh hai hmèl chu ka khawngaih let ling zâwk.


"Mahni a awm ka duh, chhuak rawh"


Aw khûr dar dar chuan ka ti a, ka mittui rawn tlin kiau vâng chuan ka chil ka lem khawlh ringawt.


"Min ngaihdam theih nân enge ka tih ang? Sawi rawh Na Ireum kei hian ka ti dik lo tih ka hria"


Chang fak hian arawn ti a, ka hmâi chu hupin ka tap ri hak ringawt.


"Chu chu ka buaina ni lo"


Tap âw tiau chuan ka ti a,


"Enge i buaina chu sawi ta che, i ngawih reng techuan engtin nge ka chinfel theih ang?"


Thinrim awka vîn lek lek hian a rawn ti a, ka tah a chhuak zual sauhin ka hria, engvânga ka rilru te hi no thar ta thut nge a nih pawh ka hre lo e a.


Khumah chuan rawn thu ve in nghet zet hian min kuah bet a, ka lo tang ve nasa mai, ka tha neih zawng zawng chuan nemsawn ka lo tum a, mahse a theih dèr loh lehnghâl.


"Min ring rawh ka tih kha"



A rawn ti sup a, min kuahna tang chuan ka tâl thla nghâl vat a,


"A nih hei hi ka zâwt ang che, thudik takin min chhâng ang che"


Ka tih chuan a bu nghauh a,


"PD Adora nèn khân in mu dûn tawh em?"


Rang zet hian min rawn en a, uluk tak chuan ka lo enkar bawk, a rawn bu ta nghauh mai, ka lo maimitchhîng sawk thei.


"A nih, a thianghlimna a hlân che tih a sawi a, chu chu a dik tiraw?"


Ka'n ti leh a,


"Na Ireum duhtâwk ang"


A ti daih a nih chu, ka thin a rim nghâl ut ut mai.


"Min chhân duh loh dân atang hian thudik a ni, a dik tiraw?"


Min en vang vang a,


"Khami zân khân ka rûi lutuk a, engmah chiangin ka hre tawh lo, Ani kha ka khawih leh khawih loh pawh ka hre lo, mahse zîng ka harh khân ka bulah alo mu reng a, Insawi thiam ka tumna lam a ni lo, ka thil hriat zawng ka hrilh che nih chu"


Inthiâmloh hmèl zet hian a ti a, a sawi chu ka ring lo a ni bîk lo, mahse engmah hi tha takin a kal reng thei dâwn lo, tûna thil thlen dân atang hian kan buaina intanna tûr chauh ala ni dâwn tih ka hrethiám nghâl vek.


"Kan pahnih hian duhtâwk ang, Iti tâwp vek mai teh ang"


Amah enkar chuan ka'n ti sâp a, a hmèl chu arawn dur nghâl khup mai.


"Na Ireum"


Thinrim insûm tih hriat zet hian ati zâwi sup a,


"Ka thei lo Min Yoongi, kei hian ka theih ka in ring lo a ni, ka tihpalh takzet"



Ka mittui bawk chu arawn far nghâl fap a, hmèl dur khap hian min en reng ringawt, enge a ngaihtuah pawh ka hre lo.


"Keichuan ka thei ve lo, ka kalsan ve thei lo che, Na Ireum"



Thinrim zeta tihpahin a chhuak nghâl hmak a, kawngkhâr a khâr thuai rî ah chuan ka lo phu zawk thei.


Ka en ngai chu ka en vang vang a, a tîr tekhân ka duh na tekha lu thupin lo hnâwl law law zâwk ila tha tûr a nia.



MIN YOONGI (SUGA) POV





Ka roomah chuan ka mu nilèng thak a, vawi khat mah ka chhuak lo, Adora khán enge alo sawi ang? Ka thinrim lutuk hi awm ngaihna pawh ka hre lo.


Adora chu ka phone a mahse ala duh miah lo, ka phone chu paih ka'n tum ûk a, mahse ka thulh leh, Na Ireum vâng chauh a ni, Kei hian thil tam tak ka lo tisual tawh tih ka in hria, Mahse Na Ireum vângin ka bânsan vek a, Tûnah chuan kan group ah leh amah ah bâk rilru pèk ka tum tawh lo, mahse hetiânga a awm chuan engtin nge rilru hahdam takin ka awm theih ang? Ka tân a pawimawh a ni, ka chân phallo, Hmeichhe danglam tak a ni a, Mi a ngaihsak thiâmin a rilru a nghet reuh phiân a, a tuar a chhel zèk bawk, hmeichhe dang ang a ni ve lo, ka tân chuan a danglam a ni, engvânga chân hlâu ngawih ngawih nge ka nih pawh ka in hre lo, hmeichhia ka thinlung zawng zawng ka pèk ve awm chhun a nia a, ka chân phallo.



Khum atang chuan ka'n thu chhuak vang vang a, engtin nge a rilru ka thlâk sak theih ang? He hmeichhe rilru nghet leh luh lul zet hi kei hian ka hneh thei angem? Ka hre lo.


Kawngkhâr chu tu emaw hian arawn hawng ri rak a, ka hawi phei chu Taehyung hi alo nui lût var var a, Yeontan apawm pah bawk.


"Hyung"


Nui var var hian ka bulah chuan arawn thu a, Yeontan chu chhuatah chuan a zuang thla nghâl vat a, a tlân kual leh char char tawh.


"In inti thiâm lo em ni?"


Min enkur pah hian ati sup a, thâwk la hawk pahin ka lo bu nghauh ringawt.


"Ireum chu a tap a, mahse a chhan kan zawh pawn engmah a sawi lo"


A thusawi chuan min dek nghâl zawk a.

"A tap nasa viau em?"


"Aih, mahse a rilru ana hlè tih ka hre thei, in intih thiâmloh nachhan chu ka hre lo na a, mahse kan tân pawn a nuam lo a nia"


"Ka hria, siam that ka tum mèk alawm"


Ka tih chuan a hmûi chîp hmek pah hian a bu nghauh a.


"Ireum chu ka lo be dawn em ni?"


Ka ngaihtuah vang vang a, engmah phei chu a sawi kuak ka ring lo, mahse a tumna hrim hrim pawh hi a fak awm.


"I tih dân dân le"



Ka lo tih san mai a, Yoentan chu pawmin nui var var pah chuan min chhuahsan leh mai a, Eng tak chu va sawi pui ang maw, Chuti taka a rilru a nat leh sî techuan tih tâwp tum lo in min ring tawp mai se tha tûr a nia,han tih vak ngaihna ka hre dèr bawk si lo.



___________TIME SKIP_________



Rei fè khumah chuan ka in ngaihtuah a, ka tâwt up up reng mai, ka room kawngkhâr kik karh karh ri ka hriat rual chuan ka hawi vat a.




Ka mi hmuh vâng chuan ka phu zawk thei, Na Ireum chu alo ding vâng mai, Hoodie hring duk lian zet hi a ha a, A hnuai ah chuan kekawr thâwl lam a ha bawk, Fila sneaker lian zet chu a bun a, a sam chu sâng zet hian a tâwn bawk, hetianga a inchei hi ka la hmu ngâi miah lo.



"Insiam rawh"


A ti ringawt a, a mit chu a tahna vâng a niang a bui deuh, mak ti tak chuan ka lo en tlawk tlawk ringawt.


"Insiam rawh ka tih chu"



Awka vîn lek lek hian a ti a,

"Khawi ah nge kan kal dawn?"


Ka lo ti deuh hû a,


"Exercise ka lâk pui dâwn che, ka thû anga i awm chuan ka ngaidam ang che ka tih kha"



"I dam that loh kha?"


Ka tih chuan thaw hak pah hian a mengkual ralh a,

"Ka dam tha lutuk, kha chu ka tuar tûr ve rèng alawm, hmeichhe then khatah chuan an thianghlimna an hlauh hian tiangkhân an taksa in a tuar thin a"

A ti sam èt a,


A awm dân hi ka hrethiam lo, Min then a tum khân ka hre sia, tûnah lungâwi deuhin a rawn lût leh bawk sia, Taehyungie chuan a hmin mai thei emaw ni le,engpawh nise a thû ang chuan awm leh phawt mai ang, he hmeichhe tereuhtè hi ka hlâu ve em em chu ni sia, hetiâng hian ka la awm ang tih rin ngaihna rèng ka hre ngai lo.




Ka t shirt dum chu ha in Nike Pants dum bawk chu ka ha a, Bandana dum ka hrèng bawk, a vawt ka tih vângin Fila jacket chu ka ha leh tawp bawk a.



Bathroom atanga ka chhuak chu min lo la nghák ve rân mai, min hmu chiah chu a mittui chu alo hru nghâl sawk sawk mai, a awm dân hian ka thin a ti rim tèp tawh, engmah ngaihtuah lo in min ring tawp mai se ka duh a ni, mahse a hlim pawn ka hre bawk si lo, hlim luih a tum ni maiin ka hre zawk, nui lui sak pah hian ka bânah chuan arawn vuan a.


"Kal ang le"


Zâng vah hian a ti bawk, ka lung chu âwi lo ru viau mahse amân a tan hmasak loh chuan engmah ka sawi rih lo ang, A awm ang ang hian en tawp rih ila, a tawrh theih loh hunah chuan min hrilh ve mahna, mahse keimah zâwk hian ka dawh rei thei angem ka hre lo a ni.




Kan inzui thlâ chu midang ho chuan min lo en thap hlawm a.


"Khawnge in kal dawn?"



Jungkookie chuan alo ti hâ a,


"Exercise ka lâk pui dawn?"


Na Ireum chuan awlsam zet hian alo ti a,


"A ni maw!...keipawh ka rawn kal ve dawn"


Phûr hmèl zet hian a ti a,


"Keipawh ka rawn kal ve duh"


Jiminie pawh chuan alo ti ve vat a, an va han chhâw tak èm.


"Keini chu Gym ah kal zâwk ang u, Hyung va kal ru"


Taehyungie chuan alo ti vat a, Jungkookie leh Jiminie chu an hawi hè hâw mai.

"Mahse Gym kal ai chuan a hrisèl zawk alawm"

Jungkookie chuan ala ti ta deuh deuh, Taehyungie chuan Kal tûr in min mit mei zauh a, Na Ireum bânah chuan vuan in arang thei ang ber chuan ka chhuah pui zui vat bawk.



Kan Awmna building hnunglam chu kan pan dûn a,


"Ding lawk teh, ding ang, ka hah lutuk"


Thaw hliam hliam chung hian a ti a, a kawng dawm chuan a ding thle ngawih ngawih mai, keipawh ka hah ve tho.


"Exercise ka lák lohna hi a rei tawh lutuk a"


Hah hmèl zet hian ati deuh nâng nâng a, thutna awmah chuan ka thutpui nghâl vat.


"Nichin khân tinge ilo tah a?"


Awki hniâm zet chuan ka'n ti a, hlau thâwng tih hriat zet hian min rawn en zawk a, a hawisawn leh nghâl daih.


"Ka nu ka ngâi alawm, a thlân pawh ka tlawh lohna a rei tawh lutuk a"


Ka ngâwi leh mai a, ka âwih em em chuang lo.


"Chuan i thû chu ka âwih a, inthen chungchâng kha i sawi leh dawn em?"


Ka tih chuan min rawn en kiau a.


"Nang hian thudik min hrilh ka ring a, ka ringhlel ngai lo che Min Yoongi, chuan ka ngaidam bawk che, mahse...kan inkâr hi engtik ah emaw kan la chhut chah tho a ngai dawn"


A thusawi chuan min ti thinrim nghâl tûn mai.


"Tiang chuan tu in nge sawi?"


Ka'n ti nghâl thah a,


"I hrethiam lo nih kha,in kawp tûra ruat kan ni lo, Nang chu PD Adora tâ liau liau kha inia, in inkârah ka rawn tla zep ve ni maiin ka in hria"



Ka thinrim lutuk chu ka nui hul hak mai, Hlauh hmèl zet hian min en kiau a, ka ding hluai ringawt, ani pawh chu rawn ding ve in min chhoh en kar a.


"Khanû tâ kha ka ni lo, chuan tû inkârah mah i tla zep lo bawk, Na Ireum kha ila ni tak tak em? Tinge i rilru i thlâk thut reng a?"


Thinrim zet chuan ka'n ti a, ka awki pawh a sâng lek lek mai, Mittui tling kiau hian min rawn en ta kar a.


"Ka hlâu alawm, Engtikah mah a thlah dâwn loh thû che a sawi a"



Tap âw tiau hian a ti a, a mizia dang lutuk hi mak ka ti zawk, a hmâ ang kha a ni tawh lo, duh aiin a pangchang mah mahin ka hria, mahse ka nin phah chuang lo.


"Anih chuan kan inkâr hi hrilh vek ila, ka kalsan theih loh che tih thleng hian hre rawh se"


Inseh chilh rapa tihpahin kal mai ka tum chu ka kawngah chuan min lo vuan ve tang tang a.


"A ngai lo, khawngaihin ti suh"


A tap ta hlap hlap a, ava han hahthlâk tak, hetiang hi a ni ngâi lo asin mawle, nghet zet chuan ka'n kuah thlawp a.


"Khatianga i awm khân ka haw tlat zèl che nia"



Tap pâr chung hian arawn ti a, ka thin a rim viau na a, a awm dân hian ka nuih ati za tlat a nih chu.

"Min ring tawp rawh, engmah ngaihtuah buai a ngai lo, keimah chiah min ring la, engkim a fel vek a ni mai"



Ka thiam ang tâwk chuan ka'n thlèm ve a,

"Ka tihpalh Putarte"


Tap âw tiau chuan arawn ti leh a, ka lo nui hak mai, hetianga in koh hi duh lo viau mahila Na Ireum in min koh hi chu ka haw phal miah lo, mak ka inti zawk.



"Duh aiin i pangchang mah mah in ka hria"



Ka tih chuan ka kuahna tangin a tâl thla vat a, lungâwi loh hmèl zeta min en chung hian ka dârah min bèng taih ringawt.


"Ka duh vâng a ni bîk lo, ka awmdân hi keipawn ka in ngei ve tho"


Thinrim zeta a tih chuan za zet hian ka nuih a, ani pawh arawn nui ve mai bawk, a in hmeh ve thlâwt lo alawm.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 17th, 2020, 3:39 pm

MAD LOVE (SUGA FF)

CHAPTER-12

HLUTEI JOCUND PACHUAU



Ka edit hi duh angin a fiah lo maithei ni, naupang ho an bengchheng lutuk a ka rilru ka pe thei lo.



1 WEEKS LATER





"Min Yoongi tho rawh"



Ka room kawngkhâr ri dawt dawt ka hriat rual chuan ka in lukhûp hmak a, Hetiang hian kâr khat chhûng khân zîng hma takah tho in min kâi tho ziah a, Exercise min lâk pui thin, Na Ireum hi chu hmeichhe mak tak a ni, a châng chuan a châu ve thei lo amaw ka ti lek lek zèl.


"Min Yoongi i rawn hawn dâwn loh chuan thinrim dâwn nia"


Ka hmingpum hlîr hian mi hi a ko lehnghâl a, A bialpa hi ka ni tak tak em tih pawh ka hre tawh lo.


Ka hawn hma chu a bengchhen reng dâwn vângin peih lo zet chuan tho in ka hawn sak leh ta nge nge a, a thinrim dâwn maw ka tih laiin alo la nui var var zui.


"Tûkin chu exercise ka lâk pui lo mai ang che, Naktûk mai hi Japan Fan meeting a in kal hun tûr a ni tawh sia"



Rawn luh tlang pah chuan ati mawlh mawlh a, ngâwi rengin ka room kawngkhâr chu ka khâr vat a, ka kalh zui hmak bawk.


"Chuan?"


"Keipawh Ka duty dâwn a Medical lamah"



Ka nui suk a, engtin mah awm dûn thei dawn lo mahila ka hmuh phâka a awm tûr chu ka lâwm hrim hrim.


"Keini chu Manager in Zan in a thlâwk chhuak tûrin min tia, tûmah hmèlhriat ka nei dâwn si lo ka peih lo e"



Ka khumah chuan a thu thla hnawk a, a ti ti hi chhâng ngâi èm èm lo mahila amah pawh hian a tlei tâwk èm èm zèl tho.


"Thian thar i siam ang chu"


Ka lo ti ve zauh a, min rawn en hâ pahin a hmûi a ti pawrh zauh.

"PD Adora akal ve ang tiraw?"


"Mmm"


Ka lo ti liam puât a, a ngui nghâl rawihin ka hria,

"Tinge i thîk ami?"


"Thîk deuh reuh"


A zèp ve ka lo ring a, thil a sawi phawng phawng thin hi ka lâwm ru tlat leh nghâl, Nui hak pahin bathroom ah chuan ka luh san ta daih a, ka ha ka nâwt nghâl mial mial bawk, min rawn la zui zèl a nih chu, enge maw tûkin hi a hriat reuh le.


"Mak ti vak duh suh, ka lung a lèng dâwn lutuk"


Tûm deuh hmân hian bathroom bang nghèng chung chuan a in kuangkuah thân a, ka kam ka thuah zawh chuan ka bulah pawt hnâiin ka'n kuah vang vang a.


"Min ngaih vângin i lo tap vèl a nge aw"



A rawn tih chuan za zet hian ka nui chhuak a, Ani pawh a nui tho, amah zawk hi tap tûr chu a ni reng sia.



___________



NA IREUM POV




Kan in lamah chuan ka lèt leh a, Ka passport vèl chu ka la nghâl vek bawk, ka nau pawh arawn bâng tèp tawh ang.


Ka ril a tâm reng vâng chuan ei tûr chu ka zawng ruk ruk reng a, Chaw leh Chaw hmeh alo awm nual mai, ka ei nghâl sawk sawk a.



"Noona?"



Wooje chuan mak tih hmèl deuh hian min lo enkur mai,


"I rawn haw tawh alaw?"


Ka thil ei lai chu ka eisan leh nghâl daih a.

"Tinge i rawn haw?"


"E nia, Japan ah kan kal a ngai a"

"Engti tûrin?"

"Fan meeting an nei dawn a, Ka duty tho a ngai sia, zan in ah kan kal dawn vângin ka rawn kal zuai anih hi"


Ka tih chuan a bu nghauh nghauh a,

"Wooje"

"Huh?"...

"Ka awm dâwn si lo a, ka pa kha vawikhat tal lo tlawh hrâm la"


A ngâwi ta vang vang a,


"A tha lawm"


Min chhâng dâwn lo maw ka tih hnû ah chuan min rawn chhâng ve hrâm alawm, ka nuih sak a.

"Ka insiam tawh a, Company ah kal tûra min tih vângin ka kal nghâl mai dâwn nia aw"



"Awle, fîmkhur la, Min lo bia ang che"


A ti ve sup a, a puilting ve tawh takzet a ni.




__________TIME SKIP_________




Company ka thleng chu Manager chuan PD Nim Office lam chu min pan pui a, kan lût chiah chu ka thawhpui tûr tepawh an lo awm kim thap tawh.



Nurse pathum leh Doctor mipa pahnih hi an lo ni a, pakhat zâwk phei chu Foreigner a ni leh nghâl, hmeltha tak a ni.


"Miya i kutah kan in nghat aw"


PD Nim chuan a ti zauh a, Miya atih chu a nih ka ring ve tawp a nui var var hian a bu zauh mai.


"Ani hi Duty tûr tho a nia, In Agency a in ang theuh bawk a, Miya hi Japanese a nih angin a hruai thei ang che u"



PD Nim chuan a ti a, ka nui sak mai, English chu thiâm ve nèl nuâl mahila Japanese tawng ah chuan chibai le tih leh ka lawm e tih bâk ka thiâm lo, ti hi chuan ka thâw a veng huai mai.



"Chuan David hi in leader a nia, a thû in zâwm dawn nia"


A tih chuan kan lo bu nghauh nghauh a, PD Nim hian engvânga foreigner te ruai nge maw a nih le? Korean tawng a thiam si lo a in enkawl chu a har ve khawp ang tih rilrûk nauh nauh pah chuan kan in zui chhuak thâm thâm a.



Dorm pakhatah hian kan lût hlawl a, Company ka vawi hnih kalna chauh a ni bawk nèn ka bo bîk ngèi mai.


Dorm ah chuan Damdawi lam thil kan mamawh tûr ho alo awm nual hlawm a,


"Hei hi Bawm ah hian lo khung ula, thil dang Doctor David nèn hian kan lo zu buai pui ange"



Doctor Korean zawk chuan a ti a, an inzui chhuak nghâl bawk,


"Hey...Miya Chan ka nia, tunge i hming?"


Miya chuan nui ver ver hian arawn ti a,

"Na Ireum ka nia, Chuan nang?"


Tiin nurse pakhat zâwk chu ka'n zâwt a,


"Keichu Hou Ming Xiu"


A rawn tih chuan ka meng deuh kâwk a,


"Chinese maw!..keimah chiah korean ka awm dâwn ni maw"


Ka tih chuan an nui dûn hak a,


"Ireum khawi ah nge i thawh a?"


Miya zâwk chuan arawn ti a,

"Keichu personal nurse ka nia, mahse Bighit hian min chhawr nghet tho, ka tih awmzia chu kan Agency atang khân min lei a ni deuh mai"


"A ni maw!...tunge i enkawl a? BTS member zîng ami hi a ni em?"


Ming Xiu chuan mak tih hmèl zet hian arawn ti a, za lo zetin ka nui tâwi tak ringawt.


"Ka sawi thei lo, Personal thil a ni sia"


Inthlahrung zeta ka tih chuan hrethiam ni âwm tak hian an bu nghauh nghauh a,


"Army ini em?"


Miya záwk chuan arawn ti a, ka lu ka lo thing ringawt, BTS ka duh loh vâng ni lo in, An music hi ka ngaina ve vak lo.


"Keichu ka duh tawp, a bîk in Kim Taehyung hi a hmeltha ka ti, ka enkawl châk tawh"


Miya in phûr hmèl zeta a tih chuan ka lo nui hak a, Ming Xiu erawh a tawng duh vak lèm lo, Kim Taehyung mâwl mâwl nèn ka ti tèp a ni.


__________



Zan riah chu Miya chuan min treat a, a thawvengin a tawng duh a, ka mizia ang lo tak a nih vâng hian a bula awm nuam ka ti, a hlim thei bawk si,


"Ireum, Nurse nih ai chuan idol nih hi tum ve zâwk ta che, i hmeltha tho sia"



Miya chuan a thil ei mawlh mawlh pah chuan a ti a,


"Engmah thiam ka nei lo, ka lâm thiam lo a, zai phei chu"


Ka thil ei hmuam tûn a ka tih chuan thil ka hre chhuak thut, Min Yoongi hla phuah ka sak sak tum kha, awi ngaihtuah pawh ka duh tawh lo, ka zak lutuk kha khûk ral daih mai ka duh.


"Nurse nih hi a nuam ber"



Ka tih chuan min nuih nasa mai, ka thlen chin zèla lungâwi hi ka nu khân min zirtîr a, ka la vawng nung reng bawk.



Ka duh aiin ka eihnem tawh, ka dul te hi arawn kiar tan in ka hria, ka thâu leh vaih chuan a chî miah loh ang.


___________




Thil kan ei zawh chuan airport lam chu kan pan ho leh thâm thâm a, Company car in hmeichhe ho chu min phur a, Doctor pahnih erawh Doctor David an a car a thawh thung.


Min Yoongi chu call na chî a nih loh vângin ka tex tawp a, ka nau erawh ka call thung.



*Tluang deuhin kal ru aw*


Ka thawn hnem tehrèng heti zawng hian min rawn reply nia, hepa tak hi chuh, ka thin hi a rim ve lek lek zèl.


*Damdawi kha ei ngei ngei la, Chuan uluk takin practice ang che, i chèt chhiat chuan keimah zâwk hi ka lo zak viau ang*



*Ka tisual ve ngai lo, mahse ka ngai nghâl dèr tawh che😑*



A emoji rawn dah chuan min ti nui chhuak hawk thei nia,


*A nih ka dah aw tluang deuhin lo kal in tum dawn nia Putarte😘*



Ka phone chu dah zuiin nui vur vur chuan ka chuang a,


"I bialpa em ni?"



Miya chuan nui var var hian arawn ti a, ka lo bu zauh ringawt.


"I van vânneih bîk, bialpa neih ve ka châk e"


A tih chuan ka lo nuih nasa ngang mai,



A laia ka thut vângin ka dâr tawn tawnah an lu chu an rawn nghat ve ve a, an la muthlu tui em em leh nghâl, kei erawh ka mut a chhuak ve em em lo.


________TIME SKIP______





Room pakhata khum pathum awmna ah chuan kan thleng a, Hotel chu lian lèm lo mahse a thianghlimin a awm chikim ve biai mai, Japan kan thlen meuh chuan Zîng dar hnih a ri tawh, kan bungrua techu rem fel sawk sawkin kan mu nghâl hmak a, ka kâwng te hi ana vek thei.



Min Yoongi biak ka tum ûk a ka thulh leh daih, thlawhna ah tal hahdam zâwk se ka duh, kei in ka lo tih buai ve reng kha a tha in ka hre lo.


Ka phone chu ka lukham hnuai ah chuan ka dah hmak a, ka muhîl nghâl hmak bawk.




MIN YOONGI POV




Marine Messe Fukuoka ah chuan sound check in kan buai khawp mai, Kei erawh kan thil tih chhin na vèlah pawh ka rilru ka pe thei lo, Na Ireum ka zawng ru deuh chhin a, khawnge a awm ang le? Mahse vawiin angah chuan an lo kal ka ring bawk si lo.


Bâkah vawiin hi enge ka awm dân hi ka hre lo, ka bîng mup mup reng mai.


Stage ah chuan ka'n thu pharh duai a, midang ho lah chuan nuam an ti èm èm lehnghâl, ka phone chu la chhuakin Na Ireum chu ka'n call tawp a.


"Hello"


Zâng vah hian arawn ti lâng lâng mai.


"Khawnge i awm?"


Nèm fahran lo chuan ka'n ti mâwl tawp a, a awmna lah chu a bengchheng si.


"Ihh...ka thawhpui tûr Miya i chhûngte in ah kan kal ho a, Japanese a nia"



Ka thinrim tûn tawh, min ngaihsak lo riau a hriatna ka nei ngawt nia.


"I thawhpui nge keimah pawimawh zawk?"

Ka'n ti ringawt a, ngaihtuah chiân chuan ka lungâwi loh ve ngawt nachhan hi a ho ka ti, mahse ka rilru hi ka thunun thei lo, ka natna vâng pawh hi a ni maithei ni.


"I thinrim ami? Ka tihpalh lutuk, mahse khata lo awm ve reng kha ka tân a nuam lo a, I personal nurse chu mi tho mahila tih tûr ka nei dâwn lo e"



Inthiâmloh hmèl zet hian arawn ti nâng nâng a, a rûk chuan thinrim viau tho mahila mipa thinrimna atân chuan a ho ka tih èm vângin ka ti lui duh ta lo.


"A tha e"



Ka'n ti ringawt a, sawi tûr ka hre leh tawh hauh lo.


"I thinrim a ni maw? Naupang chhia reuh e"


A rawn nui hak a, ka thinrim hi a lâwm zâwk amaw ka ti hial a ni.


"Min Yoongi nang hian min ngaih lutuk vângin i thinrim tih ka hre mai"



Nui hak hak pah hian arawn la ti zui, a sawi dik ka tih vâng chuan ka nui ve suk a, ka dam leh ta huai mai.


"Ka dah dâwn an rawn kal a"


Zâwi zet arawn ti ta sâ sâ a,


"Awle, a nih ka dah"


Ka tih rual chuan ka off zui hmak bawk, tikha chuan damdawi mûmlian zet hmawm hmak ang vèl ka ni, ka phûr leh sûrh sûrh tawh khawp mai.


___________NEXT MORNING________


NA IREUM POV





"Medical a duty tûr te chu khaw èn lai atanga awm ve kher a ngai amawni le"



Ming Xiu chu a phun niah niah a, ka lo nui sak sak ringawt.


"A dik ngawt mai, staff dang an tam sia keichu nuam pawh ka ti lo"


Miya chuan alo chhunzawm ve zat a, kei erawh ka ngâwi reng thung.



Dar 7 a rîk meuh chuan BTS ho pawh an rawn kal sap sap hlawm a, tûmah pawh en lo in kan damdawi pack ho chu ka lo phawrh mial mial bawk.



Dressing room ah chuan an awm vek a, Backstage a hnuai lamah a ni deuh ber ang, form ha chungin kan lo duty rân tawh bawk, pawn lamah chuan an âu thap thap hlawm a, an tam tawh a ni ngèi ang.



"Hey..."


Doctor David a ni tih ka hria, a awmna lam chu ka pan vat a,


"Oxygen kha ilo dah chhuak tawh em?"


English chuan arawn ti a, ka lo bu nghauh bawk.


"Chuan i hming?"


"Ireum"


Ka lo ti vat a, keipawh Miya te bulah chuan ka lèt leh nghâl vat bawk, tinge ka tâwt up up mai, hetianga ka vawikhat duty na pawh a ni si lo a, ka awmdân hi ka hrethiám lo, PD Adora leh Manager techu an lo thleng zui ve bawk a, min melh leh râwm râwm pahin min rawn pan a.


"I duty ve dawn tih ka hre miah lo"


"Nia PD Nim in duty tûrin min rawn thlang ve bawk sia"


Nui lui sak pah chuan ka ti a, Miya leh Min Xiu hrilh hai hmèl chu mak ka ti zâwk.


Kan thutna hi Stage pan mai na tûr a ni bawk a, midang stage lama rawn kal tûr tepawh ka hmu mawlh mawlh reng mai.


Min Yoongi chu hmanhmawh zet hian arawn kal a, min rawn en zawk mai, hmundang ka lo melh vat a, kan mit mei atang ringawt pawh a min hrethiâm tûr an awm tih ka hre tlat.


"Oppa"


Kan bul arawn thleng tèp tih in PD Adora chuan Min Yoongi chu rawn panin ka hmuh tûr kher chuan a kawr nghâwng chu a'n siam that sak a, ka na zawk thei nia, mahse ka melh rei ngam lo.


Min Yoongi chuan min rawn kal pelh thuak lai chuan hnuailam ka lo bih daih a, a ding deuh hrut mai,


"Min Yoongi"


An rawn tih tâkah chuan a kal leh nghâl vat a, ka thin phu lo ran hman zia kha.


"An in date a ni hrim hrim, awi ka van thîk tak"


Miya chuan a ti sap a, ka lo nui tâwi tak ringawt.


"Miya sawi chhuah âwih miah loh a nih kha aw, i kâ kha vèng tha rawh"


Min Xiu chuan fiamthu ti tak deuh hian alo ti a,


"Enge? Army ka nia, Suga hi chu ka bias ni lo mahse ka thîk tho"


Ka nui chhuak hak a, a bialnu an bulah ka awm ve reng tih hria se chu an thidang thei ang.




_________TIME SKIP_______



Kan thutna ah music a ring si, awi, ka lu te hi a hai muai muai a, ka luak te hi a chhuak vek tawh, ka beng te hi a ngawng vek nia.


Hah hmèl zet hian an rawn tlân thla nghâl sap sap a, midang chu tui pèk pahin tui vawt chuan ka lo dep char char a, Min yoongi rawn chhuk ka hmuh vèleh chuan buaipui tum a ka kal tûr chiah chu kei aia che rang an awm tlat, Adora chuan tui pèk pahin Kan tih ang chuan tui vawt hian alo dep nghâl mawlh mawlh a, ka tui ken chu thukrû in Jungkook rawn kal ve chiah chu ka lo buaipui nghâl daih bawk, ka rilru ana vawng vawng mai, mahse ka tilang lèm lo.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)