SWEET NIGHT BY HLUTEI JOCUND PACHUAU (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: SWEET NIGHT BY HLUTEI JOCUND PACHUAU (Completed)

Unread post by Ngaia » May 31st, 2020, 5:49 pm

SWEET NIGHT CHAPTER -25


HLUTEI JOCUND PACHUAU


naktûk zânah kan final tawh ang, chuan ka story thar tûr kha, karleh Monday atangin aw....tûn ami nèn hi chuan a dang viau anga, a chhan chu Mizo story a ni dawn lo a, a kal hmang erawh ka la thup hmak dawn😂....






A hmèl râpawm leh rum lutuk chu a rawn inthlâk leh telh telh a.


"Ka tihpalh, tih hlauh che ka tum lo, i kiângah reilotè tal awm ka duh mai a ni, i naute thihna ah khân min mawhpuh suh, ka tihsual a ni lo"



Tihpah chuan a chan leh mawlh mawlh a, inchung lam en reng chung chuan ka mittui a far zung zung ringawt, ka lo va kal kher kher kha ka inchhîr takzet a ni, mahse ka thiantha ber a nia, ka chungah hetiang a tih duh hi ka ring phâk lo a tin ni.



"Kan awmna hi khawilai nge tih tal min hrilh la"




"Ramhnuai"



Tih ringawt chuan min chhâng a, ei rawng chu a bâwl ve mial mial mai, a bâwl ngai pawh ka hre si lo, ka ril pawh a tâm lo, ka rilru ana ngawih ngawih ringawt.

Engemaw ni hian min rawn jection a, Mutchhuakin min rawn zèm nghâl chiai chiai mai, ka thunun theih loh vângin ka mit chu ka chhîng leh ta nge nge a.





RINPUIA POV




Ka nupui Bo nî atanga chhiârin ni 3 lai a ni ta, khawi ah nge a awm ang ka hre lo, ka hre lo takzet a ni, ka pu te in lamah thinrimin ka va kal leh ringawt thin, awm dân pawh ka thiâm lo, Ka pa (Oliviai pa) pawn a hre tawh a, a zual phah hlâu viau mahila zèp reng theih a nih loh vângin ka hrilh ta nge nge a,


Ka mangang tawh takzet a ni, police pui pui ruai lo in a bîka anrawih thin detective thiâm tak leh a team techu ka ruai ta a, an ni ho chuan hmâ la mahse ni 2 lai aliam tawh a, thu thar hriat tûr avâng si,ka rilru anuam thei lo, zân ka mutheilo a chaw lah ka ei thei hek lo, ani raipuar ve mai kha engatân nge an tih ang?



Hmeichhe tuarchhel tak a ni a, a tawrh zawh ngèi ka beisei, min rawn biak hlauh tâkin tiin ka phone chu ka hûm reng a, Ka hnâ ah pawh ka insâwr bing thei lo, midang kutah ka dah ringawt a, ka tello pawn an enkawl zawh ngei ka beisei.

Ka nupui leh ka fa pawh ka vènghim zo lo chu nia, mahse beidawn mai ka tum lo, tûn kum chhûng zawn ngai pawh nise ka zawng mai ang.




OLIVIAI POV





Inbe sur sur thâwm chuan min ti harh a, nichin ai kha chuan ka harh chiâng deuh tawh, ka theihtâwp a thawh chu ka tum a, ka thu chhuak hluai mai, ka pum chu a thîp zek ringawt a, mahse rei a ni lo, a zia tawh khawp mai.



Pâwnah chuan mipa pahnih inbe thâwm ka hre tlat, pakhat chu Reubena âw a ni a, mahse an thusawi erawh chiang takin ka hre thei lo.



Khum bul vèl chu ka enkual a, Reubena phone ka hmu hlauh mai, mahse ka awmna atang chuan a hla deuh, ka theihtâwpa ban chu ka tum ta a, ka ban chiah chu rin aiin alo hla, ka tho thei dèr bawk si lo, ka'n in sang mar leh deuh a, ka ban leh ngat a, ka thlan tui techuan min bual huh nghâl ut ut mai, ka ban fuh tèp tih chuan varandâ chu tu emaw hian an rawn rap ri tuar a, ka awm tha rang ngang mai, ka thlan tuiin min bual huh chu ka hru fâi sawk sawk a, Reubena arawn luh chuan a phâwk deuh hrû mai.


"I thu thei tawh maw? I ril a tâm tawh em?"



"Tam lo"



En pawh en lo chuan ka lo ti a, che thei ni ila chu a hnunglam atang hian ka chhu fawk tawh ang,tih theih ka nei lo lutuk hi ka inhaw lek lek zâwk.




Khumah chuan rawn thu ve in chiâng zet hian min en a, ka lo en ve kar bawk, a hmèl ka en hian Reuben kha a ni tawh lo tih hre mahila, he thil hi tih tîr tu an awm tlata hriatna ka nei, engtin tin emaw ka la puih theih ngèi pawh ka ring.



"Olivia, khawngaihin tiang hian awm suh, ka rilru i tina nia"


Arawn ti sup a, ka mittui tling pam kâr atang chuan rum zet hian ka entlawk tlawk ringawt, min rawn hnaih zèl a, hnâi zetah hian min rawn enkur mai, ka hlâu lo ka tih chuan dâwt chiang tak ka sawi ngèi ang, mahse hlau anga lan ka tum lo ve tlat thung.


"Reuben khawngaihin duhtâwk rawh"



Aw khûr hlak hlak chuan ka ti a, a rawn hnâi zèl a, a âwmah chuan ka lo nam ve tang tang mai, ka kut khing hning chu man betin dîm zet hian min rawn fâwp a, ka tang lo, tâl chhuah pawh ka tum hek lo, mak ka tihna chuan min hneh lutuk vâng pawh a ni mahna, a uar ta zèl a,ka ten lutuk, hei hi ka duh lo, a duhtâwk dâwn maw ka tih laiin ka nghâwngah chuan a tuan ta zèl a, ka hrethiám lo ka awm dân hi ka lû te chu arawn hai deuh muai muai zèl, ngaihtuahna fîm ka hmang thei lo, ka â hûih mai, ka lo maimitchhîng tawp a, ka kut a vawnna chu a rawn thlah riai riai a, ka huatna ai chuan zei ka tihna chuan min hneh tawh zâwk, Urinpuia pawh ka hre chang tawh meuh lo, ka nghâwng vèlah chuan a thaw lum halh halh a, hetianga awm tûr hi ka ni lo, hei hi ka duh dân a ni lo tih ka hria, damdawia min jection vâng kha a nih ka ring,ka' in thing deuh nawk a, a âwmah chuan ka nem sawn lawp mai, alo in rin loh vâng aniang ka nem na vak lo chung pawn a lèng ve lawp thei.



"Duhtâwk rawh"



A hrilh hai hmèl chu rawn inthlâk in min nuih suk a, min rawn pan hnaih leh chuan ka lo tawm châih châih mai, nui var var hian hnâi zetah min rawn en a.


"Nuam iti tih ka hria, vawikhat tal chu mipa angin min en thin ni la chu min hnâwl kha i inchhîr viau ang"



Ka beng bulah chuan arawn ti sur sur a, ka lo tim sung sung thei, a thil siamna ah chuan lèt leh in frigde te tak tè atang chuan pizza hi arawn phawrh a, sawtiang saw a lei anih chuan Aizawl district ni lo mahse District changkâng leh lian tak chu a ni ve ang, chuan khawpui bul hnâi ah kan awm tih ka hre nghál bawk, Pizza chu min rawn pe in min barh thlap a, duh lo viau mahila ka chak nân ka ei angai, heta tanga khawpui thleng tlân thei khawpa ka chak vèleh ka tlân chhuak nghâl ang, ka mittui kâr atang chuan ka enkar a, min hmangaih tak tak anih chuan ka awm dân atang pawh hian min khawngaih anga min la chhuah tîr ve mial maithei asin, tu in nge a thinlung thianghlim tak hi lo ti khâ le? Pu Kima kha a nih ka ring, engtikah mah saw mî te saw ka ngaidam lo ang.



______________





Khua a thim leh ruih tawh, URinpuia ka ngai takzet a ni, min beidawn san mai angem le, engtikah emaw chuan min rawn la zawn hmuh ngèi ka beisei, mahse min rawn zawn hmuh hunah chuan kei hi a tân ka thianghlim tawh pawh ka in ring lo,ka awm chu dawmin ka tap fap fap reng a, Ka fa takngial pawh ka vènghim thei silo, ka lakah thinrimin min lo ngaidam duh lo tase, Reubena rawn lût pawh chu ngaihven lo in ka tah ngâi chuan ka tap ta reng a.


"Olivia duhtâwk teh a ninawm"


A ti deuh hmuk a, ka hma ah chuan rawn thu in beer cane tlâk pawp pawp pah chuan mit meng dul ruih hian min enkûr reng a,


"Reuben khawngaihin, ka pa ka ngai lutuk, min hruai haw rawh"



Ka ti chiah a hmèl arawn dur leh ta khup mai,


"A tâwk Olivia, thih i duh loh chuan i kâ kha chîp hmak rawh"



Awki sâng zet hian arawn ti a, mahse ka hlâu lo lui ve tlat.


"Reuben ini lo, ka thiantha tak, mi zaidam leh nunnèm tak kha ka duh leh, Khawnge i dah?"



Ka'n vîn lèt tuar a, nui hak pah hian chair ah chuan a thu hnawk mai,


"Kei hian ka hmangaih takzet che Olivia, i pasal ai pawh khan ka hmangaih che, tinge i hriatthiam duh miah loh a?"



A rawn ti chuai ruih a,



"Hei hi hmangaihna a ni lo Reuben, i â tawh a nih kha, hmangaihna awmzia pawh hre lo khân hmangaihna tih thumal kha sawi ve tawh suh"




"Ngâwi rawh, ngâwi hmak rawh"




Rawn tih tuar pahin chemtè chuan min tin ta mai, ka lo tèk sawk thei, a hnû deuh ah chuan inthiâm loh hmèl zet hian ala sawn leh vat, ka tap ri hak a, ka hmâi chu ka hup tlawk tlawk ringawt.



"Ka tihpalh, hey....thah che ka duh lo, ka kiangah awm reng la, ka tâ ni la ka duh mai a ni"



Ka biang tawn tawna rawn vawn pah chuan a ti sup a,


"Reuben mi tâ ka nih hi, hriatthiam tum zâwk rawh"



Tap tiau chuan ka ti a, mahse ka thusawi chu hria ang pawn a awm lo, ka sam tla chhap chu ka tukhum lamah chuan thâm khâwmin min kuai dâk lawpa uar zet hian min rawn fâwp zui nghâl bawk, ka lo nem a, a âwmah techuan ka chûm a, mahse ngahmah a ngai lo, ka nghâwng leh ka beng techu a fâwp bawrh bawrh a, nuam tihna ka nei lo, Reubena awm dân chu ka ten ngawih ngawih.



Ka kawr nghâwng chu pawtthlèr hawkin ka dâr ruak kâng chu a fawp kual dun dun a, tharuma beih lèt âi chuan a rilru hneh tum zâwk ila a that ka ring.


"Reuben, khawngaihin hetiang mî hi ini lo"





A châwl det a, rum deuh nghut hian a tho vut mai, ti tha in ti a ka lâwm rûk viau lai chuan hrui hrual lian zet chu rawn la in khum lû ah chuan ka kut chu a tàwn ta mai, a lehlam pawh chu a phuar leh a, mak ka ti lutuk chuan tawng nachâng pawh min ti hre lo.



"Olivia hei hi i hre lo a ni, i thiantha ber ka ni thin, mahse mipa vetho ka ni"



Ati deuh hmuk a, ka chungah chuan rawn bawkin min delh chuang si lo hian min rawn fâwp leh ta bawrh bawrh a, thil thalo zâwk a thlen hmâ ngei hian engemaw ka tih a ngai.



"Reuben, ka pum ana lutuk"



A tho ve vut a, a inthiâm lo hmèlah chuan a chhûngrila athatna tam tak kha ala awm ve tih ka hre mai.


"Ka thih i duh loh chuan duhtâwk rawh"



Tap chung chuan ka ti a, hmanhmawh tak chuan khum atangin a chhuk a, min phuarna techu a phelh ta vek a, tûnah chuan ka him rih phawt, mahse nakinah engtin zèl nge chhuanlam ka siam ang ka hre lo, Pathian chauhin min pui thei tawh.


RINPUIA POV




Ka nupui bo nî atanga chhiar in ni 5 a liam leh ta, hmâ kan sâwn ve hret hret na a, kan hmasawnna erawh chu a ho tham thei viau mai, Tûnah chuan Reubena kidnap ngèi a ni tih kan hre tawh bawk.



An thenawm ten Oliviai chu an inah akal ngèi thû an sawi a, Reubena kha a zin tak tak lo aniang an thenawm ten an chhûngte awm loh lawk hlâna Oliviai leh Reubena an hmuh dun thû an sawi bawk.




Ka pu lah chuan Olivia'in a duhthû ngeia a zui anih a rin thû alo sawi ve chhèn bawk nèn, ka buai map mai, chuan hè putar tawng peih zet hi ka hnè bawk.



"Sir, Reubena car chuan champhâi lam apan an rin thû an sawi a"


"Champhâi khawilai ah nge an awm ang?"


"Reubena nû khân Champhâi ah huan an neih thû a sawi a, khawpui dâia awm anih vângin mî tu emaw bîrûk pui nân chuan a that viau kan ring"




Ka thinrim lutuk chu ka so nghâl bulh bulh mai.



"Kal nghâl ang u"



Inseh ruh tûn chuan ka ti a, Khua a thim dâwn tawh, mahse zân tlân mai pawh ka pawisa tawh lo, ka nupui leh ka fa chauh ka rilru ah an awm, a tinâ anih vaih zawngin kei aia sual leh râpthlâk a tawng lo ang, ka that dâwn khawp.



OLIVIA POV




Ka duh thâlin ka che thei tawh bawk a, Zan in chu Reubena pawn chhuah a tum tawh lo, ka hre lâwk sa vek, mahse, ruahmanna tha deuh ka nei.



Night dress sexy zet lase dum Reubena'n min pèk chu ka pharh diai a, a duh ang ngèia awm ka tum a, mahse chu aia ruahmanna tha zâwk chu ka nei, fai tak chuan ka inbual sar sar a.



Amah a awm rih lo tih hre mahila ramhnuai hi kawngpui pawh tûrin motor pawn kawng thui tak zawh ka ngai, ramhnuai rem lai deuh ah vèngtu a dah ru zeuh zeuh thin tih ka hre ru vek bawk.



Night dress sexy zet chu ka hâ a, motor ri ka hriat vèleh chuan current ka off nghâl bawk, bati chu ka chhi teng teng a.


A rawn lût chiah chu mak tih hmèl zet hian min enkur mai,


"Tinge current i off vek a"



Tihpahin a rawn on èng nghâl tuar a, a èng chiah chu phâwk zet hian min en a, a nui nghâl suk mai, bati chu chhèm hlumin nui sak chuan ka en a, ka taksa lang tam zet atang chuan a mit ala sawn lo, kum 20 a pèl âwrh chauh a, a chunga thil thleng hian min tina takzet a ni, misual tak a ni lo asin.


A thil kenlai techu a thlauh nuai a, min rawn pan hnâiin min pawm kâng nghâl nawlh mai.


"I nalh lutuk"



Tih suppahin a biangsum lang sèih chuan a nui suk a, a awmdân hi ka khawngaih tho, mahse heta tanga tlân chhuah bâk ka rilrû ah a awm tawh lo.


Min rawn fawh a tum chu ka lo indang vat a.



"Keimân ka tan hmasa ang, min hmangaihna hi ka lo hrethiam ngai lo a,ka tihpalh aw"



"A pawi lo, hei tûnah kan pahnihin tûma tihbuai phâk lo ah kan awm tawh alawm"


Muangchâng chuan min dah thla riai riai a, chair ah chuan ka nem thu hnawk a, a jacket leh t shirt chu ka phelh sak nghâl bawk, a taksa chu analh reuh phiân, a hmâ a chèr chhe lutuk kha chu a ni tawh lo, a chungah chuan thu in a biang tawn tawnah chuan ka vuan a, muangchâng leh ril raih chuan ka fâwp nghâl bawk, nuam tihna pakhat mah ka nei lo, mahse ka thup hrâm hrâm a ngai, ka rilru hi a hria anih vaih chuan min that duh hialin ka ring.



Min râwn fâwp lèt rang ngang mai, a mipatna chuan min rawn do ûl tih ka hriat chuan ka tui lo ru riau, ka thiantha ber hi hetiang hian alo awm ve thin tih rin ngaihna pawh ka hre lo, ka mutkawr chu hlîmthlâ in ka âwm bâwr chu duh thâw zet hian a fâwp kual a, ka taksa rawn mûr sang sang chu duh lo viau mahila ka thu nun theih a ni lo, rûm deuh ham hamin a samah chuan ka lo thâm tâwn tâwn a, ka duhvâng ani lo, mahse ka tih angai, rilru fîm a hman theih loh thak thleng hetiang hian chhaihkual ka la tum rân reng tho.




Min pawm tho lawp a, khumah chuan min mut nghâl chawrh mai, ka taksa chungah chuan arawn bawk rûn a, a mit meng atanga a hlimna ka chhiar thei chu mak ka ti, ka khawngaih, mahse ka rilru erawh thlâk danglam ka tum lo.


"Ka pasal ka tih lâwm thin aia nasa in ka ti lâwm thei che"



"Tak tak maw?"


Nui sak hian arawn ti a, min rawn kiss a tum chu a hmûiah chuan ka lo dang vat a, amah chu muttîrin ka tho ta daih a, a kut chu khum lû ah chuan ka phuar a, tlèmin a hmèl chu arawn danglam deuh.



"Hlâuthâwng suh, anuam iti viau ang"



Sexy zeta melh pah chuan ka ti a, a nui veleh mai, a kut leh kè zawng zawng ka phuar hnû chuan a taksa chungah chuan thû in min chiu mutthilh na thin chu ka hnunglamah chuan ka hûm rân a, a in rin hmâ chuan a nghâwngah ka vit ta thut mai, damdawi chu ka kâp lût ta vek a, ka vit dik angem ka hre lo.



"Olivia, i thil tih hi a tha lo takzet a nia aw"



A rawn ti tuah tuah a, a mitmeng buai nak atang chuan ka vit dik tih ka hria,


"I thil tih hi a pawi daih zawk Reuben, ka pa thah i tum khân ngaihdam che tumin ka rawn kal a, mahse engtikah mah ka ngaidam tawh lo ang che"




Meng mang lo chuan arawn nui suk a, a chatthla zui nghâl bawk, rang takin a phone chu ka zawngkual a, a jacket iptè ah a awm hlauh, Urinpuia chu ka phone nghâl a.




"Hello"


A âw ka hriat chuan ka tah a chhuak nghâl ut ut mai.


"Keimah,.........min rawn hruai haw rawh"



Tap tiau chuan ka ti a, chhuatah chuan ka thu hnawk thei.


"Boihi nangmah tiraw, ka va han lâwm tak,kan lo thleng tèp, lo tuar hrâm hrâm rawh"


Ka thaw nghâl huai mai,


"I tha em? Naute pawh kha a tha tiraw?"


Ka tap ri hak a,


"Naute chu a awm tawh lo"


A ngawi ta vang vang a, keipawh ka tap tlawk tlawk ringawt.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 5:49 pm

Thu hmâ nei leh duah lawk teh ang,

Kei a thawnthu ziah ve lek lek in lo chhiar duh hi ka lâwm chingchi vèt kual nawk a, Ka story thar tûr, Love maze ah kan in hmu leh tlâng dial dial ang chu te ka tia, mahse mizo story erawh a ni dawn lo a, mizo hming pawh an nei dawn lo aw😂.....

A engpawh chu ni se, ka lâwm a ni tawp mai ni, sawi vak ngaihna ka hre lo.










"Khawi ah emaw bîrûkna tûr lo zawng phawt rawh, nangmah i that chuan a tâwk, Ka hmangaih che tih i hria tiraw"



"Awle"


Tap tiau chuan ka ti a, Urinpuia aw dam thlup ka hriat chuan ka thlâ a muang huai tawh mai, phone chu dahin hmanhmawh takin ka kakawr chu ka thlâk sawk sawk a, hetiang chuan hnim ka tâwn thei lo tawp ang, Kawr vârfual ka ngal chen vèl chauh hâk tûr a awm, hei pawh hi Reubena khân 'tûma hriat lohin kan inneih anga, tah chuan i ha dâwn nia' a tih vânga min lei sak a ni, ka inthing nawk a, engmah ngaihtuah buai hlei lo chuan ka ha tawp a, Chapal bun tûr mai ka hmuh loh vâng chuan ke lâwngin ka tlân chhuak ta ringawt a, eng ang pawn lo harh mahse tâl chhuah a tum chhûngin kawngpui ka thleng hman tho ang.




Ka theih anga chak chuan kal ka tum a, kelâwng chuan ava har talh talh tak, kawngpui anga mâm vek a ni bawk si lo, lung leh hnim ro engemaw min chhun zek zek tu an awm ve reng bawk nèn, ka kè ana thûm tawh.



Ka kal ka kal hnû chuan lei let ka thleng ve hlawl mai, Bai deuh saih saih a ka kal lai chuan ka hma zâwn la hla ve tak atang hian mipakhat lian zet mai silai keng hi ka hmu thut mai, ka phu chiang lutuk chu ka tè chhuak tèp thei, mahse ani erawh chuan min hmu ve lo, buh kârah chuan ka bawkkhup ta tawp a, ka hmûi chu ka hup tang tang bawk.




Dâk chhuakin ka'n bih leh dèk dèk a, ala hawi vual vual tho, engtin nge ka tih ang? Reubena kha a harh tawh ngèi anga, a tâl chhuak anih vaih chuan min man leh vat dâwn tih ka hria, ka pum lah chu ana èm èm lehnghâl.


Urinpui khawngaihin hmanhmawh rawh ka rilru chuan ka ti mawlh mawlh reng a,hetiang hi chuan ka awm reng thei lo ang, ka bul vèl chu ka en kual vèl a, lung lian vak lo ka hmu hlauh, leilet kâra tui tling ka piah sîr lam ami chu a rûk thei ang ber chuan ka vawm ri thlawrh a, chupa chu a hawi vut mai.


"Tunge?"


Aw thûm leh tèng zeta tih pah chuan ka vawmna lam chu a pan nghâl a, chû vèleh chuan chèt lâ in bawk vâk phei vat a, buh hi a hring dup a, kawrvâr ka ha sia, ka langsâr viau ang, ka theih anga chak chuan ka bawk vâk phei a, ka pum lah chu a thîp em em mai bawk si, ka hah lutuk chu ka'n châwl leh det a, min man dâwn tho tho a ka rin vâng chuan in pèk mai ka duh rum rum mai, ka thinlung atanga beidawnna rawn awm chuan min ti lungchhe lo thei lo, ka mittui tling kiau kâr atang chuan buh hmun thui zet zâwl dup mai chu ka thlîr a, ani chuan silai a nei a apa lian bawk, kei lah hliâm ka tuarin ka chau takzet a, kelâwngin ka la awm zui, engti kawng zâwng pawn min man dâwn tho tho, ka kalna tûr la thui lutuk chuan min ti beidawng lo thei lo, hnimbuk kârah chuan vâk lût in tah chuan ka thu rân a, ka khaw hmuh a fiah thei tawh lo, ka lû techu arawn hai deuh muai muai a, ka tuiin a hâl huam huam bawk, chil lem tûr tak ngial pawh ka nei tawh lo ni berin ka hria.




Ka beidawng tûr a ni lo tiin ka infuih mawlh mawlh a, mahse thâ rèng ka nei tawh lo, ka châu lutuk, lei ah chuan ka let thla tawp a, ka thi ngèi tawh dâwn a nih hi, ka thih loh ka in ring tawh lo, mahse pawi ka ti lo zâwk, Reubena kiângah damchhûng hrehawm tuar ai chuan heta thih pawh hi ka la thlang zâwk tho, ka pum thîp lah chu azual tial tial mai, min tur ut ut ni mai hian ka hria, ka'n khawih chhin chu alo huh deuh hlap a, ka kut ka en chu alo sen nuai mai, ka hliâm kha ala damchiâng lo a ni tih ka hria.




Ka dang ro huam huam chuan ka hrawk ati za tlat, ka tum loh deuhin ka khuh ta kharh a, a pawi ta, ka hmûi ka hup vat a, Chupâ lah chuan ka awmna zâwn chu chiang zeta rawn en pah hian silâi chuan arawn tin ta vûng mai, muangchâng hian min rawn veh dûn dûn a, ka hlâu lutuk chu ka mit pawh ka khap ngam lo, ka khûr zawih zawih a, ka thlan tuiin min bual huh vek tawh.



Thâwk leh khatah thil puak dur ka hriat rual chuan min rawn veh dûn dûn tupa chu a thal nghâl thuai a, ka harh chhuak hlawl mai, hmanhmawh takin hnim kâr atang chuan ka dâk chhuak a, sipai thahnem tak hi ka lam pan chuan an rawn tlân thla chuah chuah mai, min pui tu tûr an nih ringin hnim kâr atang chuan ka chhuak ve nghâl a.



Sipai ho chuan min ngaihtuah pawh an tum lo, mâwl hlawm lutuk, Ramhnuai pilril lam chu an pan chuah chuah mai, ka chauh tehrèng nèn, thaw halh pahin ka ding chhuak a, ka chhak lam sîr deuh ah chuan kawngpui ka hmu thei, ka van lâwm tak, ka nui hak a, car rawn ding ka hmuh chuan ka meng kâwk, Car atang chuan Urinpuia arawn chhuak zui ve nghâl bawk.



Min zawng ni âwm tak hian a hawi vual vual a, thei leh thei lo chuan ka bân ka lo vei ringawt, min rawn hmu ta, mahse kan in kâr tlèma ruam deuh laiah chuan hnim pik deuh leh thingkûng a awm ve nual, leilet ka awmna hi kawngpui zâwn chuan a pâwng sâng ve deuh a, ka awmna rawn thleng tûr chuan hnim leh thingkûng awmna vèl chu rawn paltlang angai.



A nui in ka hria, hmanhmawh tak chuan arawn tlân thla pur pur a, ala tawlh thlu zui, thei leh thei lo chuan ka lo nui hak a, ani pawh a nui ve sun sun mai, hlimna mittui pawh a luang tam bawk e, a kekawr mawng bèng fai thauh thauh pah chuan a aia muang deuh zâwkin a rawn kal a, Hnim kâra a luh hnû chuan ka hmu zui tawh lo, ka nghâk hlel lutuk chu khawdang hawi miah lo chuan alo chhuahna ni âwma ka rin chu ka lo enkar a, mahse ka châu tawh lutuk.



Hnim chu a rawn che dal dal a, ka pasal ka hmangaih em em chu pawr chhup hian arawn chhuak hlawl mai, mittui tlingkiau chuan ka lo nuih hak a, mahse a hnung lama ka mi hmuh chuan min ti nui tâwp chiâng kher mai.


Reuben!....ni lo, Chemte a keng, Urinpuia vih tum ni âwm tak hian a hnunglama a veh rân lai ka hmuh chuan chak takin Urinpuia lam pan chuan ka tlân phei a, Ka chau em ka hre lo, ka kè pawh ana tawh lo, ani lah chuan engmah a hre lo, ala nui var var tho.


"I hnung kha en rawh"



Ka âu tuar a, chauh tawh nen min ti chau zual, a hnunglam chu a hawi pawn Reubena a hmu ve dèr lo, alo biru hman, keilah in engmah ka sawi hman tawh lo, Mahse ka la tlân phei char char tho, ani pawh a rawn tlân ve a, Kan in tâwk chiah chu min pawm kâng nawlh mai, nghet zet chuan kan inkuah thlawp a.



A hnunglama Reubena rawn tlân phei ka hmuh chuan Urinpuia chu la kuah reng chung chuan ka kuai her pawp a, ka nâk a thîp nghâl zawk mai.



"Hmèl a ithi dâwn"



Ti a Urinpuia âu tuar ri chu hla tak atang chuan ka hre ruai ruai a, ka taksa ka thunun thei tawh lo, lei ah chuan ka let thla nghâl tawp a.




RINPUIA POV


Reubena chu Sipai ho chuan an rawn la sawn vat a, Oliviai buaipui a ngâi bawk nen ka khawih hman ta lo, lei ah chuan hmèl dang lep hian a tlu zawi hnak a,



"Hey...min en teh"


Harsa zet hian min rawn en a, a tap feih feih bawk,


"A tha vek, engkim atha



Ka ti nghâl mawlh mawlh a, tawng a tum a, a tawng chhuak thei lo, a hrehawm ti hmèl chuan min tina ve ngawih ngawih, ka thinrim leh rilru na in pawlh chuan ka mittui a ko chhuak a, awm dân pawh ka thiâm lo, ka âwmah hian min hnawh ut ut mai.



"Ka hmangaih che i hria tiraw, engmah a thleng dawn lo, ka thlen tîr ngai lo ang"


Ka'n ti leh a, a mitmeng chu arawn dul vek tawh, hmanhmawh tak chuan ka pawm tho nawlh a, ka hah leh hah loh pawh ka hre lo, ka car awmna lam pan chuan ka tlânpui dâwr dâwr tawp, ngaihtuahna fîm ka hmang thei lo a, ka buai nuaih mai.


"I rawn thleng tèp asin, Meng teh Boihi"


Ka be mawlh mawlh a, min chhâng tawh lo, a taksa vawt ngiak chuan ka ngaihtuahna a ti mang vek tawh.



Engtin nge? Engtik laiin nge ka hre lo, ka car awmna pawh chu ka thleng vèleh mai a, Seat hnungah chuan muttîrin hmanhmawh tak chuan keipawh driver seat ah chuan ka thu ve nghâl a,ka mi hruai te kha engtin nge an awm tâk ka ngaihtuah tawh lo, hmanhmawh tak chuan damdawiin hnái ber chu ka pan pui ta nghâl a.



Champhâi ah hian vawikhat mah ka la kal ngâi lo a, damdawiin khawilai ah nge a awm pawh hre lo in khawchhûng lam chu ka pan pui ve ngawt a.




Mî kawngkal zâwt chawpin Champhai District hospital Vengsâng lam ami chu ka pan pui nghâl a, Rin aiin a hla zèk, ka nupui dang vâr pap chu ka en leh zauh zauh thin, ka buai mup a, motor lah ka khalh chak, ka khaw hmuh te hi a thim mup hian ka hria.




Hospital gate chhûngah chuan ka tlân lût vat a, ka nupui ka pawm chhuak chiah chu pâwn lama lo awm ve ho chuan min en thap mai, casualty lam ka pan pui nghâl a, Nurse pahnih chuan min lo buai nghâl vat .




Doctor senior ve hmèl tawh tak chu a rawn tlân ve nghâl, nurse ho chuan a mutna tûr chu min kawh hmuh in khuma ka mut chiah chu a bp an lo check nghâl mawlh mawlh bawk.



Mak ka tih deuh chu Casualty ah chuan tûmah midang an awm lo a, a reh thiap mai, ka ngaihtuahna buai lutuk pawh ka zia huaiin ka hria.



"Ehè....Zai nghâl a ngai dâwn nih hi, Lo in ring ru"



Doctor pa chuan a tih vèleh ka nupui mutna chu an nawrsawn nghâl a,


"Ka pu, tah hian lo nghâk mai rawh, chanchin kan rawn sawi leh ang"



Nurse la naupan hmèl zet chuan aw dam diai hian a ti a, ka lo bu nghauh ringawt, thutthlèngah chuan thu in ka kut khinghnih chu hûm dûn in ka chal chuan ka'n ring vang vang a, tlèmin ka hah lutuk pawh a zia deuh, ka phone rawn rî chuan min ti harh zawk a, ka phone ka en chu ka detective rawih kha a ni.


"Hello sir, kan man tawh e"


"Aw..in ti tha e"



"Fianfiahna zawn buai a ngai pawn kan hre lo a, lock-up ah kan dah nghâl a, mahse kan la dâwp tho ang"


"Awle, ka nupui ngaihtuah ka ngai sia, ka awm ve thei lo tûr chu pawi ka ti khawp mai"


Kan inbiakna kan tih tâwp hnû chuan Oliviai an nawr luhna kawngkhâr chu ka en vang vang a, ala dam chu a ni phawt a, engtin tak ti ang maw? A rawn thlen tep tawh asin le, kelâwng ngat lehnghâl in, Ka nupui hi ka hriatchian pauh leh mak ka ti, a tawrh chhel dân èm èm te hi, a tih ang kha mipa tam tak tih theih loh tûr a ni.


OLIVIA POV




Ka harh chu Damdawiinah ka lo awm reng tawh, engtin nge ka awm ka hre lo, ka taksa zawng zawng chu ana thûm a, ka tuiin lah chu namèn lo in a hâl huam huam bawk, ka hawikual deuh a, room ah lah chuan tûmah rèng an awm lo.


Chèt ka'n tum chu ka taksa kham lutuk chuan chèt pawh min ti che tha thei lo, ka pum chu an lo bel leh tuk tawh, tah chuan pipe an vuah bawk.



Kawngkhâr ri rak lam chu ka hawi nghâl a, Urinpuia chuan mak tih hmèl deuh hian min rawn pan vat.


"Ilo harh tawh maw? Na te ila nei em?"



Ka lû ka thing ringawt a, tui bottle lam chu ka mitmei zauh, alo hrethiám nghâl mai, dîm zetin khumah chuan min thuttîra, tui chu min in tîr ta nghâl vat bawk.


Ka duhthâla tui ka in hnû chuan ka hahdam ta huai mai, uluk taka min en reng tu ka pasal chu en in ka nui sak a, ka hlim rual rualin ka lung erawh achhe tlat, ka insûm thei lo chu ka tap chhuak hawk a, chu vèleh Urinpuia chuan min rawn kuah nghâl vat.



"I thiâmloh a ni lo"



A ti sup a, min hnemna tawngkâ techuan ka thinrimna leh ka rilru natna a ti zual, ka fa ka chhiat pawh sûn theilo in ka awm a, hremhmun atanga vanrama awm ni mai hian ka in hria.



"Kha hmunah khân ka thi tawh dâwn amaw ka ti hman a"



Tap tiau chuan ka ti a, min kuahna chu thlahin ka biang tawn tawnah chuan a vuan a, uluk tak chuan min enkar bawk.


"Nautè techu, i damtha anga kan nei leh mai dâwn alawm, e taka, ka pa pawh a chhuak tawh a"



"Ka pa chu ka ngai hlè mai, chuan kan awmna hi Aizawl a ni tiraw?"


Arawn bu nghauh nghauh a,

"Anih engkim a fel tawh em ni?"


"Aw, tûnah chuan tûmân min ti buai leh tawh lo ang"



Urinpuia chu ka kuah thlawp a, mahse ka fa erawh ka ngai takzet, thla 5 chhûng kha chu ka pum chhûngah khân a awm ve hman asin, ka ruak huaiin ka hria, taksa pèng pakhat lâk sak ni mai hian ka in ngai.



RINPUIA POV




Ka pu te chhûngkua chu man an ni tawh a, Reubena pawn a thil tihsual chu a pawm vek tawh, a awm dân chu ka khawngaih rual rualin thah ve mai tepawh ka duh a, mahse a tih tîr tu ka pu anih tlat vângin engmah ka ti thei lo.



Ka fa kha Oliviai hian alo chhiât aw zâwng lo, Doctor ruaiin Oliviai pum chhûnga naute hrisèl tak leh duhawm tak kha zai chhuakin inthâwi nân an lo hmang anih chu, râpthlâk ka ti a, an thil tih chu dân pawh hian a hremna lo mah mah ka ti, mahse sawi theih ka nei si lo, Oliviai bulah erawh anat lutuk ka hlauh vângin ka sawi duh ta lèm lo.


Reubena chu Kum 7 tâng tûra tih a ni a, Ka pu te erawh ka nu leh pa leh mi tam tak an lo thah tawh vângin an monu tih loh chu damchhûng tâng tûra jail runthimah an awm tâk diâl kha, chawh hi ka van ti tak, ka duh dân phei chuan khâi hlum law law se ka ti.



Oliviai chuan a tuar hlè a, a rilru lamah thleng nghawng a nei tih Ka thianpa Muanpuia'n min hrilh khân ka thinlung hi vih sawk ang mai a ni, nâ ka ti, heti taka ka nun min tibuai tûr hian an eng pawi nge ka sawi? Ka nu leh pa chu sawi loh ka fa la piang lo thleng pawn a tuar phah a, ka damchhûng hian ka ngaidam ngai lo ang.



ONE YEAR LATER





OLIVIA POV





Urinpuia nèn kan inthenna pawh kum khat dâwn a tling ve ta, kha thil râpthlâk a thlen atang khân thlamuangin ka awm ngai lo a, tûn thlengin ka hliâm ser lian tak ala ni chho zèl chu nia, ka dam that hnû khân kan pahnih a kal hran ka duh vângin inthen ka rawt a, URinpuia erawh chuan a pawm lo, mahse ka chhuak lui ta tho, ka nunhluia hrehawmna tam tak hre reng chung khân eng tin nge ka hlim theih ang? Ka thei lo a ni, mihring ve tho ka ni a, ka chak lo a, tawrh theih loh chin ka nei ve.



Khâ thil râpthlâk khân min ti pângâi thei tawh lo a, tûpawh hi ka hlau vek tawh ni maiin ka hria.



Kan chhûngkua pawh kan hlim ve tawh a, ka pa pawn zû a in tawh lo, ka nuhrawn nèn pawh tar a hnu lamah an hlim dûn thei khawp mai.



Urinpuia nèn kan inthen atang khân vèng khat kan ni lo bawk nen a chanchin ka hre zui tawh lo a, kan inthen tirh kha chuan min rawn phone reng a, mahse ka chhâng ngai lo, Kan inah te hiâl arawn kal thin, mahse ka be ngai lo a, alakah ka thinrim hek lo, ka haw lo bawk, mahse khâng hun hrehawm kha tlânbo san rih a, reilotè chu theihnghilh rih ka duh mai a ni.



Mahse tûn thleng hian zantin deuhthaw ka mumangah khâ leilet ah khân ka lo awmziah a, naute tap rî ka hre ziah bawk, ka naute kha ka chhiât tak tak lo emaw ka ti thin.



Ka nuhrawn chuan tlereuh dâwr min hawnsak ve a, dâwr tè lutuk ni lo mahse lian lutuk erawh a ni lo, chhawr lai nula fel deuh deuh pahnih ka nei a, kan inkâwm tâwk phiân, Feli leh Maremi te an ni, thingtlâng atanga rawn awm an ni a, an mawng a zânga ka hahdam phiân.



An chanchin ka lo ngaihtuah lai tak chuan an ni pawh an rawn lût ve nghâl a.


"Min thlen khalh leh ta"


Feli chuan nui var var hian arawn ti lût a, rawn kal tlâi deuh mahse zîng lamah hi chuan kan buai lutuk loh vângin ka hâu ngai lèm lo.



An che nghâl bawrh bawrh a, thlasik alo in tan tawh bawk nèn avawt sûk mai, kan dâwr awmna hi a dâm in a fâl reuh bawk si a, heater kan âi reng zèl.



Ka tih thin dân bawkin ka kè chu ka hem leh tawh,



"U notei chu i ke sîr kha a châr vek ange aw, i hem ve ziah mai"



Maremi chuan arawn ti a,


"A ho lutuk nuthlâwi ka nih tawh tho hi"


"Tûnlaiah chuan nuthlawi thlawi hi an chhelo tawh zâwk"


A thusawi chu za zet chuan ka lo nuih a, mipa dang han melh tumna ka nei teuh lo, tûna ka awm dân hian awm reng ka duh tawh zawk, bâkah, Urinpuia hi ka la hmangaih reng tho.


"Awihaa.....Hotel Regency neitupa chuan nupui neih nawn leh a tum anih hi,kârleh ah Delhi atangin nupui nei tûrin arawn haw dawn nih chu, a nupui nèn an inthen an tihna kha ala rei loh nèn, kumkhat a liam ve tâwk ania"



Ka tek nghâl chhuai mai, tûna ka thu hriat kha dâwt ni se ka va ti èm, ka bengchhe ri pawh a ni si lo, URinpuia chuan nupui neih leh a tum nghâl dèr amaw!


Mahse a âwm tho, ka lakah a beidawng tawh pawh a ni mahna, mahse ka rilru erawh ka rin phâk bâkin ana vawng vawng mai, ka mittui erawh tih tlâk ka tum lo, pângái thei ang ber chuan awm ka tum a, mahse thinlung thunun a harsat zia erawh ka hre tawh hlè.



"Âw...a hmeltha a, a hosa a, a hmuzo ve ni mai lawm, ani ang pathlâwi hmeltha leh hausa, fa pawh la nei lo nei duh tûr techu an tam lutuk, kan model ho pawh hi a duh duh a thing thei ang chu"



Maremi chuan alo ti ve vat a, ka lo nui lui sak, mahse ka âwmah hian min hnawh ut ut tu a awm tlat, ka puak keh mai dâwn in ka hria.


"Awi.... Hrebera fanû lah hi"



Feli chuan alo ti hlak a, ka lo khi leh sak, ngâwi rengin pawn lamah chuan ka kal chhuak a, bathroom te tak tè ah chuan lûtin thâwk ka'n la halh a, ka mittui rawn tling pam chu ka khap lèt fak fak ringawt.



Feli thusawi chuan nilèngin ka mood ati off vek, ka tawng tlèm a, min biak pawn a rûl tâwk bâkin ka chhâng lo, customer ho bula nui hmèl put luih reng harsa ka tih èm vâng chuan ka nawmsam loh vânga haw tûr angin ka insawi a, dâwr chu an kutah ka dah ta ringawt.



In lam pan aiin Urinpuia nèna kan chenna thin in lam chu ka scooty chuan chak zetin ka pan a.



Ramdangah a awm daih vângin tûmah an awm dawn lo tih ka hria, Mawitei leh Thartea erawh an awm maithei, mahse hmuh ka tum lo, min hmuh fuh tâk leh ka lût ve zuai ang.



Kan in ep chiaha Ramhnuai ah chuan ka tlang phei a, Ramhnuai atang chuan ka thlîr rân mai, Chu ramhnuai techu alo la pângai vek a,hmâna thil thleng tepawh ka hrechhuak uai uai thei, hlauh en ah ka en tawh lèm lo.



Hmânah kha chuan ka in a ni ve thin asin le, Urinpuia nupui tûr chu a hmelthat viau ka ring,ka thîk takzet a ni, tûmân an tibuai ve tawh âwm si lo a, chawh ka in ti, rilru na takin ka chhuahsan a, midang a nei dâwn tih ka hriat meuh chuan ka na leh vawng vawng tho si, Kei min duat thin anga hmeichhe dang a duat tawh tûr chuan min tina takzet a ni, mahse ka cho chhuah a ni a, ka pawm a ngai.


Ka mittui rawn luangthla tiâm tiâm chu ka hru zauh zauh a, tah hawm hawm pawh ka duh, mahse ka thei tlat lo, hnah ro rah rap rî ka hriat rual chuan ka ngâwi hmak a.



Ka che tawh lo, ka hnunglamah hian tu emaw an awm tih ka hria, muangchâng chuan ka hawi lèt riai riai a, Ka phu chiang lutuk,Urinpuia chuan silai sei zet hian min lo tin reng anih chu, ka chelo, mak ka ti, ani techu kârleh ah daih alo haw dâwn kha an ti sia.



Chutia thâwk pawh thaw tha ngam lo a ka awm reng lai chuan arawn nui chhuak hawk a, a silai chu a dahthla nghâl bawk.


"Ka tihpalh, a mû pawh a awm lo, ka fiâm mai mai che nih kha"


Nui chung hian arawn ti a, ka thaw huai mai, a awm dân chu ka ngei lek lek zâwk, mahse nèlawm taka lan erawh ka tum lo, ka mittui chu hru nghâl sawk sawk in pângâi thei ang ber chuan awm ka tum a.


"Mahse engtin nge hetah hi awm theih? Delhi ah i awm amaw ka tia"



"Mmm...ka rawn haw daih tawh, a rûkin"


Min enkur a, ka entha ngam ve lo,


"Nupui chu i nei dâwn a?"



Inkuangkuah pah chuan amah chu ka enkar a, ngawi reng chuan min enkur mai, engah mah ngai lo anga awm ka'n tum vèla, khâ thû ka zawh lai khân ka thin zâwn hi a tâwt up up thei nia, Nei lo mai rawh ti a thingthi a ngaihdam dîl ka tum teuh lo, ka chapo vâng ni lo in, keimah ah nilo hlimna hmû tawh anih chuan ka pawm thlap.


"Aw"


Arawn ti tâwi hmuk a, ka thinzâwn min hnawh up up tu vâng chuan ka chil ka lem khalh mai.


"Engtia rei nge in in hriat tawh a?"


Ka âw chu a khurh loh hrâm ka beisei,


"Kum tam tak"


Ati leh hmuk a, kan inhlui lam chu ka melh san ta daih, hmeichhe dang an chèn hun chuan hetiang hian ralkhat atanga thlîr bâk tih theih ka nei tawh dâwn si lo, ka ngai dâwn lutuk ringawt.


"Hetah te enge i tih reng reng a?"



Chîk zeta min en pah chuan a ti a, ka zâm chhe leh dèr tawh.


"Ka kal mai mai, ka haw dâwn chiah"



Nui lui saka tihpah chuan ka kal nghâl a,


"Olivia"


Vawt ruih a min koh vâng chuan ka ding lo thei lo, a awkî a hniâm hlè a, ka thinlung a dek zar mai.


Ka hawi lèt lo, inhûm ruh tûn chuan ka ding rân a, a thâwm atang chuan min rawn pan tih ka hria, ka hnunglam chu taksa lian zet hian arawn kuahlum ta hlup a, ka lungphû a rang nghâl dawt dawt thei nia,ka mittui aluang nghâl ngiai ngiai a.



"Ngati nge hetiang hian i awm tlat? A rei tawh iti ve lo mi? Ka ngai tawh che"



Zâwi zet hian ka beng bulah chuan arawn ti sur sur a, ka mur nghâl sung sung mai.


"I rim te, hè taksa leh thinlung hi ka ngaiin ka thlahlel takzet a ni, Olivia, ka nghâk rei tawh che iti ve lo mi?"



Tawrh theih loh hmèl zet hian ati leh sâ sâ a,


"Nupui i neih dâwn kha, min thlah rawh"


Tap tiau chuan ka lo ti vîn hlar a, ka tâl ve laih laih bawk, mahse min kuah nghet sauh.


"Nei dâwn, nangmah nei leh tûr che in alawm ka rawn haw"


Ka tap ri nghâl hak a, keipawn ka lo ngâi tawh takzet anih dâwn hi, alam hawi chuan min kuai her a, lungchim zet hian min rawn fâwp nghâl bawk, ka chhânng lèt chiang ngang mai, a nghâwngah chuan ka kuah a, ka kâwngah alo kuah ve bawk, kan chal leh chal in si chet chuan kan nui hak a.







THE END

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)