SWEET NIGHT BY HLUTEI JOCUND PACHUAU (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: SWEET NIGHT BY HLUTEI JOCUND PACHUAU (Completed)

Unread post by Ngaia » May 31st, 2020, 5:45 pm

SWEET NIGHT CHAPTER -13


HLUTEI JOCUND PACHUAU


Na nei reng chuan uluk taka ziah ahar khawp mai, in hriatthiam na ka ngèn e aw....in duh chuan min hau bawrh² u🤧🤧🤧



OLIVIA POV





"Eng thû maw min hrilh duh chu?"




Pu Kima chu ka en kar a, Mawitei kan bula lo ding ve reng chu a melh zauh zauh mai, enge awmzia ni ta ang? A hmèl lah chu a dik lo in ka hria, Pu Kima hian Mawitei a awm ve reng vâng hian a sawi duh lo ni maiin ka hria.




"Mawite, thingpui kha va siam tawh la aso tawh ang"



Nui lui sâng chuan ka'n ti a, Mawitei chuan Pu Kima chu alo enkar mai, a awm dân hi ka ngei lek lek a ni.


"Mawite"



A aia ring deuha ka'n tih chuan harh chhuak ni âwm fahran hian min rawn en zawk a,


"Aw.... awle..."



Tih bah niai pah chuan choka lam chu apan leh mai a, Pu Kima lam ka en chu nui sak hian min lo en a,


"Han sawi la, ka hre châk et et tawh a nia"


Ka tih chuan arawn nui hak a, keipawh ka beng ngawng nuih ve ta ringawt a.


"Ahmâ chuan kan chhûngkaw driver hi ipa a ni thin a"



"Ka lo hre tawh alawm"



Ka lo ti ve vat a,


"Tûna ka sawi tûr hian i rilru pawh a tinâ ang ka tih ka hria, mahse i hriat ngèi a ngai"



Hriat hmaih palh ka neih hlâuin uluk tak chuan ka lo ngâithla kar a,


"Zankhat chu i nû leh Ka fapa (Rinpuia pa) hi an chesual hlauh mai a, khatih hun lai khân i nu kha mizoramah chuan nu hmeltha ber ti ila ka sawi sual ka ring lo, a hmèlthatna khân mi nupui a nihna a hliah vek a, ipa nèn an ineih lai reng pawh khân tlangvâl tam tak a zûnah an uai thin, a hmelthatna chu thu hran, a nungchang leh mizia mawlh mai te kha, a nun a nèmin ti ti thiâm tak leh nui sâng chunga mi be thin a ni a, hlim hmèl a pu reng mai tekhân a hmelthatna ati zual, ipa dinhmun pawh kha a derthawng thin rèng a ni,a zûnah chuan tlangvâl dang chauh ni lo, Bawiha pa pawh kha alo uai ve hlauh mai a, Bawiha pa lah a hausa mai ni lo in Alo hmeltha ve tho si a, a hmelthat zia chu i hmuh tawh ngèi ka ring, i nu nèn chuan pawm lai nei reng chungin an in hmangaih ta tlat a, Chu chu ipa chuan alo hriat chuan a thinrim takzet a, ka hnènah ngèi pawh vawi tam a rawn kal, kei lahin ka fapa chhûngkaw hran din tawh chu ka lo thunun thei bîk tawh si lo, Zan khat chu ipa hi tap chung hian arawn lang hlawl mai a, khatih lai khân zu far khat pawh a in ngai lo, i pa chuan ti hian min hrilh ta a, a nupui a hmangaih leh duh em em leh a pu alo zah thin em em khawsa dûn lai aman thû arawn sawi a, ipa chu a rilru keh sawm niin ka hria, ka fapa chu kei ngei pawn ka hua a, Vawi tam ka zilh hâu pawn min ngaithla duh si lo, ipa chu ka lainat takzet a, a rilru nâ lo hnem chauh chu ka tih theih awm chhun a ni, a tûk zânah chuan ti hian ipa chuan an chuanna car break chu ti failed in Rinpuia chu fa hrah ah a siam phah ta a ni, ipa rilru natna leh thinrimna khân khua a hmu lova, Kei ngei pawn a tum rèng vâng a ni lo tih ka hria, ka ngaidam a, mahse ipa chu a inthiâm thei lo, zu ah a tuan ta a, i nu pawh khân a thih hmâ phah ta ni berin ka hria, ka fapa chuan a sual man a hmû a, ipa pawn a tihsual man tûnah hian a tuar mèk a, mahse Rinpuia alo lian ta telh telh a, thudik a hriat ve chuan ipa chu ahaw ta em em a, chuan nang hi nupui a neih che a, i nun zawng zawng hremhmun a siam a tum ta a ni, a thlîr na ah chuan a dik tho mai, mahse ipa thiâmloh a ni lo, i nu zâwk kha a ni, a hmelthatna khân kawng dik lo ah a hruai a, i theih lai hian ka tupa chu kalsan mai rawh, anih loh chuan i tawrh zawh loh khawpa nâ a tawrh tîr ang che"




Ka biang huh vek khawp chuan ka mittui a luang a, ka tap chhuak thei lo, ka âwm chu ka dawm vang vang a, pawm thiâm harsa ka ti takzet a ni, ka nu chu ka haw takzet a, engkim kha ka nu thiâmloh vek a ni, ka thaw kâwk kâwk a, ri lo chuan ka tap tlawk tlawk ringawt.



"Anih chuan engkim hi Urinpuia phuba lâk na vek tihna em ni?"



Tap tiau chuan ka ti a, Pu Kima chuan hrehawm tih hmèl zet hian a bu nghauh nghauh ringawt, ngati nge maw ka lo pian ve kher le? Lo piang lo law law ila tha tûr a nia, engkim kha dâwt vek alo ni maw, ngati nge ka lo ngaihtuah chiân miah loh le?




"Olivia"



Ka hawi chhuak chu Reubena a ni, ka tap hmèl arawn hmuh chuan rang takin min rawn pan a, Reubena hmèl ka hmuh chuan
Ka tah achhuak zual sauh,


"Reuben"


Tap tiau chung chuan ka ti a, min rawn pan hnâiin min rawn kuah thlawp a, a âwmah chuan beiin ka tap nghâl tlawk tlawk ringawt, ka thinlung hi fei zum taka chhun ang mai hian anâ a ni, chu aia thil pawi ber zâwk chu Urinpuia hi ka lo hmangaih tawh hi a ni, ka thinlung ka thlâk danglam thei si lo, ka thinlung hi ana ngawih ngawih, engkim kha, dâwt vek, min hmangaih thû a sawi te kha, dâwt vek anih ka ring phallo



Kawngkhâr ri rawk ka hriat rual chuan Reubena ka kuahna chu thlahin kawngkhâr lam chu ka hawi a, URinpuia chu phâwk hrû hian arawn lût ve a, Pu Kima chu rum lutuk hian a melh bawk.




"I thil tih kha duhtâwk rawh"




Vîn thah hian arawn ti a, Pu Kima chu a tiang rinchhan chuan muangchâng hian a tho chhuak a, An pu tû chu Reubena nèn chuan ngâwi rengin kan lo en tawp ringawt.



"Thudik tak hi a hriat ve a ngâi alawm"


"Ni lo, thudik a ni lo, khami lo pawh thildang ala awm, ka zawn chhuah i phallo anih kha"



URinpuia chuan thinrim awka tih hriat zet ati khûr hlawk hlawk a,



"Notei hi then rawh, a tâna tha ber tûr anih chu"


Pu Kima chuan aw khûr hlawk hlawk hian a ti a, mak ka ti lutuk, Pu Kima hi min inneih tîr tû a ni a, tûnah inthen tûrin min ti leh bawk si, min ngaihtuah vâng nge ni anga, Ka lakah hian Game an lo khèl char char zawk.


"Ka pu"


URinpuia chuan vîn thawt hian ati a, ka lo tap tlawk tlawk ringawt, engmah ka ngaihtuah thei tawh lo, ka lû techu arawn hai muai muai a, ka taksa chu arawn zâwi ta vek mai, ka ding thei tawh lo, Reubena taksa nghèng chuan ka zal hnawk a,



Min ko thâwm chu hla tak atang hian ka hre ruai ruai thei, arawn thim ta mup a.





RINPUIA POV




Casualty kawtah Reubena nèn kan thu rân a, mi hrang mah ni se kan chhûngkaw chanchin techu ka hrilh ta vek a, Oliviai hi phubâ ka lâkna tûra ka pu in min neih tîr anih thû te, a tîra ka huat zia te, thah ve mai ka duh zia te leh ka insûm theih nasat zia te, mahse ka pu in nei tûr zawka min tih tlat vânga Oliviai ka neih dân techu ka hrilh ta a, ni e, phuba lâk tum chuan ka nei ngèi a, mahse ka thei leh ta lo, kha hmeichhe pawisawi lo tak kha tih nat ka thei tlat lo a ni, tichuan zâwi zâwiin ka hmangaih chho ta a.




Kan chhûngkaw dân leh dûn râpthlâk lutuk techu ka hrilh vek a, a hmèl atang chuan mak a tiin râpthlâk a ti tih ka hre vek, inbî rûk siak game kan khelh zâna Patea leh a fapa in Oliviai ringawt an zawn lai ka hmuh rûk thû thlengin ka hrilh a, khami zân atang khán ka ringhlel ru ta a, engtin tin emaw ka pa hi Ka pu fapa diktak ani velo tih ka hrechhuak leh zèl a, tichuan ka pu hnèna ka thu hriat Ka nu leh pa hi Oliviai pa thah anih hi ka ring thei ta lo, engkim min hrilh zawng zawng tekha ka ringhlel ta vek a ni, Ka pu lam atanga kan inthlah chhâwn dânah chuan nupui hmasa ber te hi an damrei tûr a ni lo, an damrei loh pawn kan nei rei tûr a ni lo, nupui pahnihna hi kan neih hlen tûr zâwk te an ni, chu erawh Reubena bulah chuan ka sawi lang lo, Engemaw pui thû âtthlâk tak a ni in ka hria, ka pu te lam hi mi râpthlâk tak an ni, khaw chhak lam mi niin, dâwithiâm an awm ve thû te kha ka nu chuan a sawi thin, ka nu kha vawi tam tak a tap fo a, a tahna chhan erawh a sawi ngai lo, ka pa khân chu chu a duh ve lova, ka nu pawh kha a nupui hmasa ber a ni, ka ngaihtuah chian pauh leh thil fello tak a awm tih ka hria.




Chûng thû techu ka hrilh ta vek a, Reubena pawn min lo hrethiám khawp mai, Kum 21 a tling ve tâwk tâwk a, ka rin aiin a fingin a rilru a puitling phiân mai.


Doctor alo chhuah hnû chuan rang mangkhèngin kan lo ding hluai a,


"Khawnge ka nupui chu?"



"Roomah a awm, a tha lutuk e, a chauh deuh vâng anih kha"


Tihpah chuan akal leh vut a, kan thaw huai mai,


"Ka lo va haw ange, Engemaw zawn chhuah duh ka nei, ka rawn be leh ang che"

Reubena chuan a ti vut a, âw pawh ka pawh hmâ in a chhuak vut a, ka rin ai daihin a fel phiân, Mi rilru tluang tak a ni tih ka hriat vâng hi nia Oliviai a hnaih pawh ka phal, Amah chu ni lo se an tawh pawh ka phallo ang.



Hmanhmawh zet chuan ka lût ve nghâl a, khum nghèng chuan alo thu vauh vauh mai, ka lût thâwmah chuan min rawn en vat a, a mit meng lian ve tak, lian lutuk ni si lo pawh a sen râm mai,a tap nasa hlè aniang.


"Min then dâwn em ni?"



Tah insûm tih hriat zet hian arawn ti sap a, a mit sen râm chuan min en kiau bawk, ka khawngaih reuh lutuk chu fawh ngawih ngawih mai ka duh.


"Teuh lo, engvângin nge ka then ang che"



Tihpahin a khum bula chair ah chuan ka thu thlâ a, a mittui arawn tling pam mai, min nuih sak a.


"Tinge ka lakah i zèp kher a?"


"Hetiang hi ini dâwn tih ka hriat lâwk vâng ania hrilh che ka duh loh? Mahse lo lungngâi suh, i pâ thah anih hi ka ring thei lo, engemaw tal chu ipa khân a hriat ve ka ring"



Ka tih chuan mak tih hmèl zet hian arawn meng deuh kâwk a,


"Mahse ka pâ kâ atang chuan engmah i hre thei lo ang, engmah a sawi dawn lo"



Beidawn hmèl zet hian arawn ti a, a kut chu vuan in amah chu ka enkar a.


"Min ring ngam em?"



A lû chu a bu nghauh nghauh a,


"Anih chuan lo nghâk rih rawh, thudik tak zâwk chu ka la hâi lang vat ang"



A rawn nui lui sak a, keipawn ka nuih ve tho,



"Engemaw hrilh tûr che ka nei a"


Min enkar chung hian arawn ti a, a nui deuh sak sak bawk.


"Engchu?"


Ka lo ti vat a,


"Ih...nang hi pa ini vat dâwn a"



Ka phu zawk thei, a awmzia chu Oliviai hi a râi tihna maw? Ka hlim lutuk chu awm dân pawh ka thiâm lo, ka kuah nghâl thlawp a, arawn nui hak mai, a hmûi ah chuan ka fâwp vang vang a, kan innuih var var ringawt.


Ka hlim viau lai chuan thil ka hre chhuak zawk, ka nupui hi a râi anih chuan a naute lâk sakin amaha ka hnut chhiah a ngai dawn, chu chu kan dân a ni leh bawk, mahse ka kham zo zâi tawh, tiang chu ka thlen tîr ngai lo ang, Oliviai hi ka vènghim tlat dawn.





OLIVIA POV



Kan khum ah ngèi mai chuan ka mu leh vang vang tawh, ka pasal chu a hlim ve takzet tawh in ka hria, zèp rih te ka lo tum a, ka mâwl takzet a ni, lo zèp rih ta ila a hlim hmèl hi ka hmu âwm chei si lo.




Kar hnih chauh anih laia ka hre chhuak hmâ chu a lâwmawm, ka hlim viau rualin ka rilru ahah tlat, ka pa chu zawh chhuah ngèi ka la tum tho, ka laka a zèp zawng zawng hi ka zâwt vek ang, ka pa lakah hian ka lungâwi thei lo, ka lakah hian zep kher lo in engkim min hrilh ve mai se, hetiang hian ka rilru ahah miah lo tûr.


URinpuia chuan duh aiin min duat a, ka chaw ei tûr tepawh kan roomah chuan Mawitei'n min rawn pe thlap thlap a, nuam lo chu ka ti ve reng, mahse ka pasalin ka vei hlek pawh a phal si lo.



Ka khum bulah thei ei tûr thianghlim zet zet a chhawp reng bawk a, min duat over mah mah em âw ka ti hial a ni.



"Ka pi i thianpa kha arawn kal a"



Ka khum atang chuan tho in inhnuai lamah chuan ka chhuk vat a, Reuben ka hmu chu kan innuih var var mai,



"Thu lawmawm hrilh tûr che ka nei a"


Ka lo ti vat a,


"Eng thu lâwmawm maw?"


Alo ti deuh hû a,


"Nau ka pai a"



Ka'n ti sar sar a, nui vur vur hian min rawn en a, ka zak deuh tlat anih chu,


"Ka rin aiin in nei hmâ"


A deuh sup a, a dârah chuan ka lo bèng taih ringawt, ka zah rûk tawh tehrèng nèn.


"Tak takah khawnge inpa? Biak lawk ka duh a"



Tihpahin a hawi kual deuh ruai ruai a,


"A rawn haw a hun tèp"



Ka tih zawh rual chuan pawn lam atangin motor ri ka hre nghâl, ka nui sak a.


"A rawn haw nih chu"


Nui var var chuan ka ti a, kawngkhâr lam ka hawi chu ka pasal chu hmanhmawh zet chuan arawn lût vut a, min hmû chu arawn nui lût vur vur mai, keipawh chuan ka lo nuih ve sak a, mahse a hmèl chu a dik lo in ka hria, a chauh hmèl in a cool ruih mai.



"I tha em? Thil thleng a awm ami?"



Ding hluai pah chuan ka lo ti a,


"Thu phawt teh"



Tih suppahin ka bulah chuan arawn thu a, amah enkar pah chuan ka lo thu ve bawk.



"Ka patea hian ka hotel min lâk sak dân tûr alo ngaihtuah reng a, ka hnunglam atangin min lo bei reng alawm mawle"



Rilru hah hmèl zet hian a ti a, ka khawngaih reuh lutuk ringawt.


"Ka rin dân chiah a ni, i dinhmun luah lan che an tum anih chuan a awm zia chu, i nu leh pa thattû tepawh kha an ni ve thei tho"



Reubena chuan alo ti vèleh a, an thusawi awmzia chu ka man pha ve hauh lo mai.


"Mahse ipatea ni sia, Ipa hi a û a ni bawk a, a unaupa techu sum vâng maiin a that dâwn em ni?"



Ka lo ti ve vat a,


"Duhtak, thisen inzawm an ni hleinèm"



Beidawn hmèl ati sup a, thil mak dang ka hre leh ta, Nitin mai hian thu mak pui pui hi ka hre reng mai dâwn chu nih hi, hetiang tuar thei tûr khawp hian ka chak tâwk hlè a ngai ang.



Reubena pawn alo hre vek tawh, an pahnih hian engmah min lo hrilh ve duh lo a, ka ngei lek lek zawk.


____________


Tlâi lamah chuan Urinpuia leh Reubena chu an chhuak a, Mawitei nèn chauh kan awm, Vawiin tlâi chu engemaw ni, ka awm a nuam lo, engemaw thil thalo thleng dâwn ang tlatin ka hria.


"Ka pi, I pasal hi i ring viau ami?"



Mawitei chuan sawi duh engemaw a nei tih ka hre nghâl mai, engtak chu ni ang maw.



"Engati nge? Ka pasal ania, ka rin ve loh bawk in"


Ka lo ti deuh hû a, a awm dân chuan min ti thinrim lek lek mai,


"Lo thu la, enge i sawi duh chu?"



Nèm fahran lo chuan ka lo ti a, inthlahrun hmèl zeta rawn thut pahin a kut chu a sik neuh neuh a, ka dawh theihna in a tlin lo tèp tawh.


"Sawi la"


Ka'n ti leh a,


"Ih...eng lo ania, Ka pu hi ka zah lutuk, mahse ka khawngaih bawk si che a, i thu hriatte, ka pu pawh ni se, engmah hi ring suh, tûmah hi ring suh, chuan i thianpa pawh kha, duh aiin thil a hre hnem, a nunna ahlauh thâwn awm a nia, fîmkhur rawh, i fa hi i hrin vèleh nangchu kalsan ini ang, engmah nei lo in khaw laiah an hnut chhiah ang che"




Ka thinrim lutuk chu ka ding hluai a,

"Tûmah ring lo tûrin min tia, nangpawh hi ka ring thei lo che"



"Ka pi, ni e, i duh chuan min ring la, min ring suh, i thu thu a ni e, mahse ka thusawi kha, hre reng rawh, a taka i tawn hunah i hrethiám mai ang"



Inchung lamah chuan ka chhoh sawn hmak a, Mawitei hian eng thû nge a sawi hi, ka châu zo tawh, nitin hian thu mak pui puiin min dèng a, ka châu takzet tawh a ni.

URinpuia chuan dâwt min hrilh ka ring lo a, min kalsan ka ring bawk hek lo, mahse ka ning takzet tawh a ni, hèng zawng zawng kalsan hian khawi ah emaw kal bo daih ka duh, tûmâ tihbuai phâk lo ah, ka naupâi nèn hian kal daih ka duh.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 5:46 pm

SWEET NIGHT

CHAPTER-14

BY

HLUTEI JOCUND PACHUAU



KA PUAR LUTUK A, THÂWK PAWH KA THAW THA THEI LO,🤣🤣🤣 DUH ANG PAWN ZIAH ULUK A HAR THIN KHAWP MAI, MISTAKE A TAM CHUNG CHUNG PAWH A SAWISÈL LO A MIN LO CHHIAR SAK ZÈL THIN VÂNGIN KA LÂWM OVER BAWN LET TUAL TUAL A NIA, LÂWMTHU KA SAWI KHÂT ÈM A, KA LÂWM TAKZET ANIA, IN TEL LO CHUAN ENGMAH KA NI LO.


SAWISÈL KA NGAIHNA LAIAH INTHLAHRUNG LO IN MIN SAWISÈL THIN RAWH U, INSIAM THAT NÂN KA LO HMANG ZÈL DAWN NIA, IN SAWISÈL LOH HI KA HLÂU ZAWK🤧🤧🤧...

KA OVER MAH MAH EM?😂😂😂😂


Ka sawi hmaih miah loh tûr chu nimin piah khân ka hlawh ka va lam ve a, in zârah ka hmai pawh a mâm sâwt tawh a nia😂....hmaibawl damdawi te ka lei a, ka hmangtangkai khawp mai, Boss Ngaia chungah ka lawm em em bawk e.



Inhnuai lama thâwm awm ka hriat rual chuan ka chhuk thla vat a, URinpuia patea leh A nupui Common rooma an lo thu ka hmuh chuan ka ding dat mai.



Min rawn hmuh chuan an nui sâng a, eng tak chu tih tum leh ang maw, hlim hmèl pawh ka hmuh duh lo, muangchâng chuan ka chhuk thlâ a.



"Khawnge inpa?"



Patea chuan nui var var hian alo ti a, a nui hmèl tehian ka luak ati chhuak, lem lutuk, ngati nge acting lamah hian an kal hlawm loh le? Amak zâwk.



"Thil pawimawh ah a chhuak a, enge in lo tih dâwn a?"


"Olivia i tawngkam kha khawngaihin uluk rawh, a fapa in a nia, kan rawn kal chhan in zawh hû a ngai ami?"



Nutei chuan tawngkam vîn nisi lo in ngeiawm zet hian a ti a, ka nui sak ringawt, Patea chuan a mit meiin alo khap zauh lai chu ka hmu reng.



"Thil hriat sual palh a nei a, chumi hrilh fiah tûr chuan kan rawn kal a, a awm loh chuan kan lèt leh nghâl mai ang"



Dam dap hian a ti a, ka hmûi ka lo ti pawrh zauh, ka ngei tih hi thup hrâm ka duh na in inthup tît tèt mi ka ni lo bawk nen, ka tum loh pui hian ka lo tilang leh palh thin.



"Zan riah ei ve ta che u"



"A ngai lo e, kan kal leh mai ang"



Tihpah chuan an chhuak leh vut a, Mawitei nèn chuan kan in en hè hâw ringawt.



__________




Dar 8 pm a ri tawh, Ka call tlang thei lo a an rawn la hâw bawk si lo, ka ril tâm lutuk chu ka pum ari ruk ruk tawh mai.



Choka atanga Mawitei eisiam rim te chuan ka chil a ti pût zawih zawih thei nia,


Varandâ ah te chuan dâkin ka'n thlèk deuh a, a motor rawn tlân tûr awm pawh ka la hmu lo, Pâwna ka chhuah hlek lah hian min enthla reng tu hi an awm tlat a hriat na ka nei thin ziah lehnghâl.



"Ka pi, i duh chuan lo ei san mai la"


Mawitei pawn min khawngaih ve deuh aniang, Choka lamah chuan kalin a arsa kan techu ka'n enkual dan dan a, ka nui ver ver thei nia.



"Awle, ka ei san mai dâwn, ka call tlang thei bawk si lo"


Tihpahin chaw ei dawhkân chu ka kîl nghâl tharh a, Mawitei pawh chuan min lo siam sak nghâl sawk sawk bawk.



"Ka pi"


"Huh"


Chaw ka bâr mawlh mawlh lai chuan Mawitei chu ka en hâ a,


"Ilo chîk ve ngai em?"


"Eng chû?"


Ka lo ti deuh hû a, ka hmâ ah chuan rawn thu thlâ in min enkar a,hlauh nei ni âwm fahran hian a hawi kual zek zek bawk.


"Ka pu patea kha, a mit hnuai a sen vek, chuan Pu Kima pawh kha"


A thusawi chu ka hria, ka ngaihtuah lèt vang vang a, an mit hnuai dark circle kan tih thin lai ang chu a sen duk deuh ruih ve ve alawm, ka hmu ziah tho a,mahse ngaih that lohna em em pawh ka nei ngai lo,anih dân tûr vè rèngah ka ngai hmiah.


"Kan naupan lai hian Burma ah kan awm thin a, ka pa hi sipai anih vângin, ihmaw....Halkha ho hi Burma tlâng epchiah ah a hranpa in an awm khâwm a, chûng ho chu kristian an ni ve lo"



"A ni maw!...chuan engtin zèl"


A rawn kûn hniam deuh a, a tawng zâwi hlè bawk.


"Ihmaw...ka nu sawi dân chuan Halkha ho chuan ramhuai an be thin a, ihhh....dâwithiâm deuh vek an nia, khua ah pawh an rawn kal zen zen ngai lo, an hlauhawm lutuk, keini pawn kan tlawh ngai lo, Pathian thû hril a kal tepawh an lo dâwi hlum zèl an ti, ih...ka nu chuan in hriat hran theihna tûrin an mit hnuai hi a sen ngèi ngèi thin an tia, Pu Kima leh Ka pu patea te hi ka ring hlel tlat a, mahse Ka pu hi chu a sen ve bawk si lo a, mahse sawi chhuak chuang suh aw, ka rin dân mai mai ania"



Mak ka ti lutuk chu ka sa ei pawh thial na châng hrelo in ka hmuam tûn reng ringawt, tui chu ka'n in khawlh khawlh a,


"Anih chuan Pu Kima te hi dâwithiâm maw!...."


A bu nghauh nghauh a, âwih tûr nge âwih loh tûr pawh ka hre lo,


"Mahse, a hmâ techuan Pathian thû te kan sawi a, bible tekha kan chhiar dûn thin sia"



"Chû erawh ka hrethiam bîk lo, engtin nge, a hmâ atang daihin Mizoramah hian an awm ka hre lo, ihmaw...dâwithiâm an nih chuan keichu ka hlâu tawp"


A'n ti leh sar sar a, a râpawm lamah a kal in ka hria,


"Keipawh ka hlâu"


Ka ti sap a, ka chaw ei pawh a tui tawh lo zo vek, Mawitei lah chuan kei aiin a hlauh hmèl zawk, mahse Keichu Pathian nung betu ka ni a, ka hlâu tho nâ in, ka hlau lo lui thei tho.



Chutia kan ngawih dun vang vang lai chuan kawngkhâr a rawn ri rawk a, Mawitei nèn chuan tè thawt pahin kan ding hluai a, kawngkhâr lam ka hawi chu Urinpuia chuan mak tih hmèl zet hian min lo en tawn dûn zak zak a.



"Thil thleng a awm ami?"



Arawn ti deuh hû a, ka awm dawm chuan ka thaw huai ringawt, kan bulah chuan rawn kalin hriatthiam loh hmèl zet hian min en dûn a.


"Awm lo e, lo ei ve nghâl rawh"


Nui lui hak pah chuan ka lo ti a, Mawitei pawn alo hrethiám aniang, a inthiar fihlim ve vat a, Urinpuia kutsil hlân chuan a chaw ei tûr chu ka lo siam sak ve vat a.




"Enga ti nge in lo van phu nasa ve"



Ka bula rawn thut thlâk pah chuan a ti a, min en rulh rulh bawk,


"Nakinah ka hrilh ang che, chaw ka la ei hi"



Ka lo ti bak hlur a, a nui hak ringawt, ka thinchhe sâwt tan dâwn riau mai.


______________





Khumah chuan mû in Urinpuia inbual chu ka lo nghâk rân a, Kan khum bul basket a a thei dah chu ka en vang vang a, apple chu ka thlang nalh, ka keih nghâl mawlh mawlh ringawt.



Mawitei thusawi chu ka ngaihtuah lèt vang vang a, a ni ve thei tho mai, ka fîmkhur leh zual a ngai dâwn a ni, Ramhuai ten ka laka thil an tih theih loh nân ka tawngtai tam a ngai, mahse a âtthlâk ka ti deuh, ka âwih lo ngam chiah bawk si lo.



Tûn ang laia dâwithiâm an awm tûr chu nuih tepawh aza lek lek mai, mahse an thil chîn dân râpthlâk lutuk atang hi chuan ka ringhlel lo thei lo.


URinpuia a inbual zawh hnû chuan ka bulah arawn in thawlh ve ta sut sut a, a rim tui vung vung khawp mai.



"Inchhûngkua hi ka hrethiám thei lo che u"


Ka'n ti sap ringawt a,


"Keipawn ka hrethiám thei lo, ka naupan lâia thil thleng te kha keipawn tûn thlengin ka la hrethiám lo, ka pa leh ka pu kha, an inhnial deuh reng thin a, Ka nu pawh kha atap fo thin, ka pa khân a hmangaih takzet tih ka hria"


Inchung lam melh vung vung pah chuan a thaw hak a, keichuan ka lo enkar thung.


"I nu laka a rinawm loh san kha ka ring thei lo a ni, a chhan chu ka nu kha a hmangaih vâng khân ka pa khân kan chhûngkaw dân pawh a bawhchhe fo thin, chu chu ka pu hian a haw thei lutuk a, mahse ka pa kha chhûngkaw châwm tu a ni tlat sia, ka nu kha a tap ru fo thin, vawikhat phei chu, ka nu hi kawr tet hnuâng hian a rawn tap lût a, kum 15 lai ka ni ve tawh, ipa lakah hian ka bawlhhlawh zo vek tawh, a ti bawk a, kha kha tûn thlengin ka la hrethiám thei lo"



A ti ve sup sup a, ka ngaituahna a ti kal thui khawp mai, a nu awm dân tûr techu ka ngaihtuah ve chhin a, thil ka hre chhuak zawk mai.


"I nu kha, pâwngsual a ni thei mai angem?"


Ka'n ti chhuak hlawl a, min rawn en vut a, ngaihtuah lèt ni âwm tak hian a ngâwi vang vang bawk.


"I sawi tâkah chuan keipawn a ang ka ti, engthil teh hrep nge ni ang le?"



Chauh hmèl zet hian a ti a, ka pasal rilru hah lutuk chu hmuh hrehawm ka ti takzet a ni, keipawh hian awm mai mai lo in ka pui ve tûr a ni, naktûkah ka pa in ah ka kal anga, thil thleng a hriat ang ang tekha min hrilh ngèi tûrin ka ti ang.




"Muhîl ang, a tlâi tawh, chawlh hahdam i mamawh anih kha"



Chauh hmèl zet hian arawn nui suk a, a hmûi ah chuan ka lo fâwp zauh, min rawn kuah deuh hlûn mai, in kuah vang vang chung chuan kan muhîl zui ve nghâl a.


NEXT MORNING




URinpuia office a kal vèleh chuan keipawh hmanhmawh takin ka chhuak ve nghâl a, ka hrilh chuan kal lo tûrin min ti dâwn sa, chuvângin a rûk a kal hi atha zawk.



Kan in kawt ka thleng chu hmanhmawh takin ka chhuk thlâ a, alo inkalh lo hlauh e.



Ka lût chu ka hriat hmasak ber thin ngai bawk zu rim chu ka hre hmasa leh ber tawh,


Ka lût chu ka pa chu chhuat ah chuan alo thu duai a, min rawn hmû chu mak atih hmèl em em lehnghâl.



"Pa, chaw i ei tawh em?"





"Ei tawh e, irawn lèng mai mai dawn mi? Rawn kal fo loh tûr asin, i pasala chhûngten an sawi duh lutuk ang che"



Alo ti dam dup a, ka pasala chhûngte saw mihring nge an nih ramhuai pawh ka hre lo, ka ti tèp a, ka insûm leh thei hrâm.

"Pa"


"Huh?"


"Nau ka pai a"

Min en vang vang a, a hlim hmèl chu ka hmuh hmaih lo chiang kher mai,



"Pa, nu ka ni ve tawh dâwn a, khawngaihin ka nu hmèl chu min hmuh tawh la, engkim min hrilh tawh rawh"



Ngèn ngâwl zet chuan ka ti a, ka pa hlim hmèl chu thinrim hmèl hian arawn inthlâk in ka hria, mahse vawiin na na na chu ka tlâwm dâwn bîk lo, min hrilh hmâ chu ka haw lo ang.



"Pa, i ngawih tlat vâng khân ka beidawng tûrah i ngâi ange, i fanu hian ka chhun zia che chu i hriat kha, ka luhlul ve tho"



Chhuatah chuan ka thu thla vè a, ka pa chuan ngâwi rengin tukverh èng lam chu a melh ngat ngat thung, ka pa hi mi luhlul tâwp khâwk a ni a, mahse a zaidam hlè thung, kei erawh ka luhlul hlè na a, ka zaidam hran lo.


"Pa, khawngaihin min khawngaih ve lo mi?"



Tap ti tih chuan ka'n ti a, ka pa hmâ ah chuan ka mittui chu ka hru fap fap reng ringawt.


A tho ta tuah tuah a,


"Tho phawt teh"


Tih sup pah chuan min kâi tho in sofa ah chuan min thuttîra, room lamah chuan a lût ta daih a, ngâwi rengin ka lo ngaichâng rân mai.



A hnû deuh ah chuan thîr thingrem hlui tawh tak, lian vak lo hi arawn la chhuak a, ka hmâ ah chuan dahin a hawng rak rak mai.



A hawng chiah chu thlalâk leh hmeichhe thawmhnaw pakhat pârchhak mai, a hmân lai tawh tih hriat zet hi arawn la chhuak a, a bán a puk tha hlè a, kawrkilh lian zet zet hi a in vuah bawk, a hun lai na na na chuan thawmhnaw nalh leh man to tak chu a ni ve in ka ring.



"I nu kawr ka leisak hmasak ber a nih kha, ka hlawh hmasa berin ka lei a, cheng sawm ruk man a nih kha, a hun lai kha chuan thawmhnaw man to tak chu a ni ve alawm, i nu pawh khân a rauh hlè bawk"



Mittui tling pam chung chuan ka nui hak a, ka nu thawmhnaw hlui chu ka pawm vawng vawng ringawt, nu rim hi a nam bîk in ka hria.



"Hei hi i nû nen kan inneih thlalâk ania"



Tihpahin thlalâk hlui ve tawh tak, hi arawn la chhuak a, ka en chiah chu ka nu chu Pu Kima sawi ang tak takin alo hmeltha ngèi mai, make-up techu hmang ve nual mahse keini hman ang em em in an hmang ve lo, ka nu hmelthat zia chu ka sawi fiah thiâm phâk bâk a ni.



"Ka nu chu alo hmeltha takzet anih hi"



Tap âw tiau chuan ka ti a, ka pa pawh tûna a awmdân leh hmèl put hmang ngaihtuah chuan ka rin phâk bâkin a hmeltha.


"Anih chuan, Ka thu hriat te kha dâwt a ni tiraw"


Ka pa enkar chuan ka'n ti a, hrehawm tih hmèl zet hian a thaw hak mai, Pu Kima'n engkim min hrilh tawh tih a ring thiâm nghál a ni ngèi ang.


"Amak lutuk, i nu khân tihsual a neih âwm ka hre lo, khati khawp khân nû a ni chung pawn duh tû leh ngâizâwng tu angah a, mahse ka tân rinhlelh âwm leh thîk tûr âwmin a awm ngai lo, Ka pu nèn khán ka ringhlel ve tawp a, Pu Kima lahin min lo fuih pawrh reng bawk si, an car break kha ka tih failed lai âwm ka hre miah lo, mahse ka tih failed angin ka ngâi tlat a, mahse engtin tin emaw police techu Pu Kima'n alo bum kual a, a zârah jail bang ka zût lo hrâm chu nia, mahse ka tihsual man chu ka tèl mèk anih hi"






Ka ngaihtuah vang vang a, Pu Kima hi a bul tum tû ang vekin ka ngai.



"Anih pa, Ka nu leh Urinpuia pa te awm dûn lai chu i mit ngeiin i hmu em?"


"Aih, ka hre tawh lo Bawihte, khami zân kha, han ngaihtuah lèt ngaihna rèng ka hre tawh lo, ngaihtuah lèt ka tum pawn a thim mup mai"



Ka rinhlelhna hi a dik telh telh mai, ka thin a rim takzet a ni, ka kut chu ka hûm ruh ngat ngat a.



"Pa, an chhûngkua kha mak tihna riau inei thin em?"



Min rawn en deuh hû a, a ngaihtuah vang vangin ka hria, thil hre chhuak thut ni âwm tak hian min rawn en leh thut a.


"Ni tak e, Inbi rûk siak kha, kha tih lai khân Ka pu nau khân nupui a nei thar a, a nupui kha khami zân atang khân a zeng ta vak a, chuan a thi zui ta an ti, chuan nupui dang a nei leh a, a neih thar leh zân kha chuan keipawh ka tel ve tawh nghe nghe, an dân te min hrilh a, ka râp in ka hlâu takzet a ni, chuan Rinpuia pa hian min hmu hmasa ber a, min kâp hlum ngèi tawh tûra ka rin laiin min kâp duh ta lo, khami zân khân Ka pu Rinpuia pa leh Pu Kima chu an inhau ta hrep a, Ka pi Rinpuia nu pawh a tap nasa ni âwm e, ka bulah pawh an chhûngkaw dân vâng hian hrehawm a tih thû leh Rinpuia a hlauhthâwn pui thû min hrilh fo mai"




Ka vâr ta kuar kuar mai, buaina chu khami zân atang khân a in tan mai lo,khami zân khân ka pa chu thi tûra tih a ni a, mahse Urinpuia pa in a chhanhim, An dân a bawhchhe bawk, ka hrethiám engkim hi.



"Pa, i thah a ni thei lo hrim hrim, Urinpuia nu kha, pâwngsual a ni bawk,i hre ve em?"


"Hria e, a pâwngsual tû pawh Pu Kima fapa naupang zâwk kha a ni, khami zân a thil thleng kha ngaihtuah pawh ka duh tawh lo"


"Pa, anih chuan tihbuai che an tum a ni, ka hre ta, an pâwngsual lai i hmuh vângin inbi rûk siak game hmang khân thah che an tum a, chuan Urinpuia pa in a chhanhim che a, tichuan Pu Kima te remruatna chu engmah lo mai a ni, Tichuan in inkârah inhmuh thiâmlohna an chhuah tîr ta a, Dâwi hmang ngatin Ka nu pawisawi lo pawh an tel tîr ve a,Tichuan Urinpuia nu leh pa an that a, chuan nangmah an tâl awh tîr leh che a, ka hrethiám ta vek mai"



"Ni lo Bawihte, pawm tawp rawh, i thil hriat te hi hria angin i awm tûr a ni lo, in rawlh hlek suh"


"Mahse pa..."


"Ka sawi chu hre reng rawh, Nang leh ka tû lo piang mai tûr tan hian i zèp a ngai, i pasal ngei pawh hrilh suh ang che, a nih loh chuan in nunna atân a pawi thei, min tiam rawh"




Ka pa chu ka en vang vang a, ka thil hriat techu engtin nge ka zèp theih ang, ka hriat chhuah vânga ka hlim tawh tehrèng nen.



"Awle, pa, ka tiam ache, ka sawi lo ang, mahse Urinpuia hian engtikah emaw chuan a hre chhuak vek tho ang"



"I pasal hian amah in a zawng chhuak tûr a ni, pui hlek suh ang che, a bulah awm la, in him na tûr chauh ngaihtuah ang che, chuan I pasal chauh i ring tûr a ni bawk"



Ka lû chu ka bu nghauh nghauh a, mahse thil hriatthiam loh ka la nei,



"Mahse pa, khâng zawng zawng kha, i hre vek sia, tinge URinpuia hi min neih tîr?"



"Pu Kima hian min hèl reng a, i tèt lai daih tawh atang khân,a chhan chu nangmah hi an duh ta ber chu ini ta a ni, enge a chhan ka hre bîk lo, tichuan i pasal ka hmuh hmasak ber nî khân, ani chauh hian a vènghim thei dâwn che a ka hriat vâng a ni, a chhan chu amah ah khân ka pu kha ka hmu tlat a ni"



A nui hak a, ni e, tûnah chuan mahni chauh in ngaihtuah thei ka ni tawh lo, ka fa hi ka ngaihtuah tel a ngai tawh, la zèp rih zâwk mai ang, URinpuia chuan min huat phah loh hrâm ka beisei.



__________



Ka pa in atang chuan ke in ka kal mai a, bâkah in ngaihtuah ka duh rih, tinge Pu Kima techuan min duh tlat le? Tunge ka nih? Kei hi khâng ramhuai ho khân enga tân nge min tih ang?



Mahnî tè a ka kal bek bek lai chuan ka hnunglama motor horn ri tuar chuan min ti phu dâwrh thei, ka lo in ngaihtuah mûk nasat nèn.



Thinrim zet chuan ka hawi lèt a, car tukverh atang chuan Reubena hi rawn dâkin arawn nui sun sun mai.



"Mawla, ti tawh miah suh, naute hian a hlâu alawm"



Vîn tuar a ka tih chuan a hmûi chu nasa zet hian arawn ti pawrh a, ka pan nghâl vat.



"Lo lût rawh in pa in rawn hruai haw tûr che in min tia"



Chhâng lo chuan ka lût ve nghâl a, ka la tûm bâr mai,



"Enge ipa chu va dâwp i tum deuh ami?"



"Tum e, mahse ka pa chu i hriat kha"



Ka lo ti vat a, a tlân chhuak zui nghâl mai bawk,


"Engtik lai atang khân nge car te ilo ngainat a?"



Nui var vara ka tih chuan min rawn en in a nui suk a,


"Nula ka phur reng duh sia, Bike ai chuan car hi an lo lâwm zawk in ka hria"


Nui vur vur a a tih chuan ka bèng thuai a,


"Tenawm"


Ka ti hlak bawk, a nula lawm pawh ala reh lo chu nia, hèpâ hi chu engtikah mah a danglam ngâi lo ang.


________



Ka lo ti ti tui deuh nge kan tlân dân chu ka lo ngaihtuah miah lo, Kan in lamah kan lo tlân rèng rèng lo.



"Reuben, khawi ah nge min hruai dawn?"




Reubena hmèl chu ka en a, ka biak pawh hrelo ang mai hian zu awm a mawle, ngaih that lohna em em pawh nei lo in ka thu leh mai a, ka záwt nawn tawh lèm lo.



Kan tlân kan tlân hnû chuan Pu Kima te in lam min pan pui tlat, ka ngaih a tha tawh lo, Reubena hmèl chu ka en hâ a, Reubena a ang tawh lo, a hmèl chu thinrim nasa deuh hmèl hi a pu, ka hlâuthâwng tan dèr tawh.



"Reuben, enge hetah kan tih dawn?"


Aw khûr ti tih chuan ka ti a, mahse ka biak pawh hre lo ang maiin a awm leh tawh.



"Reuben"



Tih tuar pahin a dârah chuan ka sâwi vak a, harh chhuak thut ni âwm tak hian min rawn en hû mai.



"Enge ka tih tâk hi? Ni lo"



A buai nghâl vek a, ka hlauh ang ngèiin Pu Kima te in atang chuan Mipa pathum vèl lian pui pui dum suit vek a inthuâm hi an rawn chhuak a, Kan car awmna chu an lo thleng rang ngèi mai.



Reuben chu rang lutuk hian a chhuak a, ka tap ti tih nghâl.


"Reuben min kalsan suh"




Tap chung chuan ka ti tuar tuar a, mahse car bulah chuan ding in min hnungchhawn daih a, a beng a hup nghâl hmak bawk.



Palian pui pui techu rawn lût in engemaw puan dum hian ka hmai an rawn khuh ta vek a, a thim ta mup mai, ka tâl vak vak a, awmzia a awm lo, min zâwn chhuak in ka hria, Reuben chu ka âu a, mahse min chhâng lo, ka haw takzet a ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 5:46 pm

SWEET NIGHT

CHAPTER-15

HLUTEI JOCUND PACHUAU


Dâwithiâm awm dân leh dâwithiam ho ka sawi kha, a tak tak vek a ni a, ka phuahchawp a ni lo tih ka rawn sawi e, an chanchin hetiang hmanga ka lo ziak ve chiam chiam hi an duh lo maithei a, an lo hmuh ve hlauh chuan min dâwi â ve mai ang tih ka hlau khawp mai,😂😂😂😂







RINPUIA POV




Ka hâw chu alo reh ruih mai, nî danga ka hâw hun nghâkhlel taka min lo nghâk thin tu ka nupui ka hmu lo chu hrilh hai zet chuan ka hawi kual a, Mawitei pawh ka hmu chuang lo.



"Mawite, Olivia"



Ka auh pawn an èi miah lo, inchung lamah chuan ka chho vat a, kan room pawh alo ruak huai mai, khawi ah nge an kal ang le? Balcony atang chuan kan inhnung lam huan techu ka'n hawikual a,Mawitei leh Thartea lo in be mawlh mawlh lai chu ka zu hmu.



"Mawite, khawnge ipi?"



Ka'n ti lûng lûng a, an rawn hawi chho chu Mawitei leh Thartea chu hmanhmaw zet chuan an rawn tlân lût a, keipawh inhnuai lamah chuan ka coat leh necktie phelh sawk sawk chung chuan ka chhuk thla ve vat a.




"Ka pu, ka pi chu a pa te inah a kal dâwn thû a sawi a, rawn lèt leh vat a tum a, arawn la haw miah lo"




Hlauhthâwn hmèl zet hian a ti a,


"Ka pu, Ka pi Thianpa rawn kal ziah thin kha arawn kal a, pâwna ka lo awm lai a ni bawk nèn ka pi awmna min rawn zâwt a, ka lo hrilh a hruai tûrin a kal in ka hria"



A tih tâkah chuan ka thaw huai mai,


"Mahse ka pu, chaw hma lam daih tawh khân a nia, arawn lèt pui har tawh khawp mai"



A ti leh sup a, Reubena anih tho chuan ka ngaih a tha deuh, mahse tûn thleng thlenga arawn la lèt pui lo chu ka lungâwi lo lek lek mai, Oliviai pawn a haw tlâi tûr techu min rawn hrilh ve tal tûr ania.


Inchung lamah chuan chho leh in Oliviai chu call ka han tum a, a in switch off hmak nia, Reubena pawh chuti tho, Ka ngaih atha lo tan dèr tawh, inhnuai lamah chuan ka tlân thla leh a, inthlâk pawh ka la inthlâk lo.




Choka lama Mawitei leh Thartea lo in kâwm melh melh chu ka va fin ve vat a,



"Mawite, ipi chuan i hnènah engemaw sawi te a nei em? Apa ina akal hnu in arawn la be leh miah lo che mi?"



An pahnih chuan min en dûn kar a.



"Be lo, ka ngaihtuah tawh khawp mai, a kal dâwn kha chuan tlâi ah arsa lo kang leh tûrin min tia, a raino sia a ei châk aniang"




A ti ban chat chat a, ka rilru a buai nuaih mai, ka hmâi chu tuai puat in ngaihtuahna fîm hman chu ka'n tum a, engtin emaw lo awm palh ta se, a pa te in ah chuan ka va kal ve mai dâwn emaw ni le? Mahse va kal ta ila, engtin mah alo awm leh si loh khân tûllo ah patling pui ka buai tihna nia nga, a zahthlâk lam lek lek zawk.



"Ka pu, apa te in ah chuan va kal mai la a that ka ring, zan in hi thla bial zân a ni leh nghâl"




Thartea chuan alo ti vat a, ni e, kal tawp zâwk ila a that ka ring.


"Alo haw chuan min hrilh vat dâwn nia"


Tihpah chuan ka chhuak vut a,



Car ka tih nun lai techuan ka call pah reng bawk, an pahnih chuan switch off a in ti ve ve, ka ngaih a tha thei tawh lo.





____________



Ka in khalh chak bawk a, ka pu zawn te in pawh ka thleng hmâ ngèi mai, hmanhmawh bak lèng chuan ka'n lût nghâl thurh a.



Oliviai nu hrawn leh A pa chuan zanriah an lo ei mial mial mai, phâwk hrû hian min lo en dûn a,



"Rinpui, enge irawn tih dawn?"



A nu hrawn chuan alo ti deuh hâ a,


"Oliviai ka rawn zawng"


Ka'n ti mâwl tawp ringawt a, a pa chu a ding hluai mai,


"Chawhma lam khân arawn haw daih tawh, tûnah khua a thim tèp tawh a, khawnge akal anga?"



Apa chuan lungâwi loh hmèl fe hian a ti a, ka inthiâm lo rilru ngèi mai,


"Reubena'n arawn hruai a, ka kal leh mai ang, kal kawnga kan rawn insûl pèl palh a nih ka ring"



Tihpah chuan min chhân hmâ in ka chhuak leh mai a, ka dâwt phuah chawp chu an âwih dâwn lo tih ka hre chiang, mahse tih ngaihna ka hre lo, kalna tûr hre lo chuan ka ding vang vang reng a.



Khawi ah nge an kal ang? An lo chesual reng te hi ni lo maw le? Kal na tûr ber pawh hre lo chuan ka'n rin zawn ta ringawt a, khua a thim tan tawh.



Mawitei chu ka'n call a, alo la haw loh thû asawi bawk si, kawngsîr rem laiah chuan ka car chu ti dingin ka'n maimitchhîng vang vang a, Hun rei tak atanga ka tih tawh ngâi loh, Ka ti thin em tih pawh ka hriat tawh loh hiâl thin tawngtâi chu arawn lang ta.



Chham tûr em em pawh hre lo in Ka nupui min zawn hmuh tîr tûr leh ka nupui leh ka fa lo piang mai tûr engtin mah an awm loh nân chuan ka'n dîl ve a, ka tawngtâi lohna a rei tawh bawk a, chham tûr lah chu ka hre tlèm èm èm lenghâl.



Mahse a direct in Pathian chuan min chhâng chuang lo, mahse ka beiseina ala mit lo, ka la beisei ru reng tho, ka'n maimitchhîng leh vang vang a, Lalbiakna te chu ka'n sawi chhuak leh ringawt thin, ka rilru ava hah tak èm, Lalbiakna ka sawi zo chu Ka Patea ina kal chu ka rilrû ah arawn lang ta tlat a, hmanhmawh zet chuan ka in khalh chhuak zui bawk,ka beng bulah hian Oliviai hian pui tûrin min ngèn mawlh mawlh in ka hria, a tawng ri ka hre lo a a âw pawh ka hre hek lo, mahse ka thinlung hian a hre tlat a ni.




Ka nu leh pa he khawvèl atanga an kal bo atang khân ka inkhâwm duh ta lo a, Pathian lakah chuan ka lungâwi thei lo a ni, Fahrah a min siam vâng hian ka dem a, Naupangtè in mawhphurhna lian tak ka chungah a tlâ a, Pathian chu demin inkhâwm leh tawngtai hi tûl tihna ka nei ngai lo.



Ka va sual em em hran chuang lo a, keimâ nun nun hian ka nung ve tawp mai ni,



Ka lo inngaihtuah nasa deuh nge ka pu in han ti mai ila ka pa sak leh din vek a ni tho, mahse ka patea hming liau liau a adah vângin chuhpui tumna ka nei ngai lo a, ka awt bawk hek lo, ka in, keima thawh chhuah a ka lei ngèi saw tè zâwk mahse ka duh fè zawk.



Ka kal lohna a rei tawh vâng nge kan chèn ho lai ngaihtuah chuan a hluiin rawng tepawh a khawk nual mai, chei that vè âwm ania, luhkâ a ka lût tûr chu alo mawih deuh aniang ala ri tuâr zui, ka tum loh puiin ka la phu zuk zui.


Door bell chu ka'n hmet ri ral ral a, door bell te lah chu a bâl èm èm lehnghâl, Marcus a, Ka cousin fapa chuan arawn hawng a,


"Pate, nutei ilo hruai dâwn ami?"


Ati nghâl vat a, a awm tih ka hria chu ka lâwm rual rualin mak ka ti, eng tin nge a awm tih ka hriat pawh ka hre bîk lo, heta a awm mak ka ti rual rualin ka hlâuthâwng ru nghâl et et mai.



Ka cousin Muana chu lâwm loh hmèl fe hian arawn dâk ve nghâl a, unau mah ni ila kan in ngaih lutuk lo, naupan lai atang tawh a mi er reng renga khawsa kha a ni ve hrim hrim a, a phakarin dâwt a heh si, kan insual fo thin.


"Khawnge ka nupui?"



Awka nèm fahran lo chuan ka'n ti a, ngei awm zet hian a nui suk mai,


"Hetah a awm lo"


Alo ti hmuk a, ka thin in a tuar ta lo, lût rawk rawkin a kawr âwmah chuan ka'n thâm nawk a,


"Dâwt sawi hlek suh"


Inseh ruh tûn chuan ka'n ti a, kan bula Marcus a inthlahrung dèk ka hmuh chuan ka thlah leh vat bawk, alo men pâr a,Muana lah a nui duh lek chauh.


"Naua ka fiamthû nih kha, a awm reng alawm"



Ka nemsawn lawp a inchhûng ah chuan ka lût nghâl rawk rawk bawk, Choka lama inbe thâwm ka hriat rual chuan Choka lamah chuan ka lût vat a.



Ka thil hmuh zet chuan min va ti phu chiâng èm,chaw ei dawhkân ah chuan Ka nupui Oliviai ngèi chuan Sahring hi alo ei buan buan anih chu, vawksa niin ka hria, a hmûi ah techuan thisen hi alo kâi luai a, Ka patea leh ka pu te ho chuan an lo en thap hlawm a.



Reubena chu a en ngâi en vung vung chuan Oliviai bulah chuan alo thu ngâwi kar ringawt.



"Olivia"


Vîn thawta ka tih chuan min rawn enthap hlawm a.


"Ehe...Duhtak, ka ril a tâm lutuk a, Nutei hian eitûr tui hnâi deuh deuh min lo pe a"



Ka sen sûng hian alo nui a, ka thinrim lutuk chu Oliviai leh Reubena mi â ang maia thû chu ka kâi tho rawk rawk a.



"Nangni hian lo hnaih tawh suh ang che u, anih loh chuan ka that vek ang che u"



Thinrim zet chuan ka ti tâwn tâwn a, an chaw ei dawhkân chu ka nem baw thuai a, râpthlâk ka tiin mihring an ni pawn ka hre tawh lo, ka thinrim insûm chu ka khûr hlawk hlawk thei nia.



Ka pu chu rum zet chuan ka melh a,


"Ramhuai betu"


Inseh ruh tûn chuan ka ti sup a, min hlauh hmèl ka ti,tûmân min dang ngam lo kha a mak zâwk, Nutei phei chu alo tap vèl, Oliviai leh Reubena chu ka kái chhuak hlawk hlawk a.



"Ka ril a tâm tehrèng nèn"


Oliviai chuan tap âw tiu hian ati a,


"Ngâwi hmak rawh"


Ka nupui lakah pawh chuan ka lung a âwi tawh lo, ka vîn tuar a, mittui tling pam hian min enkiau ringawt, Reubena erawh mi â ang maiin a ngâwi reng a, car ah chuan ka nam lût rawk rawk a.




Oliviai pawh ka bulah thuttîr in car chu ka khalh chhuak vat a, side glass atanga ka pu in min en reng pawh ka hre reng, ka lo ngaihtuah chiang lo a ni, mî râpthlâk tak an lo ni, chu chiah chu ka hre tawh.


Tûn atang chuan chhûngte ka nei tawh lo.......





AUTHOR POV




Rinpuia chuan thinrim zetin car chu a khalh a, a ngaihtuah na a fîm thei lo, a pu te chhûngkua chu chhui chian a châk et et a, a nupui muhîl bâm chu a en pah zauh zauh bawk, a nupui Oliviai hmái ah techuan thisen thar lâm tak a kâi nuai a, a rim techu a thâng huam huam thei, a nupui awm dân chu mak a ti a, a râp lek lek zawk.



Reubena pawh chu arawn tawng chhuak ve thei ta, Rinpuia chuan thil thleng techu a zâwt a, mahse Reubena chuan sawi tûr mumal a hre lo, a â chhû mai ni, Rinpuia pawn a hrethiâm khawp mai, an chunga an thil tih kha enge chu a hrelo, mahse thil thalo leh râpthlâk tak a ni tih erawh a hrechiang viau.




Reubena pawh an in lama a hâw hnû chuan Rinpuia hriat hlâu takin Pu Kima te in lamah chuan a kal leh ngat a.




Pu Kima te in a thleng chu Pu Kima te nèn chuan an remruatna chu fuh ti zet hian an nui ho dar dar a, Reubena hi tûmân an dâwi â lo a, an fuih khawlo zâwk a ni, Oliviai a hmangaihna kha mahni hmasialna ah an fuih kal ta a, Pu Kima chuan Oliviai naute pâi lai thisen thianghlim tak hi a duh tlat a, a nei thei anih phawt chuan Oliviai leh Reubena te hi awm dun tîr a tiam a ni, Reubena chuan a thawhpui te hi mi hlauhawm tak an ni tih rèng a hre lo, a hmangaihna khân a tha lo lamah a hruai kâwi tlat vâng a ni, a hmangaihna chu Pu Kima te ho chuan remchângah lâ in a tha lo lamah an hruai kâwi a, mihring hi kan chak lohna lian ber chu hmangaihna a ni tih hi Pu Kima chuan a hriat chiân èm vâng a ni, mahse chutih rual chuan kan chakna pawh Hmangaihna tho a ni.



Reubena chuan Oliviai chu neih ngèi a tum tlat a, Oliviai hmangaihna dawn lèt emaw, a thinlung lam a ngaihtuah lo, amah kha a neih dâwn phawt chuan a lungâwi tlat a ni, a chhan chu Rinpuia aiin Oliviai hi a hmangaih hmasa zâwk a, chu chuan mahni leh mahni a inthiâm tîr tlat vâng a ni.


Hmangaihna in a mit a ti del a, an in thian thatna chu a hmangaihna sual chuan a hliah hmak tawh.





NEXT MORNING



OLIVIA POV




Ka harh chu ka khumah ngèi mai chuan ka lo mu leh tawh, engtin nge ka haw thlen ka hre tawh miah lo, ka hriat hnuhnun ber chu Reubena nèn cara kan haw dun kha a ni, tah khân ka lo muhîl a ni maithei.


Ka kâ chu thisen thâng rim hi arawn nam hak hak a, ka luak a pawt tlat anih chu, bathroom lamah chuan tlân lûtin ka luak ta vak a, ka luak chhuah lah chu a tenawm hlawm em em leh nghâl, a sen vek zui, ka hâ te chu ka nâwt chiâm a.



Ka irh a piang in thisen thâng rim hlîr arawn nam nia,



"Oliviai i tha em?"



Bathroom kawngkhâr chu ka hawng vat a, URinpuia chuan hlauhthâwn hmèl zet hian min lo enkur mai.



"Ka tha, ka ka rim hi a chhe lutuk a, limbu ka ei duh e"


Ha nâwt suah suah pah chuan ka lo ti a, URinpuia chu a thaw huaiin ka hria, ka rai avâng hian min ngaihsak leh lutuk a nuam pawh ka ti tawh lo.



"Awle, Mawitei ka lo zu siam tîr ange"



Tih suppah chuan a chhuak leh mai a, thawmhnaw pângâi ha in keipawh ka chhuk zui ve mai a,ka luak hnem bawk a, ka ril a tâm lutuk chu ka thâ te a khûr der der mai, inhnuai lama arsa kan rim nam ham ham chuan min ti hlim sârh mai.



Dawhkânah chuan ka limbu ei tûr chu an lo chhawp diâm a, ka ei nghâl mawlh mawlh ringawt.



"Ei tam lutuk suh, riltâm lai chuan"


Urinpuia chuan alo ti zauh a, nuih sak pahin ka hmûi ka tihpawrh khum zauh ringawt.


"Vawiin chu va in check up ang hmiang"



"Ani maw!"


Ka ti deuh hluai a, Mawitei nèn chuan min nuih hak ringawt.



______



Chaw ei kham chuan kan chhuak dûn a, chaw ka eihnem lutuk chu ka hah tung mai, car ah chuan ka kè chu ka hlâng ât a, min hauh ka rin tehrèng nèn min hâu miah lo nia.



"Office ah kan buai deuh a min pui lawk la chawhnu lamah clinic ah chuan kan kal dawn nia"



A car khalh pah chuan a ti sup a,


"I nupui râi lai hi min chhawr i tum a ni maw"


A rawn nui hak a, ka hreh em em chuang lo, Hruailukira te, URintei te leh Sawmi te ho hmuh pawh ka châk ve hrim hrim.



"Ei châk te inei em?"



Nui hak pah chuan ka pasal chu ka en a, hriatthiam loh hmèl taka min en techuan ka nuih ati zual, hetianga min duat vèl hi a inhmeh lo ka ti takzet.



"Min zawh tâkah chuan, hmâna ka nulât laia ka ei thin chicken noodle soup kha ka ei châk tawp a, chuan spicy noodles te, Pizza pawh ka ei châk bon tawp, ka sawi sèng tawh lo"



A nui hak a, min zâwt chu a inchhîr ram ram ang,


"Awle kan lei vek dawn nia"



Damthlup chuan a ti a, âwih loh hmèl zet chuan ka nui hak ringawt.



____________


Office kan thleng chu an lo ri hlut a, Urintei lah chu tè teng tung mai, ka rai tih ka sawi phei chuan Hruailukira nèn a hmingphuah ah an inhnial a, ka lo nuih nasa mai.



Ka âiawh tu chu hmeichhia tho a ni a, kan inrual vèl ka ring, kei aiin asâng zawk a, a hmeltha reuh phian leh nghâl, ala mithar vâng nge a tawng duh lo khawp mai, kil khatah alo khi ve sak sak ringawt.




Urinpuia chuan a office a awm tûrin min ti tlat na a, an buai bawk sia, ka theih ang ang chuan ka lo pui ve a, bâkah ka dul pawh ala kiâr lo a, lo in lâk râi nghâl ringawt kha ka tum lèm lo, mahse a hmâ ang chu ka ni tawh lo, tlèmin ka indîm ve deuh.



Ka rin ang ngeiin Ka aiawh tu chu kârkhat bâk ala thawk lo, a thil hriatthiam loh techu ka lo hrilh ve a, rin aiin a ngaihthla tha duh phian leh nghâl.




Urinpuia kan bulah alo din ve reng vâng nge chu nû chu a ding nghâl hluai a, ka pasal chu a hlauh hmèl em em lehnghâl, ka thawh lai tekha ka hre chhuak rum rum mai, keipawh khân ka lo hlâu thei khawp a.



"Thu rawh, a ho lutuk"


Ka tih chuan a thu vèleh mai a, mahse a hmâ ang kha chuan a awm tawh lo,



"Thil chu i ei duh em? Ka va lei tîr dawn ami?"

"Aw, hei ka'n tihpui lawk ange, lo va lei tîr rawh"



Amah pawh en lo chuan ka lo ti liâm puat a, chu nû chuan Urinpuia chu a melh ru zak zak lai chu ka hmu fuh thei phiân, lo ngaizâwng ru viau pawh ni se ka dem hran lo, ka pasal hi a hmeltha vè bawk èm a ni.



"I hah lutuk ange"


Tih suppah chuan a kal leh mai a, ka hrilh mawlh mawlh lai techuan Urinpuia office a alût tûr techu a en zui ngawih ngawih nia, ngei âi mah chuan ka nuih aza zâwk.



"Euuu...vawiin chu manager mood a fu cher cher khawp mai"



URintei chuan nui var var hian a ti a, ka lo nuih sak ringawt.


"Ni dangah a sual viau ami?"


Ka lo ti hû a,


"Kan buai thei sia, a thinchhe lutuk, Siamtei phei kha chu a hau deuh reng zèl"



Siamtei a tih chu ka aiawh tu hi a ni tih ka hre nghâl mai,a hmèl ka en chuan min lo nuih lui sak a.


"A thinchhe sâwt kan lo tih kan lo tih na chhan chu alo nu hah vâng lek hi alo nih dâwn hi"


A'n ti zui leh zat a, ka nui var var ringawt.




"A hau nasa thin viau che mi?"



Siamtei chu ka'n bia a,


"Hau nasa èm èm vak lo e, ka chesual nasa thei èm a"



Inthlahrun hmèl zet hian alo ti sap a, ka nui sak ringawt,


"Ka lo hâu tawh dâwn nia"



Ka ti ve mai a, a office lam ka va hawi chu min lo enkur mai, lei ka'n chhuah khum zauh a, âtthlâk tih hmèl zet hian alo nui hak thung, kei pawh hi a, ka mawl reng reng, pasal te leichhuah khum zuk zuk pawh ka hre ngai lo.




____________




A room a ka va luh chuan parda chu a ti thla nghâl sawk sawk a, a chhan chu min hmuh vek theih vâng a ni.



"Enge hetia itih kher a?"



Ka'n ti deuh hû a,


"A nuam lo"


Alo ti sup ringawt, ka pasal hnathawk lai ka hmuh chuan inhmeh ka ti ngawih ngawih, min en rûn chung chuan a thutna tangin arawn tho chhuak hluai a.



Ka kâwngah chuan a taksa a bei thlap thei tûr hian min kuah bet rûn a, a dâr tawn tawnah chuan ka kut suihin sexy thei ang ber chuan ka lo melh ve kal mai.



"Office ah chuan ka duh miah lo"


Rawn tih suppahin min rawn fâwp vang vang a, ka lo chhâng lèt tha kher mai, nupa nun kan hman lohna pawh a rei ta.


Lungchim zeta kan in fawh mawlh mawlh lai chuan a office kawngkhâr ri rak kan hriat rual chuan kan inthlah vat a.


Siamtei chuan inthiâmloh hmèl zet hian min lo endûn kar mai.


"Kawngka kik i thiâmlo ami?"


Urinpuia chuan a ti deuh hluk a, ka lo khap vat.


"A pawi lo enge ni ta?"



"Hei hi i endik a ngai a"



Inthiâm loh hmèl zeta tih sap pahin paper chu min rawn pe a, ka en chu alo pawimawh tak tak, URinpuia thinrim mengdur khûih chu ka en vat a.


"A pawimawh alawm, kha en vat rawh"



Lehkha chu ka hnawn ti tih a, ngâwi reng chuan a dawhkân lam chu a pan pui ve mai bawk a, Siamtei inthlahrun hmèl taka kil khata ding reng chu ka nuih sak a, ngâwireng chuan a chhuak leh mai bawk a.




URinpuia chu kawngdawm meuh chuan ka enkar a.


A tarmit kar atang chuan min rawn enkurin


"Enge?"


Ati deuh hû a,


"Tiâng khân tawngkhum vak thin lo teh, ka tân a nuam alo ania"


A hmûi chu tipawrh zauhin a tarmit chu a phelh a, min en vang vang rinhawt.


"Bâkah a star deuh che tih ka hria nia"


"Thu lawilo sawi sawi thin lo teh"


Ati hmuk a, ka nui hak ringawt.


"Engvângin maw? Ka pasal hi kei lo pawn tha an lo ti ve tho che a, ka nuih aza lawm"


Awlsam zet chuan ka lo ti a, a nui hak ringawt.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 5:46 pm

SWEET NIGHT CHAPTER-16

BY






Hlutei Jocund pachuau





KA RAWN EDIT DAWN CHUAN KA TLAI DAWN LUTUK A, EDIT LO IN KA RAWN DAH TOP MAI AW...MISTAKE A AWM NUAM KA RING.






Hospital ah chuan kan kal ve zui vat a, Hemi hospital a hmeichhe lam doctor hi Urinpuia thiannu a nih tho vângin Kan thlen vèleh kan in check-up tîr nghâl a, A thiannu chu a fel in a nui sâng reng a, Doctor ni âwm rèng pawh a ni.



Ultrasound a en hmasa ka chák tlat vângin min ti hmasa nge nge a, min en tûra min muttîr techuan ka nui var var reng ringawt, ka phûr sûrh mai, Urinpuia chu ka en a, kan innnuih var var ringawt.



"Engtin nge Rinpuia hian naute siam dân alo hriat ve le, School kan kal ho lai chuan maw, amah ngaizâwng tu te hi hnek a tum nghâl zel, a mawl thei ania"



Doctor nu chuan a ti a, ka lo nui hak ringawt, ka pasal lèrh loh zia techu ka hrechiang e, mipa tam tak chuan a hna ang hi thawk se min lèrh sawn daih tawh in ka ring.



Ka dul chu khâwl engemaw a a chûl kual riai riai lai chuan a tâwp chawt a, tv tereuhtè rawn lang ami thil che rulh rulh chu a en vang vang thin, a hmèl atang chuan thil dik lo a awm anih ka ring nghâl mai.



"Luci ngati nge a?"


Urinpuia chuan ngaih that loh hmèl zet hian alo ti vat a, keipawn ka lo en ve kar mai.


"Awi ka hrethiám bîk lo, Naute hi Thlakhat a tling âwrh chauh tiraw?"



Ka lo bu nghau nghauh a,


"Thlakhat tling ah chuan alian hlè mai, mak tak a ni, a siam hmâ hi chu awm ve tho mahse duh aiin a lian mah mah, mahse ngaihthat lohna tûr a awm lo a nia, ka lo en nawn leh ang"




A hmèl atang chuan a dik zân lo tih ka hria, mahse ka ngaih ka ti thalo lui ve ngat tho, ka tih tûr leh tih loh tûr techu min hrilh mial mial a, vitamin min chawh bawk, ka hrisèl tha a eng vak chawh ka ngai lo pawh a ni mahna.





___________




In lama ka haw chu ka ni nghulh mai, Mawitei min biakna pawh chhâng hman tawh lo in bathroom ah chuan ka luak nghek a, alo hlauhthâwng nasa em em leh nghâl.



Ka luak zo chu inhnuai lamah chuan ei tûr zawngin ka chhuk thlâ a, Pawnlama Mawitei leh Thartea lo inchhaih nui har har ka hmuh chuan nui hak pahin ka lû ka thing ringawt.



Thartea khân min pawngsual alo tum tak tak a, mahse, a duh vâng a ni lo tih ka hria, tih tîr tu an awm bawk, tûllo ah ka lo buai ve em em a, keimah vângin URinpuia'n kut ala thlâk zui, Ka la inthiâm thei lo tûn thlengin.


Ka pum chu arawn ri rak rak a, Nui sak pahin Frigde chu ka hawng thuai a, Pizza leh KFC alo awm, a pahnih chuan ka la a, Squash lâk leh ka tum chiah a bula Arsa la hel thau zet awm chuan ka mit ala tlat.



Ka en vang vang a, tinge ka ît tlat le? Ka hriatthiam leh tum lâwk ni hauh lo in ka chil arawn pût nia, kut khûr dar dar chuan ka ban dè dè a, a sa thau dân te, ala thî deuh sèng techuan tem chhin min ti châk a, ka ril arawn tâm huam huam mai, enge ka awm zia hi?



"Ka pi"


Rang lutuk in ka kut chu ka la sawn a, ka harh chhuak hawk mai, thâwk la hawk pahin Frigde chu ka khâr ri khap a, ka hnunglam ka hawi chu Mawitei chuan min lo en reng anih chu.


"I ei ve chhin duh em?"


Ka'n ti ringawt a, inthlahrun hmèl zet hian a bu nghauh mai,


"Thartea pawh kha va ko rawh, ei ho ang u, ei ho hian a tui duh an tia"



Nui lui sak pah chuan ka ti a, phûr zer hian a tlân chhuak zui bawk, frigde chu hawng lehin Kan ei tûr chu ka lâk belh a, Arsa hel erawh kha chu ka melh duh tawh lo, mahe a rim erawh ka feel veng veng thei, rang lutukin ka khâr leh vat a, ka râi no vâng mai mai ni, ka awm dân hi ka duh lo, ka duh hlawl lo.



An rawn luh leh chuan phûr hmèl zet hian ka lo nuih a, kan pathum chuan kan ei ho mial mial mai, rilru nuam lo ru zet chuan keipawn ka ei lui ve ta tho a, ka duh aiin ka eihnem phiân leh nghâl.




"Tharte,"


"Aw..ka pi"


"Beer i in tawh em? Emaw zu?"


"Aih, ka la temchhin miah lo, bâkah ka pu hian a phallo a"


Ka nuih sak a, tlangvâl fel tak chu ania lawm, engtin nge maw ka lo rinhlelh theih zâwk le?



"Ei teuh rawh u, keichu doctor in thil ei teuh² a phallo a"


Ka tih chuan min nuih hak a, Thartea kum 19 mi chauh ni mahse a pian hi a nalh phiân a,a sâng hlè bawk, Kawr ruaka a awm phei chuan nula tam tak ngaihzawn rawn tûr a ni, ala hmeltha em em zui, a sexy tâwk chauhin a hâng bawk, Urinpuia hi tawng hmasa lo ila chu keipawn ka mgaihzawn ve hial ka ring.



"Inpahnih hian in inngaizawng tiraw?"



"Aih, Ka pi, kei techu Kum 30 ka tling tep tawh, Naupang ala nih hi"



Mawitei chuan alo ti vat a,kan nui hak ringawt, Mawitei hian a ngaizâwng tih ka hrereng, mahse Thartea erawh hi chuan ngaihzâwng en in a en pawn ka hre lo.


____________


Thil kan ei zo chu room ah chuan ka chho leh a, ka awm dân kha ka ngaihtuah lèt a, ka in râp tèp a ni, tinge maw khatianga ka awm le?



Ka pum chu ka khawih a, a lian tlatin ka hria, dârthlalang hmâ ah chuan dingin ka kawr chu ka'n hlîm a, ka pum chu ka lo enchiang ngâi miah lo a, duh aiin a lian mah mah a ni.



Tinge maw engmah hi ka lo chîk ngâi loh le? Ka pum hi a lian lutuk, kawngkhâr ri rak chuan min ti phu zawk thei, Urinpuia chu phâwk hrû hian arawn lût a, ka pum chuan a mit arawn la chat mai.


"Avan lian, ka rin aiin"


A ti sup a, a coat leh bag chu dahin a neck tie chu a phelh nghâl sawk sawk bawk, keimah ah hian dik lo a awm amawni le?


"Tinge khatia i pending vung vung a?"



Ka ngaihtuahna atang chuan ka harh zawk a, nui lui sak pah chuan ka en a, min rawn pan hnâiin ka sam hnawk niai chu ka bengah chuan arawn zep a, khâ arsa hring ringawt kha ka mitthlâ ah a châm, ka awm dân hi ka duh lo takzet a ni.



"Tinge a? I nuamsam lo mi?"


Ka pasal min ngaihtuahna mit meng chuan ka tah a ti chhuak tlat, ka mittui arawn luangthla ta ngiai ngiai a, keimah leh keimah pawh hi ka in râp zo tawh, Urinpuia chuan uluk zet hian min en a, a âwmah chuan ka hmâi phûmin ka tap ri hak ringawt.



"Tinge a? Thil thleng a awm ami?"


A rawn ti sup a, ka mittui chu hru hulin amah chu ka enkar a,


"Keimah ah hian dik lo a awm in ka hria, frigde arsa hel khu ei ka châk tlat a, ka chungah hian enge thleng?"




Ka biang tawn tawnah chuan rawn vuan in min enkar a.


"I raino vâng anih kha, lungngâi suh, engkim a tha, i chungah engmah a thleng lo, a thlen ka phal bawk hek lo"


A ti ve sup a, ka pasal min hnemna vâng chuan ka thaw huai mai, keimah ah hian dik lo a awm amaw ka lo ti hman a.



RINPUIA POV






Tu emaw hian min ti harh hlawl ang mai hian thawh phan nei miah lo in ka harh hlawl a, Sana ka en chu dar 3 am alo ri tèp tawh, Oliviai lam ka hawi tûr chu a mutna alo ruak huai mai, bathroom ah a awm anih ringin ka lo nghâk deuh a, mahse eng thâwm mah a awm lo, ka tho ta nge nge a, bathroom lam chu ka pan nghâl chat bawk.


Bathroom pawh alo ruak huai mai, ka ngaih tha lo chu kawr pawh ha lèm lo chuan inhnuai lamah ka chhuk thla vat a, step tâwp ka thlen chuan thâwm ka hria, thil ei ri hruap hruap thâwm a ni, Choka lam atanga rawn kal a ni tih ka hre bawk, choka ka thleng chu kawngkhâr bulah chuan Mawitei hian hlauh hmèl zetin choka luhna phèn atang chuan tu emaw hi alo bihthla dèk dèk a, ka thâwm ah chuan a rawn hawi phâwk hrâ mai.



"Ka pu"



A ti sap a, Choka lamah chuan hmanhmawh takin ka lût phei a, ka thil hmuh chuan min va ti phu nasa chiâng èm.



Ka nupui Oliviai ngèi chuan frigde a kan dah arsa hel chu alo ei buan buan anih chu, thisen a hmui vèlah chuan a kâi luai a, ngah mah a ngâi lo.



"Olivia"


Vîn zeta ka tih chuan inthiâm loh hmèl zet hian min rawn enkiau a, a mit atang chuan mittui arawn tling nghâl pam bawk.


"Duhtak, ihmaw...ka ril a tâm lutuk a"


Tap âw tiau hian a ti a, va pan hnâiin a arsa ei lai thâng hum hum chu ka lâksak vat a, Mawitei chuan alo dah sawn nghâl vat.



"Ka tihpalh, ka ei loh chuan ka muhîl thei lo a"



A tap zui ta nghâl a, tih ngaihna ka hre lo, ka nupui chu ka kuah tawp a, a awm dán chu mak ka tiin ka rilru atina hlè bawk, hetia a awm reng chuan ka fa lo piang tûr tân hian a that ka ring lo, engtin nge hmâ ka lâk ang? Oliviai lakah hian enge thleng le? Ka hrethiám lo takzet a ni.




Oliviai chu ka pawm nawlh a, inchung lamah chuan ka chhoh pui dâwr dâwr bawk, bathroom ah chuan a hmâi a thisen kâi luai techu ka tih fâi sak a, a ngâwi ngal thung, a awmdân chu hrehawm a tih hmèlin a zak hlè tih ka hria.


"Luci kha ka lo be dâwn nia, engemaw dik lohna i nei aniang"


Ka ti sup a, a mit atanga mittui ka hmuh chuan ka nupui chu ka khawngaih takzet a ni, a awm dân chu hre lo mahila hriatthiam ka tum, a duh vâng a ni lo tih ka hriat chiân èm vâng a ni.



"Urinpui"


Mittui tling kiau chuan min enkar a,


"Enge?"


"Min then daih mai rawh"


A thusawi chuan min dek zawk thei nia, A hmèl chu ka en vang vang a, tah a insûm tih ka hre reng,


"Chutiang chu sawi tawh suh, engvângin nge ka then ngawt che anga? Engtikah mah ka then dâwn lo che, chutiâng chu sawi tawh suh"



Ka ti deuh hmuk a, ka mittui chu a hru zauh zauh mai, engvâng mahin ka nupui hi then ka tum lo hrim hrim, mi â pawh lo ni mahse ka enkawl mai ang, ka hmangaih a, ka fa a pâi bawk, then hi ka la tum chhin ngâi lo.



"Ka tihpalh aw"


A rawn ti leh ringawt a, chhâng tawh lo in bathroom atang chuan ka kâi chhuak vat a, khumah chuan muttîrin keipawh ka mu ve nghâl a.



Ngaih that hmèl zet chuan ka âwmah a bei ta hle hle a, a thil ei kha a pai tawih theih ngèi ka beisei, keipawh chu ka muhîl ve nghâl mai a.



MORNING




Office kal tûra ka insiam lai thleng pawn ka nupui chu tui takin ala mu siai siai mai, ngaihtuah viau mahila hnâ ka thulh san thei bawk si lo.



Mawitei bulah chuan lo enkawl tha tûrin ka chah a, Thil thleng a awm chuan min call vat tûrin ka ti bawk.




___________




Office ah pawh hnâ ka ngaihtuah thei lo, Oliviai ringawt ka rilru ah a awm,a khât tâwkin Mawitei chu ka va call reng a, a luak vak a, chaw a ei tawh thû min lo hrilh a, a pângâi tawh thû a sawi bawk, tlèmin ka thaw huai mai.




Engvângin nge hetiang hian a awm le? Ka pu te khân a chungah enge an tih ang? Engmah ka hrethiám lo, Chuan Tinge Reubena hi a reh hmak le? A rawn lèng khât tawh hlè mai, Oliviai awmpui tûrin ka duh asin le.



Phone ka tum ûk a, mahse ka thulh leh, mahni nupui tepawh enkawl zo lo ah min ngai ang tih ka hlâu.



Ka office kawngkhâr rawn kik karh karh thâwmah chuan ka harh zawk a, rawn thawk thar Nu tèreuh kha inthlahrun hmèl deuhin alo ding reng mai,


"Lo lût rawh"


Ka lo ti hmuk a, ka office dawhkâna paper engemaw arawn dah lai chuan a kawr nghâwng zau lutuk kâra a awmbâwr rawn lang thui lutuk chuan ka mit ati kham tlat.



"Hei hi ka rawtna ania, lo en ve chhin rawh, thlasik dâwn te ani sia, kan hotel ah hian duh hun hun a hman tûr tuilum hi dah ve tawh ila ka lo tia"



A thusawi lai techuan a awm bâwr ringawt chuan ka mit ala, ka inthing harh vat a, nui var var hian min lo enkar mai, Oliviai nèn pawh in anna an nei, ni leh lo....keipawh hi a, engvângin nge ka nupui leh hmeichhe dang chu ka tehkhin ve ngawt le?



"Ka lo ngaihtuah dawn nia"


Ka'n ti zui mai a, ka awmdân kha a hrethiâm ang tih chu ka hlâu khawp mai, ka lakah beisei a neih mai ka hlâu, Ka nupui Oliviai lo chu ka nunah hmeichhe dang awm tîr ka duh loh mai bâkah ka phallo.



"Awle, Mahse Manager, iva chauh hmèl ve, i nuamsam lo em ni?"



Ka en vang vang a, ni e, ka châu takzet, hun rei tawh tak atanga hetianga min zâwt tu ka vawi khat hriatna, ka en reng vâng chuan a zak a niang a sen deuh ap ap a.


"Ka tha, i ngaihtuah ka ngai lo"


Ka lo ti hmuk a, ka chhânna chu duhawm lo viau mahse a nui sâng reng tho nia.



"Awle, ka tihpalh"


Tihpah chuan inthlahrun hmèl zet hian kawngkhâr lam chu a pan zâl zâl a.


"Ding lawk teh"



Rang lutuk hian arawn hawi lèt a, ka thutna atang chuan tho in a hmâ takah chuan ka va ding rûn a, min chhoh enkar mai.



"Hetiâng kawr hi vawikhat mah rawn ha tawh suh ang che, kawr zahawm deuh hlek ha tawh rawh"


Chiang fek fawk chuan ka'n ti a, a rilru anâ tih ka hre mai, a mit atang chuan mittui arawn tling kiau a.


"Ka tihpalh, awle"



Tih sappah chuan rang lutuk hian a chhuak a, ka nui sukin ka thutna lam chu ka pan leh vat, ka laka a awm dân hi ka hrethiam lo tûrah a ngai a, ka hrethiám ve vek, a taksa hmanga min thlèm a tum loh hrâm ka beisei, Min lo thlèm a tum vaih chuan a zak tam dâwn lutuk.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 5:47 pm

SWEET NIGHT

CHAPTER-17


BY

HLUTEI JOCUND PACHUAU







OLIVIA POV




Room thim vekah hian mahnî in ka lo thu a, ka hmâ ah chuan dawhkân hlui tawh tak hi a awm bawk, Ka thutna zawn ka luchung chiah ah hian current a awm ve a, mahse chu room chu ka hre chiang thei lo.



Engtin nge hetah ka awm pawh ka hre lo, ka hmazâwnah chuan dârthlalang lian vak lo hi a awm a, ka'n kal hnâi a ka'n enchiang chu kan room a ni tih ka hria, thil ka hre chhuak zawk, ka awmna hi lemziak hnung ami kha a ni, engtin nge a nih theih?



Urinpuia chu towel chauh veng hian bathroom atanga rawn chhuak zo hlim tih hriat zet hian a hmai vèl chu face towel arawn in hru mawlh mawlh a.


"Urinpui, Duhtak"



Tihpah chuan dârthlalang chu ka chûm dawt dawt a, mahse engmah hre lo ang maiin a awm nia, mak ka tiin ka thin a rim tûn mai, ka hnunglam bang chu ka'n dap kual a, khawi ah mah chhuahna tûr ka hmu lo, a lum up up bawk si, dârthlalang techu ka va chûm leh a, tunge hetah hian min dah le? Engmah ka hrethiam lo, Urinpuia chuan tu emaw hi kan khum bulah chuan arawn kâi phei a, a hmèl chu a hlim sârh mai, hmeichhia a ni tih ka hre tel nghâl bawk.



Mak ti taka ka en reng lai chuan chu nû chuan ka lam arawn hawi chu ka phu chiang lutuk, Hotela ka ai awha an dah Siamtei kha a ni, Urinpuia chuan duat zet hian a sam techu a chûl sak a, an in fâwp vèl anih chu, ka rilru na lutuk chu ka tawp chhuak hak a, ka theih tâwpa nâ in dârthlalang chu ka chûm thin, an hre lo a ni chèk ang chu an thil tih lai chu an ti mial mial mai.



Ka thin in a tuar tawh lo, Ka thutna chu la in dârthlalang chu ka'n chhu pawp a.




Ka harh chhuak zawk mai, Reubena leh Mawitei chuan hlauhthâwn hmèl zet hian min lo en dûn kar a, ka thlan tuiin min lo bual huh vek bawk.



A ngaihna ka hre lo lutuk chu tawng mai nachâng pawh ka hre lo, ka mumang lek alo ni sia, Reubena chuan ka chal techu arawn khawih a, ka nuih tepawh aza lek lek mai, mahse ka mumang erawh chuan ka ngaihtuahna a ti kal thui khawp mai.




"I khua chu a sik sî lo a, i tawng vâi nasa lutuk a, min ti hlâu alawm"


Lungâwi loh hmèl zet hian ati nuap nuap a, ka lo nui lui hak ringawt.


"Ka pi, engmah ila ei lo ania, Bawngsa ka kang a, i duh deuh ang chî khân"



Ni tak e, ngati nge maw kei a raino ve hi sa ringawt ka rilru ah a awm le.


"Capsicum te i telh em? Tomato te"


Pângâi tak chuan ka'n ti a, nui sak pahin alo bu nghauh mai, keipawh chu ka tho zui ve mai a, hmâi pawh phih tawh lèm lo chuan inhnuai lamah chuan kan chhuk zui ve nghâl a.






Mawitei chuan ka chaw ei tûr chu min siamsak nghâl mawlh mawlh bawk.


"Ei ve la Reuben"


"Pawi chuang hleinèm"


Alo ti sam ût a, ka lo nuih hak ringawt, sana ka en chu 12 alo ri tèp tawh, engtin nge ka mut rei viau theih le? A zahthlâk lam lek lek a ni, ka pa chuan hria se min hau nasa leh ngawt ang.




Thil ka ngaituah neuh neuh lai chuan ka mumang chu ka ngaihtuah zui ta nge nge a, tinge Siamtei kher kha ka hmuh le? Urinpuia nèn hian kan inneih hnû in ka thîk tûr leh hmeichhe dang han biak em em a nei ngai lo, Mawitei hi a ni leh tawp a, Mawitei lah chu a tha zawk zawk bawk si lo, thîk der ka tum pawn ka thuph phah tawp anih kha.



Thil mak tak a ni, mahse ka mumang kha a thlen dik loh hrâm ka beisei, ka ngaihtuah ringawt pawn ka rilru a tina vawng vawng mai, ka pasal ka hmangaih em em leh hmeichhe dang an khawsa dûn lai mit ngei a han hmuh chu tû hmeichhia mahin an duh ka ring lo, Min duat thin anga a duat tûr ka ngaihtuah ringawt pawn ka thin a rim tûn mai.



"Enge i ngaihtuah vung vung a?"



Reubena chuan ka dâra rawn khawih pah chuan a ti bul bul a, ka lo phu zawk zui, ka harh chhuak hlawl a, ka nui lui hak ringawt.



"I awm dân hian ka ngaih ati tha lo, damdawi tekha i ei tha em?"



"Ei tha e"


Ka ti chhuak sap a, chaw chu ka ei zui nghâl mawlh mawlh bawk.


"Raino lai chuan mumang tha lo hi an nei duh an tia"



Mawitei chuan alo ti ve a, amah en chuan ka nui lui sak ringawt.


"A dik ang, ka thisen chak loh vâng a ni maithei ni"



Ka lo ti liam ve mai a, mahse ka chhûngril atang hian hlauh rûk na riau a awm tlat, ka mumang kha a tak ang mai a ni a, a thleng dawn tlat hriatna nei mahila ka hre duh lo der tawp.


____________





Reubena nèn chuan inhnung lama thing buk hnuaiah chuan kan thu dûn a, khua lum mahse a daiin thlifîm a thaw heuh heuh reng a, nuam kan ti dûn hlè, thenawm han lèn na tûr ka nei bawk si lo nèn Reubena lo lèng chu ka lâwm hlè, ka rilru hahna te inbun ruahna tûr ka mamawh ve thin bawk nèn.




"Reuben, Urinpuia hi then daih mai te ka duh rum rum zèl"



Ka ti chhuak sap a, mak tih hmèl taka min en vung vung chu ka hre lo der hmak.


"Engati maw? I pasal hi mifel tak a niin ka hre sia"



"Nia, amah ro ro chu a fel alawm, chuan ka hmangaih bawk, mahse ka hlim lo, nitin hian thil mak pui pui hian min thâwng a, kan vèlah tehian thil mak leh râpthlâk hlîr hian min hual vèl ni maiin ka hria"



Ka then chhan tûr chhuanlam ka sawi chu ho ati viau ang, mahse ka hmangaih lo ka tihna ni lo in, Urinpuia bula chèn hi thil hrehawm tak a ni, a chhûngte phei saw chu ka râp, tlawh pawh ka tlawh ngai lo rèng a, a chhan sawi tûr em em hre si lo hian then mai te ka duh rum rum zèl, mahse amah ka hmangaihna hian min la pawt ding hram hram a ni, tûmân min hriatthiam ka ring lo ka hrehawm tawrh hi, mahse, a hrehawm takzet tho si.



"Chutiang ringawt a ni ngai lo Olivia, chhel takin awm rawh, tûnah phei chuan fa innei tawh dâwn lehnghâl"



A sawi chu a dik viau, ka pa ka ngai takzet a ni.





______





Reubena a hâw hnû chuan pâwnah chuan ka tei ka tei a, ka mumang ringawt chuan ka rilru a luah leh tawh.


"Ka pi"



Ka phu chiang lutuk, ka hnunglam ka hawi chu Thartea chuan min lo chhuk en rûn a,


"Aw..enge ni ta?"





"I awm dân hi ka hrethiám, ka pui thei ang che"



Sawi tûr pawh hre lo chuan ka en hâ a, a hmèlah chuan a ti mai mai lo tih ka hria, Thartea hian engemaw kawng zâwng takin min lo pui thei maithei asin, mahse ka ring thei angem? Tûmah ring lo tûrin min ti thin bawk si.



"Enge i hriat chu?"



Min chhâng lawk lo, a lukhum chu a phelh tè tè a,


"Ka pi, ka lo rindân chuan Pu Kima te hian i chungah thil thalo tak an ti niin ka hria"



A ngâwi leh vang vang a,


"A tha lo takzet a ni, i thil hlauh ber hmanga beih che an tum niin ka hria"



"Engtin? Mahse a theih dawn mi?"


Ka ngaihtuah leh vang vang a, a theih tih kha ka hre chiâng lutuk tlat, Pu Kima te hian ka chungah chuan an ti thei dawn lutuk, Dâwi lam thiâm an ni tlat, engtin nge ka tih ang? Engtin nge ka beih lèt ang?



"An ti thei ang? Enge i hlauh ber?"



Ka ngaihtuah vang vang a, hlauh chu ka ngah lutuk, mahse hlauh ber tia han sawi maitheih ka nei lo.


"Ka hre mai lo"


"I thil hlauh ber hmang khân an bei ang che, invèng fîmkhur rawh, An hneh theih loh awmchhun chu Hmangaihna chauh a ni"



Amah chu ka enkar a,


"Engtin nge heng zawng zawng hi i hriat a?"


A mengbuai deuh nak a, Thartea hian däwthiam an ni tih a hria tih ka hria, mahse engtin nge a hriat? Urinpuia takngial pawn a hre ngai si lo a, engtin nge ani daih daih hian a hriat le?


Min chhân tum a a ân zuau lai chuan URinpuia motor arawn ri ta, a inthiar fihlim nghâl vat a, URinpuia Motor chu ka lo enreng a, chauh hmèl em em hian arawn chhuak anih chu, a mit meng chu a dul raih a, zan tam a mu tha tawh lo tih ka hre nghâl mai, ka khawngaih lutuk chu ka lo en tlawk tlawk ringawt.



Hmanhmawh takin ka pan vat a, ka rilru hahna leh ka hrehawmna pawh ka thup bo hmak bawk, ka pasal bânah chuan ka lo vuan vat a.


"I châu viau ami? I hmèl kha a dik lo teh mai nia"



"I hmèl ka hmu a ka chauh a reh vek"


Nui lui sak pah chuan a ti a, nui var varin in chhûng lam chu kan pan a,






Nidang aiin ka pasal chu ka duat in ka hria, min kalsan hi ka hlâu leh hlè tho sia, kei min duat anga hmeichhe a duat tûr hi ka ngâi ngam hlawl lo, inthen techu ka ngaihtuah ve khanglâng a, a zahthlâk zawk.



"Vawiin chu i mood ava fu ve"


Nui deuh vur vur hian a ti a, nizân thil thleng ka ngaihtuah phei chuan mipa tam tak chu nise min râp in min kalsan daih tawh in ka ring.



"Nia, Ka mang lam a that vâng aniang"



Nui hak chuan ka ti a, ka mumang erawh sawi ka tum chuang lo,


"Vawiin chu enge ilo an?"



"Ka tha lutuk, Reubena arawn lèng a, kan ti ti tui lutuk a ka khua pawh ahar lo"



Nui sak pah chuan ka chalah arawn fâwp zauh a, inthen chu ngaihtuah pawh ka duh tawh lo, ka mâwl reng tawh dâwn bîk lo, ka raipuar avâng hian engmah ka tih theih an ring lo a, mi â ang maiin ka tawm tluk tluk tawh bîk lo ang.



Enge ka laka tih an tum hi hriat ka tum ve tak tak tawh dâwn.



"Vawiin tlai chu chaw ei chhuak ila"




"Khawi ah?"


Ka lo ti deuh hû a,


"Hotel ah te, nih loh pawn kan bazaar anga"



"Zânah maw?"



"Mmm"


"Awle"


Ka lo ti vat a, nui sukin bathroom lam chu apan ve vat a, nui var var chuan ka insiam nghâl sawk sawk bawk.




RINPUIA POV




Shower tui vawt thler thlawra ka in phuh hnû chuan ka harh sawng sawngin ka hria, ka nupui hlim hmèl ka hmuh khân ka inthiâm thei lo a, keimah hi ka inhaw ngawih ngawih a ni ber mai.



Ngati nge engmah ngaihtuah chiang lo a Siamtei kha khâ Hotel room ah khân mutpui ve ringawt nge maw ka nih le? Ka theih tâwp chuan ka inbual fai a, ka nupui hian a hria anih vaih chuan min kalsan duh mai ang tih ka hlâu.



Engtin nge ka phatsan theih zâwk le? Zu no khat chauh a ni sia engtin nge khati tak khân ka ruih chhiat theih le? Mak ka ti takzet a ni, Hotel roomah khân ka lo chatthla daih a, ka harh leh chuan Siamtei kha ka bulah ruakin alo mu reng tawh, ka khawih lai erawh hre tawh lo mahila ka mutpui tih ka hria, ka in haw takzet a ni.



"Iva rei ve, i bâl viau ami?"




Ka nupui in a rawn tih lâng lâng tâkah chuan ka harh zawk a, bathroom atang chuan ka chhuak nghâl vat.





A inchei dân chu a simple in amah hi a tè fel èt reuh a, tè chhe lutuk chu a ni lo, a taksa hi chèr lam ni mahse a mawngbâwr leh âwm bawr chu mizo mipa chuan kan duhtâwk viau, bâkah khal over ang hi chu ka ngaina ve lèm lo, ka nupui hi a pian a nalh ka tiin ka duhtâwk viau, zîng thawh ahre lo in a thinchhe ve deuh tih mai chauh a ni.



Kan inhmuh tirh ber kha chuan a hmèl ka bèl chiang lèm lo a, office a ka hmuh leh chiah khân a hmeltha ka ti hlè, mahse nula mî lo ve tak ka nih vâng hian chutiangin ka va bèm nghâl chuang lo in, nula mî lo viau mahila ka duhna ah chuan zei ka in tiin ka in ring tâwk ve viau tho.




Ka nupui tura ka pu in min thlan sak pawh khân ka iai hran lo, alo chhelo ve bawk sia, mahse, ka hnaih duh tlat lo a nih kha, a chhan chu kan innei hlen dawn lo tih ka hriat vângin ka hmangaih ang tih kha ka lo hlâu em em a, ka pu thu âtthlâk zet zet kha ka lo âwih hman tèp chu nia, ala thianghlim leh nghâl, make-up a hman loh phei chuan amah hi a ngo vîng vèngin a fai ver reuh a, hetiang khawpa ka duh leh ka hmangaih pawh ka phatsan thei hi ka inhaw ngawih ngawih.


Ka kamis dum tial bân bul lian lam chu ka ha a, a hnuai ah tâwnzau dum ka ha leh tawp a, kekawr dum ka ha leh tawp bawk, ka sam chu ti pial tawh lo in ka ti thla ve a, Oliviai chuan min nui hak mai.


"Enge?"


Ka lo ti deuh hû a,


"Tikhân ilang naupang lutuk a"


Nui var var hian arawn ti a, ka nupui hlim hmèl chu hmuhnuam ka ti takzet a ni,keipawh hlim tho mahila a rûkin ka inthiâm lo dûk mai, hrehawm ka ti ru ngawih ngawih.




___




Hlim deuh chuan kan chhuak ve a, a ei châk ber millenium ami Octopus ka lei sak bawk, a nui ver ver reng mai, kan inneih hnû hian ka la lèn chhuah pui miah lo a, hetiang hian lo lèn chhuah pui ziah tûr ania, hman apianga lèn chhuah pui ziah tûr anih hi.




Restaurant ah chuan a ril a tâm aniang min kâi lût dâwr dâwr a, hei aia changkâng leh tuihnâi deuh hi a tam nèn, tinge hetah berkher min hruai le? Khua lah chu a thim thet thet tawh lehnghâl, kan lût chu châwl an lo tam vak lo, a tè reuh sia, hetiangah hian ka la châwl ngai lo reng reng, tleirâwl mipa ruih hmèl deuh deuh pathum vèl hi an lo châwl a, chumi te bâk chu customer pawh ka hmu lo.



"Hei aia changkâng ah hian kal pui che ka tum asin"


A beng bulah chuan ka va ti sur sur a, nûr nâng a min rawn en pah hian min nghawk zauh ringawt.



"Lo thu ru, ei tûr kan la ngah teh mai nia"



Dâwr nei tunû chuan alo ti vat a, customer care lah chu an la thiam phiân lehnghâl, ka hotela thawk te hian tiang hiân an ti ve thin angem le?


Thutna techu min lo kawh hmuh sawk sawk a, ka nupui hlimna nih chuan tiin engmah sawi buai tawh lo chuan ka thu ve ût a.


An menu lah chu a chhe tawh si, a ziak pawh chhiar that theih mang loh tepawh a awm, Oliviai chuan uluk zet hian a enkual dan dan a.



"Rice eggtop plate hnih leh Mushroom soup pakhat, beef soup nen aw"



Nui sâng chuan a ti a,


"Awle, kan ti lum lawk dawn aw, lo nghâk rih ru"



Dawr nghâk tu bawk chuan nui sâng hian a ti leh a, hetianga hlim hmèl an put reng theih chuan a chawla te tân pawh a nuam phiân mai, chu ti laia châwl ve tlângvâl pathum techuan Oliviai chu en zek zek pah hian an rawn en leh zauh thin, ka nupui hi chu a chhelo tih ka hria, ka dem hran lo, mahse ka mit a kham tèp a ni.



An zînga pakhat eiman rawn pe tûr ni âwm tak chuan ka nupui kal pelh pah hian Chiang zet hian arawn en a, kei erawh chuan rum lutukin ka lo melh thung, Oliviai lah chuan a hre ve dèr si lo.



"Thiannu thlâ ka lo lâk lawk thei che ngem?"



Oliviai chuan mak tih hmèl zet hian a en deuh ho a, min rawn en leh phawt, kei erawh chuan ka lo en rûn thung.


"A ni lo e, milâr pawh ka ni si lo a"



Ka mitmei vèng ni âwm tak hian min rawn pah zauh a,


"Anih i number tal min lo pe la"



"Pasal nei lai ka nia, a chî loh ang, nula tha deuh in zawng zâwk dawn nia"



Tawngkam dam thlap hian alo ti ve leh mai a, ka insûm theihna ka hlauh tèp tawh.


"Khawngaihin i thlâ tal chu ka lâksak che phalla"



A dârah chuan a khawih a, a rui leh nghâl amawni, ka sa ta zak mai, ka nupui dâra a khawihna kut ah chuan na zet hian ka hmer sak a.


"Khawih hlek suh"



Inseh chilh tûn chian ka ti sup a,


"Tunge inih a? Ve ngawt ache"



Min tham lo zeta a tih chuan a aia nâ chuan ka hmer sak a, a râk thawt mai.


"A pasal ka nih hi, kal mai teh"



Tihpah chuan ka nemsawn lawp a, a kat dâwr dâwr thei nia,ka dâr chen lek si, min la melh rum em em lehnghâl, an sâ lah chu ala chhe ve hlawm sia.



"Engtin mah ka tih loh kha? Thianpa i huam hauh mah mah a ni, innu hi chhelo kan ti ve tho a"



"Ngâwi hmak rawh"



Tihpah chuan hnek ka tum nghâl ûr ûr a, mahse Oliviai chuan min lo dang vat, dâwr thawk hmeichhe tleirâwl pakhat leh an dawr neitunu ni awm tak chu an rawn che chhuak ve vat a.



"Enge buaina in rawn siam ngawt a, in ei zawh tawh kha chhuak tawh ru"



Dawr neitunu chuan alo ti ve bawk a, an thian thum chuan an la pâwr ve hlawm em em lehnghâl a.


"Hey nangkha, kan intawng leh khawp ang"


An rawn la ti hrâm a, ka thinrim insûm zo lo chu mipakhat chu ka'n hnek thla hrâm a, mipa zaidam tak chu ka ni ve, mahse min tham lo taka min ti tû te lakah hi chuan ka zaidam ngai lèm lo.



"A tâwk tawh, a ho lutuk"



Oliviai chuan min rawn kâisawn vat a, ka thutna ah chuan min nem thu nghâl rawk rawk mai, ka rin aiin min dang hneh reuh phiân a, ka nupui chu rin daihin a chak reuh phiân mai.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 5:47 pm

SWEET NIGHT

CHAPTER -18

BY

HLUTEI JOCUND PACHUAU





Nuam lo ti chung chung chuan thil chu kan ei zo ve hrâm a, ka rin aiin an siam tui phian lehnghâl.


_______




In a kan haw hnû chuan Oliviai kawr ka leisak ho chu dârthlalang hmâ ah chuan a in teh chhin vèl a, ka lo en char char thung, naupang chhia ang maiin thil thar anei chu a hlimpui a, sum hmansèn loh ka nei a ka nupui tân hian ka uikawm mah mah a nih dâwn hi.



"Hetiang kawr hi ka hâk lohna rei tawh sia, mahse ka dul hi a lian tial tial a, lei pawh ni ila hâk na hun ka nei tlèm âwm e"




In en pah chuan a ti nauh nauh a, a dul tlèma rawn pâwng ve deuh âk chu en in ka nui suk ringawt.



Lungâwi loh hmèl zeta rawn hawiin thâwk ala hak a,


"Duh aiin ka râi hmâ mah mah iti ve em?"



Min rawn enkar pah hian a ti a,


"I rai leh rai loh techu kan thû ni hleinèm, chunglam thu thu lawm"


Ka tih chuan hrethiam ni âwm tak hian a bu nghauh nghauh a, a chezia naupang chhia lek lek thin hian ka nuih ati za thin.


"Engpawh ni se, rai kawr ni lo kan lei hi chu dah tha rih phawt mai ang"




Tihpah chuan a kawr inteh ho chu a dah fel mial mial a, bra nen chauh a a awm vâng nge a dul chu ka hmulian telh telh in ka hria, ka ngaihbel pawh a ni maithei ni.



Inbual turin bathroom lamah chuan min luhsan ta nghâl a, kei erawh in vawiin a ka awm dân kha ka tukhum dawm in Khuma thu chung chuan ka ngaihtuah lèt vang vang thung.



Engmah hre lo leh thleng lo ang maiin ka awm dawn nge Keimân ka sawi chhuak anga ngaihdam ka dil ang? Engmah ka hrethiám tawh lo.



Ka phone ri chuan min ti phu zawk a, ka en chu ka number hriat ngai pawh a ni lo, engmah ngaihtuah chiang hlei lo chuan ka'n pick-up top a.



"Hello?"


"Aw..Hello...Sir..keimah Siamtei"



A rawn ti zâwi raih a,a âw ka hria chu ka tang nghâl ut mai,

"Aw enge sawi rawh"


Ka'n ti nghâl tawp a, ka nupuiin a hriat ka hlauh vângin Balcony lamah chuan ka chhuak zui nghâl bawk.


"Sir, i thiamloh a ni lo nia,. I rui a, ka hre vek, dang tûr che ka ni, mahse kei hian ka duh che tih i hriat kha, ka dang thei ngang lo che ni, ka tihpalh"


Tap hlap hlap hian arawn ti a, ka thinrim lutuk chu ka inhûm ruh nasa mai, mahse ka insûm, hmeichhe pakhat lek ka hnuaia hnathawk ve mai lehnghâl patling puiina khin khin kha ka mizia ni ve lo, ngaihdam erawh ka tum lo,



"Awle, ka hrethiám e, theihnghilh rawh, engmah thleng lo angin i awm dawn nia, i sawi chhuak anih vaih chuan ina viau ang"



Thupe âw zet chuan ka'n ti a, ka aw kî sâng lo mahse a zawm loh ngam ka ring lo,


"Mahse Sir, engtin nge lo rai palh ta ila"


"Chutiang a thleng lo ang, vawikhatna chauh ah tûmah an râi nghâl lo"


"Awle ka hrethiám e"


Ka off zui hmak a, inchhûng lam luh tuma ka hawi lèt chu Olivia'in min lo en reng vâng chuan ka phu nasa ngang mai.


"Thlahrâng amaw min ti mi?"


Lungâwi loh hmèl zet hian a ti deuh sap a, a in thlâk zui mial mial bawk, tikha chuan ka buaina techuan min kiansan ve tawh èm ang chu maw, nui ruh ruh pah chuan ka lût a.




"Vawikhat tih na lekah a râi theihloh maw? Tunge kha thû kha ilo hrilh a?"



Khum lam ka pan tûr chu ka ding chawt a, ka nupui inha mial mial ka en chuan khâ thû khân a ngaih ati thalo vak lo tih ka hre mai a awmdân tang hian.


"E...kha kha maw..ka thian pakhat nula mutpuiin ka rai tiin arawn black mail a, A rilru hah in min rawn râwn anih kha"


Ka nupui laka dâwt muhlûm hlak ka vawi khat sawina a ni, hrehawm ka tih zia hi tûmân min hriatthiam pui lo ang.



A mutkawr dum bah sîn tè nei, a khûp chena chhîng puan deh nuam silk puan ngei mai a pian nalhna ti zual tûr a ha chuan ka mit ala ngèi mai,a sam huh hlap leh a hmaia make-up engmah awm lo fai ser mai techuan ka mit ala hliah hliah.



A sam chu a chhèm ro nghâl mial mial a, a bulah chuan ngâwi rengin ka va ding ve a, a sam chhèm rona chu lâksak in ka'n chhèm ro sak a, nui var var hian min enkiau mai.


"Ka raipuar hunah phei chuan itih ziah a ngai dawn nia"



Nui var var hian ati a, amah enkur chuan ka lo nui ve suk ringawt.

__________


Zán mutna ah chuan ka nupui taksa nèm thep ka deh deh tâkah chuan mipa na na na chu insûm alo har aniang, ka mipatna pawn thawh arawn hre leh tawh khawp mai.



Oliviai chu ka lamah kuai herin dîm zet chuan ka fâwp a, ka châk anga ka keih bawrh bawrh chuan a duh dâwn lo tih ka hria, a luhlul ve reuh sia, tharum hman ai chuan a rilru hneh a ngai zâwk thin.



Min rawn chhânglèt ve nasa mai, ka nghâwngah chuan a kut chu arawn dah a, a taksa chungah chuan ka bawk nghâl ûl mai, hnâi zetah chuan kan in enkar a, a mit meng atang chuan min hnar a tum bîk lo tih ka hria.


"Naute tân a pawi lo ang tiraw?"


Arawn ti deuh sar sar a, nui suk chung chuan ka bu nghauh, a pawi leh pawi loh chu google vela la en tûr a ni, keipawn ka hre bîk lo, ti dawn tho mahila ka dim hlè angai ang, fâ ka awt ve tho si a.



Ka theih ang tâwk chuan ka'n duat a, a vun rimtui chem chem leh nung sârh te hi ka hnè thei ngai lo ang, ka bialnu ni lo emaw, hmeichhe dang pawh lo mutpui ve zauh tawh thin mahila ka nupui anga duh leh ît rei hi ka la nei lo, a taksa a ka duh zual lai techu ka fawp kual dan dan a, nui sak sak pahin hian min lo enkar thung.




Saruak vek chuan ka dah a, hetiang hian kan awm ngun tawh nèn ngâi ah a nei thei lo, a taksa ruak kâng ka en vung vung tawh hi chuan zah vângin a lo sen ap ap zèl, mahse chu chuan a thianghlim zia min hriattîr a min ti hlim hlè, run luih nân heti hian ka ti ziah.



Ka duh ang thâl a, ka sâwngbâwl thei te hi vânnei ka inti a, kei aia tha pawh a hmuh vetho in ka ring, mahse kei a tîrah pawh care em em lo tu pasala min nei ngat kha mak ka la ti reng, nge an inchhûng saw nuam ati vak lo pawh ka hre lo.



A châng leh ka fâwp a, a chângleh ka duh dân angin ka che leh thin, a thiam ang tawk tawk chuan min lo pui ve a, ka kham thei ngâi dawn lo a nih hi.




Vawikhat mah a nawm na hi ala pawh ve lo tih ka hria, zan in chu a nawmna tem tîr ka châk tlat, ka theih tâwp chuan ka tang a, ka insûm a, ka duat bawk.

Rei fè chutia ka tih hnû chuan a rualin a nawmna chu kan tem dûn ta, a rawn zal hnak a, keipawh ka zawi hnawk mai, kan taksa sa up up leh thlan hluam chung chuan kan inkuah vang vang a.



"Engtikah mah min kalsan lo ang tiraw?"



Chauh hmèl zet hian arawn ti zuai raih a,


"Teuh lo, ka kalsan phal che i ring ami?"


Rawn hawi chho in nui sak chuan ka hmûi chu arawn tawk zauh a, ka chung lamah chuan arawn bawk thlap mai.



"Round 2 i duh leh ni maw?"


Fiamthû a ka tih chuan rawn nui hak pahin min bèng taih a, a tukhum sam ah chuan na vak lo a thâm pahin ka kiss pawp a, min lo chhânglèt tha kher mai.




Zan in zet chu mut a tui khawp ang.




NEXT MORNING


OLIVIA POV



Ka muhîl chu ka thang harh hlawl a, sana ka en chu dar 5 chiah alo la ri nia, Urinpuia chu alo mu tawh miah lo, ka thlan nasat vâng nge vawt ka ti ta hlè mai, puan chu ka sin tha sawk sawk a, bathroom ah a kal anih ka ring.



Bang lam hawia ka insiam rem lai chuan URinpuia pawh arawn mu thla veleh a, ka hawi lèta amah ka en chu phâwk hrû hian min lo en nia, Kekawr bûl alo ha fel diam tawh.



"Tinge ilo harh a, ka inthiar lawk anih kha"



Tih suppahin puan chu min sin that tîr sawk sawk a,ka pasal pangti lum ngah zet ka bulah arawn mut vâng nge a lum ka ti leh vek tawh, ka puan sin lai chu ka tlawh hlîm vek a, thawmhnaw engmah ka la inbel lo.



Urinpuia chuan nui deuh suk suk hian ka taksa chu a en kual dun dun a, ka zak leh et et tawh, hetiang hian a ti ve ziah, ngaiah ka nei thei lo, mahse min hmangaih tih ka hria a, Lung satliah ve mai kha Lunghlu tha mi anga min en in min chei bâwl a, keipawh lunghlû angah ka in ngaih phah vek tawh, Ka pasal min duhtâwk na chuan mahni inrin tâwkna min pe a, mahse a zahthlâk ve lek lek zèl.



Ka âwmbâwr pahnih techu a kut lian zeta rawn hup thuk pahin


"Engtikah mah ka hnè thei dawn lo che nih hi"



Tih suppahin min rawn fawp a, ka âwmbâwr chu a thâm pah reng bawk, a zak ah chuan ka lo dèk zauh a, rak thawt pahin a awm sawn vat, dèk a hua tih ka lo hre ngai miah lo, za zet chuan ka nuih a.



"Olivia a nuihzatthlâk miah loh"


Nui chung hian arawn ti a, ka nuih aza zual sauh.


"Dèk i hua tih ka hre miah lo a"


Nui pah chuan ka lo ti a, hetiang hian ka hringnun zinkawng hi nuam reng se, hlim reng ila tih chu ka duhthusâm ber a ni.




__________



Tûk thuan chu chinlèm nei lo in ka ei leh buan buan tawh, ka ril pawh tâm em em lo mahse tûnlai chu ka kâ ah hian engkim hi a tui vèl vek.




"Tui hi in tel rawh, i helh palh ange"


Tih suppahin Urinpuia chuan tui chu min rawn thlit sak a,


"Ka kal a hun tawh a, ka kal tawh ange aw"



Tihpahin chaw ka hmuam tûn lai chuan ka hmui ah arawn tawk zauh a, Mawitei leh Thartea an awm ve reng bawk nen, rum lutuka ka melh chu ngah mah ngai duh lo in nui var var chuan min bye bye a, a tlân chhuak zui nghâl bawk.


________


Reubena lo lèn vângin ka hlim leh hlè tawh, Kan inkawm tan tirh a kan awm dân techu sawiin kan hlim dûn hle a, a bula ka awm tawh hi chuan ka nui reng zèl.


"Olivia, i pasal nèn hian engemaw chhan tha tak vângin inthen ta ula min nei duh angem?"



Mak ti takin a hmèl chu ka en vat a, ala serious em em zui,


"Thu lawi lo sawi suh"


Vîn thawta tihpahin a dârah chuan ka bèng thuai a, a nèr nûng mai,


"Engtikah mah khatiâng thû kha sawi tawh suh"



Ka'n ti zui hrâm a, a lungâwi loh hmèl kher mai, hetianga min chhaih fiam hi a sim tawh amaw ka tia, ala sim duh dèr lo, Mawl lutuk, nuthlawi a neih ka phal teuh lo.



"Ka sawi tawh lo ang, thil thleng thut thei ania ka sawi"



Ati deuh bûi bûi a, ka hmûi ka lo ti pawrh vak ringawt,


"Anih, nangmah ang chiah hmeichhia hi min zawn pui ve la, thla thum dâwn ka single tawh ania"


"Ve che, keipawh pasal ka neih hma in ngaihzâwng ka neih ngai loh tawp kha"



"Nangmah ang ka ni lo, nih pawh ka duh lo, mahse nangmah ang hi ka duh alawm"



"I Mawl emai LalReuben, ka lût dawn"



Tih leh thawh ka rual nghâl a, ka hnungah chuan min rawn ûm ang duan duan leh nghâl a, a châng chuan Reubena hi engvânga hnâwl nge ka nih hi ka in hre lo fo, inchhîr deuh lek lek cháng te ka nei thin.



Mahse, ka pasal aia mipa rinawm leh tha hi ka hmu lo, Reubena nena tehkhin pawh ka duh leh lo a, kei hi ka â niang.



Inchhûng kan lût chu Sofa a ka phone lo ri char char ka hmuh chuan ka la vat a, URintei maw!....mak ka ti deuh, tûn ang hun techu chhûn thil an ei hun a ni sia.



"Hello?"



"Note, thil pawimawh lutuk hrilh tûr che ka nei,"



A rawn ti ru deuh sar sar a, eng ang chiah a pawimawh nge ni ang le? Reubena chu ka melh zawk a, hriat châk ve hmèl zet hian min lo enkur mai.



"Aw sawi la, ka ngâithla e"



Zâng vah chuan ka lo ti a,



"Tûna ka sawi tûr hi in nupa kâr a chhiat ka ring a, ni leh lo, i rilru anat viau pawh ka ring, mahse hre ve ngèi la ka duh, ka nau ang maiin ka en che a, thil hre lo lutuka i a awm hi hrehawm ka ti takzet a ni"


"Aw...han sawi la"


Ka âw chu a zâwi sâwt khawp mai, kan nupa kâr chhiat theihna tûr thil chu hre tûrin ka chak tâwk em ka hre lo, mahse hriat ve ngèi ka duh tlat a ni.


"Ihh...eng lo...Nangmah ai awh tu Siamtei leh Sir Rinpuia inkârah hian engemaw a awm Chiang a ni, tûnah pawh hian khawi ah emaw an chhuak dûn a, chuan maw, Siamtei hi Manager room ah vawiin khân dârkâr hnih dâwn a awm, parda an zâr phui vek vângin an awm dân erawh kan hmu thei lo, Office ami tepawn an sawi duh teh mai nia, vawiin atang hian an inzui lang zual a, tûpawn an ringhlel vek, Hotela thawk tepawh hian mak an ti hlawm khawp mai"


Ka mit sulh a, ka tawng chhuak thei lo, ka kâ chu a khawng vek, ka thaw tâwk tâwk ni berin ka hria, ka khûp techu arawn zawi a, ka tlu mai dawn, Reubena pawn ka awm dân chu hrethiám in min rawn dawm nghâl vat a, URintei thusawi chuan ka thinlung hi a vit sawk ni berin ka hria.



Ka rilru na viau mahse ka mit ngeia ka hmuh hmâ chu Âwih sak ka tum lo, ka phone pawh off lo in Sofa ah chuan ka theh thla tawp a, Sofa ah chuan thû in ka indawm kun nghâl tlawk tlawk mai.



Chak taka awm tûrin ka infuih a, mahse ka âwm zâwn hi fei zum taka chhun sawk sawk ang mai hian ana, ka mittui pawh a tla, mahse rilru fîm hman ka tum hrâm hrâm a, Midang pawn an tuar thei a, keipawn ka tuar thei ang, hetiang techu tun ang laiah techuan hmeichhe pasal nei lai ten an tawrh fo ania lawm tiin ka in hnèm mawlh mawlh a.



Ka mittui chu hru hulin Reubena chu ka en a, min ngaihtuah hmèl zet hian min lo enkar mai.



"I tha em? Engthil nge thleng a?"


Min enkar pah hian a ti sup a,


"Sawi chî loh ka hriat chian hunah ka hrilh ang che, URinpuia te office ah kal ang"



Min en vung vung a,


"Awle, car ka va la ange"



Tihpah chuan tho in a chhuak nghâl vut a, enge thleng chu ka fiah ve ngèi a ngai alawm, ka pum chhûnga naute vâng tal hian chak taka awm tûr ka ni, ka mit ngeia ka man a nih chuan ka chhuak nghâl ang, rinhlehna vâng ringawt chuan then ka tum bîk lo.



Reubena car horn arawn tih rîk rat rat tâkah chuan tho in ka chhuak ve vat a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)