SWEET NIGHT BY HLUTEI JOCUND PACHUAU (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

SWEET NIGHT BY HLUTEI JOCUND PACHUAU (Completed)

Unread post by Ngaia » May 31st, 2020, 5:41 pm

c2fzxbu9.jpg
c2fzxbu9.jpg (33.04 KiB) Viewed 33389 times

SWEET NIGHT

CHAPTER -1

BY

HLUTEI JOCUND PACHUAU


Zan khatna te ni sia ka bonus hret...tlèmin a thui deuh ang.



Tarmit bun kha changtupa Rinpuia a nia,
A bun lo zâwk kha Reubena aw....in lo hriat loh tâkin.






PROLOGUE




Hmeichhe tè ri chuan min ti harh zawk,ka taksa chu a che dawt a, ka car steering ka lo bawh ûl mai,ka hawi chhuak chu ka car chuan footpath alo su reng chu niin, hrep tak chuan ka car steering chu ka chûm dawt a, vawiin tal chuan man ka tum asin, khânû vâng vek kha.



Car atang chuan ka chhuak vat a, helâi hmun hi Aizawl mahni se a reh lai tak a niang,in pawh a awm vak lo, putar pakhat kawngsîr a lo let reng chu hmeichhe pakhat hian alo buaipui mawlh mawlh a, ka sut ngèi a ni tih ka hre mai.



"Ka pu i tha em?"

Ka bula hmeichhia chuan thinrim tih hriât zet hian min lo en khâih a.


"Iva fîmkhur lo èm èm ve, kawngsîr deuh ah akal a, irawn su tho a nia, i rûi a ni lo maw?"


A tèt tèt nèn a aw râwl lah chu a ring phiân leh nghâl, ka beng ana zawk thei, ka lo ner sak a.


"Ka tihpalh a ni, helai hi ka vawikhat kalna nia, kawng ka lo bel lutuk lo a"


Ka tih chuan chu putar chuan ner sak sak pah hian.


"Ka tha e, ka chak tawh lo lutuk a, na èm èm pawh a ni lo"

Ka inthiâm lo takzet a ni, kawng lo enchiang tûr ka nia, rilru fîm mang hlei lo in ka ûm ve ringawt kha nia.


"Khawi ka lo kâi tho ang che"


Tihpaha vawn ka tum chu chu nû tèreuh chuan ka kut chu arawn phih thla sawk a.


"Khawih hlek suh"


Alo ti bak hlar mai, a ngaihna hre lo zet chuan ka en hû a, min huat zia chu a mit meng ling hlar atang hian hai chî rual a ni lo,ka hlauh loh zia hi hria se a zak zâwk ngawt ang.


"Note, amak bawrh bawrh thei emai, Tlangvâl ka fanu hi lo hrethiám rawh aw, a thinchhe reuh lutuk a"


Putar chuan alo ti chuar chuar a, chu putar chuan a tui nu rim anam hak hak leh nghâl, mahse putar sual tak chu a ni lo.


"Damdawiin ah kal in ngai em? Ka lo hruai dâwn cheu mi?"

"I hruai kan ngai lo, pa kal ang"


Alo ti leh hlar tawh, apa chu kâi tho in a kalpui ta daih a, rawn hawi lèt lehin rum zet hian min rawn en a, tûnlai thang thar ho tak hi chu âw, aia upa zahna pawh an nei tawh lo, chek tlak tlak pahin khânû awm dân kha ka ngaihtuah lèt a ka nui suk suk ringawt.


_____________




Vawiin tlâi ka hâw chu nidang ang a ni lo, ka hlim sârh reng mai,ka hna thar vâng pawh hi a ni maithei ni, in a ka lût chiah chu nidang pawh a ka lo hriât fo tawh thin zu rim bawk a nam leh hak tawh mai, chhuatah chuan zu bûr alo awm nuaih a, ka pa pawh thutthlèng sei ah mu chungin alo rûm leh tuah tuah tawh mai.



"Pa ka lo haw tawh a nia"



Tih sap pahin ka pa zû in a ei chhiat tawh vânga hmèl bawrchhawr zet hnâr tawk hler hlur chu ka enkar a, a kum aiin a lang upa fè tawh,a kè a tina chung pawn khawi atangin emaw hian in tûr chu a hmu reng tho, a mak zâwk.


"I châu em? I nu khân rawng a bâwl zo a achhuak leh tawh in ka hria"


"I damdawi kha ei theihnghilh lo la"


Tih ringawt chu sawiin room ah chuan ka luhsawn ta daih a,


Kum 15 ka nih khân ka pa hian Hmeichhia lo hruai haw in ka nu a nih tawh tûr thû min hrilh a, ka nu hmèl hmulo in ka seilian a, unau dang ka nei hek lo,nu ka nei ve tûr chu ka hlim ru ang reng hlè,, mahse, An sawi fo thin nuhrawn in atih duh dah na ang kha tuar ve lo mahila, ka nuhrawn hian ka awm ve tih pawh a hre lo, zîng hmâ takah chhuakin tlâi rawngbâwl dâwn ah arawn hâw a, kawr thar leh engemaw thil thar hi min rawn hawn ziah thin, kan in be tam lèm lo a, inbe tam tûr pawn kan in hmu khât thei èm a ni, ka nuhrawn chu a hmèl a tha in nulian tak a ni a, ka pa ang zu ngawl vei mîte hnuai en ani ang nu hmeltha lutukin a nei duh hi mak ka ti thîn, ka nu hrawn chu PWD a an cashier a ni leh nghâl a, sum pawh angah a, arawn awm atang chuan kan in pawh a phui sui sâwt khawp mai, mahse, ka pa nèn hian hun an hmang ngâi zen zen lo a, nupa ni si biak pawh an inbe khât khawp mai, an innei ve mai mai ni berin ka hria.



Ka pa dinhmun leh ka nuhrawn zu duh lutuk chu kan vèng ti ti tham a tling a,Aizâwl vèng mawng lam kan lo ni bawk nèn tlèmin kan thingtlâng deuh a, a pawh pawh kan in pawh phiân, chhûngte dang pawh kan nei lèm lo, thian kawm èm èm pawh nei lo in ka nula chho a, mahni a room a inkhunga lehkha zir tawp kha ka hnâ chu ni mai, ka mal ngawih ngawih a, ka nuhrawn chu ka lakah sual lo mahse min ngaihsak lo lutuk hi hrehawm ka ti thin, ka damloh a min duat tû tûr ka nei lo a, ka ei châk zâwng min siam sak tû pawh ka nei ngâi hek lo, chhûngkua an tih awmzia hi ka hre lo a, pasal neih a chhûngkaw hlim tak din chu ka duhthusâm ber a ni, Pathian hnènah pawh ka dîl fo, mahse ka dinhmun leh ka thanlenna hian a zir lo èm a, tha min ti tu pawh tawng ve nèl nual thin mahila ka seilenna an hriat chuan min enhniâm nghâl vek hian ka hre thin.

Mahse engkima min hrethiâm a, min ngaihsak èm èm tû Thian pakhat Reubena nikum mai khân ka chhar thar a, college Final year ka zir kuma ka chhar a ni, kei aiin kum 2 in a naupang bawk, mahse a felin a puitling a, min hrethiam èm èm reng thin.



Hmeichhe harh vâng leh hlim thei tak ka ni a, mahse chu chu pawn lamah chauh, nui hmèl ka pu reng a, hmeltha min ti tû pawh ka tawng ve reng thin, mahse ka chhûngril erawh ka sawithiâm si loh hian ka khua a har a, ka harsatna leh dinhmun te hrethiám a min duat tû tûr ka mamawh ve thin, mahse chû pawh ka seilenna vâng bawk hian ka beisei ngam lo, Reubena chu ka tân engkim ni mahse, ka thian chauh a ni a, ka la famkim thei lo, chu chu ka harsatna lian ber a ni.




Ka hmingchu Olivia Lalhmingmawii ka ni a, Mahse Note tiin min ko zâwk mah.

Kâr hmasa mai khân Hotel Regency Aizawlah hnâ ka hmu ve hlauh a, Ka hnathawh tak hi House keeping lam a ni thung, B.A ka zir zawhin ka nuhrawn puihna zârah Hotel management lam ka training ve a, khami khân ka hna zawn na ah pawh min pui khawp mai.




Ka pa chuan zanriah a ei peih dâwn lo tih ka hriat vângin Thutthlèng sei a amuhîl hnâr bawrh bawrh pawh ka kâi tho duh ta lo, keimahin ka nuhrawn rawngbâwl sâ ang ang chu ka ei vèleh tawp a, ka tih thin dân a ni hrim hrim a, chawhmeh duh loh èm èm pawh ka nei lo, mak ve deuh chu ka pa hi a ruih hian Sofa ah pawh mu ngâi lo in Choka lama kan dah thin thutthlèng sei ah ngat hian a mu thin.


_____________


Zân ka mû chu ka tih dân ngâi bawkin WhatsApp group Hotela thawk ho te nèna kan siam ah chuan ka lût ve a, Fb ka khawih lo a, bâkah tiang lam hi ka ngaina ve lutuk lo, Instagram vèl pawh a hming chiah ka hria, tûnlai ah techuan khawih lo pawh an awm mang lo a nia, Kum 22 ka ni ve tawh a, hetiâng lam rèng hi ka ngaihsak vak lo, ka pumrua hi mizo hmeichhia ah chuan a tâwk vèl an ti thin, ft 5'4 ka tling vè tâwk tâwk a, mahse ka thâu lutuk loh vâng hian ka lang tè bîk, ka chèr nâ a mahse ka hmâi erawh a biâl chèm a, hei vâng hian min ngâi naupang leh zual, kum 18 mi vèlah te min ngâi châwk thin, chuvâng ania ka lan upat theih nân tiin make-up tepawh ka hman ve thin.



*Naktûk ah Hotel neitû hi arawn kal tawh dâwn a, Manager angin a awm tawh dâwn*



Receiption a thu, Malsawmi chuan a ti a, midang chuan a chanchin techu an lo zâwt zui sap sap hlawm a, kei erawh chuan ka lo chhiar vèl mai mai tawp.


*Ramdangah Hotel nei nual mahse Mizoram hi thut hmunah arawn hmang dawn a, ramdang a ahotela thawk mizo techuan a khirh zia leh A nuih khât zia an sawi thin, keichu ka huphurh tawp, a fel vak lo an ti leh nghâl,*

A'n ti zui zat a,

*URinpuia hi ka mi hriât chiân a nia, misual a ni lo, khirh mahse a Senior ve tawh èm alawm😂😂*




HruaiLukira an tih thin chuan a rawn ti ve vat a, Hruailukira tih hlîrin an ko a, a ei ve lauh lauh zèl tho, ani nèn hi chuan kan thu ho thung.


*Mu tawh ang ule, naktûk kal hmâ a ngaih kha*




U Rintei'n arawn tih tâkah chuan keipawh chuan ka phone chu dahin mutthilh chu ka tum ve nghâl a, mahse ka muhîl thei dèr lo, Manager chu lo sual viau ta se, a room bul mai ah kan thu dâwn sia, ka huphurh lutuk vâng a niang ka mu mengkar reng mai, Receiption a thut ka dîl daih dâwn mawni le? Ni leh lo, engmah lo a lo in tih hah lâwk vak ka paih lo e a.



NEXT MORNING




Bus stand a ka phei tûr chu ka bulah hian bike arawn ding thut mai, ka la phu zuk zui.


"Thlahrâng amaw min ti alaw?"


Hepa hi chuan min tih hlauhthâwn hi nuâm ati ve chiâng alawm, Reuben a ni, ka harsatna zawng zawng chu hrilh vek lo mahila atam zâwk hi chu ka thlen ve thin, fiamthu duh tak leh tawng duh tak mai a ni a, kohhran leh khawtlângah a kum rual puiah chuan in hmang pâwl tak a ni, kei aiin kum 2 laiin naupang mahse kan inkâwm tâwk phiân, hausa viau mahse an chhûngkua hi chapo lo chi Pathiân ngaihsak tak chhûngkua an ni a, An in ah pawh ka tlângnèl khawp mai.



"Mawla, min ti hlâu lawm"


Vîn thah chuan ka lo ti a, hmeichhe zaidam ka ni lo bawk nèn, tawngkam mawi lo tak takin ânkhum thîn mahila a ngâi haw ngai lèm lo, a nui mai mai zèl, a hmèltha in a pa lian a, mahse chèr lam a ni thung, ngaihzâwng pawh a duh duh a thing kual thei, a nuih zâwnga a maimitchhîng siar leh a biangsum rawn lang thin hian ati duhawm ka ti thin, tûnah pawh a nuih leh sâng tawh hi.


"Lo chuang rawh ka lo thlah ang che"



A sawi zawh hmâ chuan ka lâwn nghâl a,


"Min thlah i tum vâng a ni maw ilo kal?"



"In vèng bus stand atanga zârkawt thleng chauh pawh i rûi thin tih ipa in min hrilh a ka khawngaih che mawle"



A hnungah chuan ka bèng thuai a, motor ruih hi ka hrât a,ka naupan lâi atang tawhin Bus hlîr a kal kual thin ni mahila ngâi ah ka nei thei lo, hei hi min chhaih nân tak a hmang ziah leh nghâl.


"Motor ruih techu mâwl vâng mai mai lawm"


A tih chuan a bengah ka pawh sak vak a, ala râk that zui, chak zet chuan a khalh chhuak zui a,hlauh en ah pawh ka en tawh lo, ka chuang thang tawh a, bâkah ka ring tâwk ve tawh viau bawk,a fel ve ngawt mai, ka tân hi chuan a awm reng thin in ka hria, la naupang viau mahse a kum lama fiamthû ka thawhsak a piângin a titâu thin.



"Min phur vâwk vâwk sia, thîk tû ka neih vaih chuan aw"


"Nang techu tûmân an thîk ngam lo ang che"


Alo ti nghâl vat a, ka lo nui hak ringawt.

______________


Hotel Regency kan thleng chu hmanhmawh tak chuan ka tlân lût a,ka kamis in bilh fuh chiah lo leh ka sam sei lutuk lo ka hnute chen vèl dum hlap chu ka siam tha mawlh mawlh a, ka sam lah hi a hmâwr lam ka roll vângin dim a ngâi sia ka lo roll kher kher kha ka inchhîr lek lek zawk.



Thâwk la hawk pahin kan office room chu ka hawng a, midang chuan min lo thlen khalh vek tawh, new comer ka ni sia vawiin berkhera ka tlâi chu nuâm lo ka ti, mahse an fel hlawm hrim hrim a hlim hmèl pu sâng in min lo lâwm vek tho nia.



"Sir arawn thleng tèp tawh a nia"



HruaiLukira'n a tih chuan dawhkân a U Rintei thu ât chu rang zet chuan a zuangthlâ a, kan lo nuih nasa ngang mai.


"Hruailukir min tih thaih ziah lo teh"


A ti zui hlak a, ka dawhkânah chuan nui var var a thut pahin ka laptop chu ka en vat.



"Vawiin hi room number 7 a Bed sheet ka sûk tîr kha an lo dah tawh em le?"



"Dah tawh kha, an rem tawh alawm"


U Mawia chuan alo ti dam thlup a, ka lû ka lo bu nghauh ringawt, kan office hi a chung berah a awm a, a zâu lèm lo nâ a mipa thum(3) hnathawh nân chuan a tâwk viau, Manager room chu dârthlalang hian a in ping dang vè a, a room erawh a zau a, ka lût châk thei a nia.




"A rawn thleng, lo in ring ru"



Malsawmi Receiption a thu chuan arawn ti lût chûl a, kan lo phusa nasa hlawm ngang mai, a tlân chhuak leh nghâl vut a, nî danga Hruailukira Hnâ pawh thawk tha em em lo dak zuap zuap reng thîn pawh a ngâwi hmak mai.



Chutah kawngkhâr atang chuan mipa khat Coat suit dumpâwl ha hi arawn lût a, apa len zia chu mizo mipa ah chuan palian pâwl tak tih tûr chu a ni ve in ka hria, tarmit a bun a, a sam dum hlap chu a buk ve lek lek, ala khuih piâl hlûn zui, a tûnlâi mi vak lo tih a inchei dân atang chuan ka hre mai, ni lo, hepa hi, ka pa su tû kha a ni chiâng lutuk,phâwk hrâ chuan ka lo en hâ a.



Chibai chu arawn sem diat diat a, ka bul arawn thlen chuan ka lo enkar mai, ka kuta vawn zauh pah chuan a mitmeng lian lam lek lek dum kâk hian a tarmit kâr atang chuan min rawn melh zuk a, a hawisawn leh nghâl daih, nui hmèl a pu miah lo leh nghâl, min hria ang pawn a awm lo, amah kha a ang bawk sia, a ni angem le? Ka hmuh nî kha chuan kawrlum dum lum lutuk lo ang chî hi a hâ a, asam pawh tiang hian a khuih pial lo, a chal vèl khuh vek khawpin a buk deuh a nih kha, chuan tarmit a bun lo bawk.



"In hnâ intlin hlawm tih ka lo hria ka lâwm khawp mai"



A âw chu a thûm lam hi a ni a, amah kha ni chiâng lutuk, engtin nge ka hai theih teh lûl ang?


"Tunge thawk thar an awm em?"


U Rintei chuan min rawn nghawk sawk a, ka lo phu zuk zui, ka ngaihtuahna ka lo kâwm leh tawh, van âtthlâk thei tak e âw.

"Keimah"


Zâwi sapa tih pahin ka bân chu ka lo phar zauh a, a tarmit kâr atang chuan min rawn enkur mai, ka lo en tha ngam miah lo thung, a zahawm in mî hi a uap churh ni maiin ka hria, ka sawi thiâm lo,ka lungphu ri ring lutuk chu an hriat vè vek ka ring, Amah kha a nih vâng a niang ka zâm èm èm, ka hau nasa bawk si, ka zak ve lek lek, mahse amâ thiâmloh zâwk kha nia, tûnah min hria ang pawn a awm duh lo vèla, ei thlâwt lo.



"Hotel management i zir chhuak tho a akawng hmang i hre vek tiraw?"


Ka lo bu nghauh a, a hnathawna ah chuan in la hlauhawm ve sia, a pawnlam nun a ho hmèl tehrèng ka ei thlâwt lo, mahse zèp lo chuan ka hlâu tho.


"Training that leh i duh em?"


"Duh lo mai"


Zâwi sap chuan ka lo ti sap a, ka tawng kha a hre phâk angem tih pawh ka hre lo, ka zâm lutuk a ka âw pawh a chhuak tha thei lo.


"A tha e, a nih, tha deuhin thawk ru"


Tihpah chuan a room lam chu a pan leh vut a, a room a alût chiah tih chuan ka thaw huai mai, mahse kan la rèl ngam lo, kan thutna nèn a in hnaih mai bâkah, a room bang hi dârthlalang vek a ni a, pardâ a zâr loh vângin min hmu vek thei sia kan in mit mei hrek hrek ringawt, URintei phei chuan sawi tûr angah leh viau ang.



Ka thutna atang hian kan in ep chiah leh nghâl a, thlamuang pawn hnâ ka thawk thei tawh dâwn lo nih hi, khep khup a, ka hlauh zâwng tak a ni, ka vin hrep hrep avâng khân phubâ alâ angem le? La lo hrâm se ka ti, keipawh hi lo insûm ve deuh tûr a nia, ka pa lah a tha viau tho bawk si, ka thinchhe lutuk hi chu sim vat a ngâi ni.


A coat hâk chu phelhin a chair nghen chhan ah chuan a bâng a, a kamis bân kilhna chu a phelh nuap nuap a, A kiu thleng tèp chuan a thlep chho bawk, ka lo en ru kiau reng a, a ban bul lian tha zet leh a bâna thisen zâm kal ruâk ka hmuh chuan ka chil ka lo lem khalh ringawt,afresh tâwk lek hian a ngo a, a ngo over lo, chutah a che vèl chu a tâwp thut a, a tarmit kâr atang chuan min rawn en ta kur mai, ka lo hawisawn rang teh a sin.




Ka story te ngaihnawm inti a, thâ inti a nih chuan a hnuai a Advertisement khu click keuh rawh u aw💜🦋😉


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 5:42 pm

SWEET NIGHT
CHAPTER-2

BY

HLUTEI JOCUND PACHUAU



Thui deuh deuh dah chu ka duh ve viau a, mahse chhûngkua a ti ti na hun hi ka nei lo ve thei lutuk a, chhûnah story ziakin ka in khung hrang hmak zèl bawk sia zan lam tal chu in dah âwl ve a atam zâwk hi chu chhhûngkua a awm ho te ka duh ve a, rokhawlhna awm te nih loh chuan zantin chu ka rawn dah ziah ang.





Chaw chhûn ei hun ah chuan Hotel Restaurant ah ei tûr kan order mai thin a, mahse vawiin chu kan Manager tharin ei chhuah a rawt tlat vâng chuan kan ei chhuak ta nge nge a.



Manager thar anih vâng nge fel ber âwm ang zia zângin a mân kan ei man chu a tum vek dâwn a, ka ril tâm viau mahse ka la hmin zân chuang lo, amah hi ka pawh ngam loh mai bâkah ka nèl loh zâwng tak a nih vângin inthlahrung takin Chicken noodle soup chu ka'n lam vè ngèi a.



"I lam belh dâwn lo mi?"


Hruailukira chuan min en hû pah hian arawn ti a, midang chuan an lam hnem ngang mai, ka ei hnem theih zia hre thang tân chuan thil mak a ni ve rèng rèng bawk a.

"A ngâi lo, tlâi chaw ka ei thei lo palh ang"


Ka lo ti ve mai a, zèp lo chuan ka la ei thei reng, ka pumpui hi a lian ve lutuk tlat, mahse a thlâwn tih vânga lam teuh kha ka inthlahrun mai bâkah ei thei min ti lutuk palh ang, bâkah Hepâ min tum sak anih kher vâng pawh hian ei teuh ka tum lo bur.



Ka thil ei ti tui lo zual tûrin Manager chu ka ep chiah ah hian a thû leh nghâl, a chèt dân rèng rèng chu a dik thlup mai a, a naupang chhe zawk zawk tawh lo tawp ang, a nui hmèl pawh ka la hmulo fo, nuih dân a thiâm lo nge Hruailukira fiâmthû hian a nuih a ti za vè vak lo zâwk pawh ka hre lo, ka lo en reng vâng chuan a thil ei lâi châwl meuhin a tarmit kâr atang chuan min rawn en leh kur tawh, ka lo îp nghâl zawk thei, hnuailam chu ka lo bih leh vat a, mâwl min ti ngawt ang, ka pa su tu kha a ni em tih ka zâwt dawt ngam bawk si lo, awm nuam lo in vawiin nilèng chu ka hman ral a ngâi dâwn sia, tinge maw hepa kher kher hi kan manager alo nih le? A tawng lo a, a ngâwi kur reng bawk si.


_____________


Chawhnu lamah chuan Manager chu hna pawimawh vângin a chhuak a, a office ruak hiai chu ka va melh zauh zauh ringawt, ka ngaihven rûk viau nachhan hi ka pa su tu anih vâng a niang, bâkah a mizia kha hriatthiam a har ka ti, ker kur a.



"Awi keichu Manager hi hmèltha ka ti è, a pian a nalh in a sâng tha bawk si"


U Rintei chuan ngaihtuah zui ni âwm fahran hian a melh ngâi melh a nui sâng chuan a ti a, Hruailukira hmûi lo tipawrh nasa lutuk chuan min ti nui chhuak hak ringawt.



"Hmelchhepa khatin i hmûi lo ti kawh suh, e taka, Manager hian six pack a nei em? I hre mial lo maw"



A'n tih chhunzawm zat a, Umawia ve thung chuan nin hmèl zet hian a lû alo thing ringawt.


"Eight (8) pack a nei"


Hruailukira bawk chuan Alo ti hmuk ringawt, za zet chuan ka lo nui tiah tiah a,


"I chang chuang lo, ngaihtuah zui vak duh suh"


A'n ti zui hlak a.


"Hmmm....min chang lo fè zâwk, duh ila chu khâ ai tha pawh kha ka hmu hnem lutuk"



U Rintei chuan alo ti tân tân a, hnatawh nachâng hre lo in an inhniâl leh char char tawh, UMawia nèn chuan kan lo nui tet tet ringawt.

"Note, enge i ngaih ve dân?"


Umawia chuan nui ruh ruh pah hian alo ti a,


"Ka ngainat zâwng a ni lo e a, a inchei duh dân leh a kamis bân tluan hâk zût tekha thing ka ti ngawih ngawih, a tarmit kum 2000 hmalama chhuak tih hriat reng reng a vuah te kha keichu ka duh zâwng a ni ve lo e a"


Ka lo ti bawrh bawrh a, kâ huau in min en thup tih ka hriat chuan ka insiâm tha leh vat, ka pa vânga alaka ka thinrimna ala reh lo bawk nèn, ka lo ngei ru sâ tawh hrim hrim bawk a.


"Note, khatin ti suh aw ka duat hual anih kha"


URintei'n alo tih tâkah chuan kan nui leh dar dar ringawt.


_________

Manager rawn lèt leh hnû chuan bân hun alo ni leh dâwn tawh, ka kâwng techu ana ngut ngut tawh, ka thu rei tawh èm bawk a ni, ka'n zi mar tual tual a, ka bân techu pharin ka hâm tûr chiah chu Manager chuan a office atangin min lo enkur tih ka hmuh chuan ka kâ ka chîp rang ngang mai, rang tak chuan ka insiam tha vat a.


Ka va melh leh ker chu min lo en tawh lo, ka chèt dân kha âtthlâk ati viau ang, ka hâm tûr hmèl lah hi ka pe chhe ve thei sia, bâkah tianga mî enkur reng lo hian mî te hi be vè bawrh bawrh thin se, tlèmin alaka ka thinrimna tepawh hi a zia tûr a nia.


Dâr 4 a ri ta, midang haw tûr chu an insiam sap sap hlawm a, kei erawh hnâ tlèm ka la neih váng leh Reuben a Class bâng lo nghah pah ka duh vâng chuan ka la thu kâwi a.


"I bialpa khân arawn hruai dâwn che mi?"


URintei'n a tih lai chuan Manager pawh arawn chhuak ve chiah a,


"Ka bialpa ni lo, ka thian a nih kha, bâkah hnâ tlèm kala nei a"


Ka tih chuan âwih lo hmèl zet hian nui rah rah a, Manager chu ngáwi reng chuan a chhuak zui thurh bawk.


"A ni lo ka tih chû"


Vîn deuh thawta ka tih chuan arawn nui hak a.


"Anih ka kal aw"


Nui var var a tihpah chuan min bye bye zauh a, a chhuak zui nghâl vut mai.



Ka thil tih lâi ka tih zawm leh malh malh lai chuan ka dawhkân ah hian tu emaw hian coffee alo nghat a, ka phu zawk thei, ka hawi chho chu Manager chuan min lo enkur anih chu.


"In rawh, ipa chu enge a an? A tha lo viau em?"


Leh lawi sî a, ka lo ti rilru hman hrâm.


"A ke artui ruh a khi deuh a, Pathian zârah eng èm a tih phah lo e"


Amah enkar chuan ka ti a, tûmah an awm tawh lo bawk a, bâkah ka zâmna tekha lâk bo ang hmak a ni leh tawh, ka duh dân taka ka tawng chhuah vâng chuan nuam ka ti veng veng mai.

"A that chu"


Tih hmuk pahin office lam chu a pan ta daih a, ka enzui tlawk tlawk ringawt, hmelchhe e, a thi tèp lo ti ila tha zâwk tûr, saw tiâng mîze mak lutuk saw ka la tawng ngâi lo, a kheuh beuh ngawt ang, rum lutuk chuan ka melh nghek ringawt.


"Hmeltha viau lo la chu vawiin khân ka ti mualpho khawp ang che"


Ka ti zui sap a, a mizia mak viau mahse ala hmeltha in a hausa tala azia alawm, mahse sawtiang vûr khal ang mai saw chu tû hmeichhia mahin an duh rei lo tawp ang, a coffee min rawn pèk chu ngaihtuah chiâng hlei lo chuan kan in pawp a, ka duh aiin alo sa leh nghâl, mittui parawl pûrin ka lem thei hrâm.



Ka phone rawn ri ral ral ka en hma chuan Reuben a ani tih ka hre nghâl mai, nui var var pah chhuan ka chhâng nghâl vat a.


"Hello Duhtak"


"Olivia Tenawm suh aw"


Arawn ti hluk a, ka lo nui hak ringawt, thil ka hre chhuak zawk, keimah chiahin hetah hian ka awm lo tak e, Manager Office lam ka hawi chuan kun deuh dû hian atarmit kâr atangin min lo en leh kur tawh, ka nui tâwp chiang ngang mai, rum zeta melh lèt pahin ka sam phe lawp khawp chuan tukverh lam chu ka hawisan hmak a.


"Lo chhuk rawh, hotel kawtah ka ding vûng sia Security ho hian min melh no hlawm teh mai nia"


Za zet hian ka nui chhuak leh hawk a,

"Awle ka rawn kal nghâl"



Ka bag chu la in phone chu ka dah a, rang tak chuan ka chhuak nghâl vat a.





Hotel kawt ka thleng thlâ chu Reuben chuan min lo en kur mai, nî asat vâng nge ala nûr sûng zui.


"Hmanhmawh rawh anuam lo nia"


Alo ti lûng lûng a, ka hmûi ti pawrh vak pahin a bike ah chuan ka lâwnkâi ve nghâl hmak ringawt.



A tih dân ngâi bawkin chak zet chuan a in khalh chhuak leh tawh.




Kan in kawta ding mai lo chuan an in lamah min phei tlang pui a,


"In inah enge kan tih dawn?"


Ka lo ti hû a,


"A nu in pancake a siam a, i duh tih a hria a lo lèn pui rawh min ti, enge pawi na?"



"A pawina awm chuang lo e, ka ril a tâm lutuk"


Ka lo ti nghâl vat a, Nu Mafeli hi chuan a hming hi avan pu zo tak e aw.



"Chhûn ah thil i ei lo mi?"


"Ei e, noodle soup bowl khat chiah ka ei a ka engah mah a thawk lo"



A nui hak rî ka hriat chuan ka ngei lek lek zâwk.


"I pumpui hi chu a lian vè ngawt mai, i ei teuh dâwn nia"


Ka nui suk a, a bialnu te ho hi chu an vânnei ngawt ang Reuben hi chuan hmeichhia a care thiâm reuh sia, a bialnu te ho ka tih kherna chhan chu bialnu engzât chiah nge a neih ka hre lo tlat, hmeichhe dang dang hi min hmèlhriât tîr a, a châng leh kan inah te arawn awmpui thûl, lèrh ti viau mahila ka thian a ni tlat bawk sia, a bialnu te lah hian an duh hmèl thei ngawih ngawih bawk sia, ka lo khawngaih ru thei a nia.



An in kan thlen chuan Nu Mafeli chuan min lo be leh bawrh bawrh a, an choka a dawhkân ah chuan green tea leh Pancake chu min lo chhawp sak nghál bawk, keipawh chuan ka hna thar chungchâng te hrilh pah chuan ka ei ve nghâl mawlh mawlh a, Reubena erawh a pil bo leh hmak tawh.



"In restaurant ah khiân lo la chawlh ve tûr a ni, Reubena û Ruattei lo haw hunah ka rawn la hruai ang"



A ti siam siam a, Ruattei leh Reuben chauh hi unau an awm a, kum 5 laiin an in thlâu bawk, U Ruattei chu ka la hre chiang lutuk lo na in nula fel tak tih chu ka hria, Reubena ang lo takin Doctor a zir thung, a thiâm thei bawk a.


"Nia, nuam a ti ngawt ang, Hostelah phei chuan râwp ana dâwn sia"



Ka thil ei hmuâm tûlh tûlh pah chuan ka lo ti ve a,


"I tawng hmâ in i thil ei kha lem ve phawt la"


Lo ti hluk tu chu rum zet chuan ka en a, chhîng siar hian a biangsum lang sèih chuan min lo nuih leh tawh.


"A ril a tâm anih kha, lo tibuai suh"


Nu Mafeli chuan alo ti ve vat a, Reubena chu rawn thu thlâ in Pancake chu arawn ei ve nghâl a,


"Lehkhâ tha deuhin zir la, hmeichhia ringawt buaipui lo hian"


Ka'n ti chiah chu Nu Mafeli ril rem zâwng tak alo ni chèk aniang chu a chhunzawm nghâl char char a, Rum lutuka min melh tû chu ka lo chhiat khum vak ringawt.



RINPUIA POV




Shower tui lum a ka inphuh sar sar hnû chuan ka harh hawk mai, ka rilru te hi a buai nuaih thei, Lalrinmawii ka then fel tawh, ka dam chhûng hian ngaihzâwng pahnih chiah ka nei a, Lalrinmawii phei hi chu ka duh hlè a, neih ngèi pawh ka tum,mahse min phatsan tih ka mit ngèia ka hmuh atang khân ka then fel hmak kha nia, ka nuna hmeichhe pahnih ten min phatsan ve ve a, hmeichhia hi ka ring tawh ngâi lo anga, nupui neih pawh ka tum tawh lo ang, achhan chu ka tihlim zo ve lo ni maiin ka hria.


Ka hming chu LalRinpuia a ni a, a hmâ kha chuan chhûngkaw hlim tak ka nei ve thin, mahse kum 18 ka nih nî ka piancham ropui taka lawm an tum lutuk nalamah ka nu leh pa he khawvèla ka neih chhun ten car accident vângin boral san a, tûnah chuan ka pu nèn chauh he in lian zetah hian kan awm tawh, khâ mi nî atang khân ka piancham hi ka lâwm leh tawh ngâi lova, ka zirna te chhunzawm zèlin tûnah chuan kan ram mai ni lo ramdang thlenga hotel lian ber ber nei tû ka ni tawh, mahse ka hlim ngâi lo.



Ka hmeichhe duh èm èm in min phatsan chu ka thinrima ka hrethiám thei lo bawk, kum 35 ka hmang ve mèk a, ka pu lah chuan nupui nei tûrin min nawr chhèn leh nghâl, tûl ka ti lo a, hmeichhia hi ka mamawh rih tawh lo, hnaih tumna pawh ka nei tawh lèm lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 5:42 pm

SWEET NIGHT

CHAPTER-3

BY
.HLUTEI JOCUND PACHUAU






NOTEI POV




Vawiin tlâi ka haw chu ka pa thianpa, han ti mai ila ka pa aia upa daih tawh putar ve tawh tak Pu Kima hi arawn lèng ve leh hlawl mai, he putar hi chu ka pa thiante dang ang lo takin zu a in ve ngai lova, a felin kawm ala nuam èm èm zui, Pathian thû hi a sawi deuh reng a, bible te nèn inchhawpin kan sawi dûn thin, keipawh hian ka tui pui ve thei hlè a, ka fel bîk vâng leh ka that bîk vâng ni hauh lo in bible chhiar hi nuam ka ti a, Ngaihnawm ka tih èm thin vâng hian ka chhiar thin, a bîk in Estheri ngat phei hi chu ka chhiar ning thei lo, Lal Ahashuera nèna an in tawn dân tehi a romantic ru riau hian ka hria a, pasal ka nei ve dâwn anih chuan Lal Ahashuera ang hi ka duh ka ti thin a,Pu Kima nuih hi aza thei khawp mai.



"Note, vawiin chu ipu Kima hian Pathian thû min lo hrilh leh tawh a"



Ka pa chuan nui vur vur hian alo ti a, keipawh ka lo nui sak mai.


"Notei hi pasal nei rual ini ve tawh tho sia, ka tupa nèn sâwn innei mai ula, a upa ve tawh sia nupui tûr pakhat pawh a rim thlu zo bawk si lo, ka mang ati ang lek lek tawh"



Pu Kima'n alo tih chuan za zet hian ka nui a,


"Lal Ahashuera ang kha a ni dâwn mi?"


Fiamthû chuan ka lo ti ve vat a, thingpui chu ka lum sak nghâl vat bawk.


"Lal Ahashuera anga zei kha chu anih ka ring hauh lo"


A ti ban chap a, ka lo nui leh hak ringawt, Chutiâng vâl senior zak zum nei tûr khawp chuan ka in ring tâwk lo mai bâkah nupui tûr pakhat pawh rîm thlu zo lo khawp chu a hmeltha zawk zawk lo tawp ang, kei chuan hmèltha hi ka ngâisâng mai sia.

"Tak takah ka la rawn lènpui dâwn nia"



A ti zup sap a, ka lo nui var var ringawt, ka duhzâwng a ni dâwn lo tih ka chiang, ka duh lo han tih tawl kha ka hre ve bawk nèn ka rem tih sak ve ta nge nge a.



__________




Zân ka mu techu ka in ngaihtuah vang vang a,Pu Kima tupa chu lo nei ve tak tak ta ila amak âwm e, pasal neih chu ka châk ve tho mai, chhûngkaw hlim tak neih a ka pasal fanau te nèna in te tak tè fel fai em em mai a han chèn ho a, pasal min hmangaih èm èm tu hmeltha bawk Mi duat thiâm a mi hrethiâm thei tak neih techu ka duhthusâm alawm, mahse min hrechiang anga min duh dâwn lo, Pu Kima tupa pawh hi mipa fing tak anih ka ring a, kan in chiah hmu lo a ka seilenna nèn zawng zawng min hriat pui vek anih chuan min duh tak tak dâwn lo, ka beisei bawk lo.



Ka in ngaihtuah nasa deuh nge sana ka en chu dâr 12 alo ri tèp tawh, puan techu ka han sin tha sauh sauh a zangthal ar chuan ka'n maimitchhîng nghâl vang vang a.




NEXT MORNING




A ngâi te bawkin Reubena chuan min thlah leh a, vawiin a inchei dán zet chu kei a thian tha ber pawh hian ka hmu tâi lek lek, nula ho in an âtchilh laih laih pawh hi a âwm lo hran lo e.



Office ka lût chu tûmah an lo la thleng lo, Manager room atanga thâwm rawn awm chuan min ti phu zawk thei.


Ka hawi phei chu coffee in malh malh pah hian paper hi alo en mual mual a, avan hmeltha chiâng tak, a hnâr zum vât te leh a mit meng val deuh riai tesâwn min ti tim ur ur thei, a tarmit saw phelh se, a coffee in lai tâwp chat chuan arawn hawi a, ka lo insiâm tha nghâl vat, nimin mai kha chuan ka haw èm èm a, a hmèl ringawt pawh sâw ngaihdamna tham a ni.



Rang zet chuan ka thutna lam chu ka pan vat a, en pawh ka en ngam tawh lo, ka laptop chu chhuanlamah ka'n en nghâl chung chung a, en nachhan tûr phei chu a awm èm èm hran lo.



Chutia hawi pawh hawi chhuak ngam lo a ka awm reng lai chuan midang pawh an rawn ri lût nak nak hlawm a.



An rawn thleng chiah chu nû ho zîng bazaar ang maiin an ri leh hlut tawh, Keipawh chuan an thusawi techu ka lo zâwm ve thuai a, kan ri leh teng tung tawh mai.



"In ti ti tui viau nâ a sawi tûr ka nei"



Chu âw kan hriat vèleh chuan kan ngâwi ta thap a, tûnah tak hi chuan hriau pawh tla se a ring tha viau ang.


"Vawiin chu nangmah ni enkawl lai theuh ah khân in theih ang angin report rawn pe ula ka duh a"



"Engtik ami ho?"


Hruailukira chuan alo ti vat a.


"Kum tîr atangin"



Tih hmuk pahin a room ah chuan a lût leh daih a, midang tân chuan Kum dang atanga lo thawk tawh an nih vângin ala awlsam a, mahse keichu ka hâi lèt hrep a ngai dâwn, he hna thawk tû hmasa khân fel fâi taka record alo siam loh phei chuan ka chhe vek a ni mai, Kan Mit Pali neia sâwn min zuah miah lo ang.


Document hlui ka zawnna lamah ka mit te hi ana thûm thei, February thlâ atanga record chauh ka hmu thei a, January thlâ ami ka hmu ve hauh lo, ka buai ta map mai, khawi atangin nge ka hmuh ang? Engmah ka hrethiám tawh lo.



"Note i hmu kim thei em?"



URintei chuan min rawn en deuh hâ a, amah enkar chung chuan ka lû ka thing ringawt, dawhkân chu ka bawh hnawk a, ka hmuh loh chuan min hâu ang tih ka hlâu bawk si.



"I hmuh ang ang kha va report tawp rawh, a hrethiám em em ang che"



"Awle"


Ka lo ti chuai raih a, ka file lâk khâwm keng chung chuan hreh zetin Manager room lam chu ka pan vat a, kawngkhâr pawh kik tawh lèm lo chuan ka lût tlang pawp a, a dawhkân hmâ ah chuan ngâwi rengin ka ding ta vâng mai, a tarmit kâr atang chuan min rawn melh chho leh kur a.


"Manager ihh...englo a nia... February thlâ atang chauha record ka hmu a, January thlâ ami ka hmu zo lo"



Inthlahrung zet chuan ka'n ti a, a pen khalh niap niap lâi chu dah in thâwk la hawk pah a chair nghen chhan ngheng vang vang pah chuan chiang zet hian min en vang vang a, ka chil ka lo lem khawlh thei,en pawh en tha ngam lo ka lo melh zak zak ringawt.


"A tha e, dah rawh, mahse, lo zawng leh tho ang che"



Dawhkânah chuan bu nghauh pahin ka dah ve mai a, min hauh hrep ka rin tehrèng nèn.


"Ka kal thei tawh em?"


"Kârleh khian thingtlâng lama ka ram lei thar ah outing ni pah fâwm in hnathawh tûr kan nei a, i kal thei angem? Midang pawn an theih thû an sawi vek tawh"



"Thei e, hna thil a nih chuan"


Ka lo ti ve vat a,


"Awle, chhuak rawh"


Ati leh hmuk a, min en tawh loh vâng chuan ka'n chhiât khum hrâm a, amâ lam hawi pah a chhiah khum vak vak pah chuan ka hnung tawlh hret hret a, ka hawi lèt leh chiah kawngkhâr alo awm tawh si, lèt awk pahin ka'n intauh thuai a, chhuatah chuan mawng sawh dawp khawpin ka tlû nih chu, ka chal na âi mah chuan ka zahna hi atam zâwk.


"I tha em?"


Tihpaha zo zeta min rawn kâi tho tû chu en pawh ka en ngam lo, chhuanlamah nat hmèl zet hian ka chal chu ka'n dawm vang vang a, ka lû a hai chhawk tih mai loh chu nâ ka nei teuh lo mai,engmah sawi tawh lo chuan rang mangkhèngin ka chhuak ringawt.



Ka va han zak tak, khâpâ hmâ ah berkher khân awi....dawhkân chu bawhin ka tâl vak vak ringawt.



"I chal kha a sen tût a nia"



Hruailukira chuan nuihza insûm tih hriat zet hian ka chal chu arawn kâwk a, ka bag a ka compact chu phawrhin ka'n in en chhin a, alo sen tak tak nia, chhuah pângâia chhuah ve mai âwm, duh ai hian ka che over mah mah thin in ka in hria. Za zet chuan min nuih zui a, ka zah tawh sa tehrèng nèn.



_____________



Tlâi bânah chuan Reuben nèn bawk chuan kan in phur hâw leh tawh, a ngâi tè ang bawk in Manager thar mize mak lutuk leh ka chèt chhiât dân vèl chu châwl miah lo chuan ka hrilh phei leh bawrh bawrh a, ngâwi reng chuan alo ngâithla ve reng tho, ka thusawi te hi a tuipui zâwng a ni vè em tih ka ngaihtuah ngai lo, ka rilru awm ang ang techu ka hrilh hmiah hmiah zèl.




__________



"Pa naktûk sunday a nia, inkhâwm ve tawh la"



Ka pa chaw ei chu a tâwp chut a, hmèl dur khup hian min rawn en, Pathianni apiang hian inkhâwm tûrin ka sâwm ziah a, a thinrim ka hre ngâi lo, mahse vawiin tlâi chu a thinrim hmèl kher mai.


"Note, sawi tawh lo teh, ka inkhâwm chuan mi te mak tih ka hlawh dâwn sin"



"Mahse pa"


"A tâwk"


Dawhkân chu a chûm ri bur a, ka phu zawk thei, nî dangah hetiâng hian a awm ngái si lo, hrilh hai zetin ka pa chu ka enkar a, a awmdân chuan min thâwn mai bâkah ka rilru ati na takzet a ni, ka mittui chu arawn hnâm tiâm tiâm a, ka pa hi eng anga rûi thle mai mai thin pawh ni mahse ka tèt tè atang khân thinrim awka vîn in min tawngkhum ngâi lo.


"Ka tihpalh"



Tihpahin a tho vut a, a kut chu silin a chhuak ta daih a, ka chaw ei pawh a tui tawh lo, ka mittui rawn hnâm tiâm tiâm chu hrûk zauh pahin keipawh chu ka kham ve mai a, thlèng chu ka seng nghâl mawlh mawlh ringawt.

Thlèng sîl tûra ka din reng lai chuan tawngtâi arawn lan thut vângin ka pa tân chuan ka tawngtai a, Mittui parawl kiang kiang chung chuan thlèng chu ka sil mial mial ringawt.


__________


Zânah pawh chuan ka inkhâwm san hmak a, inkhâwm san han tih lèmah, ka pa hi arawn la haw lo hrim hrim zâwk, ka nuhrawn erawh arawn hâw atang khân room atangin ala rawn chhuak lo.



"Olivia"


In khâwm bân chuan min ko tû an awm tih ka hriat vângin ka hawikual deuh a, Zun in bulah chuan Reubena'n min lo hûi zauh zauh mai, a bulah chuan a thiante ni âwm tak la tleirâwl hmèl ve deuh deuh mipa pa nga(5) vèl hi an lo thu thap bawk a, Reuben chuan Kamis dum a vâra pâr ru deuh hi a hâ a, kekawr dum a ha leh tawp bawk, amah a fresh in a inthuâmna chuan ati lang ngo in ati lang thianghlim zual.


Nui var varin a bulah chuan ka tlân phei a, a thiante ho chuan min lo be nghâl luâm hlawm bawk, an la naupan hmèl nèn rin aiin an polite zèk leh nghâl, zan dangah an inkhâwm ve ngâi ka hre bawk si lo a.


"Kan vèng mî an ni em i thian te hi?"


"Mmm...ka pian thar hmâ a ka thiante an nia, Biak inah hi chuan an lang khât ve alawm"


Awlsam zeta a tih chuan a thiante ho chuan an hâu nghâl laih laih a, ka lo nuih var var ringawt.



"Reuben"


Ka hnunglam ka hawi chuan nula han ti dâwn ila tlèma la tleirâwl hmèl ve deuh puan pawh la bih lo kawrfual ha hmeltha zet hi alo nui var var a, a bialnu te zîng ami a nih ka ring nghâl hmiah.


"Min lo thlah la, ka thianten min lo hawsan daih a"


Inthlahrun hmèl zet hian arawn tî a, ka mithmul ti sâng zauh pahin Reuben chu ka melh zauh a, ala nui duh thak lo leh nghâl.


"Ka hman lo, Ruatfela hi inthlah tîr mai rawh, Hei i hmuh ang hian midang thlah tûr ka nei"


Alo ti zèk a, a mawng tamah chuan a rûkin ka ben sak zauh a, ala phu zuk zui, khatiâng teh hrepa in chhân chu, thil mawi pawh va ni suh.


"Reuben, kei techu kan in a hnâi tho a, thlah ka ngâi hleinèm, Pa Marina rual sâwn ka haw mai ang"



Ka tih chuan rum lutuk hian min rawn en a, ka kutah chuan nghet zet hian arawn vuan a, a chèt dân chuan min thâwn èm vâng chuan mak ti zetin ka lo en hâ ringawt,


"Kal ang"


Tih hmuk pahin step ah chuan min chhoh pui dâwr dâwr a, ka hawi lèt leh chu chû nû tèreuh rilru na hmèl chuan ka awm ati nuâm lo vek thei nia.


"Enge khatia itih kher a? Mawl lutuk"


Ka lo ti hlak a, kawngpui kan thleng chho chiah tih chuan a bike chu a tinung nghâl vut vut a, ka biakna pawh chu hre lo ang hmakin a awm nia.


"Ka biak che chu Mawnga"


Vîn thah chuan ka ti a, hmèl tak rûn hian min rawn en a,


"Ka bialnu hlui a nih kha, min lo kawp ve khanglânga vawiin khán ka then"


A ti deuh hmuk a,


"Mawla, nangpawn i kawp ve tho kha"


Vîn zet a tihpah chuan a dârah ka bèng thuai a, râk that pahin ka benna chu a tuai vung vung mai.


"Hmeichhe kawp nih ka duh teuh lo mai, a hrim hrim in nangpawh enge ilo khawngaih ve em em a?"


Ala ti bûi bûi zui,


"I mâwl lutuk hi tih ngaihna pawh ka hre lo che"


Tih hlak hlak pahin a bike ah chuan ka chuang ve nghâl a,

"Puan i bih kha hmeichhe thutin thu rawh"


"Khalh mai mai teh"




Vîn zet chuan ka lo ti a, a taksa che dawt atang chuan a nui tih ka hre mai,

"Tèk hmuam"

A ti zui sup a, ka chhâng tawh lèm lo,hmeichhia ringawt a buaipui a, exam na ah mark arawn hmu chhe leh ngawt ang.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 5:43 pm

SWEET NIGHT
CHAPTER-4

BY

HLUTEI JOCUND PACHUAU





NEXT MORNING





Vawiin pawh ni dang ang tho in keimah bawk chuan ka in khâwm leh a, zîng kâr atangin ka nu leh ka pa pawh ka hmu leh tawh lo, ka thawh hmâ in ei rawng an lo bâwl sa diâm a, keimahin ka ei ta mai kha nia.



Chaw ei chu tui lo viau mahse ka duh ber vawksa rèp leh antam chhum pawlh min siâm sak vângin ka lawm tho e, ka duh ber a ni tih pawh chu an hre chuang lèm hlei lo a.



Inkhâwm bân chuan Reubena'n an in ah min hruai lui leh tlat a, kan inkawm atang hian inkhâwm a peih sâwt zia techu apa chuan min hrilh mial mial a, lâwmthû lah chu min hrilh châm chî lehnghâl, kei ve teh lûl laka heti taka an lâwm thiâm hi mak ka tiin nuam ka ti veng veng mai.


"Note vawiin tlâi chu chaw rawn ei ve la"


Reuben a pa chuan a ti a,


"Ni lo e,ni dangah a ni mai, ka pa ka ngaihtuah deuh a"



Ka tih chuan an hrethiám a ni chèk a niang chu min tilui duh ta bîk lo a, chawhnu inkhâwm bân chuan Reuben chuan kan in thleng min thlah leh a.


"Vawiin tlâi chu ka thian te nèn kan lèng dâwn a, lo kal ve la"


"Ka peih lo, mut ka duh zâwk, nuam deuhin va hmang rawh"


A nui hak a, a biangsum a lang leh kâk tawh.


"Awle anih, bye bye"



Kan in bye bye lauh lauh a, zân inkhâwm a theihnghilh ang tih chu ka hlâu khawp mai, zu a in thei lo ropui sia, no 2 lek pawh in se a tah pui leh hluam hluam khâ ni leh âwm sia, ka ngaihtuah ngèi mai.




Mahnî chuan sofa ah mu in Song Cry tih hlâ chu ring zet chuan ka play a, fun hnuai ah chuan kekawr bûl chhîng zet leh kawr bah chauh hâ in ka mu ar ar mai, tinge maw sunday hian a lum zuâl bîk èm èm thin le?



Doorbell rawn ri rang rang ka hriat rual chuan ka hla play chu ka off vat a, Ka puan awm hmuna ka bih thin chu bih sawk sawkin kawngkhâr chu ka hawng vat a.


Pu Kima lo ni rengin ka nuih var var a, mahse, a hnunga ding mipa ka hmuh chuan ka nui tâwp chiâng ngèi mai.


"Note, hei hi ka tupa ka sawi thin chu nia"


Pu Kima chuan nui var var hian alo ti a, Ka awmdân chu insiám rem vatin ka'n nui lui hak a, Pu Kima hnunga ding mipa lah chu mak ti hmèl pawh a pu lo, min enkur reng ringawt.


"Lo lût ru"



Tihpahin kawng chu ka lo kián nghâl vat a, engtin nge Pu Kima tupâ hi Kan Manager a nih theih? Ka lo rin dân chuan Val senior ah pawh chal kawlh tawh lam hâng rèn rûn a nih ka lo ring a, mak ka ti lutuk chu tawng mai nachâng pawh ka hre lo.


"Khawnge i nu leh ipa hi?"



Pu Kima chuan fan hnuaia thut ar ar pah chuan zawng pah ni âwm fahran hian a hawikual deuh zak zak a.


"Ka hre lo, zîngkâr atang khân kan in hmu tawh lo rèng rèng"



Ka lo ti ve mai a, thingpui ka chhuang nghâl rawk rawk bawk, Manager chu a tawng lo a, a thu ngâwi kur reng ringawt, a zak zum ti dâwn ila zak zum rual a ni tawh si lo, a mîzia hi chu hriatthiam a har ve ngawt mai, tarmit a bun lo a, a sam pawh a khuih pial lo, a sam buk deuh chhap chuan ati lang naupang deuh, Kamis pawdal plain tawp a hâ a, kekawr chhawhchhi buhpawlh rawng hi aha leh tawp bawk, office a a in chei dân ang em em chuan a zahawm khep khup tawh lo.



Kawngkhâr rawn ri rawk rawk ka hriat rual chuan ka phu zawk a, kawngkhâr lam ka hawi chu ka pa zurûi a rawn tlu lût lek hi lo ni in,rang tak chuan pan in ka kâi tho nghâl a, ala berh luai zui leh nghâl, Manager pawn min lo pui nghâl vat a, kan kâitho chiah tih chuan a kekawr ka tawk palh chu alo huh hlup mai, zun a cheh ni maw? Ka zak lutuk chu hawi pawh ka hawi chhuak ngam lo, a rûkin ka then ru tlawk tlawk ringawt, mahse Manager chuan hre lo ang hmakin a awm anih chu, a hre reng tho ang, a zu rim lah chu anam huâm huâm bawk si.


Choka lama thutthlèng sei ah chuan kan muttîr a, Pu Kima hmèl dur deuh khap ka va hmuh chuan ka pa lakah a lâwm vak lo tih ka hrethiam nghâl mai, ka zak lutuk hi khûk ral daih mai techu ka duh rum rum, ka tah a chhuak bawk, ka pa awm dân chuan min ti zakin nâ ka ti ngawih ngawih, tumah rèng tawng kan tum lo, ka pa rûi rûm tuah tuah chu ngâwi rengin kan ngâithlâ a, ka tah chhuak ut ut chuan ka mittui arawn ti hnâm tiâm tiâm mai, Ka mittui tling an hmuh ka hlauh vâng chuan chhuanlamah ka thingpui lum lâi chu ka'n en a, a rûk in ka mittui chu ka khap lèt fak fak ringawt.



"Manghet, hei ka tupâ ka sawi ziah kha ka rawn hruai asin, ngati nge Pathianni èm èm ah te khati taka rûi a ilo awm a?"



Pu Kima chuan dam dap hian a ti a, kei erawh ka zah lutuk vâng nge? Sawi tûr hre lo in ka ngâwi ngal thung.


"Pa Kim, kei chu ka sual èm a, Pathianni pawh ka zah zo tawh lo, mahse Notei hi chuan min chhûn lo teh mai nia aw, a nu a chhuna Angel ang maia thianghlim a nih hi"



Ka pa chuan alo ti ve tuah tuah a, enge anga rûi chhia pawh ni mahse a fanû fakna tawngkam chu thei leh thei lo pawn ala chhâk chhuak tho a nia, ka pa tak hi chu.


"Ka pu min la hria em?"



Manager chu arawn tawng chhuak ve ta nge nge a, a thutna lam chu ka'n hawi vat a, ka pa chuan a lû kân ûr ûr pahin uluk zet hian Manager chu alo en vung vung a.


"Ehee...tlangvâl hmeltha deuh min su tû kha ini tiraw?"


Ngaihtuah zui ni âwm tak hian a mengzim deuh sar bawk.


"Aw ni e, i kè chu enge a an tawh?"


Dam thlup hian a ti a, ka pa chu anui sak mai.


"Ka tha tawh lutuk, ka tha mah mah a ni, Zu pawh ka la in ka la in thei tho lawm, Ka nghei phah thak theihna tûrin min su la tha zâwk tûr a nia"


Fiamthû a ka pa in a tih chuan Manager chu a nui ve nia, awi a nui tak tak, a nui hi ka vawikhat hmuhna, a nuih mâwi teh rèng nèn tinge a nuih khât èm èm le? A nui hmèl that zia saw.



"Ehee...in lo in hre daih tawh a ni maw?"



Pu Kima chuan nui deuh thâ hian arawn ti a,


" Hre tawh è mawle,Notei hian a hâu zèk leh nghâl a, a zia lo tak tak a ni"


Ka pa in a tih chuan Manager chuan nui deuh sak hian min rawn en a, ka lo mûr nghâl sung sung mai, tûn ah tak hi chuan vâi film chu ni se ka sam te hi thlî in a chhèm lèng siau siau in ka ring, ka lo nui lui ve sak a.


"In intawn dân te rèng rèng chu khuanû ruat in nih ngèi chu"



Pu Kima chuan a ti zui sup a, ka lo nui hak ringawt,amak thin a nia, Pu Kima ngaihdân teh daih thin hi, engkimah hian min hmehbel hi a tum rauh a, a tlangvâl lai phei chuan a zei ngawt ang, a tupa erawh hmeltha hlè si lung tum ang chiah a ni ve thung.




Thingpui te in pah chuan an ti ti mial mial hlawm a, Manager chuan vawi khat pawh min be lo, min duh hmèl taka mit mei min hmuh âwm pawh ka hre chuang lo, a fel a, a polite bawk a, min duh tak tak lo tih a sawi lang lo mai mai a nih ka ring, an hâw hunah a chiang mai ang.


_________


An hâw hnû chuan ka pa chu a hnâr nghâl bur bur a, ka va han zak tak èm, Manager lo kal lai berkherin, zu a rûi kha chu ka la hrethiâm, mahse zun a cheh kher kha ka hrethiam thei lo, ka room ah chuan mu in ka mittui rawn hnâm tiâm tiâm chu ka bekah chuan arawn luangthla zâl zâl a, hrûk pawh ka tum lo, hetiâng hunah tehian a nia nû ka mamawh thin, Manager lah khân ten leh hmusit en a a en miah lo tekha ka lâwm ru hlè a, mahse ka zahna tizual tû mai niin ka hria.



Zân inkhâwm pawh ka pa rûi chatthlâ kalsan ka hreh èm vâng chuan ka thulh tawp a, ka pa pawh a ruih a reh tawh, a rawn tho vè chhur chhur a,


"Inbual rawh"


Chawi ei siam mawlh mawlh pah chuan Ka lo ti nghâl hmuk ringawt, alakah thinrim viau mahila ka hâu phal bîk bawk sî lo, nu leh pa nei lo tepawh an awm a, ka neih chhun ka pa hi chu eng ang mî pawh ni se alakah ka thinrim rei phallo.



A rawn chhuah leh chuan a mitmeng pawh a dik deuh tawh lawm, ka bulah chuan a rawn thu vè a,


"Ka awm dân vâng khân i zak viau em? "



Ka chaw ei mawlh mawlh lai chu ka tâwp chat a,


"Ka nihna nia, an hmû kha apawi lo zâwk, min neih duh tak tak ka ring chuang hleinèm"



Ka pa inthlahrung hmèl chu ka khawngaih lutuk, a chaw pawh ei thei lo in a in dawm kun lap a, ka tap vè mai dâwn, dawhkân chu ka'n bèng ri thuai a, hrilh hai hmèl zet hian min en hû mai.


"I chaw kha ei rawh, ka thinrim hmâ hian"



Tap âw tiau a ka tih chuan arawn nui hak a, keipawh mittui tling kiau in ka nui ve hak mai,


"Pa mi hausa mi te zah kâi pasala neih techu ka duhthusâm alawm, mahse chu âi maha pawimawh zâwk chu, ka nihna ang anga min pawm thei tû ka duh a, ka mamawh ber pawh a ni zâwk"



Ka pa mit vun chuar ve tawh tak mit atang chuan mittui arawn hnâm tih ka hmuh chuan ka ner sak a, dawhkân chu ka bèng leh thuai a,


"I chaw ei rawh ka tih chu"


Vîn zet chuan ka ti a,


"Awle ka lalfanu"


A mittui hru zauh chung chuan a chaw chu a ei ve mai a, ka pa hi eng anga zu heh leh mi te thin hrik ni mahse a fanu min hmangaih a min la dampui ve tâwk tâwk hi ka tân chuan a tâwk tawh lutuk.



Inkhâwm bân chuan Reubena arawn lût kâwi a, ka inkhâwm theih loh chhan techu ka lo hrilh nghâl mawlh mawlh a, mahse Pu Kima leh a tupa chung châng erawh ka sawi lang lo.




Inchunga arsî kan thlîr dun vang vang lai chuan a hmèl chu ka enkar a.


"Reuben"


"Huh?"


Van lam hawi a a dâk vauh vauh chu tâwp hmakin min rawn en deuh hû a,


"Pasal nei ta ila enge i ngaihdân?"


A hmèl chu ka hriatthiam sî loh hian arawn in thlâk riai riai a, min en vung vung mai, a awm dân chu ka hrethiâm lo, a tawng lo a, engmah sawi lo chuan min en vang vang mai.


"Hey...ka biak che chû?"


Ka'n sâwi deuh nawk nawk a, chutah harh chhuak thut ni âwm fahran hian hmundang chu a en kual zuk zuk a.


"Pasal neih i tum tihna mi? Bialpa i neih âwm ka hre bawk si lo a"



A rawn ti ve ta sup a, ka nui sak ringawt, Manager chu ka mitthlâ ah arawn lang ruai ruai a.


"Bialpa nei lo e, pasal neih ka châk ve deuh thut a"



Ka'n ti ringawt a, Manager chung châng hi chu ka la sawi chhuak duh lèm lo, sawi chhuak tâ ila min lo nei duh leh ta lo se ka zak dâwn lutuk.


"Keichuan ka pawmpui ve lo che, min nei mai rawh"


A dârah chuan ka bèng thuai a, râk that pahin a tuai leh vung vung tawh, ala nûr sûng zui.


"Mawla, kum tling lo khawih chhiat vânga Jail tân ka duh lo aw"


Vîn zeta ka tih chuan arawn tûm ta hmuk mai, a kum ka sawi lan vâng khân a ti tâu leh anih ngèi dawn hi.


"Hey Mawla, nang chu ka thian leh ka unaupa ang mai inia, engtin nge pasalah ka neih theih ang che? Mawl lutuk"


A awm dân chuan ka nuih ati za tlat anih chu, ka nui suk suk a, a thinrim tawh hi chuan ka nuih hi aza tlat zèl, a lian ropui sia a la titâu bûr bûr zèl chu ni sia.


"Nang chu a theih loh, hria maw?"


"Ka hria lawm"


Chuai raih hian arawn ti a, a awm dân hi tinge a inthlâk thut le?


"Ka haw phawt ange"



A sawi rual rual chuan a chhuk thla nghâl vang vang a, mak ka ti lutuk chu chèt mai nachâng pawh ka hre lo, a kum ka sawi vâng khân a thinrim viau amawni le? Nî dangah pawh a titâu rei ngai si lova.


Ka in ngaihtuah vung vung lai chuan abike rî chu ka hre zui nghâl a, a rî atang chuan a tlân muang lo hlè tih ka hre thei mai, a awm awmin awm teh se, a titâu rei leh âwm lo emai.



NEXT MORNING



Reuben chu ka lakah ala thinrim vâng nge sâwm pawh min rawn sâwm loh vâng chuan bus in ka kal ta ringawt a, ka ngei lek lek zâwk, mahse a be hmasa tû a tan ka tum bîk hauh lo.


Mood fu lo deuh chuan Hotel chu ka thleng vè hrâm a, nizân atang khân min la be duh miah lo leh nghâl, zawi zet chuan ka thu thla hnawk a.


"Vawiin chu i mood ava fu lo ve"



U Rintei chuan alo ti deuh hâ a,

"Nia, ka thla hlawh ka lâk dâwn vâng a niang"


Ka lo ti ve mai a, U Rintei chuan a hrethiám tih hriat zet hian a bu nghauh nghauh a, Manager office lam ka hawi chu Manager chuan paper a engemaw in ziak hi uluk fahran chuan alo bih ngur ngur a, ni e, ka rin sâ rèng a ni, min neih duh tak tak kha ka ring lo rèngah, a pû thû hniâl hrehin arawn kal ve mai mai ah pawm tawp ila a tha zâwk, bâkah neih pawh ka châk zawk zawk bîk lo emai a.


Ka laptop a engemaw ka khawih mual mual lâi chuan Manager chu arawn chhuak vut a.


"Naktûk kha kal hun a ni tawh a, Nithum leh zanthum kan châm dâwn vângin in mamawh ang chu keng kim hrâm hrâm in tum dâwn nia"



A kekawr ipte zen chung chuan ati mial mial a, a chèt dân rèng rèng chu engvânga lo zir chiâng èm èm nge ka nih pawh ka in hre lo e a.



"Engemaw harsatna nei kal thei lo tûr in awm chuan vawiin hian in rawn in report dâwn nia"


Tihpah chuan min rawn melh zawk a, nimina a nuih ang kha chuan a nui hmèl hmuh tûr a awm tawh lo, ka lo nuih lui sak a, bu nghauh pah chuan a khap zauh ringawt, ka kal theih loh a ring a nih ka ring.


"In hnâ thawk leh tawh rû"




Tihpah chuan a office lam chu a pan leh nghâl vut a,



"Note, Manager hian bialnu a neih i ring em?"


U Rintei chuan arawn ti sar sar a, ka lo îp zawk thei, engvânga hetianga awm nge ka nih pawh ka in hre chuang lo, a bialnû ah ka lo in ngai ve deuh nge ni, zak thei lo ka va in ti tak.


"Ka hre bîk nâng i hre zâwk lo mi?"


Ka lo ti vat a, kiai sak pahin a lû a thing ringawt nia.



________TIME SKIP_______

Kan ti nek nek a office bân hun alo ni leh dèr tawh, vawiin nilèngin hna thil tih loh ah chuan kan in be èm èm lo a, engvânga alakah beisei nei ru deuh tûn nge ka nih pawh ka inhrethiam lo, Pu Kima ka hmèlhriat tha tak tupa alo nih vâng pawh a ni mahna.




Midang chu hâw tûr chuan an in siam sap sap hlawm a, keipawh ka insiâm ve nghál vat, Reuben a hian min hruai haw dâwn lo tih ka chiâng, a duh chen chen titâu rawh se.


"Note, vawiin chu i bialpa kha i nghâk dâwn lo mi?"


U Rintei chuan nui var var hian ti leh tawh,


"Ka bialpa ni ziah lo, ka thian, ka nau ang maia ka en anih kha, bâkah ala naupang lutuk"


Fiamthû a ka tih chuan kan nui dûn hak a, Manager pawh a room atangin arawn chhuak ve chiah bawk nèn kan nui tâwp chiâng asin âw, mahse hâw tûrin ala insiâm ve lo thung.


"Min lo nghâk lawk rawh, thil sawipui tûr che ka nei"


Min enkur chung hian ati a, ka chil ka lo lem khalh ringawt, ka chhân hmâ chuan a room lamah a lût leh thurh bawk sia, U Rintei chuan hriatthiam loh hmèl zet hian min enkar mai.


"Hmânni Document vèl kha niang"


Nui lui hak pah chuan ka lo ti a,


"Aniang, ka kal aw, a hauh che chuan group ah irawn zual ko dâwn nia"


Tihpah chuan a tlân chhuak zui dâwr dâwr a, ka bag hrui chu nghet zeta hûm pahin ka dinna ngâi ah chuan ka lo ding reng a.



Minute 5 hnû vèlah chuan arawn chhuak vèleh nghâl mai, a hâw tawh dâwn a niang a bag lian zet hi arawn ak bawk.


"Kal ang, ka lo thlah ang che"


Tih sup pahin a chhuak zui vut a, hrilh hai zet chuan ka zui chhuak ve nghâl vat bawk, eng tak chu min sawipui ang maw, min neih a tum loh thû a sawi dâwn a niang, pawi tihna èm èm pawh ka nei hran lo, ka rin sâ hrim hrim kha ni bawk a.




Office atanga kan in zui thlá chu midang ho chuan min en duh hlawm ngang mai, amah apa lian in a hmeltha si a, ala kal chak èm èm zui, Confi lo zetin a hnungah chuan ka ûmzui dâwr dâwr ringawt.




Gate bulah chuan ngâwi rengin ka lo ding rân mai, ka hmâ taka chuan car dum nalh zet hi arawn ti ding a,


"Lo lût rawh"


Ati leh hmuk ringawt, keipawh chu ka chuang zui vè mai a, hnehsawh zet hian a in khalh chhuak nghâl a, ka zâm chhe dèr nia, ka bag hrui chu ka tha tâwp hian ka hûm tlawk tlawk ringawt, ka lo tang tung thei.



"Palâi ka rawn tîr dâwn a rem lohna a awm angem?"



"Enga!"


A hmèl chu ka en zawk a, ka rin loh lutuka a tawng chhuah vâng chuan beng ngawng ka nih phah thelh alawm,


(Beng ngawng ka tih hi, Beng tha lo emaw, Beng ngawng te ka hmuhsitna lam a ni lo tih khawngaihin min lo hriat sak ru aw)




"A awm lo e, mahse engtik ah?"


Ka tum aia ranga ka chhân vâng chuan ka inthiâmlo leh deuh,


"Ka hre lo, thla thar lamah a ni mai lawm"



Kawngpui en rân chuan ati leh a, heti taka awlsama min neih a tum hi emgemaw chhan a awm ka ring tlat.


"I hriat tûr chu, Lal Ahashuera ang kha ka ni thei dâwn lo a nia"



Pu Kima chuan alo sawi a ni maw, ka zak ru chem chem mai,


"Mahse, ka chhûngkua leh ka seilenna engkim i hria a, engvângin nge min neih i duh? Ka tih awmzia chu kan in ngaizâwng bawk si lo a"


Inthlahrung tak chuan ka'n ti a, zèp lo chuan amah hi chu ka duhthusâm chu a ni ngèi mai, mahse awlsam taka min neih a duh na hian chhan tha tak a neih ka ring.



"Nupui nei lo a awm reng chu a mâwi loh mai bâkah nei tûr che in ka pu hian min nawr nasa a, i dinhmun engkim min hrilh a nun nuam zâwk i neih theih ka beisei, bâkah mi zînga ka nupui tih tûrin ilo chhe zawk zawk bawk si lo a"


A nui suk a, ka hmûi ka lo ti pawrh vak ringawt, ka thutna zâwn tukverh chu hawngin thli fîm rawn thaw lût heuh heuh chu ka hîp lût vang vang a.


"Mahse Manager, bialnu i nei lo mi?"


Ka'n ti leh hrâm a, min rawn en vut mai, mahae rei a ni lo,kawngpui lam a melh leh nghâl daih.


"I hriattûr chin chu ka hrilh tawh che in ka hria"


Ati sup a, ka zâwt kher kher kha ka inchhîr rum rum mai, ka pasal a ni dâwn chu ni sia, hrawn a hrehawm viau angem le? Mahse amah hi ka nei anih ngat chuan mite hmuhsit rawn leh ka theih tâwp a that ka chhuah chung pawh a hnunglama min rèl zui tawh loh nân amah anga mi zahawm leh mihausa, mî te awh rawn hi ka neih ngèi a ngâi, chuan hetiâng hmuhsitna atang hian ka chhuak thei anga, a rûkin ka tah fo a ngai tawh bîk lo ang, eng ang mî pawh ni se kei teh lûl min nei duh anih ngat chuan lâwm taka lo pawm kha ka tih tûr a ni.

MEMBER TE HNENNA NGENNA THU PAWIMAWH

Internet bazar lam pawhin tunlai covid19 avanga khawvel economy thla chhe mek a tuar chho ve nasa hle mai a, online advertisement hlutna tlak hniam kan website lamah a rawn lang ve ta tlat mai.

Vawi khat click hlutna hi cheng 0.02 a ni thin a, tunah 0.01 a tla a, chumi awmzia chu nidanga vawi khat click leh tunlaia vawi 2 click hi a intluk tawk tihna a ni a, click lamah khawngaihin member ten tha hnem i ngai hram2 ang u aw. Website sum lak luhin writer te hlawh tur a daih loh palh a hlauhawm khawp mai. Nidanga click ngai lo te pawhin click ve hram hram ang u aw..

NIKHATAH VAWI 2 CLICK

Nidanga kan vawi khat click leh tunlaia kan vawi 2 click hi a intluk tawk avangin en chhin nan hrim2 tun thla chu nikhatah vawi 2 (zingah leh zanah) click chhin teh ang u, awmzia a awm em hriat nan hrim2.

Story chhiar tura website a in luh apiang hian website bandwidth in hmang ve zel thin a nia, chumi awmzia chu website a in luh apiangin pawisa kan lo chawisak ve zel che u tihna a nih chu, website hi a thlawna kan neih a ni lo a, thla tin pawisa kan chawi teuh2 zel a nia, writer te hlawh bakah website man hi reader ten in tum sak theih loh chuan website hi kan run reng thei lo ang, website hi a awm zel in duh chuan click hi in tih ngei2 tur a ni

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 5:43 pm

SWEET NIGHT

CHAPTER-5

BY

HLUTEI JOCUND PACHUAU









Ka mamawh tûr ang pawh ka lam peih lo, ka mu leh hmak ringawt, ka phone chu phawrhin Lal Reubena number chu ka en vang vang a, hepâ hi ka rin aiin a titâu rei daih, ka call ta nge nge a, mahse busy a inti tlat, thinrim zet chuan ka off hmak a, ka puan sin lai chuan inkhuh in khumah chuan ka in let sawk sawk ringawt, Ni thum lâi ka zin san dâwn a ka ngaih dâwn tehrèng nèn, a hre ve khawp ang.



Ka nghâk deuh vang vang a, ka call a hmuh techuan rawn call back mai tûr a nia, call pawh min call back duh lo.


REUBEN POV




Ka zu tak tha zet chu inchunga arsi thlîr vauh vauh pahin ka tlâk pap pap a, Olivia i number ka phone screen a lang èng phât phât chu ka en vang vang ringawt, engtin nge ka hrilh theih ang? Thla tam tak liam tâ atang ka duh tawh tih hi, ka hrilh a nih chuan min be duh tawh dâwn si lo.




Thil thleng lo tûr suangtuah vak vak lo a pawmthiâm chu ka tum ve, mahse a har a ni, mipa nèp tak ka ni tih ka in hria, ka nèp takzet, ka hmeichhe duh èm èm bulah pawh ka duh zia ka sawithei lo chu nia, a kianga ka awm theihna nih vângin ka rilru put hmang pawh ka thup tang tang thin a, mahse pasal neih a duh thû ka hriat meuh chuan a hrehawm ka ti, theihnghilh ka duh a, hmuh tlèm pawh ka tum, mahse ka ngai ngawih ngawih bawk si, ka laka arilru put hmang pawh ka hre chiang, Olivia hian engtikah mah alaka ka awm ang hian a awm ve thei dâwn lo, chu Chuan min ti nâ a ni, ani chuan mipa leh hmeichhia hi thiantha tak an nih reng theih hi a ring thin a, a pawm thlap bawk, mahse keichuan ka pawm ve lo, a chhan chu Olivia hi ka duh takzet a ni.


Ka duh tih ka hriat nî khân keipawn pawm harsa ka ti a, mahse alaka ka rilru put hmang ka hriat chiân meuh chuan ka duhna hi alo nasa tawh lutuk, ka rin phâk bâkin Olivia hi ka lo duh tawh a ni, ka zu ûm chu ka'n tlâk leh pap pap a, van lam hawi chuan ka'n maimitchhîng vang vang a, Thli fîm thaw heuh heuh chuan min rawn chhèm harh seng seng mai, Oliviai nui lâi, a thinrim lai, a tap lai, engkim mai chu ka mitthlâ ah arawn lang chuai chuai a, ka meng nghâl kâwk mai, ka bek tawn tawn chu ka kut khing hnih chuan ka'n dawm vang vang a, heta tanga paih bo daih hi ka duh.



RINPUIA POV



Sofa ah chuan thu in ka in ngaihtuah vang vang a, ka pu pawh rawn thu ve in uluk tak chuan min en vang vang mai,ka pu te nèn hian kan chèng ho lova, ka patea te bulah awm mahse min rawn tlawh reng thin, keichu mahnî in ka chèng thung, enge a ngaihtuah ni ang le? Ka pu in min thlan sak hmeichhia chu ka pawm thlap ang tiin ka lo intiâm tawh a, a hmeichhe thlan chu hmeichhe nun ho leh mâwl tak anih hi ka ring lo.


"I thuthlûkna chu thâ ka ti khawp mai"


A rawn ti sup a, ka lo nui lui sak ringawt.


"Mahse ka pu, apa anga nun ho tak kha lo nei ve ta se"


"Hmeichhe khawngaih thlâk tak a ni, chu tih ruâlin a fel hlè thung"


Rang zet chuan min lo chhâng a, ka pu hian khâ hmeichhia kha engvânga duh èm èm nge anih pawh ka hre lo, mahse apâ in zun a cheh nî a atap rû ka hmuh kha chuan ka khawngaih takzet a ni, a hmèltha a, a pian a nalh a lehkhâ a thiâm bawk, ka tân chuan chû chû a tâwk viau in ka hria, a family background chhui vak tûlin ka hre ve lo, nupui ka neih chuan ka thawhpui tepawn hei ai hian miin min zah thiâm ve deuh anga, ka hmeichhe hnaih deuh te apiangin ka hmâ a an kawrkilh an phelh ziah tawh loh nân ka duh bawk, ka ngai thei lo, ka ten ru tlat, ka theih tâwpa tih hlim ka tum anga, mahse hmangaihna ka pe thei dâwn lo erawh a pawi ka ti, a chhan chu hmangaih nei thei ka ni lo.


"I hmangaih theih ngèi ka ring"


Ati leh sap a, thil thui tak ngaihtuah ni âwm fahran hian a en ngâi chu a en vang vang bawk.


"Hmangaihna tih vela in hnam hnawih thei ka ni tawh lo tih i hriat kha ka pu"


Min rawn en vang vang a,engmah a sawi tawh lo, Rilru lam harsatna pakhat ka nei a, ka doctor in min râwn chu hmangaih nei tawh lo tûr leh midanga in nghat lutuk tawh lo turin, mipa hrisèl tha tak ka ni a, mahse ka thil lo paltlang tawh te vâng khân ka rilru a hrisèl lo thung, mal takin vawi tam tak kalsan ka ni a, kha ta tang khân ka pângâi thei tawh lo a ni.




NEXT MORNING


NOTEI POV




Ka thawh vèleh chuan ka insiâm nghâl mawlh mawlh a, Common room lamah chuan ka in chhawp dul mai, T shirt dum plain hâ in Mom jeans ka hâ a, kekawr tight ka hâk hian ka thak ziah thin a, ka ha ngâi lutuk lèm lo,ka t shirt hâk chu ka bilh lût thân a, converse dum rawng sâng chu ka bun leh tawp bawk.


"Khawnge i kal dâwn?"



Ka hnunglam ka hawi chu ka pa chuan ngaih that loh hmèl zet hian min lo en reng a, ka la hrilh lo tak e.


"Ni tak, Hnâ vângin thingtlâng lamah zanthum riak tûrin kan kal lawk dâwn a"


Ka mamawh tûr bag a khung mawlh mawlh pah chuan ka ti a,

"E chuan pa"


"Aw enge?"


"Ihh...Pu Kima tupâ khân palâi arawn tirh tûr thû a sawi a"


Mak tih hmèl deuh chuan min en deuh hû a,

"Avan mak âwm ve, engkim kha a hmu ve vek sia"


A ti nuap nuap a, ka lo nui sak ringawt, mit pali nei a chuan a ngâi pawimawh vak lo a nih ka ring.


"In in ngaizâwng ve reng reng ami?"


"Enga! Teuh lo mai, tûna ka thawh na ah hian kan manager alawm"

Mak ati hmèl chuan ka nuih ati za ngèi mai.


"Amak hlè mai, alo ngaizâwng ru reng che pawh ni thei sin, Pa Kima techu kan ramah chuan mi hausa pâwl leh mîte zah rawn an nia lawm"



Tûkin zîng chu ka pa hian zû a in lo vè teh khiah a niang biak a nuam emai, mahse a hmèl erawh a bawrchhawr ngâiin a bawrchhawr reng tho.


"Mahse pa, zèp tlat tûr, ka nu bulah pawh la sawi rih suh aw"


Ka'n ti sar sar a, a hmûi ati sâwi zauh ringawt.


"A nih a tel ve dâwn em?"


"Mmm...ani ber a tel loh ten"


Awlsam zet chuan ka lo ti a,


"Anih techuan khâ aia nalh khân inchei tache, i sam tekha thlah rawh"


Ka pa phûr lutuk chuan min ti hlim takzet a ni, a hlim hlè tih ka hria a, Manager hi a ngâisângin a ngaina hlè bawk, ka pa ber a hlim chuan ka tân a tâwk lutuk.


"Tiang hian maw?"


Tihpahin ka sam tâwn lai chu ka'n thlah a, nui var var hian a kut zungpui a rawn ti pir vâ a, ka pa nèn chuan kan nui dûn hak ringawt.


Kan inkawt ah chuan ka luggage leh bag te nèn kan lo châng rân a, an rawn thleng har tawh èm èm leh nghâl, A hla vè ang reng sia motor ka rûi leh ngèi dâwn nih hi, Motor ka ruih lah hian ka pum ana ziah leh nghâl.



Ka pa chuan min lo nghah pui vè reng a, an lo thlen tawh ringin kan ring kan fân kan fân lai chuan car dum pakhat hi arawn tlân ve ta hrâm alawm, min theihnghilh ta amaw ka ti hman hiâl a ni.


Car chu arawn ding ta ngèi a, ka lo nui nghâl var var mai, ka pa chu ka va en a, min lo nuih vè var var mai.


Ka hawi lèt leh a car atanga mi rawn chhuak ka hmu chiah chu ka nui tâwp chiâng ngèi mai, Manager maw? A inchei dân lah chu ka rin loh lam daih a ni, Jacket chhah lutuk lo a dum hi a hâ a, a hnuaiah T Shirt hringduk hâ in Nike Pants a ha leh tawp bawk, Converse dum a rawng sâng lo chî a bun tel bawk a, kan pheikhawk bun ala in ang deuh zui, ka ner ru sak ringawt.


"Khawnge midang?"


Ka lo ti vat a,


"An kal tawh"


Tih hmuk pahin ka pa bulah chuan a kal phei a, nui var var chuan an in chibai nghâl bawk, kan pahnih chauh chuan chu ka va han peih lo tak, URintei te nèna chuan ho a car ah hlâ te play a zai ho char char kha ka lo tum ru vè a sin le.



"I lo dam thâ maw? Ka fanû hian chanchin min lo hrilh tawh a"


Ka pa chuan nui var var hian a ti a, ka pa hian tinge maw a ngainat èm èm le? Manager lah chu a nui ve suk suk leh nghâl, ka bulah a nui ngâi tawp sî lo a.


______TIME SKIP____


Tîm dui chuan ka chuang vè rân a, a tawng lo a, kei lah chu min be hmasa tè nih loh chuan sawi tûr ka hre bîk bawk sî lo, ava han nuâm lo tak.


"I duh chuan hlâ play rawh"


A rawn ti ve sup a, a car a Tape chu on in ka Bluetooth chu ka lo on vè nghâl a, tlèm chuan a zia deuh a, ka lakah sual lutuk lo mahse ka nèl thei lo rèng rèng, a mizia hi nèl chî pawh va ni suh, ti hian inneih chu kan tum vè ta nia, ka ngaihzâwng ni miah lo pasala neih chu engtak ang angmaw, a kum zât tak ngiâl pawh chiângin ka hre bawk si lo a, ka hriât zawng chu a hmelthâ a, a hausa a, a tawng tlèmin a nui zen zen lo bawk, chû zawng chu ni mai.


Lord Hurron hlâ The Night We Met tih hlâ chu ka'n play a, mak tih hmèl deuh hian min rawn en vung vung mai.


"Hetiâng hlâ te i ngâithla ve thîn alaw?"


Kawngpui en rân chuan a ti a,


"Hla hlui lam hi ka ngainâ a, mahse a cool lam chauh"


Muangchâng chuan ka lo ti ve a, ka lû lah chu a hai nghâl muai muai mai, Tachhîp bazaar kan lo thleng ve dèr tawh, rin aiin ka rûi har zâwk.


"Manager"


Min rawn en vut a.


"Ihh...Limbu tui saw lei lawk ka duh a"


Inthlahrung zet chuan ka ti a, tawng pawh ka tawng tha thei lo, ka luak a chhuak lutuk, ka pumah hian arawn in pump ut ut mai, ka chil techu arawn in khâwl khâwm ut ut leh nghâl.


"Ti khân lo awm rawh ka va lei ange"


Ka chhân hmâ chuan a chhuak ta daih a, tukverh ah chuan dâkin ka chil in khâwl khâwm chu meng pawh meng mang lo chuan ka chhâk tlâwrh a.


"Tunge?"


Rawn ti thawt rî ka hriat rual chuan ka harh zawk mai, kawngpui thlang deuh chiah a pa pakhat lo chho khûpah tak ka lo chhâk fû a nih chu, ka zak lutuk, birûk tumin ka'n thu hniám ringawt a, mahse a dik in ka hre bawk si lo, harsa ti chung chungin car atang chuan ka chhuak a.


Chu pâ chuan thinrim hmèl zet hian min lo enkur mai,


"Ka tihpalh lutuk ka pu, ka lo hmu lo che a"


Inthlahrung zet chuan ka'n ti a,


"I changkâng hmèl teh lûl nèn awm dân mawi iva hre lo ve"


Min ti ta zèk a, chu lâi hmuna lo awm vè te lah chuan hmuhnawm thlîr in min lo thlîr thup mai.

"Ka tihpalh tak tak a ni, ka lo hmuh loh vâng che nia"


Ka lu hai lutuk chu tawng pawh ka tawng tha thei lo, carah chuan ka indawm ding tawp a, din ngîl pawh aharsa.


"I rûi leh nghâl a ni maw, nang ang hmeichhe rûi mai mai in chil min chhâk khum chu le"


Ka kawrah chuan arawn pawt dâwrh a, ka lo pai khat khat thei.


"Ti fâi rawh"

Min vîn ta tuâr a, ka luak a chhuak tawh bawk si, avan hrehawm tak, rûi lo ila chu ka thiâmthû ka sawi zawt zawt tûr a nia, mahse tûnah chuan ka tawng peih lo.


"Engthil nge thleng a?"



Rawn ti tû lam chu thei leh thei lo chuan ka hawi phei a, Manager chuan Limbu tui khâi tûn hian chûpâ chu alo enkar mai, a hmèl atang chuan a thinrim vè tih ka hrethei.


"He nula hi i hriat zâwng ami? Ka kekawr ah chil a chhâk a, a rûi leh nghâl amawni"


Ka t shirt a thâm reng chung chuan alo tî a, ka zak leh ta, ka lo chhîng sawk ringawt.


"Thlah phawt la kan sawi tha dâwn nia"

Tihpahin chû pâ min thâm na chu hnehsawh zet hian arawn pawt phelh a.


"Car ah lo awm rawh"


Dam thlupa tih pahin a limbu tui ken chu min pè a, hepâ pui rauh hi khawih hrep a tum amawni le? Hlauhthâwng ru dèp dèp chuan ka lût ve a, ka la dâk ru hrâm.


"Ka nupui a nia, a rui lo bawk, a tihpalh a nih kha"


Dam dap hian a ti a, ka rin loh lam daih a atawng vâng chuan mak ka ti, chûpâ chuan chhâng lo in alo hawisawn hmak a.


"Hei hian ilo tifâi mai dâwn nia, kan hmanhmawh sia kan kal mai ang"



Tihpahin akekawr iptè atang chuan a rawmawl chu lâ in chupâ kutah chuan a hnawn a, car ah chuan rawn thu lûtin chak zet chuan a khalh chhuak zui nghâl bawk.



A chèt dân chu ka ngaihtuah lèt vâng vâng a, ka nui sak ringawt, pâ rûk na riau a nei ka ti, ka duh ta riau in ka hria, ka nupui te min ti leh nghâl, mahnî in khumah chuan awm ila ka tâl vak vak ang mawle.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 5:43 pm

SWEET NIGHT

CHAPTER-6

BY

HLUTEI JOCUND PACHUAU



RINPUIA POV




Ka bula hmeichhia muthlu lâk lâk thin chu ka en zauh zauh reng a, ka nui suk suk zèl, a rûi thin tih techu sawi vè mai tûr a nia, motor khalh lai chuan ka va en leh zawk zawk thin, hmeiche ngo tak chèr lam deuh hi ka ngaina ngâi lo a, hènû erawh a hmâi a bial kèrh reuh avâng hian ka hmeltha tih zâwng a ni ve tlat thung, Lalrinmawii nèn kan in kawp lai khân ka duh lutuk vâng nge hmeichhe dang ka melh ngai lo, Model chhelo leh nalh tak tak tepawn min hèl ve reng thin, Ka bialnu ka duh lutuk na lamah ka hnâwl vek anih kha, bâkah ka hmèl duh zâwng an awm lo ani chèk a niang chu tûmah kan mit la an awm meuh lo, Hè hmeichhe lakah erawh ka mit a fu ve hlauh thung, mahse hnaih tak tak erawh ka ngam lo, ka nupui tûr a nih vâng chauh a ngaihsak mai ka ni, hmeichhia hi ka ring thei tawh lo a, rin pawh ka tum tawh hek lo, a lèrh lo a nih ka ring, a sam rawng chu a dum hlap a, mahse amawi tâwk chauhin a tikir ve deuh,a kuttin ah engmah rawngdang ka hmu lo a, a sei em em lo bawk, tlereuh engvak mah a inbel lèm lo a, a nghâwngah erawh silver thi simple zet hi a awrh ve thung, make-up pawh nasa lutuk lo in a in bel ve a, a hmûi lian lam sexy zetah chuan lipstick sen hlar hi a inhnawih reuh a, a in hmeh ka ti ngèi mai.



A rawn zi mar ta tial tial a, limbu tui chu a in leh zauh zauh bawk, heti hi chuan a kua atha lo khawp ang,


"I in ve dâwn lo mi?"


Min rawn en hâ a, a âw chu a tliang ral mai, a aw râwl pawh a pumrua a en ringawt chî a ni lo, a ring tha hlè tih ka hre tawh tlat, a tawng lah chu a fiah fel fai thei reuh phiân lehnghâl.


"Thei thûr hi ka ngaina ve lo"


Tihpah chuan ka va mit sîr zauh a, bu nghauh nghauh pahin a in leh zauh ringawt.


"Sir thil ka zâwt thei che ngem?"


"Aw"


Ka rin aiin a tawng duh sâwt tlat.

"Kum engzât nge inih?"


"Kum 35"


"Kum 35 inih chuan keichu kum 22 ka nia, a nih chuan kum"


Tihpahin kan in thlauhna chu a chhût a niang a kut zung tang chu thliâk zauh zauh pah chuan a phun niap niap a, a chèt dân naupang chhia lutuk chuan ka nuih tepawh ati za lek lek zâwk.


"Kum 13 in kan inthlâu"



Ka lo tih khalh vat a, a rilru a chak vak lo tih ka hre mai.

"E..hehee...ni dâwn tak"


A lu thak loh hmèl pui chu a hiat ringawt a, rin aiin bum a nuam dâwn zèk mai, a ngâwi leh ta vang vang a, kei lah thu ngah lutuk chî ka lo ni lo bawk nèn, han kawm tlâng nèl dân pawh ka thiâm lo, bâkah motor khalh laia tî tî duah hi ka ti ngâi zen zen lo.



"Inthiâr i duh em?"



Hmuifâng kan thlen chuan ka ti a, a ril tepawh a tâm tawh ka ring,


"Duh lo mai"


"Hawh châwl lok ang ka ril a tâm"



Tihpahin min chhân hmâ chuan ka chhuak ta daih a, restaurant lian vak lo ah chuan ka lût ve tawp bawk, thingtlâng anih vâng nge customer an tam lutuk lo leh nghâl.



NOTEI POV




Car atang chuan ka chhuak ve mai a, rûi èm èm tawh lo mahila ka lû vèl chu ala rit bûr tho nia,Manager luh na dâwrah chuan lût in a bulah chuan ka thu ve kâk a, dawhkân bawh ka châk lutuk chu ka en tlawk tlawk ringawt, dawhkân bawhnguai a awm hi ka tih thin dân a ni bawk nèn,


"Enge i ei duh?"


A rawn ti ve sup a, zei loh hmèl viau e ti lo chuan min ngaihsak ve phiân mai,


"I lam ang ang kha ni mai"


Ka lo ti ve mai a, ei duh èm èm pawh ka nei lo, an thil kan hmui rim techuan ka luak a ti chhuak hlûi mai, motor khalh tehi zir ve ila ka rûi lo deuh ang, nula pui tawh motor la ruih ziah chu a zahthlâk.


_______



Thil te kan ei zawh chuan Manager inthiar chu car ah chuan ka lo nghâk rân a, hmuifâng lam chu ka hawi veuh veuh a, Reubena te nèn kan kal ho lâi tekha ka hre chhuak uar uar mai, hepâ hian tinge min la biak duh miah loh le? Ka phone en tuma ka phawrh tûr chu Manager arawn luh tâk avâng chuan ka dah lût leh ta daih a.



Ngâwi reng chuan motor chu arawn ti nung a, a phone chu arawn ri cher cher mai, motor hmâ lawka adah vângin ka lo melh ru hman hmawh a, screen ah chuan Mawitei tih leh love sign in dah lai hi ka va hmu hman hrâm, car chu ti thi lehin a phone chu a chhâng nghâl a, a hmèl awmdân chu ka hrethiâm chiah lo, a phone sound a that vâng nge hmeichhe aw rî ka hre ruai ruai thei.


"Nakin ah kan inbe tha dâwn nia, ka buai rih"



A ti deuh hmuk a, chû nû chu tunge a nih hre ve kher lo mahila a awm dân atang hi chuan a be châk vak lo tih ka hre mai.


"A nih le"




Tih hmuk pahin a off hmak a, a switch off zui nghâl hmak bawk, ka hre châk lutuk hi ka za leh zek zek tawh mai, ka zâwt ngam bawk si lo, ngâwi reng chuan a in khalh chhuak zui a, a thinrim hlè a nih ka ring a in seh ruhna a bek pawh arawn pâng tawlh tawlh thei, tawng na chî a ka hriat loh vâng chuan ngâwi rengin ka lo chuang ve tlawk tlawk ringawt.


____________

Kan thleng chu min lo ko sap sap hlawm a, Guest house ah kan riâk dâwn a, a chhak lawk ah hian an khaw tlâng nuam deuh a awm bawk, mizorama tlâng awmah chuan tlawh zin pâwl a ni ve ang, a thlang deuh field bula hmun zau deuh tui khuah awmna hmun hi Manager chuan a lei a, tah chuan Hotel sak a tum rilru a ni âwm e, an khua hi kawngpui chhak daih tlâng a awm a ni a, kan awmna atang phei chuan kawngpui pan tûrin km 3 emaw 4 kal angaih ka ring, thingtlâng viau e tilo chuan in leh lo an nei tha hlawm phiân leh nghâl, an khaw dung hi a sei ang reng a, kawngpui bulah chuan hotel a awm ve thliah thliah mai, ke a kal chhuah na chî zia zâng a ni lo.




Sawmtei, kei, URintei te nèn chuan room khatah kan awm ho a, kan thleng chiah chu zawhna chhân sèn loh khawp min lo zâwt leh tawh.


"Manager khân ka rualin kal mai rawh se ati tlat che a, nangnî hi ka ring hlel riâu che u"


Sawmtei chuan ati a,


"Teuh lo mai, a motorah lo chuanna ka chan chuan loh kha"



Ka lo ti ve vat a, tlâi ah techuan inti faiin hmeichhe ho chuan rawng kan bâwl a, hnathawk tûra kal pawh kan ang lo, picnic tepawh kan ang zâwk mah.



Tlâi chaw chu hmeichhe pathum leh Mipa pathum chuan dawhkân sei zetah chuan kan kîl thap a, Manager erawh chuan midang awm vâng nge min la be lo a, melh pawh min melh chuang lo, ka beisei lo ti dâwn ila ka beisei ru deuh nge? Kei hian ka lo duh ru reng tawh anih ka ring.



Zán ah chuan pâwnah mei te chhèmin kan kîl bial laih a, Hruailukira chuan Guiter alo keng hlauh a,kan zâi ho dial dial mai, Manager erawh a room ah a in khung daih thung.



"En teh u, Nichina dâwra kan zu kal khân kan riahna Guest house hi a hráng an ti nia"


Hruailukira'n a tih chuan za zet hian kan nuih hlawm a, mi in an sawi thaih mai mai kha thu takah alo la a ni âwm e, Mâwl lutuk.



URintei thin hian a tuar thin ngang lo, tûnah pawh an inhniâl leh char char tawh hi, inchhûng lamah chuan tui in tûrin ka lût ta daih a,




Choka ah chuan frigde lian vak lo hi a awm ve ngèi a, ka hawng nghâl rak rak mai, tui vawt tak chu la in ka lum ti lutuk in tih daih nân tui chu ka in nghâl khawlh khawlh a, Bathroom kawngkhâr ri rak chuan min ti phu chiang ngang mai, tunge ni ang? Thlahrâng chu alo awm tak tak a niang a.



Ka hnunglamah bathroom chu a awm a, mahse hawi pawh ka hawi ngam lo, ka tiril chu a khûr der der a, pen rî ka hriat techuan ka mûr sung sung thei, Ka âu vak dâwn mawni le? Hlâuthâwng tak chuan ka ding khûr zawih zawih a, mahse fiah ngèi ka duh vè tlat,ka hnung mai ah a ding tih ka hre thei,ka hnunglam chu ka'n hawi thut a, Manager chu towel chauh veng hian alo ding anih chu.... tè deuh tuar pahin ka phu dâwrh a, ani pawh a phu ve zuk mai.


Thlahrâng ah ka lo ngâi hman a, ka zak lutuk chu leh lam hawiin ka insiam chhe nghek ringawt.


"I mâwl ami?"


Ati deuh nghut a, hetiâng tawngkam hi a hman âwm ka la hre lo, a hmèl ka en chu a lungâwi zán lo tih ka hre mai, min lo en rûn a, a sam chu a huh hlap leh nghâl, a chhîp lamah a bin pial vek bawk, a taksa thâu ni si lo liantha leh muk zet huh hlap chu chil lem khawlh chuan ka en reng a, ka rin aiin a sek daih, a six pack chu mit khap fak fak chung chuan ka en reng ringawt.




Ka mit chu ka la sawn vat a, ka inthing nawk nawk thei, chutah min rawn pan hnâiin ka hmâi zâwnah tak chuan arawn kûn hniâm a, a mit hmul buk chhap leh dum hlap techuan ati lang pâ zual,


"Thlahrâng ah min ngâi a ni maw"


A ti deuh sup a, a hâ a nâwt zo a niang a ka rim fresh zet chu arawn nam hak mai.


"Ka tihpalh"



Ka lo ti ringawt a, hmûi tih pawrh zauh pahin a mithmul chu a ti sâng zauh ringawt.


"Enge thleng a?"



U Rintei âw kan hriat rual chuan kan insiam tha vat a, URintei leh midang ho chuan kawngkhâr a lo din thup pahin phâwk hrâ hian min lo en hlawm a,


"Thlahrâng amaw min tia"



Tih sup pahin a room lam chu a pan nul nul a, a hnunglam atang pawn a dâr pharh hlâi tha zet chuan a pian nalh zia a ti lang thei tho mai.


"Iva han mâwl tak kan lo hlauhthâwn hman tehrèng nèn"



Sawmtei chuan min rawn bèng taih taih a, min nuih tiah tiah hlawm leh nghâl, chhan ngaihna pawh hre lo in ka lo ngâwi ngal ringawt.



"Awi... Manager pian nalh zia kha"


URintei chuan arawn ti chhuak phawng a, Hruailukira chuan ei lo tih hriat lutuk hian a hmûi chu alo ti pawrh leh vak tawh.

______________



Chhuatah chuan kan mu thap hlawm a, thosi lèn hnuai ah ka mu ngâi si lo a, mut pawh ka muhîl thei lo, zâr lohin thosi a tam bawk si.



Varandâ ah chuan chhuakin thutna tè fel èt mai an siâmah chuan ka thu rân a, dar 11 a pèl hret tawh, ka phone ka khawih lâi tak chuan Lalreubena'n min rawn call ve teh khiah nia, ka la phu zawk zui, rang zet chuan ka la a.



"Hmèla, i pawi enge ka sawi? Ka ngaih tehrèng che nèn vawikhat pawh min rawn be lo a, enge i hriat? I lo van mak ve?"



Ka'n ti nghâl hlawih hlawih a, thâwm pawh ka dîm lèm lo khawp mai, an mutui tawh hlawm bawk a an harh lo tûrah ngâi ang.


"Ka tihpalh"



Arawn ti chuai ruih a, a awkî chu a cool tlat, ka ngaih a tha lo nghâl dèr mai, a chhan chu Reuben hi ka hriat chiân tawh èm vâng a ni.


"Tinge i âw chu?"


Ka âw pawh a nèm ve leh deuh.


"Hmeichhe pakhat vâng a nia"


A thaw hak rî pawh ka hria, tû tak chu ni ang maw?


"Tinge? Engtin nge a tih che?"


Ka lo ti vat a,


"Min duh lo a, ka rilru anâ a nih hi"


Mak ka ti lutuk, Reuben hi hmeichhia vânga a rilrû anat ka vawikhat hriatna.


"Tunge? Avan mâwl ve, nang ang mipa fel leh hmèltha lutuk a duh lo che chu a mâwl hlè a nih chu, tunge anih min hrilh la ka lo bia ang"



Ka'n ti leh tâwn tâwn a, a rawn nui ri hak mai, chhîng siar in a biangsum lang sèih khân a nui leh âwm sia.


"Nangpawn min duh loh kha aw"


A rawn ti nghut a, ka ngâwi hmak ringawt, hetiâng hian min fiâm ve ziah.


"Thu lawi lo sawi lo mai teh aw, kei techu a danglam alawm"


Ka'n ti vîn leh tuar a, arawn nui ri leh hak mai,


"Ka ngai lutuk che, min lo zin bo san daih a"


"Enge min biak duh loh? Keipawn ka ngai lutuk che"


Ka lo ti vè nghâl vat a, zan in a awm dân zet chu mak ka ti takzet a ni, rei fè kan inbiak hnû chuan kan in mangtha thei hrâm a, inchhûng lama luh ka tum chu Manager chuan ngâwi rengin a kekawr ipte zen chung hian min lo enkur mai, ka phu leh zawk tawh.


"Tunge i biak kha?"



Vawt ruih hian ati a,


"Aa...ihh...ka thian mawle"


Ka lo ti bah niai a, aw ka vîn ni sî lo, hlauhawm tâwk leka tawng dân lah hi a thiâm a.


"Thian chauh maw?"


Âwih loh hmèl zet hian a mit hmul chu ati sâng leh zauh a, min en reng vâng chuan ka zâm chhe leh dèr tawh.


"Ka thiantha tak mawle, ka unaupa anga ka en a nia"


Ka'n ti leh a, a bu ve nghauh nghauh mai,


"Thingpui i in duh em? Ka lo lum dâwn che mi?"

Inthlahrung zet chuan ka'n ti a,


"A pawi lo khawp ang"


Tihpahin a lût leh daih a, ka zui lût ve nghâl vat bawk, chokâ ah chuan thingpui chu ka lum rak rak a, ka hnung chiah dawhkân bula thu reng pâ chuan min en reng tih ka hriat vâng chuan ka hnung te hi aza mer mer thei, chètsual hlâu zet chuan thingpui chu ka lum ta rak rak a.


A so hun nghâkin Gas bulah chuan ka ding rân mai, Manager chuan inkuangkuah hlûn hian min enkar a, kei erawh chuan en pawh ka en tha ngam lo.


"Ka neih duh chhan che min zâwt fo a, anih nang hian engvânga min nei duh nge inih?"


Ka ngâwi vang vang a, A hausakna leh a hmingthatna tih sawi chî a ni hauh lo, mahse ka neih duh chhan a ni bawk sia.


"Mi fel tak inih ka ring a, chuan ka pa hian a ngaina bawk che a, chuan mite thusawia in nghat ve mai mai chî ini lo in ka hria a, mî te min sawi dân chu i hriat nual tawh ka ring"


Ka thingpui lum pawh arawn so zui a, Manager chuan min chhâng tawh lèm lo, ka thingpui lum chu ka siam sak nghâl vat a.


"A thlum ka duh lo nia"


A rawn ti hmuk a, a kum nèn pawh thingpui hâng chu a inhmeh tawh viau in ka hria, ka ngaihtuahna vâng chuan ka nui ru tet tet ringawt.


Thingpui pèk pahin ka zahtheih lohna zawng zawng nèn a bulah chuan ka thu thla vè a,


"Manager bialnû engzât chiah nge i neih tawh?"


Mak tih hmèl deuh chuan min en hû a, min chhâng dâwn lo tih a hmèl atanga ka hriat chiân èm vâng chuan ka kâ ka chîp leh rang ngèi mai, chutah âtthlâk tih hmèl zet hian arawn nui hak a, a nui hmèl that zia hi aw, a hâ avâr in a thianghlim bawk si.


"Ka tihpalh, ka kâ hi ka vèng zo lo leh palh thin a"


"A pawi lo, Ngaihzâwng 2 chiah ka nei a, College ka kal laia ka bialnû chuan min boral san a, chuan thla hmasa mai khân hmeichhe pakhat ka then fel bawk"


A ti vè mai a, thudik tak min hrilh ngèi ka ring, engvânga min hrilh nge anih phei chu ka hre lo a, hre mahila a tân a pawina vak a awm tawh lèm lo pawh a ni mahna.


"Hmeichhe tam takin an hèl reng che âwm sia, ka rin aiin i nei tlèm daih, ti ila keipawn ngaihzâwng ka la nei miah lo"


Ka thingpui chu ka in leh khalh a,


"Ngati nge?"


"Ngati mah, ka hre lo, ka mamawh rih lo niang, ka ngaihsak lo ve tawp"


Nui deuh suk chung chuan min en vang vang a,


"Ka mu dâwn, mu tawh rawh zân men rei chu hmâi a bawl duh nia"


Tih sup pahin a room lam chu a pan nghâl vut a, a room a aluh thleng chuan ka en zui vang vang ringawt.


"Muttui le"


Ka hriattâwk lek chuan ka ti sap a, kan thingpui inna no techu tleuhin keipawh chu ka mu vè nghâl a.



Mut hmunah chuan Manager nèn kan inkâwm ve nasa lutuk chuan min ti hlim veng veng mai, 12 hnu lamah ka mu nui vur vur reng ringawt.


NEXT MORNING




Zîng lamah chuan ei rawng bâwlin kan che leh suau suau mai, Alu kan kang a, arsa chu buh nèn kan chhûm bawk, ka duh dân hlîr chuan ka siam a, a neuh neuh chu U Rintei leh Sawmtei chuan an lo siam ve a, Sawmtei phei chu mihausa tak chhûngkua an ni a, a naupan lai atanga awmpui kawl reng ta chu ei rawng bâwl a thiám eih lo, chaw chhum tak ngiâl pawh a thiâm fum fè lo,URintei nula senior ber lah chuan Ei rawng bâwl chu thiâm ve mahse a siam tui ngai loh thû a sawi châm chî bawk si.



Ka kutah chuan a tla vek leh nghál, mahse pawi tihna ka nei lèm lo, an theih ang ang an lo ti ve tho, Manager chu an khaw VC te in ah kal atum a, kei nî ho chuan a hotel sakna tûr chu kan lo endik ve dâwn a ni.



Chaw chu kan kîl ho leh thap a, rin ai takin nuam ka ti phiân mai, mahse haw kawng erawh ka huphurh ru hlè thung, two wheeler ah chuan ka ruih ka in ring bîk lo, mahse tûmân two wheeler an keng bawk si lo.


"Arsa hi tû siâm nge?"


Manager chuan alo ti chhuak deuh phawng mai a,

"Notei siam hi"


Sawmtei chuan alo ti sap a, a tui lo amawni le? Nge ni a a thâng deuh ni ang? Hlauhthâwng ru tak chuan Manager chu ka enkar a,


"A tui reuh lutuk a"



Ka thaw huai thei, Sawmtei chuan min lo kheuh zeuh a, ka nghawk sawk ringawt, ka hlauhthâwn hman zia kha, Manager chu nui sak pah chuan ka va en a, alo ding nuih sèih mai, thâ hi ka va han ti ngawih ngawih tak, ka pasal tûr a ni hi âwih pawh aharsa ka ti, mahse min duh èm èm vânga min neih tum pawh a ni chuang lo, beisei ti sâng vak thei erawh ka ni lo tih ka in hria.




___________



T shirt eng duk deuh, eng lâr vût ni si lo lei rawng lek lek a plain tawp ka ha a, Nike kekawr dum tight ve deuh hlek chu ka ha leh tawp bawk, tight deuh mahse a fân chî a nih vângin hetiang hi chu ka ha ve thei, shawl tehreuhtè pan lam chu ka bât a, crocs ka bun leh tawp bawk, make-up erawh a mawi tâwk chiah in ka inbel thung, ka in ti vût ngai lo hrim hrim bawk a.


Sawmtei leh URintei lah chu an inchei rei hi ka'n ti khawp a, inchei vût a ngaihna èm èm pawh ka hre lo keichuan.


Manager pawh a room atangin arawn chhuak ve a, a t shrit dum plain hâk in hmeh zia mawlh chu, dum suit vekin ala inthuâm zui.


"Lo kal ve zâwk la, ka mamawh dâwn che"



"Enga!"


Ka lo ti deuh hû a, Hruailukira pawh arawn chhuak ve chiah bawk.


"Nia Note, Engemaw record neuh neuh tûr a awm a"


"A nih chu, awle,"


Ka lo ti ve mai a,


"U Rinpui, kawng kha a lian lutuk lo a, Guest house vèng tupa scooty sâwn kal mai ula"


Pâwn kan thlen chuan arawn ti lûng lûng a,

"Awle, tikhân lo awm rawh ka va dîl ange"


Tih sup pahin Guest House enkawl tute in lam chu a pan vut a, minute 5 hnû vèlah hian scooty chahbi ni âwm tak rawn keng vû vû chung hian arawn chhuak a, ngâwi reng chuan kan inzui thla ve mai.




Kan awmna Guest house hi tlâng sâng deuh a awm anih vângin an khaw chhûnga kal tak tak tûr chuan chhuk thlâk vang vang a ngai thung.




Scooty chhuak hmasa pâwl flyte dum chî ah ngèi mai chuan kan in phur a, ka vuan ngam si lo, an kawng lah hi kawngpui anga metal mâm vek a nih loh vângin ala bum bauh èm èm zui, thinphu dèp dèp in ka chuang ve tawp ringawt.

____________


VCP in kan thleng chu min lo dawng sawng thiâm khawp a, an in remna tawngkâ vèl chu ka lo ziak char char bawk, a chhan chu mimal ram anih loh vângin engemaw buaina a awm thut palhin an hming sign na thlap inremna neih a ngai tlat a ni.



Kan inbiak rem hnû chuan eng engemaw sawiin an tî tî luam a, a sakei kah chanchin techu An Khaw VCP chuan alo hrilh malh malh a, Manager Ngaihthlâk duhzâwng tak alo ni bawk nèn, rin aiin kan awm rei zèk mai, kan hâw dâwn meuh chuan tlâi dar 2 alo pèl duai tawh, rawngbâwl ka la ngâi si,an thlâi thar neih ang ang chu min hawn tîr teuh leh nghâl.


Kal leh mai kan tum chu kan scooty chu a nung thei ta dèr lo.Manager nèn chuan kan in en hrek hrek ringawt,


"Khâ a nung thei nange?"


An VCP chu nui thâ hian arawn chhuak a,


"Nia hei, Guest House enkawl tu Pu Dâra tâ kan rawn risk ve ringawt a"


Manager in a tih chuan VCP chu a nui ta thâ a,


"That ngaihna awm lo tawp ang, zantin side drain a tlân luh pui reng khâ a nia, a tha rei zâwk ngawt alawm"



Awlsam zet chuan alo ti a,


"Rawngbâwl te in la ngâi sia, ka scooter hian in phur hâw mai ta che u"



Ka meng kâwk a,


"A ngai lo e, ka naute ka'n call ange"


Tihpahin a phone chu phawrh a tum ruk ruk a,


"Sir,kan motor ken ho kha an kawngah hian a leng lo ang"


Ka lo ti ru sar sar a, Scooter khalh chu a hreh tih ka hre reng, keichuan pawi tihna ka nei èm èm lo, in phur tâ ila a nuam reuh phiân ang.


"Aw ti mai rawh"


Ka lo ti leh a, a rilru a buai hmèl èm èm leh nghâl, a rûkin ka nui ru tet tet ringawt.


"Bawiha, khalh haw mai rawh, hei ruah te hian sûr a tumin ka hria"



VCP chuan arawn ti leh a,


"Awle, anih kan lâwm takzet a ni, chawhmeh min pe teuh tawh bawk sia"


Manager chuan a ti a, a scooter a khalh hmèl tûr ringawt chu ngaihtuah in ka lo nui ru char char ringawt.



_____________



Sorazo an tih thin scooter ah ngèi mai chuan kan inphur ve bauh bauh a, leh lam kawng zâwng chuan a romantic phiân ka ti, Manager erawh ka puan ken in a hmâi a tuam daih thung, kei erawh ka zak vak lèm lo, kal kawnga lo kal kan tawh te lah chuan min en duh hlawm èm èm leh nghâl a.



Guest house kan thleng chu, pâwnah an lo awm thap vângin za zet chuan min lo nuih hlawm a, keipawh ka nui tawp, Manager erawh a nui ve suk suk duh chauh.



URintei lah chuan mittui tla zawih zawihin min nuih leh nghâl, manager chu a thinrim mai ang tih ka hlâu takzet a ni.


"A engine lah chu ala tha phiân leh nghâl"


Umawia chuan en kual dan dan pah hian a ti sup a.


"Hruaia, va dah rawh u, Scooty kha siam tîr ula in rawn khalh haw dâwn nia"


Tih sup pahin a room lamah chuan a lût ta daih a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)