SWEET NIGHT BY HLUTEI JOCUND PACHUAU (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: SWEET NIGHT BY HLUTEI JOCUND PACHUAU (Completed)

Unread post by Ngaia » May 31st, 2020, 5:47 pm

Hei hi keima Group ka naute ho lo siam ania, lo Join ve ru aw😘😘😘.....kan za ho dawn nia😂🤣...






RINPUIA POV





"En teh, ka nupui hian engmah a hriat ka phallo a, tinge min tihbuai reng a?"



Ka tawngkam chu vîn lo mahse ka thinrim hlè tih a hriatthiam ka ring, engtin nge hetiang hmeichhia hi ka ît theih zawk le? Ka nupui Oliviai nèn an in an reuh èm vângin ka rui lutukin ka lo hai palh pawh a ni maithei, ka hotel restaurant anih vâng nge a thawk techuan min melh hrek hrek hlawm mai.



"Sir khawngaihin, min pui hrâm rawh mipa dang ka mutpui tih ka bialpa in a hre chhuak a, min then phah a, a in atangin min hnawt chhuak bawk, in luah tûr ka hre lo a, Aizawlah hian chhûngte pakhat mah ka nei bawk si lo"



Mittui hru fap fap chung chuan a ti a,ka khawngaih viau mai, keimah vâng tih pawh ka hria, Mahse Olivia'in a hriat vaih chuan ka chhe vek a ni mai.



"En teh, inluah tûr chu ka zawn hmuh sak thei ang che, mahse min tibuai tawh suh"




"Tihbuai che hi ka tum ber a ni lo, nang lo chu min pui thei tûr ka hriat loh vâng alawm"



"Awle a tha e, inluah tûr chu ka lo zawnpui ang che"



Tihpah chuan ka tho vut a, a thutna atang chuan arawn ding chhuak ve vat a, ka kal rual chiah chuan min rawn zui ve nghâl bawk, ning viau mahila ka hotel a ni si a, hauh hrep pawh ka thei lo, ngâwi reng chuan ka chhuak hmak a, ka hnungah chuan min zui ve det det mai.



_________



Office chhûng ka lût chu Oliviai ka hmuh vâng chuan ka phu zawk thei, Ka hnungah Siamtei arawn lût ve chiah bawk nèn, hlauhthâwn na in ka khat nghâl a.



Oliviai chuan a mit hmul leh lam sân zauh hian min en tawn dûn zak zak a, sawi mai tûr pawh hre lo chuan ka ding vûng reng ringawt.



"Inbe lawk ang hmiang"



Tih sappahin ka office chhûng lamah chuan a lût tlang nghâl daih a, midang chuan ngawireng hian min en thap hlawm lehnghâl, ngâwi rengin ka lût zui ve mai a.



Office chhûng ka lût chu Oliviai chu min hnungchhawn zawng hian alo ding a, ka lût thâwmah chuan rawn hawiin chîk zet hian min en kar a.


"Khawnge Siamtei nèn khân in kal a?"


Awki hniâm si lungâwi vak lo tih hriat zet hian ati fiah fak a,


"Hna thil ah, tinge ilo kal a?"



Tihpahin chair ah chuan ka thu thla zui a, inkuangkuah thân hian min la enkar mai.


"Ka pasal hotel ania, ka thawhna hlui a ni bawk,ka duh huna ka lo kal chu a pawi viau ami?"


A ti fiah leh fak tawh,mei nei deuh deuha a tawng vâng chuan thil engemaw hriat thâwi deuh a nei tih ka hria.


"Olivia tinge i awm dân hi?"


"Ka awmdân chu a ngâi reng, Khawnge inkal ka zâwt mai che lawm"



"Olivia, duhtâwk teh ka châu ania"


A ngâwi ta hmak a, a dul puar ve deuh âlh chu a lang ve tan tawh, thâwk la hawk pah hian a chhuak ta daih a, ka ûmzui nghâl vat.



Ka chhuak thut chu Rintei leh Oliviai lo inbe mawlh mawlh lai chu tâwp chatin min rawn en thap a,



"I haw dâwn chuan ka lo thlah ang che"



"A ngai lo, inbuai bawk sia, Hna thila chhuah leh te in ngaih tâkin Reubena ka ko a"



Awlsam zet hian a ti a, a hmèl engtin mah danglam lo mahse a tawngkam chuan mei a nei tih ka hrethiám mai, Siamtei chuan hlauhthâwn hmèl zet hian ka nupui chetla lai chu a enkiau a, ka va han buai tak.



"In ah kan in hmu dawn nia, lo haw har lo la, exer min lâk pui dâwn kha aw"



Min rawn pan in nui ver ver hian ati a, leh lawi si a, vawiin a awmdân zet chuan ka ngaih ati tha lo.


"Reubena lo thlen hmá lo lût lawk teh"



Tihpah chuan ka kâi lût a, parda chu ka zâr phui vek bawk,


"Vawiin i awm dân hi ava mak ve? Thu belh chian dâwllo hrilh tu che an awm ami?"



Amah enkar chuan ka'n ti chhuak phawng a, engmah sawi lo in min chhuahsan daih ka hlâu, nakinah keimah ngèi ka la inpuang ang, chu chu ka duhzâwk.


"Awm nèl nual e, mahse ka ring che a, min phatsan ka ring ngai lo"




Ati ve tlat a, nui sukin a hmûi ah chuan ka fâwp zauh bawk, tu in nge lo hrilh tu tûr âwm ang chu ka hre mai, hmeichhe ho tak hi chu, mahse ka ngâi haw lèm lo, ngai haw ngam tûr pawh ka ni chuang lo.



OLIVIA POV





In lama kan lèt leh hnu chuan ka rin loh lutukin Pu Kima alo awm tlat mai, ka pèn lût tûr chu ka ding dat a, Reuben bânah chuan ka vuan vat bawk, ani pawh chuan min lo vuan vat a.



"Ka monu leh mipa dang an chhuak lai hmuh chu thil hmuh nuam tak ani lo tawp mai"



Mei nei zet hian a ti a, Pu Kima mizia hi engtin nge a in thlâk hlawk theih le? Hmâna kan ina alo lèn thin lai kha chuan putar fel leh Tawng duh tak, nèl awm tak kha a ni thin a, a nihna ka hriat tawh vâng pawh hi a ni mahna ka en dân a dang vek.



"Ka pasal Hotelah kan kal a, enge ilo tih dawn?"


Pângâi tak chuan a'n ti a, a kum 80 a pèl tawh a, a hmèl leh ala chak zia ngaihtuah hi chuan a kum zât hi chu âwih lo an tam ka ring, kum 60 mi vèl lek ni âwm a ni.



"Ka Tû lo piang tûr kha ka rawn tlawh a, in sawi sèlna te i nei em?"



"Nei lo"


Rang zet chuan ka chhâng a,a nui suk mai,


"He thil hi lo in ve tache, thlaruk anih thleng in tûr ania, zân mut dâwn ah i inziah dawn nia, Rinpuia nu pawh kha ka pe a, nau a hrin dâwn khân awlsam takin a nei a, nâ a tawrh rei loh phah khawp mai"



Tihpahin bottle mak zet tung ût mai, rawng uk hi min pe a, a bûr chu sâidawiûm bûr kan tih ang kha a ni a, a chhîn pawh thing a siam ngat a ni, ngaih tha zân lo chuan ka la ve mai a.



Ka in dâwn leh dâwn loh erawh ka hre lo,


"Ka lawm e"



Ka'n ti sap a, a tiang rinchhan chuan a tho tuih tuih a, Reuben nèn chuan kan lo ding vat a.


"Anih u, Rinpuia'n min hmuh chuan a thin ka ti rim palh ange"



Tihpah chuan a chhuak zui mai a, ka bûr ken sei zût mai, a hmâwr lam bawng turh chu ka thlèk ka thlèk a.


"Ka in duh angem? Tûr te lo ni ta se"



Reubena chu ka enkar a,


"Tûr pèkna chhan tûr che an nei mi? In huatna innneih loh kha, a duhsak vâng che a pè che pawh a ni thei a"



A ti dik ve tho mai, keichuan haw ru viau mahila ka pawi an sawi lèm lo a, dâwt min hrilh bâk, an ni hian min haw ve kher em ka hre lo, min hua pawh ni se min that duh khawp khawp chuan min huat ka ring lo,an thisen zawm na na na chu an lo ngaihtuah ru ve viau pawh a ni thei, tunge hre bîk ang?


1 MONTH LATER





Vawiin chu Urinpuia pawh arawn hâw hmâ khawp mai, Ka dul pawh a thla ngaihtuah chuan a lian hlè a, Thla 5 a tling ve tèp tawh a, a lian bîk riau in ka hria.



Ka ei châk deuh ka sawi ka sawi thin Baibîng pickle min lo hawn a, ka hlim viau na in engemaw rilru hahna a nei tlata hriatna ka nei, mahse ka sawi lang chuang lo, a rilru hahna chu zawh kher ngai lo in min hrilh ka beisei.



Tlai chaw lah chu a ei tlèm si a, a eikham chuan ka biak pawh hre lo in room lamah a chho daih a, Mawitei nèn chuan mak kan ti dûn ngèi mai.



"Ka pi, Ka pu hian rilru hahna a nei a ang i ti ve em?"



Mawitei pawn alo hrethiám a ni chèk aniang chu.


"Keipawn ka lo tia, ka lo zâwt ang"




Thaw hah khawpa ka ei hnû chuan puar peng pawngin inchung lamah chuan ka chho a, Room a ka lût chu Urinpuia chuan balcony ah chuan phone alo hmang mial mial mai, min rawn en zawk a, a hawisawn leh nghâl daih, khumah chuan thei leh thei loin ka lâwn taih taih a.



"Fîmkhur rawh"



Tihpahin min rawn dawm vat a, khuma ka thut fel hnû chuan ka enkar a, ka lakah hian zèp a nei tlatin ka hria, mi a nilèng lo tân chuan a hriatthiam theih.



"Rilru hahna i neih chuan sawi la, puih theihna che ka nei maithei asin"




Dam dapa ka tih chuan ka bulah chuan arawn thu ve a, ka lam rawn hawiin ka pum chu a bèng thlap thlap bawk.



"Naktûk ah Ka Hotel kum 3 na party kan lawm dâwn kha i hria tiraw?"


A ti damthlup a, ka lo bu nghauh ringawt,


"I kal ve thei angem?"




A rawn tih chuan ka en vat a, hetiang party tihvèl hi ka ngaina lo a, bâkah ka raipuar ve tawh sia ka inzah pui deuh.



"Ka thei lo ka tih tawh kha, hetiang dul puar luah a chanchin bu mi ho hnèna in lan vèl kha ka peih ve lo, sawi tawh suh"



Ka lo deuh hmak a, mut ka châk viauna a ka hah èm vângin ka la mu thei lo, tûnlai chu chaw ka eihnem thei lutuk a, ka thau deuh bawk si, ka hmelchhe dawn lutuk.



"Naktûk chu ka tân ni pawimawh tak ania, min telpui ve hrâm la ka ti sin"




Ati deuh sup a, a ni ve tho mai, ka pasal tân ni pawimawh tak ania, lo induh san kha ka khawngaih leh hnuhnawh deuh a, a kutah chuan vuan in thâwk chu ka'n la hawk a.


"Ka dul a kiar sia, hetiang techuan min zahpui lo mi?"


"Teuh lo, raipuar kal pui tûr nei lo an tam emai, ka mitah chuan i hmeltha ber tho tho"


"Ve lutuk ache"


Nui hak pah chuan ka ti a, a in la zei thar vèl lutuk chuan ka nui ati zâ.



_____________



NEXT MORNING




Kawrdum a bân half ka ngal thlenga fual ka ha a, a arh deuh hluai bawk, pheikhawk sâng bun ka tum a, mahse ka pasalin a phal tlat lo, a flat dum chu ka bun a, ka pasalin min pèk ka rauh em em thî chu ka awrh a, make-up pawh ka hmang nasa, ka sam pawh ka roll uluk hlè, ka taksa zawng zawnga ka enkawl nasat ber hi ka sam a ni a, ka buaipui chhûng pawh a rei phian.



Urinpuia ve thung chuan suit dum pawl ahâ a, a inhmeh hlè lehnghâl, ka pasal hmeltha bîk lutuk chu ka insit lek lek, keilah a hmâ angin ka inchei nalh thei tawh si lo, ka kawr nalh tih zâwng pawh ka ha thei lo nia.




In atang chuan kan chhuak ve ngèi a, ka tui lo ru riau, ka pasal hian midang hmâ ah min zahpui ka hlâu, a thianten nupui hmeltha leh chhelo tak tak an hruai laiin kei raipuar min hruai tûr chu nuam ka ti lo hlè.



___________




Party na hall hi Kan Hotel tho a ni a, a pawn kam pawh an chei nalh phiân mai, URinpuia nèn kan inzui lût a, Chanchin bu mî ho chuan thlâ min lo lâksak nghâl zut zut mai, camera chu a phe chuai chuai a, ka lo inhup nghâl vat, URinpuia chuan min kuah lût ta dâwr dâwr a.


Hall chhûngah pawh Camera kenga vei zuk zuk an la awm tho mai, Mî chu tam vak lo mahse foreigners mi pawh an awm nual, Vai pa hausa tak tak hmèl thing ve deuh deuh pawh an awm nawk mai.



Urintei chu ka zawng deuh a, Hall sîr lamah chuan office a thawk ho bîk chu an lo ding khâwm thap mai, an nalh hlawm bîk èm èm lehnghâl, Siamtei pawh analh khawp mai, a pian a dik a, midang pawn an en hrek hrek mai, sawtianga nalh sâwn ka inchei ve thei reng, ka rilru nauh nauh a, ka thîk lek lek.




An bula kal ka tum chu Urinpuia chuan min kâi lèt vat a,


"Khawi ah mah kal rih suh, mî hmelhriat tîr tûr che ka nei"


A ti deuh sup a, patling rual hausak hmèl tak tak, an nupui te nena lo ding khâwm thap lamah chuan min hruai phei a, ka zâm zia chu.



"Ehe kha, in fa engzât na tûr nge?"



An zînga pa pakhat chuan nèlawm zet hian alo tî a, URinpuia chuan nui suk hian min rawn en a.


"Pakhat na tûr anih hi"


A ti ve sup a, nui sak chuan chû mî te ho chu ka lo melh ve kar bawk.


"Fa pakhat na ah chuan indim a ngâi ania, i nupui chu enkawl tha hlè rawh"


Hmeichhe pakhat chuan alo ti ve bawk a.


"An ni hi kan Hotel a investors te an nih hi"


Ka beng bulah chuan ati sup a, hetiang puar lèng lûnga min hmèlhriattîr chu ka zak ru viau na a, URinpuia erawh chuan min zahpui a hnèkin min chhuang hliah hliah zâwk emaw tih tûr a ni, min dahsâng thiamin min ngaihsak thiâm a, ka inthlahrung ru lutuk pawh a zia deuh.

____________


Urintei te bulah chuan ka thu ve a, Ka pasal erawh chuan sumdâwnna thil sawiin midang nen an inkâwm daih thung, a khät tâwkin min rawn nuih var var reng a, awm dûn lo mahila ka awm na ka sawn hlek chuan a mit a lèn ruai tih ka lo hmuh rûk thin vângin ka nuih aza ru hlè.



Program techu kan tan nghâl mial mial a, ka zaithiam duh em em Lalduhsaki leh Vânlalsailoa te an zâi chu ka lo en deuh deuh a, Pathian hlâ ve ve an sa bawk, Sailova'n i lamah atang LalPa atih lai vèl asak lai phei chuan ka mittui atla lo chauh, kham lo zet chuan ka ngaithla a, English in Urinpuia chuan thû a sawi bawk, Rawtna eng engemaw te an sawi ho a, ka ning lek lek, Stage a min koh chhuah phei chuan ka hmâi a sen tâwn tâwn zel, ka naupan laia inkhawmpuina vèla ka zai ve thin bâk kha biak inah ka tan te nih ngawt loh chuan mipui hmâ ah ka ding ngai lo.



Program zawh dâwn hnaih ah chuan Party tenau an buatsaih a, DJ Lalvènhimi leh Feli fanai te an zai meuh chuan thâwm a ring tha khawp mai, an lâm suau suau a, a boruak chu ka zo lo tèp a ni.



Feli fanai in ka pasal a kaih chhuah phei chuan ka thîk lek lek nia, Mahse ka tilang lèm lo, mahse ka thîk tho, sawtianga hmelthat ve saw ka châk, URinpuia lah chuan a nui ve vur vur lehnghâl, zânah a châk lo viau ang ka ti rilru nauh nauh ringawt.




An zai zawh hnû techuan Zaithiam nula hmeltha tak tak te nèn an la ti ti chunzawm zèl a, Urintei leh Hruailukira lah chuan fiamthû in 'in pa saw vèng tha rawh" an lo ti dûn sek lehnghâl, ka fian ken lai hian va vawm chawrh mai ka duh, an bulah techuan sawti thè thû a nuih a ngai mawni le.



Ka thin rim hmèl chuan an nuih ala ti za phiân lehnghâl, Hruailukira ka kaw zèp zuap lutuk chu a dârah ka bèng sawk a, ala nui hur hur duh lek chauh, Siamtei erawh ngâwi rengin, a thil ei lai chu a ei mial mial a, URinpuia chu ka thil ei pah chuan rum lutuk hian ka va melh a, min melh tha duh miah lo, kan in hlat si, Zânah a châk lo viau ang, ka rilru chuan ka ti reng a, hetiang em em hian ka thîk thû alo chhia tih pawh ka hre lo.



Siamtei thil ei lai chuan arawn uak deuh that a, kan enthap mai,


"I tha em?"


Tihpahin tui chu ka pe vat a, rai no tepawh a ang e a.


"Ka tihpalh lutuk, ka pum lam hi tûnlai chu a chiang lo a"


Ati zâwi sap a, inthlahrun hmèl takin ka tui pèk chu a in zui khalh bawk, Urintei leh Hruailukira te, UMawia te ho in melh ralh ralh chu ka lo hmu fuh a, engemaw an hriat hlawm le?



"Va haw mai rawh, raino tepawh i ang alawm"


Ka tih chuan hlauhthâwn hmèl zet hian min rawn enkiau a,


"Ka raino tirh chuan keipawh ka uak thawt thawt thin alawm, bialpa i nei em?"


Nèl awm taka ka tih chuan a hmèlah chuan nuam lo a ti tih ka hria, ka zâwt kher kher kha ka inchhîr, keipawh hi a, ka kâ hi lo vèn that deuh tûr ania.


"Siamte lo va haw mai rawh, i nuam lo anih kha"



Urintei pawh chuan alo ti vat a, Siamtei chu ngâwi reng chuan a chhuak ve mai a, a rai a ang ka ti, tunge a bialpa ni ang le? Urinpuia nèn kha chuan an sawi ve zuai a, mahse thu belh chian dâwllo ani tih Urintei hian min hrilh kha nia.



"A rai chiâng mai"


Ka tih chuan hlauhthâwn hmèl zet hian min enthap hlawm a,


"Enge?"


Ka lo ti deuh hû ringawt,


"A rai âwm lo emai, a pum lam a dik lo nih kha, keipawh ka pum that loh chuan ka uak fo alawm"


Urintei chuan alo ti ve vat a,


"Nang techu i thî hul tawh a ni lawm ni?"


Hruailukira leh pek chuan alo ti hmanhmawh a, an in chûm ri leh dawp dawp tawh.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 5:47 pm

Kan group link Join duh tân....👇


https://chat.whatsapp.com/Im7HI3UYYVDJhFlYXeHHrp


SWEET NIGHT CHAPTER-20

BY

HLUTEI JOCUND PACHUAU


Party na atanga kan haw chu car ah chuan ka thu ngâwi reng a, URinpuia min biakna pawh a rûl tâwk te te bâkin ka chhâng lo, ka ngei tlat a nih chu, a eng ber khân nge ka thin ti rim pawh ka hre tawh lo.



"Iva ngâwi ve lungâwi lohna te inei ami?"


Nui deuh suk suk chung hian a ti a, ka mit sîrin ka melh ralh ralh ringawt, inkuangkuah thân pah chuan ka tûm bâr a, engmah ka sawi âwm lo emai a, ka ti rilru nauh nauh ringawt.



"Lungâwi lohna i neih chuan sawi la"



A ti leh a, ka inkuangkuah na chu phelhin rum zet hian ka melh a,



"Party na ah khân min ngaihsak lo, hmeichhe dang ho bulah khati thè thâw khân nuih a ngai mi?"


Thinrim deuh chuan ka ti hlak hlak a, za zet hian arawn nui hak mai,


"Khâ vâng khân maw ilo thinrim, a tha e, ka tihpalh a ni"


Nuihza insûm hmèl zet hian ati a, ka thin ati rim zual sauh nia,


"Zân ah pawh kan mu dûn lo ang"



Ka hriat tâwk lek chuan ka ti sap a, car tukverh lam chu ka hawisan nghâl hmak bawk.


"Engmaw?"



A rawn ti deuh hû a,


"Engmah, Bawng mawle, Bawngin Bû a ti a"



Thinrim zet chuan ka lo ti hlak a, a nui chhuak hak mai, kei erawh chuan thinrim zetin tukverh lam ka hawi ngar ngar thung.




______________



In kan thlen meuh chuan dar 10 a pèl duai tawh, ka inbual zo chu khumah chuan ka mu hmak a, ni dâwn tak, ka damdawi pu Kima min pèk kha ka la in miah lo, tho leh taih taihin damdawi chu ka in a, a thlum sak a, atui ka tih zâwng tak a ni, serthlum rim anam chem chem lehnghâl.



"Enge i in kha?"



Ka phu chuang lutuk, URinpuia chu bathroom atanga rawn chhuak zo hlim tih hriat zet hian towel veng a, ataksa leh sam techu a huh hlap a, min la enkur zui.



"Zu a nih hi"


Tih hmak pahin kan khum bulah Drawer tè chi ah chuan ka dah hmak a, ka chimawm châk tlat, URinpuia chuan min chhâng tawh lo in a inthlâk sut sut a, ka bulah chuan arawn inthawlh ve nghâl bawk, ka lo hnungchhawn vângin ka taksa chu ka hnunglamah chuan min rawn thlawp zût a, a rim a tui chum chum khawp mai ka pum chu na lo te te hian a bèng leh thak thak tawh.



"Doctor chawh loh chu damdawi ei hi a tha lo sin"


A ti deuh sup a,


"Nia, ka lo hre tawh ang"

tihpahin ka maimitchhîng zui nghâl a.



NEXT MORNING



RINPUIA POV





Office ah chuan kan buai leh tawh khawp mai, tuilum dah Siamtei rawtna chu tihpui tlin tumin theih tâwp kan chhuah a, thlasik a in tan tak tak hma a zawh fel a ngai bawk nèn.



"Sir biak lawk che ka duh a"



Siamtei chu ka office ah chuan rawn lût in a hmèl atang chuan a hlauhthâwn hmèl hlè tih ka hria,



"Lo thu rawh"



Ka ti deuh hmuk a, inthlahrun hmèl zet hian ka bulah chuan arawn thu thla zui bawk,


"Sir ihh...Nau ka pâi in ka hria"



Ka thil tih lai chu tawp chatin rang zet chuan a hmèl chu ka en a, ka hlauhthâwn ang ngeiin thil a thleng dawn tih ka hre nghâl bawk.



"Engtin nge a nih theih? Vawikhat chauh anih kha"



"Nia, vawikhatna ah pawh a râi theih tho lawm"


Sawi mai tûr pawh hre lo chuan ka ngâwi vang vang a,ka chhânna ngaichângin Siamtei chu ala thu rân thung.



"Sir engtin nge ka tih ang? Chhûngte ka nei bawk si lo"

A'n tap leh rih a, ka rilru ahah, mahse tihdân kawng dang ka dap vat angai ni.


"Awle, ti tla mai rawh"



"Enga!'


Mak tih hmèl zet hian min enkiau a,


"I van ti mak ve, ka thei lo, a tâwk e, ka bâng nghâl ni rawh se"



Thinrim zet chuan ati ta tâwn tâwn a, a chhuak nghâl hmak bawk, chhuak daih mahse pawi tihna ka nei lo, mahse a fa erawh ka fa anih avângin thlahthlam ka tum lo, thil engkim a buai zawh hmâ in Oliviai hmâ ah ka inpuan vat angai ni.



OLIVIA POV



Reubena alo lèng bawk si lo, vawiin chu ka khua ahar leh et et tawh, Netflix atang chuan Film en tûr te ka zawng kual a, chips ka in chhawp teuh bawk.


Wonder tih film chuan ka mit ala zar mai, ka en nghâl mawlh mawlh a,mipa Naupang hmelchhe tak an school a midangin an hmuhsit thin dân te, thian pakhat amah vènga chhan tlat tû a neih dân te a ni a, ka en tuiin a mood ah ka chèng a, ka chips inchhawp ho lah chu ka ei tui ngang mai, tlèmin ka khawhar pawh azia deuh, ka naute hi tiangkhân lo hmelchhe ve tase, tianga inhmuhsitna leh hrehawmna khi a tuar ve ang tih ka hlâu ngang mai.




A tâwp thleng chuan khawdang hawi lo in ka entluan ta zak a, nuchang ve pui tawh tân pawh naupang film chu a hmuhnawm khawp mai, zirtîr a nei tha bawk si, ka mut arawn chhuak leh chiai chiai tawh.


"Ka pi inlèng inei ania"



Ka harh deuh zawk a, Reubena anih ringin ka phûr nghâl sûrh mai, nui var var chuan ka tho vat a, kawngkhâr lam ka hawi chu ka nui tâwp chiang kher mai, Ka rin loh lutuk ka hmuh vâng chuan ka phûrna areh vek.



"Siamte nangmaw!"




Inthlahrun hmèl tak hian a luggage nèn kawngkhâr bulah chuan alo ding reng a, bag tereuhtè a ak bawk, ka en reng vâng chuan ka inthiâm lo leh deuh.



"A ....lo lût tache, lo thu rawh"



A rawn lût ve zâl zâl a, Sofa ah chuan ti dèk hian athu bawk, eng thli chhia in nge rawn chhèm lût ang aw.



"Mawite, khawngaihin thingpui min lo siam sak tache"


Mawitei chuan choka chu rang takin apan zui ve nghâl a, Siamtei chuan a mittui chu a hru zauh zauh reng bawk.


"I tha em? Enge ilo tih dawn a?"



Dam dapa ka tih chuan a mittui chu hru deuh sawk sawkin min enkar a.



"Ka bialpa in min hnawt chhuak a, Aizawl ah chhûngte pakhat mah ka nei bawk si lo"



Tap tiau hian a ti a, ka khawngaih viau na a, engvânga min rawn pan chawt nge anih ka hre lo, URinpuia lo hâw a hun tèp tawh lehnghâl.



"I bialpa chu ava ti ang lo ve, inluah tûr te i hmu lo mi? Zawnpui i ngai em?"



"Pawisa chu awm se inluah tûr chu ka hmuh mai ka ring, ihmaw...nizana nau i pai aniang itih khân ka lo in ringhlel sa bawk nèn, ka haw khân ka intest zui a, ka lo rai tak tak a"



Mak ka ti lutuk chu ka en vang vang a, ani rai lai ei châk pawh leina tûr nei lo in a awm a, kei ka duh duh eiin hrehawm ka lo inti ve em em a, ka zak deuh rum rum mai, ka vânnei tehrèng nen.


"Awi, i naupai thû chu i hrilh lo mi?"



"Ka bialpa fa a ni lo a, midang laka ka chètsual vâng zawk ania"


"Awihaa...anih chûpa chu i hrilh em?"


Ka'n ti leh phawng mai a,


"Hrilh e, nupui nei lai a ni sia, ti tla tûrin min tia"


Inthlahrun hmèl tak hian a ti a, ka khawngaih viau na a mî pa a mutpui chu ati dik lo ve bawk a ni, mahse manganga min rawn pan tû chu tanpui ngèi ka tum.



"I ril a tâm em?"



"Aih tâm lo e, ka fa pai na pa chu i hre duh em?"



Mawitei pawh chuan kan thingpui in tûr arawn dah ve vat a, chhân tuma ka ân zuau lai chuan URinpuia motor rî ka hre nghâl bawk, hmanhmawh lutuk hian arawn tlân lût a, a hlauhthâwn hmèl em em lehnghâl, mak ti zet chuan kan lo en thap hlawm a.


"Nangkha enge hetah itih? Chhuak rawh"



Urinpuia thinrim hmèl chu to hâw tûr ang maiin a dur khup mai, A biak chu Siamtei ani tih ka hre nghâl bawk.


"Ka hâw lo ang, i nupui hian engkim a hriat ve angai"



Siamtei chuan nghet charh hian alo ti a, Mawitei nèn chuan kan entawn dûn zak zak mai.


"Lawkin enge in buaina hi? Siamtei hian ka tanpuina arawn dîl alawm"



Urinpuia enkar chuan ka ti a, Siamtei chu rum lutuk hian a enkur bawk.


"Sir hrilh mai rawh, i nupui mahni ina mi â ang maia tawm reng hian apasal pawn lama a khawsak dân hi a hriat ve ngèi angai"


Siamtei tawngkam hman chuan ka thin a khei zak mai.


"Lawkin...engmaw i sawi kha? Kei hi mi â min ti em ni?"


Mengdur khâih chuan Siamtei chu ka enkar a, ka awkî asâng lek lek, Siamtei nichin lawka pawisawi lo leh inthlahrun hmèl zet kha a ni tawh lo, mi hrang hlak ang mai a ni.


"Aw nang hi mi â ka ti che, i pasal awm dân te hi i chhui ve ngai lo mi? Mi lèrh leh nunrâwng tak anih hi"



Zak thei lo hi ka van ti tak, ka nui chhuak hawk a, raipuâr chu ni lo ila ka kèk hrep tawh ang.



"Nula, i tawngkam kha fîmkhur rawh"


Thartea chu engtik laiin nge inchhûngah alo awm ve ka hre lo,


"Ni e, Ka pi hi a chènna inah zah lo takin i rawn tawng khum ngama tunge inih a? Ivan zakthei lo ve"


Mawitei pawh chuan alo ti ve bawk a, ka sawi tûr zawng zawng an pahnih chuan min sawi khalh vek alawm.


"Ni e, ka pasal chu engtin pawn lo awm se nang hi hetianga min tawngkhum ngam tûr hian tunge inih?"



Ka'n din hnaih deuh a, URinpuia chuan ngâwi rengin rum lutuk hian a en reng ringawt, tawngkhum ve se ka tih tih nèn.

"Kei hi maw, I pasal fâ hi ka pâi, hmei ti ila a dik zâwk mah"


Zâm map lo hian a ti a, ka nghîng dawt thei, URinpuia chu ka en leh a, a hmèl atanga inthiâmlohna rawn lang chuan thudik anih zia min hriattîr, ka mittui chu ka hriat loh kâr in arawn hnâm tiâm tiâm a.



"Nang hian dâwt i sawi chiang lutuk"


Mawitei chuan alo ti ve vat a, Thartea chuan ngâwi rih tûrin alo mit mei zauh bawk,


"Thudik a ni e"


Urinpuia chuan ati sup a, tawng zâwi viau mahse ka thu hriat tawh ah chuan ala ring ber ang, sawi tûr mai pawh ka hre lo, Siamtei chu ka khawih hrep dâwn nge ka pasal hi ka bèng hawi sawk zâwk ang, awmdân tûr ka hre lo, ka bîng mup mup mai.



"Olivia ka tihpalh a ni, a tîr atang khân engkim hrilh che ka tuma, mahse ka ngam thlâwt lo, Ka thiâmloh a ni, ka tihpalh takzet"



Ka ter at mai,


"Tihpalh maw? Midang lakah sâwn i thlâk hi tihpalh a ni thei dâwn ami?"


Ring taka vin hrep ka duh, ka tum bawk, mahse ka âw chu a chhuak chè chè chauh, ka chak loh zia hria in min zuam telh telh ang tih ka hlauh vângin ka theihtâwp chuan insûm a, a har talh talh khawp mai, mahse inzuam tîr ka tum hauh lo.



"In ngaihtuah harh lawk ka duh"



Tihpahin inchung lamah chuan ka chho nghâl vat a, room ka thleng chu ka âwm dawmin ka tap ri hak thei.



Ka nuna mipa ka tawn hmasak ber pasalah neiin ka ring èm èm a, ka theihna zawng zawngin ka hmangaih bawk, mahse min ti beidawng chiang khawp mai.



Siamtei tè thawt thawt thâwm ka hriat chuan Balcony lamah ka dâk chhuak vat a,



Urinpuia chuan a duh lo chung pawm chhuakin car ah chuan ka dah lût rawk rawk a, Siamtei chèt dân chu a râpthlâk ka ti, URinpuia chuan a hruai chhuak ta daih a, enge an tih ang le tiin thlaphâng tak chuan ka enzui vawng vawng ringawt.




Ka thinlung hi a kehsawm vek ni mai hian ka hria, ka taksa a châu a, ka chil tak ngial pawh lem harsa ka ti, ti khawp chuan ka na, ka mittui lah chuan ka biang zawng zawng tehi a ti huh fâi vek nia, tlâwm ka in ti a, ka zak hlè bawk.



Chhuatah chuan thu in khum chu ka bawh a, ka inhnît hlawp hlawp thei, hetia tah thâwl hawk hi ka duh zâwk, hetiâng em em hian in rinawm loh san hi alo nâ tih ka lo hrethiam ngai lo a, a taka tawn meuh chuan paltlang ahar khawp ang, engtia awm zèl tûr nge tih pawh ka hrethiám lo, ka haw daih dâwn nge Ka la awm dawn? Ka nuna ka vawikhat tawnna ani si a, thuthlukna siam dân tûr ka hre lo, ka rilru amang vek.




RINPUIA POV


Ka in khalh chak bawk a, kan in chu ka thleng leh hmâ khawp mai, Thartea leh Mawitei'n zawhna mit meng hlîr a min lo melh pawh ngaihsak lo in room lam chu ka pan nghâl vat a.




Khumah chuan Ka nupui Oliviai chu lo thu thluang diai in a en ngâi chu alo en ngar ngar a, vawi khat pawh min en lo.



"Duhtak"



Tihpah chuan a bulah chuan ka thu thlâ a, min rawn en chuan a mit meng lian tak atang hian mittui arawn luang thla ngiai ngiai mai, kha thil ka vawikhat tih sual khân kan nupa kâr minute 5 lekah ati chhe vek ta chu ni sia, engtin nge ka siam that leh theih ang? Ka nupui hlim thei tak hmèl chu lungngaihna in ka thlâk sak a, engkim hi ka thiamloh vek a ni tih ka hria a, ka pawm thlap bawk.



Mahse Oliviai erawh chuan min kalsan hi ka phal ngâi lo ang,


"I hmèl hmuh ka duh rih lo"



Tah insûm zet hian a ti a, keimah leh keimah techu ka inhaw hluah hluah a ni ber mai,a kut ka vawnna chu ala sawn riai riai a, tah insûm tih hriat zet hian a hmûi hnuailam a pet ngar ngar bawk.


"Ka lakah hian duh khawp loh i nei ami?"



Tap âw tiau hian arawn ti a, ka thinlung a dek zawk thei, ka nupui tlâwm lai hmuh chu hrehawm ka ti a, hetianga siamtû keimah leh keimah chu ka inhaw ngawih ngawih a ni ber mai,


"Tiang hian awm suh"


Tihpah chuan kuah ka tum a, alo indang vat,


"Min chhâng rawh, ka lakah hian duh khawp loh ineih chuan ka insiam tha ang, Urinpui nang hi ka mipa tawn hmasak ber ini a, ka pasal ini bawk, ka tân chuan ka engkim ini, ka hresual palh mai mai tiraw"

Inhnît hlap hlap hian a ti a,


"Ka tihpalh Duhtak, vawikhat chauh alawm, chûpawh ka ruih laiin, nanglo hi hmeichhe dang tûmah ka melh ngai lo, ka hmangaih takzet che tih i hriat kha, tihsual palh liau liau a ni"


A biang tawn tawn a vuan chung chuan ka ti a, mahse ka kut chu arawn la thla vat.



"Âwih tûrin min beisei em ni? Tûnah rih chuan in ngaihtuah na hun ka mamawh, i chhuah dâwn loh chuan keimah ka chhuak mai ang"



A ti ta hmak a, ka mittui chu hru hulin pawnlam a thlîr daih mai, engmah sawi tawh lo in ka hnathawhna room lam chu ka pan vat a,



Min hau se, min ânkhum se, kut te min thlâk se ka duh, mahse tiang chuan engmah a ti lo, hmeichhe dang chu ni se ka pem neng nung tawh ang, A châng chuan ka nupui hi hriatthiam harsa ka ti thin, a ngawih reng hian ka ngaih a tha lo zual a, bâkah Kan naute lo piang tûr tân pawh hian athat ka ring lo.


Lalnunsiami khân kan in a luh hmâ khân kan in pawn atanga lâk tih hriat tak kan in thlalâk min rawn thawn lo se chu hâw pawh ka la hâw kher lo ang, hetianga a awm reng chuan ka nupui leh ka fa lo piang tûr tân khân Lalnunsiami leh afa chu hawisan hmak pawh ka huam.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 5:48 pm

SWEET NIGHT CHAPTER-21

BY

HLUTEI JOCUND PACHUAU

ZAN IN CHU A TÂWI FEL VIAU IN KA RING, VÛR TE KA SIAM A. VAWIIN CHU HUN KA NEI TLÈM LUTUK A.






OLIVIA POV




Khumah chuan ka thu ngawi reng a, ka che châng peih thlâwt lo, diktak chuan heilai hmun chhuahsan vang vang hi ka duh viau na a, ka chhuak anih chuan ka lung a lèng leh anga, bâkah thenawm khawvèng ten min hmuhsit tawh sa nâkalaia an hmuhsitna ti belh chhah zual tûra lo va tlân vèl kha ka duh bîk si lo, ka pa pawn a tuar hnem ve tâwk tawh, ka pum chu chûlin ka mittui tla chu ka hru sawk sawk a, ka fa lo piâng tûr tân tal hian chak taka ka awm angai.



Khum atang chuan tho in Inhnuailamah chuan ka chhuk thlâ a, Mawitei leh Thartea pawh chuan min enchîk dûn khawp mai, engmah thleng lo ang maia awm ka tum, Mahse Siamtei leh a naute chuan ka rilru aluah leh tlat tawh.



"Vawiin tlâi chu enge kan hmeh ang aw"


Tihpah chuan frigde chu ka hawng nghâl rak rak a, thlai rah chi hrang hrang techu Mawitei hnènah chuan bai pawlh tûrin ka ti a, a hmèl atanga min ngaihtuahna leh mak ti hmèl inchawh pawlh chu ka hre lo der hmak.




Inchung lamah chuan chho leh in Urinpuia awmna room chu ka kik karh karh a, thâwk ka'n la hmasa leh tè tè phawt a, in seh ruh tûn chuan ka lût nghâl bawk.



Mak tih hmèl zet hian min lo en hau mai, nui hmèl ka pu lo a, thinrim hmèl pawh ka pu chuang lo.


"Boihi"


A ti deuh sup a, ka chil ka lo lem khalh ringawt.


"Chhuak harh lawk ang hmiang, tual zâwlah khuan"



"Awle, tehrèng mai"



Rang zet chuan min rawn pan a, nghâk tawh lo in ka chhuak nghâl nal nal bawk, a hmèl ka hmuh apiang hian min phatsan tih ka hre tel ziah a, min phatsan lai khân vawikhat mah min ngaihtuah velo pawh a ni mahna, theihnghilh sak a ngaihdam erawh ka tum lo, mahse ka pawm angai tih ka in hria, Pawmthiâm a ngai khawp ang le, kan nûpa kâr leh kan fa lo piang tûr tân ka theihtâwp ka chhuah zâwk tûr a ni.



Theihai buk hnuaia thutthlèng an dah ah chuan ka lo nghâk a, chhuak ta ila chu helai hmun ringawt pawh ngâi hian ka tap zankhua theiin ka ring.



Urinpuia thingpui no pahnih keng chunga hmanhmawh taka arawn chhuak chu ka lo en rân a, min rawn en dâwn a ka hriat vèleh chuan ka lo hawisawn hmak bawk, ka bulah chuan rawn thu thlâ in Thingpui chu min pe a, ngâwi reng chuan ka lo la ve mai bawk.



"Thuthlûkna chu isiam fel thei ta em ni?"


Ka thingpui no chu nghet zet chuan ka hûm ngar ngar a.


"Then che ka tum lo, mahse i fa kha enkawl ka duh a ni"



Rang zet hian min rawn en vut a, amah enkar chuan thingpui chu ka lo in khalh thung.


"A tha alawm, ka lawm lutuk e, Mahse Duhtak, i fa ang tak tak in i enkawl thei dâwn em ni?"


"Ka hre lo, mahse ka pasal sâwn hi khawlaia a tei mai mai ka hmuh chuan keimah ka indem dâwn asin, naupang pawisawi lo ka tawrh tîr ve thei lo"



A hmèl atang chuan hlim hmèl ai mahin amak ti hmèl ka hmu zâwk, then ka tum lo hi alâwm tak tak em tih pawh ka hre lo e a.


"Mak ti vak duh suh, i duh thlang rawh, kei leh ka fa nge? Siamtei leh afa?"


Amah enkar a ka tih chuan


"Tinge chûng te min zawh a? Nang aia thlan zâwk ka nei lo, mahse Siamtei fa chu lâk sak kher i duh em ni?"



"Aw, mi pasal alo mutpui vângin a hrem nân a fa chu lâk sak ka duh, tinge? Phuba lâk nân ka hman i ring ami? Tiang chuan min ngai amaw?"



Thinrim mengdur khâih chuan ka ti a, a tawngkam vâng khân a inthiâm lo leh deuh a ni ngèi ang.


"Ni lo duhtak, ka sawi awmzia chu, I rilru tina zual tû a ni ang tih ka hlauh vâng zâwk alawm"



"Chu erawh ka hre lo, mahse ka thinrimna naupang chunga hri thla chî ka ni lo tih chu i hriat kha, chu bâkah, a rai tak tak em tih pawh i hria ami?"



A in ngaihtuah deuh vung vung a, hènû chèt dân hi kan thusawi atang hian min ti fiah kuarh kuarh a, rin chî a ni pawn ka hre lo, A lemchan thiâm dân èm èm tekha, ka ring thei tawh lo,hetianga khawi ah emaw tap mai mai lova rilru fîm tak ka pu thei hi mak ka in ti a, Pathian vâng liau liau a ni ka tilo thei lo.



"Chu chu ka hre miah lo, damdawiin ah ka lo hruai chhin dâwn em ni?"



"A ngai lo, keimah ngèiin le, Hetiang lamah chuan nang aiin thil ka hre hnem zâwk, i fing viau pawh a ni thei, mahse hetiang lamah hi chuan ka fing zâwk"



A nui deuh suk a, keipawh ka nui ve sak mai, mahse ka thinlung erawh ana vawng vawng thung, ka hnungah chuan min rawn kuahin ka chalah chuan a fâwp zauh a, a âwmah chuan min bei tîr ta hlè hlè mai.


"Ka hmangaih che Olivia, nang hi ka chhuang lutuk che"


A ti deuh sup a, ka mittui rawn tling nghâl pam chu ka hru zauh bawk,


"Tap rawh a pawi lo, mipa dang bulah ni lo a ka bul ngeia i tah hi atha zâwk"



Ka tap chhuak hak a, ka pasal chu ka huat thû chhah chhuah a, ben hrep mai ka duh, mahse ka hmangaih a, ka thei ngang lo, ka huatna aiin ka hmangaihna hi alo nasa zâwk pawh a ni mahna.


RINPUIA POV






Ka nupi Oliviai khuma muhîl lai chu ka en reng a, ka nupui hi ka lo hrechiang lo hlè tih ka in hre ve chiah, a châng chuan naupang chhia tak angin awm thin mahse a rûk hian a puitling phiân a, a rilru a nghetin a rilru a lian hlè.


Hmeichhe zaidam leh rilru no tak nih duh hmèl fû si hi a khauh reuh phiân a, engtin nge khatiâng thuthlukna te kha siam nachâng a hriat zawk le? Vawiin a awm dân zet chuan min ti hrilh haiin ka nupui chu ka zah ru hlè a, chak tak angin lang mahse duat erawh a ngai viau tho.



Nghet tak chuan ka kuah a, meng miah lo chuan min rawn kuah lèt ve nghâl bawk, a sam rimtui chem chem ah chuan ka chuk a, a biangah techuan ka fâwp bawk, ka nupui a ni lo ang tih ka hlâu hliah hliah a ni, midanglam tak chu a ni vè chiâng alawm.




____________



Insût hraih hraih rî hian min ti harh zawk a, Oliviai anih ka ring nghâl hmak, alo la thim mup nèn, zânlai a nih ka ring hmiah,min hnungchhawn hian alo mu saisîr a, a tap ngèi anih hi, Che lo chuan a tap rî chu ka ngaithla kur reng a, hrehawm ka ti lutuk chu engemaw hian min tur ut ut mai, tlèmin ka'n inbeng kâng deuh a.



"I tap ami?"


A tap ri chu a tâwp hmak a, a rawn hawi chuan a mit leh a hnâr hmâwr chu sen tâk mai chuk uluk zet hian ka lo en a.



"Ilo harh alaw?"



A rawn ti sap a, thâwk la hawk pahin khumah chuan ka mu thla hnawk a.


"Ka muhrang mai dâwn em ni?"



"A ngai lo, ka hmâi ka va phih lawk ange"


Tihpah chuan harsa tih hmèl zet hian a tho taih taih a, ka lo pui nghâl vat bawk, a puar ve tawh reuh sia hetianga a awm reng chuan naute hian a tuar ka hlâu khawp mai.



Bathroom a aluh chhûng chuan keipawh ka mut a chhuak tawh lo bawk nèn, khumah chuan ka lo thu chhuak vat a,sana ka en chu zînglam dar 2 alo pèl tawh, ka ngaihtuah na te hi a buai nuaih mai, Hetianga Oliviai hmuh reng hi hrehawm ka ti a, a hlim nân enge ka tih ang? Keichuan kha naute kha ti tla daih mahse pawi tihna ka nei lo, mahse ka nupui angel ang maia thianghlim hian a natna tûr pawh ni se a thlah dawn lo tih ka hre chiâng si.



Ka hotel hi ngaih thah in khawi ah emaw ka zinbo pui rih mai dâwn emaw ni le?


A rawn chhuah leh hnû chuan pângâi takin ka bulah chuan arawn thu vè leh mai a,


"Khawi ah emaw zin bo daih i duh em?"


Min rawn en vat mai, a nui lui sak mai.


"A ngai lo, nakinah fa ka neih hunah kan fa te nèn kan la zin ho zâwk dawn nia"



Dam thlap chuan ati a, a duh dâwn lo tih hresa a zâwt ka nih vângin Thinrimah ka la lo, thil hrechhuak ni âwm tak hian kan khum bula drwer tè atang chuan bûr mak zet tung ût mai hi arawn phawrh a, vawi hnih vèl a lem rîk khalh khalh hnu chuan a dah leh vat a.


"Enge kha kha?"



"Damdawi"


Awlsam zet hian a ti a, khatiâng damdawi kha ka la hre ngâi lo rèng rèng.



"Khawi ami? Luci khän a chawh che ka hre si lo a"



"I pu min pèk ania, Naute tân a tha atia"



Ka phu nghâl zawk mai, a hmâ a Oliviai chunga an thil tih kha ka ngaihtuah na ah chuan arawn lût a, Oliviai hian engmah ala hre ve lo bawk, Ka pu pèk a nih chuan a tha lam aiin a thalo lam anih ka ring nghâl hmiah.


Tho vutin a drawer chu ka pan a, Damdawi chu la chhuakin balcony chu ka hawng rawk rawk a, ka paih chhuak nghâl hmak bawk.


"Enge maw i tih le? Aman a to hmèl tehrèng nen"



Thinrim hmèl zet hian arawn ti a,



"Tûn chinah chuan ka pu leh a chhûngkua te thil pèk che reng reng engmah la tawh suh ang che, Order a ni lo, i ti ngèi tûr a ni"



Mengdur khâih hian min en reng a,



"Enge Pu Kima min pèk anih vâng chuan a sual viau na?"




"Ka pu saw mi tha tak a ni lo tih ka hrilh nawn leh che angai dâwn ami? Nang hi ka nupui hmasa ber ini tih theihnghilh lo bawk la"




Kut zungchal meuh hmuh a ka tih chuan ka sawi thui vak ngai lo in atha lo lam a ni tih a hrethiam anih ka ring a ngâwi ta vang vang a.


"I pu nihna hi i hria em?"



"Misual tak leh râpthlâk, mak bawk si a ni"


Ka lo ti vat a, a hmèl ah chuan Engemaw sawi châk deuh hmèl hi apu, engemaw hriat a nei reuh amawni le? Mahse ka zâwt duh ta lo a.



"Tûn chinah chuan ka lo hre tawh dâwn nia"



A ti ve sap a,


"Ka tihpalh ka thinrim hluai a, ka hlauhthâwn vâng zawk ania"



Ka lo ti ve mai a, ni tak, Vawikhat mai ni lo a in lai ka hmu zauh zauh tawh, amah ah engmah danglamna ala awm lo chu nia, eng anga Damdawi tha pawh ni se An ni saw ka ring lo a, hnaih pawh ka duh hek lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 5:48 pm

SWEET NIGHT
CHAPTER -22

BY

HLUTEI JOCUND PACHUAU





NEXT MORNING

OLIVIA POV


Zîng ka harh chu a ngâi ang bawkin ka tho tlâi leh tawh, URinpuia'n min thawh khalh chiâng mai, hmanhmawh tak chuan ka tho ve vat a, inhnuailama ka chhuk thlâ chu URinpuia leh Thartea lo inbe mawlh mawlh lai ka hmuh chuan ka zu fin ve nghâl a.




Thartea chuan nizâna URinpuia Damdawi min paih sak tâk bûr kha kengin uluk zet hian an lo thlèk dûn bawk.



"Enge in lo tih a?"



Zâng vah a ka tih chuan an rawn hawi phâwk hrû a,


"He damdawi hi zan engzât nge i ei tawh?"



Urinpuia chuan alo ti nghâl a, ka ngaihtuah lèt vang vang a,Thla hmasa khân min pe a, Thlakhat vèl chu ka ei tawh.


"Thlakhat leh tlèm vèl aniang tinge?"


Ka lo ti deuh hû a, URinpuia leh Thartea chu an in melh ralh ralh mai, an awm dân atang chuan thil thalo lam ni tlata hriatna ka nei, zawhna mitmeng chuan ka lo entawn dûn zak zak a.


"Ka pu dâwi lam thil a tel tlatin ka hria"



Thartea chuan a ti sup a, URinpuia mak ti hmèl chu ka khawngaih lek lek zâwk, kei erawh chuan mak ka ti vak lo,an nihna ka hre vek tawh a, URinpuia erawh in ala hre ve lo, Ka thil hriat tekha engmah sawi lo tûra tih ka ni a, ka zèp tih a hria nih vaih chuan Ka pasal hi ka lakah a lungâwi dawn lo tih pawh ka hria, mahse kan him na ka duh mai chauh a ni.




"Ngâwi lawk teh, Eng ang dâwi maw?"


Thartea chu a en khûih a, a áwih vak loh hmèl.


"Ka pu, kei hi tunge ka ni tih i hriat kha, chuan ka thil sawi hi thil mak tak a ni hleinèm"


Urinpuia chuan ngaihtuah zui ni âwm takin mengdur khâih chung hian a melh ngâi chu a melh ngar ngar a, ngâwi rengin ka lo en tawp, engemaw ka sawi chuan ka tawngsual palh ang tih ka hlâu, mahse Thartea'n a hrilh fiah dânah hi chuan Thartea hi mi engemaw tak anih ka ring, dâwi thiâm tepawh alo ni ve maithei sin, tunge hria?



"A dik ang, ngawihsan rih phawt ila, Mahse arûkin enge tih a tum hi man chhuah kan tum dâwn a ni, in zavâi hian ka mamawh che u nia"



A tih chuan kan lo bu nghauh hlawm a, engtin mah ka awm pawh ka hre lo, Ka naute hian a tuâr loh hrâm ka beisei.




__________




RINPUIA POV




Hna eng engemaw thawka ka buai malh malh lai chuan Oliviai phone call ka dawng nawlh mai,


"Hello?"


"Naute chu a tha e, Thla 2 leh tlèm ania"


A rawn chuai raih a, alo râi ngèi anih chu, enge engemaw kan sawi zawh hnû chuan phone chu ka dah leh mai a, Alo râi tak tak anih chuan Ka nupui tân hriat a hrehawm viau ang le, mahse hmeichhe fing leh inthup thiâm tak a ni a, a muanlpho èm ka ring lo, Siamtei nèn chuan engtin tak awmdûn ang maw.



Rintei chu ka office ah chuan file engemaw dah hian arawn lût a, Ka hnuaia thawk ni mahse ka thian tha tak anga ka ngaih ve awmchhun a ni, Mahse Siamtei nèn kan chungchâng a hriat atang kha chuan min be duh tawh lo a, engmah min zâwtin min hrilh tawh lèm lo.



"A rai tak tak amaw!"



Ka hmâ ah ding vâng hian arawn ti chhuak hlawl a, mak ti taka a hmèl ka en chuan min hnek duh mai hmèl a pu, min haw ve takzet niin ka hria, a âwm lo hran lo, Oliviai hi a nau ang maia a en vâng a ni.


"Mmm....vawiin khân Olivia'in ava kalpui a, Thla 2 leh tlèm a ti nih chu"



A thaw deuh hak a,


"Ka van khawngaih tak, engtin nge a tawrh theih le?"



Chek tlak tlak pah hian a ti a, a ngawih vang vang hnû chuan,


"Ngâwi lawk teh, lawk in, Thla 2 leh tlèm iti em ni khâh?"


A rawn ti chhuak phut a, hrilh hai zeta enkur pahin ka lo bu nghauh nghauh a.


"A bum che nih chu, Ngaihtuah rawh Thla hmasa mai kha ni lâwm ni in mut dun kha? Engtin nge thla hnih mi naute a pai theih ang?"




Ni dâwn tak e, ka va han mâwl tak, Engtin nge ka hriat loh theih le?, Min lo va bum chiâng ve le? Henû hi a â nge? Mi â ah min ngai zâwk? Ka hriat chhuah loh a ring rèng rèng amawni le.



"Notei chuan engtin nge a hriat loh theih a?"



Mak tih hmèl zet chuan arawn ti leh hâ a,


"Kan mut dun hun a hre hleinem"



Ka lo ti ve mai a, Rintei thusawi vâng chuan ka fiah kuâr mai, Oliviai chu ka call nghâl vat a.




"Aw enge?"



"I buai em? I bulah tunge awm?"




"Tûmah, keimahin room ah ka awm"



Hriatthiam loh hmèl zet hian arawn ti deuh hâ a,


"Lalnunsiami kha zanriah ei tûrin lo sâwm rawh, Ruahmanna ka nei"




Thudik pawh ka la hrilh chuang lo, Hmaichhanah ngèi kan awm ho laia sawi ka duh zâwk, bâkah, henû hian chhan tha tak vânga min bum a tum ka ring tlat, ka pu leh ka patea te an inrawlh chu ka ring lo nâ a, an in rawlh ve thei tho.


"Aw...awle, lo haw har lo la"



Ati ban chat a, Phone chu ka dah zui bawk, engvânga min bum nge a ni tih hi hriat ngèi ka duh a ni, ka dâwp chhuak ngèi bawk ang.


OLIVIAI POV




Inhnuai atanga ka chhuk thlâ chu Siamtei chu alo la awm reng a, Mawitei leh Thartea chuan an lo endûn kar bawk, Frigde a ka ei tûr dah ho chu zâm map lo hian alo ei mawlh mawlh anih chu.



"Khati khân min en vak duh sû, in pû ber fa hi ka pâi ve tho"



Tihpah chuan URinpuia'n KFC min rawn lei chu alo dît mial mial a, ka hmèl a hmû chu tlèmin a inthiâm lo ve deuh aniang, a inthlah dul ve deuh.



"Ka pi, engtin nge henu hi ka tih dawn? Thû min pe rawh"



Thartea chuan alo ti vat a, ka lo nui sak ringawt, kei ai aiin an lo ngei emaw tih tûr a ni.



"Enga!..kei hi....in duh duh dân in min ti thei lo aw"



Arsa hmuâm tûn chuan vîn thawt hian alo ti a, Mawitei leh Thartea chuan an melh nasa dûn ngang mai.


"Zan in chu hetah zanriah ei ang che, Ka pasal fa i pai a ka mawhphurhna ini tawh"



"Ka pi"




Thartea leh Mawitei chuan an lo ti rual that a, an pahnih chuan nuih sak pahin Common room lam chu ka pansan a, Sofa ah chuan ka thu nghâl rân bawk.



Ka pasal hian chhan nei lo in henû hi zanriah ei tûrin min sâwm tîr lo tawp ang,chhan engemaw a neih ngèi ka ring.



"Ka pi, engemaw i tih tâk le? I eitûr lei sa zawng zawng kha a ei zo tèp ania"



Mawitei chuan thlaphân hmèl zet hian arawn ti a, Thartea'n thinrim insûm hmèl tak hian arawn zui bawk.



"Ka pi, An in thleng pu haw tûra min ti anih pawn ka pu haw mai ang"





Thartea chuan alo ti ve vat a, an pahnih chuan ka nuih lui sak ringawt.


"I pu in zanriah eitîr tûrin min tia"


Chuai raih a, ka tih chuan an hmèl atanga min khawngaihna rawn lang chhuak chu ka hmuh hmaih hauh lo, ka pum chu ka chûl ka chûl a, tûnlai phei chu a che nasa ve thei lutuk hi ana lek lek zèl.



Ka pum rawn che ka hriat rual chuan ka khawih vat a, ka nui hak mai,


"In khawih ve chhin duh em?"


Mawitei chuan arawn khawih mai a, Thartea erawh mipa anih vângin tlèmin a tîm deuh.


"Khawih tache"


Ka tih chuan inthlahrun hmèl zet hian arawn khawih ve dû dû a, arawn chèt vèleh chuan Thartea chu a phu zawk a, Mawitei nèn chuan mak an tih dun hmèl em em lehnghâl, Ka nuih aza ngèi mai.


"Keichu ka râp tèp"



Thartea'n arawn tih chhuah hlawl vâng chuan Mawitei nèn za zet hian kan nuih dûn a, tlangvâl vargin tân chuan hriatthiam ahar ve ngawt ang.



__________



Ka inbual zo chu Kawrfual pângâi tak hâ in ka sam chu ka chhèm ro mial mial a, Kawngkhâr ri rak ka hriat rual chuan URinpuia chu ka hmu nghâl bawk, Ka nuih lèm lo a, Thinrim hmèl pawh ka hmuh chuang lo.



Siamtei zanriah ei pui chu ka thei chiah angem ka hre lo, mahse ka pasal berin ati tlat bawk si a, bâkah ka hnial peih buai lo.


"Hrehawm ilo ti viau em?"



A inthlâk nghâl mawlh mawlh a, en pawh ka en zui chuang lo.


"Ti hran lo e"


Ka lo ti ringawt a, min chhâng tawh lo in a inthlâk zui mial mial a, a inthlâk zawh chuan min rawn pan vat a.


"Hrehawm itih chuan sawi mai zèl la"



Ngèn ngâwl zeta tihpah hian ka hnunglam atang chuan min rawn kuah a, zèp lo chuan Siamtei zanriah ei pui tûra min sâwm tîr vâng hian ka lungâwilo tak zet, lungâwi lo tihpiah lam a ni, engtin nge ka pasal hmei bulah chaw tui ti takin ka ei theih ang? A hmèl ka hmuh pawn sawisak hrep châkin ka khûr ngawt ngawt thei a nia.



"Ni e, ka lungâwi lo, nangni la i lungâwi angem? Ka pasal hmei nèn zanriah kan kîl dûn ang maw, engthil nge i tih hi? Ka rilru tûr hi i hrethiám phâk miah lo tiraw?"



Aw ka vîn deuh reuh a ka tih chuan ka dârah chuan rawn vuanin ngun tak hian min en a.


"Min ring tawp rawh, enge ka tih tûr hi i hre mai ang, min ring thei angem?"


Ka thinrim viau nâ a, mahse ka bu ve mai a, han ring tawp mai teh ang, tih theih dang pawh ka neih chuan loh hi.


"Engemaw thil tharlâm te a awm em?"



Naute chanchin min zâwt tih ka hre mai,


"A rawn che ve zauh zauh tawh a"



Ka tih chuan phâwk lutuk hian min rawn en a,


"Iti tak tak em?"



Tihpah chuan ka dul chu a en vang vang a, a kut chuan a khawih pah bawk, a dap kual nghâl dun dun a.


"A muhîl rih aniang, nakinah a chèt veleh ka hrilh ang che"


Tihpah chuan ka chhuahsan ta daih a, inhnuai lam ka pan nghâl nal nal bawk.



Inhnuai lam ka thleng chu Mawitei chuan zanriah alo peih fel diâm tawh, Siamtei chu in la fel âwm fahran hian chaw ei dawhkân kîl chungin alo thu vè rân a,Thâwk la hawk paha mengkual ralh pah in ka kîl zui ve nghâl bawk, kan in hmatawn ta rân mai.



Urinpuia pawh arawn thu nghâl thurh a, vawiin tlâi chu nidang zawng zawng aiin a hmèl chu a hlim in a zâng vah mai, ka ngei lek lek zâwk.



"Siamte i naupâi chu thla engzât maw?"



Urinpuia chuan Siamtei enkar chuan ati a,


"Thla hnih leh tlèm"


Siamtei chuan alo ti liâm puat a, a hnû deuh ah chuan engemaw hre chhuak ni âwm fahran hian URinpuia chu arawn en leh vat a, hlâuthâwng hmèl a pu.


"Ka hria lawm, ka fa ani lo tiraw, nang nèn hian thla hmasa chauh khân kan mu dûn a, engtin nge i naupâi chu thlahnih mî anih theih?"



Mak ti tak chuan URinpuia chu ka enkâwk a, thla hmasa mai kha an mut dun hun anih chuan a fa anih theihna a awm lo hrim hrim, URinpuia chuan Siamtei chu thinrim hmèl zet hian a enkur mai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 5:48 pm

SWEET NIGHT

BY

HLUTEI JOCUND PACHUAU


CLICK KHA AW🐵🐵❤️❤️







"Tinge dâwt i sawi? Tûnah hian engkim zèp lo a min hrilh chuan ka ngaidam ang che"



Nghet charh hian Urinpuia chuan a ti a, Siamtei chuan hlauhthâwn hmèl zet hian thutthlèng atang chuan tho in tlân chhuah atum ta mai, Thartea chu a hmâ ah tak chuan alo ding a,a hlauthâwng che buai chu ka khawngaih let ling zâwk, Thil thlen dân teh thut chuan awm dân pawh min ti thiâm lo.



"Nang hi i râi tak tak em sawi rawh, ka dîm dâwn lo che nia"



Urinpuia chuan awki sâng zeta atih chuan ka lo phu deuh zawk a, ka lungphû arang nghâl dut dut thei.



"Olivia, Inchungah lo han chho rih rawh"


"Enga!"


Ka lo ti deuh hû a,


"Nakinah ka rawn ko ang che, thil tih fel tûr ka nei, I hmuh vè chî a ni lo"



A tih chuan inchung lam chu muangchâng chuan ka pan dâ dâ a, hmeichhe pakhat lek khutia râl beih chiâm a ngâi amawni le.



____________



RINPUIA POV





"Sawi rawh le, ka zaidamna hian a tlin rei vak dâwn lo ania"


a tap ri hak a, khawngaih na pakhat mah ka nei tawh lo, min lo bum chiang lutuk hi ka zak zâwk.


"Ka râi lo, dâwt vek anih kha, chuan nangpawh khân vawikhat mah min khawih lo"


Tap âw tiau hian arawn ti a, Thartea nen chuan kan in melh zawk ringawt.


"Anih engvângin nge min bum?"



"Mipakhat in i hotelah hna ruak a awm thû min hrilh a, ka rawn thawh tirh kha chuan harsatna em em nei lo in ka thawk zèl a, mahse ka hlawh kha ka kham khawp lo, inluah man a to si, chuan hna min kawh hmuh sak tupâ khân ka bum thei che nih chuan sum tam tak min pèk a tiam a"



"Tunge chûpa chu?"



"Ka hre lo, putar vè tawh deuh leh Tlangvâl la tha lai tak an ni, an hmèl chu hmu ila ka la hria ang"



Ka hrethiám chiah e, ka pu tih ngèi a ni, kan lakah hian game khelh an tum tih ka hre mai, mahse hei hi an hre lo a ni, an mi chhawrnû hi mi fing tak a ni lo tih hi, ka lakah game an khèl a , an game chu keimân ka thunun tawh ang.



"A tha e, kan inthen vat tûr thû hi an rawn biak vèleh che i hrilh dawn nia, hetah i chèng ve a, chuvângin a nupui chhuah a tum ti ang che"




"Mahse sir"


"Ka sawi anga iti lo anih chuan dân angin ka khing ang che, alo berah kum 6 vèl chu i tân ka ring"



A hmèl atang chuan hlauhthâwn na ka hmu thei,


"Awle, ka lo ti ang"



Hreh hmèl zet hian a ti a, zan in hian engkim ka ti tâwp ang, ka kham zo zâi tawh lutuk.





"Urinpui"




Oliviai âw a ni, hmanhmaw lutuk chuan inchung lamah ka tlân chho a, ani pawh kan room atangin arawn chhuak ve chiah bawk, a mittui chu a tla deuh phang a, a thlaphâng hmèl chu hrethiám lo zetin ka enkar a.


"Ihh...ka pa...."



"Hahdam la, tha deuh sawi rawh le"



A biang tawn tawnah chuan ka vuan a, a hrawka hnawh tû awm ang mai hian a thaw kâwk kâwk mai.


"Ka pa a chesual a, tûnah khân, Civil hospital ah an dah lût mèk"



Arawn ti chhuak hawk a, ka lo kuah nghâl vang vang bawk, ka âwmah chuan a hmâi chu phûmin a inhnît feih feih a.


"A tha ang, Tap suh le, engtin mah a awm dâwn hleinèm"


Ka lo hnèm mawlh mawlh a,


"Hawh kal nghâl ang"




Tap tiau hian arawn ti a, zanriah pawh ei tawh lo chuan hmanhmawh takin Civil hospital lam chu kan pan nghâl vat bawk.


OLIVIA POV




Casualty lamah chuan kan kal phei a, Ka nuhrawn in min rawn hmuh vèleh chuan min rawn pan nghâl vat.


"Zai nghâl angai a"



"Engtia chesual nge?"



Urinpuia chuan alo ti zung zung a, kei erawh ka hah èm vângin ka tawng tha peih dèr lo, ka ril a tâm deuh bawk a ka châu nghulh mai.


"Reubena nèn an chhuak dûn a, Reubena pawn alû ah hliâm a nei a, saw lai saw a mu"



Ka nu kawhna lam ka hawi chu Reuben leh Nurse pakhat hi an lo inbe mawlh mawlh a, a inhliâm lai pawn ala lèrh peih tho anih dâwn saw.




Doctor arawn kal chuan Urinpuia chuan a hming te a sign nghâl zung zung a, Doctor chu Urinpuia Thian tha tak alo ni hlauh bawk, hmèl fai vung mai hi a ni a, Urinpuia angin apa lian vetho bawk.

(ITZHAK A CHANGTUPA MUANPUIA KHA AW😉)


"Muana, ka pa chu a dinhmun athalo viau em?"



"A hliam hi thalai chu ni se chu han zai hluaina tham a ni lèm lo, mahse A kum alo upat ve tawh mai bâkah pumpui ulcer te alo nei a, zu lam a ti ve deuh nge a thin lam pawh a tha chiah lo"




Ka mit nghâl sulh a, ka pa hi heti maia kal tîr chu ka phallo bur, Engtia chesual nge maw an nih le? Ka hrethiam lo takzet a ni, he khawvèla ka thisen zawm neih chhun ani tawh asin le.



"Hei hi ka nupui ania"


Tihpahin Urinpuia chuan ka hnungah chuan arawn tawk zauh a, Peih lo viau mahila a thian te ani sia tiin ka lo nuih lui sak a, Chibai min rawn bûk thuak a.


"Nakinah kan nu nèn la in hmèlhriat ve ula tha ang, engpawh ni se kan la inkâwm dâwn nia"


Tihpah chuan akal leh vut a, thaw hak pahin URinpuia chu ka nghèng hnawk a, din mar pawh ka harsat tial tial mai, tinge ka lû tehi a rih bûr le? Chaw ka ei loh vâng kha nge ni anga, damdawiin boruak hi ka zolo zâwk pawh ka hre lo.


"Lo va haw mai tache, hetah ka lo awm zâwk ange"



A rawn ti sup a, ngâwi reng chuan ka lû ka thing ringawt,


"Ka thianpa hnènah khân helai hnâi ah hian mutna tûr a awm em tih ka va zâwt däwn em ni ang?"





"Mmm...."



Ka ti leh ringawt a, a thianpa Doctor awmna lam pan khán akal nghâl vut a.


khum techu ka hmu tâi tûk mai, minute 5 hnû velah chuan arawn lèt leh a,


"Helai hnâi mai ah hian an in a awm a, tah chuan châwl hahdam lawk rawh aw, kè pawn i duh duh hunah i rawn kal thei ang"



A tih chuan ka lo remti ve mai a, tûna ka châk ber chu mut leh ei a ni mai, ka taksa chau nghulh chuan ka mut te arawn ti chhuak a, ka pa ka ngaihtuah vetho bawk si.



___________




Kawng chèp tak thui vak lo kan tlân hnû chuan in lian ve deuh, han ti mai ila lian lutuk lo tâwk rèn râwn tak zâwnah hian a ding chat a, keipawh ka chhuak vè nghâl bawk, alo èng deuh uâr mai.




Urinpuia chuan min rawn dawm vat a, doorbell chu a hmet ri nghâl bawk.



Hmeichhe pakhat, keimah aia tè hret hmaibial chîm chèm hmeltha reuh deuh hian nui sâng hian kawngkhâr chu arawn hawng a, a dul en mai chuan a râi tih a hriat lutuk lo na a, hmeichhia fa nei tawh chuan an hre nghâl mai thei ang, mipa naupang kum li mi vèl duhawm zet mai hi arawn dâk ve dèk dèk bawk.



"Ehe Rinpui, lo lût rawh u"



Alo ti nghâl sawk sawk a, Urinpuia chuan muangchâng hian min hruai lût nghâl bawk, Sofa ah chuan ka thu hnawk a, ka din rei vâng aniang ka hahdam huai mai.



"Ka rawn kal lohna a rei tawh lutuka Aizâwl ah in awm tih ka lo hre miah lo a"


Urinpuia chuan ati a, Doctor nupui kha a ni tih ka hre nghâl bawk.


"Nia, Civilah an sawn leh ta sia, Kan pa chu in hmu mi?"


"Aw, ka pa a chesual a, zanriah pawh ei hman lo in kan rawn tlân a, kan nu hian a chauh phah deuh a"




A thil tih lai chu dahin kan bulah chuan arawn thu thla ve a, a hmeltha nâ a nulian tak chu ani lo, mahse keichuan nalh ka lo ti zâwk, An pa nèn chuan an in hmeh viau in ka ring.



"Indim tûr asin, i puar ve tawh sia, ei tûr ka lo siam ang che, Rinpui i duh leh kalsan rawh innu chu"



Choka atang chuan arawn ti lâng lâng a, a raino chungpawn a hrisèl tha in a zuan a zâng phiân mai, a pahnih na tûr anih vâng nge? Ka raino khân la na lutuk lo mahila ka zawi èm èm reng kha nia.



"Ni e kal rawh, ka nu kha a thlâ alo phâng lutuk ang"



Ka lo ti ve sap a, ka âw techu a lâwi rût mai, ka awm dân chu hrehawm ka ti ngèi mai.


"Awle, Sangtei anih saw aw, nang aiin upat na atam vak lo ang, a hmingin i duh leh iko dâwn nia"




A tih chuan ka lo bu nghauh a, Urinpuia thianpa nupui chu rawn lèt leh in


"Innu chu lo ngaihtuah duh suh"

Nèl awm zet hian alo ti a,

"Ni e, in lo awm hlauh chu a tih zia hlè mai, Anih ka kalsan dâwn nia, Oliviai nih hi, Note an ti bawk a, i duh duhin lo ko mai rawh"



A thianpa nupui chuan min rawn en in a nui sak a, URinpuia chu a tlânchhuak zui nghâl bawk,


"Rinpui kan pa chu min lo biak rawh aw"



Nui har har pah chuan ati zui lâng lâng a, ala ât ve hmèl hle mai, ka lo nui ve sak sak ringawt.



"Hawh rawn ei ta che, chaw hmeh hi ka siam thiam vak lo a, mahse ka pasal leh ka fapa hi chuan an sawisèl ngai lèm lo"


A ti bawrh bawrh a, inthlahrung zet chuan an chaw ei dawhkân chu ka kîl ve a, an in vawikhat kalna a chaw ei nghâl ngawt chu ka zak ve deuh.


"Awmpui dang in nei lo ami?"



"Ka thiannu in min awmpui reng thin a, pasal min neihsan ta daih sia, bâkah keimah ngei ina inchhûng khur enkawl hi ka duh zâwk a"



A ti siam siam a, ka ngaisâng ru phian, awmpui chhawrna tûr techu an neih dâwn teh lûl nen,a chawhmeh min chhawp chu thlâi hring lam deuh hlîr a ni a, bawngsa kan a awm bawk, ka ei tui phiân lehnghâl, hetianga an kan ngâi pawh hi ka la hre lo, a tui takzet a ni.


"I bawngsa siam dân chu a tui ngèi mai"



Ka'n ti ve sap a,


"Ka thiannu te hian Hotel lian vak lo an nei a, chuta an cook chuan siamtui dân min hrilh thin a"



Nui var var chuan ati leh a, a fapa chuan ngâwi rengin kil khatah balhlâ alo ei mial mial a, a mitmeng a fiahin a hmûi chu a sen chek a, a ngo reuh bawk si, a ngawi châwi em em lehnghâl.


"Bawihte, adang ila duh em?"


Anu chuan a ti a, a fapa chuan ngâwi rengin a lo bu nghauh nghauh mai, a tawng thei lo amaw ka tia hiâl zawk.


"A ngâwi châwi lutuk a, apa pawh hian mak ati thin, an inchhun fuh tehrèng nèn hian"



Fridge atanga balhla lâk chhuah pah chuan a ti a, mipa naupang tè chu en in ka lo nuih sak ringawt, apa pawh a chhûn ve lek lek a, mahse a chhun tak erawh hriatthiam har ka ti.

________



Chaw ei kham chuan Usangtei chuan kuhva thlum min pe a, ei dûn pah chuan kan ti ti mial mial bawk, a tawng duh reuh sia, a bulah chuan keipawh ka ngâwi reng thei bîk lo.




"Rinpuia chu nupui nei tûr hian kan nawr nasa thei lawm, hmeichhia hi ka ring thei tawh lo ati tlat a, a lèng tar dâwn maw kan lo ti hman tawh a"



A fapa pawm chung chuan ati a, An pâ nèn an in hriattirha a chèt thin theih zia techu a sawi a, ka lo nuih pui nasa mai, ka pa dam lo pawh ka hre chang tawh lo.




"Inkâwm ziah thei ila, Bawihtea hi ka la rawn lènpui ang, ka puar deuh hun chuan kan pa hian lèn a phal dâwn si lo a, kan awmna hmasa chu keimahni khua a nia , ka lèng reng thin a, helama kan awm hnû hi chuan lènna tûr pawh a vâng tawh, ka khua ahar ru thei ania"




"Keipawn tûmah ka kâwm ngai lo, ka khua ahar thei râpthlâk"



Ka lo ti ve mai a, kei aiin upa mahse a mâwl reuh sia, a nui ring thei bawk si, kan in mil phiân a, nuam ka ti ngèi mai.



Kan ti ti mawlh mawlh lai chuan Urinpuia leh A thianpa chu an rawn lût hlawl a,


"Ehè...kuhva te in lo ei alaw?"



A thianpa chuan nui sûng hian ati a, Doctor bula kuhva ei chu ka inthlahrung deuh, mahse annu pawn a ei tho tiin ka inthiâm chawp a.


"Tûkina ka lei kha ka lo la nei a, kuhva thlum alawm kan ei"


Sangtei chuan alo ti ve vat a,


"Enge ka pa chu a an a?"



"Ka zai hlawhtling e, i rilru ti hah duhsuh, a tha veleh mai ang, a kum a upa tawh atuar na deuh aniang"


Urinpuia thianpa chuan ati a, ka la nèl vak loh vângin ka bu nghauh ringawt, ka pa ringawt ka ngaihtuah a, Reubena ka lo ngaihtuah tawh lo rèng rèng.


"Reubena chu, eng a an i hria em?"


Urinpuia ka bula lo thu thla mèk chu ka zâwt a,


"Ani pawh a tha e"


Ati deuh sup a, mahse a hmèl atang chuan thil dik lo a awm in ka hria, zawhna hun a ni chiahin ka hre lo a ka zâwt tawh ta lèm lo.




A thianpa te inah chuan thingpui te kan in zo ta bawk a, keini pawh háw zai kan rèl ve vat a, Dar 10 pm alo ri dâwn thuâk tawh nèn.


___________



Car chu ngâwi reng hian akhalh a, indim ka ngaih tawh vângin a khalh muang hlè.


"Engemaw min hrilh tûr inei tlatin ka hria"



A hmèl enkar chuan ka ti a,


"Nakinah, a hun a thlen hunah ka hrilh zâwk ang che, Reubena hi hnaih tawh suh ang che"



A ti deuh nghut a, hrethiâm lo zet chuan ka enkar ringawt, a thîk ti dâwn ila khâng hun chhûng zawng zawng tekhân tinge engmah asawi sî loh?


"Ngati maw? Ani techu kan inkâr i hriat chian èm kha"


Ka lo ti deuh nag nang a,


"Olivia khawngaihin, harsa viau mahse ka thû hi chu zâwm hrâm teh"


Ati vawt leh ruih a, a hmèl atang chuan Reubena a haw hlè anih ka ring, a mit meng rum lutuk leh a inseh ruh nasa lutuk chuan min hlâu lek lek zâwk.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 5:48 pm

SWEET NIGHT CHAPTER-24


BY

HLUTEI JOCUND PACHUAU

Anxiety leh Depression ka neih vângin arawn zual deuh a, ka awm dân leh min nghawng dân chu in hriat thuâk tawh ka ring,engmah ka ngaihtuah theih loh vângin ka rawn dah thei lawk lo a, ka thianpa lo boral leh zèl bawk nèn, ka châwl rei deuh a min lo ngaidam ru aw....Click tho bawk ula😂








RINPUIA POV




In kan thlen chuan Oliviai chu a lungâwi zân lo tih ka hria, engkim hrilh vek ka duh tawh, khâng thil zawng zawng tekha ka zèp reng theih a ni dâwn chuang lo, mahse awlsam taka hrilh tlang pawp erawh harsa ka ti, Siamtei room lamah chuan ka kalsan nghâl a, ngaih loh lamah a ngaih loh hrâm ka beisei.



Siamtei chu ka lût thâwmah chuan alo phu deuh zawk a, hlauhthâwn hmèl zet hian min enkar mai, ka hnunglam a melh kar dânah chuan thil dik lo a awm anih ringin ka hawi lèt ve vut a, Oliviai chuan ngâwi reng hian min lo zui ve reng chu niin.



"Enge hetah tih itum?"



A tawngdân chang fak atang chuan a thinrim tih ka hria, ni e, a hmuh lai ngèi hian fin fiah zâwk ila athat ka ring.


"Lawkin"


Tihpahin ka phone chu ka phawrh a, WhatsApp ah chuan lût in Reubena'n Oliviai nèn an thlalâk Dp a ahman chu ka hmet chhuak a.


"Hepa hi ani tiraw kan laka i chèt dân tûr hrilh thin tu che putar lo zâwk kha?"


Tiin Siamtei hmâ ah chuan ka phone chu ka keng vû a, Siamtei chuan chiangzeta rawn en hnâiin a mengdur deuh khâih a,


"Aw, amah ngèi a ni"



Ka thinrim lutuk chu ka thaw hrâwk a, ka phone chu paih pawp mai ka duh, Oliviai hrilh hai hmèl chu rum zet hian ka en a, min hlauh hmèl deuh,


"I thian duhtak chuan hnunglam atangin min lo bei reng anih hi"


Tih nghut pahin room atang chuan ka chhuak a, kan room ka lût chiah chu ka thinrimna rawn so but but chu bengdaih tumin thâwk ka'n la hawk a, ka necktie chu phelhin ka kamis techu ka phelh sawk sawk a.



"Siamtei khân alo hresual palh pawh a ni thei sin"



Ala rawn ti hrâm, Reuben chu ala tan ve tâng tâng mai, a âwm chu ka ti, mahse heti khawpa a tan hi Oliviai chu ka ngei lek lek zâwk, mipa a zawnga thîkthu chhelo ber leh zaidam ber ti a sawi tûr chu ni lo mahila, Zaidam pâwl leh thîkthu chhelo pâwl chu ka ni ve, chuvâng a Reubena pawh thîk ena en ngâi lo ka ni, mipa tam tak chu ni se an thîk ang, ka chiang.


"Olivia a tâwk, sawi tawh suh"



Thinrim insûm zet chuan ka ti nghut a, a ngâwi ta rân mai, inbual tûr chuan ka luhsan ta nghâl a.



Shower tui vawt hek hawka ka inbual lai chuan ka in ngaihtuah nasa lutuk chu ka hah ngut ngut mai, Ka pa kha an zai hmâ khân reilote chu arawn harh chhuak a, tah khân Reubena awm dân râpthlâk lutuk leh Reubena chuan akawng dâl tû anih thu sawiin thah hiâl a tum thû asawi bawk.



Ka pa chu ka lainat hlè a, Oliviai chu hrilh vek duh mahila a thâwng dâwn tih ka chiang, bâkah nau a pâi si a, rilru na rèng rènga a awm chuan atân leh naute tân athat ka ring bawk si lo, chutianga a awm chu ka phallo bawk.


OLIVIA POV




Urinpuia thusawi chu âwih harsa ka ti reng, Engtin nge ka thiantha berin ka hnunglam atanga min lo bei theih? Thil theih a ni lo, Reuben hi ka hrechiang, bâkah Urinpuia pû daih te ava thurual puina chhan tûr pawh a awm hek lo




Hmanhmawh takin Siamtei room lam chu ka pan leh dâwr dâwr a.




Khumah chuan thu in min lo enkar mai, a hmèl atang chuan min hlauh hmèl tlata hriatna ka nei.



"Khapâ kha ani tih i chiâng em?"



Ka'n ti nghâl hrâwk a, min en deuh hâ mai.


"Aw....vawi 2 lai ka mutpui tawh khâ mipa zei lutuk kha engtin nge ka theihnghilh theih ang? A hrim hrim in inkârah enge awm a?"



"I hriat a ngai lo"



Tihpahin ka chhuak leh nal nal a, dâwt a sawi ka ring si lo, dâwt sawina hun pawh a ni lo hrim hrim bawk a.



Kan room ka thlen leh chuan URinpuia chu ngâwi reng hian alo inthlâk sut sut a, min be lo a min en hek lo, ka lakah a lungâwi chiah lo tih ka hria, ka lo mâwl èm a ni, kha leh chen ka kianga awm thin kha rinhlehna châng pawh ka hre lo chu nia, khumah chuan thu in ka en ngâi chu ka enkar reng a, ka in ngaihtuah nasa lutuk hi ka hah ngut ngut thei.




Urinpuia chu ngâwi rengin ka bulah chuan arawn thu thla ve a, ka kut sik niap niap lai chu a kut lian zet hian arawn hûm lum vang vang a, rang zetin a hmèl chu ka en vat.



"Ka thusawi tûr hi ngun takin lo ngâithla rawh, mak iti anga, i rilru anat ka ring bawk, mahse ka zèp reng thei tawh lo a ni"



"Enge?"



Ka lo ti hâ a, a sawi hreh hmèl dân atang hian thu lawmawm chu a ni lo tih ka man thiâm mai, ka hlauhthâwn rual rualin ka hre châk et et tho mai.



"Boihi kei hian tual ka that tawh, ila hria em? Hmânzâna Kan chhûngkua in game kan khelh thin kha, khami kha i mumang ni lo in a tak tak a ni, chuan nangmah pâwngsual tum tû che kha Thartea ni lo in ka patea nupui nau kha ania, Thartea angin i hmû anih kha, Chuan kei hian ka that bawk, mahse keipawn a ruang kha engtin nge a awm ka hre zui tawh lo, dârthlalang chhûnga room tekha a tak vek a ni, Chuan ipa te in a i kal ni a Reubena'n thlah hâw tûr ang che a a in sawi khân Ka pu te inah khân a hruai che a, engtin nge an lo tih chiah che ka hre lo, ka rawn thlen chuan Sahel ilo ei mawlh mawlh a, khâng zawng zawng kha thudik vek a ni, Chuan Reubena khân ipa kha thah a tum bawk, a chhan erawh ka hre lo, keipawn mak ka ti ve tho"



A sawi zawh chuan a thaw huai a, min thâwng em em hran lo, ka rin sa ania, an chhûngkaw awmdân kha chu film ah tepawh ka lo hmuh thin tawh anih vángin ka ring duh lo lui kha ania, ka thinlung chhûnga rinhlehna erawh a reh theilo chu anih kha,mahse ka pasalin tual a that kher kha chuan min ti lungngâi takzet a ni, ka mittui rawn tling pam kar atang chuan ka pasal hmèl ngui ruih chu ka enkar a.



"Ka hrethiám alawm, hèng zawng zawng hi i pu thlen tîr vek kha a ni, amah vek kha alawm, Dâwithiâm a nih kha, Min ring rawh"



Tap âw deuh titih chuan ka ti a, âwih loh hmèl zet hian min enkur mai.



"I rin dân mai mai anih kha"



Ati sup a,


"Ani lo, ka lakah te, inu, ipa, ka pa te, kan chungah hian dik lo takin thil an ti alawm, Reubena pawh kha an dâwi vek anih ka ring, URinpui min ring rawh, Reubena chu chutiang mî a ni lo, ka nû leh ipa pawh kha vawikhat mah an in ngâizâwng ngai lo, ka pa lakah ver vèk takin an chèt vâng a nih kha, ka pa pawh khân i nu leh ipa kha a that lo, ka chiâng lutuk tlat, Engkim hi ipa sum an duh vâng te, inu an huat vâng tea thil thleng vek a ni, inu pawh kha vawi tam pâwngsual ania sin, engkim ka hre vek"



Tap chung chuan ka ti ta phiâr phiâr a, mengdur khûih chung hian min enkur mai, a mitmeng atang chuan natna leh thinrimna a inchawhpawlh nawk mai.


"Chûng zawng zawng chu khawi atangin nge i hriat?"



"Chu chu apawimawh lo, khawngaihin ka thusawi hi ring hrâm rawh"




"Awle a tha e"



Tih suppah chuan min kuah ta hlû hlû a, a âwmah chuan ka inhnît hlawp hlawp ringawt, ani pawh a thaw chhuak hawk a,keipawh ka nat rual rualin ka pasal natna chu anasa zâwk fè tih ka hria.




NEXT MORNING





Tûkthuan eikham chuan hreh hlè mahse Office chu min kalsan a, mahse chawhnu ah hospital lama kal tûrin min rawn lam leh a tum tho a, chu chu remchângah lâ in Reubena te ina kal tûr chuan ka insiâm nghâl a.



Ka pum chu a hnawk ve tawh reuh phiân lehnghâl, Mawitei chu engemaw palh ah ka kalna tûr ka hrilh thlap a, pu ber erawh hrilh rih lo tûrin ka ti, tûllo ah min ngaihtuah leh vak ka hlâu.






___________





Reuben te in ka thleng chu alo reh thiâp mai, tûmah an awm lo a nih dâwn hi.




"Reuben i awm em?"




Au.....lauh lauh pah chuan a room lam chu ka pan a, a room ka hawng chu alo thim ruih mai,


"Hetah ka awm"



A rawn ti thûm deuh dût a, ka phu zawk thei, khumah chuan alo mu hlûn a, muangchâng chuan arawn tho chhuak tuih tuih mai, a hmâi chu a tuai puat a, biangsum lang sèih chuan min nuih leh var var tawh.



Ka thiantha tak hi ka chân hlen ang tih ka hlâu takzet a ni.



"Enge i an? Ka ngaihtuah lutuk che a"



Pângâi taka awm ka tum, mahse ka lungphû erawh ka control thei lo, tûna ka biak mèk hi ka thian a ni tawh lo tih ka hria, puih ka duh takzet a ni, lang lo lam atang chuan ka puihna a ngen ngawih ngawih ka ring tlat.




"Ka tha lutuk alawm, ipa chu arawn harh chhuak tawh em?"



Parda chu a siam tha mawlh mawlh a, nizung arawn lût èng nghâl ut mai, ti hi chuan tlèmin ka hlauh rûkna pawh a zia deuh.


"Ala harh chhuak thei lo, i tha takzet tiraw?"



Ka'n ti chhunzawm lehnghâl zat a,


"Ka tha mah mah"



Tih suppahin a khum bula tui chu a in khawlh a, ka lamah chuan a tuiin chu a rawn dah hnâi a, ka tui in alo hâl ve tawh tho bawk a, ngaihthat lohna em em pawh neilo in ka in ve nghâl khawlh khawlh mai, ka inzo chu ka pe leh mai a.



Reubena hmèl chiang taka ka en hian engemaw ka ngaihtuahna ah arawn lang zuai zuai mai,car a ka awm laia palian pui puiin min pawt chhuak lai chu ka mitthlâ ah arawn lang zuai zuai a, ka chhîng sawk sawk thei, ka lû chu ka dawm vang vang a, ka lû arawn hai nghâl muai muai mai.



"I tha em?"



Tihpaha min rawn vawn techuan a hmèl chu ka en a, ka khaw hmuh a fiah lo ruai thei,

"Engtin nge ka awm a?"

Thei leh theilo chuan ka ti chhuak sap a.


"Olivia, engtin nge i awm a?"



Chû âw techu hla tak atang hian ka hre ruai ruai a, ka ding mar thei lo, ka taksa chu arawn zawi hnawk a, a thim ta mup mai.


_________________


Ka awmna hi damdawi in niin ka hria, ka hmu fiah thei lo, Light èng de ruai chu a phe zuai zuai a, ka kap zâwn techu a huh hlup mai, ka taksa chu ka thunun theih sîloh hian a zawi vek a, ka ngaihtuahna techu a â vek hian ka hria.



RINPUIA POV




In ka thleng chu Olivia'in inpeih at in pawn lamah min lo nghah ka ring ania, min lo la nghâk awzâwng lo, hmanhmawh zet chuan ka tlân lût a, apa a harh tawh asin le.



"Olivia"


Ka'n ti lût lûng lûng a, Siamtei leh Mawitei chuan min lo en hâ mai.



"Mawite khawnge ipi?"



"Office kal tûra i chhuah hnû deuh lawk khân Reubena te inah a kal ve nghâl a"



Alo ti ban chap a, hlauhthâwn na in min rawn bawh nghâl, engmah sawi tawh lo in ka tlân chhuak leh a, car chu ti nungin a rang arang chuan Reubena te in lam chu ka pan nghâl a.



Engvângin nge maw alo va kal thawt thawt thin le, Olivia lehh....




___________




Reuben te in ka thleng chu doorbell ka hmet ri nghâl mawlh mawlh a, Hmeichhe pakhat hmeltha zet mai Reubena nèn pawh an in an ve lek lek vângin a ûnaunu anih ka ring nghâl mai, chû nû chuan alo hawng vat a, min enkar mai.


"Enge nita?"



Aw thâm lek lek hian alo ti sap a,


"Aa...ihhh...ka nupui Oliviai alo kal mial em?"



"Kal miah lo"



Dâwt sawi hmèl apu lo, ka mangang tawh takzet a ni,


"Anih Reuben chu a awm em?"



"Aih, nimin khân A zin daih alawm, a zinna tûr pawh a sawi lo, ka'n call dâwn ami?"



"A ngai lo e, ka lawm e"



Tihpah chuan ka car lam chu ka pan leh nghâl a.



Ka mangang tawh takzet a ni, ka nupui chu khawnge a awm ang?, Ka call a chhâng thei lo, Reuben lah switch off a in ti bawk si, nimin atanga a zin bo chuan an in hmu lo tawp ang.



OLIVIAI POV





Ka meng deuh diar diar a, ka khawhmuh pawh arawn fiah tial tial mai, ka awmna chu ka enkual a, kan room a ni lo tih ka hria, thawh thut ka tum a, ka lû a hai lutuk, ka luak tèp a ni, mahse chu âi mah chuan, ka pum chu ka'n khawih a, alo thèp vek, alo inbel tuk bawk a.


"Khawnge ka naute?"


Ka âw pawh a chhuak tha thei lo, ka pum chu ka dap ruai a, ka naute kha a awm lo tih ka hriat rual chuan ka tap nghâl tawp, ka âw a chhuak tha thei lo, ka dangro huam huam pawh ka ngâipawimawh tawh lo, ka naute chu engtin nge a awm ang tih ngaihtuahin ka tap tawp a.



Kawngkhâr ri rawk ka hriat rual chu ka tap bâng chiang kher mai, Reuben chu ngâwireng hian rawn lûtin bag ah hian chawhmeh chi hrang hrang hi arawn khâi lût a, ka lo en tlawk tlawk ringawt.


"Ilo harh tawh alaw? Vawiin tlai chu keimán eirawng ka'n bâwl ange aw, i ril a tâm tawh viau ang"



Zâng vah hian a ti a, mak ka tihna chu dah tha in ka thinrimna chu arawn lang tan ta.



"Reuben khawnge ka naute kha?"



Aw lâwi rût chuan ka'n ti a, ka bula tui chu la in ka in nghâl khawlh khawlh mai, ka zia hawkin ka hria, Reuben lah chuan min chhân tum hmèl pawn a awm lo, kan awmna chu a reh in sava hrâm ri bâk hriattûr a awm lo, kan awmna chu thing in a ni a, a lian lo hlè bawk.


"Reuben khawnge ka naute? Chuan kan awmna hi khawilai hmun nge?"




A aia awki sáng chuan ka'n ti thawt a, ka luak tèp thei, ka tho ngam bawk si lo, ka mittui lah chu a luang reng lehnghâl.



Chutah min rawn en in a nui var var a,a chhîngsiar a, a biangsum a lang leh kâk tawh.


"Kan awmna hi maw? Ramhnuai ania, tûmah an rawn kal zen zen lo, chuan Aizâwl district a ni lo bawk"



Pângâi tak hian a ti a, Reubena kha ala ni tak tak em? Ka âwih thei lo, ka tap nghâl hak a, ka che tha thei dèr bawk si lo, URinpuia te, ka pa te, min ngaihtuah tawh viau ang.


"I naute kha i chhiat a, an zai che a, ni hnih vèl i mut hnû in hetah ka hruai che"



Chawhmeh Engemaw chan mawlh mawlh pah hian a ti a, min en bawk hek lo.


"Ni lo, a ni thei lo"



Ka hmâi chu hupin ka tap tawp a,


"Kan pahnih in tûma tihbuai lohna ah kan awm hi nui tache"



Min rawn pan hnâiin ka chal si chèt hian arawn ti a, ka hmâi hupna ka kut chu min lâk thlâk sak bawk, tang tûr pawn thâ ka nei lo.


"Reuben khawngaihin min hruai haw rawh"




Tap tiau chuan ka ti a,


"A theih loh, ka tuar rei tawh, engtikah mah ka kal tîr tawh lo ang che"



Tih nghut pahin a chawhmeh siamna lam chu apan leh a, a thil tih lai chu a tihzawm leh mial mial bawk.



"Pasal nei lai ka nih hi, ka pasal ka hmangaih bawk, mi â ang mai khân awm lo teh"



Ngèn ngâwl zet chuan ka ti a, a thil chan lai chu dah burin dawhkân chu a bèng thuai a, ka thian a ni tawh lo tih ka hria, ka hlâu tawh tlat, a thinrim hmèl sen tâwn tâwn leh a mitmeng râpthlâk lutuk chuan min ti khûr ru der der thei.


"Ka hmangaih che, ka tâ chauh ini bawk ang, Hrehawm ka tuar rei tawh lutuk, Ka hmangaihna kha i hnâwl a, mahse keichuan engtikah mah ka kalsan dâwn lo che"



A chemte ken laia min tin vûng pah chuan a ti khûr hlawk hlawk a, tah pawh ka tap ri ngam lo, ka chil ka lem khawlh ringawt.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)