KA LALNU BY Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: KA LALNU BY Hlutei Jocund Pachuau (Completed)

Unread post by Ngaia » August 30th, 2020, 9:54 pm

2 YEARS LATER






LALREMRUATA





Ka pa in min boral sanna pawh kum 2 alo liam ve ta reng mai, aboral zân khân ka phone ka thlauh chhe palh a, Kiki i pawh ka be thei ta lo kha nia, a nu lah biak theih a ni tawh lo.



Ka patea hi Aizawl lamah sumdâwng lian tak niin in lian tak pawh a nei, fa a neih theih loh vângin a nupui hian a then a, tûnah ka patea leh zêl pawh aboral leh tâk avângin a neih ro sum zawng zawng chu ka kutah a dah ta kha nia, Ka pa te unau hi pahnih chiah an awm a, patea hian fapa a awh thin êm vâng khân keipawh min duat thei khawp mai, thian ang chiahin kan in kâwm thin kha nia, Lungleia ka putea te ina lehkha ka zirlai zawng zawng pawn ka zir man hi min tum sak vek anih kha.





Kan chhûngkua ah hian mipa awm chhun ka ni ta chu a ro pawh min khâwm tîr anih kha, Ka patea chuan petrol pump pakhat Aizawl district ah hian a nei a, Inchhûng bungraw zawrhna dawr lian tak a nei bawk, Aizâwl ah hian In hmun tam tak neiin in asa nual a, sum chu a ngah ve khawp mai, ka u chiah hmeichhia a pasal nena inthen hlim hlawl leh ka nu te nen Patea in Aizawl lamah chuan kan awm thla ta tawp a, Bâkah hei hi Patea hian kan luah ho tura asak hrim hrim a ni, ka pa kha in la pâ ve tak a nih vâng khân Patea tanpui hi a duh ngai lo a, a in sakah pawh awm duh lo in helai thingtlânga lo nei a eizawn kha a thlang zâwk ta kha nia, kan khaw lama kan in erawh midang kan luahtîr thung.



Kan chhûngkua hetiang kan nih nuaih tâkah chuan Kiki i rêng ka be hman ta lo, an ni pawn min rawn be tawh ngai lo, Aizawla kan chhuk thlâk vêleh An in chu ka va tlawh a, an in chu an lo luah tawh lo, mak ka tiin hrehawm ka ti thei hlê.





Thla 5 dawn chu Kiki i zawngin ka hun ka hmang a, hnâ erawh ka thawk pah reng tho.



Kum 2 lai aliam hnû chuan ka beidawng ve ta, Thlakhat liam ta khân Mimi i nen kan in hmu leh a, Kiki i te in atanga ka chhuah hnu deuh lawk khân A nu in Mimi i pawh alo bân daih a ni âwm e, ani pawn a hmu zui tawh lo a, Check-up tur pawn an kal ngai tawh ngai loh thû a sawi nghe nghe.




Ka phone kha thlauh chhe lo ila chu tûnah tehian kan awm dûn ngêi âwm si a, ka nu phone atangin Nu Mahruaii techu ka call a, mahse switch off a in ti tlat kha nia, Mahni inthiâm lohna in ka khat tûn reng mai, an nufa khân ka mawhphurhna an ni ve tho si a, mahse tûnah chuan Kiki i pawh ka ngai viau na a zawn erawh ka bân san tawh, mahse amah hmuh tumin ka mit leh beng techu ka la chhi kar reng tho.





Kiki i nên ber kan in biak tawh loh tâkah chuan Mimi i pawh a huang tau sâwt khawp mai, kan in ah pawh vawi 2 vel arawn lêng ve tawh, ka nu leh ka û lah hian an ngaina em em lehnghâl, ka haw hran lo, mahse ka hre lo, ka hmeichhe duhzâwng ani lo ve tawp, han duh lohna chhan em em pawh ka nei chuang lo.




Mizorama vâng ve tak, Cafe Chânmari ah ka hawng thar a, tah chuan ka awm ber thin, a lian ber a, Ka dawr dang angin a ri ve luih luih ngai lo bawk a, a reh ber lai ah office ka nei a, tah chuan hnâ ka thawk tawp zêl, Inchhûng bungraw zawrhna dawr erawh ka u in a nghâk ve thin.





Vawi lehkhata ka khawsak dân rawn in thlâk thut chu achâng chuan dawn sawn thiâm har ka ti thin, mipa nêp ber angin a hmâ a ka kâ a far khat pawh la far ngai lo zu in zauh zauh techu ka chîng chho a, mahse rui chhia erawh ka ni ngai lo, ka nun hi a ruak ngawih ngawih a, tlangvâl a pumpa si hi ka lung hi a lêng em em reng zêl.



Mahse inkhâwm erawh ka theih hrâm chuan thulh ka tum ngâi chuang lo, Ka u lah hian rilru alo ti hah ve leh zèl bawk nên, an pa in an fanu kum 5 mi lek chu lâk a phal tlat lo a, a rawn ko reng bawk, mahse a haw duh tawh tlat bawk si lo, ka nu nên pawh ka u chu kan nawr nasa thei khawp mai, mahse a haw duh tawh tlat lo, kan unau hi ka pa kan chhun vâng nge kan luhlul ngang mai.



Beer in pahin ka hnâ chu ka thawk mial mial a, khua lah chu alum phiân,Chanchinbu hlui eng engemaw tuâmna tûra kan hman thin chu Mapuia leh Ruattei chuan an rawn châwi lût leh mawlh mawlh tawh.



"Customer an tam em?"



Ka lo ti vat a, ka nau te ho hian ka nuihkhât êm vâng hian min hlauh hmêl thei hlawm khawp mai, ka dem hran lo, ka pa boral hnû atang khân za taka han nuih nî hi ka la nei lo reng reng.


"Tam vetho, hnathawk tûr dang kan mamawh belh in ka hria"



Ruattei chuan alo ti vat a, a ni tho mai, an in daih loh theih zia ka hre ve tlat, heti khawpa dâwr lûn ah hian hnathawk tu pathum chauh kan nei ania, pakhat phei chu Waiter tûra kan rawih a ni lo lehnghâl.



"A dik alawm, lo zawng ula"



Ka lo ti ve mai a,


"Ka thiannu hian in hlawh na tûr a duh a, ka lo hrilh ang, a mawng a zâng lutuk, restaurant hrang hrangah a in hlawh kual thin a"


Ruattei bawk chuan alo ti leh a,


"I thu thu le"



An mahni pawh en tawh lêm lo in ka laptop en reng chung chuan ka lo ti vat a, phûr hmel fe hian an chhuak nghâl, a thil rawn dah chu ka melh zawk a, ka en nawn leh ngat.



Chanchin bu hlui tawh tak pakhatah chuan ka hmelhriat thlalâk ka va hmu tlat, rang takin chanchinbu chu ka pawt chhuak a, Dr Lalhruaizêli rûi chunga a duty avângin naupang pahnih in nunna an chân a, amah hi Dr licence tih tâwp sak niin, kum 4 chhûng jail tâng tûra tih a ni bawk.



Ka phu zawk thei, a nî leh thlâ chu ka'n en a, 2017 August 19 alo in ti kuau mai, anih chuan An in atanga ka chhuah hnû lawk kha a ni, ka rei leh....Kiki i kha engtin nge a awm tâk ang?



Hei hi ngati nge Mimi i khân a hriat loh le? Mak ka ti telh telh, a hrereng anga min hrilh duh lo anih ka ring,Nu Mahruaii chu engtin nge rui chunga a duty theih le? Kiki i kal pawh kal thei lo kha tu in nge enkawl ta ang? Zawhna hlîr ....ka buai a ni, ka buai takzet.





Chanchin bu chu ka en vang vang a, Kiki i chanchin an ziak tel ve miah lo, khawnge a awm ang le? Ka ngaihtuah a, nêp ka inti bawk, ka vênghim thei ta si lo, ka vênhim tûr thu vawi tam tak ka lo sawi tekha ngaihtuah lêt in ka zak ngawih ngawih.




"Remruat"


Mimi i âw a ni tih ka hriat vângin hmanhmawh takin chanchinbu chu ka thukrû a, nui ver ver hian arawn lût a, mahni a awm ka duh tehrêng nên.



"Vawiin chu lo lêng la, Tûmah an awm lo"



Pangchang zet hian ati a,


"Awle"


Ka tih chuan lawm hmêl zet hian a nui ta var var mai.



___________



A sawi ang tak tak in an in ah chuan tûmah an lo awm lo, a room ah chuan min hruaiin nghet zet hian min kuah vang vang a, ka kuah lêt ve lêm lo.


"Remruat, ka nghâk rei tawh lutuk che, khawngaihin min hnar tawh lo la"




A rawn ti chuai raih a, ka khawngaih ru ang reng, a chhan chu amah ang tho hian mî tu emaw ka nghâk ve tho, a hrehawm zia ka hre chiang êm a ni, mahse Kiki i ka hmuh a, nun nuam tak a hmang tih ka hriat hun ah chauh midang ka kawp thei ang, anih loh chuan ka thei lo, ni leh lo, min beisei lo law law se ka duh zawk.


A darah chuan vuan in ka namsawn a deuh a, a hmêl chu a ngui raih raih khawp mai.


"Ngati nge Nu Mahruaii chanchin kha min hrilh loh a?"


Min rawn en deuh kâwk, mak ti hmêl a pu in ka hria, a hnû ah chuan a hmêl chu arawn buai deuh nak mai.


"Nia...ka lo sawi hmaih aniang, ka tihpalh lutuk"



A ti veleh mai a, chhuanlam a siam thiam lutuk chu ka ngei lek lek, mahse ka sawi lang lêm lo, sawi duh lohna chhan tha tak a nei pawh a ni mahna.


"Ka kal angai tawh, ka haw phawt ange"



Tihpahin ka in her vut a, ka hnunglam atang chuan mghet zet hian min rawn kuah nia, ka hamhaih deuh nge ka phu zawk thei.


"Kiki i vâng a ni tih ka hria lawm, mahse ani techu a awmna pawh i hre lo a, Remruat khawngaihin"



A tap nia, ka pum zawna a kut suihna chu phelhin alam chu ka hawi a, chhuak zet hian alo tap feih feih mai.


"Kum 1 dawn chu i zawng tawh a bânsan ve a hun tawh lo mi? Mizoramah a awm lo pawh a ni maithei sin"



Inhnît hlap hlap chung hian a ti a,


"Ka hria lawm, mi hrisêl tha pangai chu ni se ka ngaihtuah lutuk tawh in ka ring lo, mahse enkawla buaipui ngai a ni a, chhûngte an nei bawk si lo nen, a nu lah khati mai mai kha nia, hriatthiam tum rawh"


Ka thiâm ang tâwk chuan ka hrilh fiah ve a, a mittui chu a hru ve ta fap fap mai,


"Ka tihpalh"


A rawn ti thâm tiâk a, ka nuih sak,

"Ka kal ange, hmundang tlawh kual tûr ka nei bawk sia"



A bu nghauh nghauh a, ka chhuahsan nghâl vat.




____________


Châu hnêp in ka khumah chuan ka muthla hnawk a, ka lu nat dân chu, ka room kawngkhâr rawn in kik karh karh thâwmah chuan ka tho vat a, ka nu arawn lût, bawnghnute arawn keng nia.



"I chau thei sia, chaw tha ei i mamawh"



Tihpahin a bawnghnute rawn ken chu min pe a, ka lo in ve mai,


"Sawi duh i nei ami?"



Ka lo ti vat a, a nei aniang ka bulah a rawn thu thla ve nghâl.


"Bawiha, kum 27 lai i hmang ve tawh a, nupui neih chu i hun ve tawh in ka hria, Mimi i te in lamah palâi kan tîr ve râwih mai dâwn em ni?"



Ka nu chu ka en vat a, ka hmel a hmuh chuan a inthiam lo leh deuh aniang arawn nui lui hak a.


"I u nên hian kan lo sawi dun tawh a, nula fel tak a ni a nei la chu i vânnei viau in kan ring a, tûn laiah ani anga nula fel hi hmuh tûr an vâng ania"



A'n ti leh a, sawi tûr ka vân kher mai, ka rilru ah Kiki i arawn lang nghâl, thâwk ka la hawk a.


"Nu, ka mawhphurhna ka hlen chhuah hmâ chu nupui neih lam ngaihtuah ka duh lo"



"Kiki i vâng anih chuan theihnghilh tawh rawh, a dam tha ang tih hi ka chiâng a ni, Zan tin kan tawngtai pui reng thin tih i hriat kha"



"Ni lo e, Mimi i chu nula fel tak a ni tih ka hria, amah hmangaih tu dik tak neih a phû"



Ka nu chu beidawn hmèl zet hian a thaw hak a,

"I thu thu le, mahse thil thui tak thlîr la ka duh a ni"


Ka lo bu nghauh a, ka nu pawh a chhuak leh nghâl mai, Mimi i chu mo atân an awt tih ka hria, hmeichhe fing leh fel tak a ni a ka nu leh ka û tih lâwm dân a thiam zia a bu ang thlap a ni, mahse ka hmangaih theih ka in ring tlat lo hi keipawn hrehawm ka ti, a mi zia ah hian sawisèl na lai tûr ka hre lo ang bawkin han duh em em na tûr pawh ka hre tlat lo hi a ni.






NEXT MORNING



Zîng kâr atangin petrol pump lamah ka awm a, ka buai leh hlê tawh, ka car a ka lût tûr chu ka mi hmuh vâng chuan ka ding chat, Petrol lo la mêk pa chuan ka mit ala ngêi mai.


"I dam maw?"


Ka va ti lûng lûng a, Uzuala mak ti hmèl ka hmuh chuan ka nui hak, a rawn nui ve sûng a, ala zo ta maw tih ah min rawn pan nghâl.



"Ehe.......nangpa hi?"


Kan in nuih leh rih thin, kan in ngai bawk aniang kan inkuah lo chauh.



___________


Uzuala chu ka chanchin akip akâwi a ka hrilh hnû in Kiki i chanchin bawk ka zâwt leh a.



"Kiki i ka hmuh hnuhnun ber chu A nu buaina tawh lai vêl kha ania, kan in a lo awm mai turin ka sâwma a duh tlat bawk si lo, ka khawngaih tak tak ania"



A hmêl awm dân tur ka ngaihtuah a ka thinlung ana vawng vawng mai,


"E taka, Kan inbiak chuan Duati bula a awm tûr thû a sawi tak asin"



A rawn ti chhuak hluai a,Ka meng nghâl kâwk mai.


"Bethlehem ah khân an la awm angem le"

Ka lo ti vat a,


"Awm tawh nâng, ani pawh ka hmu ngai tawh lo"



Ka hnual leh ruih mai, mahse beiseina pakhat ka la nei, tûnah chuan Duati zawn a ni tawh mai, ani chu zawn hmuh aharsa tawh in ka ring lo.




Beiseina thar nên phûr zetin Cafe lamah ka phei a, Tûkin chu ka mood a dik thlup mai.


"Ehe...Sir...i lo va kal hma ve, ka thiannu chu ka hmêl hriattîr ang che ka tia alo la thleng lo a, lawkin ka'n phone ange"


Nui sâng hian a ti a, ka mood a dik êm vâng chuan ka lo nghâk ve rân mai.



"Lalduhkim rawn hmanhmawh ve rawh muang thei lutuk"


Ruattei chuan ati nghâl tâwn táwn a, A hming lam vâng chuan a âtthlâk ti chung chungin ka beng ka lo chhi kar mai, phone chu a dah leh mai a.


"Lawkin i thiannu hming chu Lalduhkimi maw?"


Ka lo ti hû a, Mapuia rawn chhuak ve nghâl vat, ani hi pâ zân lo kan tih ang hi a ni bawk.

"Khâ....i hre lo mi? A nu pawh Doctor ni thin a licence an tih tâwp sak tâk kha"



Arawn ti ta sur sur a, mak ti takin an pahnih chuan ka en ngawih ngawih ringawt.




Naktuk zân ka âwl ang aw....

Like, Comment, Click



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:55 pm

Ka story chhiar tu zawng zawng te in mi hriatthiamna ka rawn ngên tak meuh meuh che u, Tûnkâr chhûng ka chawlh angai dâwn a, Ka peih loh vâng leh ka nin vâng a ni lo ania aw, Film siam tûr Story ka ziah a ngaih dâwn vânga châwl tûr ka nia, ka rawn lêt leh thuai ang, in mi hriatthiamna ka ngên tak meuh meuh e.






LALDUHKIMI




Henû lah hi min ti hmanhmawh thei si, Hmanhmawh takin bus ah chuan ka chuang lût a, an la tâwt em em lehnghâl.



Bus seat ah chuan thû in ka kê chu ka ti che reng a, ka en thîn, ka hlim a ni, tûnah chuan ka ke in ka kal leh thei tawh, Kal leh tûra ka beihna leh ka thawhrimna ngaihtuah chuan amak vak lo, midang tân erawh thil mak tak a nih ka ring.



Ka nu in khatianga Vânduaina a tawh atang khán Duati chuan a bula awm tûrin Delhi ah min hruai thla ve a, Uruata'n min rawn biak a tum loh chu sawi loh biak theih a ni tawh si lo, bâkah tihbuai kha ka hreh êm a ni, Duati nu leh pa te lahin zui thla ve tûrin min lo ti ve chhên bawk si a, Hreh tak chungin ka zui thla ve ta nge nge khâ nia.



Delhi ah chuan Hospital pakhatah hian Orthopaedic Doctor fel deuh bulah ka in entîr thin a, mizo tlangvâl a ni nghe nghe, a felin a hmêl hmuh a nuam a, hlim hmêl put loh lai a nei ngai lo, damlo tam tak tán pawh a hmêl vâng ringawt pawn dam sawng sawng na tham a a ni, amah hian min buaipui nasa em em a, kum khat zèn zawn min enkawl hnû ah keipawh damtha pângâi ka ni leh ta, ka nu pawisa khâwl sa zawng zawng ka hmang zo vek a, a tûl tûl ka thawk ve lâwp lâwp zel, Duati'n a zir tûr a zir zawh hnû in Mizoramah Tûnkum kum laihâwl vèl khân kan rawn chho veleh a, Duati nu leh pa techuan an in a awm ve mai tûrin min tina a, mahni a awm ka duh zâwk tlat vângin kan vêngah Mi inhnuai luahin ka khawsa ve ta nâw nâw a, Lehkha ka zir sân lêm loh vângin hna sâng pawh ka melh ngam lo, a châng chuan Hotelah te ka thawk a, a rem rem ka thawk leh mawp mawp tawp, mahse ka hah deuh châng chuan ka kê hi a rawn na thin, indim chu ka ngai ve khawp mai.





Kan in luah tu te luah man atang ringawt pawh hian thawk lo in ka awm mai mai thei na in ka nu lawyer rawih man a to si a, chuta hman tûr chuan ka khêk tawp mai ni, hman then zauh chu ka nei tho, ka nu kha dâwta puh a ni a, hai chhuah ngêi ka tum bawk, Ni e, zu tepawh a in ve zauh thin tih ka hria, midang nû anga chhuan tlâk chu a ni hauh lo, mahse ka hrechiâng ve lutuk tlat, ka nu hi rûi chung hian a duty ngai lo a, a duty ngai bawk hek lo ang, hei hi chu ka hre chiâng ve êm a ni.



"Chanmari a chhuk tûr in awm em?"



Bus conductor in a rawn tih tâkah chuan ka ngaihtuahna atangin ka harh zawk a, hmanhmawh takin ka chhuk thla nghâl vat.



Ruattei sawina lam chu ka pan nghâl dâwr dâwr a.



_________



Ruattei nên hian Hotel pakhata kan thawhna atangin kan in hria a, a felin fiamthû a duh a, hmaichhana mî hau bawrh bawrh ngam chi, Duati anga zak ve tît têt ni lo tawngkam pawh duh tui vak lo hi a ni a, mahse a bula awm chu nuam ka ti, ka nui reng zêl.



Ka thleng ta, PC Cafe tih lo in ziah kalh na kawtah chuan dingin thâwk ka la hawk a, khua lah chu a vawt ve sûk tawh, ka hnâr a thîp hlur mai, khaw vawh lai hi chu ka ning tlat, ka kê dik lo atang khân khua avawh tawh chuan ruh seh ke kham nat ngut ngut ang kha ka nei ziah.




Cafe chu a changkângin a chhûng zau zet leh fai ser chuan mî a hîp khawp ang, tin a thawk te zîng ami nih pawh a nuam bawk ang, hmanhmawh tak chuan ka lût zui ve a.




An lo reh thap mai,


"In awm em?"



Inthlahrung zet chuan ka'n ti a, chutah Cake vêl an remna chhûnglama kawngkhâr chu rawn in hawngin Ruattei arawn chhuak hlawl mai.


"I muang lutuk, Sir hi inhmelhriat tîr ve phawt rawh"



Tihpahin a rawn chhuak a, kawngkhâr chhûnglamah chuan min pawt lût nghâl dâwr dâwr mai.




Dawhkân bawh a laptop lo en ngur ngur pa hmêl ka va hmuh chuan ka ding dat,ka hmuhsual anih ringin ka mit ka nuai a, ka mit vâi pawh a ni lo, ka lungphû te hi an rawn su leh dup dup mai, Ka thin zâwn pawh a rawn na leh vawng vawng tawh, in control hrâm ka tum, mahse a har lutuk, ka awm dân chu ka buai mup mup mai, ka tiril arawn khûr a, tawng nachâng ka hre lo, ka mittui arawn tla mai dâwn in ka hria, milim ang maiin ka ding tawp ringawt.




"Sir hei hi ka thiannu ka sawi chu nia"



Min rawn hmu ta, a mak ti hmêl mawlh chu, ka dem hran lo, ka in hmuh hnuhnun ber kha chuan kal leh tawh lo tûra ngaih ka ni a, mahse tûnah a hmâ ah ngei ah ka ding ta chu ni sia, ani pawn sawi mai tûr a hre lo, a hmêl chu ahmâ ai khân a tha tawh, khabe hmul tlêm a nei bawk, thâwk la hawkin hnuailam chu a bih deuh zuk a.


"Lo va chhuak rawh"



"Aw...awle"


Ruattei chuan min entawn dûn zak zak pah hian a ti a, a chhuak zui nghâl vat.

Kan pahnih chauh kan ni ta, khap miah lo a min en reng tu chu melh pawh ka melh tha ngam lo, a hmâ ah chuan ka ding zum zât a, a reh tlawk tlawk ni mai hian ka hria,ka lungphu rî techu ka hre thei nia, boruak chu a rit bawk sî, thâwk lâk hawk ka châk takzet a ni, mahse thâwk pawh ka thaw tha ngam lo.


"Kiki"



Ka mûr chhuak vekin ka hria, a awki hniâm ruih chuan min fan rawih rawih thei nia.


"I lo dam tha maw?"



Ka nui lui sak a, a kekawr tawn tawna ipte zen chung chuan min rawn pan in ka hma zâwn takah chuan arawn ding ta, ka lo îp châwih châwih ringawt.



"Ka zawng nasa lutuk che sin"


Rawn kûn hniâm deuh hian a ti a, ka chil ka lo lem khalh.


"Nia,..ihhh...ka....Duati bulah ka awm daih a, chuan ka"



Ka hmûi a rawn hup a, mak ti zek chuan ka en kâwk, mit meng val deuh riai hian min lo en reng chu niin, ka hawisawn rang teh asin, chutah ka rin loh lutukin nghet zet hian min rawn kuah a, ka tap lo hi mak ka in ti zâwk.



Ka nemsawn leh nghâl vat, a hrilh hai hmêl chu ka en ngam lo, ka hua a ni, ka ngaih thin zia leh biak ka châk theih zia kha hria se ka ti, a in haw ve ngawt ta ve ang, min rawn biak loh chhan te, ka chanchin hrilh ka châk ngawih ngawih laia vawikhat pawh min rawn zâwt ngai lo tekha hrehawm ka tiin ka thinlung hi ana ngawih ngawih, a chhan zawh erawh ka tum lo.


"Kiki i rilru tûr chu ka hrethiam alawm, khami zân khân ka phone ka ti chhe daih a, i number ka lo chhinchhiah bawk si lo, i chanchin engmah ka hre bawk si lo nên, tha takin in lo awm reng dawn maw ka tih laiin khatiang kha in chungah a thleng ang tih rin ngaihna rêng ka hre lo, Kum 2 chhûng khân ka zawng che sin, ka zawngkual nasa lutuk che"



A hmêl atang chuan dâwt a sawi lo tih ka hria, a thusawi chuan kum hnih chhûnga amah ngaidam lo tûra ka lo in fuih ve na zawng zawng kha arawn ti chhe ta vek mai, dâwt sawi miau hek lo le.


"Ka hria e, anih hnâ chu min pe dawn em?"



A nui suk a, mahse ka nui ve tawh lo, ka ke dam leh dân tehi min zâwt dâwn lo amawni le?


"Naktûk atangin i rawn tan dâwn nia"


Tihpahin a dawhkân lam chu a pan leh vat a, Zângkhua hi alo bungbu thei tak tak anih ka ring ta, ka dinhmun in thlauh tawh zia hi.


"Vawiin atangin ka rawn thawk thei lo maw? Ngati nge?"




"Sofa ah khân lo thu rawh, hei hi ka ti zo anga khawi ah emaw ka hruai ang che"



Ka ner sak a, chutianga ka pu tûr te alo nih tâkah chuan tiin hnial buai lo in ka thu ve mai a, Ruattei chuan rei min ti tawh viau ang.


"A hmâ ai kha chuan i lan dân kha ka duhzâwk, i sam pawh a tial tawh lo a"


Rang zetin a hmêl chu ka va en a, min lo en rûn mai, zah zêl ah ka sam sei zet hnawk nuaih a ka bâwk chu ka tuai zauh ringawt.


"Khawi ah nge kan kal dâwn a?"



"Ka ru bo dawn che"



Rang zet hian alo ti a, nui hmêl put lo hrâm ka tum ania, leh lam ka hawi a ka nui hrâm,


"I lo hlawhtling tawh bîk e"



A office chu ka enkual a, a changkângin a fai bawk si, chuan, hmundang aiin a lum nuamin a reh bawk, sound proof an tih ang kha bangah hian a hmangin ka hria.


"Ka thawh chhuah a ni lo, Patea zâr vek a nih hi"



Mak ti tak chuan ka en a, alo nui suk.


"Nakinah ka hrilh ang che"


A ti leh daih, ka hriat châk tawh nâk alaiin hetia an tih hian ka hre châk zual sauh zêl.


___________



"Hawh le"


Tihpahin a jacket chu aha sut sut a, Suit nên a inthuam ve zar ngai lo a, mahse a inthuamna hi a zahawm tho mai.


Ka thutna atang chuan tho in ka zui chhuak ve vat a, Ruattei leh mipa pahnih chuan phâwk fê hian min lo en hlawm a, ka zak ve têp nia.



"Awi...Kimkim enge awmzia?"



Ruattei chuan alo ti hû a,Uruata nên chuan kan in en hrek hrek ringawt.


"Kiki i hi, ka bialnu ka tih ka zawn ziah kha nia, nakinah kan la in hrilh fiah dâwn nia tûnah chuan kalna tûr kan nei"




Tihpah chuan min kâi chhuak nghâl a, Bialnu a!...a bialnu nih ka duh tawh tawp si lo a, mahse engvânga zui leh ngawt nge maw ka nih le?



A car ah chuan ngâwirengin kan chuang dûn a, amak e, engtin nge Uruata hi tihian a hausak thut theih le? Lunghlû a chhar a niang a, a car lah chu analhin a changkâng si, mak ka ti tâwp thei lo, engmah a chanchin sawi a tum bawk si lo, zawh tawp lah ka duh bîk dêr bawk si lo, hre châk deuhin min siam reng a tum a nih ka ring.


"Kan thleng tawh e"



Min rawn en a, hmâna a nuih dân ang bawk khân a nui leh suk tawh, ka hawi chhuak chu inlian tak pakhat hi alo ding a, Aizâwl ni tho mahse a fâl deuh a, hmun sâng lamah a awm bawk.




In lah chu analhin a lian bawk si,ka hawikual nasa ngang mai, a bulah chuan pangpâr chi hrang hrang alo in phun bawk.


Car kawngkhâr chu min rawn hawn sak in min kâi chhuak a,


"Hei hi khawilai nge?"



Ka lo ti vat,


"Kan in anih hi, Patea, ka pa nau chiah tâ ania, Ka pa te nena kan luah ho tûra a sak a nia, mahse fa nei lo in aboral leh ta sia, a ro zawng zawng keimah min khâwm tîr a, ka nu leh ka û nên patea vâng liau liau in nuamsa takin kan awm theih phah ta anih hi"



An in lian tak en vang vang pah chuan a ti a, vânduai vânnei an tih ang hi anih ngêi hi, Tûnah chuan pa emaw patea ti a koh tûr nei tawh lo mahse nuamsa takin a chhûngkua a châwm thei thung a, Pathian malsawmna liau liau anih ngêi hi.





"Kiki tûnah chuan i tân in nghahna tlâk ka ni tawh a, min ring tawp rawh, tûn atang chuan keimán ka enkawl tawh ang che"



Ka kutah chuan nghet zet hian a vuan a, thlah tuma ka tâl chat chat chu a hria aniang a aia nghetin a rawn vuan nia.


"Uruat thil thlen dân hi arang teh thut emai, in ngaihtuah na hun min pe rawh"



Ka'n ti ringawt a, inneih ah min sâwm pawh a ni chuang si lo, mahse ka hre lo, ka chhûngril hi hlauhthâwn na in a khat tlat, tûma laka in nghah ka duh tawh lo, tûmân hma hun kan hre bawk si lo.



"Hlauthâwng suh, ka thlah leh tawh ngai lo ang che"




Ka mita min rawn enkar pah hian a ti sup a, ka chhâng lo.




An in ah chuan min hruai lût a, alo reh thiâp mai, choka ah chuan thâwm ri rak rak ka hria, An in chhûng chu ka enkual a, azau nuam in a fai bawk si, a lum nuam bawk.


"Sawmte khawnge ka nu hi?"



Uruata chuan choka lam hawi chuan a'n ti lûng lûng a,Awmpui an nei a ni maw?

"A...i thiannu nen khân an leng chhuak a, an rawn hawng har tawh lo ang"



An nau chuan arawn ti ve vat a, Uruata chu ka enkar mai, a thiannu chu tunge le? Âaaaa...ngaihven vak lo zâwk teh ang.



"Hawh ka room ka en tîr ang che"



Tihpahin ka hnunglam atang chuan ka dârah a rawn dawm a, ka hma lama step ah chuan min nam chho dat dat mai.



_______



A room chu kan in a a riah thinna nêna tehkhin chuan in nawm hleih het het tak a ni, inthlahrung zet chuan ka hawi kual hrak hrak a, a fel leh thlup tawh, mahse mipa room na na na chu en tûr avâng khawp mai, Naruto a thlalâk erawh a tam phiân, ka nui hak a.


"Naruto hi ila ngaina reng alaw? Kum 30 i hnaih ve tawh tehrêng nen"



Ka ti chhuak hlawl a, mak tih hmêl zeta min en ka hmuh chuan ka nui tâwp chiáng ngang mai.


"Kiki kum 20 bâk pelh ka tum lo"


A ti deuh nghut a, ka lo nui hak ringawt, a khumah chuan ngaihthat hmêl zet hian a thu thla a, keipawh min pawt thu ve nghâl.



Ka awmdân lâi lutuk chu ka kut ka sik niap niap ringawt, min en reng bawk si,



"Ka ngai thei lutuk che"



Aw ki hniâm ruih a arawn tih tâkah chuan a hmêl chu ka en vat a, chhân mai dân tûr pawh ka hre lo.



"Min ngai ve lo tih sawi tum miah suh"


Tih nghut pahin ka biang tawn tawnah chuan rawn vuan in hnâi zetah hian min rawn en a, ka lo khap fak fak ringawt.


"Thil thlen dân hi a rang teh thut lutuk a, ka la ham haih deuh alawm"



Ka lo ti ve vat a, he mit meng tawrh har zet hi ka hmu duh ziah lo asin le, mit meng val deuh riai hian min en leh tawh, a rawn hnâi riai riai a, a hmûi vawtthlar mai chuan min rawn fâwp ta.



Ka chhânglêt lo ang tiin ka lo in control ngat ngat a, mahse ka thei rei lo kher asin, Kum 2 leh thla tam tak a ni ta, kan in thlahlel tawn dûn bawk a kan duh thâw kher mai.




Ka thâw te hi a chham mai dawn in ka hria, min fawh na chu thlah in ka bek tawn tawn a vuan chung chuan kun deuh hian ka chal leh a chal chu a rawn sîk tîr a, kan thaw dûn halh halh mai.




"Tikhân a chhânna chu ka hria e"


Ka mengkâwk ringawt, ka zak leh hnu hnawh kher mai, nghet zet hian min kuah zui nghâl a, keipawn ka kuah lêt ve tawh.




"Kiki ka mumang chu ni lo tiraw?"



Ka insûm thei lo, ka mittui rawn tling pam chu ka biangah chuan a luangthla ta ngiai ngiai a, hei hi chu lungngaihna mittui a ni lo, hlimna mittui zâwk anih hi.


STORY CHHIAR THIN ZAWNG ZAWNGTE TIH VE NGEI NGEI TUR.

STORY a thlawnin chhiar tur nitin kan chhawp chhuahsak che u a, nikhata i chhiar man hi duli man tal ni a i hriat chuan website a advertisement hi i lo click ve thin dawn nia. Online website a story i chhiar theih nan pawisa tam tak kan seng a, i chhiar paha i lo click ve hian i chhiar man i pe ve a ni tih i hre dawn nia.

Mi pangai chuan miin sum senga an tana buaisaih a nih chuan an theih dan ang angin pek let veleh ngei an duh thin. A thlawna dawnga pe let ve tu nih peih tlat loh hi a zahthlak, a changkang lo lutuk, smart phone tha pui pui kan nei a, kan rilru pawh ti smart ve ila. Story in chhair theih nan hian writer te hlawh sing khat ai tlem lo kan pe ziah a, website hrim hrimah hian sang 6 vel kan seng bawk. Story in chhiar man hi chawitir zel dawn che u ila chuan mi tam tak hi chuan story in chhiar theih lohna a rei tawh ang, chuvang chuan a thlawna chhiar liam mai lo in lawmthu sawi nan i lo click ve hi kan phut tlat a ni.

Advertisment hi a chung berah leh a hnuai berah kan dah a, Vawi khat ve ve click a tawk mai. Vawi khat ai click kha awmzia a nei vak lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:55 pm

Chapter-15



"Engtikah mah ka kalsan tawh dâwn lo che, a tha em?"



Min kuahna atanga min thlah pah chuan a ti dam thlup a, ka mittui hru zauh pah chuan ka nui sak,



Inhnuai lama thâwm arawn awm tâkah chuan nui sukin khum atang chuan min kâitho a, a nu chu alo hâw tawh a ni ngêi ang, hei ai hian lo inchei nalh deuh hlek ila tha tûr, ka thur bip bep si.



Ngâwi reng chuan min kâithla zêl a, ka zah deuh hlek vâng nge ka lo tang tung ringawt.


Min pawt lui ta tho a,



Common room ka thleng chu ka thil hmuh chuan min ti ding chawt,



"Ehe Remruat hnâ ah i kal nange?"


Ti tû chu mittla lêk lo in ka en reng a, U Mimi i maw! Nimin lawk pawh khân kan in hmu sia, Enge thil awmzia hi le? A mak ti hmêl pawh ka hai lo chiang kher mai.



"Bawiha i kal nange?"



Choka atangin a nu pawh a rawn chhuak ve chiah,min hmu chu a ding dat a, Uruata chu zawhna mit meng hian a en deuh hâ mai, U Mimi i erawh a ding ngâwi ngal a, tinge engmah min hrilh loh le?



"Bawiha hei hi..."


A nu chuan arawn ti ban chat a, Uruata chuan min rawn en in a nui suk,



"Nu i hre tawh lo mi? Kiki i kha, Nu Mahruaii fanu dam lo ka zawn thin kha"



"Eheee ...kha kha maw? Awi lehh...."



A nu chuan min rawn pan nghâl,


"Engtin nge?"


A ti leh ringawt a, nui var var hian min chibai nghâl vat,


"Engtin nge i ke chu? Engtin nge a dam theih?"




A ti nghâl chûk, Uruata chu alo nui hak a,


"Nu, thu phawt ila"




"Ni dâwn tak e, hawh lo thu rawh"




Tihpahin an sofa dûp nuam leh thianghlim zetah chuan min pawt thû a, U Mimi i erawh alo thu ngâwi ve kar thung, nakinah ka la zâwt ang, engvângin nge Uruata chanchin hi min hrilh miah loh?



"Phai lamah ka thiannu bulah ka awm thlâ a, chuan amak lutuk Pathian ropuina ka chungah alang anih hi"



A mit atanga min khawngaihna mit meng lo lang chu ka hmuh hmaih hauh lo.


"Anih i nu a dam tha em?"




Ka ngâwi ta vang vang mai, Min zawh kha ka lo hlâu rilru rêng a ni,


"A nu chu Jail lamah a awm, A ruih laia a duty vângin naupang pahnih in nunna an chân phah a"


U Mimi in alo tih chuan kan en thap, a tawngkam kha fak fak thei lutuk hi ngâi ah ka nei thei thlâwt lo, tlêma mâwi hnai deuh zawk a asawi ve ka lo ring a nia.


"Mimi"


Uruata chuan alo ti hluk a, mahse zêp tûla ka hriat loh vângin ka nui lui hak.


"A dik alawm, mahse ka nu kha dâwta mawhpuh a ni a, dikna a hmuh leh ngêi theih nân hmalâk ka tum"


In ring tâwk tak chuan ka lo ti ve fak a, Uruata nû chuan ka kutah chuan rawn vuan in a chûl hliau hliau a.



"Ilo tuar nasa âwm hlê mai, keipawn ka ring lo, i nu hi ka hre chiâng a, mi pawlawh tak a ni lo, thil ti thlap thlap mî a ni"


Ka mita en chung chuan a ti dap dap a, Uruata nu berin min ring chu ka thlâ a muangin ka thaw huai mai.


"Khawi ah nge i awm a?"



Min en hâ chung hian a han ti leh a ,


"In ka luah ve a, a rem rem ka thawk ve lâwp lâwp mai, Uruata cafe hawn thar ah khân hna dîl ka rawn tum a, chuta tang chuan lawm kan in hmu hlawl mai"


Ka tih chuan kan nui hak hlawm a,


"Kiki, lo awm mai ta che, mahni a hmeichhia in luah chu a tha lo"



Uruata nû thusawi chu ka rin loh lam daih a ni, ka en vang vang a, han hniâl ngawt chî lah a ni bawk si lo, hnial loh lah chu a nuam chiah bawk si lo.


Chhân tuma ka ân zuau lai chuan.


"Ka va haw mai a nge"



U Mimi i chuan alo ti vat, kan en thap hlawm a.



"A ngai lo, Bawiha nên khân lo inkâwm rû"




Uruata nû chuan alo ti daih, min rawn en in a nui sak a, ka lo nui lui ve sak, Uruata chu rum zetin ka va melh a, a âw alo thiân khurh ringawt.





Uruata nu chuan a roomah min hruai hrang ta daih a, Nuam ka ti lo, ka ngaih a tha lo tlat, U Mimi i zah theih loh zia leh Uruata mi zia mî ti fawk fawk chî a ni lo tih ka hre chiâng si, a duh lo chung tekha fawh te lo tum ta se.



"I nu chu âw ava han pawi tak engmah ka lo hre lo ni"




Uruata nu chuan pawi tih hmêl zet hian ati vang vang a, an thlalâk hlui techu kan en dûn mai mai a, apa nên chuan an in ang hlê mai, an pa lian bawk a, Uruata nu erawh a tê ve hlê thung, ka dâr a pêl âwrh chauh.



"U Mimi i kha engtin nge in hriat a?"



Min rawn en zawk a,


"Bawiha nên an in tawng fuh hlauh a, a fel in a fing a, a kam atha bawk sia, Bawiha hian duh ve mai se ka ti ngawt mai"


Uruata nu tawngkam chuan min deng dawt in ka hria, album ka mal chunga ka dah chu ka thlauh dawt a, ka inthing harh vat.


"Awi haaa ..."



Ka'n ti ringawt a,


"A pawi lo, a ho lutuk, Mimi i chuan a enkawl thin che tih a sawi a, a fel em? Enge a an?"



Ka chil ka lem khawlh, chhân ava harsa tak êm,


"Aaa...nia...ihh...a fel lutuk...hmeichhe fel tak a ni"


Ka lo ti bah nawk, min rawn en in a nui sak a.


"A rawn tlâng nêl ve tawh sia, Ruata hi a duh êm a, Bawiha lah hian a ngaihsak vak hmêl si lo a, ngaihzâwng a neih thû a sawi ngai bawk si lo, a buaithlâk tak tak a ni"



A ti malh malh a, ka chhâng lo, ka ngàwi reng ringawt, tûnah tak hi chuan hâw daih ka duh.





"Ka haw mai ang, Naktûk atangin hnâ ka tan dâwn sia in tih fel te ka duh ve a"



"Ni tak maw, chaw ei ve la ka ti sin le"


Min en ho pah hian a ti a,


"Ni lo e nî dangah le"


Ka lo ti vat, min sâwm lui tawh lo in inhnuai lamah chuan kan chhuk thla dûn a, U Mimi i leh Uruata chu inhnaih zet hian an lo ding dûn anih chu, ka na deuh zawk hian ka hria, Uruata chuan min rawn hmû chu min rawn pan vat a,


"Chaw ei ve la"



A hlim hmêl chu hmuhnuam ka ti tho nâ in hlauhthâwn rûk na riau ka nei, Ka hnîm ruih ni hian ka hria.


"Aih ei lo ang, Tih tûr ka nei"



Ka lo ti hmuk a, A nu leh U Mimi i chu a en zawk mai, hrilh hai hmêl zet hian min rawn en leh a, zawhna mit meng tih hriat zet hian a mithmul a rawn ti sâng zauh, mahse ka lo hawisawn daih thung.



"Ka haw phawt mai ange, Nu Mawite ka kal mai ang, nî dangah ka rawn ei zâwk dawn nia"



"Ka lo thlah ang che"




Uruata chuan alo ti vat a, mahni chauha hâw ka duh a sin le, bus ah chuangin earphone ngai thla pah ila.


"Ni e, va thlah rawh, khi dar 2 a pêl hret chauh alawm"




Uruata Nu pawh chuan alo ti ve vat a, ka hnial duh ta bîk lo, Uruata chhuak vut chu ka zui chhuak ve ta nge nge a.



____________



Car a kan chuan lai chuan ka kut ka mal chunga ka dah chu arawn hûm lum vang vang a, phut zawk pahin a hmêl chu ka en vat, nui suk hian min rawn en a, a kuta min vawnna thlah ka tum chu a aia nghet hian avuan nia,


Chutah thâwk la hawkin ka kut avawnna chu a thlah a, car chu hnehsawh zet hian a her kual vut, Ngâizel lamah a tlân phei ta daih a, khawnge maw kal a tum le?



"Khawnge kan kal dawn?"



Ka lo ti hû a, min chhâng lo, min chhân hun nghâk chuan ka lo enkiau a, min chhâng duh thak lo nia, thâwk la hawk paha meng kual ralh pahin seat ah chuan ka thu leh hnawk a.



"Kan thleng têp"



A rawn ti hmuk chauh, a thinrim tihna mawni le? Enge a thinrim ve ngawt? Keimah hi sin thinrim tûr, hah.....Thinrim vêl mai mai teh se.




Ka inkuangkuah thân a, ka thu tûm hmak ringawt.



Reifê kan tlân hnû chuan Hlim en lamah min hruaiin Hlim en park ah min kalpui ringawt nia, a vawh vawh nên, Ei tûr techu a lei nual a, ka lo la thu tûm hmân reng ringawt.




Kan tlân phei zêl a, in pakhat lian tak kawta Hmun zâu zet, tlâk dâl an lo siam ah chuan a car chu ti ding in min rawn en vang vang a, mahse kei erawh ka awm ngaiin ka la awm reng thung.



"Kiki tinge i awm dân hi? Ka nu in sawi a nei ami?"



Dam thlup hian arawn ti a, a awki hniâm ruih hi nia tawrh har ka tih thin chu, mahse ka thinrim chhan bul ber sawi tûr pawh ka hre leh chuang lo, ka âw ka thiân kharh a,


"Min hruai haw rawh"


Ka lo ti hmak,


"I lawm loh zâwng alo sawi palh a nih chuan ngaihdam ka dîl e"



Ka en ve ta nge nge a, ka lâi bawk si nui duh si lo chuan ka hmûi ka ti pawrh ringawt, ala nui duh thak lo zui.


"U Mimi chanchin kha tinge min hrilh loh? "



Lungâwi lo si pangchang âw lek lek chuan ka han ti a,


"Ni tak maw....nia, Kan in hmu fuh a, chuan kan inkâwm ta zel a, chu zawng chu"



Awlsam zet hian arawn ti a,


"Chu chauh chu ala ni lo, i nu pawn mo atân a awh thû a sawi vek alawm"



Ka tih chuan min nuih suk a,


"Ka nu neih tûr a ni hleinem, keima neih tûr alawm"


Tiin ka biangah chuan arawn piai zauh a, ka nui veleh mai bawk a, engemaw ka lo thinrim kual vêl kher kher le? Min duh lo se hei leh chen hi min zawng peih lo tawp ang.



Nui var varin a thil min leisak chu ka ei a, ka ril alo tâm vetho bawk nên, thil ei pahin a chanchin min hrilh techu ka lo ngâithla a, ka khawngaih reuh ngei mai.

"Kiki"


Thu tak zetin ka thil eina tûr ka kut chu arawn vuan a, ka lo en vat,


"Enge?"


Ka lo ti nghâl hû ringawt, muangchâng a rawn hnâi tial tialin min rawn fâwp vang vang a, chhân lêt nachâng pawh ka hre lo.



"I Lays ei kha a al puat mai"


A rawn ti sup a, ka lo nui hak, a squash lei chu ka in nghâl pap a, min en leh vang vang zêl hian min ti zâm thin, ani pawh chuan a in ve nghâl zat a, hre lâwk sa ni âwm fahran chuan kan in fâwp leh nghâl vat.



A chal leh ka chal chu a in tih sîk tîr vang vang a, a âw arawn thiân khurh mai.


"Ka tâna mi bîk tak ni reng tûrin ka duh che, i pawm thei angem?"




Nui var varin ka lo bu nghauh a, rang zet chuan a in la hrang nghâl vat.


"Naktûk dar 7 hmâ in rawn thlen tum ang che, anih loh chuan ka bân nghâl ang che"


In la thupui fûn taka arawn tih chuan ka lei ka chhuah khum zauh.


"I thû lo emai a"


Ka lo ti hlak a,


"Ila danglam lutuk lo anih hi"


A rawn ti sup, ka nui hak ringawt.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:55 pm

Ka in te tak tê ah chuan kan inzui lût dûn a, hei ai hian lo ti fai deuh ila tha tûr, ni tak, ka underpant kha, Hmanhmawh takin ka khuma ka kekawrte dah chu ka zu bawh rawk rawk a, a rûl hlawm tawh si, a thar pawh ka lei lohna rei tawh leh nghâl, a hmuh vaih chuan ka thi thei ang.



"Enge a? Enge i hup tût kha?"


A rawn la ti hû zui,


"Engmah, lo thu rawh, thingpui ka lo lum ang"



Ka ti vat a, ka lu kham hnuai ah chuan ka hnawh lût rawk rawk ringawt, alo kal dawn tih hre lâwk ila chu tiang em em hian ka awm hnawk lo tûr a nia.




LALREMRUATA.




Kiki Thingpui lum rak rak lai chu a hnunglam atang chuan ka en reng a, tleirâwl â lutuk ang kha chu a ni tawh lo, ahmâ ai kha chuan a zia a zâwi tawh khawp mai, thil sawi phawng phawng ang pawh kha a ni tawh lêm lo.



A in tereuh tê chu ka enkual a, room hran pawh a nei lem lo, sofa pahnih leh tv a in hûng a,center table a awm bawk, choka pawh a tê fel rên mai, a khum leh a thawmhnaw dahna almirah leh dressing table tih vêl bâk a awm lo, a fel fai lutuk lo na in hmuh hrehawm khawp chu a ni lo.



"I duh chuan TV kha lo en rawh"



A rawn tih chuan ka nui suk, ka en lohna chin pawh ka hre tawh lo, TV en ai chuan tiin a bulah chuan ka va kal ve a, a hnunglam atang chuan a kawngah ka va kuah, a lo phu deuh aih a, a che lo a, a lungphu a rang hlê tih erawh ka hria, ka ka lam hawi zâwng chuan kuai hera a, a mit meng fîm kâk chuan min lo enkiau mai, a hmui sen vâm hiam chu fawh ka châk leh tlat tawh, ka kham thei ngâi dâwn lo anih hi, ka fâwp leh ta nge nge a.


Min lo chhânglêt rang ngang mai, a thâw lum hak hak chuan ka ngaihtuahna ati buai tan ta, ka duhthâw sâwt khawp mai, ka pawm kâng nawlh a, ka nghâwngah chuan a kut khinghnih in alo suih ve vat, la fâwp pah reng chung chuan a khum lamah ka kal phei pui a, khumah chuan ka mut thlawp, a nghâwngah techuan ka thaw ham ham a, ka fâwp bawk, chutah harh chhuak thut ni âwm tak hian min nem ta vak a, ka ngaihsak duh lo, ka thil tih lai chu ka ti mial mial tho, ka dârah chuan arawn bêng ta thlep thlep a,


"Uruat, a tâwk tawh"



Zâwi tê hian arawn ti khûr dar dar a, keipawh ka thâ te khûr nia, thâwk ka la hawk a, ka in la hrang nghâl vat, ka awmdân chu ka zak lek lek zâwk, mahse ka indem hran lo, ka ngai a, ka mamawh ve êm a ni, kum 2 chhûng khân hmeichhe dang pawh hnaih lo in ka awm ania, ani pawn min dem bîk ka ring lo.



Khum atang chuan rawn tho taih taihin a insiam tha malh malh a, ngâwi reng chuan tho in a thingpui lum so bawrh bawrh chu a ngaihven nghâl vat, kan ngâwi dûn ta reng a, a thingpui min siam sak pawh chu ngâwi reng hian arawn dah a, en pawh min en lo, kal leh mai a tum chu a ban rêkah chuan vuan in ka bulah chuan ka pawtthu ve hnawk a.



"I thinrim ami? Ka tihpalh aw"



Ka'n ti ringawt a, hnuailam melhin a kut chu a sik niap niap mai, chutah thâwk arawn la hawk a, min rawn en ta.


A mittui a tling kiau mai,


"Kiki tihsual ka nei ami?"



A lû a thing a, a mittui chu a rawn luangthla ta ngiai ngiai mai.


"Kha tianga awm tûr kha ka ni lo tih ka hria, ka tihpalh lutuk"



Ka'n ti leh a, a mittui chu hrû in a rawn nui lui sak.


"A ho lutuk, engmah thil pawi a thlen loh kha"


Aw khûr lek lek hian arawn ti a,


"Ka lo insûm tawh dâwn nia"


Tihpah chuan nghet zet hian ka kuah a, ani pawn min rawn kuah ve nghâl vat.


LALDUHKIMI.





Uruata hâw leh hnû chuan ka ruak huai in ka hria, tûkina chaw hmeh thing hmeh tûr ka la neih tho vângin chaw chiah ka chhûm a, Kawngkhâr arawn ri rak, Duati alo ni.



"Chaw ka rawn ei nghâl dawn, Arsa ka rawn lei a, tui deuhin kang teh ka ei châk ania, ka riak nghâl dawn bawk a nia"




Ka chhân ve hmâ hauh chuan ati nghâl zung zung a, ka lo nui tawp, a arsa lei chu ka sil a, ka chan nghâl mawlh mawlh.



"Uruata nên kan in hmû a"



Min rawn en kâwk,


"Tak tak maw!....engtin? Nupui te alo nei tawh em? Bialnu pawh?"



Ka nui hak,


"Nei lo e, min lo zawng char char a, chuan maw, U Mimi i nimin piah a kan hmuh min enkawl thin tu nurse kha?"


Ka tih chuan min enkar pah hian alo bu nghauh.


"Khâ nu kha an in ah alo awm ve reng a, Uruata hian min zawng tih pawh a hria, mahse engmah alo sawi duh miah lo anih chu"



"Avan mak reuh, a hrim hrimin engtin nge chûng te chu i hriat a?"



A rawn ti lêt hu a, ni tak, ka sawi chhum bung vek.


"Cafe ka thawhna thar tûr ka tih nei tu kha Uruata hi alo nia, kan in hmu a, chuan a patea boral ta ro khâwmin Petrol pump te restaurant lian deuh tepawh a nei nual alawm, Aizawlah an rawn awm thlâ a, an in pawh a lian lutuk, vawiin khân min hruai nghâl a"


Arsa siam malh malh pah chuan ka ti siam siam a,


"Awi avan vânneih em em, mahse Uruata hi chu a fel êm a, Hlawhtling tlâk a nia lawm, chutianga hausa tûr techu tinge ka lo bem zâwk loh le? I duh ve hmâ khân lo kherh char char ila tha tûr ania"




Nui uar uar pah hian a ti a, keipawh ka nui tawp, ani ka tawng hi chu ka inchhîr lo khawp mai, in nghahna tlâk a nih zia hi a takin ka hre chho telh telh a, min duh zia ka hriat phei hi chuan kei aia vânnei hi an awm ka ring lo.



"Uruata hi chuan alo hmangaih êm che nih hi, chhuah miah suh ang che, hmeltha si, Chhelo ropui si"



Ka nui var var ringawt, Lal Duati tak hi chu aw.



_____________



Zânah chuan Uruata chu arawn lêng leh a, Duati an in lama a haw lawk lai alo ni bawk nên inkuah rialin K Drama kan en dûn a, a en ve pawn ka hre lo, keipawn zan dangah chuan hmuhnawm ka tih theih nên zan in chu ka bula awm hian a zir vâng nge rilru pe taka en harsa ka ti, thlîr liam vêl mai mai ringawt.



A rimtui leh vung vung tawh khawp mai, a inthuamna pawh a inhmeh thlâwt, kawrlum chhah lutuk lo a dum bântluan hi a ha a, Pants gray rawng aha bawk, a vun hi hâng lutuk a ni lo bawk a, a fai vung bawk si a, engpawh ha se a inhmeh vêl vek.




Ka kut a sik niap niap reng chu ka nin deuh thut vângin a kutah chuan ka sik lêt vak a, a râk thawt, a nui chhuak nghâl hawk bawk.


"Ila zaidam lo bawk anih hi"


Nui chung hian a ti a, ka hmûi ka lo tih pawrh zauh lai chuan rang zet hian min rawn fâwp thut a, ka lo in la hrang nghâl vat, chu chu duh lo tih hriat zet hian hnehsawh zetin ka biang tawn tawnah chuan vuanin min fâwp lui ta tho a, a ngâi ang bawkin kan duh thâw leh dûn khawp mai.



Ka âwmbâwrah chuan a tuan leh ta, ka haw hran lo, hmânah pawh khân ati thin tho a, bâkah a tûr vê rêngah ka ngai mai, sofa ah chuan min bawhthlû in phûr zet hian min fâwp a, keipawn ka lo kuah bet ve tang mai, chutah pawn lam atanga aw thiân kharh rî ka hriat vêleh chuan rang zetin ka nem tho a, ka thu chhuak nghâl hlawl mai, Duati chuan kawngkhâr chu rawn hawngin nuithâw hian arawn lût a, Uruata lâi lutuk chu ka khawngaih lek lek zawk.




"Engemaw te te in lo tih ka ring a ka âw ka rawn thiân der vêl anih kha"



Ala ti zui, ei tûr eng engemaw arawn lei nual a, Uruata pawn arawn lei hnem tawh nên, thingpui ka lum nghâl vat a, Uruata leh Duati chu an in kâwm nghâl mawlh mawlh bawk.




Thingpui leh eitûr an rawn ken chu chhawp in tûnhma thil techu kan sawi ho a, kan nui nasa thei ngang mai.


Duati lah chuan Uruata bengkhawn zâwng sawi a thiâm si, Min enkawl tu Doctor pa in kan in luah thlenga min rawn ûm zui thu techu a sawi ta vek a, Uruata hriat duh zâwng tak alo ni nge a lâwm lo hmêl chu Duati lah chuan lo hrethiamin a uar sauh zêl bawk si, a buaithlâk a nia.




____________

Uruata haw hnu chuan, Duati nên ka khumah kan mu dûn a, ani chu a muhîl leh dêr tawh, kei erawh Uruata nên kan la in be reng thung.




*Tunge Doctor kha?*



Min rawn zawh kha ka ring rêng ahh...a dp ah chuan vawiina Hlimen park a kan kala car chhûnga ka lays ei lai hi alo ni, a sîr zâwngin ka lang a, rin aiin ka lang tha phian, a phone a tha bawk a niang, lang that pawh a awl khawp mai, mahse amâ thlalâk te hi hmang ve thin se ka ti, a hmelthat that nên.

*A ti ve mai mai nih kha, i awih tak tak ami?*


A rûk chuan ka nui var var ringawt,


*Awih tho e*


*Awih duh suh, ka mu dawn, ka mut a chhuak, muttui aw*



*Muttui le, naktûk kha aw, rawn tlâi lo la*



Ka out a, ka phone chu dahin ka mu nghâl hmak.



____________NEXT MORNING___________



Hmanhmawh takin Cafe lam chu ka pan a, ka thleng chu Dâwra thawk ve pakhat tlêma pâ zân lo leh khawchhak lam mî fel hmel tak pakhat an lo awm tawh a, hepa hi eisiam tu deuh tûr a nih ka ring.


"Ilo van thleng hmâ ve, Lalruattei chu rawn tlâi leh tawh dawn niang, mut duh i nia Mut duh i"




Tlêma pâ zân lo chuan alo ti nghâl bawrh bawrh a, ka nui sak,


"E taka, kei hi Mapuia ka nia, chuan kan Cafe leh cake vêl siam tu hi Sawma ni bawk"



Alo ti nghâl zung zung a,


"Anih chu, Kiki min ti mai ru, chuan enge ka lo tih ang?"


Ka'n tih chhunzawm zat a, nimina Uruata nên kan awmdân kha min zâwt thui lo chu ka lâwm rilru takzet.


"Dawhkân vêl saw lo hru fai la, chhuat pawh hi nawh a ngai ang, Kei chu Kan pa hi ka lo pui ange"



Mapuia chuan a han ti zat zat a, ka lo nui hak.



"Lalmapui, khatin mi ti ziah suh, i tenawm"


Sawma chuan pai deuh hlek hian alo ti a, ka nuih aza ngêi mai, an pahnih chuan inhnial mawlh mawlh pahin choka lamah chuan an in zui lût a, keipawn apron hrêngin dawhkân vêl chu ka hru fai nghâl mawlh mawlh mai.




Chutih lai chuan Ruattei pawh chu arawn tlân lût hlawk hlawk a.


"Awi Kimkim, Pu ber alo thleng tawh em?"



Thaw hlawp hlawp hian ati a,


"Aih thleng lo e, i vânnei khawp mai"



Nui var var chuan ka lo ti a, a inthlâk nghâl ve nghâl vat.



Dârthlalang chu alo nâwt fai ve nghâl mawlh mawlh mai, a hmâ a ka mipa duh em em a chanchin ka sawi nin theih loh kha Uruata hi alo ni reng tih a hriat khân mak atih zia leh kan in tawn dân romantic a tih zia techu a sawi suam suam a.




"A korean film vêl tawp, ka duh e, in love story hi ka la phuah dâwn khawp"



Ka nui hak a,


"I phuah kher chu a ngaihnawm ka ring lo"


Nui chung hian ka lo ti,


"A ngaihnawm na tûrin engemaw han ti ngêi ula"



A sawi chu ka hriatthiam nghâl vângin ner nâwng pahin pawnchhia a vawm tum chuan ka tin nghâl uaih.


"Ka uang anih kha, tak takah mipa hi chu ê, han nei lian em em mai se tha ni mai"


Ala ti zui, henû zahmawh thei lutuk hi chuh..


"Amak e Lalruatsang"



Kan nui dûn hak, zahmawh sawi hrât viau mahse abula awm hi a hahdam thlâk ka ti, vitamin hi ka dawng reng zêl, han thinrim der vêl thin mahila ka thinrim tak tak thei lo.




Chutia kan ti ti mawlh mawlh lai chuan Uruata pawh arawn lût ve hlawl a, a incheina chu a inhmeh leh tawh hlê, kawrlum maroon colour a ha a, kekawr dum leh pheikhawk dum a bun leh tawp, a khabe hmul sâwn a ti lang pâ zual ka ti thin.



Min rawn en a, ka lo nuih sak.


"Ka rin aiin i thleng hma"


A rawn ti sup,


"Ka thlen hma loh chuan min chhawr duh ka ring hleinêm"



Ka lo ti vat a, Ruattei chu ngâwi rengin alo nui var var ringawt, Uruata awm lai chuan a nungchang atha khawp mai, enge maw an hlauh em em le? Ka'n hlauh loh tehrêng nên.



Ka bulah chuan alo ding zum ve zût a, ka awm ati nuam lo zo vek, zalên taka thawh ka duhzâwk , awm lo se nuam ka ti daih zawk ang.



"I hnâ va thawk tawh rawh"



A hmêl en hâ chuan ka han ti a, khabe dawm meuh hian min lo en reng chu niin.


"Zanah kan in hmu dawn nia, ka kal aw"



Tihpahin ka âwm bâwrah chuan arawn thâm zauh a, rang zetin ka lo hup vat, a room lamah chuan nui huk pahin a phei nghâl nul nul a, ka ngei lutuk chu rum zetin ka melh nghek ringawt, Ruattei'n min hmulo hlauh kha avan tih zia tak, Mâwl lutuk mai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:55 pm

Thlasik lai mahnise ka hah vâng nge ka thlan a chhuak dep dep mai, ka kawrlum chu phelhin ka sam chu ka'n tâwn sâng te te a apron chu hrêngin Customer lo kal techu ka lo chhâwn zêl a, rin aiin a hahthlâk reuh zêk mai, thil dang a ni lo, a lûn êm a ni.




Make-up ka lo inhnawih loh vângin Ruattei pâi ang ang chuan ka in chei ve nawk nawk a, Make-up hi chu ka uar ve a, mahnî tâwkah ka inchei thiam ve viau chuan ka hria, mahse ka duhtâwka inchei tûr chuan hun ka duh rei thin êm vâng hian ka inchei loh phah tawp zêl.




Dar 2 rîk thleng pawn kan la tam ang reng khawp mai, Uruata hian midang ruai leh mai se ka ti, Ruattei nên chauh chuan tlin ahar khawp mai.





Dar 3 a rîk chuan Châwl pawh nula leh tlangvâl pahnih ve ve bâk kan nei tawh lo, ril tâm nen thin a rim hlur mai, dawhkân âwlah chuan ka thu ngui bâm a, ka chil tak ngial pawh ka lem tha thei lo, khatiang reng kha anih chuan ka â vat ang, Uruata lah a chhuak daih bawk si.



"I chau em?"


Ka hawi chhuak vat a, Uruata chuan min ngaihtuah hmêl zet hian min lo enkar mai.



"Ilo lêt tawh maw?"



Awki hniam raih a ka tih chuan ka hma zâwnah arawn thu thlâ a, pizza min rawn lei anih chu, alei hnem si.

"Hei hi enge?"


Amah en hâ chuan ka'n ti a,


"In eitûr anih hi, in chau sia"



A ti sup a, Ruattei te awmna room lam chu a pan vut, kawngkhâr chu hawngin rawn chhuak tûr chuan a hrilh ta hlawm a, Ruattei tepawh an rawn in zui chhuak thâm thâm mai, ka hmâ a pizza lo inchhawp thûr mai an hmuh chuan an ri hlut a, Mapuia phei chu tlêma khal deuh hi a ni a, a tâi tûk rauh sia a duhawm ka ti tawp.




Phûr zet chuan kan ei hlawm a, a tui phiân, hetiang hi ka ei lohna avan rei tawh tak, ka nguai ruih pawh a zia deuh, han in ei puar meuh chuan kan harh sawng sawng mai lawm.




______________





Uruata chuan min thlah leh thlap a, ka chauh zia hi aw..

"Midang rawih belh leh ila tha ang, Ruattei pawh kha a hah viau ang"



Thingpui lum malh malh pah chuan ka'n ti a.


"Ka lo zawng dawn nia, I chau viau ami?"



Hnâi zeta min rawn pan hrut hrut chung hian a ti a,

"Chau vetho"


Ka lo ti ringawt.


"Ka bialnu inih vânga midang aia duat bîk che ka tum hran lo ania"



Inthiam lo âw lek lek hian arawn ti a, ka lo nui sak.


"Ka hria lawm, a ho lutuk"



Hawi lêtin a biangah chuan ka han piai zauh a, a hmûi alo ti pawrh vak, rûm deuh nghut pahin min pawt hnâi a, ka kâwngah chuan a kuah vang vang mai.



" Thlan rim ka nam lo mi?"


Inthlahrung ru zet chuan ka ti sap a, nui suk chungin a lû a thing ringawt, min pawm kâng nawlhin gas dahna bulah chuan min thut a, a nghâwngah ka lo kuah ve chiâl mai, A rim tui vung vung bîk sia, kei ka la inbual si lo, ka inthlahrung ru ngêi mai.



Ka sam hnawk niai chu tuai tha in duhthâw zet hian min rawn fâwp a, ka lo chhânglêt rang ngang mai, ka duh aiin a uar mah mah thîn, ramrî kan pêl mai ang tih ka hlau.




Ka hawisawn daih a, Dawhkân atang chuan ka zuangthla tharh, keiin ka dan loh chuan Pathian pawi kan sawi dâwn tih ka hria, Ka duh lo chung chu min khawih lui dawn lo tih ka hre bawk, kei tal ka insûm a ngai.



A thâw hawk rî chuan min ti zâm lek lek thin, mahse ngâwipawimawh lo âwm fahran in ka thingpui lum chu ka siam malh malh a, ka hnungah lah chuan ala ding reng lehnghâl, ngâwi rengin thingpui chu ka pe a, chîk zet hian min enkur reng tih ka hria, ka en a, ka nuih lui sak ringawt.




"Hei in zo la haw tawh rawh, rawng bâwl ka ngai"




Min rawn en zawk a, ka en tha ngam ve hauh lo, a fâl a awmdun ziah hi ka duh lo, keipawn ka duh a, mihring ka ni a hnar theih loh hun ka la nei dâwn tih ka hria.



"Chawhmeh lei ila, chaw ka rawn ei ang"



Ka inbualna tui tûr ka lum tûr chu ka châwl dat a, mipa fing deuh pawh hian ât na mual mual chu an lo nei ve thin anih hi.


"A tullo"


Ka lo ti vîn hlar a, hriatthiam loh hmêl zet hian min en hû mai, engvânga phallo em em nge ka nih pawh ka in hre lo.



"Inbual rawh, ka lo nghâk ang che, kan bazaar dawn nia"




A ti deuh hmak a, a no chu dawhkânah dahin sofa ah chuan a thu a, tv a on nghâl hmak, ka en tawp, ka thusawi chu a ngaihthlâk loh hmêl khawp mai.


Drawer atang chuan ka underpant leh Brazier chu ka la chhuak tât tât a,ka inthlâk na tûr leh towel chu la chhuakin amah en zak zak chuan bathroom lam chu ka pan vat, min en lo hlauh chu a tih zia khawp mai, A tv en chu hmu lêm lo mahila a rî atangin inkhêl a niin ka hria.



Ngâwireng chuan ka inbual san ve mai a, ka inbual lai techuan thil ho deuh deuh ngaihtuahin ka nui leh sak sak thin.





_____________




Legins dum tight lum lam ka ha a, Jumper dum lian tak ka ha bawk, ka sam chu chhêm ro pahin sana chu ka en a, dar 4 alo pêl tawh, kan bazaar leh chuan chaw kan ei tlâi duhâwm mange, mahse ka insiam lui malh malh reng tho a.



"Kan bazaar leh chuan chaw kan ei har âwm e"



Min rawn en a,


"I ril atâm viau ami? Ei har mahila enge pawina?"



A ni ve tho, pizza khân min la puar a, ka ril chu a tâm har viau ang.



Ka sam chu a ro tawh, ka hnâr ala ping bur zui, thlasik lai chuan ka inbual zawh hlim hian ti hian ka awm ve ziah.



"Ka hman tawh ania"



Tihpahin ka tho a, ka sam ka kâwng thleng têp chu ka tâwn mial mial bawk.


"I sam kha thlah rawh, analh zawk"


Min enkur a, ka nui hak, a thû chu âwihin ka thlah ve mai, Tv chu off in a thutna atang chuan arawn tho a, ka kutah chuan a rawn vuan nghâl, ka lâi lek lek nia.


"Duhawm lutuk"



Tih suppahin ka chalah chuan a rawn fâwp zauh.

_____________




A car ah chuan ka kê hlâng chho in that chhe hian ka thu ar ar a, a vawt bawk si, ka hnâr lah chu a ping reuh zêk lehnghâl.


"Bazaar pui kal kher a ngai hleinem, Kan vêngah hian bazaar ila ni mai lawm"



"Aih...Bawngsa Fry ka ei châk"


Ka ner sak, kan vêngah pawh a awm tho sia, mahse a lei tu tûr ania a thû thû ni teh se.



____________




Tlêma hmun rem laiah chuan a car dahin inkâi rial chuan kan bazaar dûn a, Engmah lei a phallo amân a lei vek, leina tûr nei lo em em pawh ka ni chuang lo na in, a sum nei zâwk chuan lei nghek ang hmiang ka ti mai, mahse ka mamawh loh thleng thlenga lei tîr erawh ka tum lo.




Addidas kawrlum senno an khâi chu ka en vang vang a, tûn hma ang kha chu ni se chuan engmah ngaihtuah buai lo in ka lei leh hmak âwm si a, ka ngaihtuahna atang chuan inthing harhin ka nui lui sak, Uruata ka en chu Pitar te pakhat futui zawrh chu alo leisak mêk a,Bûr khat Rs 100 ni si kha Rs 500 tlang pe in a kîr chu ala duh miah lo, Chaw hmeh leh sa vêl khâi bâwr luah chungin min kâichhuak ta daih.






A car pawh chawhmeh rim anam hum hum mai, mahse Pardi rim vêl a ni tho a ril ati tâm lek lek zawk.


"Tinge pawisa kîr kha i lâk duh loh a?"



Amah enkar chuan ka han ti a, min rawn en in a nui sak.


"Ka tih theih tâwk a nih kha, Pathian rawngbâwl tûr hian Missionary emaw, Pastor emaw, KTP hruai tu nih kher a ngai hleinem"




Thutak zeta atih chuan ka lo en vang vang a, a sawi dik ka ti takzet a ni, A ngaihdân chu dik ka tiin a thil thlîr dân chuan amah ka ngaihsânna ati zual sauh.


"Thlâ khian Kil lî (4) a nei pawh ti mahla ka âwih ang"



Nui var var chunga ka tih chuan a rawn nui suk a, ka biangah chuan a piai zauh.


"Hawh coffee in ang, a vawt emai"


Tih leh chhuah a rual nghâl a, Keipawn rang takin ka zui chhuak ve nghâl, Dâwr nei tu nu nên chuan an lo in be mawlh mawlh a, an in hriatna a rei tawh hmêl ang reng.



"Hei hi maw i zawn ziah chu? Alo hmeltha êm anih hi, ka dem miah lo che"



Nu pakhat upa ve tawh lam in nui thâ a arawn tih chuan ka lo nui ve sak, Coffee chu min rawn pe in a dâwr kawtah chuan enge engemaw sawi hian kan ding leh rih a, Uruata nên chuan kan in kâi reng bawk.



Dawr nei tu nu chuan min zawn nasat thin zia thû te leh a dâwra thawk ten an ngaihzâwn hlawm zia a sawi techuan ka lo hlim ru veng veng mai.


In kâi rialin a car lam chu kan pan dûn leh a,


"Bawiha"



Rawn ti tû âw kan hriat vêleh kan hnunglam chu kan hawi rual thap, Uruata Nu Numawitei a ni, rang takin Uruata'n min vawnna chu ka thlah vat a, Nu Mawitei chuan hriatthiam loh hmêl zet hian min en tawn dûn zak zak mai.


"Khawnge in kal a?"



"Kiki in ah chaw ka ei dâwn a, khawnge i kal zawk?"



Uruata chuan alo ti vat a, kan inkâr hi hre rih lo se ka ti takzet, Nu Mawiteii'n U Mimi i zâwk mo atân a duh zia ka hre si a.



"A nih chu....Tih tûr ka nei a ka chhuak a, Mimi i'n min lo lam dawn asin, lo lên a tum a, i awm loh daih chuan nuam ati dâwn amawni le"




A ti nghâl siam siam a, kei erawh ka lo ding ngâwi kar ringawt.


"Kiki I Uruata dâwr thar chu enge a an a?"



"A tha khawp mai, kan lûn reuh lutuk"



Ka lo ti mâwl tawp, han sawi duah dân ka thiâm lêm lo hrim hrim bawk.


"A that hloh chu"


A lo ti leh mai a, a hmêl atang chuan a lâwm vak hmêlloh, kan inkâr hi rinhlelh deuhna a nei pawh a ni mai thei ni.



"Nu kan kal dawn, hei a tlâi tawh si"


Uruata chuan a ti vut a, mâwl hi ka van ti tak, a nu hi thlah hâw hmasa phawt zâwk se a tha mawle.


"Awle kal mai ru"



Alo ti deuh hmak, Uruata chuan a car lam chu min pan pui nghâl vut a, ka bân a vawnna chu thlah tumin ka lo tâl chat chat a, ala thinrim lek lek zui, Nu Mawitei khân min en zui renga ka hriat vâng a ni.

A nu kha a lungâwi zân lo tih a man thiâm chiah lo a nih ka ring.




___________



Car ah chuan ka thu ngâwi kar a, Nu Mawitei khân min ringhlel lo hrâm se ka ti, anih loh chuan min huat phah mai ka hlâu, ka chhûngkua anga ka sawi ve theih an ni bawk si a, an lâwm lohna siam chu ka duh hauh lo.



"Uruat, i nu hian kan inkâr hi a hre tawh em?"



A motor khalh lak lawh lai chuan min rawn en vut a,


"Ka la sawi miah lo, mahse a hre thâwi tho ang"



Ka ngâwi leh vang vang.


"Tinge? Ka sawi dawn em ni?"



A rawn ti leh hû a, ka lo ter at,


"Aih....teuh lo, a theih chhûng chu zêp ka duh"



Ka lo ti hmak,


"Ngati maw?"



"Ngati vak mah, ka la in peih lo"



Ka ti ringawt, chhuanlam chu a tling lo chiâng alawm, mahse engmah a sawi tawh lêm lo.


_______________




Kan in kan thleng chiah chu ka che nghâl mawlh mawlh a, a duh ang ngeiin Bawngsa chu ka fry sak bawk, bai leh tlak vêl ka siam bawk a, kan pahnih chauh a ei atân chuan a tâwk viau.



"Duati arawn riak dawn em?"



"Aih, zan in chu a hman lo ang"




A chaw ei lai chu a ei chhunzawm leh mai a.


"Anih chuan ka lo riah mai a ngai dâwn nih chu"


A ti sup, ka enkâwk,


"A tullo, mutna tûr pawh a awm loh hi"



Ka lo ti nghâl hlar a.



"Khum a awm alawm, ka va haw lawk anga ka rawn kal leh ang, riak tûrin"




Thâwk ka la hawk,


"A ngai lo ka tih chu"



In seh chilh rap chuan ka lo ti a, ka thusawi chu hre lo ang maiin a kham hmak nia.


"Hmeichhia mahni a riah a tha lo, engtin mah ka khawih dawn lo che"




A kut sil mawlh mawlh pah chuan a ti bul bul a, ka hmûi ka lo ti pawrh zauh, a kham ta bawk a tiin ka chair ah chuan ka kê chu hlângin ka'n fight nghek anih kha, sa ka eilohna pawh a rei tawh bawk a, ka in ren lutuk vângin sa pawh ka lei ngam ngai lo kha nia.



"Ka va haw lawk ange, ka rei lo ang"



"Rawn riah chu a ngai lo tak tak ania, mahni pawn ka riak ziah alawm"



Kawngka zâwnah chuan dingin min rawn en a, a hmûi ati pawrh zauh, nui suk pah chuan a chhuak nghâl nal nal mai.



__________



Chaw eina vêl ka ti fel zo chu sofa ah chuan thû in blanket lian vak lo ka sin a, tv en pah chuan ka mu kâk mai, phone pawh ka khawih mang lo, TV en hi nuam ka ti zâwk miau a.



Kawngkhâr chu a rawn ri leh ruk ruk a, Uruata chu kawrlum dum leh kekawr dum ha hian a rawn lût nia, a sam kir lek lek buk chhap hian a ti lang chêr têp zel.



"A vawt lutuk"

tihpahin ka bulah chuan a rawn in thawlh ve nghâl a, min kuah nghâl hlû hlû mai, ka awmdân a dang leh tawh, ka thâwk hi a buai têp zel.



"Rawn riah chu a ngai lo tak tak a nia"



Ka ti sap a, kan inhnaih lutuk chu ka zâm lutuk tlat, ka tawn lohna a rei tawh a, a âwm tho mai, Hmân ah kha chuan mipa ka hnaih ngun a ngahmah ka ngai ngâi lo, mahse tûnah chuan mipa ka hnaih lohna a rei leh tawh a a hmâ ang khân ka ngam sârh thei tawh lo.



"I sawi ngun"


A rawn ti hluk a, ka nui hak, a rawn riak tak tak ang tih ka hlauh rualin rawn riak se chu ka ti ru tho.


"Khawi a kil lamah hian mu rawh, tv en ka duh"


Phun hluk pahin a kil lamah chuan a insawn ve ta ruk ruk a, taksa insi chêt chuan kan mu dun ta kâk mai, ka kâwngah a kuah a, kei in tv ka en thung, a kut chu a hlei tan riau mai.



Ka kawr chhûngah chuan rawn zen lûtin ka âwm bâwr chu a rawn hup thuk a, a khalh zui niâp niâp mai, ngah vak ka ngâi lêm lo, mahse ka beng leh ka nghâwng vêla arawn thâwk lum ham ham tâkah chuan ka awmdân a dik lo tan.



Ka dul chu muang châng chuan a zût heuh heuh a, thâwk ka lo la halh halh ringawt, hetianga ka danglam hmâ lutuk hi ka in haw lek lek zawk.



"Thingpui ka'n lum ange"



Aw khûr lek lek chuan ka han ti chhuak sap a, a thil tih lai chu a châwl dat.


"Awle"


Zâwi sup hian arawn ti a, ka tho nghâl nalh, Gas ah chuan thingpui chu ka lum nghâl vat a, ka lungphû la pângâi thei lo chu tih pângâi tumin ka âwm ka dawm vang vang a, thâwk ka la hawk ringawt.



Kawngka inkhâr ri thuai ah chuan ka phu zawk, ka hnunglam ka hawi chu Uruata chuan kawngka alo kalh anih chu, hrilh hai zet chuan ka en ha a, min nuih suk pahin min rawn pan, ka chil ka lo lem khalh.


Ka thingpui lum so bawrh bawrh chu rawn off in ka khum awmna lamah chuan min kâi phei a, uite kaih ang maiin ka zui dat dat ringawt.



Khumah chuan a thu a, Ka TV chu khum atanga en theih tûrin alo kuai her anih chu,


"Sofa saw chu a tê emai"


A ti zui sup a, ka nui liâm ve tawp, choka ah chuan lêt lehin thingpui chu ka siam ta rak rak a.



Uruata chu ka pe nghâl, ka vawh deuh vângin keipawn ka in ve tho.


Thlahrâng film hi alo en reng chu niin, thlahrâng film ka ngaina lo, mahse ka en duh tho, Thai film a ni a, ka râp zâwng tak a ni.


Mu chung bawk chuan kan en leh ta, ka bula mu ve vâng hian tui tak pawn ka en thei lo, a kut a hlei si.


A lamah chuan min kuai herin Duhthâw zet hian min rawn fâwp ta tâwn tâwn a, keipawn ka lo chhânglêt tha kher mai, a rim pâ hrâk mai techuan min ti â zo ta vek hian ka hria.


Ka taksa chungah chuan rawn bawkin a kawrlum hâk chu a phelh a, hnuaiah chuan t shirt dum bawk a ha tho, chû pawh chu a phelh leh, tattoo a nei lo a, a vun chu mipa ah chuan ngo tih tûr a ni, tûn hmâ ang bawk khân a taksa chu a lian in a in phut mawi tâwk khawp mai, chêr chhia a ni lo a, thâu chuang liam pawh a nei chuang lo , a six pack lang kalh chu ka en a, ka sa ap ap mai, ka hmâi hi a sen vekin ka ring.


Rawn kûn hniâm in muangchâng chuan min rawn fâwp a, tih ât vek ang mai hian ka awm, ka â chhû mai, ka kawr lum leh a hnuaia ka hâk t shirt pan zet chu hnehsawh zet hian a hlîp chho pawp a, ka bra nalh lêm lo tak a hmû chu ka zak lutuk, ka lo hup vat a, ka kut chu rawn la sawn in chiang zet hian ka âwm bâwr chu a en vang vang a, kei erawh ka zah êm vângin bangkil lam ka lo hawi daih.

"Rinawm taka min lo nghah vângin ka lâwm e aw, pângngai tak pawn lâwmthû ka la hrilh lo che a"


A aw dam thlup chuan min ti pangchang lek lek, alam chu hawiin ka enkiau a, Mi a nilêng ni lo ta chu a mit meng atang ringawt pawh hian min duh zia ka man ve thiâm tlat.




He thil hi ka tih ka in ring bîk lo, mahse ka thianghlimna ka hlauh ta, Pathian lakah chiah inthiâm lohna ka nei, Uruata pawh ka dem lo, kan hun tawn in a zir êm a ni.



Kan taksa ruak kâng in si thlap chuan kan in kuah a, duat zet hian ka sam chu a chûl hliau hliau bawk, ka chalah chuan a fâwp zauh, min en reng vâng nge ka lâi lek lek, a mit meng techu a rawn êng sur hian ka hria, a nui deuh sak a, sawi lo mahse a hlim takzet a ni tih ka hre thei.


Kei erawh ka taksa nâ leh chau lutuk chuan ka mood a thlâk a, nuih pawh a harsa ka ti, a âwmah chuan pangchang zet hian ka bei hlê hlê a,


"Hei hi sawi daih tawh tûr ka nia, Lalduhkim kei hian ka hmangaih che"



Awki hniâm ruih hian a rawn ti sup,A âwma ka bei reng lai chuan ka nui sak, ka bei nghet sauh bawk, ka hmangaih vânga keipawn ka thianghlimna hi hlân ka ni, ka hur vâng leh ka châk vâng a ni reng reng lo, ka mipa hmangaih ber ka thianghlimna ka hlân a ni mai a, inchhîrna ka nei ngâi lo ang, khâng hun chhûng zawnga min lo zawng tu leh min lo nghâk tu a ni a, a phû hliah hliah, thu thlum tak hmanga chhân ve duh viau mahila ka tawng peih lo, a bân lian tha zet chuan min kuah ta hlû hlû a.


STORY CHHIAR THIN ZAWNG ZAWNGTE TIH VE NGEI NGEI TUR.

STORY a thlawnin chhiar tur nitin kan chhawp chhuahsak che u a, nikhata i chhiar man hi duli man tal ni a i hriat chuan website a advertisement hi i lo click ve thin dawn nia. Online website a story i chhiar theih nan pawisa tam tak kan seng a, i chhiar paha i lo click ve hian i chhiar man i pe ve a ni tih i hre dawn nia.

Mi pangai chuan miin sum senga an tana buaisaih a nih chuan an theih dan ang angin pek let veleh ngei an duh thin. A thlawna dawnga pe let ve tu nih peih tlat loh hi a zahthlak, a changkang lo lutuk, smart phone tha pui pui kan nei a, kan rilru pawh ti smart ve ila. Story in chhair theih nan hian writer te hlawh sing khat ai tlem lo kan pe ziah a, website hrim hrimah hian sang 6 vel kan seng bawk. Story in chhiar man hi chawitir zel dawn che u ila chuan mi tam tak hi chuan story in chhiar theih lohna a rei tawh ang, chuvang chuan a thlawna chhiar liam mai lo in lawmthu sawi nan i lo click ve hi kan phut tlat a ni.

Advertisment hi a chung berah leh a hnuai berah kan dah a, Vawi khat ve ve click a tawk mai. Vawi khat ai tam click kha awmzia a nei vak lo.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:56 pm

Zîng ka harh chu ka na thûm mai, ka bulah Uruata alo la mu ve reng chu niin, harsa ti zet chuan ka tho a, sana ka en chu Dar 6 alo pêl hret tawh, kâi tho lêm lo in bathroom lamah chuan ka luh san ta daih a.





Tui lum sa ver vawra ka inbual zawh hnû chuan ka dam sawng sawngin ka hria, natchhâwkna ka ei nghâl pawp bawk.



Thingpui ka lum a, Chaw ka chhûm nghâl bawk, Ka che rî ah chuan URuata pawh a rawn tho ve nghâl vat a, a sam pawr phang chuan ati lang pâ, a zîng tho hlim pawh hi alo tha tho a nih hi.



"I thawh na rei tawh em?"



Aw tial ruak hian arawn ti a, ka lo nui sak.


"Rei lo e, thingpui ka lum a, in la haw ang che"



Ka lo ti nghâl, lungâwi loh hmêl zeta hian a hmûi ati pawrh zauh lai chu ka va hmu reng, a khum atang chuan rawn tho in ka hnunglam atang chuan min rawn kuah a, kekawr ha tawh mahse kawr ala hâk loh vâng nge? A pangti lum chuan min ur hem hem mai.



Amâ lam chu hawiin a nghâwngah chuan ka lo kuah a, a mit meng chu rawn ti zîm deuhin a meng de sar sar mai, a nui var var bawk.


"In ti fai la, i nu in alo ngaihtuah ang che"



Ka tih chuan a nui suk.


"Naupang chhia ka nih tawh loh hi"


A ti sup, Ni tho mahse heta a awm ve reng chuan ka in luahna ten hmeichhe khawlo lutuk angah min ngai ang tih ka hlau, ka fel em em hran chuang lo na in.



"Vawikhat chiah ti leh ila"



"Kal mai teh"


Tihpahin a dâr ah chuan ka bêng ri thlawrh a, a nui hak ringawt.




____________



Uruata haw hnû chuan hnâ a kal tûrin ka insiam mawlh mawlh a, ka nuamsam lo viau na in chawlh chu ka duh bîk lo, hlawh a tam loh nâkalaia lo chawlh leh chhên kha ka duh lo, ka nu ka tlawh thei têp tawh a, amamawh tepawh lei nual ka ngai.




Uruata'n min rawn lam tum viau mahse mahnî in ka kal ta zâwk, midang hmuh a inzui lan lutuk hi ka duh lo.





Dâwr ka thleng chu Ruattei tak ngial pawn min lo thlen khalh tawh, Uruata erawh arawn la thleng ve lo thung.




Chhuat te nâwt a kan ti ti mawlh lai chuan Customer pakhat hian coffee a rawn lei a, ka en lêm lo na in a âw chu ka hriât hnû ang ka ti tlat.


Ka'n hawi chhuak chu ka ding dat.



"Doctor"



Ka ti sap a, ni e, khâ Doctor fel tak, ka ke min enkawl dam sak tu ngêi kha a ni.


Min rawn en a, a hmêl atang chuan ani pawn mak a ti vê hlê tih ka hre thei.



"Kiki nang maw? I thawk alaw?"



Nui var var hian arawn ti a, keipawh ka lo nui sak,


"Aw....ka dam tha lutuk ania aw, in sawisêlna pawh ka nei tawh lo, Engtik khân nge i rawn chhoh a?"



Ka lo ti nghâl bawrh bawrh a.



"Nimin piah lawk khân, LRM ah sawn ka thawk tawh dâwn a"


"Anih chu, I dam tha maw?"



"Tha a ni mai, hawh lo thu lawk teh inkâwm lawk ang"



Tihpahin thutna fâl deuh ah chuan min thut pui a, Doctor ka hmû chu ka hlim takzet a ni, ka lo ngaina sâ bawk nên, ka awm na techu hrilh in ani pawn a lo lên vat tûr thû techu a sawi a.




Pâwn a thlah paha fiamthu thawha kan nuih bâwk bâwk lai chuan Uruata pawh arawn thleng ve nghâl, Chutih lai tak chuan Doctor Davida chuan ka kê chu uluk taka thlêk pah hian a rawn khawih niap niap a, Uruata chu a lungâwi vak lo tih ka hre mai.



"Kiki"


Nêm vak lo a rawn tih pahin ka bulah chuan a rawn ding a, ka dârah chuan rawn kuahin min tawlh hnung pui deuh dâwrh mai.



"Han that lohna em em a awm loh hi, Ka kal phawt ange, zan in chu ka rawn tlawh dawn che nia"



Nui var var hian a rawn ti a,


"Awle tehrêng"



Ka lo tih chuan a car ah chuan a lût zui vat a, min rawn bye bye hrâm, bye bye lêt ve tuma ka kut ka lek kâng chu Uruata chuan a lo man chut a, ka kut chu a dah thla hmak, Doctor kal liam hnû chuan ngâwi reng hian a lût nulh a, a thîk tih ka hrethiâm mai, duh leh thîk mai mai teh se, thîk chhan tûr a awm lo chiang emai a.



Ka lût chu Ruattei chuan min lo hûi zauh a, ka pan nghâl vat.


"In inhau ami? Ava tûm nasa leu luau ve?"


Ka beng bulah chuan rawn ti deuh sar sar a, nui chungin ka lû ka lo thing.

"Hau nâng, a mood a fu chiah lo mai mai niang"



Ka lo ti ve mai a, Eng engemaw thil ho deuh deuh sawi zui luam pahin kan thil tih lai chu kan ti pah reng tho.



____________



Uruata chu a tawm rei ngar ngar tawh khawp mai, engemaw a tih chen chen le? Dar 2 a ri leh dêr tawh a, a rawn la chhuak eih lo.



Mapuia leh Ruattei ngaih tha lo chuan A ei tûr chu min pêk tîr ta ringawt a, tûk in khân a thinrim hmêl sia, hreh zet chungin kawngkhâr chu ka kik dat dat tho a.


"Lo lût rawh"


Arawn ti bung hmuk, muangchâng chuan ka lût a, a laptop ah chuan eng engemaw hi alo en mial mial a, min rawn en zawk, ka lo nuih saka, nuih pawh min nuih lêt velo chuan a laptop chu a en leh nghâl daih.



A dawhkânah chuan inthlahrung zetin a ei tûr chu ka dah sak a, a buai hmêl si a biak ngam pawh a ni lo, ngâwi rengin ka in her a.


Chhuah leh mai ka tum chu "Ding teh"
A rawn ti nghut, ka ding nghâl dat a, alam hawi chuan ka in her nghâl vat.


"Tûk in ami kha tunge?"



Min zâwt har ka lo ti rêng ahh...


"Doctor kha, min enkawl dam tu ka tih kha"



Inthlahrung zet chuan ka lo ti sap a, engemaw sawi hian a phun sup, mahse ka hre pha lo.


"Vawiin tlai ah chaw lo ei ang che"


A ti leh ringawt a, teh ngawt a,


"Mahse Doctor kha"



"I duh loh chuan ka ti lui lo che"



Ka sawi zawh hmâ chuan alo ti vat a, thâwk ka la halh, Doctor a chu a number ka nei tho a, in a ka awm dawn loh thû ka hrilh mai ang, ka haw har tâk in.


"Awle"



Ka ti leh tawp, min chhân tawh lêm loh vâng chuan ka chhuak nal nal a, a awm dân hmuk hmuk khân ka lung ati âwi chiah lo, khatiang hmuk hmuk a in tih techu a.


Tlâi ah chuan hmundangah a chhuah zawk vângin bân hunah pawh a rawn la thleng lo, Mahnî in a dawr ah chuan ka lo nghâk rân a, Doctor a chu call in ka awm loh thû ka hrilh pah bawk, ka hawi veuh veuh hnû chuan a rawn thleng ve mai a, Sawma a riah thin vângin kalh buai vêl a ngai lêm lo, Rang takin a car chhûngah chuan ka lût a, vawiin a awm dân vâng khân ka lungâwi zân loh vângin ka be lo a, hlim hmêl pawh ka hmuh bîk lo.




Ngâwi rengin a motor khalh pah chuan ka mal pui ah akut a rawn dah a, ala hmer vak zui, ka lo phu zawk, ka en deuh hâ a, kawng en reng pah chuan alo nui suk.


"Midang chu khawih tîr ve tawh suh"



Thu pe âw zet hian a han ti a,


"Mahse ani techu ka doctor alawm"



Ka tih nang nang vâng chuan rum zet hian min rawn en a.


"I dam tha tawh, khawih nachhan tûr che a nei lo, Kiki ka duh miah lo nia tiang kha"



Aw ki hniâm ruih a rawn tih tâkah chuan ka chhâng tawh lo, a kut lehlam chu a hlei tlat, ka kekawr chhanah chuan a ni lo lai lai zu khawih dun dun reng a mawle , a kut chu ka lo bêng taih a, nui suk chungin ala sawn ve mai.



"I dam tha tawh tih ka chiang lutuk, nizân atang khân"


A ti leh sup a, ka sa pup pup thei,


"A ninawm"


Tih hlak pahin ka beng chu ka hup ta ringawt a, tinge a sawi hreh ve miah loh le? Kei chu ka ngaihtuah zâwng ringawt pawn ka zak.


"Anih ka sawi tawh lo ang"


Nuih za insûm zet hian a rawn ti a, a dâr ah chuan ka lo bêng taih ringawt.



___________



An in ah chuan Nu Mawite leh Uruata û chauh an lo awm, Chaw ka ei dâwn tih an lo hre lâwk a ni ngêi ang rawng bâwlin an lo buai khawp mai.



Nu Mawite chuan a room lamah chuan min hruai a, Uruata'n kan chanchin alo sawi tawh a ni ngêi ang min en dân hi a dang tawh tlata hriatna ka nei,




"Kiki ka fanu ang chiahin ka en che a, i fel a, kan ngaina bawk che, mahse....i hrethiam anga, keichuan ka mo angin ka en thei lo che a ni, Ka fanu ni tûr chuan ka duh lutuk che, mahse ka mo, ka fapa nupui a tân chuan ka pawm theih che ka ring lo a ni, i nu mîzia hi ka hre chiang a, i pa erawh pa fel tak a ni, i nu vâng hian pawm che harsa ka ti, keichu ka hmânlai rilru a, i nu hian mî pa ngaihzâwn mai tepawh pawi a ti lo tih ka hria, i nu atang hian ka pawm theih che ka ring lo a ni"




Ka kut ka hûm na chu a huh vek tawh, Nu Mawitei thusawi chuan min deng dawt dawt ni hian ka hria, a thlîr dân atang chuan thil âwm lo pawh a ni lo, Ni e, Ka nu hi mi zawng zawng ngaihdân chuan Nu tha tak chu a ni lo alawm, mahse Nu Mawitei tal hi chuan a hriatthiam ka lo beisei a, ka rin aiin rilru alo chhe daih.



"Ka lo hre dawn nia"



Aw khûr lek lek chuan ka han ti a, a bu nghauh.


"Zan riah chu ei la, ka theih tâwpa tanpui che hi chu ka duh lutuk, mahse hetianga a ni lo lam zâwnga in awm tlat dâwn anih chuan lo kal tawh lo mai la ka ti khawp mai"




"Awle"


Ka mittui arawn luang nghâl ngiai ngiai a, Uruata arawn lût ve thut, ka mittui chu a rûkin ka hru zauh zauh a, U Mimi âw pawh ka hria, He in chhûngah hian ka lo leng ve lo a nih dâwn hi, hetiang techuan zanriah pawh tui ti takin ka ei thei dâwn amawni le?

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)