KA LALNU BY Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: KA LALNU BY Hlutei Jocund Pachuau (Completed)

Unread post by Ngaia » August 30th, 2020, 9:56 pm

" Ka Nu tinge Mimi saw i sâwm ve tih min hrilh loh?"


Lungâwi loh hmêl fe hian arawn ti lût a, kei erawh ka mittui ala hul lo a ka hriat vângin Uruata chu ka en ngam ve lo, Hnuailam ka lo bih ngar ngar thung.



"Âw ka sâwm ve bawk loh in, mi hrang a ni bîk hleinêm, a hrim hrim in enge ani chu i ngaih theih loh viau a?"



Nu Mawitei chuan aw dam thlap hian alo ti a, ka na vawng vawng mai, han tah êm erawh ka duh lo,


"Tun achinah chuan min hrilh lâwk tawh ang che, ka ngai thei lo a ni lo, chhûngkaw thil sawi duh huna mihrang an lo awm ve hi tûl ka ti lo, Kiki hawh u ei tawh ang u"




Hawi chhuak pahin ka nui lui sak a, ka thutna atang chuan ka ding chhuak vat, Uruata chuan chîk zet hian min en a, ka en tha ngam ve miah lo, ka kutah chuan vuan in room atang chuan min chhuah pui a, Choka lamah min luhpui nghâl.




Dawhkân ah chuan Uruata û hmeichhia leh U Mimi i , an mahni awmpui tu nula te nên chuan chaw ei an lo siam mawlh mawlh a, ngâwi reng chuan ka ding a, tih tûr pawh ka hre ve lo, puih ka tum lahin an phal tlat bawk si lo, nuam ka ti lo takzet, ka hrang bîk ngawih ngawih hian ka hria.





Chaw ei lai techuan U Mimi i chu Nu Mawitei chuan chawhmeh tui tha tha chu a hmâ ah chuan a chhawp sak a, la puitling lo viau mahila a thil tih tumna rilru chu ka man thiám ve tlat.


Uruata chuan ka awm dân chu a hrethiâm a niang a nu tih ang chiah chuan chaw hmeh tui tha tha techu min chhawp sak ve zêl a, a u hmeichhia, U Mami pawn Uruata leh a nu inkâr chu a hrethiâm in ka hria.


Ani erawh ka lakah a sual lutuk lo, min be siam siam a, mahse u Mimi i nên erawh an in pawh in an ti ti duh zawng pawh a in an hmêl khawp mai, Keichuan an lâwm zâwng leh an hlimna tûr han sawi a, han tih dân vak ka hriat loh vângin ngawi rengin chaw ka ei tawp a, min biak in ka chhâng ve chauh, A hrehawm tih piah lam a ni, ka tê bîk rawih rawih hian ka hria, ka thin zâwn ah hian min hnawh ut ut reng a, a châng phei chuan ka âw te a khûr hial, ka thâ pawh a khûr der der mai, tah chhuah hawk ka châk ber, kan boruak rit lutuk vâng chuan ka chaw ei pawh a tui lo, Nu Mawitei leh U Mimi i lah chuan ka thin khei tâwk deuha thusawi dân an thiam si, ka nu sawi chiah si lo in an sawi sêl thâwi zauh zauh zêl a, nâ ka ti takzet a ni, Ka lo kal kher kher kha ka inchhîr rum rum mai.




Chaw ei na pawh seng lêm lo in Uruata chu zah pawh dâwn lo in min hruai haw tûrin ka ti ta ringawt a, hmeichhe indona hi mipa tân chuan hriatthiam a har ka ring, hriat thâwi deuhna chu nei mahse khâ inbeihna muala ka chak loh zia erawh a hmu ve thiâm kherin ka ring lo.





A châng chuan a chan chhe zâwka tang te hi a chak lo zâwkah an tang bîk lo tih ka hriat vângin tlâwm ka tum bîk lo, engtikah emaw chuan ka hmangaihna hmang hian ka la hneh em em ang tih ka hria.



Nu Mawitei hi ka lakah a hel tâk tlat nachhan phênah hian U Mimi i pawisawi loh hmêl tak kha a awm ngei ka ring nghet hmiah bawk.



Car a kan chuan lai chuan thlifîm vawt vur rawn thaw lût heuh heuh chu ka inchhêm tîr a, nichin maia thil thleng ka ngaihtuah phei kha chuan ka thin zâwn hi a rawn hmawh leh ut ut tawh, ka mittui pawh ka dang zo lo, ka hru zauh zauh a, mahse ka mittui tlêm te luang chuan ka thin tâwt up up chu a tih thâwl phah chuang lo, ka tah chhuak rawn in sang chho up up chu tih reh tum in ka chil ka lem khalh a, thâwk ka la hawk.



"Kiki apawi ka ti takzet a ni"



Uruata chuan arawn ti chhuak sup a, a hmêl chu ka en vat, min ngaihtuah hmêl zet hian min lo enkar a, engmah ka sawi thei lo, ka tawng vaih chuan ka baw hawk dâwn tih ka in hria.


"Ka nu khân i rilru natna tûr a sawi tih ka hria lawm, engvâng nge keipawn ka hre bik lo, ka lo be dawn nia"




A ti sup a, enge a sawi min zâwt lo chu ka lâwm ngei mai,


"Inneih hi lo duh ta ila i rem ti angem?"



A thusawi chuan min thâwn êm vâng chuan ka en deuh kâwk a, ka lo la ngaihtuah ngai miah lo, Ni e, Lo innei ta ila Engtin nge a chhûngte saw ka chên pui theih ang? Ni leh lo, ka chênpui ngêi chu a ngai dawn sia, ka tuar rei thei lo tawp ang, Mipa chuan hmeichhe buaina neuh neuh ang hi an hriatthiam ve vak loh mai bakah, Uruata phei hi chu hmeichhe buai neuh neuh angah hi chuan a inrawlh dawn lo tih ka hria, ka ngaihtuahna chu a kal thui khawp mai, Lo innei ta pawh ni ila kan hlim rei lo tawp ang, ka buai ru takzet a ni, a chhûngte vânga inneih la duh rih lo nih chu ka duh bîk si lo, A enga mah hma a ka lo milloh ringawt khân min ngaihdân a dik lo vek anga, Uruata ber pawh hi ka lakah a hel ve mai ang tih ka hlau a ni, ka buai takzet.



"Enge i ngaihtuah vung vung a?"



Dam thlup hian arawn ti a, ka ngaihtuahna atang chuan harh chhuakin ka nui lui zui hak.


"Ka nu buaina hi chingfel phawt ila, tichuan inneih chu kan la ngaihtuah dawn nia"




Chhuanlam tha bera ka ngaih chuan ka'n hnar a,


"Inneih phawt ila kan pahnih in kan bei dûn dawn alawm, râl khat atanga in puih ai chuan a tha daih zawk"



Awlsam zet hian alo ti, ka chhuanlam neih ve chhun pawh engmah lo a ni leh ta.


"Ni lo e, keimah pawn ka ti ve thei mai ang"



Ka'n ti ringawt a, thil chin châng engmah ka hriat loh bâkah Lawyer rintlâk rawih tûr lah chu ka hre dêr bawk si lo, ka beih tûr te lah hi mi mai mai an ni lo bawk nên.



"Kiki nang hian min nei duh lo ni berin ka hria"



Lungâwi loh hmêl zet hian a ti bûi bûi a, ka inthiam lo ang reng,


"Ka lo in ngaihtuah dawn nia"



Ka ti ta ringawt.




In kan thleng chu haw leh nghâl tûrin ti mahila a duh tlat lo, ka thinrim têp a ni.



"Hetianga mahnî chauha i awm reng hi ka tân a hrehawm zia i hre phâk lo ang"




Min en reng hian a ti sup a,


"Nakinah kan sawi tha dawn nia"



Ka ti ringawt, hetianga min nawr reng chuan ka tân hnar a har dâwn, ka buai takzet tawh a ni,



Sofa ah chuan thu dûn in tv kan en dûn a, chutih lai chuan kawngka arawn in kik karh karh a, Lo lût tûra ka hrilh hnû chuan Doctor Davida lek lo ni in, Uruata a hmu tel chu tlêm in a hmêl a dang deuh.




"Rawn kal ka tum tawh lo na a helai hnâi ah hian ka rawn kal a, ka rawn lût kâwi zawk"



Nui suk hian a ti a, thutna ka lo kawh hmuh vat.



"Thingpui ka'n lum ange, lêng ve rih rawh"




Nui var var a tihpahin ka tho a, thingpui ka lum san daih, an in be miah lo a,Uruata chuan a phone a khawih san daih, Naupang chhia ka van ti tak.



Doctor Davida zawk chuan a be ta nge nge a, Uruata erawh chuan a chhâng hmuk hmuk ringawt.



Thingpui chu pe in an bulah chuan ka thu thlâ a, Doctor Davida nên eng engemaw sawiin kan inbe bawrh bawrh reng a, Uruata erawh a ngâwi reng thung.




Rei vak lo ah Doctor Davida chu a haw ve leh ta mai a, Uruata chu ala ngâwi reng thung.


"Haw tawh rawh ka mut a chhuak tawh nia"



Ka tih chuan a rawn rûm nghut, a games khelh mial mial chu dahin min rawn en deuh rûn a, ka lo en ve reng vâng chuan min rawn fâwp thut, ka lo chhânglêt ve nghâl vat, hetianga kan awm reng chuan ramrî kan pêl leh mai dâwn tih ka hriat vângin ka in la hrang vat a.



"Tinge hetia i awm a? Tihsual ka nei ami?"


Dam thlupa rawn tih pahin ka biangah chuan arawn vuan a, min enkar bawk.


"Thil tha lo tih dun ka duh tawh lo"


Aw khûr lek lek chuan ka ti a, thâwk ala hawk.



"A tha e, Lo kal teh"



Tihpahin min pawm nghâl vang vang a, keipawn nghet zetin ka lo kuah lêt ve nghâl.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:56 pm

A hmasa in he story hi a kal tluang deuh purh a, han buai laih laih an nei lo in ti maithei a, Mahse kan Hringnun kawng zawh mêk a thil thleng thei, entîrnan mizo kan nih na laia thil thleng thei a nih na angin ka rawn ziak a, âwih awm loh khawp leh Mizorama thil thleng thei nêna in millo lutuk ang kha ka dah tel dâwn lêm lo.


Story Genre hrang hrang in ang lo tak tak hi ka ziak ve nual tawh a, he story Ho tak, Rawmantik story satliah mai hi ziah har ka tiin a lungkuai zâwnga ziah hi har ka ti a, ka lo Rawmantik lutuk lo bawk nên, duh khawp loh lai pawh innei ang, mahse an Genre mil zêla thil thleng theia ziak ka nih vângin in lo sethiam dawn nia💜💜💜💜





Uruata hâw hnu chuan keipawh ka mu ve nghâl a, mut hmunah chuan ka ngaihtuahna ka kâwm nasa khawp mai, tûnah mai chuan ka la neih theih pawh ka in ring lo, mahse hnar reng kha ka tân a nuam dawn bîk bawk si lo, ka rilru hah lutuk inbun ruahna ka lo mamawh bawk nên Duati chu ka call a, alo chhâng rang kher mai.



Thil awm dân techu abo abâng awm lo in ka hrilh vek, pawi tih hmêl zet hian a chek tlak tlak ringawt.



"Kiki keichuan i hlim hi ka duh ber a, I thiantha ber ka nihna angin Uruata hi then mai la tha ka ti"




Duati thusawi chu ka rin sa nitho mahse tlêmin ami nghawng ana deuh,


"Ka thei dawn mi? I hriat kha, ka tân mi bîk a nih zia chu"



Ka lo ti sap a, thâwk ala halh ri chuan min ti zâm lek lek nia.



"Ka hria lawm, Then lo ta la rilru hah rêng rêng in i awm anga, i nei lui anih ngat phei chuan i hrehawm viau ang"



A thusawi chu dik ka ti bawk si, mahse ka then theih ka in ring lo, ngaihtuah pawh ka lo ngaihtuah phâk ngai lo hrim hrim bawk,


"Hahdam deuh khân mu phawt la, naktûk zingah kan sawi tha dawn nia"



A tih tâkah chuan phone chu ka dah a, mut zangthal ar pah chuan inchung chu ka melh reng, ka nuna thuthlûkna siam harsa ka la tih ber tum a ni ngêi ang




___________




Hnâ ka kal tûr chu nizân ka men rei lutuk vâng nge ka mit a sen deuh râm a, ka tap bawk, ka thuthlûkna pawh ka siam fel tawh, a harsa ti hlê mahila, mahni hmasialna khawvêl a ni a, mihring ve tho ka nih vângin keipawn ka hmâ ka sial ve angai, ka hlim nân midangin an tawrh ngêi a ngai dawn a nih hi, mahse ka huaisen tâwk lo hlê, thâwk ka la hawk a, ka rilru chuan ka tawngtai bawk.




Nui lui sakin ka chhuak ta nghâl a,




Dawr ka thleng chu ka tlâi hret anih hmêl, Ruattei alo buai khawp mai, ka bag leh kawrlum techu dahin ka pui ve nghâl mawlh mawlh a.




Chaw te kan ei kham hnû chuan Uruata pawh arawn thleng ve mai, Ka be vak lo, midang chuan an lo be sap sap hlawm a,


"Kiki ka room ah min lo hmu lawk teh"



A hmêl chu ka en hâ a, Min mit mei zauh pah chuan a office lam chu a pan nghâl, ngâwi reng chuan ka zui ve mai bawk a.



Ka lût fel chiah tih chuan kawngka a kalh nghâl,


"Nizân khân i in ngaihtuah tih ka hria, thuthlûkna i siam tawh ngêi ka ring bawk"



In ring tâwk tak hian arawn ti a, Ka sawi hreh viau na a, ka hlimna tûr a ni a ka sawi ngam ve a ngai tlat, a hma ang kha chu ni se zâm map lo in ka sawi leh par par tawh anga, mahse ka danglam zo tawh si a, ka dâwihzepin in rin tâwkna ka nei derthâwng tawh khawp mai.



"Aw....ka siam tawh alawm"



Ka ti chhuak sap, a âw a rawn thiân kharh a, a phûr hmêl khawp mai, a beisei ang chhânna ka pe thei lo tûr chu ka inthiam lo ru ang reng viau na a, mahni hmasial hun tak niin ka hre ve tlat thung.



"Uruat kei hian neih che ka duh vetho a, pawi ka ti hran lo, mahse....."


Ka ngâwi leh dat,

"Enge mahse?"


A rawn ti hmanhmawh,


"Ihh...englo a nia...in inah sâwn awm ka duh lo"


Maimitchhîng chung chuan rangzet hian ka ti chhuak a, a hmêl pawh ka en tha ngam lo.


"Enga!...enge i sawi awm zia?"


A rawn deuh hû,


"Ka tih awmzia chu, kan innei dâwn anih chuan kan pahnih chauh a chên dun ka duh a ni, tûmah awm ve lo se, i nu emaw, i unaunu pawh"



A mit a enkar chuan ka han ti leh a, ka in hûm ruh nasa kher mai, sual ka in ti takzet, min en deuh vang vang a, a hmêl atang chuan natna ka hmu thei, min chhâng miah lo.



"Ka duh anga kan awm thei dawn lo anih chuan ka nei thei lo ang che"



Ka han ti leh a, a kut leh lam chuan a kâwng a dawm a, leh lam chuan thâwk la hrâwk pahin a hmâi a tuai puat.


"Chu chu maw i duh dân?"



Awki hniâm ruih hian arawn ti, a awka atang chuan natna a tel tih ka hre thei mai, ka dem hran lo.



"Aw"


Ka lo ti leh tawp, a nui hak a, a nuih zat vâng erawh a ni lo tih ka hria, inthiâm lohna chuan min rawn bualin ka chil ka lem khalh a,


"Ngati nge?"


A rawn ti leh tawp, a hmêl ka en chu a mit mengah chuan thinrimna arawn lang, hmun dang melh kual zak zak pah chuan

"I duh lo a nih chuan sawi theih ka nei lo"



Inthiam lo ru zet chuan ka lo ti a,

"Ka nu khân i rilru natna tûr sawi a nei mi? Nge Ka u zawk? Sawi chiang teh"



Thinrim awka vîn lek lek hian arawn ti deuh hrâwk a, ka chil ka lem khalh.



"Ka chhânna ka hrilh tawh che a, chu bâk chu engmah ka sawi tawh dawn lo, i thuthlûkna ah a in nghat e"



Tihpah chuan ka inher vut, chhuah tuma ka pên lai tak chuan ka ban rêk ah min hmerin min kuai lêt sawk a, a awm dân chu ka hrethiâm khawp mai.



"Nang hian min hmangaih tak tak lo tiraw?"

Inseh chilh deuh tûn hian a ti a,



"Min thlah rawh hnathawh ka ngai"



Vîn hlar a tihpahin a kut chu ka phih thla pawp a, rang zetin ka tlân chhuak nghâl, ka mittui rawn tling kiau chu van va dâk meuhin ka khap lêt fak fak a, nui lui sakin Ruattei chu ka va pui nghâl.


Sual inti viau mahila kha tianga ka awm kha a ngai tlat, keipawn ka nu thlahthlam thei lo ang bawkin Uruata pawn a thei dâwn lo tih ka hria, Chuvâng chuan kan innei lo tawp ang, ka chiang a ni.



____________





Chaw hma lama Uruata chhuak kha inkhâr dawn thleng pawn arawn la lêt lo.



Mahse kan la awm thap tho, Sawma chuan Cake te a siam a, kan ei ho a, kan hlim dar dar khawp mai, chaw ka ei peih pawh ka ring tawh lo ka eihnem si.





Dârthlalang atanga pawnlam ka thlîr veuh veuh lai chuan Doctor Davida arawn lût thut, arawn nui lût var var a.



"Coffee ka va inchâk ve, sa ver vawr ni se, a vawt emai"



Zângkhâi vah hian arawn ti a, rang takin ka tho a, a coffee in tûr thlit ka tum lai tak chuan Uruata arawn lût ve hlawl mai, ka en zawk a, ka hawisawn leh nghâl daih.


Doctor a nên kan lo ding dûn bawk nên, a hmêl chu a nêl awm lêm loh khawp mai.


"Boss rawn ei ve nghâl rawh"


Tihpahin Mapuia chuan alo ko vat a, rum zeta min en zui pahin Mapuia te lam chu a pan ve mai a, Doctor Davida Coffee chu ka thlit sak a, no li (4) lai zu lei a mawle.



A hnuhnung ber ka thlit chuan ka in leih palh hlauh, a sa lutuk, ka râk that a, Doctor a chuan ka káwngah dawm in ka kut chu a lo en vat.


"Fîmkhur ta che"


Tihpahin ka kut chu a rawn chhêm heuh heuh a, Uruata lam ka hawi chu a rawn phei mêk hi alo ni, ngâwi rengin Doctor Davida'n min vawnna kut chu arawn dahthlâk sak a, min kái hrang nghâl hmak, sawi tûr pawh ka hre lo, a chêt dân chuan min barakhaih lutuk ringawt.



"Kiki i hi hnaih lutuk tawh lo la tha ang"



Ka îp châwih thei ka zak chem chem mai.


"Engvângin maw? I nupui pawh ala ni êm hleinêm"


Doctor a chuan alo ti nia, mak ti zetin ka en hâ a, Uruata chu a nui hak.


"Ka sawi ang chuan ti mai rawh, mipa ve tho ka nia i thil tum ka hre vek"



Uruata chuan a ti leh a, A thusawi awmzia hi pakhat mah ka hre ve lo, enge ber chu nge Doctor a hian a tum chu le?


"Sava thlâwk lai ania, perh thlâk tuma ka lo châng chu enge pawina?"



Alo ti leh, Uruata insûm zo tawh lo chuan Doctor Davida chu a hnek thal nghâl thuai nia, ka lo râk that a, Mapuia leh Sawma chuan Uruata chu an lo dang vat a, Doctor a chu ka kâi tho a, ka zak bawk si, sawi mai tûr pawh ka hre lo.



"Khawngaihin haw tawh rawh"



Doctor Davida chu ka ti ta tawp a, thinrim zetin a chhuah tâk kha, kan ngâwi thap a, engmah sawi na chî pawh a ni lo.



"Ka haw dawn, a nih phawt ule"


Tih leh chhuah ka rual nghâl a, Uruata chuan min rawn ûmzui in hnehsawh zet hian min kuai her lawp.


"Ka thlah ang che"



Tihpahin a car awmna lam chu min pan pui dâwr dâwr a, ka hnial tawh lêm lo.




Ngâwi rengin car ah chuan ka thu tawm kâk a, ka thinrimin ka zak bawk si, ka tang tung reng ringawt.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:57 pm

KA LALNU LAST CHAPTER...






Ngâwi reng chuan chakzet hian a tlân a, keipawh ka ngâwi reng tho.




Reilotê ah ka in chu kan thleng ve mai a, a haw leh nghâl mai dawn maw ka tih laiin a rawn lût kâwi veleh nia, biak pawh ka be peih lo, mipa fing tak niin ka hria a, Doctor David a a khawih kha ka thinrim nachhan ber a ni lo, chhan mûmal pawh awm lo a tianga ati mai kha ka haw takzet, amah leh amah a in ti mualpho.



"Kha pâ ka khawih vâng khân i thinrim em ni?"


A âwka chu a nêm in inthiamlohna a tel tih ka hrethei, ka chhâng lo, ka bag ah chu dahin tûm bâr chuan ka inthlâk mial mial ringawt.



Gas ah chuan ka inbualna tui tûr ka chhuang a, min en reng tih ka hria, en pawh ka en peih lo.



"Kiki"


Chuai ruih a tihpahin ka kal pêl tûr chu min pawt ding dat, ka thin arawn sa phat mai, a kut chu thing thla in

"Min khawih suh"

Ka lo ti bak hlar a, thâwk ala hawk ri chu ka hre reng, enge maw a ti palh ang tih ka hlauh vângin chhuanlamah chhuat nawh ngâi lo pui techu ka nâwt sawk sawk a, a dinna ngai ah chuan ala ding reng, a luh lul zia ka hria, mak ka ti hran lo.



"Tianga awm reng kha i tum ami?"



"Aw"



Pâwr zet chuan ka lo ti, a thin a rim tawh pawn ka hre lo, chutah ka chhuat nawh lai chu min rawn lâk sakin hneh sawh zet hian min pawm tho nawlh a, ka lo tâl nasa ngang mai.


"Min dah thlah vat rawh"

Tâl aih aih pah chuan ka han ti a, a nui suk duh lek chauh nia, ka khumah chuan min nghat chawrh a, ka thinrim hmâ in min rawn bawh nghâl, ka kut khinghnih chu khumah chuan a nem bat tlat, ka che thei tawh lo, ka thinrim lutuk chu ka tap lo chauh, ka mittui a tling pam a, ka khûr der der thei nia.



"Doctor Davida khân a ngâizawng che nih kha, ka hrethiam vek alawm"



Dam thlup hian a rawn ti,


"Âwih awm loh"


Ka la ti bak hlar tho, ka âwih lo nasa, ani ang Doctor tlangvâl techuan keini ang mai mai hi ngatân mah min ti lo tawp ang, kei aia tha a hmu hnem lutuk.


"Min ring rawh Kiki, mipa ka nia, ka hrechiang lutuk"




In ring tâwk zeta arawn tih tâkah chuan ka ngâwi leh dat, tlêmin ka in thlah dul ta deuh, a ngaih dân chu engpawh ni teh se, chu chu kan buaina ber a ni lo.



"Ka thuthlûkna kha engtin itih ang?"


Ka mitah tak chuan min en vang vang a, keipawn ka en ve kar tho,


"Kiki kei hian ka hmangaih hmasa ber ka chân tawh a, nang chân leh che hi ka thei tawh lo, Chutih rualin ka nu leh ka farnu pawh ka thlahthlam thei lo, engpawh ni se ka nu chu keimân ka lo be leh phawt anga, min chhân dân a zirin thuthlûkna chu ka siam dâwn nia"





A thusawi chu uluk tak chuan ka lo ngaithlâ a, mipa zâwk nge nge chu ka hneh leh ta lo, a biang leh lamah chuan ka vuan a, a lo lum vang vang mai.



"Vawiin khân i pâ ka ti tawp"


Nui chunga ka tih chuan a rawn nui hawk a, ka laka heti taka a thîk thû a chhia hi ka thinrim rual rualin ka lâwm, min hmangaih tih ka hre tlat a ni, min then anih loh chuan âtthlâk taka then ka tum lo, Ka hmangaih a, ka tân mipa hmasa ber a ni bawk.



"Ka bân a kham"



Tih suppahin a taksa rit zet hian min rawn delh ûl a, min kuah hlup, ka thaw thei lo têp nia, ka lo thau lo lutuk lo bawk nên.


"Ka thaw thei lo"


Nui hawk pahin ka sîr ah chuan a let thla tawp a, a chauh hmêl ngawih ngawih, hahdam hmêl zeta thâwk chhuah ham ham pahin a maimitchhîng riai riai a, ka lo en reng, a mit hmul chu sei in a er sang mai, ka awt e,


"Ka lo chei ang che chu"



A mit hmulah hian mascara ka hnawih châk tlat,


"Mu mai mai rawh"


Meng lo chuan arawn ti, nghet zeta min kuah chungin a âwmah chuan min bei tîr a, ka samah chuan a chuk zauh.


"I sam chu coffee rim a nam anih hi"



Ka tho uaih thei, ka la inbual lo tak e, ka hah ve sia ka rimchhe ngawt ang.


"Ka va inbual lawk"


Rang zet chuan min pawt mu leh a,


"A pawi lo, ka uang anih kha, Shampoo rim anam alawm hnîm la"



Tihpahin ka sam tâwnna chu a phelh a, min hnim tîr, shampoo rim chu alo la nam tak tak nia.




A rawn hawi thlâ a, he nuimawi zetah hian ka lo luan liam na kha a rei ve tawh khawp mai,


"Ka hmangaih che"


Tihpahin min rawn fâwp, chhânlêt ve duh pawh ni ila ka tawng thei lo, duhthâw zeta ka lo fawh lêt ve na chu ka chhânna ah lo ngâi mai rawh se.



Nula tlangvâl hrisêl thalai tûmah vênthâwn tûr nei lo na na na chuan ram rî kan pêl leh ta, pawi ka ti hran lo.





LALREMRUATA




Ka hâw vêleh ka nu room ah chuan ka lût a, mak tih hmêl zet hian min lo en hâ mai.


"Kiki i bulah sawi i nei tih ka hria ka nu, engtiang takin nge ilo tawng khum a?"



Pângngái tak chuan ka ti a, ka thinrim lêm lo, a phênah hian Mimi i a awm tih ka hria, hê nû mizia ver ther lutuk hi ka lo man har kha ka thiam loh liau liau a ni.



"A hrilh che ni maw, ka ring rêng ahh..."


A ti nghâl sap,


"Min hrilh ni se enge i sawi ka zâwt dawn che mi?"


Ka nu ka chhân dân vâng chuan a lungâwi vak hmêlloh.


"In inneih ka rem tih loh thû ka sawi a ni mai, i nu ka nihna anga ka tih tûr dik takah ka ngai"




"Ka nu, Kiki i duh lo tûr hian tunge kan nih vak bîk a? Patea zár a kan khawsak a nawm tâk avâng hi em ni?"



Ka awkî chu a ring hret, ka u pawh a rawn lût ve.


"Mam....Ka nu hi khatin tawngkhum suh, tha takin sawi ang u, lo chhuak r'u"


Ka u chuan alo ti fiak thak a, ngâwi rengin Common room ah chuan ka thu, ka nu leh ka u pawh an rawn thu ve nghál.


"Nu nangpawh i dik lo ve deuh alawm, Mama hi kan chhûngkaw in nghahna a ni a, a duh duh chu nupui atân thlang ang hmiang, Kiki i hi Ks emaw, Hmeichhe tawp tak pawh a nih loh hi"


Ka u ka lama atang chu ka lâwm viau,


"Ni e ka nu, i duh loh chhan tak chu chiang takin han sawi teh"




"A nu vâng hi lawm ka duh loh, Tual thattû ti a mî te hriat lâr fanu kha mo atân kan nei dâwn a nia"



Ka thaw hawk, ka nu tak hi chuh.


"Nu i rilru hi a hmânlai tawh emai, chutiang tûmân tun ang lai ah an care tawh lo, Hmeichhe fel tak a nih ka ring, Nu Mahruaii pawh kan hrechiang a, Tual thattûr khawp khawp chu a ni lo tawp ang, mi te sawi tih vel mai mai a in nghah, a hmanlai tawh lutuk"



Ka u chuan alo ti zung zung a, ka nu chu ka la en reng.


"Nu, Mami ka chân tum a ka awm dân kha ila theihnghilh loh hrâm ka beisei"




Beisei nei zet chuan ka han ti a, ka nu awm dân ah chuan a nêm tan tih ka hria, a tar ve tawh a, Mimi i'n dâwt tam tak alo fah chu a âwih vek dâwn tih ka hria.


"Mam, Vawiin tlâi chu chaw lo ei leh sela tha ang"


Ka u chuan nui chunga tihpahin min mit mei zauh a, ka lo nui suk, phûr zetin Kiki i chu ka call nghâl a.



LALDUHKIMI




Vawiin hi Tiam tlat e kan tih nî a ni ta, ka hlim viau e ti lo chuan ka chhûngkaw neih chhun, ka engkima engkim ka nu a tel ve thei lo tûr chuan tlêm in min ti lungngai deuh.


Dârthlalang hmâ ah chuan in en in ka in nuih sak, nalh ka in ti ve hlê, mokawr simple tak ka hâ a, Uruata'n min hmuh hunah chuan nalh min ti ve ngawt ang, Dan 2 na in ka innei dâwn a, Mihring chu kan bum ngam pawh a ni thei, mahse engtik lai pawh a min vênga min thlîr reng tu Pathian hmâ ah meuh chuan tûmah kan bum ngam ta lo.


Biak in dâr ri tlang tlang chuan min ti zâm vek, ka khûr in ka thlan dep dep thei nia.



_________


Inneih hun serh a zo a, thenrual tha techu an la awm laih laih tho, Uruata chuan min rawn hrilh ru sar sar a.


"Haw vat tawh se ka ti, engemaw tih kan la ngai bawk sia"


A rawn ti, ka nghawk sawk, nui sukin a thian te awm na lam a pan ve mai, kei erawh Ka thawhpui te leh College ka kalpui thin te, Duati te nên chuan kan la ti ti laih laih mai.



College ka kal lai a ka chêt pui ve theih zia techu fiamthu thawh nân hmangin kan hlim hlawm hle.



_________



Midang haw rêm hnu chuan 12 ari thuak tawh, ka inbual zo chu ka châu deuh nge, khumah chuan ka lo muhîl sek a.

"Ka Lalnu"


Ti sa sa thâwm chuan min ti harh riai riai, ka meng chu Uruata chuan min lo nuih var var a, phak chualin ka tho, ka hmûi ah chuan arawn fâwp zauh, zu rim ka hre tlat.


"Zu rim i nam"


Ka lo ti a, a nui suk.


"Tlêm tê chiah, ka rui vak lo"


Tihpahin min rawn kuah vang vang a, kawr bân bûl ka hâk vângin ka nghâwng vêlah techuan a thaw lum hak hak mai.


"Hmân a i rawng bâwl thin kha ka la ni reng a nia"


A thusawi chu a awmzia ka hriat loh vângin min kuahna atang chuan ka tâl chhuak a, zawhna mit meng chuan ka en.


"Ka hmuh tirh ber che khân hmeltha ka ti lutuk che a, A hnû ah i nasat hmêl ka ti leh a, mahse i duhawm zia ka hre chho tial tial a, tichuan ka duh ta che a ni, mahse nang chu ka duh phâk, ka ngaihzâwn phâk ah che ka ngaih loh vângin Ka duh thû che pawh ka sawi ngam ngai lo, tih lan pawh ka tilang ngam lo"



A thusawi chu ngaihnawm ti zetin ka lo thlîr a, ka hlim a ni, ka hlim takzet, duat zet chuan ka kuah a, min rawn fâwp nghâl.


"Tawngtai dun ka duh teh lûl nen i rûi bawk sia"



A nui hak a,

"Tiang hian tawngtai a nuam daih zawk"


A dârah chuan ka bêng sawk,


"Tak takah mu phawt ila, naktûkah kan tawngtai dûn dawn nia, lawmthû te kan sawi anga"



Ka lungâwi veleh mai, a tha zâwk daih ang.



Ngaihtha zet chuan kan mu dûn a, ka pum arawn chûl.


"Hetah hian kan fa tûr awm tawh se aw"


A ti vang vang a, ka lo nui hak

"I ho emai a"


Tihpahin ka bêng taih, Tûnah chuan ngaihngam takin ka awm ve thei ta.



A TAWP TA



Keini Story ziah ve teh lûl in lo chhiar duh hi ka lawm e aw...



ITZHAK season 2 kha ka rawn post tep tawh e....

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)