KA LALNU BY Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

KA LALNU BY Hlutei Jocund Pachuau (Completed)

Unread post by Ngaia » August 30th, 2020, 9:47 pm

#Ka_Lalnu. Mizo thawnthû deuh hnâp aw.

Tlangvâl reithei tak pakhat leh Mihausa fanu duatsual chanchin aw, Love story deuh ngawr ngawr a niang, Rawmantik sitawri ang chi kha. 🤭

gjao8bsh.jpg
gjao8bsh.jpg (14.43 KiB) Viewed 17830 times
KA LALNU....


Chapter-1


Hlutei Jocund Pachuau



Ka room kawngkhâr ri dawt dawt chuan min ti harh chiang ngei mai, phak deuh chual chuan ka tho Chhuak țuih țuih a, ka kâ a beer țhing uih rim rawn nam hak hak chuan min ti luak țêp nia,


"Tunge ? "



Vîn zet chuan ka'n ti bak hlur a,


"Keimah, Lalduhkim"


Ka nu âw a ni, ka lei ka chhuah rang ngang mai, rang tak chuan tho in inthlahrung zet chuan ka room kawngkhâr chu ka hawng nghâl vat, ka nu chuan rum fê hian min lo en a, pawisawi lo âwm fahran chuan ka lo melh kiau ringawt.


"Ipa țhianpa fapa kha alo awm rih dawn a, tlêm in i awm dân hi pângai ve deuh tawh teh, insiam țhat tum rawh, mifel leh Pathian țih tak a ni a, Zu rim nam huam tekhân i rawn haw leh ange, zah nachâng te hi hre ve la"



Tih hmuar hmuar pah chuan a chhuk thla leh nghâl hmak nia, In ti polite thaw uih ang kha nih dâwn chu, ho sih sah emai, chutiang thingtlâng tlangvâl țhing lutuk laka ka zah viau nachhan tûr ka hre lo.




Kei hi Lalduhkimi ka ni a, Kiki tiin min ko mai țhin, tûn ah hian Hrângbâna college ah B.A first year ka zir ve mêk a, Kum 21 ka hmang ve mêk bawk, ft 5'5 vêl ka ni a, hmundangah chuan ft 5'6 te ka tling tho, Mizo hmeichhia ah chuan a tê pâwl ka ni bîk lo, ka thau lutuk lo a, chêr chhia pawh ka ni chuang lo, chuan ka sam hi ka kâwng thlengin a sei a, a dum ni mahse rawng eng lâr takin ka pawlh zauh zauh bawk, a țial a ni ber ang chu, Ka nu hi Doctor a ni a, Aizawlah hian Smart Phone dawr lian ve tak kan nei bawk, Kum 7 ka nih lai khân ka pa in min boral san tawh vângin ka nu nen chiah hian kan khawsa a, unau dang ka nei lo bawk.



Ka nu hian min duat ve hlê a, ka duh apiang min tih sak ti ila ka sawisual lo ang, Ka hmêl en ai hian ka nu zên lo a,mahse mipa erawh han kawm ngaih fâl lutuk chu ka nei chuang lo, ngaihzâwng chu ka nei ve nual tawh, mahse ka la vargin thung, a chhan chu mipa in min tih deuh huam tawh hi chuan tûmah hi ka ngaithei lo, Mipa hi ka ten tlat a, min khawih an tum pawn ka khawih lêt hrep zel, hmeichhe nghal tak leh Che bawraw ve thei tak ka ni a, chapo ve tak ka ni bawk, ka ngaih asamin ka nun chu thlahdah ve tak ka ni.




Ka hmai techu phih faiin inhnuai lamah chuan ka chhuk thlâ a, ka nu chuan tu emaw hi alo be mawlh mawlh mai, chûpa chu mizo mipa ah chuan a lian ber pâwl ni lo mahse a lian pawl chu tih theih, Jumper grey rawng leh kekawr dum aha a, chêr lam han ti ila a chêr lutuk ni chuang si lo, taksa in phut mawi tâwk zet hi a ni, mahse a hmêl erawh min hnungchhawn daih vângin ka hmu thei lo, ka pên ri thlep thlepah chuan chûpa pawh chu arawn hawi vut a, a hmel chhelo hlê nghe nghe, a hmui lah chu a sen chek lehnghâl, a mit meng lian lam val deuh riai hian min rawn en vut a, mahse rei a ni lo, ka nu chu a en leh daih.



"Hei hi ka fanu chu nih hi, Boihte, hei hi i u Remruata a nih hi"



A rawn hawi a, nuilui sak pah chuan a kut arawn phar chhuak a, keipawn ka lo phar ve vat, kan in chibai ve mai a, hmelțha reuh phian mahse a inthuamna erawh man to tak a ni lêm lo tih ka hre mai, a mit hmul (eye brow) chu a buk chhap a, a hnâr chu a lian lek lek mahse a zum nalh phiân tho, a mit a mit hmul pawh a seiin a er sang mai, vai hmel lek lek hi a ni a, a sam pawh a ngîl lutuk lo, abuk lutuk lo a, a tâwk vel in ka hria.


Ka hmûi ka lo ti pawrh zauh a, a hmêl chu a faiin a fresh hlê a, a jumper hnuaiah chuan t shirt vâr nghâwng V a ha tih ka hmu ve chiah, a ha a vâr hle bawk, ruih theih thil chu a tilo chiâng a, mî hi ka chîk thei hrim hrim a, hei hi ka naupan lai ațang tawh a ka mizia ve hrim hrim a ni.




"Inchunga Ka fanu room bulah chiah room ah khian awm mai rawh aw, hmundang chu nî hi a hmu țha lo a, a hrisel lo palh ang"




Ka nu chuan a ti nghâl mawlh mawlh a, kei erawh chu stepah ka nu leh helai thingtlâng tlangvâl hmelțha zet inbe lai hi ka lo en reng ringawt,


"E... Taka... Ka fanu hi Kiki tiin i ko mai dawn nia"


Nui sak pah chuan min rawn mit sîr zauh a, kei erawh chuan ka lo enkar thung, a bungrua chu a khâi chho ta pûr pûr a, ka nu chuan min melh rum ngang mai.



A kal liam chiah tihin ka nu chuan ka dârah min rawn bêng ta țhuai a, anâ ka tih em vâng chuan ka râk nghâl țhat.


"Kha kha awmdân mawi ka zirtir che ni em? Lalduhkim, em em lutuk a che, chaw va ei rawh, i tlai dawn, zu țhing rim te lah chu i nam ther thur leh nghâl a"





Ka chhâng tawh lo, thinrim zet chuan choka ah lûtin bawnghnute chu ka in nghek a, Khatiang thingtlâng tlangvâl lakah khân ka polite vak na chhan tur ka hre lo e a.


"Chaw i ei dawn lo mi? "



Nu Tê i a ni, ka nu hi a hnâ ah a buai țhin êm vângin rawng bâwl tih vel hi a hman ve lo a,
chuvângin rawng min bâwl sak tûra kan rawih a ni, keilahin engtih mah ka thiâm dêr bawk si lo, Nu Tê i pawh chu chhâng lo in inchungah chuan ka chho leh hmak a.



Ka room ep chiah kawngkhâr chu alo inhawng deuh huau mai, ka en châk deuh tlat vâng chuan ka hnunglam chu ka hawi thut a, Remruata Thingtlâng tlangvâl ngêi mai khân a kawr alo hlîp mawlh mawlh lai ka va hmuh chuan ka mengkâwk thei, mipa ah chuan a ngo tih tur chi a ni,a hmel a derthâwn ve hmel tehreng nen a taksa chu analh phian.



A rawn hawi dâwn a ka hriat vâng chuan rang zetin ka room ah chuan ka lût ta daih a, tinge ka lungphû hi a ran dut dut le? Ka âwm chu dawmin ka lungphu rawn su dup dup chu ka ngaithla vang vang a, ka inthing harh vat, âtthlâk lutuk.




____________


Croptop dum ka lâi lang thei ka hâ a, kekawr tight zet ka thisen zâm lang țêp khawpa tight ka ha leh bawk, make-up chu nasa thei ang berin ka hmang a, ka in peih ta, ka helmet chu ka la chhuak a, phûr zet chuan ka chhuak vat.




Midang pawh an lo reh țhap tawh mai, an lo chhuak vek tawh anih dâwn hi tiin hmanhmawh takin ka scooty chuan ka inkhalh chhuak ta nghâl a.




Scooty hi ka ning takzet, bike lei ka ngen lahin hmeichhe tân a țha lo ati zêl bawk si, ka nu tak hi chuh.



College ka thleng chu Thian te chuan min lo bâwr nghâl laih laih a,


"Awihaa... I Croptop chu a thar alaw? "



Nunthari leh bawk, henû hi ka ning, mi a tlawn bawk si ka hne ngawih ngawih , mengkual ralh pahin ngâwi reng chuan ka kalsan hmak a, Vawiin chu a ngâi te ang bawkin class ah pawh ka awm peih lo.



Ka thiannu LalDuati nen kan lêngkual mai mai a, Mipa kawm chu a nawm zâwk rual rualin min beisei ru tlata hriatna ka nei țhin a, ka chhûngril tak tak hi ka phawrh chhuak thei țhin lo, hmeichhe kawm lutuk pawh ka peih chuang lo, Duati erawh têt tê ațanga ka kawm a ni a, kan inzui chawt bawk .




LALREMRUATA





Ka hnathawhna chu a ni hmasa ber ațangin kan buai nghâl hle a, Nu Mahruaii te hian Phone dawr lian tak an nei a, chu chu enkawl sak deuh tawp tura kal ka ni, hlawh pawh a țha phiân, Ka pa hi a ke pahnih a zeng a, ka nu lah a tar ve tawh em vângin hnâthawk tur chuan ka khawngaih viau na a,
inbul huanah erawh thlâi a chîng ve reng a, kan khawsak alo harsa ve bawk nen ka khap thei meuh lo, U hmeichhia pahnih ka nei ve a,mahse pasal fanau an nei ve ve tawh, thingtlâng lamah chuan in hlawhna tur awm ve nel nual țhin mahse ka hah ang hû in ka thawk chhuak hnem thei lo êm a,Aizawl lamah in hlawhna tûr zawn ka rilruk lai takin Nu Mahruaii hian ka nu arawn be ta hlauh kha nia, kan khua chu a thingtlâng ve hlê a, High school tih loh chu Lunglei lamah Ka Putea te inah ka zirna ka chhunzawm char char a, Lunglei Government College ah B. A Economics ka Graduate hnu in kan khaw lamah thla 4 vêl ka awm leh ta a ni, hmelhriat neih țhat loh chuan thiamna ten phâk mahse hna hmuh aharsa khawp mai, hna hniam tê pawh dil ila minister lehkha neih loh chuan a hmuh mai mai theih loh.


Ka pa Țhianpa chu alo boral tawh a, Nûfa te chauha awm an nih vângin mipa ka awm ve tûr chu a thlamuan thlâk an tiin min lo lâwm phiân a, Nu Mahruaii hi nulian leh zahawm tak fel em em mai alo ni hlauh a, Naupang Doctor a ni bawk, nu fâ chauha chêng an ni bawk a, an in chu lian lutuk lo mahse a changkâng phian, Tlangvâla pumpa mî ina han awm ngawt chu tlâwmah ka la ru viau, mahse ka nu leh Nu Mahruaii an lo in biak fel vek tawh mai bâkah Nu Mahruaii chuan min lo lâwm phiân a, Ka awm tûr chu a thlamuan phah zia te min hrilh nghâl mawlh mawlh tâkah chuan in dang luah ka duh zâwk thu pawh ka sawi ngam ta lo kha nia.



Ka sawi theihnghilh țêp, kei hi LalRemruata ka ni a, Kum 25 ka hmang ve mêk, Ruihtheih thil hi ka la tichhin lo a, kuhva erawh ei ve zauh ka chîng, ft 5'11 vel ka ni a, mizo mipa ah chuan tê pawl chu ka ni bîk lo.




Ka thawhna dâwr chu kan buai viau na a, a nuam phian, ka thawhpui techu Vai deuh hlîr an ni a, Mizo mipa pakhat lo thawk ve nên chuan kan in hmuh tirh phat ațangin kan in nêl nghâl a, kan in kâwm ngaih nghâl hle.



Amah chu UZualtea kan ti mai a, Pate lam fiamthu duh zet hi a ni rauh a, nupui fanau nei tawh a ni bawk a a ti ti ngaihthlâk nuam ka tih zawng tak a ni, a bulah chuan ka nui ka nui ve mai, Chhûn chawlh ah chuan eitûr te orderin kan ei mial mial a, Nu Mahruaii fanu Kiki i leh hmeichhe pakhat Duhawm zet mai hi an rawn in zui lût hlawl mai, Class a kal amaw ka tia.



"U Zualte, kan ril a țâm lutuk"



Kiki i chuan nûr deuh nâng hian a rawn ti lut a, a inchei dân chuan ka mit a ti kham lek lek, Vai ho lah chuan an mit sîr ralh ralh reng bawk lehnghâl.


"Uremruat hei hi ka țhiannu Duati a nih hi"


Ka lo chibai vat a, ala laih hmêl em em zui,


"Class in kal amaw ka tia"


"Kan zo tawh alawm"


Awlsam zet hian alo ti a, Kiki i chu sofa ah chuan thatchhe zet hian a țhu thla nghâl a, a țhiannu erawh ka awm vâng nge a ți dêk mai, a Sual chu ka ti hran lo, mahse Kiki i țhiannu a nih vâng hrim hrim nge ka ngaihna lo ve tawp.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:51 pm

KA LALNU


CHAPTER-2 (A thui chi. 😏)




Tlâi bân chuan châu zetin ka hâw a, Alo reh țhiâp mai, Kiki i te class kha an bânna rei tawh nen ala lêngkawi anih dâwn hi, hei hi nia khawpui nula ka ngainat loh nachhan, an zalên si, ka tei thei țhak lo.



Nu têi an tih țhin khân choka ah eng engemaw alo ti mial mial a,


"Ilo haw tawh alaw? I ril te a țâm em? "


Nui sâng hian alo ti a,


"Țâm rih lo e, midangin an ei tawh mi? "



"Ka pi chu a rawn haw dawn lo a, Kiki i chuan a duh hun hunah ei mai rawh se"



Alo ti sam êt a, hmeichhia si rin aiin an che awlsam phiân, Nu Mahruaii fanu tih mawh hmêl zet chu Sam thur bap hian arawn chhuk thlâ a, in khata cheng ho ni mahila kan inbe tam lo kher mai, Ka bul arawn thlen chuan zu rim anam hak, ala tleirâwl a, A nun a chên ni hmiang ka ti mai, an neih in a tlin bawk a, mahse ka awt lêm lo, nupui a tân ngat phei chuan awt lo tak ka ni.


"E...ilo haw tawh alaw? "



A hmâ ai chuan a polite khawp mai, a sam sei zet chu hnawk niai hian a bâwk a, kekawr bûl chhîng zet leh tâwnzau dum chauh aha bawk, a vun analhin a pian chu a nalh reuh phiân, make-up a hmang lo a a fai ser bawk, A hmêl pawh vantlâng chunglam a ni, a hmaibial chem leh mitmeng lian zet chuan a ti duhawm.


"Aw.."


Tih ringawt chuan ka chhâng a, ka chhân dân vâng chuan a ner sak mai.


"E... Ka in su dâwn a, thawmhnaw bâl i nei em? "


Nu Tei chuan A rawn ti lâng lâng a,


"Nei rih lo, A balh chuan keimân ka lo su mai dawn nia"


Kiki i chuan min rawn en zawk a, a rûk a ahmui ti pawrh zauh chu ka hmu reng, ka ngei reuh hlê, inchungah chuan ka chhoh sawn ta daih a.



Nula ve uaih tawh si inchhûng sekrek khawih pawh khawih ngai lo chu Nu Mahruaii chuan a duat ve hlê nih hi.



Ngaihtuah pawh ka peih lo e a, bathroomah chuan ka inti fai nghâl mawlh mawlh a, shower tui vawt thler thlawr a ka inphuh tîr lai chuan maimitchhîngin khâ nui mawi hmelțha zet mai kha ka mitthlâ ah arawn lang chuai chuai a.


"Mami"


Ka ti chhuak sup, a nui mawi hmêlțha zet chuan ka thisen zâm fanin hmâna ka natna bawk kha a rawn kâi harh leh ta, kum khat lai liam tawh mahse nimin maia thil thleng ang mai khân ka la hre chiâng a ni.



Mami kha neih ka tum nghet hlê, ka hmangaih a, ramrî kan pelh dun châng lah a tam, ka fâ a pai mêk laiin Thisen cancer vângin min boral san ta anih kha, khati lai khân ka la naupang a, College ka kal lai a ni, ani erawh college a kal tawh lo a, kei aiin kum li laiin a upa bawk, min duat a, Pathian thu țha tak tak min hrilhin nun kawng dik min kawh hmuh tu a ni, min thih san ațang khân mi â ang maiin ka awm ti ila ka sawi sual lo ang.




Chaw ka ei thei lo a, tui takngial pawh lem harsa ka ti, Mami tello kha chuan ka nun kha a kim tawh lo ni berin ka hria, ka nu leh pa leh ka u tepawn min hrethiâm a, Min țawngțai puina zârah tun dinhmun hi ka thleng leh ta chauh a ni.



Ka suangtuahna ram ațang chuan inthing harh in t shirt leh kekawr bûl ha chuan inhnuailamah ka chhuk thlâ a, Ka ril a țâm em em lo na in Nu Tei eisiam tui zet chu ka ei țeuh tho.




A lum bawk nên chaw eikham chuan inchung zâwlah thlifîm dawng tûrin ka chho a, boruak a thiangin light êng țha tak leh țhutna rem zet an lo rem dal bawk, mak deuh maiin Kiki i ka hmu tlat, Meizial alo zu pâwt pâwt nia, min rawn hmuh chuan tlêmin a zah ve hmêl deuh, Mahse engmah sawi lo in a bulah chuan ka țhu thla ve mai a.



"I nu chu ala duty char char dawn law? "




A meizial chu a pak khu hlat hlat a, a thawmhnaw hâk a tlêm tham sia, mipa hrisel țha pângai tân chuan awm a nuam chiah lo,


"Aih....a bialpa in ah a riak dâwn niang"



Awlsam zet hian a ti a, mak ka ti ru ang reng viau nâ a engmah ka sawi tawh lo, Kiki i chuan thâwk lâk halh pah hian van lam chu a thlîr vang vang a, a meizial zûk pawh chu a liak hlum nghâl bawk, a vawikhat zûkna a ni tawh lo tih ka hre mai.



"Uremruat tia koh che chu a thui ê, Urem tiin emaw, Uruat tiin emaw ka ko thei che angem? "




A thusawi vâng chuan ka nui suk a,


"Ruata min ti țhin ber zawk a, Uruat min ti mai rawh"



Nui chung chuan ka lo ti a, a ngawi leh dat, ka țhianpa message lo thlen paha ka phone screen lo êng deuh phêt phêt țhin chu a rawn en kar a.


"I bialnu em ni? "



Ka mita min rawn enkar pah hian a ti a, Nui suk pahin ka lo bu nghauh ringawt, Mami thlalâk kha wallpaper ah ka la hmang tak alawm.


"A hmelțha hle mai, khawi ami nge a? "



"Lunglei lam a mi daih mawle"



Pângâi tak chuan ka lo ti ve mai a.


"Long distance relationship chu hrehawm duhâwm e, mahse innei tûr tho in nih chuan a zia tho ang"


Min bia âwm pawhin a lang lo, amah chuan a phun niah niah a,a boral tih erawh sawi ka tum lem lo.



"Enge i zir a?"

Min rawn en zawk a, ka lo en reng vâng chuan a hawisawn leh vat.

"B.A Philosophy ka zir mêk"


"A nih chu, harsatna i neih chuan min zâwt țhin dawn nia, ka hriat zawng anih chuan ka pui thei maithei che sin"



A nui deuh sak a, min chhâng tawh lo, a rawn hâm ta bâi bâi a,


"Ka mu dawn bye aw"



Awlsam zeta atih rual chuan step awmna lam chu a pan ta daih a, a kal zâwnga a mawngbâwr pahnih ințhial deuh țâlh țâlh chu ka en lo thei lo, mahse ka en rei ngam chuang lo, Lo en char char pawh ni ila tumân min dem bîk lo ang, a pian a nalh reuh êm a ni, a nun a thlah dah deuh tih mai loh chu.




NEXT MORNING



LALDUHKIMI



Zîng ka harh chu nizân ka lêng chhuak lo bawk nên ka rin aiin ka tho nuam phiân, lun bêr bûr ang kha ka nei lo, Vawiin chu sunday a ni bawk a, zan inah ka nu a chhuah leh tho ka rin vângin kan in ah party ila țha ang.



Peih lo zet chuan ka tho chhur chhur a, inkhâwm ve ngei hi a ngai țhin bawk sia, sual viau mahila kârkhatah vawi khat chauh Sunday a awm a, Sunday chawhma hi ka inkhâwm ve deuh ngei ngei, chawhnu leh zân chu ka phûr châng châng bâkin ka inkhawm ngai lo, fellowship tih vêl phei chu, Ka kal ngai lo hrim hrim.




Ka nu alo haw tawh aniang a ti ti suam suam rî ka hre tlat, Nu Tei nen chuan an lo ti ti mial mial a, Uruata chu ala tho lo ni ngêi ang, dar 6 a ri tawh, ka tho hma ve êm bawk a ni.


"Khawnge kan thingtlâng tlangvâla chu? Ala tho nange? "


Ka tih zawh rual chuan ka lû arawn ri nghâl fawk, râk țhawt pahin ka tuai vawng vawng a, Nu Tei chu alo nui tet tet mai,


"Nu... Ana nia"


Ka'n ti vîn țhat a,


"I thawh hmâ khân in sawizawi turin a kal daih tawh, Hmusit ve khanglâng suh i tluk thlâwt lo"



A ti ta hmuar hmuar a, Zingkâr ațangin a țan leh dawn ta, ka nu âng ri hriat reng ai chuan tiin pawn lamah chuan thingpui no nen ka inchâwi chhuak ta daih a, nizânah ruah a sûr vâng aniang chhûm alo zîng chûk mai, boruak chu a thiangin a vawt deuh vur a, Boruak thiang țha zet chuan min ti harh sawng sawng thei, Zîng thawh hma hi chu alo țha anih hi, mahse Exercise lâk erawh ka peih teuh lo mai.



Aizawl khawchhûng mah ni se Kan in hi a fâl reuh a, Thing leh mau in a hual ve deuh țhup mai, chutia thawveng zeta ka hawi vual vual lai chuan kan inkawng pana mipakhat lo tlân phei chu ka lo en kar a.


Hoodie dum leh Jogger pants grey aha bawk, kan inkawt a rawn thlen chuan Hoodie lukhum chu hlîp in hah hmêl zet hian a thaw halh halh a, a thlan nasa hlê tih ka hre mai, min rawn en zawk a, a earphone vuah chu ala thla nghâl vat.


"Morning"



A rawn nui sak a, thlan tuiin a bual huh hlap hmêl chu țha tak a ni, chhâng mai lo a ka enkur reng vâng chuan a mit hmul arawn ti sâng zauh a, ka insiam țha nghâl vat.


"Morning le"


Ka âw chu ka'n thiân kharh a, hmundang ka hawi nghâl hmak,a lût zui ve mai a, a hmêl chu a țha ve chiang a ni, Duati'n

"I u Ruata saw a hmelțha e ka duhzawng tak"


A tih pawh kha ka dem hran lo.



___________



Sunday zîngah hi chuan chaw hi kan kîl ho țhap țhin hrim hrim a, Uruata chuan țawngțaina a hman zawhin kan ei mial mial hlawm a, ka ei tui vak lo, tûnah chuan pangâi takin la awm chho zêl ila, karleh ațang chuan ka zia ka chhuah chho telh telh ang.



Hepa hi ka mi rin zawng a nih loh mai bâkah ka duh ber dawr saw min lâk sak a tum tlata hriatna ka nei, ka nu laka tlâk tlum a tum vel a, kei hian Philosophy ka zir chhuak ang maw?... Teuh lo, Phone dawr saw ka pa in a din a, a rauh em em a ni, college kal lo a enkawl ka châk ber, mahse ka nu in a phal tlat lo kha nia, mihrang mai mai enkawl a tân chuan ka phal teuh lo.





Peih lo zet chuan inkhâwm turin ka insiam ve a, Puanbih te hi ka ning hluah hluah, ka scooty in a inkhawm theih bawk si loh, Ka nu Car in Uruata nen chuan kan inphur chhuak a, ka nu erawh nizan a tlaivâr vângin a inkhawm peih ta lo.



Ruah a sûr cherh cherh reng a, kan ngawi dun kar reng ringawt, Țha deuh chuan kan in be ve ziah na a, Uruata pawh hian min ngaina vak bîk lo tih ka hria.



_____________


Peih lo zetin ka inkhâwm a, kan tling tla ve mai bawk a, Ruah a sur tawh lêm loh vângin Uruata chu min haw san mai tûr in ka ti a, kan inzui chu ka bialpa amaw an lo ti hlawm ziah leh nghâl, Bialpa chu sawi loh ka hmelma lian ber a nih hi.


Duati nên a scooty in zâna kan in tûr Beer leh Zu tlêm chu kan la ru a, Scooty ka ken loh vângin lêng turin ka sawm, alo phûr ngang mai, Uruata hi a duh zawng a nih thû a sawi tawh tak e.



Kan in kan thlen chuan a lo reh țhap mai, Duati choka ah tui vawt in tûrin a kal tlang nghâl daih a, keipawh ka room lam ka pan nghâl.




Ka room a ka lût tur chu Uruata room ațang chuan ka nu a rawn chhuak hlawl mai, Kan in hmu thut chu kan phu zawk nghe nghe, bag a ak tawh a, a duty leh dawn tih ka hre mai, a sam hnawk deuh nuai chu a siam țha sut sut a.


"Enge Uruata room ah khân i tih a? "



Ka'n ti nghâl tawp a,



"Lo ngaihven tur che in ka hrilh, ka chhuak dawn sia"



A tih zawh rual chuan a chhuk thla nghâl daih a, ka hmûi ka ti pawrh vak ringawt,ani ngaihven pawh ka ngai lo e a, ka room ah chuan keipawh ka inthlâk ta nghâl mawlh mawlh a.




Khua a duai vângin taksa lang tam ka in bello, ka ril a țâm vângin Nu Têi chu engemaw min siam sak turin ka ti a, Duati nên chuan kan hlim dûn ngei mai.



"Khawnge a awm a? "



Inchung lam melh zek zek pah hian a ti a, a ngaihna ka hre lo hle.


"Tu maw? "

Ka lo ti deuh hû a,


"Âw... Uruata kha? "



Ka hmûi chu ka'n tih pawrh khum vak a,


"A roomah, a buai a niang"


Ka ti hmuk ringawt, engemaw henû hian a ngaihven em em reng le? Lêrh lutuk mai, a chanchin kan sawi zo deuh chiah tih in Uruata chu Sam huh deuh hlap hian arawn chhuk thlâ a, a fai sur mai, zêp lo chuan hmuh a nuam takzet, Duati nen chuan chilthli thlauh țêpin kan en in ka hria.



"Enge?"



Hrilh hai hmêl zet hian arawn ti deuh hû a, rang zet chuan hmundang ka hawisan daih, Duati erawh chuan ala en reng in ka hria.



"I lo leng alaw?"



Duati a bia tih ka hriat vâng chuan ka hmûi ka tipawrh nasa ngêi mai, rin aiin a lêrh zêk ang.


"Aw...chaw ka rawn ei nghâl ang"


Duati chuan nui țhâw hian a ti a, rum zet chuan ka melh vak, ka sawm tawp si lo a, henu han zah theih loh zia hi chu, ti hian a vei leh reng anga, a rawn awm chilh duh hiâlin ka ring.



"A țhat hlauh chu, Kiki i nen chauh chuan sawi tûr avâng duh lutuk a"


Tihpahin nui suk hian min rawn en a, ka lo ner khum sak, hepa hi ka ngaina lo, Ka dinhmun min luah lan tum tlata hriatna ka nei.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:51 pm

A sexy lo ang ka tih kha a sexy tho anga, ka story dang te ang chuan sexy lutuk lo ang.


Uruata chu aroom lamah chuan a lêt lehnghâl daih a, A mah hian a awm kurh kurh reng a, enge maw a tih țhin le?


"Kim, khawnge Uruata kha? "



"Ka hre lo, a duh duh na ah a awm ang"


Ka lo ti vîn hlur a,


"I van thinchhe tak, enge i thinrim ngawt a? "



Ka chhâng lo, Reilote hnu ah Nu Tei chuan Pan cake a rawn chhawp a, ei siam a thiam bawk a, ka ei tui ngêi mai,


"Uruata kha a ril te a țam ve ang han ko rawh"



Ka ngaihtuah vang vang a, ni dawn tak e, Mahse a ei tur techu amân a in ngaihtuah ve mai ka ring, ni leh lo, sualin haw viau mahila rilțama a awm erawh chuan ka thiamloh a ni leh dawn.


"Ninawm"


Tih hlak pahin inchung lam chu ka pan ve mai a, a khawngkhâr bulah chuan ka ding vâng tawh, ka kik ta karh karh a, pên thâwm ka hria, a rawn hawng dawna ka hriat vang chuan ka lo insiam țha vat a.



Sam hnawk deuh nuai hian arawn hawng a, a muhîl tho hlim tih ka hre mai,ka luh phallo ni âwm fahrana kawngkhâr bula a ding reng chu ka huat tâwk a tling leh em em tawh, ka lût lui ngat a, mipa room a ka vawikhat luhna pawh ni hlei lo.



Ka hawikual chu alo fel thlup mai, ka room aipawn a fel fai zawk, thlalâk pakhat a târ chuan ka mit ala nghâl, tlêmin ala tleirâwl hmel deuh, amah leh a bialnu thlalâk kha a ni.


"Enge ni ta? "



A mit nuai nauh nauh pah hian a ti tiâl ruak a,


"Pan cake kan ei dawn a, rawn ei ve ta che"


"Mmm... Awle"



A bu nghauh nghauh a, ka chhuak leh tûr chiah ka thil hmuh chuan min ti ding dat, rang tak chuan ka en a, A dawhkân sîr deuha ka nu kekawrte ka hmuh chuan rin dân ka nei nghâl, ka thin zâwn chu arawn sa chhuak hut hut ni ber in ka hria, ka nu kekawrte chu la in a hma zâwn ah chuan ka keng lang vâ a, ka thin so thut ka insum nasa lutuk chu ka thâ tehi a khur lek lek thei.


"Kha kha... Ihh.... Nu Têi khân arawn dah tel palh a, ka lo sawi theihnghilh daih anih kha"




Bah nuai hian a ti a, ka âwih lo tih fawk mai ka duh, mahse mi â tak ang maia chêt buan buan erawh ka tum lo, Ka ringhlel ta tlat tawh, ka nu leh Uruata hi an in ngaizâwng tih ka chiang, ka fiah ngêi bawk ang, ka fiah hunah chuan hepâ hi ka hnawt chhuak nghâl ang.



"Nia Nu Tei hi chu hetianga chêtsual zauh hi a chîng ve hrim hrim alawm"


Amah enkar chuan ka ti a, ka âw techu a khur lek lekin ka hria, in herin a room ațang chuan ka chhuak hmak, bawlhhlawh bâwmah ka nu kekawrte chu ka paih ta daih a, chutih lai chuan Uruata pawh arawn chhuak ve chiah.



"Bawlhhlawh chu a bâwmah paih tur"


Ka phun sap a, ka hnung lawka a din vângin a hre pha reng ang, ka chhuk thla zui vat a, tenawm ka van ti tak, Ka hre ru hmâ hlauh hi a tih zia e, kan in ah hian kârkhat pawh ka awm tîr tawp lo ang.


LALREMRUATA






Inchunga thâwm ri luih luih reng chuan ka thil chhût lai pawh min ngaihtuah tir thei lo, han sawisêl lah ka tân a nuam chiah bawk si lo, mahse a bengchheng ka ti lutuk ringawt.




Room ațang chuan ka chhuak a, inchung lam chu ka pan ta nge nge a, Zu leh beer nen an lo ri laih laih anih chu, min hmu chu min en țhap hlawm mai, mipa pathum leh hmeichhia pathum an ni.



"Kiki, thâwm in dîm deuh thei angem? "


Thaw halh pah hian a mengkual ralh a, a incheina chu inhmeh viau mahse ka ngaina hran lo khawp mai,


"I nin viau chuan hmundangah kal mai rawh, nuam kan chên a nih hi"



Min ti ta zêk a, a ruih vâng anih ka ring mai, mahse a țawngkam chapo thei reuh lutuk hi palzam harsa ka ti lek lek zel.


"I mawl lutuk khatin ti ma tache, Uruat kan tihpalh a ni, thâwm kan lo dîm deuh tawh dâwn nia"




Duati chuan inthiam loh hmêl zet hian alo ti a, mipa ho lah chu an ruih tawh hmêl hlawm hle, buaina dang ka duh tawh loh vângin ka chhuk thlâk sawn ve mai a.



Ka thusawi chuan awmzia a nei thui vak lo aniang an bengchhen ngai chuan an bengchheng leh ta tho, mahse ka sawisêl tawh lêm lo, an duh duhin awm teh se, ka thil tih lai pawh tih zawm tawh lo in ka mu ta daih a, naktûkah dawrah ka tih zawm tawh mai ang.



_______________



"Hmelchhe pa ivan zak thei lo ve a"


Tih ri chuan min ti harh zawk, ka muhîl siar siar tawh nghe nghe, țawng ri chu ka'n ngâithla chiang deuh a, Kiki i âw a ni, in rawlh em em ka tum lo na a, mahse enge an buaina tal hriat ka duh vângin ka tho zui vat a.




Inchung lamah chuan ka chho vat a, Ka thil hmuh chuan min ti phu zawk, nichina an zînga pakhat chuan Kiki i duh lo chung chu fawh alo tum ngâwng ngâwng anih chu, ka va kal phei a, chu pâ chu ka pawt sawn dâwrh.



"Eng thil i tih kha? "




Kei aiin a pa te zawk a, a naupan hmêl zâwk bawk, tharum ah chuan min hneh dawn lo tih hre mahila han khawih chiâm ka tum lêm lo.


"Tunge i nih a? Kiki i bialpa maw? Nge a nu bialpa zawk? "




Ngeiawm zet hian a ti a, ka inhûm ruh nasa ngêi mai, ala rui chhur zui a,


"Haw rawh, zân a rei tawh"



Tihpahin a tukhum ah chuan a nem lawp a, a kat dâwr dâwr mai, a nui hak,


"A țha e, Lalduhkim, Hei hi hre rawh, ka la ti mualpho khawp ang che"



Chupâ chuan arawn kâwk sawk a,


"I zak em? Nang ang mi țeng hneng lutuk ka lo ngaizawng der ve che kha lawm hlê rawh, I engmah kha ka duh lo, Min tih mualpho na tur i hriat chuan ti ta che, ipa Eirûk suma in la lian ve mai mai inih kha i hria em? "



Kiki i chuan a ti ta zêk a, a nasa reuh ka ti ngei mai, mahse kei erawh ka ngawi tawh thung, Chupa chuan rawn khawih a tum chuan ka lo dang zêl a, min hneh lo nasa si, thinrim zet chuan kan hnar hâw thei ta hrâm.


_______________

Choka ah chuan Coffee ka in daih a, Kikii pawh bathroom ațangin a rawn chhuak ve chiah, a luak tih a thâwm ațang khân ka hre thei, a ruih a reh tawh aniang a meng fiah kâk tawh, nichina thil thleng vâng khân a zah viau ka lo ring a, zak âwm pawhin a awm lo, mak ka ti ru ang reng, A kam sîr chu a pilh aniang a rawn thî ser ser mai.



"First aid in nei em? "


Min rawn en zawk a, dawhkân bawh chuan a rawn țhu ve mai, 12 a pêl hret tawh nghe nghe.


"Aw, kha ti lai pawh dawh ah khân"



Tihpahin pawhdawh awmna lam chu arawn kâwk vâ a, ka pan ve vat, First aid box chu la chhuak in a bulah chuan ka kal hnâi a.



"Lo hawi teh"


Tihpahin a khabe ah chuan dawmin damdawi chu ka hnawih sak a, min enkar reng lai chuan arawn phu zawk mai, a thîp deuh a nih ka ring nghâl mai a, ka chêt dân chuan a țhâwng deuh nge chêtna châng pawh a hre lo.



"Nichina in hlim teh reng nên, rei ava daih lo ve"



Fiamthû a ka tih chuan rum zet hian min en a, ka nuih suk ringawt,


"Khatiang kha chu ngâi ah ka nei tawh"



Awlsam zet hian alo ti a,


"Zu ruih hi a nuam viau aniang maw? "



Țawngkam mawi hman ka tum tawh lêm lo, mahse fiamthu ti tak deuh hlîr in ka be thung, a thinrim hmêl ling hlar tê hi hmuh nuam ka ti tlat zel.


"Nuam e, khawvêl dang daih ah ka chêng alawm"



Zâm map lo hian arawn ti reuh a,


"I khawvêl sawi chu ka la kal ve lo na a, mahse khawvêl tak tak a ni lo tih ka hrilh duh che, khawvêl nuam tak pawh ani mai thei, mahse khawvêl tak tak chu tûn ami zawk hi aw"



Ka nuih suk a, ka coffee no dawm chung chuan ka room lam ka pan sawn nghâl daih.



LALDUHKIMI





"In la fel"


Ka phun sap a, ka nu nên an in ngaizâwng tih ka hre ve vek sia, a fanu anga min zilh techu tum vêl a, zak theilo lutuk mai, kei hi ka mawl viau amaw ati mawni le? Mi fing ver vêk tak a ni, mahse misual tak erawh chu a ni lo.



Ka hmûi pilh thîp zek zek chu ka tuai zauh a, Zan in chu ka zak khawp mai, khâ pâ hmâ ah berkher lehnghâl khân, thinrim zet chuan keipawh ka room lam ka pan ve mai a, hetianga chêt buan buan hi ka sim a ngai, hepa hmâ ah berkher hi chuan ka che chhe tawh dâwn bîk lo.



Zan in a chêt dân zet kha chu mipa dik tak ang mai a ni, ka inthlâk lai techuan a ban vuan chunga Lalbena ka chhân zawt zawt lai tekha ka ngaihtuah chhuak a, ninawm, ka ngaihtuah loh tur tur ka ngaihtuah ziah, ka inthing nawk nawk ringawt.






NEXT MORNING



Peih lo zet chuan ka tho vê leh chhur chhur a, ka nu pawh a rawn haw leh tawh ka ring , tûk in chu ka pa ka ngaih a zual khawp mai, ka nun hi a ruak ngawih ngawih a, ka nun ruak lutuk hnawh khah nân leh ka chhûngril khawhar lutuk tih reh nân chuan engpawh ka ti mai țhin, midang chuan hlim thei tak, nun nuam tak hmanga chên angah min ngai a, mahse ka nun hi a nuam lo a, khawi ah mah hian in hnemna tûr ka hre lo, ka ruih lai chauhin ka nun chu nuam ka ti.




Inti faiin Inhnuai lamah chuan ka chhuk thlâ a, ka nu alo haw tawh ngei, a bag leh a shawl ka hmu tlat, mahse khawnge amah hi a awm le?




"Nu Te khawnge Pi Beri hi"



Nu Tê i chu choka ațangin arawn tlân chhuak ve vat a,

"I roomah arawn kal kha? "




Mak ti zet hian Nu Têi nen chuan kan in en hê hâw ringawt, thil ka hre chhuak thut, hmanhmawh takin inchung lamah chuan ka chho a, Uruata room ațang chuan ka nu țawng rî ka hre tlat, kawngkhâr chu ka'n hawng dêk dêk a.



Ka thil hmuh chuan min ti phu zawk, Uruata chuan kawr aha lo a, inhnaih takin an lo ding anih chu, ka ten lutuk, ka insûm zo tawh lo chu ka lût ta thut a, an lo phu chiâng dun ngei mai, ka kut chu ka'n bêng a.




"Hetah hian ka pa hrawn ni mai tûr irawn hruai lût a, Chuan ka pa rauh em em dâwr saw i enkawl tîr nghâl bawk a, ilo ropui e Lalhruaizêl"



Ka nu enkar chuan ngei awm zet hian ka ti a, ka biâng ari nghâl sawk, a thîp vang vang mai.


"I zak em? I duh duh in min mawhpuh suh i nu ka nih hi"



Ka mittui arawn tling pam a, țah erawh ka tum lo nasa,


"Nang hi ka nu ini maw? Ka pa in ah ngei zak miah lo in i bialpa i rawn hruai lût a, nang hi ka nu ini lo, ini thei ngai lo ang"



Vîn zet chuan ka ti lêt zêk a.


"Lawkin Kiki i ngaihdân kha a dik lo"



"Ngâwi rawh, nang ang mi hnuai hnung lutuk hian ka pa âi rawn awh te i tum vêl a, theihnghilh rawh, he in ațang hian chhuak nghâl ang che"



Ka awki chu a ring țha khawp mai, ka thinrim lutuk chu ka thâ a khûr a, ka taksa te hi an phu ut ut hian ka hria.



"I ngaihdân kha a dik lo"



Ka nu chu a țap tih ka hria, min rawn khawih a tum chu a kut ka lo ben thlâk sak a.


"Kei nge hepa hi i thlan? Ni leh lo, ani hi heta a awm chhûng chuan min hmu leh tawh lo ang"



Thinrim zet chuan ka tlân chhuak a, Scooty chu ka ti nung nghâl vat, ka nu min kohna pawh ka ngaithla tawh lo, khawilam nge ka pan ber dâwn pawh hre lo in ka in khalh chhuak nghâl vang vang a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:52 pm

LALREMRUATA





"Ruata engtin nge kan tih ang? "



Nu Mahruaii chu a țap ta hlap hlap a, khatia kan lo ding dûn ringawt kha engvânga min ringhlel ngawt nge maw anih ang le? Ka hrethiâm lo takzet a ni.



"Nu Mahruai, a duh ang chuan ka insawn zawk mai ange"



"Ni lo, Hetah kan awm renga hmundang pan a ngai lo, ka fanu hi ka duat sual zo tawh a ni, a duh dân chuan han awm mawlh teh se, ala thinrima engmah a hrilh fiah theih chuang loh ang? I nu leh pa lakah țha taka enkawl tur che in ka lo intiam tawh a, min bawhchhiat tîr lul suh"


Ngen tak tê a min ngen vâng chuan ka rilru ka thlâk ve leh mai a, Nu Mahruaii pawh a chhuak leh tawh, Phûr lo zetin keipawh ka insiam veleh nghâl a.


Kamis a rûka țial deuh ka ha a, a hnuaiah t shirt var ha in cotton kekawr dum hlap ka ha a, Converse dum ka bun leh tawp, hmanhmawh tak chuan ka chhuak ve nghâl a, lîrthei ka neih loh vângin taxi chuan ka kal mai bâkah Mission vêng a awm an ni a, An dawr awmna canteen kual a ni bawka ahla lutuk lo bawk.




___________



Ka thlen meuh chuan an lo buai hle, tûk țhuan ka la ei lo bawk a, kan dawr bul maia thingpui dawr lian vak lo ah chuan paratha kan thar ser sawr leh thingpui techuan ka'n in hnawh puar leh te te a, ka hnâ chu ka țan nghâl.




Customer tam lo mahse kan phone chah thar ho alo thlen dâwn vângin ka vir zuk zuk reng mai, ka buai takzet ani.





Uzualtea a awm hlauh a hah pawh azia deuh, a ni fiamthu duh tih takah fiamthû min thawh khum reng a, tûk ina ka thil tawn pawh min theihnghilh țhak tîr thei.


Zan lam chu KȚP inkhâwm zân te alo ni bawk a in khâr har lutuk ka tum lo, bâkah khawi ah pawh awm ila, kohhran bêl tlat tura ka pa min fuih nachu vawn nun ka tum ruh ve hlê.


__________




Ka tum loh dân deuhin tlâi thim dâwnah pawh kan la buai vângin ka inkhawm leh hman ta lo, midang ho chu an haw vek tawh, keimah chiahin dawrah chuan kan phone hralh zât leh pawisa techu a in mil em tih ka en malh malh reng a, ka kâwng lah chu a kham em em lehnghâl.


Chutia ka in ziah fel mawlh mawlh lai chuan ka phone arawn ri cher cher a, ka en chu Nu Mahruaii a ni, rang tak chuan ka chhâng vat.



"Aw Nu Mahruai"


"Ruata, Boihtei ala rawn haw miah lo, a phone a chhâng duh bawk si lo, engtin nge kan tih ang"



A țap tih ka hre mai, a duh duh dan in awm se tih mai chu ka duh rum rum,


"Ka va zawng dâwn em ni? "


"Lo haw phawt la, tih dân kan ngaihtuah dawn nia"



Phone chu a dah zui mai a, a in nghahna ka ni ve si a, rintlâk lo tak nih ka tum hauh lo, ka thil ziah lai chu ak in ka in khâr zui ve vat a.




_______________




In ka thlen chuan Nu Mahruaii chu alo thlaphân hmêl hle, alo țap deuh pâr a, a car chu min hman tîr in Kiki i phone number leh a thian te address techu min pe a, Kan Tawhkhirhtei zawng tûr chuan ka chhuak ve ta nge nge a.




A țhian te in thum vêl chu ka en kual tawh, tih dân tur ka hre chhuak thut.



A numberah chuan ka call a, ka number hi ala nei lo bawk.



"Hello"



Ka nui nghâl suk,


"I thil chah kha arawn thleng a, hei ka hmanhmawh sia khawi ah nge i awm min hrilh thei angem? "



"Avan mak engmah ka chah âwm ka van hre lo"


"Nimin piah khân i rawn chah ngêi alawm"


"A nih chu... Kan in ah lo dah mai ta che, tunah chuan thil pawimawh ah ka chhuak lawk a"



A âw ațang chuan a rui lo tih ka hre mai.


"In inah chuan ka awm a, tûmah an awm lo, ka hmanhmawh sia engtin nge ka pêk theih ang che, zan in bâk chu ka chhuak thei lo"


Thinrim hmêl zet chuan ka'n ti vêl a, ka nuih aza ru ang reng.



"Bethlehem vengthlangah ka awm a, hall bul mai ah khan i rawn kal dawn nia"


Ka nui ta suk a, ka bum fu ta nge nge e, hmanhmawh takin ka in khalh chhuak zui nghâl a, zawn hmuh ka tum viau na a, hmuh hun erawh a huphurhawm viau ang le.




___________




Doorbell chu ka hmet ri ral ral a, Duati khân a rawn hawng, min hmu chu a mengkâwk a, țawng lo turin ka kut zung chal chu ka hmui ah ka lo dah vat, a hrethiam aniang dîm tak chuan min luh tîr a.


"Ka chhûngte an awm lo a inthlahrung duh suh"



A'n ti sar sar a,


"Khawnge a awm? "


"Ka room ah"


"A fâl in ka han be lawk ange"


Tih pahin Duati room lam chu ka pan nghâl a, Kiki i chu Duati khumah chuan a lo mu zawi hniâng mai, ka luh rual chuan kawngkhâr chu ka kalh nghâl a, tharum hman ngai pawh ni se ka hruai haw tho ang.


Min hmu chu a phâwk hrâ mai, mahse rei a ni lo, a hmêl chu thinrim na in a rawn inthlâk nghâl a,


"Nang hi... Engtin nge ila rawn kal ngam zawk a? "



Khum ațang chuan a tho vat a, kan in hma tawn ta rân mai.


"Rawn haw rawh, i nu in a ngaihtuah che"


"Hah... Ka tih loh tawp tûr i sawi"



"Kiki, kei leh i nu inkârah hian engmah a awm lo, keichuan nupui hual ka nei a, chuan i nu hi ka nu ang maia ka en a ni bawk, chu bâk chu kan inkârah a awm lo"



A rawn nui hak a, a mit meng thîp rât hi a in hmeh ka ti țhin,


"Kal mai teh"


Tihpahin min rawn nem dâwrh a, a kut khing hnih ah chuan ka lo man sak vat,


"Min thlah rawh, nang ang mi fing ver ther lutuk hi ka ring lo che, fel âwm takin ilang vêl a, ka nu ngaizâwng derin a neih rosum lâk sak i tum tih ka hre vek"



Engtin hetiang suangtuahna tehi a neih thiâm zawk le? Chutia ka en reng lai chuan ka mipatna ah tak min rawn tlawh thawi thuak a, ana lutuk, ka dawm vawng vawng ringawt, tawrh thiâm ahar, ka taksa leh thluak zawng zawng te hi a fan chhuak vekin ka hria.



"Nang hian min hruai haw i rawn tum vêl a theihnghilh hmak rawh"



He hmeichhia lakah hian tlâwm ka tum bîk lo, ka na techu dah bo in a chhuak tûr chu ka pawt lêt sawk a, bangah chuan nawr bet in a hmûi ah chuan ka kiss ta tawp a, hei lo chu tih dân dang ka hre ngang lo a ni, luhlul reuh si.



Ka chêt dân chuan a țhâwng ngang aniang ka thlah hnu pawn che lo chuan a meng phâwk hrâ reng ringawt, min rawn en in a chil a lem khawlh a, a ham haih hmêl chu thinrim na in arawn thlâk leh vat,


"Hmelchhepa i van zak thei lo ve a"


Tihpahin ka âwmah chuan a rawn chûm dawt dawt a, na viau mahse ka tuar tawp, a kut chu man sakin ka pu chhuak ta lawp , a tâl nasa ngang mai, ka hnungah lah chuan a chum dawt dawt leh nghâl.


"Awm țha rawh, i tlâk leh i na ni mai"



Ka awkî pawh tlêmin a sâng ve deuh, Duati chuan mak tih hmêl zet hian min lo en dûn kar a,


"A phone chu nakinah ka rawn lam leh mai dawn nia"



"Aw awle... "



Ka chhuah pui ta dâwr dâwr a, car ah chuan ka nam lût nghâl rawk, ala tâl ve reng tho nia.



Kawngkhâr techu ka lock ta vek a, thinrim zet chuan a țhu tûm ta bâr mai, kei erawh thinrim ai mahin ka nuih aza, hetiang hian hmeichhia ka insual pui ang tih rin ngaihna ka hre lo.



LALDUHKIMI....






Car ah chuan ka țhu tûm bûr a, min biak pawn ka chhâng lo, hepa hi ka rin âi daihin a zak thei lo, ka hneh dêr bawk si lo, engvânga min fâwp ringawt nge maw anih le? Zawh ka duh viau na a ka țawng peih rih lo.




"I nu khân nizana in awm dân vel min rawn zawt a? Keilah ka lo inbual zo hlim ani sia ka chhân hma in irawn lang ta anih kha, ni e, i ngai dik lo chu ka dem lo che, kei hi i ngaih anga mipa lêrh leh sum duh lutuk angah chuan min ngai suh, in sawi fiah vak ka tum lo a, i duh dân chuan ka in sawn chhuak dawn nia"





Ka ngâwi reng a, ka chhâng lo, kei hian ka lo ngai dik lo tak tak amawni chu âw ka ti ve lek lek, a thiamna en in kan dawr aia hlawh tam na leh hna sâng zawk thawk thei reng a ni tih ka hre ve tlat, nuthlâwi hausa ngaizâwng duh pawh ni se ka nu aia naupang deuh zawk leh la hmelțha zawk chu a hmu tho ang, ke hian ka lo ti dik lo pawh a ni maithei, mahse, ka phalna la hmasa lo a min fawp erawh ka ngaidam lo ang.




"Saw inah sawn ka duh dân leh ngaih dan a pawimawh ve lo"



Pawn lam hawi chung chuan ka lo ti a, A chhuah chu duh tho mahila, kei hian thil țûllo ah midang ka tibuai mai mai in ka hria.



"I ril a țam em?"




Thu dang daih arawn sawi vâng chuan ka en zawk, kei hian vawiin nilêngin engmah ka la ei lo tak e, ka ril chu a țâm viau, mahse thinrima chhuak ka ni a, ka purse pawh ka keng chhuak hman lo kha nia.


Ka pum chu a rawn ri kuar kuar a, rang zet chuan ka dawm vat, min rawn en in a nui deuh suk a, ngati nge hepâ hmâ ah hian ka chêt chhiat ziah le?



"Helai ah hian kan châwl dawn nia"



Tihpah chuan restaurant lian vak lo zawnah chuan min din pui a, a tê hle na a, a fai sar mai, mahse hetiangah hian ka la châwl ngai miah lo.



"Hetiangah hian ka la châwl ngai lo"



Ka inkuangkuah hmak,


"An siam tui lutuk, i inchhîr lo ang"


Tihpah chuan a chhuak ta daih a, ni e, ka ril a țâm a, ka pawisa a ei tûr ka ni hleinem, ei țeuh ila ni mai lawm, ka chhuak zui ve nghâl a.




A kil lam a fâl lai ah chuan a lo țhu daih, a bulah chuan ka țhu ve mai a, mahse nui hmêl erawh ka la hmuh duh chuang lo.


"Lâwmthu min hrilh angai lo ang,"


Ngeiawm zet hian alo ti a, ka ner khum sak.


"Midang laka ba neih hi ka duh ve lo, ka ei man hi chu ka rûl leh ang che"



Min en in a nui suk a,


"A ngai lo e, Ei țeuh rawh"



A ti duh lek chauh, mahse rulh leh chu ka tum tho, ka thil chah a rawn thlen chuan ka ei nghâl mawlh mawlh a, aman to chi hlîr ka lam țeuh bawk a, a hek ve duai ang chu,a ho emai a, ama cho chhuah alawm.



Ani erawh chuan coffee in in a phone chu a bih ngur ngur reng a, a bialnu a bia tih ka hre mai.



Ka thil ei pawh ati tui hrep lo e a,


"I ei tui vak nange?"


Amah ka en reng chu alo hre kur aniang,


"Ka puar tawh"



Ka țhutthlêng nghen chhan chu nghêng in ka fian ken lai chu plate ah chuan ka dah chawrh a, Uruata chuan Dawr nghâk tu nu hnênah chuan ka eiman vêl chu a pe a, Dawr a thawk hmeichhe pahnih te lah chuan an star rûk hmêl em em lehnghâl.




An melh a, an nui leh ralh ralh țhin, ka lo hmu ru reng sia, ka lo nui tawp, chuti em em a hmelțha bîk ani pawh ka hre lo e a.



Min rawn koh tâkah chuan keipawh chuan ka zui ve mai a.



_______________




In kan thlen chuan ka nu in min lo kuah nghâl vat, a țap bawk, tlêm chuan ka inthiâm lo ve deuh, mahse ngaihdam dîl emaw lawmthu sawi emaw ka tum lêm lo.



Ngawi rengin ka room lam ka pan sawn ta daih a, khumah chuan ka mu thlawp,Ka phone pawh ka hawn lo, thinrim zet chuan ka in let sawk sawk ringawt, ka maimitchhîn apiangin min fawh lai lah kha ka hre chhuak ziah leh nghâl.




Hetiang ringawt chuan ka awm thei lo, thinrim zet chuan tho in a room lam chu ka pan a, kawngkhârah chuan ka ding, ka lût a ngem? Lût ta ila enge ka va zawh chuan ang? Ni leh lo, khatia a duh duh a min fawh vâng khân hmeichhe awlsam lutuk ah min ngai thei tlat, ka fel hran lo, mahse mipa lakah erawh chuan ka awlsam teh chiâm lo.


Kik pawh kik lêm lo in ka hawng rawk a, alo awm miah lo, hepa pui rauh hi khawnge a kal le? Dawhkâna a thlalâk târ chuan ka mit ala reuh tlat, kal hnâiin thlalâk chu ka la kâng a, a nui mawi kher asin, a bialnu lah chu a hmelțha reuh phian lehnghâl.


"Hmmm.... Ka hmelțha fê zawk"


Tih sappahin thlalâk chu ka dah a, ka hawi lêt leh chu Uruata kha kawr ha lo in alo ding reng anih chu, ka phu nasa lutuk chu ka lêt awk thei, phâwk hrâ in ka enkar a.


A taksa nalh zet chu alo huh deuh hluam a, a sam chu a ti pial vek, towel a veng bawk,


"Ngati nge thâwm nei miah lo a.ilo din a? Mawl lutuk"


Thinrim zet chuan ka ti vîn țhawt a, a hmêl lah chu a tak rûn lehnghâl.


"Rûk ru ang maiin ka roomah enge ilo tih? "


"Eng... Enga.. Engmaw? "


Tûnah khân rûk ru min ti maw, hmela hi.


"Hmela, nangmah kha nih kha rûk ru chu"


A nui hak a, nuih zattûr a awm âwm pawh ka hre ve miah lo.


"Enge i rawn tih dawn? "



"Engmah kal sawn rawh"


Ka hmâ a adin reng vâng chuan nemsawn ka tum a, ka kut khing hnih chu man in hnâi zetah hian min rawn en, ka lungphu hi den dawt dawt ang vêl a ni, a su dup dup mai, ka hre pha hial in ka hria.


"Fawh leh i beisei chu ni êm lo maw? "


"Kal mai teh"


Tih țhawt pahin a chalah chuan ka tauh dawt a, râk that pahin a dawm vawng vawng mai, rang mangkhêng chuan ka tlân chhuak nghâl daih.



CLICK, LIKE, COMMENT........ 😍😍🤩🤩😘😘😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:52 pm

NEXT MORNING.





Meng mang lo chuan ka tho chhur chhur a, nimin ah College ka kal bawk si lo, sana ka en chu dar 7:30 lo ri vâ tawh, ka insiam nghâl sawk sawk a.



Make-up pawh ka bei nasa leh hlê, khua alum vângin ka sam sei zet chu sâng takah ka țâwn a, T shirt mar zet tâwi tê ha in high waist Jeans ka ha leh tawp, sneaker bun in ka bag chu ka la a.




Inhnuai ka chhuk chu ka rin loh deuhin Uruata chauh choka ah alo awm nia,



"Khawnge midang? "



"Nu Têi chu a chhuak lawk, i nu chu a țhian te in ah"


A chaw ei mawlh mawlh pah chuan ati a, a bulah chuan țhu thlâ in ka chaw ei tur chu ka inkhawrh ve nghâl, ka chair ah chuan ka ke pakhat ka hlâng chho chiah chu a chaw bâr tur țhulh meuhin min rawn en zawk a, rei erawh a ni lo.




A hmâ kha chuan ka insûm mai mai a, inthup thiâm ka ni lo bawk nen, mawi lo viau mahse chaw ei tui loh phah na tham a ni chuang lo emai a.



Ka nu chu a bialpa a hmu dawn a ni ngei ang, tlêm tê tal hian min ngaihsak ve se ka ti țhin, mahse ka nu min hring tu anih tlat vângin midang bulah erawh ka nu laka ka lungawi lohna te hi ka sawi ngai lo.



"Thil țhalo thleng a awm ami? "


Ka hawi chhuak chu Uruata chuan min lo enkur a, ka ngaihtuahna hi a hre thei amaw ka ti hial țhin.


"Awm lo"


Tih ringawt chuan ka chhâng a, ka hmâ a maian bai chu ka'n hâwp pawp, awi asa lutuk, ka lem dâwn chuan asa bawk si, chhah chî a ni tawh si lo, ka râk nghâl chûl a, ka mittui a tling țeuh tawh, Uruata chuan min rawn pan vat a, a kuta hmer ngawt ngawt pah chuan ka lem khawlh ringawt.



Ka lei hi a kâng in ka hria,


"Ngati nge a sâ tih i sawi loh? "


Thinrim zet chuan ka ti nghâl hlar a, a kuta ka vawnna chu ka thlah nghâl vat.


"I hawp dawn tih ka hre lâwk bîk hleinem"


Nuih insûm zeta tihpahin a țhutna lam chu a pan leh mai a, ka nuih arawn za thut ka nui chhuak hak a, Uruata pawh arawn nui ve vur vur mai, kan pahnih chuan kan in en a kan nui ringawt.




_____________




College ka thleng chu Duati chuan thil awmzia min lo zâwt mawlh mawlh a, engmah zêp nei lo in ka hrilh fai ta vek,


"Awi lawkin... A fâwp che maw? "


Mak tih hmêl zet hian arawn ti tuar a, ka lû ka lo bu nghauh ringawt,


"Awi avan pâ chiang tak hêpa hi chu, In ngaizawng daih ula ka ti"


Ner nawk pahin ka nghawk sawk a.


"Ani ang mipa class hniam lutuk kha ka duh i ring amaw? "


"Hey... Khatin ti vêl suh, a zûnah ila uai lo ang tih tunge sawi thei? "



"Ngawi hmak rawh"


Ala nui ang țhâw lehnghâl a, class ah techuan ka muthlu kual ta vêl mai mai a, ka zirlai hi ka tui hlawl lo, tui lo tak ka ni, ka fail dawn tih pawh ka hre reng, ka fail chuan college hi ka rap tawh lo chiâng khawp ang.





Chaw hnu class kan neih loh vângin Duati chuan kan dâwra kal arawt leh tlat tawh, peih lo zet chuan kan inphur chhuak leh ta nge nge a.


"Kim nizânah Ronald-a khân a star thû che a sawi ania aw"



Ka hria, min biak dân ațang hian, Ronald-a chu kan college ami a ni, an hausa in a luck hlê, kan college miss Hluzuali nen khan an in ngaizawng reng amaw ka tia, min rawn bêm se ka ti, ka lo hnar châk, hmelțha viau mahse a chapo in la class vêl lutuk hi ka ngaithei țhak lo, a ngo dân lah hi ka ten chî tak a ni lehnghâl.



"Min rawn bêm rawh se, mawihnâi takin ka hnar dawn nge ka chhaikual hmasa ang aw..."


"Suali... Nang tak hi chu"


Kan nui dûn hak hak a.




Reilote hnû ah kan dawr pawh chu kan thleng ve hrâm, Uruata chuan engemaw alo ziak fel mial mial a, An lo hman hlawm ang reng phian lehnghâl.



"In ril țâm in rawn tei lût leh tawh alaw? "


Uzualtea chuan nui suk suk chung hian alo ti a, Duati nên chuan kan nui ringawt, Uruata chu ka va mit sîr zauh zauh țhin, kan kal chu hria ang pawn alang lo, vawikhat pawh arawn hawi chhuak lo reng reng.


"Fanu tlân bo ka rawn hruai a"


Duati chuan nui sen sen hian a ti a, Uzuala chuan fiamthu a thawh zui chiâm a, kan nui nasa hlawm ngang mai.



Reifê kan țhut hnu chuan Uruata pawh kan bulah arawn țhu thla ve a, a incheina chu a inhmeh ka van ti tak.



T shirt dum leh kekawr dum aha a, lukhum hmakawh dum a khum bawk,

"En reng suh, a zûnah i uai palh ange"



Duati chuan ka beng zâwnah chuan arawn ti sar sar a, ka lo nghawk sawk ringawt, ngati nge hepa lak ațang hian ka mit hi ka lâk sawn theih miah loh le?



________________

Uruata'n engmah tih ve a phal tlat loh vângin Duati nen chuan kan haw ta daih a, in kan thleng chu Nu Tei alo awm miah lo, Nui ri her her ka hriat rual chuan ka phu nasa ngei mai, ka nu room ațangin a ni, Duati nen chuan kan in en hê hâw a, Ka nu room hi Common room bul maia a awm vângin a nui ri pawh a hriat theih hle, amah a ni tih ka hai lo chiang kher mai.



Thâwm dîm zetin ka nu room lam chu ka pan țhem țhem a, kawngkhâr alo inkalh loh vângin tlêm chuan ka hawng dêk dêk a, ka rei!....ka nu leh khâ Doctor nupui nei lai bawk kha a ni, Saruak deuhthâw in an lo inchhaih nui har har anih chu, ka thinrim lutuk chu luhchilh nghâl mai ka duh tawh.


Mahse Duati chuan min lo dang vat, ka thinrim lutuk chu ka khûr ngawt ngawt a, ka mittui pawh a tling hial, ka kawchhûng hi a alh hlup hlup in ka hria, Duati min vawnna chu ka thing thla lawp a, Chhuatah chuan a tlu sawp nuai mai, kawngkhâr chu ka tlawh hawng țhuai a.


Ka nu leh Doctor pa chuan min lo en phâwk hrâ mai, Ka nu chu a puan sin lai chuan a inkhuh vat a, Doctor pa pawn a thawmhnaw alo ha mial mial mai.



"Ka lo hresual a ni"


Ka âw techu a khûr der der thei,


"Ni lo, Boihte, i hmuh ang kha engmah a ni lo, ka hrilh fiah ang che"



Ka nu chuan min rawn pan a, ka âwm tâwt lutuk tih thâwl nân chuan thâwk ka la hawk, ka thâwk lâk ruala ka mittui rawn tling pam chu ka khap lêt zui fak fak ringawt.




"Khumah hna chungchâng in sawi tih min hrilh tum miah suh ka nu"


Aw khûr dar dar chuan ka'n ti a,


"Ka... Ka hrilh fiah ang che ihh.... "


"A tawk"


Ring zet chuan ka ti tuar a, boruak ka tla chham vekin ka hria, ka thaw kâwk kâwk mai,


"A țha e, Nangpa i thi dawn"


Tihpahin chu Doctor pa chu ka pan phei a, a samah chuan ka theih tâwp anâ in ka'n kêk tak tak mai chuh a râk nghâl chûl mai, ka theih tâwp ana chuan ka chûm a, ka pêt vêl, Duati leh Ka nu chu an lo âu chêl chûl mai, min dang ngam lo tih ka hria.



Chutia ka thinrimna ka hrîk thlâk mawlh mawlh lai chuan ka hnunglam ațangin bân tha chak zet hian min rawn châwi sawn lawp a, lei ah chuan ka țhu hnawk.



Ka hah lutuk chu ka thaw kâwk kâwk thei, Ka hawi chhuak chu Uruata lek alo ni, Lei ah chuan țhu in ka țap tawp, Doctor pa tlân chhuak tûr chu man betin țap chung chuan ka kêk leh vak a, Uruata bawk chuan min rawn man dang leh tawh, Doctor pa chu rang mangkhengin A tlân chhuak nghâl .


"Min thlah rawh ka that dawn"



Țap chung chuan ka ti a, mahse min dan hneh êm vângin ka chhuak thei lo, ka nu pawh a chhuak nghâl daih, engtin nge a tih theih zawk?



"Engtin nge a theih zawk? Kha pa kha thah ka duh tinge min dan? "



Uruata en kar chung chuan ka ti vîn țhat a,


"Duhtâwk rawh, a tâwk tawh e"


Dam thlup hian a ti duh lek chauh,

"Lo inrawlh suh, chhûngkaw thil a nih hi"


Amah enkar chuan ka ti chang fak a, ka rilru ala dam thei lo, chhuatah chuan ka țhu thla hnawk a, ka țap tlawk tlawk ringawt, mî pa lehnghâl, ka pa nena an khumah ngei, engtin nge a theih zawk? Ka nu ka hua che.


Uruata chu Ka hma ah chuan rawn țhu thla ve in min rawn kuah a tum chu ka lo nem sawk a, ani lah alo țhu tung nghet si lo, mawng sawh dawp in chhuatah chuan a tlu ri dup mai, a râk nghâl țhawt, a rûk in ka țah nuih tawp.



Thâwk la hawk pahin min rawn kuah leh a tum chu ka lo nam leh sawk a, ka kut khing hnih chu a vuan bet hmak nia,


"Kiki, i pa lung an phun na pawh kum 3 lai a liam tawh a, i nu hi ala naupang a, Kawppui dang a neih chu tinge i phal tlat loh a? I nu hian a ngaih sak loh che i hlau aniang maw? I ti mah mah a ni, nangmah chauh i in ngaihtuah anih kha , mahni hmasial tak ini"



Uruata hmêl chu ka en vang vang a, ka nui hak, ka muttui rawn luang chu ka hru nghâl sawk bawk.


"Nang hian engmah hriat inei lo"


Min chhâng tawh lo, room ațang chuan a chhuak ta hmak a.


_____________



Inchungah chuan vâna arsi techu ka en mai mai a, boruak a thiâng kûk mai, thlifîm rawn thaw her her chuan min rawn chhêm her her a, ka harh sawng sawng thei, Pa la dam vela ka van ti tak, ka ngai lutuk che, ka mittui arawn luang leh tawh, ka nu vânga ka natna hian engtikah mah min kiân san dawn lo anih hi.


Ka bulah chuan thâwm ri sut sut hi ka hre tlat, Ka sir lam ka hawi chu Uruata alo țhu ve reng nia, ka phu zawk zui, rawn tawlh pheiin first aid box hi a rawn keng a, thil ka hre chhuak khâ Doctor pa nêna kan insual na ah khân ka kiu hi ka ti pilh tak e, mahse engtin nge alo hmuh hman le?


Ngâwi rengin ka bân chu arawn la a, Damdawi chu a hnawih nghâl mial mial mai, a thîp reuh êm vâng chuan ka ner sak sak ringawt.


"Mipa insual pui dawn rêng rêng chuan an samah keh loh tûr ania"


A hmêl chu ka enkar a, a hmelțha ve chiâng alawm.


"Mahni hmasial tak pemah hian tinge damdawi te i hnawih duh a?"


Min rawn en zawk a,


"La thutak suh, zilhna nih kha"



A hmêl chu ka en țhin, tûmân hetiang hian min la ti ngai lo, min zilh in ka hliamah te pem min hnawih sak ngai lo, Ka pa tih loh kha chuan, Ka naupan laia kan in khelhna lamah ka khûp ka tihpilh țuma ka pa in pemthar dam dawi min hnawih paha thu țha tak tak min hrilh a min zilh dap dap lai techu ka ngaihtuah chhuak a, ka tum loh deuhin ka muttui a rawn tla leh ringawt tawh nia.



"Nia, Khatianga ka țawngkhum vâng che khân ka tihpalh a ni, I duh chuan ka pum ah hian hnek rawh, Lalduhkimi thinrim hrîk thlâkna nih techu pawi ka ti vak hleinem"



Ka nui sak a,


"Iti tak tak maw?"


"Tehrêng, kan khua ah chuan tlangvâl tuarchhel leh chak pâwl ka nih hi, han ti la"


Tihpahin apum chu a bêng thlup thlup a, nui sak pahin ka kut chu ka'n hûm ruh tê tê a, Ka tha neih zawng zawng chuan a pum chu ka hnek dawt, a rûm hawk a, ka duhtheilo, a hnâr arawn thî.


"Uruat i țha em? "


A dârah chuan ka vuan a, a che tawh lo, Inchung chhuatah chuan a let thla nghâl tawp,


"Ka duh thei lo, Uruat i țha em?"


Ka sawi nawk nawk a, min chhâng tawh lo.






Khati zawng kha ni mai rawh se, nizân ka khuasik vângin ka tlaivâr țhak a, ka chau reuh riau mai.


Min lo țawngtâi pui ve nghâl turin ka rawn ngen bawk che u..


Click, Like, Comment kha aw. 😉😉😉

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 30th, 2020, 9:52 pm

Uruat harh teh"


Tih tuar pah chuan ka thing nawk a, arawn khuh ta khurh khurh mai, a hnâr thî chu arawn tuai puat a, akuta thisen kâi a hmuh chuan phâwk zeta men pah hian a râk țhawt.


"Kiki ka hnâr a thî nia"


A rawn ti ta chûl a, Palting pui hnâr thî vâng mai mai a ațap lo chauh ka hmuh chuan ka nuih aza ngang mai, ka nuih vak vak ringawt.



_____________

LALREMRUATA




Ka hnârah chuan Lapua ka hnawh tut reng a, Kiki i te țhian dûn lah chuan min nuih reng lehnghâl, mahse pawi ka ti vak lo, an lungngaih laia tinui thei tu ka ni hi ka lâwm zawk.



Duati khân Kiki i ka hauh vâng khân min hau lêt zêk a, a chhan chu Kiki i nu bialpa kha pawmlai nei a nih vâng a ni, pawmlai nei a ngaihzâwn vângin Kiki i hian a tuar nasa thei tih techu min hrilh a, Sual reuh viau mahse ka khawngaih ru ang reng, Duata ngaihsak a phû tehlûl nen, Nu Mahruaii pawh hian a ti ang lo êm bawk a ni, a mipa awm chhun ka nihna angin an nufa inkâr siamțhat chu ka tih tûrah ka ngai nghet hmiah.



"Uruata chu i insawi ang ilo ni lo tawp anih hi"


Kiki chu nui sen sen hian arawn ti a, Kan pahnih chauhin kan awm a Duati erawh ahâw tawh thung,


"Teuh lo emai a, ka vawikhat tawrhna pawh a ni lo, lungngâi suh hmeichhe hnek mai mai techu nga tân mah ka ngai lo"




Ka lo ti nghâl mawlh mawlh a, âwih loh hmêl zeta min en chung hian a ner sak.


"Khawi awmțha teh"



Tihpahin ka khabe ah chuan arawn dawm a, min hnaih mah mah, a rim tui reuh em em lehnghâl, tinge ka sat up up le? Tâwnzau chauh a hâ a, a âwm bâwr tlêm rawn lang phîr țhai chu ka hnaih lutuk, ka hmu fuh thut chu ka maimitchhîng rang teh asin.


"Thisen i inti kâi nuai alawm"


A phun sep a, ka chil ka lem khawlh ringawt,


"Khawi maw tinge i țan țung reng a? "


Tihpahin min pawt lawp a, kan in kiss fu palh țêp nia, phâwk hrâ hian min en kiau a, a biang arawn tâi têk mai, kiss tuma ka hnaih hret hret lai chuan thâwm ka hre thut, ka in la hrang rang ngang mai.



Ani pawh a tho vat a, a insiamțha nghâl malh malh mai, aw thiân khurh pahin ka chhuanlam tûr hre lo chu ka tukhum ka hiat nauh nauh ringawt.


"I țang țung reng anih kha"


Vîn hlar a tihpahin a chhuak ta daih a, engemaw tak chu a ngaihtuahna ah a awm ve tih ka chiang, kei hi ka chungah enge thleng ta le? Naupang mai anih hi ti dawn ila nula chu ni ve tawh, kei hian chhaih kual nuam ka tih hrim hrim vâng nge ka lo duh ru reng zâwk pawh ka hre lo e a.




Room ah chuan ka vei thuâk thuâk a, ka ngaihtuahna a buai nuaih mai, Ka nunah Mami bâk hian hmun a chang ngai lo, insawi theihna pawh ni lo in hmeichhia chu ka duh duh ka thing ve thei tho, mahse Mami ka hmangaih êm vâng khan tûmah ka hnaih ngai lo kha nia, kei hi ka dik lo, thil thleng lo tawp tur a ni.



NEXT MORNING



LALDUHKIMI



Make-up ka inhnawih hlawrh hlawrh zawh hnu in inhnuai lamah ka chhuk thlâ a, ka nu roomah chuan ka'n dâk dêk chhin a, alo ruak hiai mai, Ka nu hian a bialpa aiin min hmangaih lo zawk amaw ka tihial, ka muttui rawn tling pam chu ka khap lêt fak fak a, ka nu room chu khârin ka hnunglam ka hawi chu Uruata hian min lo en reng nia, ka mittui tla chu ka hru sawk sawk a, choka lam pan a ka kal pêl mai tûr chu ngâwi reng hian ka bânah arawn man chut mai.


Rangzet chuan a hmêl chu ka en a, ala tak rûn zui, a awm dân chuan min ti hrilh hai takzet a ni.



"Khatiâng khân tuar tlawk tlawk suh, i ngai anih chuan va bia la, va call ta che"


Ka mittui chu arawn luangthla ngiai ngiai a, mahse ka thinlung hi lung ang maia sak a ni ka ti ve tlat, min vawnna chu ka kut leh lam chuan ka phelh sawk a.


"Lo buai duh suh"


Ka ti ram hmak ringawt, ngawirengin choka ah chuan ka lût a, chaw pawh ei lo in thingpui leh chhang ka ei tawp, ka țahna lamah ka mascara in hnawih ala pherh vek zui.





Common room lama hmeichhia leh mipa inbe ri ka hriat rual chuan ka chhuak vat a, ka thil hmuh vâng chuan ka ding dat.


Ka nu leh khâ Doctor kha a Luggage nen, Uruata pawh a hna kal tûr arawn chhuk thla ve leh chiah bawk.


"Mafela hi hetah hian arawn awm tawh dâwn, a nupui nen an ințhen a, Kan chêng dûn dawn"



Ka nu hmêlah chuan zâmna leh tîmna eih ka hmu lo, ka tih ngaihna hre lo chu mittui tling kiau chuan ka nui chhuak hawk a, kut beng meuh chuan ka nui lui ta vak.



"Wow... Ilo ropui mange, Mî pasal duhlai chhuhsakin ka in, ka pa inah hian i rawn hruai lût ngam a, ka nu ti a koh che pawh hi ka zak"




"Ngâwi hmak rawh, he inchhûngkaw lû ber hi ka ni a, ka duh duh ka hruai lüt ang, min dang thei lo , ka châwm ka hrai inih kha hre rawh"



"Ka nu"


Ka ti vîn țhawt, ka âwm tâwt lutuk chu thâwk ka la hawk, ka țah a chhuak bawk, mahse ka țap thei lo, ka thinrimna chuan min hnawh ut ut mai.


"Ka nu engtin nge i theih zawk? Mi chhûngkua iti chhia a nia"


Ka âw chu a chhuak chê chê chauh, ka awmdân hrehawm lutuk chuan ka duh ang pawh min sawi tîr thei lo, a hrehawm, a hrehawm takzet a ni.


"Ani hi ka hmangaih a, A nupuiin a țhen alawm, kei a țhen tîr a ni hleinem"




Ka nui hak, ka kâwng dawm chuan thâwk ka la hawk, ka nu chu pan hnaiin chiâng kel kawl hian ka en a.

"Mî chhûngkaw tichhe tu nû hi ka mamawh reng reng lo, Ka nu, ni leh lo, Pi Mahruai, iti mah mah a ni, ka pa thlarâu tal kha zah ve deuh tûr che nia, kei hian a ni awm hi ka rem ti lo a, ka rem ti ngai bawk hek lo ang, hei hii in chauh a ni lo, ka in a ni ve tho"


Ka biâng chu ari nghâl sawk, a thîp vâwt vâwt mai, ka nu thinrim mit meng lian zet chu ka enkar a.


"Kei hian ka duat lutuk che a, i awm ang angin ka en che a, ka thiamloh vek a ni, kei hian nu leh pa zah tûr tih ka lo zirtir tello che a ni, i nasa mah mah, i nu ka nih hi i hre lo ami? "



Min ti ta tûn tûn a, ka mittui tling kiau kâr ațang chuan ka nu thinrim hmêl chu a phê ruai mai,


"A țha e, hlim deuhin awm rawh u, hepa hi a awm dawn anih chuan keichu ka chhuak ang, min mamawh ve nâng tiraw? "


Tihpahin ka tlân chhuak nghâl a, chak zetin ka in khalh chhuak zui nghâl bawk, ka mittui kâr ațang chuan kawng chu ka hmu phê ruai thei, Ka thinlung hi hmun hran hran ah a kehsawm vekin ka hria, ana lutuk, țap hlap hlap chung chuan ka tlân reng a, Ka pa dam laia kan chhûngkua hlim tlâng taka kan awm ho lai techu ka mitthlâ ah arawn lang chuai chuai mai.



Chutia ka tlân laklawh lai chuan motor horn hi a rawn ri tuar a, ka taksa chu sâng takah hian a thlâwkin ka hria, na tak in leiah chuan ka tla dawt a, arawn thim nghâl mup.


A hnû deuh ah chuan a rawn êng vâr pup a, Ka pa, ka pa hmu.

"Pa"


Ka pa chu a hmelțha takzet, a awmna a nuam tih hriat zet hian a hlim hmêl khawp mai, a nung sar mai a, amah techu a êng phêt phêt hian ka hria.


"Pa ka ngai lutuk che"


Țap hlap hlap chung chuan ka pa chu ka kuah a, kei hi ka thî tihna em ni? Mahse ka pa ka hmuhna nih chuan thi daih mahila pawi ka ti lo.


"Boihte, i nun leh midang nun kha khâikhin ngai suh, nî leh thlâ pawh khi khâi khin an ni ngai lo, an hun dik takah an êng mai a ni"



A sawi zawh chuan ka pa chu a ral tial tial a, A thim leh ta mup.


LALREMRUATA





Kiki i chu ka zawng kual a, khawi ah mah ka hmu lo, ngaihtuah zui loh chî a ni bawk si lo, min va han tibuai tak, Uzualtea chu phone in dawr chu lo enkawl mai tûr in ka hrilh a, Alo in huam nasa mai.



Kiki i chu ka zawngkual ta tawp a, Aizawl khawpui chhûnga hmeichhe pakhat lek zawn hmuh chu tum chu buhpâwl zînga hriau zawn ang vêl a ni.


"Min va han tibuai tak"



Keimah chuan ka phun mawlh mawlh reng ringawt, nî a sâ in ka thlan tui chuan min bual huh vek tawh, khawi ah tak chuan kal ang maw.



Duati ka phone lahin college arawn kal lo a ti bawk si.



Beidawng taka ka din reng lai chuan Kiki i'n min rawn call ta thut a, ka phu zawk, rang tak chuan ka la vat.


"Khawnge i awm? "


Ka âwka chu a nêm fahran lo hlê, ka lo zawng hah bawk nên ka thinrim hlur mai.


"A.. Hemi phone nei tunu hi A chesual hlauh mai a, a chhûng te ni âwma ka rin ten phone an la thei bawk si lo, i hmelhriat a nih ka ring mai a rawn ngaihven mai tache"



Ka mit sulh mai, Lalduhkimi a chesual maw!...


"Ana viau em?.. Ni leh lo, khawi... Khawih ah nge in awm? "

Ka țawng bah nuk.


"Civil hospital ah kan awm"


"Awle ka rawn kal"



Taxi chu rang takin ka phar nghâl a, Kan Tawhkhirh nu i chu ana viau angem le? Min va han ti buai tak êm, keiin ka ngaihsak loh in ngaihsak tu tûr dang a nei lo tih ka hre ve kur tho bawk si.



_____________



HOSPITAL




Ka thleng chu Casualty lamah ka tlân phei nghâl a, midang pawh an lo awm nual mai, Dam lo khum chu ka melh kual, Lalduhkimi rêng ka hmu lo, Nurse ho awmna lamah chuan ka kal phei a.


"Nichin maia nula scooty a accident an rawn dah thar kha khawnge? "





"Tûna an khawih lai saw aniang, amah chiah hmeichhia chesual an awm in ka hria"



Kal mai ka tum chu

"Țhianpa, tunah chuan nurse leh doctor ten an buaipui rih a, lo nghâk rawh"


Nurse la naupan ve hmel deuh chuan alo ti a, chair ah chuan țhu in thâwk ka la hawk ringawt, Nu Mahruaii lah chuan ka call a chhâng thei bawk si lo, ka buai tawh takzet a ni.




_______________




LALDUHKIMI





Ka dang ro lutuk chuan ka hrawk rawn ti zâ in ka khuh chhuak kharh a, ka harh nghâl hlawl mai, chêt ka'n tum chu ka taksa hi ana lutuk, thâwk ka la kâwk a, a hrehawm tih piah lam a ni.


En reng reng pawn Damdawiin ah ka awm tih hai rual a ni lo, Khawnge midang hi an awm vek le? Ka rilru a harh fîm vek tawh, tumah reng ka hmu bawk si lo, min van ngaihsak lo tak, ka thinrim țûn mai.




Kawngkhâr ri rak ka hriat rual chuan ka en vat a, Ka nu leh Uruata an rawn inzui lût, phâwk hrâ hian min en a, Uruata min en dân chu mak ka tiin ka hrethiam lo takzet a ni, Ka nu lah chu țap nasa tih hriat zet hian a mit a sen bui lûk bawk, accident ho tê ka tâwk a ni mai a, chutia țah vak a ngai amawni le? Nge ni a min ben vâng khan a inthiam lo anga a țap zâwk?


"Tui ka duh"


Ka âw chu a țial ruak nia, Uruata chuan min thlit sak vat a, rang zet chuan ban in ka lo in nghâl khawlh khawlh, ka ril a țâm bawk,


"Ka ril a țâm ania"


"E ni tak"

Tihpahin ka nu chuan a bag ațangin KFC leh eng engemaw eitûr chu a rawn phawrh a.



Uruata chuan ka mutna khum chu ti kângin tûnah chuan ka țhu mu tawh, ka lû ala hai deuh chiai chiai mai, an pahnih chuan an zia adangin an ngawi dûn reng a, enge maw zêp nei tlata hriatna ka nei.


"Engtia rei nge hetah hian ka awm dawn? Damdawiina awm hi ka peih lo nia"


Ka nu chuan min rawn en vat a,


"Naktukah chhuah kan dîl dawn nia"


Nui lui sak pah chuan alo ti a, Uruata erawh ala ngawi reng,


"Nang hi hnâ ah i kal dâwn lo mi? "


"Dawn lo, vawiin chu ka awm dawn che, thu âwih lo ropui si"


A ti hluk a, ka ner khum sawk, Arsa bawp chu ka khel zui leh mial mial ringawt.




____________


Khumah chuan ka mu leh tawh, ka nu chu enge maw buaipui turin a chhuak a, Uruata'n min awmpui thung, A number ka save tawh a, Ka save ațang khân status a neih ngâi pawh ka hre lo e a, Tunah chuan thu pakhat a update ve, Engkim ti thei Pathian a awm, tih hi a ni a, ka hmui ka ti pawrh vak ringawt.



A phone a khawih mial mial reng a, Nurse nu lah chuan a en hrek hrek reng lehnghâl, chhuanlam ho te te siamin arawn lût sek a, a star deuh amawni chu âw ka ti hman.


"Țhianpa en teh ka hmuh hnû i ang e"


Nurse nu chuan a ti ta nge nge a, kei erawh chuan ngaihven lo ang deuhin ka phone chu ka hmet kual vel mai mai a, an țawng erawh ka ngaithla ru ker tho,


"A... Ka van hre chiah lo che"


Uruata chuan chu nû en hû chung hian alo ti a, ka lo nui ru tet tet ringawt.


"Ka hmu tawh che lawm, Mami i hria em? Lunglei ami Lalnunmawii kha"


"E aw hria e"


Nurse nu chu a nui sak a,


"An hostelah khân kan awm țhin a, I rawn rîm țhin lai pawh kha ka la hre reng, kan hmu ziah che lawm, kan hostel ami teho khân an lo star thei lutuk che a"



Uruata nui ri hak chu ka hre reng, a kawh thei ang ber chuan ka hmûi ka lo ti pawrh vak ringawt, abialnu chanchin an sawi tih hrilh hranpa ka ngai lo, Henû lah hian ka damdawi a enkual vel mai maiin ka hria, enge a chhan pawh ka hre lo a hmêl hi ka lo ngei ve tawp, a zahtheihloh hmêl ka ti.



"Umami chu a boral ta daih sia, ka ui tak tak a ni"


Ka meng kâwk thei, tûnah khân enge a sawi? Uruata bialnu chu a boral tawh maw? Uruata chu ka va melh kâwk a, min lo en ve chiah, ka hawisawn leh nghâl daih, Tinge a sawi ngâi miah loh le? Hepâ hi chu hriat chian pauh amak telh telh, sawi nachhan tûr a nei lo pawh a ni maithei a ni.


"A pawi tak tak a ni"


Tih zawng chuan a chhâng a, ngâwi rengin Uruata hmêl chu ka en ru zauh a, a melh ngai alo melh vung vung mai.


"Anih tûna i awmpui hi inau ami? "


Uruata chuan min rawn en zawk a,


"A bialnu ka nia"


A chhân hma chuan ka lo tih khalh vat, Uruata chuan mak tih hmêl zet hian min rawn en a, zâm map lo in ka lo en lêt thung, ka lei ka chhuah khum zauh ringawt.


"Awi a nih chuan i hriat laiin a nunhlui te ka lo sawi chiâm sia"


A inthiâm lo hmêl chuan ka luak ati chhuak e a,

"A pawi hleinem, nunhlui techu nunhlui alawm, Hnah hlui chu hnah tharin a thlâk thin tiraw Duat"

Tihpahin Uruata chu ka va melh a, a chil hâkin alo khuh khurh khurh ringawt, ka nuih aza ngêi mai, engvânga a bialnu anga insawi nge ka nih pawh ka in hre lo e a.



______________

Nurse chhuah hnu chuan Uruata chuan min rawn pan in ka khum bulah chuan arawn țhû a,


"Engtik lai ațang khân nge ka bialnu ilo nih tâk reng reng a? "


Nui vur vur hian ati,


"Tûn mai ațang khân, khâ nurse kha ka ngaina lo, polite lo si, Nurse zawng zawngah chuan a polite lo ber ang"


Ka'n ti nghâl bawrh bawrh a, Uruata chu alo nui hak ringawt, a nuih mawi zia hi, a ha uingho zum bîk deuh sang techuan ati lang pâ ngawih ngawih, a ka chhûng a faiin a fresh si, a rim pâ hrâk techu ka thlahlel thar riau, kei hian ka duh tawh in ka hria, zêp pawh ka tum hran lo, min duh ve leh ve loh phei chu ka hre lo a, Tûnah tak hi chuan Lalduhkimi hi thingtlâng tlangvâl tlâwm tak, zaidam leh pâ zet mai lakah a luangliâm mêk tih chiah ka hria.


"Chimawm reuh lutuk"


Tih suppahin ka biangah chuan arawn piai zauh a, ka lo lâi vêl nia, zaktheilo hi ka van inti tak,





LALREMRUATA




Ina ka haw chu alo reh ruih mai, țhutthlêngah chuan ka țhu hnawk a, ka hmâi ka tuai puat, Kiki i ringawt ka rilrû ah a awm, A chanchin hi hre ta se engtin nge a awm ang le? Zan in chu A nu in a buai pui thei dawn si lo, pahnih riahpui an phalloh vângin keimah chuan ka riahpui tawp dawn a ni.



Aizawlah chhûngte hnai vai tak an nei lo bawk nen, Ka awm chu Nu Mahruaii pawh a lâwm ngang mai, ka inbual harh a, Ka inbual lai techuan Ka ngaihtuah ngut ngut reng mai, Doctor thusawi chu ka bengah a ri nawn tluk tluk reng a.


"Pi Mahruai, I fanu hian a ke hi a sawh na riau mai a, a kâwnga chin hnuailam hi a che thei rih dawn lo a ni, Pawi ka ti khawp mai, phai lamah techuan tih dân a awm maithei a, Mahse hetah chuan tih theih a awm lo, Phailamah pawh ka hre chiang bîk lo, ka țhian țha te ka lo râwn anga, theih tâwp ka lo chhuah dawn nia"



"Anih chuan ka fanu hi a zeng tihna maw? "


Nu Mahruaii chu ding mar thei lo in țhutthlêngah chuan țhu hnawkin a țap ta tlawk tlawk kha nia.




Ka ngaihtuahna ațang chuan ka inthing harh vat, Pathian in engkim a ti thei alawm, beiseina a neih phawt chuan a kal leh thei em em ang, Ka khawngaih a, a chan tûr ka ngaihtuah hian hrehawm ka lo ti ve ngawih ngawih, hmeichhe hrisêl țha tak, harh vâng leh hlim thei tak pian nalh hmelțha bawk si kha vawi leh khatah a kal thei tawh dawn lo ania, Nu Mahruaii phei chuan a hrilh ngam lo, keipawh ka ni tho.


A hmêl ka hmuh hian ka lo na ve vawng vawngin ka hria, Ka nu leh pa phone in chanchin techu ka hrilh a, Nu Mahruaii leh Kiki i chu an lo khawngaih ve hle, Ka pa chuan thu tak zet hian.


"Bawiha, Mahruaii te nufa kha i kutah an awm tih hria la, pachang tak leh fing takin ro i rêl sak a ngai dawn nia, An in nghahna ini tih hre reng la, I nu leh i farnu te ang chiah a enkawl tum rawh, I pa Mapuia hnênah khân bâ tam tak kan nei a, a țhatna tekha rulh lêt leh ngêi tum ang che"


A ti dam thlup thlup a, ka pa fuihna chu tihpuitlin ka tum hlê, Sana ka en chu Dar 6pm alo ri vâ tawh, Nu Tê i chuan chaw ei min lo siam mawlh mawlh a, Hmanhmawh tak chuan ka bâr nghàl vat, Traffic te Jam tâkin hmanhmawh a ngai.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)