ITZHAK Season 2 BY Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: ITZHAK Season 2 BY Hlutei Jocund Pachuau (Completed)

Unread post by Ngaia » October 25th, 2020, 4:34 pm

Thinrim hmêl zet hian a chhuak leh nghâl vut a, kan boruak chu a rit khawp mai, kei erawh chuan khâ hmêl a natna rawn lang kha ka ngaihtuah zui vang vang a, chaw ei a har talh talh tawh ang reng khawp mai.



"Tu hmeichhia nge maw arawn hruai kha le"


Pa Muana chuan âw thiân khurh khurh pah hian a ti a, ka hre reng tho a, mahse ngawi rih ila a that ka ring zawk.


"In puar lo ange ei teuh rawh u"


Nu Sangtei chuan inthlahrun hmêl zet hian arawn ti a, ngati nge thil lian tak tisual angah ka in ngaih tlat le? Ka hrethiâm lo takzet a ni.



"Ka puar lutuk ania"



An awm nawm nan chuan ka han ti mawi ve tak na a, an lo nui lui sak duh chauh, muangchâng in ka thlêng chawi chung chuan ka tho a, nuam lo ka ti veng veng reng mai.



"Keipawh ka puar e, Kan haw nghâl mai ang, a duty a chau âwm sia"



U Joseph-a chuan a han ti zung zung a,


"Ni e, kan boruak arawn vaw chhe vek alawm, thil awmzia ka lo zâwt dawn nia, Felfel nuam lo ti duh miah suh aw"



Nu Sangtei chuan a han ti zui zat zat a, ka lo nui lui sak ringawt.


_______



Ngâwi rengin bike ah chuan kan chuang dûn a, sawi tûr avâng khawp mai,


"I tha em?"



A rawn tih tâkah chuan ka ngaihtuahna atangin ka inthing harh nghâl vat.


"Aw, tha e, tlêm in min thâwng deuh"



Ka lo ti liam puat a, dâwt chiang tak ka sawi nghâl, Tlêm chu sawi loh, Ka rilru luah khat ber tu arawn ni leh nghâl ringawt tawh, Ka la theihnghilh thei lo tih chu keimah ngei pawn ka in hre na a, mahse khatiâng a ka awmdân zawng zawng rawn thlâk danglam tûr khawp chu a nih tawh ka ring lo a sin mawle aw.



In kan thlen chuan min ngaihtuah hmêl zet hian min en vang vang a, ka pa alo la haw lo, Ka man ei tûr buaipuiin ka pu nen khân an chhuak tak e.



"Enge?"


Ka lo ti hau ringawt.


"Nî dang chu ni se tawng na hun pawh min siam sak mang lo in i ti ti leh bawrh bawrh anga, mahse vawiin chu i tawng tlêm riau"



"A dik alawm, mahse ka tha a nia"



Ka nuih sak a, ka biangah arawn piai zauh,



"A nih ka kal ange, chhawm tûr vêl kha chu buaipui lutuk duh suh aw"



"Awle"


A rawn nui sak a, a tih thin dân angin min kuah leh vang vang tawh, ka samah chuan a fâwp zauh a, ka lo maimitchhîng sawk.


"Ka kal ange, ka rawn be dawn che nia"


Tih suppahin kan in bye bye zui lauh lauh a.



Chahbi kan dahna thin bawlhhlawh bâwm hnuai ami chu la in kawngkhâr hawn ka tum chiah chu ka bânah hian tu emaw hian arawn vuan sawk, ka râk nghâl thawt thei.



A hmêl ka hmu chiah chu ka ngâwi chiang kher mai.


"In bia ang"


Ti zui hmukin min kâi chhuak nghâl lawp a, a hmêl dur khup chuan min ti hlau lek lek nia.


"Min thlah rawh, engmah sawi tur ka nei lo"


Ka lo ti vîn that, min vawnna chu ka thing thla nghâl lawp a, rum thei ang ber chuan ka chhoh en hâ mai.


"Keimân ka nei alawm"



Inseh rûh tûn hian a ti a, ka bânah bawk chuan vuan in a car lam min pan pui dâwr dâwr mai.


"Lût rawh"


A ti leh nghut.


"I car man to a chuan hi ka châk lo Lalrinpui"


Chiang fek fawka tihpahin kal mai ka tum chu hnehsawh zet hian min pawt lêt dâwrh a, a car ah chuan min nam lût nghâl rawk rawk nia.



A chêt dân chuan min thâwngin ka thin ati rim hluah hluah mai, rang takin arawn lût zui ve nghâl a, car chu chak zet hian a tlân chhuahpui nghâl.



"Khawnge kan kal dawn?"



Ka awkâ chu a nêm fahran lo khawp mai.


"Kan thlen hunah i hre mai ang"



Kawngpui en kar chung hian ati deuh nghut, ka thinrim lutuk chu ka sa hut hut thei nia.



"Car hi ti ding rawh"



Min chhâng lo chiang asin, lungpui bia ang vêl ka ni, a aia chak hian a tlân zêl a, ka hlau ang reng viau, ka lo invuan tang tang ringawt.



Hmuifâng lamah a tlân daih nia,


"Khawnge kan kal dawn tih tal chu i sawi thei lo mi?"



Tap âw lek lek a ka tih tâkah chuan

"Ka ru bo dâwn che"

A ti leh nghut a, ka nui lui hak, ka thinrim lutuk chu ka inhûm ruh nasa ngang mai,mittui tling pam chuan ka en ngawih ngawih ringawt.



Damdiai park kan thleng a, a reh ruih mai, khua lah chu a vawt reuh zêk lehnghâl.


"Ding rawh a nih loh chuan ka zuangthla ang"



Aw khûr dar dar a ka tih chuan thinrim hmêl zet hian kawngsîr ah chuan a ding ta thut a, ka bu lâwp thei nia.


"Hê inneih na hi a thleng thei lo, ti tâwp nghâl ang che"



"Engvângin? Engvângin maw ka tih tawp ngawt anga?"


Vîn thah chuan ka han ti a.


"Ka remti lo a ni mai"



Awki ring zeta a rawn tih tâkah chuan ka phu zawk thei,


"Hriatthiam tum rawh, nang mah nen chuan a theih loh, en ta che, i putea nupui hual ka nih tawh hi"


Tap khûr hlak hlak a tihpahin ka zungbun ka kut zungte û a ka bun chu ka hmuh a,


"He zungbun hi maw?"


Nui hak a tihpahin dîm lo zet hian arawn pawt phawi a, car tukverh chu hawngin a paih chhuak daih nia.


"Engthil nge maw i tih le? I â tawh a mi?"


Vîn thawta tihpahin a hmâi ah chuan ka bêng hawi sawk, car atang chuan hmanhmawh takin ka chhuak a, zungbun a paihna lam chu ka pan nghâl, mahse khâm vek a lo ni, engtin nge niang? A bo vaih chuan ka chhe vek a ni mai, Khâ zungbun kha ka tâ tûra asiam tîr liau liau ania sin.



"Rawn lût rawh, a vawt lutuk"


Tihpahin min kâi lût nghâl rawk rawk a,

"Engthil nge i tih tâk hi?"


Ka hmâi ka hup a, ka tap tawp.


"Ka thei lo, Ka putea nupui ini ang maw?...a nuihzatthlâk"



"Anih chuan nui ta che, ngati nge engmah hi i hriatthiam duh tlat loh, nang nen chuan kan tâwp tawh"



Tap chung chuan ka ti a, ani pawh a mit a sen ve râm mai.


"Ka tân chuan ala tâwp ve lo, engpawh tih ngai mahse hê inneihna hi ka thlen tîr ngai lo ang"



Ala ti fan nia, a luhlul zia ka hria, enge ka tih tâk ang? Thil âtthlâk a ti leh duh mai dawn si a.


"I â tawh a nih kha"


Ka tih ngaihna hre tawh lo chuan ka han ti ringawt a.


"Ni e, ka â tawh, a chhan chu chân che hi ka duh lo"




Ka nui hak,


"I theihnghilh ta ami? Nangmah nih kha rinawm lo hmasa chu, thla thum pawh i nghâk thei lo a a nia,keichuan a kum a kum chuang ka nghâk che sin, kei hi ka na lo bîk in i ring reng reng ami?"


Ka ti ve ta tâwn tâwn a, mak ti hmêl a pu deuh.


"Engtin nge i hriat?"


Mit meng zîm deuh sar hian min rawn en a, ka thinrim lutuk hi ka puak keh lo chauh tawh.


"Chu chu a pawimawh lo, nang chuan hmeichhe dang i duh duh a i awmpui lai khân kei hi na takin ka awm thin a sin, chuvângin duhtâwk rawh, engkim a thlen tûr ang chu a thleng vek tawh"




"Ni lo, Fel, ka thiâmloh a ni, ni e, ka ti dik lo, ka hria, mahse ka hmangaih chu nang chauh ini, min ngaidam la, khawngaihin Putea nena in inneihna tûr hi ti tâwp rawh"




Dam thlup a rawn tih pah hian ka hmâi hupna chu arawn la thlâ a, ka bianga tawn tawnah chuan vuan in mit meng tawrh har zet hian min rawn en,ka awm dân hi keipawn ka hrethiam tawh lo, ka thinlung hi tui ang maiin a dam leh thlap tawh nia.



"Ka thei lo, i hriat kha"


Ka âw chu a chhuak chê chê chauh, min rawn kuah a, ka nghâwngah chuan a hmâi a phûm, keipawh hian ka hrethiam thei lo, hepa hian min khawih apianga ka danglam nghál mai thei hi ka in hrethiam thei lo a ni.


"Ka ngai lutuk che, Feli, nangpawn min ngai ve tih ka hria"



Ka beng bulah chuan arawn ti sar sar a, ka za chuai chuai thei, ka nghâwngah chuan a fâwp zauh a, chutah ka hmûi ah arawn fâwp leh, ka chhânlêt mai hláu in ka lo tang tung mai, ani pawn reilotê ah min thlah veleh nghâl mai a.



"Bul tan tha ang, aw...ka tihpalh, ka tina tawh miah lo ang che, min ngaidam la"


Ngên ngâwl zeta arawn tih chuan ka dam leh vek tawh, mahse ka luhlulna vâng hrim hrim pawh hian awlsam taka tih tâwp mai chu ka tum bik lo, bâkah, U Joseph-a hrilh lutuka a awm tûr hi ka lainat dawn lutuk, ka ngaihtuah ngam lo zawk.


"Mahse Isak Pu Jessph-a"


Ka sawi zo hman lo, duhthâw zet hian min rawn fâwp a, a âwmah chuan ka lo nam sawn nghál vat.



"Ka phatsan thei lo, ni lo, ka ti thei lo ang, thû ka lo tiam tawh a, keini chu awm dûn tura ruat kan ni ve lo"



Thâwk la hawk pahin a car seat nghen chhan chu a nghêng vang vang a, chutah a car steering chu a rawn chûm chawrh mai, horn a ri nghâl tuar a, ka phu chiang teh a sin.



"Nangpawn i bialnu chu tha deuhin enkawl la, engtik ah emaw chuan ila hmangaih thei em em ang"

Inseh ruh tûn hian arawn thaw chhuak hawk a.



"Angel anga awm tum suh, nang hian min la hmangaih tih ka hria, engti kawng mahin ka thlen tîr dawn lo, chu chu lo hria ang che"




Inseh chilh rap rap chuan ahan ti a, car chu ti nungin kan khaw lam pan chuan a lêt nghâl vut, engtin nge chhuanlam ka siam tâk ang? Ka rilru a buai takzet a ni.


ISAK LALRINPUIA




Car a ka tlân laklawh reng lai pawn a inhnît faih faih rî ka hre reng mai, ka ning tan riau tawh, hei hi ka nih dân a ni ngai lo, engtik atang khân nge ka hre lo, ka dawh thei lo a, ka thinchhia a, mahnî hmâ ka sial bawk, ka duh dân a ni bîk lo, ka inthunun thei thlâwt lo a ni zâwk mah.



"Duhtâwk teh i tap tam tawh"


Ka han ti ringawt a, mit meng sen râm hian min rawn enkiu mai.


"Zungbun kha ka tâ tûra asiam tîr liau liau ania sin, paih kher a ngai ami?"



Tap tiau hian arawn ti a, chu bawk chu,


"I ui viau anih chuan va zawng la ti nia"



Lungâwi loh hmêl fê hian min en a, car atang chuan a chhuak ta mai,


"Lalruatfel rawn lût rawh"



Ka han ti deuh hrâwk a, ngah mah a ngai lo, ka ngaihtuah leh tho bawk si, he nû tak hi chu âw.


Car atang chuan chhuakin a ban rêk ah chuan ka pawt lêt sawk a.


"Min thlah rawh"


Alo ti vîn hlar mai.


"Zungbun kha i tân a pawimawh viau amaw? A nih kei hi i tân enge ka nih ve? Khâ zungbun ai khân ka pawimawh lo zawk tihna mi?"


Awki sâng zeta ka tih chuan arawn inhnît ta hlap hlap a,

"Chutiang a ni lo, ka ngâihpawimawh sak a ngai alawm, i hrethiâm lo a nih kha, inneihna hi ti tâwp dawn pawh ni ila, khâ zungbun kha chu ka paih ngawt thei lo"



A inhnît leh hlap hlap a, ka tih ngaihna hre lo chuan nghet zetin ka kuah ringawt.


"Ka tihpalh, khaw ên hunah kan zawng dawn nia, a tha em? Haw phawt nge i duh? Ka tlânbo pui zawk dawn che mi?"



Ka âwmah chuan a rawn chûm taih a, ka nui suk, a lungâwina hi a ho ve thei khawp mai, chutiang bawkin a rilru natna pawh a ho tho bawk.



Lungâwi tak chuan min zui haw veleh ta nge nge a.



An in kawta din a phalloh vângin an in thlang deuh ah chuan ka ding ta ngawt a, a chhuak tûr chu ka pawt lêt sawk.


"Hre reng rawh, i inpeih hun ka lo nghâk reng ang"


Ka tih chuan min enkiau a, he mit meng pawisawi lo zet hmuh leh hlân ka nghah hlelh zia kha a hrethiam pha ve angem le?


"Awle, mahse, ka inpeih hmâ chu thil âtthlâk iti miah lo ang tih min tiam rawh"


Ka lo bu nghauh a, lungâwi tak chuan a chhuak veleh ta mai a.


A chhuak chiah tih in Lalduhsaki'n min rawn call, ka phone screen a a hming rawn lang chu ka thlîr vang vang a, a tâwp nan a thusawi ngaihthlâk sak chu a phû ve in ka hria.


"Hello?"


"Isak khawngaihin ka insawi fiahna hi min ngaihthlâk sak rawh, ka hmangaih che tih i hriat kha"


Tap âw tiau hian arawn ti,


"Mipa dang nên in inbiak CK na ka hmu chung khân ka ngaihdam theih che i ring a nih chuan iti sual hlê ang, tûn hi a tâwpna ni rawh se, ka buai"


Ti deuh hmakin ka phone chu ka dah zui nghâl a, hmeichhe zah hre lo ve tak chu ni, a thiamna vânga doctor a nih tak tak pawh hi ka ring nek lo e a.



Duh aiin ka ding rei ta, rang takin ka in khalh haw zui nghâl a.




LALRUATFELI




Kan in chu alo in hawng hiau tawh, inthlahrung ru zet chuan ka lût a, ka tum loh deuh ka hmuh vâng nge ka phu zawk mai.


"Khawnge i kal daih a?ka call i chhâng thei bawk si lo"


U Joseph-a a ni, rang takin ka zungbun bunna lam chu ka kut lehlam chuan ka hup vat a,


"Nia....ka...ih....ka training pui pakhatin min rawn bia a, a nu damlo serious deuh mai an rawn hruai a, ka va buaipui leh lawk a"



Ka sawi zo chu ka thaw huai thei, U Joseph-a bula dâwt ka sawi a ngai ta chu mahni inthiamlohna hlîrin ka khat.


"Eng na nge?"


Ka pa chuan room atanga rawn chhuah pah hian a ti a,


"Ihh...thaw hah a nia"


Ka pa bulah pawh dâwt chiang lutuk ka sawi, ka va han bawlhhlawh tak.


"Joseph a hian a ngaihtuah lutuk che a, buai viau mahla i phone ri tal chu ngaihsak tawh rawh"


Ka pa chuan alo ti deuh hmak a,

"Awle"

Inthiamlo ru zet chuan ka lo ti sap ringawt,


"Ka va inti fai lawk, lo thu rawh thingpui ka lo lum ang"


Ka han ti zui zat a, ka room lamah ka lût nghâl.



Ka in tleuh thuak thuak a, pangngai takin ka awm tûr a ni, ka room atang chuan ka chhuak a, U Josepha chuan chîk zet hian min lo en.



"Khawnge i zungbun?"


Ka phu deuh zawk thei, nui lui hakin a bulah chuan ka thu thlâ a,


"Ka room ah ka dah, ka bunna hnu hi a thak vak zel a"

Tihpahin a hmuh lai chuan ka han hiat der vêl a, ka chhûngril ah chuan mahni inthiamlohna in ka khat a, ka in haw mgawih ngawih thei.

"A tha e, lo kal teh"


Tihpahin min rawn kuah a, ka sam huh hlap ah chuan a chuk zauh, ka pa a chhuah daih vângin a ngam pa riau lehnghâl, ka biangah chuan a rawn chuk leh zauh a, enge ka hriat le? Hrehawm ka ti ngawih ngawih, ka lo tang tung mai, ka kut chu a rûk in ka hûm ngar ngar a.


Ka hmûi ah rawn fawh a tum, hei zet chu ka tuar thei lo, rang takin ka lo hawisawn a, ka tho nghâl daih.


"Thingpui chu ka'n lum ange"


Tihpahin choka lam ka pan nghâl nal nal a, ka âwm dawmin thâwk ka la vang vang ringawt.



Thingpui chu ka lum nghâl rak rak a.


"Ka hmuh dân che chuan lemchang i ang ka ti"



Ka phu zawk thei, ka hnunglam ka hawi chu inkuangkuah hlûn hian min lo en reng nia.


"Enge i sawi awm zia?"



Ka han ti deuh hâ a, engemaw hriat a nei amawni le aw, ka ti rilru rum rum hman.

"Min hmangaih lo chu ka hrethiam, ka hrechiang che a, mahse tlêmin min duhna ilan tîr ve hi ka lo beisei a"



A hmêl pawh ka en ngam lo, ka kun ngal ringawt,


"Ka tihpalh"


Ka han ti ringawt a, thâwk ala hawk rî ah chuan ka lo chhîng sawk thei.


"Alo lêt leh tawh vang a ni tiraw?"


"Ka tihpalh"


Ka ti leh tawp, sawi tûr dang ka hre lo.


"Min en teh"


Tih suppahin min kuai dâk deuh a, min chhuk en rûn mai.


"Feli kei hian ka hmangaih che, i na lai hmêl hmuh hi ka thil hlauh ber a ni, chu chu hria la ka duh"



Ka mittui kâr atang chuan a hmêl chu a phê ruai thei.


"U Joseph"


Ka phun sap a, rawn kûn hniâmin ka hmûi ah chuan arawn tawk zauh, ka chhâng lo, ka lo dawh tawp, a vawi hnih nân min rawn fâwp leh a, a zei kher mai, mahse tinge mipakhat chiah ka rilru ah hian a awm reng mai le, rang tak chuan ka hawisawn nghâl a.


"Ala hmanhmawh thlâk hleinem"


Ka ti liam puat, ka thingpui chhuan so bawrh bawrh chu ka siam nghâl mawlh mawlh a, ani pawn engmah a sawi tawh bîk lo, ka che vêl chu min thlîr ngar ngar reng ringawt.

💜💜 Ads i la click ve lo a ni maw? A hnuaia ads milem khu lo click ve rawh le 👇👇



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:34 pm

Reilotê ah ka pa arawn lût leh a, U Joseph-a nen chuan eng engemaw sawiin an in kâwm zui nghâl a, Police a ni a, mî dâwp a thiâm si, a hun hmâ hian Isaka ka la hmangaih reng thû leh Nichin chungchâng vêl kha ka sawi chhuak zuah zuah palh ang tih ka hlau takzet a ni.


A hmâ pawn ka dâwt vâr sawi thiâm takin min dâwp a, awlsam takin ka inpuang zuah zuah tawh si a, ka hlâuthâwng et et tawh, Mafaki nên beer kan lo in dûn tum pawn, Awlsam takin min man chhuak leh nghâl a, mipa fing tak a ni, ka bum rei thei dawn lo tih ka hria.




Inthlahrung ru zetin thingpui chu ka pe a, zan darkua alo pêl thuak tawh, ka pa chu thingpui pawh in lo in a mu leh nghâl mai a, innei tûr tho kan ni a, a fanu hi min ring tâwk bawk a, min inthiar fihlim sawn daih zêl.



"Ngati nge ka fawh kha i duh loh?"


Min enkur hian a ti a, he mit meng fing zet hi ka hlau lek lek.


"Ka duh lo a ni hleinem, i rawn ti teh thut bawk sia"



Ka lu thak lo pui hiah pah chuan ka han ti ringawt, a nui deuh hak a, ka lakah hian a thinrim rei ngai lo, chutiang bawkin keipawh, hmân deuh khân Pu Joseph-a bialnu hlui hian min rawn tim hrep tawh a, Zirtîrtu niin kei aichuan a û daih, khami tum khân ka thin chu a rim ve viau, mahse min tih lungâwi dân a thiam êm vângin reilotê ah ka lungâwi lehnghâl kha nia.



Ka dem hran lo, a hmeltha êm a, a fel bawk si, palian ve pangngai tak a ni a, ft 5'10 vêl niin ka hria, a taksa thau ni si lo hian a phut khat viau, a ngo lek lek bawk, Isaka nên hian in an deuhna lai an nei thin.


A mizia hi ka mipa duhzâwng tak mai kha a ni ve a, mahse hmangaih erawh ka la thei lo chu nia, ka tân inpe hlê mahse ka thinlung zawng zawng ka la hlân fel thei lo hi ka inthiam lo reng thin.



"Ka haw mai dawn, zan in chu sawi tûr i hre tlêm emai, zan dang chu nise ka dârah i lû nghatin i ti ti leh zat zat reng âwm sia"



Fiamthû ti tak deuh a atih chuan ka lo nui tâwi tak, hâw vat vat se ka ti, a bula ka awm hian ka tang tung reng a, ka hlauhthâwng et et reng mai..

"Ala hmâ êm khi"



Ka tih chuan arawn nui sak.


"Naktûk duty i ngai sia, zan in chu lêng rei lo mai teh ang"



Tihpah chuan a tho nghâl hluai a, keipawh ka tho ve vat, varandâ thleng chuan ka thlah a, rawn hawi lêtin ka chalah chuan a fâwp vang vang mai, thla êng dîm ruai hnuai ah chuan chîk zet hian min en a.



"Ka lakah hian lungâwi lohna i nei chu ni êm lo maw"



"Nei lo e, tinge? Kei techu ka pangngai reng alawm, nangmah zawk hi i dik lo tlat"


A nui leh suk mai.


"A nih chuan i tih thin dân angin ka biangah hian fâwp la chuan ka kal ang"



Ka nuih sak a, a rawn kûn hniam nghâl, a nghâwngah chuan ka kut suihin a biangah chuan ka fâwp a, a lungáwi vê leh êm êm tawh.


Kan in bye bye zui lauh lauh a, zan in ah fîm takin ka in ngaihtuah anga, naktûk ah Isaka chu chhânna ka pe ang, Thil thui tak ka thlîr ngêi chu a ngai dawn a ni.





Mut hmunah chuan ka in ngaihtuah vang vang a,inneihna hi lo ti tâwp ta ila ka hlim angem? Ka hre lo, keimah vângin chhungkaw pahnih te inzawmna hi a chhe thei tih ka hria, Isaka putea hi lo nei ta ila Isaka hi na takin ka siam ngêi anga, U Joseph a hi lo nei lo ta ang ila Amah a nâ in an chhûngkaw in zawmna ka tichhe ting tang anga, Isaka nên kan inneih an rem ti leh dâwn chuang lo tih ka hria, A chhûng te tui thlâr hial ngai hian ka siam ang tih mawlh chu ka hlâu a ni.



__________



Hmâ takah Duty tûrin ka kal a, Vuli pawh a mu thâ a niang a hmêl alo nung sar mai.

"Nizân chu serious em em an awm lo hlauh a, harh miah lo in ka mu tluan parh"


Alo ti var a,


"Ava lawmawm ve"


Ka lo ti ve nghâl.


"Vawiin hi Monday a ni bawk a, Doctor thar alo kal tawh dawn kha i hria em?"


Ka lo bu nghauh nghauh a, thu ho deuh deuh sawi a kan ti ti zui luâm hnû in ani pawh a haw veleh mai a, thingpui leh a hmeh in in Duty room ah chuan ka lo thu dar dar a, Sister Tawng rî ka hre tlat, rang takin ka thingpui in lai leh chhang chu ka dah tha nghâl vat a, ka bâna ka sana bun ka en chu dar 8am alo pêl tawh a nih hi.




"Helai hi duty room a nia"



Rawn tih luh mawlh mawlh lai chuan ka lo ding mar nghâl at, ka rei!...ka rin loh lutukin Sister leh Isaka Doctor form nen a an rawn inzui lût ka hmuh chuan ka meng kâwk thei.


A doctor form hnuaiah chuan kamis pâwl dal, vânpâwl rawng kan tih ang hi a ha a, kekawr dum nen, a in hmeh zia chu, hnuailam hawi deuh si hian min rawn en a, a nui deuh suk mai, za lo zet chuan ka lo kiai ve sak.



"A bâk chu Nurse Feli hian alo hrilh tawh ang che, office lamah ka kal angai sia, Feli lo buaipui rawh aw"



Ka lo bu nghauh a, a chhuak zui nghâl, sawi tûr avâng duh khawp mai, ka lungphu su dup dup rî chu ka hrechiang ta berin ka hria.


"I form chu iva inhmeh ve"


Nui deuh suk chung hian a ti a, ka lâi lek lek.

"Ward i fang nghâl dawn em?"


A lû a thing a, dawhkân ah chuan a thu zui nghâl,


"Thingpui nge coffee i duh?"


Ka tih chuan thutthlèng nghen chhan nghen ar ar pah hian min rawn en vang vang a.

"Thingpui ngat le"


Ka nuih ati za viau na a ka nui duh chuang lo, Isak Lalrinpuia hian thingpui kha a in ve thin tak e,


"Dam lo engzât nge kan neih a?"



"Pariat"


Thingpui siam mawlh mawlh pah chuan ka han ti a,


"File i en duh em?"



Ka tih chuan alo bu nghauh, rang takin file chu ka en tîr a, uluk tak hian a en nghál, a hnathawk lai ka hmû chu Angel hmû ang mai hi ka ni, a va han tha chiâng tak.


"Khatia min en reng chuan hnâ ka thawk thei nâng"


A file en reng chung hian a rawn ti sup a, rang takin ka hnunglam ka chhawn nghâl,a rûkin ka lei ka chhuah zawk zawk ringawt.


"Hetah hian i thawk ve tih ka lo hre miah lo a, i duty na lah hi ka awmna tûr a ni lehnghâl"




Nui sakin thingpui chu ka pe a, chîk zet hian min en reng.



"Keipawn ka hre lâwk bîk miah lo a"


Ka lo ti ve mai a,


"A anih i chhânna chu?"


Rang takin ka melh vat,


"Nakinah, hetah chuan hna thil bâk sawi ka duh lo"


Ka tih deuh tlat vâng chuan min zâwt lui duh ta bîk lo.



"Le.... ward chu i fang dûn ang hmiang"


A thing pui no ruak chu dahin a rawn ding hluai a, keipawh ka lo insiam ve nghâl mawlh mawlh.



Ward fang chuan kan inzui chhuak a, damlo te hmâ ah chuan a nêl awmin Doctor junior tak a ni tih tûmân an hre lo ang, keipawh mak tiin ka ka huau reng ringawt, Doctor ni tûr ve rêng a piang hi a ang ka ti, an lâwm zâwng sawi a thiâm in a enga mah hmâ in dam lo techuan an nêl nghâl thuai a, ka lo hlim ve veng veng mai.


"Khum number 7 hi Iron khâi a ngai dawn nih hi"


A ti deuh sup a, rang takin damdawi chawhna lehkha ah chuan ka ziak nghâl, Ward kan fang zo chu Duty room ah bawk chuan arawn thu leh te te a.


OPD an la hawng rih lo nawk nen.


"I office ah va awm la, a nuam daih zawk âwm sia"




"Teuh lo, hetah hian a theih chhûng chu ka awm dawn"



Nui sâng hian ati a, ka nui ve leh mai.



"Fel"


Tihpahin Mafaki chu arawn lût hlawl, Isaka a hmû chu a ding dat, thlarau hmû ang mai hian a phâwk hrâ mai.


"Nang maw?"


A ti deuh sap, Isaka hrilh hai hmêl chu a khawngaihthlâk let ling zawk.


"Min hrethiâm la, ka hre ngai che em?"


Isaka chuan alo deuh hû mai.


"E ni dawn tak, ka tihpalh lutuk, U Duhsaki kha ka û a nia, han tih lêm ah, cousin kan nia, i chanchin leh thlalâk te hi chu kan hria in ka hmu ngun khawp mai, tiraw Fel"


Nui chung hian a ti a, ka lo nui lui ve sak, Isaka chuan zawhna mitmeng hian min rawn en, ti hi chuan a chanchin ka hriatna kha a hriat tawh ngêi ka ring.



"A pawi ka ti, mahse i û nen chuan kan in thenna a rei leh tawh"



Alo ti deuh hmak nia, ka va han ngei mai mai tak, ngawihsan ve mai mai âwm.


"Nia a sawi alawm, rin aiin a tuarna zêk a"


Mafaki pawh chuan alo ti ve mai a.


"Nia, inzawmna neih pui leh ka tum tawh lo, Ka hmeichhe hmangaih tak nei lêt tûrin hetah hian ka rawn lêt alawm"


Min rawn en a, ka lo îp châwih châwih mai, a sawi chhuak mai ang tih ka hlau takzet.


"A ni maw...hmeichhe vânnei tak a nih dawn chu"



Mafaki chuan alo ti ve mai a, Isaka chu ka melh rum ngang mai, mit min rawn siai zauh ringawt, ka va han haw mai mai tak.


Mafaki a lêt leh hnû pawn ka chhuahchhâl vêl peih lo, Engmah sawi lo ila tha zawk, âtthlâk takin a che leh mai ang tih ka hlau.



"Dar 1 ah tiraw i haw dawn?"



Ka hnunglam ka hawi chu min lo en reng nia,



"Aw enge?"




"Ka lo nghâk ang che, i bân hun awm vêlah ka rawn call dawn che nia"



Ka chhân hma chuan a chhuak zui daih nia, U Joseph-a'n min rawn hruai ka ring bawk sia, engtin nge niang le? Bâkah in zui vak ka duh teuh lo mai.



_________


Vawiin chu accident tih vêl an awm nuk vângin ka thu hman meuh lo, Isaka pawh a buai khawp mai,Melh pawh kan in melh hman meuh lo.



"Feli, Doctor Ruata'n a ko che"



Mafaki chuan a rawn ti a, helamah kan buai tehrêng nen, Isaka lungâwi lo hmêl ka hmuh chuan ka hlâuthâwng ru dêp dêp mai.


"Kan buai lutuk, nakinah lo kal mai rawh se"



Isaka chuan alo ti deuh hmak a, keipawh chu chu ka ngaihdân a ni, Mafaki chu hrilh hai zet hian a chhuak leh hna hna a, Keipawn ka damlo buaipui lai ka buaipui lehnghâl mial mial, Dr Ruata hian Pui tûrin min ngên fo thin a, mahse chhuanlam mai mai a ang ka ti, Min ngaizâwng deuh amawni le aw ka ti lek lek thin, ka hnial ngam ngai bawk si lo, thil ho deuh deuh tih pawh ngai se buai chung chungin ka kal hrâm hrâm thin kha nia, a pi hi he Hospital a an Director a ni bawk si, chumi vâng pawh chu niang a inti thû viau lehnghâl.


"Enga tân nge Dr Ruata chuan a tih che a?"



Dam lo kan buaipui mawlh mawlh lai chuan A rawn ti chhuak hlawl a, kan damlo khawih lai leh a nupui leh a fapa la naupang ve tak te an awm bawk si, ka zak ru viau.


"Ka hre bîk lo, ka buai vak lo amaw ati aniang"


Ka lo ti liâm puat ringawt.


"Tûn chinah chuan puih chin tâwk hre tawh rawh, Ortho a Duty nih chuan englai pawh a inpeih at reng a ngai, kan damlo te hi kalsawn mai mai chi an ni lo"



A ti deuh hmak a, a kut a sil zui nghâl, ka hmûi ka lo tipawrh zauh, Damlo nupui chuan min lo hmu fuh a niang a nui sak mai.



Kan buaipui zawh hnû chuan châu zetin Duty room ah kan thu lût a, thingpui lum sak ka tum pawn a duh lo,


"I chau lutuk ang, thu mai mai rawh"



A ti deuh hluk a, a doctor form leh a engkim, a thlan tuiin a bual huh hlap techuan a pâ hliah hliah.


"Min lo duh âwm ngawih ngawih"


Min en reng chung hian arawn ti chhuak hlawl, ka nui hak a, zah ah pawh ka la tawh lo, dâwt ni hek lo le, ka duh mai ni lo in ka lo hmangaih êm a ni, Hmangaih loh phal chî pawh a ni hleinem.


"I form nên hian i sexy e, Ha ziah la tha ang"


Nui chunga arawn tih chuan ka nui leh hak a, ani pawh a nui ve, ka mawngah chuan arawn thâm zauh, ka phu chiang ngang mai.


"Midang hmuh ah chuan a ai lian deuh hlek ha tawh rawh, i mawng bawr leh i âwm bawr a lang thei vek alawm, ka hmuh lai chauhin hei chu ha tawh ang che"




A ti ve nuap nuap a, ka nuih aza ngêi mai.


"Nang angin ka âwm bâwr leh ka mawngbawr chauh an en hleinem"



"Mipa chu kan in ang vek, i duty na hi hmeichhia aiin mipa an tam zawk"



Ka nui leh mai a, a dam lo te lakah chuan zahawm leh puitling tak angin a awm a, ka bulah chuan tleirâwl tê ang maiin a tawng leh bawk si.



Hlim deuha kan ti ti mawlh mawlh lai chuan Dr Ruata arawn lût thut, ka tho rang ngang mai, a lungâwi lo hmêl chu a hlauhawm zawk.



"I hman reng techuan lo kal vat tûr che lawm"


Dur deuh khup hian min en reng a, ka hlau ru viau.



"Kal lo tûrin ka ti nih kha, Sir kan buai a, i hre ve vek a, khatiâng kara lo in koh pên kha thil tih chî a ni lo"



Isaka chuan chiang fek fawk hian alo ti, ka kun lap ringawt, ka hlâuthâwng takzet a ni.


"In buai tawh loh a, rawn kal vat mai tur alawm"



A rawn ti leh, a âwka chu a nêm vak bîk lo, dar thlalang atang chuan damlo techuan Doctor pahnih inhau mêk techu an rawnn thlêk leh dâk dâk thin, a zahthlâk ka van ti tak.


"Nurse a nia, mihring vetho a ni, chau ve thei hah ve thei a nia, nangina i duh duh i lo koh pên ngawt theih a ni lo"



Isaka chuan alo ti ve leh fak fak a,



"Hmânni lawkah Doctor ni tûrin i qualified ve chauh a, i rawn in la vung ve hle mai, i senior te zah nachâng hre rawh"




Thinrim hmaisen in Dr Ruata chuan ahan ti a, ka ngei ngêi mai, nupui fanau nei duah tawh si, a hmêl te hi ka ten zawng tak.



"Sir ka zah lutuk che, mahse helai hi ka duty na hmun a ni a, zah lo takin ka dam lo te hmâ ah min rawn ti ringawt hi ka lâwm bîk hauh lo, A rawn kal leh kal loh chu ka thû a ni, in indaih lo anih chuan Casualty lamah pawh nurse áwl tak tak an awm teuh, pun mai tur alawm"



Thil pawi a thlen hmâ hian ka dan vat a ngai.


"A tâwk tawh, Sir ka tihpalh takzet a ni, a lehpekah chuan ka rawn kal tawh ang"



Ka lo ti ve vat a,


"Rawn kal a ngai tawh lo ang, ka mamawh tawh lo che"



Tihpah chuan a chhuak ta hmak mai, ka va han zak tak, Isaka chu engemaw sawi tum a ân zuau lai chuan Vuli a rawn lût a, kan inthlâk hun alo ni leh dêr tawh, Isaka pawh ngâwi reng hian a chhuak ve nghâl vut a.



Chanchin alo hre thâwi aniang min zâwt nghâl sek sek mai, keipawn engmah zêp nei lo in ka lo hrilh nghâl mial mial a.



"Dr Ruata hi chu ka ngei na arei tawh, I kal ziah kha a tûlna a awm lo hrim hrim"



Alo tih ve tâkah chuan ka thaw huai mai.


"A nih ka inthlâk dawn, ka kal a nia"

Tihpahin ka Duty room atang chuan ka chhuak a, inthlâk na room lam ka pan nghâl.





Ka inthlâk zo ka chhuak chu Damdawiin pan na kawnga u Joseph-a police form nen a lo ding reng ka hmuh chuan ka ding dat, a bike a nghêng a, phone alo khawih mial mial mai, ka hrilh thei angem ka hre lo, ka ngam thlâwt lo, mi dâwihzep tak ka ni, mahse hetia awm reng lah thil dik a ni bawk si lo, ka rilru a buai, Isaka hrilh tîr chu tha zawk mahse a rilru ka tina zual sauh anga, ka lakah a hel tlat ang tih ka hlau bawk si.



Tûnah rih chuan sawi lo zâwk ang, hun remchâng dang a awm mai ka ring.


Tih rilrûk nauh nauh pah a Kal ka tum chiah chu ka hnunglam atang hian tu emaw hian min rawn pawt dâwrh a, ka âu chhuak thei lo ka kâ a hup nghál.


Isaka lo ni reng in.


"I mawl ami? Min ti hlau alawm"


Ka ti vîn that,


"Bengchheng suh"


Tih hluk pahin a car awmna lamah min hruai phei a, a car ah chuan min nam lût nghâl rawk rawk mai,rang takin a rawn lût ve nghâl vat a, glass a up nghâl.



Rang tak chuan a in khalh chhuak zui a, U Joseph-a bul kan thlen dawn hnaih chuan ka kun vat, Isaka chu engemaw sawi hian a phun hluk mai, enge a sawi erawh ka hre thei lo, mizo tawng chu ni lo phawt a.


"Khawnge min hruai dawn?"



Nêm fahran lo a ka tih chuan chiang zet hian min rawn en vang vang a.


"Hotel-ah"


A ti ringawt.

"I mawl ami? Tah chuan ka kal thei lo, ding leh rawh ka chhuk dawn"



Tihpahin car kawngka hawn ka tum chu alo kalh daih nia.


"Han chhuk vaih teh, kan la in hmangaih reng tih hi ka hrilh nghâl a ni mai"



Thinrim zet chuan ka in kuangkuah a, ka thu tûm nghâl bûr mai, hetianga a chêt hi ka rin sa a nih vâng a nia ka vo lâwk thin.


"Hetiang hian che thin lo teh, ka tân thil iti harsa zêl a nia"


Motor chu a khalh ngai reng chuan a khalh ngar ngar a, ka thusawi chu hre lo ang hmak hian zu awm a mawle.


"Kei aiin i thlang zawk tihna mi?"



Awki hniam deuh ruih hian a rawn ti, ava han ngaikâwi peih tak e âw.


"Chutiang a ni lo, hrilh hai deuh a siam kha ka duh hleinem"



Ka tih chuan min chhâng tawh lo, Aizawl lamah min kal pui a, Hotel Regency ah min kalpui.




Hotel kan lût chu Min enthup vek mai hian ka hria, ka zak deuh tlat,



Room nuam leh fai zetah hian min luh pui a, room tepawh alo book fel vek nia, thâwm rî vâ a tam lutuk lo a, a nuam phian.



Mahse nuam ti angin ka lang duh lêm lo, ka thinrim laklawh tawh tlat, hetianga ache thut thut zel hi nia ka duh lo chu.



Ka rin ang ngeiin U Joseph a chuan min lo call, ka hlâuthâwng lutuk chu ka phî leh cheng tawh.


"Engtin nge ka tih ang? Nangmah vâng vek"


Ka han ti nghâl ringawt a,


"Hahdam tak khân awm phawt la, i bag hi dah la, chhuanlam enge maw siam rawh"



Thâwk ka la hawk a, thin phu dup dupin ka chhâng nghâl.


"Khawnge i awm daih a, duty a hun tawh si lo a"


Min lo la nghâk reng a ni maw, ka van khawngaih reuh tak.


"Ka hrilh lâwk thei lo che a, ka tihpalh lutuk, ka thiannu in buaina a tâwk a, pui tûrin Aizawl lamah ka kal tlang nghâl daih a, min hrethiâm rawh aw"




"I awmna lo sawi rawh ka lo kal ang"


"Aih...ih...ka ...ka tih awmzia chu hmeichhe buaina nia, ka lo haw hunah ka hrilh ang che"



Ka han ti ringawt a, lungâwi tak chuan a dah leh mai a, ka phone hman chhûnga min lo en reng tu chu ka namsawn lawp, sofa ah chuan inkuangkuah thân in ka thu tûm bûr ringawt.


"I ril a tâm em? Ei tûr kan chah dawn ami?"



"Tam lo"


Ka lo ti deuh hmak, ka thin a rim laklawh tawh tlat, ka lungâwi mai mai tawh lo ang.


"Pizza ka'n chah ange"


A ti deuh sup a, phone chu a hmang zui mial mial mai, a hman zawh chuan ka bulah rawn thu in a kamis ban kilh na chu a phelh a, a kiu thlengin a thlep chho, a nghâwnga kawrkilh pathum vel chu phelhin min rawn en vang vang mai, ka erawh chuan ka en ngai ka lo en ngar ngar thung.



"Putea nen khân in in fâwp tawh em?"


A zawhna teh top chu.


"Fâwp fâwp fâwp"


Ka lo ti bak hlar a, a nui hak.

"Vawi engzah?"


"Vawi hnih vêl"


A ngâwi leh vang vang a,


"Anih kan pahnih hian enge tih dun i châk ber?"



Ka ngaihtuahna ah thil pakhat arawn lût nghâl.


"Min paw rawh"


Nui miah lo chuan ka han ti a, ani erawh arawn nui hak thung.


"A naupan chhiâtthlâk iti ve lo mi?"



"Ti lo, Korean film ah tepawh changtupa in changtunu te an paw ziah alawm, i hre lo ve sia"



Bak hlar chuan ka han ti a, a naupan chhiat thlâkna ka hre ve lo, ka châk ve ni mai a,

"Anih, a tha e, hawh lo kal rawh"


Tihpahin ka hmâ ah chuan arawn thu tung ût a, a rûk in ka nui nghâl var var mai.


Muangchângin ka bawk thlâ a, a tho chiah chu ka tla mai dâwn in ka hre tlat,


"Isak ka tla dawn nia"


"Min va ngainêp ve, i tla teuh lo mai, khawnge kan kal ang?"



A han ti zui zat a,


"Sawlai corridor phei vêlah sawn veikual la, a tâwk mai"


Ka tih chuan min chhuah pui nghâl a, corridor chu rin aiin alo thui phian, mahse sawisel lo in phûr tak chuan a kal phei ve a, a nuam ka van ti tak, a hnung a hlâi tha si, hei hi ka mumang a nih loh hrâm ka beisei, lo ni pawh ni se harh chhuah tawh loh mai te ka duh rum rum mai.



Room service vei zak zak ho chuan nui tet tet chung hian min kal pêl zêl a, ka ngei zia hi, a nuihzatthlâk na pawh ka hre ve lo e a.


"Fel, a tâwk tawh lo mi? min en duh teh mai nia"


A rawn ti ta bûi bûi mai,


"Tâwk e, ka chhuk dawn"


Tihpah chuan ka tâl aih aih a, min chhuk tîr duh chuang lo, min paw nghet sauh sauh a kan room thleng min pua in min luh pui leh thlap nia, pizza pawh juice nen dawhkân ah alo inchhawp thlap tawh.



Khumah chuan min thut a, ner sak sak pah hian a bân chu a hmet nghâl char char mai.


"Enge a? Ana viau em?"



Tihpah chuan ka hmeh pui ve nghâl vat a.


"I rit êm alawm, Gym ah pawh tiang em em a rit kha ka chawi ngai lo"


A thusawi chu ka huat tâwk a tling leh em em tawh, in ngâi viau e tilo chuan kan awmdun hian inhauhna tûr hi atam thei sia, kei lah hi ka thinrim reng zêl lehnghâl.


"Ka thau i tihna mi?"



Vîn thah a ka tih chuan inthiam lo hmêl apu deuh.


"Thau lo hran lo e, i khal zawk"


Nui suk suk chung hian arawn ti.

"Khal nih ka duh lo"


Ka lo ti hmak.


"Anih i chêr"


"Chêr nih pawh ka duh chuang lo"


Ka tih chuan a nui suk a,


"Anih enge nih i duh?"


"Engmah"


Tih hmak pahin khumah chuan ka mu thlawp a, Rizai chuan ka in khuh nghâl hmak.


"Ka fiamthû nih kha, i tâwk chiah, hawh pizza saw ei ila ka ril atâm lutuk"



Ka lo ner sak, a in la khawngaih thlâk vêl a ni maw, ti ila keipawh a tâm viau tho.


Rang zet chuan ka tho a, min lo nuih var var mai, dawhkân hma ah chuan ahmâ ang tho in inkuangkuah thân chuan ka thu tûm leh bûr a,



"I ei dawn nange?"


Tih deuh hû pahin pakhat chu ala a, a ei nghâl, ka pangchang leh châk tlat.


"Min barh rawh"



A juice in lai chu a phuh têp nia, mak tih hmêl zet hian min rawn en a, ka lo en tha duh lo vêl.

"Enge i hriat a vawiin hi?"



"Min barh suh, ka ei malêk ang"


Tihpahin ka tho a, kal mai ka tum chu min pawt thu leh hnawk, pakhat chu la in a piai thlâ a duat hmêl zet hian min rawn barh nghâl, ka insûm rei tawh bawk a ka thei tawh lo, ka nui nghâl var var a, ani pawh arawn nui ve.



"Vawiin chu i chhiahhlawh ka ni ringawt alawm"


A ti zui nung nung a, ka lo nui hak thung.


"Tinge a duhawm iti ve lo mi?"



"Ti e, Duat che hi nuam ka ti, ka laka i pangchan pauh leh ka tân a nuam a ni mai"


Min rawn fâwp zauh a, ka lo fâwp lêt ve nghâl, tûmah hian min dem thei lo ang, ka hmangaih êm a ni.



Khumah min pawm phei a, a kamis hâk a phelh nghâl sawk sawk mai, keipawn ka kawr fual hák chu ka lo phelh ve a, ka kum alo tam ve tawh a, ka zak tît têt tawh bîk lo.



Ka taksa duat taka a fawh kual lai chuan ka lo rûm ham ham a, zahpui awm ka in ti ngawih ngawih, mahse ka hre lo, ka mamawhna sân zia hi tûmân min hriatthiam pui lo ang.


Ka taksa chhûnga arawn luh lai chuan tê that pahin a dârah chuan ka lo hâm ngar ngar a, a nâ ka tih lutuk vâng nge ka khûr der der thei.




"Ka hmangaih che"


Thâm tuak hian arawn ti, châu chung chungin ka nui sak, ka thlan tuiin min bual a, ka taksa techu a huh hlap mai, ka sa hut hut ni mai hian ka hria.


Dîm tak si, a duhtâwk ang ni tho si hian a che a, hmangaihna vâng ka ti lo thei lo, ka taksa a nawmna rawn awm chuan min phatsanna tekha min theihnghilh tîr ta vek ni hian ka hria.



Ka hmûi ah chuan a rawn fâwp leh a, ka châu lutuk chu ka meng thei lo, a duhtâwk a hmu ta aniang a sîr lamah chuan a let thlâ nghâl tawp a, a âwm ah chuan min bei tîrin ka chalah a rawn fâwp zauh.



"Ka hmangaih che, Lalruatfel, ka ta chauh ini tih hi theihnghilh ngai suh"


Arawn ti sû sû mai, ka lo nui sak a.


"Hetah hian kan riak thei lo a nia"



Ka âw techu a lâwi vek nia.


"Khua thim phawt se kan haw dawn nia"



Nghet zet hian min rawn kuah a, keipawn ka kuah lêt ve nghâl, Uire ang mai hian ka in ngai, ka mittui rawn tling pam chu a rûk chuan ka khap lêt fak fak a, kan zalen hunah chiah hetiang hian ka awm pui tawh ang.

💜💜 Ads i la click ve lo a ni maw? A hnuaia ads milem khu lo click ve rawh le 👇👇

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:35 pm

Kan inbual dun leh a, a vawi hnih nân kan ti leh hrâm.


"Isak in venna kan hmang si lo a"



"A pawi mi? Rai la ka tih mah nâk alaia"


A ti duh lek chauh,


"Chutiang ringawt a ni lo"



Min rawn fâwp zui nghâl, ka chauh pawh a zia deuh, ka haw hunah damdawi ka ei tho ang, ka la rai duh awzâwng lo.



Kan inthlâk fel vek tawh, ka sam ala ro loh vângin min chhêm ro sak a, a nuam ngei mai, ka muthlu lek lek zel.


"Ka hmangaih che"


Tihpahin ka hmûi ah arawn fâwp leh.


"Keipawn ka hmangaih che"


Ka ti ve ta nge nge a, tlêm in ka zâm deuh, min en a, a nui suk mai, a hlim ve takzet tih ka hre thei.



Sofa ah chuan min din tîr a, kan inchen chiah, a nghâwngah ka kut ka suih a, kan in nuih leh thin, kan hlim dûn takzet a ni.


Nghet zet hian kan inkuah leh vang vang a,


"Haw tawh lo mai ila"


A rawn tih chuan za zet hian ka nui chhuak a, ani pawh a nui ve tho, a fiamthû mai mai tih ka hria.


"Zan ah Putea alo leng dawn em?"



"Mmm..leng ang ka ring"




"In in fâwp vel anga"


Min rawn en a, a nui duh thak lo nia, ala tûm bûr zui.


"Enge?"


Ka lo ti hâ.


"In fawh tîr hlek suh ang che, ka tâ a nih kha, i engkim"



Ka nui hak,


"I ngaihtuah peih mai mai e a, lungngai suh, nang angin a hur lo"


Ka thusawi chu keimah pawn ka nuih ati za.


"A nuihzatthlâk loh, hur min ti hlek suh, i lakah chauh tiang hian ka awm thin, ka ti tak tak"


Ka âwih tho a, mahse min phatsan tih ka la theihnghilh bîk chuang lo, hriat reng duh lo mahila ka hre tho na a, a dinhmunah khan ding ve ta ila keipawh hi ka rinawm angem ka in hre bîk tlat lo a ni.



ISAK LALRINPUIA



Car seat nghen chhan nghêng a muthlu lâk lâk chu ka en leh zauh thin, keini hian thil dik tak kan ti lo tih ka hria, mahse enge pawi? Kan in hmangaih a ni ve mai a, hre reng chungin kawng hran min zawh luih tir a nih kha, a nghawng nat zia hi an hre lo a ni chêk anga, Arawn zi tiâm tiâm a, phak chial hian arawn meng ve, ala harh chiang lo a niang a khap fak fak mai.



"I mutui em?"



"Mmm...tui e, kan thleng têp tawh em?"



"Aw"



Ka tih chuan rem ât hian ka dârah a lû arawn nghat a, nuam ka ti veng veng mai,

"Isak"


"Huh?"


"Thil dik lo tak kan ti tiraw?"



Mahni inthiâmlo reng reng hian a awm reuh a, hetiang chuan a dam loh phah mai ang tih tepawh a hlauhawm, a kut chu la in ka fâwh sak zauh a.


"Tihsual kan nei lo, Pathian pawh khian min dem bîk lo ang"



"Chuti maw?"


A rawn ti deuh hâ mai, ka lû ka lo bu nghauh, a ngaih atha ta niang arawn nui ta var var mai.


__________



A rûk thei ang ber a Feli ka thlah hnu in kan in lamah ka in khalh hâw a, Common room a mittui tling pam a lo thu ka hmuh chuan ka ding dat, ka nu leh ka pa in an lo thut pui lehnghâl.



"Enge i rawn tih?"



Kawngkhâr a ka luh rual chuan ka han ti ringawt a, ka awkâ a nêm hran lo, bâkah henû ka hmuh hian ka mood a off vek zel, ka ning ngawih ngawih.



"Bawiha lo thu phawt teh"



Ka nu chuan alo ti chang fak mai, an hmêl atang chuan engemaw thil duhawm lo tak an hria tih ka hre mai, ngâwi rengin sofa ah chuan ka thu ve mai a, hlim hmêl pawh ka hmuh peih lo, khati khân min zar buai a min lo kawp ru ve khanglâng leh nghâl.



"Duhsaki hian min lo hrilh a, Ani hian i fa a pâi a ni âwm e"


"Enga?"


A sawi zawh hmâ chuan ka han ti vîn thawt a, ka âwih lo lutuk, a râi nachhan tûr a awm lo, thla 2 liam ta kha kan mut dun hnuhnun ber a ni, mahse...ni lo...a ni ve thei tho.



"Engtin nge i tih dawn?"


Ka pa pawh arawn tawng chhuak ve ta,


"I duh duhin enkawl rawh, keichu ka kut ka sil e"



Tihpah chuan ka tho a,


"Lalrinpui, i fa a nih hi, chutiang ngawtin iti thei lo"


Ka pa chuan ati ta khur khur mai, ka ding dat, ka hlauh rûk ang ngeiin thil a thleng ta chu nia, engtin nge ka tih ang?



"Isak, vawi tam tak hrilh che ka tum a, i ngâithla duh bawk si lo a"



Tap âw lek lek hian arawn ti, ka tawng thei tawh lo, rum zet hian ka en tlawk tlawk ringawt.



"In ngaihtuah harh ka mamawh"



Tihpahin ka tlân chhuak a, car ah ka lût zui nghâl, ka bîng mup mup mai, engtin nge ka tih ang? Ava han pawi tak, Car steering techu ka chûm leh pawp thin, ka kaw chhûng hi a tâwt up up mai.



Ka tihsual liau liau a ni, tûmah mawhpuh thei ka ni lo, Feli'n a hriat vaih chuan ka fa hi thlauh thlâk a rem ti dâwn lo nasa si.


LALRUATFELI



Ka in ti fel fai zo a, U Joseph-a pawh a rawn lang leh tawh, a mit meng fing zet hi ka hlau lek lek tawh, T shirt dum leh kekawr dum a ha a, a vun a ngo bawk si, a inhmeh phian, a sam buk lek lek chuan a ti vai lek lek thin.


"I thiannu chuan eng buaina maw a neih?"


Ka bulah arawn thu thla a, ka lo tang tung mai.


"A rai a,a chhûngte ka va hrilh sak alawm"




"Tu i thiannu, i thian techu ka hre ve deuh vek sia"



Min enkur pah hian a ti a, en pawh ka en ve ngam lo.


"Ka school kal pui thin, min tih dan hi dâwt ka hrilh che i ring ami?"



Arawn nui hak a, a nuih hian an deuh a nei thin, mahse ka hrechhuak zo tawh lo.


"Ka châu lutuk, vawiin chu mî kan dâwp a, ka vaw nasa lutuk a"


Chauh hmêl zeta tihpahin ka dârah alû arawn nghat a, a rimtui vung vung ngei mai, ka kut chu la in a khalh niap niap a.


"Ka ngai bawk che"


Arawn ti leh, vawiin thil thleng ka ngaihtuah phei chuan ka in ten, ka hlau bawk, ka tang tung reng mai.


"Naktûk i off dawn em?"


Ka lo bu nghauh nghauh a, ka off nî a ni tak, ka lo theihnghilh daih.


"Khawi ah emaw kal ang hmiang, hmun nuam deuh ah ka hruai ang che"



Ka châk viau na a, Mahse Isaka'n a hriat chuan a phal dawn lo nasa, ka hnial ngam chiah bawk si lo, engtin nge niang aw.


"Ka lo in ngaihtuah ang"



Ka han ti ringawt a, ka fiamthû ah a ngai aniang min rawn en vut a, a nui suk duh chauh, keipawh ka lo nui ve mai, ka phone arawn rî, Isaka ala ni zui, hepâ tak hi chuh, a rawn lêng dawn tih a hre ve reng sia, ka phone screen a hming lo lang chu a hmuh hlâu takin ka hup tât tât a.


"Bathroom ah ka'n kal lawk" tihpahin ka phone chu ka keng a,Bathroom ah chuan ka inkalh khum, ka la nghâl vat.



"Enge tûn angah te min rawn call, U Joseph-a awm ve tih i hria em?"



A hriat hlau tak chuan in seh chilh rap hian ka ti sa sa a.


"Rawn chhuak rawh"



Ati deuh nghut, enge thleng le?

"I â ta mi?"

"I rawn chhuah loh chuan ka rawn lût ang"


Ka chhân hma chuan a off daih nia, LalPa min pui teh, enge ka tih ang? Ka va han buai tak,


Bathroom atang chuan inthlahrung ru zetin ka chhuak a, ka pa lêng pawh arawn haw tawh.


"Dâwr ah ka kal lawk dawn, ka rei lo ang tikhân lo inkâwm ru"


Tihpahin ka room ah ka lût a, ka purse ka phawrh nghâl,


"Ka lo kal pui ang che"


Room atang ka chhuak chiah tih in U Joseph-a pawh alo ding hluai mai.


"Ni lo, ihh...ka ...hmeichhe thil ka lei dawn sia, ka reilo ang tikhân lo awm rawh"



Tihpahin ka tlân chhuak nghâl, ka pa nui hak ri chu ka hre pha ruai ruai mai, ngaih loh lamah min ngai êm lo ang chu maw.



Kawngpui ka thleng thla têp tih in thim zîngah chuan tu emaw hian min pawt lût dâwrh, Isaka a ni tih ka hria, Ngâwi rengin a car lamah min hruai a, a car dahna lah chu a pil ril mai sia.



A car ah chuan kan thu lût dun a, a hmêlah chuan dik lo a awm tih ka hre mai.


"I tha em? Enge thleng a?"



"Ka ngai che"


Min en reng chung hian arawn ti sup a, min rawn fâwp nghâl, min fâwp uar tial tial a, ka nghâwngah techuan a fâwp thla zel, a chêt dan hi ka duh lo, Ramsa ko ham ang mai a ni, ka hlâu lek lek, nuam tihna pawh ka nei tawh lo, engemaw tak rilru nawm lohna a nei anih ka ring.


"Isak, a tâwk"



Tihpahin ka nam sawn lawp a, thâwk ala hawk mai,


"Enge thleng a? Rilru hahna i nei ami?"


Awki sâng lek lek hian ka ti khar khar a,Minhâng lo, that chhe zet hian a thu a, a maimitchhîng daih.


"Tlânbo mai ang"


A rawn ti leh tawh,


"I â mi? Ka haw dawn"


Tihpahin car atang chuan ka chhuak nghâl a, kan in lam pan chuan ka kal nghâl hlawk hlawk ringawt, a awm dân hian min ti rilru hah.


Ka hnunglam atang chuan na zet hian min pawt lêt sawk mai.


"Hetianga i chêt ziah chuan inneihna hi ka ti tâwp lo ang, âtthlâk takin che tawh lo turin ka hrilh mawlh mawlh che kha, min nghâk hrâm rawh"



Tap chunga ka tih chuan min en ta vang vang a, alamah min pawt hnaiin nghet zet hian min kuah, ka lo kuah lêt ve nghâl.


"Ka tihpalh, ka nghâk ang che, I tap ka hmu duh lo a nia, tap tawh suh"


Dam thlup a arawn tih tâkah chuan ka mittui chu hrû in thâwk ka la hawk a, kan in lam pan chuan ka kal nghâl nal nal ringawt.





In ka thlen chuan choka ah kal tlang nghâlin thingpui ka lum a, Ka ngaihtuahna chu a vâk thui khawp mai, ngati nge khatia a awm thut le? Chhan a awm ngei ka ring, min hrilh ve mai tur a nia.





Thingpui chu ka pe a, ka pa lah chu alo mu leh thân tawh.


U Joseph-a chuan a bula thu tûrin min pawt thu hnawk a, ka nui lui thei ngang lo, Uluk tak hian min en leh tawh.


"I tha em? Thil thleng a awm ami?"


Dam thlup hian arawn ti, min duat si a, ka khawngaihna vâng tal pawh hian a thû anga awm tûr ka ni, Engmah pêk lêt tûr ka nei si lo a, naktûk chu a tâwp nan nilêng in ka awmpui ang, tichuan ka huaisenna zawng zawng mai pawh ni lo Isaka huaisenna tlêm pûk belh in ka hrilh tawh ang.



"Ka nu ka ngai deuh a"



Ka mittui arawn tling nghâl, a âwm lian zetah chuan min bei tîr kâk a, a kâwr âwmah chuan ka thâm ngat ngat mai, naktûk ah chuan engkim a danglam tawh dâwn si a, ka khawngaih takzet a ni.


"A tha vek e, Nu te ngaih vânga tap rual pawh ini tawh lo a nia"



A tih chuan mittui tling pam chungin ka nui chhuak hak.


"Vawiin chuan min lo ngai viau amaw?"



Ka mittui hru mawlh mawlh pah chuan ka han ti a, a thingpui lem khalh pahin a bu nghauh mai.


"E taka, Isaka pawn nupui a neih vat ka ring"



Ka phu zawk mai,


"Eng...enga?"


Ka lo ti bah deuh nuai mai,


"Doctor a zir pui thin a bialnu kha a rai tih ka u in min rawn hrilh a, amah lah chu in atangin a chhuak ala haw si lo"



Chhut chawrh ang mai hi ka ni, a vawi hnih nân ka na nawn leh ta, ka thinlung hi vih ang mai a ni, tah ka tum lo, mahse ka tâwt up up mai, ka awmdân atang chuan min man mai ka hlauh vângin ka theihna zawng zawng chuan ka insûm a, chuvâng a ni maw a awm dân kha dik lo ka ti rêng a ni.


"Avan tha ve, nupui tha tak nei se ka ti keipawn"



Ka âw a khûr lo chu ka va han lâwm tak, nui suk chungin ka biangah chuan arawn fâwp zauh a, ka lo nui lui ve sak, mahse ka na vawng vawng tho, ka insûm nasa lutuk chu ka thâ te a khûr thei nia.


Ka mittui arawn tling, tla suh khawngaihin, tla lo hrâm rawh, ka rilru chuan ka ti mawlh mawlh a, ka rin loh lutukin U Joseph-a chuan min rawn fâwp thut, ka lo dawh a, ka che lo, ka thinlung na rum vawng vawng chauh chu ka hriat theih awm chhun a ni, ka tukhum ah chuan a dawm a, min fâwp dîm viau.


Ka maimitchhîng a, ka mittui arawn luang nghâl, thinrimna in ka natna chu a rawn thlâk a, U Joseph-a chu pawisak nei miah lo in ka fâwp lêt ve, mahse ka na lutuk, keimah zâwk chuan duhthâw takin ka fâwp a, ani pawh arawn duhthâw tial tial mai, mahse ka thei rei lo, ka insûm zo tawh lo chu ka kûn a,ka tap chhuak hawk, a âwmah chuan ka hmâi phûmin ka tap khûr ngat ngat ringawt.



Ani pawh tâwt hmêl zet hian athaw chhuak hawk mai.


"Ka hrethiâm che lawm, tap rawh, mahse hei hi a tâwpna ni rawh se"



Tihpahin min kuah lêt a, ka taksa zawng zawng hi an phu ut ut ni mai hian ka hria, mipa dang vângin ka pasal hual bulah ka tap a nia, ka va han zahpuiawm tak,


"Ka tihpalh"


Tap hlap hlap chung chuan ka ti a, engmah a sawi lo, ngâwi rengin min kuah lêt ve tawp.

______________

Varanda a thutthlèngah chuan kan thu dûn a, varanda light on lo mahila thla êng nuam zet chuan min rawn chhun a, anuam tâwk viau, a khât tâwkin ka mittui lah chu arawn tla ve chhên lehnghâl.


"Hmangaihna chu Number 4 ang hi a ni a, number 4 pawh nghei an tum chuan hrehawm na nasa tak an tawrh phawt a ngai, a then chuan an tuar chhuak a,mahse kum 2 ,1 an nghei hnu pawn an nghei hlen thei tak tak chuang lo, hmangaihna pawh chutiang tho chu a ni, a zûn hi ana êm a, ka hrethiâm che lawm, mahse Feli, i theihnghilh theihna nih dâwn phawt chuan engpawh ka ti mai ang"



A thusawi puitling tak chuan chakna thar min pe a, amah hi ka beiseina chu a ni tawh mai.


"Ka tihpalh aw, min haw lo tiraw?"


Ka mittui ka hru zui zauh,


"Ka haw lo che, mahse hei hi a tâwpna ni se ka ti, a tâwpna a ni tawh bawk a, tap bawrh bawrh rawh"


Min rawn en a, a nui sak, a lamah chuan min pawt hnâi a, a mal chungah min thuttîr, kei erawh chuan ka natna techu sâwm khâwmin ka mittui tla zo thei lo chu ka hru mial mial a, tihsual palh liau liau a ni tih ka hria, Isaka pawh a rilru ana dâwn, chu chuan min tina zual, kei ni chu inkawp tûra ruat kan ni lo tih hi ka pawm a ngai.


"Ka nupui inih hunah chuan Duat chikim in ka duat ang che"

Ka hmai chu hupin ka tap tawp, keimah pawh hi ka inzah pui zâwk, min kuah a, keipawn ka kuah lêt,


"A tha vek, ka awm hi, lungngai lo la"


Hei hi ni ka mamawh chu, mahse ka châu ngawih ngawih, mahni chauh a awm ka châk takzet a ni, ka duh ang pawn ka tap tha ngam lo, insûm in ka mittui techu ka hru hul a, ka tâwt lutuk chu boruak hîp lût kâwk in ka thaw chhuak leh hak.


"Engpawh thleng se, nangin i remtih chhûng chu neih che hi ka tum reng ang, mahse i duh lo chung erawh ka ti lui ngai lo ang che"



Ka mita min en kar hian a ti a, ka lo bu nghauh,


"Ka haw dawn"


Tihpahin a tho thut a, min pawm tho zui nghâl, ka tla dâwn maw ka tih vângin ka lo râk that.


A nui hak a, ka chalah a rawn fawp zauh, min pawm reng lai chuan ka mawngah thâmin min fâwp leh a, ka lo chhânglêt tawh, thâwk la hawkin min thlah a, lei ah chuan min nghat nghâl, kan in bye bye zui lauh lauh a.


Ni e, ka beisei tawh lo ang, zan in hi amah vânga ka tah tâwpna ni tawh rawh se, U Joseph-a tân chauh hian ka rinawm tawh ang, ka na duh tawh lo.

💜💜 Ads i la click ve lo a ni maw? A hnuaia ads milem khu lo click ve rawh le 👇👇

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:35 pm

Khumah chuan ka bawk thlawp, mahse tah erawh ka tap êm lo, ka châu ngawih ngawih, ka hah tawh a ni, hrehawm kan tawrhna zawng zawng kha a thlâwn a tân chuan ka phallo, mahse awm dûn tûrin Pathian hian min ruat lo hrim hrim ah ka ngâi nghet hmiah tawh, heng natna zawng zawng hian min kalsan tawh se ka ti takzet a ni, ni e, ka na a, ka tap a, khâng hun chhûng zawng khân, ka thei tawh lo, ka tuar ngam tawh lo a ni mah zâwk, Engtik thleng nge ka la tawrh zêl ngai dawn?


Mipa thinchhe tak, a duh loh zâwngah chuan âtthlâk taka che buan buan mai thin, tui khawh thla chak tak, a luan tam chânga khawh thla pur maih thin, mahse tlâwm thei tak a luan tlêm chânga a mawi tâwk chiah a luang ri her her thin hian, Mipa zaidam leh min duat em em tu, tupui ang maia dam thlup ai hian ka thinlung a hneh zawk tlat hi ka hrethiam thei lo a ni, Hmangaihna hi thil mak tak chuh alo nih ngei dawn hi.


Ka mittui a rawn luang leh tawh, ka hru nghâl mial mial a, a tâwk tawh lutuk, ka thei tawh lo a ni.




_____________



NEXT MORNING



Ka phone ka en a, Isaka call leh Tex message alo tlar dul mai, ka chhiar lo, ka phone chu ka thawhsan a, inti fai tûrin bathroom lamah ka luhsawn nghál.




Ka pa in rawng alo bâwl fel leh diâm tawh, a tih dân ngâi bawk in Duty turin alo chhuak leh daih tawh bawk, ka off nî hi chuan darkaw ai hma in ka tho ngai lo, ka châu ve thei êm a ni.


Tukthuan ka ei ve nghâl a, ei tam a har kher mai,




Ka ei kham thlêng ka sil mawlh mawlh lai chuan U Joseph-a a rawn thleng dêr tawh,



"Tlâi lamah Duty ka ngai sia, a theih chuan in peih hma tum la"



"Khawnge kan kal dawn reng reng a?"


Ka lo ti vat,


"Ka sawi lâwk thei lo"



Ka nui sak, khawi ah tak chuan min hruai ang maw, ka thlêngsil chu dahin ka room ah ka lût a, ka in thlâk nghâl, ka t shirt ka phelh a, kekawr erawh ka la ha tho, chutih lai tak chuan U Joseph-a a arawn lût thut, ka phu chiang lutuk, ka t-shirt khuma ka theh thal tawp chu la in ka lo inkhuh zui tât tât a, ani pawh a inthiam lo a niang hnuailam a hawi daih.



"I zungbun kha bun rawh rawn tih che ka tum a"


Inthlahrun hmêl zet hian ahan ti a, a chêt dân chuan min hneh riau,mahse Isaka khân min paih sak daih sia, engtin nge ka tih ang?


"Ka...ka thiannnu te in a ka kal tum khân, ka theihnghilh daih a"


Min rawn en a, a lungâwi hmêl chiah loh, vawiin chu ka hmu tha sur sur khawp mai, leather jacket dum a ha a, a hnuai ah t shirt dum, kekawr dum a ha leh tho bawk, timberland boot buang a bun bawk, a pa lian sia a inhmeh phian, a sam a buk lek lek bawk.



"Kan lam kâwi nghâl dawn mi?"



"An awm lo ang, nakinah keimân ka lo lam mai dawn nia, ka inthlâk duh nia"



Ka han ti deuh nâng nâng a, a nui suk,


"Tikhân inthlâk la, ka la hmu vek dawn tho lawm"



A fiamthû tih ka hria, ner sak pahin rum zet hian ka melh a, min rawn pan nia, avan â rauh tak.


"Rawn kal hnâi suh, a nih loh chuan police ka ko ang"


A nuih ka ti za ting mai,


"Police chu i hmâ a hi ka ding reng alawm"


Tihpahin ka kâwngah a rawn vuan a, alamah min pawt deuh sawk, ka hnung zâng ruak deuh kâng chu zei zet hian a zût a, a nuam reuh, mahse min ti danglam lutuk lêm lo.


"Chhuak rawh, mi an lo kal ange, a mualpho thlâk, dân khatna a innei tûr kan nih hi"



Ka lo ti khâih khâih a, ka thusawi chu hre lo ang hmakin zu awm a mawle, rang zet hian min rawn fâwp a, a duhthâw viau lehnghâl, a âwmah chuan ka lo nam chat chat a, ngah mah a ngai lo.


"U Joseph a tâwk"



Ka âwki chu a sâng lo, hnehsawh zet hian min pawm kâng nawlh a, ka inkhuhna ka t shirt ka thlauh daih, ka sual lêt tha ngam bawk si lo, ka tap lek lek tawh.



Ka âwmbawr a en a, a mit hmul ati sâng zauh, min pawm reng chung chuan ka nghâwng leh âwm bâwr techu a hmâi chuan a han nawr deuh thuak thuak a, ka mittui arawn luang ngiai ngiai mai, ka pasal hual a ni tawh tho a midang pawn hria se min dem vak lo ang, mahse tinge thil pawi lian tak anga ka ngaih tlat le? Nuam tihna pakhatmah ka nei lo, Isaka hmêl ka mitthlâ ah arawn lang a, ka thei lo, ka pasal tûr ni mahse Isaka aia mamawh leh min ti phûr thiam kha ka hre tlat lo a ni.


Ka insûm zo lo ka tap chhuak hak a, U Joseph-a pawn a thil tih lai a tâwp chat, khumah chuan min thut a, ka hmâi hupin ka tap tawp, a ngâwi reng a, min hnungchhawn daih tih ka hria, a thâwk la hawk rî pawh ka hre thei.



"Ka tihpalh"



Tap chung chuan ka han ti ringawt a,


"A pawi lo, insiam la kal ang"


Tih nghut pahin a chhuak ta daih a, thinrim mahse a âwm ka ti, khatianga min khawih lai reng pawh khân mipa dang ka ngaihtuah char char a nia, eng rilru nge ka put le?



Rang tak chuan ka insiam a, make-up pawh ka inbel ve nual, mahse ka phûr lo kher mai.


ISAK LALRINPUIA





Putea leh Lalruatfeli te in zui chhuak chu ka en thla reng a, KTM ka khalh a, helmet full face ka khum vângin tunge ka nih an hre kher lo ang, an tlân ta maw tih ah keipawh chuan ka zui ve zêl a.




Kan tlân rei tawh khawp mai, Hlimen park lamah an kal nia, Putea chuan lênpui na tûr a hre lo ve khawp mai, ka zui zêl a, mahse rin loh deuhin lodge ah a luh pui, enge tih a tum ang ka hrethiâm kuar kuar mai, mutpui a tum a ni ngêi ang.



Ka thin rawn so bulh bulh chu beng daih pawh ka tum hran lo, ka inhûm ruh a, lodge chhûngah chuan ka hmâi tuam in ka lût ve nghâl, Tûnlai boruak nen mask ka vuah lût chu tûmân mak an ti hran lo.



Restaurant ah hian an thu dûn lai ka va hmuh chuan ka lût ve tharh a, an tawng hriat theihna chinah thû in menu chu chhiar ang deuhin ka awm a, ka beng ka chhi zui kar.




"Nichin ka thil tih vâng khân pawi ka ti lutuk, mipa ka nia, ka sawi awmzia chu i hrethiâm em?"



Ka ter nghâl at mai, engthil nge a tih ang? An ni hi.....ka inhûm ruh nasa khawp mai, ka thisen te hi a lum puat puat vek maiin ka hria.



LALRUATFELI



U Joseph-a thusawi chuan ka thinlung hi a tina zawk, ka chhâng thei lo.

"Bathroom ah ka'n kal lawk"


Tihpahin ka tho a, chak takin ka pan nghâl,




Bathroom ka lût tûr chiah chu tu emaw hian ka bân ah min pawt her sawk, ka tê dâwn ûk a, A hmêl ka hmu a, ka ngâwi chiang kher mai, Mit meng thîp zet hian min en a, ngâwi rengin pawn lamah min hruai chhuak nghâl, ka lo tang ve na a, mipa thâ na na na chu ka hneh lo kher mai.




Inhnuailamah min pawt thlâ a, ka tang buai tawh lo, vânneih thlâk takin inhnuai ah chuan tûmah an lo awm lo hlauh.



"Tinge ka call i chhân loh? Chuan Putea khân enge a sawi kha? "



Rawn ti chang fak tu chu ka en tlawk tlawk ringawt, ka thinrim bawk si nên, ka hah ut ut mai.


"Kan inkâr a tâwp tawh, min lo zui ru amaw? Engtin nge i ngam zawk? Engkim ka hre vek tawh"



Ka han ti khar khar a, a inthiâm lo hmêl chu ka khawngaih let ling zawk.


"Dâwt pawh alo ni thei sin, ka fa a ni lo tih ka fin fiah ang, Feli ka"


"A theih tawh loh, a tâwk tawh iti ve lo mi? Ka thei tawh lo, Ka na tâwk tawh Isak, khawngaihin, duh tâwk tawh hrâm rawh"


Tap chung chuan ka ti a, ka âw chu a ring lêm lo, ka tap zui hak.


"Putea nên khân in mu dûn em?"


A zawhna teh tawp chuan ka thin ati sa phat mai,


"Mu dûn ta ila kan inrûl tawk chiah ang tiraw?"


"Lalruatfel"


A âwkî a sâng hret, mittui tling kiau chuan ka nui hak a,


"Hmeichhe dang lakah fa i nei dawn a, ti chung chuan ka la vuan reng ang che maw? Mi â ka ni bîk lo"



Ka ti vîn that,


"A râi dawn tih ka hre láwk bîk hleinem, bâkah kan inkâr ka ti tâwp tawh, rai tûrin vawikhatmah ka ti ngai lo hrim hrim, enga tân mah ka ti lo"



A hmâi ah chuan ka bêng hawisawk, mahse ka lo na ve vawng vawng mai, a inseh ruh tih hriat zet hian a bek arawn pâwng talh talh a.


"Engtin nge i fa chu tiang chuan i sawi theih zawk a? Min ti buai tawh suh, kan pahnih chuan a theih loh, beidawng ve tawh rawh"



Kal mai ka tum chu ka hnunglam atang hian min rawn kuah a, ka che lo, ka kianga a awm reng lai pawh hian ka ngai vawng vawng mai,


"Ka tihpalh, ka siam tha leh vek ang, Aw....Bawihi ka hmangaih che, i tello in ka awm thei lo"



Awki hniam ruih a ka beng bula arawn tih chuan ka lo chhîng sawk, ka taksa mai ni lo ka ruh leh thlîng thleng hian min fan chhuak vek ni ta berin ka hria.


"Min thlah rawh"


Khûr hlak hlak a tihpahin ka lo tâl aih aih a,min thlah lo nasa mai.


"Tûnah rih chuan rilru siam fel dân ka thiam lo, ka ngên tak meuh meuh che"

Muangchângin min thlah a, hawi lêt lo in ka chho nghâl nal nal mai.



Ka tâwt lutuk chu boruak ka hîp lût kâwk a, Restaurant ah ka lût nghâl, U Joseph-a chuan ngaihthat loh hmêl fê hian min lo en a,


"I va rei ve, ka lo ngaihtuah hman lutuk che a"


Alo ti nghâl chûl mai,


"Ka nuam sam lo emai haw ka duh deuh a"



"Aw...a nih....ei zo ila kan haw mai dawn nia"


Dam thlup hian ati ve leh mai a, ka thil ei pawh a tui lo, ka ni nghulh reng mai, ka châu ngawih ngawih bawk.



_____________




In kan thleng chu ngui raihin ka lût a, U Joseph-a pawh duty tûrin a lêt lehnghâl, khumah chuan thlâk pawh inthlâk lêm lo in ka mu thlawp, ka châu ngawih ngawih reng mai.




Kawngka rawn in kik karh karh a, kawngkhâr ka kalh tak alawm mawle, zawi zetin ka tho a, kawngkhâr ka hawng chu rang taka khâr leh ka tum, mahse arawn lût hman hrâm nia.


"Tinge i rawn kal? Haw leh vat rawh, miin an hmu ang che"



Ka lo ti khar khar a, ngâwi rengin sofa ah chuan that chhe zet hian a thu a, a maimitchhîng nghâl,


"Lalrinpui"


"Ka hming pumin min ko suh"


Arawn ti sup duh lek chauh nia, rawn meng lehin min pawt thu hnawk, a mal chungah min thuttîr in ka âwmah chuan a lû a nghat a, a chêt dan teh thut thin hian min ti thinrim tûn reng mai.


"Hetiang hian awm suh"


Ngên ngâwl zet chuan ka lo ti, rawn hawi chho in duhthâw zet hian min rawn fâwp, ka chhânglêt lo thei lo.


"Ka ngai che, chuan ka mamawh bawk che"


Awki hniâm zet hian arawn ti nia, ka nghâwngah techuan a fâwp zui mawlh mawlh a, KS ang maia ka lo dawh hiam hiam thin hi ka in haw ngawih ngawih, mahse enge a chhan ka hre lo, Setana thlêmna hi kei mihring chak lo tak tân chuan do zawh a har êm a tin ni.


"Lalruatfel nang hian min kalsan thei tak tak lo, tum buai tawh suh"



Nui vur vur chunga tihpahin ka bawp leh bawp inkâr chuan a rawn tla zep a, nghet zeta ka malpui vawn pahin min din pui nawlh, ka room ah min hruai phei a, Hun rei tak in hmu tawh lo ang maiin duhthâw zet hian kan in fâwp bawrh bawrh bawk.



Thinrimna leh rilru natna in ka khat a, ka â vek tawh, pawisak ka nei tawh lo ni ta berin ka hria.



Ka kawr fual hâk chu hnehsawh zet hian a hlîp chho a, ka bra a phelh zui nghâl, ka âwm bâwr ah chuan a ka lum thar thar hian a rawn fâwp a, a hne zui dek dek mai, er tân tân pahin ka lo rûm ham ham ringawt, ka meng phal bawk hek lo.


"Min haw viau mahla ka khawih che hian i danglam vek zêl tih ka hria"



Ka menga min en reng chung hian alo nui suk, ka zak ve lek lek mai,


"Sawi rawh, min kalsan thei lo tih hi"



Ka hmûi hnuai ka pet a, ka underpant chhan ah ka hmeichhiatna chu awmze nei tak hian arawn khawih,

"Ka....ka thei lo, iti dik, kei hian....ka....ka mamawh che"



Ka rûm chhuak nghâl hawk, min rawn fâwp zui a, muangchâng hian min rawn fâwp, ka duh dân tak a ni, a ril raih mai.



"Ka hmangaih che"


A rawn ti, zei tak hian ka taksa chhûngah arawn lût a, nâ ka hre tawh hran lo, ka hmûi hnuailam petin ka lo rum hak, a nuam tih piah lam a ni, vânram ka fang ni mai hian ka hria.




"Mawl reuh lutuk mai"


Tihpahin arawn nui sak, ka nui ve tawp, in beng kângin ka chunglama min bawh ûl tu chu ka han fâwp zauh a, ka nuih nghâl var var, mak tih hmêl zet hian arawn nui ve a, zei zet hian a che leh tawh.


Kan infâwp pah reng bawk.


"Fa hmeltha deuh kan neih theih nan ka thawh rim zia hi"


Fiamthû a arawn tih chuan nui hak pahin a dâr ruak kûngah chuan ka bêng a, min rawn fâwp zui zauh.


"Feli min ring rawh, râi pawh ni se ka fa chu ka thlahthlam dawn lo, mahse nang ka chân na che anih dawn chuan ka thlahthlam hmak thei, ka kiangah awm la, min ring tlat la, chu chu ka duh ber, naupang chhia ang maia a rûka inhmuh te hi ka ning tawh, nangpawn huaisen takin Putea chu be mai la"


Thu tak zeta arawn tih chuan ka lo bu nghauh nghauh a, ka lungâwi lehnghâl dêr chu nia,


"Min ring la, ka ta ni rawh"




Ka nuih sak a, a biangah chuan ka fawh sak zauh,


"Ka bân a kham"


Tih nghut pahin arawn bawk thla ta ûl mai, a rit lutuk a zawi bawk si,


"Isak ka thaw thei lo a nia"



Nui hak pahin ka sîr lamah chuan a let thlâ a, nghet zetin min kuah zui nghâl, ka awmbâwr chu a khalh zui niap niap a,


"Heti hian inneih tawh mai ila tha tûr a nia"


Ka nui hak, a duhthusâm hi a sawichhuak leh mai zel.

"Ni e tiraw? Mahse ka khum hi a tê hret"


"A tha daih zawk"


Alo ti awlsam ût mai, kan innuih leh rih thin,


"Le a vawi hnihna aw, Lalruatfeli pum ah hian naute hmeltha deuh a awm theih nan"


Tihpahin ka chungah arawn bawk leh a, ka lo namsawn nghâl.

"Kal rawh, ka chau a nia, inbual la haw rawh, ka pa lo haw hun têp a nia"



"Ipa Kêl ang deuh kha maw" tihpahin a tho a, saruak vekin a awm sia zak hmel pawh a pu lo, kei erawh ka zah ala reh thei lo.


"Kêl i ti maw?"


Thinrim zet chuan ka han ti a, a nui hak.


"Ka fiamthû nih kha, Ka sawi kha hre reng rawh, Putea chu i hrilh hreh chuan keimân ka sawi thei reng a nia"



Ka chhâng lo, bathroom ah a lût zui daih.





_________


Isaka haw hnû chuan zawi zetin rawng ka bâwl a, ka châu nghulh reng mai, Sex hman zawh hian ka luak te hi a chhuak a, ka chau ngawih ngawih zêl hi hrisel lohna ka nei amawni âw ka ti hman.



Naktûk hi Pa Muana piancham a ni a, naktûk tûk leh ah ka sawi tawh ang, Isaka pawn huaisen takin min hmangaihna a lantîr fo a, keipawn ka tih ve a hun tawh.




___________


Zanah chuan U Joseph-a a lo lêng lo hlauh,Ka thiannu te in a riah chhuanlam in Isaka nên car in kan lêng dun a, Hotelah kalin Sex kan hmang leh, damdawi ei ka tum pawn a phal miah lo, rai se min duh takzet tih ka hria, ni e, min lo hmangaih takzet a nih hi.




Ka mu zawi ngiai reng chu min khawngaih a niang bathroom lamah min pawm phei a, min bual ti tih nia, Min duat bawk a ka pangchang leh kher mai.



"Heti lai te hi ana lutuk"


Pangchang zetin ka dâr chu ka khawih a, ngâwi rengin a hmet ve nuap nuap mai, ana tak tak bawk, ka taksa hi ana thûm mai, Mipa hrisel tha ve pangngai tak a ni bawk a, kei ka lo chawr che ve nên, ka tlin lo ti tih chu ni mai.


"Insûm deuh tawh ang, a hrehawm emai"


Min hmeh mawlh mawlh lai chuan ka han ti a,


"Nuam i tih êm kha"
arawn ti, rum zetin ka melh a, nui vur vurin min rawn fâwp nia, a hmuihmul hi a mêt ngai lo a niang arawn to ser ser mai, a inhmeh phian tho na in a ti lang fel fai lo.


"I hmûi hmul hi zuah i tum ami?"


A rawn bu nghauh nghauh a,


"Zuah lo ang, a nalh lo"


Ka tih chuan a nui sak,


"Awle, i thû vek alawm Miss"


Fiamthû hian arawn ti a, ka lo nui sak, alakah chuan naute ang mai ka ni, min duat bawk a, min care dân hian min pangchan tîr lo thei thin lo.


Khumah chuan min thuttîr a, ka sam min chhem ro sak leh, ka lo muthlu diar diar mai.


"Hetianga buaipui reng i ngaih chuan ka va hah duh âwm ve"


"Sawi sêl hlek suh, i cho chhuah a nih hi"


Ka lo ti khar khar a, ka âwmbâwr ah arawn thâm zauh, ka lo râk that ringawt, a ei tûr chah techu ka khum bulah arawn dah thlap a, ka chalah a fâwp zui zauh.



"Lo muhîl rawh, hnatawh tûr tlêm ka nei a, ka en lawk dawn"


Tihpahin beer cane thum hi arawn phawrh a, dawhkânah chuan a laptop chu bih nghâl ngur ngur pahin beer chu a in zui zauh zauh bawk.


Nui var varin a hnathawk lai chu ka lo enkar a, ka phone phawrhin thlâ ka lâk sak zauh.


"I duh loh deuh kha ka tih leh hma hian mutthilh tum rawh"



A rawn ti nia, ka lo maimitchhîng der nghâl hmak.

💜💜 Ads i la click ve lo a ni maw? A hnuaia ads milem khu lo click ve rawh le 👇
💜💜 Ads i la click ve lo a ni maw? A hnuaia ads milem khu lo click ve rawh le 👇
💜💜 Ads i la click ve lo a ni maw? A hnuaia ads milem khu lo click ve rawh le 👇

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:35 pm

Dar 7 vêlah ka haw a, ka pa pawn rawng a lo bawl mial mial mai, Ka duty a ngai bawk nên ka insiam nghâl zung zung a, Aizawl atangin kan khua kan thlen meuh chuan dar 8 alo ri têp tawh.



Tûkthuan pawh ei lo chuan Damdawiin lamah ka tlang nghâl a, nizân ka mu tha bawk a, ka zia viau, U Joseph-a'n min lo biak pawhin fel fai takin dâwt hlîrin ka lo pha zat zat mai, mahni inthiamlohna in khat mahila dâwih zep taka awm ka tum tawh lêm lo.




Ka thleng chu Vuli pawh alo inthlâk fel vek tawh, ka form chu ka ha zui mawlh mawlh a.



Ward lamah ka kal lehnghâl, tûmah han buaipui ngai zawk zawk an awm loh vângin duty room ah ka thu mai mai a, ka inhnawh puar nghâl.




Mafaki pawh arawn lêng a, kan inneihna tûr a phûr zia a sawi mawlh mawlh mai,


"In pa tûr hi a zei ngawt ang, a chhelo si, chhuah reng reng suh"


Ati zui luam a, ka lo kiai sak ringawt, thulh ka tum thû erawh ka sawi lang lo, Laldini ka ngâi ngawt mai, arawn hâw hun chu sawi tûr ka ngah lutuk, Delhi lamah min awmsan ta daih sia, mahse tûn thla tâwp lam hian rawn haw a tum tih a nu khân min hrilh kha maw, rawn haw vat vat se ka ti takzet.



"Ka U tepawh an inneih ka ring"


Ka ngaihtuahna atangin ka harh zawk,

"Engmaw?"


Ka lo ti deuh hâ a,


"Ka u tekha, Dr Isaka te hi mawle, Putea te leh Dr Isaka pa te hi an in be tawh a, an in neih vat ka ring, sâwn man pawh an pe hleinem"



Ka na zawk mai, Isaka kha chuan neih a tum lo chiang a, Nu Sangtei te'n neih luih tîr an tum a ni ngêi ang, tinge hepa hian engmah min hrilh duh ngâi loh le?


"A nih chu an va lawm pui awm ve"



Ka nui a, ka thinlung erawh ana, Isaka pawh arawn thleng ve chiah, Mafaki pawh a chhuak zui a, ka ngâwi reng, ka tawng peih lo, a hmêl ka hmuh hian ka thinrim leh hlur tawh mai.



"I châu em?"



Ka chhâng lo, thingpui ka lum sak nghâl mial mial a, ka hawi lêt chu ka phu zawk, ka hnungah hnâih zetah hian min lo din chilh rûn mai.



"Min hmu thei vek a nia"



Tihpahin ka namsawn lawp a, ka kalsawn nghâl daih,



"Ward ka fang dawn, hawh kal ang"



Tihpahin min kâi a, a kut chu ka lo thing thla vat.


"Midang hmuh ah chuan tiang hian che thin lo teh"


Tih hlak pahin ka kal hmasa tharh a, Doctor a nia ka zui tûr zâwk ka ni, mahse a mân min zui ruk ruk mai.



"Tûk inah Iron i khâi tawh em?"



Damlo khum tâwp ber ami chu a zâwt a,
"Khai lo"

An lo ti, Vuli khân engmah a ziak si lo a,


"Ngati nge i khâi loh?"


Tihpahin min rawn en a, a meng rum sî,


"Ka tihpalh ka lo theihnghilh daih a"


"Engtin nge i theihnghilh theih a?"


Min en thap tawh, ka va han zak tak, a châk lo khawp ang.


"Ihh..Vuli khân a ziak si lo a"


"Midang mawhpuh suh, tûnah khâi nghal ang che"



Vîn tûk a arawn tih chuan ka ngâwi hmak, ka zak bawk si ka thinrim bawk si, ka mittui arawn tling nia, hnuailam ka en a, a fiah lo ruai mai, rang takin Duty room ah ka tlân lût a, ka mittui arawn luang nghâl zawih zawih nia, Iron chu ka la chhuak a, ani pawh arawn lût ve, en pawh ka en lo, Ka iron khâi tûr chu ngâwi rengin ka siam mial mial ringawt.


"I tap ami?"


A rawn tih chuan ka ner sak, insût hraih hraihin ka mittui chu ka hru zauh zauh a, en pawh en lo in dam lo awm na ah chuan ka kal daih, Iron chu ka khái sak nghâl a.



Ngâwi rengin ka lût leh, Doctor Puii alo awm ve, henû pawh hian a ngaizawng a niang a biak dân teh hâwrh hi ka zo thlâwt lo.



4th grade hmeichhe tleirâwl pakhat awm ve nên chuan kan in be mial mial a, Doctor Puii chuan A tîr chhuak daih zui, ka va han ngei reuh tak, A duty na tûr hmunah awm ve mai tûr a nia.




Ka rilru a ka hauh mawlh mawlh tâkah chuan a chhuak leh mai a, Isak Lalrinpuia chuan min en reng tih ka hria, thinrim tawh nâkalaiin midang hmâ ah min la hau zui.



"Nichin kha ka thinrim deuh thut a, Ka tihpalh"


Ka bulah arawn thu a, kan thut pil daih hi chuan min hmu thei tawh lêm lo, ka biangah arawn fâwp zui zauh.


"Nupui neih itum tih ka lo hre ve miah lo"


Ka insûm zo lo chuan ka han ti chhuak phawng a, min en kâwk in ka hria.


"Tu in nge ti?"


Arawn ti chang nghâl fak mai,


"Chu chu a pawimawh ber lo, nang hian nupui i neih dâwn tho chuan eng vângin nge pasal chu ka neih loh bîk ang?"



Nin hmêl zeta men kual ralh pah hian thâwk ala hawk.


"Ka nei dawn lo, thinrimna tûr zawng reng lo teh, Nichin kha chu ka thiâmloh liau liau a ni"



Ngâwi rengin ka in kuangkuah a, ka tûm hmak,

"Mi zawng zawng hmâ ah min ti zak a"


Ka in ngaihtuah thinrim leh dawn, ka mittui arawn tling leh tawh, nui hak pahin ka biangah arawn chuk zauh a, a biangah chuan ka lo nem hawi sawk.


"Thinrim suh Bawihte, tûnlai chu ka thin a chhe riau a, ka nu hah a ni maithei ni"


Ka insûm zo lo, ka nui chhuak hawk a, ka chalah arawn fâwp zui zauh.


___________


OPD lam in hawn a hun tawh vângin a thutna tûrah a thu tawh a, keipawh ka buai leh tawh khawp mai, Sister te an lo lang zauh zauh thin bawk nên, a dîl chhût thei sia ka hnê ru ang reng tawp.



Ka period dâwn hnai a niang keimah hi ka châu ngawih ngawih, ka thil tih engkim ka hnê hlûi vek mai hian ka hria.



"Ufel, Doctor Ruata'n a ko che"



4th grade tleirâwl pakhat chuan arawn ti a, Vuli arawn thlen tawh tho vângin ka kal ve nghâl mai.



Form ka la ha a, Hospital hnunglama pangpâr huan kan siam ah chuan alo ding vûng mai.


"Min ko ami Doctor?"



Ka tih chuan arawn hawi vut a, nui sukin derhken pâr hi min rawn pe, a hmêl hian ka luak ati chhuak hlûi thei nia.



"Ka lawm e"


Tihpahin ka la ve mai a.


"I laka ka chêt dân vâng khân ngaihdam dîl che ka duh a, a pawi ka ti khawp mai"



Aw âw hur hmêl zet hian ka pum arawn pump ut ut thei nia mawle.


"A ngai lo asin, engmah a nih loh kha"



Ka lo ti mâwi ve na a, a rûk tak chuan a âwm ka ti hliah hliah.


"Feli dik tak chuan Doctor Isaka hian"


A ngâwi leh dat a, Isaka hming alam vâng nge ka beng ka lo chhi nghâl kar mai.


"Enge tah khân i tih a?"



Ka hnunglam ka hawi a, Isaka alo ni, rang takin ka pan zui a, a hmêl chu a nêl awm hran lo khawp mai.



"Keimân ka ko a nih kha, hmânni ka chêt dân âtthlâk tak vang khan ngaihdam ka dîl duh cheu a"


Doctor Ruata chuan alo ti vat, Isaka hmêl chu a rum tha ûl ûl khawp mai.


"In sawi zawh tawh chuan kan kal ange"



Tihpahin ka dârah arawn kuah a, min kal pui nghâl hlawk hlawk mai, ka lo tâl aih aih a, Doctor Ruata hian ngaih loh lamah a ngai ang tih ka hlau.



"Doctor Isak, Engkim kha hrilh vek mai rawh"



Arawn ti lûng lûng a, Isaka chu a ding dat, a hmêl ka en chu alo in seh ruh nasa mai.


"Lo buai suh"


Tih deuh hrâwk pahin min kal pui lehnghâl hlawk hlawk a, enge maw zêp a nei tih chu ka hria, enge ni ta ang? Tinge engmah min hrilh duh loh le?



"Enge engkim min hrilh tur chu? Enge a sawi kha awm zia?"



Ka lo ti deuh hâ a,


"Engmah a ni lo, hnaih tawh suh mi tha a ni lo nia"



Tih deuh nghut pahin Duty room lam a pan nghâl daih nia, hrilh hai zetin keipawn ka zui ve mai a.



Ka bân a hun tawh vângin ka in thlâk a, Isaka engkim hrilhin U Joseph-a'n min lo hruai ka rin thû ka sawi nghál bawk.



Ka rin ang ngêiin pawn ah chuan a uni form nen min lo nghâk leh rân tawh, nui var varin ka pan a, kan in phur nghâl.



"I zia deuh tawh ami?"



In a kan luh rual chuan a han ti a, min ngaihtuah tih ka hai lo.


"Mmm...ka tha tawh e, I Duty leh dawn em?"




"Aw ka kal leh nghâl mai ang, tlâi bânah ka rawn hruai ang che, Ka u te inah Zanriah ei a ngaih kha"


Ka lo bu nghauh a, ani pawh a kal veleh mai, ka châu lutuk, Sofa ah chuan ka mu thlawp, ka phone a rawn rî a, Isaka a ni,


"Enge?"


Ka han ti ringawt a, alo rûm nghut mai, Kum 26 lai hmang ve tawh si hi tleirâwl hawk lak ang mai hian a khawsa a.


"Ka ngai che a, ka rawn bia che, lo bak hlur zel suh"


A tih chuan ka nui tawp,



"I haw tawh em?"



"Haw dawn chiah a, Nangmah in i awm tiraw?"



"Aw"



Ka lo ti ve mai a, keipawn ka ngai, minute reilotê chhûng amah hmu lo a ka awm pawn ka ngai vawng vawng a, ka mood a off vek zel kha nia.



_______


Ka inbual fai a, ka inthlâk fel chiah tih in arawn thleng ve nghâl, Cup noodles arawn keng bawk, ka ei châk bawk a, Spicy nên..



"Spicy kha chu ei tam suh ang che"


Thu pe âw zeta arawn tih chuan ka lo ner sak, nichin lawk khân ka ei tawh na a, a tâ tûr nen ka ei zawh sak vek, pawi a ti lêm lo, engmah a ei ve duh tlat lo a nih kha.



"Thingpui ka lum ang che aw"


Alo bu nghauh a, thingpui ka lum nghâl, a bula ka thu thlâk leh hnu chuan ka dârah a lû arawn nghat a, a chauh hmêl kher mai, a samah chuan ka lo tuai nauh nauh ringawt.



"Iva châu âwm ve?"



"Mmm...châu tak ka ni"


Tihpahin ka t shirt hâk chhan ah chuan ka âwm bâwr arawn fâwp zauh, a kut khinghnih in nghet zet hian min pawm bet a, a meng miah lo, ka âwmah chuan a bei hle hle mai.



"In inah va châwl hahdam la anuam zâwk lo maw?"



"Aih, hetia awm rih hi ka duh"



Zawi hmêl zet hian arawn ti nghut a, ka lo kuah lêt ve nghâl, rawn hawi chho in a meng duar duar a, min rawn fâwp, keipawn ka lo fâwp lêt ve nghâl, a duhthâw tial tial a sofa ah chuan min mut rem leh ât tawh,


"Ka châu ngawih ngawih reng mai"



Min en reng hian arawn ti sup a, a nu hah anih ngêi ka ring, a bialnu hlui a râi miau alawm, rinhlelh nachhan tûr ka nei lo, mahse ka rilru chu tlêm chuan ana ve deuh.



"Tho teh ka pa lo haw thut ange"



"Kêl tar a an an nen"


Fiamthû a ni tih hretho mahila hetianga ka pa a ti ziah hi ka ngei tlat, a ka bêng thuai a, thinrim zet chuan thawh ka tum, alo phallo nasa mai, ka bân tawn tawn ah chuan min nam betin duhthâw zet hian min rawn fâwp a, a hmûi ah ka lo seh sak, râk thawt pahin a tho nghâl vat a, keipawh ka tho nghâl.



"Vawiin ringawt ah pawh hian min ti thinrim hnem tawh lutuk, Sual lutuk mai"



Tihpah a thawh kân ka tum chu min pawt thu rang ngang mai, nghen chhânah chuan min nawr betin min rawn fâwp lui leh ngat a, a muang raih tawh mai, ka seh tawh êm lo.



Chutah ka brazier hâk lai chawp chawpin ka t shirt chu a hlîm chho pawp a, ka in rin hma in ka awm bâwr ah chuan arawn hap tâwn tâwn mai, ka lo er nghâl ngâng ngâng thei nia.



"Min cho vêl bawk a"



Tihpahin min mut that tîr a, ka bawp leh bawp inkârah chuan a lû rawn rawlhin ka hmeichhiatna lai tak mai ah chuan duat zetin ka kekawr chhanah chuan arawn fâwp a, ka lo rûm chhuak hak, boruak te hi ka tlachham mai dâwn in ka hria, thâwk ka la hak hak a, a ka lum thar thar chu ka feel thei, awmze nei zet hian a hmûi chuan ahan nawr kual vêl a, ka â muai muai in ka hria.


"Min cho tawh suh ang che"



Tihpahin a tho a, min pawm kâng lawpin ka room lamah chuan min hruai phei nghâl, Ka khumah chuan nuam chitin rêng kan chên leh tawh, ka saruakna ka zahpui tawh hauh lo chu keipawh ka in ten lek lek mai, mahse apawt tû hi ana êm a ni.



"Engtikah mah ka kham thei ngai dawn lo che nih hi"



Min rawn kiss leh a, meng mang lo in ka lo kiss ve, ka khaw hmuh te hi a thim mup mai, tûn tum chu Ka che ve nasa bawk a, Ka chêt dân kha ka ngaihtuah lêt phei chuan Ks ang mai ka ni, ka zei hran lo, mahse ka thiam ang angin ka han chhimbu dâwi ve ngêi a, zei lo viau mahila a lâwm ve êm êm tho.

___________




Kan inbual dûn a, kan in thlâk fel chiah tih in Kawngkhâr kik karh karh thâwm ka hre thut, phâwk hrâ in kan in en dûn a, Ka thin a phu dup dup mai, dar 5 a pêl tawh a, ka pa lo hawng ala hun lo, tunge ni ta ang?


Isaka chu biru tûrin ka ti, mahse a duh miah lo nia, ka thinrim bawk si, thapui meuhin alo tang tung mai, thinrim leh hlauthâwng ru zetin kawngkhâr chu ka hawng a, kawngka bula lo ding reng ka hmuh chuan Ka chhîng sawk, U Joseph-a chuan chiang zet hian min lo en nia.



"Ila insiam nange?"



Ka thin a phu nghâl dup dup mai, ka chhâng thei lo, ngâwi rengin arawn lût a, Isaka a hmû chu a ding dat, an in hmatawn ta rân mai, enge ka tih ang? Engmah ka hrethiâm lo, ka ngaihtuahna buai nuaih vek.


"Enge hetah i tih?"



U Joseph-a chuan chiang fek fawk hian a ti a, a awkî sâng lo mahse a lungâwi lo hlê tih a hriattheih.


"U Joseph ih ka...."



"Lo ngawi rih rawh"



A kut phar chhuak meuh chuan a ti chang fak mai, min en lo in Isaka nên chuan an in en ngar thung, ka ngâwi nghâl hmak,


"I hriat kher a tûlin ka hre lo"


Isaka chuan alo ti, ka va melh hrâwk a, A putea chu alo melh no hran lo khawp mai.



"Hetah hian i kal ka rem ti lo, chuan enge in lo tih?"



Rinhlehna mit meng hian min rawn en a, ka chhâng ngam lo, ka mittui arawn tling leh ringawt tawh, a hun hmâ chuan hre lo se ka ti takzet a ni.



"Hetah hian Lalruatfeli hmu tûrin ka kal, a tâwk em? Enge ka tih chu maw...ani hi ka la hmangaih vângin ka ngai a, ka hmu ni mai"



A putea enkal hian Isaka chuan inseh ruh tih hriat zet hian a han ti chang fak a, U Joseph-a in hûm ruh lai chu ka hmu reng, ka thâ te alo khûr nia.


"A tha e, kal tawh rawh, thlaleh lawkah kan innei mai tawh dawn a itih buai reng hi ka rem ti lo nia"



U Joseph-a chuan a ti, Isaka chuan min rawn en a, engmah a sawi bîk dawn lo tih ka hria, mi fing tak a ni a, ka hma a aputea a hlauh loh zia min hriattîr a tumna a ni zâwk mah, An pa lian dûn si a, buaina a thlen vaih chuan tih ngaihna ka hre dâwn der si lo.


Isaka chu nui deuh suk chung hian a chhuak a, sawi tûr ka hre lo, ka ngâwi hmak.




U Joseph-a chuan chîk zet hian min rawn en a, ka thin alo phu dup dup mai.


"Insiam rawh, tinge alo kal techuan min rawn call mai loh? Nangmahin lo hmachhawn tawh suh"



Dam thlup hian arawn ti a, ka lo bu nghauh ringawt.





__________



Pa Muana te in kan thleng chu midang pawh an lo tam ve khawp mai, kawrfual dum bah sîn tê ka ha a, ka kawr fual chu a arh lêm lo bawk, ka khûp chung hret thleng hian a kak ve a, inhmeh ka in ti hran lo, ka in uluk vak peih lo vângin ka hmuh hmasak ania, ka ha ve tawp.




Pâwna tualzâwl phûl chungah chuan light êng tak tak leh thutna leh dawhkán an dah nual a, eitûr changkâng tak tak an chhawp teuh bawk, mî pawh an lo tam khawp mai, ka tâi na nger nger reng vang chuan ka awm pawh a ti nuam lo, zun chhuak reng ang tehian ka awm.




Ka thawhpui teho ka hmu nual a, U Joseph-a nen chuan kan inhmeh thû an sawi sap sap reng mai, ka nui lui ve na a, ka rilru erawh a bet zân lo.



Dawhkân fâl deuh sîr lama suit dum hâ, whiskey tlâk pap pap paha mit meng rum zeta ka che vêl min en reng tu chuan ka awm ati nuam lo, ka va melh leh zauh zauh thin, a bulah chuan Duhsaki ni ngêia ka rin chu hlim hmêl zet hian a thu a, a ti ti mial mial mai, ani erawh chuan khawdang hawi lêk lo hian min en reng nia, whiskey lah chu hmêl vawt ruih pu chung hian a tlâk pap pap reng ringawt.




U Joseph-a chuan Juice min pêk pah hian ka biangah arawn fâwp zauh a, ka lo nui lui sak, ka kâwngah kuahin ka chalah arawn fâwp leh, ka hmûi a rawn fawh a tum tlatin ka hria.



A rawn hnâi zêl a,ka lo maimitchhîng tawp, mahse thil tla keh chhuai rî ka hriat vâng chuan ka meng kâwk, U Joseph a chuan Isaka awmna lam chu a en vung vung mai, ka va hawi phei ve chu amah tak chuan zawi hmêl zet hian inchhûng lam alo pan mêk a, mahse a thutna zâwna glass no keh ka hmuh chuan ama vawm keh tih hrilh chawp ka ngai lo.


"A che mak thei ngawt mai"


Ka bul ami techuan an lo ti zui sap sap hlawm a, ka zak ru viau.


"Doctor Isaka hi chu thinchhia in Fel vak lo mahse keichu ka duh thlâwt, a mit meng a nalh si"



Ka bula thû techuan an lo ti zui sar sar a, ka tâwt up up mai.


"Bathroom ah ka kal lawk dawn"


Tih leh Inchhûng lam pan ka rual a, ka luak te hi arawn chhuak ut ut reng mai.


Bathroom a ka lût tûr chu tu emaw hian min pawt lêt sawkin bangah chuan min nawr bet chawrh a, anat reuh êm vângin ka tê that, Isaka chuan Mit meng sen râm hian min lo enkar nia, a na hmêl chuan min tina ve ngawih ngawih mai, engmah sawi lo in ka nghâwng vêlah chuan arawn nûl thuak thuak a, zu rim anam huk huk bawk si, ka luak mai dawn, ka tâi lah chu ana telh telh lehnghâl.


"Duhtâwk rawh, engemaw i hriat le?"



Khûr hlak hlak a tihpahin ka namsawn lawp, a hmuai tuai puatin a nui hak a,



"Khawi lai ah nge a fawh vêl che, han sawi teh, nuam iti tiraw? A ni em?"


Min vîn nia, ka thinrim thut chuan a hmâi ah ka bêng hawi sawk, ka mittui rawn luangin ka tâwt up up chu tih thâwl tumin thâwk ka la hawk.


"Âtthlâk takin che tawh suh ka tih che kha, hetianga i awm reng dawn a nih chuan inneihna hi ka ti tâwp lo ang"



Thinrim zet chuan ka han ti ve a, min en vawng vawng mai, ka chhuak ta hmak a, Stepah chuan ka tlân thla hlawk hlawk, Step tâwp ber ka thlen dâwn ah chuan min rawn pawt her sawk nia.



Midangin min hmu vek,


"Enge i hriat a? Ka kut hi thlah rawh"



Tap tiau a tihpahin nghet zeta min vawnna kut chu thin thlâk ka tum a, a ai nghetin min en ngur chung hian a hmer nia, ana lutuk, U Joseph a arawn lang nghâl, ka dârah arawn kuah a,


"Thlah rawh, i â tawh mi?"



Ti deuh hrâwk chungin Isaka kut chu alo vuan ve a, midang ho chuan en nawm thlîrin min thlîr thup tawh, ka zak bawk si, hawi pawh ka hawi chhuak ngam lo.



"Lalruatfel kei hian ka hmangaih che, mipa dangin an khawih che hi ka hmu thei lo, i hrethiâm lo mi?"


Ring zeta tihpahin ka dârah arawn vuan a, min thing deuh nawk, ka zak lutuk chu ka lo kun ngar ngar tawp.


"Duhtâwk rawh ka tih chu"


U Joseph-a chuan pâwr zeta tihpahin Isaka kâwr âwm ah chuan a thâm lawp a, Pa Muana leh Nu Sangtei an rawn lang ve nghâl, en pawh ka lo en ngam lo.


"A rui deuh anih hi, han mu hah châwl se a zia mai ang"


Nu Sangtei chuan alo ti a, an zah hmêl viau, keimah ber hi ni zak ta chu.



"Ka rûi lo, ni e, Rûi hnâpa in ka tum, mahse ka rûi thei lo"


Pâwr zetin Isaka chuan alo ti a, U Joseph-a'n a thâmna chu a thing thla lawp.


"Ngati nge tûmah hian in hriatthiam loh, ka hmangaih tak ka neih hi tinge a theih loh ka nu? Min hrilh teh, in pawi sawi ka nei ami? He ka thinlunga ser lian tak dam thei lo hi nangmahni siam a nih hi"



Thinrim zet chuan a ti tuar a, ka lo tap khûr ngawt ngawt ringawt, ka khawngaih takzet a ni.


"Hetiang khawpa min tina tûr hian enge ka tihsual? Min hrilh teh u, ani hi ka hmangaih, ka hmâ ka sial tih ka hria, mahse ka thei lo, ka thi thei mai ang"




Nu Sangtei pawh a tap tawp, midang chu an lo ngâwi thap a, sawi tûr ka hre ve lo, ka na ngawih ngawih tih loh chu.



"Pute kei hian ka zah lutuk che, ka putea mai ni lo in ka thian tha tak inia sin, mahse hetianga ka chunga iti hi ka lâwm lo takzet a ni"



U Joseph-a chu a en a, U Joseph-a chuan ka dârah a rawn kuah a, ka lo îp châwih thei.


"Kal ang, a rui emai"


Tih nghut pahin min hruai a tum, Isaka chuan alo phallo nasa mai, ka dâra arawn vawnna kut chu rawn lâk thlâk sakin a putea chu a hnek a nih chu, Nu Sangtei nen chuan kan lo tê that.


Ka hmûi ka hup nghâl, U Joseph-a chu rawn tho in a kamsîr thî ser ser chu a tuai puat a, a hnek lêt ve nia, an in sual zui nghâl buan buan a.



Pa Muana chuan a lo thelh vat, midang pawn an rawn thelh nghâl.


"Duhtâwk rawh u khawngaihin"



Nu Sangtei chuan tap chungin alo ti tuar tuar a, kei erawh awm ngaihna pawh ka hre lo, ka bîng mup mup mai, ka tlu mai dâwn in ka hria, Isaka leh U Joseph-a chu an man bet ta thap hlawm a, an hah dûn ngang a niang an thaw halh halh mai.


"Engthil nge in tih hi? A zahthlâk emai"


Nu Sangtei chuan tap chung hian a ti vîn that a, tûmân an chhâng lo, Isaka chuan luhlul hmêl zet hian an vawnna chu a thing thlâ a,


"Hei hi enge? Nang hian hmêlma ah i siam a ni ringawt alawm"


Ka hawi chhuak a, Nu Sangtei chuan mit meng ling hlar hian min lo en, ka chhâng thei lo, ka tap tawp, ka dîng khûr hlak hlak reng a.


Isaka chuan min rawn din hliah nghâl.


"Midang mawhpuh a ngai lo, he thil ah hian mawhphur tu chu nangmahni hi in ni"


Isaka'n a tih zawh rual chuan Nu Sangtei chuan a bêng hawi nghâl sawk, ka hmui ka hup a, Isaka chu a hnung atangin a coat hmâwr ah chuan ka lo vuan ngat ngat ringawt.



"I nu hi engtin nge tiangkhân min tih ngam zawk?"


Nu Sangtei chuan aw khûr hlak hlak hian a ti a, Ka lo tap ri hak, ka kutah chuan rawn vuan in a hma lamah chuan min kai phei a, nghet zet hian min rawn kuah, a âwmah chuan ka hmâi ka phûm a, ka tap khûr ngawt ngawt ringawt.



"Kan la in hmangaih reng, kan la in thlah reng reng lo, chuvângin kan kawng dâl tawh suh u"


A tih rî chu ka hre hla dû mai, ka taksa arawn zawi a, ka tlu mai dawn, an in hau thâwm chu a zâwi tial tial a, thil ri chawrh chu ka hriat hnuhnun ber a ni.

💜💜 Ads i la click ve lo a ni maw? A hnuaia ads milem khu lo click ve rawh le 👇
💜💜 Ads i la click ve lo a ni maw? A hnuaia ads milem khu lo click ve rawh le 👇
💜💜 Ads i la click ve lo a ni maw? A hnuaia ads milem khu lo click ve rawh le 👇

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:35 pm

Ka harh leh chuan Damdawiin ah ka lo awm reng tih ka hre mai, na ka nei tawh lo, mahse tlêm in ka lu ala hai deuh, men lah chu a har em em leh nghâl.


Ka dang ro lutuk chuan ka hrawk arawn ti za tlat, ka khuh chhuak kharh a, ka pa in min rawn vuan nghâl, min ngaihtuah hmêl zet hian min rawn en a, alo awm ve reng tih ka lo hre miah lo, ka hawi kual a, ka pa chauh ka hmu nia.



Cabin ah min dah a ni tih ka hria, ka awmna hi khawi ward ber nge le?


"Pa kan khua a ni em?"



Ka âw techu a lâwi vek, ka chauh lutuk vang a niang ka âw pawh a chhuak tha thei lo.


"Ni e"



Alo ti ringawt a, kawngkhâr arawn ri nghâl rak, Pa Muana Doctor form nen ka hmu thut chu ka phu deuh zawk nia, ka lo in beng kâng aih aih a, a bân alo phar.


"Tho suh tho suh"



Dam thlup hian arawn ti a, min rawn pan nghâl.


"Na te ila nei em?"


Tihpahin ka mar techu a han hmet vang vang a, ka lû ka lo thing vat.


"Naute pawh tha e"



A ti deuh sup, Ka pa chu ka en kâwk a, midang a sawina nih ka ring, tunge ni ang?


"Pa tu naute maw?"


Tiin ka pa chu ka en a, Pa Muana alo en ve chiah, an pahnih chuan an in melh rulh rulh mai.


"I naute mawle, i pum ami kha, Felfel nurse i nia,i rai leh rai loh chu in hre tûr inia sin"



Pa Muana chuan chiang zet hian a ti a, ka chil ka lem khawlh, a awmzia chu kei hi ka rai maw!...Ni lo, awi...a van zahthlâk dâwn ve, pasal neih tum ka nia, midang fa ka pai a nia, engtin nge miin min ngaih ang le? Ava hrehawm tak, khua alo vâr tawh a, nizân thil thleng ka ngaihtuah phei chuan U Joseph-a ka khawngaihin ka zah takzet a ni, ka bum nasa ropui mai si a, a hmêl pawh ka hmu ngam tawh lo ang.


"Hrehawm ti duh reng reng suh, nangmah hi thisen i nei lo si a, ei tûr tha ei la, i hnâ hi Chawlh la rih la tha ka van ti êm, Raino tan tirh chuan in dim a ngai nia"



Ati zui luam a, ka zak ru viau, mahse Pa Muana tawng dân vêl atang hi chuan thil pawi lutuk a nih ka ring hran lo, Nu Sângtei'n a hre ve tawh ngêi anga, engtin nge a ngaih ang? Hlim tûr nge lungngaih tur pawh ka hrethiâm tawh lo.


"Awle, ka lo dîl dawn nia"



"Keimân ka lo sawi mai ang, haw phawt ula, vitamin ka chawh nual che a, tha deuhin i ei dawn nia"



Tihpahin a chhuak zui leh mai a, ka pa nên chuan kan ngawi vang vang ringawt, ka zak takzet, ka pa hmêl pawh ka en tha ngam lo, a fanu chêt dân hi a ngaihtuah phâk bâk a nih ka ring.



"In neihna thulh a ni ta sa sa, engpawh ni se, i rilru ti hah lo phawt rawh"



A tih tâkah chuan tlêm in ka zia deuh.



Keimah nâ em em ka neih loh vângin ka pa in min haw san a, mahni in ka inbuaipui thei vek tho a, in awmpui reng kha tûl ka ti hran lo bawk,Isaka arawn lût, Doctor form ha chunga a kamsîr pem hmuh chu a in hmeh ka ti hlawl lo, Doctor techuan mi an ti dam thin a, ani ve chu a insual buan buan kha ni sia.



"I ei châk te i nei em?"



Min en a, a nui suk, a hlim tih ka hria, keipawh ka thinlung zawng zawngin ka hlim, mahse han tihlan vak ngaihna ka hre chuang lo, ka nih dân ang tawp hi ka ni mai.


"Nei hran lo e, i buai vak nange?"



"Buai lo lutuk, ka hmu châk bawk che a"



Tihpahin ka biangah arawn fâwp zauh, ka pum chu arawn khawih a, a kut a lum thur thur mai,


"Min ring tawp la, engkim a tha leh vek mai ang, ka hmangaih che, chuan kan naute pawh"



Tihpahin ka chalah arawn fâwp leh, min rawn kuah a, kan nui leh thin, ka hlim ve takzet tawh a ni.




_____________



ISAK LALRINPUIA





Feli te haw hnû chuan Doctor meeting an koh vângin ka awm khaw muang a, ka ning ru viau, ka châu tawh bawk nen, bakah Lalruatfeli leh Ka fa bâk ka rilru ah a awm thei tak tak lo.

Meeting room ah chuan kan thu khâwm thap a,


"Ngatinge Doctor Ruata hi abo daih a?"



Ka pa in arawn tih chuan ka thinrim tûn mai, rilru hmanhmawh tawh nen.


"Ka va ko ange"



Tihpahin a room lam ka pan a, midang pawh tirh theih reng mahse hêpa awm dân hian ka mit a ti kham tlat, zilh hlak ka tum bawk, lo thinrim sa tawh nên.




A room chu ka kik karh karh a, min chhâng miah lo, thinrim zetin ka hawng thuai a, ka thil hmuh vâng chuan ka tawlh hnung dâwrh, ka hamhaih bawk nen tih mai tûr pawh ka hre lo.



4th grade pa pakhat chuan min lo buaipui vat a, ka maimitchhîng sawk, ka mitthlâ ah arawn châm nghâl, ka en theih loh vângin ka hnung ka chhawn ta ringawt a, Doctor Ruata chu in chung fun khâi na ah mengpual vek hian alo in âwk hlum a nih chu, mipa mah ni ila ka la tawn ngaih loh a ni a, ka ti thei thak lo.


Kawngkhâr ka la hawn vângin rawn hmu ve te ho chu an ner sak sak hlawm a, hmeichhe ho phei chu an tê teng tung mai, rang takin kawngkhâr ka khâr a, dam lo ati chî âi ang tih ka hlauh vângin rawn pungkhâwm techu ka hnawt darh zui bawk, Ka pa teho pawn an lo hria ni ngêi tûr a ni, an rawn tlân khâwm sap sap hlawm a.



"A pawi ngei mai"


Tih bâk sawi tûr kan hre hlawm lo, Putea kan ko a, an ni lam pawh an rawn che nghâl.



Meeting pawh kan thulh ta ringawt a, reilotê ah social media lamah an rawn post ta chuah chuah mai, rin thû an in sawi siak leh luih luih a, hmuh a hrehawm zâwk.



A nupui leh fa te ngêi pawn a in tih hlum chhan âwm ang tûr pawh an hre miah lo chu mî mak tih a hlawh ta ber, rilru hahna chu a nei a, mahse a sawi ngai lo an ti a ni âwm e.



Keini ho rin dân berah chuan Amah hi psychiatrist Doctor a ni a, Amah hian depression leh Anxiety nasa tak a nei bawk, chumi vêl vâng chu a nih kan ring ta ber.



Doctor Ruata vângin keipawh zan dar 7 dâwnah Hospital atangin Feli te in lam ka pan nghâl, ka thleng chu sofa ah alo mu bêm mai, thil thleng hi hrilh ve ta ila a buai phah angem aw...mahse hrilh chu a ngai.



"Hospital atangin i rawn tlang alaw?"



Tihpahin arawn tho taih taih a, a bulah ka thu thla ve nghâl,


"Nia, Dr Ruata kha, alo in âwk hlum a"



Ka han ti ringawt a, arawn meng kâwk.


"Ngati nge? Avan mak, ngati nge a, engtik in?"


A ti nghâl chûl mai,


"Chawhnu lam khán,Depression vâng a niang"



Ka lo ti mai a, amah chauhin a awm anih ka ring apa ka hmu miah lo.



"Khawnge ipa hi?"


Tihpahin ka hawi kual a,


"Zan in chu hostel ah riah a ngai dawn a, Boys leh girls ho an lo in tlawh pawh thin a niang, min hrilh khanglâng a mahni in ka riak ngam reng reng hleinem"



A ti zui nâng nâng a, ka nui suk, ka mal chungah ka thuttîr a, ka nghâwngah min rawn kuah nghâl chial mai, make-up a hman loh hian a hmeltha daih zawk.


"Dawr ah kal ila, i ei châk te kan lei dûn dawn mi niang"



"A teuh lo mai, min sawi duh dawn e, a zahthlâk"


Alo ti vat a, keichuan engah vak ka ngai lêm lo.


"Chutiang ngatân mah ngai suh, a ho emai"


Tihpahin ka tho a, inthlâkna tûr ka car ah ka dah tho vângin ka la chhuak a, ka in thlâk nghâl.


T shirt leh kekawr pangngai ka ha a, ka kâi chhuak zui nghâl bawk.


Inkâi rialin kan kal thla dûn a, a confi lo reuh phiân.



"I sam hi a kir khân dah mai mai tur che nia"




Ka tih chuan min rawn bêng taih,


"A enkawl a buaithlâk, ka peih teuh lo mai"


A lo ti bak hlar nia, thinchhiat tawh sa nen, a han raino phei chu tawrhhlelh awm viau ang le.


"Anih chaw i ei em?"


"Ei tho a, ka ei tam thei vak lo, nangpawn ila ei miah loh kha"


Min rawn en a, a ti dik tho, mahse ka ril a tâm lo,


"Ei tûr kan lei teuh ang a, kan ei dun mai dawn nia"



Ka tih chuan arawn nui var var a.




__________


A duh duh a thlan zat zat hnu chuan kan haw ve thei hrâm, mî kan tawh dâwn apiangin a kun ngal zêl a, kan khua hi thingtlâng khua mahni se mî rêl tih vêl an ti ngai lutuk lo, an fiamthû a sâng in an polite bawk a, an fing in eizawnna tûr tha deuh deuh an hre thei si, hei tak hi nia nuam ka tih ve chhan.





Ti ti zat zat pahin a hmâ a eitûr inchhawp chu a ei mial mial a, min barh ve zēl lehnghâl, a tui leh tui loh pawh ka hre lo, ka lo hnial chuan a lungáwi dawn si lo, ka tui tih zâwng ni lo mahse ka ei ve zêl tho, ka puar ûl tawh, beer in pahin a thusawi ho tak tak chu ka ngaithla reng a, tu tu te nge a rêl chiâm chiâm pawh hi ka hre lo e a.


"I thil in kha a rimchhia, ti reh ngei ngei ang che"


A rawn ti bak hlar mai, run luih chi a ni lo tih ka hria, ei tûra min tih Dildar chu ka ei ve mai a, a lungâwina nih chuan kuhva ei pawh ka hreh hran lo.


Meizial ka zu leh a, min hau lehnghâl, rin aiin a tawh khirh reuh zêk.


"Meizial rim hi ka ngai thei lo nia"


A thil ei hmuam tân a arawn tih chuan ka nuih suk.


"Muhîl rawh a tlâi tawh"



A hmêl atang chuan a mut a chhuak tih ka hria, ka bulah arawn thu a, ka lo thu that chhe sa bawk nên ka âwmah chuan rem zet hian arawn bei kâk mai.


"Kan naute hian Daddy pangti lum nghen a châk a"


A rawn tih chu a biangah ka piai zauh.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)