ITZHAK Season 2 BY Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: ITZHAK Season 2 BY Hlutei Jocund Pachuau (Completed)

Unread post by Ngaia » October 25th, 2020, 4:36 pm

A muhîl ta maw tih in ka muttîr a, a bula ka mut ve chuan a khum a lian vak bawk si lo nen, ka puan sin tûr la in sofa ah chuan ka mu ta ringawt a, mutthilh hi chu a awlsam ve ngawt mai.



LALRUATFELI



Ka harh chuan khua alo vâr dêr tawh, ka tho a, Common room thutthlèng a Isaka tui taka lo mû ka hmuh chuan ka nui sak, a in kuangkuah deuh hlûn a, puan pawh a sin lo.


Dîm tê in ka sin that tîr a, a phu deuh uih uih mai, a tawng vâi deuh amawni, ka'n enchiang chu a thlan tuiin alo bual huh vek nia.



A kutah chuan ka vuan vat a, maimizial an tih ang hian a awm amawni le,


"Isak i tha em?"


Tihpahin ka sawi dat a, thâwk leh khatah arawn thu chhuak hlawl mai, hah hmêl zet hian athaw hawk hawk a, a awm dân chu ka hrethiam lo takzet a ni, a tawngchhuah hun ngaichâng rân in ka lo enkar a, a awm dân chuan min ti hlau lek lek zawk.


"Mangtha lo deuh ka nei a"


A hmai tuai puat chuan a han ti tial ruak a,

"Eng mangtha lo maw?"


Ka tih chuan tâwt hmel zet hian thâwk ala hawk.


"Ka hre tawh lo"


A rawn ti chhum hmuk mai, ka chhâng tawh lêm lo,

"Nangmahin i awm ngam angem? Ka haw vat angai"


Min rawn en a, a hmel chu a chauh hmêlin a pawr deuh chhap mai, a inhmeh zawk phian.


"Aw khua a vâr tawh a, a hrim hrim in iva hmanhmawh ve"



A mita enkar chuan ka lo ti vat,


"Nakin ah ka rawn kal leh ang"


Tihpahin a chhuak nghâl vut a, ka en zui tlawk tlawk ringawt, eng ang mangtha lo nge ni ang? A hlauhthâwn hmelin azia arawn thlâk thut nia, mak ka tiin, ka hrethiam lo takzet a ni.





_________


Ka duty dawn loh vângin ka pa nen in ah kan awm rak rak dawn maw ka tia, ka pute vawkbin sak pui turin a chhuak daih, a khawhar thlâk duh viau, ngaihtuahna pawh a kal thui duh khawp mai.


Duhsaki kha engtin nge ni ta ang? A naute kha engtin nge a tih ang le? Kei hian ka hmâ ka sial viau em ni? Keini pahnih kan awm dun theih nana midang na tawrh tîr kher hi ka duhdân a ni hauh lo, mahse ka hmangaihna hi alo thûk tawh êm a, Kei mihring a zawnga chak lo ber pâwl hian Setana thlêmna hi ka do zo ngang lo a ni, Pathian pawi vawi tam ka sawi tih ka in hria, mahse ka hlimna tûra ka beih na ah thiâm ka inchan tho si, U Joseph-a kha lo nei ta ila, ni e, ka hlim ka inring, ka nuamsa bawk ang, mahse ka thinlunga serlian leh ka hmangaihna vânga ka natna hi ati dam zo dawn tlat lo a ni, Mihring keh chhe tawh reng reng chuan pawisak an nei ngai lo an tih kha ka pawm zawng tak a ni.




Thutthlèng ah snacks ei paha ka in ngaihtuah mai mai lai chuan Nu Sangtei arawn lût hlawl mai, hlauhthâwn na in ka khata a, ka thutna atangin ka lo dingchhuak nghâl vat.



A hmêl atang chuan a rilru put hmang âwm tûr ka hre thei mai lo.


"I tha em? Na te ila nei em?"


Dam thlapa arawn tih chuan ka lo en deuh hau ringawt, mahse ka insiam tha leh nghâl vat a.


"Aw ka tha lawm, lo thu rawh, thingpui ka lum dawn em ni?"



"A ngai lo e, ipa hi khawnge a?"


Tihpahin a han hawikual a,

"Ka pu te vawk in asak pui a"


Ka lo ti ve mai a, ka pa hi mi taima tak a ni a, a day off ni pawh hian engemaw thawh tûr hi a zawng reng thin.


"Sawi tur pawimawh i nei em ni?"


Hlauthâwng ru taka ka tih chuan thâwk ala hak.


"Duhsaki kha a rilru ana khawp mai, zêp lo chuan ka hrechiang a, hmeichhe fel tak a ni lo tih ka hria, mahse A fa paina pa hi kalsan a harsat ve ngang a ni, i hrethiâm ang tiraw?"



Min rawn en a, ka lo inhûm ruh teuh ringawt.


"Ka fapa hian a hmangaih che a, ka hria, ka dem lo, a hmangaih zia che hi ka hrechiâng lutuk tlat, mahse in tih dan a dik lo a ni, in inkawp hi ka khap bur tawh lo, ka fanu vetho ini a, ka ngaihsak tawk lo che tihpawh ka hria, i nu ka ngaihtuah phei hi chuan vawi tam tak ka indem thin"



A mittui arawn far a, asawi zo thei lo, keipawh ka mittui alo luangthla ve nghâl,a hmui hnuai pet ngar ngar pah chuan a insût hraih a.


"Kei hian ka lo ti dik lo a ni, tûnah hian ka fapa neih chhun ka hmangaih em em in min do tlat a, ka biakna pawh hre lo ang maiin a awm, ka thinlung hi ana takzet a ni"



A châwl leh dat a, ka lo inhru ve mial mial mai.


"Ka unaupa chu mipa a ni a, tawrh dân ala thiam tal a, mahse Duhsaki ber kha, a pum chhûnga awm kha ka tû tur vetho a ni a, a harsa tih ka hria, mahse a naute chu i enkawl sak thei angem?"




Min rawn en a, a rilru hi ka hrethiam takzet a ni, mahse thutthlukna han siam mai dan tûr ka hre tlat lo.


"Ka fapa chuan a ensan hmak thei a, mahse Felfel, keini chuan kan thei ve lo a ni, i kutah a in nghat, khâ naute kha fahrah nih tîr ka phal thei ngang lo, a pa nen pawh vawi tam tak kan in hauh phah a, Ani chuan afapa hi engkimah a thlâwp fel vek mai a, mahse keichuan kan thisen zawm ngei pa nei lo a a awm tur hi ka ngai ngam ve thei lo a ni"




A ngen tak meuha min ngên chung pawn ka chhâng thei lo, mihring vetho ka ni a, khâ naute kha ka fa ang chiahin ka enkawl thei angem ka hre lo a ni, ka in ring zo lo bawk.

"Ka lo in ngaihtuah ang, mihring vek kan nia, tlin lohna lai tam tak kan nei vek a, Keipawn thil sual ti ve tho mahila, min phatsanna chhinchhiahna ka kianga a awm reng tûr chu ka tuar thei angem ka hre lo a ni, Mahse naupang pawisawi rilru thianghlim tak tawrh tir erawh ka tum ngai lo ang"




Ka tih chuan min rawn en a, a mittui a hru nghal mial mial mai,


"I rilru that zia ka hria lawm, engpawh ni se ka kal phawt ange, ei châk i neih chuan i rawn kal thin anga, sawi hreh suh aw"


Ka lo nui lui sak a, a chhuak veleh mai, ni e, Naute pawisawi lo a ni a, ka ensan ngawt thei lo, Isaka ka hmangaih takzet a nih chuan afa pawh ka hmangaih tûr a ni, Ka tawngtai a, Pathian hnenah ngaihdam dîlin chakna ka dîl nghal bawk, Keimah a Pathian leh Setana inbeihna ah hian Setana zawk hi a chak zawkah a tang fo thin, ti chunga ka tâna a awm reng thin hi ka lo hrethiam ngai lo a, lungawi lohna ka zawn chhung chuan ka hmu reng dawn tih ka in hria,Chutiang bawkin Lungawina ka zawng anih pawn ka hmu reng tho ang, Pathian nen chuan tih theih loh a awm lo, Amah a chakna ringin ka thei em em ang.




Rei lo te ah Isaka pawh Kamis dum leh kekawr dum ha in arawn kal a, mitthi in atanga rawn kal a ni tih ka hre thei.



"Vawiin enge ilo an?"



Tihpahin ka eitûr min rawn lei ho chu dawhkânah a dah a, a kamis chuan a vun a ti êng zualin a inhmeh phian.


"Ka tha e, Isak"


Ka enkar a, min rawn en ve vut.


"I fa kha, engtia tih nge i tum?"



Min chhang ta mai lo chuan min en vung vung a,


"Nu a nei alawm, a enkawl thei em em ang"



Awlsam zeta tihpahin sofa ah a thu a, tv ah chuan inkhêl a hmet chhuak zui nghal, ka sawipui zui a hlau tih ka hre reng, mahse ka tum tak zawk a ni, a bulah chuan a thil min rawn lei ho chu ei mial mial pahin ka thu thla ve nghâl a.


"A len hunah pa nei lo tiin miin hmusit tase engtin nge i tih ang? I khawngaih dawn lo mi?"



A chil a lemkhalh tih a hrawk bâwk che ralh atang chuan ka hre thei.


"Chutiang ngaihtuah suh, nang leh i pum ami chauh kha ngaihtuah zawk rawh"


A ti deuh hmuk a, min en miah lo, tv a en daih,


"Enkawl ka duh, ka fa angin"


Mak tih hmêl zet hian min rawn en a, ka lo kiai sak.


"Chutiang itih kher a ngai hleinem"

Ati deuh sup,a hmela lang chhuak khawpin a inthiam lo nia.

"Isak en teh ka hmangaih che a, thil thui tak ka thlîr a, i fa kha enkawl ka duh a ni, ka hmangaih thei em em ang, min ring rawh"



A kuta vuan chung chuan ka ti a, ka hmui ah arawn fâwp zauh.


"Angel ang mai ini, nang anga rilru tha hi ka la tawng ngai lo"


Ati deuh hlut a, ka lo nui hak, ka ke hmâwr ah chuan min pawt tawlh dâwrh a, ka taksa chungah chuan rawn bawkin min rawn fâwp zui tawn tawn mai.



"Keichuan ka hmangaih ber che"


Ka beng bulah chuan arawn ti sup a, ka lo nui hak, min rawn fâwp leh a, a duhthâw khawp mai, chutiang bawkin keipawh.



Nau ka pai tih kan hriat hnu ah Sex kan hman leh vawi khatna, min dîm khawp mai, keipawn nuam ka ti.



Kan inbual dun leh a, bathroom ah pawh kan ti leh tho, ka zei tawh zia thû a sawi reng bawk,sex ni lo in hmangaihna diktak kan chên a ni.



Tlai lamah chuan chaw eitûr in min sâwm ta tlat a, ka zak ru viau na in ka ei châk tho bawk sia, ka duh ber bawngsa fry Nu Sângtei'n min siam sak a tum lehnghâl, ka pa phone atanga hrilhin kan in zui chho ta nge nge a.



Kan thleng chu min lo lâwm bawk a, ka hlim phian, kei ai mahin Isaka chu a hlim amaw tih tûr a ni, apa pawh a kuah lo chauh.



A room ah kan thu dûn a, thil ka ngaihtuah chhuak thut.

"Hmâna in ina ka riah zan a min pawngsual i tum kha ila hria em?"



Nui chunga ka tih chuan ala nui ve duh miah lo zui, a ngawi deuh vung vung a, a rawn bu nghauh.


"Kha kha engvânga ti nge inih?"


Fiamthû a ka tih chuan lungawi lo hmel apu deuh.


"A ho emai chutiang ka hre tawh lo"


A ti deuh tlat, ka nuih aza zual sauh,


"I hre reng, min pawngsual hman teuh zia kha"


Ka tih chuan khumah min pawt thu hnawk a, ka tawng theih tawh loh nan min fawp nghâl mial mial mai.


A room a ni bawk a, a dân a dang zar mai, ka bawp bawp leh bawp inkâr chu min fâwp pah reng chung hian ka kekawr chhanah chuan a zût kual a, ka lo rûm hak, ka t shir lian tha zet hâk chu hlîm chho in ka âwmbawr a fâwp leh tawh, ka lo er ngâng nâng thung.


"Isak a tawk tawh"


Aw khûr dar dar chuan ka ti a, ka thu tha nghâl vat, tûm deuh hmuk hian ani pawh a thu ve mai a, nuam viau thin mahse nin chin ka nei thin.



"Tinge i lungawi lo mi?"


Amah zawkin arawn tih chuan ka lû thing in ka nui sak.


"Ka chau tawh a"



Ka lo ti ve mai a, a rawn nui veleh mai,


"Ka tihpalh, ka lo duhthâw thin lutuk a"


Min rawn kuah a, a âwmah chuan ka lo bei hle hle mai,


"Muhîl rih la, ala hma lawm"


Dam thlup a tihpahin a khum lian leh dûp nuam zetah chuan min muttîr a, ka lo mu ve nghâl, min kuah chungin a mu ve mai a, a nuam ka van ti tak, pangti lum angah si.


"Ka nau in min ko, ka chhuk lawk dawn"


Tihpahin a tho hluai a, ka lo tho ve nghâl at, engemaw a sawi awmzia hi le? A nau in a ko maw?


"I hre sual a ni lo maw? I nau in a ko che maw?"



A ding dat a, a hmêl buai nuaih mai, ka lo enkar a.


"Ka nu zawk, ka sawi sual palh"


Tihpahin arawn nui suk a, keipawh ka tho ve nghâl, zanriah an peih tawh pawh ni mai thei ni.



Hmanhmawh takin kan chhuk thla dûn a, kan rin ang ngeiin an lo peih diâm tawh.


"Rawn koh cheu ka lo tum chiah a"


Nu Sangtei chuan alo ti a, ka ngaihven tawh lo, eitûr ah ringawt ka rilru a awm tawh, ka thu nghâl tharh a, Pa Muana'n tawngtaina a hman hnu in kan ei zui mai, mahse bawngsa rim hian ka luak ati chhuak tlat.


Ka in rin hmâ in ka uak thut a, phâwk hrâ hian min lo en thap, ka zak bawk si, bathroom lam ka pan nghâl rawk rawk a.




Ka luak nghek, thlaphân hmel zetin Isaka'n min rawn buaipui nghâl, ka chalah adawm a, min ko chûl reng mai, ka luak hnem bawk a ka châu hnawk thei nia,ka mittui parawl pâr chu hrûk pahin ka hawi chhuak a, an vaiin bathroom kawngkhâr ah chuan an lo ding thap nia.


"A zia lo hle mai"


Ka'n ti ringawt a,


"Raino ila na dawn nih kha, hawh u ei ang u"


Nu Sangtei chuan alo ti mai a, an nupa chuan an in thiar fihlim nghâl vat, ka hmai ka phih a, ka kam ka thuah lai chuan ka bulah alo la awm ve reng nia.


"Va ei leh rawh, keichu ka ei thei tawh lo ang"



"I tha chiah maw?"


Ka mitah tak min rawn en a, ka lu ka lo bu nghauh ringawt.


"A tha e"


Tihpahin ka chalah arawn fâwp zauh a, a chhuak veleh nghâl mai, ka tâwt lutuk tih thâwl nan thâwk ka la hawk a, ka chhuak veleh nghâl.



Inthlahrung ru zet chuan ka kîl ve mai a,


"Inneih lam te hi, engtik nge kan tih ang?"


Pa Muana'n arawn tih chuan ka phu deuh zawk.

"Ka hre lo...in tih dan dan a ni mai"


Ka lo ti zâwi sap.


"Intlân koh rih mai ila, nakinah inkutsuih chu hmanhmawh lo ila ni mai lawm tiraw, ka duh dân phei chuan karthar lamah hian in hruai mai ula tha ka ti"



A tih chuan ka chil ka lem khalh,


"I hmanhmawh e, Feli hian Mokawr hâk tepawh a duh ve ang chu"


Nu Sângtei'n a tih chuan ka lo khi sak ringawt, ka duh leh duh loh pawh ka hre lo.


"Keipawh ka pa duh dân kha tha ka ti"



Isaka'n alo tih chuan ka melh hrâwk,


"Lungngai lo la, ipa nen kan lo inbe dawn nia, thuam chhawm pawh a ngai lo, ngaihtuah buai duh sû"


Ka lo bu nghauh nghauh ringawt, hei chu ka pa thu thu ni rawh se, a chhan chu a hma khân alo buai hrep tawh si a, neih leh nghâl chûk chûk kha chuh a zahthlâk a tih ka ring, a remtih ka ring lo.


"Nangpawh riak tawh lo la tha ang, Mi ngaih ah amawi lo"


Isaka en chung chuan a ti zui zat a, Isaka vethung chu alo ngawi reng ringawt.


__________



Car in min thlah thlâ a, thli vawt tak rawn thaw lût her her chu ka lo dawng heuh heuh ringawt, ngaihtuahna a kal thui duh khawp mai.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:36 pm

In kan thlen chuan ka pa in news alo en mial mial mai, Isaka nên chuan thu thla ve in Pa Muana duhdân techu kan sawi nghâl mawlh mawlh a, a ngawi ta vang vang mai, Isaka nen chuan kan in melh hrek hrek ringawt.



"Ni e, kan mualpho tawh ta sa sa, In hruai vat ula athat zawk ka ring"


Alo ti ve mai a, ka thaw huai mai,

"Lo inkawm r'u, i pu te ka zu râwn ve lawk ange, mahni a thuthlûkna siam mai chu ka ngam lo deuh"


Tihpahin a tho nghal hluai a, a chhuak zui nghâl mai, ka pi leh ka pu tehi an hmânlai rilru ve si a, an lo rem ti lo viau ang tih chu ka hlau khawp mai.


"I ril atam em? Chaw kha i ei tlem sia"



"Tam lo e"


Ka lo ti nghâl vat a, a tam leh tâm loh pawh ka hre lo, ka luak hi a chhuak ut ut reng mai, ka kutah chuan vuan in a fâwp vang vang a, ka pum la thêp ve tak chu a zût heuh heuh mai, min rawn fâwp pah bawk.


"Rokhawlhna awm tawh lo hrâm se ka ti"


Thâwk chhuah hak paha ka tih chuan nui sukin ka chalah arawn fâwp zauh.


"Awm tawh lo turah ngai ila, i rilru ti hah suh"



Tihpahin a darah ka lû min nghah tîr a, ka mut alo chhuak tawh bawk nen ka muhîl nghâl ti tih tawp.



3 MONTHS Later





Isaka nen kan in hruai hnu ah kârhnih na chiah a ni, Ka chhûngten min duatin ei tûr tha chitin rêng min pe a, ka pasal lahin min duat bawk si, Kawrfual pawh ha lo in zîngkâr ah mi tlêm te sawm in kan in kut suih ve nawk kha nia, A hna bân apiangin eng engemaw ei tûr min hawn reng a, Nuam ka ti, ka hlim bawk, Nu Sângtei'n dâwr a nghah daih thin vângin Min awmpui thin tu nula mizo chiah lo deuh nen chauh kan awm dûn thin a, a khawharthlâk duh viau, ka thiantha ber Laldini lah a buai thei si.




Vawiin chu Min awmpuitu nula in eng engemaw ei tûr min siam sak a, ka puar leh âl tawh, ka naute pawh thla 3 leh tlêm a ni ve tawh a, tlêm in arawn puar ve tan.



Room a naute thil tûr ka thleh fel malh malh lai chuan inhnuai atangin thâwm ka hre tlat, tunge lo kal le?


"U Ruatfel in leng i nei a"


Kan nula in arawn tih tâkah chuan rang takin ka chhuk thlâ a, ka mi hmuh te vâng chuan ka ding dat, Mafaki leh Duhsaki, Mafaki chuan min lo nuih lui sak a, Duhsaki erawh chuan min melh no lutuk lo, a dul chu kei aiin a puar lian daih tawh bawk.



"Enge in lo tih dawn a? Lo thu r'u"



Tihpahin soffa ah chuan ka thu zui a, Duhsaki pawh tîmna nei miah lo in arawn thu ve nghal, min en reng leh nghâl, ka zâm ve têp a ni.



"Engtin nge thlamuang taka ila awm theih zawk le? Pasal nei mai tawh tûr midang fa i pai san a, i fa pai na pa lah chu mi pasal hual a ni lehnghâl"



Hmaichhanah chuan chiang fek fawk hian arawn ti ta fak fak mai, ka nihna nitho mahse hmaichhan ngei a hetia han in tih bawl bawl mai chu ami nghawng dân adang deuh.


Ka thin rawn sa phat chu tih daih tumin ka thaw chhuak hawk a.


"Chumi sawi tur chuan em ni in lo kal?"


Tihpahin Mafaki chu ka melh pah zauh, inthlahrun hmel zet hian alo meng khup lap mai.


"Ni lo, nang hian ka fa hi min laksak a enkawl ilo tum vel amaw? I enkawl ai chuan fahrah in a dah pawh ka duh zawk"



A rawn ti leh hrâwk mai.


"Laksak che ka tum reng reng lo, i remtih chuan enkawl ka duh mai alawm"



Za lo zet hian a nui hak,


"Ihmaw....ka ngaidam dawn lo che, ka chunga i thil tih man hi ila hmu khawp ang, i rin ang mai mai hi ka ni lo tih hre rawh"



Min tih zêk pahin a chhuak zui nghâl hlawk hlawk a, ka thutna atangin ka lo tho chhuak vat.


"Fel ka tihpalh, dan ka tum ve nasa lutuk"



Mafaki chuan inthiam loh hmel zet hian arawn ti,


"A pawi lo, va umzui vat rawh"


Ka lo ti nghâl vat a, ani pawh a chhuak nghâl mai a, an chhuak chiah chu ka thaw huai mai.


"Ni e, ka rin ang chu alo ni lo tawp anih kha"


Tiin ka phun zui sap ringawt.




____________




ISAK LALRINPUIA




"Hmânni lawkah i rawn kal thar a, min hrechiang viau ang khân lang suh"




Ka hma a Psychiatrist doctor ka kum rualpui vel chu ka en kar a, thla hmasa mai khân arawn thawk thar a, Doctor Ruata file hlui a keu atang hian kei hi min tibuaiin mak pui puiin a che reng a, enge awmzia ka hrethiâm lo takzet a ni.


"Thla hmasa mai atang khân he hospital ah ngei hian police la naupang tak pakhat pawh kha a in ti hlum tih i hria em?"



Zâm map lo hian a ti a, ka kut ka hûm ruh nasa tawh kher mai, he pa tawngkam mei nei tak tak hriat reng hi ka zo lo lek lek tawh.



"Hria e, engvângin nge chu chu min hrilh?"



"Kha Police khân Doctor Ruata i hmuh hnuhnun ber thû min hrilh a"



Chîk zeta min en chung hian a ti a, ka nui hak,

"Chu Tualthattu ah min ngai deuh tihna em ni? Lo in la Sherlock Holmes vak lo khân i hna va thawk zawk rawh"



Ka tih chuan min la enkar mai.


"Tual thattû ah ka ngai lo che, nang leh Doctor Ruata inkarah khân enge awm ka hre duh mai a ni"



Ka insûm zo tawh lo, hmunfâl a ni bawk a, a kamis âwmah thâmin bangah ka nawr bet nghâl chawrh.


"Rilru buai i enkawl na lamah nangpawh hi i â ve tawh a nih hi, i tâna tangkai lo chu ngati nge i buaipui reng a, min ti buai tawh suh"



Awki sâng zeta ka tih zawh chuan ka thlah leh hnawk a, harsa tih hmêl zet hian a thaw hrâwk hrâwk mai.


"Doctor Ruata khân a thih hma lawk khân Sleeping pills a ei nual tih i hria em?"


Ka kal tûr chu ka ding dat, rang takin ka hawi lêt a, ner nâwng pahin arawn ding chhuak tuih tuih mai.


"Engpawh ni se, ka zawng tho tho ang"



Tihpahin bâi suih suih hian a lût a, ka ngaihtuahna a kal thui khawp mai, sleeping pills a ei tih ka lo hre ve miah lo, engvâng nge ni ang? Chhûn chhûn ah sleeping pills a ei ngawt nachhan tur a awm lo, zân mut dawn techu ni se amak vak lo anga.



Ka rilru a buai nuaih reng mai, rilru kâwm mawlh mawlh pahin keipawh ka lût ve nghâl a, police thi ta khân tinge ka hmuh hnuhnun ber thû a sawi le? Ka hmu miah si lo a, keimah anga insiam tual thattû a awm a ni thei mai angem?




Rang takin ka office lam ka pan a, Ka laptop phawrhin Doctor Ruata boral dân an ziahna hlui techu ka enkual a.


Suicide ngei chu ni si a, Mahse Suicide note a awm miah lo, mahse mahni inthat zawng zawng hian suicide note an ziak vek kher lo, ka rilru buai map mai.



Ka hmai hupin thâwk ka la ham ham a, Ruatfeli pawh ka la call miah lo, rang takin ka phone ka phawrh a, ka call nghâl.


"Hello?"


Aw dam diai a arawn tih takah chuan ka dam huai mai.


"Enge i an? Kan naute chu tha em?"


A rawn nui hak rî ka hriat chuan ka hlim veng veng mai,

"Kan tha e, nangzawk? Engtikah nge ilo haw dawn?"



"Ka rawn haw tlâi deuh maithei, Doctor meeting a ngai a"


Dâwt ka hrilh zaih, a ner sak ang chu.


"Aw a nih a pawi lo mai"


A lungawi zân lo tih ka hria,

"Mmm...anih ka buai dawn aw, lo awm hahdam la, lo che ve vak vak tawh suh"



Ka off zui mai a, tikha chuan ka rilru tâwt up up pawh a zia deuh.



LALRUATFELI





Fai takin ka inbual a, ka lo inchei ve nual, ka tih thin dân a ni, alo haw dawn hian ka lo inti fai a, ka lo inchei hlap hlap zel.



Vawiin thil thleng erawh hrilh ka tum lo, a rilru a hah zual mai mai, tunlai phei chu a châu thei si, Ortho a duty ve nurse nu lah hian a rawn be ziah a, kei aiin hmeltha zawk mahse ka pasal hi ka ring tâwk êm, ka pasal hmeltha tak ka nei a hei hi chu ka tawn tûr ve rêng ah ka ngai.




Room kawngkhâr arawn ri rak rak a, Isaka chu kamis phelh phung hian arawn lût nawlh mai, en pawh min en tha ngam lo.


"I tha em?"


Tihpahin ka lo pan vat a, khumah chuan thu in akun zui ngal mai, zu rim ala nam huk zui, ka uâk teuh lutuk.



"Zu i in a ni maw?"



Min chhân pawh ring lo chuan ka ti sap a, a pheikhawk ka phelh sak nghâl,

"Tlêm te chiah"


A rawn ti hniam ruih a, a hmêl ka en chu alo meng val riai mai.


"Rilru hah na i nei ami?"



Tihpahin ngaihtha lo zet chuan a biang tawn tawnah ka vuan a, ka kawngah chuan nghet zeta kuah pahin ka pum chu a fâwp vang vang mai.


"Ka châu lutuk Bawihi"


A ti leh sup a, a awm dân chuan nidang a ang lo kher mai, a bulah chuan thu thlâ a dârah ka vuan a, a mit meng a sen lek lek, ka biangah chuan rawn vuan in duhthâw zet hian min rawn fâwp a, rang takin ka namsawn vat, ka uak nghâl tuar thei.


Za lo zet hian a nui hul hak mai, hrethiâm lo zetin ka en tawp.


"Ngati nge ka khawih dawn che apiang hian min hlat zel a? Min tawrh tîr reng hi i duh tihna mi?"



A rawn ti vawt ruih mai, ni e, kârkhat lai chu nupa nun kan hmang tawh lo, mahse enge a chhan ka hre lo, kan in kiss te, nupa hmang tura kan in buatsaih lai vel tak te hian ka luak arawn chhuak a, ka thin te hi a rim hlur zel.



"Isak khâ techu i hriat vek kha? Ka"


"A tâwk, ka khawih che hi i duh lo tiraw? A tha e"



Tihpahin a chhuak a, kawngkhâr a khâr ri nghâl thuai mai, a chêt dân chuan min thâwn êm vângin kawngkhâr chu ka melh zui tlawk tlawk ringawt.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:36 pm

A ngaihna hre lo zeta ka hawi ka hawi lai chuan a phone arawn ri thut, a bag chu ka en vang vang a, khawnge a kal ka hre bawk si lo, muangchângin a bag chu ka la a, a phone chu ka phawrh nghâl, Ortho a duty ve thin Nurse Jeru i a nih kha ka ring rêng a, hauh hrep tum in phone chu ka chhâng a,


"Doctor, i haw tawh mi? Thil hrilh tur che ka nei a"



A tawng dân atang chuan a nui sâwng tih ka hria, kan inneih hnû hian ka in check-up te nih loh chuan Hospital ah hian ka kal zen zen tawh lo a, thil chin châng ka hre tawh lo khawp mai, mahse ka pasal lo lêmkual tum hmeichhia hre lo tûr khawp chuan ka la â bîk lo.


"Engthil maw i hrilh duh?"


Nêm fahran lo chuan ka han ti a,

"E...nangmah zâwk alaw? Khawnge Doctor Isaka?"



A zak theilo hi ka va han ti tak.

"Ka hre mai mai lo, hria pawh ni ila ka hrilh dawn aw zâwng lo che"


Tihpahin ka off hmak, ka kawchhûng hi aso bulh bulh thei nia, hetianga a ngam pat dânah hian a beiseina tûrin a awm zâwk amaw ka ti hial a ni.



A phone hûm a ka lo inseh ruh teuh lai chuan ngâwi rengin arawn lût a, melh pawh ka melh peih lo, ngâwi rengin a phone chu khumah ka theh tawp a,


"Chaw i ei tawh em?"



Pangngai taka awm ka tum pawn ka lungphû hi ala rang dut dut mai.


"Aw...Meeting na ah kan ei tawh a"


Dam thlup hian a ti a, a in phelh pah sut sut mai, sana ka en chu dar 8pm alo ri tawh, film en duh ka neih vângin ngawi rengin inhnuai lamah ka chhuk thlâk sawn ta daih a.




Kan nula in uluk taka TV alo en chu ka enpui ve nghâl, mahse zan dang anga rilru zawng zawng nena en erawh ka thei tawh lo, Lili khân enge hrilh a duh ang? Tih ringawt ngaihtuah in ka tang teuh ringawt, ka lo zaidam hran lo bawk nên, ka thinchhia in ka tawngkam hi a nêm hran lo, mahse mî han hauh pûng pûng te, han tih let ve fak fak te hi ka thiam lo, ka tleirâwl lai pawn kut ka thawh nghâl tawp zel kha nia, chuvâng ania pátil anga min ngaih thin, mahse ka tleirawl lai angkhân ka rilru chu a huai tawh lo, ka thinrim phei chuan mî han tih vak ngaihna pawh ka hre lo, tawngkam ka thiam lo bawk nên, ngawi rengin ka tuar tawp a, a tâwpah kut inthlâk a ni deuh tawp mai.



Isaka chu a phone hmet mual mual pah hian a rawn chhuk ve a, T shirt leh kekawr pangngai tak a ha a, alang tleirawl viau, a inbual aniang a rimtui vung vung viau bawk.



"Ila en dawn mi? Mu tawh ila"


A tawng chu a pangngai tawh khawp mai, a ruih a reh tawh pawh a ni mahna.


"I duh leh mu la"


Zâwi sap chuan ka'n ti a, Kan nula in alo hre phâk ni ngêi tur ni min rawn en ho mai,


"Engtin maw?"


Tihpahin Isaka chu arawn kûn hniam deuh a, ka chhâng peih tawh lo ka lo ngâwi hmak thung.



"Hawh, men rei lutuk atha lo"


Tihpahin ka bânah arawn vuan a, min kâi tho lawp mai, keipawh atih ang ang chuan ka awm ve mai a.




Room ah chuan min luhpuiin a mu nghâl hlûn mai, keipawh amah hlat thei ang ber chuan ka mu a, ka thin so bulh bulh reng hi khâ thil vâng kha ni tih ka hria, ka sawi loh chuan hetiang hian ka awm reng dawn tihpawh ka hre chiang hlê bawk.



"Nichin khân Lili i'n arawn call che a"



Ama lam en chuang lo chuan ka han ti a, alamah chuan hnehsawh zet in min pawt phei dâwrh mai, rang takin ka zangthal nghâl vat a, ani erawh a bân lehlam khamin a saisîr a, min en reng tih ka hria.


"Enge a sawi a?"



Ka pum ah chuan arawn chûl heuh heuh mai,



"Thil hrilh tûr ka nei a ati"


Ka lo ti hmak,


"A nih chu, hna chungchâng a niang, a hnâ hi a âtchilh êm a, mi taima tak a ni"



Ka sa zak mai, boruak hîp lûtin ka thaw chhuak leh hawk a, ka nui lui hak.


"A nih chu"



Ka'n ti ringawt a,


"Kha kha enge? I awm dan kha?"



"Mut dawnah ka doctor in ti thin turin min tia"



Ka tih chuan arawn nui hawk, ka biangah a fâwp zauh a, nghet zet chuan min kuah nghâl.


"Engkim ka hria, i thîk tih ka hria lawm, mahse a pawi lo, ka lâwm daih zawk"


Arawn tih chuan tlâwmah ka la tlat, a bân min kuahna chu ka bêng thuai a.


"Ka thîk bawk lo, ka ngainat zawng a ni lo ringawt alawm"


Ka lo ti khar khar a, a nuih ka ti za zual sauh emaw tih tûr a ni.


Ka nghâwngah chuan a hmai arawn phûmin athaw lum ham ham a, ka dik lo leh vek tawh, ni lo, ka dik mah mah zawk, ka taksa chungah chuan dîm zeta rawn bawkin min rawn fâwp a, ka lo fâwp uar ve tân tân khawp mai.




Nupa nun hlimawm tak kârkhat hnu a kan hman leh na hmasa ber a ni, saruakin khumah chuan inkuah rialin kan mu dun a, ka chalah a fâwp vang vang mai.


"Ka hmangaih che, Naute pawh, Chuan ngaihthla rawh, min ring la, nang ang nupui fel leh pian nalh ti a sawi tûr ni lo mahla, i hmelthatna leh sexy na vâng tal pawh ka phatsan ngai lo ang che"



"Teh duah a"


Chal chuar nânga ka tih chuan a nui suk, min rawn fâwp leh vang vang a, kan hlim dûn takzet a ni

NEXT MORNING




ISAK LALRINPUIA



Ka pa Cousin Fanu Vawiin atangin arawn awm ve dâwn vângin ka nu ten Ruatfeli an kalsan vek si a, hospital pawh ka kal hma teh chiâm lo khawp mai.



Ka thleng chiah a Lili nen ward kan fang nghâl, dam lo en tûr an lo awm ve nual vângin hmanhmawh takin OPD ka thu a, ka lû lah chu ana reng lehnghâl, mahse tihlan erawh ka tilang lêm lo.




Dam lo ka en zo chu châu zetin Duty room ah ka thu a, Lili chuan dam lo chanchin min hrilh siam siam mai, mahse thil dangah ka rilru a awm daih thung, a uniform hâk chhîng leh tight lutuk chuan ka mit ati kham tlat.



"Naktûk atang chuan i form hi adang ha tawh ang che, khatiâng khân damlo hma ah inlan tawh suh"



Chiang fek fawka ka tih chuan a nui tâwp riai riai mai,


"Hetah ilo awm tawh dêr alaw?"



Rawn ti tu lam ka hawi chu thâwk la hawk pahin ka mengkual nghâl ralh, Tinge he mihring hian min zuikual reng mai le aw.


"Ehe... Doctor Vên lo thu rawh"



Lili chuan alo ti nghâl vat a, kei erawh ka tho hluai,


"Hmundangah inbia ang"



Rum zeta en pah chuan ka han ti a, a hmui tipawrh zauh pahin adâr arawn sân âk mai, rang takin ka chhuak zui a, inchunglam ka pan nghâl.



Inchung zâwlah chuan kan in hma tawn ta rân mai.



"Min tibuai tawh suh ka ti che ni lâwm ni? A nih loh chuan"


"A nih loh chuan enge? Dr Ruata leh khâ police ang khân min that ve dawn em ni?"




Ka tawng laklawh lai chuan chiang zeta min en chung hian arawn ti ta fak mai, engtin nge Confi taka a sawi theih âw, nuih tepawh aza lek lek alawm.


"Kei hian maw?"


Nui chunga ka tih chuan ngei awm zet hian arawn nui ve a.


"Ka hriat chhuah theih loh che i lo ring reng reng em ni a?"



Ka thin in a tuar tawh lo, Hmeichhe inbia tepawh kan ang alawm le.


"Peh hêl duah lo khân chiang takin sawi rawh Zawng a"



Ka ti vîn thawt, arawn nui chhuak hawk a, a kawr âwm ka thâm nghâl lawp.


"Steel almirah tlu kha i hmu em?"


Thei leh thei lo a arawn tih chuan Doctor Ruata inkhâi laia steel almirah lian tak aroom a tlu ka hmuh kha ka mitthlâ ah arawn lang nghâl chuai chuai mai.


"Chuan enge?"


Ka'n ti leh hrâwk a.


"Min thlah phawt la"


A rawn tih tâkah chuan rang takin ka thlah a, thâwk la hawk hawk pahin thutthlèng lo awmah chuan a thu nghâl.


"Doctor Ruata kha Mutna damdawi tak pêk a ni, Chuan Tualthattu kha lût ru nghâlin Ceiling fun ah khân hrui hlîng a, a nghâwngah ah avêt tel bawk, Tichuan steel Almirah chungah chuan Dr Ruata tui taka a muhîl lai chu a muttîr a, a dawhkânah a phone dah in alarm a set sak nghâl bawk, chuan Tualthattu chuan a tih tûr a zo, a chhuah hnû ah alarm chu rawn ri in Dr Ruata chu arawn harh a, chiang mang lo a a phone a dawhkân ri mêk ahriat chuan ban mai a tumna lamah Almirah chung atang chuan tla in a in âwk hlum ta a ni"





Ka ngaihthlâk chhûng zawng chuan ka tang teuh thei.


"Engtin nge chung zawng zawng chu i hriat?"



"I putea te Department ah sawn ka thian pakhat a thawk a, a rûkin min hrilh a, mipui hriat lohin a rûkin an chhui a ni âwm e, police thih dân erawh chiang takin an sawi thei lo"




Ka inhûm ruh nasa kher mai.


"Anih engvângin nge kei hi min mawh puh?"



Chhîng deuh suar hian min rawn en a,


"Doctor Ruata khân i hming hi vawi tam tak paper ah ziak chhuak a engvang nge ka hre lo"




Keipawn chu chu ka hre hauh lo, engvânga ka hming chu ziak nge anih ang aw.


"Keipawn a chhan ka hre lo"


Ka phun sup a, ka lû arawn na ngut ngut mai,


"A u, min tanpui rawh"


Ka nau in a tih rî chu hla tak atang hian ka hre ruai ruai mai, a âw ngei a ni, ka awm dân hi keipawn ka hrethiâm lo, ka thu hnawk a, ka lû rawn na ngut ngut chu ka dawm tlawk tlawk ringawt.



"I tha em? Doctor"



Dr Vêna âw a ni, min rawn vawn a tumna a kut chu ka phih thla pawp a, ding chhuakin rum zetin ka en.


"Kei hi tual thattû ka nih chuan nang chu Setana, min ti buai tawh suh, hremhmun ah kal rawh"



Vîn thawta tihpahin ka office lam ka pan nghâl.





Chair ah chuan ka thu hnawk a,ka room a mini fridge an dah ami tui vawt tak chu ka in nghâl khawlh khawlh mai, thâwk la hawkin ka maimitchhîng vang vang a, Ka nupui hmeltha tak ka mitthlâ ah arawn lang nghâl.



Rang takin ka call nghâl a, hetianga ka buai mup mup lai hian Ruatfeli ka call chuan ka dam vek thin.


"Aw lo call che ka tum chiah a, nichin khân arawn chê asin"



Hlim hmêl zet hian arawn ti zâng vah mai, ka lu dawm vang vang pahin ka nui suk.



"Chu kan naute chu ava harh âwm ve"



A rawn nui hak a,


"Harh viau ang, engtik nge ilo haw dawn?"



"Ka rawn haw têp, ka ngai tawh lutuk che u"



Ka chair nghen chhan ngheng vang vang pah chuan ka han ti a, a nui ver ver lai ka mitthlâ ah arawn lang nghâl.



"Keitak, rawn haw vat rawh aw, ka nu tepawh an rawn thleng chiah a, ka dah phawt dawn, ka hmangaih che"



A off nghâl hmak a, ka nui suk.

"Keipawn ka hmangaih che"



Ka hriat tâwk lek chuan ka ti sup ringawt.


____________





Dar 3 vêlah ka haw a, ka nu leh Angaihi (ka cousin)an lo ti ti mawlh mawlh mai, ka nupui erawh ka hmu lo.



"Nu khawnge Ruatfeli?"


Ka lût chiah chu ka'n ti nghâl a, Angaihi chuan min lo nuih ver ver mai, kei aiin kum 2 in a naupang zawk a, ka nu pui tûra rawn kal a ni âwm e, kan in hmu tam lo a, kan in nêl lêm lo.


"Inchungah a in tih fai kha, vawiin chu naute arawn che ve a, a hlim pui khawp mai"


Ka nu in a tih chuan rang takin ka chho nghâl, Angaihi pawh ka be lêm lo, nakinah biak na hun ala tam tho.




Room ka lût chu bra chauh ha hian khumah alo thu a, Kekawr bûl chauh aha bawk, a dul chu en in alo nui leh ver ver thin, thâwm dîm takin ka kal a, arawn hawi hman hrâm nia, a dul chu alang ve âk tawh, a in hmeh phiân.


"Ehe!...engtik laiin nge i rawn thlen a? Lo kal vat teh"



Tihpahin a rawn phar chhuak a, ka kutah rawn man in a dul chu min khawih tîr a, a rawn pâwng ve zek zek mai, kan in en a, kan nui tawp.


"Vawiin chu iva hmeltha ve"


"Awihawm loh, inchei pawh ka lo inchei hman hleinem"


Alo ti deuh nâng nâng a.


"Tikhân i tha zawk"


Tihpahin duhthâw zetin ka fâwp a, a bra chu phelh sakin a âwmbawr ah ka fawh sak nghâl, alo rûm deuh hak mai, a pum puar ve âl tawh ah chuan ka fâwp thla dan dan bawk, ka rilru leh taksa chhâwkna tha tak a ni, ka mamawh tawh viau bawk.


"Isak, duhtâwk rawh, kawngka i kalh reng reng lo"



Ka nui hawk, rang takin khum atang chuan a tho a, kawngkhâr ava kalh nghâl, a vun mâm leh deh nawm hmêl zet vâr sar chu ka thlîr vawng vawng a, engtikah mah ka nupui hi ka kham thei ngai lo ang, a rai puar âl te hian a ti sexy zual sauhin ka hria, bra ha miah lo chuan khuma ka thu chu ka mal chungah arawn thu a, a bawp leh bawp chuan min kâr cheh âl mai.



A rai vâng nge a hnute chu a bial kârh hian a kawh deuh lah a, a nalh ka ti viau, a lian tâwk reuh si, a hnute hmûr buang deuh thak ah chuan duhthâw zetin ka fâwp a, ka sâma thâm tawn tawn pahin alo rûm leh ham ham thin.


Ka kamis chu in la zei zet hian a phelh a, mit meng sexy zet hian min en reuh lehnghâl, min tih ang ang chuan ka lo dawh tawp.


"I six pack hi a nalh ka ti"



Tihpahin arawn zût a, a awm dân chu ka lawm êm vângin ka nui hawk, ani pawh arawn nui ve hak a, kan in fâwp nghâl, hnehsawh zetin ka leh thal a, a nui hawk, a nghâwngah techuan ka fâwp bawrh bawrh a, alo er leh ngâng ngâng thin.



Hnuailam atanga min tur tu anat êm vâng nge, ka kawng hrên chu phelh in rang takin ka kekawr chu ka phelh a, a thiam ang ang chuan min lo pui ve nasa mai.



A kekawr chu ka phelh sak ve leh a, hmanhmawh takin a taksa chhûngah ka lût nghâl, hmanhmawh takin ka che ta nghâl buan buan a.



Dim ka tum viau pawn amah berin nuam ati si, tûn tum chu ka dîm lo kher mai.



Châu zetin kan thaw dûn hlawp hlawp a.


"Ka hmangaih che"


Arawn ti sap,


"Ka hmangaih fê zawk che"


Ka lo tih chuan chauh hmêl zet hian arawn nui hak a, a chalah chuan fâwp in kan in kuah nghâl vang vang mai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:36 pm

LALRUATFELI



"Isak, i tla ang rawn lêt rawh"



Ka theih tâwpa ring chuan ka âu a, mahse ka tawng engmah hre lo ang maiin Isaka chuan Inchung hmâwr lam a pan zêl nia, khua a duai ruih a, khawpui lah chu a ri nasa em em lehnghâl, Inchung chhîp zum em em leh sâng zetah hian Isaka nên kan lo awm dûn a, ani chuan zuan thlâk tum ni âwm tak hian a hmâwr lam a pan zêl si, ka theih tâwp chuan ka âu tuar tuar a, pan ka tum lahin ka kê chu thil rit tak hian a chelh ang mai hian ka che sawn thei eih lo, A hnung min chhawn a, doctor form vâr aha bawk, A zuan thlâk mai ka hlauh vângin ka tâl vak vak a,mahse engmah awmzia awm lo, ka tap a, ka hlâuthawng et et mai.



"Isak i tla ang lo kal rawh"



Tap chung chuan ka ti a, muangchâng in arawn in her ta, Ka rei!....a hmêl ka hmû chu ka tê chhuak thawt.



Khum atang chuan ka tho zawt a, têk arawn tla zui chuaih mai, current a thi nghâl hmak bawk, ruah alo sûr buan buan reng chu niin, ka thlan tuiin min bual huh vek bawk, ka mumang kha ngaihtuah zuiin thâwk ka la kâwk kâwk a, Isaka hmêl kha....ni lo, hmêl engmah alo nei reng reng lo, a hmâi kha a plain vek nia.



Ka bul vêl chu ka dap a, mu ve an awm âwm ka hre lo, Rang takin inverter ka on a, Isaka chu alo mu reng reng lo, khawi ah nge a mut ang? Ka mumang alo tha vak lo nên achhan pawh hre lo in ka hlâuthâwng ru et et mai.



Bathroom atang chuan thâwm arawn awm ruk ruk a, Isaka chu Towel veng hian arawn chhuak nia, zîng lam dar 3 chauh ala ni bawk si.




"Tûn angah te i inbual alaw?"



Ngaihtha lo ru zet chuan ka han ti a,


"A lum ka ti lutuk a, têk tlâ kha i hlau ami?"




In ha sut sut pah chuan alo ti sam êt a, ka ngaihbel nge ka hre lo a awm dân hi a dik lo riau in ka hria, ka mitah pawh min en ngam lo.



"Thil thleng a awm ami?"


Ka tih chuan mak tih hmêl fê hian min rawn en vut a,


"Awm lo tinge?"


Arawn ti lêt hû mai, thâwk la hak pahin ka lû ka thing ringawt, ka zun alo chhuak ve bawk nen bathroom lamah chuan ka luhsawn ta daih a.



Bathroom a ka awm lai techuan ka mumang kha ka ngaihtuah na ah arawn lût zut zut mai, mumang mai mai a ni tiin ka in ti hahdam lui a, mahse a rûk tak chuan engemaw thil tha lo tak thleng dawn angin ka ngai tlat thung.





Bathroom atanga ka chhuah hnû chuan in chung lam hi mit khap miah lo hian alo en vung vung a, a suangtuahna ramah a chêng a nih ka ring.



Keipawh ka mu ve nghâl mai a,têk lah chu atla chhuai chhuai reng bawk nên, ka mut pawh a chhuak tawh lo, ka harh tial tial mai.



Isaka lam chu ka va hawi zauh a, ani pawh alo la meng ve reng nia.



"Ka lakah hian zêp i nei ami?"


Ka han ti ringawt a, min rawn en hau mai.


"Nei lo e, Hospital vâng zawk, ka rilru hah deuh a"



Dul ruih hian arawn ti a,


"Engthil nge?"


Ka lo ti vat.


"Kan dam lo te zîng ami leh Hospital kaihhnawih ami ho hi a khât tâwkin an in ti hlum leh zauh zauh thin a, chumi vâng chu mawle, sawrkâr lam beng a thleng tawh si a, Khâr an tum mai ang tih ka hlau a, dam lo kan ngah si"



Amah enkar chuan ka lo ngaihthla a, ka ngaih a tha lo telh telh mai,


"Anih engvânga in ti hlum nge an nih a?"


"Ka hre lo, an mahni buaina vâng theuh a nih ka ring, kan Hospital ah kher hian a thleng thin bawk si a, inti hlum tak tak an nih hi ka ring thei tawh lo a ni, Chhui chiân ka duh a"




Ka ter nghâl at.


"A theih loh, Doctor inih kha, Detective pawh ini hleinêm, i nunna a derthâwng thei sin, a theih loh"



Ka lo ti nghâl mawlh mawlh ringawt, a bân min kham tîrin min kuah vang vang a, a rilru a tâwt ve hlê aniang thâwk ala hawk mai.



"Ka mawhphurhna lawm, Detective ka ni emaw, ni lo emaw, natna nei chauh hi ka tihdam tûr a ni lo Bawihi, Kei chuan nunna hi a hlû ka ti a, midang nunna chhan hi ka duh takzet a ni, nuam ka ti bawk, i hriat kha"




A âwm si chât chuan ka lo khap fak fak a, a sawi chu a dik viau, mahse a nunna derthâwng a dah hi ka remti thei lo a ni.



"Pathian a awm alawm, ani chuan tûl a tih angin rem a ruat mai dawn lawm"



"Pathian in nunna hlu tak min pe a, tha taka enkawl hi kan kut a ni ve Tawh alawm Bawihi, A malsawm tlâka nun a ngai ve alawm, Pathian chuan thu chunga nghâk techu thu chungin a nghah pui mai a, rim taka thawk techu an thawhrimna milin mal a sâwm thin, i hrethiâm em?"




Ka hnar a rawn khawih zauh, min nuih sak a, ka lo nui lui ve top, ka rilru chhûngril erawh a chhan chiang taka sawi tûr awm si lo hian hlauhthâwn hlîrin ka khat thung.



"Mu tawh rawh, Kan naute kha a hah lutuk ange"



Tihpahin ka sam ah chuan arawn chûl hliau hliau a, ka lo chhîng nghâl diar diar mai.


Ka harh chuan tui takin ka pasal alo mu hnâr kûk kûk mai, ka nui sak a, zîng lamah hian a hnâr ziah, chuan zan mut dâwna kawr ha thin kha, lum a tih theih êm vâng hian a kawr hi alo phelh ngei ngei thin.



Nî chhuak mawi tak hmuh tûr a awm lo a, khua alo dul ruih mai, ka mumang tekha ka hrechhuak rum rum nia, ka in thing harh vat, Bathroom lamah in ti faiin inhnuai lamah ka chhuk thla nghâl vat a.





Kan nula chauh alo la tho a, ala hmâ bawk êm a ni, dar 5 am alo pêl hret chauh, ka tih thin dân angin tui lum no 2 ka in a, tual zâwl phiat tûrin ka chhuak nghâl.




Exercise lâk hranpâ a ngai lo, heti hian Tual hi ka phian mai thin,



A zau in hnah ro tla alo tam bawk nên, ka thlan ta dap dap mai, khua lah chu a dur khup reng lehnghâl, alum uap churh reng bawk si.


"Vawiin kha i in check-up nî a nih kha aw"


Ka nu in arawn tih chuan ka hawi vat, ni tak e, ka lo theihnghilh daih.



"Awle"



Ka ti mai a, ka bâna sana ka en chu dar 6 alo pêl leh tawh, rin aiin hun a duh reuh khawp mai, thlan dap dapin inchhûngah ka lût a, ka raipuar lian ve tawh sia ka hah viau.



Kan nula in tui min lo lâk nghâl a, Isaka unaunu pawh kha alo tho tawh, Nu Sangtei nen chuan an thil zawrh chungchâng vêlah an lo in be mawlh mawlh a.



"Ehe URuatfel, rin aiin i in fit daih"


Nui chunga a tih chuan ka lo nui ve sak,


"Ti suh ka tih ka tih pawn thû a âwih lo sia, bâkah amah hi nurse a nia, a tana tha tûr chu a hre ber ang"


Nu Sangtei chuan alo ti nghâl mawlh mawlh a, Isaka nau chu a hmeltha reuh viau, kei aiin a sâng a, nula nalh tak a ni, Kan khaw tlangvâl ho chu an buai leh khawp ang le.




"Zîngkâra thlan tih chhuah hi a tha a"



Ka tih lai tak chuan Isaka pawh arawn tho ve, min rawn hmuh chuan min en deuh vung vung a.


"Iva thlan nasa ve"


Arawn ti sup mai,


"Exercise ka la a"


Nui var var a ka tih chuan A nau hmeichhia chuan thingpui alo pe vat, rin aiin a mawng a zâng reuh phian mai.


"Naktûk atang chuan kan pahnih in kan ti dûn tawh dawn nia"



Tihpahin min rawn pan a, ka sam hnawk niai chu arawn chûl mâm mawlh mawlh mai.



"An nu hi chu a duat ve hlerh hlerh a nia"


Nu Sângtei'n alo tih chuan kan nui hak ringawt.



___________




Ka pa pawh arawn thawh ve tawh vângin Angaihi thusawi ho tak tak chu kan ngaithla thap a, a châng leh kan nuih pui leh bâwk bâwk thin.



"Uruatfel, engtin nge Isaka nen in in ngaihzâwn lai hian in awm vêl, a nuam thei viau lo maw?"




Chaw ei na thlêng kan seng mawlh mawlh lai chuan Angaihi chuan arawn ti chhuak hlawl a.


"Nia...school te kan kal ho thin a"


Ka lo ti liam puat ringawt,


"Awi a nih chuan in van in ngaizâwng rei em em"



Ka lo nui lui sak ringawt, nui var var chunga bawlhhlawh paih tuma chhuah ka tum lai tak chuan kawngkhâr bula lo ding reng vâng chuan ka ding dat, ka nui tâwp nghâl riai riai mai.


"U Joseph"


Ka hriat tâwk lek chuan ka ti sap a, a hmuihmul te alo zuah nia,

"Kan in hmuh lohna a rei tawh hle mai"



A ti deuh sup a, chhân tuma ka ân zuau lai chuan,

"Ehe Pu Joseph enge i din reng a lo kal rawh"



Angaihi'n a rawn tih tâkah chuan hnuailam en vatin bawlhhlawh paih tûr chuan ka chhuak ta daih a, U Joseph-a pawh a lût ve nghâl daih, rin aiin a bawrchhawr daih mai.



Inchhûng ka luh leh chuan Isaka inchung atangin a rawn chhuk ve chiah a, Tûmah pawh ngaihven lo in choka lamah ka kal zui daih, Isaka pawh a rawn lût tlang ve thuak a, ka chhûngril takah hian nuam lo ka ti veng veng reng mai.



"Ilo kal hunah min lo call rawh aw, ka kal a nia"



Tihpahin ka hmui ah arawn fâwp zauh a, ka lo bu nghauh ringawt, Choka atang chuan ka thlêk dêk dêk a, U Joseph-a nen khân an in zui chhuak in ka hria,


Motor rî ka hre zui nghâl a, ngati nge thil thalo thleng tûr anga ka ngaih tlat reng le? A hrehawm takzet a ni.



_____________



Angaihi'n car alo khalh thiam hlauh a, hospital thleng min thlah thlap mai, ka in check-up zo chu Isaka ka call a, a chhâng thei miah lo, Corridor ah chuan pheiin a office awmna an sawn tawh vângin ka zawng kual a, ka hmu mai bawk si lo, ka ke lah chu a vûn ve deuh vâng nge ana kham ut ut mai.




Doctor pakhat ka lam pana rawn kal phei chu ka lo pan nghâl chat a.


"Min hrethiâm lawk"


Min rawn en vut a, a hmanhmawh hmêl viau.


"Dr Isaka office awmna min hrilh thei angem khawngaihin"



Chîk zet hian min rawn en a, a âwm vetho,


"Tunge inih a?"


"A...a nupui ka nia"


Nui sak paha ka tih chuan a mithmul a ti sâng zauh a, a nui deuh suk.


"Lo kal rawh ka hruai ang che"


A rawn tih chuan mak ka ti viau.


"A ngai lo, a awmna min hrilh la a tâwk mai"



"Ni lo e, Dr Isaka chu ka thiantha tak alawm"



A tih chuan ngâwirengin ka zui ve mai a, tih tûr pawimawh a ngah âwm ropui si a, Isaka nên hian an in hre tha viau a nih ka ring, mahse tinge a chanchin hi a sawi ngai miah loh le?



"Dr Isaka chu nupui zawn a thiam khawp mai"



Nui chunga a tih chuan ka lo nui ve sak.


"Engtin nge ka pasal nen chuan in inhriat a?"



"Kan thawk ho alawm, Hetah hian Dr Ruata boral ta ai khân min rawn dah a"


A tih chuan Dr Ruata kha ka hre chhuak zawk mai.


"A nih chu, Dr Ruata kha mifel tak a nia sin"



Ka han ti zauh a, a ding dat, chiang zet hian min rawn en a.


"Dr Ruata chu i hria ami?"


A rawn ti deuh hû mai.


"Aw..hetah hian keipawh nurse hnâ ka thawk thin alawm"



Ka lo ti ve vat a, engemaw sawi tuma a ân zuau lai chuan Kan hma a kawngkhâr chu arawn inhawng thut, Nurse hmeltha zet mai hi lipstick pherh deuh nuaih hian arawn chhuak a, Isaka pawh nui suk suk chung hian arawn dâk chhuak ve nghâl, ka hmêl a hmu chu a nui tâwp riai riai mai.



"A lan dân chuan kan kal hun hi a fu chiah lo niin alang"


Doctor ka bula ding pa chuan zâwi sap hian a ti sup a, ka kawchhûng hi arawn sa chho hut hut thei nia, Chuta kârah lungáwi loh hmêl fê hian min la en reng zui.



"Ka kal phawt mai ange, Doctor Vêna ka nia, kan in hmuh leh ngei ka beisei, kawm i nuam tlat, i pasal ang lo takin"


Nui sânga tihpahin Isaka chu a melh deuh ralh a, Doctor Vena inti pa chu a inthiar fihlim nghâl daih,



"Lo lût la"


Dam thlup hian a ti a, ka kut hûm ruh teuhin ka lût zui ve nghâl a, ka thinrim insûm nasa lutuk chu ka lungphû tehi an su dup dup mai.



"Tinge call i chhân loh?"



Ka han ti nghâl fak a,


"Nia, ka lo buai deuh a"



A lu thak loh hmêlpui hiat nauh nauh pah hian a ti a, a ai nasa in ka inhûm ruh teuh,


"Ni e, i buai ang ka ring, I buai hmêl khawp kha"



Ngei awm zeta tihpahin sofa ah chuan ka thu a, tui lo in chhawp chu la in ka dâwt nghâl khawlh khawlh ringawt.



"Khâ Doctor kha hnaih suh, mi tha a ni lo nia"


Chal chuar nângin ka enkâwk, hmêl vawt ruih hian min lo enkur mai, ka nui deuh hak a.


"Ka call i chhâng thei si lo a, khá Doctor khân i office min kawh hmuh alawm, ni lo se chu ka la bo char char ang"



Ka tawng chu a nêm hran lo.


"In ah tawm reng lo hian rawn tlawh ve zauh zauh thin la chu ka office hi zawn buai a ngai miah lo ang"



A thinrim zâwk ah techuan ala tang nia.



"Ni e, ka mawl alawm, kei techu, vawikhat mah ka rawn kal tawh lo ang"




Ka thutna atanga thawh hluai pahin ka ti ta zêk a, thinrim sa tawh nên, ka chhuak nghâl hmak, kawngkhâr ka khâr ri zui thuai bawk, ka bânah chuan min rawn vuan a.


"Lungâwi lohna i nei ami? I neih chuan sawi la"



Dam thlup hian arawn ti leh rauh bawk si,



"Khâ nurse lipstick pherh chhan kha enge? Chuan kha, i hmui ah pawh khân a kai"



Tihpahin a hmûi chu ka han tuai tâwk a, ka hmuh tirh khân a hmui ami pawh hi ka hmu tel nghâl vek tawh.


A Hmui chu tuai in a tuaina kut chu a en deuh zuk a.


"Ka sawi fiah ang, thinrim lo la, hawh lût ang"



Tihpahin a office lamah chuan min kâi lût nghâl a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:37 pm

Thinrim zet chuan ka ding kûn ngal a, ka dârah vuan in min chhuk en rûn mai.


"Ka hria, ni e, Khâ nurse khân ka inrin hmâ in min rawn fâwp deuh thut a, pawi ka ti lutuk"



Thâwk ala hawk a, a hmêl chu ka en dêk dêk mai, dâwt a sawi ka ring lo, tûn ang laiah techuan hmeichhia hian zah kan hre tawh hlawm lo.


"Chuan engtin nge i tih?"



"Ka namsan a, engmah ka sawi hmâ in thinrim zet khân a chhuak ta daih alawm, nang ilo lang leh bawk sia"


Inthiam loh hmêl zeta arawn tih tâkah chuan ka ngâwi reng a, athusawi hi ka âwih tho, thil ni thei lo tawp chu ni lo, mahse ka thinrim laklawh tawh tlat.


"I lêrh phian ang ka ring"


Ka han ti ringawt a, min en rûn ringawt.


"Ka nei tawh che a, hmeichhe dang ka mamawh lo, engtin nge ka fin fiah anga?"



"Ka hre lo"


Bak hlar a ka tih chuan a nui suk ringawt,


"Hawh chaw chhûn ei ang, i ril a tâm tawh ka ring tlat"



Tihpahin min kâi chhuak nghâl a, bâkah thil hrilh châk deuh ka nei, Nu Sangtei thusawi kha ka la hrilh chhâwng ve miah lo tak e.



___________


Canteen ah min chawlhpui a, min en duh hlawm viau, nuam lo ka ti lek lek zawk, Ka pasal hi ka hriat miah loh hian alo luck phiân anih ka ring.



"Ila hria em? Bân bun in ang kan neih kha?"


A thil ei lai chawl meuhin min rawn en hû a,


"Ka nu min siam sak ve ve a nih kha, Nu Sângtei'n min hrilh a, i têt lai khan reilotê chu ka nu khân a pawm ve hman che sin"



Hmêl dul ruih hian min en vung vung a.


"Enge?"


Ka lo ti hû mai.


"Ka nu chu ka nu ti ve mai la"


Lungâwi loh hmêl zeta arawn tih tâkah chuan ka inthiâm lo leh angreng.


"Ka tihpalh, ka koh than dân a ni bawk sia"



Ka thil ei lai chu ka ei nghâl mial mial a, nurse la tleirâwl ve tak tak techuan an rawn chhaih leh zauh zauh thin, han nuih ve suk âwm tak hi nia, ngâwi rengin a en zui vung vung ringawt, a mâwl ve na lai tak.



"Ehe!...nangni nûpa chu?"




Dr Vena chu nui var var hian kan bulah a rawn thu thla ve a, mi hlim thei tak a ni, a bula awm hi a hahdam thlâk riau ka ti.



Isaka vêngthawng ru tak in ka va melh zauh a, a hmêl atang hian hêpa hi a ngaithei vak lo tih ka hre mai.



"Ka lo thu ve tawp sia a pawi in ti êm lo ang chu"

Kan pahnih a min entawn zak zak pah chuan a ti a, ka lo nuih lui sak.


"Ti lo e, inthlahrung duh suh"



Ka lo ti vat, Isaka erawh ngâwirengin a ei tûr a ei mial mial thung.


"Tunlai chu kan Damdawiin boruak vêl vang hian thlamuang taka chaw chhûn eina hun pawh ka nei lo"



Dr Vêna chuan a ti sup a,


"A ni khawp ang"


Ka lo ti sap ringawt, Isaka hmel dur khup reng hian ka awm ati nuam lo zo vek.


"Keichu inti hlum an nih ka ring lo, an sawi dân chuan Doctor anga insiam thin hi zânah a vei kual thin an tia, chupa thah chu a nih kan ring, police tepawn an la man thei lo, an chhui zêl chu nia"





A thusawi chuan ka beng a verh zar mai.


"Doctor angin tinge a inchei kher le? Anih chuan dam lo pawh an awm ngam tawh nâng, hetah dam duhin an rawn kal a, chutianga tual that thin an awm chuan an tân helai chu a ralmuang lo tawp a nih chu"



Ka thil ei pah chuan ka han ti deuh duah a,


"Ni e, Khâ Doctor zana vâk thin kha man chhuak ila chu Tualthattu chu kan hriat mai ka ring"



Dr Vêna chuan awlsam zet hian alo ti a, ka phâwk nghâl hrâ mai.


"Tunge a? Rinhlelh tur te in hria em?"


Ka lo ti vat,


"Diktak chuan i pasal"

Ati hman tâwk,

"A tâwk, Ruatfel, i puar tawh chuan kal ang"



Dawhkân chûm ri bur khawpa arawn tih chuan Dr Vêna nen kan en hau ringawt, engemaw a hriat le? Dr Vêna khân a sawi zo hman lo asin.


"Mahse ka la ngaihthla duh alawm"



Ka lo ti deuh nâng nâng a, midang pawn an lo en thap mai, a ding hluai a, min pawt tho ve nghâl.


"Thawnthû ang lekah ngai rawh"



Tih suppahin min kâi chhuak nghâl dâwr dâwr a, a awm dân teh thut chu ka hrethiâm lo tak zet a ni.



Car a ka thut hnu pawn Dr Vêna thusawi zawh loh chu rin thû in ka chhunzawm chiam a, "I pasal" tih kha enge awm zia le?



"Kha pa thusawi kha âwih tlâk a awm lo, a mumang a sawi vel mai mai nih kha"



Car a rawn thut luh pah chuan a ti chang fak a,


"Mahse a bula awm kha nuam ka ti, mifel tak niin ka hria, ti ti pui a nuam si, Tunge Doctor anga inchei thin chu niang le?"



"A tâwk ka tih chu"



Vîn thawta a rawn tih chuan ka thlâwk têp in ka hria, khap fak fakin ka enkiau a, ka pum ka dawm nghâl, ka naute pawn apa thinrim chu a hlau ve aniang arawn che zawk zawk mai.



"Min vin vak kher kha ngai ami?"



Ka tih chuan a car steering chu vuan in a hûm nghet hlê.


"Kha pa kha hnaih lo la ni mai"



A ti leh ringawt a, ka tawng tawh lo, ka thinrim lutuk tih ngaihna hre lo chu pawn lamah dâk chhuak in ka hûi pap pap ringawt.



In kan thlen chuan lêt leh a tum lo nge mawni room ah min rawn zui lût a, ka ngâwi reng ringawt, biâk pawh ka be peih lo, a hah tih chu ka hria, mahse a chhan hriat chian mang hleih lo a min vîn leh thut thut zêl hi ka lungâwi lo takzet a ni.




Zan in chu ka pa bulah ka riak dâwn mawni le? Ka ngaihtuahna chu kâwmin khumah chuan ka thu vang vang a, tûn hnai atang khân a thinchhiat a zualin hriatthiam har tak hian a khawsa thin.



A châng chuan ka pasal kha ala ni reng em tih pawh ka hre tawh lo, midang daih a ang ka ti tawh, min ngaihsaka min duat thin tho na in kim lo a awm tlat, enge ka hre lo.





"Thian tha tak ka nei thar a"



Ka bula rawn thut pah hian a ti deuh sup a, ka chhâng lo ang ka ti zeta, ka hre châk viau tho.


"Mipa nge hmeichhia?"



Ka kutah arawn vuan a,


"Hmeichhia a nia, Ka nau nen an in ang lutuk asin, nakinah ka la hmelhriat tîr ve ang che"



Ka thin a rim leh tûn tawh.


"Khawi ami? Chu ka dinhmun a derthâwng tihna ni maw?"



"Ni lo e, hmeichhe naupang mawle, hmu la chu i nêl nghâl vat ang"



A ti deuh sup a, ka hmuh ve châk viau rualin mak ka ti ru ang reng, naupang a ngaina ngai miah si lo a.


"Khawi ami maw?"



"Pedia ward a cancer natna vanga awm a nia, hmeichhe naupang hmeltha tak ani, in anna lai tam tak in nei, naupangte mah ni se ka rilru hahna tam tak te hi min chhâwk ve riau a"



Chu hmeichhe naupang chu ka thîk takzet a ni, ka pasal rilru hahna chhâwk zângkhâi tu a ni thei bîk a,


"Ka hmu ve châk khawp mai"


Nui lui sak chung chuan ka lo ti sap a, ka chhûngril erawh ana ru viau, ka pasal tân hian nupui tha tak ka lo ni ngai lo tih ka in hre ve chiah.



"Putea alo leng a"



Angaihi chuan kan room a rawn dah dêk dêk pah hian a ti a, ka lo kun ngal mai, Isaka nen chuan muangchângin kan chhuk thla dûn a, thil nuam zawk zawk chu ni lo.




Step a kan chhuk thla chu U Joseph-a chuan min en rengin ka hria, ka ngaihbel zawk pawh ka hre lo, inthlahrung ru tak chungin Isaka hnungah chuan ka chhuk thla zâl zâl a.



Step tâwp ber ka rap tûr chu ka in chhuih palh hlauh mai, Isaka chuan min vuan hman hlauh, mahse engtik laiin nge ka hre lo, U Joseph-a pawn kan bul arawn thleng hman nia, ka kut leh lamah chuan alo vuan a, rang takin ka thlah nghâl vat.




"Pu Joseph-a chu ivan che rang em em, U Ruatfeli hi i ngaihtuah hlê a niang maw"



Angaihi chuan alo ti vat, kan in melh hrek hrek ringawt, Angaihi thusawi chuan ka awm ati nuam lo veng veng thei nia.


Choka lamah rang takin ka kal a, an thusawi chu ka ngaithla ru kar bawk.



"Dr Ruata leh kan Department ami Khân Tualthattu chu chiang taka an hriat ka ring, Dr Ruata kan chhui hmasa ber a, engvânga i hming kha ziak vak nge a nih ang âw ka ti a ni"



U Joseph-a chuan ati deuh chuar chuar a, Angaihi arawn kal ve tâk vângin ka ngaithla ngam ta lo, ka hre châk a sin le?


Alo va han kal hun lo reuh tak.



Thingpui pe tûrin ka chhuak a, an thusawi lai chu an tâwp hmak.



Ngâwirengin ka lêt leh mai a, ngati nge ka ngaihtuahna hi a vah vak vak le? Hmânah kha chuan Dr Ruata kha chuan engemaw min hrilh tum kha a nei thin, Isaka chanchin hi niin ka hria, enge ni ang? Khâng ho thihna leh Dr Ruata thihna khân inzawmna a neih le? Isaka zawt dawn ila min hrilh duh âwm si lo.




Min hrilh ve mai tûr a nia, ka hriat ve châk châk nen, ka beng ti vir tâwk lek hian thil hi an sawi hlawm a, ka lu an ti hai zo vek.



Eng buaina nge an neih hi hriat ka châk takzet a ni, Dr Vêna khân engemaw hriat chu a nei chiang, naktûk chu Isaka chhuanlamin Dr Vêna kha ka hmuh ngêi a ngai a ni.



Engemaw tal min hrilh theih ka ring tlat.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:37 pm

Isaka nên chuan an inzui chhuak leh vut a, ka en zui vawng vawng ringawt.



Kan nula leh Angaihi an awm tho vângin room lamah ka inkhung a, ka raipuar lian ve tawh angreng si a ka duh ang pawh ka ti thei tawh meuh lo, keimah hi ka hah em em reng mai ni.




________



Zanriah ei dawn thleng pawn Isaka arawn lêt lo, Ka nu leh ka pa lakah ka inthlahrung ru viau, tiang hian a awm ngai si lo a, a phone lah a keng bawk si lo.




"Mama chu ka be tawh a, arawn haw daih tawh thû a sawi a"



Ka nu in atih chuan ka ngaih atha lo zual telh telh mai, chhuat lai ah chuan ka vei tawn sek reng a, Ka nu leh ka pa pawh an ngâwi kar reng mai.



U Joseph-a hmanhmawh takin arawn tlân lût hlawl, khua a thim tawh avângin tûmah kan thlâ a muang tawh lo.


"Hospital lamah kan kal a, arawn haw daih tawh khân ka hre sia, a hrim hrim in naupang chhia pawh a ni hleinem tinge in ngaihtuah vak duh a?"



Min enkual deuh hrak hrak a, kei erawh ka ngâwi reng thung.


"A kalna tûr tal techu sawi tûr a nia, An nu pawh ngaihtuah ve tûr alawm"



Ka nu chuan alo ti nghal bawrh bawrh a, kei erawh ka lo ngâwi ngal ringawt, a kalna tûr kha a sawi thlap thlap zêl thin kha a ni sia, tûna taka min hrilh miah loh le? Khawi ah nge a kal ang? Tu bulah nge a kal ang le?



Nitak, Ka rilru ah thil pakhat a rawn lût hlawl mai.


"A kalna tûr chu ka hriat ka ring, U Joseph min hruai thei angem?"



Ka tih chuan mak tih hmel zet hian min rawn en thap hlawm a.


"Khawi ah maw? Kal chî ini lo, ipa leh Joseph-a hi kal zawk rawh se"


Ka nu in alo ti nghâl vat.


"Ni lo, keimah ngei ka kal a ngai"


Ka tih chuan ka pa chuan a âw arawn thiân khurh khurh a.

"A tha lawm va kal rawh u, Sef a ka car hmang mai ta che u, Ruatfeli hi two wheeler chuang chi a ni lo"


Tihpahin a car chahbi chu a pe a, Ngâwirengin ka chhuak nghâl vat, ruah asûr dawn a niang Arsi hmuh tûr pawh a awm lo.


"Khawi ah nge a kal ang?"


U Joseph-a'n arawn tih chuan ka en vat a,

"Hospital ah Cancer naupang pakhat bulah a awm ka ring, tah chuan a rilru hah châng apiangin a kal thin a"


Ka tih chuan thâwk ala hawk a,


"A nih dawn chu, Amah ang tak Doctor vâk kual thin kha amah anih ring ru tu a thawhpui te ah hian an tam a, a rilru a hrehawm viau ang"


Ati deuh sup a, thâwk la hawkin car ah chuan ka lût nghâl, ka khawngaih takzet a ni, tûnah chuan a bula awm tûr ka ni a sin le? Mi â tak ka ni, ka pasal rilru hrehawm lai khân keimah chauh ka lo in ngaihtuah thin a.




Ngâwi reng chuan kan in khalh thleng ve thei hrâm, Damdawiin kan thlen meuh chuan dar 9 alo pêl duai tawh, ruah hmî a tla seng seng a, thlî a tleh deuh zui, Corridor reh thapah chuan kan inzui phei dûn hnak hnak a, ka hlâu rilru deuh.



A reh thap amaw tih laiin kawngkhâr techu alo in hlap ri leh bur thin, ka hlâu rilru takzet a ni, an light dah lah chu a de zek zek thin lehnghâl, ka thlâ a muang hlawl lo, hêng techu siamthat tîr vat âwm a nia.

"Pedia ward chu a tâwp ber saw nia, kan kal kher dawn em?"



A rawn tih chuan ka ka ho ringawt, ka hawi kual deuh zawk zawk reng a, ngaih ti tha lo zual tûr tawk lekin thlî lah chu a thaw vûk vûk reng lehnghâl a.


"I hlauh chuan ka bânah hian i vuan thei ang"



A rawn ti deuh sup a, zah pawh dâwn lo in ka vuan nghâl, Pedia ward lam chu ti ru zet chuan kan pan dûn a, ka hnung lawkah tehian thil ri hret hret hi ka hre leh thin, ka hlâu takzet a ni, Tu emaw hian min thlîr reng ni tlata hriatna ka neih vângin ka hnunglam techu ka hawi thut thut zêl a, tûmah phei chu ka hmu lo.



Pedia ward kan thlen chuan nurse la junior ve tak hi alo duty hlauh a, U Joseph-a nen chuan an in biak dân atang chuan an vawi khat in hmuhna a ni lo tih ka hre mai.



"Nupui i nei hmeltha hle mai"


Nui sak hian a ti zauh a, Rangtakin U Joseph-a bân ka vawnna chu ka thlah nghál vat,


"Hetah hian naupang Cancer dam lo an awm âwm ka hre miah lo, in hresual a ni lo maw?"



Register bu keu pah chuan arawn ti deuh hâ a, U Joseph-a nen chuan kan in en hê hâw ringawt.


"Kum 11-13 in kâr vel a nia, a awm lo maw?"


Ka han ti leh ngat a, register bû chu a en leh thin.

"Awm miah lo, in hresual a nih ka van ring"



Ka chhâng tawh lo, enge awmzia ni ta ang? Ka pasal hian dâwt min hrilh chu ka ring si lo, ka rilru a buai map mai.


"Awle, kan tihpalh a ni, kan hresual a niang"



U Joseph-a chuan alo ti vat a, rang takin min chhuahpui nghâl, ngâwi rengin kan lêt leh hnak hnak a.


Eng hi nge rin tûr ber pawh ka hrethiâm tawh lo, ka rilru buai takzet a ni, enge ka tih tak ang?


Chutia rilru bîng deuh mup mup a ka kal lai chuan kawngkhâr pakhat atang hian Isaka arawn chhuak hlawl mai, phâwk hrû hian min en a, a hawikual vut vut mai, ka hamhaih êm vângin sawi mai tûr pawh ka hre lo, a pawr deuh chhup a, a doctor form chu a keng daih bawk.


"Ruatfel, naupang kha in lo hmu em?"


Hawikual vut vut pah hian a ti a, keipawh ka hawikual nghâl, ka hmuh âwm ka hre miah lo, U Joseph-a chu ka va mit mai zauh a, a lû alo thing zauh.



"Khawnge i a awm daih a? I phone i keng bawk si lo, a tlai tawh tehreng nen tinge irawn haw loh?"


Ka han ti nghâl mawlh mawlh a, thâwk la hawkin a hmâi a tuai puat mai.


"Ka tihpalh, heilai thleng thleng min lo zawng amaw?"


Tihpahin min rawn kuah nghâl hlû hlû a, ka thaw huai mai,


"Khawnge i awm a?"


Amah en chhoh hâ pah chuan ka han ti a,


"Nia, Babyi nên khan kan lo inkawm tui deuh a, Ka tihpalh a ni, Pute, ka tihpalh lutuk"


Awki hniâm deuh ruih hian a ti a, thil ka hre chhuak zawk.


"Naupang chu khawnge? Pedia ward ah ka zawt a, chutiang naupang an awm loh thû an sawi bawk sia"


Khap deuh fuk fuk chung hian min en a, kei ai mahin mak a tih hmel zawk.


"Nichin pawn kan inkawm reng alawm, an hresual anih dâwn chu"


Tihpahin min kal pui nghâl daih a, ka hahdam huai na in ka ngaihtuah na erawh a mumal thei lo, ka pasal hian min bum em ni ang? Ani hian hmeichhe dang awmpuiin dâwt min lo hrilh char char tehi ni lo maw le? Engmah hi ka hrethiam tawh lo.



Reifê Ka nu leh Ka Pa sermon kan ngaihthlâk zawh hnû in room lamah kan chho a, Isaka erawh a inbual nghâl, Keichu saisîr zâwnga mu in ka ngaihtuah na ka kâwm mial mial thung, 11 a ri têp tawh, ka mut lah chu chhuak lo nasa mai.


Ka harh telh telh zâwk.



Chaw ka ei theih loh vângin ka ril a tâm deuh reuh bawk nen, ka thâwk te hi a hah ut ut reng mai, Isaka inbual zo pawh a rawn chhuak a, amah ah chuan danglamna vak pawh ka hmu lo.



"Muhîl ta che, i nuam vak lo mi?"



Dam thlup hian arawn ti a, ka chhâng lêm lo, ka thinrim chuang miah lo, ka pasal hi ka ringhlel in ka in hria, hrehawm ka ti takzet, mahse ka ngaihtuahna te hian ka thunun theih loh khawpin min ti buai a ni.




"Ila lungawi lo reng em ni?"



Tihpahin a rawn thu a, kâwl arawn phe zuai, ka lo chhîng sawk ringawt, têk tla ri chhuaiin arawn zui nghâl a, ruah chu a sûr tam viau anih ka ring.



Ngâwireng chuan min en vang vang a, en pawh ka en peih lo, lehlam ka hawisan daih.


Ka bulah chuan rawn mu ve in ka hnunglam atang chuan min rawn kuah hlû hlû a, ka lo tang tung mai, nuam tihna rêng ka nei tawh lo, ka mittui arawn hnâm a, min phatsan hi ka ring phal bawk si lo, mahse ka ringhlel tho bawk si.



Ka awmdân hi a hrehawm takzet a ni.



"I tap alaw?"


A rawn ti deuh sup a, ka pumah chuan arawn chûl hliau hliau mai,


"Putea nên khân tinge in rawn kal a?"



Vawt deuh ruih a arawn tih chuan alam ka hawi vat.


"Alo awm rengchanga, ka rawn in hruai tîr ta mai"



"I zawn ngai khawp khawpa ka awm chu ka thiamloh a ni"



Ka chalah arawn fâwp zauh a, ka lo chhîng sawk.


"Engemaw min hrilh tûr i nei lo mi?"



Ka tih chuan a hrawk bâwk kal chho ralh chu ka en reng a, a rilru a hah tih ka hre reng, tinge engmah min hrilh duh miah loh le? Kei aia inhnemna tûr tha zawk a nei te hi a ni mai lo maw le?


"Nei lo e, thil i ei duh em?"



Thudang arawn sawi daih nia.


"Aih"


Ka lo ti ringawt a, ka hnungchhawn in ka bân ka kham a, ka mittui rawn far fap chu ka hru zui zauh.


Ka thu hriat chhum bung tak tak te hi engtikah nge chhânna ka hmuh ang le? Ka rilru tina tu mai ni lo se ka ti takzet a ni.


"Ka lakah lungâwi lohna i neih chuan sawi la, nâ i nei ami? Ka lo malis ang che i duh em?"



Phûr hmêl fê a arawn tih chuan ka mittui ka hru sawk sawk a, ka thu chhuak nghâl vat.


"Aw...ka dâr hi min lo hmeh sak la"



Ka ti a, a tho nghâl, na lo te te chuan a hmet a, a awm dânah hian rinhlelh na tûr ka hmu zel nia, min tlawn riau ten ka hria, ka ngaihtuahna hi ka duh lo takzet a ni.


"Engmah sawi lo chuan kal daih tawh lo la, ka pa sawi ang deuh khân nupui raipuar i nei tih i theihnghilh tawh in ka hria"


Ka pum zût hliau hliau pah chuan ka han ti a, a thil tih lai chu a tâwp chat mai.


"Ka rilru a buai deuh a, ka ti dik lo a ni"


"I rilru buaina chu min hrilh mai la, I hrilh tlâkah min ngai lo mi?"


Ka awkî chu a sâng lek lek, ka tap âw deuh bawk, ka rilru no a chhuak leh tlat pek a tin ni.


"I tan tangkaina awm lo chu enge hriat i duh tlat a?"


A mengdur lehnghâl ringawt tawh, mi thinchhe tak a ni tih ka hria, mahse keimân ka tan hmasak chuan kei aiin a thinrim zawk ziah, mahse a tlâwm hmasa zawkah ka tang ngai lo thung.



"Ka ngaihtuah zia che i hria em? Chaw pawh ka ei thei hleinêm, I nupui khum khat i tâwmpui chauh nih ka duh lo Rinpui, I rilru hahna leh i buaina te hi ka hriat ve a thiang lo mi?"




Nin hmêl zet hian thâwk ala hawk a, khum atang chuan a tho hmak,


"I hriat ve atha lo, naute tân a tha lo"


Changfak hian a ti a, room atang chuan a chhuak hmak, ka kut chu hûm ruhin kawngkhâr in hawng huau chu ka en tlawk tlawk a, min hrilh duh loh dân atang hian ngaihzâwng dang a nei tih ka chiang, ka chiang lutuk, ka zâwt chhuak tho ang.



Inhnuai lamah chuan ka chhuk thla ve ngat a, choka ah chuan dawhkân chungah zu alo in nia, a in leh tûr chu rang takin ka lâk sak a.


"Inhau tawh lo ang, ka chau a nia"


Alo ti hniam ruih ringawt.


"Ka la sawi zo lo, ka haw dâwn, lo hre rawh"



Tihpahin a zu bur chu dawhkânah ka dah chawrh a, inchung lamah rang takin ka chho nghâl, haw ka tum tak tak lo, a luhlul lutuk hi tih nêm ka duh mai a ni.


Almirah atang chuan ka thawmhnaw ka vawm chhuak nghâl mial mial a, ka luggage ka la chhuak nghâl, min dang lo a nih chuan chhuah tak tak ka tum, mahse then hlen erawh ka ngam lo, a chhan chu ka pasal hi ka hmangaih takzet.


"Hey... Lalruatfel, a tâwk"



A awkî chu a sâng lo, mahse thû erawh min pe tih ka hria, ngâihpawimawh lo luiin ka thil tih lai chu ka ti mial mial reng a.


"A tâwk ka tih chu"




Tih deuh hrâwk pahin ka thawmhnaw chu min rawn chhuhsak lawp, ka mittui tla chu ka hru tâwk a, a awm dân hi ka ngaih a that lohna a rei tawh, ka nau pâi lai vângin ka ngawi a, ka enliam a, mahse a ni em em tawh lo.


"Hetiang em em chu ti lo teh"


Ati deuh sup a, khumah chuan ka thu hmak, han tah khum vêl chiâm erawh ka tum lo.


"Ka biak che chu min chhâng ta che"


A rawn ti vîn deuh thawt nia, hepa thinchhe lutuk hi chu âw...


"Ngaihzâwng dang i nei tiraw?"


Amah chhoh en hâ pah chuan ka ti khûr hlak hlak a, A nui hak, a nuih zat vâng erawh a ni lo tih ka hria, a hmâi a tuai deuh puat.



"Hetiang êm hian em ni min lo rin loh a?"



Inseh ruh deuh ti tih a arawn tih chuan ka mittui a luang nghâl zâwih nia, ka chhâng lo, khum tlâng chu hmerin ka kun tlat a, ka insûm thei tawh lo chu ka tap chhuak hak ringawt.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)