ITZHAK Season 2 BY Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

ITZHAK Season 2 BY Hlutei Jocund Pachuau (Completed)

Unread post by Ngaia » October 25th, 2020, 4:30 pm

#ITZHAK Season 2



#psychological #mystery #thriller #tualthahna Thlahrâng a ni lo aw...😬

"Pa Itih chu a ni lo tak tak tiraw?"

Ka mittui rawn hnâm chu dan rual lohin a tla zui a, ka pa hmêl vawt raih, mipui thinrimin kut an thlâkna a hmâi duk kelh kulh hmuh nuam lo zet chu beisei nei zet hian ka enkar a, Chhânna ka dawng dawn lo tih hre mahila ka beiseina hi ala mit lo.

"Pa khawngaihin min chhâng teh, Nang hian Bawihtei chu i pawngsual tak tak lo tiraw?"

Ka âw chu a chhuak chê chê chauh, mahse ka pa chuan a hre tho ang, jail chhûnga lo awm ve dang tepawn min en tawp, an hmêl atanga min khawngaihna lo lang chu ka hmuh hmaih hauh lo.

Ka thâ a khûr a, ka taksâ a zâwiin ka thin záwna rawn hnawh chho ut ut tu chu tih reh tumin ka chil ka lem khalh, ni e, a hrehawm tih piah lam a ni, a hrehawm takzet, he khawvêla ka neihchhun ka pa ka hmangaih em em, keimah ka in rin ai nasa a ka rin kha pawngsuala that zui tû a puh a ni.

Ka ring thei lo, mahse ka pa berin engmah a sawi duh si lo, engtin nge kei kum 18 mi mai hian a tello in he khawvêl sualna a khat hi ka hmachhawn tâk ang? Ka khawvêl chu thâwk leh khata tih chhiat in a awm a, mi zawng zawngin min hua a, min thin hrik a, ka chunga tha der tam tak awm mahse a tam zâwk chu hnunglama min sawisel zui tu leh min ngei ngawih ngawih tu te an ni, ka hai lo, hremhmun nen a danglamna ka hre hek lo.

Chutah ka pa chu a rawn nui sak a,

"Ka fanu hmeltha te, hei hi hria la ka duh a ni, pumpelh lo la, hmachhawn tawp mai rawh, midang sawi ah in nghat lo la, tha itih ang ang khân ti tawp rawh"

Ka nui chhuak hawk, ka in hûm ruh a, ka tap leh thin.

"Chu chauh chu maw?"

Ka aw zâwi lutuk chu keipawn ka hre thei lo lek lek zawk, min chhâng zui tawh lo, khûr ngawt ngawt chungin ka hmûi hnuai ka pet a, in kan hun a zo tih min rawn hrilh, ngâwi rengin ka kal chhuak a, ka hmâ ah chuan enge awm ka hre lo, ka hma zâwn ah chuan ka kal nawp mawp tawp mai ni.


ed9kei0u.jpg
ed9kei0u.jpg (39.89 KiB) Viewed 13578 times
ITZHAK SEASON









"Bawihte, rawn tho rawh vaimim ka chhûm a nia"




Ka phone khawih lai chu dahin hmanhmawh tak chuan ka tlân chhuak a, Ka pa Vaimim chhum rim tui zet chu ka hre nghâl.


"Hnâ ah ka kal aw, rawng ka bâwl tawh kha"



Tihpahin kawngkhâr atang chuan a chhuak nghâl a, Vaimim keih mawlh mawlh pah chuan ka lo bu nghauh, a sa lutuk, thial pawh ka thial tha thei lo, chhîng sawk sawk chungin ka thial mawlh mawlh ringawt.



Sana ka en chu Dar 7 alo ri leh dêr tawh, chaw ka ei leh hman dâwn lo a nih hi, tih rilrûk nauh nauh pahin ka room lamah chuan ka insiam malh malh a.




Ka hming chu Lalruatfeli a ni a, Kum 18 ka la pum lo deuh, Aizâwl vêng pakhatah pawl 12 ka zir ve mêk a, thingtlâng khua ni mahila kan khua atangin Aizawl hi dârkâr chanve kal bâk a ni lo, hmeichhe sâng tak ka ni lêm lo a, Ka sam hi a kir chiât a, ka hnute chen vêl a ni, ka thau lo hlê bawk, ka that chhia in ka pa phei chuan ka fapa min ti thin, ngaihzâwng ka la nei lo a, ka ngaihsak lêm lo bawk,min ngâizâwng der ve tu pawh ka tawng zen zen lo, Han tawng ve nual tho mahila ngaihzâwn peih pakhat mah ka nei lo.



Lehkha thiam thei tak ka ni lo a, thiam theih loh nâkalaiin ka la zir peih lo êm êm zui, mahse ka pass ve tâwk tâwk zêl tho, ka nu hi naupai harsat zet mai a ni a, Ka pian thlâk khân a boral nghâl bawk, unau dang ka neih loh vângin Kei leh ka pa chauh hi kan chêng dûn a, Ka pa hian min enkawl seilian in Ka engkim a ni, Ka pa hian sawrkâr hna chhetê a nei ve a, Kan khua ah hian Mizorama medical college awm chhun a awm a, tah chuan chokidar angin a awm bawk, Boys hostel hnuai berah kan awm a, an bengchheng hi ka'n ti thei khawp a, tûmah hmelhriat ka nei lo a, biak pawh ka be ngai lo, an ni pawn a tûl tâwp khâwk ah bâk min be lêm lo.



Ka sam chu ka tâwn bâwk tawp a, Vaimîm hmuam tut chung chuan ka tlân chhuak nghâl, kan vêng bazaar bulah chuan bus chu ka nghâk rân a,



"Lazar"


Ring zeta rawn ti tu lam chu ka hawi vat,


"I hmelchhia"


Ka lo ti bak nghâl hlar a, a rawn nui ver ver mai, LalDini a ni, ka best friend a ni a, kan school kalna leh Kan class pawh a in ang a, kan thu dûn bawk, Lazar tih hi school a min chhaih uânna a ni, huat en ah pawh ka en tawh lêm lo, Lazara nên chuan kan in ang tak takin ka hre zo vek tawh.



"I sam te bep bup kha tâwn tha ve ta che"



Nui rah rah pah hian arawn ti a, ani chuan make-up a rûk thei ang berin a in hnawih thung, inchei peih viau e tilo chuan a pian vâng hian tûma duh a hlawh loh phah, a thau êm a ni, thla 4 chiah kan kal tawh dâwn tho a, an strict vak tawh lêm lo, Dini chuan college kal a tum a, kei erawh chu ka pa in MCON (Mizoram College Of Nursing) a in ziak lût ve tûrin min ti thung, Science ka lo la ve kher bawk nen, ka pa hian Doctor ka nih loh pawn Nurse tal ni tûr hian min duh a, kei erawh chuan han nih tum em em ka nei hran lo.




___________



LalDini a ti ti mawlh mawlh lai chuan bike pakhat hi kan zâwnah chak zet hian a rawn tlân vut a, tui hâwk min la chîl per zui, Dini chu a lo tê deuh that, chûpa lah chuan hre lo ang hmakin a tlân tlang daih, ka thinrim lutuk chu ka insawh nghawng nghawng ringawt, ka zaidam em em lo bawk nên.


Helmet full face a khum vângin a hmêl pawh kan hmu thei lo, School Form erawh a hà in ka hria.



"Ava han polite lo em em, Hria ni ila ka lo hau hrep tûr a nia"



Bazaar a thû NuChhuangi chuan alo ti bawrh bawrh a, bus arawn kal zui bawk nên, ka mufler awrh chuan ka in hru nawk nawk a, chutianga bâl vak ka ni lo bawk a alang lutuk lêm lo.





Bus ah chuan a ngâi tê bawkin school naupang dang ho chu an infiam leh nak nak tawh hlawm a, Kei erawh earphone in hlâ ka ngâithla daih, Nizân ka men rei lutuk vângin mut ka kham lo bawk nên ka hriat loh kârin ka lo muthlu leh thin.



LalDini chuan Exam tûr a har tûr zia ringawt a sawi mawlh mawlh a, ka lo ngâithla liâm vel mai mai tawp, har mahse ka zir peih chuang lo, ka pass leh âwm tho emai a, tih chu ka inhnemna a ni mai, ka zir ve tho a, ka zir ang chhun erawh ka hre rei a ka bel thei hlê thung, mahse ka zir tam ngai chuang lo, Lehkhabu hi ka hua, ka mood ti off tu ni berin ka hria.





School kan thleng chu kawtah chuan an lo dingkhâwm laih a, kal tlang mai ka tum chu Laldini chuan min pawt lêt dâwrh.


"Enge?"


Ka lo ti vîn hlar a.


"In ti buai an awm a nih saw"



"Awm mai mai ang hmiang nga tân nge itih a?"



Ka lo ti hû a, a phî cheng leh nghâl.


"Ropuia ka hmu nia, a tel ve ni hrim hrim ang, hawh va en lawk ang"



Tihpah chuan min pawt tang tang a, kei lah chu tha pui meuhin ka lo tang thung, Class room a luh vat vat a dawhkân bawh a mutthilh ka châk ber.


"Va en rawh keichu ka han muhîl lawk ange"



Tihpah chuan ka kalsawn ta daih a, class room ah chuan lûtin ka thutna thin ah chuan thu in ka duhdân ang ngei chuan dawhkân bawhin ka mu nghâl hmak, Kan thleng hmâ hlauh chu avan tih zia tak, minute 10 lek chhîn sek pawh ka thlahlel ngawih ngawih.

Ropuia hi LalDini hian kan luh tirh atangin a duh nghâl a, kum khat dâwn chu a hêl ru tawh, Ropuia erawh chuan a hre lo thung, A âtchilh ti ila a dik zâwk mah, Ropuia te nên chuan kan class a in ang a, kan section a in ang bawk, a lâr a, ngaizâwng tu pawh a ngah khawp mai, Bialnu pawh a nei ve nual tawh, Laldini hi ka bulah a tap fo rêng bawk a, Hrilh mai tûra ka tih lahin a ngam bawk si lo, ka nin tâwpah chuan keimán ka la hrilh sak tawp mai ang.




____________



"Fel, Lalruatfel"


Tihpaha min sawi nawk nawk tu chu Laldini a ni, chiâng mang lo chuan ka meng diar diar a, midang pawh an lo thu lût ve nual tawh.


"An insual zo tawh mi?"


Ring lêng lâwnga tihpah chuan zawi zet hian ka tho chhuak a, ka kâ min rawn hup sak, midang in an hriat hlâu tih hriat zet hian a hawi kual nghâl zak zak a.


"Lazara tak hi chu"



Ti sup tu ka sîra thu LalNuna chu ka melh kâwk.


"Hmela khatin mi ti tei vet suh, I bialnu Laikîng ang deuh ai kha chuan ka tha fê zawk"



Vîn tâka ka tih chuan midang ho chu an lo nui dar dar hlawm a, Lalnuna chuan lungâwi loh hmêl fê hian min en reng tih ka hria, Pathian zârah hepâ kher hi chu ka hlau bîk lo chiang e.


"Patil inih kha ngâwi mai mai rawh"



A rawn ti leh hluk a,


"Tuai inih kha"


Ka lo ti ve nghâl zat, a mipa zâwk chu a ngâwi ta zâwk a, Laldini pawh ngâwi rengin arawn thu ve nghâl.


"En teh, term tâwp lam ni tawh mahse rawn lût thar an awm asin, Chûpa Leh Ropuia chu an lo in ti buai a, lût thar pa chu a hmeltha reuh ania, a pâ bawk si, a sáng râpthlâk"



A rawn ti sar sar a, ka lo ner sak, Hetiang lam hi ka ngaihven loh mai bâkah mipa ho hi chu ka haw vek.


"Ropuia nge Hmeltha lût thar pa chu?"


" Lût thar pa chu a tha zawk, mahse Ropuia hi phatsan ka tum lo"



Chal chuar deuh nâng chuan ka lo en tawp, hetiang em em a han in âtchilh mai chuh, engtikah emaw chuan an la in ngaihzâwn ve ngei ka beisei, Mahse Laldini awm ngaihna hre lo tûr vêl leh Ropuia chanchin ringawt a sawi tûr ka huphurh rûk lâwk ngawt vângin in ngaizâwng lo mahse pawi ka ti hran lo.




Kan ti ti mawlh mawlh lai chuan Ropuia chu biang leh lam duk kulh hian arawn lût a, tûmân kan be ngam lo, a thinrim tih hriat zet hian a kut chu a hûm ruh vang vang, a hmêl a dur khup bawk.




Zirtîrtu arawn lût nghâl a, chibai bûk pahin kan lo ding thap, chutah kawngkhâr atang chuan mipakhat sâng zet mai, hmûi leh lam pilh deuh hi a rawn lût ve a, school form chu a in hmeh phian, a beksam chu a kâwng lek lek a, a chhîp sam lam erawh a buk hret, a kir deuh bawk.



Zirtîr tu in thutna a rawn kawh hmuh a, ka hnung chiah ah a rawn thû, Mithar pa chu a nih ngêi dâwn hi ka lo ti rilru nghâl a, engmah han ngaihtuah zui hman pawh a ni tawh lo, zirtîrtu chuan class ala nghâl mawlh mawlh a, ka ngâithla lêm lo, ka muthlu leh nghâl daih.




"Hey....Lazar ...tho teh, lunch break a ni tawh a nia"


Ka taksa chu a rawn che dat dat a, Lunch break tih rî chuan ka beng a verh nghâl zar mai, ka tho phut a, Ka sam hnawk nuai chu ka tuai tha vat, Laldini nên chuan kan in zui chhuak nghâl, Canteen ah chuan an lo thu thap hlawm a, Tûk thuan ka ei loh mai bâkah tiffin ka la pâi lo zui, Rice eggtop ka chah a, Puar theih berna nih vângin ka ei nghál mial mial.





Laldini chuan Ropuia chanchin ringawt a sawi leh char char tawh, a bialnu nen khân an in then tawh thû techu phûr hmêl fahran hian min hrilh a, engemaw alo lâwm ve em em le? A bêm ngam pawh ni mang si lo.




Thâwk leh khatah canteen a awm hmeichhia techu an ri deuh hlut a, an in hrilh ru sap sap tih ka hria, ka hawi chhuak kawngkhâr lam ka hawi chu mithar pa kha alo lût a, Canteen ah chuan lion alo lei chu niin, Ka lo en reng lai chuan ka dawhkán chu arawn ri deuh bur a, ka phu chiâng ngang mai.



Lalnuna leh a thiante hmelchhe zet zet kêl ang tak tak pahnih techu kan thil eina dawhkân bulah chuan min huat hmêl fe a min en chung hian an lo ding thap,


"Enge i duh?"


Ka thil ei hmuâm tûn chuan ka lo ti nghâl a,



"Nang hian ka bialnu te laikîng ang tiin i sawisêl ngam vêl amaw?"



Tihpahin ka rice eina thlêng chu a paih lêng thuai a, Laldini alo tê that, midang ho pawh chuan hmuhnawm thlîr in min thlîr nghâl, ka bula tui chu la in ka lemkhawlh a, nui lui hak pahin ka ding chhuak ve nghâl, kan insân hleih vetho mai.



"Zâwng a ang ka ti dâwn mi? Laikîng ka la tehkhin duh techu lâwm hlê ta che"



Nui chunga tihpahin Laldini chu ka zu en a, ani erawh hlauthâwng tih hriat zet hian alo ti dâk mai,


"Hmeli, nang ang Patil hi ka hlauh che i ring amaw?"



Tihpahin na zet hian ka kawr âwmah chuan arawn thâm nawk, ka dingdihlîp ârh thei nia, bangah chuan na zet hian min nawr bet chawrh a, tûnah chuan ka hlâu ve tawh, mahse hlâu anga awm erawh ka tum lo khawp mai.


"Lalnunhlu thlah vat rawh"



Dini chuan thinrim zet hian alo ti vîn hlar a, Lalnuna erawh chuan min khawih hrep châk hmêl a pu, hmeichhia ka ni tih a theihnghilh a ni mahna le, nge ni a patil anga min ngaih tlat vâng pawh ka hre lo.



"Ka hlauh che i ring amaw Tuai a"


Ka han ti leh ngat a, min hnek tuma min tin uaih chu en ngam lo in ka lo chhîng sawk, âu that ri ka hria a, min hnek lo, ka meng nghâl kâwk a, mithar pa khân Lalnuna kut chu alo man sak chu niin.


Mak ti zeta ka en hâ lai chuan min rawn en ve chiah, thinrim hmêl a pu hran lo, mahse a mit meng erawh rûi mit meng ang hian a fiah lo ruai a, a val deuh kal mai, a hmêl vawt ruih hi a hlauhawm lek lek.



"Tuai chu ini tak tak ami?"



Lalnuna en chung chuan arawn ti a, a awkî chu a hniâm ruih a, aw thûm pâwr chhur ni si lo hian a pâ reuh ka ti,


"Lo in rawlh suh, he Pâtil nu hi ka zilh hlak dawn"



Lalnuna chuan Alo ti hmak, ka thinin a tuar bîk lo.


"Patil ka ni lo, khati khân min ti ziah suh"


Ka lo ti vîn ve thak a, rum fê a min melh chung hian min hnek atum leh, mahse mithar pa khân min hnek a tumna lam kut chu a lo man bet tlat reng si,


"Zawnga enge i duh a?"



Tihpahin Lalnuna chuan mithar pa chu a nem dáwrh a, Mithar pa chu a tawlh hnung dat, thâwk la hawkin a chal chu a hiat zauh a, Engmah a sawi chuang lo.


"Lo lût thar te te si i in la pâwr ve deuh ami? Ka khawih hrep mai tûr che sin"



Lalnuna chuan a ti leh hrâwk a, an in din hnaih tawh khawp mai, midang ho te nên chuan ngâwi rengin kan en thap ringawt, mithar pa chuan a cho lo a nih ngêi dawn hi.



"A pâwr zawk chu khâ a hriat mai alawm"



A lion bûr ken lem khalh pah chuan ngâihpawimawh loh hmêl fe hian alo ti sup a, Lalnuna chu a nui hak, mitharpa chu a hnek thal ta thuai a, hmeichhia lo awm ve ho chu an lo tê that, ka rin ai daihin a hmuhnawm, mahse ka hlâu ve têp.



Mitharpa chu rawn tho in eng khaw sawi set set lo chuan Lalnuna chu a hnek lêt ve nghâl chawrh a, Lalnuna pawh a thal chiâng kher mai, a thian te pathum chuan Mitharpa chu an zuan ti tih nghâl a, an hneh lo kher mai, Canteen bungrua pawh a let rum mai lawm.


Mipa dang rawn lût ve ho chuan an lo thelh ta sap sap hlawm a, Lalnuna te thian ho chu an pem neng nung mai, Mitharpa pawh a hmâi a duk chur mai, Sir Ruata arawn tel ve tlat, office lamah chuan mitharpa leh kei leh Lalnuna te thian ho chu min ko hlawm a, ka pa in a hriat vaih chuan min hau nasa viau ang, Keipawh hi duh aiin ka lo tawng tam thin a ni, buaina hi ka duh lo asin le.





Office ah chuan kan ding tlar thap a, Laldini arawn kal ve vângin amah chuan thil awm dân techu a sawi zat zat a, keini erawh kan ngâwi reng thung.




"Isak Lalrinpui, i pa vâng chauhin heta i luh hi kan phal sak che a, buaina a awm apiangin i tel ve ziah, sim tum rawh, Hetiang techuan ipa angin Doctor ini thei nâng"



Principal chuan a ti khur khur a, a hauh chu tû dang ni lo in Mitharpa hi a ni tih ka hre mai, ngâwi rengin a ding a, a en ngai a en vung vung ringawt, a luhlul mai mai ang chu.



"Ipa hi chu i chhûn lo ve ngawt mai, Chhuak r'u, in vai khân, in hmêl pawh ka hmu peih lo"





A ti zui khur khur a, Rangzetin Dini nên chuan kan chhuak nghâl, Office bulah chuan Dini nên chuan kan ti ti phei nghâl mial mial a,


"Awi keichu pâ ka ti tawp, Apa Doctor a ni a, Doctor nih ala tum zui, apa chu a rilru a hah ve thei ngawt ang"



Laldini chuan ati phei mawlh mawlh a, kei erawh ka ngâwi reng thung, Chutia Laldini tawng ka ngaihthlâk reng lai chuan tu emaw hian min rawn kal pêl fua mai, mitharpa kha a ni, rang takin ka ûm zui a.


"Lo ding teh"



Ka ti nghâl vat, a kal chak mai sia, A ding dat, a rawn hawi phei a, hnâi deuh zawka biak ka duh vângin amah pan chuan ka tlân phei dâr dâr a, a bul ka thleng chiah tih chuan ka tê nghal rawih rawih ni hian ka hria, a pa len mai chu sawi loh ka lo tê sa bawk nên.



"Nichin thil thleng kha...ihhh"


"Lawmthu min hrilh duh suh"



Ka sawi zawh hmá chuan alo ti nghut, a kal leh nghâl nal nal nia, Laldini pawn min rawn pawh ve chiah, Mitharpa kal vut vut lai chu a thlîr vang vang a, kei erawh ka lo nui hak.



"Khâ pa kha a â nih kha, Lawmthû ka hrilh duh techu lâwm viau âwm"



Ka ti nghâl bawrh bawrh a, a mizia kha ka ngei zawng tak.




ISAK LALRINPUIA





Ka hmâi duk hi engtin nge ka tih reh ang âw, ka pa in a hmuh vaih chuan ka châk lo viau ang, Mizoram hi nuam tihna pakhat mah ka nei lo, mâwl hlawm si, an ri ang luih luih reng a, School building chung zâwlah chuan thu in borak chu ka hîp lût vang vang a, Shilong a ka thiante ho ka ngâi veng veng mai, Shilong ah kha chuan awm ila tûn angah techuan basketball kan khêl ho leh mai mai âwm sia, engvângin nge ka pa hian mizoram lama zir zawm tûra min tih tut tut kher le?

Kei hi Doctor ka ni ang maw, a nuihzatthlâk.



Ka Hming chu Isak Lalrinpuia ka ni a, kum 15 ka nih atangin Shilong lamah lehkha zirin ka awm char char a, ka pa in hâw tûra min tih avângin hei ka haw leh tut tut chu nia, Fel tih aiin Sual tih ka hlawh tam zawk,keipawn fel ka inti vak bîk lo, mi hi ka pawh maithei thin lo a, ka thiante tak tak leh ka chhûngte bâkin ka mîzia dik tak hi an hre lo tih tûr khawp a ni.


Ka pa hi Doctor niin tûnah chuan Mizorama Medical college awm chhunah sâwn Director ah a kâi sâng tawh a, Ka nu hian thawmhnaw dâwr a nei ve bawk, Tûnah hian kum 19 ka hmang ve mêk a, Mizoram ka chhoh hmâ lawk hian ka kum 19 na birthday inthlahna ni pah fâwmin thian te nên kan hmang ho tawh, Ka thiante ho chu Mizo ni lo mahse Ka ngaina a, Mizoramah chuan thian ti a sawi eih tûr pawh ka nei lo, ka naupan lai atang tawh a thian kâwm êm êm ngai lo kha ka ni hrim hrim bawk a, Ka nu leh pa aiin Ka pi (ka nu nu)leh Putea (ka nu nau) hi ka ngaina zâwk a, ka duh duh ka ngên ngamin ka pangchang ngam zâwk.



Ka nu hian min duatin min ngaihsak viau mahse ka naupan lai a a dam that loh vângin a thian nu in min enkawl thin a, a hnute tui ringa seilian ka ni lo bawk a ka nu hi ka pawh lutuk thei lo, mahse ka pa ai chuan ka la pawh zâwk tho.



Nau hmeichhia kei aia kum 4 a naupang ka nei a, unau ro ro ah kan hmêl chu in ang viau mahse kan mîzia erawh a hrang hlak thung.




Cigarette la chhuakin ka han tan a, Meizial khû chu pak lûtin ka'n sî vang vang a, muangchângin ka thaw chhuak leh ham ham, ka zu ngun lutuk lo na in nuam ka ti ve tlat, ka nu leh ka pa hmuh lai phei chuan ka zu ngam teuh lo, a bîk in ka pa, Doctor a nih mai bâkah ka pa hi ka nêl lo a, ka hlâu ti ila a dik ber ang, ngaihzâwng ka la nei lêm lo na in Shilong lama kan miss, Science la thin tû kha chhelo ka la ti reng mai, Khâ nu chauh kha ka duh awm chhun ala ni, a felin a zaidam a, a bula awm kha hahdam thlâk ka ti, ngaihzâwng han nei chiah ila chu zei lo lutuk chu ka nih bîk ka ring lo, mahse ka duhzâwng ka la hmu tlat lo hi ka single nachhan chu a ni ta ber, Miss Maya ang kha ka la hmu tlat lo a ni.



Ka meizial chu ka en vang vang a, ka ngei leh deuh tlat tawh, liak huh lêm lo in ka sîr lam thlang lamah chuan ka theh phei ringawt a, hmeichhe râk that thâwm ka hre nghâl.



Rang zet chuan ka hawi thlâ a, Khânu sam kir buk luih nu sam ah khân alo tâng chu niin, ala khu rum rum zui, thinrim hmêl zet chuan a sam chu a thing sawk sawk a, rum fê hian min rawn en ta, ka chhanhim tawh a, ti sâwn kan in rûl tâwk chiah ah ka ngai, ngaihdam dîl tumna ka nei lêm lo.



"Hey mitharpa, ka sam iti kâng alawm, ka report mai tûr che sin"


Thinrim zet hian a rawn ti vîn thak a, ka dâr chen tâwk tâwk chauh si ala pâwr ve em em a.


"I duh leh min report la"



Thinrim zet hian a per tarh tarh a, a sam kir buk zet lah chu ala khu rum rum reng nia, ka nuih aza ru viau na a ka nui chuang lêm lo.


"I in la ve hlê mai, Ngaihdam pawh min dîl dawn nange?"



Ava han thinchhe reuh tak e âw, a pum rua têt aiin a aw râwl lah chu a ring tha phiân leh nghâl,



"Mi hausa fapa maw? I nu leh pa te chu an hausa lutuka awm dân mawi pawh an zirtîr ngai lo che niang maw?"



Duh aiin a tawng hnem, ka tho a, ka kalsan nal nal, ka hmeichhe nin zâwng tak a ni, khatiâng bulah kha chuan ka awm rei peih lo, Depression ka neih phah ang tih ka hlâu.



"Mitharpa"



Ala rawn ti lâng lâng nia, ngâi pawimawh duh lo in ka chhuk thlâ a, class room ah chuan ka thu ngâwi reng ringawt, Hmeichhia lo awm ve te lah chuan a rûk in thlâ min lâk sak zauh zauh lehnghâl, engemaw an hriat hlawm le?




___________



"Roll number 36 Lalruatfeli"



Teacher in a tih rual chuan ka hmâ a thû Samkiri chu a tho nalh a, muangchâng chuan Teacher chu a pan, a sam kir buk chhup balh hmêl zet chu a hiat sut sut lehnghâl.


"Lalruatfel, Mark 6 bâk i hmu lo, Final exam a hnaih tawh hi, zir tha ve deuh rawh"



Teacher chuan a ti ta hlak a, Samkiri chu a kun lap, a zah hmêl khawp mai, Ni e, Chemistry hi chu a har alawm, mahse Ka subject nuam tih ber a ni thung, an test paper an sem a nih ka ring, Kei erawh new comer ka nih vângin naktûk lama test ve tûrin min ti.




Midang chuan an lo nuih tet tet hlawm a, nuihzat tûr a awm pawn ka hre ve lo, Samkiri chu ka hmâ ah chuan rawn thû in a bula thû hmeichhe thau deuh chuan alo be ru sur sur a.



"Ngati nge a? I zir miah nange?"


Alo ti sar sar mai, an tawng chu hre pha vek mahila hria angin ka awm lêm lo.


"A dik lo zâwk ka lo zir a"



Ka nuih aza ru viau, a rûkin ka nui tet tet ringawt.




_____________



LALRUATFELI






In ah chuan châu zetin ka mu thlawp a, Ka pa pawh alo hâw tawh na in rawng ala bâwl miah lo, ka bâwl peih lo a sin le.



Ka in ti fâi a, Ka sam chu towel a tuam chung chuan Rawngbâwl tum in choka lam ka pan a, ka pa chuan TV alo en, Korean film a ni leh nghâl, Hahthlâk.


"Rawngbâwl i tum ami?"



A rawn ti deuh hû a, ka buhfai sil tûr chu ka ding dat.


"Aw bawl i tum ami?"


Ka lo ti lêt hû a,



"Bâwl a ngai lo, Doctor Muana te chhûngkua in chaw ei tûrin min sâwm a, Nakin deuh ah kan kal dawn nia"


Sawi lâwk ve âwm, mahse ka van peih lo, mi ina chaw ei vêl hi ka peih lo sin le.


"Pa ka lo kal velo mai ang"



"Kal ang, i nu Sangtei puih a ngai, An nula kha an khaw lamah a hâw rih bawk si"


A ti deuh hmak, hniâl chî pawh va ni suh, thinrim zetin ka room ah chuan ka lût a, ka sam chu ka chhêm ro, a huh lai kha chuan a ngîl ve sia, a ro a a ngâi tê ang bawkin a kir buk leh luih tawh, Ho emai a.


Ka tâwn bâwk tawp a, ka shirt dum lian lam leh Jogger pants dum ka ha leh tawp, chapal ka bun a, ka hman chu ni leh dêr tawh, room atang chuan ka chhuak a, ka pa chuan nuihza insûm zet hian min en vang vang.


"I sam kha i pawh ngîl ve duh em?"



A rawn ti, ka beksam kir ther deuh fur chu ka tuai puat a,


"Duh tho e"


Ka lo ti ringawt, nalh ka duh êm êm vâng pawh a ni lo, Samkir chu enkawl a har êm a ni.


"Naktuk Inrinni a ni tho a, Pawh tîr vela thâ ang, khati ringawt kha chu hmuh i hrehawm"



"Pâ"


Lungâwi lo zet chuan ka ti vîn that a, ka pa chu a nui hak ringawt.



_________.


Ka pa scooty chhuan vâwr nên chuan Doctor quarter lamah chuan kan in sawh chho beuh beuh a, a thar leina tûr nei lo pawh a ni si lo a, hei ai thâ hi chu a phû ve mawle.



Nu Sângtei'n bawlhhlawh alo paih lai tak a ni bawk a, min hmû chu a hlim hlê, an fanu tih mawh zet pawh a rawn chhuak ve nghâl, min la chhiah khum zui, A nu awm lai chu ni lo se ka bêng bu lâwp tawh ang mawle.


"Hawh u lo lût ru"


Nui sâng hian a ti a, ka pa nên chuan kan lût nghâl ve nghâl, Ka nu leh Nu Sangtei hi Best friend an lo nî a ni âwm e, chuvâng aniang min duatin min ngaihsak êm êm, ka nu kha ka hriat hman loh vângin a chanchin hi ka ngaihven lutuk ngai lo a, Mahse hmeltha tak a ni tih erawh ka hria, ka chhûn lo hlê bawk.




"Ei châk te i nei em?"



Antam sûk mawlh mawlh pahin Nu Sângtei chuan ahan ti a, keiin alû ka vel thung,


"Nei em em lo"


Ka lo ti ringawt, han duh loh em em ka nei lo a, lui lam sa tih loh chu ka ngaina vek, Mahse Nu Sangtei hian a hre tawh a, ka nu pawh khân alo ei duh lo ve thin tho a ni âwm e.



"Abigail, I û han ko rawh"



Nu Sangtei chuan ati lâng lâng a, a û chu alo hâw tihna mawni le?



"A û mipa chu mi? Alo haw tihna maw?"


Ka lo ti deuh hû,


"Mmm...chuvâng alawm chaw ei ah ka sawm che u"




"A nih chu"

ka lo ti ban chat ringawt.



"Ipa Muana ka'n phone lawk ange, purûn vâr hi a tlêm emai"



Tihpahin a tho vat a, room lamah chuan a tlân chho daih.



Nu Sangtei unaupa kha alo kal ve angem le? Ka ngaihtuahna vâng chuan ka inthing nawk a, alo kal anih chuan ka che lâi leh zo vek ang, mipa ka hmuh tawh a ka lungphu ti rang tu awm chhun kha a ni ve miau a.




"Samkirnu i vel lian lutuk"


Ka hawi chhuak chu Abigail i lo ni rengin, He naupang hi chu ka va han bêng châk tak.


"Ngâwi mai teh, i kâ tereuhtê hnawh nân khân ka hmang mai tûr asin"



A tap dawn ta mai,


"A nu, Samkiri hian Alû hi ka kâ ah hnawh a tum ania"



Ring zet chuan a ti ta mai, Nu Sangtei chu a rawn tlân vat a.


"Abigail, Samkiri ti tawh suh vawi engzât nge ka tih dawn, I U Ruatfeli a nih hi"



Nu Sangtei chuan thinrim zet hian a ti a, Abigail i chu a rûkin ka chhiah khum zauh.


"Khawnge i û chu?"



Nu Sangtei chuan a antam sûk chhunzawm pah chuan a han ti zawm zat a.


"A rawn chhuk dâwn, nu a û hi meizial a zu ru nia aw"



"Enga! Engtin nge i hriat?"



Nu Sangtei chuan alo ti vat,


"A khumah Cigarette bâwm ka hmu a"



Ava han tawng thei zit zet reuh tak,


"Awle, i pa bulah sawi miah suh, keimân i û chu ka lo hau ang"



Nu Sangtei chuan a ti a , Abigail i pawh a kalsan veleh mai, kei nên hi chuan kan in ngaina lo nâ in ka pa hi a ngaina hlê thung.


Nu Sangtei phone chu rawn rî in rang tak chuan a chhâng a,


"Felfel, Chaw hi lo chhûm la Ka dâwrah kal lawk ka ngai a, lîrthei ka khalh thiam ve mang si lo a, Bawiha khalh ah ka chuang ngam bawk si lo"


"A pa kha in hruai tîr la"


Ka lo ti vat,


"Ni e, Chaw hi lo chhûm la, an tam hi ilo chhûm bawk anga, alu kha ilo kang bawk dawn nia, a bâk chu ka rawn ti mai ang"


Tihpahin a apron hrên chu a phelh a, choka atang chuan a chhuak nghâl vat.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:31 pm

Chapter-2


Click, Like, Comment..🙏🙏🤐🤐🤐





Abigail- i pawh an hruai tel nghâl, tih chî lutuk.



Alu chu kang mai lo in Antam chu ka chhûm phawt a, ka phone ah BTS hlâ ka play, a remchân na lai apiangah ka lo lâm hmanhmawh zêl, ka awmdân hi min hmu ru tu chu awm se a nuih aza viau ang, ka ât hmêl ka inti keipawn.


"Tunge inih?"


Tih rî ka hriat rual chuan ka tâwp hmak, thinphu dêp dêpin ka fianpui ken chu ka hûm nghet sauh sauh a, tunge ni ang? Rin ngaihna ka hre lo, ka hlâu miah lo, mahse ka awmdân kha alo hmu anih chuan ka chhe vek a ni mai, a zahthlâk dâwn lutuk.



Muangchâng leh tîm ru zet chuan ka hnunglam chu ka hawi riai riai a, Ka rei!....hepa hi! , Ka kut zungchal meuh chu lek chhuakin meng phar deuh hawk pah chuan ka kâwk, mak ka tih mai piah lamah engtia helai hmunah te awm daih thei nge anih rin ngaihna ka hre lo, ka hrelo takzet.



"Nang....nang hi"


Ti bah niai pah chuan ka nui chhuak hawk, ka lû ka hiat nauh nauh a, Ka hmâ dingpâ lah chuan to hâw tûr ang mai hian min endur khup reng lehnghâl.


"Enge hetah itih?"



Thinrim awka lek lek hian arawn ti, chu chu ka zawhna âwm zâwk tak a ni, ka nui hawk, Amah vânga ka sam kâng kir belh chhah pawh ala reh lo.


"Hei hi maw? Ka in a nih hi, Keimahin ka awm"


Melh hrâwk pah chuan ka ti a, ka hma lam chu hawiin ka antam chhum tui rawn so chho bawrh bawrh chu ka chawk nghâl sawk sawk mai, hepâ hmêl hi ka hmu a ka chaw ei a tui lo vek dâwn a nih hi, Khâ hmeichhe naupang chimawm zet lah kha, ka la khâi zâi khawp ang mawle, khawi ah pawh hian thinrimna tûr hi ka hmu reng mai a, a hrim hrimin hetah hian eirawng bâwl tûra kal pawh ka ni lo.


"Ka ning"


Tih tuar pahin antam chu ka chawk sawk sawk a, ka ngaihtuahna chu zêldin chho zêlin ka kawchhûng techu a alh pup pup mai, ka period dâwn hnâi tawh aniang ka mood hi ho te te ah hian a in off reng mai.



"Enge hetah hian itih ve reng reng a?"



Rang zeta hawi phei pah chuan Mithar pa Isak Lalrinpuia ngêi chu ka enkiau a, Min nin hmêl zeta min thâwk la hawlh pahin fridge a hawng nghâl rawk, tui vawt la in min melh ralh pah chuan a kal san leh nal nal nia.


"Mihring polite lo lutuk"


Ka hriat tâwk lek chuan ka ti chhuak sap a, "Hmmmm"... Tih pahin ka antam chhum chu ka en leh nghâl.



__________



Rei fê hnû ah ka pa leh Abi i chu an rawn in zui lût a, Pa Muana leh Nu Sangtei nen,


"Ehe..Felfel rawng te ilo bâwl alaw?"


Pa Muana chuan arawn ti nghâl, ka lâi lutuk awm dân tûr hre lo chu ka lu thak lo pui ka hiât ringawt.




"Felfel, Bawihtei û chu a rawn la Chhuk thla nange?"



Nu Sangtei chuan a chawhmeh dang rawn hawn phawrh mawlh mawlh pah chuan a ti a,


"Chhuk lo niang ka la hmu miah lo"


Ka lo ti ve mai, Mipa si a tawm rei thei ngar ngar khawp mai.




Nu Sangtei nên chuan kan bawl dun char char hnû ah thim dâwn têpin zanriah kan peih vê hrâm.



"Abi i û chu han ko rawh le"



Nu Sangtei chuan a ti a, a kal pah chuan min la chhiat khum hrâm zui, ka buhtlei ken lai chuan ka tin uaih hman, he naupang hi chu ka mil hlawl lo, zik zek a, hmeltha reuh viau mahse a chimawm tlat, tawng thei zit zet si.


Dawhkân a thlêng kan rem ah chuan chaw ka khawrh mial mial a, Ka ril a tâm tawh ngei mai, ka duh ber bawngsa fry kan la hmeh dawn zui.


"Chaw ka ei peih lo nia"
.

Rawn ti tû lam chu ka thil tih lai châwl meuhin ka hawi vat, Isak Lalrinpuia kha, ka duh thei lo...anih chuan a awmzia chu, he pa hi Nu Sangtei leh Pa Muana te fapa maw!....eng...engtin nge a nih theih le? A mak ê.





"Lo kal teh"


Tihpahin Nu Sangtei chuan choka lamah chuan Isak Lalrinpuia chu a kai lût rawk rawk a.


"Mawla, i pa awm laiin chaw nghei te i sawi amaw? I meizial zûk rûk tekha ka sawi vek mai tûr sin, ei ringawt rawh"



Nu Sangtei chuan in seh chilh deuh rap rap hian zâwi tak si chuan a ti sep sep a, Lalrinpuia lah chu nin hmêl zet hian alo meng kual ralh, Engtin nge Nu Sangtei leh Pa Muana te fapa a nih theih zâwk le? Ti ila a nau pawh hi Zâwng chiah chiah, Abi i chu ka en a, ka chhiat khum vak, ngei awm zeta nui sen sen chung hian min la rawn chhiat khum lêt nia, ka va han bêng châk mai mai tak.


"Hey...Samkir"


Tih rî ah chuan ka hawisawn vat, eng engtin nge min koh kha!..

"Samkir a?"


Thinrim zeta tihpahin Lalrinpuia chu ka enkal mai, ka in seh ruh nasa hlê bawk.


"Aw...nangmah lo Samkir an awm ami?"




Ka thinrim lutuk chu ka phu ut ut thei nia, ka buhtlei chu ka hûm nghet sauh sauh a, a vuak nân ka hman loh chuan a mak ngawt ang.

"Dik lo a awm ami?"


Chîk zeta min rawn en tâkah chuan thâwk ka la hawk.


"Awm lo e, enge ni ta?"



Harsa ti zet chuan ka ti chhuak thei hrâm, ka puah keh hun chuan a châk lo viau ang mawle.


"In lo hre tawh maw?"


Nu Sangtei chuan min en tawn zak zak pah hian a ti deuh hâ mai.


"Aw kan section a in ang a"


Ka lo ti ve mai a,


"Ni dawn tak e, in in kâwm thei phian ang chu"


Nui chung hian a ti a, ala phûr hmêl em em zui, tui lo zet hian ka lo nui hul hak, Hmela chu rum zet hian ka en a, a sam ah sâwn ka kêk nawk nawk châk, min biak zui tawh lêm loh vângin keipawh ka ngâwi ve leh mai a.





Chaw ei lâi chuan school chanchin techu min zâwt sek sek a, Isak Lalrinpuia hmâi duk leh hmûi pem chhan erawh ka sawi ta lo,


"A hrim hrim in ngati nge i Hmai leh i hmui kha?"



Pa Muana chuan Isak Lalrinpuia chîk zeta chung hian a ti, ka lo melh kar a,


"Kan in sual a"



Alo ti tâwi tup, ka thin a phu dawt dawt mai.


"Tinge nichin tekhân i sawi loh? Ngati nge in insual reng reng?"


Nu Sangtei chuan alo ti vat, ngâwi rengin chaw chu ka bâr mial mial a, a buaina ah hian ka tel ve tih a sawi loh hrâm ka beisei.


"Hmeichhe pakhat mâwl zet ka chhan na lamah kan insual phah alawm"



A hmêl ka en zawk, min en lêm lo, ka zak chem chem mai, ti ru dêk chungin ka ei mial mial ringawt.


"Buaina hi pumpelh hrâm tum rawh, mipa diktak chuan a tâwp khâwk ah bâk kut tum an lek ngai lo a nia"



Pa Muana chuan dam thlup hian a ti a, Isak Lalrinpuia chuan a chhâng lo, luhlul hmêl zet hian chaw chu a ei mawlh mawlh ringawt.


____________



Thlêngsil malh malh pah chuan ka ngaihtuah chiang a, Ka pa in Ka nu a neih hmâ lawk hian, a thiantha ber fapa hi alo pawm ve hman tih a sawi tak kha mawle.



Hê misualpa hi alo nih ngêi dáwn hi, naute a nih lai pawn a ngêng tho ka ring, dârthlalanga ka in en apiangin ka hre chhuak ziah, ngei lo thei pawh ka ni lo, A meizial zuk tekha ka sawi vek law law dawn mawni le.



Thlêng ka sil zo chu Nu Sangtei chuan An room a Kawr min lei thar chu la tûrin ka chho a, An in ah hian kal fo tawh mahila an room lamah hian ka la kal lo hrim hrim, kal chhan tûr ka nei lo bawk a, Nu Sangtei te nupa leh ka pa te ho chu an ti ti tui hlawm khawp mai.



An in chung lamah chuan an chhungkua an tlêm ang hû in room alo tam phian, Room hran panga lai alo awm nia, room chu a in dawt dân in a tlar phei diat diat a, A tâwp ber a lai takah bathroom pakhat a awm bawk.



Khawi ber hi nge hi ni ang aw, A lai takah chuan dingin ka ngaihtuah vang vang a, A tâwp ber, a fâl deuh saw nih ka ring, inthlahrung ru zet chuan ka kal phei them them a, lût sual pawh ni ila Khâ mihringpa bâk kha a awm dawn chuang lo, ka hlau lo emai a.



Room chu alo inkalh lo hlauh, ka lût dik a nih ringin ka nui sak, khâpa room kha chu nise a chhûnglamah a in kalh ka ring.



Mahse khum chu a tê hret, poster in târ a awm vak lo bawk, Bag senduk ah awm a tia, Bag senduk chu zawngin ka hawikual hrak hrak mai, a fel thlup si a, a vâng ang reng khawp mai.



"Enge itih?"



Ka tê thawt, rangzetin hnunglam ka hawi a, ka rei!...khâ mihringpa kha towel chauh veng hian alo ding reng anih chu, a taksa huh hlap ngo lek lek chu ka enkâwk, chêr chhe lutuk a ni lêm lo, a six pack chu ka hmuh chuan ka chil ka lem khalh.


"Enge i en reng a?"


"Engmah, khawnge Bag senduk"



Rang zet chuan ka ti, kun deuh dû hian min enkur, a mit meng val riai chu a hlauhawm lamah a kal.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:31 pm

Ka chil ka lem khawlh ringawt,


"Hetah bag senduk a awm lo"


Awki hniâm zet hian arawn ti, ka khap fak fak ringawt.


"Khaw...khawnge i nu te room?"



"Zawng ve mai rawh"



Tihpahin a kalsan daih, a hnunglam atang chuan lei ka chhuah khum chiâm chiâm ringawt.




Thinrim zet chuan ka chhuak leh hnâ hnâ a, min hrilh ve mai âwm, a har loh tehrêng nen ti rilru chungin room hmasa ber ah chuan ka lût risk pawp a, hei chu ka luh dik tawh ka ring, a zau a, khum pawh a lian, Abigail i toys pawh ka hmu nual mai.



Bag senduk chu ka hmu ngei e, rang tak chuan la in inhnuai lamah chuan ka chhuk thla nghâl vat, a meizial zûk rûk kha ka sawi dawn mawni chu âw ka ti hman, a ngeiawm bawk êm a ni.



_____________



Khua a thim thet thet tawh tiin ka pa nen chuan in kan thleng a, lehkha zir tûrin ka inchhawp ve na a games ka khelh châkna chuan min pawh nat zâwk miau vângin ka khêl leh ta nge nge a, Game khat chiah ka khêl ang ti chungin dar 9 thleng chu ka khelh hrâm kha.




Ka phone ka dah meuh chuan ka mut alo chhuak leh tawh bawk si, zir lo bawk chuan ka mut san leh ta nge nge a.




NEXT MORNING



Vawiin chu kan khua a Beauty parlour ah ka sam ka pawt ve ngêi dawn, ka pa min pêk chêng sangthum keng chuan Laldini nên kan thu ve rân mai, Kan khua a awm mah ni se ka vawikhat kalna a nia, ka hawi kual nasa ngang mai, dârthlalang fiah fai tha zet zet lian pui pui a tam si.



Chhia hi ka in ti leh dawn lutuk a en pawh ka in en ngam lo, make-up ka hmang ngai bawk si lo, Ka sam a pawh zawh hnû in facial techu a free in min tih sak a, ka la ti ngai lo bawk nên nuam tihna em em pawh ka nei lo, mahse tlêm chuan ka êng ve deuhin ka hria, parlour neitunu chu lo fel ngang mai.




Kan ti nek nek a parlour ah chuan kan nilêng ta mai chu nia, ka sam ngîl zân chu dârthlalang ah chuan ka en ning thei lo, nalh ka in ti ve hlê, Laldini make-up lam alo thiâm zêk a, a phûr fâl bawk a niang min chei chiâm mai, Parlour nei tunu pawn Laldini'n min chei dân chu a fak khawp a, lang lo tê hian min chei a, min ti lang êng hlê bawk, mahse ka awm thiâm lo, ka rit deuh lûk hian ka hria.


Kan haw tûr chu Nu Sângtei'n min lo call, rang takin ka chhâng nghâl.


"Hello?"


"Felfel, Lo lêng la, Pan cake ka siam a sin"


Zâng vah hian arawn ti,


"Laldini nên kan nia"


"A pawi lo ka siam hnem alawm lo chho r'u"



Laldini chu ka hrilh a, phûr zetin kan tlân chho nghâl.



__________



"Din, Mak ti miah suh aw"


An ina kan luh hmâ chuan ka pawt ding chawt.


"Enge?"


A lo ti deuh hû mai.



"Pa Muana te fapa hi mitharpa kha, Khâ Isak Lalrinpuia kha"


A rawn meng kâwk, A tawng leh tûr chu a ring tha dâwn tih ka hriat lâwk vângin a kâ ka lo hup sak.


"I hmuh pawn be reng reng suh ang che"



Thupe zeta ka tih chuan a lû alo bu nghauh, engmah sawi tawh lêm lo chuan kawngka chu ka kik karh karh a, an nulâ in alo hawng, Ka lût chiah Nu Sângtei'n min hmu chu a ri deuh hlut, ka sam ngîl vâng leh make-up ka hman vâng a ni tih ka hre nghâl mai.



"Awi....i inchei chuan ilo hmeltha anih hi, i nû chiah chiah"


Alo ti deuh chûl mai, ka hlim ru veng veng, ka nu ang min tih vâng pawh a ni mahna le, a hmeltha êm a.


"I nu nulât lai pawn Istiri hi a hmang tangkai thei a nia, a hmeltha sia, a mizia a duhawm bawk si, I pa Muana thian tepawh khân hmeltha an ti thei hlawm asin âw"



A ti zui siam siam a, ka nu chanchin hi ka ngaihven ngai lo a, ka pa lah hian a sawi ngai bawk si lo, ka nu chanchin Nu Sângtei'n min hrilh hi chu a ngaihnawm ka tiin ka ngaithla ning ngai lo, vawiin chu enge ka hriat pawh ka hre lo, ka ngai veng veng mai.



"Nia a nu pawn Felfeli nu chu hmeltha a tih zia a sawi ziah alawm"



Laldini pawh chuan a lo ti ve a, Vawiin chu nidang ang lo takin Abigail i a chimawm loh hlauh, room ah a û bulah a awm a ni âwm e, ve tlat mai a.




An nula chuan thingpui leh Pan cake min rawn chhawp a, a tui phiân.


"I nu kha la dam ve se chuan ka khaw har lutuk hi a zia deuh tûr a nia"



Nu Sangtei hmêl ngui lap chu ka en a, ka khawngaih let ling zâwk, keichuan ngai viau tur pawn ka hre hman lo tal a.




"A nu Pan cake kan ei ve duh"


Abigail i a ni, rum zet chuan ka va en, mak a ti deuh a niang min en vang vang mai.


"Ehe... Samkir"


Ati deuh sap, a rûk chuan ka chhiat khum vak.



"Abi....U Feli hi khatin ti ziah suh"


Nu Sangtei chuan alo ti vat.


"I u chu lo ko thla rawh, hetah rawn ei ve mai rawh se, Awm hmun atanga thil lam, ka huat zawng tak"



A lo ti nghâl bawrh bawrh a, a fate hi chu a ti hliau hliau ve ngai lo a a tha ka ti phiân, Mahse Isak Lalrinpuia khi chu a fel phah pawh ka ring hrep lo e a.


Abi i chu rang zet chuan room lamah a tlân chho nghâl.


"An unau hian an in tan thei a nia, leh lamah chuan a lâwmawm zâwk phiân"



"A dik chiah, keichu ka u nên hian kan inthu rual thei lo reng reng, pahnih chiah kan nia hrehawm tih châng ka ngah mai"



Laldini chuan alo ti, kei erawh ka ngâwi reng ringawt,unau ti a sawi tûr ka nei ve miau lo a,ka nu leh ka pa hi fanu mal leh fapa mal ve ve an lo ni bawk nên.




Rei vak lo hnû ah Isak Lalrinpuia leh Abi i an rawn in zui thlâ a,t shirt vâr plain leh kekawr bûl dum aha, a ngo phiân, a phone alo khawih mual mual mai, thingpui leh pancake lâk pahin choka a thutthlèng sei ah chuan ngâwi rengin a thu, min la hmu miah lo.



Laldini awm ngaihna hre lo chuan a rûkin min rawn sik vâwt nia, rum zetin ka melh hrâwk,


"Ni dang aiin a tha zual daih"


Ka beng bulah chuan arawn ti sar sar a, ka hmûi ka lo tih pawrh khum hrep ringawt.




Abi i chu ka bulah rawn thu in ka sam chu arawn tuai a, a chimawm a chhuah loh hrâm ka beisei.


"Au Felfel, engtin nge i sam hi tih a? I pawh tîr a ni maw?"



Isak Lalrinpuia chu rang deuha rawn hawi chhuah pahin chiang zet hian min rawn en, ka lo en ve chiah, ka hawisawn rang ngang mai, tlêm chuan ka zak ve deuh.


"Pawhtîr e, A nalh em?"



A hmâ ah chuan ka han in post vêl a, in kuangkuah thân pahin chîk zet hian min rawn en.


"A kir kha nalh ka ti zâwk, tiraw A û?"


Tihpahin a û chu ava en, Isak Lalrinpuia pawh alo bu ve nghauh, he naupang hi chu ava han chimawm tak e aw.


"Nu Sangte, thawmhnaw thar alo thleng leh tawh ami? Kawrfual pâr tûnlaia an uar deuh ang kha i neih chuan ka duh e"



Laldini chuan alo tih daih tâkah chuan ka ngâwi ta daih a,


"Thleng thar e mawle, tûnah te hian hman la chu zu en lawk thei ila, midangin an thlan hma in, a tam vak lo a nia"



Nu Sangtei chuan alo ti a, Tûnlai an dâwr nghâk tu unau ten chhiât an tawh vângin an khaw lamah an haw rih a, Abi i te exam dawn a ni bawk nen Nu Sangtei chuan dáwr pawh a hawng thei lo.


"Awi mahse pawisa pawh ka keng miah lo"



Laldini chuan alo ti, ka lo nuih hak a,


"A pawi hleinem, nakinah min rawn pe la, Tûnah ka hman lai hian kan zuk en lawk dawn mi? Scooty i rawn ken chuan"


Alo ti zawm zat.


"Keng e, Fel, ka zu en lawk aw"



Ka lo bu nghauh, kan mi chimawm pahnih ka awmpui tûr chu peih lo ru viau mahila duhthlang thei ka ni si lo, Phûr zet chuan an in zui chhuak ta nge nge a.




Ngâwirengin games ka khêl a, ka bula awm tepawh ka ngaihven tawh lo, ka tihsual deuhin ka âu leh tuarh thin, ka nih dân ve hrim hrim a ni bawk.



ISAK LALRINPUIA




Ka bula awm ve nû chuan ka games khelh a ti buai vek, a aw râwl a ring si,


"Hey...Samkir...thâwm dîm rawh"



"Ka sam a kir tawh leu"



A games khelh mawlh mawlh pah chuan ngeiawm zet hian a rawn ti reuh a,


"A nih Samngîl tawh nu, âu vak vak tawh suh min ti buai"



Inseh chilh deuh rap a ka tih chuan thinrim hmêl zet hian min rawn en,


"Nangmah vângin ka thih phah, Ka bengchheng i tih viau chuan i room ah han khêl mai la"


Techu ala ti ta deuh deuh,


"Kan in anih hi, ka duh duh na ah ka awm ang"



Ka tih chuan nûr deuh nâng hian min rawn en a, lehlam a hawi hmak, ka thusawi chu sawi loh ang hmak, a ngâi tê bawkin a tê leh tuar tuar tawh.



"Abi lo kal teh"





Ka nau chu ka âu a, a naute lem paw chungin arawn chhuak.



"Meizial ka zu dawn a, a nu bula i sawi vaih chuan i thurûk kha ka sawi ve ni mai"


A bu ve nghauh nghauh mai, a toys room ah a kal leh nghâl, kum 14 ah Bialpa a nei dêr tawh, hahthlâk reuh khawp ang le.


"Abi thurûk chu enge a?"



Samkiri chuan hriat châk hmêl zet hian arawn ti, ka hrilh duh a ring reng reng amawni, Ngâwi rengin ka meizial ka tan san daih.


"Hey....Isak..."


Tihpahin dawhkân chu arawn a rawn bêng ti thek thek a, min enkiau, ka Cigarette khû chu ka pak chhuak ham ham a,


"Hre lo la tha zawk"


Ka tih chuan min ngei hmêl zet hian min en, a âw arawn thiân kharh a.


"Anih Assignment kha i ti tawh em?"


Games khelh laia in biak sek hi ka ngaithei lo.


"Ti tawh enge?"



Ka lo ti hmuk.


"A ni maw!....engtin nge i tih bik? Ka la ti ve miah lo, ka thiâm lo sia, Engtin nge i tih bîk a?"


Min bia pawn a lang tawh lo, amah chuan a phun niah niah ringawt.


"Isak"



"A ninawm enge?"


Ka lo ti hluk, Min nuih tlawn tlata hriatna ka nei.


"Khawngaihin i tih sâ chu min lo entir ve? Aw... khawngaihin"



Ka bulah chuan rawn thû in arawn ti sek sek nia, a awm dân chuan min barakhaih êm vângin sawi mai tûr pawh ka hre lo.


"Mawhhhh.... khawngaihin min entîr la,"



Ka hmâ ah chuan a kut te arawn suih nia,


"Kal mai teh"


Tihpahin a chal ah chuan ka tlawh dâk âwrh, chhuatah chuan a tlu ta niai mai,


"I van sual tak, vawikhat chiah min entîr ringawt mai la, i engmah a hek phah dâwn tawp si lo"



Thawh chhuah taih taih pah chuan a ti niah niah a, ka nui lek lek, ngaihsak zui tawh lo in ka games khelh lai ah chuan ka rilru ka pêk sawn ta daih a.


"Vawikhat tal chu min entîr la, min entîr loh chuan i pa bulah i meizial zûk hi ka sawi ang"



Ka hawi chho chu min lo nuih ver ver nia, ava han nghal reuh mai mai tak,


"I duh leh sawi rawh ka hlâu lo"



Amah vângin ka lo thi daih nia, Samkiri chuh....ka out a, A hmâ ah chuan ka ding, min chhoh en hâ a, hnehtu inti zet hian min nuih var var mai, chutah a phone chu phawrhin a hmet niap niap a, ka hmâ ah chuan rawn dahin ka pa number ah chuan a call nia.



Lâk sak ka tum chu rang takin alo la sawn vat, ka pa in a hriat vaih chuan ka châk lo viau ang.



"Min entîr la ka call lo ang"



Tlân chhe chung hian arawn ti, ka ûm a, a tê bawka aharh phiân,


Inchungah chuan a tlân chho zêl a, ka ûm ve zêl.



Room ruak, mikhual room tûra kan dah ah chuan a tlân lût a, a kalh hmâ in ka lût hman hlauh.



"Min pe rawh"



Ka hah vângin ka thaw halh halh a, ani pawh a hah ve tih ka hre mai, nui ver ver hian lei techu min la chhuah khum zui.


"I theih chuan min rawn man la"


Techu ala ti, a inrin hmâ chuan ka va man thut a, a lo ding nghet lo bawk nên ka bawhthlu rawp, duh aiin kan in hnaih, mahse chû chauh pawh chu ala ni lo, a hnute ah tak ka lo khawih chu niin, phâwk hrâ hian a en a, min rawn en leh, a mit meng chu a ling tha vât vât khawp mai.



"Tho vat rawh"



Ring zet chuan arawn ti vîn thawt, a awrâwl a ring tha si a, ka beng a kiu nghâl vawng vawng mai.


Rang tak chuan ka tho a, ani pawh a insiam tha nghâl malh malh mai, tlêm chuan ka inthiâm lo ve deuh.



"I tih luih tiraw?"



Thinrim hmêl zet huan arawn ti leh tawh, hênû tak hi chuh.


"I â nih chu, Khatiang hnutê pawh a nia mi? Arngêng a nih kha arngêng"



A thinrim tâi hlar chuan ka nuih ati za phiân.


"Hmêla, kei aia nei tê ka hmu hnem mai"


Per târh târh pah hian a ti, hnute tê tih chu a duh bîk hauh lo, a lian ti ila aduhâwm chuang tawp si lo a, hmeichhe ho tak hi chuh.



"Kha ai lian kha ka khawih ngun lutuk, lo kal rawh, ka entîr che anga ka pa bulah chuan engmah sawi suh ang che"



Kut zungchal meuh hmuh a ka tih chuan nui sak pah hian alo bu nghauh nghauh mai, Hmeichhe hnute ka vawikhat khawih na a ni reng sia, Mahse ka vawikhat na a ni tih erawh a hriat ka hlâu hlê thung.




__________



Ka assignment tih sa chu ka entîr a, a phone chuan a thlâ a la, ka tih dân a copy vaih chuan kei aiin a hmuh that ka ring tlat, mahse pawi lo, ka fail dawn chuang lo.



Ka entîr zawh hnû chuan ka room chu a enkual hrak hrak a, engemaw hmuh a in beisei le?


"Ehe!!....khawi atangin nge i neih?"




Tihpahin ka nu thiannu in ka têt laia min pêk bân bun dangdâi zet ka dahna lam chu a pan rawk rawk a, dawhkân a ka dah ka bân chu lâ in arawn keng lang vâ mai, ka vânneihna ah ngaiin engtik lai pawn ka bun reng thin, mahse ka inbual vângin ka phelh a, ka lo la bun leh lo a nih dawn hi.



"Dah rawh"


Tihpahin ka lâk sak a, ka bun nghâl hmak, rang takin a bag chu a zen rak rak a, ka bân bun ang chiah chiah hi arawn phawrh nia,


"Hei ka tâ nên hian a in ang chiah"



Tihpahin ka hmâ ah chuan arawn keng lang vâ a, ka lak sak a, ka han endûn thin, a in ang chiah chiah, ka bân bun ang nei ka vawikhat hmuhna a nih vâng nge mak ka ti khawp mai.


"Hei hi pingpih an ti thin a, a tak tak a nih hi, ka pi te khua ah chuan hmuh tûr ala awm"


Tihpahin thil mûm vâr te tak te te awm pheuh pheuh chu arawn kâwk a, thil mak tak a ni.



"Hetah in lo awm reng alaw?"




Kawngkhâr lam chu kan hawi rual thap, ka nu chuan mak tih hmêl zet hian min lo en tawn zak zak mai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:32 pm

LALRUATFELI



Ka awm dân laih lutuk vâng nge ka hnaih deuh tlata ka hriat vâng chuan ka ding hla det.


"Lo chhuk r'u, Felfel ka rawn keng chho nual a rawn en ve chhin teh"


Min nuih sâng pah chuan a ti a, ka zui chhuak nghâl,




Ka rin sa ang chiahin an common room a sofa ah chuan alo dah deuh dul mai, ka en a, a nalh hlawm vek mai in ka hria, thlan tûr bîk pawh ka hre lo.



"Fel, a purple sîn te te a pâr hi i inhmeh ang"



Tihpahin Nawinâwk rawng te tak te te a pâr a nghâwng pawh sexy lek lek ka mal tê thleng vel tûr hi arawn vawm phei a, ka en a, nalh chu ka ti, mahse ka hâk ngam ka ring lo, ha ta ila chu min nuihzat vek ang ka ring.


"Hetiang ka ha ngai lo Mawli"



Ka lo ti deuh hmak, mahse a nalh chu ka ti ru ve reng mai.


"Vawikhat tal techu han ha ve chhin la mawle, nangchu ipian a zên a, i inhmeh ang"



"Ka duh lo"



Ka lo ti hmak, min lei luih tîr a tum ngial a, a hlawhchham chiang khawp mai, nalh viau mahse ka in hmeh ve ka ring lo, bâkah, ka ngainat zâwng pawh a ni lo e a.



__________



Ka haw chu ka pa chuan rawng alo bâwl mial mial a, min en vang vang.


"I nu chu ilo chhûn ber anih hi"



A ti ve sup mai,mahni nu techu kan chhun ve bawk loh in le.



Ka room ah lûtin ka phone ka phawrh a, Isak Lalrinpuia assignment tih dân chu phûr zetin ka copy mial mial mai.



Heti em em hian hêpa laka ka lâwm hi ka in ring lo hrim hrim.



Khumah chuan ka mu thlawp, thil engemaw hrechhuak thutin ka kawr chu dârthlalang hmâ ah chuan ka hlîm chho a, ka hnute ka en, chuti em ema a têt bîk pawh ka hre si lo a, alo thâm lian nual tawh anih ka ring, tenawm rauh, a hmelthat vei nên, mipa hur deuh angin ka ngaih phah vek, a laih ve te ka lo ring a nia, a lâi eih lo, a khawih ngun tawh tih ka hre mai.





Naktûk zân Abigail i birthday a ni a, rawngbâwl tûr ni lo in zanriah ei tûrin ka chho anga, zan lama ei tûrin cake an order bawkin ka hria, nuam dâwn lutuk.



NEXT MORNING





Peih lo zetin ka inkhâwm a, muthlu chungin ka tling tla ve thei hrâm, thiante ho in ka sam ngîl ta chu mî chhaih nân tak an la hmangzui lehnghâl, ka lo pawt ngîl kher kher kha ka inchhîr lek lek a ni.



Chuan kan khua a nula hmeltha pâwl U Jeneti pawn Isak Lalrinpuia chu a vawikhat hmuhna ah a hmangaih nghâl a ni âwm e, ka bulah "Min tih pui rawh, in in nêl sa tawh a nangmah lo chu in nghahna pawh ka nei lo"

Techu rawn la ti ta deuh deuh a, a engti fako chuan nge ka'n tih pui ang âw.....ka thiamloh zâwng tak a ni, mahse mî hnial hreh chî ka nih vâng leh, amah alo hmelthat ve tho vângin tihpui pawh ka âw ta kha nia, ka inchhîr êm lo ang chu maw.



Laldini chuan ka pa lo hrilhin nimina kawrfual nawinâwk rawnga pâr Nu Sangtei zawrh kha alo lei tîr a ni âwm e, a mak thawt thawt a nia henû hi chu.



Ka duh lo chung min hâk tîr a, a chhîng deuha ka hriat vâng chuan ka pawt ka pawt ringawt, a fân thei pawh ni tawp si lo, uluk zet hian min chei a, min chei lai techuan ka lo muthlu vêl nia.


"Tûnlai hi enge i hriat a min chei reng zel a?"



"Inzir nân ka hmang che mawle"



Alo ti sam ût nia, min chei zo chu dârthlalangah ka in en, nalh ka in ti leh hlê, hmeichhia tak tak ni tawh a in hriatna te ka nei vel.





Lang lo tê in min chei a, ka duh zâwng tak, Laldini hi chuan hetiang lam hi a tui hrim hrim a, a thiam ka ti viau bawk, kei ve chu lipstick inhnawih ka thiâm ve tâwk chauh.




Hmanhmawh takin kan in phur chho ta nge nge a.



Nu Sangtei te chhûngkua hi milian tak tak deuh vek ka pa khân an nih thû min hrilh na a, an in la milian lêm lo khawp mai, tam zâwk chu nise khawi restaurant ah emaw an han chawlhpui ngêi anga, Milian ho tih thin dân kha a nia, an ni chuan simple taka lawm hi an duh zawk, thingtlâng khua a awmdân tûr lah an thiam, an chhûngkua hi chu ka fak ve thlâwt alawm.




Kan thleng chu A pi leh pu pawh an lo awm tawh a, kawr leh eng engemaw an rawn lei nual mai, min hmu chu min lo be nghâl luam a, hun rei tawh tak lo in hre tawh ang mai kan ni, Abigail i naute lem ngainat ber Clown lem ka leisak chu ka pe a, lâwm anga lan duh si lo in ka naute lem pêk chu a pawm tlat, ngaina viau lo mahila a duhzâwng hi chu kei leh a nu hian kan hrechiâng ber âwm e.



"A u hian enge min pek ve dawn le?"



A sawi lai chuan Isak Lalrinpuia pawh arawn chhuk thla ve chiah, T shirt dum leh kekawr tight lam a dum a khûp tet deuh a hâ a, a in hmeh phian, hmelchhia chu a ni lo mawle.



"Pawisa in ka pe mai ang che, Putea ka va hruai lawk a car a siam tîr a"



Ka phu zawk, Pu Joseph a lo kal ve dawn, ka lungphû a rang nghâl dut dut thei nia,


"Putea lo kal ve dawn maw?...yes le...van nuam dawn tak"



Abigail i chu a phûr zual khawp mai, Nu Sangtei sawi dan chuan an pa ai hian an putea hi an ngaina zawk, ka dem lo, Pa Muana hi chu a zahawm khep khup êm a ni, Abigail i hlim kutuk chu kan lo en thap ringawt.



Kawngkhâr bula a helmet full face chu la in a chhuak nghâl a, kan inbe lêm lo, ka be peih viau lo na in biak ngêi chu a ngai sia, bul han tan dân tûr pawh ka hre lo e a.




Dini nen chuan an nula techu kan chêt pui a, lo awm mai mai tûra min tih pawn kan duh lo, nuam ka ti lo, ka inthlahrung ru tlat zel, An fel leh lutuk hi a inthlahrunawm ka ti thin, Nu Sangtei tak phei hi chuan a fanu ang tak takin min en tih ka hria, mahse mi inthlahrung mî ka ni a, ka rilru zawng zawng chu sawi chhuak ngam tho mahila midang awm ve lai chuan ka ri bawrh bawrh ngam lo.





__________




Chaw ei dâwn têp ah Pu Joseph a leh Isak Lalrinpuia tepawh an rawn in zui lût ve hrâm, Lalrinpuia hian a pa leh a putea hi alo chhûn kawp a nih hi, an han awm dun chuan in chhunna mual mual chu an lo nei, Thenkhat chuan "A pa chiah chiah" an ti thung.




"Ehe...Felfel, In lo kal ve thei alaw? In va fel ve"



Nui sângin arawn ti lût a, ka lui nui sak, ka lâi ru viau, a putea hi chu a chhelo thlâwt a ni, ka star na a rei tawh bawk a, awm dân ka thiam lo, ka lai vek, Ka lungphû te arang a, ka chesual palh ang tih mawlh ka hlâu.




Choka a mahni chauha ka awm laiin ISak Lalrinpuia chu arawn lût thut, U Jeneti chanchin kha hrilh ila a remchâng viau in ka hria.


"Isak"



A rawn hawi vut a, ka lo nuih var var.


"Star tu deuh che ka hria nia"



Min hnungchhawn lehin tui a in khawlh, min chhâng duh miah lo nia.


"I hre châk lo mi? A hmeltha reuh lutuk asin, an hausa sia, a sâng tha in a pian a nalh bawk si"



"Ngai lo mai rawh se ka lawm e"



A rawn ti sup duh lek chauh nia, ava han in la vêl tak, ani ang misual lutuk an lo duh techu lâwm a nui habal thak tûr zawk asin a nih le.


"Bialnu pawh i nei ami? Duh ve mai la"




"Ka mamawh lo"



Hepâ hian ka luhlulna cho chhuah a tum a ni ngêi ang, a duh tâwkin hnâwl rawh se, ka tihpui tho tho ang, ka tihpui dâwn sawhbeh.



Min rawn en a, ka hmâi zâwn chêt ah arawn kûn hniam.


"Samngîl tawh i hi ka duh zawk"



Ngeiawm zet hian arawn ti, ka thinrim lutuk chu ka hmûi hnuailam pet ngar ngar pahin rum zetin ka melh ngawt ngawt ringawt.


Nui suk pahin zawi zet hian a chhuak a, a kawr hnunglamah chuan ka thâm lêt sawk mai ka duh hial a ni, Hmêla chu, ava han ngeiawm thiam tak.




Nu Sangtei arawn lût, ka thinrim hmêl arawn hmuh chuan min rawn pan vat a.


"Enge a? Bawiha khân enge asawi?"



"Ka samkir laiin Samkiri min tia, ka sam a ngîl tawh a Samngîl tawhi min ti leh a, Nu Sangte, Lalrinpuia hi chu a sual ve thlâwt"



Ka lo ti nghâl bawrh bawrh a, Nu Sângtei chuan nuihza insûm zet hian.


"A tha e, ka lo hau ang"



A ti ve mai, A nuihzatthlâk viau a mawni,U Jeneti chu Ka tihpui khawp ang.



Zanriah techu kan ei a, kan hlim tlâng khawp mai, Kei ai mahin Laldini hian nuam ati zâwk mahin ka hria.



Chaw eikham chuan An nula te an indaih tho vângin engmah kan ti tawh lêm lo, Abi i pi leh pu tepawh an haw tawh a, an haw dawn chuan pawisa min pe,enge achhan ka hre lo, min duat nghâl em em ringawt, Nu Sangtei chuan la tûra min tih deuh tlat vângin cheng 2000 lai chu ka la ve ta hrâm a, ka pa in a hriat chuan min hauh hrep ka ring, Mahse Nu Sangtei chuan

"I pi leh pu te vetho alawm an nih"


A ti mai a, ngaih tha zân lo chuan ka la ve hmiah.


Abi i toys room ah chuan a present dawn techu kan hawng a, Laldini leh Nu Sangtei chuan Abi i aipawn an lâwm zawk amaw tih tûr a ni.


"Vawiin chu i nalh khawp mai"



Nu Sangtei chuan ka sama rawn chûl hliau hliau pah hian a ti a, ka lo nui sak, amah ka hmuh hian ka nu hmu tel tlata ka in hriat vâng pawh aniang ka ngaina takzet a ni.


Zânah chuan riak tûrin min ti leh tlat tawh, Dini chu Pu Joseph a nen an haw rual a, ka thîk lek lek, mahse ka pa berin riak mai tûra min tih deuh tlat vângin ka riak ve dawn ta nge nge a.



ISAK LALRINPUIA






Balcony ah chuan thu in beer chu ka tlâk pap pap a, tlêm chuan ka lû a hai deuh tawh, cane thum lai ka in tawh ania, ka zun lah chu chhuak sek leh nghâl.


"Hey...Êk bathlâr sângpa"


Ka hnunglam ka hawi a, khânu bawk kha, ka bulah chuan arawn thu thla tharh a, a kawrfual hâk chu ka duh aiin a chhîng, a nghâwng lah chu a zau phiân lehnghâl.


"Beer a ni em?"


Ka lo bu nghauh, tûnah tak chuan mahni chauh a awm ka duh, engvâng nge ka hre lo, chhan awm lo in ka mood hi arawn in thlâk leh thut thut zêl.




"Isak U Jeneti chu duh ve mai la, A hnutê a lian teh mai nia aw"



A thusawi chuan min ti nui chhuak hawk, hênû hi mipa nge a nih hmeichhia pawh ka hre hrep lo e a, a hmêl en aiin tawngkam a thlah dah reuh phiân, a nasat vâng ai mah chuan a mâwl vâng ni zâwk in ka hria.



"Khawi ah nge an awm a?"


Ka tih chuan phûr hmel zet hian min rawn thut hnaih sauh sauh a,


"Kâwn ah khân, kha...ihh... kawngpui bula building in rawng pâwl dal deuh kha, tah khân an awm, i rîm ngam loh chuan ka kalpui ang che"



Ala ti ta deuh deuh,


"Ka lo ngaihven dâwn nia"



Ka tih chuan arawn nui var var a, min rawn kuah a tum, ka lo indang vat,


"Purûn sen rim i nam, sâw tah sawn va thu rawh"


Ka tih hrâwk hnû chuan inthlahrun hmêl zet hian a tawlh phei zâl zâl a, a rûka a inhnîm neuh neuh chu ka hmu ru reng, fiâm ka châk tlat pek a, ka rilru ah thil pakhat a rawn lût thut.


"Thil pakhat min tih sak ve a ngai ang"



Rang zeta min rawn en pahin a mit hmul chu arawn sân zauh, ka beer ken lai chu a hmâ ah chuan ka keng lang vâ a.

"Bûr khat tal i in zawh a ngai ang"



Nûr deuh nâng hian min en vang vang,


"Anih a tha e, min hawn sak la"



Tihpahin a bûr ka la hawn loh chu min rawn pe a, rin aiin a awlsam reuh phiân, ka hawn sak a, ka pe nghâl, hreh hmêl zet chuan a in ve mai.


"Awi a kha lutuk"


Râk thawt pahin arawn ti nghâl tuar tuar a, a uak that that mai, a vawi khat in na a nih ngêi dawn hi,

"I hnâr kha hup la, tlâk pawp tum rawh"


Ka lo ti vat, ka sawi ang chuan a hnâr chu hupin a a dâwt khalh khalh a, a in zo chu boruak hîp luh kâwk kâwk pahin a uak deuh that a, a mittui te parawl nia,


"Ka pum ah hian asa thla hut hut mai"


Nûr deuh nânga apum dawm pah hian a ti a, ka lo nuih tawp, thil pângngai tak a ni.



"College kal i tum em?"



"MCON ah khian ka try ve dawn amawni ka tia"


Râl lehlama Reiêk khua vêl pe tuar chu a thlîr vang vang,


"A that chu"


Ka lo ti ve mai a, hmeichhia ka kâwm ngai lo a, ka mipat pui ka sawi pui thin ang sawi pui theih ni lo ta chu sawi tûr ka hre lo kher mai.


"A nih nang?"


Min rawn en a, a mit meng chu a dik chiah tawh lo.


"Doctor nih ka tum"


Ka lo ti ve mai,


"Kei nurse ka nia nga nang doctor, A van duhawm reuh"



Nui ver ver a tihpahin a biang chu a dawm kâk a, a biang chu a tâi têk mai,


"Ka biang hi asa hut hut mai"


A en ngai en reng pah chuan arawn ti leh, a dik tawh lo tih chu hrilh chawp ngai lo in ka hre nghâl mai, thâwk arawn la hawk a, ka dârah chuan a lû arawn nghat ta mai, ka rin loh lutuk anih vâng nge ka phu deuh zawk nghe nghe.



A hmêl chu ka en a, alo maimitchhîng diar diar tawh.


"Hey...Lazar...tho teh"


Tihpahin ka dâr chu ka ti chê a, a lû a in sêp lawp lawp chung pawn zu meng duh thak lo a mawle.



"Vânram ka fang a nia"



Tawngvai ni âwm tak hian arawn ti, ka kalsawn top chuan dikin ka hre bawk si lo, a kawr ah chuan ka thâm tho lawp a, alo ding ngîl thei lo nasa mai, min bawh nghâl rawk rawk nia.



Tih theih dang a awm chuang lo,ka pawm lawp a, a riahna tûra ka rin mikhual room ah chuan ka hruai, a rawn che tiam tiam a, ka nghâwng zâwnah chuan arawn thaw lum leh hak hak thin, chutah arawn meng ta kâwk a, hnâi zetah hian min rawn en.



"Ka zun a chhuak"



A rawn ti, khumah chuan ka mut dawp a, ka kai tho lehnghâl, bathroom ah chuan ka hruai a, din pawh a ding ngîl thei lo.



Ka inrin hmâ chuan a kekawrte a phelh ta, rang takin ka tlân chhuak a kawngkhâr ka kalh nghâl, ka lo pe kher kher kha ka inchhîr dêr tawh, ka nu leh ka pa in an hriat ka hlâu si, reifê hnû ah bathroom atang chuan thil ri dup ka hre nghâl a, rang takin ka tlân lût, a kut sil tûr alo tlu lek chu niin, a kawr hâk lah chu a huh vek lehnghâl.



Rangtakin ka pawm kâng nawlh a, thâwm dîm thei ang berin ka room ah ka hruai vat, ka t shirt lian tha ber tûra ka rin chu hâk tîr ka tum ûk a, a kawr hi phelh a ngai dâwn si, engtin nge niang aw.



U Mali ka kâitho mai dawn amawni le, mahse henû lah hi ka mi rin zawng a ni lo, a tawng theih hmêl zit zet si, hreh tak chung chuan a kawrfual hâk chu ka hlîm chho a, a mutui ropui mai siah...min va han tibuai reuh mai mai tak e aw.



Ka maimitchhîng a, ka en leh zauh thin, a tâwp atâwpah chuan ka phelh sak thei ta hrâm, ka rei, underwear chauh in a awm, a live ngeiin hmeichhia underwear nên chauha awm ka hmuh hmasak berna a ni.


A hnute chu rin aiin a len hmêl reuh, a tâwk viau, a nalh reuh em em lehnghâl, chêr chhiat hmêl viau si, a chêr chhe lutuk miah lo, ka rin aiin a nalh, a taksa chu a nalhin a ngo reuh phian, ni lo....ka inthing nawk nawk a, ka t shirt chu ka hâk tîr nghâl, lehlam ka hawi vut a, ka thlan tuiin min bual na ka hmâi chu ka tuai puat, boruak chu hîp lûtin ka thaw chhuak leh hak, ka ti thei em em ang, tiin ka infuih ru mawlh mawlh ringawt.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:32 pm

Ka taksa techu a rawn lum pup pup a, ka thlan tuiin min bual huh hlap vek tawh, kei hi ka dik dâwn lo, towel la in bathroom lam ka pan a, ka inbual ringawt, ka sa pup pup thei nia.



___________


Ka inbual zo chu towel chauh ka vengin ka chhuak, ka khuma hmeichhia lo mu ka hmuh chuan ka phu deuh zawk, ka t shirt in a khuh phâk loh chin a mal leh a kekawrte dum rawn lang kêk chu ka en vang vang a, ka inthing harh leh vat, a harh mai mai dawn lo tih ka hriat vângin saruak chuan ka inthlâk mai a, kawngka ka kalh nghâl hmak bawk, a mu duh dah reuh zêk lehnghâl.


Couch ah thu in beer tlâk leh pap pap pah chuan ka khuma muhîl mêk hmeichhia chu ka en vang vang a, kei hi ka dik lo a niang zan in chu ka hmu duhawm tlat, nge ni a aduhawm na hi ka lo hre har zâwk pawh ka hre lo, ka lum leh pup pup tawh, ka t shirt hâk chu ka hlîp a, ka vei kual sek ringawt, 12 a ri têp tawh nghe nghe.



Ka mut a chhuak ve lek lek tawh, hetah lo mutna ka nei dêr si lo, a bulah chuan ka mu ve ta tawp a, ani pawn mipa angah min ngai lo a, hmeichhia anga ka en bîk nachhan tûr ka hre lo, ka rilru chuan ti mawlh mawlh mahila hnuailam pang erawh ka thunun thei lo, ka khumah chuan inthlahrung deuhin ka mu ve ta reng a, ka mut chhuak pawh a reh leh vek tawh.


Ka lo theihnghilh thut vâng nge alam hawi chuan ka in her thut, ka duh aiin ka hnaih, ka tawlh lêt deuh dâwrh mai, a hmêl chu ka han en vang vang a, min thâwk khum sâk sâk lehnghâl, a mascara pherh deuh niai techuan ati lang duhawm vêl vek, a hmûi mawlh chuan ka mit ala, ka fâwp châk tlat, ka maimitchhîng sawk a, ka inthing leh nawk thin, mahse ka maimitchhîn pawn a hmui kha ka mitthlâ ah a châm zêl, a ho emai a, fâwp pawh ni ila a hre dâwn chuang lo tih rilru pu chungin ka hnaih dê dê a, min thâwk khum sâk sâk mai, a harh hlâu tak chuan ka hnaih tial tial a, a sam hnawk niai in a hmai a khuh chu hûi kiangin a hmûi lum thar thar chu ka fâwp ta, ka thlah leh rang ngang mai.



Mahse ka kham lo ti tawp mai ang, a hmûi lum thar thar nêp thep kha fawh leh châkna in ka khat, avawi hnih nân ka fâwp leh a, ache eih lo, a aia thûk zâwk leh ril zâwk chuan ka han fâwp a, a hmûi hnuailam chhah lai chu fawh a nuam zual,arawn thaw lum leh ham ham thin chuan min ti phûr thar ta riau mai, a rawn che talh talh a, a nawr tû anat êm vângin ka thlah duh bîk lo, ka rin loh lutukin ka nghâwngah chuan min rawn kuah chiâl a, ka bawh bet titih nghâl, chutah duhthâw zet hian min rawn fâwp lêt nia, ka hamhaih lutuk chu ka châwl det, a mumangah engemaw tak chu a hmu a ni ngêi ang, nui suk chungin ka chhunzawm ta zêl a.




Kan duhthâw dûn tawh khawp mai, a nghâwngah techuan ka fâwp thla bawrh bawrh a, ka awmdân a dik tawh lo, ka thâ te hi arawn khûr deuh dar dar mai, chutah rûm tiah tiah pah hian arawn meng diar diar a, light dîm zet chauh ka on vângin min hmuh chiang thei lo aniang duhthâw zeta ka fawh bawrh bawrh lai aia chiang zâwk hian arawn meng kâwk, a mengphawk ta lutuk chu aharh chiang tawh anih ringin ka châwl vang vang a, a lungphu ri dut dut pawh ka hre thei.



"Tu....tunge inih?"


Aw khûr dar dar hian arawn ti ta mai, rang takin ka in la hrang nghâl vat, chutah rawn âu chhuah a tum, a kâ chu ka hup sak nghâl vat, a tâl a, min sual lêt ve tang tang mai, a chak reuh zêk.


"Tâl tawh suh keimah ka nih hi"


In seh chilh titih chunga tihpahin ka thing nawk, a ngâwi ta hmak, mak tih hmêl zet hian min en vang vang a, engmah sawi tawh lo in ka tho a current chu ka on nghâl, a hmêl ka en chu a mittui alo parawl pâr mai, min hmu chiang chiah chu a meng deuh kâwk a, engmah a sawi loh vâng nge nuam tih lohna chuan min rawn tuam ut ut mai, thil ngaihtuah chhuak ni awm tak hian a in dap ruai a, ka t shirt hâk tîr chu pawh fân chiam chiam pah hian a in en ruai mai.


"Hei hi enge awm zia?"


Tap âw lek lek hian arawn ti a, khum atang rawn tho in ka hmâ ah chuan a ding ta teu mai, ka mitah tak min enkal lehnghâl, engtin nge ka chhân tâk ang? Keipawh tlêmin ka rui ve deuh kha nia.


"Bathroom ah i tlu a, i kawr a huh vek sia ka kawr ka hâk tîr mai che nih kha"



A hmêla lungâwi lohna rawn lang chu ka hmuhhmaih hauh lo, min dem mahse pawi ka ti hran lo bawk.


"Anih chuan a awm zia chu engkim i hmu vek tihna ni maw? Chuan kha...in fawh tekha"



Thinrim zet chuan arawn ti, a aw râwl chu duh aiin a ring, midang an harh phah ka hlauh vângin a kâ chu ka hup sak a, min sual lêt in ka samah chuan min kêk ta vak mai, a na reuh zêk lehnghâl.


"A tâwk tawh, midang tih harh vek i tum ami?"



"Ka chungah khân enge tih ilo tum? Ivan lo hur ve a Hmela"


Min rawn khawih leh a tum chu a kutah chuan lo man sakin in hma tawn chung chuan ka pawm kâng nawlh a, a malpui tawn tawnah chuan nghet zetin ka vuan nghâl, ka dâr tawn tawnah chuan min bêng taih taih mai, ani pawh atawng ring ngam tawh lo, ka ruih ala reh lo bawk nên ka lehkha zirna dawhkân ah chuan ka thuttîra bangah chuan a kut tawn tawn chu ka nawr bet nghâl, ala tâl ve aih aih tho.


"Isak Lalrinpui i â tawh anih hi"



Inseh chilh rap hian ati hlak hlak a, a thinrim hian alo sexy reuh zêk anih hi.


Min ânkhum bawrh bawrh lai chuan ka fâwp leh pawp a, a ngâwi ta hmak, muangchâng chuan ka thlah leh nghâl, a hmâi si chêt chuan thâwk ka la hak hak a, min en tha ngam hauh lo.


"Nangmah anih kha min thlêm tu, i hre tawh lo ami? Ka taksa te irawn zût kual vêl a, hei hi i cho chhuah anih hi hre rawh"




Min en vang vang a, âwih duh chiah si lo âwih lo ngam bawk si lo ang hian a awm ni berin ka hria, muangchâng chuan ka fâwp lehnghâl, min chhâng lo a atâl hek lo, alo dawh tawp, ka t shirt ka hâk tîr chu hlîm chho in a âwmbâwr phîr thai mai inkârah chuan ka hmâi ka phûm, alo îp châwih mai, alungphû pawh a pângngai lo tih ka hre thei.


"Duh tâwk rawh"



Aw khûr dar dar a arawn tih chuan a hmêl chu ka en a, min lo en ve kar, a hawisawn leh rang khawp mai, a mit sen râm erawh ka hmu hman tho.


Rangtakin ka in la hrang nghâl vat, ani pawh ka dawhkân atang chuan arawn zuangthla ve tharh a.



"Thil thleng kha engmah ka hre tawh lo, ka tihpalh takzet a ni"


Kun ngal chung hian arawn ti, chhâng lêm lo in bathroom ah ka luhsawn a, ka zung nghek, ka harh kâwk mai.



LALRUATFELI





A rang arangin ka tlân chhuak a, ka mutna room tûra Nu Sangtei min hrilh na ah chuan ka tlán lût nghâl, khumah chuan mu nghâlin ka in lukhûp zui hmak.

Rizai hmer ngar ngar pah chuan ka maimitchhîng vang vang a, ka zak lutuk hi awm ngaihna pawh ka hre lo, Vawikhat mah khâ thil kha ka in leh tawh lo ang, a zahthlâk emai.



Hmeichhe khawlo tak angah min ngâi vek tawhin ka ring, ka chêt dân engmah ka hre tawh si lo,ka awm dân tûr ka han suangtuah vêl chhin a, ka zak lutuk chu rizai hnuaiah chuan ka inhûm ruh tlawk tlawk ringawt, Naktûkah chuan a hriatna hlauh thut se ka va han ti tak.



Khumah chuan ka tâl sek a, ka lu hai ala reh chian loh vângin ka maimitchhîng vang vang a, ka muhîl nghâl chu ni mai.




NEXT MORNING.




Ka thawh veleh tûmah pawh hrilh hmasa lo in ka tlân haw nghâl nal nal a.



In ka thleng chu ka pa chuan thingpui lum pahin chanchin bu alo chhiar malh malh a, ka roomah ka lût tlat nghâl, ka inthlâk sawk sawk a, ka inbual nghâl bawk.




Ka hmûi techu nuai eng ang mahila ka fawh hmasak ber chu Isak Lalrinpuia a ni tho tho, ani harh fîm zawk techuan min dan ve tûr a nia, ka ngei lek lek mai, mahse keima thiamloh hmasak zâwk a ni tho a, han dem lutuk tûr a ni pawn ka hre lo.



Ka inbual zo a, dar 6 a pelh âwrh chauh vângin kawr bah sîn te leh uniform hnuaia ka hâk thin Divide chu ha in ka chhuak a, thingpui ka inthlit nghâl.


"Nizân lam te i mu thei em?"



Ka pa in min zawh rual chuan nizân thil thleng techu ka mitthlâ ah arawn lang uar uar mai, chhîng sawk pahin ka inthing nawk.



"Dik lo a awm ami?"



Ka pa ka en chu chîk zet hian min lo en reng chu niin,


"Aih awm lo, ka mu tha lutuk"


Ka lo ti nghâl var a, ngaihthat hmêl zet chuan a chhiar chhunzawm lehnghâl.




Ka room lamah chuan lêt lehin ka home work tih vêl chu ka en nawn leh thuak thuak a.....test tûr pawh ka la zir lo tak e.




Ka phone rawn ri ral ral chu en lo in ka chhâng nghâl.


"Fel vawiin ka kal thei lo ang aw, Nizân khân ka tlun vak a, tûnah chuan ka zia tawh"


LalDini a ni.



"Ani maw avan pawi, tlai banah ka rawn tlawh kawi ang che, ei châk te i nei em?"



"Aih, nei hran lo"



A lo ti ve mai a,




Chaw pawh ei tha thum lo in ka insiam nghâl a, Bazaar lamah hmanhmawh takin ka tlân phei nghâl.



Bus lo thlen a hun têp tawh bawk a school danga kal ve tûr ho pawh an lo awm far tawh, ka kawm ngaih em em an awm lo bawk a tumah ka be lêm lo.



"Felfel"



Ka hnunglam ka hawi chu Nu Sangtei a ni, a hnungah Isak Lalrinpuia ka hmu tel nghâl, nizân thil thleng tekha ka ngaihtuah chhuak zawk, Nu Sangtei chu ka lo nuih hul hak ringawt, hêpa hi bus ah a chuan ve loh hrâm ka beisei, Nu Sangtei chu a bazaar a ni ngêi ang chawhmeh a khâi nual a, a bâwr reuh hlê.


"Tûkin khân ilo haw daih a"


A tih kha ka ring rêng ah..


"Nia ka hmanhmawh deuh a, lehkha zir tûr ka nei bawk sia"



Pângngai thei ang ber chuan ka lo ti, mahse a hnunga ding ve reng vâng chuan achhan hriat tûr em em awm si lo hian ka zâm ve em em ringawt.


"Khawnge Dini?"


"A dam lo a vawiin chu a kal lo dawn lo niang"


"Avan zia lo, e anih chuan Bawiha nên hian inphur ula ni mai lawm"



Tihpahin a hnunglam a hawi a, Lalrinpuia chuan min lo enkur lehnghâl, a teuh hian a hnâi lo, hmuh pawh hreh nâk alaia, A hriatna chu a hlauh tak tak se ka va han ti tak.


"A ngai lo, bus a chuan hi nuam ka ti zawk"



Ka lo ti vat, ani phurh a chuan aichuan bus a tlâi deuha kal pawh ka thlang zawk.



"Inthlahrung duh suh, Bawiha i bike va la rawh, in tlai mai dawn"




Lalrinpuia pawh chuan ngawirengin a bike dahna lam chu a pan a, engtin nge ka hnial tâk ang aw, Bus chu lo thleng vat se tha mai tûr nia.




"Bus ai chuan in thleng hma zawk ang, traffic te jam tâk in"



Ka ngâwi reng a, ka tang tung ringawt, kan hma zâwnah chuan arawn ding a, ka lo chhîng sawk, hnial dân tûr ka hre tawh dêr si lo.



"Kal vat rawh, in tlai ang"



Tihpahin A bike bulah chuan min hruai a, hreh zet chuan ka lâwn ve taih taih mai, A bike chu Duke an tih thin ang hi a ni a, a hnung sâng lawr bîk ang kha a ni lo bawk a, rin aiin chuan a nuam phian, Nu Sangtei chuan nui var var hian min bye bye a, ka bye lêt ve mai, ka va han phûr zawk zawk lo tak.




Ka in rin hmâ chuan a tlán chhuak phut a, ka dâk âwrh thei nia, ka zak bawk si thinrim bawk si chu ka in hûm ruh tlawk tlawk ringawt.




Ka duh aiin a tlân chak, ka thâwk a chham lek lek nia, ka vuan duh bîk dêr si lo.


"Min vuan rawh"


A rawn ti hmuk mai, a dârah chuan ka vuan chut a, alo duh lo nasa mai.


"Aza, ka bag ah khân vuan tache Mawle"


Arawn ti deuh hluk a, engemaw lungâwi lohna a nei anih ngêi ka ring, ni dang ang a ni lo, nidang chu nise min chhaih kual leh reng tawh ang, ka ngaihtuahna chu kal kual zelin nizân thil thleng bawk chu ka ngaihtuah leh tawh, ka in thing nawk, ngaihtuah ka duh tawh lo, mahse ngaihtuah loh ka tum nasat pauh leh ka ngaihtuah ngun ting maiin ka hria.




Ngâwi reng chuan kan in phur ve ta reng a, a hma aiin chuan a tlân muang deuh tawh, khawpui kan thlen dâwn tawh vâng pawh a niang.


"Engemaw in tûr i duh em?"



Ka ngaihtuah na atang chuan ka harh chhuak zawk.


"Aih a ngai lo ka lawm e"


Ka lo ti ve mai a, ka polite mah mah in ka hria,


"Jeneti i tih chu kum engzât nge?"



"Maw?"


Ka lo ti vat, ka hre lo chu ni miah lo, ka lo hriat sual palh tâk in,


"U Jeneti itih chu?"


A rawn ti leh mai a, thâwm dang atam bawk sia kan tawng ring dûn lek lek.


"College a kal tawh a, 22 vêl a niang"



Ka lo ti ve mai a, in ngaizâwng se chu an inhmeh viau ang, an hmeltha dûn dâwn si, U Jeneti tepawh an hausa a, an in mil ngawt ang.


"Ilo lên leh hunah lo hruai la"



"Awle"


Ka lo ti sap, nizân chungchâng kha engmah a sawi lo chu ka lâwm ru ngêi mai.




________________


School kan thleng chu min lo en duh hlawm ngang mai, Bike atang chuan ka chhuk a, ani pawn min rawn zui nghâl, Ropuia leh a thian pathum techuan Isak Lalrinpuia chu an rawn pan ding nghâl chat a, min kal pêl lai chu ka lo en hê hâw ringawt.



Kal leh mai ka tum chu ka ding dat, ka hnunglam chu rang takin ka hawi a, Ka rin ang ngeiin Isak Lalrinpuia chu an lo hual thap mai, kan school hungna thîr lên dêng chuan na vak lo hian an lo nam deuh sawk sawk a, Isak Lalrinpuia chuan luhlul hmêl zet hian Ropuia chu a enkar thung.




Ka tanpui angem? Midang ka pun dawn nge ka va in rawlh ang? Midang pun mahila engmah an ti ngam dâwn dêr si lo, Thâwk ka la hawk, Nu Sângtei'n a fapa tih mawh zet hi ka kutah a dah si a, ka mawhphurhna a ni, rang tak chuan ka tlân lêt nghâl.



"Enge buaina inneih a?"



Tihpahin Isak Lalrinpuia hmâ ah chuan ka va ding ve chawt a, Ropuia chuan mak tih hmêl zet hian min rawn en, a nui hawk.


"Lazar, In in ngaizâwng a ni maw?"



Min tham loh hmêl zet hian ahan ti a, ka lû ka lo thing vat,


"Kan in ngaihzawn leh ngaihzawn loh chu ilo buaina tur a awm lo"



Isak Lalrinpuia chuan alo ti.


"Hmêla lo ngâwi rawh, ka hnek bâ inih kha"



Ropuia chuan thinrim zeta tihpah hian ISak Lalrinpuia chu a kâwk deuh sawk a,


"Ropui enge i buaina chu?"


"Lo inrawlh suh Lazar"



Hepâ hian min ti thinrim ve têp, Laldini vâng chauhin ka la insûm mai mai zâwk a.


"Lazar a a ni lo"



Isak Lalrinpuia chuan alo ti chang fak, hepâ hi ngati nge alo ngawih ve mai mai loh le?


"Class room ah han lût rawh lo in rawlh suh"



Ka hnunglam hawiin ka melh hrâwk a, a hlau ve miah lo anih ka ring.


"Mahse...ka ihh..."


"Kal rawh"


Ka mit taka min rawn en pah chuan ati deuh hrâwk a, muangchâng chuan ka kal sawn hnâ hnâ ringawt.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 25th, 2020, 4:32 pm

Class room ka thleng chu an in tih buai tan dân vel min lo zawt nghâl sup sup mai, tûmah ka chhâng peih lo, ka dawhkân bawhin ka mu thlawp ringawt,





Reifê hnu chuan Ropuia arawn lût hmasa ber, ka rin ang ngeiin a biang a duk ruih mai, a thian te dang pawn rawn zui lût ve nghâlin hliâm tenau an nei nual.



A tâwp berah Isak Lalrinpuia arawn lût, chîk zet chuan ka lo en a, mak tak maiin a hmai vêlah chuan engmah pem leh hliâm a nei lo, mahse ka enchîk lutuk vâng nge a kut chang rawn thî deuh ser ser chu ka hmu ru hrâm.



Ka hnungah chuan ngâwi reng hian arawn thu a, ka hnunglam ka hawi nghâl vat.


"Enge thleng a?"



A zawi thei ang ber chuan ka han ti ru sar sar a.


"Engmah...... i hriat ve kher a ngai lo"


Alo ti hmuk, rum zet chuan ka melh a, a kut chu ensak tumin ka vuan a, alo la sawn rang ngang mai, zu phal thak lo a mawle.



__________



Lunch break chuan ka bulah a awm ve hrut hrut reng a, kan inkawm ngeih em em vâng pawh ni lo in kan mal dun êm vâng zawk ni ta berin ka hria, keipawn Laldini lo chu kawm tûr dang nei bîk hek lo.



"Enge i ei duh, ka treat ang che"



A hmêl tak rûn reng hi a ninawm, anui hmelthat teh lûl nen hian, nui tam ve deuh se tha tûr hi nia.


"Isak"


Min rawn chhuk en deuh hû a, ka lo chhoh en hâ thung.


"Chawhnu lam chu tlânbo daih ang hmiang, Aizawl khawpui hi ka fan pui ang che"



Mak tih hmêl zet hian arawn khap fuk fuk mai,min chhân mai loh vâng chuan ka'n nghawk zauh zauh a, nuih tlawn titih in ka mithmul techu ka'n tihsân khum zauh zauh a.


"Test tûr i thiam loh vâng a ni maw?"



A rawn ti chhuak phawng mai, engtin nge a hriat le? Tûk pum khân ka zir ve a ka thiâm thei thlâwt lo chu thu hran, amah vângin ka rilru ah a lût thei thlâwt lo kha nia.



"Nangmah vâng vek"


Ka inrin hmâ chuan ka ti chhuak hlawl.


"Enge keimah vâng a nih na?"


Arawn ti deuh hû a, ka hmûi ka hup tawp, chîk zet hian min en a, engmah ka sawi ngam tawh lo,


"Eng...engmah....tlânbo chu engtin nge ni dawn?"


A ngâwi vung vung a, engemaw min en chîk em em reng le? A hnu deuh ah chuan thâwk arawn la hawk.


"Awle, tûnah kal nghâl ang"



Tihpahin class room lam pan chuan a kal nghâl vut, rang tak chuan ka ûm ve nghâl vat a.




Kan duhthusâm ang ngeiin class room ah chuan tûmah an lo awm lo, Kan bag ve ve kan la a, school hnunglam building atangin keichu ka chhuak a, a thlang lawk a kawngpui lam pan chuan ka tlân thla nghâl.



Reilotê ah ani pawh arawn thleng a, rang takin a bike ah chuan ka lâwn nghâl vat.


"Hey...Lazar...khawnge in kal dawn?"



Ka duh thei lo.


"Tlân rawh... hmanhmawh in"



Ka ti nghâl chûl a, a chak thei ang ber chuan a in khalh chhuak zui nghâl bawk.




Thui fê kan tlân hnu chuan kan nui chhuak hawk a, Tlêm chuan ka nêl tan tawh, Thil âtthlâk tak tih dun hian alo in ngeih theih zâwk anih hi.




Mahse enge vawiin hi ka pum leh kâwng vel te hi arawn na riai riai reng mai,ka ril a tâm tawh vâng pawh a ni maithei ni.




Restaurant ah kan kal hmasa ber, ril alo tâm tawh bawk nên ei hnem ka tum hlê na a, ani erawh a ei tam lutuk lo, keipawn ka tum ang hê hû in ka ei thei lo, ka tâi nuam lo leh nger nger thin chu ka awm a ti nuam lo ru leh veng veng zel.


"I vawi engzah bunk na nge?"




A hmêl ka en chu min lo en reng, rûi mit meng kan tih ang chi hi a mit meng ve hrim hrim a ni a, a nui khât bawk si, hêpa hi chu thinlung tak taka pawh a har ka ti, mahse Nu Sangtei fapa a nihna vâng chauha kâwm ngaih hrâm tum ka ni, ka theih rei pawh ka ring lo.


"Ka hre sêng tawh lo, a nih nang?"



Min en leh vang vang a,


"Vawi khatna"

Arawn ti sup, mak ka ti lutuk chu mengkâwk pahin ka nui hawk, dâwt sawi hmêl pu hauh si lo hian ka âwih chiah lo, bad boy an tih thin ang hi chu ni mahse fapa tha tak a ni lawi bawk si.


"Ka âwih thei lo"



Nui hak pah chuan ka ti,


"Khatin min en reng suh, Shilong a kan school techu heta mi nen chuan a danglam"


Arawn ti leh nghut, ka Hamburger ken lai chu ka keih pawp, Coke ka in leh khawlh a, ka puar tawh khawp mai.



"Vawiin tlai ah assignment kha ti dûn ila, U Jeneti chu ka lo hruai dawn mi? Kan thiamloh te kan zâwt pah anga?"




Min en vang vang a, a hmêl awmdan chu ka hrethiam chiah lo.


"Awle"


A rawn ti ve mai, sana ka en zui zat, 12 alo pêl âwrh chauh, ala hmâ sia khawnge ka kalpui leh ang âw.


"Hmuifângah kan lêng dawn mi niang?"



Khap deuh fuk fuk hian min en leh reng tawh.

"A hla lo mi?"


Tihpah chuan a wallet chu a phawrh pah a,


"Hla vak lo, hun kan la ngah alawm, i kal tawh hrim hrim em?"



"La kal lo"


"Anih chuan kal ang"


Tih leh thawh ka rual nghâl, min treat dawn thû a sawi tawh tho vângin ka chhuak nghâl tharh a, min rawn zui chhuak ve nghâl.



A bike dahna lam chu kan pan dûn hnak hnak a, zêp lo chuan kan in sân hleih ve ang reng sia, a bula kal pawh a nuam viau lo, ka kal pui pa a sâng chu thuhran, hei ai hian lo lian deuh hlek ila chu kal pui pawh zah ah ka la lo tur a nia, eng dang a ni lo, ka lian lo ve êm a ni.



ISAK LALRINPUIA



Hmuifâng kan thleng chu rin aiin mî an lo tam, picnic tûr neuh neuh tepawh an lo awm nual, a then chuan haw leh an lo tum mêk hlawm a.



Uniform nên kan ni si a min en hrek hrek hlawm mai, kan tlânbo tih an hrethiam ve a ni chêk a niang chu, Ei tûr leh eng engemaw lei in kan lût ve râwih a, rin aiin boruak avawt a, a hahdam thlâk ka ti, kan kal thla zêl a, Lei thui vak lo kan zawh leh, a thlang fâl lai deuh waiting shed lo awm ah chuan ka thû a, Samkiri chu a thu ve duh ta miah lo, a kê a chîp hmak a, a mawnglam hup deuh tât hian a ding ta reng mai.


"Thu ta che"



"Aih"


Alo ti deuh hmak, a hmêlah chuan hlauh a nei a nih ka ring, kan thlen tirh a a rîk hluai ang kha a ni tawh lo, sting ka lei chu ka pe a, rang zet chuan la in a hûm ta reng ringawt, in pawh a in lo, a awmdân chuan ka mit ati kham tan tlat.



"Dik lo a awm ami?"



"Awm lo"


A ti leh ringawt, a kut hnung suih chu ka thlêk a, a awmdân chu mak ka ti viau.


"I hnungah khân enge i dah a?"



Tihpaha pan hnaih ka tum chu alo tawlh hnung nghâl dat, a taksa techu a thlan dap a, a khûr deuh der der leh nghâl, henû hi a dam lo a mawni le.



"I dam lo mi?"



"Dam, ih...englo...ka"




Thâwk ala hawk,


"I êk a chhuak a mi?"



Min rawn en deuh hâ mai, êk chhuak deuh îp a ang ka ti ber.


"Teuh lo"


Vîn that hian arawn ti nia,


"A nih enge?"



"Ihh....ka ...ka period a, Ka pawnfen ah hian a kâi in ka hria"




Mak ka ti lutuk chu ka en tawp, engtin nge ka tih ang? Ka tanpui ngêi chu a ngai dawn sia, mahse eng ber nge ka tih ang ka hre lo.


"Khawngaihin Sanitary Pad min lei sak thei ngem?"



Inthlahrun hmêl zet hian arawn ti, a tap têp nghe nghe in ka hria, chutiang thil lei chu ka hreh zâwng tak a ni, mahse han duh loh ngawt lah achî bawk si lo.



"Tikhân lo awm rawh"





Tihpahin dâwr lam chu ka pan a, dâwr thlen dâwn têp chuan mipa naupang pakhat ka hmu hlauh, cheng 20 hlawhin pad chu ka lei tîr a, tirh a nuam reuh phiân, Thingtlâng naupang hi tirh an lo nuam in aia upa zah an lo thiâm khawp mai, chû naupang bâl phing pheng ha bal siu seu chu a ngainat awm reuh phian, 20 aiah 50 pêk ka tuma ala duh miah lo, 20 ka pêk chuan lâwm takin ala leh lawi si, a tlânsawn nghâl daih, naupang fel tak a ni.






Samkiri awmna lam chu hmanhmawh takin ka pan leh a, a din ngaiin alo la ding reng nia, Pad chu ka pe a, muangchângin waiting shed hnuaia bathroom lam chu a pan ve mai.





Reilotê ah chuan arawn chhuak leh a, a pawnfen mawng lam a hup tât reng chu ka khawngaih deuh tlat, kawrlum a ha ve bawk si lo, ka form coat hâk chu phelhin ka pe a, mak tih hmêl zet hian min hâ mai.



"I kâwngah khân hrêng rawh"




A rawn nui ta var var a, phûr zet hian a hrêng ve mai.





Samkiri chuan Hmuifâng chu min fan pui a, nuam kan ti dûn phiân, dar 3 rîk dâwn têp ah chak zetin kan in khalh haw a, kan awm rei lo kher mai.





LALRUATFELI







Ka hâw chu ka mu nghâl thlawp, ka châu lutuk, U Jeneti ka lo hrilh lâwk tawh si a, ka in bual a, Vawiin nilênga ka vahkual pui pa Isak Lalrinpuia te ina kal leh tûr chuan ka insiam nghâl, tlêm chuan ka zak ve deuh, tinge maw vawiin berkhera ka period le, mahse ka rin aiin alo fel a, ka ngaih ang em em a sual chu a ni miah lo, a coat te kha eng rilru pu a min hman tîr phal nge a nih pawh ka hre lo, mipa tam zàwk chu ni se a rûkin an ten viau ang, mahse ten âwm pawhin alang lo, min hrethiâm em em a, ka kawm ngeih theih thuai ka beisei tlat a ni.




____________





U Jeneti ka sâwm kawi a, phûr zetin kan kal nghâl, a chanchin ka hriat ang ang chu ka hrilh ve mawlh mawlh a, mahse bialpa a nei khân ka hre si a, an inthen tawh pawh a ni maithei a ni.




"Fel, Amah aiin ka upa sia min iai mai lo maw?"


"Iai lo ang"



Ka lo ti liâm puat ringawt.




Kan thleng chu Nu Sangtei chuan min lo be nghâl siam siam a, ei tûr min lo siam nghâl.



"Isaka nen Assignment tih dun kan tum a, U Jeneti min hrilh fiah tûrin ka rawn hruai tawp, in monu tûr pawh a ni maithei ni"



Fiamthû chuan ka han ti zauh, Nu Sangtei chuan hriat chian châk hmêl zet hian min rawn enkar, ka lo mit mei zauh a, a hrethiam tûrah ka ngai.



Isak Lalrinpuia room lam chu kan pan dûn a, U Jeneti chu ka rin aiin a zak zum daih, a room kawngkhâr chu ka kik karh karh a.



Rei vak lo hnû ah chuan arawn thleng ve, a sam chu a huh deuh hlap a, a ti pial chho vek, kawr a ha lo a, kekawr bûl nen chiah alo awm nia, a six pack ka hmu chu ka meng kâwk, U Jeneti phei chuan en pawh a en tha ngam lo.



"Nangmahni in ni tih sawi ta che"



Tih nghut pahin a t shirt chu a inthawlh nghâl mawlh mawlh a, U Jeneti nen chuan ngâwi rengin kan in melh hrek hrek ringawt.



"U Jenet, ti hian lo awm ula, in tûr ka zu la lawk a nge"



Tihpahin ka chhuk thlâk sawn ta daih a, thâwk ka la hawk, tinge ka awm a nawm loh veng veng reng le? Ka chhûngril hi ka sawithiâm sî loh hian ana veng veng mai, zêp lo chuan ka thil hlu tak chân tûr ang maiin ka in ngai.



Nu Sangtei bulah chuan ka va phei a, kan in tûr squash alo thli mawlh mawlh mai, min hmu chu min lo nuih nghâl var var a.



"Min hrilh teh, an in ngaizâwng amaw?"



"Aih, ka tihpui mêk, enge ang i tih?"



"A hmel a tha a, a pian a nalh bawk, han fel em em phawt mai se tha ni mai, a fel hmêl kha, Bawiha nên chuan an inhmeh viau ka ring"



A phûr hmêl sûrh sûrh khawp mai, ka lo nui lui ve sak, ka awmdân hi ka hrethiâm lo, ka nui lui thei lo, ka chhûngril hi a hlim ve thlâwt lo.




Squash keng chuan kik pawh kik lêm lo in ka'n lût tlang pawp mai a, ka thil hmuh chuan min ti ding chawt, rang zetin hnuailam ka bih nghâl, U Jeneti leh Isak Lalrinpuia chu inhnaih zet hian an lo ding dûn a, ka va han mâwl tak lo kik ve tûr a nia, mâwl min ti viau ang.



"Ka tihpalh, ka lo theihnghilh a"



Inthlahrung zet chuan ka ti sap,


"A pawi lo Fel, khawi ka lo la ang"



Tihpahin kan eitûr ka chawi chu U Jeneti chuan min lo lâk sak vat a, Isak Lalrinpuia chu a ngâwi reng thung, hawi pawh ka hawi chhuak ngam lo, keimah zâwk hi ka lo zak ngawih ngawih.




_________



Assignment chu kan ti tan nghâl mawlh mawlh a, kan la inbe miah lo, sawi tûr a vâng êm a ni.



"Isak hei hi enge a?"



Tihpahin Isaka bân bun ka tâ ang chiah chu U Jeneti chuan arawn keng lang vâ a,


"Ka vânneihna nih kha, ka tân a pawimawh teh mai nia"



Dam thlupa tihpah hian min rawn en zawk, mahse rei erawh a ni lo, U Jeneti chuan chîk zet hian a han thlêk vel a.


"Avan dangdâi reuh em em, a engemaw nalh reuh tawp, hetiang hi ka la hmu ngai miah lo"



A ti niah niah a, ka lo bun ve lai tak a ni bawk nên, ka lo hup ru deuh châih châih ringawt,


"E...hmuh tawhna ka nei, Fel fel i tâ nen khân a in ang in ka hria"



Tihpahin min rawn pan a, ka bân chu la in ka bun lai nên chuan a en mil nghâl,


"A in ang chiah chiah, khawi ami nge a? Ka van duh ve?"



Phûr hmel zet hian a ti a, min entawn zak zak mai,kan in melh hrek hrek ringawt.


"Ih...ka nu min pêk a nia"



"Keipawh ka nu min pek tho"


A hmêl chu ka en zawk, min lo en reng nia.


"Ka duh ve e, in pahnih tâ bâk hi ka la hmu lo"

Tihpahin Isak Lalrinpuia bân bun chu a bun chhin vêl a, enge ka hriat pawh ka hre lo, ka chhûngril hi ana leh veng veng tawh,



Kan tih zawh hnû chuan rang takin ka inthiar fihlim nghâl a, ka nuam lo veng veng mai.



"Vawiin tlai chu i mizia dang tlat"


Nu Sangtei chuan chîk zeta min en chung hian alo ti, ka lû thing pahin ka nui lui sak a.


"Ka period vâng a niang, ka mood hi a inthlâk deuh reng zêl a"



"Anih tak chu, chhûl chakna te ei la"



Ka chhâng lo, U Jeneti pawh rei vak lo hnû ah pawr deuh chhap hian arawn chhuk ve a, kan haw nghâl, ka thin zâwn hi a rawn hnawh leh up up thin, ka awm dân hi ka hrethiâm lo, tah vak te châk nia.




"Ka rin aiin a zei, Fel, i chungah hian ka lawm lutuk a nia aw, I Birthday hunah thil tha deuh ka pe ang che"



A hlim hmêl khawp mai, peih lo zetin ka lo kiai ve sak sak ringawt, naktûk hi ka piancham a ni tawh tak e, lawm êm êm pawh ka tum lo asin le.

VAwiinah i click loh chuan a hnuaia milem khu aw, theihnghilh awih loh, tunah click nghal mai la :lol:

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)