Ânchhia BY Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Ânchhia BY Hlutei Jocund Pachuau (Completed)

Unread post by Ngaia » February 7th, 2021, 5:41 pm

oq54jntu.jpg
oq54jntu.jpg (44 KiB) Viewed 9243 times


Nî chu a sen phût a, âwkin nî alem a khaw awm dân ang khân a awm khup mai, tlâng pâwng sâng vak lo ah hian dingin ka hma a kawng pahnih in kaw kalh zâwn ah tak chuan ka lo ding reng a, ka mumang a nih tih ka hria, mahse harh chhuah ngaihna ka hre tawh lo, ṭum danga ka mumang ang tho in sign board hlui chhe tawh takah hian" He kawng ah hian kal la, khawvel tharin alo hmuak reng che" tih bawk hi alo in ziak leh a, he mumang hi ka ning tawh takzet a ni, a awmzia ka hre bawk si lo.


Ṭum danga ka hriat ngai loh ka pa aw in
"Angel" ti a hla tak aṭanga min auh rî chuan ka beng a verh kher mai, ka hawi kual vêl a, chhum dum chhah tak leh nî thisen ang maia sen phût bâk hmuh tûr a awm bawk si lo.



"Pa keimah Angel"

Tiin ka âu a, mahse vawikhat chauh ka pa aw ka hria, "Angel, harh teh, hei" tih rí ka hriat rual chuan ka taksa chu arawn che dat dat a, ka meng nghâl kâwk, lâm zirna ah ka lo muhíl lek chu lo niin.



Lâm min zirtîr ṭhin tu U Faka chuan min lo enkar a, "I chau lutuk a ni, in duat deuh rawh, i hah lutuk anih kha, Pa tiin i rawn âu chhuak alawm"

Tih nuah nuah pahin tukverh inkhâr phui khup chu a hawng nghâl ruk ruk a, keipawh rang takin ka tho ve nghâl,



Ka hming chu Angela Lalnunfeli ka ni a, Angel tiin min ko ṭhin, pawl 12 ka zir hnû khân lehkha thiam thei tak ka nih loh vângin lâm zirna school kan rama awm chhun ah ka lût ve a, ka tuina ber zai pawh ka nutei zarah Mizorama hrâng hlui zaithiâm kan neih ṭhat te zíng ami bulah ngat ka zir ṭhin, Lâm chu ka tui vak lo na in Ka nu tei chuan "Zai thiam ni tûr chuan lâm thiam tak nih tel angai" a tih tlat vângin lam zirna school MDC ah ka inziak lût ve râwih a, rin ai takin ka lo ti thei phian a, nuam pawh ka ti.


Stage a han perform te hi ka châk ve thei khawp mai, helai mizoram mai ni lo, khawvêl pum hi ka thiamna hmanga den chhuah chu ka suangtuahna leh ka thil tum ber a ni a, ka thawk rim hlê bawk, a châng chuan ka taksa in a zawh loh thleng ṭhak te ka practise ṭhin.


Kum 9 mi ka nih lai khân ka pa in cancer natna vângin min boral san a, kum 15 ka nih khân ka nu in min boral san bawk, mahni leh mahni a in ti hlum ti zawk ang, ka nu boral aṭang khân ka nutei te bulah ka awm a, an khawsak a nuam in fa an lo nei thei lo leh zêl bawk nen min duat thei viau, kum 19 lai ka ni ve tawh a, mahse ka nu boral aṭang khân mumang rapthlâk leh hriatthiam harsa tak tak ka nei reng ṭhin, mitthi tûr te hi ka hmu lâwk leh zauh ṭhin a, tûma bula sawi a rem bawk si lo, ka mutthilh apiangin ka nei ngai chuang lo, mahse a rawn thawh tawh chuan ka dang thei ngai lo a, nîtin in zia lam aiin zual lam a pan telh telh tawh, mahni in ka tuar a, ṭhian pawh ka neih tam loh phah, mutthilh hi ka hreh in ka hlâu em em reng a, tûnah phei chuan a hma a ka mizia kha ka hlauh vek tawh, ka mize cool leh ṭawng mawh lutuk te vâng chuan ṭhian pawh ka nei ngai lo a, mahse pawi tihna ka nei ngai lo, mahni a awm nuam ka tih zawk vâng pawh ni lo in, an chunga lo thleng tûr ka hre lâwk dawn si a, ka tân ṭhian neih chu thil hrehawm leh min ti hah zual tu mai an ni zawk.


Eng helh nei lo a ka zai leh ka lâm hian ka rilru hahna te min theihnghilh tîrin ka rilru a chhâwk zâng khai ṭhin, chuvang aniang ka hobby pawh zai leh lâm a ni tawp mai.


Midang ho practise tûr pawh an rawn thleng ta sap sap hlawm a,



"Zan in hian kan rama mihausa tak fapa neihchhun birthday kha a ni tawh a, ka sawi tawh ang khân mi pawimawh leh Ram dang aṭanga agency lian tak tak ho pawh an rawn kal dawn a, contract min sign pui ngei theih nân rim takin i practise ang u, Masquerade mask vuah vek tûr a ni a, Masquerade party te nau a ni dawn a, in inthuamna tûr in hawn nghâl dawn nia, Mizoramah hetiang hi ala awm ngai lo a, i ṭang tlâng ang u aw"



A han ti leh te te a, ka chil ka lo lem khalh, ka lû te hi a hai in ka hria, ka muttlêm vâng a niang, a lâm tûr hi kan vaiin 10 kan ni a, mipa 5 leh hmeichhia 5 kan ni, ka awmna tûr ṭheuh ah chuan kan in rem leh ta ṭhap a, a hnung berah Mala nen kan in partner a, Center a ṭan ve chu ka châk ru viau bawk, mahse Sangsangi chu kan senior niin ramdangah te hial lo perform tawh ṭhin a ni a, kei ai daih chuan tawn hriat pawh a ngah tawh zawk, kei mipui hma a la perform ngai reng reng lo el phâk rual a ni si lo alawm le.



"Sangsang, center inih kha hre reng la, mi mit fûk na tûr ber inih kha, hlim hmêl takin awm la, tûm reng reng suh ang che"



U Faka chuan a han ti zui zat a,



Chutah Music chu rawn play in darthlalang lian pui hma ah chuan kan han intheh dalh dalh a, Sangsangi saw a mood ah a chêng hlawl lo, in vawrh kâng a ngaihna lai ah phei chuan a tlu Ṭhelh a ni.



"Sangsang i rilru pe rawh"



A kar lak lawh ah U Faka chuan alo ti sek a, ṭhahnem a ngai tih ka hria, hrehawm ka lo ti ve ngawih ngawih nia, min buaipui hah tawh êm bawk a ni, Kan lâm laklawh lai chuan music chu arawn tâwp deuh thut mai, kan hawi hai nasa hlawm asin aw, thaw dêp dêp in U Faka thinrim hmêl dur deuh khup chu kan en ṭhap a.


"Center tûr hi kan thlâk a ngai in ka hria"


U Faka chuan arawn ti ta nge nge a, kan ṭawng ngam tawh lo, kan in melh hrek hrek ringawt.


"Ka tihpalh a ni, Min ngaidam rawh u"

Ṭap aw lek leka Sang sangi'n arawn tih chuan kei erawh khawngaih ai mahin beiseina lian tak vângin ka hlim ru veng veng thung.


"Center ah chuan Angeli awm rawh se"


Ka rin ang ngeiin arawn ti ta, ka nui ru deuh sak a, Sangsangi erawh a inhnît deuh feih feih thung.

"Angel, a step kha i hria tiraw?"


U Faka'n a rawn tih chuan inthlahrung âwm fahranin ka chil techu ka'n lem der khalh a,

"A aw..hria a, mahse...ka bel lutuk lo"


Ka lo ti sap a,

"I taima a, i thawk rim a, ṭha takin i ti thei ang tih ka hria, i chungah rinna kan nghat ania, le ...hetah rawn kal la, han ti chhin teh u"




Dam thlupa atih rual chuan alai chu ka pan zâl zâl a, Sangsangi erawh ka dinna ah a ding tawh thung, a intro ah hian ballet dance a lâm a ngai a, hei chu ka thiamna ber a ni, ka duh thâl a mahni a ka lâm hnu chuan a hu ho in kan lam ho leh a, in vawrh kâng a ngaih laia ka che buai miah lo kha keipawn mak ka in ti.



"Angel i chungah rinna kan nghat a nia"


U Faka chuan ka dara beng thlup thlup pah chuan a ti a, zan in a ka kawrfual hâk tûr leh ka hmaikawr vuah tûr min pe nghâl bawk, kawrfual sen leh Carnival mask ka vuah dawn, ka phûr tawh lutuk ringawt.





Nui var var in in lam pan chuan bus in ka haw a, ka hlim lutuk vâng aniang ka taksa chauh zia pawh ka lo hre lo.



Kawngkhâr lianpui inhawngah hian ka pên lût a, ka kut chu tu emaw hian rawn vuan in kawngkhâr chhûngah chuan min hruai lût bawk, "Thil pêk chu alo kal mêk e, emgtikah nge tih chu en la, fiah tum suh ang che" tih hi ka beng bulah chuan arawn ri nawn tluk tluk a, enge awmzia leh tunge a nih ka hre hauh lo bawk, inchhûngah chuan an lo lam suau suau hlawm mai, bati tam tak an chhi êng a, min kai lût tupa mit a ka en chiah chu ka taksa hi a che dawt thei, ka harh chhuak zawk.



Ka mumang bawk a ni leh ta,


"Kawng te hi en ve ṭhin tûr a nia"


Driver chuan a han ti zui lûng lûng a, mi kan lo su ṭep a ni maw...ka rilru chuan ka ti nauh nauh ringawt.

__________________


Jake Lalhriatpuia (point of view)




"Ka kum 21 tlin lawmna hi i sumdawn na atan ka phal hleinem, Ngaihtuah ṭha leh rawh Pa"



Thinrim zetin ka pa chu ka en a, ka pa hmêl luhlul tûm vuau chuan min chhâng dawn lo tih ka hria, a thuthlûkna pawh a sawh sawn dawn lo tih ka hre bawk, thinrim zetin room aṭang chuan ka chhuak a, pâwn ka chhuah phal sak ka ni bawk si lo.



Ka nu natna khuma hun rei tak mu tawh bulah bawk chuan ka tih dân ngaiin ka ṭhu leh tawp a,



Mizoram ami ho hian ka Nu hi tunge a nih an hre lo a, ka pa hian hriattír a tum ngai hek lo, ka nu mizo ni lo in Australian lam mî a ni tih hi hria se mak an ti viau ang, kum tam tak chhûng kan nufa hian min thup bo tawh a, Mizoram ka chhoh khân ka nu chu hetiang hian a awm tih ka hre ve chiah, ka pa hian engmah a sawi duh ngai lo , ka nu natna lah tûman min hrilh duh bawk hek lo, ka nu hmelṭha tak ṭhin kha pitar chêr tak ang mai a ni tawh a, a vun a vâr in a dâng êm êm bawk.



Ka nu kut dâng vâr pap ah chuan vuan in ka fâwp vang vang a, Australia ah khân lo awm dun mai mai ila kan hlim daih zâwk âwm si a, ka pa hi Mi fel tak chu a ni lo, mahse ka pa a nih miau avângin a bula ka awm a, a thû ka zawm angai si.


"Bawiha, lo kal la, hei kan mi sâwm tepawh an rawn thleng kim tawh ania"



Ka pi in arawn tih chuan thâwk ka la hawk a,


"Ka tupa hmêlṭha, i nu hi chu iva han chhûn tak e aw, mizo tlangvâl ah hian nang aia hmelṭha hi an awm ka ring lo"


Ka pi chuan ati leh duah tawh, ka nui hak a,


"Mahse hmaikawr vuah angai sia, ka hmelṭhatna pawh an hmu thei lo tûr chu a pawi khawp mai"


Fiamthu a tihpahin Carnival Masquerade mask Dum chu ka vuah a,


"I pa chu i hriat kha, engkimah a ber nih a tum tlat ṭhin, hnial buai lo la i tân a hahdam thlâk a ni mai"


Ka pi chuan a ti dap dap a, ka lo bu nghauh nghauh ringawt, ka pa hi vawikhat mah ka hnial ngai lo, mahse ka piancham tal hi chu ka duh dân in lawm min phal sak ve se ka ti rilru khawp mai.



Inchung aṭanga ka thlîr thla chu mi pawh an lo tam tawh khawp mai, Mizoram ka awmna kar khat chauh a nih vângin tu tu te nge mi lar leh mi chal lang pawh ka hre lêm lo.

Step tâwp ber Ka thleng thla chiah tih in Ṭêk arawn tla chuaih a, current a thim zui hmak bawk, mipui ho chu an phun ri mar mar hlawm a, tukverh aṭangin kâwl arawn phe êng zuai zuai a, têk tla ri dum dumin arawn zui zat bawk, chutah ka bul mai ah chuan light pakhat hi arawn êng pup a, ka bula hmeichhia hmaikawr a vuah kawrfual sen ha samdum kir lek lek tê fel rên mai hi light chuan alo chhun tih ka hre ve chiah, music dangdâi zet chu rawn in play in muangchâng chuan a in theh ta dalh dalh a, ka âwmah chuan rawn nam deuhin ka hnunga couch ah chuan min nem ṭhu riai riai mai, mi dang chuan kut an lo bêng dar dar hlawm a, a ngaihna hre lo zetin ka hawi ka hawi ringawt.



Chutah a kal san hnu chuan light chu arawn êng pup a, ka hma ah chuan mipa 5 leh hmeichhia 5 kawr dum vek ha teho chu an in theh ta siau siau mai, kawrfual sen ha nu chu a lai ah dingin zo zet chuan alam dalh dalh a, a in vawrh kâng phei chuan kan lo meng phar awk awk mai, violin mil chuan sexy zet hian alâm delh delh a, mit ati tleiin min barakhaih takzet a ni, nuam pawh ka ti ve ṭan tawh.



Ka kutah chuan rawn vuan in ka ṭhutna atang chuan min kai tho a, keimah min kual chuan a vir delh delh mai, a kawrfual hâk sexy zet leh a hmaikawr techuan tunge a nih min hriat châk tîr ta viau bawk, ka hma ah tak chuan rawn dingin hnai zetah chuan kan in enkar a, a mit meng chu a lian hlê tih ka hre thei, music a tâwp ve chiah a, midang chuan kut an bêng dar dar mai, ka insûm zo ngang lo chu a hmâikawr vuah lai chu muangchâng in ka phelh sak riai riai a.



A hmel ka hmu chiah chu sawi mai tûr pawh hre lo in ka en vawng vawng ringawt, hmelṭha tak a ni, Vampire nula hmelṭha tak ang mai alawm le a nih le, hlauhthâwn hmêl zet hian min enkiau a, ka tum loh deuhin ka la nui suk zui, chutah harh chhuak thut ni âwm tak hian a hmaikâwr chu min rawn chhuh lawp a, rang takin a inthiar fihlim nghâl daih.


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 7th, 2021, 5:41 pm

ANGEL (Point of view)




Kha kha enge? Tinge ka mumang nen khân a in an em em le? a hmaikâwr te, a thawmhnaw hâk te, a mit meng tekha, A awm zia ka hrethiam lo takzet a ni, enge ni ang? Ka lungphu rawn rang dawt dawt reng chu ka dawm vang vang a, inchhûng lamah chuan ka lût leh vat a, mahse ka awm dân erawh apangngai thei lo.



"Angel, tinge i kal daih a? Pu Rina fapa Australia aṭanga lo haw anih kha, iva han mawl tak"



Mala chuan arawn ti bawrh bawrh a, ka mask chu rang taka vuah in ka insiam ṭha sawk sawk a.


"Khâpa kha Mizoramah a awm ngai lo maw?"


Ka han ti deuh hû a,


"Teh nâng, a vun pawh a ngo êm kha, mahse a hmêl tuman kan la hmu lo, a hmaikawr kha a phelh dawn an ti nia"



A han ti leh hluai a, thil pakhat ka sawi theihnghilh ṭep, Mala hi tlêm in a nu rawng akai deuh.


"A hmelṭha ngawt ang, engpawh ni se rawn kal vat teh, U Faka'n a zawng che nia"



A ti leh hluk a, ngaih ṭha zân lo chuan ka lüt veleh mai a, wine engemaw in in midang ho chu an lo ti ti mar mar hlawm mai, mipui karah Mala nen chuan kan inhnawh phei ve nawk nawk a.



U Faka ber pawh chu kan hre tawh lo, mahse kan hma lawka min lo hûi zauh zauh tu chu amah anih ringin kan va fin ve râwih a,


"In ti ṭha takzet aw Angel"



Tihpah chuan a nui huah huah a, ni e, kan che ṭha takzet, mahse engemaw min mawlh reng tu vâng hian ka awm anuam thei lo, haw daih ka châk, "Engtikah nge kan haw theih ang?" Inthlahrung ru zet chuan ka han ti a.

"La awm rih r'u sawmna dang kan dawng leh lo ang tih a sawi theih loh"



A tih deuh tlat vâng chuan ning chung chungin ka awm lui ve hrâm hrâm a, music a ring in mipui an tam reuh si a, ka awm a nuam thei lo, kil khatah ṭhu in khâpa ringawt kha ka ngaihtuah lêt vang vang a, mit meng lian tak chu a ni lo, mahse a hnâr erawh a zum sâng vah tih ka hre thei, a hmui hnuailam a lianin a hmui chu love sign dik tak kan tih ang chiah hi a ni, a sen chak bawk.



Midang ho chuan ka chêt ṭhat thû sawiin min chibai deuh laih laih reng a, nuam ka tih rual rualin ka ning ru ang reng tawh khawp mai.



Chutah inchung aṭang chuan French lalfapa anga inthuam tlangvâl lian lam, cher lek lek chu zâng vah hian arawn chhuk a, mask a vuah tawh lo, a hmêl chu mizo hmêl tho si in mizo an lohna lai tam tak a nei, cake lian tak chu zeiin a chhûng te ni awm tak a bula ding pitar leh pa valai lam deuh techu a cake zei sa chu a barh liam liam a, eng engemaw an sawi lai techuan kan mit leh mit a intawng fu thei riau lehnghâl.



Party a hun an tih veleh chuan min rawn pan tlatin ka hria, thaw dêp dêp in ka lo awm rân a, midang ho chuan min en deuh ṭhup leh nghâl emawni, ka lo enchiang miah lo a, a sam chu a dum in a buk ṭha hlê tih ka hre thei.



Min rawn pan tlata ka hriat vâng chuan ka ṭhutna aṭang chuan tho in pawn lama chhuah ka tum chu waiter in tûr sema kal kual pa nên chuan kan in su chawrh nia, kan bul hnai ami techu an lo ṭe deuh ṭhat a, waiter in tûr ken chu atla keh vek awi...., ka kawrah ala buak nuaih zui.


"Aw..ka tihpalh lutuk"


Inthlahrung zet chuan ka ti a,


"I va mawl ve, i kalna tûr en ta che"



A tih deuh tuar pawh ngai pawimawh lo in ka zak lutuk chu ka tlân chhuak vat a, bathroom lam ka pan nghâl vat.



Bathroom ah chuan ka kawr chung zâwk chu ka phelh a, a hnuai ah chuan kawrbah var bra ni nghâl, a dul zawn vel lase vek ka ha tho bawk a, hmeichhe dang lo lut pawh ni se ka zak vak lovang, ka hmaikawr pawh ka phelh vek bawk.



Ka kawra juice val nuai chu tui chuan ka tleuh mawlh mawlh a,


"Lo dam lo vak ila, hetah hian lo kal ila ṭha tur ania, nichin ang khân zahna ka tawng awm si lo"



Tih niah niah pahin ka kawr val kuau chu ka nuai nawk nawk a,


"Engmaw i sawi kha, ka hre ṭha thei lo"

Ka hnunglama rawn ti rí vâng chuan ka kat dâwrh thei, ka âu chhuak lo chauh.


Darthlalang aṭang chuan ka hnunglama lo ding reng pa chu ka melh kâwk a, ka leh hawi nghâl vat, Jake chu bang nghêngin inkuangkuah thân hian alo ding reng anih chu.


"Nang...nang hi...hetah"


Ka ti bah nuai a, ka in hâk pan zia ka hriat chhuah rual chuan ka âwmbawr chu ka hup nghal vat bawk, a nui hak rî chuan min ti thinrim ṭun mai.


"Chhuak rawh, engvangin nge i rawn luh ve ngawt?


Thinrim zet chuan ka ti deuh khar khar a, A mawl ka ti dawn nge a zak thei lo zawk, hmeichhe bathroom a ni si a,
"He lai hi ka in ania, ka duh duhna ah ka kal thei lawm"



Awlsam zet hian alo ti a, rum zetin ka en kar ringawt, ka che ngam tawh bawk si lo, a inkuangkuahna chu phelhin muangchâng hian min rawn pan a, zak anga lang duh si lo in ka lo îp ru châwih châwih ringawt.



"Jake ka nia"


Tihpahin a kut chu arawn phar a, ka chibai lo chiang asin, chutah thil hre chhuak ni âwm tak hian a kut chu ala leh vat a, ngawi rengin ka lo ding kûn ngal ringawt.


"Mizo hmeichhia te hi nang ang vek hian an zak zum em?"


Arawn tih leh chuan lehlam hawiin ka mengkual ralh ringawt,


"Chhuak rawh, Kal leh vat ka ngai nia"



Awki hniâm tak si chiang fek fawk chuan ka ti a, a chek deuh hlak nia, darthlalang aṭang chuan a hmel chu ka han en zauh a,
Ka hnunglam chu uluk zet hian alo enkur nia, ka thinrim insûm chu thâwk ka'n la halh a,


"Ka in thlâk duh a, i chhuak thei tawh angem?"


Alam hawi pah chuan ka ti chang leh fak a, chimawm zet hian ala nui suk zui, ka âwmbawr zawn chu ka la hup ṭât reng tho.


"Ka beng hi a chhêt deuh hlek ṭhin a, sawi ṭha leh lawk mai"


Ngeiawm zeta tihpahin arawn kûn hniam deuh a, ka thin in a tuar lo lek lek tawh,


"Khawngaihin i kal thei angem? I hmuh ang hian in thlâk ka ngai"


Awki sâng lek leka ka tih tâkah chuan nui var var pahin a kut zungpui chu arawn ti pir va a,

"Ti khân ka hre chiah"


Tihpah chuan a chhuak ve mai bawk a, chek hlak pahin thâwk ka la hak ringawt.

"Chimawm reuh"


Ka phun sap a, mahse.....A duhawm reuh, ka ngaihtuahna vâng chuan ka hriat loh kar in ka lo nui vur vur nia, ka inthing harh leh vat a, ka kawr chu a hnawm a hnawmin ka ha leh ta tho , ka chhuak ve nghâl vat bawk.


Zai thiam te zaiin an lo ri laih laih a, haw daih ka duh rum rum tawh, sana ka en a, 11 alo pêl duai tawh, U Faka chu ka zawng ru deuh chhin a, tûmah ka hmelhriat âwm ang ka hmu miah lo, ka mang ang ru nghâl ṭûn mai, mipui kârah chuan ka inhnawh phei mawp mawp a, ka hmelhriat tûmah ka hmu lo.



Engtin nge ka haw ang? Hemi te in hi a fâl si, motor ka nei dêr bawk si lo, ke chuan kal mahila ka thleng zo tho anga, mahse an in kawng hi a thim in ramhnuai deuh
A ni bawk nen, engtin nge ka tih ang?





JAKE (point of view)




"Enge ang itih i piancham lawmna chu?"



Mahni a ka ṭhut ngawih reng lai chuan ka pi pawh ka bulah arawn ṭhu thla ve a, Ka pa pawh a tel ve.

"A nuam ka ti, ka rin aiin"



Tih ringawt chuan ka chhâng a, nuam ka tih em em phei chu ka hre chuang lo, "Puitling ini ve dawn tawh a, Hetia lawm hi a ngai alawm, Naktuk chanchin bu headline tin ah an ziak lang chuai chuai dawn a nih hi" ka pa chuan a zu no tlâk pap pah chuan a ti sup a, ti fuh in tih hmêl zet hian a nui zui suk bawk.


Ka pi nen chuan ngawi rengin kan in melh ralh a, ka pa tak hi chuhhh.... a ber nih tum reng reng a awm chu a nun a hrehawm viau ang, "naktuk tukleh zânah Delhi aṭangin ka ṭhian ṭha tak a fanu nen an rawn kal dawn a, A hotel hawn thar lawmna party ah in lâm dun ngêi angai dawn nia" ka pa in a tih chuan phâwk zetin ka hawi chho vat a.


"Kei hi ka lâm ang maw?"


Ka lo ti deuh hû ringawt, Jake leh lâm chu thil in hmeh lo tak a ni,

"A harsa lo, nichin mi te zíng ami kha zirtîr tûr che in ka lo ti dawn nia"
A tih chuan thil ka hre chhuak zawk, Red girl kha,

"Kawrsen ha nû tê kha a lâm thiam kha, khâ nu khân zirtîr che sela ni mai lawm"


Ka rilru hria ni âwm fahran in ka pi chuan alo ti vat a, a rûkin ka nui suk ringawt, khâ nu kha engemaw tak chu a ni ve ni, hriat chiân ka châk zek zek mai.


"A ṭha e, ka lo be dawn nia"



Tihpahin ka pa chu a chhuak zui daih a, keipawh inhnuailam pan chuan ka chhuk thla ve nghâl vat,

Mahse lâm ho kha ka hmu tawh miah lo, khânu pawh kha ka han zawng ru deuh a ka hmu tawh miah lo, ka hriatthiam si loh hian ka hnual nghâl ruih nia.



Balcony lama ka phei tûr chu ṭawng rí chuan min ti ding chawt,


"Engtin nge ka tih ang nute? Min lo haw san vek a"



A âw aṭang chuan a hlauthâwng tih ka hre mai, hmanhmawh takin a awmna lam chu ka va pan a, min hmu chiah chu a phu deuh zawk nghe nghe.


"Nakinah ka rawn be leh ang che"


Tihpah chuan a phone chu a dah ta daih a, a hmêl rûm âl reng hi ka lâwm ru riau, a mit meng erawh pawisawi lo tak a ni thung.


"Haw na tûr i neih loh chuan ka lo thlah ang che"


Ka tum lâwk pawh ni hauh lo in ka han ti ringawt a, min la chhâng duh ṭhak lo zui.

"Hey Red girl, i beng a chhêt ami?"


Ka tih chuan hmêl vawt raih hian min rawn enkar a,

"Ke in ka haw mai ang, min ngaihtuah vângin ka lawm e"



Zâwi sap hian a ti a, a kal nghâl daih nia, a induh thiâm reuh lutuk hi ka run tlat , Lalhriatpuia hi mipa lêrh tak ka ni lo, Ngaihzawng chu nei ve fo mahila ka ngaihsak ngai lêm lo a, ka duh min pêk chuan ka lawm tâwk viau, hmeichhia zâwk hian min rawn zar hmasa ziah a, hmâ ka lâk hmasak vânga bialnu ka neih âwm ka la hre lo, hmeichhe dangin min zar buai reng laia henû tereuh hian min pal mai mai hi ka run tlat nia.



Rang takin ka ûm zui a, pawn lama alo kal chhuak chhat chhat chu ka va hmu hman hrâm, rang takin ka va fin vat a, a bân rêkah chuan ka va man chawt,


Chal chuar nâng hian min enkar mai.

"Enge maw i tih le?"


Tihpahin ka vawnna chu a thing thla deuh sawk a, midang haw tûr lah chuan min enduh em em lehnghâl,


"Ka thlah ang che"


Ka han ti ringawt a, min hnial dawn maw ka tih laiin "A ṭha e" thaw halh pah hian ahan ti ringawt a, lâwm a hnêk in min ning hmêl apu chuan ka thin ati rim ru viau, ka thlah malêk dawn mawni ka ti rilru hman ut ut zawk.


________________



Ngâwi rengin ka bike seat hnungah chuan a chuang ve rân a, chutah a in rin hmâ ka'n start thut mai chu min rawn kuah nghâl rawk rawk mai, ka nuih ati za ru viau, side glass aṭang chuan a hmêl chu ka en a, rum zetin min lo melh reng nia, tih theih dang nei chuang hek lo le.





"Aizawl khawpui hi ka la bel vak lo a, khawilai ah nge kal tur chiang deuhin sawi rawh aw"


Kan tlân lak lawh lai chuan ka han ti a, min chhâng leh duh ta miah lo, kan in phur ve nachungin ka tlân muang vâng nge min hlat dû mai, a in rin hmâ chuan ka han start leh thut a, min rawn bawh leh âl mai, a âwm bâwr in min rawn nêk deuh âl techuan a awm dân tûr ka lo feel hman veng veng nia.



"A hla tawh lo, kual leh la, saw ti lai in pâwl saw ni mai"



Muangchâng chuan arawn ti a, ṭawng mawh ve tak chu ni.


A in sawi ni âwm tak zâwnah chuan ka ding risk ve pawp a, a ni tak tak aniang a chhuk thla ta ṭaih ṭaih mai, ngâwi reng chuan gate chu hawngin luh a tum ta mai, ava han Mâwl reuh tak e âw.


"Engemaw theihnghilh i nei lo maw?"


Ka tih chuan a rawn hawi lêt vat a, a in dap nghâl dan dan mai, ka thil sawi tum chu a man hauh lo nia.


"Engmah ka nei lo"


Ati deuh niah niah a, thâwk ka la hawk.

"I nei chiang alawm"


Ka han ti leh a, ngaihtuah zui ni âwm tak hian a en ngai a en vang vang mai, rei vak lo hnû chuan inthiam lo hmêl pu lek lek hian min rawn en zak zak a.


"Ka...Ka..ka lawm e...min thlah vângin"



A rawn ti bah ta niai a , Mawl reuh lutuk ka ti hman ṭep a, mahse ka insûm thei hrâm, lâm min zirtîr tür thû vel chu engmah ka sawi duh lêm lo, ka helmet chu khumin rang tak chuan ka in turn a, ngawi rengin alo la ding ve reng bawk.


Ka bân chu ka han vei khum zauh a, min bye bye lêt ve beiseiin ka ding deuh hrut, mahse min en vang vang reng ringawt, thawk la hawk pahin ka kalna ngai ah chuan chak zetin ka tlân lêt leh vat a.



Zan arei tawh avângin a reh ṭhuap mai, ka thil tih âtthlâk zet ngaihtuah lêt chuan ka nui vur vur reng ringawt, engvânga khânu kha hriat chiân châk em em nge ka nih ka hre lo, ka hmuh hnu a an êm vâng pawh a ni maithei ni, ka ngaihtuah chiang a, ka mumangah ka hmu tawh tlatin ka hria, mahse hmelhriat ngai miah loh mumanga han hmuh ngawt chu ni theiin ka hre bawk si lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 7th, 2021, 5:42 pm

ANGEL (point of view)


Zân ka mu chu ka thil tam tak ngaihtuahin ka mu mengkar reng mai, tinge khâ pa ringawt kha ka ngaihtuah le? A nui hmêl te, a mit meng, a hnâr zum tak tekha, mi hîp na ngah tak anih ka ring, tûnah pawh mipa lam rêng ngaihsak ngai hlei lo khân khâ pa ringawt ngaihtuah khân suangtuahna nen mut hmunah ka nui ver ver reng chu ni sia.


"Jake"


Tiin ka phun sap a, sana ka en chu zíng lam dar 2 alo pêl hret tawh, ka mut lah chu a chhuak thei dêr lo, suangtuahna ah engdang rêng a leng hek lo, Zâwlaidi tah ang hlauh ka ni, khâ nui hmêl khân min zêm â ta vek em ni ang? Zangthal ar in inchung ruak huai chu ka melh kar a, hetiang hian ka vei zui dawn tih chu hria ila khatiang khân alak ah ka che mawi lo miah lo ang mawle, mahse ka hre lo, ka lâi em em reng a, a châng leh ka ngei a, a châng leh min biak dân te vâng chuan ka zakin nuam ka ti ru em em bawk si, ka awmdan in kawkalh nuai vâng aniang alakah pawh awm dân mawi ka theihnghilh tâk.





NEXT MORNING




Ka nutei te nupa an zin vângin tûkṭhuan ah pawh chhangthâwp butter tah leh bawnghnute ka ring tawp a, practise tûrin ka chhuak nghâl zat bawk.


U Faka khân hmanhmawh tûrin min ti bawk si,




Hmanhmawh takin practise room lam chu ka pan hlawk hlawk a, tûmah an la awm lo, kawngkhâr pui rawn ri rakah chuan ka phu dâwrh nia, U Faka nui vur vur hian arawn lût a.



"Hey Red girl"



Zâng vah a arawn tih tâkah chuan thil ka hre chhuak zawk, nizana Birth boy in Red girl ti a min koh lai kha ka hre chhuak zawk mai.


"Mak ti vak duh suh, eng lo ania, An fapa kha, birthday boy kha, lâm i zirtîr angai a"


U Faka'n a tih chuan ka bengchhe rí a nih ringin ka en kâwk a,

"Red girl kha an duh thû an rawn sawi a"


A tih leh chuan makti zetin ka en top, ka hrethiam lo, tinge u Faka thlang lo a Kei kher min thlan le?


"Angel i thawk rim bawk a, sum ṭhahnem tak i hlawh dawn nia, i tân kawng a in hawng e, All the best"


A han ti zauh a, sawi tûr mai pawh ka hre lo, ka mumang leh bawk em ni ang? Mahse hei chu a tak a ang lutuk tlat.


"Angel i mumang ram aṭang khan rawn chhuak rawh"


Ka dar tawn tawna vawn pah chuan min rawn sawi deuh nawk a, ka lo nui hak ringawt.



"Ka lawm takzet a ni ilakah hian"


Ka ti chhuak thei hrâm,


"Lawmthû sawi suh, i phû alawm le, hawh kal nghal ila, an hmanhmawh sia ka hruai phawt ang che"



A ti leh zung zunga rang takin Kan in phur chhuak zui nghâl vat.



_______________



Nizân khân ka lo enchiang miah lo a, an in chu Lal in ang mai a ni, U Faka nen an in chu uluk taka kan thlêk dun nghek hnû chuan inthlahrung takin kan in zui lût dâ dâ a.



"E...in lo thleng tawh amaw?"


Piatar pakhat hmelṭha zet mai zahawm zet hian alo ti a, a nuih sâng reng avâng chuan ka nêl ru nghâl em em ringawt.



"Ka fapa chu a hna ah a kal chiah a, Bawiha chu ka'n koh tîr ange, lo ṭhu rawh u inthlahrung sû"




Alo ti nghal bawrh bawrh a, chutah maid pakhat chu rawn kalin pitar chuan a beng bulah chuan engemaw a hrilh ru sar sar a, maid chu bu nghauh nghauh in inchung lam a pan zui vat.



"Nang hi Red girl kha maw? I hmelṭha hle mai a, Mizo nula hi an lo hmelṭha tawh anih hi"


A tih chuan ka lo nui lui sak a, ka kawrfual pâr chhak ka khup chung thlenga fual chu duh aia a chhîn deuh vângin ka pawt ka pawt ringawt, practise reng ka ngaih vangin kawrfual hi sunday tih vel lo ah chuan hak na hun ka nei ngai lem lo a, heta kan kal dawn khân Mala'n min hak luih tir tlat vanga ha mai chauh ka ni.


"Ehem..."


Rawn ti rí ah chuan kan hawi rual ṭhap a, inchung panna step tâwp berah chuan Jake chu alo ding reng tawh chu niin, T shirt dum ahma a vantirhkoh lem awm a ha a, kekawr dum tight lek lek aha a, Timberland boot dum a bun bawk, a ṭhi awrh lah chu kraws lem lian tak leh chain a awrh kawp nia.


Zâm hmel pu hauh lo hian a kekawr ipte zen chung chuan min enkar a, a mit meng chu a ti zîm deuh sak, a chhan fak puh tur ber pawh hre lo hian ka zâm em em a, ka chil ka lem ru khalh ringawt.



Kan lam pan chuan muangchâng hian arawn kal a, a vun lah chu kei aipawn a ngo amaw tih tûr a ni, khawdang hawi lêk lo hian min enkal reng nia, a pi bula a ṭhut hnu chuan U Faka chu ahan en leh a, a hmela zâmna leh in ngaihtlâwmna ka hmu lo chu ka ngei ru viau, en reng reng pawn a nun chu a nuamin a duh duh ati thei tih a hriat bîk ngawih ngawih, a nun chu a nuam viau in ka ring.


"Hei ka rawn hruai a, khawngaihin lo enkawl ṭha r'u aw, ka kal lehnghâl angai sia ka kal leh mai ang"



U Faka chuan polite tak hian alo ti vat a, a kal tûr chu ka huphurh ru ang reng hle, mahse ka chelh ngawt thei bîk bawk si lo.


"Angel ka kal aw"


Arawn tih takah chuan Ka mit chu la sawn in U Faka en chuan ka nui lui sak a, U Faka pawh a chhuak zui vat bawk, a kal liam tûr chu ka en zui vang vang a, ka zâm bawk si nen ka huphurh takzet a ni.


"Angel maw i hming?"


Pitarte chuan nui sâng hian arawn ti leh a,

"Aw ni e, Angela Lalnunfeli ka nia, Angel min ti mai dawn nia"



Zâwi zet chuan ka lo ti a, ka ṭawng chu a zâwi ang reng si a hriat a har viau in ka ring.



"A nih chu kum engzat nge inih Angel? Ila naupan hmel sia"


Nêlawm zet hian arawn ti leh a,

"Kum 23 ka la pum lo deuh"

Ka han ti zauh a, ka kum zât diktak hi an hriat kher ṭûl in ka hre lo, bâkah Jake aia ka naupan vâng hian a zirtirtu ka nihna angin min zah loh phah ang tih ka hlau.


"Anih chu, a nih ka kalsan ang che u, Bawiha hian in lâm zirna tûrah a hruai ang che aw, nakinah thil in ei dawn nia"



Muangchânga a tih hnû chuan inchung lam chu a pan chho chhat chhat a, pitarte pawh chu ka enzui vang vang reng ringawt.


Khawdang hawi lêk lo a min en reng tu chu zâm ru zetin ka han melh zak zak a, nizâna a ṭawng tam zêp zuap nen engemaw a ngawih tlat reng le? Ka rilru chuan ka ti rilru nauh nauh reng ringawt.


"Angel"



Zâwi deuh sup hian arawn ti a, ka en deuh kâwk.

"Hming nalh tak a ni"


Min en reng chung chuan arawn ti leh sup a, khap fak fak chungin ka en tawp, chutah arawn nui chhuak hak a, a hmui ro tih hriat zet chu a liak huh zui zauh.


"Kal ang le, min rawn zui rawh"


Tihpah chuan a tho vut a, ka zui ve nghâl vat.




An in zau zet ah chuan kan in zui phei dat dat a, chutah kawngkhâr lian tak, a kawngka pawh awmze nei taka chei chu chahbi lian zet chuan a hawng ruk ruk a, a hawng chiah chu ka ka huau thei.


Lâm tual zau tak hi alo awm reng anih chu, chhuat lah chu a faiin a tle nalh si a, lâm zirna ah chuan duhthusâm a ni, kan practise room te tak tê bâl zet kha ka rilru ah arawn lang nghal kuar kuar mai, hei nen chuan lei leh vân ang vel a ni.


"He music hi nia"


Tihpahin Piano leh violin in pawlh music ri dalh dalh chu arawn play a, ballet music kan tih ang deuh hi a ni, a nalh in thinlung a fan raih raih thei nia.


"Awle, a harsa hleinem"



Tihpahin ka va pan hnâi deuh a, kan in din chilh ta rân mai, chiang zet chuan ka chhoh enkar a, ani pawn min lo chhuk en ve rûn mai, Ka lungphu lah chu a rang em em lehnghâl ka sa deuh ap ap thei nia, mahse ngaipawimawh duh lo in ka inthunun hrâm hrâm a.

"I kut kha, ti hian dah la"


Tihpahin a kut chu la kângin inthlahrung ru tak chuan ka vuan a, ka ṭek deuh chhak thei nia mawle, a darah chuan ka kut lehlam chu muangchângin ka dah riai riai a, khawdang hawi lêk lo in min en reng bawk nên ka zâm lutuk chu ka lû Te hi ahai rum rum thei nia.


"I..i kut lehlam khân ka kawngah hian rawn vuan rawh le"


Tihpahin ka han melh zauh a, a mithmul sân zauh pahin a kut lum thur thur chuan ka kawngah arawn vuan ve mai bawk a, ka tha khûr ru der der chu a hria ang tih mawlh ka hlau a ni, ka zâm bawk si, ka lungphu rî hi a hriat loh hrâm ka beisei, a kut phah sa ham ham chu ka feel veng veng nia, chu chuan ka thâwk zu ti buai pha tlat a mawle, ka awmdân teh hrep chu ka van duh lo tak.


A rûk chuan ka inthunun hrâm hrâm a,

"Tlêmin min pawt hnai deuh rawh"


Aw khûr lek lek a ka tih chuan a taksa si deuhthâwin ka kawngah chuan a rawn pawt hnai deuh dâwrh a, duh aiin kan inhnaih mah mah.


Muangchâng chuan ka han hawi chho a, ani pawh a hmel aṭang chuan a dik lo a awm tih ka hre thei mai.


"I ke dinglam kha rawn pen hma rawh le"



Zâwi sap chuan ka ti a, arawn pên hma ve mai bawk a, ka ke hnunglam chu ka lo tawlh hnung ve zêl a, a tih dân tûr chu ka hrilh pah zêl a, ka rin ai daihin a man chakin a thiam chak.


"I thiam chak hle mai"



Nui sak pah chuan ka han ti zauh a,


"I nui hmêl ka vawikhat hmuhna"


Nui suk paha arawn tih takah chuan ka nui tâwp riai riai mai, kan lâm lai chu tâwpin hnai zetah chuan kan in en vang vang a, chutah ka hnung chu awmze nei zet hian arawn zût chho ta zâl zâl mai, music in play zawng zawng nen chuan ka ngaihtuahna a ti buai lo thei lo, chutah ka in rin hmâ chuan min theh vir deuh nawk a, hrilh hai zetin ka lo enkiau thung.



Alam hnaih ah chuan min pawt hnai leh dâwrh a, hnai zeta min chhuk en rân pah chuan a nui hak mai, chutah rawn hnai tial tialin ka nghawng zawnah chuan arawn thaw lum deuh hak a, ka lu mûr chhuak vek thei, ni lo....hei hi ka duh lo takzet a ni.


"I rimtui hle mai"


Tihpahin ka in rin hma chuan zo zet hian min pawm kâng deuh nawlh a, ka harh chhuak hawk in ka hria, Ka lo tâl thla rang ngang mai.


"Engemaw i tih le?"



Mengdur khâih chuan ka han ti a, ala nui var var duh lek chauh nia.


"Ka zêm â ṭan dêr tawh che nih kha, i zân mut hmuna i ngaihtuah lêt loh chuan amak ngawt ang"



In ring tâwk zet hian ala ti zui, a chêt dân chimawm zet kha ka ten zâwng tak a ni, engvânga lo dawh zel nge maw ka nih le?
Thinrim zetin ka namsawn lawp a, ala nui hak hak zui, a nui rî techuan min ti mûr sung sung thei.


"Ka fiamthû nih kha, ngai thu tak duh suh,vawiin atan chuan duhtâwk ang"




Tih leh chhuah a rual nghâl daih a, ka thinrimna beng daih tum in thâwk techu ka'n la ham ham phawt a, hêpa hi hnaih tam vak lo ila ṭha ang, amah ah hian engemaw riau hi a awm ṭhin, ka sawithiam si loh hian min thunun ni tlat in ka hria.




Muangchâng in Common room lam chu ka pan zâl zâl a,


"Angel chu maw i nih?"



Rawn ti tu lam chu ka hawi vat, pa pakhat sofa a lo ṭhu Jake ang tak ka hmuh chuan apa ani tih ka ring thiâm nghâl mai.


"Lo ṭhu la"


Nui sâng hian alo ti a, ka rin aiin an chhûngkua chu an fel hlawm daih, mahse Jake nu tûr awm ang ka la hmu ve miah lo, inthlahrung tak chung chuan ka ṭhu thla ve mai a.


"Enge a an? Naktuk zân hma in a lâm theih hmel em?"



Min enkar chunga arawn tih chuan ka zâm leh nghâl em em tawh, helai hmunah hian ka awm reng anih chu thaw chhamin ka thih hial ka ring, thâwk pawh ka thaw ṭha ngam meuh lo.


"Zirleh ka la ngai, a step ka la bel lo"


Chhân tuma ka ân zuau lai chuan ka hnunglam ami chuan min rawn chhân khalh vat, rang takin ka leh hawi let a, Choka aṭangin Jake chu arawn chhuak dawn chiah hi alo ni.


"A ni maw...ni e, lâm hi chu talent ṭha tak nei lo tân chuan a har alawm, Jake tân ngat phei chuan"



Tihpahin a fapa chu nui vur vur hian a en a, ka lo kiai ve sak ringawt,


"Anih leh le, han zir leh pauh ula, I nu enge a an?"



A fapa chu a enkar a, ngaithla lo âwm taka awm siin ka beng chu ka lo chhi ru kar thung.


"A ṭha"


Tih ringawt chuan alo chhâng a, an pafa chuan pawnlamah in ngaih hmêl viau in lang mahse chhûngrilah erawh engemaw tak a awm tih ka hre thei mai.



"Ka hmu che chu ka lawm hle mai Angel, i kutah kan in nghat ania, ka fapa hi zankhat chauh tal ṭha taka a lâm ngei ngei angai sia, ka kal ange"



Zâng vah chuan arawn ti zung zung a, min rawn chibai zui zauh bawk.


"Keipawh ka hmu che chu ka lawm hle mai"


Ka lo ti ve sap ringawt, a rawn bu zauh a, a chhuak leh nghâl vat.




-------------------


"Lunch ah enge i duh ang?"



A hmel ka va en chu ka chhânna a nghak tih hriat zet hian a mit hmul alo ti sâng zauh a, nichin thil thleng vâng khan ka la pangngai thei miah lo, ani erawh engmah thleng lo ang maiin a awm leh tawh, chhûngrilah nuam lo ka ti ru veng veng mai.


"Engmah angai lo, Ei la ka lo nghâk ang che"



Ka tih chuan arawn ner deuh sak a,


"Midang awm ve reng laia thil ei chu ka thei lo, Angel chutiangin ka sual lo nia, Steak kan ei dawn nia, hawh lo kal rawh"



Tihpahin ka kutah chuan arawn vuan chawt a, choka ah chuan ka inrin hma in min pawt phei dâwr dâwr nia.



"Thlai lam hi ka ei ngai lo a, Vegetarian ini em?"


A rawn tih chuan ka lu ka lo thing vat, Sa te ei duh lo chu an mâwl ah ka ngai,


"Awle, Pi Rem, Steak kan duh aw"



Ahan ti deuh lâng lâng a, table hma ah chuan a ṭhu thla thurh bawk, kei erawh ka kut hmalamah suih in ka la ding reng thung.


"Oh...sorry..."


Tihpahin arawn tho rawk rawk a, ka ṭhutna tur chu min pawh chhuah sakin polite zet chuan min ṭhut tír a, zêp lo chuan hetia a awm hian nuam ka ti lo takzet a ni.


"Hahdam rawh ka ei tel dawn lo che"



Tihpah chuan ka bulah arawn ṭhu thla zui zat a, ka tum loh deuhin ka nui hak, chutah mak tih hmêl fê hian min rawn en kâwk a.


"Ehe!....i nui a nia aw, i nui hmel ka vawi hnih hmuhna, Lalhriatpuia hi i rin ang a ni lo ang"


Naupang chhia zet hian arawn ti deuh duah a, ka lo nuih var var ringawt,



Reilote ah steak chu an rawn chhawp a, a tui hmêl viauna in an tomato souce dah tel chu thisen a ang ka ti tlat a nih chu, mahse ka ei chuan a tui tho bawk si.



"Enge a an i duh zawng a ni em?"



A rawn tih chuan nui luisak pahin ka lo bu nghauh nghauh ringawt.




Lunch kan ei zawh hnu chuan lâm kan ṭan hma in room pakhat lian zet mai rimtui zetah hian min hruai a, a rim tuiin room chu a fai ṭha viau bawk.



Hmeichhe pakhat chêr tak, dâng vâr pap hi khum lian zetah chuan alo mu reng a, Ka hmu thut chu ka phu zawk nghe nghe, a sam rawng chu a buang thak a, thlarau tepawh a ang ka ti.


"Hei hi ka nu nia"


Nuisânga tihpahin a nu chu a en deuh vang vang a, Mizo hmêl a pu miah lo, a nu chu a hmelṭha takzet a ni, a chêrin a dawl dâng hle tih loh chu.


"Hun rei tak tiang hian a mu tawh a, Angel thil pakhat ka hrilh che anga zêp tlat ang che"


Thu tak zeta arawn tih takah chuan mak ti ru zetin ka lo enkiau a,


"Diktak chuan ka nu hi Australian a nia, mizo a ni lo"



Hmel ngui lek lek hian arawn ti a, mak ka tih rual rualin a nu leh ama hmêl aṭang chuan mizo an ni lo tih chu a chiang reng, mahse tinge hêng hi min hrilh le?


"Sawi chhuak ta ila engtin nge min tih ang?"



Amah enkara ka tih chuan hmêl buai nak hian min rawn en a,


"Ka hre lo"

Tih liampuat pahin a nu chu a en leh vang vang ringawt,

"Anih engvangin nge tiang thû hi min hrilh kher a?"



Amah enkar chuan ka han ti leh a, a lû thing deuh mât pah chuan a ding nuih sak mai,

"Chu pawh ka hre bîk lo"


A ti leh ringawt, a mâwl ve hrim hrim nge thurûk a zêp theivlo zawk? Nge ni a a hrilh tûr dik tak min hrilh zawk pawh ka hre lo.


_____________


A ngai tê bawkin a insawi dân tûr leh a ke tih dân tûr techu ka hrilh mial mial a, min en reng bawk nen kei tak pawh chuan ka rilru ka pe hlei thei lo, ani phei chuan a pe lo tawp ang.


"Tiang hian i kut kha dah rawh, a nih loh chuan i vuan nghet thei lo ang"



Tihpahin a kut lum thar thar chu ngaihtuah chiang hlei lo chuan ka va vuan chawt a, engtin emaw tak hian ka awm leh zawk tawh, ka sawithiam chiah lo, ngaihtuah chiang lo a ka han vuan ngawt chu inthiamlo rilru deuhin ka thlah leh riai riai a, ala nui vur vur zui, a hmêl hlim sârh reng hi hmuh a nuam ka ti takzet a ni, a hmelṭhatna ati zual, a nuih loh erawh chuan a hmêl chu a hlauhawm lek lek thung, a hmelchhia tihna ni lo in, hmêl vawt raih kan tih ang hi a nih vâng zawk ania.


Ka lungphu rawn su dap dap reng chu ngaipawimawh duh lo luiin music rem chuan ka lâm pui dalh dalh a, a zei hran lo, mahse a vawikhatna kha ni miau a.


Music in play chuan ka suangtuahna ah min chên tîr riai riai a, engtin emaw tak hian kan awm dân chu nuam ka ti ru veng veng mai, a dâr chu aia nghet chuan ka vuan a, reilote chhûngin kan lo inhnaih hman hlê tawh, chutah kan lâm lai chu tâwpin thâwk kan la dûn halh halh a, a hahthlâk vâng a ni lo, kan awmdân dik loh vâng a ni zawk mah.


Hnâi takah rawn kûn hniamin ka kâwngah chuan a vuan nghet sauh a, ka hrethiam lo ka awm dân hi min fâwp se ka ti et et nia, enge achhan ka hre lo, a hmui chu ka en ṭhin, ka tem châk et et a, hêpa hian he music hmang hian min control tlat ni ta berin ka hria.


A rawn hnaih tawh êm vâng chuan ka lo maimitchhîng ta daih a,


"Jake"


Tih rî vâng chuan ka awmsawn nghâl dâwrh, ka awmdân chu a pangngai theih nân ka insiam ṭha ru nghâl mawlh mawlh bawk, ka lungphu rang dut dut chu ka dawm tawp.


Kawngkhâr lianpui aṭang chuan Maid pakhat hi arawn lüt zâl zâl a, hawi pawh ka hawi chhuak ngam tawh lo.


"Naktuk zan i inthuamna tûr en angai tawh a"



"E awle, Angel"


A rawn tih chuan a rûk in ka lo chhîng sawk,

"Aw..."


Ka han ti ringawt a, ka sa hut hut thei nia, ka biang asen vekin ka ring.


"Lo kal rawh ka thlah pah ang che"


Dam dap hian arawn ti a, ka chil ka lo lem khawlh, nichin maia thil thleng kha ka mumang ni se ka ti takzet a ni.


"Aih...U Faka'n min rawn hruai mai ang"


Ka lo ti mai a, min rawn hruai dawn em tih phei chu ka hre lo, mahse hêpa zûn ngah tak bulah hian ka awm reng anih chuan hmeichhe easy takah ka chhuak lo ang tih a sawi theih loh.


"Lo kal mai teh"



Tih nghut pahin min kâi chhuak nghâl dâwr dâwr anih chu, a chêt dân te thut thut hian ka awm ati nuam lo ṭhin.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 7th, 2021, 5:42 pm

Kal kawngah techuan ka awmdan techu ka ngaihtuah lêt a ka zak lutuk tih ngaihna hre lo chu a rûkin ka insiam chhe nghek nghek ringawt.


Reilote ah kan in pawh chu kan thleng ve mai a, nichin chungchâng kha asawi chhuah loh nan ka ṭawngṭai ru mawlh mawlh ringawt.


"Min thlah vângin ka lawm e"


Tihpah chuan gate chu ka hawng rak rak a,


"Lawkin"


A rawn tih rual chuan ding chawtin ka ṭhen ru sak,


"Aw enge ni ta?"


Tihpahin ka hawi lêt vat a, Min en vang vang nia, ka lai lutuk chu ka sa leh hat hat tawh.


"A ngai leh lo mai"


Tihpahin a bike chu a ti nunga chak mangkhêngin chak zet chuan a in khalh chhuak zui daih a, ka en zui vawng vawng ringawt.




Inchhûng ka lût chu Nutei chuan eirawng alo bâwl mial mial tawh a, min hmû chu mak tih hmêl zet hian min en vang vang mai.


"Kawrfual maw? Khawnge i kal a?"


A rawn ti deuh hû a, ka nui nghâl sak.

"Mi hausa tak fapa lâm zirtîr turin min tia, Nute an in chu lian râpthlâk, Lal in a ni ringawt"



Ka kut phar hluai chuan ka ti a, Nutei bulah chuan sawi tûr ka hria in ka mizia adang hlauh thung.


"Anih chu avan ṭha ve, i patea office ala bâng ve lova, biak duhna che a nei aniang"


A tih chuan ka kawr hnung zipper ka zip thla tur chu ka tâwp chat a,


"Engah chuan?"


Ka lo ti hâ ringawt, "Ka hre bîk lo, mahse a pawimawh a nih ka ring" a ti mai a, engah tak chuan min be duh ang maw, ngaihtuah zui tawh lem lo in ka room ah chuan ka lût a, kekawr bûl leh tawnzau chu ha in ka chhuak nghâl vat.




Nutei alu kan tûr silsa dawhkân ami chu ka vel zui mial mial a,


"Ruah sûr hma hian lo haw vat se ṭha tûr"


Tih niah niah pahin Nutei chu tukverh ah chuan a dâk leh veuh veuh ṭhin, khua a dul ruih a, dâr 3 ala ri ṭep chauh ania khua atlai ruih tawh, a lum uap churh mai bawk si a, ruah thimpui a sûr ngei ka ring.

_______________

Zan riah ei dâwn ṭep in Patea pawh arawn thleng ve hrâm a, a hmêl chu a ngui deuh ni hian ka hria, patea hi pa nêlawm tak, nui sâng reng chî hi a ni a, mahse vawiin tlai erawh rilru hahna lian tak a nei tlatin ka hria.



Chaw kan ei lai techuan a ngawi reng a, nutei nen chuan kan in melh ru hrek hrek ringawt, Patea hi fa nei thei lo zawk a ni a, A fanu tak tak angin min en ve chuan ka hria, mi ti hliau hliau chi a ni lo na in min duhsak zia leh min hmangaih zia chu a awm dan aṭangin a hriattheih tho mai.


Nutei nen chuan eng engemaw sawiin kan ti ti lui chiâm a, Patea erawh a ṭawng hauh lo, chaw te eikhama thleng ka sil mawlh mawlh lai chuan nutei chu hmêl ngui lap hian arawn chhuak a.



"Mate, lo lût lawk la, I Patea hian engemaw sawi pui che a duh a"



Arawn tih chuan Ka lo bu nghauh a, thlêng chu tleuh zawk zawkin nutei te room lam chu ka pan zui vat.





"Ṭhu la"


An room kan thleng chiah chu nutei chuan alo ti vat a, Couch ah chuan ṭhu thla in Patea thusawi tûr chu ka lo nghâk ru kar bawk.


"Englo ania Angel, I nu hian leiba alo nei a, chu chu rûl tûr in an rawn ti che a"


Patea chuan inthiamloh hmêl zet hian ati deuh chuar chuar a, mak ti zetin Patea chu ka en tawp, ka nu kha nu ṭha tak a ni, a thil tih sual ka hriat awmchhun chu kei min kalsan a a in ti hlum kha a ni mai, chu bâk ka nu khân tihsual a neih âwm ka hre lo, nufa chauha chêng ṭhin kan ni a, khawsak sâng tak ni lo mahila Ba a neih ngai âwm ka hre ngai lo, Patea thusawi zet chu mak ka ti takzet a ni.


"Pate a tam viau ami?"



Ka tih chuan tâwt hmel zet hian thâwk ala hawk a, a awm dân teh hrep chuan min ti hlauthâwng et et nia.

"Englo ania....Pawisa ba ni lo in, Mawhphurhna hlen zawh loh a neih vâng zawk a nia, chu chu nangman i chhunzawm angai dawn a ni"



Ahan ti leh te te a, ka la manthiam chuang lo, duh aiin a peh hêl mah mah a ni,


"Ka u chuan eng ang mawhphurhna nge a neih a?peh hêl lo khân sawi chiang vat teh, ka hre châk tawh lutuk hi ka thaw chham mai dawn"



Nutei chuan dawhtheih loh hmel zet hian alo ti vat a,


"Hmeichhe pakhat thisen mawh a phur a, chu chu Angel hi hlen chhuak tûrin an rawn ti nih chu, A fapa pasala nei tûr che in an rawn ti che a"



Patea thusawi zet chuan min deng dawt mai, rang takin a hmêl chu ka enkâwk a, fiamthû hmêl a pu bawk si lo,


"Eng ang mawhphurhna nge a ? âwm ang lo lutuk"


Nutei chuan alo ti nghâl hlar a, kei erawh ka chil ka lo lemkhalh thung.

"Angel kum 19 lai ini ve tawh a, i nu tan leh i nutei nen kan pahnih tan itih ngei a ngai ang"


Patea chuan dam dup hian arawn ti a, A thusawi dân chu ngenna aiin thupêk a ni zawk mahin ka hria, chhân ngaihna pawh hre lo chuan patea hmêl dam dup chu ka en tlawk tlawk ringawt.


"Kum 19 chauh ala nih hi, pasal nei rual pawh ala ni lo, Tu thisen mawh nge a phurh a? Thil âwm ang lo lutuk anih chu"



Nutei chuan alo ti leh bawrh bawrh a, thisen mawh a tih awmzia kha ka la hrethiam miah lo, mi a that tihna em ni ang?


"Pate ka nu chuan tu emaw a that tihna mi?"


Ka tih chuan Nutei nen phâwk fê hian min rawn en a,

"Ka hrethiam tawh bik lo Angel, mahse mawhphurhna sâng tak a ni tih erawh ka hria, va mu tawh rawh, ilo in ngaihtuah dawn nia"



A tih takah chuan rilru khingbai deuhin ka room lam chu ka pan zâl zâl a, ka room ka lut chu ṭek arawn tla chuaih chuaih a, current arawn thim nghâl hmuk mai, bati pahnih inchhawp sa chu rang takin ka chhi êng thuai a, ka khumah chuan ka mu mengkar reng ringawt, patea thusawi chu a awmzia ka ngaihtuah ngial pawhin ka la hrethiam thei chuang lo.



Ruah sûr cherh cherh karah chuan Nutei aw rî ka hre tlat,


"Ka rem ti thei lo, naupang mai ala nih saw, a ṭul anih chuan kei hi an ni chuan min rawn la mai rawh se, Angel hian atuar nasa tawh lutuk, ka remti thei lo"


Nutei'n a tih hmuar hmuar ri chu ka hre ruai ruai a, ka rilru hah leh nuam lo lutuk chu awm ngaihna pawh ka hre lo, An ni atih chu tu te nge ni ang? Tunge ka pasal tûr chu ni ang?



Nutei ṭawng rî chu a ring ṭha khawp mai, patea aw erawh fiah lo ruai ruaiin ka hre thung, keimah vângin an in hau tih hrilh chawp ka ngai lo, a vawikhatna a ni bawk nen nuam lo ka ti lutuk chu ka ṭah tepawh a chhuak ut ut mai.



"Kei hi an duh chuan min that mai rawh se, Angel saw i khawngaih ve lo mi?"


Nutei'n ṭap ãw lek leka atih rí chuan ka lungphû ati rang dut dut thei,


"Kei ni ni lo in Angel saw lawm an duh, Angel chu a ṭha ang"


Patea awki pawh a sâng ve tawh khawp mai, nutei mawlh chu ni, va kal tumin ka tho ûr ûr hman a, mahse ka insûm leh thei hrâm.

"I kal tír anih chuan kan inṭhen ang"


Nutei chuan a ti ta mai, ka hmui hupin ka khumah chuan ka ṭhu ta tawp a, ka mittui arawn hnâi kuar mai, keimah vânga an inṭhen chu ka duh teuh lo, mahse Nutei awmdan aṭang saw chuan mi hlauhawm tak an ni dawn tih ka hria, enge ka tih tâk ang?


Room pakhat thianghlim leh lian zetah hian ka lo ding reng a, a êngin bungrua te chu a tle deuh sar sar nia mawle, hei hi ka mumang bawk em ni ang?




Khum pakhata dam lo lo mu reng ka hmuh chuan hriat chhuah ka nei tlat, ka awmna hi Jake nu room kha ni tlatin ka hria, muangchâng leh hlauthawng ru tak chuan ka pan zâl zâl a.



Ka rin ang ngeiin Jake a nu ngei alo a ni, che miah lo in alo mu mengkar anih chu, ka râp lek lek zawk, chutah muangchâng hian min rawn en a, a mitmeng chu a paw râm mai, a hring lek lek a, a pâwl rawng akai lek lek bawk, a mit meng nalh leh lian ṭha zet aṭang chuan mittui Hi arawn luang ngiai ngiai a, ka khawngaih tlat a nih chu.




"Angel, ka fapa hi vêng him rawh khawngaihin"


Ṭap âw ṭiau in mizo ṭawng diktak hian arawn ti a nih chu, ka mak ti leh hlauthawng chu ka ding khawng reng ringawt, chutah ṭek arawn tla ri chhuai a.



Ka harh nghâl zawk nia, ruah alo sûr buan buan a, bati pahnih ka chhit ên teng teng chu alo la alh ve hrâm hrâm bawk, chutah ka khum zawn thlang lama tukverh parda phênah chuan tu emaw ding reng ang hian ka zu hmu tlat, ka hlau lutuk chu ka meng fiah nghâl kâwk a, ka lungphu ri chu a ring ṭha hlê bawk, ka mumang rêng ka ngaihtuah zui thei tawh lo, tukverh bula ding reng pa mitmeng êng sen râm chu khûr ru dar darin ka thlîr ta reng a, ka ṭawng chhuak ngam tawh si lo.



"Angel"



Zâwi tak hian arawn ti vawt ruih mai, ka ṭe chhuak lo chauh, ka thawchham lek lek chu tih zia tumin thâwk ka la deuh halh halh a, a mit meng mawlh mai chu thim thamah pawh a êng sen râm nia, mihring pangngai mit meng chu a ni thei lo.




"Tu....tunge?"


Aw khûr dar dar chuan ka han ti bah nawk a, arawn chêt deuh hrut vâng chuan ka rizai chu ka hmai zawnah ka lo pawt chho nghâl sawk sawk bawk.



Min rawn pan atum lai tak chuan kâwl arawn phe zuai a, a hmêl chu kâwl phê in arawn chhun tâkah chuan chiang takin ka hmu thei ta, Ka rin loh lutukin Jake a ni tih ka hria, mahse engtin?.....


"Nang maw?!"


Ka han ti deuh hâ a, min rawn pan hnaiin a êng laia arawn din tâkah chuan hrilh chawp ngai lo in Jake a ni tih ka hre thei, Bati êng hnuai ah chuan asam huh hlap leh a mit sen râm chu a chiang tawh khawp mai, a sam chu ati pial vek a, a t shirt dum hak huh hlap chu a taksa ah a bet vek bawk, khum aṭang chuan ka tho vat a.


"Engtin nge hetah ilo kal theih? Chuan tinge ilo kal?"



A in hrûk na tûr lâk pah chuan ka han ti sa sa a, ruah lah chu a sûr tam nasa mai si, mak ka ti takzet a ni, Jake nu ka muamangah ka hmu a ahnu ah Jake hetah arawn kal a, thil mak tak a ni.


Towel chu pe in ka room a couch ka dah ah chuan ka ṭhut tír rawk a, a mitmeng mak lutuk erawh chuan ka ngaih ati ṭha lo in min ti hlauthâwng ru viau, mahse Jake kha a ni miau a, la hre chiang lutuk lo mahila ka hlau lo, ni lo, ka hlau tho a, mahse Jake a ni.



"Egtin nge ka room ah hian i rawn kal theih?"


Amah enkara ka tih chuan a mit meng chu a tlânchhe deuhin ka hria.


"Tukverh aṭang hian ka rawn lâwn lût"


Inthiam loh hmêl zet hian ati a, hauh hrep ka duh viau na in chhan ṭha tak vânga rawn kal a nih ka ring, mahse ka muhíl lai min lo thlír reng erawh ka lawm lo ru takzet a ni.


"Engtin nge ka room a ni tih i hriat?"


Ka han ti leh kher a, "I rim aṭangin ka hria lawm" a tih chuan mak ti zetin ka en tawp, hepa hi mihring pawh a ang lo lek lek ṭhin.


"Haw leh vat rawh, ka nutei ten an hriat vaih chuan ka tân a pawi dawn lutuk"


Tihpaha kawngkhar lam pan ka tum chu ka hma ah chuan ka hriat loh kârin alo ding hman nia,ka lo tawlh hnung dâwrh thei, che rang tak a ni.


"Angel kei hian ka...."


Harsa tih hmel zet hian thâwk ala deuh hrâwk a, a hmai chu a tuai deuh puat.


"Kei hian Ka mamawh che"



Tihpahin ka inrin hma chuan alamah min pawt deuh dâwrh a, mak ka ti lutuk chu chêt lawk nachâng pawh ka hre lo, hmêl vawt ruih hian min la enkur zui, ataksa bet thlara ka awm vâng chuan a taksa huh hlap pawh ka hre thei, a taksa chu vûr ang maiin a vawt bawk.


"Min thlah vat rawh, i taksa pawh a vawh vek kha, i dam lo mai tûr asin"



Tihpahin ka tâl aih aih a, ka ṭawng ring ngam bawk si lo, "I bulah hian ka riah ve min phal sak la, Angel i bulah hian ka him ber“

Zâwi tak chuan arawn ti sur sur a, a mita ka enkar vâng chuan zem ât ang mai ka ni leh tawh, amah khawngaihna in ka khat leh vek tawh nia, nge ni a kei hian khâng hun reilote chhûng khân ka lo duh ru reng tawh zâwk em ni ang?


"Ni lo, a theih loh, haw vat zawk rawh"


Tihpahin ka tâl leh aih aih a, aia nghetin ka kawngah chuan min pawm anih chu, ka thusawi chu ngaipawimawh lo zet hian min rawn hnaih tual tual a, ka hmui bul chêtah chuan arawn thaw lum hak hak mai, chutah zei zet hian min rawn fâwp ta, ka ngaihtuah na zawng zawng techu amah ah chuan a awm vek ni mai hian ka hria, hetiang em em hian infawh hi nuam ang tih ka lo ring phâk ngai lo, a nuam a ni, a nuam takzet.



Min fâwp rei tial tial a, a duhthâw sâwt hlê tawh, ka nghawngah chuan a hmai phûm in boruak ahíp lüt vang vang a, kei erawh chuan milim ang maiin ka lo dawh reng tawp.


"Angel"


ka beng bulah chuan arawn ti su su a, ka ṭim sung sung thei nia, Dîm tê chuan min pawm kâng deuh nawlh a, ruah sûr cherh cherh leh kan awm dân techu a inrem hliah hliah, khumah chuan min muttîr in kan chal leh chal chu a in sîk tîr a, ka chungah chuan a bawk deuh rûn mai, engvângin nge hepa lakah hian ka in phal em em le? Keipawn ka hre lo, nasa taka thunun tu awm ang mai hi ka ni a, awihawm loh khawpin min khawihna techu nuam ka tiin ka mamawh ngawih ngawih min pe ni mai hian ka hria.



"Angel ka mamawh che"



Thâwk deuh hrâwk hrâwk pah hian arawn ti a, ka ṭawng lo, ngawi rengin a tih ang ang chuan ka lo awm tawp mai ni.



"Enge i duh Jake, i duh engthil ka neih a?"



Amah enkar chuan ka ti a, arawn nui sak nia, A nui hmel chu a râpawm lek lek.

"Hei hi mawle"



Tihpahin a hmêl chu thâwk leh khataha nasa tak hian arawn in thlâk a, chutah zau deuh a rawn âng pah hian a ngho sei tak pahnih hi rawn ti chhuakin ka nghâwngah chuan rang lutuk hian arawn keih chawt a nih chu, ka nghâwng thîp zet vâng chuan ka ṭe chhuak ṭhawt thei.




Ring zet chuan ka âu chhuak tuar a, ka khum aṭang chuan ka ṭhu chhuak hluai nia, ka hawi kual chu khua alo vâr uar tawh, ruah erawh alo la tla ser ser tho.


Khua a vawh teh lûl nen thlan tuiin min lo bual huh vek a, thâwk ka la hawk hawk reng ringawt, ka mumang chu ka ngaihtuah lêt a, tinge atak a an em em le? mumang chhawng hnih ang hi ka nei a ni ngei anga, mahse tinge Jake leh a nu kher? Ka room chu ka enkual a, mak tak maiin Couch ah chuan towel hi alo la in bâng reng nia, rinhlelh rûkna nei mahila a tak a ni thei lo hrim hrim, Jake mawlh mai kha, Ramhuai ang mai a ni,kan awm dan zawng zawng chu chiang takin ka hrethei tawh lo na a, mahse ka la hre ruai ruai tho.


"Mumang rapthlâk tak a ni" tiin ka phun sap a, ka khum aṭang chuan ka tho zui nghâl vat a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 7th, 2021, 5:42 pm

Nutei'n rawng alo bâwl mawlh mawlh lai chuan ngawi rengin abulah chuan ka va ding a, an inṭhen loh nân engemaw ka tih ngei angai tih ka in hria,


"Nizân i mu ṭha em?"



Engmah thleng lo ang mai chuan min rawn nuih sak a,


"Nute Patea thusawi kha ngun deuhin ka lo ngaihtuah a"


Ka tih chuan a chawhmeh chawh mawlh mawlh lai chu tâwp chat hian min rawn en deuh kâwk a, Patea pawh arawn tho chhuak ve chiah bawk.

"Angel"


Nutei chuan hlauhthâwn hmel zet hian ati sap ringawt.


"Nute, Pate, ka tan nu leh pa ṭha tak in ni tih ka hria, Ngun takin ka in ngaihtuah tawh a, ka nu mawhphurhna hlen loh hlen chhuah chu ka duh a ni"



Ka tih chuan phâwk fê hian min en dûn a, "A theih loh, ka rem ti thei lo" Nutei chuan alo ti bak nghâl hlar mai.

"Angel mi hlauhawm tak an nia, engmah i hrethiam lo nih kha" Nutei chuan ati zui leh mawlh mawlh a, mi hlauhawm an ni emaw ka pawisa lo, mi laka ba neih chu ṭha ka ti thei lo a ni.


"Angel ngun takin i in ngaihtuah maw? Keini chuan kan ti lui lo che nia" patea chuan inthiam lo hmêl zet hian alo ti ban chuar chuar a, "Angel ka remti thei lo"
Nutei chuan alo ti leh hlar mai.

"Nute hei hi chu ka thuthlûkna liau liau a ni a, hei hi ka duh thlanna a ni, min nawrluih vang a ni hleinem" ka lo ti ve tlat a, Ka chhûngril erawh ana vawng vawng thung, mahse hun rei tak chhûng hmangaih leh duat taka min lo enkawl tawhna te ka rulhlêtna theihna chance ṭha takah ka ngai ve tlat thung.


"Angel i rin ang kha an ni lo ania" Patea chuan a han ti leh a, ka chhâng tawh lo, ka lo nui lui sak ringawt, patea chuan phun sup pah hian ka dârah arawn beng thak thak a, Nutei erawh chuan en pawh min en tawh lo.

"Nute, ka ṭha ang, Angel hi hmeichhe naupang ka ni tawh hleinem"


Ka tih chuan a in sût ri hraih nia, a ṭap a ni tih ka hre nghâl mai,

"Nute"

Dam dapa tihpahin a darah chuan ka va vuan da da a, min lo kuah nghâl vawng vawng mai,

"I suangtuahna leh i thawhrimna zawng zawng tekha a thlâwn vek dawn asin"

A rawn ti chhuak ṭiau a, mittui tling kiau in ka lo nui hak ringawt, Patea chu bathroom aṭang chuan rawn chhuakin Nutei nen chuan min en dûn vang vang a, inthiamlo hmel a put reng vâng chuan ka khawngaih ru viau, a thiamloh a ni miah si lo a.


"Vawiin ah an in a hruai tûr che in an rawn ti che a" dul ruih hian arawn ti a, ka lungphû chu namên lo in a su nghâl dup dup mai.


"Awle, ka lo insiam ang" ka tih chuan Nutei chu alo insût ri leh hraih tawh, Patea chuan a hnungah chuan alo chûl hauh hauh a, "Angel hi a puitling tawh lawm, tinge khati vaka i sûn a?" Patea'n a tih chuan ka lo nui sak ringawt.



________________



Kawrfual dum arh lam ka khûp khuh chin ka ha a, a nghawng a zau lo hlê bawk, a bân tluan a ni bawk a, duh aiin a lum lek lek mai, pheikhawk flat aiah converse dum chu ka bun ta zâwk a, ka sam chu khuih in phûr lo zet chuan ka chhuak zâl zâl a, ka thuthlûkna hi aṭha em tih lam ka ngaihtuah lo, Nutei leh Patea an hlim anih chuan chu chu ka tân a tawk lutuk, nu leh pa leh ṭhian ṭha, ngaihzâwng tih vêl ka nei lêm lo a, an ni hi lawm ka damchhan chu, damchhan engmah dang ka nei chuang hleinem, an ni ber an hlim chuan ka tan a tâwk lutuk.



Nutei chuan in hru fap fap chungin ka hmui ah chuan lipstick sen hlar hi min rawn hnawih sak a, ka sam dum hlap kawi lek lek buk ni si lo chu a tuai mam hliau hliau bawk, "I nalh lutuk, I pasal tûr chu nangmah anga hmelṭha a nih loh vaih chuan in inneih ka phal dawn miah lo ania" Fiamthû chuan ahan ti a, kan pathum chuan kan han nui ho leh dar dar phawt a, mahse chhûngrilah erawh kan hlim lo tlâng takzet a ni.




____________


Patea nen chuan ka la dai ngai miah loh na in pan tûr chuan kan in phur chhuak thei hrâm a, biak pawh kan in be mumal lo, kan pahnih chuan kan rilru kan kâwm ni ta berin ka hria, ruah sûr si lo in ní rêng alang lo, khua a dul ruih reng a, chhûm lei vâk atam em em ringawt.



Kan tlân zel takah chuan kan kalna chu ka kal tawhna a ni tih ka hriat vâng chuan ka hawi ka hawi ṭhin, chutah ka rin loh lutukin Ka lo kal tawhna In zâwnah ngei chuan kan ding ta mai, Patea chu rang takin ka en hâ a.


"Tah hian maw kan kal dawn?"


Ka tih chuan bu nghauh chung hian min rawn en ho a.


"I kal tawh ami?"
Arawn ti lêt hû mai, ka rei!....engthil nge thleng ta hi?
"Hetah hian alawm lâm ka zirtîr ṭhin" ka tih chuan mak tih hmel fê hian min rawn en vang vang a.

"Angel engpawh ni se lût phawt ila, keipawn engmah ka hre lâwk bík lo" a tih tâkah nuih lui sak pahin car aṭang chuan ka chhuak ve mai a,


Patea nen chuan muangchângin kan inzui lût ta hnak hnak mai, thil thleng chu mak ka tih rual rualin hriat lâwk deuhna ka neih tlat vâng aniang mak ka ti lutuk hran lo.


Jake-a pa, Pu Rina chuan nui sâng hian min lo hmuak anih chu, Min hmu chu mak atih viau ka rin tehrêng nen mak ti âwm pawhin alang lo, mahse ngaih tih ṭhat loh lutuk na thama ka ngaih loh vâng chuan pangngai thei ang berin awm ka tum hram hram a.


"Kan in hmu leh ta nih hi Angel" tihpahin min rawn chibai zauh a, a kut vawt lutuk chuan min ti phu zawk nghe nghe.


"Jake kha lo ko lawk rawh u"
A tih rual chuan maid pakhat chu inchunglamah chuan a chho nghal vat a, Jake mak tih tur zia ka ngaihtuahin ka lo inthlahrung ru veng veng thung.


"Keimahni lam aṭang chuan engmah buaina a awm lo, mahse a chhan hi kan hrethiam thei tlat lo a ni"



Patea'n a tih chuan Pu Rina chu a nui hul deuh hak a, " A ni viau ang, Angel-i nu pa, Angeli pu leh ka pa hian engemaw in remna an lo nei a, Kei leh Angel nu hi innei tûra tih kan ni a, mahse Angel nu zawk hian apa hi alo tawng daih tawh si a, tichuan Angel-i nu hian pawm lo in a pa kha a nei lui ta a ni, keipawn Jake nu hi ka tawng veleh zêl a, mahse thutiam bawhchhe hmasa tu kha Angeli nu a nih vângin Ka nupui thisen mawh hi a phurh alo ngai ta a, ka nupui hi thi lek lek in a awmna arei tawh si a, a thih hma ngei a Angeli nu mawhphurh na lian tak a hlen theih loh tâk kei ngei pawh ina ka lo hlen theih loh chu kan fa te hian ti hlawhtlingin thisen hmanga thutiam hlen theih tâk loh kha hlen ngei se ka duh vâng a ni"


Jake ka neih angaih nachhan chu Pu Rina chuan thiam tak chuan ahan sawi a, Patea nen chuan kan vâr ta kuar mai.


Patea chuan a pawmpui tih hriat takin alo bu ta nghauh nghauh a, Chutih lai tak chuan Jake leh a pi chu inchung aṭangin an rawn chhuk ve chiah bawk, Jake ka hmu chu ka mumang kha ka hrechhuak zawk mai, maimitchhîng chungin ka inthing nawk a, "Mumang mai mai a ni" ka rilru chuan ka ti mawlh mawlh ringawt.


"Hei hi ka fapa chu nia"


Kan bul an rawn thlen chuan Pu Rina chuan alo ti vat a, Patea chuan hlim hmêl zet hian alo chibai nghâl vat a, keipawh ka pasal tûr chu midang ni lo a ka lo vei rûk em em Jake a ni chu ka lâwm in ka rilru hah pawh a dam huai huai mai.



Patea leh Jake a pi leh apa an in biak lai chuan keini chu lâm kan zirna hmunah chuan min awm tîr ta daih a, sawi tûr hre lo in ka ṭhu ngawi kar reng ringawt.


"Kawrfual leh converse maw? I inhmeh tho a nih kha"

Nui sak hian arawn ti a, ka sa leh hut hut tawh nia, a in thuamna inhmeh zia hi a hre ve lo a ni ngêi ang, t shirt dum leh kekawr bûl dum aha tawp a, a vun chu a ngo lam lek lek a ni.


"Thil engemaw min zawh tûr te i nei lo mi? He inneihna ka pawm chhan te"


Tihpahin ka hma takah chuan arawn ṭhu thla ve a, ka lo kun daih thung.

"Nia...kha kha....engvângin nge ilo pawm a? I hresa nge hre sa bîk lo?"


Amah chu ka en ve ta kar a, a sam buk zet chu a tuai zauh, "Mmm...nizân khân ka hre daih tawh lawm, ka pa fapa ka nia, a duh dân chu ka pawm mai tûr a ni" Awlsam zet hian ati a, ka lo nui sak ringawt, "Anih keimah ni lo ta ila i pawm tho angem?" Ka tih chuan thâwk ala deuh hak a, "ka hre lo le, ngaihtuah ve fê ka ngai maithei, Vainu dum thîl thêl ini ang tih ka hlauh zia chu a" a tih chuan ka nui hak a, ka mumang tei vet lah kha ka hrechhuak ziah lehnghâl.



"Anih Angel bialpa i nei tawh reng reng em?"

A tih chuan rang takin ka en vat a, hnuailam melh lehin ka lû ka thing ringawt.

"Anih chuan kei hi ka hmasa ber dawn tihna ni maw?" Ati deuh sup a, a thusawi awmzia chu ka hriatthiam chiah loh vângin a hmel chu uluk takin ka lo en thung.

"Engtia hmasa ber maw?" Ka tih chuan min rawn en zawk a, "Engmah ni lo" ati leh daih nia, a tho leh vut a, lâm ka zirtîr ṭhinna music ngei chu arawn play ta riai riai mai, a mood ah ka lo chêng nghâl veng veng nia.


Ka bulah chuan rang tak hian arawn ṭhu thla a, min si chêt a aṭhut vâng nge ka lo îp deuh zawk zawk mai, kan dâr leh dâr insi ringawt techuan min ti khûr chhe lo chauh.

"He music hi ka nu khân violin hmangin a tum ṭhin a" A rawn ti dul raih a, a hmel ka enchu ngaihtuah zui ni âwm tak hian a en ngai alo en vang vang mai, "A nalh hle mai" ka lo ti sap a, min rawn en in a nui var var nia, ka mumanga a hmêl râpawm zet kha ka mitthlâ ah arawn lan zawk vângin en pawh en rei duh lo in ka hawisawn leh vat a.


"Lâm dûn ang hmiang"

Arawn ti deuh hluai nia, ka phu zawk thei,nui sak pahin ka lo bu nghauh nghauh a, kan awm dân tur chu hrilh nawn leh ngai tawh lo in ati dik ve thlap mai, rin aiin a rilru a chak, lehkha a thiam thei viau ang.



A mit mengah chuan chiang taka en chungin ka nui ve var var a, ani pawh chutiang bawkin, ka tum loh deuhin a kê ah ka la rah sak palh zui, kan pahnih chuan kan nui leh hak ṭhin, nuam ka ti ru takzet a ni.


Kan insawi dalh dalh reng hnu chuan duhaiin a mood ah kan chêng dûn nasa tawh lutuk tlat, arawn ding deuh dat a, ka kut khing hnihin a âwmah chuan ka lo dawm thung, ani pawn a kut khinghnih chuan ka kawngah kuahin ka hnung vêl chu awmze nei zet hian a zût zâl zâl a, ka thâwk a buai nghâl dêr tawh, kun ngal chungin ka lo thaw halh halh a, a kut leh lam chuan ka khabe ah rawn dawmin muangchâng chuan min kuai dâk deuh a, a mit meng fiah zet chuan tawrh har zet hian min lo enkar chu niin.


Chutah ka inrin hma chuan min rawn fâwp deuh chawt a, a duhthâw viau bawk, keipawn ka thiam ang ang chuan ka lo chhânglêt ve bawrh bawrh a, kan in hîp tawnna chu nasa tak a ni, Hmangaihna ni lo mahse min duh ve takzet tih ka hria a ka lawm hrim hrim.


Chutah a ai nasa chuan a duhthâw tial tial a, ka nghâwngah techuan arawn fâwp ta vang vang mai, kei erawh ka meng ngam tawh lo, nuam tih avângin thâwk ka lo la halh halh thung, ka rin loh lutukin ka nghãwng chu arawn thîp zawk a, ka râk ṭhat, ka harh chiang nghâl kâwk nia, nui suk chung hian min lo enkur mai, Chal chuar nângin ka nghâwng chu ka tuai vang vang ringawt.

"Chhinchhiahna chhetê ka siam anih kha"

Tihpahin ka hmui ah bawk chuan arawn fâwp zauh a, ka hrilh hai hmêl chu a nuihzatthlâk viau aniang a nui hak hak mai, amakal ka ti, hêpa mi hîpna ngah leh zei lutuk hi, min khawih a min hnaih tawh chuan dâwi ât ang mai hian ka awm ṭhin, awm tawh loh ka tum pawn ka thei lo, amah mamawh ngawih ngawihin min siam a, ka hnar phal thlâwt ṭhin lo, hnar pawh ka tum ngai hek lo.



"Jake, Angel kha an haw a hun tawh ania"


Kawngkhâr rawnn kik karh karh pah chuan an rawn ti lâng lâng a, kal mai ka tum chu nghet zet hian min pawm bet tlat anih chu, ṭawng tuma ka ân zuau lai chuan min rawn fâwp leh tâwn tâwn a, Ka thaw a chham lek lek nia.

"Jake a tâwk, ka kal angai"

Ka tih takah chuan thâwk la halh halh pah hian min thlah ve mai a, "Zanah ka lo kal ang aw" arawn tih sup takah chuan ka en kâwk thei, "Nizan khân ilo kal em?" Ka ti ta nge nge a, a nui suk, "Kal miah lo, i mumangah min hmu ni maw?" Nui vur vur chunga atih takah chuan ka lû ka lo thing vat, min thlah takah chuan hreh chung chungin ka chhuak ta nge nge a.




In a kan haw hnu thleng techuan Patea thusawi pawh ka bengkhawn thei tawh lo, kan awm dân chu ka ngaihtuah lêt a, ka nui var var ringawt, ka hlim takzet a ni, Jake hi ka duh, ka duh takzet tawh a ni.



In kan thleng chu Nutei chuan pawnah ngat min lo nghâk a, kan thleng chu alo phî nghâl chûk mai.

"Enge chanchin? An lo fel em?"


In a kan luh hma hma chuan alo ti nghâl chûk chûk a, Patea nen kan in en a kan nui ringawt,

"Lût phawt ila" patea chuan nui ṭha chung chuan a ti a, keipawh hian chanchin ka sawi châk tawh lutuk ringawt.



Patea chuan chanchin kimchang taka asawi hnu chuan Nutei pawh a thaw hawk mai, kan lo in hresa leh zêl bawk nen, Pathian ruat kan nih a ring nghet nghâl hmak nia.

"Anih Angel, enge a an?A hmelṭha em?" Nutei'n a tih chuan lâi zetin ka lo bu nghauh nghauh ringawt, an pahnih chuan an hlim dûn nasa mai, alo kal tûr thû ka sawi phei chuan Nutei chu a phî lî nghâl vek nia, min inthlâk tîr sawk sawk a, make-up hmang tûrin min ti deuh chhên bawk.


Zanriah te kan eikham hnu chuan Nutei nen kan in chu kan ti fel sawk sawk a, Nutei phûr lutuk chu patea pawh a nui huk huk reng mai, patea lehkha duh tawh loh techu paih tûra dah pah chuan a phun hlak hlak reng a, Patea nen chuan kan in en ṭhin kan nui kan nui ringawt.


T shirt leh Jogger pants ka ha chu Nutei chuan alo duh lo nasa mai, Kawrfual nalh ve tak, awm hmuna hâk chi chu min hâk tîr a, dârthlalang hma a ka sam ka khuih hliau hliau lai chuan ka nghâwng duk raih chu ka hmu fuh hlawl mai, nui sak pahin ka tuai vang vang a, kan awmdân tekha mitthlâ ah arawn lang chuai chuai mai, ka hlim a, ka zak bawk si, ka la tawn ngai loh thil a ni a, tiang hian alo nuam tih ka lo hre ngai miah lo.



"Angel lo chhuak vat teh"


Nutei chuan arawn ti lâng lâng a, Jake alo thleng tawh anih ringin hmanhmawh takin keipawh ka chhuak zui nghâl vat a.



Common room ah chuan Ka rin ang ngeiin Jake chu alo ṭhu nui vur vur mai, Lai zetin a bulah chuan ka ṭhu thla ve a, ka lungphu lah chu namên lo in arang leh dut dut tawh, dum suit vekin a inthuam a, a chungah jacket senduk lum lutuk lo chi aha tawp bawk.


"I hmelṭha hle mai, Ka lo ngaihtuah dan ah chuan putar hâng dum rên rûn inih ka ring a"


Nutei'n a tih chuan kan nui hak hlawm a, Reilote ah patea nen chuan engemaw chhuanlam siamin min chhuahsan ta daih nia, Nutei chuan a duh kha ka ring rênga, a hmel vâng ringawt pawh hian a duh ang, Hmelṭha kha a ngaipawimawh si a, hmelṭha mai ni lo in hlim hmel pu sârh leh mipa ngilnei tak a ni bawk si, hun rei lo te chhûng khân a fel zia chu ka hre chiang a ni.


Kan ṭhut ngawih vang vang hnu chuan ka kawngah rawn kuahin ka dâr ah chuan arawn thaw lum deuh hak a, ka lo mûr sung sung thei,


"Ka ngaih hman zia che kha" Arawn ti deuh sup a, ka lo nui sak ringawt, keipawn darkar tin ka rilru ah a awm tih hria se a lawm viau ang, mahse ka sawi ngam chuang hauh lo.

"I nutei leh i patea chu an fel hle mai, ka ngainat zawng tak an ni" A rawn ti leh sup a, ka nu leh pa te tak tak te chanchin engmah min zawt lo chu ka lawm takzet a ni.


"Chuan thil pakhat, tinge i insawi upat kher a?"


Min en rûn chunga arawn tih takah chuan ka buai zo leh vek tawh, engtin nge a hriat le?....."Nia kha kha...pawi ka ti lutuk" ka han ti ringawt a, nui suk chungin ka biangah chuan arawn fâwp zauh, "Hlauthawng suh ka thinrim lo nia" a ti leh mai a, inthiam lo ru tak chungin ka nui ve sak ringawt.


"Kan intawnna la rei loh nen, ngati nge ka duh nghal em em che le?"


arawn ti chhuak phawng anih chu, sawi hreh a nei lo lutuk chuan min lo ti îp leh châwih ṭhin, Nutei techuan an âw an rawn thiân kharh kharh tâkah chuan rang takin kan awm ṭha rawk rawk a.



Nutei chuan pursel hian engemaw hi arawn chawi lût ṭaih ṭaih mai, "Khawi keiman ka lo ti ang" tihpahin Jake chu a tho vat a, Nutei thil chawi lai chu ava châwi chhâwk rawk rawk a, Nutei chuan nui var var hian alo en ngawih ngawih ringawt.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 7th, 2021, 5:42 pm

Eng engemaw an zawh fê hnu chuan a haw thei ta hrâm a, Gate bulah chuan min kuah vang vang mai, a taksa vawtthlur reng hian ka ngaih ati ṭha lo lek lek zel.


"I vawt vek ania" ka tih chuan a nui nghawr deuh dat, "Anih chuan min kuah lum mai la" Awlsam zet hian alo ti a, ka nuih ve hak ringawt, kan inkuah vang vang hnu chuan hreh zetin a haw ve thei ta hrâm a, ka nguai nghâl ruih nia, ka ngai zui nghâl em em ringawt.



Khumah chuan mu in kan awmdan leh kan induh chhoh dan techu ka ngaihtuah lêt mai mai a, mahni in ka nui leh ver ver ṭhin, pasal neih nan chuan ala hmâ mah mah tih hre mahila kan duh em em vanga innei tûr ni lo in chhungte thû a innei tûr mai kan ni, thil ka ngaih tuah ka ngaihtuah kual lai chuan ka rilru ah thil pakhat arawn lût thut, Jake hi a number pawh ka lo la nei miah lo nia.




Ka suangtuahna te nen chuan ka lo muhíl ta daih a.




____________________

Hun te a kal zêl a,karkhat hnû lawkah Mizo dân anga man in hlân in chhûngkua chuan Chawhlui te kan kîl ho a, inkutsuih kha Jake te hian kan la naupan bakah apa hi inthlan dawn hnaih te anih vângin a in candidate ve si a, midang lakah a hming chhiat ahlauh vângin mi hriat hlau takin kan inhruai ta tawp a, Inkut suih kan tih chuan ṭhenrual ṭha te an lo awm ve laih bawk nen kan tih huk kha chuan kan la naupang si a, hmingchhiatna hi ho te anih vângin kan inkutsuih ta lêm lo.



Kan innei tûr chu ka hlim viau ka rin tehreng nen engemaw hian min mawlh tlat nia, ka sawithiâm bîk lo, ka hlauthawng ru et et a, mahse ka tilang chuang lo, Ani lah chu a hlim hmêl phian mai, Nutei leh Patea chu a ti lâwm thiam hle a, kei erawh kil khatah milim angin ka ṭhu ngawi reng ringawt.



Zanah chuan Nutei leh Patea haw tûr chu mittui nen ka thlah liam a, ka ṭap tih an hriat mawlh chu ka hlau a ni, a rûkin ka mittui chu ka hru zauh zauh reng ringawt, Ka pi chuan lo hrethiamin ka hnungah chuan a bêng thak thak mai.




Kan room ah chuan ngawirengin ka ṭhu rân reng a, Nutei te haw hmâ lawk aṭang khân Jake hi ka hmu tawh miah lo, Ka mutkawr fual vâr silk puan deh nuam tak chu ha in khumah chuan ka mu mengkar a, an in chu mizo In pawh hi a ang lo, a hlui tawh hmel na in a changkâng ru phian bawk si, lemziah tam tak a awm a, Mahse banga in târ vantirhkoh naute lem ni âwm tak thla nei, thal keng chu ka en vang vang a, chu naute chu kum 1 leh tlêm vêl tûr hi a ni, a sam a buangin a mitmeng chu a pâwl râm a, a hmelṭha takzet, he room zau zet hi kan common room ang tiat vêl kha anih ka ring, Jake a room a ni ṭhin awm sia, an chei ṭhat vâng aniang mipa thil duhzâwng âwm tûr in târ pawh ka hmu miah lo.



Kawngkhar rawn ri rak ka hriat rual chuan ka hawi vat a, Jake chuan hmêl vawt ruih hian min lo enkur anih chu, muangchâng chuan ka tho chhuak ṭaih ṭaih a, khumah chuan ṭhu in Jake a lo lût mek chu ka en tawp, ka pasal chu ni ve ta mai chu nia, âwih harsa ka la ti reng, mumang tepawh a ang zawk mah.


"Khawnge i kal daih a?"


Amah enkar chuan ka ti deuh sap a, min chhâng lo in kawngkhar chu a khâr a a kalh zui hmak bawk, chutah a kamis hâk chu ngawireng chuan a phelh nuap nuap a, a hmêl nêlawm tak kha a awm tawh lo, hmêl rum tak erawh pu lo mahse ka ngaih aṭha lo ru veng veng mai.


A che vêl chu ngawireng chuan ka lo thlír tawp a, biak zui tumna pawh ka nei lêm lo, A kawr khâi a tum chu hunger chuang alo awm tawh miah lo, rang takin ka tho a, a hnuai a drawer chu hawng vatin a kamis ken lai chu ka chhuhsak a, hunger chuang lo awm chu la in ngawireng chuan a kawr chu ka khai sak mai a, kekawr ha mahse kawr aha lo, ataksa chu a vârin ka rin ai takin a sek phian bawk, chu chuan ka awm ati nuam lo veng veng mai, kun ngal chuan kal mai ka tum chu ka hma ah chuan arawn ding deuh thut a, a hmêl vawt ruih chu ka en zawk ringawt, zu rim anam hak nia, zu a in ṭhin tih ka lo la hre ngai miah lo.


Min en reng chung chuan ka bân chu arawn zût chho riai riai a, ka kawr bah chu ti pial thlâ in ka dâr ruak laiah chuan a hmui lum thar thar chuan arawn fâwp zauh, ka lo mûr leh sung sung tawh nia, ka dar tawn tawnah chuan vuan in ka nghâwng velah chuan afâwp dan dan a, ngawirengin ka lo dawh mâwl tawp ringawt, mahse ka mut chhuak chuan a mood ah pawh min chên tír hlei thei lo, bakah hetianga awm hi ka la duh rih lo, Nupa nun hman chu ala hmanhmawh thlâk loh ka ti, Kan inkutsuih hunah hmang thei ta zawk ila, tinge maw room khatah min awm tîr khanglân le?



"He....Hetia awm hi ka duh rih lo, Kan inkut suih hunah ka duh zawk"


Aw khûr lek lek chuan ka ti thâm chhuak ṭuak a, a thil tih lai chu tâwpin min rawn en vat, Jake ka hriat ṭhin kha abo tawh ni maiin ka hria, a awm dân hian min ti hlau lek lek tawh.
"I kawr kha phelh rawh"



Awki hniam ruih hian arawn ti a, a hmêl chu ka en vat.


"Engvângin maw?"

Ka lo ti deuh hâ a, nin hmêl zet hian thâwk ala hawk nia, a awm dân chu ka haw lek lek tawh, ka thusawi kha a ngai pawimawh lo hlê anih ka ring, "Angel" arawn ti leh ringawt a, "Ka phelh âwm lo" tihpahin ka in her a, khum lam pan ka tum chu dím lo zet hian min pawt lêt sawk nia, ka lo râk ṭhat thei.


"Phuba awmzia hi i hria em?"


Ka hmuibul chêta rawn hnaih pah chuan ati deuh sup a, ka chhânglo a awm dân mak zet chuan min la ṭhâwng êm a ni, ala thaw halh halh zui, zu rim lah chu.....ka uak lo chauh.


"Ka duh anga i awm loh chuan i thî ni mai"



A ti leh anih chu....phâwk zet hian ka en kâwk thei, engtin nge khatiang ṭawngkam rapthlâk lutuk kha ka bulah te a hman theih zâwk ? Min dawmna ṭang chuan tâl chhuah tumin ka theih tâwp anâ chuan ka tâl aih aih a, râp awm zet hian arawn nui hak nia, Jake ka hriat ṭhin kha a ni tawh miah lo, ka rilru chu ana ru viau na in nâ anga lan erawh ka duh hauh lo thung.


"I rui anih kha mu rawh"



Ka han ti ringawt a, min vawnna ṭang chuan min thlah in a nui zui hak,

"Inkutsuih" tih suppah chuan a nui leh hawk a,engtin nge hetiang em alo inthlâk hman le? Ka ngaih aṭha thei thlâwt lo



Nui tâwp hmakin min rawn en leh rûn a,ka inrin hmâ chuan min rawn pawm kâng nawlh a, khumah chuan min nghat dawt nia, hrilh hai zetin a hmêl chu ka en hâ ringawt.


Chutah ka kawr chu pawtthlêr tum ni âwm tak hian arawn pawt chawt chawt a nia, ka thin in a tuar tawh bîk lo, a kut chu ka lo man chawt, "Engthil nge tih i tum a?" Hlauthâwng zet chuan ka ti a, mahse ka thusawi chu hre lo ang hmakin a tilui ngat ngat tho, ka hlauh rûk ang ngeiin ka awm zawn chu arawn thlêr hawk a, ka râk zui ṭhat, "Duhtâwk rawh" ka ti tuar tuar a, mahse a vai chuan a pawtthlêr ta vek a.



"Engthil nge i tih hi?" Thinrim zet chuan kan enkar a, ka tum ni hauh si lo in ka mittui arawn luang ringawt bawk, "Min dang suh" ati deuh nghut a,a hmêl chu a dur khup
"I thil tih vâng hian ka ngaidam dawn lo che" Tâp âw Ṭiau chuan ka ti a, a nui hawk nia, deuh sawhna a tel tlatin ka hre bawk, a awm dân aṭang chuan min tham loh zia ka hre thei, chu chuan min tina in ka thin ati rim takzet a ni.



"I pasal ka ni tawh Angel, nuam iti tih ka hre vek tho" in ring tâwk zet hian arawn ti anih chu, a ṭawngkam leh che zia reng reng chu Jake kha a ni tawh lo, ka lo duh a ka lo vei rûk em em Jake kha a ni tawh hauh lo, mak ka tihna leh thinrimna techuan sawitûr pawh min ti hre tawh lo.


"Nuam ka ti lo Lalhriatpui" thinrim zet chuan ka ti chhuak ṭiau ringawt, chutah a kâwng hrên chu phelhin ka kut khing hnih hi arawn man khâwm a, a kawng hrên chuan ka kut chu arawn ṭawn anih chu, ka theih tâwp chuan ka lo tâl chiâm a, a taksa pan ngaihtuahin a chak hlê bawk.


"Engthil nge i tih hi min thlah rawh" Ka ti vîn ṭhat ṭhat a, "Ngawi hmak rawh" Vîn zeta arawn tih takah chuan ka ngawi chiang kher mai, min vin lai tak khân a mit rawng kha arawn inthlâk in ka hria, sen zuaiin ka hmu tlat, ka hmusual pawh a ni maithei ni, hlauthawng zet chuan ka enkiau a, chutah ka Ka mit chu min rawn tuam sak ta hmak a, a thim mup bawk nên engmah ka hmu thei lo, ka taksa chu akâng nawlh a, min pawm kâng niin ka hria, ka hlau lutuk chu ka lo ṭang ṭung reng ringawt.


"Engthil nge i tih dawn?"
Ṭap âw lek lek chuan ka ti a, min chhâng lo, a reh zui tlawk tlawk mai, a lungphu ri dup dup erawh ka hrechiang hlê thung.


Stool ah min ṭhuttír in ka hria, hetianga a awm nachhan hi enge hre lo mahila, Ka hlau in ka râp takzet a ni, A hma a Jake kha chu ni se ka duh loh thû ka sawi khán min ti lui âwm miah si lo a, hetianga maksak taka a chêt chhan hi ka hriat ngei a ngai a ni.




Chutah ka mittuamna chu arawn phelh ta, ka hmuh hmasak ber chu keimah ka ni, dressing table hma ah min lo ṭhuttîr reng chu niin, ka mutkawr thlêr hniang chu min phelh sak a, Bikini dum lase deuh reuh nen ka lo awm hlauh chu a tih zia khawp mai, ka zak ru viau bawk, in hup na tûrin ka kut a phuar daih bawk si, saruak deuhthâw a ka awm chu en pawh in en ngam lo in ka kun tawp.



Ka hnunglam aṭang chuan ka sam ka dara tla hniang chu hûi sawn in ka darah chuan arawn fâwp vang vang a, ka beng bulah chuan thawlum hak hak chungin darthlalang aṭang chuan min en reng tih ka hria, ka mittui a luang ngiai ngiai a, mahse ṭah erawh ka ṭap lo.


"I nalh lutuk Angel, in en teh"



Tihpahin darthlalang lam chu min hawi tîr a, darthlalang aṭang chuan a hmel chu chîk zet hian ka enkal a, a hmel chu aṭha zual telh telh emaw tih tur a ni.


Chutah min din tîrin ka hma ah tak chuan arawn ding a, ka ke hmawr aṭanga ka chhîp thleng chuan uluk zet hian min enkur nia, ka zak lutuk chu ka kê ka lo tawm ru châih châih ringawt, A nui deuh suk a,ka khabe ah chuan rawn dawmin muangchâng chuan min rawn fâwp ta, chhânlêt loh ka tum pawn ka thei lo,ka hnung techu a zût heuh heuh a, nuam tihna mak tak hian min rawn tuam hat hat mai,ka mawngtamah chuan a ṭhâm zui pah zauh zauh bawk.



Ka kut phuar lai karah chuan alu rawn rawlh lûtin adarah chuan ka kut chu a dah a,a lo sâng ṭha bawk nen ka lo dingdihlîp châih châih mai,ka kawngah chuan nghet zet hian min kuah a, kan taksa ruak ve ve a in deh chinah chuan dâwi ât ang vek ka ni leh tawh.


Ka fawh lêt ve tâkah chuan a duhthâw tial tial a, min pawm kâng ta nawlh mai, ka bawp pahnih in a kawng chu ka lo kâr cheh rân bawk, khum lam chu min pan puiin ka kut min phuarsak chu a phelh ve mai bawk a, a phelh zo chu ka kutah chuan a fâwp zauh bawk.



{}MATURE CONTENT (18+) PLEASE SKIP....{}



"He hun hi ka nghahna arei tawh sin"


Nui suk hian arawn ti a, chutah ka taksa chungah chuan rawn bawkin ka bra hâk chu a phelh ta daih a, zak tak anga lang duh si lo in ka zak ru chem chem tho, ka âwm bâwr lian lêm lo tak chu aka lum thar thar chuan arawn fâwp vang vang a, ka tum loh deuhin ka lo rûm chhuak hak, ka dul te thleng chuan a fâwp thla dun dun a, a khât tâwkin min rawn fâwp leh zauh bawk, ka hmui hnuai petin bedsheet techu ka lo ṭhâm ngar ngar a, hetiang rêng a mipa zei hi ka tawn leh tawh ka in ring lo.



Chutah ka hmeichhiatna zawna kekawrte chhanah chuan arawn fâwp zauh a,

"Ka ta ini" arawn ti vawt ruih nia, a kekawr hâk chu a phelh ve sut sut a, chumi kâr lek chhûng chuan puan ka lo sin hmanhmawh a, a inphelh zawh hnu chuan ka puan sin lai chu rawn theh hlîm in ka taksa chungah chuan arawn bawk thlawp, a biang sa hat hat ah ka kut te tak tê chuan ka lo vuan a, a nui deuh var var mai, "Jake" tiin ka phun sap a, ti lo tûra hrilh ka duh, mahse he nui hmêlṭha tak hi hmel râpawm takah khân a inthlâk leh ang tih ka hlau bawk si, ngawireng chuan ka in en ta vang vang ringawt.

Kan in en kar lai chuan ka hmeichhiat na chu arawn na ta zawk mai, ka râk chhuak ṭhat a, thâwk ka la zui hawk hawk bawk, ka taksa chu arawn khûr a, ka thlan tuiin min bual nghal, ana êm a ni, min rawn fâwp nghâl bawrh bawrh a, ana ka ti lutuk tih ngaihna hre lo chuan ka lo fâwp lêt chiâm a, a tukhum samah chuan ka ṭham zui tlawk tlawk ringawt.


(CHHIAR LEH THEIH E)



Tlêma azia deuh hnu chuan arawn che ṭan ta, ala nat êm avâng chuan ka mittui a luang ngiai ngiai reng a, mahse ka luhlul na vâng hrim hrim pawn ka la thup ngat ngat tho, ka mittui luang a hmuh tâkah chuan tâwp chat hian min rawn en a, a mit meng aṭang chuan min khawngaih hmêl ve lek lek mai.


"Angel"

Awki hniam ruih hian arawn ti a, ka chhâng duh miah lo a, chêt pawh ka che hek lo, ka hmui hnuailam pet fan fan chung chuan hmundang ka lo en ngat ngat thung, mahse ka mittui erawh a luang zawih zawih tho,



Thâwk la hawk pahin a tho ta hmak a, ruak ngal ngat chuan bathroom ah a lût daih nia,kawngkhâr a khâr rîk ṭhuai takah chuan ka ṭap chhuak ta hak a, harsa ti zetin sîr lam hawi chuan ka in let a, puansin lai chuan inkhuh in ka hmui hup chuan ka ṭap khûr ngat ngat reng ringawt.



Ramhnuai thim takah hian mokawr bâl tak, thisen kai hnuang ha hian ka lo vei chiâm a, chhûm a zîn nasat êm vângin kalna lam tûr rêng ka hre lo,



"Angel" tih rî chu ka hre hnai tial tial a, ka meng nghâl zawk, khua alo êng uar tawh a, room chhûng chu alo êng at mai, Jake pawh alo awm tawh lo, Kawngkhar kik dat dat pah chuan hmeichhe âw hian "Thingpui leh a hmeh ka rawn keng a" a rawn ti lâng lâng a, thawmhnaw ka la ha bawk si lo, rang tak chuan ka tho chhuak vat a, mahse ka taksa techu alo na ṭhûm mai, harsa ti zet chuan ka tho lui ta tho a, ka thâw asa halh halh reng a, ka dang aro huam huam bawk, dawhkâna tui chu la in ka dâwt khawlh khawlh a, ka mutkawr leithar chu la in ka ha tawp a, kawngkhar chu ka hawng nghâl vat.



Maid pakhat hi alo ding reng chu niin, Tray chuan thingpui no nalh zet leh chhang hi alo chawi a,

"Thingpui chauh hi ka lo in ange, ka lawm e"

Tihpahin thingpui chu ka la ve mai a, "Nizân lam te i mu ṭha em?" Nui var var hian arawn ti a, nizâna kan awm dân vel techu ka ngaihtuahna ah arawn lang zuai mai, ngaihtuah pawh ka duh tawh lo.


"Aw ṭha e"


Nui lui sak chuan ka lo ti vat, a chhuk veleh nghâl mai a, thingpui in pahin kan khum chuar ṭha zet chu ka en vang vang a, khawi ah nge a kal daih ang le? ka ngaihtuah zawng ringawt pawn ka thin zâwn hi arawn na zawk mai, tinge khatia râpthlâk taka a awm le? Ka ngaihtuah chhuah pawn ka la hlau, ka ngaihtuahna avah kual lai tak chuan kawngkhar chu arawn ri rawk a, ka phu nasa lutuk chu ka ṭe chhuak lo chauh.



Ka âwm dawm chuan Rang takin ka hawilet vat a, Jake chu ngawireng hian arawn lût vut nia, biak pawh ka be peih lo, a hmel ka hmuh hian ka la ṭim sung sung thei.


"Ila inbual nange"


Tihpahin ka âwm zawn chu arawn melh zauh a, ka âwm bâwr thla lo lang kalh chu ka hup vat, ka thingpui in lai chu dahin bathroom lam ka pan nghâl zâl zâl a,ka bawp te hi a khûr der der nia, ka taksa tehi na ut ut mai, ka chau hlê bawk.


"Lo kal teh"


Dam thlupa tihpahin khum lamah chuan min kai phei a, khumah chuan ṭhu in khum bula drawer aṭang chuan damdawi hi arawn la chhuak a, tui chu a thli zui bawk.


"Ei la i na tekha adam mai ang"

Tihpah chuan min pe a, ringhlel ru tak chuan ka ei ve mai, ka thihna tûr anih loh hrâm ka beisei.


Ka ei lai chuan Khum chu enkual in thisen val kalh a hmuh chuan a nui deuh suk a, min rawn en leh chu a lungâwi hmêl takzet a ni, a lamah chuan min pawt hnaiin ka kawngah chuan arawn dawm a, a hmêl chu a nêlawm leh tawh viau bawk, hepa hi hriatthiam aharsa takzet a ni.


"Ka tihpalh Angel"

Tihpahin ka kawr chhana ka awmbâwr chu arawn fâwp zauh a, ka kawr hmawr aṭang chuan zen chho in ka mal vêl chu a zût heuh heuh mai.


Kei erawh ngawi rengin ka kun ngal thung, ka ṭah techu arawn chhuak ut ut nia, ka thil hmuh chu arawn phe ruai a, ka hriat loh kârin ka mittui alo tling leh pum tawh, insût ri hraih pahin ka hru zui zauh a,
"Angel i ṭap ami? Ka tihpalh aw...ka tihpalh takzet" tihpahin a mal chuangah chuan min pawt ṭhu a, min kuah ta hle hle mai, ka hmai chu hupin ka lo insût hraih hraih ringawt.



"Ka ti hlau viau che ni maw?"


Damthlup hian arawn ti a, ṭap lang duh chiah si lo in ka mittui hru mial mial pah chuan a awm zawna ka hmai phum chungin ka insût hraih hraih reng ringawt.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)