Dear John BY Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: Dear John BY Hlutei Jocund Pachuau (Completed)

Unread post by Ngaia » July 11th, 2021, 12:43 pm

NEXT MORNING



Zing ka harh chu ka bula thaw ri sak sak ka hmuh chuan ka nui suk ringawt, a chil thlî ala thlauh zui, a mit zawnah chuan ka chhêm zauh a, A chhîng deuh sawk mai, ka nui hak rî ah arawn meng deuh diar diar a, min hmu chu a khap deuh fak fak mai,

"Enge khatia i nuih vur vur a?" Tihpahun lehlam min hawisawn hmak nia, A zak a ni tih ka hre mai,

"Na te i nei em? I khawilai nge na?" Ka ti chiah chu "Ka engkim ana i ninawm be reng suh" bak hlar hian arawn ti nia, Ka nui chhuak hawk ringawt, vawiin chu min haw nilêng dawn tih ka hre mai, a dar ruak deuh kang ah chuan fawp zauhin ka tho chhuak zui a, a duh loh tlat chuan in duat vak ngaihna awm hek lo, Bathroom a ka inbual sur sur lai chuan kawngkhar chu arawn chûm ri dat dat a,

"John ka zun a chhuak tawh lutuk lo hawng teh" arawn ti lang lang mai, phuan suahin ka va hawn sak a, kekawrte nen chauh rawn lut in a zung nghal sawr sawr nia, a zak dawn viau amaw ka tia zahna chang pawh a hre lo, a awmbawr erawh a hup tat tat mai.

"Min en reng suh" rum zeta min melh chung hian arawn ti zui leh hlak a, ka inbual chhunzawm lehnghal mai,


"John"

Arawn tih sap lai chuan ka va hawi vut a, a hmêl alo ngui lap mai, "Ka damlo dawn in ka hria" arawn ti nia, shower chuan in phuh nghal chûk chûk in ka va ngaihven vat a, a pang ka khawih chu alo sa vur mai,

"I khua sik deuh a nih hi, inbual la chuan damdawi ka lo pe ang che"

Ka tih chuan bu ve nghauhin arawn tho chhuak taih taih a, a tha te chu a khûr deuh der der in ka hria,


Tuilum pep pep chuan ka inphuh tîr sar sar a asam tuiin a phuh hnawk deuh niai chu tuai tha in a hmui sa ham ham ah chuan ka fawp vang vang a,

"I tha mai ang lungngai suh" ka tih chuan a bu leh nghauh nghauh a, a tap mai dawn maw ka lo tih rilruk tehlul nen zu nui sak thei amawle, Duat angai tih ka hriat vangin ka dîm hle bawk, shower gel techu ka hnawihsak leh a, ngawi rengin alo dawh ve mai,

"I khawilai nge na ber a?" Dam thlupa ka tih chuan "Ka taksa tehi ana vek a, ka lu pawh ana" arawn ti niah niah a, a zawi nen bawk nen ka ngaih tepawh a ti tha lo lek lek mai.



Kan inbual zo chu towel techuan hru faiin asam chu ka thiam ang tawk chuan ka chhem ro sak a, darthlalang atang chuan min rawn en in a nui ver ver mai, keipawn ka lo nuih ve suk.

"I tlai ange min ngaihtuah lutuk suh" ati deuh sap a, nuam ati tih ka hre ve reng sia,

"I pasal hi ka thû ber alawm ka duh duh hunah ka kal thei" ka tih chuan anui deuh hak a, asam aro deuh thuak hnu chuan khumah ka mut a, damdawi ka pe nghal,

"Damdawi ei nghal hi rai lohna an tia" ka tih chuan phawk zet hian min rawn en a,

"A nih chuan ka ei duh lo, Ka tuar mai ang" arawn ti nia, "Rai pawh chu iva duhawm ve" ka tih chuan a nui leh hak a, "Hetiang mai mai ana lo emai, insiam rawh ka tha lutuk, reilote ka mu leh anga adam vek mai ang" uar zeta arawn tih takah chuan a chalah fawp zauhin ka insiam sawn ta nge nge a.



Ka insiam zo têp tih a ka va en zauh lai chuan alo muhîl leh sak sak tawh, Ka tih harh ka hlauh vangin thawmdîm thei ang ber chuan ka chhuahsan nghal vut a.





NUTEI POV



Ka harh chuan tlêmin ka dam deuh huai mai, Bawihtei chu ka bulah chuan alo in khual telem rak rak nia,

"Bawihte tinge school i kal loh?" Tihpahin ka inbeng kang zui ûr ûr a,
"Mommy vawiin techu kan chawl alawm" alo tih chuan thil ka hre chhuak zawk, nimin khan an chawlh dawn thû an puang tak e, a naute lem chu ka bulah rawn muttîr in,
"Mommy , ka thian techuan unau in khual telem pui tur an nei vek a, tinge ka la neih ve miah loh a?" Min enkiau chung hian arawn ti a, a khap deuh fak fak bawk, a mitmeng lian zet hi analh ka vn ti tak, a pa hmui a chhun in a hnuailam a phîr ve thai bawk.

"Nia...ka sawi tawh kha, nakinah i nei vat dawn lawm, Mommy hian unau i neih na tur anih chuan hrehawm tuar pawh pawi ka ti miah lo ania" a sam chul hliau hliau pah chuan ka tih chuan ka bulah arawn muthla ve kak a, ka nu arawn lût zui bawk.

"Tho suh tho suh" a tih chuan ka inbeng kang ûr ûr chu ka thulh leh vat a,
" Na te ila nei em? Nadi eitur tui deuh ka siam tir ania" dam dap hian arawn ti a, ka lo nui sak,

"Lo in ei puar la, Ka chhuah lawk angai a, Vawiin chu i khua a har lo deuh ang i fanu a awm tho bawk a" a tih chuan ka lo bu leh nghauh nghauh a, Bawihtei biang ah chuan fawp in a chhuak zui leh mai a, a reh duk mai.



Ka phone chu la chhuakin ka thian tha em em, kan khua ami pasal nei ta chu ka call vat, eng engemaw sawiin kan ti ti luam a, ka nun chu a awt ve hle ni ngei tur a ni, an pa in hlawh fa chawp tawh nak alaiin zu ala duh em em zui, ani lakah chuan vannei tak hi ka ni ringawt.


"I lung ti leng duh reng reng suh, i nu tepawh be pawp reng duh suh, In pa leh i nu thu kha awih hle rawh, an fel si, i vanneih zia hi" arawn ti ve mawlh mawlh a, nuam ka lo ti ve veng veng mai.



Ka thiannu chu ka lo be rei deuh nge Bawihtei ka bula mu chunga inkhual telem melh melh chu alo muhil daih nia, ka thawhsan thuai a, inchei faiin kawr te ka ha a, inhnuai lama chhuk ka tum meuh chuan dar 12 alo ri têp tawh, ka chaw ei loh lutuk vangin ka zawi hlê bawk.


Choka ah chuan lutin Nadi ei rawng bawl techu ka ei mial mial a,

"Pu khan Thei rah lam lo ei tel tur che in a tia, Grape i ei duh mai em?" Arawn tih chuan ka lo bu nghauh nghauh ringawt, grape hmawm zauh zauh pah a tv ka lo en der der lai chuan Car kawngka inkhar thawm ka hre thut chuan min ti phu chiang kher mai, sofa atang chuan tho in ka dak chhuak vat a, suit dum ha palian pui pui pa 5 vel lo ding khup in Mipa khat kamis dumpawl ha sang veh vawh hmeltha zet mai hi thinrum hmel tak hian arawn lût deuh pawk pawk a, Sofa atang chuan ka lo ding chhuak vat, chutah min rawn hmu chu a ding deuh dat a.


"Tunge i nih?" Min rawn ti nih chu, "Tunge i nih zawk a?" Ka lo ti ve fak a, arawn nui hul hak mai,
"Ka hre leh chiah che, nanghi ka monu ni leh lo, ka unaupa nupui chu ini maw?" Arawn tih chuan hrilh hai zetin ka lo enkiau a, Chutah Bawihtei chu step ah chuan hmanhmawh zeta rawn tlan thla in,

"A pate" arawn ti sap nia, phawk lutukin an inkuah chawt lai chu ka lo en top ringawt.

"A pa chu office a kal alawm, Hei hi a nu ania" alo ti nghal zat zat a, Chupa chu min rawn en in a nui deuh sak nia, han enchian chuan in anna lai chu annei ve alawm, mahse unaupa a nei tih ka lo hre ngai miah lo.

"Ka unaupa hian a thlang thiam hle mai" a ti deuh sup a,

"E taka, min la hre lo tih ka hre mai, Kei hi Lalrinfela Ka nia, i pasal nau" arawn tih chuan inthlahrung zetin ka chibai zui lawp lawp a,

"A pawi ka ti takzet a ni, ka lo hre miah lo che a" inthiam lo zeta ka tih chuan a mit ko san zauhin thuttleng ah chuan a thu thla zui hnawk a,

"Min hre lo hi mak ka ti miah lo, Jonathan a chuan ka chanchin hi a hrilh tawp lo ang che, Kha ramhuai pitar pawh khan" a ti zui a, Rmahuaipitar a tih chu ka nu a nih ka ring nghal mai, mahni nu te chutia han koh chu ka lo ti rilru hmanhmawh.

"Pahmun nuhrang kan nia, Lungngai duh suh tih nat cheu ka tum lo" ati leh zung zung a, a mizia ther thawr chu ka ngainat zawng zu ni thak lo a, John nen chuan in ang lo tak an ni, an hmel leh pian erawh a in ang tho mai.


"I lo kal tih hi a hre awm si lo a, ka hrilh dawn mi niang?" Ka tih chuan a dar arawn san ak a,
"Tehreng mai, arawn haw nghal duh maithei ni" awlsam zet hian alo ti a, ka phone chu la in John chu ka call zui vat, choka lamah chuan ka tlan phei zui dawr dawr a.


Vawi 3 lai ka call hnu pawhin a chhang thei miah lo, muangchanga lêt lehin ka va ding zum leh reng a,

"A la thei lo a, I hmuh duh chuan a office ah va hmu mai la" ka tih chuan a mit hmul lehlam arawn sak leh tawh,

"Ka lo nghak zawk ang'e, Hrehawm tam tak ka paltlang laia nuam sa taka nupui alo nei chu ka thîk khawp mai, engtin nge i in tawn a?" Arawn ti leh zung zung a, chhan mai dan tur pawh ka hre lo.

"Ka u chuan thingtlang nula hmeltha tak a thlang chhuak che ni maw....a fing hle mai" a ti leh sup a, a tawng tam lutuk chu ka lo ning hman lek lek zawk.



Bawihtei'n a ngaih em vangin ngaihtha zetin inchung lamah chuan ka mutsawn ta daih a, ka lo muhîl zui daih nia.




Tu emaw hian min thlîr renga hriatna ka neih tlat vangin chiang lo ruai chuan ka meng diar diar a, chutah khuma thu chunga min lo thlîr reng tu ka hmuh chuan ka tho nghal zawt.

"Engthil nge maw i tih le?"
Tih tuar pahin ka insiam tha sawk sawk a, alo nui leh sawng tawh, Johna unuapa hi ka ngaina hlawl lo, a zakthei lo si.


"Ka unaupa hi engtia nei nge ini tih ka lo ngaihtuah a, Fa neih nan chauha neih che atan chuan ka ui che"

A tih chuan a thusawi awmzia hre lo zetin ka en ha a, chhan tuma ka an zuau lai chuan.

"Enge hetah i tih?"

Ti tu lam chu kan hawi rual thawt, John chuan rum lutuk hian a unaupa chu arawn en khup anih chu, Chutah a unaupa chu a nui hawk,
"I nupui hi min rawn zui daih tura sawm ka lo tum a" ngeiawm zet hian a ti nih chu, Chutah ka rinloh lutukin John chuan a kawr awmah chuan arawn tham tho lawp nia, bangah chuan a nawr bet zui chawrh,

"He in hi i ke bawlhhlawh khan rap ve tawh suh, I hria em?" Ti deuh hrawk chungin pawn lamah chuan a nam chhuak lawp nia, kawngka a khar zui thuai bawk, a chet dan rawva lutuk chuan awmdan tur pawh min ti hre lo, khumah chuan a bag chu arawn paih thuai a, a necktie a pawt thawl zui sawk sawk bawk.

"Min rawn hrilh vat tur che nia" tihpahin a kamiz chu a phelh zui nuap nuap a,

"Ka rawn call che a i la thei si lo a" ka tih chuan min rawn in thawk ala hawk a, unaupa alo nei reng tih pawh ka hriat loh laia keimah min mawhpuh a tum tlata ka hriatna chuan min ti thinrim tûn mai.

"Unaupa i nei tih pawh ka lo hre miah lo" insiam tha sat sata ka tih chuan, "Ka unaupa a ni lo" vîn zet hian arawn ti nia, ka phu nasa ngang mai, hlauthawng zeta ka enkiau lai chuan a hmel durkhup chu rawn inthlakin thawk ala zui hawk a.

"Ka tihpalh, Hrilh loh chhan che tha tak ka nei a, ka tihpalh" damthlup hian arawn ti zui leh mai a, ka nui lui sak ringawt,


"Vawiin enge ilo an? Na te ila nei em?" A tih chuan ka lû ka lo thing vat, na sawi dawn chuan ka ngah a, sawi ila ka na lo a ni mai.


Kan ngawih vang vang hnu chuan car thawm ka hre tlst, tho vutin tukverh atang chuan ka zu bihthla a aunaupa haw tur ni awm tak a ni, Fa neih nan chauha min nei a tih kha enge awmzia ni ang aw....ngaihtuah zui vak pawh ka peih lo, ka thluak a ti buai reuh e a.


"Engtikah nge nau chu ka pai ang le?" Ka tih chuan nui vur vur hian min rawn en a,
"Ka hre bîk nang?" Arawn ti deuh bui bui mai, nia engmah a hre bîk lo tawp ang,




Zanriah kan ei lai chuan ka nu in, "Nizan lam te kan mu tha em?" Ka nu in arawn tih chuan phawk zetin ka hawi chhuak a,
"Mu tha vak lo, ihhh...ka" ka tih rualin John chu arawn khuh deuh khurh khurh a, a fanu chuan tui alo pe nghal vat, a hnungah chuan ka lo chûm chiam a,

"Min chûm na, khati vak vaka in chum angai lo" arawn ti deuh hluk nia, ka nu chu alo nui hak hak a,

"Aw...i nupuiin a ngaihtuah ve che nih kha" nui chunga alo tih chuan ka zak ru ang reng kher mai, Chutah tho phutin inchung lamah chuan a chho nul nul a, kan en zui vawng vawng ringawt,
"Han thlêm rawh a lunga awi chiah lo a nih kha" ka nu in a tih chuan rang zetin ka tho ve mai a, Ka ûmzui nghal dawr dawr ringawt.


Room a alaptop alo phawrh lai tak chuan va lût in,
"Tinge i thinrim a?" Ka va ti ringawt a,
"Nizana kan thil tih zawng zawng kha sawi vek kher a ngai lo, Mawl lutuk" a ti deuh sup a, sawi vek ka tum miah lo,

"Ka mut that loh thû ka sawi mai alawm, iva a tak" ka ti lêt zêk a, alo ngaikawk hman pek aniang chu, Chutiang em em mawl chu ka ni bîk tawp si lo.

"A nih a tha e, Ila puar loh chuan zu ei leh la" dam thlup hian arawn ti leh tawh, a thinrim rei lo thei lutuk chu ka ngei ve em em ringawt.


"Ka puar daih tawh" vín zeta tihpahin ka chhuak hmak a, inhnuai lamah chuan chhuk thla in ka ei belh leh nghek tho.



Zan ka mu chu ka mu nuam thei miah lo, ka rilru luah tu a awm ve tlat nia, Tinge John hian a unuapa kha a thup tlat le? Eng chhan tha tak chu ni ang? Nu hrang ni mahse an pa a in ang tho a, in ngaih lo viau mahse chen ho tal awm tih techu ka ngaihtuah mai mai a, ka hre chak ta lutuk chuan min tur leh ut ut tawh mai.


A laptop chal chuar khupa a bih reng chu en rengin ka khap fak fak a, ka zawt ngam chiah bawk si lo, mahse ka hre chak lutuk hi ka thi lo chauh ti ila a dik ber ang.

"Sawi duh i nei ami?" A laptop bih ngur ngur chunga arawn tih lai chuan thil sual ti ang maiin rizai chuan ka lo in khup hmak a, a nui hawk rî chu ka hre reng, chutah ka mutna bul chu arawn hniam riai riai a, rizai ka hawng dek dek chu hnai zeta min en chung hian alo nui vur vur nia,
"Enge ni leh ta?" Arawn tih chuan ka lo nuihtlawn titih a, ka hmui ah chuan arawn fawp zauh,

"Thil min dil duh i nei ami? Sawi la" arawn ti zawm zat a, ka chil ka lem khawlh,
"Englo ania....i unaupa chanchin chu min hrilh thei lo ami?" I thlahrung dêk a ka tih chuan arawn nui tawp hmak nia,
"Nia, ani kha ka pa fa thurûk ania, rei tak chu alo thup reng thin, mahse kan bula arawn hruai khan amizia a rawva in ka ngaina lo hle a, ka pa pawn min hauh phah fo thin, Class 12 exam ka neih khan top ten ah ka lang pha ve hlauh a, Ani erawh class 10 board exam ah third ah arawn pass thung, ka pa chuan a hau nasa hle a, kei erawh ka pass lawm nan pawisa min pe teuh a, Chu chu alo thîk ni ngei tur a ni ka school bag ah meizial lo dahin Zirtirtu ten min man sak a, mahse rang takin ka hre chhuak a, ka pa bula ka hrilh chuan ka pa chuan a hau nasa hle a, kut a thlak nghe nghe, In atangin a chhuak a, Kha mi zan khan ruah a sur a khua a chhe viau bawk, Ka pa chu zawng turin zan laia ah a chhuak a, A accident phah a, A thi hma kha chu a kal thei tawh lo, A rawn lêt tawh ngai lo a, Thla hmasa mai khan a chanchin ka hre leh chiah chauh" a ti ve nuap nuap a, mak deuh maiin a unaupa chu ka khawngaih tlat a nih chu, a sual tih chu hre tho mahila, a chan tha zawk a u anih vangin a rilru ana a ni mai a, han dem vakna tur ka hre miah lo,

"A nih a nu chu khawnge a awm?" Ka ti leh sep a,
"A boral a, chuvang alawm kan bulah arawn awm, Ka ngaidam thei lo, ka pa kal theilo a siam tu kha engtin nge ka chenpui theih ang? Amah zawng tur khan chhuak lo sela ka pa hj tun thleng pawh hian ala dam ang" a ti leh a, a thlîrna tang chuan ka dem chuang hauh lo, Mahse a unaupa erawh ka lainat rilru viau thung.


A darah chuan ka lu nghati ka maimitchhing riai riai a,

"La mu suh, Tih tur kan la neih kha" fiamthu a arawn tih chuan nui hakin ka beng thuai a, alo rak thawt,

"Tinge maw i kutthlak hi a nat reuh em em le?" Tihpahin ka biangah arawn piai zui zauh a, ka lo nui leh tawp, min rawn fawp zuiin khumh chuan min bawh bet leh ûl tawh, nuam ka tih rual rualin kim lo hi a awm tlat, a chhan awm ang tura ka rin chu ka hmangaih miah loh hetia ka khawsak puk vang tepawh hi a ni mahna, mahse ka pasal a ni bawk si, ka nghawng vela a fawh deuh bawrh bawrh lai chuan,

"Tawp teh" ka ti deuh hrawk a, a tawp zui chat, chutah hrilh hai zetin hian min rawn en deuh khûih a, ka chil ka lem khawlh,

"Engemaw kim lo tlat hi a awm thin, Ka sawithiam lo" ka tih chuan ka sirah a let thla tawp a,

"Ka hrethiam alawm" ti deuh supin a tho zui daih a, a kalsawn a tum chu "Kan inhmangaih si lo a, tinge kan inneih? Hetianga awm reng hi nuam ka ti lo" ka tih chuan a ding dat, a rawn in her vut a, "Fa neih i duh a ni lawm ni? I pasal ka nia, Ka tih tur ka ti a ni mai, Hmangaihna chu ka hre lo, mahse ka ngaina che, I bula awm hi nuam ka ti a, Duat che hi nuam ka ti, Hmangaihna erawh a ni chiah em ka hre lo" a kekawr ipte zen chunga thu tak zeta arawn tih chuan ka thinzawn hi ana deuh veng veng mai, ka sawi fiah thiam si loh hian, ka na ut ut nia.


"Ka hrethiam alawm" tiin ka nui lui sak a, Ka kawchhûng erawh a tawtin a so hulh hulh mai, A hnunglam atanga vawm zui tawk mai chu ka duh deuh rum rum a, ka insûm leh hram, bathroom a aluh chhûng chuan ka lo in ngaihtuah ve nasa hle, tunlai hi thil ngaihtuah vak vak ka chíng thei lutuk a, Chîng tam lo ila ka duh, Ka in ngaihtuah lungpuam mai mai dawn in ka hria, bathroom kawngkhar ri khap leh ka hnunglam rawn hniam sut atang hian arawn muthla ve leh mai tih ka hria.


"John"

"Mmm" arawn ti thûm dût a, "Ka chhûng tehian min ngai ve tho angem?" Ka tih chuan rawn in her vutin ka hnunglam atang chuan ka kawngah arawn kuah a, a ban techu a rit nulh hian ka hria,
"An ngai viau ang che, Muhîl tawh rawh" ati zui mai a, ka mut lah chu a chhuak thei dêr lo,
"Ka lo malis ang che chu i duh em?" Tihpaha ka in beng kang ûr ûr chu, "A tlai tawh emai mu mai mai rawh" tihpahin ka lu ah chuan dawmin min nem mu leh rawk rawk a, a chauh ka rin ve nen, Ka malis chu a hlau deuh amawni.
"Ka khawih nat che i hlau a ni maw?" Ka tih chuan a chek hluk nia, "Engvangin nge ka hlauh ang?" Arawn ti deuh hluai a, Ka tho zui vat.

"A nih chuan bawkkhup rawh, i hnung kha ka lo hmet ang, i duh lo nih chuan i ngam lo tihna ni mai" ka tih chuan engemaw sawi hian a phun hluk a, a bawkkhup zui ve mai bawk, a taksa chungah chuan thu at in a dar chu ka hmeh sak niap niap a,
"I va thiam ve, a nuam lutuk ringawt, nilêngin ka thu a, ka na thûm mai" arawn ti ve nuah nuah a, ka lo nui sak, min fak tehian midang min fakna aiin hriat nuam ka ti tlat zel.

"I hmet na lutuk" arawn phu uih a, ka ngaihtuahna atang chuan ka harh chhuak zawk, ka ngaihtuahna ah ka lo chêng leh hman tawh nia,
"Ka tihpalh ana viau em?" Ka tih chuan a meng dur khup nia, "A na ka tih mawlh mawlh kha mawle, A na em? Tih hranpa a ngai mi?" Arawn ti deuh hluk a, Chutah ka thinrim insûm zo lo chu a darah chuan ka hmet vak a, a rak thawt, a sirah chuan muthla in ka in lukkhûp zui hmak, hepa pawh hi min chhûn a athinchhe ve zo vek tawh, nge ni a athinchhe sa ve hirm hrim pawh ka hre lo,

"Ka fiamthu nih kha, Lo kal teh" tihpahin rizai chu arawn hlîm pawp a, Min pawm nawlhin a taksa chungah chuan min thuttîr leh at tawh, rawn thu chhuakin min rawn fawp vang vang a, ka mutkawr bah chu tuai liam thla in ka dar chu a hmui lum thar thara arawn sîk lai chuan ka lo îp zawk, Ka nghawngah chuan a fawp vang vang a, ka kawr chu hlim chho pawkin ka awmbawr ah chuan a kut khing hnih hian a hup thak mai,

Thaw deuh hakin a hmel chu ka en vang vang a, mit meng de sar a min lo enkur vang chu nge ka sa deuh hat hat mai,

"Fa kan neih hunah chuan ka duh duh hunah ka khawih thei awm si lo" nui suk chunga arawn tih chuan ka hnuailam en in lai zet chuan ka nui sak, a hmet zui nuap nuap a, ka lo îp leh zak zak thin,

"Keini hi engtik thleng nge kan inneih ang?" Ka tih chuan min rawn en deuh vung vung a,

"Kan thih hma chu ni mai lawm" awlsam zeta alo tih chuan, "Tu emaw i hmangaih tak hmeichhia lo tawng leh ta si la" ka lo ti hram thil ni thei a ni ve tlat bawk sia,

"Hlauthawng suh, min ring tawp rawh, Ka nupui ni lo hmeichhe dang duh hi ka nei reng reng hleinem" a ti ve sup a, ka nui hak ringawt, chutah uar zet hian min rawn fawp zui a, Ka nghawng lamah bawk chuan tuan thla in ka awmbawr chu a ka lum thar thar chuan a fawp lum hak hak mai, ka tum loh deuhin ka lo thaw hak zui.


Khumah chuan min lehthalin hmanhmawh zet chuan a che zui bawrh bawrh a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:44 pm

NEXT MORNING



JOHN POV



Tûk dang ang lo takin tukin zing chu tuk thuan kan kil ho ve khanglang nia, Bawihtei leh Nutei chu an ti ti barh barh a, Thian inkawm hi an ang ka ti ber, Nizana min malis na lah chu ka na thêm thûm lehnghal.



Bawihtei leh a nu chu Fawp zauhin ka chhuahsan zui a, Kha mihring pa khan alo tihbuai tawh loh ngei ka beisei, Office ka thleng chu meeting neuh neuh alo awm nual a ni awm e, ka chair ah chuan thu in ka van va dak vang vang a, ka chau takzet a ni, nizana kan awm dan techu ngaihtuah lêtin ka nui leh suk suk thin, ka dar lah chu ana them thûm lehnghal, ka maimitchhing vang vang lai chuan Nutei nui hmel ka mitthla ah arawn cham veng veng mai, chutia ka ngaihtuah lai chuan ka dar hi tu emaw hian arawn hmet niap niap a, ka meng nghal kawk, a hmel ka hmu chiah chu ding hluaiin, "Enge hetah i tih?" Ka ti vîn nghal thawt a,

"Sir khawngaihin min ngaidam rawh thil hriat sual i nei a ni"
Thelma chuan mittui tla zawih zawih hian a ti nghal chûk a, "Engmah hriat sual ka nei lo, min vo tu zawk inia"
"Nia ka vo che, Mahse ka hna leh ka mimal nun ka lo thliar thiam tawk lo a apawi ka ti takzet a ni, Kha hotel neitupa kha a thurûk lian tak hria a nia, Min thawh tir leh rawh" a tih chuan ka awih lo kher mai, ka bell hmeh ka tum chu ka kutah rawn vuan in a thingthi nghal hluai a,

"In nupa emaw tumah ka tibuai tawh lo ang che u, Ka fa te enkawl nan pawisa ka thawh chhuah angai, khawngaihin min pui rawh"

A ti deuh chûl a,

"Tho vat rawh" ka ti vîn thawt, Fa te enkawl tur a nei ve tih ka hria, ka khawngaih lo ka tih chuan dawt chiang tak ka sawi a ni ngei ang,

"Engtin nge ka rin theih ang che?"

"Chu erawh ka hre lo, Mahse i duh loh zawngin ka awm tawh lo ang tih ka fa te hming chhalin ka tiam e" arawn tih takah chuan thawk la hawkin ka hmai tuai puat a, meeting ka neih a ngai tawh bawk nen,

"Awle, I hna va thawk leh la, thil pakhat lek pawh iti sual leh a nih chuan ka ban mai lo che a nih pawn, ka that duh hial ang che" kutzungchal meuh hmuha ka tih chuan rang zet hian alo bu nghauh nghauh a, Rum zeta melhin ka chhuahsan zui nghal.




Meeting a zawh meuh chuan dar 4 alo ri têp tawh, Ka office lam ka pan chu Thelma chu hna alo thawk mial mial a, Biak pawh be lem lovin ka luhsan ta daih, Ka thu fel chiah tih in arawn lut ve thuai a,

"In tur i duh em?" A tih chuan ka lu ka lo thing vat, Vawiin chu haw hma ka tum ruh hle bawk, ka bag chu la sawk sawkin ka chhuak ta daih a, ka haw dawn tih pawh ka sawi lem lo.




Mawia hnenah chuan Thelma chu lo enthla ru reng turin ka chah nghal bawk,

Ina ka haw chu alo reh thiap a, Ka motor a hriat veleh a lo dak chhuak awm tur pawh ka hmu mai lo, in chhunga hrilh hai zeta ka lût chu Ka thil hmuh chuan min ti ding chawt, Ka nupui leh ka unaupa hrawn chu inhnaih takah hian lo ding in engemaw sawi hian an lo ti ti melh melh a, ka nupui nui hmêl ka hmuh chuan ka thinrim nghal hlur mai, chutah kawngkhar bula ka lo ding reng chu Nutei chuan min rawn hmu vat a.


"Aw...ilo va haw hma ve?" Tihpahin min rawn pan dawr dawr a, Ka mood a off nghal vek nia,
"Enge ilo tih leh tak?" Ka unaupa hrawn enkur chunga ka tih chuan, a nui hmel ngeiawm zet kha ka hmu leh tawh,
"I nupui khaw har tak ka lo kawm hlima lawmthu min hrilh zawk ta che"

Ngeiawm zeta arawn tih chuan ka inhûm ruh nasa kher mai.



NUTEI POV

John thinrim inhûm ruh ka hmuh chuan beng daih ka ngai tih ka hria, mahse engtin?

"Hawh room ah kal ang"

Ti a kaih ka tum chu alo tang tung nia, ka tih ngaihna hre lo chuan ka thlah riai riai a, a unaupa chu rum kutuk hian a melh tlawk tlawk ringawt, pakhat lah chuan tham loh hmel zet hian alo en thung.


"He in hi rawn rap tawh suh ka ti che ni lawm ni? Engvanga rawn in lan fo nge inih? Enge kan lak atang hian i duh?"

Inseh ruh tûn hian a ti nih chu, a aw chu a ring lo na in a chang fak thung, A unaupa chu nui hak in "Duh leh mamawh ka neih chauhin ka rawn kal ngai bîk lo Ka u, Mothar lawm nan ka rawn haw ve mai mai nih hi" a tih chuan John thinrim chuan pan hnaih tumin a che hrut a, ka lo dang vat, hetiang insual deuh buan buan kara awm hi ka thei lo, Ka ning, ka thla an ti muang lo.

"A tawk, chho ang, Han inthlak phawt rawh" ka tih takah chuan a unaupa rum zeta a melh lai chu nam chho in inchung lamah chuan ka hruai chho dawr dawr a,



Room kan thleng chu ka rin loh lutuk a bag chu khumah chuan a paih dawt nia, ka lo phu zawk thei,

"Kha pa kha hnaih suh" arawn ti deuh hrawk nia,
"Ka hria, Heta a awm tirh a achet chhiatna vel alo sawi a, Chu zawng chu, chu bakin kan la in be hman lo hrim hrim, a rawn thleng ve deuh chiah alawm" ka lo ti zui mawlh mawlh a, a neckt tie chu pawt deuh sawkin khumah chuan a thu hnawk, ka lakah thleng thleng a thinrim chu ka lungawi lo ru viau na in ka ti lang lem lo.

"Inbual harh la" ka tih takah chuan a kamiz chu a phelh zui nuap nuap a, ka lo pui vat,

"Thinrim lai chuan rîk buan buan loh tur a nia, I haw viau a nih pawn i unaupa ania, i pa vang talin insûm tawh rawh, Bawihtei pawn a ngaih êm kha" ka lo ti ve mawlh mawlh a, a hmel dur khup atang chuan ka thusawi chuan awmzia a nei thui vak lo tih ka hre mai.


"A hmel hi ka haw ve hrim hrim" arawn tih deuh hluk takah chuan ka lo nui deuh hawk a, a naupang chhia ka ti takzet, A puitling ve viau amaw ka tia, mahse a awm lo hran lo.

"A nih fa kan neih hunah Bawihtei hian i unaupa chunga i chet ang hian lo che ve tase i duh dawn mi?" Ka tih chuan min rawn en zawk nia, a hmel ka en chu min lo melh no lo kher mai, ka tawngsual tih ka in hre ve chiah,

"Bawihtei chu tiang chuan ilo en hrang thin a ni maw?" Arawn ti deuh sup a, chu chu ka sawi tum a ni miah si lo, Ka sawi tum a man lo tih ka hre mai,

"Ka en hrang lam a ni lo, Hrilh fiah che ka tum mai alawm" ka tih chuan min namsawn deuh dat a, mak ti zetin ka lo en ha thung,

"Kan fanu ania sin, Engtin nge tiangkhan i sawi theih a?"

Awki sang lek leka arawn tih chuan ka inthiam lo kher mai,

"Chutianga i ngai a nih chuan i dik lo tihna ni mai, i unaupa i en hrang tihna nih chu" ka lo ti ve hlak a,

"Tinge ani chu i tan viau a?" A rawn ti vín thawt nia, sawi mai tur pawh hre lo in ka en ha ringawt, a in thlak sawk sawk a, kei erawh chêt nachang pawh ka hre lo, ngawi renga chhuah a tum lai chuan,
"Khawnge i kal dawn?" Ka lo ti vat a, a ding dat,
"I hriat kher a ngai lo" arawn ti nia, a chhuak nghal nal nal a, tlawm ka tum bîk hauh lo, ka ûm zui ve ngat tho, pawn thleng chuan ka ûm zui a,


"I kalna tur min hrilh loh chuan ka zui ve ang che" ka ti deuh hmak, Rawn hawi let in thawk ala hawk a, "In ti thawveng turin ka kal dawn, ka hah, ka chau lutuk" a ti deuh hmuk nia,
"In ah hian chawl hahdam mai rawh, a nih loh chuan ka rawn kal ve ang a nih loh pawn Bawihtei arawn thleng tep ang lo nghak tal rawh" ka tih chuan a thin ka ti rim zual sauhin ka hria,

"I ngaihtuah tak tak duh hmel lutuk, Lem chang tawh suh"

Arawn ti leh tawh, a thusawi zet chuan min tina kher mai,

"I ngai dik lo a nih kha, tinge vawiin tlai i awm dan hi amak viau a?" Awka vîn zeta ka tih chuan min rawn en vang vang a, motor ah chuan lût zuiin a tlan chhuak zui daih nia, Thinrim zetin a tlan liam lai chu ka en zui tlawk tlawk ringawt.




Bawihtei lo haw chuan a pa chu arawn zawng ruai a, alo la haw loh thu in ka chhang tawp, ka nu pawh arawn haw ve tawh, kan inhauh chhan leh a unaupa chungchang erawh ka sawi lang lem lo,


Zanriah ei thleng pawn ala rawn haw lo, Ka nu lah chuan call turin min ti sek lehnghal, zanriah eikham chuan room ah chho in call tum chuan ka phone ka lek kang a, whatsapp message pali dawn ka hmu, Ka number hriat ngai pawh a ni lem lo, Ngaihtuah chiang hlei lo chuan ka hawng hmasa leh te te a.



Ka hawng chiah ka thil hmuh chuan min ti phu zawk thei, John chu khumah hian alo muhîl lai hi a ni a, hmeichhe pakhat mut kawr bah sexy zet ha hian a nghawng chin chauh langa alo selfie pui lai tehi alo ni nawk mai, ka en reng lai chuan rawn type zuiin,

"Zan in chu arawn haw har deuh ang" arawn ti nia, ka thinrim lutuk chuan ka phone chu ka dah hmak a, A duh chen chen chu awm bo ang hmiang tiin ka inbual san ta hmak a, mahse ka inbual laia ka ngaihtuah rauh rauh lai chuan ni theiin ka hre bawk si lo, ka inhual zo chu chhuak tur chuan ka insiam zui sawk sawk a, ka phone chu la in chu number ah chuan ka call zui vat.


Hmeichhe aw nalh zet hian alo chhang a,

"Tunge i nih? Khawi ah nge in awm sawi rawh" ka ti khûr deuh dar dar a, ka inhûm ruh nasa kher mai, ngei awm zet chuan rawn nui hakin an awm na hotel leh room number thleng chuan arawn sawi tak tak nia.


Insiam sawk sawkin ngawireng chuan ka chhuak a, taxi chu phar in John awmna hotel chu ka sawi a, alo hla vak lo a ni awm e.



Rei vak lo ah hotel lian ve tak kawtah chuan ding vang vangin ka lungohu rang nasa lutuk tih thawl nan thawk ka la hawk a, zamnaeh tîmna nei loh chuan confi zetin ka lût zui a, receptionist lo thu bulah chuan,

"Khawi lai nge room number 11 na?" ka tih chuan min lo kawh hmuh zui vat, chhawng thumna ah alo awm a ni awm e, rang takin ka pan vat a.


Kawngkhar zawnah chuan ka ding vang tawh, Ka lût angem ka hre lo, kik hmasak techu ka han tum ngawt a, ni theiin ka hre bawk si lo, min phatsan a nih chuan ka mit ngeia hmuh ka duh tlat bawk si, in ngaihtuah huaisen luiin ka hawng ta thuai a, mahse hmuh tum ang tumah rêng ka hmu lo, khum chu lo fel thlarh in alo ruak hiai a, tumah rêng zu awm lo va mawle.


"Tunge awm?" Ka han tih lang lang chuan bathroom atangin thawm ka hre tlat, chutah ka rin loh lutukin John a unaupa chu towel chauh veng hian arawn chhuak nia,

"Nang maw?" Ka ti chhuak sap ringawt, enge awmzia ni ta ang? "Hetah enge i tih?" Ka tih chuan ani pawn mak ti hmel fe hian min enkur mai,

"Enge hetah i rawn tih zawk? Ka thlenna hotel a nih hi" a rawn tih chuan ka chil ka lem khawlh, ka lut sual a nih ringin "Hei hi room number 11 na a ni em?" Ka tih chuan a lo bu nghauh nghauh a, Chutah ka hnunglam kawngkhar atangin thawm ka hre tlat.


"Ka pi enge hetah itih?" Ti tu lam ka hawi chu ka pasal leh a nau Mawia, Thelma te nen an pathum chuan phawk lutuk hian min lo en thap nia, Rinfela an hmu phei chu mak an tih hmel leh zual,

"Nang pa hi enge ka nuphi chungah hian i tih a?" Tihpahin John chuan Rinfela chu arawn rêk nawk nawk nia, ka lo dang zui vat.

"Engmah ka ti reng reng lo, amah hi ka inbual laiin arawn lut ringawt a nih kha" Rinfela pawh chuan alo ti vat a, John-a'n min rawn en chiah chu min thah duh hmel hi a ou in ka hria.


"Enge hetah hian i tih?" Inseh chilh rapa a tih chuan chhan mai ngaihna pawh ka hre lo, ka phone a thil thleng tekha ka sawi vek chuan midang an awm ve bawk si.

"Enge hetah i tih ka tih chu?" Vîn tuara arawn tih chuan ka lo phu zawk thei,

"Ihh...eng lo,...hetah hian" ka ti hman tawk, ka kutah chuan na zeta min rawn hmer chung hian min kai chhuak nghal dawr dawr nia.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:44 pm

Car ah chuan min nam lût zui rawk rawk a, a chet dan zet chuan min ti thinrim takzet a ni, hmeichhe dang awmpui zawk chu a mah ania, kei min ringhlel zawk a, inkuangkuah than in ka lo thu ngawikar thung, Khanu Thelma i tih kha a ni chiang lutuk, A ban tawh in ka hre sia, tinge an la in zui tho le? Khanu bak kha a ni lo tih ka chiang, kei hi thinrim tur zawk ka ni, amah ni lo in.

"Tinge tah khan tinge i kal? Enge ilo tih?"

Ka hmalam chu en ran in a mi biakna chu hre lo ang hmakin ka awm, ka thinrim hi chuan lungtum biak ang ka ni thin, ka tawng dawn teuh lo,

"Lalnunmawi, Min chhang rawh" thinrim awka vîn ni si lo hian arawn ti deuh hrawk a, ngahmah ka ngai lo, ka hlau teuh bik teuh lo mai.

"A tha e" ti hmukin car chu ati nung zui vut vut a, chak zet hian a tlan chhuak zui nghal, che lo in hmalam chu ka en ran reng a, a khat tawkin min rawn mit sîr leh zauh tih pawh ka hre reng, milim ang maiin ka awm ngai chuan ka awm ngawt ngawt reng ringawt.



JOHN POV



In kan thlen chuan ka bula thu ngawi ngal nu tereuhnu chu va en in,

"Chhuak tache" ka ti deuh hmuk a, ngawi reng chuan chhuakin car kawngkhar chu a khar ri thuai nia, ka lo phu zawk zui, khatia ka hmu kha ka thinrim tehlûl nen kei aia a thinrim nasa ka hmuh khan chhan tha tak a awm anih ringin ka thinrim pawh zu reh vek a mawle.


Inchhungah chuan zui lût dawr dawrin room ah chuan ka tlan chho zui a, kan room ka lût chu thinrim hmel zet hian alo inthlak tau sawk sawk mai, tinge Kha pa room ah khan alo awm hlawl, Kha mihringpa khan eng thudik lo nge alo fah ang? Hotel thleng thlenga a kal ngai khawp chu thil ho mai mai a nih ka ring lo tawp mai.


"Inbia ang" ka tih chuan rum zet hian min rawn a, Akawr fual chu a hlîp chho zui pawp, Underwear nen chauhva a awm chu uluk zet hian ka lo thlîr a, Midang pian aia a nalh bîk na sawi tûr awm si lo hian ka mit zu la em em tho a mawle, a thawmhnaw dahna chu a hawng zui rak rak a, chutia a hawn lai tak chuan ka va pawm nawlh a, alo tê that mai.


"Min dah thla rawh, min khawih hlek suh"

A lo ti vín hlar a, khumah chuan ka keuh dawt,

"Ka zawhna che kha min chhang phawt rawh" tiin khumah chuan bawhbetin a kut khinghnih chu ka nawr bet a,

"Hmeichhe dang nena in thlalak bawlhhlawh lutuk mai ka dawng a, kha hotel a kal tur khan min ti, Room number 11 ah khan, a tawk em?"

Arawn ti chang leh fak tawh,

"Eng thlalak maw?" Tih hû pahin ka tho hlui a, ani pawh rawn tho ve nghalin a bag khuma adah chu a zen rui rak rak a, a phone chu rawn phawrhin ka muhîl hmeichhe pakhatin min lo selfie pui lai hi alo ni, kawr ka hak loh vangin engtik ami chiah nge ka hre tawh si lo, Ka rilru a buai takzet a ni, Thelma chu a ni lo tih ka chiang, tu nge ni ang?

"He thil hi engtik ami nge ka hre miah lo, a rei tawh ngawt ang" ka tih lai chuan a phone chu arawn la deuh sawk a, ka lo ngai khawlo hman têp kha ka inthiam lo hle nghe nghe.


"Thelma kha i ban tawh in ka hre sia, khanu tih bak kha a ni lo ang, anih loh pawn hmeichhe dang chu ilo mutpui tak tak pawh a ni thei"

Tih hlak hlak pahin a inha mial mial a,

"Tumah ka mutpui lo, Chuan finfiahna awm lo in khanu kha ka mawhpuh ngawt thei lo"


Ka tih chuan arawn chek deuh hlak,
"I ring zel a nih chuan kan la inthen vat ang, kha aia rapthlak pawh kha a ti lo ang tih tunge sawi thei"

A rawn tih leh chuan pan hnaiin a biang tawn tawnah chuan ka vuan a,

"Ka nau te ka enthlak tir mek a, Ka hna ah hian min pui turin ka mamawh êm a ni, hriatthiam tum rawh"

Dam deuh zawka ka tih chuan min enkar a, ala thinrim hmel viau nghe nghe,

"I hna ah chuan eng ang chiaha in rawlh thûk nge a nih ka hre lova, Mahse kan nupa karah hi chuan inrawlh thuk vak lo se ka lawm ngawt ang" arawn tih chuan ka nuih suk, a thîkthû chu a pe chhe ve kher mai.

"Ka ring hleinem, Ka ring ngai lo, Khanu khan fa te tak te te a nei a, ka lainat vang a nia, Ka ring hlawl lo, Hei hi atih a nih tak tak chuan khawngaihna chhe te mah ka lantîr tawh lovang"

Ka tih takah chuan a thinrim hmel rum al pawh arawn zia deuh, A pumraw len vak loh nen hian a thinrim chu tawhkhirh ve reuh zek lehnghal a.


A hmui ah chuan fawp vang vangin a biangah ka fawp zui leh zauh a,

"Min ring ngama ka lawm lutuk e" ka tih chuan ka awmah arawn nem taih,

"Ka mit ngeia min phatsan lai hmuh ka duh vang ania kha hmunah khan ka kal, Ni lo se chu ka chhuak peih teuh lo mai"


A ti zui hlak hlak a, ka lo nui hawk,

"E taka naktuk zan hi ka nu birthday a nih kha aw, a thian thenkhat te nen lawmna an nei ve dawn a, ka thawh pui tepawh an rawn tel nual ang, naktuk chu kan chhungkua in kan bazaar dawn mi niang?" Ka tih chuan nui ver ver hian alo bu nghauh nghauh a.





NUTEI POV



NEXT MORNING



Midang an chhuah bo vek hnu lawkah Johna unaupa arawn lawr leh tawh, Tinge hepa hi arawn kal fo mai le? Ka hne tan riau, Ka lo khawngaih rilru ve em em a, Hepa pawh hi Thelma nen khan an tang dun hial ka ring zawk e a.


"Hetah hian rawn kal fo suh, Ka pasal ka hrilh mai tur a nia"

Tiin ka thiam ang ang chuan ka lo vo ve a, Zam hmel pu map lovin fridge a ka ice cream dah that chu phawrhin a ei zui tuam tuam nia,

"Dah rawh ka ei tur a nih kha" tih vîn thawt paha va ban mai ka tum chu sang taka hian alo keng nghal vut nia, ban tumin ka zuang taih taih a, lei min la chhuah khum zui, ka thinrim lutuk chu ka insiam chhe nghek nghek ringawt.

"En teh ka thinrim vaig chuan"

"I thinrim chuan engtin? Ka hlau bawk lo che" min lo tih khalh nghal zut zut nia, ka thinrim lutuk chu ring zetin ka nui hawk,

"Min hlau lo tak tak maw?" Inseh chilh titih chuan ka ti a, ice cream ei zauh pah chuan alo bu nghauh nghauh nia, Ka nui leh hawk, ka thinrim lutuk hi ka puak keh mai dawn in ka hria, Min hkau lo na na na chu tiin ka tawlh hnung hret a, a ngal char lai takah chuan ka theih tawpa na in ka pêt chawrh, ice cream chu thlauh in a rak zui thawt a, a ke chu rak nuah nuah pah hian a tuai nghal vut vut mai.


"Min zuam sual ang" tih nghek pahin ice cream chu ka chhar a, min chhuh leh mai ka hlauh vangin ka khat vek khawp chuan ka hmuam a, ka hawp zui bawrh bawrh.

"Nanghi eng ang hmeichhia nge maw i nih le? Tunge pasala nau te kutthlak ngai?" Arawn ti bui bui a, Fu** u sign ka lo hmuh hmak, A nui hawk rî chu hre lo derin Common room lam chu ka pan nal nal ringawt.


Tv en dar dar ph chuan thu in ka ei zui mial mial a,

"Nanghi kungfu i thiam ami?"

Arawn tih chuan chhang lo in rum zetin ka melh nghek ringawt,

"En teh, Ka u hian engtin nge nang ang te a neih duh che le? A mak ngawt mai"

Ati leh nuah nuah a, a tawngkam hman zet chu ka run kher mai.

"Enge? I unaupa chu enge nih vak bik a? Ka nei duh hi lawm hle zawk tur a nia sin"

Ka lo ti lêt zêk a, ka ice cream ei chu a hmai ah ala per zui,

"Aaaa.....ivan tawp reuh tak, Hah....engoawh ni se, Nang ang hmeichhe hmeltha lutuk laka fapa hrisel tak neih chu a nuam viau ang, Eng ang hmeichhia nge i nih a ngai pawimawh top nang"

A ti leh nuah nuah a, ka thil ei lai chu tawpin a hmai hru fai mawlh mawlh lai chu ka lo en ho ringawt, chutah min rawn en in.

"Min zawt buai duh suh, Ka laka that i chhuah loh chuan ka hrilh mai mai lovang che" arawn ti leh zuah zuah tawh,

"Nangmah nih kha tan hmasa tu, I u hian engvang in nge min neih? Bawihtei vang ni lo chhan dang a awm ami?"
Ka tih chuan thawk ala hawk a,

"Min hrilh ve si lo a ka lo thinrim ve nen, Nangphei chuan enggggmah i hre lo nih kha"


Ati leh nuah nuah a, a thusawi awmzia chu pakhat mah ka hrethiam lo, zawt pawh ni ila min hrilh duhawm si lo,

"A nih i hriat techuan min hrilh la"


Ka tih chuan, "Hre lo la tha zawk, Hlim deuhin awm rawh, Ka vanduai viau amaw ka tia kei aiin ilo vanduai veleh chhawng a nih hi"


Tihpah chuan a tho vut a, Ka en zui vung vung reng lai chuan chhuakin a haw ta daih nia, A mak ka ti, a haw chu ka khua a har zui vawng vawng thei nia, kha misualpa kha engtin emaw riau huan ngainat rûkna ka nei tlat, misual tak chu a nih ka ring lo.




Tlai lamah chuan hma takah Bawihtei leh apa an rawn haw rual a, Kan bazaar dawn a ni awm e, zan in party an tih chu ka phûr lo kher mai, mihausa ho kara awm hi nuam ka ti lo, ka te bîk rawih rawih zel.


A inthlak mawlh mawlh lai chuan a coat chu lo ken sakin a hmel chu ka enkar a, ka lakah hian engemaw zêp a nei tlata hriatna ka nei, John hian Fa a duh vang chauha minnei a ni thei mai angem? Mahse ka lakah mai ni lo ka chhungte lakh thlengin a tha bawk si, Lalrinfela thusawi chuan ka rilru ati buai takzet a ni.


"Sawi duh i nei ami?"

A kamis kilhna phelh mawlh mawlh pah chuan arawn ti chhuak hlawl a, ka lo phu uih thei,

"Vawiin khan i unaupa kha arawn kal leh a"

Tihpahin a kawr chu hunger ah ka tar zui mial mial a, a thil tih lai a tawp chat chu ka va hmu ru kiau,

"Enge alo tih ziah a kan hmela chu?"

Arawn ti deuh hrawk a, a kawr hak tur phawrh sak zui pah chuan, "Thu mak mak deuh deuh a sawi a" tihpahin a mit ah tak chuan ka va en a, rang zet hian min rawn en ve vut nia, A unaupa hian ka hriat ve loh thil a chanchin a hria tih ka hre mai, ni leh lo, Ka hriat ve loh thil ni lo in ka hriat ve loh tur thil a nih ka ring zawk mah,

"Engthu?" Rang zetin arawn ti zui vut a, ka lo nuih sak,

"Thu ho mai mai mawle" ka lo ti zui mai a, A kawr hak tur chu pe in ka chhuak zui hmak, engthil nge ka lakah hian a zep ang? Engti kawng zawng pawn ka zawng chhuak ang,




Kan bazaar techu Nidang ang lo min ti ngei mai, Nia, Ka rilru a thildang min kam tu ka neih tawh hi chuan ka tawng tlem thin reng a ni,


"I nuamsam lo mi?"

Hniam deuh ruiha rawn ti tu ka pasal hmel chu ka en vang vang a, rinhlehna mit menga ka thlir vang nge ka lakah hian thil thalo tak thlen tir a tum tlata hriatna ka neih le?

"Nia tlemin ka nuam lo deuh" ka lo tiringawta ka engmah lah chu na dêr si lo, in kan thlen chu ka nu in kan in chu alo chei tîr vel a, thil nalh a hria in a chei nalh kher mai, a changkang bawk si,

"Nutei hi a nuam vak lo a, Nu lo phût lutuk suh aw" John chuan ahan ti nghal zung zung a, ka nu chu alo phî nghal chung mai,

"Han mu hahdam rawh zan in kha i awm ve ngei ngei angai nia"

Ka nu chuan arawn ti a, bu nghauhin Bawihtei nen inchung lam kan pan nghal,


"Mommy, Damdawi ka lo laksak ang che aw"

Khuma ka mut hnu chuan ka fanu tereuh chuan arawn ti ve niah niah a, ka lo nui hak,

"Ka na hleinem, min ngaihtuah lo la, a pi zu pui tawh rawh le, Nula inih tawh kha"

Ka tih chuan arawn nui var var a, "Awle" tihpahin phûr zetin a tlan chhuak nghal, ka ngaihtuahna chu a kal kual mup mup ni hian ka hria, tullo ah ka pasal hi lo ringhlel kual vel mai mai ta ila, haaaa....ka ngaihtuah peih lo, keimah hi ka dik lo zawk a niang, Tiin ka mu ta hmak a.



Thawm ri laih laih chuan min ti harh zawk, khum atang chuan ka tho chhuak hlawl a, Sana ka en chu dar 7 alo ri têp tawh, ka chhungte hian min kaih thawh nachang pawh an hre lo a nih dawn hi, Hmanhmawh takin ka kawr hak tur chu ka en ruai a, kawrfual dum sexy lek lek chu ka inbel ve thuai, ka thiam ang tawk chuan incheiin ka sam techu ka han tikir ve a, Ka inchei zawh meuh chuan dar 8 alo pel duai tawh, hmanhmawh takin ka chhuak thla a, pheikhawk sang ka bun ve bawk nen kal a harsa kher mai.


"E...hei a changtunu pawh arawn nalh khawp mai"


Tihpahin Johna thian te ho chuan min lo fiam laih laih a, ka lo hmuh tawh vangin ka zah dêk tawh bik lo.

"I kawr hak chu iva inhmeh ve a simple sia" Johna school kalpui thin Eli chuan arawn ti a, ka lo nui sak, Thelma pawh ka hmu tel, Ka ngei lutuk hi Rûl mit chu nei ila ka melh hrep duh ang, Biak pawh ka be lo, Ka melh kawr reng ringawt, Johna kianga a awm reng techu ka sa pup pup thei nia, Ka rinloh kutuk Rinfela pawh arawn tel ve, Min hmu chu a hmui alo tipawrh zauh a, lei ka chhuah khum nghek fingawt.


"Bawihi hetah lo kal teh" tihpahin ka nu chuan min rawn ko a, A thian te ni awm pitar vun ngo zet zet te hma ah chuan,

"Hei hi ka monu a nih hi, Ka fapa upa zawk nupui a nih hi, Bawihtei nu hi a nia"

Ahan ti dap dap a, Ka hmelthat thu te sawiin min fak ve laih laih mai, Bawihtei hi ka fanu diktak a ni lo tih an hre vek tih ka hria, mahse ka fanu ka bulah a awm ve reng vangin an sawi chhuak bîk lo,

"I monu chu a hmeltha hle mai, mahse duh aiin thawmhnaw a duh the hlep mah mah a nih kha"

Pitar pakhat chuan arawn ti zauh a, ka zak kher mai,

"Haha...nia...ka hmanhmawh lutuk a ka hmuh hmasak sak ka inbel tawp a" inthlahrung zeta ka tih chuan, "Tunlai ah techuan hetiang techu tan mah a ni tawh lo, Underwear nen chauha socil media a in pose thin nula an tam alawm, ani phei chu pasal nei tawh a ni lehnghal" tiin ka nu chuan ka thlahvang alo hauh zauh a, ka lo nui hak ringawt.




Chutah hmeichhe pakhat sang tha zeih zawih zet mai hi arawn lang veleh hlawl a, A chhelo in chulai hmunah chuan alangsar bîk larh in ka hria, ka nu nen chuan an lo inbe siam siam a, an in pawh hmel hle nghe nghe, Johna nen pawh an inbe ve zauh a, ka mit alo kham nghal em em nia, a dara zût chunga a bow tie vel a siam that sak lai techuan ka lo inhûm ruh tlawk tlawk ringawt,


"A bialnu hlui a nih saw, Hmeichhe chapo zet a nia, i ngam lo tawp ang" ka beng bula rawn ti tu chu rum zetin ka melh a,

"Ka zawt che mi?" Ka lo ti nghek, ala nui hawk zui,

"Aw...ka unaunu inia ka hrilh ve che nih chu, A ka saw a kaw teh mai nia, i thin a rim chuan dîm miah suh" fiamthu arawn tih chuan ka lo tin uaih a,

"Nute" rawn ti thûm dût tu aw rî vang chuan ka tawp hmak, Johna chuan durkhup hian min lo en a,

"Lo kal rawh" ati leh hmuk, Lalrinfela melh hrawk chung chuan ka kal ohei dar dar a,

"Saw pa saw hnaih suh" arawn ti ringawt nia, ka lo nui hak,

"I thian tekha kawm hle hle rawh, min ngaihtuah suh ka tha"

Ka lo ti zêk a, a hmel atang chuan a lawm lih hmel kher mai,

"John, Hei hi maw i nupui chu?" Nichin ami nu khan arawn tih chuan chiang zet hian ka lo enkar a, hmuh tawhna ka nei tlat, E ni tak e, An huan kan enkawl sak thin, Vawikha pawh kan khua a An huan ah an rawn picnic tawh tak e,

"Ngawi teh inhmuh tawhna kan nei em?" Arawn ti nghal,

"In huan kha kan enkawl thin a" zawisapa ka tih chuan "Ni tak e, John nen hian in inei tak tak maw?" A rawn tih chuan ka lo bu nghauh nghauh a, A nui hawk nia, ka van zak si êm, ka kut sik niap niap in hnuailam ka bih ta daih,


"Ipa in kan Serthlum rah tam tak alo hralh rûk kha ila hria em? Mahse khatiang tekha chu ngatan mah kan ti lo nia, tanpuina ang tepawn a kal thei a nia"

A tih chuan ka lo îp chawih chawih thei, a tawng ring bawk si, Midang ho chuan min rawn en hrek hrek hlawm tawh,

"Melody, I tawngkam hman kha fímkhûr rawh ka nupui a nih hi"

Johna chuan alo ti khur khur a,

"Min kalsana midang i thlang kha ka rilru ana lutuk, Mahse maw, Kan huan enkawl tu mi mai fanu ilo nei daih hi ka rilru na a reh vek"

Ngeiawm zet hian ati nia, ka kut chu khing hnih chu ka hmer tlawk tlawk ringawt,

"Nangpawh kha enge inih vak bik a? Duh aiin i chapo mah mah"

Thelma rawn tawng ve chu mak ti zetin ka lo enkiau ringawt,

"Tunge i nih ve a? Ni tak, Johna P.A pakhar zet kha maw, That chhuah der tum duh suh, nangmah nen hian kan in ang reng"

Alo let zêk nia, Thelma pawh a ngawi leh tawh, tunah chuan heti laia ennawm chhuah tu hi kan ni ringawt ta, ka va han zak tak em, Sawi tur pawh ka hre lo, thildang a sawi chhuah lo nan ka rilru in ka tawngtai mawlh mawlh ringawt.


"Chuan, kan rawn picnic tum in I thiannu nen ka purse in lo rûk bawk kha ila hria em?"

Ka rin ang ngeiin arawn ti leh ta, a rei tawh teh lûl nen ala hre nia, Hetah hian engkim hre sa in arawn kal tih ka chiang.

"Kha kha kan rûk a ni lo, huanah khan kan chhar alawm"

Ka tih chuan, "A chhunga pawisa bo siin purse chauh kha min pe let leh sia, engkim ka la hria, Nupui thil rûk hmang i nei a ila in la ve em em a" tiin John chu a melh nghek a, kei erawh min enthup vangin ka hawi chhuak ngam tawh lo.

"Kan hausa lo tih ka hria, ni e, In huan enkawl thin tu fanu mai ka ni, Mahse ka hrilh ang che, thi dawn pawh ni ila rûk ka ru ngai lovang" ka lo ti chang ve fak a, Nui hawk pahin a kut a beng vel nia,

"Helai hmeichhe chapo zet hi hmuh tawhna ka nei a ni"

Rawn ti tu lam chu ka en thap a, Lalrinfela chu zang vah hian arawn kal phei ve nia, ka lo en ha ringawt,

"Hmanzan Hotelah khan Saw ti lai restaurant lian tak nei tupa nen khan enge in tih a?"

Ngeiawm zeta arawn tih chuan nu chuan thinrim hmel lek lek hian a enkar a,

"I thi te, I inthuamna tekha Mi pasal i kawp na atanga i neih vek a ni lawm ni? Nang techuan thil tha tam tak i nei ang chu, Sugar daddy i ngah em alawm"

Arawn ti ta zuah zuah a, "Nang hian ka chanchin enge hriat i neih?" Chunu chuan thinrim hmel zet hian arawn ti a,

"I chnchin hi Nutei tih loh helaia awm zawng zawng hian kan hre vek, Chuvangin rawn in la class vak duh lo mai rawh" a ti ta zêk a, Midang ho chu an lo nui ta tet tet mai,

"Dik lo taka min mawhpuh tum mih suh aw, Johna nau i nih vangin ka ngaidam ang che"

Tihpah chuan a chhuak tau ta nghawng nghawng a, Lalrinfela chuan a tlawm chiang viau na in, Mi tam tak min en dan erawh a dik ta hauh lo mai, Ka pasal pawh a bang lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:45 pm

An hâw rêm hnu chuan ka mu ngawi kar a, nichin thil thleng ka ngaihtuah phei kha chuan rizai hnuai ah in lu khûp in ka insiam chhe nghek nghek reng ringawt, ka va han zak rapthlâk tak,



Rûn deuh nghut chunga ka bula lo mu pa chu rum zetin ka en a, lehlam ka hawisan hmak,

"Ngawireng lo a i thiamthu i sawi a mi zawngzawng hma a kha nu kha i tlâwm ka lo ring a"


Arawn ti nuah nuah a, rang takin ka en vat,

"Nang angin ka fing ve lo a, ka thinrim lai leh ka zah laiin sawi tûr ka hre zung zung lo"

Ka lo ti nghek ringawt, arawn nui deuh suk a, hmmmm..... Tihpahin lehlam ka hawi hmak,

"Ka hria lawm, Huai taka awm tûra ka duh vâng che nia ka in rawlh loh, mahse hmeichhia vetho ini tih ka lo theinghilh a ni"


Ati deuh sup a, ka melh rum ngang mai,

"Mipa ni ila nupui atân min nei dâwn ami?" Tho hluai khawpa ka tih chuan arawn nui chhuak hawk nia,

"Mu rawh mu rawh, muhîl phawt la, ni thar duhawm takin alo hmuak reng che tih hria la"


Tihpahin min kuai mu a, a âwmah chuan bei hle hle in ka maimitchhing nghal hmak a, ka lo muhîl zui nghâl daih.



NEXT MORNING



Zîng ka harh chu keimah chauhin ka lo mu tawh a, ka tho rang ngei mai, inti fai zawk zawkin inhnuai lamah chuan ka chhuk thlâ a, mut lah chu ka kham lo em em lehnghâl, hrâm bai bai a choka ka kal chu ka mi hmuh chuan min ti ding chawt, Ka nu leh Thelma leh Bawihtei, John te nên chuan tûk ṭhian an lo kîl ṭhap a nih chu, chhûngkua ang mai an ni.


"A nu, Nu Thelma i hian Potato cheeseball min siam sak a" Bawihtei chuan nui ver ver hian arawn ti a, enge a nih pawh ka hre lo e a,

"A ni maw? A tui awm e" tihpahin ka ṭhu thla ve mai a,

"Engmah tih tûr nei lo mahila zîng hi chu thawh hma hrâm hrâm tûr, a ruala tûk ṭhian kîl ho tehi a ṭha a nia"

Ka nu in alo tih chuan ka zak kher mai,

"Nia, duh aiin ka lo mu rei deuh a ni" tihpah chuan inthlahrung zetin ka ṭhu thla a, Thelma awm lai khera ka nu in min sawisel chu ka duh lo viau na in ka thiamloh a ni tho bawk si,

"Nizân khân a chau ve bawk êm a, a ho lutuk i duh chen chen mu rawh" John chuan alo ti sup a, ka lo nui lui sak ringawt, tinge maw henû hi zîng zîngah arawn kal le? Ka mil thlâwt lo, ka pawisawi leh se ka ti ru viau nghe nghe, ka nasa tawh viau ang.



"Kan tlai dawn kal ang u" tihpahin John chu a tho vut a, ka biangah arawn fâwp zauh, Bawihtei pawh an rualin an kal ve nghe nghe, kawngkhar a an in zui chhuak chu ka en zui vang vang a, ka thîk ru takzet a ni.


"Chhûngkua ang mai an ni" ka nu in a tih chuan phâwk fê hian ka va en a, min lo en ṭha ngam miah lo nia,

"Khati khân min en suh, I pasal tâna zahpuiawm lo turin awm tum hrâm rawh, nizân ang kha chuan min ti beidawng tawh reng reng suh ang che"

Chang faka arawn tih chuan ka nu chu ka en top, nizân vâng khan a lung an awi thei lo tepawh a ni mahna le,

"Ka tihpalh, mahse Ka nu, ka piantirh aṭangin tû thil mah hi ka la rû in ka la awt chhin ngai lo"
Ka tih chuan min rawn en in, "Ka ring che, mahse midang ngaihdân tur dawn vela, i pasal zahawmna hi nangmah ah pawh hian a in ngaht vetho a nia" tihpahin a tho a, a kham zui hmak, ngawi rengin ka chaw chu ka ei niap niap a, thawh vêleh a ka thil tawn zet chu an duhawm loh kher mai.




Chaw ei khamah chuan ka inthlahrung lutukin kan room leh kan thawmhnaw dahna techu ka ti fel fai vek a, kan nula tih pawh ka phal lo, Bawihtei room zawng zawng nên chuan ka tifel vek, khua a lum bawk nen ka thlan dap dap a, ka chau kher mai.



"Ehe!...ramhuai amaw ka ti che a"

Rawn ti tu lam chu ka hawi vat a, Lalrinfela bawk, darthlalang a ka in en chu ka lo thur zia ka in hre ve chiah,

"Kal mai teh"

Ka lo ti hlak ringawt, mahse ka la lungawi thei mai lo, ka kawng dawm meuhin ka chhoh en hâ a,

"Tinge midang awm loh lai hian i rawn kal ziah a? Hnathawh tur i nei lo mi?"
Ka tih chuan arawn nui sûn sûn a,

"Ka rawn awm tlei dâwn che" a tih chuan ka nui hak,
"I awm tlei ka ngai lo, rawn kal tawh suh, I û naupa in a duh lo tih i hria ni lâwm ni?" Ka tih chuan nui hawkin a khabê a dawm zui vawng vawng a,
"Chutiang ka ngaihpawimawh i ring ami?" Ngeiawm zet hian arawn ti nia,
"Ngaih loh lamah Angaiha vaih chuan i chàk lo ang" tih zêk pahin ka hmunphiah ken lai chuan ka tin êrh a,
"Min rinhleh tâk leh kan tlân bo dûn daih anga ni mai lawm" awlsam zet hian alo ti nia,
"Chimawm" tih hlak pahin ka hmunphiah ken lai bawk chuan ka tin leh a, râk chûl pahin alo tlân chhe dûr dûr mai, a hmêl awmdân zet chuan min ti nui lo thei lo, ka nui chhuak hak a, kan pahnih chuan kan nui kan nui ringawt.




"Ei tûr min pe teh ka ril a ṭâm teh mai nia" tih lûng lûng pahin a pum dâwm chuan an bûr deuh sûng a, min zui duan duan reng lehnghâl,

"Kal mai teh, i in ah ei ve mai rawh" ka lo ti hlak a,
"Hei hi ka pa in a nia, ka in ve tho alâwm" alo la ti zuah zuah zui, fridge chu faifûk rût rût pah hian a hawng rûk rûk a, eitûr arawn pawm chhuak ṭûn nia, a ka khat pûng pûnga ei pah chuan,

"I ei ve duh em?" Fiah lo zet hian arawn ti a, thâwk la hawkin ka lû ka lo thing ringawt,

"Ei zo vek la hâw ang che, Nang nena infiam mood ah ka chêng lo" tihpahin sofa ah chuan ka ṭhu thla hnawk a, Thelma bawk ka ngaihtuahna ah arawn lût leh tawh, tinge henû hi John-A nun aṭang hian a kal bo theih miah loh le? Ka kham takzet tawh a ni, thil ṭha lo tak a thleng dawn tlata hriatna ka nei lehnghâl.




"I unaupa hian min neih chhan ṭha tak a awm deuh ami? Min ti vir tâwk lek hian thil hi i sawi a"

Ka ti chhuak deuh hlawl a, a thil ei lai tâwp chat hian min rawn enkur mai, "Tinge min zawh teh thut a?" A tih chuan, "Nia, ka kehchhe vek ang tih ka hlau alâwm" ka lo ti mai a, ka hlau tak tak rêng bawk, ka pasal a ni a ring tur pawh ka ni, mahse Thelma a kianga a dah tlat hian min ti ringhlel zo vek tawh, mi a nilêng lo chuan an hrethiam vetho ang ka dinhmun hi.


"Awm e, Mahse ka sawi lo ang"

A rawn tih tho vatin ka va melh êrh a,
"Hey.... engvângin?" Ka lo ti vat, "Hmangaih lo la a tâwk a ni mai" a ti leh mai a, a thusawi dan aṭang chuan rin dan chi hrang hrang ka nei nghâl mai a, mahse eng ber nge dik ang ka hre lo, "Fa a duh vang chauhin min neiin fa ka neih hunah min that daih ta se,hei film ami ang tehian" ka tih chuan arawn nui hawk a, hepa ngeiawm thei lutuk hi chu ka haw ngawt mai.

"Lemchanna khawvêl a nih hi, tupawh hi lemchang vek kan ni, nangpawh lem chang vela, thudik chu i hre mai dâwn lâwm" awlsam zet hian a ti a, sofa nghen chhan chu nghêng ar ar-in inchung ka melh kiau reng ringawt, Thudik chu lo hre ta pawh ni ila thil ho deuh tepawh alo ni thei a, Min thah êm êm chu ka ring leh bawk si lo, mahni tâwkah rilru a buai ve kher mai.


"I unaupa thurûk zêp sak chu i tân aṭang Kaina a awm amawni" tiin ka phun sap a,

"Awm lo e, Kei hi mi nei zawk ni la i ti fuh daih zâwk awm sia" arawn ti leh zuah zauh a, ka lo nui lui hak ringawt, "Ka rilru a buai a nia" bâk hlatah ka lo tih takah chuan a ngawi veleh mai a.


A hâw hnû chuan ka in khâp buai nasa khawp mai, John hian ka lakah enge zêp a neih ang aw.....



Ka nu alo haw a, kan inbe tam lo kher mai, nizân vâng khan ala thinrim reng a ni mahna,


"I nu in pawisa pûk min rawn dil a, i nau zirna sên so man tur a ni âwm e" a tih chuan ka ṭhutna atangin ka ding vat a,

"A pawi ka ti khawp mai, Keiman tih dan ka lo ngaihtuah dâwn nia" ka lo ti sap,
"A ṭûl lo, i pasal i pun leh anga, ṭullo ah i pasal rilru iti buai mai mai, A hna vanga a rilru hah sa tawh tehrêng nen, engtin nge nang ang mi hnuaihnung lutuk hi ka mi atân ka lo pawm theih che le?"

Min ti ta zêk a, ka nu chu mak ti zetin ka en hâ ringawt, ka nu thusawi zet chu an inhmeh lo ka tiin mak ka ti takzet a ni, min duata a fapa ka neih loh hlau a buai chung kha a nia, tinge hetia a awm tlat le?

Chhâng mai lo chuan ka ngawi ta top a, ka beisei loh lutuka a ṭawng vang aniang sawi tûr ka hre lo kher mai,

"Pawisa chu ka lo pe ang, fa nei vat vat rawh, ṭangkaina nei lo ropui si" tihpahin a room ah chuan an lût ta daih a, ka nu chu ka en zui vawng vawng ringawt, a thusawi zet chu mak ka ti takzet a ni, engtin nge ka nu hian tiang khan min ṭawng khum theih le? Ka mittui rawn tling pam chu ka khap lêt fak a, ka rilru ah thil pakhat arawn lût nghâl.


Hmanhmawh takin kan in chhak a damdawi dawr lam pan chuan ka tlân hlawk hlawk a, midang hriat hlau takin in danna ka lei a, Ei ka tum tak tak lo, ka ei angin John hian hre chhin se a ngaih dan ka hriat châk vang mai mai a ni.



Mûm li (4) vêl chu kheh ruakin kawngsir ah ka paih a, room ah chuan a kawr ruak chu langsâr takin drawer ah ka dah nghâl bawk.



Lemchanna khawvêl a ni lâwm ni khâhhh....ti rilru in ka inbual fai a, ka inchei hlap hlap bawk,



Bawihtei rawn haw hnu in a room ah chuan ka awm ta chawt a, John-a lo haw pawh ka hre reng, ka ngaihven peih lo, Bawihtei uluk taka ka bual lai chuan, "Mommy apa lo haw nia" arawn ti a, ka lo nuih lui sak, "Ka hria lawm" ka lo ti mai a, ka bual zawh hnu chuan khumah ṭhu Tin ka hria ro sat sat a,


"Awhaww....I inbual ami a ka lalfanu" tihpaha rawn lût pa chu melh pawh ka melh peih lo,

"Mommy hian min bual a duh tlat a, Keimah pawn ka inbual thei reng sia" Bawihtei chuan nui har har hian alo ti a, John chu a nui hawk,

"Mommy hian nula ini tawh tih alo hre lo a ni ngei ngei ang" tiin an fanu chu arawn piai zauh,

"Bawihtei kha thlâk zo la, room ah lo kal teh aw" ti supin a chhuak zui a, ka chil ka lem khalh, mâwl takin ka awm tawh dawn lo, ka ti rilru mawlh mawlh ringawt.



Bawihtei ka thlâk zo chu ngawi rengin room ah chuan ka lût a, alo inthlâk ve mêk bawk, ngawi rengin a inthlâkna chu ka lo dah fel sak a.


"Tûk in vâng khan i lungawi vak na nge? Upa lam tawh hi chuan thawhhma hi an ngaipawimawh ṭhin lutuk a"

"Thinrim lo, Ka ti dik lo alâwm" ka lo ti mai a, ka ti dik lo rêng bawk, mahse hmusit taka nichina min ṭawngkhum erawh chu ka theihnghilh mai theih ka ring lo, ka nu kâ aṭang ngat phei chuan,

"I va tûm ve, nidang i ang lo" Mengdur khup hian min rawn en vung vung a, ka lo melh ralh ringawt, darthlalang hma ah chuan ṭhu in ka make-up techu ka rem fel a, a sana dah tûra drawer a hawng lai chu darthlalang aṭang chuan thaw dêp dêp in ka lo enkar a, chutah A sana dah tûr chu tâwp chutin damdawi kawr ruak ngei mai chu arawn keng chhuak a, a en vung vung mai, a thlêk uluk viau bawk,rei fê a thlêk hnu chuan min rawn en in a hmêl chu an lungâwi loh hmêl kher mai, hmu lo ang maiin ka thil tih lai chu ka lo ti chhunzawm mial mial a, ka lungphû hi a Zuang ni berin ka hria, rawn kal pheiin.

"Hei hi indanna a ni em?" Arawn to chang deuh fuk a, muangchânga en in, damdawi chu ka en leh a,
"Aw, tinge?" Awlsam zet hian ka lo ti a,za lo zet hian a nui hawk, engahmah ngai lo ang maiin ka lo awm tlat thing.

"Indanna I ei amaw? FA neih vat vat kha i duh sia"
Awki sâng lek lek a arawn tih chuan "Ka rilru ka thlâk leh a" ka lo ti mai a, ka ding chhuak a, kalsawn mai ka tum chu ka banah vuanin min pawt lêt sawk,

"Ei tawh Suh ang che" thupe âw Zeta arawn tih chuan, "Tinge? FA neih vat vata inṭhen i duh tawh vang ani?" A hmêl enkar ka tih chuan arawn meng thim nghal khup khup nia,


"I duh duh sawi suh, i pasal ka nih hi, fâ kan neih dûn chu sual a nia mi? Engvângin nge ka ṭhen ang che?" Arawn ti lêt khûih khûih nia,

"Chu chu ka zawh âwm zawk tâk che a ni, ni leh lo, duhtâwk ang" tiin min vawnna chu ka thing thla hmak a,
"Tinge vawiin tlai i awm dân hi?" Arawn tih chuan thlâwk ka la hawk, "Engmah a ni lo, in bual rawh" ka lo ti leh daih a, ngaih ṭha lo deuha a awm chuan engtin engemaw hriat ka nei maithei a ni, mahse ka pasal hi chu engti kawng mahin ka fâwp chhuak thei dâwn lo, Lalrinfela thusawi kha a dik a nih vaih zawngin ka ngawi mai mai lo top ang.



"Ka inbual anga kan in be ṭha leh ang, chuan kha damdawi kha ila nei a nih chuan paih bo vang vang ang che" a rawn tih chuan ka lo bu nghauh nghauh ringawt.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:45 pm

A inbual zawh chuan towel vengin arawn inhru chhuak sut sut a,

"Tinge khatiang te ilo ei reng reng a?" Inhrûk mawlh mawlh pah chuan arawn ti leh a,
"Fa neih hma ka duh leh lo, tinge? A pawina a awm ami?" Ka tih chuan min rawn en deuh vung vung a, a hmelah chuan lungawi lohna ka hmu thei, mahse a ti lang duh miah lo nia.

"I thu thu lawm, fa neih vat kha i duh sia ka ti mai mai" ṭha tak chuan arawn ti leh mai a, he mihringpa bulah hi chuan thinrim rei theih pawh hi a ni hlawl lo, han inhau buan buan ila ka dâwp chhuak thei zawk tur hi nia,

"Lengkual ila i duh em? Kan pahnih chauhin" Min rawn en vung vung a, ka la thinrim reng dawn nge? Ni leh lo, ka thinrim tih pawh ka sawi loh chuan a hre leh tâwp nâng, chu chuan min ti thinrim zual sauh nia,

"Ka peih lo" tih hmak pahin room aṭang chuan ka chhuak a,inhnuai lamah ka chhuk thla hmak, inhnuai ka thleng thlâ chu hmeichhe pakhat hmelṭha zet mai, nulian ve pangngai tak hian Bawihtei thil tûr ni awm tak chu arawn khâi lût ṭûn a, mak ti zetin ka lo en hâ ringawt.


Min rawn hmu chu mak ti zetin an ding dat a,

"Khawnge midang?" Tiin tlangnel zet hian sofa ah chuan arawn ṭhu lût hnawk nia,

"Ehe!!...Sawmpui" tiin ka nu chu rawn kal phei dâwr dâwr a, Sawmpuii a tih chu alo mengkual ralh, chutah min rawn en lehin, "Ani hi tunge?" Tiin ka nu hnênah chuan an zâwt a, ka lo ding ngawi ker ringawt, a inthuamna chu an changkâng hlê a, amah hrim hrim chu an changkâng a ni top,

"Hei hi maw...John-a nupui a nih hi, Nute, chibai rawh ani hi Bawihtei nu a nia" a tih chuan ka lo meng kâwk thei, a pasal hlui te inah hetianga arawn kal ngam chu mak ka ti takzet a ni, mi namai lo tak chu an ni ve chiang khawp ang.


"Ka rei lehhh....!!!!! Ava duh naupang ve" tiin ngeiawm zet hian a nui hawk a, sofa ah chuan ṭhu leh in a phone chu an khawih zui ta daih a, chibai na chî pawh va ni suh, Chutah John chu arawn chhuk thla ve thauh thauh a, a nupui hlui arawn hmu chu a kal muang nghâl ruai ruai mai,

"Enge i rawn tih?" Tih hmuk pahin Ka bulah chuan arawn ding a,
"Nangni hmu tûrin ka rawn kal lo, ka fanu hmu tûrin ka rawn kal, enge? " Alo ti lêt êrh a, kei erawh inrawlh ka tum hauh lo, a fanu a nia an ngai ve pawh an ni mahna le.

"I fanu a ni lo, khâng chhûng zawng khân ngaihtuah pawh i rawn ngaihtuah lo a tinge tuna taka i rawn ngaihtuah der vela?" John a'n a tih chuan nui lui hakin arawn ding chhuak a,

"Ka fanu hi thlahthlam ka tum reng reng lo,he pitar hian uire chhuah a min chhuahin ka hmuh pawh an phallo a nih kha" thinrim zet hian arawn ti nia, nasa ka van ti tak.

"I ṭawngkam fîmkhur rawh, ka nu a nih hi" John chuan thinrim zetin an nu thlavâng alo hauh zui zat, "Khatin min vîn reng reng suh Jonathan, Court a ka khing lo cheu hi lawm hlê zawk tûr in nih hi aw" tiin an bo lêt ta hrep a, ka ṭawng ve chak lutuk hi ka za cheng thei nia.


"Engpawh ni se, I nupui chu an hmelṭha hle mai, kei anga mawl duh duh a in bumthlûk theih a nih loh hrâm ka beisei, I nu verther lutuk vângin ka fanu pawh tlawh pawh thei lo in ka awm a, hei hi lo hre rawh u, in ngam anih chuan min dâl dâwn nia, in nufa thurûk hi i nupui thar hian a hriat ve in duh te a nih ngawt loh chuan" a tih rî chuan ka beng averh zar mai, A nupui hlui chu en hâ in "Eng thurûk maw?" Ka lo ti vat a, John chuan min lo vengthawng takin, "A thusawi hi ngaithla suh, hmeichhe dawn heh tak a nih hi" Tihpahin chiang fek fawk hian min rawn en a, a thusawi tur chu dawt a ni emaw, thudik a ni emaw, ka hre duh tho tho.


"Hetianga zahpah lo taka ka pasal leh ka nu iti hi ka lâwm lo khawp mai, Kei hi Bawihtei nu ka ni, ka rem tihna tello chuan i hmu ngawt thei lo" ka lo ti ve fak a, Chu nu chu an nui hawk,

"I pasal leh i nu hi i ring amaw? Fapa ka hrin sak theih loh vanga ui te chhuah a min chhuah tu te hi ring suh, huatna che ka nei lo, Keimah anga mualpho taka i awm hma hian i pasal hi ṭhen rawh" tiin a chhuak zui hmak nia, mak ti zetin ka en zui vawng vawng a, ngaihtuahna fîm pawh ka hmang thei lo ka bîng mup mup mai.



"Hmeichhe rapthlâk lutuk, engtin nge maw ala rawn kal ngam zawk le" ka nu chuan arawn ti chhuak hlawl a, choka ah chuan lût in tui ka in khawlh, khâ nu thusawi khân tinge min hlîp tlat le? Ka âwih lo ka tih chuan dawt chiang tak ka sawi a ni ngei ang, engtin nge keini ang Thingtlâng kilkhawr ami ani mipa hmelṭha leh hausa in min rawn neih duh? Ka ngaihtuah chian pauh leh ka mak tihna a zual telh telh mai.




"A ṭawng viau che em?" Rawn ti tu âw ka hriat chuan ka phu nasa kher mai,

"Ka ṭha lawm, Bawihtei a muhîl hlauh chu an tih zia khawp mai" ka lo ti mai a, ka hnunglam aṭang chuan min rawn kuahin ka nghâwngah chuan arawn fâwp zauh,

"Tûnlai chu ka vanduaina a kal tluang lutuk a, nangpawh mood off nei tawh lo la" arawn ti leh sup a, ka lo nui lui sak ringawt,

"Lêng khawthawng ila, intih harh ka mamawh lutuk" arawn tih leh chuan ka lo remti ve mai a.



Bawihtei tello in kan chhuak bawk si a nuam lo ka ti veng veng mai, Kan chhuah dawn lahin ka nu khân "In fanu chu an hnawksak viau amawni" tiin meinei takin alo ṭawng hmanhmawh bawk si, keimah pawh hi ka inhaw lek lek tawh, ho te tê ah thinrimna tûr ka zawng reng a, a hma kha chu ni ila ka palzam mai mai thei tûr a nia tinge maw tunhnai hi ka huatthû a chhiat tâk viau le?


A car a ti ding chu ka hawi chhuak vat a, Hotel-ah min hruai nia, "Tinge hotel-ah te min hruai?" Ka lo ti hû a,

"Enge a pawina? Nupa kan nih tho hi, Honeymoon tê nau a ni mai" tiin an nui suk a, ka lo nui ve hak ringawt,



Room nuam takah khum dûp zetah chuan mu dûn in kan inkuah rial a, a reh duk mai bawk si a ka tâwt up up ṭhin tepawh kha a zia ve huai chuan ka hria.


A kut a hlei sâwt ta hlê a, ka âwm bâwr a rawn ṭhâm pah chuan an taksa chanve a min rawn bawh pahin min rawn fâwp leh vang vang a, nuam ka tih rualin zan dang ang kha chuan a Special tawh miah lo, engemaw hi an awm tlat tawh, ka sawi fiah thiam lo, keimah hi ka dik lo zawk pawh an ni mahna le.


"Min thlahlel ve lo thei lutuka ka thin a rim ṭêp a ni" arawn ti sû sû a,
"Chutiang lam engmah a awm lo, kan lengkual dawn maw ka lo tia" ka lo ti mai a, a nui deuh suk,
"Ka lênkual pui tak tak che i ring ami? Hetia thlamuang taka awm hi ka duh vang zawk alâwm" awlsam zet hian alo ti nia, a châng chuan an unaupa nen hian in anna riau hi an nei ṭhin, an hmêl erawh zawn chawpa an inna sawi angai,

"Tûnlai chu ka rilru a nuam thei lo a" ka ti ta nge nge a, nui tâwp riai riai in min rawn en a, ka khabe rawn dawm pahin, "Engati nge?" Arawn ti hû mai, "Ka pasal hian engtikah emaw min nin hun a nei dâwn a, hmangaihna a telloh chuan min chên dun pui reng thei dâwn lo tih ka chiang, ka mawl bawk si" ka tih chuan min rawn fâwp leh zauh, "Chutiang ngaihtuah lo la, Hahdam deuhin awm rawh, i khua har chuan min rawn call ziah la, ka rawn tlân haw ṭhin ang, a ṭha em?" A tih chuan "Chutiang lam pawh a ni chiah lo, Ihhh...ka.." ka tih lai chuan min rawn fâwp leh a, a duhthawh kher mai, keipaw'n ka lo chhâng lêt ve zat, ka bawp leh bawp inkârah chuan rawn tla zepin ka nghâwngah chuan arawn thaw lum hak hak a, keipaw'n hnuailam aṭangin ka lo kuah ve nghâl,
"Tûnah chuan kan pahnih chauh kan nia, i rilru hmun dangah pe suh, Nakinah kan sawi leh zâwk dâwn nia" tihpahin a hmui sa hat hat chuan min rawn fâwp leh a, ka lo maimitchhing riai riai mai, min kai tho in ka thawmhnaw chu phûr zet hian a phelh sut sut a, bangah chuan min nawr betin min fâwp deuh buan buan mai, a chêt dan zet chu nidang a ang lo, a rilru a hah viau pawh a ni maithei a ni, min tih ang ang chuan dawh hlê in ka lo chhâng lêt ve zêl a, khuma min bawh bet hnû chuan kan thaw dûn halh halh mai,


A lei thap ṭha zet chuan ka âwm bâwr chu arawn liak deuh duai duai a, a ka sa hut hut chuan hmuamin a hne leh ner ner ṭhin, ka lo rûm chhuak hak thung, hetiang hian ka pasal hi a che ngai miah lo, zei tak a ni, ka zak chem chem thei.


"Ka dîm dawn lo che nia" nui suma awkî hniam fuiha arawn tih techu a fiah lo ruai thei, ka lo bu nghauh nghauh a, ruak ngal ngata kan awm hnu chuan ka bawp leh bawp inkârah rawn tla zepin chêt ala ṭan ta, a sawi ang tak takin min dîm lo hlê a, mahse nuam ka ti mah zawk.



Reilotê ah nawmna in min rawn tuam a, tiang hian ka vawikhat awmna a ni, thlan dap dapin kan thaw dûn halh halh a, min rawn kuah ta hlê hlê mai, keipaw'n ka kuah bawk, ka chalah chuan rawn fâwp zauhin "Ka hmangaih che, Tinge i hriatthiam miah loh a? Mawl lutuk" arawn ti deuh sup a, lâi zetin ka lo nui ver ver ringawt, min en reng vâng chuan ka hmai hupin ka nui hak a,

"Ka hmelchhe awm si min en reng a" ka ti ta ringawt,

"Chhe teh nâng, hmelchhia ni la ka nei duh dâwn che mi?" Arawn ti ve ngei a, zan in tlai zet zawng ka dai ngai loh ram min dai puiin ka pasal mize cool ruih phêna alo zei zia leh hmeichhe duhthusam a nih zia ka hre thar leh ta, min barakhaih chiang kher mai.




"Haw tawh ila" ka tih chuan alo thaw halh a, "Eitûr te kan lam ang chu" arawn tih chuan ka tho hluai, "Ngai lo, In ah ei zâwk ang, Bawihtei kan hruai bawk si lova" tihpahin ka tho a, kan in ha nghâl sawk sawk, Nui sûk sûk hian min lo en reng, "A ṭha lawm, Hetia haw i ngen tlat kha ka ring rêng ahhh" ti supin arawn tho ve a, a in ha ve nghâl mai bawk a.




In kan thlen chuan Sofa ah Bawihtei'n a nu thawmhnaw arawn lei ho chu alo en niap niap a, Thelma pawh a awm veleh tawh, henû hi ka ning takzet a ni, "Mommy hei hi tu lei nge a?" Bawihtei chuan alo ti vat a, chhâng ngaihna hre lo a John ka en lai chuan "I pi leh i pu rawn lei che a nih kha" ka nu chuan min melh ralh pah hian arawn ti a, ka lo mengkhup zâl zâl ringawt.



"Sir zan in ah Meeting i nei a, Dawr nei tu tehi nen khân" Thelma chuan alo ti vat a, choka lamah ka pheisan daih.

"I hnâ i tlin hleimai Thelma, zanriah ei ve nghal rawh aw" ka nu in alo tih chuan ka inhûm ruh nasa kher mai, A hnial ve mai ka rin laiin pakhat lah chuan alo rem ti ve nghâl mai nia.



Kan nula techu zanriah an buatsaih lai chuan ka tihpui ve lâwp lâwp a, Ṭhu tura min tih pawn ka duh lo, ka awm mai mai chuan ka in ngaihtuah ngut ngut anga, ka rilru sual tak kha a chhuak leh mai ang tih ka hlau.


"A pate" Bawihtei'n a tih lâng lâng chu hria in common room chu ka va thlêk dâk dâk a, Lalrinfela pawh an rawn tla lût leh hlawl tawh, John Bawihtei nen chuan choka lamah an rawn in pawm phei zui nghâl a,

"A Patea chu i ngai viau ami?" Ka tih chuan,
"A Patea chu apa ang a ni velo a, A pa chu an châng hian a hlauhawm thei sia" a tih chuan za zet hian ka nuih a,

"A pa aiin ka hmelṭha zawk bawk tiraw?" Lalrinfela chuan alo tih chhunzawm zat nia, âtthlâk ti zetin ka lo nui hak ringawt, Ka nu leh Thelma leh John an rawn in zui lût a, ka nui tâwp hmak,
"Enge i rawn tih dâwn?" John chuan a ti leh hmuk tawh,
"Ka nu hrawn hi ka ngai deuh a, ka rawn kal" ngeiawm zeta tihpahin ka nu chu arawn melh ralh a, ka nu thinrim nui lui hmel chu ka khawngaih zawk.

"Zanriah ei ve rawh aw, i la ei pawh ka ring lo" ka lo ti zui zat a, John-a'n dur khupa min rawn melh chu ka hre lo der hmak,

"A ṭha lawm" pakhata lah chuan awlsam zet hian alo ti a, Bawihtei pawh an hlim khawp mai.




Ngawi ṭhapin chaw chu kan kîl ho a, a nuam kan ti lo tlâng khawp mai, sawi lo mahila kan hmêl aṭangin alang vek.


"Bawihte, Apa nge hmelṭha keimah?" Tia Lalrinfela'n âtthlâk zeta a û fanu a zawt chu kan en ṭhap a.

"A pa hmelṭha zawk, Pate apa awm lai chuan min zawt tawh lo la" a ti zui sar sar a, ka lo nui hak, John chuan rum lutuk hian min rawn en a, ka nui tâwp chiang ngang mai,


"I inthuamna kha uluk tawh rawh kekawr khûp ṭet chu ha tawh suh" John chuan a ti deuh hmuk hmuk a, muang ban chat-in chaw chu ka ei niap niap ringawt.

"Ka u, i hre lo emai, tûnlai ah techuan an uar alâwm, Kpop alâr a, nula ho in an duh zia" alo ti nûng nûng a,
"A dik chiah Keichu an inchei dân hi nalh ka ti teh mai nia" ka lo ti ve ngat a, nalh ka tih em em vang phei chu a ni hauh lo,

"Nia, a dik chiah High five lawk ang" tihpahin a kut arawn lek chhuak a, a kuta va ben mai tuma ka phar chhuak chu rang lutukin John chuan ka kutah alo man chut nia, min dah lêt sak lawp zui.

"Chaw ei laiin awmdan mawi hre rawh u" ka nu chuan alo ti hlak a, Rinfela nen chuan in enin kan nui têt têt ringawt.



Meeting tûrin a chhuak dawn maw ka tih laiin John chu an kal duh ṭhak lo, a cancel hmak a, Ka lawm ru angreng viau nghe nghe.


"A nih nang ni hi inneih reng in tum nge in inṭhen leh vat dawn?"

Rinfela'n beer tlâk pap paha a tih chuan John chu an inhûm ruh nasa kher mai,

"Tinge chûng te min zawh a?" Ka lo ti hâk a,

"In inṭhen hunah techuan nula ini dâwn a, Ka awm reng alawm" tiin mit min rawn siai zauh a, hauh ka tum chu, "Fîmkhur rawh, i huang chin i pêl hret ania" nêm fahran lo a John-a'n alo tih chuan ka lo enkar ringawt,Lalrinfela lah lo duai lo, "Hmangaihna vânga innei pawh in ni si lova ka ti mai mai" awlsam zet hian alo ti a,
"Hey Mawla....haw tawh rawh, I rui a nih kha" ka tih chuan arawn nui hawk, "Beer te an ruih theih loh e aw, a hrim hrimin kei hi enge min ngaihdan? Ka u ai hi chuan ka chhelo daih zâwk lo mi?" A tih chuan John chu an ding hluai,

"Hey....haw rawh, hetianga chimawm zâwnga i awm reng dawn chuan lo kal tawh suh" John-a'n thupek zeta a tih chuan Lalrinfela chu nui lui hakin arawn ding chhuak a, a û chu rum zeta melh lêt kar chung hian a din hnaih tê tê a,

"Hei in hi ka pa in a nih hi, duh ni ila chu Court ah kal in ka chhuhsak thei che, chuan ka duh hun hunah ka rawn kal ang, Thû i pêk ka ngai lo"
Chang faka ati zo chiah chu chhuat ah chuan an thal ta ṭhuai a, ka lo ṭe ṭhat, a kamsîr a rawn thî nghal ser ser mai, John chu ṭhu hniam nghalin a kawr âwmah chuan a ṭhâm tho lawp a,

"Ka en liam mai mai che ka tisual a ni" a ti deuh sup, Lalrinfela chu arawn la nui lui hak nia,

"Tinge? I nupui hi ka chhuhsak daih che i hlau ami? He hmeichhe khawngaih thlâk chungah hian engtik nge tih i tum?" A ti lêt ṭhawt a, hnek leh a tum chu ka lo inrawlh vat,

"Duhtawk rawh, Rinfel nangpawh a tâwk, haw tawh rawh i rui tawh a nih kha" ka lo ti zung zung a, John chu inchung lama hruai chhoh tum chuan ka pawt tho nghâl, Rinfela pawh an body guard techuan rawn buaipuiin an hruai chhuak ta nghâl a,




Room ka thleng chu ka lungphû rang lutuk pawh an zia huai mai, kan thâwm kha ka nu khan a hre pha awm reng sia tinge a rawn in rawlh miah loh le?

"Engthil nge i tih kha? Engtin nge i unaupa kha kut i thlâk theih?"
Ka tih chuan rum lutuk hian min rawn en a,
"A thusawi kha i hre lo mi?" Arawn ti lêt ve nia, ka nui lui hak, "A ruih tawh êm kha i hre ve reng alawm, khatiang rûi mai mai thusawi ngai thutak rual pawh ini tawh lo" ka lo ti lêt zêk a, a ngawi ta hmak, keipawh ka ngawi zui mai a, thinrim zetin ka mu nghâl, a sawi thui mah mah tih ka hre vetho, mahse a ruih vâng vek a nia, enliam ve mai tûr ania.





Ngawireng in arawn mu thla ve a, ti hian keimah bawk ka thinrim anga, keimah bawk ka lungawi leh dawn a nih hmêl, lehlam hawia ka in leh veleh chuan ka hnunglam aṭangin min rawn kuah lum thur thur a,

"Ka unaupa nen in in bêl ta lutuk hi ka thîk alâwm, min kalsan in i pan daih duh hmêl êm a" a rawn ti sup a, ka nuih te pawh an za zawk e a.
"I mâwl a nih chu" ka lo ti hlak ringawt, a rawn nui deuh hawk, ka biangah arawn chuk zui zauh,

"Tûnlai chu ka ngai thei lutuk che a, Office kal tehi ka ning ṭhin, ka rawn phone che chuan min lo vîn hrep ang tih ka hlau sia ka rawn phone duh lo che a" ati nuah nuah a, a rûkin ka nui char char top,

"Vawiin chu i mood a off rêng bawk si, engtia awm tûr nge pawh ka hre lo" arawn tih leh chuan ka khawngaih ang reng viau, ni e, thinrimna thup thiam lo ve tak, lemchan thiam lo tak ka ni ve a, a rûk a ka thinrimna tehi ka hriat miah loh hian ka lo tilang leh palh ṭhin.

"A dik alawm, a chhan ka hre bîk lo" ka lo ti mai a, zangthal ar a ka mut lai chuan ka pumah rawn dawm lum thur thurin ka biangah arawn fâwp zauh a, ka va en chu nui deuh suk hian min lo en vung vung mai, "Enge?" Ka lo ti hû a,

"I hmelṭha êm a" alo ti ve ngei, a inhmeh lo lutuk chu ka nui chhuak hawk, ka âwmah chuan an hmai rawn phûmin ka âwm bâwr ah chuan arawn fâwp zauh a,

"Lo rai ta ila engtinnge min tih ang?" Ka tih chuan an thil tih lai chu an tâwp chut, min rawn en vung vungin "Ka hlim ngawt ang, ka hre lo, eng ber nge ka tih ang?" Arawn tih chuan ka nui sak a, "Ka naupan lai chuan pasal neih ka tum ngai miah lo, Police nih hi ka châk thei lutuk a, mahse keini ang tân chuan nih alo harsa bawk sia" ka tih chuan an nui suk a, mu ṭha leh tê tê in a âwm hlau deuh hlup, khaih deuh takah chuan ka lû nghatin, ka duhthusam techu ka hrilh niap niap a, hrilhna hun ṭha ka neih tawh loh tâkin,

"Ka chhûng teleh ka ṭhian te, engmah enghelh neih lova kan nuih hi ṭhin lai kha ka ngai takzet a ni, khatih lai hun kha alo nuam ber mai" nui sak chunga ka han chu alo muhîl daih nia, chek hlak pahin ka nui hak ringawt,

"Mittui le Duhtak John" tiin ka phun sapa keipawh ka muhîl ve nghâl.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:45 pm

NEXT MORNING




Zîng ka harh chuan hma takah tho in ka inti fai sar sar a, ka lû ana bawk nen ka khua tehi a sik ser ser in ka hria, ka chê aniang ruih a, thlang erawh ka tilang lêm lo, Ka naupan lai aṭang tawha damdawi ei hreh ve tak ka nih vâng hian ka khua a sik pawn ka sawi zen zen lo, ka tuar dam top zêl, kan thawmhnaw dahna techu a ngal deuh vang chuan ka hru fai hliau hliau a, ka taksa lah chu a na em em lehnghâl,



"Enge i tih a?" Rawn ti ṭial ruak tu lam chu ka hawi a, ka pasal chu sam thur bap hian arawn meng sur sur mai, alo tho chiang chiah lo a nih mahna,
"Nizân ka mu hma sia" ka lo ti ringawt a, rûm ṭuah ṭuah chung hian rawn tho in ka biangah chuan arawn piai zauh a,

"In ti hah ve vak duh suh" ti supin bathroom lam chu pan leh vat a, ka en zui vang vang ringawt, ka pasal lâk aṭang hi chuan ṭawngkam thlum tih vêl hi chu beisei lo law law ila ṭha zawk.



Tûk ṭhian ei lai chuan "Karleh ah emaw tunkar top ah hian ka zin dâwn" ka tih chuan ka nu leh John chuan min rawn en vat a, ka hre lo der hmak thung,

"Tak tak maw a nu? Keini pawh exam kan zo tawh sia ka kal ve thei angem?" Bawihtei chuan phûr fê hian arawn ti a,

"Tehrêng i tello in khawi ah mah kal ka tum hleinem" ka tih chuan an nufa a an in melh ralh chu ka mit sîr in ka hmu reng,

"Engmah i sawi bawk si lova" John chuan arawn ti deuh sup a,
"Ka hre lâwk bik lo, tûnah khan ka châk deuh thut a" awlsam zet hian ka lo ti a, Bawihtei chu an nui ver ver reng mai,

"Nakinah hun remchâng ah ila kal zâwk dâwn nia, tûnah techuan kan buai êm hi mawle"

Ka nu chuan alo ti hmak nia, ka rin lawk sa a nih vangin mak ka ti hran lo, "Nakinah chuan nau te ka pai anga, khawkar kawng te ahla sia ka zin thei tawh dawn si lova, ka Tlawng awl laia kal ka duh a, ka kal dawn" ka lo ti hmak, min dang ngam lo tih ka chiang ve emai.

"A ṭha lawm, mahse châm rei ka remti lo a nia"

John chuan alo ti ve mai a, Ka nu ka ngai lutuk hi ka â lo chauh ania, phallo pawh ni se kal luih ka tum hrim hrim a, Ka dîl pawh ni lo in zin ka tum thu ka hrilh kha nia, Ni hnih ni thum tal boruak ṭha ka hlîp chuan ngaihtuahna fing tak tepawh ka nei thei mahna, hetianga ka awm chawt chawt reng chuan ât tawh sa nâk alaiin ka ât zual phah vek ang tih ka hlau,

"Ka room ah lo kal la in be lawk ang"


Ka nu in thawh nalh pah chuan ati a, Ka chaw ei lai chu ka tâwp deuh chat,

"Ka kal dawn, Ni hman nuam aw" tiin ka biangah arawn fâwp zauh a, Bawihtei nen chuan an in kai chhuak nghâl.


Keipawh ka chaw ei pawh ka lem thei tawh lo, thawhsanin ka nu room lam chu ka pan vat a.


"Min biak duhna i nei mi ka nu?" Ti a ka va lût chu, a room sofa ah chuan ṭhu in min lo enkur nia,

"Engtikah maw kal i tum?" Arawn tih chuan "Ka hre mai lo" ka lo ti vat a, "A nih ila pai lo tak tak ami? I intest tawh em vawikhat tal?" Arawn tih chuan vawikhat mah ka la in test lo tih ka hre chhuak chiah, "Ka lo in test dawn mi? Rai ang pawn ka la awm lo" ṭha tak chuan ka lo ti mai a, "He in a tlâk tlum i duh chuan fa nei vat rawh, i pasal hi pathlawi a ni chunga nei duhtu hmeichhe ṭha tak tak an tam a nia" a tih chuan ka lo bu nghauh nghauh a, tinge maw ka pasal ka phûm loh zia hi min hriattir a tum fo mai le?


"Ka hria lawm" tiin ka lo phun sap ringawt,

"Engvanga kal châk deuh thut nge inih ang aw" a ti leh vawng vawng a, ka chhâng tawh lo, a phallo tih ka hria, phallo anga lan chu duh leh miah si lo, lehlam hawiin ka hmui ka tipawrh nghek ringawt.


"Sawi tur i neih tawh loh chuan ka kal dawn" tihpaha chhuah mai ka tum chu,

"I rai a nih chuan min hrilh hmasa ber ang che, i hria em?" A rawn ti chang deuh fak a, mengkual ralh pahin thawk ka la hak, "Awle" hawi lêt tawh lem lo chuan tiin ka chhuak nghâl nal nal a,
"Ka zin dâwn dawh beh" ti sap chungin inchung lam ka pan nghâl pâwk pâwk ringawt.




Reilotê ah Lalrinfela arawn lâwr leh tawh,
"I zin dâwn chuan ka kal ve duh ania" techu ala ti zui,
"A theih loh" ka tih chuan tûm bûr hian min en vung vung a, ka hmu lo der hmak,
"Buaina te tâwk palh ta la, i pasalin a thlah hman dâwn silo che a a unaupa ka tel ve tûr chu A ngaih a ṭha daih zâwk ang chu" techu ala ti ta deuh deuh nia,

"Nanga min hruai ai chuan kan khaw sumo a in zawh chhoh ka thlang zawk" ka lo ti zêk a,
"Ka car in kal ila a nuam zâwk ang, phallo mahla ka kal dawn tho tho" ti zut zut chungin inhnuailam a pan thla zût zût a, hêpa hi an kum zât ka hre miah lo, mahse John-a sawi dan kha chuan amah aiin kum 2 vel bakin a naupan hmel si loh, mahse tinge a kum leh A hmel te, a pumrua tehi a in mil lo tlata hriatna ka neih le?




Room ah reifê ka tawm hnû chuan inhnuai lamah chhuk thla in angai te bawkin Lalrinfela nen chuan ṭhu ho te tê ah kan in hnial a, mahse ka khawhar a hnêmin min ti hliam viau tho mai,

"I nu in a ko che in ka hria va kal lawk rawh" arawn tih chuan rum zet hian ka melh a,
"Ka nu ti ve mai la" ka tih chuan an mithmul lehlam ti sâng zauh hian min rawn en a,
"Ka nu ni hleinem" awlsam zet hian alo ti nia, ka dem hran lo, keipawh ni ila koh chu har ka ti ve ngawt ang.



A room kawngkhâr chu chhetê hian alo in hawng a, luh mai ka tum chu Thelma ka hmu tlat, lût mai lo chuan kawngkhâr bulah chuan ka ding dat a,

"John chu ka hming thei ṭêp tawh, Rai vat se chu engkim a fel mai tûr ania, a fa kan la anga hmundangah thawn in John nen hian kan innei mai tûr, tinge maw a rai har em em le?"

A tih chuan ka chanchin an sawi tih hrilh chawp ka ngai lo chiang kher mai,

"Lungngai suh, a rai vêleh lo inbuatsaih rawh, mipa a nih phei chuan i tan a lawmawm hlei hlei, mipa a nih chuan i rai der ngei ngei tûr a ni, a nupui a rai tih a hriat loh nan ramdangah kan thâwm bo daih dâwn nia"

Ka nu thusawi zet chu mak ka ti takzet a ni, ka inhûm ruh nasa viau nghe nghe,

"Ka nu, ka lamah i ṭang tlat hi ka lawm takzet a ni, awm lo la chu John hian min ring in min pawm leh miah lo ang"


Mittui hru fap fap chuan ka ti a, ka thin in a tuar tawh ngang lo, va luh tuma ka pen chu tu emaw ka kut ah vuan in min kai hrang nghâl dâwr dâwr mai,


Lalrinfela chuan thim khap hian min lo en a, ka thinrim lutuk hi ka mittui tlâk lai pawh ka hre lo, ka biang huh hlap hru tàwk chuan ka thaw deuh halh a,

"An thusawi kha ilo hria em? Kei hi min lo bum reng ania" khûr hlawk hlawk chuan ka ti a,

"I mâwl ami? Va kal la engtin nge i tih ang? I va zâwt anga Iva àn khum vel anga? A sâwt i ring ami? Hei vâng hi nia an bum che, in mawl vek, in chhûngkua thleng khân" a tih chuan an âwmah ka nam sawn dâwrh a, rum zetin ka en tlawk tlawk ringawt, ṭah pawh ka ṭap thei lo, ka thinrim lutuk hi ka so hulh bulh in ka hria.


"Engtin nge ka tih ang? An ni khân fa ka neih huna min lâksak hun tûr nghâkhlel takin an lo awm a, kei hi ka awm mai mai dâwn ami? Nge ni a ka pasal hi ka ṭhen zawk dâwn?"

Ka tih chuan ṭawng zawi tûr in min signal zauh a,

"Ka thusawi tûr hi uluk deuhin lo ngaithla rawh, engmah hre lo angin awm la, remchâng i hmuh veleh tlân bo mai rawh, i pasal pawh hi a in rawlh veleh ve loh kan hre hleinem" a tih chuan thil ka hre chhuak zawk, Thelma ka sawi apianga a ngawi daih ṭhin te, khatiang khawpa a bum hnu pawha Ala ngaidam thei tlat te hian engkim a ti chiang vek.


"Tûmah hi ring tawh suh, kei tiam in, chuvângin hun remchâng i hmuh veleh inkhua ah haw la , rawn lêt tawh suh"


"A nih lo rai ta ila?" Ka tih chuan min en vang vang a,

"I rai emaw rai lo emaw, ram tui leiloa an siam hma che in inthiar fihlîm rawh, ila rai lo a ni lâwm ni? I rai hma in haw vat la lo kîr tawh suh"



A tih chuan kei rilru fîm ka lo pu lo bawk nen ka mittui chu hrû in ka bu nghauh nghauh a, room ah chuan chho in khumah chuan ka mu nghâl thlawp, ka mittui arawn luang zung zung a, engkim kha a lem vek tihna nia, ka ngaihtuah zawng ringawt pawn ka mittui arawn haw zâwih thei, ka nu, nu ngainat awm tak leh rilru tluang tak anga ka ngaih khân ka hnunglam aṭangin min lo bei reng a, Tinge kei kher? An pawi ka sawi loh tehrêng nen, Ka pasal anga ka lo ngaih, min hmangaihtu ni a ka hriat pawh an bâng lo, ngaihtuah a kal thui phei chuan ka chhûng te thlengin ka dem rum rum mai, Rinfela sawi ang tak taka awm chu ka duh takzeta mahse tinge harsa ka tih em em le?




Ka mittui chu hrû in inchung lam chu ka melh kar reng a, ka nu leh ka pa in he thû hi hre ve ta se engtin nge an tih ang? Ka hrilh ngam teuh lo mai, ni e, tûnah hi ka ring leh tawh lovang, bum hmang vek an ni, kei hmeichhe mâwl mang ve tak an ni teh lûk in hmêlma ang maia verther taka min bei hi ka theihnghilh tawh ngai lovang, an rin ang hian ka awm dâwn lo chiang khawp mai, ka tlân bo lovanga, he in ah ka awm char char dawn, ka ât vâng tal pawh hian ka awm ngei ngei tûr a ni.




Ka in ngaihtuah nasa bawka eng chen nge ka mut pawh ka hre lo, pawn lama motor ri vung vung chu John-A car a ni tih ka hria, ka lungphû a rang a, ka inhûm ruh nasa viau, nidang chu ni se hlek takin ka lo awm anga, tûnah erawh a hmel hmuh chu ka châk lo kher mai.



Rin ang ngeiin arawn lût deuh hlawl a, khuma ka lo mu reng a hmuh chuan an ding deuh dat,

"Tinge a?" Tihpahin min rawn pan a, a hmêl chu en in raizai hnuaiah chuan ka kut chu ka hûm ruh nasa kher mai, a hmaiah ben thlawrh tum chuan ka ti pharh leh uaih ṭhin, maimitchhing in thâwm ka la ham ham a,

"I dam lo ami?" Tihpahin ka chal arawn khawih chu ka lo awm dâwn rang ngang mai, mak tih hmel zet hian min en vung vung a,

"Chawlh hahdam ka duh mai mai, ka ṭha e" inphûm ruh ṭûn chuan ka ti a, ka âw techu a khûr lek lek thei,

"A ṭha e, Thelma nen hnathawh lok tûr kan nei a, lo mu hah châwl la, ka rawn lêt vat ang"

Dam thlupa tihpah chuan an tho zui vut a, "Bum hmang" inseh chilh rap chuan ka lo ti zauh, ka thinrimna hi ka thup thiam ve hlawl ṭhin lo,

"Engmaw?" Arawn ti hû a, "Engmah" ka en ngai enkar chuan ka lo ti ta ringawt, min kalsan in thlâk zui ni hmiang ka ti mai, room a awm ve chhûng chu in hûm ruh ṭeuhin ka muhîl der ta char char a, a chhuah hnu chuan inchung lam enkar in ka mittui ka bekah arawn luangthla zâwih mai, âtthlâk zetin ka nui hak a,
Kei hi hmeichhe mâwl tak, engmah thiam nei lo leh hre lo ka ni a, mahse danglam taka min awm tîr thei tu chu an Mahni chauh hi an ni, chuvângin lâwmman ka pe dâwn khawp.





Ka mutna aṭang chuan tho in ka thawmhnaw dah na a mutkawr fual dum silk nalh zet mai chu ha in ka chhuak a, kan nula pakhat hnênah chuan,

"Khawnge ka pasal techuan hnâ an thawh a?"

Ka tih chuan an lehkha chhiarna room chu min kawhhmuh vat a, coffee no 2 chu siam tîr in a kha thei ang ber chuan ka siamtîr a, phûr zetin ka chawi chho nghâl.



A lehkha chhiarna room a Thelma leh ka pasal bumhmang John-a lo ti ti mawlh mawlh lai chuan va lûtin dawhkân hma ah chuan ka va dah a, John chuan min lo en ho mai.

"Aw...i nuamsâm lo in ka hre sia" alo ti hû a, nui sakin coffee chu ka dah a, a mal chungah chuan Thelma hmuh tûrin ka ṭhu a, ka pasal hmui ah chuan ka fâwp zauh,

"I hmêl ka hmu a ka dam leh vek alâwm" tihpahin ka nui sak a, John erawh midang hma a hetianga induat vêl duh lo chî alo ni bawk nen, nuam lo ti siin ka thinrim a hlauh vâng nge a tîm dui mai, nge ni a Thelma rilru nat a hlau zawk pawh ka hre lo.


"Kan zo tawh tho a, ka haw mai ang" Thelma chuan alo ti zauh a, dawhkân a lehkha an dah ho chu la in chhuah a tum ta mai,

"Aw...riak ve mai la, a tlâk tawh si" ka lo ti zauh a,

"Ni lo e, ka fa te ka ngaihtuah deuh a, a tlai tawh sia ka kal ang'e" tihpah chuan an chhuak zui vat a, a chhuah veleh chuan rang takin ka tho vat, coffee no chu chawia ngawi renga chhuah leh mai ka tum chu,

"Kha kha enge awmzia?" John chuan arawn ti zauh a, ka Tray ken chu ka hûm nghet sawt thei,

"Engthil maw?" Tiin ka hawi lêt vat a, min lo en rûn mai,

"Midang hmuh laia in fawh te, khatiang kha ka duh loh tih i hria, Thelma hi i thîk tiraw?" A rawn tih chuan ka nui hak,

"Aw, mi pangngai tan thîk loh chî a ni lo, i bân hma chu tiang hian ka awm zêl ang" ka lo ti lêt ve sak a, a rawn ding ta hluai mai,

"Kha chu kan sawifel vek tawh kha, ka mamawh tih i hria, engkimah min thlâwp tûr ini zawk asin" a rawn tih chuan awmze nei lovin ka nui hak,

"Nia, ka thlâwp che, mahse he nu ka ngai thei lo, i bân loh chuan kan mu dûn tawh lo ang"

Tihpahin ka chhuak nal nal a,ka tray ken chu pâwna kan nula pakhat lo ding bulah chuan pe in Bawihtei room lam ka pan ta daih a, Bawihtei bulah chuan ka inthawlh ve ta ringawt.


"A nu tinge ilo mut a?" Aw ṭial riak hian arawn ti a,

"Ka ngai che a, i bula mut ka châk lutuk a" nui chunga ka tih chuan nui ver ver hian min min rawn kuah sat sat a,

"Mahse A pa khua har lutuk ang'e" arawn ti leh a, he naupang fing kîr ker lutuk hi chu âw, a pa hi ava han chhûn fû ve tak, hmêl ah erawh a nu a chhunna a tam zawk,

"Zan in chu apa amahin lo mu mai rawh se" ka lo ti liam puat a, min enkar chuan an khap fek fek mai, ka ti harh leh hnu hnawh kher kher a aw,

"A nu nang hi a ni tak tak ini tiraw?"

A rawn tih chuan mak ti zet hian ka en vat a,
"Ni e, tunge ka ni lo ti?" Ka tih chuan, "A pi khân 'i nu tak tak pawh a ni lo' a ti ziah a" a tih chuan ka lungphu a rang leh dut dut tawh,

"A pi chuan a thinrim vâng in a sawi ve mai mai nih chu" ka lo ti mai a, ngaih ṭha deuh chuan ka áwmah beiin a muhîl ta hle hle a, Ani chiah hi he in a ka awm chhan hi a ni tawh.



Zan riah ei dâwnah min rawn ko a, ka chhuak chu ka nu leh John chuan an lo ei mial mial tawh, ngawireng chuan ka kîl ve mai a.


"I pasal nên hian kan lo sawi dûn a, zin rih lo mai ula, kan lo tia" ka nu in a tih chuan ka chaw ei tûr chu ka châwl dat,

"Awle" ka lo ti mai a, an pahnih chuan phâwk deuh hrû hian min lo en kur nia,


"I lunga lên viau chuan i kal thei tho a nia" John chuan inthiamloh hmêl fê hian arawn ti a,
"Ka zin lovang, lungngai suh" tih lêt zêlin ka melh deuh hrâwk a, ka nu ngaihdân alo ni lo nasa mai,

"Engtin nge tiangkhan i pasal i chhâng ngam a?"
Ka nu in arawn tih chuan, ngawi hmanin ka ei zui mial mial a, bawngsa kan rim chuan ka luak a ti chhuak ngêi mai,

"I chaw ei khamah in be lawk ang" arawn ti dam thlup a, chhâng lêm lo a bawngsa kan ka suak chu ka uak deuh ṭhawt, ka ṭhutna aṭang chuan rang takin ka tho a, bathroom lam ka pan dâwr dâwr thei mai, bathroom ah chuan ka luak ta nghek a, ka chalah ka pasal in min lo dawm lai thleng techuan ka la luak bârh bârh a, ka chau in ka pum techu ana thla rawih rawih thei.

"Nang hi i rai tehi ni lo maw?" Ka nu in arawn tih chuan ka meng kâwk thei, nghet zetin ka kut chu ka hûm ruh tlawk tlawk a, rai chu ni e, ka la duh lo, ka duh lo takzet a ni, ka rai a nih chuan engkim a pawi a ni mai,

"A ni ngawt lo ang, a pum lam a chiang lo a niang" John chuan dam thlup hian alo ti a,

"Ka pum a ṭhat loh chuan ti hian ka luak fo alâwm" ka tih takah chuan ka nu hlim hmêl chu rawn inthlâk a mit sîr chuan min rawn melh ralh a,

"Thingtlâng a awm tih takah ei theih loh pawh hi innei lo, in pum lam ngaihtuah lêk lo in i hmuh hmuh i ei vang a nih kha", ngeiawm zeta tihpah chuan an kal zui a, ka chauh êm váng chuan min kai chho in room ah chuan min mut riai riai a, ka hnungchhawn nghâl hmak.

"Enge Ka laka i lungawi loh nachhan chiah hi ka hre lova, Thelma vâng a nih chuan a pawi ka ti, ka bân thei lo a ni, ka tân a pawimawh lutuk, i duh lo tih ka hria a amah thlâk tûr pawh ka zawng fo, mahse ka duhthusam ka hmu ngang lo a ni" a ti zo a chhuak zui daih a, ka mittui rawn tla chu ka hei zauh, ti kha chuan engkim a chiang tawh, chance pêk hrâm ka duh asin, ti khawpa a tan a pawimawh a nih chuan tinge kei hi min tihbuai ve kher? Tinge fa neih tîr chu min duh em em? A rai ve thei tho awm sia, tih techu ka ngaihtuah a, ka mittui a luang zawih zawih ringawt, thil thleng tûr lo nghah top bâk tih theih ka nei si lo, ka buai takzet a ni, ka rai anih vaih phei chuan vanduaina lianber a ni ngei ang le.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)