Dear John BY Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: Dear John BY Hlutei Jocund Pachuau (Completed)

Unread post by Ngaia » July 11th, 2021, 12:45 pm

Kut lian zet lum thur thurin min kuah deuh hlup chuan ka muhîl chu ka harh zawk, alo thim dul deuh ruih a, ka bula mu chu John a ni tih ka hria, a bân lâksawn ka tum chu an ai nghet chuan min rawn kuah a, ka biangah chuan arawn fâwp zui zauh, nuam tihna leh hlimna pakhat mah ka nei lo, ka tâl chhuak maithei lo bawk nen thinrim zet chuan che lo in ka mu ta reng a, ala meng reng tih ka hria, chûng mai mai techuan ka thin ati rim takzet a ni.


"Khawimaw tui ka in duh ania" tihpah chuan ka tâl phut a, ka tho thei hrâm, a hmêl pawh en zui lo in ka chhuak nghâl nal nal an, Bawihtei room ah ka tlân phei a, kawngkhâr kalhin thlâwk ka la hawk ringawt, engtik ah emaw chuan ka insûm zo lo hi ka la puak leh ngei dâwn tih ka chiang, engpawh ni se a rûk thei ang bera ka in entîr vat angai,


Bawihtei khuma ka mu ve tûr chiah chu tu emaw kawngkhar arawn kik dut dut a, ka la phu nasa êm êm lehnghâl, ngaihtuah chiang lem lo a ka hawng chu John chuan min lo enkur mai.


"Enge i hriat? Tinge a kawi sawi zawnga i awm tlat a?"

Thinrim fê a arawn tih chuan "Ṭawng zawi rawh" ka lo ti vat a, A thinrim ve takzet tih a hmêl dur khûih aṭang chuan ka hre thei,

"Lo kal rawh, in be lawk ang" a ti deuh sup a, kal ka tum lo nasa mai,

"Ka chau, naktûk ah kan inbe dâwn nia" ka tih chuan ka bânah vuanin room lamah chuan min kai phei dawr dawr a, room ah chuan min kâi lût dâwr dâwr in room kawngkhâr chu a kalh zui hmak nia,

"I thinrim tih ka hria, mahse hriatthiam tum hrâm rawh Nute, Thelma chu A danglam tawh, min ngaih melh tawh ngai lo, ka hre chiang lutuk tlat" a tih chuan ka nui hawk, mahse engmah ka sawi peih loh vangin khum ah chuan ngawi rengin ka mu tâu sawk sawk a, ngawireng chuan arawn muthla veleh mai bawk, mahse min si tawh lêm lo, Min bum tu te zînga atel ve loh nan ka la ṭawngṭai fan tho,



"I rai tak tak em?" A hnû fê ah chuan arawn ti deuh sup a,
"Ka hre lo" ka lo ti bak hlar thung, a ngawi leh ta daih a, ka Maimitchhîng nghâl hmak, ka lo muhîl zui ta daih a.



NEXT MORNING



Tûk ṭhian ei khamah chuan John leh Bawihtei chu an chhuak nghâl a, zîng dang ang tho in Ka nu pawh inchei zetin a chhuak ve nghâl a, kei erawh in Lalrinfela lo kal hun tûr nghâkhlel takin ka lo châng ran thung.


A rawn thlen veleh chuan ka chhuak tharh a, kan in thlanga kawngpui ah chuan ka hmai tuam vêkin ka lo nghâk top, kan nula te'n kan chhuak dûn tih an hriat chuan ka nu bulah an report leh vek dâwn tih ka hriat ve kar vang a ni.


Rei fê ka nghah hnu chuan Lalrinfela chuan an car in min rawn lam a, A hmelhriat ṭha tak bula in check-up tûr chuan kan kal nghâl, hepa hi engvânga ring ve ngawt nge ka nih pawh ka hre chuang lo, mahse duhthlan tûr dang nei hek lo i, ani chauh hi ka chanchin hre tu a ni tlat si alâwm le.



Raipuar dang te ṭhutna ah chuan Lalrinfela nen ṭhu in kan lo nghâk ve rân a, Raipuar puar lian tawh tak tak te ho ka hmuh chuan ka nui sak, Lo rai ta ila ka hlim ang nge ka lungngai ang ka in hrethiam lo,

"I pasal chu A fel hle mai, A kalpui thlap bîk che nia" ka bula mi nû la naupan ve hmêl tak chuan nui sak hian arawn ti a, Lalrinfela nen chuan kan in en hû ringawt,
"Hahaaa....nia" ka han ti ringawt a, Lalrinfela nui hawk rî chu ka ngei angreng viau bawk,

"Keichu kan pa hi ramdangah a awm daih a, Hetianga in entîr tura min hruai te hi a châk ve thei lutuk"

A tih chuan ka lo nui sak a, "A hrehawm duh viau ang" ka lo ti sap ringawt, hetiang hi ka la hmachhawn ve lo ang tih ka sawi thei bîk teuh lo, ka hming an rawn lam chuan kan inzui lût vat a.


Doctor nu in Lalrinfela a hmuh chuan alo mengkawk mai,

"Awi, engtik in nge nupui i neih ve a?"

Alo ti hluai a, an inbiak dan aṭang chuan an in hriat ṭhat hmêl viau mai,

"Ala rei lo" pakhat lah chuan alo ti ve mai a, tûk in ah chaw engmah ka ei loh vangin ultra sound chuan min en a, mahse engmah a lang lo, ka awm dân techu ka sawi ve a, tûn thla leh thla hmasa pawh ka period loh tê thleng chuan ka sawi a,

"I rai tih chu A chiang a, Mahse Pregnancy test in lo in test ve hrim hrim rawh aw" tiin ka damdawi ei tûr techu min chawh dul a,


Kan chhuak chiah chu ka mi hmuh vâng chuan ka ding dat, ka nu hi min hnungchhawn zawng hian alo ding a, tu emaw hi alo be mial mial nia, rang lutukin kan pahnih chuan kan lût leh ringawt a, Doctor nu lah chuan mak alo ti ngang mai, a kawngkhâr aṭang chuan kan bihthla dûk dûk a, ala kal mai bawk si lo, mahse hetia awm reng chi lah an ni bawk si lo, kan hmai chu kan tuam sawk sawk a, tu emaw an biak mawlh mawlh lai chuan step lam pan in kan pên nghal hlawk hlawk a, step bula bang phên in min hliah chiah chu ka thaw huai thei.


"Chuan engtin nge kan tih leh ang?" Arawn tih chuan ner sakin ka lo en a,
"Kan a? Enge kan itih ve ngawt?" Ka tih chuan A hmui tih pawrh zauhin a dâr asân âk a,
"He thilah hian min hnûk lût vek tawh a, a tâwp thleng kan ṭanpui ang che chu" awlsam zet hian alo ti nia,

"Ni lo, keiman ka ngaihtuah tawh ang, engmah hre lo angin ilo awm dâwn nia" tihpaha kal mai ka tum chu min pâwt lêt deuh dat a,

"Ka puihna i mamawh zia hre chungin ka kalsan thei lo che, chuvângin i bungrua rella in khua ah haw rawh, i duh chuan tunah pawh hian ka dah thei che"

A tih chuan A hmêl tak deuh rân chu en in min vawnna chu ka phelh riai riai a,

"Ka haw dawn lo, hetah hian ka awm ang, fa ka nei bawk ang" ka tih chuan A chal arawn chuar nûng mai,
"I â mi? Eng ang mî nge an nih i hre lo nih kha, nang hi ilo mâwl takzet a nih hi" min tih leh zêk tawh,

"Nia, ka mawl alâwm, ka mawl lutuk, ka mawl vang alâwm kalsan ka duh loh, ka mawl vangin ka nei a, ka mawl vang bawk in ka...." Ka ti hman ṭawk, ka sawizawm thei tawh lo, ka mittui arawn luangthla zâwih a, ṭah erawh ka ṭap êm lo,

"Nang leh i fa hi i ngaihtuah tak tak a nih chuan min zui mai rawh, in ngaihtuah nan hun ka pe ang che" ati leh sup a, ka darah vuan in step ah chuan min kai thla riai riai a, ka nui sak, ka vanduai viau amaw ka tia, Lalrinfela hi engvânga Ka nuna lo lang ve ngawt nge anih ka hre tawh, ka ṭhianṭha tak, ka unaupa min vêng rêng tu Angel ang ni tura Ka nuna rawn lang a ni,

"Min ngaihtuah a ka lawm takzet a ni"

Tiin an car herkual lai chuan ka lo ti a, min rawn en zawkin "Ngaihtuah loh theih pawh ini hleinem" a ti sup a, ka lo nui hak ringawt,

Damdawi lehkha leh Pregnancy test kit techu ka kawl tîr vek a, ka kawl tîr pawh a ni lo, aman a kawl a ni zawk mah, rîn sen pahnih chiang zeta in rîn kalh ka hmuh chuan ka rai tih in hre tawh tho mahila tlêm in min shock ve deuh, Lalrinfela hi awm lo se hetiang hian ka awm top lo ang, huaisenna tam tak min pe tu a ni a, engtikah mah ka laka aṭhatna hi ka theihnghilh tawh lo ang.


"Hahdam rih la, engtik lai pawhin puih che ka inpeih reng a nia" tihpahin ka dâr ah chuan min rawn bêng thak thak a, ka mittui tla chu ka hru zauh,


"Ka laka i ṭhatna hi engtik ah mah ka theihnghilh tawh lo ang, Ka lawm takzet a ni" tihpahin a hmêl ka en chu uluk zet hian min lo en ve reng mai, a kekawr iptê zen in thawk la hak chung chuan A hawisan daih a.

"Tinge maw thil ṭha tih hi nuam ka tih em em le?" Tihpah chuan min rawn en zauh a, ka lo nui hak, chutah rawn ṭhu hniamin,

"Tlân bo i duh a nih chuan min rawn bia la, Ka rawn thleng nghâl ang, Superman ang in" tihpahin Superman a posi ang chuan A han awm chhin vêl a, ka lo nui leh hak tawh, ka nui lo thei ṭhin lo.


"In va hlim ve a?" Rawn ti tûr âw ka hriat chuan ka mengphawk nasa mai, Jonathan leh ka nu chuan min lo en reng nia, Khum aṭang chuan tho vatin ka mittui chu ka hru zauh a.

"Ka sawi kha, I nupui leh i unaupa inkârah hian engemaw a awm ka tih kha, Min ring lo vêl a, i awm loh laia an lo hlim zia hi"

Ka nu in alo tih chuan ka lo mengkual ralh, hetianga a chêt duh hi rin lâwk na ka nei rêng a ni, Chutah Lalrinfela hawn tûra ka tih side table a Pregnancy test kit leh damdawi lehkha ka dah chu rang lutuk hian ka nu in arawn la a nih chu, ka lo in hûm ruh nasa mai,

"I rai amaw?" Tihpahin phâwk fê hian min rawn en a, nui hawkin John chu an pe nghâl vat,

"Tinge i sawi loh?" John chuan arawn ti thûm dût mai, a mitmeng thim khup chuan min ti hlau ve lek lek nia, "Chuan nang hi hetah enge i tih?" John chuan Lalrinfela chu A en leh kur tawh,
"Ka sawi tawh kha, i nupui hi i ti hlim zo lo a nih chuan ka hnênah min pe mai rawh" ngeiawm zet hian Lalrinfela chuan alo ti a, keipawh min ṭhawn êm vangin sawi tûr pawh ka hre ve lo.

"Ngawi hmak rawh, ka insûm theihna ka hlauh palh ang'e" insûm thei lo tih hriat zet hian a thaw zui hrawk a, a kut a hûm ruh tih hriat zetin an kuta thisen zâm techu arawn pawng ṭawlh ṭawlh mai,

"Engtin nge min tih ang? Min khawih leh dâwn ami? Ti ta che" tihpahin cho zet hian ava pan hnai a, a kawr âwmah ṭhâm a hnek tuma a tin uaih lai chuan,

"Duhtâwk rawh, ani khân thiam lohna a nei lo, kei hi min be zawk rawh" ka lo ti vîn tuar a, chutah min rawn en in a thil ken lai chu arawn paih chawrh.

"Sawi fiah ta che" a rawn tih tuar tâkah chuan ka phu nasa lutuk chu ka kâng lawp thei,

"Rinfel lo va inthiar fihlîm rawh" ka han ti leh tê tê phawt a, buaina a hnuh luh a an in hmuh thiam lohna belh chhah tu nih ka duh teuh lo.

"Mahse..."
"Khawngaih in" ka tih takah chuan hreh hmêl zetin an chhuak zui a, John nen chuan kan in hmatawn ta rân mai, thinrim vângin a mengsen Rûm a, a thaw deuh hulh hulh bawk, ka hlau rilru viau na in, hlau anga lan erawh ka tum lo, ka kut khûr dar dar chu nghet zetin ka hûm a.


"Vawiin khân ka hre ve chiah, sawi fiah tur engmah ka nei lo" a mit mengah chiang zeta en chunga ka tih chuan A khabê a ti che deuh rulh a,
"Ngati nge Lalrinfela nen khân in kal? I pasal hruaiin in kal dûn thei reng sia, nge ni a, i naupai lai hi I pasal fa ni lo in a unaupa zâwk kha?" Ka nu in arawn tih chuan,

"Ka nu" ka lo ti vîn tuar a, vawiin khân min lo zui ru tihna ni maw?..ka mittui arawn luangthla nghâl zâwih, engtin nge khatiang rilru bawlhhlawh lutuk kha a put theih?

"Enge? Ka ringhlel che hi a âwm lohna ka hre lo in chêt duh dân hi ka thlî thlâi reng ṭhin che u a, Nang hi ka rin ang ilo ni hauh lo"


A tih chuan ka nui hawk, John erawh chuan ngawi rengin min en ngur reng thung.

"Engkim ka hre vek, nang leh Thelma remruatna in kei hi John hian min nei a, Tichuan fapa ka hrin sak huna min lâk sakin kei hi min dah bo in tum a nih kha, Engkim ka hre vek"

Ka aw râwl tâwp chuan ka ti a, ka nu hmêl rawn danglam chuan thudik ka sawi zia ati fiahna in John erawh chu a awm dân ala ngai reng nia.

"Ilo hria em? Min puh chhiat zia kha, nang hi ka mo atân ka la lût che a, I pasalin a duh loh em em lai che pawhin i nu nên kan in ṭhian ṭhatna vangin ka nawrlui zawk asin"


Lungngai hmêl lem lutuka arawn tih chuan ka nui hawk,

"Lemchang, Nang hi engtin nge nû ila in tih ve theih? I mi ngaihpawimawh te vângin nang aia mi hnuaihnung zawkin an tuar ang maw? Nang hi mihring pawh ini lo"

Ka tih ruala thil ri chhuai chuan min ti tâwp hmak, ka pasal thinrim chuan Dawhkân a glass no chu alo paih keh chu niin, min rawn pan hnaiin rum lutuk hian min rawn en a, tûnah tak hi chuan min pawhsawm vek châk hmêl a pu in ka hria.

"Vawiin khân Thelma chu A bâng asin, kan nupa kâr tih buai a hlauh vângin a bâng a, chuan nangin tiang khân ilo mawh puh amaw?"
Khûr dur dur a arawn tih chuan ka chil ka lem khalh,

"A bâng ang chu, rai anga langin ka naupai lai hi ama fâ anga sawia i bula rawn in tah luh a tum alâwm"

Ka tih rual chuan "Dâwt sawi tawh suh, a tâwk tawh lutuk" vîn ṭhawt hian arawn ti nia, ka phu nasa lutuk chu ka thlâwk lo chauh, mittui tling pam in ka chhoh enkar a,

"Tu fa nge? Ka fa a ni em?" Awkî hniam ruiha arawn tih chuan mak ti zetin ka enkiau ringawt, ka inhûm ruh nasa hlê, chutah ka ban bul tawn tawnah chuan rawn vuanin "Tu fa nge sawi ta che" tih tuar pahin min thing deuh nawk a, na leh tûr chuang ka awm tawh lo, khâ ṭawngkam ho tê khân ka thin hi arawn vit tlang zawk ni mai hian ka hria,

"He naute hian pa a nei lo" khûr hlak hlak chuan ka lo ti a, ka ṭah chhuak lutuk insûm ngai bawk si chu ka na vêkin ka hria,

"Kha thu kha min zawh ka ring ngai lo, ka mumangah takngial pawh" a hmêl enkar chuan ka ti leh a, tlêm chuan arawn inthlah dul ta deuhin ka hria, min vawnna pawh a
thlahh riai riai a,

"Engkim hi I nu leh khâ Thelma i vâng vek kha a ni, min ring rawh khawngaihin" ka âw chu A chhuak chêt chêr chauhin ka hria,

"Engmaw engmaw ? I thil tihsual ah min puh lêt i tum amaw? Khâ sâwn chhia kha nitin arawn kal ṭhin a ni lâwm ni? Nangmah a i awm lai lehnghâl in, kan nula te ti ti tling khawpin in khawsa dûn a, Ka fapa rilru a nat hlauh vânga zêp ka ni"

Arawn ti tawn tawn nia, engtin nge hniak phawi miah lo a dâwt hlawm hlak a sawi theih le?

"Dâwt vek, Ka nu i pawi enge ka sawi a? John ka nu thusawi kha dâwt vek a nih kha, nia i unaupa chu arawn kal ngei alawm, mahse, Chutiang zawngin ka en ngai lo" ka ti ve mawlh mawlh a,

"Engpawh ni se, Engpawh lo ti sual la, Ka nu hi ngaihdam dîl phawt rawh, tichuan engkim ka theihnghilh sak che anga ka ngaidam ang che"

Arawn ti nih chu, a awm zia chu ka thusawi kha pakhat mah an ring lo tihna nia, a hmêl rum ûl chu ka mittui kâr aṭangin ka melh tlawk tlawk ringawt.

"Chu i hria em? I uire na a ngai dam dâwn che nih chu, ka fapa khawngaih thlâk lutuk" alo ti leh hlak a,

"Aih, ka ui rê lo, tinge min rin miah loh a?" Inhnît hlap hlap a ka tih chuan,

"I awm dân, ka khawih i duh lo a, min hlat i tum aṭang khân ka ngaih a ṭha thei tawh lo" arawn ti leh top a, kha te kha chu ka chhûngril na lutuk vâng kha nia, a nu leh Thelma remruatna hi engmah a hre ve lo tih ka nu awmdan aṭang hian ka hre tawh,

"Ka ui rê lo, Pathian hmingin, chuan ngaihdam pawh ka dîl hek lo ang, engkim hi I nu thiamloh vek a ni, an remruatna vek a nih hi, Kei hi dawtin min mawhpuh alâwm, engtin nge nu ila in tih theih? Fanu nei ta la, i fanu chungah hetiang hi thleng ve se I duh ami? Mihring pawh ini lo, ramhuai nih kha" ka tihsuala ka biang ri sawk vâng chuan ka kat nawk a, ka biang thîp zet chu vuan in min bêng tû lam ka hawi chu ka ṭap chhuak hawk, ring zet chuan ka ṭap vak a, ka âu a ni zâwk mah


"I â tawh a nih kha" kîl khat aṭangin ka nu chuan min lo ti leh hrâm, chhâng tuma ka ṭah tâwp hmak lai chuan ka khaw hmuh arawn fiah lo ruai a, ka lû chu namên lo a rawn haiin a thim nghâl mup mai.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:45 pm

In be ser ser thâwm chu ka hre hnai tial tial a, thei leh thei lo chuan ka meng nghâl riai riai bawk, alo êng deuh pap a, hrilh hai zeta ka hawikual hnû chuan damdawiin a ni tih ka hre thei, ka harh chhuah ruala ka rilru a awm hmasa ber chu Ka pasalin kut min thlâk lai kha a ni, ka mittui ka bekah arawn luang lum thla pap a, ka chau hlê bawk, nikhaw hre lo in ka piantirh ata ka vawikhat awmna a nih vâng nge ka na ta riau a hriatna te ka nei nia.


"Ilo harh tawh a?"

Ka nu chuan arawn ti a, ka chhâng lo, en pawh en lo in inchunga fan vir hlup hlup lai chu ka en ngat ngat ringawt,

"Ti hian ti ang, engkim i hre ta bawk a, i naupai lai hi mipa a nih chuan min pe la, Haw daih rawh, sum ṭhahnem tak leh in inhmun kha ka pe ang che" a tih pawh chuan ka la che lo,

"Vânnei in ti hlê rawh, nuam sa taka i awm ka phal tekha lâwm hle ta che, Nang anga vânnei hi an awm zen zen lo ania, Ka ṭhian hlui fa inih vang takin zah ngaihna ka lan tîr a nih hi, i hlawh tam tûr zia hi"


Ala ti hrâm nia, ka kut chu ka hûm ruh tlawk tlawk a, ka thinrim lutuk chu ṭawng pawh ka ṭawng chhuak thei lo, chutah kal mai a tum chu
"Engvang nge?" Ka ti chhuak sap a, rang taka rawn hawiin a nui vêl nia,

"A enga chu maw?"

"Tinge ka chungah hetia itih? I pawi enge ka sawi?"
Aw khûr dar dar a ka tih chuan arawn nui sak, nia,
"Ka duhsak vâng che mawle, han ngaihtuah ve teh, nausên pakhat leh in ram i thleng a ni mai a, awlsam lutuk" tihpahin a chhuak nghâl nal nal anih chu, ka kut chu hûm ruh tlawk tlawk in kawngkhâr chu ka melh ngar ngar a, hetiang ringawt chuan ka tlâwm thei lo,



Ka dang ro lutuk tih hnâwn nan thei leh thei lo a in beng kângin tui chu ka dâwt khawlh khawlh a, ka ril a ṭâm hlê bawk, ngaihtuahna a thui duh kher mai, a chang leh mahni inkhawngaihna in ka khat a, ka ṭah chhuak insûm nasa lutuk chu ka inseh ruh na lamah ka biang tehi ana ûr thei, ka pum thêp han chu ka chûl a, ka hlim ang nge ka lungngai ang pawh ka hrethiam lo, a khât tawkin ka mittui rawn luang chu ka hru leh zauh zauh ringawt.




Reifê hnû ah Lalrinfela hi arawn lût hlawl a, A hnunga rawn zui tu vâng chuan ka meng kâwk ringawt, Bawihtei nu maw? Eitûr te an rawn keng zui.


"Eng i an? I ṭha em?" Rinfela aw dam dap chuan engemaw ti kawng zawng tak hian min ti hah dam huai mai,

"Ka ṭha e" ka lo ti sap a, Bawihtei nû chuan eitûr chu en pawh min en lêm lo hian min rawn pe ringawt a, ka lo en ho ringawt.

"Ei rawh, Ka khawngaih vang che ni lo nia, Ka fanu laka i ṭhat vang chauha pe che ka nih kha"
A rawn tih chuan nui sakin ka lo ban a, "Ka lawm e" ka tih chuan min chháng lem lo in a kalsawn hmak.

"Ka thusawi ah khân ka la ding reng a nia" min en reng chunga a tih chuan ka hamburger ei lai chu ka tâwp chat a,

"Rinfela thusawi hi âwih la kal bo mai rawh, Jonathan hian a nu a hmangaih zia leh A rin zia hre chiang tu ka nih hi, a nu sual zia hi a hre duh teuh lo, engtikah mah an hre lo ang, Ka thusawi chu âwih rawh" alo ti ve bawk a,

"A nu vâng hian ala tuar nasa khawp ang, ka khawngaih zawk, kan inhmangaih ngai miah lo a, Mahse A rilru ṭha lutuk leh midang khawngaihna a ngah lutuk hi a khawngaihthlâk zawk, a nu ngat phei chu A Pathian biak lo chauh tih hre ta che" a ti leh zung zung a, a mize cool ruih phêna a ṭhatna hmu tu ka nih vâng hian lawm ka hmangaih em em.

"Ni lo e, ka kalsan dawn lo, engtikah mah, ka fa hi alo pian chhuah hunah keiman ka enkawl anga, engtikah mah ka ṭhen lo ang"

Ka tih laia an in melh ralh chu ka hre reng,

"Nute, luhlul chhuah na chî a ni lo" Rinfela chuan alo ti dam dap a,

"Kei hi ka tlânchhia ang maw? Ka fa kalsan in ka tlân chhia anga, buaina zawng zawng a fel ang maw? Teuh lo, Ka kalsan dawn lo, An duh ang hi engtikah mah ka thlen tîr ngai lo ang, kei hi thingtlang mimâwl tak angin min lo ngai a, enge ka tih theih hi an hre ve dawn alâwm, John hian min hmangaih tih ka hria, engtikah emaw chuan A rilru hi ka thlâk danglam vek ang, Nang anga dawihzep ka ni lo"


Ka ti ta zêk a, ka thil ei pawh chu lem thei lo in ka han ṭah hnan leh rih ṭhin,

"Ka hria e, A nih kan puihna i mamawh chuan kan awm reng a nia" Rinfela chuan alo ti dam thluak a, ka mittui chu hrû in, Bawihtei nu chhang min rawn ken chu ka ei mial mial ringawt.

"Thelma i an ti mi? Khâ nu kha ka lo chhui chiang a, A pasal chu Jail ah a tâng a ni âwm e, enge a chhan ka hre lo, Fa pathum a nei tawh a, Fa dang a nei thei tawh lo, Chu mi vang chu niang nangmah an rawn thlan che"

Bawihtei nu in arawn tih chuan ka fiah ta kuar kuar mai,

"Ni e, a dik chiah, fa nei thei chu ni se kei min pun buai nachhan tur a awm lo hrim hrim"

Ka lo ti zui vat a,



An hâw leh hnû chuan John leh Bawihtei an rawn lang hlawl mai,

"A nu, I enge na a?" Bawihtei chuan men deuh pâr hian arawn ti a, nui var vârin ka lo ban nghâl,

"Hetah hian i nau tûr a awm a, chuvâng chuan tlêm in ka pum hi Ana a" ka tih chuan ka pum chu arawn dam vang vang a,

"A nu hetah hian i riak dâwn em? I riah dâwn chuan ka riah ve duh a nia"

Bawihtei chuan arawn ti leh a, a pa erawh ka hmu lo der hmak thung,

"Ni lo e, A pi bulah fel deuhin lo awm la, ka lo haw vêleh ka bulah i mu char char dawn nia" ka tih chuan A lungawi ve thei hrâm, Kan nula arawn tel ve vângin John chuan kal bo pui lawk tûrin a ti a, ka lo tûm hmak thung.



"Ei chak te i nei em?"
Bawihtei kal bo hnû ah chuan arawn ti chhuak ve sup a,

"Nichin vâng khan ka"

"Ngaihdam min dîl a ngai lo" ka lo tih khalh vat a,

"In ṭhen ang" amah enkara ka tih lai chuan A hmêl arawn danglam nghâl vek nia,
"Engvângin? Kei aiin I thlang zawk tihna mi?" Ala rawn ti fo nia,

"Kan inkârah engmah a awm lo vawi engzat nge ka tih dâwn? Nangma'n min ring lo a nih kha"

Vîn zeta ka tih chuan,
"Chhuanlam siam suh, ka ngaidam ang che ka ti lâwm ni? Engkim ka theihnghilh sak ang che, ka ben vâng che kha chuan ka tihpalh takzet a ni"



A rawn tih chuan ka nui hak a, min ngaihdam duhna rilru apu hrim hrim pawh chu A lâwmawm lutuk, mahse ka nihna ni miau si lo a ka tan chuan ana takzet a ni,


"Doctor ka be tawh a, nangmah enkawl tu tur nurse kan ruai anga kan haw nghâl mai dawn nia" a ti leh ringawt a, ka ngawi reng top, engmah ka sawi peih tawh lo,


Kan khumah chuan min muttîr in Nurse chuan drip te min khai sak a, ka harh deuh huai mai, ka luak a chhuak reng a, engmah ka ei thei lo, Bawihtei nu chhang min rawn ken ka ei tekha ka luak chhuak leh vek nia,


"Ei châk te i nei em? Enge i ei duh a?"

Dam thlupa rawn ti tu chu en pawh ka en peih lo, ka bula muhîl tê chu A samah chûl hliau hliau in ka fáwp zauh a,

"Inṭhen chu ngaihtuah pawh ngaihtuah tawh suh, Nu fel tak ka nei lo tih ka in hria, mahse ka nu hian ka pa tello in min enkawl Seiliana, hrehawm tam tak a paltlang asin, chutiang zawng zawng hre chung chuan ka thlahthlam thei lo, eng ang mî pawh lo ni se"


A rawn tih chuan ka lo in hûm nasa mai, ka bulah chuan rawn ṭhu thla in ka kutah chuan rawn vawn a tum a, ka lo thing thla nghâl sawk, mahse arawn vuan leh tho nia,

"Tumân an tih nat che ka phal ngai lo ang" ti deuh supin ka kutah chuan A fâwp zauh a, a hmêl ka en chu min lo en ve rûn mai,


"Min ngaihtuah suh, ka ṭha" ka lo ti hmak, a beidawng ve ta niang thâwk la deuh hawkin a chhuak zui hmak a, ti khawpa min ngaihsak a min ṭhen hlau hlê si ka thusawi chu rin ve âwm, ka hrethiam thei lo a ni,



Drip min khâi zo inhnuailam a ka chhuk thlâ chu ka nu leh Thelma chuan nui ṭhaw hian min lo en a, engtin nge henû hi ala rawn in lan ngam fo le?


"Fîmkhur ta che mawle, i chhiat palh vaih chuan kan chhe vek a ni mai"

Ka nu chuan arawn ti nia, ngawirenga kal pelh mai ka tum chu,

"Engtin nge maw ngaihzawng nei rêng chungin ila rawn haw ngam le?"

Ka nu chuan A ti leh ngat a, hawi lêtin an pahnih chuan ka enkar, "Ka pasalin haw tûrin min tia, ka bialpa chu ka ṭhena ka pasal hi ka thlang leh ta zawk" thinrim zeta ti chungin choka lam ka pan nghâl nal nal a,

"Hmeichhe zak thei lo" an tih rî techu ka hre lo der hmak, tunge zaktheilo zâwk chu an la hre dâwn alâwm, ka ti rilru nauh nauh ringawt.



Khua a tlai ruih tawh, tukverh a ka dah veuh veuh lai chuan John chu rûk chhur hian arawn lût a, kal pawh a kal ṭha thei lo, mak ti zetin ka lo enkar reng ringawt.


A coat chu phelh in khumah chuan A mu thla hnawk a,

"I pheikhawk tekha phelh ve em em ta che" bak hlar a ka tih pawh chu A hre tawh lo, a hnâr nghâl thlurh thlurh nia, thinrim zetin a pheikhawk chu ka phelh sak a,


"Tinge min phatsan? Ka haw takzet che a ni"

Ati nuah nuah a, ka thil tih lai chu ka tâwp chat, chutah A phone chu arawn ri chûr chûr a, ka chhâng lo ang ka ti na in a pawimawh takin tiin ka chhâng vat a.


"Video kha ilo en em? I nupui chuan A phatsan che tih a pawm tawh, ṭhen tûrin ka ti lo che a, mahse thudik hi chu hre ve rawh Sîr"

Nêm diai a rawn ti tu chu Thelma a ni tih ka hria, off hmakin a WhatsApp ah chuan ka lût a, Thelma i'n video alo thawn ka en chuan mak ka ti takzet a ni,

Vawi na ka thusawi "Ka bialpa ka ṭhen a ka pasal ka thlang zawk" ka tih vêl lai ka hmêl chiang taka ala na video alo thawn a nih chu, ka nu leh Thelma lâk chu A ni lo chuang a, Kan nula te zînga tu emaw ber hi an ni tih ka hre mai, ka thinrim lutuk chuan a phone chu ka hûm ngat ngat ringawt, a fapa a tihnat zia hi an hre si lo a, eng ang nu nge maw a nih le? Huat ka tum pawhin ka thei lo, hetianga kan awm zêl chuan a na ber tûr chu ka pasal hi a ni, Mahni chauh ka lo in ngaihtuah ṭhin a, a nu ringhlel reng siin kei min hmangaih tho si, heti hi chuan ka uire angin a ngai nghet hmak tawh ang, engpawh chu ni se, a ngaihdân ai chuan ka dikna hi a pawimawh ber.



A phone chu dah in a kawr chung techu ka hmuh sak a, in dan rawt ngawt dâwn mahila a duh lo nasa dâwn si, ka rilru a hah takzet a ni.


"John in tih harh tum teh, i rim kha ka luak s ti chhuak a nia" tiin an biangah chuan ka bêng thak thak a, rawn mengkawk in a tho zui vut mai, a mit meng a sen Rûm a, a lû chu A dâwm zui vawng vawng ringawt.


"Dar engzat nge?" Arawn ti ṭial ruak a,

"Dar 10 ala ri lo deuh, va inbual la" ka tih zawh rual chuan ka uak tuar a,ngawirengin a tho zui vut a, bathroom lam a pan nghâl, ni e, ka thinrimna hmang ni lo in, ka ṭhatna hmang hian ka la hneh ngei ngei ang,



Ngawirengin a rawn mu thlâ a, lehlam a hawi zui hmak, zan danga min kuah lo a muthei lo khân min hnungchhawn hmak chu ka na thar leh a, ka mittui arawn luang leh ngiai ngiai tawh, a hriat hlau takin ka insût hraih a, hnungchhawn ve in ka mittui chu ka hru mawlh mawlh reng ringawt.


Zân nuam lo tak zawng a ni chiang e,



NEXT MORNING



Ka luak chhuak ut ut chuan min ti harh zawk a, Tho vatin bathroom ah chuan ka uak tuar tuar ringawt, luak tûra lawi pawh ka nei chuang lo, bathroom chhuatah chuan ka ṭhu thla hnawk a, ka chau hnawk thei, John chu phâwk hrû hian arawn dâk a,

"I ṭha em?" Tihpahin min rawn pan nghâl, muangchang chuan min kai tho a,

"Ka ṭha e" tih ringawt chuan ka chhâng a, tuna kan awm dan hi chu Mihring ang mai kan ni, kal mai ka tum chu "Ei châk i neih chuan sawi la, ka rawn hawn ang che" a tih chuan ka ding dat a, "Aih nei lem lo, Vitamin ṭha deuh min lo hâwn la", ṭha tak chuan ka lo ti ve a, "Mmm" a ti leh top a, a inbual dawn aniang a in phelh nghâl sut sut takah chuan ka chhuak zui vat a, dawhkân a thingpui leh chhang lo awm chu la in ka in nghâl a, tuna kan awm dân hi chu A hrehawm tih piah lam a ni.


Thingpui in paha mûk zeta ka lo in ngaihtuah lai chuan A in thlâk sut sut a, ka va en meuh chuan alo in peih diam tawh,

"Engemaw thil thleng a awm chuan min lo call dâwn nia" tihpahin a chhuak zui vut a, inthlah nan ka biangah pawh min fâwp tawh lo, chûng thil ho te tê pawh chuan min tina vawng vawng mai, mahse A thiamloh a nih loh zia ka hria a, huat tum ngawt mahila ka thei bîk si lo.



Tûk ṭhian pawh ei lo in ka inkhung ta reng a, Nurse an rawih nû tê lah chu A ṭawng duhin a fel reuh zêk a, ka ngaina phiân mai.

"I vânnei e, i pasal a fel si" a ti leh ringawt ṭhin, za lo deuhin ka lo nui ka lo nui ringawt zêl.



Mak deuh maiin ka nu min lo be ve hlauh a, ka rai tih ka sawi phei chuan an rawn râk chûl mai, Serthlum leh theihai min rawn thawn a ni âwm e, chawhmeh leh thlai te nên, Sumo counter a lo châng tûrin min ti a, Tûnah ka tîr ngam bawk si lo nen, Bawihtei lo haw hun ṭep in ka thil tûr lam chuan ka chhuak a, Taxi ka hmang ta ringawt.


Sumo counter thleng min thlahin damlo phurh tûr a neih vâng chuan driver chu nuam lo tih hmêl zet hian min kalsan a, Venflon ka vuah kher bawk nen min khawngaih ve zêk a ni mahna.



Ka chhûngte thil min rawn thawn chu khâi pâr pâr in Taxi stand lam ka pan lai chuan Rinfela arawn ding hlawl mai.

"Rawn chuang rawh" a ti deuh hmuk a, "Mahse..."
"Mahse tih angai lo, in kawt thleng ka thlah che anga ka lêt leh nghal ang, I hrehawm na siam ka duh bîk hleinem" a tih takah chuan nuam lo ti ru zetin ka ṭhu lût ve mai a.


"Enge in boruak?" Kawngpui lam en vung vung a tih chuan "A ṭha ni mai" ka lo ti mai a, a chek deuh hluk, "Dâwt min hrilh kher a ngai lo ania" arawn tih tâkah chuan ka nui tâwi tak ringawt.

"Khâ enge i khâi ṭûn a?" Tihpahin ka Rambo polythene pawm ṭan chu A rawn melh zawk a,

"Ka nu te min rawn thawn ania, Bawihtei nena kan thei ei tûr vel a niang" nui saka ka tih chuan alo nui ve suk mai,

"I hlim takzet em?" Thutak deuh hian arawn ti leh tawh, "Tûnah rih chuan ka hlim lo, mahse ka naute hian engkim a thlâk ka ring" ka chil lem khalh chuan ka ti a, a pian hun ka huphurh zia erawh ka sawi lang lêm lo.


"I hlim chuan a ṭha ni mai, Thil thleng a awm chuan min hrilh la, engtik lai pawn pui tûr che in ka in peih reng a nia" awkî hniâm ruih a tih chuan A hmêl chu ka en vang vang a, min rawn en zawk ringawt.




Kan inkawt kan thlen chuan ka thil hmuh chuan min ti phu zawk thei, Ambulance hi alo ding vâng a, John-a car pawh ka hmu, hlauhna in min rawn tuam hlup hlup a, bâk lêng in ka zuang chhuak nghâl.


Kan in Gate bul ka thleng chu inchhûng aṭang chuan John hian Bawihtei chu thî hnuang hian arawn pawm chhuak a nih chu, ka ṭêp ṭhawt a, va han ka tum chu "Khawih hlek suh" John chuan mit meng sen Rûm a min en chung hian arawn ti pâwt chhur nia, hrilh hai zetin ka enkiau a, min ngaihsak zui tawh lo in Ambulance ah chuan A pawm lût a, rang mangkhêngin an tlân zui daih nia.


"Enge thil awm zia?" Tiin pâwna lo ding techu ka zâwt kual chiâm a, ka thâ a khûr nasa bawk si.


"Engtin nge naupang amahin i kalsan ngam zawk a?" Tihpahin ka nu chuan min rawn bêng ṭhuai nia, lei ah chuan ka ṭhu hnawk a, Rinfela chuan min lo buaipui zui vat, thil awmzia chu ka hrethiam lo takzet a ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:46 pm

Ka kal lai khân ala haw miah lo a, Kan nula tepawh an awm reng, mak ka tih êm vâng leh min ṭhawn lutuk vâng chuan awm dân tûr pawh ka hre lo,

"Tho rawh, Mi zawng zawngin an en ṭhup che hi" ka beng bula rawn ti tu chuan zawimuangin min kai tho a ,ka mitsulh mai, awmdân tur pawh ka hre lo, inchhûng a min luhpui atum chu ka harh chhuak deuh kâwk in ka hria,

"Damdawiin ah kal ka duh, min hruai rawh" Rinfela en hâ a ka tih chuan thâwk ala hawk,

"Tûnah chuan ni rih lo e, ka u hmêl kha ilo hmu lo ami? I tan pawi zâwk ang" a tih pawh chu ka ngaihtuah thui hman tawh lo,

"Engtin nge hahdam takin ka awm theih ang? Min hruai rawh" ṭap khûr hlak hlaka ka tih takah chuan hahthlâk min tih hmêl zet hian a car lam chu min pan pui ta zâwk a.



Car a ka chuan lai techu ka hre mûmal lo, tu tih nge? Tih lam ka rilru ah alang tawh hek lo, ana angem? Enge a an ang? Tih ringawt ngaihtuah chuan ka chuang tluan ve ṭhak a.



Hospital kan thleng chu mî an lo tam in an lo zi luih luih mai, chu mi kârah chuan inhnawh pheiin casualty lam chu kan pan dâwr dâwr a, ka pasal hmêl rêng ka hmu bawk si lo.


"Saw ta saw" tihpahin Rinfela chuan min kâi phei dawr dawr a, John chu corridor a ṭhutthlêngsei an dah ah chuan alo ṭhu kûn lap mai, a bul ka thlen chuan rawn hawi chhuakin mit meng sen Rûm hian min en vang vang a, thinrim insûm tih hriat lutuk hian a kut a hûm ruh nasa kher mai.

"Eng a an? A ṭha em?" Ngaihtuah chiang mang hlei lo chuan thaw hlawp hlawp hian ka ti a, chutah rawn ding chhuak Rinfela chu rum lutuk hian a melh leh ta ngur mai,

"Hruai bo rawh, a hmêl pawh ka hmu peih lo"


Inseh chilh rap hian ati thûm deuh chhur nia, hrilh hai zetin an hmêl chu ka enkiau a,

"John" ka tih rual chuan ka mittui arawn luangthla zâwih thei, ka kohna chu hre lo ang hmakin dur khup hian a melh ngai a melh ngur reng a, a dârah chuan inthlahrung zet hian ka va han dê dê lai chuan A bân rawn vai vutin
"Thlâwk bo rawh, a nih loh chuan tih nat che hi ka hreh miah lo" mit meng rapthlâk lutuka min en chung hian a ti tuar nia, ka lungphû namên lo in arawn rang nghal dup dup thei nia.

"Tinge hetia i awm tlat a?" Ṭap ṭiau a ka tih chuan, thâwk arawn la hrâwk a,

"Enge ila tih a? Hruai bo vat rawh"

Rinfela dur khupa en chung hian arawn ti leh a,

"Nute, hawh kal ang, a tâwk tawh êm êm lutuk" Rinfela chuan ram hmarh a tihpahin ka dârah chuan min rawn vuan a, min rawn pawt hrang nghâl in min kalpui chu thei leh thei lo in ka pasal luhlul tih hriat lutuk hmêl dur khup chu ka en zui ṭawk ṭawk ringawt,

"A duh chuan A chhuak nghâl thei ang" arawn tih phei chuan ka châwm thâ arawn zâwi a, ka pai nghâl khat khat mai,

"I ṭha em? In ti pachang hrâm hrâm rawh" Rinfela chuan dam thlup hian alo ti ve mawlh mawlh a, ka kalna tûr kawng pawh ka mittui tling pam vângin ka hmu fiah thei dêr lo,

"Ka ṭha, ka ṭha e" khûr hlak hlak chuan ka lo ti mawlh mawlh a, min kaihthawh zâwng techuan ka hai deuh chhulh mai, min kalpui leh mai atum chu ka ding dat, hetiang ringawt ka kal ngawi thei bîk lo.

"Rinfel, lo va haw rawh, hetah ka awm ang"

Ka tih chuan min rawn en deuh kâwk a,

"I chau lutuk, hahdam i ngai, i pum chhûnga naute awm kha ngaihtuah ta che" vîn lek leka arawn tih chuan ka nui lui sak a, "A ṭha lawm, a unaunu thi mai thei dinhmuna a awm laiin thlamuang takin ka awm thei bîk lo, hetah ka awm ang, lo va kal rawh"

Ka tih tlat vâng chuan thâwk ala hawk a, "Awle, a nih keipawh ka awm ve ang" ka rin ang ngeiin arawn ti nia, ka hnunglam chu hawiin John ṭhutna lamah chuan ka kal phei chhat chhat a, ngawirengin a bulah chuan ka ṭhu thla riai riai a, ka haw lo tih hi hria ang pawhin alang lo,


"A ṭha ang, ka chiang lutuk tlat"

Ka hmalam hawi chuan ka ti chhuak sep a, ka phone chu phawrh in ka lock screen a Bawihtei nen kan lâk chu khûr dâr dâr in ka chûl a, ka khaw hmuh chu arawn phên leh ruai tawh, ka âwm a min hnawh ut ut tu vâng chuan ka mualpho mai ang tih ka hlauh vângin ka inseh ruh ngat ngat ringawt.


"Ka nu te'n An thei thar min rawn thawn a, kan nula te an awm tho a tiin lam turin ka chhuahsan kha nia, thil thleng hi ka hrethiam lo takzet a ni" ka ti leh ringawt a, ka thusawi chu A hria tih ka hre reng mi luhlul ngang a ni a, min chhâng dawn lo, min ring emaw, ring lo emaw pawh ni se Tûnah rih chuan ka be ṭawng zo dâwn lo tih chiang,
"Ka pum ami hi mipa a nih a ring tlat asin" ṭap âw ṭiau chuan ka ti leh a, Rinfela erawh thil dang buaipui tûrin a chhuah daih vangin ka ṭawng loh chuan A reh tlawk tlawk mai ni.


Ka mittui ka hrûk fap fap lai chuan Doctor arawn chhuak hlawl mai, rang lutukin John chu alo tho vat a, keipawh ka lo ding ve nghâl.

"A lû a ahliam hi a buaithlâk reuh lutuk a, A harh chhuak thei lawk lo maithei a ni, kan hlawhtling kher lo maithei a, engpawh ni se Isolation ward lamah dah phawt ila, a zual chuan ICU ah kan dah dâwn nia"


Damthlupa tihpahin a kal zui a, tlêm chuan ka thâwl ta deuh huai mai.



Kan awmna tûrah chuan kan insawn rum rum a, room zau thei ang ber John chuan A dîl bawk, ka rilru in ka ṭawngṭai reng a, ṭah erawh ka ṭap tawh êm lo, chuan ka chau takzet bawk.



Bawihtei nu leh Rinfela an rawn lang ve a, John phei chuan biak pawh a be lo,


"Ka lo awmpui ang'e va chawl hahdam ve phawt teh u, hmuh in hrehawm" Bawihtei nu chuan alo ti a, John ka en chuan A mitmeng alo val ruih mai,


"Haw ang, naktuk ah kan kal leh dâwn nia" ka ti deuh sap a, a kut a hûm ruh ṭun ka hmuh chuan ka hlau ru angreng viau nghe nghe,

"Va haw rawh u, John a nu ka awm a ngaihtuah suh" Bawihtei nu chuan alo ti ve bawk a, a thaw deuh hrâwk mai, ngawi reng chuan a chhuak vut a, keipaw'n ka zui chhuak ve nghâl.





Car ah chuan ngawi rengin kan inphur a, ka mut a chhuakin ka ril a ṭâm bawk nen, ka lû tehi a hai bûr mai, sana ka en chu zinglam dar 2 alo ti ṭêp tawh,

"Engtin nge in ah khân i haw a? Engtin nge Bawihtei kha a chêt sual theih?"

Ti a ahmêl ka va en chu in seh ruh tih hriat zet hian abek alo pawng ṭawlh ṭawlh mai,

"I bialpa hmu tûr khan chhuak lo la chu tûnah hian ala dam ang" arawn tih chuan mak ti zetin ka en hâ ringawt, Bialpa, ka kut ka hûm ruh a,

"Engtin nge chutiang te i sawi theih? Engkim ka sawi vek tawh kha, Ka Taxi hman pa khan min kalsan daih a, Chuan Rinfela"

"A hming pawh kha lam suh" arawn ti vîn tuar nia, a car khalh lai chu kawngsir ah chuan ti dingin mit meng sen Rûm hian min rawn en a,


"Ka fanu tina tu hi ka zawng chhuak anga, nangmah inih vaih chuan ka fa i pai tih ka theihnghilh ang"


Arawn ti nia, mak ti lutuk in ka en tlawk tlawk ringawt,

"Ka ni lo, ni e, thiamlohna lai lai chu ka nei ve alâwm, Mahse ka nu te thil min rawn thawn kha ka ei châk lutuk a, chumi vang chauha ngaihtuah chiang lo a chhuak ka ni, Bialpa ka nei lo a, ka nei ngai hek lo ang, ni e, thudik hai chhuak mawlh rawh, ka kham tawh lutuk"

Ka ti lêt hrep a, car aṭang chuan chhuakin inchhûng lama ka lût tûr chu ka mi hmuh te vâng chuan ka ding dat, ka nu leh Thelma chuan min lo enkawr nia, lehzêl chuan, John pawh ka hnungah arawn kal ve chiah, ani pawh an ding dat.

"Engtin nge he hmeichhia hi ila hruai haw theih? Ka tunu tina tu a nih hi" ka nu chuan arawn ti leh tawh, Thelma chuan in lâk Mark ṭhat tum lutuk hian alo dang vêl nia, ka luak an ti chhuak zawk e a.

"Duhtâwk rawh ka nu, Bawihtei chu a ṭha e, arawn harh chhuak leh vat ang, a ti tu pawh ka zawng chhuak dawn, ka ngaidam hauh lo ang"

Tihpahin min rawn melh rulh nia,

"A ṭha, zawng chhuak ngei ngei rawh, henû tih ngei hi a ni, i hnawtchhuak nghal dawn nia"

Alo ti nih chu, ka awm ve reng laiin,

"Ka nu, ka fanu vetho asin, nangni pahnih anga rilru chhia ka ni lo" tih lêt hrep pah chuan inchung lamah ka tlân chho nghâl hlawk hlawk a.


Room ka thleng chu thâwk ka la hawk, ni e, ka tuar chhuak em em ang, ka pum ami hi a chau tawh ngawtin ka ring, mahse thil ka ei hmasak loh chuan ka mu thei dâwn lo, ka inthlâk a, ka chê a muang ruih mai.



Mutkawr fual ka hâk lai takin John pawh arawn lût a,

"In ei puar rawh, i pum ami kha ngaihtuah la" arawn ti ve sup a, Ngaihtuah tak tak tepawh a ang alâwm le,

"Awle" ti dapin inhnuai lam ka pan nghâl, choka ah chuan kalin Fridge a an dah chawhmeh chu la chhuakin Oven ah ka ti lum zung zung a, John pawh rawn kalin kan pahnih chuan kan ei dûn a, kan in be tam lo kher mai, Thelma pawh engemaw la hian arawn kal nia, ka lo melh rum ngang mai.


"Ka nu ilo enkawl vângin ka lawm takzet a ni"

John chuan ati sup nia, ka lo inhûm ruh nghál ṭûn thei, "Engmah a ni hleinem, Enkawl tu tur a nei lo êm a, a tar ve tawh sia a khawngaih thlâk alâwm" in la fel fahran hian alo ti nia, John chuan A chhâng tawh lêm loh vang chuan A chhuak leh daih a, ka thil ei pawh an tui tawh lo zo vek.


"A tâwp nan hei hi ka sawi ang, thudik ka hriat hma chu khawi ah mah kalsawn lo la, Khâ pa kha I hmu leh a nih vaih chuan ka fa i pai tih hi ka theihnghilh ang"

A tih chuan mak ti lutukin ka en hâ a, "Hospital a kal te ka duh a, Bakah tihpalh thil thû pawn kan lo in hmu thei asin"

Ka tih chuan min rawn en hrâwk hian ka hria,
"A chhan chu engvang pawh ni se I hmu tawh lo ang" ti in a kham zui hmak a, nula pakhat chuan kan eina arawn seng zui mawlh mawlh takah chuan keipawh ka kham ve daih a, ka ei tui tawh lo hrim hrim bawk.



JOHN POV



In si miah lova kan mut lai chuan ka phone a dîl hun nghâl in ka meng reng a, ka bul ami pawh hi ala muhîl bîk lo tih ka hria, ka rilru a hah in abuai takzet a ni, Lalrinfela nen chuan an lo in ngaizawng tak tak angem? An inkârah hian in ngaihzawnna ni lo pawh an awm ka phalloh laia ka rinhlelh theih tura an awm fo hi enge awmzia ni ang? a naupai lai pawh hi ka fa alo ni lo thei bawk, Mahse tinge ka huat theih miah loh le? Ka chhûngril hi Ana takzet a, mahse rilru na hman pawh ka ni lo, tih nat ve a huat ka duh a, mahse ka thei tlat lo a ni, nau pai vâng pawh ni lo in ka haw thei lo a ni top.



Hmeichhe mâwl mang ve tak a ni a, ka hrethiam, ka nu in a huat tak thut chhan te hi Thelma vâng a ni thei tho bawk a, engpawh ni se ka fanu tina tu hi ka hriat hunah engkim alang fiah vek tûr ah ka ngai,

A tîr kha chuan ka nu in a ngai dik lo mai mai ah ka ngai a, mahse khâ video ka en khân ka ring thei tawh lo a ni, min tina takzet tu chelh beh reng hi mipa tân chuan A tlâwm thlâk lutuk, mahse ka hlata a awm hi ka phal thei ngang lo a ni.


Ka va hawi phei chu chunglam en in alo mu meng ve kar a, a hmêl ka hmuh apiang hian khâ pa nên an khawsa dûn lai tûr ka mitthlâ ziah a, chu chuan ka thin ati rim takzet a ni, ka duh lo hlê bawk.

"Min rin chu A harsa ang tih ka hria lawm, Mahse John kei hian ka hmangaih che, ka thinlung zawng zawngin, Bawihtei pawh" a bekah chuan A mittui arawn luangthla pap a, engtin nge ka tih zêl ang pawh ka hrethiam lo.
"Sawi tawh suh, muhîl rawh"
Ka lo ti hmak ringawt, diktak chuan A bula mut rêng pawh hi ka tan chuan thil harsa tak a ni, ka tho vut a, room a kan dah Mini fridge ami ka zu chu lâ in ka dâwt khawlh a, ka nêp vânga in ka ni lo, Ka nupui hi ka thinrim thawk thut in ka tina duh mai ang tih ka hlauh vâng zawk a ni.


Mak tih hmêl fê hian min lo en hâ a, za lo zet chuan ka nui hawk, chutah arawn uak deuh ṭhat ṭhat a, bathroom lamah chuan rang mangkhêng hian a tlân lût zui a, ka ngaihven ve nghal vat.


Alo luak bârh bârh lai chuan ngawirengin a chalah ka va dawm a, a luak zo aniang arawn zawi hniang mai, ka mittui a tling pam a, hetianga han hmuh hi chuan ka lo na ve vawng vawng zêl tho si, awm dân tûr pawh ka thiam lo, ka hah takzet a ni.


"Ka thusawi pakhat tal hi chu ring ve hrâm la ka ti" tihpahin arawn ṭap chhuak hak a, a hmai chu hupin a inhnît feih feih mai, "Lo kal phawt teh" tihpahin ka kâi tho a, khum ah chuan ka muttîr ta hlê hlê a, a pum thêp han chu min khawih tîr in, "I fa a ni, Bawihtei hming chhâlin, khawngaihin min ring rawh" min enkiau hian arawn ti sap a, a mit meng fîm kâk a min enkiau tawh hi chuan ka buai zo ta vek zêl.


"Ka hria lawm, ka fa ngei a ni e" ka tih chuan A thaw deuh huai mai,
"Chuan Bawihtei pawh kha thudik i hriat vat theih nân ka ṭawngṭai ang, ka tih a ni lo" a ti leh chuan chhâng tawh lêm lo in ka lo bu nghauh nghauh ringawt.



A bulah chuan muthla vê in ka âwmah chuan arawn bei hlê hlê a, ka lo kuah ve mai bawk, ni e, Nûpa kan ni a ka ringhlel reng thei lo, bakah ka duh êm a ni, ka hmangaih bawk, chuvângin ka haw thei lo, Keipawh ka fel famkim bîk hleinem, mahse ka nu a puh chhiat dan erawh kha chu ka theihnghilh hauh lo ang.


"Min kuah tawh ngai si lo a, a hrehawm ka ti thei lutuk" tiin a in sût ri hraih a, Doctor in a rilru ti hahdam tûr leh ti hlim hrâm hrâm tura min chahna kha ka hlawh chham chiang kher mai, nghet zet chuan kuahin ka maimitchhing vang vang a, Âr arawn khuang dêr tawh, tui taka mut a har kher mai, hetah awm mahila ngaihtuah na chu Hospital ah daih a ni thung.

Rawn hawi chho in ka biangah chuan A kut vawtthler hian arawn dawm a, "Bawihtei khan mipa a ni dâwn ati tlat a, an û tehian an hre dik ṭhin an ti sin" tiin arawn nui var var a, buaina neuh neuh a awm a ta lângin hetianglam hi ka lo sawi pui ngai miah lo,
"A nih dawn chu" ka ti ve top a, "I rilru ti hah lo la, Doctor pawn a din hmun a ṭha tih a sawi kha" a tih chuan ka lo bu leh nghauh a, tûmah hi an lan dan ang hi an ni vek ṭhin lo tih ka hria, mahse Nutei kher hi chu ka nu sawi ang hi a nih ka ring lo, nu hi tu in nge lo fuih pawrh ang aw, engtin nge an ngaihdân ka thlâk sak theih ang? Ka nu ka thlahthlam theih loh rualin ka nupui hi ka ṭhen phal bawk si lo.


"Thla engzat nge ni a i hriat?" Ka tih chuan phûr hmêl fê hian, "Doctor khan Thla khat leh tlêm atia, thisen khâwm ringawt ang hi lawm" a ti leh a, nui sikin a biangah ka fâwp zauh, arawn nui ta ver ver a, tûnah chuan A nui hmêl ka hmu leh ta e, a hnûk ah chuan ka fâwp vang vang a,

"Zu rim i nam" arawn ti nâng nâng mai, nui sikin a nghâwngah techuan ka fâwp lui zêl a, a taksa chunga ka bawk chu min lo nem nasa mai.

"A pawi thei ang, a chî loh" alo ti niah niah mai, a sîr ah chuan ka let thla top a, "A pawi lo an ti sin" ka tih chuan, "Tak tak maw? A nih chuan ka inpeih tho ania" arawn ti nghâl vah a, ka kawr chu phelh in ka kekawr chu ka phelh zui a, ani pawh alo in phelh ve sawk sawk mai, a âwmbâwr ah chuan ka fâwp zui bawrh bawrh a, Kan tih lohna alo rei leh tawh bawk nen, ka duh aiin ka hmanhmawh hret in ka hria,



Dîm zeta ka sawngbawl hnûk chuan ka theih tâwpin ṭan ka han la a, tûnah chîm buai phâk lo leh lungngaihna in a chîm buai ngai loh ang mai kan ni, thil dang rêng rilru ah alang tawh lo, arawn khurh der der hnûk chuan keipawh a ai nasa a ṭan la in kan bei uar dûn khawp mai, reivak lo hnûk ah kan zawi dûn hnawk a, thlan in min bual huh hlap thei nia, thaw deuh halh halh chung hian kan in en vang vang a,

"Ka hmangaih che" arawn ti sep a, a hmui ah chuan ka fâwp zauh, "Keipawn ka hmangaih lutuk che" tiin a chalah chuan ka fâwp zui leh a, kan inkuah ta hlê hlê mai.



NUTEI POV



Zîng ka tho chu ka rit deuh bûr mai, ka pasal erawh tui taka mu chungin ka pumah chuan alo kuah hlûn mai, nui hakin ka dahsawn a, ani berin min ring a engdang mah ka mamawh lo, Bawihtei tina tu zawn chhuah leh alo dam leh vat theih nâna ṭawngṭai a ni mai,


Ka inbual zo ka ha ka nawh lai chuan ka luak a chhuak leh tawh, uak tuar tuar a ka hâ ka nawh lai chuan arawn lût ve leh hlawl a,

"In check-up tûrin kan kal dawn mi niang?" S tih chuan ka lû ka lo thing vat, "Raino lai chuan ti hian an awm ṭhin alâwm, ka ṭha lutuk" ka lo ti mai a, pangngai taka kan inbe thei tawh chu ka lawm takzet a ni,

"Hna i kal dawn tho sia Bawihtei ka lo awmpui anga, in a awm chu ka peih lo ê" ka tih chuan min hriatthiam hmêl zet hian "Awle, Sawmpuii pawh an chau tawh ngawt ang" a ti ve sup a, "Nia, mifel tak niin ka hria, a ṭawngkam a nêm lo na in a rilru erawh a chhelo ang" ka tih chuan min rawn en vung vung a, pasal nupui hlui fak awm chhun ka ni ngei ang, nuih tepawh aza rum rum zawk.



Tûk ṭhuan ei tura ka ṭhu tûr chiah chu, "Engvângin nge ila awm ve reng, he in aṭanga chhuak rawh, Ui tê chungin i pasal bulah te ila mu ngam a? Zaktheilo lutuk" ka nu chuan alo ti zêk nia, ka ngawi ta reng a, Lemchang an tih awmzia ka hre ve tawh alâwm, eng ang hmeichhia nge ka nih hi an hre chiang lo a ni mahna, he nuthlawi zaktheilo Thelma pawn a theih chu engvângin nge kei hian ka theih loh bîk ang?

"Ka nu, tiang kha chuan khawngaihin sawi tawh lo la, Ka naute hian alo hre ve palh ang'e" ṭap áw ṭiau chuan ka han ti a, ka mittui erawh ka ti tla thei hlek lo, ṭah der hi ka thiam loh zawng tak a ni bawk si, mahse ka pasal rilru khawih theih tûrin ka mittui tla hlei lo chu ka han tuai deuh niap niap a,

"En teh, a zahtheihloh zia hi, Bawihtei pawh nangma tih nat bâk hi ani lo ang"

A ti zui leh hlak, Thelma chuan ngeiawm zet hian min rawn melh râwm a,
"Ka tih a ni lo tak tak" tiin ka han insût der a,
"Ni e ka nu, iti mah mah a ni, Bawihtei a hmangaih zia nangpawn i hriat vek kha, khawngaihin buaina siam zawng chuan khawsa tawh lo teh u, ka kham lutuk tawh"

John chuan alo ti ram hmak a, fîm zet chuan min rawn pawt ṭhu nghâl,

"Ani nena dawhkân kîl pawh hi ka duh lo" a tih chuan ka tho leh vat,

"Ka ei rih lo mai ang, Damdawiin ah ka ei mai ang" tihpahin ka hmui hup chuang chuan inchung lamah ka tlân chho hlawk hlawk a, John-a'n "Ka nu iti mah mah a ni, ka fa pai a mêk tih i hre lo mi?" A tih rî chu ka hre buai viau thei, room ka thleng chu ka nui sak, ka pasal ber ka tih lâwm chuan A tâwk viau, mi huat hi neih ka duh ngai lo, ka pian tirh ata mî huat hi pahnih chiah ka la nei, chu pawh ka nu leh Thelma, a daih rei viau ang le, ka mi ngei zawng te laka ka sualthiam ve theih zia an hre lo a ni ngei ang.



Damdawiin lam pan chuan kan inphur leh vung vung tawh, Ka ei tûr polythene khata min ken tîr chungin Bawihtei room lam chu kan pan dûn hnak hnak a,

Room kawngka ka hawng chu Rinfela leh Sawmpuii bawk an lo awm dûn leh tawh, Ka pasalin a thîk zia ka hria a, a hmuh lai chuan melh pawh ka melh ngam lo.


"Ilo chau tawh âwm sia" tihpahin ka ei tûr ken techu ka phawrh sak a,

"Enge a dinhmun?" John chuan arawn ti ve sup,
"Ala ngai reng, thil danglam em em a awm lo" Sawmpuii chuan alo ti vat,

"Eng lo, ka lawm takzet a ni, min rin avangin" ka ti deuh sap a, "Lawmthû sawi duh suh, Nang aiin Min rinawm lo takin A puh chhia che a ka tan chuan awih ngaihna awm hleinem, a tina tu hi keipaw'n ka zawng ang, nangni aiin ka hre châk daih zâwk, kan bul hnai maia Rûl tûr chak tak phakar zet pawh hi alo ni thei, tunge hria?"

A tih chuan Rinfela chu alo nui hak a, keichuan a thusawi awmzia ka hre lo na in John erawh chuan A hria tih a hmêl aṭangin ka hre mai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:46 pm

John kal hnû chuan Bawihtei oxygen vuah chunga mu bêm leh a lû an tuam bâr chu ka en vang vang a, ka ngai takzet a ni, han ti ti leh siam siam se nun a tih hlim tehreng nen, ka lam a ṭang reng ka neih chhun liau liau asin.


"Kawtah sâwn CCTV camera an vuah a, Khawi ah nge a enna tur hi ni ang?" Rinfela'n arawn tih chuan, "CCTV a?" Ka lo ti deuh hâ a,
"Ni e, chu ta ṭang chuan i chhuah hnu a lo kal hmasa ber kan hmu thei ang" a tih chuan ka phûr deuh hlut a,

"Kawm chhak lawk kha a hmunpui alâwm" Sawmpuii pawh chuan alo ti ve vat a,
"Kal nghâl ang u" ka lo ti vat, "Ni lo, hetah lo awm rawh, I pasala nu rilru kawih kawih nen, Rinfela nen an hmuh dun che'u chuan thil a buai zo leh ang" Sawmpuii chuan alo ti vat a, a dik ka ti ang reng viau, "Ni e Nute, Sawmpuii nên kan kal ang, lungngai lo la, engkim ka ching fel vek ang" dam thlupa arawn tih chuan thu âwih zetin ka lo bu nghauh nghauh a.


An kal hnu chuan Bawihtei kut vuanin ka ṭawngṭai mawlh mawlh ringawt, Thudik engkim an hre tawh anga, ka pasalin rinhlelhna mit mengin min tawh lo bawk ang, Ni e, an ni kha ka ring ngam tur a ni, Bawihtei nu chungah pawh ka lâwm takzet, min rin tlat vângin, mahse ani pawn min rin em em laia ka pasalin min ring zo ta lo hi hrehawm ka ti takzeta han dem vak chî lah a ni bawk si lo.




RINFELA (point of view)



Security office lam chu Sawmpuii nên chuan hmanhmawh takin kan pan a, rin ang ngeiin an lo awm kim ṭhap mai,

"Enge in duh a?"

An pu ber ni âwm tak chuan hawih hâwm tak hian alo ti a, kan hah bawk nen ṭhu hah châwl te tê in a hnu deuh ah chuan "Inrinni tlai dar thum(3) leh a chanve bâwr vela Sawti kai Pu Jonathana te kawta CCTV camera kha kan check duh a" Sawmpuii chuan A han ti zung zung a, min zaidam lo tih takah a dawh thei lo kher mai.


"A ni maw? An fanu chungah thil thleng vêl vâng kha mi?" A han ti leh tê tê a,
"Aw, ka fanu nih kha, zawhna min zâwt kual reng lo in min hmuh vat rawh" Sawmpuii'n vîn lek leka alo tih chuan ka lo îp châwih châwih thei, ka mit mei chuan ka han signal zeuh a, min la en duh ṭhak lo zui.

"Awle, Han en dawn ila" tihpahin a computer chu A khawih zui nuap nuap a, hmundang camera chu arawn lang nghal kalh kalh a, mahse mak deuh maiin an in kawt lai video chu A hmuh ve theih ta tlat loh, a mûr vek nia,

"Tinge a? Tinge a lan ve loh?" Sawmpuii'n chuan han ti ruai a,
"Ka van hre lo ve, an lo delete daih a nih dawn hi" chupa chuan hriatthiam loh hmêl zeta tihpah hian a computer chu A khawih nuap nuap a, mahse alang thei chuang miah lo.



"A pawi ka ti khawp mai" arawn ti chuai ta ruih a, Sawmpuii'n thinrim insûm zo lo chuan chûpa kawr âwmah chuan ṭhâm in "Engti kawng zawng pawn a delete tu hi zawng chhuak ang che, a nih loh chuan in vai hian in bâng vek ang in hria em?" Vîn zet chuan A ti tuar tuar a, ka lo pawm sawn nghâl vat.

"A tâwk, kal ang, tih dan kawng dang ala awm" tihpahin ka chhuahpui ta dâwr dâwr a,
"Ni lo, ka fanu, Ka duh ang pawh ka la tihsak theilo asin, ka fanu rawng ngainat zâwng takngial pawh ka hre lo, Fela, engtin nge niang?" Tihpahin khawlaiah chuan A ṭhu hnawk a, a ṭap zui hâwm hâwm mai,
"A tâwk, Ala dam alâwm, Bawihtei lo harh hunah engkim a chiang ang, chu chiah chu kan in nghah na a ni tawh" ka tih chuan ka âwmah bei tîrin ka kuah ta tawp a, a ṭap ring bawk nen midang kawng kal ho lah chuan min en duh hlawm ngang mai.


He hmeichhe pahnih ka unaupa vanga buai em em tehi engtin nge ka tih ang? Sawmpuii chuan in phên na tûrin chhûngkua ṭha tak leh kawppui ala nei a, Nutei erawh chuan tûmah a nei lo, a chhûngte mâwl mang ve tak tak tekhan an hum him zo dâwn lo tih ka chiang si, chu chuan ka lainatna a ti zual a, puih loh ka tum pawhin ka thei ṭhin lo, a mitmeng pawisawi lo tak aṭanga mittui hian min tih hrehawm êm vâng a ni, bakah hmeichhe ṭap lai hmuh hi hrehawm ka ti ve hrim hrim bawk.



Car ah chuan Hospital lam pan in kan in phur phei leh a, Sawmpuii pawh ani leh ni lo angin a ngui lap mai,
"Bawihtei lo harh hunah engkim a chiang ang, nghâk rih phawt ang" ka tih chuan thinrim tih hriat zet hian a inphûm ruh nasa ngang mai.


"Ka khing dâwn, naktukah Court ah ka kal anga, ka fanu an enkawl ṭhat loh vângin ka khing ngei ngei ang, Police ka ruai bawk anga" a tih chuan A thinrim hmêl rum âl chu ka va en a,
"Sawmpui iti thei miah lo, Nutei a tuar tu a ni dâwn asin" ka tih chuan,
"Ka ngaipawimawh lo, ka fanu a pawimawh ber, engmah in min dâl thei lo ang, ani ka ngaihtuah tel vangin ka fanu tina tu chu zalên takin tûnah te hian a lêng kual mai mai sin, a tina tu a nih loh chuan A tuar rei lo ang, lungngai suh"

A tih chuan thâwk ka la hawk ringawt, chutiang ngawt chu A ni dâwn lo, ka rilru a buai takzet a ni, Nutei kha a tuar tu a ni dâwn tih chu chiangsa a nia, ka khin tîr thei ngawt lo.




NUTEI (point of view)


Rinfela te lo lêt hnû ah an thu rawn ken chuan min va han ti hnual chiang êm, engtin nge ka tih ang? Ka tân engkim a tâwp ni maiin ka hria,

"Engkim a tâwp vek tawh, saw in aṭang sâwn min hnawt chhuak anga, Chu chu ka hma bâk a ni mai" ṭap aw ṭiau a ka tih chuan an pahnih chuan min en vang vang a,

"Bawihtei lo harh hunah engkim a chiang mai dawn alâwm, a thi tawh ang maiin nangni ngati nge in awm a?"

Rinfela'n a tih chuan ka insûm hraih ringawt, chutah Sawmpuii chuan Bawihtei kutah chuan rawn vuan in a ṭap ri hak a.

"Bawihte, a nu hi min dem suh aw, i nu nih ka tling lo êm a ni, nangmah tina tu pawh ka zawng chhuak thei si lo a, engtin nge ka tih ang?" Tihpah chuan A ṭap chhuak hak a, keipawh chuti tho, a harh chhuak leh dâwn em tih pawh kan hriat loh laia a harh chhuah hun nghah chu A rei lutuk, thil theih loh tluk a ni.


Chutah Sawmpuii chu rawn ding chhuakin a phone chu arawn phawrh sawk sawk a, Rinfela nen chuan kan lo en hâ ringawt.

A phone ah chuan tu emaw hi call in , "Aw pa, Sawti lo security agency tekha i hria em? Jonathana te in bul ami tekha, Kha mi tekha a thawk tu te zawng zawng kha bân nghâl ang che, Bawihtei chu A la ngai reng a, ngaihtuah awm lutuk a ni lo"

A ti zui leh a, A thil tih dân chu A ṭha lo viau na in dem ngawt theih pawh va ni suh, enkawl seilian lo mahse A fanu, a hrin ngei a ni a, ka hrin a ni lo chung pawha ti taka ka nâ a nih phei chuan ani phei chu rilru fîm pawh pu thei miah lo mahse ka dem hauh lo.

"Sawmpui" Rinfela chuan alo ti sup a,
"An phû tâwk chiah, mithar thawk se a delete tîr tu pawh kan hmu thei ang" a tih chuan keichuan inthlahrung zetin "John pawhin an zawn chhuah ngei tûr thu min tiam a, ani pawh chu kan ring thei alâwm"ka lo ti sep a, "I pasal hi thinrima ti vut vut chî a ni lo, a bul aṭanga a tâwp thleng nen chhui kîlh kêlh kha a tum dawn a, hun a rei dawn lutuk, ka nghâk thei teuh lo" alo ti hlak hlak a, ka ngawi chiang kher mai, Bawihtei kut lum thar thar chu vuan in
"Bawihte, lo harh vat vat tawh la, nangmah tina tu che kha tunge a nih sawi vat rawh aw, i fin êm kha, ilo harh veleh i ei châk ber ka siam sak vek ang che, a nu hian zantin Ka mutpui tawh che anga, a pi in a hauh che pawn ka chhan ziah tawh ang che" mittui tla zawih zawiha ka tih lai chuan A kut chu rawn che tlat hian ka hria, chutah A khum bula computer te tak tê an dah chu arawn ri deuh vât vât a,


"Ehe, Doctor ka va ko ang'e" Rinfela chuan tihpahin a tlân chhuak zui a, Sawmpui chuan Bawihtei chu "Bawihte a nu ka nih hi, ka ṭawng i hre thei em? A nu vawikhat chiah min ti rawh aw" arawn ti nghâl ruai a, Chutah Doctor leh nurse techu rawn tlân lût nghalin Rinfela chuan Sawmpuii nen chuan min hruai hrang nghâl daih a.



Pâwna kan lo nghah ṭhap lai chuan John pawh arawn tlân lût ve hlawl a, a thaw deuh hulh hulh mai,

"Enga tinge? Enge awmzia?"

Arawn ti nghâl ruai a,

"A rawn che a, mak tak a ni" Rinfela chuan alo ti vat a, ka bulah chuan arawn ṭhu thla ve nghâl, Chutah ka nu leh Thelma an rawn in zui phei ve dâwr dâwr a, melh pawh ka melh peih lo.

"Khawnge ka tunu chu? A ṭha em?" Tihpahin arawn ṭap vei chiâm a, tumân kan chhan peih loh laiin John chuan "A che a, a rawn harh dawn hnai aniang" alo ti mai a, kei erawh ka rilru in ka ṭawngṭai mawlh mawlh thung.



Reilotê ah Doctor arawn chhuak ṭhuai a, kan zavai chuan kan lo ding suau mai.

"Thu lawmawm tak a ni, thil arawn hre ṭan tawh a, in ṭawng rî tepawh kha a hre tawh e, hetiang rêng a aṭha chak a nih chuan A harh har tawh lo ang, hahdam tak khân awm rawh u, Thu lawmawm lam hlîr hrilh ula, engkim a hre thei tawh ania" Doctor chuan nui sânga ti chung hian a kal zui nghâl a, ka thaw ta huai in ka hria.

"Bawihtei a harh chuan A tina tu pawh kan hre vat ang, ka ngaidam dawn hauh lo" Sawmpuii'n chuan alo ti chang fak a,

"Vawiin khân CCTV camera a Alan takin tiin va en ka tum a, khami ni tlai chiaha video kha alo in delete daih a"

John chuan arawn ti sup a, ka hriat sa a nih vangin mak ka ti hran lo.

"Keini pawn kan va en tawh, ka ban tîr vek tawh, mithar an thawh chuan tih dan dang a awm ang" Sawmpuii chuan alo ti vat a, John-A nen chuan kan in melh hrek hrek ringawt.


"Enge ilo bân tîr thawt ṭhawt a? Khâng ho zînga a tu emaw ber kha an tham pawh a ni thei a, ka zawng chhuak ṭêp tawh asin" John-a'n a tih chuan Sawmpuii chuan mit meng lung hlar hian a en lêt a,

"I zawng chhuak ang maw? Hmeichhe naupang pakhat pawh i enkawl theih loh laiin nang hi ka ring ang che maw? Ka khing lo che hi lâwm hlê rawh" Sawmpuii chuan A ti ta zêk a,

"Sawmpui, ka fapa hi tiang khan ṭawng khum reng reng suh" ka nu chuan alo ti ve vat,

"Nangmaha lo in rawlh hlek suh, he thil ah hian nangpawh i tel ve, Nang ang pitar a tunu pakhat lek pawh awmpui peih lo kha" a tih chuan John a ngaih dân a ni ta hauh lo mai.

"Sawmpui i thinrim tih ka hria, mahse ka nu hi I dem thei lo" alo ti khur khur a,

"Dem tûr ka ni, a nih tunge dem se min tih? I nupui rai lai engmah hre lo hi mi ka dem ang?"


A tih chuan ka lo mengkhup lap a,
"A ti tu ka zawng mêk alâwm" a tih chuan Sawmpuii chu mittui tling pam hian a nui lui hak a,

"A ti tu zawn buai a ngai ami? Kan bul mai ami pawh hi a ni thei" ka nu in a tih chuan ka nu chu mak ti zetin ka en hâ ringawt, "Ka nu" John chuan alo ti vîn ṭhawt a,

"I monu hian CCTV a awm tih pawh a hriat loh laiin a delete tîr ang maw? Ka fanu tina tu a fing mah mah in ti ve em? Nge ni a i bula nuthlawi rûl tûr nei ang maia fing phakar pawh kha alo ni thei" a tih chuan John chuan thinrim lutuk "A tâwk, i duh duh mawhpuh kual suh" alo ti vîn ṭhawt a, Hemi te inhau thâwm hian min ti â thei takngial dâwn in ka hria.

"Min khap theihna dân i nei lo aw Lalnunfel" a ti ta piap piap mai, nasa ve tak a ni.

"Duhtâwk rawh u, enge in hriat a? In inhau thâwm kha Bawihtei'n hria se eng angin nge an ngaih ang? Duhtawk tawh hrâm rawh u" ka insûm thei tawh lo chuan ka ti ta top a, ka lû hai bawk si chu ka lû ka dawm leh vang vang ṭhin, ka chau takzet a ni.


"Ni e, damdawiin a nih hi, a zahthlâk emai" Rinfela pawh chuan alo ti ve a, chutia kan khap tâkah chuan an ngawi ve mai a, Sawmpuii erawh thinrim zetin Bawihtei awmna room ah chuan A lût zui vat.



Keipawh lût ve nghâl in Sawmpuii ṭhu tûm vâr chu ka en vang vang a,
"Va chawl hahdam la, Ka lo awmve thung ang" ka tih chuan, "Heta ṭang hian khawi ah mah ka kal dawn lo, va chawl hahdam zawk rawh, I pum chhûng ami kha ngaihtuah la, engmah ila ei bawk si lo" alo ti deuh hmak a, ka nui sak, min ngaihsak anga lang duh miah si lo hian min ngaihsak ru phian tho sia.

"Ni e Nute, Sawmpuii nên kan lo awm leh mai ang, keini chu kan ṭha ania" Rinfela chuan alo ti ve a, John-a pawn awm ve duh viau mahse Sawmpuii nena an awm dûn chuan an inhnial leh anga, thil a buai mai mai ka hlauh vângin John pawh ka ruala haw ve turin ka ti ta tlat a.

Heti em em a in ngaih lo hi engtin nûpa an lo nih theih le ka ti hial a ni, Ui leh kêl thlun pawlh ang mai an ni, John-a awmpui ai chuan Rinfela awmpui kha a duh daih zâwk ang.





In kan thlen pawh chuan kan in be tam lo kher mai, a en ngai en in engemaw hi a ngaihtuah leh vung vung ṭhin, a fanu bula awm a châk tih ka hre reng,

"I duh chuan va kal leh la" abula ṭhut thlâk pah chuan ka ti deuh sap a,

"Ni lo e, a nu in a awmpui a, a ṭha mai ang" a ti ve sup a, mahse engemaw vei nei tlata hriatna ka nei.

"Engemaw sawi duh i neih chuan sawi la" ka ti leh a,

"CCTV en tûra Ka va kal khân khalaia thawk tleirawl pakhat kha ka ringhlel riau a, min hnûk kha a hlauh hmêl in tihsual lian tak nei ang mai hian min leh hêl dan ringawt a zawng char char in ka hria, hmuh leh ka duh a, Mahse Vânlalmalsawmi khân alo ban hmanhmawh sia"

A ti ve nuah nuah a, engtin nge tih a tum vak chuan le?

"Bawihtei arawn harh hun nghâk mai ang, engkim a chiang zâwk ang" ka tih chuan thâwk la deuh hawk hian Abu ve nghauh nghauh a, ka pumah chuan rawn khawihin, "Ka ngaihsak hman si lo a, min dem viau lo ang chu tiraw?" Arawn tih chuan ka lo nui sak ringawt.


"Ka ngaihsak loh vang hian ka hlim lo tihna ni lo nia, ka lawm lo angah te ilo ngai ang'e" a tih chuan "Ni lo, ka hrethiam che lawm, ka thinrim lo nia" ka lo ti vat a, min rawn kuahin ka hnûk ah chuan arawn fâwp zauh a.

"Ka hmangaih che, i tawrh hram hrâm vâng hian ka lawm takzet a ni, tuar hrâm hrâm la, engkim ka chingfel vek ang, ka ti lungngai tawh lo ang che" dam thlupa arawn tih chuan ka mittui arawn luangthla zâwih nia, insût hraih pahin ka nui hak a, ka mittui chu ka hei nghal sawk sawk ringawt.

"Engkim aṭha ang, a hma ang khân hlim deuhin kan awm leh vat dawn nia" min rawn kuah hlû hlû pah chuan A ti a, ka pasal rilru ṭha lutuk hi chu âw, hei vâng hi nia ka hmangaih em em chhan.


"I unaupa chu ila thîk em?" Fiamthû a ka tih chuan, "Thîk deuh tho" nui chung hian arawn ti a, ka lo nui hak, "I unaupa a nih vâng leh nangmah ang tho a rilru ṭha tak a nih vâng hian ka ngaina a, chu zawng chu ni mai" ka tih chuan alo bu zui nghauh nghauh ringawt.



Tlai lamah chuan zanriah eikhamin John chuan meeting pawimawh tak a neih dawn vângin a chhuak leh lawk a, Hospital a ka kal ve dâwn tho vângin chuta inhmuh chu kan tum a ni, chaw ka ei rei lutuk vângin min chhuahsan ta kha nia, tlâi a chî loh bawk nen.


Kei erawh min hruai tu tûr driver an awm tho vângin muangchangin ka insiam a, ka inbual leh tê tê a, ka hmanhmawh lo kher mai, ka puar bawk nen,


Ka sam ka chhêm mawlh mawlh lai chuan ka phone rî ka hre ral ral a, ka la chiah chu alo la tâwp chiah zui, Rinfela a ni, vawi 6 chuang min lo call tawh hi alo ni a, thil thleng a awm anih dingin rang tak chuan ka call lêt vat a.


"Hello?...Nute, Sawmpuii nikhaw hre lo in a tlu thut a, tûnah chuan cabin ah Drip an khai mêk, ilo phei vat thei angem?" Arawn tih chuan ka ding nghâl zawt mai.

"Ava pawi ve, hei ka insiam mêk a, ka rawn kal nghál ang" ka ti ruai a, phone chu dahin ka insiam nghâl zung zung a, rang takin ka tlân chhuak zui nghâl.




Hmanhmawh takin ka driver chu ko in Hospital lama min hruai tûr chuan ka ti nghâl chung chung a.


Hmanhmawh nâk alaiin traffic ala zâm deuh zui, Sawmpuii chu ka khawngaih kher mai, a chau tawngkawng lutuk a nih ka ring ber, a rilru hah lutuk vâng tepawh a ni mahna, tinge maw engmah hi tluang tak hian a thlen theih miah loh le?



Reifê hnûk ah Hospital chu ka thleng vat a, Sawmpuii awmna cabin ka hriat mai loh vângin Bawihtei awmna room lam pan chuan ka tlân hlawk hlawk a,

A room ka lût chu ka ding dat, Mak tak maiin Bawihtei oxygen vuah kai chu alo in phâwk a, a bula computer tê chu alo ri deuh ṭêt ṭêt mai, muangchang chuan ka pan chhat chhat a, a hmêl lo dâng lap ka hmuh chuan ka ṭê tuar mai, a hmêl chu nunna nei hmêl a pu tawh lo.

A thâwk leh thâwk loh en nan muang chângin a hnâr zâwnah chuan ka kut ka va dah a, ka rei!!!...a thaw tawh lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:46 pm

JOHN (point of view)




"Tunge delete tîr tu che i hria em? Han sawi teh?" Tiin chu tleirawl security chu ka zâwt a, a hlauthâwng hmêl aṭang chuan ama tih ngei a ni tih ka hria,

"Henû hi a ni em?"

Tiin Thelma thlalâk chu ka hmuh a, min en karin a lû a thing mât mât mai, Thelma a nih loh chuan tunge ni ta ang? Chutah ngaih ṭhat nan tiin Ka nu thlalâk chu ka han hmuh leh a, a en deuh vang vang a, "A ni lo ka pu" arawn ti leh, a tâwp ber atan tiin Ka nupui thlalak chu ka hmet chhuak a, a dik in ka hre bawk si lo, mahse amah a ni lo tih fiah nan tal pawh a ṭha lawm tiin Nutei thlalâk chu mahni in thiam lo rilru deuh chuan ka han hmuh a, ka thil tih hi a dik lo a ni, ka nupui ka ringhlel ania.

"Ngawi rawh Hei chu A ni lo" ti A lâk leh mai ka tum chu "Lawk in ka pu" tihpahin ka phone chu arawn la a, a meng deuh kâwk mai.

"Henû hi lawm, henû hi lawm delete tûr a min ti chu" arawn ti ta mai, mak ti zetin chû pa chu ka en a, a kawr âwmah chuan ka ṭhâm tho lawp.

"Ka pu dawt ka sawi lo, ka ti tak tak, ani ngei hi lawm, chuan, hei pawh hi min pe tel"

Tihpahin silver ṭhi ka nu in Nutei a pêk kha a iptê aṭangin arawn phawrh a, ṭhi lâk sakin chhuatah chuan ka theh thla ṭhuai a,

"Dâwt i sawi chuan ka hre leh vek dâwn ania" thinrim zeta ka tih chuan arawn ṭap lût mai, "Dawt ka sawi lo ka pu, khâ nu kha lawm, sum tam tak min pe in khâ ṭhi kha min pe tel bawk a" ka tâwt deuh up up mai.


Pâwnah chuan thinrim zetin ka chhuak a, ka thinrim so sâng lutuk tih thâwl nan thâwk ka la hrâwk ringawt, ka hmai ka tuai puat lai chuan Ka phone rawn rî a, ka en chu ka nu a ni.

"Bawiha, Bawihtei a ṭha lo lutuk, Hospital lamah kal vat rawh" ṭap ṭiau a arawn tih chuan hak lêng in ka car ah ka tlân lût a, a thlawh in ka thlâwk chhuak ni berin ka hria.


Hospital ka thleng chu Bawihtei room kawtah chuan Ka nu leh Thelma leh Rinfela an lo awm a, Rinfela'n Ka nupui ṭap fap fap lai alo thlêm mêk bawk, thinrim sa a kal ka ni bawk a ka va thleng chiah chu an lo tho suau mai.

Enge ka hriat pawh ka hre lo, Nutei chu melh pawh ka melh peih lo,

"Ka nu enge a an?" Ka tih chuan,
"Tûnah hian kaih harh an tum mêk, beisei awm vak tawh loh an tia" ka nu in a tih chuan ka mitsulh mai, bâng dawm chuan ka ding vang vang a, ka inhûm ruh nasa kher mai.


Sawmpuii Venflon vuahin arawn lang ve hlawl,

"Khawnge ka fanu chu? Min luh tîr rawh u"
Tihpaha luh a tum chu Rinfela alo dang a, midang ho pawn min en duh hlawm ngei mai,


"A ti tu chu ka zawng hmu tawh" ka insûm zo lo chuan ka ti chhuak hlawl a, enge ka hriat pawh ka hre lo.

"Tunge? Min hrilh rawh" Sawmpuii chuan arawn ti nghâl chûk chûk mai,
"Kan zîngah" ka ti chiah chu Doctor arawn chhuak hlawl a, kan lo din hual nghâl khup mai.

"A pawi ka ti khawp mai, kan chhan thei ta lo a ni"

Arawn tih chuan ka mit nghâl sulh mai, "A theih loh, Chuti maiin a thi thei lo, Hey Doctor, engtin nge chutiang i sawi ngam a? Ka fanu a ni sin" Sawmpuii chuan aw râwl tâwp tih pahin Doctor kawr âwmah chuan A ṭhâm a, Rinfela chuan alo dang vat, kîl khatah Nutei alo inhnît feih feih a, ka nu pawh chuti tho, ka tâwt lutuk tih thâwl nan thâwk ka la hawk a, ka mittui arawn tling, pachan har ka va ti kher êm, ka bîng mup mup a, ro han rêl zung zung ngaihna pawh ka hre lo.



"Kan nula tehi kha lo va bia la, in lo sa seng rawh se"

Tiin Nutei inhnît feih feih lai chu ka en a, khûr dar dar a aphone a phawrh lai chu ka lo mit sîr reng a, ka thinrim a, ka tâwt up up a ni ber mai, a tih a nih ka la ring thei lo cheu na in a chiang tawh bawk si, tuilai rap in ka awm ni mai hian ka hria, ka hah takzet a ni.




NUTEI (point of view)


Bawihtei kan vui liam aṭangin Nithum (3) aluan ta, in chu A ruak huai a, a chhûng a chêng tepawh awm lo ang mai kan ni, Kei lah ka rai no nuamsâm lo in ka awm reng a, kan hun tawn zet chu hrehawm tak a ni, ka chau a, ka chau takzet tawh, engtikah nge hmânah kan hlimna ang kha kan neih leh ang? Ka pasal takngial pawh ka be ṭawng zo tawh lo, min huatna enge an neih ang tiin mahni leh mahni ka inzâwt ziah a, Zan hnih lai chu mittui tla chungin hun ka hmang liam ti ila ka sawisual lo ang, nupa ni siin khum khatah kan mu ngai lo a, khâng hun chhûng khan khawi ah nge an riah lah ka hre hek lo, rilru na reng reng a hun hman chu A hrehawm ti viau mahila he hun hrehawm tak paltlang tûr hian ka châk ve tawk tiin ka in fuih fo a, mahse vawiin nilêng pawn a hmêl ka hmuh loh takah chuan haw daih mai techu ka duh rum rum tawh.



Ka nu lah in khata chêng siin ka hmu ngai hek lo, ka fanu lah chuan min kalsan tawh si, ngaihtuah zawng pawn mittui ahnai kuar mai, ka naupai chu tumân an hre chang lova, hlim taka lo lawm aia mittui nen hun ka hman pui reng chu hrehawm ka tih rualin ka lungngaihna hi tu mah dan theih lah a ni si lo.


Room balcony a ka lo in ngaihtuah veuh veuh lai chuan Sawmpuii arawn lang hlawl mai, a dang lep a, a bula mipa sâng ṭha zet zahawm hmêl zet chu A pasal tûr a nih ngei ka ring.

"Bawihtei room hmuh ka châk lutuk a" arawn tih chuan bu nghauh in ka lo ding vat a,
"Lo kal la" tihpahin Bawihtei awmna room lam chu ka pan pui a.



Bawihtei room ka lût chiah chu keipawh tih danglam in ka awm ni maiin ka hria, a hmâ ang bawkin ka ṭah arawn chhuak leh ut ut tawh, ka mittui luang thla pap chu rang zetin ka hru tàwk a,

"Bawihte" ṭap âw ṭiau a tihpahin Sawmpuii chu arawn ṭap chhuak hak a, a bul ami pa chuan alo kuah zui vat bawk,

"Ka fanu ni siin a rawng duh zâwng pawh ka hre lo a, a ei duhzawng pawh engmah ka hre lo, Kei hi a nu ni tlâk pawh ka ni lo" tiin chû pa âwmah chuan A ṭap hlap hlap a, kîl khatah ka mittui a khât tâwkin ka lo hru ve mawlh mawlh ringawt, a khum te, a thawmhnaw bâwm leh a naute lem a ngai ngai a lo awm techuan rilru a ti thar in ka ngai takzet a ni.

"Rawng senno hi a duh ber a, a naute lemah chuan kha lai Teddy bear kha a duh ber" khûr dar dar a tihpahin zan tin a mutpui ṭhin a Teddy bear senno lian ṭha zet chu ka kâwk a, Sawmpuii chuan chû Teddy bear chu pawmin a han ṭah leh a,

"Hei chu kum 4 a nih khân a rûkin ka rawn pe a, a pe tu pawh an hre miah lo ang" ṭap hlap hlap hian s ti a, thisen zawm na na na chu inzawmna mual mual an lo nei ve a nih dawn hi.


"Lungngai mah ta che " tiin abula ami pa chuan alo ti ve sup a, lehlam kawng zawng chuan ka thîk lek lek a ni, a lungngaihna leh a hrehawm na ngaihthlâksak a hnêm tu ala nei tal a, keichuan tûmah ka nei lo.



Sawmpuii te an haw hnûk chuan khaw har zetin ka ṭhu leh veuh veuh tawh, ka pum la thêp han chu ka chûl ka chûl a,

"Bawihte, apa hi alo haw har tawh iti ve em? Kei ang tho hian i ngai ve tiraw?"

Keimah chuan ka ti niah niah a, vawiin tal chuan lo haw tawh se ka ti takzet a ni, Hmeichhe dang bulah tekhan lo awm ta se, ni lo...ka kehsawm vek thei ang, engemaw ka ngaihtuah le? Ka pasal hi chutiang mi a ni lo tih ka chiang.


Rilru a ka lo in kawm melh melh lai chuan kawngkhâr ri rak lam chu ka hawi vat a, John chu arawn lût ve hlawl mai, "I lo haw maw?" Tihpahin phûr zetin ka va pan hnai a, zu rim alo nam huk nia, tawlh lêt datin ka hmui leh ka hnar ka hup nghâl.

"Tinge zu te i in a?" Ka tih pawh chuan min chhâng lo in a in phelh sut sut a, thinrim hmêl tinge a put reng le? A fanu thihna vânga a lungngai a nih chuan ka hrethiam lutuk a, mahse A ti mah mah tawh a ni.


"Min huatna i nei ami? Tinge hetia i awm tlat a?" Ṭap lek leka ka tih pawh ala ngawi ngul tho,
"John" tihpah in a bân ah chuan ka va vuan a, lo thing thlâk lawp pahin " Min khawih hlek suh, hetianga ka awm nachhan chu nangmah vâng a ni tih i hria em? Ngawi hlê hlê khan awm la i tan a ṭha ni mai" thinrim inseh chilh hian arawn ti hluk hluk a nih chu,ka mak ka ti lutuk chuan chhâng ngaihna pawh hre lovin ka en hâ ringawt.


"Enge keimah vâng a nih na?" Ka tih pawh chuan min chhâng zui tawh lo in bathroom lamah min luh san ta hmak a, lei ah chuan ka ṭhu hnawk ringawt, ka hmui hupin ka ṭap ri hak a, ka phone ala ri zui, ka en chu Rinfela a ni, ka mittui techu hru hi in thâwk ka la hawk a, ka chhâng thei hrâm.


"Hello?"

"Enge i an? I ṭha em?" A rawn tih chuan ka hmui ka pet fan fan ringawt,
"Ṭha e, ka ṭha lawm" ka lo ti mai a, ka in thunun nasa ngang mai.
"I âw chu ava dik lo ve, tinge a? I ṭap alaw?"
A rawn tih takah chuan ka chhâng thei tawh lo, ka hmui ka hup a, a ri lo chuan ka ṭap tlawk tlawk ringawt, "Ka rawn kal dawn, dah rawh" a tih zawh rual chuan A dah zui a, kûn tlawk tlawk chungin ka ṭap tawp, ka rilru hi Ana êm a ni, min hmangaih tawh lo ni maiin ka hria.



Reifê ka ṭah hnu chuan ka ril a ṭâm ngang mai, inhnuai ah chuan chhuk thlâ in Fridge a ei tûr awm ang ang chu ka hmawm tâwn tâwn a, thil ka ei mumal lohna a rei tawh bawk a engkim mai chu A tui huam huam vek mai.


Ka lo ei buan buan lai chuan Rinfela arawn lût a, pizza arawn keng nia, "Thil ei ṭha rawh, i pum chhûng ami kha ngaihtuah la" damthlupa hian arawn ti a, pizza chu la in ka ei ve mai a, ala sa ṭha bawk si tui tak a ni,

"Haw rih mai rawh, khatiang renga awm kha chu A ṭha lo,i naupai pawh khân a tuar thei ania"

A tih chuan ka thil ei lai chu tâwp chat-in ka nui lui sak a, "Ka ṭha lawm, tûnah chuan A rilru ana rih a, rei a ni lo ang" ka lo ti mai a, mahse ka thusawi chu kei ngeipawn ka ring bîk lo.


"I luhlul ve reuh bawk si A, engpawh ni se, i tân ka awm reng tih hria la, i khua a har a nih chuan min rawn call mai rawh" a tih chuan nui lui sakin "Ka lawm takzet a ni, nang hi awm lo la chu ka tuar thei kher lo ang" ka tih chuan ka hnung lam chu phâwk deuh hrû a en zawk a, rang taka ka leh hawi chu Ka pasal hmêl dur khup chu ka hmu nghâl.


"Hetah hian lo kal tawh lo tûrin vawi engzat nge ka tih tawh che"
Arawn ti ta khur khur mai,
"John ani hian ka"
"Lo in rawlh suh" min ti vîn tuar nia, rawn kal phei hlawk hlawkin Rinfela kawr âwmah chuan arawn ṭhâm tho lawp a, bangah chuan nawr betin a hnek nghâl ṭhuai nia, ka lo ṭê ṭhat.

"Engemaw i tih le? Duhtâwk rawh" tihpah chuan A bânah ka va vuan bet a, ka lungphû arang nghâl dup dup mai, ka thâ lah chu namên lo in a khup lehnghâl.

"I duhtâwk in min khawih rawh, pawi ka ti lo, Mahse Nutei hi chu tina tawh suh"
Rinfela chuan kamsîr thî phung hian arawn ti a,
"Ni lo, khawngaihin, duhtâwk rawh" inhnît feih feih a ka lo tih takah chuan A thlah ta riai riai a, a pizza min rawn ken sak dawhkân ami chu chhuatah a theh thla zui ṭhuai bawk, a chêt dân zet chu mak ka ti takzet a ni.

"Inchungah han chho rawh, ani nen hian engemaw sawi tûr kan la nei" John chuan ati leh hmuk a, "Mahse..." Ka tih chuan "Kal vat rawh" vîn zet hian arawn ti nia, chil lem khalh in ngaih ngam zân lo chuan Choka aṭang chuan ka chhuak ta hnâ hnâ a.


Common room ka thleng inchung step ka rap tûr chiah chu kan in kawtah chuan Police motor hi arawn ri vut vut a,

Motor aṭang chuan Sawmpuii leh a pasal hual kha rawn chhuakin Police form ha mipa leh hmeichhia pali nen hmanhmawh taka rawn lût in,

"Man rawh u, ani hi tual thattu chu A nih hi" Sawmpuii chuan arawn ti ta mai, hrilh hai zetin ka lo enkiau ringawt.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:46 pm

Chutia ka lo enkiau lai chuan ka kut ah Kawl lian tak hi min rawn bun tîr ta mai, ka hrilh hai lutuk chu awm dân tûr pawh ka hre lo, min tih ang ang chuan ka lo awm top mai ni,

"Ka ring che, ka fanu enkawl tur hian nang tluka duh ka nei ngai lo asin, ka unaunu ang maia en che ka tum laiin tiang hian engtin nge min tih theih?"

A tih pawh chu ka chhâng thei lo, Room aṭangin ka nu chu thinrim zet hian arawn chhuak hlawk hlawk a, ka hmai ah arawn bêng nghâl ṭhuai, a thîp vang vang mai,

"Engtin nge ka mo atân ka lâk luh theih zâwk che? Keima thiam loh vek a ni" khûr hlawk hlawk hian a ti a, ṭap leh tûr chuang ka awm tawh lo, ka ding mar thei ṭawk ṭawk chauh a ni, John chu ka va en a, ngawi rengin min hnungchhawn zâwng hian alo ding hmak nia,
"Tûnah ka that lo, Tual thattu ka ni lo" ṭap chung chuan ka ti a, ka âw achhuak chang chang chauh, mahse kawngkhar lam chu min pan pui lui ta tho a.


"Lawk in, Lo ding teh u"

Tih rî ah chuan kan ding dat, rang zeta ka leh hawi lai chuan John-a hmanhmawh zetin arawn pên phei pâwk pâwk mai,

"Keimah hi min hruai zawk mai rawh u, Ka fa a pai mêk a, Jail ah ka awm tîr thei lo, Khawngaihin"


Arawn tih chuan mak ti lutukin kan en ṭhap,

"A ni thei lo, A theih loh, He hmeichhia hi engtin nge hûm ṭal i tum theih a?" Ka nu chuan arawn ti nghâl tawn tawn a, a hmêl aṭang chuan A thuthlukna a sawh sawn dawn lo tih ka hria, mahse thil dang zawng zawng aia min ti lungngai tu chu, ka thah anih a ring ve tlat hi a ni.


"Tual thattu a nih leh nih loh ka pawisa lo, hrehawm takin ka awm tîr thei lo a ni mai" chang fak hian alo ti nih chu,
"Bâkah, a thah anih ngei em tih finfiahna ṭha tak ala awm hleinem" ati zui sup a, ka lo maimitchhing vang vang ringawt, khâ thû kha ka hre ngam thlâwt lo,


"CCTV delete tîr tu kha amah a ni tih fin fiahna ṭha tak ka nei a, chuan, Bawihtei oxygen kha tu emaw phâwk sak ngei a ni tih finfiah a ni tawh bawk, a hmu hnuhnung ber tu chu Nutei hi a ni, a chiang mai alawm" Sawmpuii chuan alo ti hmarh hmarh a, mittui tla zawih zawihin Sawmpuii thinrim hmêl rum âl chu ka en tlawk tlawk ringawt.


"Sawmpui, i hre dik lo pawh a ni thei, a fanu ang chiahin a hmangaih asin"

Rinfela chuan alo ti ve bawk a,

"Ni lo, lamah ka ṭang char char a, mahse finfiahna ka neih zawng zawng hian Nutei a kâwk vek, Chuan a thah nachhan ah pawh khân i tel ve, Nang hian i unaupa nupui hi I hmangaih a ni lâwm ni, in pahnih inkar hi lo hria in a ka hup nan in that pawh a ni thei, i hriatpui ve tiraw?"

"Duhtâwk rawh" ka ti vîn tuar a, ka tuar thei tawh ngang lo, ka chanchin dik lo tak taka an phuah chhuak hi mak ka ti in engtin nge an thiam zawk le ka ti hial a ni.


"Kei hian ka pasal hi ka phatsan ngai lo a, tual lah ka that hek lo, Ni e, kei hi min man rawh se, Police tehian thudik hai chhuak ngei se ka duh a ni, kal ang u, He in ai chuan Jail pawh ka tân anuam zawk"

Khûr hlak hlak chuan ka ti a, ka hmai min tuam sakin pawn lamah min chhuahpui nghâl a, vawikhat pawh ka hawi lêt lo, ka na êm a ni, ṭah ngaihna pawh ka hre tawh lo a, na leh tûr chuang pawh ka awm tawh lo, hei hi ka chan tûra khuanu ruat anih chuan lawm taka pawm chu harsa ti dâwn viau mahila awmzia a awm tawh lo tih ka hria, engtikah emaw thudik an la hre chhuak anga, an la inchhîr ang, mahse chu tih hunah chuan kei hi ka awm tawh kher lo anga, ka pasal ka hmangaihna pawh alo dâk tawh ang, ka rilru a lêt tawh lo anga, Mal tak leh khaw har takin thlamuang tak siin ka nun ka hmang tawh ang, Hmangaihna vânga natna rapthlâk tak lo tuar tawh hmeichhia hmachhawn tûra chakna an la nei ngawt te anih loh chuan.



Ka hmangaihna leh ka rinawmna hrethiam ngai lo tûr pasal ka lo nei leh ka thianghlimna hial hlâna fa ka lo nei hi he khawvela ka damchhunga ka inchhîr na tûr ni mahse, Nunhlui duhawm tak min hnutchhiah dawn avângin engtikah emaw lawmthu ka la hrilh ngei ang, mahse chutih hunah chuan ka hmangaihna a dai tawh dawn si a, chu chuan min ti lungngai takzet a ni.



Police lian ṭha tak hmêl ṭha vuah mai hma ah chuan ka ṭhu ngui lap a, Rinfela kha Engtin nge a awm tak pawh ka hre tawh lo, constable hmeichhia pahnih in min vêng rân bawk.

"Nau i pai tih i pasal khan a sawi a adik em?" Arawn tih chuan ka lo bu nghauh nghauh a,
"A nih nangmah ai chu kan tân tîr mai dâwn em ni?" A tih chuan ka lû ka lo thing leh ringawt a,

"A nih, i pasal a fanu chu i that ngei em?" Arawn tih chuan ka in hûm ruh nasa kher mai,

"Ka pu, nang hian min hrilh teh, ka thah i ring em?" Ka tih chuan min rawn en vang vang a, ka mittui aṭang ringawt pawh hian pawisawi lo ka nih zia chu hmuthiam se ka ti, Ka naupan lai aṭang tawh in thiamthu sawi zuah zuah mî ka ni lo a, an rin tura ṭawng kam han hman ngaihna pawh ka hre hek lo.

"Chu chu enge i tân ṭangkaina a awm em ni?"
A tih chuan mittui tling kiau in ka nui hak,
"Awm lo e, Hei chiah hi ka sawi ang, Ka fanu kha ka hmangaih lutuk, min ngai em em bawk, ka tello in School ah bák akal ngai lova, a mut dawna ka fawh loh chuan A muthei ngai hek lo, khâ hmeichhe naupang tû pawi mah sawi ngai lo rilru thianghlim lutuk that tûr khawpa huatna nei mahila ka ti ngai lo ang"

Ka tih chuan min en vang vang a, a hmêl damthlup aṭang chuan A rilru tur awm ang ka hmu thiam thei tlat lo.

"A nih i pasal nên in in hau ngai em? Ngaihzawng dang vang emaw"

"Mmm...hau ve zeuh zeuh, mahse thil liantham a ni lo a, han thinrim reng na tur khawpa thu liantham a awm ngai lo"

Ka ti leh a,

"A nih chuan Zan in chu lock-up ah kan dah phawt che anga, Naktuk lamah kan inkawm leh dawn nia" tihpah chuan A tho vut a, Hmeichhia pahnih chuan min rawn kai hrang nghâl a,



Jail chhûng thim reuh ruih bâl zetah chuan min hruai lût in hmeichhe pahnih hmêl rap awm zet zet bulah chuan min dah lût a, kîl khatah chuan ṭhu in ka rilru ka kawm zui mial mial ringawt.


"Hey....enge i tih sual a?"

Tihpahin hmeichhe pakhat chuan min rawn bia a, chhâng en ah pawh ka en lo,

"Lawkin, a pasal fa that tu kha ini chiang"
Pakhat zâwk chuan arawn ti, an thawmhnaw hâk leh an mit meng dum hêng huam aṭang chuan Call girl ṭawng zet zet cheng za hnih za thum vela lungawi an ni tih ka ring thiam nghàl mai,
"Awhaw...keini ai pawn a rapthlâk zawk" tihpah chuan an nui uar uar a, ka nin êm vâng chuan meng kual ralhin ka beng ka hup ringawt,

"En teh, tual athat a a chapo zia saw, Hey...i va in la reuh ve a, ka bêng hrep mai tûr che sin"

Arawn tih rî chu ka tuar thei tawh lo,
"Tual thattu ka ni lo, tiang khan min ko tawh suh, nang ang hmeichhe ṭeng hneng lutuk" thinrim zet chuan ka ti vîn tuar a,
"Enga?!...engtin nge tiang chuan i ṭawngkam a?" Tihpahin min rawn kêk bu ta lâwp a, ka theih tâwpin ka lo sual lêt ve nghâl, chutah chhuat châr ah chuan tlu dawtin ka pum ah chuan min pêt nia, pakhatin min lo bawh bet zui bawk.

Kan thâwm ah chuan an rawn tlân khâwm a, Constable hmeichhia pahnih chuan chû mi techu rawn hruai chhuakin kei erawh ka pum chu namên lo a nat vângin ka pum dâwm chuan ka mu kawm vâng thung, ana lutuk chu sawi ngaihna pawh ka hre lo.


"Hey...i ṭha em?" Hmeichhe pakhatin arawn tih pawh chuan ka chhâng thei lo, ka thâ a khûr nasa bawk si, "Ka pum" khûr dar dar a tihpahin thâwm ka la deuh halh halh a,

"Ehe!...thisen...thisen a nih hi"

Tih rî chu ka hre hla tial tial a, arawn thim ta mup mai.




JOHN POV



"A pawi ka ti khawp mai John, i nupui hi ka hman ṭangkai angai"
Arawn tih chuan Sawmpuii chu ka en vang vang a, finfiahna zawng zawngin Nutei kâwk mahse tual thattu anih hi ka ring thei lo a, ni leh lo, ka ring phallo a ni zâwk mah.


"Engtia hman ṭangkai in maw?" Ka lo ti hû thung,
"Tual thattu a ni lo, tual thattu dik tak zawk chu Thelma a ni, Khâ tleirawl security kha keipaw'n ka va hmu alawm, mahse A dawt a sawi tih ka chiang lutuk, chuan Hospital a Rinfela'n Nutei a koh lai khan Bawihtei room aṭang khân Thelma rawn chhuak lai ka hmu a, mahse ka lû hai êm vângin mumal lo deuhin ka awmna ah ka va mu leh mai a, Thah tuma kal a nih rin ngaihna ka hriat loh bâkah ka hmuh sual mai mai a nih ka ring a, chuan Bawihtei kan vui laia a room a ka kal khân kawrkilh dum lian tak hi ka va hmu a, mahse ka chhar lêm lo a, nichin lawka ka rawn kal leh khân ka hmu tawh miah lo, Thelma in ina a awm chawt dan te, engkim kha ka ringhlel zo tawh, mahse tih dân pakhat chiah ka nei, Nutei Jail tân tîr phawtah ti chuan Thelma hi in puan tîr ka duh ta a ni"


A tih chuan keipaw'n ka rin sa a nih vâng in mak ka ti hran lo,
"Mahse engmah ruahman lâwk dan tûr ka hre lo" arawn ti chuai leh raih a, Bawihtei a pianni tih loh kha chu Sawmpuii laka ka lawm ber ni a ni ngei ang, chuan ka rilru ah thil pakhat a rawn lût nghâl.

"Bawihtei room ah khian tual thattu in engmaw a hnutchhiah alâwm, Aman a zawn hunah engkim kan hre mai ang"

Ka tih chuan Sawmpuii chuan arawn ti a, tichuan pasal tûr te nên chuan remruat in Bawihtei room ah chuan camera kan kam a, Thelma chu in puan tîr ngei kan tum ta a ni, Chumi hma chuan ka nupui kha, ka lo la ngaihven miah lo.


Police station lam chu hmanhmawh zetin ka pan a, ka nupui tereuhtê kha a ril alo ṭâm tawh ngawt ang tiin an ei duh zâwng techu ka lei sak a, Bawihtei vânga hrehawm tam tak an tuar hi pawi ka tiin hrehawm ka ti hlê a, mahse A tawrhna tehi engtikah mah ka theihnghilh sak ngai lo ang.


Police ho bulah chuan hmuh ka dîl a, an lo phal hlauh mai, phûr tak chuan ka lo nghâk rân a.

"A pawi ka ti khawp mai ka pu, i nupui chuan hmuh che a duh loh thûk a sawi a"

A rawn tih chuan ka hnual rawih mai,
"Engvang nge? Thil pawimawh tak hrilh tûr ka nei asin"

Ka tih pawh chuan aman a duh tlat loh vângin ka hmu thei ta lo, mahse A thil tûr ka leisak ho chu ka pek tîr ta tho a,


Beidawng zetin ka haw a, mahse A tuar rei tawh dâwn lo, in a ka haw chu ka nu leh Thelma chuan zanriah an lo ei mêk a, ka kîl ve nghâl,
"Bawihtei room ah khian tual thattu in engemaw hnutchhiah a nei an tia, mahse chu chu Nutei ta a ni lo awm e" ka tih chuan Thelma chuan A Fian ken lai sa thlauh ri dawt mai, ka nu nên chuan ka en hû a, a hmêl aṭanga hlauh thawnna ka hmuh chuan ti fuh ka in ti hlê.

"Engtin chu chûng te alo hriat a?" Ka nu in a tih chuan "Ka hre lo, Nutei khan a sawi a, Police ho in rawn lâk an tum a ni âwm e" tihpah chuan ka ei zui mial mial a, Thelma a rûk a ka mit mei lai chuan alo meng kual zêk zêk mai, han khawih hrep mai techu ka duh rum rum a, Ka nupui vângin ka la insûm hrâm hrâm a ni.


"Kan misualnu chuan dawt bâk a sawi lo ang'e" ka nu chuan A ti zui hlak a, ka inhûm ruh nasa hlê, he thil ah hian ka nu hi an tel ve a nih ngat chuan ka nu a ni tih ka theihnghilh phah ṭhak ka ring.


NUTEI POV


Khum ruh ang reng takah chuan mu kawm ngalin ka mittui luang ngiai ngiai chu hrûk pawh ka tum hran lo, ngaiin hmu châk viau mahila tûnah chuan ka haw takzet a , a hmêl ka hmuh chuan ka rilru thar leh in ka rilru no a chhuah mai ka hlau a ni.


Vanneih thlâk takin nichin vâng khan ka naupai tan hlauhawm alo awm lo hlauh a, chu chu ka tân a tâwk lutuk, a ṭûl anih chuan Jail ah pawh ka hring mai ang.


A ngai tê bawkin khâ Police pa nên bawk khân kan in lâwm leh a,

"I naute chu eng a an?" Dam thlupa arawn tih chuan " A ṭha e, min ngaihtuah vâng in ka lawm lutuk" ka lo ti deuh sap a, a ding nuih suk mai,
"I pasal i hmu duh lo tih an sawi a, ngati nge?" Ei tûr min rawn pêk pah chuan arawn ti a, rang taka ban in ka lo ei nghal mawlh mawlh mai.

"Ihh...ka chhâng lo thei che ngem?" Ka tih chuan arawn nui hawk a, "Awle, i mimal nun chu ka zâwt lo mai ang che" ati dam leh thlup a, a hnu deuh ah chuan "Pasal i nei hma hle mai" a ti leh ringawt a, ka lo kûn lap thung, ka duh vânga nei ka ni lo tih erawh ka sawi lang lo.

"A nih khá naupang kha engtik nge i hmuh hnuhnun ber?",

"Zinglamah a School kal dawn in" ka lo ti vat a, thu ho deuh deuh chu min zâwt nual a, nidanga ka nin ṭhin nen, Tûn ṭum erawh ei tûr tui tak min pêk vângin ka ning lêm lo.




Kâr khat lai chu Jail ah hun ka hmang ta, Ka pasal min hmu tûrin arawn kal ziah a, mahse vawikhat mah ka hmu lo, Jail chu nuam ka ti ta zâwk mah in ka hria, eng thu thar mah ka hre ngai lo a, hriat pawh ka duh hek lo, Khâ Police pa khân min rawn tlawh ziah a, eitûr tui tak tak min rawn ken ṭhin, tûnah phei chuan kan in nêl tawh hlê, ka thlâ ati muang ve riau a, keipaw'n ka ngaina, ka unaupa ang mai a ni, Rinfela erawh chhuah a ni a, min rawn tlawh ve ziah, ani pawh ka hmu duh lo, engkim theihnghilh a nun bul ṭan ka duh a ni, khâ ka nunhlui rapthlâk taka kîr leh ai chuan Jail a ka dam chhûng hun hman pawh ka duh zawk.



"Lalnunmawii a awm em?" An rawn ti lâng lâng a, "Aw awm e" ka lo ti vat, hmanhmawh takin ka va kal hnai a,

"I pasalin a bêl che a, tual thattu chu an hre chhuak tawh A ni âwm e" chu thû chu......

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)