Dear John BY Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Dear John BY Hlutei Jocund Pachuau (Completed)

Unread post by Ngaia » July 11th, 2021, 12:40 pm

0ou1u5qy.jpg
"Papa, engtia rei nge kal la ngai dawn a?"

Tiin ka mal chunga thu ka fanu kum 6 mi chuan min rawn en chho kiau a, ka la kal ngai loh vangin keipawn ka hre bik hauh lo.

"Boihte, A hla tawh lo ania, A pa mal chungah khan muhil daih rawh" ka nu chuan alo ti vat, thawk lak hawk pahin pawn lam chu ka thlîr vawng vawng a, ka nu min tihdan teh hrep chu ka ning viau na in Ka pa thurochhiah min pek a intiam bawk si, ka pa hi kumthum kal ta khan a boral tawh a, ka pa hi Private Lander niin, pa hausa tak a ni, a sum hmangin sumdawng lian ho an sum dawnga Kan ram thenkhata Hotel sakna leh a hmunhma hi ka pa ta a ni, ka pa hi engtiang chiah a hausa nge tih hi Mi tam takin hriat an chak thin, kei a fapa takngial pawh hian ka hre lo, ka pa a boral tak avangin kei kum 15 ka nih atanga min lo zirtir thin ang leh a fapa ka nihna angin ka pa ai ka awh ta a, mahse ka pa anga fing leh rorel thiam ka nih loh vangin min zuam tu tam tak an awm thin, ka pa thurochhiah chu ka in lak len na leh Ka pa in rim taka alo thawhchhuah sa ka enkawl chhunzawm zel theih nan ka mamawh takzeta, ka nu lah hian min pe phal thak lo nen, Intiam kamna neiin Ka fanu ka hmangaih em em nu tur nei turin leh a duhthusam ngei ka neih chuan a thurochhiah chu min kawl tir a intiam ta a ni.

Kei hi ka hming chu Jonathan Vanlalnunfela ka ni a, Collage ka kal ve laiin Tuna Boihtei nu nen hian intawngin Kan chesual zauh a, A rai phah ta hial a ni, khami tuma ka pa in min sawisak nasat zia kha aw, Tichuan Boihtei nu chu ka nei ta ngei a, Mahse Boihtei kum 4 a nih hian amah zawkin min thenin min chhuahsan ta a ni, kan nupa nun kha anuam ngai lo a, In hmangaih lo na na na chu ngaihzawng dang tepawh kan inneihsan lawp lawp thin, Boihtei nu tepawh hi chhungkaw hausa ve thawkhat tak an ni a, then eng ang mahila pawi a ti vak lo tepawh a ni mahna, ka hna leh ka fanu chauh ka ngaihtuah laia Kum 36 lai hman ve tawh hnu ah ka nu in thingtlang kilkhawr taka athiannu fanu nei tura min ti tlat hi ka hrethiam lo in ka tuilo kher mai.


A hmeltha dawn lo tih chu chiangsa a ni phawt anga, Mahse a nungchang erawh chu a tha phian in ka ring, Ka fanu a enkawl that theih phawt chuan pawi ka ti lem lo, thingtlang nula pakhat hmu tura Mizoram khaw tawp, a awm ve tih pawh ka hriat ngai lohna khua a ka kal hi ka ring ngai lo, eng ang hmeichhia tak niang maw.



"Aw..hei kan rawn thleng tep a, Hello....Hello??? Signal a bo daih"

Ka nu chuan hnunglam seat atang chuan a ti leh lung lung thin, ka thinrimna leh dawhtheih lohna lo kal techuan min tur ut ut mai, Chutah Kan driver Faka chuan a Car khalh lai chu a ti tawp deuh chawt a,

"Tinge a?" Ka nu chuan arawn ti ruai mai,

"Ka pi, kawng mumal pawh a awm lo, en ula" tihpahin hmalam chu a kawk zauh a, tah tepawh a chhuak rum rum e a, kan hmalam an khaw kawng chu Metal pawh a ni lo, laih chawp niin a rualrem lo em em lehnghal.

"A lo la ngai reng mai, ka lung tepawh a leng vawng vawng alawm" ka nu chuan a ti duh lek chauh, ka nu te khaw hlui a ni tak e,

"Ka pi, ka tlan dawn tho ami?" Faka'n mak tih hmel zeta arawn tih lai chuan, "Aw kal tache, mawl lutuk" ka nu chuan ati deuh hluk a, Faka'n min rawn en chuan kal turin ka mit mei zui zauh.





A ni lo lam lama kan thlêk dul dul hnu chuan In lo ding thap chu arawn lang ve ta tiar a, ka thaw huaiin ka hria,

"Kan thleng ta, Boihtei kha kai tho rawh A nu tur te in kan thleng dawn nia" ka nu chuan a ti deuh chûl a, ka thinrim lutuk hi ka puakkeh lo chauh, an khaw tawn tirh ah chuan biakin lian vak lo hi alo awm ve a, a fai reuh hle nghe nghe, ka nu te hi an naupan laiin hetah hian an lo awm ve thin a, mahse Aizawl lamah rawn pemin ka pa nen an innei zui ta kha nia, In lian vak lo hi inhnaih te te hian alo awm ve thap a, an tual zawlah chuan Ui leh ar an tla dûl dûl bawk, khawlai ah ui êk nen naupang ho lo infiam ka hmuh techuan ka thinrim lutuk hi ka puakkeh lo chauh, Ka nu mi thlansak hmeichhia chu tu tak niang maw, thlalak min rawn tur tak ngial pawh annei lo kha nia.



Kan motor bal zet chu naupang ho chuan an rawn la ûm zui,

"A pa tinge naupang ho hi an va bal hlawm" ka fanu tereuh chuan thophang zet hian rawn ti reuh a, ka nui suk ringawt,
"Boihte, api pawh hi maw, ka naupan lai chuan tiang hian ka infiam ve thin alawm, i upat hnu ah alo ngaihawm zia hi i hrethiam ve mai ang" ka nu chuan phur hmel fê hian arawn la ti zui.



Rei vak lo kan tlan hnu chuan In fal ve tak pakhat, A bang tile a chung rangva, a chhuat lei hi kan thleng nawlh a, a bul velah chuan ar in leh vaimim te, thlai chi hrang hrang a lo awm tiar mai, In lian ve tak hi a ni reuh a, a hmun lah chu a zawlin a rem em em lehnghal, an in kawta motor rî an hriat veleh nu tê lampang thur bap mai, upat ve hmel tawh tak hi a rawn chhuak a, a hnungah chuan Putar han ti mai ila la tar lutuk lo hi arawn chhuak ve bawk, chutah rawlthar mipa pahnih vel chuan kan bungrua ken techu an inchhung lamah chuan Faka chu an thiar luh pui sap sap a.



"In rawn thleng tluang maw?"

Tihpahin chu mite nûpa chuan min lo chibai sap sap a, Boihtei lah chu hmelhriat hmu ngai lo tih takah a zum dêk mai,

"I upat hmel lutuk ania Maram, Awii aww...ni tak, hei hi ka fapa leh ka tunu techu an nih hi"



Tiin ka nu chuan ka hnungah chuan min rawn beng thawk thawk a, ka lo phu deuh uih thei, ka nu mizia hi chu a dang ve thei ngawt mai, pitar chu a thiannu a ni tih hria in an pa nen chuan ka chibai ve mai a.



Kan inchibai lawp lawp hnu chuan an inchhungah lutin an thuthleng dûp lem lo takah chuan nuam lo ti zetin ka thu a, Khua a lum a an in chu a dai phian reuh a, a zia phian mai, thingpui techu an han lum sang sang hlawm a, An fanu tur awm ang reng reng ka la hmu miah lo,

"Khawnge, Nutei chu?" Ka nu chuan hawikual hrak hrak pah hian a han ti a, kei erawh tui lo zetin ka thu ngawi ngul thung, an inchhung bungrua en reng reng chuan chhungkaw khawsa thei tak anni lo tih ka chiang,

"Mama, Khawnge Lalnui kha? Amak chhuak suh kan ti lawm lawm sia" a nu chuan ahan ti zui hlak hlak a,

"A in marble, Pa Roa te in kawtah" an tlangvalin arawn tih chuan Faka chu arawn nui chhuak hawk, kei erawh ka thin a rim tûn reng thung,

"Ala a lutuka abuaithlak tak tak a ni" A pa chuan inthlahrun hmel tak hian arawn ti dam dup a, ka lo nui lui suk ringawt, a ruk chuan ka inhûm ruh nasa kher mai.


"E taka In silfai in duh takin"

Tiin Ka nu thiannu chuan towel hi min rawn pe a, ka han tuailet chu Chukchu lianpui hi arawn vak chhuak a nih chu, ka thinglawp a ka thlauh nghal dawt thei, ka ke ah ala rawn vak zui, rang takin ka ding hluai a, ka'n per tak tak mai chuh chhuatah chuan a tla ri thlawp a, kan driver leh Ka Fanu lah chuan an hlau ngang aniang an tê chûl mai, chutah vuak tumin Ka nu thiannu chuan dekchi chhin hi a rawn lek vû a, a vaw dawn chiah tihin tu emaw hian a kutin arawn beng per thlawp a nih chu, kan reh nghal duak, ka chunga thil thleng zet chu a rapthlak ka ti takzet a ni, arawn beng hlum tu chu Nula lian vak lo niin a ngo veng reuh a, a hmai abial kerh bawk,

"Chukchu mai mai nih hi a hlauhawm loh"
Tihpahin tukverh ah chuan a theh thla lawng lawng nia,

"Hei hi Nutei chu a nih hi, inchi bai ula"

Ka nu thiannu chuan a rawn ti ta mai, ka chil ka lem khawlh ringawt, chutah a chukchu ben hlumna kut ngei mai chu a rawn phar chhuak a nih chu, lehlamah marble a hum tan bawk, ka huau in ka en reng ringawt, ala nui ang ver ver lehnghal a, T shirt dum lian zet ha in kekawr thawl zet a khûp thla lang kulh khawpa thawl hi a ha anih chu, a ke lah chu bal em em lehnghal,


"Engemaw itih le? Va inbual fai phawtteh"

Tihpah chuan a nu chuan room lamah chuan a nawr lut ta rawk rawk a, ka nu chu rum lutukin ka melh nghal hrawk, min la en tha duh miah lo thung, ka nu hian min hrem ni maiin ka hria, "Ka pu, ani kha i nupui tur chu maw?" Kan driver chuan arawn ti sur sur a, rum lutukin ka melh hrawk ringawt.



Tlai ah chuan chaw chu kan kil ho thap a, ka hna a chawl reng thei ka nih loh vangin Naktuk tukleh maia haw lehnghal tur kan ni a, tah chuan Ka nu thiannu te chhungkua hi kan hruai thla tel nghal bawk ang.


Chaw ei lai chuan a thutna ah a ke lehlam hlangin a ke pakhat chu a then lauh lauh a, henu hian ka chaw ei pawh a ti tui lo e a, ka thinrimna tihlan chi a ni bawk si lo nen, ka puar thu sawiin ka kham ta daih a, ka fanu lah chuan Ka nu thiannu te chhungkua chu a nel em em lehnghal.


Pawna an thutna siamah chuan thu in zan thla eng nuam tak, van boruak thiang kûk kara arisi pe tiar chu ka thlir vauh vauh a, Engtin nge ka pa ai ka awh zo ang, tumah hian min ring bawk si lo, ka hah takzet a ni, ka thluak hman aiin keichuan tharum hman hi ka awlsam zawk bawk si, Pu Chhuana kha lo hnek kher lo ila tha tur tih techuan ka in ngaihtuah zui vawng vawng a, hetia ka awm bo chhung pawh hian ka pa hnuai ami kha Hotel nei tupa khan min paihthlak dan tur a ngaihtuah mek ang chu, ka nu thil tih dan hi hun khawhralna mai mai niin ka hria, tho phutin luh mai ka tum chu ka mi hmuh chuan min ti phu zawk, ka let awk thei.


Phawk fe hian min lo enkiau a,

"Thingpui" tihpahin a thingpui no ken chu min hnawn titih nghal, a chet dan atang hian ala upa lo hle tih ka hre mai, tin a hmeltha reuh hle bawk, Make-up a hmang lem lo , a te fel êt reuh a, a hmelah chuan a tling viau na in, ka ngainat zawng zu ni thak lo a.


"Kum engzat nge inih?"


Tha tak chuan ka ti ve mai a,

"Engatan?" A rawn ti hmak nia, biak lah chu a har reuh phian lehnghal, a laka that ka chhuah hi lawm hlê zawk tur a nia.

"Ka hriat chak vang a ni lo, Ka nupui tur kum zat miin min zawt ta se engtin nge ka chhan ang?" Ka ti ta zêk a, ngeiawm zet hian a hmui tihpawrh zauh, meng dur khap hian min en ve kar nia.

"Kum 22, en teh pu a, Ihmaw...ka hrilh ve mai mai ang che, kan lo inneih ta a nih pawn, i kawt hmawr pawn min khawih hlek suh ang che i hria em? A nih loh chuan "

"A nih loh chuan enge?"

Ka lo tih khalh vat a, "Ka that duh hial ang che, i hria em?" A ti ta reuh a, ka nui chhuak hawk, Nupa nun hman awmzia pawh a hre ve dawn amawni,

"Duh lo ta ila"

Ka tih chuan chal chuar nang hian min rawn en a,

"Han duh lo vaih teh" tih nghek pah chuan a lut tau ta nghawng nghawng a, run luih ka chak tlat pek a nih chu, nui vur vurin ka thingpui chu ka in ka in a, a zawh dawn lama ka inzet chu ka phuh chhuak rang ngang mai, a fè alo la lang nuau nuau nia, chutah hmeichhe nui ar ar rî ka hre zui nghal, ka hawi phei chu varanda atang chuan naupang chhia zetin kha nu tereuh khan lei min lo chhuah khum nia, a chak lo khawp ang.


LALNUNMAWII (Nutei) POV




Khumah chuan ka inlet ka inlet a, tinge pasal ka neih kher a ngaih? Kha mihring chapo zet lehnghal kha, ka chênpui reithei dawn lo tih ka chiang, kan inthen leh vat phei chuan nuthlawi vargin ka ni ringawt dawn tihna nia, haaa....mut pawh ka mu thei lo, a lum si, pawna thutna awmah chuan thu in ka in ngaihtuah vang vang a, kei leh kei lo angin ka rilru a buai ve takzet, ka neih loh chuan kan in hi khami te ram kha a ni si, chhungkhat kan nih chuan man tlawm te in ka nu leh pa in an lei thei anga, Ka pa pawisa khelh thin laiin a lo dah kham ve ngawt kha nia, ka pa vang vek, mahse ka thian tepawn fa annei duah tawh a, neih ve chu ka duh tho na in, Ngaihzawng ka nei ngai bawk si lo, rîm tu takngial pawh ka nei ngai lo kha nia, ni e, pathlawi mah ni se a hausa in a hmeltha tho a, Mihausa nupui ka nih hunah chuan enge ka lei hmasak ber ang aw? Ka unaupa tan hian A awh ber mobile phone ka leisak anga, ka nu tan Chawlhni kawr mawi tawk nen, ka pa chu safari suit lei sak ta mai ila, Mahse mi chapo zet pa pui rauh hi alo uikawm phian ang a, huizzz....ka ngaihtuahna techuan min ti hah ve ut ut thei nia.



Ka hnunglama thawm ri rak ah chuan phu zawkin ka hawi let vat a, kha pa lek kha alo ni, mengkual ralhin ka thaw zui hak,

"Thosi leh vaihmite karah chuan i mut theih kha ka ring lo reng a ni" ka ti zui sap, ngawirengin ka bulah chuan arawn thu thla ve mai, rilru hahna lian deuh nei reng a ang ka ti hepa hi, ka ei zawng pawh ni hrep lo e a.

"En teh i kum zat pawh ka hre miah lo"

Ka han ti ringawt a, min nin hmel zet hian a thaw hawk nia, "Kum 36" alo ti bung hmuk, "A nih i fanu saw?" Ka tih chuan "Kum 6 a hmang ve mek a, in in ngainat ngei ka beisei" ati zawi sup a, ka lo bu nghauh ringawt, naupang velh tah nuam ka tih thin zia hi hria se min that duh hialin ka ring,

"A nih , tinge ? Kei ang mai mai hi min neih duh a? Ka tih awmzia chu kei aia hmeichhe fel leh hmeltha pawh i hmu awm tho sia" ka tih chuan dur deuh khup hian min rawn en a,

"Ka...ka lo ring ve tawp a" ka ti bah leh nuai,

"Chhan tha tak a awm, chu bak ka sawi thei lo, engmah ngaihtuah buai lo la, ka fanu tan nu tha tak ni la chu chu a tawk mai" a ti leh a, ka chil ka lo lem ri kuar ringawt, ka ring thei lo, kei hian nu nih ka tlin angem? Ka mumangah pawh hetiang hi ka lo mangpha ngai miah lo, chhang zui tawh lo chuan ka thu ngawi leh ta reng a, a tawng peih thlawt lo ni berin ka hria,

"Kawm i nuam lo si muttui" tihpah chuan ka tlan lut tuk tuk a, eng angin nge min ngaih ang pawh ka hre lo, room ah chuan lutin ka lungphu ri dup dup chu ka ngaithla vang vang a, ka mipa hmuh tawh ah chuan ala hmeltha ber ang, chapo hle lo se chu tiang em em hian ka haw lo tur.


NEXT MORNING





JOHN POV



Tuk thuan kan ei mawlh mawlh lai chuan Boihtei chu a ham bai bai a, mut ala kham lo tih ka hre mai,

"I mut a chhuak a ni maw?" Numarami chuan nui sang hian arawn ti a, Boihtei chu a bu ta nghauh nghauh mai, a zawi deuh ngiai a, ka ngaih tepawh a tha lo rum rum zawk,

"Papa Min pua la" arawn ti zawi sap a, ka khawngaih reuh hle, a motor ruih feh fel hma in kan let thla dawn chu ni sia ka huphurh pui ngei mai,

"Keiman ka lo pua ang che, i duh em?" Rawn ti tu lam chu mak ti zetin ka en vung vung ringawt,
"Hawh lo kal rawh le, Saw ti lai ah sawn Bawng an tam teh mai nia ka en pui ang che aw" a tih chuan Bawihtei chu a bu ve nghauh nghauh a, An in paw ta nge nge e, a chhuahpui ta nghal daih a, ka thlir zui vawng vawng ringawt, kha nu kha ka fanu awmpui tur atan a rintlak meuh em ka chiang lo riau.

"Ngaihtuah lutuk mah teche, a nu a ni vat dawn a, tun atanga an in ngaih hi atha a nia"

Ka nu chuan alo ti mai a, ka chaw chu ka bar chhunzawm leh mai,

"Taka Boihtei chauh kan lo ngaihtuah a, nangni pahnih hi, enge in inkar? I hmel duhzawng te a ni ve reng reng em?" Nu Marami'n arawn tih chuan ka chaw ei lai ka tawp chawt,

"Ka tan chu chu a pawimawh ber lo, ka fanu tha taka min enkawl sak theih chuan a tawk mai"

Ka lo ti fak a, ka chhandan vang chuan an nui tawi tak mai, ka nu pawn min melh rum nasa, pawi ka ti teh chiam lo, in hmangaih tak innei tur ang hrima min cheibawl hi ka ning tan riau.



Tûm deuh hmuka ka tho tur chu Bawihtei tepawh an rawn lut ve leh tawh, Nutei hnungah chuan ngaihtha zet hian a muhil sak sak a, an pahnih chuan nufa tak tak tepawh an ang rum rum mai, ka ngaihtuahna chu duh lo in ka inthing harh vat a, ka kham zui nghal hmak.


Chaw ei khamah chuan naktuk zingkara chhuak tur kan nih vangin an in siam lawk deuh a, Zan in hi man hlan zan tur a ni, ka huphurh lawk ru ngei mai, chhunah chuan an inbul huan techu min fan pui a, Ka fanu pawn vaimim te alo va a hlim pui ngei mai, ka fanu a hlim a, ka pa sum ka vawnhim theih chuan keipawh ka hlim a ni mai, Rin ai takin Nutei nen chuan an inkawm thei phian a, mahse nufa ang ni lo in, thian ang maiin zu inkawm amawle.


Tlai chaw eikham chuan thenawm khawveng te an rawn lut sap sap hlawm a, tin kan cham chhung zawng hian mizo chawhmeh chi hrang hrang min hmehpuiin sa min hmehpui ziah bawk.



Nutei thian te ni awm tak amah angrual ve an rawn lan chuan an ri hlut a, nu ho inrinni zing bazaar ang maiin an ri teng tung mai, engtin nge ka dawh reng theih hi mak ka inti zawk,

"Inpa hi a zei loh viau chuan Fifty shades of grey kha i entir anga" tih vel mai mai sawi chuan an nui uar uar reng lehnghal, ka fanu a awm ve reng vang chuan a rukin a beng ka lo hupsak ringawt zel, an zahmawh sawi hrat dan atang hian an hawizau vak lo tih a hriat mai,



Hunserh te a zawh a An haw rem hnu chuan Nutei chu pawnah ka kai chhuak hlawk hlawk a,

"Khatiang thu bawlhhlawh kha vawikhat mah ka fanu hriat laiin sawi tawh suh ang che u" ka ti ta zêk a, ani pawh a ngawi ta dak mai,

"Nia ka thian techu an mawl lutuk a, mahse kan in hmu tawh dawn hleinem, Naktuk zingah kan kal tawh dawn tho alawm, ka tihpalh a ni"

A ti chuai zui raih a, inchhungah chuan a lut hnak hnak mai, tinge maw a mizia kha a inthlak thut le? A lung a leng lawk pawh a ni maithei a ni, hmeichhia hi chu an lo huaisen mange, mahni seilenna khua chhuahsanin an la kal miah lohna ah pawh an awm ve thei mai zel chu nia.


Keipawh ka lût veleh mai a, Thosi lah chu tam em em lehnghal, zan in chiah ka tawrh a ngai tawh tiin ka insum hram hram a ni, pawn ah bawk chuan chhuah leh tuma kawngkhar lam ka pan chu thawm ka hre tlat,

"Nu, Vawikhat chiah pasal ka nei dawn asin, Thil dang zawng zawng chu ka pawm thei vek, mahse Biak inah pasal neih a mokawr hak ve ngei ka duh, Chu chauh pawh chu min tihsak thei lo mi?"

Nutei aw ri a ni, zêp lo chuan ka khawngaih let ling zawk, tleirawl mai ala ni a, Ni e, vawikhat pasal neih mana Mokawr hak loh chu hmeichhe tan chuan a hrehawm viau in ka ring,

"Chutiang tihna tur pawisa kan nei lo, i hriat kha, ipa pawisa khelh hrat lutuk vangin kan in pawh hi kan chan a ni lawm ni? Nang chauh hi ka in nghahna ini tawh, puitling taka awm tum tache, i unaupa tha taka lehkha a zir theih nan nangtalin mihausa i neih a ngai alawm" a nu chuan a ti deuh hlak hlak a, engvang teh hrepa ngawirenga ngaithla nge ka nih pawh ka in hre lo.

"Ka hria, Ka nun hi in ti chhe vek, ka suangtuahna zawng zawng nen, ka Unaupa vangin High school thleng bak school pawh ka kal thei lo a, Ka unaupa tan hian eng chen nge ka tawrh zel la ngai dawn? Mipa a nih vangin enge a pawimawh bik viauna? Ka nu i fanu ka vetho ka nih hi"

Tap tiau a ati chu thinrim hmel zet hian arawn tlan lut a, kawngkhar bulah chuan kan intawk hlawl, mit meng sen rama rum zeta min enkal hnu in a room lamah chuan a lut tau ta sawk sawk a, a nu rilru hah thaw hak chu ka en vung vung ringawt,

"Naupang mai ala ni a, ilo hrethiam dawn nia"
Tihpaha min luhsan mai a tum chu "Puih theihna che ka neih chuan sawi hreh lo ula" ka han ti zauh a, Nu Marami chu nui sak hian a lut daih, keipawh chhuak tawh lem lo chuan ka mu zui ve mai a, ngaihtuahna a kal thui duh khawp mai, tinge maw mahni inthiamlohna in ka khah tlat le? Sana ka en chu zinglam dar 2 ari tawh, ka harh telh telh emaw tih tur a ni.




NEXT MORNING


NUTEI POV




Carah chuan kan pahnih chauhin min chuan tir a, Ka nu te erawh car dangah an chuang thung, Boihtei pawh a tello, hmeichhe naupang fel tak a ni, keipawn ka ngaina tan dêr tawh,

"I chauh viau chuan i duh leh muhil rawh, Nizan i mengrei sia" a rawn ti dam thlup a, nizan kan tawng ri kha a hria angem le? A hriat leh a tha ni mai, Pasal neih ve mana mokawr hak loh techu, ka titau char char ang ti rilru chungin ka thu tûm bar reng a, ni danga tawng zet zet thin kha tawng pawh ka chak lo, ka thian te ka ngai takzet a ni, engtikah mah kan inhmu leh tawh awm si lo a, ka ngaihtuah zawng ringawt pawn ka tah a chhuak ut ut mai.


"Ka nupui inih hunah chuan i mizia tam tak sim tur i nei a nia, ka hrilh lawk che nih chu" kawngpui en reng chung chuan arawn ti leh a, rum zetin ka melh vak ringawt,

"Mizia te sim theih a nia mi? "

Ka lo ti zui hlak,
"Awm dan mawi zirtir che ka tum" a ti bung leh hmuk a, "Duh lo ta ila" ka lo ti zauh, "Duh lo mahla i zir tho ang, Ni loh pawn i mokawr hak tur ka hauh lawk kha i ha kher lo ang" arawn tih chuan phawk lutuk hian ka melh a,

"Iti tak tak em? Mokawr chu ka ha dawn tak tak maw?"

Ka ti chûl a, ka phawk lêk zo vek tawh,

"Aw ha dawn e, mahse thil pakhat i zawm ve ngai ang" a rawn tih chuan ka awmdan chu insiam remin a thu rawn sawi leh tur chu ka lo enkar a,

"Ka thu i awih tur a ni, ti rawh ka tih chu iti anga, tih suh ka tih chu iti lo ang, a tha em?"

Ka'n in ngaihtuah der vel a, a kawisawi zawnga awm ka tum bik teuh lo, ka nu leh pa mualpho theihna a ni tih ka hre ve tlat,

"A har hleinem, ti hi chuan hahdam takin ka mu thei tawh ang"

Tihpahin darthlalang hma ah chuan ka ke hlang ar arin ka maimitchhing ta hmak a, a thaw hawk ri chuan sawi tum a neih leh tih ka hre mai.

"En teh, a hmasa berah chuan, i ke kha dahthla rawh" a rawn tih chuan rang lutukin ka dahthla nghal,

"I khirh hle mai, tiang techuan kan innei rei thei dawn mawni" thinrim zet chuan ka ti sap a, ka chek zui tlak tlak bawk, a nui suk duh lek chauh nia.





"Hey....harh teh,....Mawli"

Tih ri ka hriat rual chuan ka taksa chu a che dat dat a, ka meng diar diar chu Kha pa kha ka hmu hmasa ber, ngaihtuah chiang hmasa lova rang zeta ka tho chhuak chu kan hmui leh hmui a in tawk thuak nia, phawk lutuk a en in ka hmui chu ka hup vat a, ani lah chuan engahmah ngai lo ni awm tak hian,

"Lût ang kan thleng" tihpah chuan min kalsan nghal nul nul a, keipawh ka chhuak ve nghal mai, ka hawi chhuak chu ka ang zau kher mai, hetiang reng a, In lian hi ka la hmu ngai lo,
"Hei hi kan in tur a ni tak tak em?" Tiin ka nau ka bula lo ka ve huau chu ka zawt a,

"A u, hei hi in pawh a ang lo, Lal in ang mai a ni, U John a techu an lo hausa hle mai" alo ti ve mial mial a, a fanu chu rawn chhuakin rum zet hian min melh reuh nia, a pa leh midang hmuh ah chuan in ngaih tak angin kan lang na a, kan in ngaih lem lo khawp mai,

"Mommy i sam kha a thur lutuk"

Nui tet tet hian arawn ti nia, melh nghek pahin ka tin uaih hman,

"Mommy min ti tei vet suh, i nu leh ipa in an siam lai che in ka tel ve lo reng reng"

Thinrim zeta ka tih chuan min en ta kiau a,
"A nu ini lo tak tak maw?" A rawn tih chuan Ka nau chuan min rawn beng dawt,
"Khatiang te naupang bulah an sawi ngai mi? A u i mawl e" tihpahin min luhsan nul nul a, keipawh hreh zetin ka lut ve nghal, he naupang lah hian Anu anu min ti reng lehnghal.


Ka lût chu ka nu leh ka pa techu an lo hawikual nasa mai, kan bag ken hlui zet zet techu kan pawm tan hlawm a, keipawh ka ni tho.


"Inchung bathroom ah khian han kal la, Shower ah khian han inbual rawh, Towel leh thildang pawh a awm nghal ang" Ka nu thiannu chuan a lo ti vat a, inthlahrung takin inchung step panna ah chuan ka kal chho den den a, hetiang mihausa ho in hi chu Tv ah tepawh ka lo hmuh fo tawh avangin mak ka ti em em lo, mahse hetiang In hi Mizoramah te a awm hi chu mak ka ti reng mai, room pakhat zau zet, Khum lian tak, lehkhabu leh thil dang ka la hmuh ngai loh tam tak awmna ah chuan ka lut hlawl a, a rimtui hum hum bawk si, tu room ber nge ni ang le?

Haaa...tu chupawh ni se enge pawi? A bathroom vawikhat lek hman techu ho emai tihpahin ka bag chu pawm tan in bathroom ni a ka rin kawngkhar chu ka hawng a, alo ni tak tak, mahse hetiang bathroom ah hian ka la inbual ngai miah lo, Tv ami ang vek kha a ni, bathroom chu kharin ka per hrep a, ka room aipawn a zau daih zawk, darthlalang ah techuan in enin ka sam tawn techu ka han phelh a, ka in pose vel nasa mai, mahse rei lutuk ka duh loh vangin ka thawmhnaw chu ka hlip sawk sawk a, tumah rawn lut tur awm ang ka rin loh vangin shower ah chuan ka inphuh tir sar sar a, nuam tak a ni, sahbawn leh shampoo ka zawn lai chuan kawngkhar hi arawn ri rawk a, ka che tawh lo, rang zeta ka hnunglam ka hawi chu tê thawtin chhuatah chuan ka inhup chawih chawih a.

"Enge i tih a?"

Arawn ti vîn thawt nia, ala mengdur khup zui.

"I mawl ami? Ka inbual a nih hi" a aia ring chuan ka ti ve nghal, ani lah thawmhnaw aha bawk si lo, towel chauh alo veng vetho,

"Tunge ka room a lut tur hian phalna pe che?" Arawn ti leh,

"Chutiang in zawhna hun a ni lo, chhuak vat mai rawh" ka awrawl tawpa ka tih takah chuan a chhuak ve ta, ka zak lutuk chu ka inthing hrep a, ka tap lo chauh.


Shower gel ka inhnawih lai techuan a taksa lian zet kha ka ngaihtuah a ka chhîng sawk thei, ka inbual zo chu towel chuan ka sam ka tuam a, towel ka awm atangin ka bih bawk, ka chhuak chu ani pawh a ngai ngaiin alo la awm ve reng a, a thinrim hmel rum ûl chu ka hlau bîk teuh lo,

"Bathroom dang ka hmuh mai lo a, ka hmuh chhunah ka inbual, a hrim hrim in ka lo inbual vang chuan i enge chan tur i neih a? Sual lutuk mai"

Ka han ti zauh a,

"Ka thil engmah hi midang tawm ka duh lo, chu chu lo hria ang che" inseh chilh rap hian min tih khum a nih chu,

"I nupui ni mai tur ka nia, i bathroom ka lo hmang chu enge sual na? Hmmm...i nupui ka la ni dawn tho alawm" ngei awm zet hian ka ti veleh ngat a,

Chutah ka inrin hma chuan kawngah rawn kuahin min pawm nawlh a, ka hmai si chêt hian arawn thaw lum hak nia,

"Ka nupui tak tak anga awm chu i chak viau em ni? Tunah pawh hian kan tan thei reng" ngeiawm lutuka arawn tih chuan adarah ka beng vak vak a, ngah mah a ngai lo nia,

"Min dah thla rawh zaktheilo lutuk" ka ti vin that, tal chhuah tumin ka tha ka chhuah nasa ve hle, khumah chuan min nghat dawtin min bawh bet zui a, ka kut chu ka lu chungah nawr betin a nui suk, rum lutuka melh tlawk tlawk bak tih theih ka nei bawk si lo,

"Min zuam vak duh suh, hetianga ka chêt fo i duh lo chuan thû awih hle la ni mai, i engkim ka hmuh vek tawh kha"

Tihpahin a nui suk a bathroom lam a pan nghal, kawngkhar a kalh hnu chuan thinrim zetin a lukham chuan ka vawm zui a,

"Tenawm" ka ti zui hlak ringawt, alo chhuah hma chuan ka inthlak sawk sawk a, inhnuailamah ka chhuk nghal daih, Kha mi lawilopa kha ka haw ta telh telh in ka hria.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:41 pm

Ka chhuk chuan an awmpui teho chuan ei tur min lo chhawp sak liam liam a, a tui hmel viau nghe nghe, Ka nau lah chu a hlim ngang mai.

"Ka ril a tam lo, mahse ka ei tho ang"

Tihpah chuan a ei zui mial mial a, keipawn ka ei ve nghal, Choka a tui la tura rawn kal chu rum zetin ka lo melh, t shirt dum leh kekawr bul dum a ha a, exercise la tur tepawh a ang zawk,

"In in be ngai lo hrim hrim ami?" Ka nau chuan min nghawk zauh pah hian arawn ti sar sar a, a ke ah chuan ka lo rap chawrh, rak thawt zui,

"Au John-a chu i pian avan nalh" ka nau chuan ngaihsan hmel fe hian alo ti nui var var a, a ke hmawr atanga achhîp thleng chuan ka en ve a, sawisel tur ka zawn ngial pawhin ka hmu lo, a hmel ka en chu alo nui leh suk tawh,

"Gym ah ka kal dawn sin, ilo kal ve duh em?" A han ti a, ka nau chu a meng phawk nasa mai,

"In in ah hian a awm maw? Ka kal ve duh" a ti nghal chûl a, ka nau chu ka nghawk zauh, "Hey...Gym chu enge?" Ka han ti sar sar a,
"A u ivan mawl tak, Exercise an lak na ang hi, thil rit deuh te an chawi a, chuan an tlan velna ang kha khatiang hmun kha Gym chu" a tih chuan ka lu chu hiat nauh nauh in "E....a nih chu" tihpahin ka bu nghauh nghauh a, Pakhata lah chuan nui sun sun hian kan inbiakna chu alo ngaithla kur thung, "I duh chuan lo kal ve rawh" a tih chuan chak lo ang deuha lan tumin ka aw ka thian kharh a, ka mengkual zui ralh, "Mama khan pawi alo khawih takin, vên a ngai dawn sia" tihpah chuan ka tho ve nghal zat a, ka nau lah chuan alo duh lo nasa mai, "Ve che, min ti zak miah suh" a rawn ti lêt zek nia, ka kut tum chu hmuhin ka tin nghal uaih a, John-a a awm vang chauhin ka insûm mai ang.



JOHN-A (POV)




Ka gym a ka luhpui chiah chu an unau chuan an tê teng tung mai, an unau chuan an ri nghal rum rum a, thil an ti chhia ang tih chu ka hlau khawp mai, naupang chhia ang maia an inhnial leh thin chu ka nuih ka nuih ringawt, bathroom a ruak ngal ngata alo ding lai chu ka mitthla ah arawn lang a, ka nui lo thei lo, ka hmu chiang famkim mai sia, khatiang pian nalh lutuk kha helai thingtlang nula tereuh hian alo nei tih rin ngaihna rêng ka hre lo.



Ka tlan pah chuan thil tam tak ka ngaihtuah a, Biak inah chuan zingkarah a ruk deuhin inneih ta mai ila, chuan photo shoot changkang nei ila ka duhthusam a ni, midang an rawn kal ve kher tul ka ti lem lo, towel ka la tur chu min lo ban khalh vat a, ka kuta min rawn pe tu chu ka en ho ringawt,

"Khawnge i nau kha?" Ka tih chuan "A kal tawh" awlsam zet hian alo ti reuh a,

"Enge in ruahmanna hi? Engmah ka hrethiam lo, engtin nge kan inneih dawn? Inbuatsaih ngaihna awm bawk si lo, thuam chhawm lah engmah i nu in a duh bawk si lo" a ti ve niah niah a, a rilru lo buai ve hle ni ngei tur a ni.


"Zan in tlai ah hian facial tih tir ila, Naktuk zingah biak inah pastor leh kan chhungkaw hma ah kan in kut suih anga, chawhnu lamah thlalak tar tur nalh deuhin kan la dawn nia, tah chuan mokawr pawh i duhthusam i ha thei ang"


Ka ti nghal zung zung a,

"Awle, a nih tak chu" tih zawi sap pahin a bu nghauh nghauh a, a mittui tling ka hmuh chuan ka thin asa leh phat tawh,

"Enge ila beisei fo a? Hmangaihna maw? Teuh lo, nupa nun erawh chu kan hmang thei ang, enge ila duh cheu?" A engamah hma chuan ka han ti nghal pung pung a, mittui tling kiau chuan a meng ling ta hlar mai,

"Nang ang mihring hian ka duh hi min pe thei lo, I hausa a engkim i nei, Mahse hre ngai miah lo tu che hmeichhe pakhat nang aia kum 10 laia naupang nupui ah i nei dawn a, hei hi maw ilo dawnsawn dan? Ka laka inchhung viau turin eng thil tha nge i tih a? Khawngaihna ka dîl lo che, keichuan ka vawikhat pasal neihna ah hian mokawr hak ka duh mai a ni"

Tap chung chuan arawn ti ve khar khar a, thinrim zet chuan atlan chhuak nghal, mokawr hak chu engemaw a pawimawh em em le? Tuna a thawmhnaw hak lai pawh saw ha se, a pasal tur chu keimah tho ka ni si a, ti khawpa a hlim lo anih chuan min neih kha pawm loh mai tur a nia.



Tlaiah chuan ka ni thurawn angin facial tihpui tuma sawm chhuah ve ngei chu ka tum a, mahse ka nu nen Ka Card hmangin an lo bazaar daih nia, Ka nu a tel phei chuan an rawn in kengseng leh lo ngei anga, Leng khawthawng mai mai tur chuan ka chhuak ta tho a.


Thianpa Rfa'n min hrilh lawk angin kan kal ziahna thin lam bawk chu ka pan leh ta.



NUTEI (POV)




Kan haw chu kan rit ngei mai, ka ta tur vek a ni leh nghal, Kan nupa room tura an chei that thawmhnaw dahna room lian vak lo ah chuan nula ho chuan min rempui sap sap hlawm a, heng zawng zawng hi ka ta tur a ni tak tak em le? Tlereuh, make-up, pheikhawk, bag, thawmhnaw, Ka lo awh ve em em thin tekha an ni a, hlim tur ka ni, mahse tinge ka hlim miah loh le? Ka chhungril hi ana ut ut reng a, tah thawl hawk ka chak ber.


"I vanneih zia hi, I nu leh pa in kum tam tak kan thawk chung pawha kan lei phak ngai loh tur kha darkar hnih thum chhung lekin i pasal tur chuan a tih sak vek che nia"

Ka nu chuan ka hnunglam atang chuan arawn ti dam dap a, rang taka hawiletin rum lutukin ka melh,

"Vannei min ti amaw? Ka hlim in inhria em? I thiamloh vek a nih hi"

Tih zêk pahin ka chhuak hmak a, Boihtei room lam chu mittui hru tawk tawk chung chuan ka pan nghal nal nal ringawt.


A khumah chuan alo muhil bêm a, ka lungngaihna leh hrehawmna te a bulah hi chuan thup miah lovin ka sawi thei a, a khum bulah chuan bawkin ka tap chhuak hawk a, ruah lah chu a sur nasa em em lehnghal, Ka nu leh ka pa hi ka ngai dawn lutuk, Mama pawh, an awm rei thei dawn si lo, ka damlo der vak mai dawn mawni le? Nge ni anga neilo in ka haw leh daih ang? Ka in ngaihtuah buai nasa kher mai.

"Mommy"

Rawn tial riak tu chu Bawihtei a ni tih hria in ka mittui chu ka hru sawk sawk a,

"Ngati nge i rawn harh a, mu leh rawh" ka lo ti vat a, "Ruahsur hi ka hlau a, apa pawn min rawn la mangtha miah lo" a ti leh niah niah a, "Apa chu a chhuak lawk a, nakinah alo haw vat mai ang, ka lo mutpui ang che aw" ka tih chuan a bu ve nghauh nghauh a, a khum ah chuan ka inhnawh ve nghal, nghalin tawng thei viau mahse ka ngaina riau, in anna tam tak kan neiin ka hria.

"Mommy thawnthu min chhiarsak la" tihpahin berbie thawnthu ni awm tak bu hi arawn la chhuak a, ka keu chu english hian alo inziak nia, english ka chhiarlohna te alo rei ve tawh nen,
"Hetiang chu a ngaihnawm loh, thil dang ka hrilh ang che, Zawngte thawnthu"

Ka tih chuan a phûr hmel ta lutuk a, dawt eng engemaw phuah chawpin ka hrilh mial mial a, ani naupang engmah la hre lo ta na na na chuan alo ngaithla tui ngang mai.


A muhîl dawn têp tih in kawngkhar chu arawn ri rawk a, Bawihtei pawh rawn meng kawkin "Apa" a ti chûl mai, ka erawh chuan en pawh ka en lem lo,

"Ilo haw har lutuk a, Mommy hian min mutpui tawp alawm" ati fiah kak a, arawn ti harh khanglang chu ka lawm lo ru viau,
"Boihtei chu Mommy chuan ava duat ve" an in be lai chu lo ngaithla in a khat tawkin ka lo insiam chhe nghek nghek ringawt,

"Inbia ila, Zanriah pawh i ei lo an ti nia" arawn ti dam thlup a, en pawh en lo in ngawireng chuan ka tho ve mai a, room atang chuan ka chhuak zui nghal, Ka be peih lo, a chhan ka hre lo, a hmel ka hmuh apiang hian ka thin a rim, a room kal pel ngauh ngauh a inhnuai lam pan ka tum chu min pawt lêt dawrh in a room ah chuan min kai lût dawr dawr a.


"Kan inkar boruak hi midang hriattir kher a tullo, a bikin ka nu phei chu"

Arawn tih chuan ka thaw hawk ringawt, ani nena inhau mood ah hian ka cheng rih lo.

"Hre mahse kan inneih dawn tho alawm" ka ti chuai raih , "Nia a dik, mahse midang tih hrehawm tel kher angai lo" a ti leh a, maimitchhing in ka chil ka lem khalh, kei min neih chu hrehawmna ah alo a ni ngei anga.
"Nia ka tihpalh a ni, chuan in rawtna zawng zawng pawh kha ka pawm vek ania, engmah ka sawi buai tawh lo"
Ka tih chuan mak min tih hmel fe hian min en deuh vung vung a, mokawr ka hak chak em em vang a ni lo, ka nu leh pa ka huat em vang a ni zawk, muangchanga chhuah mai ka tum chu,

"Khati khawpa i hlim lo a nih chuan min neih duh loh thu sawi mai la"

Arawn ti nih chu, inher vatin ka nui hak a,

"Ka ngaihdan tuman min zawt ngai lo, ti turin thû min pe thin, ka naupan lai atang tawha chutia enkawl chu ka ni, Hmeichhia ka nih vang leh ka upat zawk vangin, Ni leh lo...sawi eng ang mahila i hrethiam chuang lo ang"


Tihpahin ka chhuak ta nal nal a, fapa mal a ni a, ani techuan Kan khua pawh saw a pumin a lei thei ang chu,


"Nu i, khawnge Bawiha kha, ei nghal ula"

Ka nu (John-a nu) in a rawn tih chuan ka harh zawk, John-a nghak angah min ngai a nih ngei dawn hi,

"E hei alo chhuk alawm, Nu i hian alo nghak che sia, inpahnihin ei dun rawh u"

Ka chhan hma hauh chuan Alo ti lehnghal zung zung a, kan in en hrek hrek ringawt,

"Lo kal rawh" tihpah chuan choka lam chu a pan vut a, hepa hi chu aw, pathlawi ah chuan a zeilo ber awm e, John-a nu in zui tura min lo mit mei zauh vang chuan ka zui phei ve dawr dawr a, dawhkanah chuan chaw leh chaw hmeh ka la hmuh ngai loh te thlengin an lo chhawp dul mai, ka mengkawk thei.

"I duhzawng a ni em?"

Rawn ti tu lam chu hawiin ka bu nghauh a, thutthleng ah chuan thu in ka ke hlang ka tum ûk, a chaw bar thulh meuha rum zeta min en tu chu nuihtlawn sakin ka dahthla leh riai riai ringawt,


Tui ti takin ka ei teuh a, nula anneih nual avangin engmah ka tih ve an phal bawk si lo, ka tih tur nei lo lutuk chu balcony ah chuan thu in ruah hmî tla seng seng chu ka thlir mai mai a, tlanbo daih mai tepawh ka duh rum rum zawk.



JOHN (POV)



A hma a ka beer ken chu a en deuh vang vang a,
"In rawh, i thinrimna tekha a reh vek mai ang" ka tih chuan khap fak fak hian min rawn en a, muangchang chuan a ban ve da da mai, a lak veleh chuan a bulah thu thla ve nghalin keipawn ka tlak nghal pap a, Inkhual telem ang mai niin ka in hria, Chanchinbu lam lah chu tunge ka nupui tur hre chakin an phî cheng hlawm bawk nen, ka hah takzet a ni, beer chu a in ve pap a, engtin vak mah zu awm miah lova mawle, mak ti zet chuan ka en vawng vawng ringawt.

"Hey...Buh zû kan inziah, min bum tum duh suh ka hre vek ania, Buh zû aiin a strong lo a atuilo fe zawk" min tih zêk hnu chuan a tlak leh pap a, ka nui hawk ringawt, thingtlang ah chuan atam viau ang le, mak ka ti leh lo, a thian te mizia atang khan a daisual ve zauh zauh tawh ang, zilh turin pa rawntlak tak a nei bawk si lo,

"Ka pasal inih hunah chuan maw...min duat hlê angai ang, Nitin ice cream min lei ziah anga, Arsa hmeh hunah pawh a bawp leh a nghawng ruh chauh ni lo in a ti thalai te min pek loh vaih chuan" a rawn men ta pual pual a, a tap dawn ta mai, Hmeichhe naupang tah ang mai hian arawn tap ta bai bai a nih chu, thlêm ngaihna ka hre dêr bawk si lo,

"Hey...iva mawl ê...." Ka han ti ringawt a, a tap uar zual sauh nia, "A nih a tha e, i duh duh i ei thei alawm, hetah chuan tuman an hau lo ang che lungngai suh" Ka tih chuan arawn bang ta hmak a, a mittui a hru nghal sawk sawk bawk.

"Keichu maw...Tu ta mah ka ni thei lo, ka unaupa ta chauh hi ka ni, a tan ka piang a, nuamsa taka a awm theih nan hrehawm tam tak ka paltlang asin, Sa kan hmeh apiangin ka nau chu ka nu in a sa ti tha lai lai a pe a, keichuan a tui chauh ka chawm thin, Arsa kan hmeh pawn a nghawng ruh leh a thla te ka ei a, ka nau chu a sa thalai lai a ei thin, Current a awm lohin emergency light pakhat chiah ka neih vangin ka nau in lehkhazir nan a hmang a, keichu bati hnuai ah lehkha ka zir thin, tunah, Kan dinhmun a pangngai theih nan nanghi pasalah ka neih che a ngai leh a, Kan ram saw tlawm te a min lei tir theih nan pasalah ka neih che angai tihna nih chu, mahse maw...lo lei pawh ni ila ka nau rochun tur tho a sin, Ka thin hi a rim lutuk"

Tihtuar pahin a beer cane chu zu hmet khawr vek a, a chak ngei mai, a tap par reng bawk a, a thinrim hmel tai hlar chu en in ka nui suk ringawt, alo tawt ve hlê ni ngei tur a ni, ngati nge maw tun ang lai khawvelah pawh nu leh pa tehian hmeichhia leh mipa hi an en hran fo mai le.

"I thinrim viau chuan, ruah do chung sawn va au chhuah pui la"

Ka tih chuan a pawm zawng tak a ni mahna.... rang mangkhengin ruah tla cherh cherh chu ava do a,

"Lo ngaithla rawh u Lalnunmawii hi mihausa nupui ka ni dawn ania" tap deuh par hian a ti nih chu, ka nuih za lutuk chu ka insum nasa hle.

"Ala ring lo, an hre pha lo ang" ka lo ti vat, chutah a aia ring chuan,
"Kei hi mihausa tak nupui ka nih hunah chuan in chak lo ang, lo ngai reng rawh u, kei hian ka la thungrul vek dawn che u" ring mangkhenga a tih hnu chuan chhuatah chuan thu hnawkin a tap leh bai bai a,

"Hey...i huh vek ange" ka ngaihtha lo chuan ka lo ti vat a, hria ang pawhin a lang lo, a chatthla ta amawni le tih rilruk nauh nauh pahin ruahsur karah chuan ka va en a, alo chatthla tak tak nia, pawm nawlhin ka room lam ka panpui nghal vat.


A thawmhnaw huh vek chu hlih sakin bathtub ah chuan ka mut a, kekawrte leh bra nen chauh a awm ka hmuh chuan a taksa chu en vung vungin ka chil ka lem khawlh ringawt, chutah tui vawt chuan ka han phuh thut a, a rawn harh chiang ngang mai, hnai zetah chuan min rawn enkiau a, saruakin a awm tih hrechhuak thutin a in hup leh chawih chawih mai.

"Eng thil nge i tih a?" Arawn ti vîn that nia, ka tanpui duh hi lawm hle zawk tur a nia,
"Zak buai duh suh, ka hmu vek tawh tho" awlsam zeta ka tih chuan a ngaihdan alo ni vak lo nge ni ka hmai ah chuan arawn beng ri thlawrh nia, a thip zui vawng vawng thei,

"I kut hmawr pawn min khawih tawh hlek suh ang che"
Mit meng ling hlara min en chung hian ati ve khar khar a nih chu, ka nui suk, min beng erawh ka lawm lo viau thung,

"I laka that ka chhuah hi lawm hle rawh, ka sual ka chhuah vaih chuan in ram saw...ka lei tir mai mai lo ang che u" awkin hniam tak si fiah zeta ka tih chuan a hmel arawn danglam nghal vek nia,

"Ni lo, ka...ka tihpalh, tinge maw ka kut hi a ran em em le?"
Tihpah chuan a kut chu a thing vak a, ngawireng chuan ka chhuahsan nghal vat, ka thinrimna sa hut hut chu ka whiskey pawlh dal loh ngei mai chuan ka han tlak hnan zui pap a, kawchhung aso hulh hulh thei nia, chutah ka phone chu arawn ri ral ral a, Pu Khuma alo ni reng mai, ka la nghal vat.

"Aw pu Khum enge ni ta?"

Bah lek lek chuan ka han ti a, ka hmai ka tuai puat,

"Naktuk tlai dar 5 meeting kha ka cancel thei ngang lo, Board member thenkhatin paihthlak che an tum nasa teh ania, I pa ai i awh zo hi an la ring thei tak tak lo"

Arawn tih chuan ka in hûm ruh nasa kher mai,

"Naktuk techu ka nupui meih nî a nia, Hmel ho chuan min hriatthiam an tum miah nange?"

Ka han ti vîn deuh thawt a, heng ho hi dah that vek mai ka duh rum rum tawh,

"Chu chu a pawimawh ber lo, i pa thu rochhiah kha rawn keng la, inring tawk takin awm ang che, i lam ka tang reng a nia, kha hotel netupa chanchin kha ka rawn thawn nual a, i phone kha lo en rawh, A tawng tam viau chuan vo na tha tak a niang, A nupui vawi engzat nge a lerhsan tawh"


Nui hak hak a a rawn tih chuan keipawh ka nui suk, min tham lo hlawm bawk a, tunge ka nih an la hre lo a ni ngei ang, ka nuih vur vur lai chuan Nutei pawh a rawn chhuak chhat chhat a,

"Khatin min en suh" bak hlar a tihpahin bathrobe ha mahse inhup tat tat chung chuan a tlan chhuak nal nal nia, ani ang hmeichhia hi ka la hmu ngai lo, Keite ang mai a ni, a chang chuan zawhte pawh a ang thin tho, Kum 22 nula ve meuh in marble thin kha nupui a ka nei tur hi ka mumangah pawh ka mang phak ngai lo.





NEXT MORNING




NUTEI POV



Inneih thu tiam kan chham hnu in chhungkua in hun serh te kan hmang ho a, hlo thlawh kan tûl tawh em vangin ka nu tepawh tûkthuan eikhamah hian haw an tum a ni awm e, chaw ei khamah chuan thingpui te in in an ti ti leh te te a, kei erawh tûman min be tawng zo lo, ka thin a rim tûn reng mai, ka hne takzet tawh a ni.


"Ka fanu hi chu ala naupang a lutuk a, sawi awm leh awm lo pawh a hre lo, a rilru a awm ang ang hi a sawi top zel a, a thinchhe hle a enkawl thiam chuan a fel ve lutuk ania" John-a kut vuan in ka pa chuan a ti dap dap a, An motor chuanna turin a nghak reng tawh bawk, pawn ni sa ah chuan ka nu te kal tur chu thlahin kan ding thap a, ka awmdan zet chu duh lo in mittui tling par chung chuan ka lo nui hak, ka nu erawh kil khatah a mittui alo hru malh malh thung, Thi turin min kalsan dawn pawh ni hlei lo engemaw an lungngaih em em le?

"Ngaihtuah lo ula, tha deuhin ka lo enkawl dawn nia" Alo ti dam ve thlup a, hnuailam melhin ka hmui ka lo tipawrh nasa mai, ka ke chuan an varanda chhuat chu ka thai nauh nauh a, ka mittui a tlin nasat em vangin hmuh pawh ka hmu fiah thei lo,

"Mambawih, I pasal leh i nu thu chauh hi awih la, keini chu ngaihtuah kan ngai miah lo ania"

Ka nu in ka kut vuana arawn tih chuan ka ter at,
"Engvangin nge ka ngaihtuah ang che u, nuam takin ka nun ka hmang dawn, Ka duh duh ka eiin ka in anga, ka birthday ah pawh cake nen ka lawm ziah ang"

Tap aw lek lek chuan ka lo ti vîn hlar a, ka nu chu a tap nasa zual sauh amaw tih tur a ni,

"Ka tihpalh aw, i nu hi ka mawl em a ni"

Tap tiau hian a ti a, ka kut a vawnna chu ka thing thla lawp,

"In ngaihtuah ka ngai lo, Kal vat rawh u" tihpahin in chhungah chuan ka tlan lut a, choka ah chuan kalin thawk ka la hawk, ka tah chhuak insum nasa lutuk chu ka puakkeh lo chauh, chutah motor ri vung vung thawm ka hriat veleh chuan tukverh atangin ka nu te kal liam tur chu ka thlir zui a, ka mittui arawn hnam sawk,
"Mommy" tih rî ka hriat veleh chuan ka mittui chu ka hru sawk sawk a.


"Khatiang kha nu leh pa te biak dan tur ami?"

Rawn ti tu chu rum lutuka ka melh hrawkin "I buaina tur a ni lo" ka lo ti chang fak, Boihtei chu a room lamah ka hruai nghal dawr dawr ringawt.


"Mommy, apa nen in inneih sia, Mokawr i ha si lo a, Chuan pangpar te khawi ah nge? Tumah an rawn kal bawk si lo a" a ti ve niah niah a, chhan dan tûr ka hre lo kher mai.

"Nia, Mi ho kha an rawn kal hman lo a" ka ti ta ringawt, dawt sawi ka thiam bawk si lo, a sam ka khuih sak hliau hliau lai chuan,

"Insiam rawh, Boihte, a pi bulah lo awm lawk rawh aw, Mommy nen hian kalna tur kan nei a" a rawn ti deuh vut vut a,

"Khawi ah? Khawi ah nge kan kal dawn?"

Ka lo ti hú,
"Mokawr hak i chak zia i nu in a sawi a, thlalak nalh tak tar tur inneih angai alawm, Bawiha hi a hmanlai a ni sia, va la thuai thuai r'u"

Ka nu chuan a lo ti ve vat a, ka lo bu nghauh nghauh ringawt, Ani nena inzui chhuah chu ka chak teh chiam lo kher mai.



JOHN POV



Car ah chuan a thu ngawi ngal reng a, a inchei ve deuh chuan a zahpuiawm chu a lo ni bik hauh lo, a pian a dik in vun ngo veng chi hi a ni reuh a, hei ai hian puitling deuh hlek se chu duhthusam a ni, a pasal ka ni tih tal chu a theihnghilh loh hram ka beisei, thil engemaw pawi khawihin min ti zak ang tih ka hlau rilru hle bawk.

"Eng ang chi nge hak i duh a mokawr chu?" Ka tih chuan chiang zet hian min rawn en a,
"Ka hre lo, a hmunah enkual ila, a rem rem kha ni mai" a ti liam puat puat a, nichina a awm dan en kha chuan be tam vak lo ila a that zawk ka rin avangin ka be duh ta lem lo.



Studio pakhat ka lo hauh lawkna hmunah chuan ka hruai a, ahawi hê hê reng lehnghal, min ti khawmuang zo vek dawn, Mokawr nalh leh enge pawimawh ka hriat loh vangin ka Personal Assistant Thelma chu lo buaipui turin ka ti a, ka duh loh dan angin engmah a ti ngai lo tih ka hriat vangin ka ring tawk bawk.



Studio kan thleng chu ka duhthusam ang taka nalhin an lo design a, min ti lawm kher mai.

"Sir, He mokawr hi turkey atanga kan chah ania, hei hi chu Vakiria ami, hei hi chu Philippines atanga kan chah ania"

Tiin mokawr nalh tak tak chu arawn tilang a, Ka hnung ami chuan meng hra chung hian a hmui alo hup top,

"Hei hi emni i nupui chu?" Thelma chuan a han ti zauh a, A chibai nghal bawk,

"Hei hi ka P.A Thelma a nih hi" ka tih chuan a bu ve nghauh nghauh a, a hrethiam lo tih ka hriat reng vang nge ka nuih aza ru lek lek zawk.


"Make-up artists pawh ka ko nual a" arawn ti leh a, Nutei chu buaipui turin ka ti nghal vat.


Nutei an buaipui chhung chuan coffee in pahin kha Hotel neitupa chet fuh loh lai techu ka enkual a, ka hlim ngei mai, vawiin tlai chu a chak dawn lo khawp e, Dar 5 ri tawh se ka ti ru ngei mai.


"Sir, Insiam ve tawh la, a in peih tep ania" Thelma in arawn tih chuan Suit nalh zet chu ka ha ve a, make-up tepawh min bel ve chuan ka hria, ka duh lo viau na in Thelma in ti turin min ti tlat bawk nen,


Kan thutna turah chuan lo thu in sana chu ka bih chhên a, rin aiin an rei phian mai,

" Sir bulah hian lo thu rawh"

Thelma aw ri ka hriat chuan ka hawi chhuak thuai a, Ka meng deuh kawk thei, Nutei chu Mokawr fual var puk deuh laih ha hin ka bulah chuan arawn thu a, A mitmeng lian zet ti fiah tura amit an chei dan techu in hmeh takzet a ni,

"Nupui hmeltha tak i nei a ni" Thelma in nui var var a arawn tih chuan Nutei pawh a nui ve sak mai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:41 pm

NUTEI POV



Thil nalh kan hriat lutuk loh vangin a P.A chu kan thlan tir ta mai a, an meeting neihna turah min hruai ala tum ve zui, Rin aiin kan in ngeih rei phian a,

Building lian zet pakhatah chuan min luhpuiin midang ho chuan an lo wish sap sap a,
School kan kal laia zirtirtu te kan wish thin ang mai kha a ni, a zahthlak lek lek zawk, amah aia upa tur ten Sir ti a an han ko phei kha chuan ka lo îp chawih thei nia.


A room ah chuan min thuttîr in meeting tur chuan a chhuak leh vut a, kan inbe tlêm viau bawk,

"Mam, Engemaw ei duh te inei em? Coffee emaw green tea?" Mipakhat la naupan ve hmel tak, hmelchhe lutuk lo hian inthlahrung dek hian arawn ti a, ka ril chu a tam khawp mai, mahse enge ka chah ang?

"Ka ril chu a tam ve deuh a, mahse ka lo nghak zawk mai ang" ka lo ti zawi sap a,

"An rei maithei a, A duh duh lo ei tir rawh min ti a" a ti leh a, enge an ei thin ang? Ni lo pui ka sawi chuan Misualpa hi a thinrim anga min ei zo duh mai ang tih ka hlau bawk si,

"Ei chak pawh ka nei lo, nangman min lo thlan sak mai la, a rem rem kha ni mai, Puarna tur kha"
Ka tih chuan bu nghauhin a chhuak zui a, ka tang nasat lutuk vang chuan inthlah dul hnawkin sofa nghen chhan chu ka nghêng rawk, hetiang hmuna hnathawh techu a nuam viau ang, nisa hnuai ah hlo thlawh a ngai lo a, Hetiang hmun hi ka hmu ang tih rin ngaihna pawh ka hre lo, mahse kan khua kha ka ngai takzet a ni, nuam pawh ka ti daih zawk, Hetah chuan tumah kawm tur pawh ka nei lo.



Rei vak lo hnu ah chuan KFC tih inziahna lehkha khawng sen lian tak leh thil dang hi an rawn chhawp hnuk a,

"Hei hi" tihpahin rawn dah tupa chu ka enkiau a,

"I ei vek thei ang, Pu khan, Arsa a ngaina lutuk a ti che a, hei hi Sap ho in arsa an kan dan ang chiah² a nih hi, ei chhin rawh, i hre tawh em?"

A ti dam dap a, a enga mah hma in ka nel nghal em em ringawt, Ka ngainat zawng tak a ni.

"Ka hria lawm, ka lawm e, i duh chuan ei ve rawh"

Ka han ti a, pakhat chu la in nui var var chuan a chhuak nghal, keipawh ka nui sak ringawt, arsa chu ka ei mial mial a, kan khua a kan siam thin dan aipawn a tui daih zawk, tui tak a ni, chhangthawp lianpui, a laia thil eng engemaw tui deuh la lum thur thur nen chuan hmeh pawlhin ka lim ta nghek a.



Ka ei zo leh ta, tih tur avang bawk si, ka awmna ngai ah ka awm rei thei lo tih a hre lo a ni ngei anga, ka chhuak chak lutuk hi ka za zek zek in ka hria.


Reifê hnu ah pawnlamah chuan inhau thawm ka hre tlat, kawngkhar chu tlêm hawngin ka han bih dêk dêk a, Ka pasal chu putar pakhat hian tuiin alo theh huh vek chu niin,

"Ila hre khawp ang, aia upa zahna chang pawh i hre lo, i pa ang chiah a sual leh nunrawng inih kha, Ipa kha mi tenawm leh pakhar, nunrawng a nih kha"

Ati ta tuar tuar a, Chutah suit dum ha palian pui pui chuan putar chu rawn man betin an chhuah pui ta dawr dawr a, A rawn lut dawna ka hriat vangin ka thutna ah chuan ka lo thu fel hman than,

"Putar mawl lutuk" arawn ti lût sup zui, a hmai huh hlup chu ngaimawhin face towel chu ka pe a,

"Haw ang, ka chau lutuk" a ti deuh sup, biak pawh ka be zui lo, pawn lamah chuan inkai rialin kan inzui chhuak a, min en duh hlawmin an in hrilh ru nasa ngang mai, ka zak lutuk hi ka sa hut hut thei in ka hria.


Pawn kan thlen chuan kha putar bawk khan min rawn pawt lêng lawp a nih chu, chhuat char ah chuan ka tlu sawp nuai thei nia,ka tê zui that, midang chuan lo man betin John-a chuan a hnek chawrh nia, ka ka ka lo hup vang vang ringawt, min rawn kai tho in car lam chu min pan pui dawr dawr a, kha putar kha ka khawngaih em vangin ka enzui tlawk tlawk ringawt.



Cara kan luh veleh chuan, "Ngati nge khatia i tih? Kutthlak kher kha a tullo sin" ka tih chuan min chhang tur awm ang hmel pawh zu pu hauh lo a,

"Ka biak che chu?" Ka ti vîn that,
"Putar zawng zawng hi an felin an rilru tha vek lo, hre tawh rawh, Putar tenawm tak a nih kha" a ti chang deuh fak a, ka chhan zui chuan kan inhnial leh dawn tih ka hriat vangin ka chhang zui tawh lo.




In kan thlen chuan Bawihtei chuan a pa chu alo kuah vat a,

"Ka thil ei kha ka la puar lutuk a, zanriah chu ka ei lo mai ang, Bawihtei hi ka lo han ti mu ange" ka nu bulah chuan ka ti nghal vat a, an nufa in en hrek hrek lai chu ka hre lo der hmak.



Boihtei chu mutpuiin asamah chuan ka chûl hliau hliau a, Ka chhung techu an thleng tawh angem le? Phone ka nei bawk si lo, sana ka en chu zan dar 7 alo pêl thuak tawh a, An thlen tawh leh tawh loh tal hre turin room atang chuan chhuakin John-a room lam chu ka pan zui vat, khum bulah sofa ah chuan lo thu in Laptop ah chuan enge maw hi alo en vung vung a, laptop a takah ka vawikhat hmuhna, kawngka biang kuah ti tih chuan ke en vang vang a, a phone hman ka dil zak bawk si.

"Enge?"
Nelawm loh zet hian arawn ti hmuk nia, chutah ka chil lem khalhin, "A nu tekha an thleng tawh a ngem le?" Ka han ti ringawt a, a laptop chu khupin, "I be duh ami?" A ban puam liantha zet kuangkuah hlûn chung hian arawn ti nia, nui var varin ka lo bu nghauh a,

"Lo kal rawh" a tih rualin a ipte atang chuan a phone manto hmel zet chu arawn phawrh a, a bulah chuan zum dêkin ka lo ding thung, chutah a phone min rawn pek pah chuan, "Thu ta che" arawn ti bung leh hmuk, inthlahrung zet chuan thu thla da da in a phone chu ka han hmet êng ve ngei a, ka khawih thiam ta hauh lo, "Engtia tih tur nge?" Tih hû paha a hmel ka en chu hahthlak min tih hmel zet hian a thaw hawk nia, phone chu rawn la lawkin ahmet nuap nuap a, a hmel chu ka lo enkar, a hmeltha ngei mai, a mitmeng thûk lek lek te, a hnar zum vat te leh a hmui hnuailam phír techuan ati lang tha zual ngawih ngawih,

"Kha" tih hmuk paha min rawn pêk rual chuan ka lo hawisawn vat, ka beng zawna ka dah rual chuan phone ring ral ral chu ka hre zui nghal.



JOHN POV


Darkar chanve dawn an inbe tawh, an in hrilh kimchang angreng khawp mai, an thenawm te vawk a thih leh thih loh thleng chuan an rawn hrilh nia, ka chal dawm vawng vawngin a ti ti zat zat chu ka lo ngaithla reng ringawt, ka beng tehi ana vek thei, a changleh a au hluai a, a changleh tap lek lekin a awm bawk si, Hahthlak mange....


A hnu fê ah chuan nui ver ver hian min rawn pe ve mai a, a inchei chuan midang hmuh ah pawh a zahpuiawm lutuk bîk lo,

"Ka lawm e" a ti ve sap mai, ka lo bu nghauh ringawt, chutah thawveng zeta a chhuak tur chu rawn hawi lêt thutin,
"Engemaw in tur i duh em?" A rawn tih chuan ka chil ka lem khawlh,
"Coffee ka duh, Nadi kha siam tir la min rawn pe mai dawn nia" ka ti zui zat a, aman a siam loh hram ka beisei, henu hian min hrai hlum lo ang tih pawh ka sawi thei lo, a thawveng mai bawk sia, a dar pahnih san ak chuan a chhuak zui ve mai a, a pasal ka ni tih tal a hre ve a alawmawm ah ngai rih mai ang.




Rei fê hnu ah chuan rawn lut lehin coffee hmel pangngai tak chu arawn chhawp ve mai a, "Tu siam nge?" Ringhlel zet chuan Ka lo ti nghal vat, "Nadi siam, ka siamthiam hleinem" a ti zui zat, kan khum bula kan inneih lawmpuina thilpek thahnem tak chu zai rat rat pah hian a hawng ri rak rak a, ngaihven zui tawh lo in ka hnathawh lai chu ka chhunzawm leh mial mial bawk,


"A!!!..... hei chu, silai tak tak avan ang" tihpahin ka drawer a ka dah that mahni inven nana ka tih ka pistol ngei mai chu arawn lek kang va anih chu, ka zuang tho nghal zawk,

"Dah rawh a tak anih kha i mawl a mi?" Ka ti tuar a,
"A ni maw?!....awi a rit sia, ka vawikhat hmuhna" tih pahin lawm hmêl fe hian azuang ri thlap thlap a, ka dawh theihna in a tlin tawh hlawl lo, rang lutukin ka va chhuhsak nghal vat.

"Ka phalna la lo in helai room a thil awm hi khawih tawh suh ang che" inseh chilh rap rap a kutzungchal meuh hmuh a ka tih takah chuan khap fak fak hian min enkiau a,

"Ka tihpalh" ti zui sapin khumah chuan a thu thla da da a, a ngui ta lap mai, henu hi khawi fin ngaihna pawh ka hre lo, ui a ka kawl ni maiin ka hria.

"Khawngaihin kan inhau tawh lo thei angem?" Arawn tih chuan ka sa phat,

"Nangman zir la chu ka hau lo ang che" ka lo ti let zêk a, hnuailam a en ta riai riai mai, inchhîrna ka nei lem lo,
"A nih heng zawng zawng hi ka ta vek tur ami?" Arawn ti leh ha a, "Engatan nge ka tih anga kei in?" Ka lo tih takah chuan a nui leh ta ver ver a, nula ve si phone pawh a nei lo ania, fin vak ngaihna awm lo hrim hrim, a lakah hian enge ka beisei pawh ka hre lo e a.


Thianpa Rfa arawn kal chuan inhnuailamah chhukin hna chungchang kan sawi dun a, ka nupui neih ni a hriatpuitu ah tal pawh ka hmang lo chu a lawm lo viau nghe nghe.

"A hrim hrim in Married life chu enge an? Nula nalh tak tak riahpui na chi a ni tawh nange?"

Fiamthu a arawn tih chuan ka nui suk ringawt,

"Fanu pahnih ka nei a ni ringawt, a hahthlak tih piah lam a ni, nei ve duh suh, a buaithlak zêk a nia"

Ka tih chuan a nui nasa ngang mai, ka nupui hmasa nen an in an loh lutuk vang pawh a ni mahna le, hmeichhia hi an lo in ang lo thei khawp mai,

"John, hei hi ka nei dawn ania" tih lang lang pahin Nutei chuan Kan inneih lawmpui nana min rawn thawn towel senno chu arawn lek va a, ka thianpa coffee in lai chu phuh lo chauh khawpin arawn nui chhuak hawk,

"Awle i nei thei ang" ka tih zawh chuan thawk la hawkin ka chal ka dawm vawng vawng ringawt,

"Hey thiana...Hmeichhe thianghlim tak a nih ngei dawn kha, Vannei inti hle rawh a hmeltha si" fiamthu a arawn ti chuan tui lo zetin ka lo nui suk ringawt.


Dar 9 rîk thleng chuan kan tûl dun em vangin kan la ti ti tui khawp mai, Ka nu leh Nutei pawh an rawn inzui thla dat dat a,

"Chibai rawh, In pa best friend a nih hi" ka nu in a rawn tih chuan Rfa nen chuan an in chibai ve lawp lawp a, A lai vel emawni, ava han ngeiawm reuh mai mai tak.


"In pa laka lungawi lohna i neih chuan min rawn hrilh ziah rawh aw, Ka lo hau thin ang" Rfa'n a tih chuan phawk fê hian Rfa chu a en a,
"Tak tak maw? Ka hrilh thei tak tak ang che maw?" A ti deuh hluai nia, An inbiak chhung chuan inchung lamah ka laptop a ka thil remruat vel hmuhtir ka ngaih vangin ka chhohsan ta daih a, Rfa lah chuan a be thiamin an in nel nghal phian a, a lawmawm lamah ngai leh phawt mai ang, Thil pawi a thlen loh hram ka beisei.


NUTEI POV


"Tak tak maw? Vawikhat mah in la in fawp miah lo maw?" Arawn tih chuan ka lo bu nghauh nghauh ringawt, nupa pawh kan ang lo, Diktak chuan ka haw lutuk hran lo na in a ngainat zawng ka nih loh vangin a nupui anga min en ala thei lo pawh a ni mahna, bakah ka duh teuh lo mai.

"Tiang techuan in mudun thei nang, ka thianpa hi ka hrechiang, Hmeichhe lamah chuan a zei lutuk lo na in misual tak a ni lo a nia, Zei deuhin awm ta che"

A tih chuan ka lo ner nasa mai, "Ka duh teuh lo e a" ka lo tih zêk ringawt,

"I va a tak, In mudun anga fapa fuhawm deuh i hrin sak dawn lawm, Ngaihtuah ve teh, fapa i hrin sak chuan an in leh a rosum zawng zawng hi i ta vek a ni mai, i duh duh i ei anga, Nuamsa deuhin i awm reng thei dawn asin" a rawn tih chuan ka pawm zawng tak a ni, ka chil lem khalhin a thianpa lukir zet thusawi chu ka lo ngaithla kiau a,

"Ngaihzawng ka la nei ngai si lova, engtin nge ka tih ang ka hre lo lawm" ka lo ti mai a,

"Zan in ah maw...mut kawr sexy deuh ha in ilo nghak anga, nangman i fawp hmasa mai dawn lawm, A awm ah te i zut vel anga, zei deuhin awm rawh, i ngam loh chuan beer hi tlem in la, tichuan i zahna zawng zawng kha a bo vek mai ang" a rawn tih chuan rang lutuk in dawhkana beer bur chu la in ka dawt nghal khawlh khawlh a,


"Enge in lo sawi a?" Tih ri ka hriat chuan ka hak thelh a ni,

"In nu hi a chau deuh a beer ka lo intir alawm" Rfa chuan alo ti hlauh a ka lawm rilru ngei mai,

"Han mu rawh" alo ti hmuk nia, rang lutukin inchung lamah chuan ka tlan chho a, Mutkawr sexy deuh ka nei miah lo, ka thawmhnaw an dahna room ah chuan kal kualin ka zawng chiam a, Mutkawr lase dum, taksa lang tam tur chi nalh zet hi ka hmu ta, Lo ngai reng rawh, I fa ka pai dawn khawp ti rilru in nui ru ver ver chuan ka in thlak mial mial a.


"Nu i, I awm em?" Ka nu aw a ni, rang tak chuan kawrchung ha in ka hawng zui vat a,

"Awihaaa...i nalh lutuk" alo ti nghal chûl mai,

"Ka lawm e" tihpah chuan ka nui ve sak a,
"Heti lai a i make-up zingah hian zan lama taksa a chulh tur chi a awm a, chhiar zel la, tichuan i inchulh dawn nia, perfume tlem in kap bawk la" a tih chuan ka lo bu nghauh nghauh a,

"Tupa duhawm deuh i pai hun tur ka lo chang reng ang" tihpahin mit min siai zauh pah chuan a nui chhuak har har a, ka chil ka lo lem khawlh ringawt.



Ka nu sawi ang chuan ka taksa a hnawih tur techu a bawma inziak angin ka ti ve zel a, ka rimtui tawh viau chuan ka hria, ni e, Ka nu leh ka pawh ka nau tan ka ti ang, hepa fa hi ka pai anga ka hausa thur thur ang, chu bak chuan kan dinhmun hi engtikah mah ka chawisang thei dawn lo, ka mawl lutuk tehi sim ka ngai,


Khumah chuan thu in ka hmai sa hut hut leh ka mutchhuak lutuk tih zia awm nan chuan ka inbeng harh sawk sawk a, 12 a ri têp tawh, zan dangah chuan dar 9 pawh ka meng thleng ngai lo asin le,


Kawngkhar ri rak chuan min ti harh zawk, khumah chuan ka thu chhuak hlawl a, Kan in melh nghal kur mai, ka thawmhnaw hak chu mak ti zetin a en deuh vung vung a, engtin nge hma ka han lak tan ang, a ngaihna hre lo zeta ka ngawih reng lai chuan " Muhil leh rawh" tihpaha chhuak mai atum chu khum atang chuan rang lutuka inperh thla vatin kawngkhar a hawnlai chu ka va nek khar rawk a, a chhuah theih loh nan ka ban ka phar hluai bawk.

"A ngai lo, khawi ah mah kal angai lo" ka tih chuan "Engemaw i hriat reuh le" ti supin min nam sawn dawrh a, a chhuak tur chu nghet zetin a hnunglam atang chuan a kawngah ka kuah bet hmak.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:42 pm

"Khawi ah mah i kal dawn lo" ka han ti ringawt a, a nui chhuak hawk ri chuan min ti zak leh hnu hnawh kher mai,
"Ka thianpa khan engthu nge alo fah che a?" Tihpahin ka kuahna chu a phelh a, ka sawi chhuah loh nan ka hmui ka lo chîp hmak.

"Ni lo, ka ka hlau a, Têk atla nasa bawk sia" ka han ti ringawt a, ruah surin têk atla chu ka lawm rilru ngei mai, têk tla te mai mai ka hlau awzawng si lo a.

"I bula riak ve turin min sawm tihna mi?" Nuihza insum zeta arawn tih chuan hnuailam en in ka lo bu nghauh nghauh ringawt, mahse ka zakin ka hlau rilru leh hlê tho nia.


"A tha e, lo kal rawh" dam thlupa tihpahin khum lamah chuan min nawr phei dat dat a, awlsam zet chuan a mu nghal hlûn mai, kei erawh ka la ding ngawi ngal thung, "Enge i tih a rawn mu ta che" arawn ti deuh hû a, ka lo phu deuh uih nghe nghe, chutah rawn tho in ka kutah chuan arawn vuan lum thur thur a.

"Min hlau suh, Engtin mah ka ti dawn hleinem che, Hmanhmawh lutuk ka tum hleinem" a ti dam leh thlup a, ka chil ka lo lem khalh ringawt.

"Min hlau deuh a ni maw?" Nui suk chunga arawn tih chuan, "Teuh lo mai, ngaihzawng techu ka ngah lutuk, ka..ka...ka hlau teuh lo che" ka lo ti nghal ruai a, a nui leh hak tawh,
"A nih in kiss ithiam em?" Hnai zeta min en chunga arawn tih chuan ka hmui ka lo liak zauh, ka thiam lo, mahse ka thiante sawi dan kha chuan a nuam an tih viau kha mawle, film ah tepawh an in keih bawrh bawrh lai ka hmu fo a, ka la ti ngai lo na in ka thiam loh em em chu ka ring bik lo.

"Ka..ka hre lo" ka ti bah leh niai a, min hnaih ta lutuk chu awm ngaihna pawh ka hre lo, ka lungphu arang dawt dawt a, ka sa deuh up up nia, beer ka ruih vang pawh kha ni maithei ni,

"I awmsawn deuh thei angem? Ka.... ka thla a muang lo riau" bah niai a ka tih chuan a nui leh hawk tawh, chutah a aia hnai ah chuan min rawn en in ka biang tawn tawn ah chuan arawn vuan a, ka hmui ah chuan a rawn fawp lum thar thar nia, ka mûr sung sung thei, ka kut chu hûm ruhin ka lo insang mar chiam a, ka thaw chhuak ngam tawh lo, ka lo chhîng sawk ringawt.

Min fawhna chu rawn thlah in, "Tang tung suh" a ti deuh nghut, ka mutkawr chunga ka hak deh nuam tak chu muangchanga hlîp thla in ka dar ah chuan a fawp zauh a, ka nghawnga arawn fawh lai techuan meng ngam tawh lo in ka lo maimitchhîng sawk ringawt, a taksa lian zet lum deuh thur thur chu si deuh thlap hian min pawm bet a, ka lo thau hran lutuk lo bawk nen min kuah pil vek thei nia, a zu rim nam hak hak techu rimtui ka ti zo vek tawh, nui sakin ka lo kuah lêt ve than a, a hnung pharh hlai tha zetah chuan ka lo beng thek thek ringawt.

"Kan pahnih hian kan in haw lo tiraw?" Ka tih chuan a taksa che deuh luih atang chuan a nui leh tawh tih ka hria,
"Engvangin nge ka huat ngawt ang che?" Tihpahin min kuahna chu thlah in chiang zet hian min rawn en a,

"Min ngaina si lo a, min duh bawk si loh techuan min hua tihna ni mai lawm" ka lo ti vat a,

"Chhan awm lo in mi ka haw ngawt ngai lo, chuan i nalh lutuk" tihpahin min rawn fawp leh a tun tum erawh a uar kher mai, keipawn ka thiam ang ang chuan ka lo chhang let ve a, khumah chuan min bawh deuh thlawpin chiang zet hian min en vang vang a,

"Hmeichhe duhawm tak ini" a ti sup, ka lo lai nasa lutuk chu nuih insum zetin hmundang chu ka hawi nghal ruai a, min rawn fawh leh a tum chiah tih in a phone arawn ri ta ral ral mai, ka harh chhuak zawkin ka hria.


Rang tak chuan chhangin a tho vut a, ka lo enkar thung, ka thin a rim ru kher mai, kan ti tep tawh asin le, ka lo ti rilru nauh nauh ringawt, chutah phone a hman zawh chuan A jacket a ha sawk sawk a,

"Khawnge i kal dawn?" Ka lo ti vat,

"Buaina a awm a, ka kal angai" a ti vut vut mai, "Eng buaina? Khawi ah mah kal suh" ka lo ti vat a, a thil tih lai chu tawp chatin thawk ala hawk,
"Ka hna ania, I hriatthiam a ngai" a ti deuh fak a, tunge rawn phone tu kha ni ang le? Hmeichhia a ni tih chu ka hria, ngaihzawng a nei chiang mai.

" Tunge rawn phone tu che kha?" Ka tih chuan min rawn en zawk a, "Ka P.A kha a nia, buaina a awm a nih ka ring"

A ti leh mai a, kha nu kha ka ngaina thak lo, a tawng dan meinei deuh deuh kha ka hrethiam lo turah a ngai a, Min chei lai zawng zawng ka vun ro zia leh chei ka nawm loh tur zia alo sawi sek atang khan ka ngaina tawh lo.

"I P.A kha ka ngaina lo" ka han ti ringawt a, chal chuar deuh nûng hian min rawn en vung vung mai,

"Ka mi rin ber anih kha, i tawngkam fîmkhur rawh, Ka rei lo ang"

Tihpaha chhuah mai a tum chu rawn let leh vutin ka hmui ah chuan arawn fawp vang vang a, a chhuak nghal vut, ka thinrim lutuk chu khumah chuan ka mu tau ta sawk sawk a, mahse kan awmdan ka ngaihtuah chhuak a ka mûr sung sung thei, nuam ka ti lutuk chu khumah chuan ka sapa tal chiam chiam a, Ka pasal hi changtupa ang mai a ni, avan sexy tak, Zan in zet chu ka ui kher mai.




JOHN (POV)


Hmanhmawh zeta Thelma min kohna a ka lût chu ka thil hmuh chuan min ti ding chawt, Thelma chu Hotel room khumah chuan lo mu in kawr sexy zet ha hian Wine alo in der der a nih chu,

"Enge awmzia? Board member te'n an lungawi lohna an lantir kha iti sia?"
Hrilh hai zeta Ka tih chuan nui sak hian a wine glass chu dahin khum atang chuan arawn tho chhuak a, nitin inhmu mahila kawr smart tak tak a hak thin avangin a taksa ka hmu tam ngai lo, zan in zet zawng a nalh kher mai.

"Dawt ka sawi a nih kha" a rawn ti ta mai, mak ti zetin anui hmel chu ka en top, a inchei nalhin a hmuisen hlar chuan ati lang sexy khawp mai,

"Enge? Enge awmzia?" Ka ti hû ringawt, chutah nui sen sen hian min rawn pan hnaiin,
"Zan in hi inneih zan a ni tih ka hria lawm, I nupui nena inkhawsak dun tur ka ngaihtuah hian ka heti lai hi ana lutuk" tihpahin a awmbawr kawhlah chu min rawn khawih tir nia, rang takin ka kut chu ka la sawn vat, nalh viau mahse ka thinrimna in min hneh zawk rih tlat,

"I a ta mi?" Vin thawta ka tih chuan mittui tling pam hian a nui hawk,

"Nia, ka a tawh a nih hi, ka rilru put hmang hi kum 3 dawn chu ka thup tawh, Sir ka hmangaih che, i tan tih loh enge ka neih? Kha i nupui thing zet ai kha chuan ka tha fê zawk, Zan in chu hetah awm rawh...aw...khawngaihin, kha i nupui bulah khan kir tawh suh" aw ka vîn zet hian arawn ti tuar tuar a, ka thinrim lutuk chu ka inhûm ruh nasa kher mai.


Ka kekawr ipte chu zen in nui suk chuan ka en vang vang a,
"Chumi sawi tur chuan dawt in min bum chhuak a?" Ka tih chuan arawn bu nghauh nghauh a, ka nui hawk....

"Ka farnu angin ka en thin che sin, nanghi vawikhat mah ka la ît chhin lo che" ngeiawm zeta ka tih chuan thinrim hmel fe hian min enkar a,

"Mahse....Zan in ah ni lo, Zan dangah nuam chu kan la chên dawn nia, i hna thawk phawt rawh, tun tum chu ka ngai dam ang che" tihpaha chhuah mai ka tum chu ka hnunglam atang chuan min kuah bet tlat nia, Duh aiin min zuam mah mah a ni, mahse ka hnunglam chu hawiin a mitmeng de sar sar a min en takah chuan mipa ka nihna rawn langin ka insûm thei ta bîk lo, dim bak sak lo a fawpin khumah chuan ka bawhthlu nghal rawk rawk a.



A tûk zinga ka haw chu room a ka nupui lo muhîl bam chu en vang vangin ka nui suk a, bathroom ah luh san in ka inbual zui nghal, shower tui vawt thler thlawra ka inphuh lai techuan nizan ka awm dan atthlak zet chu ngaihtuahin ka inthing nawk nawk thei, Ka nu in a hriat vaih chuan a thin a rim viau ang le, hre mahse pawi tihna ka nei em em lo, a duh ang ngeiin a thiannu fanu nupui ah ka nei a, he hmeichhia hi ka duh vanga nei ka ni lo tih hi hre nawn fo se ka duh a ni.



Bathroom a ka chhuah chuan Nutei chu a melh ngai melhin samthur bup hian khumah alo thu reng nia, ka hmu thut chu ka phu zawk thei, a zîng tho hlim hmel chu pe chhe ve tak a ni,

"Nizan khan mumang mak deuh ka nei a, Ka chungah engmah iti lo tiraw?" A rawn tih chuan chhan en ah pawh ka en lo, Nupa nun kan hmang tep tih kha a mumang amaw alo ti reng chu nia, nizan khan beer a rui tak e,

"Nizan khan engtin mah kan awm lo tak tak em?" A rawn ti leh a, rum zeta melhin, "Awm mai mai lo" ka lo ti hluk ringawt,
"Haaa...a nih chuan ka rai har awm e" a rawn ti nih chu, mak ti zetin a hmel chu ka va en haw a,

"Rai ka duh a, enge pawi?" Vîn zeta tihpahin bathroom lam min pan sawn nal nal nia, ka nui hawk ringawt,



Inhnuaia tûk thuan ka ei lai chuan Kawrfual hring duk ha hian a rawn chhuk thla ve dar dar a, make-up a hmang ve a nih mahna a hmel afai veng a, hmuh a nuam kher mai,

"Zan in ah thian teho an rawn kal dawn a, thil pawi engmah itih loh ka beisei" ka tih chuan rum zet hian min rawn en a,
"Englai pawn pawi ka khawih reng bik lo, I thian teho pawh chuan tih tur dang an nei lo mi? Ninawm" alo ti zêk nia, Tinge maw a mood a off em em le? Nizana ka kal bo daih vang pawh kha a ni maithei ni.


"Kan inneih min lawmpui turin an rawn kal dawn a, ka zahna tur i thlen loh hram ka beisei" dam thlupa ka tih chuan alo insiamchhe nghek nghek lai chu ka hmu reng, a chang chuan ka thin hian a tuar lo lek lek zel.


"I thian techu tha takin ka lo be dawn nia, Lungngai suh"

Tha taka tihpah chuan a thil ei tur chu a ei mial mial a, a ngai ho reuh lutuk chuan ka thin a ti rim kher mai, Nizan khan kan infawp tih kha hria se engtin tak awm ang maw?

"Ka rin aiin infawh ilo zei daih"
Ka tih chuan a thil ei tawp chatin phawk fe hian min rawn en vat a, ka lo nui suk,
"Bialpa ka ngah tawh lawm, engvangin nge ka zei loh ang?" A rawn tih chuan ka awih lo nasa mai,

"I nau khan inkhua ah chuan tlangvalin an hlau che a rîm tu paah i nei ngai lo an ti" ka tih chuan a duh lo nasa mai,
"A teuh lo mai, In khatin an rawn leng thin aw, Min nei hi lawm hlê rawh" uar zet hian arawn ti lêt zêk nia, ka sawi hma kha ka ngai rum rum zawk.


"Mommy"

Boihtei'n a tih takah chuan in be zui tawh lo in Ka fanu ah ringawt chuan kan rilru kan pe nghal a, Nutei bulah chuan thu in eng engemaw hi a hrilh siam siam a.
"Pa, Mommy nen in lo kal ngei ngei a ngai nia"

Bawihtei chuan arawn ti ve siam siam a, an school function ah an lo zai tir dawn a ni awm e,

"A nu in ka zirtir ang che khan i sa ngei ngei dawn nia aw" tihpahin an pahnih chuan an nui hak hak a, an pahnih chuan ka en tawp, Nutei lo awm atang hian ka fanu hian min ngai ta lo riau mai, mahse pawi ka ti hran lo, ka hna ah ka insawr bing theih phah a tha ka ti viau zawk, tin ka fanu hian Nutei hi a nu tak tak amaw a ti bawk.

"Pa, Unaupa emaw Unaunu emaw tinge ka neih ve loh ?"

Bawihtei chuan a chaw ei siam siam pah hian arawn ti a, Nutei nen chuan kan in en zawk,

"Boihte apa hian nakinah alo awm ve mai ang, apa hi a buai thei lutuk amaw, I unau tur chu nakinah alo hawn sak ang che" Nutei'n thiam taka a tih takah chuan a ngawi zui ve mai a, ka nu tih tir a ni tih ka hre mai,


"Ka kal dawn aw Ka lalfanu, Mommy thu lo awih la, ka lo haw leh vat ang" tihpaha tho vutin ka fanu chu ka fawp zauh a,

"A pa, Mommy hi i fawp ve dawn lo mi?"

A tih chuan Nutei chu lo mengbial nasa mai,
"Bawihte, apa chuan nichin khan min fawp daih tawh lawm" alo ti vat a, Ka fanu chu a nui ver ver mai,

"Ka awm ve laiin a fawp duh lo che tih ka hre mai" a rawn ti nia, ka fanu hi hetiang hian alo fingin thil alo man thiam tih pawh ka lo hre miah lo,

"A nih Mommy pawh"

Tihpahin A in rin hma chuan a hmui ah ka fawp zauh a, khap fak fak a min enkar chu hre lo derin nui vur vur chuan ka chhuak zui vut ringawt.




NUTEI POV




Chhûn ah ni lenga Ka mut hnu in ka ei leh tawp a, Bawihtei school a kal daih bawk nen ka khua a har ngei mai, ka nu lah hi a kawm hman thlawt loh, inchei deuh deuhin a chhuak reng a, a rawn haw apiangin engemaw tal hi min rawn hawn ngei ngei bawk,


Tv ka lo en mai mai lai chuan John-a rawn haw hlawl nia, Mak ti zet chuan ka lo enkar a,

"Office banah thian te an lo kal dawn sia, han insiam rawh, Choka lam ka va hrilh a nge" arawn ti deuh vut vut a, sana ka en chu dar 3 chauh ala ri, dar 5 ah hian an rawn bang thin sia, mak ka ti viau, Inchung lamah chuan chho in ka inbual fai zawk zawk a, Kawr hak tur mai pawh hre lo in ka en deuh deuh reng ringawt.


"Inchei vak a ngai chuang lo nia" ka hnunglama rawn ti tu lam chu hawiin,

"Enge ka hak ang?" Ka lo ti vat a, a chek hluk chu ka hre lo der hmak, chutah rawn lutin ka thawmhnaw tar ho chu arawn en thuak thuak a, Chutah kawr sendang a ban puk lek lek ka chawnpuar vela fual thianghlim leh simple zet hi rawn la chhuakin,

"Hei hi ha rawh" tihpahin min rawn pe a, Ka pasalin ka thmawhnaw hak tur min thlan sak chu pbur zetin ka lo ban nghal ruak ruak mai,

"A nih ka sam hi ka thlah dawn nge?"


"Thlah rawh" arawn ti leh hmuk a, a thian te hma a ka nalh loh chua hlau ve hle ni ngei tur a ni, ani pawn a kamis chu phelhin a taksa lian leh sek phiar zet chu ka huau in ka lo enkiau a, ka chil ka lem zui kuar thei, chutah a inthlak tur chu tawp chutin arawn hawi vut a,

"Enge i en reng a? Inthlak vat tache?"

A rawn ti leh hmuk tawh, rum zeta melhin ka ner sak a, Ka thawmhnaw dahna room kawngkhar chu ka khar zui hmak, Ka khar veleh chuan ka hmui hupin ka lungphu su dup dup chu ka dawm vang vang ringawt.


A kawrfual min thlan sak chu nalh ti zetin ka in bel a, thi leh bengbeh simple tak inbel in make-up pawh lang lutuk lo in ka hmang ve bawk.



Ka chhuak chu t shirt pangngai tak ha in smart pants alo ha ve tawp a, a sam chuan a ti lang naupang lek lek bawk, Min en vung vung hnu chuan,

"Fa neih chu i duh ami?" A rawn ti hlawl a nih chu,

"Duh e, A pawina a awm ami?" Ka tih chuan a bu deuh nghauh a,

"Ka lo ngaihtuah ang, Mahse, I hria anga, fa nei tur chuan engemaw tih a ngaih thin hi" peh hêl zeta arawn tih chuan ka lo ning hman nia,

"Nia, Nupa nun hman angai, Ka hre vetho e aw, Vargin hawn chu ana an ti bawk, ka hre ve tho, Ka pasal min hmangaih miah lo tu lakah fa ka awh vangin ka thianghlimna ka hlan dawn a nia, ka fel ngawt lo maw?" Ka ti ta duah a, min en vung vung ringawt, rum zeta melhin ka chhuahsan nghal nal nal a, hmeltha hle lo se chu a thianpa thusawi kha ka awih bik miah lo ang, Mahse Ka fa pa tur a hmelthat em vangin ka phûr bik riau.


Chutah inhnuai stepa ka chhuk tur chu ka mi hmuh vang chuan ka ding chawt, Thlema maw? Henu hi ka ngaina lo, photo shoot kan neih ni a a tawngkam meinei zet kha ka thinlungah hian ala cham reng nia, chutah ka hnunga lo kal chu lo pawt dingin,

"Khunu khu a tel ve dawn tih sawi miah suh" ka han ti ringawt a,

"Tel ve dawn e, enge pawi?" Alo ti hû nia, za lo zet chuan ka nui lui hak, " A pawina awm lo e, mahse ka ngaina hlawl lo, ka vanduaina thlen tu tur ni tlata hriatna ka nei" ka tih chuan min en deuh vung vung a,

"A lehpekah chuan kan thlim tawh dawn nia, lo tuar hram hram rawh, Engemaw sawi a neih chuan min hrilh la ka lo hau ang" dam thluo hian a ti ve mai a, chutia ka pasal berin min chhn a inhuam vang chuan in la cham zetin ka chhuk thla ve nghal vawh vawh a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:43 pm

A thian te mipa 5 vel leh hmeichhe pathum, Sang leh piannalh tak tak techu an lo awm a, Thelma pawh a tel, An zingah chuan a tlangnêl hmelin an in kawm ngeih hlawm viau niin a lang, Tinge ka tê rawih rawih a hriatna ka neih tlat le?

"A hmeltha nia, Lal John-a Thiannu hi"

Nizana lo kal a thianpa lukir zet chuan nui huah huah hian arawn ti a, Kan pahnih chuan in en in kan nui suk,

"Thil pêk ho tê ka rawn ken che a" tihpahin nula hmeltha zet sang lampang hian present bawm nalh zeta tuam chu min rawn pe a, Ka lak dawn leh dawn loh chu John-a mit meiin ka zawt zauh, a mitmei bawk chuan la turin min lo ti a,

"Ka Lawm lutuk e" Nui chunga ka tih chuan,
"Thil ho tê a nih kha, Perfume a nia, Australia atanga ka rawn hawn a nih kha" Arawn ti dam dap a, ka meng nghal kawk thei, mahse ka insiam tha leh nghal vat,

"John-a nen hian College kan kal dun thin a, In pa hi a lerh lo ania, hmeichhe lamah chuan lungngai duh suh" fiamthu a atih chuan ka nui sak ringawt.

Mipa ho chu inhnuai lamah kalin hmeichhe ho chu kan room ah chuan kan awm a, John-a thian te hmeichhe pathum chu an tawng duhin an fel phian a, ka nel zawnga awm an thiam viau bawk, Thelma erawh a ngawi reng a, biak pawn a rul tawk bakin tumah a chhang lo, kei nen ngat phei chuan kan la inbe miah lo,

"Room chu inchei nalh reuh e, Tu Idea nge?"

Pakhatin arawn tih chuan "Ka nu lo chei ania, keichuan thil mawi ka hre ve vak lo" ka lo ti mai a,

"Kan pa nen kan room ka chei dan saw a nalh tawh lo lutuk a, In room ang hian tlêm a dark deuhin chei ve ila a that hi" a tih chuan mak ka ti ngei mai,
"Awi...pasal i nei tawh maw?" Ka lo ti hû,
"Nei tawh e, Fa pawh pathum ka nei tawh, Kan zingah chuan Thelma chiah hi pawmlai neilo awm chhun" atih chuan mak ka ti ngei mai, An hmeltha in an la nalh si, Fa pahnih pathum nei ah chuan mak ka ti tawp thei lo.

"Fa pathum nei ve ta ila nangni ang hian ka la nalh ve reng angem le?" Ka tih chuan an nui nasa mai,

"In uluk ve angai a, Nang phei chu ila naupang ve sia, in uluk hlê rawh, In pa hi a hausa ropui sia thil man to deuh deuh te ngen ta che" pakhatin a rawn tih chuan keipawh ka lo nui ve mai a, an hming pawh hre hlei lo in ka nuih pui ka nuih pui ve ringawt,


A hnu fe ah Eli, Grace i leh Chhantei te an ni tih ka hre ve chiah a, ka la ko sual nawk nawk zui, reilote ah ka nu pawh arawn thleng ve a, a fapa thian te bula namên lo a min fak chu ka zah rual rualin nuam ka ti veng veng mai, Chaw ei dawn têp in John a awm miah lo, Thelma pawh, Kan kîl thap tawh na in ka tho leh ngat a, zawng turin inchung lamah ka chho nghal tharh, kan room ah ka en a, a reh thiap mai,
"John, Khawnge i awm?"

Ka tih pawh chuan min chhang miah lo, Chutah ama room hlui atang chuan arawn chhuak ta hlawl mai, ka la phu nasa em em zui,

"Min ti phu lawm" ka lo ti bak hlar lai chuan a hnungah Thelma chu thur deuh bap hian arawn chhuak ve nia, Ka thusawi tawp chata ka en vang vang takah chuan "Buaina engemaw chin fel tur kan nei a" John chuan arawn ti zauh a, A thusawi hi ka awih eih lo nia, "Zanriah ei hun tawh ah a fal ngatin eng ang fako a pawimawh nge in sawi a?" John enkara ka tih chuan, "A pawimawh a, Hawh kal ang" tihpaha min kaih a tum chu ka sa deuh phat, a kut chu ka lo thing thla lawp ringawt, engemaw sawia phun hluk chungin a chhuk thla zui nul nul a, Thelma pawh in la engemaw zeta chhuk ve mai a tum chu "Ka pasal hi i duh tih ka hria" ka han ti ringawt a, ding datin muangchang hian arawn hawi let riai riai mai, Ngei awm zeta a nui chu ka va han kêk chak tak,

"Iti dik, Ka duh lawm, A hming ve maia a nupui inih kha, a nunah hian in rawlh thûk lutuk suh" ngeiawm zet hian arawn ti nih chu, Ka nui ve hak, "A nupui ka nia, Nupui tih hi a awmzia i hria em? Nang chu a hmei" tihpahin lei ka chhuah khuma a hmel rapthlak lutuk chu hmu peih lo in inhnuai lamah ka chhuk thlak sawn nghal nal nal ringawt.




Zanriah eilai techuan Thelma chuan min melhno lo thei khawp mai, ngahmah ngai lo angin ka awm na a, Ka zakin ka thin a rim viau, an haw hun chu a chak lo khawp ang ka ti rilru mawlh mawlh reng ringawt,



Zan riah eikham chuan an haw ve thei ta hram a, Mahse Thelma ala awm tlat, ka inhûm ruh ru tlawk tlawk reng ringawt, John nen chuan a lehkha chhiarna room ah an inzui ta daih a, Thinrim lutukin ka melh zui vawng vawng ringawt,

"Hrethiam hram hram rawh, Thelma hi a rin ber leh hnathawh thiam ber a ni bawk si a" ka nu chuan dam dapa tihpahin ka hnungah chuan min rawn beng thak thak a, ka lo bu nghauh ringawt, Bawihtei room ah chuan kalin a muhil lai chu ka thlîr vang vang a, hetiang reng a nih chuan kan inneih rei ka ring ta hauh lo, Thelma chu lehkha a thiamin a fing a, A hmeltha bawk si, John tan chuan lunghlu a ni ringawt, kei ai ngawt ai chuan nei se hmeh pawh an inhmeh zawk daih ang, a bulah chuan mu ve in kan khua techu ka ngaihtuah mai mai a, Ka muttui a hnai kuar mai, ka lunga leng takzet a ni, kan khua ami atu pawh mai khi ka ngai vel vek, ka ngaihtuahna vak vêl chuan hriatloh kar in mittui arawn luan tir ngiai ngiai a, a khat tawkin ka inhru zauh zauh reng ringawt.



"Mommy tinge i tah a?" Bawihtei aw rî ka hriat chuan ka hawithla vat a, mak tih hmel zet hian min lo enkiau mai,

"Ka tap hleinem" tihpahin a sam ah chuan ka chûl zauh, "A pa in a hau che mi? Nge a pi zawk?" Arawn tih chuan mittui tling pam in ka nui hak, "Teuh lo, Ka mitah thil a lût a" ka tih chuan naupang na na na chuan a awih ve mai,

"Mommy tui ka duh e" arawn ti leh sep a, Pawm tho nawlhin inhnuai lamah ka hruaithla nghal, a lian tawh ve hle a, a rit ka ti viau bawk, ka lo nu lian vak bîk lo nen inhnuai thleng ka pawm thla chu ka thaw hlawi hlawi mai.


Tui chu in tirin a ka te takte a tui a in ri kiang kiang chu ka lo thlîr reng a, A in zo chu thawk la hakin a no chu ruak min rawn pe ve mai a, inkai rialin kan chho leh hnak hnak mai,

"A pa bulah ka kal duh e" arawn ti chhuak sep mai, vawiin nilengin inchhawnchhaih hman pawn an awm lo a, a awm ve viau tho, A lehkha chhiarna room ah ala awm ring in kan inkai phei dat dat a, Engmah ngaihtuah hmasa lo chuan ka hawng nghal rawk, Ka thil hmuh zet chuan min ti ding chawtin ka meng nghal kawk thei, Bawihtei mit chu ka hup sak nghal vat.

Ka pasal leh a personal assistant chu duhthaw zet hian an lo infawp a nih chu,phawk fê a min rawn en chuan ka ding khur der der ringawt,

"Apa" Bawihtei chuan a ti deuh sap a, Min rawn pan tuma a din uaih lai chuan Bawihtei chu pawm nawlhin ngawi reng chuan ka chhuahpui nghal hlawk hlawk ringawt, A room ah chuan pawm lutin kawngkhar ka kalh zui hmak, khuma ka thut tîr veleh chuan,
"A nu, apa khan tinge kha nu kha a fawh a?" Ka hlauh ang ngeiin arawn ti ta, engtin nge ka chhan ang? Ka rilru a buai kher mai,
"An in fawp hleinem, i hmusual mai mai nih kha Bawihte" a hma zawna thut thlak pah chuan ka ti a, a hmel pawisawi lo zet chu en pawh ka en tha ngam lo, ka duh loh ber mittui arawn hnai leh kuar tawh, kan khua a haw daih techu ka duh rum rum zawk.

"Muhil phawt la naktuk ah kan sawi tha leh dawn nia" ka tih takah chuan thu awih zetin a mu ve nghal than a, Rei vak lo hnu ah chuan a muhil zui ve mai, a mutthilh hnu chuan kan room lam pan in hreh zet chuan ka kal a, engmah sawi buai thei dinhmunah ka ding si lo, ka thin erawh a rim viau, engtin nge phuba ka lak ang tih ringawt ngaihtuahin khumah chuan ka thu ngawi ngal reng a, ka kawchhung tehi aso hulh hulh thei.



Khumah chuan muthla in inchung enkar chuan ka in ngaihtuah vang vang a, Hepa hian min mamawh vang ni lo in ka mamawh zawk vangin ka nei a, ka duh huna chhuah chu ka tan apawi ka ring hauh lo, Tlang rêl dawn lêk lova haw chu ka tum bur mai ni, Ka nu erawh hrilh hriat kher tul ka ti lo, inthen rawt mai ila alo pawm thlap ka ring nghet nghal hmiah bawk.


Chutia ngawirenga inchung melha ka lo mut reng lai chuan thawm ri sut sut ka hriat vang chuan ka hawi chhuak vat, Ka pasal chu ngawireng hian alo inthlak mial mial nia, ka ngaihtuahna ka lo kawm nasa deuh nge a lo lut lai awm reng reng ka hre lo,


"Bawihtei khan enge a sawi a?" Dam thlupa arawn tih chuan ka puansin lai chu ka hmer na ngang mai, ka rilru tur pawh nngaihtuah hauh lo in a fanu ngaihdan turah chiah alo buai reng ania,

"Kha hmeichhia nena in infawh chhan kha min zawta chhan dan ka hre lo" ka aw a khurh loh nan ka in thunun nasa viau,
"Nichin thil thleng kha pawi ka ti takzet a ni" arawn tih chuan tho hluaiin a hmel chu ka en a, ka nui zui hak,
"Pawi iti maw?" Ngeiawm zeta ka tih chuan kawr ruakin ka hma ah chuan zu ding teu a mawle, "Aw, Kan fanu leh kha nu hma ah khan tlawm takin ka siam che a pawi ka ti lutuk" ka mita min enkur hian zu ti a mawle, a rawn mut veleh chuan ka tho zui hmak a,

"Pawi itih thû sawi kher angai lo, i tan chuan êk pawh ka tluk hleinem" ka lo ti hlar a, a ring kan meuha dur khupa min rawn en chung hian,
"I thîk a ni maw?" Arawn ti nia,
"Thîk teh nang, Engvangin nge ka thîk anga? I bialnu hmelchhe zet kha ka thîk awzawng lo, A hmai dung sei sei nen" ka lo ti zêk a, ala nui hawk zui, kei erawh ka thinrim zual telh telh thung.

"Lo mu lawk teh, inbia ang" a rawn tih chuan a bula mut ka tum lo nasa mai, ka chapal bun sawk sawka chhuah ka tum chu rawn tho in min pawt lek sawk nia, kekawr bul nen chauh a awm bawk si hepa hi ka ten riau,


"Min pui rawh, I tanpui ka ngai"

Dawt bak a nih ring lovin ka lo tang ve tang tang a,

"I tanpui ka ngai ka tih chu mawle, hriatthiam tum rawh, Ni e, kan inneih zan khan ka mutpui ngei alawm, mahse a tukah khan nupuia ka neih vat loh chuan ka thurûk tam tak puanzar a tum a, a puangzar a nih chuan ka tla chhe vek ang, Nute min pui rawh" a rawn tih chuan mak ti zetin ka enkar a,

"I eng thuruk?" Ka lo la ti hlar tho, ka nêm nghal ngawt chuan min bum ve thwi tho.
"A tam mai, hna thil ah ania, i hrethiam lo ang, A chanchin ka hriat tam loh vangin ka chhui tir mek a, vo na tur tha tak ka zawng mek, Ka hnuaia hna thawk ve mai a ni a engtan mah ka ti lo, Ka ti tak tak, min rin angai"

A rawn tih chuan ka khawngaih leh hnu hnawh kher mai,
"Engtin nge ka puih ang che?" Ka tih chuan thawk ala hawk,
"Ka hre lo, Mahse in ngeih takin awm ang? Ka nupui ini a, Zak taka siam che kha ka duh lo, kan inkar ah hmangaihna a piang lo pawh a ni thei a, mahse ka fanu in nu atana apawm thlap hmeichhia hi thlah mai che ka tum lo, khawngaihin min ring rawh" a rawn tih takah chuan rinhlehna tur a hmelah ka hmu hauh lo.

"Diktak chuan then che ka lo tum rilru a" ka tih chuan chal chuar nung hian min rawn en a,
"A thleng ngai lo ang, ka then dawn teuh lo che" a tih chuan ka rilru in ka nui leh vur vur tawh.



"A hrim hrim in nangpawh mutpui loh ve mai tur che nia, i thiamloh vek a nih kha" ka lo la ti hram,

"Ka hria lawm, mahse kan inneih zan khan min thlem nasa lutuk a, ka lo rui ve deuh bawk nen, ka tihpalh tak tak a ni, Nichin pawh kha amah zawkin ka inrin loh lai takin min rawn fawp thut a"

Inthiamloh hmêl fê hian arawn ti ve nuah nuah a, khumah chuan thu thla lehin "Naktuk ah Bawihtei khan kan pahniha kal turin min tia, Theihnghilh lo la, chaw chhûn kan ei ho anga i sawi fiah dawn nia" ka tih takah chuan nui sukin, "Ka Lawm e, Nang ka nei che hi ka vannei takzet a ni" ati ve sup a, k hmui ka lo tipawrh zauh ringawt.


Khumah chuan rawn thu thla ve in ka kutah chuan a vuan lum thur thur a,
"Chutianga hmeichhe duh huam huam ka ni lo ania, diktak chuan nupui neih zui tumna ka nei lo, mahse ka fanu hian nu amamawh em vang zawk a nia, Pathlawi ka nih lai kha chuan nia, ka zep lo mai ang, Model nalh tak tak han khawsak pui zauh tum chu ka nei ve thin, Mahse tumah ka duh zui ngai chuang lo, an mahnin min sawm tlat thin vang a nia" a tih chuan ner sukin ka hmui ka tipawrh zauh a,


"Ni e, Min nei hi lawm hlê kei ai tha hi i hmu tawh miah lo ang" ka lo tih chuan a ha var sar lang hian anui leh hak a, a hmeltha takzet a ni,


"A nih chuan, Bawihtei nau tur chu kan siam dawn em ni?" Fiamthu a arawn tih chuan ka teu nghal hlar mai,

"I buaina hi i chinfel hma chu i kawt hmawra i sîk pawh ka duh lo, min han si vaih teh, ka haw nghal ang" Tihpah chuan ka mu zui hmak a, ka hnungchhawn nghal hmak, A thawm ri sun sun atang chuan arawn mu ve tih ka hria, ka lungphu tehi arang dut dut thei nia.

"Engtin nge ka nupui hmeltha tak ka bula amut laiin che miah lovin ka muttheih ang le?" A ti deuh nuah nuah a, ka nui zui sak ringawt.


"Ihmaw...." Tihpahin alam hawi zawng chuan ka va inher a, min lo en hau mai.

"Smart phone min lei la, ka thian te biak na tur, ka ngai thei lutuk a" ka tih chuan " Ni tak maw...ka lo theihngilh daih a, ka nu ka lo hrilh ang" a ti leh mai a, ka thil dil apiang hi awlsam zet hian min pe ve mai zel a, nuam lo ka ti ru viau na in, a hausa tih hi ka hre ve kur tho si a,

"Tunge i ngaih ber?"

Arawn tih chuan, "Ka hre lo, ka ngai vel vek mai" ka tih chuan, min en deuh vung vung mai, "A bîk in ka nu ka ngai" a hnu fe ah chuan ka ti leh sep a, ka mittui arawn hnai leh kuar tawh, Aizawl atangin kan khua ahla si, a chang chuan ka inchhir lek lek zel,

"Remchang hmasa berah kan zin dawn nia"

A rawn tih chuan ka inbeng tho nghal ûr ûr a, "Iti tak tak em?" Rang zet chuan ka ti nghal chûk, "Aw, i fel viau chuan" a ti leh a, ka nui chhuak hawk, "I van fel tak e aw" tihpahin a biang tawn tawnah chuan ka han piai nghek a, alo meng dur nghal khup nia, inthiam lo zeta ka kut la thla riai riai in,

"Ka tihpalh" ka ti zui sap,a mah hnung chhawn zawng chuan ka hawi ta hmak, chutah ka inrin loh lai tak chuan ka kawngah rawn kuah betin alam hnaih chuan min pawt phei dawrh a, ka lungphu a su nghal dup dup mai, ka khûr ru der der bawk.

"I pasal hi kum 5 mi ang lekah min ngai a ni maw?"


Ka beng bulah chuan arawn ti sur sur a, ka lo têk chhawk thei, Chutah alam hawi zawnga min kuai phei riai riai in min en vang vang a, ka sam hnawk niai chu ka bengah a zep zauh, ka khabe ah rawn dawmin arawn kun hniam deuh a, ka lo maimichhîng nghal hmak, a hmui lum thar thar a ka hmui arawn sîk rual chuan ka lo tang nghal tung mai, a taksa lian zet chu ka taksa chunga rawn in let thawkin min fawhna chu a duhthaw tial tial mai, ka kut kan puansin laia ka lo hmer tang chu la in a nghawngah chuan min kuah tîr a, hnawk sak ti zeta ka kawr phelh a tum lai chuan kawngkhar arawn ri rak.


"Mommy ka muthei lo a, hetah ka mu ve duh" Bawihtei'n arawn tih chuan ka namsawn lawp a, ka tho nghal vat,

"AwBawihte lo kal rawh" tihpahin Bawihtei mutchhuak mit nuai nauh nauh chu khumah chuan ka kai phei a, a laiah ka muttir nghal hmak, John-a thaw hak chu lai zetin ka va en a, alo nui ve sun sun mai.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2021, 12:43 pm

NEXT MORNING



JOHN POV



Ka harh chu ka fanu leh Nutei chu inkuah rial hian an lo muhîl sak sak a, ka nui suk ringawt, Chhungkua ti a sawi tûr ka nei ve ta chu nia, Nutei hian min ti famkim ni maiin ka hria, Ka fanu chu ka enkawl thei teh meuh mai, Mahse nu hmangaihna a mamawh ber ka pe thei lo kha a famkim lo thin, Nutei hi ka fanu nu tur atan hian ka ring tawk hlê a, bakah ka nu thlan nalh tawh hmeichhia chu a that loh hi ka ring ngai lo, keima ngaihdan atanga ka lo zawn ve thin hmeichhia tepawh ka hmelhriat tir ve leh zauh thin, mahse ka nuna pawimawh ber ka fanu nu tur atan khan tumah duh a nei ngai lo, A chang chuan ka hrethiam lo lek lek thin a, mahse Nutei'n ka fanu a duat dan atang hian a thlang sual lo viau dawn niin alang.



Kan inneih zana hmeichhe dang ka mutpui lah chu ala lap em em zui lehnghal a, Mahse han thik viau na turin Min duh leh duh loh engmah ka hre si lo, Keichuan ka duh emaw duh lo emaw a pasal ka nihna anga ka tih tur zawng zawng chu tih vek ka duh, a nu leh Pa leh a chhungkua pawh ka mawhphurhna an ni ta, pawi tihna ka nei lo, keimah vanga tu te emaw hlim taka an awm thei a nih chuan ka lawm tawk viau, mahse a hmasa berah chuan ka buaina hi chinfel hmasak phawt angai.




An pahnih chuan fawp ve ve in ka tho chhuak a, ka inbual zui nghal, Hmanhmawh takin ka insiam chûk chûk a, Tûkthuan ei turin ka chhuk thla nghal, An muttui dun em vangin kaih thawh tul pawh ka ti lem lo.


Ka nu pawn Tukthuan alo ei mial mial a,

"Khawnge Bawihtei leh a nu?" Ka rin ang ngeiin alo ti vat,

"An la mu a ka kaitho duh ta lo, Bawihtei nizanah kan bula mut arawn ngen a" tihpah chuan ka thu thla a, Nadi pawn ka ei tur arawn chhawp nghal.

"I nupui a chhungte hi i kutah an awm ania, Nutei unaupa kha he lamah a zirna rawn chhunzawm ve se tha ang, Class 12 distinction ah a pass ve a,Science ala lehnghal a ni awm e" a tih chuan ka nui suk ringawt,

"A zirna man tur tum sak ila ka lo ti deuh, Doctor a zir theih ka ring tlat" a ti leh a,

"Ka lo ngaihven dawn nia, Vawiin ah i chhuah dawn chuan Nutei phone tur lei sak ve la" ka tih chuan arawn ri hlut a,

"Ni tak e, A nih nangni hi Bawihtei nau tur lam te ka hre hnai thei angem?" Arawn tih chuan ka nu chu ka melh zawk,

"I ninawm lo hmanhmawh viau suh" ka ti deuh hluk, ka rin lawk ang ngeiin arawn nui har har a,

"Ala thalai a, Fa nei vat rawh u, ngaihzawng neihsan kha chu ngaihtuah pawh ngaihtuah suh ang che, I tana hmeichhe tha tawp khawk ka thlan sak che a, min ti beidawng miah suh" a tih deuh duah hnu chuan tho in a chhuak zui nal nal a, Engemaw a that viau na le?


Office ka thleng chu ka hmeichhe huat berin nui sawng hian min lo en a, mipa chu nise ka hnek dawt tawh ang, ka room a ka lut chu min rawn zui lut ve nghalin ka hnunglam atang chuan min rawn kuah nia,

"Ka ngai tawh lutuk che, Saw i nupui thing zet saw i then vat theih nan hma ka lo la char char ania"

A tih chuan mak ti zetin ka en kawk ringawt,

"Ka nupui saw tibuai reng reng suh, chhuak teh i hmel ka hmu peih lo" ka tih chuan lungawi lo zetin a chhuak tau ta nghawng ghawng a, hmanhmawh lutukin ka phone ka check nghal, Ka rin ang ngeiin Thelma chu nula ni lo in pasal nei lai fapa pahnih nei tawh niin a pasal chu kutthlak ching ti a mawhpuhin jail ah a khung a ni awm e, An la inthen lo bawk, Ka phone ka en chu nui sukin an chhungkaw thlalak chu ka va thawn a, min vo ve khanglang chu a inchhir ve viau ang, Min cho sual chiang khawp ang le.





Chawhnu lamah chuan meeting neiin ka buai hle a, chutah ka Secretary Mawia arawn lut,

"Sir an be duh che a" tiin ka phone chu min rawn pe a, Planning department ami teho nen meeting kan neih vangin thil dang aiin a pawimawh hle bawk,

"Meeting ka neih hi hre lo mi?" Chang faka ka lo tih chuan, "I nupui a nia a pawimawh lutuk arawn ti a" a tih chuan Ka fanu chungah engemaw a thlen ringin hmanhnawh lutuk in ka chhang vat a,

"John, En teh ka nu phone min lei ah hian Email siam angai a Youtube pawh ka en thei lo" arawn tih nih chu,
"Ka rawn haw hunah ka hrilh ang che tunah chuan ka buai rih" tihpahin ka off hmak a, Mawia chu ka chhuah tir nghal, He nu tak hi chu aw min va han tibuai tak, Thawk la hawkin ka thil sawi lai chu ka sawi chhunzawm leh mawlh mawlh a,


Meeting a zo chu alo tlai ruih tawh, Dar 5 pelh hretin ka haw a, Thelma pawh ka hmu lo nileng, reilote amah hmu lo a ka awm pawh chu ka thaw a veng huai nia mawle.



In ka thleng chu an nu fa chuan kawngka bulah hian inkuangkuah chungin rum zet hian min lo endun kar a nih chu, ka ding zui dat,

"Apa tinge ilo kal loh?"

Bawihtei'n a tih chuan thil ka hre chhuak zawk, Vawiin kha a solo nî kha a ni tak e, ka theihnghilh daih, ava han pawi tak,

"Bawihte apa hi ka buai lutuk a, ka lo theihnghilh daih a, Zan riah kan ei chhuak mai dawn mi niang?" Ka tih pawh chu hre lo ang hmakin inchungah a tlan chho zui hmak, ka fanu luhlul zet hi thlem lungawi a harsat zia ka hre chiang mai si,

"Nangpawh ka lakah i thinrim ami?" Rum zeta min en tu chu ka va en a,

"Thil dang zawng zawng aiin ngaipawimawh tur i nia sin" min tih zêk pahin ani pawh chu a chho zui nal nal nia, An va han inchhun reuh tak, ka chauh teh lûl nena min lo thinrim khum khanglang chuan mood off ati zual ngei mai.


Room a ka lût chu tumah an lo awm lo, chau zetin ka thu hnawk a, Ka indawm kun tlawk tlawk ringawt, Inbual ta mai lo chun ka inthlak leh te te a, Bawihtei room ah chuan an awm tih ka chian em vangin ka pan nghal ruak ruak mai.



Kawngkhar ka hawng dek dek chu an lo in be siam siam a, lût ta mai lo chuan ka ding dat.

"Apa chu ti hian ati ve ziah, i awm loh lai pawn school ah pawh arawn kal ngai lo, A pi chiah alo kal thin" ka fanu chuan thinrim hmel zet hian ati sim siam a,

"A pa chu a buai thei lutuk a, keimah ka lo kal char char tawh dawn lawm Bawihte, A pa chu hrethiam hram hram mai rawh aw, vawiin khan i che tha teh mai nia"


Nutei chuan ahan ti siam siam a, ka lo nui suk suk ringawt,

"Mommy nangmah awm lo la chu ka zak ngawt ang, Sangpuii techu a nu leh apa in an hruai ziah a" a ti leh a, Ka fanu hi ka lo thlahthlam thin zia ka hre chhuak chiah, ka hna chauh ah ka rilru ka lo pe thin a,


"A pa chu nakinah ka lo hau ang aw"

A ti leh a, Bawihtei chu alo bu nghauh nghauh ringawt, Chutah a remchan veleh ka lut ve a, min lo melh no lo dun khawp mai,

"Zan riah ei chhuak ang u hmiang, bazaar ah te kan leng anga" ka tih chuan an in en vang vang a,

"A nawm loh vaih chuan ka thinrim leh ang" Bawihtei'n a tih chuan Nutei nen in en in kan nui ringawt.



Darthlalang hma a asam a khuih hliau hliau lai chu ka en reng a,

"Engtin nge Thelma chu? I ban dawn em?" Min en miah lo hian arawn ti a,

"Dawn lo, mahse ka lakah chuan a ngampa lutuk tawh lo ang" ka lo ti ve vat a, henu tereuh hi nitin hian ka hmu tha telh telh mai, Bawihtei chanchin techu sawiin thildang sawi chuan a ti ti siam siam a, ka lo ngaithla ve top, a kawrfual hak chuan hmeichhe naupang a ti ang lek lek mai.

"Nizan kha..."
Ka ti hman tawk, "Engmah sawi suh" arawn ti deuh that a, mak ti zetin ka en kawk, "Khatiang sawi chhuah kher kha ngai lo" a ti zui leh hlak a, ka lo nui hawk ringawt, a zak tih ka hre mai.




Hotel changkang ve takah hruaiin an ei duh zawng techu an in hrilh siam siam a, In anna tam tak an lo nei, nu fa ni awm rêng an ni.

"Ehe...Pu John" rawn ti tu lam chu ka hawi vat, A hma a ka lo khawsak dun pui ve thin Model Feli kha a ni, Rum zeta melhin thawk ka la hawk, mi zak theilo tih takah ka bulah chuan arawn thu thla ve thawr a, Nutei leh ka fanu chuan an lo enkar thung.

"In hmuh lohna a rei tawh lutuka ka hai têp che lawm, Tu te nge i kal pui te hi? I naute mi?"

A tih chuan Nutei chuan a melh nasa mai, chutah ka banah chuan rawn vuan in min nuih ver ver a, a hmeltha in a pian pawh a nalh, mahse a zak theilo lutuk hi ka ti thei thlawt lo, Nutei ka va en lai tak chuan Feli'n ka bana avawnna chu alo enkal mai, ka fanu leh ka nupui vengthawng takin ka ban chu ka la sawn vut a,

"Hmanzan Hotela kan inhmuh tum bak kha ka la hmu leh miah lo che" arawn ti leh a, thil pawi a sawi hma in, "Hei hi ka nupui a nia, chuan hei hi ka fanu" tihpahin Nutei leh Bawihtei chu ka kawk zauh a,
"Ooppssss....a nih tak chu, Chibai ule" tihpah chuan a chibai zui zat nia,

"I nupui chu ala naupan hmel hle mai" tih pahin Nutei chu a melh zui ralh a, Nutei lah chuan alo melh no lo nasa mai.

"La upa vak lo e" ka lo ti mai a,

"A nih chuan ka lo inthiar fihlim san mai ang che u, Nuam deuhin hmang ula, i hman hunah min rawn call rawh aw"

Tih thawr thawr pahin a kalsawn zui ve mai a, ka thaw huai thei,

"Pa tunge a? Ka ngainat zawng a ni lo" ka fanu chuan alo ti zauh a, Nutei erawh a ngawireng thung, henu tereuh hian ka hmeichhe kawp thin te vang hian min then duh mai ang tih mawlh chu ka hlau a ni, Ka fanu lah hian a ngaina mai si a.


"Ka thian hlui a nih kha" ka tih lai tak chuan kan ei tur chah chu rawn thlengin engmah sawi zui tawh lo chuan kan ei zui mial mial a.


Kan ei lai chuan ka phone arawn ri thut, Pu Khuma a ni, rang takin ka chhang zui vat a,

"Sir, Thelma khan Kha Hotel nei tupa kha a rûk in alo thawhpui reng tih ka man chhuak a, tunah hian an in hmu mek, Hotelah khan Lo kal la, nangman i mit ngeiin rawn man chhuak la a tha ang, banna hun tha tak a ni, tuna i hmaih chuan hun tha i nei tawh miah lo ang" a rawn tih chuan ka tho nghal hluai, ni e, tun bak hun tha ka nei tawh dawn lo.


"Bawihte ka kal lawk angai hna thil vangin, A nu nen hian Pate Mawia rualin in ei zawh ah lo va haw mai ula"

Tih sawk sawk pah chuan ka tho nghal vat a,

"Ava pawimawh awm ve tun angah" Nutei chuan arawn ti ve vat,

"Mmm...a pawimawh lutuk, ka lo haw hunah engkim ka hrilh ang che" tihleh tlan chhuah ka rual nghal a, tun bak hun tha ka nei dawn tawh lo tih ka chiang ve em a ni, kha hmeichhia kha ka man a nih chuan mi zalen ka ni tihna ni mai.



NUTEI POV



Car a kan chuan lai chuan Bawihtei tap hlap hlap chu ka thlêm mawlh mawlh a,

"Apa chu hna a thawh a ngai ka tih kha Bawihte"

"Mahse A nu, apa chu sual ka ti tho" inhnit hlap hlap chung hian a ti a, tih ngaihna hre lo in ka kuah ta ringawt, inthlen tep chuan a muhîl zui ve mai a,

"Ka pi, ka lo pua ang a rit ve tawh si" Mawia'n a rawn tih takah chuan puak tirin inchhubg lamah chuan kan lut vat a, ka nu alo phî nghal ruai mai.


"Mawia a room ah han muttir mai rawh, Nute in be lawk teh ang"


Ka nu in a tih takah chuan Bawihtei pawh ngaihsak zui tawh lo in ka nu bulah chuan ka va thu thla ve a,

"Bawiha hi i hriat angin a phur hi a rit êm a, a hnuaia thawk tam tak te lah sawn an erin paihthlak phêt an lo tum bawk nen, i hriatthiam hram hram angai nia" ka nu chuan dam dap hian a ti a, ka lo bu nghauh nghauh ringawt,


"A lo haw hunah pawh thinrim mai lo in a thusawi te lo ngaithlak sak la, A fanu nen hian a nunah in pawimawh ber tih hre reng rawh aw" a ti leh a,

"Awle" tih ringawt chuan ka chhang, keipawh ka lo chau ve bawk nen inchung lamah chho in ka inbual fai sar a,ka inbual zo ka chhuak chu ka phone arawn ri ral ral mai, a vawikhat rîk na a nih vangin phûr zet chuan ka la a.

"Thelma ka nia, Tunah hian i pasal nen kan awm dun mek tih i hria em?"

A rawn tih chuan ka sa nghal phat,

" Ka phalna la chunga rawn kal a nih kha, pawi ka tih i ring ami?" Ka tum loh pui chuan ka ti chhuak hlawl, ka thinrim em vang chu a ni na in hetiang zawnga tawng tur hi ka ni miah lo tih ka in hria.

"Anih tak chu, nupui tha tak ini, alo haw tep ania ilo ngaih tawh takin"

Ngeiawm zeta arawn tih chuan ka inhûm ruh nasa mai,

"I ti tha e, Hmelchhenu" tihpah chuan ka off zui hmak, tawng khum dan tur hre tawh hek lo, khumah chuan thu hnawkin ka awm rawn tawt up up vang chuan ka hmui ka pet fan fan a, ka mittui arawn hnam sawk, ka mu zui hmak a, ka chau ngang aniang ka lo muhîl zui daih.






JOHN POV





In ka thleng chu room ah lut tlangin ka nupui lo muhîl bem chu ka en vang vang a, a chilthli ala thlauh zui, he hmeichhe khawngaihthlak tak hi ka khawngaih telh telh mai, a chang chuan hahthlak viau thin mahse a mize pawisawi lo lutuk hi ka lawm ru riau, rawn rûm tiah tiahin a rawn tho chhuak hlawl a, a mit a nuai niah niah bawk, hmeichhe naupang ang mai a ni,

"Engtik in nge ilo thlen a?" Thophang zet hian a rawn tial riak a,
"Tunah lawk khan, mu leh rawh" ka lo ti vat, khap miah lo hian a melh ngai a melh vang vang mai,

"Nuam lo i tih viau chuan chhuatah hian ka lo mu mai dawn mi?" Arawn ti nia, Chhuata muttîr em chu ka duh bik lo, nuamsa taka awm hi a phû ve in ka hria.

"Ka tha lawm,mu leh rawh" ka lo ti vat,mu leh mai lo chuan khap fak fak hian min rawn enkiau a,

"I kal daih chhan kha sawi tawh la" arawn ti thawp sat mai,

"A tlai tawh emai"

Ka tih chuan a hmel arawn ngui lap nia, "A nih Bawihtei nau tur chu?" Arawn tih chuan phawk hrû hian ka en a, engtak a rilru ah awm leh tawh ang maw,

"Bawihtei a awm tawh tho a, a hmanhmawh thlak hleinem" ka tih chuan a bu leh nghauh nghauh a,

"Thelma chu i duh chuan i kawp thei ang"

A bula ka muthla tur chu tawp chatin a hmel ngui lap chu ka en vung vung ringawt,
"Engemaw i hriat reuh le?" Ti supin ka in siam rem sut sut a,

"Nichin pawh khan arawn ko che tiraw? Ka hre vek alawm, Nang hi ka pasal tak tak anga ka en che vangin ka tihpalh a ni"

Arawn ti leh sep a, sawi tur pawh min ti hre lo, chutah arawn ri sat sat a, a tho zui daih nia, chhuah a tum tih ka hriat vangin ka inperh tho ve vut a, a chhuak tur chu abanah vuan in ka pawt lêt sawk, a hmel ka en chu a mittui alo tling kiau nia.


"Tinge hetia i awm, hawh inbia ang" ka tih pawh chuan luhlul zet hian alo tang ve tang tang tho nia,

" Zan in chu hun hlimawm tak hmanpui che ka lo tum asin, Ka laka thinrimna i neih chuan sawi la" ka tih chuan min rawn en vang vangin,

"Khanu nen khan in awm dun a nih kha, Ngeiawm tak takin min rawn tawngkhum a sin, min ti zak khawp mai" tap aw lek lek hian arawn ti nia, Ka nuih tepawh aza zawk, engtin nge maw a phone number te alo neih hman le?

"Dawt vek a nih kha, keimah chauh hi min ring ta che, Thelma chu ka ban tawh, nichin khan a thil tisual lai man ka duh vangin hmanhmawh deuhin ka chhuak alawm"

Ka tih takah chuan min rawn en ta kiau a,

"Chuan?" Arawn ti leh sap,

"Ka zalen tawh, a thusawi kha engmah awih duh suh, Min ring ta che"

Thinrim lek leka ka tih chuan a inhru fap fap a,

"Rin turin i awm lo thei êm a nih kha" arawn ti leh hram a, nui hawkin ka pawm nawlh, Alo rak that mai, khumah chuan muttir dawtin keipawh ka mu zui ve mai a,

"Keichu ka mawl sia, ka hmelchhe bawk si, ka sual ropui sia"

"I thinchhe bawk" ka lo ti leh vat a, rum zetin min rawn enkar mai,

"Kan hausa bawk si lo, i tan hian ka tling lo ve em alawm, diktak chuan nupa tehian enge an tih thin pawh ka hre ve vak lova, Zep lo chuan nupa nun hman chu ka hlau top"



Ka awm a bei hle hle chung chuan a ti siam siam a, a thusawi naupang chhia zet chu ngaithla in ka nui ka nui ringawt, nupa nun hman awmzia chu alo hre thawi ve ni ngei tur a ni, a tak ram a thlen hunah chuan a suangtuah ang hi a ni dawn der si lo a.

"Ka fa pai chu i duh viau amaw?"

Ka tih chuan min chhoh en ha chung hian a bu ta nghauh nghauh a, ka nui huk thei,

"Nangmah anga hmeltha hi fapa duhawm deuh neih ka duh, Min duh lo mahla keichuan ka dem miah lo che nia, Keichu ka mawl lutuk a, hmeichhe dang angin thawmhnaw nalh tak tak ha in hna tha tak pawh ka thawk ve si lo a" a rawn tih leh chuan ka khawngaih reuh hlê, a ban bul lian lo zet nêl thep ah chuan zût chho in a biangah chuan ka piai zauh a.

"Nang hian min duh deuh a ni maw?" Ka tih chuan a nui sak,
"Ka hre lo, mahse ka pasal ini tawh a, Duh che ka ngai alawm, nang lo tunge ka duh chuan ang? I thianpa lukir deuh kha maw?" A ti zui hlak a, ka lo nui leh hawk tawh, a hmui ah chuan fawp zauhin ka taksa chunga bawk thlap thei tur chuan ka chawi nawlh a, a sam hnawk niai chu tuai tha in ka fawp ta vawng vawng a, Nuam ka ti, he hmeichhia han duat vel hi nuam ka ti takzet a ni, a danglam bîk riau, Pa zual riau a in hriatna ka neih phah a, Lal ropui tak ang maiin ka in ngai thin, engmah ni lo min ngai sang lutuk te, Ni hnih thum chhung leka min ngaina nghal maithei te hi ka tan chuan a lawmawm hliah hliah.

"Kan inkarah in duhna a pian theih nan aw niang, Fapa nei tur chuan thla hnih thla thum tal nghah a ngai thin a" ka tih chuan a bu ve nghauh nghauh a, a kawr bah chu tuai liam thla in a dar leh a nghawng ah techuan ka fawpkual dan dan a, Chutah leh thal thawkin a kawrfual hak chu hnawksak ti zetin ka hlip chho pawp a, a brazier hak kara a awmbawr var sar mai phîr thai chuan ka mit ala nghal kher mai,

A taksa chu a ka fawpkual chhuak vek a, tunah chuan hlauthawng hmel lek lek hi a pu tawh, ka thawmhnaw ka phelh lai techuan chil lem khalh hian min lo en a, chutah ka dul chu a kut te taktê chuan arawn khawih da da a, a kut chu a vawt lek lek, min rawn en lehin a nui sak.

"A nalh hle mai" a ti zui sap, ka six pack a sawina niin ka hria, ka awm ah chuan a lu nghat vang vangin a fawp zauh a, khumah chuan kan thingthi ve ve tawh, ka banah chuan a kut nem thep a rawn vawn pah hian,
"Ka ring che, Ka vawikhat hmuhna atang khan min tina ngai lo ang tih hi ka hria a ni" mittui tling kiau hian arawn ti a, A thutak reuh em vang chuan ka awm a nuam lo lek lek zawk, amah zawk chuan min rawn fawp hmasa in ka lo chhanglet rang kher mai, kan uar dun hle bawk, a brazier hak chu phelhin a awmbawr pahnih invuah fu zetah chuan ka hup vat a, alo sen tan tan mai.

"Zak duh suh, ka vawikhat hmuhna pawh a ni tawh hleinem" nui chunga ka tih chuan arawn nui ve hak, chutah a awmbawr pakhat zawk chu ka duhtawkin ka fawh sak a, ka samah chuan alo tham ve ngat ngat mai, ka fawh reng lai chuan a panty ah chuan tuanin ka hlîp thla pawp a, a îp deuh zawk, khumah chuan a letthla tawp a, a inhup nghal chaih chaih mai.

"Zak suh, Hei...i pasal ka nih hi" ka tih chuan chil lem khalh hian min enkar a,
"Ka hlau" arawn ti khur dar dar mai, ka rinsa a nih vangin a hmui ah chuan ka fawp a, a bawp leh bawp inkarah chuan in thawlhin a in rin hma chuan ka che ta thut mai, a rawn thaw chhuak hrawih thei, ka tu khum sama min keh vang chuan na ka lo ti ve em em ringawt.

Chutah a rawn inhnît ta hlap hlap a,

"Ka tihpalh, ka tihpalh takzet" a beng bulah chuan ka ti zui mawlh mawlh a, a hmui khur dar dar ah chuan ka fawp zui mawlh mawlh bawk, duh aiin ka hmanhmawhin ka dîm lo mah mahin ka hria, ka inthiamlo leh hnuhnawh kher mai, hei ai hian lo dîm deuh ila tha tur, ka duhtawk ka hmu hnu chuan a sir let thla tawpin a beksam huh hlap chu ka tuai zauh a, AC kan on chung pawn a thlan dap dap tho nia.

A hmeichhiatna huh hlap chu khawih zauhin ka kut chu ka en a, thisen alo kai niai mai, Ani erawh chau tih hriat zetin a meng mang tawh lo, a hmui a ka va fawh zauh lai chuan arawn meng diar diar a.

"Ka mut a chhuak tawh a nia" thinrim lek leka arawn tih chuan ka nui hawk, Lehlam a hawi zui hmak, "Ka lawm e" a beng bulah chuan ka va ti sar sar a, chiang zeta rawn meng chungin arawn hawi let vat,

"Ti hian ka rai dawn tihna mi?" Arawn tih chun ka nui leh tawp,

"Ka hre lo le, Pathian thu thu ni mai" ka lo tih takah chuan maimitchhing in thawk ala hak a, ka awm ah chuan bei tirin ka thiam ang tawka Dîm chuan ka awmah ka bei tîr a,

"Min huat phah êm lo ang chu" ka tih chuan arawn nui chhuak hak mai, a hmel ka en chuan alo nui ver ver a,

"Enge ka huat ngawt ang che, Naupang chhia pawh ka ni tawh hleinem" alo ti ve ngei nia, a cchalah chuan ka fawh sak zauh, Chutah ka insum thei ngang lo chuan a hmui ah bawk chuan ka fawp leh a, a taksa chungah chuan ka bawk rem leh thlup tawh.

"He hun hi ka nghahna a rei tawh lutuk" tih suppahin a hma a kan tih ang bawk chuan ka han ti leh a, Ning hmel leh hrehawm ti hmel pu miah lo a athiam ang tawka min lo dawng sawng chuan min ti lawm kher mai.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)