HURRICANE BY Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: HURRICANE BY Hlutei Jocund Pachuau (Completed)

Unread post by Ngaia » July 15th, 2018, 6:00 pm

[STEPHEN PROV]



Lei ah chuan ka thu Sawp nuai reng a, thawh mai nachang pawh ka hre lo, Thinrim nen rilru na nen, ka ngaihtuahna fim pawh ka hmang thei meuh lo, Thartei chuanna motor chu ka thlir Liam vawng vawng ringawt, pawn a awm ve ho lah chuan min en reng a, a chang leh an inhrilh ru sap sap reng, ka va han hne tak, tun ah tak hi chuan zurui chatthla mai tur pawh ka ang mah zawk.

"Stephen"

Ka hawi chho nghal,
Dini chu ka bul ah alo ding reng a, mak tih hmel deuh chuan min enkar bawk.

Ka inbeng tho nghal vat a,

"In be Lawk teh ang"

Tihpah chuan ka car lam ka pan nghal, min rawn zui ve mai bawk a, ka car ah chuan ka thu lut nghal a,ani pawh a rawn lut ve nghal.


"Ka duty lai ani sia ka rei Hman lo ania"


Dam diai chuan a rawn ti a,Thartei rinvawt ka lo ngaihtuah leh tawh, ka harh chhuak zawk a,

"Dini, Thartei tello hian ka awm theih ka ring lo, lo kir leh Turin iti thei lo ami"

Thaw hak pah chuan ka kut a rawn vuan a,

"Stephen, a na tawrh na zawng zawng te hi hriatthiam sak la, eng anga na pawh ni se a hmangaih chu nangchauh ini tho alawm"

Min enkar Chung chuan a rawn ti a,

"Mahse ka kianga awm turin ka duh a ni"


"Stephen, i tina tawk tawh alawm, a rilru na te a dam hun ah a rawn let leh mai ang, tun ah rih chuan hun a mamawh a ni"



"A rei tawh emai Dini"


A thaw hak a, natna tam tak ka pe a, mahse chhel takin a paltlang hram hram thin, ka hria, mahse alo let leh lo mai ang tih ka hlau takzet a ni.


"Enteh Stephen, dawhthei takin nghak leh phawt rawh, Keipawn ka lo beleh dawn nia, mahse ka naui hi chu a luhlul em a, a duh loh tlat chuan Tihluih chi a ni bawk si lo"


"Tun ah khawnge a awm hrim hrim a"


"Sialsuk ah kan khua ah ka nu te bul ah a awm, Engkim atha leh vek dawn alawm, ka kal phawt ange, hei ka rei tawh mah mah"


Tihpah chuan achhuak nghal a, ka thaw hak, Muani ka lo fawp kher kher ka in haw takzet a ni.


Zan in ngei ah Thartei bul ah chuan ka kal ang.


Ka inseh ruh a, ka hruai haw ngei bawk ang, ka Nui sak, Thartei chu ka hrechianga Tharum a Tihluih chi a ni lo, a rilru hneh a ngai.


Chuan kha doctor kha ka la zilh hlak ang, Naupang te te si, ka phun hlak a, darthlalang a ka hmui thi ser ser chu ka thlek vawng vawng ringawt.




Rei vak loh ah ka nu leh ka pa pawh an rawn thu lut ve nghal, Doctor fel zia thu ringawt chu an rawn Sawi cham chi a.

"Bawiha, Thartei ka hmu sin, a dul pawh a puar ve tawh khawp mai, a hrisel tha Aniang, a biang tepawh a tai tek alawm"


"Chuan enge"


"Lo haw leh vat Turin ipa hian a ngen a"

Ka nu chuan a rawn ti Siam Siam a,

"Bawiha,mipa Mawhphurhna pawh hlen zo lo hi ka huat zia i hria tiraw"


Ka pa chuan a rawn ti ban chat chat a,

"Aw hria e ka pa"


"Anih chuan Thartei chu arang lamin hruai haw vat rawh, i nu pawh a inthiamloh em hi, ngaidam ve tawh hram rawh se"

"I Sawi dik alawm ka pa"

"Hringnun ah hian buaina neuh neuh chu tupawn hian kan nei vek, chu chu beihleta hnehna chang apiang te hnen ah hlimna a awm thin"

Ka Nui hak a, ka pa hi chuan Thudik deuh deuh hi a Sawi thin, pa fing leh rilru tluang tak a ni a, ka ngaisang hle bawk, mahse ka chhun lo hle thung.

____

Kan in kan thleng der tawh room ah chuan ka inthlak mial mial a, Sialsuk khua a kal tur chuan ka insiam nghal.

Ka room kawngka chu an rawn kik karh karh a, Tunge mawn le?.....ka hawng chiah chu ka pa alo ding reng.

"Lo lut rawh ka pa"


Tihpah chuan ka khum lam chu ka pan pui a,ka kut chu arawn hum Lum thar thar mai.


"Ka fapa i nu hi ngaidam la, Thartei pawh Ngaihdam ilo dil sak dawn nia"

"Tehreng ka pa, ka ngaidam vek tawh alawm"

Ka lo ti nghal vat, muangchang chuan a rawn ding chhuak a,

"Pa takin aw, Mipa chu Pa taka awm tur"

Tihpah chuan ka dar a rawn beng thak thak a, Nui suk pah chuan ka lo bu nghauh a chhuak leh nghal a,

ka insiam zo ta.

Rang takin ka tlan chhuak a, Sialsuk lam chu phur zetin ka pan ve nghal a.

[THARTEI PROV]


kan thleng chu car atang chuan Ngawi rengin ka chhuak a, rangtakin in chhung ah ka tlan lut nghal, Dru pawn min rawn umzui ve tih ka hria, mahse a hlat thei ang ber a awm hi ka duh takzet a ni.


"Bawihte, i chau em? Kha ti lai theihai kha i patea'n alo hawn che a"




Ka ni chuan alo ti Siam Siam a,dawhkana theihai Lian pui pui inrem tlar tiar chu ka va hmu nghal, ka chil a put nghal ringawt tawh, phur tak chuan theihai chu la in ka sil a, ka vel nghal mial mial.

"Khawnge patea"

"A thangkam a zu en Lawk a"

"Dru lo thu rawh, thingpui ka lo thli ang"

Alo ti Zawm zat a,
Ka ni chu choka lam ah a phei daih,
(Ka ni te hi Thingtlang ah chuan a nei nung pawl tak an ni, thingtlanga a nei nung deuh chuan in an Neilian thei hle, )

Ka epchiah ah chuan a rawn thu a, min en char char in ka hria, ka theihai pawh ka vel tha hlei thei lo, ka kun char char a, hawi pawh ka hawi chhuak ngam lo, ka kut a rawn thip zek, a rawn thi ser ser mai.


"A na em"

Dru chuan a rawn ti chul a, ka kut chu min sil sak vat, a thip zek mai,

"Kha Engti zia nge"


"Hei a in zai palh a"

Dru chuan alo ti vat a, Keichu tawng mai pawh ka tum chuang lo,


"Bengek ka va lei ange"


Ka in sum zo lo, ka Nui hak a, Dru chuan ka ni chu mak tih hmel deuhin a en top, min rawn en leh a, ka nuih aza ting mai.

"Nu Ruat, Enge Bengek chu, Bengek chu enga tan nge"

Hriatthiam loh hmel deuh chuan a zawt a,

"Bengek i hre lo mi, a hliam tuamna tur kha"

Ka ni chuan thutak deuh chuan alo ti a, keilah chu ka nuih aza bawk si.


"Dru Band aid a tihna nih kha"

Nui hak hak chungchuan ka ti a, ka ni te hi lehkha zir sang lo an nih mai bakah an tar tawh a, English thumal hi lam har an ti tlat thin.

Kan 3 chuan kan Nui leh har har phawt.

______


Band aid chuan ka kut chu min rawn bel sak a, ka kun ngal thung, a thusawi vang khan a bula awm hi ka tim deuh dui tawh, inthlahrunna leh inthiam lohna in ka khat a ni ber.

"Ka va haw phawt ange Nu Ruat"


"Chaw lo ei ve la, Ipa Zaia hian Sa tuihnai deuh alo awk palh Maithei sin"

Ka Ni chuan Nui tha chungchuan ati a,

"Nia, ka chhungte an awm bawk si lo a, eirawng bawl ka Paih vak lo deuh a"


Nui sen sen chuan a ti a, a lu chu a hiat pah bawk, a inthlahrun hmel bawk sia, a awmdan chu nuihzatthlak ngei mai.

" Zak der vel lo mai teh...Ka sawm che chuan i Hnar phal ka ring lo reng a ni, i tetlai zawng zawng pawn kan in ah hlir alawm i ei"

Ka ni chuan alo ti hlak hlak a, an in ngam dun bawk sia, ka lo nuih tawp,

"Ka va inthlak Lawk ange"

Tihpah chuan Dru chu a chhuak nghal vut a, Ka ni chuan Udini nen an tetlai chanchin te min hrilh a, ka lo Nui hak hak thin.
______

Balcony ah chuan ka thu Ngawi vang vanga, thlifim thaw heuh heuh leh khawdur ruih techuan ka lung ati Leng ngawih ngawih, Boruak uap lutuk chu thlifim chuan a rawn chhem dai deuh, khawpui chu a ri dar dar a, hetia thut top reng chu ka van Ning tak, ka ni in eirawng bawl a phal ve bawk si lo, ka ke lah chu a vung deuh bur a, ka theihai eina ka ha tim bawk si.


E tihtur ka hria, ka tho vut a, Guiter chu la chhuakin kan herh dik vel a, Ka nu Hla duh em em, KA NUNKAWNG HRUAITU tih Hla kha ka rilru ah a awm tlat, Balcony ah chuan ka sa al al a.



Damlai khawvela ka nunkawng hruai Turin.
Aw lal Jeho nang ka ngai che,
Sualna kawngral ti leh bo na hlauhawm karah;
Van arsi engmawi ka Kawng min en rawh.

Setan sual Doral ka hneh theihna Turin ralthuam famkimin aw min thuam tache,
Nitin in LalPa i kianga len ka nuam,
Ka ram ngaihber chu Nangmah ah a awm si;
Lei hringnun pelin angel var te zingah,
Tawp ni nei lova fak che ka nuam e.



"Zaithiam lutuk"


Ka hnunglam tang rawn ti tu lam chu ka hawi nghal vat, Dru chu alo Nui var var a, ka Nui ve suk, chair chu la in ka bul ah a rawn thu ve nghal,


"Tharte, vawiin ka thusawi kha ka..."

"Hre lo angin ka awm ang"

Ka lo ti vat a, min rawn en kar ka lo nuihsak a, ani pawh a Nui ve suk.

"Thingpui in ang hmiang, ka va la ange"

Thawh mai ka tum, ka pum alian ve tan bawk nen,ka ding chiah chu ka ke na phu ut ut thei, Dru chuan min lo nem thu leh vat a.

"Keiman ka va la nge"

Tihoahin a tho nghal a,
Hnial pawh ka tum hran lo, ka lu ka lo bu nghauh a, ka phone chu la chhuak in youtube a Vai Hla offline a ka dah chu chu ka ngaithla a,
(vai Hla hi ka ngaina an Zaithiam in, an Hla reng reng hi a heart touching ka ti mai😂)


Tere bin nahi laage tih Hla chu ka ngaithla a, azaipa aw nalh zia hi a aw khur deuh der der thin te hian min hip tawp, ka maimitchhing vang vang a, Stephen ka mithlaah arawn lang nghal chuai chuai mai.


"I hrethiam ve ngawt ami"

Ka Meng zawk, Dru chu alo Nui var var a,a Thingpui no rawn lek va chu ka lo ban vat.

"Dru enteh, a mak top, in hnam Hla hi ka ngaina tlat a nih chu, a awmzia chu ka hrethiam chuang lo mahse he Hla hian min khawih top"


A Nui hak a, a hma ang kha kan ni leh deuh tan ta.

"I hla hriatthiam loh pawn a khawih viau che chuan, i hriatthiam pheichuan a khawih viau ang che"


Nui sen sen Chung chuan a ti a,

"Umm..min khawih top, min vaw thal top zel alawm"

A Nui hak hak a,

"A ni lawm, min kek bawrh bawrh zel lawm"

Kan Nui dun hak hak a,

"I nghal reuh emai a"


Ka sam ah chuan a rawn Tuai zauh, Thingpui techu kan in dun a,

Dru hi ka ngaina lawm mahse, Stephen tan chauh ka rinawm reng tur a ni.

_____


Chaw te kan eikham hnu chuan, thleng sil pah chuan Vai Hla bawk chu ka ngaihthla leh a, hepa hi hmelchhe mahse ka duh tawp, a aw nalh turu zia hi. Dru chu tih tur tul a ngah vangin a haw nghal daih.



Thleng ka sil zo chu khum ah ka muthla nawk, Stephen ka van ngai tak che em,

Nangchu Umuani nen hlim deuhin in awm tawh awm si a, Stephen ka ngaih em vang chuan ka mittui a rawn luang leh ta,

Duhtak, hla takah i awm tawh emaw ka ti a ka thinlung ala luah fo si, ka thinlung hi chhiarthei nila ka lakah i Hla ngai lo tur, kan inneih thutiam rinchhan in nghet takin ka la awm asin, engmahin a tih danglam theih loh ka thu kan tiam te kha,
Keichuan ka la vawng reng asin, Umuani kha huat ka duh ngai miah lo, mahse tun ah hi chuan ka hua in ka thik takzet a ni, i kiangah a awm thei bik awm si a.

Ka mut zanthal vangin ka mittui chu ka bek ah aluang thla a, ka bek sam a huh Hlap tawh, ka Hnar a ping vek bawk.

Hun leh nun pawhin a tih danglam theih loh ka thinlung hian, i tan ala ti fan asin, Duhtak i kianga awm ka van chak tak em.


Ka tap chhuak ngam bawk si lo, Stephen nen kan Thlalak ka phone ami chu en in ka hmui ka hup a, a ri lo chuan ka tap khur ngar ngar ringawt.

__________



Reitak ka tap tawh, ni e, tahna chhan tur atam em a ni. Umuani lah in Stephen nen an Thlalak a post chuai chuai chu min rawn hrilh reng hlawm bawk si, ngaihven lo angin lang mahila ka thinlung hi a kehsawm vek a ni.


Ninawm... ka Ril atam lutuk, ka hawi chhuak chu alo thim mup tawh, sana ka en a dar 7 alo pel hret tawh Anih hi, rumpum bawl thak ringawt ka rilru ah a awm ka van ei chak tak, ruah hmi chu a tla Seng Seng a, ka jumper sendang suede chu ka chhuak top, Nihliap chu ka la vat a,.

"Bawihte, khawnge i kal dawn"

"Ni dawr ah ka va kal Lawk, rumpum ka ei chak lutuk"

Tihpahin Nihliap chu ka ti parh a ka chhuak nghal, Inchhung a ka hriat dan ai daih chuan ruah chu lo tla hnem a,a vawt deuh suk bawk, dawr ahlat vak loh vangin muangchang chuan ka kal phei hnak hnak a, Kan in piah deuh ah chuan car var hi alo ding reng.


Light chu a rawn eng pup "Tunge mawn le, avan mawl tak" zawi sap chuan ka ti a, ka ding dat, ka kut chuan ka hmai chu ka hliah deuh, thei leh theihlo chuan ka kal pel a, ka hawi zui tawh chuang lo, ka kalna tur Kawng chauh chu ka en a, a diak deuh bawk sia ka tluk palh ka hlau bawk nen, Car kawngkhar chu a ri dat a, pen thawm chu a rawn hnai tial tial.


"Bawihi"


Ka phu Chiang ngei mai,ka aw hriat than tak anih vangin ka hawi phei vat, Stephen a hmel chu Chiang lo ruai in ka hmu thei,a thim deuh bawk sia, Stephen a ni ngei tih chu ka Chiang, ka hai thei lo hrim hrim, a rawn kal hnai a, ka lo tawlh hnung deuh, ka lungphu arang leh nghal dut dut tawh, ka ban ah chuan min man nghet charh a,a car lam chu min pan pui nghal dawr dawr a.


"Stephen, min thlah teh, i kal chak si, ka tlu palh ange"


A ding dat a, kan thenawmte inzawn chiah Anih vangin a eng deuh tawh bawk a, Varanda light chuan ahmel chu a en Chiang ngei mai, a mit a sen ram a, kekawr dum tight lam leh T shirt var a nghawng V chu a ha a, a awm var sar chu arawn lang deuh kak mai, leather jacket rih hmel deuh aha tel bawk, Stephen hi a mittui atla Aniang a, mak tih hmel deuh chuan ka en a,

"Car ah lut rawh Bawihi, Sawi tur ka nei"


"Ka ngaithla paih lo, Umuani nen hlim deuhin awm ru, he lai thleng thleng Dawt Sawi Tura rawn kal angai lo"

Ka lo ti ram hmak a,
A thaw hak a, min pawm lawp, ka hlau thawng lutuk ka lo au deuh that, ka rit ve tawh sia, anal bawk si a tlu ang tih ka hlau ngei mai.

Thawk leh khatah a taksa chu a che dat a, a ke a per ri chhak bawk, keipawh min Sawi deuh dawt mai.



A tawlhtlu tep ni maw, ka insum zo lo ka Nui huk a, mak tih hmel deuh chuan min rawn en vat, ka hmui ka lo chip leh hmak a, car ah chuan min dah lut vat, a kekawr vel chu a hnawm chap mai, motor chu a ti nung a, kan tlan nghal, Tlang lampang chu apan nghal vat a.


"Stephen tah hian Sawi mai la"


"Bawihi khi lai deuh ah khian aw, helai chu Miin min hmu palh ang"


A ti a, ka hmui ka lo ti pawrh vak ringawt, Umuani a nei tho sia, tinge min tihbuai reng le, "Ninawm Rumpum ka ei chak tehreng nen"
Zawi te chuan ka phun hlak a.

"Engmaw"

"Engmah"

Ka lo ti vin tuk ringawt, ka thil eichak ka ei Lawk theih loh hi chuan Thin hi rim tun zel.


Car chu a ding a, Ruah lah chu a tla tam sawt bawk si, ka hawi chhuak chu tlang kan lo thleng der tawh, kawl a phe uai uai a, tek atla ri bur bur bawk, ka lo ip deuh zawk zawk a,


"I dul chu alian ve tawh hle mai"

Nui deuh sak chuan ka pum chu a rawn melh a, lehlam ka hawi daih, tinge maw min ngaihtuah ang taka a tawng vel le, ka haw lutuk, ka mittui a rawn luang leh nghal ringawt tawh.

"I Sawi duh chu Sawi rawh ka Hmanhmawh"

Ram hmak chuan ka ti a,

"Enge i hmanhmawh vak a,Khapa khan alo rim dawn che mi? Tharte khapa bul ah khan awm tawh suh"

Hah....ve ngawt a, a thu thu a min dah a tum leh tawh.

"Ka duh duh ka hmu ang, i Sawi tur a awm lo"

Ka lo ti hlak hlak a, a thaw hak,

"Bawihi min kalsan a khapa bula awm kha i duh zawk ami"


"Enga"

Engtin chutiang a Sawi theih zawk le, eng angah nge maw min ngaih le, ka Thinrim lutuk chu a hmai ah ka beng hawi sawk a.

"Engtin nge chutiang i Sawi theih zawk a, Umuani nen duhthaw taka in in fawh lai khan Keichu i tan ka la..."


Ka Sawi Zawm thei tawh lo, ka hmai chu ka kut khinghnih in ka hup a, ka inhnit feih feih ringawt.


"Bawihi ka tihpalh, ka Sawi tum pawh ni lo"
A thaw leh hak a,

"I lungawi nan Enge ka tih ang, ka thiamlo takzet tih ka hria, bul han tan dan pawh ka thiam lo"


Ka tuar thei tawh thlawt lo, a lemchan hi ka hmuh Peih thlawt tawh lo, kawngka chu ka hawng rawk a, Ruahsur hnuai ah chuan ka pen hlawk hlawk, ka mittui kar atang chuan motor light in a en chin phul hringdup chu ka hmu ruai ruai thei.


"Bawihi"

Min au lawm lawm a,a rawn tlan ri dat dat, min rawn kuai her pawp, motorin a en chin ah chuan kan ding dun a,

"Ka Siam tha leh vek ang lo kir hram rawh"


"Duhtawk rawh, Stephen, ka hmangaih takzet che mahse i kianga awm hi ka hlau tawh a ni, kal bo rawh, min kalsan mai rawh, ka naute hi chu awm lo se, he khawvel ah hian ka awm ve tawh kher lo ang, ka naute tan chauh ka nung hram hram Anih hi, khawvel hi ka hua, Engkim hi ka hua"

"Chutiang Sawi suhBawihi"


Zawi sap chuan a ti a,

"Khatiang khan min ko tawh suh, Ka Ning tawh takzek a nia Stephen tak tak in, Hlim taka awm ve hi ka duh a ni, hlim hi ka chak ve tho asin,"

Kan ti tawn tawn a, min rawn kuah atum ka lo in la hrang vat a, a rawn pen hnai leh deuh, ka lo tawlh hnung leh deuh dat bawk,

"Dru a kiangah khan ka hlim"

Zawisap chuan ka ti a,
ka hlim alawm, mahse hlimna tluantling erawh ani hauh lo.

"Hrep tak chuan"

Stephen chuan a hmai a Tuai puat a, car chu a pet ri chawr chawr a, hetianga a awm hi ka hmu thei thlawt lo, ka beng hupin lehlam ka hawi daih.


Thawm chu a reh hmak, ka hawi phei chu lei ah chuan alo thu sawp nuai a,a mit a sen ram bawk, Stephen hi ana ve tak tak a ni ngei ang, ana lai hmuh hi Hrehawm ka van ti tak em, muangchang chuan a rawn tho a, ka lo en top ringawt, ka dar a rawn vuan Chung chuan a thaw hak.


"A tha e Bawihi, ka chau tawh, Inthen hlen i duh tak tak Anih chuan i duh ang chuan le, ka beidawng ve ta e, i duh ang ngei chuan tawp tawh rawh se, i hlimna nih dawn phawt chuan harsa ti hle mahila ka kalsan ang che"


Ka nghing dawt thei, Stephen hi ka lakah a beidawng ta maw, ni e, ti hian atha zawk ang, a pawi lo e.... hlim tur ka ni.



_______


Car ah chuan Ngawi rengin kan thu dun a, a car chhung chu a huh vek thei,ngawireng chuan motor a khalh a, engmah kan Sawi lo, tukverh lam chu Ngawi rengin ka thlir ve top, ka mittui rawn luang chu ka hru zauh zauh bawk.


"Kan thleng tawh e"


Zawi sup hian a rawn ti a, ka chhuak tur chu ka ban ah min rawn man chat.


Ka hawi phei vat a, Uluk deuh chuan min enkar a, Keipawh chuti tho.

Ka ban chu a thlah riai riai a, a chhuak daih, a awm dan hi ka hrethiam lo, Kawngka chu min rawn hawn sak a, jacket a phelh vangin a t shirt var hak chu ruah in anan zawr vek a, taksa chu alang tlang vek, a hnute hmur pawh a lang kalh mai, ka nihliap chu la in muangchang chuan ka chhuak zal zal a.



Min enkar reng, muangchang chuan ka kal chhat chhat a,

"Mangtha le Tharte"


Zawi sup chuan a rawn ti leh a,mak ti tak chuan ka en tlawk tlawk, kan in enkar reng a, Stephen hian min beidawn san Anih chuan vawi khatmah ka hmu tawh dawn lo tihna nia, ka taksa chu a khur hlak hlak a, Stephen pawh a hmui a duk vek tawh.


Muangchang chuan ka kal pel a, ka mittui chu namen lo in a rawn tla leh tawh, ka tap ri hak a, ka taksa a khur nasa bawk si, A tello in Engtin ka naute hi ka enkawl tak ang, Ni lo.....heti ringawt chuan ka tawpsan thei lo.....ka kal Anih chuan kan tawp hlen tak tak na tur a ni mahna,LALPA Engtin nge ka ti ang, ka hmangaih si a, ka kun ngal a, ka hawi chhuak chu kawngkhar bul ah ka lo ding reng tawh.



Ka hawilet thut, min lo la enreng chu ni in, ka tawpsan thei ngang lo,.... a lamah chuan ka pen phei hlawk hlawk a, ka tap par reng bawk, a bul ka thleng chiah chu a awm ah chuan ka va chum dawt dawt a.



"Misualpa ka haw lutuk che"


A awm ah chuan ka chum a, ka beng dawt dawt bawk, ka aw chu a ri chang chang chauh, alo rak that that a, min rawn kuah bet nghal vat.


"Bawihi i rawn let leh dawn tih ka hria lawm, mahse tun ang em em hma ah Anih ka ring lo a"


A aw ri tang chuan a Nui tih ka hre thei, a awm ah chuan ka hmai ka lo phum kak thung, ka biang tawn tawn ah chuan a rawn dawm a, ka hmai zawn chet ah chuan a rawn kun hniam a.


"Ka hmangaih che, ka venghim tlat tawh ang che Bawihi, na i tawrh ka rem ti tawh lo ang"

"Sual lutuk"

Tihpahin ka lo nem chat chat a,ala Nui hak zui.

"Kha i hnap a luang ania"


"Kal mai teh"

A ban bul ah chuan ka lo beng dawt a, a rak that, kan Nui dun leh hak hak a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 15th, 2018, 6:01 pm

"Hei lai ah hian min awm tir reng dawn nge? Inchhunga lut turin min sawm ve dawn"



Ka harh deuh zawk mai, pawn khawvawt ah ka awm pui reng, ka van mawl tak,a hmel ka en chu a hmui a duk ve bawk si,

"Hawh...lut ila"

Zawi sap chuan ka ti a, ka kut chu a rawn vuan vat, a kut lah chu ala vawt em em zui, inkai rial chuan kawngka bul ah kan ding reng, kawngka chu ka kik karh karh a, Ka ni chuan arawn hawng vat a, a mak ti hmel chu,


"Bawihte,ehee...nangpawh maw"


" Ka Ni, kan lo lut thei ngem?"

Stephen chuan inthlahrun hmel deuh chuan a ti a, Ni tei chuan min rawn mitmei zauh, mit khap fak chungchuan ka lo bu zauh a,

"Lo lut ru"


Tihpah chuan alut a, kan zui lut ve nghal, Patea'n min hmu chu ani pawn mak ati a ni ngei ang, min en vang vang a, Dru pawh a awm, an 3 chuan min en thap hlawm a, keichu room ah ka lut nghal.



Engtin nge ka hrilh fiah ang, huizz...ka van hrethiam lo tak em,k a inthlak sawk sawk a, towel chu la in ka chhuak zal zal a, Stephen chu banch ah ngawi rengin alo thu khur deuh hlat hlat a, ka ni, ka patea, Dru an 3 chuan an lo en thap hlawm a, engmah an lo sawi chuang lo, Stephen bul ah chuan thu in towel chu ka pe vat a.


"Ka lo thawn thut vang che u in pawi ka ti khawp mai, Thartei hi rawn hruai haw ka tum a"


Nghet charh chuan arawn ti a, Dru chuan min en reng, a rilru chu anat ve deuh ka ring, mahse a ti lang lem lo thung.


"Tharte, haw chu i duh em ni? Eng thuthlukna pawh siam la, kan pawm thlap ania"


Ka patea chuan a rawn ti a, Zep lo chuan Stephen a nu min tihdan vang khan haw duh tawh lo pawh ni mahila pawi an ti hauh lo ang.


"Aw Pate, Ni, haw leh chu ka duh a lawm"


Zawisap chuan ka ti a, Dru chu ka va melh vat, min enreng leh nghal, a hmel awmdan chu ka hrethiam chiah lo, Patea chu a thaw hak a.

"A tha lawm, puitling ini tawh a, thuthlukna engpawh siam la i tana tha tur i siam ngei ka beisei"


"Bawihte, i na leh mai lo ang maw"


Ka ni chuan min ngaihtuah hmel zet hian arawn ti a, Stephen chu ka melh zawk, a lo kun ngal a,


"Ka nu leh Muani'n Thartei chunga an thiltih vang hian pawi ka ti takzet a ni, ka lo mawl rei em a, ka siam tha leh vek ang"


Kun ngal chungchuan Stephen chuan a ti a, ka khawngaih takzet a ni, Ka ni hian alawm chiah lo tih ka hria.


"Awle, ka ring che lawm"


Ka ni chuan zawisapin a ti a, ka lo kun ngal thung.

Kan ngawi thap hlawm a,




HLUTEI JOCUND PACHUAU



"Zan in chu hetah riak phawt ula, naktuk ah in haw mai dawn nia"


Ka patea chuan a rawn ti chhuak hlawl a, Stephen nen chuan kan in en a, kan nui deuh hak.

"Thartei a fal in ka be lawk thei angem?"


Dru chuan a rawn ti a, Stephen chu ka en vat, a phal vak hmel loh,keichu ka lo ngawi kar thung.


"A thian ka nihna angin"

A rawn ti leh a, Stephen chuan nui hmel pu miah lo in alo bu nghauh thung.


Balcony lam ah chuan ngawi rengin kan in zui phei a, kan chhuak chiah chu ka kun ngal chuan Dru chu ka zui chhat chhat a, Dru lakah hian ka inthlahrung deuh bawk, a rilru put hmang engkim ka hre si a.


Thil khauh tak hi ka su dawt, ka hawi chhuak Dru chuan min lo en kur a, ka hnungtawlh nghal vat.
_______



"Tharte"


Thlang lam hawi vang vang pah chuan a rawn ti zawi sap a,

"Huh.."


"I hlim tak tak angem?"


"Tinge?"

Ka'n ti thla ngawt a, a awm dan hi ka hrethiam a ni, kan lo duh ruk em em ten midang an neih hi thil hrehawm tak a ni, an awm dun lai hmuh dun ngat pheichu, Umuani leh Stephena awmdun lai ka hmuh pawh khan ka na thin a ka tap hial thin a nih kha, Mahse Dru a chu mipa a ni a, a tuar thiam ngeiin ka ring.


"Haw lo mai rawh"


Zawisap chuan a rawn ti a, ka ngaihtuahna atangin ka harh chhuak zawk.

"Dru, engemaw i sawi le? I thinlung kha hre mah ila ka hmangaih chu Stephen chauh a ni, khawngaihin tiang hian awm suh"



Ka thinrim lek lek a ni, mahse a duh vanga min ngaihven a ni bik lo a, a tawrh ang hi ka tawrh ve tawh avangin ka hrethiam a, ka insum hram hram thei.

"Ka thinlung chu ka thunun thei, mahse Thian kan nih na angin haw lo la ka duh i hlim thei chuang lo ang"


Hah...

"Dru, a pawi ka ti reng reng lo, ka hmangaih kiangah ka awm theihna nih chuan engpawh ka ti ang, Bakah ka mimal nun ania, thiante inrawlh a tulna ka hre lo"


Ka lo ti ve hmak a, a thaw hak a, min rawn en kar.

"Thiante mimal nuna inrawlh thu ah kher chuan nang tluk tu che an awm lo ang"


A ti dik alawm, ka thianten buaina an tawh chuan an mahni ai aiin ka buaia, chinfel sak phet ka tum thin, Drua'n buaina a tawh ngat phei chuan, a phone atang ten ka duh duh hmeichhia tha ka tih zawng ka lo be kual a, kan inhriatna la rei lo mahse keimah vangin ngaihzawng a ngah hman hle.

"Mahse heichu ka duhthlanna ni"

"I na leh dawn sin"


"A pawi ka ti lo"


Ka vin deuh that a, ka insum zo ngang tawh lo a ni.


"A tha e, mahse i hlim theih nan theih tawp ka chhuah ang"

Tihpah chuan min luh san daih a, keipawh muangchangin ka lut ve nghal,Stephen chuan lungawi loh hmel zet hian min lo melh a, ka va pan hnai a ka'n nuih tlawn leh te te phawt a.


"Ni khawnge Dru kha"

Ka hawikual a, ka hmu tawh lo re re.


"Kei ka awm ve reng laiin kha vaipa ringawt kha mi i ngaihtuah a"

Ka bengah chuan arawn phun sar sar a, ka lo mur leh nghal chem chem thei,vai a ni tih ka ni hian alo hrilh tawh a ni ngei ang.

"Chutiang pawh ni lo"


Zawisap chuan ka ti a, ka va melh chu a mit hmul alo san ak ringawt.


"Hna pawimawh a nei a, a haw ta nih kha, ka mu dawn atlai tawh nangni pawh muru"


Tihpahin room lam ah a lut nghal a, engtin nge niang le?... ka khum ate sia, Stephen hi lian ropui si, ka dul a puar ve bawk sia, engtin nge kan mut len theih ang le.


Ka lu thak lo pui chu ka hiat nauh nauh ringawt.


"Bawihte, i khum a te sia, Chhuatah mu mai ula puanthuah kan ngah tho a, pawi inti em?"


Ka ni chuan room atang chuan a rawn ti lang lang a, Stephen chu ka melh zawk, alo nui var var a.


"Ti lo e, puan chu lo la la..."

Stephen chu ka en top, engtin nge kan rama Millionaire fapa hi Chhuat ah a mut theih ang, hnuailam chu ka melh a, ka kut ka sik leh nauh nauh tawh,


"A pawi lo Bawihi, i bulah chuan khawilai pawh hi nuam ka ti vek"


Ka biangah chuan a rawn chuk zauh a, Engtin nge ka ngaihtuahna a hriat nghal ngawt theih le?, Engtik laiin nge ka bul arawn thlen hman pawh ka hre lo e a,


"Mahse Stephen, i khum anga dup nuam kha a ni dawn si lo a"



Zawisap chuan ka ti a, ka inthahrun dan hi rapthlak zawk,

"A pawi lo,a tul anih chuan Vawk ina riah pawh ka duh"

A nui hak a, a awm ah chuan ka beng pawp ri ngawt.



Ka ni chuan puan sin tur vel chu a rawn la a, Ka patea kawrlum leh kekawr arawn la nghal bawk,



______


Puan te kan phah zawh hnu chuan Stephena thawmhnaw hak ka hmu chu ka nui tawp thei lo, ka nui ring thei bawk sia, ka ka te rawn hup thul.
______

Ka nghawng za mer mer chuan min ti harh zawk, Stephen chuan ka nghawng chu alo chul heuh heuh a, a hmui ah chuan ka va chuk zauh, ka biang ah chuan a kut khing in arawn vuan nghal vat, min rawn fawp nghal tawn tawn a, ka lo chhanglet rang ngei mai,a kut leh lam chu a awm hle hle thei lo, ka hnute hmur chu a nuai vel a, nuam ka tih vang chuan ka awm chu ka lo ti pauh arh arh bawk,

"Ni lo Stephen, ka thei lo, ka Doctorin Se* hmang lo turin min ti a, ka thei lo"

Tihpah chuan ka nemsan vat, ka sir ah chuan a mu thla nawk a, lehlam chu ka hawi nghal, ka hnunglam atang chuan min rawn kuah leh vat a, a mipatna khawng hmel zet chuan min rawn do al bawk, ka chil ka lo lem khalh a, ka maimitchhing nghal vat.

Ka nghawng ah chuan arawn fawp leh a, a lei chuan lollipop kan liak ang mai hian ka nghawng chu arawn liak kual a,nuam ka tih vang chuan ka lo rum deuh hak thei, ni lo....ka insum angai.

"Duhtawk teh, ka Doctorin...."


Ka sawi zawh hma chuan ka hmui ah min rawn fawp nghal, ka nemsawn vat a,

"I doctor chu hremhmunah kal rawh se"

Tihpahin a tho vut a, Bathroom lam apan nghal.

_____


A rawn chhuak leh chu a kapzawn a huh deuh hlap a, a tih chu ka hrethiam nghal mai.


"Min enreng suh, mahni a tih chu a nuam vak lo"

Rawn mutthlak pah chuan ati bul bul a, a lungawi vak lo tih ka hria, ka lo nuih sen sen ringawt.

A awm ah chuan ka bei vat a, min lo kuah nghal, a lungphu ri pawh a ring ngei mai.

"Nangmah vang chauh a phu a nih kha"

Zawisap chuan arawn ti a, ka nui hak, a thusawi tawh zawng zawngah chuan ala romantic ve ber ang.



Zan in anga ka hlimna hi engthli chhia mahin rawn chhem bo lo se ka van ti tak em


____________



"Morning Mommy"

Ka meng chiah chu
Stephen chu alo nui var var a, he nui hmel ka hmuh lohna hi avan rei tawh tak em, ka kuah nghal vang vang a, ka thla avan muang chiang tak.


"I ni tho tawh nia"


Zawite chuan a rawn ti a, ka nui chhuak hak, ka mutna techu thlep felin ka dah tha sat sat a,


"Stephen chaw kan ei ve dawn nge? kan haw nghal dawn"


"Aaa...chaw ei kham ah kal zawk ang"


"Awle"

Ka lawm ru ngei mai, a hla ve angreng sia ka tamchhawl hman mai ang tih ka hlau.

_______


Ka ni nen chuan eirawng kan bawl dun a, Stephen chu ka va melh leh zawk thin, Phone a hmanga, a changleh a khawih mial mial reng a, enge maw atih le?....


"Chaw a ei theih e"


Ring tak chuan ka ti a, thleng chu fian in ka khawng ri vak vak bawk.

"A mak thei, khatin ti ziah suh min ti phu"

Ka ni chuan alo ti hlak hlak a, keichu ka lo nui har har ringawt,

"Ngati nge maw i naupan chhiatna hi a reh theih miah loh le"


Stephen chuan choka rawn pan pah chuan a rawn ti bul bul a, Patea pawn arawn zui ve nghal, kan han nui ho leh dar dar phawt a.

______


"E taka Chhuante, Kum engzat nge i nih a, ka la hre miah lo"

Chaw ei a kan ngawih thap lai chuan ka ni chuan arawn ti chhuak hlawl a, (Chhuante a tihna chhan chu Stephen tih kha lam harsa ati vang a ni,M izo hming ngeia koh kha nuam ati zawk a)

"36 ka tling tep"


Stephen chuan min rawn melh zawk a, ka lo nuih var var thung,

"E, a that chu, Bawihtei hi ala puitling lo si a, han inhauh nikhua chang pawn a upa zawk i nihna laiah a tlawm zawka i tan fo angai dawn ania"


Ka ni chuan ati a, ka rin aidaihin ka ni hian min lo hre chiang anih hi.

"Ka hria lawm, kan intawn tirh pheichuan kum 19 alawm ala nih, a chet dan pheichu nuihzatthlak lutuk"

Nui deuh sun sun chuan ati a, a biangsum alang kak mai, ka patea hi chu tawngtlem ngang mai a ni a, engmah a sawi em em ngai lo, alo nui ve suk suk ringawt.


______________



"Anih Bawihte, Tluang deuhin kal ru aw"


Ka ni chhan arawn ti lauh lauh a, car atang chuan ka bye bye lauh lauh ringawt,


"I va ngaihawm dawn ve, lo zin leh vat rawh aw"


Kan thenawmnu tawngthei zet chuan a rawn ti ve lawm lawm a, ka lo nui sang thung,

Ka hawikual deuh zak zak reng a,

"Kal ila Bawihi, tunge i zawn"

Stephen chuan arawn ti a, Dru hian min mangtha ve dawn lo aniang a, an in lam kawng chu ka thlek deuh sek a,

"Hawh kal ang"

Tihpahin a kut ah chuan ka vuan a, nui sak chuan car chu ti nungin kan tlan chhuak nghal


_____

Sialsuk kan pel ta, ka nguai vek thei, Dru a hmel hmuh tur awm bawk si lo, hepa hi min mangtha tur tal pawn rawn kal ve awm, ka mittui rawn parawl leh tan tawh, Stephen chuan ka kut arawn vuan vat a, ka lo nui lui suk ringawt.



HLUTEI JOCUND PACHUAU

Kan tlan rei a, ka zia ve deuh ta,
Kawngpui hnawng chap te leh thingkung te, chhumzing mup mup techuan motor chuan ati nuam ngei mai, kawngsir kawngthlang vel ah techuan akhat tawkin thingkung dangdai leh mawi deuh deuh te, pangpar nalh tak tak techu hmuh tur a awm deuh reng a, Boruak a vawt deuh vur nen, ruah hmi a tla cher cher bawk, Thingtlang ni mahse Kawngpui zau leh tha tak tak vek a ni, Ka rai len ve tawh avangin motor chu akhalh vak lo bawk.


Tukverh ah chuan ka kut chu ka dah chhuak a, ruah hmi tla cher cher chu ka kut phah ah chuan an tla vawt thler zel bawk, car chhunga thli vawt deuh vur mai rawn thaw lut heuh heuh chu maimitchhing chung chuan ka lo hip lut vang vang a.


"I hritlang ange Bawihi"


Stephen chu nui var var chuan ka va en a,

"Ti hian a nuam ka ti, Pathian thil siam mawi tak tak te hian min ti hlim"


A rawn nui ve suk a,

"Stephen, tun ai hian lo upa hret ila ka ti"

Zawisap chuan ka ti a, ka puitling thei lo lutuk hi hrehawm ka ti, Stephen nen hian kan inthlau mah mah em aw....tiin ka ngaihtuah thin,


"Bawihi,chutiang ngaihtuah suh, kan inhmangaih chuan a tawk"


Min rawn en a, a nui leh var var ringawt,ninawm, ka thusawi hi a la thutak lo thei bik lutuk a, hei vang hi lawm Naupang chhia mai ka ni tih min hriattir leh thin, nge ni a tawngkam a thiamloh luat ah mi hnem vak ngaihna ahrelo zawk pawh ka hre lo.


__________


Thil ri bur ka hriat vang chuan ka muhil lai chu ka harh chiang ngei mai, ka taksa chu a insawh dawt dawt a, car insawh dawt dawt chu a tawp hmak a,


Ka meng chu..... ni lo Stephen, Stephen chu ka sir deuh hnim kar ah chuan alo let reng a, thisen in alo bual khat vek bawk.

Car ah ka la awm bawk si, chhuah mai ka tum chu, ni lo.....ka naute, ka chawn vel chu thisen in alo bual khat vek a, ka luhai nghal vek thei..


Car chhungchu a khu deuh rum rum a, ka duh angpawn ka chesawn thei bawk si lo, Petrol rim a nam rum rum bawk,

"Stephen"

Zawisap chuan ka ti a, ka luhai lutuk, ka thil hmuh chu a thim ruai ruai a, ambulance ri chu hla tak atang hian arawn ri a, chu thil chu ka hriat tawp ber a ni.



__________________


Ka harh thut,


Ka meng riai riai a, a eng em avang chuan ka mengtha thei lo, ka mengkual deuh ralh ralh a,

"Ilo harh tawh mate"


Udini chuan ka sam chu arawn chul hliau hliau a,ka ni chuan tui min lo intir vat bawk, tui tak ngial pawh ka in tha thei lo, ka hrawk a thip lutuk.

Thil ka hre chhuak thut, ka pum ka en chu alo thep vek tawh, Ni lo.....khawnge ka naute?

"Khaw....khawnge,"

Ka pum chu ka dap ruai ruai a,


"Naute chu a awm tawh lo"

Udini chuan tah insum tih hriattak hian arawn ti a, engtin nge thlen theih, awihawm loh lutuk, awmdan tur pawh ka hre lo, ka a vek ni mai hian ka hria, ka thaw hawk hawk a,

"Engtia rei nge hetia ka awm tawh"


"Thla 6 lai a ni tawh"


"Maw"

Ka nui hak a, nichin mai khan kan accident sia, engtin nge nih theih, Stephen kha a tha ngem?...


"Anih khawnge Stephen"


Ka tih veleh, Udini chuan tap chung chuan min rawn kuah a, enge awmzia hi engmah ka hrethiam lo, ka taksa te hi a khur zawih zawih thei, ka a zo mai dawn in ka hria, ka chil ka lem khalh a, ka mittui a luang ngiai ngiai reng bawk, mahse ka tap thei miah lo thung.

"Stephen chu hetah a awm ve tawh lo"


Enga?.....ka nghing dawt thei, ka thin ah hian min hnawh nghal up up thei, thawk ngaihna pawh ka hre lo.


Engthil nge thleng hi?....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 15th, 2018, 6:01 pm

Hlutei jocund pachuau

STEPHEN PROV





Ka lu hai lutuk, Bathroom lam chu thei leh thei lo chuan ka pan phei chhat chhat a, ka va luak nghek ringawt,ni lo, Thartei khawnge awm? Ka harh chhuak zawk.

[FLASH BACK]

Thartei tui taka muhil chu ka va en a, a dul apuar ve tawh si a, ka nuih aza ngei mai, a inhmeh phian leh nghal, ka insum Zo ngang lo, a biangah chuan ka va chuk zauh a, a lo rum nghal tiah tiah mai.


Ka hawi let chiah chu kawngchhak atang hian lung lian ve ang reng tak hi arawn tla nawlh, ka phu chiang ngei mai, Ka chiai vek, hel ka tumna lamah Kawngthlangah chuan ka tumloh deuhin kan lum thla ta, ka chuanna bul kawngkhar ka lo kalh ngheh loh vangin pawn ah chuan min vawrh chhuak lawp, lei ah ka tla dawt a, engmah ka hre zui ta lo.



End of Flashback




Bathroom atang chuan rang mangkhengin ka chhuak a, ka ke ala hliam nasa bawk nen ka bai chhuak suih suih ringawt.
Ka nu chuan min lo pan vat a,


"Bawihte"

Ka biangah chuan arawn vuan a, a mittui a tla par bawk, min ti hlauthawng lehzual.


"Nu enge Thartei chungah thleng, ka fa pawh"


Ka aw chu a khur lek lek, ka nu chuan a shawl bah lai chuan a mittui a hru fai a, min rawn en leh.

"Bawiha Naute chu kan chhan thei ta lo"

Tap aw deuh ti tih chuan arawn ti a, ka zuai nghal vek thei, ka hliam zawng zawng te hi a rawn na zual ni mai in ka hria,

"A nih Thartei"

Zawisap chuan ka ti a, ka hlauthawng a ni, Thartei chanchin ka zawh veleh chuan a tap tha titih bawk si.


Ka hmai chu ka tuai puat a, ka thaw chhuak hak bawk.

"Bawiha Thartei chu ICU ah a awm a, a harh chhuah dawn leh dawn loh chu Pathian thu thu a ni e, Ventilator in an thawk tir a"


Ka mit nghal sulh thei, khum ah chuan ka thu thla nawk a, ka chal dawmin ka in ngaihtuah vang vang, ka nu chu a lo in sut ri hraih hraih bawk, Thartei lo harh chhuak ta lo se engtin nge ka awm ang, Lo harh chhuak pawh ni se Naute chanchin hi engtin nge ka hrilh tak ang, ka va han beidawng tak em.
_________

Bawihi, ka thiamloh vek a ni, ICU room darthlalang atanga Thartei mu lai chu ka thlir reng a, alu chu an tuam bur a, hmui ah chuan oxygen an vuah bawk, A bul vel ah chuan khawl eng engemaw hi an dah a, ka hre ve chiah lo.




Corridor thutna ah chuan ka thu thla nawk, engthil nge tih ber tur pawh ka hre lo,Thartei hi ka lainat takzet a ni, Kha aikhan lo khalh fimkhur deuh ila tha tur tiin mahni leh mahni ka indem mawlh mawlh a, kan hun tawn rapthlak zia hi Mipa pawh ni mahila chhel taka hmachhawn chu a harve thlawt a ni



Ka dar ah chuan tu emaw hian min rawn vuan thut, hawi chho chu....

Muani maw?....

Alo nui sen sen a, henu hian enge maw a hriat le?....tun ang hun ah enge hetah atih le?


"I zawhna zawng zawng kha ka chhang seng lo"


Tihpah chuan ka bul ah arawn thu thla ve nghal, tun ah chuan mahni chauh a awm ka chak takzet a ni, tumah hmuh ka peih thlawt lo, henu laka ka thinrimna hrithla tur pawh hian chakna ka nei hek lo.


"Min kalsan rih teh mahni a awm ka duh a nia"

Ka hne takzet a ni a khawsa zia hi, a hmel ka hmuh hian Erica leh Thartei na tuar lai ka hmu thin, ka haw ngawih ngawih a ni, a thutna ah chuan ka in hum ruh ngat ngat ringawt.

"Stephen puih che ka duh engpawh sawi la tun ang hun ah hi chuan nangmah chauh in ka kalsan tawp lo ang che"


Nghet charh chuan a rawn ti a, ka chhang buai paih thlawt lo, ka tiang chu la in ka tho vat a, ka room lam pan chuan ka bai phei sawih sawih a, ka ban ah chuan min lo vuan vat, henu zaktheilo lutuk hi chuh, mengkual ralh pah chuan ka thaw hak a, a tih ang ang chuan ka awm tawp ringawt.




5 MONTHS LATER



Ka office ah chuan ka thu vang vang a, Thla 5 lai a ni ta, Thartei chu Ventilator a thawk tir ala ni a, a harh chhuah leh tuman an beisei tawh lo, Thartei Ni tepawhin Khawl tih tawp mai an rilruk a, mahse ka phal tlat lo.

Rinna, Beiseina, an tih ang hi ka thinlungah nghet takin ka nei a, Hetiang min neih tir tuchu Thartei chauh hi a ni, Zan tin a bul ah ka riak thin a, a hla duh em em, KA NUN KAWNG HRUAITU tih hla kha ka play ziah thin, ka ngai leh hman der tawh, ka nui hak a.


Damdawiin atangin office ka kal a, darkar 2 chauh ala liam si a, Muani pawn min tlawh ziah thin, Muani hi rilru lam chiangkuan lohna a nei a, chumi vang chuan alakah that ka chhuah hram hram thin, Thartei ka buaipui nasat lutuk na lamah ka company pawh a tla chhe sawt hle a, Muani pa lahin a rukin neih tumin tan alo la reng bawk, mahse hre lo angin ka awm hmiah thung.





Kawngka chu tu emaw hian arawn kik karh karh a, Muani pa lo ni rengin...

"Lo lut rawh Pu Zir, enge ni ta"
Muangchangin ka hma a chair ah chuan arawn thu a, dawhkan ah chuan a kiu nghatin min rawn enkar.

"Stephen a pawi ka ti khawp mai, i Company hi min hlan mai a ngai ang"

A thusawi teh top chu, ka nui hak a,

"Pu Zir enteh, he company hi ka pa ta a ni a, chuan ala tla chhe lo bawk, ka theih top ka chhuah anga ka dingchhuak leh ang"


Vawt raih chuan ka'n ti a, ngei awm deuh chuan a nui suk.

"Ka tello in iti thei top lo ang"


Tih pahin a tho vut a, keipawh ka ding ve nghal, ngei awm tak chuan a nui a, a chhuak leh nghal vat.
Ka thinrim hrikthlak nan dawhkan chu ka hnek chawrh a, ka kut chang ruh chu arawn na vang vang mai, he mi te pafa hi ka hua,k a inseh ruh a, ka thaw huam huam thei.



Ka phone chu a ri ral ral a, Dini lo ni rengin, ka pick-up nghal vat,


"Enge ni ta"


"Stephen Thartei awmna ah rawn kal vat rawh, a rapthlak lutuk"


A aw chu a rawn khur hlak hlak a, Thartei chungah enge thleng le? Ka chiai nghal vek.


"Dini enge thleng"

Ka awki a sang tha ngei mai.

"Rawn kal vat teh engmah ka sawi hman lo"


A dah nghal daih, enge thleng le, ka car chahbi chu la in ka tlan chhuak nghal, ka coat pawh ka ha hman tawh lo.

Car chu chak zet in ka khalh chhuak a, Greenwood hospital Thartei awmna lam chu ka pan vat, Ramhlun ka thleng chu Traffic ala zam zui,


"Hmanhmawh tache u male Mi Mawl ho"


Ka car steering chum pop pop pah chuan ka ti chiam chiam a, ka necktie chu ka pawt phelh nawk nawk a, Sear hnunglamah chuan ka vawm phei nawk ringawt, ka kamis kilhna chu ka awm chen vel ah chuan ka phelh a, a ban kilh na chu phelhin ka kiu thleng ka thlep chho bawk, ka rilru chiai lutuk chu ka awm hle hle thei lo, min tur ut ut ni mai hian ka hria.



Horn chu ka pe vak vak a, Minute 20 hnu vel ah chuan ka tlan chhuak ve thei hram,


________


Hospital kawt ah chuan ka car dah top a, Parking fee khawntu pa bul ah chuan chahbi ka theh thla nawk, mak tih hmel deuh chuan min lo en ha a,

"Lo dah tha rawh, Bonus ka pe teuh ang che"


Tlan pah chuan ka ti a, Thartei awmna lam ah chuan ka tlan chho nghal, Step hlir a ni a, mahse ka hah awm pawh ka hre lo,


Ka thleng chho chu Doctor leh nurse leh Damlo thenkhat techu Thartei awmna ICU bul ah chuan an lo ding thap a, Hmeichhe awri ka hriat vang chuan ka tlan phei nghal.



"Muani"


Thartei thawkna khawl vih luhna plug bul ah chuan alo ding reng a, a make-up zawng zawng pawh a pherh vek bawk,


"Stephen alo kal e, min rawn hnaih reng reng suh, Ka phawi nghal a ni mai"


A mittui a tling pam a, a khur deuh dar dar bawk,

"Enge i duh"

Ka'n ti a, a nui hak.


"Nangmah mawle ,Stephen, Thartei i hmangaih ang hian min hmangaih ve rawh, Bul tan tha ang, inneih leh ka duh, Ka hmangaih takzet"

A tap deuh titih a, engtin nge ka tih tak ang, ka hmai chu ka tuai puat a, ka kawng chu ka dawm vang vang bawk, Tih mai tur leh Sawi mai tur pawh ka hre lo.


"Min nei dawn lo a nih chuan ka phawi dawn nia"


A aw chu a rawn khur hlak hlak a, ka hawi kual a, Dini chuan lu bu nghauh chung a rawn khap fak.


Muani awmna lam chu ka va pan hnai a,

"Min rawn hnaih suh Stephen ka phawi dawn nia a, ding rawh, mi....min rawn hnaih tawh suh"


A vin tuar tuar a, a rapthlak ngei mai.

"Ka nei ang che, Thartei chu ka then ang"

Ka thusawi vang chuan ka na zawk thei, Muani chu a nui hak a,

"Stephen dawt i sawi"

"Ka tiam che, Kan Fapa Erica hming chhalin"


A in thlah dul deuh tan in ka hria, ka hnaih tawh hle, a kut ka vuan vat a, ka kuah bet nghal, nghet tak chuan min rawn kuah let ve vat a,

"Ka lawm e Stephen"

Ka nui suk, neih tak tak ka tum awzawng lo, Thartei ka chhan him vanga hlim mai ka ni.
_________

Muani pawh an hruai haw tawh, tunlai chu a buai a zual deuh a, Ka hne takzet a ni, ka hne tawh lutuk henu hi.


"Chhuante, in be lawk ang hmiang"


Thartei ni chuan arawn ti a, Hospital kawt rem laiah chuan kan thu dun a,

"Enge nita Nu Ruat"


A mittui chu arawn hru fap,

"Chhuante, Bawihtei hi kal tir tawh mai ang hmiang, hetiang ringawt chuan rilru ana duh emai"

Tap aw khur deuh hlak hlak chuan arawn ti a, a dinhmun hi ka hrethiam a ni, Mahse heti ringawt chuan ka kal tir thei lo, ka phal tlat lo a ni.


"Nu Ruat, a harsa ka ti em a ni"

Zuai raih chuan ka ti a, Nikhaw hrelo a awmna a rei tawh hle,kei ngei pawh hian beidawn rum rum chang chu ka nei ve, mahse kal mai tura dah ngawt chu ka thei lo a ni.



"Chhuante, ngun takin kan ngaihtuah tawh a, Thartei nena in awmdun hi a thianglo anih ka ring ber, ka vahnu pawisawi lo tak hian tu anchhia nge a dawn ka hre hauh lo, mahse awmdun tura ruat in ni lo a ni, han ngaihtuah ve teh in pahnih awmdun tumna vanga midang tawrh hnem tawh zia hi, Bawihtei hi i hmangaih takzet anih chuan i kal tir hi a hun ve tawh a ni, a tuar nasa tawk tawh lutuk"


A sawi dik a ni, mahse a tello in engtin nge ka awm theih ang, ka thaw hak a, Boruak thiang nuam tak chu ka hip lut vang vang, Krismas rim anam ve tan er er tawh.


"A tello a awm tura ka in ngaihtuah ringawt pawh hian ka lungphu a tawp nghal vek in ka hria"


Zawisap chuan ka ti a, Nu Ruati chu a insut ri hraih hraih reng bawk.


"Bawiha Muani chu nei leh mai rawh"


A aw chu a rawn chhuak chang chang chauh, mak ti tak chuan en top, a beidawng ve hle anih dawn hi, mahse ka tih loh top tur a rawn sawi a ni.

"Nu Ruat engemaw i sawi le"


"Chhhuante,hriatthiam tum hram teh khai, in inhmangaih chu a thiang ani mahna, mahse in awm dun hi thil thiang lo bur a ni, Ka vahnu hnaih ah hian awm tawh lo la ka duh"


A thusawi vang chuan mak ka ti top thei lo, ka na takzet a ni.


"A pasal ka ni a, Min mamawh asin Nu Ruat"


"Chhuante ka ngen tak meuh ache, a hlat thei ang ber ah awm hram rawh"


Tihpahin min luhsan nghal daih a, NU Ruati kal liam tur chu ka en tlawk tlawk ringawt, A thusawi engkim kha a dik vek mai, chhan ngaihna leh hnial ngaihna reng ka hre lo.



Banch ah chuan ka thu thla nawk a, ka mittui rawn tling chu ka kut chuan ka tuai puat, Tharte.....ka kalsan hi a tha zawk tih ka hria, mahse a tello in engtin nge ka awm theih ang..


_____


Rei feee ka thut hnu chuan ka phone arawn ri ral ral a, Dini alo ni ka pick-up vat,

"Stephen Matei hi"

Tap chung chuan arawn ti chul a, ka harh kawk in ka hria..


"Engtin nge awm"

Ka lo ti nghal vat,

"Khawl hmang lo in a thaw tawh a nia"

Ka nui hak a, phone chu dah in hmanhmawh mangkheng in ka tlan chho leh nghal.

______


Cabin ah chuan an lo sawn mek a, Doctor chuan alo check mek bawk,


"Hmeichhe tum ruh tak a ni, he thil mak hi chu keini thawh ni lo in intawngtaina chhan in a awm a ni mahna, Lawmthu sawi mawlh mawlh rawh u"


Nuisang chuan arawn ti a, ka hlim lutuk hi Doctor chu kuah hial mai ka duh, Mipa leh mipa han in kuah chiam chi lah a ni bawk si lo..



"A nih engtik ah nge a rawn harh chhuah theih ang Sir"

Ka hawi phei chu kha vaipa Dru a kha Doctor form nen kawngka bul ah chuan alo ding reng a, hepa hmel ka hmuh hian ka sa nghal up up zel.

"Hetiang reng a, a tum ruh anih chuan a harh chhuak har tawh lo ang"


Ka hlim lutuk au vak mai ka duh.

"Stephen inbe lawk ang"

Dini chuan arawn ti a, corridor lam ah chuan kan in zui chhuak nghal.


"Stephen,ka nu sawi ang khan Ka nau hi i hmangaih tak tak anih chuan kalsan tawh mai la tha ka ti"


Zawi sap chuan arawn ti a,

"Dini nang talchu ka lama tang tur ini sin, Thartei ka hmangaih zia hre chiang tu inih kha"


Dini lehzel pawh ka lamah atang tawh lo ania, ka thinrim zo vek tawh.


"Enteh Stephen, ka unaupa ang chiahin ka en che a, Ka nau nen in intih thiamloh pawn i lamah ka tang zel thin, mahse tun tum chu ka nu thuthlukna hi ka pawm pui a ni, Mihring pakhat (1) tawrh atan chuan a rapthlak tawh emai Stephen, kal tir hram mai rawh"


A thusawi tawp lam chu a ri chang chang chauh, ka kawchhung hi asa nghal up up thei, kan bula bang chu ka hnek dawt a, ka au vak bawk.


Ka thinrim lutuk hi ka thawk a tawp mai dawn in ka hria, Dini chu ka bulah chuan alo inhru zauh zauh a, Pawn lamah chuan chhuk thla in ka car ah chu an ka lut a, chak zetin kan in lam ka pan ringawt.


________


In ka thleng chu Thartei ka ngai lutuk, mahse hun thawl ka mamawh a ni, Ka nu leh Ka pa chu Common room ah chuan thu in thingpui an lo in dun a,


"Bawiha lo thu teh, Sawi tur kan nei ania"


Ka nu chuan alo ti vat a, paih lo zet chuan ka kal phei a, Sofa ah chuan ka thu thla nawk.


"Thartei ni khan engkim min lo hrilh tawh a"

Ka pa chuan muangraih hian arawn ti a,

"Chuan enge"

"A thusawi kha a dikna chen a awm a ni, Bawiha, Muani chu bul tan that pui leh la, Thartei chu kal tir mai rawh"

Ka pa chuan arawn ti a, ka thinrim lutuk chu ka ding hluai thei.

"Ngati nge nang ni lehzel in then turin min tih a, Ka pa Thi turin min duh zawk ami, ka fapa Erica thattu a nih kha"

Ka vin deuh that a, ka nu chuan min lo pawt thu leh vat,

"Thartei hian a tuar hnem tawh, mahni hmasial tak khan awm tawh mah tache, Ka tupa khachu accident ami a ni"

Ka nu chuan a rawn ti vat a, ka thaw hak, ka nu min vawnna chu ka phih lawp a, an rilru put hmang hi mak ka ti ve thlawt.


"In vai hian hrehmun ah kal rawh u"

Tihpah chuan kalsawn mai ka tum a,

"Lalchhuanawm ding rawh"


Ka pa chuan vawt raih hian arawn ti a, ka hawi let vat, a awki asang lo, mahse, a thinrim hle tih ka hre thei.


A rawn kal hnai a, ka biang ari nghal sawk,ka nu chu alo te that bawk, ka pa chu ka en vat a.

"Tleirawl hawklak ang khan awm tawh suh, I Pa ka ni a, ti tura ka hrilh che ang chuan ti mai rawh"


Kutzung chal meuh min hmuh ta, ka pa hi a thinrim hle anih ka ring.

"A tha e, Ka pa, kei hi thi turin min ti angah ka ngai e"

Ram hmak chuan ka ti a, ka nu alo in rawlh vat.


"Engtin nge tiang khan ipa i tawngkhum ngam a, i room ah kal vat rawh, kan sawi tha leh dawn nia"

A rawn ti hlak hlak a, ka thinrim a kal tluang ngei mai.

Pangpar pot chu kal pah chuan ka pet keh chhuai a, ka room kawngka chu ka khar ri thuai bawk.
________


Khum ah chuan mu in ka in ngaihtuah vang vang a,ka ngaihtuahna chuan kalsan mai tha zawk in a hria a, ka thinlung erawh chuan a pawm thei bawk si lo,

Ka phone rawn rik vang chuan ka en vat, Dini Bawk alo a ni, ka pick-up leh nghal vat a,

"Thartei chungah thil thleng a awm a mi"

Ka'n ti nghal ngawt a,

"Stephen Muani bawk arawn kal leh a, Tui la tura ka chhuah lok hlan in Thartei room ah lo lut a, Kawngka kalh tlat bawk si"


A aw atang chuan a mang ang hle tih ka hre thei, Rang tak chuan ka tlan chhuak a, Car chuan chak zetin Hospital lam chu ka pan leh nghal.

__________

Ka thleng chiah Dini chu ka bul ah rawn tlan phei nghal,

"Stephen thil pawi ati mai ang tih ka hlau"

A in hnit hlap hlap a, kawngkhar lam chu pan in ka kik nghal.


"Muani keimah Stephen ka nia, Thartei kha engtin mah ti suh aw khawngaih in"

Min chhang si lo, ka mangang tawh hle.

"Stephen ti chhe mai rawh"

Tihpah in thir tlawn hi a rawn la a, kawngkalh na chu na thei ang berin ka hawlh zawt, a in hawng nghal thuai a, ka thil hmuh vang chuan ip deuh chawih thei.


Muani chuan khur zawih zawihin, Thartei nghawng ah chuan chemte hriam hmel zet hian alo tin ran a,

"Rawn kal hnai su"


A aw pawh a khur vek thei,

"Muani inbia ang"

"Stephen engmah sawi ka duh lo, Thartei hi harh chhuak tawh lo se ka duh, kan inkar rawn in rawlh tu apiang chu ka that vek dawn"


Tap aw tiau hian a ti a, ka chil ka lem khalh, ni e,ka tih ngei angai dawn ta a nih hi.

Bawihi, ka kal tir ang che, Ka Hmangaih che.

Ka maimitchhing sawk a, ka thaw chhuak hak,

"Kan inneih dawn kha, Thartei lo harh hma in kan tlanbo daih dawn lawm"

Ka thusawi vang chuan ka na takzet a ni.

"Stephen dawt min hrilh reng tawh suh, Tun ah pawh khan dawt i sawi, ka that dawn"

A awki a sang ngei mai,

"Ka ti tak tak tawh, lo kal rawh le"

Tihpahin ka kut ka phar chhuak a, muangchang chuan min lo ban zal zal a, a chemte chu laksak in ka kai chhuak nghal vat.

__________


2 weeks later





Vawiin hi Dubai ah Muani nen kan kal ni tur a ni a, Khum ah chuan maimitchhingin Thartei ka ngaihtuah vang vang, ka ngai a ni, kar 2 lai ka hmuh min phalsak si lo, Dini chu ka call a.

"Dini Damdawiin ah ka lo kal dawn"

"Stephen, Kan zavai bula i intiamna kha hre reng rawh"


"A tawpnan vawi khat chauh hmuh ka duh a ni"

"Awle, hmanhmawh rawh ka nu lo thlen hma a i haw leh hman a ngai dawn nia"


Ka car chahbi chu la in room atang chuan ka chhuak nghal,

"Bawiha khawnge i kal dawn"


Muani chuan min hmuh veleh chuan alo ti vat a, thaw hak pah chuan ka meng kual ralh, henu lakah hi chuan ka zaidam rei thei thlawt lo,

"Hnathawh tur ka nei, Lo insiam rawh ka rei lo ang"

Tihpahin ka tlan chhuak nghal.


________


Cabin ah chuan muangchangin ka lut a, Thartei hmel Dang bel techuan min tina zual, a hmui sen ver thin kha tun ah chuan ada vek a, a vun nung sarh tekha a bo vek tawh, mahse ka hmangaihna a tlem phah chuang lo, a kut chu la in ka fawp a, a biang a hmui engkim chu lungchim takin ka fawp kual a.


"Ka hmangaih che Bawihi, Engtik ah emaw chuan kan la awmdun leh ngei ang, Beiseina nen lo awm reng la, Chumi hun ah chaun Engtikah mah ka thlahthlam tawh ngai lo ang che"



Ka mittui rawn luang chu ka hru zauh,

"A pawi ka ti khawp mai Stephen"

Dini chuan min lo enreng a, thaw hak pah chuan a kut ah ka vuan vat,

"Dini hei hi hrereng rawh, Keihian ka hriatna ka hlauh a, Muani chauh ka hre tawh, A hma a Stephen khawngaihna nei lo kha ka ni leh tawh ania, lo hrilh ang che"


A mittui chu arawn luang zawih zawih a, hruk pah chuan a bu nghauh,

"Ka lo sawi ang"


Muani lahin min rawn call reng bawk si, ka van hne tak em.


"Stephen kal tawh rawh, ka nu lo thleng tawh ang"

Thil hre chhuak thut ni awm tak hian, arawn ti chul a, Thartei chu ka fawp vang vang a, Hreh hle mahila ka hmangaih hlim nan, ka hmangaih nun nuam a a awm nan ka kal dawn a ni.

Ka hmangaih che Tharte, min lo nghak reng rawh aw.


[THARTEI PROV]


"UDin, i sawi awmzia chu Stephen a thi maw"


Ka khur zawih zawih a, ka kut ah chuan arawn vuan vat.

"Mate, a thi hleinem, a hriatna thenkhat a hlauh a, Muani leh Erica chauh a hria, Nangchu a nun ah i tel ve tawh lo"


Ka na zawk thei, engtin nge chutiang anih theih le, Kan naute pawh a hre tawh lo a maw,

" Ni lo Udin,ka neih let tir leh ngei ang, ani pawh khan min beidawn san lo a, ka beidawn san dawn bik lo"


Nghet charh chuan ka ti a, ka inseh ruh vak, mahse ka taksa la chak loh em vangin ka duh ang pawn ka awm thei lo, ka chak ber chu au vak mai ka chak,

"Mate, Tun ah chuan mizoramah pawh an awm lo, alo let leh hun ah neih let tir dan kan ngaihtuah dawn nia"


Ka hnungah chuan a beng thak thak a, ka lo bu nghauh thung.

Thihna khawp hialin ka tuar tawh ta sa sa, tun ah chuan engmah hlauh ka nei tawh lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 15th, 2018, 6:02 pm

1 Month Later



Thla 1 ka kal theih loh hnu ah tun ah chuan pangai takin ka kal thei ta, in ah min khung char char rih a, min kawm hlim turin Dru pawh arawn leng ziah thin, a châng chuan ka ning ve lek lek zel, a chang leh a rûkin ka tap thûl, Stephen ka ngaiin hrehawm ka ti em em a, mahse ka nghak dawn a ni,a lo let hun ka nghak thei tur a ni, Tinge? tiang ém a na hi ka tawrh reng bik le, Ka hrethiam thei lo a ni.

Stephen chu a reh vang vang mai, mahse ka la nghák reng a ni, Dru laka beiseina siam ka tum ngai hek lo, Ka ni tepawh Udini bulah an rawn awm thla a, Mahse ka that tawh vangin vawiin hian an haw dawn bawk.


"Vawiin chu hnathawh tur ka zawng dawn"


Tukthuan kan ei mawlh mawlh laichuan ka tichhuak hlawl a, an thil ei lai chu an tawp chat a, min rawn enthap,

"Ala hma deuh lo maw?"

Ka ni chuan arawn ti vat a, mahse tiangrenga awm hi ka theilo, enge maw tal thawh ve ka duh a ni, ka khua harin hrehawm ka ti ngawih ngawih.


"A tha lawm, i duhzawng tih ve chu a hun tawh viau e"

ka patea chuan arawn ti char char a, ka lo nui nghal var var mai,
____

Chaw ka ei zo chu room ah lutuin vanglaini chanchin bu chu ka keu nghal vat a.


Hotel Paradise a thawk tur hmeiche Fel tak zûk leh hmuam a fihlim duh a ni e, tih hi alo intar kulh a, ka mit ala nghal zar mai, Thil engemaw ka hrechhuak zawk, Stephen nên kan intawn hmasak berna Hotel paradise kha ka hre chhuak zawk, ka nuisak a, number an târ ah chuan ka call nghal vat.


Vawiin ah inzir pah tur hrim hrim in kal turin min sawm nghal a, rin ai daihin a awlsam, Udini nen chauh kan awm leh dawn si a, a thawhchhuahsa hmanga lo awm mai mai kha ka thei bik lo, ka Dressing table chu pawt hawngin Ka incheina tur vel chu ka la chhuak a, a hnuai bera thlalak ka hmuh thut vang chuan ka thil tih lai ka tawp chat, Nau ka pai laia Ka Ultrasound thlalak chu ka la chhuak a, "Ka naute" zawisap chuan ka ti a, Ka mittui rawn tla mai tur chu ka khap let fak, ka inti chak tur a ni, Stephen a tân ka tán ngei pawh hian, bakah theihtawp chhuaha min enkawl tute tih beidawn ka duh loh vangin na hle mahila ka insûm a ngai a ni, ka thaw hak a, "Bawihte, Mommy hian a venghim zo silo che a apawi ka ti, Nu ka fa kha lo enkawl tha rawh aw" A awmna ngai ah chuan dah let lehin darthlalang hma ah chuan uluk zet hian ka inchei nghal a.


"Ka lo hruai dawn che mi"

Udini chu kawngka bulah chuan alo ding reng a, nui hak pah chuan, "a ngai lo, i scooty min hmantir la ni mai"


Ka'n nuihtlawn vel a, a thaw hak,
"I la damchian loh em hi, i chesual palh ang Hman a tullo"
A tii hlak hlak a, "Mawhhh...please in..."

Naupang ang mai chuan ka ngén der vel a, a nui hak.
"A tha lawm, a khât táwk in i chanchin rawn report zel ang che"

A ti a, nui sen sen pah chuan ka lo bu nghauh.


_________


Hmanhmawh zet chuan Falkland a Hotel paradise lam chu ka pan nghal, Supreme T shirt Var leh, kekawr dumtluan ka ha a, Vans chu ka bun leh top bawk.


Hetiang vak lo hi chuan inchei ngaihna pawh ka hre lo, Thawmhnaw lam kher kher hi chu ka hre ve vak lo.



______


Hotel lianpui kawt ah chuan ka ding rân mai, Ka helmet chu dahin muangchang chuan ka pen lut chhat chhat a,
"Lo leng rawh enge i duh ang"

Mipa hmeltha zet Chuan aw ném zet hian alo ti a,

"A....hna rawn diltu kha ka nia"
Bah deuh niai chuan ka ti a, nui sak chuan min hui zauh, choka lamah chuan min kal pui a, An hotel chu a thianghlimin engkim hi a changkang vel vek a ni mai.

"Hei hi hâ la, Apron kha i hreng dawn nia, vawiin chu keiman ka zitrtir ang che, a awlsam lutuk"

Ném hléi chuan arawn ti a, Kamis senduk chu ka ha nghal vat, Apron chu ka hreng nghal a.

"Ramtea ka nia, mahse midang chuan Lily min ti vek thin"

A thusawi vang chuan kan nui dun hak hak a,

"Tharte minti mai rawh"



________


Thil tihdan tur vel min hrilh laichuan uluk takin ka lo en a,

"Chhungkaw pakhat an fapa kum lina(4) an lawm dawn a, in lo zaisak thei ngem?"

kan manager chuan arawn ti a, "Hawh kal ang" Tihpahin Lily chuan min rawn kai vat, Nu hmeltha tak pa hmeltha tak, Mipa naupang Luhlul hmel Zet nen hi an lo thu thap a, Ka fapa Erica min ti hrechhuak zawk, Dawhkân ah chuan cake lian tak hi an lo chhawp rán bawk.


"Guiter perhthiam in awm em?"

Boss chuan a ti a, ka ban ka lo phar vat, Guiter chu min rawn pe a,

HAPPY BIRTHDAY TO YOU
Tih hla chu kan sa a, ka thawhpui techuan kut an lo beng thap thap bawk,mipa naupang chuan cake chu zaiin a nu leh pa ni awm tak techu a barh a, an chhungkua chuan an nui dar dar bawk.


Ka mittui tla mai dawn, choka lamah chuan ka tlanphei vat a, ka mittui luang zawih zawih chu ka hru pah mawlh mawlh bawk, Mipa khat hi ka su chawrh a, ka hawichhuak ngam tawh lo "ka tihpalh" tihpah chuan ka tlan lut nghal a, Thlengsilna dawhkán chu ka hmer ngar ngar ringawt,

"Thiannu kan Pu ber alo kal a, a mamawh lo laksak tache"

Lily a chuan arawn ti a,bu ngauh chung chuan ka chhuak nghal, Dawhkán pakhata ka mi hmuh vang chuan ka phu zawk thei, ka khur zawih zawih a, ka mittui arawn tlák chhunzawm nghal.
"Stephen"

zawisap chuan ka ti a, melh pawh min melh lo, ka thaw hak a, "i ti thei em em ang" tihpah chuan ka va pan nghal, a perfume rim nam vang vang techu ka lo thlakhlelh thin angreng kha ala ni, A áwm ah chuan bei thlawp a, ka ngaihthu vawi tamtak hrilh ka duh a,Ka hmangaih zia hi vawi tam tak hrilh ka duh bawk,mahse ka thei bawk si lo.


"Tuna i zâi ang khan zâi rawh"

Bung hmuk chuan arawn ti a, ka phu zawk thei, arawn hawichho chu a mitmeng, Ni lo....Stephen hian min hria tih ka chiang, min hmangaihna mit meng kha ala danglam miah lo tih ka hmu thei, ngawireng chuan ka en top tingawt.


"I beng a chhet ami? Zai rawh ka tih chu"

Vin tak chuan arawn ti a, ka phu zawk thei, engmah ka sawi thei bawk si lo, Lyli a chu arawn tlan phei vat a.

"Ka pu, hrethiam rawh, Rawn thawk thar a nia"

"Bang nghal ang che"

Ram hmak chuan arawn ti a, ka mittui chu ka thunun thei lo, ka mittui kar atang chuan en reng a,
"Zâi rawh"

Lyli chuan ka beng bulah arawn ti sar sar a, Tap tiau chuan Happy birthday to you tih hla chu ka sa ta ringawt, ka sak zawh veleh choka ah chuan ka tlan lut a, ka inhnit hlap hlap ringawt.


Stephen hian min la hria tih ka chiang, mahse tinge? hetia a awm tlat mai le? Tinge min hlat tâk tlat le?


"Báng tawh rawh le, Boss chu a thinchhia in a tawngkam ana thei lutuk a, tuar hrâm hrâm rawh, ngaiah i nei vat mai ang"

Lyli a chuan rawn ti a, a danglam ta lutuk hian min tina zual.


__________


"Vawiin chu ni khat hlawh hi lâ la, naktuk atangin hlawh pangaiin i thawk dawn nia, Dar 8 ah rawn kal rawh aw"

Lyli a chuan a ti nghal zung zung a, muangchang chuan ka chhuak zál zál a, ka helmet chu khumin kan in lamah kan inkhalh phei nghal.
_________


Scooty a ka tlán laklawh lai chuan ka pum arawn ri ruk ruk mai, ka rilatam tih ka hre chhuak chiah, Restaunrant kawt ah chuan ka ding vat a, Vawiin nilêngin engmah ka la ei loh vangin ka chau deuh nghulh thei,


"Enge i duh ang"


"A....Scillan pizza hi ka lo ei ang, Bawnghnute no khat nen"


Ka sawi zawh chuan waiter chu a kal nghal a, ka phone chu la in Dru ka call ringawt, vawiin nilêngin min la be lo a, ka khua a har takzet,

"Hello"

A pick-up rang ngei mai, ka nuisak a.

"Enge min biak duh miah loh a"

"Ka buai lutuk a, min lo ngai viau a mi?"

Ka'n titau der vél a, A rawn nui hak, a hmel awmdan tur ka ngaihtuah thiam nghal mai.
"Aw ka ngai hman lutuk che lawm"

Ka tih laitak chuan tu emaw hian min rawn kal pel thuak, Ka hawi chhuak a, Restaurant Chhungah chuan ka hmel hriat tumah ka hmu chuang lo.

"Zan ah ka lo kal ang"

"Awle, rawn kal har lo la, thil hrilh tur che ka ngah tawh lutuk"

Reitak kan inbiak hnu chuan ka thil chah pawh arawn thleng ve nghal, Tu emaw hian min thlir reng ang tlat a ka hriat chule...Dru a tawng mawlh mawlh lai chuan ka hawikual sek a, Ka mi hmuh avang chuan ka phu zawk thei, Stephen chuan min lo enreng chu niin, Ka chiai leh vek tawh, Umuani pawh a awm ve, Ka chawlhna epchiah Restaurant man to hmel zet mai Tukverh bul ah chuan an lo thu reng chu ni in.

"Dru ka dah phawt ange, nakin ah ka lo be leh ang che"

Tihpah chuan ka dah a, Stephen leh Umuani awmdan chu ka enreng, Umuani chuan a zût vel hliau hliau reng a, a biangah te a chuk thul, Stephen chuan min la enreng, a hmel ah chuan hlim hmel reng ka hmu lo, Umuani chuan a thil tih laichu a tawp chat a, ka lam chu a rawn hawi ve nghal, Phawk tak chuan min rawn en a, A rawn chhuak a, ka chawlhna dawr lam pan chuan arawn phei pen hlawk hlawk a.


Ngaihsak loh hmel tak chuan ka hma a eitur chu ka ei mial mial,

"Engvanga he lai hmun a awm nge i nih a"

Vin tak chuan a rawn ti a,pizza hmuan tûn chuan ka hawi chho a, ka lo nui hak thung, Ve thla ngawt chuan a zaklo ngei mai, Bawnghnute chu in in ka lem khalh.

"Ka duh duh na ah ka awm ang, He rastaurant hi ipa ta ami?"

Din chhuah pah chuan ka ti a, a hmui hnuailam pet chung chuan rum tak hian min melh ngar ngar, Ka hlau eih lo, ka nuih aza zawk mah.

"Stephena nun ah in rawlh tawh suh, a fa i pai ve vâng mai khan A nupui ini tihna ni lo, a nupui diktak chu keimah ka ni, I fa pawh a awm tawh loh kha"

A rawn ti ta phiar phiar a, ka insum zo lo, hun rei tawh tak atanga ka lo tih châk em em Chu ka ti ta, A hmai ah chuan ka theih tawp a na hian ka beng thuai a,a hnung lamah chuan a kat dawr dawr thei, ka thinrim lutuk chu ka thaw kâwk kâwk bawk,

"I kâ kha ka pawtthler palh ange aw, I ka bawlhhlawh khan ka fa chu sawi rêng rêng suh"

Stephen pawh alo thleng nghal, Stephen a hmuh veleh chuan a'n tap der vêl a, nui hak pah chuan "Lemchan thiam" zawi sapin ka ti a,

"Stephen henu min tihdan kha ilo hmu em? Engtin mah ka ti tawp si lo a, min beng ringawt ania"

Inti no tak chuan ati vêl a, ka lo nui hak thung.


"Tharte i van zak lo ve, engvangin i ben ngawt a"

Enga!.......tun ah khan engtin nge min koh kha, Umuani nen chuan mak ti takin kan en top.

"Stephen engtin nge min koh kha"

Aw khûr deuh titih chuan ka ti a, A hmel chu a rawn buai nghal nak mai, Ka hrechiang a ni, Stephen hian a hriatna a hlauh reng reng lo. Ka chiang a ni, ni lo....A awmdan te hi thunun tum viau mahse Ka thinlung hian min hrilh a ni, a mitmenga hmangaihna ka tâna rawn lang chhuak thin kha, adanglam lo, a danglam ngai hek lo ang.


"Bawiha"
Mittui luang ngiai ngiai chung chuan ka ti sap a, tlêmin kanpan hnai deuh.

A biang va dawm ka tum chu Umuani chuan ka kut chu arawn phih lawp a,
"Ka pasal a nih hi i va zak lo ve"

Restaurant chhunga awm techuan min en thap a, A then techuan phone camera ten thlâ an lo la bawk.

"Stephen, Min theihnghilh ngai lo ani tih hi ka chiang a ni, I awm dân tekhan midang chu a bum pawh a ni maithei, mahse keichu min bum ngai lo ang, Kha i mitmenga ka tâna hmangaihna rawn lang chhuak kha ka hmuh hmaih reng reng lo, Hetianga i awm nachhan hi hre lo mahila, ka beidawn san dawn lo che,I hOtel hming atang ringawt pawh hian a chiang vek, ka nghak ang, ilo lêt leh hun ka nghak dawn a ni"


Tap teuh chuan ka ti a,a ngawi reng thung, Umuani chuan min rawn beng sawk, ka thinrim lutuk chuan ka beng let veleh a, kan insual titih nghâl a ni mai, Ka taksa chu A leng dawp, ka bang su chawrh a, ka hnung pilh chu a rawn thip zek mai, Stephen chuan bangah hian min nawr bet a, a thinrim lutuk chu a mit asen râm bawk.

"Ka nupui hi i kut hmawr pawn khawih tawh suh ang che"

Rum tak chuan min melh a, mittui tling kiau chuan ka nui hak.

"Lemchang tawh suh, ka awih che i ring reng reng a mi a"

"Khâ hming kha engvanga sawi nge ka ni tih ka hre lo, tunge i nih a? khâ hming kha tu hming nge a nih pawh ka hre hek lo"

Vin tak chuan arawn ti a, ka hlau lek lek, ka mittui kar atang chuan a hmel chu a lang ruai ruai thei.

"Ka hmangaih che"


A mah enkar chuan ka ti zawi sap a, Ka mittui chu dan zawh rual lohin a luang nghâl, a inthlah dul deuh a, min thlah riai riai a, Umuani chu a kai chhuak nghal dawr dawr a,Hneh tu inti tak chuan arawn nui sak, an chhuak chiah chu Chhuatah chuan ka thingthi thla nawk thei, Ka bula mite chuan min rawn buaipui sap sap a, Ka tah vak mai ka hlauh vangin ka tawng chhuak duh lo, ka thin ah hian min hnawh up up mai.

Ka ei man ka pek zawh hnu chuan Ka pên chhuak chhat chat a, ka tlu mai dawn ka luhai lutuk, Tu emaw hian min lo vuan vat, Ka hawi chhuak chu Nula hmeltha zet hian min lo en kar a.

"Kan thlah ang che chu"

Kan awm dân kha an lo hmu ve vek awm si a, ka zak takzet.

"A ngai lo e, ka tha lutuk, ka lawm e"

Tihpah chuan ka chhuak nghal, Ka Scooty ka tinung a, chak thei ang berin in lam ka pan nghal.


_________


"Tinge min call loh"

UDini chuan alo ti nghal a, a hmel ka hmuh hian ka rilru a no zual, Ka kuah a, ka tap nghal zawih zawih thei.


"Mate i tha maw?, tinge a?"

Min ngaihtuah hmel tak chuan arawn ti a, sawi tur pawh ka hre mai lo.

"Stephen ka ngai lutuk"

Zawi sapa tih pah chuan ka kuah leh nghal a, Khumah chuan min thuttir nghal, ka la tap reng tho, Stephen ka hmu tih ka sawi chuan a buai leh nghal vek dawn si a, Sawi loh mai ka thlang ta zawk.


" A pawi lo e, i in upbet rei tawh êm bawk a ni, i theih tawp khan tap rawh, tumah vénthawn a ngai lo a nia"

Tihpah chuan ka hnung chu a rawn beng thak thak a, Ka nu ka ngai takzet a ni.

_______

Darthlang hma ah chuan ka thu kar a, Ka mitsen bui râm leh ka hnar sen tar techu ka hmuh hmaih hauh lo, kawngka rawn ri rak vang chuan ka hawi phei vat a.

"Mate, ka kal aw, in enkawl tha la"

Ka nui lui sak a, Udini a chhuak chiah, common room a Sofa ah chuan ka thu ngawi reng a, Khua thim titih deuh Pawl vût mai chu ka thlir deuh deuh ringawt, Ka hnunglam atang chuan tu emaw hian âw arawn thian kharh a.


"I va hma leh si ve a"

Tihpah chuan ka nuih sak a, Dru pawn min nuih ver ver pah chuan ka bul ah arawn thu thla ve nghâl.

"Ka ngai tawh lutuk che a"

Thu tak deuh hian arawn ti a, ka nui tawi tak mai.

____

A bul ah chuan thu in ka ti ti malh malh a, Hlim hrám ka duh takzet a ni, thawk leh khat ah ka lu chu arawn vuan thut, a hmui lum thar thar chuan min rawn fawp thut, ka phu zawk thei, ka theih tawpin nemsawn ka tum a, a tang tung bawk si.


Ka taksa chu arawn khûr dar dar a, ka tap chhuak hak, chu veleh Dru chuan min thlah nghâl, A sam chu a tuai puat a, Sawi tur pawh ka hre lo, ka hmui chu hupin ka thaw kâwk kâwk ringawt,

"Tharte, ka tihpalh, in thunun ka tum nasat nen"

Chunglam chu a melh vang vang a,
"Haw rawh, ka hmu duh tawh lo che"

Ram hmak chuan ka ti a, a thaw hak, ka bulah chuan arawn thingthi a,

"Ka tihpalh takzet, min ngaidam hrâm rawh Tharte, a thleng nawn tawh lo ang"

Ngèn ngâwl deuh hian arawn ti a, ka mittui chu ka hru zauh.

"Mahni a awm rih ka duh, haw phawt rawh, ka ngai dam che"

A nui hak a, Min rawn kuah atum, ka lo tawm chawih chawih a, a ding dat, Min chhuahsan nghal vat a.
____

Khumah chuan mu chungin eng engemaw ka ngaihtuah a, ka lo muhil ve nghal.


________

Ni chuan ka mitzâwn chu ni in a rawn en sar sar a, ka meng nghal diâr diâr mai, ka phone ka en chu Dar 7 lo pêl duai tawh, rang takin ka inperh tho at a, bathroom ah lutin ka sam ka hnute thleng vêl hnawk niai chu ka tawn tawm top, ka hmai chu ka phih sawk sawk a, ha nawh pah chuan ka inthlak sawk sawk, Ka kam chu thuah in Foundation tlém leh lipstick chu ka inhnawih a, Ka bag chu la in ka tlân chhuak nghal.

_______

Ka thleng chiah chu ka thaw hak a, sana ka en chu dar 8 rik nan minute 10 lai ala awm ka tlai lo hlauh e, ka nui sak a, ka lut nghal.

Kan form chu ha in, Lyli a'n tih tur min kawh hmuh chu ka ti nghal sawk sawk a.

A felin a tawng duh em em a, a nui ring thei bawk si, James NoNo a tih dan te a zir thúl ka nui nasa thei ngêi mai.

________


Sana ka en chu Dar 6 lai alo ri tawh,khua pawh a thim lek lek tawh bawk, Customer hausa tak takin min dawr reng a, nui hmel put reng a ngai bawk si, ka chau ngei mai.


"Lo ngaithla teh u, Zan in chu Kan hotel bul a karoake ah sáwn kal vek tur, Pu Ber nupuiin nau apai a kan lawm dawn, tumah haw haw loh tur"


Lyli chuan arawn ti lâng lâng a, ka dawhkan hruk lai chu ka tawp chat, ka mit nghâl sulh thei, a awm zia chu Umuani a rai amaw? Ka kut chu a khûr ru deuh dar dar a.


"Lyli ka kal ve lo mai ang"

Zawi sap chuan ka ti a, ka thawhpui teho chuan min rawn en thap,

"Tharte, nuam iti viau ang, i haw kan phallo"

"Nia haw angai bik lo"

Midang ho chuan an lo ti sap sap a, min tihluih tlat avang chuan ka hnial duh ta bik lo, Dik tak chuan Muani leh Stephen hmuh dun ka chak hlawl lo a ni.




STEPHEN PROV



Koroake



Muani dáwt sawi vangin, mi zawng zawng chuan Rai angin an ngai vek tawh, ka haw takzet a ni.


Karoake kan thleng chu Ka hnuaia thawk techu an lo aú dar dar a, hlim hmel put luih vel chu ka thiam thak lo, Kil khatah chuan Thartei chuan beer alo tlak pap pap a, a mit a sen râm bawk, ka tina tih ka in hria, mahse duhthlan tûr dang ka nei ngang bawk si lo.

_______


Midang ho chu an lâm suau suau a, Thartei nen chuan kan thu ngawi reng thung,Beer chu a tlâk pap pap reng a, a inhnem tawh mah mah a ni, Muani chu ka bulah rawn kalin Thartei hmuh tur chuan min rawn zût vel a, henu mak lutuk hi chu a, kan awmdun chhûng khân vawi 1 pawh ka la tawk eih lo, Min rawn fawp thut,nemsan ka tum, mahse Duhthlan tur ka neih loh vang chuan ka chhanglet ve tâwn tâwn a, A mawngchu ka tham pah reng bawk, midang ho chu an lo au dar dar a, ka harh zawk, Thartei awmna lam ka va hawi chuan alo awm tawh miah lo.




"Ka va hawi harh lawk ange"



Tihpah chuan ka tlân chhuak ve nghal a, Ka va in haw tak êm, ka hmangaih ber kiangah pawh ka awm thei lo a nia, Mahse Dini leh a chhungte bulah Thartei hma a inlan lo turin ka intiam tawh si a.



Kan piah deuh a park ah chuan ka zawngkual a, Tap feih feih ri ka hriat avang chuan ka ding dat, Tap ri awmna lampang chu ka pan hnái zél a.


Naupang ho infiamna hnuai ah chuan Thartei chu alo tawm kak chu ni in, "Bawihi"
ka ti chiah chu arawn hawi vat a, A awmna tang chuan arawn hawi tho chhuak taih taih a, a rûi hlé anih ka ring,
"Tunge i nih a, Tinge Kha Stephen Misualpa kha i an em em a"


Tihpahin lei ah chuan a thu tung kak a,a tap reng bawk si, Rei tak chu a bul ah chuan ka ding top, min huat thu te, min ngaih thu te, min ngaihdam ngâi loh túr thu te chu a khât tawkin a sawi reng bawk.


"Helai hi tinge a thim em em le"

Tihpah chuan arawn tho chhuak a, êng hmuh tur pawh a awm mang tawh lo, thim zingah chuan apen ri rak rak a, ka awm ve tih pawh a theih nghilh tawh a ni mahna, A ri khat khat reng a, ka phone chu phawrh in light chu ka on a, a hnungah chuan ngawi rengin ka zui top,

"Vantirhkohin min ên a ni maw?"

Zawisap chuan arawn ti a, ka nui hak, A rui ka vawi 1 hmuhna a ni bawk nên, Bus stop thleng chu ka zui zêl a, Hla deuh atang chuan ka enreng, a mittui chu a hru fap fap reng a, Dru chu ka call nghâl,

"Hello"

"Keimah Stephen ka nia, Thartei hi Falkland bus stop ah a awm, a rui deuh a rawn hruai rawh"

"Enga!....engtin nge?"

"Thawnthu sêi tak a ni, hmanhmawh rawh"


A dah hma chuan, "Lawkin, Thartei ilo enkawl vângin ka lawm e"

Ka tih zawh chuan ka dah nghal hmak,Ka nui hak a, Hepa bulah hian lawmthu ka sawi hi ka ring ngai lo, Dru lo thlen hma chu Hla deuh atang chuan ka en reng a, Dru rawn thlen veleh chuan a jakcet chu hak tirin car ah chuan a luhpui nghâl, ka na zawk thei, mahse Thatei tawrhna nên tehkhin chuan la nêp tak a ni.


Lungdam chiah lo chuan keipawh KaRoake lam chu ka pan ve nghal a.


Ka story Hurricane chu a tawp lam kan lo hnaih tawh avangin,

True Story based ngaihnawm tak nen ka lo let vat ang, Ka thianpa a ni a, kum 18 mi lek anih in Hmangaihna vanga a nunna hial la ta chanchin a ni, Kei ngeipawn tuar thiam har ka ti in min thawng em em a, a mah hriat reng na ni pah bawk se, A hming leh khaw hming chu ka thup anga, A thlalak hial rawn dah ka duh a, mahse Mitthi tawh thlalak rawn pho chiam kha ka duh leh lo a,

Nang ni pawh in rilru a khawih viau ang, A chanchin kan la sawi bang thei lo a, kan ngai takzet a ni, Amah hi tawng ltlem leh Innocent tak mai a ni a, mahse a luhlul hle bawk,

ka rial rei lo ang aw

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 15th, 2018, 6:02 pm

THARTEI PROV


HLUTEI JOCUND PACHUAU





Ka lu chu na bûr mai, Nizan khan ka inhnem deuh pawh a niang, ka in ve ngai bawk si lo a, Ka haw lai pawh ka hre lo.
Udini chu ka bulah arawn mu ve nghal a, A nui suk suk reng bawk si ka ngaih ati tha thei thlawt lo.

"Enge?"

Vin deuh titih chuan ka ti a, a nuih aza zual ting emaw tih tur a ni, A nui nasa zual sauh a.


"Ka ngaih iti tha lo nia"


Tih nâng nâng pah chuan ka tho nghâl a,

"Nizan khân Dru a'n arawn hruai haw che lawm, i che na mah mah a ni"


Nui var var chung chuan arawn ti a, Ka nuih pawh ati aza lo, Ka ngaih atha lo ngéi mai.

"Haaaa....min ti hlauthawng ania"


Ka sam tawn mawlh mawlh pah chuan ka ti a,

"Nizân khân Dru kha i luak khum hrep alawm, Phuba ka la Dàwn itia Kiss phêt ila tum zui"


A sawi zawh chuan anui nghal vak vak a, Ka van zak tak, Stephen laka Phuba lâk ka duh váng ani mahna, mahse Dru hi engtin nge ka hmuh ngam tawh ang, Engtin nge min hruai haw le?...Haaa....chutiang ngaihtuah thei pawh ka ni lo, ka van zak tak.



Bathroom a ka inbual lai chuan ka per vak vak ringawt, Ka sam chu Sâng vak lo ah hian ka bawk top a, foundation Pan tê in ka inhnawih a, Ka mithmul chu ka sam rawng nen in mil turin A brown in ka Line bawk, Lipstick sen hlar chu ka inhnawih a, Kawrbân tluan Dum plain top leh Jeans kekawr Navy blue chu ka ha a, Converse Vâr chu ka bun leh top bawk, Ka bag chu la in choka lam chu ka pan nghâl a.



"Min nuih suh ka zak a nia"


Tihpah chuan Chair ah chuan ka thu a, ka chaw tur chu khawrh in ka ei ve nghal mawlh mawlh.

"Mate"

"Umm"

Chaw chu ka ei mial mial tho, A ngawi vang vang a.


"Dru hi ka duh takzet"


Ka maian bai Tui hawp lai chu ka hak a ka khuh nghal khak khak a, tui chu min rawn pe vat, Dru hian ka laka a rilru put hmang ka hre si a, ni lo, Udini hi ka neih tir ngei tur a ni.

"Keimân hmâ ka lo la dawn ami?"

Ka en kar a, a lâi ve deuh tih ka hria, a awmdan a buai vek,

"Keichu nurse mai ka nia, Ani techu Doctor ania, a hmelthain duh tu pawh a ngah asin, kei techu min duh ve teuh lo mai"


A ti chuai raih a, a Vawi 1 nan Udini hian A huaisenna zawng zawng Sâwmkhâwmin mipa a duhthu min hrilh ania, hlim hi a phû a ni.


"Chutiang sawi suh, i hmeltha a, i fing a, i fel bawk"

"Hmmm...min bâwl, Dru techu kan Hospital nurse ho zawng zawng Star rawn asin"

"Nangpawh tiamin"




Ka lo ti vat a, kan nui leh hak hak.



_________


Scooty a ka tlân lai chuan ka ngaihtuahna ka kâwm reng ringawt, Stephen khân tinge? Umuani kha a kiss kher le?,
A hriatna hi a hlauh tak tak a ni thei angem? Ni lo, ka fin fiah tur a ni, Mahse engtin?



_____


Hotel ka thleng chiah chu LyLi a'n Tih tur kawk kual pah a, Alo tawng zat zat lai chu ka va hmu thut, ka nui var var a,
"Ka thawnthu ah hian i tel ve, nang ngei hi ni min pui thei tu chu"
Zawi sap chuan ka ti a, ka lût nghâl, Lyli a hma ah chuan nui var var chungin ka va ding a,

"Enge?"


Mak tih hmel Deuh chuan min lo enkar,
"Inbia ang"

Tihpah chuan choka lam ah ka kai lût nghâl dawr dawr a,"Engeeee....ana nia ka bân hi"

No zet hian arawn ti a, ka ngaipawimawh duh lo, Banch ah chuan ka thuttir lawp a, Min hlauh hmel deuh chuan min en reng, A tawlh hnung sat sat a, Hmeichhia ang chiah ka nuih aza ngêi mai.


"I puih ka ngai"


Ka'n ti tawp a, a hmél arawn buai deuh nak mai.

"Awiha engkawngah maw?"

"Ka hrilh ang che"


Tihpah chuan abul ah ka thu thla ve nghal a, Ka chanchin Zawng zawng, Stephen hi ka pasal a nih thu te, a hriatna a hlauh thu te chu ka sawi ta vek a,fa hial ka chân tawh thu te leh Umuani'n min tih dân zawng zawng zawng techu ka sawi ta vek a, Min khawngaih êm vang chuan ani pawh a mittui a hiâl mai, Hmeichhia ang chiah ka tih tawh kha, Stephen ka hmangaih zia chu ka sawi mawlh mawlh bawk.


"A tha e, vawiin atangin kan tan ang"

Nghet charh chuan arawn ti a, Ka lawm ngei mai,

"Mahse engtin?"

"Tihdân Pakhatna(1) A rawn kal veleh I tlu der tur a ni, Tihdân chi 7 lâi ka hria a, kan apply vek anga, a hriatna a hlauh tak tak nge a tider zawk tih a hriat mai ang"


Ka nuihak a, ka kuah nghâl chung chung bawk,



________


"Alo kal ania"

A tih veleh chuan Stephen chu arawn lût a, Suit nalh tak mai a ha bawk, a inhmeh chiang alawm, sanâ ka en chu dar 1 alo pêl chiah bawk,

"Kal rawh le"

Tihpah chuan Stephen a lamah chuan min nem dâwrh a, Ka'n tlu der zui nghal ngawt a, Ka meng leh chu Stephen a'n min lo kal pêl chiang ngêi mai, Ka zak bawk si,


Lyli chuan min rawn buaipui der vêl a, awmzia a nei chuang lo.
_________


Stephena hma ah chuan mak pui puiin ka awm reng a, A châng leh mipa dang te a thîk theihna turin ka in kuah tir a, A châng leh Ka dam lo der thûl, A changleh ka na der vak vak a, awmzia a awm chuang lo, min peh hêl hmak hmak zel.


"Lo ngâithla ru, Naktuk hian Stephen leh A bialnu kha an in nei tha leh dawn a"

Ka thawhpui Lucy chuan arawn ti lâng lâng a, ka thlêngsil lai chu ka táwp chiang kher mai.Lyli a chu a rawn lût vat, tih ngaihna vak a hrelo aniang,ani pawh ngui lap a, Ka mittui tla mai dawn.



Restaurant chung berah chuan chak takin ka tlân chho a, Lyli chuan min âu zui lawm lawm bawk, Ka mittui luang zung zung lai hruk mawlh mawlh pah chuan Inchunga Banch an dah ah chuan ka thu thla nawk a, ka insût hliam hliam ringawt, Engtin nge i theih zâwk? Engkim kha itân chuan engmah lo a ni mahna, ka tân chuan ka engkim ka nun ti danglam vek tu a ni sin, Stephen i tello in engtin nge ka awm theih ang, Bawihte,tunah hian awm vela chu Daddy hi hlim takin ka thlah zalên mai tur hi nia.


"Thiannu inti chak hrâm hrâm rawh, Hmeichhe chak tak inih kha, Bakah Kan ruahmanna pawh ala zo hleinem"


Lyli chuan min khawngaih hmêl tak chuan arawn ti a,
"Thiannu bânsan tawh mai ang, Kârkhat lâi a hma ah atthlak tak takin ka che a, awmzia awm lo, Stephen hian min hre tawh lo, ka beidawng tawh"

Tap hliam hilam chungchuan ka ti a, ani pawh a insût ve hraih hraih bawk.

"I tawrh hi van rapthlak tak êm"

Tihpah chuan min rawn kuah a, Lyli a nen chuan kan tap dun ta ringawt.


Ka hmangaih chu harsa ti hlê mahila ka kal tîr mai alo ngai ta, Ka chunga thil thleng hi nâ ka ti a, Pawmthiam harsa ka tiin ka hrethiam thei lo a ni, Engati nge keimah kher? Mifate pawn thil tam tak an ti sual ani lawm ni, Ngati nge heti tak hian ka chungah hremna a tlâk bik, Ka chunga thil thleng ah hian tumah dem tur ka nei lo, Keima thiamloh a ni, Lo piang ve law law ila tha zâwk tur.





Stephen PROV




Ka nu leh ka pa hian anti mah mah tawh a ni, Tunah chuan ka company pawh a changtlung leh tawh a, Muani hi ka neih nachhan tur pakhatmah ka hre lo,


"Bawiha insiam tawh ta che, Hunserh mopa berin i nang lo ange"


Ka nu chuan arawn ti lâng lâng a, ka bengkhawn paih lo, engmah sawi lo in ka ngawireng a, mahse ka tih loh chu tih loh a ni mai,

Muani pa hi tih mualpho ve reng reng ka duh, Inneih tur ang deuha thulh san leh hi ka tum ber a ni, ka phone chu arawn ri ral ral a, number ringawt leh nghal tunge mawn le?


"Hello"


"Stephen"

Zawi sap chuan arawn ti a, Chu aw chu, Ka kawchhung hi min fan kual nghâl vek thei, Ka chhâng maithei lo, Tunkâr chhunga ka hma a nuihzatthlak tak tak a a che thin kha ka mitthla ah arawn lang nghal zawk, ka nui suk a, Engpawh thleng rawh se, ka kal tîr leh tawh ngai lo ang che, I hmêl hmu reng chunga i hlata awm chu ka tân hremhmun nên a in ang reng.


"Ka tawng chu i hria em?"


A rawn ti vîn that a, ka lo phu deuh zawk thei,ka nui suk a.

"Engmaw i sawi"

"Hmangaihna apposite chiah hi i hre duh em?"


"Aw sawi la"

"Ka hmangaih thin che"


Zawi sap chuan arawn ti a, a tap ani tih ka hrethiam nghâl mai.

"Khawnge i awm"

"Dawr inchung zawlah"

Atih zawh rual chuan arâk that, "Andy ana min thlah rawh"

Enga!...Andy maw?...Zawnga chuh, Tihpah chuan ka in perh tho at a, ka tlân chhuak nghâl.

"Khawnge ila kal dâwn hunserh kan tan"


Ka nu chuan a sawi zawh hma chuan ka tlân san nghal, Andy hi tinge tun ah kher alo lan le? Hrep chuan, tihpahin ka car chu chak takin ka khal chhuak nghâl a.



THARTEI PROV


"Andy min tina nia"

Ka khur der der a, ka hlau bawk si,A hmel pawr chhap techuan min tina zual, a cherin a dawl dâng em em a, a hmelah chuan Beidawnna hlîr a awm bawk, ka taksa khûr nasa bawk nen, Bangah chuan min nem bet chawrh a, Thla ruk lai khuma ka mut vanga ka hnung pilh Lai chu arawn thip zek, ka râk that a.


"In bia ang"

"Sawi tur ka nei lo"

Ka lo ti khûr hlak hlak a, Zu rim anam bawk si, ka hlau takzet.


"Ka kal tîr tawh dawn lo che"

Rawn ti ram hmak a, a aw techuan min ti tim uai uai thei, ka thaw hak hak a, ka mittui a luang ngiai ngiai bawk, Engtin nge ka tlân chhuak san ang.



"Thlah nghâl rawh"


Ka hawi phei chu Stephen chu thinrim hmêl tak hian alo ding reng a, A rawn kal hnai Andy chu a hnek thal thuai a, Ka lo râk that, Andy a hmui chu arawn sen nghal a, ka khawngaih lek lek zawk, a bawh bet a, a hnek leh bawrh bawrh a, Banch la kângin vuak a tum ta mai.

"Duhtâwk rawh"

Tihpah chuan a hnunglam atang hian ka va kuah vat a, a inthlah dul riai riai,

"Ka Thartei hi i kut hmâwr pawn lo khawih leh tawh suh ang che"

Ram hmak chuan ati a, A awmzia chu Stephen hian min hrereng tihna ni maw? A hriatna alo hlauh miah lo maw?Ka thlah riai riai a, Andy chu atlân chhe nghâl vat, Stephen chu rawn hawiin ka biangah chuan arawn dawm vang vang a, ka mittui luang ngiai ngiai chu dîm tak chuan arawn hrû a.

"Ka hmangaih lutuk che, Ka kal tîr leh tawh ngâi lo ang che, Engpawh thleng dâwn mahse"

"Engpawh thleng dâwn mahse"

Tihpah chuan ka kuah vawng vawng a, min rawn kuah ve nghâl, Ka samah chuan arawn chuk zauh a, ka nui var var reng mai, Ani pawh akhabe rawn che zeuh vâng chuan nui ve tih ka hre thei.




__________




Khawnge kan kal dâwn, ka hawikual zak zak a, hall lianpui mai chhûngah chuan min kâi lut dawr dawr a,

Stephen

weds

Muani

tih hi alo in târ kulh bawk, ka ding dat a, amah chu ka en vat a, Min rawn nuih var var a, enge a tih dâwn le? Engmah ka hrethiam lo.


Min kâi leh nghâl dâwr dâwr a, hall chhunga lo awm techuan min lo enthap, ka zak bawk si, ka kun deuh a, A ding thut, ka in palthlu lek lek zui.


"Hei hi ka nupui diktak zawk chu a ni, Ka hmeichhe hmangaih awmchhun, Kan inkara inrawlh apiang chu ka that vek ang"


Nghet charh chuan ati a, amah chu ka enkar, ka mittui rawn tling leh ringawt tawh.

"Bawiha, Duhtawk rawh"


Stephen apa chuan arawn ti châr châr a, keichu ka ngawi reng thung, Muani chuan Stephena hmai ah chuan arawn beng sawk a, ka lo sa zak mai.

"Tenawm pa"

"Lo ngâwi rawh, Hmeichhia mah ni la ka dîm vak dawn lo che nia"


"Duhtawk rawh ka tih chu"

Stephena pa chuan rawn ti khur khur a, ka hlâu takzet, Ka tawng ve chak zek zek mai, mahse ngawih chu tha zawkin ka hria, Stephen hi ka ring tawk a ni.

"Ka ngawi rei tawk tawh viau e ka pa, I ngaihpawimawh em em I company pawn Dinhmun ngâi a nei leh tawh a, Ka hlimna tur ka tih ve hi a hun tawh"


"Thartei hi ka haw reng reng lo, a tawrhna kha ka hrethiam a ni"

Midang chu kan lo ngâwi thap a, an pafa in kara inrawlh chu kan duh lo vek a ni mahna, an awki pawh a sâng dun hle.


"Ka hmangaih êm a ni ka pa, A tello minute 1 pawh ka awm thei lo, I tân ka nu tân tiin ka ngawi a, ka ngawi zêl a, mahse tunah chuan pên khat pawn ka hnungtawlh tawh lo ang"


Ati ram hmak a, min kai chhuak leh nghâl dâwr dâwr a.

______

Car chhung kan luh chuan keichu ka insût ri hraih hraih ringawt, Car chhûng ah chuan min pawm a, a âwm ah chuan ka lo bei hlê hlê thung,

"Ka ngaihzia che hi ka sawi thiam lo zawk"


Zawi sap chuan ka ti a, Ka sam chu chûl hliau hliau reng ringawt.

"Bawihi ka kalsan chhan che ka sawi kha min awih sak rawh aw"


"Thlâ(moon) khian kil lî (4) a nei pawh ti la ka awih em em ang"

Ka lo ti vat a, a nui suk min rawn fawp nghâl tâwn tâwn a, ka lo chhâng lét rang ngei mai.

"In ngaizâwng tha leh kan ang ê..."

Ka ti chhuak hlawl a, a nui hak, ka biangah chuan arawn piai zauh a, min rawn fâwp leh nghâl, a hmûi hnuailam chu ka lo seh zauh a, a râk nghâl that, min rawn en vat a, ka nuih har har ringawt.
[11/07, 8:21 PM] shalemhlutei0: ________




1 years later


Ka fanu thla ruk mi,Esther Lalrinchhani muhîl lai chu ka thîr reng a, ka nui leh suk suk thin, a biangah chuan ka chuk zauh zauh reng ringawt.

"I chuk harh ange"


Stephen chuan min lo en reng chu niin, ka nuih var var a, ani pawn arawn chuk ve nghâl.

"Iti ve tho sia"

Ka lo nâng nâng a, kan nui dûn hak, Office a kal nî a ni lo bawk a, Pâwn ah chuan pangpâr tui pe in kan inchhaih vêl mai mai a, Tumân min ti buai miah lo, Ka nî chu tûn thleng hian ala hlâuthawng reng a, Stephen apa tepawn min Be chhe ngâi lo,kan in ngâi a awm kha ka duh tawh loh vângin in dang hmun rem zet ah chuan kan insawn ta ringawt, Andy emaw, Umuani pawn Min ti buai thei tawh lo, Udini pawn Karleh mai ah khian pasal a nei dâwn, a pasal tur chu tudang ni lo in Dru a ani,Ka hlim zia hi ka sawithiam phâk lo.


Bawihtei chu arawn tap râih râih a,
"Va en lawk teh ka kut a berh ania"

Ka lo ti nghâl vat, Ka hnute chu a rawn na et et mai, a tui a hâl tawh a ni ngei ang,

"Thai bâwih diktak ka nih hi"

Tihpah chuan a kal ve Hnû hnû a, Ka lo nui har har thung.


"Tharte Bawihtei awm lo"


Arawn ti chûl a, Enga?...ka khûr nghâl dar dar thei, inchung lamah chuan atap ri chu ka hria, Stephen chu a tlân chho vat, Zui ve ka tum chu ka thil hmuh avâng chuan ka ding chat.


Umuani chuan Bawihtei chu inchung zawl atanga Thlâk tum ni awm tak hian alo pawm a,ka khûr nghâl zawih zawih thei, ani kha chu mi â (tawng mawilo ni lo se) ward ah khân a awm sia.


"Rawn kal hnai sû, ka thlâk dawn nia"


A âu tuar tuar a,

"Ni lo khawngaihin engtin mah ti suh, Umuan ka ngên a che"


Tap chung chuan ka ti a, a sam athur bum a, a mitmeng duk ruih techu hlauhawm tak a ni, midang ho pawn Bawihtei awmna zâwn ah chuan Thil dûp lampang an lo dah vat, keipawn blanket chu ka phah vat a,


"Stephen rawn kal hnai suh, ka thlak dawn"


Ati ri chuan min ti harh zawk, ni lo, ni lo,


"Stephen kal hnâi suh, a thlâk mai ang"

.Ring tak chuan ka ti a, ka bân ka vei chiam chiam bawk, Bawihtei chu a tap nasa bawk si, keipawh ka tap bawk, a thlâk mai ka hlauh vâng chuan ka tawngtai mawlh mawlh a,


Reilotê ah police pawh an rawn thleng ve nghâl

"Ni lo, kal hnai sû, a that mai ang"

Tihpahin Police ho chu ka lo dang chiam chiam a, ka chi ai vek a ni ber,

"Engtin mah ati lo ang lungngai suh"

Police pakhat chuan arawn ti a,an tlân chhoh hnû lawk chuan, silai chu ari dawp, Bawihtei tap ri chu atâwp hmak a.


Leiah chuan thu thla nghâl nawk thei, Ni lo, ka fanu, Midang ho chuan min rawn sawi laih laih a, bang nghêng chuan min thuttir vat.


Ka maimitchhîng vang vang a, ka meng leh chu ka mittui kâr tang hian Stephen chuan Bawihtei arawn pawm chhuak chu alang ruai ruai a, Ka fanu chuan a kut arawn bêng thak thak bawk, Ka thaw hak a, ka va tlân phei nghal.


Ka fanu chu pawmin ka chuk mawlh mawlh a, Stephen chuan kan 2 chuan min rawn kuah vat,




A dik a ni, He khawvêl ah hian hmangaihna aia Power ngah a awm lo, khawvêl ah hian Thil mak engmah a thleng ngâi lo amaw inti maithei, Mahse hmangaihna aia Thil mak leh chak hi a awm thei dâwn em ni?

Anchhia emaw, Thihna emaw, Lungngaihna emaw, Indona emaw,

Chûng zawng zawng hneh thei tu chu hmangaihna chauh hi a ni, Kha anchhia Hrehawmna rapthlak tak ka chunga lo thleng hnehtu chu Stephena'n min hmangaihna leh ka hmangaihna chauh hi a ni, Beiseina min siam a, nung dama ka la awm theihna chhan pawh hi Hmangaihna vâng chauh hi a ni.


Ani nên khân kan intawnga, Hmangaihna alo pianga, chu aia mak chu ka tân a awm lo.



Umuani ruang en reng pah chuan ka rilru chu a insual mawlh mawlh a,


"Ka hmangaih che, engpawh thleng dawn mahse"


Stephen chuan arawn ti zawi sap a, "Keipawn ka hmangaih che"Zawi sap chuan ka ti a, Ka in kuah vang vang.



*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/









THE END




Hurricane Chu Nangmahni zârah ka zo ve thei ta, Ka story chapter hi a tawi inti pawh a ni maithei, Mahse chapter tin hi a thui vek a, Tawi tete in ka dah ve ngai lo thung.


Writter pangai tak ka la nih loh avangin ka story ah hian duhkhawp loh lai leh Sawisel duh tam tak in nei maithei, Mahse ka la ziak tam lo êm a ni, hma ka sâwn zêl tur ah chuan ka ngâi.




Tuna ka story leh tûr hi NUNSANGA tih ania,

Ka sawi tawh ang khân kum 18 chauh ala nih laia hmangaihna vânga inti hlum ta chanchin a ni,

Ka thianpa Ka ngainat em em chamchin a ni a, A boral ni pheichuan tumah kan insûm zo lo, a thian dangte a hmei apa in ka tap vek, A thih hmâ zân in vawi tam tak min ngaih thû midang bulah alo sawi a, A nun beidawn em em laia amah hnêm nachâng pawh ka hre lo kha, Ka inthiam thei lo a, hrehawm ka ti,Zan tin ka mumangah ka hmu ziah a, kar 1 chhhung chu keimah pawn ka mu ngam lo, Dawih chi ve hrim hrim ka lo ni bawk nên, Ka inthiam thei thlâwt lo a, Ka theih tawpa tha in rawn ziah ka tum ang,


Chuan Pic ka rawn dah thar kha James Reid ania, Ka thianpa nen chuan an in ang Bawn top a, Danglamna sawi tur vak an awm lo.


A mah hi mifêl leh rual pawl tak mai ani a, Tupawn an ngaina thei zel, a nui sen sen reng thei a, A hmeichhe hmangaih em em tân hian a in pe pum hlum thak a ni mai.

Min lo chhiar sak ve leh theuh dawn nia.😘😘😘😘

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)