HURRICANE BY Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: HURRICANE BY Hlutei Jocund Pachuau (Completed)

Unread post by Ngaia » July 15th, 2018, 5:58 pm

[THARTEI PROV]



"Tharte, kum 2 lai ka nghak che sin, tinge min hmangaih ve theih loh"

Bang chu a chum ri dawt dawt a au chiam chiam leh nghal, Andy a nunnem leh zaidam ka hriat thin kha a ni ta hauh lo mai, ka hlau lutuk chu ka khur hlak hlak a, tap ri tur pawn ka aw chhuak thei lo ka beng ka hup a, ka in sehruh tang tang ringawt,

"Min chhang rawh"

A Awki san em vang chuan ka phu deuh zawk thei, ka kawr awm ah chuan a rawn tham lawp , a mit sen ram chuan min enkar, tun ah rih chuan min thah pawh a hreh hauh lo ang, ka inti huaisen Lui a a hmel chu ka en ve kar a, mahse ka tiril erawh a khur zawih zawih reng.


"I tawng thei lo a mi, i hmangaih em?"

Ati vin tuar a, ka chhing sawk thei, zu rim anam hak bawk, muangchang chuan ka Meng riai riai a,

"Aw, ka hmangaih"

Ring si lo, Chiang zet chuan ka Sawi ve hram a, ka aw a khur dar dar bawk, min enkar reng a, a hmel ah chuan Thinrimna kha natna a rawn in thlak nghal, ka Ngawi vang vang a,

" Nasa takin"

Ka ti zo chiah, ka biang ari nghal sawk, chhuat ah chuan ka tlu thla nawk thei, tap leh tur chuang ka awm tawh lo, a au chiam a, room chhung a bungrua zawng zawng chu a paih thal rem rum bawk.


Bangkil ah chuan ka tawlh hnai a, ka hmai ka hup ngar ngar ringawt, ramsa rapthlak tak ang mai a ni, ka in hnit feih feih a,

"Tharte, Engkim ka pe ang che nuam sa takin i awm ang, sum pawh Hman sen loh ka nei a sin"

A rawn ti chuai raih a, ka la hawi chhuak ngam chuang lo, min rawn kuah a , ka lo ip chawih chawih thei.


"Andy min kal tir rawh, haw ka duh"

Ka hmai hup chuangchuan ka ti a, ka aw khur dar dar reng bawk,

"Tharte, Ka kiangah awm mai rawh"

Tihpah chuan a rawn tawlh hnai a, min rawn Kuah, ka sual let ngam bawk si lo, ka khur dar dar reng a, ka beng bul ah chuan a thaw huam huam a, ka ten lutuk.

"Andy, min tih nat i duh lo tih ka hria"

Ka huaisenna zawng zawng sawm Khawm chuan ka ti a, a in la hrang vat,
"Hrep tak chuan"

Tihpah in a tho thut, a lu a Tuai puat a, ka phone a rawn ri vibrate ah ka lo dah hlauh, a ruk chuan ka la a, engmah tawng a hriat theih lo, tu ber in nge min rawn call pawh ka hmu chiang lo.

"Andy i farm house hi tinge Falkland ah kher in sak a, a hming lah hi, Andy farm house iti kher a"

Ka'n ti chhin vel a, a chhan chu ka awmna chin hria se ka duh a a ni.

"Thu lawi lo Sawi Sawi suh, naktuk ah kan in nei ang, ka chhuak Lawk dawn a, tlanchhuah i tum chuan i thi ang"


Ati ram hmak a, Sawi tur pawh ka hre lo, kawngka a khar thuai a, kawngka pawnlam chu a ri rak rak, min kalh khum a ni ngei ang.


Ka phone ka en chu Stephen alo ni, LalPa ka van lawm em,

"Stephen"

Ka tap chhuak hak, kawngka chu a rawn ri bur, Andy alo ding reng a, Stephen chuan ka that leh that loh min rawn zawt mawlh mawlh bawk, thaw hawk hawk pahin a rawn kal phei a, ka phone a paih thuai,

"Zawngi"

Tihpahin min pet chawrh, Dawhkan ah chuan ka intauh chawrh a, ka luhai lutuk.




Kawngka a rawn ri rawk, Stephen a lo ni a Thinrim vangin a thaw kawk kawk bawk, a rawn kal hnai a, Andy chu a Hnek thal thuai, ka lo rak that bawk, a bawh bet a , a Hnek hawi leh sawk sawk, ni lo
ti hi chuan a that duh mai ang.

"Stephen duhtawk rawh"

A ban ah chuan thei leh thei lo in, ka va vuan a, min rawn en chiah chu a inthlah dul deuh hak,

"Min hruai haw rawh "
Amah en kar chuan ka ti a, ka mittui tla par reng bawk, a tho nghal vat, a leather jacket rit deuh chu min rawn hak tir a, min kal pui nghal, a ding leh dat a, hawi let pah chuan.

"A leh pek ah chuan ka that tawh ang che"

A ti ram hmak, pawn a Bolero var nalh zet ah chuan min chuan tir nghal a, ka thla muan vangin ka thaw zui hak , ka maimitchhing vang vang a, ka mittui arawn luang leh tiam tiam tawh, Nichin mai a ka thil tawn rapthlak lutuk vang khan ka tiril ala khur thei, kut Lum thar thar hian ka kut a rawn hum vang vang a, ka Meng nghal zawk Stephen chuan min lo en kar.

"Hlauh tur a awm tawh lo Bawihi, ka venghim zel ang che"

Ka hmui chu a rawn Tuai zauh, ka thaw huai thei, ka Thlamuang huai mai, a aw te, a rim pa zet mai techuan ka thla ati muang a, Ka thlahlel ngawih ngawih a ni ber mai.

A mah chu ka en vang vang a, T shirt nghawng V var sar mai taksa phuar deuh leh cotton jeans dum hlap a ha a, Timberland boot dum a bun bawk, a ban puam Lian zet mai techuan ka thaw ati buai leh der tawh, ka maimitchhing vang vang a.
____

"Bawihi"

Ka taksa chu a che dat dat, ka mit ka nuai nauh nauh a, ka lo muhil leh tawh ni maw, Stephen chuan Nui sak in min lo en kar a, ka hawikual chu kan in a ni miah lo,a chhuak daih a, kawngka min rawn hawn tur chu,

"Hei Khawi lai nge"

Ka lo ti vat,


"Ka in a nih hi,"


Tihpah chuan kawngka min hawn sak a, a in len dan chu rapthlak zawk, min kai lut dawr dawr a, kan in len hleih si a pen hlawk bawk si, ka um dawr dawr a ni ber.

Erica, chu a rawn tlan phei a,

"Apa"

Stephen chuan alo pawm kang lawp,

"Ka lalfapa hian Enge lo tih a"

A zawhna pawh a chhang lo min rawn kar a, apa a en leh a hmel chu zawhna hlir.

"Apa Tunge a"

"Ani hi maw"

Erica chu chhuat ah a din tir a, min rawn leh, a Nui sak a,

"Bawiha, a ni hi maw, a nu Anih hi aw"

Enga!!....a...anu maw? Awi hepa tak hi chu aw, van hahthlak thin tak.

"A nu ka ti dawn tihna mi?"

"Aw ni e, a nu lawm"

Min rawn pan hnai a, a ban tereuh te chu arawn phar chhuak a, rang tak chuan ka lo man chat,
"A nu"

A rawn ti reuh a, ka mittui tla leh ringawt tawh, mahse tun ami hi chu hlimna mittui a ni, Stephen nen chuan kan in en a kan Nui chhuak hak.

" aw Bawihte, a nu"


"Anu ka bul ah awm reng rawh aw"

"Ka kalsan tawh dawn hleinem che"

Ka thingthi a, min rawn kuah vang vang, Keipawn ka lo Kuah ve nghal, Erica hian Umuani a hre Hman lo a ni ngei ang, ka pawm kang a, min kuah chial reng, Stephena chuan ti fuh intih hmel zet in min lo en reng thung,

"Anu tinge i kawr hi"

A thler deuh thek thek bawk sia, Stephen nen chuan kan in melh zawk,


"Aw Bawihte, ka tai thler palh a"

Ka nuih Lui sak a, ani pawh a rawn Nui ve ver ver, Nichin mai kha chuan hlauhna vangin ka khur a, tun ah ka hlim leh em em bawk si, ni 1 lek ah pawh ka thil tawn inthlakdanglam chak lutuk thin hi mak ka ti.

"A nu ka mut a chhuak e"

A rawn ti zuai raih a, puakpuan chu la in ka Awi nghal, a room ah chuan ka chhoh pui a, Stephena pawn min nuih var var chungin a room ah a lut ve nghal , reilo te ah chuan a muhil nghal mai a.



He naupang hian tinge min nel nghal em em le, ka hlim bawk si ka Nui sak sak reng a, a muhil lai chu ka thlir reng, apa hi Engkim ah a chhun mai, Umuani hian a ngai ve thin ngawt ang.



Aw thian kharh ri lam chu ka hawi a, Stephena chu kawngka bul ah alo ding reng.

"Hawh rawn inthlak rawh"

Tihpah chuan a room ah min kai lut a, Kawrlum pan lampang var thianghlim zet deh nuam tak chu arawn la chhuak a,

"Kha va in sil rawh"

Min nuih sak,
Inthlahrung deuh chuan ka ban de de a, muangchang chuan ka la a bathroom lam ka pan nghal, tui sa ver vawr chuan ka inphuh ser ser a, nuam tak a ni, ka harh sawng sawng thei, a Kawrlum chu ka ha vel chhin a, ka mal a thleng thei,kan in len hleih bawk em a ni, maHSE a hnuai engmah ka ha lo thung, bathroom atang chuan ka chhuak a, Stephen chuan tukverh lam alo hawi vang vang,


"Stephen hetah ka riak thei lo ang, haw ka duh"

A rawn hawi a, min en vang vang ka lo lai leh tut tawh,

"Bawihi tah hian riak rawh, Thlamuang in i muhil dawn chuang lo, i mut lai khan i rawn tap chhuak a, ka kiangah awm la tha zawk"

A Sawi dik khawp mai,mahse a hnuai ah engmah ka ha bawk si lo a.

"Mahse"

Ka ti zawisap a, a rawn kal hnai a, ka sam huh hlap hnawk niaI chu ka bengah a Zep a, muangchang chuan min rawn fawp de de a hmui lah chu lo Lum thar thar lehnghal.

Ka thiam ang tawk tawk chuan ka lo chhang let ve bawk, a thawk a danglam tan tawh hle,kan duhthawh tial tial a, min pawm kang nawlh a, a khum dup nuam zet ah chuan min mut riai riai a, kan inthlah chuang lo, ka kawr chu a hlim chho vek, ka lo in hup chawih chawih a, ka awm bawr kawh lah chu a rawn tham tawn tawn a, a hmui Lum thar thar chuan a rawn fawp de de a, nuam tak a ni,ka taksa zawng zawng chu a fawp kual vek, keilah ka lo rum ham ham thung, a tawp thut a, a kawr hak chu a hlip ta vek, Awi taksa nalh dan chu, min rawn fawp leh nghal tawn tawn, ka tawp tur a ni, mahse ka thei bawk si lo, a mipatna chuan min do al a, chu chuan phurna nasa tak min pe bawk si, ka hmeichhiatna chu a rawn tin run a,

"Bawihi, ka ti dawn em? I duhthlan na a ni"

"Aw, ka duh e"

Ka aw chu a khur dar dar, min rawn fawp leh nghal tawn tawn a, muangchang chuan ka taksa chhungah a rawn lut riai riai, Awi ana lutuk, anat dan chu, ka te chhuak hak , ka mittui a tla phang bawk, a hnungah ka tham tawn tawn a, ka khur hlak hlak reng, ka taksa chu thlan tuin min bual ni maiin ka hria ka huh vek, a chawl det a, a rawn che leh vat.


A duhtawk a hmu tawh Aniang ka chungah chuan arawn bawk thlawp a, a thaw hak hak bawk.

"Ka hmangaih che Tharte, he hun hi ka nghahna a rei tawh sin,"

tihpah in min rawn fawp zauh, ka sir ah chuan arawn mu thla nawk a, ka tan chuan he thu Sawi hi ala har deuh, mahse tun ah rih chuan ka mamawh tak zet a ni, a awm ah chuan ka bei hle hle a, he Zan hi ka Theihnghilh tawh ngai lo ang, inchhirna pawh ka nei chuang lo, ka hlim veng veng a ni ringawt, reilo te ah chuan ka muhil ve nghal.

_____


Ka harh chu ka taksa ana them thum mai, Stephen nen kan awm dan ka ngaihtuah a, ka Nui var var reng, Keipawh hian ka hmangaih ve a ni.


Thawmhnaw engmah ka la ha lo, Stephen pawh alo awm tawh chuang lo, Bathroom ah chuan ka Rizai a thisen kai chu sin in ka thawhpui nghal daih a, tui sa ver vawr chuan ka in chiah, ka dam huai huai in ka hria, Ka serh te hi a vung vek amaw ka ti Hman alawm, Bathrobe chu ha in Rizai a thisen kai chu ka sawp bawrh bawrh a, kawngka a rawn ri rak, Stephen alo ni.

"Bawihi Enge maw itih le"


"A...Ihhh...hei, thisen a kai sia"


"Kha chu chhiahlawh an awm alawm,a nih loh pawn paih mai rawh"

Hepa tak hi chuh,

"Hausa viau mahla, thil tha an paih mai mai ngai lo"

"Eheu...nupui in ren leh fing tak ka nei dawn ni maw"

Tihpah in min rawn piai zauh, min pawt tho lawp a, bangah min nawr bet nghal, ka lo kun ngal thung, min en kar bawk si, ka lungphu lah hi.... melh mai tur pawh hre lo in ka mengkual Zak Zak reng a.


"Ka hmangaih che, Lalnunthar"

Lai Ril fan zaih chuan a rawn ti a, min fawp nghal tawn tawn bawk, Keipawn ka lo chhanglet rang kher mai.

"Hey, Duhtawk ang, Erica'n min hmuh chuan tha lo"


Tihpahin ka tlan chhuak nghal, tianga ka dang vat lo Anih chuan kan tawpna tur a hriat Lawk vek, khum ah chuan Bra dum leh Kekawrte dum alo awm thap a, Kawrfual khup chen awm vel, a pink hak Nawm hmel tak hi alo awm bawk, Nui var var chuan ka la,


"Kha kawr lei tur khan ka in Seng hnem asin aw"

"A to viau ami?"

Ka lo ti ha a, to uchuak hmel em em pawh a pu si lo a.

"Ni lo e, nula pakhat ka lei tir a, hlawh a duh hnem phian a"

A Sawi zo chiah ka Nui hak hak a,ani pawn min lo en reng, bathroom ah bawk chuan ka inthlak leh.


___


Ka chhuak chiah chu an pafa in min lo enreng,

"A nu hi a hmeltha ber"


A nu min ti ngar ngar, nuam ka ti fu bawk sia, an pafa hian ka lo hmangaih em a tin ni.


"Nu, pa ka kal ania"

Tihpah min rawn kuah ve ve a, a tlan chhuak nghal.

"Hawh eitur ka Siam ang che,"
tihpahin choka ah min kai lut a.

Chair ah chuan min thut tir ve ngei a, engtak chu Siam ang maw.


"Stephen keiman ka..."

"Het keiman ka ti vek ang, Enge i ei duh le?"

Zaidam deuh chuan min rawn zawt a,



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 15th, 2018, 5:59 pm

. In kan thleng fel der tawh, Erica chuan school alo kal tawh a,


"Office i kal dawn lo mi"


"Vawiin chu chawlh ka in pe a"

"Tu thu in"

Ka lo ti vin that, min rawn kuah a min fawp nghal bawrh bawrh.

"Kal teh ka chau a nia"

Nem san ka tum a, alo tang tung bawk si, bangah min nawr bet a ka thawmhnaw a phelh nghal vek, khum ah chuan min mut riai riai a, ani pawh a in phelh ve nghal, a tih tur chu a hai lo ngei mai,Duat tak chuan min chul hliau hliau reng a, ka chungah chuan arawn bawk nghal, Nupa nun hlimawm tak chu min hmanpui ta a, Keipawn a nawmna ka pawh ve ta, ka fan ngai loh min fan pui vang nge ka hmangaih zual sauh in ka hria, Bathtub ah chuan Ruak vekin tuilum sa ham ham chuan kan inchiah dun a, ka kuah chial reng bawk, a bula awm hi ka kham thei ngai dawn lo a nih hi.


[3 MONTHS LATER]


Stephen nen chuan court ah chhungkua te chauh hma ah kan in nei a, mo kawr pawh ka ha lo, mahse ka hmangaih ber kiangah ka awm dawn a ka hlim em em tho, Stephen a nu erawh chuan min la duh lo reng, mahse apa erawh chuan a fapa hi puitling a ni tawh a, a duhthlan na a zahsak vangin min pawm ve mai, mahse Engkim ah Umuani ai ka awh zo dawn lo tih ka hria, ka theih tawp chuan that ka chhuah hram hram thin.

_____

Kawngka ri rawk chuan min ti harh zawk,sana ka en chu dar 1 alo pel duai tawh, Stephen chu a rawn pai lut chhat chhat a, Zan in chu a rui ve a ni ngei ang.


"Lo nghah che ka tum a, ka chau deuh Aniang"


"A pawi lo Bawihi, Zan in ilo kal ve duh si lo a, ka thiante nupui zawng zawng pawh an rawn tel vek a sin"


A aw atang chuan a lungawi vak lo tih ka hria,

"Stephen hetiang lam hi ka ngaina lo ka tih kha"

Min chhang lo chuan bathroom ah a lut daih, vawiin nilengin min be bawk si lo a, nidangah chuan ni khatah vawi khat tal min rawn be ziah sia ka ngaih ve teh reng nen, Tunlai chu ka thlahlel em em reng ringawt, khum ah chuan ka mu leh zal zal a.


Kut vawtthler hian min rawn kuah a, sahbawn rim anam ham ham mai, ka beng a rawn seh ner ner a, ka nghawng a rawn fawp leh.


"Stephen ka chau a nia"

"Ti leh ta,Tharte kar 1 lai min nghei tir tawh"

A ti deuh hmuk a, lehlam a hawi hmak, ka mittui a tla leh zung zung tawh,Stephen nen hian in hau em em chuang lo hian in hnial deuh bap bap chang chu kan nei ve thin, ka rilru pawh na em em ngai lo, ka lungawi leh mai thin, mahse Tunlai chu ho te te ah pawh ka tap reng a,min khawih hlek a tum hian ka tiril a khur nghal zel, ka Sawi ngam bawk si lo, ka nu ka ngaiin ka khua hi a har ngawih ngawih reng zel.



________

Ka harh chu Stephen alo awm tawh lo, a lehkhabu chhiarna room ka en a, a awm bawk si lo.

"Anu, apa chu a kal tawh a"


Erica hi chuan ka rilru a hre thei ania, tukthuan kan ei mawlh mawlh a,

"Bawihte, vawiin chu school kal lo la, Apa te office ah kan va thawng thut dawn ami?"


Mak tih hmel deuh chuan min en reng ringawt,

"Tehreng a nu, ka chak lutuk"

A Nui sen sen a, a biangah ka chuk zauh, Zep lo chuan mahni a awm ka zuam thlawt lo, ho te te ah ka hlauthawng a, ka taksa chak lo bawk si, mal ngawih ngawih ang hian ka in hre thin, ka thil ei a tui lo a, Zan ka mu tha ngai lo, nuam ka tih thin tepawh kha anuam tawh lo, a hma kha chuan he inchhungah hian kan chhungkua in kan in chhaih a, Nui ri hlir in a khat thin, tun ah chuan thla 2 dawn chu ka Nui hmel pawh an hmu zauh zauh chauh ang, Engtin nge tiang em em hian a danglam tak le, ka kawrfual dum Lian pui pui in a par sen a, ka khup thleng vel a ni, tlemin a arh deuh tarh bawk, a ban ka kiu khuh chiah chiah a ni a, min ti confi hle, min ti confi tawk lekin make-up ka hmang bawk.

_____


Stephen a te office hma ah chuan kan ding ta ran mai, a building lian zet chu kan chhoh en ha a, Erica chuan min nuih ver ver reng, a phur hmel hle, Keichu ka hlauthawng ru tlat thung.


_____

Kan lut chu min lo hre sa tawh bawk a, min lo nuih var var hlawm mai, Keichu inla nei tu tak Chuan ka kal deuh hmak hmak thung.

Stephen a office kan lut tur chiah, hmeichhe 1 hnute Lian zet hi a rawn chhuak hlawl, a Kamis kawrkilh chu a inphelh deuh a, a lipstick a pher deuh niaI bawk, ngei awm deuh a min nuih pah chuan min kal pel a, ka lo melh rum ngang mai.


"Ehe...Bawihi Enge in lo tih dawn"

Mak tih hmel deuh chuan min en reng, a hmui a lipstick sen deuh kai chu ka va hmu fuh kher mai, ka Thinrim lutuk hi tawng mai pawh ka tum lo, ka mittui a rawn tla mai dawn.

"Tinge i office ah hian kal phalsak kan ni ve lo a mi"

Ka ti ram hmak a, ka aw khur lek lek bawk, Erica chuan min rawn en chho ha a.

"Bawiha tinge school i kal loh a"

"Pa a nu hi Amah in a awm ngam lo a, i buai sia ka awmpui a ngai alawm"

A ti reuh a, ka fapa thu Sawi chuan min ti lungchhe leh ringawt tawh, Stephen chu a rawn kal hnai a, min rawn khawih a tum, ka lo inla hrang vat,

"Bawihi ka tihpalh,engmah i Sawi ngai si lo a"

A rawn ti dam diai a, ka chhang lo, sofa ah chuan ka thu hnawk, Stephen chu a awm na ngai ah a let leh a, kan Ngawi ta reng ringawt, Erica erawh ka phone ami games a khel mial mial,

"Stephen"

"Umm"

Laptop bih ngur ngur chung chuan a rawn ti a, ka awmdan Sawi chak mood ah ka Cheng leh tawh lo,

"Kan haw mai ang"

"A Tullo, chaw kan ei chhuak dawn nia, ka zo tep"

A tih takah chuan sofa ah that chhe zet chuan ka mu a, ka maimitchhing nghal.

______


"A nu"

Ka taksa chu rawn che dat dat a, an pafa chuan min rawn Nui var var, ka pum lah chu a ri nasa ngei mai.
_________________

Chop stick Restaurant ah chuan
Kan chhungkua in kan thu ve ran a, kan thil chah alo la thlen loh vangin Erica ti ti Siam Siam chu kan ngai thla a, thla 2 hnua ka nuih nasat leh ber a ni, an school ah hmeichhia hmeltha a tih ber te a Sawi a, Stephen a chuan a hrethiam lo lek lek thin, ka Nui nasa ngei mai, an in chhun fu bawk a, an in hnial reng mai.


Kan thutna min kal pel apiang techuan min en duh ngei mai, an in hrilh ru zui sap sap zel, Enge maw an hriat le.

"Bawihi, VIP room ah kan ei mai lo a"


Ka kut ah chuan a rawn vuan a,
"A pawi hleinem"

Ka ti zawi sap a, ka kun lap bawk, Hrehawm ka ti ve reng,min Sawi dan ka hriat fuh palh chuan ka tah mai hlau, Erica hmuh laia tah ka duh teuh lo mai.
VIP room ah chuan kan in san ta nge nge a,

"Ehe..ei tur a rawn thleng e, nu , pa, ka ei teuh dawn"


"Ei teuh Rawh Bawihte"

A phur ngei mai, an eitur chu an chhawp dal a, eng Enge Anih pawh ka hre lo tiang dawr changkangah ka kal ngai si lo a,mi Hausa nupui mah ni ila ka chhuak tam lo khawp mai, ka hna ka bansan atang pheichuan ka bazaar ngai lo a, bakah tiang thil vel hi ka ngaina ve lo, Stephen hian hmeichhia pawh i ang lo min ti fo thin.

Ka hma a an soup chhawp chu ka Suak ve top a, ka hawp chiah, a rim chu, ka pum a rawn in pump nghal ut ut thei, bathroom ah ka tlan nghal a.


"A nu tinge a"

"Bawihi i tha em"

Ka luak bawrh bawrh zawh hnu chuan ka chau hnawk thei, ka chhuak chu Erica leh Stephena chuan hlauhthawn hmel deuhin min lo en reng.

"Bawihi tinge a, a tui lo viau ami"

Dam thlup chuan a rawn ti a, ka chhang lo ka nuih suk ringawt, ka thu leh chiah a rim chhiat zia chu,ka uak leh nghal.

"Bawihi"

"Enge"

"I awm dan hi mak ka ti, Nanghi ilo rai reng te hi ni lo maw"


Enga....ni lo, ka rai.

"A teuh lo, ka period zo chiah lawm, ka dam lo ka tih ka tih kha"

Ka ti vin tuar a, an Ngawi dun reng, min eng reng ringawt, tawngkam vin in kan inbe ngai si lo a, ka nuih tepawh a za lek lek.


Ka rai pawh ni Maithei ni,Engpawh chu nise ka rai Anih pawn la zep rih ka duh zawk, tun dinhmun ah chuan engmah ka Sawi Peih thlawt lo, Engkim hi ka hne ngawih ngawih a ni ber, thil pawh ka ei mumal thei lo, ka luak a chhuak zel bawk si, Bakah Stephen hian Ngaihzawng dang a neih leh neih loh ka Chiang bawk si lo.
____

Restaurant Kawt ah chuan kan ding tham a, car pawh alo thleng chiah.

"Lo va haw ru, kal kawi na tur ka nei a"

Mak tih hmel deuh chuan min en reng ringawt,

"A nu khawnge i kal dawn, ka lo kal ve duh"

"Bawihte ka kal Hla dawn lutuk a, apa nen lo va haw ru aw"

Stephen chu ka melh zeuh zeuh a, a lungawi vak hmel loh.

"Pu Rem, Bawiha hi a pi te bul ah lo va hruai la, kan rawn haw hun ah kan lo lam ang"

Mak ti tak chuan ka enkar,pu Rema chu kan driver a ni a, Stephen a rin ber a ni bawk, a thusawi dan atang chuan hnial ngam chi pawh ni lo.

____

Car ah chuan ka thu tum bur reng a, nichina ka thil hmuh vang khan ka ngaih a tha chiah lo, mahse, rin hram ka duh bawk si, Stephen chu ka en a, Kawng alo en ngur ngur ringawt, a Nui hmel pawh min hmuh miah lo.

"Keimah pawn ka kal ve thei reng, i hruai pawh ka ngai lo"

"Doctor kan hmu dawn nia"

Ka thusawi ngaipawimawh miah lo a, Thudang daih a Sawi thin hi ka hua.

"Engvangin"

"Bawihi Tunlai i awm dan hi ka ngaih a tha lo, Enge maw damlohna tak chu i nei a ni"


Min rawn en zawk a, a tih tak hmel phian leh nghal,

"Ka duh lo, ka nu thlan ah kal ka duh"

"A Hla lutuk Bawihi, Falkawn ah daih a ni sia"

"I tih ka ring reng ahh....i kal pui pawh ka ngai tawp si lo, keimah pawn ka kal ve thei reng"


"Bawihi insum rawh le, kan kal dawn nia a tha em"

Ka sam ah a rawn Tuai zauh a, ka la tum bur reng thung.


_____


Thlan hma ah chuan kan ding ran a, Sawi mai tur pawh ka hre lo, ka mittui tla zawih zawih reng ringawt, Stephen chuan ka kut ah a rawn vuan a, ka hawi chho chu min lo nuih sak thung.

"Nu, ka lo kal ania, ka rawn tlawh tam theih loh che vangin ka tihpalh, ka ngai lutuk che nu, ka ngai takzet che"

Ka inhnit faih faih a, Stephen chuan min lo kuah vat, ka hnungah chuan a beng thak thak a, darkar 1 dawn lai kan awm hnu chuan kan in khalh chhuak leh nghal a.

_____

"Stephen Khawi lai hmun nge a"


" ka cousin hospital a nih hi, Psychiatrist ania"

Tihpah in min kai chhuak a, hospital chu alian vak lo,corridor a chair ah chuan kan thu ran a,

"Ka pu, in lut thei tawh e"

Nurse pakhat chuan Nui Sangin a rawn ti a, kan lut chu Nulian ve lampang upat hmel hret zahawm zet mai hi alo thu ran mai.

"Lo thu ru, Stephen Enge ilo tih ve dawn a"

"Aaa...hei ka nupui hi ka rawn hruai a"

A hma ah chuan kan thu ran a, paper ah chuan thil a ziak mawlh mawlh, a Dawhkan chu a hnawk deuh niaI a, Damdawi chi hrang hrang leh paper Lian zet zet a in hung far bawk,


"Kan inhmu chu ka lawm e, Stephen a u ka nia, Sara min ti mai rawh"

Ati zung zung a, kan inchibai ringawt, engmah ka Sawi chuang lo.

"Tharte, Engtin nge i awm ber a"

Sawi mai tur pawh ka hre chuang lo,ka hawikual Zak Zak a, Stephen chuan min lo enkar.

"Sawi hreh suh, Engkim a tha leh vek dawn alawm"

Min rawn nuih sang a, rilru lam doctor Anih vang nge, a zaidamin a nel awm a, a bul a awm a hahdam thlak takzet.

"Diktak chuan ka hlim lo"

Ka kun lap a, ka mittui rawn tling leh pam tawh, Stephen chuan ka kut ah a rawn vuan vat,

"Sawi zel rawh le"

Dam diai chuan arawn ti a,

"Ka thil tih engmah hi a tui lo, tah vak vak te hi ka chak thin, Engkim hi ka Ning zung zung zel, ka thin a rim reng a, ngaihtuahna tha lo pui pui te ka nei a, Zan ah lah ka mu tha ngai bawk si lo,"

Ka tap leh nghal ngawt tawh, ka aw pawh a khur dar dar mai,

"Ka nu ka ngai a, A bul a kal ve daih ka duh rum rum zel"


"Bawihi"
Stephen chuan alo ti vat,
Mak tih hmel deuh chuan min rawn en a, doctor Sara i chuan a mit meiin alo khap vat.

"Tharte, in pa hi a fal a biak Lawk ka duh a, pawn ah min lo nghak mai ta che"

"Awle"

Fan raih chuan ka ti a, Stephen erawh a melh ngai a melh ngur ngur mai, Enge angaihtuah pawh ka hrethiam pha chiah lo. Muangchang chuan ka chhuak zal zal a.



[STEPHEN PROV]



"Enge ni ta, Sara"

Sara i hi ka cousin a ni a, thian ka kawm ngai lutuk lo, mahse Sara i hi ka kawm ve deuh ber a ni.


"Stephen"

A thaw hak a, Thartei chungah hian thil thalo a thleng angah ka lo ngai leh Hman pek tawh,

"Sawi vat teh, ka dawh thei lo tih i hriat kha"

Ka ti nghal ngawt a, a thaw leh hak, Dawhkan ah chuan kiu a rawn nghat a, min rawn en kar,

"A depression hi nasa tawh a, a hlauhawm thei ania, mahni inthah duhna hial a thlen thei ania aw"


Min Deng dawt thei, ka theihtawp a ka duat leh keh thwi dawm a ka dawm thin kha tiang hian a awm ang tih ka ring phak lo re re.

"Engtia enkawl chi nge niang, Sara, Damdawi ei chi te awm lo mi"

"Stephen, a tha leh ang tih ka hria, Pathian ah i rinna nghat rawh"

Chhan ngaihna pawh ka hre lo, ka Ngawi ngal a,

"Thartei awm dan hi hrethiam la, lengchhuak tam se, Sum i ngah a, bazaar tir reng rawh, a thawmhnaw duhzawng te lei se, nih loh pawn hna te thawh tir bawrh bawrh rawh, a rilru lak penna tur hrim hrim tih tir rawh, thiante kawm tam se, i Zin chhuahna ah te hruai thin la,TAWNGTAI tam bawk ula, in pahnih pawn TAWNGTAI dun ziah ru"


Ngun tak chuan ka lo ngaithla a, Zep lo chuan ka TAWNGTAI khat ngei mai, a nuihzatthlak zawk.


Ka Nui chhuak hak, Thartei Hrehawm zia hi ka lo hriatthiam pui ngai lo a, ka hna chauh ka lo ngaihtuah thin.

"Hey, ka nau chuan ka lawmpui lutuk che nia"

A rawn ti leh ringawt, ka hrethiam chiah lo,

"Haha...Ngati maw"

"Engmah ila hre nange"

"Enge hriattur awm"

Ka lo ti hu a, a Nui hak, ka hnungah chuan a rawn beng thak thak a,

"Thartei kha a rai a nih kha, Stephen enkawl Uluk a ngai ania, raino lai pheichuan depression neih hi a awl bik a, Ka nau i nupui hi ngaihsak viau rawh"

"Engtin nge i hriat ngawt"

"Mawla, fa pali ka neih hi, an thaw lak dan atang pawn ka hria"


Thinrim deuh chuan ti hluk hluk a, ka Nui suk,ka rai lo a ti bawk sia, mahse min surprise a duh pawh a ni mahna, ka tlan chhuak nghal phut.


Thartei chu corridor chair ah chuan ke then lauh lauh in alo thu a, A che naupang chhia thei ania.

Ka va kal hnai a, ka va kuah thlawp, ka thlah riai riai a, mak tih hmel deuh chuan min en reng, tawng a tum chiah ka fawp nghal bawrh bawrh a, min nem sawn nghal vat.

"Mi in min hmu ang, iti zahthlak thei lutuk"

Min chum taih taih a, ka lo Nui suk ringawt.


_____

Muangchang chuan car chu ka khalh chhuak a, ka tlan chak theih tehreng nen, nau a pai bawk sia muangchang chuan ka khalh a.


Min en leh hrak hrak thin,a awm dan Engkim chuan min ti hlim em em vek, nuih reng mai ka chak a, mahse engmah hre lo anga ka awm a ngai bawk si.

"Stephen"

"Umm"

"Doctor chuan Enge a Sawi a"

Zuai riai chuan a rawn ti a, Engkim hrilh vek chu a rem rih bawk si lo,

"Enkawl tha tur che in min tia, i duh duh tih tir tur che in min ti bawk a"

"A nih chu"

A ti zawi raih a, a nun hlim lo lutuk hi Hrehawm ka ti.

"Bawihi, enge i duh, i pasal hian Engkim ka nei a, Mahse ka ti hlim thei lo che hi pawi ka ti Bawihi"


"Stephen chutiang a ni lo"

"Enge i duh ber"

"Guiter min lei la"

Ka Nui chhuak hak,a perh thiam ve mawn le, thil mak pui pui hi rawn Sawi chhuak a.

"I perh thiam a mi?"

"Umm, nuam ka ti thei lutuk"

"Awle, i duh zat zat kan lei dawn nia, chuan Enge duh dang ila nei em?"


A thaw hak a, tukverh lam hawiin a mittui a hru zauh, min chhang Lawk bawk si lo,motor chu kawngsir rem lai ah chuan ka din tir a.


"Bawihi Sawi sual ka nei ami, ka tina che mi"

Min en Turin a biang chu ka dawm a, a mittui a tla par a, engvanga na em em nge a nih ka hre lo, ka tina leh tawh a ni mahna.

"Ka tihsual a awm chuan min hrilh rawh Bawihi"

A hmui ah chuan ka fawp zauh,

A thaw hak a, hnuailam a melh daih,

"Stephen, Ngaihzawng dang i neih chuan Sawi rawh"

Tap aw tiau chuan a rawn ti a, chutiangin Engtin nge a ngaih theih le, vawi 1 mah ka la PHATSAN ngai lo hrim hrim, vawiin khan Ka Secretary thar rawn thawk nu khan min kiss ve ngawt a, ka ban leh nghal a nih kha, kan in neih atangin vawi 1 mah ka la phatsan ngai lo a, ka tum ngai bawk lo.


"Bawihi min ring lo a mi"

"Vawiin khan tinge i hmui ah lipstick a kai theih, lipstick i hnawih ngai ka hre si lo a"

Ka thaw hak, ka Thinrim na pawh ka insum hram hram tur a ni, kawngpui lam chu ka hawi daih

"Ka secretary chhawr thar Zak theilo deuh nu khan ka in rin loh laiin min rawn fawp thut a, ka Chhanglet lo Bawihi, ka ban nghal alawm"

Ka thaw hak a,

"Bawihi min ring la ka duh, ka hmangaih lutuk che, nangai hmeltha leh pian nalh tak tak chu nitin ka hmu fo, mahse ka tan i tha ber, Nangmah ang hi ka tan tumah an la awm lo, a mak ka ti zawk, Chung ka Sawi ho chuan Nangmah min hmangaih lo tir phah lo a, ka iai phah chuang lo che , i tello chuan ka hlim thei lo Bawihi"

Ka Nui hak a,
Ka hawi phei chu alo muthlu leh der tawh.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 15th, 2018, 5:59 pm

HURRICANE CHAPTER-9 by HLUTEI JOCUND PACHUAU



Ka nupui tui taka muhil lai chu ka thlir reng a, motor ka khalh laite chuan ka va en leh zauh zauh thin, a tawm kek bawk sia, nuih ati za reuh ngei mai, a awmdan vang chuan ka Nui leh hak hak thin.

____

In kan thleng Der tawh, Erica pawh ka la lam lo, a nu hi ka muttir phawt anga, naktuk ah pawh a lam theih tho, Zan in chu a pi in Riahpui mai rawh se,

Car atang chuan Thartei chu dim takin ka pawm thla a,a rum tiah tiah a, min rawn kuah nghal chat chat bawk, ka Nui sak a.
Khum ah chuan ka mut riai rai, a dul chu ka va khawih de de a.

Ka hlim takzet a ni, Erica pawn hria se a phur viau ang.

"Naute, Mommy hi hlimna tam tak i rawn thlen ngei ka beisei"

A hmui ah chuan ka chuk zauh a, keipawh ka muhil ve nghal.



_____

[THARTEI PROV]


Ka harh chu khua lo var det det tawh, ka tui hal bawk si, Stephen chuan ka dul zawn ah min lo kuah reng, a muhil lai chu ka en reng a, min phatsan amaw ka lo ti Hman a, Min hmangaih zia hi ka lo hrethiam thin lo a pawi ka van ti tak.

"Ka hmangaih che Duhtak"

A biangah chuan ka fawp zauh, in hnuai lam ah ka chhuk thlak san a, Frigde a tui vawt chu ka in khawlh khawlh.

Ni e, tun ah ka test ngei tur a ni, ka cardigan Fual ka ngal chen vel chu ka la a ka tlan chhuak nghal, kan in bul Lawk a Damdawi dawr ah chuan Pregnency test Pa nga(5) lai ka va lei a, dar 5 pelh chauh a chutiang lei chu mak min ti ngawt ang.

______


Bathroom ah chuan lutin test kit ah chuan ka zun chu ka thlawr keuh keuh a, ni lo.....Huihaaa....ka rai ngei e.


Ka rin ngam chiah loh vangin pa nga (5) lai ah chuan ka test a, result a in ang vek, LALPA ka lawm e, ka lawm takzet a ni,

bathroom ah chuan darkar chanve vel ka awm tawh, test kit zawng zawng ka la Khawm a, Stephen lo thawh hun a surprise a tan, ka chhuak chiah bathroom bul ah chuan alo ding reng, Awi ka phu Chiang lutuk.


"Bawihi i rei lutuk a, ka ngaih a tha lo Hman alawm"


Hlauh thawn hmel tak chuan min en kar a, kei erawh ka Nui var var thung, He depression hlauhna ka neih zawng zawng rawn hneh tu chu hmangaihna, huaisenna, ka hrechiang a ni.

Stephen chu ka kuah ngawih ngawih ringawt, chhan pawh ka chhang thei lo, a kut chu ka la a, ka pum ka khawih tir, a hamhaih hmel chu nuihzatthlak tak a ni.


"Bawihte, Daddy kut a nih kha aw"

"Bawihi a awm zia chu nang hian"


"Aw Duhtak, kei hian Erica nau tur ka pai mek alawm, Kan fa"

Kan in Kuah a, kan in fawp leh thin, ka hlim zia hi tuman min hriatthiam pui ngai lo ang, thil mak ve tak chu a ni,

A hma chuan thil awm ni miah lo, rin pawh kan rin phak loh kha a ni a, ka hlim lo in ka in ngaihtuah beidawng reng thin, mahse ka nun hi, thil pakhat ka la hmuh ngai miah loh, khawih pawh ka la khawih ngai loh khan a rawn thlak danglam ta vek a ni.


"Khawnge Bawiha hi"

"A pi te bul ah a awm a, school ah a kal tlang nghal ang"

Vawiin chu ka khua van har leh dawn tak em, mahni chauh a awm ka Peih lo ngei mai.


"Bawihi vawiin chu in check-up la ka hruai ang che aw"

"Mahse i buai awm sia"

"Chaw hma lam chu ka buai ang, chaw hnu ah kan kal dawn nia, dar 2 ah lo in Peih rawh aw"

A chaw chu a ei mawlh mawlh a,

"Awle"

Ka chaw chu engtham mah ka ei lo, ka thai niap niap ringawt, ka thil ei engmah hi tui thlawt lo.


"Bawihi, Len chhuah te i duh chuan, Rosy i in hruai tir zel rawh aw, I chak zawng te va lei la"

Min en kar a, tiang tih vel hi nuam ka ti lo, Mipui kara ka awm hian ka tawt up up zel, mahse mahni chauh a awm a tha bawk si lo, ka tum hram hram tur a ni.


"Awle, min lo call mai dawn nia"


Kawngka thleng chu ka thlah a, ka kuah ngawih ngawih a, kan in fawp leh vang vang phawt, ka van ngai dawn em, ka thlahlel ngawih ngawih.

"Ka lo hruai vat ang che, Ka kal aw Ka hmangaih che, Lo in enkawl tha ula"

Ka biang ah a chuk zauh, car ah a lut nghal, kan in by by by lauh lauh a.

Huihaaa.... vawiin chu kan bazaar tak tak teh ang, ka raipuar hun ah Heng ka kawr te hi ka ha thei tawh dawn si lo a.
Eye liner leh mascara chu Tlema tak deuh hlekin ka hnawih a, mit hmul lem natural deuh leh lens grey ka vuah bawk, ka mit ah chuan eyeshadow uk deuh hlek chu ka hnawih a, lipstick pawh Kylie matte flash nude colour ka inhnawih bawk, make-up artist ka lo ni thin tawh bawk a, ka hmel a danglam hneh hle, tiang hian ka inchei khat tawh bawk a, nuam ka ti ngei mai, Stephen te office ah ka va thawng thut anga, mak a ti viau ang, tianga ka inchei lai min hmu ngai bawk si lo a, ka Nui var var reng ringawt.
Ka sam techu ka roll ve deuh a,
Crop top var leh Pawnfen dum arh tarh chu ka ha bawk, long boot chu ka bun a, ka coat fual ka khup thleng vel hringduk khar chu ka ha a, ka kilh pum vek bawk, min ti lang naupang zual ngei mai.

"Ehe Tharte i van nalh"

Rosy i chuan alo ti lang lang a, confi zet chuan car ah ka lut nghal, Rosy i hi kei aiin a upa deuh hret a, Stephen a te Awmpuinu fanu a ni, ka kawm ve deuh ber a ni bawk.

______


Millennium ah te chuan kan bazaar a, thil pawh ka lei sak nasa ngei mai, ka Nui ve leh thei ta, a hma tekhan tianga lo awm thin daih tawh tur hi nia.


"Rosy, Kan pa te office ah ka kal lok dawn aw"

"Awle"

Thil ho deuh deuh sawiin kan Nui nasa dun ngei mai.
Rosy i chu ka car nen chuan ka lo va haw tir daih.

_____

Stephen te Company ah ka lut chiah chu min en duh hlawm ngei mai,

"Ehe Bawihi ka hai dawn che lawm"


Mak tih hmel deuh chuan min lo en kar, ka lo nuih sen sen a, a rawn kal hnai a sofa ah chuan min thuttir nghal.

"Tihpalh, hei ai zahawm deuh hlek hian lo inchei tur a nia"

A mak ti hmel khan ka awm ati nuam lo zo vek.

"Hey...a pawi lo, i duhawm lutuk, mahse ka nupui ni lo in ka nau i ang zawk"

A Nui ri hak a, ka lo chum pawp zui,


"Tiang hian ka inchei ve chhin chak a, ka tihpalh"

"A pawi lo, i sexy lutuk"

Tihpahin min rawn fawp tawn tawn a,

"Hey..ka lipstick iti reh dawn"

Ka nemsawn nghal, kan Nui dun leh hak hak thin.

_____


Doctor chuan ka pum ah eng Engemaw a hnawih a, tv ang deuh tereuh te ah chuan thil che hrut hrut hi alang thei.

"Heihi naute chu nia, thlakhat leh kar 2 mi vel a nih hi"

Tv tereuhte a thildum chu a kawk a, ka mittui a tla leh fap fap tawh, Stephen chu ka en a, tv tereuhte chu Uluk takin alo melh thung.


Doctor chuan eng Engemaw min chawh a,Damdawiin tang chuan kan chhuak nghal, ka Nui var var reng mai.


"Stephen"

"Umm"

Motor chu Uluk takin alo khalh a,min rawn nuih var var.

"I hlim em?"

A Nui hak a, ka kut chu la in a fawp zauh.

"Hlim tihpiah lam a ni, ka hmeichhe hmangaih ber pum chhungah ka fa a awm ania, tuman ka hlim zia hi an hrethiam phak lo ang"

A thusawi chuan min hneh ngei mai, a biangah chuan ka va chuk zauh, a biang leh lam a rawn dawh a, ka fawp leh, a hmui a rawn dawh leh a ka fawp leh, kan Nui hak hak reng a, nuam tak a ni,ka hlim zia hi.


Ka phone a rawn ri ral ral, message arawn thleng, Andy a alo ni, ka Nui tawp Chiang kher mai.

"Bawihi Enge a"
Min en kar a,

"Engmah ni lo"

Tihpahin ka Nui Lui sak thung, message chu ka open a.

"Tharte, he ka saltanna tang hian nang chauh in min chhanchhuak thei a sin, a tawp nan hei chauh aw, I kawplai chu ka tan i thlah thei mai lo ami, ka tan i Mangtha mai thei lo ami"


Ka chhiar zo chu ka mit nghal sulh thei, ka mittui rawn hnam leh tiam tiam tawh, reply lo chuan ka delete hmak a, Andy chuan min Theihnghilh a hmeichhe dang a tawn vat theih nan Pathian hnen ah ka dil ziah thin, Mahse a remruat dan hi tu mihring mah hriatthiam theih a ni bawk si lo.


_______


In kan thleng der tawh, Stephen chu a Nui sang reng a, keichuan Engemaw ngaih that loh deuh na ka nei tlat thung, mahse ka tilang chuang lo.

"A nu apa, Nute Muani alo kal a"

Eric chuan arawn ti lang lang a,in chhung kan lut chu min rawn pan hnai a ka lo pawm nghal, Umuani chu wheel chair ah alo thu a, Stephen a nu pawh a awm ve, a hlim hmel em em leh nghal.

"Muani Enge awm zia"

Stephen nen chuan sofa ah kan thu a, engvanga wheel chair a thu nge maw Anih le.

"Muani hian Sawi tur pawimawh deuh a nei a"

Stephen a nu chuan a lo ti vat a,

"Stephen, Tharte, ka pasal nen khan kan che sual a, min boral san a, Keichu tihian ka awm angai ta a nih hi"

A rawn in hnit faih faih a, Stephen nen chuan kan in en tawp tih ngiahna pawh kan hre lo, Stephen a nu chuan alo kuah vat a.

"Muani hian tumah pan tur a nei lo, a fapa kianga awm ve hi a duh a ni"

Stephen a nu chuan a ti a, Enga....hetah a awm ve ang maw....hah....ka khawngAih viau na a, ka pasal nupui hmasa nen a in khata chen ho chu ka duh teuh lo,

"Khawngaihin Stephen min phal sak hram rawh u"

Tap deuh faih faih Chung chuan a rawn ti a.

"Awle, i awm thei alawm"

Stephen chuan zawi sapin a rawn ti a, mak ka ti lutuk ka en tlawk tlawk ringawt, min rawn en zauh a in thlahrun hmel em em leh nghal, Engtin nge min rawn miah lo in tiang khan a Sawi theih le, ka rilru tur pawh engmah a angaih tuah lo, Stephen a nu leh Umuani chu an in kuah a, Umuani chu a Nui var var.

Stephen chu ka en tlawk tlawk, engmah ka Sawi thei lo, Ngawi reng chuan Erica ka kai a, A room lamah chuan ka hruai chhoh pui nghal dawr dawr.

_____


Ka mittui rawn tla leh dawn ringawt tawh, ka mittui hruk zauh zauh pah chuan Erica chu thawnthu ka chhiar sak a, a muhil der tawh.


Umuani chu ka Khawngaih tho, mahse Engtin nge Ka pasal khan min rawn miah lo in aw a pawh mai theih zawk le, a nupui angah min ngai lo tepawh a ni mahna, ka pum lah chu ri ruk ruk reng mai.

"Bawihi lo hawng teh inbia ang"

Kawngka chu a rawn kik dat dat a, tun ah rih chuan ka hmu Peih thlawt lo.


"Bengchheng suh, Erica muhil tawh"

Ka lo ti vin hlar,kawngka chu ka hawng a, kawngka bul ah chuan alo ding zuah reng.

"Bawihi hawh rawn in thlak la thil ei rawh aw"

A rawn ti dam diai a, ka nem lehnghal vek tawh, kan room lam chu Ngawi rengin ka pan a, Ngawi reng chuan ka inthlak mial mial a ka tum bur reng.

T shirt pink leh kekawr chu ka ha a, a in suit a hak a nuam hle,ngawireng chuan ka mu a, ka in lukhup hmak.


"Bawihi, Muani hi ka nupui hlui ni mahse ka thian a nia, puih angaih chuan ka pui tur a ni lawm ni"

Ka puansin chu ka hmer ngar ngar, ka riltam lutuk ka pum a rawn ri leh ruk ruk tawh, ka Ngawi reng thung.


Kawngka in khar ri dat ka hriat avang chuan ka in lukhup na chu ka hawng de de a.

Stephen chu khawnge maw kal daih le, mi thlem pawh a tum lo, hepa tak hi chu, ka mittui rawn tla leh ringawt tawh, min thlem beiseiin ka titau ve a, ka mittui chu ka hru fap fap reng a.


Kawngka rawn in hawng thut, Stephen chuan eitur alo chawi tun a,ala Nui var var zui, ka Thinrim a zual tun mai.

"Ka ei Peih lo chhuak rawh"

"Bawihi, Naute tan khan tlem tal ei rawh aw"

Khum ah chuan arawn thu a, ka mittui chu a rawn hru a, a Nui var var reng, a biangsum a rawn lang leh tawh, ka pasal hi chu a hmeltha Chiang alawm, a eitur rawn ken chu ka ei mawlh mawlh a, ka ei lai chu min en reng, alo Nui hak hak thung, ka hmui ka lo tih pawrh khum vak vak ringawt.


Eitur tui tak min pek vang hian ka lungawi phah awm Chuang lo emai a


_______


Huizz...zingkar nuam lo tak a ni, ka tai ana nger nger reng mai, Stephen chu lo awm tawh lo, zawng pawh ka tum chuang lo, bathroom ah chuan ka inti Fai a, nizan khan nupa nun kan hmang leh tawh, Huihaa.....ka Hnar thei bawk si lo, Stephen ka Khawngaih ve bawk sia.

Room atangin ka chhuak chiah....ni lo Enge ka hmuh hi,

Stephen chuan Umuani chu a pawm a, step ah arawn chhoh pui mek a. Umuani chuan alo kuah chial thung, min hmuh ka hlauh vangin room ah rang takin ka lut lehnghal.


Ka hmui ka hup a, khum ah ka thu a ka tap tawp, tinge tiang hian ka awm tlat le, thian chauh alawm an nih tawh, Thik tur ka ni lo, keimah leh keimah ka infuih mawlh mawlh a.

_______

3 WEEKS LATER



Kar thum lai a Liam ta, thil ka ei mumal lo a room ah ka inkhung reng ringawt, ka cher sawtin ka dawldang em em a, Stephen lah hian kei aiin Muani Muani Muani a ti reng, kei aiin a ngaih sak zawk mah, ka tap ru reng a mahse ka ti lang ngai lo, Umuani leh Stephen a awmdun lai ka hmuh pawn pangai taka awm ka tum hram hram thin, mahse a rukin ka tap ru ziah, Erica chu ka bul ah a awm deuh chawt reng thin.

Umuani hi a nu tak zawk ni mahse a ngaina hlawl lo, Stephen chu a hnathawhna ah buai hle mahse min call deuh reng a, in atanga a rawn haw apiangin ka ei chak zawng min rawn hawn ziah thin.

Mahse chu chu ka duh ber a ni lo, ka lawmna a famkim thei chuang lo, Umuani room a a awm rei deuh chuan ka ngaih atha lo a, ka Sawi chhuak thei bawk si lo, a chang chuan ka ip pik lutuk hi hmun fal ah ka kal a, Plate keh thei ho zawng zawng chu kengin ka paih keh vek a, ka au vak vak a, ka Thinrim hrikthlak nan ka hmang tawp zel.


Stephen a lah chuan Umuani wheel chair in a nawr kual reng a, ka hmu hne takzet a ni, ka puak keh mai dawn in ka hria.


"Bawihi Engemaw tal ei teh"

Ka suangtuahna tangin ka harh chhuak zawk, a hmel ka hmuh hian ka Thinrim a zual.


"Stephen"

"Mmm, Enge"

"Umuani awm ve hi ka duh lo"

Ka ti chuai raih a,mak tih hmel deuh chuan min en reng thung,

"Bawihi ka puihna a mamawh alawm"

Mittui tlingpam chuan ka Nui Lui hak,

"I la duh reng a nih kha"

"Maw...Lalnunthar, tiang mi inih ngai loh kha, tinge i rilru hi a chhiat tak em em le"

Thinrim tih hriat tak chuan a rawn ti a, ka mittui a tla zawih zawih, ka kawchhung hi a sa pup thei,

"Ka tuar thei tawh thlawt lo, thla 3 chhung chu ka dawh hram hram a, Stephen ka ti thei tawh thlawt lo, Inthen ang"

Ka ti ta piap piap a, Mak tih hmel deuh chuan min enreng.

"Bawihi, chugtiang Sawi suh ka tihpalh"

Min rawn kuah a, ka lo nem chat chat thung, kan in len hleih lutuk a, ka nemsawn thei lo nasa mai.

"A rei tawh lo ang, tuar hram hram rawh"

Ka hnung ah chuan a beng thak thak a, ka inthlah dul ve riai riai,

"Ka kal aw, ka lo call ang che Bawihi"


Ka hmui ah chuan a rawn fawp zauh, ka Nui Lui ve sak.

Ka phone chu a rawn ri ral ral, Andy a a nih hi, ka khur leh nghal dar dar tawh, muangchang chuan ka la a.

"Hello..."

"Tharte"


A aw chu zuai raih a, a chauh hmel em em leh nghal.

"Aw Andy"

Ka aw khur lek lek,

"Tharte, tun ah hian kan farm house chungah khan ka ding a, ka zuangthla dawn em tih ka ngaihtuah mek"

"Enga, ni lo Andy engthil mah ti suh, ka lo kal ang, lo awm rawh, ka pui ang che"

Phone chu ka dah a, ka tlan chhuak nghal.

"Anu khawnge i kal dawn"

"Bawihte, ka hmanhmawh lutuk ka kal"

Tihpah in ka tlan chhuak, Eric chuan min au mawlh mawlh, ka ngaihtuahna buai vek, car bul ah chuan ka ding dat, Car chahbi ka Theihnghilh a lawm le, inchhungah chuan ka tlan lut leh nghal.


"Awi...ni lo....Eric...Bawihte"

Ka au tuar, Erica chu Thisen in alo bual khat vek.






Zan inchu in duh ang pawn ka ziak lo Maithei ni, ka chauh lutuk vang ania😭😭😭

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 15th, 2018, 5:59 pm

HURRICANE CHAPTER-10
BY HLUTEI JOCUND PACHUAU



Erica chu Chhuatah chuan alo mu ngat a, a lu chu thisen in a lo bual khat vek lehnghal,

"Bawihte, ni lo"

Ka pawm kang a, ka tha te hi a zawi vek thei, a hmel chu a dang bel leh nghal, Umuani pawh wheel chair in a rawn in nawr chhuak a, a rawn te chul leh nghal.

Rang tak chuan ka pawm chhuak a, car ah chuan ka mut tawp, ka in khalh chhuak vat a, ka tlan chak ngei mai.

Aizawl hospital ah chuan rang takin ka in pawm lut a,nurse ho chuan an lo buaipui nghal sap sap, Operation room lam ah chuan kan in nawr lut nghal a, Erica chu ka be mawlh mawlh, min chhang thei lo.

"Ka pi, tah hian lo awm rawh"

Nurse chuan min lo dang nghal vat, chair ah chuan ka thu a, ka taksa tepawh ala khur dar dar mai, ka kawr a thisen kai niaI techu ka Tuai thuak thuak a.



"Bawihte, a tha mai ang, a tha vek ang, LALPA khawngaihin min laksak suh, ani chauh hi ka neih chhun a ni tawh"

Keimah chuan ka phun mial mial a.


"Bawihi, khawnge kan fapa"

Stephen chu a rawn thaw hlawp hlawp a, min en kar,Rosy pawh a tel ve, engmah ka Sawi thei lo, tap chungin ka kuah nghal thlawp a, ani pawn nghet takin min lo kuah let ve nghal.

______

Doctor chu operation room atang chuan a rawn chhuak a,

"Doctor ka fapa chu Enge a an"

"A pawi khawp mai, kan chhan Hman ta lo a ni"

Ka mit nghal sulh thei, ka bula thawm awm zawng zawng chu ka hre zawi vek a, doctor thusawi chu ka bengah a ri nawn tluk tluk ringawt.

"A theih loh, natna engmah a nei hleinem, tianga min kalsan thut hi ka phal lo, tidam leh rawh"

Stephen chu au tuar tuar a, doctor kawr awm ah chuan a tham tawn tawn bawk, Keichu engmah ka Sawi thei lo, ka mittui a luang a, ka tap chhuak thei hek lo, Rosy chuan min vuan reng a, Stephen awm dan chu ka thlir tlawk tlawk ringawt.


A mittui a tla a, a hmai a chu Tuai puat puat reng a, a tei kual char char bawk, a changleh a kut khinghnih a tukhum ah a dah a, a van vadak char char, a changleh min rawn kuah thul, hetianga ana hi hmuh Hrehawm ka ti takzet.


___________


2 WEEKS LATER




Erica room ah chuan kar 2 dawn ka in khung reng a, tumah pawh ka be ngai lo, thil ka ei thei ngai lo bawk.

"Naute, ka tihpalh aw, a nu hi a hlim thei thlawt lo"

Ka pum chu ka chul a, Erica study table ah chuan ka thu reng, a milem ziah techu ka thlir a, kan chhungkaw Thlalak techu alo ziak a, Keima lem a ziak tam ber leh nghal, poem tepawh a ziak ve nual.

A nu chu angel anga thianghlim a ni a, a rim te, a Nui ri te, Engkim mai hi ka ngaina vek a ni, a nu a tah chuan keipawh ka tah a chhuak a.....




Ka chhiar chhunzawm thei tawh lo, ka awm ah min hnawh ut ut mai,ka awm ka chum a, ka mittui a rawn luang leh zung zung tawh.....


Erica boral tangin ka tap chhuak ve ta, a lehkha ziah ho chu ka pawm ngawih ngawih a, ka theih tawpin ka au chhuak ve ta, chhuat ah chuan ka tlu sawp nawk a, Eric Bawihte, ka thian tha ber leh ka fapa, ka va han ngai tak che em, a nu hi anat i phal ngai lo a ni lawm ni, ka lungngaihna hrilh tur ka nei lo sin Bawihte,Lo nung leh thut la ka van ti em, nu ka fapa kha min lo enkawl sak rawh aw.

Ka rilru chuan ka be mawlh mawlh a, ka tap ring tha ngei mai.

"Bawihi i tha em?"

Stephen chu hlauhthawn hmel takin a rawn tlan lut a,Umuani'n a rawn zui lut nghal, Stephen chu ka kuah a,

"Stephen a bul a kal ve ka duh a ni, Ka nu in min kalsan a, Eric leh zelin min kalsan a, ka tuar thei thlawt lo a ni"

Tap Chung chuan ka ti a, ka hnungah chuan a beng thak thak thung,

"Engkim a tha leh vek ang Bawihi, kan naute tan khan in ti chak hram hram rawh"

Ni e, Engkim a tha leh vek ang, tih tawngkam hian min hnem thei se ka van ti tak em, ka tahna ti tam tu mai a ni lawi si.

"Naute a.....Tharte i rai maw"


Umuani chuan mak tih hmel deuhin min en dun kar a,

"Aw...Thartei hi a rai alawm"

Stephen chuan alo ti vat, Umuani chu mittui tling pam in a Nui Lui hak a, a nuih zat em em vang pawh a ni lo, min huat vanga Nui a ni mah zawk.


"I naupai vang a ni maw, Erica kha i ngaihsak loh em em"

A tawngkam vang chuan Mak ti takin ka en tawp,

"Muani i tawngkam fimkhur rawh, Thartei hi Erica nu a nih hi"

Stephen chuan ati ram hmak a, Keichu ka ngawi reng thung,

"Khatih lai kha ka la hrechiang khawp mai, Stephen, ka ngawih bo pui thei tawh lo"

Thinrim tak chuan a rawn ti a, engchu nge a hriat le, engmah ka hrethiam lo a thusawi awmzia hi.

"Eng chu maw...Enge awmzia"

Stephen chuan alo ti vat a,

"Kha Andy phone a abiak zawh khan rang takin a tlan chhuak a, Erica khan a au lawm lawm a, mahse a chhuak Lui tho, a umzui na lamah khan Erica chu Step ah khan a Lum a, a thih phah asin...... ka fapa kha ko let leh rawh"

A rawn ti ta piap piap a, keimah vang maw?..ka hmui ka hup tawp, tih ngaihna pawh ka hre lo, ka taksa a khur nghal hlak hlak a, engmah ka sawi thei lo, Stephen a hmel chu arawn inthlak vek, Thinrim hmel tak chuan min rawn en a, ka dar tawn tawn ah chuan a rawn hmer a, a mit a sen ram bawk,

"Thudik a ni em?"

Ani pawh a khur hlak hlak, a Thinrim vangin a thaw huam huam bawk,tawng nachang pawh ka hre lo.

"Andy bul ah chuan Engvang a kal tum nge inih min chhang tache"

Min vin tuar a, ka ban bul a hmerna chu ana nger nger bawk, ka khur hlak hlak a, tawng pawh ka tawng thei lo.

"Min chhang rawh"

A rawn ti vin leh tuar a, ka lo phu deuh zawk, a mittui a tling pam a, tianga Stephen a awm hi ka vawi khat hmuhna a ni, ka hlau lutuk chu ka dang a awk vek, kil khatah Umuani chu alo tap feih feih bawk.

"Andy khan intih hlum a tum a, dang Tura kal ka tum a, Bawihtea khan min umzui tih ka hre lo tak zet"

Ka mittui chu a rawn far nghal fap a, ka aw pawh a khur dar dar.

"Hrep tak chuan"

Tihpah min thlah nawk a, a kal chhuak nghal daih, room kawngka a khar ri bur chuan min ti phu zawk bawk, ka ban bul chu ala na nger nger.

Ka kun ngal a, pen ri thlep thlep ka hriat avang chuan ka hawi chhuak nghal vat.

Ni lo...

"Umuan, i kal thei amaw"

Umuani chu ka bul ah alo ding reng chu ni in,

"Aw, Ka pasal min laksak a, ka fapa i that bawk a, ka ngaidam thei lo che, ka neih zawng zawng min laksak kha ka la let leh vek dawn"

A rawn kun hniam a, ngeiawm tak chuan ala Nui zui, khang hun lai zawng zawng khan alo tider reng thin amaw, pangai tak chuan wheel chair ah a thu a, a in nawr chhuak ve nghal.

Hahh...

Ramhuai hmu ang maiin ka a vek, chet ngaihna pawh ka hre lo..


Ava han rapthlak tak em, Umuani ka hriat thin kha a ni ta hauh lo mai, Muangchang chuan ka tho a, Erica khum ah chuan ka tap ta char char a, a kawr vel chu ka pawm a.

"Ka tihpalh Bawihte, I nu ni tlak pawh ka ni lo"

Mi a ang maiin Erica chu ka be mial mial ringawt.

______

Ka harh hlawl, ka lo tap muhil Anih dawn hi, Sana chu ka en a dar 2 lai alo ri tawh, Erica khum ah ka lo mu daih Anih hi, muangchang chuan kan room lam pan phei den den a, alo reh thiap, Stephen a lo la haw lo amawn le, bathroom leh a lehkha chhiarna room ka en a...a awm bawk si lo, khum ah chuan ka mu tawm kak a, Erica kha keimah vangin a thi, Stephen pawn min haw tawh, Ka pum chul a, Engtin nge ka tih tak ang Bawihte ka thiamloh vek a ni, ka mittui luang chu ka hru fap fap reng.

____

Kawngka ri rawk lam chu ka hawi vat, Stephen chu kawngka vuan in alo ding kawi ngul a, rang tak chuan ka tho a,ka va pan hnai vat, a coat hak chu va phelh sak ka tum a.

"Khawih suh"

A vin tuar, ka kut a phih thla pawt leh nghal, ka phu deuh zawk.

"Stephen"

Zawi sap chuan ka ti a, ka mittui rawn tling leh tawh, hetiang hian min ti ngai bawk si lo, min haw hle Anih dawn hi, a awm dan chuan min thawng takzet awm ngaihna pawh ka hre lo,khum ah chuan a mu thla nawk a, keipawh a bul ah chuan ka mu ve nghal, a hma a nupa inkuah riala mu thin kha tun ah chuan sik pawh kan in si eih lo, ka mittui lah chu tla reng bawk si.

Zu rim a nam lutuk vang chuan ka pum a in pump leh ut ut tawh, bathroom ah chuan rang takin ka tlan lut a, ka luak nghek ringawt,thil ka ei that loh vangin luak tur alawi pawh ka nei lo, ka chau hnawk thei, bathroom chhuat ah chuan ka thu sawp niai a, Stephen awm dan vang hian ka na takzet a ni, ka mittui chu luang zawih zawih reng a, hru hul tur pawn chakna ka nei lo.


Kawngka rawn in hawng thut, ka hawi phei vat a.

"Tinge a"

Vawt raih chuan arawn ti a, Stephen chu ka en reng, a hmel awmdan chu ka hrethiam chiah lo,

"Zu rim kha....."


"I ngai theilo nih chuan room dang ah va mu mai Rawh"

Tihpah in a chhuak leh nghal, tap tur pawn tha ka nei lo, muangchang chuan ka chhuak chhat chhat a, room dangah ka mu awm lo emai a, ka luhlul ka chhuah a, a bul ah chuan ka mu leh ngat.

_______


Ka harh chu Stephen alo awm tawh lo, bathroom ah luh ka tum chu, alo in kalh tlat.

"Ka la inbual, ka zo tep"

Stephen chuan a rawn ti lang lang a, khum ah chuan Ngawi rengin ka lo nghak tawp,a rei phian bawk sia, ka zun a chhuak tawh si, ka zun a chhuah tawh chuan ka insum thei ngai bawk si lo, ka tai te hi ana ut ut tawh.

"Stephen Hmanhmawh deuh teh"

Ka va ti lang lang a, min chhang bawk si lo, ka tai chu ka dawm a, bang kil ah chuan ka tawm ngar ngar ringawt.

"Ka zo e"

Chhan pawh ka chhang lo, bathroom ah chuan ka tlan lut nghal, huiz...ka dam huai thei in ka hria.

____

Ka chhuak chiah chu bathroom bul ah chuan alo ding reng,

"Tiangkhan tlan vak vak tawh suh i tlu sual palh ang"

Ram hmarh chuan a ti a, ka lo Nui deuh suk ringawt.

"Ka tihpalh"

Zawi sap chuan ka ti a, min chhang tawh lo chuan a in thlak mial mial,

"Zan in kha kan company kum 10 tlin lawmna party kan nei dawn a, dar 7 ah lo in Peih la ka lo lam ang"

Ka chhan hma chuan a chhuak nal nal, Zep lo chuan ka Peih lo tianga kal vel hi, a hne awm leh ngawt ang, ka hmui ka ti pawrh vak ringawt.

______


Ka hmaichu Uluk takin ka Chei a, ka sam ka tikir chiat bawk, ka mit pawh ka hnawih dum tha ham ham hle, lipstick erawh ka inhnawih vak lo thung.

Kawrfual dum banbul te ka ha a, ka mal thleng vel chu a kak bawk, bengbeh kual Lian zet chu ka beh a, darthlalang ah chuan ka in en vang vang a,
"Bawihte, Zan inchu lo tuar hram hram rawh aw"

Tihpahin pheikhawk pum sang tak chu ka bun a, ka lang sang ve sawt in ka hria.

Kawngka rawn ri rawk, Umuani chu wheel chair ah chuan alo thu reng,


"Ka fapa i thah hnu ah pawh nalh takin ila inchei vel chu niah...ilo Zak lo hle mai"

A tawngkam vang chuan ka sa Zak mai, ka dawh mai mai tawh dawn lo,

"Umuan, Erica kha ka fapa a ni a, ka thah a ni lo accident a nih kha"

Ka ti ve hmak,ka kal chhuak nal nal, a hmel hi ka hmu Peih thlawt lo, Kawngka ah chuan Stephen alo lut chiah,a ding dat a min en reng zui, a hawi san leh nghal vut.

"Kal ang"

Tihpah in a chhuak daih a, pheikhawk sang ka bun bawk si, kal chak a har ngei mai.
____

Car ah chuan Ngawi rengin kan thu dun a, ka melh leh zauh zauh thin, kawngpui lam alo melh ngar ngar thung.

"Stephen"

"Umm"

"Umuani kha a kal theih loh tak tak i ring em?"

"Thu lawi lo Sawi Sawi suh"

A ti hmuk, min chhan dan vang chuan mak ka ti lutuk ringawt,

"Erica kha keimah vanga thi a ni tih ka hria lawm, mahse Khawngaihin tiang hian awm lo hram teh, min hau la, min vin la, chu chu ka duh zawk"


Ka tap leh mai dawn, ka mittui chu ka khap let fak a, a Ngawi reng thung.

"Stephen"

Zawi sap chuan ka ti a, car chu a ti ding dat, min rawn en vang vang a, a thaw leh hak.

"Bawiha kha accident vang a boral a ni, mahse Andy hmu Tura i kal kha chu ka hrethiam Thei lo che"


A ti vawt raih a, a awmdan chu ka hrethiam alawm, Sawi tur pawh ka hre lo,

"Ka tihpalh Duhtak"

Tihpahin a ban ah chuan ka va vuan a, mahse ala sawn daih,

"Kal ang"

A ti vut a, car chu ti nungin kan kal leh nghal a, kan Ngawi dun ta reng ringawt, Sawi mai tur pawh ka hre lo, ka mittui a tlak mai loh nan ka insum tang tang thung.

_____

COMPANY


Kan thleng chu mi an lo tam ngei mai, mi changkang tak tak an ni ngei ang, light te nen zawng zawng chuan a pui vel vek, Dawhkan bial chi hrang hrang leh chair chi hrang hrang chu puan var leh puan purple rawng hian an lo khuh mawi vek a, stage a pangpar tepawh a var leh purple vek a ni,

"Pu Stephen ka lawmpui a che"

Tihpahin an lo chibai sap sap a, mi chi hrang hrang chu min inhmelhriat tir Zel a,ka incheina leh ka hmelthat zia te chu an lo Sawi a min fak ve hlawm khawp mai, ka rin aiin a nuam daih, ka lakah a Thinrim viau emaw ka tia min ngaihsak phian bawk sia.


____

Dawhkan bial ah chuan, Stephena thawhpui te nen eitur chi hrang hrang chu kan kil ho thap a, mi 6 vel kan ni, an nupui te lah chuan eitur chu tlem te te in an zai thla a, an ei lep lep leh nghal, a tui hmel hlawm sia ka riltam tawh bawk nen, ka hma a sa tui hmel tak chu hmawm vek pawh ni ila ka puar zo lo ang, fork leh chemte chu ka lek ve ran a.

"I duh duh kha ei pawp pawp rawh, raino lai chuan insum vak angai lo kan hrethiam vek che nia"

Ka ep chiah a thu nu hmeltha tak chuan nuisangin arawn ti a, ka Nui Lui ve sak, ka hma a sa chu kan zai ve thla rawk a, rin aiin a sak phian leh nghal,fork chuan ka pir pop, a per nawlh a, ka epchiah a thu nu kawr ah chuan a tla ri thlawrh, a te that, Awii...ka Zak lutuk.

"Ka tihpalh lutuk...Awihaa..ka tihpalh takzet"

"I va han zei lo em em ve, khatiang zai dan pawh i thiam lo a nia, middle class atanga chawr chhuak tih takah, Stephen...khawilam hmeichhe rethei thing lutuk nge i nupui hi, ka kawr a chhe vek"


A au tuar tuar a, min enthup tawh, ka Zak lutuk hi hawi pawh ka hawi chhuak ngam lo,

"Nu Rem, ka tihpalh a ni, mahse ka nupui hi tiang khan Sawi tawh suh"

Stephen chuan ati ram hmarh, min chhan vang chuan ka lawm lutuk hi ka thaw hawk thei,

"Awle, itih vang chauhin ka ngaidam ang, mahse, i nu leh pa ilo in zirtir tha leh dawn nia"

A thusawi vang chuan ka sa Zak mai,

"Ka pi, ka nu leh pa chungchang chu Sawi tel ve lo hram rawh"

Ka aw khur dar dar a, ka insum hram hram, ka kut chu ka hmer ngar ngar bawk.

A Nui Lui hak a
"I nu in a zirtir ve ngai lo che pawh a ni mahna"

Ala ti hram, ka insum thei ta bik lo duh aiin a tawngtam mah mah a ni.

"Ka pi, ka nu chungchang tiang khan Sawi re re suh"

Tlemin ka aw ki pawh a sang ve deuh,

"Naupang te te i Awki te i san ngam a"

A rawn ti a, ka hlau bik der lo, midang chu an lo Ngawi thap a, boruak a sang sawt ngei mai.

"Ka nu chungchang engmah i hre lo"

"Mi rethei chhungkua atanga seilian tih takah i nu leh pa chu mimawl lehkha thiam lo an nih chu"

Ka insum thei ta lo, ka al mai dawn in ka hria,a sam ah chuan ka va kek bawr bawrh a, a au chul leh nghal.

Ka hnunglam atang chuan tu emaw hian min rawn pawm nawlh,Chhuatah chuan min nghat chawrh a, Stephen chuan Thinrim hmel takin min lo en reng.

"Duhtawk rawh"

Min vin thawt vang chuan ka phu zawk thei, ka mittui a rawn luang nghal zawih zawih bawk.
A thaw hak a,

"Ngaihdam dil rawh le"

A rawn ti a, ka thiamloh pawh a ni miah si lo a, ka Ngawi reng,

"Stephen ka thiam loh pawh a nih loh..."

"Ngaihdam dil rawh ka tih chu"

Ka Sawi hma chuan min rawn vin nghal tuar, mak ka ti lutuk chu ka en tlawk tlawk, Khanu kha kei aiin Engtin nge a tan theih zawk le, ka mittui chu a sur zung zung a, midang ho lah chuan min enthup lehnghal, ka Thinrim lutuk chu ka thaw hlawp hlawp a, rang tak chuan ka tlan chhuak nghal daih.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 15th, 2018, 6:00 pm

HURRICANE CHAPTER -11 BY HLUTEI JOCUND PACHUAU


In ngaihdan te in rawn Sawi thin a, in lo Thinrim ve em em te hian nuam ka ti a, ka phur thei teh mai nia aw😙😙😙🤗🤗






www.storyfb.com mizo story thar englai pawhin chhiar tur a awm reng

Ka muttui kar atang chuan kawngchu ka hmu ruai ruai thei, a vawt bawk si, ka khur deuh hlak hlak zui,ka pheikhawk chu hlipin a chak thei ang berin ka tlan a,ka mittui ka hru zauh zauh bawk.


Ka ti thei thlawt lo, LalPa ka tuar thei tawh lo, a Hrehawm emai,.... Taxi lo tlan hmasa ber chu ka lo phar vat,


"Ka pu hmanhmawh rawh"

Min umzui an awm tlat a ka hriat vang chuan ka hmanhmawh hle, ka hmui chu hupin ka tap khur ngar ngar ringawt, Stephen awm dan leh min tihdan vang hian ka na takzet a ni, zah pawh ka dawn lo, ka tap ta vak vak ringawt.


_____

"Ka pi kan thleng e"

Pawisa chu pe in ka tlan chhuak nghal a, Inchhung ka lut chiah chu Stephen a nu alo awm, min rawn pan hnai a.

"Ka thu hriat hi a dik em?"

Thinrim tak chuan a rawn ti a, ka nuih aza zawk, mittui tling pam chuan ka Nui Lui hak, A monu sial hian alo report leh zat zat tawh Anih hmel.


"Kan mu hahdam phawt ange"

Ka thaw hak a, kal mai ka tum, pen ri ka hriatna lam chu ka hawi a, Stephen a lo ni,

"Engmah Sawi lo in tinge i kal daih"

Kal lam pan pah chuan a rawn ti a, tu zawhna mah hi ka chhang Peih lo.

"Ka tupa a thah hnu ah he inchhungah hian Engtin nge i la awm tir theih"

Stephen a nu thusawi vang chuan ka nghing dawt thei, a hma te khan lo hre tawh tur ka ni sin le, ni e, ka chhuak khawp ang.

"Ka nu Enge maw i Sawi le"

Stephen chuan alo ti that a,

"Erica thattu hi he in a awm reng a tulna awm lo"

Ka Nui hak a,

"Ni e ka nu, Erica ka thah a ni, he inchhungah hian ka awm chak re re lo, i lawm tawh em, in lawm tawh em in vai khan"

Ka ti vin that that a, ka Awki pawh a sang tha khawp mai, ka biang a ri nghal sawk, Chhuatah ka bawk thlawp thei, hmeichhe kutthlak a ni hauh lo, a thip vang vang a, ka biang dawm pah chuan ka hawi chho nghal.


Stephen chu ka en tawp, kut min thlak amaw.....ka rai lai lehnghal in, mittui tling pam chuan ka en ngar ngar a, midang pawh an Ngawi thap, chhiahlawh ho pawh kil khat ah ti dak in an lo ding a,

A hmel chu a rawn danglam leh tawh,


"Bawihi ka...ka tihpalh...ka....ka tum pawh ni lo"


Chhan pawh ka chhang thei lo,inchung lamah chuan ka tlan chho vat a, bathroom ah chuan ka lut nghal.

Nichin ka chunga thil thleng kha ka mitthla ah a rawn lang nghal chuai chuai mai, darthlalang ah chuan ka in en vang vang a, ka mascara inhnawih te chu lo pherh niaI a, ka biangah a luang dum thla ngiai ngiai bawk, tui chu ring takin ka herh haw a, ka tap ta vak vak ringawt.


Tu pawi nge ka Sawi a tinge tiang thil hi ka Chung ah a thlen reng bik mai le, ka paltlang zawng zawng te hi mihring damlai paltlang a tan chuan ana mah mah a ni, Mahse ka tawrh theihloh tur khawpa na Pathian hian min TAWRH tir lo ang tiin ka lo inhnem ve a, Tawrhna vanga malsawmna an tih te hi in hnem nan ka lo hmang ve thin, Mahse LalPa ka thei tawh lo, ka thei tawh hlawl lo, bathtub tlang chu ka vuan ngar ngar a, ka kun ngal bawk.

Rei tak ka in ngaihtuah hnu in bathroom atang chuan ka chhuak ve ta.



Stephen chu alo ding Ngawi reng a, min hmuh veleh min rawn pan vat,

"Bawihi, ka tihapalh, insum tur ka ni sin le, min ngaidam rawh aw"

Ka kut chu a rawn vuan a, Engtin mah ka chhang lo, muangchang chuan ka thawmhnaw awmna lam chu ka pan a, ka Ti shirt var leh jumpsuit eng hak nuam tak chu ka ha a, sneaker var ka bun leh top, ka cardigan ka ngal chen vel a var hlang chu ka ha leh top bawk, luggage chu la chhuakin ka thawmhnaw chu ka khung sap sap a,


"Bawihi Enge maw itih le"


Ka kut chu arawn man a, phih thlak sawk ka tum, a lo man nghet bawk si ka tal sawn maitheih loh vang chuan ka Thinrim hlur tawh, ka mittui a rawn hnam leh nghal tiam tiam a.

"Ka tihpalh, ka tisual a ni, min ngaidam rawh"

Dam thlup chuan a rawn ti a, ka rilru chuan a ngaidam leh nghal vek, mahse ka tlawm tawk tawh viau a ni, mahni induh tawkna ka nei ve a, Inthen ka duh ka hawi kir tawh lo bawk ang.


"Stephen, min thlah teh"


"Aih, Sawi dun ang"

"Engmah Sawi tur ka nei lo, ka chau ania min thlah rawh"

Min thlah duh chuang lo, min enkar reng a, ka mittui pawnlawi lutuk leh ka rilru no lutuk vang hian ka inhua,

"Bawihi Sawi fel ang"


Ka lo tal chat chat a, min man bet hneh bawk si

"Aih.....in then ka duh Stephen"

Ka aw khur Hlak hlak, min vawnna chu a thlah riai riai a.

"Enga.....Inthen maw?....a teuh lo, harsa takin ka nei che sin, awlsam tak chuan ka then dawn teuh lo che"


"He in ah hian ka awm thei tawh lo Stephen, ka chau a ni, ka puakkeh mai dawn in ka in hria, tinge buaina Engkim hi ka chungah abur bun vek a nih thin, ka tuar thei tawh hlawl lo, ka tuar a, ka tlawm tang tang reng a, mahse a tawp khawk ve tawh a ni, ka dawhtheihna hian chintawk a nei ve, engkima mawhphur tu nih reng hi ka thei tawh hlawl lo"

Ring tak chuan ka au khum bian bian a,ka Sawi zo chu ka thaw hlawp hlawp thei,.... Ngawi reng a min en tawp vang chuan ka haw lehzual,

"Bawihi"

Min rawn khawih leh a tum a ka lo inla hrang vat,

"Stephen, i kianga awm tur hian Heng Hrehawm na zawng zawng te hi TAWRH vek kher a ngai em ni?......ka thei tawh lo, ka thi thei mai ang,Angel anga rilru thianghlim ka ni lo, mihring ve tho ka ni a, Ngawi renga dawh tawp thei ka ni bik lo"


Ka tap hawm hawm a, chhuat ah chuan ka thu hnawk, ka awm min hnawh tu awm vang chuan ka dawm vang vang bawk.

"Tharte, reilote tal chu i tuar thei mai lo mi"

Rawn thingthit pah chuan a ti a,


"Hun ka pe hnem tawk tawh che in ka hria, ka chhuak dawn"


Tihpahin ka tho vat, ka luggage chu ka hnuk hrat hrat a, room atang chuan ka chhuak nghal.


Umuani leh Stephen a nu chuan ngei awm zet hian min lo melh a, kawngka lam chu rangtakin ka pansan nghal daih.


_____

Pawn ah chuan ka ding reng a, sana ka en chu dar 1 lai alo ri tawh, Udini te ina kal tur pawn tun ang Zan rei tawh ah Engti Kawng mahin ka kal thei lo hrim hrim.


"Bawihi hawh lut ang a vawt si"

Kawrlum nuam tak chu min rawn hak tir a, ka chhang chuang lo, motor Ruak zawngin ka hawi tawn Zak Zak reng ringawt.


"Tun ang Zan rei tawh ah motor i hmu lo ang, naktuk Khawvar hun ah kan Sawi tha leh dawn nia Bawihi"


Ka dar tawn tawn ah chuan a rawn vuan a, min hruai luh mai a tum.

"Min thlah rawh, he kawngka ah hian Engkim tih tawp tumin ka pen chhuak a, ka lut tawh dawn lo, a tul Anih chuan pawn ah pawh hian ka riak mai ang"


"Bawihi Khawngaihin luhlul tlat lo teh,naute tan tal khan lo lut rawh...aw"

A Sawi dik khawp mai, mahni chauh in ngaihtuah thei ka ni tawh bik si lo, 2 chu ni lo ila ke pawn ka kal bo nal nal tawh ang mawle....thawk ka la hak a.

Mahse ka che eih lo, ka luhlul zia hi inla hre lo Anih kha,ka ti rilru char char a, ka in seh ruh a ka la ding ngar ngar tho.

Ka inrin loh chuan ka taksa chu a kang lawp.

"Min dahthla rawh Stephen"

Ka tal vak vak a, mahse ka tlak palh ka hlau tho bawk si, room lamah chuan min pawm chho a.

Khum ah chuan min nghat chawrh, ka hmai zawn ah chuan a rawn thaw ham ham a,

"Ka tihpalh Bawihi, min ngaidam rawh"

Ka hmai alo za leh mer mer tawh, min rawn fawp ta tawn tawn a, nemsawn ka tum pawn a tang tung bawk si, a awm ah chuan ka chum bawrh bawrh a, engahmah a ngai lo leh nghal, ka haw takzet.

"Stephen ka hua che"

Ka chum bawrh bawrh a, min kuah bet nghal vat, ka tap hawm hawm a, Sawi tur pawh ka hre lo,

"Ka tihpalh takzet Bawihi, a thleng nawn tawh lo ang, ka hmangaih takzet che, i na tuar lai hmuh reng hi Hrehawm ka ti ve lutuk a sin, mahse i tello in ka awm thei si lo a, hlimna ka pe thei lo che hi ka in haw takzet a ni, Zalen tir mai che duh mahila i tello in ka awm thei thlawt lo, ka thi thei mai ang Bawihi"

A thusawi chuan min hneh lutuk, ka inthlah dul riai riai a, a awm zawn ah chuan ka hmai ka phum tawp.

"Khatiang hmun changkang ah khan ka kal ngai lo a, fork leh chemte Hman dan vel pawh ka thiam ve lo"

Tap hliam hliam chuan ka ti a,

"Ka Siam tha leh vek ang, pawi ti re re suh, Bang tawh rawh le, a hma anga kan awm theih nan ka theihtawp ka chhuah ang"

Zawi sup chuan a rawn ti leh a, rin chu ka duh takzet.

________


Khumah chuan min kuah bet renga, ka tlanbo a hlau a ni ngei ang, a muhil hmel chu Uluk takin ka thlir a,
"Bawihte, Daddy mit te, a Hnar te, a hmui te, Engkim hi chhun vek rawh aw"


A hmai vel chu ka Tuai nauh nauh reng a,


Mutchhuak a rawn kal tiam tiam, ka muhil ve nghal.



_____

[STEPHEN PROV]



Ka harh chu khum ka dap ruai a, Thartei awm lo, ka tho phut a..

Bathroom leh kan in hmun hran chu ka enkual vek, Khawi ah mah a awm lo,ka call dawn in switch off a in ti zel bawk si, ka mangang tawh takzet...

Kan room ah chuan beidawng takin ka kir leh a, Khum ah chuan ka thu hnawk.

A dressing table a lehkha var inpharh diai chu rang takin ka la a, thu alo in ziak tlar tiar, ka chhiar nghal vat.



Ka tihpalh aw Stephen, min rawn zawng lo la tha takin i nun hmang tawh ang che aw, ka tuar thei tawh thlawt lo a ni,


Ihmaw duhtak, kan chunga Pathian remruat dan hi ka hrethiam thei lo, mahse, " Engkim kan thatna Turin ro min rel sak thin" , Bible in a tih ang khan, kan Inthen pawh hi kan thatna tur a nih ka beisei a, ka na tawrh zawng zawng ah hian tumah ka dem ngai lo che u, ka tan hian hlimna hi Siam a ni ve lo pawh a ni mahna,... hrethiam lo in pawmthiam harsa ti mahila awmze awm lo ah chuan pawm a ngai miau si a, Nangchu Hmalam panin kal zel la, keichuan ka chunga thil thleng te hi pawmthiam ka lo zir zel anga, Pathian hian ka tan engtikah emaw chuan min la intawn tir leh ngei ka ring tlat a ni, khang hun duhawm tak min hmanpui thin te hriat rengna nen khan hun ka lo hmang tawh zawk ange.


Nanghi khawvela ka mipa tawn hmasak ber ini a, ka hmangaih hmasa ber ini bawk, a hnuhnung ber pawh ini reng ang,


Ka hmangaih che u, Kan fapa Erica nen khan, Kan naute pawh hian a chhun viau che in ka ring.


"Bawihi leh"

Ka kut Khing hnih in ka tukhum ka vuan a, khum ah chuan ka thu hnawk, mipa mah ni ila tun dinhmun ah chuan pa taka awm ava har em, ka mittui rawn luang chu ka hru zauh, thil thlen dan hi a buai nuaih a, ka tan pawn Siam that leh ava har em,

Khawi ah nge a kal ang le aw....Dini bul ah a kal pawh a ni Maithei ni.


Ka coat fual chu la in ka kal chhuak nghal, Dini te in lam chu ka pan nghal a,


______

Pawn ah chuan ka ding reng, tinge ka zam em em nachhan pawh hi ka hre lo e a, doorbell chu ka hmet ri ral ral a,

"Stephen"

Dini chuan zawi sap in a ti a, ka chhang Hman tawh lo, ka lut tlang nghal,

"A muhil a, thawm dim rawh"
Room ah chuan ka va dak dek dek a, Thartei chu tui tih hmel takin alo muhil sak sak mai.


"Inbia ang"
Tihpah in common room lamah chuan a phei a, ka zui ve nghal,
Ka kun ngal a, Engkim a hre tawh awm sia ka inthiam lo a ni,Dini chu a thaw hak a, Sofa ah chuan min kuai thu nghal.


"Nau apai kha Stephen, Duat a mamawh tehreng nen, a hun tawn tawh zawng zawng i hriatpui a, hrethiam a duat tur ini asin"

Dam diai chuan a rawn ti a, ka hmai a abeng ri sawk lo chu ka lo thaw Thaw huai thei.

"Ka tihpalh takzet a ni"

A Ngawi vang vang a,

"Tih ngaihna pawh ka hre lo che u"

"Dini ka thiamloh tih ka hria lawm, Khawngaihin lo haw tir leh hram rawh"

Dini chu a thaw leh hak thin, tih ngaihna a hre bik vak a lo ni ngei ang, hmeichhe tuarchhel leh luhlul tak a ni a, ani pawn a ti Lui thei bik lo a nih hmel.
"Thingpui kan Lum ange"

Tihpah chuan choka lamah a phei daih.


"Udin Tunge lo kal a"

Thartei chu room atang chuan alo chhuak chhat chhat a, a mit leh Hnar vel a sen ram mai a tap a ni ngei ang, insum hram tur ka ni sin le, ka thinchhe leh lutuk hi chu a va han pawi tak, ka in haw ngawih ngawih a ni, min hmuh veleh chuan a ding dat a, a mittui arawn tling leh nghal par bawk.

"Bawihi"

Ka va pan hnai a, room ah chuan a tlan lut leh nghal, ka umzui vat a.


"Stephen Khawngaihin min ti Lui suh"

"Bawihi, min ngaidam hram la, lo haw leh rawh Naute..."

"Stephen, saw in a ka awm aichuan heta ka awm hian ka hahdam zawk"

Alo ti vat a, ni e ka thiamloh hul hual a ni, mahse kan naute hi helai hmuna awm tir ka duh teuh lo.

"Haw rawh, Inthen hlen ka duh, i inti buai thlawn mai mai a ni"

Min hnungchhawn tlat a, a in sut ri hraih hraih bawk,

"Ka thei lo, kha thu Sawi tawh suh, a thleng ngai lo ang"

Ka ha ka sehchilh leh nghal rap rap tawh, ka thinchhiat a zual lutuk hi chu a van Hrehawm tak.


"Haw rawh ka tih chu"

A rawn vin that a, a rawn hawi chu a biang a huh hliam mai, va kuah ka tum chu alo in la hrang vat.
"Awle, hun i mamawh a nih kha, ei chak i neih chuan lo Sawi rawh aw"

Tihpahin ka chhuak nghal.
____


Ka beidawng tur a ni lo,car ah chuan ka thu a, ka maimitchhing vang vang.



[THARTEI PROV]


"Mate, in ngaihtuah tha leh la tha in ka hria"

Udini chuan room rawn luh pah chuan a rawn ti sap a, khum ah chuan min pawt thu nghal,

"Udin ka thei lo, khang ho hma ah khan kut min thlak a sin, ka tlawm tawk tawh a ni"


"Mate, a fapa a chan a, a rilru tawt tur zia ngaihtuah ve la, a mamawh laia nang tal i awm a ngai alawm, a nu lah khati kha a nia, Engti Kawng mahin a hnemdawn der si lo a"

Ka sam a chul hliau hliau pah chuan a rawn ti a, a Sawi dik alawm, mahse ka naupai lai tan tal hi chuan insum ve tur a ni.

"Udin, ka ni te khua ah Zin ka duh a, sumo ticket min lo laksak tache"

Min en tawp, ka rilru ka sawhsawm dawn lo re re, a thaw hak a.

"Mate, i duh tak tak ami, Thingtlang a ni sia, i ei chak zawng tepawh lei mai tur a vang dawn a nia"

"A pawi lo, a awm awm ka ei ve thei mai ang"

Min chhuah san leh nghal, diktak chuan then ka duh lo, ka ngaiin ka thlahlel em em a, a kiangah englai pawh a awm reng ka duh a ni, ka ngai lutuk che Stephen,


Ni lo.....

Ka insum thei lo, pawn ah chuan umzui Turin rang takin ka tlan chhuak a, mahse a car pawh alo awm tawh lo, a na hle Anih dawn hi.

Pawn ah chuan ka thingthi nawk a, ka awm dawmin ka tap leh ta....

______


In thenna lehkha keng chuan Stephen a in kawt ah chuan ka ding reng, ka in seh ruh a, ka zam tur a ni lo re re.

Muangchang chuan ka pen lut hnak hnak a, he in ka chhuahsan dawn a ka nat zia kha.

[FLASH BACK]



Thawmdim tak chuan ka tho zal zal a, pen leh paper ka zawng nghal vat, Stephen a lehkha tur chu ka ziak nghal a, ka ziah lai techuan ka mittui a far fap fap reng.


Bawihte apa thiamloh a awm lo nia aw, ka pum chu ka chul a, ka luggage a thawmhnaw ka dah engmah ka la lak chhuah loh vangin ka la vat a, ka kal chhuak ta hnak hnak a,


Taxi lo tlan chu ka phar nghal vat,

"Ka pu hmanhmawh rawh"


"Khawi lamah nge"

"Upper Republic ah vatin"

Ka ti vin that a, kan tlan chhuak nghal.

_____

Udini ka hmuh veleh chuan ka kuah nghal thlawp ka tap vak vak ringawt,

Ka chanchin zawng zawng chu ka hrilh vek a, a theih ang tawk tawk chuan min hnem ve.

[END OF FLASH BACK]




IN chu a lo reh thiap a, hmanhmawh tak chuan ka tlan chho nghal, room kawngkhar chu alo in hawn deuh vang chuan ka va bihthla dek dek a.



Ni lo, ka thilhmuh vang chuan ka hmui ka hup nghal vat.


Stephen leh Umuani chu duhthaw takin an lo in fawp bawrh bawrh anih chu, Stephen chuan towel chiah a veng a, Umuani chuan mutkawr pan diar ha in Khum a thu Chung chuan an lo in fawp bawrh bawrh a nih chu.


Ka mit sulh thei, ka tha a rawn zawi vek a,
Ka thil hmuh chu a rawn fiah lo ruai ruai mai, a rawn thim nghal mup, ka taksa ri dawt chu ka hriat tawp ber a ni.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 15th, 2018, 6:00 pm

HURRICANE CHAPTER - 12 BY HLUTEI JOCUND PACHUAU


[STEPHEN PROV]



Thartei ka ngaih em vangin zu ka in teuh ringawt a, ka haw chu khum ah ka mu vang vang, Bathroom ah chuan ka inbual nghal vat, Bawihi ka ngai lutuk che, min call eih bawk si lo, ka call ngam chiah bawk si lo.


Ka inbual zo chu, ka khum ah chuan hmeichhe 1 hi alo thu reng,Thartei night dress ka lei sak chu alo ha a, Thartei maw...mahse ka lakah a Thinrim hle sia,

"Tharte"

Zawisap chuan ka ti a,

ka va kuah thut a min lo kuah let ve nghal, a rawn Nui sen sen a, ka la rui bawk nen, Thartei Nui hmel techu a phe ruai mai.


Ka fawp ta tawn tawn a, thil ri rawk ka hriat vang chuan ka hawi phei zawk.


Thartei chu kawngkhar bul ah alo let ngat a, Ni lo....

"Muani"

Ka nem san nghal Dawrh a, henu han zahloh dan hi,a in perh tho at a, ala ding thei zui, hah....alo kal thei reng amaw...

"Nakinah kan Sawi fel ang",

A hma zawn ah chuan ka kawk sawk a, Thartei chu khum ah ka mut a, Muani chu lo ding reng, Ka jogger pants leh t shirt var chu ka in thawlh vat a, nike Air Force chu ka bun leh top, Thartei chu ka pawm lawp a, Muani ka en chu Thartei kawr te alo ha vel,
"Hrep tak chuan " tih pahin ka tlan chhuak nghal,



______


Thartei chu a rawn phun tiah tiah a, min huat thu a Sawi char char bawk, min hmu vek awm si a, Zawngi vang vek kha, ka ruih lai remchangah alo la ni maw...Bawihi chu ka va en leh a, a biang alo huh hliam bawk, Ka va han tina hnem tawh tak em, ka in haw takzet a ni.


______



HOSPITAL

Hospital ka thleng chu an lo buaipui nghal sap sap a.


"Doctor ka nupui leh naute hi an tha tiraw"


"Ka Sawi thei mai lo Pu Stephen, i nupui hi thisen a nei lo bawk si a"


A chek tlak tlak a,a kal leh nghal vut.


Huihaaa...Muani kha alo kal thei reng amaw, henu hi alo rapthlak takzet a ni, tinge maw tun ang ah te zu ka lo in le.

Banch ah chuan ka thu thla nawk , ka kun ngal a, ka tukhum ka dawm vang vang bawk.




____

[THARTEI PROV]



Ka tui a hal lutuk, ka tawngchhuak thei bawk si lo,ka awmna hi, hawikual chu Damdawiin Anih hi...

Nichin thil thleng kha ka ngaihtuah let a, ka mittui a rawn hnam leh tiam tiam tawh, Stephen chu a rawn lut a,min rawn pan nghal vat, ka haw takzet, a hmel te hian ka luak ati chhuak ngawih ngawih ka theih tawp a Sawi sak hrep ka duh a ni, Amah chu ka en reng, engmah ka ti thei bawk si lo, ka inseh ruh tang tang ringawt.



Ka naute, ni lo, ka naute, tawngchhuah ka tum, ka thaw kawk kawk a, Stephen chuan ka kut a rawn dawm vat,

"Bawihi, kan naute chu tha e, thisen i neih loh lutuk vang ania khatia i awm"

Ka sam chu a rawn chul a, ka lo hawisawn vat, ka ten lutuk, ka tap a, ka thinlung zawng zawngin, mahse ka tap chhuak thei bawk si lo.


"Bawihi, ka tihpalh takzet a ni, Muani kha Nangmah amaw ka tih vang ania, bakah ka lo in hnem bawk nen, Bawihi thiam thusawi ngaihna pawh ka hre lo"


A thaw hak a, hnuailam a melh ngar ngar,ka Khawngaih takzet, Stephen tianga a awm hi, a sam ah chuan ka va Tuai zauh, a rawn hawi chhuak vat, aNui hak a, a biangsum alang kak mai.


Ka maimitchhing leh vang vang , a kianga awm reng hi ka duh alawm, mahse ka hlau tawh a ni, He thlichhia hian min kiansan ngai dawn si lo.

"Stephen"


Zawi sap chuan ka ti a, ka tawngpawh a ring thei lo,

"Aw Enge Bawihi"


Ka kut chu arawn vuan vat,

"Tui"


Hmanhmawh takin no ah chuan tu chu a thli chhuak a, ka dawt nghal khawlh khawlh thei, ka harh hawk alawm.

"Stephen"

"Aw Bawihi"

"Pizza ka ei duh a"

A Nui chhuak hak a,

"Awle, ka va lei Lawk ange"

Ka chal ah chuan a rawn fawp zauh a, a kal chhuak nghal.


Umuani chu rang takin ka call a.

Ka ni te khua ah Engti kawngzawng pawn ka kal tur a ni,


Venflon chu ka phawi pawp a,a thi chu lapua in ka bel hnan hmak, kal mai ka tum, ka luhai bawk si,corridor ah chuan bang dawm chungin ka kal phei a, ka tlu takngial dawn.

"I tha em ka pi"

Enga...ka pi a...a hmel chu ka en vat, a mitmeng Lian val kal chuan min lo en kar.

Doctor a ni ngei ang, ala Nui sang zui, a hmel chu duhawm tak a ni, a sam chu a dum hlap a, a buk chhap mai,Vai a ang zawk mah, a mit Meng val riai techu hmuh anuam takzet.

"Ka pi, Khawngaihin kir leh rawh"

Ka harh chhuak thut, ni lo...Stephen lo let hma in ka kal vat angai,

" bathroom ah ka kal angai, Enge min dan ve ngawt a"

Ka vin that, mak tih hmel deuh chuan min en reng a,min thlahh riai riai, rang tak chuan ka tlan chhuak nghal.


________

Udini chuan car pakhat atang chuan a kut alo vei lauh lauh a, ka va tlan lut ve nghal, a seat hnungah chuan ka thu lut vat, ka thaw huai mai.

"Mate, kal lo mai la tha ka van ti em"


"Ni lo e Udin, hei aia na leh Hrehawm pawh hi ka paltlang tawh lawm, tun ami te hi chu a ho lutuk, Stephen a hmel ka hmuh chuan ka ngaidam zel dawn si a, a kianga ka awmin natna hrang hrangin min tlak buak leh dawn sa, Hla taka ka kal bo hi tha zawk"


Ka Nui Lui sak a, Udini pawh arawn Nui ve nghal, ka luhlul zia a hria a min tih luih a tum lem lo a ni mahna.

"A reng reng ah hei hi tu car nge"

"Ka thawhpui,.... Sialsuk thleng chu kan rawn thlah ang che, ka thawhpui pa ni mahse khaw khat chhuak kan nia, kan tetlaiin kan inkawm thin"



"Enge maw awm Chiang"

"Ngawi mai teh"


Ehe...Udini hi alai vel male,a hmai te lah chu a sen tan tan leh nghal, tu tak chu niang maw.



Stephen car chu hmanhmawh taka rawn tlan ka hmu thut, ka kun nghal vat.

"Hepa rei zia hi"

Udini chu a phun hlak a, Stephen khan min zawng ngei ang, ka taksa chu a khur leh nghal ringawt tawh,

"Ka rawn tlai a, ka tihpahlh"

Ni lo....chu aw chuu, nichina ka tlu tur min dawm tupa kha a ni Chiang lutuk, ka hawi chhuak ngam tawh bawk si lo.

"Dini, i nau chu min hmelhriat tir ve la"

Ala ti ta deuh deuh ka ti,
A seat hnung ah chuan ka la kun reng,

"Mate, hei hi, Druhin subba Ania, a piantirh atangin sialsuk khua ah kan awm ho a, Dru iti mai dawn nia"

Enga...Vaipa maw, ka sam chu ka ti thla chhum a, ka kut ka va lek chhuak ringawt,

"Lalnunthari ka nia, Tharte min ti mai rawh"

Nui hak Chung chuan min rawn chibai ringawt, vai Anih vang Aniang a hmeltha bawn top, piantirh atanga mizorama awm na na na chu mizo tawng a pai eih lo.

"Kal ang u le"

Tihpah chuan a tlan chhuak nghal a, Aizawl khawchhung kan chhuahsawn chiah chu ka thaw hawk thei.Mangtha u...ka nu, Stephen, Eric...

______

Motor a kan tlan lai techuan ka sam kar atangin ka va melh leh kar thin, Udini nen an damlo chungchang eng Engemaw an Sawi a, a awm zia pawh ka hrethiam chiah lo, motor hma a darthlalang atang chuan min rawn melh leh zauh thin, Keichu ka lo kun leh vat zel, a Nui leh hak thin.


Stephen min ti hrechhuak ziah leh nghal, Hrep taka....


Udini nen chuan an inhmeh takzet,

_______


Huiz...ka pum a rawn in pump leh ut ut tawh, motor ruih ziah hi chu hahthlak a ni,

"Ding teh"

Ka au tuar, kawngka chu ka hawng rawk rawk, ka tlan chhuak nghal a, ka va luak bawrh bawrh,

"Mate, i tha em"

Udini chuan ka chal ah arawn dawm vat a, ka chau hnawk thei, Hmuifang tourist thlen hma hret ah chuan ka bun nghek ringawt,


"Motor a rui thin alaw, ka tlan chak mah mah a ni maw"

Dru chuan a rawn ti lang lang a, a rawn kal ve vat,t shirt dum plain leh, Jogger pants grey thianghlim zet aha a, Denim jacket nen, convers var rawngsang a bun bawk, ava in hmeh Chiang tak,

"Aw, naupai lai a ni bawk sia"

Udini chuan alo ti vat a, ka hawi chho chiah, mak tih hmel deuhin min en nghal.

"Ehe...hospital ami kha ani Chiang"

Min rawn kawk va a, Udini nen chuan kan in en a,kan Nui lui hak ringawt,

"Thawnthu sei tak a ni, Nakin ah ka hrilh fiah ang che"

Udini chuan alo ti a, a Nui hak ringawt, a mitmeng val riai techu a inhmeh ngawih ngawih, Ni lo...pangai rawh... pangai rawh, ka lu ka thing nawk nawk.

"In Ril a tam tawh em? saw lai Lawk ah sawn Restaurant a awm a, ka chawl dawn nia"

Tihpah chuan min kai tho a, Stephen ka van ngai tak em, car ah chuan ka maimitchhing vang vang, Duhtak ka ngai lutuk che, ka mittui a rawn luang leh tawh, ka in sut ri hraih hraih reng a, Udini leh Dru a pawn tih ngaihna vak an hre lo Aniang, an Ngawi kar reng ringawt,ka pum chu ka chul heuh heuh reng a.

"Mate, a tha leh vek ang lungngai lo la"

Udini chu a rawn hawi phei a, ka lu buk nghauh pah chuan ka Nui Lui sak ringawt.

______

Restaurant ah chuan kan thu a, ka riltam lutuk hi ka chil te rial mai dawn, ka rilru chu Hmundang daih ah a awm, Udini leh Dru chu an ti ti leh mial mial tawh,Keichu Sawi tur pawh ka hre ve lo.



Ei tur rawn thleng veleh chuan ka ei nghal mawlh mawlh, avan tui tak em...tiang ka ei lohna hi rei tawh, Stephen kha chuan vantlang restaurant a chawlh hi a phal ngai miah lo, mahse Keichu Thingtlang mi ka ni a, nuam ka ti daih thung.

"Mate, Bathroom ah ka va kal Lawk, lo in kawm ru"

Tihpah in Udini chu a chhuak daih, Dru nen chauh chuan kan awm ta, Sawi tur avang ngei mai, tawng tlem mi ka ni bawk si a.


Restaurant a thawk hmeichhia te lah chuan Dru chu thla an lo lak sap sap a, ka Nui hak.


Hotel ka thawh laia Stephen rawn chawlh hmasak ber kha ka ngaihtuah Chuak, ka mittui a rawn far leh fap tawh.

"En teh Tharte, eng buaina chiah nge i tawh chu ka hre lo na a, lungngai suh, tawngtai la Pathian hnen ah thlen rawh, tih theihloh a nei hleinem"


A thusawi vang chuan mak ti takin ka en tawp, a awm zia chu Dru hi Kristian a ni maw,

"Udini nen hian in inkawpna rei tawh em"


Kan thusawi chu ka thlak vat, a Nui hak a, a ha uingho zum vah mai chu a rawn lang leh tawh, avan chhelo Chiang tak, ni lo Enge maw ka ngaihtuah ziah hi le.....


"Kan inkawp hleinem, thian chauh lawm kan nih"


Ka lo ner khum naang a, ni e, an inkar ah Engemaw chu awm se Udini hian min hrilh em em ang, Mahse Udini hi chuan Engemaw feelings chu a nei Chiang alawm, Dru hi chuan duh ang pawn a awm lo,

"Kum Engzat nge inih"

A Nui leh hak tawh,

"Kum 24, tinge?"

"Ngati mah"

Ka ti ta ringawt, kei aiin kum 1 chauhin a upa male, zirlai thiam thei tak Aniang, tun ang kuma Doctor nih theih chu.


"Mate, Stephena'n min rawn call reng a"

Udini chuan kan bul a rawn thut pah chuan a rawn ti a,

"Chhang suh"

Ka lo ti vat, Dru chuan hriatthiam loh hmel deuhin min en tawn Zak Zak ringawt.

______


Car chuan kan tlan leh vung vung tawh, Stephen khan min zawng nasa awm si a, ka lo awm loh a ahrilh hai hmel tur mawlh kha ka mitthla ah a cham, ka insum zo lo, ka tap chhuak hawk a, Car chu a ding dat.

"Mate i tha em"

"Ngati nge a Tharte"

Min ngaihtuah hmel tak chuan min rawn endun a, chhan pawh ka chhang thei lo, Car atang chuan ka chhuak nghal, Chak takin ka tlan a, kawngsir rem laiah chuan ka thingthi hnawk, Stephen ka ngai lutuk che, hnahthel ro tla niai chu ka tham ngar ngar a, ka tap hawm hawm bawk, Huat ka duh a ka thei bawk si lo, hetiang em em hian ka hmangaih ang tih ka inring pha lo reng reng.


"A tha vek dawn lawm"


Udini chuan min kuah a, ka hnungah chuan a beng thak thak bawk, Dru pawh kan bulah chuan alo ding ve reng,


"Udin ka naute hi Engtin nge niang, mahni maia paltlang chu a harsa takzet a ni"


Tap hawm hawm Chung chuan ka ti a, ani pawh a insut ve hraih hraih bawk.


Motor min tlan pel tute chuan min en duh hlawm ngei mai.

Reitak kan thut hnu chuan Dru chuan a aw arawn thian kharh, kan hawi phei rual that a.


"Kan kal tawh dawn mi niang"


Dru chuan dam thlup hian arawn ti a, Udini chuan min rawn enkar, ka lo bu nghauh thung.


_____

Car ah chuan kan tlan leh vut vut tawh, a seat hnung ah chuan thatchhe zet in ka thu a, mutchhuak a rawn kal tiam tiam, ka muhil ve nghal.





[STEPHEN PROV]


Bawihi khawnge maw i kal le, ka khum ah chuan ka mu vang vang a, Dini pawh vawi 50 chuang ka call tawh, Thartei pawh chuti tho, massage ka thawn thul, tumah lah chuan min chhang thei bawk si lo, Ka fapa ka hmangaih em em in min kalsan a, ka nupui ka hmangaih em em in ka kianga awm hlauin min kalbo san bawk, ka mittui chu ka hru zauh, thawk ka la hak a, beidawng thei ka ni lo, hetia ka chauh chhiat mai chuan Ka fa lo piang tur leh Thartei tan a tha lo ang, Ka in seh ruh a, ka leather jacket chu la in Muangchangin room atang chuan ka chhuak a, ka hawi kual vel, he in Lian tak pawh hi a reh thiap mai, Step a Thartei leh Erica in um kual vel lai te chu ka mitthla ah a rawn lang a, an hlim Nui ri ka bengah a cham reng bawk.


Lawkin...ni lo....


Erica kha he step ah hian a tlu sual thei lo, nitin Zantin a tlan chhuk chho a, Thartei a um vang ringawt a, a tluksual hi ka ring thei lo, room ah chuan let lehin khum ah chuan ka khabe dawm meuhin ka ngaihtuah let a.


Bawiha a chetsual lai khan Thartei pawn ah a awm a, Muani leh Erica chiah an awm, chuan Muani kha a kal thei bawk.


Hrep tak chuan,....

Muani room lam chu ka pan nghal vat, room kawngka chu ka hawng ri thuai a, khum ah chuan alo mu zawn zawn leh nghal, Engemaw tal hriat a neih ka ring tlat, min rawn pan hnai vat a, ka Thinrim sosang lutuk hi ka thaw chham mai dawn, ka kawchhung te hi asa up up thei.


A kawr awm ah chuan thamin bangah ka nawr bet chawrh a,


"Stephen Engemaw itih le min tina nia"


A aw khur hlak hlak a, a mittui a tling kiau bawk.


"Erica kha engvanga thi nge a nih"


Ka awrawl a ring tha ngei mai, mak tih hmel deuh chuan min en ha a,

"Thartei a um na lamah a...."


"Dawt Sawi tawh suh"


Ka au tuar a, a phu zawk, he nu vang hian Thartei'n min kalsan phah a, dim hi ka tum lo hrim hrim.


"Aw....kei Amah hringtunu ka awm reng laia Khanu apan zawk vang Anih kha, kal suh, umzui suh, ka tia, ka pawt let a, kan in pawh buai na lamah a Lum thla palh a nih kha, Stephen, a tuartu ka ni ve tho asin, Engkim hi i thiamloh vek a nih hi i hria em, ka rilru Tina in Khanu bula awm kha i duh a, i fapa nen, Keima hrin ngei ka fapa in Nute min ti hi ka lawm bik i ring em"


A Awki asang ngei mai, a tap hlim hliam a, ni e, tuma thiamloh a ni lo, a tira Engkim tisual tuchu keimah vek ka ni, ka fapa pawh kha Keima thah a ni, muangchang chuan ka thlah riai riai a, a van beidawn thlak tak em.


Muani chuan a thin zawn dawmin a thaw hawk hawk a,Keichu inla pa thei pawh ka ni lo, ka mittui rawn luang veleh tawh,


"Stephen bul tan tha ang, Thartei pawh a awm tawh lo"


"Ngawi rawh, Ngawi hmak ang che, ka chhuak Lawk dawn a, ka lo let leh hun ah he in a i hmel ka la hmu fo Anih chuan ka that nghal ang che"


"Stephen"


Min vin that a, a fapa a thah hnu ah inchhirna leh tawrhna ka hmu miah lo hian min tina zual.


"Zahna chang i hria te nih chuan chhuak ang che"


Tihpahin ka tlan chhuak nghal, car chu chak takin ka khalh chhuak a, Dini te in lam ka pan vat.

___________


Tumah an awm lo, beidawng tak chuan ka inkhalh chhuak a, Pan tur ber pawh ka hre lo, Company ah kalin hna ka va thawk nghek ringawt.

_______


3 MONTHS LATER





Thla 3 lai aLiam ta, ka company pawh a changtlung chho viau a, hlim tur ka ni, mahse ka hlim thei si lo, Thartei ka ngai em em a, Zan tin ka call a ka tex bawk, Chhanna ka dawng ngai lo, Muani pawh a chhuak tawh a, alo kir tawh lo, Keichu ka nu leh pa te bul ah ka awm rih a, Tlangval tha leh maiin ka in ngai, Nula tam tak min beisei tu an awm nak nak reng thin, Mahse a hma ang kha ka ni tawh lo, Thartei leh ka fa lo piang tur chauh ka rilru ah a awm a, ka zawng reng thin.

Zawn ngaihna pawh ka hre lo, zantin Dini in Kawt ah ka ding ziah a, Dini pawh a bo hmak.



"Bawiha vawiin chu Falkawn hospital ah in check-up turin min va hruai ta che"

Ka pa chuan arawn ti ban chat chat a, falkawna kal saw ka phur thlawt lo sin le.

"Awle, mahse ka pa tinge Falkawn ah kher"

"Ka doctor rawn thin ber kha, An lo transfer daih alawm le, i ei zawh tawh chuan kal nghal ang u hmiang"


A ti a, ka nu nen chuan kan kuah chhuak nghal, ka pa hi a upa ve tawh a, Bp sang leh zunthlum a nei bawk si, A nerve ala tha lo zui, thlatin in check-up a ngai ziah thin.


_______


Hospital Kawt ah chuan car chhungah ka lo nghak mai a, car steering chu vawn pahin Hla ka ngaithla mai mai, Mipui in sul pel zut zut ka thlir vel mai mai a.

Ni lo, ka thil hmuh hi....

Thartei a ni Chiang lutuk, ka phuzawk thei, ka mitvai emaw tiin ka mitte ka nuai a,Thartei chu hospital canteen dihmlim laiah chuan alo ding reng, kawrfual dum par a ngal chen vel chu aha a, a dul chu alo puar ve deuh al tawh, hospital Kawt ah chuan alo ding kun lap reng a, a kut a sik leh nauh nauh tawh,

ka Nui sak a, ka hlim zia hi, A thau deuh tarh bawk si a, a hrisel tha hle Anih dawn hi, I damtha chu ka van lawm em.



Ni lo, Tunge a bul a mipa saw,ka Nui tawp Chiang ngei mai, mipa doctor form ha chuan ice cream alo pe a, Thartei chuan tui tih hmel deuhin alo ei mial mial bawk, an in en a, an Nui leh var var thin, ka Thinrim leh nghal tun tawh, tu phiangsen nge maw Anih le, car steering chu ka chum pawp a, horn a ri tuar, midang ho chu an rawn hawi thap a, Thartei pawh a rawn hawi ve nghal, min hmu chu a mengphawk ngang mai, a hmui chu a rawn phun sap a, ka hming alam ngei tih ka Chiang, a tlu mai dawn, a bula Doctor chuan alo vuan nghal vat, a mittui a rawn parawl leh kiang tawh, keilah chu engmah ka Sawi thei lo,


Ka thaw huam huam a, car atang chuan ka chhuak vat, kawngkhar chu ka khar ri chawrh, Thartei chu alo phu deuh zawk, ka va pan hnai a, a ban ah chuan ka va man chat,alo tang deuh tang mai, a fal a biak ka duh vangin kalsawn pui mai ka tum chu alo tal chat chat a,

"Stephen duhtawk teh"


Tap par chuan a ti a, a bul a mipa chuan ka darah rawn vuanin min lo dang vat, he mihring hi ka haw lutuk.


"Thianpa insum teh ennawm chhuah i tum ami"

A thusawi vang chuan ka Nui hak, hepa hi engvanga rawn inrawlh ve ngawt nge Anih ka hre lo,

"Lo in rawlh suh"


Ka nemsawn a, a Nui hak a, min rawn dang leh nghal,

"Thartei hi ka thian a ni a, ka hmuh lai chuan i duh duh in iti kawi hauh lo ang"


Ka insum zo lo, ka Hnek thal thuai a, leiah chuan a thal nghal thuai, Thartei chu a au that a,

"Dru ana em"

Tihpah chuan a kaitho nghal, mittui tling kiau chungchuan a rawn hawi chho a,


"Duhtawk rawh, engchen nge ila kal zel dawn, kan Inthen tawh, mi nun ah in rawlh tawh"

Tap chungchuan a rawn ti a, ka na takzet ka mittui rawn parawl ve nghal,

"A tha e, min hmangaih tawh lo ami, min tlanbo san reng thei chuang lo ang, i pum chhunga awm mek nen khan ka ta inih kha..."


Kan rawl a ring dun khawp mai, Damdawiin pawna awm ho chuan min enthup tawh, a then in phone in thla an lo la char char bawk,

"Stephen a tawk tawh lutuk,i ta nih ka duh lo, i duh duh a kawih pharkual reng nih hi ka kham tawh, kal bo rawh, ka hmuh phak lo ah kal rawh..."

A tawngkam vang chuan ka beidawng rum rum thei, ka hmai chu ka Tuai puat a, bang chu ka pet chawrh a, ka Hnek dawt dawt bawk.

Doctor pa bula thu tung at chungchuan a hmai alo hup ngat ngat a,

"Tharte, hawh kal ang"

Chupa chuan a kai tho a, an kal mai dawn ni lo, ka chan thei lo....


"Bawihi kal suh"


A kawr hnungah chuan ka va tham a, ka pawt vak, a thler hawk, a bra lang vek thei, a in hup tat a,a tap chhuak hak.


"Ka hua che, tenawm pa, Engthil nge i tih tak"

Ka awm ah chuan min rawn nem chat chat a, a tap par bawk, a aw chu a chhuak chang chang chauh,Doctor pa chuan a jacket in a rawn khuh nghal vat.


"Enteh Stephen nupa in ni a, MaHSE ka in rawlh loh na tur ah min inrawlh tir tawh suh"


Tihpah in min Hnek thal thuai, lei ah chuan ka let tawp thei, ka hmui chu a rawn thip vang vang a, a al pep bawk.


"Dru Engemaw i tih le"


"Ka tihpalh Tharte, ti lo thei lo dinhmunah min Siam a ni"


Ka hmui thi ser ser chu a scarf chuan a rawn hru vat, a tap par reng bawk, ka Khawngaih takzet a ni.
A kut chu ka lo man chat a,

"Bawihi, lo haw rawh"

Min rawn enkar a, Enge a ngaihtuah pawh ka hrethiam chiah lo,

"Ni lo, duhtawk tawh rawh, lo kir tumna ka nei lo"


Tihpah in a tho vut a, car pakhat ah chuan chuangin a tlan nghal daih, khapa kha a awm tawh miah lo, khapa motor kha a ni ngei ngei ang.



[THARTEI PROV]

Dru a pawh ka zah paih tawh lo, ka hmai chu hupin ka theih tawpin ka tap nghal hawm hawm, Stephen awmdan ka ngaihtuah a ka na takzet a ni, khatianga tawngkhum lo tur kha ka ni sin le, a hmel a cherin a dawldang em em a, chaw a ei tha lo a ni ngei ang,


"A tha leh vek ang Tharte"


Dam thlup chuan a rawn ti a, Dru a pawh keimahvangin buaina ah a in hnam hnawih phah ka inthiam lo takzet, mahse tinge maw min puih reng mai la, tinge min ngaihsak em em hi ka hre lo.

"Dru keimah vanga khatia i awm kha pawi ka ti"


"A pawi lo, i pasalin a tih dan che kha ka enliam thei thlawt lo a"


Inthlahrun hmel tak chuan a rawn ti a, khang thla 3 chhung khan min pui char char a ni mai, Amah vang hian ka Nui leh thei chauh, ani chu awm lo se ka mal viau ang, ka tan vantirhkoh ang maiin ka buaina te min chinfel saka, ka ei chak zawng te Engkim min leisak thin, engvanga min ngaihsak em em nge Anih ka hre lo thung.


"Dru"

"Ummm"


"Tinge min ngaihsak em em a"

A Nui hak a,

"A chhan chu Thartei hi buaina hian a kalsan ve ngai loh vang ania, a pasal a hmangaih em em na te hi ka ngaisangin ka chhuang a, a kianga awm a hlim taka Siam reng hi ka duh a ni"


Mak ti tak chuan ka en tawp, ka chil ka lem khalh a, tui chu la in zah Zel ah ka in vel ta ringawt.

"Dru Nanghi min ngaizawng ami"


"Aw ti ta ila"

Ka tuiin lai ka phuh thawt, avan mawl teh tawp tawp tak,


"Fiamthu lo mai teh"

A ban bul ah chuan ka va beng taih taih a, ala Nui duh thak lo zui, car chu a ti ding dat a, thutak hmel zet hian min rawn en.


"I la hre reng em? Kha Zan kha, ini te an awm lo a, Riahpui tur che a ka lo kal khan, zanlai dar 11 vel ah in inneih zungbun i hmuh zawh loh vanga i tah hliam hliam kha, khatah chiah khan a vawi khat nan Thartei tap hian ka thinlung a hneh takzet a ni, hmeichhe tap ka hmuh tawh ah chuan i tap khan min la khawih ber, i tap ka hmuh khan ka buai a, ka thinlung hi chhun ang maiin ana ve a ni, tahkhan ka duh che tih ka hre chhuak"


A thaw hak a, ni lo, min duh tur a ni lo, ka tawp tir angai, ka kut ka sik leh nau nauh tawh.


"Mahse pasal nei lai ka ni a, ka pasal fa pawh ka pai mek a sin"


"Ka hria,....... ka hria lawm, i pasal chu hmangaih rawh, i fa pawh, min duh let ve kher Turin ka phut lo che, keichuan i kianga awm a i na Tawrh te chhawk zangkhai ka duh mai a ni"


Ka mittui rawn tla leh nghal ngawt tawh, min duh tur a ni lo sin, Engtin nge ka tih tawp ang LalPa min pui rawh.

"Dru Khawngaihin"

Zawi sap chuan ka ti a, tih ngaihna pawh ka hre lo.


"Tharte, ka thinlung thunun tur khawpin ka puitling ve tawk alawm, pasal nei lai ini tih ka hria, mahse ka duh che, a pawi ka ti."

Sawi tur pawh ka hre lo, pawn lam chu thlirin thing kan pel zut zut chu ka thlir tawp.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)