DON'T LEAVE ME BY Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: DON'T LEAVE ME BY Hlutei Jocund Pachuau (Completed)

Unread post by Ngaia » December 23rd, 2018, 1:35 pm

Don't leave me
chapter-13
by
Hlutei Jocund Pachuau






"Nangni hi in tang rual vek anih hi"

Awki sâng tak chuan a ti a, a pên chhuak nghâl hlawk hlawk bawk, a kal chiah chu Taehyung nên chuan kan in en a, Ka thaw hawk thei, Ka thiâmloh a ni a, khatiangah kha chuan ngawih a dawh tawp mai loh chu tih theih dang ka nei lo.

"Suga Hyung a pawtthler lui tak tak ami?"

Namjoon chuan a ti a, Suga chu alo bu nghauh, Ka biang thîp lâi chu ka dawm vang vang a, "Ehee..Na Bi i hmai chu a sen anih kha"

Jhope chuan arawn ti a, ka lo hup nghâl vat, Taehyung chuan ka kut chu arawn la sawn a, Ka biang sen lâi ah chuan a rawn dawm vang vang a,Ka lo nui lui sak, Ka mittui chu a rawn far fap a, a hru nghâl bawk.

"Hey...Hey duhtawk ru"

Jin chuan a ti a, Kan nui dûn hak, "Taehyung leh"

Suga chuan a ti sup a, a chek tlak tlak bawk, Taehyung chu laih hmêl zet alo nui sun sun ringawt.

"Shelly kal tawh ila"

Jack chuan no zet hian a rawn ti leh a, "Shelly a ni lo" Taehyung chuan alo ti vat, ka lo nui sak a.

"Engpawh chu nise, Naktuk atangin shootting kan tan tawh dâwn a, kan hmanhmawh angâi"

Taehyung chuan hmui ti pawrh zauh chuan a dâr a sân âk a, Jack nên chuan kan in zui chhuak nghâl a.


_________


An kawr hâk tûr vêl kan en fel zawh hnu chuan inchungah ka kal daih, Boruak thiang tak chu ka hîp lût vang vang a, Thlasik Boruak a rawn in tan deuh tawh,
"Hey...Lee Na Bi"

Ka hawi lêt vat, Ninawm Bang Woo je anih saw...Heipa ka hne zia hi chu, enge maw mi hi a zar buai sek zêl le?

"Chaw chhûn min ei pui la"

Zângkhai zet hian arawn ti a, Ka lu ka lo thing ringawt, "Rilru hahna te i neih chuan ka bul ah hian sawi rawh"

"Enga?...Engvâng in maw?"

"I thian nih ka duh a"

A rawn nui sak a, a hmêl that reuh zia chu, mahse min hîp lo a khawi lâi mah hian, Taehyunga tluka hmanngaih leh Vei hi ka neih pawh ka in ring lo, Ka mumangah thleng ka hmu thin a nia, A unaunu min tih dân hi sawi vek ka châk rum rum zâwk, mahse ka insûm thei hrâm.

"Ka lawm e Department head"

"Chaw chhûn chû"

"Awle"

Ban chat chuan ka ti a, Ka zui ve nghâl mai bawk a.

_______


Bighit Company ep chiah a Chinese Restaurant changkâng tak ah chuan min luh pui a, ka hawi kual nasa ngêi mai.

Dâwr chhûng an chei dân zawng zawng te nên chuan a changkâng vêl vek a ni mai.

"Enge i ei duh"

"Aaa...engpawh a ni mai"

Midang Changkang tak tak an châwl si a, ka incheina a ho lam angreng bawk si, nuam ka ti chiah lo, Zêp lo chuan.


"Tinge hetah kher hian kan kal a"

Ka ti ru sâ sâ a, alo nui vur vur a.

"Chinese chaw hi ka ei châk a, tinge?"

"Engmah ni lo e"


Tihpah chuan ka thu tha leh sat sat, Ei tûr chu dawhkân khat hian an rawn chhawp a, Mengbial kâwk pah chuan Ka melh zawk a, A lo bu nghauh.

"I duh apiang kha ei tawp rawh"

Dam thlup hian ati a, Ka mit la deuh zâwng chu ka ei nghâl mawp mawp, Tui ka tih chî vek a nih hi le, Avan nuam thin tak.

__________


Ka ei hnem lutuk chu ka thu hahdam vang vang a, Ka pum te hi a lian vekin ka hria.

"I têt reuh tehrêng nên i pumpui chu lian phiân".


Nui suk chuan a ti a, ka zak angreng khawp mai, mahse a tui êm a ni,


"Kan lêt leh tawh dâwn ami? Hna ka ngah lutuk a"


Inthlahrung deuh chuan ka ti a, Ani pawn alo pawm ve mai, A hnungah chuan ka zui chhuak leh hnâ hnâ a, Ngati nge maw mipa Ho hi an pên hlâwk thei bîk em em le?, Tlân hlîr lo chuan ka kal rual pui ve thei thlâwt lo.


__________


Company kan lût chiah chu hmanhmawh deuh ka pên sawn nghâl daih a, Hniâl ahar thin bawk si, mi inthlahrung mî ka nih vâng hian mi hnial hi ka hreh thei lutuk a.

Stylist room ah chuan ka lût ru zâl zâl a, Tumah an lo awm lo hlauh, Jack a nên a kan kawr thlan chu Naktûk ah shootting na a ken mai awlsam tûrin ka pack mawlh mawlh a.


Vawiin chu ka hma thei, Ka hna ka zo ta, ka nui sak a,

Ka hawi lêt chiah chu Taehyung alo ding reng chu niin, Ka phu chiang ngêi mai, Ka thil pawm lâi chu ka thlauh têp zâwk,

"Min ti phû lawm"

Vîn that chuan ka ti a, a hmêl tak deuh rûn vâng chuan ka ngaih atha chiah lo, Khawdang a hawisawn lo a, min en ngar ngar ringawt.

"Enge thleng a"

Zâwisapa tih pah chuan ka va pan hnâi a,

"Department head nên khân khawnge in kal"

Vawt raih hian a rawn ti a, Ka lo phu zawk thei, engtin nge? min lo hmuh theih zâwk le?

"Sawi rawh"

Inseh ruh deuh tûn hian a rawn ti a, A awm dân hian min ti hlau takzet, enge maw a hriat le?

"Chaw...Chaw chhûn ei turin min sâwm a"


Bah niai chuan ka ti a, rum tak chuan min la melh reng tho,

"Chuan"

"Chuan kan ei dûn a"


Zawisap chuan ka ti a, Chaw chhûn kan ei dûn a enge maw pawi vak le?

"Chaw chhûn chu ka ei thei lo ami?"

"Khapa kha ka ngaina lo".

"Ka hre ve tho"

"Na Bi Bang woo jee hi hnaih suh khawngaihin"

"Tae nang hian enge i hriat a, Hna thawk dûn kan ni a chaw kan ei chhuak chu a pawina ka hre lo"

A thaw hak a, A hmui hnuailam chu a pet ngar ngar, A awm dân chu mittui tling pam chuan ka lo en kar a,

"Ka tihpalh, Ka thinrim thut a"


A rawn ti leh sup a, Thaw hak pah chuan ka mittui tling chu ka khap lêt fak a.A chhuak leh nghâl nal nal,

Dressing table hmâ ah chuan ka thu rân a, ka phone ri chu ka en vat, Taehyung tho alo ni.

"Hello"

"Nichin vâng khân ka tihpalh aw, ka châu deuh a, ka thinrim thut vâng anih kha"

A rawn ti nuah nuah a, a aw atang chuan a pângai leh tawh tih ka hre thei,

"Min ring tâwk lo anih kha"

Tap âw lek lek chuan ka ti a, Ka mittui rawn far leh fap chu ka hru zauh, Tûnlai hi engvânga tahbelh riau nge ka nih pawh ka hre lo e a,

"Ka tihpalh, Lo va haw la, Ei tûr tui tâwk lo siam rawh aw"

Dam thlup chuan a ti a, Ka nui leh sak, Hepa hi chuan a duh duh hian min ti kual thei anih hi, Kan inbiak zawh hnu chuan hmanhmawh takin ka haw a.



Bazaar ah te kal kual in chawhmeh ka siam thiam tûr ang ang chu ka lei a, ka hlim ngêi mai vawiin chu,


In ka thleng chu ka in thlâk a, kekawr hâk nuam tak tûr chu ka hâ a, T shirt lian lam chu ka ha leh tawp.

Rawng chu ka thiam ang ang chuan ka bâwl ve sat sat a, Tun ah tak hi chuan ka pasal hnathawk lo hâw tûr nghâk ang mai ka ni.

___________



Thâwm rî ka hriat vâng chuan ka harh zawk, thutthlengah ka lo muhîl reng anih hi, Blanket ka lo sin reng tawh, ka hawikual a tumah ka hmu bawk sî lo, Thâwm ri ka hriat vâng chuan ka nui suk.

Taehyung chu Sam huh hlap hian towel arawn bât chhuak a, Kawrlum bântluan dum leh kekawr dum lian lam aha tawp "I lo thlen lâi ka hre miah lo"

Zâwisap chuan ka ti a,nui suk pah chuan arawn thu thla vê nghâl.


"Ka lo thlenna ala rei lo, Thil ei tawh ila ka ril a tâm lutuk a"

Ti nâng nâng pah chuan a pum vhu a dawm a, ka nui suk, choka lam chu ngâwireng chuan ka pan a, Ka rawngbâwl sâ pawh alo dâi deuh tawh, ka tilum nghâl vat a, Sana ka en chu dâr 10 alo ri tép tawh, ka ril atâm tih pawh ka lo hre lo reng reng.


Ka hnunglam atang hian taksa lum thar thar hian min kuah a, alo nui nghâl suk, Ft 5'3 hmeichhia leh ft 5'10⅔ mipa chu in sân hleih ve tak kan ni.

"Kal teh min ti buai ania"

"Ka ngâi che lawm"

Inla pangchang deuh hian arawn ti a, ka lo nui hak, Tae Tae hi chu a duhawm thlâwt ka bialpa ni lo mahse ka âtchilh tho ang.


Chaw ei ka siam lâi chuan ka hnungah min zui dat dat reng a, ka nui suk suk ringawt.

________

Dawhkân ah chuan kan thu dûn a, ka thilsiam a ei lâi chu uluk tak chuan ka en reng, "Enge an?"

"A tui lutuk"

A nui suk a, a tui aniang a ei mial mial a, Ka ril kha atâm in ka hre sia, ka ei leh châk tawh miah lo, ka chaw chu ka thai ka thai ringawt.

"Ei ve la"

"Ka ril pawh tâm leh tawh lo"

"Timaw?"

"Ka siam anih vâng aniang, ka ei tui lo"

A nui suk a, a ei leh mial mial, A pumpui hi chu a lian ve ngawt mai.

__________

Khumah chuan kan mu dûn a, pawi tihna pawh ka nei lo, a bul a awm hi ka thlahlel em em ringawt, zan in hi enge ka hriat pawh ka hre lo.

A kut chu a dah hlê hlê thei lo, ka lo nui hak hak a,

"Na Bi"

"Mmm"

"Ka chhûng te ka hmêlhriattîr duh che a"


"Enga?"

Khum atang tho vat pah chuan mak ti tak chuan ka en reng, enge maw a sawi hi le? a chhung te hmuh chu ka châk rual rualin ka zak bawk si, ka thaw hak a, alo nui suk a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:35 pm

DON'T LEAVE ME
CHAPTER-14
BY
HLUTEI JOCUND PACHUAU





NAKTUK ZÂN ATANG CHUAN KAN BUAI TAN TAWH ANG😂😂😂



"Ka uang anih kha, Mu ang"

"Awle, naktuk shooting anih kha, muhil ang"


Tihpah chuan ka inkhuh nghâl vat a, Ka châu deuh aniang ka lo muhîl nghâl vat.

_______

3 MONTHS AGO



Thla thum(3) lâi alo liam leh ta, Bts ho music video pawh a hit hlê a, An thawmhnaw hâk ka thlan sak techu an fak hlawm hlê, Midang pawn min duhsak ve hlê bawk, Khawvêl pumpui a dêng chhuak a ni ber mai,


"Na Bi tûkthuan rawn ei la".
Unnie chuan ati lâng lâng a, mut kham lo zet chuan ka tho taih taih a, tinge? tûnlai hi mut ka kham theih miah loh le? ka chau thei bawk êm a ni, Bathroom ah chuan ka inti fâi mawlh mawlh a,Ka zo ka chhuak chu a vawt deuh sûk tawh, Dressing table hmâ ah chuan ka thu tûm bûr reng ringawt, "Na Bi kan tlâi ange?"

"Aw ka hman a ni mai, Ninawm"

Phun hlak hlak pah chuan ka insiam nghâl a, coat fual senduk ka khup thleng chu ka ha a, kekawr dum ka ha a, a hnuai ah kawrlum phiar dum chu ka ha leh top, lukhum lum dum chu ka khum a, make-up pawh ka hmang vak peih lo.



Ka chhuak chu unnie chu alo che sat sat a, "Unnie ka ril a tâm lo kal nghâl mai ang"


Tihpah chuan ka chhuak chhat chhat a,Car a ka lût chiah chu ka thu hnawk thei,Unnie chuan min rawn zui lût ve nghâl a, Car ah chuan ka thu tûm hmuk reng ringawt, tûnlai ka mood fu lo reng hi hrehawm.

"Tinge tûnlai hi i dâng bawk si, i thinchhe bawk si, Hna thawk hah ve vak tawh suh"

Ka bula rawn thu lût pah chuan dam diai hian a ti a, ka hmui ka lo ti pawrh vak ringawt.


"Kal ang"

Ka ti a, Kan tlân chhuak veleh nghâl mai a,


___________


Stylist Room ka lût chiah chu an lo awm kim leh thap tawh,Dance practise na room te awm ve mai awm, Kan room ah kher hian an thu reng zêl, "Na Bi shi, Zan in chu suit nalh tak ka ha duh nia"
Jungkook chuan alo ti vat a, zan in ah enge suit hâk na chhan tûr a awm le?, enge awmzia pawh ka hre lo.

"Suit hâkna chhan tûr a awm a mi?"

"Zan in techu Bang PD Nim birthday alawm, Nimin ah pawh kan sawi vek tawh khâ"


Mak tih hmêl tak chuan a ti a, Ni dâwn tak, ka haihawt a chhuak leh tawh, huihaa....Van âtthlâk thei tak.

"E, Tihpalh ka lo theihnghilh a, Jack a design sa ka lo en ang"


"Na Bi keichu taksa fit lam ka ha duh ania"
Jin chuan a ti a,

"Na Bi keichu Nalh deuh"

"Keichu Na Bi thâwl lam ka duh"

An rawn ti luai luai a, Min hual thup bawk, chhân ngaihna pawh ka hre lo, Naupang chhia ang chiah, Huihaaa...Avan mak mawlh mawlh tak êm.

"Awle a tha e, ka en dâwn, Ka duh duh ka thlang ang"



Vîn that aTihpah chuan thawmhnaw dahna room chu ka pan nghâl a, Suit jack-a design ho chu ka en kual dan dan a, Ka hnunglam atang chuan tu emaw hian min rawn kuah thut, Ka phu chiang lutuk..

"Ka ngai lutuk che"

tihpah in Taehyung chuan Ka bengah chuan arawn fâwp zauh a, Ka lungphu rang ala reh thei lo, hepa mâwl zia hi.

"Min thlah teh"

Tihpah in a kut ah chuan ka beng taih a, alo râk that, mak tih hmêl deuh chuan min en reng a,min enreng tih chu ka hre reng, ka hai der lui tlat a, ka thil tih lâi chu ka tih zawm mial mial a,


"i thin a rim ami?"

Zâwi sup hian arawn ti a, ka chhâng peih lo, min rawnkuah thut vâng khân ka la thinrim reng tho,

"Na Bi"

"Rim lo"

Tihpah in suit chu ka teh mawlh mawlh a, ngâwi reng chuan alo dawh ve mai bawk a,

"Ka tihpalh ka rawn kuah thut che vâng khân"

Zuai raih hian a rawn ti a, ka nui suk, "A pawi lo, tûnlai chu ka thinchhiat a zual a"

"I hah lutuk anih kha"

Tihpah chuan ka sam chu a rawn tuai zauh a, ka melh zauh, alo nui sak a, ka nuih lêt ve nghâl.

Âw thian kharh ri ka hriat vâng chuan kawngkhâr lam chu ka hawi vat, Namjoon (Rm) chu alo ding reng a, kan nui hak.

"Hyung enge a?"

"Ka hâk tûr ka rawn en ve dâwn"

Awlsam zet hian a ti a, Duhdân hran vek an nei a, an khirh hlawm si, ka lu an ti hai takzet.

"Tae hei hi analh"

Tihpah chuan Gucci Kamis leh suit pawl duk chu ka pe a,

"Awle, Pi ber"

Ka lo nui hak a, Ka Mood fuh loh em em lâi pawn Taehyung chuan min ti nui reng thei tho.

"Hyung ka kal aw"


Tihpah chuan Namjoon chu a bye bye zauh a,a suit hâk tur pawm tân chuan a chhuak nghâl daih, Namjoon nên chauh chuan min chhuahsawn nghâl daih a, Kan pahnih(2) chauh leh nghâl in Taehyung hi chuan Namjoon hi chu a ring ve ngawt mai, a rilru a thianghlim takzet.

"Hei hi i in hmeh ang"

Tihpah in Suit dum a rûk a tial deuh chu ka'n teh chhin a, a size pawh alo tâwk chiah.

"Ka duh lutuk analh hlê mai"

Biangsum lang seih chuan a nui sak a, ka lo nuih ve nghâl.

"Na Bi, Tinge? tunlai hi iva chêr ve"

A rawn ti chhuak hlawl a, Mak ti tak chuan ka en tawp,

"Thil ka ei that loh vâng aniang"

Tihpahin za lo zet chuan ka nui sak a, "Ei tha tawh rawh, I hna ang hi chu hrisel angâi ania"

Dam thlup chuan a ti a, ka lo nui sak, Tinge maw min ngaihtuah thar em em le?

"Min ngaihtuah vângin ka lawm e"

Zawisap chuan ka ti a, nui suk pah chuan a kal chhuak nghâl daih, midang ho hâk tûr chu ka thlang mawlh mawlh a.

___________
"Na Bi, practise na a kan hâk tûr kha alo thleng tawh nia"


Namjoon chuan a rawn ti lâng lâng a, nui suk pah chuan ka chhuak nghâl, Keima thlan ngêi a ni, Halloween Version in gogo hla dance practise an nei dâwn a, Snow white costume ka thlang nalh.

"Na Bi shi, snow white i kawr hi tu in nge ha dâwn?"

Jungkook chuan a rawn a rawn keng lang vâ a, Ka nui suk, Suga (Yong gi) hi a vun analh ber a ani hian hâ se tha ang.

"Yong gi hian ha se"

"Enga? kei maw? a teuh lo mai"

A lo ti nghâl vat, Midang pawh chuan an duh lo vek, Engtin nge maw ka tih tâk ang le, Dance practise na room ah chuan staff dang te nen chuan kan in zui lût dam dam a, BTS ho chu snow white kawr ha tûr ah ringawt chuan an lo buai char char.

"Rock, papper ti mai ang u"

Namjoon chuan a ti a, midang pawh chuan an lo pawm thlap.

Namjoon leh jhope chu an chak ta, midang chuan an ti leh, jungkook pawh a rawn chak veleh a, Suga pawh arawn chak veleh nghâl, Jin leh taehyung chauh an ni tawh, Jin chu a rawn chak veleh ta, Taehyung chu a tûm deuh bûr a, a hâk ngêi chu a ngâi ta.


_________


Snow white i kawr ka hâk tîr chiah chu ka insûm thei lo, ka nuih char char, Ka nui lâi chu hmêl tak deuh rûn hian min en tawp, tûnlai chu keimah ang tho in a thinrim hma em em reng ringawt.


" i nalh lutuk"

Tihpah chuan ka kut zungpui chu ka ti pir vâ a, A nui duh dêr lo, Zâwi deuh chuan Coca cola ama thlalâk chuanna chu a in khalh khalh reng ringawt, Ka nuih aza bawk si, ka nui tha ngam chiah bawk si lo, Midang ho pawn mitê ho kawr hâk ang chu an ha ve sap sap hlawm a, Make-up an in bel lâi chuan ka lo en kual dan dan ringawt,


Dawhkân a apple 1 sen tâi hlar mai an dah thât chuan ka mit ala ngêi mai, Ka va pan hnâi a,vawi 1 chu ka ei hman hrâm.


"Apple kha rawn la ru le"

Manager chuan a rawn ti lâng lâng a, ka eilâi hi ni ngêi ngêi ang.

"Na Bi ilo ei daih alaw"

Sora Make-up artist vetho chuan min rawn en kar a, za lo zet chuan ka nui hak, Manager chu thaw hak pah hian a chal a dawm hnawk a.

"A pawi lo ei rawh, adang ala awm alawm"

Tihpahin Unnie chuan adang chu a rawn phawrh leh a, Taehyung chuan a rawn la nghâl vat, Min nuih suk a, a hmâ ai kha chuan a hmêl hmuh a nuam veleh deuh tawh.



_____

An lâm chiah chu Midang chuan Taehyung chu an nuih deuh suk suk reng a, an Nui tha ngam chiah bawk si lo, Jimin phei chuan anuih nasa zual, Ar bawp khel mial mial pah chuan an lâm lâi chu ka lo en reng, Taehyung chuan engpawh ha se a hmeltha reng a nih hi,

________



"Na Bi khawnge ka suit tûr chu"


Jungkook chuan a rawn ti a, midang pawh chuan min rawn dîl ve nghâl sup sup a, Ka lo pe diat diat a, An duhthusâm anih thû chu an sawi sap sap hlawm a, Lâwm thu min hrilh mawlh mawlh bawk, keipawh ka hlim ve hlê .


"Na Bi engtin nge i inchei dâwn, Theme in ang vek thlang ang u"

Sora i chuan phûr zet hian arawn ti a,

"Ka kal lo ang keichu"

Chuai raih chuan ka ti a, diktak chuan hetiang party tih vêl a kal hi ka phûr ve thlâwt lo,
"Engvâng in maw?"

A tih lâi chuan Unnie alo lût ve chiah.

"Soo yun unnie Na Bi hi party na ah kal a tum lo nia"

A ti nâng nâng a, Taehyung chu ka va melh zeuh, Zawhna nei mit meng chuan min rawn en a.


"Na Bi kal ve rawh, kawr nalh deuh hâk te i châk ve lo mi"


Unnie chuan a rawn ti a, Unnie lah hi, Tiang lama kal hi nuam hi ti thei bîk sia.


"Nia Na Bi kal rawh"


Jin chuan a rawn ti a, midang pawh chuan Min nawr luih vek vâng chuan ka aw veleh ringawt.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:35 pm

DON'T LEAVE ME
CHAPTER-15
BY
HLUTEI JOCUND PACHUAU







"Eng kawr nge i hâk dâwn sawi vat rawh"


Sora chuan alo ti hlak hlak a, Ka lo nui hak,
"Ka hre lo"

"Awle, Kawr rawng in ang vek ha ang u, Design in ang lo vekin"

Phûr zet chuan a ti a, midang ho pawn an lo thlâwp hlawm ngêi mai, an bengchheng bawk si ka ning ve têp, an thusawi lâi chuan ka lo nui lui ve suk suk ringawt.


_________


An chhuak chiah chu a reh huai mai, BTS ho pawn an lo ning ve ngang aniang an thaw huai thei,
"Shelly hei hi i inhmeh ngawt ang"

Jack chuan kawrsen lâr vât cute zet hi min rawn pe a, "I inhmeh ngawt ang"


Taehyung chuan alo ti sup a, Amah chu ka en vat , ka nuih suk a, Midang pawh chuan ka inhmeh an ring vek.

"Mahse Jack hetiang techu ka ha thei dâwn ami? A to awm sia"

"I hmelthat man anih kha, I thian ka nia ka tih tûr alawm"


A ti siam siam a, Ka hlim lutuk chu Jack chu ka va kuah thlawp, a thau angreng bawk sia kuah a nuam ngêi mai.

"Awihaa..min thlah teh, ka kawr i ti chuar dâwn"

A ti hlak hlak a, ka la kuah lui tâlh tho, Midang ho chuan min lo nuih dar dar hlawm a, Unnie chy phone rîk vâng chuan achhuak daih, Jacka'n a kawr min pêk chu ka inteh chhin vêl a, midang chuan min lo nuih suk suk ringawt.

"Na Bi chu hmeichhe Naupang ang mai a ni"

Jimin chuan nui sen sen hian arawn ti a, amah en pah chuan ka nui suk, Unnie pawh a rawn lût veleh nghâl.

"Na Bi, Keichu ka kal thei lo, Alo haw dâwn a"

"Enga? Unnie i tello techuan ka kal duh lo"

"Kal rawh, An in a lêng tûrin min sâwm bawk sia"


"Ehe..So yun Noona pasal neih i tum hnâi ami"

Jimin chuan mak tih hmêl deuh chuan a rawn ti a, unnie chu kan en thap, alo nui suk suk ringawt.

"Aih, in hmêlhriattirna chauh alawm"

Laih hmêl zet chuan ati a, ka thinrim têp Unnie hian pasal min neih san a tum ani maw? tinge engmah min hrilh duh loh le?.


"A theihloh, Unnie Pasal neih ka phal lo"

Ka lo ti hlak hlak a, midang ho chuan min lo nuih dar dar ringawt, Unnie tello in engtin nge maw ka awm theih ang le?

Unnie tello a awm tûra ka in ngaihtuah ringawt pawn ka tap lo chauh, engtin nge a tello in ka awm theih ang,

_____________

"I la lungawi lo reng ami?"

Dressing table hmâ a ka thut reng lâi chuan ka hnungah min rawn kuah pah a,Kan in chu ka'n en kual vêl a, Ka ngui bûr reng mai, zan in party pawh ka phûr thlâwt lo,

"Unnie pasal i neih daih chuan engtin nge ka awm anga?"

"A teuh lo, In hmêlhriattîrna ka nei chauh dâwn alawm, chutianga inneih mai kan la tum teuh lo"


Alo ti vat a, tlêmin ka pângâi leh tan deuh,

"Ka lo chei ang che"


Tihpah in ka hmâ ah chuan a rawn thu a,
"i thiam ve tak tak dâwn amawn le?"
Zâwi sap chuan ka ti a, alo nui suk ringawt.

"Mai mitchhîng rawh le"

A tih ang ang chuan ka awm tawp, Ka hmâi ah chuan eng engemaw a hnawih a, Make-up ka hmang lutuk loh vângin ka hre tlêm hlê, rei fê chu a hnawih ta, ka ning lek lek tawh.

"Ka zo e, meng tawh rawh"

A tih vêleh chuan ka meng a,awiii!!!...Ka hmêl adang vek thei, make-up tak lutuk lo mahse a tâwk chiah a, Ka lang changkâng sawt in ka hria,

"Unnie i van thiam, ka lawm lutuk e"

Tihpah chuan ka kuah vang vang a,

"I kawr nalh zet chu ha ta che"

Tihpah chuan ka kawr sen lâr vât mai, Jacka min pêk chu min rawn pe a, phûr tak chuan ka inthlâk nghâl, a bân half ani a, A arh deuh târh bawk, ka mal chen thleng vêl a ni a, A simple in a nalh ve reuh hlê,

"I nalh lutuk ringawt, Kha hei hi bun rawh"


Tihpahin pheikhawk pencil heel chu min pe a, ka bun chiah chu ka confi nghâl zân mai, bengbeh simple zet chu ka beh a, Ka sam hmâwr chu ka ti kâwi a, ka thlah mâwl tawp bawk.

"I lipstick rawng nên khân a in mil tawp"

Kan nui har har a, Door bell chu a rawn ri nghâl, Unnie kal theih loh vângin Jack leh Sora i te rual chuan ka kal ve dâwn ta ringawt a, Sora chu hmeichhe fel tak ni mahse duh aiin a thawveng mah mah thin.


"An lo thleng tawh a nia, lo in peih rawh"


Tihpah in Unnie chu a chhuak nghâl a, Ka coat dum fual ka khup tleng vêl chu ka hâ a, Dârthlalanga ka in en pawn zan in zet chu ka lungawi hliah hliah a ni ber mai.


"Wow Na Bi i nalh bîk e"


Ka chhuak chiah chu Sora chuan alo ti nâng nâng a, Jack nên pawh chuan an nalh dûn hlê,

"Nang ni hi lâwm nalh chu"

"Kal ang u kan tlâi dâwn"

Jack chuan Arawn ti hlâi hlâi a, "Anih Unnie ka kal aw"

"Awle, Nuam deuhin va hmang ru"

A ti a, Car nalh zet ah chuan ka lût ve râwih a, Jack a car ani tih hai rual a ni lo, Jack leh Sora chu an ti ti mawlh mawlh keichu ka ngâwi reng in a seat hnungah ka thu thung, Taehyunga'n min lo call loh vângin amah ringawt ka ngaihtuah leh tawh, Ka thinrim lek lek zâwk, Mahse ka hriatthiam a ngâi a ni, A buai thei bawk si a.


"Na Bi enge i ngaihtuah reng a, chhuak ang u kan thleng tawh ania"

Sora chuan min rawn sâwi dat dat a, Ka harh chhuak zawk, ka suangtuahna ah ka lo chêng leh hman tawh anih hi.


Kan chhuak chiah chu Reporters ho chuan thlâ an lo la de chuai chuai a, A êng zawk zawk bawk si, ka lo maimitchhîng sawk sawk a,Ka sling bag chuan ka in khuh ringawt, Sora leh Jack an buai phah eih lo chu mak ka ti zâwk, An hnungah chuan ka ûm dat dat a,



In chhûng kan lût chiah chu a ropui tih piah lam a ni, Stage pângai ve tak, Carpet sen veka phah a awm a, Dawhkân bial puan vâr a khuh leh thutthleng enge maw zah chu an rem bawk, Stage ah Chuan Bang PD Nim te chhûngkua chu an lo thu thâm a, Bang Cheo Rin pawh analh takzet,ka incheina nên tehkhin chuan a man pawh a in to hleih viaû ang, Bang Woo Jee phei chu a lang tha leh zual, Rose pâr sen bâwr laih chu a khât mawi tâwk chuan an dah zeuh zêl bawk a,Midang kal ve ho chu an lo in be mawlh mawlh a, an incheina atang chuan mi hausa tak vek an ni tih a hriat, Jack a design kawr ha an awm ve nual bawk,milâr pawh hmuh tûr an awm zeuh zeuh mai, BTS ho pawh ka suit thlan sak ha ngêi chuan an lo ding thâm hlawm a, An in hmeh hlawm hlê, Taehyung phei chu mi zawng zawng mit fûkna ber a ni mai âwm mange.

"Na Bi shii ka hai dâwn che lawm"

Jimin chuan min rawn pan vat pah chuan a ti a, ka lo nui suk, Min hai mahse a âwm tho, nidang nen a tehkhin chuan mi hran hlak ang ka ni.

Ka nalh thû chu an sawi sap sap hlawm a, nuâm ka ti ve leh tan tawh, Taehyung chu ka va melh zauh a, Inchhuan hmêl tak hian alo nui vur vur ringawt.

"Taehyung mit fin zia hi tikhân in hrethiam chiah em?"

.In ti thei tak chuan a ti a, midang chuan an lo nuih dar dar a,

"I zâm lo emai aw"

Jhope chuan a ti a, kan lo nui hak, thu ho deuh deuh sawi pah chuan kan nui dar dar reng hlawm a,


"Ka mi zawn chu ka hmu ta e"


Kan ngâwi thap a, Hmeichhe âw a ni, chu nu awmna lam chu kan hawi thap hlawm a, SNSD ami Tiffany young chu Gown pawdal tle deuh neuh neuh sexy zet hâ chuan alo ding reng a, Taehyung chuan a thil in lâi chu ahak that a, a khuh nghâl barh barh tinge tiang hian a awm le?

"Ilo tha maw?"

Tihpah chuan Rapmonster chuan alo chibai nghâl a, midang pawh chuan an chibai sap sap hlawm a, Taehyung awm dân chu a dik chiah lo, Hlauhthâwn hmêl deuh si, tu emaw vênthâwn deuh nei ang hian a awm zek zek a, ka hrethiam chiah lo a awm dân hi,
"Ka zawng nasa che sin Tae"

Aw no zet hian arawn ti a, Ka lo sa nghâl phat, Ka juice inna no chu ka lo hmer ngat ngat ringawt, Eng engemaw sawi pah chuan chunu chuan a si deuh cheih cheih a, Ka lo na ngawih ngawih a ni mai, Taehyung chuan min rawn melh leh zauh thin, A rawn hawi veleh chuan ngaihsak loh hmêl zet hian ka lo awm leh nghâl vat a,an awm dân sâwn ka mit an ti kham takzet,

"Tawhsâwn va thû ang u, Tûmah hmêlhriat ka nei vak sî lo a"

In ti no zet hian a ti a, Keichu thut ve ka tum teuh lo,





______

Dawhkân bial ah chuan Kei, Sora, Jack , Jin jimin, Rapmonster kan thu a, Suga, jungkook leh jhope leh Taehyung chu Tiffany te nên chuan kan thutna hmâ chiah ah chuan an thu ve bawk.
"An la in ngaizâwng amawn le?"

Sora chuan a rawn ti sap a, a sawi zâwi hlê na a, ka hre chiang kher mai.
"An in ngâizawng thin ami?"

Mak ti tak chuan Sora chu ka en a,

"Mmm...Taehyung hian a tleirâwl lâi atang tawh in a star thei lutuk a, Reilotê kha chu an in ngâizawng ve hman, Mahse Taehyung hi a buai thei si a, Saw nu lah sâwn a zar cheng zêl bawk si a, ngaihzâwng dang te a neih san in ka hria, An in then hlen ta amaw ka tia, mahse an la inkawp reng tho anih saw, Taehyung lah saw, saw nu tih ang ang sâwn a awm tawp zêl a"


A thusâwi lâi chuan an inbe lâi chu ka en pah reng a, Ka thin ah hian min hnawh ut ut in ka hria, ka mittui chu a rawn tling nghâl pam a, Mahse ti tlák tîr mai chu ka tum lo nasa mai, mahse ka thin zâwn a min hnawh vâng chuan ka awm a nuam thei lo, Bang PD Nim chuan an chhûngkua in hmêlhriattîrna te a nei hlawm a, thusawi pawh pakhat mah ka ngâithla thei lo, Ka na vek ni ber hian ka hria, ka taksa tehi arawn na ut ut a, ka khua te hi rawn sik mai dâwn in ka hria,Wine rim te chuan ka pum te hi a rawn pump ut ut a, Ka thaw leh hak thin,

"I tha em Na Bi?"

Jin chuan min ngaihtuah hmêl zet hian arawn ti a, Ka thutpui te hi pawh chuan min rawn en thap, Taehyung chu ka melh zawk a, Ka lam pawh arawn hawi tawh lo, A nui sâng reng ringawt, A nui hmêl ringawt pawh hmu a dam huai thin kha Tuna a nui hmêl sâwn min tina takzet a ni.

Ka mittui chu a rawn far fap a, tawng pawh ka tawng chhuak thei lo, ka bu nghauh ringawt, Ka tawng chuan ka tap dâwn zêl bawk si, Ka thîk lutuk hi ka kawchhûng tehi aso mup mup in ka hria.

Sora chuan ka chal chu a rawn khawih a, A phu zawk thei.

"Awi Na Bi hi a khuasik a sâng lutuk"

Hlauhthâwn hmêl zet chuan arawn ti a, ka tha tih takngial pawh ka sawi thei lo,

Namjoon leh Jin leh jimin chuan min rawn pan hnâi vat a, Hlauhthâwn hmêl tak chuan min rawn en hâ hlawm a, ka mittui chu a tling pam reng ringawt, a tlâk mai loh nân ka inseh ruh ve tang tang a, Taehyung lah chuan min ngaihsak tawh dêr lo.


Wine rim chu an rawn nam hak hlawm a, ka pum a rawn in pump nghâl, ka luak mai dâwn in ka hria, ka hmui chu hupin ka uak that a, Phâwk tak chuan min en nghâl, Hmanhmawh takin bathroom lam chu ka pan vat a.
_____


Bathroom ka thleng chu ka uak vak vak ringawt,luak tur a lawi pawh ka nei chuang lo, Ka luak chhuak a reh chu bathroom ah chuan ka thu hnawk a, Ka chau vek thei, Taehyung leh Khanu awmdân techu ka ngaihtuah a, Ka thinzâwn chu dawm vang vang pah chuan ka maimitchhîng siar siar a, Ka mittui chu a rawn luang thla nghâl zawih zawih thei, ka hmui chu hupin ka tap khûr ngar ngar ringawt, Kei aiin lo ngaihsakin lo care deuh mahse Ka hrethiam tûr a ni, A hmeichhe duh hmasak ber a ni miau a, Keia lo thîk ve ngawt theih pawh va ni suh, mahse ka na vawng vawng tho si, Thâwk leh khat ah bathroom chu a rawn thim thut, ka tap lâi pawh ka tâwp hmak a, Ka ding nghâl chat, a thim mup bawksî a, chêt ngaihna pawh ka hre lo, toilet awmna tang chuan ka chhuak zâl zâl a, Pên ri khap khap ri ka hriat vâng chuan ka ding chat, Thlahrâng ani thei angem? ni lo, Lee Na Bi chutiang a awm ngâi lo, Ka din ngâi chuan ka ding reng a, ka hlauh êm vâng chuan ka lo khûr dat dat, Bathroom pumpui kawngka in khâr ri rak vâng chuan ka phu zawk a, ..

"Tunge inih"

Aw khûr dat dar chuan ka ti a, pên rî chu a rawn hnâi tial tial a, ka bulah chuan a tâwp chat, Ka lo maimitchhîng sawk a, thâwk leh khatah Ka ban tawn tawn chu arawn hmerin bangah chuan min nem bet chawrh a, mipa ani tih ka hre nghâl mai, ka tal chat chat a, ka kawr bân chu a apawthlla hlawk, ka kawr fual chu hlîm chho in Ka panty chhan ah chuan ka hmeichhiatna chu a rawn tuai nawk nawk a, ka hlau lutuk hi ka mumang ni mai hian ka hria.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:37 pm

Don't leave me
Chapter-16
by
Hlutei Jocund Pachuau




"Tunge i nih a, Khawngaihin min pui rû"

Aw khûr dar dar chuan ka âu a, ka taksa a khûr deuh dar dar bawk, ka lo sual lêt ve ngar ngar a,
"Na Bi i tha em?"

Jack a âw a ni, chupa chuan a hlau deuh aniang, kawngka chu a ri nghâl dawp dawp a, "Jack min pui rawh"

Ka tap âw deuh chuan ka ti a, a tlânchhe nghâl vat, tukverh ri rawk chu ka hre thei, current pawh chu a rawn êng zawm leh nghâl a, Bang nghêng chuan ka thu hnawk ringawt, reilo tê ah kawngka pawh chu a rawn in hawng thuai a, Jack leh Sora chuan hmanhmawh takin min rawn pan nghâl, Ka khawhmuh te hi a fiah lo vek, ka mittui tling pam kâr atang chuan an hmêl chu ka hmu fiah lo ruai ruai a, min biak pawh chu ka hre mumal thei lo,min kâi tho vat a, Namjoon chuan a coat chuan min rawn khuh nghâl vat, Sora leh Jack chuan min kuah a, Kal pah chuan ka hawi deuh a, Taehyung hmêl rêng ka hmu lo, chu chuan min tina zual, Ka mittui chu a luang ngiai ngiai reng a, Hru hul tûr pawn chakna ka nei lo.

Taehyung tih loh BTS member ho chuan min zui dam dam a, Midang ho pawn min en duh ngêi mai, Namjoon coat chuan ka hmâi chu ka khuh tlat a, Thlâ te an lo lâ in ka hria, Tae khawnge i awm le? ka mamawh che sin, Ka rilru chuan ka ti mawlh mawlh a, Car dahna Kan thlen meuh chuan a reh ta thuap mai, Tûmân min zar buai tawh lo pawh ani mahna.

Namjoon coat chu ka pe a, Ka kawr tet lâi chu ka hup deuh chaih chaih bawk.

"La ha rih rawh"

Zawisup chuan a ti a, Ngâwi reng chuan ka la lêt ringawt."Saw Taehyung chu"

Jungkook a kawhna lam chu hawi ka tum lâi tak chuan Suga chu ka hmâ ah a rawn ding vat, Enge maw a hriat le?

"Kalsawn teh"

Tihpah chuan ka lo nemsawn nghâl vat a,

Ni lo ka thil hmuh hi, Ka taksa te chu a rawn zawi nghâl vek thei, ka tlu mai tûr chu tu emaw hian min lo dawm vat, Ka hawi lêt chu Jin alo ni, Mittui tling pam chuan Jin a hmêl chu ka en tawp, Min khawngaihna mit meng hlîr hian min en a,ka mittui chu a rawn luang ngiai ngiai a, Min en reng bawk, ka tawng chhuak thei bawk sî lo, Taehyunga leh Tiffany in fâwp lâi chu ka en leh, Ka thin zâwn na lutuk ka tap ri hak a, Midang chuan min rawn buaipui ve nghâl,Jin chuan min kuai her nghâl vat a,a âwm ah chuan ka hmâi chu ka phûm tawp, Taehyung hian min lo bum reng a ni maw?, Ni lo enge maw chhan tha tak a awm ang,

Ka taksa chu a rawn zawi nghâl vek a, Thâwk leh khat ah a rawn thim mup ringawt.


TAEHYUNG PROV



Âu that rî ka hriat vâng chuan ka harh chhuak zawk,Tiffany chu ka nemsawn dâwrh a,alo râk nghâl that bawk, Ka hawikual chu Jin Hyung in Na Bi lo pawm lâi chu ka va hmu a, Rang tak chuan ka tlân phei nghâl.


"Enge thil awmzia?"


Ka ti nghâl vat a, Na Bi kawr tet deuh hniang chu ka hmu tel nghâl bawk, A make-up te chu a pherh deuh phang a, A tap ani tih hai rual a ni lo.

"I thiamloh a nih hi"

Jin hyung chuan Car a luh pah chuan thinrim deuh hian a ti a, car ah chuan a lût nghâl daih, Jin hyung (Ka sawi tawh ang khân Hyung tih hi korean Mipa in an u mipa te an û ve na a ni) Meuh khati taka a thinrim hmêl kha ka vawi 1 hmuh na a ni, Midang pawh chuan ngâwi reng in car ah chuan min luh sawn sap sap a,

"Taehyung"

Tiffany chuan min âu reng, chhâng lo chuan keipawh ka lût ve nghâl vat a,
"So yun unnie ka lo va hrilh vat a nge"

Sora chuan a ti a, Ani pawh chu car chuan a tlân chhuak ve nghâl.

Jack bulah chuan Na Bi chu a thu mu deuh a,
"Hyung khawngaih takin enge thleng min hrilh teh u"


Jin Hyung chu a tûm hmak a, en pawh min en lo, Suga hyung pawh a ngâwi reng a,
"Na Bi hi bathroom a a luh lâi khân tu emaw in a ti buai a, pawngsual a tum deuh aniang, Chuan kan rawn chhuah khân Tiffany nên khân a hmu dûn cheu â"

Jhope hyung chuan a rawn ti a, A van pawi tak êm Na Bi lehhh....Ka thiamloh vek a ni,ka chal chu ka dawm vang vang a, sawi mai tur pawh ka hre lo, ka bialnu pawh ngaihsak lo in khanu ringawt kha ka lo ngaihtuah a.

"Na Bi"

Zâwisapa tih pah chuan a kut chu ka vuan a, A make-up pher phang leh a a kawr tet deuh hniang ka hmuh chuan ka na takzet, Kim Taehyung i hmeichhe hmangaih pawh i vênghim zo lo chu nia,hetianga lo ti tu hi tutak niang maw? Phuba ka lâk loh chuan amak viau ang, A khawih pawi hman angem le? Hlauhthâwn rûk deuhna hlîr chuan ka khat a.

"Tinge khanu kha i fawh a"

Jungkook chuan a rawn ti chhuak hlawl a, ka thaw hak,

"Ka inhnem min thlah rawh a tia, a car awmna thleng kha ka zui a, chuan ka inrin loh lâi in min rawn fâwp thut a"

"Hey... Thiana pawi lo, Na Bi i hmangaih zia chu kan hre vek alawm, A ngaidam em em ang che"

Jimin chuan ka hnunga rawn bêng thak thak pah chuan dam diai hian a ti a,

"Ka beisei"

Zâwi sup chuan ka ti ringawt, min ngaihdam theih pawh ka ring chiah lo.

"Naupang sual lehh..."


Jack chuan nêm hlâi hian a rawn ti chhuak sup a, a thaw hak bawk, Jin hyung chuan en pawh min la en duh chuang lo, Jin Hyung nên hi chuan kan in hmu thiam lo ngun ber a, mahse ka ngaina ber thung.

"Hyung Ka tihpalh min ngaidam rawh"

Zâwi sup chuan ka ti a, A thaw chhuak hak, min rawn en ve ta, a hmêl chu ala tak deuh rûn a.

"Khatiang taka hmeichhe rilru nâ kha ka la hmu ngâi lo, Na Bi mittui tla khân ka thinrimna ko chhuak alawm lê,ka lo na ve in ka hria"

A rawn ti nuah nuah a, Na Bi hi chu hmeichhe fel tak a ni, Tupawh hian an ngaina êm êm thei zêl mai a, Hyung hian a duh ve deuh a mawn le?...

"Reporter sâwn min la zui reng ania, khawnge Kan kal pui ang"

Jhope hyung chuan a rawn ti a, tih ngaihna vâng duh angreng khawp mai.

"Ka appartment ah kal mai ang u"

Jack chuan a rawn ti a, Doctor pawh a phone nghâl vat, Nam Joon Hyung chuan So yun Noona chu a hrilh ve nghâl bawk a.


__________


Doctorin Na Bi a check-up lâi chu Jack a common room ah chuan kan lo nghâk thap a, So yun Noona chuan a awmpui thung,tumah pawh chu kan in be lo, Namjoon hyung chuan Bang PD Nim bulah chuan chhuanlam eng engemaw chu alo siam char char bawk.

_________


Doctor A rawn chhuak chiah chu kan pan nghâl vat a,

"Enge a an?"

Jin hyung chuan alo ti vat a, Min sawi khalh avâng chuan ka lungâwi chiah lo.

"A taksa a hah lutuk vâng leh a hlauh lutuk vâng anih kha, A rawn harh chhuak vat mai ang"

"Anih thil pawi an khawih em?"

"An khawih hman lo hlauh e, naktûk ah ka clinic ah lo kal sela Vitamin vêl ka lo chawh ang"

Awlsam zet chuan a ti a, hmanhmawh tak chuan a kal chhuak leh nghâl,


So yun Noona chu a rawn chhuak a, A mit a sen râm bawk, A tap a ni tih ka hrethiam nghâl, Min huat hmêl tak chuan min en kal a, Ka inthlahrung bawk si, en pawh ka en tha ngam lo, Sawi tûr avâng duh angreng khawp mai.

"Na Bi chu a harh tawh ami?"

Jin hyung chuan a ti a, Noona chuan a mittui chu a hru zauh, Enge maw zêp nei a ang ka ti mah zâwk a awm dân hi.

"Ala harh chiah lo, In lo Buaipui vângin ka lawm lutuk e"

"A ho lutuk Noona, Na Bi chu kan unau nu ania kan tih tûr alawm"

Jhope hyung chuan a ti a,

"Jack i chungah pawh ka lâwm lutuk e"

"A ho lutuk, Chuan ka laka in lâwm leh nachhan tûr chu, Taetae leh Shelly chungchâng hi ka zêp ala ngâi zui"


A rawn ti hlâi hlâi a, Midang chu an lo nui hak, Pâ zân lo mahse mipa rilru ang chu ala pu tho mai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:38 pm

DON'T LEAVE ME
CHAPTER-17
BY
HLUTEI JOCUND PACHUAU





NA BI PROV



Hmeichhe in hnit feih feih ri ka hriat vâng chuan ka harh zawk, Ka meng chu room Zâu leh changkâng zet ah chuan ka lo mu reng a, Ka la hmu chiang thei chuang lo, Ka bân chu a hik deuh cher cher bawk, Drip khâina bûr chu ka hmu ruai ruai a, Theileh thei lo chuan ka hawi kual a, So yun unnie lo in hnît faih faih chu ka hmu nghâl, Ka hmu chiang tial tial,ka luna deuh bûr bawk si.

"Unnie Tui"

Zâwi sap chuan ka ti a, Ka dang a ro huam huam a, Ka ril a tâm bawk, Tui chu glass no chuan min rawn pe vat a, A mitsen râm leh a hnâr tâi têk atang chuan a tap nasa tih a hriat, Unnie hi chu a hlauthâwng hma thei lutuk a.

"Nâ Te ila nei em?"

Dam diai hian a rawn tih pah chuan tui chu min rawn pe a, ka dâwt nghâl khawlh khawlh a, ka lu chu ka lo thing vat, Khumah chuan ka thu mu deuh a,

"Khawih tum tupa che kha a hmêl i hmu thei em?"

"Aih Unnie, Min khawih pawi hman lo bawk, ka tha ania"

"Ka hria lawm"

Zâwi sap chuan ati a, Unnie hian ka lakah zêp a nei tlat in ka hria, Amah chu ka en reng a, A hlauhthâwn hmêl bawk sî, Natna thalo deuh hi ka lo vei reng amawni le?

"Unnie ka lakah hian zêp i nei ami?"

Ka tih vêleh chuan min rawn en vat a, leh lam chu a hawi nghâl vat, a tap leh tawh, Eng fako nge maw ka chungah hian thleng le?

"Unnie kei hi ka cancer ami?"

"Enga? Mawli chutiang ani lo"

Tap âw tiau chuan arawn ti hlak hlak a,thaw hak pah chuan ka bulah chuan a rawn thu thlâ a, ka kut ah chuan a rawn vuan nghâl,

"Kan Na Bi pawh alo puitling ve ta, A pum ah hian Naute Duhawm deuh a awm an tia"

"Enga?"

Ka lungphu chu a rawn rang nghâl dawt dawtin ka hria, A awmzia chu kei hian Nau ka pâi maw? Mak ti tak chuan Unnie chu ka en tawp, ka pum chu ka dawm a, Ka mittui chu rawn hnâm leh tiam tiam tawh, Unnie chuan min rawn kuah a, Kan pahnih (2) chuan ka tap dûn ringawt, LalPa, Engtin nge? ka tih tâk ang, Ka hlim rual rualin Ka hlâu bawk sî,

_____

Reifê kan tah hnu chuan ka in ngaihtuah vang vang a, ka tân chuan kawng a ping takzet, Taehyunga nên hian kan in neih thei dâwn sî lo, Ka puma Naute nên hian Taehyunga chhiatna hmâwr kan ni leh ta,Engtin nge ka tih dâwn? Enge ka tih ang? engmah hi ka hrethiam lo.

"An hre vek tawh awm sia"
zâwisap chuan ka ti a.

"An hre lo,Doctor kha min zêp sak tûrin ka ngên a"

"Anih chu,"

Ka thaw leh hak a.


"I harh hun an nghâk ve char char bawk sia, Ka va hrilh hlawm ange"

Tihpah chuan Unnie chu a chhuak nghâl a, Ka pum dawm chuan inchung light bâwr nalh tak chu ka melh ngar ngar ringawt, Ka mittui chu ka bek ah chuan a luang thla zâl zâl a, Engtin nge ka hmachhawn zêl tâk ang, Mahni mai chuan ka hlâu a ni, Ka fa hi lo piang tase engtin nge Ka enkawl ang, Nu leh pa neih loh hrehawm zia chu kei hian ka hre chiang ber si a, Taehyung chuan a fa hi a thlah thlam dâwn lo tih ka chiang, Mahse engtin nge a nun zawng zawng leh a dream te ka tih chhiat sak theih ang? fans te rilru ka tina bawk ang, Mahse,Engtianga rei nge ka inthup ang, Ka tlânbo zâwk dâwn amawn le?

Ni lo, Ka rilru van buai tak êm,Zawhna awm thei zawng zawng chu ka inzâwt char char ani deuh mai, kawngkâ chu a rawn ri rawk a, BTS ho chu an rawn lût sap sap hlawm a.

"Na Bi shii nâ te ila nei em?"

Jungkook chuan ti a, nui lui sak pah chuan ka lo lû ka lo thing nghâl vat, Taehyung chu a ding ngâwi reng thung, "Lo va chhuak rih ila"

Namjoon chuan ati vat a, "Na Bi dam vat rawh aw"

min ti liâm liâm hlawm a, Jin chu a ngâwi reng thung, Ngâwi reng chuan a chhuak ve nghâl daih a, Nî danga a tawng tam theih tehrêng nên a mîzia chu a dang ang reng khawp mai, Taehyung chu ala ding reng a, ka bul ah chuan inthlahrun hmêl tak hian a rawn thu thla dê dê a, a awm dân chu uluk tak chuan ka lo en reng.


"Sawi tûr pawh ka hre lo Na Bi, Ka tihpalh takzet, Ani nên khân kan lo inbe ru ve zuai tawh a, mahse ngaihzâwng dang te min lo neih sawn a, chuan kan inkâr ka ti tâwp ta vek a,"

"Engvâng in nge chu chu min hrilh a, Nangni chanchin kha ka hre paih lo"


Ka lo ti hmak a, A hamhaih hmêl lutuk chuan min tina zual, a hmêl ka hmuh hian ka thinrim ringawt zêl, Ka hua a ni, ka mittui ve chhên lah hi.


"Na Bi ka thiamlo takzet a ni, Nangmah chauh hi lâwm ka hmangaih"

"Kha thu kha sawi tawh suh Kim Taehyung, ka ring lo che, Ka mamawh lâi che khân khawnge i awm? khapâ khân tenawm taka min khawih lâi khân i hming hi vawi tam tak ka lam a sin, Khanu nên khân nuam in lo tâwl vêl a ni lawm ni"

Aw khûr dar dar chuan ka ti ta piap piap a, Ka thaw hlawk hlawk bawk,

"Ka tihpalh, ka thiamlo takzet a ni"

Tihpah chuan min rawn kuah a tum a, ka lo nem sâwn nghâl,

"Kan in kâr hi tih tâwp ka duh"

"Na Bi chutiang sawi suh, a thleng nawn tawh lo ang"

"Kal Bo rawh ka hua che"


Awki sâng tak chuan ka ti a, Ka kut leh lam chuan a âwmah ka chum bawrh bawrh bawk, Engah mah a ngâi lo, Ka thinrimna a ti zual telh telh zui.

Midang chu an lo tlân lût sap sap hlawm a, Ka tap ri hak, min rawn kuah leh a tum chu ka lo nem chât chât a, Ka rilru na lutuk hi thâ pawh ka nei tawh lo, A âwm ah chuan bei thlawpin ka tap ringawt, Tuna ka nat chhan hi chu He naute hian "Pa" Ti a koh ve theih dâwn loh vâng a ni, Ka tihsual a ni, Engkim hrereng chunga ka lo inphal mai kha ka tisual takzet a ni, Khâ hlimna ringawt kha a ni dâwn amaw ka tia, Mahse ka tihsual chuan tûnah min vaw lêt mêk chu a ni si a, Hmangaih neih hi mi thenkhat tân chuan vânneihna leh hlimna a ni a, Mahse ka tân ve thung chuan natna chauh a ni, Ka inhnît feih feih a, Midang chuan min lo en thap reng ringawt.

"Na Bi Shi Taehyung hi ngaidam rawh"

Jungkook chuan inthlahrun hmêl tak hian a rawn ti a, Engkim hian min tina zual, Unnie pawh chu alo insût ri hraih hraih bawk, Tunah tak hian he khawvêl a ka lo mal thin zia hi ka in hre chhuak a ni, Chhûngkaw hausa tak atanga seilian chu ni ila hetianga ka tawrh bîk reng hi a ngâi lo tur, Min hringtunu ka nû kha ka dem a, Ka pâ khân min vênhim zawh loh vângin ka dem ngawih ngawih bawk, He khawvela ka lo piang ve hi tihsual palh anih te pawh ka ring rum rum zâwk,ka nu leh pa an hmêl pawh ka la hmuh ngâi loh lakah chuan ka thinrim em em ringawt.

"Ka lo ngaihtuah chiang ngâi lo a ni, Keini hi kan innei thei dâwn chuang lo, Kan in kâr hi tih tâwp ka duh tawh, A harsa emâi"


Tap hliam hliam pah chuan ka ti a, min chhâng chuang lo, nghet tak chuan min kuah reng ringawt.

"Tae"

Zâwi sap chuan ka ti a, ka kuah na chu ka thlah nghâl.

"Ka hmangaih che Lee Na Bi, Ka unau te ho hriat lâi ngêi hian ka sawi anih chu, Engtik ah mah kalsan che hi ka duh lo"
Zâwi sup chuan arawn ti a,
Ka tap ri hak a, midang ho pawn tih ngaihna vak min hre lo aniang, ngâwi reng chuan min lo en tawp ringawt.


Ni lo, hetianga awm reng thei ka ni lo, Taehyung chu ka thlah vat a,

"Unnie haw tawh ang"

Tihpah in ka drip khâi lâi chu ka phawi a, Venflon erawh ka la vuah reng, khum a tang chuan ka tho nghâl a, Taehyung chu a thut ngâi chuan ala thu reng a, A kun tlat thung.


"I tha tawh ami"

"Aw jack kan haw mai ang ka lawm lutuk e"

Tihpah chuan ka insiam tha sawk sawk a, ka coat techu ha tha in pângâi taka awm chu ka tum hrâm hrâm a ni.

"Na Bi a nih i in enkawl tha dâwn nia"


Jhope chuan a rawn ti sup a, Jimin leh Jungkook chu Taehyunga bulah an thu nghâl, Ka melh zuai a, ka hawi lêt leh nghâl vat.


Jacka ina tang chuan hmanhmawh takin Unnie nên chuan ka kal chhuak hlawk hlawk a,

"Na Bi"

Ka hawi lêt vat a, Jin chu alo ding reng chu niin,
"Aw enge?"

Min rawn pan hnâi nghâl vat a, Mufler Vât thiamhlim zet chu min awrh tîr a, A awmdân hi ka hrethiam chiah lo, mak ti tak chuan ka lo en tawp.

"In ti lum tha la, Naktuk ah ka in hmu leh dâwn nia"

A nui lui sak a, za lo tak chuan ka lo nui ve tawp, a awm dân hian min thawng tak zet, "Ka lawm lutuk e"

Tihpah chuan ka kûn zauh a, car ah chuan ka thu lût nghâl, Car darthlalang atang chuan ka en zui vang vang a, A hmâ a min en dân nên khân a danglam tlat tawh, Min endân hi a dang riau a hriatna ka nei, ka ngaihbel nge pawh chu ka hre chuang lo.

_______

Car ah chuan ngâwi rengin hmalam chu ka en vang vang reng a, kawngpui thim mup mup chu street light chuan a ên zauh zauh reng bawk, engtin nge Ka puma Naute hi ka tih tâk ang, Ka pum chu ka tuai leh ringawt thin, Pâ neilo chu a ni nghâl ringawt a, Lo piang tase a mal tûr zia leh mî hmuhsit rawn a ni nghâl dâwn ringawt a, engtin nge ka tih ang,tun ah rih chuan la sawi chhuah rih loh hi atha ber.

"Engtin nge thuthlûkna i siam dâwn"

"Ka hre lo Unnie"

"Ka hrethiam che lawm, Tleirâwl mai ila ni a, thuthlûkna siam chu a har duh ngawt ang, eng thuthlûkna pawh siam la i lamah ka tang reng ania"

Ka mittui chu rawn far leh fap a, Nga ti nge maw Ho tê tê ah pawh ka mittui hi rawn tlâk ngawt zêl le?..


"Damdawiin ah tlang nghâl ang"

"Enga Unnie, zîng dâr 3 a pelh tawh hi, tu doctor nge awm se i tih a"

"Ka thiannu mawle, A riak nghâl dâwn a, ka phone vek tawh lawm"

ati a, ka lo âw veleh mai, Ka rai tih ber kan hriat techuan Doctor râwn kher angâi amawn le a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:38 pm

DON'T LEAVE ME
CHAPTER-18
BY
HLUTEI JOCUND PACHUAU


Dah hnem hi ka inti khawp a😂😂😂😂, Click kha aw😘😘😘😘






______

"In lo thleng tawh maw? Lo thu ru"

Tihpah chuan dawhkân bula Chair chu a kâwk zauh a, Nu hmêl hmuhnuam tak leh hmêl zahawm tak a ni.

"Ultrasound in enchhin ila, chuan thla engzât nge anih kan hre thei ang"

Tihpah chuan a tho a,room hran ah chuan a lût daih, Ultrasound tihna room ah chuan kan zui lût ve nghâl a, khum vâwt takah chuan min mut tîr a, Ka tai ah chuan enge thil hnâng deuh vawt deuh thler chu a hnawih a, Thilbial tê ve deuh hrui nei chuan a'n hrût kual vêl a, aza lutuk chu ka lo îp chawih chawih thei,

"Thla 2 ala tling lo hret anih hi, A hrisêl that hmêl hlê mai"


Tihpah chuan a nui sak a, Unnie chu ka melh vat, Tv ang deuh ami chu uluk tak chuan alo en ngar ngar thung, "A lungphu ri in ngâithla duh em?"

"Enga? a theih ami?".

Mak ti tak chuan Ka lo ti hû a, a nui suk, khâwl ah chuan eng engemaw a khawih kual a, Lungphu rî ni awm tak chu a rawn ti nghâl dup dup mai, ka hre chiah chu tihdanglam vek ang mai ka ni, ka ngâithla vang vang a, ka pum ah hian nunna nei chu a awm ve reng ta chu nia, mak ka ti a, ka hlim bawk si, Ka hlauthâwng bawk si, ka awmdân teh nuai hi ka hre thiam lo,ka mittui chu a rawn tla nghâl tiam tiam a, ka hmui hup chuan ka tap ringawt, Taehyung awm ve sê ka van ti tak, ani lah chuan a hre ve dêr si lo,na takin ka la siam zui leh nghâl, Unnie pawh chu a insût ri ve hraih hriah a,

"Kan zo e"

Tihpah chuan Doctor chu a tho vat a, keipawh chu muângchâng chuan ka tho ve nghâl,

"Naute pâ hian a hria em?"

Aw dam diai hian arawn ti a, ka lû ka lo thing ringawt,kun lap chuan ka mittui chu ka hru zauh zauh a.

"So yun, I nau hian naute pa hi hrilh se tha ka ti, tha takin sawidûn rawh se, Naupang mai ila ni a nangmah mai chuan i paltlang zo lo ang"

A ti a, a sawi chu dik viau mahse engtin nge Taehyung ka hrilh theih teh lûl ang, a nun zawng zawng ka ti chhe vek dâwn asin,

"Kan lawm lutuk e Doctor Choi"

Tihpahin Unnie chu a kûn zauh a,
"Vitamin vêl hi ka ziak anga lo ei tha rawh aw, Ila naupang sia in enkawl uluk i ngâi ania"

Lehkha them a thil ziah mawlh mawlh pah chuan a ti a, ka lo bu nghauh ngauh thung,

________

Car ah chuan ngâwi rengin in lam chu kan pan a, Taehyung hi ka hrilh dâwn nge dawn lo, Engmah hi ka hrethiam lo, tih dân tûr pawh ka hre lo.

_________

Ka room ah chuan ka mu thlawp a, Unnie chuan ngâwi rengin puan chu min sin tîr sat sat bawk.

"Unnie engtin nge ka tih ang?"

"Ka hrethiam bîk lo Na Bi"

A thaw hak a, a rilru ka ti hah hlê anih ka ring, a mittui tling kiau ka hmuh chuan ka in haw lek lek zâwk, Ka inthlahrung bawk sî, Unnie hian min hmangaih a, a nau dik tak ka ni lo tih hi tûman an hre ngâi lo, in ang min tih châng phei chuan ka lâwm takzet thin, kawng tam takah amah aiin min dah hmasa fo a, a theih tâwpin min enkawl ve a, tiang hian ka rûl lêt chu nia.

"Unnie ka tihpalh"

Tap âw lek lek chuan ka ti a, ka mittui rawn tling chungchuan ka chil ka lem khalh,

"Tleirâwl in ngâizâwng mai tûrah ka dah che u a, hetiang thleng thleng a thui in kal ka lo ring phâk lo a"

Zâwisap chuan a ti a, Unnie chu ka kuah thlawp a, ka mittui chu a rawn far nghál, "Unnie ka thiamlo takzet a ni"

"Ti tla mai ang hmiang"

Zâwisap hian arawn ti a, ka lo phu zawk thei, chutiang lam chu ka lo ngaihtuah ngai miah lo, ka kuahna chu ka thlah a, amah chu ka en vat, ka kut chu a rawn vuan a.

"Unnie"

Zâwi sap chuan ka ti a,

"Kawngdang avâng êm a ni"

A ti a, engtin nge ka pum chhûnga nunna rawn nei tan ve mêk hi ka paih deih theih ang, Ka mipa hmangaih ber nêna kan fa lehnghâl,

"Unnie ka thei lo, Taehyung hi ka hmangaih a sin, engtin nge a fa chu ka thah theih ang, Ka thei teuh lo"

Aw khûr hlak hlak chuan ka ti a, a thaw hak, min chhuahsan nghâl daih a, khum ah chuan ka mu nghâl thlawp, Tih ngaihna ka van hre lo tak êm, Nu leh Pa chu nei ve ila hetianga ka nat kher hi a ngâi lo anga, Engkim min ngaihtuah pui vek thei tûr ania, Ngati nge maw ka lo pian ve kher le? engvânga ka nu leh pa khân min enkawl theih loh a keimah chauh a min hnutchhiah nge an nih?, Zawhna lungchhiatthlâk tak tak ka la in zawh ngâi miah lo chu ka rilru chuan ka in zâwt mawlh mawlh a, Khum ah chuan ka in hnît faih faih reng ringawt, Ka lo tap muhil ve nghâl daih a.

_________

TAEHYUNG PROV

Na Bi chhuak tûr chu melh pawh ka melh lo, A rilru ka tina viau pawh aniang, Engmah hre lo a tlu tûr khawp khawp chuan,ka inhaw takzet a ni, Jimin leh Jungkook chuan min rawn kuah a, Keimah leh keimah pawh hi ka inhua, Inthen hial a duh na tûr khawp chu ka tina hlê pawh a ni mahna, mahse a tello in ka awm thei tawh lo a ni, Ka in ngaihtuah chian pauh leh a tello a ka awm theih loh zia ka hria, Ka lo hmangaih tawh viau pawh aniang,

"Taehyungie, Lungngai lo la, Na Bi chuan a ngaihdam leh che ka ring tlat a ni"

Jimin chuan a rawn ti a, Jungkook nên chuan min kuah nghâl, Ka lo nui lui ve suk a, Ka rilru nat em em lâi pawh in ka kiangah an awm reng thin hi ka vânnei bîk hliah hliah, "Taehyungie, Na Bi chu ka lo be tha leh dâwn nia, lungngaih suh aw"

Jhope hyung chuan dam thlupa tih pah chuan min rawn kuah ve nghâl a,

"Ka lawm e Hyung"


Zâwi sup chuan ka ti a,Ka cool lutuk chu ka zia ve deuh tawh, midang pawh chuan min rawn kuah ve liam liam hlawm a, Jack a khumah chuan ka râk nuah nuah ringawt,JAck chu kil khatah hian alo check tlak tlak ringawt, Jin Hyung chu a chhuak daih thung.

"Khawnge Jin Hyung kha?"

Namjoon Hyung chuan a ti a, a hawi kual deuh pah bawk.

"Na Bi a thlah dâwn niang"

Jungkook chuan awlsam zet hian a ti a, tukverh ah chuan ka dâk nghâl vat, Hyung in Na Bi Mufler alo awrh tîr lai chu ka zu hmu hman a, ka kut chu ka hûm ruh vang vang ringawt, Ka lakah khati khawp khân a thinrima Jin Hyung hmâ ah chuan a nui tho si, "Na Bi" Zâwi sap chuan ka ti a, Midang chuan min rawn kuah sawn dâwr dâwr a, min chhuah pui ve nghâl,


____
Car chhûng ah chuan Hyung chu alo thu reng tawh a, A lakah chuan ka lungawi chiah lo, Hyung hi ka thîk deuh ta tlat a, Enge awmzia pawh ka hrethiam tawh lo, Na Bi in min then a duh lâi a nui deuh sâng chunga ala biak theih vâng pawh ani mahna.


"Hyung Na Bi chu a tha ang tiraw?"

Suga Hyung chuan a rawn ti chhuak ve hlawl a,

"Aw, tha ang"


Awlsam zet chuan alo ti nghâl a, Keichu ka lo ngâwi reng thung, Na Bi chunga khatiang thlen tîr tu kha tunge nita ang le?, Ka zawn chhuah ngêi angâi a ni, Ditective Zhang chu ka hre chhuak zawk, ka phone chu phawrh in ka call nghâl a,


"Hello"

"Aw mister Zhang"

"Enge ni ta Taehyung"

"Thil min tihsak tûrin ka duh che a"

"Eng buaina nge i neih a"

"Nizân party na hmun ah khân ka thian pakhat(1) tu emaw in Pawngsual an tum a tunge anih hriat ka duh a"

"Awle, Ka lo chhui dâwn nia"

"Ka lawm ngawt ang"

Tihpah chuan ka off nghâl a, Engti kawng zâwng pawn ka chhui chhuak tûr hi ni ringawt, Ditective Zhang hi ka pa thian tha tak a ni a, Na Bi hi ka bialnu anih thu ka sawi ngam lo bawk,

Ka thian te ho chuan min lo en thap tih ka hre chhuak thut, "Enge?"

"Khati tak khân I pâ lutuk ringawt"

Jimin chuan alo tisup a, Midang chu an lo nui dar dar a, keipawh ka lo nui ve suk,
__________

NA BI PROV


Unnie nên chuan ngâwirengin tûkthuan chu kan ei a, Ni dang aiin ka thil ei chu a tui phiân leh nghâl, engkim hi ka râwp vel vek ni mai hian ka hria, ka kâ ah chuan ka hnawh lût pawp pawp a.

"Ei muang deuh rawh"


Unnie chuan alo ti hlak hlak a, Ka lo nuih vur vur ringawt,

"Hna i kal dâwn em?"

A rawn ti sap a,
"Aw kal dâwn e"

"Châwl mai rawh vawiin chu"

"A ngâi lo Unnie A hahthlâk vak hleinem"

"Awle i tih tlat techuan"


A ti a,naute chungchâng pawh a sawi tawh lêm lo, A theih hrâm chuan keipawn sawi chhuah loh hrâm ka duh zâwk, Hmanhmawh tak chuan ka tho a, ka insiam nghâl vat.

jeans Kekawr hâk nuam lam chu ka hâ a, Sneaker ka bun top a, Jumper vâr a hmâ a butterfly lem awm chu ka hâ a, A chungah jacket hring lian lam chu ka ha bawk, Ka sam chu ahalf hian ka tâwn tawp a, Lipstick sen lâr hlar chu ka inhnawih bawk,

"Unnie kal ang"

Tihpah chuan room atang chuan ka chhuak a, ani pawh a rawn chhuak ve nghâl a, hmanhmawh tak chuan kan inzui chhuak nghâl dawr dawr a,


_______

Stylist room ka lût chiah chu An lo awmkim leh thap tawh,

"Na Bi tinge i rawn kal duh a"

Jhope chuan alo ti vat a, ka lo nuih var var ringawt

"Nia i dam lo bawk sia"

Namjoon chuan alo ti ve vat bawk a, "Min ngaihtuah su, Ka tha nia"

Ka lo ti vat a, an awih lo hmêl em em leh nghâl, Taehyung chu ka va melh zawk a, Gucci Embroidery Jacket Pawldal a tlâng sen lâr vât chu A hâ a, Kekawr bûl dum nên addidas Cap sen lâr vât chu a khum bawk, A vun rawng nên a in mil bawk sî, Ni dang aiin vawiin hi ka hmu tha leh zual, Huihaa...Ka ngaihtuahna ho dân hi, Lee Na Bi chutiang ngaihtuah suh, Ka rilru chuan ka ti mawlh mawlh a,

Unnie chu Jack nên chuan enge maw ti tûrin an chhuak nghâl daih a, Thawmhnaw dah na room chu alo rim chhiat palh ka hlauh vâng chuan ka ti fel mial mial bawk, Pâwn ah lah chuan fans an tam bawk si, Ninawm enge maw an bengchheng em em le?

Kawngkâ rawn ri rak lam chu ka hawi a, Taehyung chuan min lo melh kur mai, ka hawisan nghâl vat a, Chhuat chu ka ti fai mial mial ringawt, Min rawn pan hnâi tih ka hriat vâng chuan ka lo khûr ru deuh der der a.

"In bia ang"

A rawn ti hmuk a, Ka thaw hak, Hetianga kan in hmuh reng chuan ka kalsan leh thei tak tak chuang miah lo ang, Awlsam deuhin ka lêt leh mai dâwn tih ka hre sa,

"Sawi tûr ka nei lo"

Ka lo ti hmak a, A thaw ri hak.

"Na Bi luhlul tlat lo teh"

A âw atang chuan a thinrim a, a chauh hmêl hlê bawk, Ka thil tih lâi chu ka la tih chhunzawm ngar ngar a, Ka kut chu rawn man in min kâi chhuak dâwr dâwr a, Ka lo tâl chat chat a, Min kai nghet bawk si, Min kalpui dâwr dâwr a, ka tâi bawr vêl hi ana zawk zawk thei.


"Kal muang deuh teh ka hah"

Thaw hlawp hlawp chuan ka ti a, engahmah a ngâi dêr lo, Chhâwng hnihna Corridor ah chuan min kâi chhuak lawp a, Tûmah an awm lo bawk, Ka thaw hawk hawk thei, Thlang lamah Reporters ho leh fans tam tak an awm a, Tlêm a kal hnaih deuh chuan chiang takin min hmu thei, Mahse kawngka bul tê a kan din vâng chuan min hmu thei lo thung.

"Enge i hriat a"

Ka bân min dawmna vuan pah chuan ka lo ti vîn that a, Rum tak chuan min en reng, ka zâm lek lek zâwk, "Kei hian ka then ngâi lo ang che, Tiffany chu ka nunhlui ania, Na Bi ka tân chuan nangchauh hi hmeichhia ini"

Zâwi sup a tihpah chuan min rawn fâwp thut, Min dîm na tel miah lo chuan min fâwp a, Min tina takzet ,ka lo nêm chât chât a, Engahmah a ngâi chuang lo, Hawisawn pah chuan ka theih tâwpin ka nem dâwrh a, Ka mittui chu a rawn luang nghâl bawk, "Ka haw lutuk che Kim Taehyung"
Aw khûr dar dar chuan ka ti a, A thaw hak, A kut khinghnih chuan a kâwng a dawm a, van lam chu a hawi vang vang ringawt.

"Ka hmangaih che sin Na Bi"

Zâwi sap hian a rawn ti a, ka lo tap ri hak, Thlang lamah chuan ava kal hnâi a, A fans te chu an lo aû nghâl tuar tuar bawk,
min rawn pan leh a, Ka kut ah min rawn kâi lawp a, "Ti suh Tae"

Aw khûr dar dar chuan ka lo ti a, midang zawng zawng hmuh ah chuan dîm tê hian min rawn fawp a, Midang chu arawn âu nghâl tuar tuar a, thlâ an lo la nghâl mawlh mawlh bawk, Rang tak chuan ka hawisawn a, Kawngkhâr lamah chuan ka tlân phei leh nghâl.

"Engthil nge i tih kha"

Vîn that chuan ka ti a, Hepa hian engthil nge a tih tâk, Mi zawng zawngin min hre ta anih hi, Engtin nge ka tih tâk ang.

Ngâwi reng chuan min la en reng a, a rawn kal hnâi a, min rawn kuah a tum a, ka lo tawlh hnung nghâl vat.

Thaw hak pah chuan a lukhum chu chhuat ah apaih pawp a, ka lo râk that.

Hepa tak hi chu avan thinchhe ve chiang tak.


Rang takin inchhûng lamah chuan ka luhsan a, ka mittui tla chu ka hru mial mial bawk, Inchunglamah chuan ka kal chho nghâl vat a, Stylist room ka thleng chu ka tap ri hak, "Lee Na Bi hi misual tak a ni"

Ka phun sep a, Thawmhnaw remna kârah chuan ka tawm kêk a, Ka tap khûr ngar ngar ringawt,Mi zawng zawngin an hre ta, Engtin nge kan awm zêl tâk ang,



Ka hnung atang hian tu emaw hian ka dâr ah min rawn khawih a, ka hawi lêt chu Jin alo ni, Min nuih lui sak a, mittui tla phang chuan ka en reng ringawt.

"Tap suh le"

Aw dam diai hian a ti a,ka tap ri hak, Min thlêm pauh leh hian ka tah hi a chhuak zual thin.

"Engtin nge ka tih tâk ang"

Tap âw tiau hian ka ti a, min kuah nghâl vat, Jin a âwm ah chuan ka hmai chu ka phûm vek a, ka tap khûr ngar ngar ringawt.

"Engkim a tha leh vek mai ang"

A rawn ti sup a, Engkim hi tha vek thei se ka ti, mahse a that ka ring thei lo, Mi zawng zawngin an hre vek tawh anga, tûn ah chuan Taehyung dinhmun pawh a chhe vek tawh ang, Kei hi buaina râl lian dik tak ka ni, ka hnungah chuan min bêng thak thak a,

Min kuahna chu a thlah riai riai a, Ka la kun lap reng tho.

"Na Bi min en teh"

Amah chu muângchâng chuan ka en a, min khawngaih hmêl tak chuan min lo en reng, Taehyunga min en thin dân nên a in ang têp.

"I kiangah ka awm reng ania, Hlauh tûr a awm lo, Thâ itih ang apiang chu ti la, I tân ka awm reng ania"

Fiah fel tak chuan a ti a, Ka sawi tûr mai pawh hre lo chuan amah chu ka en vang vang a,Pâwn lamah chuan au that rî ka hriat vâng chuan ka hawi nghâl zawk, Jin nen chuan hmanhmawh takin kan kal chhuak nghâl a.


Ni lo....PD Nim chuan tiang in Taehyung chu alo vaw chawrh chawrh a, Midang chuan an lo dang mawlh mawlh bawk.

"Min ti chhe vek anih hi, Ka fapa angin ka en che sin, Nangmah vâng in Japan Tour pawh kan thulh angaih phah a, Eng ang mihring fako nge inih a heti taka min ti chhe tûr hian"

Awki sâng tak chuan ati a, Taehyung chuan ngâwi rengin alo dawh tawp, Va dan ka tum Jin chuan ka kut ah min lo man vat a, ka hawi lêt chu alû alo thing vat, dang lo tûrin min ti tih ka hre nghâl,Ka kut a vawnna chu ka thing thla pawp a, Taehyung chu ka va pan nghâl, enge ka tih dâwn? Tih ngaihna ka hriat loh vâng chuan Taehyung chu ka kuah tawp ringawt.

"PD Nim ka thiamloh ni duhtâwk rawh"

Tap chung chuan ka ti a, PD nim chuan a tiang chu a paih pawp, Taehyung chu ngâwireng chuan a kun ngat ngat a, Tap hliam hliam chuang chuan ka la kuah reng tho,
"In pahnih hian ka hmu duh tawh lo che u"

Awki ring tak chuan a ti a, a chhuak leh nghâl, Ka la in hnît faih faih reng a, Kan awmdân ngâi chuan kan la awm reng, PD Nim in min vuak fuhna ka ban rêk chu ana deuh et et reng a, ka kuahna chu thlah ka thlah riai riai a, Taehyunga hmâi ah chuan ka kut khinghnih in ka dawm vat, a hmêl ka en chu a mit alo sen râm a, A mittui a tla tih ka hre thei, Hei pawh hi keimah vâng tho a ni.

"A na em?"

Zâwi sap chuan ka ti a, alû alo thing vat, PD Nim fapa Bang Woo Jee chu a rawn lût ve leh nghâl a,

"Lee Na Bi nang kha bân ini e"

Ram hmak hian a rawn ti a, ka lo kun lap, Taehyung chu ka melh leh a, Bang Woo jee chu rum deuh hian alo melh ngar ngar thung.

Department head chu a chhuak leh nghâl a, Ka mittui chu ka hru fap,

"Na Bi"

Sora chuan tap âw tiau hian a rawn ti a, Ka inti pachang lui hrâm hrâm ringawt, Unnie chuan mit sen râm hian min lo en reng a, ka nuih lui sak, "Ka kal mai ang Unnie, Ei tûr tui deuh ka lo siam sak ang che"

Tihpah chuan ka nuih lui sak a, Unnie chu a tap ri hak, BTS leh Staff ho chuan ngâwi reng chuan min en thap a, Min khawngaih hmêl tak hian min en vek.

Muângchâng chuan ka insiam sat sat a, ka bungrua chu bâwm ah chuan ka khung mawlh mawlh bawk, Ka mittui tla chu ka hru fap fap reng a, Midang lah chu an chesawn eih lo, Ka inrem fel zo ta, "Lee Na Bi, Inti pachang hrâm hrâm rawh" Ka phun sep a, Maimitchhîng chuang chuan ka thaw hak.


"In za vâi chungah ka lawm e, Tha taka min enkawl na ah ka lawm lutuk ania"

Aw khûr dar dar a tihpah chuan ka kûn zauh zauh a, "Na Bi shii" Jungkook chuan a rawn ti sap a,Min khawngaih hmêl tak chuan min en vek,heipawh hi ka tân chuan a tâwk viau a ni, Taehyung chu a din ngâiin ala ding reng thung.

"Ka kal ange, In lo in enkawl tha dâwn nia"

Tihpah chuan ka kûn a, Ka ding chhuak thei tawh lo, Kûn chung chuan ka tap khûr ngar ngar ringawt,Ka tap chhuak thei mai lo, ka âwmah hian min hnawh ut ut mai, Tûn ah tak hi chuan thih daih mai ka duh, He hun hi alo thleng dâwn tih hrehreng chungin ka hmangaih a, A harsa dâwn tih pawh ka hria, mahse ka hmangaihna vângin Ka kaw chhûngah hian nunna ala awm tal alawm, mahse An vai hian ka ngâi hlawm ngawt ang, Ka chungah an tha hlawm si a.

Muangchâng chuan ka ding ngîl leh a, Kawngka lam hawi chuan ka pên chhat chhat a.

Ka hnunglam atang hian min rawn kuah vat, Taehyung a ni tih ka hre nghâl,Ka ding dat a,

"Na Bi, Min kalsan suh khawngaihin"


Zâwi sap hian a rawn ti a, Unnie leh Sora chu an lo tap ri nghâl hak, Midang chu an lo thaw hak a, an rilru alo khawih ve hlê aniang, Ka tap khûr ngar ngar ringawt.

"Min kalsan suh, I tello in ka awm thei lo"

Aw khûr deuh dar dar chuan arawn ti a,ka dâr ah chuan alû a nghat bawk, A tap ani tih ka hre nghâl, Hetiang em em a mipa rilru nâ hi ka la hre ngâi lo,Lee Na Bi enge i tih tâk ang?

"Ka hmangaih lutuk che"

A rawn ti leh a, Ka tap ri hak, ka chhâng thei tawh lo ka hmui hnuai lam chu ka pet ngar ngar ringawt.

"Taehyungie"

Jimin chuan Taehyung chu a rawn vuan a, min kuahna chu a thlah ve nghâl, ka la hawi lêt duh chuang lo,Midang ho chuan an rawn kuah ve nghâl vat a.
ka mittui chu ka hru nghâl sawk sawk, ka hawi lêt vat a.

Taehyung chuan min en reng, A mit a sen râm a, a hnâr a tâi têk bawk, a mittui chu ka hrûk sak vat a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)