DON'T LEAVE ME BY Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: DON'T LEAVE ME BY Hlutei Jocund Pachuau (Completed)

Unread post by Ngaia » December 23rd, 2018, 1:42 pm

DON'T LEAVE ME
CHAPTER-25
BY
HLUTEI JOCUND PACHUAU





Muangchâng chuan an in thlah riai riai a, Mipa Naupang chuan Mittui hru zauh pah hian mak tih hmêl deuh chuan min en reng.
Ka lo nuih var var ringawt.

"Hyung ani hi"


Tihpahin Taehyung chu a en a, "Ani hi ka bialnu ania, In hmêlhriat tîrna nei ta che"


Dam thlup chuan a ti a, A nau te lakah chuan anêm dei duai ngêi mai.

"aaaa....Kei hi Kim Jeon Gyu ka nia, Ka hmu che chu ka lâwm hlê mai"


Tihpah chuan akûn zauh a,A harh vângin a nêl awm reuh Ngêi mai, Taehyung ang chiah a ni, Ka lo nuih sak a, "Keipawh ka lâwm e, Lee Na Bi ka ni e" Ka lo ti vat a, A tukhum chu a hiat nauh nauh ringawt, a lâi hlê tih a hriat,

"Lût ang ule"



Taehyung chuan a rawn ti a, Ka chil ka lem khalh, Lee Na Bi hian engmah hlauh a nei tawh lo, Tun ah hian Taehyung fa i pai mêk a, hetiang ah pawh i zâm chhiat mai chuan i ding chhuak lo ang, Ka rilru chuan ka infuih mawlh mawlh a,



Taehyung chuan kawngka chu a hawng riai riai a, Ka kut chu nghet taka hûm chungin min rawn nuih lui sak, "Ka hmangaih che" Ka beng bulah chuan arawn ti ru sâ sâ a, Ka lo nuih sak ringawt,ka thâ te hi a khûr deuh der der in ka hria.




Min kâi lût zâl zâl a, Chhuat ah chuan Taehyung Nû leh Api pakhat zâwk leh hmeichhe naupang pakhat nên chuan Tv an lo en thap a, Min hmu chiah chu mak an tih hmêl hlawm ngêi mai, Taehyung nû chuan min en reng a, Hnuailam ka lo melh zâl zâl ringawt.


"Bawihte, I lo haw law?"


A nu chuan a rawn kuah nghâl a, A pi pawh chuan arawn kuah ve nghâl bawk.

"Duhtak lo chhuak teh, tunge lo kal hi"


Taehyung nu chuan ati lâng lâng a, hmeichhe naupang tê chu mak tih hmêl deuh hian ala ding reng thung, Hmeiche Nopang duhawm zet hi a ani a, A hmêltha hlê bawk, Ella Gross nen pawh an in ang têp, a rawn kal hnâi dê dê a, a nui sen sen bawk,

"Oppa tunge a"


A rawn ti ru sâ sâ, Taehyung chuan a hrilh ru nghâl vat,a anau tihna ni Maw?, Taehyung Nau chu alo nui hak a, a hmui a hup chaih chaih bawk, a duhawm reuh zia chu, chibai min rawn bûk zauh a, ka lo bûk lêt ve nghâl.


Room atang chuan pa va läi tak, tarmit bun hi aw thian khar kharh pah hian arawn chhuak a, Taehyung chu alo ding tha nghâl sawk sawk a, apa na na na chu azah ve ngang aniang.



"Chibai le Pa"


Tihpah chuan a kûn zauh a, keipawh ka kûn ve nghâl.

"Aw, Bawiha, I buai vak nange?"

Dam thlup hian arawn tî a,

"Aw, Buai lo e"

"Ani hi tunge a?"


Arawn ti nghâl chat a, ka thin alo phu nghâl dep dep ringawt.

"Pa ani hi ka Bialnu ania,chuan Ka stylist a ni bawk"

"Anih chuan chanchin bu a ka lo hmuh kha dâwt thuthang ni lo in thudik ani maw"

"Aw a dik alawm"


"A tha e, Tlangvâl puitling ve meuh ngaihzâwng nei lo a awm reng chu thil dik pawh ni hleinem"


Alo ti hmak a, ka nui nghâl vur vur thei, A Pa hi ka rin aiin a tûnlâi daih mai.


"Duhtak iti mak thei emai"


Anâ chuan alo ti hlak hlak a, Midang chu an lo nui hak,anu hi chuan min ngaina vak lo sa bawk a.

"Thu ta che u"


Tihpah chuan Chhuat chu a kâwk vat a, ka thu sawp nghâl nuai a, Mak tih hmêl deuh chuan min en thap, Enge maw awm zia le? Taehyung pî chu alo phun hlak a, enge a sawi ka hrethei chiah lo.


"Unnie, Ka thut anga thuttûr hi nia"


Taehyung nau hmeichhia chuan dam diai hian ati a, A thingthi deuh a, a thut ang chuan ka thu ve riai riai a, Taehyung chu alo zah hmêl em em leh nghâl, Hetianga thut reng techu ka thei dâwn amawn le,avan hrehawm em em, In hremna ni ringawt alawm.


"Ka tihpalh"


Zâwisap chuan ka ti a, Joen Gyu chu alo nui hak ringawt,

"Kei hi, Taehyunga Pî ka nia, Anu nû hi"


"Kei hi Kim Eun Jin ka nia"


Hmeichhe naupanhtê chuan nuisâng hian a rawn ti a, Ka lo bu nghauh nghauh thung.

"Enge i hming?"

Taehyung pa chuan arawn ti a,

"Lee Na Bi ka ni e, "


Zâwisap chuan ka ti a, In ngaihtuah mûk hmel deuh chuan abu nghauh.

"Tute nên nge i chên a"


A pi chuan arawn ti a.

"Aaa...Fahrah ka nia, Kum 10 atanga 15 na thleng khân American mî ten fa atan min lâ a, An chhungkaw dinhmun harsatna vangin korea ah hian min thawn let leh a, tun ah chuan Fahrah ina ka awm pui thin nên kan chêng dun mek a"


An lo bu nghauh a, Ka âw te hi a khûr têp in ka hria.


"Kum engzât nge i nih"


Apa chuan arawn ti leh a, chhân harsa ta talh mai, Taehyung chu ka melh zauh a, a lo bu nghauh, Ni e, dâwt hmanga bul tan a tha lo.


"Kum 20 ka la tling lo deuh a"


Zâwi sap chuan ka ti a, Jeon Gyu chuan a thil in lâi chu alo phuh têp zui.


"Noona kei aiin kum 1 chiah in i upa"


Arawn ti hâ a, ka lo nuih lui sak ringawt.

"Ka rei lehhh"


Taehyung pi chuan check tlak tlak pah hian a ti a, Hnuailam chu ka melh zâl zâl ringawt, Ka zak bawk si, A nuam chiah lo deuh a ni.

"Taehyung hi Engtin nge i koh"

Api chuan a rawn ti a,

"Enga?"

Ka koh dân leh zêl enge maw a hriat duh le?

"aaa...Taehyung ka ti a"

"Oppa ti tawh ang che"

Alo ti hmak a,ka koh dân leh zêl ah enge maw alo buai êm êm le?.

"Awle".

Zâwisap chuan ka ti ringawt, Api hi a khirh dâwn zêk anih hi.


"In lo kal tûr in sawi lâwk sî lo a, engmah ka lo in lei lâwk lo a"

Taehyung nu chuan alo ti sap a,

"A chutianga, siam vak a ngâi lo, Ei duh loh ka nei vak lo a"


Ka lo ti nghâl vat a, A nui sak, arûk chuan Min ngaina tih hi ka hria lawm, a sawi lo mai mai a ni, Ka naupâi pawh hi lo piang chiah se chu a duat viau ang,


"I kum zât tih mai loh chu sawisêlna tûr che pawh ka hre lo, i hmêltha bawk sia, I mitmeng a nalh in a zahawm bawk si"


Taehyung pi chuan ka kut vawn pah chuan ati a, ka zak bawk si, ka lawm bawk si,A strict viau dâwn amaw ka tia, Min ngaina nih dâwn hi, Taehyung pa chu alo nui ve sun sun a,

"Ka lawm Lutuk e Ka Pi"


Zâwi sap chuan ka ti a, Alo nui har har zui,


"Hyung alo haw ami?"


Mipa naupang Kum 5 leh kum 8 mi vêl hi an rawn tlân lût zat zat a, an duhawm dun zia chu.

Taehyung chu an rawn bawh nghâl a, An ngaina hlê a ni ngêi ang, Taehyung hi pa tha tak anih theih ka ring tlat.


"Ani hi ka nau fa te an nia"


Apa chuan alo ti sup a,ka lo bu nghauh thung.

"He pangpâr hi Mrs Kim i tân ania"

Tihpahin petite pangpâr vâr bawr laih chu ka pe a, nui var var chuan ala a, Taehyung chu ka melh zauh, alo nui var var a.

"Chuan, Mister Kim he Nacktie hi nalh ka ti lutuk a, I inhmeh ka ring a"


Tihpah chuan ka bâwm khâi chu ka pê a, Nui huah huah pah chuan alâ a,

"Ka va lâwm ve, Noona Thar Necktie min pêk chu analh em ka'n hawng ange"


Tihpah chuan a hawng nghâl a, A hawng chiah chu ehee!!!

"He...hei chuh...Hmeichhe kekawrte anih hi"


Tihpah in Hmeichhe kekawrte sen Lâr vât mai, lian tha tak Chu arawn khâi chhuak a.


"Awi....ka bul ami nu nên khân kan inthleng anih dâwn hi"

Tihpah chuan ka va ban nghâl a, Taehyung chu leh lam hawi chuan alo nui khûr char char a, A naute ho chuan Taehyung Pa chu an lo nuih dar dar bawk, Ani pawh a nui ve tho, Ka zah zia chu ka hmâi te hi a sen tâwn tâwn thei.

"A a pawi lo, Ka hâk tâwk tho dâwn hi"

Tihpah chuan a in teh chhin a, Naupang ho chuan an lâwm hlawm ngêi mai, Taehyung hian apa hi a chhûn chiah anih hi, an fiamthu duh dân pawh a in ang vek mawle.


_______

An in chhûng techu min fan pui a, An têt lâi thlalâk te, Taehyung Ruak vek a, lâk lâi techu min hmuh a, a duhawm zia chu, Nilêng chuan kan awm ta, khua pawh a thim deuh ruih tawh, Unnie lah chuan min call eih bawk sî lo, min tih buai a duh lo pawh a ni mahna.


"Na Bi a fâl in ka be duh che a"

Taehyung leh a naute nên an album kan en ho lâi chuan min rawn ko a, Anu chu ka zui nghâl vat, Chokâ ah chuan min hruai lût a.


"I la hrilh lo a mi?"


A rawn ti sâ sâ a, ka lû ka lo bu nghauh, midang hriat hlauh hmêl tak chuan a hawi zak zak reng bawk a,

"Kha hei hi i purse ah i dah tlat dâwn nia"


Tihpahin Taehyung Têt lâi thlalâk chu min rawn pe ru zauh a, ka nui hak,

"Ka lawm e"

Tihpah chuan ka kûn zauh a, ka sam chu arawn tuai hliau hliau a,
"Uluk takin in enkawl la, Naute hrisêl tha tak, ka enkawl tûr min hrin sak rawh aw, ka pawm châk tawh teh mai ania"

Mittui tlingkiau chuan ati a, Ka mittui chu arawn tling leh nghâl, "Ka lawm e"

Tap âw tiau chuan ka ti a, ka mittui chu ka hru zauh,

"I lo awm hun ah chuan ka chhawr nasa dâwn teh mai che nia"

A ti leh nghâl hlak hlak a, ka lo nui hak thung.

"Va kal leh rawh, Ei rawng ka'n bâwl ange"


Tihpah chuan Chaw chu a sil nghâl rawk rawk a.


"Khawi ka lo ti ang"


Tihpah chuan ka kawr bân chu ka hlîm chho a, mak tih hmêl deuh chuan min en tawp,

"I thiam a mi?"

"Aw thil dang chu thiam vak ka nei lo a, ei rawngbâwl hi chu ka thiâm ve lutuk"


Awlsam deuh chuan ka ti a, alo nui hak,

"A nih i kut ah awm rawh se, zan in tlâi chu i rawng bâwl sa kan ei anga ni mai lawm"


Nui sâng chuan arawn ti a, ka lo nui ve vur vur ringawt,min chhuah san nghâl daih a, Ka thiam ang ang chuan ka'n bâwl ve sat sat a, Taehyung chhûngte fel zia hi vawiin ang em em a hlim hi ka la nei lo, Mittui hru zauh zauh chung chuan rawng chu ka bâwl ve sat sat a.



________


Ka thil siam chu ka'n tem chhin a, ka la uak that that zui, ka hawi kual vat a, tûmân an hre lo hlauh e, Huihaaa...Naute ka pâi tih hi hre phei se chu an hlim viau ka ring, Ka sawi tawh mai dâwn mawn le?...

Haaa...Ni leh lo, Hun tha dang ala awm ang, bâkah ka zak deuh, Bul han tan dân pawh ka thiam lo.

Ka hnunglam atang hian tû emaw hian min rawn kuah thut a, A taksa lum thar thar ka deh rual chuan Taehyung ani tih ka hre nghâl, Ka nghâwng za mer mer atang chuan a nui var var tih ka hre bawk.


"Kan in ngêi a rawng i bâwl ka hmuh hian ka hlim takzet"

A aw pâ zet chuan a rawn ti sâ sâ a, Ka lo nui hak.

"Min lo hmu palh ange, min thlah teh"

Nui deuh san san chung chuan ka ti a, a nui hak, Min kuah nghet sauh zui, hepâ han mâwl dân hi chuh, an lo kal ang tih ka hlau bawk sia,

"Min thlah rawh"


Tihpah chuan ka tâl chat chat a, ka biang ah arawn chuk zauh, Tu emaw hi arawn khuh kharh kharh a, Kan in thlah nghâl vat,kan lâi dûn ngêi mai.


"Oppa tiang kha hmuh fo ka duh lo nia"


Taehyung Nau hmeichhia chuan fridge hawng rak pah chuan a ti a, Ka lo nui hak, kan in en a,kan in nuih vur vur ringawt.
Ati zahthlâk thei sia hepa lah hi,
"Lo va kal rawh, zan riah ei ka peih tawh ania"

Ka ti ru sâ sâ a, A hmûi a rawn ti pawrh zauh, ka lo nuih vur vur ringawt.

_________

Zan riah ei chuan dawhkân chu kan kîl khâwm thap a, an chhûngkua an rual bawk a, ka thil ei pawh a tui ngêi mai.

"Noona Ei rawngbâwl ivan thiam em em"

"Nia i siam tui lutuk i hmêltha bawk si"


A pi chuan alo ti ve nghâl a, Ka lo nui vur vur ringawt.

"Awi awi...Hepa hi alo lâi ringawt ania"


Tihpahin Taehyung Pi chuan Taehyung chu a bêng taih a, kan lo nui hak,

"Ka puar ta e, Na Bi i siam tui hlê mai"

Taehyung pa chuan arawn ti a, Ka lo bu nghauh,

"Ka lawm lutuk e"


nui sâng chuan Ka lo ti sap a,

"Unnie, I rawn kal leh hun ah nangmân Siam leh rawh aw, Anu aiin i siam tui daih zâwk"


Eun Jin chuan alo ti siam siam a, A hmêltha reuh sia, ka ngaina nghâl dêr tawh.

"Kan lalfanu tê hian Na Bi Unnie hi a ngaina ni maw?"


Taehyung chuan Nui vur vur hian a ti a, Nui sâng chuan alo bu nghauh a, Thu ho deuh deuh sawi chuan kan nui leh dar dar a, Zan in ang em em a hlim hi ka la nei lo,An chhûngkua hian ka ngaina takzet a ni, Ka lo suangtuah thin ang chiah chhûngkua kha, Taehyung hi a vannei bîk ngawt mai, Ka hlim lutuk chu ka mittui chu a rawn tla fap, ka chaw ei lâi chuan ka in sût ri hraih hraih a,

"Awihaa..Na Bi tinge i tah a?"

Taehyung nû chuan min rawn buaipui nghâl vat a.

"Noona i hmarcha ei kha a thak lutuk ami?"

Jeon Gyu chuan alo ti ve bawk,mittui tling kiau chuan ka nui hak a.

"Ka hlim lutuk a, Chhûngkaw rual tak nih a, chaw ei pah a fiamthu thawh ho te hi ka châk ve thei lutuk a"


Tap âw tiau chuan ka ti a, Taehyung pî chuan ka kut ah a rawn vuan vat, A nui sâng bawk.


"In kum te han upa deuh sela, Kan Taehyung nên in in neih hun ah chhûngkua kan ni vat dâwn lâwm, Chuan i pum ah khân ka tupa tûr duhawm deuh awm bawk se"


Dam diai hian arawn tî a, Taehyung chu alo khuh nghâl kharh kharh a,

"Oppa hi alâi ringawt mawle"


Taehyung nau chuan Nui har har pah hian a ti a, Kan lo nuih leh dar dar ringawt.


___________





Ka hâw tûr chu an vâi chuan pâwn ah an lo chhuak thap a,


"Anih Mangtha u, Kan in hmu leh vat dâwn nia"


Tihpah chuan ka kûn zauh a, Car kawngkâ chu Taehyung chuan min lo hawn sak nghâl vat a.

"Lawk"


Taehyung Pî chuan A ti a, a sawl lum hmêl zet chu ka nghâwng ah chuan arawn vêt kual a.

"Inthuam lum tha rawh aw, I dam lo palh hlauh ange"


Dam diai hian a ti a, Ka lo nui var var bawk.

"Ka lawm lutuk e, Ka pi"


Tihpah chuan ka kûn zauh a, Car ah chuan ka lût nghâl, an vai chuan min bye bye lauh lauh a.


_________


Car chuan kan tlân leh vung vung a, Taehyung chuan Uluk takin kawng chu a en kar a, ka lo en reng thung, A chil lem pah chuan a hrawk bâwk chu a kal chho ralh ralh a, Ka naupâi thû hi sawina hun remchâng tak niin ka hria, ni leh lo, haaa....Rilru siam fel dân tûr pawh ka hre lo.


"Tae..."


"Huh..."

"Ka lawm e aw"


"Engvâng chuan maw?"


Ka kut chu arawn hûm lum nghâl vang vang a,amah chu ka la en reng.

"Engkim vângin, i chhûngte kha ka lakah an fel bawk sia, ka lâwm êm a, Ka hlim takzet"


"Ka tum ber alawm"


Arawn ti sup a, ka lo nui hak, Motor chu ati ding thut a.

"Enge?"


Vîn deuh that chuan ka ti a, min rawn fâwp ringawt, Ka lo chhânglêt nghâl vat a, Ka biang tawn tawn a, vawn pah chuan mit meng zîm sat hian min en reng.

"Enge a?"


Ka lo ti leh ringawt a, A awmdân teh thut hi ka hrethiam lo, Car seat hnungah chuan a in sawn ringawt a, Min hûi zauh, Ka van pan nghâl a, amal chungah chuan min thuttîr vat a, ka bawp chu min kâr tîr a, In hma tawn zâwng chuan min thuttîr nghâl, enge maw tih a tum le?


"He lâi kawng hi ram hnuai vek ania, a reh bawk sia, chuan englo kha kan ti khât tawh sia"


A rawn ti sâ sâ a, A dâr ah chuan ka lo bêng taih, a nui hak.

"A teuh lo, ka duh bawk lo"


Ka lo ti hlak hlak a, ka biang tawn tawn a rawn vawn pah chuan min rawn fâwp leh nghâl tâwn tâwn a, ka sawl awrh chu hnawksak tih hmêl zet chuan arawn phelh sawk sawk a, ka nghâwng ah chuan a rawn fâwp thla nghâl, Ka lo thaw ri hak a, Ka thâwk te hi a tâwp mai dâwn in ka hria, Ka lo mai mitchhîng nghâl diar diar a,Lee Na bi itih tâwp a ngâi.


"Duhtâwk rawh,"

Aw khûr dar dar chuan ka ti a, mahse engah mah a ngâi duh lo,atih ngâi chu ala ti reng tho, anuam bawk sî, mahse hetiang reng chuan kan tâwp dân tûr a hriat lâwk vek,ka tih tâwp a ngâi.


"Duh tâwk rawh ka tih chu"


Tihpah chuan ka nem pawp a, mak tih hmêl deuh chuan min en tawp, ka inthiâm lo leh hnu hnawh a.


"A tha lawm"


A ti hmuk a, car atang chuan a chhuak hmak, ka tih tâwp loh chuan Naute tân a pawi ang tih ka hlâu bawk sia, Kawngkhâr chu a khâr ri chawrh a, ka lo phu zawk zui, Driver seat ah chuan a thu deuh hmak a, a ngâwi ngal mai bawk sia, Tawng pawh ka tawng tha ngam lo, ngâwi reng chuan seat hmâ ah chuan ka thu phei zâl zâl a.


"Ka tihpalh"


Zâwi sap chuan ka ti a, ala ngâwi reng tho, a melh ngâi chu a melh ngar ngar a,

"Ka tihpalh ka tih chû"

"A pawi lo"


Ati hmuk a, ala thinrim reng tih ka hre thei.

"Ila thinrim reng tho kha"


Tap âw lek lek chuan ka ti a, Ka mittui chu rawn far leh nghâl ringawt tawh, Ka ning ka mittui tla hmâ thei lutuk hi a.


"Tap suh"


A rawn ti leh hmuk a, keimah vânga a thinrim hi chuan ka rilru hi ana bîk tlat zêl.

"Tap suh ka tih chû"


A rawn vîn that a, ka tah ala chhuak zual sauh zui.

"Na Bi enge i buaina hi, Tinge i duh loh, Min hmangaih tak tak lo anih kha".

Zuih ral deuh chuan a ti a, ka sa ve nghâl phat, ka duh lo ni ve mai a enge a thinrim thlâk viau na le.


Car kawngkhâr chu hawngin ka chhuak hmak a, pâwn boruak chu a vawt sûk mai, thlî a thaw deuh heuh heuh bawk a,a thim mup bawk si, ka hlâu lek lek zawk,ka thutna zâwn ah chuan ka ding ngat ngat a.
"Min chhâng rawh Na Bi"


Car atanga rawn chhuah pah chuan ala ti tho,ka lan pan chuan a rawn kal a, Ka hma zâwn ah chuan a ding chat, ka râi thû hi ka hrilh a hun tawh in ka hria, LalPa ka beisei ang chhânna ka dawng lo anih pawn Tuar thiam theihna min pe rawh aw.

Ka rilru chuan ka ti sap a.


"Kei hian Nau ka pâi alawm"


Tap âw tiau chuan ka ti vîn that a, Mak tih hmêl deuh chuan min en nghâl, A hamhaih hmêl lutuk chu hmuh a hrehawm zâwk.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:43 pm

DON'T LEAVE ME
CHAPTER-26
BY
HLUTEI JOCUND PACHUAU






"Na Bi"


A rawn ti chuai raih a, ka lungphu lah chu rang nasa bawk si, A mak ti hmêl chu ala inthlâk chuang lo, Engmah pawh a sawi bawk sî lo, ka ngaih a ti tha lo lek lek zâwk.

A hmêl chu ka en reng a, a thaw hak leh hak ringawt, A hmâi chu a tuai leh puât a, a awmdân chu ka rin loh lam daih a ni, a lâwm anga min kuah nghâl vawng vawng ka lo ring ve a sin lê, nge ni a ka sawi hun hi a fu lo zâwk, Ka mittui chu a rawn tla fap a, Hnuailam chu ka melh tawp, Ka sawi kha ka inchhîr takzet, Hetiang a ni dâwn tih hria ila ka sawi miah li ang mawle.


"Na Bi min tih der mai mai tiraw"


Zâwi sap hian a rawn ti a, chhân pawh ka chhâng duh tawh lo ka thinrim bawk si, rilru na bawk si,Chhân pawh ka chhâng duh lo, Car ah chuan ka luhsan hmak a, Ka hmâi chu hupin ka insût ri hraih hraih ringawt, Ani lah chu pawn ah chuan ala ding vang vang reng a, in ngaihtuah mûk hmêl zet hian a tukhum chu a kut khing hnih hian a dawm vang vang bawk.


Ka lo sawi kher kher kha ka van inchhîr tak, A lâwm viau dâwn maw ka tia, mahse a rilru a hah hlê ani tih ka hre nghâl, Ka Naute hi Sîrah hnâwl ani leh dâwn ta anih hi, ka tap ri hak a.


Car kawngka ri chawrh ka hriat vâng chuan ka hawi chhuak a, Taehyung chu ka bulah chuan alo thu fel dêr tawh, a hmêl chu a tak deuh rûn a,a hmêl awm dán chu Ka hrethiam chiah lo.

"Damdawiin ah kal ang, Ka thian Pakhat ka be tawh a"

Min rawn en kar chungchuan ati a, Ka lo sa nghâl phat thei, engtin nge tiang hi a ngaihtuah theih zâwk,ka thinrim lutuk hi sawi tûr pawh ka hre lo, Ka thaw hak hak a, Ka mittui chu a rawn tling nghâl bawk, Ka naute hi a duh loh techuan min then mai tûr a nia, Ka ti tla âwm lo ê.


"Ala tlâi chuang lo a, Sawlâi mai ah sâwn ania"


Tihpah chuan car chu a ti nung a, Ka alh mai dâwn in ka hria, A hmai ah chuan ka theih tâwp a na hian ka beng thuai a,

"F*ck"


English chuan ka ti vîn that a, car atang chuan ka chhuak nghâl, A vawt sûk a, A thim mup bawk sî,ka kal risk ve hmawk hmawk a,Ka mittui chu a rawn luang nghâl zawih zawih bawk, hrûk pawh ka tum chuang lo, Ka tlânbo san chiang viau ang, Min hmangaih amaw ka lo tia, Engkim kha lemchan vek, Ka lakah a duh a hmuh theih nân min lo hmangaih der vêl mai mai a nih hi, Engtin nge ka lo hriat loh zâwk le?.



"Ding nghâl rawh Lee Na Bi"


Vawt raih chuan arawn ti a, ka kal ngâi chuan ka la kal reng tho, a rawn tlân ri tak tak a, Ka dâr tawn tawn a vuan chung chuan min kuai her lawp a.


"Min thlah rawh, Ka hua che"

Vîn that chuan ka lo tî a, Ka lo sual lêt ve tang tang ringawt.

"Ka thusawi hi ngâi thla rawh, Damdawiin kal ka duh nachhan techu Naute hmuh ka duh vâng chauh alawm"

Vîn that chuan a ti a, ka tâwp chat, amah chu ka en tawp a, A awmzia chu kei hian ka ring sual a ni maw, Taehyung hian Ti tla tûrin min ti amaw ka lo ti ve char char a.


"I ngaih ang kha tih ka tum lo Na Bi, Ka hlim lutuk alawm"


"Tak tak maw?"

Tap âw tiau chuan ka lo ti hâ a, A bu nghauh, Min kuah bet nghâl vat a.


"Engmah i sawi lawk bawk sî lo a, Ka ngâi dik lo hman têp che lâwm"


"Min ngâi dik lo chu nih hi"

Alo ti sup a, ka nem dat a, alo nui hak, ka mittui chu ka hru nghâl sawk sawk a.

"Lût ang a vawt sî,Kan nautê khân vâwt ati ange"

Tihpah chuan min kâi dâwr dâwr a, ka lo nui hak, vâwt ka tih a hlauh vâng pawh ni lo in, Kan naute a ngaihtuah vâng zâwk ania,Huihaaa.... Lee Na Bi i naute pawh i thîk dêr tawh chu nia.

"Mahse damdawiin kal chu ka duh lo, Unnie ka ngaihtuah tawh"

Ka lo ti nghâl vat a,a bu nghauh ringawt.

________

Car ah chuan thhat chhe zet hian ka thû a, A hmâ ah chuan ka kê chu ka hlâng chho a, Ka thu mu deuh bawk, ka hahdam suai suai in ka hria, Taehyung chuan Naupang chhia min tî aniang, alo nui leh hak hak thin a.

"Ka lawm e aw Tae"


"Engvângin maw?"


"Naute hi ilo Pawm hlauh a"

A nui hak a,

"Engvângin nge ka pawm loh ang, Ka fâ a nia, tibkha chuan Pa lî(4) chiah neih kan ngâi tawh"


Nui vur vur chuan alo tî a, ka lo chûm taih a,

"Chutiang em em ka pâi paih teuh lo"

Ka lo ti nâng nâng a,a ha lang thâ a a nuih tawh hi chuan ka lo buai nghâl vek zêl.


"He ti hian awm kum khua thei ila ka tî"


Zâwi sap chuan ka ti a, Anih loh pawn khawvêl hi lo tâwp daih mai se, Taehyung bula awm reng hi ka châk takzet a ni.


"Keipawn ka ti, Tlânbo daih ang hmiang"


A rawn ti sup a, Ka thu ngîl nghâl at,
"I mâwl ami?"

Vîn that chuan ka lo tî a, a nui hak, Thil âwm ang lo pui pui hi a sawi ziah zêl.

________

"Midangin min lo hmu palh ang tih a hlauhawm sia, tlai thleng hi ni mai rawh se aw"


Inthlahrun hmêl deuh chuan a ti a, Nui vur chung chuan a biangah ka chuk zauh, alo nui sak a.

"A pawi lo ka tha lawm"


"Kan naute hi tha deuhin en kawl rawh aw, I ei châk apiang i sawi tawp dâwn nia"

"Ka thâ lawm, ei châk mahila ka luak chhuak leh zêl a, awmzia awm lo"


Ka lo ti nâng nâng a,

"I râi ai hi râi daih ila ka tî"


Ati sup a, A ngaihtuah na Mak thei lutuk chu ka nui hak,

"Engvângin maw"

.Nui har har pah chuan ka ti a,

"Tour ka paih lo a, Chuan awm hahdam mai mai te ka châk ve a"

Avan ho tak e aw, Ka lo nuih kiah kiah a, A ninawm ve duh ngawt ang,a âwm viau tho mai,mahse a ngaihtuahna hi chu Naupang chhia thei ngawt mai.


"Ka kal dâwn Unnie in min rawn call ngun tawh lutuk"


Ka hre chhuak thut, Unnie in vawi 5 lâi min rawn call tawh, ani lah hi min ngaihtuah thei lutuk a,tihoah chuan ka chhuak nghâl a.
Ka chhuâk chiah chu avawt sûk mai, ka khûr nghâl beuh beuh a,Taehyung chu a rawn chhuak ve nghâl vat.


"Tinge i lo chhuah a mi in an hmû ang che"


Ka lo ti nghâl vat a, a hawikual deuh zak zak a, Tu vak mah chu an awm tawh lo na a, Min lo hmu thut te an lo awm ang tih ka hlâu, an zui ru paih sî.

"Kha hei hi ha rawh"


Tihpahin a coat lian tak chuan min rawn khuh nghâl a, ka lo khûr beuh beuh bawk sia,

"Lût vat rawh, Miin an hmu ang che"


Tihpah chuan ka lo nem deuh a, Ka hmui ah chuan arawn fâwp zauh, "Ka hmangaih che u, Kan naute nên hian"

Tihpahin ka dulah chuan a rawn khawih zauh a,Ka lo nui vur vur ringawt.

"Anih ka kal ange aw"

Tihpahin car ah chuan a lût leh nghâl a, ati nung vut vut, A tlân nghâl vut, "Tlân chak thei sia" Tihpah chuan ka phun sep a, Hmanhmawh tak chuan Appartment Lam chu ka pan nghâl.

________

Awilehhh...ni lo..Kan thawmhnaw leh bungrua zawng zawng chu pâwn ah chuan alo awm nuai a, Unnie chu Luggage chungah chuan lo thû in a mittui chu alo hru fap fap a.

"Unnie"


Hmanhmawh tak chuan ka tlân phei nghâl a, A mit chu alo sen râm a, Aka reh sîr chu alo pilh sen deuh bawk.

"Unnie enge awm zia, hei hi tu tih nge?"


A hmâ a thut hniam pah chuan ka ti nghâl mawlh mawlh a, "Na Bi" Tihpah chuan a tap nghâl hak a, Ka lo kuah nghâl vat.

"PD Nim khân he in hi a lei a, chuan a ho te zawng zawng rawn hruaiin kan bungrua zawng zawng nên hian min theh chhuak vek alawm, Na Bi ka hlâu lutuk"


A hnît feih feih a, ka kawchhung hi asa nghâl up up thei, Ka mittui chu A tla fap a, Mahse lungngai a in dawm kun reng tûr ka ni bîk lo, Ka tap dâwn lo bawk, PD Nim hi ka do zêl ang, ngâwi rengin ka tuâr tawh bîk lo ang, Unnie hnem ka ngâi a, tap thei ka ni lo, Mipa anga ka intih pachan a ngâi a ni.


"Unnie tap suh, zan in chu Hotel ah riak phawt ila, naktûk ah in luah tûr kan zawng dâwn nia, Gangnam pawh ni sê inluah tûr a awm em em ang"


Ka ti a, a bu ve nghauh, A awm chu ka ring bîk chuang lo, Mahse Unnie hnem nân ka tih mai angâi sî a, Taehyung pawh ka hrilh buai tawh lo mai ang, Japan tour ah in sâwr bing a ngâi sia, tibuai tawh lo mai ang.


_________

Gangnam a hotel man tlâwm ber ah chuan kan kal tawp a, Chupawh Single room chauh chu kan luah ngam awmchhun ala ni zui.

Unnie chu ala inhru fap fap reng a, Keichu khum ah chuan ka lo in ngaihtuah vang vang a, Engtin nge ka tih ang? Unnie leh zêl in a tuar ta chu nia, Engtin nge thuthlûk na ka siam ang, ni lo, Ka tlâwm dâwn bîk lo, Ka luhlul ka chhuah ve tlat dâwn, Ka chhuah char char bawk ang.



"Unnie rawn mu tawh la"


"Na Bi ka mut pawh chhuak lo, Mu zâwk rawh, i chau awm sia, Naute tân khân a thalo ange"


Ka thaw haK a, Ni tak, Unnie hian zanriah a ei tawh em le?

"Unnie Zan riah i ei tawh em?"

"Aih la ei lo, Na Bi ka ril pawh tâm lo"

.A rawn ti chuai raih a, Unnie awm dân hian ka rilru a ti na takzet, Mahse tih theih dang ka nei bîk bawk si lo.


"Lo awm rawh ei tûr ka va lei ange"


Tihpahin khum atang chuan ka tho vat a,

"Ni lo Na Bi engmah ka ei thei chuang lo ang"


Tihpah chuan min nem thu leh nghâl a, Tûn dinhmun ah chuan a âwm tho e,

"Mu ang"


Tihpah chuan a rawn mu thla ve nghâl a, Nui var var chuan ka lo kuah nghâl, Leh lam chu ahawi daih a, Huiha mihnem dân lah hi ka zei lo bawk sia, A tân chuan ana ve duh ngawt ang, A appartment ngainat em em, A lei hual alo inkhâwl ve tang tang na kha vawi leh khat ah chhuhsakin a awm vek ta chu nia.


Unnie kuah chuang chuan ka lo muhîl ve nghâl daih a.
_________


Company kal tûr chuan kan insiam sat sat a, Unnie chê chu a muang deuh raih a, hmuh a hrehawm lek lek zâwk, a ngâwi châwi bawk sî,

Thawmhnaw ho zet chuan ka inthuam a,Cotton jeans dum chu ka hâ a, kawrlum vâr bântluan chuka hâ a, Jacket lian tak chu ka bawk, Hmanhmawh tak chuan kan in kâi chhuak nghâl a,

Zan in ah pawh tah hian riak leh phawt ila, Vawiina tangin inluah tûr chu ka zawng nghâl ang.


______

Lobby ah chuan Staff ho chuan thil târ chu an lo bâwr laih laih a, Min en zui vung vung zêl bawk, Ka ril lah chu a tâm êm êm mai bawk sî, Ka thinrim lutuk na lamah ka naute pawh ka ka li ngaihtuah hman lo a, Bawihte tihpalh aw, a nu hian ngaihtuah tûr angah bawk sî a, Enge maw min en zui zêl hlawm le? Enge maw tak chu an târ chiang alawm.

"Unnie ti khân lo awm rawh ka va en ange"


Tihpah chuan ka tlân phei a, midang kârah chuan ka va in rawlh nghâl, Lehkha lian takah chuan Unnie Nên min bânna chu a lo in târ kulh a, Ka thaw hak, Ka bul ami te lah chu an phun ser ser reng a.


"PD Nim hi chu a sual ve ngawt mai, Bânna lehkha hetianga an târ kelh kulh ngâi ka hre lo"


Ka bul ami chuan alo tî a, Ka thinrim zual sauh, "Saw PD Nim alo kal"


Pakhat chuan a ti a, midang chu an lo awm tha nghâl sap sap a, An pafa chuan chapo hmêl zet hian anrawn kal vah vah a, chibai an lo bûk nghâl thap, Keichu ka din ngâi chuan ka la ding reng a, a rum thei ang ber chuan ka melh tlawk tlawk ringawt,A hmêl chapo lutuk saw ka bag hian vuak chawrh chawrh mai ka duh, Ka bag chu nghet tak chuan ka hum ngar ngar a, PD Nim in min hmu chiah chu anui tâwp chat.

"Nang kha ka office ah lo kal ang che"


Awki ring tak chuan arawn tî a, midang chuan min rawn en thap a, keichuan ka la melh ngat ngat reng tho, I thil tih pawi zia hi ka la hmuh tîr ve khawp ang che, Tenawm tak chuan min nuih suk a, akal nghâl daih, Bang Cheo Rin chuan min rawn pan ve nghâl a, A thawmhnaw hâk dawrawm thei lutuk hi ka luak ati chhuak,Ka hmâ takah chuan arawn ding chat a, BTS ho pawh chu an rawn in zui lût ve dam dam a, Min hmu chiah chu an ding vê thap, Taehyung chuan min rawn pan nghâl a tum a, Jin chuan alo pawt lêt vat thung, Midang hi chuan min lo en ve thap hlawm bawk a.

"Nang ang mi hniam lutuk kan company a i thawk hi a inrem lo rêng a ni"


Tihpah chuan ngeiawm zet hian a nui sak a, Unnie bulah chuan ava kal hnâi leh a, "Ka Coffee in na no hi min va paih sak ta che"


Tihpah chuan Coffe no ruak chu a pe a, Unnie chuan ngâwi reng in a lâ a, Paih a tum ta mai, ka insûm zo tawh lo, ka alh mai dâwn in ka hria.


"Unnie ding rawh"


Tihpah chuan ka kal phei ve nghâl a, Unnie bân ah chuan ka va vuan chat a, Unnie chu a mittui a tling kiau bawk.

"Bang Cheo Rin Unnie hi i chhiah hlawh a ni lo aw"


Ka awki pawh a sâng hlê, ka thinrim lutuk hi ka thâwk a tâwp mai dâwn in ka hria, ka thaw hak hak a, Ngeiawm zet chuan a nui hak.

"Nangtê hi ivan zak thei lo vê a"


Tihpah chuan min rawn ben a tum a, a kut ah chuan ka lo man chat, A tâl chat chat a, Naupan lâi atanga hna rum tak tak thawk a, thil rit tak tak châwi thîn hi min hneh ka ring lo rêng a ni.

Chhuat ah chuan Ka paihthlu thuai a, atlu sawp nghâl nuai a, A râk nghâl that bawk, Midang chuan mak tih hmêl zet hian min lo en thap a, tanpui pawh an tum lêm lo, Unnie Coffee ken lâi chu ka chhuhsak lawp a, A coffee in bâng nâwi chuan a chhîp atang chuan ka leih a, A râk nghâl that, Midang chu an lo âu deuh that bawk a, An in hrilh ru nghâl mawlh mawlh bawk.

Tiffany chu in la chhelo zet hian arawn lût ve leh chiah a, Bang Cheo Rin A hmuh chuan athaw hawk A, Hmanhmawh tak chuan arawn tlân phei a,

"I tha em?"


In la no zet hian arawn tî a, Ka lo nui lui hak, Hemi te hian Taehyung an duh ve ve sia, an inkâwm leh ang lawi bawk sia, Mi mak tak chu an ni ve chiang alawm.

"Unnie henu râpthlâk zia hi"

Tap âw tiau hian Bang Cheo Rin chuan arawn tî a, Ka nui hak, Tiffany chu a rawn ding chhuak hluai a, rum tak chuan min melh bawk.

"I van Zak thei lo ve a, Hetianga ti tûr hian eng theih na nge i neih, Khawlâi a, vâk vâi ve mai mai sî"


Awki ring taka tihpah chuan Bang Cheo Rin chu a kâi tho nghâl a, Staff leh BTS ho chuan min la en thap reng tho.

"Khawlâi a vâkvâi ve mai mai hian enge a tih theih ka hmuh tîr dâwn che mî, Ka thiam thil ka hmuh tîr che i dum em?"


Inseh ruh deuh tûn chuan ka ti a, Ka thinrim lutuk hi Engmah hlauh pawh ka nei tawh lo, Lee Na Bi hmasa ang khân ngâwi rengin ka tuar tawh dâwn lo.

"Sawi ta che"


Tihpah chuan ka va pan hnâi a, A lo ngâwi nghâl dâk a, Unnie chuan min lo kuah bet nghâl vat bawk.

"Na Bi a tâwk, Bungrua lâ ila hâw vat ang, He lâi hmun ah hian awm ka duh tawh lo"


Tap tiau chuan arawn tî a,Lift lam chu min pan pui nghâl dâwr dâwr a,"Pawn lam mi tân kha lâi kha hman phal a ni lo" Reciptionist chuan a lo ti vat a, Ka hawi lêt nghâl vat,"Kan bungrua kan la dâwn buaina i nei ami?"

Ka lo ti fak a, a ngâwi leh nghâl hmak, Midang chuan kawng min lo kian sap sap a, BTS Ho pawn ngâwi reng chuan min rawn zui ve nghâl a.


Lift ah chuan kan chuang ho thap a,

"Na Bi chu ilo huai ngêi mai"


Jimin chuan Nui hak hak pah hian arawn tî a, "Ka lungphû te hi ala rang"
Jungkook chuan a thin zâwn dam chung chuan a rawn tî a, Midang pawh an insûm zo tawh lo, Min nuih dar dar hlawm a, Taehyung chu a nui ve vak miah lo thung, Râpthlâk min ti viau pawh ani mahna.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:43 pm

DON'T LEAVE ME
CHAPTER-27
BY
HLUTEI JOCUND PACHUAU






_________




Stylist room ah chuan kan bungrua chu kan khung dûn sat sat a,Unnie chuan a mittui a hru fap fap reng a, midang chuan ngawirengin min en top reng ringawt.

"Noona atha leh vek mai ang, Nang aia thiam hi chu kan hmuh leh tawh pawh ka ring lo"

Namjoon chuan alo hnêm ve a, keipawh chu kan inhru ve fap fap ringawt.

"Kan appartment min lâksak leh tawh bawk sia engtin nge kan awm tâk ang Na Bi"


Tap âw tiau hian arawn ti a, ka mittui ka lo hru ve nghauh,

"Noona An laksak cheu maw?"

"Aw, PD Nim khân nizân ah min theh chhuak alawm"

Tap âw tiau hian a tî a, Unnie chu ka lo mit mei char char a, min en duh dêr bawk sî lo.

"An khawih na che em?Tinge engmah i sawi loh a Na Bi"

Taehyung chuan min rawn pan hnâi vat a, A lungâwi hmêl chiah lo bawk.


"Tihbuai che ka duh lo a, Kan tha lâwm"

Zâwisap chuan ka ti a, a thaw hak, Sawi tur mai pawh a hre bîk lo aniang,


Ni tak, PD nim khân min ko tak e,

"Unnie Tikhân lo awm la, PD Nim chu ka va hmu lawk ange"


Unnie chu a bu nghauh a, "ka lo kal ve dâwn"

Taehyung chuan min ngaihtuah hmêl zet hian alo tî a,


"A ngâi lo, Ka hlau hleinêm"


"A dik chiah, Na Bi shii hian PD Nim hi a hnek duh mai ka ring"


Jungkook chuan alo ti vat a, ka nui hak, "Ka kal ange" Tihpah chuan ka tho a ka tlân chhuak nghâl, Enge maw sawi a duh le? engpawh nise kal phawt ang, Tihpah chuan ka tlân dâwr dâwr a,



Huihaaa..."Lee Na Bi, Huaisenna"


Tihpah chuan thâwk ka la hak, Kawngkâ chu ka kik karh karh a, "Lo lût rawh"

A tih rual chuan kawngkâ chu ka hawng nghâl thuai a, An pafa thum chuan min lo en thap, ka zâm leh rilru deuh leh nghâl, Bang Cheo Rin chuan rum zet hian min lo melh reng a, "Thu ta che"

"Thu khawmuang tura lo kal ka ni lo, Ka in min laksak a, in luah tûr ka zawn a ngâi, Hnâ nen"

Ka lo ti hmak a, a nui suk, a hmêl tenawm zia hi, tawng nêm dei duai sî,

"Min beih chu ila duh cheu a mi a, Engmah i nei tawh lo chung pawh khân"


Chapo zet hian ati a, ka kut chu ka lo hûm ruh ngat ngat ringawt,ka chhâng buai paih lo,ngâwi reng chuan rum zet hian ka en reng a.

"Kim Taehyung hian a tuar leh anga ni mai lawm"

Awlsam zet hian ati a, ni lo Taehyung hi a ti na nih vaih chuan keimah vânga a tawrh hi ka duh reng reng lo.

"Tenawmpa"

Zâwi sap chuan ka ti a, a nui hak, ka mittui chu a rawn parawl kiang kiang a,

"Enge ka lak atang hian a duh a"

Aw khûr dar dar chuan ka tî a, a nui suk, Dawhkân chu rawn bawh in uluk tak hian min chhoh en rûn a,

"Ka fapa hi nei la, Kim Taehyung hi kalsan rawh"

Enga!...Engtin?...Hepâ hian enge maw a hriat le?..Bang Woo Jee hi ka nei ang maw? thih pawh ka duh zâwk

"Nei duh lo ta ila".

"I duh loh chuan Kim Taehyung hi hrehawm takin ka siam anga, a rilru leh A lârna zawng zawng te, a engkim hi ka ti chhe vek ang"


Ram hmak hian arawn tî a, mittui tla fap chung chuan ka thaw hak,ka naute pa hi engtin nge ka kalsan theih ang, Ni lo, Kalsan tâ ila, Taehyung chuan hmâ a sâwn zâwk ngei ang.

"Taehyung chu ka kalsan thei lo"

"Engvâng in?"


"Tûn ah hian a fa ka pâi mêk a, engti kawng mahin ka kalsan thei lo"

Ka lo ti hmak a, mak tih hmêl deuh chuan min en thap, Bang Woo Jee chu alo thaw hak a.

"Lee na Bi Taehyung hi ka tâ chauh a sin"


Bang Cheo Rin chuan tap bâi bâi chung hian alo tî a, Chapo zet chuan ka kal chhuak leh nghâl dâwr dâwr a, min rawn ûm ang tih ka hlauh zia chu.


_______

"Enge a lo sawi a"


Unnie chuan hriat châk hmêl zet hian alo tî a, Bts ho nên chauh chuan an lo awm tawh, Min lo en thap a,Engmah thleng lo anga ka awm a ngâi a ni,

"A tha vek e Unnie, Mahse ka ril a tâm lutuk a"

Ti nâng nâng pah chuan ka pum chu ka chûl vêl a,, Taehyung chuan min rawn pan nghâl,"Enge i ei duh, Thil ei phawt ula in kal dâwn nia"


A ti a, ka lo bu ve nghauh, Ei châk ka ngah bawk a, Bialpa Hausa neih man ah Ka'n sawi teuh teh ang.

"Awi a tam lutuk"


Tihpah chuan ka ngaihtuah vang vang a, sawi tûr ber pawh ka hre lo e a.

"Kha hei hi en rawh"


Tihpahin a phone ah chuan Menu tam deuh hi min hmuh a, Ka duh chu ka lo kâwk kâwk chat chat a, Ka sawi zo chu a nui var var, "Enge"

"I pumpui a lian êm a".

A ti sup a, ka hmûi ka lo ti pawrh vak ringawt,

"A len ve bawk loh in le!...Naute deuh duhawm a awm miau alawm"

Ka lo ti ru sa sa a, Nui vur vur chung chuan min en ringawt, Taehyung hi a hlim vê tak tak a mawni le,nilo...keilah hi thil âwm ang lo pui pui ka ngaihtuah reng a.


________


Couch ah chuan that chhe zet hian ka thû a,Taehyung nên chuan Piano Games kan lo khêl mial mial a, a thiam lo lutuk chu ka lo vîn vak vak ringawt, A hmâ ang khân ho te te ah a titàu tawh miah lo, Kawngka rawn in hawng ri bur ah chuan ka phu zawk, Ka hawi chhuak chu Bang Cheo Rin hi alo ding sâwi lûk lûk a, Zu rim anam ther ther bawkA rawn kal phei chhat chhat a, Ka hmâ takah chuan a rawn ding chat, A mascara a pherh deuh nuai a,A sam a buk deuh chhup baw,Kan lo en thap tawp.


"Kim Taehyung hi ka tâ a nih hi, A fa i pâi vâng khân I tâ tihna ni lo"


Awi nilo, Henu hian enge a hriat le? Unnie chuan a kâ chu a rawn hup vat a.

"Maw?"

Jhope chuan a rawn ti that a, Mipa Pa 3 suit dum hâ chuan an rawn hruai chhuak leh nghâl vat a,"Kim taehyung hi ka tâ" ala ti char char zui.

"Enge awm zia Na Bi shii"


Jimin chuan arawn ti hâ a, Midang chuan min rawn en thap bawk, Taehyung chu kun ngal a, keipawh a kun Tawp, chhân dân tûr pawh ka hre lo, ka zak bawk si .

"Kim Taehyung Enge awmzia"


Namjoon Oppa chuan arawn ti vawt raih a, Ka lungphû alo rang det det ringawt,Namjoon Oppa thinrim hi chu ka hlâu bîk ngawih ngawih midang zawng zawng aiin.

"Hyung pawi ka ti lutuk, Na Bi hi a râi a "

Taehyung chuan a ti chuai raih a, An ngâwi thap ringawt,mak tih hmêl deuh chuan min en reng a, Jungkook erawh chu a nui var var thung.

"Keichu Patea ka ni dâwn"


Jungkook chuan arawn ti chhuâk hlawl a, Jin chu arawn nui hak, Midang pawh chu an rawn nui chhuak ve huk a, Taehyung chu an rawn bawh nghâl, an râk chiâm chiâm bawk a, Jin chuan nui vur vur hian min rawn melh zawk a, Ka lo nuih ve suk suk ringawt, Ka van zak tak, Ti kha chuan kan thil tih engkim an hre ta vek e.


Ei tûr alo thleng ania, Jungkook chuan arawn ti lâng lâng a, Hmanhmawh tak chuan ka va tlânphei nghâl, "Awi a rim chu" ka hîp lût vang vang a.

Ka hawng nghâl rawk rawk a, ka hmawm nghâl mawlh mawlh ringawt, Avan tui tak, Ngâwireng chuan min lo en thap reng a, ka inthlahrung leh deuh hlek.

"Naute hi a ril a tâm a"


Nui hak hak pah chuan ka ti ringawt a, Suga chu a rawn check tlak tlak a, That chhe deuh chuan a thu thla nawk,

"A mak E, V (Teahyung) hyung Hi pâ a ni tawh dâwn nia"


Jungkook chuan a rawn ti chhuak hlawl a, Nui vur vur chuan min rawn en ringawt, Ka lo nui ve suk a,Enge maw a mak vak na le,

"Na Bi shi hi a râi chuan a awm zia Chu, Nangni hi, Engtik laiin nge in tih reng reng a"


Jimin chuan a rawn ti leh a, Ka thil ei lái chu ka phuh lo chauh, Chutiang te han sawi leh tawp thin, Jimin tak hi chuh, Ka zak bawk si.

"Hun âwl a piangin a ni mai"

.Taehyung chuan awlsam zet hian alo tî a, Jin chuan a tui in lâi chu a rawn hâk kharh kharh a, Midang chu an lo nui khûr ngar ngar ringawt, "Hey...Naupang, Zêp then ve em em rawh"

Jin chuan alo ti hlak hlak a, Taehyung chuan nui vur vur hian min rawn en a,Ka thil ei hmuam tûn chung chuan rum thei ang be hian ka lo melh a.

_________


"Na Bi Hotel ah bawk in lêt leh dâwn ami?"

Jin chuan min ngaihtuah hmêl zet hian arawn ti a, Ka lo bu nghauh,

"Kan lêt mai loh chuan, In luah tûr kan la hmu rih sî lo a"


Unnie chuan alo ti chuai raih a, keichu ka mood a fu leh tawh lo, ka thil ei khân min pump ut ut mai, ka luak a chhuak lutuk.

"Hyung, Na Bi te hi Ka in ah Hruai ila, a pawi viau a ngem? Hotel a awm tîr chu ka ngaihtuah bawk sia"

Taehyung Chuan Namjoon chu inthlahrung zet hian adîl a,

"Tih ngaihna dang a awm bawk sî lo a, Hruai mai rawh, Naute tân a tha lo ang"

.A rawn ti ve sup a, Taehyung Chuan Nui var var hian Namjoon chu a kuah nghâl, "Hyung ka lawm e, Ka hmangaih che"

Ring zet hian a tî a, Unnie chu alo nui hak,

"Kal teh, Enge Maw i tih le? Naute tân alawm ka tih"


Alo ti hmuk a, Taehyung chuan alo kuah bet tlat thung,Unnie nên chuan Kan lo nui hak hak a.


"Na Bi, Driver Kim Ka Call anga alo buaipui ang che u aw"


Phûr zet hian arawn tî a, Ka lo bu nghauh,

"Mahse i in a awm ve ringawt Chu Tae"

"Hey...Na Bi shii, Taehyung Ngaihdân chu keipawn tha ka ti, Naute kha ngaihtuah awm"...


Jhope chuan arawn ti a, Ka lo tûm hmak, Tinge an vai hian Naute, Naute, an tih reng le, Keimah min ngaihtuah pawh an ni lo, Naute chauh.

"Ka pum chhûnga awm chauh in ngaihtuah bîk a"


Ka lo ti hmuk a, Taehyung chuan min rawn kuah nghâl vat, "Keimah ka awm alawm"

A rawn ti sup a, Midang chuan nui hak hak pah hian kut an lo bêng dar dar ringawt.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:45 pm

DON'T LEAVE ME

CHAPTER-28
BY

HLUTEI JOCUND PACHUAU


EDIT LO IN KA RAWN DAH NUAIH, ka mut chhuak over tawh lutuk a


"Hey..Duhtâwk teh U"

Tihpahin Suga chuan Taehyung chu arawn bêng taih taih a, Kan lo nui hak, Rei vak lo ah Driver Kim pawh chu a rawn thleng ve nghâl a, A in a awm ve ringawt chu, Midangin min lo hmu ta se thu mak pui pui te kha an phuah chawp leh ang a, Huihaaa..

"Kal ang U le"


Driver Kim chuan Dam thlup hian arawn ti a,

"A pawi lo tak tak ang maw?"

Ka'n ti leh hrâm a, Taehyung chu a thaw hak,

"Midang thil sawi ka ngaihven lo, Nang leh Kan Naute chiah ka ngaihtuah, A tha em?"

ka dâr tawn tawn a rawn vawn pah chuan atî a, Ka lo nui lui sak, Driver Kim chu Unnie nên chuan kan zui chhuak nghâl dat dat a.

___


"Mister Kim Hei hi Taehyung In maw?"

Mak tih hmêl deuh chuan ka tî a, Driver Kim chuan nui suk hian a bu nghauh a, A len dân chu a thianghlim bawk sî, Rawng dum leh Avâr a chei a ni a, A grey pawh a tel deuh, Heti khawpa hausa techu a chhûngte kha tanpui sê, intha deuh te sak sak âwm ania.


Luggage chu Driver Kim chuan a lo khâi a, Midangin min hmuh kan hlauh Vâng chuan Unnie nen chuan kan in khuh tlat bawk, Ka hawi kual zak zak reng ringawt, Tûmah veivâk an awm lo hlauh e, Gangnam Ni mahse ka rin ai daihin a reh, A fâl reuh sia, a nuam phiân.


Maid Hmeichhe 2 Upa lam tawh hi an lo tlán chhuak vat a, Min lo buaipui nghâl mawlh mawlh bawk, Unnie nen chuan kan in en tawp, Hetianga min buaipui tû hi kan nei khât ve ang reng sia.


A in chhûng kan lût chiah chu ka ka huau thei,Pâwn ang bawk khân rawng hnawih vek a ni a, bungrua engkim chu a changkâng bawk sî, Hetiang in nuam lutuk ah hian ka la kal ngâi lo reng reng,a chhûngte tan pui ve âwm, Tih ringawt chu ka rilru ah a awm nghâl, Room nuam zet ah chuan min hruai lût a.

"Ka pu in hetah hian hruai tûr che u in min tia, Room hrang ah in mut duh chuan a awm tho ania"

"A ngai lo, kan mu dûn mai ang"


Unnie nên chuan kan lo ti vat a,An chhuak chiah chu khum ah chuan ka mu thla nawk a, Engtin nge kan awm leh zêl dâwn le?..hetah kan awm reng thei sî lo, Hna ka thawh a ngâi bawk sî, eng hnâ nge ka zawn tâk ang le?, Engmah hi ka hrethiam tawh lo, Rei fê chu ka mu vang vang a, khua a thim vek tawh,Ka pum chu a rawn ri ruk ruk a, Unnie chu alo nui hak.

"Naute hi a ril a tâm a"


A hmui chu a ti pawrh zauh a, Ka nuih vur vur ringawt, ka ril avan tâm tak.

Room kawngkâ chu ka hawng dêk dêk a, An thil siam rim chuan ka hîp lût vang vang, avan rim tui tak, Ka chil a rawn pût nghâl, Ka kal chhuak dêk dêk a, Choka lam chu alo ri sar sar a, Maid Nu Pa 2 chuan eirawng an lo bâwl malh malh bawk.

"E Ka pi, Ka pu khân ei tûr siam sak tûr che in min ti a"

Nui sâng chuan a ti a, Ka lo nui hak,Ka rin ai daihin min ngaihtuah phiân chu lê,

"Ka lawm e, Unnie kan Ko ange"


Tihpah chuan Room lam chu ka pan nghâl a.

"Unnie hawh ei tûr min siam sak a, ei ang"


"Engmah ka ei châk lo, Interview tûr in Ka chhuak lawk dâwn aw"

Tihpah chuan Coat chu aha tha sawk sawk a, Ka lo ner nâng ringawt, Mahni chauh a awm chu van khawhar thlâk dâwn ve.

"Awle, Anih tha deuh in aw"


"Awle ka kal"


Tihpah chuan a chhuak daih a,


___


Mahni chauh chuan Ei tûr min siam sak chu ka ei niap niap a, Ei pawh ka ei tui nek lo e a, nitin hian ka pum lah hi a puar telh telh in ka hria, Ka pum chu ka zût niap niap a, Ka tâi bâwr vêl a pâwng ve deuh alh chu Naute awmna ani tih ka hre nghâl, Ka nui var var reng a, Sana ka en zauh a, Dâr 9pm alo ni duai tawh, Unnie pawh chu enge a tih chen chen le?.


Mahni chuan ka tei ka tei a, Taehyunga Room chuan ka lût zâl zâl a, A room chu alo fel thak mai, A khum chu Avâr leh Grey rawng deuh hi a ni a, A bang vêl chu a grey vek a ni bawk, A thawmhnaw dahna room lah chu Gucci vek a ni leh nghâl, Ka nui suk a,

"Gucci hi chu a ngaina ve chiang alawm"


Common room lamah chuan ka lêt leh a, Tv te chu ka en vêl ta mai mai a, En tûr lah chu avâng bawk si, mutchhuak chu a rawn kal chiai chiai a, Ka lo muhîl nghâl daih.


____


TAEHYUNG PROV


Sofa a Na Bi that chhe zet a lo muhil bâm ka hmuh chuan ka nui hak a, a châu hlê anih dâwn hi, Vawiin ah lah a che tha ropui sia, A kut chu hûm in A muhil lâi chu ka en reng a, A hmuisen var chu ka fâwp châk takzet, Mahse tih harh ka hlâu bawk sî, A muhîl lái chu ka thlîr tlawk tlawk reng ringawt, Ani hian engkim min zirtîr a ni,chhungkaw neih hlut zia te, Hmangaihna hlut zia te, Ka suk a, A rawn tâl chat chat a, A rawn meng nghâl diar diar a, A duhawm reuh zia chu, A rawn nui nghâl var var a,a hmui ah chuan ka lo fâwp nghâl.


"Dâr eng zât nge a?"


Zâwisap chuan arawn ti a, Sana ka en chu Dar 11 alo ri têp tawh,

"Dar 11 Ari têp"

"Enga!Unnie lo la hâw miah lo"


Hlauthâwn hmêl zet hian arawn ti a, Khawnge maw a kal le? Noona Chu,Hmanhmawh tak chuan a call nghâl a.

"Unnie Ilo van haw har ve khawnge i awm?"


Vin hlak hlak chuan a tî a, ka lo nui suk, a thinchhiat reuh zia hi âw, Noona Pawh hi a nau chei ringawt a ni âwm sia.


A dah leh hmak a, a tûm bâr bawk, Enge maw Noona chuan alo sawi le?

"Enge thleng a"

"Unnie chuan hnâ ahmû a,Tunah a training nghâl dâwn nih chu ka haw har ang a ti"


Lungawi loh hmêl zet chuan a ti a, ka lo nui hak, Ka va kuah nghâl thlawp a, Alo phu dâwrh leh nghâl, Tinge maw Ho tê tê ah hian a phut vak vak zêl le?


"Naktûk Kha kan kal hun a ni tawh a, Ka ngâi ngawt ang che"

"Keipawn ka ngâi ngawt ang che"

A rawn ti zâwi sap a.
A kûn lap bawk, A pum chu ka va khawih a, Mak tih hmêl deuh chuan min rawn en kar,
"Kan naute chu khawi ber ah hian nge a awm a"

"Tah hian"


Tihpahin A hmeichhiatna Chhak deuh a tâi bâwr vêl lo pâwng deuh pârh chu min khawih tîr a, Ka lo phu zawk thei, A nui har har a, Ka rin ai daihin amak, Tah hian ka fâ chu a awm ve ta mai chu nia, mak ka ti tâwp thei lo, Hmeichhia hi an lo mak ngawt mai, Nunna nei bawk Pâi thei tûr khawpa chak thâ an nih hmêl bawk sî lo a, Awlsam deuh hian an pai thei mai bawk sia, Kan ram angah chuan puitlinga chhiar ka ni tan ve dêk dêk a, Fa ka nei dâwn ta mai chu nia, Army ( an fans te sawina aw) Hian hria sê eng angin nge an ngaih ang le? min ngâi khawlo ngawt ang, Ka tân chuan Ka nuna mipawimawh te vek an ni sî a, Min hawisan mai chuan ka chhe vek thei ang, mahse theih tâwpin tan ka lâ anga, Mihring ve tho ka ni a, Hmangaih tak ka neih hi chu Pawi an tih bîk ka ring lo, Min lawm hliah hliah zâwk ka ring,Ka bula thlamuâng taka Thû he hmeichhia ka hmangaih na hi min hriatthiam ngêi ka beisei tlat a ni.


Ka dâr ah chuan a lû a rawn nghat a, alû ah chuan ka lo chuk zauh,


"Tae"

"Aw enge?"


"I nu i ngâi ve thin tho em?"


A rawn chuai raih a, A nu a ngâi a mawn le? Na Bi hi a châng chuan hriatthiam har ka ti thin, Mahse hmeichhia chu hriatthiam an har vek.

"Aw ngâi thin tehrêng mai, BTS group a ka luh tirh phei chuan ka la Naupang bawk sia, Ka tap ru thîn a,Midang pawh an ni vek"


Kan nun hlui te chu ka sawi chhuak a,

"Mommy ka ngâi lutuk a, Hmanni ah min lo phone a, Seol ah ka rawn kal dâwn ati sia, Tûn thleng in min lo la call leh miah lo a"


Tap âw tiau hian a rawn tî a, Na Bi tân chuan ala âwm ve tho, Tleirâwl mai ala ni sî a, Amah ang rual ka nih laiin keipawh ka tap ru ve thîn tho kha nia, ka rin aiin a tuar chhel zâwk ngawt mai, A hmêl chu ka en vat a, A mittui chu alo parawl kiang a, Alo men pâr bawk.


"Tap suh le, I nu chuan a rawn call leh Em em ang che, a hmangaih êm che kha"


Tihpahin a mittui chu ka hrûk sak a, a tap ri hak, Ka ti tap zual sauh zâwk in ka hria, ka kuah nghâl vat a, Na Bi nu biak pawh dân ka ngaihtuah a ngâi a ni, Hetianga a tah reng techuan Naute tân pawh a tha lo ang,ka awm bo san rei dâwn sî.

"Tap tawh lo la, Kan naute tân khâna tha lo ang, Hei Naute thil tûr te ka lo lei a"


Tihpahin Naute Mawza ka lei chu ka phawrh a, a mittui chu a hru nghâl vat.


"Taehyung, Hei chu Hmeichhe Bun chi lâwm"

Mittui tling kiau chuan a nui hak a.

"Ka mit ala lutuk a ka lei ve tawp, Hmeichhe bun leh Mipa bun pawh ka hre hrang lo"

Awlsam zet chuan ka lo ti a, A tap hliam hliam amaw ka tia, Naute mawza vâng mai maiin a hlim leh êm êm tawh, Hmeichhia hi chu an mak ve ngawt mai.


"Hmeichhe thil tûr i lei hmasak ber dân ah hian Hmeichhia ni dâwn chiang"


Phûr zet hian alo tî a, ka nui suk, Amah ang chiah a Lalfanu duhawm deuh hi hring chhuak se ka ti ngawt mai.

____


Khum ah chuan Inkuah rial hian kan mu dûn a, Mahni khum ngêi a Kan hmeichhe hmangaih leh Duh em em mutpui chu a dân a dang zar mai, Ka rin aiin a nuam phiân,a muhil thaw ri sêk sêk chu ka ngäithla vang vang a, Keipawh ka chau deuh aniang,Mutchhuak arawn kal ve nghâl, Ka lo muhil ve nghâl daih a.




2 WEEKS AGO


Kâr hnih lâi alo liâm leh ta, Taehyung in ah Unnie nên chuan kan awm ve ta reng a, Japan Tour an neih pawh an hlawhtling viau mai, Nakum kum tâwp lamah hian World tour neih an rêl bawk, Japan Tour an neih atang khân Taehyung chu alo hâw ngâi meuh lo, Company ah ka kal ngam bawk sî lo, Ka biak lahin Ka buai atia a dah hmak zêl bawk si, Ka ngaih ang hian min ngâi velo pawh ani mahna, Ka dul lah chu ani têlin a lian telh telh bawk si, Jin Oppa chu Alo kal zeuh zeuh thin a, Min khawngaih theih hmêl êm êm leh nghâl, ka lak ah hian zêp anei amawn ni zâwk le? te ka ti hiâl a, Mahse Taehyung chu ka ring hlel phal chiah bawk sî lo.

24 zân a ni tawh a, Kan in date tum zân kha a ni, khua a thiang in a vawt vur bawk, Mufler sen leh coatfual var ka ha a, a lum thei ang ber in ka inthuam a ni mai,Ka dul tlêm alan ve deuh tawh vângin kawr lian lam zêl ka hâ a, ka sam sei hniang buang deuh thang chu thlah thla siau bawk, Thingkûng Decoration light a mawi tak a chei hnuai ah chuan Ka mipa hmangaih em em mai ka lo nghak mêk a, Dar 8 a lo thleng tur a ni a, a lo thleng har tawh bawk si , ka hawi kual reng a, amah awm reng reng ka hmu mai bawk si lo, Ka call a pick-up thei bawk si lo, Dar 9 a pel leh duai tawh, Khawvawtin min hmeh na ka taksa ana deuh thûm mai, A châng leh ka vei kual a, a châng leh ka thu a, ani hian a lo theihnghilh tawh amawn le?, Tinge tûnlâi hi min ngaihsak tâk miah loh le?


A restaurant kan pahnih (2) chauh a kan chawlh na tur ka ep chiah ah chuan a awm bawk, Enge thleng niang le? Darkar 2 dâwn ka nghak tawh, Ka mitmeng techu a thîp deuh thûm tawh bawk nên, ka pang asa deuh vur bawk si, Boruak thiang tak hnuai ah chuan ka lo nghâk reng a, A vawh êm vâng chuan ka thaw khu deuh hlat hlat bawk, vawt ka ti in ka khûr ru deuh char char a, Alo kal mai bawk si lo.

" Tae ka nghak reng che sin"

Phun deuh ser ser chuan ka ti a, Thei leh thei lo chuan restaurant lam chu ka pan phei chhat chhat a ,

"Madam Midang in seat an hauh vek tawh a"

Manager ni awm tak nula hmeltha leh felfai em em chuan nuisang hian alo ti a,

"Ka bialpa ania, a hauh tu kha"

Zawisapa tih pah chuan Thutna nuam deuh lai chu ka pan nghal a, Ka taksa zawng zawng anat deuh thûm vâng chuan chét pawh a harsa ngei mai.


Darkar 3 lai ka nghah tâ, beidawngin ka chhuak leh ringawt a, Kawtthler mawi tak an chei hnuai a nula leh tlangval In ngaih hmel taka an awm dun ka hmuh chuan ka rilru a na in ka thinrim bawk si, Vawi tam tak ka call a min chhang bawk si lo, Lungdam lo tak chuan Haw chu ka tum ta zawk a, Ka dang a ro in ka khuasik deuh bawk sî, Muangchang chuan ka kal phei chhat chhat a, Ka taksa a rawn zâwi deuh ti tih tawh, Ka khaw hmuh techu a fiah lo vek, Ka thil hmuh chu a rawn thim riai riai a, Ka taksa nghing dawt chu ka hriat hnuhnun ber a ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:45 pm

DON'T LEAVE ME
CHAPTER-29
BY
HLUTEI JOCUND PACHUAU



Edit mumal lo leh nuai tawh, dik lo deuh lâi alo awm pawnChhiar dân in lo thiam mai dâwn nia aw😘😘😘😘





TAEHYUNG PROV



PD Nim te chhûngkua chu Zanriah ei pah chuan an ti ti mawlh mawlh a, Ka thil ei pawh a tui nek lo e a, Na Bi'n min call tih chu ka hre reng a, Mahse ka la paih lo, Phuba lâk ka duh a ni, Cheo Rin chuan ka phone chu min rawn lâksak daih a, Ala ak hmak zui, Ngâwi reng chuan ka ei chhunzawm leh nghâl mai a.

Flash Back


Thlawhna ah chuan kan thu thap a, Na Bi ringawt ka rilru ah a awm, Ka ngâi leh nghâl dêr tawh, A pum ka khawih leh châk zek zek mai, Ka kut phah en chuan ka nui suk a.


"Lee Na Bi in Nau a pâi tih ka lo hria a"



Rang tak chuan ka hawi chho vat, Bang woo Jee chu ka bul mai ah chuan alo ding reng a,ka thaw hak, Hepa hmêl ka hmuh apiang hian ka sa up up zêl.

"Enge i duh?"

"Engmah ni lo e, Lee Na Bi naupâi hi ifa a ni chiah em tih ka hre duh mai mai mawle"


Hepa hian engthu nge maw a sawi reng le?

"Enge i sawi awmzia chu?"

"Ka fâ zâwk pawh a ni lo ang tih tunge sawi thei?"


Ngeiawm zet chuan a nui suk a, Ka thinrim lutuk chu ka ding phut a, A kawr nghâwng ah chuan ka theih tâwp ana in ka thâm nghâl, Ka thiante chuan min lo en thap a.


"Ngâwi hmak rawh Hmela"


"Ka pa Birthday zân khân enge a chungah ka tih i hre châk em?"


"Duhtâwk rawh"


Ka awkî pawh a sâng hlê, Namjoon Hyung chuan min lo pawtsawn nghâl a,

"Bang Woo Jee I sawi thui mah mah a ni"


Jin hyung chuan alo ti ve vat bawk, Ngeiawm deuh chuan a nui suk a, Na Bi chungah khân enge maw tak chu a ti ngêi alawm, Engmah hi ka hre lo, Ka fâ a ni tak tak lo pawh a ni thei angem? Ni lo, Na Bi hi ka ring tûr a ni.

"Nang nên hian Naute chu kan in tâwm mai a ngaih hmêl"


Ti sup pah chuan a kal sawn nghâl a, Va ûm zui a khawih hrep mai ka tum tawh, Jin Hyung leh Namjoon Hyung chuan Min lo pawt ding nghâl,ka thinrim lutuk hi ka sa pup pup thei, Ka phone chu a rawn ri ral ral a, Na Bi a ni, Ka hua, Ka haw takzet, Ka phone chu chhuat ah chuan ka paih thuai a,


"Enge maw i tih le? Na Bi nih kha"


Jin hyung chuan a ti a, Ka thaw hak, Ka lû chu ka tuai vang vang a, Na Bi hian min lo bum reng amaw? Banch ah chuan ka thu hnawk a, Ka hmâi chu ka hup tawp, Na Bi nui ver ver lâi chu arawn lang chuai chuai a, Ka thinlung zawng zawng hi a kehsawm vek ni mai hian ka hria, Na Bi lehhh...Ka haw tak zet.

"Hey....Nau a, Khapâ thusawi kha engahmah ngâi suh, In inkâr tih chhiat a tum mai mai a nih kha"


Jin hyung chuan ka dâr ah chuan a rawn khawih vat a, Mahse ka keh chhe vek, Ka lo hlim ve hman a sin le? Engtin nge ka lakah a zêp theih zâwk.

"Hyung, Na Bi hian min lo bum reng a ni thei angem?"


"A teuh lo Hyung, A bum lo che Na Bi shii hi ka ring"


Jungkook chuan alo ti vat a, Jungkook chuan a ring ang, An in ngaina in Unau ang mai an ni a, Ring tûr pawh a ni, kei ngêi pawh hian ka ring tûr a ni, Mahse tinge ka thinlung hi Fei zum taka chhun ang mai hian anat tlat sî le?


"Taetae, Na Bi chu ring rawh aw, a hmangaih êm che kha, Nangpawn i hmangaih a, In in hmangaih na vâng talin i ring tûr a ni"


Jhope hyung chuan a lo ti vat a, Ka lo bu nghauh ringawt, Mahse ka na tho.


Tour na ah pawh ka mood a fu thei thlâwt lo, Mahse ka tilang lêm lo thung,



Kan hâw leh Hnu pawn Na Bi ka hmuh apiangin khapâ khân a khawih dân tûr ka mitthlâ zêl a, alak ah thil tha lo ka tih mai ka hlauh vângin Ka peh hêl zêl ta zâwk a ni, Jin hyung chu ka in a akal ka hmu fo a, Na Bi nui lâi chu Râl khat a tang chuan ka lo thlîr reng thin ringawt, Mahse ka hnaih thei thlâwt lo a ni, Ka rilru ana zêl bawk sî a.

End Of Flash back



____


"Kha Jin Oppa in alo call che a"


Tih pahin Bang Cheo Rin chuan ka phone chu min rawn pe vat a, Phûr lo zet chuan ka la nghâl.


"Hello"


"Mawla Khawnge i awm, Na Bi chungah thil tha lo a thleng ania, Dr Choi Privat Hospital ah rawn kal vat rawh"


"Hyung enge thleng a?"


Min chhâng tawh lo,

"Hyung"


A off daih a nih hi, hrep tak chuan.


Kal phawt ange, Hna hmanhmawh thlâk a awm a"


Tihpah chuan ka tho thut a, ka tlân chhuak nghâl, Bang Cheo Rin chuan min âu zui lawm lawm a, Ka bengkhawn duh lo.

Hmanhmawh takin Dr Choi private hospital lam chu ka pan nghâl a.


________


NA BI PROV

Ka meng diar diar a, Ka che thei mai bawk sî lo, Hospital a ni in ka hria, ka hawi kual a, Unnie chuan min lo nuih var var a, Ka hriat hnuhnun ber chu Restaurant atanga ka chhuak kha ka tlu ta in ka hria, Jin pawh alo awm reng a.Ni lo, Ka naute chungah thil thalo a thleng angem le?



"Unnie ka naute"


Ka mittui chu a rawn luang nghâl a,Unnie chuan min rawn kuah vat a, a tap ri hak, Enge thleng le? Engmah hi ka hrethiam lo.

"Na Bi Naute chu a awm tawh lo"


Tap âw tiau hian a rawn tî a, ka lo thaw hak, Ka pum chu ka khawih vat a, Ka hawi kual vêl, Ka kawr hâk na hnû a thisen kâi hnuang chu ka va hmu nghâl, ani thei lo.

"Unnie I fiamthu tiraw? Ka pum ah hian ala awm reng alawm, Tun ah pawh Ka pum ah ala awm reng alawm Unnie"


Ka thin chu a rawn sa pup pup a, Ka tap thei bawk sî lo,


"Tap tawh lo la, Taehyung chu ka'n Call ange"


Tihpahin Unnie chuan a call a, Jin chu ka bulah chuan ngâwirengin a lo ding vê reng bawk.


"Kha be rawh le"

Tihpahin Unnie chuan a phone chu min rawn pê a, Rang tak chuan ka lo la nghâl.

"Hello"


"Hello enge ni ta"

.Chu âw chu, Bang Cheo Rin âw a ni, ka sa nghâl zak a.

"Taehyung khawng?"


In seh ruh tûn chuan ka tî a, Ka chil ka lem khalh bawk.

"Kan in hualna tûr kan sawi ho a, A hla tawh lo ang, I naupâi kha hmanrua ah hman tum tawh suh, Awmzia a awm lo, Taehyunga fâ ni lo in Ka unaupa fa ani tih kan hre vek Taehyung pawn a hria"


A off nghâl hmak a, Hei vâng hi ni maw Min peh hêl reng thin, Taehyung chuan min ring zo lo amaw? Kha mi tenawm pâ khan Engthu nge alo sawi le? Engtin mah min khawih dêr sî lo a, Engtin nge min rin loh theih zâwk.

Ka tap ri hak a, Ka âwm chu ka dawm vang vang ringawt, Engtin nge min rin hlelh theih? Min lo hmangaih Tâwk lo pawh ani mahna, Thih daih ka van châk tak êm.


Jin Prov



Na Bi chu ka hmâ ah chuan a tap tlawk tlawk reng ringawt a, Soo yun Noona Nên pawh tih ngaihna vak kan hre lo, A tawrh hi ana viau ang, Ngatinge he hmeichhe khawngaih thlâk tak hi ka hmâ ah a tah fo mai le,A tah tawh hi chuan awm ngaihna hre lo khawpin ka lo na ve thîn, Hmuh hrehawm ka tî in ka rilru a khawih theih em em reng ringawt, Engtik lâi atang khân nge ka hre lo, A hlim loh hi ka hlâu êm êm reng mai a ni.


Hmêla lah chu alo thleng har bawk sî a,Pâwn ah chuan ka chhuak daih a, A tap lâi kha ka hmu thei tawh thlâwt lo, Taegyung chu ka call leh nghâl a.


"Mawla rawn kal vat tache"


A nui hak a, hepâ hi a â tak tak tawh anih hi.

"Hyung, Ka rawn kal thei thlâwt lo ka tihpalh a ni"

a off peh nghâl daih a, a âw atang chuan ani pawh anâ tih ka hre thei, min ti â thei tak ngial dâwn, Ka vei sek reng ringawt a.

"Jin shii"

.Ka hawi lêt chu Soo Yun Noona chu ka hnungah chuan alo ding reng a.

"Na Bi soup hâwp tûr ka va lei ange, Lo awmpui mai tache"


Zâwi sap chuan arawn tî a, ka lo bu nghauh, Muangchâng chuan pawn lam chu apan nghâl a, Engpawh nise, Na Bi chu ka ti hlim tûr a ni, Ni lo....kei hi tinge ka lo buai ve em em reng le? Na Bi hi ka hmangaih, Ni looo.... Kim Seokjin Chuting chu thil theih loh hul hual a ni.


Lû thing mât mât chung chuan Ka lût leh a, Na Bi, Alo awm tawh miah lo, Khawnge maw a kal le?, Corridor techu ka en kual a, A awm bawk sî lo, Nurse ka hmuh hmasak ber chu ka pawt ding ringawt a, a meng phâwk êm êm leh nghâl.

"Hmeichhe pakhat, Chêr lam Lian lutuk lo i lo hmû em? Mit meng lian deuh mai"

"E kha kha maw...In chung lam apan a "


A tih rual chuan step ah chuan ka tlân chho nghâl, He nu hian thil thalo tih ali tum reng te hi a ni lo maw le? Ka hah lutuk, Ka'n châwl leh rih a, Kim Seokjin hahchâwl hman ini lo, Hmanhmawh tak chuan ka tlân chho leh Char char a.


Inchung ka thleng chiah chu a thim deuh hlek nâ in a hmuh theih vek tho, ka hawi kual deuh a.

Ni lo, ka thil hmuh hi, Na Bi chu Inchung hmâwr tê ah chuan alo ding vâng a, hmanhmawh tak chuan ka tlân phei nghâl.

Ka va pawt thla lawp a, a tap nasa hlê tih a hmêl atang chuan a hriat theih,

"Oppa min kal tîr rawh dam ka paih tawh lo"


Tap hliam hliam chung chuan a tî a, Tih ngaihna vâng duh ang reng khawp mai.

"Na Bi,Engvânga nung dama la awm nge inih in zâwt ve rawh, Ka thih tîr dâwn teuh lo che"


"Nangchuan min chhan him nachhan tûr inei pawh ani mahna, Keichuan damchhan pakhat (1) pawh ka nei tawh lo, He khawvêl hi ka hua, Thih ka duh Oppa"


Chhuat ah chuan a thu thla hnawk a, A tap hliâm hliâm ringawt, Ka mittui chu rawn tling ve ringawt leh nghâl, Hrep tak chuan.

"Na Bi, Ka bulah awm ta che, Kei hi min ring la,Hlim takin ka siam ang che, Engkim theih nghilh in, Ka tlânbo pui daih ang che chû"


Ka huaisenna zawng zawng sâwmkhâwm chuan ka'n sâwm ta ringawt a, Ana lâi hmuh reng hi harsa ka ti êm a ni, ka sâwmna hi pawm chiah sê chu tunah pawh hian ka tlänbo pui duh hiâl ang.


"Keipawn engkim theih nghilh chu ka duh ve tho asin, mahse engtin nge ka tih theih ang, Taehyung Hlim hmêl, A titau hmêl te, Ka nun zawng zawng ka lo hlan thin mipa kha, Ka naute nên, Engtin nge ka theih ang, Oppa min hrilh teh, Ka hmangaihna te hi la bo tû tûr awm se ka ti takzet a sin"


A tap zawih zawih a, tih ngaihna ka hre lo, Ka kuah thlawp ringawt a,ka thinrim lutuk hi ka sa pup pup thei, Kim Taehyung Mi mâwlpâ i châk lo khawp ang.


"Amah ang kha ka ni ve thei kher dâwn lo tih ka hria lawm Na Bi, Mahse i na lâi hmuh reng hi ka tân a hrehawm êm a ni"


Zâwisap chuan ka tî a.

"Oppa, i khawngaihna hi ka phû ve lo, khawngaihin duh tâwk rawh"


Tap âw tiau chuan a rawn tî a, Khawngaihna a ni hauh lo, ka thinlung zawng zawngin tih hlim ka duh asin.


In chung atang chuan ka pawthlâ a, a rûm tiah tiah reng bawk, Tûmân min hmu lo hlauh e, Khum ah chuan ka mut thla riai riai a, Soo Yun Noona Pawh alo lût ve nghâl.

"Pâwn ah khuan Taehyung a ding reng a, Lût tura ka sâwm lah in a duh bawk sî lo a, Mî in thlâ an lâksak sup sup mai"


A rawn ti nghâl bawrh bawrh a, Mawl mai mai chuh,Hmanhmawh tak chuan ka tlân chhuak nghâl a.

________


Pâwn ka thleng chu midang chuan an lo bâwr laih laih a, Ka va kâi dâwr dâwr a, Doctor Choi room ah chuan ka hruai lût nghâl.


"Enge i hriat a, Na Bi hi i ring tûr a ni asin, Bang Woo Jee Khân a khawih reng reng lo, I fa ngei ani a sin Mawl a"

A kawr nghâwng a thâm pah chuan ka ti nghâl bawrh bawrh a, A mittui chu a rawn tling pam mai, Ka nau ang chiah a ka en a ni a, Taehyung chu a rileu a no in Ala puitling lo hlê tih ka hre chiang hlê bawk.

"Hyung ka tihpalh"


Chuai raih chuan a rawn tî a,

"Naute chu a awm tawh lo"

"Enga"

"Aw a awm tawh lo, Nangmah vâng vek a nih hi"


Tihpah chuan ka chhuahsawn nghâl a.


_________


Na Bi prov


Ka pum chu zût reng a, Unnie chuan min be reng bawk, A thusawi chu engmah ka hre lo, Ka mittui luang lah a bâng hek lo, Ka thinlung hi a kehsawm vek a ni mai, Ka naute khawngaih thlâk tak kha Khawnge a awm ang le? Tûn ah chuan min ngâi viau ang, BOihte ka tihpalh aw, A nu hian ka vênghim zo sî lo che a, I tello chuan he khawvêl hi ka hmachhawn ngam thlâwt lo, Tu emaw hian ka hriatna zawng zawng hi min rawn lâk sak daih se ka van ti tak êm.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:45 pm

DON'T LEAVE ME

CHAPTER-30
BY
HLUTEI JOCUND PACHUAU

EDIT LO IN KA RAWN POST LEH NUAIH MAI😂


CLICK KHA AW😘👌🏻

Kawngka rawn rîk rak vâng chuan ka hawi phei vat a, Jin oppa alo ni, Hawisawn leh mai ka tum ka mi hmuh vâng chuan ka sa nghâl zak thei, Taehyung chu inthlahrun hmêl deuh hian alo ding zum reng a, Ka hawisawn leh nghâl vat, Tuk verh zâwn a Thlî in Rose pârsen duk nalh zet mai a chhêm heuh heuh lâi chu ka melh ngar ngar a.


"Na Bi Seaweed soup tal hi hâwp teh, Nau nei zo hlim ang chiah a in enkawl i ngâi ania"

Unnie chuan ati chuai raih a, Ka mittui chu a rawn luang leh nghâl zawih zawih tawh, Ka hnâr te hi a ping vek tawh, Taehyung hmêl ka hmu paih thlâwt lo.


"Ni e, Na Bi In enkawl that i ngâi ania"


Jin Oppa chuan alo ti ve vat bawk a, Ka mittui chu ala tla reng tho,LalPa Tinge Ka naute rual khân ka nunna hi i lâk ve law law loh lê, Ka na takzet a ni, Thlarau ni ila chu ka nâ te hi a zia deuh tûr a nia, Ka â zo mai dâwn in ka hria, He lâi hmuna awm reng pawh hi ka ning takzet tawh, Thei leh thei lo chuan ka inbeng kâng a,

"Oppa Khawi ah emaw min hruai thei angem?"



"Enga! Na Bi"


Jin Oppa chuan mak tih hmêl deuh chuan min en a, Taehyung chuan ngâwi Rengin min en tawp,

"Ka ât zawh vek hmâ hian khawi ah emaw min hruai rawh khawngaihin".

Ka thil sawi tâwp lam chu a ri chang chang chauh, Ka hmâi chu ka kut khing hnih chuan ka hup a, Ka tap ri hak, Engtin nge ka awm leh zêl dâwn le?, Engtin nge ka nun leh dâwn? Engmah hi ka hrethiam tawh lo,Ngaihtuahna fîm pawh ka hmang thei lo, ka ngaihtuahna te hi a buai vek maiin ka hria.


"Na Bi keimân ka hruai ang che aw"


Taehyung chuan ka bula rawn thut pah chuan a ti a, ka hawi chho nghâl vat, Rum thei ang ber chuan ka melh a, Ka insûm zo ngang lo, A hmâi ah chuan Ka theih tâwp ana in ka beng thuai a, Unnie chu alo tê deuh that, Taehyung chuan engahmah a ngaih loh hmêl thung.

"Na Bi"


Unnie chuan a ti sap a, Ka dam huai dâwn maw ka ti a,mahse keimah hi ka na Zual sauh in ka hria, Taehyung chu a thaw hak a,

"Keimah vâng ani tih ka hria lawm, Boihi, Ka tihpalh takzet a ni"

Ka nui hak, Ka nuih zat vâng erawh ani hauh lo.

"Kal bo rawh, Ka mamawh lo che"

Zâwisap chuan ka tî a,

"Na Bi Kha mi tenawmpa thu sawi kha ka awih vâng khân ka ti dik lo tih ka hria lawm,mahse Ka hmangaih takzet che sin, Engtin nge kal bo tûrin min tih theih"


"Naute a awm tawh lo hi pawi tihna i nei ve miah lo tiraw, A ni em? Thi daih se iti tiraw, A ni em? Kim taehyung"


Ka awki pawh a sâng hlê, thinrim âwm pawn a awm lo, A hmêl danglam eih loh vâng hian ka thinrim a zual,

"Ka hua che, Ka haw takzet che"


A âwm ah chuan ka thâm a, Ka chûm taih taih bawk, Min lo kuah bet nghâl vat a, A âwm ah chuan ka tap hliâm hliâm ringawt.


_________


Ka tah nasat lutuk vâng chuan ka châu vek thei, Engmah lah ka ei thei bawk sî lo, tui tak ngiâl pawh lem harsa ka ti takzet, Ka kawchhûng ah hian engmah ka pâi thei lo,Taehyung chu ka bulah chuan ala thu reng a, Unnie leh Jin oppa chu enge maw vângin an chhuak tawh thung.


"Na Bi, Bul tan tha leh ila, Kan in nei anga Naute chu kan nei leh mai dâwn lâwm tiraw"


Zâwisap chuan arawn tî a,ka lo tap ri hak, Bul tan that leh maw?, Ka thei tawh teuh lo mai, A theih tawh loh, Ka zuam tawh lo.

"Ni lo Tae, Ka tlâwm tawh a ni, He inbeihna ah hian ka chak lo, ka tlâwm takzet tawh a ni, bul tan that leh chu ka zuam tawh lo, Inthen mai ang"


Tap chung chuan ka tî a, Mak tih hmêl tak chuan min en vat, ka kut ah chuan a rawn vuan nghâl vat a, Khum ah chuan ka tho vat, thei leh thei lo chuan Ka thu chhuak taih taih a, Min lo en reng thung.

"Engkim hi ti tâwp tawh ang, PD Nim kha a chak zâwk a, kei hi ka chak lo a ni, Phuba la tûr pawn chakna ka nei tawh lo, ka châu tawh a ni, Chawlh hahdam ka duh tawh"


"Ni lo Na Bi khawngaihin, Ka hmangaih che, Ka then thei lo che, I tello in ka awm thei lo tih i hriat kha"


"Ni lo, Ka beidawng tawh a ni, Ka tihpalh"


Ka tap ri nghâl hak a, Taehyung chuan min rawn kuah nghâl a, Ka la thlahlel ve tho a sin, mahse kan inhmangaihna hi ânchhia anih hi, ka châu tawh, Beiseina pawh ka nei tawh lo.


"Na Bi, Ka kalsan thei lo che, Practise ka ngâi a, ka hman veleh ka rawn kal leh nghâl ang, Kan Naute vâng tal pawh khân lovin ngaihtuah tha leh rawh"..


A rawn ti sup a,A hmêl chu en pawh ka en duh lo, Vawi tam tak ka in ngaihtuah tawh a, ka beidawng tawh a ni.



Nghet tak chuan min kuah vang vang a, ka hmui ah chuan arawn fâwp zauh, Ka chal ah chuan a fâwp leh a.

"Ka kal ang aw, Ka hmangaih che, Ka tihnat vâng che khân ka tihpalh aw,Lo in ngaihtuah tha leh la, Ka lo kîr leh vat ang"

Tihpah chuan a chhuak nghâl a, A chhuak chiah chu ka ruak huai in ka hria, Ka mittui chu a rawn far fap a, Tukverh lam chu ka melh leh ngar ngar tawp.


Phone vibrate rî chuan min ti phuzawk thei, Ka en vat a, Number chu ka hriat ngâi pawh a ni lo,

"Hello"


"Shelly Boihte"

"Mom"

Ka tap ri nghâl hak a, Ka ngâi tawh lutuk hi awm ngaihna pawh ka hre lo, Ka ngâi takzet a ni.

"Boihte, Paris ah ka awm a, Ipâ nên khân kan inthen a, Keimahin Backery te ka hawng a, ka khawsak pawh a nuam lutuk, Ka ngâi thei lutuk che a"

"Keipawn ka ngâi lutuk che"

A insût ri hraih hraih a, keipawh ka tap ve tho,

"Tap tawh lo la,Ka bulah i rawn ve daih duh em? College te i kal leh anga"

"Enga!...Iti tak tak ami?"


"Ti tak tak e, Sum chu ka ngah lutuk"

Mittui tling kiau chuan ka nui hak, A tih chî viau ang, Ka nu bula ka awm chuan ka pângai leh thei maithei asin.


"Awle Mom,Ka lo be leh vat ang che"

"Aw Ka dah phawt ang aw, I duh duh hun ah lo kal tawp la, Vawiin ah pawh i duh chuan lo kal rawh"


"Awle, Dah tawh rawh i buai sî"

"Awle anih ka hmangaih che BaBy ka dah aw"

Tihpah chuan a off nghâl a, Unnie nên kan kal dûn anga ka na tepawh a zia tawh ang, Taehyung pawn Paris a ka awm chu a ring miah lo ang, He lâi hmuna ka awm reng chuan ka â thei mai ang.

_________


Unnie chu a rawn lêt leh vat a, ka lo tho nghâl vat a,

"In luah tûr ka hmu tawh a"

A rawn nui lût var var a,

"Unnie lo thu teh"

"Enge a!"


Mak tih hmêl deuh chuan arawn thu ve nghâl a, a kut ah chuan ka lo vuan nghâl.

"Unnie, Ka nu bulah Paris ah kal daih ang hmiang"


"Enga! Na Bi"


A ti zâwi sap a, ka lo nuih lui sak.

"Ka nu amah chauh in a awm a,Paris ah Backery dâwr te a nei a, A khawsak pawh a nuam viau aniang, Heta rilru na a awm reng ai chuan Kal daih ang hmiang"


"Ka thei lo Na Bi, Nangmahin kal mai rawh"


"Enga! I mâwl ami? I tello in ka awm thei hleinêm"


Ka lo ti hlak hlak a, Mahse Paris a ka kalpui daih chuan Wooje Oppa nên an in hmu dâwn si lo a.

"Unnie, Rawn kal ve mai la"

"Ni lo Na Bi, Ka thei lo, Nuamsa takin zu awm la, I rilru nâ te azia hun ah ilo lêt leh zâwk dâwn nia"

A lan dân chuan ka tih luih theih pawh ka ring lo, Ka kal lo mai dâwn amawn le, engtin nge ka tih dâwn.

"Anih chuan ka kal lo mai dâwn ami?"


"Ni lo, Na Bi, Kal rawh, Taehyung hi hrem ve rêng rêng rawh, Kal tawp la i kal a ni mai, Flight ticket ka'n book ange, Taehyung lo lêt hmâ in"


Tihpah chuan a phone chu a pawrh a, keipawh hmanhmawh tak chuan ka insiam nghâl, Ni e, Ti hian atha zâwk, Kan in hnaih apiang in tu emaw in an tuar zêl sî a,Amah hian a tuar lo ang tih tunge sawi thei, a hlim nân, a hlawhtlin ka kalsan dâwn a ni, na ti hlê mahila ka inchhîr ngâi lo ang.


Kekawr dum ka hâ a, Leather jacket leh long boot ka bun bawk, Ka taksa la chak lo hlê mahse ka tum anga ka thei tûr a ni, Unnie chu hmanhmawh takin a tlân chhuak a.
_________



Taehyung tân chuan lehkha chu ka ziak a, Ka mittui a far zung zung a ni mai, Ka awm chu dawm in ka'n tap leh rih a, Reilo tê ah Unnie pawh a rawn thleng leh nghâl a.


"Na Bi, Pâwn ah taxi in a nghâk che a, I passort leh thawmhnaw leh pawisa tlêm tah hian ka dah a, Tluang deuh in aw"


Thaw hlawp hlawp pah chuan a tî a, Ka tap ri hak, Unnie pawh chu a mittui a tling pam a, Kan in kuah nghâl thlawp.


"Ka ngâi ngawt ang che, Chuan hei hi Taehyung ilo pe dâwn nia"

.Tihpahin ka phone leh A tâna ka lehkha ziah chu ka pê a, Unnie chuan a mittui chu a hru zauh a,Bag chu khaiin hmanhmawh tak chuan ka tlân chhuak nghâl, Huihaaa...tinge ka hah hmâ êm êm le.


_______



Pâwn ka chhuak chiah chu Taehyung Chu car atang chuan alo chhuak ve nghâl a, rang tak chuan ka biru nghâl vat a.



Huihaaa....min hmu lo hlauh e, Hmanhmawh tak chuan ka pên chhuak hlawk hlawk a, Ka ke pên chu a tâwp chat, Ni lo, Lee Na Bi hawi lêt suh, i hawi lêt anih chuan he taxi ah hian i chuang ngâi lo ang, Ka mittui chu ka hru sawk sawk a, Ka kut chu hûm ruh in Taxi chu muangchâng chuan ka pan chhat chhat a, Ka thu lût chiah chu ka thaw huai thei, "Ariport ah aw"

Ka tih rual chuan a tlân chhuak nghâl a, Ka hmâi chu hupin ka tap tlawk tlawk ringawt, A tello in ka awm thei chiah angem le? Mahse ka tih ngêi angâi si, Tinge tiang hian ka nun reng bîk le, Taxi driver pawh ka zah zo tawh lo ka tap hliam hliam tawp a.
Lee Na Bi, I hmangaih chu mangtha tawh rawh le, i tâ a ni ngâi lo a, a ni ngâi bawk hek lo ang, Hetianga i kalbo hi a tha zâwk.


__________


TAEHYUNG PROV



"Na Bi"


Kawngkâ ka hawng chiah chu So yun Noona chu alo tap feih feih a, Na Bi chu a awm rêng rêng lo bawk, a khum chu alo fel thak a.

"Noona Khawnge Na bi"

A dâr ah chuan ka va khawih a, a rawn hawi chho chu a mit a sen râm a, a tap ri hak.

"NaBi chu a kal tawh"

"Enga! Khawi ah maw? Enge awmIa Noona?"


"Na Bi chuan a nu bulah a kal tûr thu a sawi a, khawnge akal ka hre lo, Hei hi a hnut chhiah a, i tâ tûr a nih ka ring"


Tihpahin a phone leh Lehkha hi min rawn pê a, hmanhmawh tak chuan ka pharh a, Ka chhiar nghâl.


Duh Tak Tae,



Hei thil hi tih ka duh ngâi lo, Mahse ka na êm a ni, ka beidawnga beiseina ka nei tawh hek lo,He khawvêl hi ka hua a, Ka naute bula kal ve daih kha ka duh a ni, Mahse ka thei lo, Kalsan che hi ka tum ta zâwk a ni, I hlim nân, I hlawhtlin theih nân, hlawhtling ngêi tûrin duhsakna ka hlân che a, Nupui tha tak leh Chhûngkaw tha tak i din ngêi theih nân ka lo tawngtâi ang, Keichu Kristian ka ni a, I tana tawngtâi chauh hi ka tih theih awmchhun a ni, Ka ngâi ngawt ang che,i kiangah khân Ka hlim a, Vuina tûr leh sawisêlna che ka nei ngâi lo, Keichu hlim reng duh mî leh Beidawng hmâ êm êm hmeichhia ka ni a, Mahse tûna ka beidawn na ah hi chuan beiseina ka neih leh tawh hmêl loh,


Hlim taka kan awmdun lâi kha ka ngâi thin, kan khawvêl din kha a mâwi thin tiraw, Rawng chi hran hrana chei khawpui kha a mawi thîn tiraw, Engkim khân ka tân chuan awmzia an nei vek a, Awmze neih tîr tu chu nang chauh ini, Mahse, Khâ kan khawvêl din kha alo chuai a, Tun ah chuan Choak leh chinghnia te tualchâina hmun ah a chang zo tawh,a pawi ka ti zet a ni.

Kha kan khawvêl din kha siam tha leh tûrin chakna ka nei tawh lo, Hmangaih hlê che mahila ka kalsan che hi a ngâi sî a, Ka ngâi ngawt ang che, mangtha Tae.



Ka chhiar zo chu ka thu thla hnawk a, Ka mittui rawn far chu ka tuai puat a, Na Bi lehhh....iva han mâwl tak.


"Ka lo kal tîr mai a, Taehyung ila dang hman ang, Airport lam ah va tlân vat rawh"


Soo Yun noona chuan a ti a,ka harh chuak zawk, Hmanhmawh tak chuan ka tlân chhuak nghâl a, Na Bi min lo nghâk hrâm rawh, Ka lo kal ania, Ka rilru chuan ka ti mawlh mawlh a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)