DON'T LEAVE ME BY Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: DON'T LEAVE ME BY Hlutei Jocund Pachuau (Completed)

Unread post by Ngaia » December 23rd, 2018, 1:39 pm

DON'T LEAVE ME
CHAPTER-19
BY
HLUTEI JOCUND PACHUAU




"Ka haw phawt zâwk ange"

Aw khûr dar dar chuan ka ti a, Taehyung chuan ka bân ah min rawn vuan leh nghâl a.

"Lo ding rawh, Keipawh ka rawn kal ve dâwn"

"Enga?"


Couch a a bag chu la in a ak nghâl vat nghâl sawk sawk a.


"Kim Taehyung enge maw i tih le"

Manager chuan alo ti vat a, Taehyung chu a châwl dat.

"Na Bi bulah ka kal ve dâwn"

"In ngaihtuah chiang rawh, i nun zawng zawng a chhe vek dâwn ania"

"A pawi ka ti lo, Keimah vângin a tuar hnem tawh a, atân ka tih theih ve awmchhun chu engkim kalsana amah zui ve hi ni mai"

Ram hmak chuan a ti a, a lan dân chuan arilru thlâk mai pawh a tum hmêl loh,
Manager chu a ngâwi ta hmak a, Taehyungin min zui chuan alo thawhrimna zawng zawng te kha engmah lo ah a chang vek anga, Keimah vângin hun hrehawm tak a hmang dâwn tihna nia, Engtin nge ka tih tâk ang.


"Chutin ti suh Khawngaihin"

Tap âw tiau chuan ka ti a, Ka inhnît feih feih bawk, keimah vângin a nun zawng zawng a chhe vek dâwn tihna nia.

"I zui a nih chuan i lo kîr thei tawh lo ang, Dân chu dân a ni"

Manager chuan ram hmak hian a ti a, Taehyung chu ka en tawp, a khabe a pâwng tial tial atang chuan a in seh ruh nasa tih a hriat,

"Pawi ka ti lo, Kal ang Na Bi"

Tihpah chuan min kâi dâwr dâwr a,

"Taehyung tello chuan keipawh nuam ka ti lo, Ka bâng ve nghâl ang"

Suga chuan alo ti vat a,Kan ding dat, Taehyung chu rang tak chuan a hawi lêt vat.

"Hyung"

Taehyung chuan zâwisap hian a ti a, Suga chuan in kuangkuah thân hian a hmûi alo ti pawrh zauh ringawt.

"Keipawn ka zui ve ang"

Jhope chuan a rawn ti a,

"Keipawh"

Jungkook chuan a lo ti ve vat.

"Keipawh"

Jimin chuan arawn ti ve a,.
"Keipawh"

Jin chuan a rawn ti ve nghâl,

Taehyung chu mittui far fap chuan a nui hak a,

Namjoon Chu kan en leh thap a.

"Enge min en renga, keichu chiangsa"

A ti a, Âu tuar tuar pah chuan Taehyung chu an rawn kuah nghâl bawrh bawrh a.

"Naupang sual ho lehh"

Manager chuan thaw hak hian a ti a, Mittui tling kiau chuan ka lo nui var var thung.


Unnie chuan min rawn pan dê dê a, "Taehyung hi hrilh tawh mai la ka ti"
Ka beng bulah chuan a rawn ti ru sâ sâ a, Ka lû ka lo thing vat.

"Unnie hun tha dang nghâk zâwk ang"

Ka lo ti vat a, Unnie chu a ngâwi leh nghâl mai a, Hrilh chu ka châk takzet, mahse tûn hi hun remchâng ala ni rih lo in ka hria, A hun ah chuan ka hrilh mai ang.

_________


PD Nim chu a rawn lût leh a, Chibai ka lo bûk nghâl vat, En pawh min en duh lo, Bang Cheo Rin pawh a tel, thinrim hmêl tak chuan min en reng a,

"Reporter hmâ ah in sawi fel ula, Ka ngâidam ang che u, Nangpawh ka bân lo ang che"

A ti a, Mak ti tak chuan ka en tawp, PD Nim in min ngâihdam mai chu mumang tepawh a ang zâwk mah, Âwih a aharsa angreng khawp mai.


"PD Nim ka thei lo, Kan bâng zawk mai ang"

Taehyung chuan alo ti vat a, Naupang luhlul deuh ang mai a ni,

"Naupang sual"

PD Nim chuan vîn that hian a ti a, Tiang chu lâ in vuak leh nghâl mai a tum, midang chuan an lo dang vat a, ka hlauh zia chu, ka lungphu a rang dut dut thei.

"Min thlah teh u he naupang hi"

PD Nim chuan a ti a, Sawi ngaihna pawh hre lo ang mai a ni,An vawnna chu a tâl thla vat a, Taehyung chu ava vaw leh hrâm, Ka thil ken lâi chu ka thlauh chawrh a, Taehyung chu ka va kuah nghâl, Taehyung chuan min lo kuah bet a, PD Nim vuak na chu a dawh ngar ngar ringawt, a taksa chu a ri dawt dawt a, Tah pawh ka tap chhuak thei lo, Ka mittui chu a tla zung zung a, ka thin ah hian min hnawh up up thei.

PD Nim chu Midang chuan an lo pawt sawn vat a, Ka tap ri hak hak ringawt.

"PD Nim khawngaihin Ngâidam hrâm rawh"

Unnie chuan tap chung chuan alo ti a, Taehyung chuan min la kuah reng tho, Ka tâi chu a rawn na nget nget reng a, A rûk chuan ka dawm ngat ngat ringawt.


"Lee Na Bi, nangmah vânga Taehyunga'n a tawrh nasat zia hi"

Bang Cheo Rin chuan alo ti vîn that a, Taehyunga min kuahna chu ka tâl thla vat,

"A tâwp nân hei hi ka sawi leh ang, Reporters ho hmâ ah in sawi fel ula,Kâr 1 hun ka pê ang che u, In inthen Anih loh chuan Kim Taehyung nang hi ka ti chhe vek ang che"

PD Nim chuan thaw hluam hluam pah chuan a ti a, a chhuak leh nghâl daih, Kan ngâwi leh thap a, Ka la inhnît reng tho, ka hnâr tepawh a ping vek tawh, PD Nim sawi chu dik viau mahse ka naute hi engtin nge ka tih tâk ang.


"PD Nim sawi kha engahmah ngâi suh, Engvâng mahin ka kalsan ngâi lo ang che"

Ram hmak chuan a ti a, Chhân ngaihna pawh ka hre tawh lo,

"Japan tour chu thlaleh ah sawn a ni a, Tûn a tanga inbuatsaih nghâl angâi, Kan buaina te theihnghilh in theih tâwp chhuah leh ang u"

Manager chuan a rawn ti a, Midâng chu an lo bu nghuah thung, Kâr 1 hun min la pe tal alawm,

"Practise tûrin Kal tawh ang le"

.Jhope chuan Taehyung chu a rawn kuah a, midang pawn alo thlêm sap sap bawk, Luhlul hlê sî hi a rilru a no phiân a.


"Na Bi, Thutthlûkna chu Kar 1 chhûngin siam vat rû aw"

Manager chuan damthlup hian a ti a, Ka hnungah chuan min lo bêng thak thak bawk, Ka lo bu nghauh thung.

Taehyung chuan min la en reng, Ka lo nuih sak a, Engpawh chu nise, hlim takin han awm phawt ila, Ka naute tâna tha tûr chauh ka ti tawh ang.


"Va kal ve rawh, khawi ah mah ka lo kal bo lo ang"

Zâwisap chuan ka ti a, a nui lui sak, A thiante rual chuan a chhuak ve nghâl a.

________

Thawmhnaw chu ka rem leh mial mial a, ka tâi lah chu ana reng bawk si, thatchhe zet hian chair ah chuan ka thu hnawk a, Ka thlan tuiin min rawn bual nghâl char char bawk.

"Na Bi nâ i nei ami?"

Unnie chuan min ngaihtuah hmêl zet hian a rawn ti a, "Ka tâi hi ana deuh a"
"Enga? Doctor Choi kha kan phone nghâl ange"


Tihpah chuan aphone chu a phawrh a, Ka tâi nat dân vêl chu a hrilh nghâl mawlh mawlh bawk.


Phone a dah chiah chu a thaw hak a, "In enkawl uluk tûr che in a ti a, Damdawi kha ei rawh"


"Awle".

Tihpah chuan ka bag a damdawi Doctor CHOi min chawh chu tui nên chuan ka dawlh hmak a, Ka pum a rawn in pump leh nghâl, Ka uak that a, Unnie chuan min rawn dawm nghâl vat.

"Ka tha lawm Unnie"

Zâwi sapa tih pah chuan ka thil tih lâi chu ka tih zawm leh mial mial a,
____________


BTS ho practise zo chu an rawn lût leh sap sap a, An chauh hmêl hlawm ngêi mai, Taehyung chu achauh hmêl leh zual bîk, Ka lo nuih suk a, Min rawn pan nghâl, Enge Maw ka bula a awm reng le?

"Nghâl ngawt a che"

Suga chuan phun hluk hian a ti a, Taehyung chuan duhawm deuh hian a nuih suk ringawt.

Ka hnunglam atang chuan min rawn kuah leh nghâl ngawt tawh, "Ka buai ania Kal teh"

Tihpah chuan ka lo nemsawn vat a, Mak tih hmêl deuh chuan min en reng ringawt.

"Na Bi PD Nim in a ko che a"

Sora chuan alo ti lâng lâng ka phu zawk thei, Taegyung nên chuan mak tih hmêl deuh hian kan in en reng ringawt.

"Awle, ka lo kal"

Ka lo ti nghâl vat a, "Ka rawn kal ve dâwn"

Taehyung chuan alo ti ve vat bawk, "A ngâi lo ka tha lawm"
Tihpah chuan ka tho a, Muângchâng chuan ka chhuak nghâl,



________

PD Nim office pâwnah chuan ka ding reng a, Ka zâm lutuk hi ka luhai rum rum thei, ka lungphu te hi a rang dut dut mai, Boruak chu ka hîp lût vang vang a, "Lee Na Bi, Zâm reng reng suh"
Ka inti mawl mawlh a, kawngkhâr chu ka kik nghâl karh karh bawk.

"Lo lût rawh"

Bung zet chuan arawn ti a, Kawngkâ ka hawng chiah chu PD Nim, Bang cheo rin leh Bang Woo Jee pawh anlo awm ve a, An pafa thum chuan an lo thu thap a,Min lo enthap zui, Bang Cheo Rin lah chuan min en rum ngang mai, chibai chu ka bûk zauh a.

"Thu ta che"

Tihpahin Sofa dûp nuam zet chu a kâwk zauh a, muangchâng chuan ka thu thla ve nghâl, Ka kut chu ka hûm ngat ngat a,a thlan duo thei, Henu lah hian min melh rum bawk si, ava han nuam lo chiang tak.

PD Nim chuan Dawhkân hmâ ah chhan envelope sei zêt mai, vâr hlang hi a rawn dah a, Mak ti tak chuan ka en vat,

"Hawng la en rawh"

A ti sup a, Ka hawng nghâl vat, Nuai 3 check phêk enge maw zah chu alo awm kiau a, Kâ huau chuan ka en tawp,

"Kha pawisa nên kha chuan hun rei tak chu nuam takin i awm reng thei ang"

Chapo tak hian a rawn ti a, ka lo sa nghâl zak,
Pawisa a min thlêm theih an inring rêng rêng amawn le?

Ka nui hak a, sawi mai tûr pawh ka hre lo,

"Taehyung hi kalsan la, He pawisa hi ka pe che anga, Bighit company ah hian dinhmun tha tak ka pe bawk ang che"

Hawi vah chuan a ti a, Hemi te chhûngkua hian Taehyung hi Naute lem ang lek ah an ngâi anih dâwn hi, hmangaihna pawh hi sum a lei theih tûr ah an ngâi reng reng amawni, Boruak chu ka hîp lût vang vang a, Ka thinrim lutuk hi ka puak keh lo chauh, Fing takin ka chhâng lêt ve tûr a ni,


"Ava tlêm ve PD Nim, Chuti taka Taehyung hi i tân a pawimawh a nih si chuan hei chu a tlêm mah mah lo maw"

Ka lo ti ve hmak a, Ka hlau duh bîk dêr lo, Min bân mahse a pawina ka hre lo, engmah chân tûr ka nei hleinem, min bân vâng hian riltâmin ka thi âwm bîk lo e.

"Hey Lee Na Bi i va han zak thei lo ve a"

Bang Cheo Rin chuan alo ti vîn that a, PD Nim chuan min en rum ngang mai, a hmêl Chapo zet kha thinrimna in a in thlâk tawh, hlauhna pakhat mah ka nei hauh lo, Mak ka ti in ti hial zawk.

"Hmeichhe zak thei lo leh huaisen tak i ni, Min beih lêt chu i thlang zâwk amaw?"

Inseh ruh deuh tung chuan a ti a, Ka kut chu ka hmer ngat ngat ringawt.

"Beih lêt che ka tum lo PD Nim, Taehyung hi bungrua a ni lo a, ka hmangaihna pawh hi sum a lei theih a ni lo tih ka sawi duh mai a ni"


Ka lo ti ve hmak a, Za lo tak chuan a nui suk, A chair nghen chhan chu a nghêng vang vang a, Ngei awm tak chuan a nui bawk,

"Artui pakhat ve mai pawn, Lungpui chang tha tak alo hlâu tawh bîk dêr lo a nih hi,"


Bang Woo Jee chuan alo ti sup a,a nui hak bawk, Ka zâm phah eih chuang lo.

"Kim Taehyung chu hmangaih chhunzawm zêl tache, I cho chhuah a ni a ka tih tûr ah hian min dem thei lo ang"


PD Nim chuan a ti sup a, Enge a tih dâwn le? ka hlauthâwng ru angreng khawp mai, mahse ka tilang duh chuang lo.

"Chhuak tawh rawh, i hmêl ka hmu peih lo"


A rawn ti hmuk a, Muangchâng chuan ka ding a, Chibai chu ka bûk leh a, ka chhuak leh nghâl.

____
Ka chhuak chiah chu ka thaw huai thei, Ka thin zâwn chu ka dawm vang vang a, "I ti tha lutuk Lee Na Bi"
Zawi sap chuan ka ti a, ka nui suk.


___________
Stylist room ah chuan ka lût leh a, Unnie leh Taehyung chuan min lo pan nghâl vat a.

"PD Nim chuan enge alo sawi a"

Unnie chuan a lo ti vat a.

"Engvak mah sawi lo a ho lutuk"

Tihpah chuan ka nui lui suk ringawt, Taehyung hi Bungrua ang lekah an lo ngâi chu nia, ka khawngaih thar leh hnuhnawh a,

________

Room chu ka ti fai leh zung zung a, midang pawh an hnâ theuh ah chuan an buai leh tawh, ka pum lah chu ri ruk ruk reng bawk si,

Ka hawi kual a, Unnie leh Jacka'n thawmhnaw an lo Buaipui mial mial lâi chu ka va pan chhat chhat a, Ka lu te hi a hai vek thei, Tawng pawh ka tawng thei lo, Unnie dâr ah chuan ka va vuan ringawt a.

"Na Bi"

"Unnie ka ril atâm lutuk"

Aw khûr dar dar chuan ka ti a, ka tap lo chauh, Taehyung chu a rawn kal ve nghâl, "Noona tinge a?"

"A ril a tâm anih hi, Na Bi lo awm hahdam rawh, Thil ka zu lei ange"

Tihpah chuan a tlân chhuak nghâl a, Taehyung chuan couch ah chuan min thuttîr nghâl, Ka pum lah chu ri nasa bawk si, Ka naute hi ka lo ngaihsak miah lo a, Keimah chauh ka lo in ngaihtuah a nih hi, Ka tihpalh Boihte, Ka rilru chuan ka ti char char a, Taehyung chuan hriatthiam lo hmêl deuh chuan min en tawp ringawt, mi buaipui vak ngaihna a hre lo pawh a ni mahna.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:40 pm

DON'T LEAVE ME
CHAPTER-20
BY
HLUTEI JOCUND PACHUAU




Zan in chu pic ka dah thei miah lo a,😭😭😭😭


"Khâ ei rawh le" tihpahin
Dakgangjeong chu min rawn pe a, Ka rilru a lo awm lâi tak, Ka nui nghâl var var a.

"Unnie Ka ei châk tak engtin nge i hriat theih a?"

Tihpah in ka hawng rawk rawk a,
"Awi a rim techu"


ka nui leh ri har har a,Ka hmawm nghâl mawlh mawlh, A tui dân chu ka harh sawng sawng thei, Taehyung chu a rawn nui hak a,
"Kha hei hi in tel rawh"

Tihpah in Bâwnghnute chu Unnie chuan min rawn pe a, Phûr tak chuan ka in nghâl,
"In ei ve dâwn lo ami?"

Ka thil ei hmuam tûn chuan ka ti a, Unnie leh Taehyung chu ka en tawn zak zak bawk,

"Kei chu ka ei tawh a"

Taehyung chuan alo ti vat a,
"Awi i bialpa awm lâi techuan insûm velâ, Ramhuai ang maiin i ei buan buan ringawt a"

Jack chuan check tlak tlak pah hian a ti a, ka lo nuih vur vur ringawt.



"Ka ei châk lo, Nangmah khân ei teuh rawh"

Unnie chuan a ti a, JACK a bulah chuan akal leh nghâl, An thil tih lâi chu ava en pui leh nghâl a.

"Ei pui ngam chi pawh i ni hleinêm"

Taehyung chuan ati sup a, rum deuh chuan ka melh ringawt.

"Ei tawp sû, Ka ei vek anga ni mai lawm"

Tih sup pah chuan ka ei leh nghâl mawlh mawlh a, Taehyung chu alo nui leh hak hak thin,

BTS ho chu an lo lût ve sap sap a, "Ehee!!...Dakgangjeong anih saw"


Jungkook chuan alo ti hâ a, A ei ve châk tih ka hre nghâl, "Hawh rawn ei rawh" tihpahin ka lo hûi vat a, hmanhmawh tak chuan a rawn kal phei nghâl, Ka fian vawn lai chu min rawn chhuhsak lawp, a hmawm nghâl pawp pawp a, Awi hepa ei duh dân hi, "Hey..Jeon jungkook i ei zo vek dâwn lawm"

Tihpah chuan a dârah ka beng pawp a, alo râk that, midang chu an lo nui dar dar a,
"Na Bi shii Ka lei sak leh ang che"

Cute deuh hian arawn ti a, ka lo nui suk, Hepa duhawm reuh thin dân hi chu âw, Kan inrual khat bawk a, Kan duhzâwng leh kan hlimpui zâwng pawh a in ang tâwk ngêi mai,

"Ka puar tawh"

Tihpahin Ka thawhsan daih a, Jungkook chuan a ei fai vek, hmuam tûn chung chuan arawn nui var var a, Ka hmui ka lo tih pawrh khum vak ringawt.


"Unau in nih duh hmêl"

Jimin chuan arawn ti sup a,

"Na Bi maw? a teuh lo"

Jungkook chuan alo ti vat a, kan lo nuih dar dar ringawt,Jimin lah hi thil âwm ang lo pui pui hi a rawn sawi chhuak leh phawng phawng zêl a,

___________

Midang chuan Thil chu an ei vê mial mial a, Kimbap rim chuan ka pum a rawn pump leh tawh,thil ka eihnem lutuk vâng aniang a, An ti ti mial mial lâi chuan ka luak a lo chhuak ve chhên bawk si, An eina bulah chuan An thawmhnaw dah hnawk nuai chu ka lo thian fâi mial mial bawk,ka insûm zolo chu ka ûak that a,

An thil ei lai tawp hmak chuan min en thap a, Ka hmui ka hup vat, "Ka tihpalh"

Tihpah chuan bathroom lam ka pan nghâl, "Na Bi shii Ka thil ei a tui lo vek alawm" Jungkook chuan arawn ti lâng lâng a,Ka pum a awm zawng zawng chu ka luak chhuak vek a ni mai, ka châu hnawk thei, Hetiang reng chuan ka inthup rei thei miah lo ang, Engtin nge ka tih tâk ang le?


"Na Bi i tha em?"

Taehyunga âw ani tih ka hre nghâl,

"Aw ka tha e, Ka ei hnem lutuk vâng ania"..Ka lo ti nghâl vat a,


Ka mittui chu hru sawk sawk pahin ka thaw chhuak hak, "In ti chak rawh le Na Bi"

Ka phun sap a, hmanhmawh tak chuan ka chhuak nghâl.

Taehyung chuan nui var var hian min lo pan vat a, Boihte, Hei hi Apâ anih hi aw, A hmuh hun ah che a hlim dân tûr hi, Taehyung chu ka lo nuihsak a, In kâi rial chuan Midang awmna lam chu kan pan nghâl.

__________


Stylist room chhuat chu nâwt leh hliau hliau a, "Haw tawh ila"

Unnie chuan arawn ti a, Midang pawh chuan anrawn zui lût dam dam bawk, "Enge chhuat te ilo nawh a" tihpahin Unnie chuan min lâksak vat a, a nâwt nghâl sawk sawk.

"Noona Tûnlai hi Na Bi hi ivan duat em em, a dam lo mi a"

Jungkook chuan arawn ti chhuak hlawl a, Unnie nên chuan kan in en nghâl vat,

"Aaa...aih...chutiang a ni lo, Nikhaw hrelo in a tluûk leh mai ka hlâu a"

Unnie chuan ati bah niai a, Keipawh chu ka lo bu ve nghut nghut ringawt.



Ngaih that hmêl deuh chuan an awm veleh nghâl mai a, Jin chuan min en deuh vang vang ringawt, melh pawh ka melh tha ngam lo.


________

Ka room ah chuan ka mu leh vang vang a, Ka pum chu ka chûl hliau hliau reng ringawt, ka lo muhîl leh nghâl mai a.

________


1 week ago


Kârkhat lâi alo liam tâ, Naute pawh thlahnih a tling veleh tawh, Ka thil ngei pawh a zual telh telh a, ei châk ka ngah sâwt hlê bawk , Mahse ka ei apiang luak chhuak leh zêl ang ka ni, Taehyung nên pawh kan in kâr chu midang hriat ah kan thup leh rih a,




Thawmhnaw ka rem that mawlh mawlh lâi chuan perfume rim nam lutuk chu ka'n uak leh tuar tuar a,Midang ho an in chei mawlh mawlh lâi chuan min rawn en thap, BTS ho pawh an awm kim vek bawk.

"I tha em?"

Sora chuan Teahyung a chei mawlh mawlh lâi chuan min rawn pan vat, Ka lû bu nghauh a, min en vang vang ringawt.

"Nanghi ilo rai ringawt ange"

Arawn ti chhuak hlawl a, Ka phu zawk thei, henu hi a mâwl viau nâ a, thil a hre dik thei phian leh nghâl,

"A teuh lo mai a"

Ka lo ti hlak hlak a, nui var var pah chuan Taehyung sam chu a buaipui leh nghâl, Taehyung chuan nui vur vur hian min rawn en a, Ka hawisawn nghâl vat,

"Na Bi shii hi râi chhin se a nuihzatthlâk ngawt ang"


Jungkook chuan nui var var pah hian arawn ti a,Taehyung chu alo khuh nghâl kharh kharh a , Hepa ngaihtuahna ho thei lutuk hi chu.

"Jeon Jungkook ngâwi mai teh"
.Ka lo ti hlak hlak a, an nui leh dar dar ringawt.

"Taehyung hi alâi ringawt mawle"

Tihpahin Jhope chuan alo nuih tiah tiah a, a hmêl ka en chu alo lâi chhe nasa mai.

Room dangah chuan ka kalsawn daih a, Ka râi tih hria se chu mak an ti viau ang mawle, Ka khi suk a.
______

Stylist room ami te thâwm chu a ring tha ngêi mai, enge maw thleng le? Thawmhnaw room atang chuan ka dâk chhuak dêk dêk a, Hmeichhe sâng lam leh samsei deuh chu min hnungchhawn zâwng chuan alo ding reng a,
"Na Bi shi rawn ei ve rawh a tui lutuk"


Tihpahin Jungkook chuan âr bawp chu alo khel mial mial a, Chu nu chu arawn hawi nghâl vat, Tiffany lo ni reng in, Nui sâng chuan min en a, ngâwireng chuan chibai ka lo bûk ringawt, Midang chuan an lo be liam liam hlawm a, Taehyung erawh chuan min rawn pan vat thung, Sora chuan min rawn kâi hrang vat a,

"Ramhuai pitar chiah chiah anih saw, Eng anga nui mawi pawh ni se a chhûngril saw a tui êk vek, Na Bi tiang sâwn inchei ve la a tluk miah lo ang che"

Ka beng bulah chuan alo ti ru nghâl mawlh mawlh a, Nui hak pah chuan ka bêng taih ringawt, Jungkook chu ka va pan nghâl a, "Tui in tih ngêi ka ring, ka siam ve ngat anih kha"

Nuisâng chung chuan no zet hian arawn ti a, Sora chu ei loh hmêl zet hian alo nui hak thung, Ka mit mêi nghâl vat a.

"A tui lutuk Noona"

Tihpahin Jungkook chuan Arsa bawp chu a keng lang vâ a, midang chuan alo nuih dar dar bawk, Taehyung chuan a kekawr ipte zen pah hian min lo en reng.

Jungkook ei dân chu a tui hmêl ka ti leh tlat pek a, ka nuih tlawn var vat a, hmui tih pawrh zauh pah chuan 1 hi min rawn pê a,

"Ei suh"

Taehyung chuan alo ti vat, Ka âng laklawh bawk sî, Ka ei châk tehrêng nên.

"Engvângin maw?"


Ka lo ti vat a, Min rawn pan nghâl, ka âr bawp ken lâi chu min rawn lâksak a, Jungkook chu a pe lêt ringawt, Ka ei châk tehrêng nên, Hepâ han sual zia hi, midang chuan hriatthiam loh hmêl zet hian Taehyung chu an en thap ringawt.

"Tae a ei châk anih khâ ei tîr mai tache"

Tiffany chuan aw dam diai hian arawn ti a, "NaBi hian i thil rawn ken hi a ei ngâi lo ang"

Vawt raih chuan alo tî a, Tiffany chu a nui hak, Henu hi tinge a thinrim ve theih miah loh le? a nui reng ringawt.
"Nia, ka ei châk alawm"

Tihpahin Jungkook chu ka lâksak a, Ka keih nghâl hmawk, A rim chu, Ka pum arawn in pump leh nghâl, Ka lo uâk leh that a, Mahse ka lem lui tho, Midang chuan mak tih hmêl deuh chuan min lo en leh reng tawh, Tiffany chu a nui tawh hauh lo, Ni lo, Ka râi tih hi an hriat vaih chuan, "Thil ka ei hnem tawh lutuk a"

Nui lui hak pah chuan ka ti ringawt a, Tiffany chu hmanhmawh takin arawn kal hnâi a,

Ka bul arawn thlen chuan A pheikhawk heel chuan min rap fuh chawrh a, ka lo râk nghâl that.

"Ka tihpalh lutuk, Ka kalna tûr ka lo en lo a"

Hlauhthâwn hmêl zet hian a ti a, "A pawi lo ka tha e"

Zâwi sap chuan ka lo ti a, nui sâng pah chuan a kal chhuak nghâl.


Ka kê chu a thîp deuh vang vang mai.

"Awi henu ka sawisak châk zia hi chu ka va kêk hrep dâwn mawn le"

Sora chuan thinrim deuh hian alo ti hlak hlak a, ka lo nui suk ringawt, "Noona in sûm rawh"

Suga chuan that chhiat hmêl zet hian alo ti ve nuah nuah a, Sora chu a thaw deuh hak hak bawk si, a nuih zatthlak ngêi mai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:41 pm

DON'T LEAVE ME
CHAPTER-21
BY
HLUTEI JOCUND PACHUAU






Kan lo nuih dar dar ringawt,thawveng viau thin mahse Sora hi chu a lawmawm thei ngawt mai.

Ka phone rawn rîk avâng chuan ka phu deuh zawk a,A rîk khât tehreng nên, nui suk pah chuan ka en a,Number chu ka hriat ngâi pawh a ni lo.

"Hello"

"Company building bula coffee shop ah khân ka awm,inbe lawk ang hmiang"

Nu tling âw hian arawn ti a, Tunge anih le?, an tisual pawh a ni maithei ni.

"Min hrethiam la, Tunge i nih a?"


Inthlahrung deuh chuan ka ti a,

"Taehyunga Nû ka ni e"


Ka phu zawk thei,ka chil ka lem khalh a, Ka zâm nghâl ringawt, Taehyunga nû meuhin min hmuh a duh amaw? Engtin nge ni ta ang?

"I...ilo tha mâw?"

Bah niai chuan ka ti a,

"Hun ka nei tam lo a, lo kal lawk rawh aw, tumah hrilh lo la"


Fiah deuh a Tihpah chuan a off nghâl a, Taehyung chuan min enkar chung hian min rawn pan a,

"Na Bi tunge a? ivan hlauhthâwn hmêl ve"

"Maw?...aaa..tumah, bungrua lo thleng an tia, ka kal aw"

.Tihpah chuan ka tlânchhuak nghâl hlawk hlawk a,ka thinzâwn chu ka dawm vat, ka hawi lêt chu min ûmzui lo hlauh e.

Lift ah chuan rang takin ka lût a, PD Nim fapa Bang Woo Jee chu alo chuang ve bawk, Kan 2 chauh chuan ka ding ngâwi dûn reng a,ka zâm lutuk hi ka dang te hi aro but but mai, Taehyung nu chuan Enge henglâi lâi ah te arawn tih dâwn le? Kan chanchin hi chu a hre ve tawh ngêi anga, Min lo bêng hrep tasê, Ni lo, Lee Na Bi khatiang kha chu film ah bâk a awm ngâi lo, ka rilru chuan ka inbe mawlh mawlh reng a,

"I nuamsam vak nange?"

Bang Woo Jee chuan arawn ti chhuak sup a, Ka lû ka lo thing ringawt, Kamis vâr leh Smart pants chu aha tawp a, A kamis chu a thin zâwn thleng chuan kilh lo bawk, A âwm a, Hmeichhe ham na thlâ ni âwm tak chu ka va hmu thuak a,hepa hi ka rin aiin alo lêrh daih dâwn nih hi.

Ka nui hak a, mak tih hmêl deuh chuan min rawn en vat, Ka lo hawisawn rang teh ê.


______

Lift a in hawng chiah chu hmanhmawh tak chuan Coffe shop lam chu ka pan nghâl a.

Dâwr chhûng ah ka lût chiah chu min lo en thap a, enge maw sawi chuan an lo phun ser ser bawk,Taehyung nu chu a hmêl ka la hmu bawk sî lo a, tû ber hi nge niang le? ka hawikual deuh a.

Nu valai ve lam, Sam tâwi deuh, Mit meng zîm lampang Coat pawdâng ha chuan min lo hûi zauh a, muangchâng chuan ka pan hnâ hnâ a, a bûl hnâi ka va thlen chuan chibai ka bûk zauh, en mai pawn Nu mawlmang ve tak mai a ni tih a hriat, Chhûngkaw awm thei tak chu an nih hmêl lêm loh.


A hmâ ah chuan ka thu kun lap reng a,enge sawi tûr pawh ka hre lo, ka zâm bawk sî, ka ngâwi top a.
"Min hlâu suh, Tihnat che tuma rawn call che ka ni hleinêm, Biak che ka duh mai chauh a ni"

Fiah fel tak chuan a rawn ti a, ka lo bu nghauh ringawt.

"Nimin khân ka restaurant Kan chhûngkaw rin ve ber Bighit company lam in min laksak a,an li lâm mêk ang"

A rawn ti chuai raih a, Taehyung nu chu ka en tawp, Heng ho han sual zia hi âw, Keimah vâng bawk a ni leh ta, Tun ah chuan a chhungkua thleng pawn an tuar leh ta nih hi,engkim hi keimah vâng vek a ni, Lo piang velo law law ila tha tûr hi nia,mittui tling kiau chuan ka chil ka lem khalh a.

"Pawi ka ti lutuk"

Zâwisap chuan ka ti a, Taehyung nu chu a thaw hak,

"En teh Nula, Mi hausa tak kan ni lo a, Ka fapa hi kalsan hrâm teh, Ka ngên tak meuh meuh che ni, Amah chauh hi kan in nghah na a ni a, i hmangaih a nih chuan thlah mai rawh aw."

Ka kut rawn vawn pah chuan a ti a, Ka mittui chu a rawn luang thla nghâl,ka kalsan daih ten engtin nge ka naute te hi ni ta ang.

"Pawisa pêk tûr che pawh ka nei lo a, Ka ngenna che hi min tih hlawhtlin sak hrâm rawh aw"

Tap âw deuh hian arawn ti a,kun lap chung chuan Ka tap ri hak, Taehyung nû berin hetianga min ngên chuan engtin nge ka tih tâk ang,


Hnuailam melh ngar ngar chung chuan Ka lû chu ka lo thing ringawt a, Ani pawh a insût ri ve hraih hraih bawk.

"A harsa ang tih chu ka hria alawm, Engtik ah emaw in la intawng leh mial maithei sin, Mahse tunah chuan a rem rih ngang lo a ni, in intawn leh hun nghâk zâwk mai tache aw"


Aw khûr dar dar chuan arawn ti leh a, ka chhâng thei tawh lo, ka inhnît feih feih reng ringawt,Ka kalsan daih in ka tello in Taehyung hi a awm thei dâwn lo tih ka hre chiang, khawi hmun ah pawh awm ila min zawng hmu tho ang,ka thei leh tak tak dâwn amawn le.

"Eheee...NaBi"

Ka hawi chhuak vat a, Doctor Choi chuan min lo en reng, Ka phu chiang ngêi mai,a nui sâng a, a hmêl zahawm tak pawh ala pângai reng,

"I lo tha maw?"

Tihpah chuan ka tho a, chibai ka bûk nghâl vat a, Taehyung nû chuan lehlam alo hawi daih thung, ka mittui chu ka hru zauh a.

"Aw tha e, Nang i tha em?

"Aw ka tha lâwm"

A thian techuan an rawn aû lâng lâng a,
"Anih Ka kal phawt ange, Thil tui deuh deuh kha ei la, In enkawl tha hlê rawh aw, Naute tâna tha tûr kha ei bawk la"



Tihpah chuan a chhuak nghâl a, ka hlauh ang ngêi chuan a sawi chhuak ta ngêi a, engtin nge ni ta ang? Ka tlânchhuak phut mai dâwn mawn le,

Ka hawi thlâ chu Taehyung nû chuan Mak tih hmêl deuh hian min lo en reng a, Muangchâng chuan ka thu thla zâl zâl a.


"Doctor sawi kha enge awm zia"

.Thinrim hmêl deuh hian arawn ti chhuak a, chhân pawh ka chhâng thei lo.

"Min chhâng tache"


A awkî a sân êm vâng chuan Ka lo phu zawk thei, a hmêl chu ka en vat a,a thinrim hmêl em em leh nghâl, ka lungphu chu a rang tha ngêi mai.


Ka bân rêk ah chuan a rawm vuan a,chhuak nghâl rawk rawk a,Dâwr a châwl ve dang techuan min lo en thap bawk, Ka lo kûn ngar ngar ringawt, enge a tih dâwn le, engmah ka hrethiam lo.


Bighit company Car park na lam ah chuan min hruai dâwr dâwr a, a thim deuh mup a, a reh thuap bawk, mihausa car changkâng tak tak bâk hmuh tûr a awm lo, tûmah an awm lo bawk a, a reh tha ngêi mai.



"Tû fa nge? Taehyunga fa a ni lo tiraw? nang hian i puh mai mai tiraw? a ni em?"
A awkî pawh a sâng hlê, ka kut chu hmalam ah ka suih a, kûn ngar ngar pah chuan ka inhnît feih feih a.

"Taehyunga fa ami?"

Aw khûr dar dar chuan a rawn tî a, ni lo hrâm se ati tih a hriat hlê bawk.


Ka lû chu ka lo bu nghauh a, A tap ri nghâl hak,lei châr ah chuan ka thu hnawk a.

"Awi Ka fapa lehh eng thil nge i tih tâk hi"

Tihpah chuan a tap a, Ka lo tap ve bawk,enge ka tih zêl tâka ang,Hetiang ang êm êm hian tû thinlung mah tih nat sak ka duh ngâi lo, mahse ka tina tho chu nia, chûpawh ka hmangaihna vâng in.

A tap reng emaw ka tih lâi chuan a rawn tho thut a.



"Damdawi in ah kal ang"


Tihpah chuan ka bân ah min rawn vuan a, tawlhhnung nghâl dat bawk, Enge a tih tum hi ka hrethiam nghâl mai.

"Khawngaihin ti suh Mrs Kim"


Aw khûr dar dar chuan ka ti a, Min pawt lui deuh titih a, ka theih tâwp chua ka lo tang ve tâng tâng a,

"Taehyung nun hi tihchhiat vek i duh ami a"


Vîn that a tihpah chuan ka hmâi chu a ri nghâl sawk a, ka biang chu arawn thîp nghâl vang vang bawk,dawm pah chuan ka tap ri hak hak a, Taehyung nû pawh a tap tho,

"Taehyung hian ahre tawh em?"


"Aih keih leh Unnie chauh in kan hria"

Tap chung chuan ka ti a, a thaw hak hak ringawt,

"Lêt leh phawt teh ang, Ka coffee in man pawh ka la pe lo"

Tihpah chuan coffee shop lam chu a pan nghâl hlawk hlawk a, muangchâng chuan ka zui ve dat dat a.




_____


"Ei châk te i nei em?"


"Enga!"

mak tih hmêl deuh chuan ka en tawp, a hmêl chu a ngui raih a, a mit sen râm leh a mit meng dul raih atang chuan a beidawng hlê tih a hriat nghâl.

"Ahh...chocolatte ice cream ka ei châk a"


Zâwp sap chuan ka ti a,ka inthlahrung viau nâ a chocolatte rim chuan min ko tlat,

Dâwr nghâk tu thutna bul chu ava chhat chhat a, Chocolatte ice cream chu a rawn keng phei a, Enga tinge hetia a awm thut le? Naute vâng pawh hian minkhawngaih pawh a ni maithei a ni.


"Ei teuh rawh"

Tihpah chuan ka hmâ ah arawn chhawp a,

"Ka lawm e"

Inthlahrung deuh chuan ka ei nghâl mial mial a, Coffee in pah chuan ka ei lâi chu min lo en reng a, Ka awm a ti nuam chiah lo.


"Taehyung ka pâi lâi kha chuan kan chhûngkua kan harsat vângin ka ei châk pawh ka ei thei lo a, Apa hlawh kha kan ei ve tâwk chauh a ni a, Taehyung khân a tuar nasa sin, Ka pâi lâi pawh khân ei tûr tha pawh ka ei ve thei ngâi lo a, a pian hnu ah pawh a naute ka enkawl a ngaih vângin ka nu hian a pawm chawt thin, A tuar nasa tâwk tawh viau asin"

Mittui hru fap fap pah chuan a ti a, Ka khawngaih êm vângin keipawh ka mittui alo tla ve nghâl, sawi tûr pawh ka hre lo, tawngkam ka thiam loh vângin an hnem dân pawh ka thiam lo.


"Taehyung hi hmangaih anih chuan kalsan mai rawh, kan chhungkua leh Taehyung hi ngaihtuah la, Naute kha ti tla la kalsan hrâm mai rawh, Lo in ngaihtuah la, Kan in be tha leh dâwn nia"


Tihpah chuan a tho a, a chhuak nghâl nal nal,Taxi a an tlânliam lâi chu ka en tlawk tlawk ringawt.


Ka thinzâwn na lutuk chu mittui tla phang chuan ka dawm vang vang a, ka ice cream ei ang mai hian ka thinlung hi a vawt vek ni mai hian ka hria, vûr khal tak chhûngah kalh hnan tlat ang mai ka ni, ka thil ei pawh a tui tawh lo.


Ka phone vibrate cher cher vâng chuan ka harh zawk a, Ka phone chu ka en vat, hmuh pawh ka hmu chiang thei lo, ka mittui tling pam kâr atang chuan a lang ruai ruai a, ka la risk ve ringawt a.


"Hello"

"Shelly ni em? Bawihte, keimah inu ka nia"

English aw phâwi nalh zet hian arawn ti a, ka mittui chu arawn luang thla nghâl, ka thaw hak a.

"Bawihte, ka rawn biak loh vâng che khân ka tihpalh aw, ka ngâi lutuk che a, Korea ah ka rawn kal dâwn a"


Aw khûr dar dar hian arawn ti a, ka tap ri hak ringawt, tawng pawh ka tawng thei lo, dâwr a châwl ve dang te lah chuan min en duh hlawm bawk sî.

"Mom"

Tap hliam hliam chung chuan ka ti a, zah pawh dâwn lo chuan ka tap top, Midang chu an in hrilh ru sap sap hlawm a.

"Ka buai lutuk a, ka dah phawt ang aw Bawihte, ka rawn beleh vat ang che"

A dah nghâl daih a, Ka chanchin engkim hrilh ve châk tawh lutuk ringawt, ka nu chuan tih dân tûr a hre em em ang.


Muangchâng chuan ka chhuak chhat chhat a, ka mittui kâr atang chuan kawng chu ka hmu ruai ruai thei,

Mî ka kal pelh apiang
techuan min enzui vawng vawng hlawm a, An in hrilh ru nghâl sar sar zêl bawk, Enge? min en hlawm a,Tû pawi nge ka sawi vak, Mipa pakhat(1) ka hmangaih ani ve mai a,ka rilru chuan ka ti mawlh mawlh a, tawng chhuak tûr pawn chakna ka nei lo.



Kawngka ka kân tûr chiah chu tu emaw hian min kuai her lawp a,kawng sîr a kal ve ho chu an lo tê that a, motor chu a ri nghâl bur bawk, ka taksa chu arawn zawi nghâl vek a, tu emaw hian min kuah bet tlat bawk, Ka hawi chhuak chu mipakhat lukhum hmathlâwk khum mask vâr a hmâi tuam chuan meng dur deuh khâih hian min lo en reng a, Tunge anih pawh ka hre chiang thei lo,Min kuah chung chuan bighit company lam chu min pan pui dâwr dâwr a, apa lian bawk si, ka pên hlawk hlawk ani mai,

Lift ah chuan min luhpui rawk rawk a,


"Tunge inih a"


Zâwi sap chuan ka ti a, A hmâikâwr a phelh chiah chu Jin a lo ni rengin, thinrim hmêl tak chuan min en reng a.


"Engkim kha ka hria a, Ka hmu vek asin"


Vawt raih hian arawn ti a, A awmzia chu Jin hian ka râi tih a hria tihna ni maw? ka ding mar nghâl at a.


"Engkim i hria"

Ka nui hak a, Ka tah chhunzawm nghâl, Tun ah tak hian vân sângah thlâwk daih ila ka van ti tak, ka nun hi ka ning ngawih ngawih tawh.

"Taehyung ka hrilh vek dâwn, A nu tih dân che pawh kha"


Ram hmak hian arawn ti a, Engtin nge ka tih ang, Ni lo, Taehyung chuan a hre tûr a ni lo.

"Khawngaihin ti lo hrâm rawh ka ngên che"


Tihpah chuan ka thingthi hnawk a, a ke bulah chuan ka kûn char char ringawt.


"tho nghâl rawh"

tThinrim tih hriat tak chuan arawn ti a, ka la tap khûr ngar ngar reng tho,

"Khawngaihin ti suh, Taehyunga tlu chhe lâi hmuh ai chuan thih pawh ka duh zâwk"

Tap hliam hliam chung chuan ka ti a, Jin chu a thaw hak,

"Khatianga A nu in ati tawh chung che pawh khân maw?"

Zâwi sap hian a rawn ti a, thingthi chung chuan ka hawi chho vat a, Min khawngaih hmêl tak chuan min lo en reng a.

"Thih daih ka duh, Jin Oppa enge ka tih tâk ang, enge ka tih anga sawi tache, Oppa ka theih tâwp ka chhuah asin, ka hmangaih kianga ka awm theih nân hian ka nun ka hlan kher a ngâi ami? tinge ka tân hian engkim hi aharsat em em a, Oppa thih daih ka duh"


Tap hliam hliam chung chuan ka ti a, Lift chu a rawn ri ral ral a, Kawngka in hawn vêleh chuan akal chhuak nghâl daih a,Ni lo va hrilh ta se,Hmanhmawh tak chuan ka tho a, a kal chak bawk si.

Kawngka bulah chuan alo ding reng a, ka tlân phei nghâl.


"Oppa ka ngên che khawngaihin" Ka thingthi nghâl rawk rawk a,

"Ka ngên che khawngaihin engmah sawi lo hrâm rawh min khawngaih la min zêp sak hram rawh"


A thaw leh hak a,

"A tha e, tho rawh le"

Tihpah chuan ka dâr tawn tawn a rawn vuan chung chuan min kai tho vat a, ka la in hnît feih feih reng tho.

Kawngka rawn ri vang chuan ka in siam tha vat a, ka mittui chu ka lo hru nghâl vat bawk, Taehyung chu a rawn chhuak hlawl a, mak tih hmêl deuh chuan min en dûn zak zak a,

"Hyung enge a?"


"Engmah ni lo e"


Tihpah chuan Jin chu a lût daih a, Taehyung chuan min rawn en leh a, ka lo nuih sak ringawt.

"enge thleng a?"

Dam diai hian arawn ti a, ka tah a chhuak zual sauh zui, Ka kuah thlawp a, a âwm khauh takah chuan ka bei hlê hlê a, A taksa lum vang vang chuan min ti hahdam sawng sawng thei, Rilru natna tam tak ka neih zawng zawng te kha a bo leh nghâl vek ni mai hian ka hria, He thinlung vûr khal ang mai pawh Taehyung bulah hi chuan a tui ral leh nge nge thin.

"Enge thleng sawi la"

Aw pâ tak chuan arawn ti zâwi sup a,


"Engmah a ni lo, ka ngâi lutuk che a"


Ka ti ringawt a, a nuihak, A hmêl awm dân tûr ka ngaihtuah thiam nghâl mai.

.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:41 pm

DON'T LEAVE ME
CHAPTER-22
BY
HLUTEI JOCUND PACHUAU




Zan in chu ka rawn dah tam thei lo a, zan dangah pawh atam vak tawh lo ang, ka buai thei lutuk a, buai chung chunga rawn ziak ve ka ni bawk sia, Nuam ka ti thei bawk sia, Min hrethiam mai ru aw,😭......Ka chau thei bawk sia😭😭😭



In kâi rial chuan kan lût leh ve nghâl a, Kan awm dân vâng khân ngaih that lohna pawh a nei lêm lo aniang, atha lam zâwngin ngâi phawt ang.


Ka lût chu midang chuan phone an lo khawih mial mial hlawm a, Jin chuan min rawn melh zawk, a hawisawn leh nghâl a,

"Na Bi vawiin chu kan hah dâwn nia"

Sora chuan a rawn ti lâng lâng a,huphurh ru deuh chung chuan ka lo nuih suk ringawt, Ka van hnê tawh tak, mut mai mai ka châk, rilru hah nên, Ka taksa hi a chau ngawih ngawih bawk si,Japan tour ah insâwr bing angâi tawh bawk nên, Thawmhnaw chu ka hmâ ah Jack chuan a rawn dah khat leh hnuk a, A tha lo lâi leh fello lâi chu ka lo en dik leh mial mial tawh.


BTS ho chuan eng enge maw in fiamna neiin an ri laih laih reng a, An bengchheng lutuk hi ka â lo chauh ka bîng deuh mup mup a, ka lu hai deuh muai muai bawk si, ka chê pawh a muang sâwt hlê, ka thil tih lâi pawh ka ti sâwt lo ngêi mai.


Taehyung chu ka bul ah chuan rawn kal in a nui var var a,

"Enge a?"

"24 zân a kan in date na tûr restaurant ka hauh lâwk tawh a"

A rawn ti ru sâ sâ a, ka lo nui hak,

"Japan tour nên a in hnaih sia chawlh hahdam i duh lo ami?"

Ka lo ti ve vat a, nui sun sun chung chuan a lû a thing ringawt, A hlim thei lutuk hi a bula awm a hahdam thlâk takzet,a châng chuan naupang chhia ang mai a ni, a châng leh a in la pâ leh êm êm bawk sia, ani ai hian ka upat hmêl daih záwk thin.

A thiante bulah chuan ava kal leh a, Eng enge maw chu an rêl khawm ve ngêi tûr a ni, an ri laih laih reng mai.

__________




Ka thut rei tawh êm vâng chuan ka taksa te hi ana deuh thûm mai, ka hawi chhuak chu khua alo thim dêr tawh a, midang pawh chu an haw sap sap tawh ,huihaaa...BTS ho thawmhnaw check tûr lah chu ka la ngah sî,ding pah chuan ka'n zi mar vêl a, ka rilru hahna leh buaina zawng zawng te dah tha in ka hnâ ah chauh insâwr bing teh ang, ka'n in ti harh lui a, ka tih chhunzawm leh nghâl mial mial a,

"Kan haw tawh dâwn mi niang?"


Unnie chuan arawn ti a, heng zawng zawng hi ka tihfel vek a ngâi bawk sî engtin nge ka tih tâk ang.


"Unnie lo va haw rawh, Taxi in ka lo haw mai ang"


Zâwisap chuan ka ti a, alo thaw hak.

"Naktuk a tih ah khêk mai rawh"


"Jacka'n vawiin a zo fel tûr in min ti sia, ka thâ a nia lo va hâw rawh"


"Anih, ka kal mai ang, Date ka nei dâwn sia"


Lipstick in hnawih tha hlarh hlarh pah chuan a ti a, Ka lo nuih vur vur ringawt, Hmanhmawh tak chuan a tlân chhuak a, keimah chauh ka ni ta.

A reh ang thiâp bawk sia, BTS ho lah Dance practise na room ah an awm vek bawk sî, ka hlau lek lek zawk, hawi kual hrek hrek pah chuan an kawr chu ka dah tha mial mial a.

Kawngka ri rak vâng chuan ka lo phu zawk a, Bang Woo Jee alo ding reng chu niin,Ka thaw hawk thei.

"Iva buai âwm ve"


A ti sup a, Hepâ hmêl hian ka luak a ti chhuak, a hmêl leh khawsa zia hi ka ngai thei thak lo, Chapo si, Lêrh si, Ka ten ngawih ngawih.


"Buai e, i hmuh ang hian"


Ka lo ti hmuk a, a nui ri hak, Ka bulah chuan Kekawr ipte zen hian a ding reng a, enge maw ka bulah a din reng le? ka awm a ti nuam lo zo vek, Jimin kawr hâk tûr chu alo pawr palh a, Bakcheh chuan ka chep hmawk, ka kut zungchal chu a rawn thîp nghâl zek a,, ka râk that, a rawn thî nghâl ser ser bawk.


"I tha em?"


Tihpah chuan ka kut chu arawn la nghâl a, min vawnna chu ka lo tâl thla nghâl vat.

"Ka tha e"


Tih zawng chuan ka chhâng a, a nui suk ringawt.


"Department head ka awm iti nuam chiah lo a, khawngaihin min chhuahsawn thei angem?"

Inthlahrung deuh chuan ka ti a, a bula ka awm hian ka him lo tlat in ka hria, Ka bula a awm hi chuan ka tiril ah hian min man deuh tlat zêl.


"I kiangah hian ka awm reng zêl alawm"

Zâwi sup hian a rawn ti a, Enge a thusawi awm zia hi ka hrethiam lo.

"Enge awm zia"

Ka lo ti hâ a, a nui hak.

"Lee Na Bi nang hi i hriat miah loh hian i kiangah ka awm reng tih i hre lo ami?"


Fiah tak hian arawn ti a, Mak ti tak chuan ka en tawp, a awmzia chu hepâ hian min lo zui ru thin a ni maw?, A nih chuan.


Ka hmûi chu ka hup nghâl vat a,hlauhna chuan min rawn tuam nghâl vat a, ka taksa chu a rawn khûr nghâl, Ka mittui chu a rawn tling nghâl tiam tuam bawk, Tenawm deuh hian a nui suk a, Ka ten lutuk hi ka luak têp.


"Engvânga sawi nge inih"


Aw khûr hlak hlak chuan ka ti a, A hmêl ringawt pawh hian ka tilril ah min man thei.

"Lee Na Bi kei hian ka zui ru reng thin che sin, Kei hian ka hmangaih lutuk che"


Tenawm deuh hian a rawn ti a, Ka biang tawn tawn ah chuan arawn vuan a, Ka lo sual lêt nghâl chât chât bawk, Ka kut chu a man bet a, ka hneh lo nasa mai si.


Engtin nge ka tlân chhuah tâk ang, Ka naute him nân tal hian ka tlân chhuah a ngâi, He mihring hi Party na a min khawih tum tupa pawh kha nih chiah hi,mittui tling kiau chuan a rum thei ang ber hian ka melh tlawk tlawk ringawt.

"Khawngaihin min kal tîr rawh"


Tap âw tiau chuan ka ti a, Ka kut lah chu a hmer na bawk sî,A hmêl lah chu ka thisen dâwt kang vek châk a rapawm hian a in thlâk vek leh nghâl.


Lee Na Bi, Enge maw ti rawh, Ngaihtuah rawh, min rawn hnîm deuh thur thur a, ka lo thaw hak hak ringawt, ka nghâwng vêl chu a fâwp reng a, Ka ten lutuk hi ka luak têp zâwk, engtin nge ka tlân chhuah dâwn, Ka âu ngam bawk sî lo, Tap chung chuan ka dawh tawp a, Eng ang mihring nge maw a nih le? Ka kawr nghâwng zawng zawng chu ka bra chawp chuan atuai liâm thla vek a, Ka thaw hawk hawk thei.


Enge maw tal ka tih a ngâi, Ka kê chu ka ti chê det a, Enge a hmâ te khân ka ngaihtuah chhuah loh zâwk le?


Ka theih tâwp a nâ in a mipatna ah chuan pêt chawrh a, râk that pah chuan a mipatna chu a dawm nghâl a, na tak chuan ka nem chawrh,ka hmâ ah chuan a let vial thla tawp a, Kawngkhâr lam chu pan in ka tlân chhuak nghâl a.


TAEHYUNG PROV




Thil ei pah chuan kan position tûr chu kan sawi khâwm mial mial a, Jin hyung lah chu a ngâwi reng bawk sî, Nidangah chuan a tawng hnem ber a ni ziah a, Na Bi nên ka hmuh dun atang khân a dik lo tan, Enge maw tak chu an sawi ngêi ka ring, mahse rinthiam ngaihna pawh ka hre lêm lo.


"Min pui ru, NamJoon Oppa, Taehyung"


Na Bi âw a ni, kan ngâwi nghâl thap a, Hmanhmawh tak chuan ka tlân chhuak nghâl, Na Bi chu Practise na room lam pan chuan a rawn tlân dâwr dâwr a, Ka va tlân phei a, min rawn kuah nghâl, Enge thleng le? A taksa chu a khûr hlak hlak a, a mittui a tla phang bawk, Tawng pawh a tawng tha thei lo,a hmêl a dâng vek bawk sî.


"Enge thleng a? Sawi rawh hlauh tûr a awm lo ania"


A biang tawn tawn a dawm pah chuan Ka thiam ang ang chuan ka thlamuan a,a thaw kâwk kâwk bawk,

"Amah khâ lawm"


Tap âw tiau hian arawn ti chhuak a, A kawr hâk lo sâwi bâi ka hmuh atang chuana chunga thleng hi a tha lo hlê tih ka hre nghâl,


Bang Woo Jee Chu a rawn tlân dâwr dâwr a min hmuh veleh chuan ding chat, Na Bi'n A hmuh veleh chuan min kuah nghâl, Zawnga chu,
Bang Woo Jee chu ka va pan hnâi a, a theih tâwp ana chuan a hnek thal tawp a, A kamsîr a rawn thî nghâl ser ser bawk,ka kut ruh chu ana zawk thei, ka thinrim lutuk hi ka kawchhung te hi a alh vek hian ka hria, ka sa pup pup a, thâwk ngaihna pawh ka hre lo.


Ka lungawi mai thei lo,A kawr nghâwng ah chuan ka thâm leh nawk a, ka hnek leh nghâl mawlh mawlh bawk, Ka that dâwn chiang lutuk he mihring hi.


"Duhtâwk rawh"


Tihpahin midang chuan min lo dang nghâl vat a,Jungkook chuan min rawn pawtsawn vat a, Namjoon hyung chuan Bang Woo Jee chu alo man bet nghâl vat bawk.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:41 pm

DON'T LEAVE ME
CHAPTER-23
BY
HLUTEI JOCUND PACHUAU








NA BI PROV





Kil khat ah keichu ka lo ding khûr ngar ngar a, Ka tap ri thei bawk sî lo, Taehyung thinrim lutuk chu a thaw hawk hawk thei, "Na Bi"

Ka dâra rawn khawih tu an awm avâng chuan ka phu zawk a, ka thaw hawk bawk, Jungkook chuan mak tih hmêl deuh hian min lo en reng a,

"Ka...ka tihpalh, tih hlauh che ka tum lo ania"

Alo ti bah niai a,ka lo bu nghauh ringawt, Engkim hi ka hlau vêl vek tawh in ka hria,avan hrehawm tak, ka tap ri leh hak a, Taehyung chuan min rawn kuah leh nghâl vat.

Bang woo jee chuan namjoon vawnna chu a tâl thla thuai a, Hmanhmawh tak chuan a tlân chhuak nghâl a, Taehyung chu ûm zui tum chuan a pên dat a.

"Kal suh"

Tihpah chuan a kawr ah ka lo man bet vat a, min rawn en tawp.

"Ka bulah awm rawh ka hlau ania"

Aw khûr hlak hlak chuan ka ti a, min rawn kuah bet nghâl vat, a âwm khauh tha tak a ka bei hlê hlê tawh hi chuan thlâ hi a muang sawt zêl,

"Ûmzui a ngâi tawh hleinem, khawi ah mah tlân chhiatna tûr a nei lo"


Jin chuan arawn ti a, a dik chiah a ni,


_______


Stylist room ah chuan ka thu vang vang a,midang chu an tei kual sek hlawm bawk, Tour na tûr a inbuatsaih an ngaih lâi a ka lo tibuai ve chhên hi ka inthlahrung takzet, Ka in ngaihtuah leh vang vang a, Ka ngawih bo pui dâwn nge? ka report dâwn, ni lo, ngawih bopui ila a tha zâwk buaina a pun lun leh mai mai anga, mi zawng zawng min ngaih dân a dik lo leh zual dâwn, Taehyung vângin tupawh mai hian min en hrek hrek tawh nâklaia
ka mittui chu ka hru fap fap reng a, Taehyung chuan min rawn kuah peh nghâl vat, a perfume rimtui châk chu ka hîp vang vang a, enge ka tih leh zêl dâwn pawh ka hrethiam lo,

"A tha vek ania"


Tihpah chuan ka hnungah min bêng thak thak a, ka lo thaw hak ringawt.

"Kha pa kha ka ngaidam ngâi lo"

Inseh ruh deuh chung hian a ti a, Ka beng dâi tûr a ni buaina a punlun mai mai dâwn sin, engtin nge ni ta ang le? engpawh nise chawlh hahdam ka châk tawh, he lâi hmun hi ka tân chuan hremhmun ang mai a ni, ka khuma engmah ngaihtuah neih loh a mut lum vang vang ka châk tawh takzet a ni.


"Hâw phawt ka duh"


Zâwi sap chuan ka ti a, min kuahna chu thlah riai riai pah in min ka biang tawn tawn ah chuan a vuan a, min nuih lui sak,

"Ka thlah ang che aw"


Tihpah chuan ka bianga mittui luang ngiai ngiai chu arawn hru zauh a, Hnial pawh ka tum chuang lo,Taehyung bulah lo chuan ka thlâ a muang thei lo,kûn lap chung chuan ka lo bu nghauh a.


__________


Car ah chuan kan thu leh vang vang tawh, Vawiin a ka thiltawn râpthlak tak tak techu ka ngaihtuah zui a, min ti châu nghulh thei, ka châu takzet a ni, hêng buaina lak ata hi engtin nge ka chhuah ang, phurrit deuh phur ang reng mai hian ka châu a ni.


Car tukverh glass chu ka hawng thla riai riai a, pâwnlam atanga thli fîm rawn thaw chu a vawt deuh vur bawk, min ti harh sawng sawng thei, building in lian pui pui êng uar mai chu kan tlân pêl zut zut bawk a.


Ka naupâi thu hi ka hrilh dâwn amawn le? tûn hi hun remchâng tak niin ka hria, Ni lo....A hriat chuan, haaa....engmah hi ka hrethiam lo, hrilh ta ila, ti tla tûrin min lo ti tase, Ni lo, Lee Na Bi Thil awm ang lo pui pui ngaihtuah tawh suh, theihnghilh rawh.


"Khawi ah emaw hruai che ka duh a"


A rawn ti sup a, a car chuan a kual thut a, mak ti tak chuan ka lo en tawp.

"Khawi ah nge kan kal dâwn?"

"Saw lâi deuh ah sâwn"

Tih zawng chuan min chhâng a, hnial pawh ka tum hran chuang lo.

_____

Hall chhûng lian takah chuan min hruai lût a,Stage lian vak lo a awm bawk, Lem channa tepawh a ang zâwk mah,mipui thutna ni âwm takah chuan min thuttîr a, enge a tih dâwn le?


Stage ah chuan a thu a, Light chu a rawn thim thut, ka hawi kual zak zak a, Stage chu a rawn êng thut, Taehyung chuan mit meng zîm sât hin min lo en reng a, a vun vâr sar pawh alang nalh leh zual, Mic chu la in music chu a rawn ri nghâl ral ral a, Ka nui hak, a zâi dâwn ani maw?

Najoon Oppa nên a an sak 4 o'clock tih hlâ kha a ni, Ka hmui chu hupin ka nui hak a, Taehyung chu a rawn zâi tan, a aw nalh leh pâ zet nên chuan a inhmeh takzet, a sak thiam zia chhu, uluk tak chuan azâi lâi chu ka lo en reng a.


Hetiang tak hian mî ka hmangaih leh thei dâwn ami? engtin nge ka kalsan theih teh lul ang, ka tân chuan ka engkim leh ka in nghahna a ni a, ngati nge mi zawng zawng hian kalsan tûrin min tih theih, mahse ka la kalsan ngêi chu a ngâi si a.


Ka mittui chu a rawn luang thla nghâl ngiai ngiai a, leh lam hawi chuan ka insût ri hraih,ka thin zâwn ah chuan min hnawh up up a,ka hmui hup chuan ka tap khûr ngar ngar ringawt, engtin nge hêng zawng zawng hi ka theihnghilh theih ang, he hlimna, ka hmangaihna te, ka thianghlimna hiâla ka lo hlan tawh kha, a zâi lái chu ka lo en reng a,ka thinlung zawng zawng hi hai darh vek a paih bo daih ka duh asin, Ka hmangaih tûr ni miah lo kha ka lo hmangaih a, ka ta tûr ni miah lo kha tâ asiam ka lo tum thin a, Iti dik lo ani Lee Na Bi, Hmangaihna leh Hlimna hi tâna siam a ni ve lo,Saw lâia mipa zâi mêk nen sâwn, Kalsan a nun bul tan that ka duh ve tho asin, Mahse ka hmangaih êm a ni, Ka thinlung hi ka ta ni lo in Taehyung tâ chauh a ni,


A zâi lâi chuan stage atang chuan arawn chhuk thlâ a, ani pawh a mittui a tla ve tih ka hre thei, a hmâi chu alo huh hliam a, ka lo kuah nghâl thlawp a, nghet tak chuan kan inkuah reng a, Ka tap hliam hliam bawk,


"Lee Na Bi, kei Kim Taehyung hi min nei duh angem?"

Ka beng bulah chuan arawn ti sâ sâ a,ka tap ri hak, Music ri ral ral chuan min vêl tel bawk, Ka tihpalh Tae hêng buaina zawng zawng pal tlang hi ka zuam tawh lo a ni,



Ka rilru chuan ka ti mawlh mawlh a,Nghet tak chuan min la kuah reng tho,





Music chu a tâwp a, min kuahna chu a thlah riai riai a, ka chhanna beisei tak chuan min en reng.


"Ka nei thei lo ang che"


Tap âw tiau a tihpah chuan ka tlân chhuak nghâl, ka mittui hru sawk sawk pah chuan ka tlân dâwr dâwr a, min au lawm lawm chung chuan min ûm zui tlat in ka hria.


Pâwn a ka chhuak chu a vawt deuh sûk a, ka thaw khu hlat hlat pawh ka hmu thei,kawngpui zau zet reh thiap ah chuan mahni in ka pên hlawk hlawk a, he zân thiang nuam takah hian midang chu hlim takin an awm ho dial dial anga, ka tân ve thung chuan zân lungngaih thlâk tak a ni, He zân hi ka hua a, ka nun pawh hi ka hua ani, engmah hian min ti hlim zo lo, Khâ company pawh kha ka hua, Rilru a natna tam tak pâi reng chungin engtin nge ka hlim theih ang, kan in hmangaihna vâng hian mî engzât in nge an tawrh la ngâi dâwn?


"Na Bi ding teh"


Ka dâr ah chuan min kuai her lawp a, A hmui chu asen var a, a hnâi a tâi têk bawk, a vawt ati ve ngang aniang, a thaw khu ve deuh hlat hlat reng a.


ka hmâi pawh avawt vek tawh.

"Tinge min neih theih loh, Min hmangaih lo ami?"

Mit meng thîp deuh kâk a min melh pah chuan a ti a, street light dîm deuh raihin a hmêl a chhun vâng chuan a hmêl awmdân pawh alang chiang hlê,mittui luang ngiai ngiai chung chuan ka en reng tawp.

"Ka hmangaih takzet che ni Na Bi tlânbo daih ang hmiang, tûma min hriat loh na hmun ah,kan 2 in tûma chîm buai lohna ah kal daih ang hmiang"


A awpâ zet chuan arawn ti a, ka tân chuan hnar avan harsa tak êm,mahse ka thei tlat lo, Ka mipa hmangaih hi mi zawng zawng pawisawi tîr ka phal lo a, keimah vânga mî zawng zawng huat rawn ani tûr hi ka ngaingam thei tlat lo a ni.


"Ka châk alawm, mahse ka thei lo, Ka chau tawh a ni, Tae ka châu takzet tawh a ni"

Ka chil ka lem khalh a,


"Chutiang sawi suh Na Bi khawngaihin, Tuar hrâm hrâm rawh a rei tawh lo ang"


ka biang tawn tawn a rawn vawn pah chuan tih takzet hian arawn tî a, ka tap ri hak ringawt,

"Ka kalsan dâwn che nge? ka tlânbo pui daih dâwn che tih zawhna inzawh reng hi ka kham tawh a sin"

Tap âw tiau chuan ka ti a,

A hmûi lum thar thar min rawn fâwp tawp, Mittui tla phang chuan ka lo chhânglêt ve nghâl a, Kan tân chuan kawng a ping takzet a ni.



Lee Na Bi Thinlunga mei alh mêk chu Kim Taehyung Tupui anga dam diai chuan arawn beng dâi leh ta, He thinlung mei alh leh Vûr khal ang maia In thlâk thin hi, Taehyung thinlung chu a tih daihna tûrin alo insiam rem nghâl zêl a ni, Mahse in hmangaiha in mil em em tepawh hi an awm dûn vek kher hleinêm.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:42 pm

DON'T LEAVE ME
CHAPTER-24
BY
HLUTEI JOCUND PACHUAU






_________


Ka khum ah chuan ka mu leh vang vang a,Unnie lo mut tawh avângin Thil thleng pawh ka hrilh duh chuang lo, Taehyunga'n Inneia min sâwm lâi chu ka ngaihtuah lêt vang vang a, tlânbo pui ah ka sâwm dâwn amawn le? nge ni a ka kalsan zâwk dâwn? He zawhna in zawh reng pawh hi ka kham takzet, Engpawh chu nise tuar leh tang tang mai ang,"Na Bi Tuar hrâm hrâm rawh, A rei tawh lo ang" a tih kha, Ka ring ngam tûr a ni, Mutchhuak chuan min zêm chiai chiai a, ka lo muhîl nghâl daih a.

______


"Tho rawh le, Vawiin chu vawk ke ka siam sak che nia"


Unnie chuan min rawn sâwi dat dat a, Vawk ke maw? ka chil ka lem nghâl khalh, Ka tho nghâl vat a, Unnie chuan min lo nuih har har thung,Unnie hi engtin nge ka ei châk zawng zawng tehi a hriat vek theih le?


"Tho vat rawh, asat lâi sâwn ei vat ang, Kimchi vâr i duh deuh ang kha nimin ah ka lei bawk ania"

"Tak tak maw?"


Tihpah chuan khum atang chuan ka inperh tho at a,bathroom ah chuan ka tlân lût nghâl, Tuilum sek chuan ka inphuh ser ser a, ka harh sawng sawng thei, hmanhmawh tak chuan ka insiam a, Addidas Hoddie dum ka hâ a, Jeans pawdal nên, Vans dum chu ka bun leh tawp bawk, Make-up tlêm chu ka hmang veleh a,

Ka chhuak chu Unnie vawk ke chhum rim chuan ka chil a ti pût nghâl, nui var var chuan chaw ei dawhkân chu ka kil nghâl vat a.


"Unnie ivan siam hnem ve"

"I tân a ni lo, Naute tân alawm ka siam"


Alo ti hmak a, nui var var chuan ka ei nghâl mawlh mawlh a.


_________


Car ah chuan ka thu leh vang vang a, Sana ka en chu atlâi tawh bawk nên Unnie lah hian a khalh muang bawk sia,

"Unnie hmanhmawh teh"


Ka lo ti nâng nâng a,

"Naute insiam lâi ania, In dîm i ngâi alawm"


Awlsam deuh chuan alo ti a, ka nui hak,

"Enge i hriat a, i van phûr tak"


"Enge ka phûr loh ang"


Ka nui leh hak a, Unnie hi chu ka nu ang mai a ni, Engkim ah hian min support em em reng mai a,

"Ka lawm e aw Unnie"


"Engvâng chuan?"

"Engkim vângin, I lakah hian lawm thu pawh ka la sawi ngâi lo a, ka lawm takzet a nia aw"

Tihpahin a kut ah chuan ka vuan a,


"Hey...chutiang sawi suh, Ka mittui i ko chhuak dâwn ania"


Alo ti nâng nâng a, ka lo nui hak ringawt.

______

Company ah chuan phûr lo zetin ka kal leh a, Bang Woo Jee hmuh leh ka châk thlâwt lo, ka hlâu takzet a ni, Stylist room ah chuan phûr lo zetin ka lût a,


"Vawiin chu tih tûr vak a awm lo ang, Na Bi i duh chuan va hâw leh mai rawh"


Namjoon chuan Alo ti vat a, Ka lû ka lo thing ringawt,mahni a awm pawh nuam ka ring chuang lo.


"Nia Japan Tour a hnâi tawh sia, Vawiin chu chawlh min pê a"


Taehyung chuan nui var var hian alo ti a, ka lo nui lui sak, Midang chuan phone an khawih mial mial a, couch ah chuan ka thu thla hnak,

"Noona Na Bi hi Daegu ah hruai ka duh a, i rem tî angem?"

Taehyung chuan arawn ti a, Enga? An khua ah min hruai dâwn maw?, hepa hian enge maw a hriat teh thut le?


"Enga?, In in ah maw?"

Unnie chuan arawn ti hâ a, Midang pawh chuan mak tih hmêl deuh hian an lo en thap bawk,


"Aw, Na Bi Hawh kal nghâl ang"


Tihpah chuan a jacket chu aha tha sawk sawk a


"Na Bi chhûngte bulah i hruai dâwn Tak tak maw?"


Jin chuan arawn ti a, Mak tih hmêl deuh chuan kan en thap, "Aw dâwn e, enge?"

Awlsam zet chuan alo tî a, ka chil ka lem khalh,Engmah a sawi lâwk bawk sî lo a, a ti deuh thut bawk sia.

"Ni lo, ka....ka thei lo"


Bah niai chuan ka lo tî a,

"NA Bi, An fel lutuk, An lo duat ngawt ang che"

Jungkook chuan alo ti a, Ka zâm nghâl ringawt tawh.

"Kan Tae Tae pawh alo puitling ve ta nih hi"


Jhope chuan nui var var hian arawn tî a, midang chuan an lo chhaih laih laih bawk, Hepâ han mâwl dân hi chu âw....

"Taehyung, Na Bi hian Korean Manner a hre vak lo ania aw, Alo chêtsual palh chuan ilo sawi mai dâwn nia"


Unnie chuan alo ti vat a, ka chil ka lo lem khalh,


"Lo kal teh"


Tihpah chuan Unnie chuan min rawn kâi rawk rawk a, Chibai bûk dân leh In koh dân techu min hrilh zuai zuai a,uluk tak chuan ka lo ngâithla kar a.


"Noona Ngaihtuah duh suh, aho lutuk"


Awlsam zet chuan alo tî a, kei lah chu ka zâm bawk sî, Chêtsual hlâu reng reng a awm hi ka peih lo sin le.


"Kal vat ang"

Tihpah chuan min rawn kâi dâwr dâwr a, min kâi chhuak nghâl.


________


Car ah chuan kan thu dûn leh vang vang a, ka zâm lutuk hi ka thâwk te hi a chham mai dâwn in ka hria,a khât chuan thâwk ka la hak hak reng a.


"Prime minister kan hmu dâwn hleinem"


A rawn ti sup a, Ala nui sun sun zûi,ka melh vak ringawt,

"Iti deuh thut bawk sia, a zâm awm ve lawm"


kawngpui lam melh kar pah chuan a ha vâr rual thah lang hian a nui hak,

"An hmuh hun ah che chuan an lâwm ngawt ang"

Ati sup a, lâwm rilru viau mahila ka zâm chhe nghâl dêr chu ni sia, Ni tak, ka van mâwl tak, Kut ruak a kal ka'n tum ringawt chu le.


"Enge ka ken sak ang?"

"Enga tân maw?"


Mak tih hmêl deuh chuan min rawn hâ a.

"Sawi vat mai rawh"

Vîn that chuan ka ti a, a tûm nghâl hmak, Ka thinchhiat zual lâi a ni bawk nên, Taehyung lah hi Titau hmâ thei bawk sia.

"Sawi vat rawh, kutruak ringawt a kal ka duh bîk hleinêm"

Ka lo ti nâng nâng a, "Anih"

A ti hmuk a, a awmdân cute thei lutuk hi ka duh nachhan pakhat a ni.

"Ka nu chuan Pangpâr a ngaina a, Ka pa chu pêk ve kher pawh a ngâi lo ang"



"Ka Zâm lutuk hi ka thâwk a tâwp dâwn in ka hria"

ka ti chuai raih a, a nui leh vur vur ringawt, Motor glass chu ka hawng deuh a, Mall chu ka zawng pah nghâl,


A tlân lak lawh lâi chuan a ding thut,
"Enge? min ti hlâu alawm"


"Saw mall chu"


Tihpahin Building lian vak lo hi a kâwk vâ a, hmanhmawh tak chuan ka tlânchhuak nghâl,

"Ati deuh thut bawk sia, Pawisa ka pâi tlêm ang reng bawk si"


Phun hlak hlak chung chuan ka kal phei a, Dâwr chhûng ka lût chiah chu Petite pangpâr vâr bâwr nalh tak chuan ka mit ala tlat,

Dâwr nghâk tu bulah chuan ka kâwk chat a,
nuisâng pah chuan min pe nghâl, Taehyung Pa Necktie tûr chu ka en kual a,Gucci nekctie chuan ka mit ala chat bawk,
"Hei hi min lo pack la, Cake leh Theirah saw ka va en a nge"
Tihpah chuan necktie chu ka pe a, Ka bulah chuan Nulian thau lampang hian Underpant alo pack tîr ve bawk.

Thei rah leh Cake chu a tui tûr ang pawh ka hrethiam lo, ka la pawp a,

"Hêng ho hi ka lo la vek ang"

"Awle, Hei aw bill"


Tihpahin Lehkha Them chu min pe a, a to zia chu ka râp zâwk, ka mengbial nghâl kâwk thei, Ka purse a pawisa awm chu ka chhiar ru a, a awm zawng zawng nên chuan alo daih tâwk chiah leh nghâl.

______

Bâwr deuh chuang chuan ka chhuak leh hnak hnak a, Unnie in lei tûr a min tih ang chu ka lei vek, "Pawisa them pawh ka ak tawh lo huihaa, Lee Na Bi leh.."
Ka phun hlak hlak reng a.



Taehyunga motor ah chuan hawi kual zak zak pah hian ka lut vat a, min lo nuih vur vur zui, "Tinge khatia min en reng a"

Ka lo ti hmuk a,

"Khatiang tihna châng te ilo hria a, mak ka ti deuh mai mai"

"Unnie in ti tûr in min tia"


"A ngâi kher lo sin"

"Ka tih lohin in zirna zêl alawm, Mipa dang in a ka kal hun ah ka hre tawh anga"


Nui deuh rah rah chung chuan ka ti a,

"Ngawi mai teh"

Tûm deuh bâr chuan alo ti hmuk, ka nui hak a, ala tûm reng tho, a thîk thu chhiat dân em em hi a, ka nuih a ti zâ, ka lo nui har har a, a nui ve duh miah lo thung.

Kalkawngah chuan an chhûngkaw chanchin te a unaute a ngaih thin zia thû techu a sawi a, A châng leh min ti nui vak vak a, a châng leh ka lo tap têp zêl bawk.
________


"Na Bi,hey Boihi"


Ka harh zawk a, ka lo muhîl daih a ni maw....Enga!? Boihi a!.

"Boihi tih ka duh lo, hming tha tak ka nei a, Ka hmingin min ko rawh"


Ka lo ti hlak hlak a, Aha rual thah mai lang chuan a nui leh sâng ringawt.

Car atang chuan a chhuak daih a, Ka thutna kawngkhâr chu a rawn hawng ri rak, "Kan thleng tawh mi?"

Ka lo ti hâ a, nui sâng chuan alo bu nghauh, ka chil ka lem khalh a, ka dang te hi a ro vêl vekin ka hria, muang châng chuan ka chhuak chhat chhat a, ka thâ te hi a khûr deuh der der in ka hia, Hei hi an in chu ni maw, Uluk tak chuan ka en reng a, Taehyung chuan ka thil lei ho chu a khâi a, Keichuan pangpâr leh Necktie bâwm chu ka khâi thung, An in chu hlui ve tawh lam a ni a, Cement(cement ka ti mai, a dik leh dik loh chu ka hre lo, ka sawi fiah thiam dân a nia) bang hian a in hung kual vek a, A simple in A design pawh a hlui tawh hlê, Rawng vâr hian a in chei a, Tual zâwl zau vak lo a awm bawk, Ka lo suangtuah thin in ngêi kha a ni, mittui tling kiau chuan ka nui var var a.


Taehyung chu ka en leh, hei ngêi hi lawm ka lo suangtuah thin, in te reuh tê a ka pasal leh chhungkua te nên a hlim taka chen ho hi, Ka kut ah chuan nghet takin min chelh a, muang châng chuan Gate chu a hawng ri rak a, A tual zâwl zau vak lo chu phûl a ni deuh mai, Thlâi chi hrang hrang chu alo in chîng thliah thliah a, Thingkung nalh tak lian vak lo ah chuan Pipu a awm bawk, Mipa Naupang hian Uite duhawm deuh hi alo infiam pui chat chat a,Taehyung chuan a âw a thian kharh, A rawn hawi vat a, Mak tih hmêl deuh chuan a rawn hawi reng top,

"Hyung"


Zâwisap hian a ti a, Taehyung chu anui hak, Mipa Naupang chu rawn tlânpheiin Taehyung chu a rawn kuah nghâl chat a, a mittui a tling nghâl kiau bawk.


"Ka ngâi lutuk che Hyung"


Ati mawlh mawlh a, Taehyung chuan A nau chu kuah chung chuan min rawn en zauh a, a mit hmul a sân âk bawk.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)