DON'T LEAVE ME BY Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: DON'T LEAVE ME BY Hlutei Jocund Pachuau (Completed)

Unread post by Ngaia » December 23rd, 2018, 1:45 pm

DON'T LEAVE ME
CHAPTER-31
BY
HLUTEI JOCUND PACHUAU




Edit loh nuaih tawh😭😭😭 min hrethiam ru aw😭😭😭


Kim Taehyung i van mâwl tak êm, Engtin nge i hmeichhe hmangaih pawh i rin zawh loh theih le, Car ah chuan ka indawm kun tlawk tlawk a, "Driver Kim khawngaihin khalh chak deuh teh a"

"Awle"

A kal hman ang tih ka hlauh vâng chuan ka za zek zek a ni ber, Ka awm hlê hlê thei lo, Ka za cheng reng mai.


_______


Airport kan thleng chu car atang chuan ka tlân chhuak nghâl a, Ka hmâi chu ka tuam phui vek a, Hoddie Ka hâk vâng chuan lukhum chu ka khum phui vek bawk, Ka hawi kual vêl a, Na Bi âwm rêng rêng ka hmu lo, Reciptionist Bulah chuan ka tlân phei vat a.

"Paris pan tûr flight kha a kal tawh em?"

"Aw a kal chiah tun ah khân"


"Enga?"


Ka cháu nghâl hnawk thei, Na Bi chuan min kalsan tak tak maw?, ka la âwih thei lo, Ni lo...Na Bi, A tello in engtin nge ka awm theih ang, Ka hmangaih asin, Ka Car lam chu ka pan leh chhat chhat a.

"Eheee...Kim Taehyung anih saw"


Ka hawi phei zawk a,Tleirawl 5 vêl chuan thlâ min lo lâk sak a, Engtin nge min hriat zâwk le, Ka tlân phut a, Tleirâwl ho chuan min rawn ûm nghâl, Ka rin âi daihin an tlân chak phiân leh nghâl.



Ka car ah chuan Ka zuang lût râwih a, Hmanhmawh tak chuan kan tlân chhuak nghâl, Pawn lam chu ka thlîr vang vang a,Ka phone a Na Bi thlalâk chu ka en vang vang a, Ka thaw chhuak hak, Ka mittui rawn tla mai tûr chu van va dâk chung chuan ka khap lêt fak a, Ka ngâi viaû ang,Mahse ka ti lutuk deuh a ni, Ka hmangaih leh duh luât êm vângin A hlimna pawh ka lo ngaihsak lo a, A hlimna nih dâwn phawt chuan ka kal tîr ang, Mipâ ka ni a, Ka thei tûr a ni, Ka inti pachang lui a,

__________


Practise-na room ah chuan ka lût chhat chhat a, Ka thiante chuan min lo en thap.

"Hyung khawnge Na Bi, Hei Naute mawza ka lei a"

Jungkook alo ti vat a, Naute mawza duhawm zet hi arawn keng lang vâ bawk, Chhuat ah chuan ka thu thla nawk a, Ka unau te hmêl ka hmuh hian ka na zual, Na Bi sûlhnû tam tak ka hmu reng a, Engkim hian amah min ngaihzual tîr,Ka ngâi nghâl dêr chu nia,a tello in Ka awm rei thei a ngem le?


"Hyung, Na Bi chu"


"Na Bi chuan min kalsan tawh"

Zâwisap chuan ka ti a,mak tih hmêl deuh chuan Min lo en thap,

"Na Bi chu a kal tak tak ami?"


Jin hyung chuan min rawn pan pah chuan ati a, ka lo bu nghauh, Ka mittui tlâk vâng chuan hnuailam ka melh ngar ngar tawp a,

"Na Bi chuan Naute kha a chhiat a, Chuan a kal bo anih chu"

Jin hyung chuan zuai raih hian a ti a, "Enga!"

An ti rual thap, Ka mittui chu ka hru fap a, Jimin chuan min rawn kuah nghâl, Midang chuan min rawn hnêm liam liam bawk a,

"Lungngai lo la, Na Bi chu kan zawng hmu leh êm êm ang, mahse Taehyungie Tûn ah chuan kal tîr rih phawt rawh, A rilru na a zia hun ah i hnen a arawn kîr leh theih nân hmâ kan la dâwn nia"


Jin hyung chuan arawn tî a, Ka lo bu nghauh ringawt,Keichuan thian tha tak min hnêm tû tûr ka la nei a, Na Bi chuan a nei ve dâwn si lo, Huihaaa...Engpawh nisê theihnghilh tum ang, Ka theihnghilh tûr a ni.


"Na Bi chu min hrilh lo in eng tin nge akal bo theih le"


Jungkook a ti sap a, Keipawh min hrilh lo ania, Engtin nge midang hi a hrilh teh lul ang ni.


___________




5 months ago


Thla 5 Lâi aliam ta, Kum 2018 kan hmang leh dêr tawh,Ka Balcony ah chuan Zu bûr nên ka inchhawp rap a,Hun rei tawh tak atang khân Ka thiante ho pawh ka be pawp vak ngâi lo, Na Bi theihnghilh chu sawi loh hun a rei a ka ngâi zual telh telh zâwk, Soo Yun Noona Pawh ka hmu ngâi lo, ka zawngkual reng a, Mahse hmuh theih loh ang maiin Na Bi kal bo atang khân a bo pil hmak mai a ni,


Harh fîm in ka awm paih ngâi lo a, PD Nim leh Director te hauh pawh ka tuar hnem tawh hlê, Ka hlim ngâi lo, Midang hmuh ah chuan ka nui reng a, Mahse Ka chhûngril erawh ana ngawih ngawih reng sî, Engkim ah kan hlawh tling chho in AmA award lâi kan dawng pha hial a, Mahse hêng te hian hlimna tak tak min pe thei lo, Practise na ah pawh ka kal khât hlê a, Mahni chauh a awm ka thlahlel em em reng mai a ni, Ka chhûngte pawn tih ngaihna min hre lo, Hâw tûr a min tih lah in ka paih bawk sî lo, Na Bi, Ka ngâi takzet che ni, Hmân ang tho khân ka la hmangaih reng che sin.

________


NA BI POV


2018 October thlâ alo ni leh ta reng mai, Ka room ah chuan Ka phone chu ka en niap niap a, Taehyung thlalâk tam tak ka dowload chu ka en vang vang reng ringawt, Ka mittui chu namên lo in a tlâ a, thla tam tak liâm tawh mahse min rawn zawn hmuh ka beisei ru reng a, Ka ngâi takzet a ni, Mahse kîr leh chu ka tum tawh lo bur, Nâ tiin ngâi ngawih ngawih mahila lêt leh Ka tum tawh lo a ni,

"Boihte"

Mom chu ka room kawngkhâr ah chuan a rawn dâk dêk dêk a, ka mittui chu ka lo hru hul nghâl sawk sawk,

"I ngâi viau ami a"


Ka sam ah chuan a rawn chûl a, Mom chu ka kuah nghâl thlawp, a ngâi ang bawkin ka tap leh hliám hliám a, "Ana viau ang tih ka hria lawm, Tuar hrâm hrâm rawh, Pathian ruat in nih chuan in la in tawng leh em em ang"

Ka beisei alawm, Mahse ka ring lo, ani chu hlim deuhin a awm tawh ang, Keichu min theihnghilh daih tawh ka ring,Taehyung chuan hmangaih dang a nei daih tawh ang,Mom âwma bei chung chuan ka tap hliâm hliâm ringawt a.


_________

Ka nu Dâwr a Backery ei mawlh mawlh pah chuan lehkha chu ka zir malh malh a, Journalist Nih ka duh vângin Coaching class ka kal daih ve mêk a, Ka châk ber chu khawvêla thil mak tak tak An la hriat ngâi miah loh leh Tualthattu an la hmuh chhuah ngâi loh techu chhui chhuah a, Puanzâr hi ka châk thîn a ni, A hmâ kha chuan enge ka duh a, Enge ka châk leh ka thiam thil pawh hre lo khawpin ka lo awm thîn a, Mahse tûn ah chuan ka tumah ka chiang tawh hlê ani, Tû bulah nge ka hlim thin a, Tû hnên ah nge ka thinlung ka lo pêk thin tih hi ka hre tawh a ni.


Mom Backery siam tui zet chu ka ei niap niap a, Naktû tûk leh mai hi presentation ka pêk ni tûr ani tawh sia, Huihaaa..Ka rilru van hah tak, Ka rilru ka pe thei bawk sî lo.



"Shelly awihaaa ka duh thei lo"


Anna chu a rawn âu tuâr tuâr a, Ka lo thaw hak, Anna hi chu a thawveng leh lutuk a, Ka coffee in pawh ka phuh têp alawm, Anna hi ka nu Dâwr a thawk ve a ni a, Ani pawh hi chhûngkaw pângâi tak an ni nâ a, A college kal man in tum a duh vângin part time in ka nu bulah a thawk ve thîn.


A rawn tlân phei ri tak tak a, ka lo thaw hak, Henu han thawveng zia hi chu, star thar a nei leh tawh a ni hrim hrim ang.

"Shelly.. Shelly...Enteh, Zan hi BTS ho in world tour an rawn neih hun tûr kha a ni tawh ania,Insiam rawh kal ve ang"

Thaw hlawp hlawp pah chuan a ti a, Taehyung ka hmu thei dâwn tihna ni maw!....Ni lo, Ka hmuh chuan ka na zual sauh anga Awm ngaihna hre lo khawpin Ka ngâi leh dâwn tih ka hre sa, Mahse ka hmu vê châk bawk sia.


"Presentation ka nei dâwn a, Ka kal hman lo"

"Enga! Mawli, I hmu vê châk lo ami? Keipawh Naktuk ah exam ka nei tho alawm, Mahse ka kal dâwn chiang râpthlâk"


Ka nui hak a, Mipângâi ve tho an ni sia, Chuti taka han vei techu a, Ni lo, Keipawh ka bâng bîk lo, Taehyung ngâiin Kum khat dâwn chu zantin ka la tap thîn alawm.

"Ka kal hman lo"


Ka ti hmak a, Ka paper chu ka en leh nghâl, Mahse ka kal châk lutuk hi ka za zek zek a ni mai, Awm ngaihna pawh ka hre lo,

"Shelly mawhh....Kal ang...."

Ka beng chu ka hup hmak a, Henu za lutuk hian Min ti phâwk lêk ve zo vek, kal pawh ni ila enge pawi vak le? Ni e, Vawi khat tal chu in hmu leh teh ang hmiang, Ka tho phut a, Anna chuan mak tih hmêl deuh chuan min en reng.

"A tha e, Khawi hmun ah nge"


Ka tih vêleh chuan a tê nghâl tuar tuar a, min kuah nghâl chung chung bawk, ava han hnêawm thîn tak, A lawmawm phiân bawk sia.


"Kal ang, Ka hmangaih Jungkook, I tân Annastasia Johnson ka rawn kal e"


Ka nui hak, Jungkook ber kher maw?...Ka Unaupa duhtak chu ka ngâi reuh hlê mai, Ka ngâi takzet, Keichu min hre chang tawh âwm dêr si lo a.


Mom chu a rawn lût ve nghâl a,

"Mary Shelly nên hian Bts Tour na ah kal kan tum a"


Ka nu chuan phâwk zet hian min rawn en a, Ka lo nui lui sak,
"Mom, In tih harh pah a kal ve ka duh a"


"A tha lawm, Mahse"


Sawi lo tûr chuan ka mit mei zauh a, A ngâwi leh nghâl hmak bawk.

"Enge maw a thlen chuan min rawn call vat rawh aw"
Tihpah chuan min chuk zauh a, Anna chu alo nui hak, "Mary Shelly hi naupang chhia ani tawh hleinêm"
Nui var var pah chuan alo tî a, kan nui leh hak ringawt, Anna nên chuan BTS ho Tourna tûr lam pan chuan kan in khalh chhuak ve rawih a.


__________


Kan thleng chu mî an tam ngêi mai, Army Bomb an zawrh techu kan lei vê a, Anna chu hlim viau mahse keichu ka nguai telh telh.


A sâng deuh a thutna nuam deuh chu kan chang pha chiah chiah a, Stage pawh alang chiang kher mai, Big screen Lian tak ah chuan an lang zêl bawk, An han che tak tak chu An lo pui phiân mai, Khâ leh chen kha kan in hrawn vê a ti khawp hian talent an lo nei tha tih pawh ka hre miah lo chu nia.

A tâwp lama Taehyung tap chuan Min khawih zak mai, Ka mittui chu a rawn luang ve nghâl a.


Midang pawh chuan an lo tah pui ve bawk, Ka hmâi chu hupin ka tap khûr ngat ngat a, Engvâng a tap nge anih erawh ka hre lo nâ in, Min ngaih vângah ka lo ngâi nghet ve bur mai a ni.


"Shelly, Taehyung tap chu i khawngaih viau ami?"


Anna chuan arawn ti lâng lâng a, Ka lo bu nghauh ringawt, Naute kha chu Chhiat kher lo ila tûn ah hian a in ah Kan naute nên thlamuang takin Kan lo nghâk reng âwm sî a, Thil atthlâk deuh deuh chu ka suang chiâm chiâm a, Ka mittui tlâ lah a bâng hek lo, Ka thinlung hia thar leh a, Kuah vawng vawng ka châk a ni, Hrilh tûr tam tak ka nei a sin, Hlim taka kan awm dun lâi techu ka mitthlâ ah a rawn lang chuai chuai a, Ka âwm chu dawmin ka tap khûr ngat ngat reng ringawt.
_________


Drawer Chu hawngin Naute mawza Taehyunga lei duhawm zet chu ka en reng a, a ngâi ang bawkin ka tap leh ta, Khuai rei hian min hnêm an ti thîn a, Keichu hun leh ni a liam tam telh telh a, ka na zual telh telh emaw tih tûr a ni,


"Boihte, Papa Zâthiâm dân chu, A hmeltha bawk si, Zan in pawh Mama hi lungchhe takin a tap leh ta anih hi tiraw, Mahse a rilru nat ani miah lo ania, Papa a ngaih lutuk vâng zâwk ania"


Aw khûr dar dar chuan Naute mawza chu ka be mial mial a, Muângchâng in khum lam chu ka pan a, Mawza kuah chung chuan ka muhîl ve nghâl daih a.

_______


"Tho tawh la, Class kal i ngaih kha"


Mom chuan dam diai hian min rawn sâwi dat dat a, chiang mang lo chuan ka meng a, Ka nu hmêltha zet chuan min lo nuih var var a.

"Enge nizân chu chanchin"

"A pui lutuk Mom, Taehyung chu a tap a"


Ka tih rual chuan ka mittui chu a rawn luang leh mai dâwn, Ka chil ka lem khalh a,

"Ila hmangaih takzet a ni tiraw?"

"Aw mom,"

Ka chil chu ka lem khalh a,

"Ka thinlung zawng zawngin"


Zâwisap chuan ka ti leh zauh bawk, Ka thih ni thleng pawn ka theihnghilh lo ang.

"Ka hrethiam che lawm, Lungngai lo la, Engkim ti thei Pathian i neih kha, tawngtâi la, i thawl hawk zêl mai ang"

Mom chu ka kuah nghâl thlawp a,min rawn kuah lêt ve nghâl.


"Le, I natna techu dah tha la, Class kal tûr in insiam rawh le, Mipa thar i tawng leh lo ang tih tunge sawi thei"

"Mom"...



Vîn thata tih pah chuan ka tho vat a, Alo nui hak hak thung, Bathroom lam chu ka pan nghâl hnâ hnâ a,


_____


Khua a vawh vângin Coat buang Ka ngal che vêl a Fual chu ka hâ a, A hnuai ah kawrlum phiar dum ka hâ a, Kekawr dum tight lam chu ka hâ a, Gucci kâwng hrên chu ka hrêng bawk, long Boot buang tho chu ka bun a,Harper Lukhum dum chu ka khum bawk, Ka mit a bui deuh vâng chuan Make-up pawh ka hmang ve nual mai, Hmanhmawh tak chuan ka tlân chhuak nghâl a.


_________


Vawiin chu Experiment ti tûr in Louis vitton Foundation building kan tlawh dâwn a, Ka phûr hlê bawk, kal ka châkna lo rei tawh bawk nên, Bus ah chuan ka lâwn lût nghâl vat a, midang ho lah hi khawngen an kal vek le? Ka kal châk tawh lutuk hi ka za cheng mai.



"Shelly"


Ka hawi phei chu Kevin Chu alo nui var var a, A mit meng pâwl râm leh a hmui senno chak nên zawng zawng hian he pa hi chu a hmeltha chiang alawm, A sam lah chu a kir bap a, A dum hlap bawk, amit meng lian val kalh nên chuan a in hmeh vêl vek.

"Hi Kevin"


"I phûr tawh viau lo maw?"

Nui sun sun pah hian arawn ti a, Ka bulah chuan a rawn thu thla ve nghâl,ka lo nui sak, Rei lo tê ah teacher tepawh chu an rawn thleng a, Bus chuan kan tlân chhuak nghâl vut vut a, Internet atang chauhin ka hria a, tlawhna hun ka nei ngâi bawk sî lo, Presentation ka pêkna tûr ah pawh hian min pui nasa viau ang, Pawnlam chu ka thlîr vang vang a, Taehyung bawk chu ka rilru ah arawn lût leh ta, Ka thaw chhuak hak a, Ka maimit chhîng vang vang ringawt.


Thâwk leh khat ah, Music chu ka beng bulah chuan arawn ti thut a, ka lo phu nghâl zawk thei, Kevin lam chu ka hawi vat a, min lo nui var var zui, A head phone chu min lo ngaihthlâk tîr reng chu niin,

"Rilru buai lâi chuan music hi ngaihthla ila ngaihtuahna te hi a fîm kâwk zêl, "

A rawn tî a, ka lo nui suk,

"Ka lawm ltuk e"


Tihpah chuan ka maimitchhîng vang vang a, Jazz music cool raih hi ka ngaina, Ka nui suk a,


________


"Shelly kan thleng tawh ania"

Tihpah chuan min rawn sâwi dat dat a, ka muhîl amaw ati ani maw?.Ka meng nghâl vat a, Ka nuih sak a.


Bus atang chuan kan inzui chhuak dam dam a, Mi 9 vêl chauh kan ni, Kan in pawh hlawm em em lo nâ a, Kan in haw lêm lo bawk.


"Ekhai lehhh...."


Ka ka huau a, Building pui zia chu, Building pawh a ang chiah lo, Lunghlu pangpâr anga sian tepawh a ang zâwk mah,


"Rannung a rawn thlâwk lût ange"


Kevin chuan arawn ti sup a, ka lo nui hak, France tawng ka thiam loh vâng in English hlîr in kan inbe thîn.

Building chhûng ah chuan kan in zui lût dam dam a, Lemziah cool tak tak leh Thlalâk nalh tak tak chu a in târ kulh kulh bawk, Ka Camera chuan thlâ ka la char char a, midang pawn an la ve sap sap bawk, Tlawh tu an thahnem vak lo a nuam phiân.


Dragon lem Cute zet chu ka en reng a, He lemziah hian Thawnthu sei tak aneih ka ring tlat, Simple taka ziah chu ni mahse, A cool ru riau a, mi hîpna a nei tlat bawk.


"He thil nên hian an pawh in in an reuh hi le"


Nui vur vur chungchuan Kevin chuan a rawn ti sap a, Ka lo chûm taih a, A la nui hak hak zui.


"Eheee...Bts ami V anih saw"


Ka bula hmeichhe pakhat chuan Ring vak lo hian arawn tî a, Ka lo phu zawk thei, Ka hnunglam chu ka hawi vat a, Hla vak lo atang hian Taehyung chuan min lo en reng chu niin, Ka meng nghâl kâwk a, Ka taksa te chu a hik vek thei, Ka lungphû chu namên lo hian arawn rang dut dut a,Mittui tling kiau chuan ka en tlawk tlawk ringawt, A hmêl chu a vawt raih a, Ka thin zâwn chu a rawn na leh vang vang tawh.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:46 pm

DON'T LEAVE ME

CHAPTER-32

BY HLUTEI JOCUND PACHUAU





Ka edit loh leh mai, Ka mut a chhuak tawh lutuk a.

A chesawn eih lo, A hmêl vawt raih chuan min ti khûr sawng sawng thei, Ka hawisawn leh nghâl vat a, Ka mittui tla mai tûr chu ka khap lêt nghâl fak a, Kevin chuan ka dâr ah min rawn khawih vat a.

"I tha em?"

"Enga? Aaa...aw..ka tha e"


Taehyung awmna lam chu ka hawi lêt leh a, Alo awm tawh lo, Ka mit vâi aniang a, Mahse ka bul ami te hian an hmu ve tho bawk sia, Ka zawng kuâl nghâl vat a, Ka hmu tawh mai lo, Step lam chu ka hawi thlâ a, ka hmu bawk sî lo, Mi â ang mai chuan ka zawng kual chiâm a,

"Shelly enge i hriat a, Lo kal rawh"


Kevin Chuan min lo âu lâng lâng a, Ka pên tût chu ka tâwp chat, Ka veilam tukverh bul atanga min thlîr tu awmna lam chu ka hawi vat a, Taehyung ngei a ni, A hmâi a tuam a, Tarmit bial a vuah bawk, A mit sen râm chu ka hmu chiang hlê, A hmâ ang kha a ni tawh miah lo, a chêr in a dawl dâng êm êm a, Kan in en reng tawp, Va pan hnaih a âwmah tak sâwn bei hlë hlê ka duh a ni, Ka ngaih zia thû hi vawi Sâng chuang sawi ka châk a, Kan inhmuh loh chhûng khân Minute khat lek pawh amah ngaihtuah lo in ka awm ngâi lo, He thu hi hrilh vek ka châk a ni, Mahse ka thei tlat lo, Kan in kâr chu Darthlalang chhah tak engmah in a tih keh zo loh hian a dang tlat a, In hmu reng sî in ka khawih thei lo a, Ka be thei hek lo, Ka na takzet a ni,Tûn ah chuan thinlung pawh ka nei tawh lo, Ka din na ngâi ah chuan ka ding khawng reng ringawt a.


"Shelly lo kal rawh"


Tihpah chuan Kevin chuan min kâisawn dâwr dâwr a, Ka zirlâi puite bulah chuan min hruai nghâl, Thei leh theih loh chuan ka hawi lêt tlawk tlawk reng a.

"Tan tawh ang ule, Nangmahni chawk phûr thei tûr thil tam tak a awm nual a, Hêng in thil hmuh atang hian thu tha tak tak in phuah chhuah theih ngêi ka beisei"


Taecher chuan ati lâng lâng a, Kut an lo bêng nghâl dar dar bawk, Ka rilru ah engmah alût thei lo, Taehyung hmêl hmu leh châk in ka za zek zek reng ringawt.


Thlalâk leh lem ziah ho techu min fan kual pui a, An sawi fiah nghâl zêl bawk, Ka rilru ka pe thei thlâwt lo, Ka ngaihtuahna chu Taehyung ringawt a ni mai, Engtin nge ka tih ang? Engmah ka ngaihtuah thei lo.



________


Bus ah chuan ka thu leh vang vang a, Tae kha engtin nge ka hmuh leh theih ang? Ni lo, Lee Na Bi, Hei leh chen hi i tuar tawh a, A tâwp rak thleng i tuar chhuak tûr a ni, I kîr tawh tûr a ni lo, Mahni chuan ka'n in fuih leh mawlh mawlh a, Mahse thil harsa leh theih loh bur ang vêl a ni, A harsa takzet, Ka â zo mai dâwn in ka hria.


Ka hmâi chu ka hup ngar ngar a, ka â thei takngial dâwn, Ka ngaihtuahna te hi a buai vek, A hmêl ka hmuh chuan ka buai zawh leh vek kha ka rin sâ a ni a, Ka rin ang ngêiin ka awm leh ta anih hi, Engtin nge He ka saltânna atang hian ka chhuah ang, He ka saltanna atang hian Chhanchhuak tu ngâiin ka rûm a ni, "Tae ka ngâi takzet che a ni" Korean tawng chuan ka phun sep a, Ka mittui tla chu ka hru zauh bawk, Bus tukverh ka hawn vâng chuan thli vâwt tak hian min rawn chhêm er er a, Ka hmâi tepawh avawt vek tawh,


"Shelly I âwm dân a dang vek tawh, Ngati nge a?"


Kevin chuan min ngaihtuah hmêl zet hian a rawn tî a, Ka lû ka lo thing ringawt, Tûn ah chuan mahni chauh a tah vak mai ka châk ber, Midang hlim thâwm chu ka tân chuan bengchheng tak a ni, Ka tâwt up up a, Ka puak keh mai dâwn in ka hria,

"Sir, Ka nuam sam chuah lo a,Mairie Du bus stop ah khân ka lo chhuk mai ang aw"


Aw khûr dar dar chuan ka ti a, Sir chu alo bu nghauh, Mahni chauh a awm ka thlahlel ngawih ngawih hi ni ber mai.

_________



Mairie Du bus stop kan thleng chu hmanhmawh tak chuan ka tlân chhuak nghâl a, Kan in lam chu ka pan nghâl dâwr dâwr bawk, Ka theih tâwp chuan ka tlân dâwr dâwr a, Kan Dâwr hi a lian in a lûn ve pângai a, Ka nu nên a chung chiah chu kan luah nghâl bawk.


"Ehe i lo haw tawh alaw?"


Ka nu chuan nui var var alo tî a, Ka chhâng hman tawh lo, Customer an ngah bawk sî a, In chung lamah chuan ka tlân chho dâwr dâwr a, Ka bag chu chhuat lâi ah chuan ka paih thlawp a, Khum ah chuan ka bawk nghâl thlawp ringawt.


Ka theih tâwp chuan ka tap hliâm hliâm ringawt a,

________


Khumah chuan ka mu vang vang a, Inchung chu ka melh tlawk tlawk ringawt, Ka mittui chu ka bek ah chuan a luangthla ngiai ngiai a, Tap chhuak tûr pawn chakna ka nei tawh lo.


Taehyung ka kalsan tirh khân ka mu thei ngâi lo a, Chaw chu sawi loh tui tak ngiâl pawh ka lem thei lo, Ka chil ka lem tâwk tâwk chauh a ni, ka khawhmuh a fiah lo a, Mahni chauh a awm ka thlahlel êm êm reng thin,He ti tak hian mipa pakhat vângin ka nat theih hi ka ring phâk ngâi lo,

Zanlâi a reh rî ngâithla a bianga mittui luang hliam hliam luan hliâm hliâm lai te,Amah hmu lo leh belo a Ngaihtha taka mut a harsat zia te,Mal leh ruak ngawih ngawih a bangruak ka melh ngar ngar thin lâi te, Khawi lamah nge a tuân anga, Ka tello in engtin nge a awm ang tih ngaihtuah a rilru mangang taka ka awm thin läi te chu ka ngaihtuah lêt a, Hremhmun atangin ka tho chhuak ve chiah a, A ngâi ah bawk ka tlu leh ta anih hi, Hremhmun nên a danglam chuang lo ka tawrhna hi, Vawi tam tak tawngtaiin ka tawrhna te min chhâwk zâng khâi tûrin dîl thin mahila awmzia a awm lo, Hetianga na tak tuar reng ai chuan Tinge ka thih zâwk mai loh ang, Ka tân dam hian awmzia a nei tawh lo, Damchhan pawh ka nei tawh hek lo, Thinlung pawh ka nei tawh lo.


Muângchâng chuan ka tho a, Ka kâwng hrên chu phelhin ceiling fan chu ka en chho hâ a,Ni lo, Engthil nge maw ka tih tâk le?...Ni lo, Ka ti tûr a ni lo, Ka beidawng tûr a ni lo, Heileh chen hi ka tuar tawh alawm, A tâwp pawh ka thleng ngam tûr a ni, Mahse aharsa ka van ti tak êm, Chhuat ah chuan ka thu thla nawk a, Chhuat chu bengin Ka tap khûr ngat ngat ringawt.


Kawngkâ chu a rawn ri rak a, "Awih Shelly Boihte"


Ka nu chuan min rawn kuah nghâl a, Ka nu âwm a bei chung chuan ka tap khûr ngat ngat ringawt.


_________

TAEHYUNG POV



Hotel Room ah chuan ka thu vang vang a, Wine Chu ka tlâk pap reng ringawt, Na Bi Hmêl chu ka mitthlâ ah a châm reng a, Khapâ bulah khân hlim takin a nui a, Min hmuh vêleh a nui tâwp hmak khân min tina takzet a ni, Na Bi chuan mipa dang tawngin hlim takin a awm tawh a, Keichuan Nikhat pawh hi amah ngaihtuah lo in ka awm ngâi lo, Minute tin hian ka ngaih a zual a, Ka châu a ni, Ka châu takzet, Hetiang maia ka tlûk chhiat theih hi ka ring ngâi lo, Ngati nge maw a kut ah khân ka lo chelh tlat loh le? A kut ah khân man ila ka lo tlânbo pui daih mai loh le?


"A lo in leh ta"


Jin hyung chu ka bul Banch ah chuan arawn thu ve nghâl a, Tûn ah tak hi chuan mahni chauh a awm ka duh a ni, Jin hyung chuan Wine chu in thlit in a tlâk ve nghâl pap a, Ka lo thaw hak,

"Hyung khawngaihin min chhuahsawn teh, Mahni a awm ka duh a nia"


"Hey...Naua, Tiang renga i awm chuan i tlu chhe vek mai ang,, Engtianga rei nge i nghah dâwn? Na Bi chu theihnghilh tum mai rawh"

"Ka thei lo Hyung, Na Bi chu ka zawng chhuak anga ka tlânbo pui mai ang"

"A tha lutuk e, Mipa chu khatiang tûr kha a ni, I chapo na te kha dah thâ la, Na Bi chu zawngchhuak la, Tlânbo pui mai rawh, A duh loh chuan kan phuar bet mai dâwn nia"


Hyung thusawi vâng chuan ka nui suk a, ka dâra rawn bêng thak thak chung chuan a kal chhuak leh nghâl daih a, ni e, Hetianga awm reng thei ka ni lo, Na Bi ka zawn chhuah angâi, Khum atang chuan ka tho vat a, Ka coat chu lâ in hmanhmawh tak chuan ka chhuak nghâl a.


________


Mairie du Ah chuan ka teikual reng a,thlâ chu ka la kual reng bawk, Na Bi zawn tum a chhuak ka ni a, hmâ han lâk ngaihna vak pawh ka hre lo, Ka tân chuan kawng hi a ping vêl vek a ni mai, He khawpui lian tak a Na Bi zawn hmuh tum chu Thil theihloh tluk a ni.


"Taehyungie Min nghâk teh"


Ka hawi lêt chu Namjoon Hyung chu alo tlân phei hlawk hlawk a, Enge a lo tih ve dâwn le?

"Hyung min zui ami a?"


"Zui e mawle, Ka âu che a i hrethei bawk sî lo a"


Ati nuah nuah a, Kan 2 chuan kan inzui kual a, Paris a Mairie Du ah chuan kan tei kual a, Kawtthlêr chu a fâiin A nuam phiân leh nghâl,Paris hi ka ngaina, ka ngaina takzet,


Building leh hotel lian tak tak techu thlâ ka la kual reng bawk.


"Thil ei ang ka ril atâm"


Namjoon hyung chuan arawn tî a, Ka nui hak, Ka hawikual a, Tacos Tih inziahna chu ka va hmu fu nghâl chat.

"Tah sâwn va ei ang"


Tihpah chuan kan kal phei nghâl dâwr dâwr a,Khua avawt bawk a ka ril a tâm ngêi mai, Ka pum te hi a ri ruk ruk thei.


Kan lût chiah chu Chhang chi hrang hrang leh Ei tûr dang pawh an lo nei nual a,

"Lo thu ru, Englam nge in duh ang"

American lam mi nula pakhat hian min en mang lo chuan alo ti nghâl mawlh mawlh a, Namjoon Hyung chuan A duh duh chu a'n kâwk kual a.


Engtin nge a awm pawh kan hre ngâi lo, A tui tûra kan rin chu Kan order ve pawp pawp a,A rawn hawi chiah chu phâwk deuh chuan min en dûn zak zak a.

"Ka duh thei lo, Bts"


Min hria ani maw, Namjoon Hyung chuan alo beng dâi vat a, Tûma bula a sawi loh nân kan selfie pui hrâm bawk.


Dâwhkân awl lâi ah chuan kan thu ve râwih a, kan thil chah pawh a rawn thleng nghâl, Nula bawk chuan arawn dah a, a nui var var reng bawk, a hmêltha phiân leh nghâl.


"Anna Coffee hi siam dân min lo hrilh ve teh"


Chu Âw chu, Ka thil ei lâi chu ka tâwp chat a, Namjoon Hyung pawh chuan Na Bi a ni tih a hre nghâl, Nula chu akalsawn nghâl vat a, Namjoon hyung nen chuan engmah sawi lo in chû nula chu kan zui nghâl rawk rawk a.



LalPa lehh...Ka van lâwm tak, Na Bi ngei a ni,Min hnungchhawn zâwng chuan a ding reng a,Paper Chu kengin Chhiar ni âwm tak chuan a hih ngar ngar reng bawk, Lehkha a zir leh amawn le, Enge maw hi a in khalh khalh bawk.


Nula nen chuan English in an inbe mawlh mawlh a,Namjoon Hyung nen chuan ngâwirengin kan Lo en tlawk tlawk reng ringawt.


Inchung Step atang chuan Nu pakhat Hmêltha zet mai, Nu zahawm tak American mî tih hriat zet mit meng paw râm hi a rawn chhuk a, Min hmu chiah chu a meng nghâk kâwk a, Na Bi nû chu a nih ngêi dâwn hi, Na Bi'n a nu a hmuh veleh chuan Ava pan nghâl vat a, A rawn hawi phei chiah chu, A hmêl a dâng nghâl rawk rawk thei, A mit chu a sen râm a, A bui deuh lâk bawk, Min ngaih vângin a tap tih ka hrethiam nghâl.


"Chibai le"


Min rawn pan hnâi a, ka lo zâm lek lek tawh, Na Bi chu a dinna ngâi ah chuan a ding reng a, Namjoon Hyung leh Na Bi Nu chu an in be reng a, Keichu ka lo ngâwi kar thung, A then lâi chu ka hrethiam ve zauh zauh a, Ka hrethiam vek chuang lo, An thu sawi laklawh lâi chuan chiang zet hian min rawn melh leh zauh zauh zêl a, Na Bi mittui hru fap fap chu ka en reng a, Va kuah thlawp mai ka duh, Huihaaa...ka insûm zo thlâwt lo, Na Bi awmna lamah chuan ka kal phei a, A hmâ ah tak chuan ka ding ringawt, Min chhoh en kar a, A mittui chu a luang ngiai ngiai bawk,


"Excuse me"

Na Bi nu chuan a rawn tî a, Na Bi nên chuan kan hawi vat, thinrim insûm tih hriat tak chuan min en reng a, min rawn pan nghâl,ka lo kun tlawk tlawk ringawt.




_____

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:46 pm

DON'T LEAVE ME

CHAPTER-33
BY
HLUTEI JOCUND PACHUAU



"Ka fanu hi khawngaihin tina tawh suh"


Aw khûr dar dar chuan a ti a, A mitmeng lian leh paw râm chuan min enkal bawk, A mittui chu a tling pam bawk, Na Bi chu ava kuah nghâl a, Na Bi chu a tap ri hak, Ka mittui chu a rawn far fap a, Avan nêp theih ngâi êm, Mipa a zawngah chuan ka la nêp ber mai âwm e,Ka mit chu ka tuai zauh, Namjoon Hyung chuan ka dâr ah chuan a rawn bêng thak thak a.

"Kan tihpalh takzet a ni"


Namjoon Hyung chuan ati a, Na Bi chu a tap khûr ngar ngar reng ringawt, Ka van khawngaih tak, Engtia awm tûr nge pawh ka hre lo, Min hmangaih tho sî chuan tinge ka kiangah a awm mai loh? Namjoon Hyung chuan Min rawn kuah a, Min chhuah pui a tum nghâl, Na Bi chu thei leh thei lo chuan ka va melh tâwk tâwk a, Ka hmangaih êm êm tap lâi hi engmah tilo chuan ka kalsan ringawt thei lo,Hyung min kuahna chu ka tâl thla a, Ka va lêt leh ngat, Na Bi Leh a nu chu an lo in thlah tawh a, Mak tih hmêl deuh chuan min lo en tawp, Ka va kal hnâi a, A kâwngah kuah in A chal ah chuan Ka va fâwp zauh.

"Ka hmangaih reng ang che, Ilo lêt leh hun tûr ka lo nghâk reng ang"


Zâwisap chuan ka ti a, Ka mittui tla hmuh tîr ka duh lo vângin ka tlânchhuak nghâl, Ka hmâi chu ka tuai puât a, Tawrh thiam ava har ve, LalPa lehhh....


"A tha leh vek ang, Lungngâi lo la, Lêt leh phawt mai ang"


Hyung chuan min rawn thlamuan a, Min kuah chung chuan kan thlenna Hotel Chilly Mazarin lam chu kan pan leh hnâ hnâ a, A tha e, A awmna tal ka hre tawh a, a dam thâ tih kan hre bawk a, Tlêm chuan a zia tawh e.


________


Na Bi Pov



Taehyung chhuak chiah chu ka ruak hawk thei, Engtin nge helâi hmun te an rawn hriat zâwk le? Ka mittui chu a rawn far fap a, Ka Nu chuan min rawn chûl hliâu hliâu bawk.


"Shelly tinge engmah min hrilh loh a?"


Anna chuan tap âw tiau hian a rawn ti a, Chumi ringawt pawh chuan ka rilru alo ti na êm êm ringawt, Hmanhmawh tak chuan ka tlân chhuak a, Heti mai chuan ka kal tîr thei lo, Ka ngaidam tûr a ni, Mairie du Kawtthlêr ah chuan ka tlân chiâm a, ka in hâk pan vângin khawvawtin chuan namên lo in min rawn hmet nghâl a, Ka taksa chu arawn khawng tiâl tiâl a, Tlân tûrin thâ rêng ka nei tawh lo, ka hmâi leh ke hmâwr vêl zawng zawng chu a vawt vek tawh, Lei ah chuan ka thingthi hnawk a, Mom chuan ka hnunglam atang hian min âu lawm lawm bawk.


"Boihte, Ka van khawngaih tak che êm"


Tihpah chuan min rawn kuah a, Mairie Du kawtthlêr ah chuan kan tap dûn hawk hawk ringawt, Kawng a vei vâk ho chuan min en zui vung vung zêl bawk.

"Lêt leh phawt ila, Taehyung chu Biâk pawh dân kan ngaihtuah dâwn nia, Hawh le"


Tihpah chuan min kâi tho taih taih a, Min kuah chung chuan kan in lam chu kan pan nghâl, Rîn bial lian taka tlân kual reng ang hi ka ni, Ani kha vawi tam tak lehpêl mah ila, Ka tlân ka tlân chuan ka tawng leh nge nge thin, Ka hmangaih miâu a, tûmAh hian Min dem thei bîk lo ang, Ka hmangaih tawh êm a ni, Ka kalsan kha a vawi khat nân ka inchhîr a, Kalsan lo ila kan awm dân tûr chu retheihna, Lungngaihna, Tahna, Hei chauh hi ka chan tûr awmchhun a ni, mahse hmangaihna vâng talin lo paltlang lui ila, Ni lo......Kal tîr rawh, A tân, a hlim nân, Tap chung chuan ka khûr beuh beuh reng a, Kal pawh aharsa ngêi mai.


__________


Khum ah chuan Blanket lian takin ka intuam hlûn a, Coffee sa tak chu ka in khalh khalh bawk, Ka vawt tih pawh a zia tawh e, Ka nu chuan min en reng a.

"Boihte, I hmangaih takzet tih ka hria alawm, Mahse kal tîr rawh, In kâr a tâwp vek tawh a, Kal tîr phawt mai rawh, Engkim a tha leh vek mai ang"


Dam thlap chuan a tî a, ka lo bu nghauh ringawt.
Mom chuan min chhuahsan leh nghâl a,


Min beidawn san tawh mai se, Tinge maw a beidawn har êm êm le?,Tinge ka hmâ ah hian a rawn in lan leh thin,? Mahse ka mamawh bawk sî a, Amah ka hmuh chiah khân ka lo mal thin zia kha ka in hre chhuak a ni, Ka hlimna leh lungngaihna min tâwmpui a ka thil tih engkim min hriatpui thîn tu ni leh tûrin ka la duh reng a ni, Mahse Thil theih loh hul huâl a ni bawk si, Lêt leh chu ka châk alawm, Ka châk takzet.


Mahse lêt leh tâ ila, Enge thleng tûr chu hriat sa vek, Engtin nge ka awm ang, Rilru siam fel dân pawh ka thiâm lo, Ka dinna ngâi ah hian ding reng zâwk mai ang, Engkim a fel hun tûr Ka nghâk zâwk mai ang.



__________


TAEHYUNG POV


Ka thlenna Hotel Room balcony ah chuan ka dâk vauh vauh a, Paris khawpui êng uâr chu ka en reng, Ka awmna ah hian Na Bi chu awm ve se Nuam ati ngawt ang, Ka nui hak a, Ni lo, Enge ka hriat le ?.....Ka ngaihtuah lo thei bawk sî lo, Ka tih thin dân angin ka hmâi chu ka tuai nauh nauh ringawt a, Ka thaw te hi a chham mai dâwn in ka hria, Naktûk tûkleh mai khi kan haw hun tûr a ni sî a, Kan hâw veleh PD Nim fanu Bang Cheo Rin kha ka inhual pui ngêi a ngâi dâwn sî, Na Bi lah ka be thei dêr bawk sî lo, Ka rilru van buai tak êm.


"Taehyungie"


Jimin chuan min rawn kuah vat a, Banch ah chuan min thuttîr a, Ka mittui far fap chu ka hru zauh zauh bawk, Mipa Mah ni ila Hmangaihna kawngah chuan ka lo nêp ngêi mai, Mipa dang hi Hmangaihna vângin tiang hian an mittui a tla ve tawh angem le?


"Taehyungie, Na Bi shii chu beidawn san tawh mai rawh, Hlim taka a awm theih nân, I kianga a awm chuan Hlim lâi chu nei ve mahse a tawrh nasat êm kha, A hlim nán kalsan rih la, Nupui nei rual kan nih hun ah i nei mai dâwn alawm"

.Ati ve niap niap a, Jimin hi chu mi thlamuan thiam tak a ni a, Ka lungngaih leh Ka hnual rawih châng pawn ani hian min hnêm ber thin, Tawngkam thiam tak chu ni lo mahse a thusawi te hi ka âwih êm êm zêl mai a ni, Thlâ(moon) khian Kil lî(4) a nei pawh ti se ka âwih thei hiâl ang, Chutiang vêl chu ka ni.

"Jimin shii, Na Bi chuan mipa dang tawngin pasal a lo nei hman tawh maithei a sin"

"A teuh lo, Na Bi shii chuan a hmangaih zia che hi kan hre vek alawm, Namjoon Hyung khân engkim min hrilh vek a, Thiana, Na Bi shii chuan i hlawhtlin theih nân, I dream te i tih puitlin theih nân a inthiar fihlîm rih mai alawm"


Ka beisei alawm, Mahse A tello a awm hi ka thei lo, Ka hmangaih takzet a ni, Ka nihna zawng zawng te hi Dah bo vek a tlânbo pui daih ka châk ber.

"A tello in ka awm thei lo"



Tih zawng chu ka sawi a, Ka ka hmâi chu ka hup vang vang ringawt, Min rawn kuah vat a,


"Na Bi kha a tap asin, Kuah vawng vawng ka châk lutuk ringawt"

Ka ti chhuak hak a, Min ngâi ve hlê tih ka hrechiang hlê sî a,


"Jimin Hyung"

.Jungkook a âw a ni, Min rawn kuah ve vat a, Min tahpui lo chauh bawk,

"Hyung, Na Bi shii Chu naktûk ah kan va surprise dâwn nia, Ka ngâi tawh lutuk a keipawn, Lungngai lo la, Engkim ka ruahman fel vek tawh"


Ka nuih aza let ling zâwk, Kan naua hian eng tak chu ruahman ang maw, Mahse Amah hi Na Bi hian a ngaina ber a, Engtin tin emaw ka hmu maithei sin, jungKookie chauh hi ka in nghahna a ni tawh.


___________



NA BI POV



Zîng ka tho chu ka mengbui deuh lûk a, Make-up tam vak lo chu ka hmang a, Presentation ka pêk dâwn vângin ka hmanhmawh hlê, Ka pe zo anga ka hâw thei bawk, Vawiin chu In tih harh nân Ka nu dâwr ka nghah pui mai ang, Mahni chauh a awm chu Thil tha lo pui pui ka ngaihtuah reng a.


T Shirt vâr plain ka hâ a, Pawnfen fual pâr Mermaid cut chu ka fêng bawk, Boot Cut dum sâng tak chu ka bun a, Leather Jacket dum ka ha leh tawp bawk, Thi simple tak sei lam chu awrh a, Darthlalang hmâ ah chuan ka in en vang vang a, Ni e, Engdang mah ngaihtuah lo in tha takin tih tum teh ang, A thâ e, Ka thaw hak, Ka bag chu lâ in ka tlân chhuak nghâl.




____________


Presentation chu ka rin ai daih in ka ti thâ a, Midang pawn min fak hlawm ngêi mai, Nui hmêl pawh ka pu leh thei deuh tawh e, Mairie du 10e Bus stop ah chuan ka chhuk thlâ a, Tu emaw hian min thlîr reng ang tlat a hriat na ka nei, Ka hawikual a, tûmah han rin hlelh tûr ka hmu dêr bawk sî lo.



Kan in lam chu ka pan dâwr dâwr a, Taehyung hian min thlîr reng ang tlata ka hriat reng chu le, Mahse amah âwm ka hmu bawk sî lo, Ka ngaih lutuk vângin ka ngaihbel mai mai pawh aniang.


Dâwr Chhûng ka lût chiah chu An lo reh thiâp a, Tûmah customer an awm lo bawk, Closed tih chu an lo târ kulh a, Ka nu hian a khâr daih amawn le,Ani hi a dam lo amawn le?


"Mom ka lo haw a nia, khawnge i awm? Anna?"


Ka hawi kual deuh a, ka hmu mai bawk sî lo,


"Surprise"


Awi!!!.. ka phu nasa lutuk, Jungkook chu alo nui var var a, BtS member ho chu an lo âu dar dar a, An âu bengchheng lutuk chu Nui var var chuan ka beng ka hup nghâl, Jin Oppa leh Jimin hi an âw a ring zual bîk bawk sî. Taehyung chu a tel ve miah lo thung, Ka hmuh lohna van rei tawh tak.


"Nang ni hi, Ka hmuh lohna cheu avan rei tawh tak, Jungkook".



Tihpah chuan ka va pan hnâi a, A kut alo phar chhuak nghâl, Jungkookie Nên hi chuan mipa leh mipa ang maiin kan in kuah thuak thuak zêl, Midang pawh chuan min rawn kuah vek a, Suga Oppa erawh kil khat ah A lo khi ve sun sun ringawt.



Ka nu chu a rawn chhuk thla ve vat a, Chibai an lo bûk liâm liâm hlawm bawk, Ka nui hak a, ka nu pawh an lo thlêm lungawi leh dêr tawh ni maw.


"Na Bi shii, Vawiin chu in dâwr hi keiman ka book vek a, Ka duh duh hi ka ei dâwn"


Jungkook chuan a rawn ti lâng lâng a, ka bulah a ding reng amaw ka tia, Kan Cake zawrh lâi chu a ei mawlh mawlh bawk, ka lo nui hak a, "Duhawm reuh lutuk" Ka nu chuan a ti sap a, Mom hian Jungkook hi a ngaina ve tho a nih dâwn hi.


Jhope Oppa leh Mom chu an inbe ve niap niap a, Midang chuan kan thil zawrh chu an ei mial mial bawk.

"Saw mite saw, An sawi ril hmêl e"


Jimin chuan nui hak hak chung hian a rawn ti chhuak hlawl a, ka lo nui hak, Jin Oppa chu alo nui leh huah huah tawh, Jhope Oppa chu nui vur vur hian kan thutna bulah chuan a rawn kal ve nghâl a.

"Oppa ka nu hi Bem i tum deuh chiang"


"Hmelthat ah chuan i tluk miah lo"

"Oppa"


Vîn that chuan ka ti a,min lo nuih dar dar hlawm a, Oppa hian Mom hi a star deuh ani maw, Mommy hi chu ala naupan mai bakah a hmêltha êm bawk a ni, Engtin nge Ka pa kha alo duh theih le?


"I step father ka ni lo ang tih tung sawi thei"
.
A rawn ti leh sup a, Ka thil ei lâi tâwp hmak chuan ka rum thei ang ber hian ka melh a.

"Oppa a nuih zatthlâk miah loh ania"

Min lo nuih leh dar dar hlawm a,

"Ka fiamthû nih kha, I nu chu a fel lutuk, Ka nu ang mai a ni"


A ti sup a, kan lo nuih hak hak ringawt.


_______


"Kan ei zo tawh bawk a, Na Bi saw lâi ah sâwn va kal lawk ang u"


Namjoon Oppa chuan a tî a, Mak tih hmêl deuh chuan ka en tawp,mahse kan in hmu khât leh tawh dâwn bawk sia, ka kal pui ngêi tûr a ni.

"Awle"


Tihpah chuan ka tho vat a, Namjoon Oppa chuan ka nu chu alo hrilh fiah nghâl bawk.


_________


Ka mit chu an tuam vek a, Khawi lâi nge kan awmna pawh ka hre lo, Jin Oppa chuan ka kut a vuan chung chuan min kal pui a, engmah ka hrethiam lo enge an tih dâwn le?



"In in peih tawh em?"


Jin Oppa chuan a ti lâng lâng a, Enge maw an tih dâwn le?.

"Oppa enge in tih dâwn?"


"Dawh thei tak khân lo nghâk phawt rawh"


A ti sup a, Thutthlêng ah chuan min thuttîr nghâl vat a, A thim vek bawk sia, ka bo deuh hû mai.


"Kan in peih e"


Jungkook a âw a ni, Oppa chuan ka mit tuamna chu an rawn phelh riai riai a,Muangchâng chuan ka meng diâr diâr a, Ka awmna hi hall chhûng ani maw? light a in on bawk sî lo, Ka hlâu lek lek a ni.


Stage lam chu a rawn êng phut a, ka lo phu zawk zui, ani thei lo....."Tae" ka phu sep a, Taehyung chu Stage ah chuan alo ding reng a, Min thâwng lutuk hi enge sawi tûr ber pawh ka hre lo, Midang lah chu ka hmu tawh ei lo, An reh thîap bawk sî,, Taehyung chuan mit sen râm hian min en reng a, Ka mittui chu a rawn tla ve nghâl.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:46 pm

DONT LEAVE ME CHAPTER-34

LAST CHAPTER

HLUTEI JOCUND PACHUAU


A hmêl hi ka hmu thei thlâwt lo, ka tlânchhuak daih mai dawn amawni le, Engtin nge ka awm dâwn, ka mittui tla chu ka hru zauh a,Ka ding thut, Ka tlân chhuak daih dâwn, a hrehawm emai,Taehyung hmêl ka hmuh hian ka na zual telh telh zawk, Kawngkhâr lam chu ka hawi vat a.

"Kal suh Na Bi"


MIc a tang chuan a rawn tî a, a aw pâ zet Min fan riai riai thei kha ala ni reng mai, Ka ding char char a, Ka mittui chu ka hru zauh ringawt.

"Min kalsan tawh suh, Ka ngai lutuk che"

Arawn ti zâwi sap a, kalo tap ri hak,sawi mai tûr pawh ka hre lo, Hetianga a awm reng techuan engtin nge ka kalsan theih ang,


Engtia awm tûr nge pawh ka hre lo, Ka dinna ngâi ah chuan ka ding khawng reng a, a pên thâwm chuan ka hnung alo ti za mer mer thei, Ka kûn ngar ngar a, ka hnunglam atang chuan min rawn kuahlum thar thar a, Ka lo tap ri hak ringawt, Hetianga awm hi lawm ka lo thlâkhlelh thin em em chu,LalPa tianga kan awm lâi hian khawvel hi rawn tâwp tîr mai rawh, Ka rilru chuan ka ti mawlh mawlh a, min kuahna chu a thlah riai riai a, Ka dâr tawn tawn a rawn vawn pah chuan amâ lam chu min hawi tîr a, ka lo en reng ringawt, Enge tih a tum pawh ka hrethiam lo, Chair ah chuan min thuttîr leh a, a ngâwireng bawk si, Mak ti deuh chuan ka en hâ reng a.



Muangchâng chuan a rawn thingthi thla riai riai a, Ni lo, Enge tih a tum hi,

"Ti suh, Tae Khawngaihin"


Aw khûr dar dar chuan ka lo tî a, A kûn tlat thung, Ka hmui chu ka lo hup top a, Ka mittui lah a tla reng bawk, Midang chu an lo kal chhuak dam dam hlawm a, Ka hmâ ah chuan an rawn ding kual thap, Enge an tih dâwn engmah ka hrethiam lo, Mittui tling kiau chuan ka lo enkual zak zak a, An ngâwi reng hlawm bawk sî, An nui deuh sâng hlawm a.


"Lee Na Bi, Kei, Kim Taehyung hi Min nei duh angem? Ka unaute ho hriat puina ngêina hian"


Ni lo, Eng thu nge maw a sawi le,ka lungphu tehi a rang dut dut mai, An ngâwi thap a, Taehyung chuan a ipte atang chuan Lunghlu Zungbun Simple tak, Mit pakhat chauh nei hi a rawn keng lang vâ a, Chhân dân mai tûr pawh ka hre lo, Ka hmui chu hupin ka'n tap leh rih a, "Aw" tiin chhâng ta ila, Kan inneih leh theih loh khân kan na leh mai mai dâwn si a, Ka hnâwl phal bawk sî lo, Engtin nge ka tih ang, Ka rilru a phîr vêl vek mai, engtin nge ka chhân ang.


"Aw ti mai rawh Na Bi"


Jungkook chuan a rawn ti chhuak hlawl a,an lo nui hak, Keipawh mittui tling kiau chuan ka nui hak a, Taehyung hmêl chu ka en leh a, A mittui tlâk vâng chuan a mit a sen râm a, A hmâi a huh hliâm bawk, Ka kut chu muângchâng chuan ka phar chhuak dê dê a, Taehyung chuan mak tih hmêl zet hian min rawn vat, Ka lû chu ka bu nghauh a, "Iti tak tak ami?" A rawn la ti hrâm a, Nui var var chuan ka lo bu nghauh a, Mittui tling kiau chuan a nui hak a, Rang tak chuan zungbun chu min rawn bun tîr nghâl a, Midang chu an lo âu nghâl dar dar a, Jhope Oppa chuan Supreme Tih inziahna Pawisa lem kahchhuahna ang chi kha alo kâp mawlh mawlh a,Namjoon Oppa chuan Tissue paper chu alo vâwr darh chiâm chiâm bawk, Taehyung nên chuan kan inkuah vang vang a, Ka hlim bawk si, Ka hlauthâwng bawk sî, Jungkook lah chuan Balloon hamrîk theih chu alo hâm ri char char bawk, An bengchheng ngêi mai, Suga leh Jhope chuan Otsukare tih hlâ chu an lo sa nghâl a, ka lo nuih kiah kiah ringawt.


Taehyung nui hmel chu ka en vang vang a, he hlim hmêl hian rei a daih angem le?....He hlim hmêl duhawm tak hi eng chen nge ka hmuh ang.
[19/12, 7:32 PM] shalemhlutei0: Hlauthâwn ru tak sî hian ka hlim veng veng bawk sî a, Ka awm dân pawh hi ka hrethiam lo.



"Naute in neih hun ah a hming ka phuah tawh dâwn a nia"


Jin Oppa chuan a rawn tî a, Suga chu a rawn nui huk, A hnungah chuan a bêng nghâl ri thuai a, Ka lo nui hak thung, He mîte hi engtik ah nge an puitlin ve ang le?


___________


Ka nu hmâ ah chuan Ka ding ngâwirenga mak tih hmêl deuh chuan min en reng, "Enge i sawi duh chu sawi vat la" Anna chuan alo ti vat a, Henu lah hi a dawh thei lo ropui sia, Hahthlâk, ka chil chu ka lem khalh, Taehyunga'n Inneih ah min sâwm tih hi engtin nge ka sawi ngam ang le, huiha, Engpawh chu nise Sawi phawt ang,thâwk chu ka la hak a.


"Ihhh...englo ania, Taehyung khân ihhh...."


"Sawi vat teh"


Anna chuan arawn ti leh chûl a, Ka nu chuan alo bêng taih, Lee Na Bi, Huaisen rawh, Thâwk chu ka la leh hak a.

"Inneih ah min sawm a"


Maimitchhîng chung chuan rang deuhin ka ti ringawt a,

"Maw?" An la ti rual thawt zui, Ka sawi zo chu ka thaw chhuak hak thei, "Chuan engtin nge i chhân?" Ka nu chuan a rawn ti vat a, Ka kut a zungbun chu ka hmuh ringawt, Ka nu chu a thaw hak a, a awmdân hi ka hrethiam chiah lo, a thinrim nge, A lungngai pawh.

"A tha e, Boihte, I hmangaih êm a, hnar chu ahar viau ang"

Tihpah chuan athaw leh hak a, ka hlâuthâwng lutuk a zia deuh, Mahse Taehyung nên kan in neih chuan Seol ah kan awm dâwn sia, Mom hi ka ngâi ngawt ang.


Mom chu inchung lamah chuan a tlân chho daih a, ka ûm zui ve nghâl,

_____


Ka khum a thu chung chuan a mittui chu a lo hru fap fap reng a, a hnunglam atang chuan ka va kuah nghâl.

"Ka ngâi ngawt ang che Boihte"


Tap âw tiau chuan a rawn tî a, keipawh ka mittui chu a tla ve fap bawk, Ka lo chhâng kher kha ka inchhîr lek lek a ni, Mahse ka hmangaih kianga awm chu ka thlahlel ve tho bawk sî a, "Mom, Chuti maiin kan in neih dâwn hleinêm,Ka zirlâi te ka zir zo phawt anga, Taehyung pawh ala in peih lo deuh a, Kum 3 vêl tal chu kan la nghah a ngâi alawm, Hei chu rinawmna lan tîrna mai alawm" tihpah chuan ka zungbun chu ka ti lang vâ a, Mittui tling kiau chuan alo Nui hak,Mom nên chuan kan in kuah vang vang a.


___________



3 YEARS AGO

Taehyung te korea a an lêt leh na pawh kum 3 lâi a liam ta, Kum 1 ah vawi thum vêl chauh a rawn kal hman a, kan inhmu khât thîn hlê,Mahse Kan in hmangaihna erawh a zual sauh thung, Phone in kan inbe reng a, A châng leh kan in call thîn, Thu in hmuh fuh loh Châng tepawh a awm a, kan in hâu ve fo mai, Mahse kan inthinrim khum rei ngâi lo, Taehyung hian ngaihdam min hmasa ziah a, Ka thiamna ngêi ah pawh Ngaihdam min dîl thin, BTS atang chuan a chhuak chuang lo a, A fans te zawng zawng pawn kan in kar hi an hre vek tawh, Mahse a lâr loh phah chuang lo, Tûmnân min ti buai tawh lo a, Kan inkâr pawh a derthâwng tawh lo bawk.

__________









Darthlalang hmâ ah chuan ka in en vang vang a, Kawrfual vâr mermaid cut simple zet hi ka ha a, Pangpâr Taehyung nu pangpâr ngainat ber mai chu Ka keng bawk, Vawiin hi ka nulât tâwp berna nî tûr a ni, Ka nih châk êm êm Journalist tha tak ka ni a, ka mipa hmangaih êm êm biak in ah Kristian dân ngêiin inneihna hi tê ka neih pui dâwn bawk a, Ka duh thu sâm ber a ni, he khawvêl ah hian Kei aia vânneih hi an awm leh angem ka hre lo.


"Eheu lehhhh......Shelly ka duh thei lo" ka hawi lêt chu Jack alo ni, Ka âu nghâl tuar a, "Tunge ka lo hruai hi" Kawngka lam chu ka en a, Ka duh thei lo, "Unnie" Ka âu tuar a, ka hmûi ka hup nghâl bawk, kan in kuah nghâl a, Unnie ka hmuh lohna rei tawh zia, Ka ngâi takzet a ni, Ka mittui a rawn tla leh nghâk ringawt tawh, "Hey...Kha i make-up kha i mittui kha....Awi he nu tak hi chu" Jack chuan a rawn ti hlâwi hlâwi a, Rawmawl chuan ka mittui chu min rawn hrûk sak nghâl, thil ho deuh deuh sawi chuan kan nui dar dar a.


"Zan in chu i rim dâwn sia"

Jack chuan a rawn tî a, Unnie chuan alo bêng taih, Hepa tak hi chu, Sawi âwm leh âwm lo hi a hre lo reng reng, "Taehyung nên in in hmu tawh em?"


Unnie chuan a rawn tî a, ni dâwn tak,kan la in hmu miah lo, phone pawn kan la inbe lo reng reng.

"Min hmu duh rih lo, Thawmhnâw pawh hi keimân ka lei tawp alawm, Inneih nî ah min surprise rawh a ti tlat a"


"Hepa hi chu a dang dâi ve thei ngawt mai"

Jack chuan ati sup a, ka lo nui hak, A ni ngawt mai, Hei tak hi lâwm ka hmangaih chhan le,ka lo nui vur vur ringawt a.


"Ehee....Na Bi shiii"



Jungkook chuan arawn ti hluai a, Midang pawh an rawn kal ve dam dam a, an âu bengchheng bawk sia, Unnie te nên chuan kan beng chu kan lo hup vek a,He mîte hi zawng engtikah mah an puitling thei tak tak dâwn lo anih hi.

Thil ho deuh deuh sawi chuan kan nui leh dar dar thîn a, "Hun serh an tan dâwn a, in ring tawh ru"


An rawn ti lâng lâng a,Jungkook nên chuan min chhuahsan nghâl a, Jungkook hian Biak in ah min kâi lût dâwn a ni, Ani hi ka unaupa ang chiah a ni a, Min hruai luh a châk tlat vângin Mom pawn a kiân ringawt a ni.

Biak in kawt ah chuan Jungkook nên kan ding dûn rân a,


"Leee...Na Bi Shii....In ring rawh le"


Tihpah chuan a bân chu min rawn pê a, Ka lo vuan nghâl, Ka zâm lutuk hi ka thi mai dâwn in ka hria,

"Ka thaw chham mai dâwn in ka hria"

Tihpah chuan thâwk ka la hak hak a, Jungkook chu a nui hak, Mipui hmâ ah zâi chu sawi loh ka la ding ngâi lo hrim hrim, Preasentation pêk nên chuan in ang lo tak a ni.


"Na Bi shii Lungngai suh, I unaupa Ka awm reng alawm"


A rawn ti ve niah niah a, ka lo nui hak,

"Kal ang le"


Tihpah chuan muângchâng in kan lût a, Kan lût chiah chu Mipui chu an lo ding thap a, min en thap bawk, Piano chu Suga Oppa chuan alo play nghâl bawk, Hlâ lah chu a cool tha bawk sî, Maichâm hmâ a ka mipa hmangaih êm êm lo ding vâng chu ka en reng a, a kut leh lam chuan a hmâi chu dawmin a mittui chu alo hru fap fap a, Ka mumang ang mai niin ka hria, Mumang pawh nise harh chhuah tawh loh mai ka duh a ni, Khâng hun harsa tak tak paltlanga tûn dinhmun kan thleng thei hi âwih harsa ka ti takzet a ni, muângchâng chuan kan kal delh delh a, Keipawh ka mittui chu a rawn tla ve nghâl, Mom chuan a mittui chu alo hru fap fap a, Tûmah mittui tla lo pawh an awm mang lo, Mahse hei hi chu lungngaih vâng ni lo in kan hlimna min tâwmpui vâng a ni, Jack chuan rawmawl chu min rawn pe zauh a,Taehyung bul kan thleng chu Ka kut chu a rawn vuan vat a, Mo thian dinna ah chuan Jungkook chu a ding ve nghâl, Pastorin Thil a sawi lâi chuan Taehyung chu a in hru fap fap reng a, Keipawh ka tap ve bawk, Pastor chuan thu eng engemaw min chham tîr a, Ka la sawi sual zui, ka zah zia chu.



_________

He khawvel a ka duh thusâm ber thlen ni kha Ngaihtuah chung chuan Ka fanu Kim Yon Nu chu Hnute ka pe lâi chu ka en reng a, A mit a hnâr a hmui engkim ah apá vek, Min chhûnna pakhat mah a nei ve lo, Nimin maia piang ni mahse a mit hmul chu a buk chhap a, Naupang danglam tak a nih ka ring tlat a ni, Kan Bula Taehyung Chauh hmêl zet a mulâi chu nui var var chuan Ka en reng a, Nimin ka nau vei khân min tahpui ve lo chauh kha nia, A chau ngawt ang.


Taehyung kha lo kalsan hlen ta ila, Huaisen chhuahin A kiangah hian awm lui tlat lo ta ila chu he hlimna hi ka tawng kher âwm si lo a, Vawiin hian kei aia hlim leh tûr chuang hi an awm lo ang, Pasal tha tak ka nei a, Ka fanu ni khat lek a upa, Ka panglum thlâkhlelh hmêk zet a ka bula muhil bar bar ka hmuh hian ka hlim a ni, "LalPa ka lawm e" Ka mittui chu a tla fap a.




www.storyfb.com mizo story thar englai pawhin chhiar tur a awm reng
THE END





Edit lo nuaih aw, In za vai chungah ka lawm e, ka story te in lo chhiar duh a, Ka peih tawh loh vanga ti tawp ka ni lo ania, a tawp tawh dawn hrim hrim vang zawk ania, Ka story te tha in ti a,, chhiar man hla in tih chuan Ads Click kha aw

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)