DON'T LEAVE ME BY Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

DON'T LEAVE ME BY Hlutei Jocund Pachuau (Completed)

Unread post by Ngaia » December 23rd, 2018, 1:27 pm

dont-leave-me.jpg
dont-leave-me.jpg (9.34 KiB) Viewed 27380 times

DON'T LEAVE ME
BY Hlutei Jocund Pachuau

CHAPTER-1

Prologue:

2017 December 24 a ni a, , khua a thiâng in a vawt hlê bawk, mufler sen leh coatfual vârthianghlim zet mai chu ka ha a, a lum thei ang ber in ka inthuam a ni mai, ka sam sei hniang buang deuh thâng chu thlah thla siau a. Thingkûng Decoration light a mawi tak a chei hnuai ah chuan Ka mipa hmangaih em em mai ka lo nghak mêk a ni, Dar 8 a lo thleng tur a ni a, a lo thleng har tawh bawk sî, ka hawi kual reng a, amah awm rêng rêng ka hmu mai bawk si lo, Ka call a pick-up thei bawk si lo, Dar 9 a pêl leh duai tawh, Khawvawtin min hmeh na ka taksa ana deuh thûm mai, A châng leh ka vei kual a, a châng leh ka thû a, a restaurant kan pahnih (2) chauh a kan chawlh na tur ka ep chiah ah chuan a awm bawk, Enge thleng lê? Darkar 2 dâwn ka nghak tawh, Ka mitmeng a thîp deuh thûm tawh bawk nen, ka pang asa deuh vur bawk si, Boruak thiâng tak hnuai ah chuan ka lo nghâk reng a, A vawh em vâng chuan ka thaw khu deuh hlat hlat bawk, vâwt ka ti in ka khûr ru deuh char char a, Alo kal mai bawk si lo.

" Tae ka nghak reng che sin"

Zâwi sap chuan ka ti a, Thei leh thei lo chuan restaurant lam chu ka pan phei chhat chhat a ,

"Madam Midang in seat an hauh vek tawh a"

Manager ni awm tak nula hmeltha leh felfai em em chuan nuisâng hian alo ti a,

"Ka bialpa ania, a hauh tu kha"
"E anih chu, lo thu ta che"

a tih vêl leh chuan Thutna nuam deuh lái chu ka pan nghâl a, Ka taksa zawng zawng anat deuh thûm vâng chuan chét pawh a harsa ngei mai.


Darkar 3 lai ka nghah tâk ah chuan beidawngin ka chhuak leh ringawt a, Kawtthler mawi tak an chei hnuai a nula leh tlangvâl In ngaih hmêl taka an awm dun ka hmuh chuan ka rilru a na in ka thinrim bawk si, Vawi tam tak ka call a min chhâng bawk si lo, Lungdam lo tak chuan Haw chu ka tum ta zawk a, Ka dang a ro in ka khuasik deuh bawk si, Muangchâng chuan ka kal phei chhat chhat a, Ka taksa a rawn zâwi deuh ti tih tawh, Ka khaw hmuh techu a fiah lo vek a, Ka thil hmuh chu a rawn thim riai riai a, Ka taksa nghing dawt chu ka hriat hnuhnun ber a ni.





Darthlalang hmâ ah chuan uluk takin ka inchei a, Kamis var leh Kekawr dum ka hâ a, a smart thei ang ber chuan ka inchei a, make-up pawh ka hmang ve nual lipstick sen lâr lam deuh ka inhnawih a, foundation nen mascara leh eyeliner pawh ka inhnawih, eye shadow uk lam deuh chu ka inhnawih a, ka mitmeng pawh tlém in alang zau ve deuh, Hmeichhe lian lo tak Ft 5'3 chauh a sâng ka nih vangin pheikhawk dum sâng lam chu ka bun a.

Ka hming chu Lee Na bi a ni a, ( Na bi tih chu korean tawnga Phengphehlep a ni) kum 19 chauh ka la ni.

Ka phone rawn ri râl râl chu ka en vat a, Soo yun Unnie anih hi, ( Unnie tih hi korean hmeichhia ten an aia upa hmeichhia te Û nan an hmang thin)

" Hey, Lee Na Bi hmanhmawh ve tache"

A rawn ti hlak hlak a, ka nui sak ringawt,

"Awle Unnie ka rawn thleng nghâl a ni mai"

Tihpah chuan ka bag chu la in ka chhuak nghâl a, Taxi chu phar in Bighit company lam pan chuan ka tlân nghâl a,

Fahrah ka ni a, ka nu leh pa hi tunge an ni tih pawh ka hre lo, fahrah in a ka awm laiin Soo yun Unnie nên hian kan in tawng a, Ani pawh fahrah ve tho a ni, Kan in nél chho zel a, kan chêng dun hial a, Unnie chu tun ah kpop star lar tak BTS group ah an stylist ah a tang mek a, Keipawh ka thiamna leh ka qualyfication ten phâk lo mahse Unnie in min sawipui a, amah vâng chauh a hna thawk ve thei ka ni.

Vawiin ka make-up hman kher kher chu a fuh ve ngêi mai, Tlém in ka lang upa deuh bawk, kum 24 mi angin ka in sawi a, ka lang upat deuh kha a ngai miau a.

"Kan thleng e"

Taxi driver chuan arawn ti a, Ka purse atang ka pawisa chu la chhuak in ka pe a, ka chhuak nghâl a.



Bighit company lian Tak hma ah chuan ka ding rân a, Ka lût chiah chu a ropui ngei mai, Reciptionist lam chu ka pan nghâl a, Nula hmel hmuh nuam tak chuan min lo nuih sâng a,

"Puih theihna che ka nei em?"

Aw dam diai chuan arawn ti a, " BTS Stylist assistant an lâk thar kha ka nia, Khawnge room hi a awm lê"

"Chhawng 5 na ah khian kal la, Chuan kawngkhâr ah BTS stylist tih alo in ziak mai ang"

A ti a, Chibai bûk a kun zauh pah chuan
"Ka lawm lutuk e"

Tiin lift lam chu ka pan nghâl a, Hûi haaa.....BTS ho chu ka hre ve na chungin, An mizia ka la hre em em si lo a, Engtin nge ka tih ang le? Lo khirh in lo thin chhe viau tase, Ka ngaihtuah zawng ringawt pawn ka khûr ru deuh dar dar thei, Batch chu ka hum rân a, kan awrh chhin vél a, nuam tak hi ni ringawt, A châng leh ka nui vur vur a, a châng leh Ka lungngai deuh reuh bawk si.

Lift Chu arawn ri ral ral a, Ka hawi chhuak chu Mipakhat rawn chuan ve tum ni âwm tak hi Alo ding reng chu niin ka la phu deuh zawk zui,A hmâi chu mask vâr hian a tuam a, Kan mit leh mit a in tawng chiah chu Ka zâm nghâl ringawt , Ka ke hmâwr atanga ka chhip thleng chuan a en a, Ka batch a hmuh chuan a nuih ri deuh hak, Ka zâm chhe lo chauh,a sam chu a uk deuh a, Bandana dum a hrêng bawk, Denim jacket Gucci tih inziah na a ha a, Cotton kekawr dum khup tet aha bawk, A hnuai ah chuan t-shirt dum ahâ a, Gucci sneaker vâr a bun bawk, engvanga en uluk em em nge maw ka nih le?...Ka bulah chuan a ding ngâwi reng a, Pheikhawk sâng ka bun chung pawn a dar ka pèl hret chauh chu niin, ka hawi chho dêk dêk a, A rawn hawi ve thut, Ka phu chiang ngêi mai, Zah zél ah ka kun zauh ringawt.

(Korean ho hian Chibai an in bûk chuan an kûn thin)

He lift tinge maw a kal muan em em le, ka hmanhmawh bawk si, ka bula dingpa Gucci savun bag khâi a Rûl lem awm chuan ka mit ala zar mai,

"Milk snake"

Ka phun sap a,
"Maw!"

Mak tih hmel deuh chuan arawn ti vat , A âw lah chu nalh phian leh nghâl, A hriat pawh ka ring lo sin le, van zahthlak thei tak,
"Aaa...engmah ni lo"
Nui hak, bah niai chuan ka ti a, A bu nghauh ringawt, Hmeichhe dang ang lo takin rûl hi ka ngaina miaû alawm le.

Lift chu arawn ri ral ral a, Chhawng 5 na ka thleng ta, Mahse engtin nge Room chu ka hriat ang le, Huiha....E taka! Hepa hian a hre hrim hrim ang,

"Min hrethiam lawk"
A chhuak tur chu ka âu ding ringawt a,

"Enge nita?"

A aw nalh zet chuan a rawn ti a,
"Helai hmun hi ka vawi khat kalna nia, Khawngaihin BTS stylist room awmna hi min hrilh thei angem le?"

"Keipawh ka kal dawn lawm, min zui rawh"

Zangkhai zet hian arawn ti a, A fel reuh ngêi mai,
"Ka lawm lutuk e"

Tihpah chuan ka zui nghâl a, A kal chak bawk si, A lian rauh sia, a hnungah chuan ka zui det det a, Enge stylist room ah chuan a tih ve dawn le?...Hmui tih sawih pah chuan ka ngaihtuah rauh rauh reng a, mihring kan kal pelh apiang techuan chibai an lo bûk zel bawk si, Tunge niang le? tû emaw tak chu aniang.

Kûn hlir chuan ka zui dat dat a, Thil khauh deuh hi ka su dawt, Chhuat chang tha tak mai ah chuan ka mawng ka sawh dawt thei, Ka râk deuh that a.


"Oh...Ka tihpalh lutuk"

Tihpah chuan a kut thianghlim tak chu a rawn phar chhuak a, Muangchâng chuan Ka ban dê dê a, Min kâi tho tur chu ka mawng sawhna lai hi arawn na zawk thei, Ka rak leh deuh that a.
"Ana viau em?"

"Na lo e, a pawi lo, ka tha e"
Nui lui sak pah chuan ka ti a,

"Helai hi room chu aw"

Tihpah chuan a lut nghâl daih a, a lût chiah chu an lo au deuh dar dar a, Enge maw thleng le? An râk niah niah zui, Keipawh bai deuh saih saih chung chuan ka lût ve nghâl a,


Mipa hlir pasarih(7) lo inkuah khawm laih laih chu midang chuan an lo nuih dar dar a, Awi! ni lo, Ka thil hmuh hi....lift a ka chuan pa kha Kim tae hyung a maw, Awi ka van zak tak, a hmuh lai berkher in Chhuat ah ka tlu nuai zui, Soo yun unnie chuan min lo hûi zauh zauh a, Ka pan tur chiah chu Scate board an lo dah chu ka rap palh a, Chhuat ah ka tlu leh thuai.


An thil dah khâwm chu bawh palh a, Ka la ri rum rum zui, Ka hawi chhuak chu min lo en thap a.


Ka zak lutuk ka posi thing bawk si,Staff ho leh BTS ho chuan min lo en thap a, thêi leh thêi lo chuan ka in sa seng vat.

"Tunge inih a"
Rapmonster chuan min rawn pan chung chuan a ti a, Ka hlauh thâwn zia chu ka lungphu rang dut dut thei,

"Namjoon ani hi ka stylist assistant thar tûr chu nia, Khawngaihin min hrethiam ru, Ka nau hi chu a fimkhur lo thei lutuk a"

Soo yun Unnie chuan alo ti zung zung a, Jin a, An zinga upa ber leh hmeltha ka tih ber a ni, A insum zo lo chu a rawn nuih chhuak thut a, Midang ho pawh an nui dar dar a, zah tawh sâ tehrêng nen,

"Ka tihpalh min hrethiam rû,High heel ka bun thiam lo lutuk a"

Muang ban chat chuan ka ti a, "A pawi lo e, Naktuk atang chuan i duh duh rawn ha tawh rawh"

Rapmonster chuan Biangsum lang sêih chuan a rawn ti a, a âw lah chu apâ em em leh nghâl, Ka nui sak a, Taehyung chu ka va en zauh a, Hmui tih porh deuh pah chuan a mithmul alo sân zauh a, ka nui sak ringawt,


"In hmelhriat tîrna nei tache"

Unnie chuan arawn ti a, Ni dâwn tak e,

"Chibai vek ule, Kei hi In stylist assistant thar tur Lee Na Bi kum 24 a upa ka ni e"

Tihpah chuan ka kun zauh a, "Na Bi maw? A tha e" Jhope chuan aw dam thlup chuan arawn ti a, Unnie chuan min hruai sawn nghâl, Nabi Tih chu an sawi rual thap thap a, Mak tih hmél deuh chuan ka en kual zak zak ringawt, Jin chuan "Hrethiam rawh, An la Naupang chhiâ lutuk a"

Nui sâng chuan arawn ti a, ka lû ka lo bu nghauh, Unnie nen chuan thawmhnaw awmna room lam chu kan pan leh a, Taehyung Chu ka va melh leh zauh, Aha rual tha lang vek chuan alo nui hak hak a, A hmeltha ngei mai, Ni lo....Enge maw ka hriat hi le?....Hna chauh ngaihtuah rawh hna chauh, Ka lû chu ka thing nawk nawk ringawt.

"Enge maw i hriat le,vawiin i awm dân hi tinge a dik theih miah loh a"

"ka hre lo, Vawiin atang hian ka nun ah enge maw tak alo thleng dawn ani mahnâ"

"Thu lawilo sawi sawi lo mai teh"

Unnie nen chuan kan nui hak hak a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:28 pm

DON'T LEAVE ME
CHAPTER-2


HLUTEI JOCUND PACHUAU






"Hei hi lo thliar hrang la, lo pack zel rawh aw, aha tu tur hming kha i bel zel dawn nia"


Tihpah chuan Denim kawr lian tak tak rit deuh deuh chu min rawn pe a, Aha tu tûr hming nêna Inziak chu en mil zelin ka lo rem ve mawp mawp a,

"Noona, Ka kawr hak hi min lo siam lawk mai"

(Noona tih hi Mipa in an aia upa hmeichhia te û nân an hmang thin).

Chu âw ka hriat vêleh chuan têk hian min rawn man sawk zêl in ka hre thin, Unnie awmna lam chu ka hawi a, Taehyunga kawr zipper chu alo siam sak mawlh mawlh a, Mahse ka ngaihven zui tawh lo ka thil tih lai chu ka tih chhunzawm leh nghâl a.



Unnie chu arawn râk deuh that, "enge nita"

Tihpah chuan rangtakin ka tlân phei nghâl a, "Na Bi ka kut hi ka ti kak palh a, Lo siam sak lawk mai ta che" tihpah chuan a kalsâwn nghâl daih a.

"Awle, Unnie"

Taehyung a kawr chu ka siam sak nghâl mawlh mawlh a, Ka ngâwi reng a, ani pawh a ngâwireng tho, Sawi tur em em pawh kan hre chuang lo, A kawr nghâwng ah atâng tlat bawk si, Asâng bawk sia, Ka bân a kham vek tawh,
"Ihh....khawngaihin ilo kûn hniam deuh thei em le?"
Inthlahrung tak chuan ka ti a, "Awle" Zângkhai zeta tih pah chuan arawn kûn thut, Ka chalah na lote hian arawn tauh zauh a, Ka ték chhawk thei, mak ti tak chuan ka en reng ringawt "Tihpalh" A tukhum chu a tuai zauh a, Ala nui sen sen zui, a duhawm reuh zia chu.

Ka thil tih lâi chu chhunzawm leh nghâl a, ka kut te hi a khûr dut dut ni ber hian ka hria...

"Ka zo e"

"Helai pawh hi lo ti leh teh a"

Tihpah chuan A jacket chu a hlip a, A t-shirt chu hlih a tum ta mai,

"Ni lo..."

Ka bân ka phar chhuak hluai a, Mak tih hmel deuh chuan min en reng, Ni lo a hlip dawn tak ngial.

"Ti suh khawngaihin"

Tihpah chuan lehlam ka hawi a, ka hmai ka hup ringawt, A nui hak hak ri chu ka hria a, Mahse ka hawi chhuak ngam tawh bawk si lo,

"Hyung en teh, A duhawm reuh lutuk"

Midang rawn lút chu alo hrilh mawlh mawlh a, tu tak chu niang maw.

(Hyung tih hi Mipa in an aia upa mipa tho te an û nân an hmang thin)

"A zahthlak hleinem Na Bi shii, "

(Shi tih hi hming tawpa in koh ai inzahna ang hi ni ber in ka hria an hmang tlângpui)

Muangchâng chuan ka hawi chhuak a, BTS member ho chuan min lo en reng chu ni in,
"Ka tihpalh"

Tihpah chuan ka kun zauh a, "Ihh... ka t-shirt ah hian thil enge maw min chhun zek zek thin a awm a, min laksak turin ka ti che a"

Taehyung a chuan nui deuh tha chuan arawn ti a, Midang pawh an lo nui dar dar a,

"Hawh u le, kan tih tur theuh ti ang u, a tlâi zel dawn"

Rapmonster chuan alo ti vat a, Midang pawn an zah ve hlê aniang, An kalsawn ve nghâl dam dam a.


____________


Ka ril avan tam tawh tak, Kan la buai bawk si, thut pawh ka la thu lo rêng rêng...Chaw chhûn emaw, zanriah pawh kan la ei bawk sî lo, Sana ka en chu dar 10 alo pêl duai tawh, ril tâm in ka awm thei lo asin leee...huihaaa...


Chair ah chuan ka thu hnawk a, ka mawng tam ana bawk si, ka khaw hmuh tehi a fiah lo vekin ka hria, Ka muhil mai dawn, ni lo...ni lo....meng rawh, Ka mit chu ka'n keu kau deuh a, angai te bawk in mut chhuakin min rawn zêm leh chiai chiai mai.

"I mawng chu ala na viau em?"

Zawite hian ka bengbulah tu emaw hi an rawn phun sar sar a, Ka phu chiang lutuk chair atangin ka tla dawt thei, Ka hawi lêt chu Taehyunga lek chu lo niin, aha rual thah lang vek chuan alo nui san san a, Enge maw hriat le?....

Nuih pawh ka nuih peih lo e a, "Ka tha lawm"

tihpah chuan ka ding nghâl vat a, a chêt dân naupang chhia thei lutuk hi a duhawm takzet, mahse tun ah tak hi chuan tûma bula awm ka chak lo, Ka chau takzet a ni.

"Na i nei ami"

"Aih nei lo e, min ngaihtuah vangin ka lawm e"

"A ho lutuk, Noona, ka ngainat zâwng tak inia"


Innocent deuh hian arawn nui a, Ka hahdam sawng sawng zelin ka hria, Mahse Noona min ti hi chu nuam ka ti chiah li, Ani aiin ka naupang daih sia.

"I ngainat zawng ka ni chu ka lawm e"


"Mahse, Noona Hi i naupan hmêl e, Kum 18 mi vêl hmêl i pu tlat"

Meng dur deuh khâih chuan min rawn en chiang deuh a, ka en tha ngam bawk si lo, ka kûn tlat ringawt.

"Ni....ni lo e, Kum 24 ka ni tawh lawm Pasal ka nei têp tawh"

Bah niai chuan ka ti a, ..
"A dik ang, Noona hi hmeltha ka tih vâng aniang"


A nuih dân bawk khân a rawn nui leh, Hmeltha min ti tak tak maw, Ka lungphu tehi, Ni lo....mai mit chhing sawk pah chuan ka lu ka thing nawk nawk a, "i mit ana mi?"

A rawn kûn hniam bawk si, Ka lungphu ri hi a hre palh ang tih ka hlâu takzet,




"Engtin mah ka awm lo"


"Taehyung itih ve hun"


Jungkook chuan arawn ti lâng lâng a, "Noona ka kal aw, kan in hmu leh dawn nia"


Min Bye bye lauh lauh pah chuan A tlân chhuak nghâl daih a.



"Huihaa....ka thei tur a ni" tihpah chuan a hnawk lâi chu ka ti fel sap sap a, Pâwn ah chuan enge an tih pawh ka hre lo, niléngin he thawmhnaw room ah hian ka in khung chu niah..


Thawk hak pah chuan ka chhuak a, Eng thawm nge ka hriat chu?, ka va kal hnâi deuh a, Jin a leh Taehyunga lo inhnial bawrh bawrh lâi chu midang ho chuan an lo en thap a,

"Unnie enge thleng?"

So yun unnie bulah chuan ka va tiru sar sar a, "Ka hre bik lo, Taehyung hi a a thû a duh in a luhlul thei bik lutuk a" A ti ringawt a, A hmel ka en chuan a thinrimin A hmel hmuh nuam tak, Taehyunga hlim thei tak anih na kha abo vek tawh,

Rapmonster chuan eng engemaw alo sawi ve bawk, an tawng ka hre thei mai lo,ka va kal hnâi deuh a, An tawng pawh ka hre thei deuh, Jin a chuan ngaihdam a dil leh mai a, Mahse Taehyung chu a ngâwi reng a, engmah asawi duh chuang lo.


PD nim (Nim ka tih kher nachhan chu in zahna tawngkam atan an hman thin tho a ni) chuan Taehyunga chu alo ko vat a, ngâwi reng chuan akal veleh mai bawk a, Min kal pelh pah chuan chiang zet hian ka lo en a, A mittui a tla in ka hria.


Enge thil awmzia le, Taehyunga rilru na ka hmuh khân engtin amawni tak ka awm.



"Kan haw thei e, haw ang hmiang"

Ka in ngaihtuah rauh rauh lai chuan Unnie chuan min rawn kuah thut a, Ka lo harh chhuak deuh zawk, "Awle Unnie"

Tihpah chuan kan in zui chhuak nghâl a.

____

"Tah hian min lo nghak rawh, Car ka va la lawk ange"..

Tihpah chuan Unnie chu a kal Sawn daih a,
Company kawt ah chuan keimah in ka ding rân mai, Taehyung a lo chhuak hnak hnak chu ka hmû a, A hmai a tuam a, a mit sen deuh râm erawh ka hmuh hmaih hauh lo,Min rawn en ve chiah, Rang takin ka hawisawn nghâl a,
"I haw tawh dawn ami?"

Min rawn biak avângg chuan ama lam chu ka hawi vat a,

"A...aw.."..

"Anih chu, Tluang deuhin in haw dawn nia"


A aw chu cool deuh raih a, A tawng zawi hle bawk.

"Tae..hyung"

A kal tur chu arawn hawi lét a, "I tha em?"

a lu chu a bu nghauh a, Hmanhmawh takin Van dum ah chuan a lût nghâl daih a,


Khawvel pum huapa lâr leh hmeltha Nula zawng zawng star rawn kha, nitin ka hmu dâwn chu niah, ka vânneih zia hi.

Ka nui ri hak a,



TAEHYUNG PROV


Member ho chu an lo thu khawm laih a, Not today Comback na tûr a kan position tûr an lo sawikhawm ni awm tak a ni, Jin hyunga ngaihdân chu ka thlawp ve thei tlat lo,

"Hyung keimah ka va tlân phei chuan a dik thei tawh hleinem"

"I tlân lohin, i awmna tûr kha a dik thei tawh hleinem"


Kan inhnial chho zél a, kan aw kî pawh a sâng tan tawh hle, midang ho chu an lo ngâwi thap a,

"Ngatinge position vâng mai mai a, in inhnial buai, Tha takin sawi ula"

Nomjoon hyung (Rapmonster) chuan alo ti ve bawk a, An zîngah chuan ka tlâk tlai lo ber tih ka hria, Mahse An duhdân ringawt a min awm tîr an tum hi ka kham ve thlâwt a ni.

"Fel takin kan position tûr kan rél a, A lawm lo kha chu in duh dán dân in awm ru,thil thalo thlen tu nih lo ang u,He band tân a tha lo chu Paih bo vek tûr"

Namjoon hyung chuan ati hmak mai,

"Anih chuan keichu ka tha velo a nih chu"

Ka ti ta hmak a,


"Ni lo e, ka tihpalh a ni, Aia naupang zâwk te kian tûr ka nia, Ka tihpalh aw Nau a"

Jin hyung chuan a ti a, Ka la lungawi maithei chuang lo,

"Taehyung, hetah rawn kal teh"...


PD nim chuan arawn ti a, rang takin ka kal nghâl daih, He nun hi ka van kham tawh tak, Ka chau tawh a ni, Ka nun hi a ruak ngawih ngawih BTS member leh Army te hi ka tân chuan engkim an ni a, Mahse ka nun ruak lutuk hnawh khat tu an ni thei chuang lo, Mahse enge ka duh a,? Engber hian nge ka khawharna hi min hnêm ang ka hre lo.



Min hrechiang lo tu techuan hlim thei tak, Englai pawha hlim tur ah min dah maithei,Ni e, mite hmuh ah chuan ka nui in Ka hlim hmêl alawm, ka tum tak pawh a ni, Mahse ka nun hi a ruak ru tlat a, Engin nge hnawh khat thei chu ka hre hauh lo, Ka châu a ni.


"Taehyung, Inbeng dâi hrâm rawh aw"

PD Nim chuan ka hnungah min rawn bêng thak thak a, Namjoon hyung pawh arawn kal ve nghâl,
"I tha em?"

"Aw ka tha lawm Hyung"

"Keini chu Band satliah ni lo in chhûngkua kan ni tih hriat reng tûr, A tha tiraw?"

Ka lu chu ka bu nghauh a, ka mittui arawn far kauh bawk, Hyung chuan min kuah a, Tlêm in ka rilru pawh a rawn nêm tan,
"Jin hyung chu kan upa ber ania, I duh loh dân alo sawi palh apwn tha takin i hrilh tawh dâwn nia"

A ti a, ka bu leh nghauh thung, Mipa mah ni ila Ka û te hu bulah chuan ka rilru no in ka pangchang thin em em a, Min duatin Nau ang tak tak a, min en thin vâng a ni, mipa rual awm na na na na chu insual tum ut ut châng pawh kan ngah mai.

NA BI PROV

In kan thleng chu ka chau ngei mai, Ka room ah ka lût tlang nghâl a, Taehyung a ringawt ka mitthla ah a chám leh tawh, Kei hian ka ngaizâwng amawni le?....Ni lo....chutiang a thleng thei lo, Ka star ve deuh tih chu ka hria a, mahse ngâizâwng thei ka ni lo.

Shower ah chuan tuilum thar thar hian ka in phuh sar sar a, Ka harh sawng sawng in ka hria, Ka mawng sawhna chu a sîl deuh thém thûm mai, Taehyung a'n kut ka vawnna chu ka en a, ka nui suk suk ringawt, An zingah chuan Jin hi hmeltha ka ti ber a, Mahse ka ngaizawng hran lo, Taehyung hian min hîp deuh ber mai, Khum ah chuan ka mu a, Ka rîl tám leh tâm loh pawh ka hre chang tawh lo, Ka lo muhil daih chu niin.


"Hey...Lee Na Bi tho rawh kan tlai dâwn, Shooting kan nei dáwn nia"


Unnie chuan ati lâng lâng a, Huihaaa...Ka van chau tak ka sil thém thúm mai, Ka khuasik deuh anih hi,ka thaw hak a, ka inthing deuh nak nak bawk," in ti harh lui rawh Lee Na Bi" tihpah chuan ka tho a, Natchhawkna chu ka hmawm hmak a, ka in bual nghâl.

Jeans kekawr pawdal leh t -shirt vâr plain chu ka ha a, Jumper Dum a chungah ka ha leh tawp, Ka Gucci sneaker rauh em em chu ka bun a,ka sam sei tak chu khuih thuak thuak in ka thlah tawp bawk, Ka bag chu la in ka chhuak ve nghál,

"Unnie ka ril atâm ania"
ti láng láng chung chuan car ah ka lut ve nghâl a, "Kha hei hi ei rawh"

tih pah in PIZZA leh Sprite chu min rawn pe a, Ka la chiah chu ka ei nghâl mawlh mawlh a, e taka, ka thil ei chu ka tâwp chat.

"I ei tawh mi"


"Aw i thawh hma khán ka ei daih tawh, tinge i hmél chu ava dáng ve"

Min ngaihtuah hmél tak chuan min en kar a,

"Ka tha lawm, ka chauh váng aniang"..

Ka ti ringawt a, Dik tak chuan ka khuasik alawm, mahse ka sawi chuan a buai leh vek dawn sia, Ka sawi lo law law zawk mai ang.


Ka ei zo chu ka bag a lipstick chu la in ka inhnawih thuak thuak a, foundation tlém ka in hnawih bawk, Ka mithmul chu tlèm te in ka inhnawih leh thuak thuak bawk,

"Unnie enge ka an, ka lang naupang viau em?"

"A tha lutuk"

A ti liam puat ringawt,en pawh min en chuang lo.



________

"Kan thleng e"

Tihpah in car atang chuan kan chhuak a, Bighit company lian tak chhûngah chuan Hmanhmawh zet in kan lût nghál dawr dawr a,


__________



"Chibai ule"

Unnie chuan ati láng láng a, BTS member ho pawh an lo awm kim biai tawh, Unnie chu an kawr hak duhzáwng an lo hrilh sap sap hlawm a, Taehyung pawh mi hlim thei tak ang khân a awm leh tawh, mahse engemaw kim lo tak hi a awm thin, ka sawifiah thiam lo nâ a, Enge maw thup hi a nei tlat hian ka hre thin, Ka ngaihven lutuk na lamah hian ka ngaihbel nge pawh ka hre chuang lo. :cry:

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:28 pm

DON'T LEAVE ME CHAPTER-3


BY

HLUTEI JOCUND PACHUAU





"Enge ka tih dâwn Unnie?"


"Taehyunga kha lo va buaipui rawh"

"Awle"

Make-up room lam chu ka va pan nghâl a,

"Noona enge itih dâwn"

Jungkook chuan min lo be vat a, "Taehyunga buaipui turin min ti a"

"Awle, mahse a mood a tha vak lo nia" Ati ru deuh sar sar a,

"Awle"

Tih ringawt chuan Ka chhâng a, ka huphurh ngang mai, Boruak ka hîp lut vang vang phawt a, Iti thei tur a ni, Inseh ruh tûn chung chuan kawngka chu ka kik karh karh a,

"Tunge?"

A âw tang chuan a lungawi vak hmêl loh, LalPa min pui rawh, Thâwk chu ka la leh hak a,

"Keimah, Na Bi ka nia, Ka lo lût thei angem?"

"Aw lo lût tache"

Darthlalang hmâ chair ah chuan alo thu ngáwi reng a, Pitar pakhat thlalâk hi A phone ah chuan alo bih ngar ngar bawk, ka va kal hnâi a min en chuang miah lo, Thlalâk chu a en ngar ngar a, Api anih ngêi ka ring amah pawh a tel ve nghè nghè.


"I pi chu hmeltha hlè mai"


Rang tak chuan arawn hawi phei a, Ka lo nuih var var thung, Api chu angâi hle anih dâwn hi,
"I pi chu i ngái viau ami?"

Dam deuh chuan ka ti a, A bul chair ah chuan ka thu ve nghál bawk, Ka kûn deuh lap reng a,

"Hetah a awm ve tawh lo a, Vawiin hi a thih cham a ni si a, Tlânbo daih ka lo rilrûk a"

A âw chu a zâwi raih a, ka khawngaih tak zet a ni,

"A pawi ka ti khawp mai"

"A ho lutuk, Khawi kawr chu ka lo ha ang min chei zo tawh a"

A rawn nui leh var var a,Mahse a chhungril natna chu ka hmu chiang hlè thung,

"Tae hyung"

"Huh.."

"Rilru hahna i neih chuan min hrilh thei reng ania"


Mak tih hmèl deuh chuan min en reng a, ..

"Mipa leh Mipa angin"

Ka'n ti leh zauh a, A nui leh suk ringawt,chair ah chuan a thu leh hnawk a, a ngáwi ngat ngat thung.

"Khatih lai khân kum 10 chauh ka la ni"

Zâwi sap hian arawn ti a, ka en deuh hâ thung a melh ngâi chu a melh ngar ngar a, "Engtik maw?" Ka'n ti leh a, "Ka pi thih khân,ani chu ka nu ang mai a ni a, min duat thei lutuk" A rawn nui lui deuh sak a,
"Keimah vânga boral ania, A thihcham ah takngial pawh ka awm thei lo hi ka inhua kal bo daih ka duh a ni"

Hmêl ngui lutuk chuan ka awm ati nuam thei lo, Ka lo na ve vekin ka hria.

"I pi chuan a chhuang ngawt ang che, Tupa zaithiam leh hmeltha tak a nei che lawm" ka ti a, a rawn nui deuh sak,

"Tihpalh thil thu aniang, keipawn chanchin lungchhiatthlak tak tak ka nei alawm, mahse tun thlengin ka la tuar chhuak thei, Inti chak la, huaisen takin awm rawh, ipi chuan a dem miah lo ang che"





Nui lui deuh sak chuan ka ti a, Taehyung chuan min lo en kar a, Ka kut chu a rawn vuan thut ka phuzawk thei,
"Ka lawm e Noona"

Min rawn nuih var var a, Keipawh ka nui lui ve hrâm hrâm a, Ni e, he ka chanchin lungchhiat thlak tak hi tûma bulah ka sawi thei lo, Ka thil tawn râpthlak zia kha ka ngaihtuah pawh na ka ti a, ka la khûr reng thei,
"Ka lawm e, Noona hi ka ngaina dér tawh"

Aha rual thah lang chuan arawn nui var var a, Ka lungphu dik lo leh nghâl vek tawh, Engemaw ka hriat thin le?...
"Ka va in thlâk tawh ange"

Tihpah chuan a kawr tur ka ken sak chu ala a, Zâi phei rât rât pah chuan inthlâk na room Lam chu a pan nghâl a, "Naupang chhia lutuk"
Ka nui sak a, Taehyung hi ka duh in ka hria,Ka thil tawn râpthlak lutuk vâng khan mipa hi ka duh theih ka ring lo a, Mahse ani hi chuan min hîp hneh ém a ni, Hmeichhe tam takin an ngaizawng pawh hi a awm lo hran lo.



"Noona min lo pui lawk"

ka tlân phei nghâl a,

"Ka lo lût dâwn em?"

"Aw" tih ringawt chuan min chhâng a, Ka va lût chu a kawr hnunh zipper alo zip thei lo chu ni in,Ka zip sak nghâl a.


"Helai pawh hi a ther deuh a"

Tihpah in a kawr nghâwng chu a kâwk deuh vâ a,
"Awle, lo kûn rawh, ka lo seh chhum mai ang"

Alo kûn hniam a, Muangchâng chuan alo kûn a, ka lo seh nghâl, Ka awmdan adik lo leh vek tawh, Mahse ka tilang lem lo.

"I lungphu ri kha ka hria"

Zawisap chuan arawn ti a, Hepa mizia inthlâk nasa thei lutuk hi chu tumân an hrethiam ngai lo ang,

"Ngawi mai teh"

Tihpah chuan ka béng taih taih a, Alo nui hak hak zui,


_________

Taehyung prov


Vawiin kan shooting chu ka chau taket, Shooting ka zo chiah chu Tumah pawh ka be tha peih lo, Ka pi chu ka rilru ah a awm reng mai, Ka unau (BTS a sawina) teho chuan min hném sap sap a, mahse Tu emaw ka hmu mai lo, Nichin a thusawi zâwnga A rilru nâ ka hmuh khân hrehawm ka tih zia kha, Hmeichhe cool tak mahse che Bawraw ve thei tak si anih ka ring, A, Enge maw tak chu a tawn ve ka ring, Ka khawmgaih reuh tak zet a ni.


A nui var var lai chu ka thlîr reng a, Mahse tunge abiak saw le?...Korean chu ni lo, English In an inbia tih ka hre thei.

"Wah....Na Bi Noona chu a english hman analh ngei mai"

Ka hnung atang chuan Jungkook chuan kâ hau hian alo en reng a, "Korean a ni lo niang" Jimin pawn alo ti ve nghâl, an thusawi atthlak lutuk váng chuan ka nui suk a, "Rampawn ah a awm thin ka ring"
Namjoon hyung chuan alo ti bawk a, "In sawi ho emai a, ka ril a tâm ania" Suga hyung chuan zawi zet hian arawn ti a, "Pizza ka duh"
Ka lo ti nghâl vat a, Min lo thlâwp hlawm ngei mai,

Eitur kan chah kan nghah thap lai pawh chuan an la inbe reng tho, Ka mit a kham tawh hle, Ka jacket chu ka sik thler zauh a.

"Noona"

Tihpah chuan ka va tlân phei a, An in kar ah an in en theih lohna lai ah tak chuan ka va ding nghâl a,

"Aw..Taehyung enge nita?"

Nui sen sen chuan alo ti a,
"Noona ka jacket hi a pawr leh deuh a"

"Awihaa..anih kha"

A hmui chu a hup deuh tât a, A duhawm reuh zia chu,
"Kawr dang ka va la ange"

"Ka rawn kal ve dâwn"

Tihpah chuan ka zui nghâl a, maktih hmel deuh chuan min en zak zak reng a ,

"awle.."

Ban chat chuan ati a, Foreigner pa chu room tawkin ka melh hrawk a, alo la nui suk zui,



english chuan arawn au leh hrâm a, enge a sawi pawh ka hrethiam chuang lo
, "Awle"
Tihpah chuan anuih sen sen zui, ka lo thinrim nghâl tûn thei.


______


Na Bi Prov

Taehyunga awmdân vâng chuan ka nuih aza ngêi mai,

Inchhûng kan lût chu a jacket ang chiah ka lo dah that chu ka la chhuak a, Ka pe a, aha ve nghâl mai bawk a.

"Noona tunge a?"

"Tu chu maw?"

"Nichin ami kha"

"Ee..kha kha maw..In vedio Edit tutur ania, thil ka lo zawt a, Chuan min hrilh fiah anih kha"..

Mahse tinge min zawh le,

"English i thiam hlê mai"


Ka nui sak a,

"Mahse khapa kha tinge min zawh a" Ka ti a, kei aiin a hre awm daih zawk sia,
, A hmêl buai chu arawn buai deuh nak a, A awm dân chu mak ngéi mai.

"Engmah ni lo"

Tihpah in a kal chhuak nghâl daih a, A mizia hi chu hriatthiam ahar ve ngawt mai.

________

Khua a thim tawh si a, Ka khawsik tur intham anih ka ring ka taksa rawn na leh ngut ngut tawh.


"Vawiin ah kan Final tawh bawk a, Tumah haw lo in Company ah Chaw ei khâwm vek tur"

Director Kim chuan arawn ti lauh lauh a, BTS ho pawn kut alo béng dar dar mai, Keichu ka nawmsam loh vângin ka phûr lem lo.


"Unnie keichu haw mai ka duh"

"Let leh phawt ila, A rûk in kan haw dâwn nia"

A ti sam ét a, Châk lo mahila, nâ anga lan ka duh bawk si lo, Ka aw ve ta ringawt a.



_________


"Na Bi harh rawh, Company kan thleng tawh nia, midang pawh an lût vek tawh"


"Awle Unnie"

"I chauh loh viau chuan Car ah hian lo mula"

"Ni lo e, ka tha lawm"


Ka inti paukhauh lui a, Muangchâng chuan ka kal lût ve chhat chhat a,


"Bathroom ah ka va lût lawk"


Tihpah chuan Bathroom lam chu ka pan nghâl a,

"Rei suh aw"

"Awle"

Tihpah chuan bathroom lam chu ka pan a, nachhawkna ei ka ngâi,


"Ehe..!.. Noona, Kha hei hi ei rawh"

Tihpah in Chocolate ka huat em em mai, Ka nun chhiatna bul, ka hmuh ringawt pawh khân ka khûr thin reng a ni, Jungkook chuan a kutah hian alo keng vâ a, Ka hmu chiah chu ka au tuar a, Chhuat ah chuan thu tung ât in ka hmai ka hup nghâl vat, Ka tiril ah min man nghâl a, Ka khur nghâl zawih zawih ringawt.

"Enge thlenga?"

Taehyunga aw ani tih ka hria, Ka mittui arawn tling leh ngawt tawh, Kha pa hmél kha arawn lang nghâl chuai chuai a, ka hlau a ni, Ka tap chhuak hak a,

"Noona ka tihpalh"..

Jungkook chuan chuai raih hian arawn ti a,

"Engtin nge itih a, Mawla".
Taehyunga chu a thinrim nghâl deuh tih ka hria,

"Hei chocolate Hi pék ka tum a,Mahse Noona hi tiang hian arawn awm thut a"

Taehyung chu a thaw chhuak hak a, Kei chu ka la chesawn eih lo,


"Noona, Atha vek alawm, Chocolate mai anih hi, i bulah kan awm tlat alawm, Hlauh tûr a awm hleinem"

Ka dâra rawn khawih pah chuan dam thlup hian arawn ti a, Ka hahdam nghâl huai huai thei,

"Ka lawm e Taehyung"
Muangchângin ka tho a, ka mittui kar atang chuan ka hmu deuh ruai ruai thei, An 2 chuan min ngaihtuah hmél zet hian min lo enkar chu niin,

"Jungkook apawi lo, Ka tihpalh a ni, tianga awm lo tur kha ka nia"

ka nui lui sak a.
Jungkook chu a kalsawn nghâl mai a, Taehyung nên chuan kan la ding reng thung, Ka thlân tui lah chuan mi bual reng bawk si, Ka taksa te hi a phu ut ut in ka hria,

"Na i nei ami?"

"Enga!?..."

Mak tih hmél deuh chuan ka en a, A hriat viau amawn le,

"Nei lo e"

Kan ti leh ringawt a, A awih loh hmél em em leh nghâl,

"I hmél pawh a dâng vek alawm"

"Ka tha lawm, min ngaihtuah vângin ka lawm e"


Kal mai ka tum chu ka lu rawn hai thut, Ka hnûnglamah chuan min rawn dawm vat a,
"I tha lo nih khâ, Ka thlah ang che"

Tihpah chuan min kal pui nghâl a,
"Taehyung, thlah ka ngâi lo nia, Ka tha lawm, Va kal ve zâwk rawh"

"I awm dán tang chuan i that vak hmél loh, Ka hmeltha a ka rilru pawh hi a tha nia"

A mit hmul chu arawn sán ák âk a, Ka lo nui hak thung, Na ka tawrh lai pawn ani hi chuan min ti nui reng thei chu nih hi...


__________


"Noona, Khawi lai vél ah nge in awm a"

Min rawn sawi dat dat a,ka lo muhil anih dâwn hi le," Sawlai deuh ah sâwn, vawi khat kuál leh la kan awmna chu alo lang nghâl mai ang"

"Awle"

Ati veleh mai a,

"Aw helai hi anih hi"

"Awle"

"Min thlah vângin ka lawm lutuk e aw" tihpah in ka chhuak nghâl a,


"Helai thleng hi ka thlah che a, Léng tûr pawn min sâwm dawn nange?"

Ni dâwn tak e, mahse engtin nge niang,a chî dâwn mawn le.


"Mahse mi in an lo hmu palh ang che"

"Hei ka nei alawm"

Tihpah in Puan hi arawn la chhuak a, A hmai a tuam nghâl a, V sign hian a kut hi arawn ti pir zauh a, Ka lo nui hak thung.


"Hawh lo lût tache"

Ka tih véleh chuan phûr zet hian Arawn chhuak nghâl a, Apa lian rauh sia A nuihzatthlak ngéi mai.



________


"In in chu anawm hi"

Tihpah in couch ah chuan a thu nghál ât a, a chet dân hi avan lawm awm thin tak.


"Taehyung kal tawh rawh, ka tha ania, Damdawi pawh ka ei a, I chau awmsia, Keimah vângin Chaw ei khâwmna ah i kal bawk si lo"


A bul ah chuan ka thu thla ve a, Ngâwi reng chuan a tho a, Ka room lam chu ava pan hmak, Enge maw a tih dâwn le?...

A rawn chhuak leh chu, Blanket hi arawn la chhuak a, min rawn sin tîr sat sat a, Ngawi reng chuan ka en tawp ringawt.

"Soo yun Noona lo haw hma chu ka awmpui ang che"

A nui var var a, Aw leh aih pawn ka chhâng chuang lo, Ka nui tawp a, Sawi tûr pawh ka hre chuang lo.


_______

TAEHYUNG PROV


Noona muhil lâi chu ka thlir reng a, A hmeltha takzet,A kum zât hi ka Awih chiah lo deuh, Mahse amân a sawi tlat si chuan awih sak loh anuam bîk bawk si lo a.

A sam sei tak ngîl tle siau chu ka chûl reng a, Enge ka hriat pawh ka hre lo, Tinge a bula awm hi nuam ka tih em em le?,

Ka duh tawh ni berin ka hria.

Huihaaa...."Kim taehyung lehh....I hma hun chu"


Ka thaw hak a, A muhil thaw ri sék sék chu ka ngaithla reng a, A pangsa pawh azia tawh, A rawn phu leh zauh zauh thin, A châng leh arawn rûm chhuak hak a, engtak chu hlau ang maw?, He hmeichhe tuarchhel tak hnên atang hian zirtur ka van ngah tak êm.


___________


Na Bi prov


"Noona"

Taehyunga aw a ni tih ka hre thei, Ala haw lo ni maw?...ka meng diar diar a, ka hma zâwn takah chuan alo nui var var chu niin, ka phu deuh zawk thei.


"Taehyung, ila haw nange?"

"Aw, Soo yun Noona khân alo haw dawn lo tih a sawi a"

"Enga!...i awm tih a hria maw? ni lo...ka thi dâwn chiang lutuk"


ka in perh tho nghâl vat a, Ka lu chu tuai puat puat pahin ka râk chiam chiam bawk, mak tih hmêl deuh chuan min lo en reng a,

"Lungngaih suh, ka sawi fel vek tawh lâwm a hau lo ang che"

Ala ti sam êt zui, sana ka en chu Dâr 3 alo ri va va tawh,


"Tinge dâwt i sawi a"

A rawn ti chhuak hlawl.

"Eng...eng dâwt maw?"


"Hei"


Tihpahin Soo yun Unnie nen tun kuma ka birthday kan lawmna thlalâk chu arawn keng vâ a, Cake ah chuan Happy Birthday Na Bi 19 years tih alo inziak kulh bawk si, Lâk sak ka tum chu a kut alo la sawn hman, Van che rang tak.


"Khawi min pe rawh"

Tihpah in ka ûm a, alo la tlân chhe zél zui, Ka inchhuih thuai, Couch ah chuan ka bawhthlu thuai a, Ka inbeng kâng tur chu min lo en reng, Sawi tûr avâng duh ang reng khawp mai.

"Oppa min ti tawh rawh aw"

A rawn nui sen sen a, ka awm dân a dik lo leh nghâl vek tawh, rang tak chuan ka in beng kâng a,

"Ka kal tawh ange khawvâr hma hian"

"Dâwt ka sawi vângin pawi ka ti, khawngaihin midang bulah sawi lo hrâm rawh aw"

Kûn zak zak pah chuan ka ti a, A nui ri hak chu ka hria, Mak ti tak chuan ka hawi chho a,


"I duhawm reuh"

Tih zawng asawi a, a kal nghâl daih ringawt, Midang bul ah lo sawi palh tase....Ni lo, ka chhe vek a ni mai, LalPa min pui rawh.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:29 pm

DON'T LEAVE ME CHAPTER-4

HLUTEI JOCUND PACHUAU




1 WEEKS AGO






Kar khat lâi chu ka thawk ve ta, BTS member te nen pawh kan in pawh sâwt tawh hle, A hma ai kha chuan nuam ka ti ve ta.


"Vawiin chu Chaw ei khâwm anih kha aw"

Unnie chuan a rawn ti ru sâ sâ a, a hma in ka kal tawh si lo a, tun tum chu kal ka tum ruh ve tawh hlé,

"Unnie kum 20 ka la tling silo a, Zu nen a ni awm sia"

"A pawi lo, In tawp rawh, i in loh khân an ringhlel zâwk ang che"

Kan nui dun har har a, Vawi 1 mah zu ka la in ngái lo hrim hrim a, engtin nge a awm pawh ka hre lo.

_____________

"Lo kal ru le, Kan ei tûr Order alo thleng tawh a"


Director chuan a ti a, Phûr tak chuan kan chhuak ve nghâl,


Dawhkân sei zét ah chuan Staff ho zawng zawng chu an lo thu khawm laih a, Sa leh Zu an lo in chhawp dal bawk,


"Noona hetah lo thu rawh"


Jungkook chuan alo ti vat a, Nui sâng chuan ka pan ve nghâl mai a.

"Leee...... kan album kan buaipui zo tawh bawk a, Zan in chu in vek tur aw"

Director chuan ati lauh lauh a, An lo thlâwp hlawm ngéi mai, Sozu chu No ah hian Jhope chuan min rawn thlît sak a, "In teuh tûr I thawh rim bawk si a", Nu tling tawng ang mai hian arawn ti a, Ka lo nuih har har zui, Ka glass no a Zu chu ka'n tlâk ve Pawp a, Ka kawchhung hi asa thla hum hum thei, A kha bawk si, Ka hma a Sa chu Ka hmawm hmak a, Ka in chhunzawm char char.


______

Rei deuh hnû chuan ka lu pawh rawn hai ve tan deuh, "In tawh suh, i rui tawh nih kha"
Ka hawi chhuak chu Tumah an awm tawh lo, "Khawnge Unnie"

"Ani pawh a rûi deuh tawh a, Kan thlah haw tawh" Teahyung chuan tûm deuh hmak hian a ti a,

BTS member ho chu an la awm thap a, Midang chu an bo zo vek tawh, Ka luhai bawk si, Dawhkan ri rum rum chu ka hriat hnuhnun ber a ni.



______


TAEHYUNG PROV



Dawhkân a, Nabi bawk ngât chu ka en reng a,

"Tunge thlah haw dâwn"

Suga hyung chuan a ti a, Kan in melh kual zak zak ringawt,

"Kan câr ah chuang ve mai rawh se"

Jin hyung chuan arawn ti leh a, An lo aw sap sap bawk,


Nabi chu arawn tap ri deuh hliam hliam a, kan en thap.

"Enge ni ta"

Tihpah chuan ka va khawih a, A rawn hawi chhuak chu A mittui hi alo tling kiau chu niin,

"Hey...Kim tae hyung, Tinge I hmelthat bik em em a"

Tap chung chuan arawn ti a, Kan nuih aza hlawm ngéi mai, Kan in sûm hram hram, A rawn tho chhuak taih taih a, dawhkân ah chuan arawn ding ta mai.

" Hey...Kim taehyung, Jeon jungkook, Park jimin"

A kut zungchal chuan min kâwk sawk sawk a, a awm dân chu amak reuh ngéi mai.


"Tinge kei hi Noona, Noona min tih reng a, Kum 20 pawh ka la tling reng reng lo, In pa 3 khân ka hua che u,in Noona ka ni lo, Kei hi kum 19 bâk ka la ni reng reng lo"

A aw râwl a ring tha bawk si,

"Tak tak maw"
Jungkook chuan alo ti vat a,
"Jungkook nang aipawn a Nopang daih anih chu"
Jimin chuan nui hak hak pah hian arawn ti a, keichu ka ngâwi reng thung,

"Tinge dâwt i sawi a"

Namjoon hyung chuan ati a, Nabi chu a kun lap thung,

"Duhthlan tûr ka nei lo lawm, Dawt ka sawi vângin ka tihpalh a ni"

A aw chu arawn chuai deuh raih a,

"Hey...Kim namjoon tinge i hlauhawm em em a"

A rawn tap leh titih a, Hyung pawn tih ngaihna a hre lo, Kan in en a, kan nui leh ringawt,

"In vai hian ka ngaina vek che u, Mahse Noona chu min ti tawh lo ula"

A ti leh a, "A tha e, Nabi"

Jimin chuan arawn ti a, ka bulah chuan arawn kal phei chhat chhat a,

"Taehyung, Tinge ka lak ah hian i that em em a, Min fiam kual mai mai a ni tiraw, Kei hian ka star che vâng in min fiam kual tiraw"

A in hnit faih faih a, Midang chuan nuih insûm tak hian min lo enthap a, Sawi tûr avang duh ngei mai,
"Hmeichhe mak tak a ni"

Suga hyung chuan arawn ti sup a, Kan nui hak hak ringawt, Min duh tih a sawi chu ka lâwm ru ngéi mai,

"Hawh u....haw tawh ang ule"

Tihpahin Jin hyung chuan NaBi dâr ah chuan arawn khawih a, Ka lo sa deuh nghâl ringawt.

"Keimân ka hruai dawn"

Tihpah in a kut chu ka paih thlak sak a, A dâra vawn pah chuan muangchângin ka kal pui nghâl a,

"Hey...nangpa hi i thîk thu a chhe nghâl dér alaw"

Jin hyung chuan nuih za in sûm tak chuan ati a, An mahni nuih pah chuan ka mit hmul ka sân zeuh, An lo nui dar dar a.

"In duhawm dûn lutuk ania aw"

Jimin chuan arawn ti lâng lâng a, Ka nui suk, Henu laka ka awmdân hi hmeichhe dang bula ka awm ang a ni lo tih ka hria, Min duh vâng hian ka hlim veng veng mai,Ka hnar thei angem ka hre lo.

Ka nui suk a, car ah tui ti taka a muhil chu ka en reng a, A hmai alo huh hliam zui.

Midang ho pawh an lo lût sap sap a, Nabi bul ah chuan ka thu tlat thung, Kan ti ti mawlh mawlh lâi chuan arawn tap chhuak leh hak hak thin a, A kut ah chuan nghet takin ka chelh reng a, Midang hmuh loh tûr chuan ka thukru hmak.


"Hepa hlim zia hi"

Jin hyung chuan arawn ti chhuak hlawl a, Midang lah chuan kut beng chungin min la nuih dar dar zui, Ka lo lâi chhe em em ringawt.

_________


Na Bi prov


Ka harh chu ka luna bûr mai, Khum atang chuan meng tha mang lo chuan ka tho taih taih a, Bathroom lam ka pan nghâl, Tuilum Chuan ka inphuh nghâl sar sar a, Ka harh sawng sawng thei, Nizân khân engtin nge ka haw le?...
Engmah ka hre tawh lo, Zû ka vawikhat in na ni bawk sia, Huihaaa...ka che thing viau ang ka ring, van zahthlâk thei tak.

Bathroom ah chuan Ka râk chiam chiam ringawt,


"Na bi hmanhmawh teh, vawiin ah Music Video shoot angai ania"


Ni dâwn tak e, An van hah ve thei tak, an awl miah lo chu nia, Hrisèl chu angai ve viau ang.


Hmanhmawh tak chuan ka chhuak a, Ka sam sei ngîl tak chu Ka chhém heuh heuh a, " Ka tan daih dawn mawni le, Ro har thei si" ka tih thin ang bawkin keimah chuan ka phun hlak hlak reng a,

"Unnie engkawr nge ka hak ang"

"Inthuam lum rawh"

Tih zawngin min chhâng ringawt, A tawng tlém ve thei ngawt mai,


Gucci Jumper leh, Jeans kekawr chu ka ha a, sneaker ka bun leh tawp, Lipstick Mawm lam A senno chu ka in hnawih a, Masacara Leh foundation nen, Ka mithmul chu tlém in ka line a, Ka mit chu a uk lam tak deuh hlekin ka hnawih bawk, ka bag chu la in ka tlân chhuak ve nghâl a,


________



Kan thleng chu,An lo ri leh laih laih tawh,

"Gucci girl"

Jimin chuan arawn ti zauh a,Ka nui suk a.


"Nabi shi, Min pui lawk teh"

Jungkook chuan arawn ti lâng lâng a, Enge a hriat a, hepa hi, Tinge ka hminga min koh le?

"Hey...ka hmingin enge min koh a"

A hnungah chuan ka va béng taih taih a, A nui hak hak ringawt.

"Ni zân a i thusawi kha i hre tawh lo mi?"

"Maw!...enge ka sawi a?"

"Engkim i sawi vek alawm,I kum zât te, Taehyung i duh thu pawh i sawi vek kha"



Ati niah niah a, Awi enge ka tih tâk ang, Avan âtthlâk tak em, Awiii...ka zak lutuk, A kawr chu ka hâk tîr sawk sawk a,


"Ka luna"

"Awiha"

Ni lo, Chu aw chu Taehyung a nih chu, LalPa leh...Engtin nge ka awm dâwn enge ka tih dâwn.
Ka chi ai nghâl vek,

"Alo thleng ania"

Jungkook chuan arawn ti ru sar sar a, Engtin nge Ka awm dâwn, Ka jumper lukhum awm chu ka khum a, A lukhum chu pawh chîp vek theih chî a lo ni hlauh, Ka pawt chîp vek a, ka hmél tê lang chauh chuan ka dah a, Ka tlân chhuak phut,, Taehyung chu ka la su sawk zui,

"Na bi shii, Hey...."

Jungkook chuan min âu mawlh mawlh, Hawi lét lo chuan ka tlân nal nal ringawt,Thil ka su sawk, Hmeichhe râk deuh that ri chu ka hre zui nghâl a, Ka en chu hmeichhe pakhat A coffee ken lâi ka lo su palh chu niin, A kawr Ah alo kâi vek zui, Avan chet chhiat theih tak.


"I kal na tur en tache I mawl ami"

Awki sâng tak chuan arawn ti a, A hmeltha in A sâng tha bawk a, A in cheina Atang chuan mi hausa tak fanu a ni tih a hriat theih,

"Ka tihpalh lutuk, Ka thiamloh ni"

Kûn zauh zauh pah chuan ka ti a,


"LalPa lêhh...Ka kawr thar iti chhe vek alawm, Khawilam hmeichhia nge inih a, I mawl ami"

Min ânkhum nghâl chiam chiam a, Midang chu an lo chhuak sap sap a, BTS ho pawh an tel, ka lukhum chu Siam tha in, Ka kûn lap a,

"Eng thil nge thleng a"

Soo yun unnie chuan arawn ti vat a, Chu nu a hmuh veleh chuan a chibai nghâl.

"Ka nau ania, Kan tihpalh a ni e"

Unnie chuan dam thlap hian a ti a, Chu nu chu a nui lui hak, A nuihzat vang erawh ani hauh lo.


"Ka hmanhmawh lutuk na lamah ka kalna tur ka lo en lo a, Ka thiamloh a ni e"

"Hahh...Nang ang mi hnuaihnung lutuk te kan company ah engtin nge hna i hmuh ve theih a"


Ka sa deuh zak mai, tu chiah nge maw anih bîk le?

"Ka tihpalh a ni, i kawr siam man chu ka peleh ang che"

Ka'n ti zauh, A rawn kal phei a, min la enkal zui, ka hlau lek lek a ni, Mahse ka zâm duh bîk der lo.

"Ka kawr hi engzat man nge a nih i hria em?"

thinrim tak chuan a ti a,
"Hre lo"

"Hah"....a nui hak a,
Ka hmai chu ari sawk, Unnie chu lo té that a,A thîp deuh vang vang vâng chuan ka dawm nghâl a, Ka mittui tlâk mai loh nan ka inseh ruh ngat ngat ringawt.


"Iti mah mah lo maw?"

Chu aw ri ka hriatna lam chu ka hawi vat a, Taehyung alo ni,

"Tae en tache a thil tih hi"

Tap aw deuh ti tih hian a'n lo hmuh vél a, Ka nui chhuak hak.

"I kawr man chu ka lo pék sak ang che"

Bung nghut chuan ati a, Chu nu chu a thaw hak,

"Ani hi itân enge a nih a, kei aiin tinge i tan zâwk a"


"Ka staff zîng ami anih hi, I kawr man chu ka lo pe ang rem itih chuan"

A thusawi vâng chuan ka na zawk thei, ka mittui chu a rawn hnâm deuh tiam tiam a, Enge maw ka beiseina ka lo tih sân ve em em le, Keichu a staff ve mai alawm ka nih, Ka chunga a that ang hian midang chungah pawh a tha ve tho sia, a âtthlâk lutuk.

"A ngai lo, I pék sak ka ngai lo e, Ka tha, Chuan nang kha bâng nghâl ang che"


"A bâng lo ang"

Namjoon (Rapmonster) Chuan alo ti ve nghâl vat, mak ti tak chuan ka en vat a,

"Kan duh taka kan chhawr ania,CEO fanu inih vâng ngawt khân i duh duh i bân ngawt thei lo"


A nui hak a, A awm zia chu Bighit company nei tu fanu maw, Avan pawi thin tak, Kei hi chu awww.

"In vai hian mimawl vek in nih hi, Ka pa bul ah ka sawi vek dâwn"

Tihpah in akal nghâl hlawk hlawk a,

"Ka tihpalh a ni, keima thiamloh ania"

"Ni lo e, i thiamloh anih loh kha"

Jin chuan allo ti vat a, Mittui tling kiau chuan ka nui hak, Ka lamah an tan vek vâng hian ka lawm,

"Ka lama in tan vangin ka lawm e"

An nui hak hak a,

"Khanu kha ka ngai na lo"

Suga chuan arawn tichhuak hlawl a, "Keipawh" an lo ti ve sap sap, Kan nui leh hak ringawt.

"Chuan engkim kan hria"

Jhope chuan nui sâng chuan arawn ti a, Ka ning, an sawi chhuah kha ka ring reng ah ka kun lap ringawt.

"Engmaw in hriat"

Unnie chuan alo ti hû a, Ni lo a hriat chuan min hau ngei ngei dâwn,

"Ihh...Nabi kum zat diktak, mahse a pawi lo Kum hi a pawimawh ber hleinem, Chu aia pawimawh dang pawh kan hria"

Jungkook chuan alo ti zung zung a, ka va mit méi takngial pawn a hrethiam chuang lo.
"Chu aia pawimawh chu enge?"

Ka u chuan min rawn leh a, Min enkual zak zak bawk,
"Ih Na bi hian"

Rang thei ang berin aka ah chuan ka va hup sak nghâl thut,

"Enge nang ni hi in hriat a"

Ka u chuan ati hlak hlak a, Midang chu an lo nui tet tet zui,

"Ka kal dawn"


Tihpah in Stylist room lamah chuan ka tlân phei nghâl, Awi ka lungphu...


"Le...Shooting neih na hmun tur i pan khawm tawh ang u le?"



An rawn ti lâng lâng a, hrehtak chung chuan ka chhuak nghâl, Ka kun lap reng a,


Ka pheikhawk hmuh vâng chuan ka phu chiang ngéi mai, Ka hawi chho chiah Taehyung chu ka hma ah alo ding reng chu niin, Min enkar leh nghâl, Ka zak bawk si engtin nge ka awm dawn, Kal tlang mai ka'n tum chu min pawt leng dawp thei, Ka râk that a.

"Ka tihpalh, ana viau em?"

"Aih na lo e"


"Thusawi duh ka nei a"


Dul raih hian ati a, Mahse a hmèl erawh atha reng tho, Kamis Hringduk leh Kekawr pângai Dum hi aha a, Gucci pheikhawk a bun bawk,

"Enge ni ta"


Ka âw chu a khûr lek lek,

"Na bi nang hian min duh tiraw"

Ka phu deuh zawk thei, A hrereng tho sia enge maw min zawh nawn kher le, Ka chhâng duh lo, Ka kûn nghâl hnak a,


"Na bi"

A rawn ti chuai raih a, A hmel pawh ka en ngam chuang lo, Ka chhâng ngam bawk si lo.

"Min duh suh"

"Enga?"
Amah chu ka en nghâl vat a, a thusawi vâng chuan
Ka na zawk thei, Ani pawh a hlim hmêl vak chuang lo, A thinrim hmêl bawk si lo, min hnâwl hi hrehawm a tianga min khawngaih pawh a ni mahna,

"I na mai mai ang, Kan CEO fanu Bang cheo rin kha BTS group hi a tâwp hun a Nei turin contact ka lo ziak tawh a, Tumah ngaihzâwng neih phalsak kan ni lo, Ka ti na thei lo che a ni, Hmeichhe hméltha leh fel tak ini a, Kei aia tha hi i phû"


A thusawi pah chuan a kun lap a, ka na zawk thei, Ka mittui chu a rawn hnâm tiam tiam a, Ni e, enge alakah hian ka lo beisei ve ngawt le, Ka zah theih loh hmêl, ka zak a, ka rilru na bawk si, ka mittui chu Muang chângin ka biangah arawn luangthla tiam tiam a,

"Ka tihpalh tak zet a ni, Tun ah rih chuan ka nunna ai pawh in Ka dinhmun hi ka ngâih pawimawh zâwk a ngai si a, ka kal ange"


Ka hmêl pawh en lo chuan a chhuak nghâl daih a, A thusawi kha ka bengah ari nawn tluk tluk ni mai hian ka hria, Ka zak bawk si, Ka piantirh ata mipa in min hnâwl vawi khatna, ka phone vibrate cher cher chu ka en vat a, Unnie alo ani,

"Aw"

"Hmanhmawh ve la, an kal vek tawh nia"

"Awle ka lo chhuk nghâl"



ka phone chu ka off a,
Ni e, Duhna chauh alawm, Ka theihnghilh tur a ni, Hmu tam lo ila ka theihnghilh hma ni mai,Lee Na Bi inti chak rawh, Ka mittui chu ka hru sawk sawk a,Ka chhuk ve nghâl.



________

Car ah chuan hmanhmawh takin ka lut nghâl a,
"Khawnge i awm daih a, i van rei ve"


"Bathroom ah"

Tih ringawt chuan ka chhâng a,

"Engkim ka hria nia"

"Unnie sawi rih lo teh"


" anih, Ka tihpalh"


"Min hnâwl a"

Chuai raih chuan ka ti a,

"Enga!"


"Min hnâwl, Unnie ka piantirh ata Mipa in min hnâwl vawi khat na, Tianga rang hian tumah ka la duh ngâi lo,ka mipa duh ve hmasak ber a sin"


Ka tap nghâl ti tih a, Ka zak bawk si,

"NA Bi, Taehyung chuan a tih tur dik tak a ti lawm, Ama tân leh Army (a fans te sawina) te tân, I tân pawh"


"Ka hrethiam alawm Unnie, mahse ka zak ém a ni"

"I theihnghilh vat mai ang, Tleirawl mai ila nia, Ani aia tha an tam lutuk i hmu teuh mai ang"

"A dik alawm"

___

Shooting an neih lâi chuan ka lo en reng a, Taehyunga lan that bîk zia chu,hmu châk viau mahila Peh hél dan ringawt chu ka zawng a ni ber.


ZAWHNA?

NA BI HI ENG ANG MIZIA AH NGE IN NGAIH? TAEHYUNG PAWH, IN NGAIHDÂN TEKHA LO SAWI ULA KA TANGKAI PUI VE NIA😅😘

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:30 pm

DON'T LEAVE ME CHAPTER-5
BY
HLUTEI JOCUND PACHUAU





1 MONTH AGO



Tehyung Prov

Na Bi ka hmuh lohna pawh, thlakhat lâi a ni ve ta, ka rilru ah a awm reng mai.





Ka phone rawn ri ral ral ka en chuan Bang Cheo Rin a lo ni, Ka phone chu ka switch off nghâl hmak a, ka mood a ti off vek alawm le.



Ka maimitchhîng vang vang a, Na Bi ka mitthla ah alo lang leh nghâl, Kei hian ka duh ve tih ka hria, Mahse duh satliah mai mai tur ah ka lo ngai a, Min peh hêl reng thin vâng hian ka thinrim a, Tunlâi phei chu ka thinchhia in midang lakah pawh ka sual em em ringawt, An thusawi enge maw hlek ka lo la kâwi nghâl zung zung zêl a, hetianga ka awm na chhan hi Na Bi vâng ani tih tûman an hai lo
Thlakhat chhûng khân vawi 1 chiah kan la in hmu, Min peh hêl char char a ni mai, Ka hnâwl lái a a hmel awm dân kha ka mitthla ah arawn lang nghâl, Amah hlîr ngaihtuah chuan a châng leh ka inthiamlo a, A châng leh ka nui hak reng a, enge maw ka hriat le?.

Flash Back


Na Bi hmél ka hmuh ngam loh vâng chuan ka kal chhuak nghâl daih a, A mittui tla kha ka en ngam ngang lo, Engvang nge chu ka hre lo, Mahse ka en ngam ngang lo a ni,


Car ah chuan ka lût nghâl a,

"Enge thleng a"


"Jhope hyung chuan alo ti vat a"


"Na Bi ka hrilh fiah"

Tih ringawt chuan ka chhâng a,

"I tih tûr diktak iti a ni, I ti tha lutuk"

Tihpah in Namjoon (Rapmonster)
Hyung chuan ka dâr ah min rawn bêng thak thak a, Mahse ka awmdân hi dik lo, Nuam tih lohna leh inthiam lohna hlîr in ka khat a, Ka tawt up up ni ber hian ka hria, Tui chu la in ka in Pawp a, ka awm dân hi ka hrethiam mai bik lo.


"Taehyung Na Bi chu Engtin nge a awm a"

Jimin chuan alo ti leh a, Ka phu zawk thei, Thâwk ka la hak a,

"A tha ang"

"Ni e, Na Bi chu Hmeichhe hmeltha leh Cute tak a nia, Korea ah hian A hmu zo dawn lutuk"

Ati sap a, Midang pawn an lo thlâwp hlawm khawp mai,

"Keipawh Bialnu nei thei chu ni ila, Na Bi ang hi ka duh"


Jungkook chuan nui var var hian ati a, Engati nge maw a chanchin ringawt pawh chu an sawi chhén le.


"Na bi Chuan pasal tha tak ala hmu ang"

Jin hyung chuan alo ti ve vat, "Hyung duh tâwk teh u"

Ngén ngâwl deuh chuan ka'n ti a, An ngawi veleh mai.

"Naua i awmdan hi tûman kan hai hleinem, Nang chu ni ila ka hnâwl lo ang"


Jin hyung chuan arawn ti leh zauh a, Mak ti tak chuan ka en tawp ringawt.

"Hyung enge maw i sawi le"

Rapmon hyung chuan alo ti vata, Midang chu an lo nui dar dar ringawt,

"Taehyung,Tun ah rih chuan i duhna ai khân i hma hun te, kan hma thlîr, kan dream te, Hrereng rawh, Contact kan sign dawn a i intiamna nen khân, I bawh chhiat loh ngéi ka beisei"

Rapmon hyung chuan dam deuh hian ati a,

"Awle hyung, ka hrethiam alawm"
.Tih zawng chuan ka chhâng thei hrâm.


END Of Flash Back

___________


Na Bi prov



"Na Bi tho rawh Rawng ka bâwl ania"


Unnie chuan min rawn sawi nawk nawk a, Ka Meng nghâl kâwk a,Chaw pangai ka ei lohna rei tawh dân hi.


"Unnie ka van lawm tak, Nanghi chu i tha ber"

Tihpah in ka tho a, Bathroom lam ka pan nghâl, Ka kawr chu phelh sawk sawk in shower ah chuan ka in phuh sar sar a, Chaw ei tur chuan ka chhuak nghâl,


"Hawh ei ang le"

Tihpah in dawhkân chu ka kîl nghâl a, Unnie hmel chu a dik chiah lo, A dâng deuh bel mai,


"Unnie i nuam nange?"

"Aw tlâng hriléng ka kâi ve deuh a"


tih zawng chuan min chhâng a, Ngaihtha deuh chuan Unnie rawngbawl sa chu ka ei mial mial a,unnie phone chu A ri ral ral a, "Awle" tihpah chuan a dah nghâl,


"Enge nita unnie?"

"Bungrua alo thleng a, Company ah ka kal angai"

"Unnie i nawm loh kha, Keimah ka va kal ang"

"Iti tak tak ami?"


"Aw, ka puar tawh ka kal nghâl aw"


Ka tho a, Make up pawh ka in hnawih vak lo, Lipstick tlém leh Foundation ka inhnawih tawp, Cardigan Purple Ka ngal thlenga sei chu ka ha a, A hnuai ah kekawr dum leh T shirt dum plain ka ha leh top Bawk, Sneaker Purple chu ka bun bawk a, Ka sam sei tak ka kawng thlenga sei chu ka thlah hniang bawk, Ka bag chu la in ka tlân chhuak nghâl a.




_______


Taxi atang chuan hmanhmawh takin ka chhuak a, Lobby ah chuan Ramdang mi mipa 1 hi alo ding renga,

"Nangmah hi mi bungrua rawn dah tu chu"

English chuan ka'n ti zauh a,

"Aw I english hman chu nalh hle mai"

A nui var var a, Palian tak sam vâr mit pawl râm mai hi a ni a, A nuih pheichuan a hmeltha reuh ngei mai,
"Ka lawm e, Bungrua chu khawnge?"

"Aaa...ka dah chho tawh a"

"Ka lawm lutuk e"

Nuih pah chuan ka hawisawn zuai, ka mi hmuh vâng chuan ka tâwp chat, Taehyung a leh Kan CEO fanu Bang Cheo Rin chu an lo ding reng a, Ka hawisawn leh nghâl vat, Taehyung chuan Jacket buang lian lam hi aha a, Kekawrlian lam aha bawk, A hmai atuam daih a, Mahse min en reng tih chu ka hai lo.


"Roy"

Bang Cheo Rin chuan alo ti lâng lâng a, A bân arawn vei zauh zauh a,


"Ka kal ange ka hmanhmawh sia"

Tihpah chuan Step lam chu ka pan a, Ka kal nghâl nal nal, Thla 1 lai chu ka peh hêl tawh, mahse amah ka hmuh a, Ka lungphu rang thin te, ka zâm em em thin te hi reh tawh se ka ti takzet,Khanu nên ka hmuh dun ngat pheichu ka na takzet, Tinge ani hi ka duh em em le, Ka duh tih ka sawi ni atang khân a mizia zawng zawng a inthlâk vek, Taehyung hlim thei tak, Fiamthu thawh reng thin, Nghal em em thin kha a awm tawh lo, A mizia hi a cool em em reng mai a ni.

"Na Bi enge i tih dâwn a"

Jhope chuan mak tih hmél deuh hian min en reng a, bakah vawiin chu sunday ani bawk si a,,

"Vawiin hi bungrua lo thlen nî ania, Bakah room saw tih fai ka ngâi a, Enge in tih dâwn zawk"


"Dance practice kan ngâi a, Kan in hmu leh dawn nia"


Tihpah chuan a kalsawn nghâl a, Keipawh chu room ah chuan ka lút nghâl,


_______



Music chu a ri dup dup reng a, Darkar 3 dâwn chu An zir ta, Keipawh chu hna ka la ngah mai sia, reilo te ah chuan Music chu a tâwp hmak a,

Keipawh Kawr vél chu ka remfel mial mial thung, Ka thu tung rei tawh lutuk, Ka ke kham vâng chuan ka ding zauh a, Kawngka rawn ri rawk Ka bân ah chuan min rawn Pawt dâwrh a, Bangah chuan min nawr sawk, Anat êm vêng chuan ka tê deuh that, Ka meng chu Taehyung a lo ni reng chu niin.


"Taehyung"

Zawisap chuan ka ti a, a mit meng chu dul raih,Muangchâng chuan arawn kûn hniam a, Ka dâr ah chuan alu rawn nghat a, A hah ve hlé aniang A thaw hak hak a, A bek vél leh hmai vel pawh a huh hlap, Chêtsawn ka tumchu Min pawt bet tlat a,

"Rei lo tê chiah, A rei lo ang"

Zawisap hian arawn ti a, Ka thin phu ri hi a hria angem le?

"Hna ka ngah ania"



Ka tal chât chât a, ka âw khur deuh bawk, a awm ngai hian a awm reng thung,

"Ka tihpalh"

Arawn ti chhhuak hlawl a, Ka tâl chat chat lai chu ka tâwp deuh hmak.



"I tih tûr alawm, tihpalh tih ngâi lo"

Aw khûr deuh dar dar chuan ka ti a, Kal mai ka tum chu min pawt lêt leh bangah chuan min nawr bet leh chawrh a, Ana lutuk, Ka râk leh that.


"Enge ka lak atang hian i duh a"

Ka tap aw deuh titih tawh, Ka mittui chu rawn hnâm tan a, Min enkar reng bawk si, Enge a hriat le.

"Hnar reng che hi a har ka ti"

Zawi sup hian arawn ti a, ka phu deuh zawk thei, Mahse a thusawi chu ka ring thei chuang lo, Kei aia thlan tûr angah lutuk, Kei techu engatân mah min ti tak tak lo.

A awm dân hi ka haw takzet a ni, Taehyunga ka duh chhan chu a hlim thei lutuk te, a rilru thatna te, Mi in thlahrung mi tak leh Che mawl ve thei tak a nih na kha a ni a, Mahse tun ah tak hi chuan ka mipa hlauh chi tak a ni.


"Min ti hlau a nia, Min kal tîr rawh"

Ka ti chhuak thei hrâm, ka nopan lai a ka thil tawn râpthlak lutuk kha ka ngaihtuahna ah arawn lang nghâl, Ka taksa techu a rawn khûr a, Ka thlan tuiin min bual nghâl zawih zawih a, Ka awmdan chu a hrethiam a niang, A hmêl chu a rawn buai deuh nak,Mûang châng chuan min thlah riai riai a,

"Ka...ka ka tihpalh i tha em?"

Min ngaihtuah hmêl zet hian a rawn ti a, Ka kun nghâl lap, ka beng chu ka hup a, ka tap khûr ngar ngar bawk, Khapa chocolatte min pe ziah tupa hmêl kha ka mitthla ah arawn lang a, ka hlau a ni, Ka hriatna thazâm ah hian a rawn lut a, min pawt sawm vek mai dawn in ka hria, Tûma bul ah ka sawi thei lo a, He ka thurûk hi ka thinlungah ka pâi reng a ngai si.

"Ka tihpalh"

Tihpah chuan min rawn khawih a, ka lo phu dâwrh thei, Ka hlau hmêl chu tih ngaihna a hre vak lo a niang min en tawp ringawt.


"Hlat che ka tum ve nasa sin, Ka duh che tih ka hria, Ka hnâ ah pawh ka in sâwr bing nasa, Mahse ka thei lo, A chhan chu nangmah chauh ka ngaihtuah reng che a, Ka awmdân hi ka hrethiam bik lo"


A ti chuai raih a,

"I hnaih a awm ka duh lo"

Aw khûr hlak hlak chuan ka ti a, a hmâ ai kha chuan ka pângai tan tawh,

"Ka tihpalh a ni,kei hian ka duh che Na Bi, kan 2 hian in date ka duh"

A thusawi vâng chuan a lâi deuh ti tih a, a sawi ba hlah nuai mai, ka hlauhna tekha thâwk leh khatah hepa hian min lâk kian sak ta vek a ni ber mai, A awmdân chu ka en reng a, Ka ngaihtuahna ka kawm nasat lutuk vâng nge? a thusawi chu engmah ka hre thei lo, A hmêl eng sar chu ka thlîr tlawk tlawk ringawt,


"Chuan in date chu i duh em?"

A âw a thian kharh a, Ka nuih aza ru ngêi mai, Hmeichhia ala bêm ngâi lo a ni mahna a zei loh dân em em hi,

"Duh lo"

Ka ti deuh hmak a, min rawn en rang ngêi mai.

"e..engvâng in maw?"
zawisap hian a rawn ti a,

"Ka duh che vâng leh I hmelthat vâng hian i duh duhin min ti kual thei lo"

Ka lo ti ve deuh hmak a, Ka in duh lui ve tlat dâwn, min hnâwl hmasa vêl anih kha.


"Hmeltha min la ti tal alawm"

A rawn ti chhuak hlawl, Ala nui var var zui, Ka lungphu rawn danglam leh nghâl ringawt tawh, ka nui lui ve hak a,

"Tikhân nui ziah rawh, I hmeltha lutuk"

amah chu ka en reng a,ka mittui chu a rawn luang zauh,

"Taehyung"

Zawisap chuan ka ti a, Ka mittui chu arawn hru zauh bawk,

"Tun ah chuan la zêp rih ila, An hriat hma in engkim ka lo peih fel ang, An hriat hun ah i rilru nat loh nân"

Dam diai hian arawn ti a, Ka lo bu nghauh thung,



____________


Midang pawh chu an rawn lût ve sap sap a, Kan in la hrang nghal vat,


"Enge in lo tih dun a"


Jin chuan Mak tih hmêl deuh hian min entawn zak zak a,

"Engmah"

Kan la ti rual that zui, Kan lâi dûn ngei mai, An nui hak hak a,

"Na Bi Oppa min ti tawh rawh aw"

Jhope chuan nui sen sen hian arawn ti a,

"Mahse"

Ka ti chuai raih a,

"Na Bi chu unau nu fel tak inih ka ring"

Jimin chuan nui deuh sen sen hian arawn ti a, Ka nuih aza ngéi mai.

"Awle Oppa, Mahse Jungkook hi"

"Aih keichu ka duh lo"

Cute zet hian arawn ti nghâl vat a,Kan nuih dar dar ringawt.

_____

An insiam zawh sap sap hnu chuan an chhuak dam dam a,

"Na Bi kan in hmu leh dawn nia"

Jhope chuan arawn ti leh a, Midang pawh chuan min mangtha ve sap sap a,Rapmonster chu a hnung ber ah hian a kal a, a rawn hawi let thut.

"Na Bi"

ka lo phu deuh zawk zui,

"Huh..Aw"

Ka'n ti deuh hû a, Namjoon chu arawn nui hak,

"Oppa min ti ve rawh,a pawi lo"

A biangsum lang seih hian arawn ti a, Za lo deuh chuan ka nui ve sak.

"Taehyung chu huat phah suh aw, Thiantha tak ni ula ka duh khawp mai"

"Ka haw hleinêm, Ka hrethiam alawm, Tha taka min hrilh vângin ka lawm e"

Tihpah chuan ka kun zauh a,

"Hmeichhe fing tak ini, Taehyung hi kal ang hmiang"

Taehyung chu a âu lang lang a,

"Cheo Rin thlah ka ngâi a, min kalsan mai ru"
Inthlâkna room atang chuan alo ti lâng lâng a,

Ka lo thinrim lek lek, Min duh thu a sawi zo chiah amaw ka tia, Mahse kei aiin thlah a tum zâwk ania,Ka tûm deuh hmak a,

"Awle, Chanchin bu mi te lakah in vêng ula"

Namjoon chuan ati a, a kal chhuak nghâl daih, A reh nghâl huai mai.


_____

An thil dah hnawk vel chu ka thian sat sat a, Mipa rual an ni bawk a an che ho ve thei hlawm ngang mai.

"An kal vek tawh mi"

Awi!...Ka phu chiang lutuk, Taehyung chu kawngkhâr ah arawn dâk ker a, Ala nui var var zûi a hmelthat dân chu

"Min ti phû lawm"

Ka lo ti hlak hlak a, "Ila haw dâwn lo mi"

"Ka la hman loh hi lo va haw rawh"

Ka lo ti hmak a, Cheo Rini a thlah dâwn techuan kal vat âwm hepa hi chuan min ti na reng dâwn nih hi,

"Ka nghâk che lawm"

"Enga!...Mahse Cheo Rin"

"I awih ami, Ka tider anih kha"

Tihpah chuan a nui hak hak a, Ka thinrim zia chu hepa hi chu a chimawm ve thlâwt,

"Hmela"

Tihpah chuan adâr ah ka chûm taih taih a, Alo râk that zui.


________


Taehyung Motor khalh lâi chu ka en reng a, A mit, A hnâr, a hmui, Engkim hi a fuh vêl vek ni mai hian ka hria, a that dân chu.


"Min en reng chuan Kan accident mai ang tih ka hlau"

Kawng en reng chung chuan arawn ti chhuak hlawl a, Ka hawisawn rang teh eee...A nui ri hak chu ka hria,

Ka kut chu a rawn la a, Ka lo phu deuh zâwk, A hum vang vang, A kut lum nawm zia chu, Ka hahdam sawng sawng thei,kawngsîr fâl deuh ah chuan a kual thut a, Hnim kârah chuan a tlân zel a, Ka en tawp ringawt.



Rei deuh hnû chuan Lûipui kam hi kan thleng dêr mai.

"Taehyung he lai hmun hi"

tihpah chuan ka hawikual zak zak a,

"Ka hmun ngainat ber a nih hi, Hetah hian ka rilru nat châng te, Ka thinrim châng te, Ka chauh châng ten ka kal thin a, mahse, Nang i awm tâk ah chuan Helai hmuna ka kal kher hi a ngâi tawh lo ang"

Cute deuh hian arawn nui a, Ka lo nui ve suk ringawt.

"Taehyung"


"Mmm..." tihpah chuan min rawn en leh vat a, Ka chanchin hi hrilh ta ila min la duh reng tho a ngem le?, Nge ni a tenawm min tiin min kalsan daih tase.

ka thaw hak a, Ka duh takzet si a, Mahse zêp neih reng chu tha ka ti bawk si lo, engtik ah emaw chuan ka hrilh chu ala ngâi dâwn tho si a,

"Sawi la"

Ka ngaihtuahna atang chuan ka harh zawk a, "Kei hian vânduai na ka lo tâwk tawh a, mipa hi hlauh thut tum ka nei thin a, nichin ka awmdân vâng khân ka tihpalh a ni"

Chuai raih chuan ka ti a,
ka kut chu a hum nghet sauh.

"I vânduaina tawh chu ka hre lo na a, Ka vêng him tlat ang che, ka tina ngâi miah lo bawk ang che, Engkim huamin min ring rawh aw"

Ti tak zet hian arawn ti a, Zep lo chuan romantic deuh a awm hi a inhmeh lo lek lek,

"Awle, Engkim huamin"

Ka ti zauh a, Ka hlim lutuk hi sawi ngaihna pawh ka hre lo, Vân Boruak zau takah khian ka thlâwk vêl ni mai hian ka hria.

Ka inrin loh lâi chuan ka hmui ah arawn fâwp zauh, ka mengkâwk thei, hnaih takah chuan min rawn en a, Ka zâm chhe leh ringawt, a nui hak a.

"Hmeichhia ka vawi 1 fawh na"

A thaw hak a,ala meng phâwk em em zui, Thil hrechhuak ni awm tak hian, A hmui a hup bawk.

"Enge"

Hlauhthâwn hmêl deuh hian ka ti vat a,ka hawi kual zak zak bawk.

"Ka hmui ala vargin asin"

Hlauhtâwn hmél zet hian arawn ti a, a tap der deuh titih bawk,, Nui har har pah chuan ka lo chûm taih taih a, Ka bân chu rawn man in a kut chu ahnungah adah a,in thlahlel tak chuan Kan inkuah hlê hlê a ni mai,a taksa lum vang vang Leh A gucci perfume rim nên zawng zawng techuan nuam ka van ti tak.

"Taehyung mi in min hmu ang"

Ka tâl deuh chât chât a, min kuah nghet zual sauh a,

"Min hmu lo ang,"


"Tae, Tun ah tak hian ka hlim lutuk, hun hi tiding thei ila ka ti"

Zawisap chuan ka ti a, a nui leh hak tawh, A hmêl awm dân tûr ka mitthlâ ah arawn lang nghâl,

"Nang tê hi ka ngaihtuah na i rawn sawi chhuak ringawt"

Zawi deuh hian arawn ti a, A âw hi chu analh ve tawk a ni,a hmêl phû loh in ala pâ em em zui, ka nui hak hak a, ani pawh a nui ve tho.


Rei fê kan din hnû chuan kan in lam kan pan thei hrâm.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 23rd, 2018, 1:31 pm

DON'T LEAVE ME
CHAPTER-6
BY
HLUTEI JOCUND PACHUAU



NAKTUK ZÂN LEH A TÛK LEH ZÂN KA RAWN POST THEI DÂWN LOVA ZAN IN AH KA RAWN POST MAI ANG AW, IN MI HRIATTHIAMNA KA NGÊN E,

ADVERTISEMENT CLICK KHA UAR SAUH BAWK ILA, ALA NGAIHNAWM CHHO TIAL TIAL DAWN NIA.





_______

Zân a ka mut na ah techuan ka nui deuh vur vur reng a, Taehyung hi ka duh takzet a ni, Ni e...Tu hmeichhia in nge maw duh lo ang lê, ka nui deuh suk suk reng ringawt, Vawiin a kan awmdân ka ngaihtuah pheichuan ka mumang ang mai niin ka hria, Zînga ka harh hun ah lo danglam vek tase, Aaaa...ni lo, Thil ni lo pui pui techu ka ngaihtuah vak vak a.



Thleng tura ka duh em em te leh thil thleng ngai lo tûr te thleng chuan ka ngaihtuah a, Sana ka en chu dâr 11 alo pêl duai tawh, Ka phone ka en a, tinge min call miah loh le,

Ka phone ka hmet kual vak vak ringawt,ka lo muhil ve daih a,

________



Ka phone ri ral ral ka hriat chuan ka Harh chiang mang hlei lo chuan ka'n chhâng ve ringawt a,

"Morning"

Chu aw pâ zet ka hriat veleh chuan ka meng nghâl kâwk thei, Ka nui sak a.

"Morning"

"Nizân khân ka chau deuh a, ka lo muhîl daih alawm"


Arawn ti niah niah a, ka nui suk,

"A pawi lo, I chauh ka ring alawm"

Ka lo ti nghâl vat a, tuna a âw pawh hi a chauh hmél takzet,

"Nizân ka hâw lam khân ka ngaihtuah char char a"

"Eng chu maw?"

"Nimin khâ"

Ka nui hak a, A ni pawh a nui ri ka hre thei.

"Keipawn ka ngaihtuah alawm"


Ka ti tâwi tak ringawt, Sawi tûr kan hre lo dûn angreng khawp mai, ka lâi deuh bawk nên.

"Ka hmui a vargin tawh sîlo a, Nangmah vâng in"

"Aaaa....sawi khêr lo la"

Ka ti niah niah a, A nui hak hak, Avan duhawm chiang tak.

"Anih ka dah phawt ang aw, Vawiin atangin summer pakage kan nei dâwn kha, kan inhmu leh dawn nia"

"Awle"

Nui var var chuan ka off a, Ka phûr zia chu, ka tho a, Bathroom lam ka pan nghâl, Unnie la tho lo ni maw? Ei rawng chu ka lo bâwl sat sat a,


"I van hlim ve a"

Unnie chuan ka hnung atang hian arawn ti a, Chhâng chuang lo chuan ka nuih vur vur ringawt.



"Unnie chaw ei ka peih tawh nia,"

Tihpah chuan ka siam sawk sawk a,Unnie pawn a rawn kîl ve nghâl.

"Nizân khân i rawn haw lai ka hre miah lo"

Min rawn en kar a, Taehyung an min thlah ka tih chuan a pawi dâwn si a,

"Nia, I zia tawh ami"


zah zél ah chuan ka'n ti ringawt a.
"Mmm...zia tawh e, Ka puar tawh" tihpah chuan a tho a,

"In siam ang le,Karkhat chhûng kan châm dawn nia"

A ti a, a kal nghâl daih, Keipawh kan chaw eina vêl chu ka tifel zung zung a, Ka hman ta, Room ah chuan ka tlân lût nghâl a.

Hmanhmawh tak chuan ka luggage chu la chhuak in Ka thawmhnaw chu ka dah a, T-shirt leh Jeans chu ka keng deuh ber, Ka phûrngêi mai,

"Unnie Phlipines chu a lum viau angem le?"

"Ka hre lo, ka la kal bîk lo a"

"A lum ka ring"

Tihpahin ka thawmhnaw chu ka khung sap sap a,invên nân kawrlum pakhat (1) ka keng bawk,

T shrit vâr plain leh, jeans kekawr chu ka ha a, Ka t shirt chu ka bilh lût bawk, Converse sen rawngsâng tlém a sâng deuh chu ka bun a, Make-up ka hmang mang lo, Lukhum hmakawh dum chu ka khum a, Mask vâr chu ka vuah bawk, ka sam chu ka thlah leh hniang a, Gucci bag chu ka ak a, Darthlalang hma ah chuan lungawi zet hian ka inthlék vêl a "Lee Na Bi i tha takzet"

tihpah chuan ka nui sak a


,"Kal ang le"

Unnie chuan arawn ti lâng lâng a, Airport lam chu kan pan ve nghâl

________


Ka naupan lâi kha thlawhna ka chuan hnuhnun ber na ni, Ka zâm lutuk hi ka khuûr deuh der der thei, Airport ah chuan staff ho chu kan thu khâwm thap a, BTS fans te lah chu an tam si, An bengchheng bawk si, Ka beng te hi a ngawng vek tawh in ka hria, Ka awm a nuam thei lo, ka chau nghâl der tawh, a hnû deuh ah chuan an au nghâl tuar tuar a, "An lo thleng chiah e"
Unnie chuan a ti sap a, A ning ve tawh ngang aniang, Ka lo nui hak, Kan in en ringawt.


An bâwr luai luai avâng chuan an hmêl pawh ka hmu thei lo, "Hmeichhe ho kha lo va lût hmasa ru"

Manager chuan arawn ti a, Rang takin thlawhna lam chu kan pan nghâl, Thlawhna lian zet chhung ah chuan kan in zui lût dam dam a, Midang ho chuan An nin thu chu an lo sawi ve sap sap bawk,

Thlawhna chhûng chu a uap bawk si, Ka zâm bawk nen ka kut chu ka hum ngar ngar reng a, a thlan deuh dap tawh.

BTS ho pawh an rawn lût sap sap a, Taehyunga chu ka va melh vat,Kamis pâwl smart pants aha a, gucci kawng hrên a hrêng bawk, Tarmit lian lam a bun bawk, Mit siai zauh pah chuan min kal pêl a, Ka lâwm leh nghâl veng vemg tawh.
________

Palawan Chu kan pan dam dam a, Hotel kan thleng chu ka chau ngêi mai,..

"Unnie ka ril atam"


"Thil ei chhuak ila"

"Tehreng"..

Tihpah chuan ka tho nghâl vat a, Hotel thlenna Hnuai ah chuan Restaurant nuam deuh hi a awm a, Tah chuan kan lût ve rawih.

"Noona Lo kal ru".

Taehyung chuan Min lo Ko vat a, BTS ho chu an lo thu khâwm laih laih a, Cheo Rin pawh alo awm veleh tawh, Henu hi engemaw arawn kal ve ziah le,

"NaBi shii ka bulah rawn thu rawh"

Jimin chuan a ti a, Nui sâng chuan ka pan nghâl,

"In phakar khawi ah nge ka thut ve nga"

Unnie chuan alo ti nâng nâng a, "Noona ka bulah rawn thu rawh" Jhope chuan alo ti vat a, "Noona ka bulah rawn thu zawk rawh" Namjoon chuan alo ti ve vat a, Unnie chu an pawt kawi an pawt kawi a, ka lo nui hak hak thung.

"Haaa...Jhope a'n min sawm hmasa ber a ka thu mai ang"

Ati a, A thu thla nghâl.

Midang ho chu an in be sap sap reng a, Keichu ngâwi rengin ka thu tawp ringawt, Taehyung awmna lam chu ka melh zeuh a, Nin hmêl deuh hian min arawn meng kual a, ka lo nuih suk.

Kan thil chah chu alo thleng ve nghâl, Cheo Rin chuan Taehyung chu engthil emaw ni hi abarh vêl a, Ka mit a kham leh ringawt tawh , "Oppa, Hei eirawh"

Tihpah chuan Cheo rin chuan barh leh an tum vêl a, Midang ho tawng mawlh mawlh lai chuan Taehyunga te chauh chu ka lo en reng thung, Taehyung chuan min rawn melh zauh a, "Kut ka nei a, keimahin ka ei ve mai ang"..
A ti deuh hmak a, ka lo nui hak, "Hey,,Shelly"


Ka hnunglama min ko tu ni awm tak hi ka hria, Ka 10 ka nih khân American miten fâ atan min la a, Chuta ka hming atân a min phuah sak a ni, Vânduaina râpthlak tak Kum 5 chhûng teh meuh ka lo tawrh na kha a ni a,





A aw chu ka ngaihtuah chhuak thei, ka tiril ah min rawn man nghal, Rang tak chuan ka hawi lêt vat a,....America a ka patea Ka nun tichhe vek tu khân tenawm zet hian min lo melh reng chu niin, Ka fian ken lâi chu ka thlauh chawrh a, Midang chuan ngâwi reng hian min lo en thap, Ka taksa chu arawn khûr nghâl a.

"Ka zawng nasa che sin"

English chuan arawn ti sap a, A rawn kal phei nghâl vat, Ka chesawn ngam tawh lo, ka kut chu ka hum leh ngar ngar a, a lu kawlh ah sâwn tubauh a na taka chhut chawrh ka châk ber.

"Kal bo rawh".


Aw khûr deuh dar dar chuan ka ti a, a nui suk.

"Min tlân bo sawn rei thei chuang lo ang, Ka ta inih kha hre rawh, I chanchin hi ithian te hian an hria em? ka hrilh dawn mi niang"

"Kal bo rawh, Min kalsan rawh, Ka hua che"

Vîn that chuan ka ti a,Ka aw chu a khûr deuh hlak hlak bawk, Unnie chu arawn kal a, Min rawn kuah nghâl vat,
"Tunge inih a"

Namjoon chuan english aw phâwi nalh zet hian arawn ti a, Ka mittui chu a far nghâl zawih zawih thei,

"A patea ka nia, Ka kal phawt ange, Kan inhmu leh dâwn nia, Ka lalfanu hmeltha te"

Tihpah chuan ka dâr ah hian arawn zût thla a, Ka lo phu zawk, Taehyung chu arawn ding hluai a, Nui suk chuan akal daih a, Ka en zui ngar ngar, a kal liam chiah chu, Ka thaw huai thei, Unnie âwm ah chuan Ka bei a, Ka thaw chhuak hak, Ka hmai chu hupin a ri lo chuan ka tap khûr ngar ngar a,

"Hlauh tur a awm tawh lo, A kal tawh"

tihpah chuan Unnie chuan a hnungah arawn beng thak thak a, ka thlâ a muang nghâl sawt thei, Unnie hi ka nu ang mai a ni,

"Na Bi shii hlau duh mata che, Kan awm vek alawm"

Namjoon chuan ka hnungah chuan arawn béng thak thak a.



Ka lo bu nghauh nghauh a, "Na Bi" chu aw ka hriat chuan ka hahdam nghâl sawng sawng thei, Mittui tling kiau chuan ka hawi phei a, Min ngaihtuah hmêl tak chuan min lo en kar chu niin, "I tha em" dam deuh a tihpah in ka dâr ah chuan arawn vuana a, alo kûn hniam deuh bawk, Kan inkar hi tihlan lutuk arem si lo a, "Ka tha e, min ngaihtuah vângin ka lawm lutuk"

Ka kun zauh a, "Oppa rawn kal rawh" Cheo Rin chuan taehyung chu alo ko vat a, Ka thin alo sa leh phat tawh, Taehyung chuan min rawn melh zeuh a, ka lo nuih lui sak ringawt, Muangchâng chuan ava thu leh a, Min la en reng in ka hria, mahse ka melh duh ta chuang lo a, "Khapa khân atih buai leh che chuan min lo ko vat dawn nia, I unaupa te vek alawm kan nih"

Jin chuan arawn ti vat a, mittui tling kiau ka nui hak a, "Ka lawm e"
Tihpah chuan ka ei chhunzawm leh nghâl a,

Ngâwi thapa kan ei lâi chuan,
"Kan ei man hi V Hyung in a tum dâwn nih chu"

Jungkook chuan arawn ti chhuak thut, Midang chuan kut an lo bêng dar dar a, Ka va hawi phei chu in tih theih hmêl tak hian alo nui var var a, Ka nui ve suk ringawt.


_______


"Muttui u aw, Na Bi shii, Noona Naktuk ah beach ah kan kal dâwn kha aw"

An rawn ti sap sap a, Kan inthlah fêl hnu chuan keini pawh room lam kan pan nghâl,


"Unnie Patea khân Min tibuai leh tase"

"Na Bi lungngai suh, I kiangah ka awm tlat dâwn alawm"

Unnie chuan ka samah chuan arawn tuai hliau hliau a, Kan intih fai hnu chuan keipawh ka mu ve nghâl a, Unnie lam ka va hawi chuan tui ti takin alo mu tawh, ka phone chu arawn vibrate cher cher a, Taehyung a nih hi, ka chhâng nghâl vat.

"Aw enge"

"Room 306 na ah lo kal rawh"

"Enga?.. teh tawp chuan"

"Hmanhmawh rawh"

Zawi te chuan arawn ti a, Hmanhmawh tak chuan ka tho nghâl.

"Awle ka rawn kal nghâl"

Kan room hi 302 na nia, Zawn aharsat dâwn loh hi , Kawngkhâr chu ka en phei diat diat a, 306 Lo inziak ah chuan ka ding chat a,ka sam chu ka tuai tha zauh,ka thaw hak a, kawngkhâr chu ka kik karh karh a, a rawn in hawng nghâl vat, Taehyung chu arawn dâk thut a, Hawi kual zak zak pah chuan min pawt lût nghâl dawr dawr a.

"Enge?...hetah kher"

Bah niai chuan ka ti a, Min hnungchhawn zâwng chuan a ding tlat, A rawn hawi lêt thut a,jumper dum lian lam leh kekawr dum lian lam aha a, A jumper lukhum chu a khum bawk, A chalsam kar atang chuan Rum tak chuan ala meng zui, Ka lo phu zawk thung, A rawn kal hnai zêl a, A ngâwi reng bawk si, enge a hriat le?..Ka hnutawlh hret hret a, Bangah chuan min nawr bet thut, Ka dâr tawn tawn ah chuan arawn vuan a, a rawn kûn hniam tial tial a,

"Riah dun ka duh"

A rawn ti sap a, Ka phu zawk thei, ka lungphu rang nasa bawk si, "enga?! i â mi"

Ka vîn that a, "Ka uang"

Tihpah chuan arawn nui hak hak a, A ha rual thah mai chu alang bawk, "Min tih hlauhthâwn hman zia kha"
Tihpah in adâr ah chuan ka beng taih taih a, Ala nui hak hak reng zui, "Lo kal teh" tihpahin room tukverh awm na lamah chuan min hruai phei dat dat a, Parda a hlîm chiah chu, Khawpui engtuar mai chu alo lang thât a, Ka meng kâwk thei,
"Enge an?"

"Enga?...A mawi takzet"

Phûr zet chuan ka ti a, a kalsawn nghâl daih, Kei erawh khawpui eng tuar chuan ka mit an la mah mah a ni, ka chesawn thei thlâwt lo, Ka hnunglam atang chuan taksa lum thar thar hian min rawn kuah a, Ka dâr ah chuan a khabe a nghat bawk, Ka lo tek chhawk thei, ka taksa techu a khûr deuh der der bawk, Ka lungphu lah chu a rang nasa ngang mai, Ka kut chu rawn la in ka pum zâwn ah chuan a dah a, Thâwk ala hak, Keichu ka lo nui var var reng thung,

"Tihian awm zankhua thak thei ila ka ti"

Zawi sup hian arawn ti a, Ka lo nui hak, Tlêirâwl kum 15 mi vêl in ngaizawng kan ang tawp,

"Taehyung"

"mmm"

"Cheo Rin hi engtin nge i tih dâwn,? ka tih awmzia chu i nei dâwn tak tak ami?"

Zawisap chuan ka ti a, ka hma a khawipui eng uar chu ka thlîr pah reng bawk,

"Ka neih i ring em?"

"Ka hre lo le"

Tih ringawt chuan ka chhâng a, Engtik ah emaw chuan kan inthen hi ala ngâi dawn tih ka hria, Mahse he hun tawi te hi Chen ka duh reng tho si a, Ka na dâwn tih pawh ka hai bîk lo.

"Ka nei thei lo ang, Ka nun a thil thleng ngâi miah lo hmeichhia tu emaw hian ka ngaihtuah na a luah khat emai"

A thusawi romantic lutuk vâng chuan ka nui hak a, A in hmeh ve thlâwt lo.

"Eng tik lai pawn ka rilru ah i awm, Nichin phei kha chuan Khapa kha ka hnek têp a, Namjoon hyung kha chu rawn tawng lo se chuan ka khawih duh ang"

Ti tak deuh hian ati a, Ka lâwm rual rual in khawih hrep se ka ti takzet, mahse a chî bawk si lo a,

"Ka hlau lutuk a"

Ka phun sap a, A mah en thei zawng chuan min kuai her vat a,

"Hlau suh, i bulah ka awm tlat a lawm"

A ti a, Couch ah chuan min thuttir a,
"Tinge khapâ kha i hlauh em em a, i patea ni sia, i patea nih sî chuan korean i ni lo, Korean hmêl i pu tho sia"

Min en kar chuan a ti a,Ni e, zawhna tam tak a nei ngêi ang, zan in ngêi ah hian engkim ka hrilh tûr a ni,

"Taehyung"

"Aw, sawi rawh"

"Kei ho fahrah ka nia, American miin kum 10 ka nih lâi khan fa atân min la a, Ka hming chu Shelly Underson a ni"

"Anih chu, sawi zel rawh le, Hlauh tûr a awm lo ka tih khâ"

Ka kut a rawn vawn pah chuan a ti a,

"An ni chuan min duat in min enkawl tha em em a, Keipawn ka ngaina takzet, Tum khat chu Kum 15 na Ka birthday a ni a, Ka nu leh pa in ka thian te nena kan lawmna tûr bungrua lam turin an bazaar a, Keimah chauh in in ah ka awm a, Ka patea chuan a tih ziah thin angin a office bân veleh,ka chocolatte ngainat ber chu min rawn hawn leh a, Ka inbual zo hlim a ni bawk si, Ka hlim lutuk ka titi bawrh bawrh lai chuan ka âwm ah arawn khawih zauh a, A hmêl tenawm zet chuan min en reng, Ka hlau bawk nen ka che ngam tawh lo a, ka towel ven lai chu pawh thlâk a tum ta a, thei leh thei lo in ka pawt a, mahse ka hneh ngang lo, Min tanpui tur ka au a, kan in awmna a fâl ang reng bawk si, Ka tap a, chutia min khawih a tum lai chuan ka nu chu alo hâw a, Engkim a rawn hrethiam nghâl, Ka patea chu a hâw nghâl a, Ka pa lo haw veleh chuan ka nu nen hrilh kan tum ta a, Mahse ka pa chuan min ring tlat lo, Ka nu chuan min tawrh pui em em a, A rûk in korea ah hian min rawn thawn haw leh a, Unnie nen hian kan in tawnga, mahse ka nun a pângngai thei chuang lo, tûn thleng hian"

Ka mittui chu ka hru zauh a, Taehyung chuan min kuah nghâl vat,Ka in sût hraih hriah a,

"Tap suh, I kiangah ka awm reng dâwn lawm"

A aw pâ zet hian a rawn ti a, ka hahdam huai thei, Ka thuruk ka hrilh ta dêr chu nia, Ka ring nghâl bur mai a ni, hepa hi chuan min zêm â thei vek chu nih hi,

"Min iai phah em?"

Zawi sap chuan ka ti a, Min kuah na chu a thlah vat, min en kar a,

"A teuh lo, Ka tân chuan Na Bi hmeichhe thianghlim tak ini reng alawm"

Ati a, ka nui nghâl var var,


"A nih fa engzât nge neih i duh"

Ka ti chhuak hlawl, A tukhum chu a tuai niap niap a, "Naupang ka ngaina a, 5 vêl neih ka duh, Mipa 4 leh hmeichhia 1 nangmah ang tak ni thei se"

Tihpah chuan min piai zauh a, Ka nui chhuak hak,
Ka nuih na phên ah hian hlauhthâwn rûk na ka nei tlat thung, "Hawh tah hian mu dun ang"

A rawn ti chhuak hlawl,"Enga!..Mut dun maw?"

"Lungngai suh, Engtin mah ka ti lo ang che, "

Nui sen sen chuan a ti a, A tawlh sat sat a mu nghâl hmak, Ka lungphu chu arang nasa ngang mai, "Lo mu rawh zak duh suh" Zawi sap chuan arawn ti a, Mûangchâng chuan ka muthla ve riai riai a, A bân chu arawn phar chhuak hluai a, "Ka bân hi kham la chuan ka âwm ah hian i rawn bei dâwn nia" A ti a, Nui sak pah chuan a bân chu ka kham ve nghâl, a lungphu chu arang ve tho a nih hi,
"Tae"
"Huh"
"i lungphu arang lutuk ringawt"
Ka han hawi chho a, Alo nui hak, "Hmeichhia ka vawi 1 mutpui na nia, Ka zâm ve deuh" Taehyung hi a nui reng mai, ka bula awm hi nuam ati ve tak tak anih ka ring, "Min en reng lo la" A rawn ti niah niah a, Ka harh chhuak zawk, ka lo en leh reng anih hi, ka zak lutuk chu ka kûn nghâl riai riai a, Ka khabe ah chuan arawn dawm a, amah en thei chuan min kuai dâk deuh a, "Hmeichhe bulah tiang hian ka la awm ngâi lo, Ka zâm takzet"
A nui var var a, Aha vâr rual tha chu alang bawk, "Ka lawm e" Zawi sap chuan ka ti a, A rawn kûn hniam riai riai a, Ka lo maimitchhîng nghâl, ka hmai chu arawn thaw hek hek a, a hmui lum thar thar leh nêm tak chuan muangchâng chuan min rawn fawp (kiss) a, Ka thiam dân ang ang chuan ka lo chhâng lêt ve nghâl, A kut khing leh lam chuan ka tukhum a vuan a, A kut leh lamin ka kâwng hnunglam a vuan bawk, A ke pakhat chuan min rawn khan deuh tâlh a, keive thung chu a âwm ah ka kut khing hnih a dah tawm chaih ringawt, a nawm dân chu ka sawi fiah thiam lo, Vânram ah ka kal zuai zuai ni mai hian ka hria, Mûangchâng chuan min thlah riai riai a, ka meng nghâl siar siar bawk,

"Kim Taehyunga tâ chauh ini ta"

Nui var var chuan ati a, keipawh ka nui sak, "Min duh vê tak tak hi ka la ring thei lo" zawi sap chuan ka ti a, a tho hluai a, keipawh ka tho ve nghâl, mak tih hmel tak chuan ka en kar a,

"Na Bi"

"Mmm..."

amah chu ka en kar a,

"Kei hian ka duhzat che ni"

Nui miah lo chuan arawn ti zâwi sap a, Ka kut ah chuan arawn vuan a, Ka lo nui sak, Ani hi chuan min duh chauh a ni maithei, Mahse keichuan ka hmangaih tawh in ka hria, sana chu ka melh zauh a, zîng dâr 2 lai alo ri tawh chu niin "Tae ka kal tawh dâwn atlâi tawh sia"

"Awle, Naktuk ah Kan in hmu leh dâwn nia"

Tihpah chûan kan in thlah a, a rûk thei ang ber chuan ka tlân chhuak nghâl a, kan room ka thleng chu ka thaw huai thei, Unnie chu tui ti tak hian alo muhil sâk sâk a, Ka hmui chu ka khawih a, Ka nui leh sak sak thin, Avan nuam tak,unnie bulah chuan ka inthawlh ve nghâl a.


__________

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)