TE AMO, NON PIANGERE by Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: TE AMO, NON PIANGERE by Hlutei Jocund Pachuau (Completed)

Unread post by Ngaia » April 14th, 2019, 11:38 am

TÉ AMO, NON PIANGERE ( i love you, don't cry)



CHAPTER-18

BY


HLUTEI JOCUND PACHUAU




Dar 11:30 pelh hret atang khân ka rawn type tan a, a tawi ang ka hria, tihsual lai pawh a tam ang

...A chhiar dan in lo thiam mai dawn nia....

__________




Zîng ka harh chu Joel-a chu ka bulah a mu tawh lo, ka zawng deuh a khawi ah mah a kal âwm ka hre bawk sî lo a.




Ka phone chu a rawn ri leh a, Joel-a alo ni, nizân kha ka mumang mai mai amawni le? ti rilru nauh nauh pah chuan phone chu ka chhâng vat a.



"Aw, Boihi, Mary kha a tha vak lo a, naute kha a chhiat an tia, hei tûn ah hospital ka thleng tawh a, ka rawn lêt leh har lo ang"



"Awle, a zia lo hlê mai"



Chuai raih chuan ka'n tî a,


"A pawi lo, chuan thil pawimawh deuh hrilh tûr che ka nei a, ka rawn thlen veleh ka hrilh ang che, ka dah phawt ange ka hmangaih che"



Tihpah chuan a off ta daih a,naute chu a thî maw? ka thiamloh vek a ni thei angem? kei hian naute kha ka that, ni lo, a ni lo.



Ka ngaihtuahna techu a buai nuaih a, ka awm hlê hlê thei lo, mahni inthiâm lohna in ka khat a, misual tak angin ka in ngâi ni berin ka hria.



Tui chu ka'n in nghâl khawlh khawlh a, tih tûr ber pawh ka hre lo, ka pum lah chu a ri nasa mai sî a, mahse ka ril erawh a tâm awm rêng ka hre lo, ka rilru ngaihtuahna te hi a buai nuaih mai.


Ka kal vê ngei a ngai, hmanhmawh tak chuan ka insiam sawk sawk a, tlânchhuakin taxi remchâng hmasa ber ah chuan ka zuang lût ve râwih a.




"Ka pu ding teh, sawlâi kekawr an zawrh saw ka va en lawk ka rei lo ang"



Ka hnunga thû mipa khat chuan a rawn tî a, driver bula ka thut vâng chuan ka hawi lêt vat, a hmêl chu a fai veng a, a vun pawh a nung sar mai, mipa fresh tak a ni, ala naupang tih a hriat hlê bawk.




A kekawr en lâi chu ka en reng a, hmanhmawh nâk alaiin ala rei êm êm leh nghâl a, thâwk chu ka'n la leh halh thîn, driver chuan min mit sîr leh zauh zauh thîn a, ani pawh a hmanhmawh ve tho tih ka hrethiam nghâl mai.


"Ka duh zâwng a awm lo a, kal mai ang u"



Nui var var hian a rawn tî a, ka bêng thuai châk, ava han mawl reuh tak, ka hmanhmawh tehreng nên, engmah sawi lo chuan rum thei ang ber hian ka va melh a, alo nui sen sen ringawt.



Driver chu thaw halh pah hian a tlân chhuak leh mai a,

Ngâwi reng chuan kan chuang thap a, Joel-a hi ka lakah a thinrim angem le? ka inthiâm thei lo, tual ka that ta ringawt ania, enge ka tih tâk ang, ka naute hian a tuâr angem? fu ke kim te hian lo piang lo ta se, ni lo enge maw ka ngaihtuah le? ka mittui chu a rawn tla leh ringawt tawh, midangin min hmuh ka hlauh aváng chuan ka inhru zauh zauh reng a, tukverh lam chu ka hawi daih bawk, tukverh dârthlalang atang chuan ka hnung chiah a thu tleirâwl chimawm deuh pâ tê khân min lo en reng chu niin, ka hma lam chu ka hawi nghâl vat a, a hmeltha reuh phiân leh nghâl, a bula putar pâ lah chu a kawm thiâm reuh bawk sî a,



"Thiannu nâ i nei ami?"



Ka hnunglam atang chuan a rawn ti ta nge nge a, mi rilru tha tak anih ngei dâwn hi, a tawngkam a fel faiin a polite phiân bawk.


"Nei hran lo e"


Tih ringawt chuan ka chhâng a,

"Nâ i neih chuan min hrilh rawh, In khua anih ka ring ve tawp a, tah khân MBBS zir in ka awm a, tih theih ka nei maithei asin"


"Nâ ka nei lo, ka thiannu a dam lo a, a nau pâi lâi a chhiat palh a"


"Anih chu, avan zia lo ve, Nau chhiatah thisen tih chak te a ngâi ania, i thiannu chuan thei hrisel lam ei rawh se"




"Nia, in enkawl that chu a ngâi viau ang"



Ban chat chuan ka tî a, ka thin zawn hi arawn na veng veng thei, tûn ah khân enge ka sawi,ka thiannu ka ti anih chu, ka pasal fa pâi tu kha ka thiannu ti a chhâl a ngaih vâng hian ka nâ ka na takzet.




__________



Taxi stand kan thleng chu driver chu pawisa ka pe nghâl a, damdawiin thleng turin Bus ah rei vak lo la chuan a ngaih vângin bus lo ding hmasa ber ah chuan ka lâwn kâi vat a, Joel-a pawh ka hrilh sî lo a, alo hâw hman ang tih chu ka hláu ang reng khawp mai, mahse ka hrilh chuan kallo tûrin min ti dâwn si a, Mahse hei hi hriat ngei ka duh, engvângin nge Mary khân min thah a tum tih hi ka hriat ngei a ngai.




"Ka lo thu dâwn sin a pawi lo tiraw?"



Ti tu lam chu ka hawi chho vat a, nichin a tleirawl bawk kha a ni, nui lui sak pah chuan ka bu zauh a, a rawn thu vê mai bawk a.




___________


Damdawiin bul tê a bus stand a awm avâng chuan ka chhuk vat a, tleirawlpa tê pawh chu a rawn chhuk ve zêl a,


"Kan kalna tûr a in an hmêl tho sia kal rual ila"


In thlahrun hmêl zet hian arawn tî a, nui lui sak pah chuan ka bu leh zauh ringawt, mak chu min ti ve ngawt ang, mahse ka tawng paih thlâwt lo, Joel-a ang maiin a sâng tha rauh bawk sî a a bula kal chu ka tân chuan azahthlâk rum rum mai, Ft 5'9 vêl anih ka ring.




Ka tawng mawh êm vâng pawh aniang ani pawh chu a ngâwi reng a, ngâwi reng chuan kan inzui dat dat ringawt, ka pasal hian min lo hmu ta sé ngaih loh lamah a ngâi êm lo ang chu maw.


Mary ward lam pan chuan kan inzui hnak hnak a,min zui ve zêl bawk sî a, khawi ah tak kal ang maw.


"Khawi ah nge i kal dâwn a?"



Ka'n zâwt ta nge nge a

"Gaynea ah, Ka patea pui tûrin ka kal dâwn a, vawiin chawlh a ni tho sia"



Nui sâng hian a ti a, ka nuih lêt ve ta ringawt.


________


Mary Cabin zâwn ah chuan ka ding rân a, kut khûr ru deuh dar dar chuan ka'n kik karh karh a.


Ka nu chuan arawn hawng nghâl vat,

"Lo kal rawh"


Ka kal chu min beisei hmêl vak lêm lo, ka lût chiah chu, Nichin Tleirawl Doctor zirlai leh Doctor pakhat hian Mary chu an lo check mêk a, Joel-a ka hmu bawk sî lo, Mary nû in min hmu chiah chu a hawisawn nghâl vat .



"Tual thattu"




A phun sup a, mahse Cabin chhûnga awm techuan kan hre vek ang, K nghîng nghâl dawt thei, Mary chuan hmêl bui deuh lûk hian min en reng a, engmah sawi lo chuan a mittui chu a luangthla zâl zâl a, Kan Doctor zirlâi a lah chuan hriatthiam loh hmêl zet hian min en tawn sek hlawm bawk.



"A tha tawh lutuk e, ngaih that lohna tûr a awm lo, vawiin ah induh chuan in chhuak nghâl thei ang"



Doctor chuan nui var var hian ati a, an chhuak leh nghâl daih, Doctora pawh chu ka zâwn arawn thlen chuan ka nuih sak a, ani pawh a nui vêleh nghäl mai a, A patea ni awm tak Doctor chu a zui chhuak nghâl vat bawk.



"Kimi hetah hian tumân kan lâwm lo che, haw leh zâwk rawh"



Mary nu chuan alo ti nghâl hluk hluk a, mahse ngâwi reng chuan ka ding ngat ngat reng a,



"Ehe....Kimi tinge ilo kal a?"



Ka hawi lêt vat a, Joel-a chuan mak tih hmêl zet hian min lo en reng, Engmah ka sawi thei lo, ka tawng chhuah chuan ka tap dâwn zêl bawk sî a.



"Haw tîr vat rawh"



Mary nu bawk chuan alo ti leh a, Ka nu leh Joel-a chu an ngâwi reng thung, ka thlavâng an hauh vê ka lo ring a, mahse an ngawi reng, ka nu chu ka hrethiam a, mahse Joel-a kher chu a ngawih ka ring lo a sin le.


"In hrethiam lo a nih kha, Mary hian ka nghâwng ah min rêk alawm"



Tap tiau chung chuan ka tî a, Mary chu ngawi reng chuan a melh ngâi chu a melh reng ringawt.



"Mary sawi ta che, Tinge i ngawih reng a, Ka muhîl lai min rawn rêk a, ka in chhanhim nân ka tumloh deuhin Ka nem palh che nih kha"




Ngên ngâwl taka ka tih pawh chuan a ngâwi reng a, Joel-a chuan ka dâr a vuan chung chuan min hruai chhuak nghâl daih a, a âwm nghêng chung chuan in hnuai car park na ah chuan kan chhuk thla hnak hnak a.



_________




"I ril a tâm em? enge kan ei dâwn mi niang"



"Tam lo"



Tih ringawt chuan ka chhâng a, Car tukverh chu hawngin mi in en tîr tûr kal vei suau suau chu ka thlîr dauh dauh ringawt.



"Kimi thinrim lo hrâm teh, ka ning a nia"



Inseh ruh deuh tûn hian a rawn ti leh tawh, tûn lâi a thinchhiat zual em em dân hi ka hrethiam nek lo e a.



"Ning a?....Kei hian a nia ning chu, Nangmah vâng vek, engkim hi nangmah vâng"


Tihpah chuan ka chhuak nghâl rawk rawk a, ka mittui hru mawlh mawlh chung chuan hospital hnuai thim leh fâl deuh chu ka pan hlawk hlawk a.


"Ding teh"



Tihpahin ka ban rêk ah chuan min rawn man a, a hmer na leh tawh angreng khawp mai,



"A tawk, Ka paih tawh lo Joel, ting tumah hian min rin theih loh, Ni lo, khâ i sâwn vâng khân kei hi natna leh hrehawmna tam takin min tlâk buak asin, ka ning tawh, A piang lo hi a tha zâwk"



Ka awrâwl tâwp a ka ti zo chiah chu ka biang ari nghâl sawk a, Lei ah chuan ka bawk thla thlawp thei, Ka lu hi a hai chhawk in ka hria, ka biang chu a thîp hlur bawk.



"Engthil nge maw i tih le?"


Tu emaw hian min rawn kâi tho vat a, a hmêl ka en chu Doctor zirlâi tleirâwl pakhat kha a ni, ka rilru leh taksa na lutuk chu din pawh ka ding mar thei lo,


"Thlah rawh ka nupui a nih kha"



Tihpahin Joel-a chuan min rawn pawr dâwrh a, a âwm chu ka bawh nghâl rawk rawk ringawt, che tûrin thâ ka neih tawh loh vângin tan pawh ka tang thei lo.



"I nupui anih leh nih loh ka pawisa lo, hmeichhia khatianga kut thlâk tûr a ni hleinêm"


"Kan nupa inkâr a nia, ilo buai na tûr a awm lo"



"Ni e, a awm lo alawm, mahse i nupui khatianga kut i thlâk lai ka hmu leh anih chuan inbuaina ah hian ka in rawlh reng lo ang tih ka sawi thei lo"
[23/03, 12:29 AM] Shorty pach: Joel-a chu a in hûm ruh nasa mai sî a, ka inti chak tûr a ni, ka dan vat an ngái.


"En teh, Haw rual leh ila"




Ka âw chu a chhuak chang chang chauh, Ka thusawi vâng chuan Joel-a chuan min vawnna chu a thlah dul raih a,


"I thu thu ni mai"


"A theih loh, Ka bulah i kal ang"


Min hûm nghet sauh a, ka lo tâl chhuak nghâl vat



"Ka hâw pui che i ring reng reng a mi? Kan inchhûng saw rawn rap tawh suh ang che"



Fiah kâk a tih pah chuan Doctor-a chu ka kâi sawn nghâl dâwr dâwr a,




Bust stand a bus lo ding hmasa ber ah chuan kan lâwn ve nghâl vat,


"fa engzat nge in neih tawh a"


Inthlahrun hmêl deuh hian a rawn ti chhuak hlawl a.


"Fa kan la nei lo, Tûn ah hian thla 3 mi ka pâi mêk a"



"Ani maw? a hria em?"



"Hria e"


"Anih chu"


Muang chat hian a tî a, ka nui sak ringawt



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 14th, 2019, 11:39 am

TÊ AMO, NON PIANGERE (i love you, don't cry)


Chapter-19


By

Hlutei Jocund Pachuau



Engvânga hepâ ring ngam a ka pasal kalsan ringawt nge ka nih hi ka hrethiam lo, mahse kan awmdun chuan buaina bawk in min tlâk buak leh anga enge thleng ang tih pawh ka ngaihtuah ngam lo, mahse tianga ka kalsan ringawt kha ka rilru a nuam thei lo, enge a tih ang le? engtin nge a awm ang? tih ringawt chu ka ngaihtuah ngar ngar ringawt.


"En teh, in mâwl biâk top chu a zia lo deuh sia, i hming min hrilh thei angem?"


Ka ngaihtuahna atang chuan ka harh zawk a,


"Nia tiraw, Rinkimi ka nia, I duh duh dânin min ko thei ang"



"Awle, Kimkim ka ti mai ang che, Keichu Ramtea ka nia"


Ka nui hak a, Pasal neiin nau hial ka pâi tawh a, Kimkim ti a in koh chu a zahthlâk lek lek zâwk ka ti,

"Tinge i nuih a? ka hming hi chu a nalh vak lo a ni tiraw?"


Inthlahrun hmêl zet a tî a, ka nuih aza zual ting mai, Naupang chhia reuh mange.




______________




Taxi ah chuan kan chuang dûn leh a, ka tawng châk loh êm vâng chuan kan ngawi dûn reng a, Ramtea pawh chuan min biak a tum chuang lo, Joel-a ka ngaihtuah êm vâng chuan tukverh lam hawiin ka mittui chu ka hru zauh zauh reng a, Dawhthei taka ka tawrh chuan ka la tuar chhuah ve mai ka ring, mahse a har ka van ti tak êm, Ka rilru chuan ka tawngtai mawlh mawlh a, ka mittui chu ka hru zauh zauh reng bawk.



"Engtin nge awm i tum a?"


Ka hawi phei chu mit meng fiah zet hian min lo en kar a,kan in enchiang lutuk chu rang lutuk hian ka hawisawn leh vat a.


"Ka hre lo le"


Tih ringawt chuan ka chhâng a, ka tah chhuak lutuk pawh a reh tan ta, mahse min hnawh up up tu chu ala awm reng tho.


"I then mai dâwn ami?"


Inthlahrun hmêl zet hian a tî a, ka nui lui sak ringawt, hriatthiam loh hmêl zet hian arawn nui ve suk a.


"Chuti maia then chi a ni hleinêm,ka lo hmangaih ve laklawh tawh si a"



Zâwi angreng tak chuan ka ti a, a lû chu a bu leh nghauh nghauh ringawt,zirlai thiam thei tak a nih ka ring, thil a hrethiam hmâ emai.


"Tinge min lo tanpui hrim hrim a?"



Ka'n zâwt ta tawp a, a nui sak a, a hmelthat reuh zia chu, ahâ ala vâr sar zui,


"Thawnthu sei tak a ni, mipa hmeichhe kutthlâk chîng mipa hi ka hua"


Tih zawng chu a sawi a, ka nui sak ringawt, thildang pawh a tel ang ka ring,mahse zawh top chu amawi loh bakah a sawi dâwn lo tih ka hre tho sia, kan ngâwi leh ta vang vang a, ka buaina bawk chuan min rawn luah khat leh ta, Kawngsîr a thing kan tlânpêl zuai zuai chu ka thlîr dauh dauh ringawt.




________



"Kimi, Kimkim, kan thleng tawh a nia"


Ka taksa chu arawn che dat dat a, ka meng chu Ramtea chuan chiang zet hian min lo en reng, ka phu deuh zawk thei,




"I mutui lutuk a"



Nui var var chung hian a tî a, ka nui ve suk ringawt, driver chu pawisa ka pê a hmanhmawh tak chuan kan inzui vêleh mai a,kan kawmthlang lawk ah an hostel a awm vângin kan kal zël a, Kan khua Taxi stand leh bazaar vêl a kan chhuk thla chu min lo en duh hlawm ngang mai, Tleirâwl hmeichhe ho lah chu an za cheng mai bawk sî, Ramtea hi an lo star rawn luai luai chu anih ngêi ka ring, ani lah chuan hria ang pawh in a awm lo.

"Kan khua ah chuan i luck teh mai a nia"


Ka'n fiâm zauh a,


"A teuh lo lutuk"


Tih ringawt chuan min chhâng a,

"Ngaihzâwng te hi i nei ve ngâi lo ami?, i luck ropui sia, kan khua ah te hian nula fel deuh deuh an tam asin"


A nui suk a,

"Keichu ka ban phâk mai ami ai chuan tlêm beih deuh hlek ngâi hmeichhia hi ka duh zâwk a"


Ti tak deuh hian a tî a, thil dik deuh deuh hi a sawi reuh a, mipa tân chuan a ngâi alawm, a thusawi hi a dik chiah a ni.


"I dâng reuh e, Kimkim damdawi tha deuh ei rawh,fa hrisel tha deuh neih i duh chuan tûn atanga in enkawl i ngai a nia"



Thildang daih chu a rawn sawi a, chhâng tawh lo chuan ka bu nghauh ringawt.



__________


In ka thleng chu tûmah an awm lo a, ka ril lah chu a tâm nasa mai bawk sî a,phone chu ka'n en leh te te phawt a, Joel-a miss call a tam ngang mai, ka en lâi tak chuan arawn call leh a, ka lo phu deuh zawk zui.


Ni e, buaina pumpelh hi ka mizia a ni ve lo, a tâwp thak thleng chu ûmzui teh ang, phone call chu ka la leh ta nge nge a.



"Hello"

"Kimi ka tihpalh a ni, ka tum pawh a ni lo"


"Ka hria, ka ngaidam che, enge i sawi duh a"


"Mary nau pâi hi ka fâ a nih ka ring lo thîn a, mahse ka fa ngei alo ni a, reilote hun min pe la, abulah hun rei lo te awm ka duh a ni"



A thusawi vâng chuan ka na nghâl ut ut thei, ka mittui chu a rawn luâng leh nghâl a, engtin nge tiang hian a awm theih zâwk le? a tâwk ta viau e.



"Inthen hlen zâwk mai ang, Mangtha le"



Awkhûr dar dar a tihpah chuan ka phone chu ka switch off nghâl hmak a, khum ah chuan mû in ka tap khûr ngat ngat ringawt.



______________



JOEL-A POV



Kimi thusawi vâng chuan ka rilru na takzet mahse hetiang hian a awmdawn tih hre lâwk chunga bia ka ni a, a rilru nat dân tûr engkim ka hre lâwk vek, Mahse tianga ka tih mai loh chuan Mary nu hian Kimi hi police a report ah min vau tlat bawk sî a, Kimi leh ka fâ Jail a an awm aichuan hrehawm chu ka tuar zâwk mai ang, Kimi hi hmeichhe fing leh tuarchhel tak a ni a, Kan fâ chu a enkawl tha dâwn tih ka chiân êm vângin ka ngaihtuah lêm lo
"Boiha, Thuthlûkna chu i siam ta ami?"


Ka nu chu ka hnungah hian alo ding reng a, chhâng lo in ka lû chu ka bu nghauh ringawt, hreh tak chung chuan Mary awmna lam chu ka pan vat a.


________


KIMI POV



Zân ka mû chu ka tâl sek ringawt,ka mit lah chu a bui nasa mai si, ka tah pawh a chhuak tawh lo ka thinrim lutuk hi awm ngaihna pawh ka hre lo,khumah techuan ka thu leh hluai thîn, ka ippik lutuk, ka táwt up up reng mai, Ka tho hluai a, kan inchung lam chu ka pan ta ringawt a, Sana ka en chu dar 9 alo pêl duai tawh, kan awmna hi a fâl deuh bawk sî a,a reh thuap mai, Inchung chhîp zum ah chuan ka thu vang vang a, khua a lum nên thlifîm tam lutuk chuan ka mûr er er thei, Kan kawmthlang lawk boys hostel chungah chuan light êng vât vât hi ka zu hmû a, Boys hostel mah ni se thâwm an nei vak ngâi lêm lo, Warden pawh an nei lo, Doctor zirlâi chin tawh chu Warden dah ngâi ah an ruat lo pawh a ni mahna, light êng vât vât chu arawn vei zauh zauh a,phone light a ni tih ka chiang,tu emaw chuan min hmû a ni ngei ang, Kan inchungah hian current êng angreng tak kan dah vâng hian keichu min hmu chiâng thei ngawt ang, ka awmna a êng êm vâng chuan ka zu hmu thei meuh lo.



Light chu a rawn thim ta daih a, a reh nghâl ruih mai hian ka hria, a reh thuâp bawk sî a,thli fîm thaq heuh heuh leh enge enge maw rannung hrâm rî chu a eing kher mai, ka phone chu on êngin Kima Chhangte Thinlâi luah tu tih hlâ chu ka play vang vang a, ka feel veng veng thei, Ka mittui chu a rawn luâng thla leh nghál zawih zawih tawh, tah reng hi ka inhmeh thlâwt lo, Joel-a ka ngâi lutuk hi biak mai techu ka duh rum rum a, mahse ka thei bawk sî lo, a dp leh last seen chu ka check deuh chhên reng ringawt.



Ka pum chu a khât tâwk chuan ka chûl reng bawk a.



"Barakhaih"


"Awi!"


Ka âu deuh thawt a, ka hawi lêt chu Ramtea lek chu lo niin ka min lo nuih tiah tiah zui, mittui tla pâr chung chuan ka bêng taih taih a, nâ ala tih loh hmêl êm êm leh nghâl.


"I van mâwl tak"



Tap âw tiau chuan ka tî a, ka mittui chu ka hru nghâl mawlh mawlh bawk, ka thinrim ru ang reng viau nâ a tih lan chiâm a rem bawk sî lo.


"Ka tihpalh, Mahni chauh a awm chu i tân a hrehawm ka ring a"


Tihpahin ka bulah chuan a rawn thu thla vê a, râl leh lama engkhua emawni pawh ka hriat loh êng uar mai chu ngâwi reng chuan ka thlîr vang vang a.


"Ka hmuh hmasak ber che khân nula amaw ka ti che a"



"Chu min lo ngaizâwng reng tihna mi?"


A nui suk ringawt a, engtin mah min chhâng lo, kum 25 miin tleirâwl mai bula awm chu ka inthlahrung lek lek zêl.


"Lehkha zir tache i thiante pawn an zir vek âwm sia"



"Zir e mawle, naktûk chawlh a ni tho a nilêng hun ka nei alawm, bâkah zân a lehkha zir hi ka thiâm velo"


"Doctor tha tak ini thei nâng"


"Ka pass âwm tho emai a"


Nui vur vur hian a tî a, ka nui hak ringawt, ami zia ah hi chuan kum 20 emaw 19 vêl chauh ala nih ka ring.


"Kum engzât nge inih a?"



Ka'n zâwt tawp a, ka hriat châk êm vâng a ni, mawi lo viau mahse.


"22 ka nia"


Ka nui hak a, ka rin aiin a kum chu a tam ve tawh, ala mâwl reuh sia.


"Ka oih lo deuh"


"Ani lawm, keini chu third year kan ni tawh a"



"Anih chu"






Ka'n ti leh ringawt a, ka kum hi tam ve tawh nâ a mahse thiân ka kawm ngâi loh êm vâng hian sawi tûr hi ka hre tlêm thei khawp mai.


"Anih engtia awm zêl nge i tum a?"


"Kan inthen fel tawh, ka nu leh pa ka bia anga sum kan chhuah ang"



Awlsam zet hian ka tî a, min en vang vang tih ka hria, mahse enge maw ka hriat ni, ka lâi ru deuh tlat, en pawh ka en tha ngam lo.

"I la hmangaih reng em?"


"Mmm...ka thinlung zawng zawngin, mahse ka lêt leh tawh lo ang"



"Anih naute hi?"


"Enga tinge zawhna i ngah êm êm a"


Vîn that chuan ka tî a, a nui hak.

"Ka hre châk alawm"


Ka nui hak a, Sawi tûr a vâng tan tawh ngêi mai, amah chu chiang zet hian ka en a, T shirt dum plain leh kekawr bûl dumpâwl hi ahâ a, a vun lah chu a ngo phiân leh nghâl.

Rei fê kan thut hnû chuan rawn hâm bâi bâi a, a mut a chhuak tawh a ni ngêi ang, min thutpui vê ngar ngar a nia, kawm ka nawm âwm loh teh rêng nên, a fel ve ang reng khawp mai.


"Kan chhuk tawh mai dâwn ami?"


"A pawi chuang lo"



Ka nui hak a,

"Kal ang le"


Tih pahin a hnungah chuan ka va bêng thak thak a, a tho nghâl vut a, kan inzui thla vêleh mai bawk a.



_________



Inchhûng ka lût chiah chu ka nu hi alo vei kual zak zak a,min hmu chiah chu min rawn pan nghâl vat.



"Khawnge i kal daih a? ka zawng nasa lutuk che lawm, thil tha lo a thleng amaw ka ti hman a sin"



A ti nghâl mawlh mawlh a,


"Nu, thil thalo ti duh tûr khawpin ka rilru ala buai êm hleinêm"



Dam diai chuan ka tî a, ka room ah chuan mu tûrin ka lût nghâl daih a, khum ah chuan ka mu vang vang a, Ni e, beidawng leh lungngâia chau chhe mai tûr ka ni lo, ka naute tân leh ka nu leh pâ tân chak taka ka awm a ngâi a ni, ka intih chak a ngâi, Joel-a pawn chak taka awm tûrin min duh ngêi ang, ka pasal ka hmangaih em em kha ala ni reng a, engtin pawn awm se ka rilru anat loh nân insiam that ka ngai a ni, Joel-a ka hriat thin min hmangaih em em thin tu anga alo lêt leh hun thleng ka nghâk ang,mahse tûn anga kut min thlâk a a awm reng dâwn chuan ka lêt leh tawh lo ang.



Mut hmun ah chuan engthil thil emawni chu ka intiâm chiâm chiâm a, mut chhuak in min rawn zem chiai chiai vâng chuan ka muhîl nghâl daih.


___________


1 WEEKS LATER

Tûkin Zîng ka tho chu ka luâk a chhuah êm vâng chuan ka tho nghâl vat a, bathroom ah chuan ka va luak teuh ringawt, thil ka ei mumal loh vângin luak tûr a lawi pawh ka nei mang lo.



"I luak ami a?"



Ka nu chu a rawn dâk dêk dêk a, ka lo nuih vur vur ringawt.


"Vitamin enge maw ka rawn lei hâw dâwn nia"


"Nia, min ngaihtuah suh nu ka tha lutuk"


Ngaih tha deuh chuan dawr lam panin a chhuak nghâl daih a, Vawiin pawh a ninawm leh dâwn hlê mai, sum hiâl chhuah tawh mahila Joel-a tello chuan nitin hi a ninawm Vawi khat tê mah min rawn be lo a, Min be châk vak tawh lo pawh a ni mahna, nitin mai hian ka bei a dawng zual a, mahse chak lo taka awm ka duh bawk sî lo, ka khua aharin tih tûr a vâng thei bawk sî, Ka phone ah Games khelh dân techu ka cousin hian min zirtîr thin a, hun âwl hnawh khah nán ka'n khêl leh ang lâwp lâwp a,
ka Rilru lâk pên theihna tûr zawng zawng chu ka tikim deuh vek a ni mai,



"Kimkim"



Kawngkâ chu an rawn kik dat dat a, Ramtea anih ka ring nghâl mai, Ani bâkin Kimkim tiin min ko ngái lo.


"Ka lo kal"


Tihpah chuan kawngkhâr chu ka hawng nghâl vat a, helmet nên alo in ak deuh nuk a, kalna tûr a nei amawn le?


"Khawnge i kal dâwn?"



"Khawi ah emaww hruai na tûr che ka nei a"



"Enga!"


"Insiam rawh, Chaw kan ei chhuak dâwn nia, i nu pawh ka dîl vek tawh"



Hepâ tak hi chu, khawnge maw min hruai a tum le?



"Anih min lo nghâk rawh ka'n insiam ange"



Tihpahin room lamah chuan ka tlân lût vat a, Kekawr smart lam grey rawng chu ka hâ a, T shirt Peach colour chu ka ha leh tawp a, Fila sneaker chu ka bun leh tawp bawk, Foundation leh mascara chu ka inhnawih a, Ka hmûi chu tlêmin ka hnawihsen ve deuh bawk,ka sam sei lam dum hlap chu ka thlah mawl top a,ka bag chu lâ in ka tlân chhuak nghâl vat a.


"Ehe"

Tihpah chuan a ding hluai a, phâwk êm êm hian min en reng bawk, râi lâi ka ni sia, ka inchei dân hi a nasa mah mah amawni le? nge ni a kan kalna tûr aiin ka inchei mah mah zâwk pawh ka hre lo e a.



"Ka mak viau ami?"


"Ni lo e, i nalh lutuk tlat"



Tihpah chuan a kut zungpui chu a ti pir vâ a, ka nui hak ringawt.



_______



RAMTEA POV



Kimkimi ka hmuh hmasak ber kha ka la hre reng, In chung ah lunglêng deuh a, ka thut reng lai hian inchungah puan pho pah hian alo zâi rât rât a, ka bialnu nên kan inthen hlim rilru nat lâi a ni bawk nên, Keichu Champhai a awm daih ka ni a, Aizawl district lamah Doctor zir tûrin ka kal a,ka bialnu in min lo kawp tih ka hriat atang khân ka then vang vang anih kha, Champhai leh Aizawl district daih a awm chu a in hlat êm vâng chuan min lo kawp chu leh lam kawng zâwng tak chuan ka dem hran lo, Kimkimi hlim hmêl taka a nui sâng chuan min ti hahdam sawng sawng thei, An kawm thlang lawk a awm kan nih vângin inchunga awm ve ve tân chuan inkawm phâk tâwk ang vêl a ni, mahse min hmu ve lêm lo, a hmêl kha ka mitthlâ ah a châm reng a, mahse hun rei deuh chu ka hmu lo, Hmanni taxi a kan chuan ho khân pasal nei lâi a ni tih ka hre leh a, Mahse an inthen mai dâwn anga ka hriat phei kha chuan kei hi ka â zawk nge ka lo hlim veng veng a nih chu, Chuan kan in kâwm nêl chho êm êm tawh a, Pasal nei lai anih leh nih loh ka pawisa lo, a dinhmun ka hriat chiân êm vâng leh hmeichhia ka puihna mamawh tak a ni tih ka hriat chiân êm vâng hian a thian emaw, a unaupa ang pawn a bula awm a, vênhim hi ka duh takzet a ni.



Ka nute i restaurant ah chuan ka hruai a, Muângchâng chuan a rawn chhuk thla ve chhat chhat a,



"Hetah hian maw? zirlâi inih kha, eitûr min treat tûrin ka beisei miah lo che nia"



Dam diai hian a rawn tî a, ka nui suk ringawt.


"Tunge ka treat dâwn che tî a, min treat ang chu"

Ka ti chiah hmui hnuai lam pet chung leh chal chuar nâng hian ka dâr ah chuan arawn chûm taih a, ka nui hak hak ringawt.



__________



A chaw ei lâi chu ka en reng a, ka rin aidaihin ei chu a thei phiân mai,


Dawr a rawn lût te hmêl ka hmu chiah chu ka phu zawk thei, Kimkimi pasal leh a bialnu kha an rawn lût a, Ka en reng avâng chuan Kimkimi pawh chuan a en ve vat a, a fian ken lâi chu a thlauh ri bal bal a, an rawn hawi chiâng kher mai, Kimkimi chuan ka lam chu a rawn hawi vat a, ka mit a en chung chuan a nui lui sak ringawt, Engmah sawi lo in a mittui pawh a tla lo mahse ana tih chiang takin ka hre thei, Tui chu lem khalhin pâwn ah chuan a tlân chhuak daih a, A pasal chuan a ûm zui nghâl vat a, Ka nutei chu kan ei man pêk ka tum chu alák duh tlat loh vâng chuan Kimkimi chu ka ûm zui ve vat a,



____


Motor pârk na ah chuan an pathum hian an lo ding thap a, Kimkimi pasal bialnu lah chuan A pasal bân ah chuan a vuan reng bawk, ka va tlân phei ve vat a.



"Ramte, hawh kal ang"



"Khawi ah mah in kal ang lo ang"


"Kan kal ang, lo buai suh"




Tihpahin Kimkimi chuan ka bân chu a rawn vuan vat a, ka lo phu deuh zawk zui, a awmdân vâng chuan ka nuih aza ru ngêi mai.



"Ani hi tunge?"



A pasal chuan chiang tak hian min rawn en kar a, ka lo melh rum ve nghâl em em ringawt.


"I hriat a ngâi lo"



Kimkimi chuan alo ti vat a,


"Kal ang, Ka chau lutuk"



A bialnu chuan chauh hmêl zet hian a rawn tî a, Kimkimi pasal chu a hruai sawn nghâl daih a, Dawr chhûnga an lût tûr chu Kimkimi nên chuan kan enzui tlawk tlawk ringawt, Thâwk leh khat ah Kimkimi chu lei ah chuan a rawn tlu sawp nghâl vek a, Ka lo dawm nghal vat.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 14th, 2019, 11:39 am

TÉ AMO, NON PIANGERE
(i love you, don't cry),

Chapter-20




________



KIMI POV



Ka harh chu damdawiin ah ka lo awm reng chu niin,

"I lo harh tawh maw?"



Ramtea chuan mit meng buai nak hian min en reng a, nichina thil thleng kha ka la mang hriat ruai ruai thei, ka na nghâl up up in ka hria.


"Enge thleng a?"



"Kimkim ka thusawi tûr hi uluk deuhin lo ngâithla rawh aw"



Thutak deuh hian a tî a, enge sawi a tum le? ka kut ah chuan a rawn vuân a, ka lo phu deuh zawk zui,thâwk chu a'n la deuh halh a, a awm dân chuan min ti zâm chhe zo vek.



"Enge thleng a? sawi vat teh"


"I naupâi kha i chhiat palh a"


Zâwi sap hian a rawn tî a, ka beng chhe rî nge enge pawh ka hrethiam lo, ka hmêl pawh en ngam lo in a kûn ngal a.


"Ka theih tâwpin chhanhim hrâm ka tum a, mahse nangmah i chak loh mai bâk ah thisen i nei lo sî a, an chhan thei ta lo a ni"


Ka mit ah chuan min rawn en leh kar a, engmah ka sawi thei tawh lo, ka awm dân hi a buai nuaih mai, ka tah pawh a chhuak lo, ka thinrim lutuk hi ka alh mai dâwn in ka hria, engmah sawi lo chuan ka ngâwi reng a.


"Châwl hahdam la, I chhungte pawh ka hrilh rih lo, nakin ah kan haw dâwn nia"


Tihpah chuan puan chu min sin that tîr sauh sauh a, keipawh a tih ang ang chuan ka awm tawp ringawt, Tûn ah chuan engkim theih nghilh a mut hahdam ka duh a ni.


Ka ngâidam ngâi lo ang, Ka nun zawng zawng tichhe vek tute hi engtik ah mah ka ngâidam dâwn lo, Phuba lâk chu ka tum lo, mahse ka ngaidam ngâi lo ang, Tenawm hlawm lutuk, Rizai hnuai ah chuan ka kut chu ka hûm ruh ngar ngar a, hrehawm tiin ka rilru na ngawih ngawih mahse hmeichhe nêp tak ang mai a tah kha ka tum tawh lo, An inchhîr ram ramna tûr khawpin ka siam khawp ang.



Ka lû a hai êm vâng chuan ka lo muhîl daih a.




__________



Ka harh chu ka room ah ka lo mu reng tawh, Min hruai hâw a ni ngêi ang, ka mumangah lah Joel-a hi thîr hlîng nei hian an lo phuar hlâwm vek a, Ka duh lo viau nâ a ka ngaih chu a tha miah lo,mahse ka mumang vâng ngawt a va biak emaw va ngaihven ka tum lêm lo.




Ka serh leh ka pum chu a nuam lo reng mai, Ka taksa ka malpui vêl ah thisen a kâi nasat êm vâng chuan infi fâi tûrin bathroom lam chu ka pan vat a.


Ka inbual lâi techuan ka naute ringawt chu ka rilru ah a awm, ka âwm ah hian min hnawh ut ut reng a, tah vak ka tum pawn ka thei lo, Ka tah hnem tawh lutuk vâng pawh a ni mahna, mahse mahni pum chhûng ami ngêi te an han awm lo ta mai chu, tap lo nih kha a zahthlâk mah zâwk, mahse ka tap thei rêng rêng lo mai.


_________




Ka inbual zo chu ka harh hawk mai,ka ruak huai ni mai hian ka hria, ka khua a harin ka lung a lêng tlawk tlawk a ni ber mai.


Kan inchung lam chu ka pan hnak hnak a, inchung zum lâi ah chuan Boy hostel lam chu ka thlîr vang vang ringawt,Ka khua avan har tlawk tlawk tak em, A zâwl lai lam chu ka va pan leh a, ka pâ in thut hahdam nâna a siam ah chuan ka thu veuh veuh reng a, Sana ka en chu tlâi dar 3 alo ri tawh, ka nu leh pa pawh an lo hâw têp tawh in ka ring, Ramtea pawh hi khawnge a awm daih ang le?.....


"Kimi"


Ti tu lam chu ka hawi vat a, U Zorema chu ka hnungah hian a lo ding reng chu niin a pawr chhep chhup si a,


"Enge i lo tih dâwn a?"



"Ka ngâi che a ka lo kal"



Tih zawng chu a sawi a, ka bul ah chuan a rawn thu thla vê nghâl a, Zu rim anam hakin ka hria, ka hriat sual zâwk nge pawh ka hre lo.

"Ka ngâi thei lutuk che sin, i lo lêt theih hun hi ka la nghâk reng a nia"

Ka ngâwi reng a, chhân en ah pawh ka en lêm lo, U Zorema hi chu ka haw miah lo,mahse amah ka duhna kha chu hmân ah khân abo tawh.


"Enge maw tal sawi ve teh"



"Sawi tûr ka nei lo, U zorem mahnia awm ka duh ania min kalsan rih teh"


"Ka kalsan tawh dâwn lo che"



Hepa hi enge maw a hriat le,


"U Zorem khawngaihin"



Ngên ngâwl deuh chuan ka ti a, Ka kut ah a rawn vuân bet thut chu ka lo phu deuh zawk mai, min hmer na angreng bawk sia, a tur ut ut thei.



"Min thlah rawh"


Ka tâl deuh a, min man nghet telh telh zui,min kâi tho lawp a, ka taksa ala chak lo bawk nên, tanna tûr thâ pawh ka nei meuh lo.


"Tûn bâk hi hun remchâng ka nei tawh lo ang"


Ala ti bul bul zui, Ka theih tâwp chuan ka tang vê a, min man nghet bawk sî.


"Thlah rawh"



Vîn that a rawn ti tû lam chu ka hawi vat a, Ramtea chu alo ding vâng mai, ka lâwm zia hi sawi ngaihna pawh ka hre lo, ka thaw huai thei.


"I buai lohna tûr ah i buai anih kha, kal mai teh"


U Zorema chuan vawt raih hian a tî a, min kâi leh dâwr dâwr ringawt.


"Ka buaina tûr ngawih ngawih zâwk alawm"



Tihpahin U Zorema'n min vawnna chu a rawn pawt phelh rawk rawk a, U Zorema chuan a hnek nghâl thuai a, ka lo âu deuh that ringawt, Ramtea chuan a hnek vêleh thuai a, An insual a ni nghâl mai, Ramtea chuan bawh bet chung hian a hnek leh chawrh chawrh a,


"A tâwk, duhtâwk rawh"



Tihpahin Ramtea chu ka kâi tho nghâl vat a, a biang sen duk deuh raih chu a lang chiâng kher mai.


"Kimi Khawilam bodyguard nge a?"



La mu reng chung chuan mi deuh sawh hmêl zet hian a rawn tî a, Ka thinrim lutuk hi ben nghâl thuai ka duh, mahse ka thei lo, U zorema hi ka hre chiang a, a pawisawi hi ka hlâu takzet.


"Nangni ho duh duh a tih kâwi theih hmeichhia a ni lo, Zahawmna a nei ve, In tih buai chhûng chu a tân ka awm zêl ang"



Chiang tak hian Ramtea chuan a tî a, A thusawi chuan ka hnuk tepawh a ti ulh têp, mahse tûn anga lo tah kha thil tûl ber pawh a ni lêm lo.



Min kâi thla nghâl dâwr dâwr a, Inchhûng kan lût chu ka thaw huai thei,


"Ka rin âi daihin ka lo chak"



A rawn ti chhuak hlawl a, ka nui chhuak huk thei, Hriatthiam loh hmêl zet hian min rawn en hâw a.

"Ka ti mah mah iti em?"


"Ti lo e, iti tha lutuk ringawt"


Tihpahin a hnungah chuan ka bêng thak thak a, a tukhum chu hiât pahin a nui vur vur ringawt.


"Chaw ei vê ta che"



"Ni lo e, Ka rawngbâwl tlâi ania, rawng ka bâwl ve te te a, chaw ka ei chhuah daih techuan a chî loh ang"


"I bâwl tui ve dâwn ami?"


Nuisâng chung hian ka tî a,


"High school ka kal lâi atang tawh in rawng techu ka bâwl ziah alawm, Ka pa a boral tawh a, Ka nu hi kan khaw damdawiin ah IV grade in hnâ a nei ve a, rawngbâwl insûk,inchhung sekrek chu keimân ka ti vek zel, unau dang ka nei bawk sî lo a"


Awlsam zet a tihpah hian fridge a ka grape dah chu a hmawm zauh a, amah chauh a Doctor meuh zirtîr thei khawp chu nu namai lo ve tak a nih ka ring.


"I nu chu a thawk rim thei âwm hlê mai"


"Thawk rim e, Bâkah Scholarship ka hmuh vângin Ka zir hrim hrim a, ka tui êm êm vâng pawh a ni lo"


Vei thauh thauh pah chuan grape bâwr chu a hmawm leh zauh thîn, a chêt dân hi a nuih ati za phiân mai.


"Enge nuam i tih a?"



"Guiter perh thiâm tak nih ka châk, ka zaithiam lem lo nâ a, tûn ah pawh ka kawl alawm"



Ka nuih suk ringawt, a hmâi chu ka ngai mawh lek lek.


"I hmai kha"


"Ka in enkawl thei alawm, doctor zirlai ka nih hi"



Ni dâwn tak e, ka thaw hak a, tûn ah chuan Ramtea hian min vênghim a, a awm tawh loh hun ah engtin nge ka awm tâk ang,



"Engtin nge i awm zêl ang"


Awki hniâm zet hian a rawn tî a,ka pum chu khawihin ka mittui chu a rawn hnâm leh ringawt tawh, ni lo, Tap suh, i thei lo, Ramtea chuan min en reng tih ka hriat avângin ka thutna atang chuan ka tho vat a, tukverh lamah chuan dâkin ka mittui chu ka hru zauh zauh ringawt.


"Tap rawh, insûm suh"


A rawn tî a, mahse Ramtea bula tah chu ka duh teuh lo mai, Ka hawi lêt vat a, min lo en reng, a kam sîr chu alo thî ser ser avângin ngâwi reng chuan ka rawmawl chu lâ in ka hrûk sak vat a, Min la en reng avâng chuan ka zâm chhe lek lek zâwk.


"Min en reng suh"


Bak deuh hlar chuan ka tî a, a nui hak ringawt, kan mit leh mit chu a in tawng chat a,ka hawisawn rang kher mai,ka kâwng ah chuan min rawn kuah thut a, ka hmûi ah chuan a rawn fâwp thut chu ka phu chiang ngêi mai, rang tak chuan ka in la hrang nghâl vat a, tinge hetia a awm teh thut le?



"Ka tihpalh, ka tum pawh a ni lo"



Tihpah chuan a tlân chhuak nghâl nal nal a, ka enzui tlawk tlawk ringawt, ani hi ka fiam ka fiam thîn a, min lo ngâizawng tak tak amawn le?....



2 MONTHS LATER





Nau ka chhiatna pawh Thla a liam leh ta duai mai, Interior designing te ka zir ve a, engkim theih nghilh a bul tan that leh chu harsa hlê mahse ka tum tûr a ni, Ramtea paeh hmânni a khatiang thil a thlen atang khân ka la hmu leh miah lo, min peh hêl char char a ni mai, mahse pawi ka ti lêm lo,, tûmân min rawn tibuai tawh lo bawk.



Zan in chu zan dang aiin mut ka harsat takzet, inchung lam bawk chu ka pan leh a, thlasik rim a rawn nam tan a, thli thâw tepawh a ti deuh sûk tawh mai.



Ka phone rî vâng chuan ka phu deuh zawk a, ka number hriat ngâi pawh a ni lêm lo,


"Hello"


"Enge inchungah khân itih reng a, chhuk rawh i dam lo ang"


"Ramte"..



Zâwisap chuan ka tî a, a off leh nghâl hmak, Min lo hmu reng a ni maw, ka hawi kual deuh a, Hostel chung ber tuk verh a, mipa ka lam hawi zâwnga lo ding reng ka va hmuh chuan ka nuih suk a, a kalsawn nghâl daih, hepâ hian enge maw ahriat rauh le?..


_______




Hla ngaihthlâk paha ka zâi rât rât lâi chuan tu emaw hian ka hnung lam atang âw an rawn thiân kharh a, ka hawi vat, Ramtea lek lo niin, Thla 2 liam ta chhûng khân vawi 3 chauh kan in hmu a, chu pawh kan inbe mumal ngâi lo.


"Nang maw!...Lo thu ve rawh"



Ngâwi reng chuan a rawn thu ve mai a, sawi tûr kan hre lo leh dûn kher mai,


"Ti buai tu che ila nei em?"


Thlang lam melh vang vang chung chuan a rawn tî a.


"Nei lo e, Ka thâ alawm"


"Anih i lung te a lêng em?"

"Lêng lo e, Mahse ka taksa pêng pakhat a awm loh tâk ah chuan awm thiâm a har"


"Kimkim kei hian ka"


"Khi arsi thlâwk"



A thusawi tûr ka hriat chiân êm vâng chuan a sawi loh dân tûr kawng ringawt chu ka dap kuâl a.


"Arsi thlâwk ka hmu lo",




Zâwi deuh hian a ti sup a, Ramtea hian min duh tih ka hria, mahse min duh tûr a ni lo, a chhan chu kei hian hmangaih ka nei tawh a, a rilru ka tina mai ang tih ka hlâu a ni.


"I pasal kha ila hmangaih reng em?"


"Aw, Ka hmangaih alawm, chuvângin midang laka rilru pêk leh pawh ka tum tawh lo, mipa rin leh hi harsa ka tî a, Mihring keh chhe tawh chu an hlauhawm, pawisak an nei tawh lo a, midang rin leh harsa an tih vângin an kawppui te hlim takin an awm tîr thei lo"




Pehhêl deuh si, hriatthiâm theih deuh tûr sî chuan ka hnar tih ka lan tîr a, hrethiâm se ka ti khawp mai.

"Kimkim ka sawi tum chu kei hian"


"Lût tawh ila ka mut a chhuak"


Tihpah chuan ka tho hluai a,

"Ding teh"



Ka pên tûr chu ka tâwp deuh chat a, a thu tak deuh ta rûn mai,


"Ramte, hmalam panin ka kal vê mêk a, a harsa ka ti, ka lo tlu leh a nih pawh in bawk vâk chungin hmalam chu ka pan mai ang, min en liâm la, mahni kê ngêi a ka dingchhuak lâi hi min lo thlîr zâwk rawh, nang emaw midang emaw a in nghah ka duh lo"


"Ka thei lo, I tlu sawp lâi hmu chungin kei hi ka awm mai mai theih i ring ami?"


Vawt raih hian a rawn tî a, rawn kal hnâiin ka biang tawn tawn ah hian a rawn vuân a, a mit ah chuan ka en reng a, A mit meng hian a thusawi tum chu a sawi nghâl vek mai, mit meng thîp deuh hian min enkar a, hmangaihna mit meng kan tih ang chî khân min en reng bawk.


"Ni lo, Ramte"



Zawi sap chuan ka tî a,kûn chung in a inthing deuh sawk a, min rawn en leh hnû chuan a rawn nui var var a,


"I ngaihtuahna kha dah bo rawh"



Tihpahin ka chal ah chuan min nem deuh sawk a, hepâ awmdân teh thlâwt hi chu ka hrethiâm thei lo.

"Lem ka chang thiâm tiraw"



Nui hak hak pah hian a tî a, ka nui veleh ringawt, lem a lo chang reng a nih dâwn hi.


"Iti tak tak amaw ka ti lâwm, ka lo hlâuthâwng hman lutuk a, nang leh keichu thian",



Tihpah in a dâr ah chuan ka va kuah a, a nui ve suk suk ringawt.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 14th, 2019, 11:39 am

TÉ AMO, NON PIANGERE (i love you, don't cry)


Chapter-21



3 MONTHS LATER

KA EDIT TAWH LO MAI, KA MUT A CHHUAK TAWH LUTUK A.






Ka nawmsam loh êm vângin ka zirlâi pawh zo lo in ka haw hmâ a, dâwr kan khâr bawk nên ka nu chuan eirawng a bâwl , kei erawh ka mu daih thung, ka khua a har viau nâ a, Ramtea tih buai erawh ka tum lo, an in exam te a hnâi tawh bawk sî a, Kan in kâwm ngaihin kan inpawh êm êm a, mahse hepâ hian ngaihzâwng a neih âwm ka hre miah lo, A zeilo hlê pawh a niang, a tâwng tlêmin hre ngâilo tân phei chuan a nêlawm viau loh, ka phone chu a rawn ri cher cher a, ka en chu number ringawt ala ni zui.


"Hello"


Zuai raih hian ka tî a,


"Kimi"



Chu âw ka hriat chuan ka tim sung sung thei, ka lungphû arawn rang a, khâ ka natna ka lo pâidam tawh kha rawn irh chhuak leh in ka thin zâwn hi a rawn na leh ta veng veng mai.



"Ka ngâi lutuk che"



Aw châu zet hian a rawn tî a, ka chhâng thei lo, ka kâ hi vûr vawt taka deh khawng ang mai hian a khawng vek a in ka hria.


"Ka â thei mai dâwn, ka tuar thei tawh thlâwt lo, duhtâwk tawh ang, engkim theihnghilhin tlânbo dûn daih mai ang hmiang"




A thusawi chuan min thâwng takzet, ka mittui chu a rawn far fap a, mahse tah erawh ka tum lo, Joel-a hi ka danglam tawh zia hriattîr ka duh a ni.


"Enge maw tal sawi vê teh"



"I rûi a nih kha, anih phawt"

"Ka rui lo, Kan fa tekha hmuh ka châk a sin, ka ât zawh vek hmâ hian tlânbo mai ang u"



"Fa kan nei lo Joel, Naute chu a thi tawh, Nang leh khâ hmeichhe duh dak lo vâng khân"



Ka phone chu ka switch off nghâl daih a, khum ah chuan ka in hûm ruh ngat ngat ringawt, khatiang dâwt hmang khân min bum tawh lo ang.



"Nâ i nei ami Boihte?"




Ka nu chu a rawn tlân lût vat a,


"Nei lo"


Tap âw deuh chuan ka tî a, ka tâwt lutuk chu ka thaw leh deuh halh thîn.



"Ngati nge a?"


"Nu, ka fâ kha ka chhiat thû hi Joel-a'n a hre tawh"




Ka sawizo thei lo ka tap chhuak ta nge nge a, ka nu chuan min rawn kuah nghâl vat,


"A hre ta nge nge a ni maw, A pawi reng reng lo ania, tap bawrh bawrh Boihte, i in upbet rei tawh bawk alawm, han tah vak te hian kan thâwl hawk zêl a nia"



Ka hnungah chuan a bêng thak thak a, Ka thlâ a muâng tan in ka hria,


Ka nû kuah chung chuan ka tap ta chiâm a, A sawi ang tak tak in ka thâwl hawk in ka hria, vânnei ka inti a, Mahse a châng chuan ka vânduai bîk zia hi a rawn lang chhuak leh thîn, tunge dem ber tûr pawh hre lo khawpin hliâmin ka awm a, ka nun hman dân hian a zir lutuk nge? ka tâna khuanu ruat ve hrim hrim zâwk le?.



__________



Chaw pawh ka ei tlêm ang reng khawp mai, ka awm dân vâng chuan ka nu leh pâ pawn an ei tlêm ve hlê, min biak hreh sî hian an in melh deuh hrek hrek reng a.



"Boihte, i thil tawn tawh techu engpawh ni sê, I thinlung duhzâwng kha pan top rawh, i inchhîr lo zâwk ang, mahse Hei sum hiâl kan chhuah tawh a, kîr leh chu i duh anih pawn a pawi reng reng lo a nia"


Ka pâ chuan muang châng hian a tî a, ka ngâwi reng thung, kîr leh tumna ka nei lo, ka nei ngâi bawk hek lo ang, Joel-a chu hmangaih viau mahila ka kîr leh duh tawh lo bur.



"Kîr leh tumna ka nei hleinêm Pa, Tûna ka hun hman dân hi nuam ka ti"




"Doctor vâng kha ni chiâng"


Rintei kan dâwr a thawk thîn kha lo ni rengin, Kan tawng kha alo hre pha ni ngêi tûr a ni,kan nui hak hak a, Rintei bulah hi chuan kan thu tak thei thlâwt lo, Ka nu leh pâ pawn an ngaina, Lo awm chu a tum tak tak a niang a in khâi bâwr bawk sia.


"Zan in chu i bulah ka mu thei dâwn, avan nuam tak, sawi tûr ka ngah râpthlâk"



A rawn ti lût nghâl bawrh bawrh a, ka room ah chuan a lût tlang nghâl bawk,


"Ka bula i mut dâwn chuan fâi deuhin inbual ang che"



"Awii...Au Kim, i sual e a"



A rawn ti bâi bâi a, kan nui leh nasa ngêi mai,



_________


Chaw te kan ei kham chu khum ah chuan ka mu zâl mai mai a, Ka sawi ang tak takin Rintei chu a inbual bawk, A bula ka awm chuan inbun ruahna tûr te ka nei anga, ka rilru tâwt lutuk pawh a zia ngâwt ang.

Rintei âu rî chuan min ti phu zawk a,


"Awi ka zak lutuk"



A rawn ti lût mawlh mawlh a, Towel chauhin a in khuh bawk sî, engati nge le?.


"Tinge a?"



"Doctor zirlâi pâ kha a alo thu kur a, ka zah zia chu"



"A ni maw!"


Tihpah chuan ka tho zawt a, Ramtea chuan min hrilh lâwk vê âwm, avan mâwl reuh tak,Ka tho vat a, Common room lam chu ka pan nghâl.



Alo thu kar a, a T shirt dum plain hâk inhmeh zia chu, A vun a ngo bawk sî, Alo nui var var a,


"I sawi lâwk sî lo a, Min âu ta che"



"Thil ka lei a, Ka rawn lût kâwi zawk mai mai, tûnlâi chu kan sport a, lehkha pawh kan zir lo"



"Hawh lo lût ve la, Inkâwm ang u, a pawi lo tiraw nu"



"Pawi nâng âw, Va in kâwm rawh u, Ka en duh a chhuak têp"



Ka nu chuan alo ti vat a, a en duh a chhuah tawh hi chuan tûmah biâkna châng hre hek lo.


"Korean bâk kha i en leh âwm sî lo a"



Ramtea chuan a tî a, Ka nu nên hi chuan an in ngam ve hrim hrim bawk a.


"A hmuhnawm ber alawm"



Ka lo nui ringawt, Ka nu hi chu a vawi khat hmuhna ah a nêl nghâl mai a, ka pâ ve thung chu a tawng tlêm êm vâng hian a nêl thei lo thung.


Room ah chuan kan inzui lût vê mai a, eng ka hriat ni zan in chu ka lâi deuh tlat, Ramtea pawh a zâm deuh, zan danga alo kal thin a a awm dân nên a in ang lo deuh, Rintei'n min chhaih min chhaih vâng pawh hi a ni maithei ni.


Rintei pawh alo inthlâk fel diâm tawh a, mahse room a mipa hruai luh chu nuam ka ti chiah lo, Ramtea pawn nuam atih ka ring lo.


"I room a awm chu a inthlahrun awm deuh e, Inchungah awm zâwk ila"



A rawn ti sup a, Rintei nên chuan kan in en a, kan nui suk ringawt, a ti dik ve tho mai.


"Nia, Nang berin itih techuan"



Rintei chuan alo ti vat a, inchung lam ah chuan kan in zui chho ta hnak hnak hlawm a.


_______




Ramtea thil lo lei chu kan ri mai mai a, kan ti ti tui hlawm angreng phiân leh nghâl, Rintei nên hian an inhmeh ka ti, Ka tihpui daih dâwn mawni le? Mahse Rintei hian bialpa a neiin ka hre bawk sia, mahse Ramtea hi chu a tluk teuh lo ang.



"Lo inkâwm ru, Thei tui in tûr ka zu la teh ang"



Tihpahin Rintei chu akal daih a, Kan pahnih chuan kan in en hrek hrek ringawt.



"Enge ang itih a?"


"Engchu maw?"



Mak tih hmêl deuh hian arawn ti deuh hû a, Ka nuih aza ngêi mai, ka thusawi awmzia a hre lo pawh a ni ngêi ang.


"Ka nau kha"


A hrethiam tawh a niang, a in ngaihtuah deuh vung vung a,

"A hmêlthat kha, Mipa tha tak ala tawng ngêi ang"


"A tân Mipa tha tak ini thei mai lo ami?"



Mak tih hmêl deuh hian min rawn deuh zawk a, mahse a pângâi leh nghâk mai a, thlanglam chu a melh deuh vang vang a.


"Hmeichhe pakhat duh deuh mai ka nei a, Hmeichhia ka puihna mamawh reng mai, A natna te sawi ngâi miah lo, mahse a mit menga lang chhuak thîn, Mit meng zahawm tak a nei bawk"


A sawi zâwng chuan a duh takzet a ni tih hriat tak hian a hmêl chu a rawn êng phêt phêt in ka hria, ka nihawichi kheh lâi chu ka kheh zawm leh mawlh mawlh ringawt.


"Hmeichhe vânnei tak a nih dâwn chu, Engtin nge in intawn a?"



"A ho lutuk, ani chuan min duh ve lo a"



Nui deuh suk pah hian a tî a, nui mahse ana tih ka hre thei,


"Avan mâwl, nang ang mipa fel lutuk te engtin nge a hnar phal a?"



Ka lo ti bawrh bawrh a, a nui hak ringawt, Hmeichhe vânnei ber ah ka lo ngâi hman a, mahse a vânduai ber zâwk a nih chu.


"Anih nang ni la min hnar angem?"



Ka thil tih lâi chu ka tâwp hmak a, ka en vat, min lo enkar a, a mit taka ka en hian ka zâm chhe tlat zêl.


"I ho emai a"



Tihpahin a dâr ah chuan ka va nem deuh dat a, a nui leh suk ringawt, tûnlâi a mizia hi a cool tlat in ka hria.
________



Zan in chu enge ka hriat ni ka muhîl thei dêr lo mai, khum ah chuan ka let ka let a, Rintei lah chu a mutui bawk sî, naktûk class ka kal a ngâi bawk sî, ka van ning tak, ka thaw leh halh halh thîn.



Ka phone chu ka on leh ta nge nge a, Miss call alo tam ngêi mai,Message alo awm nual bawk, Joel-a message chu ka seen hmasa ber a.


"Ka ngai lutuk che Boihi, Ilo tuar nasa âwm hlê mai, engpawh nise ka hmangaih reng che tih hria la, engtik lâi pawn ilo lêt duh a nih chuan i tân ka awm reng a nia"



"Lalrinkim min ti â vek tawh a nih hi"



Message ah chuan arawn in hrosa vak vak a, Min hmangaih thû rawn sawi zo chiah a, a rawn thinrim leh nghâl a, hepâ dawh theih loh zia hi chu aw, ka thin pawh a rim lo, min la hmangaih zia ka hriat hian ka hlim ru veng veng maiin ka hria.


"Pawn ah ka awm"


A message dang ka chhiar chu ka phu deuh zawk a,ka online a hmû a min rawn tih der a ni chiâng mai, rang tak chuan ka out vat a.


"Inbia ang lo chhuak lawk teh"



"I rawn chhuah loh chuan ka rawn lût dâwn a nia"



Ka phu zawk mai, Hepâ hi a â tak tak tawh a nih hi, Kan mi â pâ hi, thâwm dîm tak chuan ka chhuak ru zâl zâl a.





__________



"In chungah rawn chho rawh"


Tih zawng chuan ka reply a, inchung lam chu ka pan vat a, Dar 12 ari têp tawh lehnghâl, a dâwih dâwih nên engtin nge zan thimah kan khua ah te arawn kal duh le?


Thutnaah chuan ka thu vat a,ka lungphû te hi a rang dut dutin ka hria, engvânga la pan fo nge ka nih pawh hi ka hre lo e a.


"I lo chhuah ka ring rêng ahhh"



Ti tu lam chu ka hawi vat a, Ka rei lehhh.....Joel-a ni lo in U Zorema lek chu lo niin,


"U zorem nang maw?"



Ka ding hluai a, a hmêl hian mi râp lek lek in ka hria, dum suit vekin ala inthuam zui, Joel-a anga min lo be tû kha U zorema vek hi alo ni maw, Mahse min rawn be tû kha Joel-a ngêi niin ka hre bawk sia.



Min rawn pan hnâiin ka kâ chu a rawn hup thut a, ka khaw hmuh a rawn thim mup a, Engmah ka hre zui tawh lo.



______________






JOEL-A POV





Ka harh chu ka room ah chuan ka lo mu reng a, au Zorema nên khân kan awm dûn a, ka hriat hnu hnun ber chu Kimi ka phone kha, Ka phone chu ka zawng nghâl ruai a, ka hmu dêr lo mai, duh aiin ka inhnem deuh a ni, Au Zorema car ah khân ka theihnghilh anih ka ring, Kan inhaw viau a, mahse ka ruih tawh êm vângin min hruaina apiangah khân ka kal kha a nia.
[05/04, 10:28 PM] Shorty pach: "Boiha lo chhuk teh, I U Zorema'n a be duh che a"



Ka nu chuan arawn ti lâng lâng a, ka phone chu ka theihnghilh a nih ngêi dâwn chu, ka tlân thla nghâl vat a, ka nu phone chu lâ in ka chhâng nghâl vat.


"Aw hello"


"Kimi ka bul ah a awm, Kan Huan ah khân rawn kal rawh, Sihhmui lam ah khân"


Tih zawng chu a sawi a, a off leh nghâl daih, hmanhmawh takin ka tlân chho a, Engmah ka ngaihtuah theih tawh lo, Kimi hming ka hria a, ka hmu theihna temchâng anih ngat phei chuan engkim ka huam, Ka insiam sawk sawk a.


"Khawnge kal i tum a?"



Mary chuan a mak tih hmêl deuh hian min en kar a.


"I hriat ve zêl a ngâi lo"



Tihpahin ka tlân chhuak nghâl nal nal a, Ka bike duat lâi chu la chhuakin Sihhmui lam chu ka pan nghâl a.



Mary nên hian innei angin kan awm nâ a, Mahse vawikhat mah ka kut hmâwr pawn ka la si lo, Kimi chauh lo chu tû hmeichhia mah hian he thinlung khauh tak hi an ti nêm zo lo a ni, inti pâ takin belo in awm ngar ngar mahila ka hrehawm tihna chu zû ah ka tuân a, Mary leh ka nu lakah ngêi pawh ka sual, Min ning anga min chhuah san vat ka ring a ka rin aiin alo dawh thei phiân leh nghâl, mahse chumi avâng chuan ka rilru a nêm phah eih chuang lo.



_________


In ka thleng chu tûmah an awm lo, Inchhûng chu tereuh tê mai fel êt hi a ni a, Thing in a ni bawk, a nuam reuh phiân leh nghâl.



__________



KIMI POV




ka harh chu room thim zet ah hian phuar beh tlat ka ni a, Ka dang a ro in ka hrawk a thîp vêt vêt mai, Ka taksa chu a che thei dêr lo a, Mahse ka rilru erawh a fîm kar thung, U Zorema thil tih ngêi tih pawh hai rual a ni lo.


Thil ri rawk rawk hi ka hria a, Pên thâwm chu a ri dawt dawt a, a rawn hnâi tiâl tiâl a, Ni lo.....U Zorema chuan Joel-a chu Pistol hian a lo tin vâ reng chu niin, Ka taksa chu a rawn khûr ta dar dar a, ka che thei ta.


"U Zorem, I â tawh ami? I nau anih kha"



Tap chung chuan ka tî a, ka âw lah chu a châu angreng bawk sî.


"A nia lawm, ka duh dâna a awm phawt chuan ka that lo ang"



Ngeiawm zet hian a tî a, Joel-a lah chu a che thei dêr bawk sî lo.


"Enge i duh a?"



Joel-a chuan thinrim inseh ruh tûn chung hian arawn ti chhuak a.


"Kimi hi neih ka duh a, Chuan Mary saw ka duh duh hun a ka mutpui min phalsak rawh"



Joel-a chu a nui hak a, Keichu ka dang aro bawk nên ka âw pawh a chhuak thei mang lo.



"Zawrh lâi an ni lo"



Joel-a chuan a ti sup a, A kê ah chuan U zorema chuan a rap sawk a, Joel-a chu a râk that, Ka lo na vê zawk thei, Hmuh hlân ka nghahhlelh teh lûl nên, kan inhmuh dân hi hlim taka nuihna tûr a awm lo.


"Mary nau pâi kha ka fâ anih kha, Kimi nang hian i that a, hrehawm takin min kalsan bawk a, in pahnih hian ka nun zawng zawng inti chhe vek, Ka zuah dâwn lo che u"



A âu deuh tuar tuar a, silâi puak thuai chuan ka beng a ti kiu nghâl vawng vawng mai, Joel-a chu chhuat ah chuan a let thla top a, Ni lo....LalPa lehhh....A ni thei lo....




Hmanhmawh tak chuan ka tlân phei a, Joel-a chu ka pawm nghâl, ka tap nghâl zawih zawih a, U Zorema chu chhuat ah chuan a thu thla nawk a, Ambulance chu ka call nghâl vat.



Joel-a chu meng tûr reng a awm tawh lo, A mar chu a ka dek ngar ngar a, ala awm reng, Ambulance rî ka hriat vêleh chuan ka thlâ a muang ta nghâl huai mai.



__________




Kan khaw hospital lamah chuan min phur phei a, Joel-a bân ah chuan ka vuan ngar ngar a, Ka hmangaih em em, A tâna ka lo rinawm vena thin kha tûn ah heti hian ka tawng leh ta si a, Heti maia kal tîr chu ka tum tawh lo bur, Ka chân thei tawh lo, A kut ah chuan ka fâwp ngawih ngawih a, Ka kuah châk zia hi, A âwma bei a ka thlâ a muan thin zia te kha ka hre chhuak uar uar mai.



Hospital kan thleng chu ka taksa chau pawh ka hre chang tawh lo, Ka phe buai nghâl char char a, Ramtea chuan mak tih hmêl deuh hian min lo en reng.

"Kimkim enge thleng a?"




"Ramte, Khawngaihin Chhanhim rawh, tihsual a nei lo, keimah vek alawm"



Tih zawng chu ka sawi thei, Ka tah chhuak lutuk chu Ramtea âwm ah chuan ka tap ta hlap hlap a, Min lo kuah lêt nghâl vat,


"I nu leh pa an mang ang asin, Kan zawng nasa lutuk che a, a ti sup a"



"Chutiang ka ngaihtuah hman lo"



Tihpahin Joel-a an rawn nawr lût lâi chu ka va ûmzui dâwr dâwr a,



"Ka pi tah hian lo nghâk rawh"



Tihpahin nurse pakhat chuan inzaina room a ka lût ve tûr chu min lo dang vat a, Ramtea chu ka hnungah alo ding ve reng bawk, Chhuat ah ka tlu sawp ta nuaih a, Ka rilru mang ang lutuk kha thâwk lâkna hun pawh ka lo nei miah lo anih hi, Ka thaw chhhuak halh a.


"Hahdam rawh, Engtin mah a awm dâwn lo"

Ka dâr ah chuan a rawn vuan a, min kuah nghâl vat, ka âwm ah chuan ka bei hlê hlê a, Ka maimitchhîng chu engmah ka hre zui ta lo.



_____________







2YEARS LATER




"Miss eng rawngin nge ka colour dâwn?"



Ka ngaihtuahna atang chuan ka harh chhuak vat a, Ka Naupang ho lah chu an bengchheng sî,




Class ka la zo chu office ah chuan ka thu ngâwi reng a, Joel-a'n min kalsan na pawh Kum 2 lâi alo tling ve ta,U Zorema pawh Jail a tâng mêk a, midang chanchin erawh ka rileu tina tu mai a nih dâwn vângin hriat ka duh lo, Min kalsan atang khân tûmah ka be ngâi lo a, mi â ang maiin ka awm a, Thi sî lo dam sî lo in ka awm reng a ni ber, tûn ah hei ka pângâi chho tan a, Champhai lamah school thar an hawng dâwn a, Ka patea min sawipui na zârah ziritîr tu hnâ ka hmu ve hlauh a, Thlakhat dâwn chu ka thawk ve ta, ka rin aiin nuam ka ti phiân mai, Ka buai thei lutuk a, Mahnia tah keuh keuhna hun pawh ka nei meuh tawh lo.


"Vawiin chu Teachers day pualin, Damdawiin ah thisen pêk vek tûr a nih kha aw"


Miss Rosy i chuan nui sâng hian a rawn tî a, Ka pêk ve theih ka inring chuang lo nâ a kal ve hrim hrim ka duh.



_________



Principal car ah chuan kan chuang thap a,an ti ti tui hlawm barh barh khawp mai, Kei erawh chu ka lo tawng ve zauh zauh ringawt, ka tawng tlêm lutuk vâng nge? tu a pawh mai hian min fiam ngâi miah lo,biak pawh min be zen zen lo.



________



Hospital kan thleng chu ka rin ang ngeiin ka pe ve thei lo, pâwn a thingbuk hnuai daihlim nuam zet ah chuan ka thu veuh veuh a, hospital chu a lian lo nâ a, Pangpâr leh thingkûng nalh tak tak ten an hual thup a phûl a awm bawk, a thawvengin thlifîm a tam bawk sî, dam lo tân pawn a hmun ringawt pawh hi dam sawng sawng na tham, maimitchhîng chung chuan thlifîm chu ka dawng heuh heuh reng a.



"Ka lo thu vê thei angem?"


Ka âw hriat hnû ngei a nih hi, Ka meng nghâl kâwk a, Ka hawi lêt chu Ramtea chuan nui var var hian min lo en reng a, Ka nui chhuak hak, Mak ka ti lutuk hi awm dân tûr pawh ka hre lo, Ka ding hluai a.


"Thu rawhhh..."


Tihpah chuan a rawn thu vê nghâl a, sawi tûr ber pawh ka hre lo, min barakhaih chiang khawp mai, Zawhna hlîr in ka khat ni berin ka hria.


"I zawhna zawng zawng chhânna hun che ka nei lo, hei hi ka thawhna a nia, Champhai hi kan khua a ni bawk a, ka hrilh tawh che kha, Keipawn heilai thingbuk hnuai a ka rawn hmu hlawl che kha mak ti ve tho, Chuan i chanchin hi Rosy khân min hrilh vek a"



A ti nghâl zung zung a,


"I lo ropui tawh hlê mai, Doctor thian ka nei tawh a, dam loh pawh a zia tawh dâwn nih hi, nupui lam te?"


"Hmân ang tho kha ka la ni, ka la single tluang zêl e"


Ka nui hak a, A bulah hi chuan ka nui leh reng mai dâwn a nih hi,


Kan ngawi leh ta vang vang a, sawi tûr chu ka ngah a, mahse enge ka sawi hmasak ber dâwn ka hre lo mai zâwk a ni.


"Kimkim"


"Huhh..."


"Hmâna ka hmeichhe duh deuh ka sawi kha ila hria anga, a chanchin ka hrilh leh ang che aw"


"Awle, sawi ta che"



"A hmangaih tak tân a theih tâwp a chhuah a, Mahse a hmangaih chu a chelh zo ngang lo, hmeichhe vânduai tak mai a ni a, mahse a thatna tûra Pathian ruat sak alo ni leh reng sî a, Tûn ah hian keichuan ka la duh reng a, ka kianga a awm lohna chhan pawh thinlung khauh tak a neih vâng ania, a hmangaih kha ala thlah fel thei lo a, atân a hrehawm mai mai iti ve em?"



A sawi zawng zawng hi ka chanchin vek maw lo ni a, ani hian min lo duh ru reng thîn a, ka lo hre miah lo, Ka ringhlel a, mahse ka ring duh lo zawk mah, Engtin nge a nih theih le?



Ka mittui chu a rawn luang thla zâl zâl a.


"A hmangaih chu a thinglungah phum bo sela, A hlim nân, A mittui a luan tawh loh nân ka kiangah awm tawh mai se, tha tûr ania tiraw"



"A dik alawm"



Tap âw tiau chuan ka tî a, min rawn kuah nghâl vat, engatinge vânduai ka lo inti ziah le? Khawvêla hmeichhe vânnei ber ka lo ni zâwk reng sî a.



"Tap tawh suh le, Ka hmangaih che"


Ti sup chung hian ka chal ah chuan a chuk zauh a.





THE END





Ka story chhiar tu zawng zawng te chungah lâwmthû ka sawi a, kei a story ziah te ngaihnawm in lo ti ve a, Ka lawm takzet, Ka ziah chhûng khân ka châwl ngun tih ka hria, tun tum chu buaina neuh neuh ka ngah lutuk a, in min ngaihdamna ka rawn dîl bawk e, Duh khawp loh lâi in nei ang tih pawh ka hria, mahse, ka duh dân leh ka suangtuahna ang thlapa ka rawn ziah chhuah a ni a, In duh dân ang kilh kelh kha chuan tûmah ka ti lâwm zo dâwn lo che u tih ka hria, Chuvângin keima duh dânin ka rawn kal ngar ngar a ni, ka awl rei bawk a, Induh chuan min hau hrep ru.



Story thar nen ka rawn let leh vat ang.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)