TE AMO, NON PIANGERE by Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

TE AMO, NON PIANGERE by Hlutei Jocund Pachuau (Completed)

Unread post by Ngaia » February 18th, 2019, 11:21 pm

5hcvnw57.jpg
5hcvnw57.jpg (37.5 KiB) Viewed 25642 times

Te Amo, Non Piangere

Chapter-1
by
Hlutei Jocund Pachuau




"Joel mut a hun tawh lo emai, i pa a thinrim hlauh ange,rawn tho la tûkthuan rawn ei vat rawh"


Ka nu in min ka room kawngkhâr rawn chum dawt dawt pah chuan a ti a, A aw râwl hi chu a ring tha ve ngawt mai. Thei leh thei lo chuan sana chu ka en a, Dar 8 am alo ri vâ tawh, Nizân ka inhnem deuh avângin ka lû ana deuh bûr mai, Zantin harhfîm in ka awm ngâi chuang si lo a, mahse ngâi ah ka nei thei meuh lo,ka nghei thei chuang bawk sî lo a, Ni lo....ka tum lo hrim hrim zâwk.

Kei hi Joel Lalngâizual a ka ni a, Ka hming chu pu zo lo ve tak ka ni ringawt, Kum 23 ka ni ve tawh, Ka pa hian sum dawnna lian vak lo a nei a, Ka nu hian Thawmhnaw dâwr lian ve lam a nei bawk, College ka kal peih loh vângin Ka pa ka pui thin a,Ka rochun tûr tho anih avângin pawi an ti lêm lo, Ka u hmeichhia erawh chu high school zirtîrtu a ni thung, Nau hmeichhia class 7 zirlâi ka nei bawk, Hausa tak chu kan ni lo na a, kan mamawh chu kan lei ve reng thei tho, Zantin lên chhuah a, Thian te nêna Games Khelh pah a, Zu in vêl mai mai hi ka hnâ chu ni deuh ber mai, Ft 5'11 vêl ka ni a,ka hmêlthat thu hi ka hre zing hlê bawk, Ngaizawng der ve tu te pawh ka nei, Mahse hmeichhia hi ka ring thei tawh lo, Class 11 ka nih lai khân Bialnu duh deuh mai ka nei a, S** pawh kan hmang dûn ngun hlê, Mahse a rei deuh hnû khân ka duat leh lutuk a min ning tawh aniang min lo kawp reng a, ta tang khân hmeichhia hi ka hrethiam tawh lo, Tûn thlengin zu leh Games bâk buaipui tûr ka nei tawh lo tihna nih deuh mai chu.

Tâwnzau vâr leh kekawr bûl ka hâ a, Gucci chapal chu ka bun a, Ka hmâi pawh phih lêm lo chuan tûkthuan chu ka'n kîl ve tawp a.


______


"I awmdân hi sim tawh teh,ngaihzâwng te nei la, hetianga i awm reng chuan Zu ngawl i vei anga Tûman an nei duh miah lo ang che"


Ka pâ chuan dam thlup hian alo ti nghâl a, ka chhâng chuang lo, Ka chaw chu tui ti lo mahila ka ei mial mial ringawt,

"Ni e, Joel, i pa sawi kha a dik chiah, Zan in tlâi phei chu I ni ten an mo thar tûr kha chaw ei ah an sâwm a, Keini pawh kan chhûnga kan ei ve a ngâi dawn ania, Khawi ah mah lêng chhuak lo in rawn kal ang che"


Ka nu chuan ram hmak hian ati a, Ka nu hi chuan têk hi a hmuam deuh reng mai ah...ka nui suk a, Min melh rum ngêi mai.


Hei hi ka nun chu a ni a, Ka hma hun ah enge thleng dâwn ka hre lo, Tun ah rih chuan Zu hi thlah rih lo zâwk phawt teh ang.

_________________________



Dârthlalang hmâ ah chuan ka in en vang vang a, Thla thar mai khian Pasal ka nei ve dâwn ta mai chu nia,awih harsa ka la ti reng, Chu pawh ka mipa hmangaih em em, Ka thianghlimna hial ka lo hlan tawh ngei kha a ni, U Zorema nen hian Ka tleirawl chhuah tirh phat atang khân kan in ngâizawng tan a, Kan in ngaihzawn tirh khân kum 19 chauh ka la ni, Kum 6 lâi chu kan inzui ve ta, kum khat zên zawn chu kan inthen ve a, Mahse ngaihzawng dang nei duh lo ve ve na na na chu kan inkawp leh ta a nih kha, kum 25 ka nih tâk ah chuan pasal neih chu ka hun ati ve tawh ani mahna palâi arawn tir ve a, khami zân a ka chêt laih zia te ka ngaihtuah a, ka nui leh vur vur ringawt.

Ka hming chu Lalrinkimi ka ni a, ka nu leh pa fa neih chhun liau liau ka ni bawk, Aizawl atanga hla lo te ah kan chhungkua in kan in beng bel ve a, Ka pa hian sawkar hna chhete a nei ve a, ka nu hian Restaurant lian vak lo a nei bawk, Class 12 thleng ka kal hnu ah college ka kal chhunzawm ta lo a, A chhan pawh kha tih lâi khân college kalna tûr khawpa khawsa thei kan ni lo a, Thingtlâng khaw te tak te a, chêng ve kan ni bawk nen a hau tak zia ka hriat vangin kal chhunzawm zèl ka duh ta lo kha ania, tun hnu ah kan khawsak te alo pângai chhoh atang hian Kal leh tûr chuan min ti na a, Ka kum te alo tam tawh bawk nen ka zak tawh si a, Ka kal lo tluan ta law law zawk a ni, Ka nu chu ka pui ve lâwp lâwp thin a, eisiam pawh hnehsawh tawh tak ka ni ringawt, ka pum rua hi a te ve Angreng a, têt nâk alaiin ka la chêr chhe ve em em zui, thian ka kawm ngai em em lo a, Kan dâwr a lo thawk te hi ka thian te chu an ni deuh mai, ka nu leh ka pa hi ka thiante chu an ni leh tawp bawk a, U Zorema te hi chu hausa ve pangai an ni a, kan dinhmun inthlau viau mahse Min enhniam in min zahpui ngâi lo, Min hmuhsitna tawngkam a chhâkchhuak ngai lo bawk, an in a ka kal hmasak ber ni kha ka la hre reng, Aizawla awm tih takah an in chu lian bon top, keimah hi ka tê rawih rawih a ni ber mai. Mahse a nu leh pa leh a unau te zawng zawng pawn min lo duh der vê a, kohhran leh khawtlang ah ka theih tawka ka in hmang vang hi a ni mahna Hmingchhiatna em em nei lo in ka nula chho vê kha ania, U zorema nen hian Khawmpuina vel ah kan intawng a, Ani chu kum 28 a ni tawh, Kha tih lai khân ka la naupang chhia lutuk a, ka ngaihzawng hmasa ber a ni bawk nen, ka hmuh tirh phat atang khân ka * nghâl em em a, ka * tih a hriat a ka zah zia kha, Mahse phone atang ten min rawn be zui a, Ruihtheih thil engmah a ti lo a, Kohhranah a in hmangin mi puitling tak a ni a, Ka nu leh pa te duhthusâm ngei mai kha a ni miau a,Tun ah hei kan innei dawn ta mai chu nia.


Ka room ah chuan thil ho deuh deuh ngaihtuah chung hian ka lo nui leh vur vur zel, He ka room zîm te hi ka ngai ngawt ang, Aizawl ka awm hun a ka lunglen dân tûr hi, Thâwk te ka'n la leh hak hak thîn, Mahse awmzia awm lo, Ka tâwt up up mai.


"Mate, Zorema alo thleng tawh a nia"


Ka nu chuan min rawn âu lâng lâng a, Hmanhmawh tak chuan Ka insiam vat a, T shirt vâr plain ka ha a, Kekawr dum ka ha leh tawp a, Mawza lum lam pink chu ka bun a, Ka pheikhawk ngainat em em, Gucci sandals hmul deuh thep, A chunga sakei lem awm chu ka bun a, khuah a vawh a vangin jacket pink chu ka ha leh tawp bawk, Make up hman vak ka tum lo, Ka mitmeng lian tha tak mai hi chei danglam vak ka tum lo, lipstick senlar chu ka inhnawih a, Ka sam dum hlap mai, Ka hnungzâng chen vel ngil siau chu ka thlah mawl tawp bawk, hmanhmawh tak chuan ka chhuk thla vat a.
___________

"Fîmkhu ru aw, Boihte lo haw tlâi loh tum hrâm ang che"

Car a ka thut hnû chuan ka nu chuan a ti mawlh mawlh reng a, Ka nu tak hi chu min van ngaihtuah thîn tak,

"A tha em em ang, Lo ngaihtuah su"


U Zorema chuan nui deuh sun sun chung hian a ti a, Kan tlân chhuak ve thei hrâm alawm, A incheina chu a tâwk leh viau tawh, a thawmhnaw hâk tûr hi a duh uluk thei khawp a, Kekawr khûp tet hâk te hi a duh ngâi lo, Mipa in an hâ a hmuh te hian a ngei thei a nia.


Kan inbe miah lo, Kan inneih nî a hnâi tial tial a, Ka zâm telh telh mai, Ka lâi deuh tût tawh, ka awm dân hi ka hrethiam teh nuai lo,pawn lam chu ka hawi vang vang a, Ka lung a lêng nghâl ringawt mai, ti chung hian pasal neih ka tum ve ta chu nia.


"I va ngâwi châwi ve a, I phûr vak nange"


Ka lo phu deuh zawk a, Ka insiam tha nghâl vat,

"Phûr tho a, ka huphurh bawk, Kan inneih nî a hnâi tial tial a, Ka huphurh telh telh mai"


Ka ti zâwi sap a, Ka kut ah chuan a rawn vuan nghâl vat, Nui sak pah chuan a fâwp zauh a, A biangsum alang leh tawh, a hmêltha tak zet, ka pasal a ni mai tûr hi awih harsa ka la ti reng mai.


"Lungngâi lo la, i bul ah ka awm reng dâwn alawm"


"U Sawmi a tel ve dawn tiraw? ani ber a awm loh chuan kawm tûr ka nei awm lo e"


"Awm dâwn e, Zîngkâr atang khân a rawn phei daih tawh alawm, Ka nu ten an sawm a"

"A van tihchî tak, i nu hi chu a fel thlâwt, Ka duat ngawt ang"


A nui hak a, A ha vâr nalh zia hi,

"Han duat lo vaih teh, I châk lo ngawt ang"


Fiamthû chuan a rawn ti a, Kan nui kan nui leh ta, Kan mizia hi in mil loh châng nei thîn mahila Kan in kâwm ngaih viau tho, U Zorema hi chu ka bialpa hmasa ber leh ka thian kawm ber a ni deuh mai, Midang hi ka melh ngâi em em lo a, thian pawh ka kawm ngai lem lo bawk.


__________


"In lo van thleng hmâ ang reng ve"

U Zorema Pî chuan muangchâng hian alo ti ban chat chat a, Min lo lâwm thiam thei bawk sia, a nuam ve ang reng.

"Nia, A tlân chak êm alawm, kan thlâwk a ni ringawt"

An nui hak hak a, Fiamthu hi ka duh ve ang reng a, Min nuih min nuih zêl,


_______
Chhûn lamah chuan enge maw kan ti a,fiamthu te thawhin kan nui leh har har zêl,


Tlâi lamah chuan rawng te bâwlin kan buai mup mup hlê,

U Zorema Putea te chhûngkua pawh an awm kim thap a, U Sawmi nên chuan thil ho deuh deuh sawi pah hian kan nui leh vak vak thin, A fel in kawm nuam ka tih chi tak a ni, A kum phû loh in a â chi hi a ni ve hrim hrim a.


"Rem, Chaw ei in peih dawn tawh em? ka ril a tâm tawh lutuk"


Rawn ti tu lam chu ka hawi vat a, Mipa khat sambuk lam deuh,Sâng lam pang, Mit meng nalh zet leh Hnâr zum vât mai, Taksa inphut tâwk deuh hi alo ding reng chu niin, Meizial ala zu khu luih luih zui, Leather Jacket A hâ a, a hnuai ah T shirt vâr aha bawk, A kekawr dum khûp tet chu ka hmuh hmaih lo chiang kher mai, ka nui suk a, Chiang tak chuan min en reng leh nghâl, Ka lo en nasa lutuk nge pawh ka hre lo, ka hawisawn nghâl vat a.


"Kan peih têp, lo awm ve mai mai rawh"


U Sawmi chuan a lo ti hlak hlak a, Ka lo nui tâwi tak ringawt,ngâwi reng chuan a kal leh nghâl daih a, ala phun hluk zui, A zâwi lutuk a, enge a sawi pawh ka hre lo.

"Ka nau chiah a nih kha, lâktlâk loh zet mawle, a awm awm sâwn a awm ve tawp a ni mai"


A nui hak a, Unau ka neih ve lo nâ a, Unau ah hi chuan tihmawh deuh pakhat tal hi chu an awm ngêi ngêi thin a tih kha.


"Ka la hre ve ngâi miah lo a"

Ka ti zâwi sap ringawt, ka ngainat zâwng a ni lo tawp mai.

_______

Khua te, Alo tlâi tial tial a, Zan riah chu Kan ei ho dial dial a, Kan tam tham bawk a, kan ri luih luih reng mai.

Zanriah kan ei kham hnû chuan U zorema ka zawng deuh a, tinge a bo hmak le, Ka hmu miah lo, Mi te ngaihsak ve deuh âwm a nia, ka thinrim lek lek zâwk, Vawiin ah lah min ngaihsak dêr lo,A châng chângin ka bul ah a rawn kal zeuh zeuh ringawt a, A rilru lah chu a buai hmêl em em leh nghâl.


"u Sawm, u Zorema hi ilo hmu mial em?"


"In chungah phone a hmang in ka hria"


Awlsam zet hian a ti a, A thian ten an rawn bia a ni maithei a ni, ti buai lo law law zâwk mai teh ang.


u Sawmi thlêngsil chu ka va sil pui ve bawrh bawrh a, Midang chu common room lam ah an awm vek a, keini bêl lian sil tûr a awm avângin Bathroom ah kan awm thung.

U Zorema pawh chu a rawn kal ve a, Ka lo thinrim leh nghâl tûn tawh, An in ah ni lêng thakin ka awm ve a, mî ngaihsak pawh a tum reng reng lo.


"Ka thianten, min rawn phone reng a"


In thlahrung zet hian arawn tî a, Ngawi reng chhuan ka thlêngsil lâi chu ka sil ngat ngat ringawt, U Zorema nu pawh chu, U Sawmi nau nên chuan an rawn in zui ve a.


"Ni, Mo in duh tê hlê mai"

U Sawmi nau mipa chuan ati chhuak hlawl a, ka nui chhuak hak ringawt.

"Au Zorema Tukhum hi i bêng phâ em?"

A ti leh a, A tawngkam chu chimawm ve hlê mai, Mahse huat chî a ni bawk sî lo a, Midang chu an lo nui hak hak a.

"I ho emai a"


Ka'n ti liam ve ringawt a, a rûk chuan ka ngei ve det, Ka chhânglêt ve fak fak tawh chiang khawp ang, naupang tê tê sî.

"Au Zorem, In in size lo e"


A ti leh hrâm a, U Zorema lah lo khi suk suk ringawt.

"Nulianpui neih ang zawng zawng chu ka nei kim ve vek tho"


Ka lo ti hmak, Midang chu an lo nui dar dar a, A ngawi chiang asin âw, Hneh tu inti fahran hian ka va melh sak a, Mit meng rum deuh sî hian, A ding nuih sak ringawt, A hmêltha reuh phian leh nghâl.

U Zorema lah hian a inchei dân te hi a sawisêl lo reng reng, Mipa dang a sawisêl nasat tehrêng nen, a nau na na na chu a duat ve ngang aniang,hauh pawh a hau phal lo, Titau deuh reuh chung sî hian bêl chu ka nâwt sawk sawk a, U Zorema lah chu ngâwireng hian a hnungah alo thu reng a, A chângleh ka sam alo khawih thûl,

"In duat bîk reng sû aw, Pasal ka neih ve hun chu in châk lo ngawt ang"


U sawmi chuan nui har har chung hian a ti a, Ka nui suk ringawt,

_______


"Zorema a awm em le?"


Hmeichhe pakhat âw a ni tlat, U Zorema chu a chhuak nghâl vat a,ka enzui vat a, mahse ka hmu thei bawk sî lo,a tawng rî erawh ka hrechiang khawp mai.


"Awm e, enge ni ta?"


U Zorema nu chuan alo ti nghâl vat a,

"Zorem, min ring rawh, Tûna ka nau pâi lai hi ifa ngêi a ni"


Enga!.....enge a sawi kha, ka hresual zâwk ami?...

Enge awmzia le?




Click kha hre vek ila aw, Mistake pawh awm zeuh² ang, hmuh kim biai hi ahar ve angreng thei lutuk a😅😅😅😅


TE AMO NON PIANGERE

TIH AWM ZIA CHU,

I LOVE YOU, DON'T CRY

TIHNA AW🙈



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 18th, 2019, 11:21 pm

TE AMO, NON PIANGERE
CHAPTER-2
BY

HLUTEI JOCUND PACHUAU



U Sawmi lam chu ka hawi vat a, ani pawn mak tih hmêl deuh chuan min lo en reng, Hmanhmawh tak chuan kan kal chhuak ve nghâl a.


U Zorema chuan hlauhthawn hmêl zet hian alo hawi nghâl vat a, He nû thu sawi awm zia hi pakhat mah ka hrethiam thei lo, A dul chu Thla 5 emaw thla 4 vel anih ka ring, Lo ni tase U Zorema nen kan inthen lai vel kha a ni ngei tih ka chiang, Hlauhthâwnna in ka khat nghâl a, Ka kawchhûng hi a tâwt nghâl up up thei.


"Ani hi ka nupui ni mai tûr a ni a, kan innei têp tawh bawk, Khawngaihin min tibuai tawh lo hrâm teh"


Fiah fel fâi tak chuan a ti a,Chu nu chu a tap pâr bawk, A hmêl a tang chuan dâwt sawi hmel pawh a pu lo, U Zorema hi ka ring dâwn nge he nu thusawi hi? engmah ka hrethiam lo ka ngaihtuahna te hi a buai vek tawh.


"Zoremsâng, Ani hian dâwt in a puh che tih i chiâng amaw?"


U Zorema pâ chuan awki hniâm tak si hlauhawm lek lek hian a rawn ti a, U Sâwmi chuan ka dâr ah min vuan nghâl vat a, Engtia awm tûr nge pawh ka hrethiam lo.


"Ni lo, Dâwt ka sawi lo, Zorema lo hi tûmah ka mutpui lo hrim hrim, thisen test pawh ka ngam"



In ring tâwk tak chuan a rawn tî a, Dâwt a sawi lo tawp ang, Ni lo kum 6 lâi ka lo hriat tawh thin U Zorema hi hetiang anih hi ka ring pha ngâi lo, Ka beisei ngâi bawk hek lo, Ka mittui chu a rawn parawl tiam tiam a, helâi hmuna lo tah vêl kha ka duh teuh bawk si lo, Ka mittui chu ka khap lêt fak a.


"Kimi min ring hrâm rawh, "


"Ani thusawi hi dâwt nge thudik Pathian hmingchhâlin sawi rawh"


"Kimi nang techu ka lama tang tlat tûr i nia sin, Ni e, vawi hnih khat chu ka mutpui ve alawm, mahse chutiang ngawtin a râi thei lo hrim hrim"

Ka chhâng tawh lo,Vawi hnih khat a, A thusawi khân engtiang chiah in nge min den nat a hrethiam pha miah lo, Uzorema fa pâi anga in sawi nu lam chu ka pan chhat chhat a,Dik tak chuan keh hrep a Sawi sek hrep mai ka duh, mahse a tlâwm thlâk ka ti a, thil zahthlâk tak tih ka hre chiang hlê bawk, ka in thunun hram hram a ni, midang ho pawh chuan ngawi reng hian min en thap ringawt.

"U Zorema fâ tih i chiâng amaw? i lo hresual te hi a ni lo maw?"


Tiin ka natna leh thinrimna te thup bo in pângâi thei ang ber chuan ka zâwt a.

"Nang ni la i fa pâ chu i hai bîk a ngem? Mualpho huam in ka rawn kal tawp a sin, tûmah min enkawl pui tu tûr ka nei lo, Ka putea ten ka râi tih an hre chhuak a, min hnawt chhuak sî a, kalna tûr dang ka nei ngang lo a ni, Ka naute vênhim hrâm ka duh bawk si,Ka ti dik lo tih ka hria, mahse duhthlan tûr dang ka nei bîk lo a ni, ka ti tla ngawt thei bîk si lo a"


A tap ta fap fap a, Ti hi chuan a chiang thaw khat viau in ka hria, U Zorema hi lo then pawh ni ila keichuan nu leh pa tha tak min hnêm tu tûr ka la nei a, ani hi chuan tûmah dang a nei lo, Kei aiin a tuar nasa daih zawk, Ani aiin ka chan pawh a tha zâwk bawk.


"Zoremsang lehhh...Min va ti mualpho em em ve le"


tihpahin U Zorema pâ chuan khawih a tum ta mai, Midang ho chuan an lo dang vat a, Kei chu ka lo ding khawng reng ringawt, Ka rilru nat zia hi han sawi fiah vak ngaihna pawh ka hre lo, mahse ka mittui far khat pawh a tla lo,U Zorema nu pawh a tap pâr a.


"Duh tâwk rawh, ani hian alo hresual pawh a ni thei a"


U Zorema nu chuan U zorema pa dan pah chuan a ti mawlh mawlh a,ka tâwt up up mai, helai tang hian kal vat ka duh.

"Nu zual, Ka haw phawt mai ange, Ka rilru a buai rih emai, min thlah tu tûr an awm theih chuan"


In thlahrung zet chuan ka ti a, helai hmun a ka awm reng chuan ka â thei mai dâwn in ka hria.


"Ni lo, Kimi khawngaihin, Min ring la, Inneihna hi chu thulh lo hrâm rawh aw, Nang lo chu tûmah neih ka tum lo"


U Zorema chuan a ti mawlh mawlh a, Ka lo en tawp ringawt, A hmâi ah sâwn ben sawk ka châk a ni,Mahse ka thei lo,ka tlâwm zia ka pholang mai mai zâwk ang.


"U Zorem, Ka rilru buai rih emai, Naktuk ah kan in be tha leh dâwn nia, Ka in rawlhna tûr a ni tawh lo "


Pângâi tak chuan ka ti a, ka bag chu la in ka tlân chhuak nghâl,

"Boiha, Joel, I U Kimi hi va thlah mai tache"


"Awle Ni"


Pâwn a tang chuan an ti lâng lâng ri chu ka hre thei,hepa lakah hian he tiang tak hian ka lâwm pawh ka lo ring lo asin le.



Pâwn ah chuan ka lo nghâk a, Ka bul a arawn ding chu Zu rim ala nam deuh hak hak zui, Mahse rûi âwm pawn a awm lo,a sâng tha bawk sia, a bula din vhu ka zak lek lek zâwk.



JOEL-A POV



Car ah chuang ngâwi rengin a rawn thu ve mai a, ka rin aiin a tuar a chhel zêk mai, Hmeichhe namai lo tak chu a ni ve a nih dâwn hi,engtin nge pângái taka ala awm theih zâwk le? a mittui tling pam erawh ka hmuh hmaih hauh lo, Rang thei ang ber chuan ka tlân chhuah pui nghâl a, Au Zorema hian engtin nge a bum theih zâwk le? Hmeichhe fel tak anih ka ring a, A hmêl lah chu a tha reuh phián leh nghâl, ngâwireng chuan pawn lam chu a thlîr vang vang reng a, min be châk vak lo pawh a niang, ka hrethiam tho A nat dân tûr chu, keipawh hetiang chiah hian ka lo na ve tawh thîn, Mahse kei a tawrh ve chu nêp tê hi a ni ringawt, Ani chu a pasal ni mai tawh tûr in sâwn alo thlâk a, keichu ngaihzâwng dang min neihsan a min kalsan ringawt kha ania, Lehlam kawng zâwng tak chuan ka ngaisâng ru reuh phiân mai, engtin tak awm zêl ang maw?.


_______


Hetianga ngawih reng chu keimah zâwk hian nuam ka ti chiah lo,

"Engtin nge thuthlûkna i siam dâwn a?"


Ka'n ti chhuak phawng mai a, min rawn en nghâl vat tih ka hria, mahse kawngpui lam chu ka melh daih thung.


"Naupang tih fahrah a tha hleinêm, Nu leh pa kâra seilen loh chu a tha lo"


"Chuan I titâwp vek dâwn tihna mi?"


"Aw, Ka tih tûr dik tak a ni"


Thawhak chuan Nghenchhan chu a nghêng a, ka va mitsîr zauh lâi chuan alo maimit chhîng vang vang a, khawngaih rûkna riau ka nei tlat pek a,


"Ka kal tîr tûr a ni, Ka hmangaihna nên, harsa hlê mahse"

Muang fân raih hian a rawn ti chhuak sap a, Motor lian ka tlân pelh chiah avângin light chuan a hmêl chu a rawn chhun eng deuh phât a, ka lo mit sîr hmanhmawh a, A mittui luang thla ngiai ngiai chu ka hmu chiang kher mai, mahse tap ang pawn alang chuang miah sî lo a, enge maw ka chîk em em chhan pawh hi ka hre chuang lo nâ a, nichin a awmdân atang kha chuan hmeichhe dangdâi ve tak a ni ngêi ang, ka duh chî ngat mawle.


Ni lo, enge maw ka ngaihtuah le? Ka khawngaih vâng pawh a ni mahna, Hetiang lo paltlang tawh tán chuan anat zia hi ka hre chiâng êm a ni, kei ngêi pawn Zû ka âtchilh phah rêng bawk a.


A tawngkam chhuak reng reng chu a puitlingin a min khawih deuh riau zêl.


"Enge maw in tûr i nei em?"


"Enga!"....a thusawi chuan min thâwn êm avângin car chu kawngsîr rem lâi ah chuan ka ti ding vat a,


"Aa...aw...Beer ka nei a, mahse a tui vak lo a nia,"


"Ka hre ve chiah lo, mahse tûn ah rih hi chuan harh fîma haw ka duh lo, Engmah hre lo a awm ka châk a, u Sawmi nau ini tho bawk a, nangchu ring che alawm"


Inthlahrung angreng tak chuan a rawn tî a, Beer cane 1 ka lo dah that chu hawnsakin ka pe vat a, alo ban reng ngêi mai,ka nui suk a,engvânga min ring vê ngawt nge a nih le? Kan vawi 1 in hmuhna chauh a ni sia.


"Midang zawng zawng hian i sual an tia, mahse keichu i fel ka ti"


A thusawi vâng chuan ka nui hak a, A mak hlê mai, Min hre tû apiang chuan ka felloh zia bâk an sawi ngâi lo, hmeichhe mak tak a ni.

"Nia iti dik alawm, ka fel lutuk"


A rawn uâk deuh that a,a nûr deuh nâng bawk, tui a tih kha ka ring lo rêng a ni,


"I hnâr kha hup la, i theih zât a tam in tum rawh"


"Awi a kha lutuk"

tihpah chuan a uak leh deuh that that a, a vawi khat inna a ni tih ka hre nghâl mai,

" Kha hei hi ei tel rawh" Tihpah chuan Dildar chu ka pê a, A thaw deuh hak in ka hria, Cane 1 zu in zo vek amawle.


A rûi hlê tih ka hrethei, En ngâi en reng chung chuan a khap fak fak a, Ka va mit sîr leh zauh thîn, a mittui chu a tla tih a biang huh hliâm atang chuan a hriat theih bawk,



"Tah hian ding lawk teh a"


Aw khûr deuh dar dar chuan a tî a, Motor atang chuan hmanhmawh zet hian a tlán chhuak nghäl vat a,

Engtak chu ti ang maw, Ka hawi kual chu waiting shed hi alo awm reng a,a thim tawh angreng bawk sî, street light lian vak lo hi electric ban ah chuan an lo vuah ve bawk, Waiting shed bul a thingbuk tê ve lam hnuai ah chuan a thingthî tih ka hmu thei, A luak a mawn le?....Car atang chuan ka chhuak ve nghâl vat a, a bul ka va thlen chuan alo in hnît feih feih a, A êng lâi ber ani bawk a,motor min tlân pêl tute lah chuan min rawn enzui ang vung vung a, ngâwireng chuan a tah chhûng zawng chu ka lo ding ve ngat ngat reng a, A vawt deuh sûk tawh, min enduh hlawm ang reng sia, ka zak ve lek lek zêl, Ka jacket chuan a lu zawng zawng chu ka va khuh vek a,Mak tih hmêl deuh chuan a rawn hawi a,, râl lehlam chu a hawi leh nghâl vat, Kan in be khât ve khawp mai, Au Zorema lahin min rawn call chhên leh nghâl a, mahse ka la paih lo, enge ka lo ngei ve ringawt chhan pawh hi ka hre nek lo e a, A inhnît feih feih reng a, Khawngaih rûkna riau ka nei, Ka secret chu phawrhin ka'n zu leh rih a, A bul ah chuan ka lo ding ngâwi ve tlawk tlawk reng ringawt, a tap lâi chu ka en reng a, tiang êm êm a hmeichhe tap lâi ka khawngaih hi ka la hre lo, Ka secret chu ka pak khu hlat hlat reng ringawt,hmeichhe tap han thlêm chi ka ni bawk sî lo nên,zak chung chung chuan ka ding ve reng a, min en zui chhên hlawm mai bawk sî a,car ah lo nghâk dâwn ila,hmeichhe rilru na ngawih ngawih tap lai han kalsan daih chu nuam ka ti chiah si lo a,hmeichhe mak tak chu a ni ve chiang alawm.



_________

"Kal tawh ila"


Zâwi sap chuan a rawn tî a, thildang daih ka lo ngaihtuah chu niin, ka lo phu deuh dâwrh a,



"A....Awle,i tah zawh tawh chuan"


Ka'n ti leh deuh kher a, a nui tâwi tak mai,a mit lah chu a sen râm bawk sî.



_______

"Kan thleng têp tawh ang tiraw?"


"Aw kan khua kan thleng tawh a, saw lâi kâwn deuh ah sâwn kan in chu a awm"


Pângâi deuh chuan min rawn chhâng ve mai a,an khua chu hnâi tê an tia, zân a han kal meuh chuan hnâi ka ti lo tawp mai, KM 10 vêl chu kan tlân in ka hria.


"He lâi hi ania, Tah khân ding rawh"


A rawn ti thut a, ka ding nghâl vat, an in chu a lian vak lo nâ a, A fel fâiin a tâwk tiu teu hlê,


"Lo riak mai ta che, zân a rei tawh sia"


Zêp lo chuan mahnia han hâw leh a râl ah chuan a nuam duh vak lo, a hla tham ve ang reng sia,han riah ngawt chu a pâ loh thlâk ka ti deuh bawk sia.


"Boihte, i lo hâw tawh alaw"


Tihpah in nu pakhat Kum 48 emaw50 bâwr vêl hian a rawn tî a, A nu anih ngêi dâwn hi.


"Aw, U Zorema nâu in min lo thlah a, Riak tûrin ka sâwm a, a in ti pâ ve deuh nge ni"


Nui sáng chuan a'n ti a,he nu tak hi chu âw hriatthiam avan har tak, engtin nge a rilru natna te thup bo thak in a nuih theih zâwk le.


"Ni e Boiha,Tûnlai ah misual te an tam tawh sî a, Bâk ah, Mêlthum leh Ngâizêl inkâr saw a hrâng deuh reuh an ti leh nghâl"


Nui deuh sâng chung chuan a ti a, Ka nui suk ringawt, ka nuih zat vâng pawh a ni lo, mipa mah ni ila Thlahrâng leh ramhuai vêl hi chu ka nêl zawng an ni miah lo.


"Lo riak mai rawh, naktûk zîngah i haw leh mai dâwn alawm"


A ti leh a, Min sâwm nasat vâng pawh ni lo in,mahni a hâw ka hreh deuh vâng chuan ka "aw" ve ta ringawt a,


______


"Ka room ah hian mu mai rawh aw, a zau lutuk lo nâ a a nuam ve phiân ania"


"Thutthlêngah pawh ka mu thei alawm"

In la polite fahran chuan ka tî a, mahse an thutthlêng hi ft 5 leh thlêm vêl chauh a ni sî a, ka len pawh ka ring chiah lo.

"Ka nu nên kan mu dûn dâwn a, ka pâ a duty tho sia"

A thu sawi vâng chuan ka nui suk a, nulâ pasal neih tum ve ûk tawh, nû te bula han mut chu ka nuih aza tlat.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 18th, 2019, 11:22 pm

TE AMO, NON PIANGERE

CHAPTER-3

BY

HLUTEI JOCUND PACHUAU


A tawi deuh maithei, vawiin ah current kan nei lo char char a, ka type lui thei tawh ngang lo, ka chau lutuk a, ka mut a chhuak tawh lutuk ringawt, min hrethiam ru aw, Mumang nen ka rawn type a nih hi😘😘😘😘




"Zan in vâng khân ka lâwm lutuk ania,mahse engmah sawi chuang suh aw"


Inthlahrung deuh chuan a tî a, Ka lo bu nghauh ringawt,muangchâng chuan a chhuak leh hnâ hnâ a, He hmeichhe mize mak lutuk hi tinge hriat chian ka châk tlat le? engpawh chu nise mu phawt mai ang.


____________


Kimi Pov


Zîng ka tho chu ka lû te hi a rit deuh bûr mai, nizân ka thil in vâng pawh kha a ni maithei, Ka nu pawh a awm tawh lo, Restaurant hi chu thawh hma hi a ngâi leh lutuk a.Peih lo zet chuan ka tho chhuak taih taih a, U Zorema nau pawh ka ngaihven loh chuan, Sana ka en chu dâr 6 alo ri tawh, Ka room kawngka bul ah chuan ka ding reng a, ka kâi tho dâwn nge? mahse Khawpui tlangvâl hi chu zân an meng rei a, zîng an tho har leh an tih chu ka hria, kâi tho ta lo chuan choka lam chu ka pan vat a.


_________

Rawng chu ka bâwl ve tak nâ a, Mahse ka thilsiam pawh ka rilru ah a awm thei lo, U Zorema ka ngaihtuah a piang in ka mittui hi a rawn tla leh top zêl, Khatih hun lâi khân ngaihzâwng te alo nei a, min lo bum reng tihna a nia, engtin nge a theih zâwk le?.

Aw thiân kharh ri ka hriat avâng chuan ka phu deuh zawk a, ka hawi phei chu U Zorema nau kha a lo ding reng a, a tho phang hmêl pawh a tha viau tho mai.


"Chaw ei ve la, Keimah chiahin ka ei dâwn a sin"


Ka lo ti nghâl vat a, pângai taka awm chu ka tum hrâm hrâm a ni, mahse a har chu ka ti ve tho.

"Khawnge i chhûngte?"


"Ka nu chu dâwr ah a awm tawh a, Ka pa pawh dâwr ah a ei ve nghâl ang, Ei ve nghâl la, i haw vat dawn nia"


Nui lui sak chuan ka ti a,

"A tha lâwm, Au Zorema'n min rawn call char char a"


A tih chhunzawm nghâl a, ka chaw ei siam lâi chu ka tâwp chiang ngêi mai, a hmêl ka va en chu a in thiamlo leh deuh tih ka hria.

"A pawi hleinêm, ka rilru chu na viau mahse, ka kal tîr tur a ni, Ka dinhmun ah hian hmeichhe dang pawh ding se ka tih ang hian an ti ve vek tho ang"


A ngâwi reng a, a tawng tam lo ve ngawt mai, chair ah chuan a rawn thu thla ve tawp a, Ka siam ang ang chu a ei ve mai bawk a.

"I chaw hmeh duh zâwng pawh ka hre lo a, a awm ang ang ka siam ve tawp a"


"A pawi hleinêm, duh loh em em pawh ka nei lo"


Awlsam zet hian a tî a, Mipa awlsam ve tak chu anih dâwn hi, Mahse a hming kha ka hre tawh miah lo.


"I hming pawh ka hre lo"


Zâwi sap chuan ka ti a, A nui suk,

"Boiha min ti ve mai rawh"


Awlsam zet hian a ti a,a fel avan chhuah rei lo tak, ka hmui ka lo ti pawrh zauh ringawt, kei ai chuan a naupang tih ka hria.


"Tak tak ah, Joel min ti mai rawh"

Nui suk pah chuan ati a, keipawh nui lui deuh sak chuan ka chaw chu ka ei ve leh mai a.

________

"Ka haw mai ang, Au Zorema a ngaih a tha lo lutuk palh ang"

Thleng ka seng mawlh mawlh lâi chuan a rawn tî a,

"Awle, Ka lawm tak tak a nia aw, tluang deuhin i haw dâwn nia, Chuan, eng lo kha, Tûma bul ah sawi suh aw"


Ka zak ve deuh, a nui suk a, a kal chhuak nghâl daih, Van zahthlâk tak, min ngaihdân a dik lo zo vek ang, engvânga lo in ve kher kher nge maw ka nih le?.


Car ri vung vung ri ka hriat vâng chuan ka dâk chhuak vat a, Hnehsawh zet hian alo in turn vêl a, ka en zui vang vang ringawt, mipa sual tak chu a ni lo mawle.


Huihaaa....chutiang ngaihtuah thei pawh ka nih top loh hi a, thlêng chu ka sil mawlh mawlh a.


Ka phone lah chu ri reng mai bawk sî, u Zorema ani tih ka chiang, ka la dawn lo le?..ka mittui a rawn hnâi leh tawh.


Ka Room ah chuan lût in ka thu hnawk a,Ka ngaihtuah chiân pauh leh ka lo pawimawh loh zia leh hnawksak ka nih thin zia ka hria a,chumi ka ngaihtuah zâwng ringawt pawh chuan ka thinlung zawng zawng hi a kehsawm vek ang mai hian nâ ka ti takzet a ni,min hmangaih amaw tiin ka lo ring ngam kha a ni a, hliâm na tak tuâr mahila tah ka tum lo, mahse hmeichhia ka nih miau avâng in ka mittui erawh ka hriât loh kârin alo tlâ a, Engtin nge khatiang thil lian tham kha ka lakah a zêp theih, Ka hmangaih a, ka thianghlimna hiâl ka lo hlan kha ani tân chuan engmah a ni lo,ka tlâwm takzet a ni.


Ka inthing nawk nawk a, Ngaihtuahna fîm ka hmang tûr a ni,Mahse ka natna zawng zawng te up bet a mahnia tawrh ngawt ngawt chuan ngaihtuahna fîm hman a har talh mai.


Phuba ka la ve dâwn nge ka kalsan dâwn? ka tawrh anga nâ hi ka tawrh tîr ve dawn zawk amawn le? ka rilru nat êm avang chuan thil ni lo pui pui chu ka ngaihtuah kual a, Khumah chuan ka'n mu leh vang vang thîn, ka phone ri reng chu ka'n pick-up tawp a.


"Kimi, Ka tihpalh takzet a ni, engkim kha ti tâwp lo hrâm rawh aw, i na tih ka hria, keimah leh keimah hi ka in haw ngawih ngawih a ni, i duh duh in min bêng la min sawisa la, mahse min then lûl suh"

Ka tah mai loh nân ka in seh ruh ngar ngar a, mahse engmah ka sawi thei lo, ka phone chu off in khum ah chuan ka bawk thlawp a, ka âwm chu dawm in ka thaw hak hak ringawt.



__________
1 week later

JOEL POV



Kan inchhûng chu areh tlawk tlawk hlê a,au Zorema te inthen atangin kâr khat lâi alo liam ve ta, Kimi chu ka chhûngte pawn fel an tiin an la sawi reng mai, Au Zorema fa pâi tunu lah chuan a luhkhung hmak mai bawk sî a, U Zorema lah chuan a ngaigsak vak lêm lo, mahse khum khat ah chuan an mu tho,ka ngainat zawng a ni lo tawp mai, a zakthei lo sî, tawngkam lah chu a thiam phiân leh nghâl, Au Zorema Nau Remi, Remi nen hian kan in rual chiah bawk, Remi pawh hian a rawn kal châng chuan Kimi a ngaih thu a rawn sawi ziah a, Remi hi hmeichhia mah ni se kan in kawm ngaih a, Tlêma a pâ deuh vâng pawh a ni mahna, Kimi chu ka khawngaih reuh riau mai, a chanchin ka hre châk zek zek chu niin, ka ngaihven mah mah em ni zawk pawh ka hre lo, Engtin nge a awm zêl tâk ang âw, tih chu ka ngaihtuah ve rauh rauh zêl.


_______


Hmuifângah kan thian ho a lên kan tum a, Kimi tlawh kâwi pawh ka tum ruh hlê, Ka thian ten ka duh lo chung, Mary min ngaizawng deuh tu an säwm ve tlat pek a, phur tûrin min la ti tlat zui, Ka RC 390 lei thar chu kan khalh chhuak ve a, ka awh êm avângin ka pa lakah pawh ka mark that nan ka thawk rim hlê bawk.


Khua a lum vângin ka Bomber Jacket senduk chu ka hâ a, a hnuai ah ka ngainat em em Gucci t shirt var chu ka hâ a, Jogger pants dum chu ka ha leh tawp a, Gucci sneaker chu ka bun leh hrâm bawk, Hmanhmawh tak chuan ka in khalh chhuak a,

_________


Ramhlun industry pêng bulah chuan min lo nghâk thap a,Mary pawh a chhelo hlê, mahse ngaihzawng neih ka peih loh vângin a laka engtin mah beisei âwmin ka awm ngâi lo, Peih lo zet chuan ka'n phur ve top a, kan thian ho chu paruk vêl kan ni, an bialnu te theuh an phur a, kei ka hmeichhe ngainat zâwng pawh ni lo ka phur ve chu nia, engtik ah emaw chuan ka hmeichhe hmangaih tak, ka la phur ve anga,ka hmeichhe hmangaih tak mawle....ka ngaihtuahna naupang chhia lutuk vâng chuan ka nui suk ringawt.



_________



Hmuifâng kan thleng chu midang chuan nuam an ti hlawm hlê a, nuam tihna pawh ka nei ve lem lo, A chhan chu vawiin hi nidang ang ka ni lo, ka kim lo riau in ka hria,tlawh tu dang pawh an awm ve nual bawk.

Tlêm tê kan lem hnû chuan ka pângai ve tan ta deuh a, mahse Dar 3 a rik dawn tawh avang chuan haw chu an rawt ta hlawm a, Midang chu hmun fâl ah an awm vek a,Mary nen chuan pipû ah chuan kan thun dûn a,


"Joel, I u Zorema chu ka khawngaih reuh e, a nupui hual pawh chuan ngaihdam ve mai awm"


A thusawi vâng chuan ka nui suk a, a chungah thleng ve ta se a ngaihdam ka ring top lo mai, in lâk fel tum lutuk hi a hnêawm lek lek zâwk.


________


Ka thiante chuan Aibâwk a chawlh an rawt a, mahse Kimi te dâwr a chawlh ka rawt tlat avâng chuan min hniâl duh bîk lo, ka tum vek tûr a nih leh dâwn tho vâng a ni.


________


Kimi te khua kan thlen chuan Kimi te dâwr kawt ah chuan ka ding chat a, an dâwr kawt lâi chu alo phiat fai hliau hliau lái chu ka va hmû a, A hmêl lah chu a pawr chhip chhep em em leh nghâl, min hmû chu mak a tih hmêl ang reng hlê.


"Ehee...Joel khawnge in kal a"



Nuisâng hian min lo ti vat a, henu nui hmêl ka hmuh hian ka hahdam sawng sawng mai, enge ka rilru put hmang hi kei ngei pawh hian hriatthiam har ka ti.


"Kan lo châwl dâwn a"


Tih zawng chuan ka chhâng a,

"Ehe...bialnu i va nei tha ve, mahse min la tluk chiah lo"


tihpah chuan a nui har har a, ka lo nui ve suk suk ringawt,

"Ka bialnu a ni hleinem, ka thian a nih hi"

Ka ti vê mai a,
an dâwr chu lian vak lo mahse a felfai phian mai,midang chuan eitûr chu an lam sap sap hlawm a, keipawh chuan Ka lam ve mai a, an la siam tui reuh em em leh nghâl.


"Amah hi ni lawm ni I Zorema nupui hual kha"


Mk a bialnu, Maduhi chuan arawn ti ru sar sar a, hmeichhe ho chuan an rêl zui sap sap hlawm a, ka thil ei an ti tui lo zo vek,hmeichhe ho mirêl hrât lutuk hi chu ka kham takzet.


Kimi chuan a hriat reng ka ring, mahse hria ang pawn alang lêm lo, a nui sâng reng a.

"Coffee in in duh em? ka lo khilai ang che u"


Pângai tak chuan ati a, ka thiante ho lah chu an lo lâwm hlawm em em leh nghâl.


"Kei chu ka duh ve lo"


Mary chuan a lo ti vat a, kan en thap hlawm a, nichin ka thusawi vâng khân a lungawi chiah lo tih ka hria,mahse ani thinrim mai mai hi ngatân mah ka ngâi lêm lo,duh leh thinrim vêl mai mai teh se.

"Enga ti maw?"


Mk a chuan alo ti vat a.


"Helai vêl Coffee hi chu a dal thei lutuk an tia, ka in ve lo mai ang"


Ngeiawm zet hian a rawn tî a, ka ngaihdân a pêl tlat, Kimi chu ka va en vat a, mahse a hmêl ala danglam eih lo, ala nui sâng reng tho.


"kan Coffee hi chu keini pawn kan inziah a, a tui lutuk a sin"


Dam thlap chuan a tî a, Mary lah chuan a hmui alo ti pawrh nasa mai, Kimi chuan coffee chu a thli mial mial a.


"Ka in duh lo, a tui tak tak pawh ka ring lo e a"


A ti leh deuh kher a, Kimi chu a nui ri hak, Engtin nge a rawn chhân leh dâwn ka hre châk tlat pek a.


"Awle,i duh loh miau techuan a tha lawm"

Tihpah chuan Coffee chu a rawn chhawp mial mial a, Mary chuan ka Coffee chu arawn su lui nge a su palh zawk, a baw nghâl vek a.


"Awi ka tihpalh lutuk"


Ngeiawm zet chuan alo tî a, Kimi hmêl ka en chu ka coffee no seng pah chuan no chu a hum ngar ngar a, mahse a hmêl ala pángai reng tho, a thinrim insûm a ni tih ka hre thei, henu zak thei lo lutuk hi chu ka la zilh hlak ang mawle.


"Ka lo thlit leh mai ang che"

Ti sap chung chuan a thli leh mai a, henu hian enge a hriat a, Kimi hi a ngei em em chhan hi ka hre lo e a.

"Joela chuan a in lo ang"


Alo ti deuh hmak,

"Engvangin maw? a in phallo tûrin a bialnu pawh ini si lo a"


Kimi chuan nuisâng hian a tî a, Mary huat tâwk alo tling leh em em tawh, Kimi chhan dân vang chuan ka nui suk a, henu zet hi zawng a tlâwm lo top ang, keipawh min ngawih tîr hmak thei kha a ni miau a.

"nangpawh u Zorema'n a neih duh leh loh hnu ini tho alawm"

A ti deuh ngat a, ka thin a thawk ta phat mai.


"Mary ngâwi hmak rawh, Ke a haw te i duh loh chuan"


Ram hmak hian ka tî a,

"Ni e, iti mah mah a ni"


Maduhi pawh chuan alo ti ve vat a.

"A pawi lo, ala naupan chhiat vâng a nih kha"


Kimi chuan awlsam zet hian alo tî a, Mary chu a ngâwi mai dâwn lo in ka hria.

"Ni e, tu emaw angin nula senior pasal neih rual neih leh duh lo ka la ni ve hleinem"


A tih zawh rual chuan a kut ah chuan ka va hmer vak a, alo râk deuh that.


"Joel a pawi lo, A thusawi kha a dik alawm"


A rawn ti vat a, pângai tak anga lan tum mahse a chhûngril ana tih ka hre thei.


"U kim, ka thiannu hi lo hrethiam rawh aw, Alo lem hnem deuh a"


Maduhi chuan fiamthu hian a ti a, kan boruak pawh tlêm in a zia hawk mai.

________


Kan eiman chu keimân ka tum vek a, Mahse Mary chu a free in a ei tir hrâm, Mary huat tawk alo tling em em a nih chu, hmeichhe namai lo tak zawng a ni ve chiang alawm.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 18th, 2019, 11:22 pm

TE AMO, NON PIANGERE

Chapter-4

Hlutei Jocund Pachuau



Kimi pov


Joela te hâw hnu chuan ka thaw huai thei, a thiannu min hmuhsit zia ka ngaihtuah hian ka rilru chu ana ve alâwm, mahse hmeichhe chak lo tak anga lan ka tum lo.



______

Khum ah chuan ka nunhlui te ngaihtuahin ka muttui tla chu ka hru zauh zauh reng a, engtik ah nge he hrehawmna hian min kiânsawn dâwn le?, ka nu leh pâ chu an inkhâwm daih a, damlo kan kâwi an tum bawk, varanda a thâwm ri rak rak vâng chuan ka suangtuahna ram atangin ka harh zawk a, ngâithla chiang tûr chuan ka tho them them a. Zawhte nge ui pawh ka hre lo, Ka ngaina lo ve ve, hmawlhte chu la in kawngka chu ka hawng thut a, awi ka phu chiang lutuk!!!...Ka tê tuar a, Joela lek lo niin, ani pawh a phu ve tho,


"I van mâwl tak, min ti hlâu alawm"


Vîn deuh that chuan ka ti a, ala nui sun sun zui, mahse ka inthiam lo leh deuh, enge maw a rawn tih dâwn le? ngawi rengin kawngka bulah alo ding reng chu ni awm sia, ala ruih hmêl em em leh nghâl, ding pawh a ding ngîl thei lo.



"Lo lut la"

Inthiam lo ru deuh chuan ka ti a,

"Lo luh pawh ka tum chiah lo"


Ban deuh chuap chuan a ti a, mahse ka ngai pawimawh duh lo, ka kâi lut rawk rawk a, a palian angreng sia, min ring deuh ûl chunga a din chuan a rit tham ngêi mai.

"Kimi, Mary kha ka bialnu a ni miah lo a nia"


Tihpah chuan a phun bul bul reng a, enge chu pawh chu a sawi reng le, sofa ah chuan ka mut chawrh a, a phone chu a rawn ri nghâl, Ka en chu U Zorema a ni, Ka lâk loh chuan a dik in ka hre bawk sî lo, Ka lâk chuan ngaih loh lamah min ngâi ang tih ka hlau bawk si.


Engpawh nise la phawt mai ang,
"Hello"

"Hello, Kimi, nangmah ami? engtin nge?"

"Joela hi a rui lutuk a, rawn hruai haw mai ta che"



tih zawng chu ka sawi a ka off nghâl hmak,U Zorema chu ka khawngaih tho a, mahse Nau hial an pâi tawh a, Naupang tih fahrah ka duh lo, keimah vângin naupang pakhat nun lo chhe vek ta se, ka hlim thei tak tak chuang lo ang, chu ai chuan rei lo te chhung natna lo tawrh ve chu ka thlang zawk.


_______


Pâwn a car thâwm ka hria t vâng chuan ka tv en lâi chu ka off hmak a, pawn lamah chuan ka va chhuak vat a, u Zorema lo ni rengin, ka ngaihbel nge pawh ka hre lo, a cher deuhin ka hria, a hmêl chu a pawr deuh chhap bawk.


"Khawnge Joel-a chu"


"Saw tah sawn a mu a"


Tih zawng chuan ka chhâng a, inchhûngah chuan a rawn lût nghâl vat a.

"Joel tho rawh"

Tihpah chuan a sawi deuh nawk nawk a, Joela pawh chu a rawn harh ve nghâl, a hawikual deuh ruai ruai a, engmah a hriat tawh hmêl loh.

"Engtin nge hetah ka awm theih a"


A rawn ti deuh hû a, min rawn en chiah chu mak a tih hmêl ngei mai,

"Haw ang"

U Zorema chuan a ti deuh hmuk a, en pawh min en duh lo, ka rilru ana thar leh ni mai hian ka hria, ka thin chu a rawn sa deuh ap ap a, mahse ka ngâwi reng a engmah ka sawi chuang lo.


"Kimi ka rawn ti buai che a pawi ka ti lutuk ringawt"


Inthiâm lo zet hian a rawn tî a, nui lui sak pah chuan ka lo bu nghauh ringawt,
U zorema ve thung chu a ngâwi reng a,Biak hrâm chu duh mahila sawi tûr avâng kher mai, tun ang em em a sawi tûr ka haihchham hi ka la hre lo.

_____


Pâwn thleng chuan ka va thlah a, U Zorema chu ka bulah chuan a rawn ding hnâi a,

"Ka laka phuba lák nán ka nau lakah i tuan ta em ni?"

Hmel rum tak chuan a rawn ti a, ka thin hi a vit zawk thei,chhân dan tûr pawh ka hre lo, ka mittui a rawn hnái mai dâwn in ka hria,

"Kal tawh ru a tlâi tawh"


Tih zawng chu ka sawi thei hrám,ka âw pawh a dik lo deuh in ka hria.

"Ka zawhna kha min chhâng phawt la"


"AU Zorem i ti mah mah a ni, kal tawh ang"

Joela chuan alo ti vat a, U Zorema lah chuan a melh rum nasa mai si, keimah vângin an unau inkâr a chhiat ka duh teuh lo mai.


"U zorem hei chiah hi ka sawi ang, uluk deuhin lo ngaihtuah ang che, phuba la duh tûr khawp chuan min en hniâm lo la, ka chanchin hi lo ngaihven tawh bawk suh, Ka duh duh ka ti anga, i fa chauh kha ngaihtuah la, keichu ngaihtuah ka ngai lo e,i duh a min phatsan tawh a, keichuan ka ilaka ka rilru puthmang zawng zawng te hi ka phûm bo vek tawh, ka beisei lo che a, rawn kîr tumna pawh ka nei tawh lo bawk"


Aw dam thlap chuan ka ti a, min kalsan ve theih phah mahna.

"Ka hmangaih che sin"


Ati zâwi sap a, mahse ka ring ther tê lo.


"Min hmangaih ni la min phatsan lo ang, Kawng hran ve ve kan zawh tawh a, kan kawng ve ve ah chuan ngil takin i kal dun zawk teh ang, Keipawh hian ka lo hmangaih tak tak lo che pawh a ni mahna"


"Kan inthen lai a nia, a rai ka ring biik hleinem"



"Kan inthen lai khan mipa dang lo mutpuii ve ta ila engtin nge min ang??"

A ngawi ta hmak a, inchhûng ah chuan ka lût nghâl hmak, ka thil tih hi a dik chiah a ni, ka lo hmangaih tâwk lo pawh a ni mahna.


__________


U zorema hi chu fel viau thin mahse,ngaihdam ngâi reng a ni a, ka thei tawh bik lo a ni, a tawp khâwk ve tawh, ka na hnem tawh êm a, tunah chuan mittui hruk hul tûr tak ngial pawh ka nei tawh meuh lo, khuma mut pah chuan You tube ah funny video ka en mai mai a, ka hriat loh laiin ka lo nui leh kar kar thin, a dik chiah, mahni a awm hi a nuam daih zawk.


Ka number hriat ngai loh chuan min rawn call a, ka la ve top.


"Hello?"



"Keimah ka nia, Joela"


"Enge ni ta a"


"Ka rilru ah i awm reng a, nichin vâng khân i tah leh mai ka lo ring a"


Ngeiawm zet hian ati a, ka hmui ka lo ti pawrh vak ringawt, Hepa rauh hi chu, avan chimawm chiang tak.


"Ka tha e, ngaihtuah ka ngai hleinem, a hmingin nula senior te kan ni ve a"


Ka ti chiah chu a nuih aza ngêi mai, anui hak hak a, a nui ri duhawm zia chu, a hmêltha in mipa perfect tak a ni si a, ngaihzawng a nei ngâi miah lo in ka hria.


"I naupang chhia reuh ê"


A ti sup a, ka lo nui hak hak ringawt,


_______

Zîng ka tho chu nizân khân ka lo muhîl daih a ni tih ka hre chhuak zawk mai, Tinge Joel-a hian min ngaihsak em em le? nuam ka tih rual rualin nuam lo ka ti ru tho bawk sia,

ka phone rawn ri nghawr der der chu ka la nghâl vat a.

"Vawiin chu lo lêng phei la, thil hrilh tûr che ka ngah teh mai a nia"

U Sawmi chuan a rawn ti nghâl mawlh mawlh a, lên chu ka châk viau rualin u Zorema beisei angah min ngâi ang tih ka hlâu ang reng bawk sia.

"Mahse min sawi duh lutuk ange"


"A ho emai a, mî thusawi a buai a ngâi lo, i chanchin sawi tûr an hria techu lâwm zawk rawh"


Tihpah chuan a nui leh nghâl ar ar a, u Sâwmi bula awm hi chu a hahdam thlâk ngawt mai, Joel-a nên hi chuan in ang lo tak an ni ringawt.


"Awle, keipawn ka hmu châk tawh che lâwm, lo kal chu ka lo tum ange"


Rei fê kan inbiak hnû chuan kan duhtâwk vê thei hrâm alawm.


Tûkthuan ei tûrin dâwr lam chu ka pan nghâl hnak hnak a,

________


"Mate, Zin khawthawn te i duh lo ami? chhuak harh ve la, dawr a i awm loh leh in ah i tawm ngawt ngawt reng a, heti chuan a dik lo ang, Aizâwl lama I nutei bulah va awm ve la, enge maw zir te i duh lo a mi?"


Ka nu chuan tûkthuan kan ei mawlh mawlh lâi chuan arawn ti chhuak hlawl a, Ka pa chu ka en nghâl vat.

"I nu sawi kha a dik alawm, ila naupang a,hetia awm reng chu tha lo, hma hun ila ngah lutuk"


A ti ve sup a, an sawi chu dik viau mahse ka châk em em lo, ka nu leh pa hian tuar thiâm lo viau ah min lo ngâi pawh a ni mahna, mahse ka rilru natna te kha a bo vek tawh,


"Nu, Pa, Chutiangin ka na lutuk tawh hleinêm, engmah tih ka peih rih lo, dawra ka awm a, Rintei te ho bula awm hi nuam ka ti, mahse vawiin chu ka lêng chhuak ve ang"


Ka'n ti zawm zat a,

"A tha lawm"


Ka nu chuan a ti ve mai a, ka chaw ei lah chu a tui phiân leh nghâl.

________


Ka croptop vâr bân tluan chu ka hâ a, cotton jeans dum leh nike sneaker chu ka bun tawp a, ka FILA bag chu ak in ka tlân chhuak ve nghâl a.


________

"Awi i van thâu reuh vê a"


U sawmi chuan nui uar uar chung hian alo ti a,ka nui ve suk suk ringawt, Hmeichhe pakhat Mary bawk kha alo awm ve bawk.


"Ehee...i dam maw?"


Ka va ti nghâl a, u Sawmi nu leh pa an awm lo a, Joel-a awm ve tih ka hre nghâl, mahse ka hmu mai lo, Mary chu a nalh leh tawh hlê, a sângin a pian analh bawk sî, a dress chu a inhmeh phián bawk,


"Dam e"

Tih ringawt chuan min chhâng a, u Sawmi nen chuan kan in melh ralh ringawt,

"Enge i lo tih?"



Aw pâ zet rawn tawng na lam chu ka hawi vat a, Joel-a chu T shirt vâr leh kekawr bûl dum hi a hâ a,in bual zo hlim tih hriat tak hian a sam a huh hlap bawk, Mary chu rum deuh âl hian a en reng a,


"Min bazaar pui dâwn kha"


Ngên ngâwl deuh chuan alo ti vat a, u Sawmi chuan ei loh hmêl zet hian a hmûi alo ti pawrh zauh lâi chu ka hmu chiang kher mai, kan nui deuh rah rah a.


"Rinkim, nangpawh maw?"


"aaa...Ka rawn lêng vêl mai mai,keichu bazaar pui ka ngâi ve lo a nia"


Nui sâng hian ka ti a, u Sawmi chu alo nui hak thung, Mary lah chuan min melh rum ngang mai,


"Mary vawiin chu tih tûr dang ka lo nei a"


Tihpah chuan a room lamah chuan a lût nghâl daih a, Mary lah chuan rang tak hian a zui lût nghâl vat a, U Sawmi nên chuan kan in en top, nizân kha chuan tha deuhin kan in be sia, min be vak peih tawh lo pawh ani mahna, a mood a fuh loh hmêl bawk sia, biak zui vak pawh a inthlahrunawm lek lek zâwk.

"Ka rin ai daihin a zak thei lo"


A ti chhuak sap a, kan nui hak hak ringawt,
____


U Sawmi nên chuan kan ti ti bawrh bawrh a, U Zorema chanchin erawh a sawi ngam chiah lo thung, Bâkah ka hre châk vak lo hrim hrim bawk a.


Joela room kawngkhâr lam chu ka va melh leh zauh thîn, an rawn chhuak har ka ti êm êm ringawt, Engvânga ngaihven êm êm nge maw ka nih le? Tûna ka awm dân hi ka duh zâwng a ni lo top mai.

"Hey...ka biak che chu"


U Sawmi chuan ka dâr ah hian min rawn bêng harh zawk a, ka lo phu deuh uih zui,


"Nanghi enge i hriat a"


Ati deuh nâng nâng a, ka nui tâwi tak ringawt.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 18th, 2019, 11:22 pm

TÉ AMO, NON PIANGERE

CHAPTER-5

HLUTEI JOCUND PACHUAU


Sunday chu ka âwl ziah dâwn aw....😘😘😘






"Hawh ka nu dâwr ah va kal dûn ila, kawr tepawh kan en nghâl anga"


"A tha lawm"


Ka lo ti sap ringawt, u Sawmi chu inchung lamah chuan a tlânchho nghâl vat a, a inthlâk dâwn a ni maithei a ni.

Banga an thil târ chu ka lo en mai mai a, thlalâk pakhat ah chuan Joel-a pawh ala naupan hmêl hlê mai, ka nui suk suk a, an unau thum thlalâk a an duhawm reuh zia chu,


"Au Kim i lo lêng alaw"


Joel-a nau hmeichhe naupang chu alo nui var var a, Duati kan ti mai thin, a fel reuh phiân leh nghâl.

"Aw...school i bâng tawh ami?"


"Aw vawiin chu Mizo kan exam ni a nia, ka confee râp mai"


A ti siam siam a,ka lo nui var var ringawt,Joel-a te hi an muhil aniang, an lo chhuah har em em dân hi, a room kawngka lam chu ka melh zeuh zeuh reng a, rawn chhuah tih rêng a awm lo.

________

Darkâr hnih dâwn anih hnu chuan Mary chu pawr deuh chhap hian a rawn chhuak a, a make-up pawh a pherh deuh nuai mai, Joel-a pawh chauh hmêl zet hian a rawn chhuak a, enge an tih ka ring thiâm nghâl mai, ka ngaihven nachhan tûr a awm lo.


"Khawnge Sawmi hi"


Hah....a û neihchhun pawh a û miah lo a nia, hepâ tak hi chu âw.

"Kan bazaar dâwn a, a insiam"


Ka chhâng deuh hmuk hmuk a, engin nge ka thin rawn ti thinrim a ka mood rawn thlâk thut tû hi ka hre lo e a,


"Anih Boiha, ka hâw mai ang, ka chau bawk sia"


Mary chuan in la no zet a tihpah hian A âwmah chuan a zût sak a, ka bula thû Duati mit chu ka lo hup sak nghâl vat.

Mary chuan ngeiawm zet a min rawn nuih pah hian a chhuak nghâl daih a, u Sawmi lah chu inbual kher pawh a ngâi amawni, a muang thei sia.


"Enge maw ei tûr in duh em?"


"Aw a u, keichu pizza ka ei châk"

Duati chuan a lo ti vat a, Joel-a chuan ka chhân na nghâk ni awm tak hian min rawn en vang vang a,

"Aih keichu engmah ka ei châk lo"


"Tak tak maw?"


"Aw, chuan naupang hmâ a awmdân tûr hre tawh rawh u"


Min ei loh hmêl zet hian a hmui a ti pawrh zauh a, ka lo hmu chiang em em leh nghâl, pizza chu a order nghâl vat a,

"Hawh kal ila"


U Sawmi chuan a rawn tî a, mahse bazaar hman pawh ka ni tawh lo, sana ka en chu dat 3pm alo ri lek lek tawh.

"Ka haw zâwk mai ang, dar 3 pelh tawh lama haw chu rawngbâwl bâkah inkhâwm te ka duh sia"


"Avan pawi, anih ka hrethiam mai ang che, mahse leh pekah chuan ngei ngei angâi ang, Joel va thlah ta che"


"A ngai lo, thlah ka ngai hleinem, Taxi in ka haw mai ang"


Tih leh thawh chu ka rual nghâl a, Joel-a hian ka pawi a sawi miah lo a, mahse a bula awm tam loh hi ka duh.

"Nia Taxi in haw rawh se, ka thlah ai chuan nuam a ti zâwk ang"


Ngei awm zet hian a ti a, ka melh rum tha ngêi mai.

"Joel,i kawr kha thlâk la, hmanhmawh la ni mai"


u Sawmi chuan vîn that hian a ti a, nui suk hian a room ah a lût nghâl, huihaa...ka kal lui dâwn nge? ka nghâk dâwn engmah hi ka hrethiam tawh lo e a.


"Lo nghâk rawh, Taxi chuan ka ngaihtuah deuh che lawm"

Ka lo nui suk ringawt, Joel-a pawh a rawn chhuak ve leh nghâl mai a, hmêl fai ver si hi zû a heh phiân bawk sia.


"Kal ang hmiang, Ka thlah loh che chuan Sawmi a têk nasa dâwn sia"


Nui vur vur hian a ti a, u Sawmi chuan alo bêng taih ringawt,

_______


Car a chuan kan tlân leh vang vang a, Sawi tûr lah hi ka hre lo ve thei bawk sia, in lian pui pui kan tlân pêl zut zut chu ka en reng a, traffic lah chu zâm nasa mai sî, sana ka en chu dâr 3 alo pêl duai tawh.

"I ril a tâm em?"


"Tâm tho e, mahse haw vat vat ka duh zâwk"

"Millenium a restaurant ah sâwn va ei ila, a tui reuh lutuk"

"Ka ei peih lo"


Tih ringawt chuan ka chhâng a, Rilru hmanhmawh nâk alaia, zân inkhâwm nen, rawngbâwl tûr ka ni bawk si.


JOEL-A POV




A pum a rîk reng vâng chuan ka awm a ti nuam lo zo vek,

"I ei peih lo tak tak maw?"


"Aw, ka hmanhmawh"


A ti deuh hlak a, a che deuh sek bawk sî, tinge maw a hmanhmawh em em le? ka awm a ti nuam lo zo vek, Car chu park tha in ka chhuahsawn ta daih a, mak tih hmêl deuh chuan min en reng,A thutna kawngkhâr chu ka hawng rawk rawk a, ka pawt chhuak nghâl dâwr dâwr a, Restaurant ah chuan ka luhpui nghâl top, ani ang hmeichhia hi chu tharum hmanga tih luih top chî niin ka hria.

"I van mâwl tak, ka hmanhmawh ka tih kha mawle"


In seh ruh deuh tûn hian a rawn ti ru sar sar a, ka nui suk ringawt, pack chî ho chu ka pack tîr a, henu harsatna tawh thin hi enliam harsa ka ti thîn, engvâng nge pawh ka hre lo, hlim takin awm se ka duh takzet a ni, a phû hliah hliah bawk.

____

Restaurant atanga kan chhuak chiah chu Au Zorema te pahnih naute thawmhnaw lei haw ni awm tak hi an rawn kal phei ka hmû thut mai, mahse min hmu ve lo thung, Kimi hian a hmuh ve ka duh lo,a tap leh mai ang tih ka hlau a ni,bâkah min hmuh dun ka duh teuh lo,a hnung lam a hawi chuan a hmu mai dâwn sî a, engtin nge ka tih ang?

Hei chauh hi tih dân awm chhun a ni, Bangah chuan nawr bet ka kiss pop ringawt a, a ding khawng reng ringawt, min kal pêl tih ka hriat hnû chuan ka thlah nghâl vat a, Mak tih hmêl deuh chuan min en reng,min beng sawk duh hmêl a pu, min bêng ngêi ngêi ang, ni lo ka rin loh lam daih a ni, engmah sawi lo in a kal chhuak nghâl daih a, Van âtthlâk thei tak, Tinge min hmuh kha ka lo hlauh ve ringawt le? kan in kâr ah engmah a awm sî lo a, awm pawh ni se enge pawi?.

"Mawl lutuk"

Tihpah chuan bang chu ka chhir zawt a, ka tlân chhuak ve nghâl vat a.


______


Car a ka luh chu pawn lam alo thlîr reng na lam chu ka en ve vat a, Au Zorema leh a nupui tharin nui var var chunga naute thawmhnaw dâwr chhûnga thawmhnaw an lo en lâi chu ka va hmu thei, Kimi chuan a en reng a, mahse engmah a sawi lo, rang thei ang ber chuan ka tlân chhuah pui nghâl vat a.


"I tha em?"


"Aw, ka tap dâwn lo"


Aw khûr dar dar hian a rawn tî a, ka va hawi phei chu a mittui alo tling pam a, Thâwk alo la hak hak ringawt, a mittui chu a luang thla nghâl ngiai ngiai a, mahse a hmêl ah chuan a insûm hlê tih a hriat theih.


"Kha hei hi hmang rawh"


Tihpah in tissue paper chu ka pe vat a, rang tak chuan alo la nghâl vat a.


"I tha tiraw?"


"Mmm...thâ anga ka lan angâi alawm, ka thinlungah hian ka phum bo tawh amaw ka tia,mahse kei nilo hmeichhe dang bula a hlim hmêl ka hmuh khân heti lâi hi ana"



Aw khûr dar dar a Tihpahchuan a thin zâwn chu a dawm vang vang a,

"Tap rawh, ka bulah chuan i zalên alawm, in thup duh suh"

Ka'n ti ve mai a, mahse chuti maia tah tum hmêl chu a pu lo, a in seh ruh tih hriat tak hian a bek chu a rawn pâwng talh talh a, a mittui a luang thla ngiai ngiai reng bawk,hmeichhia ka hriat tawh ah chuan hriatthiam har ka la ti ber.


_____


Rei fê kan tlân hnu chuan a muhil ta daih a, car chu ti ding datin a hmêl chu ka en reng, A nghâwng vâr sar a khuavâng lian lutuk lo, lang sâr em em sî chuan ati lang sexy zual, Tihpalh thil thû pawh ni mahse hmeichhia ka fawh tawh ah chuan a hmûi hi ala danglam ber, phûrna min pê in, keimah ah hian engemaw danglam riauna a awm a, ka sawi fiah thiâm lo, current man ang mai hian ka awm ni berin ka hria.


A rawn che talh talh a, hmanhmawh takin car chu ka ti nung leh nghâl vat, amah ah hian keimah ka in hmu thîn, A mit lian taka ka en phei chuan tunge ka ni tih hi chiang takin min hrilh ni mai hian ka hria.
ka hriat chhuah chu kei hi ka mal takzet a,ka khua a lo har êm êm thin bawk, tu emaw ka mamawh a ni, ka nunruak luah khat tûr hian.

Nui suk chuan tui taka a muhîl lai chu ka en leh zauh thîn, a mitmeng lian tak te, A hmûi lian deuh sî tâwk em em te, a kum phû loa a hmêl naupang lutuk te hian ka khawlâi emaw tak hi a hîp riau thîn, enge a nih chiah hre lo mahila, ka hriat theih nân atam thei ang ber a bula awm hi ka duh a ni, Thian emaw, Thian lo deuh pawh nise pawi tihna ka nei lêm lo.


KIMI POV




Ka harh chu Joela ka hmu hmasa ber, kawngpui chu uluk tak hian alo en kar a, a men dur deuh khâih hian apâ ngawih ngawih, ka hawi chhuak chu kan lo thleng veleh têp tawh, ka van mu rei lo em em,

"I ning tawh em?"

A rawn hawi nghâl vat a, a lû a thing ringawt, biak tawng hi avan har vê chiang tak e âw.

"Nichin vâng khân ngaihdam pawh min la dîl miah lo"


Ka ti sap a, a rawn hawi leh nghâl zawk a,

"Ngaihdam dîl hi ka pianpui ve lo"


Kawngpui enkar chuan a ti sup a, van chimawm reuh tak, hepâ tak hi chuh,a hriat phâk pawh ka ring lo asin le.

"Tinge khatia i tih a?"

Ka ti chhuak ve phawng mai a,


"A tûl alawm"


A ti hmuk a, Ka bialpa pawh ni lo leh nghâl, vântlâng hmâ ah min fâwp ringawt a, miin min lo hmu ta se engtin nge an ngaih ang le? Thlâ te lo la ru ta se.

"Ka phalna la lo in min fâwp ringawt a, ngaihdam pawh min dîl lo ang maw?"


"Aw"


A ti leh hmuk a, ka thinrim lutuk hi ka puak keh lo chauh, hepâ han chimawm zia hi chu,ka thinrim viau na chu thinrim lutuk anga lan ka duh loh vângin ka insûm hrâm hrâm a ni.


"Muhîl leh la ka tân chuan motor khalh a nuam zâwk a nih hi"


A ti sup a, mahse hre lo angin ka awm hmak, tinge engmah a sawi duh miah loh le? pawi lo, Ngaipawimawh lo lui mai ang, mahse ka awmdân hi a dik lo, ka lâi deuh tlat in ka hria.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 18th, 2019, 11:22 pm

TÉ AMO, NON PIANGERE


CHAPTER-6

BY

HLUTEI JOCUND PACHUAU



"Eng rilru pu a kan in a lo kal ve ngawt nge i nih a"


"Enga?"

A zawhna min zawh dân lah hi maksak thei sia, pângâi deuhin min be rei ve thei thlâwt lo.

"Engvângin nge ka lo kal loh ang, in in ah pawh nî a chhuak a, ruah te a sûr a, mihring in chêng ve tho ani lawm ni, lo kal ngam loh chhan tûr a awm hleinêm"

Ka'n ti deuh duah a, a nui ri hak ringawt, ka chhânna kha a nuih zatthlâk viau a ni mahna.



"Au Zorema hi i hmangaih tak tak in ka hria"


A rawn ti chhuak leh hlawl a, mak ti deuh chuan ka en top, a ni mahna, ka lo hmangaih takzet anih ka ring, a hming an lam rîk ringawt pawh hian ka thinlung hi chemte hriâm taka vih ang mai hian ana thîn, theihnghilh tum mahila ka thianghlimna hiâl ka lo hlan tawh, vawi tam tak ka lo chêtsual pui tawh leh ka thian, ka engkim ka hrilh ngam, kum 6 zet ka lo hrawn vê tawh kha a nia,ka tân chuan theihnghilh aharsa in min ti tap tam tu ber ala ni reng.

"Ni e, ka hmangaih alawm, mahse ka hmangaih avâng ringawt khân ka chelh reng thei bîk lova, na viau mahila kan hlim tlân zâwk nán ka kal tîr a ngâi alawm, khuanu ruat kan ni lo pawh a ni mahna"



"Keichu Pathian hian min ensawn tawh a"


Awlsam zet hian a rawn ti chhuak a, a thusawi hi amah ngêi pawh hian a awmzia a hriat ka ring lo,

"Pathianin tûmah a ensawn hleinêm, keimahni zâwk hian kan hlat zâwk thîn alawm"


"Ni lo e, aaa...khatiang lam kha chu sawi lo ang, ka mak riau in ka hria"


Ka nui hak a, ati dik chiah a ni, a in hmeh lo takzet.


_______


Zân a ka mû chu thil enge maw mai mai ka ngaihtuah a, Joel-a hi tinge ka chungah a that em em le? ani hian min lo ngâizâwng reng te hi a ni lo maw le?....Mahse chutiang chu a nih ka ring chiah lo, Mary nen khân an inhmeh ber, mahse henu ka ngaihtuah apiang hian enga maw thîkna riau hi a awm thîn, ka awm dân hi ka thil duh loh ber te zîng ami a ni.


Ani laka ka luanliâm hmâ ngei hian ka hlat a ngâi a ni, inzawmna lo siampui ve ngawt ila miin engtin nge min ngaih ang, a zahthlák dâwn lutuk.


Joel-a bawk chuan min rawn call leh a, ka la dâwn nge dâwn lo.


"Hello"

"Enge i tih a"


"Engmah ti lo e, ka mu vêl mai mai"

"Au Zorema ngâiin i tah leh mai ka lo ring a"


Tinge min ngaihsak em em le?...Ka chunga a tha thei lutuk hi nuam lo ka ti,

"Tap lo e, sawi tûr pawimawh deuh ka nei a"

"Aw enge sawi la"

"Ih...eng lo a ni, Ka chungah hian that chhuah lutuk tawh suh, khawngaihin, min lo be tawh lo bawk rawh"


Ka sawi zawh hmâ chuan a off hmak a, naupang chhia tak hi chuh, mahse tihian a tha zawk,ka chunga a that lutuk chuan alakah hian luangliamin thil ni lo pui pui ka beisei palh ang tih ka hlau a ni.





1 Month Later







Vawiin chu ka awm a nuam thei lo, ka khua a sik in ka thin zâwn hi ana reng bawk sî, ka awm dân hi tinge a dik theih miah loh le?...


"Nu, ka awm a nuam thei lo"


Ka nu bulah chuan ka ti sap a,tûkin zîng atang tawh khân ka chaw ei pawh lem harsa ka ti tawh rêng a ni.

"Engtin nge i awm a?"


"Ka khuasik dâwn in ka hria, ka thin hi ana bawk sî"

Vâwt ka tih vâng chuan ka khûr deuh dar dar a, avan hrehawm chiang tak, ka hrisel that theih thin tehrêng nên tûnlai hi tinge ka in sawisêl reng mai le?.



"Damdawiin ah kal vat ang u, kha i thlanfîm te a tlâ a nia"


Tihpah in ka nu chuan ka chal chu a rawn dawm a, ka luak mai dawn in ka hria, tinge ka awm dân hi amak êm êm le?.



Rang tak chuan ka pa chu a phone nghâl vat a, ka nu phîlî buai nasa lutuk chuan min ti na zual zo ni ber in ka hria, ka ngaihbel nge ka khaw hmuh te hi a fiah lo zo vek maiin ka hria.


Ka thil hmuh chu a rawn thim ta riai riai a, ka hriat hnuhnun ber chu thil ri dawt chauh kha a ni.


_________


JOEL-A POV





Vawiin chu tih tûr êm êm ka nei lo bawk a, games khelh pah in ka'n lem leh hlek thîn, mahse ka rûi eih lo, Kimi pawh ka be tawh ngâi lo, thlakhat lâi chu a tling veleh tawh.


"Joel, A nu kha lo phone vat teh"


"Engvângin maw?"


"Kimi nikhaw hrelo in a tlû a, dâwr ah a âi ka awh thei lo, Green wood ah a awm a, ka kal vat a ngâi"


Sawmi chuan phî cheng hian a tî a, engtin nge ka tih ang, ka kal ve ngêi a ngâi, ni lo, kal ve ta ila min lo hmu duh lo ta se, Ni lo ka kal ve tûr a ni.

"Sawmi min lo nghâk rawh kal rual ang"


"Hmanhmawh rawh"



Hmanhmawh tak chuan ka tho a, zu rim lah chu ka nam sî, mahse inbual fai hman a ni tawh lo, ka pants grey rawng leh T shirt dum chu ka hâ a, hoddie vâr chu ka ha top a, ka kal chhuak nghâl.


_______



Two wheeler in kan kal bawk a, Kal a awlsam phiân mai, ka tlân chak leh chak loh pawh ka hre lo, A lo van tuar nasa dâwn êm, ngaihsak tawh lo tura min tih lâi khân lo ngaihpawimawh miah lo tûr ka ni a sin le.


Ka van khawngaih tak, ka bike steering chu ka vuan nghet sauh a, hetianga a chunga thlen tîr tu hi Zoremsanga a ni tih ka chiang hlê, ka û mah nise vawi khat tal chu ka la khawih hlak ang.


________



Green Wood kan thleng chu Sawmi chuan nurse lo awm chu a zawt nghâl vat a.


"In chung lamah khian a awm ang"


A tih vêleh hmanhmawh tak chuan kan tlân chho dûn nghâl a, Kimi room kan thlen chuan Sawmi chu a lût nghâl mai a, mahse keichu ka ding dat, tinge ka luh hreh em em le? hmuh ka châk a, mahse tlâwm thlâk ka ti bawk sî, Ni lo, helâi thleng thleng ka kal tawh a, a hmêl ka hmu ve ngêi tûr a ni.



"Ehee...Joel, ilo tel ve reng alaw? hawh lo thu ta che"


Nu Zo i chuan alo ti vat a, Khuma Kimi mu bâm chu en reng pah chuan a bula thutthlêng sei ah chuan ka thu vê a, a hmêl chu a chauh hmêlin a dawl dâng em em a, a vun pawh a thim deuh in ka hria,


"Nu Zo, engati nge hetia a awm thut a"


Sawmi chuan a tî a,

"Hei test hrang hrang an la ti mêk a, enge result kan la hre lo, mahse, In bulah chuan sawi ta mai mai ila, Boihtei hi a râi a mawni le te ka tia,Zorema nên khân dân khatna a inneih an tlin tawh sî lo a, nau te hi alo pâi ru reng amawn le ka tia"...



Hmêl dul raih hian a tî a, a thusawi avâng chuan ka sa phat thei, ka thaw ippik zia chu, he nû hi ka duh tih chu ka pha hauh lo, mahse duh mai piah lamah hian ka lo hmangaih reng te hi a ni lo maw le?


"Nu Zo chutiang a nih ka ring lo, Enge na dang a nei a niang, Kimi hi sâwn pâi mak mai tûr khawpa mâwl a ni hleinêm, Lo chesual pawh ni se, invên dân te chu a hre lutuk ang"



Sawmi chuan a ti ve mai a, ka lo thaw hawk thei, thil dang vâng anih chu ka la beisei ru hrâm, rai lo se ka tih zia hi hria sê chu a nui lo top ang.


Rei fê kan thut hnu ah pawh ala harh chuang miah lo, Sawmi nen chuan naktuk lama kal leh tûrin kan tîn sawn ta ringawt a.


______


Zân ah pawh ka mu thei dêr lo, ka tâl sek a, Kimi ringawt ka rilru ah a awm reng mai, Nau chu lo pâi tase, ni lo, hei hi ka theihnghilh tûr a ni lo, ka unaupa in a duhtâwk a alo khawih tawh hnû kha a nia, Mahse chumi vâng chuan ka enhniâm phah lo, A hmangaih tak tân a thianghlimna a pe a ni mai a, a rilru thianghlim zia leh Au Zorema a hmangaih zia ka hria a, A âwm viau tho, tihsual a nei reng reng lo, Min lo duh in min lo pawm chiah se chu, hêng te mai mai chu ka ngâi pawimawh lo khawp mai, Mahse Kimi hian ala hmangaih êm avângin a inpeih hun ka nghâk mai a ni, Nawr luih vak ka tum lo a, hun tha ka nghâk zâwk a ni.



KIMI POV



Ka harh chu ka dang a ro huam huam a, damdawiin ah ka lo awm reng chu niin, nichin thil thleng kha engmah ka hre mumal tawh lo, ..


"Nu, tui ka duh"


Ka dang a ro êm a vângin ka âw te chu a lâwi vek a, ka hrawk a thîp vek bawk, ka taksa ana bawk si,


Ka nu chuan hmanhmawh tak hian tui chu min tulh a, kham tih ka nei lo, ka lem nghâl duak duak ringawt.


"Nu enge thleng a,? engtin nge ka awm?"


"Nimin khân i tlu thut a,hei i harh chiah a, chuan Boihte thusawi tûr pawimawh deuh ka nei a"



Tihpahin ka kut chu a rawn vuan a, Ka nu hmêl a tanga natna rawn lang chhuak chu ka hmu thei, a mittui chu a tling pam a.


"Boihte, ka thusawi tûr avâng hian hnual phah lo la, i rilru pawh ti na duh suh, Pathian au reng ang che,Nanghian thin Cancer i vei a, mahse a hlauhawm lutuk lo, stage 2 na chauh a nia"


Ka nu thusawi chuan ka thin zâwn chu a rawn ti na vang vang thei, a awmzia chu kei hi thi maithei dinhmun ah ka ding tihna a nia,engtin nge a nih theih, avan mak dâwn ve.


"Hriatthiam ava har ve nu"



Aw khûr dar dar chuan ka tî a, ka tah mai loh nân ka insûm hram hram a ni, tinge kei hi ka vânduai bîk em em le?


Ka lu chungah kut nghatin ka nu chuan min tawngtâi a, ka rilru hahna then a zâr chu min chhâwk mahse a chhâwk vek thei lo, Ka awmna room lam balcony ah chuan ka dâk vang vang a, Bawngkawn dawr vêl leh Kawngpui a mipui vei hut hut chu ka thlîr reng a, Thi ta ila khûng zîngah khuan min ui tû pakhat tal an awm ve a ngem le? ka mittui luang chu ka hru leh zauh thîn, A châng chuan sawi chhuahpui rem sî lo thu inthup tam tak te hi mittui in a luan chhuahpui châng a awm fo thîn.


Ka lungngaihna leh ka mittui te hi midang hian an hmuh ka hlâu in, min khawngaih hi ka duh lo bur a ni, ka natna tepawh ngâwi renga a rûka tuar tawp thîn mi ka ni a, ka lungngaihna leh ka hliam te midang hriattîr tûr khawpa ka chak tâwk loh vâng a ni, Ka nu awm loh lâi chuhin Balcony ah chuan ka in hnît hlap hlap reng a, tih theih ka va nei tlêm sî êm.


__________


JOEL-A POV



Balcony a Kimi in hnît hlap hlap reng chu kawngka zîm tê in hawng a tang chuan ka thlîr reng a, engvânga Chak tak anga lan tum tlat thîn nge anih hi ka hrethiâm thei lo, sawtia a tah reng chuan a taksa in a tuar mai ang, Thäwm dîm tak chuan ka lût them them a, ka âw chu ka thiân kharh ringawt a.


A rawn hawi chiang ngêi mai, a mit leh a hnâr chu a sen râm a, Thlâng lam hawi a, a mittui a hru fai sawk sawk lâi chu ka lo hmu lo der tawp ringawt.


"Engtik laiin nge ilo kal a, lo thu rawh"


Tihpah chuan a khum lam chu a pan a, Khum ah chuan a in thawlh nghâl, hmêl hlim min hmuh mahse a chhungrila natna erawh ka hmuh hmaih hauh lo.


"Ka ngaihtuah che a, Khatiang khân lemchan kher a ngâi lo, i that loh zia hi i in hriat chiân ang bawkin keipawn ka hria che"


Ka'n ti nghâl tawp a, a nui lui sak.


"Thu awihawm loh deuh deuh sawi lo teh, ka tha lutuk tlat"

Pângâi tak chuan a rawn ti ve tak nâ a, a that loh zia hi ka hre chiâng khawp mai.

"Engtin nge i that theih a, nichina i tap lâi pawh kha ka hmu reng che lawm"


"Thu lawi lo sawi sawi lo teh Joel, khatiang i sawi reng dâwn ai chuan min chhuahsawn rawh"


"Kimi i na tuar lâi hmêl hmuh reng hi ka thei tawh lo, Nangmah tina tû hi khawih hrep a, i tawrh anga nâ kha tawrh tîr ve ka duh a sin, i hlim hi ka duh tak zet a ni, i kianga awm a i mamawg a piang pêk che hi ka duh, ka tih hlim che hi phal mai rawh"


Ka awkî chu ka insûm hman lo nge a sâng hretin ka hria.

"Engvângin Joel? Tinge min ngaihsak em em a?"


"A chhan chu kei hian ka duh che maw le, duh mai pawh ni lo in ka hmangaih che in ka hria"


Ka sawi zo chu ka thaw hawk thei, mittui tling kiau chuan min en reng a, ka âwkiî sân a vâng khân ka inthiâm lo leh deuh.



"JOEL, thil pakhat ka sawi anga uluk deuhin lo ngâithla rawh aw"



Dam diai a tih pah chuan ka kut chu a vuân a, a hmêl dâng lep chu ka en reng.


"Kei chu hmangaih tlâk ka ni lo, ka tihpalh a ni, Kei hian Thin Cancer ka vei a, tûma tâ ka ni thei tawh lo a ni"


A thusawi chuan min chhun zawk thei, mak ti tak chuan ka en reng a, A mittui rawn luangthla ngiai ngiai chu ka en reng, Eng Cancer pawh ni rawh se, a hrehawm chuan ka hrehawm ve tawh ta sa sa, a kiangah ka awm anga ka kalsawn ngâi lo ang.


"Hey.....Tap tawh suh, tap suh le, ka hmangaih che, tap tawh suh"


Tihpah chuan ka kuah vawng vawng a, Ri miah sî lo hian a tap nghawr dat dat a, ka lainat lutuk hi ka thâwkna dâwt hnawh phui ang mai hian thâwk har sa ka ti.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)