TE AMO, NON PIANGERE by Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: TE AMO, NON PIANGERE by Hlutei Jocund Pachuau (Completed)

Unread post by Ngaia » April 14th, 2019, 11:35 am

TÊ AMO, NON PIANGERE (i love don't cry)

CHAPTER-13

by


HLUTEI JOCUND PACHUAU

"I zak em? Naupang te te si, ai upa zahna châng pawh hre lo"



"Nu duh tâwk rawh"


Ka lo ti nghâl vat a, Joel-a chuan zâmna nei miah lo hian a en kar a, ka lo hlâu thâwng lutuk chu ka thâ te hi a khûr der der thei.


"Lo ngâwi rawh, Amah vânga mi sawi dân che hi i hre lo ami? va lût la, mu nghâl hmak ang che"


Ka nu chuan a ti vîn that a, ka ngâwi reng ringawt, mahse luh chu ka tum bîk lo,ka nu hnên ah hian ka insawi fiah tûr a ni.




"Nu Rem, Tupawn engtin pawn sawi se pawi ka ti hleinem, Kimi hi neih ka duh a ni"


"Ngawi rawh, nangni ang mipa hi ka ring lo che u, Ka fanu hi engatân mah iti tak tak lo, inchhungkua hrim hrim hi ka ring lo che u"



Ka nu chuan a ti ta piap piap mai sî a, Ka nu ngaihdân chu dik viau tho mai, mahse Joel-a chuan a rilru leh tih takzetin min hmangaih tih ka hria.


"Kimi lût phawt la, Rintlâk ka nih zia hi ka fiah em em ang"


Dam thlup hian a tî a, a thusawi vânga ka kuah châk zia hi hria se ka ti,nui lui sak chung chuan ka lût hnâ hnâ a, ka lût chiah chu motor rî ka hre nghâl, tukverh atang chuan ka thlîr zui vawng vawng ringawt, ka van khawngaih reuh tak.



Ka nu lakah hian ka lâwm lo,Hetiang em em anih hi ka ring phâk ngai lo hrim hrim, Ka nu pawh chu ngawireng chuan arawn lut a, melh pawh ka melh tha peih lo.


"Inbe tawh lo ula tha ang, mipa dang an tam lutuk"



"Nu duhtâwk teh, Naupang chhia pawh ka ni lo, Mipa pakhat ka chanchin engkim hria a min pawm thei tu ka tawng a, lâwm hliah hliah zâwk tûr ka ni sin"


"Zorema unaupa kher a ni hi ka pawm thei lo, Ngaihtuah teh mi sawi dân tûr che hi, I zak ve lo ami?"


"Mi te chuan an duh duh an sawi ang chu, Kâ an nei alawm, ka nun a nia, Mipa min hmangaih ngawih ngawih tu hmangaih ve ka tum mêk a nih hi, ni lo ka hmangaih tawh zâwk in ka hria"



Ka nu chu ngawi reng chuan a thaw hak a, Ka nu rilru tûr hi ka hrethiam a ni, mahse hian Joel-a hian tihsual a nei lo a, keima thiam loh vek a nia, mawphur vek tûr ka ni.


Ka nu chu ka kuah a, diktak chuan min hringtunu ngêi rilru tihnat sak hi keipawn nuam ka ti bîk lo.


"Nu i hrethiam lo anih kha, i fanu hi naupang chhia ka ni lo a, Joel-a kha Zorema nên chuan an inthlâu lutuk, Min zahthiam a, engkimah min ngâipawimawh hmasa ber thîn, Mipa ruihtheihthila fihlim nazawng hi an rilru a tha vek lo a, Mipa ruihtheihthil duh nazawng hi an rilru a chhe vek kher lo, Min hmangaih asin"




Aw dam diai chuan ka ti a, ka nu chu insût ri hraih chung hian ka lam a rawn hawi vat a.


"Boihte, I tihsual leh mai hi ka hlâu a ni, natna khirh tak tâwkin idam ve tan chauh a, a hmâ a i tawrh ang chiah Kha i tuar leh mai ang tih ka hlau êm a tin ni, Joel-a kha ka va huat êm êm vâng pawh a ni hran lo, An chhungkua saw ka ring zo tawh hlawl lo"



"Keipawh a tîr chuan ka ni ve tho alawm, Mahse an vai sâwn min duat a, Min iai derna pakhat mah an nei lo"



"A tha lawm, Joel-a chu ngaihdam min lo dîl sak la, Mu phawt teh ang"



Tihpah chuan min thawhsan ta daih a, nui deuh var var chung hian inthlâk tûrin ka room lam chu ka pan vat a.


_________


Nichin Joel-a chêt pâ zia kha, ka duhthar sawtin ka hria,khumah chuan ka mu nui vur vur reng ringawt.



Ka phone rî vâng chuan ka phu deuh zawk a, Ka en nghâl vat, Joel-a ngei a nih hi.


"Hello Boihi"


"Boihi tih ka duh lo"


A nui hak hak a, Ka duh loh zia a hriat vâng hian fiamthû in min ko lui ziah leh nghâl.

"Nichin kha ka kal thui mah mah lo tiraw"


"Thui lo e, Ka nu in ngaihdam min lo dil sak rawh a tia"


"A pawi hleinem, chuan i nu chu kan hmin theih hmêl em?"


"Hmin thei mai ang"



"a ni maw!...Yes...."


A awmdân vâng chuan ka nuih aza ngêi mai, anaupan chhiatna hi a lang leh thîn.


"I hlim viau a mi?"


"Tehreng, In zawh chî ami chungte chu"



Ka nui hak hak a, a hlim tih ka hriat hian nuam ka ti, Ti em em a min hmangaih tu ka nei hi awih harsa ka ti ngawih ngawih, Vannei ka inti bawk si.


Reifê kan inbiak hnû chuan kan duhtâwk ve thei ta hrâm a, Mi hian min sawi duh viau angem le? Joela hi a hmanhmawh hmêl bawk sia, Mahse hnial ka hreh bawk sî.


__________



1 Year Later






JOEL-A POV




Kimi nên kan inneihna pawh kum chanve lâi alo ni ta, Kan chhûngkua pawh kan hlimtlâng hlê a, Ka chhûngte pawn an fak a, Keipawn ka fak, a hlim theiin a zuan a zâng êm êm a, a pasal ka nihna angin min zahthiam bawk , mahse nau erawh ala pâi lo, vawi tam tak kan in check-up tawh a engmah that lohna kan nei lo ve ve sî a, hlim dûn viau mahila engemaw kim lo riau in ka hre thîn, Zû pawh ka thlah hmak tawh, Kimi min tawngtai puina vâng liau liau a ni tih ka hria, Ka nei hi ka la inchhîr chhin ngâi lo, ka bula a muhîl thaw ri sâk sâk chu ka va kuah a.


"Ka hmangaih che"


A bengbulah chuan ka va ti sap a,a rawn nui chhuak hak, a muhil reng emaw ka tia.


"I muhil amaw ka tia"



"Muhil e, min ti harh alawm,i mut a chhuak nange?"

Chauh hmêl zet hian arawn ti tiah tiah a,


"Chhuak thei lo, ka hlim lutuk a"


"Engvângin maw?"



"Ka nei che hi ka hlim êm a ni"


A nui hak hak a, ka nghâwng ah chuan min rawn kuah hlê hlê a, a sam rimtui châk mai chu ka hnîm vang vang, ka nupui zantin a ka mutpui thin ni mahse ka kham thei lo, ka ngâi êm êm reng mai a ni.


"Zan in chu ka nuam lo emai"


Ka nui hak a, tinge tûnlâi hi min hnar ziah le? mahse ka hrethiâm tûr a ni,mahni tâwk ah ahah ve bawk êm a ni.


"Tinge i dam lo ami?"


"Aih ni chuang lo e, thil ho tê pawh ti ila ka chau êm êm reng mai, ka taksa te hi a rawn na thûm zêl a, tûn ah pawh hian ka pum a nuam lo"



Ati siâm siâm a, Ka âwmah chuan bei tîrin ka mut that tîr a, a muhîl leh nghâl dêr mai, a chal ah chuan ka chuk zauh a, keipawh ka muhîl ve nghâl.


___________


KIMI POV


Zîng ka tho chu ka ni deuh nghulh reng mai, Joel-a chu alo tho tawh a, keipawh in phih fai tûrin ka tho ve nghâl.



Kei aiin a tho hmasa ngâi sî lo a, a thawh techuan min kaihthawh ve mai âwm,


_____


Ka chhuak chu tûkthuan an lo ei mial mial a, mak ti tak chuan ka en top, sana ka en chu dar 9 alo ri tawh, awi....thawh ka hai a ni maw, van zahthlâk thei tak.


"Rawn kîl ve nghâl rawh, zahna tûr awm lo a nia"



Ka nu chuan a ti ve mai a, mahse an hmêl atang chuan an lâwm viau hmêl loh, van zahthlâk tak, Ngâwi reng chuan ka thu thla ve nghâl a, An ngawi thap bawk sia, nuam lo duh angreng tak a ni.


"Min kaih thawh ve mai tûr che nia"


Joel-a bulah chuan ka va ti sap a, ala nui suk zui, hepâ han chimawm theih dân hi chuh, min tih zah a tum chiâng mai.


"I chau thei bawk sia, vawi khat tal thawh hai techu a awm ve tûr alawm"



Ka pa chuan alo ti sup a, min hnem pauh leh ka zah an ti zual.

"Ka chau hleinêm,Tih sual palh liau liau a ni, a thleng nawn tawh lo ang"



"A ho lutuk, i tho hma thei zâwk ngawt alawm"


Usawmi chuan nui var var hian a tî a, ka nui suk ringawt.
Ka nu chu a ngâwi reng a, a nawm loh zia hi ka sawi thiâm lo zawk.


__________



Ka hna ngâi bawk ka tan leh ta, tûmah in ah an awm lo a, Online in thil ka zuar ve thîn a, mahni tâwk ah ka hlâwk ve hlê bawk, Joel-a emaw, Ka nu leh pa pawh pawisa ka dîl ngai lo a, keima hman tûr chu ka kawl ve reng thei a, ka tuina lam tak ani leh nghâl, tûn ah phei chuan ka inkhâwl hnem ve tawh a, Naute chu nei ila a duh duh ka lei sak ve thei ang mawle, Mahse tinge ka la pâi ve theih miah lohna chhan pawh hi ka hre lo, Pathian hnên ah vawi tam tak ka dîl a, mahse a tûl a tih hun ah chuan min la pêk ve mai ka ring, Mihring thû ni hek lo.



Kawngka ri rak lam chu ka hawi a, U Zorema lo ni rengin ka phu zawk thei, a hmêl lah chu a pawrin a chêr êm êm a, enge maw rilru hahna a nei pawh a ni mahna.

"Kimi i puihna ka mamawh a"


"Aw enge ni ta"


"Boihtei Hnung hi a bawl vak a, Naute thil lam kha i zuar ve in ka hria a, a hnawih tûr chî te i nei tel lo maw"


"Aw lo thû la, ka'n enchhin ange"



Tihpah chuan room a ka bungraw dahkhâwm awmna chu ka pan vat a,khawnge khatiânga hnawih tûr chî kha ka dah le? Mipa inbe thâwm rî ka hre tlat, tunge maw rawn kal leh le?.



Ka hmu ta e, hetiang hi Uzorema fanu chu hnawih sê thâ ang, midang pawn an fak ve hlawm in ka hria.



_________



"U Zorem, hei hi"



Ka mi hmuh vâng chuan ka ding chat a, Joel-a hmêl rum lutuk chuan min ti hlâu ngêi mai, Hnâ a thawk amaw ka tia.


"I van lo haw hma ve, Thingpui i in duh em?"


"Duh lo"


Tih hmuk pah chuan room lam min pan san ta daih a, ka lui nui hak ringawt,a thinrim tih pawh hai rual a ni lo.

"Hei hi i hnawih sak dâwn nia, Midang pawn an fak lutuk"



Tihpah chuan ka pê a, a hmêl atang chuan nuam a ti chiah lo tih ka hria,Joel-a awm dân vâng vek kha a ni, hepâ mâwl leh lutuk hi chu.


"Ka lâwm lutuk e, engzât man nge?"


"A ngâi lo mai, min pe lo mai rawh, Keini techu chhûngkhat alawm kan nih"


"Anih ka hmanhmawh sia ka kal mai ang, ka lawm lutuk e"



Tihpah chuan a chhuak leh nghâl a, Joel-a awmdân vâng khân kalbo vat a châk tawh pawh a ni mahna, ka va thlen hmâ khân enge an lo sawi dûn ang le?.


"Chhûngkhat a"



Tihpah chuan Joel-a chu ngêi awm zet hian a rawn nui hak a, engemaw a awmdân hi ka hrethiam thei lo, kan tawng te kha alo ngâithlâ amawn le?.


"Thingpui i in duh em? Hawh ka lum ang che"



Tihpah chuan a kut chu ka va vuan a, Min lo hmer vak zui, ka tê deuh that a, enge maw a hriat le?, ka kut lah chu ana nghâl ut ut thei.


"Enge i hriat a"


Ka vîn that a, chal chuar deuh nâng chuan min chhuk en rûn a, a thîk anih pawn sawi ve mai âwm,


"Engmah, hawh, tûnlâi chu min hnar reng a, tûn hi hun remchâng anih hi"



Tihpah chuan min pawm lawp a, Room ah chuan min pawm lût nghâl, hnial ngaihna pawh ka hre lo a awm dân hi, mipa râpthlâk deuh, khawngaihna nei lo ang mai a ni.



Khum ah chuan min thlâk thla dawp a, A t shirt chu phelhin min rawn fâwp nghâl tâwn tâwn a, Enge ka hriat pawh ka hre lo, ka ten deuh thut anih chu, ka lo tang deuh ti tih a, a inbeng tho leh nghâl vat.


"Hrep tak chuan"


Tihpahin khum chu a rawn tlawh chawrh a, ka phu nasa lutuk hi ka kâng dâwrh thei,


"Tinge vawiin i awm dân hi a mak êm êm a"



"Mak a? Nangzâwk kha nih kha mak chu, Kâr hmasa atang tawh khân nupa nun kan la hmang miah lo, Min thla hlel vak tawh lo nge ni a, Kei aia zei Zoremsanga kha i duh leh tawh zâwk?"


A thu sawi chuan min tina zawk thei, mak ti tak chuan ka en reng a, Vawi khat a awm loh hlâna arawn kal vâng mai khân tiang hian a awm a nia, kan in hnim hnâi lâi min phâwk ang hrim a, Ka rilru na lutuk chu thâwk ka la hak, Dawhtheihna min pe ang che LalPa ka rilru chuan ka ti mawlh mawlh bawk.


"Min rin leh rin loh chu i thû alawm, sawi theih ka nei lo"



Tihpah chuan ka tho nghâl hmak a, Dârthlalangah chuan ka sam hnawk niai leh ka kawr chuar deuh lai chu ka siam tha mawlh mawlh a, Ka mittui tling vâng chuan ka thil hmuh pawh a fiah thei lo, ka khap rual chuan a rawn luang nghâl zawih zawih a, Joel-a chu a dinna ngâi ah chuan ala ding reng, chhuak vat se mahnia tah vak ka châk, a rûk chuan ka hru zauh zauh a, ka sam chu ka tâwn tha pah mawlh mawlh bawk.


Ka insûm zo tawh lo, ka insût ri hraih a, Kûn ngal chung chuan ka hawi lêt a, kawngka bulah a ding reng bawk sî,Ka tah a rawn chhuak tial tial mai, insût hraih hraih pah chuan ka kal phei a,


"I tap a mi?"


En pawh ka en duh lo, Kal pêl ka tum chu ka bân ah chuan min rawn vuan chat a,

"Min en teh"


Tihpah chuan ka biang chu a rawn vuan a, ka lo ben thlâk sak sawk a, Ka la kûn ngat ngat tho.

"Min en teh ka tih chu"


Tihpah chuan min kuai dâk lâwp a, A mit ah tak chuan ka en reng, nichina a mit meng thîp deuh kha a awm tawh lo, inthiâm lohna hlîr ka hmu tawh.



"Ka tihpalh, ka duh thû pawh ni lo, ka incontrol thei lo thut a nih kha, min ngaidam rawh aw"


Tihpah chuan ka chal chu a rawn chuk zauh a, Min kuah nghâl vang vang a, Ka inhnît nghâl feih feih ringawt, Nichin a awmdân ka hlauh zia kha, Ka lungphu rang pawh ala reh lo.



"Min tih hlauh zia kha"


Tap tiau chuan ka ti a,


"Ka tihpalh, in control ka tum tawh ang, min hmangaih tih ka hria alawm, Au Zorema kha a tawng thui mah mah a"


"Enge a sawi?"


Mak ti tak chuan ka en chho hâ a,

"Engmah"


Nui suk chuan ka hmûi ah a rawn fâwp zauh a, Enge a sawi ang le? Enge maw tak sawi chu a nei chiâng alawm, Joel-a awmdân inthlâk thut dân ah hian.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 14th, 2019, 11:35 am

TÉ AMO, NON PIANGERE (i love you, don't cry)

Chapter-14

by


HLUTEI, JOCUND PACHUAU



________


Rawng ka bawl mawlh mawlh lâi chuan Joel-a phone lah chu a ri reng bawk si,

"I phone hi"


A inbual lâi chu ka âu vak a, a zâi rût rût reng bawk sî a,a phone ka en chu Mary kha lo ni rengin, Ka sa nghâl zak mai, mahse ka la duh chuang lo a, ka dah sawn nghâl hmak a, ka tûm nghâl bûr ringawt, tinge maw henu hian ala rawn biak ziah le? heti khawp hian a duh lo a, a zak ve lo aniang ka ring.



Bathroom atang chuan sam huh hlap hian a rawn chhuak a, Towel vâr thianghlim zet bât chung hian kawr ruakin ala ding reng zui.


"I phone call kha chhâng rawh"



Ka lo ti hmuk a, ngâwi reng chuan a pan vat a, a en vung vung ringawt, ka mit sîr zeuh zeuh ringawt,ka thinrim viau tho a, mahse ka ti lang lutuk lêm lo.

"Chhâng ta che"


Ka lo ti vat a, min rawn en zauh chung chuan ala vat a, Ala kalsawn daih zui, Ka thin zâwn hi ana nghâl veng veng mai, Ka thaw hak a, Ka ring tûr a ni,Ka rin ngêi a ngâi, tiang mai mai a in hauh pui ka tum lo bur bawk.


_________



"Kan dâwr a rawn thawh ve a duh a niang,min rawn dîl a"


Inthlahrung deuh a tih pah hian min rawn pan sut sut a,

"Ka zâwt che mi?"


Ka lo ti hmuk ringawt, a nui hak ri chu ka hre thei,ka hmûi ka lo ti pawrh vak ringawt.


"I thîk a ni maw?"




"Thîk mai mai lo"


A nui hak a, Ka thîk tho nâ a, mahse thîk anga lan hi ka duh lo bur,


"Tianga i awm hian i sexy ka ti"


"Kal mai teh"

Tihpah chuan ka namsawn dâwrh a, Phun hluk pah chuan room ah a lût daih, Enge maw ka hriat a tûnlai hi ka thinchhiât êm êm le? ka zaidam vê thîn hlê sia.


_________



Zan in chu ka nu ka ngâi khawp mai, Joel-a lah a lêngchhuak daih bawk sî a, Tinge ka tâwt up up reng le? Inti harh tûrin balcony lamah chuan ka thu chhuak vang vang a, Khawpui ri der der leh thli thaw vûk vûk techuan ka lunglên a ti zual, tûn ang hun ah techuan ka nu kha thli tleh tûr hlâu in a phî leh cheng anga, Mutthilh pawh a phal leh miah lo ang mawle, Pasal hi duh aiin ka nei hmâ in ka hria, Zan in chu a vawi khat nân pasal ka nei hi ka inchhîr ve deuh.


"Joel, zû i rim iva nam ve, Lêngchhuak reng lo khân i nupui te uâp lum ve tache, in ineihna ala rei loh tehrêng nên"



Ka pa âw a ni, Joel-a'n zû a in a mawn le? hmanhmawh tak chuan ka tlân chhuak nghâl vat a.



A lo thle deuh lûk lûk a, a rûi tih hai ruâl a ni lo, A in tawh ngâi sî lo a, tinge tûnlâi hi a danglam tâk êm êm le? in leh zauh zauh a chîng.


"Kimi hruai lût vat rawh, A nghei tawh amaw ka tia, hepa zet hi chu"



Ka pa chu a thinrim hlê a,ka pa thinrim hi ka hmu tam lo hlê a, a thinrim erawh hlauhawm ve tak a ni, ngâwireng chuan ka kuah lût nghâl vat a.



A jacket chu ka hlih sak nghâl rawk rawk a,Zu rim chuan ka pum a rawn pump ringawt leh nghâl, Uâk tuâr tuâr chung chuan ka muttîr ve mai a.



"Kimi ka hmangaih che sin, au Zorema bulah chuan kal lo hrâm rawh aw"



Maimitchhîng chung hian a rawn ti nuah nuah a,eng thû nge maw a sawi le? hepa hi a rûi â takzet a nih hi.



Zu rim ka ngaih theih loh vângin chhuat ah chuan ka mutna chu ka siam ta top a, chhuat a mut hi alo nuam daih zâwk a nih hi,mahse tinge Joel-a zû a rawn in hâw le? ka lakah hian zêp a nei tih ka chiang, Zâwt pawh ni ila min hrilh duh leh âwm chuang sî lo a.


________


Ruah chu a rawn tla ta cherh cherh a, sana ka en chu dâr 12 alo pêl hret tawh, Ka nu ka van ngâi tak, Ka mittui chu a rawn hnâm tiam tiam a, ka bek ah chuan a luang thla riai riai ringawt, tinge hetianga ka awm tlat le? Ka thaw ippik zia hi, Ka pum a nuam thei bawk sî lo, Joel-a lah hian min ngaihsak tawh lo riau in ka hria, rilru natna tûr hre chuang miah sî lo hian ka ngaihtuahna vâk vêl chuan min tina tho sî, Zân hi avan rei tak, Tûnlai ka khawhar theih zia hi, Kan khua ka ngâi ngawih ngawih zêl zin ka châk viau nâ a ka dîl ngam bawk sî lo, Pasal ka lo nei kher kher hi ka van inchhîr tak.

_______



Ka harh chu sana ka en nghâl vat a, dar 5 alo pêl hret chauh, Ka mutna chu ti felin ka tho nghâl vat a, Thingpui lum pahin rawng ka bâwl nghâl mawlh mawlh a.


"I van tho hmâ ve"


Ka nu chuan a rawn tî a, Thingpui chu a siâm nghäl mawlh mawlh bawk.


"Nia, Ka mu hmâ lutuk a"



Ka ti ta ringawt, hetiang hian pasal te in ah chuan dâwt ka sawi ka sawi mai chu nia, kan in chu ni se dar 8 vêl ah ka tho chhur chhur âwm sia.


"Tunlai i inhralh tha em?"


"Tunlai chu inhralh ahar, khua chhe thei sia, bazaar an tam vak lo a"


Ka nû nên chuan zîng dang anglo takin kan tî tî ve reng a, Inthlahrung deuh a awm reng hi ka ning tawh.



Midang pawh chu an rawn tho vê sap sap a, Joel-a pawh a rawn tho ve nghâl mai a, mahse biak chu sawi loh en pawh ka en lo, ka thin hi a rim tûk reng mai.


______


Midang chu an chhuak vek tawh a, Joel-a erawh ala inbual thung, A phone lah chu a ri reng mai bawk sî, Ka en chu Mary bawk a ni, In ngaihtuah chiang mang lo chuan ka chhâng nghâl vat a.


"I va rei vê ka nghâk reng che nia"


A thu rawn sawi vâng chuan ka sa nghâl up up thei, Ka dah nghâl hmak a, a mutna chu ka thlep fel mial mial a, An lo in ngâizâwng reng ani maw? Ka hriat loha an in hmuh dân ah hian a chiâng vek, Ka mittui chu a rawn hnâm leh nghâl ngawt a, Ka thil tih lâi pawh ka hmu chiang thei lo, a phê ruai mai, Ka tuar thei tawh lo, haw ila a tha zâwk, Almirah a ka thawmhnaw chu la chhuak in luggage ah chuan ka dah lût nghâl mawlh mawlh a.



A rawn zâi lût ta rût rût mai, ka thil tih lâi chu ka ti ngar ngar reng tho a, min hmu chiah chu a tâwp nghâl chat mai.



"Enge i tih a?"



"Enge ka tih maw? Ka thawmhnaw hi a tam lutuk a, ka paih then dâwn mawle?"


"Min chhâng tha rawh"


A rawn ti hluk a, ngâwi reng chuan ka insiâm mial mial tho,


"Lalrinkim"


Tihpah chuan ka thawmhnaw ken chu min rawn chhuhsak lawp a,


"Engthil nge ni leh ta a, i tap ami?"


A âw chu a nêm leh deuh, ka biangah chuan rawn khawih a tum a, ka lo hawisawn nghâl vat, Khum ah chuan ka thu thla hnawk a,



"Min hrilh teh enge ni a? Nizân a zû ka in vâng kha mi? Ka tihpalh lutuk, school ka kalpui thin te nên kan in hmu khâwm a, Min ti lui deuh tlat bawk sia, ka in lohna lo rei leh tawh bawk nên duh aiin ka lo rûi hmâ a, ka tihpalh takzet a ni, min ngaidam rawh aw"



Inthiâmlo zet hian arawn tî a, Chutia an awm ho na ah chuan Mary pawh a tel anga eng enge an tih pawh hriat va ni suh,


"Haw ka duh"


"Haw a? ngaihdam ka dîl tawh che hi, min ngâidam tawh la"


"Ka nu ka ngâi, ka lung alêng ka tih chu"


"Vawiin ah va lêng dûn ila, I tello chuan zan khat lek riah pawh hrehawm ka ti nia, nidangah kan pahnih in kan zindûn zâwk dâwn nia"


"Ka duh bawk lo"


Tihpah chuan ka thawh san ta daih a, Mary kha thîk mahila thîk anga lan ka duh bawk sî lo, Engtin nge ka tih ang?


"Ka chhuak lawk dâwn nia"


Ka en chu alo chhelo leh tawh hlê, ka pasal mah nise a hmêl hi chu a tha ve thlâwt alawm, a pian a dik bawk sî.


"Ka nu te in ah chuan min kalpui dâwn maw ka tia"


Mary nên an inhmu dâwn tih ka hre nghâl, mahse ka ti lang duh chuang lo, mi thîk nih hi zahthlâk ka ti tlat zêl.


"I duh lo amaw ka tia"


Maktih hmêl deuh chuan min en kar a,


"A pawi lo, Keimahin châm rih tûrin ka kal mai ang"


Tihpah chuan room lam chu ka pan nghâl vat a,Minn dang lo mahse pawi ka ti lo, Kan in a hâw ka châk ngawih ngawih.


"Kan pahnih in kal dûn ang"

Ka phone rîk avâng chuan ka phu deuh zawk a, ka chhâng nghâl vat.


"Aw Helllo,"

"Laptop i zuar tiraw?"


"Aw zuar e enge ni ta"


"Vawiin ah kan duh nghâl a, khawngaihin arang lamin min lo deliver sak thei angem?"




___________



Ka deliver na tûr vêl kan sawi hnû chuan ka insiam nghâl mawlh mawlh a, Joel-a pawh ala ding reng.


"Khawnge i kal dâwn? haw chu i tum tak tak ami?"


"Tum lo, Order ka pe lawk dâwn"



"Ka lo hruai ang che"


"A ngâi lo, ka pasal buai tak hi tihbuai ka ngâi hran lo e"


Tihpah chuan ka thawmhnaw chu ka thlâk mial mial a,


"Tinge tûnlâi hi mei nei deuh deuh a min biak reng a?"


"Nga ti mah"



Tihpah chuan ka chhuak nghâl vat a, Min ûmzui lo hlauh e, duh leh inhmu vêl mai mai teh se, Pasal neih inchhîr nâk alaia,
[

________


Bus stand ah chuan ka ding reng a,Ruah lah chu sûr lek lek leh nghâl, Ruah sûr techu do hmiah ila ni mai, A nuam ka ti ber alawm le.


"Kimi, awi nang nu kha"


Ti rî lam chu ka hawi vat, dam dawi dâwr lian vak lo atang chuan Class 5 ka nih laia ka class mate hlui Nunui kha nih saw, A rawn tê leh chûl tawh mai.


"Awihaa...ka ngâi lutuk che, i van chêr ve, enge rêt rêt ka hria a nia aw"


Nui har har chung chuan a ti a, Kan inneih ni a reilote a rawn kal bâk kha chu kan la in hmu leh miah lo, A number a thlâk zing bawk si, biak hman pawh a ni thîn lo.


"Eng ri rêt rêt maw?"


"Ka lawm pui lutuk che"


A nui har har a, Enge maw henu hian a sawi vak vak le?.


"In pa khân vawiin ah kan dawr ah hian Rai leh rai loh testna arawn lei a, keichu min hre tawh miah lo, 'Kannu in lei tûrin min tia' Ka nuih aza râp, a zah hmêl sia"


A thusawi chu ka hresual nge hriatsual palh ni se ka ti zâwk, Enge awm zia hi? Ka thin ah chuan a rawn in hnawh nghâl up ul a, Nunui ti tî pawh ka ngäithla thei tawh lo.


Engmah sawi lo chuan ka kalsawn nghâl daih a, min âu zui lawm lawm pawh ka ngâi pawimawh thei lo, Ka thinlung hi pawhthlêr vek ang mai hian ana, engtin nge ka chungah tiang hian a tih theih zâwk le?


Ruah chu a rawn tla ta tiâm tiâm a, ka mittui nên a inpawlh kual vêl tak vek mai.

"Kimi, i dam lo anga sin,hawh lo lût rawh'


Ti tu lam chu muangchâng chuan ka hawi phei a, Car atang chuan U Zorema chu alo nui var var a, kei lah chu ka ding khawng reng ringawt.


"Lo lut rawh, inthlahrung duh suh"


A tih tâkah chuan ka lût veleh mai a, Ka huh deuh hlup bawk sia a inthlahrunawm duh ngêi mai.



"Inthlahrung duh suh, Kan thleng têp, in in thleng ka thlah ang che"



Damthlup chuan a tî a, ka ngâwi reng ringawt, chhân pawh ka chhâng peih lo, ka tawng chuan ka âw te a khûrin ka tap nghâl mai dâwn sî a.


________


"Kan thleng tawh aw"



Thildang daih ka lo ngaihtuah chu niin, Ka hawi chhuak chu kan lo thleng dêr tawh, Car atang chuan ka chhuak zâl zâl a.


"Ka rawn lût kawi lo mai ang"


"Awle, ka lawm lutuk e"



Tihpah chuan ka lût hnak hnak a, Ka khua te hi a sik mai dâwn in ka hria,


"Ehee...Au Kim, ruah i do alaw?"


Duati chuan mak tih hmêl zet hian min en reng a, Ka nui lui suk ringawt, Kan room lam ah chuan ka lût tlang nghâl a, Ka ka thawmhnaw huh deuh hnuang chu ka phelh nghâl sawk sawk a, Thawmhnaw hâk nuam deuh chu ha in khum ah chuan ka mu nghâl vang vang ringawt.




Room kawngka ri rak ka hriat avâng chuan ka maimitchhîng nghâl vat a.


"Tinge Zoremsanga khân a rawn thlah che a?"



A âw atang chuan a thinrim tih ka hre thei, Kei hi rilru na ngawih ngawih a, thinrim âng buân buân tûr ka nih laiin amah zâwk a thinrim zâwk ah a tanga, Ka mittui chu rawn tla nghâl ngawt tawh ka va han hnê tak he mittui zet hi chuh,



"Min chhâng tache Lalrinkim, i muhîl lo tih ka hre vek"


Tihpahin rizai chu a rawn hlîm sawk a, Ka tho lawk a ka insûm zo tawh lo, a hmâi ah chuan ka bêng ri nghâl thuai a, Ka thinrim lutuk hi ka thaw hlawp hlawp thei,ka thâw te hi a chham mai dâwn in ka hria.


"Hmeichhia zâwkin kut min thlâk a nia"


A nui lui hak a.


"Tinge? ka thei lo ami? Min thlâk ve ta che"



Aw khûr hlak hlak chuan ka tî a, ka mittui a luang zawih zawih reng bawk.


"Hmeichhe kutthlâk duh tûr khawp a mipa nêp ka ni lo,"


Ka nui hak a, a hun ah chuan a inla pâ thiâm khawp mai,


"Anih khawi maw Vawiin a i pregnancy test lei chu, Ka rai leh rai loh chu kan en dâwn mi? lei tûr khân ka chah tlat che in ka hria"



A ngâwi ta hmak a, mak tih hmêl deuh chuan min en reng, a awmdân hian min tina zual, in sawi fiah pawh a tum miah lo, Ka thawmhnaw chu suit case ah chuan ka thun nghâl mawlh mawlh a, Hetiang reng chuan ka thi thei mai ang.



"Duhtâwk teh Boihi, Tihpalh liau liau a ni, Kei hian thil lian tak ka ti sual a ni"


Ka hnunglam atang chuan min rawn kuah bet a, amah hmachhawn zâwng chuan ka hawi lêt nghâl vat, Ka theih tâwp a nâ in a âwm ah chuan ka chûm dawt dawt a, Ka tap chhuak ve thei ta, ka tap ri hak a.


"Tenawm lutuk, Engtin nge i theih zâwk? Min hmangaih amaw ka lo tia"



Tihpah chuan ka chûm a, ka nem bawk, Ngâwi reng chuan alo dawh top a.


Chhuat ah chuan ka thingthi thla hnawk a, ka hun kal tawh a ka thil tawn zawng zawng pawh min hriatpui a, Ti chung chuan min tina tho a nia, Ka hlimna hi ka tâna siam a ni ve lo anih ka ring.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 14th, 2019, 11:36 am

TÉ AMO, NON PIANGERE(i love you don't cry)

Chapter-15

By

Hlutei Jocund Pachuau




Nizân kha ka lo muhîl daih a, ka inthiâm lo top, hr
ei tûkin zîngah ka harh veleh ka rawn dah leh nghâl vat a nia,edit miah lo leh nghâl in.

Zantin rawn dah chu ka duh ve lutuk, mahse Chhûn lamah dâwr ka nghâk a, dar 7 ah te kan haw leh a, Zan ah lah Hmeichhe awm chhun ka ni bawk nen inchhûng sekrek zawng² ka khawih vek a ngai thin si a, chuvangin Zan khat dan ah zel ka rawn dah tawh ang aw.


Comment lamah khân min rawn zawt leh khurh zel a, Ka thuziah khi in chhiar hmasa vek dawn nia, Regu kan tum tawh anga, mahse zantin chu ka tlin lo aw.


"Engtik atangin nge in inngaihzâwn a?"



Aw khûr dar dar chuan ka tî a, Ka melh ngâi chu ka melh reng bawk,rilru siam dân tûr pawh ka thiâm lo, ka tâwt up up reng mai.


"Kan inkârah engmah a awm lo,Hmân zân ka lo haw loh zân khân, Ka thianten hotel ah min hruai a, Engmah ka hre thei tawh lo, A tûk ah Mary kha ka hmu thut a, Kan awmdân vêl a sawi a, engmah ka hre tawh sî lo nên, I hmêl ka hmuh apiang in ka tihsual ka hre chhuak a, Hrehawm ka tih zia hi i hrethiam kher lo ang, Kar hmasa lawk khân a râi thû a rawn sawi a, Kimi nang chauh hi ka hmangaih che a, Ka duh vâng pawh ni lo, ka in haw takzet a ni"



Tihpah chuan khumah chuan a thu thla hnawk a, A tukhum dawm chung chuan a kûn ngal a, Engtin nge ka tih ang? Pathiân hmâ ah a nuam ah pawh, a hrehawm ah pawh tiin ka lo tiâm tawh sî a, Ka pasal ka damchhûnga ka kawppui atân ka pawm thlap tawh a, Kalsan leh chu ka tân dam chhuah ngaihna a awm dâwn sî lo, Mahse fâ hial a nei bawk sî, engtin nge ka tih tâk ang?


Ka mittui chu a far fap fap reng a, Ka nu leh ka pa in hre ta se an rilru nat dân tûr hi, Avan hrehawm tak êm.



"Engtia tih nge i tum?"


"Ka hre lo le, I thu thu ni mai, Kan tih tlâk tîr mai dâwn nge? Kan lâksak zâwk dawn?"



"Enga? Enkawl tûrin min ti tihna mi? Ka pasal sâwn enkawl tûr khawp chuan ka piang thar tâwk lo a pawi a pawi ka ti, Innei ula, Enkawl rawh u"




Tihpah chuan ka tho a, ka luggage chu lâ in chhuah nghâl hmak ka tum tawh, Ka rilru tâwt lutuk hi tlânbo daih ka duh.


"Boihi, Ka duh rêng vânga phatsan che ka ni lo a sin, Min kalsan lo hrâm rawh"



Ka bân a vuân chung chuan a tî a, ka tap ri hak ringawt, tûna ka awmdân hi chu nâ tih hian a sawi fiah zo lo, Ka thinlung zawng zawng hi a kehsawm vek ni mai hian ka hria,.


"Ka lo va haw phawt ange, in ngaihtuah nân hun ka mamawh"



Tihpah chuan min vawnna chu ka thingthla tawp a, Ka tlân chhuak nghâl vang vang ringawt.




__________


Kan in ka hmu chu ka hahdam nghâl huai huai mai, mahse engtin nge chhuanlam ka siam tâk ang,engtin nge bul ka tan ang? engmah ka hrethiam lo,kawngkhâr chu ka kik karh karh a,


"Lo lût rawh"



Tihpah chuan ka nu chuan kawngkâ a rawn hawng ve mai a, min hmu thut chu a meng deuh kâwk ringawt.


"Boihte, enge i lo tih dâwn i thawmhnaw nên?"


Ka nu ka hmu chiah chu kuah thlawp a, tah hawm hawm ka châk a, mahse ka thei lo, Nâ viau mahila an rilru natna tûr engmah sawi ka tum lo.


"Joel-a'n zin tûrin min tia, Tûnlai chu ka lung a lêng thei lutuk a"


Nui lui sâng chuan ka ti a, Inchhûng lamah chuan min hruai lût nghâl rawk rawk a, ka nu hlim zia hi, min lo ngâi ve tawh tho pawh a ni mahna.


___________



Ka khum ah chuan ka mu leh ta, Hahdam huai mahila ka hlimna a famkim thei lo, Joel-a leh Mary awmdân tûr ringawt chu ka ngaihtuahna ah a rawn lût leh ta, Ka ngaihtuahna atanga paih bo daih duh mahila ka thei bawk sî lo,mahni chuan ka tap ka tap ringawt, Ka phone lah chu a ri reng mai bawk si, Ka en chu Joel-a ngêi a ni, ka switch off nghâl hmak a, Mutthilh chu tum ve viau mahila a harsa takzet a ni.


Ka harsatna tawh zawng zawng te hi âu chhuahpui vê châk mahila tûma bulah ka sawi thei lo, a hmâ kha chuan ka laina te zawng zawngin min tawrhpui a ala zia tal a, Tûnah chuan mahniin ka tuar ta tlawk tlawk chu nia, Nupa te hi an inzawm tlat thîn an tih hi hre fo mahila ka hrethiam pha chiah lo, Mahse tûn ah chuan ka hrethiam tawh, Bân dinglam sah thlâk sak ang vêl ka ni, Tinge maw ka lo pian ve kher kher le?....



_________



Ka harh chu ka room chu ka hai deuh thut a, mahse ka hrethiâm leh nghâl vat tho, Sana ka en chu dar 8 alo ri têp tawh, ka ngaihtuahna ngâi bawk chu a rawn lût leh a, An mahni ka ngaihtuah zâwng ringawt pawh hian ka luak a chhuak bûr thei, ka mittui bawk chu a rawn hnâm leh ta tiâm tiâm a, Ka tho nghâl vat.



Dârthlalanga ka in en chu ka mit chu alo sen deuh râm a, Ka hnâr a tâi têk bawk, In phih fâi tûr chuan ka chhuak nghâl vat a.



"Awi"


Ka phu chiang lutuk, Joel-a chu kan sofa ah chuan alo muhîl reng a, Nizân khân alo riak amawn le, Ka nu leh pâ an hnâ ve ve ah an kal tawh bawk sî a, engpawh ni se, eitûr ka mamawh ka ril a tâm.




Choka lamah chuan chaw hmeh bêl chu ka hawng rak rak a, ka pa hian eirawng min lo bâwl sak vek a nih hi, Ka nui sak a, Mahse chaw chu ka la ei thei chuang lo, thingpui chu ka'n lum leh tê tê phawt a.


_______


Ka hnunglam atanga âw thiân kharh lam chu ka hawi vat a, Joel-a chuan mit sen deuh râm hian min lo en reng a, a tap vê a mawn le? Ni leh lo, a zu inna bâk va ni suh.


"I thawhna rei tawh em?"



Pângâi tak chuan ka bia a, a bu nghauh ringawt,


"Thingpui hi a sen nge a pâw i duh?"


"I in dân ang ang khân min pe ve mai rawh"


A rawn ti ve sup a, Thingpuia bawnghnute pawlh hi ka in duh ngâi lo, a sen thlum hlîrin ka in thin vâng chuan a sen thlum chu ka pê a, lungâwi deuh chuan a in ve mai bawk a.



"Engtia rei nge hetah awm i tum a?"



Chuai deuh ruih hian a rawn tî a, A hmêl ka hmuh a pianga ka huatna zawng zawng bo ta daih hi ka in haw thin.



"Ka hre lo"


Tih zawng chuan ka chhäng a,
"Kimi, Ka fâ a nih hi rin hlelh deuhna ka nei tlat a, A chhan chu kha zân kha engmah ka hre lo, Hmeichhia ka mutpui âwm ka hre lo, Hriat deuhna ka nei tlat a ni"



A thusawi vâng chuan ka en kar a, Min hnem a tum nge? dawt a sawi pawh ka hrethiâm lo, mahse a hmêl a tang chuan dâwt sawi hmêl a pu bawk sî lo.


"I fâ ah a puh tho che sia lawm"



A thaw hak a, a thingpui in lâi chu a dah hmak, thil ngaihtuah mûk hmêl deuh hian a en ngâi chu a en vang vang a.

"Mary hi i hrechiang lo a nih kha, Hmeichhe râpthlâk leh pawisak nei miah lo a nia, i rin ang kha a ni lo"


Chuai raih hian a rawn tî a, tunlai a chauh hmêl lutuk te, A taksa chêr deuh lutuk te hian a nu hah tih a lang vek, phat tum mahse hmeichhia ka nia, ka hre chiang khawp mai.

"Inthen mai hi a tha zâwk in ka hria, fâ kan la nei lo bawk nên, Mary chuan naute a rawn chhawm nghâl thei anga, keichuan fâ pawh ka la hrin sak theih loh che hi"


Ka thusawi zawh lam phei chu a ri chang chang chauh, Ka mittui tlâk vâng chuan ka hnunglam chu ka hawi vat a, ka inhru nghâl sawk sawk ringawt.


Ka hnunglam atang chuan min r awn kuah nghâl vat a.

"Inthen chu sawi ri lo hrâm teh, Ka fa anih leh nih loh ka chiân phawt dâwn alawm"



"I fa chu lo ni ta se"



"Ka pâitlang tîr anga, Mawh chu ka phur vek ang, Mahse, min kalsan chuan ka nun zawng zawng hi a chhe vek a ni mai, a hmâ ang khân ka awm leh i duh a mi?"


"Duh lo"


"Anih chuan fâ te kan nei dûn anga, Mary chuan a duh dân dan in enkawl rawh se, a tha mai tiraw?"



Ka chhâng thei tawh lo, ka tap chhuak nghâl hak a, ama lam chu min hawi tîrin min kuah nghâl vang vang ringawt, engpawh ni se, atum rêng vâng a ni lo tal alawm, ka ngaidam tûr a ni, ngâidam tu nih hi a tha zâwk.


_____________



JOEL-A POV




Hâw kawngah chuan ka in ngaihtuah vang vang a,Mary kha mutpui ni ila chu engemaw tal ka hre thâwi tûr a ni, Mahse engmah ka hre thei tawh lo, ka fâ a nih hi rinhlelhna ka nei tlat, Mahse Kimi bulah bâk ka sawi lo hrim hrim.


In ka thleng chu car ah chuan ka la thu vang vang reng a,Kimi hian min then duh mai angem le? Mary hian ka fa lo pâi tak tak ta se, min kalsan dâwn tih ka chiang, Mahse kawng ka dap tûr a ni, Ka fâ pawh alo ni lo ve thei bawk a,Kimi tello chuan ka awm thei teuh lo mai, min kalsan ai chuan ka fâ chu thlauh thlâk pawh ka duh daih zâwk.


Ka rilru van buai tak êm, Car kawngkhâr chu hawngin inchhûng lût hreh viau mahila ka'n lût leh ta hnak hnak a.



Ehee!...ka thil hmuh vâng chuan ka phu zawk mai, Mary chu common room lamah chuan Ka nu hian apple alo pe mial mial a.



"Lalngâizual, Min va han ti mualpho em em ve maw le"



Ka pa âw ka hriat rual chuan, Ka biang chu a ri thlawp a, Ka pa ben chu a dân a dang zar mai,ka kat deuh dâwr dâwr a, ka nu chuan min lo dawm nghâl vat.


"Duhtawk teh, tihsual anih kha, Mary pawn tihpalh thil thu a thleng ani tih a sawi vek kha"


"Chu pawh ni se, Engtin nge Kimi hi ni ang? I û in alo tih ang chiah kha a chungah iti ve a sin, A rilru nat dân tûr i ngaihtuahpui ve miah lo ami? thil tha lo te lo ti palh ta se, mawh i phur ngam dâwn ami? in inthen hi ka rem ti lo, Kimi chu ko haw leh vat ang che"


Ka pa thusawi chu a dik chiah,keimân tha takin ka hrilh fiah ang ka tih laiin saw mi zak theilo nu sawn alo sawi fâi vek tawh chu nia, Ka rilru tâwt lutuk chu ka thaw chhuak hak a, Mary chu rum deuh ûl hian kaa melh a, Engahmah ngâi lo ni âwm tak hian ala nui deuh var var zui,room lam chu ka pansan nghâl daih.
a.

____

Ka nu chuan min rawn zui lût ve nghâl.


"Boiha, I pa thusawi kha chu engamah ngai suh, Kimi nen chuan fa êm pawh in la nei lo a, Mary chuan fa a rawn chhawm nghâl dawn a nia, Naute kan awh hlawm zia pawh i hriat vek kha"


Ka nu thusawi chuan min thawng takzet, Kimi chungah tiang rilru hi a put ka lo ring ngai lo a, Naute a awh vâng pawh a ni mahna.


"Nu duhtâwk teh, Mary neih ai chuan ka fâ thlauh thlâk a Kimi bula awm ka duh zawk"


Ka nu mit a enkar chung chuan ka ti a,

"Mawla"


Tihpah chuan ka biang a ri nghâl sawk, Ka biang chu a rim malh malh khawp mai,ka nu chuan thinrim zet hian min chhuah san nghâl daih.



Mary chu a rawn lût chhunzawm ve nghâl, men kual raih pah hian ka lo thaw hak a, Henu zahn tlachham lutuk hi chu a, Mipa chu nise ka khawih thî phung tawh ang.


"Hei hi mi kan room tûr chu?"


"Ngawi mai teh"


Tih zawng chuan ka chhâng a, A dul chu tlêmin a lian ve deuh tawh, A sawi dân kha chuan thla 4 ala tling lo deuh a ti a, a pum chu ka en deuh vang vang a.


"i khawih chhin duh em?"


Ka harh chhuak zawk a, Ka hawisawn leh nghâl vat


"Chhuak rawh"


"Joel"


"Chhuak rawh ka tih chu"


Ka vîn tuar a, tianga vin pawh kha ka tum lo, ka rilru tâwt lutuk vâng pawh a ni maithei a ni,tap ri hak chung chuan a tlânchhuak nghâl nal nal a.

_____

Ka nu chu a rawn lût leh nghâl,enge maw keimah a min awm tîr theih miah loh le?


"Enga tinge khatia i tih a?naupâi lai leh nghâl"


Ka nu hian tinge maw a tan tlat le? ka hrethiam thei lo, Kimi ka ngai takzet a ni.


"Keimahin min awm tîr rawh u, Nangpawh chhuak rawh"


"Awle, rilru fîm tak khân in ngaihtuah la"



Tha deuh a tihpah chuan min chhuahsan nghâl a, Kimi khân min ngaidam tak tak angem le? Ka phone chu phawrhin ka call nghâl vat a.


"Hello"


He nû âw ka hriat apiang hian ka hahdam huai huai thei,


"Ka ngai leh nghâl dêr tawh che a, Lo haw tawh mai la"


"Zin iva phal rei awm lo ve"


Ka nui hak a, a rilru ka tihnat sak chung pawn tha takin min la be thei ania,


"Tak tak ah Ka nu leh pa in an hre tawh a, Lo haw la, Mary hi nei duh zawk angin min ngai tlat bawk si a"



Inthlahrung deuh chuan ka ti a, a chhânna tûr hi ka hre châk teh chiâm chuang lo.

"Awle, Ka rawn hâw nghâl ang"



Tihpahin phone chu a dah ta daih a,tlêmin ka rilru tâwt lutuk pawh a zia deuh.


_____________


KIMI POV




Taxi chuan Joel-a te in lam chu ka pan leh vang vang a, Pathian hmâ ah ngêi kutsuih a thû ka lo thlun pui tawh kha a ni a, Engtin pawn awm se keichuan ka vuan tlat anga, Ka hmangaih reng tûr a ni.


"Ka pi kan thleng tawh aw"


"E awle, hei aw"



Tihpahin pawisa chu ka pê a, zîngkâr atang tawh khân ka tâi ana reng tawh leh nghâl, Driverin ka luggage min lâk chhuah sak chu ka lo ban vat a,kan in lam ka pan hnak hnak lâi chuan ka thil hmuh chuan min ti ding chiang kher mai.


Joel-a leh A nu chuan Mary chu an lo kuah chhuak a, A dul pawh alang ve tan deuh tawh.


Ka thin zâwn hi fei zum deuh vih sawk ang mai hian ana ut ut thei.


Ka tâi chu namên lo hian a rawn na pup pup a, Ka serh atang chuan thil lum deuh hi a rawn chhuak pup pup in ka hria, Ka châwn vêl ah techuan a luang thlâ a, ka khaw hmuh a fiah lo nghâl vek thei.


"Ehe!....Kimi, nu, Thisen"


Joel-a âw chu ka hriat hnuhnun ber a ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 14th, 2019, 11:36 am

TÉ AMO, NON PIANGERE(i love you, don't cry)

Chapter-16

By


Hlutei Jocund pachuau



Ka dang ro huam huam chuan min ti harh zawk a, Ka meng chu alo êng pup leh nghâl, Ka hawikual chu ka awmna hi damdawiin a ni tih hai rual a ni lo, ka nu chu ka bulah chuan alo in dawm kun reng a, Joel-a pawh ka hmu tho, Mary erawh ka hmu velo thung.


"Tui"


Ka âw te chu a lâwi deuh rût in ka hria, ka taksa nâ ai mah chuan ka taksa nâ hi hrehawm ka ti mah zâwk.


Joel-a chuan tui chu min rawn pe vat a, Ka nu erawh ala in dawm kun reng thung.


"Nâ te ila nei em?"


"Nei lo e, ka tha e"


Khum ah chuan min muttir leh riai riai a, ka luak chhuak lutuk leh ka thin sa bulh bulh chuan min ti chau vek thei,

"Enge thleng a?"


Thei leh thei lo chuan ka ti a, a hmêl chu a ngui raih a, Hriat châk tawh nâk alaiin ala ngâwi vung vung zui.


"Thla 2 mi naute i pâi an tia, Chuan i dinhmun pawh a tha vak lo an ti nih chu"


A thusawi chuan min ti na zawk thei, Ka dinhmun ah hian hlim tûr nge? luingngaih tûr tih pawh ka hrethiam lo, Ngâwi reng chuan inchung lam chu ka melh reng a.


"Ka hlim lutuk a nia"


A rawn ti sup a, A hmêl chu ka en vat, alo nui deuh suih suih a, za lo zet chuan ka nui ve ringawt a, Ka naupâi hi ka lungngaihna tizual tûr nge ka hlimna rawn siâm tûr tih pawh ka hrethiâm lo, Midang naupâi chu hlimna zawng zawngin a rawn tuâm a, Kei ve thung chu ka hlauhthâwnna tizual tu mai a ni in ka hria.


"Engtin nge kan tih ang?"


Aw khûr deuh dar dar chuan ka tî a, Ka nu chu ngâwireng chuan a chhuak daih a, Joel-a nen chuan kan en zui vung vung ringawt.


"Engtin nge ni vak anga? Tha takin ka enkawl che anga, Naute hmeltha leh hrisêl deuh kan nei ang chu"


"Mahse Mary naute ve kha"


"Chutiang sawi lan a ngâi lo"



A ti hmuk a, Joel-a fâ alo nih chuan haw viau mahila, Nau ka pâi a, A dinhmun tûr chiang takin ka hriatthiâmpui sî a, ka hmeichhiatpui a nihna angin khawngaih deuhna a awm lo thei si lo.


"Keichuan fa pakhat lek enkawl chu a pawi ka ti lo ania, Nu leh pa ka la nei a, Ka inhuam vek"


A hmêl enkar chuan ka tî a,

"Inthen lam chu sawi lang tawh lo la, khatiang rilru kha pu lo hrâm rawh, I rilru ana anih chuan In khaw lamah duh leh kan awm rih anga, Nitin Hnâ ah ka va kal mai dawn alawm,Tianglam kha chu ngaihtuah pawh ngaihtuah tawh suh"



Fiah fâi tak chuan a tî a, Ka ngâwi leh ta ringawt, Joel-a hian min hmangaih tih hre mahila Ka rilru hahna a bo chuang lo, An ni tihsual avâng khân naute pawisawi lo khân a tuar ve ta ringawt dâwn ta chu nia, ka rilru hi kei ngei pawn ka hrethiam thei lo.


"Enge i rilru diktak hi ni a?"


Ka ngaihtuahna atang chuan ka harh chhuak zawk thei,

"Enge i sawi awmzia?"


"Engtia awm nge i duh ber ni a? Keichuan inthen hi engti kawng mahin ka duh lo, I tello in ka awm thei lo tih pawh i hria"


A'n ti chhunzawm nghâl zat a,

"Ka hre lo le,Pathian hnên ah a nuamah pawh a hrehawm ah pawh tiin thû ka lo tiâm tawh a, Ka fa leh Pathian ka zah êm vângin ka hmâ ka sial mai a niang chu"


"Enge awm zia"


"Inthen ka duh lo ka tih nih chu Mawla"


Ka vîn deuh tuâr a, A nui chhuak hak ringawt, Ka thinchhe thut thut thîn hi Ka inhmeh lo ka inti kei ngei pawh hian,


"Boiha, Mary hi a tha vak lo ania"


Ka nu chuan kawngkhâr a rawn dah dêk dêk pah chuan ati a, Joel-a chu ka en vat, a hlim hmêl kha a inthlâk hmak thei nia,


"Chhûngte a nei alawm, Duh leh buaipui ang hmiang"


A ti deuh hmuk a, Ka inrawlhna tûr niin ka hre lo a keichu ka lo ngâwi tlat thung, mahse ka nu min tih dân êm êm hi ka rilru chu ana ve deuh, Mahse ka ti lang duh chuang lo thung.


"I fâ a pâi saw, tlêm talin kan ngaihsak ve a ngâi alawm"

Ka nu tawng duh dân avâng chuan ka en vat a, A in thiâm lo leh deuh hmêl in ka hria, mahse ka la ngâwi reng thung.


"Kimi pawh a tha bîk hleinem, I duh leh nangmân ngaihsak la ti nia"


A ti leh hmuk a, Ka nu chu a lêt leh nghâl daih, ti khawp hian ka nâ a, ka nu chu hmeichhia ve tho a nihna angin ka natna te min hriatthiâmpui ka lo beisei a, Min lo van duh âwm lo êm êm, Ka mittui chu rawn luang leh ringawt tawh,


"Ka tihpalh tih loh chu sawi tûr pawh ka hre lo Boihi"


"Tawng suh"


Ka lo ti hmuk a, A sawi thui viau chuan ka tah a chhuak telh telh dâwn sia, a ngâwi veleh mai bawk a.


___________



JOEL-A POV



Kimi'n sêrthlum a ei châk vâng chuan lei tûrin ka kal vat a, Mary room zâwn ka thlen chuan ka ding chat, Haw viau mahila ka fâ ngei pâi tu chu ka thlahthlam ngawt thei bîk sî lo, Ka va dâk deuh dêk dêk a, Nui ar ar rî ka hre thei, Mary nui rî tih chu ka chiâng a, ka nu khân a tha lo a ti sî a, ka'n kal hnâi deuh a, ka mi hmuh vâng chuan ka phu deuh zawk thei, Zoremsanga ka hmu tlat, Mary nên chuan za zet hian an lo nui dûn a, an tawng ri erawh ka hre chiang thei lo, Zoremsanga chu a tho thut a, rang tak chuan ka tlân chhe nghâl vat.



Khami te khân enge an lo tih le? Eng Game emaw tak chu ka lakah hian an khêl a ni, ka hriat chhuah ngêi a ngâi, Mahse engvângin nge ka chung ah kher? Kimi hi Zoremsanga hian a duh lêt leh pawh a ni maithei, Hah....engti kawng mahin min chhuh sak top lo ang, Ka fâ a pâi tawh leh nghâl.


Nui suk chuan Kimi sêrthlum lei tûr chuan kal nghâl vat a.




_________


KIMI POV


Balcony ah chuan thlifîm chu ka dawng heuh heuh reng a, Ka nu ka ngâi tawh hlê mai, Ka naupâi thû hi hria se chu an hlim viau ang, Ka tahbelh sâwt lutuk te, Ka chau thei lutuk te kha ka naupâi vâng lek alo ni âwm sia,nui deuh suk suk chung chuan ka pum chu ka zût a, Ka thlatin hunbi neih dân atang hian lo hriat ve tûr a nia, Ka lo van mâwl tak.


Joel-a pawh a chêr sâwt dân a tang hian alo nu hah a, Ka naupâi vâng lek hi ni âwm sia, ka rin ai daihin min duat leh nghâl, Ka hriatthiam loh chu nâu ka pâi ve tho sia, Joel-a hi a chêrna ala rei sî lo a, Mahse Mary fa hi thla li lai a ni tawh sia, Joel-a chu tûn hnâi deuh lawk khân a lang ve chauh sia, Mary fâ hi Joel-a fâ alo ni lo ve thei bawk a, Huihaaa...ka in ngaihtuah hah paih rih lo e a.



"I hritlâng ange khatan awm reng lo la"


Ka hawi lêt nghâl vat a, Joel-a chuan Sêrthlum chu alo khâi reng a, rang tak chuan ka pan nghâl vat.

"Awi a tui hmêl lutuk"


Tihpah chuan ka chhuhsak lawp a, Khumah chuan thû in ka kheh nghâl mawlh mawlh ringawt, Min lo kheh sak vê mial mial a.


"Keimahin ka in kheh thei alawm"


"Ka tâ tûr a nih hi, ka ei ve châk tho lawm"



Ati bûi bûi a, Ka nui hak ringawt.


"I hlim takzet tiraw?"


Min rawn en vat a, A mitmeng atanga hmangaihna lo lang thîn hi ka hmuh hmaih ngâi lo, Ka pasal mah ni se a hmeltha thlâwt.


"Ka hlim zia hi, Mahse awmdân vak ka hre lo, Ka hlim ber pawn han awm vak ngaihna ka hre lo a, ka awmdân hi ka hlim loh hmêl ami?"



"Aih ni chuang lo e"


Ka hmûi ah chuan a rawn fâwp zauh a, a hmêl chu ka en nghâl vat, a biangsum lang seih chuan a nuih suk a.


"In kiss dâwn hian sêrthlum hi ei ziah ila tha ang"



A ti sup a, ka nui hak ringawt, Nupâ nih tawh a, in kiss la sawi te chu, a naupan chhiatthlâk lek lek thîn.


___________




Damdawiin atang chuan kan hâw vang vang a, In lama ka la haw duh loh avângin Kan khaw lamah chuan kan haw ta ringawt a, a chhanchu ka nu kha ka hmu peih thlâwt lo, rilru natna tûr engmah hriat ka duh lo a ni zâwk mah.


Ka khum chu tê hlê mahse kan mudûn kâk tho a,hetianga in ngâi leh inthlahlel taka kan mutdûn lohna hi a rei leh tawh, Mary nên an khawsa dûn lâi tûr hi ngaihtuah chhuah zauh châng nei mahila ka incontrol hrâm hrâm thin, Ka naupâi lâi tân hian mahni hmasial taka ka awm a ngâi,


"Hetianga kan mutdun lohna hi a rei tawh tiraw?"



"Ni e, Ka thiâmloh a nia, Pehhêl tlat lo che in ka tihsual te kha lo hrilh vek mai tûr che kha ka nia"


"Tianglam chu sawi tawh lo la"


"Awle, anih ka tihpalh, ka hmangaih che"


Tihpahin ka lû ah chuan a chuk zauh a, zan dang ngawt âi chuan a nuam deuh e, Ka tawrh tang tang phawt chuan hlimna chu ka sual chhuak leh êm êm ang.


Keipawh ka thianghlim tawh lo tih hrereng chungin min pawm thei a, keipawn engah nge ka ngaihdam theih loh bîk ang, Ka thei êm êm ang, Pathiân in min awmpui tlat dâwn tih hi ka hria a ni.


"Ka lawm e aw"


A rawn ti chhuak sup a, a tho nghâl daih, Tukverh ah chuan min hnungchhawn zâwng hian a dâk ta daih a, mak ti deuh chuan ka en reng top.


Ngâwi reng chuan ka pan vat a, a kut leh lam chuan a hmâi chu alo tuai puât a, A mit chu a sen râm a, A mittui a tla tih ka hre thei.


"Tinge a? i tap ami?"


Dam diai chuan ka'n tî a, Min rawn kuah nghâl vat,

"Boihi ka lâwm takzet a ni, ka chân mai ang che tih ka hlâu"


"Khatin awm lo la"


Tap âw tiau chuan ka'n tî a, ka tap veleh nghâl ringawt tawh, ka nghâwng ah chuan min kuah reng a, a kâwngah chuan ka kuah lêt ve bawk.


"Ka hmangaih che, i lakah hian engthil mah ka tisual tawh lo ang aw"



"Ka hria Mawla, Sawi tawh suh"


Tap âw chuan ka ti hlak hlak a, mittui tling pâr chuan kan nui dûn leh hak hak ringawt.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 14th, 2019, 11:36 am

TÊ, AMO, NONPIANGERE (i love you don't cry)
CHAPTER-17
BY

HLUTEI JOCUND PACHUAU




Duh angin ka taksa te a chak tâwk lo a, dah loh âi ah ka rawn dah mai mai, Zan khat dan ah zel thui vak lo in ka rawn dah zel ang aw, Ka taksa te ala chak tawk loh mai bakah ka mit hi ka ngaihtuah a, mahse ka regu tawh ang.



"Awle, Ka lo hrilh dâwn nia"


Joel-a Phone hmang ri chuan min ti harh zawk a, nî alo lang at tawh, Tukverh bulah chuan alo ding ngâwi reng a,


"Enge a?"


Zâwi sap chuan ka'n tî a, Rang deuh hian a rawn hawi vut a, nui lui tih hriat deuh hian a khi suk ringawt.


"Mary kha nikhaw hrelo in a awm a, Naute a chiang vak lo an rawn tî a"


Inthlahrung deuh hian a ti bah deuh nuaih a, ngaihtuah hmêl deuh a awm hian ka na zawk thei, mahse ka ti lang duh chuang lo, ka nui lui suk a, kan boruak chu a rit ang reng khawp mai.


"Va kal ve la, "


"Ni lo e, a ngaihtuah awm loh ang"


Ati liam puat a, mahse a rilru chuan a kal duh hlê tih ka hria, ka nawrlui chiâm dâwn nge ka ngawi leh mai dawn le? huihaa....ka tâwt leh up up tawh mai.


"Iva kal ve ngei chu a tha alawm"


"A pawi iti lo ami?"


A hmêl chu ka en vat a, chhân pawh ka chhâng duh chuang lo, ngâwi reng chuan ka tho vat a, bathroom lam chu ka pan nghâl daih a,ka hmai chu phih in ka hâ chu ka nâwt deuh sawk sawk a,


"Thinrim lo la, ka kal dâwn hleinêm"


Dam diai a tih pah chuan ka hnunglam atang hian min rawn kuah a, Ka nghâwng ah chuan a fâwp zauh, ka lo mûr nghâl chuai chuai thei.


"I ninawm kalteh"


Vîn deuh a tihpah chuan ka kalsan daih a, a nui ri hak chu ka hre thei, ka kam chu thuah in ka chhuak nghâl daih a, min la rawn zui reng tho.


"I vîn deuh hlar hian i duhawm ka ti tlat che "


Nuihza insûm deuh hian a rawn tî a, ka hmûi ka lo ti pawrh vak ringawt.



Choka ah chuan lût in thingpui chu ka'n lum leh tê tê a, ka nu hian eirawng min lo bâwl sak leh vek tawh, avan zia lo thîn tak, mahni nû te pawh pui hman lo a ka'n mut chawrh chawrh reng chu le.


Mary bawk chu ka rilru ah arawn lût leh ta, ka hua, ka haw takzet a ni, Mahse tinge ka khawngaih tlat le? zêp lo chuan a chan nat tûr zia hi ka hre ve kur mai sî a, A tawn ang hi tawng ve ta ila huaisen taka khawvêl ka hma chhawn theih ka in ring lo, a zak thei lo ve hrim hrim nge a mawl vâng zawk le? Nge ni a a huaisen vâng? Ka hre chuang lo nâ a, hliam na tak a tuar tih chu ka hre chiang hlê a ni.


"Enge i ngaihtuah vung vung a?"


"Engmah ni lo e "


Ka ti nghâl vat a, tilang lo mahila kan boruak chu a rit angreng khawp mai, ka sawi thiam chiah lo, a ninawm takzet.


_______________



Chaw te kan ei kham hnû chian Joel-a pawh a hnâ lamah a kal a, Aizawla awm mai tûr hi tinge kei kher kher pawh hi kan in lam ka ti tlat le? mahse ka nu nên kan in ngaih dâwn lo tih ka hre chiang hlê si.



Mahni chuan ka awm rak rak reng a, a châng leh Games te ka khêl a, a châng leh youtube ah funny video te ka en a, Mahse enge vawiin hi ka hriat le? ka khua ahar tlat anih chu, ka hâwi ka hâwi reng mai, dâwr ah ka kal hreh deuh bawk sî.



Mahni chuan ka in ngaihtuah neuh neuh reng a, mut chhuak in min rawn zêm leh chiai chiai ta mai, ka lo muhîl nghâl daih a.



___________




3 Weeks Later



"He hmun hi i awmna tûr a ni lo, chhuak nghâl rawh"


Phûl hmun hring dup ah chuan Mary nên hian kawrfual vâr hâ chung hian kan lo ding dûn reng a, mahse a dul chu a kiar miah lo, A mit sen râm a hmêl dâng lutuk chuan mi râp lek lek zâwk,

"Engtin nge he lai hmun ah hian kan awm theih?"


"Ka hre bîk lo,mahse helaia i awm ve hi ka phal lo, ka that dâwn che"


Tihpah chuan ka nghâwng ah hian min rawn rêk bet chawt a, Lo dan tum chuan ka lo vei chiâm a, ka harh chu Mary chuan khuma ka mu lâi hi min lo rêk bet reng chu niin, a kut ah chuan ka theih tâwp in ka man bet a ka âu chhuak thei bawk sî lo, Ka theih tâwpa nâ chuan ka nem lêng dâwrh a, bangah chuan a in tauh chawrh a, A âu nghâl chiâm bawk, ka nu leh USawmi leh Joel-a chu an rawn tlân lût vat a, Mary chu chhuat ah chuan tlû in a kap atang hian thisen chu a rawn luang nghâl zawih zawih bawk a.


"Ana lutuk"



Tihpah chuan a tap vak vak bawk a, Usawmi leh ka nu chuan ka kaitho vat a, an hruai chhuak nghâl vat bawk.


"Khatiang thil itih duh kha ka ring phâk lo a sin"



Joel-a chuan fiah em em a min enkar chung hian a rawn tî a, Mak ka ti lutuk chu ngâwi reng chuan ka en tlawk tlawk ringawt.



"Ani laka tuân lo khân ka laka tuân mai tûr che nia"


Awki sâng sî lo mahse hriat nuâm lo zet hian arawn tî a, Ka thinrim lutuk hi a hmâia ben sawk mai saw ka duh, ka kut chu hûm ruhin ka en kal a.


"Ani khân khuma ka muhîl lâi min rawn rêk a, ka nun chhan nân ka lo dang chu tihsual ka neih âwm ka hre lo, hetiang hian thil a thleng dâwn tih chu hria ila lo in reh hlum tîr daih tûr a nia"



Fiah tak chuan ka'n ti lêt ve sak a,


"I tawngkam kha fîmkhur rawh"



Ka sa ta zak mai, A tâwk tawh e, Ka tuar ning ve ta, An awm awm hian awm hlawm rawh se.



Ka tho vat a, Kâr hmasa maia hâw kha kan ni a, mahse ka hâw leh tho ang, Wordrobe lam chu ka pan nghâl chat a,


"Enge tih i tum leh tâk a"



Ka ngâwi reng a, chhân ka tum lo hrim hrim, chhân en ah pawh ka en lo,ka naute pawh ngaihtuah lo in khânu kha a ngaihtuah zâwk a nia, tap chuang miah lo hian ka mittui chu a luang zawih zawih reng a, ka thawmhnaw lâk chhuah chu eng enge pawh ka hmu chiang thei lo.


"Duh tâwk teh Kimi, dawhtheih loh chin ka nei ve a nia"



Tihpah chuan ka thawmhnaw ken lai chu min rawn phih thlâk sak lawp a, Mary'n ka nghâwng a reh na chu ana deuh zawk zawk reng mai.


"Kei hian alawm dawhtheih loh chin nei chu, ka thei tawh lo, thlawk bo rawh"


Ring taka tih pah chuan ka kawr chu ka chhuhsak leh a, ka insiam lui leh ngat tho, tûn hi a tâwpna ni tawh rawh se, ka ngaidam tawh dâwn bîk lo, chu chu ka thu tâwp a ni.


Ka luggage chu ka khai lawp a, room a tang chuan ka kal chhuak nghâl vat, min dan pawh zu tum eih lo a, pawi top hleinêm, ti rilru nauh nauh chung chuan ka chhuak vat a, kawngka chu ka theih tâwp ana chuan ka khâr ri thuai bawk, keimah zâwk ka phu leh ang lawi bawk sia.



___________




Ka varnada ah chuan taxi chu ka nghâk reng a, ka hmâi chu hupin ka tap khûr ngar ngar ringawt, engtin nge min rin loh theih zâwk le? Min dan pawh a tum lo, Darkar chanve dâwn ka thu tawh a, Vawi khat pawh ala rawn chhuak lo, Ka rilru na lutuk hi ka puak keh mai dâwn in ka hria.



Tu emaw hi rawn thu vê ang tlatin ka hria, Ka hawi chhuak chu Uzorema alo ni reng a, Min ngaihtuah hmêl zet hian min lo en reng.


"Engtin nge hetah i awm theih a?"


"Ka patea rawn hmuh ka tum a"


Dam thlup hian a tî a, ka tah a chhuak bawk sî, tûn ah tak hi chuan mahni chauh a awm ka duh a sin le.


"Engkim ka hria lawm hrehawm ti duh suh"


Pawnlam thlîr vang vang chung hian a tî a, Ka mittui chu a rawn far leh zawih zawih tawh.


"Khatiang em em nem nat pawh ka tum lo, tihpalh thil thû liau liau a ni"



Tap hliâm hliâm chuan ka tî a, alo bu nghauh nghauh ringawt.



"Ka thlah ang che i haw duh phawt chuan"



A hmêl chu ka en vat a, ni e, ka taxi koh lah hia rawn kal thei bawk sî lo, in hruai hâw tîr mai chu a thâ ka ti, mahse a mawi lo viau angem le? chu aimah chuan ka ril a tâm tawh lutuk.


"A pawi chuang lo"



Inthlahrung ang reng tak chuan ka tî a, a nui suk chuan a tho a,

"Hawh kal nghâl mai ang"


"Awle"


Tihpah chuan ka tho ve nghâl mai a.


"Khawi ah mah i kal lo ang"



Ti tû lam chu ka hawi lêt vat a, Joel-a chuan thinrim hmêl zet hian arawn kal vat a, ka ban rêk ah chuan rawn hmerin alamah chuan min pawt phei dâwrh a, ka ban rêk chu ana ngut ngut thei.


"Joel,thinrim lo teh, i nupui hi puih ka tum mai a ni"


"I tanpuina a mamawh lo, a kal duh anih chuan amahin haw rawh se"



Tihpah chuan min vawnna chu a thlah a, ka hnunglam atang chuan min rawn nem dat a, Ka lo pên dâwrh thei, min rawn nem leh sawk a, ka kat dâwr dâwr thei.


"I kal duh a ni lawm ni, kal ta che"



Tihpahin ka hma zâwn lam pan chuan min nem sawk sawk a, ka rilru na lutuk chu ngâwi reng chuan ka mittui chu a sûr zung zung a, U Zorema chuan ngâwi reng hian min thlîr top ringawt.



Ka taksa chu a rawn zâwi vek a, Lei ah chuan ka tlu sawp nuaih ringawt, khua a hnâwng chap a, chhûm a zînga nî pawh a lang meuh lo, khua dur khup bawk sî, thlî vâwt leh tawrh har tak chuan min rawn chhêm vûk vûk a.


"Joel, duhtawk rawh"



UZorema chuan awkî sâng deuh hian arawn tî a, Joel-a chu a thaw hak a, a hmêl ka hmu lo nâ a, a awmdân tûr erawh ka hmuthiâm nghâl vek.



"In inhmangaihna ah hian ka lo tel ve avângin min ngaidam rawh u, Mahse hei hi hre rawh, I hmangaih ai nasa hian Kimi hi ka hmangaih zâwk, Mahse min hmangaih lêt ve thei lo erawh ka thû a ni tawh lo e"




An unau chuan an in kâwk ta fak fak mai, ka dan vat loh chuan an inkhawih mai ang tih ka hrechiang khawp mai.



Muang châng chuan ka tho them them a, Joel-a hmâi ah chuan ka va bêng sawk ringawt, hetianga ka puak keh vek loh chuan ka â mai ang.




"Khathil sawi kha i zak em?, Nang hian sâwn min thlâk san a, Chuan khanu kha kei aiin i ring zâwk bawk, Chuan tûn ah i fâ pai chung rengin zak takin min siam a, tunge na zawk a i rin, Sawi teh, Engtin nge i theih zawk?"



Tihpahin a âwm ah chuan ka chûm dawt dawt a, ngâwi reng chuan alo dawh tawp ringawt,


"I lakah hian phût ka neih tlêm teh lul nên, chû lek pawh chu iti puitling thei lo"



Aw chhuak tha mang chuan ka ti bawrh bawrh a, nghet tak chuan min kuah bet vak ringawt, a âwm ah chuan ka tap khûr ta hlak hlak a, hetianga awm hi ka châkna a rei tawh lutuk,



"Ka tihpalh, Tap tawh suh, Ka tihpalh"



Ati mawlh mawlh a, ka ngaidam tawh lo ang ka tî a, mahse tihpalh a tih ringawt pawh hian ka rilru a hmin leh nghâl vek tawh.



Ni lo, ka ngâidam dâwn lo, Min kuahna chu ka phelh thut a, Ka luggage awmna lam chu ka pan nghâl daih, Taxi pawh chu a rawn thleng ve nghâl a, Rang tak chuan lûtin kan tlân chhuak nghäl vat, Ka hawilêt chu Joel-a chuan min sen râm hian min thlîr zui vawng vawng ringawt.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 14th, 2019, 11:37 am

TÈ AMO, NON PIANGERE (i love you, don't cry)



Chapter-17


By


Hlutei Jocund Pachuau



Ka mittui chu hru sawk sawkin ka hma lam chu ka hawi leh nghâl vat a, Maimitchhîng chung chuan keimah leh keimah chu ka thil tih hi a dik a ni tih ka in hrilh mawlh mawlh bawk, Dik lo pawh nise Angel anga thianghlim ka ni bîk lo a, hetiang tuar reng tûr khawp chuan ka felin ka tuar a chhel bîk lo.


___________


JOEL-A POV




Kimi tlân liam tûr chu ka enzui vawng vawng a, diktaka sawi chuan ka na vawng vawng ni ber in ka hria, mahse ka hlata a awm hian nâ a tuâr tlêm zawk, a tello a awm hrehawm viau mahse engkim ka chinfel hmâ chu thlah zalen hi a tha zâwk in ka hria.


"I tih tûr diktak anih kha"


"Ngawi mai teh"


Ka thinrim sosâng lutuk chu ka kawchhûng te hi alh mai dâwn in hria, ngei awm deuh hian a nui suk a.

"A hmâ a tang daih tawh khân kalsan vat tûr che nia, Kimi'n min kalsan vânga ka tawrh na tekha tuar vê in phû"


Ka thinrim lutuk chu insûm zo hman lo in ka hnek nghâl thuai a, ka hnek na ngang a niang lei ah chuan a thal nghâl top thei,


"Nangmân i phatsan a, rilru nâ in i siam anih kha"


Awki sâng tak chuan ka ti vak a, A rawn hawi chho chu a kamsîr hi a rawn thî ser ser bawk, ka û zâwk ka hnek hmasa chu inthiâm lo deuh mahila min nawrluih vâng liâu liâu a ni, tho nghâl vatin a chil chu a chhâk pharh a.



"I fâ pâi chung khân hrehawm tuar ve rawh se, i tih ang chiah khân ana te ka la tuam dam ve anga, a rawn lêt leh duh maithei sin"



"Ngawi tawh rawh"



Ka awkî chu a hniâm nâ a, ka thinrim hlê tih chu hai rual a ni lo, ka theih tâwp a inseh ruh chung chuan hnek leh mai tum chuan ka in hûm ruh leh a,


Mahse ngâwi renga nuih suk pah hian car ah chuan a lût ta daih a, Ka khawvel chu lâk bo in a awm ta ni mai hian ka hria, Ka thinchhe lutuk pawh hi lo insûm deuh thin tûr ka nia, mahse inchhîr in awmzia a nei tawh lo, rilru leh taksa chau ngawih ngawih chung chuan inchhûng lam chu ka pan leh chhat chhat a, Tûn ah tak hi chuan zu in leh mai te kha ka duh rum rum mai, mahse ka hmangaih ber hnên ah thû ka lo tiâm tawh sî a, in leh chu tum lo viau mahila châkna hian min rawn tur et et reng mai.



Khum ah chuan ka mu thla hnawk a, Inchung lam chu ka melh ngur ngur ringawt, Kimi hi hetianga mî tina ngawt duh tûr khawpa hmeichhe mâwl a ni lo, Mahse a nem lâi kha chu chiáng takin ka va hmu hman bawk sî a, chhan tha tak a awm ngêi chu ka ring, Ka rilru tâwt lutuk chu khumah te chuan ka thu leh hluai thîn, thâwk te ka'n la leh halh halh a, tinge maw ka nun hi a hahthlâk bîk êm êm le? .



Pathiân hian min la hre ve ngâi te anih chuan Kimi nên hian hlim taka min la awm tîr ve ngei ka ring, Ka ngaihtuahna a thil rawn lang vâng chuan ka nui suk a.


[FLASH BACK]




Kimi lo tawngtai mawlh mawlh lâi chu room kawngkhâr zîm tê a in hawng atang chuan ka thlîr reng a, A phun sep sep ringawt a enge a chham ber pawh ka hre lo, Ka zu ûm lah chu ka ak rân mai bawk sî a.



Room kawngkhâr bul a ka ding reng lâi chu min lo nuih var var a,


"Enge min en reng a?"



"Engmah ni lo e, enge ilo tih melh melh a?"


Tihpah chuan ka bag chu almirah ah chuan dah pahin khumah chuan ka thu thlâ a,


"Naute hmeltha deuh kan neih theih nân te, Zû i in leh tawh tih ka hria a, i nghei nân te, chuan kan hlim reng theih nân te a tam mai"


Ka malchunga rawn thu chung chuan a ti siâm siâm a, a thilsawi zâwnga a awmdân naupang chhia lutuk hian a ti duhawm takzet,


"Tinge i tawngtai ziah a, A chhân ngâi awm che pawh ka hre lo"


"Min chhâng lo mahse ka dîl zêl ang, a chhan chu beiseina ka nei a, beiseina ka neih chhûng chu ka hlim a, ka tum ruh phah a, ka chak phah bawk"


A thilsawi chuan engtin emaw ni hian min deng deuh dawt in ka hria, thil dik deuh deuh hi a sawi ang reuh a,


"Chuti zan in chu thawhrim kan va ngâi dâwn ve"


"I ho e a"


Nui har har a tihpah chuan min chûm taih taih a, Ka nupui ka hmangaih em em ni mahse ka unaunu leh ka nu, ka thiantha nihna a fâwm vek a ni mai, ka'n fâwp leh vang vang phawt a.



[END OF FLASHBACK]




Ka ngaihtuahna atang chuan ka harh zawk a, kha thil ho tê pawh khân min ti nui vur vur thei ania, ka tân a pawimawh zia hi a in hre lo nge ni a? kei hian thilsual lian tak ka ti a ni, Kimi tello chuan ka awm thei lo.



__________



KIMI POV





Ka khumah chuan ka mu vang vang a, Ka chanchin ka sawi lâia ka nu leh pa rilru na hmêl mawlh khân min tina zual, ka nu chu a tap a, ka pa erawh a ngawi reng thung, ka hnar techu a ping vek mai, Thil ei châkna pawh k nei lo, mahse ka naute tân ka ei lui hrâm hrâm a ni.


Sana ka en chu dar 9pm alo ri vâ tawh a, Ruah lah chu sûr cherh cherh reng mai bawk sî,ka zun chhuak lutuk chu ka tho taih taih a, raino luak chhuak leh thil ngei êm êm ka nei lo nâ a, ka thil ei engmah a tui lo hi a hrehawm ber,ka taksa pawh a dawl dângin ka cher zual sawtin ka hria.





Ka room a ka lût leh chu ka phone alo ri char char chu niin,rang tak chuan ka en vat a, Joel-a bawk, a hming ka hmuh rual chiah chuan ka thin zawn hi a rawn na zawk thei, natna techuan min rawn tuam leh up up a, ka mittui tla mai tûr chu ka khap lêt fak ringawt.



Chhâng chuang lo chuan ka phone chu ka hûm ngar ngar a, mahse thilpawimawh dang te alo awm tâkin chhân loh ringawt chu thil dik niin ka hre bawk sî lo, ka chhâng leh ta nge nge a.


"Sawi rawh enge?"



A ngâwi vang vang a, a thâwk la rî leh ruah sûr cherh cherh chu ka hre thei, ruah a do amawni le?



"Sawi ta che enge i sawi duh chu?"


"In in kawt ah ka awm a"



Chauh hmêl zet hian a rawn ti chuai raih a, ka phu nghâl zawk thei, hepâ hi a â tawh anih hi, kal bo tûr khân min ti sia, tinge tûn ah helai thleng thleng arawn kal leh sî le?


"Haw rawh"



Tih ringawt chu sawiin ka phone chu ka off nghâl hmak a, ka mittui chu a luang nghâl zawih zawih thei, khum ah chuan ka thu thla hnawk a, ka phone rî reng chu ka melh tlawk tlawk ringawt.



Muangchângin kawngkhâr lam chu ka pan chhat chhat a, kawngkâ inkalh chu hawngin pâwn ah chuan ka chhuak leh ta nge nge a.



Varanda light in a chhun chin ah chuan Joel-a chu Hoddie dum leh cotton jeans dum hâ chuan a lo ding reng a, A hoddie kawr a lukhum chu a khum tlat avâng chuan a hmêl pawh ka hmu chiang thei lo.



Ka va chhuak chhat chhat a, ruah in min far nghâl ser ser avâng chuan vawt tih avângin ka mûr nghâl ur ur thei, ka pan hnâi zêl a, kan in hnaih chiah chu a hmêl pawh a chiang ta khawp mai.


"Haw rawh, hetah hian vawikhat mah rawn kal tawh suh, ka rawn hâw tawh dâwn lo, a nupui thusawi aia a bialnu thusawi awih zâwk tu pasal hi ka mamawh reng reng lo"




Ka theih tâwpa nâ chuan ka ânkhum a, mitmeng val raih a min en reng chung chuan ka biang chu rawn khawih a tum a, zu rim nam hak vâng chuan ka thinrim azual bawk nên ka lo bêng thla sawk a, thaw hak chung chuan a inseh ruh tih hriat tak hian a bek vêl chu a apâwng talh talh a, ka inthiâm lo leh lek lek zâwk.


"I tello chuan ka hâw lo ang, a tul anih chuan hetah hian ka ding tlaivâr thak mai ang"



Vawt raih hian arawn tî a,


"Haw rawh"


"Ka haw dâwn chuang lo, min ngaihdam hma chu"



Awki sâng hret hian arawn tî vê a, ka insûm thei tawh lo, tap chung chuan lei ah chuan ka thu thla hnawk a, ka huh zawr vek tawh, rawn thu ve nghâlin nghet tak hian min kuah vawng vawng a.



"Ka tina takzet che tih hi ka hria a sin, mahse i tello in ka awm thei lo, ka tân i pawimawh zia i hriat kha"



Dam thlup hian arawn tî a, mipa ho tuarchhel zia hi, ka haw takzet a ni.

___________



Kan in hruai lût leh ta nge nge a, Towel chu pê in a thawmhnaw awmsa chu ka hâk tîr leh mai a, a taksa ka dek chu asa vur hian ka hria, pangtilum angah viau nâ a, hei chu pangtilum satliah a niin ka hre lo, a chal chu ka khawih a alo sa vur mai.


"Lo mu rawh, na chhawkna ka'n lâ ange"



Tihpah chuan tho in damdawi chu ka la nghâl vat a.




___________




Ngâwi reng chuan kan mu dûn leh mai a, nupâ nge nge, inzawmna siam a awlsam ang ai hian inthlah leh hi alo harsa a nih hi, ka hmangaih miau avângin kei pawn ka kalsan thei bîk lo, a âwm chu nghêngin ka mittui chu a luang zâl zâl reng a.



"Ka âwma i lû i nghah chiah hian khawvêl zawng zawng hi ka tâ vek ni mai hian ka hre thin"



A rawn ti chhuak sup a,ka tah a ti chhuak zual sauh in ka hria.



"Tap tawh lo la, ka hmangaih che tih i hriat kha, nanglo chu tûmah hmangaih dang ka nei lo tih i hriat kha"



"Min ring hleinêm"



Tap âw tiau chuan ka tî a, ngâwi rengin ka chalah chuan a rawn fâwp zauh ringawt.
[20/03, 10:17 PM] Shorty pach: __________




Zîng ka harh chu Joel-a chu ka bulah a mu tawh lo, ka zawng deuh a khawi ah mah a kal âwm ka hre bawk sî lo a.




Ka phone chu a rawn ri leh a, Joel-a alo ni, nizân kha ka mumang mai mai amawni le? ti rilru nauh nauh pah chuan phone chu ka chhâng vat a.



"Aw, Boihi, Mary kha a tha vak lo a, naute kha a chhiat an tia, hei tûn ah hospital ka thleng tawh a, ka rawn lêt leh har lo ang"



"Awle, a zia lo hlê mai"



Chuai raih chuan ka'n tî a,


"A pawi lo, chuan thil pawimawh deuh hrilh tûr che ka nei a, ka rawn thlen veleh ka hrilh ang che, ka dah phawt ange ka hmangaih che"



Tihpah chuan a off ta daih a,naute chu a thî maw? ka thiamloh vek a ni thei angem? kei hian naute kha ka that, ni lo, a ni lo.



Ka ngaihtuahna techu a buai nuaih a, ka awm hlê hlê thei lo, mahni inthiâm lohna in ka khat a, misual tak angin ka in ngâi ni berin ka hria.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)