TE AMO, NON PIANGERE by Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: TE AMO, NON PIANGERE 1 - 10

Unread post by Ngaia » February 18th, 2019, 11:23 pm

TÉ AMO, NON PIANGERE
CHAPTER-7

HLUTEI JOCUND PACHUAU



KA RAWN EDIT TA LO MAI, KA LU ANA LUTUK A, DIK LO LÂI A AWM NUAL ANGA, HRIATTHIAMNA NEN MIN LO CHHIAR SAK MAI RU AW, IN FEL KHA❤😘



KIMI POV



Joel-a âwmah chuan zah pawh dâwn lo in ka tap ta vak ringawt a, mahse ka thâwl hawk in ka hria, ka rilru tâwt lutuk leh ka thinlung natna te âu chhuahpui na tûr ka nei miah lo a, ani bula ka natna te ka sawichhuah hian ka hahdam phah a, ka thâwl hawk zêl, Joel-a kiangah hi chuan ka thlâ a muang huai zêl.


"Engtik lâi atang khân nge ka hre lo a, engtia thleng thei nge pawh ka hre lo, ka duh takzet che a ni"



Ni lo, ka hnar ngêi tûr a ni, a rilru ka tina thei lo, Miin engtiângin nge min ngaih ang? ka thei lo.


"Engpawh ni se, min tanpui vângin ka lawm lutuk a, mahse keichuan tû mipa mah hi ka ring thei tawh lo a, kawppui neih leh pawh ka duh tawh hek lo, Joel, thian tha tak angin in en zâwk ang"


Mak tih hmêl deuh chuan min en reng a, diktak chuan a rilru ka tina ang tih ka hlâu a ni, Ka nu in a sawi kha ka hre reng thîn, "Mihring kehchhe tawh chuan khawngaihna leh lainatna an nei lo a, an hlauhawm" a tih kha, keipawh hi na taka hliâm ka ni a, ka nunhlui te hian engtikah min kalsan ngâi dawn lo, chuvângin ka tina ve ang tih ka hlau a ni.


"Kimi min duh lêt ve kher ka beisei lo, min duh ve pawh ring lo, ka unaupa chu hmangaih rawh, mahse ka enkawl che hi min phalsak rawh, nâ i tawrh apiang hian ka na ve zêl tho a"


"Ni lo e, hetah hian rawn kal tawh suh, Khawngaihin, ka sual ka chhuah palh ange"


Ka'n thinrim der vêl a, mahse engahmah a ngâi lo a nih hmêl, ngâwi ngal chuan a ding reng a, mahse ka taksa a chauh êm vângin ka mut san a, puan chuan ka inkhuh nghâl hmak a, ka lo muhîl daih chu niin.



__________



Ka harh chu ka nu leh pa chu ka bulah an lo thu reng a, min en reng, Joel-a erawh ka hmu tawh miah lo.


"Boihte, doctor kan be tawh a, i dam leh thei ati anih chu,Chemo khâi ila, eitûr leh damdawi ei loh tûr a awm nual a, Chu chu in sûm se, a dam leh mai ang a ti che a"


Hmêl nung sârh hian a tî a, ka thaw huai thei, ka thi dâwn maw ka ti hman tawh a, Doctor thû tha takin ka awih anga, ka dam leh dâwn, LalPa ka va han lâwm teh lûl êm, ka rilru chuan ka tawngtâi mawlh mawlh a, ka na zawng zawng te hi a rawn dam leh ni mai hian ka hria.

________



Ka nu te nên chuan kan ti ti mial mial a, kan nui kan nui leh thîn, Kawngka ri rak ka hriat avâng chuan ka hawi vat a, ka mi hmuh avâng chuan ka phu deuh zawk thei.

"Ehe,! Zorem nang maw! hawh lo thu ta che"


Ka nu chuan alo ti nghâl vat a, inthlahrung ru angreng tak chuan a rawn thu ve mai a, ka pa chu a hna lamah an tawn koh vângin a haw leh nghâl a, ka nu pawh chuan ka damdawi lei pah in ka pa chu a thlah ve nghâl bawk, Kan pahnih chauh kan ni ta, sawi tûr avâng duh angreng khawp mai.


"Keimah vâng vek a ni tiraw"


Hnuailam melh ngar ngar chung hian a rawn tî a, zêp lo chuan a hmai a ben hrep khu ka châk, Cabin ah ka awm tho a, ânkhum hrep mahil tûman min hmu dâwn lo, ni lo.....Khatianga hmeichhe chak lo tak anga awm kha ka tum lo.


"Nangmah vâng a ni hleinêm, Ka chunga thleng tûra Pathian ruat alawm"


"Kimi ka inchhîr khawp mai, I hmêl hmu ngam tûr pawh ka ni lo, mahse i chanchin ka hriat khân ka insûm thei ngang lo a zah pawh dâwn lo in ka rawn kal tawp a nih hi"


Ka khawngaih takzet, ni e, engvângin nge ka khawngaih loh theih ang, ka mipa hmangaih em em, ka thianghlimna hial ka lo hlan tawh kha a ni a, ka lainat takzet a ni,

"Helai thleng thleng ilo kal a ngâi lo a sin, Ka tha lutuk alawm, ngaihtuah ka ngai hleinem"


"Kimi ka hrechiang che, i tha lo, i kianga awm a, i natna te chhâwk zângkhâi hi ka châk lutuk ringawt,"


"I thei lo, i nupui leh i fa kha tha takin enkawl la, chu chu ka tâna tha ber alawm"


Dan ka tum vei nên, he mittui hi tinge dan a harsat em em le, ka kutah chuan a rawn hmer ngat ngat a.

"Tlânbo dûn mai ang hmiang"

"Enga?"

"Tûma min hriat lohna hmun ah, Tlânbo daih ila, Pawisa pawh ka ngah a, I duh duh na ah ka hruai ang che, Paris ah i kal châk thin êm kha, Kal dûn mai ang"


"U Zorem, duhtâwk teh, khawngaihin, khatiang lam i sawi dâwn kha chuan ka be peih lo che, Ka ngaidam tawh che a, ka haw lo che, i nupui leh i fa lo piang tûr chauh kha ngaih tuah rawh"


Min en reng a, min vawnna chu ka tâl thla vat, ngâwi reng chuan a chhuak nghâl daih a, ka thaw huai thei, min ti dam lo leh vekin ka hria,mahse tinge a cher em em le? a nu hah ve pawh ani mahna, an naute chu ka hmu châk tawh ngawt mai.



Balcony ah bawk chuan ka thu leh a, Joela'n min la be miah lo, engvânga nghâk reng nge maw ka nih le? A'n reh tâk vang vang chuan ka khua pawh ahar ve deuh, Whatsapp ah a lastseen ka check a, Nimin tlâi daih kha ala ni, Games bâk a ngaihtuah leh top nâng.

_________




1 WEEK LATER




Ni li(4) lai damdawiin a ka awm hnû chuan ka chhuak ve thei mai a, Mahse Chemo erawh kârtin khâi ka ngâi thung, ka taksa a chak tha in ka chaw ei a tui bawk a, na dang em em ka nei lo bawk nen, ka harh khawp mai, ka na pawh a chhuak ngâi meuh lo.


Joel-a chuan min rawn be ngâi ta miah lo a, a duh na ah hi chuan a induh thiâm thei khawp mai.

Ka phone ri chu ka en vat a, U Sawmi lek chu lo niin, An chhûngkaw sumdâwnna a an film pakhat produce pakhat chu a hlawhtling hlê a, Mizoramah chuan he film tluka pui leh lâr a awm lo ang, Chu mi lawmna party leh A birthday a inrual avâng chuan Lawm an tum ni ngei tûr a ni, min sâwm ngawrh bawk sî a, peih lo viau mah ila chhuah harh ve hrim hrim ka duh.

"aw enge ni ta?"

"Zan in i kawr hâk tûr i en fel tawh em?"

"Engtia in chei tûr nge?"


"Mawli, milâr an tam dâwn ania, Gown pink rawn ha rawh, pheikhawk sâng deuh nen"

"Enga! Gown hâk kher a ngâi ami?"

"Ngai ngai ngai, keipawn a pink ka ha dâwn"

"Anih khawi ah nge khâh"


"Hotel Floria ah, Dawrpui ah khân, Joel-a'n a rawn hruai ang che aw, chuan, i ei tûr pawh a special in ka siam tîr tawh a nia"


A ti nghâl zung zung a, ka chhân ve hmâ chuan a off nghâl daih, inchei vak pawh ka thiâm lo a sin le.

Ka thiannu han ti mai ila high school ka kal rualpui thin designer dâwr ah chuan ka tlân chho nghâl vat a, Ani hian kan khua ah puanthuina dâwr a nei ve a,a thui thiam in a kuthnu pawh a mâm nalh thei khawp mai, a dâwr hi a changkangin a thianghlima, kawr ka thui tîr ber thin a ni bawk.





"Awi ve teh khiah a che, enge i rawn tih ve dawn a"


"Eng lo, Zan ina hâk tûr gown i nei em?"


Ka'n ti nghâl tawp a, Milem lian pui pui hâk ho ang saw chu a sexy mah mah.

"Enga hâk tûr maw?"


"Birthday lawmna party ah mawle, mi hausa ho, ka thiannu in min sâwm ve tlat sia"


"Awi ka van kal ve châk,chhuak harh ve rawh, i tawm rei tawh ngar ngar bawk alawm"


"Ni e tiraw"


"Chuan tihian in inthen hlen ta tak tak ami?"


"Ni mai ang chu, kâr ah fâ hial alo awm tawh sia"


"Ni e tiraw"


Ka ngâwi leh ta reng a, a kawrfual khâi ho chu ka en mial mial bawk, taksa lang tam thei vek ani bawk sî a, thlan tûr pawh ka hre lo.


"Hei hi ha rawh, i inhmeh reuh ngawt ang"



Tihpah in kawr sendâng fual smart zet mai hi a rawn theh phei a, A zui thla a, mal atang vêl hian net sendâng tho in ka khup thleng chu arh tarh bawk, ka duhzâwng tak a ni, mahse ka mal tlêm lang thei chu ka sit deuh.


"Mahse a tawi mah mah lo mi?"


"Tawi lo e, vawi khat pian ve mana khatiang hâk ve reng reng tekha a châkawm ve lawm"


Awlsam zet hian a tî a, a man chu pe in ka tlân chhuak leh nghâl.


_________



Dârthlalang hmâ ah chuan ka ding reng a, Ka ha tâwk chiah a nih hi, abân chu ka ban bul thleng vêl hi a ni a, a simple bawk sî, ka duh zâwng tak a ni, ka nui suk a, Ka sam hmâwr tlêm chu Kan dâwr a thawk Rintei chuan min roll sak a, Ka hmâi pawh a chei vek bawk, min chei over lo nâ a, ka hmêl chu a dang vek thei, ka duh zâwng tak.


"I van thiâm em em ka duh zâwng tak"


"Ka thiam ka tih rêng kha, Ka in khâwl anga, ka la zir ve ang"


"Model ah min hmang anga"


Kan nui dûn leh har har a, Ka nau anga ka en thin a ni a, a thiamna ka la pholan sak ngei ngei ang.


"Mate, Joela pawh a rawn thleng tawh ania"


Ka nu chuan a rawn ti lâng láng a, thâwk ka'n la tê tê phawt a,Ka high heel dum chu bun in zâm ru deuh sî chuan ka pen chhuak ve them them a.


Joela ka hmu thut chu ka phu zawk thei, Suit dumpawl a hâ a, asam awmze nei lo deuh a phir sang techu a inhmeh vêl vek, min en reng avâng chuan ka lâi lek lek zâwk.


"Kal ila"


Zâwi sap chuan ka ti a, bu nghauh chung chuan min zui ve mai bawk a.


"Boihte, rawn haw har lo la, i na a chhuah chuan min lo call dâwn nia"

.Ka nu chuan a ti mawlh mawlh a, kan kal chhuak ve thei hrâm.


________



Ruah sûr tûr ang mai hian khawpui a ri dar dar reng a, zan lam mah ni se a uap em em leh nghâl, ruah a sûr vaih chuan ka sam tih kir ve hian awmzia a nei miah lo ang.


Nuam ti lo deuh in car ah chuan ka thu ngâwi reng a, ka thutpui pa lah hi a tawng duh dêr bawk sî lo, A tlân chak angreng bawk sia, ka hlâu lek lek zâwk, ka lu te hi a hai deuh in ka hria.


"I tlân muang deuh thei angem? ka luak a chhuak a"


"A hmanhmawh thlâk"


A hmak a, car darthlalang chu hawngin thlifîm chu ka dawng heuh heuh a, ka zia deuh, Joel-a engvâng a hetia awm hi nge a nih ka hrethiam lo, a hmêl rum lutuk hi ka hlau lek lek zâwk, ka hnâwl avâng khân min hua pawh a ni mahna,a tlân chak bawk sî, in hûm ruh tang chuan ka chuang ngat ngat reng a, ka taksa te hi ana deuh thûm in ka hria.


__________



Kan thleng chu ka thaw huai thei, Joel-a chuan min luhsan dâwr dâwr a, a hnungah chuan ka zui ve dat dat ringawt.


Ka awih thei lo, Hotel Floria pui dân chu dawhkân chu mizo puanchei zia hian an lo khuh vek a, USawmi chuan min lo hûi zauh, a bulah chuan ka thu vê nghâl a.


Mary pawh a nalh khep khep khawp mai, milâr an tam bawk sî, ka tê rawih rawih hian ka hria.

"I van nalh ve a"


"Niang chu, i birthday te ni sia".

Kan nui dûn har har a, Mary chuan Joel-a chu ib ta tû tak hian a kâi reng bawk, nga tân mah ka ngâi der si lo a.


U Zorema pawh a awm ve bawk, inbe lo chuan kan in nuih suk suk ringawt, an nu erawh a awm ve lo thung.


Mahse ka awm a nuam thei lo, ka lû a haiin ka ti deuh nghulh reng mai, engvâng nge mawn le?


"U sawm, Bathroom hi khawng a awm a"


"Kal phei zêl la ding lamah khân i pêng dâwn nia"


"Awle"


Tihpah chuan ka tho vat a, bathroom lam chu ka pan nghâl,ka zun a chhuak bawk sî.


Van chêt chhiat theih tak, Bathroom lamah chuan ka tlân dâwr dâwr, ka inrim hma chuan tu emaw hian room pakhat ah min pawt lût thut.


Joel-a lek chu lo niin, zu rim anam hak a,bangah chuan min nawr bet reng , ka hawikual chu khum lian vak lo leh tv a awm bawk, a thinghlim ngei mai.


"Min thlah teh"


Aw khûr dar dar chuan ka tî a, a hmêl a rum bawk sî, ka hláu lek lek zâwk, ka bân venflon ka vuahna hnû ah tak chuan a hmer ngar ngar a.

"Joel, min tina nia"


Vîn thata tihpah chuan ka nemsawn dâwrh a.


"Zoremsanga hian ka neih loh enge a neih, tinge min hnawl reng a Kimi"


Vîn that hian a tî a, a hmêl chu ka en reng, ka mittui tla mai dâwn in ka hria,ka khawngaih lutuk ringawt.


"Miin enhtin nge min sawi ang, nang pawh, a u nupui hual hlui a ngaizawng an tih che i duh ami?, Kei hi hmeichhe khawlo tak angah ka chhuak dâwn asin"


."Mi min ngaihdân ka ngáipawimawh lo, ka kiangah awm la, chu chu ka duh ber"


"I hrethiam lo anih kha"


Aw khûr dar dar chuan ka tî a, thaw hak pah chuan ka dinna bula dawh kân chu a hmer ngat ngat a, tih ngaihna pawh ka hre lo, a rûi bawk sî, zu rim vâng chuan ka luak te hi a chhuak bûr thei.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 18th, 2019, 11:23 pm

TÉ AMO,NON PIANGERE (I LOVE YOU, DON'T CRY)

CHAPTER-8

BY

HLUTEI JOCUNDA PACHUAU



"Ka tihpalh"



Tihpah chuan a chhuak nghâl daih a, ka thlîr zui vawng vawng ringawt, hetia a awm tlat chuan engtin nge ka hnar zêl theih ang, keipawh hian ka duh ve tih ka hai lo, mahse keini chu inkawp tûr kan ni lo.



Muangchâng chuan ka chhuak ve tham tham a, bathroom lam chu ka pan nghâl vat, ka awm lah chu a nuam thei bawk sî lo, ka lo kal kher kher a ni.


_________



"I tha em? ka lo ngaihtuah lutuk che a i rei bawk sia"


Usawmi chuan alo ti nghâl vat a, kan bulah chuan Joel-a pawh a thu ve reng, mahse en pawh min en duh lo, U Zorema pawh a awm ve bawk.

"Bathroom kha ka hmu mai lo a, ka zawng kual deuh a"


Ka ti ta ringawt a, Joel-a chuan a hmûi alo ti pawrh zauh lai chu ka hmu reng, mahse hmulo angin ka awm top ringawt.


________


Eitûr chi hrang hrang chu an rawn chhawp dal a, party chu tlêmin nuam ka ti ve ta deuh, zaithiâm te an zai a, drâma nuihzatthlâk tak tak en tûr a awm bawk, ka rin ai daihin a hlimawm phiân mai.


"Hei i tâ tûr bîk a ka order a nia"


Tihpahin Usawmi chuan thlâi lam chu min rawn chhawp sak a, a tui hmêl phiân mai, lungawi tak chuan ka lo ban ve mai a.


"U Zorem tihian in inthen hlen ta mi a?"


Mary chuan arawn ti chhuak ta nge nge a, ka rin lâwk ang chiah a ni, U Zorema chuan a âw chu a thiân kharh ringawt, chhân lêt dân tûr a hre top nâng,

"Aw, kan inthen, buaina i nei ami?"


Pângai tak chuan ka ti nâ a, mahse ka lungawi chiah lo tih chu an hrethiâm tho ang, Joel-a chuan beer lem khalh khalh pah chuan min en reng bawk.


"In in hmangaih ropui sia, ka ti mai mai mawle"


"In hmangaih zawng zawng te hi an awm dûn vek hleinêm"


"Mahse ka khawngaih che u".

"I khawngaih kan ngâi lo, Go and fu** yourself"

Ka hriat tham lek chuan ka ti sap a, Joel-a chu a nui hak, ka tawng rî kha a hrethiâm ani mahna.



"Ka sawi loh tûr ka sawi a, pawi ka ti lutuk, in pahnih a ka hmuh dun cheu hian ka rilru lo nat pui che u a"



In la fel hmêl vêl tak hian a ti vêl a, ka thil ei pawh a ti tui lo zo vek, ka van ngei reuh tak,he nu zet hi chu.

"Kan inkâr ah hmangaih na emaw, In huatna pawh a awm tawh lo"


Min en thap a, U Zorema hi ka khawngaih letling zâwk a tih sual a a zah tawh dâwn nâk alai a a hrehawmna an lo belh chhah sak ve zêl hi ka ngei pui.

_________

"Joel, Kimi hi thlah leh mai la"


Usawmi chuan ati a, Joel-a ka en reng a, mahse engmah a sawi lo, a beer ken lâi chu a lem khalh khalh ringawt. "Tunge min thlah ve ang"


Mary chuan in ti no zet hian alo tî a,min thlah lo mahse pawi pawh ka ti lo,hepâ hmêl rum lutuk hian min ti hlâu e a.

"Keimân ka thlah ang che, Kimi chu an khua a hla deuh hlek a, mipa in thlah se tha zawk"


U Sawmi chuan alo ti zung zung a, ka nui lui suk suk ringawt, Joel-a tih loh tûpawn min thlah mahse pawi pawh ka ti lo, in ka thlen theihna nih phawt chuan.

"Joel min thlah la, U Kimi chu U zorema'n thlah mai sela"


Joela chu a ngawi reng a, min en reng a ka hriat avâng chuan melh pawh ka melh tha duh lo, U Zorema lah chuan nuam atih loh hmêl thei bawk sî.

"U sawm, atlâi tawh sia, hâw ka duh deuh a"


"Nia, Joel va thlah rawh"


tihpah chuan U sawmi chuan mit min siai zauh a, henu hian enge maw a hriat le, Mary hi a haw ve hranpa hrim hrim a, Joel-a hi hnaih tîr a duh vak lo pawh a ni mahna.



Joel-a chu a chhuak nghâl vut a, uSawmi chuan chhuak tûr chuan min ti zauh a, ka bag chu lá in ka chhuak ve mai bawk a, min thlah dâwn techuan min nghah ve mai tûr a nia, avan sual thiâm ve chiang tak.


__________


Pâwn ka chhuak chu ruah alo sûr nasa ngang mai,ka hawi kual a Joel-a ka hmu mai bawk sî lo, hepa zet hi chuh avan sual tak e âw.

"Hetah rawn lût rawh"


Tihpah in ka hmâ takah chuan car hian a rawn ding a, hmanhmawh tak chuan ka tlân lût nghâl, ruah a sûr hnem deuh avâng chuan ka huh nual mai.

"kha in hru rawh, i khua a sik ange"

Tihpahin face towel thianghlim zet hi min rawn pê a, min ngaihtuah lo anga lan tum sî min ngaihtuah viau tho bawk sia, nui suk pah hian ka in hru nghâl mawlh mawlh a, ruah do chu a nawm ngâiin ala nuam reng mai, ka harh hawk in ka hria.

Meizial lah chu pak khu reng mai bawk sia,a rim chhe si, Car chuan kan tlân leh vang vang a, zan a rei deuh hlek tawh avângin traffic pawh a zâm tawh em em lo.

"Na te i nei em?"


"Nei lo e"


Tih ringawt chuan ka chhâng a sawi tûr lah hi kan hre lo dûn ve thei sia, a ninawm lek lek zâwk thin.

_______


Melthum kan pêl deuh chiah tih ah chuan Car chu a thi ta ringawt a, ruah hmî chu a la tla seng seng tho,


"Enga tinge a?".


"Ka hre bik lo, tikhán lo awm rawh, ka'n en ange"


Tihpah chuan a chhuak nghâl vat a, A hmalam chu hawngin eng enge maw lâi chu a khawih ri rak rak a, a thim tha bawk sî, ka hlau lek lek zâwk, Ti ringawt chuan ka awm reng thei bîk lo, Ka phone chu phawrhin ka on chu signal ka nei tawh dêr lo, Emergency call alo in ti vek bawk si, ka nu leh ka pa in min ngaihtuah dân tûr hi, dar 11: 58 lâi alo ni tawh , torch light chu on in ka tlân chhuak ve nghâl vat a, ka phone chuan ka ên nghàl.


"Lo va awm rawh i dam lo ang"


"Ni lo e, ka thu mai mai duh bîk lo"


"Kimi luh lul lo teh"


"Siam mai mai rawh, I thû ka oih nachhan tûr ka nei lo, nang ai upa ka nih hi"

Ka ti chiah chu a ngâwi hmak a, a thil tih lâi chu a ti sawk sawk ringawt, a thin ka ti rim leh tawh aniang ka ring, Ruah hmî lah chu a tla ser ser reng a, a nuam phiân mai, A vawt deuh sûk bawk sia.


"Ruah do hi a nuam e"


Tihpah chuan ka'n kalsawn deuh a, Ka na zawng zawng tekha a bo vek maiin ka hria, a hahdam thlâk ka ti, ka naupan lâi atang tawh in ruah do hi chu nuam ka tih ber thin a ni.


"I rilru chu kum 15 vêl lek ni awm a ni, i lawm a ho sî"


A rawn ti chhuak hluk a, ka nui hak,

"Kum 15 pelh hi ka tum reng reng hleinem"

A nui ri ve hak a, Ka phone light in a hmêl a ên tel deuh avâng chuan chiang takin ka hmu thei, a kamis vâr ruah in a nan huh vângin a hnute hmûr leh a six pack te pawh alang deuh kâk bawk, a sexy zia chu, a sam huh hlap tlêm buk deuh chu a ti pial vek a, A mit hmul buk chhak leh a mit menglian tak te nen chuan a in hmeh vêl vek mai, ni lo, enge maw ka lo suangtuah chiam chiam le. ka hawisawn nghâl vat a.


"Min ên dâwn maw ka tia"


"Maw..!? e, aw"


Ka tawng techu ka bahlah deuh nuai mai, ka awm dân hi ka hrethiam tawh nek lo e a.
[14/02, 10:43 PM] Shorty pach: "A tha tawh ang, ka thianpa in a bialnu a lên pui a, kan car zâwk a hmang a, a car min hman tîr a"



Inthlahrung zet hian a tî a, ka lo nui suk, a dul vêl chu melh pawh ka melh tha ngam lo.

__________


Car chhûng ah chuan kan thu vang vang a, Towel chuan a in hru mial mial bawk, vâwt ka tih vâng chuan ka khûr deuh dat dat a.

"Ka coat hi ha rawh, lo chhuah ve suh ka tih che kha"

Tihpahin a coat chuan min rawn khuh tha sawk sawk a, Hnuailam ka lo melh ngar ngar thung,

"I sam kha khawi ka lo hrûk sak ang che"


Tihpahin towel chu ka lâ a, asam chu ka hrûk sak nghâl, min ngaihsak êm vângin ka ba ve hrim hrim bawk.

Kan inhnaih mah mah nge ka hmâi chu aza mer mer a, min en reng tih ka hria, ka melh tha ngam ei lo thung, ka dang te hi a ro vek thei,

"Kimi".


"Aw enge?"

"I hmeltha lutuk"


Thutak zet hian arawn tî a, mak ti tak chuan ka en top, Hetiang thu sawi vêl hi a inhmeh thlâwt lo, ka biang tawn tawn ah chuan arawn vuan a, muangchângin ka hmui chu arawn si de de a, chêt ngaihna pawh ka hre lo, dawh top ringawt.


A aia thûk zawk a min rawn fawh leh vâng chuan engtik lâiin nge pawh ka hre lo, ka lo chhânglêt nghâl vat a,ka in la hrang nghâl vat.


Tukverh lam chu ka hawi daih a, ka zak bawk si, a nui ri hak chuan min ti tim sung sung thei, ka hnar ve nasat thei nên, min hneh ta nge nge anih hi,diktak chuan ka tâna a awm reng thin avâng leh min ngaihsak nate, zei lo chung chung pawh min bêm a tum ve dân te hian ka rilru a hneh lo thei lo, mahse leh lamah U Zorema ka thinlungah hian ka phûm bo tak tak em ka la hre lo a ni.


Engmah sawi lo chuan kan tlân leh ta vung vung a,

"Ti kha chuan min hnar reng tawh bîk lo ang"


Nui za insûm deuh hian arawn tî a, ka lo nuih lui ve suk ringawt.

"Dik tak chuan Ka rilru chu i hneh takzet alawm, ka pha lo, mahse u Zorema hi ka theihnghilh tak tak em ka hre lo a, mi min sawi dân tûr hi ka tuar thei angem ka hre lo bawk, tiang zawng zawng paltlang tûr khawp hian ka huaisen tâwk em ka hre lo a ni"


"Min ring la, tûmân an tih nat che ka phal tawh lo ang"

Tihpahin ka kut chu nghet tak hian a rawn vuan a, ni e, chance vawi khat tal pêk chu a phû hliah hliah a ni.


"Joel, Ka chanchin engkim i hria a, kei hi ka thianghlim tawh lo tihpawh"



"Sawi suh, Kha kha chu sawichhuah ka duh lo"

Ka sawi zawh hma chuan a rawn ti vat a, ka ngâwi leh top, In nghahna tlâk a ni em? kan en chhin ve phawt a niang chu.


"Mahse Mary kha"


"Haaaa....sawi lo mai teh"


Ka nui hak a, a mizia hi ka lo bêlchiang ngâi miah lo a, ngainat awm tak tak lâi chu a awm ve a nih hi, tû hmeichhia in nge maw Ani ang mipa hmeltha leh sexy lutuk, lêrh bawk sî lo hi hnar phal teh lul ang le.


_________


In kan thleng chu ka thaw huai thei,

"Lo riak leh mai la"


"Pawi chuang hleinêm"


Rang zet hian arawn tî a, ka lo nui hak, pâ deuh pawh hian Ramhuai tih vêl chu an lo nêl lo ve tho a nih hi.


"Min sâwm lo tih ka lo hlâu lutuk a"

Ka nui hak hak a, dâwih ve sia, A inhmeh lo e,

__________


Inchhûng kan lût chu ka nu leh ka pa hi sofa hran ve ve ah an lo muhîl bâm a, tv erawh ala inchhuah zut zut tho.


"Nu ka lo haw a nia"


Ka tih vêleh rang tak hian ka pâ chu a rawn tho nghâl vat a,ka nu pawh chu a rawn tho ve nghâl.


"Kan lo ngaihtuah hman lutuk che a, i call tlang theih bawk sî lo a"


"Nia signal ka nei lo a, Joel-a'n min rawn thlah a, a riak nghâl ang aw"


"Atha lâwm, Joel iva fel thîn tak, I room tûr hi a hranpâ in lo siam tawh ila thâ ang"


Ka nu chuan fiamthû hian alo ti nghâl vat a, kan han nui leh dar dar phawt a.


______

Ka nu te an mut hnû chuan, Joel-a thawmhnaw hâk tûr chu ka pê a, ka pa kawr ani sia, a nuih zatthlâk :ugeek: ngei mai, mahse lungawi tak chuan aha ve mai bawk a.


"I bul ah ka lo mu ve mai dâwn"


"Kal mai teh"


ka lo ti vîn that a, a nui hak ringawt.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 18th, 2019, 11:23 pm

TÉ AMO, NON PIANGERE ( I love you, don't cry)

CHAPTER-9

BY

HLUTEI JOCUND PACHUAU



Khum ah chuan ka mu ngâwi reng a,thlamuang pawn ka mu thei lo,Joel-a mutna nên a inhnaih bawk si, ka phone rawn vibrate cher cher chu ka en vat a.

"I mu tawh em?"


Ka nui nghâl suk,

"Mu lo e"


Ka thawn zâwng a a message tone rî tleng tleng pawh ka hrethei.

"Ka mu thei lo a, Ka room lo ah chuan mutthilh hi ka harsat lutuk a"


"Avan pawi, room pahnih chiah kan nei bawk sia"


"Pawi lo e, i tân techuan"


Ka nui ri hak a, ka rin aidaihin a zei reuh phiân mai, ani hi ka duh telh telh dâwn in ka hria, ka rilru zawng zawngin ka be leh dâwn nge ka be mai mai zâwk dawn pawh ka hrethiam lo, mahse biak mai mai atân chuan ka khawngaih bawk sî, ka natna hian dam lam aiin zual lam lo pan zâwk ta se, engtin nge ka tih tâk ang,engtia awm tûr nge pawh ka hrethiam lo, a rilru ka tina palh ang tih ka hlâu bawk sî.

"Ka mu ang aw, muttui le"


Tih zawng chu ka thawn a, Rizai chuan inkhuh in ka maimitchhîng nghâl hmak, min rawn reply leh na pawh chu ka en tawh chuang lo a.


__________


5 MONTH LATER





Joel-a pov


"Joel, keimah ka nia, Kimi nu,Kimi hi a zual deuh a"


Kimi Nu thu rawn sawi vâng chuan ka inperh tho nghâl vat a, Nimin ah pawh ka lêng a, na nei âwm pawn a awm si lo a.


"Green wood ah nizân khân kan tlân phei pui leh a, nimin tlâi atang khân a luak char char a"


"Nimin a ka lo kal kha chuan a tha hlê bawk sia"


"Nia,na chu a nei reng ang, alo tuar ru reng pawh ani mahna, ka fanu hi kei ngei pawh hian hriatthiam har ka ti"

.A thaw hak a, henu mizia danglam bîk lutuk hi chu, a rûkin alo tuar char char a ni âwm sia.


______

Hmanhmawh tak chuan ka jumper chu hâ in ka tlân chhuak nghâl a, Kimi ka kawp hi thla 5 chhûng khân inchhîrna pakhat mah ka la nei chhin ngai lo, Mary pawn min rawn la zar reng a, Kimi nên kan inkawp tawh tih a hriat loh vâng a ni mahna, thla 5 lâi chu kan inkawp ve tawh a, sex erawh chu kan la hmang lo,a taksa a chak loh mai bâkah a duh lo nasa mai sî a,Vawi khat pawh fiâm thû in ka'n fight der mai kha chu, keitê ang mai a ni, ka hneh bîk dêr lo, a duh na ah chuan kawlh ve tak a ni ringawt. Nâ a neih pawn vawikhat mah ala sawi chhuak ngâi lo, a chhan chu "Hmeichhe chak lo tak anga i bula awm hi ka duh lo" Ati bur mai bawk sî a, a serious êm lo ang chu maw.

________


CABIN awmna lamah chuan ka tlân chho nghâl vat a, Cabin kawngkhâra Kimi hming lo in târ kalh ka hmuh chuan ka kik nghâl vat a.

"Lo lût rawh"


Ka lût chiah chu ka phu zawk thei, Kimi chuan Oxygen mask a lo vuah reng a, ka rin âi daihin alo serious ani tih ka hmu nghâl,

"A tha lo viau ami a?"


"Aw, hei ala harh thei lo chu nih hi, Doctor chuan a tha, ngaihtuah awm a ni lo a, Cancer hrik pawh an hmu tawh lo, mahse test an nei leh a, na dang alo nei leh pawh ani maithei a ni"


Aw dul raih hian a tî a, a hmêl leh aw kâ atang chuan a lungngaih zia ka hre thei, Kimi kut vawt thler chu ka hûm vang vang a, Kei ve teh lûl hian tih theih ka nei sî lo a, rilru a tâwt up up mai.


"Joel, lo awm lawk rawh aw, a damdawi tûr lei pahin ka zu in eipuar vê ange,zîng chaw pawh ka la ei lo, apâ pawh a rawn phei têp ang"



"Awle, lo ngaihtuah suh"


Muângchâng chuan a chhuak a, Kimi chu ka en reng, min thihsan daih tase engtin nge ka awm ang le? ni lo, enge maw ka ngaihtuah le?


Balcony lamah chuan ka ding vang vang a, He hmeichhia ah hian enge ka hmuh a engvânga duh em em nge ka nih pawh ka hre lo, midang ngaihdân chuan ka unaupa in duhtâwka hmangaihna alo chenpui tawh hnû ka kawp leh vêl mai mai angah an ngai vekin ka ring, mahse tiang chuan ka ngâi ve lo, Hmâna ka bialnu ka lo duh êm êm leh ka vei thin ang chiah khân ka veiin ka ngaihsak a, nikhat lek pawh hmulo a awm harsa ka ti thîn, Ka lên theih loh pawn ka video call hrâm zêl, mahse ka rilru ngaihtuahna luah khat tû ber tianga a awm tâkah chuan rilru fîm put pawh aharsa talh mai, maimitchhîng chung chuan boruak chu ka hîp lût vang vang a, thil pakhat ka hrechhuak zawk mak, kei hi Kimi tân ka lo la tawng tâi ngâi miah lo a ni tih ka hre chhuak, Ka'n maimitchhîng leh a, chham tûr lah chu ka hre tam lo kher mai,


"Joel"


Zâwi sap chuan a rawn tî a, ka meng zawk,hmanhmawh tak chuan ka pan nghâl, a kuta vawn pah chuan a biangah ka chuk zauh,ka rin âi daihin ka tawngtâi na chu min chhâng rang.

"Ilo harh tawh maw? na dang te ila nei em?"

Mask chu harsat hmêl zet hian phelh a, a hmêl dâng bel leh cher zual lutuk chuan ka ngaih ati tha lo zual.


"Nei lo e, ka châu deuh a ni mai, ka mumangah ka hmû che sin"

Nui var var hian a tî a, a hmûi ah chuan ka chuk zauh, a tuar chhel zia ka hmuh hian ka ngaisâng a ni, Oxygen vuah ngâi khawpa nâ a nei chungpawn ala nui var var thei a nia.


"Engtin nge min hmuh a?"


"Ka hre chhuak thei tawh lo, nangmah ini tih chu chiâng takin ka hria"


Ka nui suk a, a hmûi ah chuan ka chuk zauh,

"Ka hâ pawh ka la nâwt lo a nia"


"Pawi ka ti hleinêm"


"Keimân ka tia lawm"


A kuta vuân chung chuan a kut chu ka chuk zauh zauh reng a, chumi ringawt pawh chuan ati hlim tâwk aniang, a nui var var reng mai.

"I va hlim ve a"

"Nia ka hlim alawm, ka mumangah ka hmu che a, chuan ka harh vêleh ka hmu leh nghâl che a"


"Min van ngâi âwm ve"


"ka ngaih vêloh bawk che in"


Kan nui hak hak a, Dam lo chung pawh hian ka mitah chuan hmeichhe hmêltha ber ala ni tho.

___________


Kimi nu pawh a rawn lêt tawh a, ka pa puih a ngaih avângin ka lêt leh nghâl mai a, a hmêl atang chuan min la ngâi viau tih hre mahila ka hnâ ber ka kalsan chuan mipa lâktlâk lo tak anga lan ka duh sî lo, hreh deuh chung chuan ka haw leh nghâl mai a.


Mahse ka rilru ah a awm reng mai, ka ngâiin biak reng duh mahila phone khawih reng atân a nuam bawk sî lo, Rilru kam deuh ut ut chung chuan ka pâ chu ka pui ve lâwp lâwp a.


Kimi pov



Ka muhil ka harh chu khua alo thim deuh ruih tawh mai,zân ah Joel-a arawn lên dâwn vângin ka hmâi techu ka'n hnawih paw vê a, inchei ve mahila ka hmêl ah chuan ka natna hi alo lang chhuak leh thîn.

Min duh êm êm tû leh bialpa atâna ka lo suangtuah thin bialpa hmeltha leh min duat em em tu ka nei a, mahse ka natna erawh in that lam aiin zual lam a pan emaw tih tûr khawp hian nitin in ka chak lo tiâl tiâl a,nâ ka ngah telh telh bawk sî, zantin ka tawngtâi a ka tân, Joel-a'n zû a nghei theih nân Leh ka chhungkaw tân, mahse ka tawngtai na te hi chhân a ni dâwn lo pawh ani mahna, nge ni a, thilmak alo thlen ka beisei zâwk, engkim hi a nih tûr ang takin a thleng zêl a, khuanu rorêl dân hi pawmthiam harsa ti mahila awmze awm lo ah chuan pawm a ngâi miau sî.


Ka mittui tling kiau chu a tlâk mai loh nân ka khap lêt fak a.

"Boihte, Lungngâi lo la, Cancer hrik pawh an hmu tawh lo a, rilru hahna tûr a awm tawh hleinêm"


"Mahse nu, ka nâ te hian min kiansawn chuang sî lo a"


"Enge maw vâng mai mai aniang"


Min hnem chu tum vê mahse, a hmêl atang chuan a rilru tâwt leh hah zia hi ka hmuh hmaih hauh lo, ka nu phone chu a rawn ri ral ral a, a chhâng nghäl vat, ka mittui tlâ chu a rûk chuan ka lo hru zeuh zeuh reng a.


"Boihte, Ipa Duha a boral anih chu, engtin nge niang le? ipa a duty a ngâi bawk sia"


A tih lâi tak chuan Joel-a pawh a rawn lût vê nghâl a, Pa Duha chu kan thenawm mai ami a ni a, ani pawh TB vânga a thih têpna kha a rei tawh rêng a ni, Kan chhûngkua kan awm vê ngêi angâi dâwn sî a, ava han buaithlâk thei tak êm.


"Engtin nge niang le? tumah inah kan awm dâwn dêr si lo a"


"Enge buaina in nei ami?"


"Aw kan thenawm ami an Chhûngkaw pâ ber a boral a, Matei pâ hi a duty daih sî a, tûmah kan awm bawk sî lo a"


Ka nu chuan alo ti nghâl vat a,

"Ka lo riahpui mai dâwn ami? rem in tih chuan, inthenawm te ni sia"


"A chî dâwn ami? i chhûng tepawn an rem ti lo ang"


"Kha lam kha chu a rem lohna awm lo, nangmah nin min rin leh rin loh a ni mai"


In ring tâwk zet hian a tî a, ka lo nui suk, min riahpui chuan a nuam viau ang, ka ngâi bawk si a, ka mumanga ka hmuh atang khân ka ngâizual sawt maiin ka hria.


"Anih chuan Boihte, I nutei bulah ka chhuk anga i u mapuia ka inhruai tîr mai ang aw,I hreh lo ang tiraw?"


"Hreh lo e Nu, kal rawh"


"In pahnih hian ka ring tâwk che u nia"


"Nu"


Vîn that chuan ka tî a, Joel-a leh ka nu chu an nui hak, Ka nu chu a insiam sawk sawk a.


Joela chuan a zui chhuak ve bawk,Joel-a rawn ken Bawnghnute chu ka lo in nghâl vat a,rin ai daihin a rei phiân leh nghâl.


Nurse chu lo lûtin ka drip khâi chu min rawn phäwi sak a.

"I khuate ala sik em?"


"Aih, sik tawh lo e"


"Naktûk ah result a chhuak ang aw"


Tihpah chuan a chhuak nghâl a, ka result chu hriât ka châk rual rualin ka hlauthâwng ru ang reng khawp mai.


"Min lo ngâi hman em?"


Tihpah in ka bulah chuan a rawn in thawlh ve sut sut a, ka lo nuih var var ringawt.

"hawh, ka âwmah hian rawn bei rawh le"


Tihpah chuan min pawt mu nghâl rawk rawk a,ka chalah chuan a rawn fâwp zauh, zu rim anam hak mai.


"I chal hi a bawl ve deuh anih hi"


"Nia, ka menrei vâng aniang"


"Mengrei tawh suh, i taksa pawn a ngaih lo ang"


"Nangpawn zû in tawh lo la"


A ngâwi ta hmak a, a thaw hak ringawt, ka hawi chho chu a melh ngâi alo melh reng a, engtak chu ngaihtuah ang maw.


"Nghei chu ka duh alawm, mahse a harsa ka ti"



Ni e, a harsa chu ati ngawt ang, ka hriatthiampui chiah lo nâ a, a theih loh tûr thil tih tîr ka duh lo,a duh vânga a ngawl vei ani lo tih ka chiân êm vâng a ni.


"Mahse, ka tân vawi khat tal chu han tum chhin ve reng reng la"

.Dam diai chuan ka tî a, nui suk chung chuan min rawn fâwp zauh,ka period lâi a ni bawk sia, min hnaih vak lo mahse pawi pawh ka ti lo, ka inthlahrung deuh.


"Han innei tawh mai ilah, a nuih zatthlâk awm"


Ka nui hak a, inlâk puitlin tum viau thîn mahse a naupanna hi a rawn lang leh thîn, kei aiin kum 2 lâiin a naupang a, mahse kei aia a naupan na hi sawi chhuah a phal ngâi lo, ka sawichhuak ngâi lo rêng bawk a, kawng tam tak ah kei aiin a puitling fê tho, keichu fa mal ka nih vângin ka pangchang a, tûn thleng pawn ka la puitling thei meuh lo.


Thildang daih ka ngaihtuah lâi chuan min rawn fâwp thut a, ka lo chhânglêt nghâl vat,min kuai zangthal a, kawng a chin chunglam chuan min bawh deuh a, kan kê lam erawh a insi mang lo thung, Ka awm bâwr chu rawn zen in a khalh niâp niâp a,

"I huang chin i pêl a nge aw"


"Ka insûm thei alawm, mahse, ka hmeichhe duh deuh bula ka mut meuh chuan ka easy mah mah dâwn in ka hria"


Ka nui hak a, a tawngkam lah hi nuihzatthlâk thei sia.

"Min pawngsual mah la tûmah ka hrilh lo ang"


Te chu ala ti ta deuh deuh a,ani bula ka awm hi chuan ka nui reng mai anih hi, a nghawng ah chu ka kut khing hnih chuan ka vuan a, kan in nuih leh var var ringawt.

He hlimna hi tu emaw hian min rawn lâksak ta daih se la, rilru nâ vângin ka thi thei hial ang.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 18th, 2019, 11:23 pm

TÉ AMO, NON PIANGERE (i love you don't cry)

Chapter-10


Dah loh ai ah ka rawn dah mai mai, tunlai chu ka taksa a chak loh mai bakah ka hah lutuk vâng hi niang, Ka meng thei reng reng lo mai a, tun ah pawh hian mumang nen ka ni nuaih mai, Hun ka nei lo bawk sî a, Mahse ziah laklawh laia han tâwpsan ringawt lah ka duh bîk bawk si lo, NAKTUK ZÂN PAWH KA RAWN DAH LO ANG, KA BIRTHDAY A NIA, LAWM VE NGEI KA DUH DAWN SIA, DAR 9 VELAH CHAUH TYPE NA HUN KA NEI DAWN A, KA MENG LEH THEI DAWN SI LO A, 🥺


TUN AMI PAWH HI KA EDIT LO NUAIH A NIA, KA STORY MIN HLUT SAK TUTE CHUNGAH KA LAWM A, IN BEISEI ANG KA PHÂK LO TIH KA HRIA, MAHSE TUN AH CHUAN THÂ KA NEI NGANG LO, MIMAL HARSATNA KA NEI TEL BAWK NEN, RILRU HAHNA DEUH KA NEIH HIAN MIN TI CHAU NI MAIIN KA HRIA, KHAWNGAIHIN MIN HRETHIAM HRÂM RÛ AW, KA NGEN TAK MEUH MEUH CHEU NI, KA RAWN DAH THUI THEI DAWN SI LO A, CHU LO AH CHAWLH ZEUH ZEUH KA NEIH ANGAI DAWN SIA.



"Au zorema hi i theihnghilh tak tak tawh tiraw?"


Inchung melh ngar ngar chuan a ti a, a hmêl ka en chu thil tam tak ngaihtuah hmêl a pû, Duhna chu ka nei tawh lêm lo, mahse kan nunhlui zawng zawng theihnghilh tûr khawp chuan ala rei lo mah mah ka ti.

"Ka hre lo le, a lakah beisei tûr a awm lo a, nang i awm tawh a, ka tân tangkâina a nei tawh hleinêm"


Awlsam tak chuan ka tî a, a hmêl chu a tak deuh rûn mai, mahse thinrim hmêl erawh a pu chuang lo,

"Nupui atân ka duh che a"


A thusawi chuan min thâwng lutuk chu ka lû ka kân deuh uai a, ka lo la ngaihtuah ngâi miah lo, ani hian min duh takzet tih ka hria a, nupui a tân êm a nih chu ka ring phâk lo hrim hrim.

"Ka natna te hi dam ve phawt sela, kan la ngaihtuah tha leh zâwk dâwn nia, zû i nghei hun tepawh kan la nghâk ang chu"


A nui suk a, a ding nuih deuh suih hian a tha leh zual,

"I natna vâng hian ka iai tûr ah che i ngâi a nge, keichuan pawi tihna ka nei lo a nia"


"Joel, Mahse, nupui êm êm i unaupâ nên kan awm dân pawh i hre"

"Sawi suh"

Ka sawi zawh hmâ chuan a rawn ti hmuk a, ka ngâwi chiang ngêi mai, a ngâwi leh deuh vang vang a, huihaa...titau leh tâ, a âwm ah chuan ka bei hlê hlê a, engmah ala sawi duh chuang lo.


"Ka thu sawi vâng khân ka tihpalh aw"


Thaw hak pah chuan min rawn en a, ka hmui ah chuan a rawn chuk zauh.

"Ka rilru ana tlat a, ka tân chuan i thianghlim, khatiang lam kha chu hriat leh ka duh tawh lo a nia"


Vawt deuh ruih hian a rawn tî a, ka nuih suk ringawt,kei lah ta pek hi, lo sawi zuah zuah loh tûr ania, ka van â tak.


"Ka mut a chhuak"


"Muhîl rawh"


Tihpah chuan min kuah hlê hlê a, Mutchhuak in min rawn zem chiai chiai tâkah chuan keipawh ka muhîl ve nghâl.




_________



Ka bân thîp zek zek vâng chuan ka harh zawk a, Nurse chuan drip min khâi alo tum lâi tak chu niin, ka nu leh pa pawh an awm tawh a, Joel-a erawh ka hmu hauh lo.

"Nu khawnge Joel-a kha"



"Bathroom ah a inti fâi lawk a, Nâ te ila nei em?"


"Nei lo e, Pâ i chau em?"


Ka pa kil khata lo thû reng chu ka va bia a, ka pa hi chu a tawng tlêm ve thei ngawt mai.

"Chau lo e Boihte"


Joel-a chu bathroom atang chuan a rawn chhuak ve nghâl a, ka lo nuih var var ringawt.

"Nizân lam te Riahpuitu a nei tha bawk a, a hlim var var khawp mai"


Nurse chuan min fiam zauh a, kan nui leh dar dar ringawt, Joel-a lah lo lâi chhe ngang mai.


__________


Balcony ah chuan ni tla tûr chu ka thlîr reng a, Ka pa pawh a haw tawh a, ka nu chuan ka result a lam mêk thung, Joel-a nên kan inbe zo chiah nâ a, ka ngâi leh nghâl der tawh,


"Boihte, ka lâwm lutuk ringawt"

"Enge ni a nu?"


"I period lâia thil vawt i ei vâng khân a taksa in a tuar a nih kha an tia, Thisen vâr i tla chham tih mai loh chu natna dang i nei tawh lo"



Hmêl hlim sar hian a rawn tî a, ka thaw huai thei,LalPa ka lawm e, ka rilru chuan ka tawngtai mawlh mawlh a, Whatsapp ah lûtin Joel-a chu ka chanchin te ka va hrilh nghâl vat a.


"Vawiin a kan chhuak dawn a, insiam nghâl ang"


Ka nu in a rawn tih vâng chuan phûr zet hian ka insiam nghâl a,nâ ka nei tawh lo tih ka hria chu Hnâra hlît phawi ang hlawk hi a ni mai, ka phur rit tak min lâk kiân sak ang mai hian ka hria.


__________


1 WEEK LATER


Karkhat lâi alo liâm ve ta, Dâwr pawh ka nghâk veleh tawh a, mahse thil hahthlâk lam chu ka tih ve an phallo thung, a ninawm lek lek thîn, engmah ti lo a awm mai mai chu.


Ka phone ri ral ral chu ka en vat a, U Sawmi lek chu lo niin, ka la nghâl vat a.


"Aw Hello"


"Awi ka lo ngâi tawh lutuk che a, enteh thil hrilh tûr che ka ngah râpthlâk rawn lêng phei la"



Ka peih chiah lo nâ a, Joel-a thâwn thut ka duh bâkah, In check-up leh ka ngaih tho vâng chuan ka "âw" veleh ta ringawt a, Hmanhmawh tak chuan in ah ka tlân hâw a, ka insiam nghâl sawk sawk.


_________



Ka thleng chu Usawmi chuan min lo lâwm ngêi mai, Dân ngâi bawk chuan A nu leh pa te pawh an lo awm lo leh ngêi a.


"Enge min hrilh tûr chu?"


"Enteh, Joel-a'n hrilh che a phallo a, mahse ka insûm zo thlâwt lo, Zorema te kha Naute an nei a, hei thla 2 êm pawh ala tling lo a a chhuahsan daih a"


"A ni maw! avan mak êm êm, hmeichhe rilru pângâi deuh amaw ka tia"


"Teuh lo râpthlâk Zorema chu ka khawngaih top, Mahse ka hrilh che tih hi ka nau bulah sawi suh aw"


Ka nui lui suk ringawt,Avan ti mak em em, U Zorema ringawt chuan ka rilru a luahkhat leh ta, awm nuam lo deuh tûn chung chuan damdawiin lam chu ka pan leh nghâl a.


_______


"I tha tawh lutuk e, mahse in enkawl deuh chu ila ngâi ang aw, thisen vâr hi neih tam hi a pawimawh teh mai a nia"


Doctor chuan damthlup chuan a tî a, Ka chhuak chu Damdawi lehkha a inziak chu uluk takin ka chhiar a, Hêng zawng zawng hi ei vek a ngâi âwm sia, Damdawi hi ka ei êm êm ngâi lo asin le, Damdawi ei hi ka hnê ngawih ngawih.


Ka hawi chhuak chu, ka mi hmuh vâng chuan ka ding dat a, U Zorema chu Naute sên pawm chung hian ke ep chiah ah chuan alo ding reng a, Naupang a ngainat loh mai bâkah a pawm dân techu a zeilo tih a hriat ngawih ngawih,Naute lah chu a tap reng mai bawk sî, ka va pan nghâl vat a.

"Khawi ka lo pawm ang"


Tihpah chuan ka lâksak a, min hlân ve nghâl mai a, mak tih hmêl deuh chuan min en reng a, en pawh ka en lo, An naute lah chu a hmeltha êm êm lehnghâl, Joel-a tepawh a chhûn ve lek lek, U Zorema leh Joel-a hi an in an êm vâng a ni, Reilotê ah chuan a muhîl ve mai a.


"enge hetah i tih a?"


"Boihtei hi a khawsik a reh thei sî lo a, Ka rawn check-up tîr lawk a, Nang enge hetah i tih?"


"Aaa...in check-up ka ngâi a"

"E anih chu"


A ti chuai raih a, Remi tepawn engmah an ti âwm sî lo a, a zei lo ber han hruai tîr chu, ka khawngaih let ling zâwk.


"Hetah enge i tih a?"


Ka hawi chho chu Joel-a chuan mengdur deuh khûih hian min lo enreng a, ka phu chiâng ngêi mai, ngaihloh lamah a ngâi hrim hrim ang.


"Boihtei hi a khuasik nasa lutuk a min lo pawm sak a nih hi"


U Zorema chuan pângâi deuh chuan a ti mai a, mahse Joel-a chuan min la en rûn reng tho.

"Kimi nangmah ka zâwt che"

"A sawi kha,Ka In check-up zo ka chhuak kha ka hmu fuh a, naute hi alo pawm tap nasa sia ka awih sak alawm"


"Kimi kal tawh ru, ka nu pawh arawn thleng têp ang"


U Zorema chuan ati vat a, naute chu ka hlân nghâl, a zei lo teih tuih sia,

"Hetiang hian ti la, Tah hian i kut dah rawh"



Pawm dân tûr chu ka hrilh a, Joel-a chu akalsawn nghâl nal nal a, Hepâ tak hi chuh, ka ûm nghâl dâwr dâwr a.


_________



Car chuan kan tlân vung vung a, a tlân chak zia chu, engmah ka sawi ngam bawk si lo, Tinge maw a thinrim ngawt le? a hmêl lah chu a dur khûih bawk sî a, biak pawh a inthlahrun awm.


"Tlân muang deuh la"


Inthlahrung deuh chuan ka ti sap a, Ni lo enge maw alakah hian ka inthlahrun êm êm le?, inthlahrunna chhan tûr ka nei lo,engmah tihsual nei lo a tianga awm hi ka duh teuh lo.

" I thinrimna tehi sawi chhuak ve thîn la, i car a tuân vak vak lo khân"


Ka ti zo chiah chu kawngsîr ah chuan a ding chawt a, ka bu lâwp thei, ka lo tawng kher kher kha ka inchhîr lek lek zâwk.


"I la hmangaih reng tiraw?"

"Joel, duhtâwk teh, min ti thinrim dâwn a nia, in hauh ka peih lo"


"Min chhâng rawh"


Min vîn deuh thawt vâng chuan ka phu zawk a,car steering chu a chûm pop a, k lo îp châwih thei, Zu ûm chu phawrhin a lem nghâl khawlh khawlh a,car glass chu ka hawng nghâl rawk rawk a, luhai tawh nâk alaia, Zu a in leh pheichuan ka luak lo cHauh.


"Ka hmangaih tawh lo tih vawi tam ka sawi tawh a, min rin chu i ba ve, ka rilru zawng zawng hi ka chal ah inziak vek se tha tûr ania"

Ka mittui chu a tla nghâl ngawt a, pawn lam chu hawiin ka hru zauh ringawt.



"Ka tihpalh, Ka hmuh dun cheu khân ka sa phut a, ka alh mai dâwn in ka hria, ka thîk lutuk hi iti mah mah pawh min ti maithei, mahse ka in control thei bîk lo a"


"Ka hrethiam alawm"


Ka lû chu rawn vuan in k chal ah chuan arawn chuk zauh a,ka mittui tla chu alo hmu leh hman tawh aniang, ka biang huh lâi chu a tuai zauh a.

"Ka tihpalh , i rilru tihnat ka tum lo, Ka thîk thu vâng zawk hi lawm"


"Sawi tawh suh, Ka hria, ka ngaidam che"


Nui hak chuan Car chu a ti nung leh nghâl vat a,

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 14th, 2019, 11:34 am

TÉ AMO, NON PIANGERE ( i love you, don't cry")

Chapter-11

By


Hlutei Jocund Pachuau


"Hey....Harh rawh le, kan thleng tawh ania"


Ka taksa chu a rawn che dat dat a, ka hawikual chu kan in kan lo thleng leh dêr tawh, ka lo muhîl daih a nih hi.


"In in khi a in kalh a"


Ka hawi chho chu taala hi alo in târ vâ a, ka nu leh pa an lêng chhuak pawh a ni maithei a ni.

"Hawh lût ila"


"Nia, thil sawifel tûr a awm"

Tihpah chuan car atang chuan a chhuak daih a, nichin thil thleng kha mawn le, kan sawi fel vek tawh amaw ka tia.

"Kha techu kan sawi fel tawh kha"


"Chutianglam a ni lo, hmanhmawh ang"


Tihpah chuan kawngka chu a hawng ruk ruk a, engtak chu ni ang maw.


"Lo thu la, ka'n in thlâk lawk a nge"


Tihpah chuan room lamah chuan ka lût nghâl a, Jogger pants dum leh T shirt vâr chu hâ in ka chhuak leh vat a, Banga kan chhûngkaw thlalâk târ chu alo thlîr dauh dauh a.


"Enge i sawi duh chu?"


"Thu ve phawt la, i inchei dân techuh"


A nui deuh suk a, ka kawr hâk hi a nuihzatthlâkna ka hre miah lo, hepâ hian enge maw a hriat le?


"Enge ka inchei dân chu?"


Tihpah chuan ka thu thlâ ve nghâl a,ala nui vur vur reng zui, a awm dân hi ka hrethiam hlawl lo.


"Hmeichhe thawmhnaw te hi ha ve thîn la"


"Mipa leh hmeichhe thawmhnaw awm hrang tawh lo tûnlai ah"


Ka lo ti hmuk a, a nui suk ringawt,

"Kim"


Tihpah chuan ka kut chu a rawn vuân a, chiang tak chuan min en reng, Eng tak chu sawi ang maw.


"Aw enge?"


Ka zâm lutuk, ka hre châk bawk sî, a ngâwi leh vung vung a, nghâk hlel tak chuan ka lo en reng.

"Innei tawh mai ila, nangpawh nula senior ini tawh a, Keipawh ka kum upa ve tawh a,innei tawh mai ang hmiang"


Tinge tûnlai hi inneih lam ringawt a sawi le, Ka hrethiam thei hlawl lo, a thu tak hmêl bawk sî a, ka en reng top ringawt.


"Min en reng lo la"


A rawn ti bui bui a, ka lo en reng a nih dâwn hi, engtin nge ka chhân dâwn le?


"Joel, ka la inpeih lo in ka hria, ka neih duh loh vâng che ni lo, ka hlâuthâwng a ni, ka hrethiam lo ka awmdân hi"


A thaw hak a.

"Ka hrethiam che lawm, a pawi hleinem, i inpeih hun hun ah, Chhânna min pe mai dâwn nia"


Ati chuai raih a, ka khawngaih viau nâ a, mahse ka la inpeih ngang lo, ka thinlungah hian hlauhna hi a awm tlat thîn.


"Ka haw mai ang, Ka pa alo buai lutuk ang"


A hmêl atang chuan a lungawi chiah lo tih ka hria, Tih dân vak ka thiâm bawk sî lo.


"Lo haw lo la, ka la ngâi ve che lawm"


"Min ngâi vak pawn ka hre lo"


A ti hmuk a, ka nuih aza ru ngêi mai, a hnunglam atang chuan a kawngah chuan ka va kuah a, A taksa a hlâi thâ in apa lian angreng bawk sia, kuah a nuam ngêi mai.


"Min zuam sual ange aw"


Tihpah chuan a rawn hawi a, ka lo nuih vur vur a, ani pawh a nui veleh mai, Duhthâw zet hian min rawn fâwp ngar ngar a, Ka lo chhânglêt nghâl vat,ka nghâwng ah chuan min fâwp thla zâl zâl a, ka taksa zawng zawng hi asa thla nghâl up up thei,ka lo thaw hak hak a, Ka kawr chu hlîm chho in ka âwmbawr chu a rawn fâwp thut a, ka lo îp deuh châwih thei, Ka âwm chu ti poh in a tukhum ah chuan ka lo thâm ngâng ngâng a, Ka thaw te hi a chham mai dâwn in ka hria, ka thaw chhuak ham ham a, Ka dang te hi a ro huâm huâm thei, hetia kan awm reng chuan kan tâwp chin tûr chu ka hre lâwk sa vek, Ka ti tâwp tûr a ni, tiin ka infuih mawlh mawlh a, mahse ka thei sî lo, Amah ka mamawhna a sân êm vâng chuan dang tûrin chakna ka nei hlawl lo.

___________



Khum ah chuan ka mu vang vang a, Ka châu a ni, nichin thil thleng ka ngaihtuah a, ka zak lutuk hi ka îp châwih châwih thei.


Ka nu leh ka pa an lo la haw mai bawk sî lo, sana ka en chu dar 4 lâi alo ri tawh, rawng bâwl ka ngâi tak.


Ka tho dâwn a thawmhnaw ka lo la ha miah lo, Ka room ah chuan Joel-a chu a rawn lût thut a, Bathroom atanga rawn chhuak zo hlim tih takah towel hian arawn in hru lût mawlh mawlh a,


"In ha rawh, zak duh suk, ka hmu vek tawh tho"


A hmel ka en chu a nui duh thak lo zui, ka hmui chu ka ti pawrh vak ringawt, Khum bul vêl a, ka underwear let bal chu chhar khâwmin ka in ha sawk sawk a.


"Lo hawi reng reng suh"


Ka ti zo chiah chu a nui hak a, ka dressing table ah chuan enge maw hi a zawng ruk ruk a.


"Enge i zawn reng a?"

"Lotion ka hmâi a hnawih tûr ka duh a"


Ka nui suk a, Lotion tello pawn a hmeltha tho sia, a inhre miah lo amawn le? Bathroom lamah inti fâi tûr chuan ka luh san ta daih a.


__________


JOELA POV




Kimi room chu ka enkual a, Hmeichhe room sî a hnawk nuai mai, Hmeichhe fing deuh fel fai thlap si hi a che ho rauh phiân a, Chêt pâ rûkna riau hi a nei thîn, ka duhna chhan tak a ni bawk, U Zorema nên an awmdân engkim ka hria a, mahse iai na pakhat mah ka nei lo, keipawn hmeichhia chu ka lo awmpui ve nual tawh a, keipawh ka fel famkin bîk lo a, ani anih avânga a famkim tûra ka phût kher na chhan tûr ka hre lo bawk, Kan awmdân ka ngaihtuah lêt a, ka hlim takzet, A zei lo hlê mahse ka tih dân ang angin a awm ve mai a, nâ tih hmêl zet hian a inseh ruh tang tang nâ a, Engmah a sawi lo, min zah thiâmin ka duh duh dânin ka che thei a, Phun nawi miah lo in a awm ve hlê hlê thei zêl bawk, Ani hi ka hmangaih takzet tawh in ka hria.


Room ah chuan hmêl ngui raih hian a rawn lût a,ka lo ûk sâk vak lêm lo, a lotion ka hmuh chu ka inhnawih mawlh mawlh a, ala rimtui êm êm lehnghâl, ka hâw vat a ngâi, ka pâ in min lo call leh têp tawh ang..



"Ka hâw mai ang aw, nachhâwkna ilo ei ngêi ngêi dawn nia"


Khum a thut reng lâi chuan va kiss zauh ka tum a, a hmêl ka en chu a mittui alo tla phang mai,

"Tinge a?"

Tihpah chuan a biangah ka vuan a, a hmêl chu ka en reng, a mit chu a sen râm a, tihsual ka nei amawn le?


"Min ngâi dik lo miah lo tiraw? ka sawi awmzia chu kei hi easy viau em?"

Aw khûr dar dar hian a tî a, nichin thil thleng vâng khân a zak a, a inthiâm lo tih ka hria.

"Hey tap suh le,Min en teh"


A lû chu ka kuai dâk a, ka chuk zauh, a mittui huh hlap chu ka hrûk sak a.

"Kimi kei hian nupui a tân ka duh che a, inchhîrna ka nei lo, inthiam lo duh suh, ka ngâi khawlo miah lo che nia, Ka hmangaih che lawm"


Ka ti chiah chu a mit meng lian zet hian min kal a, a mit meng lian leh zahawm ru deuh a min enkal tawh hi chuan ka zâm ru lek lek thîn.


"Iti tak tak em?"

"Aw, ka hmangaih lutuk che"


"Keipawn"


Tihpah chuan min rawn kuah thlawp a, nui suk chuan asam huh hlap rimtui zet chu ka chuk zauh.
_________


Haw kawngah techuan ka lo nui leh vur vur zêl, Kimi ringawt ka rilru ah a awm, min bual â zo vek tawh in ka hre mai.



In ka thleng chu zâi rût rût chung hian ka lût a, ka nu leh pâ bul ah nupui neih ngên ta mai ila, palâi ka tirh chuan Kimi pawn alo rem ti ve chawp maiin ka ring, Heti reng chuan ka awm thei lo,min kalsan mai ang tih hlauhna in ka khat thîn.


"Joel, ding teh"


Ka ding chat a, ka nu leh chuan thu tak fê hian min en reng.


"Enge?"

"Rawn thu phawt teh, thil sawi tûr ka nei"


Peih lo zet chuan ka thu ve mai a,

"Nupui neih lam te ilo ngaihtuah ve tawh in ka hria a, I û in a sawi a, Palâi kan tîr dâwn em ni?"



Ka nu thusawi chuan min thâwng takzet, tûnlai chu ka mark a tha bawk a, min duat sâwt khawp mai, Mak deuh chu Kimi ka tawn atang hian zû pawh ka in tlêm a, a hmâ anga rui tâwng deuh ang kha chuan ka awm tawh lêm lo.


"In phal tak tak ami?"


"Phal mai e, Mo neih tepawh kan châk vê tawh alawm, Tûnlai chu i ngaihzâwng neih vâng nge? i nungchang a tha sâwt riau bawk sia, i pa pawn a hnial hran lo"


Ka nui hak a, Sawmi pawh a rawn thu ve nghâl, ei loh hmêl zet hian a hmûi alo ti pawrh vak ringawt, ani aia ka nei hmasa tûr chu a lungawi vak lo a ni mahna.

"Awi, a hlim zia hi ver vur a"


Alo ti bak hlar a, ka tûm thei lo, ka khi reng mai, ka hlim lutuk hi awm ngaihna pawh ka hre lo.


"Mary pawh chu bia la, alo lâwm viau in ka ring"


Ka nu thusawi vâng chuan ka nui tâwp chiang kher mai, Sawmi nen chuan kan in en reng a, ni dâwn tak, ka nu hian alo la hre miah lo tak e,Ka ngaihzâwng hi Mary amaw alo ti ve char char a ni âwm sia.


"Nu Mary ni hleinêm"

"Tunge a? Mary amaw ka lo ti char char a"


Mak tih hmêl zet hian min enkar a, Sawmi sawi tûrin ka mit mei zauh a, nûr deuh nâng hian alû alo thing vat.

"Dik tak chuan Mary ni lo in, i hmeichhe hriat chiân deuh mai ania"


"Ani maw, anih chuan sawi vat la, ka fapa nun heti khawpa thlâk danglam thei tû chu ka hre ve duh alawm"


Nui sâng hian a tî a, tinge maw ka sawi hreh em em le? Sawi hrehna chhan tûr ka nei lo, nge ni a ka la inpeih lo zâwk? ka awmdân pawh hi ka hrethiam nek lo e a.


"Ihh...Kimi a nia"


"Ani maw...Tunge a hming pum?"


Ala hrethiâm chuang lo, van hahthlâk tak, Ka nu tak hi chu âw, sawi hreh nâk alai a.


"Nu Kimi a tih chu, Kimi, I ngainat em em Kimi hi mawle"


Sawmi chuan alo ti vat a, Ka nu chu a ngâwi vang vang a, mak tih hmêl zet hian min en reng, eng tak chu sawi ang maw.


"Ava mak âwm ve Joel, Kimi techu I U Zorema nupui ni mai tûr kha a nia, nang aiin a upa daih leh nghâl"


"Kum 2 chauh in alawm"


Ka lo ti zauh a, ka nu chu a thaw hak.

"Boiha, I u Zorema nen khân duh vâng rênga inthen an ni lo a, I rilru ana mai ang tih ka van hlâu êm, I nun zawng zawng a chhe leh vek dâwn a sin"



"an inkâr a tâwp tawh alawm nu, Kimi hi ka hmangaih a, Nupui atân ka duh a ni"


"Chuti maiin an in theihnghilh awzâwng lo ang, an chungchâng engkim kan hriatpui a, an in hmangaih thin zia pawh, khaw kâr te ahlâ a, an in theihnghilh rih mai mai alawm, Innei mahula i hmangaih ang khân a hmangaih ve thei lo ang che, I u Zorema a pathlâwi tawh leh nghâl a, Kimi hian a ngaidam leh mai law'ng maw"


"Nu Kimi chu chutiang mî a ni lo, Hmeichhe rilru nghet tak a ni a,Ka hmangaih ang zât hian min lo hmangaih lo deuh mahse min phatsan ngâi lo ang tih ka chiang"


"Ngaw rih teh, Ipa ka lo sawi pui dâwn nia, I sawi tha leh zâwk ang u, keichu ka hlâuthâwng a, Kimi pawh chu hmaichhan ngêi a sawipui ka duh a ni"


A tih vâng chuan ka bu nghauh a, Pâwn ah vawk chaw pe tûr chuan akal nghâl daih,ka room lam chu pan in ka jacket chu khum ah chuan ka theh thla thuai a, Khum ah chuan thû in ka tukhum dawm chuan ka in ngaihtuah vang vang a, Ka nu ngaihdân kha a dik viau nâ a, Kimi hi ka ring tâwk a ni, Mahse enge maw a thlen ka hlâu ve tho bawk sî, engmah hi ka hrethiam teh nuai lo e a.


___________


KIMI POV



Khum ah chuan ka mu vang vang a, Joel-a lah chuan min rawn biak a tum dêr lo, zân dar 10 alo ri leh têp tawh a, Min rawn la be chuang lo,ka thinrim lutuk hi ka sa up up thei.


Ka insûm zawh tawh ngang loh vâng chuan ka call ta ringawt a, vawi 7 dâwn ka call pawn a chhâng lo hrim hrim, Ka rilru hah tûn mai, ani hian min mutpui a duh vâng hian min lo chhâi kual vêl mai mai te hi ni lo maw le? Khum ah chuan thil awm ang lo pui pui chu ka ngaihtuah na ah techuan a rawn lût zut zut a,Min lo hmangaih tak tak lo pawh a ni mahna.



Ka phone ka khum ah chuan ka theh chawrh a, rizai chuan ka inkhuh nghâl vat. Pawi top hleinêm, ani be lo pawh hian ka awm thei mai, mahni chuan ka in fuih mawlh mawlh a.


ka phone rawn ri chiah ka phu deuh zawk a, ka en chu Joel-a a ni, ka ring quit tîr dâwn nge ka la dawn? haa....la zâwk phawt mai ang.


"Aw"


Ka ti nghâk hmuk a l,


"Ka tihpalh ka lo hre lo a, Hei ka thiannu birthday lawmna ah ka kal vê a, min lo nghâk suh lo muhîl rawh aw, In enkawl thâ la, ka hmangaih che"



A ti zo chu a dah nghâl hmak a, engmah pawh ka sawi ve hman lo reng reng, Hepâ hi chu ka hrethiam lo, haa...mu phawt mai teh ang.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 14th, 2019, 11:34 am

TÉ AMO, NON PIANGERE (i love you, don't cry)

Chapter-12


Hlutei Jocund Pachuau



Kawngka ri dawt dawt ka hriat vâng chuan ka harh zawk a, Ka pa a duty a, Ka nu lah dawr bungrua lam in Aizawlah a riak daih bawk sia, Tu tak chu niang maw.


Ka tho them them a, mahnia riah hreh tawh nâk alaia, tunge mawn le?


"tunge a?"


Ka hawn hmâ chuan ka ti hmasa phawt a, dar 12 alo pêl duai tawh bawk nên, ka hlau lek lek zawk.


"Kimi keimah ka nia"


Joel-a ani tih ka hre nghâl, ala ruih hmêl em em zui, ka hawng chu din pawh alo ding ngîl thei lo chu niin, Tiang hian a rûi ngâi tawh bawk sî lo a, enge maw awmzia le?.


"Lo lut rawh, Ka nu leh pa an awm lo a"


Tihpah chuan ka kâi lût dâwr dâwr a, a ngâi tê ang bawkin kan in buaipui leh a ngaih hmêl a nih hi.


Ka room ah chuan ka hruai lût a, a pheikhawk chu ka phelh sak nghâl vat a.

"Ivan rûi em em ve"

Zu rim vâng chuan ka luak lo chauh, Min chhâng bawk sî lo.

"Joel, hetiang renga i awm dâwn chuan kan innneih theih ka ring lo".



Zâwisap chuan ka tî a, Ka thin chu rim viau mahse ani zurui engmah pawh hre hlei lo bula hrîk thlâk vak hian awmzia a nei lo tih ka hrechiang hlê bawk si.

"Ka neih theih nân che tianga ka awm hi a ngâi alawm, min ring ve rawh"



A rawn ti tuah tuah a, Mak ti tak chuan ka en top, a awmdân inthlâk thut dân ah hian enge maw chu a thleng chiang mai, engmah zawh tlâk a ni bawk sî lo.


Huihaaa....Van hahthlâk tak, A jacket rit deuh chu ka hlih sak a, Zu rim nam zia chu, a jacket iptê a a phone chu rit deuh nalh chu en sak ka châk tlatl pek a, A finger print chu lâ in lock chu ka hawng rû a, whatsapp ah ka lût nghâl.


Mary chuan alo la be reng anih hi,an inbiakna chu ka en vat a.

"Duat zan in kha nuam ka ti top, i thil min pek hi a nalh lutuk a nia"


Tihpahin a sana Joel-a pêk ni awm tak chu ti lang chung hian a selfie na thlalâk chu a rawn thawn a, An inbiakna chu ka en chho zel a, Joel-a chuan a chhâng ngâi mang lo, Mahse zanin a an inbiakna ka hmuh chuan ka sa zak mai, Ka thiannu a tih kha Mary lek hi alo ni a, Sawi ve mai awm a nia, ka thin zâwn ah chuan min hnawh nghâl up up a, amah rinhlelhna in ka khat zo ta vek mai, Rang tak chuan Ka nu te room lamah ka pheisan ta daih a.



Mut pawh ka mu mang lo, A thusawi leh a awm dân te, Mary nen a an inbiakna te kha enge awmzia, ka hrethiam thei lo, Enge thleng, Rilru nuam zân lo chuan ka muhil veleh nghâl mai a.


____________



Zîng ka harh chu men pawh ka meng tha thei lo, ka na deuh thûm mai,harsa ti tak chuan ka tho tham tham a.


Ka room kawngkhâr bulah chuan ka ding vang vang a, Sana ka en chu dar 5 chauh ala ni, ka phone ri chu ka en vat a.


"Aw pa enge ni ta?"


"E...Mate, i nu nên dawr ah chaw kan ei nghâl dâwn aw, Lo phei ve mai tache,"


"Aih, pa, hetah rawng ka lo bâwl mai ang tlaia rin leh nghâl tûrin"


"E awle, anih ka dah aw"


"Awle"..



Choka lamah chuan thingpui chu ka lum nghâl vat a, zîng lamah pawh ka awm a nuam chuang lo, ka tawt up up reng mai.


Ka hnung lam atanga min kuahtu an awm avâng chuan ka phu deuh zawk a.



"I van rimtui"


Ati sap a, ka nui lui suk ringawt, nizana ka thil hmuh te vâng khân pângai taka awm harsa ka ti a ni, ka sawi chhuak top dâwn nge ka ngawih bo pui mai dâwn, Mary kha diktak chuan ka thîk a ni, mahse thîk anga lan ka duh chuang bawk sî lo, ka awm dân hi a, avan hrehawm tak.


"Iva hlim lo ve, i awm anuam nange?"


Min kuai her a, min ngaihtuah hmêl zet hian min en reng, a hmêl pawh ka en tha peih thlâwt lo.


"Ka tha lawm, nizan kha ivan rui em em ve"


"Nia, ka thian hlui te ka hmû a, Duh aiin ka lo inhnem deuh a"


Tui lem khalh pah chuan a tî a, Tinge Joel-a hi ka rin hlelh tlat le,rin chu ka duh, mahse aharsa ka ti, ka rilru hi ka thunun thei bîk bawk sî lo a.


"Mary birthday a ni tih min hrilh miah lo a"


Pângai tak chuan ka tî a, mak tih hmêl deuh chuan min en reng a, mahse ka thil tih lâi chu ka chhunzawm leh nghâl vat a.

"Engtin nge i hriat a?"


"Chu chu a pawimawh ber lo, Mahse ka laka zêp kher a ngâi hleinêm, Ka thinrim dâwn pawh a ni lo a, Rûi tâwkin i rawn kal leh nghâl, zû in tawh suh ka tih mawlh mawlh che kha"


Thinrim âw deuh chuan ka tî a,

"Zû hi sual a ni lo, a in tû te zir a ni mai"


Hah...hei vâng tak hi lâwm ka thinrim thin,

"Midang tân an hnawksak alawm"


"Chuti chu i tân pawn ka lo hnawksak reng tihna ni maw"


Thâwk ka'n la hak a, tinge a awm dân hi a danglam êm êm chhan hi ka hre lo,mahse ka dawh hrâm hrâm tûr a ni.


"Chu chu ka sawi tum a ni lo, zû i in reng chuan kan innei thei lo ang"


Ka ti ta hmak a, ngâwi reng chuan kûn ngal a,

"Chuti chu kan innei thei dâwn lo a nih chu"


A rawn ti sup a, ka na zawk thei, Kei aiin zû a thlang tihna maw!....A tha e, ka ti tâwp chiang khawp ang.



"Nia, kei aia zû i thlan phaw techuan, tun ah lá lâ hian inthen zâwk ang"


Ka ti ta hmak a, ngâwi reng chuan ka room lam chu a pan hmak a,ka en top ringawt.


________


Rei fê a luh hnû chuan a jacket ha chung hian a rawn chhuak leh vat a, A thinrim hmel chal chuar deuh nâng leh mengdur deuh khâih hian min ti tim sung sung thei,


"Inthen chu ilo awlsam hlê mai, a tha lawm, ka rawn zar buai tawh lo ang che,kan awmdân zawng zawng kha i tân chuan engmah a ni ve lo pawh ani maithei, ka tân chuan pian a hnu lama ka hlim ni ber a ni, Engtin pawn awm la ka hmangaih reng tho ang che"



Ram hmak a tihpah chuan a tlân chhuak nghâl nal nal a, a bike rî chu ka hre zui nghâl,ka mittui chu a rawn hnâm tiâm tiâm a, Ka ti mah mah zâwk em ni le, Nge ni a hmeichhe dang an awm tawh vâng zâwk, Ni lo min hmangaih kha, a thusawi zawng zawng te kha dâwt a nih hi ka ring phal lo, Ni khat thil thu leka rilru thlâk mai duh chi a ni lo tih hi ka hria a ni.


Ka mittui luang ngiai ngiai chu ka hru hul vat a, Tinge mi rin hi ka harsat êm êm le? inthen te kha lo sawi thawt thawt tûr ka ni lo a sin, vawi tam tak inthen ka sawi tawh a, mahse amah hi a tlâwm hmasa ziah a, min pawmpui ngâi lo bawk, then emaw, amah rinhlelh hi ka duh vâng a ni bîk lo, mahse ka mipa lo tawn hmasak zâwk vângin na taka hliâm ka ni a, mipa rin leh hi ka tân chuan Vâna lâwn tum ang vêl a ni, a bula ka awm chuan ka hlimin ka nui reng a, ka thlâ a muangin ka hahdam thîn, mahse a rei telh telh a, ka rilru a dang a, amah rinhlelhna hian ka khat leh thut zêl.



___________


JOEL-A POV




Kimi thusawi vâng chuan ka na takzet a ni, ka khum ah chuan ka mu reng a, ka ngâi leh nghâl dêr tawh,mahse in ngaihtuahna hun thâwl ka mamawh a ni.


Tinge inthen hi a awlsam êm êm bîk le? Ka hmangaih teh rêng nên, engtik ah emaw chuan ala hrethiam ve mahna, mahse zû nghei tûrin min tî a, mahse ka chhûngten kan inneih an rem tih loh vânga runluih nân hman ka duh bawk si, Kimi ka hrilh chuan ka chhûngte thû awih a Mary nei mai tûrin min ti dâwn tih ka hre sa, ka awmdân lak lawh zia hi, avan hrehawm tak.


"I nuam sam vak nange a?"

Remi (Zorema nau) chuan ka bula rawn thutthlâk pah hian a tî a, ka lo bu nghauh ringawt.


"Hmeichhia hi chu hriatthiam kan ngâi a nia, hun thâwl in mamawh a nih kha"


A rawn ti sap a, rang tak chuan ka tho nghâl vat.

"Rem, i hre lo a nih kha, Zu nghei ka harsat zia hi, amah aia zu thlangah min ngai tlat a, min then alawm, Inthen chu ever ready ani mai, A awm dân hi ka hrethiam lo"



"Ka hrethiam alawm, engpawh ni se, i tlâwm theih chhûng chu tlâwm char char rih rawh, ka kut hi en teh"



Tihpah chuan a kut phah pahnih chu a hûm dûn a,


"Enge awmzia?"



"Ka kut ding lam hi Nangmah i nia, veilam hi Kimi, I duh täwkin vuan la, hmer kual vêl rawh, mahse a kuah lêt ve lo ang che, a thil lo tawn tawh vâng khân midang ri g a awm harsa a ti a, A vuan lêt ve lo ang che, mahse a hmangaih loh vâng che leh a duh loh vâng ni lo in,midang vawn leh hi harsa atih vâng zâwk alawm"



Nui suk chuan a ti a, ka dâra rawn bêng zauh pah chuan a chhuak ta daih a, a thusawi chu ka ngaihtuah lêt vang vang a, a sawi dik khawp mai.

Ni e, hrethiam tûr ka ni a, inthen dâwn ila a tello a awm thei lo chu kei bawk ka ni leh a, ka theih chhûng chu ka tlâwm tûr a niz engtik kawng zawng pawn ka nei ang, ka hmeichhe hmangaih hi ka hlat a awm tîr ka phal teuh lo .





Ka phone chu lâ in Kimi chu ka phone vat a,ala la har em em zui.


"Hello"


Ka ngawi deuh vung vung a,

"Ka tihpalh, Tianga awm tûr kha ni lo tih ka hria, ka tihpalh takzet a ni"



Tih ringaat chu ka sawi a, a insût ri hraih, a tap leh tawh tih ka hre nghâl, ka na zawk thei, he hmeichhia a tap tih ka hriat tawh hi chuan tih hlim ka duh lutuk na lamah hian ka za zek zek zêl.


"A pawi hleinem, keipawh ka thiam lo alawm"


A rawn ti ve mai a, thildang te sawiin rei fê chu kan inbia a, mahse ka nu leh pa thusawi erawh ka ngawih bo pui ta top a.


__________



Zan riah kan ei thap lâi chuan


"Kimi chu i thlah fel tawh em?"

Ka nu chuan a rawn ti chhuak phawng a, ka cha ei lâi chu ka tâwp chiang khawp mai.


"Ka thlah däwn lo, sawi tawh su"



Tih zawng chuan ka chhâng a, ka nu chuan rawn tawng leh a tum hian a âng deuh zuai a, mahse ka pa chuan alo khap vat.


"Kimi kâ ngei a in inkâr chanchin hi kan hre ve duh a ni, a rilru a zirin in ineih chu kan phalin kan phallo ang"



Ka pa chuan a ti sup a, ka nui nghâl suk ringawt,ka pa hi chu zâidam viau mahse a thinrim erawh tûman kan hnial ngam ngâi lo.


"Naktuk lamah a theih chuan rawn hruai ka lo tum ang"


_______________



KIMI POV




Ka nu in ka hmâi a min benna chu na ti mahila ka rilru ana lo, mahse a thusawi vâng chuan ka mittui a tla zawih zawih a, ka nu tiang em em a thinrim hi ka hre ngâi lo,kut hial min thlâk a nia.

"Boihtei nû insûm deuh teh, thenawm khawvêng tepawh hi an hman khawp a, mi chanchin sawi leh dâwt thu theh darh bâk hna an nei hleinem"



Ka pa chuan alo tî a,

"Kan duat lutuk a awm ngaihna a hre tawh lo a nih hi, pasal hual hlui unaupa a khawsak pui dân zawng zawng hi kan khaw titi duh ber a ni tih i hre lo ami? kan awm loh lâi khân alo riak tih thlengin min hrilh vek a sin, ka zah zia hi, fanu fel kohhran leh khawtlânga in hmang tak zilh ngâi miah ka lo nei amaw ka ti thîn a, ka thu hriat hian min tih zah zia leh ka rilru nat tûr zia hi engmah min hriatthiam pui lo"



Ka nu chu a mittui a tla ta mai a, keipawh ka tap bawk, tinge mi hi an tawng theih êm êm le, ka chanchin an sawi duh anih pawn dawt tel kher lo in sawi ve thin tûr a nia, ka haw takzet a ni.


"Joel-a pawh rawn kal tawh suh se, inbe tawh bawk suh u, khua pawh kan hawi ngam tawh hleinêm, mipa dang chu nise ka hrethiam, mahse Zorema nau berkher leh nghâl ka rem ti thei lo bur, anni thisen kâi lo saw mipa dang an tam lutuk, ngaihzawng mai mai angin in in kawm amaw ka lo tia, kan awm loh zâna alo riak kher kher leh thenawm khaw vêngte sawi duh dân atang che u hian in in kawp reng hi ka remti thei tawh lo"



Ka nu chuan a ti ta bian bian a,ka pa chuan an room lamah chuan a hruai lût vat a, keichu ka la thu ngâwi reng thung.



"Boihte, va mu rawh,Joel-a pawh tha takin i hrilh fiah dawn nia"


"Pâ, ka thei lo, a rilru tihnat hi harsa ka ti, bâkah a tello in ka awm thei tawh lo"


Tap tiau chuan ka tî a, ka pa chu a thaw hak a.


"I nu thû i hnial ngai loh kha, ka fanu hi Hmeichhe naupang thu awih thei tak kha a ni thîn amaw ka tia"



"Pâ naupang chhia ka ni hleinem, chhia leh tha hre rual ka ni ve tawh a, ka kawng zawh tûra ka thlan hi ka duh thû ngeia zawh ka nia, tûman min ti lui hleinem"


"Mu phawt la, kan sawi tha leh dâwn nia"


Tihpah chuan min luhsan ta daih a.


Khumah chuan ka mu ngâwi teng a, Naktuk Joel-a te in ah chuan a rûkin ka kal mai ang, huihaa...ka nun hi zawng, hmangaihna vângin ala thâmral ngei dâwn anih hi.


Joel-a pawh ka be rei peih lo,Kan khaw tâwp a min lo nghâk tûrin thu ka pe hmiah a, ka muhil nghâk hmak a.


___________



Ka harh chu, ka chhûngte pawh an lo awm tawh lo,ka phone chu ka en vat a, Joel-a chuan kan khaw tâwp ah car hian min lo nghâk a, hmanhmawh takin ka thawmhnaw leh make-up te chu ka bag ah chuan ka thun khâwm a, mut kawr nên chuan ka tlân chhuak nghâl vat a.


_________


"I van rawn tlân nasa ve"



"Chutiang sawi angâi lo, tlân vat mai rawh"


Ka lo ti bak hlar a, nui hak chuan a tlân chhuak nghâl a, Car ah chuan ka inthlâ sawk sawk a, ka inchei pah bawk, Joel-a lah chu alo nui leh hak hak thin, ka ngei lek lek zawk.



____________


An in kan thleng chu ka zâm ru ang reng khawp mai, vawi duai lo ka kalna ni mahse vawiin chu a dân a dang zar mai.



"Lo thu ta che u"



Joel-a nu chuan pângâi deuh hian a ti a, Joel-a chuan ka kut chu a hûm ngar ngar a, tlêmin ka zâm lutuk pawh a ti zia deuhin ka hria.


"Kimi hahdam rawh, i lo kal chhan chu i hre tawh tho anga"


Joel-a nu chuan a ti leh a, apâ erawh ala tawng ve miah lo thung.


"Aw ka hria lawm"


"I hmangaih thei tak tak dawn ami?"


"Ka hmangaih tawh alawm"


"A u Zorema kha i theihnghilh tak tak tawh emni?"


Apâ chuan a rawn ti ve sup a,

"Theihnghilh lo e"


"Ka fapa hi hmangaih iti bawk sia"


.Hriatthiam loh hmêl zet hian min en thap a, Joel-a pawh a bâng bîk lo.




"Ka hmangaih hmasa ber a ni a, ka tân chuan theihnghilh tum chu thil theih loh tluk a ni, Mahse, amah ah hian beisei emaw, Zâmna emaw, Ka hmuh apianga ka lungphu rang thîn te kha a awm tawh lo a, ka ngaih êm êm vânga dam lo khawpa ka awm lâi te, ka rilru nat êm vânga ka tah lâia ka bula ngâwi renga lo awm thîn reng hi, ka tân chuan ani tluka hlû a awm lo tih hi ka hria a ni, eng ang mî pawh ni se, ka nihna ang anga min pawm a, min zahthiâm a, min hmangaih tu anih phawt chuan Keichuan hmangaih lêt ve hi ka bat a ni tih hi ka hria a ni"..



.Ka sawi zo chu ka thaw hawk thei, Joel-a chuan nui var var hian min eng reng a,

"Anih chuan keini lam chu harsatna kan nei lo e"



Ati chu ka nui tâwi tak ringawt, a chhan chu ka nu hian a remti dâwn lo tih ka chiang.


Joel-a te in ah chuan ni lêngin ka awm a, ka phone chu flight mode ah ka dah hmak bawk, an fel ngâiin an la fel reng a, ka chungah an tha em em vek a ni mai, U sawmi lah lo phûr khawp mai,



________



Zanriah te kan eikham hnû chuan hreh ru tak sî hian kan haw leh ta a, Car ah chuan ka thu ngâwi reng a, haw hunah engtin tak min lo tî ang maw, mahse engkim huam a kal ka ni a, engpawh tâwk dâwn ila Joel-a ka bul a awm chhûng chu ka thlâ a muang tho tho.


"Tinge in khaw tâwpa nghâk tûr che a min tih kher a"


A rawn sawi chhuak ta nge nge e.


"Dik tak chuan, Kan thenawm ten kan awm dân kha ka nu leh pa dâwt belh deuhin an lo hrilh vek a,nizân khân ka nu chuan kut min thlâk a"



Car chu a ti ding vat a, ka kut chu a rawn hûm vang vang a.


"Keimah vâng tiraw?"


"Ni lo e"


"Zêp duh suh, ka hrethiam alawm, ka tihpalh a ni, i zahna tûrin engmah ka ti tawh lo ang"



Inthlahrung deuh hian atî a, ka lo bu nghauh ringawt.


___________



In kan thleng chu hreh deuh hian kawngka chu hawn ka tum a, chhûng lamah ala in kalh tlat zui,ka nu hi a mu tawh a amawn le.


"Nu, kawngka min lo haw rawh ka lo hâw ania"


Mahse a reh thiâp bawk sî a.


_______


Darkar chanve dâwn kan ding ta, ka nu chuan alo hawng duh lo tih hai rual a ni ta lo, Beidawng deuh chuan kan step ah chuan ka thu hnawk a, ka mittui hi a sûrin a rawn sûr ni maiin ka hria, Joel-a hriat ka hlauh vâng chuan ka in hru zauh zauh a.



Ani lah thinrim tawh bawk sî, a mengdur khuih tawh a, zan thima pâwn khaw vawt a awm reng chu ka dam lo mai dâwn in ka hria, ka nu hi tiang em em hian ka tina tih ka lo in hre miah lo a ni,


"Tap tawh suh le"


Tihpah chuan min rawn kuah a, ka lo insût ri hraih ringawt.


"Ka nu hi tinge ka chungah a sual tâk em em le"



Ka tap ta zawih zawih a, Joel-a chuan ka bân chu kâiin kawngkâ chu a kik dawt dawt a, thenawm ten an hria ang tih ka hlauh vâng chuan ka lo îp chawih chawih thei.



"Nu Rem, i lo hawng dawn nge ka hruai haw leh mai dawn?"



Chang fak hian a tî a, Kawngka chu a rawn ri tak rak rak a, ka nu a rawn chhuak chiah chu Joel-a hmai ah chuan a ri nghâl sawk a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)