MI PRINCIPE S2 BY Mawitei Bawihtlung (Completed)

Moderator: writers

Ngaia
Site Admin
Posts: 19502
Joined: April 30th, 2016, 4:07 pm

MI PRINCIPE S2 BY Mawitei Bawihtlung (Completed)

Unread post by Ngaia » November 21st, 2021, 4:38 pm

crjz6gaj.jpg

MI PRINCIPE S2





CHAPTER 1






Awi thingtlangah ka awm ro ro a nihchuan hmanlaiah ka awm chak a sin,helai a hmun hrehawm deuha awm ai chuan" tiin vanlam chu ka en vawng vawng a ,ka insut nghal faih faih a ,ka nu leh pa an thi tawh a ,chhungte tumah neilo in mi hmuhsit ka tuar a ,a hrehawm dan chu inhrethiam pha kher lo ang ,ka thingphurhna ah chuan ka muthlu a .






“ Khawnge ka awm " tiin ka hawi kual a ,ka awmna hi ka hre hauh lo ,ka mumanga ka hmuh kha ka hrechhuak uar uar ,ka inthuamdan chu ka en ,keihi hmanlai hunah ka awm tak tak em ni “ Awi leh!Lalpa awi ka lawm lutuk" tiin ka phun mawlh mawlh a ,mahse “ I ban kha phar la ,rawn dingchhuak rawh " tih hnim khar a tanga rawn chhuak a vang chuan hlauthawng zet hian ban pharin ka dinga ,mipa pakhat rawn chhuakin .






Min rawn pan a ,ka lo en reng chutah hmun dang a tang chuan “ Thiana hmeichhia a nih kha " tihri rawn chhuahna lam chu enin ka inher a ,awi leh a va hmeltha em em ,ka en dauh dauh mai ,ka pasaltha suangtuah ang thin ngei chu ka hmu









Ka hma a mipa Chhelo zet chu ka en a ,hmanlai hunah ka awm tak tak tih hi ka awh theilo ,pakhat zawk chu a taksa a lian lam a ni a ,mahse thau chuangbang hmuh tur a awm lo ,pakhat erawh hi chu a sanga ,a Cher deuh bawk ,mahse a taksa erawh a nghet tlet tlawt hle ang tih ka Chiang,chuan an Sam a sei ve miah lo ,hmanlai mi chu an Sam a sei sia tinge nge ,he mite hi a sei miahloh.









“Khawi a tanga lo kal nge inih" a sang leh mengrum zawk chuan a rawn ti a ,a hmelthat tehlul nen ,a va han nelawm loh tak ,vanlam chu ka en vung vung a ,pakhat zawk chu rawn kalin “ Va sang awm vung vung ve " a rawn ti a ,ka melh nghal hrep “ Thana lo va uang suh,hruai haw ila ka nu in a hre thei mai ang" Mengruma chuan a rawn ti a ,ka bula mi chu Thana maw ni a ,mahse a ni zawk saw a hming ka hre miah lo .









Min kalpui an tum chu ka au that a ,ka ke na chu ka en thla,a lo sen deuh kulh a ,an ni pahnih pawhin an hmu reng ,“ Thianpa pawm mai la ,hei khua a thim titih bawk nen ,keiin meichher ka lo siam a nge " Thana zawk chuan a ti a ,ka bula mi chu dawhtheihloh hmel zet hian a thaw hrawk a ,ka en ve kar “ Ih I huphurh chuan a ngai lo a nia ,keimah in ka kal thei mai ang " tiin kal ka tum a .









Min rawn chawi kang nghal nawlh chu au thatin a nghawngah ka kuah nghal rawk rawk a ,min rawn en tih ka hria ,mahse khua a thim tan bawk nen a hmel ka hmu chiang thei tawh lo,min kalpui a ,hahhmel pawh a pulo ,a thianpa zawk chuah kalkawng en in hma a hruai a ,reife kan kal hnu ah naupang infiam thawm ka hria a ,khawchhung kan thleng tih ka hre nghal ,khawchhung chu kan lut a .










Khawlian tak an ni tih ka hre nghal mai a ,“ In inlam pan nghal mai ang u " tiin a thianpa bawk chuan hma. ahruai a ,inlian zet kan thlen chuan Lalin a nitih ka hre nghal ,ka mengkawk a ,min pawmtupa hi Lalfapa maw ,indang ai a eng zawk a ,kailawn a min pawm chhoh chuan hmeichhia ka rualpui vel tur a rawn chhuak a .










“ Ehe u tunge a " a nau a ni ngei ang “ Ka hre biklo " tihhmuk pahin inchhungah chuan min luh pui a ,mipa la upa lo tak leh hmeichhe hmeltha tak an lo awm a “ Nu ka u in hei nupui a rawn ru haw " anau zawk chuan a ti lang lang a ,tap bula lo thute chu an mengkawk ,an hmeltha em a ,an fate pawh hmeltha lo chi an nilo a nih hi ,ka zak hle “ Lalthansang ngawi mai mai rawh " tiin min dahthla a .









A thianpa lah kha a haw nghal daih,nu chuan min en vang vang a ,a meng deuh kawk “ Ehe tiin min rawn kai a ,ka zui ve tawp ,khumpui lamah min luhpui a ,mak ti takin ka en reng “ Helai mi inilo tiraw " a rawn tihchuan “ Engtin nge I hriat " ka tisap a ,a nui nghal sang “ Keipawh hi ka ni chuang lo ,ilo kalna tunlai hun a tanga kal tho ka nia " a tihchuan mak ka ti.









“ Engtin " ka tisap a ,“ Keichu dahluh ka nia ,tuna ka pasal venghim tur hian ,ani hi ka tawnga ,let leh ka duh tawh lo a ,tihian an hunlai angin ka awm ta a nih hi " a tihchuan ka bu nghat a “ Chuvang a mi I fapa te saw an sam a sei miah loh" ka tihchuan a nui hak a“ An pafa hian an samsei ka duh lo a ,chuan engtin maw helaia ilo kal theih dan " a tihchuan ka mit ka chhing vang vang a .











“ Ka tawngtai a ,ih ka awmna a hrehawm lutuk a ,nu leh pa ka nei tawh silo ,ka dilna a hlawh tlin ka ring lo hrim hrim a " ka tihchuan min kuah a “ Engkim hi kan rindan ang vek hian a lo awm lo,kan suangtuah phakbak hi a thleng thei tih ka fiah tawh a ,min en la " tiin a kut chu a rawn tien a ,ka mengkawk “ Dawi i thiam maw " ka tihchuan a bu nghat a “ Helai ka awmchhan kha a nia ,ka pasal venghim tur hian ,chuan he khua hi thlak danglam ka duh bawk a " a tihchuan a sawi awmzia ka man hle.








An ni pawh hian thawmhnaw pangngai tak an ha vek,“ Mahse englai pawhin kan ha lo thung a ,khawdang mi an rawn kal hian an inthuam danin kan inthuam leh mai thin,chuan kan khawvel a inang a,lungngai suh I nu ang chiahin min en la ,Lalinah hian i cheng ve nghal dawn a nia " a tihchuan ,ka en reng “ Mahse ih ,I fanu tak ka ni silo a" ka tihchuan a nui var var a .









“ Tun a tang chuan I nu ang in min en dawn a nia ,a nihloh pawhin Nu Mawi ,tiin emaw min ko mai rawh aw ,ka fapaten an lo hmu hlauh che chu a vanneihthlak e ,a ni pawh saw keiang chiah min chhun fuh a" a tihsap sap chuan “ A nelawm loh e " ka lo tichhuak phawng a ,za em em hian a rawn nuichhuak a “ A mizia hian a pa a chhunfuh lutuk a ,hmeichhe bula awmdan an thiam meuh lo,keipawh hi a pa nen sawn kan inhau nasa thin a lawm " tiin an nunhlui ngaihtuah tih hriat tak hian ngawi rengin a nuisak a .








“ Chhuak ila ,I ril a tam tawh ang ,bawihte chaw ei lo siam rawh " tiin a au nghal lang lang a ,chaw chu kan kil thap,mengruma rawn lut chu ka lo en reng ,ka hmazawnah tak a rawn thu a ,ka lo en reng chu a hria nge ,min rawn melh vut,ka lo meng deuh kawk a ,ka kun nghal daih,ka sa hat hat bawk ,a mitmeng hian min tidanglam dawt thei hi a mak ka ti .








“Tunge I hming ka lo zawt lo tak che " nu Mawii chuan a rawn ti a ,kun chung chuan “ Hmangaihzuali " ka tisap a ,“ Ava mawive ,hei hi I pa Rinawma tur ,chuan ka fanu hi chu Thansang timai rawh aw ,chuan ka fapa hi U Rinmawi tiin i ko mai dawn nia " a rawn tihchuan ka bu nghat nghat a ,pa Rinawma chuan “ Khawi a tanga lo kal maw inih" a rawn tihchuan “ Ka rawn kal na a tang tho khan ,a vun leh a inthuamdanah hian I hre mai lo a mi " nu Mawii chuan min rawn tihkhalh a .










“ Nanglah hi aw ,tawng pawh kan tawng hman hleinem " pa Rinawman a tihchuan kan nui hak a “ Hrehawm ti reng reng suh aw ,I in ang chiahin ngai la ,keini pawh I unau te ang chiahin min en dawn ania" Thansangi chuan a rawn ti a ,ka bu leh mai ,ka tawngtam ngam rihlo tih an hria nge ,an mahni zawk an tawng bawrh bawrh a ,an chhungkua ang hi neih ve ka chak ,mahse tunah chuan ka nei tawh dawn a lawm .









Chaw ei khamah Rinmawia chu zawlbuk lam panin a kal nghal daih a ,ka lo ui ve ringawt a ,Thansangi chuan min be bawrh bawrh a ,kan inkawm thei phian “ Sangi ka rawn leng a nia " tih pawnlam a tang chuan a rawn ri a ,hmeichhe pakhat a rawn lut nghal zat “ Ehe Pari lo thu rawh ,hei hi Zuali a nih hi " tiin Pari tihpawh chu kan bulah a rawn thu thla a .









“ Ka unaunu thar a nih hi " tiin Thansangi chuan min inhmelhriat tir a ,a thiannu pawh chu a fel hle ,kan pathum chuan inkawm khawmin kan nui dar dar a ,Khawnbawl ho an lo thlen takah chuan luhka lamah kan chuang chhuak a “ Naktuk chu kan inlawm khawm dawna ,I u nen lo feh ve ula " Pari chuan a ti a ,Thani chuan “ Nia kan tum a lawm,Zual i tel ve duh em " a rawn tihchuan ka chak ve bawk nen ka lo bu nghat a .









“ Mahse anichu inlamah a awm rih a tha zawk lo maw ,khaw mi ho hi hmelhriat tir hmasak angai dawn sia " Parin a tihchuan Thansangi chuan a chal dawmin “ Ni tak " a ti hlak a ,ka lo nui mai thung,zan a rei tan a ,keini pawh in mangtha in muturin kan inthen darh a ,“ Ka bulah mu rawh " tihpahin Thani chuan min pawt nghal dawr dawr a ,ka ke na hi a pawt dam vekin ka hria .








Khum ah pawh kan titi char char a ,zingah chuan pa Rinawma chuan mipui a koh khawm tir a ,khua a ka chen ve tawh dawn thu sawiin an hnena ka chen tur thu a sawi bawk a ,ka zam ,chhunah chuan keimahin khua ka fangkuala ,Sangi leh Rinmawia erawh sawi tawh angin pari te hlo thlawhnaah an feh a ,ka hma a lunglian tak ,a hnuai kham vekah chuan ka ding a ,thli chuan min chhem heuh heuh .











Ka hahdam sawng sawng thei ,thing lian pui pui ding khup chu ka en a ,kan khua pawh kha thingtlang nimahse hetiang khawpa ngaw tha hi a awm tawh meuh lo,thinglian pui pui chu awm ve mahse ,ram tlawhpawh khat deuhah chauh an awm tawh a ,ka hawikual vang vang ,naupang rawn kal ho chuan min en leh ha ha thin tih ka hria ,ka nui hak,hmeichhe naupang duhawm zet lo kal chu ka en a “ A u i van hmeltha em em " a rawn tihchuan nui var var hian ka pawm kanga .










Khawchhung lamah chuan ka kalpui a ,khawlaia kan vakvel chu min enduh hlawm hle ,a then in min lo be bawk a ,an fel hlawm hle mai ,kan khaw hmasa ah kha chuan hmuhsit leh tihnawmnah ka ni thin kha a nia ,tlailamah chuan nu Mawii chu rawngbawl ka pui mawlh mawlh a ,sakhi sa kan bai a “ I u Rinmawia hi a ram vak peih bawk a ,sa hi chu kan nghei lo hle " a rawn tihchuan ka bu nghat,ka ring thlap bawk .











Sa a la tam dawna ,pasaltha deuh tan chuan kah tur an awm reng ang,lal in a nibawk a ,a ropui hle an rap pawh chu sa rep hlirin a khat,ka eiphakloh ka eithei tur te chu ka lawm hle ,rawngbawl zawh chuan “ Nu Mawi ih Sangi te ka hmuak dawn aw " ka tihchuan a nui hak a “ Zuk hmuak tak rawh " a tihchuan hlim zetin ka chhuak nghal a ,kawtchhuahah chuan naupang ho bulah ka infiam a ,an nipawh an nu leh pa te hmuak an ni a ,nuam ka tiviau .










Kum 17 na ka hmang mek a ,hmanlai hun angah chuan tleirawl chhuak tur ang hi ,khua a tlai zel a ,thenkhat an rawn haw tawh a ,Sangi te ho erawh an rawn haw har phian ,tlai fe hnuah thawm a rawn awm dar dar a ,ka hawichhuak a ,Sangi te ho chu mipa rual nen an rawn nui chho dar dar a ,ka lo nghak ve reng min rawn hmuh chuan “ E Zualte min lo hmuak a nimaw ,ilo awm duh alawm,khua a tlai tawh nen kan laklawh sia kan lo haw har phah a lawm" a ti sawk sawk a .









Hnunglam ka hawi a ,fal deuh hlekah hian Rinmawia leh hmeichhe pakhat hi in ngainat hmel fe hian an lo nuidun a ,a chhan ka hre lo ,ka thik nimaiin ka hria ,ka en reng a rawn hawi chhuak chuan min rawn melh ve reng ,ka hawisawn nghal daih ,ka kut chu ka sik neuh neuh a,mipa ho chuan min fiam chuan ka lai thin,ka hmai sen vek thin chu an nui dar dar zel a ,mipa pakhat chu ka nel fal hle ,a hawihhawm bawk si.









“ Zanin chu Lalnu ka tlawn teh ang ,nula chhelo rim tur a awm tlat " a tihchuan an au leh dar dar a “ In hman chuan kal ila " tihthawm a rawn chhuah chuan an tho sang sang ,Rinmawia chuan hma. ahruai a ,a hmeichhe kalpui chuan a hnungah a zui bawk ,Sangtei chuan “ An inhmeh tiraw ,ka u nen hian a kum fe chu an inzui ve tawh a ,ka u hi khawdangah a zinchhuak ngun sia ,pasaltha hi chu ertu nei reng reng hian an khawsa a ,an nunna a derthawn Chang lah a tam .









Mahse u Saii sawn ka u hi a nghak ngat ngat zel a ,ka nu leh pa pawh hian an mo a tan an iai hauh lo bawk an inneih vat ka ring" a rawn tihchuan ka tawng lo a ,ka ngawi reng ,ka mipa duh ruk em em chuan ngaihzawng nghet a lo nei reng sia ,in kan thleng a ,nu Mawii chuan min lo pan vat a ,“ Inbual nghal rawh u aw ,sahbawn kha keng ula " a tihchuan Sangtei chu a bu nghat a ,keipawh sahbawn a awm tih ka hriat chuan ka phur hle ,nu Mawii hian thiltih theihna a nei tih ka hre tak ,inthlakna tur min pekchu ka en a ,puan min pek chu ka en a ,a pawi dawn loh hi .












Kan pathum chuan tuikhur lam kan pan a ,Sangtei chu a tawng mawlh mawlh a ,kei leh Rinmawia chu kan ngawi reng thung,inbual na tur kan thleng a ,sahbawn pakhat chu la in “ Sang ,a thlang deuhah khuan ka zuk inbual ang aw " ka tihchuan a lo bu ve mai a ,ka chhuk nghal vat ,ka puan chu dahin ka thawmhnaw ,heta ka luhtirha ka hak chu ka hlip a ,ka bra leh panty nen chauh chuan ka ding nghal teu bawk.









Tui ah chuan ka thu lut a ,ka lu chu ka su nghal mial mial ,ka taksa ah chuan sahbawn chu ka hnawiha ,nuam ka ti hle ,ka awmna chu dilte ang hian a bial kalh a ,a thuk Dan pawh a tawk chiah,ka ke chuan tui chu ka chhek per chuai chuai a ,ka nui leh var var zel ,ka lo awm rei tawh nge khuh ri ka hriat chuan ka hawi chhuak a ,Rinmawia nen chuan kan inmelh nghal kar,ka zak lutuk chu tui a tang chuan chhuakin puan chuan ka intuam a ,a nilahin min en ngur bawk si .










“ I va rei ve " a rawn tihchuan ka inthiam lo hle ,“ Ih ka infiama " ka tisap ,min ngaihtheihloh hmel bawk sia ka inthiam lo “ I hman tawh chuan inthlakla ,rawn chho rawh " tihpahin a kalsawn nghal nul nul a ,ka thaw hak ringawt ,a va han sual tak ,ka thawmhnaw tur chu ka ha a ,puan hmawr chu ka nghawngah ka suih bet a ,ka taksa chu a lang tam mah mah in ka hria,thingtlangah cheng mah ila,mi ngo chi ka ni aniang ,ka hang lo viau a .









Helaiah pawh hian ka vun vanga min en duh tawk an awm reng a nihkha ,ka chhoh chuan Sangi chuan min lo be bawrh bawrh a ,kan inzui haw nghal dial ,in thlen rualin chaw ei kan siam zung zung a ,kan eilai pawh chuan ka tawng vak lem lo hle ,Rinmawia hi an ina ka awm hi a lungawi lo in ka hria ,min melh rum thei emai “ Bawiha nupui te hi nei ve tawh la ,Saii pawh hmeichhe fel tak a ni tih kan hria a ,I neih duh phawt chuan kan hnial lo che a nia " pa Rinawma chuan a ti sup sup a .










Ka ngawi ngal,engtin nge a chhan ang tihchu ka lo ngaichang khiau thung a “ Pa a la hmanhmawh thlak hleihnem,hun te han Liam leh deuh phawt sela " a tihchuan a rukin ka lo thaw ve huai ringawt ,a pa ten Zawlbuk kal rihlo tura an tih a vang chuan inah a awm a ,kei erawh thla lawmin pawnlamah chuan keimah in ka thu chhuak a “ Zualtei hi kan in hi nuam a tih hmel loh riau a ,a nuam tihloh tur zawngin in awm nge ,a chanchin min hrilh veka .








Keimah ang tho a fahrah a ni tihpawh ka hria ,in ngaihtheihloh ka duh miah lo ania " ti a nu Mawii tawng chu ka hria ,heti khawp hian min ngaihtuah ang tih ka ring ngai lo,keimah vanga a fate a hau chu ka inthiam lo ,ka thutna ngaiah chuan ka thu reng a ,an sawi ka hre pha tawh lo ,thlapui eng ut chuan khawchhung chu a en hneh hle ,lung a leng vawng vawng thei “ Ka nu Mawi ka lo leng a nia ,khawnge zualtei " tihri chuan a zui zat a .










Hmingtea tih ka hre nghal ,vawiin lamah ka lo leng ang tih a sawi tak kha maw ,luhka lamah chuan a rawn chhuaka“ E nge I lung ilo tileng animaw ,lung tileng hmanlo khawpin kan siam ang che " tiin ka bulah a rawn thu a ,ka nui hak “ Hei Hmingek I pa hi a rawn kal dawn tawh angem" nu Mawii chuan a rawn ti a ,“ A rawn thleng tep ang " tihpahin ka bul hnaihah chuan a rawn thu a ,an inhriat that hmel riau .








“ Inva innel ve " ka tihchuan “ Ka pa hi Lalpa thiantha ber hi a nia " a tihchuan ka bu nghat ,inkawmin kan nui leh hak hak thin ,ka lunglen pawh a tizia viau mai .



(Like leh comment kha aw 😊)



Link:
BBcode:
HTML:
Hide post links
Show post links

Ngaia
Site Admin
Posts: 19502
Joined: April 30th, 2016, 4:07 pm

Unread post by Ngaia » November 21st, 2021, 4:38 pm

MI PRINCIPE S2





CHAPTER 2





LALRINMAWIA POV....









Pawna nui hak hak te chu kawngka bul a tangin ka en reng a ,ka thinrim hle bawk ,ka ta ala ni vat ang ,mipa dangin an hnaih ka phal reng renglo,tlaia a taksa ka hmuh phei kha chuan mipa dangin an hmuh ka phal lo ,a mitmenga inthlahrun hmel zeta min en thin te khan ,engtiang chiahin nge min tihdanglam a hre hauh lo ang .












Tum bur chungin zawlbuk pan tumin ka inhera ,ka nu in min lo melh reng chu ka hmu ,ka phu zawk ,ka nu fin zia ka hria a ,tuna ka awmdan pawh hi a hre thiam vek ang ,a rawn nui huk a ka pa te ho titi khawchang sawi chu an rawn hawi thup bawk ,lai zetin ka ding kawisawi kual a ,ka nu chuan nui hawk hawk hian pawnlamah min chhuahpui a ,kan chhuah fel hnu ah .










“ I duh tiraw bawiha" a rawn tihchuan ka en nghal vut,vanlam hawiin ka thaw hawk a “ Ka hre bik lo " ka tihhmuk chuan a nui leh mai a “ I duh tih ka hria ,a bula I awmdan te hi ka hrethiam a lawm ,I duh a vangin a kiangah nelawm loh zetin I awm a ,chupawh a hriatchhuah che i hlauh vang ,Saii lakah hetiang hian i awm ngai pawhin ka hrelo " a rawn tihchuan dik ka ti viau .










“ Nu ka kal phawt mai ang ,khi Hmingkunga hi leng rei hauh suh se " ka tihchuan ka banah a rawn beng a “ Mawl thin lutuk suh ,a rawn kawm hlim a nih hi ,Thani lah a mu daih bawk sia ,a khua a har ve ang chu ,nanglahin i kawm hmel siloh" a tihchuan hnungchhawnin Zawlbuk lam ka pan nghal nal nal a ,a chhung ka thlen chuan an lo inbuan laih laih a .









Ka lut an hmuh chuan an ngawi thap “ Chhunzawm rawh u ,tinge hmuhchhia hmu ang mai a ,khatia min en tak vung vung hlawm " tihpahin ka thianpa bulah chuan ka thu a “ I va rawn thleng har ve,hei khual kan nei a ,a chak phian a nia ,tlangval ho pawh a vawrh teuh tawh mai " a tihchuan min lo enna chhan kha ka hre chiah.










Val upa Kunga chuan “ Awle hei kan khawchhuan vawr leh kan lalfapa a rawn thleng e ,a ni khan han buan ve tehse " a rawn tihchuan an au dur dur a “ Chutia kan aia ute keiai buan chak mahin an hneh loh chu ka hneh bik dawn a maw ni,engpawh nise ka han buan ve ta pauh aniang chu " tihpahin ka tho chhuak a ,inbuanna lam chu ka pan nghal tharh a “ Khale kan khaw sakei chhuanvawr a nihkha " ti a ka thianpa rawn au chu ka melh a ,an la nui dur dur zui .










Ka hma a tlangval satha tak chu ka en a ,tha chu a ngah Dawn tih a hriat,“ Min dim deuh la aw " ka tizuk a “ Ka hneh che chuan le " a tihchuan khisuk hian kan inman nghal chat a ,tang duhlo chuan a tha pek Dan ka ngaichanga ,min phawi tuma a ke a rawn rawlh chu hma khalhin ka phawi kang nawlh a ,an lo au nghal dur dur,mak tizeta min entu chu ka nuihsak a .









A thawh hnihna ah erawh a mualpho loh nan ka inphawi tir a “ He in lalfapa inchhuan em em hi kan vawrh hrep ange " a tihchuan ka thin a sa ve zak mai “ Thian buanin kan inbuan dawn lo a nimaw " ka tihchuan “ Huh hmelma khua chu hmelma an ni " a rawn tihchuan ka ngeng a chhun zak,min vawrh tuma a awm hniam chu hnung lamah ka bin nghal thuai a ,an buaipui zui nghal vat ...










“ Khual tha lo he khua hian a mamawh lo ve ,zan in la la hian hekhua hi chhuahsan ang cheu ,min phiar ruk tuma rawn kal in nihchuan tum buai duh suh u " tiin ka en ngar a ,midang chuan mak an tih hmel hlawm hle ,mahse ka nu leh pa hnen a tanga ka chhawm finna hian he mite chet duhdan hi ka hre hneh hle ,“ lalfapa enge a awmzia " Val upa Kungan a rawn tihchuan “ U kung he khua hi run tumin an rawn thli thlai a nih hi ,mahse an mite erawh an la rawn kal lo in ka hria " ka tihchuan an thinrim hmel hlawm hle .










Khawih rawn an tum chu ka dang vat a “ Nungdamin kan chhuah ang ,mahse min rawn run an tum lui anihthung chuan keimah ngei hian an lu ka la ang " tiin Zawlbuk chu ka chhuahsan a ,ka pa in min ko tura a rawn tirh ho chu ka zui chho a ,inchhung ka luhruala min lo melh a vang chuan hnuai lam ka melh a “ Ka fapa buaina a awm em ni " a rawn tihchuan ka bu nghat a .









Ka pa hi ka zah a ,hmelah pawh ka chhun viau ,mahse thiltih lamah erawh vanneihthlak nge vanduai thlak zawk pawh ka hrelo ,ka nu thiltih theihna ka chhawm hlauh thung “ Kan khaw run tum an awma pa " ka tihchuan a thinrim hmel hle ,ka pa hian inrun hi a duh ngai lo a ,buaina chinfel dan a zawng hram hram thin,mahse min nawr luitu te erawh a tawp thleng rakin a bei thin bawk ,chu chu keipawh hian ka hre chiang viau bawk .









Tap sir a min lo en ve rengtu chu ka melh let a ,a kun nghal daih ,vawikhat mah ka mitah tak hian min melh rei hauh lo ,engvang nge ni ang,a ni hian min hlau em ni ,ka ngaihtuahna a vang chuan ka thaw deuh ham ham a ,ka buaina pawh ka rilru ah a leng tawh lo ,“Pa a insum rawh ,thil ngaihtuahna fim tak hmanga kan tih a tul ani ,khawtlang mipui te pawh fimkhur turin inchah ngun kan ngai a nihchu " ka nu chuan a rawn ti a ..








Ka pa kut chu a vuan nghal bawk ,ka pa pawh a rawn nui suk a ,ka nu hi chu thinchhe viau mahse ,a rawtna tha lo a awm ngai lo “ nu Mawi ka mu tawh mai ange aw " tihri chhuahna lam chu ka hawi leh a ,a hmui senno chek chu a seh zauh a ,a tho nghal a khum lamah a lut chu ka en zui reng,ka nu a rawn khuh kharh chuan an bulah ka thu thla a “ Bawiha i hmeichhe duhtur i thlan a ngai dawn anih hmel,Saii kha I duh viau amaw kan lo ti a ,mahse Zualtei laka I mit leh I awm dan hi I nu leh pa hian kan hmu in kan hria. a.












Mi pakhat chiah thlang ang che ,chutilo a hmeichhia infiamnan i hmang anihthung chuan kei I pa ngei hian hremna ka pe ang che " a tihchuan ka bu nghut a “ Nangpawh Zawlbuk lam pan leh tawh rawh,ka thuchah che kha hre reng ang che " a tihchuan ka bu nghat a ,tho chhuakin zawlbuka riak tur chuan ka pan a ,a tlai ve tawh viau ,nula ka rim ngai lo a ,mahse Saii erawh ka naupan tet a tanga ka duh tawh a ni a ,thlah ka tum lo.









Zualtei hi chu a taksa mawina vang chauh pawh a nithei tiin ka ngaihtuah a ,a tuklamah chuan Thana te lo lamah kan feh a ,Zualtei pawh a tel ngei ,mahse Saii ka ngaihsak daih thung,a ni hi ka zui rei zawk a ni a ,hmeichhe fel tak a ni bawk ..









ZUALTEI POV...






Kan hma chiaha kal te chu ka en thin ,Hminga nen chuan kan ti ti ve tak nang in ka rilruah erawh a lut meuh lo ,lo kan thleng a ,buh lang hring dup hmuh chu a nuam ngei mai ,zau hrang hrangah chuan thawm a awm a ,a reh dawn lo a ka phur hle “ Zualte helamah lo kal teh" Thanin a tihchuan ka pan a ,sap par kan tihmai thin ang,a sen par buk zet chu pathum a lo a .







Pari nen kan pathum chuan kan samah a dah a ,kan Sam sei hlawm bawk a ,analh duh viau,thingpui an lum a ,lo zawhni a nibawk nen a tu amah chu an hmanhmawh lo hle ,lo zawh ni hi chuan a nei tu ten a hma in tlem an lo dahlawk sa thlawh mai kha a ni a ,a hlimawm ber lai a ni bawk ,arpahnih an kenga ,chu chu hmeichhe ho in kan buaipui a ,Rinmawia bialnu Saii pawh a tawng duhin a fel hle a ,ka lawmpui rualin ka thik tlat bawk si .










Kan zawh chuan pawnlamah ka chhuak a ,vanlam chu ka en vang vanga,ka khawvela let hun ka nei leh Dawn tih hi ka chiang viau “ Ka lo thu ve aw " tihpahin Hminga chu a rawn thu a ,ka lo nuih hak ,chhan hma hma in a rawn thu fel vek tawh sia ,kan titi a “ Nangni pahnih kha in hlim fal " pakhatin a rawn tihchuan an nui dar dar a ,keipawh ka nui ve hak a ,mahse mitmeng rum zeta min en tu a vang chuan ka nui tawp chawt a










Ka hawisawn nghal daih ,bung tur chuan kan chhuak a ,kei leh Hminga kan tang a ,kan hma chu a kan tan a ,thlawh tur a awm lo nen hma chu kan kal duai duai a ,Rinmawia leh Saii chu a khat tawkin ka en thin,hlim takin an nui dun a ,an inchhaih pah bawk ,ka mittui a tla mai dawna hria in ka hawisawn a ,chaw fak hun a nihchuan thlam lam kan pan a .











Chaw fun chu an thet nghal mawlh mawlh ,arsa chu an buhchiar hluah a ,a tui hmel viau ,hmeichhe thenkhat leh Rinmawia ,Hminga ,Chuan mipa pahnih ka hriat ngai loh te nen chuan kan kil ho a ,ka thlenga Rinmawian ar thin leh a ti tha vel a rawn vawm luh hmawk hmawk chuan kan en nghal thap ,a ni erawh engmah hrelo ang hmakin chaw a ei zawm a .









Saiin a rum zeta min en chuan ka inthla hrung hle ,chaw chu muangchangin ka ei a “ Rin haw lam chu hmalamah kal ang aw " a tihchuan Rinmawia pawh a bu nghat a “ Sang ,Zualtei hi kan inah lo awm mai se ka tia ,Zualte I duh em ,lalin chu inthlahrun ana duh bawk sia " Parin a rawn tihchuan ka chaw ei lai ka tawp chawt a ,Hminga nen hian unau an nia .









Ka chungah an tha dun hle bawk “ Ka hrelo le " ka tisap a ,Sangi chuan “ Timaw kan inah a awm ve tawh a ,a insawn leh daihin " a rawn ti niah niah a “ Ngaihtuah vela ,a rawn awm tirhah lalinah a awm nghal a ,mi thenkhat hian an thik viau tihchu I hriat kha ,Zualtei tan pawh a tha zawk anga ,inthahrunna chen nakinah chuan a nei dawn a ,chu ai chuan kan bulah awm mai se ,Pa Rinawma chu ka pa ka rawn diltir ang " a tihchuan ka lawm viau .










Diktak chuan Lal ina awm reng chu ka duh bik lo ,Rinmawia hian min hmuh theihloh hmel emai,tunpawh a ngawih leh reng tawh hi “ Zualte nang Partei te ina awm chu pawi iti em " Sangin arawn tihchuan “ Pawiti lo e ,nangni nen pawh kan inhnaih dawn tho a " ka lo tihchuan a bu nghat a ,Rinmawia tho daih chu kan en leh vek a .










“ U I puar tawh a mi " Sangi chuan en ha pah chuan a ti a ,pakhat a chu lu bu nghut in a chhuaka “ Mak ve tunlai hi ka u hi a tawng tlem in a nelawm loh e" tiin a phun zui a,ka ngawi ve reng engmah sawitur ka hre lo ,Saii chuan “ Zuali kha duhsak taka an pek che chu i eithei meuh nange " a rawn tihchuan ka chaw chu ka en a ,a thusawi danah khan min eilohna ruk a nei tih ka hria








Midang chuan an hre kher lo maithei “ Ka puar tawh a " tiin ka thawhsan a “ Helai hmunah hian kan khua dik tak pawh nilo kan lo lawm mai hi kan titha in ti ve em " tiin a au lang lang a “ U Sai duhtawk rawh ,Zualtei tihbuai tum kha sim rawh" Thansangi chuan a rawn tihmak a ,kei erawh helai hmunah hian lawm loh niin ka inhria .










“ Ka tihpalh " tisap in ka chhuak a ,midang chu an inthlahrun hmel hlawm hle ,Saii lah Lalfapa nupui tur ani tih hria in an be ngam der silo ,vau lamah chuan ka kal zel a ,kawr a lungpui phenah chuan ka thu daih a ,ka mittui chu ka hru nghal mial mial,khawiah pawh awm ila keichu lawm ka ni ve ngai dawn lo a nih hi ,ka khupah ka lu nghatin ka hmai chu ka phum pil a .









Ka tap nghal hlawp hlawp ,tui a luang ribawk nen tumahin an hriat ka ring lo ,nilo an haw vek tawh zawk ang ,ka awmna ngaiah chuan ka awm reng,ka bul a rawn rik rak chuan ka mittui nen ka hawichhuak a ,Rinmawia ka hmuh rual chuan mak tizetin ka en a ,a ni erawh a thaw hawk thung “ Engvanga heta awm nge inih ,midang in an zawn nasat zia che i hria em " a rawn ti tuar a .










Ka kimki nghal chawih ,ka tho chhuak a ,kawr ka kan tur chu ka kutah a rawn man a ,ka thing nghal nawk nawk “ Enge tih i tum " a rawn tihchuan ka en let a “ Min thlah rawh " ka ti ve fak a ,ani leh a bialnu in a duhtawka an hmuhsit tur ka ni lo ,ka duh leh ramhnuaiah hian ka awm anga ,duhleh ka thi mai ang ,tumah min ui tu tur an awm ve chuang lo .










Ka kut lah chu a thlah duh der silo “ Min thlah rawh ka tihchu ,engvanga min man bet reng nge inih,i nupui tur nen a induh ang chiahin inkhua a tang hian ka insawn chhuak dawn tih hre rawh ,min thlah nghal rawh" tiin ka au khum tawn tawn a ,ka tal leh chu a ning deuh nge ,alamah min pawt hrawkin min pu nghal nawlh a ,ka tal nawk nawk chu engah mah ngailo tih hriat lutuk hian min pen pui hmawk hmawka.








Thlama min kalpuiin midang ho bulah chuan “ Kan lo han kal hmasa a nge " tiin min pu chung chuan a kal hmawk hmawk a ,midangin maktihna a min en chu a ngaipawimawh lo tih chiang takin ka hria ,Thansangi leh Pari chu an nui tih ka hmu,Saii erawh a thinrim hmel hle thung,Lalrinmawia lah chu a chau theilo nge a tha a thlah lo hrim hrim.









Ngaw ah min luhpui a,ka tal reng chu a ning nge min tungding nawlh a “ Enge i hriat " a rawn ti nghal hrawk a ,ring zetin ka tap a ,ka rilru nasa nen min vin leh chu ka tuar thei tawh lo “ Helai hmuna rawn kal hi ka duh bik lo ,mi hmuhsit tuar leh tho tur tih inhria ila chuan ka tawngtaina ah khan ka chham hauh(hoh) lo ang ,in mi hmuh theihlohna zawng zawng tuar tur hian ka lo kal lo .










Let leh ka duh I hria em ,nang leh I ngaihzawng nu in a ka awm ve in duhloh zia in tih lan reng hi ka kham ,ka let dawn ka let duh hey Pathian ka tawng hi ngaithla la ,khawngaih takin ka awmna ah min dah let rawh ,helai nen a hrehawm dan a inang reng,ka haw.."ti a ka tawng leh tur chiah chu ka meng kawk ,ka hmuiah a fawp a ,ka hmai chu ka thleksawn theihloh nan a chelh bet tlat bawk .










Ka tang ve tang tang chu duhlo in rum hawk hian a hma aia nasa in min fawp a ,ka kut chu ka thlah zawi hnak a ,ka taiah a kut a rawn suih,ka mitchhingin ka mittui chu ka biangah a luang nghal ngiai ngiai a ,thli in min chhem vuk tih ka hriat chuan ka mengchhuak a ,Rinmawia hnungah thing an ding tawh lo tih ka hriat chuan ka mengkawk a ,hnuailam ka en chu lalpa !keini hi kan thlawk em ni .










“ Rinmawi hei........hehi.....enge a awm zia " ka tibah nawk nawk a ,ka kuah nghet nghal hle “ Min en rawh" a rawn tihchuan ka en a ,a thla ka hmuh chuan mak tihna hlir in ka khat tawh ,kei hi ka â nge ka mumang zawk ,tinge thil mak pui pui hi ka chungah a thlen reng mai le ,“ Min chelh nghet rawh aw " tiin chak zet hian min thlawh kual pui a ,vantirhkoh em ni a nih ang,hmanlai hunah leh nghal ,nghet zetin ka kuah a ,chhum kar velah chuan min thlawh pui nimaiin ka hria .









Tlang chungzawl nuam zetah hian min tumpui a ,ka hawikual nghal vat ,thingte chu thli chhem zawng chuan an insawi kual a ,ka pan vat,a hnuai daihlimah chuan thu in kham hnuai lang rai dup chu ka thlir thla a “ Zualte " ti a min ko tu chu ka en a ,min lo en reng a vang chuan ka hawisawn leh daih.









Mi tizam em em ringawt thin hi a mak ,ka kutah a kut lian zet chuan a rawn chelh a ,kan in upat hleih bawk a ,a kut chu lian ngei mai ,chuan ka sawi duh chu a hnute zawn pawh ka thleng thak lo,hahthlak hian a ,a rawn kun hniam a “ I kalbo dawn lo tiraw " a rawn tihchuan chhan Dan tur ka hrelo,ka kut chu nghet zet hian a hum a ,ka en reng ringawt “Rinmawi I mak e ,chuan I thlate" ka tihchuan a nui suk a .









“ Hei vang hian ka inthup nasa reng a sin,ka nu thiltih theih chu I hriat tawh kha ,ani kha ka chhunah ngai rawh " a rawn tihchuan ka bu nghata ,a taksa ah min kuah bet a ,ka lung Chu a phu nghal dat dat “ Ka duh che" a rawn tihchuan ka khawng awt .

Link:
BBcode:
HTML:
Hide post links
Show post links

Ngaia
Site Admin
Posts: 19502
Joined: April 30th, 2016, 4:07 pm

Unread post by Ngaia » November 21st, 2021, 4:39 pm

MI PRINCIPE S2






CHAPTER 3









Ka khur der der tunah khan min duhthu a sawi amaw ,min kuaidak a ,ka en tha ngam lo ,ka kut chu ka hum nghet a ,thawk pangngai tumin ka thaw hawk hawk bawk ,“ Mahse u Saii " ka tihchuan a ngawi deuh vung vung a “ Tunah chuan nanghian min hip hneh tawh zawk ,I hria em ka lungphu hi nasa takin I ti danglam " a rawn ti sup a .











Ka ngawi reng ,keimah vanga a rilru natzia kha ka hmu,a bialpa hi a duh hle tih ka hria ,keiin lo chhuhsak ngawt ila mi nunrawng ber ang mai ka ni dawn si “ Eng emaw tal sawi i tum lo a mi" a rawn tihchuan ka hawichhuak a ,alo tlai ruih tawh “ Tunah chuan engthu tlukna mah ka siam thei rihlo " ka tisap a,a tawng leh tawh lo “ A tlai tawh haw ang hmiang " tiin min pawm leh nawlh a ,mi min hmuh ka hlau takzet .









Khawdaiah min tum pui a,muangchangin khawchhung chu kan pan a ,Thana kawtchhuaha a lo awm kan hmuh chuan min panhnaih pui vat a “ Enge thiana pawimawh a awm ami" ti a a zawh chuan “Saii kha hei an rawn haw lam kha ,chawngkawrin a chuk a ,an buaipui mek ,a tur chakzia I hriat kha " a tihchuan Rinmawia chu min ngaihsak tawh lek lo hian Saii te inlam pan chuan a tlan a ,Thana chuan “ Ka lo thlah ang che" a rawn ti a.









Ngawi rengin lalin lam kan pan a ,ka thlen chuan ka ngawi reng a ,“ Nu mawi ih Parin an ina awm turin min sawma ,enge in ngaihdan" ka tihchuan ka lam Lalpa nen chuan an rawn en a “ Ni e apa in a rawn sawi a ,awm chu I duh reng em ni ,nge kan inchhung hi nuam itilo nge " Pa Rinawma chuan a rawn ti a“ Chutiang lam a nilo ,heta ka awm nghal ringawt hi a fuh chiah lo in ka hria a,inhriat angin fahrah mai ka ni a ,lalina awm hi ka tihtur a nilo in ka hria a ..








Chubakah hnathawh dawn pawhin Pari te ina ka awm chuan hna pawh ka thiam chakin ka hnehsawh deuh ang ka tih vang ania " ka tihchuan an bu nghat a “ Um I awm duh chuan sawi theih kan nei hleinem ,mahse min rawn kan ziah erawh a ngai ang" an tihchuan ka nuih var var a ,nu Mawii chuan ka mamawh tur ho min pe sa thlap,ka anpui a ni bawk a ,ka mamawh tur a hre hle .









Rinmawia rawn haw hma in ka insawn chhuak a ,ni e ka duh tih hi ka hrilh thei lo ang ,a ni chu midang ta chauh ani,Pari te chhung pawh an fel hle ,Hminga lah an bula ka awm thlak rualin min lo fiam leh nghal char chara ,ka unaupa a nitur hi ka lawm takzet ,a tuk lamah chuan hmai phihin pawnah Pari nen chuan buh kan deng a ,mahse khawdang mi tih hriattak ,ralthuam famkim nena khawchhung rawn lut te a vang chuan kan chawl a .










Kan bul an rawn hnaih tawh viau ,mi panga vel an ni a ,kan lam an rawn hawi chuan ka ip chawih thei,min it hmel zet hian pakhat hian min en a ,“He lai nula chu khuavang note ang maia nalh a nih hi le " a la rawn tizui a ,ka lo ner nawk ,buh chu kan den chhunzawm a mahse laltual an thlen rual chuan “ Lalfapa Rinmawi ka unaupa phuba la tura lo kal ka ni a ,I ngam chuan in mal beihah ka cho a che" nichina min it hmel lutuk tu chuan a tituar a .










Kan thiltih lai dahin Pari nen chuan lal inlam kan pan a ,tlangval ho pawhin ralthuam rawn kengin chung mite chu an rawn hual a ,beih an tum chu “ A tawk e ,ka pa Lalna tual ngeia min rawn cho tu chu kei ngei hian ka bei ang " tiin Rinmawia chu a rawn chhuak a,Saii chuan “ Nilo Rin" a lo tituarha ,Rinmawia chuan a mitmeng chuan a melh reng a,Saii pawh a lo ngawi ve mai ..








Pakhata chu a nui chhuak hak a “ Uai kan Lalfapa chuan ngaihzawng a lo nei animaw " tiin a nui vel uar uar a ,Rinawma erawh ngawi ngarin chupa chu a en a “ Enge I duh" a tichang fak ,a mit chu sar a zam kalhin ka hria,chupa chuan “ Ka unaupa kha zawlbukah ilo timualpho a ,a phuba chu ka rawn la dawn a ni,ka chak a nihchuan he hmeichhia hi " tiin min rawn kawk a ,ka lo ip chawih “ He hmeichhia hi min pe phal angem" a tihchuan Rinmawia chu ka en a .








A hmelah engmah ka chhiar thiam lo “ Pasaltha in a thutiam a sut ngai lo e " tiin a chem chu a hum nghet sawt a ,kei erawh ka lung chu ana ,ni e he khaw mi hi ka ni velo a ,ani tan chuan engmah ka ni velo tih ka chiang viau e ,ka ngawi reng a,an inbei lai chu ka en tawp ,an insat ri chhawk chhawk a,ka mitpawh ka meng ngam lo ,Rinmawia mal hliam chu ka hmu ,mahse a beihpuipa pawh chu a dar a thler duai a ,hmuh hrehawm ka titak zet .










A tawpa Rinmawia chuan a beihpuipa chu a lu a chhawk hmawka,a ni pawh a thu deuh hnawk, Saii chuan panin a kuah a ,tap chung hian a mal hliam chu a buaipui a ,Rinmawia lah chuan a samah a lo zut zauh a ,hmuh hrehawm ka ti takzet ,hmelma ho lah an pasaltha Rinmawia'n a thah a vang chuan an meng deuh kawk hlawm a ,“ He khua a inrawn lut leh a nihchuan nungdamin ka chhuah tawh lo ang che u.








Tunah in thianpa ruang hi la in khua hi chhuahsan nghal rawh u " Rinmawian a tihrual chuan ruang chu la in an chhuak zui a ,min rawn en tu chu enpawh ka duh tawh lo ,ka hua hnungchhawnin inchhung lamah ka lut a ,sahbawn leh puan chu la in “ Par ka zuk inbual lawk ange " tiin tuikhur lam pan chuan ka kal a .









A hmun chu a reh raih a ,ka thawmhnaw ka phelh tur chu ri ka hriat a vangin ka hawichhuak a ,ka mi hmuhte a vang chuan tlanchhiat tumin ka inher a ,mahse ka hmaah pakhat a rawn ding a ,ka tlantur chu min man bet nghal chawt ,ka sual let ve tak na in mipa tha chu ka hneh der silo ,ka kut leh ke chu an phuar a “ Kal vat ang " tihpahin min pu nghal lawp a,ka hlauhthawn rualin thi daih mah ila pawi ka tilo zawk .









RINMAWIA POV..







Inchhunga Pari rawn tlu lut chu kan lo en a ,a thaw hlawp hlawp leh nghal “ Pa Rin ,Zualtei an ru bo" a rawn tihchuan rang zetin ka tho chhuak a ,ka pa chuan “ Enga " a tinghal tuar “ Inbual turin tuikhur lamah a kal a ,kha kha an lo ru ,naupang pakhatin a lo hmu a " a rawn tihchuan ka chem leh silai chu la in“ Pa keimahin ka kal ang ,midang chu hrilh duhlo mai rawh u" tiin ka tlanchhuak a,an tina a nih vaih chuan ka zuah mai mai hauh lo ang .









Tuikhur lam chu ka pan a ,eng ka mamawh lo viau bawk ,hnu chu ka chhui a ,thisen ka hmuhchuan ka mit chu a sen nghal vek ,“ Ka that khawp ang che u" ka tichhuak hrawk a ,ka chhui zui nghal vat ,khua a thim tawh a ,an lo khawihna a nihchuan a let chu ana khawp ang ,tumah an awm lo bawk nen ka nihna thup ka tum tawh lo ,ka mitchu tisen in ka kut tinchu a rawn chhuak a ,vana thla eng kulh chu enin ka taksa chu chinghnia ah a inthlak ruai ruai a .









Ka tlanchhuak nghal pur pur bawk,ka nihna danglam tak a vang hian ka inthup a ngai nasa hle reng a ,hliam ka neih pawhin a dam zung zung a ,mahse na nei ang maiin ka tuam tlat zel tho ,thawm ka hnaih takah chuan ka taksa ngaiah ka inlet a ,ka veh nghal zat,mei an chhep eng a,Zualtei chu an phuar bet a ,a thu kun ngaih reng “ Kan Lalfapa chu a lo lawm hle ngei ang ,nupui hmeltha tak kan hawn dawn che si a" an tihchuan ka lo inhum ruh ngur a .








An kal hran deuh hun chu ka nghak pah,pakhat zung tur chu zuiin a hnung lam a tang chuan a nghawngah ka zai nghal hrawk a ,a tal zawh chuan leiah chuan ka mut thla nghal a ,pathum hmabak ka la nei e ,ka huphurh vak tawh lo ,Zualtei pakhatin khawih a tum chu ka silai ka hmet puak nghal dur a ,a hlawm nghal nawk .








Pahnihte hmaah chuan dingin ka melh ngur a ,an hmel tlanchhe zet chu ka hmu reng ,min rawn beih rawn an tum chu an thi dawn tho tiin ka kut chuan ka vaihlawm nawk a ,thingah an insawh tliak nghal rawp,Zualtei chu panin ka phelh mawlh mawlh a,a ngawi reng “ I tha em " ka tihpawh chuan min chhang lo ,a la ngawi reng tho .








“ Zualte an khawih hman che em,I khawilai nge na " ka tihchuan a rawn nui chhuak haka “ Min kalsan rawh " a rawn tichang fak ,ka en reng ,thinrim hmel zet hian min en ve ngar a,ka phun hluk “ Helaia hnutchhiah i duhloh chuan min rawn zui rawh" ka tihluk a ,hmeichhe luhlul lutuk hi ka tei thei thak lo “ Ka duh duhna ah ka awm ang ,vawiinah kha chuan min hruai mahse pawi itih loh hle kha engvanga min rawn chhan leh vel nge inih a .










Ka mamawh lo che ,thlawk bo rawh " a rawn ti tuar a ,ka thaw hawk kha thil ka tihchhan kha a hreawm tawp silo a ,kal ka tum a min hnungchhawn nghal vat ,mahse ralkhata chinghne u chu hria in “ Awi ka pa " tihpahin ka lam panin a rawn tlan a ,ka hawi let chiah chu ka taksa ah a rawn pakai nawlh a ,min kherh betin ka nghawngah a kut nghet zetin a suiha,ka awmah hmai a phum daih bawk .










Ka thiante an ni tih ka hria ,ni e ka naupan laikhan ka thi tep a ,mahse an ni chuan an thisen min pe in ka damchhuah leh theih phah ta a ni,chuvang ania chinghnia a ka chan theih ni ,“ Min chhan rawh ka hlau ania" a rawn tikhur dar dar a ,ka kuah nghet a ,chunglamah ka thlawh chhohpui a “ Min en tawh rawh ,thla engin a ramhnuaia a chhun hi i hmu duh lo em ni " ka tihchuan a rawn mengchhuak a ,ka mitsen chu a hmu nge a mengkawk .









“ Ti ...tinge khatianga i awm a " a tihchuan ka nuihsuk a ,a biang chu ka nulthuak,tunah hi chuan ramhnuaia ka riahpui mai a ngai ang,ka let hma pui lutuk chuan midangin an ngaikhawlo vek dawn ,hmun reh deuh leh ngaw tha deuhah chuan ka tum pui a ,kan awmna lai chu a faiin a zawl hle ,ka taksa ah chuan ala bet tai a ,a hawi kual ruai bawk .








Ka thutthlak pui a ,thing fawmkhawmin mei ka chhem nghal vat,ka bulah ka thuttir a ,a mit a chhing deuh vang vang a “ Khua ah ka lo let duh tawh lo " a tihchuan ka en nghal vat “ Engvangin maw " ka tihluk a ,an khawvela a let ka phal reng reng lo “ Ka awm duh tawh lo tihna a nimai,ka khawvela let Dan ka zawng dawn " a rawn tihlak a ,a thinrim leh tawh tih Chiang reng,Saiin min buaipuilai khana thik zia ka hmu reng .










“ Ka tello in khawiah mah I kal lo ang " ka tihmuk a ,min rawn sual tur ang mai hian a awm a ,mahse ka mitmeng vang nge a ngam leh lo ,a inher a “ Ka kal dawn " a rawn tinghal hlak a,ram lam pana a kal tur chu ka pawt let a ,leiah chuan keuh tlu in ka bawhbet nghal hmiah ,hetiang em em a a luh theih “ f**k you " a rawn tihchuan a awmzia ka bo hle “ I a ami khatiang tawng a awm lo " ka tihluk a .








Ala tal ngat ngat tho “ Don't touch me hmelvarung " a rawn tileh tuar a ,engtawng nge ni ngai mak lutuk,a nghawngah ka seh a ,mahse a na lo thla lam chu ka en a ,ka inthlak danglam nghal tual tual a “ Hetiang ka ni chung hian min pawm thei dawn ami,maw hetiang ramsa a ka Chang thin hian min hmangaih thei ang maw " ka tihchuan a hmelah chuan hlauhna ai mak tihna ka hmu hnem zawk .









“ Min chhang rawh chinghnia mihring ka nichung hian min pawm thei ang maw ,chumi a zirin ka thlahin ka vuan ang che " ka tih hrawk chuan a kimki deuh chawih a “ Rinmawi " a rawn tihchuan ka au tuarh a ,a beng a hup nghal chawih “ Min enrawh hetiang hian ka inthlak danglam thin,mihring pangngai nih chakin vawitam tihdamna ka zawng .







Mahse ka dam khawchhuah nan zawk hetiang mi ka nih hi a ngai a sin ,hetiang ka nichung hian min hmangaih thei ang maw " ka tihchuan a lu a bu nghauh nghauh a ,a mit erawh ala meng chuang lo ,ka nui suk a ka pan hnai nghal vat “ A nihchuan ka mit a en chung hian sawi rawh " ka tichhuak sup a ,a rawn meng nghal riai riai.







Ka la inthlak danglam lo ,ka kut tin sei zet chu a rawn huma “Ka....duh che Rinmawi " a rawn tikhur dar dar a ,ka kuah nghet sauh ,ka awmah chuan a bei a ,a hmul chu a thama ,ka nui nghawr dat ,ka inthlak riai riai a ,min hlau miahlo tih ka hriatchuan min tilawm,Saii bulah kha chuan keimah nilo in chinghnia ang tawpin ka inlan Khan min hlau hle a nihkha ,min rawn enkiau a ,ka inthlak danglam tawh tih a hriat rual chuan a thaw huai reuh leh nghal.










“ Min hlau viau a mi" ka tihchuan a lu a thing naka “ Ih Heng chu movie ah chauh a awm thin a maw ka tia" a rawn tisap a ,“ Enge movie chu " ka tihchuan a rawn nui hak a“ Hei kan hunlai angah chuan mihring hian ,kan entheih turin lem an Chang thin a ,chung chu mawle " a rawn tihchuan ka bu nghut a “ Muhil tawh rawh ,khang ho khan an khawihlo che tiraw " ka tihchuan lu thingin .









“ An lalfapa nupui tur a an ruk kha ka nia ,min khawih ngam hleinem" a rawn ti a ,ka taksa lum chu a dap nghal thak thak a ,henu hian min tinui reng chu a nih hi ,“ Ih i thla Khan min lo tuam " a tihchuan ka nui che dawt a “ Enge ka lawmman ni ang " ka tihchuan a hawi hrek hrek a “ Hnahthel phek khat" a tihchuan ka chawi lawp a ,a rak chul kan inchhaih nui hawk hawk a .









Ka thla chu tichhuakin ka tuam nghal hlun a ,ka awmah a bei nghal thak,mitchhingin reilo teah a muhil a ,ka en reng kan bul chu a rawn rirak a ,ka chinghne pui te chu an rawn chhuak sap sap a “ Rina kha tunge ,a hmaa I inpuang lai kha kan hmu a " lalpa chuan a rawn ti a ,ka nui leh sak “ Ka hmeichhia a nih hi ,hlauhthawn awm a awm lo ang ,engmah a sawichhuah ka ring lo " ka tihchuan an lu an bu nghauh a .







An kalsawn ve nghal mai ,Zualtei ka en chu a mutui hle ,asam buang deuh thang leh tle siau chu ka chul a,ka thla hmang ngeia hmeichhia ka muttir hmasak ber a ni ,kan khawvel a hran tih ka hai lo mahse kan khawvel a inan theih nan chuan theihtawp ka chhuah zel ang.

Link:
BBcode:
HTML:
Hide post links
Show post links

Ngaia
Site Admin
Posts: 19502
Joined: April 30th, 2016, 4:07 pm

Unread post by Ngaia » November 21st, 2021, 4:39 pm

MI PRINCIPE S2





CHAPTER 4





Khawchhungah chuan kan inkai lut hnak hnak a ,min en duh hlawm hle ,Saii rawn tlan chuan kei leh Rinmawia inkai chu min en dun reng a“Rina enge a awmzia" a rawn ti a,a aw a tang pawh chuan kan awmdan a vangin a na hle tih ka hre thei ,ni e a na viau ang ,he mipa hi reitak a kawppui a lo ni ve tawh awmsia.







A mittui a luang a “ Saii nang nena kan inkar chu a tawp mai a tha ang " Rinmawia chuan ati a ,ka inthlahrung hle “ Ka duhlo I tette a tanga ka kianga awm thin inihkha ,timaiin min kalsan thei lo ang " a ti tuar tuar a ,midang an rawn punkhawm a vang chuan Rinmawia chuan min kalsawn pui a ,“ Ka thiamloh ani " ka tisap a ,a ding nghal chawt “ Heta lo kal miahlo tur ka nia ka tihpalh" ka ti sap sap a .









Ka kut Chu hum nghet hle a “ Khatiang sawi tawh suh ka tihkha ,engmi pawh nila khawi khawvelah pawh awm la ka rawn zawng hmu tho tho ang che " a rawn tihchuan ka en vat a ,a hmel chu a thutakin a pa hliah hliah hian ka hria “Ka duh che ka tihkha ,ka duhna che hian engkim a huam vek,ka vuan tawh che a,nangpawhin I intiam ani lawm ni ?mahse envang nge thu pakhat vang maia min thlah I tum leh si " a rawn ti hmuk a .











Ni e keipawh hi ka lo hlauthawng hma thin lutuk a nih hi “ Ka tihpalh " ka tisap a ,a niin mualpho huamin min vuan a ,keimah zawkin kalsan duhna rilru ka pu nghal a nia ,a fair lo viau a ni e ,Pari te ina lut zawkin Lalin lam kan pan lehnghal a ,lalpa ten min lo hmuh chuan an thaw huai hlawm a ,nu Mawii chuan “ I tha em " a rawn tihchuan ka lo bu nghat a .







Chutah kan kutlam an en chuan Rinmawia nen kan la inkai reng tih hria in ka kut ka la sawn vat a,hmanlai angah chuan in ngaizawngin miin hre vek mahse midang hmuhah mawilo khawpa awm a theih loh tih ka hre chiang “ Bawiha I va hmu chu a lawmawm e ,an lu ila lo em ni " a pa chuan a rawn ti a ,ka lo ip zawk .







“ Pa lak kher ka duh lo a ,ramsa te eiturin ka hnutchhiah anihkha " a tihchuan a pa pawh in a lo buk khum ve mai a ,Thansangi chuan min rawn pawt hrang a,pawnlamah chuan min hruaichhuak nghal vat “ Ka u nen hian ka rinsa ang chiahin in awm ,in inngaizawng tiraw " a rawn tiphawng a ,zep chi nitawh heklo.







“ Um " ka tihchuan “ Awileh!a nuam e ,u Saii kha chu a mizia ka lo hriatchian loh a vang khan ka lo duhpui thin,mahse a rilru tak tak kha rultur ngah tak ang mai ani" a rawn tihzawm a ,min kuah leh vak thin,a u nena kan inkar chuan a tilawm ngang aniang “ Sangte i thiannu chu rawn luh pui tawh la ,khatia ilo pawhpen ni ,hei rel ho tur kan nei a nia ,lo lut rawh u" apa chuan a rawn ti a .









Kan lut nghal zal zal a ,kan in en hrek hrek ringawt “ Tunah chuan hei in mualpho tawh ta ro ro ,innei mai ula tha in ka hria ,insuih vat hi a tha ber " pa Rinawman a tihchuan ka mengphawk vak a ,a va han hma dawn em em “ Pa a hma mah mah lo maw ,an inzui ve chauh sia" Sangi chuan a lo ti a ,Rinmawia erawh a ngawi reng “ Kan ngaihtuah hnua thutlukna kan siam a ni .






Saii a vangin khawtlangin an hre tawh a ,chuvang chuan kan ngawi reng thei lo an inneih vat hi a tha ,mi thenkhat pawh vawikhat inhmuhna a innei nghal mai pawh an awm hi,nangni chu in induh tawn a ,kan ring bawk cheu ,a hma thei ang ber a nupa a in insiam mai hi a tha ani " a rawn tihzawm a ,nu Mawii pawh a lo bu nghauh nghauh mai .







“ Zualte I rem ti reng reng em ka fapa neih chu " ti a min rawn en chuan chhandan tur ka bo hle ringawt mai ani ,mahse hnial thei ka nilo ,kan mualpho tawh tlat “ Pawi ti em em lo e " tiin ka kut tin chu ka sik niap niapa ,ka zam em em ringawt ,an ni erawh an thaw huai thung a ,ni reilo te chiah he khawvelah hian ka la awm a .








Pasal ka nei nghal mai dawn chu a ni sia a mak zawk e a ,Rinmawia chu min en in a nuisuka. ,a huphurhlo tih ka hriatna chuan min tihahdam ve sawtin ka hria ,min neih duhleh lo tase chuan ka mualpho viau ang ,a tuklamah chuan inneihna tur an buatsaih chung chung hlawm a ,ka zam ani min rel tawk lah an bo lo , ni e a awm ve tho mai .








Kha chen Saii nen an lo inzui a ,keinena kan innei leh daih tur chuan a ti hrilh hai ani ngei ang le,mahse enge pawi a innei tur a te hi kan hlim phawt chuan a tawk mai ani ,kan inneih ni chu ka rinphakbak a ni,hmanlai inneih hi hetiang em em hian a ropui theih ka ring lo ,nu Mawii chuan engkim a siam vek a ,inneihna hmangtur a khawdang a tang a rawn kal lah an tam narawh .









Rinmawia lo puih tawh khawho chu an rawn kal kim viau mai ,ka zam rum rum zawk ka hmeltha ti a lo au lawng lawng lah an bang lo,ka hmai hi. asen tukin ka ring ani,ka thaw hak a inneihna kan hmang zo chu ka thaw huai thei ,khawtlangin kan hrai a ,sa ruh lo keng lu lu lah bang lo ,ka nui hak hak a Rinmawia darah chuan ka beithan a ,Saii erawh a rawn lang lo hrim hrim , a hmangaih midang ta a nichu a pawm thiam theilo nge .








Thu chhe tinrengin min au khum thin,Rinmawia chuan min hruaihrangin mi hmuhlohna tur kan thlen rual chuan min thlawh pui leh ta delh delh a,ka hawi kual ruai a ,tlang hrang hrang hring dup te ,choak leh sava lo in um kawi zawr zawr te chu ka hmu a,hmun pakhata a min tum pui dat chuan ka enkual a ,lalpa leh Tleizawng par hlir ,a hmun a ni tih ka hre nghal mai a .







Ka au hliai a “ A mawi lutuk" ka tichul mai ,hetiang anga hmun mawi hi ka la hmu ngai lo ,ka hahdam nghal sawng sawng,ka hmuiah a rawn fawp zauh a “ Enge ka thil pek che chu ang I tih" a tihchuan ka kuah a “ A aia mawi ka la hmu lo" ka tihchuan a nipawh a khi suk mai ,a par til karah chuan ka thu a ,a ni erawh ka malchungah a mu heuh heuh a ,asam chu ka khawihsak neuh neuh ringawt.








A bulah hian ka thla a muang ,werewolf a ni tih ka hailo ,mahse ka duhna a bo phah lo a,ka duhzual zawk sauh thung,mipa dangte angin thilpek ropui tak min pe theilo a ,mahse an khawvela thil tha ber ber min pe thung,a bulah hian ka hlim tawk lutuk ,zanlam chu ka huphurh rualin ka zam hle ,khumah chuan zawlbuk a tanga a rawn haw huntur ka nghak ran a.









Zawlbuk lam a tang chuan thawm a rawn awm hulh hulha ,engtin nge ka lo theihnghilh theihzawk ,nupui neihzan hian zawlbuka riakthinte hian mopa ber chu phuar hlawm in emaw ,thildangin an chhaih hmasa phawt thin tih ,inchhuat chu a ridawp a ,lalnu , lalpa leh Sangi an riak chhuak vek lehnghal,ka pasal ani em tih ka chian hma chu en tur pawhin ka chhuak ngam lo,ka mutna ngaiah chuan ka mu reng a.











Reivak lo hnuah thawm a reh vek a ,ka lam pana thawm awmchu ka hrechiang hle “ Zualte" tihri a rawn chhuah chuan ka pasal ngei a ni tih ka hria ,“ Um" ka lo tisap a ,ka tha akhur nasa hle ,ka bula a rawn mut te chuan thawk pawh ka thaw tha ngam lo ,chutah ka chunga bawk chuan a nupui ka nihzia chu a lantir a ,ka ngik chhuak faih a ,a tawp deuh chut ,ka mittui chu a luang deuh ngiai ngiai a ,muangchanga a chetzawm hnu chuan tlemin a zia ve deuh..










Reilo teah ka bul a rawn mu thla in min kuah hlu hlu a ,ka mutchhuak tawh bawk nen ka muhil nghal daih ,zinglamah chuan thawm a awm rak rak a ,ka harh chuan khua chu a var uar tawh a ,Rinmawia pawh a lo awm tawh lo ,ka thawhchhuah chuan Sangi chuan min lo nuih var var a “ Ka nute pawh an lo haw tep ang ,ka tiharh che alaw " a rawn tihchuan ka lu thingin a bulah chuan ka va ding a ,ka pui ve nghal mawlh mawlh a .








Reilo teah Lalnu leh lalpa pawh an rawn hawnga “ Kan monu chu a tha maw " an rawn tihchuan hmai sen tan tanin ka en a ,“Nu pa intizak a lawm,ka u hnenah ka sawi mai tur a sin " Sangi chuan a lo tizauh a,pa Rinawma te lah an nui uar uar duh chauh lehnghal ,khawiah nge Rinmawia pawh hi a awm daih ni ,keimah chauhin min hmachhawn tir a ,a nuam hlawl lo .







A hnu deuhah chuan sanghal nen a rawn hawng a ,naupang ho chuan an lo zui bawk “ Uai sanghal a nihkhu ,Rinmawiapa I fapa hi chu aw ,a nupui neihtukah pawh heti hi ania " khawnbawl ho chuan an ti nak nak a,pa rinawma pawh a nui ringawta,Rinmawia rawn thleng chu ka buaipui zung zung a “ Tinge ilo bo daih" ka tihchuan ka hmaia piai pah chuan “ Nizan lam keimah vangin na I tuar sia ,I tan liau liau ka zuk zawng a nih hi" a tihchuan ka zak hle .










Midang an awm reng bawk nen ,a tawngkam hi ka zo thin thlawt lo ,sanghal sa chu chanin a then hmeh nghal theih turin kan siam a ,a lian ve phian lehnghal ,chaw eilai te chuan min fiam zauh zauh renga ,ka zak chu an lawm zawk emaw ni an uar sauh leh nghal ,Rinmawia ban chu ka tham tawn tawn ringawt .







(Exam a hnai tawh em a ,complete vat ang aw)

Link:
BBcode:
HTML:
Hide post links
Show post links

Ngaia
Site Admin
Posts: 19502
Joined: April 30th, 2016, 4:07 pm

Unread post by Ngaia » November 21st, 2021, 4:39 pm

MI PRINCIPE





CHAPTER 5 last




ZUALTEI POV...






Rin khawnge in kal dawn " tiin an insiam mawlh mawlh chu ka en a ,kan inneih a tangin thla hnih a liam tawh a ,nau erawh ka la pailo khaw mipui ho hian an beisei reng tih ka hria ,Rinmawia pawh hian ka pai a chak tawh hle tih ka hria ,mahse engvang nge ka hrelo ,nau ka la pai theilo a ,nu Mawitei erawh chuan ila pai mai ang " tiin min thlamuan a ,ka awm a nuam ve deuh.









“ Kan zinchhuak lawk dawn " tihzawngin min chhang a ,tunlai hi a nui khat bawk si ,ka bulah a awm tlem hle bawk ,mi thenkhat chuan saii te inah a leng thin an tia ,mahse ka la ring phal chuang lo ,ka hmangaih tawh em a ni ,pawnah ka thlah Liam a ,kawta Saiin a thil a lo pai tir chuan Rinmawia chu a nuisuk a ,ka lo thik nghal ringawt ,a chhan pawh kum tam tak lo inkawp tawh an ni miau a .









Inchhungah chuan ka lut hna hna a ,Sangtei chuan min lo kawm nghal.bawrh bawrh a ,mahse ka hlim thei mawlh lo ,ni nga lai an thang bo tawh ,rawn haw tih an nei bawk silo ,ka ngaihtuah lutuk vang nge chaw pawh ka eitheilo ,ka cher kuar bawk ,min ei luih tir an tum pawhin ka theilo,ka ka ah hian engmah a lut theilo nimai hian ka hria ,pawnlamah ka chhuak a ,ka luak nghal tuar tuar .








Ka chhungte chuan min ngaihtuah hle ,artui te chu min eitir a ,ka zia awm phah lo ,zing ka tho chu tap bula Nu Mawii leh pa Rinawm bakah Saii lo thu chu ka hmu a ,Sangtei chuan ka banah a rawn vuan vat “ I sawi chu a dik em ,Saii nang hian ka fapa fa chu I pai tak tak a maw " pa Rinawma chuan a tisup a ,ka phu dawrh thung ,Saii chu a bu nghat a ,Sangtei chu hrilh hai zetin ka en a .








“ Zual ti rawh kal sawn ang" a tihpawh chuan ka kalsawn theilo ,ka dang lawp lawp in ka hria ,Ka pasal hian min phatsan tihna em ni “ Tun hi a thla khatna chiah a ni"a rawn tihleh chuan ka thu hnawk a ,nu mawii chuan min rawn buaipui a “ I taksa chakloh nen ,Zualte ka fapa a vang hian I va tuar nasa tak em" a rawn tihpawh chuan tawng tur ka awm lo .








Pawnlam chu a rawn ri a ,ka pasal ngei chu a rawn lang zui nghal zat ,ka pa chuan a pan hmawk hmawk a ,a hmaiah a beng nghal thuai bawk “ He thil hi a dik em Saii hian I fa a pai tih hi " a tihchuan Rinmawia chu rawn hawi chhuakin min en a “ A dik e ,ka fa ngei ani " a tihchuan ka lung hi a na vawng vawng thei ,midang tawng hma chuan ka pan a ,a hmaiah chuan ka khawih .








“ Tinge mi Rinawm tak leh min hmangaihtu emaw ka lo ti che a sin " ka tichhuak sap a ,min en ngur ringawt,ka tah nuih hak a “ Ni e keichuan I awh em em fa ka pe theilo che a,chuan I hmangaih ka ni lo bawk ,a dik em ,chuvang chuan " tiin ka mit chhingin ka dak a ,ka mittui chu a luang ngiai ngiai ,Saii lam chu panin a bulah chuan ka va ding a “ I hmangaih pasala ka lo neihsak che a vangin min ngaidam rawh ,tunah chuan I nei let thei tawh ang ,ka tlawm e ..










He thil erawh ka dam chhungin ka theihnghilh leh tawh ngai lo ang ,chuan kha hei hi" tiin Rinmawia thil min pek thihna chu ka la a ,a kutah chuan ka hmehbel chawt a “ Hlim takin awm rawh u " ka tichhuak sap a ,pawnlam ka pan nghal zat ,Sangtei leh pa Rinawma ten a min auhna pawh chu ngaihsak lo in ka chhuak a ,pawn ka thlen rual chuan ka hma chu a rawn eng pawp a .








Hmeichhe hmeltha zet a lo ding nghal zat “Zualte " Rinmawia chuan a rawn ti a ,khaw mipui thenkhat leh Lalchhungkua,ka chhungte ni thin chu an rawn chhuak thap a ,ka hma a hmeichhe ding chu enin ka nui sak a “ I duh min dil la ,I duh ber ka tihsak ang che ,let i duh a nihpawhin kan lalnu chuan engtin pawh awmla ,i thutlukna a pawm vek ang " a tihchuan ka nui sak a .








Lalnu lam enin “ Inhmuh loh chhung a rei tawh hle mai" a ti leh sap a ,an inhria a ni ngei ang ,keima lam bawk chu rawn en in “ i duh chu min dil thei ang " a tihchuan “ Nilo Zualte engmah tisuh" Rinmawia chuan hlauhthawn hmel zet in a rawn ti a,ka nui ro hawk ringawt ,alam hawi chuan ka inher a ,beiseina nen min lo en ve reng“ I hria em ,kan inneihna pawh thla thum em a ral hma in min phatsan ania ,nang ang mipa rinawmlo tawn hi ka duh leh tawh ngai lo ang.








Ka kianga I hlimlo tih hre reng chung Khan ka hmangaih em che a vangin ka dawh hram hram che a,I infiamna lek ka lo ni si a " a rawn tawng tur chu ka kut ka vai zauh a ,“ Tunah chuan I hmeichhe hmangaih ngei chu nei rawh ,ka ti buai leh tawh lo ang cheu " tiin Saii lam chu ka en a “ Ka pe a che,I nei thei tawh ang " ka tichhuak sap bawk ,a rawn chhuk thla tur chu tawlh hnungin.








Chu lasi hmeltha hnenah chuan “ Ka khawvelah min dah let rawh " ka tichhuak a ,“ Nilo Zualte " ti a Rinmawia rawn au rawn kal tum chu ,nu Mawii chuan a lo dang vat a “ I hria em Rin,ka khawvel hrehawm tak a tanga he khawvel ka rawn dai luh khan ka hlim ve hman a sin ,nangmah vang khan ,mahse ka khawvel ngaiang chiahin kei fahrah mai mai hi chuan tu lungmah ka lo dum ve lo a nih hi" tiin ka nui lui sang a .









Muangchanga ral riai riai te chu ka thlir reng,ka thilhmuh chu a thim nghal vek a .







RINMAWIA POV...







Min thlah rawh u ,Zualte " tiin ka au nghal tuarh a ,mahse a bo tawh ,ka lung chu na zet hian a rawn awm a ,ka thawk a buai nghal vek ,ka nu leh pa leh ka naute chuan min vuan bet a ,ka ka a tang chuan thi a chhuak nghal bawrh bawrh a ,ka nu leh ka nauin a mangang lutuka min au ri te pawh a hla tial tial ,ni e kei hi ka dam rei tawh dawn lo .








“ Zualte ka tihpalh ,mahse ka tihnat ngei che a ngai a ,a chhan.pawh ka nunna hi tawp mai tur a ni tawh a ,mahse in khawvelah I let ang tih erawh ka ngaihtuah ngai lo ang ,Zualte min ngaidam ang che ,ka hmangaih lutuk che " ka nu te min au chu a hla tial tial a ,ka hma chu a rawn eng pup a ,ka hawi kual a .








Phul hmun zau zet hian min lo hual a ,chutah Zualtei aw ngeiin min au lawm lawm chu ka hria “ Rinmawi kal suh,min kalsan suh kei leh I fa bulah hian awm rawh " a tilawm lawm chu ka hria ,mahse ka hma a engzet lam chu ka pan zel a ,Zualtei au lawm lawm pawh chu a hla tial tial ,chutah “ Papa" tihthawm chuan min tiding chawt “ Papa ,anu in a au che a.nia ,papa ilo let dawn lo em ni " a tihchuan ka hawi let ruai ruai a .









Nilo suangtuahna mai a ni,Zualtei chu a kal tawh hetah a awm ve tawh lo ,chu thu ka hriatna chuan min Tina ,mahse pa ti a min au tu chu ka en reng,heihi zualtei nena kan fa maw anih a “ Apa anu a la kallo apa anu in a au che " a tihchuan ka mengchhuak riai riai a ,“ Bawiha alo harh a nia ,Rinawm lo kal teh I fapa a harh a nia " tiin ka nu chu a au ruai a “ Zualte " tiin kei erawh ka phunchhuak sup a ,ka nu chuan “ Bawiha " tiin min en reng.









“ Nu ,Zualtei ka biak a ngai ,Saii naute pai kha ka fa a nilo tih ka hrilh a ngai " tiin ka phun chhuak leh a “ Bawiha a nihchuan a hma a I thusawi awmzia kha enge " a tihchuan ka thaw hawk a “ Dawt a nihkha ,chinghnia ka nih reng angai tawh Dawn a nu,chupawh zan thla en a piangin chutiang huna tihnat ka hlauh vang a ni,chuan thi mai thei dinhmunah ka ding bawk a " tiin ka phun chhuak leh a .








“ Rinmawi" ti a kawngka lam a tang a tap aw tiau a rawn titu chu ka en a “ Zualte " ka tihrual chuan tap chungin ka lamah a rawn tlan phei a ,ka awmah chuan a bei nghal thlawp “ Tinge khatiang zawng kher a min tih a ,engkim ka hre tawh tho si a ,Chinghnia ini reng a nihpawhin ka hmangaih reng tho ang che " a rawn ti a ,kuai dakin ka fawp vawng vawng a ,ka kuah thlawp ,mipui tan a hlauhawma kan hriat a vangin Zualtei nen chuan khua a tanga hla deuh takah kan awm a ..








A pum a khawih chuan ka en nghal vut “ I fa tur hi lawm ta che " a rawn tihchuan maktihna chuan ka melh a “ Thla a tling ve tep tawh a nia " a tihchuan ka nui hawk a ,ka hlim em ani ,zan a pianga chinghniaa ka Chang thin erawh ka hua a ,mahse Zualtei in ka in control theih nan min pui hneh hle thung,ka kut hmul thur chu a khawih a ,ka kuttin sei zet te chu rapna nei hauh lo in min hmangaih zia lantir an,a kut chuan a hum hnan ziah zel ...









Ka awm nghengin a mu a ,ka hmel rapawm zet chuan a tidanglam ngailo “ I nihna hrechiang a hmangaih che ka ni a ,thlahthlam leh mai che ka duh lo ,engkim hi nangnen chuan hmachhawn a nuam vek " tiin ka hmul karah chuan a hmai a nawr tak tak a ,ka kun hniama a lu ah chuan ka khabe chu ka nghat a ,vanlam en chuan mihringah ka Chang let ruai ruai a ,“ Hetiang reng hian min hmangaih ang che " tiin ka bawhtlu a .








Am zetin chu zan chu kan hmang leh ta ,ka awma thaw sak sak chuan a manglam a tang chuan a rawn nui sak a ,ka thlir vawng vawng,Saii kha ka hmangaih viau emaw ka lo in ti a ,mahse Zualtei laka ka awmdan nen hi chuan a dang hlawk ,Saii bula erawh inthup reng chung khan ka hlim tak tak ngailo,mahse Zualtei nunah erawh thuruk awmlo in ka hlim em em thung a .









Ka nupui nau vei chu inchhunga vei kual thuak thuakin ka nghak a ,ka nu leh ka nauin an buaipui mek a ,an rei tawh takzet ,a tawpah naute tap thawm ka hriat chuan ka thaw chhuak huai a ,pindan lam chu ka pan nghal hlawk hlawk ,Zualtei chuan chau zet hian min lo nuiha ,kun hniamin a chalah chuan ka fawp zauh a ,ka fapa chu ka en nghal vang vang,keimah ang ngeiin apiang ta ,mahse zalen taka nun a hman theih nan hma ka la ngei ang .










Hun a Liam zel a ,ka nupui nalh tulh tulh chu ka thlir ning theilo,kan fapa ram hnuaia tla chu kan en a ,ka darah a bei hnap bawk “ Hringnun lo mawi zia hi tiraw " a rawn tihsap chuan ka nui hawk a “ Heng te zawng zawng ai hian ka thinlung lalnu ka parmawi tin chawimawi leh zualtu ka lasi nula hi I mawi ber " ka tihchuan ka hmuiah a rawn fawp vawng vawng a ,thlah leh ka tum tawh ngailo ang ..







A TAWP TA

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)