KA THLAH LO'NG CHE BY MAWITEI BAWITLUNG (COMPLETED)

Moderator: writers

mawitei bawihtlung
Posts: 424
Joined: November 18th, 2020, 12:53 pm

Re: KA THLAH LO'NG CHE CHAPTER - 1 AND 2 BY MAWITEI BAWITLUNG

Unread post by mawitei bawihtlung » February 16th, 2022, 1:05 pm

KA THLAH LO'NG CHE



HMATHLA EXAM A NIHTAWH A VANGIN KA REGU VAKLO A ,MAHSE THENKHAT MIN DAWH TANG TANG TUTE KA LAWM A,A DAWHTHEI VAKLO TE PAWHIN ZIRNA A VANG TIHKHA MIN LO HRIATSAK VE HRIM2 DAWN NIA


CHAPTER 13









“ Nu enge insawi awmzia kha keihi in fa ka nilo amaw " tiin ka en reng a ,ka thusawi a vang chuan an rawn hawi rual a ,min hmuh rual chuan an meng nghal kawk kawk “ Aih nilo bawihte ,I thuhriat kha a dik lo " tiin ka nu chuan min rawn pan a ,ka lo awmsawn nghal vat,an thusawi kha dawt mai mai chu a ni lo ang.










“ Kei hi tu fa nge ka nih,khawiah nge ka nu leh pa diktak chu ,min hrilh rawh u " ka ti tuar a “ An thi tawh bawihte ,mahse kan fanu inihna a bo chuang lo ,kan fanu alawm inih" ka nu chuan a rawn tileh a ,ka lu ka thing nghal nawk nawk bawk “ Engkim a bul a tangin min hrilh rawh u .








Engkim ka hre duh" tiin ka thu thla hnawk a ,ka nu chuan min rawn kuahin ka nu leh pa diktak chu accident a an thi thu te ,ka pi leh pu erawh an la Dam an rinthu an sawi a “ Khawiah nge kan khua chu " ka tihchuan ka nu bawk chuan “ East chawngtui ania ,ipa nena zin khawthawn kan tum Khan I nu leh pa car kawngthlanga lo let reng kha kan hmu a .









Tichuan kan la chhuak ta ani ,bawihte I pi leh pute khan enkawl che an duha ,mahse keini hian fanu kan duh em a vangin kan dil ta char char che a ,I hmuh ang hian I naute hi mipa ve ve an ni a ,nanglah naupang kum 1 mi duhawm em em ini bawk nen kan fanu a tan kan awt che a,I pi leh pu chuan phal vak lo chungin an rem ti hram a ,kha mi ni a tang khan nang chu kan fanu ini ta a ni" a rawn ti a .









Mitchhingin ka dak vang vang a ,tinge ka hringnun hi a buai chuar tak vak le ,ka hmai chu ka tuaipuat a “ Hero'n he thil hi a hre ve em" ka tihchuan ka pa nen chuan an bu nghat a,za lo zetin ka then nghal suk,chuvang em ni ka nun kha infiamnan a lo hman ni “ Keimaha awm ka duh,in mi lo enkawl a vangin ka lawm e ,mahse tunah chuan keimah chauha hunthawl neih ka mamawh " ka ti sap sap a .










An ngawi reng,ka room lam ka pan a ,tinge hero pawh chuan a hriat reng chuan nupui dang neih ala tum talh ni ,ka phone chu ka phawrh a ,hero number chu ka call nghal zat ,reife a ring hnu ah a rawn la hram ,mahse a mah a nilo “ Khawiah nge patea a awm" tiin u Nunui chu ka zawt a “ A muhil" tihzawngin min chhang ,tunah hian an mu tlang amaw .











“ Rawn tibuai tawh suh kan innei vat Dawn a ,I rawn tihbuai reng angai lo ang " a rawn tileh fak a ,phone chu a dah zui nghal bawk ,ka hmai chu ka hup a “ Hero engtin nge ka tihdawn " tiin ka tap nghal hlawp hlawp a ,tunah hian amah chiah ka mamawh ka mamawh tak zet ,mahse a nichu midang pasal ani Dawn ,he hmun a tang hian ka kalbo a ngai a ni,ka thawmhnaw chu ka siam mawlh mawlh a .









Ka nauin pawnlam a tanga chaw ei tura min rawn auh chuan muangchangin inhnuai lamah ka chhuk a ,chaw eilai te chuan ka ngawi reng ,ka nu chuan min be reng a ,an chungah ka vuilo a ka lawm zawk,fahrah nitur min enkawl seiliana ,nu leh pa neilo tur kha an mahni vang in nu ,pa tihtur ka neih phah a,an fa nimiah lo an fa tak ang chiaha min enkawl a vang pawh hian ka lawm .










Ka kalbo tur thu hi hrelo se ka duh ,an rilru a na mai mai dawn a,an phallo kher thei bawk ,chaw eikham rualin room ah ka chho a ,tap teuh chungin hero lehkha tur ka ziak mawlh mawlh a ,dawhkanah chuan ka delh bet a ,ka room chhung ah chuan thu in zan reh hun ka nghak a,ka thu ran Jeremy ka text a ,ka thusawi chu min lo pawm sakin an driver chu min thlah tu a tan tiin a biak fel thu a rawn sawi a.









A chungah hian ka lawm thin,ka harsatna tawh a piangin ka tan a awm a ,engtikah emaw ka kir leh ngai a nihchuan eng emaw tak ka la tihsak ve ngei ang ,dar 12 ah chuan kawt lamah thawm a rawn awm a ,ka tho chhuak nghal vat ,ka kuta zungbun chu phelhin ka en vang vang a ,lehkha ka dahna chungah chuan ka dahthla a ,hero nen kan thlalak dun ho chu pakhat la in a dang chu bawlhhlawh bawmah chuan ka hal a.









Ka bag chu la in a tawp nan ka room chhung chu ka en leh vang vang a ,“ Mangtha aw hero " tisapin thawm dim zet chuan ka chhuak a ,ni e tunah chuan ka pi leh pu zawn hmuh chu ka tihtur ani ,ka theihnghilh dawn lo a,mahse ka thisen zawmpui te ngei bula awm chu ka duh,carah chuan ka lut a ,ka hriattheih tirh a tanga tual ka chaina hmun chu enin ka hawi vang vang a ,tunah chuan he hmun a tanga hla taka awm ka ngai ani.









HERO POV......






“Engtin a " tiin ka office kal tur pawh chhuak lo chuan ka thu thla hnawk a,ka u bawk chuan“Nimin Khan kan hrilh a,hei nizanah Khan a lo kal bo a nih hi "a tihchuan ka indawm kun ngut ngut a ,“A hriatchhuah loh nan Nunui neih ka rem ti a,inlo hriattir tho a maw,enge inhriat teh hrep a"ka tichhuak hrawk a .






Ka thinrim takzet ,khawiah nge a kal ang ,nilo a rawn kir tawh lo tur anga ka ngaihtuah chuan ka sa pup pup ,ka pa a thi a kha ni Khan ka u in ka neilui zel a nihchuan Princessi an fa a nilo tih hrilha thawn bo leh a tum a nihkha ,khatiang kha a thlen ka duhloh a vangin ka hlat a ,mahse tunah chuan a kalbo ta tho a ,ka phone chuan a phone chu ka call a ,mahse a la thei lo .









Ka nu te in lam ka pan nghal vat a ,u Kimi chu a lo tap a ,kei erawhin princessi room lam ka pan hmawk hmawk thung,a room chhung ka lut chu a lo ruak huai a ,a thawmhnaw bawm lam ka pan a ,thawmhnaw tlemte chiah a a dah bang,ka Sam chu ka tuai pawk a ,khawiah nge a kal ang ,dawhkan lam ka en a ka thil hmuh a vang chuan ka pan phei a .








A phone chuan ka zungbun bun tir chu a lo awma ,ka hum nghal vang vang “ Khawiah nge I awm " ka tichhuak sup a ,kan biakpawh theihloh nan a phone pawh a kenglo a maw ,lehkha indah ka hmuh chuan ka la a ,ka bih nghal ngur bawk ,nautei kutziak ngei ani“ Hero he lehkha I hmu a nihchuan engkim hria in ,ka kalbo tawh a nitih I hria ani anga ,min zawng ngei bawk ang tiraw ,min ngaihtuahlo la ,min rawn zawng suh ang che .








Hero kan pahniha â tak mai a kan thil lo tih zawng zawng te kha theihnghilh lo tum rawh aw ,keipawhin theihnghilh ka tum dawna ,ka thei ngang lo a nihleh ka tuar tawh mai ang,keimah a vangin i rilru tihah tawh lo la ,I nun a tanga bawlhhlawh pakhat lak kian angah ngai rawh aw ,hero ka ngai takzet che ,kha thu ka hriat rual Khan biak che kha ka tuma ,mahse nang nilo in nakina i nupui nimai turin a lo la a .








Mahse thinrim suh aw ,keimah vangin in inneihna kha thulh hauh bawk suh ang che ,keichu ka mamawh em em lai che a ka biak theihloh che a vang Khan ka dem chuang lo che ,chuan ka nu leh pa kha keiang fahrah mai tur min lo enkawl a vang khan lawmthu min lo hrilh sak rawh aw ,Hero reilote a tan a ka pasal mah nila ka lawm lutuk tho tho,I nun chu ka tello chuan hlim takin hmang ang che ..








I nupui tur nen chuan fa nangmah anga pa leh hmeltha ,duhawm tak tak nei ula ,keichu min hre reng duh hauh suh,hero ka lo inlan leh tawh ka ring lo a ,mangtha aw ,ka hmangaih che tih hi theihnghilh lo la ,chutih rual erawh chuan hriat reng erawh tum hauh suh,ka nun hmangaih la nei ngai lo hmangaih neih dan min zirtir kha ka lawm a ,min lo enkawla min tihhlimna zawng zawngah Khan ka lawm takzet .







HERO he thumal hian awmzia tam tak anei tih I hria em ?Hmangaihna ,engkim,Rinawmna ,awmlo tur a ka ngaihkha ka neih phah ta zawk a ,I kianga awm a thlamuang em em thin Khan,tunah chuan hahchawlhna tur a hmu zo tawh lo a ,mahse maw I princess hian a hero hlimna a duh ber tih hre reng rawh aw .






A hero a hlim chuan a protect girl chu a hlim ve zel thin,I kiang a ta hla takah min paih chhuak mahla ,I lalfanu hi chuan a hlat ngai chuang lo ang che ,Hlim takin awm la ,i nun kha midang tan malsawmna nizel sela ,mi venhim thin ang chiah Khan midang pawh venghim.thin rawh aw ,mangtha ,mangtha mawlh mawlh le,ka HERO "tihchu ka en ngawt ngawt a .








“ Ka zawng dawn che khawi hmunah pawh awmla ka zawng ang che ,ka beidawng dawn lo ,I nat ka hlauh a vang zawk in la hlat che a ,mahse I na ta tho si a ,I hero hi ka laktlak loh em ani tiraw ,ka theihnghilh ngai dawn lo che ,ka thawk tawk tawk chhung chu Aidan Lalrinfela thinlungah hian Lalvulmawii bak an awm ngai lo ang .







Ka nghak Dawn che ,keimah vanga I nu leh pa I chan tih hriattir che ka duhloh a vangin Nunui neih ka rem ti a ,mahse I hre ta tho si a ,ka tihpalh mahse zawng lo che in ka awm dawn lo ,ka zawng char char dawn che khawi hmunah pawh awm la ,ka thihhma chu ka zawng ang che ,ka beidawng ngai dawn lo chu chu hre reng rawh ,I hero kha ka la ni reng a,ka beidawng ngailo tih I hriat kha .








Lo nghak rawh ka ta ini tawh anga ,tumah kan inkarah an inrawlh leh tawh lo ang ,ka venghim ang che nang nena min thenhran an tum leh a nihchuan tupawh nirawh se an chhungte emaw chu mi ngei chu ka beilet zel tawh ang " tiin ka tho chhuak a ,ka phone phawrhin ka naute chu tukina thlawhna ticket book tu vel chhui turin ka hrilh a .








A room a tang chuan chhuakin a phone leh zungbun,lehkha chu ka la a,inhnuailamah ka chhukthla a “ Aidan khawnge I kal dawn " ka u in a rawn tihchuan ka melh zawk a ,“Ka zawng dawn " tihpahin ka chhuahsan nghal nal nal a ,an mahni vang vek hian a nih hi a kalbo ka hmu lo a nihchuan ka ngaidam ngailo ang,an hmangaih lo a nihpawhin kha chen an lo enkawl tawhna ah Khan lainatna tlem tal an nei lo zawk nge .








Ka phone message rawn lut chu ka en a ,khawiah mah ticket a book na a lang lo ,a nihchuan mizoram pawnah a awm lo a ni ngei ang ,an khawlam ka ngaihtuah chuan a kal angem tihchu ka ngaihtuah a ,ka ring chiah lo ,kalse chuan ka ute hi eng emaw tak a hrilh ngei ang .








Van lam hawi chuan ka dak chho vang vang a “ Ka nupui diktak chu ini reng Dawn ,khawi hmunah pawh awm la ,ka nupui inihkha hre reng ang che ,ka thinlung phel inih kha ,ka thinlung phel tello hian ka awm rei theilo tihpawh " Nunui chu ka phone a ,inneihna ka cancel thu ka sawi chuan a thinrim hle a rawn au tuar tuar a “ Ka nei Dawn tho tho che ,khatiang khan I thu I thlak theilo "tiin a au tawn tawn reng a .









Ka khi suk ringawt “ I duh leh inneihna chu ilo kal tlang pui Dawn a nia ,mopa a awm dawn lo tihna a nimai ,a niloh pawhin nizana I mipa mutpui kha I nei dawn ania ,chuan ka phone lo khawiha ka bula mu anga nautei hnena ilo sawi kha ka hre lo emaw ilo tinge ,I lei kha ka pawh chhuah I duhloh chuan ngawi reng ang che " ka tihchuan “ I hmu tawh dawn lo ,a kalbo tawh" a rawn ti tuar tuar a.






Ui â a ang takzet “ Hmu dawn e ,ka thinlung hian a hmu leh Dawn tih ka hria a ni,chuan ka hmuh leh hunah nang hrem tur che khan ka rawn let pui bawk ang " tiin phone ka dah a ,tunah chuan Aizawla a tanga sumo leh bus service zawng zawng ah a book em tih en ka ngai ,ka kal kual a ,mahse a hming a vang takzet .







Khawiah chuan nge a awm ang,khawiah emaw riltam in a awm zawk nge ,ka sam chu ka tuai puat a ,ka motor ke chu ka chhir nghek ringawt “ Princess khawiah nge i awm ,ka tello a I awm theihloh ang chiah khan I tello in ka awm thei bik lo ,lo let leh vat rawh aw ,kan pahnihin chhungkua kan dindun Dawn kha aw " tiin ka phun chhuak sup sup a .








Ka rilruah thil a rawn lang a,a thiante hian an hre ngei ang ,an college lam ka pana ,an ban hun ka nghak reng ,an la bang har hrep zui a,an ban rual chuan gate bulah chuan ka lo ding a,an pathuma an rawn kal chu ka hmu nghal mai “ Carah hian rawn lut rawh u ka be duh cheu ,khawiah nge princessi a awm " ka tihchuan an hrilh hai hmel hle a .






An luh hnu chuan lut ve in ka tlanchhuah pui vat a “ Hun ka ngah lo ania ,khawiah nge inthiannu chu akal " ka tileh hmuk a “ Enteh tun hi a kalbo thu kan hre ve chauh anih hi,engtin nge kan hriat bik ang ni ,nangmah vang leh bawkin em ni a kalbo ,kan thiannu hlimna hi kan duh ber ,nangmah vanga a kalbo anih chuan I chak tawh lo viau ang " an rawn titan tan a .






Ka thaw hawk an awmdan a tang hian an hre lo tak tak tih ka hre mai ,khawiah tehhrep chuan nge a kal ang ,tawhsual a tawk thei reng a sin.



Link:
BBcode:
HTML:
Hide post links
Show post links

mawitei bawihtlung
Posts: 424
Joined: November 18th, 2020, 12:53 pm

Unread post by mawitei bawihtlung » February 19th, 2022, 7:58 pm

KA THLAH LO'NG CHE







CHAPTER 14 (LAST)






5 MONTHS LATER




HERO POV.....






“ Thiana ila beidawng miah nange " titu chu ka nuih suk a ,ka beidawng ngai dawn lo,kum em pawh a la Liam lo a ,beidawn mai ka tum lo “ An khua ah ka kal dawn,a awm lo a nihpawhin kal hrim hrim ka duh " ka ti leh a ,ni e an khua ka la tlawh lo a ,a awm lo ang tihpawh a hriatloh “ Engtikah nge kal I tum " a tihchuan ral hla tak chu thlir vang vangin “ Naktukah " ka tisup a .










Ka mit ka chhing nghal vang vang,ka thinlung hian a awm a ring tlat a ni ,ka nu in min rawn awm chilh a ,mahse engmah hian a ni ka ngaihna an tireh ngai lo “ Ka rawn zawng dawn che " tiin ka mit ka chhing vang vang a ,ka ute pawh a pite hming ka zawt vek tawh a ,khawiah pawh awm se ka zawng hmu em em ang ,a tuklamah chuan ka car nen chuan an khawlam panin ka inkhalh chhuak a .









Kalkawngah ka chawl mang lo a,Lungdarah chaw eiin ka tlan chhun zawm a,zanlam dar sarihah Vaphai ka lut a ,tunah chuan ka hnaih ta ,ka lungphu hian a awm tih min hrilh ,ka mit ka chhing vang vang a ,darkar chanve tlan ala nihthu ka mizawhin a sawi chuan lawm thu sawi in ka tlan chhuak leh nghal a , ka thinlung phel kha ka rawn zawng hmu thuai ang che .









An khua chu ka lut a ,a reh hle in hmasa berah chuan lut in ka zawt a ,a in neitupa chu Sangtea (A taka kan makpa aw 🤣🤣🤣)ani tih ka hria a ,min hruaitheih thu a sawi chuan ka lawm hle “ An tunu kha naupai sa in a rawn haw a ,a naupai pawh a pum a lian tawh khawp mai " a tihchuan ka lung a phu dup dup a ,ka fa a ni tih ka chiang em ani ,ka thinte chu a phu dup dup a “ Anu chu a tha em " ka tihchuan “ A nalh khawp mai ,a naupai a ngeih a niang a vun a nalh sia ,an rim vut vut reng mai " a tihchuan ka thik ringawt leh nghal.











Ka ta a nihloh chuan tu ta mah a nilo ang ,in pakhat kawta ding tur a min tihchuan ka ding chawt a ,an in a nitih ka hre nghal mai a ,a lian ve pangngai hle ,inchhung lam a tang chuan thawm a rawn chhuak leh ham ham thin ,min hruaitupa nen chuan kan lut a ,min lo en nghal thap ,anipawh a rawn hawi chhuak a ,min hmuh rual chuan a mitah chuan thil tamtak ka hmu .








Hmangaihna ,min thlakhlelhna engkim ka hmu vek “ Hero" a rawn tisap a ,ka hnaih nghal ruak a ,a pum puar ak te chu a inhmeh hle ,tumah zah buai ka tum lo ,a bulah chuan ka thingthi thla a ,a inleng ho chuan min lo en thup a ,tumah tawng an lo tum biklo,a pasal ka nitih an hrethiam nge an chhuak sap sap a ,an chhuah rualin ka pawm nghal thlawp “ Hetah hian maw ilo awm a " ka tihchuan a ngawi reng a .










“ Ka ngai lutuk che tih i hria em " ka tihchuan “ I nun a tanga ka kal bo I duh a nilawm ni " a rawn ti a ,ka thaw nghal hawk “ Englai mahin kalbo turin ka duh ngai lo che ,kha thil ka tikha I tan vek a ni ka tih ni" ka tihchuan ka awmah a rawn nam dat a “ Hetah rawn kal suh,I nupui bulah awm rawh " a rawn tifaka. ka nui chu rum zetin min rawn en a .








MAWITEI POV....








Ala nui mai mai chu rum zetin ka melh nghek a ,“ I tan vek ka tihkha ngaithla tha rawh " a rawn ti a ,ka puma. akut a rawn nghah chuan ka phu zawk ,a zut kuala “ Thla engzat nge an nih ka hre mai ,min kalbosan a tanga thla nga na " a tihchuan ka melh reng ringawt ,a theihnghilh lo a nih hmel,ka pi leh ka pu an rawn chhuah chuan thu tha in ,“ Chibai ule ,pi ,pu zan zana ka rawn tihbuai cheu a vangin ka tihpalh ani e.









Mahse ka nupui tello hian ka awm thei ngang silo a ,ka zawn char char hnu ah ka rawn hmu hi ka lawm em ani ,ka nupui leh ka fa tha taka min lo enkawl sak a vangin ka lawm e " atihchuan ka pi leh pu pawh an bu nghat nghat a “Ni e hei nangmahni a vangin kan tunu kan hmu leh thei hi kan lawm a ,damchhunga hmuh leh kan inrin tawhloh chu hetah buaina a vangin a rawn awm a.







Bawihtei hian in chanchin engkim min hrilh a ,mahse keini chuan inneih talh induh chuan kan dang lo cheu a ,dan cheu hi kan duh ve lem lo ,in inhmangaih takzet a nihchuan inthen tawh lo in awm hram intum dawn ania ,hei I hmuh ang hian keini chu kan dam rei dawn tawh lo a ,bawihtei hian nang hi a ring tawh dawn che a ,I hmel ka hmuh hian I rintlak tih ka ring a .







Ka rin ang ngei che a i awm ka beisei " ka pu in a tihchuan hero pawh a lo bu nghat a ,roomah min luhsan leh nghal daih ,ka kut a rawn vuana“ Ka thusawi ngaithla rawh aw " a rawn tihchuan mittui luang ngiai ngiai hian ka bu nghat a ,khang hunreilo te chhung pawh Khan ka ngaiin ka thlahlela ,hmuh leh ka chak thin hle a nihkha .








Chutah Nunui nen an inneih chhan tur a sawi chuan ka inhum ruh a,ka nu leh pa diktak a ka lo ngaihte chuan ka laka an rilru put dan chuan min Tina hle ,an fanu tak nilo mah ila kha Chen min lo enkawl tawhna ah Khan tlem tala min hmangaih ve ka lo ring a sin “ Hero ,chupawh nise tinge ka nat ngawih ngawihna tur a I awm kher a " ka tichhuak tiau a ,ka hmuiah a kut dahin min kuah nghal hlu hlu a .








Ka thla a muang nghal sawng sawng thei ,ka samah a chul a “ Khathil kha tilo ila min hlat duh Dawn silo a ,min hlat duh miauloh chuan keipawh khan ka pehhel thei reng dawn lo che a,chuvang chuan I nu leh pa diktak an thihthu I hre vat dawna ,kha kha ka duhlo ani ,mahse I hre ta tho a ,I kalbo phah hial bawk a" a rawn tihchuan a dik ka ti ve tho .








Khatiang khan mi tilo se chuan ka hlat thei kher lo ang ,ka kawngah chuan a kut a rawlh lut a“ Min ngaidam tawh em princess,thla 5 chhung ka zawn man che min ngaihdam ka phut ania " a tihchuan ka ngawi reng a,ka melh run run bawk ,a hlauhthawn hmel hle“ Aih" ka tihchuan a mengkhup lap a ,min kuahna a thlah tur chu nghet zetin ka kuah a “ Aih ka haw thei lo che ,a chhan chu maw ka huat dawn poh che leh ka hmangaih zual zel zawk che a .










Nang huat tum chu vana arsi lak tum ang vela har a ni ,ka hmangaih che ,huatche chu ka duh ngei a ,mahse ka lo huat ve na che kha nang hian hmangaihna bawkin i hneh leh ta ,hero hero dik tak chu ilo ni e " ka tihchuan min pawm kang nawlha “ I va rit reuh tawh ve " a tihchuan ka dul chu ka kawk zauh a ,a nui nghal hawk hawk a “ A va lian reuh ve a ,thla ngana chiah ah chuan " a tihchuan keipawhin ka lu ka lo buk khuma .








Keipawh hian thla nga lekah chuan a lian tawh mah mah ka ti,khum lamah min pawm lut a ,ka khumah chuan kan pahnih chuan kan mu kak a ,ka kut tang vawt zeuh ka hriat chuan ka en vat a “Ka nupui ini tih chhinchhiahna hi phelh leh tawh ngai suh" tiin ka chhipah a fawp a ,ni e ka phelh leh tawh ngai lo ang “ Kumkhua in ka damchhung chuan ka phelh leh tawh ngai lo ang .










Zinglamah chuan pawnlama thawm a awm a vang in harsa tizet chuan ka chhuak a,hmeichhe ho lo pungkhawm chu a chhan tur ka hre mai a “ Khawimaw mawite I thianpa chu kan lo en ve " an rawn tihchuan ka en reng ringawt a “ A thianpa nilo in a pasal ,a naute pa hi ka ni e " ti a ka hnunglam a tanga min rawn kuah tu chu ka nuih hak a ,nula ho chu zakin an haw nghal vek a ,ka pasal hi an lo beisei tih Chiang reng .









Ka pi leh pu pawh an lo tho a ,zing a zingah ar kan talha. ,ka pi in buhchiar a tih a vangin kan buhchiar a ,Hero pawh a che ve vutvut reng a,ka pu nen pawh an inkawm thei hle ,ka pi nen chuan kan lo en dun reng a “ A hmangaih hle dawn che a nih hi,nangmah vangin hetah a rawn kal vang vang chu a nia " a tihchuan ka lo bu nghat a“ Engkim kha ka tana alo tih vek a nia ,pi ani ka tawng hi ka lawm takzet ,ka nu leh pa pawh kha la dam se chuan an lawm ve ngei ang " ka tihchuan ka pi chuan min kuah a.










“ Pi nang ni chuan reideuh min dam pui rawh u aw " tiin ka kuah nghet sauh a “ Khaih khaih bawihte ,kan dam pui em em ang che ,I mittui kha ti tla lo la ,I pasal sawn a rawn ngaihven reng che ania ,ka tu hi hmuh ve ngei ka duh alawm " a tihchuan ka tah nuih hak a ,chaw eilai te chuan hero chuan ka thlengah a tui lai lai chu min suah zung zung a ,a mah pawhin chaw a eithei lo “ Naute tan a tha " tiin a buh leh a titha lai te chu min pe zung zung a.










Ka pute chu an lo nui tha mai ,chaw eikhamah thingphur Turin ka chhuah pui a ,em ka ken a phalloh a vangin hrui leh Hnam hrui kan keng tawpa. ,dai bul mai a nih a vanga ka kal phal chauh a la nileh nghal,thingchu a fawm a ,a zeilo hle ka lo nuih hak hak ringawt ,a thingek tur te chuan a cheh thelh nasa ania aw “ Kha apa chu a tlaw e, naute hian a ti ania aw " ka tihchuan anipawh a nui ve mai a .









Ni pawh a liam ve zela ,keini pawh thingtlangah kan la awm renga ,ka pi leh pu damchhung tal chu kalsan ka duhlo a ni ,hero pawhin a pawisa bank lamah kan mamawh deuh chuan a transfer mai zel a,sum lam chu kan harsa lo ,ka nau neih thla a nih tawh a vangin naute mamawh pawh kan kawl chikim tawh hle ,Sunday ni chuan ka pum chu a rawn na vak a .







Hero te chuan vaphai lam min panpui a ,ka pum na lutuk chu ka rum leh hawk thin ,nau chu rei fe ka vei a ,a tawpah ka sang chhuak hlawl a ,ka chau hle “Mipa a nih hi ,awi a duhawm lutuk " an tihchu ka hria ,mahse ka pum hi ala na “Hmanhmawh ru phir a pai a nih hi "an tihchuan min buaipui chhunzawma ,darkar hnih fe ka vei hnu chuan fapa pahnih phir ngei chu ka hringchhuak a .









Ka chau bawk nen ka muhil zui riai riai ,naute tap ri chuan min tiharh a“Princess" ti a min lo nuih var var tu chu ka nuih let a,chuan naute pahnih a lo pawma ,naute te nen chuan min panin ka chalah a fawp zauh a“Fapa duhawm tak pahnih min pek a vangin ka lawm e,"a tihchuan ka nuih var var a ,a car chuan inlamah kan hawng a,kan fate chu an la te bawk nen puanin kan khuh a .









In kan thlen chuan min lawmpui tura lokal chu an tam hle a,kan fate chu enin hmeltha an tihthu an sawicham chi reng bawka ,room lamah hero chuan min hruai luta ,a hmela lungawi hmel hi ka hmuh hmaih bik lo ,fa a nei chu a lawm hle tih ka hria ,a nu a bia a engkim a hrilh vek bawk,ani pawh a lawm ve hle ,kan fapa te pahnih chu kan thlir reng ,a ai a duhawm tur kan hmubik lo chiang a lawm.








Ka pi leh pu chuan an hming ah “Remtluangpuia leh Malsawmpuia"tih an phuah a,tha kan tiviau ,ni e nu leh pa aiah pi leh pu ka la neihi ka vannei tho tho a lawm.






5 years later





“Remtluangpui ,Malsawmpui min tihbuai hi sim rawh u ,I pa vang vek hian in chimawm zo ,I nau saw lo va awm rawh u "tiin Lily awmna lam chu ka kawk a ,an kalsawn rualin ka thaw hawk Larinfela hian a duat khawlo zo vek tawh ,Aizawlah kan let leh tawh a ,ka pi leh pu pawh kum hnih Liam ta khan an borala,ka ngai thin hle.







A chang chuan mal riau hian ka inhre thin a ,mahse ka fate leh ka pasal ka hmuh hian ka vanneihzia ka chiang thung thin ,car thawm a awm rual in ka fate ho chu an pa lam panin an tlan a,an hnungah muangchangin ka zui a,ka fanu pawhin a theihtawpin a pa chu a pan ve bawk a,ka pasal in a a fate a rawn pawm chu ka thlir reng ,ka lo nuih var var a .








A bag chu ka laksat vat ,police hna bansanin hotel a din a ,a hlawhtling leh viau bawk “Ka hmangaih enge ilo an le" a rawn tihchuan a necktie khawih zauh pah chuan “ Nidang ang bawkin I fapa harh zet te pahnih hian min tihah leh viau " ka tihchuan a nui hawk a “ Nakinah chuan i hahdamna an la thlen ngei ang " a tihchuan ka nuih var vara ,chu chu ka beisei .





Ka kuta kaiin kan fanu chu ka pawm a ,aniin a fapate pahnih chu pakhat pua in pakhat a pawm a ,in chhung lamah chuan kan inzui lut a ,hlimna ka tawn zo zai hi eng nen mah ka thleng phal tawh lo ang ,zan lamah chuan a inbual chu ka lo en reng ,a rawn inhru hul mawlh mawlh a ,ka lo en chu a rawn hmu nge a rawn kiai suk a “ Tawngtai ang hmiang " a rawn tihchuan ka lo aw vat a.









Ka thatna tura engkim lo ruat lawk tu chu lawmthu hrilhin,kan chhungkua hlim tlang taka kan awm reng theih nan ka dil a ,pasal tha tak min pek a vanga lawm thu chu ka hrilh mawlh mawlh bawk ,kan mut hnu chuan ka kut chu a hmer leh salh a “ Khani khan ka ute khan an rawn hruai haw lo ang che tih ka hlau thin,chuti nilo se ka tawng awm silo che a " a rawn tihchuan a kawngah chuan ka kuah sat sat a.








“ Min lo hmangaihlo ang tih hi ka hlau hluah hluah,a chhan chu ka hmangaih em si che a" tiin a ban chu ka seh zauh a ,a rawn nui nghawr nghal dat “ Ka lawm e Hero ka hero ilo nih a vangin " ka tihchuan ka hmuiah a rawn fawp vawng vawng a ,“ Ka princess nitura ilo piang hi ka lawm fe zawk ka hmangaih che ,ka lalfanu" a rawn ti ve nghal zat a .








Kan hringnun chu hei hi a ni e ,natchang chu nei mah ila ,hmangaihna a vang in kan dam leh thin,beidawn chang nei mah ila ,a kutin min chelh tawh chuan ka tlu hlen lo ang ,tah chang nei mah ila ,ka tluk hlen hlaua min tung ding tu Ka hmangaih ka hero engtik ah mah “ KA THLAH LO'NG CHE " .




A TAWP TA

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)