KA PASAL THINGTLANG PA(BONUS) BY MAWITEI BAWITLUNG (Completed)

Moderator: writers

mawitei bawihtlung
Posts: 754
Joined: November 18th, 2020, 12:53 pm

Re: KA PASAL THINGTLANG PA CHAPTER - 1 BY MAWITEI BAWITLUNG

Unread post by mawitei bawihtlung » April 22nd, 2023, 9:50 pm

KA PASAL THINGTLANG PA




CHAPTER 27 LAST CHAPTER






Zopuii pov....






U Davida nen pawh kan inzui chho va ,a bulah ka awm tam takah chuan a mizia ka hrechiang chho va ,ka duh telh telh . U Zuala chu nilo mahse engkimah an mizia a inang ti ila ka sawi sual tam lovang,fiamthu a duh a . Mi a care thiam hle bawk ,a chet chhiatna tih loh hi chu U Zuala ang chiah kha a ni ,a che chhe reng erawh mi nuih kan hlawh ngun tih mai a ni,a mah lah doctor ni siin in ngaihzawnna lamah chuan a laktlak hlawl loh .









Mahse a zeilohna hian ka ngaih a titha veng veng thung,hmeichhe lamah experience a nei lo tih ka hrechiang a ,ka duh zual sawt . A ex te nen in hauh buai kan ngailo tur ringawt pawh a lawmawm hrim hrim,mipa zei tak chu nise ka ten leh der tawhin ka ring,palai rawn tirh a tumna a rei tawh a ,mahse keichuan nghah rih ka duh thu in ka chhang kha a nia ,tunah chuan kan in ngaizawng tih khaw mipui ten an hre fur tawh tih ka hria,amah lah helama a rawn thawh atangin khaw mite bakah khaw thenawm te pan ber a niin fak pawh an fak hle reng a .









An fakna thu lo hriat hi ka tan pawh a nuam veng veng zel ,ka thawmhnaw zar pah chuan ka zai rat rat a ,ka hnung lam atanga min rawn kuah tu an awm avang chuan phu zawkin ka hawi let nghal ,ka cousin Muanpuia lo nui vur vur ka hmuh rual chuan ka tum nghal hmuk . “ I a em ni" ti a ka hawi chhuak chu u Davida kan in tual atanga let nul nul chu ka hmu nghal “ I chak lovang" Muanpuia melh hrawk pah chuan u Davida chu ka um zui nghal “ U David lo ding teh ,i ngaih ang kha engmah a ni miah lo a nia " tiin a kal hlawk hlawk chu a hmaah ka va ding.









Rum em em a min melhin kal sawn leh mai a tum a ,a kutah ka vuan bet tlat ” Muanpuia kha ka unaupa a nihkha ,min rawn fiam mai mai alawm,a hmuh vang che pawh a ni mai thei " ka tileh zat ,mahse min la be duh chuang lo ,kalsawn a tum tawh loh avang chuan ka thusawi a ngaithla tih ka hria “ Tirawh ,inchhungah lut ang mi in min sawi duh lutuk ang" tiin kan inlamah chuan ka kai phei a,min zui ve mai . Muanpuia lo ding nui thaw chu kan pahnih chuan kan melh vak “ I hmelchhia " tivakin ka vawm pawp.








Inchhungah u Davida nen chuan kan awmdun a ,a ngawi reng chu a chhan ka hriat avangin keimah zawk chuan a darah ka lu nghat in a kut chu ka hum a “ U David i hriat kha ,ka nunah mipa pahnih chiah an awm,pakhat chu ka tana ruat a nihloh avangin a kal bo tawh a . Pakhat erawh tunah hian ka kiangah a awm mek a ni,chan leh ka duh tawh heklo" ka tihchuan min namsawn deuhin chiang zetin min melh a “ Innei ang " a rawn tihchuan ka en vang vang,a thutak em avang chuan chhan mai dan tur pawh ka hrelo .









“ Kum 27 i tling tawh a ,a tawk tawh viau a ni,Zoi min duh ve takzet a nihchuan min nei rawh " a rawn tileh sup ,ka in ngaihtuah vang vang . Nei pawh ni ila ka inchhir ka ringlo,a chhan chu hepa hian u Zuala ai khan min hmangaih lohna tur a awm biklo,min kalsan ngai dawn lo tih ka hria a ni ,ka bu ta nghat . Chuveleh rang em em hian min rawn kuah “ Mahse u David he khua hi ka chhuahsan hreh a ni " ka tihchuan a nui suk a “ Inhmun ka dil a ,in VC leh YMA ten phalna min pe tawh a lawm,hetah hian kan awm anga.








Kan thiante leh kan chhungkaw neih chhunte awmnaah ngei hian kan awm ang,i hriat angin nu leh pa ka nei ve tawh lova ,chuvang chuan Aizawl chu ka tan chuan a hlu em em bik chuang lo,i awmna hmun apiang hi ka tan chuan a hlu zawk " a tihchuan ka nuih sen sen,a vawikhat nan kan infawp ve ta . Kan zeilo dun hle nangin ka hlim em em tho .






DITEI POV...






“ Ka nupui duhtak" ka pasal chuan hnunglam atangin min rawn kuah hlun,darthlalangah chuan kan in en dun kar ,a awmah chuan ka lu nawr in ka ngheng deuh ar ar “ Ka ngaihtuah thin,hetiang hun kan thleng hi mumang emaw tihchang ka ngah mai,ka thi dawn emaw ka tihlai kha chuan ka chhunglam atang khan ka tap thin,kalsan che kha ka hreh ngawih ngawih a ,ka pasal ka hmangaih em em duatna ka dawng thei tawh lo tur kha ka ngaihtuah ringawt pawhin na ka ti thin .








Mahse tunah chuan fate hial kan nei dun ta mai si a ,U Ramte kan Pathian hi chu a tha a ni tiraw ,Zopuii pawhin tunah chuan a hlimna tur a tawng leh a ni si a " tiin a kut lian leh hrawl hruih chu ka hum hnan a ,inherin a biangah chuan ka fawp zauh . Ka pasal hi a ni telin ka hmu hmeltha zual a ,ka hmangaih tawlh tawlh bawk . Kan fanu pawh wadi lamah a kal a ,kan nupa chauh chuan awmin kan inchhaih pah,ka pum puar ak chu a changin a chul zauh zauh .








Ka nun kalta ka ngaihtuah a ,ka thatlai khan Pathian Biakin panna chang hrelo khawpin ka nun kha ka hmang sual nasa a ,ka khawvel ah khan ruihhlo bak a awm ngailo,mipa in min len chhuahpui reng a ,mahse he thingtlang khua leh he ka pasal thingtlang pa ngei hian nun dik zawk ,nunkawng tha zawk min kawh hmuh a ni . Nu ka nih ve takah chuan nu leh pa hmangaihna ka hrethiam thar zel a ,ka nu leh pa kha la dam ve se chuan hei ai hian ka lo hmangaih ngei awm si a ,tunah chuan nu leh pa hian fate tana tha tur hi an lo ngaihtuah nasa in an tisual lo tlang puiin ka hria.







Tam tak chuan kan nu leh pa thu zawm lo in ,pasal duh duh kan nei a . Kan hriat chian miah loh kan zui a ,a tawpah zu ngawi vei mi an nih phei chuan nupui thah hreh miahlo kan lo nei leh thin si a ,nupa inthen tamna chhan ber pawh hmeichhia in mipa tha kan thlan thiamloh vang hi a ni tlangpui bawk ,mipa min hmangaih der tu kan ring a,kan tisual thin reng a ni . Fate neih tawh phei chuan hmeichhia chuan inthen mai mai kan thei tawh lova ,kan fate hmahun kan ngaihtuah ve thin miau si a.



(ZAWMNA A AWM LEH DAWN A ,KA RAWN DAH HUNAH HEI CHU A LAST DAWN TAK TAK TAWH AW )



Link:
BBcode:
HTML:
Hide post links
Show post links

mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » April 25th, 2023, 9:22 pm

BONUS






Zopuii te inneih ni chuan mipui kan tam hle a ,biak in chhung mai bakah a pawn lam thlengin mi kan thu dul a . Ka pasal nen kan inneih ni kha ka hre chhuak rum rum,Pathian leh kohhran Dan ngeia inneih hi a lo ropui zia ka hrechiang tawlh tawlh,chhungte phalloh avanga in ru te hi ka dem chuang lo . Nu leh pa in an rem tih miau loh chuan tihdan tur a awm thin silo va ,inru thin tam tak hi chu nu leh pa te hian kan rem tih loh vang zel bak anih ka ring lo .











Nu leh pa hian rem ti se chuan thalai tam tak hi a ruka innei lovin hetiang hian kohhran hmaah ngei hian kan innei tlangpuiin ka ring,kan fate kawppui kan duh pui lo va ,sawisel sak phet kan tum thin. Kan thatlai hun ngaihtuah let ila kei ni pawhin kan duh leh hmangaih miahloh neih kan duh bik lova ,kan hmangaihte kan pan thin a nihkha . Vai ho anga kan fate hlimna ngai pawimawh lek lova kan duhzawng chauh kan zawn vang hian kan fate nun hrehawm ah kan dah tih reng ngaihtuah phalo kan tam.









Mahsela tam tak erawh hi chuan kan fate tana tha tur zawk kan ngaihtuah ve tho, kei ngei pawh ka sawi fo tawh angin hmangaih lo nei hman ila chuan ka nu leh pa kha nasa takin ka hnial ngei ang. Mahse ka pasal neih dawn khan hmangaih leh duh ka nei lo mai pawh a ,tin ka pasal ang ka tawng fuh hi ka vanneih phah hlauh thung a ,nu leh pa hi dem tur vek nilo mahse tam takah hi chuan an demawm ve viau tho ,ka pasal bengbulah chuan ka hrilh ru a ,a rawn nui suk . Zopuii te thutiam zo rawn phei let leh chu Davida ka lo tilui leh a .








A sen tawn tawn mai,thlalak zawh lamah Davida insak thar lamah kan tlang a ,a sak zawhna a la reilo bawk a ,a nuam viau mai. Engkim a thar sar bawk nen , programme kan tan a ,projector a Davida leh Zopuii an inhmuh tan atanga tun hun thleng kan tihlan chuan mipui a tihlim hle ,Davida chet chhiat na tak tak kan tihlan laia Davida tihngaihna hrelo hawi kual vel chuan nuih a tiza zual ,ka pasal pawh a fanu pawm chungin a nui ve hawk hawk,a upa telh telha ka hmu pa tulh tulh thung. Ka hmangaih zual zel bawk.










He khawvel mipa ah hian Ramhmangaihzuala aia mipa rinawm leh in nghahna tlak hi an awm bik kher lovang,ka chunga ka a thinrim lai ber pawhin hmeichhe dang a kawp ve lova ,ka thik turin vah chhuah pui chu a nei ve nual thin a nihkha ,mahse khang mite erawh a cousin an nihloh chuan a thiante vek an lo ni thin . Khatianga ka thik a duh avanga a awm pawh khan min hmangaihzia a tichiang lo theilo,nupa chu inhau in in ti thinrim thin mah ila hmangaihna a awm tawh chuan rei tak a thinrim theih ngailoh .








Kan pangchan na kan tihlan tawn a ,kan thikthu kan tihchhiat tawnna hian tawngka a sawi ngailo vin hmangaihna a ni tih min hriat tir fo thin. Tlaiah awm tlangin ruai khawpumin kan theh a ,a nuam viau mai . Khual khua a tanga rawn kal pawh an tha hnem takzet,kei erawh ka nau neih a hnaih tawh avangin kan haw thuai a ,ka ke chu a vung leh tawh mai ,ka pasal chuan kan fanu a tihmut hnu ah min zut sak leh hauh hauh “ Awi ka thau tawh bawk si,naupai chu thauna a ni ringawt,a lehpekah chuan pai ve tawh la a tha ang,mipa hian hrehawm in tuar tlem bik lutuk .










Hmeichhia in a hrehawm awm kan tuar bik reng mai" ka tih hlak hlak lai chuan min rawn en vutin “ Dîte" a ti sup ,ka melh kha kha avang chuan engmah sawi lovin ka ke bawk chu a hmet leh ka thaw huai,ka pum rawn che leh dat dat thin avang chuan u Ramtea chu ka nuih hak ” Mipa a nih tawh ngei ka beisei, football thiam tak ni bawk sela ,ka dul pet a hmang emai " ka tihchuan ngawi rengin ka pumah chuan a kut a rawn dah a ,ka naupai rawn che leh chu a nui nghal vur vur “ Ka duat tur " tiin ka bulah a rawn mu a ,min kuah nghal vang vang .









“ Laldinmawii i nilo ang tih ka hlau a ,ka tawng lovang che tih ka hlau bawk,ka Dî neih tawh zinga mawi leh ka vei ber Dîte,ka nupui bik chauh ini tih hre reng ang che ,khawiah pawh kalin engpawh tila kei i pasal tello hian kal ngai suh ang che" a tihchuan a kut chu hum hnanin ka bu nghat “ Nangpawh ka pasal i ni tih hre reng la,ka rilru natna tur tingai suh aw ,chutilo chu kei i Dî hi ka kang ral mai dawn si a " tiin a awmah chuan ka bei than,lungngaihna leh tahna turin min hmuak reng thin a ,khawvel hrehawm ka tih chang lah a tam..











Mahse chutiang hunah pawh siamtu hian kan tan hun dik a lo ruat a ,ka pasal ang hi ka tawn phah ta si a ,engtin nge lawmthu ka sawi ang tih hrelo mah ila ka fate hi ama lam hnaih thei tur khawpin biak in ka pan tir ziah ngei ang le. Pasal tha tak leh min hmangaih tu tur min pe a ,ka tan englai pawha awm turin a ruat a,lawm thu sawi ve chu ka bat a ni a ,ka fate ama lam hnaih tir hi a laka ka thil pek theih a ni .








“ Ka hmangaih che " a tihchuan ka nuih let var var “ Keipawhin ka hmangaih che " tiin ka thaw chhuak suai suai a ,kan room tukverh atanga thla eng chu thlirin ka ngawi vang vang “ Ka tawn tur a ilo awm hi ka lawm e ka thingtlangpa " ka tihchuan ka hmai tlang chu a rawn chul zai zai a “ A tir kha chuan nupui a neih che kha ka duh hauh lo va ,mahsela i nu leh pa min beiseina kha tih loh ka duhlo,a chhan chu nangin min hriat hma daih tawh atangin i nu leh pa nen kan inhria a .








An ni khan ka college kal lai atangin nasa takin min pui a ,khavang khan an thil min ngen kha ka hnial thei ta lova ,ka tawn phah reng che a nih hi Laldinmawi" ka kut hmer vang vang paha a tihchuan ka lawm veng veng .







Damdawiin khumah chuan mu in ka sang vak vak a ,ka naute lah a chhuak thei mai silo,Davida lahin min tur chhen bawk si “ Tang leh deuh teh,i taksa chak loh hma hian" a lo tihman ziah lehnghal “ Ngawi mai mai rawh,ka tang lo bikin i ngai em ni " ti tuarin ka sang leh vak,a tawpah naute tap thawm chuan min ti zawi nghal hnawk “ Mipa a ni e ,a duhawm lutuk" an tihchuan ka mittui atla zawih zawih a .









Tunah chuan fapa ka nei veleh ta ,ka pasal rawn lut te chu ka lo nuihsang reng,a nipawh a hlim a ni tih a hriat ” Ka hmangaih che u,ka chhugkua te u " tiin lehlamah a fanu kuahin lehlamah kan fapa a pawm bawk ,ni e hei hi a ni ka thingtlangpa nena kan thawnthu chu,tawp na hlimawm ka lo beisei thin ang ngei kha a tawpah chuan ka tawng ve ta ta ,ka pasal leh ka fate tan hian theihtawp chhuahin ka nun ka hmang ngei ang .







A chhan chu ka hmangaih te an ni miau a lawm


(A tawp ta tak tak e ,hei bak chu ka coming soon ho pawh kha ka lo dah dawn rihlo aw , WhatsApp erawh khawhar dalah mafia kan ziak bek bek dawn a nia ,ka birthday min wish tu zawng zawngte chungah ka lawm e )

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)