PASALTHA SAINGURA BY MAWITEI BAWITLUNG (Completed)

Moderator: writers

mawitei bawihtlung
Posts: 790
Joined: November 18th, 2020, 12:53 pm

Re: PASALTHA SAINGURA CHAPTER -1 BY MAWITEI BAWITLUNG

Unread post by mawitei bawihtlung » August 21st, 2023, 8:00 pm

PASALTHA SAINGURA






CHAPTER 13






Khua ah kan let tawh a ,khaw mite pawhin kan innei tih an hre vek tawh bawk nen chunga zah tit tet ka tum bik lo . Lalpa erawh kan chungah a lawm lo hle a ,a fapa tan Bungzawl lalfanu a lo hual tawh bawk nen Saingura awm lo se chuan engtin emaw tak min tih duh mai ka ring . A hma kha chuan a fapa nen kan chungchang a hriat loh avang khan min ngaina ve em em kha a nia.








Tunah erawh a mizia chu a dang hlak emaw tih tur a ni . Nau ka pai zui bawk nen keilah chu ka ni nghuai a ,ka taksa a chak lo riau lehnghal ,tumahin Saingura hi chinghnia a ni tih an la hre lo va ,a thlah ka pai vang nge naupai dangte ai ka buai bik riau zel . A nilah chuan min duatin ka ei tur a theih tawkin a ngaihtuah ve a ,a nu pawhin min duat thiam hle . Lalpa erawh a lung ala dam zan chuang lo a nih hmel,ka nu leh pa pawh ka kan zeuh zeuh va .









Saingura chuan a theih ang angin a pui reng a ,ka lawm hle bawk . Nikhat chu mi pathum hi lal inah an rawn lut hlawl a ,an hmel atang pawh chuan an chau hle tih a hriat,ka nu leh ka pa chuan an lo buaipui sawk sawk a . An hahdam deuh hnu a an thil tawn an sawi chuan ka khawngaih ve hle ,run tawkin an ni erawh an rawn tlan chhuah thu leh midang sala an man vek thu an sawi a ,Bungzawl khua an ni tih ka hriat chuan ka mengkawk mai .








Lalpa hian pui turin a khaw mite a tir ngei ang le ,Saingura rawn haw chuan chutia mikhual pathum a hmuh chuan ding datin a pa lam chu a hawi a “ Ka fapa Bungzawl khua leh tui te an nih hmel a ,an sawi danin run an tawk a nih hmel. Kan puih ngei angai ang,Lal Hrangliana khi ka thian sabeng a ni a,sal mai maia a awm ka rem ti hauh lo a nia . Upa te leh pasaltha te ko khawm vat teh" tiin Saingura chu a tir zui a .








Saingura pawh chu a chhuak ve nghal mai bawk ,reilo teah khawnbawl te leh pasaltha ho chu rawn lut khawm tak takin Bungzawl khaw chhiat tawh thu vel chu ka pa(lalpa) chuan sawiin midang chu an ngawi thap a . Ka nu nen chuan khum aiah thu in kan lo ngaithla ve kar ringawt ,chutah ka pa chu rawn tawng chhuak hmasa berin puih ngei tha a tih thu chu a sawi a . Midang pawh chuan an lo sawi zawm tliar tliar bawk .









“ Kan pasaltha te lam enge in ngaihdan ni a " ti a lalpa zawhna chu pasaltha Chhunkima te ho chuan chhang in tha an tih thu leh a rang lama chet chhuah ngei a that thu an sawi chuan lalpa pawh chu a bu nghauh nghauh a . A tuk lama chhuak tur a in peih hman turin tlangau pa chu tlangval ralkai thei chin chu ko turin an tir zui a . Saingura chuan min rawn pan hnai vat,ka dul lang ve tan chu a chul hauh hauh a .








“ I kal ve dawn em?" ka tihchuan a bu nghut a ,ka thaw hak ringawt. A lokir tawh loh mawlh ka hlau “ Kal ve lo mai rawh,engtin nge kan lo awm ang" ti tiauin ka en a,ka mittui chu a tla leh ringawt tawh . A awm loh phei chuan a pa nen kan boruak nen ka tan a hrehawm tur zia lah ka hailo “ Ka lo kir leh vat dawn alawm " tiin ka mittui chu a kut chuan a rawn hru zauh a ,min nuih suk bawk “ Lo kir leh lo ta la ,kei leh i fa hi engtin nge kan awm ang,tinge indo leh inrun hi a reh theih miah loh le " tiin ka kuah thlawp a.








A nghawngah chuan ka nawr nak nak ,ka pasaltha thawnthu ngaihthlak tam takah vanduai a thi an awm thin tih ka hailo,pasaltha viau mahse a rawn kir tawh loh mawlh ka hlau . “ Ka rawn kir leh vat dawn a lawm, tap lo la min lo nghak reng ang che " tiin min nuih suk a ,ka bu nghal nghat . Zanah pawh zawlbuk ah riak duh lo in inah a rawn riak a ,titi dunin thil tam tak kan sawi a,tlem chuan ka ngaih pawh a tha ve deuh” Bungzawl lalfanu lakah fimkhur ang che ,min phatsan a nih vaih chuan kei leh i fa lo piang mai tur hi min hmu tawh miah lo ang .










Ka ring dawn che a ,fimkhur takin han che la dam takin lo let leh ang che. Hetah ka lo nghak reng dawn che a nia " tiin a awm ser lai chu ka chul hauh hauh a ,ka chungah rawn mu kaiin ka puan chu a phelh a ,thaw ham hamin a hnungah chuan nghet zetin ka kuah a ,ka ke chuan ka kherh chial bawk ” Ka hmangaih che Saithanngur" tisepin a hmuiah chuan ka fawh sak vawng vawng a ,engtiangin nge a rawn haw dawn ka hrelo va . Engtikah nge kan inhmuh leh ang tih lah ka hre hek lo .








Chuvang chuan ka kianga a awm lai hian hlim taka awmdun ka duh a ni . Pasaltha te nun tawi zia an sawi ka hre fo va ,chungte ang mai chuan rawn kir leh hun nei lova khawi emaw a a thih bo mai ka hlau a ni . Ral hmatawngah a tan ngei a ngai dawn a ,midangte ai a thawhrim a ngai dawn tih lah ka hre hek lo,ka mittui luang ngiai ngiai chu rawn hru in a che na sauh va . Ka bula a rawn leh thlak hnu chuan min kuah lehnghal zat ” I tan leh kan naute tan ka lo kir leh ang tih ka tiam a che ,in tan ka bei anga in tan vek ka rawn kir leh ang" a tihchuan ka bu nghauh nghauh .








A awma bei chial chung chuan ka mit ka chhing riai riai a ,a tuk zingah chuan tho in a faisa ken tur vel chu ka siamsak mawlh mawlh a ” Ka pa ,ka awm loh chhungin ka nupui hi tha taka in lo enkawl ngei ka beisei " tiin a pa bula ding chuan chiang takin a enkal a ,a pa chuan engmah sawi lo in a lu a bu nghat ringawt. A nu zawk chu rawn inrawlh thuaiin tha taka min enkawl tur thu a sawi takah chuan Saingura pawh a ngaih a ngam ta nge laltuala ral do tur an rawn pun khawm takah chuan a pa nen chuan an chhuak zui a.










Lalpa thusawiah chuan tlangval ho chu an au leh dur dur thin ,an vaiin an kal dawn lova . Mi 100 bawr vel chiah kal tura in ti in midang zawngin khua hi an veng thung dawn a nih hmel,ni e an vaia an chhuah bo chhungin khua hian buaina kan tawk thut ve reng si a . Hmanlaia ka awm meuh chuan mipa te lo huaisen zia ka hriat belh zel a ,tunlai mite nen chuan an inthlau tak zet a ni . Tunlai mite chu incheina leh midang sawiselna chiah buaipuiin kan hman hlel a .







Mipa lah mahni nihna ang lo in an awm chho va ,thenkhat lah ram humhim aiin awm hmun atanga huaisen tawk chauh kan ni zel tawh mai si . Social media a pawr em em a taka dawih leh si te kha heng pipute ti a kan hriat mi pasaltha te hian han kai hruaiin han chenchilh ve sela ka duh takzet . A chang chuan kan tunlai changkanna hian min tichhia ka tizawk thin,kan hnam nundan dik tak theihnghilhin hnam dang tihdan kan entawn nasa tawh lutuk a . Mizo hnam nundan leh tlawmngaihna te an bo zo ta mek a ni si a .









Heng raldo tura awm khawm,ram leh hnam humhim nana mahni nun chan pawh huama thawk chhuak tur te hi tunlai huna awm atan ka awt a ni . An ni chuan an hnam phatsan a ,hnam dang kuta hlan ai chuan luchhum banchhum huamin an lo humhim tawk tawk a ni si a ,a hmuna ka awm chiah hian ka hrechiang leh zual a ni . Ai a upa an zahna ang te hi tunlai thalaite chuan nei kan vang tawhin tlawmngaihna lah a bo zel bawk si .







An kalliam chu ka thlir a ,tisawn hlim takin thihna lam an panlai pawhin an la awm thei chu a ni si a . Kan tunlai khawvelah han awm sela,kan incheina chu sawiloh kan nundan hrim hrim hi mak an ti awm mange. “ Dam takin lo let tir leh rawh aw " tiin vanlam chu ka en vang vang a ,a awm lo chiah chu ka ruak huaiin ka hria . Ka mittui chu nuai nak nakin inchhungah chuan ka lut zui a ,ka nu chuan min kawm hlim a tum nangin ka hlim thei meuh lo .








Chaw te chu riltam dalah ka ei ve mai mai chauh a ni. Ka pa erawh chuan min biak pawh a tum lem lo,ka dem lo a fapa tan em chuan ka hniam lutuk a ti te pawh a niang . Ni chu a liam ve bek bek a ,ni thum ni ah pawh ral do a chhuak te reng hmuh tur an la awm lo ,upa ho in eng em an tilo turah ngai ang an tih avanga la chi ai lutuk lo mai chauh ka ni . Khaw kar a inhlat lo va ,nikhat vel kal lek a ni si a .








Ni li na tlaiah chuan khaw chhunga rawn ri lut te avang chuan pawnlamah ka tlan chhuak vat . Raldo a chhuak ta te rawn kal mek leh an hnunga mipuiin an rawn zui ka hmuh chuan Saingura hmuh tumin ka ring ka fan a ,mahse ka hmu thei mai lo . Bungzawl lal chhungkua ni ngei tur chu hma ah an rawn kal a ,ka pa chuan alo be nghal thuai bawk . An lalfanu chuan min en vang vangin ka dul chu a en leh a .







A hmel ah chuan eng emaw a lang zawk mai ,midang chu an rawn thleng kima Saingura ka hmu ve chuang lo,lalpa in an chin sawi tura pasaltha Chhunkima leh Val upa Dailova te a sawm takah chuan mipui chu an ngawi thiap a ,chutah an ral nawr dan leh Saingura remhriatna avanga hnehna an chan thu leh Saingura ral beih thiam zia te chu an sawi dap dap a .







Thil dang an sawi leh hma chuan ” U Dailo,khawiah nge ka pasal" ka tihchuan raldo ho hmel chu a ngui nghal nghiai mai ,u Dailova hmel pawh chu chawp leh chilhin a inthlak a ,ka pa pawh chuan a fapa chanchin chu a lo zawt ve nghal zat ” A pawi kan ti,ramhnuaiah tlanchhe ho a umzui a ,kan thlen ve meuh chuan engkim a nih tur ang a nih tawh bakah an hmelma pasaltha ruang an hmu a ,Saingura erawh an hmuh zawh loh thu an sawi chuan min deng dawt mai .








“ A pawi kan ti ,kan zawng nasa a mahse kan hmu zo lo a ni,lalpa i fapa kan venghim thei silo,hrem tlak kan ni e " a tihchuan ka pa pawh chu a fapa chanchin a hriatna chuan a ti hamhaih hle a nih hmel . Kei erawh ka buai nghal vek ” Dawt,a lo haw leh dawn a lawm. Min tiam vek tawh,in hmuh hmaih a niang,ramhnuaiah hliam tuarin a tlu mek awm si a , nilo a ni theilo" tiin kawtchhuah lam pan chuan ka tlan dawr dawt a .







Ka nu leh pa min kohna pawh chu ka chhang thei tawh lo “ Saingur,Saithanngur,khawiah nge i awm ? Min tiam vek tawh kha ,kawtchhuaha i bawhhla chham ri ka lo ngaichang a sin,mahse tinge ilo haw veleh siloh . Khawiah nge i awm " tiin kawtchhuah atang chuan ka au vak vak a ,ka tap bawk . Khaw mipui te chu rawn kal ve in min tah hawm hawm a .







Kei erawh mumal ka nei thei meuhlo“ Zaleng dang te hlim ten kan vangkhua an lawi lut a,chhungkim ten hlimlai par an tlan ,mahse khawiah nge ka di ve kha ,lam ang let biahthu min tiam,mahse sakhmel tawn tur awm ve silo,a biahthu nghakin a thai leh hrailengin nitin an thlir ,sakhmel tawn tur zuapa a awm ve ta silo,Saithanngur,khawiah nge i thusawi zawng zawngte nen khan i awm tak? Him taka rawn let turin min tiam a ni lawm ni.








En teh,i thiante an tana i beih Bungzawl mite an rawn lawi lut a ,khawiah nge nang ber i awm leh si . Tinge ilo lan ve loh,he khawtlang nghawr a i hnehna rawn au pui nghakin ka lo thlir che a sin. Hei hi maw i hnehna chan na chu,tinge ilo kal kher kher ni,engvangin nge min hruai tel ve loh? I tello in kei leh i fa hi engtin nge kan awm ve ang,tu thlazar hnuaiah nge kan awm tak ang " tiin ka tap hawm hawm a .







Mipui lam pawh chu insum thei awm lo in an lo tap chhuak ve rawih rawih a ,ka nu(amah enkawltute zawk kha) chuan min kuah pahin a tap ve hlawp hlawp a “ Nu,a tello in engtin nge kan awm ve ang le,naupang te in fam a chang ta hi ka awih theilo" tiin ka nu chu kuahin ka tap hawm hawm reng a ,lalnu pawh chu kan bulah rawn thu in a tap ve bawk . A niin a fapa a chan a ,keiin ka pasal leh ka hmangaih ka chan ta si .








Bungzawl lam pawh khua ah chuan awm zui a ,Bungzawl lalfanu leh ka pa inkawmngeih lutuk te chuan ka luak ti chhuak hle mahse ka pasal bak ka ngaihtuah theilo,nitin kawtchhuahah a lo lan ve mai ringin ka awm ziah a . Mahse kar khat a liam hnu pawhin rawn haw tih reng a nei silo,thenkhat chuan ka át phah emaw tiin min sawi sep sep reng a ,engah mah ka ngai duh lo mai a ni .








“Lengzawngte chu a kawpten an hlim ngei mai,mahse i tel ve silo ,khawnge maw i awm le ,aw khawnge maw i awm le ? Tlai ni tinin ka zawng thin che a ,tawn ni reng i awm silo aw...khawnge maw i awm le " tichuan ka au chhuak rawih rawih a “ Zing tin,tlai tinin hetah ka lo nghak che a,ram lam atanga i rawn lan thut ka la ring fan a sin Saingur,i lo kir ve tawh dawn lo em ni ?






Aw tinge i hnenah min hruai ve mai loh le? Ka ngai lutuk che a nia Saingur,rawn haw ve tawh rawh . A rei tawh emai,ka lo haw leh vat dawn i tihkha ,lo haw tawh rawh . Lo feh haw karah te hian i rawn lang dawn emaw tiin ka lo en thina ,mahse tinge i hmel reng hmuh tur a awm ve loh" tiin ka tap chhuak rawih rawih a ,feh haw min hmu ho chuan min hnem an tum ve tak nangin a mah chauh lo chuan min hnem thei lo tih ka hrechiang si .








Zan thleng chuan ka nghak leh reng a,rannung hram chauh lo chu hriat tur a awm lo,thawk leh khatah hnung lam atang hian min rawn tuk thlu tawp a . Ka khawhmuh a thim nghal hmak bawk ,ka harh leh chuan khawiah nge ka awmna ka hre mai hauh lo,mipa pali hian min lo hual thap a ,kan khaw tlangval te tih ka hre nghal ” Engvanga hetianga min tinge in nih" ka tihchuan an in melh zauh hlawm a ..







“ Lalpa thupek angin khua atanga hnawh chhuah ini,khaw chhungah i rawn let emaw i duh lo a nih chuan nang leh i naupai hi that tura thupek kan ni ,chuvang chuan helai hmun atang hian kal bo la rawn kir leh tawh suh. I fa humhim i duh a nihchuan " an rawn tihchuan ka mittui chu a luang lehnghal ngiai ngiai,ka pa chuan heti khawp hian a nimaw a mo hi min lo huat a “ Engtin nge in tih theih zawk,Saingura a lo let hunah min hmuh loh chuan a lawm hauh lovang" ka tihchuan an in en leh zawk a .








“ I pasal chu a thi tawh,tin he thil hi kan duh vang a ni bik lo,mahse kan himnan kan tih ngei a ngai si a ni . Hei hi la la ,kal bo zawk rawh . Lal thu kan hnial theilo " tiin min kalsan zui a ,ka awmna chu enkualin ka hre hauh silo ,ka ei tur an dah chu en vang vangin ka in sut leh hlap hlap a “ Saingur i tello in engtin nge ka awm ang le,en teh i pa ngei chuan khua ata min hnawtchhuakin kei leh i fa ngei pawh hi min thah a duh a sin " tiin ka hmalam pan chuan mittui nen ka pen chhet chhet a .










Chutia ka lo awm lai chuan Vara a rawn lang hlawl mai ,ka kuah nghal thlawp “ Pukah khan min hruai thei angem,ka naute hi mihring te karah a piang theilo ang ,i hrethiam tiraw ?" ka tihchuan a lu chu a tiche zauh a ,a bawk hniam nghal bawk . A chungah chuan chuangin ka bawh hnak a ,ka mittui chu a la luang zung zung bawk,puk lam pan chuan muangchangin min tlanpui a ,naupai ka mi tih a hriat vang te pawh a niang . Ka nau a hram tawhin mihringte bula ka pian tir chuan a pa nihna an hriat palh ka hlau a ni ber .





(NILAI ZANAH LAST KAN TUM DAWN NIA)



Link:
BBcode:
HTML:
Hide post links
Show post links

mawitei bawihtlung
Posts: 790
Joined: November 18th, 2020, 12:53 pm

Unread post by mawitei bawihtlung » August 23rd, 2023, 8:46 pm

PASALTHA SAINGURA .






CHAPTER 14 (LAST)





SAINGURA POV...







Hliam che theilo a ka awm hnu ah lasi te puihna avangin kan khua ngei ka rap leh thei dawn chu a nia,kawtchhuahah chuan dingin ka nui suk a . Ka nupui hmuh hlan mawlh ka nghak hlel,thlahnih chuang ka awm loh hnuah ka haw leh dawn chu a nia,engtin tak awm ang maw . Khawchhung lam pan chuan ka kal zui a ,min lo hmu apiang chu mengkawk kawkin min rawn zui nghal duah duah. Ka la dam chu mak an tih thu an phun chhuah pui sup sup a .








Kan in tual ngei kan thlen takah chuan ” Ka pa,Nunpui ka lo haw e " tiin ka au a ,inchhung lam chu a rawn ri rawk rawk mai. Ka nu leh pa rawn lang chu ka nuihsang a ,ka nupui hi a buai nge ni anga min hmu hreh zawk “ Ka fapa ilo haw chu ka va lawm em " a tihzawh rualin inchhung lam atang chuan Bungzawl lal nupa leh a fanu chu an rawn lang zui a . Ka en ngur ringawt ” I la dam hi ka ring reng a ni ka fapa ,mipui te nen hian i chanchin kan hre chak hle mai .









Min han hrilh ta che " ka pa in a rawn tihchuan leika ah chuan dingin ka chanchin chu ka sawi a ,ngaihnawm ti tak chuan an lo ngaithla dauh dauh mai . Ka sawi zawh rual chuan inchhung lam ka en a ,ka ngaih a tha tawh meuh lo “ Ka pa khawiah nge Nunpuii" ka tih chuan mipui ho hmel leh ka nu leh pa hmel chu a inthlak nghal thawk a ,mipui lam rawn tap an awm avang chuan ka ngaih a tha lo zual “ Ka pa ka zawh che chu khawiah nge ka nupui a awm?" ka tihleh chuan upa Khuma zawk chuan min rawn panin a mittui tla ka hmuh chuan thil dik lo a thleng tih ka hre nghal .









“ Lalfapa ,kan fanu khan i thi anga a hriat avang khan a a vek a sin,nitin kawtchhuahah sawn a nghak che a . I la dam ringin a nghak reng che a sin,kan fanu khawngaih thlak kha ,keini lahin kan awmpui hman reng lo nen tlai khat a nghak leh che chu khawthim hnu thleng kawtchhuahah khan i haw hun nghak in a awm a ,kha mi hnu atang khan tumahin kan hmu leh tawh lo . Kan zawng nasa tawh a ,mahse hmuh tur reng reng a awm lo " a rawn tihchuan ka nghing dawt mai .








Ka pa hmel chu chiang takin ka en a ,a hmel tlanchhe dui avang chuan ka rinhlehna a zual sauh,a ni hian Nunpuii kha tha takin a be ngai lova ,a monu a tan a pawmloh zia kha ka hrechiang hle bawk . “ Engthil nge a chungah i tih?" tihrawkin ka pa chu ka hnaih a “ Ka fapa i pa hian i nupui chu ka dah bo a nih i ring em ni?" a tihchuan ka melh rum zual sauh . Ka pa chu nilo se kut ka thlak duh ngei ang ,a hma ah tak chuan dingin ka melh run a .








Ka nu lah chuan hriat thiam loh hmel zetin min en tawn thung” Saingur i pa khan engmah a tilo ang,keini pawhin kan hriatpui a lawm " Bungzawl lalfanu chuan a rawn ti a . Ka nui hak ringawt “ Ka pa i sawi lo a nihchuan ka chhui chhuak leh dawn tho tih i hriat kha" tiin ka vin khur khur a ,chutah rawn in hum ruhin “ Aw ni e ,a ni kha ka monu atan ka pawm theilo a ni. Bungzawl lalfanu hi i nei khawp ang" a tihchuan ka nui ro hawk .








“ Hmingchhuani hi i duh viau chuan tinge i neih mai loh ,keichuan ka pa tih che pawh hi ka duh tawh love . Vawiin atang hian i fapa ka nihna hi ka ti tawp ni rawh se " tihrawkin ka inher a ,ka nu pawh chuan ka pa chu mak tizet hian a en a “ Nangmah maw ni a ,pa a eng iti zo ta nge . Aw Nunpuii kha a naupai rit nen engtin nge i tih,tinge hetiang khawpa i nunrawn tak mai " tiin ka nu chu a tap hawm hawm a. Ka pa erawh chu ngeng ngulhin ala ding ringawt ” Lalpa ka lo zah viau thin che a ,mahse ka fanu chunga hetiang iti hi ka lungawi lo takzet a ni .








Vawiin atang hian upa min nihna pawh hi ka chelh thei tawh lovang,khua hi kan chhuahsan ange " upa Khuman a rawn tihve chuan mipui pawh chu an phun mur mur a ,upa Khuma te ruala chhuah tum an awm nual takah chuan ka pa chu a rawn au chhuak vat “ Mipui te u min ngaidam teh u,ka sailo lunglian hi ka lo insum hman thin lo a ni. Nunpuii chu ka that lova , a awmna erawh ka hrelo a ni . Tlangval pali te kha dah bo turin ka ti a ,an ni chuan ramhnuaiah an hnutchhiah ta a nihkha .







Upa Khum nangpawhin min ngaidam hram teh,ka lo tisual a ni . Nunpuii kan hmu leh thei a nihchuan a hnenah pawh ngaihdam ka dil ngei ang,khawngaihin min chhuahsan lo hram rawh u . In tello chuan he khua hi a ding theilo tih hi ka hrethiam ta ,min ngaidam mawlh teh u " mittui nen a tih takah chuan mipui ho pawh chu phun leh mur murin upa Khuma bawk chuan “ A tha e ,khua chu kan chhuahsan lovang .








Mahse upa ka nihna erawh chu ka kalsan tho ange ,kan fanu lal chhungkaw tana hniam chu keini a nu leh pa pawh lal chhungkaw tan chuan kan hniam lua a ni " tiin an nupa chuan rilru na zetin an kalsawn zui a ,ka pa chuan min rawn en in mittui tla zawih zawih chuan ngaihdam min dil a . Ka chhang lo ka en reng ringawt ” Ka fa leh ka nupui chu thi turin ilo hnawtchhuak amaw ? Ka pa i fapa hlimna chu i duh lo a maw? Ka kal dawna tumahin min zui suh se .







Keimah ngei hian ka nupui leh ka fa chu ka zawng hmu leh ngei ang" tiin inchhungah lut in buhfai chu tha hnem tawk tak akin kawtchhuah lam bawk chu ka pan zui a ,ka let har lutuk leh kha pasaltha vanga hetianga kan awm hi ka thinrim hle bawk . Ka hnung lam atanga min kah avang khan khamah ka tla a nihkha ,lasi te puihna azarah ka dam chhuak mai chauh a ni . Ramhnuaia puk lam kha ka pan leh tawp a ,khatah khan a awm ka ring tlat bawk .







NUNPUII POV.....







Ka pum lian tawh zet nen chuan puk kotlangah chuan thu in ka hawi kual a , Vara sa rawn hawn leh thei ka hmuh ang ang eiin ka puar khawp chu ka nei ve thei zel a . Saingura ka ngaihtuah chang erawhin ka mittui a tla leh thin,tunah chuan pialralah a awm tawh ngei awm si a ,ka pum chu chul hauh hauhin “ I pa ang maia hmangaihna ngah leh pasaltha ni turin mipa ah ngei rawn piang rawh aw " tisepin ka chul hliau hliau a ,ka sir a thil rawn ri buan buan ka hriat chuan rang zetin thawm rawn chhuahna lam chu ka en a .











Vara a nih ring chuan ka lo chang ran mai,mahse hnim kar atanga a rawn chhuah rual chuan ka mengkawk,ka hma a chinghne dum rawn lang chu ka en a . Ka mittui chu a luang nghal ngiai ngiai ” Ka mumang em ni? Ka mumang a ni ngei ngei ang " tireng chung siin ka hnaih ve zel a . A bul hnai ka thlen rual chuan mihringah rawn in let ruai ruaiin a thi ti a an sawi ka pasal ngei chu ka hmaah dingin min kuah nghal chawt . Chuveleh ka tap chhuak nghal hawm hawm a .










“ Tinge ilo haw har em em a ,ka lo nghak reng che a sin,Saithanngur engvangin nge i thutiam hunah i rawn let loh" tiin a awmah chuan ka hmai nawrin ka tap chhuak hawm hawm reng a . Duat taka ka sam chulin min kuah hlu hlu ringawt” Ka tihpalh,ka hliam nen in enkawl chhung a rei si a ,ka lo let mai theih loh avangin ka tihpalh. Tun atang chuan ka kalsan leh tawh lovang che u " tiin puk lam pan chuan min kalpui a ,puk chhunga ka mutna ah chuan min dah in ka ke chu a chul nghal hauh hauh mai.








Ka ke a vung tih ka lo hre miah lo,“ Tinge i in enkawl that loh,lo in enkawl tha la kan naute lo enkawl tha rawh ka tihkha " tiin a rawn dak chhuak a,ka mittui la luang ngiai ngiai reng chu rawn hru in ka hmuiah chuan a rawn fawp vawng vawng a . “ I....I ..pa" tiin ka sawi zawm theilo chu ka inhnit leh hlap hlap a ,a awmah chuan bei in ka kuah nghet sauh sauh ringawt “ Engkim ka hria e ,chuvang a lawm ka rawn let ni la la a ka rawn zawn che ni . Tunah chuan ka awm tawh a .








Tumahin ka lak atang hian an la bo leh tawh lovang che " tiin ka pum chu a rawn khawih zauh va “ Khua ah let ka duh rih lo,hetah awm ka duh kan pahnihin kan naute nen,i pa khan kei leh ka naute hi min thah tir a tum a sin" tiin rilru na zet chuan ka en a . A ni pawh chu a inseh ruh tawlh tawlh mai,“ Mai mai chuan ,hetah kan awm ang. Kei ka awm chhung chu tumahin ka fa nen hian an tina leh tawh lovang cheu " ti a a sawi lai chuan Vara rawn haw chuan a rawn zuan tawp a .







Keipawh chu ka lo nui hak,an unau chuan infiamin ka mut hmun atang chuan ka en reng, Vara kan tana a pawimawh zia leh a ni hi awm lo se dam chhuak tur ka nihlohzia ka hria a ,ka chhungkua ang maiin ka ngai,hun harsa ka tawn a piangin min pui turin a rawn lang ziah bawk a . Saingura chuan zanriah tur bawlin kan sakhi sa rep chu a chhum so barh barh a .







Ka bulah rawn thu in a chanchin chu min hrilh sup sup a ,keipawh chuan ngaihnawm tizet chuan ka lo ngaithla ve bawk . Ka nau neih a hnai tawh bawk nen ka pum chu a na leh zauh zauh thin a,mahse chutianga tuar har khawp chu a ni hauh lo . Chaw vel a hmin rual chuan tui titakin ka ei mial mial a ,Saingura chuan a ti tha tha chu min pe in a ruh te chu min thensak mawlh mawlh a .







“ I la dam tih hi ka awih theilo" tiin ka nui leh hak thin a . Chaw eikham rual chuan seng fel zung zungin min mut luh pui thuai a, Vara erawh puk pawnah a bawk vung thung . A awm ngheng chial chuan ka mu a ,ka mumang mai a nih ka la hlau,nghet zet chuan kuahin ka mut thilh san thei mai lo chu min thlamuanin muhil tur chuan min hrilh leh thin a. A tawpah chuan ka mu ve thei hram ..








Zing ka harh pawha a lo la awm avang chuan nui sen senin a hmai tlang chu ka chul a ,a ni pawh chu a rawn che tual tual mai . Zingkarah chuan infiam dunin kan nui dun hawk hawk reng a,ka hnenah hian awm reng tawh se ka ti tak zet .







Nitin chuan Vara nen chhuak dunin sa an rawn hawn deuh reng a ,thei an hmuh ang ang chu ka ei tur a rawn hawn ziah bawk . Keipawh chutia a rawn let takah chuan ka chaw ei te tui chho lehin ka hmel tla dawk pawh a rawn insiam rem leh tawh a . He ramhnuaiah hian kan pathum chauhin awm mah ila khawchhung ai nuam ka timah zawk . Ka pum riai riai ah chuan pukah ka lut vat a ..








A rawn nat tak em ah chuan Saingura chu ka theih tawpin ka au a ,a rawn lang nghal vat. Ka lo in pet fan fan a hmuh chuan rawn kal hnai vatin ka kut a rawn chelh a ,ka lo hmer nghal vak . San chu pe in min lo fuih ve mawlh mawlh a ,ka thaw hak hak mai “ Tang fan fan rawh aw ,le thawk la vak la han sang leh teh le " a tihchuan a sawi ang chiaha thawk la kawk kawkin ka sang leh vak a ....








Ka thlan te chu a tla phung tawh mai, Vara pawh chu a lo kal kual ve thuak thuak a. Ka nau vei chu a hrethiam a ni ngei ang ,naute tap ngak ngak ri ka hriat rualin Saingura chuan la kangin a hru fai mawlh mawlh a ,kan puan dahsa chuan a tuam nghal zat “ Mipa min hrinsak avang hian ka lawm e ,ka fapa ka hnung rawn zui tu ni ngei ang che " tiin a chawi kang vaw vaw a . Chau zet chuan ka lo nuih ve sang bawk .








Nau te chu ka bulah rawn mut tirin ka chalah a fawp vang vang a ,tui leh puan chu la in a mahin ka nau neihna hliam vel chu min enkawl sak vek a . Zak mah ila amah nen chiah kan awm bakah ka pasal a ni bawk nen ka hnial duh talo,ka fapa hmeltha zet chu enin ka nui sak ,tunah chuan nu leh pa tak tak kan ni ve dawn ta e . Kum 19 ah nu niin Saingura pawh kun 21 lekah pa a ni ve dawn bawk a.








Kan nufa bulah chuan rawn mu in kan fapa chu kan en dun a ,chutia kan en reng lai chuan kan fapa mitmeng chu rawn danglamin a sen ram a ,a pa ang maia chinghne mihring tur a ni tih ka hre nghal . Nui sakin ka pasal chu ka en a ,a nipawh hlim tih hriat tak hian a fapa chu a en vawng vawng mai . Vara pawhin naute chu lawm tih hriat takin a rawn hel ve thuak thuak a ,Saingura chuan a lamah lek kangin Vara pawh chuan a lo hnim ve du du mai









Hun leh ni te liam ve zel in kan fapa pawh a changkang sawt viau mai,u Dovela ten kan awmna hmuna rawn kal a ,lalpa inchhir zia leh keini min hmuh chak thu a sawi chuan ka pasal ka melh vat a . Let chu ka duh reng,mahse ka pasal hian eng ngaihdan nge a neih ka hrelo a ni “ Nunpuiin let a duh chauh in kan rawn let ang" tihmukin lehlam a hawisan hmak a . Tlangval ho in kan fapa an hmuh chuan an hmelah an hlimzia a lang thei hial mai .






Pawm an inchuh nak nak reng a ” Engtiang pawhin lo awm tawh mahse i pa a nihna a bo lova ,inchhira let tur a min duh a nihchuan let ngei tha ka ti,nang i awm tawh a. I pa pawhin eng a tih tawh ka ring lo,an tupa te hi ka nu leh pa pawhin an hmuchak tawh ang " ka tihchuan u Dailoa te pawh chuan an lo tuihnih vat a . Zan chu riakin a tuk zingah chuan khawlam panin kan inzui a .








Vara pawh an hrechiang tawh bawk nen tumahin hlauh enah pawh an en tawh lo . A ni erawh ramhnuai a cheng a ni bawk nen dai thleng min rawn thlahin a let leh a ,khaw chhunga chin hrilh tur a an tirh te khan an lo sawi kual tawh a ni ngei ang . Kawtchhuah kan thlen chuan khaw mipui te leh Saingura nu leh pa bakah ka nu leh pa chuan min lo hmuak a ,tap chungin Lalpa chuan ngaihdam min dil mawlh mawlh mai ,a hmelah chuan a tihtak zia ka hmuh sak thei .







“ Ka pa ka ngaidam daih tawh che a lawm,lungngaih hun a nih tawh loh hi . Hlim takin kan awm zawk tur a nia lawm,en teh u hei in tupa Thansangliana a nih hi" tiin kan fapa chu apa kut atanga la in ka hmuh tir a ,an tupa an hmuh rual chuan ka nu leh pa leh lalpa leh lalnu pawh chu an tapa ,an tupa chu kuah vawng vawngin keipawh chu min kuah ve bawk .







Khaw mipui pawh chu an lo in sut ve hraih hriah hlawm a ,lalpa in khawchhung pan tur a tih takah chuan khawchhung lam pan chuan kan kal zui a ,kan haw leh lawm nan leh an tupa lawm nan a tuk lama khawtlanga ruai theh tur thu a sawi chuan mipui chu an au dur dur a ,kan fapa lah chu kan chang ta meuh lo . A nilah tap duh miah lo ,a mah lawmtu apiang duh thei mi a ni bawk nen nula ho lawm a hlawhin an pawm kual reng mai .








Zanah chuan kan fapa mutthilh hnuah Saingura chu rawn haw in ka bulah a rawn mu a ,a duh ka hre bawk nen nuisakin amah zawk chu ka mut tir a . Zanin chu a theihnghilh theih tawh ngai loh turin chet ka chak riau ,a puan ven chu phelhin ka puan chu ka hlip a ,a chungah chuan zawi muanga thu in ka thut tlum nghal riai riai,a lo rum hawk mai . Kun hniamin a hmuiah ka fawp a ,ka mawng chu tiche in khawvel dang ah chuan kan cheng dun leh ta delh delh a .








A tuk nileng chuan lam thaiin chhepchher leh darkhuang lam nen chuan an ri mup mup hlawm a . Saingura nen chuan khaw lu tlang lam panin kan fapa chu ka pawm a ,dai kan thlen rual chuan chinghniaah in ti changin a fapa nen chuan min phur a ,tlang zawl phul to tiarna ah chuan kan chhungkua chuan infiamin kan nui leh hawk hawk thin,an pafa inchhaih chu enin ka nui var var a “ Pasal neih suangtuah ngai lo leh ngaihtuah ngailo kha thawnthu leh movie vel chiah a kan hriat leh hmuh thin na ah keimah ngei lutin ka chenga.









Ka hmangaih dik tak tawngin fa hial kan nei chu a ni sia,Pathian hnenah lawm thu sawi mawlh mawlhin ka pasal leh fapa lam pan chuan pheikhai zang vahin ka phei a ,min lo kuah nghal run tu chu ka hmangaih thu rilru a sawi mawlh mawlh chungin tlai ni tla tur chu kan chhungkua chuan kan vailiam ta lauh lauh a .




A TAWP TA

(MIN CHHIARSAK TU ZAWNG ZAWNGTE CHUNGAH KA LAWM E )

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)