THE MAFIA KING(18+) BY MAWITEI BAWITLUNG (Completed)

Moderator: writers

mawitei bawihtlung
Posts: 787
Joined: November 18th, 2020, 12:53 pm

Re: THE MAFIA KING(18+) CHAPTER -1 BY MAWITEI BAWITLUNG

Unread post by mawitei bawihtlung » May 8th, 2024, 8:20 pm

THE MAFIA KING (18+)







CHAPTER 16






“Enge i rawn tih dawn" Luciano pangpar nena rawn lut chu ka lo en reng a, ka la dam lo nen damdawiin ka la chhuahsan lova. Dam chiang lova chhuah kha an rem timiau lo “Ka enkawl dawn che mawle, nitin ka lo kal ziah tawh dawn" tiin pangpar chu ka kutah a rawn hmehbel a, ka bulah chuan a thu nghal thak “I mak emai" ka ti ringawta.








A rose par min pek chu ka ngainat chi tak a nih avang chuan hnim vang vangin ka nui ver vera. A hmel ka en rual erawhin ka tum leh nghal hmak “Ali min ngaihdam theih nan theihtawp ka chhuah phawt anga, chu mi hnu pawha min la ngaidam theilo a nihchuan ka kalsan ang che. Tin i dam hma loh chu ka kalsan hek lo ang che, i dam chiang ngei a ni tih ka hriat hma chuan ka kalsan dawn lo che" a tihchuan ka en reng ringawt.








Ka pangpar chu ka mutlohna lam ah chuan dahin “Tinge min tina reng tur chuan min hnaih? Min hnaih tawhlo la ka duh Luciano, ka kut i rahna te min ngaihtuah lek lo a i chet dan thin zawng zawng kha ka mitthla atang hian a reh thei ngailo, ka hua che" tiin ka phun sapa. Ka mittui tla leh tur chu ka khap kir sak sak ringawt, ka kut a rahna ngei chu a rawn dawma. Tunah chuan a hliam a dam tawh nangin ka hre reng lo theilo.










“Ka tihpalh Ali, min kah khan ka thinrim em a ni. Min hmangaih lo niin ka ngai bawka, min kap duh mai khan tun thleng hian ngaihtuahna dang min la put tir fo a sin" a tihchuan ka hmui ka pet zauh va “Min tihdan nen chuan khaikhin suh, tilo theilo va min nawr tu i nihkha, keichuan i thihna tur in ka kap ve lo che" ka tihchuan a rum hawka “Anih leh lo thi ta ila i thusawiah khan i ding ngam chiah ang maw?" a rawn tihchuan ka chhang lo.









“Maw Ali thi ila engtin nge i awm ang, pawi i ti miah lovang maw?" a rawn tih lehchuan a mitah chuan ka melh let kara “Ka hua che, thi tur chuan ka duh chuang lo che. Nang ang ka nilo, inhnial ka peihlo ka chau" tiin a awm lohna lamah chuan inherin ka mit ka chhing hmaka, kan inkar buai nuaih reng hi ka ning tawh takzet. Kan awmdun ve thei dawn lo ani ti a rinna ka nei tawh bawk nen ka chau takzet.









“Ali mu hahdam rawh. Kan inkar buainuaih avang hian i rilru a buai tih ka hria, mahse ka tireh vek ang tih ka tiam a che. Min ring leh a nih phawt chuan, a hma a kan inkar buai nuaih ang kha awm tir ka phal tawh dawnlo, ih chuan Ali hrilh duh che ka neia" tiin a ngawi data. Alam hawi lo mah ila a thusawi chu nghakhlel takin ka ngaithla reng thung.









“Tual thah kha ka sim tawha, ka ti tawh lo tihna a nihchu. Nangmah avangin Christian te Pathian an tihkha ka rin phah a sin" a tihchuan ka inher nghal vat “Engmaw? Luciano i..i ti tak tak em?" ka tihchuan a bu nghuta. “I nunna ka chhan duh si chuan mi nunna ka lak kha ka tih tawp a ngai sia lawm, nang chan che ai chuan ka thil tih tha lo pawh ka sim zel mai ang" a tihchuan ka chhunglam atang chuan ka hlim takzet.









“Ali,min ring leh rawh aw. Ka enkawl che min phalsak rawh, kan pahnihin bei dun ang. A hma anga natna leh hrehawmna ang kha ka pe leh tawh ngai lovang che tih ka intiam e " a tihchuan ka melh ngawt ngawt ringawta. Chhan dan tur pawh ka hrelo,ka ngaidam ang nge ka kaltir zawk dawn? “Ali khawngaihin " a rawn tileh supa, a biangah chuan ka khawihsak ringawt.









“Luciano nang nen chuan awmdun tura ruat kan ni lo ni berin ka hria, ka hlauthawng tawh a ni. Vawitam kan tum tawha, mahse kan awmdun thei tak tak lo" tisepin ka mittui chu ka hru zauh va, “Kan tum dawn a lawm, tun chiah min vuan leh rawh Ali, i tello chuan ka hlim thei chuanglo ang, dawhtheihna leh hriatthiamna nen kal tum ve ang hmiang. Kan tum chuan kan thei em em ang, i hlata awm ka duhlo Alessandra" tiin ka chalah chuan a rawn fawp vang vanga.








Morish te awm ve pawh chu a pawisak hmel loh, a hote laka a inlak thu zia leh a tih thin dan ka hria a, mahse tunah chuan chung ho hmuhah chuan in ngaitlawm takin a awm a ni si a. “Awle, mahse tunah rihchuan engmah ka la tiam theilo che, a chhan chu ka chin tur kan hrelo, ka tihpui theih loh tur che tiam ka duh lo. Nangpawhin min nawrin ka mithmuhah ka duh loh zawng i tihloh hram ka beisei" ka tihchuan a bu nghuta.









Ka kut chu a hum vang vang bawk, ka thaw ham hama. Ka damdawi ei a hun avanga Shawn rawn lut chu a melh nghal ngur mai “Ka nupui hi a tha ang tiraw" ti a a lo zawh chuan Shawn chuan a nuih var vara “A tha chho zel turah ngai ang, ka enkawl mek zel a nia, a cancer chu a reh tawh chuan ka hria a, mahse hmuh loh lamah hian a lo awm leh thei tih i hriat ka ring, chu chu kan ngaichang a ni ber. Chubakah damdawiin chhuahsan tur chuan a taksa ala chak tawk lo " a tizuia.









Luciano chuan a thusawi chu a ngaithla uluk viau mai, doctor tha chah belh a duhthu a sawi erawh ka lo hnial vat thung. Shawna min enkawl aia nasa a min enkawl theih vak bik ka ring lo, a theih tawp chhuaha min enkawlna avang pawh hian Shawn chungah hian ka lawm takzet, a ni hi awm lo se tun dinhmun hi ka thleng hauh lo ang.







Thi lek leka awm tawh kha amah avangin ka nun ka nei let ka tilo theilo, hetiang dinhmun ka thleng leh ringawt pawh hi ka lawm takzet.

NAKTUK ZANAH EMAW ZAWMNA LO DAH KA TUM DAWN A NIA, A TAWP MAI THEI BAWK AW



Link:
BBcode:
HTML:
Hide post links
Show post links

mawitei bawihtlung
Posts: 787
Joined: November 18th, 2020, 12:53 pm

Unread post by mawitei bawihtlung » May 10th, 2024, 8:39 pm

ZAWMNA...






“Ali enkawlna tha ber ber i dawn chuan i dam vat dawn a lawm" a rawn tihchuan “Shawn hi a thiam a lawm, ka dam hunah emaw ka thi dawn a nih pawhin Shawn chiah hian min enkawl rawh se, ani tello se Luciano ka dam tawh lo hial zawk ang tih i hriat kha, amah avangin tun dinhmun hi kan thleng thei a sin. Doctor dang pawh lo awm mahse heating bak chuan min enkawl bik lo ang," ka tihchuan a bu nghat ringawt.








Ka dam vat a duh vang tih ka hria, mahse doctor thiam ber ber te pawh hian nunna chungah hian thu an nei bik silova, thenkhat hi chuan kan beisei sang mah mah zelin ka hria. Kan nunna chunga thu neitu chu Pathian a ni tih kan hre leh thin lo lai hi kan beidawn phah fo na leh doctor te kan dem nasat phahna ber a niin ka hria, Luciano ngawi ngar chu a kut ka hum saka.









“Ka tha alawm, min ngaihtuah lutuk suh. Shawn an a sawi ang khan ka dam zel ang tih ring rawh, keipawhin ka awmdanah hian ka hria a lawm, siamtu hian min pui zelin ka ring a ni. Nangmah vang pawhin ka chungah engthil thalo mah a thlen tir tawh lo mai thei a sin, hlauthawng lutuk suh. Ka chungah engpawh thleng se keichuan lawm takin ka pawm mai ang" tiin ka nuih sen sena.









Ka kutah chuan a rawn fawp vang vang mai “Keimahin ka pawm theilo alawm, chan che ka duhlo Ali, ka hmuh phak lohah awm turin ka duh lo che, ka thi thei mai ang" runthlak lutuka a rawn tihchuan ka melh reng ringawt. Min hmangaih tihchu hre mah ila hetiang khawp hian min hmangaih ang tih ka ring pha lo “Luciano chutiang sawi suh, ka tello in awm theih tum zawk tur i nia sin" tiin ka thu chhuaka.










A hmaah tak chuan tawlhhnaiin “Engpawh ka chungah thleng se nangmah i inti chhelo ang tih min tiam rawh" ka tihchuan a lu a thing nghal nawk nawk “Ka duhlo, dam la a nimai. I dam tur a ni ringawt, thihna lam thu hlir kha sawi suh. Shawn pawhin i dam tur thu a sawi vek tawh, Alessandra min kalsan chu em ni i duh ber" lungawi lo lutuk chuan a tichhuak hrawka, ka en reng ringawt.










Ka thi ngei ngei dawn tih ka sawi theilo va, ama nun hlut turin ka duh a nimai zawk si a. “Chutiang pawh a nilo, khatiang lam kha sawi tawh lo ang,um inah te hian haw ve i tum lo em ni?" ka tihchuan “A haw duh hleinem, he damdawi in neitute pawh a vau veka, tumahin an hau ngam tawh hleinem" Shawn an a rawn tihchuan Luciano chu ka melh ngheka “Ka vau lo, ka awmpui duh che a an mahni in min biak leh kawm phet an tum a nihkha" a rawn ti bul hmuka.










A buaithlak thin teh e “Awle intihfai ka duha, min pui dawn em ni Luciano" tiin ka bana venflon an vuah chu ka melh zauh va. Min rawn pawm tho in bathroom lam chu min panpui nghal zata, inbualfaiin ka kut erawh uluk zetin ka tifai thung. Luciano lah chuan min veng run mai bawk nen muangchan chi pawh a nilo, ka chhuah rual chuan min pawm leh kher a tuma, ka dang nghal vat “Ka ril a tam he damdawi in thil nilo ka ei chak, min rawn lak thei angem, pisto ka ei chak lutuk" ka tihchuan Morish zawk chu a tir leh zaiha.











Hepa inti thu thei lutuk hi chu aw “Hospital bulteah restaurant a awm renga, nangmah kha kal mai tur che a nia, sual thiam thei lutuk" tihlakin khumah chuan ka thu mu a, ka phone chu ka hmet mial mial mai. Ani erawh ka bulah thu in laptop ah thil a chhu mawlh mawlh thung, a ngaihtuah muk hmel danah a pawimawh viau a nih hmel, Morish rawn lut chuan thei tui bakah ka pisto duh ngei mai chu a rawn chhawp nghal mawlh mawlha.










“Morish i zawh leh i duhzawng eila inlamah lo va haw ang che. Midang an ngaihtuah awm, ka rawn koh loh che chuan rawn kal a ngai tawh lo ang, Ali a that hma chu ka awmpui dawna, thil pawimawh a awm chuan min rawn hrilh mai dawn a nia " tiin ka ei tur chu a rawn tem ve nghal zat “I zaklo lutuk" ka tichu a lawm loh hmel ngei mai, Morish a chhuak tawh bawk nen min si chet chuan a rawn thu a.










“I uikawm lutuk, atam em kha i pumpui tet tet nen ka ei ve tho ang, ka lei tir ania ka thuzawk, khawimaw Ali ka ril a tam ania ei vat ang" tiin spoon chu la in a hawp nghal hlak hlaka. Hau tawh bik lo chuan ka ei ve leh mai bawk, kan eizawh meuh chuan ka puar tha viau mai, Luciano chuan ka pumah a chul hauh hauha. Kei erawh ka puar bawk nen Luciano awm ngheng chuan ka thaw hle hle a.










“Ali min nei leh duh angem?" a zawhna avang chuan ka phu deuh zawka. A aw atang pawh chuan a ni pawh a zam hle tih ka hre thei “Luciano mahse a hma anga kan buai leh ka hlau, ka...ka na leh ang tih ka hlau ani. Min ngaihsak leh lo vin i awm anga, hmeichhe dang nen khatiang tawng leh tur kha chuan ka thei tawh lo ang " zawite chuan ka phun sap sapa, a ni pawh a insangmar deuh tung mai.










Kan inneih atanga reiloteah kan fa kan chana, tunah hetiang dinhmun kan thleng leh bawk nen ka hlauthawng lo theilo. “Ka hria a lawm, keimah vangin nau i chhiata, keimah vang bawkin i nunna der thawng ah a awm a, mahse Ali ka hma ka sial nge ka kaltir thei lo che a ni. I kiangah ka awm loh chuan ka buaia, engmah ka ti theilo, ka tawn hma che kha chu nise ka awm thei ang. Mahse ka tawn hnu che hi chuan i tello chuan engmah ka ti theilo" tiin ka khabeah chuan a rawn vuana.









Min kuai dak nghal bawk, a mitmu paw ramah chuan ka melh let kara “Min hmangaih takzet em?" chu thil chu hriat nawn fo ka duh “Ka nunna ai pawhin ka hmangaih che Alessandra, nangai mamawh ka nei ngailo, nitin hian ka ngaihtuah che a i na hmel ka hmuh a piang hian mahni inthiamlohna in ka khata, ka na ve thin. Mahse i hrethiam lo ang tiraw? Ka rilru i tihbuai zia hi i hre lo ang tiraw" tiin ka nghawngah chuan a rawn fawpa.








Ka thaw ham ham mai, mi a tawh a piang hian ka danglama. Ka taksa hi a fanchhuak vek a ni ber mai, ka lakah a inpuanga. Dawt a sawi loh zia chu a mitmeng leh chetzia hian a tilang chiang viau bawk, tin dawt a sawi ngai loh zia leh dawt a huat zia ka hria a, ka ringhlel phallo a ni ber mai “Keipawhin ka hmangaih takzet che Luciano " tiin a biang tawn tawnah chuan vuanin a hmuiah chuan ka fawhsak nghal vawng vawng mai.









Ka rilru kam tu leh ka hah rukna te kha an bo duak nimaiin ka hria a, ka zâng huai mai. Luciano nen chuan nilengin kan infiam duna, ka duhzawng hlir min tihpui avang chuan ka hlim hle bawk, amahin a tui chiah loh pawh ka duh zawng a nihchuan engmah sawiselna neilo in min tih pui zela, ka nui ver ver reng mai. Ka harh chhuah loh chhungin a inthlak danglam nasa hle tih ka hre thei.







Chuzawng aia ka lawmna chu a nuam tih em em mi nunna a lak thin a ti tawp hi a ni. Ka tana a thil tih ngaihtuah hian engtin nge ka lo induh khum reng bik ang ni.



SUNDAY ZANAH CHAPTER THAR AW,A TAWP IN LA PHAL SILO VA PHUAH BELH DAN TUR LO NGAIHTUAH ANG :lol:

Link:
BBcode:
HTML:
Hide post links
Show post links

mawitei bawihtlung
Posts: 787
Joined: November 18th, 2020, 12:53 pm

Unread post by mawitei bawihtlung » May 12th, 2024, 10:06 pm

THE MAFIA KING (18+)






CHAPTER 17







“Luciano khati vut vutin kal suh ka chau a nia" damdawiin ka chhuahsan ni a ni a. Luciano lah a phur bawk nen engmah ngaihtuah lo in a kala, min hnuk a ni hrim mai. Ka kutah a kai tlat bawk nen ka tlan hi a ni ringawt “Sorry i dam tih ka hriatna hian min tihlim em a ni. Damdawiin kan chhuahsan ringawt pawh hian min tihlim " a tihchuan ka nuih haka.








Hospital kawtah chuan reporter an lo awm leh teuh tawh mai “Mr King miss Smith kha a dam tawh tihna em ni? In innei leh dawn nge?" tihvel chu an rawn zawt sup supa “Tun bak hi chu ka chhang lo ang che u, ka nupui nen hian kan inthen lova, inthen pawh kan tum hek lo. Inneihna pawh a hma ai ropui in kan tinawn leh dawn tih ka sawi e, tin tun bak hi chu min tihbuai loh theih chuan kan lawm hle ang. Buaina kan duhlo va, ka nupui nen hian hahdam taka awm kan mamawh tih in hriat ka beisei" tiin a chhanga.









Morish car kawngkhar lo hawnah chuan min thut luh tirin Morish erawh in kan bungrua te car hnung lamah a dah thung. Camera lah chu a la de chuai chuai a, reporter ho hi chu an ninawm lek lek thin, tuma ngaihven loh hian awm ila nun hi a hahdam zawk ka ring hial mai. Luciano dar chu nghengin ka mit ka chhing diar diara, a ni erawhin ka kut a hum run thung.









“In thlen vat ka duh, ka chau" tiin ka ham bai baia, ka beka a hmui rawn nawrin a nui huka “Ka che na deuh i tihna em ni?" ka bengbulah chuan a rawn phun supa, a tawng zawng chuan a thaw lum hak chuan ka beng chu a ur lum ham ham mai. Mengchhuakin ka melh kara “I hur" ka ti vak chu Morish nen an nui huk a nihchu, an va han ngeiawm dun tak.








Ni e nizanah khan doctor te dan bawhchhia in kan muduna, a dang chu sawi kher lo mai ang. Luciano che duhthawh lutuk kha hmutu awm se chuan an râp hial ang. Kei atan erawh hlimna a ni thung “Ali, nupa nihchuan khatiang chu a ngai a lawm.Hur in tih ngawt loh tur, mihring chuan chakna kan nei vek, kan inthup thiam avang maiin midang insum theilo te hi hmuhsit bawk hek loh tur " tiin ka chalah chuan a rawn fawp vang vanga.








A sawi dik viau mai, in ngaizawng sex hmang lo hi an awm lovang tih theih a ni. American ho phei chuan engah an ngaih vak tawh loh hi maw “Ka hmangaih che " ka tihchuan min rawn ti let ve nghal vata, a darah bawk chuan bei lehin ka ham leh bai bai mai. In kan thlen takah chuan ka en vang vanga, he in ka awm hnuhnun ber te chu ngaihtuahin tuna kan awmdan ka ngaihtuah leta.









Lu thing nak nakin Luciano kut rawn phar chu ka vuan nghal vat. “He in atang ngei hian hlim takin i awm tawh ang tih ka tiam a che, Alessandra ka tihnatna che kha ka tireh vek ang tih ka tiam a che chuan hei vang pawh hian ka tihpalh" tiin ka kut min rahsakna chu a fawp vang vanga, ka kut a rah ber kha inthiam lo in a awm reia, tun thleng a hrehawm tihzia a sawi reng zel.







“Daisy emaw hmeichhe dang tupawh awm tawh suh se, i lung pakhat phut chhan ngei kha nih ka duh, thinlung pakhat tan hmeichhe pakhat chiah a awm tur a ni. Chu mi ngei chu ka ni duh bawk" tiin a awmah chuan ka bei chiala, maid ho chuan chibai min lo buk sap sap mai. “I ni reng tawh ang, ka thawk lakna i ni a ka thisen zam i ni bawk, i tello chuan ka kimlo tih hre reng ang che " tiin min pawm nawlha.










“Eitur chu in peih tawh em"? a tihchuan maid hi chuan an peih tawh thu in an lo chhawn thapa, kan haw dawn tih a sawi lawk bawk nen chaw ei dawhkanah chuan eitur tui hmel tak tak alo awm hnur mai, khati khawpa kan awm hnuah tun dinhmun kan thleng leh chuan ka lung lam lam a tichhe thei nia, chaw chu eiin ka ngawi ngara, hetianga hlim taka kan awm lai hun kha kha hrehawmna ka tawh lai ai khan a reilo zawkin ka hre hial mai.









“Ali i tha em?" Luciano chu ka melh zawka “Um.. hetianga kan awmlohna hi kum tam tak liam tawh ang mai niin ka hria, mahse ka tha a nia. Hetia nangmah nen chiaha chaw kan kil leh thei hi ka lawm lutuk" tiin ka tah nuih haka, ka lamah rawn kalin min kuah bet nghal vat. Ka tah chhuah em avang chuan ka in sut hraih hraiha, ka chunga a thinrim lai kha ka ngaihtuah lo theilo, tunah lah hlim taka kan awm leh si chuan min tilungchhia a.










Ka tap lo theilo “Min huat lai pawh khan ka thlahlel ngawih ngawih che a, Chuan..tunah tihian in ngeih takin kan awm leh thei hi ka mumang emaw ka ti fo thin, min...min kalsan tawh miah suh aw, ka chungah i thinrim tawh lo ang tiraw" tiin ka la tap deuh faih faiha. Ka natna te kha ka ngaihtuah let a, mahse ka hmangaih miau avangin ka tuar thiam em em thung te hi a mak ka ti fo thin.









Hmangaihna hi mihring min ti mihring tu ber chu a lo nih hi. “Ka tiam a che, Ali na takin ka hliam leh tawh lo ang che. Ka bula ilo let duh ringawt pawh hi ka lawm asin, tun atang chuan duat takin ka enkawl tawh ang che. Min rin leh avang pawh hian i bei tidawng zawngin ka awm leh tawh ngailo ang" a tihchuan ka nuih saka.






“Le! Chaw ei leh tawh rawh le, thil a lunghnur zawnga i ngaihtuah leh chuan hospital kan awm leh te a ngai hlauh ange, i na lai ka hmu duh tawhlo a nia" tiin ka bulah chuan a thu zuia, keipawh chuan engmah sawi tawhlo in chaw chu ka ei nghal mial miala. Luciano chuan min en ran bawk, ei ve a tum tawhlo emaw ni?




ZAWMNA..







“Ali ka tiam a che, na takin ka hliam leh tawh lovang che" tiin ka samah chuan a chul hliau hliaua, ka hmai chuan a awm chu ka nawr tawk ringawt. Maid ho awm leh awm loh pawh ka pawisa lo, he inchhung ka chhuah hnu hnun ber a kan awmdan kha ka ngaihtuah let hian tun kan dinhmun hi ka lawm em a ni “Tap tawh suh le, kha i hmel a chhe zo vek dawn. Min mutthilhsan rengna tur thil ka ti duh tawh reng reng hleinem," tiin min kuah hlu hlua.










Keipawh chu insumin ka chaw eilai chu ka eizawm mawlh mawlha, Luciano pawh chu kalsawn biklo in ka bulah chuan a thu rana, ka chaw ei chu min en char char ringawt “I puar leh roomah kan hahchawl dawn a nia" tiin chawhmeh ka neih loh deuh chu min suahsak zung zunga. Ka eikham rualin ka ha nawt in ka chhuak leha, Luciano leh hnathawk te chuan ka che vel chu min lo en thapa.









Nuih te lam lam an tiza, “Ka hman e mu ang, ka ke hi a kham ut ut mai" tiin room lam chu ka pana, ama room ka hrechiang bawka ka lut nghal thak mai. Ka hnungah min zui tih ka hriat avang chuan hawi let lo in khumah chuan ka bawk thla thlawpa “I intina ang Ali " a rawn ti deuh that mai. A hlauthawng hma tih ka hria, a chhan pawh ka nat hnu atang khan hoteah pawh min vengthawng em em a.









Engtin emaw ka awm leh a hlau a ni ber, hetiang khawpa min chân hlau tu hi keipawhin kalsan ka duh biklo. Hlim taka awmdun ve ka duh a ni, kan bul tan dan a fuh lo in kan in tina tawn reng pawh a ni thei e, kan tawpna erawh hlim takin ni thei se tih hi ka duhthusam a ni. “A dup nawm em hi ka na theilo, tirawh lo mu ve vat rawh" tiin ka irh ak aka, ka puar bawk a. Ka thaw hle hle mai.








Ka bula a rawn mut rual chuan ka kuah nghal thaka, “Min hmet rawh ka ke hi a kham ut ut mai " pangchang zet chuan ka ti a, hnial miahlo a tho chhuakin min hmet nghal zat. Ka en kara a hmeltha zet te chu theihnghilh hlau ang hrim chuan ka en ngar ngar mai, “Min duh ngawih ngawihnu" a rawn tihchuan ka ner nanga “I ngeiawm kha a nihchu min duh ve ngawih ngawih lo tihna em ni?" ngeiawm zet chuan ka ti hlaka.











A rawn nui deuh hawk mai “Ka atchilh hlum lo chauh che mawle, nanglah hian min melh puah i tum emaw tih tur hian ka thusawi apiangin min melh rum em em zel bawk si a, i zûna uai hi thi silo in ka nung chuang silo" a thusawi te lah chu ner nawng nawngin ka ena, khawi atangin nge heng tawngkam te hi a zir thiam ni. A rawn in la zei lutuk chu ka ten deuh tlat “I tenawm" tihlakin ka thu tha a.









Huat a hnekin ala nui kur kur lehnghal, ka harh chhuah atangin ka lakah a dawhthei em em a, thinrim in min be ngai ta hek lo. A mize inthlak hlawk chu mak ka ti lek lek zel, hetiang em em hian a inthiam lo ang tih lah ka ring hek lo, mahse ka hmu chho zel chu a nih si hi “Kha ti kha kan nia, Ali bul deuha ka biak che leh i duh lova, zei taka ka biak che lahin tenawm min tileh bawk si. I mak emai" a tihchuan ka nuih hak ringawt.










Ni e ka phun chiar ve em bawk a ni, mahse keipawh hian a tawngkam tin hi ka lawma, buaina leh harsatna awm lovin hlim takin awm ila ka duh ber. “Duhtawk tawh rawh, mu ang a vawt lutuk" tiin ka ke chu ka la sawna, a rawn mut that rualin a ke karah chuan ka ke rawlh lutin ka kuaha “Ali naute pai leh vat vat rawh aw. Ka duat tawh viau ang cheu" inthiamlohna a khat chung chuan a rawn ti a.









A kut chu la kangin ka fawp nghal zeuh mai “Beisei ang, i sawi ang ngeiin duat taka enkawl ka duh dawn a nia" a awm ah chuan ka bei paha. “Tehreng mai, a hma a ka pek loh zawng zawng che kha ka pe vek ang che, ka tiam a che Ali ka kalsan tawh ngai lovang che " tiin ka chalah chuan a rawn fawp vang vanga, nui sakin “A tawp nan ka rinna che hi tichhe tawh suh ang che, i ti chhe leh a nihchuan ka ngaidam tawh lo ang che Luciano " ka thusawi chu ka ti tak tak.











Tun hi a chance tawp ber a ni tawh ang, ka rinna a tichhe leh a nihchuan ka ngaidam tawh ngai lovang. Mutthilh tum chuan ka chhinga mahse ka muhil leh thei pek lo “Thawnthu min chhiarsak rawh Luciano " tiin khum sira lehkhabu chu ka kawka “Ali "thaw hak paha a tihchuan ka melh ngheka “Min chhiar sak vat rawh ka muhil theilo" ka tileha. A pawm ta nge lehkhabu chu la in a keu nghal mual muala









A ner sawk sawk avang chuan ka nui hak, love story lam hi ngaina ve lova, kei erawhin ka ngainat ber a ni thung.


MITTHI NEIH NEN KA TLAIVARA KA DAH HMAN MEUH LO AW

Link:
BBcode:
HTML:
Hide post links
Show post links

mawitei bawihtlung
Posts: 787
Joined: November 18th, 2020, 12:53 pm

Unread post by mawitei bawihtlung » May 18th, 2024, 9:05 pm

THE MAFIA KING (18+)







CHAPTER 18 LAST








“Ali tilo turin ka hrilh che" ka pasal aw ka hriat rual chuan ka phu zawka, thil tisualtu ang mai chuan ka melh kara. Aniin min melh run bawk, maid ho lahin hlau zetin an ena, min hau leh ngei dawn emaw ka tihlaiin ka bulah a rawn thu hniama “Fimkhur rawh ka tihkha, naute tan vek a ni. Nang emaw he kan fa hi emaw chan ka duh tawh lo ve ve che u, tinge ka thu i zawm thin loh. I che sual thei a sin" dam dup hian a rawn ti a.










A nghawngah chuan banin ka kuaha, naute ang mai chuan min pawm nghal nawlh. Ka dul puar lah tawh nen chuan ka rit viau ang le, ni e nau ka pai leh tawha hrin a hun lek lek tawh bawk. Ka te ema Luciano hian min la zo mai mai a ni, nu thau pui chu ni ila min zo hauh lo ang “Heng hi lo dahsawn ula vawikhat mah ka nupui hian hna a thawk tawh tur a nilo" tiin ka lei cheh na hmanrua vel chu hnathawk ho chu a dahfel tira, inchhung lamah min luhpui nghal zat.











Min ngaihtuah em em a a hnathawh chhung tih loh chu ka bulah a awm reng ti ila ka sawisual lovang, nau ka pai tih a hriat tirh atangin ka hnungah ka chetsual hlau reng rengin min zuia, eng emaw hleka ka awm pawhin a chi ai nghal vat thin, fa a awh zia ka hre chiang bawka. A ro khawm tu tur fapa hrinsak ngei ka duh a ni, ka thaw ham hama sofa a min thutpui rualin a mal khan chuan ka mu leh nghal zat.










Ka pangchang hle a, mahse vawikhat pawh mik nin thu a sawi ngailo, ka mamawh ka sawi apiang min pe a, hmeichhia nen sawizawmna tur an awm ngai hek lo. Kei tih loh bulah a nelawm ngai lova, chu chu mite sawidan ka hriat a ni. Ka bulah a zaidama a dawh theih em em laiin midang lakah chuan a inhmuam upin sakawlh ang mai a ni a, ka kiangah pawh a duh loh zawnga ka awm chuan a khirh ve deuh tho.










Mahse chungte pawh chu min ngaihtuah vang chauh an ni thin thung “Vawiin ah a lo che leha, a harh viau ngei ang" tiin ka pum a khawih lai chuan ka ti a. A rawn nui nghal suk mai, hepa hmeltha lutuk mai hmangaih thei leh a hmeichhe hmangaih awmchhun ka ni hi ka lawm a ni. “Min chhun anga a rawn hmeltha in hmeichhe ho in an thlir rawn thup ngei ang" a tihchuan ka ner nanga, a ni erawh a nui vur vur thung.











Chutia ka dul a rawn chul hauh hauh lai chuan a rawn che a, Luciano khi nghal suk chu ka hmu thei. “My boy lo chhuak zung zung rawh, daddy hian a infiampui chak tawh che a nia" a aw thum supa a tihchuan a inhmeh bik hliah hliah in ka hria. “2 weeks chiah a ngai tawh a lawm, papa a rawn chhuak tep tawh e " tiin ka nuih ver vera, rawn kun hniamin ka hmuiah chuan a rawn fawp nghal vang vanga.










Ka lo chhang ve nghal vat, min pawm tho nawlhin room lamah min luhpuia, a tihtum ka hailo. Ka pum a len tawh avangin a harsa deuh thin a, mahse Luciano rem hriat em avangin kan pahnih lungawina erawh kan in pe tawn tha viau thung. “Ka mamawh che tih i hria tiraw?" ka lo bu nghata, ka hmui a fawp chunga chet a lak takah chuan lo pui ve in a tawpah chuan thlan dapin kan inkuah chiala, ka chau takzet. Huan ka lo tihfai nen kan chet zuina chuan min ti chau zual.









Rei pawh meng lovin ka muhil zui ta thuaia, “Ali harh rawh le, chaw i ei loh chuan kan naute kha a riltam lutuk palh ang" ka biang nul dan dan chunga a rawn tihchuan peih lo zet hian ka rum tiah tiaha “Reilote chiah, Luciano ka tho peihlo min kai tho suh" tiin a awm lohna lamah ka in let thaka. A nui ri chu ka hre nangin ka meng thei thlawt lo “Zan reiah i ril a tam leh tho ang, vat in anih loh chuan kaih thawh dan tur che thil dang ka hria a nia" a tihchuan ka meng chhuak ta riai riaia.











Alama ka inher chuan min lo en reng “Min pawm leh rawh" tiin alamah ka ban ka phara, ka ke hian ka kal peih thlawt lo. Ka mut hi ala chhuak lutuk tlat, engmah sawi lo chuan min pawm leh nawlha. Ka rit chu a ti ve tawh tho ang, mahse a sawisel ngai hauh lo, nau ka pai tih kan hriat atangin inchung lamah awm lo in inhnuaiah kan insawna, chunglam erawh chu nau neih hun lamah kan la riak leh ang chu, kan fate room tur nen a awm thlap tawh mawle.









Chair ah chuan min thut tirin eitur an lo chhawp chu ka lam hnaihah a rawn dah zung zunga, amah pawh chuan a ei nghal zat. Mit chhing chung chuan ka ei nuap nuapa, ka meng thei thlawt lo “Ali leh!" Luciano nuihza bawk si chuan a rawn ti supa, nge ka mut a chhuak timawlh mawlha min kai tho lui vel a nihkha. Chaw ka ei kham rualin room lamah chuan ka phei leh chhat chhata, khum ka thlen rualin ka pum nawmnana min lei sak chu la in ka bawkkhupa.









Balloon angin a pump puar theiha, a lai kuaah ka pum puar ak chu dahin ka bawhkhup pawhin hrehawm ngai loh. Tui zet chuan ka mut chhunzawm leha, ka harh leh chuan Luciano chu min kuah chial chungin a lo mu leh tawha. Ka dul chu a lo chelh leh ran tawh mai, ka mutdan a lo siam tha leh tih ka hailo, ka hrehawm dawna a hriat chuan ka mutthilh lai pawh nise ka mutdan siamin a meng reng zela.










Ka taksa ka tihnat palh a hlau a ni ber, hetiang khawpa min ngaihtuahna hian amah min hmangaih zual tir thin. Kuah sat satin a hmeltha leh pa zet chu ka ena, engtin nge kei ang mai mai hi min thlan theih ni. Amah avangin ka pu company pawhin a hma ai hma a sawnin an hlawhtlinga, chumai bakah ka lo awm ve tawhna home thlengin thlatin a tanpui thin bawk.








Misual tak ti a an sawi thin hi tunah chuan a thil tih that te miin an hria in an fak hle a nihkha. Tun thleng nula ho in an la en zui vawng vawng hi ka hmuh hmaih ngailo, model, actress mi chi hrang hrang thlengin a mit lak tumin an la zar buai renga. Mahse he mipa hian keimah chiah min thlang tlat, chuan a nupui ka ni bawk chu thil ringawt pawh chu ka hlimpui a ni. A chhan chu min phatsang ngai dawn lo tih ka hriat avangin.










A tira ka huatna te kha an reha, tunah chuan a tello a awm hi ka thil hlauh ber a ni bawk. Ka lak ah a thik thu a chhe hle a, mipa in min biak emaw ka bula an awm a hmuh chuan a lawm lo thei hle bawk. Pawi ka ti lem lo, ka lakah a thik thu a chhiat hian min hmangaih tak tak in min hauh hle tih ka hriatna a ni a, kan min ngaihpawimawh loh leh duh lohte lakah kan thikthu a chhe ngai lo tih hrechiang tu ka ni tlat.









“Luciano ka tuibawm a keh a nia" ka chaw ei kham kalsawn tur chu ka ding khur hlak hlak mai “Morish car lo va peih rawh" Morish pawh chu a tlan chhuak nghal, ka pum lah chu ana telh telha ka in pet ruh fan fan mai. Luciano chuan min pawm nawlhin pawnlam min panpuia, maid pakhat chuan nausen mamawh tur chu a rawn keng chhuak ve bawk.








“Ali tuar hram hram rawh aw, i tha vat mai ang.I bulah ka awm reng dawn a nia" car ah chuan min dahlutin ka bulah rawn thu nghala, ka kut chu a hum ran bawk. Morish chuan car chu a tlanchhuah tir zuia, kalkawngah nau chu ka neih mai ka hlau hle. Ka kalpui te lah hian buaipui dan tur an hre dawn hauh silo, damdawiin kan thlen takah chuan ka thaw veng huai mai.








Luciano an hrechiang bawka min rawn hnaih nghal vat hlawm mai. Mi hausa tan hi chuan damdawiinah pawh zah an lo kai nge nge zel a nih hi, nau neihna roomah chuan min nawr luta. Luciano chuan min zui lut ve bawk, doctor leh nurse te an chet vat vat lai in ka kut chu a hum run renga. Min lo fuih ve sauh sauh bawk, chu chuan chakna min pe a ni.









San chu pe in ka thlan tla chu nurse te chuan an lo hru zela, doctor leh Luciano chuan min fuih reng thung. Hetiang khawp hian nau vei hi a na ang tih ka ring pha lo “A lo chhuak ta e". naute tap ngak ngak chu ka hria a, chau zet chuan ka nui sak mai “Kan lawmpui a cheu, Mr King fapa i nei e " Luciano hmela lawmna chu ka hmuh hmaih lo.









Fapa a awh zia ka hria a, ka hrinsak thei chu ka lawm a ni. Kan fapa pawm chung chuan min rawn hnaiha, ka chalah chuan a fawp vang vang bawk “Ka hmangaih che Alessandra King" a rawn tihsup chuan ka lo nuih let sen sena “Fapa kan nei ta, Luciano i hlim tiraw?" ka tihchuan a nui mawi zet chu min hmuha, ni e he mipa hi a hlim takzet tih ka hre thei.









“I hriat phak bakin ka fapa nen hian ka hmangaih che u" tiin a fapa pawm mek chu a ena. A mita mittui tling chu ka hmuh hmaih lo, reiloteah ka pu, Luciano nu leh pa te an rawn langa, an ni pawh tupa an neih meuh chuan an rilru a dang ve ta. Cabinah kan insawna, chutah pawh mi pangngai ho awmnaah nilo mi hausa te chauh awm theih naah.









Kan chhungte chuan kan fapa chu pawm an inchuh a ni ber. Luciano nen chuan ngawi rengin kan en duna, a awm nghengin ka thu mu ar ar mai. Ka fapa chu an pawm nasa bawk nen a rawn tap ta ngak ngak mai, a pi leh pute ho mangang chuan ka lamah an rawn phei puia “A hnute a hal tawh a nih ka ring, khawi ka lo pe ang" tichuan ka laa, ka hnute ka barh rualin a ngawi nghal hmaka. A hne nghal dawk dawk bawk.










“A pa ang mai a nih hi" ka tihlaia Luciano lo nui suk suk chu ka hmu reng, ni e a hmai fang a sam uk kharh te, a engkimah apa a chhuna. A mitrawng erawhin keimah min chhun thung, eng êng phet mai. Kan chhungte ho chu an haw veka, kei leh Luciano, kan fapa chiah chu kan awm bawk “Ka lo suangtuah fo thina, nupui leh fa ka neih hun tur, tunah chuan a thleng ta mek a ni Ali, ka lawm e chuan ka hmangaih bawk che " tiin ka chalah chuan a fawp vang vanga.









Kan fapa chu a kut lianpui chuan a pawm bawk, an inhmeh hliah hliah hian ka hria. Ni e ka nu leh pa chan tawh mah ila tunah chuan nu leh pa thar bakah, ka lo suangtuah fo thin chhungkua tak tak ka din ve ta. “Keipawhin ka hmangaih che Luciano, engkim avang hian tunah chuan nangmah avangin nun tak tak chu ka nei ta si a" tiin a awmah chuan ka bei vang vanga.











Nitin chuan ka tan hlimna hlir a ni, kan fapa Liam thanglian lai hmuha a thil thiam leh hriat thar apiang a ti lai hmuh tluka nuam a awm lo, a pa lah in a duatin a hman theih hma atangin toys a lei hnur tawh. Hau mah ila a sim thei heklo, a hna bang rawn haw apiangin kan fapa a pan hmasa bera, kei min ngaihthah ngai chuang heklo. Khawvela pa tha ber a ni ka ti ngam sak, ka pu pawh in thla thum kalta khan min boralsan tawha.










Company pawh ka hmingin a daha, mahse Luciano an engkim min tihsak thung, ka ngaihthatlohna turin a awm ngailova. Hmeichhe dang nen sawi an ni ngai heklo, a nunpum chu kei leh a fapa tan a hmang a tih theih. Nitin chuan a hmangaihna a fiah renga, tunah chuan ka ringngam ta thlap bawk. He mipa hi ka kalsan leh tawh lo vang, ka nun min pe leta ka famkim chhan a ni reng si a.





A TAWP TA, KA NEXT STORY REVENGE OF LOVE MIZO THAWNTHU ARRANGE MARRIAGE LAM MIN LO CHHIARSAK LEH VEK TURIN KAN INSAWM E

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)