BELIEVE ME By mawitei bawihtlung

Moderator: writers

mawitei bawihtlung
Posts: 754
Joined: November 18th, 2020, 12:53 pm

BELIEVE ME By mawitei bawihtlung

Unread post by mawitei bawihtlung » January 30th, 2021, 6:27 pm

BELIEVE ME



Chapter 1





A tawk Lalhlimpui min tizak hnem tawh viau e hetiang a I awm reng chuan atha lo khawp ang" ka pa chuan a rawn ti chhuak hrawk a kei erawhin ka biang chu ka dawm a ka nuih hak .





“ Engtin nge min tih chuan anga ,min hnawtchhuak dawn emni ,ka pa sawi ta che engtin pawn min ti ula ka sim chuanglo ang " ka tihleh chuan ka biang chu a ri leh nghal sawk a ,ka nu chuan alo dang vat .






Henghi chu ngaiah ka neih tawh , ka tuar ngun ve bawk e ,ka bike chahbi chu la chhuakin in chu ka chhuahsana ka thiante bul ka thlen chuan min lo buaipui vat cigarette chu tanin ka zu nghal mial mial thung.






Naupang te ka nih atang ngaihsakna ka dawng ngai lo a ,tuna ka awmdan hi ka duh zawk ka thiante leh nawmchenna hi ka intihhlim theihna awm chhun ani miau a ,hriatrenga te ho an rawn thlenga zu chu in in kan ri leh nghal nak nak a .






Becky chuan “ pastor thar awmkha in hre ve em thusawi a thiam lutuk an tia keipawh tv ah ka ngaithla tawh a ,amah lah a hmeltha bawk sia ,pathian thu athiam bawk nen ngaihthlak anuam lutuk a sawi lai kha chuan ka piangthar kawkin ka hria " arawn tih chuan kan nui dam dam a .






“Chu I da leh nghal si elaw " ka lo tihchuan “ amak thei e hlimi nang chu lo uang lo la a thusawi ngaithla ve chhinla i hre mai ang" arawn ti nang nang a ,ka lo nui mai mai thung .





Hetiang hi ka awih ve lo mi tamtak ka piangthar ti te pawh hi en ila ,kohhranah chuan an piangthar lutuk mahse an nitin hnathawhna leh an duhzawngah chuan an piantharna alang leh chuang silo .




Kohhran upa an han ni e ,biak inah Pathian fakin an zai a mahse an pawn lam nun erawh a chhe leh hle lawisi ,piantharna awmzia an sawi a ,dawtsawi leh ei ruk atha lo tichungin mipui sum ei ruk leh dawtsawi an pawiti leh chuang miah silo .






Hetiang anih vang te pawh hian aniang tuna ka awm dan hi ka duh zawk em em ni , rui khawp erawhin ka in ngai lo thung ,ka chhungte runluih nana ti ka ni bawk ,ka tette tang awmpui tein min en kawl a .





Ka nu leh pa chuan kei ai in an hna an ngai pawimawh zawk ,an fanu naupang te khan nu leh pa a thlakhleh zia hre lo lekin an hna an buaipui a ,kha thil khan keimah ah nghawng nei chho in tun dinhmun hi ka thlen phah bawk .





He thil atanga tal chhuah duhhle mah ila ka inhnem theihna awm chhun ani si ,Hriatrenga chuan min rawn kuah thuak a min kiss a tum chuan ka lo indang vat “ awmtha rawh hetiang ka duhlo tih I hriat kha " ka tikha fak .






“Vawikhat chauh te chu " arawn tihleh chuan ka nam leng dawrh a , a rui bawk nen a thal nghal tawp a ,ka kalsan nghal nal nal ka bike ah chuan lawnin helmet khumin ka tlanchhuak nghal .





Khawvelah hian hlimna hi ka hmu thlawt lo , miten min sawisel hi hre lo ka ni biklo mahse enge ka chhungril nun min hmuhpui lo a ,an mahni ngaihdan an lo sawi ni ,mi hmuha tha ang deuh a awm te hi ka ei thei lo .






Ka bike kawngkawi laia ka kual tur chu car rawn lang thut avang chuan ka tihkualna lamah ka tlu a ,hrep a tu mi mawl nge ni le ? “ Kawng en ta cheu " ka ti tuar a ,car kawngka rawn inhawngin mipa leh hmeichhia an rawn chhuak a ..






A mipa zawk chuan min panvat “ I tha em " tia ka ke rawn khawih a tum chu a kut ka vai leng dawrh a “ ka tha chuan horn pe lo a kawngtlan i sim tawh dawn nia " tiin ka tho chhuak a .





A la sang phian leh nghal a ,a hmel erawh a thim em avangin ka hmu theilo ,a hmeichhia zawk chuan “ Zorin kal ang khatiang hmeichhe awmtha duhlo kha chu buaipui duh suh zahna Chang an hre lo " arawn ti a .





Ka ner sawk “ I tawngkam fimkhur rawh ka nun sawi tur hian dikna inei lo chuan mi sawisel tur hian I tha famkim bik em ,zana mipa chhuahpui daw daw ngam si khan ka nun lo ngaipawimawh suh" tiin ka bike chu ka tungtho a .





“ Mangtha u " tihpahin ka tlanchhuak nghal ,midang chungchang a chhe zawngin an sawia mahni an inhmu leh thin si lo hi in enfiah an ngai piangthar chu ka nilo maithei mahse piangthar inti then khat ho nun dan hi chu a tha ka ti bik lo .






In ka thleng a ka nu chuan min lo la nghak reng “ zu i in leh tawh alaw bawihi khawngaihin sim tawh teh ipa lungti awi lo zawng hian tinge i awm reng mai le a changphei chuan a hnawt chhuak mai ang che tih ka hlau thin" arawn ti a .







“ Enteh tunah min ngaihtuah der lo hian a hma atang Khan min ngaihtuah ta che u hnawhchhuah hi ka hlau reng reng lo ,tunah pawh hian hnawhchhuah nun ang chiah ka nei tho anilawm ni " ka ti ve nghal a .




“ Ipa hi kohhran upa ah te an thlang tihte hre ve ta che hetianga i awm reng hian ipa I ti mualpho tih hre ve ta che " arawn tih a ka nuih mai“ chu ka pa lem lem a chu a va thlengsang tawh ve ka hrilh mai mai ang che ka nun hi ka sim dawn lo.





A duhleh kohhran upa pawh ni ang hmiang ka tan a pawimawh hrep lo e " tiin ka room lam ka pan nghal ,hringnun hi ka kham hluah hluah ,upa a huh a ni hian midang te tan thu asawi thei dawn em ni ? a fanu ngei pawh ngaipawimawh lo tu hian engtin nge pathian chu a ngaihpawimawh viau ang ni .







Ka mu hil a , ka nun hi ka thlah phah lo ang tih erawh ka hre chiang ,zingah ka nu a rawn lut a “ tho rawh pastor thar I pa in leng turin a sawm ania " arawn ti a ,ka van ning tak peihlo zetin ka chhuak a.




Tu tak chu ni ang maw ,ka chhuak ka Sam pawh ka khuihlo hmai pawh phihlo in ka mitek chu ka nuai nawk nawk a ,sitting rooma lo thu ka hmuh chuan ka ding chawt ,min en run a a hmelchu a tha vuah a .




Chuan azahawm khep khup lutuk ,kei ngei pawh ka insiam tha sawk sawk , hetiang te engvanga ka pa hian leng tura sawm nge anih le ,nizana ka hmuhpa kha a ang riau leh nghal .




Ka pa chuan “ thingpui rawn thlit rawh " arawn ti a ,a aw chu ava nem ber em hetiang anihte chuan tunah tak hi chuan van angel ai pawh a nunnem awm ani ,lemchan thiam.



Thingpui chu ngawi rengin ka pe a “ camp ah lutla ka duh a hei pu zorina hian a kaihruai thei dawn che a I chanchin ka hrilh vek tawh a ,anihian tihdan che a thiam deuh ang" a tihchuan ka ding chhuak nghal a .





“ Teuhlo ka lut dawn lo chuang nang pawh hi pawnlam tha si chhunglam tha si lo ini em ka pa ang hian ,tunlai mi hi chu piangthar awm ang hian in awma piangthar tak tak silo ,ka pa ang te hi ilo ni palh ange" tiin ka nui hak hak a .




Engmah a sawilo ka awmdan chu a en tawp ka pa mitmeng chu a sawt chhuak mai ang tih hlauhawm khawpin a meng a ,kha kha ania sin a piangthar takzet em tih pawh hi a hriatloh .




Ka tho chhuak a “ min lo hrethiam ula ka buaitlat " tiin ka room lam ka pan nal nal , ka inphihfai mawlh mawlh a , ka pa chu ka room ah arawn lut a ,min beng leh ta ngaiah ka neih tawh.






“ Khatianga tawng tur khan ka hrilh che em pastor tha tawp khawk ka koh sak che a ,buaina bak min thlenlo chhuak ang che i hmel pawh hi hmuh ka duh lo " arawn ti hrawk a .




“ Ka lawm e ka chhuah chakna hi a rei tawh asin ka la awm reng nachhan i hre duh em nang mahni fate hlamchhiah thei tu hi tihhrehawm ve che ka duh ,chuan ka lo chhuak anihpawhin pawi ka tilo ania .





He inchhung hremhmuna awm reng hi ka chak lo e " tihpahin ka hmai chu ka chul thuak a ka thawmhnaw chu ka pack nghal mawlh mawlh a ,ka thianpa Jacka chu ka call a an hotel room min book sak tur in ka hrilh a.




Ka chhuak nghal nal nal ,ka nu chuan min au a mahse ka ngaipawimawh lo ka bike nen chuan Jack te hotel chu ka pana , anipawhin min lo buaipui vat “ tinge a " arawn tih chuan “ hremhmun chhuahsanin tah hian ka awm dawn mawle " tihpahin ka nuihsak a .






Ka room lam ka pan nghal “ hlimhlim ka sawi tur ani chiah em ka hrelo mahse inundan hi sim tawh la ka ti takzet ,hetianga i runluih reng hian engmah athat phahlo I inti hrehawm mai mai zawk ani " arawn ti a.





Ni e a dik mahse engtin nge ka tihchuan ang tu hmangaihna mah ka dawnglo a ,tu mah ka nunah min pui turin an awm ngai hek lo ,ka nun sim chu ka duh mahse tin nge ka tih ang ,inkhawm dawn ila sawisel na ka hlawh thin zawk si .





Tuman ka chhungril nun beidawng ngawih ngawih hi min hmuhpui ngai lo .







ZORINPUIA POV ..






Kha hmeichhia kha ka ngaihtuah vang vang , a chhungril nun beidawng leh Pathian mamawh ngawih ngawih kha ka hmuhsak vek ,kaihhruaina tha dawng se chuan khatiang anih ka ring lo .



A pa nen a an inkar kha chu ka hre mai hetiang lam hi chu ka hrelo mi tamtak hian kan fate kan ngaihthah thin avang hian sual kawng an zawh phah fo a .




Naupang chu akalna awm kawngah chuan zirtir ula a lo puitlin hnu pawhin athlahlo ang " tihhi kan theihnghilh leh thin ,an tette atanga ngaihsaka biakin lam an pan theih nana kaihhruai hi nu leh pa mawhphurhna ani tihhi kan hriat reng a tul tak zet .





An naupan lai a an hmuh leh an hriat te hi an puitlin hnu thlenga an awmdan tur anitih kan hriat hi a apawimawh ,kan fate kan ngaihsak lo a ,nunkawng diklo an zawh chuan a hrehawm ti chu nu leh pa bawk kan ni thin




A ni pawh kha ala naupang tih ahriat a puih ngei ka duh mahse engtin nge ka tih ang tihhi ka buaina ber ani , a sawi chuan engkim hi a awl a mahse ataka tih hi a har thin,keipawh hi pastor nih ka tum ngailo mahse a tulna in min nang miau si a .






Ka phone rawn ri chu ka en a ka thianpa sangtea ani ka lak rual chuan “ kan pastor hmeltha thusawi thiam ,hleitling leh piannalh tia thang chu ava induh sawt ve " arawn ti a ,heipawh hi puitlin lam apan thei thlawt lo .





“ I ho thin emai chutiang em em chuan thu hi belh thin suh" ka tihchuan arawn nui kur kur a ,ani hi chu ramdangah a zinlai ania ,mizoram hi a awm rei peihlo a zinkual reng hi a buaithlak .




A awmna chanchin te ka zawt a sawi tur a hre leh tawh khawp , keipawh zan thusawi ka ngaih avangin ka inpuah chah a thu hi ka sawi rei ve vak ngailo chu ai chuan miten an nun pui tur hi sawi ka duh a rei chiam sawi pawh hian midang hlawkpui na tur a sawilo hi kan tam thin hi ka ti .






Thu kan sawi ro ro anihchuan midang te duhzawng sawi ila ,rei deuh sawia thu ngai khel kual reng te hi a awm theih a hetiang hi chu tihtam loh atha ka ti ,zan kan inkhawm a thusawi turin ka ding chhuak a .





Ka thusawi chu ngawi rengin an ngaithla a ,ka sawi zo a ban hla kan sa a , kan chhuah chuan min chibai leh sap sap a , tleirawl pakhat hi a rawn kala ,a fala min biak duhthu a rawn sawi a .





Ka kal pui vat “ ih ka koh hran na chhan che chu ka thiannu hi pui la ka duh ani , anu leh pa chuan an ngaihsak ngai silo a ,a beidawng a mahse tal chhuah dan tur a hre bawk silo a " arawn ti a.




“ Tunah khawnge a awm chuan tunge a hming " ka tisap a “ Lalhlimpuii ania kan hotelah a awm mek " arawn tihchuan ka phu deuh zawk kha nu bawk kha maw .




“ Ka car hian kan kal mai dawn em ni " tiin ka kal zui nghal a ,min rawn zui vat a hotel kan thlen chuan hma ahruai a muangchangin ka zui a , room chhung kan luh chuan hmeichhia min hnung chhawn zawnga ding chu arawn hawi a.






Ka hmel a hmuh chuan ahma ang bawk khan a meng bial leh kawk a “ eng...enge i rawn tih dawn " arawn ti bah niai a ,a thianpa zawk chuan “ ih pui tur che in ka sawm a " alo ti vat ,min melh nghal kar a “ min puih theih I ring chiah maw " a tawngkam hi chu aw .






.Ngeiawm thiam tak ani “ I harsat na I sawi dan azir animai " ka lo ti thung a thianpa chu a lo chhuak vat a “ chuan engtia puih nge I duh sawi ta che " ka tihzawm a a thaw hak “ I hriat angin kan chhungkua kha chu timai kha kan ni a .





Kan inhau reng ka tette atanga nu leh pa tello a seilian tih pawhin min ngai thei ang a chhan chu ka nu leh pa ngei khan min buaipui ngai lo a " a rawn tidap dap a “ chuan engtik lai atang nge ruihhlo itih tan " tiin ka en a .





Hmundang a melh vang vang a “ high school kan nih lai atang ania ,ka nunhi a beidawnga hlimna ka zawnga ka hmu silo chuan min tihhlim theih ringin leh ka pa runluih nana hetianga awm hi ka ni " tiin a chawl dat a .





“ Chhuah tum chuan ka bei ve nasa lutuk mahse mi karah han awm ila , demna bawk ka hlawh leh a , ka thulh phah fo ka sim ti ila min awih dawn chuanglo tihkha ka Chiang em ani" arawn ti a ,ni e anifo mi tamtak chuan mi ruihhlo te ,an sual te an sim hian .





“ A rei leh awm lo emai a Sim tak tak pawh ka ringlo , a ti der mai mai aniang" ti duh tawk hi kan awm thin, hengte hi a tha viaulo ,tumah hi an duh vangin addict an ni vek kherlo drugs an tia kan sawisel a han sim tum se kan awihsak leh lo fo thin.




Hengte pawhhi kan sim theih ka duh tak zet ,mi beidawng em em in biakin lam kawng an zawh a ,tinnge a Kristian inti leh piangthar inti te hian puih tumlo a ,kan dem zawk fo ni .





Isua pawh khan engtin nge a tih kha “ mifel te lam tur a lo kal ka nilo a misualte lama sim tir tur a lokal ka ni " tiin min zirtir ani lawm ni ,tumah hi kan fel famim biklo a ,tihsual nei thei vek kan ni mahse tinge mahni tihsual hmulo a midang tihsual chiah kan hmuh thin ni .






Hlimpuii chu ka en a , “ naktuk zan atang lo inkhawm ve ta che " ka tisup a , min melh nghal vat “ka theilo " arawn ti vat a “ enga timaw hethil atanga tal chhuah I duh anilawm ni" tiin ka en a .





“ Ka duh alawm mahse biakin ka kal ve tum ah pawh tumahin min ring lo a ,min rel chhunzawm zawk zel khatiang tuar reng kha ka duhlo " arawn ti a ka thaw hawk “ lo insiam rawh naktuk ah ka rawn lam ang che chuan ruihhlo ata I fihlim duh anih chuan ka pui ngei ang che " ka ti a .





Ka ding chhuak nghal vat a , a ngawi reng ni e ka demlo ruihhlo tite hi chu tupawn kan dem a chhe tak taka lo tiduh tawk pawh kan awm fo mahse ruihhlo tina zawng hi an sual vek kherlo , an thatna kan hmuh kan luih sak thin fo .




In lamah ka inkhalh haw a ,ka ngaihtuah zui roh roh puih ngei pawh ka tum ,ka tawngtai a ka mu zui nghal a .





( Hetiang lam hi ka vawikhat ziahna ania ,ka kum inhre veka puitlin tawklohna ka nei anihchuan comment lamah lo sawi thin ru aw engkim ah in puihna ka mamawh dawn ania , ka thiamna hian a tlin lo ang tih hi ka hlau ber a ,chuvang chuan induhdan te lo sawi thin ru aw )
IMG_20210131_182456.jpg
IMG_20210131_182456.jpg (59.52 KiB) Viewed 11851 times



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 2nd, 2021, 1:55 pm

BELIEVE ME



Type tur ka bo tawh hu mai a huphurh awm tawp a maw 😟he story hi ka tlin angem aw mahse engle khawle han ziak ve rawih mai ang ka thiannu rawn ve chhunlahin a sawi mak sia ka nui reng mai😂chapter a thui tawhlo aw short tura ka ziah mai mai kha ania 🤣







Chapter 2







LALHLIMPUII POV🏵️






Ka in ngaihtuah vang vanga pastora lah a rawn kal a hun tep ang puan bih ka thiam bawk silo ka rilru a hah lutuk ka thaw leh hak thin ,chubakah inkhawm ila miin engtin nge min sawi leh ang .





Kawngka an rawn kik a a rawn thleng tawh ani Chiang ka va hawna , a inthuamna chu a inhmeh leh pek hle a sang bawk si “ ilo thleng tawh alaw " ka tisap a ,bu nghutin arawn lut a sofa ah a thu luah ka inthlahrung takzet .





“ Ila hman nange" a rawn ti a ,ka thaw hak “ nia ih...." tiin ka ngawi vang vang hmeichhia puan bih thiamlo nih ka zak bawk si mahse ka hrilh loh chuan tihdan tur ka hre bawk silo ,han bih ila ka kallai ten a rawn tlak ka hlau tho bawk sia .







“ Sawi la " arawn tisup a ,min melh run bawk si “ puan ka bih thiam lo a " ka tisap chutah ka ke lam chu a rawn en vut a ,ka puan bih kawisawi zet chu a rawn en a, anui deuh suk ka van ngei mai mai tak .







” Puih I duh em " arawn ti a ,ka lu ka thing nak ka zak. e a ahnuaiah kekawr bul bak ka ha reng reng lo “ anihchuan nangmah Khan titha zung zung la kan tlai ange " arawn tisup a ,ka thaw hak ka van ning tak inkhawm loh rum rum te ania ka duh tawh .






Ka tum leh a tlem chuan a dik deuh ,rawn kal hnaiin a diklo lai chu a siam tha a ,ka bul dawhkana hrui chu la in ka taiah min vehtir a ,ka kawrin a hliah vek avang chuan a rem Chang takzet .





A hmel ka en a ,apa takzet ka lu chu ka thing nak ,ka hawisawn nghal daih a ,rawn ding marin “ kal ila " tihpahin a chhuak nghal a,a hnungah ka kal ve det det,a car kawngka min hawn a ,ka thutluh hnu chuan rawn thu lut ve in kan tlanchhuak nghal a .





Ka thinte hi a phu dup dup ka zama ka tha a khur der der bawk ,ka huphurh hluah hluah ka awmdan hre thiam ni awm tak hian “ engmah zamna tur a awm lo ania ka awm hi " arawn tisupa .





Mahse ka huphurhna erawh ala kiang chuanglo midangin engtin nge min sawi ang ,biakin tualah chuan kan ding a ,a chhuak nghal vut ,kei erawh ka la thu reng mi an tam tawh si .






Ka seat lamah arawn phei a “ rawn chhuak la " arawn ti a ,muangchangin ka chhuak a ,akalna lamah chuan ka zui ve tawp ,hmeichhe pahnih lo awm bulah min hruai a ,pakhat chu kha zana ka hnial pui nu kha ani .





Pastora chuan “ Angel ,hlimhlimi hi inbulah lo thutpui ve ta che u" tiin abia a,hmeichhe pahnih te chuan an lo aw vat a mahse an hmelah erawh an peih vak lo tih ka hmu reng “ keimahin ka thu thei alawm" ka lo tisap chu min melh nghal vat a .






“ Nangmah ai chuan an kianga awm anuam zawk ang tiru lut ang u hmiang " tihpahin hma ahruai a ,a ni chu pulpit lamah akal nghal a ,keini pawh tlar hma lamah kan thu a ,mi lah chuan min en duh em em leh nghal .





Ka nu leh pa pawh ka hmu mahse ka ngaihsak lo lui a ,ka bula thu te pahnih lah an phuna an nui leh thin ,hetiang hian an awm reng zel em ni le ,kei erawh ka ngawi reng inkhawm lutuk lo mah ila ka inkhawm chhunah hi chuan Biakin chhung zah hi ka ngaipawimawh ve tlat .






“ Engtin nge u Zorina nen hian in inhriata" pakhat zawk chuan a rawn ti a ,an ngawi ve mai mai thei lo em ni le “ kan inah a rawn lenga kan inhmu lawm" tihpahin hmalam ka en leh a ,an inhrilh ru leh tawh .






Ngaipawimawh lo in thusawi lam chu ka en a ,pastora thusawi chu ka en reng an sawi ang ngei in a sawi thiam takzet mi dang pawhin an ngaithla thap a “ tupawhin tihsual kan nei thei mahse chu kan tihsual chu kan sima Pathian lam kan hawi duh anih chuan .





Ani chuan englai pawhin min lawm reng ani, I lungngaih ahria a nangmah chauha na I tawrh phallo in I kiangah a awm ve reng tih hi theih nghilh ngai suh, amah hawisan in sual kawng lo dai tawh mahla hmangaihna tawp neilo Pathian chuan a hmangaih reng che " a tihlai phei chuan min hneh takzet .






Inkhawm kan banga ka nu leh pa chuan min rawn pan vat “ Bawihi I inkhawm thei chu ka lawm takzet " ka nu chuan a rawn ti a ,kei erawh ka ngawi reng thung Pastora arawn kala “ I hman em, chuan pu sang ka kalpui phawt ange ngaihtuah lo ula" ati nghal zat a .







A car lam panin kan inzui hnak hnak a ka ngawi reng midang lah chu an phun zui sep sep a “ azak lo e engtin nge pastora sawn a duh theih,an inhmeh dawn emni aw a piangthar viau emaw tia " an tihchuan ka ip zawk a pastor a chu ka en nghal ha .






“ Engah mah ngai duh suh kal ang " a ti vut a, enge an sawi awmzia kha le , chuan ka inkhawm vang mai hian min lo sel a maw hei hi nia inkhawm ka peih loh thin tumahin min awih tak tak lo ang chuan zanin hi a tawpna ni rawh se .







Hotelah ngawi rengin min thlaha ka tawnglo a ani pawh a tawng bik lo ,ka luh dawn chuan “ Hlimhlim" arawn ti a ,ka hawi nghal vat mahse a lu chu thing nakin “ angai leh lo mangtha aw " tisup in a kal Liam nghal a .







Enge sawi a tum le a tui nilengin inah ka awm a zan a nih chuan pastora rawn kal ka rin avangin hma tawkah ka chhuak a ,ka thiante bul ka thlen chuan min lo nuih hak hak a “ I inkhawm dawn amaw tia" an rawn tihchuan “ ngawi mai mai teh u " tiin ka hau hlak .








Ka thu thla a whiskey no khat chu ka tlak nghal pap ,ni e sawisel reng nih tho chuan hetianga awm reng hi anuam zawk ,ka ruih tak tak hma in ka haw a hotel kawt ka thlena ka mi hmuh avang chuan ka ding chawt .







Pastora chuan min lo melh run a ,keilah ka rui bawk si a van hun lo tak , rui lo ang ber chuan ka bike chu hung remin ka pan phei a ,a bula ka thlen chuan alo nersawk “ tinge I inkhawm dawn amaw ka tia zu I in leh animaw nang hian talchhuah I duh takzet em " arawn ti hluk a .







Ka ngawi reng tinge hepa hi ka zah em em le “ min chhangta che " arawn ti leh a ,a lungawi lo hmel chu nidangah ka hmu ngai lo “ en teh mi sawisel reng tura inkhawm ka peih hleinem nizan an thusawi te kha I hre ve lo em ni .






Hmeichhe awmtha duhlo tih anihkha ka hlawh chuan min buaipui tawh suh keimah vanga mualpho I duh bik ka ring lo mangtha le" tihpaha kalsawn ka tum chu min pawt let dawrh a .





A awmah ka bei nghal thlawp bawk ,ka lung rawn phu dup dup chu a hre pha hial ang “ ka ngai pawimawh lo tupawn sawise enge pawi ka awm hi bawihi min ringla ka kut vuan rawh ka ruala pen turin midang thusawi ngaipawimawh lo in ka thusawi chiah ngaipawimawh rawh.







A rawn tihchuan ka ngawi kar ,a awm hi a hahdam thlak takzet “ mahse keimah vangin I hming chhe thei chuvang chuan min hnaih lo mai rawh " ka tileh a ,min kuah ngheh pahin “ midangin engpawh sawi rawh se ka ngai pawimawh lo Lalhlimpui ka duh che .






Chuvang chuan ka tan I thiltih hi I sim thei angem ka rualin hmalam pan ta che " a rawn ti a ,phawk lutuk in ka en nghal ,aih ani hian min duh thei lo kei ang hmeichhia a kawp chuan a mualpho thei tihhi a hre lo em ni.





Chutiang ka thlen tir thei lo “ aih min kalsan rawh hetiang mihring inih ka ring ngai lo a sin ,chuan mi rawn hmuh tum tawh suh" tihpahin ka tlan lut a ,mawl lutuk kei min kawp anihchuan a hna in a tuar thei tihte ngaihtuah tur ania .





Ka duhlo anilo mahse keimah vanga a tuar tur ka hmu thei lo ,ni aliama keipawh ka nun ngaiin ka nung reng ,Pastora pawh a reh vang vang a, hmuh ka chak thin mahse ka ngam silo.





Nikhat kan thianho in kan chawla chutia kan thut lai chuan dawr chhungah chuan Pastora leh Angeli te kha an rawn lut a,ka lo en reng chu min hmu ve vat ,miho chu an phun ser sera ka bula thute chuan “ an innei Dawn an tiin ka hria " arawn ti a.





Ka lung chu vih ang mai hian ana a ka tho chhuaka ka thiante chuan mak titakin min en a “ ka nuam lo deuh a ka haw ange " ka tisap ,ka chhuak nghal nal nala ,ka room chhunga ka nu leh pa ka hmuh chuan ka ding chawt.






“ Enge in rawn tih dawn " ka ti fak a ,ka nu chuan “ bawihi lo haw tawh la kan duh ani " arawn tihchuan ka nui hak “ induh a min chhuah tir ani lawmni, tinge ka rawn let leh anga " tiin ka melh nghal ha a .






Ka pa chuan “ min hnial lo in rawn haw ang che chuan ramdangah inzir nan I zirlai I chhunzawm bawk ang " a rawn ti a ,mak tiin ka en nghal haw a ,“ bawihi heta I awm peihloh zia kan hria a chuvang chuan he i nun sim nan hian ramdanga hostela awmin I zirna chhunzawn turin kan duh che .





Nakinah chuan kan rokhawm tu tur ini a chuvang chuan engkim hi a takin hmu in hrethiam la kan duh ani " ka nu chuan a rawn ti dap a ,ka hnial lemlo Pastor a hlata ka awm theihna hmanrua ani mah na .





ZORINPUIA POV...






Dawr atanga a chhuak chu ka en reng ,ana hmel kha ka hmu ani hian min duh ve ani ,mipa ka nihna angin ka duh a mahse anichuan ka nihna avanghian min hnara ,angaihdan ka hriatthiam pui lutuk mahse enge ka duhna hi a danglam dawn chuanglo .






Tu pawhin duh kan nei theuh a , tinge ani nena kan inkawp a thianlohna tur ,dawr atang ka chhuak a mahse ka hmu lo ,nidangah hmu ila athat zawk ka rin avangin Angeli thlahin kan inlam ka pan a .





Ka zin dawn avangin ka insiama ka haw hunah chuan a inpuan ngei ka phut bawk ,karkhat chhung ka zinkuala ka haw lam chuan ka nui leh huk thin , a hmel ka ngaihtuaha hriatloh lai in ka lo nui leh thin.






A pawnlam sual hmel viau e tilo hian a chhunglam erawh a thianghlim tih ka hria ka duhna chhan ani bawk hetiang pawnlama tha ber awma awm ho mahse chhungril kha hle si a tul hunah an mizia rawn lang thin ho hi chu ka ngai thei lo .







Inah ka in daha hotela a awm ka rin avangin ka pana,mahse a chhuah tawh thu an lo sawi avang chuan an inlam ka pan a ,kawngka ka kik chuan awm pui in min rawn hawn a ,ka lut nghal anu leh pa chu couch ah an lo thu a.






Ka pan vat Hlimhlimi ka hmuh duhthu ka sawi chuan min rawn en vat a “ ih ramdangah a zirna chhunzawm turin akala " anu in arawn tihchuan ka phu zawk ,tinge chuti taka a hmanhmawhni Lalhlimpui engvang nge min pehhel I duh vang ani em " tiin ka ngaihtuaha.





A nu leh pa chu kawmin nupui atan ka duh tih ka hrilh vek a ,an ni pawn engmah an sawi lemlo,in lamah ka haw a , “ I rawn haw hun chuan engkim chhanna ka duh tawh ang " ka tisupa .





Nitin a chanchin anu ka zawt thin, a nun dan a Sim tih asawi" tia min rawn hrilh chuan ka thaw huai a , ani pawh alawm hmel viau ka nghak reng ang miten engtin nge min sawi ka pawisa lo ,keihian ka neih duh chu ka nei mai tur ani .

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 2nd, 2021, 1:56 pm

BELIEVE ME Last chapter








5 years later







LALHLIMPUII POV...








Kum nga lai aliam veta ,ka nunhlui ka kalsan thei chu ka lawm a ka hlim takzet ,airportah chuan ka nute zawngin ka hawi kual ruai a ,a tawpah ka hmu hram nui var varin ka pan a ka nu chuan min lo kuah vang vang a .










“ Ka fanu ngei kha I nisia I lian tawh takzet " a rawn ti a ,ka hmai vel chu a en thuak thuak bawk ,inlam kan pan a ,tunah chuan tu thusawi mah ka ngaipawimawh tur anilo ,ka nun ani a ka inkhawm emaw thil dang ka ti emaw tu sawi theih mah ka ni lo .






Pathian in min ngaihdam theih chuan ka lawm tawk em em ani, kan in kan thleng a ka hawi kual nghal ruai a ,ka thaw hak engkim ala pang ngai vek ka thiante ho pawh an rawn leng sap sap a ,zana rawn kal ka hmuh chuan ka ding chawt .








Ka nu leh pa chuan min inthiar fihlim san vat a ,ka bulah a rawn thu nghal a “ a tawpah chuan ka nghak chhuak ta che " a rawn ti sup a ,ka thaw hak thung tinge min la nghah reng le .






“ Tinge kei kher min duh" ka ti sap a “ a chhan maw nangmah inih avangin " a rawn ti a “ nge keimah ka nih vang keimah vang hian i mualpho thei a sin chuvang chuan beidawng tawh rawh " ka tisap a .






“ Engvang mahin ka beidawn san lo ang che mualpho ka pawisa lo Lalhlimpui min vuan la ka nupui ni rawh " a rawn ti a ,phawk zetin ka en a â zo tawh anih hi ” tuna min chhang lo anihchuan ka thlah hlen tawh ang che ka rawn kir tawh lo ang " a rawn ti sup. a.







A aw chu a nghet charh bawk ,hnar ta ila ka duhzia ka hria midang tan ka phallo a ,ka hmuh theih ka ring bawk silo ,lo vuan ta ila midangin engtin nge an sawi ang “ min chhang dawn em" a rawn ti leh a .







Ka ngawi reng kal a tum chu a hnung atang ka kuah bet chawt “ ka tihpalh mahse engkim hi ka ngaihtuah asin ka duh takzet che mahse midang hian keimah vangin an ngaih nep che ka duhlo ,bakah i nu leh I pa te i chhungte ho hian an rem ti dawn em ni" tiin ka zawt mawlh mawlh a .









Ka kut chu a rawn vuan a “ min en rawh ka kut hi vuan la ka chungah i rinna nghat rawh ka tih thin kha " a rawn ti a ,a awmah chuan min kuah bet a ,ka hahdam nghal sawng sawng thei .






Kan titi mial mial a ,kan nui leh hak thin a ni pawk amuk reng lo a,a nuam takzet “ zantin kan inkhawm ziah ang chuan midang thusawi ngaipawimawh suh ka tih che kha ,ka rawn sawm ang che ,ka haw phawt ange I mut a chhuak tawh ang " tiin a ding a .








Ka zui chhuak a kawtah chuan kan in fawp vang vang a ,ka hlima hetiang tak hian infawh hi nuam ka la ti ngai lo ,ka nu leh pa pawhin min pawmpui a ,ka lawm takzer mahse a nu leh pa te lam hi ka hre bawk silo ka rilru abuai .








Kan inkhawm rual ziah a ,amah vangin tunah chuan ka nun chu vanram ang tluk ani,midang min rel tawk an awm a ,mahse kan beng kan ch$ ngawng hmiah thung .






Nikhat chu an inah ka kal a ,surprise ka duh vang in inchhung ka lut a areh thap chutah bedroom lam atanga thawm rawn chhuak avang chuan ka ding chawt “ vawi eng zat nge sawtiang hmeichhe awm duhdah tak saw kawp tawh suh kan tihche" apa ani .







Zorinpuia tawng erawh ka hre ve lo ka ding ngawi reng a ti tak hian maw a pa te hian min duhloh a “ ka pa a tawk hmeichhe awm duhdah ani hauh lo in hriat loh hian eng harsatna nge a tawh ,hmeichhe dang tam tak neihloh anei asin ka pa .






Chuan a nunhlui chu nun hlui ani a ,kan tihdang lam theih anilo tupawhin tihsual chu kan nei vek chumi vang mai a bawihi hetia intih hi ka duh biklo " a ti hrawk a ,a ri nghal chawrh a beng ani Chiang mai ka ka hup in ka tlan chhuak a .





Inah letin ka room ah ka in kalh khuma ka tap nghal hlawp hlawp bawk keimah vangin a chhungten an ben phah ani a ,engtin nge ka tih ang ka thlah mai angai ani .





Ka room chu a rawn ri dawt dawt a ,Zorinpuia ani “ bawihi lo hawng teh " a rawn ti a ,muangchangin ka hawnga mi. rawn kuah vat a “ i tha em " a rawn ti nghal vat ,ka tap hlawp hlawp a .






“ Inthen ang" ka ti a “ a theihloh" a rawn ti nghal vat “ engvangin maw I chhungte hmuhsit tuar reng tur chuan ka theilo " ka tisap a ,min kuah nghal vat “ ka then dawn lo che ka hna emaw ka chhungte emaw kalsan an ngai anih pawh ka kalsa. ang.





Mahse min kalsan ve suh" a rawn tisup a ,ka kuah a ka tap vak “ keimah vanga i hming chhiat ka duh lo ,keimah vang vek ani ka nunhlui vangin miin an nuih phah che a keimah vang ani " ka ti chhuak nghal mawlh mawlh a .








Min kuah nghet sauh a “ nangmah vang anilo midangin an hriat kher pawh a ngai lo innei ang naktukah " a rawn tihchuan ka en nghal vat “ bawihi min nei rawh engkim hi nang nen chuan kan hma chhawn thei ngei ang " a rawn ti a .





Ka mittui chu aluang zawih zawih a titak hian ani maw min lo hmangaih ni ,ka buk nghat takah chuan ,a rawn nui sak a ,zingah ka thawmhnaw tur leh a thawmhnaw tur kan buaipui nghal chuk chuk a ..








A thianpa ramdanga awm rawn haw chiah pawhin min nuih tawp , a hmanhmawh thei sia" a tia kan nui hak hak hlawm a ,ka mokawr tur chu ka ha chhina ka thiannu chuan “ i mawi lutuk " a rawn ti sap a .






Ka nui var var ,kan inzui na la reilo mahse ka ring tawka min kalsan ka ring lo ,biakinah chuan mi tlemte hma ah kan inneia,pawi ka tilo kan inhmangaih na ai bak a hlu a awm lo .





Zana ka thianghlimna ka hlan chuan mak ti takin min en a ,ni e ka lo nundan en chuan thianghlim lo a ngaih pawh a awl mahse keichuan ka ngaihlu a tunah chuan ka pasal tan ngei ka hlan thei hi ka lawm .





Kan inneih na chuan midang athawnga ,a chhungte pawh an rawn langlo ka inthiamlo thin mahse Zorinpuia hian min kalsan ngai dawn lo tih ka chiang viau ani .





Ka hmangaih ka pastora ngei kha ani miau alawm .






ZORINPUIA POV..







Ka nupui pum puar lah chu ka en a ,a in hmeh hluah hluah naute phir apai meka ,a neih a hun tep tawh bawk ,a ke thluangin serthlum a ei mial miala,ka pan vat .





“ I lo tha em" ka tihchuan a bu nghat a ,ka kuah vang vang ka hna bansanin hotelah ka thawk tawh a ,tunah chuan ka nupui tan a tam thei ang ber hun hman ka duh ani .





A nun atang hian en tawn tur tamtak a awm ,a harsatna tawh ang hi mi tamtak chuan an tuar theiloa ,inthah phah an awm chawk ani erawh chuan a beidawn duhloh avangin tunah chuan rahtha a chhuah mek anihhi .






A pum chu ka khawiha ,naute chu an rawn che dat a ,kan inen a kan nui hak “ hey unau te u lo chhuak zung zung ru aw " ka ti a ,bawihi chu ka fawp vang vang a .




Ni e a nunhlui chu engpawh lo ni se hun kaltawh ani a ,tun hun hi apawimawh ber zawk ,ka nupui leh ka fate hi Pathian in ka Tana ruat ngei ani tih ka chianga ka vui ngai lo ang .







Zanlai a bawihi pum anat avang chuan damdawiinah ka hruai vat a ,anu te ka call nghal, ka vei tawn sek tawh ,pawnah chuan ka nupui nau vei chu kan nghak thap a .





Naute tap thawm kan hriat chuan ka pan vat a, phir mipa ve ve te chu ka en a,bawihi lo nui sen sen chu a chalah ka fawp zauh a “ an hmeltha lutuk" ka ti sup bawk ,kan lo awmkhawm laih lai chuan ka nu leh pa ngei chu inthla hrung dakin an rawn lut a .






Bawihi chuan alo be vat a ,ka nu leh pa pawh an inchhir thu an rawn sawi a bawihi chuan kan ngaihdam thu alo sawi vat bawk ,an tute chu kan pawm tir a “ bawiha naupan lai an chhun lutuk" ka nu chuan a ti a .






Bawihi nen in en in kan innuih sak tunah chuan engkim kan nei let leh ta,a hun taka che thin Pathian kan nei hi ka lawma, englai maha min kalsan lo tu chawimawi hi oa bansan ngai lo ang .





Ka tana hmeichhe tha ber min pek avang pawh hian .






“ Lalrinsang Lalrinawm inhau ziah su ka tihkha " ti a ka nupui in kan fate a hau hlak hlak chu ka pan a ,kan fate pahnih lah an inti rak reng bawk nen .




“ I nu thu awih ru ka tihkha bawiha " tiin Rinsanga a upa zawk chu ka en a “ pa awmawma hi lawm " a ti ve niah niaha “ tuna chin ah in inhau rawh tur ani lo rinawm I u zahla rinsang i nau duat ang che .





Inroomah lut tawh ru" ka tihchuan an kal nghal vat ,bawihi chu ka kuah a “ ka tawng che hi ka lawm e Lalhlimpui" ka tisup bawk .




A rawn nui var var a “ keipawn ka hmangaih che nang min tawntir tu Pathian chungah hian ka lawm reng fo ang" a rawn ti a ka kuah nghet sauh a ..




A tawp ta ,hei chu short tur ka tih hrim2 kha w😁😁😁

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)