MY PROFESSOR BY Mawitei Bawihtlung (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: MY PROFESSOR BY Mawitei Bawihtlung (Completed)

Unread post by Ngaia » June 13th, 2021, 3:56 pm

MY PROFESSOR





CHAPTER 7





LUCAS POV......






Lucas lo kal teh " ka nupui in a rawn tihchuan ka pan vat a ,a naupai pawh thla 8 na a hmang mek a ,ka duat viau a thinchhe bawk nen a changchuan a hahthlak thin ,pawna thawmhnaw zar ho chu a lo seng mawlh mawlh a .






Ka phei vat “ bawihi ti tawh suh ka tihkha hei nu Thani pawh a awm reng a ,I nau neih a hun tep tawh kha insum rawh " tiin kuah sawn ka tum a ,alo duhlo lutuk chu a uai deuh a ka nuih huk “ bawihi naupang chhia ang maiin awm suh hawh le i chau lutuk ang " tiin ka pawm nawlh a ,a la tal ve char char zui ..








A hahthlak anih hi inchhungah ka luh pui a ,a phun char char chu ka nuihsuk ringawt ,a ei tur ka lak sak a a ei leh mawlh mawlh tho sia “ Lucas vawiin chu chhuak ila " a rawn ti a ,a chhuah ka phallo a ,chupawh a naupai vang a ni ,fimkhur angai bawk sia ,mahse a ning tawh ang reilo te chhuahpui chu a pawi em lo ang chu .







“ Awle ka bawihi ber in a tih te chuan kan chhuak mai aniang chu " tiin ka nuihsak a ,a hmel chu a rawn eng nghal sawt sawt a ,chaw chu a ei mawlh mawlh a a phur bawk a ,a ei chak lutuk chu ka khap hial ,chaw ei kham rualin kan insiam a .






A hman hma em em leh nghal inhnuai lamah ka hruai thla a ,car bulah chuan ka dinpui dat “ bawihi khawiah nge ka len ang " tiin ka en a “ ka hre lo " a rawn ti leh nghal ,ka nuih hawk len chak em em siin lenna tur a hre chuang silo “ e Lucas I hmun ngainat deuhah khan kal leh ila " a rawn ti a “ a chiloh chetsual a hlauhawm " ka ti that a .







“ Mawh kal ang khawngaih takin " tiin a inla khawngaih thlak kual ve a ,thaw hak in ka aw leh ta nge nge ,a duh tawh lah hi ti tlang bur chi a ni bawk sia ,kan thlen rualin a chhuk thla a ,a pum puar tawh nen a ding leh vang vang a ,ka chhoh pui zel a ,a zawl laiah bak ka kal tir duhlo .






Ka kal hrang deuh hlek a ,ral khat chu ka thlir vang vang a “ Rini hei tunah chuan chhungkua ka din veleh tawh a sin " ka tichhuak sup a ,Bawihi rak that ri ka hriat chuan ka tlanphei vat a , thing luang bula a lo tlu ka hmuh chuan ka pan vat a ,a pum a dawm a a kap a tang thisen a chhuah chuan ka hlauthawng nghal vek.






Ka pawm a chak zetin ka car lam ka pan pui a ,lo kal San miah lo tur ka nia sin ,damdawi in kan thlen rualin an lo buai pui zung zung a ,naute zai chhuah mai a ngaihthu an sawi bawk ,kei erawh ka tawng lo a ka rilru in ka tawngtai mawlh mawlh ,Bawihi leh kan fa lo piang tur lehzel hi chu min laksak suh ka tuar zo tawh lo ang " ka ti chhuak hak a .






Thutthlengah chuan ka indawm kun ngawt ngawt a ,ka nu te ho pawh an rawn thleng vat a ,bawihi nute nen min hnem ve tak na in awmzia erawh a awm lo hle ,bawihi chungchang ka hriat hma chu ka awm mai mai theih ka ring lo ,darkar khat a Liam meuh chuan nurse in naute a rawn pawm chhuak a .






“ Fapa in nei a chuan naute nu pawh a tha e " a rawn tihchuan ka thaw huai a ,ka fapa hmel ka en chuan ka nuisuk engkimah ka naupan lai chiah chiah a chhun ,a upna hmun tur lamah an hruai a ,bawihi an rawn nawr chhuah chuan kan pan vat a ,a chalah chuan ka fawp vang vang a .









Darkar thum kan nghah hnu ah a rawn harh hram a “ Lucas kan naute" a rawn tihchuan ka kuah vat a “ kan naute chu a tha e chuan bawihi fapa duhawm tak min pek a vangin ka lawm e aw " ka ti a ,a rawn nui nghal sen sen a .







FIONA POV...





5 MONTH LATER





Kan fapa pawh thla nga na a hmang mek a ,Lucas lah in a duat lutuk chu ka hau ziah ,ka lam pana an rawn phei chu ka en reng ,a bawkvak ve thei tawh a ka lo pawm vat ,Lucas chuan ka biangah a fawp nghal zauh a .






Inchhung lamah kan inzui lut diak a ,eitur ka siam ho chu kan ei mawlh mawlh bawk “ Bawihi vawiin chu ka nu unaunu fanu te an rawn leng Dawn a lo chhawn mai ta che " a tihchuan ka bu nghat a ,ka la hmu hauh lo “ class lak ka ngai sia ka kal phawt ange bawihte anu thu lo awih rawh aw " tiin a fapa biangah chuan a piai zauh a .









Kan nufa chuan a hna kal tur chu kan vai liak a ,dar 12 a rik chuan doorbell a rawn ri rang rang a ,a cousin te chu an ni ngei ang ,ka va hawng a an lo ni ngei e ,inchhung lamah kan lut a an hawi kual nghal hrek hrek a “ lo thu ru thingpui ka lo siam ang che u" tiin choka lamah ka phei a .







Inchungah bawihte a erawh ka mut thung ,ka chhuah leh chuan an lo awm hauh lo ,inchunglama ka fapa tap thawm ka hriat chuan ka tlanchho vat a ,ka thil hmuh a vang chuan ka sa nghal phat a “ ka fapa kha dahthla rawh " ka tithat a ,an la nui mai mai zui .







Ka pan hnaia ka laksak nghal vat ,an rawn meng ling nghal hlar a “ nang hian ka unaupa hi I nei anga maw " tiin an nui leh hak a “a teuhlo nang ang hmeichhe tualthahhmang fanu leh nghal " an rawn tihchuan ka thinrim sauh a anau zawk hmaiah chuan ka beng sawk a ,pawnlamah ka hnuk chhuak nghal zat .







Kan in a tang hian chhuak nghal rawh u " ka tifak a ,min rawn hnial a tum chu au vakin ka kut chu la in stepah chuan a innem thla a ,a chal a tang thisen a chhuak nghal bawk “ engthil nge thleng " tihthawmah chuan ka harhchhuak chiah ,lucas chuan a cousin chu a buaipui a min rawn en chhauh chuan thinrim mitmengin min melh reng a.








Ka bula nu lah chuan “ u Lucas I nupui hian in ina luh leh in fapa kan chhaih hi a phallo a ,kimkimin a hniala chuan a rawn namthla a alawm " a tihchuan sawi tur hre lo in mak tizetin ka en ringawt a ,hospital a an kal Liam te chuan ka dinna ngaiah ka ding reng ,zanah Lucas a rawn haw a ka thawmhnaw chu a khung mawlh mawlh a .







“ Lucas enge itih dawn" ka tisap a ,engmah a la sawilo “ Lucas " ka tileh that a “ chhuak rawh kan mamawh tawh lo che " a rawn tihchuan ka bing nghal mup mup a “ tualthah hmang chuan tualthah hmang bawk an hring chhuak thin " titu chu hmana ka pasal kha ala ni em tiin ka en reng a .








“ Lucas ka tih a nilo " beidawng zetin ka tichhuak a ,mahse ka thusawi ngai pawimawh lo in pawnlamah chuan min hnukchhuak a ,ka fapa chu nu Thanpuii kut ah a pe a ,kawngka min khar hnan hmak bawk ,ka mittui chu a luang zawih zawih a ,muangchangin ka tho chhuak a .






“ Lucas ka tih anilo a sin ,thudik I hriat hunah meuhchuan a tlai tawh dawn ania " ka tichhuak sap a ,ka pasal leh ka fapa nena hlim taka kan awmna chu ka liamsan riai riai a ,ka nute panin ka hmuh rual chuan ka tap nghal hawm hawm a ,a tukah chuan Lucas nen kan inthen thu leh a cousin ka khawih nimiah lo a amaha lum nu chanchin vel te chu an sawi a .




Tualthah tum vanga man tir ka ni a ,engmah erawh ka sawi lo mahse finfiahna an neih loh a vangin min chhuah leh nghal a .



Mi zawng zawngin ka chungchang a diklo in an ngai vek bawk ,zankhua in ka tapa chaw pawh ka ei thei lo ,David a erawh ka tan a awm reng a ,ani telin ka dawldang tial tial a ,ka nute pawh an beidawng tawh ,Lucas leh kan fapa ka ngai em em a ,mahse min hmuh chu sawi loh ,hmu tur a kal pawh ka tan rem tih a nilo .







Tuk khat ka tho chu ka pum a rawn na vak a ,ka khawhmuh a phe vek thi in ka luak a ,ka nuten damdawiin min pan pui vat ,engmah hriat erawh ka neitawh lo ,Lucas pialralah aw mahse chutah pawh chuan kei min kalsan in I nupui leh I fapa I pan leh anga tiraw ,kei chu mal tak bawkin ka awm leh ngei ang .







LUCAS POV......







Enga " tiin ka tho chhuak a ,hospital lam ka pan vat ,nilo Lalrinsang hospital ka thlen rualin a nute ka hmu nghal a ,an lo tap hawm hawm a ,ka hmaiah chuan a nu chuan min beng sawk a ,mahse engmah ka ngaihtuah thei lo ,doctor a rawn chhuak a kan pan vat “ a pawi ka ti lutuk kan chhan hman tawh lo ani " a rawn tihchuan ka thingthi nghal hnawk a .








“ Bawihi hei hi min chhan let Dan maw lo ni a " an rawn zawn chhuak a ,anu chuan a kuah nghal a anaute pawh chuti bawk ,a hmai dang belh leh nunna neitawh lo tih hriat taka vawtthler chu ka chula, ka nupui hmeichhe duhawm leh naupang chhia zet ,ka bula pangchang zet kha heleiah a awm ve tawh lo tih ka hriatna chuan ka lung a Tina vawng vawng .









“ Lucas kan thih hunah chuan thla puia chan ka duh ,chuan ka hmu reng thei anga ,natna leh hrehawmna hre lo a ,miten enge an sawi ngaipawimawh lo a amah a eng mawi tak khu nih ka duh,a mah chiah a awm a khitak khi a hlutna a ni a lawm" a tihte chu ka bengah a rinawn tluk tluk a .







Kha ka nupui kha auh kir duh mah ila ,ka auh din rual a ni tawh lo “ bawihi hei vang hi em ni mal taka awm tur a ka kalsan vang che hian em ni thlapui nihkha I lo duh ,bawihi ka la ngai che a sin ,ka tihpalh aw lo meng leh la aw ,I tello chuan I fapa hi tunge enkawl anga ,kei hi tunge min hnem ang ,ka mal Dawn lutuk" tiin ka tap chhuak ta hawk a .








“ Lucas ka hmangaih che ka hmangaih reng ang che " a tihte chu ka bengah a rinawn tluk tluk a ,theihse hun hi koh kir a ,Fiona lalrinsangi hi tawn hmasak ber a hlimna chhiarsenloh pek ka va han duhtak em ,ni e bawihi he khawvelah hi chuan I mal em ani tiraw kei I pasal laktlak loh zet vang hian ani tiraw .





Ka tihpalh aw min lo nghak la pialralah chuan ka rawn zawng hmasa ber ang che a ,ka kut lo vuanin I nui mawi tak kha min lo hmuh leh ngei ngei rawh aw bawihi,kei leh I fapa hi min lo thlir reng rawh aw ,kal la Tina tu che erawh hi chuan kumkhua in ka inthiam leh tawh ngai lovang .








An vuiliam ta ka hmangaih i kha ,Laltluangkimi ka hmuh chuan ka rek bet chawt a ,min rawn dang vat a ka hmuh phak loh turah an hruai bawk ,bawihi ruang an chhilh tur chu kan fapa nen chuan ka pan a ,ka mittui a far fap bawk “ bawihte mommy hi mangtha rawh le he khawvelah I mommy kha I hmu leh tawh Dawn lo ania .





Chuvang chuan anu hi mangtha tirawh le ,ka tihpalh aw keimah vangin I nu I chan si a " hrehawm tizet chuan ka tichhuak a ,van lam ka hawi vang vang a “ Fiona lalrinsang dam takin pialralah khan min lo hmuak ngei ngei rawh aw " tiin ka au chhuak a .






Midang an haw hnu pawh chuan ka la awm reng a ,anu phei chu nikhaw hre lo in a la awm reng ,a thlan chu ka vuan a “ he khawvelah chuan ka tina em si che a ,vanah chuan an lo tihlim ngei ang che tiraw ,ka hmangaih Rini i han hmu a nihchuan ngaihdam min lo dil sak la ,i kiangah ngei awm leh ka duh ania aw bawihi .







Hringnun hi kan tan chuan a har lua ani e ,hmangaihna thawnthu zawng zawng hi a hlimawm vek thei silo a tiraw ,in channa leh in kalsanna ram a nih hi helei hi zawng ,in hmangaih em em mah ila kan awmdun a rem tawh mawh silo a .





Thiannu /thianpa he kan thawnthu hi I lo chhiar ve ngai anihchuan ,hei hi hrereng rawh ka phu lo I tih a vang te khan I hmangaihna kha zep ngai lo la ,a kianga i awm theih lai hun Khan hmangaih takin enkawl ang che ,hringnun hi a tawi lutuk ania ,I tlai hlauh ange a kal tawh hnu ah chuan ngai in au mah la chhawn tu che a awm tawh dawn lo ,chuvang chuan I hun tlemte neih laikhan a tan nung la ,hlimna thlentu nirawh ,a thih hnu chuan engkim a nih tur ang a ni zo tawh thin ,a chhang thei tawh lo che a ,a nui ri leh a taksa i khawihin i hmu thei tawh Dawn lo .





Dam reng tura duan kan nilo ,tu te pawh hian thih hun kan la nei dawn ,thih hnu a in hmangaih thar ai chuan tunah a kianga i awm lai leh I kianga a awm lai khan theih tawpin hmangaih rawh .


PANGPAR CHU PAR VUL THEIHNAN DUAT TAKIN CHAWM LA ,A VUAI TAWH HNU CHUAN AWMZIA A AWM LO .




A tawp ta


*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)