KA TA INI PROFESSOR (Let me leave s2) BY Mawitei Bawihtlung (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: KA TA INI PROFESSOR (Let me leave s2) BY Mawitei Bawihtlung (Completed)

Unread post by Ngaia » October 3rd, 2021, 1:50 pm

KA TA INI PROFESSOR








CHAPTER 14








Ka hma a mipa min lo nghak reng tu chu mittui tling piau in ka pan hnai zel a ,hun harsa tak kan tawh hnu ah tunah chuan nupa kan ni ve dawn ta ,ka thiante pahnih chu thianah hmangin a niin Nick leh Michele a hmang bawk ,mi tlem chiah kan sawm a ,reporter thenkhat nen ,ka kalphei zawng te chuan camera a de chuai chuai tawh ,a chhungte Mr Valtofa te an Kim hle a .










Mahse a mah enkawl tu ber Mr .Keyden erawh a rawn lang lo ,a fanu leh a nupui bakah Kaya a rawn tel a ,chu erawh ka lawm viau lo ,mahse hmangaihna mit nena min thlirtu ka hmuh hian ka nun chu a hlim,keimah chiah min en in khawdang hawisawn lo lek hian min en reng a,a bul ka thlen rualin a kiai nghal suk ,ka kut chu vuanin a fawp vang vang a .










Thu chham zawha ka kuta lunghlu zungbun mawi zet a rawlh luh chuan ka tah nuih hak a ,a kut lianpui la a ka bun tir lai a a mitmeng cool ruiha hlimna langchhuak chu ka hmuh hmaih lo hle bawk ,ka hmuiah a rawn fawh rual chuan kut an lo beng dur dur a ,ka hawi chhuah ruala Kaya mitmeng erawh rapawm tak a ni,ka nuih sak a ,a kalsawn nghal nul nul ka bengbula “ Ka nupui " tia rawn phun sur sur chu ka nuih hak a .












Ka kuta vuanin min kalphei pui a ,camera chu a rawn de leh chuai chuai a ,a chhungte bulah chuan min dinpuiin an ni pawhin malsawmna min lo hlan mawlh mawlh a,apate Valtof a pawh a fel hle ,Mr Keyden nen chuan an mizia a inpersan hle bawk ,“ Monu hmeltha deuh kan nei dawn a nimaw " Nathan enkawltu nu chuan a rawn ti a ,ka lai chu ka sa hat hat mai “ Nu I tilai alawm " Nathan chuan a rawn tihluk a .










“ Aho e ,nu stella min tihloh leh nu min ti dawn ania aw ,chuan hei hi Nathan a nau a nih hi ,I pa Keyden erawh a buai a vangin a lo kal thei lo a ,hrethiam hram mai ru aw " a rawn ti bawrh bawrh a ,ka lo bu nghat “ U u Kaya hi I hmangaih viau anilawm ni nge henu hi I neiha " titu chu kan en thap a ,Kaya nen an lo ding tlang a “ Jasmine ngawi tawh ka hmeichhe hmangaih chu Ellie hi a ni ,khatiang in sawi tawh suh hming a nei " Nathan chuan a tihrawk a .











Ka lo chelh bet vat “ Mahse " a tileh chu nu Stella chuan “ Jasmine a tawk va haw rawh u helaiah buaina siam tum suh" a ti that a ,Kaya chuan min rawn nuih sawngin an kalsawn a ,ka kutah Nathan chuan a rawn kai a ,ka lo nuihsak a mita min ngaihsakna ka hmuh hian Kaya te awmdan vang mai mai a thinrim khum ka tum lo ,inchhung lamah kan lut a ,party in kan ri bawrh bawrh hlawm a, ka rinai mi an tam daih mai , Nathan nena lam tur a min tihchuan nui hak hakin kan lama .










Girls like you " tihchu play in kan intheh kual a ,an lo au dur dur Nathan nui hawk hawk chu enin a hmelah chuan a lungawi hliah hliah tih ka hmu thei vek ,night party a ni bawk nen a kal chhun ho chu an che na viau hlawm,kan thiante pali lamdun chu enin kan innuiha ,khawia rilawm ang ber zia zang a ,an in kuah hnap te chuan ka nuih bawm an hawlh keh chiang ngei mai,Nathan dara bei chuan ka nui hak hak a .












Ani erawhin kei min en in lungawi tih hriat hliah hliah hian min en leh vung vung thin,hei vang hian alawm pasala ka nei pawh hi ka inchhir loh ,kan mizo pui tamtak chuan hei vang hian min sawichhe leh ngei ang tih ka ring,hnam dang innei hi kan sawisel peih rualin eng vanga innei nge an nih ang tih an ngaihtuah leh duh miahlo ,khawvelah hian kan duh ang diak diak hian thil a kal thei lo a .










Hnamdang neite kan han ngainep leh viau thin,hnam dang neih a tha lutuk ka tihna nilo mi an inhmangaih miau chuan kan dan theih an nilo ,an nun ania an duhthlanna a ni ,an hmangaih leh an rinngam,an chhungkaw dinpui tlaka an ngaih leh an mahni hmangaiha enkawl zo tu ni a an ngaih an nei a nimai a ,enge lo sawi theih kan neih ,kan chawma kan enkawl seilen pawh nihleilo an nundan lo siam that a ,lo sel kan ching hlur ringawt a .










Mahni chungah pawh la thleng ve thei a ni tih hre lo lek hian mi chanchin ,an thiltih tha lo te hi kan hmuhlen sak hlur a ,Zawngin mahni ngum khak hmu lo in a thiante ngum khak a nuihzat tih ang zawng zawng hi kan neih zo a ,Mizo hmeichhia phei chu thenkhat hi kan rapthlak lutuk thin em aw hi ka tia ,kan hmeichhiat pui ngei ngei hmangaihtu dik an tawn loh a vanga mualpho a ,an nun rum vawng vawng ,belhtur leh an thlavang hauh tu ngai em em te fuiha,puih tum aiin.









Hmeichhe buan chak lo ,a chantawk chiah a ni ti a sawi in an rilru inkiltawih sa tehlul nen kan han sawichhe zui a ,mi nun beidawng em em pantur hrelo hahchawlh mamawh em em kha a hma aia nun beidawngin kan chhuah a ,tunlaiah tinge mahni inthat hi an awm leh fo thin ,a chhan chu maw an nun ah beidawnna an thiante ni a an ngaih,an chhungte ,an mihringpuite ngei hian fuihkala ,chak taka awm tur a hrilh tum aiin an mahni dem na hlir an hmu leh thin zawk si a .










An nun kal ngaihna hrelo a vak vai chu keini'n kan lo belhchhah leh thin vang mi berin ka hria ,mi'n an thiantha ah min ngaiin an thuruk min hrilh ve tang tanga ,hengte hi lo sawichhuak leh mai thinte kan awm a,heng mite hi mi hlauhawm tak an ni chuan ka hria ,thiantha tiin ka chhal thei lo ,kawm hnuhnun a piang hnena kan kawm hmasak te chanchin sawi zut zut hi chu thiantha tak an tling ngai lo ,thiantha chu a ngawi mai a ,a hun takah thian a nihna a tilang thin .







Midangin min rinloh lai pawha min ringtu ,kan beidawn ngawih ngawih lai pawha beidawng lo tur a min fuih tu ,kan tluk hlen hlaua min fuih hram hram tu hi thiantha ,min hmangaihtu diktak chu an ni ka tilo thei lo ,ka thiante pawh hi chung ngei chu an ni in ka hria ,ka kut rawn khawih zauh tu chu ka hau hlak a ,a la nui mai mai zui chutah zawi thum sup hian “ Mut ka chak tawh ,ka haw tir vek dawn mawni " a rawn tihchuan a hnungah ka chum awk .











Sawi awm.leh awm lo hi a hre thin thlawt lo ,an haw rem vek hnu chuan a chimawm dan mai mai chuh! a nghal bawk si ,room lama min pawm lutin anui vur vur reng a ,ka va han ngei mai mai tak a hnu a a chet zui Dan chu ka sawi peih lo zawk ,zinga ka harh chuan ka taksa hi a na thumin ka hria ,Nathan erawh bathroom lamah a awm tih hriat takin a faifuk hlurh hlurh a ,ka mu thla leh hnawk ringawt ,min sawp chau vek in ka hria .












Duhtawk chin anei der bawk silo ,a rawn chhuah rual chuan min rawn melh leh vut a,a hmelah hian a nupui ka nih a vanga intithei hmel ka hmu ,ka nerkhum nawng a “ Morning ka nupui ka nupui bik ngawih ngawih nu " a rawn tihchuan ka nui hawk hawk a “ Ka pasal ka pasal nih chak em em pa morning " ka tihchuan khi suk hian min rawn pan a,min fawh leh a tum chu a hmui ka hup a “ Ka inti fai ve Dawn ,lo inthlak rawh office kal I ngaihkha " ka tihchuan ka kut lasawnin a mit a kan uk a .












“ Nupui neih hlima hnathawhsan ka duh hleinem ,kan induat hliau hliau ang chu le " a tihchuan “Lerha " ka ti vak a ,a nui leh mai mai leh nghal ,a thinrim thei lo emaw tihtur khawpin a nui thaw reng chu a nih hi ,tho chhuakin bathroom lam ka pan hlawk hlawk a ,min nuih zui tihchu ka hre reng ,a duh hunah hi chuan a tawngthei ve mawle et awt in ,ka inbual fai zung zung a ,ka chhuah leh lai chuan a lo awm tawh lo ,inhnuai lamah a chhuk anih ka ring .









Inthlakin thawmhnaw hak nuam deuh tur chu ka la chhuak a ,thlasik rim a nam tan ve tawh bawk nen a vawt ve viau tawh,kailawna ka chhuhthlak lai chuan eitur rim ka hria a ,ka nui nghal ver ver ,min hnungchhawn a ding ,darpharh hlai hlap mai chu a hnung lam atangin ka kuah a ,a tawp deuh chut “ Pasal eisiam thiam deuh ka nei hi ka vannei ka inti e " tiin a hnung lam a tanga thlekin ka en ha a ,kiai suk hian chawhmeh chu a chan mual mual a ,a bulah chuan ding tha in ka pui ve vat .











Sa lam deuh vek kan siam a,thlai hring ah bean vel chiah kan siam a,chaw ei ka siam zung zung a ,kan ei nghal mawp mawp ,a chang leh min rawn barh thul ,kan infiam pah a ,kan hlim viau “ Engtikah maw inramah chuan kan kal ang " a tihchuan ka en vat a “ Ka hrelo I tih Dan Dan a nimai " ka tisap ringawt,ka pasal a nitawh a ,a thu zawm tur ka nia lawm tihchu ka inhrilh mawp mawp a .










“ Awle karleh lamah kan kal dawn ania ,tunkar chu hahchawlh nan hmang phawt ila " a tihchuan ka nuih sen sen a ,ka hmaiah a rawn piai zauh “ Amak e chaw kan ei hi I chaw kha ei rawh "ka ti hlak a ,thusawi lah hi a zawm duh miah lo leh nghal a a .



Ka puar e " tiin ka tho tharh a ,a ni erawh a muang thei ang berin a eilui kher a ,ka va han ngei em a hmaah chuan phei in ka ke ka thet deuh deuh a “ Khawi tikhan eilui suh pool -ah sawn cheng ang ,mawh amake Nathan " ka ti tan tan a ,nui suk sukin a la thu reng leh nghal ,ka ngei bawk si ka melh rawm rawm tawh,thinrim tawh pawha nui sawng reng te hian min tithinrim zual .









Ka inher tur chu rawn tho chhuak in min pawm kang nawlh a ,inchunglamah min tlan chhoh pui nghal vawk vawk ,ka au chho tuar tuar chu nui hawk hawk hian room kawngka hawngin khum lamah min phei pui nul nul a “ Amak e Nathan ,duhtawk chin nei teh " tiin ka nam tang tang a ,thusawi awihlo zet hian a in phelh sawk sawk a ,ka lo en tawp ringawt“ Tuichenna hun chu nileng a la awm a lawm ,chumi hma chuan ka duhzawng kan ti ang " a tihchuan ka nui hak a .











A thawmhnaw a phelh mawlh mawlh a ,ka chil ka lem dawk ka khur leh nghal der der ,min en in a nuisuk a ,chutah rawn kun hniamin duhthawh zet hian min rawn fawp buan buan a,a chet zawm mawlh mawlh a ,ka chau zual vek ,ka mu zawi thlar ringawt tawh,kan thlan dap a “ Luhlul ngelngul pa " ka tihlak chu nuisuk hian min pawm tho a ,a mahin swim suit pawh min hak tir vek,min pawm chhuak a









“ Tha pawh ka nei tawh lo ,nangmah vang vek zaninah chuan min khawih tawh suh ang che" ka tihchuan a tum nghal hmuk a “ Ka theilo " a rawn tihluk bawk “ Thei rawh ka tilo che ,keimahin ka thei a lawm" tiin pool lam kan pan chu hawikual pah hian ka ti a ,pool ko tlangah min dinpuiin min dahthla dawn emaw tihlaiin min zuan thlak pui thut a ,ka rak nghal tuar tuar ,ala nui ang hawk hawk leh nghal .










Ka Sam chu hui sawn in ka melh nghek a “ Mawla min dim ve thin rawh,mipa ka nih loh hi ka thih I duh a mi " ka ti hlak hlak a,min rawn kuah nghal chawt “ I thih ka phallo ,ka hlat a tanga hlataka awm tur pawhin ka duh hek lo che ,ka bulah awm reng la,kan tar hun thlenga min tibuai tu ni rawh,I tello a dam ai chuan zui ve che ka duh zawk " nghet charh hian a rawn ti a ,a lam hawizawngin ka inher vat .











A thusawi chu a tih mai mai loh zia ka hmu chiang viau in ka hria ,hetiang taka min hmangaihtu ka tawng hi Pathian chungah pawh ka lawm reng fo ang ,a hmaiah chuan ka khawih a “ Ka hmangaih che ka pasal,ka tan a ilo pian a vang pawh hian ka hlima ,keimah chauh min hmangaih a vang pawh hian ka hmangaih zual zel ang che " ka ti sap sap a ,ka kut chu a kut hlai hlup chuan a rawn khuap nghal hlun bawk .











Nileng chuan kan pahnihin tuma chim buailohin hun kan hmanga. ,kan mut loh leh movie kan en a ,kan inchhaih reng bawk ,a bula awm chu a hahdam thlak hi ka ti ngawih ngawih ,zanlam erawh company lam buaipuiin laptop-ah hna a thawk mawlh mawlh a ,ka mut a chhuak tawh si ,a tello in ka mu duh lo bawk nen inhnuai lamah ka chhuk thla ve a ,coffee lo inchhawp in a la thawk mawlh mawlh a .








Ka chhuk a hmuh chuan min nuih nghal suk “ I muthei lo ami " a rawn tihchuan chhang lo in a mal chungah kap kalak in ka thu a ,a nghawngah ka kut rawlh lutin ka kuah nghal than a ,a nui ringhal suk,ka ham bai bai a ,a dara bei chung chuan ka muhil nghal siai siai bawk .








NATHAN POV...









Ka hna a tam bawk nen ka khawih mawlh mawlh a ,company lamin buaina an tawk deuh tih ka hriat a vangin ka buaipui nghal zung zung bawk ,ka hnathawk ho nen meeting neih a ngaih a vangin callin kan inbia a ,ka taksa a bet tai an hmuh chuan mak tih hmel zetin an hawi ho hlawm a ,kei erawhin ka ngaipawimawh lem lo .









“ Vawiin lam report ka ngaithla duh " tiin ka thutdan siam remin Ellie chu ka pawm tha deuh a ,ala mutui em em zui ,a chalah ka fawp vang vang a ,director a ka ruat chu ka melh ding nghal ngur “ Vawiinah buaina a chhuak tih ka hria a ,report chu pe vat ta cheu " ka tihmuk a “ Sir ni e ,kan elpui te hian kan company thang zel hi an er em em a ,kan design ruk chhuah an tum reng bawk nen fimkhur chu a ngai hle ang.








Vawiinah pawh dawt hmangin kan company ah an rawn lut a ,I awm silo nen an ngampa tih a hriat hle ,mahse kan lo hre hlauha ,venhimna kan kalpui nghal bawk ,I hriat angin silai nena min rawn luhkhungin mi pahnih lai an hliam bawka,mahse vannei zawkah kan tang hlauh a ,an ni pawh police kutah kan pe tawh e ,hmalak leh dan tur erawh i kutah a awm a ,i thutlukna kan nghak mek ani " a rawn tihchuan ka thaw chhuak ham hama.









Engvanga Loren Davis te hian min er em em reng nge an nih ang ,tharum hmang pawhin kan in bei fo tawh a ,mahse lenlam leh thiltihtheihah min tluk miau loh a vangin an tlawm leh nge nge thin,mahse tichung hian mi beih hi an bansan thei lo anih hi “ An company en thla turin mi tir ang cheu ,englai pawhin an thiltih an hmuh hmaih tur anilo,buaina a chhuak anihchuan an silai an hmang hreh tur ani hek lo ,tikhan meeting chu tawp.rawh se " ka tihrualin ka dah a .










Ka nghawnga bet tai chu enin ka nui nghawr dat ,amaha mu duhlo a ka bula a rawn kal te hlei hlei hian min tilawm ,a chalah chuan ka fawp vang vang a ,a tep chiap chiap chu ka fawp zauh,amala dawmin ka dinchhuah pui a ,a chau hle ang tih ka hria ,keilah ka insum thei thlawt lo nen,inchung lamah ka chhohpuia ,ka nu leh pa in ah kan awm bawk nen mi pahnih tan chuan a zau lam hret chu a ni e ,Pa Keyden leh Jasmine te hian Ellie hi an ngaina lo tih ka hria .







A chhan pawh Kaya an duhzawk miaua,mahse an thu anga awm ka tum lo ,Jasmine pawh ka nau anih angin ka hmangaih ,mahse ka nupui hi a ngai thei hlawllo a nihchuan min be tawh lo turin ka hrilh hmak a nihkha ,khumah chuan muangchangin ka mut thla a ,ka kawngah a rawn kherh bet tlat zui ,ka bawk ve ta reng .








Tihharh ka hlauh a vangin a ke chu zawi muangin ka dahsawn dawna ,a rawn chep nghet deuh deuh zui ,ka nui hawk ,insiam remin a bulah chuan ka mu thla a ,ka kuah nghal zat ,a thaw sak sak reuh a ,a hmeltha tak chu ka thlir reng ,a sam.dum ngil sei tak inzam darh niah te chuan a tilang sexy zual a ,a mithmul er tan te chuan a mitmeng nalh zet chu an chawi zualin ka hria .










Ka kuah nghet sauh a ,keimah vanga dinhmun hlauhawm taka a awm ala ngai ang tih ka hria ,mahse ka venghim reng ang ,ahlatah ka awm theilo a ,ka hlata awm tur lah in ka duh hek lo ,a samah chuan ka chulsak a ,“ Nat" a rawn tihchuan a harh emaw tiin ka en vat a ,a harh chuang lo a tawngvai tih ka hre mai ,a kut chu hum sak vang vangin ka nupui a nitih chhinchhiahna zungbun invuahna lai chu ka fawp leh zauh a .








Ka awmah ka kuah bet nghal tlat bawk ,tumahin an Tina hauh lo ang ,ka ta a ni a ,a ni reng bawk ang .






UNKNOWN POV..









Thlalak chu enin ka nui suk a “Nathan lutolf,I nun ka tichhe lai hi lo en ang che ,ka nun hreawm taka siamtu hian hlim.reng I phu bik lo,mahse hlimna chu lo chen rih phawt rawh ,nakinah chuan i nunkha hrem hmunah a la chang ngei dawn si a ,ka unaunu chunga i chetdan a vang khan ka ngaidam lo ang che ,I na lai ka thlir ve tawh thung ang .








Ka u na taka hliama ,thi tur a i kalsan a vang khan nunnuam in i awm rei tawh hauh dawn lo, nangmah bakah i nupui ngei pawh khan a tuar bawk ang tih hre rawh " tiin ka nui chhuak tuar tuar a ,ka phone ri chu ka ban nghal vut “ Sir engkim peih a ni tawh e ,I thupek chiah kan nghak tawh " rawn titu chu ka nuih zui hak a “ Lo en rawh u game chu ka khel tan khawp ang ,in nun kha ka tichhe vek dawn .










Ka chhungkua min laksak tu hi nungdam in ka zuah reng bik lo ang cheu ,mahse Ellie i nupui erawh keimah ngei hian ka ta ah ka la siam ang" tiin ka room chu ka chhuahsan a .








ELLIE POV....








Nat tho tawh ang " tiin ka sawi ngat ngat ,anilah a luhlul chhuahin a mu ngut mai bawk si ,nizan ka mutsan daih a vangin a lawm lo tih lah a chiang reng leh nghal “ Nath tho teh mawh ,ka ril a tam a nia I sual e nang chu " ka tihpawh chuan ala tho chuang lo ,ka thinrim ve takzet tawh “ A tha tikhan mu hlawm. reng ang che ,ka hua che sual ropui si " tiin ka tlanchhuah san a ,pawn lam pan zelin thingkung buk zet kungah chuan min hmuhloh nan ka lawn daih bawk .







Ka thutfel rual chiah chuan a rawn chhuak a ,a hawi kual nghal ruai a ,a hmel a tang chuan a hlauthawng tih ka hria ,nge ka koh lawm lawm laiin a mu lui tlat a nihkha ,ka inhmuh tir nghal mai mai lo ang ,tisawn min zawng ve hrep rawh se ,pawna min hmuh loh vang nge inchhung lamah chuan hmanhmawh zet hian a lut a ,room hrang hranga min zawn leh ka ring ani ,ka awmna hi a biru bawka ,ka ko te a nih loh chuan min hmu mai mai dawn lo tih lah ka chiang











Pawnlamah a rawn tlanchhuak leha ,a au ta ,ka eih duh eih lo ,tisawn mangang ve phawt rawh se ,a phone chu a phawrh a ,a en vung vung a ,hepa hi midang pun a tum em lo ang chu maw ,ka vanduai a siamin ka thutna thing chu a rirawpah phul chungah chuan ka tla thum dawm mai ,Nathan pawh a rawn hawi nghal vat ,ka mawnglah chu a na lutuk ka mittui a hnam sawk thei alawm le ,min rawn pan a.










“ I tha em " tiin a rawn thu hniam a ,mittui tliang puau chung hian “ Ka mawng ana " ka lo titiau ,dim zetin min pawmkang a “ Thingkung lawn thatloh zia a nihkha" a rawn tisup ,“ Ngawi mai mai teh i thawh duh loh vang a nih hi ,tho vat la chuan ka lawn kher a ngai hauh lo ang " ka ti ve hlar a .









Nui suk suk hian inchhung lamah min luhpui a ,sofaah chuan dim zet hian min mut in ka mawng lam chu a buaipui a ,ka zak bawk nen ka sen tawn tawnin ka ring ,ka pasal mah nise a zahthlak duh takzet ,dimte hian a hmet kual a ,ka lo ner leh sak sak zel ka sawhna phian a nih ka ring ,a zawh hnuah a mal chungah min hlangkaia ,ka bei nghal hle hle nizan khan a hnathawk kha a mal chunga mu tho in a nihkha ka lo mutthilh san daih ni .









“ Nat " ka tihchuan “ Umm" a rawn ti thum ruih a ,ka che sat sat a ,a awmah ka bei nghal thak “ Ka mut a chhuak leh tawh e " ka tihchuan a rawn nui nghawr dat a “ Tunge zinga thawh a hun tikha ,baby vawiin chu office kal ka ngai a ,nangmahin I awm hreh em ,chhunah in awm tur ka rawn tir anga ,vawiin a tangin hna an thawk tan a nga a reh lo deuh ang chu " a rawn tihchuan ka bu nghat a .









Ka chalah fawp vang vangin ,min pawm chung chuan inchung lamah min chhoh pui a ,a kawngah ka kherh bet ran bawk ,khumah min mutlehin a insiam a ,a coat suit hak te chu a in hmeh hluah hluah,black vekin a inthuam a ,ka bulah rawn kal leh in ka chalah a fawp leh zauh a “ Tikhan i riltam hunah chaw lo ei rawh aw ,ka rawn haw har lo ang ,ka hmangaih che " tiin a tho chhuak a ,ka hmuiah duhthawh zetin rawn fawp lehin a chhuak a .








A reh nghal rawih rawihin ka hria ,ka mutchhuakin min zem leh chiai chiai a ,ham bai bai in ka chhing nghal sek ,ka pum ri rawih rawih a vang chuan ka mutui lai chu harhin ka tho chhuak a ,alo tlai ruih tawh ,ka mawngna pawh a zawng ngaih ngaihin ka hria ,dim zet hian ka tho a inhnuaia ka chhuh thlak chuan maid paruk vel hian hna an lo thawk mawlh mawlh a ,ka chhuk an hmuh rualin chibai min buk nghal sap sap a .







“ Mam ,I ril a tam tawh a mi ,heta hi lo thu rawh kan lo chhawp ang " an rawn ti zung zung a ,an fel in an polite tih a hriat ,dim te hian thutthlengah chuan thutdam tur dahin ka thu thla a ,min en thap tih ka hriat chuan ka nui hak a “ Ka mawng ka sawh a ,khawi maw eitur chu lo chhawp ula " ka tisap a,an ni pawh an mak tihna bo in eitur chu an rawn chhawp nghal mawlh mawlh a



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 3rd, 2021, 1:50 pm

KA TA INI PROFESSOR







CHAPTER 15







Tlai lam a nihchuan ka vak kual sek tawh ,ka mawnglah chu a na ve em em lehnghal ,Nathan lah a rawn haw har tawh bawk si ,motor ri ka hriat rual chuan gate lam panin mawngdawm chung chuan ka phei hnak hnak a,ka mawng hi thlak ka duh hial mai,ana bawk si,Nathan lo chhuak chuan min rawn pan vat a,min pawmkang nghal nawlh chu ka lo kuah let ve chial a .








“Ka ngai lutuk che my pretty wife " tiin ka hmuiah a rawn fawp vang vang a ,“ Ih Nat ka mawng hi ana reng a ,ka che tha thei lo " ka tihchuan za lutuk hian a rawn nuichhuak a ,ka mawng chu a tham tel kher leh nghal ,ka au nghal that “ Ana mawla ,ka hrilh mawlh mawlh che kha " ka tihlar a ,dim zet hian a rawn khawih leh ang lawi a “ Ka duat ,engmah zep neilo a sawichhuak phawng phawng thin hi he khawvel hmeichhia ah hian ka hmangaih ber " a rawn tihchuan ka khi vur vur .









“ Keipawhin ka angry bird a hi ka duh berin ka hmangaih ber,he khawvel mipa ah a mah tluk tu an awm lo " tiin ka ban chu min kuah nghet dawn tih ka hriat a vangin ka phar hliai a ,nui suk hian inchhung lam min panpui a ,awmpui ho chuan hna an lo thawk mawlh mawlh. a,Nathan a rawn haw tih an hriat phei chuan an che sawk sawk tawh mai ,an hlau tih hi a hriat thin









Tupawh mai hian ka pasal hi an hlau nimai in ka hria,a chhungril hmuhpuitute erawh chuan mifel ,midangte tana inpe zo tak a ni tih kan hre chiang viau thung a “ I ril a tam tawh em " a rawn tihchuan ka bu nghat a ,ka hmuiah a rawn fawp vung vung a,ka mitchhingin ka chhang ve vat a ,a duhthawh leh viau tawh .








Ka mawng a rawn tham chuan harh chhuakin ka rak that a “ Awi ana lutuk ,ka mawng hi thlak ang " ka ti chul tawh ,a nui hawk hawk a “ Ka nupui mawngna vangin ka insum rih a ngai dawn a ni maw " a rawn tihchuan ka nui ve hak ,mahse ka taksa pawimawh lai ka thut theihna ber na hian min ti hrehawm takzet “ Doctor entir I duh em?" a rawn tihchuan rang zetin “ Duhlo mipa an nih phei chuan ka mawng an hmu anga ,keiai aiin I thinrim Dawn a sin" ka tihchuan a nui huk a .











“ I tidik ,keimah hi i doctor ka ni mai ang ,chaw eilo siam ru " tiin maid ho chu a melh kur a ,a mak thin e “ Nelawm ve thin rawh midang hi melh kur zel suh,an hlauh em che saw " ka ti niah niah a ,midang bula hetiang a a awm thin tur ka ngaihtuah hian ka tiril a khur ,hrawn a hrehawm duhawm sia “ I bulah chiah ka nelawm ang " a rawn tihchuan a awmah ka chum dat a .








“ Taka ,Lalrinkimi leh Lalrinmawii te hi an va rawn leng duhlo ve ,call la rawn leng rawh se an chak lo ang" tiin ka phun hlak hlak a ,an bialpa te tihpui tu min hre Chang lek lo a an bialpa te an buaipui hi ka lungawilo takzet tawh,chubakah Mizoramah kan chho tep tawh a ,min rawn hmuh reng reng pawh an tum lo chuan ka tha a tina hluah hluah








Nathan chu a bu nghat a ,chaw ei dawhkan lam chu min panpui a ,ka thutna turah chuan lukham dup nuam zet a dah tir a ,dimte in min thuttir a ,ana deuh tho na in,a lawnga thut ai chuan a ziaawm tho ,ka bulah a rawn thu thla ve a ,kan ei nghal mawlh mawlh a ,chawhmeh chu ka suah ngai lo in a mahin min suahsak zung zung a .









A tui tur a a ngaih chu ka thlengah a dah zel ,ka nui vur vur ringawt ,pasal duat deuhtu neih chu vanneih thlak deuh a sin ,nupa thenkhat chu an inneih hnu ah pawh a ,nupa an ni tih hriatloh khawpa in ngaihsak lo ,a hminga nupa ni ve mai mai hi an ni thina ,nupa nihchuan in ngaihsakna hi pawimawh deuh ania ,kan pasal te hnathawk hi lo hmuak in an chau nge chau lo te hi zawt thin ila .







An lawm ve em em a,thil ropui tak kan tihsak theihloh pawhin an chhawl hal thawi dam tur hian thingpui emaw te hi lo thlitin an hmanrua te dahfel sak ila ,eitur manto tak tak kan siam theilo a nihpawhin an tan kan theihtawp kan chhuah tih hriat nan hian eng emaw tak siamsak thin ila ,nupa nun pawh a hlim em em a ,chubakah nupa inkarah chuan thuruk awm lo se .







Engkim inpawh takin sawi ila ,thuruk kan neih chuan lanchhuah hun a nei leh fo a ,chutih huna na tak tawrh ai chuan a tir a tanga zep lo a lantir a tha zawk thin,inhauh loh chu a theihloh ,mahse a Duapkai zawka tan hrehlo ila ,inhauhna tur pawh a awm lo nge nge zel ,chuti lo a a tu amah mah tlawm tum lo ,thinrim lutuk khawpa inhauh hian rah tha a chhuah ngai lo a .









A tawpah chhungkaw kehchhiatna a thlen leh nge nge thin,HMANGAIHNAAH RENG RENG ,THU MAIA TIAMTU AI CHUAN ,A TAK NGEIA LANCHHUAH TIRTU an hlu zawk fo,thutiam chauh chuan hlen theihloh hun a nei thin,chetzia ngeia lantir tu erawh thu tam tak sawi ai a hlu zawk fo ,ka maia “ Ka hmangaih che " tiliam puattu ai chuan ,ngawi renga kan kianga awm a ,a chetphunga tilang thin chuan min hneh zawk fo ang .










Hmangaina hi sum a leitheih a nilo tih hria la ,sumaia ropui a hmangaihna kha neih tum zawk ang che ,sum ngah leh lutuk pawh hian kan nun hi hremhmunah a nawr liam chawk thin,“ Baby ei zung zung la ,min en reng chuan i puar lo palh ange " a rawn tihchuan ka harh chhuak zawk a ,ka ei nghal mawlh mawlh “ Ngeiawmpa nang ka en lo che ,ka in ngaihtuah ve a nihkha " ka ti hlak a ,a thil eilai thial chung chuan a rawn nui zauh a .











Kan kawngka rawn ri a vang chuan a tho chhuak a,ka en zui ve reng kawngka a hawn rual chuan hmeichhe pakhat hmeltha zet hi. a rawn lut a ,mak ti zetin ka lo en thung “ Enge i rawn tihdawn " Nathan chuan a tihmuk a ,chunu chu a nui mai a ,ka lam rawn enin a nui tawi taka “ Kan inhmuhlohna. a rei ta hle mai ,mon amour " tiin Nathan chu a melh ralh a ,Nathan chu a inhum ruh tih ka hmu thei,a hmeichhia lah chuan a enreng leh nghal .











“ Chhuak rawh " Nathan chuan a tihmuk a ,chunu pawh chu thu awih takin a chhuak a mahse kawngka a pelh dawn chuan “ I company ah hna ka hmu tih I hria ang chu tiraw " a rawn tileh hram a ,Nathan chu ka en nghal vat ,a thinrim hmel hle bawk ,chunu chu tunge anih ang tih chu ka ngaihtuah a ,a rawn phei rualchuan ka tho chhuak ve vat a “ Nat tunge a ?"ka tihchuan min rawn enin a thaw hawk a “ Tumah a nilo ,ka hnathawk thar tur a nihkha " a tihchuan ka zawt zui duh bik lo











A lungawi lo tih ka hre reng ,enge an inkarah awm ang tihchu ka ngaihtuah fe ,ka eikham tih a hmuhchuan min pawm leh vat a ,room lam min pan chhoh pui a ,nichina a hmel nelawmloh tak kha chu a bo vek tawh .




*_________




Mizoramah kan awm ta vang mai ,karkhat tak tak hnu ah kan chho ta chu ania ,ka nu leh ka thiante Linda leh Kimkimi chuan min lo hmuaka ,kan inhmu khawm leh chu kan rihlut a ,Nathan pawh ka bulah rawn dingin ka nu leh pa chu zahna chibai a buk a ,ka nu te pawh chuan an lo chhawn vat ,venthawn thilah vengtu pathum kan hruaitela .








Mizoram a ni tawh bawk a,mi en kan hlawh nghal hle ,Mizote hi chu kan hawkdak an lo tih thin hi a dik hle in ka hria ,hmelhriatloh han hmu ila,kan melh zui vung vunga ,mi ramah chuan hengte hi a awm vak ngailo “ Hei I pasal chu a mi" tiin Kimkimi chuan min zawt a,ka buk nghat rualin an au chula“ Awi a Chhelo e " an ti nghal tung bawk .








Ka nu leh ka pa chuan Nathan a chu a tlangnel nan an be sawk sawk a,an chungah ka lawm viau ,car-ah chuangin kan inzui hlawm a ,Nathan chuan ka kut chu a hum reng a ,a thlah phallo tih tluk ani “ Nuam iti em ,enge kan ram chu ang I tih" ka tihchuan min rawn en a “ Thing a tamin thli pawh a tam ,a boruak hi a nuam bawk ,kan rama ka hmuh ngailo ka hmuh phah a a tha viau" a rawn tisup a .









Ka lo bu nghat ,kan in kan thleng a ,Linda leh Kimkimi erawh an buai deuh a vangin an haw tlang a ,Nathan chuan a thlir vung vung ,indang rangva invel te chu a guard te nen chuan enin mak an tih hmel viau ,ka nuih hak a “ Lut ang ule " ka tihchuan an harh chhuak vat. a,kan inchhungah chuan kan inzui lut nghal dal dal a “ Bawihi insil fai nghal ru ,i room-ah Khan awm mai ru aw ,tuilum.kan dah sa kha chuan in mihruai te hi chu inhnuai room-ah khuan awm mai sela " ka pa chuan a rawn ti a.








Aw ka lo pawh vat ,Nathan chu thil awmdan hrilhin inchunglamah ka hruai chho a ,ka room ka thleng chu ka hawikual a ,ka lung a tileng ve takzet ,keimah chauh Khan a hma kha chuan ka awm thin kha a nia ,tunah erawh ka pasal nen ngei kan lut ta chu ania ,kan thawmhnaw chu ka dahfel hmasa te te a ,a hnuah bathroom lamah ka luhpui vat,kan inbual tlang a ,tui lum chuan kan inleih tawn a ,nuam pawh kan tiviau.









“ Nat ,chibai tichhin teh " ka tihchuan a mithmul a chuar deuh a ,chutah zawi sup hian a rawn sawi a ,tlemin a pai deuh,ka mak tih em em chu Nathan hi vawikhat kan tawng hrilh ila ,a tawngpai ngai hauh lo hi ani ,lamsual a neilo hle bawk “ Mi nen kan inhmuha kan inhmelhriatna a nia ,a tangkai dawn ania ,nakinah inleng kan nei ngei bawk ang.








Helamah hi chuan inlen chilh hi kan uar a ,ilo ning deuh a nihpawhin inthup hram hram rawh aw " ka tidap dap a ,alo bu ve nghut ,ka nghawng vel chu a zut dan dana ,ahmui chuan a chhui pah bawk ,ka lo rum hak ,chutah min pawmin bathroom a tang chuan min chhuah pui a,khumah chuan min delh tlu nghal tawp,ka taksa vel chu a zut Dan dan a,insum thei tawh lo tihhriat tak hian a rum chhuak hawk a .









Ka bawp chu nawr kau in. a rawn thun a ,a hnungah ka tham nghal vak,a che dawt dawt a ,kan zawh meuh chuan kan thlawhna chuang chau nen kan muhil zui bawrh bawrh a,ka nu te kha chu ngaihtuah an ngai lo ang tih ka chiang ,hahchawlh kan mamawh tih an hre reng dawn a ,ka inher tial tial a ham bai baiin Nathan muhil chu thlirin a awmah ka bei a










Ka muhil zui leh nghal, ka chau bawk em ani ,kan kawngka ri dawt dawtah chuan ka mengchhuak a,ka thawmhnaw ha in ka va hawng vat ka nu lo dingin “ I pasal chu a la muhil a mi bawihi" a rawn tihchuan ka bu nghat a “ A chau viau ang ,ala kal ngailohna a ni bawk nen ,boruak a inang dawn lo sia ,a awm thiam vak lo anga " a rawn tihchuan ka lu ka thing mai “ Atha ngaihtuahawm a ni hleinem ,a chau deuh a nihsaw " ka tisapa ,inhnuai lamah kan inzui thla pah bawk .










Rawng kan bawl tlanga ,Nathan chungchang min zawt pah bawka ,tha deuhin kan hrilh ve mai bawk ,tlai lamah a ni pawh a rawn harh a,,kan bulah a rawn chhuk thla a,a guard te chu ka tihai ti turin. a atir nghal zat bawk ,eirawmng chu kan bawl thuai thuai a ,kan bulah chuan lo dingin chaw hmeh chan ngai chu a lo chan ve a .










A hauh thei bawk silo a,a duh chu tiphawt mai teh se " tiin ka nu chu ka hrilh a ,anipawhin a lo bu nghat a,a thilsiam lai chu a siam zawm mawlh mawlh a,chaw eilai chuan ka nu leh pa chuan. thil chi hrang hrang an zawt a ,ka lo hau bat ,Nathan lahin an zawhna te chu tha deuhin a chhang ve zel leh nghal a .








Ning hmel a la lantir lo chu mak ka ti ,ka nu leh pa te chu nilo se ,aning leh tawh viau ang tih ka chiang ,a tuk lamah chuan Kimkimi te inah kan leng a ,an vawkvulh chu kan en duna ,nuih a za duh em em lehnghal ,an vawk chungchang Nathan ka zawh lah chuan “ An hmelchhia " a timauh mai zel bawk si a ,Kimkimi lah chu a neitu e tilo in haw lo in a mah ber ber. a nui nasa ah a tang lehnghal .









A vulh tam bawka ,a hralh hunah chuan a hlawk ve hle ang ,Nathan chu mi chuan an en duh viau ,sap tlangval bula ka awm te chu mak an tih hmel hlawm hle a ,a thenin min zawt bawk ,mahse hmuhsitna lam a langlo ,an hnam ngaihsan nge nge chu an lo zah ve te pawh a niang,mawilo taka min tawngkhumtu kan tawng lo hlauh.








Ka lenkual pui a ,nuam a tih hmel ve viau,hmun pawimawh leh nuam ni a ,ka hriat na ah te chuan ka hruai kuala ,kan kalna hmuna piangah ka kut a vuan tlat a,nula ho in an melhna ngaipawimawh lo a keimah chiah min en te chuan min tihlim ,tlailam.dar4 ah kan haw a,ka nute pawh an hnathawk an lo la haw lo a nih hmel ,kan awmpui sangtei rawngbawl chu ka pui a ,Nathan erawh intifai turin a chho thung a .









“ U Ellie I vannei e ,pasal hmeltha leh chhelo ,hausa bawk inei bik ania " Sangteiin a rawn tihchuan ka lo nui haka “Vannei em em bik lo e ,nangpawh ila rawn lian zel a nga ,kei a pasal aia hmeltha leh Chhelo ila nei lo ang tih pawh a sawi theih miah lo " ka tihchuan a nui sen sen a ,a la naupangin a fel bawk a ,kawm a nuam hle bawk ,inchung lama thawm ri dawt chu hria in ka tlan chho a .







Kawngka ka hawn ruala chhuata Nathan lo mu chu ka hmu nghal zat a “ Enge itih" ka tihchuan mu chung chuan min rawn en a “ Engmah " tihpahin a tho a ,ka nui pat pat a tawlh thlu a ni chiang mai,alam ka pan a,ka kuah nghal thak“ Ka hlimna ngaipawimawh a ,kan rama min hruai a vangin ka lawm e aw ,Nat ka hmangaih che ,a hrehawm iti viau ang tih ka hria a ,mahse keimah vanga hetiang thil iti hi ka hmangaih zual sawt che " ka tihchuan a rawn nui suk a .










Min kuah bet nghal hlun,a awm lum nuam zetah chuan ka bei hle hle a ,a bula ka awm hi chuan engmah ka hlauh ka ring lo ,min venghim turin a awm tlat dawn tih ka Chiang si a ,ka nute an rawn haw a vangin inhnuai lamah kan chhuk thla ve. a, Nathan nen pawh ka pa chu an inkawm ngeih viau tawh ,Nathan fel an tihthu min hrilh hial tawh bawk ,a tir kha chuan hnam dang ka neih kha an rem ti vaklo.








Mahse a hmuna Nathan min hmangaih zia an hmuh chiah hian,an hmela ngaihthatna lang chhuak chu ka hmuh hmaih hauh lo ,zanlamah erawh roomah awm in kan pahnihin kan infiam a ,movie enin kan hlim hle “ Nat hrehawm iti em ,in ram nen chuan a dang bawk si a " ka tihchuan a lu thingin “ I awmna hmun tawh chu hmun nuamlo a ni ngai lo " a rawn tichhuak ruih a ,ka lawm lutuk chu au chhuah vak mai ka duh.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 3rd, 2021, 1:52 pm

KA TA INI PROFESSOR






CHAPTER 16




Sunday a nih a vangin inkhawm turin kan insiam a ,Nathan lahin helam kan tihdan hre hek lo ,keimah in ka siam mawlh mawlh a ,coat grey rawng chu ka hak tir mawlh mawlh a ,necktie leh kekawr pawh chung rawng vek chu ka hak tir a,ka nui vur vur ,ka insiam veleh a ,ka bulah a lo ding ve reng a ,ka puan bih vel chu mak a tideuh nge a en vung vung a .










“ Helama Pathian biak nana kan inchei dan ania " ka tihchuan a bu nghut a “ I inhmeh lutuk " tiin ka hnunglam a tang chuan min kuah a ,darthlalang atang chuan kan inen reng ,a va han hmeltha hluah hluah tak ,kan thenawm ho lah hian amah hmuh duh a vang ringawt a ,an rawn len lah a tam narawh,khawlaiah vak ila nula ho lah in a thla an lo lakruk sak phet a ,ka melhna thei hle .









A banah ka chelh bet hmak zel ,ka ta a ni a ,an ni lo star ve pawh kha a ngai lo hrim hrim,room a tang kan chhuak a ,ka nuten min lo nghak kan hmuhchuan kan nui sak a ,kan inzui nghal diah diah a ,Nathan an car a khalha ,kei a bul chiahah thu in ,ka nute a hnungah an thu a ,biak in kan thlen chuan kal an lo tam viau tawh ,kan chhuak thap thap a “ Bawihi in pa kha I bulah thuttir mai rawh aw ,a vawikhatna tur a nisia ,nuamlo a tipalh ange " tiin biak in chhung lamah an lut a .








Nathan rawn chhuak ve mek chu ka pan vat a ,Pa Biaka te'n kan lam an lo pan chuan kan ding leh rih a ,mi lah chuan biakin e tilo in kan lam an hawi thup bawk “ Kha Ellie tunge ,sap tlangval a law " a rawn tihchuan “ Um ka pasal a nia " ka tihchuan mak a tihhmel deuh nge a ngawi vung vung a ,chutah akut pharin Nathan lamah chuan a daha,Nathan pawhin a lo chibai ve mai a,ka thaw huai .










Hmeichhe ho phun sep sep a ,phone phawrha Nathan thla an la ka hmuh chuan ka thaw hawk a ,Biakin lehzel pawh zah zo lo a hetianga an awm hi keimah zawk ka zak “ Nat lut ila " ka tihchuan min rawn zui vat a ,biakin chhungah chuan kan luta ,a hnunglamah ka thutpui vat ,mi chuan min en duh hle ,ka sawi kha maw mizo hi chu hmelhriatloh ni a kan ngaih hi kan thiltih lai theihnghilh thaka thlir kan ching a .









Kan Pathian biak theihnghilh thak a kan awm hi kan biak mek hian a hmu in a hre ve vek tih hrelo a ,an rawn hawi leh thup tawh hi ,Nathan chu a ngawi ngul reng a ,kan tawng thiam kher lo mahse hetianga a inkhawm ve peih hrim hrim pawh hi a hlu lutuk tlat ,ka theihtawpa siamthat ka tum bawk ,mahse a mah hian keimah vangin tunah chuan a Sim mek tih sawikher lo mahse ka mit ngei hian ka hmu si a .









Kan thil tihsual enga tam pawh nise ,kan Pathian hian ngaihdam theihloh a neilo an tihkha ,Nathan pawh theihtawpa a fel theihnan hma ka la ang ,tual a lo that thin pawh a ni thei mahse ,tunhnuah chuan a tihtawh loh nan theihtawp ka chhuah ngei ang,inkhawm ban rualin ka chhuahpui vat a ,car bula ka chhungte kan lo nghah lai chuan nula rual khat hian min rawn pan a .









An la rawn insik phei nawk nawk zui “ Thiannu in mikhual pa hi thla kan lak pui thei angem" an rawn tihchuan ka insum hram hram a ni ,an ngaizawng tihhriat reng reng ,biakin bul chu nilo se chuan ka tim na viau ang “ Ka mikhual nilo in ka pasal ania ,amah kha zawt rawh u " thinrimna tilang duh lo chuan ka tisap a ,an mak tihmel chu ka nuih a za zawk e a ,Nathan chu an bia a ,anilahin ka hmel a tang a hrethiam anih ka ring .







“ Sorry girls ,I'm busy " a tisup a ,ka nui hak a ,a nipawhin min rawn enin ka kutah a rawn vuan a ,chung ho chu hmai sen tawn tawn in an kalsawn a “ Wow very great ,I love you my boy " tiin ka nui vur vur a ,ka hmaiah a rawn piai zauh “ You are the one I love ka tihtawh kha baby ,only you my beautiful wife " a rawn tihchuan biakin tual ani tih theihnghilhin ka kuah tep a ni ,ka nute an rawn thlen chuan kan haw a ,ka nui ka nui tawh mai .









Ka hlim takzet khang ho kha lo lakpui se chuan ka lawm kher lo ang ,in kan thlen rualin kan inthlak a ,ka nute erawh chawhnu lam nena inkhawm an tum a vangin an la inthlak lo thung ,incheina ngah viau mah ila ,midang mithmuha thawmhnaw hrang hrang pho chhuah kher hi kan ti ngai lo,a chhan pawh tam tak hi incheina tha pawh neilo leh mi kara an thawmhnaw hak a vanga kimki inkhawm inthlahrung ngawih ngawih hi an awm thin.









Chuvang chuan kan neihin tlin mahse incheina to uchuak kan inbel ngai lo a ,a simple thei ang berin kan inchei hram hram thin,tin christmas dawn hian kan venga harsa deuh kan tanpui ziah thin a ,an lawm hmel ka hmuh Khan ka nu leh pa hi ka chhuang ve em em zel,mi tam tak keini aia hausa sa hi thenkhat chu neihbeih zel duh,an neihin a tlin tehreng nena mahni aia rethei zawk chhawmdawl aia hmusit zawk hi kan awm thina.








Mi rethei te te kan Aizawl chhung ngeiah pawh hian an tam nen ,an nichuan nitin sum an la lut a ,tanpui a har loh tehlul nen kan duham lutuk vang nge midang tanpui hi kan hreh ngawih ngawih zawk thin ni ,incheina man to tak tak kan inbel lai hian ,thenkhat chuan an ei hmuh nan thlan tla zawih zawih in an thawk a ,chuti chung pawha eikhawp hmu lo hi an tam takzet ,kei ngei pawh hian ka tawng tawh .







Khata tang phei kha chuan mi rethei zawkte tanpui kha ka hreh ngai tawh lo ,“Baby " tihsup ri a vang chuan ka en nghal vata,Nathan chu ka bulah a lo ding fel der tawh ,lenpui ka tum vangin kamiz ban tawi grey rawng leh jeans kekawr dum ,sneaker var nen a lo inthuam zaih tawh a ,enin ka nuisak “I mawi lutuk " ka tihchuan ka hmuiah a rawn fawp zauh a ,ka insiam ve nghal vat.









T shirt var leh jeans kekawr ka ha ve nghal zat a ,sneaker dum ka bun thung,inkaiin kan chhuak thla a ,ka nu leh pa chu kan tihtur hrilhin an phal tih kan hriat rual chuan kan chhuak a ,car ken ka duhloh avangin bike a khalh a ,a inhmeh leh pek hle “ Kimkimi te inlamah tlan phawt rawh aw ,an rawn tel ve dawn kha " ka tihchuan helmet khumin a bu nghut a ,a hnungah chuan ka thu kai vat.









Kimkimi te in kan thlen chuan Linda leh mipa pahnih an lo awm a ,an bialpa te an nih ngei ka ring ,Kimi leh Ririni ka ngaihtuaha ,an ni teh engtin tak lo awm ang maw ,an reh danah an tlei hlawm hle ka ring ringawt ,vawk ho ngek chuah chuah chu kan en a ,“ Ava ninawm e ,inhmelchhe hlawm ropui si ,engah nge in hram vak a ,in pi ang mai " ka tichu “ Lalthanmawi i chhe fe zawk " Kimkimi chuan a rawn ti tuar a ,ka nuih hak.









“ Kan chhe ve ve a nihchu tiraw ,hmui kawngkhar " ka tichu a duh lo teh e “ Dum helicopter balu phur nu " a rawn tihchuan keilah tlawm duh bik lo “ Ekin a tanga an pawh chhuah ,a uih vut vut a vanga a hming pangngai pawha an koh duh loh Kimuihi " ka tichu ala na deuh nge “ Hmui Kêl bang liak nu" a rawn tihchuan ka melh kar a ,a tawng upa thiam chhun a rawn hmang leh tih hriat reng hian a “ Hmui rûl lei nu " ka tichu kan thian ten an ning tawh deuh nge .









“ A tawk " an rawn tithap a ,Nathan erawh kan tawng a hriat miau loh a vangin alo ngawi ngul a ,“ Hey Apa Fanghmir in nu kha veng tha rawh a lerh ania " ka tileh chu Kimkimi chuan min melh puak pawp duh hmel a pu tawh ,kan awmdan a vang chuan Nathan chuan a lam min hawitir daih a ,min kuah nghal hmak ,bike in kan inphur hlawma,Aizawl khawpawn lama tlanin darkar hnih vel zet kan tlan hnu chuan hmuifang tlang kan thleng a .










Kan chhuk nghal sawk sawk ,hmeichhe pathum chu phul lam panin kan tlanphei a ,mipa ho erawh eitur kengin an rawn kal a ,Nathan pawh kan thianteah English thiamlo an awmloh a vangin Kimkimi te bialpa te pahnih nen pawh chuan an inkawm thei viau a ,an rawn tawng phei ve mual mual chu nui sangin kan lo en thap a ,kan lo ding thap an hmuh chuan mak an ti deuh nge an mit an kan ak a ,Nathan chu a sang ber a ,a awm ve viau hnamdang mipa hi chu teh an lo tlo zual hian ka hria .










Nathan chu a kuta kaiin ka kalsawn pui a ,eitur kan kengtheuh bawk a,mahni seh seh mualah ti awm ang hrimin kan awm hrang vek a ,tlang pawng lam deuh pan chuan ka kalpui zela ,ka kut chu a hum ve tlat bawk ,a hmeichhia in ka kai dat dat chu a nia ,ka nuih a za ru viau ,tlang pawng deuh chu chuang chhuakin zawllai daihlim dap lo awmah chuan ka thut pui a ,eitur ho chu dahthla in phone ka phawrh a .








Ka selfie pui nghal zat a,ka biang a a rawn fawh zauh chuan ka nui sak a “ A nuam iti em,helai hmun hi kan thianho a kan kalna thin ania ,nuam pawh kan tihle weekend a piangin kan leng ziah zel " ka tihchuan a bu nghut nghut a “ Hmeichhe hlang chauha vah ka phal vak lo a sin,mahse min tawn hma thil ania ,tun a tang chuan nangmah chauha ivah ka phal tawh hauh lo ang " tiin ka kut chu a hum vung vung a .









Ka lo bu nghat nghat ,a thu hnial ka duh vak lo a ,mahse loh theihloha hnial ngai hi a awm leh thin,ka lo tawngthei ve bawk nen,min min biak hi chuan khawi a tanga lo kal nge tih l
pawh hriat loh hian tawng tur hi a rawn lang zawih zawih zel nimai hian ka hria ,ka hnial leh nge nge thin ,ka hmuia dam raih a a rawn fawh chuan ka thiam ang tawkin ka lo chhang let ve a .







Phulah chuan min delh tlu riai riai ,ka meng phi chiai chu min en in a kiai suk a ,rawn kun hniamin ka hnute chu a kut chuan a khawih phah a ,min fawh zawm mial mial a,kan kal thui dawn lutuk a hria in a awmah ka nam vat a ,kan awmna hi a mi kalngunna a ni nen ,chubakah Sunday a lo nilehzel.si a ,hetiang thil tih hi ka duh lo ,thaw hlawp hlawp hian ka nghawngah hmai a phum a .








A sa vur mai ,ka khawngaih thin ,tho chhuakin eitu chu ka kheh mial mial a ,chocolate chu a ka zawnah ka dah a ,a lu thing chu ka tilui ve tlat a ,a ang hram.ka barh nghal vat a “ Engmah insum suh,ei ve zel rawh ilo inthup ani ange ,I dul kiar pawng mahse ka pasal ini a ka hmangaih reng dawn che ,I bula ka nihna zawng zawng a ,ka lan ngam ang hian ka bulah pawh awm ve rawh .









Mipa nih a vanga eiin insum tur a ni ngai lo,kan ei ve ve ang " tiin a dang chu ka phawrh a “ Ka nihna bak bakin a lawm baby I bulah hian ka lan,nangmah vangin ka thiltih tha lo ka sim ve zel bawka ,nangmah vangin nunthar in hun ka hmang a ,nangmah vang vekin chhungkua ka nei ve a sin ,ka hmangaih che a ,nanglo hmeichhe hnaih lah ka duh hek lo ,engtikah nge nang nen hian fa kan neih ve ang tih hi ka ngaihtuah fo a .








I dul puar ve ak chunga hmuh che a,I nau neihlaia i bula fuihtur che a awm ka duh a ,naute lo piang a,kan pahniha hmangaihna nen enkawl ka suangtuah fo thin"a rawn tihsup chuan ka nui var var a ,ka pum chu ka khawih tir a ,keipawh hian fa neih ve chu ka chak takzet ,kan pahniha enkawl a ,Nathan an buai em em a ,an zun vel a thlak thin tur ang ten ka suangtuah a .







Tuala an pafa za a an inchhaih tur ang ten ka suangtuah fo ,tunah ngat phei hi chuan nau pai ila ka ti takzet “ Engtikah emaw chuan ala awm ngei ang,hetah hian kan pahniha kan fa tur " ka tihchuan a kiai suk a ,ka dul chu a zut hauh hauh a ,tlaiah kan hawng a ,chaw ei an lo peih vek tawh ,Nathan chu a inthla hrun hmel hle ,mahse ka nute'n an lo biak tak sawk sawkah chuan a thaw huai reuh a,a zam ve ni ngeiin ka hria .










Sangtei hi ka hmu miah lo “ Nu khawnge sangtei " ka tihchuan “ Anuam lo a roomah a awm a nihkha " a rawn tihchuan a room lam chu ka pan a ,kawngka ka kik nghal karh karh a ,thawm a awm lo a muhil a nih ringa kalsawn ka tum chu tap faih thawm ka hriat chuan ka ding chawt a ,kawngka chu ka hawng nghal vat ,khumah a lo mu a,ka pan nghal vat “ I tha em" ka tihchuan a la insut faih faih a.










Ka nau anga ka en a ni bawk a ,a bulah chuan ka thu thla vat a “ Tinge mipa te hi an nunrawn em em mai le " a rawn tihsap chuan ,a kut chu ka vuan a “ Min hrilh duh em " ka tihchuan a thaw chhuak hak a“ Ih ka bialpa in min lo kawp a ,amah chu a felin min duat thei lutuk ,mahse vawiin Khan hmeichhe pakhat nen ka hmu tlang a ,a ni pawhin min hmu ve reng ,mahse maw min ngaihsak miahlo in chunu chu a fawp a " tah chhuah hlau lutuk chuan a rawn ti a.










Ka kuah nghal vat “ Tap rawh ,a hunlai a nih hi mahse a hmuh lai in tap hauh suh aw ,I u angah min ngai la ,engmah ka lakah zep suh ,ka pui ang che " tiin a hnungah chuan ka beng thek thek a ,a tap uar sauh“ Kan retheiin ka nu ka chawm a ngai a,mahse ani ka tawn a vang hian ka rilru hah lutuk te pawh a bo a ,mahse a nichuan min phatsan ve leh a " tiin a rawn sawi chhunzawm a “ Ih maw he khawvelah hian min hmangaihtu ber emaw kan tih te pawh hi an lo ni lo fo a sin,mahse maw ani chu I tan Pathian in a ruat lo ani ngei ang .









Ni e mipa thenkhat hi chu an nunrawng em em a ,hmeichhe rilru tur dawn leklo hian an awm fo ,mahse mipa fel leh tha I tawn hunah meuh chuan nangin I pan a ,itih lawm ngai lo in a mah in engkim a ti thung ang ,I rilru kha ana lo ka tilo mahse maw Sangte ,I tello a a awm thei a nihchuan awm.tir rawh ,tunah ina rih a nihpawhin nakina i tana ruat I tawn theih nana nat tir che a ni tih ring la,i tana khuanu ruat diktak i tawn theih nan ,mipa rinawm lo a tawn tir che ah ngai rawh .








Hmeichhia zawng zawng kan inang lo ang hian ,mipa zawng zawng an inang lo ve a ,tuna I tlukchhiat mai chuan nakinah ding tur I awm tawh lo palh ange ,I tana mipa dik tak tur chuan khawiah emaw alo nghah ngei che ka ring,tuna I tawrhna kha in hneh tirlo in ,ka tello a a awm thei a nihchuan ,a tello pawhin ka awm thei tih kha ngaihtuah la ,engtikah emaw inchhira inlam let hun ala nei anga ,chutih hunah pangngai taka ilo hmachhaw theih nan tun hunah hian chak tak in awm zawk rawh aw .











I hmahun I chhungte ngaihtuah la ,nangmah chauhin I. awm lo tih hre reng rawh ,siamtu hian hrehawm taka I awm reng a phal lo tih hria la ,engtikah emaw chuan i mipa rinngam leh nangmah enkawl tu tur che ,kalsan mai mai lo tur che ala pe ngei ang che " ka tihchuan a bu nghat nghat a “ Ani chu ka ngaihzawng hmasa ber ania ,amah ah Khan rinna pawh ka nghat nasa takzet a sin" a rawn tisap a .









“ Mahse a tan ka lo tawk zo lo a ,ka tihlim zo tawk lo ania nge ,ka mithmuh ngeia midang a pan ni ,ni e u Ellie min duhlo tu chu duh ve reng a ,mittui tihtlak ka tum tawh tur anilo ,ka mittui hi a phu bik lo alawm tiraw " a rawn tihchuan ka bu nghat a “ Mipa dik tak a nihchuan a kawp lo ang che ,mipa a nihloh vangah ngai mai lo la, man diktak chuan hmeichhia a ngaihlu in a dah pawimawh a ,a zah thin bawk ,a phulo che ah ngaiin I mittui kha nangmah tichak tu ah hmang zawk rawh aw " ka tihchuan min kuah thlawp a .









“Ka tum ang mipa pakhat vangin ka tlu tur a nilo " a rawn tihchuan ka nuih var var a“Ni e ilo hmangaih viau a nihpawhin ,a mithmuhah I natna tilang hauh suh,mipa chu kan na hmel an hmuh hian an huang tau a,an inti thei sawt thin ,chuvang chuan thikna mitmeng leh natna mitin en hauh suh " tiin ka zilh nipah fawmin ka thiam tawk chuan ka hrilh a “ Mipa diklo chuan kan nat poh leh nuam an tithin ,mahse hmeichhe tuarchhel zia hriat tirin kan na tih kan hmuh tur a nilo " ka tihchuan a bu nghauh nghauh a .








“ Anih u Nathan hian a tina ve ngai che em ,ih ka sawi awmzia chu nangmahin i biak hmasak reng a ngai em" a rawn tihchuan ka lu thingin ka nui mai a “Mipa diktak chuan hmeichhia a ngaihlu thiam a ,a hmeichhe mittui tlak a phal mai mai ngailo ,i u Nathan hi I hmuh ang hian mizo a nilo a ,mahse a hnamdang nihna hian kan inkarah buaina a thlen lo a .






Min hmangaih a ,keipawhin ka hmangaih bawk ,mipa anih angin ka lakah tihluihna a hmang ngai lo a ,min duhzia tawngka in tilang lo mahse a takin lantir thin" tihpahin ka nui sak a ,Sangtei pawh a rawn nui var var a “ Keipawh u Nathan ang mipa ka tawn ve theih nan ka tawngtai ziah ang ,engtin nge in in ngaihzawn tan" a hmel chu a na hmel kha a bo vek tawh a ,a nung sar bawk .








“ Um kan inhmuh tirh chuan kan inhnial hrep a " ka tihchuan a nui har har a “ Chuan chumi hnuah ka college luhna ah professor ani tih ka hre leh a ,a tir chuan kan inhau reng ,mahse kha kan inhauhna phenah khan kan inhmangaihna tur kan lo chham chhuak thin" ka tihchuan a nui leh hak hak a “ I vannei bik e ,keichu ka mipa duh hmasak ber pawh ka nei thei lo ania " a rawn tihleh chuan a kutah ka vuan vat a .








“ Engtikah emaw chuan I damchhung kawppui tur ,i mipa hmangaih leh nangmah hmangaihtu che ,i mittui hrukhul sak tu che ila tawng ang tih ka ring ,tuna i tawn hmasak kha I inzir na angah ngaih tum la,I mipa hriatchian hmasak chauh ngaizawng la ,ka nau angin ka ngai che a,mipa hi duh hmasak hauh loh tur ,min hmangaih ngei a nitih kan chian hma chuan hmangaih mah ila kan ti lang tur anilo.








Tin ,I pasal tur ngei lakah chauh I thianghlimna kha i pe tur a ni ,chuti lo a I ngaihzawng mai mai hnena I hlana ,I pasal tur a nih leh loh phei chuan,I pasal dik tak lakah I inthiam thei ngai lo ang ,hmeichhe hlutna chu kan virginity hi a ni tih hre reng la ka duh" ka tihchuan a bu nghat nghat a ,ka nuten min auhna a vang chuan kan chhuak a,Nathan naute erawh inbulah in pakhat a awma chutah chuan an awm thap thung .








Chaw ei kan siam zui nghal mawlh mawlh a ,kan eipah chuan keini chhung ang lo tak in kan titi bawrh bawrh a ,thlasik a nitawh a ,tlai lam leh zinglam chu a vawt hle ringawt ,chaw eikham chuan sitting room kan inkawm khawm a ,mahse a vawh a vangin kan mu lut veka ,keini pawh inchung lamah kan chho a ,kalpahin Kimi leh Ririni ka call a ,an lakrual in ka hau nghal char char “ Bialpa chhe ve te te in nei a ,in induh ringawt kan rawn chhuh hunah in chak lo ang " ka tichu an insawi fiah zawih zawih a .









Tawng tur hi an haihchham ngai lo reng reng ,Nathan pawh Michele leh Nick te nen tabletin an inbia a ,kan inbe rei hlawm phian lehnghal ,phone kan dah chuan a tlai duai tawh a ,ka ke vawt lutuk chu puan sinin Nathan mal leh mal inkarah ka dah lut a ,ala phu zawk zui “A vawt iti a mi" a tihchuan ka bu nghat a ,chutah nghet zeta min kuahin a taksa lum nuam zetah chuan min pawm khawm a .








Tunah chuan thlasik laia tilumtu ka nei ve ta ,ka mitchhingin ka muhil nghal riai riai a .







UNKNOWN POV..





Nathan lutolf lo hlim zel phawt rawh u ,mahse in hlim rei Dawn lo tih erawh hria la " tiin ka hoten chanchin min hrilh chuan ka nui chhuak hawk a ,ka unaunu ngei pawh a company ah a thawk leh ta a ,engtiang takin ange an inkar ka tihchhiat dawn lo en rawh se .







An hlim rei tawh bawk e ,keihian game ka khel tan ang,Sydney te rawn thleng leh phawt sela ,a nupui erawh ka ta a ni dawn chiang khawp e ,a taksa no nalh zet ka hmuhte khan ka mipatna a tho nghal tual tual thei a nihkha ,engvanga haw em em nge ka nih inhriat duh chuan,a pa leh a mah vang hian ka chhungkua ka company engkim.ka chan vek miau a .








Hlim taka an awm hi ka rem tibik lo ,anunna ka la ngei ang ,amah a vanga rethei taka kan vahkual lai ang chiaha awm tur khan ka siam ngei ang ,ka phone chu phawrhin ka unaunu chu ka call a ,engkim a kaltluan thu a sawi chuan ka thaw huai ,Nathan lutolf nau a zet saw kan hmang tangkai thei ngei ang ,Kaya erawh chiang sa in kan lam tang a ni bawk .









Tunah chuan a nuam sawt dawn e ,an nupa inkar hi a chhiat fel hunah chuan engkim.ka tan a awlsam zawt bawk ang ,chu hun erawh nghah deuh ala ngai Dawn a nih hmel ,mahse rei erawh a ni tawh dawn lo ,ka silai chu la in ka hma a Target chu ka ka kap thuai a ,ka nui chhuak nghal hawk hawk .







END OF UNKNOWN POV.







Nat khawi maw office ah I kal a hun a nia " tiin khuma mu chu ka sawi dat dat a ,Sydney ah kan let leh tawh a ,kan nupa nun pawh a nuam viau ,Nathan tho peih lo thin lutuk erawh kan buai phah leh deuh thin,a chungah chuan ka muthla dawt a ,a rawn rum nghal hawk chu ka nuih kar kar a .








A rawn tho chhuak tual.tual chu tho in ka tlan chhiatsan a ,inhnuai lamah maid ho ka zukpui a ,office kal hmat a ngai thin nen zinglamah chuan kan inhmu hman lutuk meuh lo,chaw pawh kan kil tlang ngai lo ang tluk a ni ,a rawn chhuh thlak hnu chuan chaw ei ka siamtir zung zung a ,Nathan chu ka pan vat “ Vawiin chu ka lo kal ve tawh dawn nang chu min hnial ziah a " tiin ka phun hlak hlak a .








A company a ka kal.hi a phal ngai miah lo ,tun pawh rinang ngeiin a lu a thing leh tawh “ Engvanga ka rawn kal hi phal ngai miah lo nge I nih a " tiin ka tum bur tawh ,ka ngei lutuk “ Baby nakinah ka tihkha,tunah chuan kan la.buai lutuk nidangah ka hruai ang che ka tihkha ". rawn tihpawh chuan ka tawng duh tawh lo

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 3rd, 2021, 1:52 pm

KA TA INI PROFESSOR




Ahnuaiah chapter 18 awm aw 👇👇👇


CHAPTER 17







“ Baby nidangah ka tihkha "a rawn tihpawh chuan ka ngaithla duh lo inchung lamah chho in kawngka ka kalh hmak a ,a kal hnu ah chhuakin ka insiam mawlh mawlh ,engvanga a company a min hruai phallo tlat nge anih hi hriat ka tum bur ,taxi la in ka tlanchhuak a ,a company hnuaiah chuan ka ding vang vang a .








Ka lut nghal thak ,hnathawk lo awm chu Nathan office min kawhhmuh turin ka hrilh a ,min hnial rual chuan “ A nupui ka nih hi ban i duhloh chuan min hrilh rawh " ka ti tuar a ,a hlau deuh nge rang takin min hrilh a ,lift a chuang chho in a office ni a an sawi lam pan chuan ka kal nghal zat a ,a secretary awm ang ka hmu miah lo kawngka chu kik duh lem lo in ka hawng pawp a ,mahse ka thil hmuh a vang chuan ka ding chawt








An ni pahnih pawh chu ka thawm hria in an lo hawi a ,kei erawh ka din ngai renga dingin ka thil hmuh a vang chuan ka mittui a tling pam a,thawmhnaw mumal pawh ha lo in hmanni a kan in a lokal nu nen Khan an lo awm a nihchu ,chutah an la infawp zui ,Nathan erawh a thawmhnaw chu a la inbel thlap “ Ell I hmuh ang kha a nilo a nia " ti a min rawn pan a tum chu kawngka hawngin ka tlanchhuak nghal vat a .








Lift lam pan chuan theihtawpin ka tlan a ,a inhawn rualin ka lut nghal vat ,a inkhar hma a Nathan rawn tlan pawh chu ka hmu reng ,lift inhawn leh rual chuan pawnlam panin chak zetin ka tlan a ,“ Ell lo ding teh " tihthawm a rawn chhuah rualin taxi lo tlan chu ka phar vat a “ Min rawn um zui suh ang che Nathan lutolf " ka ti tuara ,taxi ah chuan ka chuang lut vat ,mahse a cara min umzui chu ka hmu Chiang ani .







Driver chu Kimi te awmna lama tlanturin ka hrilh a,a hmun kan thlen rualin ka chhuk nghal vat ,inchhung lam pan ka tum chu ka bula car a rawn din rualin ka kut ah chuan a rawn man a ,ka kut ka vai nghal fua “ Min khawih tawh suh " ka ti tuar a,inchhung lam pan chuan ka kal nghal hlawk hlawk ,min rawn zui ve zel tho “ Ell ka thusawi ngaithla rawh " a rawn tihpawh chu ka chhang duh tawh lo ,Kimi te awmna ka thlen rualin kawngka ka beng dawt dawt a ,an lo hawn rualin ka lut nghal vat.









Nathan rawn luh tum chu “ Rawn lut suh" tih tuar pahin kawngka chu ka kalh a ,kan awmdan chu mak an tideuh nge zawhna mitmengin min en a ,khumah thu in ka chal ka dawm a “ Min phatsan" tiin ka tap nghal hlawp hlawp chu an pahnihin min kuah vat a ,ka tah chhung zawng chu ka hnungah an beng thek thek a “ A office ka kal a phal ngai lo te kha khanu nena an lo awmtlan thin vangah ka ngai vek tawh " tiin thil thlen dan chu ka sawi vek a .










An thinrim lutuk chu Nathan va chhuahchhal an tum hial a ,ka dang vat “ A nun a tangin ka chhuak dawn a lawm,engtin mah tisuh u " ka tih a vang chuan an ngawi a,ka thaw hak Nathan lah chu pawnlam a tangin a rawn au reng a ,ka ngaihsak duh lo ,khachen min hruaiturin ka ngena mahse a bialnu vangin min lo hnar tang tang chu a ni sia ,ka â takzet ania nge ,zan lamah chuan a thawm a awm tawh lo a .








Dar 9 velah chuan thil lei tumin ka chhuak a ,a vawt tawh bawk nen kawrlumin ka intuam hluna ,mahse inhnuai ka thlen thlak ruala Nathan lo la awm a vang chuan ka ding chawt,vawt a ti tih hriat tak hian a khur a ,a thawmhnaw hak lah vawiin a mi coat chiah a ni bawk si ,anipawhin min hmu tih hriat takin min rawn pan a ,a khur pah bawk ,vur a tla bawk nen mawl ka ti lutuk chu ka melh nghek a .









“ Ka ngai lutuk che " tiin min rawn kuah thlawp a ,a vawt vur a a hmui lah nise a duk vek bawk “ Haw rawh engvanga pawn khawvawta awm reng nge I nih" ka tithat a,a damlo ang tih pawh a hlau ve lo emaw ni ,vur tla lah chuan kan sam vel a tivar vek tawh hetiang chuan a dam lo thei mai ang “Kal rawh ka thlah hawng ang che " ka tihchuan min kuah nghet sauh “ Aih.....I bulah ka awm duh ,naute vawiin kha I ngaihang Khan kan awm lo ,ka namsawn zawk a sin" a tihchuan ka thaw hak a










“ Engmah ka sawi duh tawh lo ,haw rawh a vawt lutuk " ka tihchuan a ngawi reng a ,ka en nghal vat ,a meng tawh lo tih ka hriat chuan ka phone ka phawrha ,tinge kan appartment ah hian a thihdan ziah le ,a vawihnihna a nitawh ,Kimi te ka ko thla a ,kan pathum bawkin kan buaipui leh ta ,khumah kan mut a ,a thawmhnaw chu phelhin kan buaipui a ,a khur reng bawk nen ,a bulah ka mu thla a ,min lo kuah nghal vat ,ala khur reng tho .










“ Kim tuilum lo la ula intir tum ang u ,coffee kha rawn la zawk mai rawh u " tiin ka kuah nghet sauh a ,an ni pawh an kal nghal vat ,tinge a luhlul em em mai le ,a khur hlawk hlawk reng a “ Nathan harh teh damdawi eirawh aw ,engah nge khangah te I din reng reng ni " tiin ka hau pah ,hlauthawng lutuk hian min siam ziah mai “ I hlatah min dah suh" a rawn tikhur hlawk hlawk a ,ka thaw hak ,Kimi coffee rawn ken phei ka hmuhchuan Nathan chu ka thutmut tir dawna.








A rit in. alian bawk nen ka thei der lo lehnghal ,Ririni chuan min rawn pui vat a ,Nathan pawh a rawn meng deuh suar suar a “ Coffee hi in rawh I taksa hi tihlum angai " ka tihchuan a thu rem a ,ka intir nghal vat,kalsan ka tum a pianga a dam lo ziah hi ka thiamloh nge a thiam loh pawh ka hre tawh nek lo e ,a inzawh chuan kan mutthat tir a ,damdawi eitura kan tihlahin a duh tlat lo leh nghal ,dar 1 velah ka mu thei hram ,ka veng ve deuh bawk nen .









Ka taksa nghet zeta pawm bet a ,ka chhipa fawp vung vungtu a vang chuan ka mengchhuak riai riai a ,Nathan chuan min lo en reng a ,a khawsik a reh tih ka hre nghal mai ,thawh chhuah ka tum chu nghet zet hian min pawm bet a ,ka thaw nghal hak “ Min thlah teh ka tho Dawn " ka tihlak a “ Ka tihpalh mahse ka thusawi ngaithla rawh" a rawn tihchuan ka insum thei tawh bik lo “ Ka duhlo ,ka hrethiam tawh khanu kha i tan i enge a nih tih ka hre lo a ,mahse I hmangaih a nihthin ngei ka ring in awmdan ka hmuh I duh loh vangin min hruai ve duh ngai lo a .









Tunah ka hmuh veleh che engah nge insawifiah i tum" ka ti hlak hlak a ,engtin mah min chhang lo in a ngawi ngul a,chuchuan ka thin a tirim zual “ Min thlah la ,haw rawh ka hmu peih lo che " ka ti tawn tawn a ,ka tho chhuak a ka kaltur chu ,a thusawi a vang chuan ka ding chawt “Kha hmeichhia kha ka hmeichhe hmangaih hmasa ber a nihkha" a rawn tihchuan min thawng kher mai .








“ Ka hmeichhe hmangaih leh engkim ka lo pek thin leh min kalsan tu a nihkha " a rawn tihchuan rilru nat lutuk a vangin ka inhum ruh tun a “ Tinge a bulah chuan i kal mai loh ,kei min rawn hmu lo hian " ka tichhuak sap a ,a rawn ding ve nghal tih ka hria ,a taksa lumna in min ur pha miau a “ A chhan chu ka hmangaih che a vangin ,a ni chu ka nunhlui mai a ni a ,ka tan engtihna mah a ni tawh lo " a rawn tileh lawi si te chuan ka rilru an tibuai vek .









“ Dawt I sawi tunah chuan ka hrethiam tawh e ,nang hian I first love awmloh chhunga tihlim tu a tan chiah min lo hmang tiraw " ka tihchuan a ngawi reng ,ka mittui tling pam nen chuan ka en a “ Ni e first love can never die ,an tih thin kha ,kal rawh ka mithmuhah pawh rawn lang leh tawh suh,nanga min hmangaihna kha chu khawngaihna hmangaihna emaw iti a nihkha ,i khawngaihna ka mamawh lo min chhuahsan rawh " ka ti tuar a .







Min rawn pan leh a tum chu ka kut ka vai nghal puat a ,“ Kalbo rawh ka hmu leh duh tawh lo che " ka tichang fak bawk ,a chhuak chu mittui luang zawih zawihin ka thlir a ,a tawp engkim a tawp ta “ Ell enge a awmzia " Kimi leh Ririni chuan min rawn zawt a ,mahse engmah ka sawichak hlawllo “ Ka chhuak lawk dawn " tiin ka thawmhnaw chu thlak in ka bike chahbi ka la a ,Nathan in lama ka keng phei lo chu ka lawm takzet .










Tinungin tuipuikam lam pan chuan ka tlan vang vang a ,a hmun ka thlen rualin hmun biru lai deuh chu panin ka au nghal tuar a ,mahse mipa rawn phun thawm awm a vang chuan ka tawp chawt a “ I awrawl a va ring ve" ti a hnim kar a tanga mipa sam buang thang rawn chhuak chu ka lo en reng a “ I hlim vak loh hmel anihkha a ,mi hlim tumin beach kan pana nang thinrim tumin animaw i pana " arawn ti chu “ Ngawi mai teh hmela" ka tivak a .










A nui huk huk leh nghal ,ka mipa vawikhat hmuhna a chutiang taka ka ngam nghal mai chu mak ka ti,ka bulah a rawn thu thak a “ Khawimaw i lunglen chu ka lo hnem ang chu ,enge i harsatna min hrilh duh em " a mitmu pawram chuan min en a , Nathan mit kha chu a eng deuh kha ania ,ka lu ka thing nghal nawk “ Engmah ka sawi chak lo " ka tihmuk a ,a ngawi mai dawn emaw tihlaiin “ Tirawh intihlim ang ,tikha chuan miin ramhuai emaw an ti ang che " a tihchuan ka nui ve hak a .












A nghal lutuk chuan min tihlim phian ,a hmel hi a naupang zawk zawk tawh lo tih a hriat ,a sang hle bawk ,vaukamah chuan kan kal tlang a “ Ka va hmu ngai lo che ve heram mi hi inilo a mi " a tihchuan ka bu nghat a “ Mizoram a tanga lo kal ka nia " ka tihchuan min rawn en vat a “ Oh!pasal nei tawh maw " a rawn tihchuan ka kut chu ka en ve vat a ,Nathan nen kan inneih zungbun ka lo la bun reng tih ka hriat chuan ka thaw hak a










“ Um" ka ti tawi tak ringawt ,ka awmdan a tangin ka tha lo tih a hria nge thildang min sawipui char char a ,kan hlim dun viau ,ka pum rirawk chu a nuih hawk hawk a “ I ril a tam a nihkha lo kal rawh " tiin vaukama dawr awmna lamah chuan min kalpuia. ,eitur a lam nghal zata ,ka duhzawng chu ka lo hrilh ve mai bawk ,a awmdan a tang hian mi rethei tak chu a nih hmel loh ,kan ei mawlh mawlh a










A chanchin min hrilhin doctor a nih hmel a ,a mah a nelawm bawk a ,a inhmeh hle in ka hria ,camera rawn de zawk a vang chuan kan ding chhuak a ,mahse tumah kan hmu hman lo ,engthil nge niang le“ Reporterin min hmu tlat mai ,helai hmun a tang hian kan chhuak mai dawn a mi " a rawn tihchuan ka bu nghat a ,ka bike chahbi chu ka phawrh nghal zat “ Min phur mai Dawn a mi " a tihchuan ka melh haw a “ Lungngai suh thian kan ni a,i ngaihang kha engmah a thleng lo ang " a rawn tihzung zung chuan “ I zaklo" ka lo tihlar a .










A nui leh hawk hawk tawh ,nilengin kan pahnihin hun kan hmang a ,a hming uang zet a “ Thianpa chhelo Lucas min ti ang che" a tihchuan eilo zet hian ka en a ,a chhelo tihchu a inhre ve hlarh hlarh khawp mai ,ka nihman hrehawm lutuk tur a tihbo a vamg chuan a chungah ka lawm hle bawk ,chuti nilo se ka tap leh hrep awm si a ,zan dar 7 ah min thlah a ,ka luhfel hma chu min thlir tih ka hria ,thian fel tak ka chhar a vang chuan ka lawm hle bawk .









In ka luh rualin Kimi leh Ririni chuan min lo kuah thlawpa “ I biak tlang theih bawk siloh a kan ngaihtuah lutuk che a lawm " an tihchuan “ Tihpalh u ,mahse ka ngaihtuah awm lo a nia " tiin thil thleng chu ka hrilh a “ Tunge ka van hmu ve chak " an rawn tihchuan ka nuih tawp a ,mutura ka kallai chuan Nathan bawk ka ngaihtuah ,zandangah kha chuan a taksa lum tak nghengin ka mu thin a nihkha,huat che ka duh ,insawifiah pawh I tum lo hian min tina a sin.











I nupui nihkha hrehawm ka ti ngailo ,mahse tunah chuan engmah chiang lo in kan inthen chu a nider sia tiraw ,I hmangaih hmasa ber chu ila hmangaih reng pawh ania nge " tiin ka mittui luang ngiai ngiai chu ka hru a ,“Ka ngai che Nat ,dawt a nitih lo sawila keichiah i hmangaih ka nihthu lo sawi rawh,ngawi reng lo hian ,tlemte talin min hmangaih velo em ni ,ka na ,ka na lutuk Nat tunah hian min kuah turin ka mamawh che " ka tap muhil ani ngei ang ,zinglama luak chhuakin min tih harh chuan hmanhmawh zetin ka tho chhuak a .









Toiletah chuan ka uak nghal tuarh tuarh,ka mittui te chu a tla phung tawh ,“ Ellie I tha em " pawnlam a tang an rawn tihchuan ka that thu in ka chhang a ,ka chhuah rualin “ Engtin nge i awm "an lo tivat a “ Ka tha ka luak a chhuak mai mai ania" ka tihchuan an in en vat a ,mahse engmah sawilo in chaw ei an peih tawh thu an sawi a ,ka bu nghat ,chaw eitura ka thu chu Sangha rim a vang chuan ka uak leh tuar a,toilet lam bawk ka pan leh ,an rawn lut ve a “ Ellie I rai a nilo maw "an tihchuan ka nuih mai a .









“ Rai lo ang ka thilei ka ngeih lo aniang ,ka mu tlem bawk nen tiru chhuak ang u " tiin ka chhuahpui a ,chanchinbu an rawnsem mi ka en chuan ka bing nghal mup mup ,kei leh Lucas thlalak bakah ,Nathan leh a hmangaih ngei thlalak chu dahin a chungah “ Lutolf family kehchhia " tiin an hmang bawk a ,ka thu thla hnawk ,nimin khan Lucas nen kan chhuah khan thla an lo lak tak kha ,engvangin nge engmah ka hriatloh ,chanchinbu a an chhuah danah lah chuan ngaihzawng inneih San ang ve ve in min la chhuah zui .









Ka mit chu ka chhing riai riai a ,Kimite au ti chu ka hriat hnuhnun ber a ni “ Tunah ka hmu duh ,min dang suh u " tihleh kawngka rawn ridawt a vang chuan ka mengchhuak siar siar a ,Nathan mit nen chuan kan inmelh nghal chat “ I mualpho hlauah ilo dam lo der animaw " thinrim.tih hriat lutuk a a rawn tawng chuan “ Enge i sawi tum" ka tichu a nui hawk a“ Hrelo der suh bialpa ilo nei reng a,chupawh Lucas Hernandez berkher maw " tiin ngaihnep hmel zet hian a kiai suk a .











Ka ter ve at “ I duh duhin min rawn puh hauh suh" ka tive tuar a ,ka kutah a rawn man nghal chawt a ,ka ban a hmerna chu ana hle bawk “ Kha mihring Khan ka pekloh che enge a pek che ,chuan hnaih hauh suh ang che ka nupui ini tih hre reng rawh " a rawn tihchuan ka tal vak a “ Ka mihnaih tur leh tur loh ah lo buai suh ,nangpawhin khanu kha I pan ve tho ,min rawn hmuh pawh tum tawh suh" ka ti ve that a ,min thing nghal nawk chu ka lu a hai chhawlh thei .









“ Duhtawk rawh Ellie kha a dam lo ania " ka thiante chuan an rawn ti a ,ani erawh ngaihpawimawh loh hmel zet hian a then suk a “ Hnaih suh Lucas hernandez hi mi tha lo tak a ni " a rawn tihchuan ka nui ve hak a “ Ka duh thlanna a ni e " tiin ka kut chu ka pawt leh vak a “ Lalthanmawi" ring lutuk a a rawn tihhrawk chuan ka phu zawk lehnghal “ Ka nupui inih hi hre reng rawh ,nangmah vanga kan chhungkaw mualpho zia hre reng bawk rawh" a rawn tihchuan thinrim lutukin ka bula bottle chu la in ka vawm thuai a .








“ I mualpho a hnu min then in i mualpho lohna chu nei rawh,keichuan ka then tawh che kha hei pawh hi ka mamawh tawh lo " tiin kan inneih zungbun ngei chu phawi in ka vawm a ,a mitmeng chu a thim nghal khup “ Bun leh rawh " a rawn ti hrawk a ,insum a tum hle tih a hriat “ Ka duh lo nang nen hian inzawmna kan nei tawh lo " ka tive hmak a “ Lalthanmawi bun rawh ka tihchu" a rawn tileh tuar a ,ka hlau awm bik hlei lo emai .









“Nathan duhtawk tawh rawh "tihri rawn chhuahna lam chu kan en thap a ,Michele leh Nick an lo ding reng a ,Nathan chu a nui hak a “Bun rawh " a rawn tihleh chuan “ Kan nau inih angin kan tan thin che ,mahse tuna I awmdan hi chu kan duh lo takzet ,phatsan chungin i nupui niturin ila tingam ania ,duhtawk rawh " Michele chuan a rawn ti dam dap a ,an thianpa leh an nau a nih ang a a lam an tang miahlo chu mak ka ti .









“ Phatsan keihian ka phatsan lo " Nathan chuan a rawn tichhuak ro hulha “ Min chhuahsan tawh rawh ,ka mu duh" ka tihmak a ,ka inher a ka inkhuh leh daih bawk ,ka chauh em a vang in ka muhil leh nghal mai a ,enge thleng zel ang tihpawh ka hre chuang lo .







Ni a liam ve zel a ,Lucas nen pawh kan inkawm ngeih tawlh tawlh emaw tihturin kan inzui tam a ,ka nawm loh ngun ema a vang erawh chuan kan in hmu khat hle.thung ,mak ka tih deuh thin chu Lucas a hmelah hian eng emaw danglam zawk ka hmu thin hi ,mahse ka Chiang lo ,ka nawmloh em a vang chuan ka zun ka test ta nge nge a,line sen pahnih awm a vang chuan mitchhingin ka mittui a luang leh ngiai ngiai ,apa lah chuan tunah chuan min ngaihsak tawh der silo .










“ Nat I fa ,kan pahnih fa tur ka pai a sin ,mahse chupawh chu hlim takin ka hrilh thei silo che " ka tichhuak sap a ,a bialnu kha kalsan in Kaya nen an inzawm leh tawh tih ka hria a ,innei em lo mahse nitin an chhungkaw thlalak ka hmuh thin a vangin ka chiang viau ,nangchuan hmalam I pan thei mai a ,mahse nangmah hmangaihtu erawh hi chuan ka pan ve thei lo.









I hlim nan tiin ka thlah che a ,ka nun hahdam zawk ringin ka pehhel che a ,mahse i hlim duh ber tu hian nangmah vanga hlim ve leh ka chak ,hmangaihtu chuan a hmangaih nat a phal ngai lo an ti thin,ni e keipawhin i nat ka phallo a ,mahse ka hlimtir rual che in keimah ka nat a ngai ve ta thung a ,Ka aiawh tu chuan a tihlim che em ,keimah ai i nunah a pawimawh tawh zawk angem.









Zawhna a khat hringnun hian i chhan na a nghak a ,mahse chhangtu erawh a reh ta vung vung a ,thinlungin a hming alam Khan a hre pha lo a ,a mamawh tu thinlung in a auhna kha. ahre pha silo a ,a ziaktu in a a duh ang tawk a a ziah kawi thin thawnthu ang maiin kan thawnthu chu a hrang ta nuaih a tiraw ,hlim rawh aw,mahse nakinah kan naute hi alo piang anga ,chutih hunah chuan inchhir hauh suh ang che .









Pa neilo in lo thanglian mahse a pa hi hrelo law law turin ka duh,min rawn hmu duh tawh lo a ,i fa pawh hi hmu turin ka duh lo che .





Ka vak chhuak a ,kan pahniha sulhnu ka chhui a ni ber ,parkah ahma a ka thutna thinah chuan ka thu a,ear phone chu vuahin Hringnun diary tihchu ka ngaithla a ,changhnihna “ Fur khua leh ruahtui chu ,kawp tura duan ,pangpar leh khuaite pawh kawp tura duan ,vanzawla chhum leh ni zung pawh kawp tura duan ,NANG LEH KEI erawh hrang tur a duan .







Ni e kawp tura duan zingah nang leh kei erawh hrang tura duansa ,mahse inhre reng tawh tura ruat si ,inchelh thei silo a in ngai tawn em em tura duan kan nih ka ring e,inkawp tura siamtu in a duan zingah hian ,kan pahnih erawh inkawp tura duan kan ni lo ania nge ,kan fa in a “mommy Where is daddy " a tih huna ka chhang theilo tur erawh ka huphurh sa ngawih ngawih .








Nat bul tan that leh ka chak ,ka ngai lutuk che " tiin ka ngaihtuahna a ta ka harh chhuak a ,ka kal tur chiah chu Nathan leh Kaya nui dun ka hmuh chuan ka ding chawt a ,an ni pawhin min rawn hmu ve nghal,Kaya chuan Nathan banah a vuan nghet sauh a ,ka nui lui sak ringawt ,ka inher a taxi chu pharin ka lut nghal daih ,ka chelh ve thei tawh lo a ,a kiangah kalin fiamthu ka thawh pha ve tawh heklo .









Nat hringnun piahah kan intawng ve leh te a nihchuan,I thiantha ber tal chu min nihtir ve tawh rawh aw ,mangtha aw Nat ,mangtha ka hmangaih leh ka nunhlui nei tu .




KA CHELH DUH THINLUNG KHA ,KA CHELH PHAK RUAL LOH IN LENGDANGIN A PAR AN THLIAK TA,KA NEIHTHEIHLOH THINLUNGAH KHAN A HMING A ZIAH HNAN TA BAWK A ,KA SULHNU CHU A BOTA ,CHUTIH RUALIN KA TAKSA NEN HIAN BO TEL VE THEI SELA THA TUR .A KIANGA KA AWM VE THEIHLOH RO RO CHUAN HRETAWH LO TURA PIALRAL KAI MAI KA THLANG E

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 3rd, 2021, 1:52 pm

KA TA INI PROFESSOR






CHAPTER 18







Ka luak chhuak lutuk a vang chuan ka uak leh tuar thin,naupai hi engtiang chiaha hrehawm nge niang le,tihte chu ka ngaihtuah hial ,ka pum chu ka zut a ,Nathan ka ngai ka ngai lutuk ,ka rilru hrehawm lutuk chu ka naupai pawh ka ngaihtuah thei lo ,thih ka chak a ,ka chak takzet ka chhungte engmah ka hrilh ngam bawk silo .









Barah ka kal a ,zu chu ka in a ,ka pum a sa thla vawng vawng ,ka pum ka ngaihtuah a no hnih ka inchuan ka rui tawh viau ,ke chuan ka kal kual a ,bar pawn ka chhuah rualin ka thaw ham ham “ Enteh i hmangaih tur min pek hian min hmangaih ve chuang silo ,tinge hetiang tur hi min tawntir " tiin van lam en chuan ka au tuarh a ,ka hma a kawng thim mupah chuan ka kal a .













Enge ka tawn dawn pawh ka ngaihtuah thei lo a ni ber “ Min hmangaih ve a maw ka lo tia ,mahse vawikhat pawh insawifiah a tum lo a ,haha ,min rawn hmuh pawh a tum lo ,Nathan lutolf min theihnghilh ta em ni ,ka hma a mipa pahnih lo awm chu ka hmu reng ,kalpelh mai ka tum chu ka kutah pakhat zawk chuan a rawn man a ,ka vai nghal pawp “ Tunge in nih" ka tihrualin an rawn dinga pakhat chuan ka kawngah rawn manin alamah min pawt dawrh a .








Ka tal chu min man nghet sauh “ I mal riau in kan hria a ,kan tihlim Dawn che a nih hi " a rawn tihchuan ka hlauthawng hnu hnawh ,ka lo rui ve bawk nen ka chet vak chuan ka naute ka chan ka hlau bawk si ,ka in ngaihtuahlai chuan min kuah tu zawk chu a per nawlh a ,keipawh ka awm hrang nghal nawlh“ Kalsawn nghal rawh u" tihthawmah chuan hawichhuakin Nathan hmel ka en a,a mitmeng chu arum ul bawk








Chumi te kalsawn rual chuan kalsawn ve ka tum a ,ka let leh nghal nawlh “ Min dim ta che " ka ti tuarh a ,a nui rum hawk mai “ Engvanga zana vak chhuak nge inih" tiin ka rim chu a hnim a ,lungawiloh hmel lutukin min melh nghal kur a,“ Zu I in a maw Lalthanmawi " a rawn tihchuan ka kut ka vai puat a “ Min ngaihtuah ang ber ziazang Khan rawn tawng suh,min thlah rawh ka haw dawn " tiin ka tal a ,min thlah chu sawilo min man nghet sauh a









“ Nathan lutolf min thlah rawh " tiin ka mittui tling piau chuan ka en a ,rum hawkin min kuah nghal thlawp chu a mah ka ngaihtawh em a vangin ka tap hlawp hlawp a ,nghet zetin a kawrah ka tham bawk “ I sual lutuk ,Kaya I pana tunah min pan leh a maw,min tihnat hi duhtawk la ,ka mithmuhah lo inlan tawh lo law law rawh khawngaihin ,ka mithmuha i rawn inlan ziah chuan min la hmangaih reng emaw ka tipalh ang .









“Nat min kaltir rawh ,chuloh chuan zana ka thangharh hunah ka kianga awm angin ka suangtuah leh ang che a,ka zing thawh rualin ka bulah awm reng turin ka ngaihtuah leh palh ang che ,Nat ka kalbo dawn i nun a tangin ka kalbo dawn ,min thlahla ka hmuhah lo lang tawh suh" tiin ka rui bawk nen ka sawi chhuak par par a ,rum hawkin min kuah nghet sauh thung a “ Min kaltir rawh ka tihchu ,I nunah lo lang miah lo tur ka nia ,ka tihpalh a ni ,Nat ka lo a lutuk a ,a duh duhin an pet lirh theih ball te ang maiin ka lo â rei em a ni .












Ka kal ang ,heta i hlim hmel hmuh reng hi ka thei lo ,kei na taka ka awm lai a hlim taka I awmlai ka hmu duh tawh lo" tiin ka tah zawma ,ka chhipah a rawn fawp vang vang a “ Khawiah maw min kalsan ang" a rawn tisup a “ Hmun hla deuhah min hmuh phak tawh lohna turah " tiin ka insut faih faih a “ Ka phallo ,i hria em khawiah mah min kalbosan ka phallo ,ka thlung bet leh mai ang che " a rawn tisup a .










“Ka duh tawh bawk lo ,ka kalbo anga chuan ka theihnghilh daih ang che " ka rui bawk nen naupang chhia zet chuan ka tawng bawrh bawrh a ,ka hmaiah a rawn dawm nghal run “ Khawiah mah I kal ka phallo ka tih kha ,ka kiangah I awm ang ka thusawi ngaithla la ,hetianga ka tihnat che hi a ngailo tur " a rawn tihchuan ka thinrim phat “ Ka ngaithla tih I hre reng khanu kha I hmangaih tawh lo ani tih min hrilh theila chuan ,hetiang hi kan thlen a ngai lo ang,min thlah rawh ka kal dawn " tiin ka tal faih a.










Ka che chhuak thei bawk silo “ Nat ana " tiin ka inhnit hlawp hlawp a ,ka hmuia a rawn fawh pawh chuan ka dang lo ,ka mittui a luang zawih zawih reng ,ka hmui bulah chuana thaw lum ham ham reng a “ Ih ana lutuk hi a puak mai dawn in ka hria ,Nat ana lutuk hi ka tuar zo lo mai Dawn in ka hria " tiin naupang ang mai chuan ka tap chiam a “ Ka tihpalh baby ka tihpalh " tiin min kuah bet a ,ka thinrim leh rilru na lutuk chu ka sa vur in ka hria .









NATHAN POV..






Ka awm a tap muhil chu ka pawm kang nawlh a ,Lucas Hernandez ka chhui chhuah hma chu ka hnaih thei bawk silo ,anilah in targetah Ellie a rawn hmang chat a ,chuti nilo se Lily kha a rawn kal hauh lo ang ,lily ka hmeichhe hmangaih hmasak ber ngei mai kha.








Ka tleirawl tirh a tanga ka ngaihzawn a ni a ,mahse kei min duhkhawp lo in mipa dang a pan a ,kha kha an unau a an ngaih thiam theihloh a vang leh ka pa in an company alo tihchhiat sak a vanga thinrima phuba rawn lak tum an ni tih ka Chiang hle bawk “ Nat" ti a mang lam a tang a rawn phun chhuak chu ka kuah nghet sauh a,ka ngaih tawh zia hi a hre der silo a.








Ka car chhungah ka dah lut a ,ahmai chu ka khawihsak a “ Min kalbosan tur thu kha sawi tawh suh,ka tello a khawiah mah I kal ka phallo ,chu chu hre reng ang che ,ka hmangaih che ,Ellie Lalthanmawi chu chu hre reng rawh ,engkim ka siamtha tep ,chumi hma chu phatsantu ang ah che min ngai mahla a pawi ka tilo,a chhan chu I him nan keimah zawkin ka tihnat che a ngai miau si a .







Min haw ngei ang tiraw ,mahse I himnan chuan min haw rawh ,a pawilo min haw rawh ,mahse min kalbosan hauh suh ang che ,engkim a tha tep " tiin ka be mawlh mawlh a ,ka phone ri chu ka en a Kaya a ni tih ka hmuh rual chuan ka thaw hawk a “ Aw " ka tihrualin “ Nathan naute hi a che ania " a rawn tihchuan Ellie chu ka en vut a ,Kaya hian ka fa thla li mi a pai mek a ,a dul erawh a la hliah vek thung ,engtin nge ka fa a nihtheih ka ti lawk a nihkha .









Ka chhui ngei bawk ,mahse Ellie nen kan intihthiam loh lai Khan ka mutpui tih ka chiang a ,kha mi nen Khan a inmil chiah chiah bawk nen ,doctor lahin ka fa ngei anih thu an sawi bawk si ,ka rilru a buai hle ,ka fa erawh thlahthlam ka tum lo ,ka inah Ellie chu ka hruai haw a ,khumah ka mut vat ,a bulah mu thla ve in ka kuah a “ Ka tihpalh" ka tileh hawk a,engmah a la hre lo tih ka hria ,ka Tina hle Dawn tihpawh .










Zingah ka harh chuan Ellie a lo awm tawh lo ,mahse bathroom lamah uak tuar tuar ka hriat chuan ka tho chhuak vat a ,a zu in khan a thing let a ni ngei ang “ Ell I tha em " ka tihchuan min chhang lo in a uak leh that a ,kawngka chu akalhna ka hawng nghal vat ,chhuatah chuan a lo thu a ,a zawi nghiai bawk ,ka pawm chhuak vat a “ Zu in tawh hauh suh ang che " ka tihchuan a tawng lo ,a melh ngai a melh reng .










Kawngka rawn inhawn rualin “ Nathan I hman Dawn em ,vawiin naute ultrasound tih a ngaih kha " tiin Kaya a rawn lang nghal zat a ,hrep a ! a ni pawh a ding chawt ,Ellie a hmuh chuan a lawm loh hmel hle “ Enge khanu Khan a rawn tih" a tifak a ,Ellie ka en chu min lo melh reng “ Naute " a tisap a ,tawng ka tum chu “ I hriat ang in keihian Nathan fa ka pai a ,chuan kan innei vat tawh dawn bawk " a tihchuan “ Kaya a tawk lo va chhuak rawh " ka tihrawk a .







Ellie hmel dang lawp lawp ka hmuh chuan ka pan hnai vat a ,khawih ka tum chu ka kut a lo vaisawn nghal lawp a “ Min phatsan ,kha I kut bawlhhlawh zet Khan min khawih suh,mi tenawm tak ini Nathan lutolf ,mi tenawm lutuk min hmuh pawh tum tawh suh" a rawn ti tuar a ,a hmel a tang chuan a thinrim hle tih ka hre thei “ Ell min ngaithla rawh " ka tihchuan a nui hak a ,a lu a thing nghal nawk nawk .











A kut chu enin a nui leh hak a ,kan inneih zungbun chu a melh reng a “ He thil pawh hian tangkaina a nei tawh lo ,dawt hmanga inbumna mai a ni " tiin a phawi a ,tukverh lam panin a kal chu ka umzui vat ,“ Ell tisuh" ka tihrualin pawnah chuan a vawm chhuak a “ Engkim engkim hi bo rawh se " tiin room chhung lam chu pan leh in kan inneih thlalak chu a la thla a ,a vawm keh nghal chuai “ Lalthanmawi duhtawk rawh" ka ti tuar a ,“ Ka duh tawk ang maw ?maw ka duh tawk I duh amaw .









Aih teuhlo ,he inchhungah hian ka sulhnu engmah awm ve tawh tur in ka duh lo ,phatsan ching pa ,ka lo tawng che hi ka inchhir hluah hluah I hria em ,nang hi lo tawng lo che ila heng natna zozai hi ka tawrh a ngai hek lo ang,hrilhhai lutuka ka awm te ,zana nangmah ngai reng reng a ka awm te kha I hre ve hauhlo ang tiraw " tiin kan inneih thlalak chu a pawt thler kawk a ,ka insum thei tawh lo a hmai a ka benna chu a sen nghal hlar a .









“ Nat " tiin natna nen hian min melh ngawt ngawt a “ Ell ka..." ka tawng tur chu a kut a lo zap a ,“ Mangtha le ,I duhthlanna ah inchhir hauh suh ang che ,ka chanchin rawn ngaihven lo bawk la ,min rawn hmuh pawh tum tawh suh,engtin nge ka awm tih ngaihven lo la ,khua reiah i lo inchhir a nihpawhin keichuan ka pan leh tawh lo ang che ,hei hi kumkhua in ka vawng tawh ang ,nang hi ka damchhung in ka haw tawh ang che Nathan lutolf " tiin a mittui chu hru in ,na lo ang mai chuan a awm a .











A chhuak tur ka zui chu ka lam a rawn hawi a ,a hmel chu a sen vek a ,min en in“ Min rawn zui suh engmah I siamtha thei chuang lo ,I fapai tu chu nei ang che " tiin Kaya chu a melh zauh a ,nui sak chungin a chhuak chu ka thlir reng ,a kal Lalthanmawii chuan min haw kumkhua tawh dawn tihchu ka bengah a ri tluk tluk a ,Kaya min rawn pan chu “ Nangmah in va incheck up rawh " tihmukin ka room lam ka pansan a .










Ka thaw leh hawk thin,khum bul chhuata kan inneihna thlalak thler chu ka chhar a ,ka en vung vung ringawt “ Ka tihpalh Ell ka tihpalh " tiin ka mittui luang tur chu ka hru thuak a ,ka leiloh vang em in ka nupui rilru ka tina te chu a ni sia .








Ni a liam a ,a hmel ka hmu tawh ngailo ,mahe he khawpuiah hian ala awm ve ngei tihchu ka hria ,ka office khawngkhar chu a rawn inhawng rawk a ,Nick leh Michele lo lut chu ka lo en vat bawk “ Engthil nge " ka tihchuan an in en deuh vut a “ I nau leh Ellie Lucas an a kidnap " an rawn tihchuan ka nghing lawih thei “ Khawiah nge a hruai in hria em " tiin ka tho chhuak nghal sawk sawk a ,pawnlam ka pan tur chu min dang leh vat.










“ Tunah tihtheih a awm rih lo ,insum rawh an zawng mek " an tihchuan “ Huna awm tawh lo,kha mihring khan a lo tina thei a sin" ka tihrawk a ,an lu thingin “ Lucas hian Ellie hi a duh a ,a tina mai mai lo ang " an rawn tihchuan ,ka indawm kun ngawt ngawt tawh ,tunah te hian an thlaphang viau awm si a ,ka au tuarh a ,ka phone chu phawrhin ka hnuaia thawk ho ka be kual nghal vat a .









Ka chhuak nghal vut bawk “ Ell min lo nghak rawh ,ka rawn hruai vat ang che min lo nghak rawh " tiin ka phun pah mawlh mawlh a

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 3rd, 2021, 1:53 pm

KA TA INI PROFESSOR







CHAPTER 19



A hnuaia NOTE KHU CHHIAR NGEI2 RU AW




ELLIE POV...







Ka natna hian min kiansan ka ring lo ,nitin chuan ka nung ve tawp in ka hria ,ka thian ten min hnem thei lo a ,an kawppui te a fuh bik lutuk chu ka thik thin,kei leh Nat erawh awmdun tura ruat kan ni lo takzet a nia nge ,ka naute vangin ka inti chak hram hram a,ka pum pawh tlem chuan a rawn puar ve tawh a.










Ka mit ka chhing vang vang ,Kayain intithei zeta Nata fa a pai thu a sawi laite chu mitthla ah a lang zut zut a ,ka thaw leh hawk thin,ka pum chu ka dawm ringawt a “ Naute Daddy chuan keini nen nilo in midang nen chhungkua a din dawn a sin,a hringnunah kan tel ve thei tawh lo " tiin ka dul engmah la hrethiam ve lo ,ka thisen ringa nung chu ka be mawlh mawlh zel a .













Ka inhnemna awm chhun a ni miau,ka thiltih tum tam tak pawh ,ka naute vang hian ka thulh phah bawk ,ka phone message chu ka en a ,Jasmine hnen a tanga message lo kal a nih a vang chuan mak ka ti viau ,inhmuh a duhthu a sawi chuan mak ka tileh zual,engvanga min hmuh duh nge a nih ang ,khawngaih a rawn dil takah chuan ka thaw hak a .








Insiamin inhmuhna tur a sawi lamah chuan ka kal a ,kan inhmuhna tura a sawi lah ,mi awm vaklohna hmun ala nileh zel si ,ka hlauthawng viau ,reilote ah a ni pawh a rawn thleng a ,ka bul a rawn thlen chuan “ I tha maw " tiin a rawn ding zui ve a ,ka lo bu nghat “ Ka hmuhduh na chhan che chu " tiin a chawl dat a ,keiin a thusawi tur ka ngaichang reng thung a “ Ellie min pui rawh " a rawn tihchuan mak tizet in ka en a .










“ Kaya hi ka lo hrechianglo a,mahse tunah chuan a mizia diktak ka hre tawh ,Lucas fa a paia mahse ka u fa ah a puh a ,ka u fa a nilo tih ka chiang takzet ,ka u hian I puihna a mamawh " a rawn tihleh phei chuan mak ka ti lutuk chu ka meng kawk kawk ringawt “ Engtin nge Lucas a ni tih I hriat ,Lucas an chutiang thil a tiduh lo ang " ka la ti ve fan a ,mahse ka ngaihtuahna erawh a buai ru viau thung .








Lucas chuan ka lungngaih laiin min hnem zawk thin a nihkha ,a bag chu a zen rawk rawka “ En rawh " tiin video Lucas leh Kaya sex hmang laite chu mai bakah kan chhungkua an tihkeh chhiat a vanga an lawmna an sawi chhuah lai te a awm a ,ka meng kawk kawk ringawt ,silai rik rualin ka phu zawk a ,Jasmine chu a keah an kahna a vang chuan a thu hnawk a .








Ka buaipui nghal vat ,mahse car a tanga Lucas silai nena a rawn chhuak ka hmuh rualin “ Engvangin nge I tih" ka tituar a ,a nui suk ringawt “ A ke hi tuam sak ula,car ah khan lo va khung rawh u " tiin mipa pahnih a ruala rawn kal ve te chu a bia a ,Jasmine chu an rawn hruai sawn nghal vat ,Lucas chu ka bulah a rawn thu thla a “ He thil.ka tih chhan I hre duh amaw " tiin a nui hak a .








“ A chhan chu maw ,keihian ka hmangaih che a ,chuan nupuiah ka nei bawk ang che ,I naupai erawh ka fa ang in ka en thei mai ang " a rawn tihchuan rapthlak ti lutukin ka melh ngawt ngawt a ,ka hmaiah a rawn khawih chuan ka hawisawn vat a “ Ka thian angin ka en che a sin ,engvangin nge hetiang thil hi I tih?" tiin a mitah chuan ka en rana ,a khi leh suk tawh “ A chhan chu maw Nathan lutolf ka neih zawng zawng min laksak tu hi tihnat ve ka duh a.








Nang ka hmangaih hi a hmangaih ilo ni ve leh kher bawk nen ,a remchang viau Dawn a nih hi " tiin min rawn khawih a tum chu ka lo awmsawn a vang chuan ka hmaiah a beng chawrh a ,ka lu a hai chhawlh thei “ Ka thu i awihloh chuan i naupai lai tan hian a pawi palh a nge " a rawn tihchuan ka pum ka dawm nghal vat a ,nui chungin min pawm kang nghal nawlh ,ka naute chan ka hlau bawk nen ka chhang let duh tawh lo a ,ka tal hek lo .









Car chhungah min dah lut a “ Engkim I tan ka ti ang ,min duhlet tum vat ang che ,thu i awih chuan i naute nen hian tha takin ka enkawl ang cheu " tiin ka chalah a rawn fawp a ,ka inhum ruh nghek ringawt ,“ Jasmine saw engvanga man ve kher nge inih?kal tir rawh" ka tisap a ,a lu a thing nghal nghut “ I pasal oh!pasal hlui kan tizawk dawn a mi ,tunah chuan hmeichhe dang lakah fa a nei tawh si a " a rawn tihchuan ka chhang thei lo .












Nathan leh Kaya chungchang a sawi chuan min tina “ Lucas min kaltir rawh ,ka thian inihkha " ka ti tiau a ,min khawngaihna a hmelah chuan a rawn lang chhuak zawk a ,ka chalah fawp zauhin “ Ani nilo in kei min thlang la ,natna ka pe ve lo ang che " a rawn tihchuan ka lu ka thing nawk nawk a ,Nat lo he thinlung hian a thlang ngai dawn lo tih ka hrechiang em ani ,a hmel chu a rum nghal ul a “ Tlanchhuak ang u " ti hmukin ka bulah a rawn thu lut a .









Khawilam nge tih pawh hriatloh lamah chuan min hruai a ,in pakhat fal em em ah hian min kalpui in room ah min khung nghal hmak a ,a chhuak leh vang vang bawk ,Jasmine kha engtin tak ti ang maw ,a hliam bawk si ka ngaihtuah takzet ,ka mangang leh ka hlau lutuk bawk si chuan ,hnungchhawna min liamsan tawh tu a thinglung lalpa Nathan bawk a au leh ruai a ,mahse ka awmdan engmah a hriat ka ring lo a .










A rawn kal kher angem pawh ka hre chuang lo ,mahse ka la au ve fan chu a nisia ,kawngka a rawn inhawng a ,Lucas chu eitur nen a rawn lut a ,ka bulah rawn thu in “ Chaw ei rawh I naute tan Khan a tha tih hria la " a tihchuan ka nersawk ringawt “ Jasmine chu a tha em" ka tihchuan min en in a bu nghut a “ Doctor ka nih hi ,ka enkawl thei " a ti hluk a ,ka ngawi leh reng ,ka hmai a rawn khawih a tum chu ka kalsawn a .











Thinrim zet hian min en ngur a “ Min hmangaih a nihchuan tinge min kaltir mai loh ,hmangaihtu inti siin I hmangaih hlimna i duh silo em ni" ka tihchuan a hmai a tuai puak a “ Nangmah anga hmangaihte pan ngam lo khawp a ,mi dawihzep ka nih loh hi keichuan ka hmangaih chu midang ta niturin ka phal hauh lo ang " a tihchuan ka nui ro hak ringawt .











“ Ni e ka hmangaih ka kalsan vang a ,midawihzep min ti chu a awm tho e ,mahse maw hlim tura duhtu in a kalsan ngamna hi a ropui zawkin I hre ve lo maw ,hmangaih em em mah ila ,a niin min hmangaih let ve chuan loh chuan ka ta lo tur kungah kuhmum ka va tum ang a ni dawn a sin,mahse a partlang tur dik tak kara kei a par diklo ka va inrawlh si khan ,chu pangpar chu a mawi phah dawn lo ,reilo teah mi ten a mawilo tiin an that duh mai zawk ang .










Chutiang chiah chuan maw ,ka hmangaih ka kiansan hi a tha zawk a ni ,a ni chuan chhungkua a din dawn tawh a ,keichu min mamawh ve tawh kher lo ang " ka tisap a ,pawnlam chu ka thlir vang vang a “ Lucas misual tak ini lo tih ka hria ,hetiang thil i ti pawh hi ,i nunhluia i tawrhna a vang kha a ni ngei ang ,mahse maw huatna hi kan inei ral tir tur a ni lo ,i huat reng khan rahtha a chhuah phah lo a ,hun kal tawh thil kha I siam tha thei lo bawk .










Mahse hmalam erawh i pan thei ,hetianga misual tak anga awm lo hian ,a hma a Lucas ,ka thiantha tak kha ni leh rawh" ka tihchuan a ngawi reng a ,keipawh ka tawng tawh bik lo ,pawn lam chu thlirin Nathan bawk ka ngaihtuah a ,Kaya nen an naute piang tur chungchang sawi a ,an nui tlang tur ka suangtuah ringawt pawhin ka na ,hlim takin ka thlah ta che a ,mahse hlim a va har si em ,i hlimna ka nizo ta lo kha a pawi a ni tiraw .









Tlinlohna ka lo ngah em ani, inun hlim takin hmang la ,ka hmangaih ,kei I hriat reng na pawh a bo ve tial tial bawk anga ,mahse kei erawhin ka damchhung zawngin ka hre reng tawh thung ang che ,ka natna tur ka pan che a ,ka ta nilo tur ka vuan si che a ,a hmangaih hlimna a tana kalsan ngamtu tia min hriat reng tal ka phut ania .








Amah ngaia ka natna hian min pan a ,min kiansan reng atum silo a ,nunhlui lo siampui tu chu engtin nge a theihnghilh ang ni ,ka natna te hian min kiansan ka ring lo a ,a laka tanga min lasawn tur a ka ngaih te lah hian a mah bawk min hriatchhuah tir reng si a ,ani nena kan lendun hi an phal ngang lo ania nge ,ka lak a tanga an laksawn tak ni ,Lucas chu a chhuak a,biak pawh ka tum tawh chuang lo .









Ka mittui chu a rawn chhuak leh ngiai ngiai a ,ka naupai nen ka rilru no lutuk hi ka hua ,“Nat pa inih hun tur kha i nghakhlel thib tiraw ,tunah pa ini tawh dawn a sin,mahse nang leh keia fa chuan Daddy tiin a ko ve thei dawn lo ta si che a ,midang nena infa diktak nilo i kai lai hi ka thlir thei angem ka hrelo,i fa I hmuh hunah engtin nge i awm ang tiin ka ngaihtuah thul ,mahse suangtuahna chauh chuan a tak ram thlen a har em a ni .










Ni a liam ve zel a ,Lucas pawh chungin ka chungah a suallo a ,mahse a duhloh zawnga ka awm erawh chuan a thinrim thei hle ,room a a rawn lut chu ka lo en a “ I hmangaih chu a nep hle mai ,a nupui ai a nau a thlang zawk a nia "a tihchuan ka en vat a “ Enge i sawi awmzia Nat a lo kal a maw "ka tihchuan “ A nau rawn hruai turin a rawn kal a,nang erawh a tan I pawimawh tawh loh thu a sawi a sin" a tihchuan ka melh ngawt ngawt .











“ Chutiangin Nat an a tilo ang " ka tihchuan nui hak hian tv chu a on a “ En rawh " tiin an news puan chu min entir a ,ka mittui a tla zawih zawih reng ringawt ,a tha e “ Nathan lutolf ka laka in thiltih a vang hian ka la rul let khawp ang cheu,tunge ka nih ka la hmuhtir ve ang cheu,ka phuba hi ka la ngei ang ,phatsan hmang pa " ka tichhuak hak a ,ka tello a a awm thei a nihchuan ka awm ve thei tur a ni tiin ka infuih sauh sauh bawk .










Lucas chu enin “ Min khung reng angai tawh lo ang ,keihian i phuba chu ka lak pui ang che " ka tichhuak fak a ,a nui nghal suk bawk ,Nathan ka laka nangmah hmangaihna chu i hmet mit ta tu nge ka nih tih hi ilo en reng dawn ania ,inhlim rei hauh tawh bik lo ang .








NATHAN POV....








Ka hma a rawn kal phei te chu ka en a ,ka pan nghal vat “ Ell" ti a khawih ka tum chu a kut ala sawn a “ Kal vat ang Lucas " tiin kan Lucas hmela banah a vuan a nihchu ,thil awmzia hi ka hre thiam hauh lo ,ka nau lah damdawiinah a awm bawka ,kalkawnga a lo awm kan hmuh Khan damdawiinah kan hruai a nihkha ,Ellie chanchin kan hre thei hauh lo a









Mahse tunah ka hma ah ngei a rawn lang a ,ka melh reng ringawt ,Lucas chu ka melh ngur a ,a nuisuk ka hmuh chuan a nghawngah ka rek nghal chawt “ A chungah engthil nge itih " ka tihrawk a ,ala nui mai mai zui “ Nathan lutolf thlah nghal rawh ,nge ka beng zawk Dawn che " rawn titu chu mak tihna nen ka ena ,Lucas Hernandez ka rehna kut chu a rawn vai sawn lawp a “ Kal ila duati " ti a kan hmelan a fawhte chuan chhete mahin a hnar lo ...










Ka inhum ruh ngut ngut a ,engah mah min ngailo tih hriat zet a inchhung lama lut te chu ka thlir reng ringawt ,a mitah khan min hmangaihna ka hmuh thin kha ka hmu tawh lo tih ka Chiang a ,huatna in min melh ngawt ngawt tawh a nihkha ,ka lu chu ka tuai pawk a “ Nathan kal ila " ti a Kaya rawn tawng chu enin ka kal nghal vut a ,naute kan en a ,chuvanga helai hospital a kal hi kan ni bawk ,ka ding chut a ,engvanga Lalthanmawii te kha heta kal nge an nih ang .









Ani khan nau a pai em ni ,ka ngaihtuahna a vang chuan ka hah hlui thei ,ka nau kan la kan a ngai bawk nen Kaya chu carah ka thutluh tir a ,inah dropin ka nau ka dahna hmun chu ka pan leh vang vang a ,khuma mu dang bel chu ka en a ,a ni a lo harh hunah chuan engkim a chian vek tawh ngei ka beisei ,Ellie hian engvanga a ni kha pan nge a nih tih ka hriat a ngai bawk ang .










Ka phone. chu phawrhin kan pahnih thlalak chu ka thlir a “ Tunah chuan kan nunhluia kan hlimna te kha thliin a chhem bo ta vek a ,Ell min haw hlen tawh tak tak em ni ,chuvang em ni a ni kha I pan ,nge heng thil zawng zawng hi kha Lucas phiangsena nena in ruahmanna lo ni vek zawk,ani kha i hmangaih em ni ,min chhan hun tur ka nghak reng ang " ka nau rawn che ka hmuh chuan ka pan nghal vat a.








“ Naute I harh tawh em ni " ka tihchuan a lu dawm in “ U tui" a rawn titham chhal a ,khum bula tui chu ka thlit nghal vat a “ Ellie a tha em " a rawn tihchuan ka en nghal vat a “ Tha" ka lo tihmuk thung ,a thatzia chu ka hmu chiang hle a nihkha “ U u Ellie kha umzui rawh " a rawn tihchuan ka en nghal vut a ,a ni hian hriat a nei chiang ani “ U kaya hian a bum che ,a naupai hi I fa a nilo ,Lucas fa a ni " a rawn tihchuan ka thaw hrawk a .










“ Hmeli chu leh" ka tichhuak tuar ,kal mai ka tum chu “ U ,u Ellie khan I fa a pai a sin " a rawn tihleh phei chuan ka lung a phu dup dup tawh ,mahse tunah chuan Ellin min haw tawh lutuk tih ka hria ,mahse engkim siam that ka duh,Kaya awm na lam ka pan a ,min hmuh chuan min lo pawm chung chung leh nghal,a banah ka vuan a “ Nang hian ka fa ipai lo tih ka hre tawh ,engvang a min bum nge inih" ka tihrawk a .









A hmel tlanchhe nghal du chu ka hmu reng bawk “ Nathan enge I sawi awmzia ,ka bum lo che " aw khur dar dar hian a rawn ti a ,a hrawkah ka rek nghal chawt “ Nang hian Lucas hernandez nena in fa kha ka fa angin I rawn puh tih hi ka hriat loh I ring a mi ,sawi nghal rawh " ka tileh hrawk a ,ka kut chu a rawn vuan a ,tunah tak hi chuan pawhsawm vek tluk a chak ka nei lo .








An mahni vanga Ellie nen kan inkar a chhiat phah bawk a “ Ih Lucas an titur in min ti alawm " harsa tizet chuan a rawn ti a ,ka thlah nghal vat ,a thaw hawk hawk a ,apum a dawm bawk “ Ka hmuhah I rawn inlan leh a nihchuan ka that tawh ang che " ka tihrawk a ,inher a ka kal tur chu a thusawi a vang chuan ka ding leh chawt a “ A haw tawh viau ang che ,a chhan chu kha ni hospital a kan kalni a mipui hma a min fawp te leh ,amah zawnglo a I nau chiah I hruai let te a vang khan a ngaihdam theih tawh che ka ring lo " a rawn tihchuan ka insum hman lo thelh ani.









Ka chhuak nghal vat a ,Ellie ka hmuh ngei ngei angai tih ka chiang viau Lucas Hernandez in lam chu ka pan a ,hetah hian a awm ngei ka ring bawk ,ka rin ang ngeiin tuallaiah a lo awm a ,ka thawm a hriat a vanga tlan chhiat a tum chu ka um a ka pawt ding nghal dawt “ Inbia ang " ka tihchuan a nui hak a ,Chiang zet hian min en a “ Enge I sawi duh" tiin a kut a kuangkuah than bawk .









“ Nang hian ka fa I pai tiraw ,kan fa " ka tihchuan a dar a chhin ak a “ Tunge I fa ti" a rawn tihchuan ,ka en ngur a “ Zep duh suh ka hrechiang viau a nia ,engvanga Lucas Hernandez bula awm hi nge inih ,Kaya naute paina pa a. ni tih I hria em " ka tihchuan a mitmeng chu a danglam zawk a “ Ell bul tan tha ang " ka tihchuan a hmel chu a rawn sen nghal tawn tawn a “ Teuhlo I bulah hian ka rawn let leh tawh ngai lo ang .







Min rawn hmuh pawh tum tawh suh ka tihche kha ,I hmel ka hmuh hian ka dam lo mai dawnin ka hre hial thin,chuvang chuan khawngaihin ka mithmuhah lo lang tawh suh,I thusawi a vang Khan kei leh Lucas in hmangaihna hi a reh phah lo ang " a rawn tihchuan insum hman lo in ka thing nawk a “ Eng maw I sawi ,nang hian a ni kha I hmangaih lo ,dawt sawi hauh suh" ka ti tuar a .








Dar San ak a ka khawihna la sawnin “ Thudik a ni e ,keihian Lucas hi ka hmangaih ,nang anga dawt sawi hmang a ni ve lo bawk a ,ka hmangaih takzet " a rawn tihchuan engtiang chiahin nge min tihnat a hre hauh lo ang ,ka vawnna chu ka thlah riai riai a “ Chuan maw ,I nupui chungchangah chuan pawi ka tihpui lutuk che ania ,nei tlang ngei ngei rawh ,mahni fa lo ve ve Lucas nen hian in pawm Dawn tihna nihchu ,Lucas erawh in kan fa lo piang tur hi a duat hle dawn tih a sawi bawk a " a tihchuan ka ngawi reng tawh .










Hmana ka hriat thin ,ka Ellie kha a ni tawh lo ,thinchhe tak thin kha ala ni reng a ,mahse ka hmangaih leh min hmangaihtu kha a ni tawh lo zawk mai a ni,beidawng zet chuan ka thlah a “ I hlim angem ,keilo mipa dang bulah I hlim takzet ang maw ell " ka tihchuan a inhum ruh vak chu ka hmu reng ,a mit a chhinga “ Ka hlim ang " a rawn tihchuan za lo zet hian ka nui a .









“ Vawikhat chiah ka kuah thei che a ngem ,a tawp nan vawikhat chauh" tiin ka pan a ,ka kuah nghal vang vang “ Ka naute hi tunah chuan ka nei thei dawn ta silo a ,engthil pawh tila min tihchhiat I duh a nihpawhin a ruk a min beilo in ,keimah hi min pan la ,nangin I tih chuan ka mithahte a vanga hremna chu ka tuar ang ,I hlimna a nihchuan jail chu ka tang ang ,mahse kan naute erawh puitling takin enkawl seilian la ka duh.










Chu chiah chu ka ngen ang che ,Ell kan naute hi tha deuhin enkawl rawh aw ,jaila I mi khung hun tur ka lo nghak reng ang ,ka hmangaih che " tiin ka thlah a ,a mittui tling chu ka hruk sak vat a “ Keimah vangin tap tawh lo la ,keimah vangin i thinlung na tawh lo se ,keimah vangin tlu tawh lo la ,keinilo a hmangaihtu che pan ang che ,mahse chu chuan kumkhua a a kalsan Dawn loh chauh che in a hnena i kal ka phal thung ang .









Ka en reng dawn che ,Ell hlim reng ang che ,keimah vangin I tap tam tawk tawh e ,I mittui kha I naute leh I pasal tur tan chauh khek tawh rawh aw " tiin inher in ka kal Liam San a ,thinlung erawh a bulah a awm ta nimai hian ka hria .




TAKSA IN A HLAT A NIHPAWHIN ,RILRU LEH NGAIHTUAHNA ERAWH CHUAN ABUL A THLENG FO THIN,KA THINLUNG A NEI A,MAHSE A THINLUNG ERAWH MIDANGIN AN KAWL TA THUNG A ,KA NEIHTHEIHLOH HLIMNA A NEI TA BAWK A .

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)