KA TA INI PROFESSOR (Let me leave s2) BY Mawitei Bawihtlung (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

KA TA INI PROFESSOR (Let me leave s2) BY Mawitei Bawihtlung (Completed)

Unread post by Ngaia » October 3rd, 2021, 1:40 pm

KA TA INI PROFESSOR






CHAPTER 1









Ka kawng kal lai chu tu emaw hian min rawn su dawt a ,ka thal nghal thuai ,a hmel leh pian hmang hmu lo mah ila a tha chak dan tur ka hre nghal vek “ hey hmel putar " ka ti tuar a ,a kalsawn tur pawh ka auhna a vang chuan a ding chawt ,ka inbeng fai nawk nawk a ,ka tho chhuak nghal .









A hmel pawh ka la hmu chuang lo ,min hnungchhawnin ding miau hek ,ka va han ngei tak ,inla chapo lutuk ,a bul ka va ding chiah chu kei mizo nu a ft 5'8 tling pawh hi ka te rawih rawihin ka hria “ ngaihdam min dil rawh " ka tithat a ,ka tawng hrelo ang hmakin en pawh min en lo a kal a tum chu a kawr hnungah ka man bet hram a .









Thaw hawkin a rawn in her a ,awi leh! a hmel chu ava tha ve ,mahse a upa tawh tih a hriat chuan a mitmeng hi sakei ang chiah a brown ni chiah silo hian a eng deuh a ,min melh tur khur bawk ,mahse ka hlau awm hlei lo e “enge I duh naupang " a rawn tihluk a ,enga?mai mai chuana naupang nilo in nula kum 21 tling ka nih ve tawh hi .










“Hmela naupang ka nilo ngaihdam chu min dil rawh " tiin ka ke chu ka per dat dat a ,min en in a nui nghal suk a nihchu ,hmela mai mai chu a keiai a letin a upa dawn tihchu hre mah ila ka hlau awm bik hlei lo emai a ,ka en chho ve kar a ,aning hmel ka hmuh chuan tihbuai ka chak zual sauh thung.








“ Nang biak nan hun ka neilo " a rawn tihmuk a ,hah ka nei bik reng reng lo ,ka neih hmel a ti zawk nge ,kan in melh hnai khawp mai ,mizo an awm lo a ka mizia thup vak ka tum lo he mihring bulah hian “ ngaihdam chu min dil rawh " tiin ka kut suihin ka en ngar a ,a thaw nghal hawk a .








“ Ka tihpalh a tawk em ,mawngna tham tur pawh i nei em ni a tet tet nen" tihpahin a kal nghal vang vang a “ hmela ka mawng a te bawk lo " tiin ka au zui a ,ka mawng chu ka en a keimah pawh hian alian chu ka tibik lo a sin le ,sual thiam lutuk patling tawh hle si ,ka inluah lam panin ka hawng a ,tunhi mizoram lo a ka school kal na hmasa ber tur a ni a .










Taxi chu ka phar a ,a din rualin ka lut nghal vat ,kan awmna tur pan chuan kan tlan vang vang a ,Sydney khawpui chu ka thlir pah a,mahni ram lo a ka awm tur chu ka huphurh takzet bawk,ka ngaihtuah zawng ringawt pawh hian Mizoram ka ngai nghal veng veng thei ,ka inluah tur ka thleng a ,a bulah hian mizo an awm ve bawk .










Ka thaw huai mizo pawh kan lo inzarpharh nasa ve ta hle mai ,ka appartment a tang chuan ka hawi chhuak a ,ka awmna hi a sang bawk nen sydney khawpui chu a lang pe un a ,mizoram kan khawpui ber pawh kha lian kan ti a ,Australia khawpui phei chu thlir tlin tawk pawh in vek ani a tih theih ang chu ,hetiang ang khawpui lianah hian ka kal dawn chu a nimai sia .








Sydney a university tha ber a an sawi Macquarie University a ka lut thei tur hi ka lawm takzet ,ka in chu ka fangkual a ,a zau tha ve takzet ,keimah chauha ka awm tur chu ka huphurh ve deuh ,mahse vairam anga pawngsual a awm lo tih ka hriat hian ka lawm ,kawnga ka mitawh pa kha ka ngaihtuah a,ka thinrim tha leh a hmelthat tehlul nen .









Mawl lutuk inla ropui si ,a puitlin hmel.tehlul nen ,ka eitur ka insiam mawlh mawlh a ,ka tem nghal hlak hlak ,ka kawngka a rawn rik chuan ka pan phei a ,tunge niang le ?ka hawn rualin nu pakhat hi a lo ding a ,min lo nuihsang bawk “ rawn awm thar tiraw inih " mizo tawnga a rawn tih chuan ka lo aw vat a “ inthla hrung lo la i bul chiaha awm te hi kan nia ,min mamawh a nihchuan min rawn ko hreh suh aw .









Mizo chu kan tlem si a ,kan awmna hmun theuha in pawh tlang taka awm tum tur ani ngai ,nangpawh inthlahrung lo la ,min mamawh a nihchuan Nu hma tiin min rawn ko vat zel dawn ania " a rawn tihchuan ka lo bu nghat nghat a ,ni e a sawi dik chiah ,a kalsawn hnu chuan ka lut leh vat a ,chaw ei kham rualin ka mu nghal thak,vawiin chu ka chawl a nga naktuk a tangin ka kal ang chu .










Sap tlangval leh nula bula ka kal tur ka ngaihtuah hian a mak ka ti takzet ,mizoramah khan a hausa pawl kan ni a ,chuvang a heta kal thei pawh ka ni ,ka nu leh pa min rin ang ngeia tha taka University hi zawh ka duh ,ka zirlai tur ka en lawk a ,English veka tawng chu a ninawm lam mah mah ngei ang ,mahse thiamna neitur chuan hrehawm tuar a ngai thin si a .









Nilengin inzirnan ka hmang a ,ka nuten a ka bike leina tur min pe hlauh chu ka lawm.ngei mai ,car ai chuan bike ka ngaina zawk miau a ,Yamaha r1 blue chu ka lei a ,ka nui var var a vahan nalh tak em ,ka fav colour kha a ni miau a ,ka chuang haw nghal a ,kawngpui a zau tha bawk nen tlankual chu nuam tak ani .









Ka college kal ni a lo thleng ta ,ka inchei that ngun Dan chu ka sawi peihlo zawk a ,a tawpah t shirt ha in kekawr tight deuh ka ha a ,ka chhuak nghal vang vang incheina a sang lo tih ka hre ve miau ,henglai ramah chuan kan mizoram angin incheina a pawimawh ve vak lo a ,zirna lam ah an sang em em thung,mizoram ve erawh kan incheina a sang hlur a mahse lehkhathiam tak kan vang leh em em lawi a .








College ka thleng chu ka tha a khur der der ,ka zam sap nula leh tlangval chu an insulpel zut zut a ,thaw hak in muangchangin ka pan a ,ka hawi kual deuh vung vung reng a ,a va han ropui tak ,min lo en deuh haw haw tu pawh an awm nual ,ni e ka hmel danglam mai bakah an vun rawng ang ka pu ve miau si lo a ,mak an ti reng ang chu .









Hmeichhe pakhat hian min rawn su dawt a ,a lehkhabu kenlai a thlauh nghal vek bawk ,ngaihdam dil pahin ka chharpui a ,a rawn nui var var a “ keimah zawk a lawm ngaihdam dil tur ka thiamloh a ni e ,chuan ka va hmu ngai lo che ve lo lut thar em ni i nih " a tihchuan ka lo bu nghat a “ ih ka class awmna lam ka hrelo a min hrilh thei angem " ka tih chuan ,ka subject lak min zawt a .










Science lam a nihthu ka hrilh chuan phur zet hian “ keipawh ka nia lo kal rawh kan thu tlang Dawn a nia ,Ava ka nia nang ve ? a rawn tih chuan “ Ellie Lalthanmawii "tiin ka nuih let sang a “ wow hming dangdai tak ani ,kan tlai dawn" tiin min kaiin min kalpui dawr dawr a ,ka nui tawp thian ka chhar angah ka in ngai hmiah room pakhat a hawng a ,a zau hle students dang pawh an lo awm a ,kan lam an rawn hawi leh thap a “ lo kal rawh kan tlai lo hram e kan teacher te hi an khirh bawk sia professor Nathan class a ni leh nghal a .









Tlai a theihloh bur ania " a tipah mawlh mawlh a ,ahmalam ah chuan kan thu a ,min lo be ve zel a ,an polite zia ka hriat chian phah a ni maiin ka hria ,kawngka a rawn inhawnga ,din ka tum deuh zuai mahse heng lai ramah chuan keini ram angin zirtirtute zahna entir nana din vel kha an ti ve ngai lo tih ka hria a ,ka awmdan ngaiin ka awm leh vat .








Mipa rawn lut chu ka lo en reng ,ka meng kawk kawk ,kan chapo a kha maw ,ka hma a mipa chu min sutu pa ngei kha a ni,a inthuamdan lah chu a inhmeh em em zui ,tarmit a vuah a ,min la hmulo ani mahna ka lam a la rawn hawi loh danah “ awi sir Nathan hi chu a chhelo a lawm ,he college a students hmeichhia ah star lo an awm lo a mah hi nupui neilai ania mahse fa erawh an la nei lo " Ava in a tihchuan ka meng phawk vak a .










Nupui a nei tih chu mak ka ti em em ringawt ,nge ka tihna chhan pawh ka hre chuang lo ,a upa ve tawh a a hun hle tawh ang tih chu ka hria “ a sual viau em " ka tihchuan a nui hak a ,a lu a thing mai “ mi a hau khat mahse a thinrim tawpah chuan a hlauhawm lutuk a tawngtlem hle bawk ,a nupui nen an inkar a tha vak lo an tia tak tak nimaw " a tileh zel a .








Ka ner ka ner ringawt “ khalai hmeichhia kha " a rawn tihchuan ka phu zawk a ,keimah ni a titih hriat takin kan lam an rawn hawi vek “ khawi a tanga lo kal nge inih " a tihchuan ka thaw huai min hau dawn a maw ka ti hman“ Mizoram a tangin sir " ka tisap a ,a bu nghut ,engmah a sawi zui tawh loh a vang chuan ka thu thla a “ awi a bia che ania " tiin Ava chuan min tham nawk nawk a.











A mizia hi ka lawm zawng tak ,Nathan chuan a sawifiah mawlh mawlh a ,tihtur min pek takah chuan kan ziak malh malh hlawm a ,dawhkanah thu in lehkha a en ngur a ,ka melh leh zeuh thin ,a hmeltha tih chu phatrual a nilo ,Ava hi a chanchin ka zawh chian ngei angai ang ,break lai chuan ka zawt nghal vat a .









“ Ih a nu leh a pa diktak an thi tawh a ,chuan company a mah hian a nei bawk a ,amah enkawl tuten tunah hian an enkawl sak a ,chuan a pa diktak hi an sawi dan chuan silaiin an kap ani awm e ,chuan apa nen an inang chiah chiah an tithin a ,mahse sir Nathan hi chu tlemin a dang deuh,a sam a kir zawk bawk ,apa pawh kha a hmeltha in a lar lutuk an tia .









A hma chuan new York ah an awm thin a ,mahse helamah company hawn belhin an awm ta tih nen ,anu pawh amah a hrin hnu lawkah a thi an tia ,sir Nathan hi chuan khawngaihtu pawh angah a lawm " a tihchuan ka lo nuilui sak a “ a tuar nasa hle mai " ka tihchuan Ava pawh a lo bu nghat nghat ,a tuar ang tuar tam tak chu hetiang anga mi hlawhtling an ni thei vek kher lo ang .










Ava thiante ho an rawn kal a,min be ve nak nak a ,ka vun rawng nalh an tihthu leh an awh thu an sawi chuan ka nui tawp ,vun eng hnam kan nia ,an ni erawh an vun hi a sen deuh suah a,mizo te nen chuan ngo ro ro ah pawh inthlau tak kan ni ,kan inkawm khawm nak nak a ,mizoram hmuh an chak ve thu an sawi chuan keilahin ka lo sawi belhchhah nen kal ve ngei an tum thu an sawi a .










Kan inkawm ngeih hlawm ta phian a ,class lak a hun leh tawh a vangin kan lut a ,mahse teaching kan ngaithla lem lo ,Ava nen kan inkawm mawlh mawlh reng a,a thiante erawh kha chu an subject lak a hran a vangin a dangah an awm thung ,ban rual chuan ka bikeah ka lawn a ,min en duh leh hlawm hle ,Ava chu thlah ka tuma mahse min hnial ve tlat ,a chhungten an lo hruaitur thu a sawi chuan mangtha in ka tlanchhuah San a .










Khawpui chhung chu ka fangkual pah bawk ,restaurant velah ka chawl kual a ,thil ka ei teuh bawk ,puar duh tak ka ni ,ka tlanna bula park ka hmuh chuan ka ding nghal vat ,alaiah chuan tui a khawh ser ser a ,mi an awm pheuh pheuh a ,thingkung inzawm pata awm nalh zet hlim hnuaiah chuan ka thu a ,heng hmunah hi chuan urban trees hi a awm ngei ngei .








A hnah rawn tla te chu chharin ka nui leh var var zel ,ka bula rawn thu an awm chuan ka hawi chhuak a ,awi leh!ka phu zuk a “ eng......enge.....I tih dawn " tiin Nathana chu ka en a ,a ngawi ngula min melh ngur bawk ,ka che buai nghal vek chu mak ka inti hle ,a mitmeng light brown chuan min en reng a .








Tawng a tum silo ka awm ve chu a duhlo ah ngaiin kalsawn ka tum chu “ ka rawn kal ve mai mai ani e chuan khawi ram a tanga rawn kal maw I nih a" a tihchuan muangchangin ka thu thla leh a ,ka chil ka lem khawlh a ,ka lai deuh tut a mitmeng hian thil a tithei mah mah dawn tlat ,a fiah kulh bawk si a .







“ Mizoram a nia I hre kher lo ang " ka tihchuan “ iti dik " tihzawngin min chhang a ,ka ngaina hauh lo “ ka kal tawh mai ange " tihpahin ka bag la in ka bike awmna lam pan chuan ka kal hlawk hlawk a ,ka bike bul ka thlen chuan ka hawi let hram a ,min lo la en reng nernawngin ka helmet ka khuma ,ka tlan chhuak nghal nal nal .








A tawng tlem ti a Ava in a sawi kha a dik a nih dawn kha ,mahse a nu leh apa thihna vang pawh a nithei a ,ka khawngaih ve det ,a nu leh pa pawh hmu hman lo in an kalsan a ni awm si a ,kei nu leh pa nei mah hian ka awmbo chhung reilo te pawh hian ka nu leh ka unaute ka ngai nghal em em a ,a ni erawh in hmuh pawh a hmu ve hman awm si lo .










Chutiang ringawt ka ngaihtuah chhung chuan ka inluahna pawh ka thleng thuai a ,ka lut nghal vat vat ,ka phone phawrhin ka nute ka bia a ,chanchin min lo zawt vat reng a ,ka thatthu leh nuam ka tih thu ka sawi chuan an thaw huai ri chu ka hre reng ,he lai hmunah hian ka duhlo chung min kaltir a ,ka la thinrim a vanga ka thlen tirha be lo pawh ka ni.







An kiang a tang hlirin lehkha ka zir a ,hmun dangah ka awm ngailo tihtluk ani ,chuvang te pawh chuan a niang an bul lo a awm hi ka huphur hluah hluah zel ,ka chawhmeh fridge a ka dah ho chu ka la chhuak mawlh mawlh a ,artui leh tomato chu ka kan pawlh a ,he thil kher hi chu ka hne thei lo ,sa vel chu ka siam bawk a .







Tuma chim buailoh a mahni a han awm chu a nuam dangdai ve hrim hrim,keimah chauha awm ka ni bawk nen hma tawkah chaw ka ei a ,inhnuai lamah chhuk thla in hungchhung grass vek chungah chuan ka vak kual a ,a boruak hi a nuam hrim hrim Sydney harbour bridge pawh ka hman veleh a Ava inhruai tir a kal ka duh.






Zanlamah chuan a reh ngawih ngawih ,kan awmna piah chiaha hotel lam hawi chuan tukverh ka dak a ,mahse ka thil hmuh a vang chuan ka khawng awt ,mipa khat hian mipa pakhat a vit lai ka hmu a ,ka khawng nghal vek a ,min rawn hmuh hlauin ka tukverh ka khar vat a ,police phone tumin ka phone ka phawrh a mahse ka rilruah keimah zawk buaina ah ka inhnuhluh a hlauhawm tih Chu a rawn lang a.









He ram mi leh sa ka ni lo nen keimah zawk tan buaina a awm thei tiin ka phone chu ka dahthla leh riai riai a ,ka mithmuh ngeia tualthahna thleng vang chuan ka muhil theilo a ,ka tlaivar zak a tuk zingah chuan police ho in chulai hnaiha awm zawng zawng chu thu min zawt vek a ,engmah hriat kan neihloh thu in kan chhang vek a .








Ka ngaihtuahna erawh chuan ka inthiamlo tualthattu ka zep pui nimaiin ka hria ,mahse lo sawi pawh ni ila a hmel ka hmu lo a ,tihtheih vak a awm Dawn lo chuan nizana thi kha mipa khat sumdawng hausa tak anih thu ka hre leh zela ,inrawlh loh law law ka duh,nihnih ka awm tling chiaha tualthatlai ka hmu nghal chuan ka awm a ti nuam lo vek .








Tunge a nih ang ,a pianah kha chuan mipa pian nalh tawk tak a ni ang tih a hriat hle a nihkha ,phur lo zetin college lamah ka kal a ,Ava chuan tualthahna lam chu min lo zawta ,ani pawh ka hriatloh thu chiah ka hrilh “tunge niang le a mithah lah hi eiruk lam leh Dan phalloha che thin an ni deuh ziah lehnghal ,amah lah hi tumahin an chhuichhuak thei miah lo lehnghala,mi fing tawk tak chu a ni ngei ang "atihzawm mawlh mawlh a.










Engtin maha chhang lo chuan ka ngawi tawpa,class ah pawh ka tawng vak heklo ka thil hmuh kha ka mitthlaah a cham tlat leh nghal,teachers rawn lutin kan zir leh nghal char char a ,Nathan erawh vawiin chu ka la hmu miah lo ,class a rawn la hek lo a awm lo chu ka ngui zual sawt hian ka hria ,ka lu ka thing nawk ,khatiang mipa chapo lutuk kha engvanga ngaihtuah reng nge ka nih le.









Lunch kan ei a ,college lian a ni bawk a zirlai pawh kan tam hle bengchheng duhtak a ni ,an then lah chu an tlan kawi ang zawr zawr a “ ehe Sir Nathan a rawn kal ve chiah a nih saw ,awi a Chhelo leh pek e " Ava bawk ,engtin nge a hmuh theih zung zung ni “ a nupui nen an nih saw an va inhmeh tak " a tihleh chuan ka hawi chhuak ve chiah .










Ava chuan a sawi dik an inhmeh lutuk tlat ,midang ho pawh chuan an en thap a ,a nupui chuan a banah a kuah chial a ,min kalpelh dawn laia Nathan rawn hawi zawk chuan ka mitah a rawn melh chat a,ka hawisawn nghal daih ,an kal Liam hnu chuan ka thaw chhuak kawk a .






A nupui nen ka hmuh vang nge mak ka ti riau ,ka lung a phu dup dup bawk “ hi" mipa aw rawn chhuahna lam chu ka en a ,mipa pakhat sang zet hian min lo nuih var var a ,ka chhang let ve mai a “ ka lo thu ve thei angem " tiin ka bulah a rawn thu thla nghal zat ,Ava telah an meng kawk kawk enge an hriat ni .








Canteen a awm ho chu an phun mur mur hlawm a ,engtak chu hre hlawm ang maw “ Max ka nia nang ve " a tihchuan “Ellie "ka lo ti ringawta a nui leh suk a ,a kut ka lama a rawn phar chuan ka lo vuan ve maia ,ka thiante lam ka en chu khabe tla lo chauhin min lo en “ka kal phawt ange kan inkawm leh dawn ania Ellie " a tihchuan ka lo aw ve mai a .








A kalsawn rual chuan “awi I van vannei tak,kan college mi hausa fapa in a be bik che ania" Olivia chuan a rawn tia ,khapa kha mi hausa fapa maw .Mahse ka engah mah a thawk lo ,Nathan hlir kha a ni ka rilru a awm chu ,tinge mi pa a ni tawha ka lo ngaihven ve em em le?.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 3rd, 2021, 1:41 pm

KA TA INI PROFESSOR


Ahmasa in he story hi abbra unofficial tan ka hlan a ,U anga ka en Fiona renthlei birthday present ka pe thei silo a chumi aiawh in u Fiona story ani ber a ,chuan thian anga ka kawm bawrh bawrh ngam U Ririni ,Lindai,kimz morrone leh Nu kimkimi tan ka hlan bawk e



CHAPTER 2







ELLIE LALTHANMAWII POV....









Zan a nih chuan zan hmasa a mi bawk kha ka hre chhuak leh nghal ,ka tha a khur der der reng a ,tukverh parda zawng zawng chu ka zar phui vek a ,khumah chuan ka mu hlawm tawp ,ka phone phawrhin ka thiante ka he kual a ,min ngaihthu vel an sawi a keipawhin ka lo hrilh ve sap sap bawk ,zan hmasa thil thleng vel ka sawi chuan min hlauhthawn pui hle a .










Fimkhur Turin min chah mawlh mawlh “ Ellie lo haw daih mai la chutiang te chu i chungah a thleng ve ang tih a hlauhawm awi ka ngaihtuah che e " Kimi chuan a rawn ti a ,ka lo nui mai Linda leh Kimkimi pawh in an rawn sawi ve nghal zat a ,kan thian ho hi Kimi (Kimz morrone )Linda (Linda chhangte ),kimkimi (kimkimi hotttice ) Ririni (Abbra reo ririni) te kan ni a .









Kan inkawm ngeih hlawm hle bawk ,tette a tanga khawiah pawh inzui kual thin school kalna pawh inang vek kha kan ni thin a,mahse tunah erawh keimah ber ka awm bo si a ,ka lung a leng veng veng thei “ ka tha alawm ka bulah hian mizo an awm ve a ka hlauthawng lutuk pawh a ziaawm chubakah a rawn kal nawn leh kher pawh ka ring lo " ka tihchuan an awih loh hmel hle.











“ A hrim hrimah khalaia awm daih ,I nu leh I pa hi hauh hrep mai ania kan duh ni ,I tello chuan a reh si mahse khalam pawh hmuphaka I awm hrim hrim kha lawm rawh" an rawn tileh lawi a heng ho hi chu aw ,angaihna hi an awm thlawt lo “ enteh u mi kan rilru a awm ngut ngut ,kan hmuh ruala kan lungphu rang leh an mimelhna a vang ringawt a kan chet sual thin hi engvang nge niang " ka tihchuan min en thap a .










“ Tunge chupa chu a chhelo em" kha maw ,mipa ani tih sawi hma hma a tangin an lo risk leh ringawt tawh ,thilsawi dek dek ila mipa mipa an ti nghal ringawt zel.hi chu a buaithlak ani “ Chhelo mahse a sual hmel lutuk " ka tihchuan “ awi ka hmu ve chak e"Linda chuan a rawn ti a ,ka lo nuih mai mai thung “ sap Chhelo tak tak hi chu e vei zui hi an awl ngawih ngawih khata I awm kha keichu ka thik rum rum zawk che " Ririni chuan a rawn ti a .









A tirlam thutak thin mah ila a tawp lam hi chu kan nawi leh vek zel “ lo kal ve mai ru" ka tihchuan an nui hak a “ a chiloh helama kan pa te an lungleng lutuk ang " an rawn tihchuan ka nernawnga ,bialpa an nei leh tawh tih chiang reng single hi chu an hlau Chiang alawm,bialpa an nei a thlakhat an han nihpui a an ning leh em em a ,an han inthena a tukah mipa dang an be leh nghal thei tih tluk an ni .










Biak tur hi an hre seng hi ka tia ,kei erawh bemtu nei thin mah ila bialpa neih hi ka hlau nge pawh ka hrelo tumah ka chhang ngai lo ,chuvang chuan min fiam nan tak hian single kumkhua tur i hi min tiziah zel ,ka ngai haw lem lo ,an ni pawh hi engtikah emaw chuan an mipa duhtak an kawp hlen theih tur tawng se ka duhpui takzet .











Heti ringawt hi chuan an buaithlak emai ,phone dahin mutthilh ka tum a ,ka mangah lah chuan kha Nathan ngei kha ka hmu a ,chuan mipa naupang kai in ka lam an rawn pan chu ka thlir reng ,mak tizetin ka lo en thung,ka harh chhuak nghal zawk a ,ka mumang chu ka ngaihtuah vang vang a ,a va han mak tak em kha mihring nen kha fa neih maw?hnai lo ve chiang emai .










Mut nan chuan a tlai tawh a vangin ka tho chhuak a ,ni ala chhuak lo a kawlkil a tang chuan a rawn sen tan chauh a ,mahse thawm riva erawh a tam leh hle tawh ,ka ha nawt sawk sawkin ka hmai ka phih leh a ,walk turin ka kal nghal vat a ,kawngpui sir tlanna tur bik an siamah chuan ka tlan zela ,lei chung ka thlen a ka mihmuh a vang chuan ka ding chawt a .











Tinge ka hmuh fuh theih em em le ,ka kalpel tur chu ka kutah a rawn vuan chawt a ,ka ding nghal dat bawk “ ih.....eng......enge I duh " ka tibah nawk nawk a ,min dai ziah hi ka duhlo ka taksa hi adanglam vek zel ,min en ngur a “ engvanga ka hma a rawn inlan ngun em em nge inih ,nge nanghian min ngaizawng" a rawn tih chuan ka meng kawk kawk a ,a vahan zam lo ber mai mai tak em hmel a chu .











“ I duh duh sawi suh engvanga ka hma a rawn inlan ziah zawk nge inih" tiin kan teacher anihna theih nghilh thakin ka au khum a ,dsj vahin ka en bawk “ thinchhe reuh hle mai a mawngdep si "a rawn tihchuan ka kuttum chu a hma ah chuan ka lek deuh zuau a ,a lo hum nghal hmiah ,a kut lian zet chuan a hum.bo vek thei nia mawle ,ka pawt let ngat ngat a thlah a tum lo tih hriat takin a chelh nghet nasa mai sia .










“ Thlah rawh hmel a ,thlah vat rawh " tiin a ngalah chuan ka chhir chawrh a ,ka ke zungpui ala na zawk zui ,min thlah rualin ner sawk sawkin ka zuk dawm a,a rulh ka tina tih ka hre nghal “ nangmah vang vek " tiin kalsan in ka bai deuh auh auha ,thutthlenga ka thu tur chu min pawm kang lawp tu a vang chuan ka au that a .








Ka kalna lamah min let pui chu ka tal deuh bat bat a “ min dahthla rawh hmela min dahthla rawh ka tihchu " tiin a awmah te chuan ka chuma ,na hre lo ang hmakin hmalam a la pan zel a nih chu ,hetiang mipa ngeng lutuk hi a “ khawnge i in a awm " a rawn tih chuan ka ngawi hmak a ,hmun dang ka melh daih bawk .








“ I sawi duhloh leh ka inah ka hruai mai ang che " a rawn tihchuan ka tal nghal vak a “ ka duh lo min dahthla rawh keimah pawhin ka haw ve thei " ka tihpawh chu ngaipawimawh lo zet hian a kal lui zel ,ka beidawng thinrim bawk si chuan “ kha lamah ka in a awm lo helamah hian kal rawh " ka ti chhuak hlur a ,nuisuk chungin a kal ve leh mai .







Ka be tawh lo hrim hrim khawlaia vak ho lah chuan min en haw haw a ,a thenin thla an lo la thul ,ka hmel an hmuh ka duh reng reng lo ,Nathana awmah chuan ka hmai ka phuma ,he mihring pa vang vek hian misawi ka hlawh phah dawn anih hi ,ka awmna kan thlen pawh chuan ka room thleng min thlah a tum tih hriat lutukin inchhungah min luhpuiin lift lam a pan nul nul a .









Ka tha keimah in ka kal ve tawh mai ang " ka tihchuan a lu thingin a liftah chuan min pawm lut leh a ,a hah ve thei lo emaw ni ka tihial alawm le ,engtin nge min thlauh miah loh theih zawk ,ka zang vak lo tihlah ka chiang nge in lak pat a duh a vangin ka rit tilo angin a awm zawk ,min pawm kang deuh a “ I rit reuh phian a " a rawn tihchuan ka melh hrep .







Anui suk suk duh chauh leh nghal “ rit min tih chuan min dahthla rawh " ka tileh that a ,min kuah nghet sauh thung ,engvangin nge min tihbuai reng mai le?lift in hawn rualin min chhuah pui a ,min pawmdan chu a siam reh pah bawk ,nupa induat lutuk te pawh kan ang a lawm le haha .







Tunah khan enge ka ngaihtuah nupa a,teuhlo lutuk he mipa nupui nei tawh leh nghal hi ka hnaih thiang lo ,ka tal leh vak a min thlah ta ,ka ding tha vat a “ ka inluah thleng min thlah a vangin ka lawm e sir ka kal phawt ange " tiin kalsawn leh ka tum a “ coffee tal chu ka phulo maw ,nge lawm thusawi i tum lo " a rawn tihleh chuan ka puak keh mai dawnin ka hria .









Ka inher a “ min rawn zui rawh " tiin a hmel nuisawng chu ka inhersan leh nghal hmiah, ka in chu ka hawnga thenawm te an la rawn chhuak lo chu ka vanneih phah he pa nen a min hmu anih chuan ngaihdan mak deuh an nei ngei ang tih ka chiang ,ka bai lut saih saih a ,ka hnungah min rawn zui ve zelin chhuatlai takah chuan dingin a hawi kual vauh vauh a .








Ka ke bai nen coffee siam tur chuan choka lam ka pan a ,sofa a a thu chu ka en leh zeuh zel ,a ngawi leh ngul tawh biak hi a huphurh awm ngawih ngawih ,coffee chu tak tha ngek ngawkin ka siam sak a ,bai phei chung chuan ka pan phei ve zel a ,min lo en vut ,ka pek rual chuan a in nghal pawp a ,ka lo ner nawk .






Asa dawn tih ka chiang a ,mak tilutukin ka en a ,engah mah ngailo lutuk hian sofaah chuan min nem thu a ,ka ke chu a hmet nghal mial mial a ,ka lo rak leh that zel “ i no lutuk anih hi " a tihchuan a lu ah ka beng nghal chawrh a “ ngal Chang lutuk ineih vang vek anih hi ,chubakah min tilui lo la chuan ka tina hauh lo ang " ka ti ve nghal zat zat a .









A nui mai mai leh nghal,ka ke chu min tuam sak a ,a chhuak nghal vang vang ,a mizia hi ka hre thiam thei thlawt lo ,a chang leh mifel tawk angin a awm a ,a chang leh biak huphurh awm lutukin chu chu hun reilo te kan inhriat chhung hian ka hre hman vek ,rapthlak chuan a ,he mihring hian ka ngaihtuahna zawng zawng a tibuai .









Ka ke na a vang chuan class kal pawh tum lo in inah chuan ka awma ,lehkhabu chhiarin ka thiante ho ka text leh pah a ,Sydney a rawn kal ve an dil thu an sawi chuan ka nui hak,ka tello hi chuan an awm rei thei meuh lo ,mahse an buaipui ve fe a ngai ang le “ nangmah chauha sap tlangval I hmu tur kan duh bik hleinem " an tihchuan ka nuih hawk hawk a .








An naupang chhia thin lutuk hi chu aw ,mahse Kimkimi erawh a rawn kal theih a rinawm loh a chhan chu Aizawl lamah hna a ngah em a ,a nu leh pa lah an chak tawh lo nen a kalsan duh ka ring lo ,Linda pawh Ririni leh Kimi erawh an kal theih ka ring thing,a chhan chu an chhungkaw naute ve ve kha an ni miau a ,an duhtawh chu an nei ngei ngei bawk .









Nilengin kan inbia a ,kan hlim tlang phian ,kan ram ka ngaihna a zual hmun mawi tak takah awmin mi ram khawpuiah awm mah ila ,mahni ram ngei hian lung min lo len ber zel tih ka chiang hle bawk ,Ava te ho pawhin ka kalloh chhan min zawt a,ka ke ka tihnat thu in ka chhang mai a ,an ni pawhin min zawt zui lem lo .








Ka ke na chu tuilumin ka dep leh a ,a dam chak ve viau mai ,ka sawh hlima ka tihchet ngam loh kha tunah meuh chuan ka ti che ngam ve thei ta




NATHAN POV....








Ka haw lam chuan ka nui leh suk thin ,kha hmeichhe danglam zet khan min control hneh lutuk tlat ,a vun eng lampang kha a inhmeh hle a ,a bawp sei nalh zet te ,a mitmeng brown khak leh a sam dum sei hnap te khan min hip zar mai,nupui nei tawh nimah ila ka nupui hi duhna chhete mah ka nei lo .









Ka kum tlin rual in ka pa keyden khan ka nu leh pa chanchin diktak min hrilh a nihkha ,ka na a ka thinrim bawk ,ka nu leh pa hmu lo mah ila pa Keyden leh Nu Stella tena min hrilh a tangin min hmangaih tur zia ka hria ,mahse tinge kei em pawh min chawi hman lo a min kalsan ?chu chuan ka lung hi a tina thin ,la dam ve in an fapa hi min kaihruai se ka châk takzet .









Phuba ka la a ,pa Keydenan engkim min zirtir a ,ka inthup nan college professor hna ka chelh bawk a ,tumahin ka pa leh ka nu min laksak tute lakah phuba ka la thin tih an hre nang ,ka thah ve vek hma chu nuam takin ka awm thei dawn lo tih ka hre chiang hle si a ,a rukin mi ka that a chuan khanu Ellie a inbul a mi ngei pawh kha ,helai hnaihah a awm tih ka lo hre hauh lo ,a mitmeng fiah deuh kak leh zim deuh a min en thin khan ka lungphu a tirang thin.












Ka hmuh hmasak ber a tang Khan a mizia thinchhe tak kha ka man nghal vek ,tawngkam a duhtui lo hle bawk a ,a ai a lian fe pawh min hmachhawn ngam at a nih kha ,ka ngaihtuah zawng pawhin ka nuih a tiza hle ,a mawngte ka tih phei kha chuan a hmai a sen tawn tawn a chu chuan a duhawmna a tizual sauh thung,hmeichhe danglam tak ani .








Hmeichhe thenkhat ho in ka nupui nei chunga min zar tawk an bo lo a ,ka college zirlai te ngei pawh ka duhchuan ka khawih thei ang tih ka chiang,an mi en dan ka hai lo ,mahse Ellie min hmuh a piangin a thinrim emaw tihtur ani ,hmuh ka chak a vangin class ah pawh ka awm rei phah thin ,kan la intawng fuh thei em em bawk a ,in ka thleng a nu Stella chuan min lo au lang lang a ,ka pan ve mai .









An ni hi awm lo se tun hun hi ka thleng thei dawn lo tih ka hria a ,ka nu leh pa tak tak angin ka ngai bawk ,pa Valtof te pawh kan bul maiah in an sa a ,min hlat ngai lo ka pa kha an zah thin thu an sawi a ,ka chhun hle tihchu kei ngei pawh in ka pa thlalak ka hmuh Khan ka hria a ,ka Sam kir deuh erawh ka nu lam a ni thung ,nitin darkar khat tal an thlanah kalin thu ka tiam ziah thin.










Chu chu ka pa ka nu lak a tanga la hrang tute that chimit vek turin ani,ka farnu Pa Keyden te fa chuan min rawn pan a ,ka hnungah a lawn leh nulh tawh ka nupui ti ila a hminga ka nupui erawh ala mu a nih hmel,kum khat kan innei ve tawh a fa erawh kan la nei lo thung “ amak e Charlotte i naupang chhia tawh lo nula ini ve tawh a i u tibuai reng suh " nu Stella chuan a hau nghal hlak hlak a ,ka farnu erawh a nui awr awr thung a .









Ka lo nui ve suk suk ringawt “ nu nula nitawh mah ila ka u tan chuan naute ka la nia lawm en la " tiin ka bulah dingin a inteh vel a ,ka nui nghal hawk ka nau hi chuan chhungkua a tihlim hi a ni ringawt ,a rilru a la naupangin a la thianghlima keipawhin ka duat hle bawk ,Kaya rawn chhuk thla chu ka lo en ngur a ,nupa nun kan hmang khat hle a ani pawh hian a ruka mipa kawp a nei tih ka chiang .










Mahse min chan a hlau ema,vawikhat mah in then lam a la sawi lang lo ,keipawh in ka phuba lakna tur a tangkai ber hi kalsan ka tum mai mai lo ka tihchhiat vek hma chu ,ka nu chuan a lo be zung zung a ,in be vak ngai lo mahse ka chhungte hian an sawisel ngai hek lo ,ka company pawh ka duh chuan ka enkawl thei .








Mahse tuna ka enkawl nghal mai chuan thil pawizawk a thleng thei tlat ,ka phuba lakna ah harsatna a awm phah thei bawk ,Ellie bawk ka ngaihtuahna ah a rawn lut ,a ruangam ka suangtuaha ka mipatna a tho nghal tual tual thei ,ka thaw hawk a room lam panin ka kal nghal vat ,henu hi engvanga ngaina tlat nge ka nih .








He ram mi a nilo leh nghal ,shower hnuaiah chuan ka ding a ,tui vawt chuan ka inphuh tir char char a ,a nui hmel mitthla ah a lang a ,ka mit ka chhing vang vang hetiang hi chuan ka nghak rei thei hauh lo ang “ engvanga ka hma a rawn in lan nge i nih,ka hnathawh iti buai vek ngei dawn anih hi ,nang ngaihtuahlo thei lo a min siam tur hian engzûn nge ineih ni " tiin ka phun chhuak sup a .









Towel chu ka ban nghal vat ,ka taksa chu hru pahin ka chhuak a ,Kaya chu khumah a lo thu a,ka chhuak chu min lo en reng ,ka mit ka kan khum uk a “ Vawiin chu ka rawn kal leh dawn ania "a rawn tihchuan ka ner nawk a “ Ka hrilh ngun tawh che kha ,hnathawhna ah chuan rawn kal ziah tawh suh tih" ka tihmuk .







College a a rawn kal reng hi ka duh lo ,“ Ka pasal ini a I hna a ka rawn kal ve mai mai chu enge pawi vak a " a rawn tinghal hlar a ,ka melh nghal hrawk a ,ka rum nghut bawk ,a ip deuh zawk a ,ka thinrima ka chet dan a hre Chiang ang ka insum thei lo tih pawh “ Ina awm tur a ka tih che chuan awm mai rawh ,nupui tha i nih duh chuan vak reng lo in ka nu hi lo pui ang che " tiin drower lam chu ka pan a .









Ka thawmhnaw chu ka inbel nghal mawlh mawlh ,a tawng tawh lo a a lungawi lo hle tih erawh ka hria ,ka ngai pawimawh lem lo ,ka thusawi ah khan diklo a awm hek lo ,inah a awm khat a ka chhungte hi nel a tum lo hrim hrim.bawk ,hnathawh ve hi chu nupui a nihna anga a tihtur ani ,ka car chahbi ka la a inhnuai lam panin ka kal thla nghal hlawk hlawk a .









Kan hmeichhe danglam I erawh kha chuan a bike ngei kha a rawn khalh leh ang tih ka chiang ,ani hi a lo patil te hi a ni hial lo maw ,ka ngaihtuahna a vang chuan ka nui chhuak hawk a ,ka car dahna lam pan chuan ka kal nghal vat a ,hmuh leh hlir ka suangtuah ,mahse college ka thlen hnu fe ah pawh a hmel ka hmu lo a .








Class ka luhlai pawhin ka hmu chuang lo ,a kallo tih ka hre nghal mai a ,a ke zungpui chu a na viau emaw ni ,lungawi lo ru zet chuan teaching ka pe a ,ka zawh rualin ka chhuak nghal nal nal ,a inlam ka hriat tawh a vang chuan ka pan a ,a hnaiha awm reng ka duh ,ka mualpho tur ka pawisa lo .







Ka hlimna neih theih chhan hmeichhia hi zirchian ka duh miau a ,a in kawngka chu ka kik a ,ala rawn hawng mai lo leh nghal ,ahnua pizza hmuam tun a a rawn chhuah chuan ka nui nghal hawk hawka,mak ti zetin min en a a thil hmuam lai chu a lem nghal dawk bawk .









“ Enge ilo tih dawn " a rawn tileh a,min hmuh a piang a a dang awk deuh ziah hi ka hai heklo ,he hmeichhe lakah hian nghawng ka nei pha tih ka hria “ engvanga class kal lo nge I nih ka rawn en dawn" tiin a inchhungah chuan ka lut a “ hey rawn lut rawh ka tihloh che kha " a rawn tivin hlar a .









Ka dar ka San ak ringawt ,a thutthleng lam chu ka pan a ,dawhkanah chuan eitur a awm teuh bawk ,ei a theih zia ka hriat belh phah ani hawt e ,ka en chuan a rawn dah tha nghal zung zung a “ haw rawh eng vanga rawn kal ziah nge inih kan zirtirtu inihna angin ka zah che ,mahse hetia i rawn lan reng chuan ka dawh peih vak lo ania " a rawn ti zawm par par a








Ngawi rengin a tawng chu ka en tawp “ I hria em " vin zeta a rawn tih a vang chuan bangah ka nem bet rawk a ,a ngawi nghal dak “ chu chu duh lo in lo hnaih lui tlat ta che ila " ka tihchuan a taksa ka dai mek chu a khur dar dar tih ka hre thei“Min kalsan rawh nupui neilai inih kha ,min hnaih suh" a rawn tih chuan ka lu thingin ka kun hniam a .









Hlauhthawn hmel zeta min entu hmai tlang chu chiang zetin ka en kual a ,a engkim hian ka lung an dum vek nimaiin ka hria ,hmeichhia heti khawpa min sawi danglam tu hi ka la tawng ngai hek lo ,a hmui bul chetah chuan ka thaw ham ham a,fawh ka chak ,chinlem awm lo a fawh ka chak tak zet ,ka insum hram hram a ni .









Chutah a hmui hnuailam a rawn seh kher chuan ka insum theihna a tichhe chiang hle ,ka fawp nghal chawt a ,a dingkhawng deuh awt tih chu ka hria ,ka awmah chuan a rawn nam dat dat a ,a biang tawn tawna vuanin ka fawp tawn tawn ringawt ,anilahin min nam sawn a tum ve ngar ngar thung a,ka thlah rual chuan a hmui chu a tuai nawk nawk a “ Tenawmpa " a rawn ti nghal tuar .










A mawilo lem lo e ,tawngkam duhtui thei ngang lo a nih dawn hi ,ka kun hniam leh chu a hmui a hup vat a ,ka nui nghal suk a kawngah kuahin ka lamah ka pawt hnai a “ ka nupui chu nimai ta che " ka tihchuan rapthlak tih hmel zet hian min melh a “ ka duhlo nang ang mipa hi ka hlau che u,chubakah hnam dang neih ka tum hek lo haw rawh " a rawn ti tan tan a .










Ka en reng tawp ,hnam dang a tihchuan an hnam leh kan hnam hran a sawi ani tih ka hre nghal “ engvangin nge a theihloh min duh ve a nilawm ni " ka tihchuan a ngawi hmak a

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 3rd, 2021, 1:42 pm

KA TA INI PROFESSOR







CHAPTER 3







ELLIE LALTHANMAWII POV...







Lungphu dawt dawt in ka hma a mipa min en ngur tu chu ka en a ,ka chhang theilo a chhan chu ka duh nge duhlo ka chiang lo a ,chubakah ka la hre Chiang lo in kan hnam a inang lo bawk ,English mi te hi ngaisang viau mah ila mahni hnampui nilo han ngaihzawn hian min sawisel tawk an bo lo a .









Chubakah ani chu nupui nei lai a ni bawk “ Duh lo engvanga chu chu min zawt nge inih ,min hriatna ala reilo a min duh nghal ringawt mai amaw " ka tihchuan a khi suk duh chauh “ Mi duh turin reitak in hriat a ngai ami ,an sawi kha vawikhat inhmuhnaah hmangaihna pawh a piang thei tih ,rei tak in hriat kher angai em ni " a rawn tihleh chuan ka en tawp .








Mi hnial Dan lah chu a hre phian leh nghal “ Nupui nei lai inih kha I zak miah nange ,nang ang mipa a nei che hi a inchhir hle ta ve ang" ka tihchuan a hmui hnuai petin a nui zauh a ,min rawn hnaih leh zual sauh “ Nupui nei chunga hmei nei te pawh an awm tho a lawm " a rawn tihleh chuan lerh tizetin ka en a ,ka insehruh nghal vek .









“ Ka duh lo che a chiang tawk em ,nangang mipa lerh lutuk hmeichhia eng a tan maha ngai lo tu hi ka duh hlawllo che " ka tihchuan min rawn fawp leh nghal nghek a ,ka hmui chu a thip zawk bawk ,ka nam nghal dawrh “ Nang zaktheilopa " tihpahin a awmah te chuan ka hnek bawrh bawrh a,a lo dawh mai mai leh nghal .








He mihring hian engvanga min tithinrima min tibuai reng nge a nih ,ka kut chu a hum bet a ,engmah sawilo in kan inentawn ran mahse kan lungphu ri chu a rang lutuk tih kan hre ve ve “ I ka leh I rilru in min hnar a nithei mahse I thinlung " tiin ka lung zawnah a kut a dah a “ He lungphu hian min hnar lo in ka lakah hian a luangliam tih ka hre thei " tiin mit ko san uk hian a nui suk a .









Ka va han ngei tak “ Nangmah vanga phu rang pawh ani bawk lo " ka ti ve tak nang in a nihloh zia kan hre Chiang dun ropui sia ,ka nghawng a hmuia a rawn nawr chuan ka meng deuh kawk ,a fawp dek dek a ,a za in ka sa pup pup bawk ,a darah ka nam a mahse a chesawn eih lo ,ka kawngah a chelh bet a duhtawh zetin ka nghawng chu a fawp kual a ,ka tha a khur a ka taksa danglam chu ka hai lo .








Mahse he mihring hneh mai mai turin ka awm dawn lo ,ka kut chu hum ruhin thawk pangngai tum takin ka thaw leh hawk zel a ,ka nam leh deuh a ,a duhtawk hram ka nghawng lah chu a thip deuh te a ka hriat ,ani lah a nuisuk duh chauh darthlalang lam ka pan a ,ka nghawng duk chur chu hlauthawng zetin ka en a “ Hei hi enge a awmzia enge ka nghawngah hian I tih " ka ti tuar a .









Ka nghawng chu ka tuai nawk nawk a “ Zawng chhuak rawh " tihzawng sawiin a kekawr ip chu a zen a ,ka hrelo a ka zawt ve animai a hetiang hian engtin nge a tihsen duk kulh theih le ,a lang chiang ropui si “ Engtin nge ka tihreh dawn hmela" ka tileh tuarh a ,a kut a vai hluk “ Khatiang khan min ko tawh suh naupang," a rawn ti ve nghal zat a ,kan inmelh tawn reng a .









Kan mitmeng pawh a no lemlo khawp mai “ Chhuak rawh upa si mawl si " ka tihchuan “ Naupang si aia ute zahna chang hrelo " a rawn tive leh zat tho ,kan inmelh rum tawh dan chu bomb chu ni ila chuan kan puak rual pawp ang ka ring ,a va han tawng thei tak “ Hmel putar " tiin ka kut chu tumin ka hnek pawp a ,ka hlau chhe te lo a thinrim ve ta nge ngawi rengin min chawi kang lawpa ..








Sofaah chuan min nghat nghal chawrh ,kan insual chhunzawm nghal chu a nimai ,ka tal ngat ngat a ka kut hnihchu man kawpin a kut khat chuan a nem bet a ,ka ke lam chu a taksa rihna chuan a delh bet tlat bawk ,ka thinrim ang buan buan chu ngawi rengin min enchhuk ngur a ,“ Awmsawn rawh haih jish " tiin ka tawng zawm mawlh mawlh a .









Ka chau tawh lutuk chu tal peih tawh lo in ka mu tlawn tawp a ,ka chungah a la bawk reng ,ka thaw hle hle chu nui vur vur in mit min siai suk a “ Ka hmai a hnek nghawng pawizia i hre tawh em ,ramsa kawlhte " a rawn tileh kher chu ka lu kanin a bengah ka seh vak a ,a rum deuh hrawk a ,min nam mu nghal chawrh “ Infiamna chu kan en tir ang che " tihpahin ka taksa chu a hmer vak a ,ka rak that .








A tha pek na lutuk a vang chuan ka tai te chu an na nghal vawng vawng ,ka mittui a luang nghal zawih zawih ,mahse tah ka tum lo ,min thlah rualin “ Chhuak rawh chhuak nghal rawh vawi khat mah ka mithmuhah rawn inlan tawh suh " ka tituar a ,tawngleh a tum chu ka kut chu ka vai nghal pawp “ Min chhuahsan nghal rawh hmela chhuak rawh " ka titawn tawn a,ka thinrim hi chuan ka tawngkam hi ka insum thei tawh ngai lo .








Ngawi rengin a tho a min be tawh lo chuan a chhuak nghal vang vang bawk ,ka thaw chhuak hawm hawm a ,ka taina sa vawt chu ka en a ,alo sen hlar a ka phun mawlh mawlh ,anchhia ka lawh zauh bawk ,a tukah chuan na thum chungin college kal turin ka insiam a ,ka bike chu tinung vut vut in ka tlanchhuak nghal puat a ,college ka thlen chuan ka lam pana max rawn kal chu ka hmu nghal.









A Chhelo ve thlawt a lawm ,a nuih phei chuan tuiral zawih zawih tham a ni ve tlat “ Morning Ellie " a rawn tihchuan “ Morning Max " ka lo ti ve var a ,Ava te ho pawh an rawn lang chhunzawm nghal zat a ,kan vai chuan kan inzui nghal diah diah a ,min en duhtu an tam leh ngei mai ,a chhanpawh kan mipa kal pui hi hmeltha a lar pha a ni ve tlat a .








Kan inzui lut zela a la hmat em a vangin inchunglamah kan chho thap a ,kan hawi vauh vauh hlawm a ,kan rak deuh tung bawk ,Ava te ho lah chuan Max nen chance min inti pe ve ngeia nuihzatthlak zawk hian “ Ellie I Chhelo ka ti takzet che I danglam bawk si " Max chuan kan pahnih chauha kan awm hnu chuan a rawn tisap a ,ka lo nui hak ringawt .







“ Ka va lawm dawn ve keini ang chhelo min lo ti chu "ka tihchuana nui ve hak a ,ka lam a rawn hawi erawh chuan a thutak hmel phian “ diktak chuan ka duh lutuk che a ,mahse kan inhriatna a la rei lo bawk nen ka hrilh zak che a ,chubakah min ngaih khawloh ka hlau bawk nen min biak duh tawh loh ka hlau bawk sia " a rawn ti dap dap a ,ka ngawi reng ka ka chu a chih leh tlat tawh.







Mipa ka la nihpui ngailo a min duhthu an sawi phei hi chuan awmdan tur ka thiamlo ,nimin maiah Nathana'n min duhthu a sawi a ,tunah lah Max min tibuai vek “ A.....ka kal phawt mai ang Max ih chutiang ngaihdan I pu ang tih ka lo ring ngai miah lo a ,bialpa neitur chuan ka la inpeih lo a ni " tiin ka inhera ,ka tlan vang vang ,Max chuan min auin min umzui tih ka hria .








Mahse ka tlan ve zel tho ,tinge min rawn umzui zel le ?ouch! hmeichhe pakhat rak tuar rualin keipawh ka pai deuh khat a “ I mit a del ami ,nang naupang hi " a rawn ti tawn tawn a ,ka hawichhuak chu hmanni a Nathana rawn hruai anupui an tih ngei kha a ni tih ka hria “ Ka tihpalh a ni e,kawng ka lo en lo a ka hmanhmawh bawk nen " ka tihchuan a la phun tang tang “ Baby enge ni a " tihri ka hriat a vang chuan ka khawng awt a ..








.
Nathan chu kan bul maiah rawn kalin a nupui kawngah chuan a kuah nghal a ,min en ngur bawk ,a nupui lah chuan a lo pawm nghal chawt a “ Engmah nilo e hei mit tha lo pakhat ka lo bia a ,ka kawngkal lai kha min rawn su tawp a " a nupui chuan a ti niah niah a ,ka ngawi reng ,mahse an thusawi dan a vang chuan ka inhum ruh vak thung “ um in na lo ve ve chu a lawmawm a nihchu kan kal tawh mai dawn a mi " min ngaipawimawh lo tih hriat zet hian Nathana chuan a tichhuak supa .









An kal dawn chiah tih chuan “ Ellie ka tihpalh khawngaihin min haw lo hram rawh ,ka duhthu che ka sawi leh tawh ngai lo ang " tihri a rawn chhuah a vang chuan an ding dat a ,Nathana chuan min en reng tih ka hria ,engvang nge pawh ka hrelo runluih ka chak tlat pek a ,Max chu ka lo nuihsang a “ aho lutuk hmun dangah sawi ila teacher te an awm ve bawk si a ,a inthlahrun awm " ka tihchuan a ni pawh a bu nghat a .






Kan inzui nghal vat bawk ,ka hnung lamah chuan min enzui reng tu a awm tih ka hria ,mahse ka hawi let duh der lo ,Max nen chuan class lam kan pan a,kan subject lak a lo inang bawk nen classah chuan midang luh hma in kan lut a “ Chuan nichin kha engtin nge min chhan dawn " a rawn tih leh chuan ka thawk hak a ,amah chu ka en reng bawk ,beiseina mitmengin min en a ..









Ka chhandan tur erawh ka Chiang,keihian ka duh ve lo tih hi “ Max kan inhriatna a la reilo itih kha a dik e chuan keichuan thian anga en che ka duh ,bialpa neitur chuan ka la inpeih lo ani" ka tisap a ,a hmel awmdan chu ka en reng ,a nui tawp chawt a “ Tinge i mipa duhzawng ka nilo a mi " a rawn tinghal reng bawk ,ni e a hmelchu a tha in ka phulo tih ka hria ,mahse ka thinlung hian mipakhat chiah duh a neiin .








Chupa chauh chuan ka thinphu a tirangin,ka ngaihtuahna a tibuai a ,a bulah chuan ka zamin ka thla a muang em em thung “ Chutiang pawh a nilo Max helai hmunah ka rawn awm deuh chiah a ni sia ,chubakah in hnam zia leh kan hnam zia chu a inang lo lutuk keichuan thian nih ka duh" tiin ka ngaihdan dik tak chu ka hrilh a ,a ngawih deuh reng hnu ah a bu nghut a ,ka thaw huai thei.








“ Awle i duhthlanna ka zahsak ang che " a rawn tihchuan ka nuih var var a ,bell a rika midang an rawn luh takah chuan kan thu tha a,Ava chu kan bulah a rawn inhnawh phei sawk sawk a ,henu tak hi chu aw ,rilru hahna te hi a nei ve pawhin ka ring lo ,teachers a rawn lut a ,keini erawh kan la titi tluang zel ,mahse kan tawng ring lo ,kan tawng tih an hriat chuan a nghawng a na ve hle dawn bawk sia.








Sir Nathana rawn luh erawh engvang nge pawh ka hre lo ,chawh ngai zawng zawng keimah min chawh tir veka ,thil min zawt reng bawk ,ngaihthlak that loh ngam chi pawh a nilo ,midang pawhin keimah hlir min zawh vang nge min en haw haw hlawm a ,hmela mai mai chu engvanga hetia min tikher nge a nih le ,ban rualin ka bag akin ka chhuak nghal hlawk hlawk a ,corridor ka kal lai chuan ka kutah ban tha chak zet hian min pawt a .












Keilah lo kal chaksa ka ni nen ,ka tha pek zawng chuan chupa chu room chhungah ka delh lut rawk a ,min lo kuah nghal hlun tu chu ka en chhoh rualin ka insehruh nghek “ Engvanga ka kal tha lai min lo pawt ve ringawt nge inih" ka tihchuan a hmui tuai zauhin min en chhuk ngur a “ Min thlah rawh ka haw dawn " ka tihchuan a che eih lo ,“ Amak e Nathan lutolf " ka tithat chu ka kut chu a hum nghet sauh a .









“ Engtin maw min koh kha Haih jish" a rawn tihchuan nimina ka thusawi a rawn sawi tih ka chiang lutuk “ Hmela Haih jishi ka nilo " ka tihchuan a nui hawk hawk a “Latanmawi" ka hmingpum chu fiahlo zet hian a rawn lam a ,ka melh nghal kawk ,chutah ka nui chhuak nghal tuar tuar a “ I va han thiam lo tak Latanmawi pawh ka nilo Lalthanmawi itih thiamloh chuan lam ve tawh suh " tiin ka la nui ngat ngat a .








A biang dawmin ka nui hmel a thlir tih ka hriat rual chuan ka kâ ka chip daih “ I nui mawi ka hmuh phaha a tha tho mai " tiin a khi suk a ,kha kha ka nui lai a hmuh duh vangin maw ka hmingpum kha a lo sawi a “ Enge I duh min tihbuai reng a " ka tihchuan “ Min pe thei Dawn em ni ka duh chu?,"tiin a rawn hnai deuh a ,ka lo nam nghal vat.








“ Enge ka lakah hian I duh" ka tileh ngat a ,ka beng bulah a hmui rawn dahin a thaw ham ham a ,ka mur leh er er tawh “ Nangmah hi ka duh tita che ila ,chuan khapa kha tunge i bialpa anihchuan then nghal ang che " a rawn tihchuan ka ner nawng nawng a,thulo emaiah “ My thute lo ziang " ka tihchuan “ Enge i sawi " a rawn tileh a ,ka nui vur vur pawih tawng chu khawilamah mizo tawng pawh a thiam dawn lo “ I hmeltha " mizotawng ngat chuan ka tileh a .








A hriatloh hmel awm kual vel chuan ka nuih a tiza “ Ka hriattheih turin sawi rawh " a rawn tihchuan “ awi angai lo a " ka story chhiar a Pangparhnima tawng chu ka la thuai a ,“ Lalthanmawi " chiang zeta a rawn tihchuan ka nernawng “ Ka hmingpumin min ko suh Benjamin sum " huh a va inawm tak ve ,an sam a kir ve ve sia ,mahse hmelah chuan an inang lo nasa “ Tawng hriat theih turin sawi rawh khatiang tawng mak pui pui kha hmang suh a thing si " a tihchuan ka thinrim leh nghal phat a .








“A thing bawk lo Mizotawng I thiam ringawt ami " ka tihchuan "Cállate " (ngawi rawh ) a rawn tihluk a ,ka lo hrethiam ve pek lo “ Ninawm ka bang chutiang ka hre thiam lo English hmang rawh " ka tihchuan min nuih vur vur a “ Tikhan kan in rul tawk chiah Ma lune "a rawn tithawp sat a ,ka hmui ka pet zauh “ Ka kal dawn haw a hun tawh midangin min hmu ang chuan ka sawi tawh kha ,min hnaih suh" ka tileh hram a .









“ Chu chu ka thu a ni ,ka hmeichhe duh neih tuma ka beih chu a thiang" tiin a tawng leh tawh chuang lo,ka thaw hak a ka chhuahsan daih kan awm tlan rei chuan kan inhnial leh mai mai dawn ,kawngka ka pel dawn chiah tihchuan min pawt let leh dawrh a,ka hnunglam a tangin ka taiah a kut a rawn rawlh a ,ka darah a lu a rawn nghat nghal hmiah chu talna chang pawh ka hrelo.










“ Ka ta ini ,ka ta ka ta chauh," a rawn tisup sup a ,talchhuah ka tum chu a thiltih a vang chuan ka tawp nghal chawt a ,ka hnute a rawn tham rual chuan “ Hmela " ka ti leh vak ,ka ke chu ka leng vak a ,“ Ka kaltir che i duh chuan ka duhzawng itih a ngai ang " a rawn ti a ,ka la tal reng tho ka chhuak thei bawk silo “ Enge I duh ?" ka tisap a ,mahse a thilduh tih ka tum der lo








Min thlah rualin vaivawih ai a ranga tlan chhiat a nia ka tum ni ,alamah min kuai her a “ Min fawp rawh phakar chhuahsuh ang che " a rawn tihchuan ka inhum ruh a ,muangchangin ka hnaih a “ Min vawnna hi thlah phawt rawh " zawite chuan ka ti a ,min ring nge min thlah ve mai ,dingdihlipin a nghawngah ka dawm a ,ka kuai kun nghal bawk ,a nuisuk chu ka hmu reng .









Chutah le a ke ah chuan ka rap bet vak a ,a indawm kun chhung chuan ka tlanchhuak a “ I lerh lutuk kha ilo sim dawn ania Nathan lutolf mipa rinawmlo an ti palh ang che " tihrualin ka tlanchhuak nghal dawr dawr a ,ka bike bul ka thlen rualin rang lutukin ka lawn a ,ka tlanchhuak nghal vat bawk ,bike glass a tang chuan college tuala a rawn chhuak mek chu ka hmu reng.









Hmm lerh lutuk ,nupui nei reng a ,zakthei lo si ka va han haw tak a nupui lah kha ,inchei hlur ringawt chi a nih ka ring a ni ,zanlamah chuan ka vak chhuak ve a ,ka awmna hi new South wales a ni a ,Sydney opera house leh Harbour bridge awmna a ni bawk ,blue mountain an tih thin pawh engtikah emaw chuan ka la tlawh ang ,ka vak kual zela ,hmun reh deuh lai ka thlen chuan mipa rual khat ka hmu a ,ka ding nghal chawt .









An ni pawhin min rawn hmu tih ka hai lo ,let leh tuma ka inher chu “ wow nula maw a chhelo hle mai ,thiante u lo kal teh u " tiin a thiante pathum chu a au a ,tlan ka tum chu ka hma lam a tanga mipa pahnih an rawn phei ve leh a a vang chuan ka ding chawt ,ka hlauthawng lutuk chu ka ding tawpa “ Chhelo hle mai ,khawnge I kal dawn a tun ang zanah te ,nangang hmeichhe Chhelo hi alawm kan zawn " tihpahin nichina mipa bawk kha a rawn tawng leh a .










“ Khawngaihin min kaltir rawh u " ka tihchuan an nui hak hlawma,pakhatin min rawn khawih a tum chu a kapah ka pet pawp a ,a au nghal tuarh bawk ,midang chu rawn kalin min manbet a ,ka pet pa chuan ka hmaiah a rawn beng sawk a ,ka lu ahai nghal chhawih thei “ Kut min thlak man chu I hmu khawp ang khawi maw kan khawih hmasa ber ange " ti a ka thawmhnaw rawn phelh a tum chu a hnung lam a tanga rawn tlawh tu a vang chuan a hlawm nawk a .









Ka dak chhuah rual a ka mihmuh a vang chuan ka hahdam nghal sawng sawng thei ,ani erawh a thinrim hmel viau ,hetiang hmelpu hian ka la hmu lo ,a thinrim hmel chu a hlauhawm lutuk tlat ,min manbet tu pahnih chu a hnek nghal mawlh mawlh a ,khawih rawn tumin an veh a ,mahse a che rang lutuk tlat ,hetiang hian insual a thiam ang tih ka ring ngai hauh lo .








Nilo min tihluih peih ngaihtuah kha chuan insual a thiam ka ring lo “ Ka hmeichhia hi vawikhat mah lo hnaih tawh suh ang cheu " tiin lei a an tlu chu a chhir zui nghek a ,a la thinrim hmel viau a thaw hrawk hrawk reng a ,ka kutah manin min kai kal nghal dawr dawr ,a kal chak bawk nen ka um det det a ,min biak pawh a tum lo a car awmna kan thlen rualin “ Lut rawh " a tihmuk a .









A aw ah chuan nelawmna reng reng alanglo ,ka hnial ngam lo a ,hnial tur pawhin hnial tumna ka nei lo ,amah a vanga him ka ni tih ka hre chiang hle si a ,a car chu hneh zetin a khalh a ,a ngawi ngula biak a huphurh awm ngawih ngawih ,min dinpui a ala ngawi reng ,ka chhuak tur chu ka kutah a rawn man chawt a “ Khawiah nge kal I tum " tiin min melh tur khui a ,ka hmui ka pet zauh .








“ Ka chhuak Dawn " ka tihchuan za lo tih hriat tak hian a khi suk a “Khang ho inkhawih tir leh tur khan maw? ka khawih hlau viau si Khan mipa dang khawih i duh leh tho si a"thinrimnaa khat tih hriat taka a rawn tihchuan ka en nghal vat “Ka inkhawih tirlo tihchu i hmu ve reng a ni lawm ni engvanga kei min puh nge inih " ka ti ve hmaka .







“Anihte chuan zana nangmah chauha chhuah tum leh tawh ngai suh ,khang mipa ho khan an khawih hman tep che anih kha ,an ni ai tha lo tak tak pawh an awm tih hria la ,i nunna hial pawh I chan thei tih hre ta che hmeichhia,vawikhatmah zanah nangmahin chhuak tawh ngai suh " a rawn tihrawka ,a thusawi a vang chuan hman zana tualthatlai ka hmuh kha ka ngaihtuaha .









Ka tha a khur nghal der der “Ka tihpalh" inthiam lo deuh chuan ka tisapa ,thaw hawkin min kuaha nghet zetin ka lo kuah let ve nghal,nichina thil thleng nen tunah chuan min kuahtu tur ka duh ber tlat ani ,“Ell min tiam rawh nangmah chauhin i vakchhuak tawh lo ang tih ,khang ho khan an lo khawih hman ang che tih tluka hlauh ka neilo" a rawn tihchuan a aw a khur titih.








A hlauthawng viau a ni ngei ang “Ih fankual ve ka duha chuvang a nia" inthlahrung dak chuan ka ti a,tun dinhmunah chuan inhnial ka duhlo a ,hnial chakna ka nei hek lo “Lokal rawh" ti a awm hrangin car a tang chuan a chhuak a ,thaw hakin ka chhuak ve nghala ,ka au nghal that harbour bridge chungah ngei tunah hian kan awm .








Ka hawi kual a ,khawpui eng ut leh lawng te leh a lian chenin light an chhi eng a ,“ A mawi lutuk ka kalchakna a rei tawh asin" tiin ka nui var var a ,Nathan erawh a la ngawi reng ,ka bulah a rawn ding a “ Kal I chak amaw " a rawn tihchuan ka bu nghauh nghauh a,vawnchhan chu vuanin ka hnuaia tuilian leh zau zet chu ka en thla vang vang a ,a sang bawk a lu a hia muai muai thei a lawm le









Ka taksa rawn lum deuh a vang chuan ka hawi vat a ,a kawr chung lian zet min lo hak tir chu niin “ I inha pan lutuk i dam lo ang " tiin ka sirah chuan vawn chhan chu a rawn bawh a ,a hawikual lai chuan ka lo en reng ,a hnar ngul dik zet te ,a khabe ruhkual invuah nghet churh te ,a biang hmul deuh siar siar te chuan a tilangpa sawt ,chuan tunah tak hi chuan nidang zawng aiin ka hmu hmeltha zawkin ka hria .









Ka thlir reng tih a hria nge a rawn nui huk a “ Hmeltha hi chu mi hi inthlir ngawih ngawih zel mai ani ,lungngai suh ka ta inih hunah chuan I duhtawkin ila thlir dawn ania "a rawn tihchuan zaktheilo ka titakzet “ I mumang ah bak a thleng lo ang" tihlarin hmun dang chu ka en San a ,a nipawh a ngawi ve leh mai bawk ,inhnial a peihlo a nih ka ring .









“ Inram chungchang min hrilh ve la " a rawn tih sup chuan ka en nghal vat a “ A....ih ram lian tak ani lem lo a ,chuan helam angin tuipui lian leh a kam vela kalna tur a awm ve lo a ,tlang ram ti ila a dik ber ,chuan a mi cheng tam zawk hi lo neia eizawng vek an la nia ,mahse boruak anuamin ram hring mawi tak ani " tiin ka mit ka chhing vang vang a.








Ka sawi zawng ringawt pawh hian ka lung a leng ngawih ngawih ,kan thianho Kimi te ,Linda,Ririni,Kimkimi te ho nen a thingkung kan lawn peih dan te kha ,khawlaiah kal ila kan bengchheng thei hle bawk ,mitthla ah nunhlui a rawn lang uar uar a ,tah a chhuak zawk ,ka menchhuah chuan hmuhnawm tihhmel zet hian min lo en reng a .







“ I hmelthat thu hi an hrilh fo ang che tiraw Ell " tiin a nui pah suk a ,ka chil ka lem khawlh ringawt ,thutam sawi lo mahse a thusawi chhun hian min tilai ziah “ Haw tawh mai ila " chhang lo chuan ka ti a ,muangchanga a kalsawn chu ka en reng ringawt ,mi pawh a be leh tawh lo ,he mihring hi hriatthiam a har .







A chang leh ninawm khawpin min bia a ,a chang leh a ngawi leh reng thung a ,a hnungah chuan zuiin car kawngka min hawn sakah chuan ka thu lut vat a ,ngawi rengin inbe tawh lo chuan ka inluah lam kan pan a,a lungawi leh tawh lo a nih ka ring ,kan dinrual chuan ka seatbelt chu ka phelh mawlh mawlh a “ Ka lawm e " ti a chhuah ka tum chu min kuai her lawpin duhthawh zet in min fawp a .







Ka hamhaih lutuk chu ka che lo hrim.hrim ,min thlah rual chuan ka hmui hnuailam chu a pet pah a “ Muttui " tiin ka sam chu ka bengah a zep a ,rang zetin ka chhuah nghal nal nal a .

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 3rd, 2021, 1:43 pm

KA TA INI PROFESSOR





CHAPTER 4







NATHAN LUTOLF....




Kawngka a luh hnu pawh chuan ka la awm reng ,sawilo mahse min hnar em em lo tih ka thinlung hian a hre si a ,ka car chu ka khalh chhuak a ,zanin anga ka hlauhthawn ang kha ka la nei ngailo ,mi ka thah lai ngei pawhin hlauhthawnna ai nuam tihna ka nei zawk thin,mahse Ell ani erawh ka chan mai ang tih hlauhna ka nei a .








Ka va tlai ang tihmawlh kha ka hlau ,khang mipa ho khan khawih na vaih se chuan ka that vek duh hial ang ,ka ta ani a ,ka ta ni reng turin ka duh,ka hmui chu ka khawih zauh a ,ahmui chhah leh nem em em si kha ka fawp kham lo ,a mitmeng mawi zet te khan zun an nei vek nimaiin ka hria ,ka nupui hi hmangaihna a vanga nei ka nilo a .










Ka phuba lak nan chauh ,Ell ka tawng chiah chu ka inthlak danglam nghal vek a nih hi ,a bulah chuan ka tawng thei em em bawk ,ka nui suk a ,an tawnga min biak khan engtak chu sawi ang maw ,in ka thlenga Kaya chuan min lo pawm nghal chawng chawng a ,ka namsawn vat ,mipa a awm pui leh lo ang tih pawh ka sawi thei lo ,pawi tihna erawh ka nei lo .









Ka hna ka zawh hun chuan a ni pawh hi ka mamawh tawh kher lo ang ,room lam ka pan chu min rawn zui ve zel a, inthlakin ka room bik lam ka pan chu min rawn zui a tum a vang chuan rum hawkin ka melh runa,a ip nghal chawih ,ka thinrima ka awmdan a hre chiang a,chuvang chuan min tilui ngam ngai lo bawk “ Nathan tinge hetiang em ema I nunrawn" a rawn tihchuan ka nuih suk ringawt.









Ka kut vai hlukin min rawn khawih a tum chu awmsawn a “ I huang chin hre rawh Kaya ka duhloh zawngin awm hauh suh" ka tihmuk a ,a luhlul ala chhuahfan chu bangah ka rek bet chawt a ,ka kut chu a rawn hmer nghal salh a ,a thawk a tawp mai dawna ka hriat a vang chuan insum in ka thlah hram ,a thaw hrawk hrawk a “ Kha hmeichhia kha i tan enge anih" a rawn tihchuan Ellie a sawina tih ka hre thei.








“Mawh kha nu khan ka pek loh leh ka neihloh enge a pek che a ,a neih bik?" a rawn tihchuan ka nui suk ringawt “ Ka duha ka hmangaih vang mawle " ka tihchuan a ngawi hmak a ,room ah ka luhsan hnu chuan Ellie ka hmangaih tihchu ka ngaihtuah a ka thensuk ,thenkhat tan chuan mipa lerh tak leh awm duhdah tih ka hlawh ngei ang .








Mahse Kaya hi hmangaih vanga nei ka nilo a ,Ellie ka hmangaih hi inthiamlohna ka nei lem lo ,ka hmeichhe hmangaih neih ka tum chu enge a pawina ,tupawh in hmangaih chu kan nei thiang a ,min hmangaih let ve tir tum pawh a thiang,mahse chutih rual erawh chuan kan duh a kan hmangaih ngawih ngawihte hi kan ta an ni thei vek kher lo a ,min duh let tur leh min hmangaih let Turin kan tithei lo ,an nun ani a ,kan duh leh hmangaih em em te pawh hian duh leh hmangaih em em an lo nei ve thei








Hmangaihna hi in vauna leh in nawrluihna hmanga neih chi a nilo ,mahse kan theihna leh kan tumnaa inhmangaihtir tum chu a theih anilawm ni ,huh Nathan lutolf hian a vawikhat nan hmeichhia ka zarbuai ta chu ania ,mi ka thah anga min hmangaih tur a siam awlsam nimai se a tha tur ,mahse ka hmeichhia hi mi thinchhe tak leh luhlul lutuk ,englai pawha mipa pawh thliar lo a min sual ngam ani reuh leh nghal a .









Ka phone a rawn rik chuan enge tih ka hre nghal mai a ,target palina tur chiah,ka khi nghal suk ,“Lo en rawh u ka nu leh pa min laksak tu leh a kaihhnawih a inphum ru zawng zawng hi ka thah vek hma loh cheu chu ka chawl dawn lo " ka tichhuak sup a ,ka inthuamna thin chu ka la chhuak a ,ka inbel nghal mawlh mawlh a ,ka pistol 9mm Glock chu la nghalin inhnuai lam ka pan thla a.








Pa keyden an min lo hmuh chuan a hre thiam nge engmah min zawt lo in a bu nghut a ,a ni hian a ni ka pa leh ka nu tana bei nasa ber chu ,ani hi awm lo se chuan phuba ka la thei hauh lo ang ,ka chhuak nghal vut a ,restaurant pakhata an awm chu ka hmu nghal zat ,pawn a tang chuan midang in an chim buailoh lai chu ka Chang a ,ka pistol chu ka phawrh zal zal bawk ,mi an awm loh lai tak chuan kapin a thi ngei ani tih ka chian rual chuan ka kal sawn vat a .










Ka thawmhnaw thlakin ka hmanrua ka dahtha a ,hotel lam panin ka inkhalh chhuak nghal zat ,hmeichhe hrang hrang ka mutpui thin tih hi tumahin an hre nang ,ka zep thin miau a ,ka tualthah tak ka ngaihtuah chuan in chhirna ka nei lo,ka nu leh pa khan thi tur khawpa an tihsual ka hre hek lo ,an mahni beilet tu te lakah ka pa khan ka nu nen min hum mai ani ,Hotel kawtah chuan ka ding a ,ka chhuah rualin van lam chu ka en vang vang .








“ Pa ka thiltih a vang hian min dem suh u aw ,Nu ,Pa vawikhat tal kuah ve cheu a ,vawikhat tal Nu ,Pa ti a auh cheu ka chak ve a sin ,ka tette a tangin nu leh pa anga min enkawltu nei mah ila ,an ni chu ka nu leh pa diktak an ni silo ,puitling takin ka awm a ngai tih in hrilh fo mah ila ,infapa hian vawikhat tal chu in thlazar hnuaia awm ve a chak asin,min kalsan hma lutuk Nu,min enkawlin min chawi hman lo mahla ,nu tha tak leh hmangaihna ngah tak I ni tih ka hria a sin .










Pa nangpawh mafia boss nimahla ,I fapa hi min hmangaih lutuk Dawn tih ka hria ,chuvang chuan inbula min awm tir thei lo tute hi nuam taka an awm ka duh bik lo ,phuba hi ka la zel Dawn a ,ka kiangah awm reng ang cheu aw " tiin ka phun chhuak sup a ,hotel ah chuan lutin bar an siam a ,hmeichhe pakhat Chhelo tawk tak chu ka pan nghal nalh a ,a bul ka thlen chuan kun hniamin ka hrilh ru zauh a ,a nui nghal var var ,hmeichhia hian min hnar thei lo tih ka hria .









Kha Ellie Lalthanmawii tih loh kha chuan huh,ani kha ngaihtuah rih suh .







ELLIE LALTHANMAWII POV...









Hâm buai buai chung chuan ka tho chhuak a ,ka hmelchhe leh viau mai thei ani ,ka hâm hmelchhe thei em a ,ka thil ngaihtuah a vang chuan tho hlim chiah e tilo chuan ka nui uar uar a ,inperhtho in “ Haaaaaaaaaih......jish " kan tileh ngei kha ,he thu hi chu ka sticker hman ngun ber leh ka sawi ngun ber ania ,ngaiah ka neih tawh .








Washroom ah lutin ha nawhna ah chuan toothpaste chu tatin ka nawt nghal sawk sawk a ,mit chhin rual a piang lah chuan Hmel lutolf a alang ziah leh nghal ,nizan Khan a fawh kha ka dang lo tak ,min zuam sawt ang le ,mahse enge pawi min khawih mai mai lo ang mipa ngam loh an tih thin keimah Ellie Lalthanmawii ka nia lawm le ,a duh duhin min khawih mai mai turin ka nu leh pa in min siam mai mai lo e.










Ka sam tawn mawlh mawlh in tual ah chuan exer ka la zuai a ,ka thenawm te pawh an rawn chhuak ve a ,min be luam bawk ,kan awmna hi chhawng sarih vela sang a ni a ,a hmun hi a remin anuam riau ,liftah chuang chho in ka awmna ka thlen rual chuan rawng ka bawl sawk sawk a ,keimahin ka awm bawk a ,chawhmeh siam chiam ka ngai lo a ,a zia phian ,ka insiam mawlh mawlh lai chuan ka phone a rawn ri ral ral a .








Message lut ka en rual chuan ka nersawk “ Piangthar rawh hrem hmunah a sa lai districtah I tla palh ange " tiin Nathan lutolf message chu ka ply zauh a ,a hrethiam awm mang silo ,Christian a ni nge nilo ka hrelo ,nilo a mizia leh a lerh dan en hi chuan a nih ka ring lo bur ,setana aia chungnung zawk niawma mawi ani ,lerh zel zul.ropui bawk sia ,ka rap rauh ,mahse a bula ka awm hian ka danglam ziah leh nghal.








“ Min duh tih ka hria ania ,inzep mahla ka hria che " a rawn tihchuan ka ner nawk a “ I chhe kuh ruh seh kha a nihchu ,Chapo pa ka duh hlawl lo che i nupui lakah khan rinawm la a tawk chiah ,thinlung pahnih nei mipa hi ka râp cheu ,ka duh ngai lo ang che lerh si ,I nupui kham khawp lo tur chuan neih loh mai tur che a lawm " ka tihrep a ,a seen a mahse a rawn ply leh tawh lo ,min tihamhaih zawk zawk dawn mai .









College ka thleng a ,a class laklai pawhin min be tawh lo a ,min melh tawh hek lo ,a thinrim viau a mi le ?keimah zawk ka hrilh hai leh thung si ,pawnah kan chhuak a ,zirlai hmeichhe ho in an lo bawr chu ka hmu a ,Ava tawng pawh ngaihsak lo in ka ding chawt a ,hmeichhe pakhatin a pangpar a pek chu a bana a hmeichhia chu a nuihsuk bawk ,an inkuah a ka lo inhumruh ve ringawt lehnghal.








Hepa hian eng infiamna nge a khelh ni ,ka hrethiam thei lo,hmela mai mai chuh! ka thinrim lutuk chu Ava chu kaiin chak deuhin ka kal pel hmawk hmawk a ,min lo en tih ka hriat chuan ka ding chawt a ,ka mit phenin ka lei chu sei lutukin ka chhuah hram kha ,haha Nathan lertolf a ,lertolf lertolf ,Lerha ,thaka,hursi awi ka thinrim tak ngial dawnin ka hria .









“ Ellie enge I hriata ka chau ania aw " Ava tawng a vang chuan ka ding chawt a “ Sorry " ka ti nghal sep a ,a rawn nui vur vur a “ Sir Nathan hi I duh ve tiraw" a rawn tihchuan ka melh nghal vat “ Teuhlo a lerh hmel si ,ka mipa huat chitak ,ka hlau ania nupui nei chunga hmeichhe dang pan du du reng te chu " ka tihchuan “Mahse a hmeichhe hmangaih a neilo a a awm ve tho a lawm " Ava in a tihchuan a fiamthu anih ringin ka en vat a .









Mahse a lo thutak hmel em em leh nghal “ Tupawhin inhmangaih vanga in nei an nilo tih an hre vek alawm ,innei chu nise kaya hian nau apai daih tawh ang " a tihleh chuan ngaihtuahna a tithui ngei mai ,hmangaihna a vanga innei lo an nitih ka hriat na chuan sawi tur min tihre lo ,Ava chu ka kaisawn a ,Max ten min rawn pawh a vang chuan kan inzui khawm nghal dal dal a .






Ban rualin lenkawi an tih tlat a vangin ka aw ve a ,keiin Ava ka phur a ,Max an Jennifer a phur thung ,kan pali chuan hmun hrang hrang kan fangkual a ,tuipuikam kal an sawi rual chuan ka phur nghal em em ringawt ,a hmun lam panin chak zetin kan intlansiak a Ava au chul chu ka nuih pah char char ,a dawih mai sia tuipuikam kan thlenga .







Kan bike hung tha in kan intlan siak leh a ,midang pawh an awm ve nual ,hmun fal lam kan pan a ,mi tam laia tui Chen ka duh teuh lo ,ramhnaih deuh lam ah chuan kan awm thap a ,kan inphelh sap sap bawk ,Maxa chauh mipa a awm a vang leh Ava te ho an inphelh a vangin ka inphelha ,panty leh bra nen tlawng chuan kan awm a ,tui chu kan va dai nghal thap ,keiai Ava te hi an hniam a .









Mizo nu ah chuan a lian pawl ka nih vang nge Mizoramah pawh khan keiai a sang an tam lo viau mai ,tuichuan kan inthelh thul ,Max lah Ava leh Jenniferi'n an tibuai char char a ,kil khat atang ka lo nuih reng ringawt “ Enge in rawn tih a " tihri rawn chhuahna lam chu kan hawi thap ,awi leh!sawitur hrelo in Nathan chu kan en thap,a pian nalh zet chu ka hmu chiang viau ,kawr a ha lo a ,kekawr bul nen tlawng a awm a .








Ka hawisawn vat ,ka thin a rim tha leh ringawt nia ,a hmeichhe kuah vang kha nge “Sir lo cheng ve rawh hei kan infiam ve a ,vah harh pahin " Jennifer chuan a ti a ,ava han tul lo ber mai em ka khawng fawk chak ngei mai ,kan lam pana a rawn phei chu ka hawisawn San hmak a ,tuichu ka hleuh nghal daih bawk ,ka chhuah leh chuan midang chu kan piah daihah an lova phei veka .








Ava lah chuan kut min vai khum lauh lauh lehnghal a ,hmm “ I taksa chu a nalh hle mai" titu chu en pawh ka en duh lo ,tui a luh leh ka tum chu ka taiah rawn manin a lamah min pawthnai a ,a taksa lum vung vung chu ka nghen rual chuan ka hre thei ,ka nghawng bulah chuan a thaw lum ham ham a “ Engtia rei nge min pehhel dawn" a rawn tihchuan zaklo hi kan tikhawp a .







“ Ka pehhel lo che lerh a ,lerh ropui si ,nangang hi chu ka pan ngai lo ang che min thlah rawh ka chhuak Dawn " ka tikha faka,min thlah chu sawi loh min pawt hnai sauh a ,tui rawn fawn leh thin chuan min tihuh leh thut thin,ka inhera ka melh nghal kar “ Engvanga min tibuai reng nge I nih Nathan lutolf ,ka hrilh ang che nang hian hmeichhe dang anga min fiam mai mai I tum anihchuan I tisual hle ang .








An ni ang mai mai chuan i lakah hian ka inpe dawn lo ,hre rawh i kut hi dahthla rawh " ka tihchuan a dah thla ruai ruai a ,tuipawn lam panin min en tawh lo hian a phei chu ka thlir tawp a ,ka thaw hak bawk ,ka thiante lam ka pan chu thil awmzia min zawt a ,mahse engmah ka sawi chak lo ka chau hluah hluah .

“ Ellie a duh em che hi ,sir hian nupui a nei tih chu kan hai lo ,mahse an inthen leh vat Dawn tihthu hi a awm a ,sir hian hmeichhia a pan hmasa mai mai ngailo ania ,a en danah che hian a hmangaih che tih kan hre thei ,luhlul tlat suh a duat dawn che tih kan hria ania ,i thian tak takah min ngai lo a nihpawhin kan thusawi tal hi chu ngaipawimawh la " Ava chuan a rawn ti a .









Max leh Jenniferin lu an lo bukpui chu ka melh hrawka “ Haw phawt ang u " ka ti hmuk a ,tuipawn lam panin ka kal nghal nal nal bawk ,min rawn zui ve vat tho,ka thawmhnaw chu ha in ka bikeah ka lawn nghal a ,min en duh leh hlawm viau ,haha ka inhmeh an ti Chiang a lawm ,ka nui vur vur a ,Ava rawn thut rualin ka tlanchhuah pui nghal vawr a ,an inlam a sawi chuan ka pen pui nghal vat .







Max te pawh ban a kan hnung lawkah an tlan ve zel a ,an in a inhnaih hlawm tih ka hria ,aj inkawtah chuan ka dinpuia ,lengtur a min sawmna chu ka hnar nghal vat ,tunah rihchuan ina awm a mut der der ka chak ber ,min tilui bik lo in mangtha in ka tlanchhuak leh a ,tlan pah chuan Nathan hlir ka rilru ah a awm,duhlo viau mah ila ,khatia engmah sawilo a a kal leh daih khan ka awm a tinuam lo vek .







Thu eng emaw tala min chhan kha ka beisei ania mahse chung chuan a timiah lo anihkha ,ka helmet chhanah chuan ka thaw leh hawk thin,ka rilru hi a nuam thei thlawt lo ,ka hnawl khan nuam titur ka ni mahse ,nuam tihna ka nei leh chuang miah silo ,“Nathan lutolf ka chungah hian engthil chiah nge itih "Ka tichhuak deuh hawk a .








Ka awmna ka thlen rualin ka bike chu garage - ah hungin ,inchhung lam ka pan a ,lift a ka chuan lai te chuan ka rilru nuam lo lutuk leh thinrim bawk si chuan ka rum leh vak zel,ka awmdan hi min hmutu awm se chuan mi â emaw min ti vek ang ,mahse he mihringpa hian min tibuai ani,mipa a nih a vanga hnar ka ni a .








Mualpho a ka awm tur ka dawn vang ani pakhat ,room ka thlen rualin ka mu nghal daih chaw ei chakna pawh ka nei lo ,zingah tho in ka walk leh zuai a ,chaw ei in hma deuhah college ka thleng bawk ,tihtur thlawt ka hrelo ,class a rawn lak pawhin min melh tawh lo a ,nidang anga zawhna min zawh a nei lo bawk .









Tinge he mihring pa hian ka vei zui ngawih ngawih zelna tur a ,awmdan a thiam tlat mai le ,min hnaih se ka thinrim nghal phat zel a ,mahse min hlat chiah hian ka khua a har em em thung si ,a ngawi ngula a tawng lo a ,zirtur a sawi leh thin bak tawngkam engmah a nei lo ,a period a tawp rualin hawi pawh rawn hawi chhuak lo hian kawngka lam a pan a .








Ka thaw leh hak thin,Ava lah chuan mak tih hmel deuh hian min en leh thin tih ka hria ,ka ngaipawimawh thei hek lo ,break rualin kan chhuak a ,hmun reh deuh laia kan kal chuan ,Nathan leh nimina hmeichhia bawk kha an lo inkuah a ,ka inhum ruh vak ,chunu lah chuan a awm vel chu a zut sak a,Nathan chuan namsawn pawh a tum chuang lo .








Ava chuan “ Awi leh!" a tihluai a ,an ni pawh an hria tih hriat tak hian inthlahin kan lam an rawn hawi a ,a hmeichhe hmelah chuan a zak tih a hriat ,mahse Nathan hmelah erawh engmah a lang ve lo ,tak ngur hian min en reng a ,chutah a hmeichhia chu eng emaw hrilh hian an kalsawn a ,ka thin a thip veng veng chu mak ka ti ,ka duh lo ka inti mawlh mawlh a ,mahse ka thik hle si a .









Ava nen chuan pawnlam kan pan a “ E taka Ellie zanin kha ka hrilh theihnghilh daih che ,kan college hian party an Buatsaiha a ,lo kal ve la teachers ho pawh an kal vek ang " Ava chuan a rawn ti a ,engtin mah ka chhang lo a ,kal chakna lah ka nei hek lo ,mahse kal ngei angaih hmel chutiang college pumin an buatsaih a nih tawh chuan ,ral hla tak chu ka thlir a .









“ Vawiin hi enge i hriat a ,i tawng tlem bawk si " a rawn ti ta reng a ,ka nui hak ringawt “ Lut ang " tiin ka kai lut dawr dawr a ,in ka thlen chuan a tlai ve duai tawh ,Kimi te ho nen kan in video call a ,ka thilsawi chu an ngaithla thap mai “ Hnawl ila ka nawm zawk ka ring a ,mahse ka hrehawm tulh tulh thung ,ka hre bik lo a bula ka awm hian ka tiril a khur a ,ka zam bawk " ka ti chhuak halh a .








“ Awi I duh nihchu Than I duh tih hrilh mai la " Linda chuan a rawn ti a ,Kimkimi leh Ririni pawhin an lu an bu nghat a “ Ka theilo ka ngam lo ,nupui nei lai a nisi a ,lo ngaizawng ngawt ila a mualpho tur chu keimah bawk ka ni a ,inhriat kha ,kan ram amite Khan hria se engtin nge min sawi zui leh dawn tih ,mizoram chu Kristian inti si hian mi rel leh mi sawi chhiat te ,mi nihna nilo a dawta inpuh mai te pawh kan awlsam zia chu " ka tihchuan an bu leh thap ang lawi a .









“ Engpawh nise Ririni nen kan lo kalna tur kan buaipui mek " Kimi'n a rawn tihchuan ka phur nghal em em tingawt “ Tak tak ami ,in nu leh pa te'n an phal meuh maw " ka tihchuan an nui hak hak a “ Engah nge an phalloh a nga ,kan thian inia nangmah chauha I awm kan duh lo ,chubakah sap hmeltha ho chu hmuh ve kan chak alawm ,Kimkimi leh Linda erawh helamah awm se Vawk vulh turh turh rawh se " Kimi a. tih leh chuan pahnih an tum bur a .








Keini pathum kan nui hak hak thung ,ka rilru an ti zang huaiin ka hria ,an lo kal theih hun tur ka nghak hlel ber ,zanlama college hall a party awm dawn a vang chuan ka insiam a,kawrfual ka malte thleng khuh ,tight deuh chu ka ha a ,ka pian a tilang chiang viau mai ,Pathian zarah pian nalh tih ka hlawh fo a,ka te chhe lo nen min awt tu pawh an tam ve viau zel .









Ka kal hma chuan ka nu te ka be zawk a ,ka chhuak nghal hmawk hmawk tlai ka hlau a ni ber ,college lam pan chuan a zan a zan chuan ka tlan chhuak a ,a hmun ka thlen chuan an lo tam viau tawh ,Ava te ho kilkhata ka hmuh chuan ka pan vat a “ Awi Ellie I nalh lutuk " Jenniferi chuan a lo tichul a ,Max chuan khap leklo hian min en bawk ,ka nuihsak a anipawh a nui ve nghal mai ,an tan tep tihchuan car chu kan bul te ah a rawn ding a .








Car chhung a tanga rawn chhuak te chu ka en reng ,Nathan leh vawiin a mi bawk ,ka thin a thip veng veng ,a hmeichhia zawk chuan intithei zet hian a banah a vuan a ,Nathan chuan min rawn melh chut a ,ka inthuamna chu a en nghal vung vung ,ka lo hawisawna Max te ho chu “ Lut ang u " tihpahin keimah chuan hma ka hruai a ,min zui ve nghal diah diah .







Inchhung kan luh chuan a then an lo nui bawk bawk hlawm a ,teachers te ho pawh an thutna tur a an siam ah chuan an thu thap tawh ,thu an sawi a kan tan nghal mawp mawp ,zai leh lam lam an en tir a ,an thiam hlawm em em vek ,heihi lawm sap nula leh tlangval ka ngaihsanna ,engpawh an ko a tla chu hneh takin an hlen ngei ngei zel .







Couple dance ang deuh an tih chuan an lam sap sap hlawm a ,Nathan leh a hmeichhe nu pawh tiamin ,ka en leh reng thin ,mahse Max an lam pui min sawm chuan ka lo aw vat a ,lamtual lam pan chuan kan inzui a ,min en haw haw tawk an awm ,ka lampui pa hi college mipa Chhelo a nive miau a ,ka kawngah chelhin kan insawi dalh dalh a “ I nalh lutuk" a rawn tihchuan “ Nangpawh " ka lo ti ve nghal zat a .









Kan innuih var var mai ,ka hawi chhuak chu Nathan mitmeng rum zet ka hmu nghal en rei duh lo in Maxa darah chuan ka bei daih a ,anilah a phur sawt emaw tihturin a awm a ,lam zawh rual a a rawn kunhniam ruai ruai chuan ka lo awm mawl tawp a ,mahse min kiss hman hma chuan ,kan inkara rawn kal tlang puat a vang chuan kan infawp lo chiang ngei mai ,Nathan tukkhum phe vuai chu ka hmu hman,a va han che ngeiawm deuh ve .








Kalna tur dang a tam tehlul nen,keipawh chu awmsawnin ,pawnlam ka pan daih a ,inngaihtuah fim ka mamawh ,pawnah chuan dingin vanlam chu ka en vang vang a ,mipa pakhat in rui tih hriat zeta min rawn pan chu ka hmu reng a “ Uai Chhelo ve lo kal rawh inkawm ang hmiang " ti a min rawn khawih a tum chu ka thawven a chhuak leh nge a ruih vang zawk pawh ka hrelo “ Chu khuaaaaaaaaah........" tiin ka zuang kang zawk a,ka kick thlu nghal tawp .








Ka hnung lama nui hawk ka hriat chuan ka hawi let vat a ,Nathan lutolf kawngkhar nghenga lo nui suk suk chu ka hmu nghal zat,ka kick pa lah chu tual laiah a mu reng mai bawk si ,min rawn pan tu chu ka inher san a ,inchhung lam pan ka tum chu min man bet nghal chawt “ Enge " ka ti vinhlar a ,ka haw lutuk tlat tunah hi chuan .







“ Inbia ang " a rawn tihchuan ka ner kual nawk nawk a ,m“ Biakna tur che ka nei lo ,ka lut dawn min thlah rawh " ka ti hmak a ,min biak leh a tum chu “Nathan " tihri a vang chuan a tawp chawt a ,a bialnu thar chu rawn tlan pheiin Nathan hmuiah chuan min zahna nei leklo hian a fawp a ,ka inher nghal daih ,inchhung ka luh pah chuan ka mittui tling pam chu ka tuai zauh a .








Ka hua che " ka tichhuak sap bawk ,ka mittui tla zel tur thup nan chuan ka ding deuh vang vang a ,ka thiante lam ka pan chauh “ Ka haw mai dawn aw ,a tlai tawh sia muthmat ka duh" ka tihchuan min hnial lo hlauh ,ka bike chahbi phawrhin pawnlam ka pan hlawk hlawk a ,ka bike bul ka thlen rual chuan ka thaw leh hak phawt a ,ka helmet ka khum tur chu kut lum vung vung hian min dang chawt a








Min kuai herin min fawp nghal tawn tawn a ,ka hamhaih leh ka rilru na chu ka mittui a luang leh tawh ,dam raih hian min fawp mial mial a ,a kawr chungah chuan ka tham vak ringawt “ Sorry " a rawn tihchuan ka harh chhuak nghal kawk a ,ka namsawn nghal vat .

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 3rd, 2021, 1:44 pm

KA TA INI PROFESSOR






CHAPTER 5


ZAWMNA A HNUAIAH THAI RAWH👇👇



Ell" a rawn tihchuan mittui tling teuhin ka en,ka thik tur a awm kher kha a ngai lo hrim hrim “ Vawikhat mah min dai in min fawp leh tawh ngai suh ,ka hua che Nathan lutolf ka hua che " tiin ka vin tawn tawna ,ka mittui chu ka nuai nghal nawk nawk “ Ell ka duh che ka tihkha " a rawn tihchuan za lo zetin ka nui hak a .









“ I induhna sawiah Khan rinawmna a tello ,ka duh che tireng chung si khan hmeichhe dang i pan awl lo a ,hmeichhe dang bulah pawh kha thu vek kha I sawi ka ring ani " ka ti nghek a ,ka bike a ka lawn tur chu min dan leh a vang chuan ka sual a ,mahse a insual thiam zia ka hre miau a, ka kut chu ka chet theihlohnan hnungkhirhin a dah a ,ka nghawng chu a hmui chuan a rawn nawr tawk bawk .









A ke a rahsak leh ka tum chu alo hre sa nge ka ke pawh chu a ke in a kherh bet hmiah “ Min thlah rawh ka hmu duh tawh lo che " tah insum zet hian ka ti a ,engvanga ka mittui pawh hian tlak chak em em nge a nih “ Min en rawh Ell min en rawh" tiin a lamah min kuai her a ,ka en duh lo lui ngat ,ka khabeah a rawn dawm a “ Min en rawh " a rawn tihleh sup chuan ka en ve chiah .










“ Ka duh che ka tihkha ka tifiam lo ,min ring rawh ka hlat chhan che i hre reng a ni lawm ni?" a rawn tihchuan keimah ngeiin a min hlat tur a ka hrilh lai ka ngaihtuah a ,ka mit ka chhing vang vang “ Mahse hmeichhe dang pan kher rawh ka ti lo che " ka tituau a ,a nui nghal hawk “ I thik a mi " a rawn tihchuan ka namsawn deuh dawrh a ,ka bikeah chuan ka thu kai nghal tharh .









“ Ka thik lo I duh duh kawp pawh nila ka thik lo " ka tichiam a ,a inla chapo lutuk thin hi ka ngai thei lo ,a thinrim ve ta nge bike a tang chuan min hlang leh nawlh a “ Engkim sawi rawh min duh loh chuan ka tibuai tawh hauh lo ang che " a rawn tihhmuk chuan ka ngawi ngal ,“ Sawi ta che min duhlo tih chu " a rawn tileh tuar a ,ka la ngawi tlat “ A tha e ,ka tibuai leh tawh lo ang che " tihpahin a inher a ,inchhung lam pana a kal hlawk hlawk chu ka en reng .









Ka tap mai Dawn tunah hian ka danglo a nihchuan min pan tawh hauh lo ang “ Ding rawh " ka ti chhuak tuar a ,a kal lai a tawp chawt “ Min kalsan suh" tihpahin a lam panin ka tlan let hlawk hlawk a ,a rawn inher chu ka kuah nghal thlawp a ,min pawm kang nghal nawlh bawk “Misualpa I sual emai ,duh tur che in min ti a ,mahse min kalsan leh I tum tho si,hmeichhe dang anga I kawp mai mai nih ka duh lo ,ka tan chiah i rinawm ang tiraw " ka tihchuan a rawn nui hawk a .









Ka biangah a rawn dawm lum nghal vung vung “ Ka tiam a che Ell I tan chauh ka awm reng ang " tihpahin ka hmuiah chuan a rawn fawp leh a ,ka lo namsawn vat ,hrilh hai hmel a pu “ Hmeichhe dang I fawh zawhna chiah khan min fawp suh ,I hmui kha brush vai vek ang che " ka tihchuan a rawn nui chhuak huk a ,kei erawh ka la tum bur kha nu kha khawih te a nia ka duh ni .









“ Ih kan inkawp a vang hian mi chuan min sawi duh ngawt ang ,nangchu nupui neilai ini sia ka chhungte phei chuan hria se min vaw duh hial ang" ka tichhuak sap a ,a taksaah min pawm nghet sauh a ,ka chhipah a fawp vang vang bawk “ Keimahah engkim nghat la ,engkim ka chinfel hun nghak rawh aw Baby ka tiam a che,engkim ka siam tha vek ang ,haw tawh ang hmiang helaia awm reng chuan midangin an sawi leh palh ang che .








Chuan hetiang thawmhnaw tight leh chhing lutuk nen hian vakchhuak tawh hauh suh" tihpahin a kawr chung a phelh a ,ka dar lang lai ah chuan a rawn bat nghal mawlh mawlh a ,ka lo ha ve mai bawk ,bikeah chuan amah a lawn vut a ,ka en nghal kawk “ Chahbi " a rawn tihchuan “ Aw...awle " tibah nawk nawkin ka pe a ,bike khalh pawh a inhmeh lehpek e,a phone phawrh zawkin tu emaw a call a “ Aw Michele ,Nick nen khan ka car hi min lo hawnsak mai ta che u ,nangni inrawn kal rem Chang sia " a ti nghal zung zung a .








A biak zawh chuan “ Tute nge " ka tivat a ,“ Ka thiante mahse keiai kum hnih ve ve in an upa " a tihchuan ka bu nghat nghat a ,bikeah chuan ka lawn ve vat ,ka mal chu a thlek vung vung a “ Khatiang ha leh tawh suh" tihbawk a rawn sawi ,nge a ngaihpawimawh viau ni ,keiaia chhing tak tak ha pawh an kal teuh a “ Ninawm ka hria ,enge ka kap a lang pawh a nilo " ka tihchuan a meng rum teh e .









Chak zet hian a tlanchhuak a ,ka au nghal tuarh nghet zetin ka kuah nghal rawk rawk a ,a taksa che dawtah chuan a nui tih ka hre thei ,a dul thep leh sek tangah chuan ka sik vaka ,engtin mah a awm duh miah lo leh nghal ,kawtah chuan min din pui a ,ka chhuk nghal hmawk hmawk,ka thin a tirim kal mai ka tum chu ka kutah manin min pawt let dawt a .








“ Min mangtha Dawn lo em ni ,ka naute hi a titau amaw " tiin a nui hawk hawk a ,ka tawng duh mai lo “ Ell " a rawn tihpawh chuan ka la ngawi tlat “ Tihpalh ,ka naute hi a titau bur bur thin tih ka lo hre lo a" tiin ka chalah a fawp zauh a ,“ I tawngthei si ka hmuh tirh che a I mizia leh tuna i mizia hi chu lei leh van ang vel ani " ka ti hmak a .








A nui vur vur duh chauh lehnghal “ Verapan" ka tichu a nui tawp chut a ,ka hmuiah a rawn fawp vak a “Indian ka ang ami baby " nui chung a a rawn tihchuan ka nernawng a ,India film a en ve thin a ni ngei ang ,ka nui pat pat a “ I hmul I zuah bawk sia in inang alawm le " ka tihchuan a tum hmuk “ Lo kal teh " tiin ka dar tawn tawnah a man a “ Ka an chuan tinge min duh verapan te chu a hmelchhe ropui sia " a tihchuan ngei lutukin ka en a .










“ Inla hmeltha pa " ka tihchuan a nui huk huk a “ Ka hmelthat em a vangin lawm hmeichhe ho in min bawr hut hut thin " a rawn tihchuan ka thinrim lutuk chu ka ke per dawt a “ Atha bawr hut hut tu che chu va pan nghal rawh shin gi te " ti that in ka inhersan hmak ,hming phuah pawh chu ka va hnehsawh thin tak em “ Ellie " a rawn tihpawh chuan ngaithla duh lo in inchhung lam ka pan lui ngat ngat a .








Kan ni ve dek dek a ,kan intithinrim nghal chu a nia ,ka kutah a rawn man a ,ngawi rengin inchhunglamah min luhpui,a tawng miah lo bawk ,a hma ang bawkin hma lam enin a ngawi ngur a ,hetiang a awm hi chuan ka nello a ,a hlauhawm bik ngawih ngawih zel “ Nat" ka tihchuan a lu a chet buk duh chauh a ,min la en chuang lo “ I thinrim a mi " ka tihpawhin a ngawi ngul reng a .







Lift chhunga chuan phei chuan a boruak a uap churh te hian ka hria ,ka kut lah chu a hum nghet bawk si ,biak huphurh awm ngawih ngawihin tunah tak hi chuan a awm ,ka room kawngka zawnah chuan kan ding dat a “ Chahbi" a rawn tihhmuk chuan inthlahrung dak hian ka pe a ,a hawn rualin min kai lut leh hmawk hmawk .









“ Nat" ka tihleh chuan a thaw hawk a “ Tinge min biak duh miah loh a ,enge ka tihsual khatia I awm dawn a nihchuan in ngaizawng leh lo mai ang ,I nelawm loh si khatiang hmel pu reng chung kha chuan bul ka tan pui thei lo ang che " tiin ka room lamah ka phei hmawk hmawk a ,ka thawmhnaw in bel chu ka hlip nghal pawk a ,ka kawr leh kekawr hak tur ka zawn lai chuan ka hnung lam a tang ka dulah a kut a rawn dah a ,ka phu nghal zuk bawk








Ka biangah a rawn fawp a ,a khabe hmul chuan a nawr kual na na bawk ,a za phian leh nghal “ Ka tihpalh ,bawihi ka tihpalh " tiin ka nghawngah a hmai a phum a ,a kun ngul bawk nen ,ka thaw hi a sa hut hut in ka hria ,ka dar vel chu a khawih kual dan dama ,ka mur er er “Khawimaw awm tha teh ,ka inthlak Dawn mut ka duh nangpawh haw tawh rawh ,a tlai tawh " ka ti nghal zat zat a .









A rum nghut a chetsawn pawh a tum chuang lo ,ka mutkawr chu ka inthawlh a ,ka phone a rik chuan ka en vat a ,Lindai teho an ni tih ka hmuh chuan ka mengkawk a ,Nathan a awm ve bawk si ,lakloh mai ka tuma,mahse Nathan chuan an hming hrethiam lo a ni bawk nen “Tunge mipa em ni " tihpahin a la kang a “Hey la miah suh" ka tihchuan a lo la hman vek tawh “Hey Than" Kimi rawn tawng tur chu a tawp chawt a .







Nathan lah chuan chiang em em hian an pali chuan a la en ngur zui a “ Engah nge in lo phone a ,khawi maw lo la teh " tiin ka pawt thla a “ Tunge " an rawn tinghal chul a ,hrilh leh ngei an ngai dawn a nih hi ,chutilo chu hrilh hma loh min zawt leh mai ang “ Kha a hma a tu emaw chanchin ka hrilh cheu kha ,kan professor kha a nih hi " ka tihchuan an rak tung a “ Awi a vahan hmeltha tak a pa bawk si ,khawi maw lo tilang leh teh " Ririni chuan a rawn ti a .







Nathan lah kan tawng hrethiam ve hek lo ,a lo ngawi reng tawp a ,a lam hnaih pah chuan ka thiante an nih thu ka hrilh a ,a ni pawh a khi nghal suk ,ka thiante lah chuan an en tak ang ngawih ngawih a ,an bulah awm chiah se chuan an zar buai hneh leh hle ta ve ang “ Hi " an rawn ti ngei a ,Nathan pawhin ka thiante an ni tih a hriat vang nge tha takin a be let a ,ka thiante pawh an nui har har reng hlawm leh nghal a .








“ Awi kha lama rawn kal ve vat a ngai a ni,I nei chhelo bik emai " an tihchuan ka lo nui hak hak a “ Enge insawi " tihpahin ka biang vel chu a rawn nul a Lindai leh Kimkimi chu an rak nghal tuar a ,an kut an beng vak vak bawk “ Hey min awhfik lutuk suh u ,kan awm ve reng hi kan thik ve tho ania " an rawn tihchuan Nathan pawh a nui ve suka,ka thiante hi tumah English harsat an awm lo a ,a hman tak tak ralah phei chuan keiai an hnehsawh vek .







Nathan pawh chu an be bawrh bawrh a ,ani pawhin min kuahrun chungin an zawhna chu a chhang ve zel a ,ka thiante nuam ti lutuk chu ka thik lek lek ani ,rei fe kan inbiak hnu ah an dah hrama ,keiai Nathan an mangtha nasa zawk ,ka tum bur mai “ Baby " a rawn tihchuan “ Ummm" tiin ka ham bai bai a ,ka samah a rawn zut hliau hliau te chuan ka mut a tichhuak zual .









Ka thle bak a ,ka meng thei tawh thlawt lo “ Mut awlsam nu " tisup ri chu ka hria a ,ka taksa kang nawlh nen a bak ka hre tawh lo ,ka mut a chhuak em ani ,zingah ka zi al al a,ka pumah kut lum thur thurin min kuah tih ka hriat rual chuan ka inher vat a ,mitmeng sexy zeta min lo en tu a vang chuan ka biang a sa hat hat a ,ka sen tan tanin ka ring ani “ Morning wifey "a rawn tihchuan ka inlukhuh daih ka zak e a .








“ Ril suh" ka tihchuan a nui huk huk a ,puan chhanah chuan min rawn delh tawk a ,ka rak nghal chul ,ka zakah chuan a rawn dek a ,ka nui nghal uarh uarh bawk “ Nat ka tlawm ka tlawm khawimaw ka pum ana nia duhtawk rawh " ka tichula ,min thlah rualin ka puan sin chu ka hlim a ,ka thaw nghal kawk kawk chu min lo nuih suk suk a ,ka thlan huh vekin ka hria “ Ka duatnu ,ahma kha chuan ka duat theihlohin i awm a tunah chuan ka duat viau ang che " a rawn tihchuan ka lei ka chhuah hram pek a ..










Min rawn delh bet leh nghal a ,ka nghawng velah chuan a hmui chuan a rawn nul kual a ,a za lutuk chu ka nui leh nghal char char “ Ka chau ,ka chau Nat ka tlawm"ka tihpawh chuan a la tawp duh mai lo leh nghal ,ka thidang der tehreng a nihkha ,engtin tak awm ang maw “ Ellie I tha em ,Ellie meng teh " tihpahin ka lu chu a la kang a ,a phone a phawrh tih ka hriat rual chuan “ Bakhauh" tiin ka kut chu ka phara .







Ka nui nghal vur vur chu min kuah nghal thlawp a “ Mimawlnu khang Khan min fiam tawh suh I hria em ,ka chan Dawn che maw ka ti hman a lawm " a rawn tihchuan fiamthuna chi a nitawh lo tih ka hria ,a aw pawh a khur hial ,a hnungah chuan ka beng thek thek a “ Tihpalh mahse I tawp duh silo a ,tihdan tur dang ka hre lo a lawm" ka tisap a ,nghet zetin min pawm leh sauh a .








“ E taka hla ngai thla ang aw kan mizo hla a ka duh deuh mai ania " ka tihchuan a bu nghut a ,ka phone ka phawrh nghal vat a SMILEY - VAWIHNIH CHAUH" tih chu ka play nghal a ,ka mit ka chhing vang vang a ,a music rawn rik tan nen zawng zawng hian ka lung an kuai em em vek ,a hla pumpui hi ka duh em em vek a ,ahla hi a ril ka ti takzet bawk ,hmangaihna awmzia a tichiang ka timai.







Nathana pawh chuan a rawn hnaih a “ A music chu a va dangdai ve analh bawk si" a tihchuan “ Ahla thu awm zia ka leh sak ang che aw " ka tihchuan a bu leh nghut a ,a bul a tang chuan ka sawi char char a ,ngawi rengin a ngaithla a ,a changin min en leh vung vung thin “ A hla chuan thu tam tak a keng ngei e ,in ram chu ramnuam tak a ni ngei ang ,a micheng a te pawh in ril emai " a rawn tihchuan ka nui hak a .







Mizote hi chu hmanlai a tanga mi ril kha kan ni ve a ,pi leh pu te hla phei hi chu hriatthiam a har rualin han luhthuk hian a ril em em tih kan hre theuh ang ,hla thu reng reng hi a awmzia chhui a feel paha ngaihthlak te hi a nuam bik “ Dingdi sensiar ,rose par mawitin ka hlan theih nan che ,vawihnih chauh ,ka kiangah awm turin ,ka ngen che aw.....vawihnih chuah tunah leh kumkhua in ,vawihnih chauh" tihlai chu ka sak pui a .







Nathan chuan min kuah hlu hlu bawk ,he hla hi chuan ka lung a tileng riau zel ,hmangaihna hi a mit a del laklawh tawh hi chuan engmah min pawisak tir tawh ngai lo miau a ,midangin hmeltha an tihloh pawh kha hmangaihtu mitah chuan lunghlu tluk zet a ni ve a ,chuvang in mi bialnu/bialpa te hi sawisel mai lo ila an ni in an thatna an hmu a ,an ngaizawng ve animai a ,kan bialpa /bialnu rawn sawisel ve se kan duh hauh lo ang .







Kan nuihzat em em te pawh hian min nuihzat ve em em thei a ,an ngaihzawng te hmelchhia kan tihsak thinte hian kan ngaihzawng te hi hmeltha an ti vek bik lo ang ,chuvang chuan mahni duhzawng theuh thlang na na hi chu in sawisel sak lo ila ,keini'n kan va ngaizawng dawn lo a ,an duh a an thlan ani a ,mi ngaihzawnga buai hi tum loh hram ka duh.







“ Ka inbual dawn aw " tihpahin ka tho a ,min dang lem lo ,ka lut nghal vat a ,tui vawt chuan ka inbual nghal sar sar a ,tuilum hi ka uar ve vak lo ,tuivawta inbual hi ka duh tlangpui bawk ,ka chhuah leh chuan pawnlam hawiin coffee alo in a ,thawmhnaw a ha lo a ,a taksa nalh thlup chu ka en veng veng ,a rawn inher chuan ka lo en reng vang nge a mitko a San uk a ,keipawh insiam tha vatin ka thawmhnaw dahna ka pan a.







“ Lo hawisawn lawk teh " ka tihchuan a duh mai lo leh nghal ,ka vin hlak takah chuan nui chungin a inher leh mai a,ka thawmhnaw chu ka ha nghal mawlh mawlh "mahal ko "a rawn tihchuan hre thiam lo zetin ka en a “ Eng i sawina nge ni leh pek a " ka tihchuan a lu thingin min pan hnai a ,ka taksa chu enkualin ka chhipah chuan a rawn fawp leh vung vung a .










Ka kuah let ve vat “ Ih ka vin nasa thei che sia min ning thin em" ka tihchuan a lu a thing nghut a ,ka hmuiah a rawn fawp leh vang vang a ,ka lo chhang let ve ngam ta ,ka thiam ang tawk chuan ka chhang let ve a ,ka thiam a ti vaklo ang ,a chhan chu bialpa ka nei ngai lo a ,ka neih hmasak ber lah amah .







Mi pa a la ni zui,mi tamtak chuan min dem ngei ang ,mahse ka duhna hi ka thup reng thei bik silo ,inhmangaiha innei an nilo tihchu ka inhnemna a ni pakhat ,kan inthlah meuh chuan ka hmui chu a chhah tapin ka hria ,ka hmui hnuailam chu a tuai hauh hauh a “ Nat I nupui hi " ka tihchuan a kut chu a chawlh tir a ,chiang zetin min en a.








“ Kan inkawp hi a hriat chuan a ngawi mai mai hauh lo ang " ka tileh sap a ,a awmah min kuah bet nghal hlun “ Engkim ka kutah dah rawh ka chingfel vek ang ,I rilru tihah suh ,i tan ka ding zel ang " a tihchuan ka ring thlap ,rawng kan bawl tlang a ,kan hlim viau ,ka rinai rawngbawl a zei daih leh nghal.








Mipa tam tak hi chu rawngbawl tum miah lo a ,hmeichhe ring hi an awm thin,kan mizo mipa tam zawk pawh hi an ni ,mahse mi ramah hi chuan mipa pawh hian rawngbawl te hi an thiam deuh vek a ,mahni in enkawl theih hi an tum ber ani bawk ,mahni chhungte thlazarna hnuaia awm a vaupung tina ve em em an awm meuh lo.






Mizote ah chuan nu leh pa thawh chhuah a ,inla milian ve em em ,nu leh pa chawmhlawm ni chunga retheite hmusit ve em em kan awm teuh a ,mahse mi ramah erawh chhungte tibuai lo thei ang bera mahni inenkawl tum ran,chhungte tihbuai hlau a nu leh pa thlazar hnuaiah pawh awm lo a ,mahni a inluah hrang hi an kat nuk mai.






Hnathawh an hrehlo a ,an hmuh tawh phawt chu sum an hmuhna a nihphawt chuah zah an nei lo a ,an thawk pawp pawp thin,heta ka awm hnu pawh hian ka hmu ngun ve viau ,ka ngaisang zual sauh bawk ,chaw chu kan ei mawlh mawlh a ,ka kamsir a kai a rawn hru fai leh zauh thin .






Kan eikham rualin kan inzui chhuak a ,tumahin min hmu lo hlauh,min hmu pawh nise pawi ka tilem lo ,bike keng lo in taxi kan la a ,a ina kal a a car nena kal a ti tlat a ,hnial luih theih pawh a nilo ,amahin in a neihrang tih ka hriat belh a ,a hausa a ,chubakah Sydney a college tha bera thawk pha a ni nen a hlawh pawh a tam viau ang .








Ka ngaihtuah chian hian ka phu lo ngawih ngawih hian ka hria ,inchhungah kan inzui lut a ,mipa pahnih lo awm a vang chuan ka ding chawt “ Eh bro khateh tunge " pakhat zawk chuan a rawn ti a ,lawk in he mite hi ka hria , Michele morrone leh Nick bateman , aw Lalpa leh! ka film star duhber ber te leh story boy a kan duh deuh te a takah ka hmu chu mak ka ti.







Kimi leh Ririni hmuhah ka van chak tak ,an duh pa te ve ve leh nghal ,Nick leh Nathan hi an hmel a inang deuh bawk,Michele erawh a lu a tung deuh a ,a hrang bik nalh “ Ka bialnu a nih hi " pakhat chuan a lo tiliam puat a “ Hi keini hi Nathan thiante kan nia ,a u te kan nih kawp bawk a " Nick chuan a rawn ti a ,an hming sawi an tum chu “ Ka hria a lawm" ka lo tihchuan mak an tih hmel viau.








Ka sawifiah hnu chuan an nui hak a “ Thla ka laksak thei cheu ngem keimah nen " ka tihchuan an rem tive mai bawk “ Ka tello in in la dawn hauh lo " Nathan chuan tiin ka kawngah a chelh a,hahthlak dawn ve thikthu a pe chhe leh ngawt e ,ka phone chu phawrhin kan selfie a ,a nuam takzet ,milar vek bulah ka awm ania .






Ka bialpa lah hi a lar bawk ,ka nui vur vur tawh ,kan thianhi groupah ka post chu minute khat tlin hma in an rawn lang a,Kimi leh Ririni phei chu an tawng nasa ngang mai “ I bulah an awm a maw ,awi ka lo kal vat Dawn chiang lutuk " Ririni nen chuan an ti a ,an duhpa te thla ka lakpui chu an awt em em bawk a .







Ka nuih a,thil awmzia ka sawi chuan“ vannei nu an single em lo zawt teh kan lo chhuh huna kan bem turin an single tur ani" Kimi chuan a rawn tinghal tawng a,ka nuih hak hak,Nathan chu ainthlak a ,Nick leh michele nen chuan kan pathumin kan lo inkawma,a hmuna han kawm tak tak chuan kawm an nuamin fiamthu an duh bawk nen kan nui leh dar dar zel.








Nathan rawn chhuak chuan ka kutah kaiin a thiante chu a melh khui a ,min kaichhuak nghal nal nal ,hepa hi chu aw a thikthu a chhe hle Dawn a nih hi ,a carah chuan min thutluh tira “ Mipa dang hnaih tawh suh ang che" a rawn tihhmuk chuan ka nernawng “ Engah maw ka ngaizawng Dawn pawh nihleilo I thikthu a chhe si I thiante pahnih tal kha chu thiklo teh" ka tihchuan a meng rum leh teh e .







A mitmeng sakei mitmu ang mai a min melh tawh hi chuan ahlauhawm riau zel “ Ka sawi chu ka ta ini tawh mipa dang I hnaih rual chuan I mipa hnaih a piangin an tuar ang " a rawn ti leh hmuka “ Nathan lutolf " ka tithat ,ka ning lutuk “ Mipa tam tak an awm a ,hnaih loh theihloh hun ka nei ve bawk ang ,nangpawhin hmeichhia I hnaih reng tho dawn a ,mihring vek kan nih hi ,ka ngaihzawng an ni vek lo" ka ti fak a .







Ka kut chu nghet zetin a rawn hum a ,a tawng tawh lo chu a lawmawm phian zawk ,inhnial reng hi ka ning ve deuh thin,college kan thleng a ,ka chhuk nghal vat ,students ho chuan min en duh hle ,Nathan lah chuan angaipawimawh lo mai sia ,college lam pan chuan kan kal dat dat a ,Ava te ho chuan min lo pan vat .








Nathan chu mangtha in ka pan a ,a chhanchu langa inzui chiam ka duh lo “ In nita a mi " Ava chuan a rawn ti a ,ka bu nghat ,chutah an au tuar a “ Awi a nuam e a bialnu nih chak an tam a sin" an rawn tihchuan ka lo nuih mai a ,class lam panin kan inzui nghal hlak hlak hlawm a .







Class ban veleh min lam leh nghal zat a ,ka nun hi a hlim veng vengin ka hria ,car kan luh rualin ka kut a hum vung vung a “ Ka ngai che " a rawn tihchuan ka nui hak a ,anipawh khisukin car chu startin a tlan chhuak a ,mahse in lam kan pan loh a vang chuan ka en nghal vat “ Nat enge kan tih dawn " ka tihchuan min lenkual pui a duh thu a sawi a ,ka au nghal hliai .







A vahan nuam dawn tak ,hmun nuam zet zetah min kal pui a ,tlailam.a nihchuan inah haw zawkin kan thawmhnaw kan la a ,tuipui kamah min hruaiin in pakhat lian lutuk lo mahse nawm hmel zetah hian min hruai a “ Ita a mi " ka tihchuan a bu nghat a .

“ Ka nu leh pa min hnutchhiah zingah chuan helai hmun hi ka tan a hlu ber a ,hriat reng tlak thil tam tak a inphum ru bawk " a rawn tihchuan Avai thil sawi kha ka ngaihtuahna ah a lo lang a ,a nu leh apa an thi a tihkha ,ka hnaih vat ,ka kuah a “ Nat pawi ka tihpui lutuk che " tiin ka beng det det a ,hnem vak ngaihna ka hre lo .







A hringtunu leh pa ngei pawh a hmu hmanlo a ni awm si a “ Ka tha a lawm ,tunah chuan nang ka nei tawh che a nang nena hringnun bul tan ka duh a ni " a tihchuan ka nui sen sena ,tuipui kam lamah chuan min hruaiin kan pahnih chuan tui chu kan cheng tlang a ,a nuam takzet ,a taksa hlata ka awm a phallo a ,tuichhungah pawh min kuah bet chetin a awm reng a .







Ka nuih leh tawp thin,thikthu chhe lutuk ani ang tih ka ring ngailo ,mahse a thikthu chhe rapthlak ,tuiah chuan rei fe kan awm a ,kan taksa in nawk vel chuan min tisa hat hat ,engmah vak kan inbel bawk silo ,ka hmui vawt thler chu a hmui lum vung vung chuan a rawn tawk a ,ka tukkhumah a dawm bet tlat bawk .








A kawngah ka ke ka kherh bet a ,tui rawn fawn leh thin chuan min theh huh that zel ,mahse he mipa hi ka ringa ,min thlah dawn lo tih ka chiang ,weekend a nih avangin chawlh chhung chu helai hmunah kan awm ka ring nghet bur bawk ,tlai ni tla tur in a ,tuipui chu a chhun sen put a ,Nathana nen chuan kan thlir dun a .







Ka tawng char char chu a lo ngaithla ve reng tho ,ka kutah a vuan tlat a ,tui pawn lam chu panin a kam velah chuan kan infiama,ka damloh a hlauh a vangin inte lam kan pan a , a phone lo ri chu a ban nghal vut a ,a ngaihthlak vung vung hnu ah “ Ka rawn haw dawn lo ,nu Stella te chu lo hrilh rawh chawlh ka hmang dawn " a ti hluk a ,ka lo en ve kar a.








A mi biak chu Kaya a nih ka ring ve ringawt a ,ka ringsual lo ang tih pawh ka Chiang a ni ,a dah rual chuan min pan vat a ,a kut ka lo humsak nghal vat ,coffee siamin kan in a ,ka sam vel chu a hru ro phah bawk “ Nathan i nu leh pa dik tak hi hmuh i chak em" ka tihchuan a thil tih lai a tawp deuh chawt a .








“ Chutiang min zawt suh" nelawm loh zet hian a rawn ti a,ka kimki nghal dak ,ka tawng leh tawh lo hrim hrim ,ka lu a hrukhul zawh chuan “ Ka inthlak a nga ka mu dawn aw ka chau riau " tiin room lam ka pan hmawk hmawk a “ Ell ding teh " a tihpawh chu ka ngaithla duh lo,chhunglam a tangin kawngka chu ka kalh nghal daih a.








Min auh char charna chu chhang duh lo in ka inthlak a,ka bengah ear phone vuahin ka mu a ,ka mit ka chhing hmak ,tinge kha thil vang mai a min vin chiam ni ,min hrilh duh lo a nih pawhin sawi that ve mai awm ania ,sual lutuk mai ka ngaihtuah ve em em a.,thinrim nghal ziah mai ,kawngka a rawn rik rak pawh chuan ka inhawng duhlo ka inkhuh lui ngar a “ Baby " a rawn tihpawh chuan che miahlo in ka awm ngar .









A thaw hawk a a rawn thu thla tih hriat lutukin khum chu a hniam sut a ,ka la ngawi reng ,puan a rawn keu rual chuan ka tlawh nghal chawrh “ Ka bulah mu suh kalsawn rawh ka hmu peih lo che " ka titiau a ,ka thinrim lutuk hi chuan ka mittui hi a tla ngei ngei ,a rawn mu lui tho a min pawm bet a ,ka la tal ngat ngat tho “Ka thusawi ngaithla rawh " a rawn tih hrawk takah chuan ka ngawi ngal a .









“ Ka nu leh pa chungchang i hriat duh chuan ka hrilh em em ang che,ka pa kha helai hmunah hian kah hliam a ni" a rawn tichhuak hrawk a ,min kuah nghet hle bawk ,ka lo mengkawk thung “ Ka nu nen helai hmunah ngei hian chawlh an hmang a ,kei ka piang tep tawh bawk ,ka nu him nan ka pa chuan pate Valtof kha a hruai chhuah tir a ,chuan tuna ka pa nen hian an beilet ta a ,mahse ka pa inring lo lai kha a lung bul chetah kah a ni a .









Ka nu khan a tuar nasa a sin ,ka pa a thi ta a ka nu pawh a ni telin a tla hniam zel a ,mahse keimah khawvel eng min hmuhtir ngei a duh a vangin a inti paukhauh a ,mahse ani pawhin min neih rualin ka hmelpawh hmu hman lo in ka pa bulah keimah chiah helai hmuna min hnuatchhiahin min kalsan a sin " a rawn tih chuan ,ka mittui a tla mai dawn ,ka nghawng lum pap ka hriat rualin ka inher a .








“ Nat" ka tihchuan min kuah nghet sauh a ,ka nghawngah a hmai a phum tlat bawk ,a hrehawm tihdan tur ka hriatthiam pui vek bawk ,Nathana tap ka hmu tunah ngei hian ,a biang tawn tawnah ka dawm a ,ka hmel a rawn en ta chiah ,a mitchu a sen ram a “ Ka nu leh pa kha hmuh ve ka chak asin baby ,an kut ngeiin min chawi lian se,an thlazar hnuaiah ngei an fapa hi thang lian ve ila ka chak ,midang enkawlna hnuai a tanga seilian ni lo hian .









Baby keimah ah hian thil tamtak inphum ru a awm mahse ,chu chu tunah ka hrilh thei vek lo che " a rawn tihchuan ka kuah thlawp a ,he mipa hian engpawh tise ka hmangaihna hi a kiam phah lo ang ,Hmangaih? ni e keihian Nathan hi ka hmangaih lutuk “ Tihpalh aw I tana tawrh har lutuk tur ka zawh vang che in " mittui tling piau in ka ti a ,ka chalah a rawn fawp zauh ,a chanchin ka hriat hian ka tah a chhuak ,kei nu leh pa la nei mah hi ka pangchang em em a .








Ani erawh a pian rual a tanga nu leh pa dik tak nilo in an enkawl ani awm sia ,ka hmuiah a rawn fawp a ,ka mittui chu a kut chuan a chul zauh a “ Ka nu leh pa phuba kha la lo thei lo in min siam a ,tun thleng hian an thlarau chuan min au hian ka hre thin,Ell ka pa that tu te hi thlamuang taka an awm ka rem tilo " a rawn tihchuan ka kuah nghet sauh .









“ Tinge police hnenah I pek mai loh " ka tihchuan a ngawi vang vang a “ Ka theilo jaila an tan tawp kha ka duh lo ,ka fahrah nachhan te awlsam taka an chhuah leh mai hi ka duh hek lo " a rawn tihchuan ka ngawi vang vang ,a thusawiah hian tual a that tih a sawina ,mahse ka hlau chuang lo ,a tualthah chhan ka hriat hi chuan awm ka tih pui tho a ,mahse tualthah kher hi chu tha ka tilo ,engmah sawi tawh lo chuan a hnungah ka beng thek thek a .







Ka dai bawr vel a rawn zut chuan a kut ka beng nghal hlak a ,a rawn nui thum dawt mai “ Ka duat vang ringawt che in nghal hlek suh ang che ,chutilo chu ka haih jish leh mai ang che" ka tihchuan a hma ai a nui nasa “ Duhawm em em nu ,tawngkam maksak thiam bawk si bialnu ka nei a nimaw " a tihchuan ka hmui ka tihpawrh khum a ,a rawn fawp nghal zauh,a mu tha a a awmah ka bei nghal zat ,a vawt ve deuh reuh nen ,a taksa lum ngheng hi nuam ka ti .









Ka mit ka chhing a ,a fala kan awm Chang pawha min khawihluih a tum ngai lo te hian amahah rinna min ngah tir a ,ka duh zual sauh bawk ,mipa tam tak nise tunah te hian min thlemin min khawih luih an tum hial maithei ,mahse Nathan erawhin engmah a sawi ngai lo a ,a taksa awm danah hiana chak thin tih chu ka hria ,mahse insumin engmah a tilang ngai lo a ,chu ai chuan a kut leh a hmui hian a lan tir mai thin.








A baka thui min la kal pui hauh lo ,min tilui tlat se chuan ka tang zo hauh lo ang ,ka hmangaih miau a ,a awm a lungphu ri dawt dawt ngaithla chung chuan ka chhing siar siar a ,ka chalah a rawn fawh chuan ka nui seih a ,“ Baby tho tawh la " ti a ka biang vel rawn nul tu chu ka namve tang tang “ Ka la nu duh ka mit a inchar rih" tiin puan chu ka sin tha sauh sauh a ,a nui hawk chu ka hre reng










“ Mut duh nu tho teh ,Baby vat vat " atihpawh chuan ka meng thei chuang lo nge ala chhuak miau a lawm ,min tung tho chungpawhin ka la chhing ngar tho ,ka ham pah bawk ,akalsawn tih ka hriat rual chuan ka mu tha leh nghal,zing thawh hi chu ka muttui tawh vek vek hi chuan ka harsat lutuk tlat ,chubakah chawlh tih ka hre ve kur bawk sia “ Ka naute chu a tho peih thlawt lo a nimaw " a tihchu ka hre reng ,ka chhang lo ka muhil leh nghal daih .










Ka harh chian hnu chuan in chu a lo reh duk a ,ka tho chhuak nghal vat “ Nat " tiin ka au a ,min chhang bawk silo ,ka hlauthawng nghal ,ka tho chhuak sawk sawk a ,pawnlamah ka chhuak a ka hawikual nghal ruai chutah Nathan exer lo la mek ka hmuh chuan ka thaw huai a,ka pan nghal vat min hnungchhawn a ,a kut lo vai mek chu a kawngah ka kut rawlh lutin ka kuah nghal thlawp a .









“ Ilo tho tawh a law " a tihchuan a hnung lam a tang chuan ka um a ,“I lo bo daih a ,min tihlauthawng hman a lawm " ka tihchuan a taksa che dawtin a nui a ,ka lam hawiin a rawn inher nghal zat ,ka hmaiah a rawn dawm lum vung vung a “ Ka hlat ngai lo ang che ,kalsan che phei chu ka tum reng reng lo ,i ril a tam tawh em " tiin ka hmuiah a fawp zauh a,ka bu nghat nghat ,inchhung lam panin min luhpui a.








Choka a rawngbawl sa lo awm thlap chu ka en reng ,an tui hmel em em leh nghal “ I siam ami " tiin Nathan chu ka en a ,a lo bu nghut a ,min thuttir nghal zat bawk,“ I tan vek a nihkha ,ei vat la a dai hman a nge "a rawn tihchuan fian chu la in ka ei nghal vat a ,a tui hlawm lutuk ,ngawi rengin ka thil ei chu a en a,pek ve ka tum chuan a duhthak lo leh nghal.









Keimah chuan ka ei char char ,eitura an siam tawh hi chu ei zawhloha paih ang vel hi ka duh ve lo ,eitur hmulo a vakvai tam tak an awm laia ,chaw lo paih mai mai ang te hi ka duh lo ,rim taka thawk chung pawha kham khawp pawh neilo an kat nuk laia ,nei ber awm ang ziazanga chaw lo paih hi chu ka thei lo bur ,ka ei zo vek ka hawi chhuak chu Nat an mak tih hmel deuha min lo en chuan ka mit ka kan awk a.










Chutah a rawn nui huk a “ Ei thei em em bialnu ka nei dawn a nimaw ,mahse ka duhzawk insum lo a eipang pang thei,tha ngah bawk " a rawn tihchuan “ I tawngthei emaia" ka lo tihlak a ,a nui hawk hawk reng mai ,a ni engmah a eiloh laia keiin tam lutuk ka ei tih ka ngaihtuah chuan ka nuih a za ve tho ,a hmeichhia zawkin ei ka thei em em chu a nia,a nuihzatthlak ve viau ang.









Nilengin kan pahnihin kan awm dun a,a hlimawm takzet ,a chhungten an rawn phone chuan a kalsawn zawk a ,a rawn let leh lam chu a hmel a chang ul a,a banah ka lo vuan vat a “ Engkim a tha tiraw" ka lo tihchuan thaw chhuak hawkin min kuah nghal hlu hlu a ,engmah a sawi chuang lo ,ka awm a nuam lo ve ringawt.




I FAMKIM ZIA KA HMUH HIAN KA HMANGAIH CHE A,I FAMKIM LOH ZIA KA HMUH HIAN KA HMANGAIH LEH ZUAL CHE .

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 3rd, 2021, 1:44 pm

KA TA INI PROFESSOR




CHAPTER 6




A thaw leh hawk thin chu ka en a ,ka ngaih a tha thei lo ,a biangah ka dawn a “ Tinge enge an sawi kan inkawp an phal lo a mi " ka tihchuan a lu a thing mai a ,ala tawng chuang lo ,“ Min hrilh ve mai la ,enge I zep tlat a ,I awmdan ka hmu vek I rilru a hah tihpawh " ka tihchuan ka chhipah a fawp vung vung a .









“ Ka tha a lawm,Kaya damdawiinah a awm an tia " a rawn tihchuan ka tho kang deuh zawk a “ I kal dawn em " ka tihchuan a hriatloh thu in min chhang ,a nupui a ni a kalngei turin an duh dawn tih ka hre bawk ,“I kal ngei a ngai a nih chu i nupui a ni a ,a mamawh ang che " hrehawm tizet hian ka tichhuak halh a ,ka inthiamlo ngawih ngawih ,mi nupa inkarah ka inrawlh ta chu a nia .







A tho vut a “ I ngaihtuah awm loh ang maw " a tihchuan ka bu nghat a “ Ka lo let leh vat ang ,lo awm reng rawh aw " a tihchuan ka chhang thei lo ,ka hmaiah a rawn khawih a “ Min en teh ,ka lo kir leh vat ang " a tihchuan “ Ka hria lawm " ka tisap a ,mahse ka tah hi a chhuak tun thung ,helai hmun reh lutuk a keimaha awm chu ka duh lo hulhual,mahse engmah ka sawi chuang lo .








Ka hmuiah duhthawh zeta fawpin a kawr chung a la a ,a chhuak nghal pawk pawk a ,ka en liam tawp ,ka dingchhuak a ,ka phone phawrhin Max ka call a ,min hruaithei angem ka tihchuan ka awmna min zawt nghal vat a ,ka hrilh rualin a lokal tur thu a sawi a ,keipawh ka insiam nghal zung zung ,darkar chanve hnu ah a rawn thleng a .









A car kawngkhar chu ka chhuah rual chuan a lo hawng vat “ Khawnge sir Nathan chu " a tihchuan damdawiin lama a kal thu zawng ka hrilh a ,ka lut nghal daih ,sawilo mahse Nathan khan Kaya a ngaihtuah zia ka hria ,kum eng emaw tichhung a lo chenpui tawh chu a ngaihtuah hle reng ang chu ,keimah hi ka lo insum zo lo a ,min duhna kha ka lo pawm kha ka tisual a ni








Ka in kan thleng a ,Max chu leng turin ka sawm a ,ani pawhin a hnial bik lo a ,ka in chhungah chuan kan inzui lut a,coffee ka siam sak nghal mawlh mawlh a ,ka pek rualin ka thawmhnaw chu ka va dah fel a ,ka chhuah leh chuan pawnlam en in a lo ding vang a “ I lung a leng awm vawng vawng ve "ka tihchuan rawn inher in a nui hawk hawk a ,“Nangmah zawk tu emaw zun ngaiin i lungleng em em chu a nia ,mi pa hian zun an lo ngah bik nge " a tihchuan ka chum chawrha .










A nui leh mai mai zui ,a haw hma chu min tilui hi a ni ringawt ,a haw meuh chuan a reh dukin ka hria ,kawngka kalh tha in ka khum lam ka pan a ,ka muhil nghal daih ,zingah tho in ka ham bai bai a ,ha nawtin walk tur chuan ka insiama ,kawngka ka hawng chiah chu ka phu deuh zawk ,Nathan chu bang nghengin a lo thu a ,min hmuh rual chuan rawn tho chhuakin min kuah nghal thlawp a .









A thaw hawk hawk reng bawk si a hnungah chuan ka beng thek thek a “ I tha tiraw " ka tisap a ,a hlauhthawn hmel lutuk hian min ti hamhaih ,ka biangah a rawn khuap a “ I bo a maw ka tia,ka rawn let ah I awm silo a ,ka au I hre thei bawk silo ,phone I chhang thei lo a min timangang lutuk khang khan I awm tawh lo ang tih min tiam rawh baby ,ka hmuh phakloh leh ka biakphaklohah I awm tawh lo ang tih min tiam rawh " a ti mawlh mawlh a .










Engmah hrilh lo a ka haw kha ka inchhir rum rum ,hetiang hian a hlauthawng ang tih ka ring lo em ani ,“ Tihpalh ka lo muhil daih a " ka tihchuan ka hmuiah duhthawh zetin a rawn fawpa ,ka lo chhang ve vat ,hnial turin ka theilo a ,ka phal hek lo ,ka in kawngka chu hawngin min nawr lut rawk rawk a ,bangah chuan min nawr bet nghal tawk ,ka kawr chu hlimin ka hnute chu a hrawm tawn tawn a .










Min fawhna a thlah chuang lo ,a hlauhthawnna tihreh a tum nimaiin ka hria ,ka hmui fawhna la sawnin ka nghawng vel chu a fawp kual a ,a chhip samah ka lo tham vat, ka kawr chu a hlip chho pawk a ,ka awm khuhtu awm lo chu thlek vang vangin a nuisuk a ,ka lo melh tawk ringawt ,ka hnute hi a lian chiam lo a ,a tawk chiah ka tizawk keichuan ,a rawn hmuam rualin ka thaw nghal kawk a .








Duhthawh zetin a fawp buan buan a ,ka hmui ka lo petfan fan ringawt ,tunah tak hi chuan ka taksa pum hi Nathan lamah an tang vek emaw tihtur a ni ,ka kekawr kawng a vawn rualin a kut chu ka man nghal vat “ Nat a aia thui thleng lo ang ka duh lo " ka ti sap sap a ,a thaw nghal hrawk a ,ka nghawngah chuan a hmai a phum vang vang a ,a insum hmel chu ka khawngaih tak zet ,mahse ka rilru thlak danglam ka tum lo .










A thaw hawk hawk reng a ,a lu ah ka chul hliau hliau ringawt,a rawn nui nghawr dat a “ I danglamna pakhat ka hmuh belh leh ta baby " a rawn tisup a ,hrethiam lo zetin ka en ha a “ Hmeichhe tam tak chuan ka mutpui duhin min pan thin mahse nang erawh I insum thei hle ,ka duh che hi ka tisual lo e ,mahse insum reng a ngai tur erawh a harsa deuh dawn a nih hi " tihpahin a kiai suk a.









“ Keilo hmeichhe dang pan vaih teh I chak lo viau ang ,kan in sang palang animai " ka tihchuan a nui hawk hawk a,ka hnarah a rawn fawp nghal zauh “ Khawilam a tangin nge tawng mak pui pui leh dangdai zet hi I zir le bawihi " a rawn tihchuan ka lei ka chhuah zeuh ,hetiang te chu ka tette a tanga ka tihthan ania ,phuahchawp nawk nawk hian a dik vel vek “ Nui reng suh thre thaw che hian ,nge ka tawngkam bik tiin hre ve mai la " ka tihchuan a la nui reng tho .









“ Ok ka duattei i tawngkam bik hi ka theihnghilh ngai lo ang " tiin a awmah min kuah leh a ,ka bei nghal than ,ka thla hi a bulah hi chuan a muang hluah hluah zel “ Awi Nat ka walk tur ka theihnghilh a lawm" ka tichhuak hluai a ,a thiltih vang vekin ka zingkar tihthan ka theihnghilh “A pawilo heti hian kan pahnihin awm mai mai ang ,engvanga lo haw daih nge inih lo awm reng rawh ka tihkha " a rawn tihlai chuan a aw ah chuan a lawmloh zia alang.










“ Keimah chiahin ka awm peih hleinem ,chubakah Nat kan inkawp thei tak tak dawn hian ka hre lo a ,inthen mai hi a tha a ngem tih vel ka ngaihtuah a vang khan ka rilru kha a buai vek a " ka tihchuan ka chalah a rawn fawp tawk a ,a lungphu zawnah ka kut a hmehbel a ,a lungphu dup dup chu ka kut chuan a hre rang hle “ Ka hlat thei lo che ,min ring rawh engkim ka siam tha ang ka tihkha ,inthen lam ngaihtuah tawh suh I tello in ka awm thei lo Ell" a rawn tihsup chuan ka bu nghat nghat a ..












Keipawh hi a tello in ka awm thei dawn lo tih ka hre chiang a ,a hlata ka awm hlek chuan ka ngai ngawih ngawih a ,ka hmuh phakah awm reng se ka duh,tawng tlem hle mahse a bulah chuan ka hlimin ka thlamuang em em lawi a,khawvel mipa ah a hmeltha ber chu ka tithei lo a ,mahse ka mitah chuan a ni tluk an awm lo ,ka tan chuan khawvela mipa hmeltha ber a ni ,ka muhil leh tak ngial dawnin ka hria ,ka ham bai bai a ,a rawn nui che dawt mai .










“ Ka naute mutduh te " tisupin min pawm kang lawp a ,khum lam min panpui nghal zat ,hnial ka tum lo mut ka duh lutuk erawh hi chu a mak ani ,khumah min mutin a nipawh a rawn mu ve a “ Nat nizanah khan zankhua in pawnah I awm a mi " ka tihchuan ka chalah a rawn fawp leh zauh a ,ngaiah ka neih vek tawh min duatna a lan tir dan ah ka ngai nghet hmiah bawk “ Um i rawn hawng thei silo a ,ka mangang alawm khatiang Khan vawikhatmah awm tawh suh " thupe aw. zet hian a rawn ti a.









Ka lo aw ve mai ,hetiang hian min ngaihtuah ang tih ka ring pha lo hrim hrim “ Mu tawh rawh nangpawh I chau ang ,engah nge pawnah chuan I awm char char kher a ,mawl lutuk haw mai ta che " tihlak hlakin ,ka ke chuan a taksa ka khan nghal hmiah a ,a khi suk ringawt “ Awle ka naute mu ang le " a tihchuan tawng tawh lo in ka mit ka chhing a ,a nupuiin kan awmdan hi hria se chuan a sa hle ang le .










Ka harh leh chuan chhunlai a lo ni der tawh ,ka bula muhil thaw sak sak chu ka en a ,a muhil lai phei hi mipa mah nise ka hmu hmeltha zual hluah hluah,thawhlim ve a mipa hmeltha lutuk kan bula an lo mu thin hi chu mahni te a nuih ver ver hi awl deuh mai a sin ,tiharh duhlo in ka tho chhuak a ,choka lamah kalin a lo harh huna kan ei tur ka siam mawlh mawlh a ,ka che nghal vat vat ,artui chu ka kang a ,bawngsa vel chu ka siam leh sawk sawk bawk.










Ka siam zawh chuan kaitho tur in ka phei a ,zing chaw kan la eilo ve ve a ,a nipawh a ril a tam tawh viau ang ,alo la mu tui lutuk chu nuih var varin a chungah chuan ka bawkthla thlawp a ,a rawn mengkawk mai ,ka lo nuih nghal char char chu “ Nang tereuh" tihpahin min lehthalin kan inchhaih rak chul a “ Nat ka peih tawh lo ka ril a tam a nia aw " ka tihchuan a tawp chut a ,choka lamah min kaiphei nghal hmawk hmawk a ,eitur lo awmsa thlap a hmuh chuan min melh nghal vut.








“ Ka siamsa vek alawm ei ang ,mawh ka ril a tam " tiin ka inla naute kual vel chu nui hawk hawk hian ka biangah a rawn fawp zauh a ,thutthlengah chuan thu thla in kan ei nghal mawlh mawlh ,ka ril a tam tawh bawk nen ka eihnem leh viau tawh “ Leng chhuak ang aw " ka tihchuan a nui suk a ,a thlenga sa chu a chem ken chuan a zaithler pah bawk a ,heng hi chu an hnam chin than ani a ,an hnehsawh viau “ Tikhan zaithla kher lo khan ei ve mai la " ka ti nang nang a “ Engtin maw " a rawn tihchuan “ Ka ei ang hian eirawh " tihpahin ka kut chuan sa chu ka la a ,ka ei nghal hmiah a .









A nersawk chu ka hmu reng “ I ten em ni " ka tihchuan a lu a thing lawi a ,a ei ngai chuan a ei reng tho luhlul lutuk “ Ka kham " tihpahin ka tho sawk sawk a ,ka kut silin ka room lamah ka lut phei daih a ,ka insiam mawlh mawlh ringawt “ Ell " a tihchuan “ Um.." tihzawngin ka chhang a,ka la en chuang lo “ I lungawi lo ami " lehngawt thin hian a “ Aih" tiin ka kawr chu ka phelh a ,bathroom lamah ka lut nghal daih .








Kawrfual ka khup thleng tur hak nuam zet chu ka inthawlha,“Ell i lungawi lo a mi ,Baby " a rawn tihleh chuan “ Ka ning e ka lung hi I awi duh a mi ka nawrnawk mai ang che ka ning lungawilo ni ila ka insiam dawn a mi " ka ti tuar a ,a tum nghal hmuk ,a chhuak nghal hlawk hlawk chu ka hlauthawng leh si ka um zui a “ Nat khawnge i kaldawn " ka tihpawhin min chhang lo ,kawngka chu a khar thuai a ,a chhuak nghal nal nal ,ka umzui vat a ,lift a a chuang lut chu ka hmu hman hram .









Tinge keipawh hi ka thinchhe lutuk hi ka insum thin loh le ,inah chuan ka lut leh a ,ka mittui hnam ringawt chu ka hru tawk a ,ka phun nuah nuah bawk ,khumah ka bawk thlawp a ,ka au nghek ringawt ,Nathan chu a reh hmiaha zanlam ah pawh min rawn be hek lo ,tv ka en chu news a mi lang te a vang chuan ka inhum ruh nghek ,Nathan leh a nupui chu damdawiin tualah hian an rawn lang a .








Chuan Nathan a chuan a pawmkang bawk ,an nuisang a reporter ho lah chuan thu an zawt reng a ,Kaya in a Nathan bianga a fawp ka hmuh chuan tv chu ka off nghal hmak ,ka tap char char a ,ka muhil thei lo zankhua in ka in ngaihtuah a ,a tawpa ka thutluk siamna chu ka tihhlawhtlin ngei theihnan ka infuih bawk ,ni e Nathan chu mipasal a ni a ,keinen chuan kan awm tlang thei tak tak dawn lo ,chuvang chuan kiansan mai hi a tha zawk ,a laka ka luanliam tak tak hma hian kiansan mai a tha zawk ang








An la inneih zel phei chuan Kaya hian nau a pai vat ngei anga ,chutih hunah chuan ana tur ber ka ni dawn tih ka hre chiang si a ,chuvang chuan ka hnaih tawh loh hi a him ber ,a tukah chuan college kal ni a nihtawh a vangin ka insiam a ,ka bike chu ti nung vut vutin ka tlanchhuak a ,college ka thlen chuan Max leh Ava te ho an lo awm leh thap tawh a .







Ka pan vat ,Nathan hnawhkian nan Max hi a tha viau ang “ Inthlenna a rei tawh em " nui var vara ka tihchuan ala rei loh thu an sawi a ,Ava leh Max te nen chuan kan inzui a ,Jenniferi erawh an class lam a pan thung a “ Ellie nizan news kha enge a awm zia " Ava in a rawn tihchuan ka nuih hak ringawt “ Aho e nupa alawm an nih an duh duh Dan in awm rawh se " ka tihchuan Max nen mak an tih hmel viau .









Kan inngaizawng ang Khan an hre ve sia chutia ngaizawng miah lo anga ka awm chu mak an ti tih ka hria ,class kan lut a ,Max chu ka be deuh reng a ,anipawh a phur hmel sur sur viau mai ,ngaizawng Dawn pawh ni ila a rinawm dawn tih ka hria ,break lai chuan Avai kalsan in Max nen chuan pawnlamah kan kal a ,hmun reh deuh kan kal lai chuan ka kutah a vuan a .








“ Ellie Nathan I duhzawk tih hre tho mah ila ,ih ka duh che hi ka inthunun zo thinlo" a rawn tisup a ,ka en reng ringawt chutah ka inrin hma chuan min rawn fawp thut a ,ka hamhaih lutuk chu ka mengkawk a “ Hmela leh!" tihrik rualin Max chu ka lak a tangin a hrang nawlh a ,chhuatah chuan Nathan chuana hnek thlu nghal tawp a ,ka rak nghal that .








Chutah Nathan chu ka nam dawrh a “ Enge I hriat a " tivin hlarin Max chu ka buaipui a , Nathan nui ro hawk chu ka hre reng a ,ka ngaipawimawh duh lo “ Khawih suh" tihpahin min pawt tho nawk a ,ka tang ve nghal phat chu duhlo in chakzetin min kaisawn a ,a kutah chuan ka chumin ka beng vak vak a ,engah mah a ngai duh der lo lehnghal .









“ Nathan lutolf min thlah rawh " ka tituar a “ Ngawi rawh " a rawn tihrawk a ,a mitmeng chu a rapawm takzet ,tualthat duhmai hmel a pu bawk ,room ah min hruai lut a thutthleng lo awmah chuan min nam thu nghal dawt a “ Khapa khan engvanga fawp ngam che nge a nih ,I enge a nih Ellie Lalthanmawi " a rawn tituar a ,ka ngawi reng .









A thinrim thaw ri chu a ri hrawih hrawih a ,a hmel chu a hlauhawm takzet bawk ,hetiang hmel pu hian ka la hmu ngai lo ,Nathan pawh a ang tawh lo tunah hi chuan ramsa kawlh tak ang mai ani “ Ka chhuak dawn" tiin ka tho chhuak a ,kawngka ka thlen hma chuan min pawt lerh nghal dawt a ,ka rak that bawk “ Enge I hriat a ,Nathan lutolf I ta emaw ka nih I ti em ni ,ka kut hi thlah rawh " ka ti ve ta tuar a .








Kan bula thutthleng chu la in a vaw ri tuar a ,ka tawm nghal chawih ,a thaw hawk hawk reng a ,thinrim mitmeng sen rumin min en bawk “ Ka khawih leh ka biak duh silo in khapa kha I infawh tir vel a maw" za lo zet a nui hian a rawn tileh a ,ka la chhang chuang lo “ Min chhang vat ta che i ka kha a ping zo ta em ni " a rawn tihchuan ka thinrim ve phat .







“ Nangpawhin ka tawng I ngaithla duh bik ami ,min chhuahsanin I nupui I pan a nihkha ,ka thusawi ngaithla duh lek lo in ,tunah chuan ka hrethiam tawh I nupui nge nge chu I hmangaih tih hi,chuvang chuan mipasal lo ngaihzawn reng ai chuan kalsan che ka duh zawk ,inthen ang tun hi kan inhmuh hnu hnun ber nirawh se ,nang nen chuan kan awm dun ve thei dawn chuang lo inthen ang " tiin amitah chuan ka en reng a .








A mitmeng chu a buai nghal nak “ Chutiang sawi suh ,ka then dawn lo che " Chang zet hian a rawn tichhuak a ,ka lo nui hak ringawt “ Nangin min then lo mahla keihian ka then che ,Nathan chu chu ka thutlukna siam ani ,khawvel hma a I nupui kha buaipui zawk rawh " harsa tizet hian ka tichhuak a .







A lu a thing nghut nghut a “ Ka then Dawn lo che ka tihchu nizan kha ka sawifiah thei " a rawn tihchuan zalo zet hian ka nui ringawt a ,a ni erawhin a thusawi ngaithla ngei turin min duhzia a mitmengah chuan ka hmu vek “ Ka ngaithla duh bawk lo ,nangpawhin ka thusawi i ngaithla bik ami ,maw nangin ka thusawi ngaithla duhlo a min chhuahsan lai khan keiin ka au lawm lawm che a,tunah I thusawi ngaithla turin min duh a maw .








A teuhlo reilo te chiah kan inzui hman tho a ,inthen ang kan nat tak tak hma hian inthen ang Nat kan intihnat tawn tak tak hma hian I then ang aw ,ka kal ange min lo hmu tawh lo la ,college ah pawh hian teacher leh student angin in en tawh ang " ka tichhuak sap a “ Baby " beidawn hmel zet a a rawn tihchuan ka nuihlui sak ringawt .







Ka chhuak tur chu “ Lalthanmawi min kalsan suh ka tihchu " a rawn tituarh a ,ka ding deuh dat a ,“ Mangtha aw ,Nat i nupui chiah ngaihtuah tawh la ,hmeichhe dang kawp kual kha sim tawh rawh " harsa tizet chuan ka tichhuak sap a ,ka thawk te hi a sak talhin ka hria ,ka kutah a rawn vuan a ka thing vat “ Ka tello in i hlim takzet ang maw " a rawn tihchuan ka inpetruh teuh a .







Ka mittui a tling piau tawh “ Um ka hlim ang " ka tihchuan ka kut chu a thlah riai riai a “ A tha e kal rawh " a rawn tihchuan ,ka tlanchhuak vat ,hmun reh laiah chuan kalin ka kâ hupin ka tap chhuak hawm hawm a ,“ Tihpalh aw Nat ,tuna ka thlah loh che chuan nakin hunah kan na mai mai dawn ,mî pa inih hma hian lo tawng che ila ka ti ,midang ta ni lo in ,nupui ineih hma hian lo tawng che ila chuan ka thlah miah lo ang che .







Mahse tunah chuan ka tlai lutuk,nangchu nupui nei tawh ini a ,ka kalsan vat che hian kan tan a tha zawk ,ka hmangaih che a sin Nat ,ka mipa hnaih hmasak ber leh hmangaih hmasak ber ini a ,ini reng fo ang ,hlim takin awm la ,I nupui chiah ngaihtuah tawh rawh aw " ka tichhuak sap sap a ,van lam chu hawiin ka mittui tla zel tur chu dan kir tumin ka bei a ,mahse a har lutuk.







Class pawh lak chhunzawm tawh lo in ka haw a,Max chu a that leh that loh ka zawt zawk a ,a that thu a min chhan chuan ka thaw huai a “ I bialpa chu a pa khawp mai "a rawn tihchuan za lo zetin ka nui a ,engmah ka hrilh tawh lem lo ,phone dah hnu chuan ka mu reng a ,ka tho peih lo ,chaw pawh ka ei chuang lo zan a nih thleng chuan ka khumah hlir ka awm a .








Ka haw mai dawn em ni tih te thlengin ka ngaihtuah,hnamdang mipa ka hmangaih a ,chutah a zunin min phuar tlat bawk ,reilo te mah nise kha hun kha ka ngai a ,a zunin min phuar nghet hman em ani ,nitin chuan a ngai te in college chu kan kal a ,Nathan nen pawh kan inbe ngai ta lo ,an nupa inkar that thu chu news tinah an chhuah a,an dinner eidunna vel thlengin ,ka na lo ka tihchuan dawt Chiang takin ka sawi a ni ngei ang.






Ka na a ,ka thik a nupui niha ,chhungkua a dinpui nih ka chak ,mahse chu chu a rem teuh silo ,mi pasal ka lo ngaihzawn reng Khan a tawpa mualpho tur chu keimah bawk ka ni ,hmeichhia phei chu vawikhat mualpho tawh chuan kumkhua a daih tawh thin an tihkha a dik ngei ka ring a ni ,Saturday zanah chuan Max an len min sawm phet a vangin ka len chhuahpui a .








Vahharh ingai" min ti.ve ngei leh nghal ,Khawpui chhung hmun mawi zet zetah min hruai a ,keipawh Nathan a nen a kan inkar chhiathnu a ka nuih tam leh na ber tur ani hial ang ,ka mipa kalpui a Chhelo bawk a ,nula ho chuan an en duh hlawm viau mai ,YX MINI HOT POT Sydney restaurant tha thlan zinga pahnihna lang pha ngeiah chuan min hruai a ,ka kâ hau ringawt ,Max chu ka en vat a .








A lo nui var var mai ,“ Hetiangah ka kal duhlo hmun dangah kal ang" ka tihchuan a duh tlat lo lehnghal ,ka kutah kaiin nui hawk hawk chungin min luhpui a ,nuichung a ka zui ve chu inchhung a ka mihmuhte a vang chuan ka nui tawp Chiang hle ,Nathan leh kaya chu dawhkan pakhatah hian an lo thu a,an sirah waiter pahnih chuan an vil reng bawk ,keini pawh chu waiter pahnih tho in min lo chiau au a .









Ka bula kal hi mihausa ani tlat alawm ,an ngaihsak pawh chu a awm viau,dawhkan pakhatah chuan Max chuan min thutpui a ,ka thutna turin chair chu a pawt chhuak ngei bawk ,ka nui hak a ,ka thutthlak ruala ka hawi chhuak erawh ka inchhir rum rum hial ,Nathan chuan mitmeng thim khupin min en ngur a,dawhkan chunga a kut dah a hum ruh Dan a tang chuan a thinrim hle tih ka hre thei .








En rei duhlo in ka hawisawn a ,menu an rawn dah chu ka ensan daih ,ka eiturin chicken slices leh australian scallop chu ka chah a ,an chhuah lai pawh chu ka hre reng a ,Max nen chuan kan eitur an rawn chhawp chu kan ei mial mial a ,a ni chuan Basa fish fillet leh Cristal crab a ei thung a ,a dang erawh mix pawlh nuaih mahse tuizet si hi an rawn chhawp a ,tlem chiah ka ei thung.






Kan eikham rualin haw mai ka duhtawh thu ka sawi a ,Max pawhin a lo hrethiam vat a ,ka inluah kan thlen chuan dar 10 a pel tawh a ,Max pawh pawnah in mangtha in a rawn lut kawi lo a ,ka in lam ka pan nghal hlawk hlawk ,ka inthlak a ,muturin ka insiam nghal mawlh mawlh a ,ka phone a rawn rik chuan ka en vat a ,screen a Nathan hming a rawn lan chuan ka la duh lo a .








Ka ring ral tir thak,a rawn rik leh tak ah chuan ning zetin ka en a ,number hriat loh a nih a vang chuan muangchangin ka la kang a “ Hello tunge aw " ka tihrual chuan lehlam a tanga thu rawn sawi tu vang chuan ka khawng deuh awt “ Hello Ellie ,Nick ka nia I hman chuan tunah hian Nathana inah ilo kal thei angem ,hei a mah hi a inhliama a lam reng bawk che sia " a rawn tih a vang chuan ka che buai nghal vek.




(Like leh comment ,ads click uar ang aw chuan nuzan ka dah theihloh chhan kha current kan neitheilo a chuvang aw )

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)