MY IRRITABLE BOSS BY Mawitei Bawihtlung (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: MY IRRITABLE BOSS BY Mawitei Bawihtlung (Completed)

Unread post by Ngaia » November 21st, 2021, 4:37 pm

CHAPTER 13






Nipawh a liam ve zel a ,Jason pawh a awm ngai rengin ala awm a ,theihnise chuan ka lung hi ka pe mai tur ,mahse a inmil miau si lo a ,ka fapa nen chuan nitin kan bia in kan ti fai ziah a ,ka fapa tawng ve nak nak chuan ,kawngka a tanga nu Daisy rawn lut chu ka fapa chuan “ Api" tihpahin a pan vat a ,ka lo nuih var var thung.









A pu erawh tun thleng kan la hmulo,nu Daisy chuan min tawng thlamuan tak mahse pa David kan chunga a lawm lo hi ka inthlahrung takzet ,Jariel eitur pe turin an chhuak a “ Hey lo harh tawh rawh,i murei lutuk i bulah hlim deuha awm ve tawh ka chak a sin,tun thlengin ipa chuan min la hua a ,a awm ve tho tiraw ,ka tina em si che a ,pa tan chuan a fapa ka tihdan a vanga lungawi chu a har reng ang .







Jason Brooks ka ngai lutuk che ,engtikah nge ka hming I lam leh a nga ,engtikah nge I mit paw riai khan min en leh ang a ,Brie ka hmangaih Che I tih leh ang " tiin ka phun chhuak sap a“ Ka fapa hlatah hian awm la ,a ni chu a rawn harh chhuak mai ang " tihri ah chuan hnunglam ka hawi a ,pa Davida leh ka hriatngai loh hmeichhe pakhat leh a pa niawm tak tur hi an lo ding a .







“ Ka fapa hian a mamawh lo che ,nang ang hmeichhe lepchiah zet hi a mamawh lo che,kalbo la ka fapa chuan lung pe tu tur a hmu tawh chuan hei hi a nupui tur chu a ni e " tiin hmeichhe pakhat lo awm ve chu a kawk a ,a inchei dan a tang chuan a hausa tawk hle ang tih a hriat “ Mahse pa David " ka tihsap chuan a rum nghut a “ Kalbo la ka fapa hringnunah hian rawn lang leh tawh suh " a rawn tihmuk a .








“ Pa " ka tihchuan a thinrim hmel hle “ Ka fapa hetianga a awmna chhan hi nangmah vang a ni ,a nunah rawn lang tawh suh" a tileh hrawk a “ David I ti mah mah a ni,kan fapa hian Brielle bak hi a hmangaih lo,ila sawn a nih a ,ka fapa rawn harh hunah chuan a lawm hauh lo ang" nu daisy chuan tihpahin min rawn pan a ,ka fapa chuan min ban nghal vat .







Boruak awmdan chu a hre ve a ni ngei ang ,ka kuah bet a ,ka mittui tla tur chu ka dang thei thlawtlo , aluang zawih zawih a “ Mama tinge I tah a,an ni sawn an hau che a mi' tiin a pu te lam chu a kawk a ,“ Tinge mama in hauh a ,papa in a hau dawn cheu ,papa in mama hau tu chu hremna ka pe ang a ti sin" a tihchuan Jariel chu mak tizetin ka en a .








“ Jariel apa nen in inbia a mi" ka tihchuan ,a lu a bu nghauh nghauh a “ Papa khan nizanah Jariel bulah a lo kal a ,mama veng tlat rawh a tia lawm" a tihchuan ka tap chhuak leh hawk a ,a fapa mumangah a inlan bik chuan min Tina ,keipawhin ka hmu chak ve tho a sin,a taksa hnaihah awm reng mah ila ,a takah hi chuan min be thei silo a .








“ Daisy lo inrawlh suh hei hi ka thutlukna ani,ka fapa hian lung pe tu tur a nei tawh a ,ani hi a mamawh tawh lo,I duh chuan nangpawhin I zui thei ang" a tihleh rualin nu Daisy chuan a benga “ I va lo tenawm em ,engtin nge hetianga min tih theih,ka kal khawp ang ,mahse hei hi hre rawh Jason hi a rawn harh a nihchuan maw I dang thei hauh lo ang,ka fapa hian min rawn pan leh ngei Dawn" a tihchuan ka lo va inrawlh vat a .









“ Aih nu Daisy nang chu nilo e ,pa David sawi kha a dik,keihi ka inthiar fihlim a ngai a ni ,Jason a rawn harha kan vaia min hmuh loh chuana hrilh hai dawn lutuk,a bikin nangmah a nu ini a ,a hmuh hmasak berloh che chuan a hrilhhai lutuk palh ang " tiin ka lu ka thing nawk nawk a “ Mahse Brielle " a rawn tihleh chuan ka lu ka bu nghat a










“ Keini chu kan tha ang,Jason alo harh a nihchuan min lo hrilhsak mai rawh ,keichu a tan ka tling tawh lo,a dam leh na a nihchuan ka kalsan mai ang " tiin ka fapa chu ka pawm nghet sauh a ,a tawp nan Jason lam chu panin ka kunhniam a ,a hmuiah chuan mittui luang zawih zawihin ka fawp a “ Dam ngei rawh aw ,chuan tu hmeichhia pawh neila keichu ka hlim tawh ang,I tan chuan ka tling ve tawh lo a ,mahse ka hmangaih lutuk che a nia aw .









Hun hi her danglam thei ila ka ti,a chhan chu keihi min tawng miah lo la I hlim zawk tur a nia tiraw ,ka hmangaihna zawng zawng neitu ,lo dam tawh la hlim deuhin lo awm tawh rawh aw " tisapin ka tho kang a ,pa David a te lam chu en in “ Khawngaihin tidam ngei ru aw ,chuan Jason chu tha takin min lo enkawl sak ru aw " tiin ka chhuak a ,ka mittui nen chuan baihvai tak bawkin chu damdawiin chu ka chhuah San a .










JASON POV.....







Harh chhuah ka duh,ka Brie baihvai taka siam a ,ka laka a tanga dahsawn leh tu ka pa hi hremna pek ka duh,ka hmuia hmui lum thepin a a fawp chu ka hria a ,chhan let ka duh tinge hetia ka mut reng ni ,a muttuiin ka biang a far huh chuan min Tina ngawih ngawih,ka awmah kuah beh aibaka chak ka neilo,ka pa thusawi te chuan min ti thinrim a .






Ka harhchhuak leh ngai a nihchuan tu a mah ka zuah lo ang ,ka fapa leh ka nupui ka lak a tanga an dah hla hi hremna chu ka pe let khawp ang ,Brie reilo te chiah lo nghak rawh,reilo te ka lo harhchhuak tep tawh e .





2 week later ...







Ka mit chu ka mengchhuak ruai ruai a ,ka mit hmuh chu ala phe ruai bawk ,mit chhing lehin muangchangin ka meng leha ,ka bula ka nu muhil chu a lu ah ka khawih zauh a ,a rawn meng nghal vat,ka harh tih a hmuh chuan “ Bawiha " tiin a tap nghal hlawp hlawp a “ Nu khawnge Brie tinge ilo Dan loh" ka tichhuak sup a ,ka aw chu a la zawi viau .









“ Bawiha Brie khan kalsan a duh hleinem che ,engkim hi I pa thiamloh vek a ni " tiin a inseh ruh a ,ka kut ka humruh ngut ngut ,lo en rawh u ,enge ka tihdawn ka rawn harh chhuah leh chhan hi ka nupui leh fapa kianga ka awm theih nan a ni a sin,David Brooks ka pa ini hi a vawikhat nan ka inhaw ve ta ,I fapa hlimna I dah bo a vang leh I nupui ngei pawh hrehawm taka I awm tir a vang hian hremna ka pe khawp ang che " tiin ka phunchhuak sup a ..







Ka nu tap reng chu a ka kuah a ,mahse chet vak erawh ala remlo ,kawngka a rawn inhawng a ,ka pa leh hmeichhe pakhat an rawn lang nghal zat,ka chet theihloh lai khan harhchhuak lo mah ila an thusawi kha ka hre vek a ,saw nu saw ka neih a ring a nihchuan teuhlo lutuk hi ,“ Ka fapa ilo harh tawh maw ,a lawmawm e " a tihchuan ka lo ner sawka “ Hei Sindie a nih hi " tiin a hmeichhe rawn hruai chu min kawh hmuh a ,ka la.tawng chuang lo .








“ Khawnge Brie " ka tihmuk a ,ka lungawi loh zia a hre chiang khawp ang “ Bawiha kha hmeichhe laktlak loh zet kha sawi tawh lo teh ,a kal kha a tha zawk " a tihchuan ka rum nghut a “ Ka pa ,kha hmeichhe laktlakloh I tih kha ka hmangaih a nihkha ,ka nunna leh ka rawn harhchhuah lehchhan a nibawk,a tello a awm ka tum tawh lo " tiin ka tho chhuak a ,ka nu chuan min lo buaipui vat “ Khati khawpa mipa dang laka tlawm taka siam tu che kha ila tan a maw " a rawn tihchuan ka nui suk a .










“ Mipa dang a panchhan ka ni tih te hi I hre ve em,keimah zawk hian a hmuhah hmeichhe dang ka hnaih zawk a nihkha ,a hrim hrim in Brie nena kan inneih chhan ini tih I theihnghilh ta em ni?nei tur a min nawr lui tu kha nangmah ini a ,tunah ka hlatah dahbo I tum leh si a maw ,ka pa I fapa ka nihtak zet chuan ka hlimna hi I ngai pawimawh tur ani dawn lawm ni,ka hmangaih hma khan ka then I phallo a .









Tunah ka hmangaih ve leh ka hlatah I dah leh si amaw ,engang pa nge inih ,nupui dang maw ,a teuhlo,ka lung thlaktu pawh hi Brie i patea a ni tih hre rengin ,amah Brie i pawh i hrilh duhlo a ,inthlahrunna pawh inei lo amaw ,ka pa ka nupui chu Brielle Morgan Brooks chiah hi a ni e,ka tan ka fapa pawh a enkawl tang tang a ,ka hlat tawh dawn lo " tiin ka nu kut chu ka vuan a .









“ Jason Brooks ipa ka nih hi ka thu chu zawm mai rawh " a rawn tihrawk a ,ka nui hak “ I laka kutthawh turin min tilui suh ka pa ,ka pa inih angin ka zah che a ,ka insum hram hram a nih hi,chuti nilo se ka nu chhuahsan tur che a I ti tih ka hriat rual Khan ka khawih tawh ang che " ka tive hrawk a ,ka nu chuan min lo khap vat “ David I nupui ka nihna angin ka lo lawm ve thin,kan tleirawl lai kha chuan hetiang mi hi inih ngai hauh loh kha tiraw .







Hmangaihna ngah tak leh midang te tanpui nuam titak kha ini thin,mahse tunah chuan I danglam tawh ,kan hotel ah hian ka ta pahnih a awm tihchu I hria ang chu tiraw ,hei pawh hian kan inchawm zo ve lutuk ang,tunah chuan ka fapa a lo harh tawh bawk a,a rual hian ka chhuak e ,I duh ang ang chuan ilo awm dawn a nia ..








Bawiha ,tirawh le Brielle leh I fapa chuan an lo nghak reng che " tiin min hruaichhuak a ,ka pa ding ngawi reng chu hmu lo ang hmakin a awm bawk ,pawn kan thlen rual chuan “ Nu I tha em " tiin ka vuan a ,a rawn nui lui sak ka pa a hmangaih zia ka hria a ,a na viau ang “ Ka tha a lawm bawih a,kan lentawhlohna hmunah chuan na dawn viau mah ila awm luih ai a ,chhuahsan hian a tha zawk fo .








Hmanhmawh rawh ,Brielle te kha an lo kal hman hlauh ange " a tihchuan ka che nghal vat ,airport lam chu kan pan a ,ka nui leh hak thin,ka lung zawnah chuan ka kut ka dah a ,Brie i engkim hrilh hlan ka nghakhlel takzet ,airport kan thlenrualin ka chhuak a ,ka nu chuan min lo dang a ,ka en vat “ I surprise duhlo em ni " a tihchuan ka nui nghal vur vur a ,ka nu chu airport chhungah chuan a lut a .









Car bulah chuan ka lo nghak reng,an rei phian leh nghal ,minute 5 vel ka nghah hnu chuan Brie mit an tuamsak chunga ka lam a an rawn hruai chu ka en a ,ka lo nghak reng ka fapa min koh tum chu ka kut ka hmuia dahin au lo Turin ka hrilh a,ka pawm chak takzet tawh ,ka bul an rawn thlen rualin ka hnaih a “ Nu Daisy enge thlawhna kha nan hman a ngai a nia ,Jason an a mamawh ang che ,ka mit hi phelh tawh rawh,enge tih I tum ni " a tihchuan ri lo hian ka then sak a .








A kawnga man in ka lam ah ka pawt dawr a ,ka awmah a rawn bei thlawp rualin ka fawp nghal chawt a,a hmui hnuai lam chu ka pet ner ner a ,min chhang let lo tunge ka nih a hriat loh a vang te pawh a niang ,a mit tuam na chu a phelh rawk rawk a ,min en rualin a mit a meng kawk a ,a mittui a tling pam ,a kut chu rawn pharin ka hmaiah a rawn khawih a “ Jason" a tisap .







Ka buk nghat rualin a tah nuih hak a ,ka awmah chum datin a bei nghal thlawp “ Tinge rei tak min mutsan a ,I sual lutuk min mutthilh san tawh suh aw ,I hria em engmah min hrilh lo in rei deuh muhil tawh suh" a rawn titiau a ,kuau dakin ka fawp leh a ,a nipawhin duhthawh zetin min chhang let a ,a nghawngah chuan hmai phumin ka thaw ham ham a “ Ka ngai lutuk che ,ka Lalnu" ka tihsup rualin ka samah a rawn khawih zeuh a .










“ Keipawhin ka ngai lutuk che ,chuan I natna a vanga ka mittui I tih tlak a vangin " tiin awmsawnin min melh ram ram a ,ka kawrnghawnga man in min kuai kun a ,ka hmuiah chuan a theihtawp a na hian a fawp a ,a rawn seh chuan ka nui chhuak hawk “ Nang tereuh ,ka hmui hi lakbo I tum em ni" ka tihchuan nui sen sen hian “ I hremna a nihkha " tiin ka awmah chuan a bei leh than a “ Papa " ti a ,ka fapa min ban chu ka pawm nawlh a ,Brie i tum hmuk chu ka nuih a .








A fapa pawh a thik nghal der chu a nia ,ka lal duhawmi hian ,“ Mama chu ilo enkawl tha em" ka tihchuan a bu nghauh nghauh a ,pa leh fapa chuan inhriatthiam tawnna kan lo nei a nih hi “ Mama tinge khatia I tum hmuk a " ka fapa tawng a vang chuan ka nu nen kan nui hak a ,Brie lah chu a hawisawn hmak leh nghal “ Papa mama hi tinge ,utawk tum hmuk a ange " a rawn tihleh chuan ka nuichhuak hawk hawk a .







“ Jariel Brooks ngawi mai mai rawh " Brie chuan a rawn tithat a ,ka nu chuan ka fapa chu a rawn la sawn vat a ,Brie kut chu manin ka kuah leh hlu hlu a ,“ I fapa i thik a nia,my queen " ka tihchuan “ Nge min ngailo in I fapa chiah I ngaihsak a nihkha ,nu Daisy lo thleng hman lo se chuan e ,ka kalbo leh daih anga ,I buai hle mai tur ania " a rawn tive tan tana ,a biangah chuan ka piai nghal vak chu duhlo in a kut a rawn vai hlak a.








“ Ka thlung bet reng mai ang che ,khawiah mah I kalbo tawh hleklo ang,thihna hneha ka rawn harhchhuah leh chhan hian min kalsan leh mai mai ka phal dawn lo " ti supin ka kuah nghet sauh a ,“ Nge min ngai lo lutuk a nihkha ,ka ngai em em che a ,ka mittui tla pawh hi I hmu lo em ni " tiin min enkar a ,ka nui leh hak ,ka hlim takzet hetiang hun kan thleng leh thei hi .









“ I kiang hi chu engpawh ti ila a lo nuam vek a nih hi ,ka hmangaih " tiin a hmuiah chuan kun zeuhin ka fawp leh a “ E taka pa David kha " a rawn tihchuan ka inhum ruh a “ Ani chu sawi suh,a duh duh danin awm rawh se ,a nupui leh a fapa aia ngaih pawimawh a neih chhung chu a mahin awm rawh se " ka tihmuk a “ Hey thinrim kher suh,khawimaw I lung phu kha ka ngaithla leh duh" tihpahin ka awmzawnah chuan a bei leh kak a .










Ka kuah hlu hlu ,mi kal ho chuan min en duh viau lehnghal a “ Brie ka lung hi I patea ta a ni tih I hria em" ka tihchuan a rawn hawichhuak a ,a hmelah chuan engmah a lang chhuak lo “ Ka tihpalh" ka tihsup chuan a lu a thing nak a “ A damchhunga thiltha pakhat tal tihve a duh a ni mahna ,nang ka neih leh theihphah che a ,ngaihdam min dil suh,min kalsan la chuan ka dam duh bik kher lo ang" a rawn ti sap sap a .








A ni hi ka tawng lo ang tih ka va hlau em,tinge a hma zawng Khan hrehawm taka ka lo siam phal ni,car ah chuan lutin keima in bik lamah kan kal a ,tunah chuan min tibuaitu tur an awm ka phal tawh hauh lo ang .





(Thlan a tangin a lo tho,ropui in a hmelma a hnehzo tih ang in ,nangni mi phakar ho vangin thihna hnehin a thawh leh tak hi,in lawm viau chuan ADS CLICK kha theihnghilh lo in LIKE LEH COMMENT kha min lo tihsak ula aw )



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 21st, 2021, 4:37 pm

MY IRRITABLE BOSS


Last



CHAPTER 14






“ Ka ning e Jason ka peih tawh lo " tiin ka chunga bawk chu mit chhing chungin ka nam ve tang tang a ,thlahnih dawn lai kan awm dun leh tawh a,a duhthawh thei lutuka ka zo lo lek lek zel “ Kan fapa a lian tawh sia ,a nau tur kan siam vat a ngai a lawm Brie " tiin a rawn thun leh vak a ,ka meng nghal kawk “ Jason Brooks " tiin a hnungah ka ham vak a ,a rum nghut ringawt ,a chet rual chuan ka muthla hnak a .











Ka mit ka chhing chu a duhlo nge “ Min en rawh " a rawn tithum sup a ,ka en rualin rawn kun hniamin min fawp tawn tawn a ,keipawhin ka lo chhang let ve vat “ Hetia I taksa a ka awm lai reng pawh hian ka ngai che tih I hria em ,Brie englai pawhin ka ngai che a,ka ngai reh theilo che " a rawn tihchuan ka kuah nghet ve sauh a,keipawh hian englai pawhin ka thlahlel .









Min kalsan dawn emaw ka tihlai khan ka hlauthawng em em a ,tunah dama ka hmu leh hi ka lawm em a sin“ Ka hmangaih che Jason " tiin ka fawp let a ,ka taksa chu a rawn khur nghal dar dar ,a nipawh a rawn bawk thla thlawp a ,ka nu in Jariel a riahpui thin chu Jason tan chuan vanneihna hi a ni ringawt ,a awmah ka lu chu a dah a ,a lung phu chu ka ngaithla kar ,ka kut pawh a awmah ka nghat a .









Ka chhipah chuan a rawn fawp leh zauh a “ Hna ah I kal dawn lo ami " tiin a hnute chu ka hrualsak ne ne a ,a rawn nui nghawr dat “ Enge I hriat reuh ni " tihhluk pahin ka zakah chuan a rawn dek tak tak chu ka rak chul a ,kan bengchheng viau in ka ring ,“ Papa kawngka lo hawng rawh " kan fapa pawnlam a tanga rawn au vang chuan kan awm tha vat a ,ka thawmhnaw chu ka ha nghal sawk sawk,Jason chuan towel a veng tawp a ,a va hawn nghal zat .










Ka fapa rawn tlanlut chu ka lo en reng a ,a pa in a duat bawk a keiai mahin a pa bulah a awm tam zawk tawh ,“ Papa min lo hruai ve " apa insiam a hmu a a chang leh ran tawh “ Nilo e bawiha ,anu leh api an khua a har ang,anu leh api lo veng la motor ka lo hawn ang che " a tihchuan Jariel chu a bu nghat nghat a “ Thil lei hian thlem reng suh,hman senloh a nei " ka lo tihlak a “ Mama ka duh a lawm" a rawn tihchuan “ Jariel Brooks " ka lo tivak a.











Chuveleh apa bulah kalin a tap a ,Jason chuan min rawn melh nghal vak “ Naupang vin suh" lungawilo tih hriat zet hian a rawn ti a ,ka rilru a no riau leh nghal tun lai hi,ka mittui a tling leh pam tawh ,ka tlanchhuak vat a “ Brie " ti a Jason min au pawh chu ka hria ,tinge ka tahbelh tak em em a ,chupawh ka fapa vang mai leh nghal,pawnlam chu panin ka tlan zel a ,taxi rawn tlan chu ka phar ding vat .






Ka luh rualin tuala Jason rawn tlanphei chu ka hmu a ,driver chu tlanchhuak vat turin ka hrilh a ,a nipawh a tlan ve mai bawk ,Sam in lam ka pan a ,biak ka duh tinge ka no em em reng ni,Sam inkawtah chuan ka ding vat a ,pawisa pe in ka tlanlut nghal vat “ Sam " tiin ka au vak a ,hmeichhe pakhat nena an rawn nuichhuak ka hmuh chuan ka thaw huai ,an awmdan a tang sawn an induh tih hai rual ani lo.









“ Naute liani chu enge " a rawn ti a ,thil awmdan ka hrilh chuan an pahnih chuan an la nui vak vak zui,kei ka thinrim em em laiin an lo nui a ,test kit min pek chuan ka mengkawk a “ Ani lo ang" ka tihchuan an nui leh chiam a “ Va intest rawh ,thla hmasa kha thi I nei em " a tihchuan ka ngaihtuah a ,ka neilo ka meng kawk ringawt ,keihi ka rai leh tak tak a mi le? Toiletah chuan lutin ka test kid ah chuan ka zun chu ka far a ,reife ka nghah hnu ah rin sen pahnih chu a lo awm ngei .












Ka lawm bawk si leh min thawng bawk si chu tawng mai nachang pawh ka hrelo “ Sam ka rai a nia " tiin ka au that a ,toilet a tang chuan ka chhuak nghal vat ,mahse ka mi hmuh a vang chuan ka ding a ,ka test kid chu ka thukru nghal daih,ka ngei lutuk “ Brie " a rawn tihchuan ka hawisawn San hmak a ,a duh leh a duh duh danin awm rawh se ,min vin vak man chu ka pe dawn khawp .










“ Brie naute I pai tihchu a dik em" a tihpawh chuan ka chhang duhlo,Sam te pahnih lah an lo nui khur char char a “ Baby min chhang vat la " a rawn tihleh chuan ka melh vak ringawt “ Ka be chak lo che ,haw rawh ka lo haw tawh dawn lo" ka tihmuk a ,ka lungawi thei hlawllo mahni fa te a vanga tihtauh chu ho ti viau mah ila ,ka thinrim tho tho min rawn pan chuan ka lo awmsawn zela ,hamhaih zeta min en te chu hmuhnawm ka ti riau pek.









“ Naktuk ah kan khua ah ka haw dawn ,I duh leh I fapa duatsual nen Khan inlo awm ve mai Dawn ania ,keichu tuna ka fa lo piang tur nen hian kan awm ang " ka tihchuan a rum nghut a “ Brielle Morgan I fapa a vanga hetianga I awm hi a zahthlak iti ve lo maw " a rawn tihluk a ,chu ngawt pawh chu ka ngei tawk a tling “ Engtin maw Brooks kha John's ah ka let leh ta a maw ? Jason Brooks a tha e ,I nupui ka nihna atangin min paihah ka ngai e ,kha hei pawh hi ka duh lo " tihvak pahin zungbun chuan ka vawm vak a .










Sam te chu an rawn inrawlh vat “ Brielle hetiang a tha ngai lo ,I fapa chu va ngaihtuah la ,naupang mai a la nia ,hetianga awm bung bung tur a ni ngailo ,I pasal hi zui haw rawh" an tihchuan ka lu ka thing a “ Ka fapa chu ka rawn hruai mai ang,ka rawn haw Dawn lo let rawh ,ka hmu peih tawh lo che " ka tileh vak a ,ka tap leh mai Dawn tinge ka thinchhiat em em a ,hetiang hian awm ka duhlo mahse ka in control thei bawk silo ..









“Brie min ngaithla teh,a nih ka vin tawh lo ang che ,ka tihpalh haw ang le " a tihchuan ringzetin ka tap chhuak a “ Enge rum deuha min en chunga min hauh kher ni,i sual si ka tlanbosan leh daih dawn che " tiin pawnlamah chuan ka tap chhuak zel a ,min rawn pawm kang nghal nawlh ,ka tal nak nak a “ Min dahthla rawh sual a ,naute nen pawh min ngaihsak lo in min hau a ,I duhleh ka tello chuan awm rawh " tiin a awmah chuan ka chum dawt a.








“Brie inbengdai rawh naute tan a tha lo a nia " a rawn tihchuan “Englai mahin I ngaihsak lo " ka ti that a ,thaw hawk hian “I ti dik e ,englai pawhin nang hi ka ngaihtuah hmasa ber thin che ,a chhan chu he khawvelah hian ka hmangaih bet inih vang a ni " a rawn tihchuan ka tawng duh tawh lo,ka chau bawk nen ka muhil nghal daih a .








“Brie,kan thleng a nia " ti a min ko tu chu hre mah ila ka mengthei lo ,min pawm kang nawlh tihchu ka hria ,a pangtilum chu ka nek nghal sat sat a “Tun tum a naupai chu a rilru a no hma em em dawn a,enkawl inthiam dawn a nia,a thinrim hma bawk ang ,tihdan thiam tak leh a lungtiawilo zawnga awm tumlo ula a nimai " tihri ah chuan ka meng chhuak a .







Sam leh ka chhungte chu an lo awm thap a ,ka tho kang vat “Mama nau ka nei dawn a mi ,jariel an a rawn tihchuan ka bu nghat a,chu veleh ka pum chu a khawiha ,a nau tur chu a be nghal zat zat,ka fapa fing leh lutuk hi chu a buaithlak “Brie " rawn titu a vang chuan ka nui lai tawp chawtin puan hnuaiah chuan ka lu ka dah a ,Jason thaw hawk leh midang chhuak tura a tihchu ka hre reng .








Ka be awm hlei lo e mai ,ka bulah a rwwn mu a ,puanhnuai a tang chuan min kuah nghal hlun a “Le titau tawh suh le ,kan naute hian mak a ti lutuk ang " tiin ka pumah chuan a kut a nghat a ,“Bawihtei hian mama lo tinaute ve vek a maw" tiin a nui nghawr dat a “Min nuih bawk suh chi chak pa " ka tivak a ,a nhih a la za em em lehnghal ,a lakah hi chuan thinrim pawhin awmzia a neilo .







Min nuihliam zel bawk sia ,ka ngei a nia aw,ka mut a chhuah tawh em a vang chuan ka mu a ,a hna kal tur pawh keimah vangin nilengin a kalloh phah ,tikhan buai ve vat vat se a tha ,a hotel.enkawl pawh a lunin a hlawhtling hle a ,pa David a pawh a lungleng tawh viau ang ,nu Daisy lahin a inhmuh chhuah hma loh let a tum bawk silo .








An buai thlak a nih hi ,ni e lehlam kawng tak chuan a rilru nat thlak ve ngawt ang,“Mama tho tawh rawh "ti a ka fapa tawng chu peihlo zetin ka en a ,apa nen min lo en reng ,ka inher a ka mu tha leh ngat chu an pafa chuan min tibuai char char a ,kan inchhaih rak chul reng mai .






8 month later ..






“Brie tang hram hram rawh I nei tep a nia" ti a min fuihtu kut chu ka hmer leh vak a ,ka theihtawpin ka sang bawk ,naute tap ngak ngak thawm ka hriat rualin ka thaw huai huai thei “ Hmeichhia a nei e ,awi a hmeltha reuh lutuk " an tih luai luai ri chu ka hria ,chau zet chuan ka muhil zui daih a ,ka chal lum vung vungah chuan ka meng chhuak a ,Jason chuan min lo nuih var var a .







Ka rai chhung zawng dawhtheihna nen min enkawl a ,ka pasal hi ka chhuang asin,khang ang khan hmeichhe thenkhat awm ve se an pasal te hian an dawh reng peih lo hial ang,mahse ka pasal erawhin ka vin reng leh ka haw em em chung khan hmangaihna nen min enkawl.tlat a nihkha ,“ Jason" ka tihsap chuan “ Ka hmangaih lutuk cheu " tiin a naute pawmlai chu a rawn tilang a .







Kan fanu chu enin ka nuisak ,a hmeltha lutuk “ Ka lawm e Brie ,fanu hmeltha lutuk min hrinsak leh a vang hian" a rawn tisup a ,a fanu chu a pawm nghal hlu hlu bawk “ Papa khawi ka pawm ve duh" Jariel rawn tlanlut chuan a rawn tinghal zat a,Jason nen chuan in en in kan nui hak,kan fapa hi chu engkimah hian a lawmawmin a fing em em vek a nih hi,a nau chu a pawm ve ngei a ,Jason chu an bulah thu in a veng reng bawk .








“ Papa ka nau hi a hmeltha tiraw ,a nulat hunah chuan ka veng tlat dawn " a tihchuan kan nui hawk hawk hlawm a “ Awi ka tupa hi chu aw ,hetiang em em a fing hi an awm thei dawn em ni" tiin nu Daisy chu a rawn tawng chhuak a,a dik chiah Jariel hi an tihna lam a piangah thiamloh hi a nei ngai lo,an zirtirtu te pawhin an fak fo ,lehkha a thiam chak bawk si,kan vannei ah ka ngai ,chutia hlim taka kan lo nuih lai chuan kawngka rawn inhawngin pa David a a rawn lang nghal zat a .







Jason chuan ka kutah vuanin kan fate chu a pawm.nghal a “ Bawiha buaina siam Turin ka rawn kal lo,in vaia ngaihdam dil tur cheu in a ni ka rawn kal " a tihchuan Jason chu a rum nghut a “ Daisy ka tisual tih ka hria ,mahse ka hmangaih zia che I hria a ,ka rilru alo kal sual deuh a ni,ka fapa engmah hrelo a a awm chhan kha Brielle vang hian niin ka ngai lui tlat a .







Ka huat phah reng a nihkha ,mahse in mi ngaihdamna ka rawn dil a ni,khawngaihin I bula awmna hun leh ka tute bula ka awm ve theih nan hian min ngaidam ta cheu " a rawn tisup sup a ,ka lo en reng a hmelah chuan a inchhir tak tak zia ka hmu in ka hre thei ,midang tawng hma chuan ka lo tawng vat a .






“ Pa tumahin kan haw reng reng lo che a nia ,I fapa vanga kei min hua pawh kha a awm lutuk,a chhan chu I fapa nen hian kan intina tawn ngun em bawk a ,pa hmangaihna I lanchhuah tir danah khan keichuan ka hrethiam lutuk che ,ngaihdam ngaiin engmah tihsual inei lo" ka tisap a ,Jason chuan “ Brie " a rawn ti a ,ka lu ka lo thing nak nak “ Jason nang leh keipawhin tihsual kan nei tih theihnghilh suh.







Mahse hei ngaihdamna a vangin hlim takin kan awm phah a ,kan fate hi enla pi leh pu an mamawh a ni,keihian nang hi lo ngaidam lo che in emaw ,nang hian min ngaidam lo la chuan tunang hian kan awm hauh nang,nu nangpawh I rilru a na viau ang tih ka hria ,mahse Pa David hian kan ngaihdamna a dil a ,kan ngaidam mai tur a nilo em ni" ka tihchuan a nipawhin a lu a lo bu vat a .









“ Le papa hmuak ang ule " tiin ka fate pahnih an thiam ang ang alo infiam ve te chu ka en a ,ka fanu ka nu leh pa hriat reng nan a Mendy ti a kan koh chu pawmin ka fapa erawh intipa zetin a kal leh vah vah tawh ,pawn a ka pasal a car a tanga rawn chhuak chu kan pan a ,min lo hmuh rualin hmangaihna mitmeng chuan min en reng,keipawhin ka damchhung chuan Jason Brooks hi ka thlah leh tawh lo ang.







Ju Daisy leh pa Davida pawh an awm tlang leh tawh a ,kan chhungkua pawh kan in ngeih tlang tawh viau,ka fanu chuan a pa chu a hre hle tih hriat takin a kut te tak te chuan a ban ve a ,tawng erawh a la thiam lo thung,Jason pawh chuan lo pawm vatin min panin ka hmuiah a rawn fawp.vawng vawng a“ Ka hmangaih che ka lalnu" a rawn tihchuan keipawh chuan ka lo hrilh let ve vat a , a fanu pawm.chung leh kei min kaiin kan fapa hma a kal inti pa lutuk chu nui suk suk chung chuan “ Ka anpui" a ti nghal sup a









Not tryna me in there ,not tryna be cool
Just tryna be in this ,tell me how you choose?
Can you feel where the wind is ,can you feel it through ,all of the windows ,inside this room
Cause I wanna touch you baby
And I wanna feel you too,I wanna see the sunrise and your sins just me and you
Light it up ,on the run ,let's make love tonight
Make it up ,fall in love ,try

BABY IM A RIGHT HERE



But you'll never be alone ,
I'll be with you from dusk till dawn;
I'll be with you from dusk till dawn,
Baby I'm right here ,I'll hold you
When you things go wrong ,
I'll be with you from dusk till dawn
I'll be with you from dusk till dawn,
Baby I'm right here .



A TAWP TA ....





MANGTHA LEH RIH U,KA STORY THAR MR DARK BOSS LA CHHIAR LO TEN MIN LO TAWIAWM LEH TURIN KA NGEN CHEU A ,LIKE LEH COMMENT MIN LO PEKSAK VEK TUR LEH ADS CLICK MIN TIHSAK LEH THEUH TURIN KA DIL LEH CHEU NI E .JASON BROOKS LEH BRIELLE MORGAN HMINGIN BYE2 VEK ULE .

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)