DARK ANGEL(TUI LEH MEI) By Mawitei bawitlung (Completed)

Moderator: writers

mawitei bawihtlung
Posts: 753
Joined: November 18th, 2020, 12:53 pm

Re: DARK ANGEL(TUI LEH MEI) CHAPTER 1-2 By Mawitei bawitlung

Unread post by mawitei bawihtlung » June 24th, 2022, 7:33 pm

DARK ANGEL(TUI LEH MEI )





CHAPTER 13



NOTE CHHIAR RU AW
KA WHATSAPP GROUP JOIN DUHTAN ,
https://chat.whatsapp.com/Ke4QgWwz3Id7vAmQqjlyra



2
https://chat.whatsapp.com/FKfVAP5QIA97R1w2oUePiq

“ Duhno " tileh supin min en reng,ka biang chuan a kut chu ka siktir “ Ka kalbo leh i duhloh chuan kumkhua in ita niturin min siam tawh rawh ,fa pathum te pa ini tawh dawn" tiin lungawi vaklo in ka en “ Ka thinlungah i pawimawh ang hian ka nupuiah ka ngaihna che a rei tawh a ,mahse surprise ka tumna che pawh a chhe vekin ka lak atanga thinrim tak a i kalna tur thu ka tichhuak si a " tisupin pawi tih hmel zet hian min en ,ka nuihsak. “ Tunah hian ita ah min siam thei a lawm u " ka tihchuan a hmel a hahdam hmel hluah hluah tawh.







Ka nu leh pa te zungbun chahin damdawiinah kan innei,ropui taka inneihna nilo mahse ka tan chuan ka damchhung zawnga ka hlim ber a ni hial ang,min hmangaihtu leh ka hmangaih ka nei miau si a ,mi hriatpui kher ka mamawh ber lo ,ka fate pahnih chuan apa bulah thu in a pa chu ngaihdam an thiam tawkin an dil ve a . Mittui tling piauin ka en ,ka u chuan a hnem hauh hauh ,a fate pahnih chu a pawm bet “ Anu nen hian in Pali in apa hi in ngaihdam ka ngai zawk e ,ka fate ka tihrehawmzia ka hriat hian apa zawk hi in mi ngaihdam ka ngai a ni" tiin an chalah a fawhsak.








“ Apa nau kan nei dawn em ni?" Simona chuan a pa enchungin a zawt a “ Nau mipa in nei leh dawn a lawm!" A tihchuan kha a thi dawn emaw ka tihlaia mangrama a thusawi kha ka hrechhuak zawk. Ka u chu ka en ta reng ,kha huna ka natna leh hlauhthawnna kha tunah erawh tihrehin a awm ta thung a “ Lo kal teh " a fate haw hnuah a tisup a . Ka hnaih ve nghal vat ka dul puar deuh ak tawh chu a chul hauh hauh a. “ Ka nupui hi ka ti tap nasa hle tih ka hriat khan lo harh chhuah zung zung kha ka duh a . Kalsan lo tur che a min auh lawm lawm phei kha chuan ka natna kha hneha rawn menchhuah a ; engkim a tha leh dawn tih hrilh che ka duh.







Mahse ka beih nasat pauh leh ka thei lo,beidawng ngawih ngawihin i tawngkha ka ngai thla a ,min hmangaih thu i sawi kha ngaihthlak leh ka duh a ni" tiin mitmeng de sar sarin min en . Ka lai bawk nen kun hniam in a kut chu ka hmer vak ringawt “ Duhno say I love you " tisupin sam karah a kut rawlhin a hmel en turin min kuai dak a “ U ka hmangaih che ,Jeremy Ramthanpui ka hmangaih lutuk che " tiin a mitah ka melh ran “ Keipawhin ka hmangaih che ,he khawvel thil dang zawng zawng ai hian " tisupin ka hmuiah a fawp zauh a .








A hmela hlimna chu ka hmuh hmaih lo “ Hna pawh ka nei ta silo a ; I pasal hi min iai miahlo maw ,fahrah engmah neilo ka nita mai si a " a tihchuan melh nghekin “ Kutdawh pawh nila ka hmangaih tho ang che ,hausa tak kher nih ka mamawh lo ,chubakah ka nu leh pa in engkim i kutah an dah a lawm. Mahse, u keichuan thingtlang lama chen ka duh zawk ,thingtlang mite nun dan ,an thawk rim hle chung pawha an eikhawp thar tawk tawk ang nun hi tem ve chhin ka duh! Hotel chu ka pa a la hrisel tha a ,a enkawl thei a lawm ,hna thawka ei zawn ve ka duh" ka tihchuan ka kutah a hmer vang vang.









“ I duh phawt te chuan i naupai tan pawh boruak thianghlim tamna chu a tha ang. Hrisel thur thur turin ka duh che alawm,boruak pawh a la vawt an tihkha " a tihchuan lo bu nghatin “ Ka WhatsApp thian mawitei bawitlung te khuaah kal ang aw " ka tihchuan a khi suk “ Nuisuh a nawm hmel lutuk,a lo status thin a ,Tan tlang leh Thasiama seno neihna te kha ka kalchak lutuk ,buh hmun hring dup te pawh ka hmu ve chak " ka tichiam a ,ka u chu a nui suk suk mai “ Ok kan kal dawn ania ,in luahtur a awm mai ang chu maw " tisupin ka chalah a fawp leh zauh.








Kar khat zet kan awm leh hnu ah ka u in chhuah a tih tlat avangin damdawiin kan chhuahsan a ,kan nu leh pa te hnena kan awmduhna kan sawi chuan min ngaihtuah nghal viau ,mahse kan pahnih duhthlanna a nih thu kan sawi chuan an rem ti hram ,thlakhat hnuah Mizoram lam kan pan a,rei awmlo in thingtlang lamah kan pema,ka nu leh pa pawhin min dang thei biklo,Kan awmna tur hmun chu in a la tam lo a ,thing leh sava bakah ramsa hmuh tur an la tam viau thung,boruak pawh khawpui nen a danglamna a awm nghal .






A vawt raih a ,lum lutuk tuar tur a awm lo in englai pawhin thlifim dawn tur a awm reng bawk . Tlang in a hual vek a a tlangsang lai taka awm a ni bawk nen a hahdam thlak ,Mawiteiin kan inluah tur min hmuh a ,manchawia awm a ngailo bawk nen kan lawm viau,abang vel cement a niin a chung erawh rangva ani thunga mahse a dai raih tho a ,a bul velah phul a awm bawk ,Primary school a bulah a awm bawk a ,a bul vel erawh thing hmun vek a ni tawh thung ,Kan fate pawhin nuam an tiin khaw naupang ho leh pitar putar bakah inlama awm ho chuan min rawn kan a .



(A ZIAKTUNU BER HI KA STORY A INTELH ZEUH ZEUH HI NUAM KA TI VE A 🤭🤣😂)


An polite in chawhmeh vel min rawn pe tawk lah bo lo ,an nundan tam tak ka hmuh danah khawpui nun in a la chiahlo in hmanlai tlawmngaihna tam tak hmuh tur a la awm tih reilo te ka awm hian ka hmu in ka hrechiang em em thung ,karkhat kan awm meuh chuan khawtual mi ang maiah kan in ngai tawh a ,an khaw VC te pawhin lo neih leh huna kan neih ve theih nghal tur thu an sawi bawk nen ka phut takzet tawh .






Ka naupai vang erawhin ka u erawhin ka neih hma lo lam hmuh a phallo a ,ka feh chak ve nen a nite chu thian neiin an lo ah a feh daih tawh. Ka fate nen inlamah kan awm a ,inleng kan neih ve reng vang erawhin khua erawh a har lem lo,mi lo lamah an liam sung sung a ,zirlai leh upa bakah naupawm bak inah an awm ngai meuhlo,an inlawm thin tih ka hriat phei chuan feh ka chak ve zual ,Mawitei te lo lamah ka u rawn haw rualin feh ve ka dil char char ,ka nau a la rit lo bawk a midangin an lo sawi pui ve nen a tawpah a phal hram .








Phur zetin ka fate nen kan feh a ,ka u leh a thiante ho in min chhawmin keileh Mawitei pawh inkawm bawrh bawrhin hma kan hruai a ,lo an nei hla vak lo a ,lo hnai neih kum an tih avanga ka u pawhin phal mai chauh pawh a ni . Lo kan lut tan a ,zau tin a mite chu an inau hulh hulh hlawm a ,thli rawn tleh leh heuh heuh leh a changa vasuih,vaki tih vel hram te ,tlaiberh hram te chuan engtin emaw tak hian lung an tileng veng veng mai . Hmanlai nunah ka awm nimai hian ka hria hah pawh ka hre meuhlo,thlam kan thlenga ,dap dai raiha ka han thu thluang diaite chu ka hahdam huai huai thei.







Fanghma min zawnsak a ,hmazil leh dawnfawh nen,naupai tana tha tur tur chu min lawhsak ,keilahin ka eichak bawk nen ka heh viau mai,buh rai tan an la keh chhuak silo hring dawng nghauh thlirte chu an nuam hle ,buhchhe zual deuh erawh a kar lakah an eng ve phauh phauh chauh a . “ I hah em ?" Ka u chuan min ngaihtuah tih hriat tak hian ka dul chulin min en a ,lu thing nakin ka nuih ver ver “ Hetiang khawpa hahdam hian ka la awm ngailo ,thli a tleh reng bawk nen duhthusam ramah ka awm nimai in ka hria " ka tihchuan a khisuk.






Anipawh tunah hi chuan ka hmu thingtlangpa riau tawh,ka hmuhdanin tihian an thlai tharte hi an hralh ve a,an pawisa hmuh chhunah an lungawiin an nitin eikhawp an thawhchhuah chuan an lawm em em a ,a bak duhbelh tumah an awm lo . An thawhchhuah ah an hlim a ,lei belh tur vak an neilo nen an thlai thar tha tak leh hrisel taka an awm theih nan an bei tauh tauh a,tihian a hlawkna an tel leh thin,lei chawp ei ai chuan lawh thar hlim ngei lo tui zia ka hrechiang bawk.






Ka fate pahnih pawh feh dangte chuan an pawm a ,an tawng duh bawk nen an lawm hlawm viau “ An hmeltha si hetiang fa hi neih ve mai ka duh" hmeichhe ho chuan an tinak nak,ka u chuan a kapkarah min thut tirin ka dawnfawh ei chu a mu min thensak zel a ,keilah in ka heh bawk si chu ka lam zawm reng bawk nen sawisel lo chuan min pe ve zel bawk ,midang ho chu bung turin lo mawnglamah an chhuk vek a ,kei leh ka fate pahnih erawh thlamah eirawng bawl turin kan awm thung a .







Indim ka ngai bawk nen lo awihlai vela ka kal an phallo a niber ,ka u pawh a chhuk ve a chutia thingtlangpa ang tak taka a awm ve chu hmuh a nuam viau leh nghal . Maian thlam bula mi Chu sikin bawrhsaibe leh berul ,changkha tihvel nen chuan ka la a,Simon leh Angelia pawh chuan an ken theih tawkin an lo pawm ve tai bawk,papar kalkawnga an pawh mi leh changkha vel chu an hmin har avangin ka thlak hmasa a ,chumi chhungin maian chu ka hik lehnghal .







“ Anu ,apa te kha an lo chho dawn tawh em?" Ka fate pahnih biang tai hlar chu enin ka nui hak“ An hma an thlawh zawh veleh an lo chho dawn a lawm" tiin ka hrilh a , akhat tawkin apa te chu an zuk au leh thin a ,an ni pawhin an lo chhawn ve peih reng bawk bai ka chhum zawh chuan hmarcha rawt lehin ka thlan luang chu ka hru pah,in lamah awm awl mai mai thei mahila hetia hna thawh dan vel en ve hrim hrim hi ka duh vanga thingtlang awm pawh thlang ka ni reng a .








Ka pasalte ho an rawn chhoh chuan ka lo pan vat,ka u thlan tla a hnathawk chu panin ka puan ken chuan ka hruksak heuh heuh a ,anipawhin min enin a kiai suk suk mai ,Chaw ei siam zung zungin ,hnahthialah chaw chu kan thet a ,kan vaia kan kilte chu a nuam dangdai hle ,ka bai chu an fak ve mawlh mawlh bawk ,tlai kan haw erawh a chho ve ta bawk nen ka kalmuang hle ,ka u leh ka fate bakah midang pawh chuan ka zai ngai takin an kal zel a ,a khat tawkin kan chawl reng bawk.





Ka fate an in koki chhuan chhawk reng bawk nen an hah lutuk ka hlau chuan ,an mahnia kal tir tura ka tihlahin an duh der lo lehnghal ,lawmthu kan hrilh mawlh mawlh ringawt,in kan thleng chu ka chau bawk nen chhuatah ka mu tawp,ka ke lah a vung al leh nghal“ Ka sawi kha lo feh duhloh tur che ania ,lo nei ve kher lo pawhin kan awm thei tih i hriat kha ,tun atang chuan i feh ka phal tawh hauh lo ania,chuti lo chu Aizawlah ka haw pui leh ang che " a tihchuan melh vakin “ Suala " tiin ka thawh chhuah sana ,roomah lutin towel nen bathroom lamah ka lut nghal daih.







“ Duhno " a tihpawh chuan ka chhang duhlo ,ka inbual sar sar a ,inthlak nghalin rawng ka bawl zawm ,ka hnungah min zui ve zel ,Kan fate pahnih erawh tv enin an awm thung a “ Ka nupui hi tinge a tihtauh bur bur reng le aw " tiin ka hnunglam atang chuan min rawn kuah hlun,keipawh thinrim rei theilo in a kut chu ka hum hnan “I hah viau em " tiin a lamah ka inher lu thingin min pawm bet a ,ka chhipah a khabe nghatin “ Khawpui ang nilo mahse hetah hi chuan thinlung pawh a thlamuang a lawm,taksa hah mahse rilru hrisel tak leh boruak hrisel hip tur neih hi a hlu zawk .








Hetah chuan thawm bengchheng hriat tur a awm lo a ,zanlamah phei chuan thinthi diaiin a mut theih a ,I thlanna hmun hi a hahdam thlak reng a ni" tiin chaw hmeh chu a mahin a siam ta daih a ,Kan pahniha rawngbawl dunin kan nui hak hak ,Kan zawh rualin Simona te ko in an nipawh an rawn phei vat a ,an inhnial leh tawh chu apa in thu a hrilh pah mawlh mawlh .








Hun a liam ve zel,rilru thlamuang taka awm na na na chu ka taksa pawhin a ngeihin ka nau neih a hun meuh chuan keiai ka pasal a phili zawk,khawdanga neih duhlo in kan in ngeiah ka nei a ,fapa leh bawk ka neih avang chuan ka hlim hle ,ka nu leh pa te pawh kan hrilha ,an lawm ve viau ka u in a hmingah VANLALFELA tih a phuah a ,a duhawmin a u te lakah erawh a hrang deuh thung,a hmel a cher deuh a ,mahse ka mitah chuan a tha ber ani tho tho,ka fate hi ka tan an hlu ber vek miau a .







Hun aliam ve zel a ,Felfela pawh kumkhat a ni ve tawhin a ute pahnih chu a zuikual ve reng thei tawh a ,a ute pawhin an duatin a thlavang an hauhna thei hle,mahse pawita ber erawh an la te hle chungin an chimawmin tar ho tihbuai an peih lutuk chu buaina tham a tling a ,an thiante velh tah loh an nei hek lo. A pa in a veng tawp thin ,an harh vang lutuk erawh report kan la dawng ngun malh malh hle reng a,thu hrilh ve mah ila awmzia awm lo emaw tihmai awl tak a ni ,tlaikhat pawh thenawmte vawk chu a mawngah hmawh an lo hnawh sak a .





Ani natuar lah a au bengchhengin keini nupa pawh kan tlanchhuak ,a vawk neitute pawh chuti bawk ,ngaihdam kan dil mawlh mawlh a ,khaw mipuite rilru that azarah lei chawi kan la nei lo hlauh,zanlamah chuan kan nupa in an mutthilh hnuah kan ti ti a “ U khawpuiah phei chuan awm ila an buaithlak zual dawn anih hi,mi thil zawrh te pawh an tibuai thei vek ang,ka rilru a hah e hetiang renga an awm chuan an hmahun hi engtak ni ang maw ,tunah chuan a naupang ber tihtakah Felfela hi chu tu pawimah a la sawilo a ,mahse a rawn len hunah chuan a ute pahnih ui vawih khum ang maia vir chengte hi a zuilo thei dawn silo" rilru hah zetin ka tichhuak a .








“ Lungngai mahta che ,i fate hi an len hunah chuan an fing ve mai ang,I pasal hian duat ka ngai ania " a tihchuan ka nui hak ,ka pawm nghal than “ Ka hmangaih che " tiin a hmui ah ka fawh sak a ,a ni pawhin min hmangaih thu a rawn sawi let ve zat,ni e ka pasal leh ka fate hi khawvela ka mi hmangaih ber te an ni,harsatna tawk thin mah ila a tawpah hlimna in min lo hmuak reng si ,ka hmangaih ka u hi ka tan a mi tha ber ani.



(TIHIAN JEREMY LEH RINSANGI THAWNTHU BIK TAWPIN KA RAWN ZAWM LEH HUNAH AN FATE HI AN NITHUNG DAWN A ,TIN KA STORY DANG KA COMPLETE ZAWH HUNAH HEI CHU KA ZAWM TAWH DAWN AW ,MANGTHA RIH VEK ULE ,KA STORY PAHNIH MR MAFIA LEH THE GOVERNOR AH MIN LO PUI LEH DAWN NIA AW )



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)