DARK ANGEL(TUI LEH MEI) By Mawitei bawitlung (Completed)

Moderator: writers

mawitei bawihtlung
Posts: 753
Joined: November 18th, 2020, 12:53 pm

Re: DARK ANGEL(TUI LEH MEI) CHAPTER 1-2 By Mawitei bawitlung

Unread post by mawitei bawihtlung » June 7th, 2022, 11:04 pm

DARK ANGEL ( TUI LEH MEI)





CHAPTER 7

KΓ‚N DUAI ANG AW 🀭



Ka uak that that ,ka pum in let but but nen chuan toiletah ka tlan lut rawk rawk bawk ,ka u in ngaihtuah hmel zeta min rawn auhna pawh chhanglo in ka uak tuar tuar ,ka awmdan chu ka hrechiang hle ,ni e ka inentirna a rei tawh ,keihian naute thlakhat mi ka pai tih hi ka hriatna a rei ve tawh a ,mahse ka u erawh ka la hrilh lo,tihtlak tir min tum ang tih ka hlau β€œ Duhno i tha em" a tihchuan ka bu nghat ,thawk la vang vangin ka en .






β€œ U " ka sawi hreh lutuk chu ka chawl leh rih β€œ Sawi rawh Duhno engthil nge i sawi duh " atihchuan a kut la in ka pumah ka dah tir β€œ I fa ka pai ,u " mitchhing chungin tim dai chuan ka sawichhuak ,tunlai phei chu a thinchhe em em a ,biak vak ngam pawh a nilo chutih rualin min duat leh tuk zel bawk si,ka nu leh pa pawhin mak an ti hle anihkha ,ka hmuiah a rawn fawh rual chuan ka mengchhuak β€œ Ka naute tur ka fapa " tiin a phun chhuak ,ka pum lamah a bur nghal ngur bawk .







β€œ U engtin nge kan tihang ka pum hian puar hun a nei dawn,ka nu leh pa hian min tihtlak sak an tum ka hlau ,an hriat hunah phei chuan an thinrim dawn lutuk" ka thusawi zawngte chuan ka pum chu ka dawm a β€œ Tlanbo ang aw naute " a tihchuan ka ngaihtuahloh lam daih a ni ,ka lu ka thing deuh nak nak β€œ Kan theilo " ka tisep ,min en in a nipawh a thaw deuh hrawk,engmah sawilo a kan kalbo anih chuan ka nu leh pa tar chaklo Tak te hi an awmdan tur hriat a nilo ,β€œ Anihchuan engkim an hriat a hun tawh a nihchu ,keihian ka fa nen hian ka kalsan hauh lo ang che u " a tinghet churh .








A awmah ka bei vang vang β€œ U ka hmangaih che " tiin ka nui sen sen β€œ Lalrinsang engmaw i sawikha " ka pa aw fiak that leh thinrim rawl rawn chhuak avang chuan ka u nen chuan kan awmsawn dawrh ,β€œ Jeremy Ramthanpui enge intih kha ,I nau nen " ka pa chuan aw khur dawt dawtin a ti chhuak hrawk,ka nu lah a lo tap bawk β€œ Pa kei hian ka hmangaih ani ,ka nau hi ka hmangaih ka pa " ka u chuan ka kuta chelh chungin ka pa chu a hmachhawn.







Ka pa hmel chu a rum zual sauh ,ka u chu rawn pan mawp mawpin a hmaiah a beng β€œ Engmaw i sawikha chhuak rawh ,he in hi chhuahsan rawh " ka pa chuan a titawn tawn ,ka u chu a nawr nawk nawk bawk ,ka u chuan engtin mah tihlet a tumlo β€œ Pa nau ka pai ania ,khati khan tisuh pa ,khawngaihin ka u nen hian kan awmdun phal rawh u " tap chungin ka sawi chhuak ,ka u kutah ka chelh bet tlat bawk ,ka nu zawk chuan min rawn panin β€œ Engthil nge in tih tak hi" tiin min sawi nawk nawk .







Ka tap tawp,ka pa in a ka u hnawhchhuah a tum chu a kutah ka pawt bet ve tlat β€œ Duhno " ka u pawh chuan min pawt bet ve tho ,ka pa chuan inthlah turin min ti tuar tuar ,ka lu a hai a ka pai chawn chawn ,ka u in a ngaihtuah hmel lutuka min en chungin min pawm lawp tih ka hria ,ka thil hmuh a thim hmuk β€œ Doctor ka fanu chu enge a an " tihri ah chuan ka meng chhuak riai riai ,β€œ Bawihte" ka nu in min rawn hmuh rual chuan min pan vat ,ka beng chu a ngawng chhu a ,ka khawhmuh a phe ruai bawk .







Ka harh chian hnu chuan thut chhuah tumin ka che chhuak ,ka nu chuan min rawn pui vat β€œ Nu khawiah nge ka u ,ka naute a tha em " tiin ka pum ka khawih vat ,hlauthawng zetin ka nu chu ka en β€œ Bawihte naute chu a tha e ,I u erawh chu" tiin a ngawi det ,sawi turin ka nawr β€œ Khawiah nge a awm,tinge ka bulah a awm loh " tiin ka au tuar tuar β€œ A kalbo tawh ,kha mi tenawm hming kha lam tawh suh,a duhlo che a Rosaline-i nen an kalbo tawh ,I duhchuan a fiahna pawh ka nei " a tihchuan ka awihlo lutuk chuan β€œ I tirbo tiraw" ka tituar .







β€œ En rawh ka tir bo hauhlo ,kalsan lo tur che a kan tichung pawhin a kal a nih kha " pic min hmuh ka u leh Rosaline-i hlim taka thlawhna lam pana an kal lai a ni,ka awih theilo β€œ Dawt a nihkha " ka la tihram ,ka tawng ri che che chauh β€œ I u hi kan fa ani ve hleinem ,khawlaia a vakvai tur kan chhanchhuah anih hi,mahse kan hmangaihna pawh hmu zo lo in nang ngei pawh a kalsan tawh che " a tideuh hrawk ,ka tap chhuak hlawp hlawp β€œ Hei hi en rawh " tiin lehkha min pe ,ka u chuan min huat thu leh u Rosaline bak a duh ngailoh thu a ziahna ngei ,ama kut ziak tih ka hre chiang bawk .






Ka tap chhuak hawk hawk β€œ Aih a ni lo ang,a ni dawn lo min hmangaih a lawm,min hmangaih Jeremy Ramthanpui " tiin ka au chhuak tuar ,ka awm ka chum ka thawk te hi a chham mai dawn in ka hria β€œ Bawihte insum rawh ,naute tan khan i intih chak a ngai a nia " ka nu chuan min kuahin a sawichhuak,ka pum ka khawih hlim taka a biakna kha ala reilo lutuk ,karkhat em pawh a la tlinglo ,ka nu chuan min mut that tir ,ka en ngai ka en tlawk tlawk ,engtin nge min kalsan mai theih,ka tan a beih tur thu a sawi a nihkha .








Mahse a tilo ,anichuan min kalsan ,min kal bo san tawh,ka inhum ruh ngawt ngawt ,ni a liama ani ka ngaihna erawh a reh ngailo,ka ngaihdan leh ka huatdan a inang reng bawk ,thla thum a liam leh meuh chuan ka pum pawh a puar ve ak tawh,ka fa tan hmalam pan turin ka infuih a ,nunhlui kalsan turin rirlu ka siam bawk,ka mamawh laia awm duh lo ka ngai em em reng te chu ka hua ,ka fa alo pian chuan keipawhin a ni ngaihtuah nana in hmang tawh lo in ,ka fa tan chiah hian nung turin thutlukna ka siam bawk .






A chhan pawh min hrilh duhlo in dawt hmangin ka nunah bu a khuar a ,Chu a bu khuar ngei a a dawtsawi hi a keu chhuah hunah chuan amah beilet tura chakna min pe tu ani tawh ang ,ka nun infiam nana hmang tu hian ka hmangaihna a phu tawh biklo e ,engkim a mah ka hriatreng theihna tur reng reng kan dah bo a ,ka nu leh pa pawhin hmalam pana ka fa tan chauha nung turin min fuih ngun hle ,engkim hotel leh kan dawr enkawl dan zawng zawng ka zir chho a ,keimahin nun hmachhawn dan ka zir ..






Tumah mamawh leh ngaihsakna ka duh hek lo,mi kan hriattam leh kan rinna hian a tawpah keimah ni min vaw let a ,Kan mi rin a ten min lo rinawm sak ngai loh avangin a tawpa tuar leh tu bawk kan ni thin,thian pawh ka kawm duh ngailo,miin ka fa paina hriat chak taka ka nu leh pa bakah kei ngei pawh min zawt an awm fo ,mahse tumah kan chhang ngailo,ka u awmloh pawh a tirah an sawi ve deuha,a hnu ah chuan ngaiah an neih ve mai bawk ,ka pum puar chu khawihin ka be sep sep reng,a pa ka huat zia hi a ni ngei hian a hrechiang ber ang .







Ring tura min titu khan a rinngamloh zia min hmuh tir nawn awn awn a ,hmangaihna ropui zia min hriat tir tu khan dawt a nihzia min hmuh tir thung ,a thlalak ka la kawl chhun chu ka en β€œ En teh i telloa hmalam pan ka thiam ve tawh e ,nang nunrawnna a khat ,ka hmangaihna pawh haidera mi kara in uanna mai a min hmangtu ,phatsan tu tenawm ber ,khawvela lemchan thiam ber award pek tlak ini,ni e kal rawh kal mawlh rawh ,I hlim alawm tiraw ,mahse i hlim rei bik hauhlo ang,a chhanchu ka bula kha chen lo cheng tawh chuan min theihnghilh mai bik dawn lo,min la hrechhuak chauh dawn chutih hunah chuan ka pawimawh zia i hre nawn awn awn anga .






Harh chhuak a ,rawn kir leh i tum hunah meuh chuan he thinlung hi i tan chuan a in khar ve tawh thung ang " ka phun chhuak sep sep ,na hmel tihlan ka tum tawhlo,Kan na hmel hian kan hmelma te chakna a pe thin,chutiang tih ve ka duh hauhlo,hmeichhe awm nem min timahse he hmeichhe awmnem hian rilru sak leh thinlung khauh tak anei tih hi mipa hian hremawlh rawh se; ka nun atanga kal bo duh chu chelh tlat ka tum lo ,kal mai rawh se ,a nei duhlo tu chu neih luih tir ka duhlo ,an ni nuna lanluih tlat tum ni leh thla ka ni biklo e .








β€œ Bawihi tang hram hram rawh " ka nu chuan ka nau vei chu min fuih mawlh mawlh,ka chau takzet tawh ,pawnlamah ka pa leh Michael pawn ah an awm bawk , doctor leh nurse chuan min buaipui mawlh mawlh ,naute tap ngak ngak ka hriat rual chuan ka pum chu ana leh nghal β€œ Phir an ni tlat mai " an tihchuan ka meng deuh kawk ,Tan la leh tura min fuihin a tawp a tawpah chuan fanu leh fapa ka nei ta ,en mai pawhin an hringtu an pa an chhun zia a lang chiang hle ,Jeremy Ramthanpuia ka ngaihtuah chhuah rual chuan lu ka thing nawk.







Ka haw takzet hriat chhuah pawh ka duh tawhloh ka hrechhuak leh chuan min tithinrim bawk ,phirte chu a inchhawkin hnute ka pe a ,Michael leh ka pa rawn lut chu an lawm hmel viau,Michael pawh ka tan englai pawhin a awm a ,thiantha nihna mai piahlamah min ngaihsak dan leh en danah chuan ka laka a rilru chu ka hrelo bik a nilo,ka hmulo der mai zawk a ni , ka pa pawhin a fak awl lo ,mahse keichuan mipa ka nuna lakluh ka tum tawh lo ,ka tihsual tawh na a tihsual nawn leh ka duh lo bawk .








β€œ Kan naute hmeltha tur te chu khawimaw ; Kan lo pawm ve ange" ka pa nen chuan pakhat ve ve chuan an pawm a ,ka nui sak keipawh ka hlim ani,ka fate lah an lianin nurse ho lahin hmeltha an ti lutuk chu an rawn lut zawm reng,ka nu leh pa chuan an hming an phuah a β€œ Simon Vanhlupuia leh Angelia Lalnunsangi " tiin an phuah a ,Kan pawm tlang viau ka fate chu an felin tah pawh an tap ngai manglo,a ngaihthat thlak loh lam zawk ani ,thenawm khawveng te lah chuan an rawn awm awl lo,keimah pawhin zan leh hnute pek chhung chiah ka chang hman.








An thang chakin an nui duh bawk nen an pa ka hriatrengna pawh an tireh ve zel bawk ,an mahni buaipuiin ka phar nileng zak zel,phir nei na na na chu an len hma chu buaipui an ngai reng dawn tih ka hria ,ka nu a awma ka hahdam phah ve mai ,mahsela a tam zawkah erawh chuan nu ka nihna angin ka hah dan a nasa deuh mai pawh a ,ka fanu tap ri al al vang chuan room chhungah ka tlan lut vat,Simon an a lo bawh bet kum em la tlinglo mahse an bawkvak thei tawh bawk nen an buaithlak takzet .








β€œ Awi i unaunu hi tibuai reng suh Vanhlupui " ka hauhna chu β€œ A pai pai pai " a tawng thiam ve chhun nen a ha pahnih lang chuan ala nui hek hek zui,ka melh rum tak nangin hrethiam ve heklo,ka pawmsawn a walkerah ka dah hmak,ka fanu la tap bai bai chu pawmin ka lawm mawlh mawlh,ka hnute ka pek takah chuan angawi nghal hmak,ka fawp zeuha an ni hi ka nunna te an ni,an tello chuan ka awm theih pawh ka ringlo,ka nun thimnaa khat tur an tireh niberin ka hria .






β€œ Ka naute te an lo tha em " aw lo chhuahna lam chu ka en vat,Michaela lo lan rual chuan nuisangin ka pan ,Kan inkuah vang vang a zin a rawn haw chiah a nih hmel,ka fate chu panin a lawm a ,an nui hmel chu ka en,ka tan a awm renga ,a laka ka rilru puthmang ka sawichung pawhin min haw lo in ka tan a awm reng tho β€œ Engtikah emaw min la duh ve mai ang " a timai thin ,keipawhin ka beisei kha phatsan tu kumhnih a tling tep tawh chung pawha rawn lang ngam lo mihring kha ka theihnghilh theih hun nghakhlel takin ka thlir mek a ni.








4 years later ....





Anu Simon an min hau" ka fanu ka lama rawn tlan chu ka kuah vat ,Simon a rawn tlanphei chu ka hau pahβ€œ I farnu hau ziah suh " ka tihlak hlak β€œ Enge min tilui ziah a nihkha ,dawih zep si " a thinte hi a chhia ania ,hau ila inla pa tawk hian a tawng ve ziah,a rualpuite lahin an hlau bawk ,a buaithlak a ni e ka fapa ve hi ,zanlamah Michaelan party naa min hruai duhthu a sawi a ,keilah kan hotel alo ni kher kher nen remtiin kan inzui chuak ,ka fate erawh an pi leh pute bulah an lo awm dawn thung.






Party na tur a kan luhchuan an lo kim tawh viau,Michaela thusawi avang chuan ka nui hak hak β€œ Hi Rinsang" chu aw neitunu chu ka hai hauhlo,Rosaline lam ka hawirual chuan ka u dawtsawi hmang tak pawh ka hmu nghal ,Kan la inmelh chat zui β€œ Hi tunge in nih aw,ka va hre ngailo cheu ve ,Mike tute nge an niha " Michael chuan engkim a hrethiam vek ang,ka u chuan engmah sawilo in ka taksa chu a enkual,ka theihnghilh tawh emaw ka tihkha ,a taksa hnaiha ka awm rual chuan ka danglam leh vek tawh.







β€œ Delhi five star neitute fapa Jeremy leh a nupui hual an ni e ,inchibai nghe nghe teh u " a tihchuan nuisangin an pahnih inhmelhriat tir pah chuan ka kut ka phar chhuak,Rosaline nen chuan kan inhmer chat ,ka u kut ka vuan erawh laklet ka tumrualin a vuan nghet sauh,ka pawt vaka ka melh rum viau,a thlah thut avang chuan ka pai deuh nak,Michaela chuan ka kawngah a lo dawm vat β€œ I tha em " tiin ka u lam a en a ,an inmelh tawn run an in hlauhloh hmel viau β€œ Ka tha kal ang,awm rei ka theilo tih i hriat kha " tiin ka kalsawn pui .






Thutna awmah chuan min thut tirin midang ho chuan an rawn be sap sap,ka pa in hotel enkawltu ah a dah miau avangin an hre fur tawh,ka hawi kual a ka nui leh var var thin,Michaela kalsawn chhung chuan ka kuta rawn vuanin ka u chuan min kaisawn dawr dawr ,hnial buai ka tumlo ,a mibum kual hi engang nge ka nihtawhte pawh ka entir ang chu mawle .



Tu thinlung mah hi infiamnan hmang ngai suh,I nun ngei pawh kha fiamin a awm ve thei .


( KA BUAI LUTUK HI E ,HUN NEILO CHUNG2IN KA TYPE TIH MIN HRIAT PUI ULA COMMENT TAN LO LA TEH U AW ,CHUAN WHATSAPP HO KHA IN INTIAMNA KHA HRE RENG ANG CHEUπŸ˜‚IN REH VAIHCHUAN STORY INCHAN ANG)



Link:
BBcode:
HTML:
Hide post links
Show post links

mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » June 10th, 2022, 8:52 pm

DARK ANGEL ( TUI LEH MEI




CHAPTER 8



Pawnlamah min chhuahpuiin inhnung lam thutthlengah chuan min nem thu hnawk ,ka melh ram ram β€œ Khapa nen khan in in nei tih sawi hauh suh " a rawn tideuh hrawk ,ka thle zauh a ,ka nui sak β€œ Enge chu chu i tan a pawimawhna " min kalsan avang leh Rosaline-i a inzui tir avang hrim hrim pawh hian akianga let ka tum tawh teuhlo ,ka nghen mek thutthleng chu a hnek bur,kha chu ana ang .






β€œ Sawi tur i neilo a nih hmel ka kal ange ,Chuan i nupui neihna turah duhsakna ka hlan a che " tisepin kal sawn tumin ka tho chhuak,ka kutah manin min pawm bet thlawp β€œ Ka ngai che Duhno " ka inhum ruh ngat ngat ,mitchhingin nem tawh lo turin ka infuih mawlh mawlh,thawk la ham hamin ka namsawn β€œ Duh tawk tawh rawh ,I lemchanna a tawk tawh e ,unau dik kan nilo tih ka hre ve tawh bawk ,kha i lehkha ziak leh hlim taka Rosaline nen hlim taka i fa ka pai tih hre reng chunga in kal lai zawng zawng pawh ka hmu e








Ka lakah khatiangin awm tawh suh,ka hmangaihna che pawh i phu tawhlo ,ka kiangah rawn inlan tawh suh,I tello in ka hlim tawh e ,kal rawh ka hmu duh lo che ,engah mah min ngailo tiraw ? I hlawh tling e,tunah chuan nang leh kei hi hmelma kan ni,min rawn hmuhzui leh i tum anihchuan enge ka tih theih ka lo en tir ang che " ka au khum tawn tawn ,a hmelah chuan na hmel ka hmu ka duhloh ber ani β€œ Duhno ka insawifiahna ngaithla rawh " ka darah a rawn man rualin a kut ka paihthla ,ka thin a rim takzet β€œKum 4,Kum li chhung i insawifiahna ka nghak ,mahse i rawn kallo ,tuna insawifiah pawh angai tawh lo .






Dawt bak sawi tur i hreleh chuang lo ang,I tello in ka awm thei nang ang khawngaihna avanga ka nu leh pa in an enkawl chawp che hian engthil nge ka tih tih hi lo en ang che " ka thusawi avang chuan a thinrim hmel hle β€œ Enga kha i nu leh pa tenawm zet te tan zawng khan i tawng amaw? Hah!? Ka awih theilo ! Thisen bawlhhlawh te chhul atanga piang kha ini miau a " a rawn tive ta fak fak,ka thinrim lutuk chuan a kut chu vaisawn pawpin β€œ Min rawn tibuai leh tawh suh,pasal ka nei vat bawk ang ,I hmel pawh hi ka hmu duh tawh nek lo .







Ka nun atangin ka paih bo tawh che tenawmpa ,kha hei pawh hi " tiin a thi min pek thla bial zana ka damchhung zawnga phelh lo tura ka intiam chu phelhin a mah vawm nan ka hmang ,tunah chuan a telloin hmalam ka pan ve tawh ang β€œ Lalrinsang chhar la rawn awrh rawh " a aw ah chuan natna leh thinrimna a inpawlh nuaih hawi letin ka awrh dawna ka thusawi ngei amahin min tiam tir chu a let zawngin ka sawi β€œ Ka damchhungin,ka thih hma loh zawng nang Jeremy Ramthanpuia hi ka chelh leh tawh lo ang che ,ni leh thla arsi te an bo veka khawvel danga kan lo awm anih pawhin he thi hi ka tan chuan nang nena ka hmelma lian ber ani tawh ang.








He thi hi kan khawvel bul tantu anih rualin kan khawvel tawpna a ni tawh bawk " ka kal tur chu a thusawi avang chuan ka ding dat β€œ Ka kal chhan te i nu leh pa thusawi te i ngaithla lo ang maw " a tihchuan hawi let vang vangin β€œ U engmah ka lakah beiseina siam tawh suh,ka chau tawh ,I laka ka beiseina chu ka mutchhung reilo tea kei leh i fate ngaihsak leklo a i kal ni atang khan a bo tawh,tunah chuan ka neihchhun ka fate tan hian ka nung tawh ang,kal rawh min ngaihtuah suh " ka thusawi zawngte chuan nunhlui chu ngaihtuahnaah a rawn lut leh zut zut .






β€œ Duhno engtin maw? Naute maw,god a la dam i tihna em ni,ka fa chu a la dam a maw?" Zawhna hlirin a khat β€œ I fate nilo in ka fate an ni,pakhat nilo in pahnih an ni bawk,min rawn chuh tum hauh suh ang che ,nang hian pa inihna i hlenlo " tiin ka inher leh β€œ Pa ka ni tawh " Chu thu chu a aw thum bul chuan a sawi sup ,tlan pheia va kuah lo turin ka insum hram hram ani β€œ Lalrinsang ding rawh " a rawn tileh ka kaltlang chu a duhlo nge min rawn pu lawp ,car lam min panpui hmawk hmawk β€œ Jeremy lulian min thlah nghal rawh,min thlah rawh " tiin a hnungah ka beng thuai thuai.








β€œ Ngawi reng khan awmla ,a tha a nimai " tiin carah chuan min nghat lut sawk ,ka ting lawlh chuan ka melh nghek β€œ Hmela " a kiai suk β€œ Min la hmangaih tih ka hria a lawm keimah ang bawk in,zanin hian engkim chinfel a hun " a tihchuan a chhipsamah ka thamsak vak β€œ Engmah i siam tha lo ang,ka hua che ka hmangaih tawh lo che ,kal rawh ,kal bo rawh " ka au tuar tuar a niber ,beidawn hmel zetin min en β€œ Ka tello a i hlimzia iti lang tawh a min rawn tibuai tawh suh,keipawh i tello in ka hlim zawk ,ka hua che ka haw hluah hluah che lo inlan tawh suh Bumhmangpa " ka hmuiah a rawn fawp .









Ka mittui a luang zawih zawih reng,a mifawhna chuan bul kan tan tirh te nen lam khan min chhui kir tir lo theilo,ka taksa chu a khawih kual ,ka mawngah tham tawkin a taksa chungah min thut tir a ,car seat chu a mut theihnan a tiawn nghal bawk β€œ Duhno keihi i lak atanga tirhbo luih ka ni tih i hria em " a thusawi chu ka hria mahse ka ngawi ngal,ka mal vel chu a chul kual a ,a thawmhnaw hak te chu a phelh hmawk hmawk β€œ Engmah ka hre duh tawhlo ka tihkha ,lo let tura ka ngaihlai che in ilo let lo tunah i bialnu hlui bawk inhualna i neihpui leh a ,ka natdan tur i ngaihtuah ngailo .








Nang chuan i hlimna tur chiah i ngaihtuah " ka tawnglai chu min rawn fawp leh in ka kawr chhungah zen luh atuma ,a kut chu ka dang nghal vat β€œ Ka chhuak dawn Michaela'n min lo zawng tawh ang ,nangpawh i nupui hualin min thlah rawh ,I duh duha i mutpui theih ka ni tawhlo ,ka puitling tawh " ka tho chhuak a min dan a tum tawhlo ,party na lama let ka tum rual chuan Michaela rawn chhuak nen chuan kan intawk nghal chat,ka hnung lam a melha ka u rawn chhuak ve nen chuan an inmelh run mai ,an palian dun bawka an incho tawk viau tih a hriat.






β€œ Bawih ,haw tawh ang ka chau riau " Rosaline-i rawn chhuak chiah chuan ka u lam pan pah chuan a tilang langa β€œ Kal ang Mike " tiin keipawh Michaela motor hunna lamah chuan ka kal nghal zat,ka thiklo timah ila ,ka la thik zia chu keimah bawk hian ka hre chiang si, β€œ Lalrinsang " ka hawi let zawk β€œNANG LEH KEI CHU TUI LEH MEI AWMDUN TUM ANG CHAUH KAN NI,KAN IN PAN ANIH VAIH CHUAN A TU A EMAW ZAWK ZAWK TAN TAWPHLENNA A NI" tiin ka nuih sak .






Carah chuan ka chuang lut nghal zat bawk ,inlam pana kan tlanlai chuan pawnlam enin ka ngawi ngar ,Michaela pawh chuan min biak a tum biklo ,inkawta kan din rualin chhuah tumin ka inher chu Michaela thusawi avang chuan ka chawl dat β€œ Min duh ve thei mai lawm ni,kumli chhung ka nghak tawh che tih i hriat kha " a rawn tihchuan ka en vang vang β€œ Mike keichuan midang ka nunah ka la lut thei tawh lo ani ,keiai tha i phu chu chuan alo nghak reng zawk ang che ,keinen chuan thian angin i in en zawk ang .







Ka thiantha tak ang in awm reng zawk rawh " tiin min chhanna pawh nghak lo chuan ka luhsan,ka laka a awm dan ngaihtuah chuan ka inthiamlo ve tho ,Mahsela ka nunah hian a hmasa bera bak kha an leng ngai dawn lo tih ka hrechiang ,ka tette atanga ka nuna mi pawimawh ber niturin hmun a lo siam miau a lawm,ka room ka lut chu ka fate pahnih tuitaka lo mu ka hmuhchuan thaw ham hamin ka pan,an hmel duhawm zet chuan min tihlim .






Ka neihchhun tak meuh meuhte an ni si a ,an bulah mu thla in ka mit ka chhing nghal chial,zanlaia thawm bengchheng tak rawn chhuak a vang chuan ka mengkawk ,Kan thenawmte inhau thawm chu a ring hle ,pa ber zu rui in a nupui fanau te a hau leh tawh a nih hmel ,tunang lai nun hi chu a hrehawm tawh a nih hi ,pasal zurui neih avanga thih phah an awm ta pheuh pheuhin naupang tam tak fahrah an awm phah bawk ,ruihtheih thil hi chuan min la tihrehawm belh zel dawn chu a nih hi.





JEREMY POV....



Bang chu ka hnek dawt ,ka au chhuak tuar ,ka mit atanga mittui luang chu michaklo te tihchi nimahse ka rilru natna chuan tla lo theilo in min siam ,intheihnghilh ang a timaw ,keichuan amah avanga ka tawrh tang tang hnu ah hruai tumin ka let tih hi a hrelo der nge a hre duhlo tak tak zawk,ka pa leh ka nu hrep a ,min lo enkawlna te kha ka nu leh pa diktak an sut hlum vang vek zawk a lo ni a,hremna chu ka la pe ngei ang,ka fate pawh an thi tih min hrilha .






Engkim kha dawt vek ,ka kalbo hma loh ka fa thattu a min puh a engkim Duhno i dahbo an tum avang khan keimah zawk ka kal anihkha ,mahse tunah chuan ka hmangaihi huatna bak ka nei tawhlo ,a mitmenga min hmangaihna thin hmuh tur awm tawh lo te ,a hmaa ka bula nui sen sen thin hmuh tur awm lo te chuan min tina zual,TUI LEH MEI ni e TUI LEH MEI chu kan ni,mahse tinge tui tello in mei a awm theilo tih hi a hriatthiam duhloh,ka lumna hmanga ka ur so thin khan tunah chuan ka tello a a hlim theihzia min hmuh tir ta thung si .







Tinge ka lo pian ve ,ka phone a la duhlo a ,ka biak tumna a ngaithla duhlo bawk ,Rosaline-i min puihna ka hrilh dawn lahin a ngaithla duh dawn lo bawk ,ka fate ,ni e ka fate ka hmu chak takzet β€œ Duhno ka thusawi i ngaihthlak duhloh avang hian ila inchhir mai lo'ng maw ? Ka hmeichhe hmangaih ber inih kha ka tello in i awm thei tak tak ang maw" shower hnuaiah chuan ka ding vang vang,naktukah ka fate hmu tur a kal ngei ngei ka tum bawk ,tumahin min dang tawh lo ang,ka fate hian an pa hi an hmu thuai ang.






Ka theihtawp ka chhuah leh dawn ,Lalrinsangi hi ka chan hlen theilo .




Kum tam tak ka lo awm tawhna in zawnah chuan ka ding vang vang,intuala naupang infiam ri ka hriat chuan gate chu hawngin ka lut a,mipa naupang leh hmeichhe naupang lo tlankual chu ka hmu zui,ka nu ni thin ngeiin ka hmel a hmu chu a mengkawk mai β€œ Apa ,apa a pa ka hmu,Anu apa kan hmu ania " tiin naupang pahnih lo tlanphei chuan min kuah nghal thlawp,ka fate hian an pa ka ni tih an hria a maw? Ka en vang vang min chhunzia ka hmu thei ,a mipa zawk chuan β€œ Apa tinge kan bulah i awm ngailoh ,a pi leh apu pawh kan bulah an awm a sin tinge i awm ve loh " an zawhna ka chhang dawn chiah tihah chuan β€œ Simon,Angelia hetah lo kal rawh u " Duhnoi aw ngei a ni.








Ka fate pahnih dahthla in a nu leh pa nen kan inhmachhawn ran β€œ Enge hetah ila rawn tih ngam cheu "ka pa lam en chuan ka nuisuk ,an ni avanga ka tawrhna hi ka la tikiang ngei ang.


(MIN HRETHIAM TEH U AW ,KA ZIN KA HAW A ,MOTOR KA RUI BAWK SIA ,KA CHIANG THEI MEUHLO ,NAKTUK ZAN PAWH KA AWL RIH ANG AW ,KAN KHUA AH KA HAW CHHO DAWNA KA TYPE HMAN DAWN LO A 😊MIN HRETHIAM DAWN ANIA ,KA DAM CHUAN KA REGU EM KHA MIN HRETHIAM MAI RU AW )

Link:
BBcode:
HTML:
Hide post links
Show post links

mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » June 13th, 2022, 6:53 pm

DARK ANGEL TUI LEH MEI





CHAPTER 9





LALRINSANGI POV....
def74e447d32265565c31488977c6754.jpg


Ka u chu ka en reng ,ka nu leh pa nen chuan an inmelh ngar ,an ni hian engchiah nge an lo tih ang tih ka ngaihtuah ,ka hriatloh laia a kalbo te kha engvang nge anih ang tihte chu ka ngaihtuah neuh neuh β€œ In lo dam tha tih hriat chu a lawmawm e ,tunah chuan ka nupui leh ka fate hi ka hruaichhuak tawh ang,ka pa dawt hmanga bum rual leh tihluihna hmanga tih theih ka ni tawh hek lo ang,nang ni hian ka nu leh pa in sut hlum avanga inthiamlohna nei miahlo in ka hmangaihte ka lak atanga lak bo inla tum anihchuan ka beilet tawh ang cheu " ka u thusawi avang chuan ka mengkawk.








Enge a sawi kha a awmzia ka pate hian a nu leh pa diktak an su hlum a maw? β€œ Pa ka u thusawi kha a dik em ,nang ni hian ka lak atangin in tir bo a maw" ka thu hriat chuan ka rilru a tina β€œBawihte " ka nu min rawn khawih tum chu a kut ka lo vaisawn β€œ Min rawn hnaih suh u ,nang ni hian ka u kha duhvang renga kal in ti a nilawm ni,tinge tunah lem.....ka lakah thudiklo in sawi a maw ,ka hua cheu " tiin ka room lam panin ka tlan hlawk hlawk β€œ Duhno " ka u min auhna pawh chu ka chhang theilo ,min lo haw ngawt ang chu.






Keilahin na tak takin ka lo tawngkhum leh ta nghal ,ka nu leh pa hian an sual thup nan an lo enkawl reng a nidawn si,ka tap hlawp hlawp β€œ Duhno " ka hnunglam atangin min rawn kuah β€œ Aih min kalsan rawh ,keichu i hmelma fanu ka nih hi ,hei vang hi tiraw Rosaline-i i pan ,hei vang tiraw min kalsan kal rawh ,ka hmuh ah lo in lan tawh suh ,natna in pe tawh lo ang,ka nu leh pa lakah phuba chu la lo in keimah ah hian la la kal rawh " ka hmai hupin ka tap khur ngawt ngawt.







β€œ Ka fate nen in tello chuan ka kal dawn lo ,ka hmangaih che ka tihkha " ka hawichhuah rualin ka hmuiah a rawn fawp nghal mawlh mawlh ,ka taksa in a thlakhlelh em em taksa a dai rual chiah chuan a hre nghal hle ,a kawr nghawngah ka thama ka fawp leh tan tan ,ka awm ah a bur ngar ngar ,a tham tawn tawn β€œ Ahma ai in a lian tawh a nih hi" tiin a nui huk a ,ka lo nui ve ringawt ka thawk a buai leh mai dawn β€œ Anu ,apa " rang lutukin kan insiam tha .




Ka u erawh a la pangngailo tih hriat takin a kap lam chu a pawng ul mai ,kan fate pahnih rawn lut chu kan lo buaipui vat β€œ Insiamla ,chhuak ang u ,vawiinah Delhi lamah kan chhuk ang " a tihchuan ka en vat ,a hmelah a thutak zia ka hmu thei,Simon leh Angelia chu a pawm a ,ka insiam hun a nghak tih hriat takin a ding ngawi ngul ,ngawi reng chuan ka mamawh zualpui tur ka khunga,ka zawh rualin a kut min lo pe nghal vut ,ka vawn rualin pawnlamah min chhuahpui,ka nu leh pa lo ding chu kan en zauh ,an ngawi ngar ka awm bosan tur ka ngaihtuah chuan ka inthiamlo .







Thil tisual tu nimahse kha chen min hmangaih zia an tilang renga ,hetianga awm bosan nghal mai ka tum hi ka inthiam chiah biklo,β€œ Kan kal ange ,a theihchuan ka rawn haw pui zeuh zeuh ang " ka u chuan a tisup a ,a buk khum zauh bawk β€œ Kal ang u le " tiin a fate pahnih chu hma a hruai tir ,an hnungah ka kuta kaiin min kalpui β€œ U Kan awm hlen dawn itihna a mi " tisepin ka en ,nui suk hian β€œ Nilo e ka hna kan zawh veleh helamah kan let leh dawn a lawm " tiin ka chalah a fawp zauh .







β€œ Le kal ang u le ,Kan thleng har lutuk ange ,khulam chu a lum dawn ania " tiin ka kutah vuanin carah min luhpui,airport pan a kan tlanlai chuan kan fate pahnih lah an phur em em lehnghal β€œ An dam tih ka hriatna hian min tihhlim tawh em em laiin ,tunah ka bulah ngei an infiam lai ka hmuh phei hi chuan Duhno khawvela mipa hlim ber ka ni hial ang,nau i chhiat ti a min hrilh hlim khan mahni inthiamlohna khan ka khat asin,nang awm bosan che kha khawvela thil hrehawm ber a ni ,nitin khan lo let a rawn hmuh che kha ka duh thin .








Mahse engkim hriat chhuah theih nan ka awm bo rih mai kha a ngai si ,hun hrehawm tak ka hmanga engtin nge ilo awm ang,min haw viau angem tih kha keimah leh keimah ka inzawt fo ,tunah erawh ka bulah ngei ka hruai thei leh che hi ka lawm ani " ka kut la kangin a fawp zauh a ,a hum zui vang vang ,airport kan thlenga thlawhnaa kan chuanzui hnu te chuan ka vai riai hian ka hria ,engkim hi mumang emaw ka ti rum rum bawk ,a hmaa ka huat em em kha tunah ka zui leh ta bawk,mahse thil hriatsual palh vang a lo ni reng si .







Delhi kan thlen rualin ka u fa a latu te in lam kan pan a ,ka zam riau leh nghal engtin nge min lo ngaih ang tihte thlengin ka ngaihtuah kai ,an monu duhzawng lo nilo ta ila tihnen lam ,car a din rual chuan β€œ Kan thleng e chhuak ila Duhno" ka u chuan tisupin naupangte chu a hlang chhuak,intuala nu leh pa vai tih hriat tak lo awmte chu ka u fa atana la tu te an ni tih ka hailo ,kan chhuah rual chuan ka u chu panin an kuah a ,kei leh ka fate an en chuan an hmel a danglam zawk ,ka u chu thil awmzia an zawt a ,English vek an hman avangin ka hrethiam ve zel .







A tawpah a nu zawk chuan β€œ Rosei kha ka ngaina a sin mawle aw ,engpawh nise fa in nei tawha kan thlah thlam thei nang " tiin keimah min rawn melh,nuam ka tilo takzet a hmelah tilang lo mahse min ngaina lo tih a tawngkamah ka hre vek miau,ka u chuan ka kawngah a rawn kuah ,min nuihsukin β€œ Engah mah ngai suh,ala ngaina vat ang che ka hmeichhe hmangaih hi an hriatchian hunah chuan an duat em em ang che " tiin inchhung lianpui lamah chuan min luhpui.






Ni e chu chu ka beisei,nge ni a min ngaina lo tluan zak zawk dawn ,ka tha a khur der der kan fate erawh hmun thar a nih vang nge an rak chul ,ka u chuan au zuiin fimkhur tur in a timawlh mawlh β€œ Apa mipa te chuan fimkhur hun kan hria a lawm" ka fapa tawng thei zet pawh a rawn lang leh ta,ka u chu a nui hawk hawk a ,a fapa chu a melh vung vung bawk ,a hmelah a lungawi tih a hriat β€œ A chhun che ania aw ,a thinchhe bawk si " ka tihchuan kiai sukin β€œ Ka thisen atanga piang a lawm anih,le an ni chu nau awm tu an awm hi ,keini hi inbuaipui kan ngai e " tiin min pawm kang lawp.






Rak thatin a nghawngah ka kuah rawk rawk,a room lam ni ngei turah min pawm lutin a nui vur vur β€œ Naute dang kan siam vat angai anih hi,a ute a um pha lo lutuk dawn tlat " tiin khumah min mut ,a mitmeng chu a de sawr sawr hian ka hria ,a kamiz hak chu a phelh mual mual β€œ U midangin min lo zawng palh ang,a bikin i nu in" ka tihchuan a lu thing nghutin a chet zawm mual mual,a kekawr leh a hnuaia a hak mi a phelh ruala rawn chhuak nawlh a vang chuan ka mengkawk, ka chil lem dawkin puan chuan ka inkhuh ka ner nasa hle .






Khatiang anga chiang khan la hmu hek lo ,a nui hawk thawm ka hriat rualin rizai chuan ka in zial khawm β€œ Naupang chhia lutuk " tiin ka puan sin chu a pawta ,ka pawt let ve tang tang ,β€œ Duhno vat " tihlukin ka puan chu a hlim pawk β€œ U ka zak e " tisepin ka thuchhuak ,ka kawr chu hlimin β€œ Ka ta ini hi zahpui suh" tisupin ka dar vel chu a fawp zai zai ,reiloteah ka thawmhnaw hak phelhin ka chungah a awm leh ta run ,Kum li liamta kha ka ngaihtuahlo theilo ,ka mittui a hnam ka chunga che sauh sauh chu mittui tling pamin ka en β€œ Ka ngai lutuk che " tiin ka kuah bet ...








β€œ Keipawhin ka ngai che ka naute " engmah sawi chhunzawm theilo in kan inthlakhlelhna chu chetzia in kan lantir dun,uar takin kan che dun sauh sauh β€œ U indangah awm daih ila" engtin nge min chhan dawn hrelo mah ila ka zawt ve hrim hrim duh ,helaia a nu leh pa bula awm hi ka thla a muang theilo,la hre reilo mah ila ka thinlung hi a thlamuang lo nghal em em ringawt ,a mitmenga min eiloh zia te nen lam khan nakin lama kan buai leh na tur ani ang tih ka hlau .







β€œ Ka kiangah hian hahdam takin awm tum rawh,ka nu leh pa an ni tawha kan kalsan thianglo ,an neihchhun kan nitawh nakinah in in nel anga nuam ila timai ang" a thusawi zawh rual chuan a rum kawk,Chet la leh vakin a baw chu a rawn lum chhuak puat puat,Kan chau bawk nen kan muhil tlang ,zinglamah ka thangharh ka fate ka ngaihtuah miahlo chu mawl inti lutukin ka tho chhuak,ka u sawi nawk nawkin β€œ Simona te kha khawiah nge an awm u " ka tichul,min kuah betin β€œ Hahdam rawh i piahchiah roomah sawn an mu e ,ala hma lutuk mu leh rawh nge i ril a tam a mi " a rawn tihchuan lu ka thing.






Min kuahbet leh a ,kei erawh ka mu leh thei tawhlo,dar ruk velah inhnuai lamah tawng thawm ka hria a ,ka thawmhnaw ha in room chhuahsan chuan ka chhuk thla , Rosaline leh ka u nu chu an lo inbia a ,an nui dun hak hak bawk,an inpawh hmel takzet ,muangchangin ka chhukthla a ,min lo hmuhtakah chuan insiam tha in u Rosaline zawk chuan min lo bia β€œ I u ilo zui a law ,fa in nei ta bawk sia,a fate avang pawha i zui angai a lawm tiraw ?" Huat chi ni silo ,ngeiawm rawng kai mah chuan a rawn ti a ,za lo zetin ka thensak ringawt .






He inah hian a cheng ve dawn tih hai rual a nilo,a thawmhnaw bawm ka hmu miau,ka u hian engvanga engmah min hrilh lo nge anih ang,u Rosaline phei chu a bialnu hlui a nileh nghal a ,hetianga a nu nena inpawh taka an inbia te hian keichu min ngaihsak veloh zia an tilang,rawng an bawl tlanga ngawi rengin an sirah ka lo awm thung,ka hnunglam atanga min rawn kuahtu avang chuan nuilui in ka inher β€œ Morning ka hmangaih tinge min lo thawhsana " pangchang aw lam lek lek hian a rawn ti .






A hmel zawng zawng nen ka nuih hak β€œ U Rosei hi a cheng ve tihna a mi " ka thusawi avang chuan phun hlukin a nu leh Rosaline lam chu a en β€œ Engah mah ngai suh,ka nu hian fanu a neihloh avang hian a fa angin a en a ,chuvang mai mai chu a lawm,nakinah a chhuak ve leh mai ang " tiin choka lamah chuan min hruai pheiin intur min laksak a ,Anu chuan ka thawh hlima a tihloh ang takin ka u chu a lo be bawrh bawrh ,ka u erawhin kei ringawt min melhin min ngaihsak ,Chu chuan ka thla erawh a timuang viau thunga.






Ka fate pahnih rawn au thla avang chuan kan hawichho β€œ Anu Anu " tiin Angelia zawk chu ka hliahah arawn biru β€œAnu Simon an min hau leh tawh ania " a rawn tinghal,hemi te hi chu aw an in hau reng maiβ€œ Amah a lawm " Simon lahin a rawn tive bawk ,ka u chuan Simona chu alo pawm a ,Rosaline-i lo kalin an pahniha pawm a tum chu an duhloβ€œ In nu tur ve tho ka nih hi " a tihchuan ka melh rum hle β€œ Anu bak nu kan neilo,nang kha kan nu tur pawhin kan duhlo che ,ramhuai i ang si,anu leh apa pawm bak kan duhlo" an unau chuan an tirual ..






Ka u nen in en in kan in nuih,ka fate hi ka chhuangin ka hmangaih hle,a nu mitmeng hi an hrethiam ve em em lehnghal β€œ Anu ka ril atam helai hi tinge alum em em a ,Mizorama api leh a pute bulah ka awm chak " an tihchuan ka lo hnem thuai ,ka u pawhin Mizoram lama kan zin vat tur thu a hrilh ve sup,an pafa a an infiam chu an danglamna ka hre miahlo,Simon chu naupang mai ala ni tihchauh lo chu,tualah kan chhungkua in kan infiam a ,Chaw ei tura kan luh hnu ah erawh ka u chu a hnalama kal turin a insiam mawlh mawlh.






Zungbun la inbun tir lo mah ila ,Kan awmdan chu nupa ang mai kan nitawh thung β€œ Ka lo haw vat ang,ka fate nen hian ka hlat rei thei hauh lo ang cheu " tiin ka chalah a fawp zauh a ,a fate biangah a fawhsak hnu ah car thleng kan thlah a ,Rosaline nen an kal rual erawh hmuh a nuam chiamlo,ka u nu thar nen chuan kan inbe miahlo a ,biak theih turin a awm heklo,ka fate pawhin an nel lo ,ka bulah an awm a room ah kan nufa thumin kan infiam,ka pa thar erawh a fel phian thunga ,a khat tawkin nuam kan tih leh tih loh min zawt reng thung.






Amah a upa tawh bawk nen rei tak a ke in a ding theilo,roomah a awm tawp thin β€œ Anu Mizoramah kan haw leh dawn em " ka fanu chu enin ka nui saka ,Kan haw leh tur thu ka sawi chuan a phur hmel viau ,a thiante ho a ngai ve a nih hmel ,ka pawm hlan a β€œ Apa in hi nuam inti em ,apa hian a duat dawn cheu ania " tiin ka nuih var var β€œ Anu apa in maw Anu thu in awih chuan car ka lei ang che min tia ,chuvang chuan keichu ka fel dawn " Simona en chuan ka nui hak hak ,an ni unau aia naupang fel hi ka hmuh ka inringlo,ka fate mah nise ka chhuang em a sin.






Michaela nen kan inbia a ,a vui ve viau a hriatloha ka u ka zui chu a lawm vaklo a nih hmel ,thil awmzia ka sawi takah chuan a lungawi ve hram ,min duhzia ka hria a hetia ka u awlsam taka ka zui pawh hi a nat viau ka ring,kha chen kan tan a awm a,chungte ka ngaihtuah chuan inthiamloh chang ka ngah,dik tak chuan nei pawh ni ila ka inchhir ka ringlo ,a fela ka fa te pawh a fa ang maiin a enkawla ,min ngaihsakna a tilang reng,hmeichhe lakah pawh a tla na a ,mahse angaihsak ngai miahlo thung.






Hengte ka ngaihtuah chang chuan kei min tawng hi a vanduai niber in ka hria ,ka tello in hmalam pan thei se tih hi ka duhthusam ber ani ,a fela hmeichhe tha tak a tawn theih nan ka dil reng bawk a ,phone ka dah hnu ah rawngbawl turin inhnuaiah ka chhuka,mahse ka chesual leh ta an eisiam dan thiam heklo i,ka tiut vek ,nu Manvi Chu lo kalin min hau vak vak β€œ I thiamloh chuan engvanga lo tinge inih,nangai chuan Rosaline pawh kha a tha fe ,ka fapa hian engtia rawn hruai mai che nge a nih ni.






I fate hi hnutchhiahla haw rawh ,Kan lo enkawl thei lutuk ang " a titawn tawn ,chumai la duhtawk lo in β€œ Ka fapa leh Rosei hi ka in neih tir thuai ang,I nu leh pa thiltih a vang pawh hian ka ngaidam theilo che" a ti hmawk hmawk ,a aw ah chuan a thinrim zia a hriat ,mi a duhlo hluah hluah tih a lantir chiang viau in ka hria ,kawngka a rawn inhawng ka u leh u Rosaline-i nui dun ka hmuh phei chuan ka tah a chhuak zual,inchung lam panin ka tlanchho hlawk hlawk,ka u in a nu Manvi a biakna vel chu ka hria a .






β€œ Rawngbawl pawh thiamlo engvanga rawn hruai haw nge inih" nu Manvi aw nen ,zahna leh rilru natna in min tuam room chhung atang chuan pawnlam veranda ah ka chhuak ,ka mittui a luang nghal zung zung β€œ Duhno "ka inher duhlo ,ral hla tak ni tla tur sen phutin a chhun chu ka thlir β€œ Min en teh le ,I thiamloh a awm lo " tisupin min kuai herin ka mittui a hru hulβ€œ U indangah kan insawn theilo ami" min en vung vungin β€œ Reilote tuar leh la ka nu pawh khan a la hriatchian loh vang che anihkha " a tihchuan ka lu ka thing nawk nawk .







Keichuan chung vang a nilo tih ka hrechiang,insawn chhuah emaw Mizoram lama let leh ka chak ber β€œ Haw ang u,hetah nilo hian kan awm theilo a mi? Ka nu leh pa i hua tihchu ka hria a ,mahse an ni pawh kan hmu lo mai anga ,Kan chhungkua te chauhin awm ang u " ka tihchuan β€œ Duhno ka pa hi ka enkawl angai a lawm,tuar hram hram rawh ,a hrisel tawhlo a ,baihvai taka ka awm tur nunna leh nang ni ka neih theih leh na chhan cheu anih hi ,Kan thlahthlam theilo a lawm "tisupin ka chhipah a khabe anghat .

63f1992662145c83a51a5d9ce276a566.jpg

Ka tap hlawp hlawp reng ringawt ,ka fate an muhil hlauh chu a tihzia a pi min hauhna kha an hria a nihchuan an lung a fing ve tawh nen hrehawm an ti dawn tih ka hria β€œ Min en tehle ,ka tan tuar hram hram rawh a rei anga ka nu pawhin a la duat viau ang che ,ka naute hmeltha inihkha nui rawh le " tiin a nui suk suk,ka then lui ve saka a awmah ka bei vang vang β€œ Henglai mite nundan hi ka thiam ve theih pawh ka ringlo " tisepin ka mit ka chhing nghal riai riai.


KA STORY PAKHAT ZAWK THE GOVERNOR hi lo chhiar ve leh ru aw

Link:
BBcode:
HTML:
Hide post links
Show post links


mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » June 17th, 2022, 8:29 pm

DARK ANGEL (TUI LEH MEI )



CHAPTER 10 AND 11




Hun a liam ve zel a,mahse chung hun chu liam ve teuh mahse ka u nu mizia erawh ala ngai reng,ka fate duat em em a a enkawl laiin kei erawh a hrehawm thei ang berin min en a ,ka u awm lai erawh chuan min be tha tawh hle thunga ,Rosy lah nitin a rawn kal ,ka fate biak ve phet a tum fo mahse ka fate erawhin an be tha duhlo,a tum bur reng ,ka u lah inah a awm khat bawk si .







Ka tan chuan hrem hmun tenau a ni ringawt,β€œ Kha hei hi sawtah sawn va dah teh,tangkai te hi tum ve la ,nu leh pa pawhin an huat phah che a ,I unaupa ngei i ngaizawng thei hi a mak hrim hrim " a rawn tihchuan ka ngawi thei tawh bik lo β€œ Nu Manvi ka u hi ka u diktak a nilo tih i hria tiraw ,Chuan ka u hi ka hnaih hmasa miahlo bawk ,I duh duhin min puh suh min ngaina lo tih ka hria ,helaia awm reng pawh ka duh tawhlo ka u hi ka insawn pui ang" ka tihchuan ka hmai a ri nghal sawk ,ka en a ka nui hak β€œ Nang ang vai mai mai hian min beng a maw ? Enge tih dikloh ka neih,ka theihtawp ka chhuah ve tho asin.







In hnam leh sakhua hi ka duh heklo" ka tawng laklawh lai chuan β€œ Lalrinsang ka nu zahlo takin i bia a maw?" Ka u aw ngeiin a rawn ti a ,ka hawi let rualin Rosy nen an lo phei ,nu Manvi lah chutia ka u te an rawn thlen veleh rilru nat hmel lutukin a awm a nihchu ,ka u chuan thinrim hmel takin min melh,a hmelah chuan ka thusawi avanga a lawmlohzia ka hmu thei,min rawn pan a β€œ Ka nu hi a tha biklo tih ka hria,kha I nu leh pa tualthah ching kha tanin ,he ka vahvaihna tur laka min neihchhun te hi zahlo takin i bia a maw " a rawn tikhur khur.







Insum ka tum tawh biklo β€œ Enge hriat i neih nitin u Rosaline nen office ah nuam in tawl a ni lawm ni,haw pawh rawn haw ngailo in ,eng hrehawm nge ka tawrh pawh i hrelo tiraw,ka nu leh pa chungchang kha sawi bawk suh,an ni thu kha lo awih ila a tha tur nang hian phuba lak nan min nei tih ka hre tawh e ,nilo nei nilo in i hmeizawk mawle ,saw Rosaline kutah sawn i zungbun bun tir in ka kutah erawh engmah ,ka hrethiam tawh e ,Jeremy Ramthanpui ,ka hrethiam ka lo inthiar fihlim tawh mai ange ,ka tello a i awm theihzia min hmuh tir tawh a lawm tiraw.






A tawk ta i phuba lakna chu ,a tawk e " tiin ka tap chhuak min rawn kuah a tum chu ka lo namsawn lawp β€œ Ka at em avangin i bumna thangah ka lo lut leh a ,tunah chuan he tuiril hi tuikhang takah a chang ve tawh e ,min rawn hnaih tawh suh,tun atang chuan kan inhre" ka dan hma in min kuah β€œ Khawiah mah i kal ka phallo ,I hria em khawiah mah i kal dawn lo,ka bulah i awm reng dawn tih i hria em" a rawn tihchuan ka lu thingin ka namsawn β€œ Vawiin la la hian ka hawng ang,in duh ang ngeiin i hmeichhe hmangaih nen chuan in awm thei tawh ang.







Ka fate i duh vanga min hruai ini tih ka hre tawh a ,mahse heihi hre rawh ka thawk tek tek chhungchu ka fate hi ka hlatah an awm ngailo ang" nu Manvi lo tawng tum chu ka melh β€œ Ka fate avanga ka pasal hian min nei iti bawka , thudik i lo sawi a nih hmel,mahse ka fate hian ka kiangah lo an awm ngai lo ang " tiin ka inher ,ka u in min rawn khawih leh a tum chu β€œ Anu kha khawih suh" tiin ka fate pahnih an rawn tlan min kuahin a pi leh a pa chu zam hauhlo in an en .






β€œ He pitar hian nitin anu a hau a,mahse apa nang chuan he pitar leh he chhimbuk ang deuh hi i tan zel ,anu hi kan haw pui dawn ,hetah kan awm duh tawhlo ,apa Michael an min lo hruai dawn " ka fate thusawi chu ka en vat,an hmel chu nidang ang a nilo,a tak ngak ,naupang mai mah nise hetiang rilru put nachang an hria hi kei ngei pawhin mak ka ti ,ka u chuan a fate chu kuaha biak a tum,an lo tawlhsawn a vang chuan hamhaih tih hriat lutukin a en β€œ Apa atan kan duhtawhlo che ,Anu pawh i ngaihsak lo,apa Michaela te chuan nitin min infiampui thin,Anu pawh thil a lo hawn ziah.






Mahse nangchuan engmah iti ve ngailo ,Anu haw ang u Mizoramah kan awmchak tawh " tiin min pawt dat dat ,tawng tawhlo in insiam tumin ka fate chu ka kai ,ka kut a rawn man bet tu avang chuan ka thaw hak β€œ Duhno min kalsan ang maw " a tihchuan ka inseh ruh β€œ Kei ai ngaihpawimawh i ngah tawh lutuk u,min lo be tawh lo la ,min theihnghilh zawk rawh ,chhungkua din ula hlim takin awm rawh u" tiin ka kut chu ka phih a ,room lamah kalin ka insiam nghal zung zung.






Inhnuaia kan chhuk leh lai chuan ka u chuan beiseina nen min rawn en ,ka en duhlo a ka mitsir erawhin a hmu reng thung β€œ Kal ang u le " tiin ka fate chu ka bia a ,room atanga ka pa rawn chhuakin min auh avang chuan ka ding dat β€œ Bawihi i natna chu ka hriatthiam pui che ,ka dam meuh tawhloh avang hian ka nupui ngei pawh a huang tau tawh anih hi ,ka dang hauhlo ang che ,he inah chuan rilru thlamuang in i awm thei lo tih ka hria ,kal tawh rawh " tiin min rawn nuihsang a ,ka u chu kan lam panin a rawn kal a .







A mitmeng a buai vek β€œ Min kalsan suh,aw kan pahnih in kan awm tawh ang,Duhno ka tihpalh ka bulah awm rawh u " mipa meuh pawh a mitmeng a buai vek,ka nui sak β€œI hria em u Madison beer hi,a sawi ang khan heihi thawnthu ang ah ngai la ,hetiang teh nuaih kan nih avang hian kan pahnih hringnun hi ka hua ,kha hla ang chiah kha kan ni ,min hmangaih thin ka hmangaih hma che kha chuan ,mahse a tawpah erawh thlah thlam ka ni leh si ,u i nau ang tak tak in min en tawh zawk rawh ,I hmaah ka lo lang tawh lo ang min dang suh,ka rilru hi ka thlak thei tawh lo " tiin a kut chu ka dahthlaksak riai riai.







Inchu muangchangin kan chhuahsan ,taxi phara kan thutluh thleng chuan ka u chuan chelo in min en reng,ka thaw chhuak ham ham ,ka fate ka en a ,an pa lam chu an en ve reng ,mahse kan tlanchhuah rual chuan an hawisawn hmak ,Mizoramah pawh haw ka duh tawhlo,chuti lo chu min rawn zawng hmu leh vat dawn tih ka hria ,ka pawisa khawl a la tam tho a ,ramdanga kal a bul tan ka tum ani ,ka phone e rawn ri a ,ka u call ka dah zel mahse a rik nawn sek takah chuan ka la nu Manvi in tap chunga a thu rawn sawi avang chuan ka phu zawk.








Ka u in min rawn zuina lamah accident a tawh thu chuan min deng dawt a ni ber ,taxi driver chu ding turin ka tituar ,nu Manvi in an hospital panna lam a sawi chuan chulama kal turin ka hrilh,ka hlauthawng tak zet,engtin nge a awm ang ana viau angem? Tih te thlengin ka ngaihtuah,damdawiin kan thleng hmanhmawh zetin ka tlan chhuak a ,ka fate pahnih chu kaiin damdawiin chhung chu ka panpui hlawk hlawk,nurse lo duty hnenah chuan ka zawt a ,min hrilh rualin ka u te awmna lam pan chuan ka tlan dawr dawr .









Ka tah a chhuak hlur bawk β€œ Anu apa a damlo a mi " Simon chu ka en ,ka chhang theilo ka bu nghat ringawt ,emergency room zawn a nu Manvi leh Rosaline bakah ka u pa pawh alo awm,ka pan nghal hmawk hmawk β€œ Ka u chu a tha em? Engtin nge a awm " tah chhuak lutuk insum chung chuan ka zawtβ€œ A rawn umzui cheu a ,a tlanchak bawk nen inpiah lawkah khan truck rawn tlan nen khan an insu a ,a dinhmun a thalo takzet tih doctor te chuan an sawi" nu Manvi pawh a tap teuh,ka thu thla hnawk a,ka awm chumin ka tap chhuak hawm hawm ,ka fate chu a pu chuan a lo buaipui vat.






β€œ U min kalsan theilo ania ,I hria em ka kal dawn veleh tinge min dan thin tinge hetiang zawnga min tih,ka tello in i hlim dawn lo em ni"tiin ka tap chhuak hlawp hlawp,darkar hnih hnu velah an rawn chhuak ,doctor in a β€œ Kan zai hlawhtlinge ,mahse a dam chhuak kher angem tih erawh hriat a nilo,a insawhna hian a taksa a nghawng nasa a,a dam chhuak angem tih ka hrelo ani " doctor a zai tupa ber in a tihchuan ka bing mup mup thei .







Ka u chu hmuh an la phallo a ,darthlalang chhan atangin ka en ,oxygen an vuaha,a taksa ah chuan khawl hmanrua a bet fur bawk ,a lu an tuam var luk bawk,mittui luang zung zungin ka en ,a mit a chhinga a hmai a sawhna vel a duk chur bawk ,ka khawih chak takzet a kut vawn saka biak ka chak,mahse tumah luh an rem tibawk silo,darthlalang atang chuan kan thlir thap ,ni a kal ve bek bek a,ka u pawh a thawk a buai fo a ka chan mai ang tih ka hlau,ka fate ka en apa lam chu an en ve char char .







β€œ Anu apa hi keimahni avangin a damlo ami " ka fanu thusawi avang chuan an lam ka en,apa chu enin an hmelah inthiamlo hmel a lang ve hial,a pi leh pu zawk chuan an chhang ,keichuan ka chhang a nihchuan ka tap leh thei mai ang,doctor hnenah ka dil luih avangin a vawi khatnan ka u ka khawih ve thei dawn a ,muangchangin ka lut ,khumah chuan a mu renga ,a lungphut leh phutloh lanna khawl ri bak hriat tur a awm lo ,a kut chu ka hum β€œKa tawng i hre thei em,u min hrethei tiraw ? Beilet rawh aw .





Kal miah suh ,hmabak ila ngah lutuk , I kal ala hunlo ,he khawvelah hian ila awm angai" ka dul zawnah a kut ka dah sak β€œKan fa tur a awm leh mek a sin i hria em,haw em em tu che leh hmangaih tu che hian he ka pumchhungah hian i fa ngei a pai tih hi i hria em ,hei tal hi chu nangmahin a i chawilen ka phut ,Ramthanpui i mu reng thianglo ,I fate hian pa an mamawh pa neiloa miin an hmusit tur i duh a nihloh chuan lo harh chhuak rawh i hria em ,beidawng suh ka beidawng ve dawn lo" ka mittui ka hru tawk,a mit hnawng chapah chuan ka tawng a hre thei tih ka hria.







β€œ Lo harh vat rawh i fate leh i hmeichhia ti a i sawi thin hian kan nghak che ania,I fate inthiamloa awm tur hi khawngaih la rawn harh leh vat ang che ,thla thum chhung hi chu ka hrethiam ang che a bak i mut belh tawh tur anilo ,thupek a nihchu ka kalbosan che i duhloh chuan min dang turin rawn harh chhuak ngei ang che " hun ka neih tawhloh avang chuan a chalah fawp vang vangin a hmui ro repah chuan ka fawh sak leh β€œ A u..." Ka naupan laia ka auh thinna ngei chuan ka au leh β€œ A..u Jerry ilo harh chhuak leh dawn,a u ka mamawh che ania ,ka mamawh che " tiin ka phun sep ,ka tihtauh changa ka tih thin danin a chalah ka kutin ka sawh .






β€œ Ka lungawi miahlo ania ,palian ,ka tan harh chhuah pawh i thei lo a maw ,doctor te saw mak tih tir turin ,I nau ka nihna ang zawkin thu ka pe a che ,rawn harh chhuak rawh,ka kal a hun tawha ka lo kal leh hunah beiseina ka neih theihna tur pakhat tal hmuh leh hriat ka duh tih hria ang che ,ka hmangaih che a u Mam" tisepin room chu ka chhuahsan,pawna nu Manvi lo awm chuan min kuahin ngaihdam min dil leh mawlh mawlh,thla thum ka u accident atangin kan awm leh tawha,ka u damlohna chuan chhungkuaah remna a siam thung,ka nu leh pa pawh in vawi khat chu ka u an rawn hmu ve tawh bawk.







An lo enkawl rei ve tawh a ,chungin an thlahthlam thei bik hauhlo ang le ,inlamah kan haw leh riha kei erawh rei awm lo in hospital lam ka pan leh vat thung,ka u bulah awm theilo mah ila a bul hnaiah tal awm ka duh ani,mak deuhin nitin chuan ka u chuan hma a sawn tih doctor ten an sawi a ,hetiang reng a nihchuan ward pangngaia kan insawn thuai theih tur thu an sawi bawk ,ka lawma ka hlim takzet a tello a nun tum mah ila ,thihna suala a awm lai hi chuan kalsan ka duhlo,beiseina pe turin kei ka awm angai,mei awmna hmunah hian khawih theih silohin tui hi ka awm ve reng angai bawk.








A khat tawka hmuh an phal tawh a ,ka hmuhchang chuan ka be mawlh mawlha,ka pum thang ve zel chu ka khawih tir bawk ,engtikah emaw alo la harh chhuah ka beisei vang te pawh aniang,hospital bul cafe a thil ka eilai chuan ka phone a rawn ri a ,ka en rualin hlauhthawnna in ka khat nghal vek ,phone ka lak rualin an thusawi a vang chuan ka thil eilai pawh ngaihsak lo in ka tlanchhuak β€œ U ,kal suh u " tiin ka tawngtai ,ka theih ang a chakin a awmna room lam ka pan.







Darthlalang phen atanga ka u lung zawn a lung phut tir tuma khawl hmang a an buaipui lai chu ka thlir β€œ U hei hi em ni TUI LEH MEI Kan nihna chhan chu,Kan pahnih hian kan awm ve hi a rem lo tak tak em ni,thim lal vantirhkoh em ni ilo nihzawk ,ka dil che a ka ngen che tinge ka hmangaih saw i chhanloh" ka lu a hai a ,ka awmna hmun vir muai muaiin tu tawng pawh chu ka bengah a kiu vung vung,ka lam pana ka fate bakah u Rosaline te ho rawn tlan chu ka hmuh hnuhnun ber ani .







Phul cham diai leh thli tleh heuh heuhna hmun nuam zetah chuan ka lo awm a ,ka hawi kual a nuamin ka hahdam sawng sawng thei ,min hnungchhawn zawnga mipa ding chu ka en reng,ka lam a rawn hawi chuan ka mengkawk β€œ U " a rawn nuisanga ,a damlai hmel mawi tak ang chiah kha ani,ka tlan phei ka kuah thlawp β€œ Ka ngai lutuk che " tiin ka kuah nghet sauh sauh β€œ Duhno engkim hian hun ruat anei a lawm " tisupin min nam hla deuh,ka dul puar ve ak tawh chu a en a ,a nui suk β€œ Ka lalfapa chu khawimaw " tiin ka dul zawnah a rawn thu hniam a .








A kut lian leh hlai hlupa khawihin a fawp vang vang β€œ Ka fapa ka Lalfapa " tiin a phun leh sup a ,a ral nghal riai riai β€œ U kalsuh ,nilo u min kalsan tawh suh",ka thing thi hnawk ka mittui a far zung zung ,vanlam ka en chho ,boruak chu a thiang kuk β€œ Dawn ve che maw a riangchan.." Ka tap pah bawk ,β€œ Ana lua kei ka tan khuarei hian a hnem chuang lo'ng i zun ngaih.....thinlai a par ka tahpui si !





Khuarelah lungawi zir angaia ,mahse lungawi erawh a har thin si,hmangaih nei turin min siam a ,mahse chu hmangaihna erawh parchhuang ve turin a phal leh chuanglo,duh neiin min siama ,Kan duh zawng zawng erawh kan ban phakah a dah ngailo,khawvel luahkhat tura min tihlai khawvel chhuahsan tur a lak kan ni leh zel a ,ni e siamtu remruat hi keini tan tihdanglam theih a ni chuang silo,remlo tur min intawn tir a ,kumhlun tur silo min hmangaih tir bawk a,mite sawisel turin kan thinlung a kuai her a ,Kan control theih bakin kan duhzawng tur chu chhungkhat pawh nise a thliar leh silo






Khuanu he leiah kan awmdun theilo anihchuan khawngaihin vanramah tal ani ta kha ka nih ve theihnan min phalsak ta che ,vanramah chuan mi zawng zawng ang khata en an ni dawn an tifo a ,mahse khawngaihin keichuan hei tal hi ka dil duh che ,heleia ka ta nitheilo tur anihchuan kha i angchhungah tal khan kan pahnih tan hun min siamsak ve rawh aw....tumah inhre tawhlo in nangmah chiah an fak tawh ang tih sawi fo mahse khawngaihin vawikhat tal kan lendun rem ti hram ta che .







Phun mur mur te chu hre mah ila menchhuah ka duhlo ,ka u in min kalsan tih thu hriat ka duhlo ,u khuanu in min tawn tir che a ,ka tahna mai turin ka bulah min enkawl turin a lo tir che a ,ka angel kha ka lak atangin lak che a tum leh a ,lei anchhe dawngah hian kei erawh hnutchhiahin ka awm leh ta bik dawn a ,ka hmangaih ,ka tan van lam a miten an duang ve lo che em ni? Siamtu in siam si che in ka bula awm hlen tur erawhin a phal ve lo che .





Ka kiangah a awm reng chunga ka khawih theihloh,ka kutin a chelh phak si a ka neih theih miahloh tur ,min tihlim tu ni si a ka lak atanga lakhran ,ka hmangaih nisi a min theihnghilh tu tur ,lei nawmzia min hmuh vanah erawh amah nilo in midangin min lo hmuak ta thung dawn a ,min hria a min ngaihtuahtu kha inthlakin pa Pathian zawkin min lo chhawn zawk dawn em ni ,JEREMY RAMTHANPUI.



Remlo tur ka tan a parchuak e
A hlimthla bak ka chang talo
Min nghaktu kha keiin ka zawn angai ta thunga
Thihna kut vawtin a man mek ka hmangaih
Hmu leh tawh lo turin khitah,chhum lenna chungah.
A nui hmel ka hmuh phak tawhlohna tur ah
Ni tin β€œ Duhno " ti a min ko thin tu khan
Pialralah chuan kei min hre tawhlo leh min hum tawhlo in
U ti a ka kohna chhang duh tawhlo in
Isua lo hmuahna hmunah ngei
A hmangaih Lalrinsangi a kalsan ang maw.






Tette atanga ka belh thin a tang ,min pawmtu a kut ,min thlamuantu a aw thum leh min ngaihtuahna lang chhuak thin te kha ka hre pha tawh dawnlo.



Hmangaih nei tura ka pianrualin kalsanna nun min pe a ,hlimna hmel ka hmuhrualin lungngaihna in min tlakbuak tir leh thin,ni e hringnun hi chu chhum reilote atana rawn lang ,nakin lawka ral leh mai tur ania lawm ,Kan pianga kan tawih ral leh mai thin,thing hnah chu a tla kawlha,a thar duhawm takin a rawn thlak leh thin,mihring te tan erawh vawikhat piangin,damchhunga piangnawn leh tawhlo turin kan tualchaina ngei lei kan rah leh kan chettlatna hnuaiah ngei nunna dang nei tawhlo turin vuiliam kan ni thung.






Hma hun ngaihtuah leklo a kan awmna chuan a tawpah lungngaihna tawpkhawk leh mittui min kohchhuah sak thin zawng a nih hi,siamtu hian ka duhthusam pakhat tal min tihhlawhtlinsak tur chu nise engdang mah ngaihtuah tawhlo in ,unau ang nilo leh midang chim buai tawhlohna hmuna ka hmangaih Jeremy Ramthanpuia nena awm dun ka thlang ngei ang, β€œ Anu harh teh Anu " ka fate aw chuan min ko lawm lawm mahse chhawn turin chakna ka neilo.






Hmangaih ka nihlohna hmunah chuan thinlung thlamuangin ka awm ngai dawn lo a ,dam reng chunga hrehawm tawrh ai chuan hmangaih taka min lo nghaktu awmna chu ka tan a beiseiawm zawk lo em ni,ka tello a awm theilo kha vanah pawh ka tello in a awm theih ka ringlo,min lo nghak reng zawkin ka ring,mite angin tarkun thlengin tithei lo mah ila ,a tawp thlengin tih erawh kan sawi thei thung a lawm



Khawvel buaina leh natna chiah a awm ai Chuan khawvel piahah ,nghakhlel taka min lo thlir tu a awm tih hriat rengna hmun chu ka tan a thlanawm zawk loh maw β€œ Bawihi mama alo harh theih nan nang tal i pawimawh a sin inti chak hram hram rawh ,bawiha pawhin i tan a bei mek a sin" Chu thu chuan ka ngaihtuahna thi duk tawh chu a kai harh chiang hle.




THUDIK TAK CHU MAW?β€œ TUPAWH NISE AN TINA THO THO ANG CHE,NAT PUI THAM NATPUI TLAK ZAWNG MAI RAWH . BOB MARLEY

TI SAD THIAM VE THLAWT LO πŸ˜†πŸ˜­πŸ˜­

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » June 20th, 2022, 10:12 pm

DARK ANGEL (TUI LEH MEI)





CHAPTER 12





Ka meng chhuak riai riai,ka bulah ka chhungte an lo awm kim vek,mahse awm tur bera ka ngaih ka u hmel erawh ala awm ve ta chuanglo β€œ Nu" ka nu leh pa ka hmu chu ka tah a chhuak thar β€œ Bawihte tuar hram hram rawh ,I u pawhin kalsan mai cheu duhlo in a natna a bei let hram hram a sin,doctor te mak tih hial khawpin a awm tawh bawk ,a nghak reng che " an tihchuan ka tho chhuak nghal vat,ka lu hai a vang chuan tawp datin ka thu vang vang .








β€œ Ka hmu duh " ka tihchuan ka pa chuan min puiin nu Manvi leh ka nu te chuan ka hnungah min zui bawk,Simon te erawh inlamah pa Sharik an a haw pui a nih hmel,ka u awmna room zawn kan thlen chuan thaw ham hamin kawngkhar chu ka hawnga,keimah chiaha ka hmuh duh avang chuan tumahin min zui lui heklo;khum lam Chu muangchangin ka pan,ka pa te sawi a dik tih hriat takin a vunte pawh tisenin a rawn luah leh tan mek tih ka hmu thei ,a bul ka thlen rualin ka en vang vang .







β€œ U ka ngai tawh che ,ka lo hmuh vat loh che avangin ka tihpalh aw ,in tihchak ka tum ve a sin ,ka theih tawp ka chhuah a ,mahse nang chan che ka la hlau zawk tho ,lo harh vat la mangang taka min siam hi bansan tawh rawh " tisep sepin a kut chu ka vawnsak vang vang ,a kut rawn che ka hriat rualin a hmel ka en; β€œ U min hre thei em ,I harh tiraw u " a hmai bulah ka kun hniam,a mit rawn che ka hmuhchuan ka tap chhuak hak ,ka lawm lutuk chu ka tap a niber ,fiahlo ruaiin a rawn meng a . Nghakhlel zetin ka lo en thung .







β€œ Duhno " a tawng chu la ring lo mahse ka hrechiang em em thung β€œ Aw keimah ,keimah u " tiin a kut chuan ka biang chu ka nul tir a. A rawn nui suk ,mitchhing vang vangin a rawn meng tha leh a ; Chiang zet chuan min rawn melh ta ngur ka hmai leh hmui vel chu a kut lian pui chuan a chul dan dan β€œ Ka ngai che " tisupin alamah min kuaikun a ,keipawhin ka hnaih vat ,ka hmuiah chuan a fawp vang vang ,mumang a nilo tih ka hriatna chuan min tihlim in min ti thlamuang hle bawk .







Ka chhungte rawn lutin thil awmzia an hmuhchuan an meng kawk hlawm a β€œ Ka awih theilo " tiin ka nu te ho chu rawn tlan pheiin ka u chu an en a ,a taksa te chu an khawih kual thul β€œ Bawiha ilo harh tawh " tiin kan nute pahnih chu an tah nuih,ka u erawhin ka kutah vuanin keimah ringawt min en thung ,a rilru tur ka hria a ,min thlahlel hle tihpawh ,ka tan a awm reng thin a ,mahse hmelma avanga kan inkar hla thin ziah erawh thleng nawn tawh lo se ka duh,ka hmangaih a . A ni pawhin min hmangaih bawk.








Engtikah mah kalsan leh pawh ka duh hek lo,ka kiangah awm reng sela min hmangaih tak tak lo a nihpawhin min kalsan theih tawh lohna tur talin inneihna hmangin ka phuar tawh mai aniang chu β€œ Bawiha min hre tawh lo vem ni?" Nu Manvi in a tihchuan ka u chu kan en thap,a mit a chhing vang vang,muhil tur te pawh a ang ,a chhang tawh dawn lo emaw tiin kan en thap,a ngawi reng bawk si nen nu Manvi phei chu a hawihai nasa tawh hle ,chutah ka u chu fiahzetin a rawn meng leh a ,Chiang zet leh hawisawn miahlo hian nu Manvi chu a en .








A mitmen dan chu hriatthiam a harin a dang riau lehnghal β€œ Engtin nge ka theihnghilh ang che " a rawn tihchhuah rualin nu Manvi chuan a kuah thlawp,tu te pawh chu kan hlim ,doctor te pawh rawn kalin an ni pawh an hlim hmel hle ,harhchhuak tawh lo tur a an ngaihkha a rawn harh chhuak leh ta si a,ni e kei ngei pawh hian atak anih ka la ring thei chiahlo,ka vai riai a. Kha chen a lo mut tawh vang nge a rawn harh te Chu ka mumang a ni nge nilo tiin mahni leh mahni ka insik thul,midang chu ka u chuan a haw tir vek a. Kei erawh ka la awm ta reng.







A bulah thu in kan titi mial mial,ka pum chu a chul hauh hauh bawk ,ka biak thinna zawng zawng kha a lo hre vek a ,harh chhuah a chakzia min hrilh bawk β€œ I tap tih ka hriat phei kha chuan rawn mena ,kusha ka kalsan dawn loh thu che hrilh che kha ka duh a ,mahse ka thei silo a hrehawm ber a la ni hial ang,ka naute hian ka tello in hrehawm a tuar hnem tawh nen keilah hian ka belhchhah zel zawng che chu a nih hi " mahni inthiamloh hmel zetin min en; mahse keichuan ka hrethiam em em tawh,khawvel hi a reilo lutuk a.






Kan mi hmangaih te tlanchhiatsan kual nan chuan nun hi atawi,second khat leka chawl thei thinlung hi a that lai hian a hmangaih bulah a awm mai tur ani,a hmuiah ka fawp zeuh β€œ Lo zui ve mai che kha ka chak a ,I thi dawna ka ngaih phei kha chuan ka a thei mai dawnin ka hria, ka inthiamlo a ,kalsan che kha ka tih loh tawp tur ani,u tunah chuan tu hmeichhia pawh hmangaih la ,I fate avang tal pawh hian i nupui tak tak nih ka duh ,hetiang awmreng zawng ka duh tawhlo" tiin a awmah ka bei .







Ka kalsan thei tawh lo,ka samah a lo chul hauh hauh a β€œ I bulah ka awm tlem avangin ka tihpalh Duhno ,ka tan chuan khawvela hmeichhe awmchhun ini a ,ini reng bawk ang engkim avang khan ka tihpalh,ka fate nena in rilru ka tihnatna avang pawh khan keihi pa tlak ka nilo reng ni,Chu chu ka fate ngei pawh Khan an hre bawk" a aw ah chuan a inthlahrun zia a lang reng;chhuahsan kan tum laia Simona thusawi kha a la hria a nih hmel. An ni lahin an pa hi huat pawh an haw tawh der silo ,a harh hun an nghakhlel ve hle kha a nia β€œ I fate hian an pa hi an haw thei hleinem che .






An pa a lawm inih,an hero chuvang chuan i fate hi ngaihsak hle tawh rawh" tiin a kut chu ka khalhsak,chau zeta rawn nuiina mut a chhuah hmel em avang chuan mu turin ka tur lui a,a mutthilh hnu chuan a dawhkan bawhin ka muhil ve nghal,ka chau ve tawh viau mai,naupai ka ni bawk nen ka taksa hahdam a pawimawh tih ka hre ve miau,ka fa hi hrisel taka a pian ka duh bawk,nurse rawn lut pawh chu ka lo en tha peih tawh lo,an rintlak tih ka hria a ,rinhlelhna mitmenga en kha ka duh lo hrim hrim bawk a .









Ka mit chhing riai riaiin ka muhil zui nghal bawrh bawrh ,ka harh leh meuh chuan khua a lo thim titih tawh ,ka riltam lah chu ka pum a ri rawk rawk mai,ka u erawh tuizetin ala mu a ,khum sir a eitur kan leisa chu la in ka ei nghal mial mial ,ka u chu arawn chetial tial a ,thawk ala deuh hawk a bul hnaihah ka thu nghal vat,ka hmel ahmuh takah chuan a thaw deuh huail;ka kalsan emawa a ti a ni ngei angβ€œDuhno"ka kut chu a hum nghet zual sauh .







A chauh hmelrualin a mi chelhna erawh a nghet hle thung β€œU ka kalsan dawn hleinem che,I bulah i nunhlur thleng ka awm dawn "ka tihchuan a rawn nui ve suka,ahlata awm tawhlo turin min hrilh nghal bawk .


(ZANIN CHU KA CHAU NGE KA TYPE LAIIN KA LO MUHIL LAWK A ,KA HARH LEH CHUAN DAR10 A LO RI DUAI MAI A,A TAWI TIH KA HRIA ,ZAWM VAT KAN TUM DAWN NIA AW,MIN HRETHIAM MAI RU KA MUT A CHHUAK LAKLAWHA)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)