MASTER CHAPTER BY MAWITEI BAWITLUNG (Short story)

Moderator: writers

mawitei bawihtlung
Posts: 753
Joined: November 18th, 2020, 12:53 pm

MASTER CHAPTER BY MAWITEI BAWITLUNG (Short story)

Unread post by mawitei bawihtlung » July 13th, 2022, 9:07 pm

MASTER

By Mawitei bawitlung

CHAPTER 1




Ka nu natna avanga mu dang bem mai chu enin ka mittui a luang fep fep,Kan retheih sa nak alaiin kan nufaa kan intun nun ve na tawk tawk pawh min laksak duh avanga ka nu tar chaklo tak mai sawisa duhtu te hi tunge an nih ang? Engvangin nge ka nu kher an tihnat ,ka tap fap fap reng “ Doctor ka nu hi min chhan sak hram rawh u pawisa chu ka inhlawh anga ka pe em em ang cheu khawngaihin " ka ngen lawm lawm pawhin pawisa tello chuan chu damdawiin damlo te tidam tura an ngaih thina thawkte ngei chuan ka nu chu an enkawl theihloh tur thu an sawi anihchu!.









Beidawng zetin ka thu hnawk ,ka mittui ka nuai nawk nawk bawk ,ka thlaphangin pawisa han puk turin chhungte kan nei bawk silo. Ka mangang takzet “ Zai nghal ula ,enkawl rawh u hetiang hian maw ka damdawiinah hian inthawh a " thinrimna a khat aw hian a rawn tichang hrawk ,doctor pa pawh chuan hlauh hmel zet hian a en a . Ngaihdam a dil nghal mawlh mawlh ,chupa lah chuan ngaihsak miahlo in keimah ringawt min melh chhuk ngur ,ka en tha ngam derlo a mitmeng hriam hrak leh rum lam mah chu ka melh ngam lo ani ber .






“ He damdawiin hi pawisa duhvanga ka din a nilo va ,damlo mi mangangte tana din ka ni tih hre tawh ang cheu" a tihrualin ka nu chu an buaipui a ,an reh ta diak ,chupa nen chiah chuan kan awm tawh “ Tho la i nu enkawlna man saw min rulh angai tih hria ang che " nelawm loh zeta a rawn tihleh chuan;muangchanga dingin “ Ka lawm e,inhlawhna ka zawng anga ka hmuh ve leh ka rul ngei ngei ang che" ka tihchuan a hmui a tikawi nawk “ Ka inah ka awmpui angin i thawk ang .....hnial hauh suh min hnial ngam tur inilo " ka ka ka ang zuau tawh chu hnial ka tum tih a lo hria a ni ngei ang.







“ Engvangin nge ka hmelhriatloh bulah hian ka awm ngawt ang " ka tihchuan min khawih duh tur mai hmel a pu tawh “ I nu saw thih tir nge a dam i duh? Tunah hian pawisa pek tur pawh i neilo a nilawm ni? Ngawi reng khan ka thu chu zawm mai rawh." a rawn ti deuh hmuk ,sawi tur hre tawh lo in ka dingkhawng reng ringawt ,ni e ka nu damna hi ka duh ber ani . Doctor tha an vang tawh bawk si,sum duhna avang hian mihring nunna pawh hi sum a awmloh chuan chhan an duh lo nghal ringawt thin chu ania .









“ Naktukah ka inah rawn insawn ang che ,driver ka rawn tir ang " tiin a kalsawn a ,ka thaw deuh huai boruak chu am zetin ka hip lut ,a thinchhiat hmel ropui si engtin nge khatiang mihring bulah ka awm reng theih ang. Ka nu pawh an zai zo a ,doctor te pawhin engmah an sawi tawhlo khapa kha an hlau hle a nih ka ring ,ka nu pawh a dinhmun a tha viau va,ka thawk a veng huai a kut chu chelh vang vangin ka hum nghet sauh “ Nu ka neihchhun inih kha ,min kalsan miah suh aw " tiin ka phun chhuak sep sep .







Ka pa kum thum liam ta mai khan ka chana,tuna ka nu hetia a awm leh zel hi chu ka hlauthawng ngawih ngawih ,zanlamah kan inah haw zuai in ka thawmhnaw siamin damdawiin ka pan leh a ,khapa khan min rawn hruai tur a rawn tirh hma a engkim lo tih fel ka duh ,damdawi in ka thlen chuan ka nu pawh a lo harh tawh ,ka pan nghal vat “ Bawihte enga tinge suitcase nen ?" tiin zawhna mitmeng hian min en a ,nuihsakin a kut ka vuan vang vang “ Nu i hnathawh ka phal tawh lo a ,chuvang chuan mi pakhat fel deuh mai inah ka awm dawn a ,naktuk hian ka insawn lut dawn a" tiin ka hrilh dap dap .







Thinchhepa mifel lutuk anga ka sawi ngai chu ka ngei hle ,zanah ka nu bul chiaha thutthlengah chuan ka mu a ,ka nu pawh damdawiin ah a la awm rei a ngai dawn a ,a chhan pawh a taksa duh angin a chak tawh lo bawk nen doctor ten la awm rih turin an timiau ,keipawhin pawi ka tilemlo,kha pa ina ka insawn luh dawn phei chuan ka nu hi engtin nge a awm ang? Ngaihtuahna a buai ve map mai,kha misualpa lah khan ba min siam ringawt a ,a hausak viau te chuan min puihna angah ngaih ve mai awm .






Ka nu mutthilh hnu chuan keipawh ka mutna turah ka muthla hnawk ,ka chau ve takzet ,ka mumang lah a lo nuam em em zui ,zingah ka harh chuan ka nu pawh a lo harh ve tawh . Min hruaitur pawh arawn thlen har ka ringlo ,ka nu chu ka kal angaih thu leh ka tlawh reng tur thu ka sawi chuan min khawngaih hmel zetin min en “ Nu ka inhlawh anga kan pahnihin nunnuam deuhin kan la awm dawn alawm " ka tihtakah chuan a pawm ve hram ,reiloteah min hruaitur a rawn kal a ,ngawi rengin ka zui ve mai bawk ,khawi hmun lamah nge a chen ka hrelo a ,kalkawng hi ka en ngun viau pawh a ngai ang.








Kan inphur chhuak ,Durtlang lamah kan tlanchho zel ,ka kut pahnih chu nghet zetin ka hum ,thinchhepa in chu hmun fal deuh ,tlang chunglam a nih hmel ,a intualah min dinpui,pawna lo ding ngur ka hmuh chuan ka thaw ham ham ,muangchangin ka chhuak a ,ka suitcase chu driver chuan a rawn la ve bawk . Thinchhepa bul ka thlen chuan “ Ka pu ka rawn thleng e " ka ti kher a ,a nernawk mai pu ti a ka kohna chu a lawm vak lo tih a lang reng.







“ Rema a thawmhnaw bawm kha chu a room turah lo va dah rawh" tiin ka hmaah a la rawn ding ngur mai “ Engber nge ka thawh dawn " pangngai thei ang ber chuan ka ti a ,chutah ka sawi zo chiah a ke hnung lam atang chuan China ho in an uar em em vawk tê chi ngei mai ,a pink hi a rawn dak dek dek“ Oink " ala rawn tizui “ Awi a cute lutuk " tiin ka thu hniama ,a thianghlim var bawk nen ka lawm takzet ,ala fing em em zui min en in a rawn then ,mak tilutukin ka en ,tiktok vela an fing em em kha an edit aniang ka lo ti thina ,a tak ngei a ka hmuh takah chuan ka chiang ta kuar mai .








Ka pawm a ka hiah rualin a dak ar ar reuh leh nghal “ Rîte rîte " tiin ka koh rual chuan rum nghut ri a rawn chhuak nghal,ka dakchhuak chu “ Rîte a nilo khatiangin ko leh tawh suh " a rawn tihluk ,a la lawmloh hmel em em zui ,Englaipawhahlimhmelpuloa ka ti zek dawn emaw ni “ A hming ka hre hlei nem ,chutiang bawkin nangpawh ,tin vawkte chu rî te tiin an ko thin " ka tihchuan “ Vawk a nilo ,Popcorn tirawh ,khatianga i ko leh a nihchuan hremna ka pe ngei ang che ,hei hi nitin i bual bawk ang .






Inchhung tihfai nen kawp vek ang che ,a inhliam tur a nilo " tiin inchhung lamah chuan a lut nul nul,a vawk note oh! Vawkui tizawk ang chu chuan meithen leuh leuh leh tetakte in a hnungah a um det det ,ka nuih a za viau ,Ava inhmeh dangdai tak ,Mizorama hetiang vawk nei ka vawikhat hriatna ka nui kur kur ,inchhung lamah chuan ka lut ve thuai bawk . Chu vawkte lahchu a fing in a pu chu a hre hle ,a kalna apiangah a zui kual a ni ringawt . An va inhmeh putu tak ,thinchhepa mizia ka en a ,chutiang vawkte a enkawl chu ka nuih aza hle .







A vawk te lah chuan in a la nei vei thlap leh nghal ,a room lam ni ngei turah a lut a ,hna kal turin a insiam dawn a ni ngei ang ,dirver pa chuan ka room tur min kawh hmuh a ,a chhung chu a zau hle ,ka nu nena kan inluah ai pawhin a zau zawk . Ka nu ka ngaihtuahna avang chuan ka hnual rawih ,ka duh hun hunah ka hmu thei tawh dawn bawk silo . Min ngai viau ngei ang le “ Ih " tiin driver pa chu ka en “ Tunge i pu hi a hming " ka tihchuan “ Zorempuia " tiin a chhuak zui a .







A hming chuleh ! Mai mai a ka hming nen a la inang chiah zui,hahthlak hian ,pawnah ka chhuak leh a vawkte chu tihtlang nel tumin ka pan ,lei chhuah tetin min lo en “ Popcorn lo kal rawh le " tiin ka ban ,a hnar pir va a ka kut hnim det det in chutah a rawn zuang thut a ,ka malah a bawk nghal tharh ,ka chul heuh heuh . Ui ang mai a fing a ni maiin ka hria ,min nawr nak nak ,vawk vulh pangngai ang chu nise ka ten ngawt ang . Mahse enkawl ngun a nibawk a ,a thianghlim sar mai .







A bualna tur ka siam zung zung ,Zorempuia rawn chhuk chu ka lo melh zawk “ Fai deuhin bual ang che ,hetah a eitur a awm kha ,chhunah ka nu a lo kal thina ,engmah lo sawipui hauh suh " tihmukin a chhuak nghal nal nal,a hnung lam atangin leisei tawkin ka chhuah khum vak . Min hmu thei tawh awm der silo,popcorn pawh bual anuam hle ,a dawh ve hle hle mai ,vawk fing tak ani,ran te hi zirtir that an nihchuan eng ran pawh hi an fing thei tak tak tih hi ka ring thlap tawh .






Hru hulin a mutna lamah chuan ka dah leh ,a muhil ve mai ,naute ang maiah ka ngai ,inchhung bal vel chu ka khawih nghal zung zung ,chunga bal a awm lo a tihfai pawh a nuam viau ,chhuat nawtin ka tlankual par par ,chhuat nawh hi chuan muang deuha nawh hi ka ninga ka tlan tlang pur pur zel ,dar 11:30 velah ka chawl ,popcorn pawh a eitur siamsakin a ei ri barh barh ,kawngka a rawn ri a ,nu pakhat rawn lut mek chu ka lo en reng ,chutah Zorempuia thusawi chu ka ngaihtuah chhuak zawk .





Anu chu ani ngei ang,min hmu chu a meng deuh kawk “ Mami tunge inih le ? Engtin nge ka fapa inah hian i awm theih?" mak tihna a khatin min en ,inthlahrung dakin ka lo en thung “ Nia ka inhlawh dawn ,chuvang chu ania " tisepin ka en,mak a tih hmel deuh deuh “ Inhlawh a phal a maw ? " a aw ah chuan awihlohna in a khat ,kei erawh ka lo hlauthawng viau thung. Inhlawha w fapa ina ka awm hi a rem tilo ani ngei ang tihchu ka ngaihtuah .







“ Um ka nu a damlo a ,ka enkawl a ngaisia min pui a" ka tileh ,thaw huaiin “ Oh! A va pawi ve aw ,khatia ka awm chhan chu englo ania ,ka fapa hian hmeichhia kei tihloh a inah a hruai ngailo a ,hnaih phei chu a hnaih ngailo ,an bul hnaiha a awm hian a luak a chhuak tlat thin a "a tihchuan mak ka ti ve ta hle ,thinchhepa nelawmloh em em na chhan kha ani thei mai angem? Englai pawhin ngaih theih loh hmel zetin min en thin a nihkha . “ Tinge chutianga a awm a " ka tihchuan sofa a min thutthlak puiin “ Ka fapa hian hmeichhe lamah hian hei natna ang hi a nei timai ang.








An bula a awm hnaih hlek chuan a luak vak thin . Chuvang chuan a office hnathawk te ah pawh hmeichhia an tlemin a thawk chhun pawhin an hnaih ngailo ,a in pawh hi a awmloh lai zelin tifaitur pawh a kal thin . Hetia ka hmu thut che khan mak min tih tir deuha chuvang mawle" tiin a nuisanga ,ka lo thaw ve huai thung . Nilengin kan inkawma ,rinai in a lo fel ka thlapawh a muang sawt ,zingah huan lama a kal thin thu a sawia,chuvang a ni ngei ang ka thlen tirh pawh khan ka hmuh loh ni.





( SAWI HAWNNA ANG DEUH HLEKIN MA RAWN DAH CHHIN A NI E AW,NGAIHNAWM HMEL INTIHCHUAN MIN LO COMMENT DAWN NIA)



Link:
BBcode:
HTML:
Hide post links
Show post links

mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » July 17th, 2022, 10:13 pm

MASTER




CHAPTER 2




“ Popcorn lo kal teh " chhuat a puan phah a lo ching darh vek lehnghal ,he vawkte a hi a harh mah mah a ni ,a la seh chuap chuap zui,man ka tum rualin hram chul chungin a tlanchhia a ,Pi Chhani pawhin nui chungin keini pahnih in um kual chu min lo en,a tawpah popcorn chu kawngka ah in tauh burin a thal tawp ,ka man nghal vat ,a zawi ngiai avang chuan ka hlauthawng hman hle ,a chhan pawh Zorempuia khan ka enkawl that loh chuan min hau leh ngei dawn tih ka hrechiang ropui si .








Ka pawm a ,ka enchian chuan a meng ker a ,a khap leh zauh thin avang chuan ka hlauhthawnna pawh a reh deuh “ Hlauthawng suh,ka fapa lo hian an enkawl meuh lo a ,chuvang a nihkha,a na der leh tawh pawh a niang,vawk nisi khan mihring ang maia fing a nih kha ,ka fapa hian ran dang a ngaina lo a ,kha pawh kha a Beijing kal tuma a rawn hawn a nihkha,engtin nge a ngainat tlat ka hrethiam bik lo " tiin popcorn chu a en a ,a nui leh hak,keipawh chu ka thaw huai mai ,ka bawlh lai te chuan ngawi ker hian a dawh hle hle a .








Nuam a ti tih a hriat hluah hluah, akhat tawkin a ke tetakte chu a per leh det det thin,min tihuh vek tawh “ I hahthlak emai " tiin ka phun hlak hlak,cute viau lo se chu ka ei daih ang . Puan chuan tuamin ka chhuahpui a ,Zoremthinchhiaa pawh a rawn haw chiah a nih hmel,kei leh popcorn in pawm chu min melh run mai ,pi Chhani thilsawi ka hriatchian duh avangin ka hnaih phei a ,min lo en ve ngur bawk ,a hmaah tak dinging ahmai zawnah ka dingdi hlip chho a .






Chutah a rawn uak ta tak tak,hepa hi “ Min rawn hnaih tawh suh " a rawn tihrawk ,tui a in nghal khawlh khawlh “ Hmeichhe allergy i nei nge nge i tenchhe ve hrim hrim zawk " ka tihchuan min rawn enin min melh kur “ I hriat tur a awm lo ,kalsawn vat rawh " a rawn ti khur hluk ,nuih har harin ka kalsawn san,a hmeichhe ngeihlohna hi tihreh ka tum dawn khawp . Ka bei ngei bawk ang then sung chungin popcorn chu ka buaipui chhunzawm a .







A taksa sen hiarah chuan hriak ka hnawih kual,a hnar tawi mat te chuan a ti cute zual ,puan chungah ka mut a ,a let kual harh harh leh nghal ,pi Chhani pawh a lo nui a lo nui mai “ Allergy chu a nichiah lo a nia ,amah hian a tithang hrim hrim a " tiin Zorempuia chanchin chu a sawi chhunzawm a “ A naupan lai hian hmeichhe tamna deuh ah kan awm tir thin a,anilah a lo intipa laklawh kha tak kha hmeichhe naupang ho khan an lo duh nge an bawr hut hut zel a ,khata tang khan hmeichhia hi a ngaina lo tawp a nimai " tiin a sawi a .







Ni e a hmeltha a ,fel phei se chuan kei ngei pawhin ka star chiang viau ang,a pian a nalha a sang bawk si . Popcorn ka tihfai zawh rualin rawngbawl chhunzawm turin choka lamah ka lut a ,reivak lo ah Zorempuia pawh a rawn chhuak leh ,t shit leh half pan a rawn ha chhuak a ,a inhmeh leh tho ,a sam chu a huh chhapa ,Ava inbual a nih hmel ,popcorn lam panin a nu chu a be pah “Ilo haw tawh a ,tin hei Zotei a awm bawk nen rawn kal fo a ngai tawh dawn lo a ,ka hahdam huai mai lo in enkawl tha la ka haw tawh ange " tiin pi Chhani chu a tho chhuak a .







Zorempuia pawhin thlah tumin a dingchhuak nghal vut “ Anih Zote mangtha aw " a rawn tihchuan ka lo mangtha let vat ,pawnlamah an chhuak dun a ,reiloteah motor tlanchhuak thawm ka hre nghal zat ,Zorempuia chu a lo lut mai lo,pawi chailo a thinchhe ropui si ,sa kan ro leh salad vel chu ka buaipui a ,a hmeh tur dang nen ,artui kangin ka buai ve hle “ I zo tawh em ,zanah chhuah ka ngai a nia " a rawn tihluk ,ka en ha enge a hmanhmawh chiam ni.







Ala hma ropui si ,“ A eitheih e ,ka Lalpa " ka tikher chu min melh run run mai “ I rem tih phei chuan ka nu kan ka duh a ni,amah chauhin ka dah theilo,chhunah ka lo kal zel anga zanah ka haw leh mai anga! I rem ti em?" a mitah ka en kar “ Aih" bung zetin a ti,misual tak hi chu ava ni chiang em “ Enge khaw khatah kan awm tho a ,buaithlak a awm em ni ,I sual lutuk ka nu hi a hrisel tawhlo tih te hre ve ta che " ka ti nghek ,ngawi renga min en in “ Ka rawn hruai haw mai ang" tiin chaw chu a bar ,he mihring pa hi a mawl a ni hrim hrim.







“ Chungin kan bel ringawt,miin engtin nge an tih anga" ka ti leh a.



“ Ka inah in awm an ti ang,a tawk sawi tawh angailo,ka thu thu in awmla i tan a tha a nimai " tiin chaw chu a bar chhun zawm ,biak a duh tawh lo tih hriat takin a ngawi zui hmak bawk a . Bei a dawng hluah hluah ,Mizo te chu mi chanchin sawi nuam ti lutuk kan nisi a ,a ina kan nufa a kan awm a nihvaih chuan luhkhung ang hialin min sawi leh ngei dawn .Chung chu ka ngaihtuah tel lo thei lo ,ka nu erawh ka bula a awm theih chuan ka lawm tho mai e .







Chaw a eikham rualin a insiam zui leh, achhuak nghal nal nal ,a reh nghal tlawk tlawkin ka hria , ka ei tur ka siam leh zung zunga ,muangchangin ka ei nghal dan dan ,Kan vawkteah pawh ka ke bul chair hnuaiah rawn kalin min en veuh veuh,eitur ka pek rual chuan a ei nghal hlak hlak ,ka nuihsak ,Chaw ka eikham rualin thleng ho chu ka sil zung zung ,ka roomah popcorn chu pawm lutin ka mut pui a ,ka mutna te chu a dup nuam hle .






Ka nui var var hetianga khum nuamah hian ka la mu ngai lo hrim hrim ,popcorn pawh chu a mu hle hle a ,ka phone phawrhin story ka chhiar leh mial mial ,story chhiarsan hi chu ka bansan theiin ka ringlo ,bialpa ai pawh ka thlan kha a nimiau ,vawikhat pawh story nge kei thlang rawh a tia ,ka ngei lutuk khan “ Nangpawhin games i khel tho ka sawisel ngailo che ,story ka duhzawk anichuan min tina ve ngailo,mangtha mai le " tiin ka then nghal hmak a nihkha .






Chubakah mipa duh tak tak ka la neih loh vang te pawh hi a niang . Thutaka bialpa ka la neih awm ka hrelo hrim hrim ,ka nu pawhin min hauhna a ni fo "Hetiang hi chuan pasal tur pawh i hmu lo ang." min tiziah ,ka nuih liam mai thin thung . Story chhiar a ,dream chhunzawm a ,a changtupa a takram chan tir a ,mahni a nuih chhuah vur vur lah hi ka hrat hle bawk . Ka in chhiar muhil zui a ,zingah ka kut hnim det det ah ka harh chhuak hlawl ,popcorn chuan min lo en ha .






Zimarin bathroom lamah ka lut a ,anipawhin min zuiin toilet ah chuan a zung ve reuh lehnghal . He vawkte hi a fing takzet ,ka intifai zung zung a ,ka chhuah leh chuan kawngka atangin Zorempuia a rawn lut hlawl ,a thlan dap a ,exer ala tih a hriat ,truck suit a la ha zui ,a inhmeh hluah hluah,a sam seilam mahchu a chalah an bet thlar,a naupan hmel riau lehnghal . Chutah ka lo en ve reng chu hria ni awm takin min rawn melh thut.








Ka phu chiang hle,a mit chu a tizim deuh suna ,nuihza hmel lek lekin min en ,in her in choka lam ka pan nghal nal nal,ka lungphu rang lutuk chuan ka kawr a rawn tawn tlang vek niber in ka hria ,ka hmui ka pet zauh,popcorn nen chuan an infiam zui a ,kei erawhin chaw chhum siamin ka buai leh hle ,zikhlum vel chu chanin ka kang a ,bawrhsaibe leh mai an ka bai bawk ,an rim chuan ka ril a titam hle ,chubakah ka sa kan bang a la awm bawk nen .








Ka pum a ri kuar kuar thei hial ,reife hnuah Zorempuia pawh choka lamah rawn lutin fridge a tui chu a in nghal khawlh khawlh ,a tui lem zawnga a hrawk bawk che ralh ralh te chu sexy riau hian ka hmu leh nghal . Nilo kei hi,hepa hi ka duh em ni ? Teuhlo lutuk! Ka lu ka thing nawk nawk ,rawngbawl chu ka tan leh ,min en zui reng tih ka hria ,mahse ka en duh tawhlo hrim hrim ,ka zam ziah hi ka ngei takzet .


(NAKTUK ZANAH EMAW KAN ZAWM LEH ANG AW,STORY HI WHATSAPP LAM NEN KALKAWP KA DUHSIA,YOUTUBE LAM CHHIAR TUR BUAIPUI TEL A NGAI SI A )

Link:
BBcode:
HTML:
Hide post links
Show post links

mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » July 24th, 2022, 9:14 pm

MASTER


link hnuaiah zawmna

CHAPTER 3




I chaw hmeh kha vil rawh " a rawn tihchuan “ Ka vil reng " tivakin ka chawhmeh siam ho chu dawhkanah ka chhawp mawlh mawlh ,ngawi rengin ka che vel chu min en a chutah “ Nitin ka rualin chaw ei tawh ang che" a rawn tihchuan chhan pawh chhang peihlo in ka ngawi vang vang,Kan vawkte a pawh a awmna hmun atanga rawn tlan phei ter ter in kebul velah te chuan a rawn tlan lut zawk zawk “ Awi mai mai teh ,I tui hmel ropui si ,ka ei daih mai ang che " ka tihchuan pakhata chu a rawn rum nghut .








“ Ngawi hmak rawh ,I ei a nihvaih chuan nangpawh kha i him dawn hauh lo a nia " a rawn tihmuk “ Min ei ve thung dawn tihna ami?ka cher sia ka tui ve vaklo ang" tiin ka nuih vur vur ,min melh rum leh viau mahse ngaiah ka neih tawh ,a inrinloh lai chuan ka fawp thut a ,a phu zawk mai ,ka fawp mial mial min chhan let pawh tumlo in a thut ngaiin chet pawh che lo hian a awm reng,keipawh mi ka vawikhat fawhna a ni a mahse ka feel em em tho ,a uak tawh miahlo chu a mak ,chutah harh chhuak thut niawm tak hian dawhkana bottle chuan dimna nei miahlo in ka lu a a vaw dawp a nihchu.








“ Aiah! Enge i hriata hmeichhe dimna changte hre ve ta che, mawl leuluau lutuk vawk pu ni awm pawh inih hi " tivakin ka thutnaah chuan thu in ka lu ka tuai vut vut,“I ti hmasa nihkha " a rawn tihchuan “ Min hnial lo la ka fawp lo ang che ,Mipa tilreh nu " ka tihchuan a ngei hmelhle ,“ I mifawh ka ngai reng reng lo hmeichhe zaktheilo lutuk " a tihchuan “Min duh em?" Ka lo tileh hman hmawh ,a tawnglai tawp chawtin min melh khur khur .








“ Ka bem che chuan maw ,I buai fat mai ang" tiin ka nuih vur vur ,hmeichhia a ngai theilo bawka keihian ka tibuai hrep dawn khawp ,chhaih char char ang “Ngawi hmak rawh second hand dawrah ka sale tir mai ang che, popcorn khatianga iti leh min " tiin a hmui a tuai nawk nawk a ,a uak leh tuar ,ka nuih uar uar thung “A rai no e ,awi pa a keiai i tuar hi ava lawmawm em " tiin ka nuih har har.







Chutah min rawn melh hrawkin ka kutah a rawn vuan thut “I bul tan anih hi " tiin alamah min pawt dawrhin min fawp nghal chawih,ka mengkawk Lalpa tunah hian he pa hian min fawp anihchu! Ka mumang a ni em? Nilo a nilo hrim hrim ,min pawm kang lawpin room lam min panpui zel,min fawhna chu ka rin phakbak a ni. Hepa hi mipa innocent tak chu a nilo ang,infawh a lo zei khat tlat.






Hetiang hi chu ka rin phak bak a ni ,Ka taksa a zut ka nghawng chu a hmuiin a nul kual ,ka taksa a mur chem chem mai,khumah chuan min bawh tlu a ,ka kawr chu a phelh nghal hmiah “Enge tih i tum ka duh tawh lo ,min thlah rawh " tiin tal ka tum a ,mahse min man nghet lutuk,ka hnute chu a nul kual leh thuak thuak ,ka thluak a nu bulh bulh.






A bak hriat chakna in min tuam,mahse min tawpsan thutin “ Rai thei zawk ini tih in hre reng rawh hmeichhia " ti a khisukin a tho chhuak a ,a kal nghal nal nal ka en zui reng ringawt ,hmela mai mai chuh.






ZOREMPUIA POV....






Nui suk in damdawi in lam panin ka tlanchhuak ,hmeichhia chu ka ngai theilo ngei e ,mahse kha hmeichhe thawveng lutuk zawng ai pawha harh ang tihtur lakah kha chuan hmeichhia ka ngeihlohna zawng zawng zuk bo vek a. Chuvanga ka inah pawh cheng thei a ni renga ,damdawi in ka thlen chuan Zorempuii nu pawh a lo tha tawh viau ,a fanu hriatlohin ka kan ziaha ,enkawlna tha ber ka pe reng bawk.







A chhan chu he mite nupa hian ka thi mai tur kha min chhanchhuak lo se tun ang dinhmun hi ka thleng hauh lo ang,ka nu nen an pawisa min pek hmanga hna thawkin tun hun hi kan thleng thei miau ,lawm thu sawinana ka tih hi ka laka an thil tihlakah chuan ala tlem lutuk tlat. Ka office ah chuan lut lehin kha ka fawhlaia mitmeng phawk hra a min entu hmel ka mitthla rualin ka nui leh nghal hawk ,min runluih ve in a in hre ngei awm si a .







Engtin tak lo awm zui ang maw ,a chawhmeh siam tui zet ang kha nitin ei ka duh bawk. Ka in a ka hruai lut pawh hi ka inchhir lo viau reng bawk. A hna a tlinin ka nu pawhin fel a tih thu a sawi hial a nihkha . “Sir pu Thangliana fapa an rawn hruai a ,a dinhmun hi a tha vaklo a ni " ti a ka office a nurse rawn lut chu ka lo en run “Doctor Felix te kha lo inring rawh se ,an chhan ngei tur a ni " tiin pawnlam chu ka en a ,lu Thangliana hi mihausa tak an ni in eirukna tel miahlo a hausa an nihna te avang hian ka ngaisang thin hle .







Pa rilru tluang tak leh dam dup mai hi a ni leh nghal ,nurse chhuah leh hnu chuan file chu ka en leh mawlh mawlh ,rilru erawhin inlam hlir a ngaihtuah thung. Eng tak lo tive ang maw? Haw leh vat ka chak ut ut mai ,a ni telin min hip tawlh tawlh leh nghal ,a rim nu zem mai te kha ngaihah neih har ka ti hle bawk. Ka phone ri chu enin ka thaw hawk .







Vawitam ka hrilh tawh si a,“Min rawn be tawh suh ka tihkha,ka duh loh thlengin Hmingi min nawr lui suh, neih tumna che ka neilo,ka lakah hian ngampat tum hauh suh" ka tichang fak ,lehlam atanga a rawn insut ri chu ka ngai hle ,hmeichhe phakar lutuk hi ka mil thei hauh lo ,tunah pawh hian chutiang chiah chuan ka awm .







Ka phone chu ka dah nghal hmak,Aizawl micheng kan tam bawk a taxi ,two wheeler leh car pawh an tam hle ,


WHATSAPP GROUP
https://chat.whatsapp.com/Ke4QgWwz3Id7vAmQqjlyra

GROUP 3
https://chat.whatsapp.com/FJNFx2d7nZtEPbz9GLS8AP

ZAWMNA





ZOREMPUII POV....







“ Khawnge leng ang aw ,leng rei ta sa sa ,leng zel ang aw leng tar law law ang,tu kan phu lo,tu'n min phu hek lo,hrai leng awi lovin La ka fam mai awm e......" Val tihlai thlak keuh chuan popcorn vir kual puiin ka nui uar uar “ Nula senior nih kan zam lovang ,yo yo " ka tlankual pui,hrui awmah chuan “ Zuang rawh" ka tia a zuang ve mai bawk. Ahmaa ka rilru hahna thin ,he in awm ka peihlohna zawng zawng te kha a bo vek tawh.







Nuam tihna in ka khat tawh zawk,chutia popcorn ka lo sawisak vak vak lai chuan ka virkual lai kawngka zawn taka ka mipa hmuh avang chuan ka ding chawt ,a menrum dan lah chuh! Ka mut sung sung “ Hihi engtin mah kan awm miahlo " tiin popcorn chu chhuatah ka dah thla ,chutah kal paiin a pu ke bulah chuan a va let tawp a nihchu. Ka va han ngei tak Zorempuia lahin min rawn melh rum nasa mai si “ Rawn kal teh" bul hmek hmukin a rawn ti.









A thu hnial ngam heklo muangchangin ka pan a ,ka bengah a rawn pawt vak ka au tuar “ Ana Zorempui ana ania " ka tichul ,ka beng na nen min thlah duh bawk silo ,ka tap chhuak tawp ,chuveleh min thlahin a thaw hawk “ Tinge khatiang khera min tih,ana ve thei tho ,I sual lutuk ka chhuak dawn ka chhuahsan dawn che " titawn tawnin ka in her ,mahse min pawt letin ka hmui a rawn fawp chawt,talna chang pawh hrelo in ka dawh tawp ,mahse harh chhuak thutin a mi fawhna chu ka chhang let .







Ka kawngah chelhin hnung zawngin min nawr a ,a hmui lum vung vung chuan min awmsawn san lo hrim hrim ,chutah sofa ah min delh tlu in a mah chuan ataksa rihna nen min rawn delh awk ,ka kua puar deuh nen ka vawih ta pawp mai a rin a a rindan lah chu “ Ttut,put " a ti nimaiin ka hria ,Zorempuia mi fawh tum pawh a tawp chiang hle ,ka zak lutuk ,chutah ka zahna belh chhah turin “ A uih" a la rawn tizui.






“ Awi suala ,nangmah vang vek " tiin room lamah ka tlanlut ,kawngka kalhin ka thaw hawm hawm ,tinge vawih hi mihring hian kan lo neih kher kher ni ,a ring ropui si,nui huk huk ri ka hriat rualin ka kut ka hum bet vak ,Kan hmela mai mai chuh! “ Zorempui min nuih suh aw ,nangpawh zanah i vawih ve ziah tho kha " tiin ka au khum tuar “ Lo chhuak mai teh ,I vawihkha kan um dawn nia " a rawn tihchuan va tum sawk mai ka duh tawh .







“ Hmela" tiin kawngka hawngin a lo ding nuisung chu eng sawi set set lo in ka bawh tlu tawp ,min cho tak tak anih hi,chhuatah chuan kan let dun tawp tawp,popcorn lah kan bulah a lo tlankual ve sek a ,Kan khawng lo chu a lawmawm. Kan hah tawpah kan inthlah,Zorempuia nui a hmun leh atak ngeia ka vawikhat hmuhna a ni. A nui mawi lutuk,a biangah ka khawihsak neuh neuh,hepa hi ka nel tawh mah mah a thinchhe viau emaw ka tihkha kan chendun rei takah chuan chutiang mi a nihlohzia ka hriat vang te pawh a niang.









Ka hmui a tuai leh a,keilahin ka chil ka lo lem khawlh “ Nang hi hmeichhe dang angin ka en theilo che ,I bulah ka awm lahin hrehawm tiin ka awm ngai heklo,nang hian mi hipna riau i nei reuh a nih hi" tiin min fawp a ,ka lo chhang veleh vat popcorn lah in a hnar phek vawt thlerin min lo nawk nak nak “ Master " tiin ka thaw hlawp hlawp . Zorempuia chuan min en run mai “ Tinge kan infawh kan induh tihna ami?" Tiin ka en ha ,a khi leh suk.







“ Ka hre biklo engtin nge in ngaizawng te chu an awm thin " tiin min dinchhuahpui “ Ih lente an leng duna ,thilte an eidun bawk a " tiin ka hriat ang ang chu ka sawi ve a ,mahse keipawhin sawitur chiam ka hrelo. Bialpa ka la nei ngai bik miau silo a ,Zorempuia chuan min kuah hlunin ka chhipah a fawp vang vang “ Rempui ka naute" tiin min en ,ka nui hak “ Engtin nge kan hming hi a inan theih tiraw ? Kan in upat hleih bawk nen i nau te hi ka lo nimai anga " ka tihchuan min dek vak.









Ka rak chul mai ,zanlamah kan pahnih in movie kan en duna,popcorn pawh kan bulah a bawk ve ran “ Master uite chi min lei ve la " ka tihchuan “ Popcorn kha i uite angah ngai rawh ani kha a tawk chiah,ui chu an bengchheng" a tihluk. “ Alo nihtak chu " tiin popcorn chu ka ei a , popcorn ve tho pawh chu ka vir vang nge hem hmin ka chak zel nihchu,ka bula thu pa hian hria se chuan min vin phar leh nasa awm.







A darah lu nghatin kan movie enlai chu ka melh ran “ You are my home" tihchu kan en,a changtupa hi upat hmel viau mahse pa ka tihchi a ni lehnghal,hmeltha silo hiana hmel hian mi a hip riau ,a tawpah ka tap fap fap,Zorempuia chuan ka mittui chu a hru nghal hluau hluau a “ Tinge hmangaihna thawnthu pawh hian happy ending hi an neih ngai miahloh le ? Hmangaihna dik tak thawnthu reng reng hi natna a tam duhe " tiin tap deuh puau chungin ka sawi.







“ True love is about growing as a couple, learning about each other,and never giving up on each other " phun supa tiin min pawm hlun. A thusawi chu ka duh hle “ Min ngaihtuah ve tak tak em?" tiin ka en ha “ Ka ngaihtuah reng che englai pawhin " a tihchuan ka nui ver ver tawh. Hetiang hi kan thleng ta chu ania,ka hlim ru viau lehnghal,mipa lerh lo tak ka tawng fuh hi ka lawm ,mipa thenkhat hi chu bialnu nei reng chung leh nupui neilai reng si a ,hmeichhe bem hrehlo te hi an tam tawh ania.








A kut hlai leh lianpui chu ka hum a ,ka khal neuh neuh ,a lum bawk nen nuam ka tiviau,suangtuahna ka lo nei ve thina ,pasal ka neiha chhungkua ka din ve dan tur nen lamte nen khan ka dream nasa ve thin. Bialpa ka neih huna kan awmdan tur te nen lam khan ka suangtuah nasa thei hle,tunah hian Zorempuia nen hian kan ni chiah em pawh hrelo hian ka hlim ve em em tho .







Thli a rawn thaw vuk vuka , current a rawn thim thut nen ka rak that ,Rempuia chu ka kuah nghal thlawp ,thim hi ka ngaina lo thlahrang ka ngaihtuah tel ngei ngei zel,an hmel rapawm zet kha thim karah dap fuhin min rawn chhiat khum nghek ang tih ka hlau thin. Zorempuia thawh chhuah tum pawh ka hlau tih a hriat avangin akalsawn biklo ,reiloteah current a rawn awm leh,mahse thli leh ruah a rawn thawh chhunzawm nghal .






Rempuia chuan min pawmin room lamah min hruai a ,a khum lian leh hlai hlap,rawng pawl veka cheiah chuan min mutthlak pui “ Nangmaha mutai chuan tihian ka bulah mu rawh" tisupin a mit a chhing zuia ,a awmah chuan ka thaw dep dep ringawt,a muhil zui ta aniang a thaw ri suk suk chu ka hre thei,ka lawm lutuk chu lawmloh in ka khi vur vur,ka va in tithei mai mai dawn tak. Bialpa chhelo tawk ka neia ,ka intithei viau ang.








Ka ngaihtuahna naupang chhia zet a vang chuan ka nui leh hak thin . Bialpa neihchu ka in ring ve thin ngei ,mahse ka phuloh khawpa tha ka dawng dawn ta mai si ,a kawngah kuah in ka muhil veleh siai siai,ka hmai khawih tu an awm avang chuan ka khawng awt ,thlahrang bak ka rilruah an awm lo ,a kut a vawt thlur lehnghal,ka au chhuak vak ,mahse Rempuia zawkin ngaihtuah hmel zeta min lo en ka hmu nghal.






Ka kuah thlawp “ Ka hlau,a kut vawt thlurin min khawiha,tah hian " tiin ka hmai vel chu ka khawih. Min beng thek thek in “ Shh....mumang mai mai a nihkha,I bulah ka awm reng ,hlauthawng suh,ka veng reng che ania ,I ngaihtuah nasa lutuk a nihkha ,mu leh tawh rawh " tiin puan chu min sintir a ,ka thaw ham ham,ka tirilah hian min la tham er er in ka hria .







A kut chu thlah duhlo in ka vuan ngar ngar ,a kalsawn ka hlau a niber ,thlahrang hi ka hlauh ber an ni. A tak ngei a hmuh phei chuan ka thi theiin ka ring,Zorempuia pawhin min kalsanlo in ka bulah min kuah betin a mu hlun,a taksa chu nghet thei ang berin ka kuah,ka hahdam sawng sawng thei ,tihian ka kiangah hian awm reng thei se ka duh.






Reiloteah mutchhuakin min rawn zem leh a ,ruah sur cherh cherh leh ka bula taksa lum nuam zet ngaihtuah chung chuan ka muhil zui leh mai . Ka harh leh chuan khua alo var chiang tawh hle,Zorempuia chuan indawm meuhin min lo en ,ka nuih sen sen zing thawhhlima hmeltha leh pa zet hmuh chu anuam hluah hluah. Ka bana min pawm tho nghal nawlh “ I muhil ve lo em ni?" tiin ka zawh chuan a mutthilh thu a sawi.





A mutthilh lai ka hre miahlo,nge a muhil lo in zankhua in min veng,ka harh a piangin a lo harh hman ziah lehnghal ,rawngbawl turin kan intih fai zawh rualin choka lam kan pan a ,Kan pahnih ngeia rawng bawl chu a nawm dan a dang zar mai

SIGNAL THAT LAI KA RAWN CHUH AW

Link:
BBcode:
HTML:
Hide post links
Show post links

mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » July 29th, 2022, 9:01 pm

MASTER


BY MAWITEI BAWITLUNG




CHAPTER 4
d9b2243f2264ee6666486994c779dbf7.jpg

“ Rempui vawiin chu ka nu ka rawn kan ve dawn ,ka ngai tawh ania nangchu ka hmuh i phallo zel a " ti nang nangin chaw ei lai chuan ka phun hlak hlak a,nui sukin “ Awle a ni pawhin a hmu chak tawh ang che , popcorn pawh kan hruai ve mai angai dawn a nihchu,bualfai la " tiin a tho chhuak a,ka yes vak,Chaw chu kham vatin thleng ka sil zung zunga , popcorn chu bualfai leh in ka inthlak a .







Kekawr a hmawr lam arh ,mahse ka kawnga rek tang chu ha in tshirt chu a chhung lamah ka bilh lut a ,ka chhuah chuan Rempuia pawh nalh zurhin alo induang zurh,doctor a ni tih hi rin har ka ti rum rum zel ,amahin damdawiin ala nei zui ania ,ka incheidan en in “Keilo melh khat pawha melh phal a nilo ,hria ang che " tiin min kaichhuak,kan hnungah popcorn pawh a rawn tlan ve ter ter a .






Nui hak hakin Rempuia nakah chuan ka zat sak leh thin chu a phu leh zuk thin bawk nen ka nuih a za viau . Car chhungah min thutluh tirin ka hnarah a pawt vak a ,ka rak nasa viau , popcorn chu ka mal chungah a rawn thu thar ,Kan tlanchhuah rualin darthlalangah dak chhuakin a lei a chhuah a ,a hram danin a rak teng tung mai“ Engtin nge Rempui hetiang vawkte hi i enkawl peih tlat ka lo ti thin; mahse keipawhin ka ngaina takzet tawh a fing si " tiin popcorn chu ka pawm nghet sauh sauh.








Rempuia chuan “ Ran vulh vak ka tumlo,kha kha khawlaiah damlo in ngaihsaktu neilo in Beijing khawlaiah ka hmu a ,enkawlin ka hawn ta a nihkha " a tihchuan ka en ha , popcorn chu ka en a tunah chuan hrisel tak ang maiin a awm tawh thung “ Ka lo hremiahlo a i lei emaw ka lo tia " ka tihchuan popcorn chu rawn chul zauhin “ A tirkha chuan a damchhuah kha ka ringlo a ,a cher em em a a te bawk nen enkawl nan khan hun pawh ka hmang rei "a tihchuan a biangah ka fawp zauh .






“ Bialpa fel deuh ka lo nei reng a nihchu" tiin ka nuih sen sen,mi enkawl duhloh ran mai mai tihian nun thar a pe chu a ni si a ,popcorn chu ka chul heuh heuh,anilahin vahchhuah chu nuam alo ti em em , hospital kan thlenga “ I nu bulah nilengin i awm dawn nge ka bulah" a tihchuan “ Ka hre rihlo ka nu ka hmu phawt ang" hmui pawrh tarha ka tihchuan nuisukin ka hmuiah a fawp zauh, hospital lamah chuan min kai luta ,min lo hmu a piangin mak tilutukin min en .







“ Hmeichhia a ngaitheilo hle sia awi a mak e ,keini bula a awm kha chuan a uak vak zel sia engtin nge sawnu sawn a kaih theih bik" ti a phun ri te chu ka hre reng. Huat enah pawh en lo in ka hlim phah hlauh thung,ka bialpa hi ka chhuang zual in ka ring zual,keilo hmeichhe dang a hnaih ka ring lo bur ,kan ke bula popcorn kal ringawt pawhin lawm a hlawhin rawn pawm tum tawk an awm a , Anilahin duhlo in ka ke hnuaiah a tlankual a ,nui hakin ka pawm kang nghal vat






Dak vah hian a hawi reuh a “ Awi a cute e ,ka van duh ve tak" hmeichhe ho chuan an ti nak nak . “ Ka office i hria ang tiraw? I duh hunah lo kal mai rawh aw " tiin ka chalah a fawp zauh a ,a kal nghal vut keipawh ka nu awmna lamah chuan ka lut “ Nu ilo tha em" tiin ka nu mutna lam ka en chu ka mengkawk,ka nu dam tha taka ka hmu chu ka beisei piahlam a ni“ Nu" tiin ka kuah ,Ani pawhin min lo kuah let ve bawk “ I tha tawh tiraw" ka tihchuan ka samah chul heuh heuhin a that thu a sawi a .








“ I awmna pa khan doctor tha ber ber min enkawl tir alawm,ka dam vek tawh nangin amah khan nangmahina hlawh i neih tam hun tur nghak turin min tia,hetah hian a thlawnin ka awm theih tur thu a sawi bawk nen ka pawm ta mai a nihkha. A ngilneiin a fel phian lehnghal,nitin min lo kana makpa atana ka duh chi tak a ni" ka nu thusawi chuan min ti hahdam sawng sawng “ Nu ih diktak chuan ani kha ka bialpa a nia " ka tihchuan nui hakin “ Animaw ka fanu hi a hmeltha em a ni. A duat che em,chuvang a nimaw min ngaihsak em em " a tihchuan nui ve sen senin .







“ In ngaizawng lo pawh ni ila angaihsak tho ang che ,a fel a lawm " tiin ka nu chu popcorn chu ka hmelhriat tira ,an infiam nghal char char “ Ava duhawm ve ,vawk chu eichi chiah an awm emaw ka lo tia heite chu ei phal chi pawh anih loh hi ,a fing emai " tiin popcorn chu a chul a ,Rempuia enkawl dan vel ka sawi chuan ka nu pawhin a fak viau “ In hming a in ang elo?" A tihchuan ka bu nghat ,dar 12 thleng ka nu bulah chuan ka awm a ,Zorempuia hmuh ka duh vang leh ka nu pawh chawl hahdam se ka tih avangin kan chhuahsan a .







“ I pa hmu ang aw " popcorn pawm chung chuan Zorempuia office lam chu ka pan,ka va luh chuan mi an lo awm thap,ka kik hmasa lo chu ka inchhir hle ,ka zak bawk “ Tihpalh" tihpaha chhuah leh ka tum chu “ Min lo hrethiam mai teh u" tiin Zorempuia chu arawn ding thuai a ka kut a rawn vuanin an awmna lam min panpui,ka tang ve tak nangin min pawt hneh nasa mai si“ Hetah hian lo awm rawh ka reilo ang " tisupin ka chalah a fawp zauh a ,mi hmaa min ngaihsakzia a thup miahlo te chuan ka chhungril lamah min ti nui ver ver nia .







Mipa dang nilo a amah hmeichhe ngai theilo Zorempuia hmeichhe dang lakah chiah a uak thin mipa hi ka tan chuan a hlu a ni. An inbiak zawh hnu chuan chung ho chuan min en in “ Nang hi boss bialnu maw " an tihchuan ka bu nghat,an mak ti hmel chu ka hmu reng,tupawh hian Zorempuia bialnu la neih ngailoh zia min hriat tir an tum ni berin ka hria ,hmeichhe laka experience la nei miahlo ka nihpui tih ka hrechiang lehzuala ka lawm a ni.






An chhuah hnu chuan ka au vak “ Ka zak e " tiin ka kut chuan ka inzap nghal zat zat ,ka lum huam huamin ka hria ,Rempuia chu ka bulah rawn thu in “ I che fuh hle zawk a nihkha "tiin a khi suk,a kutah ka hmer vak,a hmelah nuihzatna alanga a sam phir sangah chuan ka tham sak leh,a perfume rim chu ka hip lut ham ham a ma ta tur reng leh a rim tur reng nimai awma ni ,a pa hraka min hip hle bawk .






“ I nu chu enge i ngaihdan"tiin a mit a san ak a ,a nghawngah ka kut pahniha kuahin“ Ka lawm e aw,nangmah vangin ka nu chu a dinhmun ka hmuh khan ka lawm asin,nitin ilo kan thin a maw?ka beisei phak piah lam a ni . Ka nu pawh khan fel a tih thu che a sawia ,makpa atan i tling a ti" ka tihchuan a nui vur vur “ Chu ava tha ve ,kan innei vat thei tihna,kan naupang zawk zawk tawh lo ve ve a ,chuvang chuan inneih vat hi a tha.





Fa tam deuh neih ka duh ania" a tihchuan ka nui vak ,“ Chu in khat hnawkin kan nei mai dawn em ni?" tiin ka fiam let ve zauh ,min chawikang nawlhin min fawp a ka lo chhang let ve vat,kan infawp ngun ve deuh ta bawka ,tlem chuan kan zei ve tawh,Ani erawh mipa a nih vang nge chunga zeilo chu a nimiahlo ,a zei lutuk zawk .






A office ah chuan lunch kan ei duna, popcorn pawh kan chahsak ve bawk. Hlim zetin kan ti ti duna,chutiang a nelawmloh lutuk chu a nibik lo tih ka hriat belh zel. Fiamthu a thawh ve renga ka nui nasa viau “ Rempui bialnu hi i nei ngailo tak tak em ni?" ka tihchuan bu nghutin “ Hmeichhia in min bawr peih lutuk avang khan ka tlangval chhuah thleng khan hmeichhia hrim hrim hi hnaih loh ka duh.






Mahse he khawvelah an cheng ve miau bawk sia hmuh loh theih an ni bawk lo,ka hmuh peih loh lutuk avanga ina inkhung beh chang lah ka ngah" a tihchuan ka lo nui hak ,a thusawi dan chuan ka nuih a tiza a ni ber ,mi in luck nih nuam an tia a ni ve chuan hrehawm tiin a lo biru thin a ni awm sia ,ka khawngaih zawk e a ..






Nileng chuan inhriat chian nan hun kan hmang dun ,haw lamah te chuan ka duhzawng eitur min leisakin ka duhlo chung thawmhnaw min leisak teuh bawk . Hnial theih ni heklo a duh ang ang chu ka lak tir tawp a ,thawmhnaw taksa langtam lam erawh min leisak duh hauhlo,a phakar thiam thin ania aw ,he mihring pa hi chu,hmeichhe ho in an sawi leh sep sep thinte chu hre reng mah ila kan bengkhawn duhlo.






Ka kuta kaiin thawmhnaw zuartu lam chu min panpui a,a man an inpek fel rualin “I hnathawk te hi customer te chungchang sawilo turin ilo hrilh tawh dawn ania "tiin min chhuahpui nghal. A va han sual thiam ve mai mai tak e aw ,carah indah lutin kan inkhalh chhuak leh thuai,in kan thlen chuan a tlai duai tawh,thawmhnaw min leisak chu ka room lamah dah felin rawng ka bawl zui a .






Ani pawh a inbual zawh rualin min rawn pui, popcorn erawh a chau deuh nge ni a muhil der ,a khumah chuan a zangthal zawng ten a muthul,vawkte fing phakar lutuk,Kan sa lei haw chu chanin kan kang dun a ,parbawr leh currot nen chuan kan siam pawlh,ka tem zauh,a tui phian ,Rempuia chuan artui leh tomato kan pawlh a ngaina ber tih min hrilh chuan mak tiin ka ka ho .




A hma khan min hrilh ngai hauh silo a ,tun ataka min hrilh chuan mak min tihtir. Chaw ei kan peih meuh chuan dar 7 a hnai thuak tawh,zanlamah tihtur a awm lo nen movie kan en leh mai mai a ,a hahdam thlak ka ti ,hetianga a bula awm hi nuam ka tibawk,sual lam kan ngaihtuah lo . Kan pahnih chuan kan inzahsak tawn ve ve ani,Kan innei thei te anihchuan ka thianghlimna hi ka pasal tan ngei hlan ka duh a ni.






Ka mut a chhuah tawh avang in ham bai baiin a dar nghengin ka mit ka chhing chial ,min pawm kanga min pensawn pui te chu ka mang hriat ruai ruai chauh “ Bawiha i bialnu chu hei i naute ho hian an hmu ve duh ania " tihri ah chuan ka harh chhuak kawk,khua a var uar tawh “ Ka nu in tiharh ange ala mu ania " titu chu Zorempuia ngei a ni,hmeichhe nui dar dar thawm ka hre nghal.





Pi Chhani te an lo kal tih ka hrechiang takzet,ka chhuak ang nge chhuak lo ang tihchu ka ngaihtuah nasa hle,a tawpah tim daiin room atang chuan ka chhuak,min lo en thap tute ka hmuh chuan ka sen tawn tawnin ka ring“ Awi a van cute " hmeichhe pakhatin a rawn tihchuan an nui leh dar dar ka zak zual sauh,Rempuia chuan khap vatin ka bulah a rawn kal nghal vat “ Inah a rawn kal khat riauna chhan chu alo tha em anih hi" ti a an tawng leh an nui dar dar te chu ka hre ve reng bawk nen ka zak zual.







Mahse Zorempuia chuan a khap tak vutah chuan an ngawi thap . An hming te min hrilhin pangngai deuhin min be ta hlawm a ,keipawhin reilo teah ka nel ta mai reng a ,an rilru a zau hlawm takzet .

d46fed16acf0fd01695ad1c948412e22.jpg

Link:
BBcode:
HTML:
Hide post links
Show post links

mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » August 1st, 2022, 9:53 pm

MASTER





CHAPTER 5 LAST






“ Ka fapa chaw kan lo ei dawn ania,mo nu hual rawngbawl kan ei duh em?" pi Chhanin a tihchuan an lo aw leh . Zorempuia ban chu ka hmer tawng tawng ringawt “ Ka nu a mak emai,bawihi in tih zah vek hi " Rempuia chuan a tihluk ,a unaute chu an lo eee leh vak ,an unaupa chu runluih nuam an ti tih a hriat mai,“ A pawilo Rempui ,pi Chhan ka lo siam dawn ania " ka tihchuan “ Nu min tirawh ,pi ka duh lo ka monu ini dawn a ,ka fanu ang chiah in awmla ka duh.







Nu min tihloh chuan ka lawmlo viau ang" a tihchuan thaw huaiin ka nu ve leh mai bawk ,infiam ho in kan nui dar dar ,nilengin Zorempuia pawh hospital lamah kallo in kan bulah hun a hmang tluan ve zak,poolah te chengin kan au ring hlawm hle ,hetiang taka hlim hi ka nei pawhin ka ringlo ,tlai chaw an ei chuan ka rawngbawl fak luamin an haw ,Zorempuia chu nui var varin ka kawngah a kuah a,ngheng hnai talh talhin ka mit ka chhing vang vang.







A bula awm hi a thlamuan thlak hliah hliahin ka hria ,nuisakina kawr kilh chu ka khawih neuh neuh “ Bawihi innei tawh mai ang " a tihchuan ka en chho ha ,a fiamthu nih ringin a mitah ka en ngar ,mahse a thu tak hle bawk si a ,ka chil ka lem dawk “ Sawi la ,min nei duh angem? Nge i duhlo " a tihchuan nui sakin ” Awle innei ang " ka tihchuan a hmelah hlimna ka hmu nghal.






He mipa hi ka pasal niturin ka ring tawk a ni. A chhan chu hmeichhe dang ngai theilo ka lakah chiah awm thei kha a nimiau a lawm,innei pawh ni ila hrehawm titaka min siam ka ring hek lo,a kut lian leh thahrui lang fat chu khawihin ka kawngah ka kuah tir a ,nui ver verin “ Ka hmangaih che Zorempui " tiin a hmuiah ka fawp zauh “ Keipawhin ka hmangaih che Zorempui" a rawn tive sup,kan hming inang hi ngaiah ka nei thei derlo ,ka thinrim lai pawhin ka hming lam tel ve zel a ngai bawk si.








Kan in neihna tur chu an buatsaih mup mup,ka nu pawh a hlim hmel hle ,damdawi in atanga chhuakin kan bulah a awm a ,ka chhungte kan harsat laia min pui duh lo te rawn lang chu biak pawh ka be duhlo . Ka pasal tur vanga min hnaih leh min be tha tih ka hrechiang em ani ,Zorempuia nupui neih tur thu chuan a hospital a thawk te mak tih a hlawh hle ,chubakah keimah ka ni tih an hriat phei chuan mak an ti leh zual.







Min thiktu tam tak an awm rualin min lawmpui tu pawh an tha hnem,kan inneih ni chuan biakin khat hnurin mipui an rawn kal hnem,Zorempuia chi leh kuangte vek an ni,pastor hmaa thu kan tiam meuh chuan keimah ngei pawh ka khur ,Zorempuia pawhin a sawi sual ve nawk tho. Mipui lam an lo nui ri leh hak zel . Inneih zawh chuan pawnlamah thlalakna kan nei a ,lakpui duh an tam nen ka hah tawh hle ,pheikhawk sang ka bun bawk nen ka ke a na thum tawh.







In thlen rualin rang mangkhengin ka inthlak,puan biha ka lawina tur lam lawichal hnung zuia ka kallai chuan ka khur dar dar mipui in min zui dul dulin an au leh huk thin,chutah lawichal lahin ina min luhtir duhmai lo in a thil duh a lam kual phawt a ,an pek char char hnuah Zorempuia chu min pawm lut ngei turin ati a ,Zorempuia pawhin phur zetin a rawn kal hnai,min pawm kan nawlh rualin an lo au leh dur dur ,inchhungah min pawm lutin thusawina te pastor lam leh kohhran upa lam atang in a awm a .






Chutia kohhran leh Pathian hriatpuina nen ngeia kan innei te chu fak kan hlawhin thil pek lah kan dawng hnem na rawh . Ruaithehin kan riluih luih reng ,ka lu a na hlui tawh mai ,an haw rem meuh chuan kan nupa roomah ngei chuan inbual faiin ka mu a ,ka pasal rawn lut chu ka en peih chang chang chauh a ni. Ka bulah a rawn mu a ,ka taksa azut tak zai zaiah chuan thaw ham hamin ka lo nghak ran,ka lo tiam thin ngei leh ka lo vawn thin ka pasal tan chiaha ka hlan ang ka tihchu ka pasal tur diktak hnenah chuan ka hlan ta ngei.







Ka hlima ka lawm bawk ,ka pasal tan pawh a hmeichhe mutpui hmasak ber ka ni tih ka hriatna chuan min tilawm ani,inkuah chialin kan muhil dun a ,zing lama ka hmai liak tu chu popcorn ani tih ka hailo,ka vai hlak “ Ka mu duh awmsawn rawh " ka tihchuan Rempuia nui hawk ri ka hre nghal ,ka sam rawn huiin ka hmuiah a rawn fawp zauh,Meng chhuak siar siar in ka pasal inbual zo hlim tih hriat taka sam hnawng chhapa min lo en reng tu chu ka nuih ver ver.









A va han hmeltha chiang tak, min pawm tho in bathroom lamah min intih fai pui a ,infiamin kan rak chul mai,hunte a liam ve zel a ,ka pasal chhungte min ngaihsakna chuan min tihlim,ka nu pawh kan bulah a cheng ve a ,anipawhin Rempuia ang ka tawng chu a hlim tih ka hria,Rempuia lahin a ngaihsakin a kawm thiam bawk nen a chang chuan a nu zawk hi a ang thin .








Ka thik lek lek zel an inkawm tawk si,keichu ka chuang daih zel,mahse popcorn a awm ve avang erawhin ka nem leh vat zel ,hei tal hi ka sawisak turin a awm tala ,Zorempuia nen pawh tluang takin kan innei chho,buaina kan neilo bawk nen kan nupa pawh kan hlim,ka eiduh zawng leh chak zawng min leiloh a nei ngailo,nitin rose par nen a rawn haw a ,hlim takin keiin ka lo chhawn bawk.








A chhungte nen kan inpawh a , hospital pawh ka kal pui ve zeuh zeuh thin,ka kal ve changa hmeichhe pakhat doctor nen chuan kan inmil theilo hle thin thung . Zorempuia hi nupui neilai a ni tih hre rengin a lo chhai kual vel thin tih ka hria,ka haw hle bawk ka pasal hi lerh lo viaulo se chu kan inhau ngun tawh ngawt ang,a mah hian hmeichhe dang a ngaihsaklo em a kan la indawh hram hram a ni ber .




ZAWMNA




“ Rempui ka lo kal ania " tiin a office kawngka chu ka hawng nghal thawr ,mahse ka thil hmuh chuan min ti thinrim hle khanu leh bawk min cho bawka min chosual khawp ang “ Ka kham tawk tawh " tiin a samah chuan kek in Zorempuia chung atang chuan ka hnuk thla lawp,Zorempuia min lo auhna pawh chu ka ngai pawimawh thei tawh lo “ Engkim hi tawp vek rawh se ,ka hrilh tawh che vawi engzat nge ka pasal hnaiha awm lo tur a ka tih che nang hian min cho sual ani"tiin doctor dangin min lo en na chu ngai pawimawh lo in chhuatah chuan ka theh thuai







Hlauh hmel zeta min enin a tawlh rawk rawk ,ka pan leh tur chu “ Bawihi a tawk!! " rawn titu avang chuan tawp chawtin Zorempuia chu chiang takin ka melh ran ,a hmelah inthiamlohna pawh ka hmu lo “ Engtin mah titawh suh,ka ban dawn ania khatiangin titawh suh,mi hmaah i inti mualpho ang " a tihchuan ka nui hak “ Nangpawh hian i duh ve tih pawh ka rawn hmu tenawm dun lutuk,office kal nuam ilo tihchhan pawh hi hei ngei hi a lo nih hi,hetianga min tileh tur si hi chuan nupuiah min nei lo mai ta che .







Mipa rinawm tak leh min uiresan turin ka ngai ngailo che,mahse ilo tenawm takzet" tiin ka nam lawp “ Bawihi min ngaithla teh ka thusawi ila kawi a nihkha" ti a min rawn ban mai a tum chu a kut chu vaisawn lawpin ka inher a ka kalsan nal nal “Ding rawh " a rawn tihpawh chuan ka ding duhlo “ Zorempui ding rawh ka tihche chu" ka kut a chelh beh pahin a rawn ti tuar,ka nernawk “ Zorempui ka hming pum khan min ko tawh suh"ka ti ve that “ Ka thu a ni,khawiah mah i kal hauh lo ang" a rawn tileh a.







Ka lo ner khum chiam ringawt “ I va thu lo ve ,ka kal dawn khawp ,mi pawh khamkhawp lo a i fawh nu kha va pan la tinia,kan inthen ang mi rawn umzui pawh a ngailo,heti hian kan inthen " ka tihchuan “ Zorempui" rum lutukin a rawn tihrawk ,kan hming inang hi ka hua ka haw vek tawh“ Enge sawi dikloh ka nei em ni? Hmeichhe lakah ka awm theilo de de de dei dei ..iti chamchi a hmeichhe chhelo ho lakah chuan i awm thei leh hle si Zorempuia tih hming pawh hi hmang ve tawh suh,i inhmeh lo HMEICHHELAWMA TLANGLAWMA inti law law rawh ,ka hming pawh kha lam lam a ngailo nang nen hian kan tawp " ka tileh chiam.








Kan bula lo awm ve te nui tet tet chuan min tithinrim zual ,thawk la ham hamin chhuah tumin ka pen leh chiah chu min pu lawpin a mah chuan pawn lam panin min kalpui pawk pawk,a hnungah chuan na zet zetin ka chum a ,ka beng bawk engtin mah zu han awm duh lo va ,“ Min thlah rawh vawk pu " car chhunga min dah luh rualin a samah chuan ka kek tawn tawn “ Kan haw ang kan haw khawp ang,vawkpi " a rawn tive leh kher ka lungawi mai a ring anihchuan a tisual khawp ang . In kan thlen rualin car kawngkhar hawngin ka chhuak nghal rawk rawk .








Inchhung a ka nu lo awm chu panin “ Nu haw ang tirawh kan inah hetah hian reilo te pawh kan awm thei tawh lo " ka tihchuan ka nu hmelah mak tihna a lang. Zorempuia rawn lut chu zawhna mitmengin a lo en ,“ Nu ka tihpalh bawihi hi a thinrim deuha kan be lawk ange ,chhuah ka phal hauh lo " tiin keichu min melh ngurin ka banah a rawn vuan ,insum hmanlo in a hmaiah ka hnek thuai “ Bawihi amak e tinge hetianga in awm a tha deuhin sawi teh u " ka nu chuan arawn ti ve nghal that .






“ Min phatsan a lawm nu,khanu ka sawi ziah nu nen bawk khan a office ah an lo awm dun,ka nei duh tawh lo uire hmang hi pasalah ka duh tawhlo " tiin ka tap “ Amak e bawihi ka fawp let lo ,i thil rawn hmuhdan ang kha engmah a thlenglo,nu kan be lawk a nge " tiin min kaiin kan room lamah min kalpui,ka mittui hru in khumah chuan min thutthlakpui a “ Khanu khan ka muhil lai remchangah a rawn hmang a nihkha ka fawp letlo ,i rawn luh khan ka harh chiah,engtin mah kan awm lo min ring rawh ka phatsan lo che " a tihpawhin ka tawng duhlo.






“ Ka haw duh ka tihchu i hmel hi ka hmu peihlo ka haw hluah hluah che " ka tileh chiam ka tal leh tur chu khumah min lehthalin ka hmuiah ka tawng theih tawhloh nan a fawp nghal hmiah ka chhang letlo a ,namsawn lah ka tum heklo,thiam takin a lei leh a kut a ti che a,ka thawk a rang tial tial engtik laiin nge ka chhan let ka hrelo ,ka hriat zawng chu ka thinrimna te kha an reh vek tawh tih a ni ,ka thawmhnaw phelhin a thawmhnaw in a zui a ,muangraiha min rawn zawm lai chuan kan in en ran.






A mitah chuan min mamawhna a lang chhuak zut zut bawk,a mitmeng chu a thim raiha na tak tuar ni awm tak hian a rum kawk “ Bawihi nang lo tumah an awm ngai reng reng lo,nangchiah ini khanu kha ka lo dawh rei ta ania nge vawikhatmah kan hospital ah chuan i hmu leh tawh ngailo ang " tiin a che sauh sauh,ka hriat zawng chu heng inneih hmaa thil thalo nia kan ngaih nupa nun hman hian inneih hnuah erawh inpawhna tha a siam ve thei fo tih hi a ni.







Ka ring thlap bawk ,chau hnapa ka thawk hle hle lai chuan min pawm betin “ Pa ka ni dawnin ka hria ,i awmdan te hian pa niturin min hrilhtu a awm tlat a ni" a tihchuan mak tiin ka en ha mai ,ka pum chu chul zai zaiin “La hma viau mahse keihi pa ka ni dawn a ,pawi ka tilo " tiin ka hmuiah a fawp zauh,tun hi kan inneih atangin thlakhat leh a chanve ang vel chauh ala ni si a ,ka pasal lah hi doctor aniin dawt a sawi ka ring bawk silo “ Kha va in test rawh le ,ka lo nghak ang che " tiin test kit min pe a .






Toilet atanga ka chhuahrualin “ Kha ka railo a niang engmah pawh a awm lohkha" tikha kha in rin pakhat chiah lang chu alamah ka vawm ,lo chharin a nui suk ringawt “ I nghak reilo em a nihkha " tiin a en vang vang,a rawn nui ta hawk “Khale lo en leh rawh le . Ka nupui thinchhe hlek hlek te ,a lang mai ngai hleinem nang minute khat ang vel chiah i nghaka khatiang te chuan alang leh nghal ,pa ka ni tawh dawn a ka phur hle mai " tiin rawn tho chhuakin min kuah hlun.







Test kit ka en ve chu 2 line a lo awm ngei,mak ka ti bawk nen ka en ka en ringawt ,inthlakin ka nu lamah ka tlan “ Nu nu naute ka pai " tiin ka rak chul,ka nu lah a lo phur viau lehnghal Rempuia nute pawh fawnin a tlai a tlaiah an vaiin an rawn phei ,an ni pawh an phur viau,cake an order a tlai chaw ah sa an siam hluah bawk ,zanriah pawh kan eitlai hle renga ,bati chhiin cake chu kan hual thap ,Zorempuia nen chuan kan zai tlanga ,midang chu kan barh kual dan dan , popcorn pawh kan peve a a ei hlak hlak mai .








Zorempuia chu a hlim hle tih ka hre thei ,nitin eitur min hawna ka eichak zawng chu ka naupai tana thalo tur tihloh min leiloh lai a neilo,zanlaia ka harh pawhin a rawn tho ve thuai zel ,mutura ks tihpawhin ka men chhung a meng ve ziah ,ka pasal hian min hmangaihin keimah maia hrehawm ka tawrh a phallo tih ka hrechiang hle ,ka naupai lian lutuk thlengin min ngaihtuah awl lo a , hospital lamah pawh a kal khat tawh hle “ Rempui vawksa ka ei chak " Chu thu ka sawi rual rualin popcorn ka ke bula let hiar hiar chu a tlanchhe nghal .







“ Nang te kha ka ei dawn lo che . Lo tlanchhe ringawt suh. I te ropui si eitham pawh ini lo ka naute hi i la awm dawn chauh " ka tihchuan hrethiam ni awm takin ka lamah a rawn phei leh ,Zorempuia chu alo nui hawk hawk ,he vawk fing zet hi duhlo a kalsan tu khan a chan ropui hle ah ka ngai,Rempuia rilru tha tak chuan vawk duhawm zet leh fing zet ka tana thian tur a lo enkawl reng a lo ni si a .






Ka duh ang ngeiin vawksa chu ka ei nghek ,balhla ka ei tam hle bawk a chhan pawh nau an sam an tih thin vang a ni pakhat ,ka pumna lutuk chu rum hakin choka dawhkan chu ka dawm ngar ngar ,ka tuibawm a keh tih hriat takin ka kap lam chu a huh dup ka nu chuan Zorempuia a au vat,min rawn pan vatin min pawm lawp ,kan hospital lamah chuan min hruaiin nau ka vei chhung zawng ka bulah a awm ve reng,chu chuan thlamuanna leh tuarchhelna min pe ,thlan hlapin ka fa tan chuan ka sang leh vak ,ka chau ve tawh hle ,hetiang em em hian a nimaw nau neih hi a lo nat ni.








Naute tap ngak ngak ri ka hriat rualin “ Hmeichhia in nei e ,doctor a hmeltha viau lehnghal " an tihchu hria in ka mengchhuak,naute chu tuamin an buk a a rit phian lehnghal ,Zorempuia chuan a fanu hmel chu thlir vawng vawngin “ Ka lasi " a tichhuak sup ,a chalah a fawp zauh bawk keichu min rawn en lehin ka hmuiah chuan a fawp vang vang,doctor ho chuan ka hliam vel chu thuiin cabin lamah min sawn a ,ka fanu pawh tunah chuan ka hnute hne in ka pawm ve ta.







Ahmeltha zetah chuan a pa hmel a chhun tih ka hrechiang hle ,a samah erawh keimah hlauh ,kan chhungte pawh an rawn thlenga kan fanu chuan a haksenloh leh a la hmantheihloh tur thawmhnaw leh inkhuallemna a dawng nghal teuh,an lawm hlawm em em a a hnute hnek a hun a nihloh chuan a nupawhin ka chang meuhlo ,ka pasal nute phei chuan an pawm awllo ,a hmingah Zorempuia pa leh ka pa hming chawiin Zomuanawmi tih an sa a ,ka hlim viau mai ,kan fanu lah a felin a tap ngai meuhlo .








Inlamah kan hawnga ka nu pawh a tunu chuan a tihlim hle ,a khawhar tur a chhawk chiang hle bawk.




9 month later





“ I fanu ve tang tang saw ,kal a zir nghal ngawt chu ania" tiin ka pasal mal chung a thu in kan fanu popcorn nena infiam chu kan en ,an inkhing tawk hle lehnghal , popcorn benga a pawh fuh changa popcorn au ruai ruai thin chuan min tinui tam thin hle ,an inhre dunin popcorn lahin kan fanu a harh tih a hriat rualin a mutna a tangin a rawn tho vat zel “ Heng hlimna zawng zawng min pe tu hi nang Zorempuii hi ini ,ka hmangaih che ka Chuailo par " tiin ka hmuiah a fawp zauh.






A fanu hlim hmel chu enin a nuisang bawk,kan nufa min thlahthlam lo a ,hrehawm a kan awm a phal ngai dawn lo tih ka hria,ka nu meuh pawh a nu tak ang chiaha en thei tu Zorempuia hi ka chhuang a ni “ Ka hmangaih che MASTER ,ka hmangaih reng ang che " tiin ka nuih sen sen ,min kuah nghet sauhin “ A bul tanna " tiin a phun sup bawk.




A TAWP TA

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » August 6th, 2022, 3:25 pm

:roll:

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)