KA HMANGAIH KA PASALTHA BY Mawitei Bawihtlung (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

KA HMANGAIH KA PASALTHA BY Mawitei Bawihtlung (Completed)

Unread post by Ngaia » July 24th, 2022, 2:27 pm

m25dx7fd.jpg
KA HMANGAIH KA PASALTHA





CHAPTER 1





“ Chhuani kal rawh ,kal vat rawh " ka thiantha ber chuan tlan turin min au lawm lawm a ,keipawh hreh zetin ka hmalamah chuan ka tlanzel ,mahse khamsang zet lo awm avang chuan ka ding chawt a ,ka hnungah chuan min umtute pawh an rawn lang zui nghal ,min thah tumtu te Chu ka melh kual ran a ,an ni hian ka nu leh pa ro an duh avangin heng hian min tih an tum chu a nia ,ka patea ngei chuan a ro duhluat avangin min thah a tum chu a nisia ,silai a min tinin a nui huah huah a “ Pialralah i nu leh pa bulah hlim takin i cheng tawh dawn ania ,lawm hle rawh " tiin ka lamah silai a hmeh puah rualin khamah chuan ka zuang thla a .










Ka awm chu thip zawkin ka mit ka chhing riai riai ,engkim chu a thim in ka tlakna lama thli min chhem vawk vawk tu bak ka hre ta lo .




“ Bawihi harh teh " tawng thawm ka hria a ,ka menchhuah rualin nu pakhat hmel ka hmu nghal zat ,ka en chian chuan ka nu hmel nen an in ang chiah chiah “ Nu " ka tisep a ,a rawn nui nghal sang mahse an inthuam dan hi a mak lutuk ,hmanlai inthuam danin an inthuama ka awmna ka en chu dap leh di hmang a sak niin a ban leh a rel vel erawh thing an hmang thung“ Bawihi ilo harh tawh dawn lo emaw kan ti a sin,in ram kal khamah i tla an tihkhan kan hlauthawng hman em em tawh a .








Tunah erawh khuanu'n zah ngaiin i rawn harh leh hi ka lawm takzet " a tisap sap a ,kei erawhin ka kuah reng,ka mumang a ni leh mai ang tih ka hlau,hmanlai hunah awm pawh ni ila ka nu leh pa bula ka awm theihna a nihchuan pawi ka tilo,ka pa pawh tap lam atangin a rawn phei a ,pasaltha thawnthu ka chhiar tam avangin an inthuamna chu mak pawh ka tilemlo ,pasaltha ka chhiarin ka suangtuah fo thin si “ Lalpa ,kha chemtei pawh a rawn harh tawh bawk a,eng em a thleng tawh lo turah ngai ila,thlamuang takin awm tawh u,keini pawh zanriah kan han ei phawt Anga ,ei kham lamah kan rawn chuangkai leh dawn a nia " tiin pa upa rual ho chu an chhuak a .










An sawi dan atang chuan ka pa leh ka nu hi Lalpa leh Lalnu an ni tihna maw? Anihchuan khang ho pawh kha khawnbawl te an ni ngei ang,keipawh Lalfanu ka ni tihna “ Chemte i rilte a tam em ,hei inu in ar a awmsak che hi a awm hang hi in rawh aw " ka pa leh ka nu min duatna chuan ka hnuk an ti ulh,ka tap chhuak hak a an pahnih chuan ka kuah “ Ka ngai lutuk cheu " ka ti tiau,mumang nilo in a tak ngei an nihna chuan min tilawm zual ,tho chhuakin chaw chu thing atanga siamah kan ei a ,tuihang erawh mau an hmang thung.







Tunlai hun ang nen inanglo mahse ka thil chhiar tam ber hunlaiah chuan awmdan ka thiamlo theilo ,Chaw chu ka eitam phian ,ka nu leh ka pa pawh an lawm tih hriat takin an nui sang ,eikham chuan thleng seng fel ka tum chu ka nu chuan min lo hnial vat “ I la dam chianglo,khumah awm mai mai rawh " a tihlak hlak ,tilui duh biklo in tap bul kawmah chuan ka thu a ,reiloteah khawnbawl upa ho pawh an rawn lut khawm leh tak tak a,keipawh min be ve luam hlawm a ,chhanna erawh ka pe tawi thei viau sawitur a vang em a ni.








Pakhat rawn lut thar chuan “ Lalpa Hmeithai nufa rawn pem tharte kha kha a fapa khan sakhi a kap a ni awm a ,a ni hi a hmeltha in kan khaw nula ho lah hian an en rawn thup lehnghal a" rawn titu chu ka melha,Hmeithai a titel kher chu ka ngaimawh viau mai,hmanlaiah hmeithai leh pachhia te an endawng thin zia ka hria a ,ka thil huat ber a ni “ Aw a nihchu ni e a sakah kan eizing ta khawp mai,amah lah kha mipa niawma mawilo khawpin a vun a no puak leh nghal,a pian lah nise pasaltha pian dik tak aniin lasi tlangval niawm a mawi a ni" ka pa chuan dam duai hian a lo ti a, chupa chu ka hmu chak ve viau mai.







Mu turin khum lamah ka lut a ,ka awm thiam lawk lo ,inchung di hmanga an zar phui chu ka melh ran ,ka thaw leh halh thin ka Patea khan min kap ngei sia mahse engmah hliam nei ang pawhin ka awm silo,nge hei hi mumang mai mai a ni tak tak,ka rilru chu a insual buai nimaiin ka hria , ka hriatloh karin ka lo muhil a ,ka harh leh chuan khua a eng iar tawh a ,mak tak maiin engkim chu ala ngai vek ,keihi hmanlai nunah ka lut tak tak a nih dawn hi,ka tho chhuak a ka nu rawngbawl chu ka pui nghal mawlh mawlh,ka harh ta vawk bawk a,ka che pawh a zang vah tawh .







“ Bawihi buh hi lo va deng ta che " ka nu chuan a rawn ti a,hmanlaia buh an dendan an sawi chu kan hre vek ang,mahse a tihchhin nan pawh vawikhat mah ka la denglo ,ka nu chu ka zawt tawp a ,ngawi renga min en vang vang hnuah a tihdan tur chu min hrilh in keipawhin ka deng ve nghal mai ,chutia buh ka lo den lai chuan “Chuante ilo harh tawh a nimaw ?"Chu aw rawn chhuahna lam chu ka en vat ,ka thiannu Diktei ngei a ni ,he khawvelah hian tinge ka mi hnaih tak tak te vek ka hmuh le .







“ Ilo harh tih ka hriat ve leh ka rawn kal vang vang a nih hi,khatia i tla thla ka hmuh khan ka hlauthawng hman lutuk a ,mahse tui alo nihlauha i vannei,khawi ka lo denpui ang che " tisawk sawkin min densak a ,keiai chuan ahnehsawh zawk e ,ti ti pahin tukthuan eikhama dai a thing phur tur chuan kan inthlah a ,ka nute ka hrilh chuan an phallo viau na a ,ka tihluih tlat avang chuan a lo phal ve leh ta tho a ,rawng bawl zung zungin ka pa te ho zu in chu ka melh zawk a ,ka pa pawhin a phal thu a rawn sawi zui a ,fimkhur turin min chah ngun hle thung.







Chaw eikham rualin Diki te in lam ka pan a ,midang erawh tumah ka la hrelo,mahse an Lalfanu ka nih vang nge hmuntinah be tu ka nei,Diktei te in ka thlen rualin kan chhuak nghal a ,kawtchhuah lam kan pan lai chuan “ Ih maw kan hmeithai fapa hi a hmeltha lutuk ania aw ,ka hmu fo tawh a ,I damloh chhunga rawn pem an nia nang lah karhnih dawn lai i musia,a pa rap mai Kan khaw nula ho hian an sawi nasa thei lurik mahse tu hmeichhia mah a ngaihsaklo a niang,hmeichhia in an pan pawhin a kalsawn zel an tia " ti nang nangin a tawng hlak hlak a ,ka lo nui hak.









Kawtchhuah thlen hma deuh in pakhat atang chuan tlangval a rawn chhuak a ,ka ding chawt ,ka lungphu a rang dawt dawt mai ,a hmel pa hrak leh a vun ngo lutuk tihtur nilo mahse he khaw tlangval ka hmuh tawh zingah khan tluktu an awm miahlo ang,a taksa inphiar fat te ,a hmel pa hrak leh a mithmul buk lam mah te chuan min hip zar mai ,chutah ka lam a rawn hawi a min melh ve reng ,a sang hle tih a hriat,a hawisawn leh nghal daih,Diki lam ka en chu a lo en ve ngawih ngawih tho “ Awi hmeithai fa nilo se chuan a thai chan mai ka nap" a tiduah a .








“ Hmangaihna hian hmeithai leh michhia a thliarin ka ringlo " tiin hmalamah ka pen leh a,ramhnuai lamah Kan inzui hnak hnak feh tur ho pawh chuan min lo be bawrh bawrh hlawm a ,thing kan phurh tur thu chuan kan chhang ve zel bawk,thui kal duhlo in dai maiah chuan kan in nghat a ,Diki chu a tawng zat zat renga kei erawh ka lo nui mai mai thung,chutia thing kan phurh lai chuan kan khawlam pana pasaltha tih hriat tak kal kan hmu a ,inrun leh inbeih an chin zia ka hria a ,ka ngaih a thalo chuan Diktei chu haw ka sawm ,a nipawh chuan a lo duh ve mai .







Khawchhung lam pan chuan kan kal hlawk hlawk ,mahse Lal inchhung ka thlen ruala ka thil hmuh avang chuan ka thaw huai mai “ Chemte lo kal teh ,hei i Pa Ngura ka thiantha ber a nih hi,Lungbual khaw Lal a ni e ,Kan tur che in an lo kal vang vang a nih hi" ka pa chuan a lo tivat a ,Lalpa hi midang khan an hliah hneh em avang khan kan hmulo a ni ngei ang,muangchangin ka pan a “ Eheu fanu i nei hmeltha hle mai,khawtinah i fanu chanchin hi an sawi fo a,ka lo awih tha vak lo a mahse tunah chuan thudik ka hmu ta e .






Hei zet chu kawisarih en phak ngat a mai ka ti " tiin min nuih var var a ,ka kutah a chibai pah bawk ,a rawn hruai tel ve ho pawh chuan min en duh viau mai ,ka lai lek lek min en chiang hlawm bawk si“ A khaih keini fanu te ve chu khawia kawisarih en phak lam lam,kan fanu aia tha hi an tam lutuk zawk alawm,keini fanu te ve chu an a buang a a ni ringawt a lawm" ka pa chuan a lo tive vat ,ka chungchang ringawt an sawi chu nuam lo ka ti rum rum ,Lalfapa chungchang an la sawi leh ta nghal .








Ka nu chuan “ I pi Rengpuii te hei hi zu pe lawk mai ta che " a tihchuan ka bo viau “ Tumaw?" Ka ti hu a “ Aw vengmawnga hmeithai an tihkha ,ka lainat teh a nia a pasal lah in a thihsanna a la reilo chungin an khua leh tui ngei ten diriamin pemlo theilo in an siam leh nghal" a tihlai chuan keichuan a fapa hmel kha ka ngaihtuah daih,hmanlai chanchina pasaltha hmeltha lutuk leh mitmeng pa hrak an sawi thin hian ka lo awih vak ngailo,a chhan pawh khawnglung run leh Laltheri te film chang thenkhat kha an dul a kiarin an hmui a hmul zui a ,ka hmeltha tihchi an awm miaulo.









Mahse tunah chuan a tak ngeiin ka hmu ve ta,a hmui a hmullo a ,a mithmul a buk chhap bawk ,a mitmeng a hriam hraka,ral khat a tang pawhin a mitmeng nalh leh hlauhawm ru zet si khan min la fan chiai chiai rengin ka hria ,phur zetin an inlam pan chuan ka kal thuai a , kailawnah ka lawn chho a ka tim leh ta riau mai ,ka ding vang vang inchhung lamah chuan meichhem ri ka hre ngei a ,mahse ka lut zak em em ringawt ,thaw hakin ka thih phah dawn pawh a nilo ti a infuih chungin kawngka chu ka hawnga mahse ka hawn rual chiaha chhunglam atanga rawn lang ve avang chuan tawlh hnung dawrhin ka thing rah lah chu a lo tawlh thei bawk nen ka tla dawnah ka ngai tawh .








Mahse ka kawnga a kut rawlh lut a ,a tha chak zeta a lama min pawt tu avang chuan inring hmanlo in a awmah ka bei nghal thlawp,ka awmsawn thei mai biklo nen a lungphu dawt dawt ngaithla chuan ka awm ta reng a ,harh chhuak thutin ka hmui ka pet a ,ka sen tawn tawnin ka ring,ka hmai a sa nghal huam huam ,a nilahin engmah a sawi bawk silo “ Ih....aa...heihi..... i nu ta... tur ka nu in zuk pe.... rawh a ti" tihpahin ka tlansawn nghal nal nal ,ka zak takzet khatianga mipa hmaa ka che chhia pawh Khan min tizak zual ,in ka thlen rual chuan ka thaw huam huam a










Ka nu leh ka pa te ho chuan min lo en thap ,pawnlamah chhuak lehin luhka ah chuan ka thu a ,tuna kan awmna khua hi khawlian ve tak ni ngei ang in zanga zet chu kan nih ka ring,hawi mai pawn in a hmuh kim theih loh a ,chutah Hrangkhuma chu kan inlam panin a rawn kal ta mai ,ka che buai leh nghal vek ,mahse min enlo in Lalin lamah a lut a ,reipawh awm lo in a chhuak leh nghal a chhuah rualin hmanhmawh zetin inchhungah ka lut a ,ka pa leh a thianpa te ho chuan a chungchang an lo sawi nghal.







“ Kha nau zet chu pasaltha nungchang leh pianzia a phawk chhuak tehkel e ka ti ,khual ala thang hat ngei ang le ,Lawmpa ,nangzawng lusei khua zawng zingah i vangkhua tihming tha tur i ngah tawhin hmelthatna lamah lah nise i khua a nula leh tlangval te hmel ka han hmuh hian khawi khaw nu fa hian an tluk lo ange ,nang zawng lusei lal ropui ila ni ngei dawn e " Pa Ngura Chuan a ti leh zat zat a ,kei erawh ka nu puantah na bulah ka tap ta chawt ,a puantah dan te chu ka en kar a thiam ve ngei ka duh bawk.








“ Nu la kaih min zir tir ve rawh aw " tiin ka nu chu ka be siam siam a,a nipawhin zanlama kan zir tur thu a sawi a ,ka phur takzet “ Chuan maw nu nichina mipa khan enge a rawn tih a " tiin ka zawt nghal zat “ Anu damlo mamawh a rawn la a nihkha ,nangpawhin i theihtawkin pui la ,hmeithai leh michhe fa an nih avangin hmusit hauh suh ang che ,Hrangkhuma mitmeng ka en khan mi naran mai a nih ka ringlo ve tlat ,a hmel lah kha Lalfapa nimai awma mawi zawk a nihkha " a ticharh charh a ,ka bu nghat .








“ Nu khua hi ka fang kual mai mai dawn a nia " tiin ka nu chu ka en a ,a lo remti ve mai,vengtin ka fangkual a naupang tualchai leh ar leh vawk tla nauh nauh te chu ka en kual,thangthar nun nen chuan inang lo tak a ni ringawt,boruak a la thiang tha in thing hmuh tur ala tam hle bawk,ralkhata tlang hring dup lan theihna laiah chuan lungpui chungah ka thu a,ka awmna a fal bawk nen khawchhung thawm a hriat loh viau mai ,chutia ka thutreng lai chuan ka thlang lawk a rirak chu hria in ka hawithla a.









Hrangkhuma chuan sava a lo veh chu niin,a perh thlaksa chu a ak a ,ka lam a rawn hawichhauh lai chuan ka lo en ve reng ,ka nuihsaka a ni erawhin hmuh pawh min hmu lo ang hmakin a hawisawna,hmundang chu a sairawkherh chuan a tin leh,Chu chu ka ngaithei derlo“ Hey nang kha " tiin ka dingchhuak a “ Min va ngai pawimawh lo ve a " tiin ka au khum tuar ,hrelo ang hmak chuan awmin kalsawn a tum a ,ka umzui nghal vat.








“ Ding rawh ka tihchu " a kal ngai rengin a kallui zel “ Nang hmeithai fapa kha " ka tihtakah chuan a ding chawt a ,rum zetin min rawn melh keipawhin ka lamsual zia ka hre nghal “ Enge i duh hmeithai fapa hi ka hman viau lo ania " a rawn tichang fak a ,ka ngawi ta reng “ Lalfanu zahawm nang angin mi awmthei fa ka ni ve silo a ,ka lo kalsawn phawt ange" tiin a kalsawn nghal vut,ka thusawi avang khan a thinrim hle tih a hriat ,keipawh engvanga khatianga tikha nge ka nih,midang lam lem ka haw hle a ni si a,mahse min ngaipawimawh lo lutuk khan min ti thinrim em a ni.







Ka umzui leh vat tho,hmanlaiah mipa umzui duang duang a mawilo tih hre mah ila ka insum theilo “ Hey ding teh " a kal hmawk hmawk chu a hnungah ka umzui det det“ Min rawn zui tawh suh " a rawn tihmuk “ Ka duhleh ka zui ang che " tiin a hnungah chuan ka kal ve zel,sava perh tur zawng tih takah a thawm a dim hle ,keilahin dim thiam heklo a perh dawn ve leh “ Ka khawngaih e " ka lo tivak zel a ,min melh rum tha tawh viau “ Kalsawn rawh hmeichhia " a rawn tirum chhak ,ka hlau ve tho a mahse hlau anga lan ka tum biklo “ Hmeichhia ka nilo Lalfanu ka nih hi " tiin ka bula thing tum chu ka la a .









Ka tin nghal ran,hlauhloh hmel zet “ Awhaw....I ka hlau " a tilui vak a ,ka ngei lutuk chuan ka melh nghek hlap tumin ka pan a ,mahse ka hmaa thing zung rawn pawng chhuak chu hmulo in ka bawk tur chuan ka bawh rawk a,chutah kan hmui chu ala inbawhthuah chat zui ,ka mengkawk a nipawh in min en ka tho chhuak vat ,ka hmui chu a sa ham ham mai ,Lalpa tinge hepa hmaa ka chet chhiat ziah le .




(ZANIN CHU CURRENT NIHNIH KAN NEI TAWH LO A BATTERY 28 CHIAH KA NEI A MIN HRETHIAM RU AW )


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 24th, 2022, 2:27 pm

KA HMANGAIH KA PASALTHA




CHAPTER 2



Ka hmui ka tuai nawk nawk a ,Hrangkhuma chu ka melh ran,min en in min rawn pan hnai a “ Nang hi he khawvel a mi hi ini lo " a rawn tihchuan ka meng kawk“ I tawngkam leh chetzia zawng zawngah hian engkim a chiangin ka hria " tiin a khabe tuai zauhin a rawn kun hniam ruai ruai “ Min duh deuh em ni ,Lalfanu kei hnamchawm tlangval hi min duh em ni" a tihleh chuan ka chil ka lem dawk.






Chhanna chang pawh ka hrelo ,ka en reng a mitmeng pa hrak leh a vun hang silo,ngo lutuklo a sam ni e a sam pawh helam mite anglo takin kan khawvel a mite angin a tawi a ,a kir deuh bawk,a hmui panlam sen deuh chek chu hmeichhe hmui niawm a mawi nimahse a inhmeh em em tho si,ka awmsawn chu nuisuk hian a awm tha a ,a kalsawn nghal nal nal “ Ka hmeichhe duhzawng ini ve lo tlat " a la tihram zui .







Ka au zui vak pawhin a rawn hawi let lo reng reng ,ka ngei lutuk ka bula thing chu ka beng vak vak ,a sawtlo ka kut ka tina mai mai ,khawchhung lam panin ka let hnak hnak a ,Kan in ka thlen dawn lai chuan kawta pasaltha tih hriat tak hian min lo au ding a ,ka en nghal vat “ Lasi nula ianga mawi inih hi le " tiin mitmeng hur zetin min en a ,ka ngeih derlo ka hawisawn san a ,Lalin ka luh dawn chuan ka kutah a rawn kai chawt ,thin thlak ka tum chu a vuan nghet sauh a,ka tal vak “ Tang buai duh suh nang hi kan Lalpain ka neih theih tur thu che a sawi vek tawh.








Chuvang chuan tang buailo mai rawh ka nupui ila tho tho dawn " a tihchuan ka au vak ,ka pa te an rawn tlan chhuak a “ Nangkha ka fanu kha rawn kaltir nghal rawh ,ka Lalin tual ngeiah buaina i rawn siam ngam a maw " tiin ka pa chuan a rawn kawk a ,mahse min man bet tu pa chu a nui huah huah ringawt ka pa thianpa ngei chuan“ I fanu hi ka pasaltha tan hian ka duh a ni,I duh zat zat ro pawh ka pe ang che ,engzat nge i phut" a ti nghal zat a ,ka pa chuan a melh rum viau “ Ka fanu hi ka zuar emaw iti em ni,tunah i mite ho nen hian ka khua hi chhuahsan rawh u ,kan inthianthatna pawh tawp nghal rawh se .








Ka khua ah hian vawikhat mah rawn lut tawh suh u " ka pa chuan a tikhur hluk a ,a thinrim tawk hle tih a hriat “ Chuti tur em ni ,keihi min cho ngam an awm em ,I khuaah hian mal beiha min cho an awm chiahin kan chhuahsan ang,chuti a nihloh chuan kan run ngei bawk ang cheu" min man tupa bawk chuan a ti tuar tuar a ,ka pa chuan a chhang mailo a chhan pawh tunah hi chuan tlangval bakah pasaltha tih deuh thaw zawng zawng chu lo lamah an feh vek vang a ni,chupa bawk chuan ka samah a kek sawk a.







Ka rak that “ Min cho an awm meuh nange ,in zanga nufaa inchhal si chuan pasaltha tih tham pawh in nei lo a maw " tiin alamah min pawt leh dawrh,ka mittui a hnam sawk “ Min thlah tawh pa min pui rawh " chupa in a min khawih a tum Chu ka pa chu rawn kal hnaih a tum a ,mahse ka nghawngah chema min tin avang chuan a tawp leh chawt,Kan thawm a vang chuan khawchhunga awm ho pawh an rawn tlankhawm a ,an hmanrua an rawn keng bawk .







“ Tumah rawn hnai suh u in Lalfanu hi a thi nghal ang " a tituar a ,ka mit chhingin chhanchhuak tu ka nghak tawp tawh “ Khalaia pasaltha chuan a mal a cho pawh a neilo a nimaw ,hmeichhia chauh maw a cho a ,mipa kan awmlaia ,hmeichhia chuta karah chaklo zawk tih hriat reng reng maw a cho a ,pasaltha nilo in Nusaltha tih awm tawk a ni" rawn titu avang chuan ka meng chhuak vat ,Hrangkhuma chu mipui kar atangin chem hum chungin a rawn pen chhuak a .








A mit chu ka hriat thiam dan ber Chuan thihna sar a zam an tih ang thin hi a niin ka hria,ka bula a awm a a mitmeng kha chu nep te a ni,a thip ram in a meng thim khap bawk,kan lam a rawn pan a min man bet tu pa chu a thinrim hmel hle min chelhna chu thlahin Hrangkhuma lam Chu a pan “ I thi ngei ang nau ang ,kei pasaltha Thangvunga ral lusawm khai tawh hi min hneh a thu in le " tiin a pan chhat chhat a ,Hrangkhuma chu ka lo hlauhthawn pui hle ,ka khur deuh der der Thangvunga hi an Lalpa pawhin a chhuan danah pasaltha tawk tak a nitih a hriat bawk si .







Hrangkhuma hi chu pem thar chauh an niin tumahin a hneh an ring biklo aniang ,khawngaih hmel takin an en a ,mahse taksa ah chuan Hrangkhuma a chungnung zawk larh thung,an inveh tan a ,Thangvunga chuan panin a luzawnah a sat pawp a ,ka lo rakthat ,hlauthawng zetin ka meng chhuak a ,mahse Thangvunga zawk Chu a lo kun ngul “ Pasaltha chu i thawm a va reh ta ve ,a hmaa au pung pung si i nu in a hlap ta che em ni le " Hrangkhuma chuan a tisak ,midang pawh chuan mak tiin an en thap,keipawh chuti tho .









Ka en reng ringawt,an inbei tha leh a ,mipui leh ka pa te ngaihtuah rual lohin Thangvunga lu chu a per nawlh a ,ka chhing sawk mai ,thawm reh thuap chu kut beng leh au riin a khat a ,Lalpa Ngura pawh a pasaltha thihna a bang chuan a meng kawk kawk ringawt “ Ka pasaltha Hrangkhuma,vawiinah hian i khua leh tui bakah i Lalpa zahawmna hi i chhanhim ani,chawimawina no hi rawn dawm ta che " a tihchuan Hrangkhuma chuan a lo hnial vat a .








Mahse ka pa chuan a tihluih tlat avangin tim dai hian zu chu a in a ,mipui lam chu an au leh dur dur ,ka pa chuan Lal Ngura lam chu panin “ Kan inthianna chu a tawp ta,mahse thian kan lo nih tawhna avang erawhin ka nun ang che ,tunah la la hian ka khua leh tui hi chhuahsan rawh u,phakar chhuah a chet lak in tum a nihchuan inkhua thlengin kan inluhchhuah dawn tih hre reng la ,rawn kir leh tawh suh u,tunah min chhuahsan nghal rawh u" a ti tuar a ,an ni pawh hmanhmawh zetin khawpawn lam panin an kal a .









Hrangkhuma chu mipui lam chuan manin an vawrh kang lawp lawp a ,keipawhin chhuang zetin ka lo en,ka duh zual sawt ,hmeichhe ho lah chuan an mitmeng de sawr sawrin an en a,ka thik takzet mahse Lalfanu ka nihna angin tihlan a rem lo thung,ka nu leh pa lam chu panin ka kuah vang vang a “ Naktuk nilengin ka pasaltha hmingin rallu kan ai ang,ka sepui ka thawh e " tiin a au a ,mipui lam chuan kut an beng leh dur dur ,khawnbawl te pawh chuan vawk leh sial nen an rawn do let ve a ,a khawpui chuan Kan rihulh hulh tawh








Lo sul haw ho pawhin thil awmdan hria in an rawn kal khawm ve a ,Hrangkhuma hming Chu a richuah chuah hi a ni ringawt ,a tuk lamah chuan ruai an buatsaih mup mup a ,keipawh helam thuama an rauh ber leh ngaihsan mizo thuam dik takin ka inthuam a ,min en duh hlawm viau,Hrangkhuma lah hmeichhe ho in zu an tulh reng ,an lam zawnga a nui te chuan ka thin an tithip vek in ka hria,chutah khawnbawl fanu hmeltha ti a thang ve hat Parkimi nen chuan an lam dun a,ka bula mite leh ka pa ngei pawhina inhmeh an tihthu an sawi chuan min tina.









Mahse ka hmelah tihlan a remlo,kan khaw tlangval ve tho,pasaltha ti hiala an koh Kapmawia nen chuan Kan lam ve a ,mahse phurna ka nei lo,ka hmelah erawh engmah ka tilang lo thung,lam ka lo zir sa nen ka virkual a,mipa lam chuan kut an beng dur dur ,Kapmawia lah lam thiam tak alo ni nen,Kan lam leh Hrangkhuma te lam chu min en tawn niber hian ka hria ,ka hah tawh avang chuan ka kalsawn a,Lal in hnung lamah chuan ka kal nghal daih.







Ipik zetin ka thaw chhuak hawk a ,ka awm chu ka dawm vang vang ,mihring hian kan vawikhat hmuhna atanga duh nghal mai kan nei thin,mahse kan mi duh nghal mai te thinlunga hmun insiam ve tir chuan kan beih fe a ngai thung si,inrem tur tak awm theihlohna khawvel,in mil miahlote awmdunna khawvel nisi chu “ Hetiang tur hian em ni keihi kha kham atanga ka lo tlak,ka Patea khan min that hman zawk sela ,mahse ka nu leh pa ka tawn leh avang hian ka lawm zawk tho si,lam tual lamah pawh kal duh tawh lo in inchhungah ka lut a .







He khua a ka harh chhuah tirha mak taka lo awm ka thawmhnaw bawm chu haiin,kawrfual fal lei vaw deuh hnalh,a hmalam tlema chhing chu ka inbel a ,ka make up tel ve tlem te powder leh lipstick chu inhnawihin ka sam chu ka thlah bawk,pawnlam pan chuan ka chhuak leh hnalh hnalh a ,ka kawrfual hmawr chuan lei hrut dalh dalh bawk,luhka ka thlen chuan ka pa leh khawnbawl bakah ka nu ngei pawh an meng kawk kawk mai.








An mit an nuai nawk nawk hlawm a ,chutah mipui lam thawm pawh a reh duk,ka lamah mit zawng zawng fu in an phun mur mur “ A hmelthat zia khi ,awi Lasi te pawhin an tluk bikin ka ringlo" ti a tawng tawk lah bo lo,hmeichhe ho pawhin ka incheidan nalh ti chuan min en dauh dauh hlawm a,“ Nu pa ka kalsawn lawk dawn a nia ,Chuan ka lo hawn hunah engkim ka hrilh tawh ang cheu" tiin ka kalsawn ,min dan an tum biklo ka kalna tur chu an lo tikaw sap sap,Hrangkhuma ka en chu hriatthiam har zetin min lo melh.







A hmelah engmah a lang ve hauhlo,kawtchhuah lam panin ka kalzel a ,keihian lasi te hmuh ngei ka duh,enge hetiang khawvela ka awm chhan hi,engkim hi a taka thleng tura ka rin ngailoh te vek an ni ,ka kal chhunzawm zel a ,rawm ngaw ka thlen thuk takah chuan “ Min hre thei anihchuan Lasi in awm a nihbawk chuan ka hmu duh che u" tiin ka au chhuak a ,a reh tlawk tlawk mahse reilo te ah ka khawhmuh a rawn fiahlo nghal riai riai a ,engmah ka hre zuilo ka hmaa kawr var sar ha chu ka hmu phe ruai a ni








Ka harh chhuah leh chuan lung bang ka hmu hmasa ber,ka thu chhuak ka bulah chuan hmeichhe hmeltha zet alo awm“ Ilo harh tawh a nimaw ,Lalnu in I harh veleh hruai tur che in min ti a " a tihchuan ka auh lasi ngei anih ka ring ta,lu bu nghatin ka zui a ,enge thleng ang tih erawh ngaihtuah ka duhlo




( Min hrethiam ru aw ,tunlai chu Kolasib lamah ka unau te lo neih ka pui ,buh tuh nen thlawh nen ka chauin zanlamah lah nau awm in ka buai lutuka ,ka type thei thlawtlo


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 24th, 2022, 2:27 pm

KA HMANGAIH KA PASALTHA





CAHPTER 3



LALCHHUANAWMI POV...





Ka hmaah Chuan Lalnu tih hriat tak hi a lo dinga,ka hmuh duh Lasi Lalnu ngei a ni tih ka hre nghal “ Zawh duh cheu ka nei a ,ih he khawvelah hian engvanga awm nge ka nih,engtin nge hetiang thil hi a thlen theih" tiin ka zawt nghal tawp a,min en in a nui sang “ Lo kal teh thil awmzia ka lo hrilh ang che " a tihchuan ka pan ve mai ,ka kutah a lo chelh a thawk la hawkin “ He ka thil sawi tur hi i awihlo mai thei ,mahse nang leh Hrangkhuma kha tun nangni tana hmanlai hun nisi hi in awmna hmun tur dik tak a ni.









Nang ni hi hman ah tawh in piang,mahse mi tenawm tak a vangin in inthen phah ,a tawpah nunna in chan ve ve bawk ,mahse khuanu in intawp hlen a duhloh vang a ni ngei ang in piang nawn ve ve ,mahse in inhre tawhlo thung,Hrangkhuma pawh hi i khawvel ang tho atanga rawn lut a ni,in luh pawh a inrual chiah mahse nang erawh i natna avang khan i mu rei ta thung a ,nangni pahnih hi in thil puitlin loh te tipuitling dun tur a pian nawn tir leh in ni.







In pahniha awmdun turin,chuvang chuan i chet vat a ngai a ni,Hrangkhuma hian engmah a hre tawhlo ,Ani pawh hi nangmah ang bawkin a khawvelah khan nu leh pa a nei tawhlo,mahse he khawvelah erawh chuan in nei thung,in pahnih in hmangaihna hian engkim a hneh thei tih i hre reng dawn ania ,engkim hi a bul atangin in tan tha thei " chu thu chu ka let hnu thlengin ka ngaihtuah,ni e Hrangkhuma hi ka hmuh fal angai a ni ,ka let leh pawhin an lo la chai mup mup .







Khua a thim tawh thung,Hrangkhuma chu Lalin kil sir lamah ka hmu a ,pan hnaiin “ Ka be duh che ,a falin" tiin ka en ngar ,min rawn en let chuan en duh tawhlo in lal in hnunglam ramhnuai chu ka pan a ,a thawm atangin min rawn zui ve ngei tih ka hre bawk,ka nui sak a ka kal zel,thingkung lian tak hnuaiah ka ding ran,a rawn thlen rualin thaw hawkin “ Enge i duh Lalfanu " a rawn tihmuk a ,ka nui hak “ Lalfanu nilo in he khawvel piah lam ram atanga kal ve ve kan nihna a vang pawhin sawi tur dang i hre ve thlawt lo em ni .






Nge he khawvel hun anga awm luih i duh zawk " tiin ka hnaih,a awm chen atang chuan ka en ngar,min melh chhuk ve ta ngur mai,a nghawngah ka kuai vak ,a hmuiah ka fawp ta chat ,ni e Lasi lalnu khan engkim min hriatchhuah tir vek tawh ,Hrangkhuma hian min hmangaih thin hle tih te ,ka thiamloh a nih avanga kan thih ve ve phah thu te pawh min hrilh vek,a hmuiah chuan ka fawp tawn tawn,a hmeichhia zawk ka nih lam ka ngaihtuah lo ,ka ngai tawh em a ni .







Min namsawnin thinrim hmel zetin min en “ Eng ang hmeichhia nge maw i nihle ,hnamchawm ka nihna avanga min thah tirna tura i thangkam te hi a ni zawklo maw ,ka hmeichhe duh chi inilo ka tih tawh kha " a rawn ti fak,a thinrim hmel hle bawk “ He khawvel mi kan nilo ,enge he khawvela kan luh chhan ni ang tihte hi i ngaihtuah ve lo em ni,Hrangkhum he khawvela kan pian nawn leh chhan hi " tiin ka be sep sep ,mahse ngaihpawimawh loh hmel zet a nernawkin “ Duh dang ka nei tawh a ni tan chauha rinawm ka tum bawk.








Min tibuai tawh suh,zalen deuhin min awm tir zawk rawh ,Lalfanu inihna angin ka zah mai che a ni ,chuti nilo se chuan I thil tih avang khan ka sawi mualpho ngei ang che ,Kan khawvel chu lo in ang pawh nise he khawvelah erawh an milpuiin chet tum zawk rawh " tiin a kalsawn a “ Hrangkhum i hmangaihi zawk ka nih hi ,enga tinge min hriat chhuah veloh ,ka hmangaih che ti a ral karah pawh min rawn zawng tu kha ini lo em ni " tiin mittui nen ka en pam.






Van lam chu enin “ Duhdang a neih si chuan kei hi engvanga lut ve nge ka nih ang le ,ka khawvelah khan awm mai mai zawk ila a tha tur " in lam pan Chuan muangchangin ka kal chhet chhet ,lal muala Hrangkhuma leh Parkimi in ngeih tih hriat taka thu duna nuisang te chu ka en a,ka tap chhuak mai dawn a ka hriat avangin Lal in chhungah chuan ka lut a ,ka mu hmak ka nu in ka nuam lo ami ti a min zawhna pawh ka chhang theilo,zingah phur lo zetin buh ka denga ,ka lu te chu a rit luk mai .






Ka thiannu Diki te lo ah feh ve tumin ka insiam a ,kawtchhuahah Hrangkhuma leh Parkimi te pawh an lo inchhaih har har ,tute tan pawh an inkara thil awm chu hai theih a nilo “U Hranga te chu kha nuam in va tih hmel ve " Diki chuan a ti a , a nui pah bawk ka hmel atangin engkim a hrethiam aniang,Kapmawia te an rawn thlen tak avangin kal kan siam a,an inchhaih nui har har reng kei erawh ka hlim tak rak theilo ,a lang erawhin ka nui lui hram hram thung.







Lo kan thlenga ka hawi kual vang vang ,buh hring dup leh cham put thliin a chhem zawng a fawn dalh dalh chu ka en reng,Kapmawia chuan fanghma tuai min zawn sakin min pe a ,Kan thiante ho chuan min dem nak nak mai ka nui ve hak hak a,thian ang bak in ka en lo tih erawh amah Kapmawia pawh hian a hre ngei ang,nileng chuan lo zawh ni a nih vang nge reilo te thawkin vaua luiah kan inchiah a,tui chhungah erawh ka lut duhlo thung






Ka ke chu luiah chuan chiah pilin ka tiper leh chhak thin,ka hahdam suai suaiin ka hria ,haw lamah te chuan kan ri chel chul a ,keipawh ka pangngai tawh viau mai ,lungdawh kan chuang chhuak a ,Kan chawl leh thap ,reiloteah feh dang ho pawh an rawn thleng ve a ,kan inkawm khawm nak nak,in ka thlen rualin ka nu leh ka pa chuan ka phur chu an lo chhuah zung zung“ Nu ,pa hrilh tur cheu ka nei a" ka tih chuan min ngaihven nghal vat .







Engkim thudik ka hrilh veka ,a tirah chuan mak an ti viau “ Hrangkhuma nena Kan tih puitlin loh thpuitlin angaih thu min hrilha,mahse tunah hi chuan a danglam a ni mahna a ni chuan hmeichhe dang a duh ,chupawh Parkimi hi,chuvang chuan pa ,a lak atanga inthiar fihlim , ka duh tawhloh nan awm bo rih a tha in ka hria ,hetiang renga ka awm chuan nakinah khawtlang lakah pawh ka zep theihloh hun a awm ang,a lak a ka rilru tihbo nan hian Lasi te bulah in zir paha awm ka duh ani.








Ka rawn let hunah chuan in duhzawng ngei pasal pawh ka nei thei zawk ang" ka tihchuan min en vang vang “ Bawihte i sawi dan chu awih a har hle mai ,mahse kan fanu ngei chuan dawt i sawi kan ring silo,ni e kan dang lo ang che ,Kan bulah la awm reilo viau mahla nangma tan tak pawh a tha zawk rih ania nge " ka pa chuan a rawn ti a ,ka nuih sen sen mai “ Nu ,pa ka hmangaih cheu,Chuan ka awm loh hunah chuan i unaupa te emaw i thiante khuaa ka awm rih tur thu hrilh mai rawh aw .









Ka duhna hi hetia ka hmuh reng chuan ka zep theilo ang tih ka hlau " tiin ka en ngar a ,ka pa pawh a lo bu nghut ,mahse ka kal hma tala Hrangkhuma hmuh ka duh ,a tuk lamah chuan inlamah awmin puan tah ka zir a ,ka thiam chak ve viau mai ,ka nu erawhin min hau ngun malh malh hle ,tlai lamah ka nu chu Hrangkhuma te ina ka kal tur thu ka hrilh chuan min en vat “ Mangtha turin a lawm ,nu min ngaihtuah suh " duhtawhloh ka tum dawn sia a tawp nan tal ka biak leh lohin .







Chubakah ka kalbo mai rih dawn silo,vawikhat tal tihbuai leh ka chak a lawm" ka tihchuan a phal hram,vengmawng lamah ka kal a ,an in ka luh chuan nu Rengpuii chauh a lo awm rih a ,min lo be nghal sawk sawk ka nuih var var a “ Hrangkhuma alo la haw lo a mi" ka tihchuan a aw vat “ I hmeltha hle mai bawihi" a tihchuan ka nui sak,rilru erawhin “ Ka hmel zawng tha mahse i fapa mitah erawh ka tha ve tlat silo " tiin ka sawi mawlh mawlh thung.






Kan inkawm a ,Hrangkhuma naupan lai vel ka zawh chuan phur takin min chhang,a harh thin zia leh a tihbuai thin dan zawng zawng a sawi chuan keipawh ka nui nasa hle ,pawnlam a rawn ri a “ Ka nu chu tunge lo lenga i nuiri te ka hriat ve tak " rawn tituin a min hmuh rual chuan a tum nghal hmul“ Enge i rawn tih" a tihmuk “ Bawiha i tawng fimkhur rawh ,Kan Lal beng te a thleng palh ange min rawn kawm hlim a nih hi.






Nang lah chhunah hnathawkin i liam a ,zanah lah Parkimi rimin zawlbukah i riak lehnghal a i nu hi kawm hlim pawh i tumlo a engah nge min tihlimtu kan Lalfanu leh nghal zahlo takin be tawh suh" a nu chuan a tihlak a “ A pawilo nu Rengpui ,I hah ang tih hre mah ila biak che ka duh a " Hrangkhuma en chung chuan ka phun chhuak,min en ngur ngur hnu ah “ Min rawn zui rawh " tihmukin kawmchar lam a pan,ka thaw hak mai ni e a tan pawh kei min pawm chu a har viau ang.








Nun hmasa chu lo nei tawh mah ila ,hun kal tawh a ni a khuanu ruat kan ni kher lo te pawh a ni thei ,ka zui chhuak ram lam thlirin “ Min rawn tibuai tawh suh ka tih kha " nelawmna reng reng a neilo “ Ka tihpalh keihian thil tih danglam theih ka beisei a ,chuvang chauh chu ani,chuan engkim avang khan ka tihpalh aw ,ka tihpalh tak zet i nunah ka lo lang tawhlo ang,i remti lo chung ka fawh avang che pawh Khan ka tihpalh,hmeichhe tenawm tak ka ni biklo a nia .








Keichuan thil pakhat vang chiahin kha thil kha ka ti tih i hre dawn ania ,I nunah ka lo inrawlh tawh lo ang,Chuan Parkimi nen chuan hlim takin in awm dawn a nia ,ka lak atangin harsatna i nei tawh lo ang tih ka tiam a che ,Chuan a tawp nan thil pakhat hei chiah hi min laksak hram rawh aw ,he khawvela awm duhlo viau mah ila ka khawvel hmasaah kha chuan nu leh pa nei tawhlo leh mitthi tawh ka ni tih min hriatsak dawn a nia .






Let leh duh mah ila ka thei kher lo ang" tiin ka kuta ka thil hum chu ka pe a ,Kan hun kal tawha a tana ka siam ngei Diar chu ka pe a ,a en vang vang mai “ Eng emaw tak i hrechhuak a nih pawhin hma la zui suh,ka thlah na angah che i ngai dawn nia " tiin ka kalsawn a ,a dinna ngaiah a la ding reng nuihsakin kan in lam pan chuan ka kal nghal vang vang.





HRANGKHUMA POV...






“ Bawiha i thil tih kha i chiang a maw ? Hmangaihtu che i kaltir ania ,a hmelah khan hmangaihna nasa tak ka hmuhpui thei ania ,I tlai ange " ka nu chuan a rawn ti charh charha ,kei erawh tap kawmah chuan ka thu reng “ Ka nu ka sawi tawh kha keichuan hmeichhe dang duh ka nei tawh,chubakah ani kha Lalfanu a ni,hnamchawm leh Lalfanu in neih a theihloh,sawi ka duh tawhlo zawlbuk kan pan tawh ange " tiin ka chhuak zui a









Ni e keichuan Parkimi hi ka duh a ka thlang bawk,nula fel tak a niin a mah a hmeltha bawk ,rimtu pawh a ngah thei viau,ka kuta diar erawh chuan engtin emaw min siam danglam thung,zawlbuk ka thlen chuan ngawi rengin ka thu a ,lenglen ar a khuan rualin Parkimi te in lam ka pan nghal vat,ka thlen chuan tlangval dang an lo awm leh teuh tawh,Parkimi nen chuan a rukin kan in nuih sak ,a langah erawh pangngai takin kan awm thung .





Ka mumang avang chuan ka harh chhuak hlawl,ka thlan hlup bawk keihian nunhlui chu ka neichiang a ni “ Hrangkhum i tlai ange " tihlah chu ka bengah a ri tluk tluk,kha hmeichhia kha Parkimi a nihloh chuan tunge a nih ang,hmangaih taka ka en thin kha tu hmeichhia nge ni ang,ka thaw hrawk a,ka tho chhuak nghal vat







Lalfanu pawhin a insawi ang ngeiin ka mithmuhah a lang tawhlo a ,Lal ina ka kalchang erawhin in hmuhloh theihloh a nih avangin engtin mah ka ti ngai lo,a ni pawhin melh khat pawh min melh hlek ngailo,hei erawh ka chiang a mi fawhna kha ka chhanglet chak em em thin thung, a hmeltha a a pian a nalh bawk,Lalfapa te pawhin nupuiah an be fo tih ka hria ,ni e kei chuan ka phulo ,a nu leh pa pawhin kan inneih an phal kherlo ang.







Kapmawia nen an in zui ngun hle tih ka hria a ,pasaltha ti a an sawi bakah zawlbukah pawh an fak ber pawl a ni,keipawhin a tlawmngaih zia ka hria ,khawnbawl fapa a nihna angin a induh ve miahlo a ,midang tan hriatnuam lo tur a sawi ngailo,kei ngei pawh hmeithai fapa ka nih avangin min hmusit ngailo bawk,tlangval fel ti a thang hat kha a ni reng a ,ni leh thla a liam a ,he khawvela ka luh tirh atanga thla li na chiah a ni.








Keilah chuan Lalfanu Chhuanawmi chu ka vei tulh tulh thung si,min hnaih loh chiah khan ka ruak vek hian ka hria ,ka nunah kimlo awm ang tlatin ka hre bawk ,tunah chuan Lalina ka kal tak ngial pawhin hmuh tur a awm tawhlo,ka zawng reng a mahse khawlaiah a vak chhuak hmuh tur a awm tawh ngailo bawk “ U Hrang tinge min ngaihsak tawhloh,a hmaa ka pasaltha Hrangkhuma kha khawnge a awm ,tinge kan khawvel pahnihna ah pawh min hriat duh takloh.







Min hmangaih ve tawh lo em ni " titu chu ka en reng “ En teh nang leh kei hi khuanu in intawng turin min pian nawn tir tih i hria em ,nang chuan min hre tawh lo a nithei ,mahse Hrangkhuma hi Lalchhuanawmi bakin a chang ngai dawn lo, i nunhlui saw en rawh " tiin ka piahlam chu a kawk a ,ka en ve nghal mai ka thil hmuh avang chuan ka meng kawk,“ u Hrang i hmangaih in ka nghak che " tiin a ral riai riai ,a hmelah lungngaihna a lang bawk“ Awmte " tiin ka au chhuak a ,ka bula mu ka thianpa chuan “ Enge maw i hriatle tunge Awmtei itih chu muhil theilo in min tiharh sek lehnghal" tiin lehlam a hawi a .








Ka nuih hak ringawt ,ka mumang kha ka ngaihtuah,ni e ka hmangaih chu Lalchhuanawmi a ni,engtin nge ka theihnghilh theih le ? “ Awmte kan pian nawn leh naah tal hi chuan ka kaltir tawh lo ang che ,ka lo kal ka lo let e "


(COMMENT KHA AW )


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 24th, 2022, 2:27 pm

KA HMANGAIH KA PASALTHA





CHAPTER 4



HRANGKHUMA POV...






Lalin lam ka pan a ,inchhung ka luh rualin Lalnu leh Lalpa in min lo be vat ,an ni pawh hian hriat chu an nei chiang a ni “ Khawiah nge Awmtei hi a awm ka hre duh" tlang tak chuan ka sawi chhuak ,an nupa chuan min melh reng “ Khawngaihin min hrilh rawh u,khawiah nge a awm ,hriat in nei tih ka hria ,in fanu ka tana in phallo a nihpawhin a awmna tal ka hre duh a ni " ka ti nghet churh a .






Lalpa chu khuh kharhin “ Thlahnih liamta khan Lasi te bula awm turin a kal tawh a lawm,ni e in pahnih hun hmasa lam chanchin kha a sawi a ,kan awih lawk lo mahse kan fanu hian dawt a sawi dawn lo tih kan hriat avangin kan ring hram a,mahse nang lahin hmeichhe dang i buaipui nen a theihnghilh theih tak mial che ah tiin awm bo rih a thlang a nihkha " a tihchuan ka nghing deuh dawt ,mon theihnghilh maw ? Teuhlo! Ka inhriat tir leh zel ang ka tello in hmalam a pan a thianglo bawk .







He khawvelah ngei hian kan nun hmasa lama kan tih puitlin theihloh kha ka tih puitlin pui bawk ang “ Ka lawm e " tiin ka tho chhuak a “ Hranga kan fanu tan hian kan iai hauh lo che a nia,mahsela kan fanu hi tihnat mai mai tur erawhin hnaihlo law law la kan duh " a tihchuan ka nui suk “ Ka hmangaih a ni a lawm" tiin pawnlam ka pan a,Lasi ni e Vanmawii khan min hruai thei ngei ang,Lalchhuanawm ka kal tir hlen dawn lo che " tiin kan inlam ka pan a .







Ka nu chu thil awmzia hrilhin ka kal chhuah angaih thu ka hrilh a ,a nipawhin min en vang vangin a lu a bu ta nghat ,ram lam pan chuan ka chempui leh silai nen chuan ka chhuak a ,helaia ka chenna la reilo mahse nuam ka tihle a nihkha ,ka harh chhuah hlim khan mak ka ti a ,mahse ka nu hmel ka hmuh rual erawh kha chuan hlimna in ka khat thung ,ram pilril ka thlen rual chuan hnah chu ka ham ri a ,reiloteah ka sir lam atang chuan ka lasi thiannu Vani ngei chu a rawn nui chhuak sang,“ I dam maw " ka tihchuan a dam thu a sawi ve nghal zat








Min kuahin min ngaih thinzia a sawi mawlh mawlh “ Englo a nia in khawpuiah min hruaila ka duh a ni " ka tihchuan min en nghal vat “ Ka thei angem ka hrelo ,engvanga chu chu duh nge inih?" A mitmeng fim kak chuan min en ,lasi te hi hmeltha tak an ni a ,kei ngei pawhin Vani ka hmuh tirh khan hmeltha ka tihle a nihkha,“ Engkim I hria tih ka hria ,ka hmeichhia kha ka hruai let duh min pui ta che " ka tihchuan a nui ta sak “ A nghak reng che " tiin ka zaka dawmin min thlawh kan pui dalh dalh a .






Tan tlang a lai hawla lung lian zet kua ah chuan min luhpui a ,reilo teah lasi dang kan hmu nghal zat ,an Lalin nive turah chuan min hruai lut a ,Lalnu Chawngtinleri hmaah chuan min kalpui ka hmel an hmuh chuan an mengphawk hlawm viau,chibai bukin “ Ka rawn tihbuai cheu avangin in mi hriatthiamna ka dil e ,khawngaihin Awmtei ka hmu duh a ni " ka tihchuan ka rinloh deuhin a rawn nui sanga “ Ilo zawn a ring miahlo ang mawle ,he mi hnunglam tuikhawhthla bulah khan a awm ang,a lung a leng thin viau a nia va kal tawh " tiin ka kalna tur lam a kawk a .








Muangchang chuan ka pan nghal vat ,puk atanga chhuakin ramhnuai ka pawh phei a ,tui luang ri pawh ka hre nghal vat,ka pan hnai zel lung chunga kawr fual hnalh ha chu ka pan zel,ka thawm a hrelo tih hriat takin tuiah chuan lung a vawm lut leh zauh thin,a sam a mawng vaw hnap chu tui khawh thlak zawnga thli tleh tel chuan a chhem leng dalh dalh bawk ,ka hnaih zel a hnunglam atang chuan ka kuah a ,a phu nghal zawk “ Tunge inih min thlah nghal rawh " tiin a tal nawk nawk a “ Keimah Awmte " tiin a nghawngah chuan ka hmuiin ka nawr vang vang






A che tawp chawtin min rawn en “ Enge i rawn tih " a tideuh that ,ka taksa atang chuan awmsawn a tum nghal zat “ Ka lo zawng che min lo zawng rawh itih kha ,Kan nunhlui siamtha turin min lo zawng rawh itih kha ,ka rawn zawng che a nih hi " ka tihchuan a ngawi hmak .






LALCHHUANAWMI POV(VTEI JAHAU KHA HEI HI INPAWM MAI RAWH MAWI KHA CHU KA HMING NIDAWN TLAT 😝🤣🤣)




Ka ngawi ngar ,a hmelah chiang zet in ka en thung,tuna a thusawi kha ka hresual emaw ka ti hial ,ka hmui ka pet zauh,he hmunah hian thlathumna tur in ka awm tawh a ,nuam pawh ka ti tan viau “ Dawt a nihkha ka nu leh pa in hruai haw tur che a min tih vangin dawt hmanga min bum i tum ,I sawi vek tawh kha Parkimi bak i rilrua a awm loh thu ,hetiang zawng hi chuan min fiam lo teh ,hmeichhe thinlung hi infiamna mai atan chuan a nem mah mah ani .









Let zawk rawh min rawn hmuh pawh tum tawh suh ,ka duh hunah ka rawn let ve mai ang chuan ka theihnghilh tawh bawk ang che " ka tihchuan “ Anihchuan pian nawn leh naah pawh kan pahnih chauhin aw titu leh kan fa nena tlanchhe ta kha tunge " a rawn ti hrawk a ,ka en nghal vat ,a lam hawi zawngin min kuai her a “ Min rawn zawng vat rawh ka lo nghak reng ang che titu kha Lalchhuanawmi a ni lo vem ni " a tihleh chuan ka mittui a hnam par “ Ka ngai lutuk che " ka ti tiau ,ka kuah nghal thlawp .








Min duhlo emaw ka tihlai zawng zawng khan hrehawm ka ti em em a ,tunah ka awih leh chiah bawk silo,mipa leh hmeichhia hian kan induhtawnna kan tihlan chiah hian chhungrilah hian hlimna riau a awm thin tih ka hrethiam chiah ,ka hnungah a chul hauh hauh a “ Ka hriat ve vat loh che avangin ka tihpalh ,kan nunhlui rapthlak tak ang kha a thlen ka phal tawh ngai lo ang,ka hmeichhe hmangaih nena pialrala min thawntu te hian an inthen hran tir te hi kan piangnawn leh tih hre rawh se ,Hrangkhuma dik tak a let tih leh chu Hrangkhuma ngei chu a hma aia tawrh hlelhawm a ni tih nen" a aw ah chuan a tihmai mai loh zia ka hre chiang








“ Min kalsan tawh suh aw,pialral atang pawha min auh reng tur thu i sawi kha ,khawiah pawh kalin awm mah ila min rawn zawn chhuah tur thu min tiam kha theihnghilh hauh suh aw " a awma bei chial chung chuan ka tichuak sep sep“ Heihi kan khawvel dik tak chu ani,Kan pahnih khawvel " tiin ka hmuiah ka fawh hmasak ngai tawhlo in a rawn khar chilh a ,ka lo chhang let vat kan duhthawh dun hle ,ka awm chu ka kawrfual hak chhanah a tham tawn tawn a ,ka kawrfual hlim chhoh a tum chu a kut ka man bet vat .








“ In sum rih ang ,a rem rihlo " tiin a awmah ka bei leh vat,a lungphu a ran danah a pangngai lo tih a chiang hle bawk ,rei fe kan thut hnuah “ Haw ang aw " a rawn tisup a ,ka lo bu nghat lasi Lalnu lam kan pan lai chuan min lo nuihsang hlawm a ,ka bula hmeltha zet leh ka pasaltha chu ka chhuang hluah hluah ,Kan haw dawn chuan phur zetin min thlah hlawm a ,ka thawmhnaw nen chuan kan khawlam panin kan inzui hnak hnak,lasi ho in dai thleng min thlah hlauha a lawmawm ,chuti nilo se ka zawi ve ropui sia zan ah kan riah a ngai ngei ngei ang .








“ Parkimi hnaih tawh miah suh ang che ,keimah chiah min ngaihtuah rawh,mi ngaihdanah buai suh theih nise Lalfanu a pian hi ka duh hauhlo ,mahse he pian nawn lehna ah hian ka tumloh deuhin ka ni a ,zanah pawh rawn leng turin ka duh che ,ih hmanlaia hmeithei leh pachhia an hmuhsit dan hre mah ila engkim hi kan thlak danglam thei,ka tan ka pasaltha leh ka hmangaih ini tih hre reng la ,engmah inhneh tir ngai suh ang che ,ka nu leh pa pawh engkim ka hrilh vek tawh,ka hlata awm turin ka duhlo che .






Kan nun hmasa lam a thil thleng ang phei kha chu thlen tir leh ka duh tawhlo,I tello a dam bik nih ka duh tawhlo " tiin ka hrilh mawlh mawlh,ka kuta hum nghet sauhin “ Ka venghim dawn che a lawm,I kiangah englai pawhin ka awm reng ang " khua kan luh tak avangin kan tawng ring tawhlo,an inah min luhpui a nu Rengpuiin min lo hmuh chuan min kuah vat,khua a thim tawh avangin duh ang erawh chuan kan inhmu chiang theilo,Hrangkhuma chuan kan inlamah min chhoh pui leh a .







Ka nu leh ka pa pawh in min lo hmuh rualin min kuah thlawp a ,ka nu phei chu a tap hial ka khawngaih hle ,ka awmbo chhung lek pawhin tikhawp hian min ngai hman chu a ni si a ,Hrangkhuma nen chuan thu tha min hrilh mawlh mawlh,ka hlim tawh bawk nen nuisangin ka hmachhawn thei reng “ Zawlbuk kan pan tawh ange ,hei mi rualin ka lawi lut bawk silo a ,an ngaih a tha lo a nge " tiin a tho chhuak a ,pawn thleng ka thlah a ,mi awmloh lai chuan kan inkuah leh vang vang phawt.







Ka ban vaiin ka thlah liam a ,ka nui sak ka hlim em em ringawt


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 24th, 2022, 2:28 pm

KA HMANGAIH KA PASALTHA





CHAPTER 4



HRANGKHUMA POV...






Lalin lam ka pan a ,inchhung ka luh rualin Lalnu leh Lalpa in min lo be vat ,an ni pawh hian hriat chu an nei chiang a ni “ Khawiah nge Awmtei hi a awm ka hre duh" tlang tak chuan ka sawi chhuak ,an nupa chuan min melh reng “ Khawngaihin min hrilh rawh u,khawiah nge a awm ,hriat in nei tih ka hria ,in fanu ka tana in phallo a nihpawhin a awmna tal ka hre duh a ni " ka ti nghet churh a .






Lalpa chu khuh kharhin “ Thlahnih liamta khan Lasi te bula awm turin a kal tawh a lawm,ni e in pahnih hun hmasa lam chanchin kha a sawi a ,kan awih lawk lo mahse kan fanu hian dawt a sawi dawn lo tih kan hriat avangin kan ring hram a,mahse nang lahin hmeichhe dang i buaipui nen a theihnghilh theih tak mial che ah tiin awm bo rih a thlang a nihkha " a tihchuan ka nghing deuh dawt ,mon theihnghilh maw ? Teuhlo! Ka inhriat tir leh zel ang ka tello in hmalam a pan a thianglo bawk .







He khawvelah ngei hian kan nun hmasa lama kan tih puitlin theihloh kha ka tih puitlin pui bawk ang “ Ka lawm e " tiin ka tho chhuak a “ Hranga kan fanu tan hian kan iai hauh lo che a nia,mahsela kan fanu hi tihnat mai mai tur erawhin hnaihlo law law la kan duh " a tihchuan ka nui suk “ Ka hmangaih a ni a lawm" tiin pawnlam ka pan a,Lasi ni e Vanmawii khan min hruai thei ngei ang,Lalchhuanawm ka kal tir hlen dawn lo che " tiin kan inlam ka pan a .







Ka nu chu thil awmzia hrilhin ka kal chhuah angaih thu ka hrilh a ,a nipawhin min en vang vangin a lu a bu ta nghat ,ram lam pan chuan ka chempui leh silai nen chuan ka chhuak a ,helaia ka chenna la reilo mahse nuam ka tihle a nihkha ,ka harh chhuah hlim khan mak ka ti a ,mahse ka nu hmel ka hmuh rual erawh kha chuan hlimna in ka khat thung ,ram pilril ka thlen rual chuan hnah chu ka ham ri a ,reiloteah ka sir lam atang chuan ka lasi thiannu Vani ngei chu a rawn nui chhuak sang,“ I dam maw " ka tihchuan a dam thu a sawi ve nghal zat








Min kuahin min ngaih thinzia a sawi mawlh mawlh “ Englo a nia in khawpuiah min hruaila ka duh a ni " ka tihchuan min en nghal vat “ Ka thei angem ka hrelo ,engvanga chu chu duh nge inih?" A mitmeng fim kak chuan min en ,lasi te hi hmeltha tak an ni a ,kei ngei pawhin Vani ka hmuh tirh khan hmeltha ka tihle a nihkha,“ Engkim I hria tih ka hria ,ka hmeichhia kha ka hruai let duh min pui ta che " ka tihchuan a nui ta sak “ A nghak reng che " tiin ka zaka dawmin min thlawh kan pui dalh dalh a .






Tan tlang a lai hawla lung lian zet kua ah chuan min luhpui a ,reilo teah lasi dang kan hmu nghal zat ,an Lalin nive turah chuan min hruai lut a ,Lalnu Chawngtinleri hmaah chuan min kalpui ka hmel an hmuh chuan an mengphawk hlawm viau,chibai bukin “ Ka rawn tihbuai cheu avangin in mi hriatthiamna ka dil e ,khawngaihin Awmtei ka hmu duh a ni " ka tihchuan ka rinloh deuhin a rawn nui sanga “ Ilo zawn a ring miahlo ang mawle ,he mi hnunglam tuikhawhthla bulah khan a awm ang,a lung a leng thin viau a nia va kal tawh " tiin ka kalna tur lam a kawk a .








Muangchang chuan ka pan nghal vat ,puk atanga chhuakin ramhnuai ka pawh phei a ,tui luang ri pawh ka hre nghal vat,ka pan hnai zel lung chunga kawr fual hnalh ha chu ka pan zel,ka thawm a hrelo tih hriat takin tuiah chuan lung a vawm lut leh zauh thin,a sam a mawng vaw hnap chu tui khawh thlak zawnga thli tleh tel chuan a chhem leng dalh dalh bawk ,ka hnaih zel a hnunglam atang chuan ka kuah a ,a phu nghal zawk “ Tunge inih min thlah nghal rawh " tiin a tal nawk nawk a “ Keimah Awmte " tiin a nghawngah chuan ka hmuiin ka nawr vang vang






A che tawp chawtin min rawn en “ Enge i rawn tih " a tideuh that ,ka taksa atang chuan awmsawn a tum nghal zat “ Ka lo zawng che min lo zawng rawh itih kha ,Kan nunhlui siamtha turin min lo zawng rawh itih kha ,ka rawn zawng che a nih hi " ka tihchuan a ngawi hmak .






LALCHHUANAWMI POV(VTEI JAHAU KHA HEI HI INPAWM MAI RAWH MAWI KHA CHU KA HMING NIDAWN TLAT 😝🤣🤣)




Ka ngawi ngar ,a hmelah chiang zet in ka en thung,tuna a thusawi kha ka hresual emaw ka ti hial ,ka hmui ka pet zauh,he hmunah hian thlathumna tur in ka awm tawh a ,nuam pawh ka ti tan viau “ Dawt a nihkha ka nu leh pa in hruai haw tur che a min tih vangin dawt hmanga min bum i tum ,I sawi vek tawh kha Parkimi bak i rilrua a awm loh thu ,hetiang zawng hi chuan min fiam lo teh ,hmeichhe thinlung hi infiamna mai atan chuan a nem mah mah ani .









Let zawk rawh min rawn hmuh pawh tum tawh suh ,ka duh hunah ka rawn let ve mai ang chuan ka theihnghilh tawh bawk ang che " ka tihchuan “ Anihchuan pian nawn leh naah pawh kan pahnih chauhin aw titu leh kan fa nena tlanchhe ta kha tunge " a rawn ti hrawk a ,ka en nghal vat ,a lam hawi zawngin min kuai her a “ Min rawn zawng vat rawh ka lo nghak reng ang che titu kha Lalchhuanawmi a ni lo vem ni " a tihleh chuan ka mittui a hnam par “ Ka ngai lutuk che " ka ti tiau ,ka kuah nghal thlawp .








Min duhlo emaw ka tihlai zawng zawng khan hrehawm ka ti em em a ,tunah ka awih leh chiah bawk silo,mipa leh hmeichhia hian kan induhtawnna kan tihlan chiah hian chhungrilah hian hlimna riau a awm thin tih ka hrethiam chiah ,ka hnungah a chul hauh hauh a “ Ka hriat ve vat loh che avangin ka tihpalh ,kan nunhlui rapthlak tak ang kha a thlen ka phal tawh ngai lo ang,ka hmeichhe hmangaih nena pialrala min thawntu te hian an inthen hran tir te hi kan piangnawn leh tih hre rawh se ,Hrangkhuma dik tak a let tih leh chu Hrangkhuma ngei chu a hma aia tawrh hlelhawm a ni tih nen" a aw ah chuan a tihmai mai loh zia ka hre chiang








“ Min kalsan tawh suh aw,pialral atang pawha min auh reng tur thu i sawi kha ,khawiah pawh kalin awm mah ila min rawn zawn chhuah tur thu min tiam kha theihnghilh hauh suh aw " a awma bei chial chung chuan ka tichuak sep sep“ Heihi kan khawvel dik tak chu ani,Kan pahnih khawvel " tiin ka hmuiah ka fawh hmasak ngai tawhlo in a rawn khar chilh a ,ka lo chhang let vat kan duhthawh dun hle ,ka awm chu ka kawrfual hak chhanah a tham tawn tawn a ,ka kawrfual hlim chhoh a tum chu a kut ka man bet vat .








“ In sum rih ang ,a rem rihlo " tiin a awmah ka bei leh vat,a lungphu a ran danah a pangngai lo tih a chiang hle bawk ,rei fe kan thut hnuah “ Haw ang aw " a rawn tisup a ,ka lo bu nghat lasi Lalnu lam kan pan lai chuan min lo nuihsang hlawm a ,ka bula hmeltha zet leh ka pasaltha chu ka chhuang hluah hluah ,Kan haw dawn chuan phur zetin min thlah hlawm a ,ka thawmhnaw nen chuan kan khawlam panin kan inzui hnak hnak,lasi ho in dai thleng min thlah hlauha a lawmawm ,chuti nilo se ka zawi ve ropui sia zan ah kan riah a ngai ngei ngei ang .








“ Parkimi hnaih tawh miah suh ang che ,keimah chiah min ngaihtuah rawh,mi ngaihdanah buai suh theih nise Lalfanu a pian hi ka duh hauhlo ,mahse he pian nawn lehna ah hian ka tumloh deuhin ka ni a ,zanah pawh rawn leng turin ka duh che ,ih hmanlaia hmeithei leh pachhia an hmuhsit dan hre mah ila engkim hi kan thlak danglam thei,ka tan ka pasaltha leh ka hmangaih ini tih hre reng la ,engmah inhneh tir ngai suh ang che ,ka nu leh pa pawh engkim ka hrilh vek tawh,ka hlata awm turin ka duhlo che .






Kan nun hmasa lam a thil thleng ang phei kha chu thlen tir leh ka duh tawhlo,I tello a dam bik nih ka duh tawhlo " tiin ka hrilh mawlh mawlh,ka kuta hum nghet sauhin “ Ka venghim dawn che a lawm,I kiangah englai pawhin ka awm reng ang " khua kan luh tak avangin kan tawng ring tawhlo,an inah min luhpui a nu Rengpuiin min lo hmuh chuan min kuah vat,khua a thim tawh avangin duh ang erawh chuan kan inhmu chiang theilo,Hrangkhuma chuan kan inlamah min chhoh pui leh a .







Ka nu leh ka pa pawh in min lo hmuh rualin min kuah thlawp a ,ka nu phei chu a tap hial ka khawngaih hle ,ka awmbo chhung lek pawhin tikhawp hian min ngai hman chu a ni si a ,Hrangkhuma nen chuan thu tha min hrilh mawlh mawlh,ka hlim tawh bawk nen nuisangin ka hmachhawn thei reng “ Zawlbuk kan pan tawh ange ,hei mi rualin ka lawi lut bawk silo a ,an ngaih a tha lo a nge " tiin a tho chhuak a ,pawn thleng ka thlah a ,mi awmloh lai chuan kan inkuah leh vang vang phawt.







Ka ban vaiin ka thlah liam a ,ka nui sak ka hlim em em ringawt



KA HMANGAIH KA PASALTHA





CHAPTER 5






Lalinah ka pa in inleng a nei a,Bungzau khaw Lal fapa leh a kawite an rawn kala ,engvanga rawn kal nge an nih ka ngaihruat thiam mai,zan lamah ka pa in min rawn reng bawk a “ Pa pasal nei tur chuan ka la naupang lutuk,chubakah nangni pawhin engkim inhriat kha ,mi rinawmna ka tiam tawh ,a mipa zawk a rinawm theih chhung chu keichuan rinawm taka awm ka duh " ka tihchuan ka pa chu a bu nghat .








Zanlama Lalfapa te rawn chuangkai chu ka pa in thil awmzia a hrilh a ,kei leh ka nu erawh la kaih kan zir dun,reiloteah Hrangkhuma alo leng a ,mi hmuha ngaihsak chiam theihloh le ,hmanlaiah hmeichhe tan tumah biak that bik leh biak chhiat bik a thianglo miau a ,lalfapa te a hmuh chuan a hmel danglam zawk ka hmu,mahse engmah a sawi chuang lo a,Lalfapa te nen chuan an inkawm






A changa Bungzau Lalfapa in a tihdan a vang chuan ka ngei hle “ U Khum ilo lenga a lawmawm hle mai ,sakhi sa ka ei leh chak tawh sia ,I ram vak hnai em le ,Lalfapa te zawng beisei ngam chi an ni silo ,an kah thiam pawh ka ringlo a ,nang pasaltha hming thang te chuan kan thil eichak min pek theih ka ring tlat " ka tihchuan Lalfapa te chu an inmelh hrek hrek a,ka nuih a za ru viau ,“ Lalfanu meuhin a eichak te chu ,harsa mahse kan zawng meuh a niang chu " a tisup a .








Lalfapa te chuan nuam an tilo nge an haw vat ,an chhuah rualin “ Ka ngai che " ka tisep,mi an la tam nen ka nu in na hun min siamin “ Luhka lamah lo va in kawm rawh u ,puitling kara awm reng zawng a nuam lovang nge " a tihchuan kan inzui chhuak a ,ka kuah nghal thlawp ,Kan thu duna ,dap vek phah a nibawk nen a nuam phian “Ilo lang har lutuka ,kha Lalfapa kha min neih beisei a lo kal a nia,mahse ka hnial anihkha " tiin a awm lum nuam zetah chuan ka nawr .






“ Ka hlauthawng a ni ,ka changlo mai ang che " a tihchuan ka en nghal vat ,thla eng hnuaiah chuan a hmel a lang chiang thei viau “ Nilo nang lo ka nei dawn lo ,hlauthawng suh nangmah zawk hian hmeichhe dang min pansan mai ang tih ka hlau " ka tisep sep ,luhka atanga min tum thlak puiin dai min panpui a “ Enge kan tihdawn" hlauthawng deuh reuh chuan ka ti a ,mahse a mah a awm avangin ka thla a muang ru tho bawk sia .








Thingkung lian zet hnuaia phul tlem awmna kan chuang chhuak hlawl ,ka hawikual vang vang thla engin dai tla chu achhun pawl deuh raih a ,a nalh takzet ,ka hnunglam atangin min kuah ka nghawng a nul thuak thuak ka khur deuh dar dar ,“ Awmte ka ta chiah nirawh ,midangin an neih che ka phallo ka ta chiah ,min hmangaih ve tiraw " a tihchuan a hmel en tumin ka inher a “ Hrangkhum ka hmangaih lutuk che ,nang nen chhungkua din tluka chak ka neilo " tiin a mitah ka en chho .






Thim thlarah chuan a mitmeng chu a thim zual ,ka hmuiah a rawn fawp a ,a duhthawh hle ka hnute chu a tham tawn tawn bawk,dip dal tu kan neilo nen ngaihtuahna a tawi mat tawh “ Ka ta ni rawh ,midangin min chuhpui loh nan che " tiin leiah chuan min delhtlu a , ka puan bih chu a phelh riai riai ,a awm ruak kang chu ka chula ,a thaw deuh hawk hawk ,ka chalah a chal a rawn nghata “ He khawvel mi ve ve kan ni silo hian he khawvel mi anga kan awm angai bawk si a,U Khum" a thil tih a vang chuan ka er deuh awr .






Ka awm chu a fawp ngur ngur a,a puandum ven chu ka pawhthlaksak “ Ka ta ini ka ta chiah " tiin ka bawp pahnih a kuai kau a ,a inkarah a rawn inzep nghal zat “ Ka hmangaih che " ka tihrualin muangchangin a vaihlo fun chu a rawn nawr lut a ,a hnungah ka hmer vak,a luh zawh rualin ka tham na zual,a nipawh a che mai biklo “Awmte..." tiin muangchangin a che a ,Kan thaw dun hlawp hlawp reng ,min lehthalin a chungah min thuttir a ,ka thiam ang ang chuan ka che ve sauh sauh




Cutt...





Inlamah kan inzui chho a ,ka zawi ngiai mai mahse a lungawi zia ka hriat chuan ka hlim veng veng lawi si ,Lalin kan thlenga zawlbuk a pan hma chuan,naktuk lama a ram vah tur thu a sawi a ,sakhi ka chah kha a la hre reng a nih hmel,a kal liam hnuah inchhungah ka lut a ,ka nu chuan chiang zetin min lo en,ka kal dan leh ka hmelah engkim a hrethiam tih a lang,mahse engmah a sawilo mutna lam ka pan a ,ka chau bawk nen ka muhil vat .








Zingah ka tho chhuak a ,buh ka deng leh phawt ,intualah chuan vawk leh ar an rak nauh nauh a ,thirdeng ri nen khawlian tawk tak kan ni ve bawk a ,bengchheng pawh a tam hle ,chhunah inhmuh theih hekloh le ,Hrangkhuma chu ka ngai veng veng,zanlamah ka rin ang ngeiin lalsa nisi in ka duhzawng ka sawi a pumpui leh a bawk nen min rawn pe a ,ka lo nuih ver ver “ Bawihi insum ve thin ula " ka pa chuan a lo tizauh a,Kan insiam rem vat









“ Ka patea te khua ah ka kal lawk a ngai dawn a ,ka nu khu i kutah ka dah rih dawn a nia " a tihchuan ka en vat “ Enge itih dawn" a awm dawn lo anga ka ngaihna chuan min tihnual rawih thei ,“ Adam tha lo a min hmu chak bawk nen ka va kal lawk ange " a tisup ,ka bu nghat ringawt “ Awmbo rei suh aw " a awma bei pah chuan ka tichhuak halh,pasaltha te hi khawtinah an thanga ,an luck zia pawh ka hria chuvang Chuan ka hlauthawng em em ringawt .








A sawi ang ngeiin a zin chhuak a ,a awmloh chhung chuan a nu inah lengin kan inkawm hlim thin,mahse khualpang zinin an thusawi avang chuan ka nghing lawih “ Hrangkhuma chuan pasaltha an hlauh rawn thin Duhmanga a thata ,tunah chuan a hming khawtinah a thang tawh ,an sawi dan chuan tuna a awmna khua ah hmeichhe hmeltha tak a awm a ,Chu nen chuan an inlawm zingin in khatah an cheng a,nau a pai hial te pawh an ring tih an sawi kha " tiin chupa chuan a sawi an ti a,Kan khua ah ngei pawh a thang hat nghal reng.







Parkimi a duh emaw tia ,titawk an awm kei erawh ka hrehawm ngawih ngawih thung ,a hmun ngei a hmuh ka duh “ Lalnu ka mamawh cheu " ka lasi thiante ka au tawp ,Kan inzuina a la reilo a engtin nge hmeichhe dang a pan leh nghal mai ang,min hmangaih a lawm “ Awmte " Lalnu Chawngtinleri chu ka en vat “ Hrangkhuma awmna ah khawngaihin min hruai rawh u " khua a la var lo deuh a tumahin min hmuh ka ringlo ,pakhat chu min hruai turin a ruat a ,keimah a ka thlawh theih nan eng emaw min pe in “ Heihian kumkhua adaih ang,thla angin a lang dawnlo nangmahah khan a awm tawp ang" a tihchuan lawmthu ka hrilha. .









Pakhat chuan min kalpui a ,keimah chuan kawng ka hre miailo,daiah min tumpui a “ Ka lawm e aw ,heta tang hi chuan keimah in ka kal tawh mai ang " tiin kan inthen a ,Hrangkhuma awmna a an sawi lam chu muangchangin ka pan ,khua a var tawh avangin thawm a tam tawh a ,mi chuan min en duhin a thenin min zui bawk,naupang ho in a “ U Thatluangi ai a hmeltha " lo ti tawk lah bo lo,in pakhatah chuan ka ding chat ,inchhung atanga hmeichhe lo nui chhuak chuan ka lung a tiphu rang sauh.








Muangchangin inah chuan ka lut a ,ka thil hmuh avang chuan ka ding chawt,Hrangkhuma leh hmeichhe pakhat chu inbawh titihin an lo awm a ,an bulah nupa an lo awm bawk ,an sawi kha a dik ngei ka ring bawk ,Hrangkhuman min hmuh rual chuan min rawn panin nui sang hian “ Awmte " tia min khawih a tum chu ka awmsawn “ Tenawm lutuk,ka ring che a sin tenawmpa ka hua che ,mi thusawi ka awih duhlo a ,mahse an lo sawi dik reng a nih hi ,phatsan ching" tiin ka tlanchhuak.








Ram lam pan chuan ka tlan nghal hlawk hlawk “ Awmte ding rawh ,min ngaithla teh " tiin ka hnungah a rawn tlan,ramhnuai ka thlen rualin ka taksa chu ka tikang a,kham ah chuan ka tla thla nghal “ Awmte " a tihchuan ka nuihsak,ka kut pharin ka thlawk bo ta nal nal .






HRANGKHUMA POV.





Kha thil kha enge lasi em ni " ka Patea fanu ka farnu chuan a rawn ti a ,kei erawh engmah sawilo in ka ngawi reng,Awmtei khan hriatsual chu a nei chiang ani ,tunge thudiklo lo theh darh ang ,ka thusawi pawh a ngaihthlak duhlohna khawp in tuin nge thudiklo lo thehdarh ang,in lama ka let thlengin engmah ka sawi leh tawhlo,ka farnu nena kan infiam kha a ngaikawi bawk a nihkha ,haw duh viau mah ila patea ten min la mamawh bawk si.









Nithum ka cham leh a ,ka ngaih erawh a tha thei tawhlo ,nili naah ka hawng a,khua chu a reh riau in ka hria ,inah ka lut a ka nu chuan min hmuh rualin min lo kuah vat “ Nu enga tinge a va reh em em ve " ka tihchuan a hmelah lungngaihna a lang nghal zut zut ,ka ngaih a tha lo zual “ Ka nu thil thleng a awm em ni " ka tihleh chuan “ Bawiha Lalfanu a dam lo an tia ,a pangngai viau lo a ni awm e ,an sawi dan phei chuan huaiin an man anih hmel ,tunah hian tlangval te leh pasaltha ten an zawng mek " a tihchuan ka khawng deuh awt .







Hmanhmawh zetin Lalin lam ka pan a,lalnu lo tap hlawp hlawp leh lalpa lo indawm kun tlawk tlawk chuan engkim a tichiang viau in ka hria “ Awmtei chu ka lo hruai let ang tih ka tiam a cheu " ka tihchuan Lalnu chu a tap uar sauh“ Ka fanu a rawn harh chhuahna pawh a la reilo a ,tunah lah khawnge a awm pawh hriat a ni silo " tiin a tap hlawp hlawp reng ,lalpa chuan a lo hnem nghal vat ,pawnah chhuakin Chiar dam ngaw thim ngut lam chu ka thlir vang vang.









“ Huai tenawm ho ka hmangaih in khawih man phuba chu ka rawn la ngei ang,in awmna bu zawl zawng zawng kha ka rawn luhchhuah vek dawn e" tiin ngaw dur khup lam pan chuan ka kal chhuak nghal,ramhnuai thim zetah Chuan ka kal mawp mawp “ Chawngtui lui hnar pukah khan an awm e " ka bengbulah aw hian a rawn sawi a ,nuisakin lawm thu ka hrilh let sup ,ka pan zel reiloteah boruak rawn reh dukin thil uih thang hnuar hian min rawn hnaih a ,ka silai chuan tinin ka hma lam chu ka kap nghal pawp .







Na tuar ri a rawn chhuak ,thawk leh khatah lungin min rawn vawm zui a ,ka chem chu ka sahmih atanga la chhuakin ka hma lam thim leh rimchhe thang hnur lamah chuan ka zuang lut a ,ka chempui lian tha telh tawlh tak chu ka vai nghal pawp pawp ,na tuar ri a chhuak nghal chuah chuah,puk thim hmuk lam chu ka pan zel a ,Awmtei chu ka au pah reng bawk ,a tawpah huai lalpa nen chuan kan inhmachhawn ta ran .







“ Khawiah nge ka hmeichhia i dah" ka tihrawk a ,ka chempui chu hum nghet sauhin ka pan hnai zel“ I tlai mah mah tawh " tiin a nui uar uar a ,ka thinrim lutuk chuan ka vai pawp,mahse ka chem chu lo man betin bang lamah min theh lang lawp ,ka dingchhuak leh ruai ruai ,rum zetin ka melha a ni erawh in la vei zetin puk chhung khawk rum rumin a nui,zuangkangin a nuilai chu a ki bung hmawk khawpin ka sat a .








A au nghal ruai ruai,a taksa chu a kehdarh nghal a ,a hote chu an thlawk bo nghal sup sup ,puk chhung boruak chu a thawveng hawk thei ,puk kil lam ka pan ,hmeichhe tap ri ka hriat rualin “ Awmte " tiin ka tlan nghal vat ,min hmuh rual chuan a meng deuh kawk “ Min lo hnaih suh" a tihchuan ka ding deuh dat ,“ Awmte keimah ka nih hi " ka tihpawh chuan engmah a sawi leh tawhlo,kuah ka tum chu a au deuh tuar .







“ Min hnaih suh tunge inih? Engvanga helaia rawn kal nge inih" tiin a au tuar “ Awmte i nu leh pa in va hruai tur che a min tirh avangin ka rawn kal ,min en rawh Hrangkhuma ka nih hi " a mitmeng buai zet chuan min rawn en “ Ka hua che " tihzawng a sawi a ,a tawng leh duh tawhlo ngawi rengin ka hruai chhuak ,zan kan riah mai a ngaih hmel,kawng chanve vela ka ngaihah mei chhemin ka chawlh pui “ Awmte " ka tihpawhin min ngaihven duhlo .








Ka chungah a la thinrim tih ka hria ,engtin nge a thik em em kha ka farnu a ni ti a ka hrilh theih ang? Min ngaithla duh angem “ I thuhriat leh hmuhte kha a diklo ania ,ka farnu a nihkha miin thudiklo an lo theh darh tih ka hre hauh lo " ka tihpawhin tawng a tumlo,mei hlat lutuk loah chuan a mu tawm kak,ka pan hnai a a bula mut thlak pah chuan ka kuah a ,ram lam hnaihah ka mu thung,ka ven reng angai tawh “ Min phatsan suh ka tihkha ,engmah kha ka ring biklo mahse ka rawn kal khan khang thil kha ka hmu leh a .






Engtin nge ka rin theih ang che nang chu pasaltha hming thang mi ngaihsan rawn ,pi pute huna an ngaih hlut leh khawtinin an kawl duh pasaltha hming thang inia lawm,kei hi i tan chuan ka lo hniam mah mah zawk a niang ,Hrangkhum keichu thih hlen mai hi ka tan a " a thusawi a sawizawhlohnan ka fawp vat,ka tello a awm ka phal tawh teuhlo,a chungah ka lawn kai a ,min lo fawp let ve ta,khawvel dangah ka chenpui leh,a mutthil hnu pawh chuan thlah duhlo in ka kuah nghet sauh sauh.







Ka fa pai se ka nupui a nih tluka duh ka neilo bawk .

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 24th, 2022, 2:28 pm

KA HMANGAIH KA PASALTHA





CHAPTER 6





LALCHHUANAWMI POV...


Zingah ka harh chuan Hrangkhuma chuan min lo la kuah ran ,a awmah chuan ka thai neuh neuh,ka haw lawk viaua mahse engkim ka hriat takah chuan ka huatna a reh leh vek tawh,kha huai lalpa khan min neih a tum,mahse a hun takah Hrangkhuma lo lang chuan min chhanhim hlauh,kha huaipa kha neih ka tum hauhlo,a hmelte kha ka ngaihtuah zawngin ka tim ur ur ,a hmelchhe si .






Hrangkhuma chu a rawn che tual tual,a rawn men ruala a mitmeng chu hmangaihna kan chen dunlai ang chiah chiah kha a ni,ka thil ngaihtuah avang chuan ka sen tan tan,ka awmah chuan a rawn hum nghal chat “ I mutui em?" A tihchuan ka bu nghat a ,ka puan bih phelh leh in a che leh ta sawt sawt ,chau hnapin ka mu zawi ngiai “ Ka Bawihte tho tawh la ,i nuten an ngaichang reng che a nia " a tihchuan ka tho peihlo chuan ka thlawk kang luai luai “ Engthil nge ilo thiam leh hman tawh a " tihsup pahin min pawt thla .







Leiah ka tla thum awk “ Ka en ruk theih nan che ka lasi thianten thlawh theihna tur thil min pe mawle " ka tihchuan a nui hawk a ,min kuah nghal hlu hlu “ Thikthu chhenu " a rawn tihchuan ka nuih hawk hawk “ Keipawh hian mipa te chu ka hmu ve thei tho a nia " ka tihchuan a tum hmuk ,min kai tho in lui lam min panpui nul nul “ Enge itih dawn " ka tihchuan engmah sawilo in lui tui tling kulhah chuan min luhpui,ka au that “ Hmela" tivakin ka au khum,a nui hawk hawk kan inbual fai law law a ,inkai hnak hnakin khawlam kan pan dun.








“ Hrangkhum thangthar nun hmuhtur awmloa awm hi nuam iti em ,keichu nuam ka tizawk ,kha khawvel pakhatah kha chuan sum buai in kan buai tawh,ka Patea ngeiin min kapin khamah ka tlak phah bawk" tiin ka phun sep sep,a kut a hum ruh a a hmel ka en chu a chang hle “ Ka hmuh hun chuan ka zuahlo khawp ang" a tibul hmuk,ka thlavang a hauhna chuan nuam min tihtir ,khua kan hnaihzel “ Nau ka pai i ring em?" Ti a ka zawhna a vang chuan a pen lai a tawp chawt.






“ I pai leh kan innei anga a nimai a lawm,ka nu pawhin tu hmel hmuh a chak tawh a " engthawl zet hian a tichhuak ,ka nui hak“ Thaibawih ang in i awi hlu hlu zel ang chu" ka tihchuan kan nui dun a,khawchhung kan luh tak avang chuan kan kut inkaihna chu kan phelh vat,min hmu a piang chuan min zui a ,khaw mipui te pawh hian Hrangkhuma nena kan awm dan hi an hrethiam deuh fur tawhin ka ring,Parkimi ngei pawhin min ngei thu a sawi chhuak hial reng a nihkha ,amipa ngaihzawn thin ka lo thlem ti ten a sawi bawk.








Mahse kei erawh in engmah a sawi lem lo ,Kan inlam kan pan a ,mipui min zuitu pawh an tam viau ,a awm ve tho thi emaw min titawk an awm hial bawk ang,ka nu leh pa ka au lang langa ,dap ri rawk rawkin ka nu chu a rawn lang zui ,min hmuh rualin min kuah nghal thlawp “ Bawihte kan chan dawn che emaw kan ti tawh a sin " tiin ka nu chuan a mangan thu vel chu a sawi mawlh mawlh ,ka pa chuan Hrangkhuma chu ko chhuakin lawm thu a sawi mawlh mawlha .







Mipui hmaa min chhanchhuah dan a sawi tir a,a sawi zawh rualin kut an beng deuh dur dur ,ka lo chhuang ve hliah hliah ka pa chuan thla hual nan ranpui talh a khawtlanga ruaitheh a tih phei chuan mipui an au nasa leh zual,inchhung lamah kan pali chuan kan inzui lut a “ Hranga nang hi ka khaw chawimawi tu ber ini in,tunah phei chuan i hming hu lusei khua tinah a thanga ,ka fanu nena in in hmel duhna hi kan hai hauh lo ,chuvang chuan kum naupang zawk zawk in ni tawh lo bawk nen.







Keini lah in kan tlang changtu tur tu hmel hmuh kan chakin,Kan kumte lah a upa tawh hle si a ,nakin lawkah chuan kan la awng rawp thuai dawn a ,nang hi ka ai awh tura ka duh ber ini a ,ka fanu nena a rang lama inneih mai hi a tha lo vang maw tih hi ka sawi duh a ni" ka pa chuan a ti charh charh a ,ka lo lawm ru viau “ Lalpa keihian i fanu hi i Lalna avang chauha duh leh hmangaih ka nilo a ,ka hmangaih ni tura khuanu in a lo duan lawk anih avanga duh ka ni bawk.









Lalna duh vanga ka neih tur nilo in ka hmangaih anih avang zawka neih ka duh ani " Hrangkhuma chuan a tinghet churh ,ka pa hmela lawmna chu ka hmuh hmaih hauhlo ,kei ngei pawh ka hlim,Hrangkhuma a chhuah hnu chuan ka nu leh pa chu ka kuah hle hle ,ka thla hi a muang ta hluah hluah ,a tuklamah chuan Lal intualah chuan an chai ta mup mup a,ka pa chuan mipui hmaah Hrangkhuma nena min din tir in tun atanga ni li hnu a kan inneih tur thu a sawi a ,mipui lam chuan min lawmpui mahse thenkhat erawhin min lawmpui hauh lo ang.








Sawisel an awm ngei dawn,thenkhat lahin pasaltha anihna leh a hmingthanna avanga ka pa chuan Hrangkhuma chu neih tir tum angah ka pa chu an sawi bawk ,Chung zawng zawng chu Diki hnen atang ngei a ka hriat a ni,mahse enge pawi a in nei tura te hian kan inneih chhan kan hre chiang ve ve tlat a,inneih ni chuan rawn kal an tamin inneih hma atang tawha khawdang atanga rawn kal pawh an tam bawk,ka hlim tak zet ,lawithat zan ah Chuan ka huphurh ,lo tive tawh mah ila hmanlai thawnthu ka chhiar thin atangin pasaltha te nupui nei hi an en thla thin tih ka hre ve teuh a .







Chu chu a thlen ve ka hlau,khumah chuan ka nghak ran ,ka ngaihtuah ang a thleng lo hlauh chu ka lawm ,zingah hma takah tho in mei ka chhem zung zung,nu Rengpuii pawh a rawn haw a ,rawng kan bawl dun ka lai tut mai,Hrangkhuma rawn tho chhuak chu ka lo en a ,a hlim hmel hluah hluah mai ,faifuk hlurh hlurhin tap bulah a rawn thu ,nu Rengpuii chuan “ Nupui neih vang maiin tikhan awm kher suh" tiin a lo khap hlak,a nilahin a ngai pawimawh lo nasa .








“ Ka nupui ka enchimloh tur anih hi,khawi teh kan kuah leh nghe nghe teh ang " tiin min pawm a “ Awi Hrangkhum zak ve deuh rawh,a tu hi nge i chhun ni ipa nungchang mawi teh lul nen " a tihchuan “ Ele nangmah " tihpahin Hrangkhuma chuan ka biang a fawp zauh,ka lo nui ve hak hak mai ,kei hi ka raisa tih ka hria ,ka thi neih hunah thla hmasa atang khan ka nei tawhlo hrim hrim,vanneihthlak takin raino thinchhiat bakah luakchhuak ka nei lo hlauh.








Hun a kal ve bek bek a ,muang lei a kan awmlai chuan kan khua run an tum thu chu kan hria a,ka pasal pawh chu insiamin Lal inlam a pan,ka dul puar luah tawh nen ka zui thei bawk silo chuan min tihrehawm ka hlauthawng tak zet,ka chan mai ka hlau bawk ,in beihna awm reng hi reh tawh se ka ti,tinge inrun hi an sim theih miahloh le ,ka mittui nen ka thlah,ka chalah min fawp vang vangin hlauthawng lo turin min hrilh.







Reilo te ah silai puak ri ulh ulhin khawdaiah chuan aw a rawn chhuak chuah chuah a,thla a muang lo takzet ,indo a reh a ,lungdawhah hlado chham ri a rawn chhuak,hmanhmawh zetin ka theih ang ang chuan ka pan ve ,ka pasal hmel ka zawng Parkimin zu tui tling a lo tulh,an nuisang ka hmuh chuan pan duhlo in ka let hnak hnak,ka nau pai pum puar nen ka nalh tawhlo viau ,chuvang a ni ngei ang ,in ka thleng ka thil hmuh avang chuan ka rak tuar,ka nu chu thisen nen a lo inbual zuih.






A thi tih chiang takin ka hria “ Nu ,harh teh nu" a taksa chu a la lum,reilo teah pawn lam atangin thawm a rawn chhuak a ,inchhunga rawn lut tena thil awmzia an hmuh chuan an rak tuar ,Hrangkhuma chuan nu Rengpuii chu rawn kuahin a au lawm lawm “ I that kawtchhuah atanga thinrim hmel zeta i haw kha ka hmu che ,nu Rengpuii hi i thah ani" Parkimi chuan min kawk sawk sawk in khaw mipui ho hmaah chuan Hrangkhuma zu tui a pek avanga thinrima nu Rengpuii ka that angin a sawi a.






Tute pawh chuan rinhlelhna mitin min en vek tawh,ka insawifiah tumna an ngaithla lo bawk,Hrangkhuma lah thinrim hmel zetin a inhum ruh ngawt ngawt mai si“ U Khum engmah ka tilo ania ,min ring rawh " tiin ka pan,mahse ka kut a lo vaisawn lawp “ Nu leh pa chan nat zia ka hmuh tir ang che ,engvanga ka nu a mo nilo a a fanu anga entu che hi that thei nge inih" min rinna a hmelah chuan a awm lo hrim hrim







Khawrun avanga mipui thinrim laklawh chuan min khawih rawn an tum,mahse ka nu leh pa an lo lang,an ni pawhin an dang rei theilo ,an mahni zawk khawih tumin an dang a ka pa chuan “ Hranga keimahni zawkina thah tir kan ni ,Kan fanu khan tihsual anei lo ve" ka pa in a tihtakah chuan mipui te chuan Lal an nih avanga dim hauhlo in an khawih “U Khum ka nu leh pa sawn engmah an tilo ang khawngaih in dang rawh" ka tihte chuan a ngawi ngur mai si







Fei nena ka nu leh pa panin thah a tum tih ka hria ,nilo he khawvelah tal hi chuan ka nu leh pa hi ka chan theilo,ka tlanphei a a fei a lek chhuak chiah chu ka nu leh pa hmaah chuan ka ding,ka awma fei tlang rual chuan ka ka atangin thisen a chhuak thawt ,Hrangkhuma chu ka en,a mit a mengkawk a ,ka tlu tur chu min pawm vat ,ka thawk a buai ka pum chu theile theilo in ka khawih tir “ Ka...ni....lo" ka tichhuak sep,a mittui atla “Ka tihpalh" a tisup .






A hmaiah ka khawih “ Khuanu ruat kan nilo ,khaw..ngaihin" tiin ka mit ka chhing vang vang ,ka khawhmuh a phe tan miau “ Ka nu leh pa hi...tina ...suh aw " ka tichhuak leh,ka mittui a luang ngiai ngiai “ Min kalsan tawh suh,heihi kan khawvel ,chhungkua kan dinna hmun tur kan tihkha"tap chungin a tichhuak “ I tlai tawh ,Kan tan ,nang awm mahla kei erawh" engmah ka sawi thei tawhlo,khawvel chu a thim mup mai .






Chutia Lalchhuanawmi han awm chiah chu,chhum dum chhah pui pui rawn zingin tek a tla chuai chuai renga,engmah a hmuh theih ta lo, a hmangaih pawmtu Hrangkhuma chu a pawmlai lak atanga hla dawrhin engkim a pangngai leh meuh chuan Lalchhuanawmi chu a awm ta lo,Hrangkhuma chuan a au tuarh tuarh,mahse mipui leh Awmtei nu leh pa bak hmuh tur a nei tawhlo .




A LA TAWP LO E


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)