MR . MAFIA BY Mawitei Bawihtlung (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: MR . MAFIA BY Mawitei Bawihtlung (Completed)

Unread post by Ngaia » July 24th, 2022, 2:48 pm

MR . MAFIA




CHAPTER 12

pic hnuaiah zawmna



“ Kyle " min rawn en nghal vut ,thlaengah chuan a hmel pianhmang a lang ruak a ,mit erawh ka hmu chiang theilo thung “ Hetah hian i awm ve reng a ngem ? Nge New york-ah i let leh ang?" ka zawhna chhanna chu ka nghak ran ,ka kut rawn vuanin pal atang chuan min chhuhpui a “ Ka hmangaih awmna hmun chu ka awmna tur ani " a tinghet charh,a hmelah chuan a thutak zia a lang vek .






Vanlam enin “ Khing arsi leh thla te khi an bo tawp te a nihloh chuan ka kalsan ngai lo ang che " ka chalah a fawp vang vang,a hmui lum thar thar te chuan min ti mur chiai chiai thei ,ka nuisak ka hlim em em ringawt,a awmah chuan ka beithan ,a taksa lumna chuan kan awmna lai hmun vawt tak pawh min tihrechang lo “ Lily min nei duh angem" a aw khurh dan atang chuan a zam hle tih ka hre thei ,keimah pawh ka hamhaih bawk .







Ka zama chutih rualin a mah tihnual zawnga thusawi erawh ka duhlo “ Ala hma tih ka hria ,mahse keichuan a hma atang tawhin ka hmangaihin ka duh tawh che a ,ka nghak thei tawh lo . Ka bulah him taka awm tir cheu ka duh,Kan fapa nen hian ka angchhung atang ngeia enkawl leh ven cheu ka duh" tiin a sawi leh,a kut a sik chhawk sek ,a awm dan naupang chhia zet avang chuan ka nui chhuak hak hak “ Kyle tinge khatia i awmkhera " tiin ka khuh kharh kharh “ Awle ka nei ang che ,Kyle hmelthapa " tiin ka nuih var var .









A mengkawk “ Lily ka lawm e ,min hmangaih let ve theih nan hian ka bei ngei ang " tiin min pawm bet ,ka tawng tawh lo nangin keipawhin Kyle hi ka hmangaih a ni. Ka hmangaih pahnihna hi chu kaltir ngai tawh lul suh se ,car chhung lam atanga ka fapa rawn tap avang chuan inthlah vatin car lam chu kan pan,Williama tap uar over thin lutuk hi chu a buaithlak lam deuh chu ani. A tu hi nge a chhun ni ,pawmin ka hnute ka pe ,a hne nghal dawk dawk mai ,Kyle chuan driver seat atang chuan ka fapa hnute hne dawk dawk chu a en .







Min ko kan akin a malah ka tlawh zeuh min rawn en in “ Ka thik " a tibung nghut mai ,ka nui chhuak hak “ Naute lehzel i thik ten engtin nge fa pawh i neih theih anga " ka ti hlak “ Keimah pawhin ka hne ve zel mai ang" a tihchuan “ Kyle Jackson " ka ti that . Sawi awm leh awm loh pawh hi a hrelo reng reng “ Nge haw vat ang ,mu vat rawh se " tiin car chu a tinunga ,in turn in khawchhung lampanin kan tlan nghal zat ,a hmel pa leh tha zet chu enin ka nui leh sak zel ,kei hmel leh piana chhuan tur neilo ,chubakah fa pawm tawh lehnghal hetiang khawpa mipa tha ka tawng hi ka lawm a ni.






Jackson unau hi ka tan chuan an awm lo ang tih hi ka hlau hluah hluah ,in kan thlenga ka fapa pawh a muhil leh tawh . Roomah hruai lutin a mutna bawmah chuan ka mut luta ka en vang vang,Kyle chuan ka hnung lam atanga min rawn kuahin ka biangah a fawp zauh,ka taksa chu a zut nghal dalh dalh “ Ka kham theilo che " a tihchuan ka nui hak,a thusawi ka nuih chu a duhlo nge a rum nghuta ,ka hnute chu a hmer salh “ Insum ve deuh teh ,inneih hma chu engmah itih a thiang tawh lo" ka tihchuan a tum hmuk mai .








A lungawi lo hmel lah chu a cute phian leh nghal,thinrim a nilo a a hmel chu hmuh a nuam em em tho,hetiang taka ka hlim leh theih pawh hi ka rin tawh loh laiin Kyle hian nunthar min pe a ni “ Ka mu dawn " ham bai baiin ka khum ka pan hnak hnak, ka mut thlak rualin ka thaw nghal huai ,ka ke zawng pawh a dam sawng sawngin ka hria ,ka bulah Kyle chu rawn dingin a kawr chung phelhin a rawn mu thla a ,min kherh bet nghal chial,ka tal deuh chu min pawm nghet sauhin“ Engtin mah ka ti dawn lo che ka kuah ringawt che a nih hi ,uikawm viau suh ka ta inih hunah chuan phuba ka la khawp ang" a tihluk hluk a .







Ka nuih reng ringawt ,a unaupa nen chuan an lungawilohna an tihlan dan a dang hlak ,a awmah ka kuta khawihin a hnute hmur tereuhte chu ka khawihsak “ Kyle ,engtin nge min hmangaih theih ,a chhan chu keiai tha tak tak an tam dawn si a " tiin ka en chho a ,ka kut man betin “ I hmelthatna ang an nei ve chuang hleinem ,nangmah an ni lo bawk,hmeltha tak tak ka hmaah rawn lang pawh nise nang tho ka thlang ang che " tiin min pawm bet , a awmah ka lu nghatin ka nui seih “ Ka lawm e " tisepin ka mit ka chhing nghal riai riai.





________







Kyle pawh Williama company a enkawl chhunzawma nitin office a kal thin,ka fapa chu pua in Kyle kan tum chuan car in kan inphur chhuak ,company hi ka vawikhat tlawhna ,William damlai kha chuan a company hi ka hmuh a phal ngailo kha a nia ,tunah erawh chuan ka hmu ve ta ,a chhung ka luhchuan a pawnlam ai a ropui zual ,hnathawk an phe suau suau a ,receptionist lam chu panin “ Khawngaihin Kyle room min kawh hmuh thei a ngem" ka tihchuan min rawn melh zawk.








Ka inchei dan en in “ Mr Kyle chu i hmelhriat em ni,tinge duh duh hian rawn hmuh in tum thin " ka hnung lam atanga rawn tawng avang chuan muangchangin ka inher ,a incheidan atang chuan a awmthei ve tawk hle ang tih a hriat,hmeichhe nalh tak a ni bawk “ Ka hmu duha ,ka rawn kal thu hi min lo hrilhsak mai dawn em ni" ka tihchuan a nui hak “ Enteh nang ang mi thing lutuk leh nau pawm lehnghal hi chu a hmu duh lul lo ang che ,I hmel a tha chiam chuang silo" a rawn tihchuan ka thinrim ve phat .






“ Nangang hmeltha satliah hi chu eng atan mah a tibik lo ang che ,a duh ve awm chuang silo che a ,a bialnu anga awm kha chu tum lo mai rawh " tiin ka nuih sak a ,a thinrim hmel hle “ Ngawi hmak rawh " a rawn ti tuar ,ka nuih khum sawng ,mi an rawn pungkhawm tan a,ka inrin loh laia min rawn nam thluk avang chuan chhuatah ka tlu hnawk ,bawihtea ka khawng lo hlauh,ka puak avangin a ni erawh a insawh lo hlauh “ Nangang nuthlawi mipa chhai thluk tur zawng ho hian a lawm mi chhungkua tichhe thin .






Helai hmunah hian rawn kal tawh suh,thing ropui si" a tihchuan midang chu an lo nui dar dar ,tawng ka tum chiah chu Kyle ka hmuh avang chuan ka tawng tum chu tawpin,ka mittui ka titla “ Engthil nge thleng " Kyle thinrim aw avang chuan kan bula awm ho pawh an phu nghal dawrhin an hlauh hmel hle ,chunu chuan Kyle chu panin“ Nuthlawi pakhatin rawn hmuh luih che a tuma ,Kan lo dang a nih hi" titha intih hmel fe hian a lo ti a .






Kyle rawn kal pheiin min hmuh chiah chuan “ My love ,I tha em " tiin a rawn thu hniam vat chutah rum lutuka hawichhuakin “ Ka hmeichhe hmangaih leh ka fapa lo khawih tu hi tunge " a ti teng chhuai ,keilah ka tap hlap hlap “ Kyle " titiauin ka ban,min lo pawm kang vat,chunu hawihai hmel leh a hlauthawng hmel chuan kei erawh min tihlim em em thung. “ Lo hmuh che ka tuma ,mahse tumahin i awmna an sawi duhlo a ,Chuan henu hian ka inrinloh laiin min namthlu ringawt a .






Thing leh nangmah pawhin keiang min duhloh tur thu a sawi a " ka aw tah chhuak aw ang thei ber tur chuan ka sawi chhuak “ Nang kha bang nghal ang che ,ka nupui khatianga tawngkhum ngam tur kha ini lo ,rawn thawh leh tawh pawh a ngailo ang " min namthlu tunu enchung chuan hlauhawm zet hian a tichhuak,a aw a ngaithla tu tan a hlauhawm hluah hluah,midang lahin ka ban tir ve an hlau tih hriat takin an mengphar awn awn hlawm a “ Bruno ka fapa hi lo pawm teh u" tinghutin Bruno an Williama a rawn pawm rual chuan keichu a awmah min pawm bet nghal hlun.






Ka la insut faih faih “Min en teh tikha chuan i hmelchhe tak tak dawn ania " atihchuan nui hakin a awmah ka chum zauh

f3547c246edcd2d55dfb1f86208b444c.jpg

ZAWMNA



“ Tirawh le ,ka office lam pan ang,Kan fapa pawhin min lo ngai lutuk tawh ange ,a nu naute anga tap ngak ngak ka thlemna lamah a mah pawh a lo tah ve hma hian " tiin midang awm ve ngai pawimawh lo zet hian min pawm kang lawpin min kalpui nghal ang nul nul,ka nui deuh hak ka tahder azarah min ngaihtuahzia ka hria a ,ka lawm min lo nuihtute ho hlauthawng hmel chuan min nuih tir sak “ Kyle hnathawk hi a thar la vek la " ka tihte chuan an meng kawk kawk hlawm .








Nge mawni ,mifel tak ka ni bik hleinem,Kyle chu a nuisuk “Baby i duh leh tak tak lo ang ,chuvang chuan in sum hram hram rawh,heng mite hian an chhungkua an chawm ve vek dawn tih i hriatkha" a tihchuan ka bu ta nghat,a darah chuan ka bei hle hle,ka hahdam sawng sawng bawk . A felna te ,mi a ngaihsakna leh a duatna zawng zawng te hian engah nge hmangaihloh an phu bik tehlul ang ni ,ka tana tlanchhe ngailo,a tul huna a nun pawh hlan hreh lo tu hi keichuan ka hlat thei bik lo a ni .






Min ngaihsak tu leh hmangaihtu aibakah hlu an awm silo a ,office kan luh chuan kan fapa pawh a lo harh nasat ,office a paper a lo pawt darh nuaih a ,Bruno an a lo en reng bawk . Hauh a tumlo tih hriat takin a chetsual loh nan a lo veng zawk tih a hriat ,heihi lawm Bruno leh Andria hi ka unaute ang maia ka en ,englai mahin Williama damlai atanga an rinawmna kha tun thlengin a la danglam lo tih hi ka hre chiang hle bawk . “ Papa " a ha pahnih to nen Kyle chu bawk vak chungin a lo pan a ,Kyle pawhin a chawikang nghal vut .







“ Ka fapa chu a harh harhin a lo harh a nimaw " tiin a nuih suk suk a ,William lahin a samah a lo kehsak lehnghal zat ,an inang viau ,a phirpui fa a nihna angin en hranna a neilo tih ka hria ,heihian Kyle rilru that zia min hriatchian tir zual ,sofaah William chu thutthlak puiin a bula thu turin min hui nghal zauh,keipawh ngawi rengin ka thu thla ve mai ,ka lu chu a kut pakhata rawn khawihin a darah min nghah tira ,keipawh awmsawn tumlo in a dar ngheng chuan a malchunga kan fapa thu chu kan chhaih dun a .








A nui khek iar iar richu office chhungah chuan a khat vek bawk “ Naktukah kan innei ang " Kyle a chu ka en nghal ha ,mit kan ukin “ I duh lo a mi?" a rawn tinghal zat,ka nei duhlo emaw a ti a ni ngei ang,a hmel chu a hnual nghal rawih,ka lu thing na na in “ Ka thawmhnaw tur te en angai dawn a nihchu " ka tihrualin “ Tunah en nghal ang " tiin William chu thawhchhuah puiin keichu min kai a “ Bruno car lo la chhuak rawh " tiin office pawn a a secratary chu tihtur hrilhin lift lam min panpui nghal nul nul .








A phur lutuk chuan min tinui lo theilo,Sydney inneih thuam zawrhna lian ber ah min luhpui a ,hnathawk ho chuan min lo buaipui vat “ Ka nupui tur mo thuam inneih mawi ber ber kha lo la chhuak teh u " tiin thu a pe nghal zat ,mo thuam man to hmel leh nalh tak tak awmna lamah chuan min hruai nghal a ,Kyle chuan en nghal vung vungin pakhat chu la in “ Hei va ha chhin rawh " a tihchuan keipawh chu inthlakna roomah ka lut ve nghal mai bawk a .








Kyle kawr min thlansak chu a nalh hle renga ,a man pawh a to viau ang le ,ka hnute hnuai chinah a inrek tanga a hnuailam a puk chhap mai bawk ,ka ha tawk chiah lehnghal ,darthlalanga in en in ka nui var var ,a nalh takzet ,puanzar chu hanging Kyle min hnungchhawn zawnga lo ding chu ka ko sap ,a rawn inher rualin mengkawk in min en vung vung mai ,Tim daia melhin “ Ka inhmeh em " ka tihchuan in thing harh vatin “ I nalh lutuk my love " tiin min pan nghal ruak ,ka lo nuih var var “ Heihi kan la ange ,Aman engzat nge ?" tiin dawr neitu chu a en ,aman zat a sawi rual chuan ka ang pham.






“ Kyle a dang la zawk ang ,analh tak tak pawh a la awm teuh hi " ka tihchuan ka hmuia fawp zauhin “ Min hnial suh,pawisa te chu a awm a lawm,a la thawh chhuah zel theih bawk ,I tan leh kan fate tana ka hmanloh in kha chen hna ka thawh man a awm nang ,kan lo la ange chuan,keipawhin saw saw ka lo ha chhin ange " tiin coat suit dum lam chu a kawk,an rawn pe nghal vat ,a inthlak a rawn chhuah ve rualin ka en ve ta reng,a nalh takzet hetiang khawp hian a lo hmeltha tih ka hrechiah .







Amit pawl ramin min en a ,midang awm ve te pawh chuan mit la leklo in an thlir reng ,ka lam a rawn pan a ,ka kawngah kuahin a nuisuk “ Awi in inhmeh lutuk ,in hmeltha dun bawk si . Heihi a thlawnin ka lo pe ve ang cheu " tiin bawihtea hak tur suit tho a rawn la chhuak,lawmthu sawiin Kyle chu ka nuih var var “ I nalh lutuk " tiin ka kuah thak ,Kan inthlak leha dawt kan chhuahsan meuh chuan khua a tlai leh duai tawh ,kawnga mi kal nauh nauh te leh motor tlante ,ni tla tur leh van sen phut te chu a nalh takzet .








“ Kyle a mawi tiraw ,tuipui kamah tunah tak hi chuan ka awm chak " tiin ka mit ka chhing vang bang,ka biangah rawn nul thuak thuakin “ Kal phawt ang le ,Kan la tlawh leh dawn nia " tiin inlam panin Bruno leh Andria te nen kan let a ,Melyna ten thil awmzia an hriatchuan an au chul,an ni pawh fa an pai ve ve tawh a ,mo thiana tan erawh an tum bur thung. Keipawhin hnial luih ka tumlo,ka tan an pawimawh em em si a .






WEDDING DAY 🐰🐰🐰




Phul hring dap an cheimawi chungah chuan ka kal zel ,ka pasal tur hmeltha leh pa lutukina nuisanga min lo thlir reng chu mittui tling piauin ka pan zel ,ka hnuk a ulh teuh mai ,William nen khan inneihna pangngai takin kan hmang lo a ,tunah erawh mi tam takin min hmanpui turin an rawn kal a ni si a,ka sirah chuan a tawn tawnin pangpar an dah phei vek a ,ka pasal tur min lo nghahna laiah chuan pangpar hmanga thil kual lian zeta an siam a awm bawk,Kan fapa erawh Kyle nu leh pa (fa a latute aw) in an lo pawm thung.








Kyle bul ka thlen rualin ka kut a lo vuan vat “ I mawi lutuk" ka bengbulah a rawn ti su su a ,ka lo nuih ver ver ,inneih thutiam chu tap teuh chungin ka sawi chhuak thei hram ,ka hlim a ni ,tunah chuan ka nun hi thlamuang taka ka hman theih tawh ka beisei ,buaina leh harsatna awm tawh lo in ,hlim takin awm thei tawh ila ka ti takzet . Zungbun kan inbun tir lai te chuan camera a phe chuai chuai reng,chanchin bu ah an chhuah leh ngei ang le. Kan fapa rawn au that that avang chuan an rawn phei pui,Kan fapa lah thil a hrethiam ve nge ka kuta lunghlu zungbun ngawt chu lak a tuma .








Mipui lam an lo nui dar dar bawk “ A thikthu a chhe dawn hle mai " pi Margaretin a rawn tihchuan Kyle pawh a nui hawk “ William Jackson awm mai mai rawh " tiin ka hau hlak a ,min enin a tap nghal puai puai a nihchu ,a hahthlak thin fapa nungchang mak lutuk neih chu ,Kyle chuan mipui tam lohna lamah kan nufa chuan min kalpui nghal vat “ I hnute pe mai rawh ,fapa fing lutuk ka nei dawn a ang hle mai " tiin amah lah chu a nui vur vur “ Zanlamah min tihbuai loh ngei ka beisei " a tihchuan a nakah ka nghawk zauh








Sawi awm leh awm lo hi a hre thlawt lo,William pawh hnute a hnek takah chuan a ngawi kar ,Kyle lahin lo runluihin ka hnute lehlam a lo khawih bawk ,an pafa in ka hau char char a nilah in tithei zetin William lam enin ka hnute chu a hum lui lehkher “ Aaahhaahhhhh" William chuan a ma tawng chuan a au vak “ Ka ning e ,lo awm mai mai teh ,hnute a hnek zawh rualin lo awm ang che " tihlakin ka fapa chu ka en san leh a ,hnute ka pek zawh rualin midang buaipui tura tho in kan fapa chu Kyle malchungah ka dah a .







Alo pawm ve mai bawk ,midang hmaa ka va let leh lai chuan “ I fapa a sual bawk sia ,engmah lo ti ve duh lo mai rawh " an lo ti tliar tliar hlawm ,ka nuih ringawt nu Margaret in an awmna min zawh chuan,Kan lam pana an rawn inpawm phei chu ka kawh hmuh a ,Ani pawh a nui hak “ Ka fapa in nang a tawng che hi ka lawm a ni . Hmeichhia a ngaihsak awm kan hre ngailo a ,mahse Sydney a rawn kal hmasak bet atang khan a danglam tihchu kan hmu ve reng,ngaihtuahna kawm ngut ngut lah a ngah narawh ,tunah chuan Sydney a awm reng chhan kan hriat rualin nupui a nei nghal chu a ni a .







William pawh hmuh ve kan chak nen" a tihchuan ka nui lui sak ,William hming ka hriat leh takah chuan a lungawi lo mai a ngem? Tih ka inzawt,mahse a ni pawhin Kyle hi a nihkha neitura min hrilh tu tiin ka inthiam chawp leh thul “ Oh Lily ka tihpalh lutuk " nu Margareti chuan a rawn ti vat ,Kyle te an rawn thlen tak avangin engtin mah ka chhang tawh lo thung.







Mipui an haw rem meuh chuan zan dar 10 a ri der tawh ,William pawh Dianna ten an mutpui a ,kei leh Kyle chauh roomah chuan kan awmran,pasal nei thar hlim ang mai a ka zam leh tlat chu ka chet chhiat pui loh hram ka beisei,ka inbual a ka inchiah rei a ti deuh nge Kyle chu pawnlam atangin a rawn au leh thin . “ Ka la zo hleinem maw le aw " tiin ka vin that ,bathrobe chu la in ka inthawlh kak a ,ka awm a nuam deuh huai.








Ka chhuah rualin min lo pawh thut avang chuan inring lo in ka bawk thlawp ,chutah a boxer ka la pawt thla tel zui,awi leh!!!!!! Nilo nilo ,ka hawi chho chu saruak vekin Kyle chuan min lo en run ,ka zak lutuk chu ka kun leh nghal,Lalpa tinge ka chet chhiat theih em em bik a “ Ka nupui chuan min thlahlel ve tawh hle a nih hi,keipawhin ka nghakhlel ve tawh tho " tiin min chawi kang nawlha ,hnial tuma ka kâ ka ang chiah chu min rawn fawp nghal hmiah .







Khum lamah min hruai pheiin min mamawhna a tilang chhunzawm nghal ,keipawhin zak buai duh tawh bik lo in ka pasal min mamawhna chu chhang let thei turin ka lo insiam rem sauh sauh a ,a tawpah khawvel dangah kan cheng dun ta delh delh a .


(MASTER KA TYPE LEH DAWN AVANGIN HETI HI NIMAI AW ,TIN TUESDAY ZANAH CHUAN A LAST BEISEI ANG AW )


6e92574cbf1311a6958750ee3bd0b26f(1).jpg




🥰🥰 Kan story chhiar tur hah taka ziaktute hian ADS KAN CLICK hian hlawh an lo nei ve zel thin a, chuvang chuan a thlawna chhiartur min ziaksaktute tan ads i click hram hram ang u 🥰🥰


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 24th, 2022, 2:48 pm

MR . MAFIA



CHAPTER 13 LAST

pic hnuaiah zawmna

“ My star harh tawh la " titu chu meng siar siar in ka en a ,ka nuih sen sen a nghawngah kut rawlh lutin ka kuah thak . Ka hnuteah rawn fawp zauhin a che leh ta sawt sawt “ Duhtawk chin neilo pa" ka tihchuan a kiai ve suk mai “ Ka ta ini tawh a, nang nen hi chuan englai pawhin ka in peih thlap reng chu a nih hi " tisupin ka kawchhungah a rawn lut ruai ruai,ka lo hmer na sauh “ Kyle " a hming lamin ka au that that , ka bula a rawn mut thlak rualin ka lo kuah chial.







“ Office i kaldawn lo em ni? " tiin ka en ha ,nui suk hian “ Nupui nei hlim ka nih hi,inlama tihtur tha deuh awmlaia office a hrehawm deuha va awm kha ka duh teuhlo " a tihchuan a awmah ka sik vak . A sawi tlang thei nasa mai si,hepa hi chuh! Inbualin inhnuai lamah kan chhuk dun a ,ka nui ver ver reng ,ka kuta kai chunga hmalam ena kal chu a hmel ka en leh veng veng zel . A hmeltha em bawk a ni ,kan fapa pawh ama tawkah a lo harh leh pek hle mai,bungrua a lo tilet leh rum tawh ,ama tawngin a au chul ,kei leh Kyle min hmuh rualin “ Papa,mamma" tiin a rawn bawk vak phei .





Tunah khan nu tiin min ko ve a nihchu ,ka pawm nghal vang vang,ka fapa pawhin tawng a thiam ve zel ta ,Kyle chuan kan nufa a min fawpin choka lamah min luhpui a ,thingpui leh coffee an lo chhawp ,coffee chiah ka inlai in Kyle erawhin thingpui duhzawk tlat pek . Nilengin infiamin hmun hrang hrangah kan leng dun ,min ngaihsakzia ka hmuh belh reng bawk ,mi karah ngaihsak takin min buaipui renga ka hlatah awm lo in ka kut a vuan reng .







Nula tam takin an lo en vawng vawng pawhin hrelo ang maiin a awm hmiah zel,hetiang anga mipa rinawm hi ka la hmu hauh lo ,inlamah kan haw meuh chuan zan dar 10 a ri der tawh ,William pawh a bawmah a lo muhil bam mai ,pan hnaiin ka fawp vang vang,ka fapa hmeltha leh duhawm zet pawh ka ngaihsak tha hman silo a ,ka inthiam lo takzet,Kyle inbual zo rawn chhuak chu towel chauh vengin a rawn chhuak bawk nen ka hawisawn vat .







A nui hak ri ka hre nghal,ka lungphu dut dut nen ka ngei takzet “ Ka nupui em em te " ka hnunglam atanga min rawn kuahin a tisa sa ,ka chil ka lem khawlh,ka biang velah chuan a fawp dan dan a ,ka ban chu a chul riak riak bawk ,ka za leh chuai chuai tawh “ Kyle " a lamah min kuai herin duhthawh zetin min fawp lehnghal buan buan ,keipawh in ka lo fawp let ve nghal ,reiloteah ka thawmhnaw hak chu phelh leh vekin khumah min delh tlu a.







A towel pawh a tlawh thla nghal ,ka pasal in heti khawpa min mamawh tih a lantir hian keipawh min ti phurin min tihlim.



1 weak later




Ka test kid en vang vangin ka nuisak ,ka pum chu chul hauh hauhin nau ka pai vanga Kyle ka hau fo thin te kha ka ngaihtuaha ,ka nuih a za ,ni e ka zu ruih zana kan chetsual tum khan naute hi a lo insiam daih tawh a ni . Engtin nge ka hriat loh theih,mahse ka hlim em avang khan Kyle leh ka fapa lo chu ka ngaihtuah ngai miau lo,ka fapa pawmin Kyle hrilh tumin a company lam pan chuan phur zetin taxi a chuang in ka pan a







Ani pawh a hlim ve ngei ka beisei ,company ka thlen rualin ka tlan lut nghal,William pawh ka pawm ang angin a awm ,a P.A ka hmuh chuan “A awm em?" tiin ka zawt nghal , ahmel ah chuan nuam tihlohna a lang “ Aw awm e mahse mam ila hmu thei lo ang" a tihchuan ka nui ringawt “ Engvangin nge ka pasal chu ka hmuh theih loh ang " tiin kawngkhar chu ka hawng zui “ Kyle thil" ka thusawi tum chu ka tawp chawt ,Kyle leh hmeichhe pakhat hi inhnaih zetin an lo awm a ,Kyle malchungah chunu chu a thu bawk .








“ Lily " Kyle chuan mak tih hmel zetin a rawn ti ,ka tlawh a ring lo te pawh a niang ,kei erawh chutia hmeichhe dang a awmpui ta chuan min tina takzet “ Nangnu kha engvanga min rawn tibuai nge inih a " chunu chuan a rawn tihlar ,kei erawh engmah ka sawi theilo ,ka fapa chu ka pawm nghet sauh “ Lily i thil rawn hmuh ang kha a nimiahlo ania ,Christian lo ngawi rawh " tiin chunu chu a vin deuh hrawk,min rawn pan a tum chu au tuarin ka fapa nen chuan pawnlamah ka tlanchhuak nghal ,lift lo inhawng sa ah chuan lutin ka khar rawk rawk .






Midang chuang ve te chuan mak tih hmel zetin min en a ,a inkhar chian hma chuan Kyle hlauthawng tih hriat taka rawn tlan phei chu ka hmu hman,inhnuai kan thlen rualin ka tlanchhuak leh nghal a ,taxi lo tlan chu ka phar nghal vat “ Lily ding teh " Kyle chuan a rawn ti ,mahse kan tlanchhuak hman,ka mittui luang reng chu tah rin hlautak siin ka insut hlawp hlawp,ka fapa engmah la hrethiam velo lah chu a nui iar iar reng .







Kan inhauhna avangin thinrim ve chu nise ka hrethiam lutuk ,mahse tinge ? Hmeichhe dang kher a pan? Taxi driver in min dahna hmun khawpui chung tlang ,William a damlaia kan kal ve na thin pipu ah chuan ka uai a,ka fapa pawh ka awm nghengin a muhil chhunzawm mai ,khawpui lang ut chu thlirin ka mit ka chhing vang vang,hahdam tum takin ka thaw ham ham reng bawk ,tlai lam anitawh a ,khua chu a dul ruih tawhin nitla tur tlang pangaa herliam tur chu ka thlir reng .







Pipu mut theihna tura an siamah chuan mu in thawk ka la ham ham,vanah arsi an rawn lang tan pheuh pheuh a ,ka thlir ta reng ,car rawn ri chu ka hria,mahse ka ngaihven peih tawh thlawt lo ,“ Lily " Kyle chuan min rawn kuah thlawp pahin min fawp zauh zauh “ Kal bo rawh" ka lo tithat thung. Ka hua ka haw takzet “ Keiai i thlan zawk kha va pan ta che " ka tihchuan min kuah nghet sauh sauh“ Ka thusawi ngaithla rawh kha nu kha ka inrinloh laiin ka malah a rawn thu ve tawp a nihkha .







Engtin mah ka tilo " a tihchuan ka lu ka thing nawk nawk “ Amalah pawh i tham kha " ka ti deuh tiau ,rum hawkin a lu a thing “ Ka khawih lo tihpalh thil a nihkha bawihi ka ti tak tak,min ring rawh " a tihchuan a kut ka laksawn sak ,ka fapa chu ka ensan ,beidawn hmelzeta thaw hrawkin “ Khanu kha kan company thawhpui fanu a ni a ,khatiangin a che thut ang tih ka ring bik lo ,ka hamhaih ve zia chu i hmuh kha " a tihpawhin ka lu ka thing nak nak reng .








Ka rilru ana ve em bawk a ni “ Ka nalh velo a ,ka hmeltha ve heklo keilo hmeichhe dang i pan duh a nihpawhin ka hmuh lohna tur hmunah awm pui hram i tum dawn ania " ka tihchuan a lungawi loh ve hmel ta hle “ Ka sawi tawh kha min ring ve em em teh,nanglo hmeichhe dang duh ni ila chuan Sydney ka rawn kal hma khan ka nei tawh ang ,Lily Hills ka sawi ngun tawh ka hmangaih che ,ka nunna ai pawhin khawvel hmeichhe tam tak zingah ka thlang tawh che a ,engvangin nge hmeichhe nalh satliah ve vang mai a ka kalsan che i rin.







Ka kalsan ngai dawn lo che ka tihkha " a rawn tihmuk ,kuah thlawpin ka tap hawm hawm “ Kyle chan ve che ka hlau a sin,wiliam ka chan tawh a ,nang lehzel ka chan che chuan ka dam zolo mai ang " tiin ka tap hawm hawm ,ka hnungah chulin min kuah nghet nghal sauh“Ka kalsan ngai lo ang che . Ka tiam tawh che kha ,khawiah mah ka kalsan ngai lo ang che " tiin min fawp vang,pipu ah chuan rawn thu ve in kan fapa muhil chu a melh vang vang .






“ God ka hlauhthawn hmanzia kha ,police ka ve hman tep ani ,Bruno ten i awmna inrinsiak lo phei se chu ka rawn zawng hmu thei miah lo ang cheu,khatiangin vawikhat mah awm tawh suh" a rawn tihchuan“.Nangpawhin hmeichhe dang khawih ve tawh hauh suh" ka ti ve kha kha ,a rawn nui suk ringawt

25d4c12b55d45b4e3bc3036a826e91d2.jpg

ZAWMNA


“ Haw tawh ang ule ,ka nei tawh che a hmeichhe dang ka mamawh lo " tiin kan fapa chu a pawm tho a ,ka lo nui ta hak “ Kyle Jackson thil hrilh duh che ka nei ania " ka tihchuan a kal lai tawp vutin min rawn en ,ka pum khawihin “ I fa ka pai " ka tihchuan a mengkawk “ Maw...? Baby iti tak tak em ?" Tiin min rawn hnaih nghal ruak ,a hmelah hlimna a lang chhuak nghal zung zung ,ka nuih sen sen a ,ka bu nghat bawk .








“ God ,pa ka ni tawh dawn ,haw vat ang u " tiin min kaiin car ah te chuan dim zet hian min mut lut ,a chetdan chuan ka nuih a tiza,car pawh chu khalh chak duhlo in muangchangin a khalh a ,a nui vur vur reng ringawt ,in kan thlenga William chu amah bawkin pawm leh in a kut lehlamin min kai a ,pawna Melyna te lo awm thap chu enin “ Enge i eichak " a tihchuan sea food ka eichak thu ka hrilha ,Andria a tir nghal vat ,keichu room lamah kan nufa in min luhpui a .








Phur zetin a che vut vut reng lehnghal,ka nuih ka nuih ringawt “ Kyle hetiang em em in awm suh " tihlakin ka en a “ Fapa ka nei tawh a fanu ka duh ve thung a nia " a tihchuan ka nuih ringawt ,tunah a la te in engang nge a nih dawn pawh kan la hrelo a ,a rinthu sawi nghal ringawt ,Andria rawn thlengin sea food siamsa diam a rawn hawn chu ka ei hlak hlak,ka ril atam tawh bawk nen ka ei hnem viau,a bang awm lo in ka ei zo fai vek ,Kyle lahin min hauh tum lo in ka thil ei chu hmuhnawm tih hmel deuh hian min en a .









Ka ei zawh rualin min pawm in khumah dim zetin min mut la “ Ka lalfanu rawn piang tur nen hian tui deuhin kan mu ange "tiin a mit a chhing suai suai,a awmah beiin keipawh ka mut a chhuak bawk nen ka muhil nghal thuai,ka mut a tui bawka zinga bengchheng awm pawhin ka meng peih derlo,motorah kan chuang nge ka insawi leh dat thin “ Bruno khalh muang rawh" ti a Kyle tawng pawh chu ka mang hriat ruai ruai chauh a ni . Min pawm tu an awm tih hriat takin ka kang delh delh.









“ Baby harh teh maw " ti a min sawi tu avang chuan peihlo zetin ka meng,khaw eng ut avang chuan ka mit ka chhing sawk “ Kyle khawiah nge kan awm" ka tihzawh rualin tuifawn ri ka hre nghal,ka hawi kual ,ka thil hmuh avang chuan ka meng kawk,in nalh leh ropui zet ka hmuh chuan ka ang pam,a bul velah coconut leh thingkung par chi an awm thluah,tuipui atanga hla lutuk nisilo tlangpawng laiah a awm a ,a hmaa ka duhthusam William a damlai a mi kha ka hrechhuak .






William emaw ka tihkha Kyle zawk hi a lo ni reng bawk a “ I duhthusam kha ka hria a sin,baby welcome home " tiin ka hnung lam atanga min kuahin ka biangah a fawp zauh ,ka nui sen sen“ Tihian zantin tuipui thlir chungin tuipui kamah te kan kal dun anga " tih a sawi rual chuan ,alamah inherin a hmuiah ka fawp zauh,ka hlim takzet ,kha bioluminescence te kha ka hmu leh chak tawh . Kyle hian ka duhthusam te kha alo la hre reng a nih dawn hi “ Hetah hian kan chhungkua in kan cheng tawh ang ,nang leh William kan chhungkaw thar tur nen hian ,Bruno leh Andria ,Melyna leh Dianna te nen " a tihchuan ka kuah thlawp.









Ka beisei phak bakin he Kyle hi ka tan a hlu a ni . “ Ka lawm e ,ka hmangaih che" tisepin Bruno ten a kan bungrua an rawn thiar mek chu enin ka nui seih a,Kyle chuan chu in lam pan chuan min hruaiin ka kut a hum run bawk .





Zantin tuipui kamah kal dunin kan infiama ,khawpui boruak kalsana tuipui boruak ka hip thei te chuan min tihahdam sawng sawng thei ,hetiang hun ang reng hian awm thei ila,hlimna nen helai hmunah ngei hian bul tan leh ka duh ani,ka pasal leh ka hmangaih em em ka fate nen hian hlim taka awm ho reng tura helai hmuna hlimna te hian min kiansan lo se ka duh a ni .








Kyle chuan min duatin ka ei duh zawng a piang min pe in ka thinrim chang pawhin dawhthei takin ka lungawi theih nan min thlem thin . Zanlaia ka ril a tam pawhin sawi buai neilo in ka tan rawnga bawl ruk ruk zel,William a tan pawh a pa tak anihlohna lang lo khawpin a duata nitin thil thar an la inlei sak ziah zui ,melyna te pawhin fanu an nei ve bawk a ,Dianna te erawh an la hnaih rihlo a nih hmel .







Kan chhungkua in chu tuipuikamah chuan hlim takin kan cheng ho a ,chhungkaw hung ang mai kan ni. Kyle pawh America lamah let duh tawh lo in hetah ka seilenna hmunah ngei hian bul tan thlangin a company pawh a thian rin ngam te bulah a dah ta bawk . Engkim kalsana min vuantu ka pasal hi ka hmangaih a ni.





7 month later




Nau neihna roomah chuan Dianna nen nau veiin kan rum dun,doctor in min buai pui char char ,phir ka nei dawn tih ka inhre lawk bik hauh lo . Kyle te ho pawh pawnlamah an awm a ,tang turin min rawn au reng bawk nen ka pumna bawk si chuan vin hrep ai baka chak ka neilo,a tawpah naute phir mipa leh hmeichhia ka nei ve leh ta ,an lian in an hmeltha dun em em leh nghal ,Dianna pawhin mipa ve tho a hring.







Kyle an phir ka nei tih a hriat chuan lawm lutuk tih hriat takin a au hluai ,Kan fanu zawk chuan apa mitmeng ang a pawl a pu a ,a mipa zawk erawhin ka mit rawng ang a brown a pu thung,William pawhin anaute chu a en ,kumkhat a tling ve tawh a , afing viau bawk ,a naute nen an chhang a zing deuh dawn a nihhmel ,pawi tihna erawh ka neilo thung .






“ Ka hmangaih che ka Lalnu " tisupin Kyle chuan ka chalah a fawp vang vang,a fate pathum chu pawmin hmangaihna nen a en ngawih ngawih,hei hi ka hria ani . Ka pasal hian kei leh a fate hi a hlamchhiah ngai dawn lo tih hi.




__________





Ka chau lutuk" chhuatah ka thu hnawk Melyna leh Dianna chu an nui hak hak ,tuipui kama kan fate ho infiam chu enin kan thu thap,an harhin enkawl an har bawk si an mahni awm hian kan chau hluah hluah zel ,William leh Melyna te fanu hi an upat deuh avang hian an inkawm hranga ,phir te leh Dianna te fa hi an inzui chawt bawk ,tuipui kam nuam an tiin kal an ngen ziah leh nghal .







“ Ilo chau em ?" verenda atanga tuipui lam ni tla tur nena inchawih zet ka en lai chuan ka hnung lam atanga min kuahin ka pasal chu a rawn phun sup “ Chau pawh ni ila ka fate an ni a ,chau tur pawh ka nia lawm ,nangmah zawk i chau em " a awma bei pah chuan ka ti a ,a kut lian leh chak taka min pawm kang nawlhin “ Khawvela ka hmangaih ber bula ka awm in ka chau ngailo" nui hawk hawk chunga tiin khum lam panin min pawm phei lawp lawp a








A tihtum ka hrechiang hle ,dan ka tum bik lo ,a thawmhnaw phelh a tum chiah chu “ Apa apa ,enge min lo hawn" tih room pawn lam atanga rawn tiri avang chuan rum hawk hian “ Fate u a hun lo takzet ,ka rawn chhuak " tiin a phun hluk,ka lo nuih har har thung “ Zanah phuba ka la dawn khawp " tiin a fate kawngka hawn tur chuan a kal phei a ,a fate pawm chunga bawr luka an rawn phei chu nui hak hakin ka en ,hei ai a hringnun nuam hi a awm thei dawn em ni? Vawitam lo tuar tawh mah ila,min tidam leh ziah tur hmangaihtu pek ka ni leh si a .




A TAWP TA ....
A tir atanga min tawiawm tu zawng zawngte ka lawm em em e ,ka story dang te pawh hi min lo chhiarsak ve vek dawn nia by Mawitei bawitlung


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)