KA PASALTHA NGURLIANPUIA BY Mawitei Kevin Bawitlung (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

KA PASALTHA NGURLIANPUIA BY Mawitei Kevin Bawitlung (Completed)

Unread post by Ngaia » October 9th, 2022, 2:32 pm

dyrc2630.jpg

KA PASALTHA NGURLIANPUIA
#PASALTHA #timetravel #huatna #kara #hmangaihna
Ka mangram atanga harh chhuakin ka meng chiah chu mipa pakhat mitmeng rum leh pa hrak hian ka chip hmakin min lo en a ,a hmelchu a tha hle ,mahse a sual hmel takzet ,a inthuamna te chu heihi ka kawppui tur a ka model pui tur a ni hrim hrim tih ka ngaihtuahlai chuan midangin min rawn man thut “ Hey enge in hriata ,henghi kan thlalak dan turah a tello aw " ti tuarin ka tal phat ,Chung ho pawh chu hmanlai Mizo inthuam vekin an inthuam a .
Pawn lamah min hnukchhuak chu ka meng kawk kawk ,keihi ka awmna hi a inthlak em ni? Nilo hmanlai hun tihna maw ,mipui awm reng reng chu an inthuam dan ah kawr pawh an ha vak lo tih a hriat,hmeichhe ho chuan puan an vet tawp a ,an hnute chinah an bih tat bawk ,kei erawh ka model thuam nen zawng zawng kawr fual var hnalh ha in ka la awm . Mipui ho hlau hmelah chuan min man tu te chu misual tak an ni ang tih ka hre nghal .
“ He khua hi kan hal dawn a ,in Lalfanu pawh hi salah kan hruai bawk ang" ka harh hlim a min lo entu pa an hotu tih hriat tak chuan a rawn tiram hmuk . Kei hi Lalfanu ka ni reng reng lo,chutah chu hmun atanga chhukin hmanlai Lalthuama inthuam chu a pan nghut nghut “ Pasaltha Ngurlian,keihi min thah duh chuan min that la ,mahse ka fanu erawh saw chu zuah ang che " chupa chuan ka lam rawn hawiin a ti a ,kei hi Lalfanu ka ni tihna maw? Engmah hi ka hrethiam lo ,thlala tura an inpuahchah chhungin ka lo mu mai mai kha a ni si a .
Lalpa ! Eng thil nge ka tawn tak hi ,chupa chuan Lalpa lu chu a sat lir tawl,ka au that a thisen chik puat puat ka hmuh rualin ka lu a hai nghal muai muai ,a thim ta hmuk “ Lalfapa ,ala harh lo ania " an thusawi te chu hrelo ang maiin ka mit ka chhing,ka awmna ngaiah ka let thei mai thei a sin.


KA PASALTHA NGURLIANPUIA


Chapter 1 by Mawitei bawitlung





Ka mangram atanga harh chhuakin ka meng chiah chu mipa pakhat mitmeng rum leh pa hrak hian ka chip hmakin min lo en a ,a hmelchu a tha hle ,mahse a sual hmel takzet ,a inthuamna te chu heihi ka kawppui tur a ka model pui tur a ni hrim hrim tih ka ngaihtuahlai chuan midangin min rawn man thut “ Hey enge in hriata ,henghi kan thlalak dan turah a tello aw " ti tuarin ka tal phat ,Chung ho pawh chu hmanlai Mizo inthuam vekin an inthuam a .







Pawn lamah min hnukchhuak chu ka meng kawk kawk ,keihi ka awmna hi a inthlak em ni? Nilo hmanlai hun tihna maw ,mipui awm reng reng chu an inthuam dan ah kawr pawh an ha vak lo tih a hriat,hmeichhe ho chuan puan an vet tawp a ,an hnute chinah an bih tat bawk ,kei erawh ka model thuam nen zawng zawng kawr fual var hnalh ha in ka la awm . Mipui ho hlau hmelah chuan min man tu te chu misual tak an ni ang tih ka hre nghal .







“ He khua hi kan hal dawn a ,in Lalfanu pawh hi salah kan hruai bawk ang" ka harh hlim a min lo entu pa an hotu tih hriat tak chuan a rawn tiram hmuk . Kei hi Lalfanu ka ni reng reng lo,chutah chu hmun atanga chhukin hmanlai Lalthuama inthuam chu a pan nghut nghut “ Pasaltha Ngurlian,keihi min thah duh chuan min that la ,mahse ka fanu erawh saw chu zuah ang che " chupa chuan ka lam rawn hawiin a ti a ,kei hi Lalfanu ka ni tihna maw? Engmah hi ka hrethiam lo ,thlala tura an inpuahchah chhungin ka lo mu mai mai kha a ni si a .






Lalpa ! Eng thil nge ka tawn tak hi ,chupa chuan Lalpa lu chu a sat lir tawl,ka au that a thisen chik puat puat ka hmuh rualin ka lu a hai nghal muai muai ,a thim ta hmuk “ Lalfapa ,ala harh lo ania " an thusawi te chu hrelo ang maiin ka mit ka chhing,ka awmna ngaiah ka let thei mai thei a sin “ Hrepa min timuang vek dawn a nihkha ,khawi " tihluk ri ka hriat rualin ka taksa chu a kang nghal lawp ,a hnungah min pua tih hriat takin hnungzang lum thar tharah ka bei thlar .








“ Lalfapa a hmeltha reuh e ,a pian a nalh bawk si,a vun no nalh zia kha" tihrik rualin ka nersawk ,an va han zak lo tak “ Khatiang zawngin sawi tawh suh u,Tin apa thil tih avang pawh hian hrehawm takin ka siam ngei ang" a tihrualin ka thaw hak “ Ka chhuk duh " tiin ka meng chhuak,khawchhungah kan la awm reng chu niin,ka hawi kual ka thawmhnaw dahna bag pakhatin a lo keng ka hmuh chuan “ Hei ka bag a nihkha aw " tiin ka pan ,chupa pui chuan ka tal chu min thlah thutin ka mawng sawh dawtin ka tla .









Lalpa leh!! Ka kawrfual chu inhlimin ka mal a lang var chho puak ,mi ngo chi ka ni bawk nen mipui thawm huk leh chung ho meng kawk chu insiam tha vatin ka inkhuh nghal thuak thuak ,ka hmai a sen tawn tawn ,“ Enge bag chu " an rawn tihchuan hmanlaiah ka awm tih ka hrechhuak leh chiah ,engtin nge an hriat reng ang “ Ka sahmim ve a nihkha ,khawi min lo pe rawh ,ka thawmhnaw a awm ania " ka tihchuan ka bula an hotupa chu a lo rum nghut “ Engvanga min man ngawt nge in nih,helaia awm te hi tumah ka hrelo cheu Lalfanu pawh ka nilo " ka tihleh chuan a dawh thei tawh lo nge ka khabe ah a rawn hmer chawt .







“ Hmeichhe dawt sawi hrat ,I him theihnan i nu leh pa pawh i phatsan duh ania " ten hmel zeta min en chungin a rawn ti a ,engmah ka hrethiam lo tak tak “ A kut hi phuar ru ,Kan chhuak nghal ang" tiin hmalam a pan a ,ka kut chu an rawn phuar nghal mawlh mawlh,ram hnuai lamah chuan min kalpuiin min nawr dawt dawt hlawm ,pheikhawk pum lo bun lo ila chuan ka ke a pilh vek tawh ang “ Dawt ka sawi lo a sin le ,keihi in hun lo la awm tur atanga rawn kal tak tak ka ni a sin" tisepin ka hmaa luhlul tih hriat lutuk a kal ngut ngut chu ka en vang vang.







Ramhnuaiah chuan kan kal zel ka chau tawh takzet ,ke in thui tak ka kal ngai bawk silo ,ka hah hle tawh. Khua lah chu a thim tan ,Kan kal thui tawh hle tih ka hria ,ka ke na tawh lutuk chu ka tlu thlawrh “ Ka kal thei tawh lo " ka ti tiau,ka ke na ut ut nen ka hun tawn mak lutuk nen ka tah a chhuak teuh “ Lalfapa " tiin hma bera kal chu an au ,ka lam rawn hawiin a hmui apet sawi zauh ,ka na te chu ka tider emaw tihturin min awih loh hmel.






Ka mittui ka hru thuak thuak“ Buk sual mai rawh u hetah hian,min tikhawtlai vek dawn anih hi,kalna tur ala thui si " a tihchuan ka hah sa hluah hluah,meipui chhepin buk an siam zung zung hlawm a,tumah han awl an awm lo hrim hrim ,hmanlai chanchin ka lo hriat thin chu a dik ngei e ,ka khur der der lui bulah kalin ka ke chu khaw thim tur in tham ruai ruai hnuaiah chuan ka en ,a lo sen durh kul ,tuiah chuan chiahin ka thaw ham ham ,ka bulah vengtu an awm run bawk .









Mak tih hmelzetin ka pheikhawk chu an melh a ,ni e pheikhawk emaw chapal emaw pawh an bun ve ngai lo miau,ka inchiah zawh rualin buk lamah min hruai chho leh ,mei pui hual chuan an lo thu thap ,Chaw eiin keipawh keimah te in lehlam hawiin ka ei,hnahthial ah ka ei ve tih ka hriat hian ka tah a chhuak hluah hluah,chaw eikham chuan vaibel zu in an ti ti a, kei erawh ka mutna tur a an tihlam Ngurliana an tih awmna bulah chuan ka mu kak ,thawm rirak ah chuan ka mutui lai ka harh,chutah ka bulah hlim thla rawn awm in ka kawrfual chu a rawn hlim chho,ka lung a phu dawt dawt,au ka tum chiah chu min rawn bawh betin ka ka a hup .










Ka tal nawk nawk “ Thawm hauh suh ang che ,ka ta ini ngei ang ka it na che a rei tawh " a rawn ti su su ,ka hlauthawng takzet ,ka theih tawpin ka tal vak vak a ,ka hneh lo nasa mai si ,ral karah lehnghal tumah min puitu tur an awm dawn lo tih ka hria ,ka mittui atla zawih zawih ,ka tal ve reng chu duhlo in ka malah a chum bur,a kut sehin ka au chhuak that ana lutuk ,chuveleh ka awmmna chu rawn engin Ngurliana a rawn lut tih hriat takin min delh bet tupa chu a kang lawp.










A ri nghal sawk sawk bawk “ Hmeichhe che theilo khawih luih i tum a maw " thinrim tih hriat tak hian a tichhuak hrawk ,Kan thawmah midang pawh rawn harhin mei an chhawm tha a ,a eng ta ut mai ,min khawih tum tupa chu a hmel ka hmuh rualin ka mengkawk ,luia ka inchiah laia min vengtupa kha a ni “ I tha em" nelawm loh zetin Ngurliana chu rawn tawngin min en run “ Ka mal hi ana " ti tiauin ka tap hlawp hlawp ,ka damchhungin hetiang thil hi ka tawn ka beisei ngailo ka thianghlimna der thawn zia ka hriatchuan ka tah a chhuak zual .









“ Tinge min man ,ka sawi ka sawi kha ,he khawvel mi hi ka nilo, in khaw run pawh kha engkhua nge tihlah ka hre hek lo ,ka thawmhnaw te hi en ula nangmahni ang ka nilo tih in hre reng a nilawm ni" tap chungin ka tawng zuah zuah,ngawi renga min en tawpin min pawm kang nawlh “ Tuilum kha lo chhuang rawh u " a tihchuan mauah tui dahin an chhuang nghal thuai ,ka mal a hlim dawn chuan a kut ka man bet chawt “ Hmun dangah lo va kal rawh u " a naute ho a tihrualin an kal sawh thap,min khawih tum tupa erawh kut phuar chungin hmai thi sung hian kil khatah a thu a .










Ka kawr chu Ngurlianpuia chuan a hlim chho ta da da ,ka mit ka chhing tawp ka meng ngam lo hrim hrim ,ka mal a a kut a dah rualin a lum ham ham lehnghal,ka khur der der “ Meng tawh rawh ,I hliam hi en i duhlo em ni? Mitchhing mahla ka hmu vek tho " a rawn tihchuan ka mekh nghek “ I hmulo ka tia mi nunrawngpa " ka tihchuan a hmel a dur nghal khup. Ka thilsawi pawizia ka hre nghal ,keichu an mi man mai an duh duha an tihtur ka nimiau si ,engmah sawi lo in mau a an tui chhuan chu suanin a en vung vung .









Chutah a diar chu phelhin tuiah chuan a hnim,ka mal ka en chu a lo duk ruih a lang chiang hle mai,tuisa a a rawn deh rual chuan ka au that ! Ana in a sa vung vung thei hial ,ka hmui pet fan fanin a zut ang ang chuan ka dawh ,a zawh rualin ka zawi hnawk thei “ Khawiah nge ka ip kha a awm " ka tihchuan min melh hrawkin buk pakhat lam panin a rawn chhuah leh rualin ka bag chuan min vawm nawk “ Hmanrua i ah loh avang chauhin ka pe ang che " tihrawkin min melh run run ,hepa hi ka kekawrte leh bra ,ka shampoo bakah sahbawn ,ka thawmhnaw ho thlengin a en vek a ni hrim hrim.






Ram hnuaia shooting kan neih avangin ka bag lian ve tawk takah hian ka mamawh tur ka khung ve teuh a ,Chung zawng zawng chu a en vek a nih hmel ,khua chu reiloteah a rawn var tan a ,midang pawh rawn tho sap sapin ei an rel nghal zung zung ,ka bag peng chu en ka eitur leikhawl a lo la awm teuh,spicy vel ka hmuh chuan ka thaw huai ,ka bag hi a lianin kuta a khaia khai ngai zin bag ang deuh kha a ni a . Ram hnuai a kan awm rei deuh dawn avanga inringsa ka ni renga ,a lawmawm phian mai .







Ka bag chu min khai sak lehin a then chuan hlang siamin ka kal theilo nen min zawn ,chungin ka kut pawh an phuar tawh lo. Ka thusawi an ring ve tawh te pawh a ni mahna . Thim hlimah khaw pakhat daiah kan ding a ,a thim em avangin engmah ka hmu theilo ,an thusawi dan ka hriat hmangah khawvar kan nghak dawn a nih hmel . Hmanlaiah ral runa an hlawhtlin reng rengin khawvar hun nghakin bawhhla nen khaw chhung an lut thin tih ka hria ,ka bag chu la in ka lukham a ,vana arsi lang tuarh chu kan awmna thim ruih nen a lang chiang hle .








Kan tunlai khawvelah kha chuan electric a awm tawh miau a vangin khawpui eng khan van lam eng a tilang nalh tawk thin lo kha a nia ,tunah erawh hi chuan a nalh takzet . Silai puak dur chuan min tiharh zawk ,khawvar det det ah chuan Ngurlianpuia chuan silai zen hlang a kap a nih hmel,midang chuan an lo chhawn ve nghal zat ,khawchhung lam atang pawhin thawm a ri hulh hulh a ,an rawn hnai tial tial tih ka hria ,ka khur der der ,an hmelma angah min ngai ve ngei dawn si a ,min chil hlum mai ka hlau .







Mipui thinrimin mi an chil hlum thin an tihte pasaltha thawnthu ka ngaihthlak thin atangin ka hrechiang ve hle . Mipui an rawn thlena ar ke ziak leh zufang vel an intulh a ,kei min rawn hmuh chuan an meng kawk hlawm ,an phun nghal mur mur bawk ,thenkhat lahin hmeltha min tih thu an lo sawi ve chamchi,min rawn ban an awm rualin Ngurlianpuia banah ka va vuan chawt,hepa hi sual viau mahse tunah tak hi chuan amah bak hnaih ka duh lo “ Ka fapa in rawn hlawlhtling thei maw? Hei tunge " a tihchuan ka lam an en leh thap .






“ Hriangtlang Lalina lo awm ve anih hi ,ka pa nakinah thil awmzia chu ka la hrilh ang che ,tihian khawchhung i pan phawt ang u " tiin ka bag chu la lawkin ka kutah vuanin min hnuk dawr dawr “ A nupui tur a ni hrim hrim ,awi ka thik e " hmeichhe thenkhat phun ri chu ka hre reng,lal mualah an ding thup a ,Ngurlianpuia chu Lal leihkapuiah ding chho in “ Tunah chuan ,Kan unau te ,Kan nu leh pa min thahsak tute phuba chu lakin a awm ta ,tin he hmeichhia hi " tiin min melh run ,ka lo ip chawih “ Lal thisen a nihna angin lal inah sal nitur in a awm ang" a tihchuan mipui lam chuan kut an beng dur dur .






Mipui lam atang chuan min pawt nawk tu awmin leiah ka tlu thlawrh,ka mal na ka la khawng zui ,ka au that ana lutuk chu ka mittui a luang zung zung “ Nang hi maw Lal tenawm fanu chu " tiin hmeichhe ho chuan min khawih luai luai,ka lu a hai chhawlh tawh “ Duhtawk rawh u " tihri fiak that in an tawlh dawrh hlawm ,Ngurlianpuia mengrum ul avang chuan an ti nghal dak “ Tunge khawih rawh u ka tihcheu " a ti deuh tuar ,mipui chu an phu dawrh“ Hmeichhe awm nem zawk pawisawi lo pawh tikhan a hmeichhiat pui ngeiin dimna neilo in in khawih a maw ,an ni khua anga nunrawng nih kher hi in duh em ni.









Apa thil tihsual chu kan hria ,a phu ang tawkin a nunna kan laksak bawk ,duhtawk rawh u sual hi suala thungrulh kher angai lo e ,ka pa nen a chungthu kan rel tawh " tihsawiin kei chu min rawn en leh ,ka hmui atanga thisen chhuak leh meng vai riai in ka lo en ve bawk ,a tawpah ka lu hai lutuk leh ka taksa na lutuk avang chuan ka menglui thei tawh lo . A thim nghal hmuk a “ U ka khawngaih emai,a vun ano bawk si hnaram thawk tur chuan ,a inthuamna lah hi a dangdai bawk sia " hmeichhia in a tihri ah chuan ka mengchhuak .








Min lo en tu hmeichhia ka rualpui vel ni ngei tur hmeltha zet nen chuan kan inmelh ran,keihi ka khawvel ngaiah ka let thei tawh dawn lo em ni? Lalpa chutiang chu thleng lul suh se ,ka tho chhuak riai riai ka mutna lama ka thawmhnaw in hlim chu ka siamtha a “ I tha em ,ka u hi a timah mah deuh a ni " tiin Ngurlianpuia lo ding ve run chu a melh zawk a “ Ka u in i chanchin min hrilha ,Hriangtlang Lalfanu ini lo tak tak maw?" A tihchuan ka bu nghat .







“ He khawvel mi pawh hi ka nilo,hmun dang atanga rawn kal ka ni ,engtin nge kha lalinah khan ka awm ka hre biklo " ka tihchuan a bu nghat ,a nui zui sen sen lehnghal a unaupa nen chuan an in ang lo hle mai ,titi zuiin inbual ka duhthu ka sawi chuan an tuikhur lama min kalpui tur thu sawiin kan insiam zui a ,ka taksa erawh ala na thum mai. Ngurlianpuia pawhin min zui ve a ,an tuikhur awmna kan thlen chuan tlailam a ni bawk nen a reh ruih a ,ral khata mu hram leh riakmaw hram vel bak hriat tur a awm meuhlo .







Ngurlianpuia chu kan inbual dawn avangin a kalsawn a ,ka bag atanga ka phawrh chhuah sahbawn rimtui leh shampoo chu la in “ Inhnawih ve rawh Sawmte ,hei hian i sam leh i lu kha hnawih rawh ,chuan hei hi i taksa ah khan i hnawih dawn ania " tiin ka hrilh malh malh ,a hriatthiam loh avangin keimah chuan ka pui a “ Avan rimtui em em " tiin a nui sen sen leh tawh . Keipawhin ka nuih let ve mai “ Hetiang hian i inbual ziah thin em ni?" a tihchuan ka bu nghat.






“ Kan awmna lamah chuan hetiang hlir hian kan inbual thin a " ka tihchuan mak a tih hmel hle ,a inbual zawh chuan keipawh ka kekawrte leh bra nen chauh chuan ka awm a ,Sawmtei pawh chuan min en phawk vak ,hetiang hian an inthuam ve ngai miau silo ,mahse engmah a sawi biklo,ka lu chu su in ka suk zawh rual chuan ka inbual a ,sahbawn chu ka inhnawih mawlh mawlh “ In hman" Ngurlianpuia rawn tawng chu a tawp chawt .







Keipawh chu rang zetin tui tling laiah chuan ka zuang lut “ Ka u hi chu aw thawm nei hmasa ta che " Sawmtei chuan a lo ti hlak hlak ,Ngurlianpuia erawh ngawi rengin a hawisawn a,keipawh rang zeta intleuhin ka towel banin ka intuam vat ,khur hlak hlaka in hru thuak thuakin ka bra leh kekawrte ,kekawr tlawn leh t shirt chu la chhuakin hmun danga kalsawn deuhin ka inha mawlh mawlh a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2022, 2:32 pm

KA PASALTHA NGURLIANPUIA





CHAPTER 2





An bula ka phei leh chuan an ni pawh an lo inpeih tawh ,ka zak bawk nen Ngurlianpuia chu ka en tha ngam lo hrim hrim ,Kun chalin ka kal ve zel “ Naktip lamah lo ah kan feh dawn a ,ilo tel ve duh em? Taka i hming ka la hre miah lo" a tihchuan nuih sakin “ Lalchhuanmawii ka nia " tisepin ka nuih var var “ Awle Chhuani ka timai ang che aw ,Ila dam chiang silo a i duhchuan inah chuan i awm thei tho a ,Mahse keini kan feh vek dawn avangin nuamlo itih ka hlauh vang a nia " a tihchuan hmanlaia an lo vel ka hmu chak bawk nen ka kal ve duh thu ka sawi nghal vat .









In kan thlenga ,Lalpa leh khawnbawl upa ho an lo awm thap ,an khua hi hmanlai khuaah chuan a lian pawl chu a ni ngei ang,an sawi danah in zali nufa zet an nih thu an sawi ka hriat tak kha maw ,Sawmi nen chuan rawng kan bawl a ,an bel te lah chu hlum hmanga siam a niin a mawngah hnah an phah a ,mahse a lehti hmuhnawm phian ,Ngurlianpuia chu a chhuak vut a “ Sawm ,tinge i nu hi ka va hmu lo ve " ka tihchuan min rawn en vatin a hmelah lungngaihna a lang thei “ I awmna hmasa te kha kan run chhan chu ka nu an thah vang a ni " a tihchuan sawi tur hrelo in ka ang pam .







Chu vangin a nimaw Ngurlianpuia khan keimah pawh kha min huat hmel em em ni ,zanriah eikhamah lal tualah chuan mipui an rawn pung khawm mup mup “ Enge an tihdawn " mak tizetin Sawmi chu ka en “ Rallu kan lam dawn ,tirawh nangpawh kan inthuam dan in inthuam ve rawh ,ka thuam i inbel mai dawn ania " tiin khumpui lam min panpui a ,ka zui ve mai ,Mizo kawrchei diktak leh puanchei nena ka inthuam chu keimah pawh nalh ka inti hle ,hmeichhe tetak ka nilo nen ka inhmeh phian .







Sawmi pawh chuan inhmeh min tih thu a sawi a ,anipawh keimah ang chiahin a inthuam ,pawnlamah chhuah ka hreh deuh,a chhan pawh min haw hlawm hle tih kha ka hre miau ,Sawmi chuan zah tur leh hrehna tur a awm loh thu a sawi a ,ka thihdan chhung khan Lalpa khan thil a lo sawi a nih hmel ,pawnlamah chuan muangchangin kan chhuak ,thla a eng ruiha ,mipui chu an hmuhchian theih hle ,meipui an la chhep bawk nen .







Tuallaiah chuan an lam hulh hulh a ,lam lo ho chu kan lam rawn hawi thup in kei leh Sawmi chu min en thap hlawm ,ka zam takzet ,Ngurlianpuia chu hmeichhe pakhat nen chuan an inmelh leh ralh thin . Ka awm alo nuam lo ve ringawt “ Sawm ,keimaha awm lawk ka duh a ,sawtah sawn zunram thiar pahin ka va kal lawk ange " tiin ka kalsawn a ,engtin nge ka khawvel pangngaiah ka let leh theih ang le? Heti ringawt chuan ka awm theilo . Ka anpui leh ka hunlaiah khan let leh ka duh ani ,Lalin hnunglamah chuan ram lam thlirin ka ding vang vang “ Aw Lalpa helai hmunah hian engvanga min dah nge inih.








Khawngaihin ka khawvelah khan min dah let leh rawh ,chhungte ka neihlohna hmun leh ngaihsak tu ka neihlohna hmunah hian engfiah turin nge min dah? Helai hmun atang hian min hruaichhuak hram teh,nangmah la hrelote hunlaia awm tur hian kei hi ka tling lo" tiin vanlam en vauh vauh chuan ka phun sep sep ,chutah ka thlanglam ramhnuai atang chuan thawm a rawn awm a ,mak tizetin ka pan hnai ,chutah sakei lian zet hi ka hmaah a rawn ding,ka meng kawk kawk “ Khawngaihin min seh suh thih ka la duhlo " tiin ka mit ka chhing .








Ka hmai a rawn liah chuan ka mengchhuak nghal vat ,ngaihawm zet hian min rawn nek nu nu,ka thla a la muang chuanglo,chutah ka kut vel a hmaia a rawn nul thuak thuak takah chuan nui hakin ka chul,min seh a tumlo ani ngei ang“ I van fel em em ,khawi atanga lo kal nge inih le ,I lian bawk si ,ka thian ni rawh aw " ka tihchuan a bu ve nghauh nghauh,a fing takzet “ Ranga tiin ka ko ang che aw " tiin nui sen sen in ka kuah thak .








Chhak lam atanga thawm a rawn awm sut takah chuan sakeia chu a tlansawn vat ,chutah Ngurlianpuia chu rawn langin “ Tlanbo i tum amaw?" A rawn tihmuk a ,min rawn pan chhur chhur ,ka lo tawlh rawk rawk “ Aih tlanbo ka tumlo,ka zung ringawt a lawm" ka tih pawhin a mitmeng chu a nelawm phah hauh lo,a rawn hnai zel bawk nen a zufang in rim pawh ka hre pha ,a bu luk luk lehnghal ,a rui tih a chiang hle ,ka vaw thlu anga ka tlanchhe daih dawn em ni? Nilo nilo,chutiang chuan khawpumin min thah tumin min veh mai ang








Chubakah thah ka duh chiah em pawh ka hrelo ,a hmeltha leh pa hrak chu ka hmai bul chetah a rawn kun hniam pui a ,ka lo ip chawi,a thaw pawh a rimchhe miahlo ,ka lung a phu dawt dawt chutah“ Liante" tiin min bawh rawk rawk. Liantei chu ka ni bawk lo ,mai mai chuan “ Min thlah rawh Liantei ka ni bawk lo hmela ,Lalchhuanmawii ka ni Liantei tihkha ka hmingah a tello " tiin namsawn ka tum “ Ni e ini lo,Ani chu a thi tawh a lawm ,kha i pa phiangsen vang bawk khan khawvela ka hmeichhe hmangaih ber a thi tih i hria em?" a rawn ti hrawk.







A thinrim hmel leh hle tawh “ Chutiang engmah ka hrelo ,ka pa anilo ka tihchu he hmuna mi pawh hi ka ni hek lo ,engkim i hria tih ka hria ,in inthuam dan angin ka inthuam ngailo a ,hetiang hmuna awm pawh hi ka duh hek lo ,min huat viau chuan min that ta che ,mawh min that rawh . Englai pawha tualthattu fanu min ti hi ka kham tawh ,min that ta che " ti tuarin ka chum zawt zawt “ Ka hua che ,keipawh hian ka haw hluah hluah che " tivakin Lalin lam pan chuan ka kalsan vang vang .







Ka thinrim ka insawh tau nghawng nghawng bawk ,min ngai chhe lutuk reng kha ka hua ,Sawmtei chu Lalin chhungah a lo awm a ,ka pan vat ani pawhin min lo hmuh rualin khawnge ka kal tih min lo zawt a ,ka hrilh tha ve mai mahse kha sakei chanchin erawh ka hrilh duh hauh lo ,pawnlamah chuan an la thawm mup mup hlawm a ,ka pum lam ri rawk rawk nen ka thil ken chu ka ngaihtuah chhuak zawk ,ka bag lam panin ka va kal a ,spicy a bawm pui a ka khung bawm nga lai chu ka en vang vang ,pack khat chu hawngin pahnih ka la chhuak a







Eilo a ka awm thiamloh avanga keng teuh ka ni renga ,lays leh lollipop leh biscuit vel pawh a la awm nual mai ,“ Sawm ,tuilum chhuangla hei kan ei dawn nia " ka tihchuan mak a tih hmel viau nui var varin “ Ka thil ngainat ber ania ,a tui lutuk" ka tihchuan bu nghatin a chhuang ve mai ,thing hmanga siam thlengkum angah chuan bunin tuisat rual chuan ka leih a ,ka chhin nghal thlap “ A thak deuha i ei ngam angem ?" ka tihchuan a ei ngam ve mai tur thu a sawi sap “ E taka tunge Liantei chu " ka tihchuan min rawn en vat .








A hmelah zawhna tam tak a lang thei “ I u in min hrilha " ka tihtakah chuan thawk la vang vangin “ Liantei chu ka u hmeichhe duh hmasak ber ania ,tin an rawn manna che Hriangtlang khawnbawl fanu a nibawk . Mahse kha i pa anga awm khan " tiin a ngawi data ,min vengthawng tih hriat takin min rawn en“ A pawilo a fanu hmel ka ang te pawh a niang an ni pawhin an thihdawn khan an fanu emaw min ti alawm a pawi tawh lo mai " ka lo ti vat .






Chutah nuisakin “ Ka u fa hi a pai tih an hriat khan i pa hmelma khua te kan ni nen a naute mai pawh nilo a mah thlengin an tihlum ta ani . Hei vang bawk hi a nia ka u hi miin misual tak anga an hriat tak ,ka nu ram kal an that leh nen ka u hi keichuan misual ka ti ve hauh lo,keipawhin ka nu thi pawh ka tuar ania ,anichuan a hmeichhe hmangaih ber leh a fa a chan tel tlat ani " a tihchuan ka ngawi ta vang vang . Ni e a mita thinrimna ,natna leh huatna lang te hi ka hmuhpui thiam ve tlat a lawm.






Spicy chu a tui paihin tlem ka dah banga,a bawl hlo chu ka pawlh nghal vat,tapchhaka mau awm chu chem chuan ka sat sawk sawk a ,fiante anga ka siam hnuah Sawmi chu ka pe a ,keiin chopstick angin ka siam thung ,Kan ei a Sawmi chu a si nghal hliam hliam “ A thaksia mahse a tui lutuk ,ka duh tawp " tiin a ei ve zel . Keipawh ka thil duh ber ka ei takah chuan ka harh sawng sawngin ka hria ,Lalpa rawn lut in kan thil ei a hmuh chuan anipawhin mak a ti tih ka hria .






Sawmi chuan a lo pe ve a,a khuh nghal bawrh bawrh chu a nuih zui char char “ Awi a tui e ,henghi in awmna lama in ei thin maw ?" A tihchuan “ Heiaia eitur tam pawh ala awm alawm" tiin thil chi hrang hrang motor leh thlawhtheihna nen lam hrethiam dawn lo mahse ka hrilha ngaihnawm ti takin a ngaithla ve tho“ Dawt a nihchu " kawmchar lam atanga rawn ri a vang chuan hawichhuakin Ngurlianpuia rawn pai lut khut khut chu kan en dun.







“ U hei lo ei ve rawh a thak tui lutuk,Chhuantei ta hi ania " tiin Sawmi chuan a lo ti vat ,mahse kan ramhuaipa chuan “ Hmelma thil ka ei ngai lovange" tiin mutna lam a pan,a tlaivar peihlo ani ngei ang,a rui bawk em lah taka . Reiloteah a muhil ta aniang a thawm a reh duk ,Sawmi chu a thaw hak “ A danglam ta lutuk hi a mak a ni ,a hmaa ka u kha ka ngai mang'e " tiina ngawi vang vang a ,min bia pawh a ang lo. Ngurlianpuia chanchin hmalam hi ka hre ve chak ngawt mai .







Tlaivar ve duhlo in mu turin kan in tintuah a,kei erawh ka mut theih mai loh avangin pawnlamah chhuakin nula leh tlangval inkarcheha lam rual dual dual chu ka en reng,he thil hi ka mumang angah ka la ngai char char dawn nge ka pawm thiam ve tawh dawn . Ni e thilmak an sawi thin hi ka chungah a thleng ve pawh a nihmahna ,mipawhin time travel hi a awm ngei an rin kha keichuan a tak ngeiin ka tawng ta anih hi .






Thla van lai taka a awm takah chuan zanlai a thleng tan tih ka hre ve mai,mut tumin inchhung lam ka pan,a hmaa ka mutna pan leh ka tum lai tak chuan Ngurlianpuia mutna ka kalpel tur chu ka kutah rawn man thutin min pawt thut bawk nen ka bawh rawk rawk ka au chhuak tur chu ka tluk zawnga hmui ka bawhthuah avang chuan ka mengkawk ,min chula min tham tawn tawn ,hepa hi a tho a a ni hrim hrim .





Thawh tumin ka che hrut “ Liante min kalsan suh "a rawn tihchuan ka na ve leh ringawt tawh . Ka namsawn a “ Ka hua che " tiin ka kalsan vang vang,ka mutna tura an phahah chuan thu in ka baga puan nuam pakhat ka dah chu ka sin hlan,bag lu khamin dap kara thla eng rawn inkhawh lut chu ka thlir reng,muhil ila ka khawvel ngaiah harh chhuak tawh ila ka ti,naktuk lama an ruaitheh tur pawh hi ka awm chak neklo e .

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2022, 2:32 pm

KA PASALTHA NGURLIANPUIA






CHAPTER 3







Zingah chuan a ngai te bawkah ka harh leh,Sawmtei lo che rak rak chu puiin tuallaiah fatu ho nen buh kan denga ,ran talh turin mipa thenkhat dai lamah an liam diak ,Lal khawnbawl ho pawh an dan ngai te in Lalin chuankai tumin an rawn kal thliai thliai hlawm a ,Ngurlianpuia tho hlim hmai phiha rawn chhuak chu ka lo en reng.








Nizanah a hmui ka fawp tih ka hriat chuan ka intham tawk ,min rawn enin a rui mitmeng nilo a min enna chu a rum tha leh viau tawh “ Sawm ,I u hi englai pawhin thinrim hmel a pu em ni?" a hriat theih kher tur in ka ti a,midang an lo nui hak,Sawmi lahin a u thawm hre ve heklo “ Ani em em dawn bik a mi ,I awma a mengrum mai mai a niang " a tiduh lek chuah,Ngurlianpuia chuan min melh rum zual sauh “ Nang" tiin leihkapui atang chuan a rawn zuangthla ,rang zetin ka tlanchhe nghal ,au tuar tuarin kan inum ,nu ho tuichawi leh ar chaw lo pe ho chuan min en thap hlawm.









Kawtchhuah lam pan chuan au tuar tuarin ka tlanchhe zel,anilah ka hnungah a rawn tlan ve zel ,putar leh pa ho nilum hnungpuak ho chuan nuitha in min lo en ,kawtchhuah ah chuan ka ding chawt,ramhnuai kan thleng der tawh ,ka hnunga thawm ri dut dut ka hriat rualin hmalam bawhin ka bawk thlawp ,ka inher rualin Ngurlianpuia nui hawk hawk hmel ka hmu nghal,a nui mawi takzet ,a ha chu a var rual thah,hmanlai mite ka lo ngaihdan thin hi a ni vek biklo tih ka hmuh belh zel ,a hmaiah ka han dawm rual chuan nui tawp chatin min rawn melh thla .









Ka taksa chunga a bawhna chuan ka lungphu a tidiklo ,ka t shirt chhanah chuan a phu dat dat ,ka hmui petin ka en ve reng,a mitmeng chu a pa hle ,hetianga mitmeng nalh leh pa hi ka pian ahnu lamah ka la hmulo ,hmanlai pasaltha te hi dul kiar ling leng leh hmuihmul buk hle turah ka lo ngai thin,mahse Ngurlianpuia erawh a pian a nalhin a sang tha hle , a kawng fek rat leh a dar phah hlai hlap te chuan a hmel chu a chawi zual “ Ngurlianpui " ka tihtak sepah chuan harh chhuak thut ni awm hrim hian a tho chhuak ,khawchhung lam panin a kal nghal nal nal.








Ka thlir vawng vawng ringawt ,he ka hunlai mipawh nilo val zunah hian ka uai ta em ni? In lam pan chuan ka kal ve hnak hnak,Kan tlanlamah pa leh putar ho chuan min lo bia in “ Kan nula hmeltha chu kan Lalfapa lusunna reh thakin a nihkha i chet le " an lo tihchuan engtin mah ka chhanglo,ka tlanchhiat lai kha chuan tuvak ka en hmanlo a ,mahse he khuaah hian mihring an tam hle tih Lalin pana ka kal lai pawh hian ka hmu,ka thawmhnaw leh ka hmel an en duh hle hlawm lehnghal.







Kun chalin ka kal zel “ A u i van hmeltha em em ,I var bawk si" naupang lo infiam ho chuan min lo enthap,nui hakin “ Ava lawmawm ve aw ,anih tu ai in nge ka hmelthat a " ka tihchuan “ Kan khuaah i hmeltha ber ,mipawhin an sawi alawm" an tihchuan ka nui ver ver,Lalmual ka han thlen chuan ruai tur an lo chhuang vut vut tawh,Ngurlianpuia pawh a lo tul ve viau,miin min lo biak chul laiin a ni erawhin min hmu ngailo ang hmakin a awm leh tawh ,sa chan ho chu ka pui ve a ,a ngaihloh thu sawi mahse tuman min dang theilo .










Tlailama ruaikil a nih meuh chuan mihring ka rin phak bakin an tam,in zali kha an tling ve miau a ,zupui nen ruaitheh zawh lamah an ri leh bung bung ,Sawmtei nen chuan kil khat atangin kan en ran ,Ngurlianpuia pawh hmeichhe pakhat nu nen bawk khan an awm tlang leh tawh,an la lam dun zui,chheihlam ang chuan lam dunin an in nuih a “ Sawm sawnu saw tungea " ka tihchuan “ Khawnbawl pu Denga fanu a nihsaw ,ka u hi a duhna a rei tawh a ,ka u pawh hian Liantei a thih atang khan a ngaihven ve deuh a ,mahse keichuan ka duh pui chiamlo nangteh Lawmpa teh i nei ve em " a tihchuan ka lu thin khumin ka model nihthu vel ka sawi chuan ka hrilhfiah tha bawk a .





A nuam a tih hmel hle,lam turin an rawn pawh chhuah takah chuan keimah chiahin ka awm bawk nen kawmchar lama leika pui an dawh ve tho ah chuan ka lut phei daih a ,thla eng chu thlirin Daduhin “Khuangchawi thla" tih a sak chu sa rat ratin thli thaw heuh heuh nen chuan nuam ka ti hle ,ka baga lays chu la in ka ei pah “Thang vansang lah mawi chuang thlir ninawm loh siar lengrual zawng pawn a sir an bel a,vangrang chhumlah siran an herliam zel a ,thlir ninawmloh thangvan khua in mawi ngei e " tiin ka zai rat rat .







“ Nu pa ,in dam tha tirawh u,hetah hian engtin nge ka luh theih hi mak ka la ti ani . Mahse tunah chuan ka awm thiam tawh viau e ,ka hmel anpui an awm nge chumi vanga mihuat ka hlawh dawn emaw ka tihlaiin tunah chuan tumahin min hmusit hmel an tilang tawh lo ,nu pa he thla eng hi hmu ve thei ula ,in lung a leng ve ngawt ang tiru ,ka awmlo tih hi in hre tawh ngei anga ,mahse min hmuh ngaihna in hre awm silo " tiin ka phun sep sep ,chutah hriat chhuah thut ka nei ,kha sakei kha .







Alo awm leh mai thei a sin ,ram hnuailam bawk chu ka pan leh ,ka nghak vang vang,mahse vabak leh perhpawng uleuh hram vel bak hriattur a awm lo“ Ranga" tiin ka au ,mahse thawm a reh vung vung,let leh mai tuma ka in her lai chuan ka hnung lamah thawm a rawn awm a ,ka en rualin kha sakei lian zet Ranga ngei chu alo chhuak,ka pan a ka kuah nghal thlawp “ I kalbo emaw ka tia, helai hnaiah hian i cheng ve a ni maw?" tiin a awmah chuan ka hmai ka phum.







A lian bawk nen a hnungzang pawh ka chenlo ,min bawh thukin min fiam ve a tum tih hriat takin min liak thul,nui hak hakin ka chul ve zel “ Ka thian neih chhun leh min hrethiam tu awmchhun ini " tisepin ka chul hauh hauh reng,chutia kan infiam lai chuan lal inlam atanga Sawmtei min au ri ka hriat avangin ka tho chhuak vat “Ranga mittui aw ,ka kal phawt ange"tiin ramhnuai atangin ka chhuak chho a “ Sawm hetah ka awm " a tihchuan au in “ U hetah a awm e " a tihchuan ka sirlam thingkhawn kawm atang chuan Ngurlianpuia a rawn chhuak a .







Mipui an tin vek tawh tih hriat takin a reh duk tawh ,Ngurlianpuia min rawn pan chuan min hau leh dawn tih ka chiang,Sawmi lah inchhung lamah a lut daih bawk si,chutah ka rinloh dan deuhin Ngurlianpuia chuan ka kawnga rawn vuanin a lamah min pawt dawrh ,a awmah ka bei nghal thlawp . Engthil nge thleng hi ,ka lungphu a ranga ka thaw chawpin zu lum vek chuan “ Khawiah nge i vahbo ziah tihruk i nei thin em ni?" a tihchuan chhan pawh chhang lo in awmsawn ka tum.







Mahse min man hneh nasa mai si “ Min thlah rawh hethil hi chu mi pahnih inzawmna neite chauh tih tur ani . Lawmnu i neihkha i lawmnu emaw min tihauh suh " tiin ka nam dawrh,khanu nena thim kara an in pawt lut kha ka hmu ve reng “Min haw reng zawk rawh. Keichuan mipa rinawm lo tak hi hnaihloh law law ka duh " ka sawi zawm hma hma in ka hmui a rawn bawh thuah,ka hamhaih lutuk chuan tihber tur ka hrelo,hmanlaiah mi an infawp ve thin emaw ni le?






Mahse a zeilem loh danah chuan a tingai lo anih zawk ka ring,ka namsawn a “ I hmuhsit em em chu ka ni thei,Ka demlo che i hmangaih leh i fa i chan na avang pawhin pawi ka tihpui che,mahse keichu he khawvela cham hlen tur ka nilo a ,ka natna tur mai leh ka tana rinawm theilo tur chelh ka duhlo " a hmelchu a chang hle ,Liantei chungchang ka sawi vang a ni ngei ang. Engmah sawi tawhlo in inchhung lamah a lut zui chu ka thlir reng.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2022, 2:32 pm

KA PASALTHA NGURLIANPUIA





CHAPTER 4






Ngurlianpuia min be duhlo leh feh kawng tluana Kawlliani(hmanlai hming chu Lal tihte hi an hmang ngai mai mai lo aw,Neinung chhungkua tihloh chuan 😃) nen an kal dun hmuh te chu ka kham hle ,chutia kan kal beuh beuh lai chuan “Thih induh loh chuan ding rawh u " tih hnim kar atanga rawn ri avang chuan kan ding chawt hlawm ,chutah Ngurlianpuia te ho chuan “ Tute nge in nih " tihrawkin an hawikual ,chutah a rum nghut “Rumvung nang leh bawk maw" tichang fakin hmalam bung kung chu a melh ngur .









An rawn chhuak a ,mi sawm vel lai leh nghal “Kan intawng leh ta a lawm ,tun tum chu i dingchang tawh bik hauh lo ang" chupa chuan a rawn ti a ,Kawlliani khawih a tum chu Ngurlianpuia chuan “Khawih hauh suh " a tihrawk ,hmanrua keng kan awmlo bawk nen chempui nei mah ila lehlamin silai an keng bawk nen chet lak mai chi a nilo tih keipawhin ka hrethiam chupa chu nui huah huahin hnunglam a rawn hawi,chutah ka lo kun chal chu “Ehiau hei chu a va hmeltha ve, ka nupui ani ngei ang le ,lo hruai rawh u,a tluktur he tlangtluan nula ah hian an awm hauh lo ang le .









Ka vannei hle mai, ka tan ilo dahtha khiau a nimaw " tiin keichu a hote chuan min rawn pawt chhuakin chupa bulah chuan min hruai,tal engang mah ila silaiin min tin bawk si,Ngurlianpuia in pet ruh fun chu ka hmu reng “ Thlah rawh u " ti a Sawmtei in min rawn puih a tum chu anipawh an man bet a “Awhaw nula hmeltha pakhat mai nilo in pahnih maw ,a fuh dawn e ,nang hi chu ka ta niin ka thlah zel tur te hi min paisak dawn ani ,I chhul keu atang hian he tlangdung tluana pasaltha chu ala piang ang" tiin ka biang a nul a .








“ Min khawih hauh suh " tiin ka hnek thuai,thinrim hmel zeta rawn hawi let in min beng thlu sawk“ Rumvung ani kha khawihlo in mipa inih chuan min hmachhawn ta che " Ngurlianpuia chuan atihrualin pakhat chuan amalah tak silaiin a kahsak ,a rum hawk mai,mahse a rawn dingchhuak leh nghal tho “Kan Lalfapa chuan a kawp cheu animaw ,nge hmei leh nupui nih in pawi tilo " tiin kei leh Kawlliani chu min melh tawn a. Ngurlianpuia chu a thinrim hmel zual sauh,amal atanga thisen chhuak lah chu a luang zung zung leh nghal “I duhchuan kei hi min hruaila an ni hi kal tir rawh " tiin ka vin that .








Min rawn enin a khi sun sun “ Ka nupui inih dawn phawt chuan le " tiin a hote chu enin “ Lo veng zui ula khulaiah kan lo nghak ang cheu " tiin keichu min kai thla nghal dawr dawr ,mahse thui pawh kan thlen hma in silai a puak dur ,ka ding chawt ka hawi let rualin Ngurlianpuia che chhuakin ral ho a bei chu ka hmu,feh dang rawn thlen belhin Ngurlianpuia chu an pui a “ Rawn kal vat rawh " tiin Rumvunga chuan min hnuk dawr dawr ,ka tal chu duhlo in ka lu ah a tuk sawk a ,ka zawi nghal hnawk.









Ka khawhmuh a thim nghal vek ,min pu lawp tihchu ka hriat hnuhnun ber a ni .





NGURLIANPUIA POV......







“ Lalfapa i hliam kha lo han haw rawh kan umzui mai ang " Chhunga chuan a rawn ti a ,rum hrawihin ka lu ka thing vut. Chhuantei kha khapa bulah khan ka awm rei tir hauh lo ang “ Ngur,let mai ang u hei ,pasaltha Ralbuanga te an awm tho hi " Kawlliani chu ka melh hrawk “ Ka kalsan hauh lo ang " tiin ka diar chu pawt thlerin ka mal an kahna laiah chuan ka tawn bet “ Kal ang " tiin Rumvunga kalna lamah chuan ka liam thla nghal ,ani khan thui a thleng hauh lo ang le .








Kan chhui zel ,hnu a thup thiam hrep leh nghal,mahse ka lakah hian a him dawn lo ,ka hmeichhia mantu hi rei a dam tawh hauh lo ang “ Chhuante lo tang hram rawh ,ka lo kal e ka thlah leh tawh hauh lo ang che " tiin ka phun mawlh mawlh ,a lo tlanhlat pui hman ani ngei ang. Ka au deuh tuar “ Rumvung lo nghak rawh ,I nun ka zuahna min thungrulhna hian i nun chu hmang leh thei tawhlo turin ka siam ngei ang " tihrawkin ka kal hmawk hmawk ,chutah kan thlang kawr ruama thawm ka hriat rualin midang chu zaizirin ding turin ka hrilha.







Thawm dim takin ka pan thla zel ,he Rumvunga hian min la hrechiang lo a nimahna tunge a mi beih hi ka hriat tir dawn khawp ,chutah Chhuantei che theilo thawmhnaw a lo phelh ka hmuhchuan ka sa pup pup ,inthununin ka pan zel “ I tum tawk i hrelo ani " tiin ka tlawh lir tawp ,chuti maiin ka thih tir hauh lo ang le ,Chhuantei rawn meng siar siar chu en in chumi chhunga a rawn che chhuak chu lo tawlhsawn zauh pah chuan a kutah ka zai sak a ,ka mal a thip ve leh nghal zawk .








Nuisakin ka en ran “ Ngurlianpui " tiin Chhuantei chuan min rawn au ,chhanglo chuan ka hote rawn thleng hnenah chuan Chhuantei buaipui turin ka hrilha ,ka mai akahna leh chema sahna atang chuan thisen a chhuak reng bawk nen hetiang hi chuan rei ka che thei dawn lo tih ka hrechiang hle “Kan tlangthang pasaltha chu rinang i va nilo ve ,I lu hi ka lak chuan kei hi tupawhin an hlauh ka ni tawh anga ,he nula hi ka hawn bawk ang " tiin a nui huah huah,ka khi sak ringawt .








A rawn che phei leh chu lo zuang kangin a lu zawnah chuan ka chhuk sah bur a ,a lu a lir nghal tawl bawk “ Min that theitu hi an vang khawp ania " tiin a lu chu ka khai nawlh ,mahse ka lu rawn hai avang chuan ka thu hnawk







LALCHHUANMAWII POV..








“Ngurlianpui" tiin ka pan phei ,thisen a hlauh hnem lutuk chuan a hmel a tidang vek “ Hmanhmawh rawh u ,khua kan thlenpui vat a ngai a nia " pakhat chuan a rawn ti, tap teuh chungin Ngurlianpuia chu ka malah ka muttir ,a harh tha thei tawh meuh lo “ Min kalsan thei miahlo ania aw ,harh teh hetiangin awm suh" tiin ka sawi nawk nawk“Nula kan lalfapa hi hetiang pasaltha naran thah theih a nilo e ,khuanu duan a nih hi ,he tlang tina an hlauh keipui riltam an tih thin hi a mah ngei hi a ni e " chuthu chuan min hnem teh chiam lo.







Ngurlianpuia chuan ka kut a rawn vuan a “Ka tha ,tahna tur a awm lo ,tap hauh suh hmeichhe no lutuk ka duhlo ania " a tihchuan ka melh vak “I lawmnu te chu kan tluk reng nang" ka tihchuan min chhang leh tawh lo,ka mangang takzet “ Ranga min pui rawh " tiin ka au vak,a rawn kal dawn em ka hre biklo,mahse kha sakei nen khan inzawmna kan neiin ka hre tlat a ni ,reiloteah hnim kar atangin Ranga chu a rawn chhuak thurh,midang chuan hlauthawng zetin silai nen an lo tina “Hlau suh u min tanpui tu tur anih hi " tiin Ranga chu ka ko leha min rawn pan nghal zat.








“Min lo pui rawh u " tiin midang chu ka en,Ranga chu an la hlau tih a hriat hle ,mahse an rawn kal ve mai “ Ranga chungah hian kan dah a ngai,hmanhmawh ru muangchang hman kan ni tawhlo " tiin Ranga chu ka chul “ Min puih kan ngai a ni. Ani hi ka chan theilo Ranga " ka tihchuan bawk hniamin a lu a ti che buk buka ,Ngurlianpuia chu kan hlang nghal vat,a hnungah ka lawn ve rual chuan Ranga chu tho in khawchhung lam pan chuan a tlan nghal puat puat ,Ngurlianpuia chu ka pawmbet pah ,Lal intuala kan din rual chuan mipui lo awm ho chu an lo thum huk .








“ Sawmi min lo pui rawh u " ka tihchuan tlangval chak rual chu tim tih hriat taka rawn kalin Ngurlianpuia chu an la thla a “ Hlau suh u ,hlauhawm a nilo a fel lutuk ,min puitu a nih hi " tiin mipui lam en chuan ka au lang lang a ,Ranga enin “ Ka lawm e ,kal tawh rawh" ka tihchuan ram lamah chuan a liam leh vut. Lal inchhung ka luhchuan bawlpu in Ngurlianpuia chu a lo buai pui vat vat,a bulah chuan ka thu thla ve hnak“ Chhuan i tha em chuan kha sakei kha " Sawmtei in a rawn tihchuan ka thian a nih thu ka hrilha .






A meng kawk kawk leh nghal ,helai amite hi chuan mak min ti reng dawn chu a nih hi ,a tuklamah Ngurlianpuia pawh a rawn harh a,a hmel pawh a pangngai viau midang chuan an an buaipui,Kawlliani pawhin a be nghal zung zung. Hmuh reng ka duhloh avangin pawnlamah chhuah tumin ka inher ,mahse min lo hmu hman tih hriat takin“ Kan nula hmeltha chuan min va ngaihsak lo ve,ka rawn harh chhuak hi a lawm ve meuh nange " a rawn tihchuan ding chawtin ka inher .







Min lo en ran ,midang pawhin kan pahnih chu min thlir thap “ Rawn kal teh,ka pa lo va chhuak lawk mai ta che u ,biak ka duh ani" atih chuan midang chu hamhaih hmel taka awm in an chhuak vek . Ngurlianpuia chuan min melh ran ,ka din ngai rengin ka la ding chu a duhlo nge a rum nghut “ Lo kal teh" a tihchuan muangchangin ka pan,a bula ka thut thlak rualin alamah min pawt dawrh a “ Ranga kha engtin nge i hriat" a tihchuan ka en ha “ Kan inhmu thin a lawm" ka tihchuan a khi suk“ Ka unaupa ang maia ka en a nihkha ,ka hmeichhe hmangaih tur keiaiin a lo hre hmasa anih hmel.








A rawn pan chat danah che " a tihchuan ka en ho ,kha sakei kha Ngurlianpuia hian a hria a maw ,a lamah min pawt hnai leh sauhin a hmui bul chetah min pawt a ,a thaw lum ham ham pawh ka hria “ Ranga hi dawi hmanga siam a ni a ,engmahin an tina theilo,a siamchhuak tunu khan kei leh ka hmeichhe hmangaih tak chiahin kan khawih theih tur thu asawi. Thlasik tum 21 naah ilo lang chauh bawk a " a tihchuan mak ka ti “ Ngurlianpui min hmangaih maw?" rinhleh hmel zet hian ka en ha .






A lu bu nghutin a thensak ,ka hlim lutuk chu ka nui nghal ver ver ,a hmuiah chuan ka fawp zauh,a lo duhkhawp lo nge ka tukkhumah dawmin dam raihin min fawp,Kan in keih dun mial mial ,chutia engdang mah ngaihsak lo a kan lo infawh lai chuan “ Bawiha in" tihri rawn chhuah ruala a thusawi pawh sawi zo hmanlo a Lalpa rawn lut chu a ding chawt,keini pawh kan inthlah nghal . Ka zak lutuk chu ka sen tawn tawnin ka ring “ Kha kan va dam hmel nghal ve " lalpa hnung atanga bawlpu leh Sawmtei rawn nui tha chuan min tizak zual .




Ngurlianpuia banah chuan ka hmer tawk ringawt ,midang lahin min nuih tettet leh nghal

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2022, 2:33 pm

KA PASALTHA NGURLIANPUIA







CHAPTER 5








“ Ngurlianpui" kan pahnih in thing kan phura ,a ni erawh ala na bawk nen thing fawm ve phet a tum chu a lu ah ka tuk lawlh . A intuai vut vut “ Lo awm mai mai rawh hmeichhe no satliah ka ni biklo a nia kum 16 ka nih thleng thingtlangah hna ka thawk ve ,khatiang em em in lo in rawlh ve phet tum suh,I hliam kha zual leh se i duh em ni? Tlawm ngai viau mahla tunah chuan lo tlawmngai turin ka duh lo che " tihlak hlakin thing chu ka eh chhunzawm,a thu tum hmuk kawr lam hawiin a thu khun a .







Ka nuih tet tet,ka phur kham ka fawm tawha eh hi a nimaia alo tel a ,a hliam a sawh leh ka hlau ber ,a bulah va kalin a hnunglam atangin ka kuah de de a “ Ka hmangaih che " tiin a darah khabe nghatin a sam bawk chu ka khawih sak niap niap ,a la rawn hawi duhlo reng reng pasaltha luhlul anlo tihkha a dik chiah dawn anih hi “ Aw valmawi i mawi ngei e,lunghlu i nihbik loh nen aw,lengzawng ten an inchuh rawn che ,I mawi ani i tha ani zep ruallohin " ka zai rat rat .






A nui tih ka hria “ Pasaltha thawnthu an chhiara,changtupa kha ini ,love story an chhiara changtupa kha ini " tiin a biangah ka fawp zeuh,min rawn en vut avanga ka zak leh si chu ka kun daih,hmanlai hunah ka awm tih ka theihnghilh leh thin. Hmeichhia te hi an nundan a pawimawh zia leh an hah theih zia,Hote pawha mualpho thei an ni tih hi ka lo theihnghilh leh thin . Ka khabeah rawn dawmin min kuaidak ,ka mit ka chhing daih a nui hawk a “ Ka parmawiberi chu a zai ngam tawh nange ,a thluk te kha a dangdai a sin le aw" a tihchuan ka sik vawt.





“ Sual suh inzaidan hi ka thiam bik miahlo ania ,a mak si" ka tihchuan min chawi nawlhin a malah min thut tir ,ka la meng duh chuanglo“ Ka hmelma ni a ka ngaihlai che pawh khan kalsan che kha harsa ka ti in ka pian a hnu lama ka hmeichhe hmuh tawh zawng zawng zinga ka mit la nghal tu awmchhun ini,I hlau hmelte,I tap hmelte kha a hmuhnawm dangdai " tiin a tawp chut ,ka mengchhuaka ,ka mitnen chuan kan inmelh fuh ta char ,ft 5'8lai ka ni ve a ,mahse Ngurlianpuia nghawng hi ka tawk pha tawk chauh a ni.






Hmanlai pasaltha ka ngaihdan ho a tibo chiang hle“ Liantei ai pawhin maw " ka tihchuan ngawi vang vang in a bu nghut,a hmangaih hmasa zawk chungchang sawi chuan a tina pawh aniang “ Ngurlianpui engtikah emaw ka khawvela ka let leh a ngaih hun lo thleng ta se ,min theihnghilh mai angem?" Ka tihchuan nghet zetin min hmer “ Helai hi i awmna hmun tur diktak ani" a tihchuan ka lu ka thing nak nak,a chhan chu he hmuna chamhlen tura ka awm hi ka ringlo .







Ka hriatloh laiin ka lut a ,ka hriatloh lai vekin chhuah leh ka hlau ber “ Ka ringlo a ni,kalsan che ka thei bikin ka ringlo,mahse ka kir leh hun chu a thleng ngei dawn chuan ka bo" ka tihrual chiahin ka sawizawm duh tawhlo in ka hmui a khar chilh a ,leiah chuan min bawhtlu in kan infawp mial mial,hlauhthawnna ka nei miahlo te chu a mak ka ti,ka thianghlimna ka lo vawn hi ka hlan phal thlap bawk“ Ka ta ini anga ,I kalbo ka phal ngailo ang " tiin ka thawmhnaw chhungah zen lutin ka nautamtlai chu a hmer tawn tawn.







“ Ngurlianpui duhtawk ang miin min hmu palh ange" ka tihpawhin tawp mai a tumlo tih hriat takin a mipatna chuan min nawr na sauh,a puan ven chhanah chuan a ruh tulh lehnghal ,ka thaw ve hlawp hlawp tawh . Ka taksa a thil thleng chuan ka inthunun theihna a tichhe mek tih ka hria ,a biangah ka dawm bet “ A hun rihlo Ngurlianpui duhtawk ang ,I hliam kha a pun palh ange"tiin thawh chhuah ka tum,a hmel chu a sen tun a ,a insum nasa hle tih ka hria ,a har ngawtin ka ring .







Ka en kiau reng ringawt ,thawk a la hawk hawk a ,a rawn menchhuah leh chuan a pangngai vek tawh . Engtin nge a inthunun nghal vek theih ,kei ngei pawh ka lungphu thlengin ala pangngai lo a ni si a ,thing chu phurin khawlamah kan inzui hawnga ,khaw mipui min hmu te chuan min sawi zui leh duh viau tawh ,Kawlliani kha Ngurlianpuia nena an inzui ve nasat avang khan tuna keimah nena kan awm pawh hi keimah min dem tawk leh Ngurlianpuia dem tawk an awm tih ka hria . Mahse thenkhat erawhin thuchiang pawh kan hriat siloh,Kawlliani nen pawh khan an inlawm em em chuanloh kha " tihvelin min sawi thin a ni awma .








Sawmtei ka atangin kan hre leh thin,in kan thlen rualin Lalpa te pawh in zu nen an lo ri leh ham ham tawh ,hmanlai lalte hi chu an zahin an dahawl hneh ve viau a ,a awm ve tho ,Ngurlianpuia nen chuan rawng kan bawl dun a ,Sawmtei erawh lo lamah thlai rah veh turin akal kha a nia ,a rawn haw tep tawhin ka ring. Ka ngaihsanna em em chu Lal chhungkua nisi a lo an nei ve lehzel te hi ani,an duhchuan lo nei lo in an khaw mipui te hian an chawm zo dawn lutuk ,ka taksa rawn khawih zauh tu avang chuan hawichhuakin Ngurlianpuia chu ka en ha “ Enge i ngaihtuah veng veng ni " tiin ka bulah a thu a .







A hliam chu a en leh zauh thin ,Ani ang tan chuan a hliam avanga che theilo a a awm chu a ninawm viau ang “ Ka ramvak leh chak tawh mange ,he hliam tehhrep hi engtikah nge a dam ang" a tideuh hrawk a “ Insum teh,a dam tep tawh kha ,khatia au vak vak khan kawngro a su chuanglo ang" tihlakin ka antui chhum chu ka chawk “ Awle nu i" a tihchuan lalpa te chu an lo nui ham ham hlawm ,he mihring pa hi chu aw , spicy chu eiturin ka siam leh ,Lalpa leh khawnbawl ho erawhin Lalpa thusawi avang chuan an ei duhloh thu an sawi nghal thap









“ Ngurlianpui nang chu ei ngei ngei ang che thin chhe rehna a nih hi" ka tihchuan a nernung nung “ Lo kal rawh le ,ka neih chhun hi a zawh hunah ka ngai awm" ka tizat zat,chutah kan pahnih chuan kan ei dun,a thak tiduh miah silo in a insut leh hlup thin. Mahse ala ei lui ngar ngar a nihchu a luhlul bawka ,a tuarpawh a chhel hi le . Nui tet tet in ka ei ve lehnghal zat ,Kan eizawh meuh chuan Ngurlianpuia chu bang ngheng in a thu hle hle “ Bawiha i zawi der a law" apa in a tihchuan a khi suk ringawt .






Sawmtei rawn haw chu ka lo buaipui vat,fanghma leh dawnfawh ka hmuh chuan ka au nasa hle ,nui har harin eiturin min ti a ,fanghma pumkhat chu ka ei nghal mial mial ,chutia kan lo infiam lai chuan Lalin kawngka chu rawn inhawng rawk rawkin tlangaupa a rawn lut a “ Lalpa Dolung Lal chhungkua in min rawn pan tlat mai,run an tawk a nih hmel" a tihchuan Lalpa leh Ngurlianpuia chu an tho chhuak vat “ Rawn luh tir rawh " a tihchuan tlangaupa chu chhuakin reiloteah kawngka ah chuan nupa bakah an fate pathum an rawn lang a.







Lalpa in a lo hmuh chuan “ Thiana kha enge thleng ta ngai,ka khua meuh in rawn pan tak " a lo tizung zung,an khawngaih thlak hluah hluah,an hmel a pawrfap hlawma chau tih an hriat ngawih ngawih,Sawmtei nen chuan Lalpa chuan chaw ei min siam tira,Kan che nghal mawlh mawlh,Chaw an han ei takah chuan an hmel pawh a rawn pangngai viau “ Thiana ni e thlamuang taka kan awmlai in rinpawh kan rin ngailoh leh kan beiseiloh dan in kan hunpui laiin hrum zial eng emaw zatin min rawn runin keini pawh kan pasaltha te zarah kan rawn tlanchhuak thei hram ani.










Ka khua leh tui te pawh ka ngaihven hman silo,ka inthiam thei meuhlo,mahse ka nupui leh fate hi ka tello chuan kal ngaihna an hre dawn silo a ,tihian i khua hi kan rawn pan tawp mai a ni. Ka vangkhua chu ding leh thei pawhin ka ringlo " a tizuai raih,lalpa leh Ngurlianpuia chuan an hnem vat,fapa pahnih leh fanu an neia ,an fanu nen chuan kan inrual tawk viau ang,mei enga a hmel ka hmuh chuan nula hmeltha tak tih ka hre nghal . Tawng miahlo in Ngurlianpuia che vel chu a thlir reng,chutah ka lam rawn hawiin ka lo en reng tih a hriat avang chuan a kun nghal daih.









Ni a liam ve zel a ,Ngurlianpuia te pawh ramvak turin khaw mipa leh pasaltha ho nen zan thum riak turin an kalchhuak kha a nia,ka ngaihtuah viau kan lalfanu rawn awm thar nen lah hian an in nel ropui si ,ka thik rum rum zel ,tukthuan kan ei mawlh mawlh lai chuan kawtchhuahah hlado chham ri kan hria a ,hmeichhe pathum chu zufang leh arkeziak nen kan tlanchhuak vat,kawtchhuaha Ngurlianpuia lo ding chu a langsar lurh ,pan ka tum chu Lalfanu Thangzaui chuan min lehkhalhin zufang te chu a tulha.







An innuih dun ka hmuh chuan ka thik leh em em tawh,keiai henu hi tinge alo hmasak ziah ,pasaltha Nunmawia chu keipawh chuan ka pansan daih,khawchhung lam panin kan inzui chho mup mup,Thangzaui leh Ngurlianpuia pawh an kal dun,keichu ka awm ve tih pawh a hria in ka ringlo,laltual kan thleng a lalpa in awmni khama ruaitheh a sawi chuan kut an beng dur dur hlawm ,Ngurlianpuia tumpang kah ki lianzet chuan entu a hipin a mah pawh an fak nasa ,pasaltha dangte pawhin sazuk ki mawi tak tak an kap ve bawk.








Ngurlianpuia rawn hawichhuakin kil khata ka ding min rawn hmuh chuan min rawn pan a tum tih hriat takin a rawn inher a ,mipui karah chuan ka inrelh bo nghal vat ,tun ataka min ngaihven thar chiam angailo,Lalin lama an luh hnu pawhin keichu ka lut ve duhlo,khawpawnah ka awm ta reng. Ram lam chu thlirin ka in ngaihtuah,ka hnunglam atanga min rawn kuahtu avang chuan ka phuzawk “ Tinge i awm bo daih" a tihchuan ka chhang lo ka en ngai chu ka en reng .








“ Ka lakah i lungawi lo vem ni?" A tihchuan muangchanga inherin “ Keimahin ka awm chu enge a pawina a hma pawhin min hrechang ngailo,kha Lalfanu rawn lan a chinah khan " ka tihchuan a ngawi ta vang vang ,chutah “ Thil i ngai diklo anihkha" a rawn tihchuan ka nui hak“ Ni e keini ang te chu kan tling ve hleinem,lalfapa leh pasaltha duh duh thing theiin kei fahrah chhuan tur neilo chu min duh tak tak reng nang " ka tihchuan thinrim hmel zetin min en







“ I rilru tikawi suh,hmeichhe rilru chhe lutuk ka ngaina lo ania " a tihchuan “ Anihchu" tihmakin ka tho chhuak a “ Keiai fel chu nei mawlh rawh " tiin ka kalsan nal nal,ruai thehin an zik hut hut lai pawhin inchhungah ka awm ,Sawmteiin min sawm ve thin mahse ka phurlo,Ngurlianpuia leh Thangzaui hlim taka an awm chu ka hmu peihlo ,min ngaihsakloh zia chu a tihlan reng tawh hi maw ,reilote ka va chhuah a ka thil hmuh avang chuan ka ding chawt “ Reiloteah inneihna a awm awm mange " ti a Lalpa leh Thangzaui pa tawng ri leh Ngurlianpuia Thangzauin zu a tulh lai ka hmuh meuh chuan ka na vawng vawng.









Inchhung lamah lutin ka bagah ka thawmhnaw zawng zawng chu khungin pawnlam ka pan leh“ Ehe Chhuante enge tih i tum tak mai" Lalpa in min lo zawh chuan “ Lalpa min hrethiam teh u,in hlimlai tihchhiat ka duhlo viau nangin ka awm thei tawh lo a ni,keichuan engmah tih theih ka neichuang lo ,ka kal mai hi a tha zawk" ka tihlai chuan khawiah mah i kal hauh lo ang" mipui kar atang chuan Ngurlianpuia chu hmanhmawh zetin a rawn inhnawh phei,Lalin luhka atanga chhuk vatin kawtchhuah lam panin ka tlan.







Ka mittui tla tur ka dang hram hram bawk “ Ding rawh Lalchhuanmawi ding rawh " Ngurlianpuia rawn au lawm lawm leh min rawn umzui tih ka hriat chuan ka tlanchak zual sauh,khaw mipui ho chuan kawng min lo kianin min en zui hlawm “ Ranga ka mamawh che " tiin ka au ,Chu veleh in pakhat bul atang chuan Ranga ngei chu a rawn zawng chhuak mipui chu an au thawt hlawm,ka bulah dingin ka hmaah tak min veng ni awm hrimin Ngurlianpuia rawn chhuk chu a melh ngur “ Ranga awm sawn rawh" ti a Ngurlianpuia tawng chuan awmzia a neilo tih hriat takin Ranga chu ka hmaah ala ding lian lurh.










A hram hum hum a,mipui hlau lah an lo rak teng tung bawk ,chuveleh mipa ho chuan hriam hrei nen an rawn hnaih ta mai“ Tumah rawn hnai suh u,kan kal dawna intan hnawksak a nilo ang" tiin Ngurlianpuia chu ka melh “ Chhuante min ngaithla teh,khawiah mah kalsuh,tirawh inah let ang" a rawn tihchuan ka nui hak “ I nupui neihna turah duhsakna ka hlan a che lalfapa " tiin ka buk khum nghat “ Ranga kal ang" ka tihchuan ka hmazawnah rawn kun in a chungah ka bag pawmin ka lawn .






Ngurlianpuia min rawn ban tum chu ka kutin ka lo vai per nawlh “ Pasaltha reng reng mi rinawm in awm lo,pawla sai hlaua thei ber nih tuma hmeichhia in hmuh hmuh mutpui thin nang ni hian hriat loh in nei ,in thil rindan kha diklo mai a ni. Inchunga thuneitu chu Pathian ani a,Ani chuan rethei leh hausa a thliar ve lo ,a hmunah chuan in ang khat vekin in awm dawn Ngurlianpui ka lo ring sual che ani " tiin ka en ran ,amitah kal lo turin min duh tih ka hria rawn kal hnaih leh a tum chu “ Kan inhmu leh tawh lo ang" tiin Ranga chu biain ram lam pan chuan min tlanpui a .







Ngurlianpuia min rawn zui tum chu mipuiin an man bet laih laih tih ka hmu thei “ Dam tak in le"

(Pawisa inchawia a awm hun lo in risk Siak tawh su aw 😆🤣Marisa te kha 2000 chu inchawi loh hram ka beisei ,lo in chawi tawh reng2 suh u)


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2022, 2:33 pm

KA PASALTHA NGURLIANPUIA





CHAPTER 6




NGURLIANPUIA POV....







“Min thlah rawh u ,ka zui dawn " tiin ka kuttum in min man bettute chu ka hnek mawlh mawlh “Bawiha kal tir rawh ,nang pawh hei Zautei nen hian in innei thuai dawn a lawm" ka pa in a rawn tihchuan nui hakin ka pate lam chu ka en ,Thangzauiina min lo enkiau te chu ka hmu ten vek tawh . Henu ka ngaihsakna lamah phiar rukin ka awm tih reng ka hre silo “ Ka pa a pawi ka ti,ka kal angai a tello khan ka awm thei tawh lo.






Liantei awm loh hnua ka hmeichhe duh leh hmasak ber chu Lalchhuanmawii chiah kha a ni" tiin ka silai leh chempui chu la in ka ipte puiah chuan ka khunga ,silai pu chungin ka chhuak leh nghal “ Ka fapa kha nu kha i hmelma fa a nihkha i hre reng lawm ni" ka pa chuan a rawn ti leh ka thaw hawk “ Hre hauhlo ,Ani kha ka ring ani kha khuaah khan hmelhriat a nei hauhlo ,ka hmelma pawh lo nise ka zui tho ang ka pa ,min dang suh " tiin ka phun leh sup ka nau pawh chuan alo sawi ve vat bawk .








“ Pa kal tir rawh ,Chhuantei kha mitha tak leh ka thiantha tak a nihkha " a lo tihchuan khisukin ram lam panin ka liam nghal zat





LALCHHUANMAWII POV....








Nili dawn lai ka awmna ram hnuaiah chuan ka awm tawh,khama puk pakhatah kan awma , Ranga eitur rawn man thin chu hem hminin ka baga spicy leh thil dang nen chuan ka ei pawlh mai zel ,ka puar thei viau bawk ,engtin nge ka khawvelah ka let theih ang . Ka puk thlanglamah chuan thawm ka hria a ,chutah ka hming ngeia min au tu chu Ngurlianpuia a ni,Ani hian min lo zui maw? Min zawng tih hriat tak hian a vak kual a ,a hawk pah bawk a silai kengin beidawng tih hriat ngawih ngawih hian ahawi kual.




(Fb a a video ka post ang kha aw 🤭🤭)





“ Chhuante min chhang rawh ,I awm hla tawhlo tih ka hria ania " a tihchuan ka nui sak,ni e ani ang pasaltha chuan kan hnu a chhui thiam vek ang . Thawm duhlo in puk kotlang atang chuan ka thlanglam hmun zawl leh thing ding thup kara a kal kual chu ka en reng ,“ Ranga tisuh " ka tlai tlat, Ranga chu ring zetin a hram a chuveleh Ngurlianpuia chuan kan lam a rawn hawi nghal ,min hmu chiah chu a rawn tlanchho nghal zat ,puk atanga chhuakin ram lam pan chuan ka tlanchhia a .







Chutah min rawn um ve zel “ Ngurlianpui min rawn um tawh suh"tlan pah chuan ka au ,a ni erawhin ding turin min tithung,reilo teah min rawn nangchinga min bawh thlu nghal rawk “ Min kaltir rawh ka lo let duh tawhlo,khanu keiai i ngaihsak zawk bulah khan hlim takin awm zawk rawh . Mi thlah rawh"tiin ka tal vak vak,ka hmuiah fawpin ka chet theih tawhloh nan min bawh bet tlat ,a mifawhna lah chu min hrem a tum emaw tihtur khawpin a duhthawh lehnghal.








A awmah ka chum dat dat na chu zawimuanga ka inthlah dul takah chuan ka kut chu dah hle hle in ka khap fak fak,min fawh zawm zelna chuan ka thluak a tibuai leh vek tawh . Kan piaha mihring tawng thawm kan hriat rualin mi panga an rawn langa ,silaiin min tin ran bawk “ Ehiau helai a ka thil hmuh chu a va tha kher em ,Ram palailengah lehnghal,hual rawh u hmeichhia erawh saw chu ka chanpual ani" pasaltha tih hriat tak chuan a tichhuak ,Ngurlianpuia chuan a hnungah min awm tirin a silai tin kawh vahin chung ho chu a melh ran .








A hmelah hlauhna hmuh tur a awm lo,hlau viau e tilo chuan Ngurlianpuia chu pa tizetin ka thlir dauh dauh “ Tute nge in nih" Ngurlianpuia chuan a tichang fak ,Chung ho chu nui hak in “ I thi dawn tho tho sia kei hi Lalbualkunga pasaltha Ralngama ka ni e " tiin chupa chuan a nuih huah huah “ Pasaltha meuh si hmeichhe awm nem zawk leh mipa pakhat mi panga in hual rawn chu ava pasaltha zia lo ve " a tichhak a ,chupa chu a thinrim hmel ta hle ,“ Lo awmsawn rawh u,he naupang hi tunge ka nih kan hmuh tir ange"a hote en pah chuan a ti a ..








A hote pawh chu an ralthuam dah tha in an ding far hlawm “ Ngurlianpui" hlauthawng zetin a banah ka vuan,a mitmengah ngaihtuahlo tura min duhna a lang chhuak,khisakin chupa lam chu a hawi chung ho lah chuan ka hming lam an hriat rual chuan “ Pasaltha Ngurlianpuia maw " tiin an meng phawk hru ,an hotupa pawh chuan hamhaih tih hriat zeta enin “Nang hi maw pawih ho leh lusei khuate hlauh rawn Ngurlianpuia chu mahse keihian vawiin hian i hming thanna hi ka ti tawp dawn a ni kha lo in ring rawh" tiin chupa chu Ngurlianpuia lamah chuan a tlan dawk thut a .








Ka lo au that ,hetiang a chempui ngei hmanga inbeihna ka hmu hi ka awih theilo,ka tha a khur nasa hle ,ka rap lutuk ka mit ka men ruala ka thil hmuh vang erawhin ka thaw huai ,Ralngama zawk chu a pum hupin a kun ngul a ,Ngurlianpuia ban pawh a thi ve tho mai “ Kha keimah ve thung aw " tiin Ngurlianpuia chu rang zet hian a phe fua a ,Ralngama lu chu a lir nghal tawl,a naute tlanchhiat tum chu an hnung lam atanga Ranga rawn tlan chhuak chuan a ching hlum hneh hle.









Ngurlianpuia chu panin “ I tha em?" tisepin ka kawrfual hmawr pawtthler in a ban hliam chu ka tuamsak ,nui sukin ka biangah a rawn piai “ Awm mai mai rawh ,haw ang che helaiah tihve tur i neilo" tihlakin ka en chho,min chhan pawh tumlo chuan min en reng,ruah rawn sur tum tih hriat takin thli a thaw vuk vuk a ,thingzar te chu an ri sung sung bawk “Ranga kal ang,ruah a sur dawn,nang pawh khalaiah khan tawm hul i tum em ni,rawn kal rawh ruah a han veleh khawlamah let ang che " tihlakin buk lam panin ka tlan.








Ngurlianpui an min la zuilo tih ka hriat chuan tlan let leh in thip fea melhin ka pawt kal dawt dawt ,anipawh chuan min zui ve mai bawk,puk chhung kan lut fel chiah tihin ruah chu tam fe hian a rawn sur a ,tek a tla ri leh thuai thin ah chuan ka phu zawk zawk,ka meichhem chu ka vur tha sauh sauh,nikhaw chhia nen puk chhung chu a thim ruih,ka mutna lamah kal ka tum chu Ngurlianpuia chuan min kuai her lawpin min fawp leh nghal bawrh bawrh,namsawn ka tum lahin abanna tihnat ka hlau tho nen ka khawih na ngamlo.






Puk bangah chuan min nawr bet a ,min fawp uar sauh,ka ngaihtuahna rawn tharin a hmui lum thar tharin a min fawhna chu ka hnar thei leh ta lo ,ruah leh tek tla ri ka bengkhawn tawhlo,min fawptu min fawhna chauh chu ngaihtuah in ka fawp let ve tan tan,ka kawrfual chu hlim chho in ka mal chu a chula ,ka taksa a za chhuak nghal vek “ Ngurlianpui duh" ka tihrual chiahin ka hmui a rawn khar chilh lehnghal.






Keipawhin ka hnar thei tawh lo ,ka mipa hmangaih ber min fawhna leh khawihna chuan ka thluak a tifim thei tawh lo ,ka kawrfual phelhin ka mutna phahah chuan min delh mu riai riai ,ka panty pawh a phelh lehnghal zat,dang turin ka thei tawhlo . Ka mamawh tihzawng ka hria “Ka ta ini ,ka ta chiah " tiin a puan ven chu a phelh,a mipatna khawng luah tawh ka hmuh meuh chuan chil lem khawlhin ka mit ka chhing .







“Ka ta ni rawh " tiin a rawn nawt lut ruai ruai ,banah ka hmer chawt,ka hmui petin ka ner deuh sawk ,mipa ka la mutpui lo a ka pasal tur lakah chiah ka hlan ang ka tihchu tunah hian ka hunlaia awm lo ,hmanlaia ka luhnaa ka mi tawn ka hlan ta mai a ni sia,mahse inchhirna ka neilo “ Ka hmeichhia ka hmangaih" ti a phun supin duat takin min chul pah a,zawi zawiin a che zawm ,ka taksa chungah chuan a khur ta dawt dawt a ,keipawhin thaw halh halhin ka kuah hle hle .








Ruah leh thli tleh karah chuan tuizetin kan mutthilh chhunzawm a ,ka harh leh chuan ruah a han duak tawh ,Ngurlianpuia chu ala mutui hle . A ban hliam lai chu ka tuam that lai pawhin a harh lo hrim hrim,a hmai fang pa zet chu ka chul zai zai ,inbual turin luite lam ka pan a ,khua a thim chu ani der ,ka kap na lutuk vang chuan ka kal kak deuh tuang tuangin ka hria ,Ranga pawh ka bul lungpui chungah min veng in a bawk run,puk atangin kan awm hla lo bawka Ngurlianpuia a rawn harh pawhin a buai em lo ang chu maw.








Ka thawmhnaw phelhin tuiah chuan ka lut ,ruahsur ban a ni bawka,a vawt tha hle ,khur bauh bauhin sahbawn chu ka inhnawih mawlh mawlh ,ka hnung lam atanga min rawn sawhtu chu enin “ Lo inbual ve rawh,sahbawn hi hmang la ,kha i thlan nen i rimchhe mai ang" tiin Ngurlianpuia chu ka en ,ka inchiahna khera a rawn lut chu melh kha kha in “ A dangah kal ve mai ta che " ti a tawng zawm ka tum chu a kuta min dangin ka bengbulah “Ka la khamlo" a tihchuan ka sen tawn tawn .







Nui suk hian min enin tuiah chuan a inhnim “ Khawi i sam zial hi phelh ang,ka su fai duh" tiin a sam a hnunglama a bawk chu ka phelh sak a ,shampoo nen chuan ka hnawihsak mawlh mawlh “ I mitchhing rawh aw ,athip dawn ania" ka tihchuan thuawih takin a chhing ve mai “ Ava rimtui ve ,i rim a nam" a tihchuan ka nui hak “ Heng hian i inbual ve ziah anga,I rimtui chak reng mai ang. Mahse hmeichhe ho in an bawr leh zual ang che ka duhlo " ka tihlak ,ka kut rawn manin a rawn in her ruai ruai ,a lu phuan chu tuiah chuan tifaiin a rawn mengchhuak mitmeng chu a fiah kak mai .







“ Nanglo hmeichhe dang an awm ngai reng renglo Thangzaui kha ka farnu ang bakin ka en lo a sin" a tihchuan thaw hakin “ Anih tinge i ngaihsak em em ,ka bulah pawh awm hman lo in i ngaihsak a ,I pa leh a pa pawhin innei turin an ti vek cheu ,ka hria a sin keichu min hua tih,nu leh pa ka nei lo a,chhungkhat sawi tur ka nei heklo i tan pawh a ni chu a tha reng zawk ang chu" tiin ka en ,min rawn hnaihin “ Run an tawh avang leh kan khua a an la awm ngai loh avangin tih tlangnel ka tum mai a ni. Ka hmangaih che a ,hmeichhe dang pan ka tum tawh hauh hleinem " tiin min pawm a .









A kut na lai ka tuamsakna chu ka khawih niap niap “ I ti huh leh vek sia,a thara thlak leh a ngai dawn a nih hi,pasaltha bialpa neih chu kan hlauthawng reng dawn a va ang ve " ka tihchuan min kuah nghet salhin “ A nuam zawk pawh kan ti thei reng a lawm" tiin tui chhungah chuan chet a lak zawm a ,puk lam pana min kaih chhoh hnak hnak lai chuan ka in ngaihtuah nasa hle ,engtia rei nge he khawvel ah hian ka cham ang. Bo ta thut ila Ngurlianpuia hi engtin nge a awm ang? A hmeichhe hmangaih hmasak ber a chan tawh a ,kei min chan leh chuan ana viau ngei ang le .










Nilo kalsan ka duhlo,mal taka awm turin ka kalsan theilo,he khawvela ka awm chhung hi chuan atan ka inpe pumhlum tur ani,zanriah bawl dunin ka sarep dahthat chu kan chhum dun a ,kan inpawm deuh chial,boruak vawt takah chuan a taksa lumna in min tuam a ,ka hnung lam atanga min pawm hlunin mei chu kan ai dun a ,Ranga pawh kan bulah a bawk ve bawk. He sakei hi awm lo se chuan keini pahnih hi kan him reng lo mai thei ,zanriah eikham rualin ha ka nawta ,ka hanawhna spare ka pai chu Ngurlianpuia ka hman tir ,a nawt thiamlo lutuk chu ka nuih leh thin.








Ani chuan meihawlin an nawt mai zel si a tooth brush chu a hmang thiam vaklo,keimahin tihdan tur hrilh pahin ka nawhsak a ,mak deuh chu hmanlai mipa ha bal deuh tura ka ngaih thin hi Ngurlianpuia ha fai zet hian a tibo chiang hle ,kuhva leh Shikhar vel awm ve loh vang te pawh a niang a ha hi tunlaia mi tam tak ai a var zawk ,ha kan nawh zawh rualin ka mutna phahah chuan kan mu dun kak,hnah mutdamah hmangin ka puan nuam ken kha kan sindun a ,vawt chu ka tivaklo , Ranga lumna kha ka hmang mai thin.









Tunah erawh ka mipa hmangaih kuahna in ka mu nuam hle “ Ngurlianpui khua ah ka let thei ve tawh dawn lo ania " ka tihchuan min rawn thlek vut “ Engah maw" a tihchuan “ Helai hi nuam ka tizawk,ka rilru pawh a hahdam" ka tihchuan a ner nasa hle “ Eitur neiloa thih i duh tih na em ni?" a ti bung nghut. Ka ngaihtuahna hi hria se tihian a awm lo ang mawle ,englai pawhin ka khawvela let thei ka ni a ,ka bo thut tur a hmuh ka duh lo “ Ranga a awm hi sa min hlui reng a lawm,chubakah ramhnuai hi ka ngaina mihring tamna ka ngaina lo.








Hetia ramsa ho nena chen tlan hi nuam ka ti " ka tihchuan “ Anihchuan kan pahnih leh Ranga nen kan cheng anga animai lawm" a tihchuan ka sik vak “ I mawl em ni? I khua leh tuiin an mamawh che ,I khua leh tuisawn run an tawk thei a sin tunah pawh hian let vat la ka duh dan a ni. A chhan chu inrun hi ngaiah inneih nimaiin ka hria,chuvang chuan let vat zawk rawh . Keichu ka tha hetah hian ka awm reng dawn alawm " ka tihchuan a lu thing nghutin .






A ke chuan min chep bet a “ Thil i ngaihtuah nasa mah mah muhil rawh ,ka rualin i let ang" a tihchuan “ Khaw mipuite pawhin min hlau tawh ang,a chhan chu ka chetdan kha an hmu vek sia, Ranga vang pawh hian min hlau ang" ka tihchuan a dawh thei tawh lo nge “ A tawk ka rualin i let ang, Ranga hi an hmu ngailo pawh anilo,vawitam tak indona ah ka lo hruai tawh " a tihtak hrawih ah chuan min kuahna ata inher in bang lam hawi chuan ka mu a .







“ Min en teh " a tihpawhin ka inher duhlo ka mut ngai chuan ka mu reng ,ka inher duhloh avang chuan a beidawng nge ka hnung lam atanga min kuah betin ka nghawngah a rawn thaw lum ham ham ,ka tah a chhuak tun “ Tihpalh" tiin a lamah ka inher “ Ngurlianpui i lak ata hi bo ka hlau,ka khawvelah khan ka let duh tawhlo. I bulah ka awm reng duh,ka hlauthawng a ni . Ka awmloh hunah hmeichhe dang nen in awmdun tur ang a ka ngaihtuah ringawt pawh hian hrehawm ka ti.







Ngurlianpui ka hmangaih che " tiin ka tap hawm hawm ,min kuah betin ka chalah a fawp “Khawiah mah ka kaltir lo ang che . Kawlkil thleng pawhin zawn che ngai dawn mahse ka zawng zel ang che " tiin ka mittui chu a hru a “Le i khawvel chanchin chu min hrilh rawh le " a tihchuan a hmel en tumin ka dak ha ,mei eng che che karah chuan fiah vaklo in ka hmu thei ,ka awmna chanchin sawiin zan chu kan tum tawi dun a.





(Comments leh click kha aw)


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)