THE GOVERNOR By Mawitei bawitlung (Completed)

[Ngaia]

THE GOVERNOR



BY MAWITEI BAWITLUNG




CHAPTER 25



A tawp note khu min chhiarsak ngei2 vek ru aw

JASMINE POV .....






“ Nu ,nu harh teh min min kalsan thei lo,nu " ka sawi vak vak,heti mai hian a kal dawn tih hria ila chuan nizan te khan ka lo ngaihsak zual tur ,ka tap ka au vak vak bawk . Mahse a che eihlo,ka sawi dan dan chuan a awm tawp , Nick chuan min pawm bet ” Duatte insum rawh ,i nu chu hmunnuam zawka kal turin a chawl tawh ,intichak rawh" tiin min kuah bet ,ka u te ,Malsawmite chhung bakah Kyle leh Chamchami pawh an rawn thlenga,hmeichhe ho chu kan tap hlawm,mipa ho erawh buaipui ngai buaipui in an phar .










Ka taksa chak lo nen ka tlu hnawk ,ka phun sep sep “ Duatte" tiin Nick chuan min rawn kuah “ Nick ka neih chhun a ni tawh a sin,Pathian hian a timah mah mah a ni,tinge ka lak atangin ka neih hlu ber ber te a lak zel le eng em em nge ka tihsual " tiin ka mittui luang ngiai ngiai chungin ka pasal mitmeng lainatna leh hmangaihna a khata min en tu chu ka en let ve reng,min pawm tho in ka nu motor a an lo dah luh tur lam chu min panpuiin min hlang chho a ,amah pawh a rawn lut ve nghal . Sawi tur hrelo vin ka nu ruang chu ka melh tlawk tlawk .








Ka nau thihna a la reiloh teh lul nen ka nu heti hian a awm leh mai chu a ni si a ,tumah ka u te tihloh chu ka nei ta lo,fahrah mai ka ni tawh . In kan thlenga mi an lo awm teuh tawh a ,inchhung lamah ka nu ruang chu an la lut ,ka kal that theihloh avangin Nick rinchhanin ka kal tawk tawk a niber ,kuang chhungah ka nu chu an dah nghal a ,zai ri te chuan min tina ngut ngut ,a hmai chu ka khawih,ka mittui a hul vek a ,tawng tur lahin ka theilo,ka tawng dawn a piangin ka aw a chhuak theilo .








Nick chu midangin ka bula awm tura an tih tlat avangin a awm ve reng,a mita min tuarpuina chuan min ti ziaawm viau tho si ,thu an sawi a pastor thusawi ka hriat meuh chuan ka nu kal pawh ka dem ta lutuk lo ve ,ka pa bulah leh a awmna tur hmun dik takah a kal dawn alawm,thlana an chhilh hnu chuan kan nupa in kan la awm reng,ka ute erawhin a chhak deuhah min lo nghak thung “ Duatte kal tawh ang hmiang,i nu leh i pa hi i mangtha duh em ?" a tihchuan ka en chho ha .








“ I hria em? Ka tet te atangin hmangaihna leh duatna a khatin min en a ,ka duh min pek loh lai an nei ngailo,mahse kei an fanu hian engmah ka pe ve hman silo,chu thil chuan min tina ani,kan nu leh pate ngaihtuah leklo in mahni duhzawng umin kan tlan a ,a tlai hnuah kan inchhir a a sawt tawh der silo " ka mittui chu a rawn tla ve ta “ Nu ,pa hlim tak in awm ula,pialral atang khan min lo thlirin min lo veng rawh u aw ,fahrah mai nitur a min dah erawh in timah mah a ni .









Awmdun in chak tawh viau a nihpawhin heti lo zawng hian in ti theilo em ni ,mahse ka thusawi inchhang thei tawh chuang silo va ,pa ka nu kha hlim takin lo lawm la ,keimah min tihnatna avanga i huatna te kha dah tha in ka nu kha hlim takin lo kuah rawh aw,Mangtha ule " tiin ka phun sep sep , Nick chu enin ” Haw ang " zang deuh vah chuan ka ti a ,ni e tunah chuan ka intihchak leh zual a ngai a ni ,ka pasal leh ka fa tal hi na lo tura ka ven an ngai tih ka hria .









“ Duatte ka damchhung chuan i mal ngai lo vang" ka chalah a rawn fawp vang vang,ka nuih seih a . Ka ute lam pan chuan kan chho nghal,an ni pawh an mit a vung luk hlawm mai ,in lam panin kan haw zui a ,mipui insul pel zut zut leh naupang an nuten an kaih chunga kal ve hnek hnek ho chu ka thlir reng ,engtikah emaw chuan ka fa hi a la rawn piang ve anga,hmangaihna leh dawhtheihna nen ka en kawl ngei ang ,in kan thlenga tunah chuan luahlum tu tur nu leh pa an awm ta lo ,ka mit chhingin chhungkima kan awmlai ka ngaihtuah let .










Lunglenna chuan min rawn tuam leh hlup hlup,hun hi tih din theih se kum thum liam ta ah khan ka dintir reng tur ,khatah kha chuan tupawh mai kha kan la awm a ,kan la hlim a sin . Ka ute chuan min ngaihtuah zual hle ,an pasal te pawh an fel tupawh chuan a naupang ber ka nihna ang pawhin min ngaihtuah zual em em tih ka hria ,ka lawm hle bawk chaw chu ka ei ve tak nain ka ka a tui hlawl lo,ka ei tlem hle reng a ,muthmunah chuan ka pasal chunga bawkin a kut chu ka khal nauh nauh,ka dulin min dang deuh chu ka thaw hak .









A ni erawh a rawn nui nghawr dat “ Kan naute chuan anu chetna tur a dal a ni maw " tiin ka pum chu a rawn chul zauh,min thlamuan tura ka kianga a awm hi ka lawm a ni. Ka hun hrehawm tak tawh chang pawha ka nuihna leh ka harsatna ka theihnghilh theih phahna a ni si a .









Ka nu thih atang pawhin thla a liam leh tawh a ,keipawh ka tha chho viau,Kyle leh Chamchami pawh kan bulah an awm ve leh tawha ,Kyle pawh an rama let duh heklo pawi kan tilo bawk nen kan bulah a cheng ve ta reng. Khawlaiah bazar turin kan chhuak ho a ,mipa rualkhatin Kyle an lo auh dan a vang chuan kan ding dat . “ Mizo tawng pawh thiam silo in enge kan ramah i tih ve reng,haw leh vat che " an rawn tihchuan ka thin a rim hle ,chhan ka tum chiah chu “ Nang ni pawh kha enge in nih bik in tawng pawh in thiam kim loh kha ,ani hmusit tur hian engmah in ni bik lo.











In tawng pai dan atang khan Mizo pawh in nilo non-mizo in nihkha ,vai mizo tawng thiam tha thum lo ,an tawng dan zirin English in inti zir a nangni pawhin English in in inel pui ngam em? Zirlai zaktheilo lutuk,Mizo ah mah full mark hmu ngailo tur vek in nihkha in duh duhin nangni aia hnampui zawk lo ti duhdah suh u,in ram in timualpho ,mi ram in biak dan hian in ram mite ramdangin an sawi dan tur ngaihtuah ula ngawi hmak rawh u" Chamchami chuan alo ti hlar ,a thinrim hmel hle bawk “ Enge thlenga " Nick leh Dereck te rawn inzui avang chuan chung tleirawl ho chu an ngawi nghal dak .








Kyle darah kuahin “ Tumaw mizo tawng thiamlo chu " an tihmuk,an lianin an upa tawh bawk a chung tlangval ho chu an tawng ngam tawh der lo “ Haw ula mi hnam dang an ni emaw nilo emaw Mizo tawng an thiam loh avang te ,tawng dang reng reng pawh thiamlo an nihna a vangin hmusit leh tawh suh u,kan tawng hi tumahin an ngaisang chiam bik lo tih hria ula midang aw chhuak leh an thil sawi mawilo nuihsawh ching mi fing an awm ngailo " Nick chuan dam dap a tiin min rawn pan,Kyle leh Chamchami inkai chu ka melh ka nui tet tet an inngeihlo em em kha ania,an thlavang an inhauh na leh hle tho sia.








“ Kal ang u Lalremruati hi tah a tum leh tawh hi " Malsawmi chuan an pa kut kai chungin a tihlak,Aruati pawh a nu thusawi ang hrimin a rawn chik leh tan,din pui reng aning tih a hriat,ka pum puar lah tawh chu chul hauh hauhin ka sira mipa kal chu ka en dauh dauh,ka kut a hum run bawk mipui min hmu a piangin keini ho chu min en thup zel,a inkawp te te a inzui miau hek . An ni hi ka tana awm thin leh ka neih chhun te an ni a ,an tello hian ka hlim thei pawhin ka ring lo,thawmhnaw kan lei a , Nick pawhin kan fa lawm tur a lei lawk teuh,mipa a nih a ring nghet bur mai bawk sia.









Ka sawisel duh lem hlei lo va , Kyle leh Chamchami pawh thawmhnaw leh an mamawh tur kan lei a ,an lawm ve em em bawk . An la naupang chhia dun bawk a nun tihlim tu ber an ni,an inhnial reng chungin chungin an inhaw leh chuang lo ,an awmdan ka rinhlehna a rei tawh a vawiin hian ka hrechiang chiah bawk “ In la leng duh ang , Nick nen kan lo va haw ange mahse rawn haw har lo ula " tiin ka pasal chu ka signal zauh,a hrethiam tih hriat takin khi sukin ka biangah a piai zauh .










Kyle leh Chamchami lai hmel chuan nuih an tiza,MC kawt atang chuan kan inthen darh a,Malsawmi te pawh nichin maiah an haw ,“Duatte hruai duh lawkna che ka nei " a tihchuan ka en ha,car khalhin a tlan chhuak ,khawiah tak min hruai ang maw ? Chutah kan college hlui a min dinpui chuan ang pamin ka en,ka dara vuanin gate lam chu a en “Hetah hian hmeichhe pakhat Mumbai a ka tawn hmu lehin nitin ka lo nghak a ,min tlanchhiat san nal nal chang pawha min tihlim tu nisi nundan kha tunah hian hmuh leh ka chak .










Thinchhe em em chungin a thinrim tawpah a tap tawp a ,khang thlem te kha nuam ka ti em em a nihkha" kan nunhlui a sawi lai chuan hun kal tawhah khan awm leh ang mai niin ka inhria, ka duhlo chung a in a min hruai lai leh Mahatma Gandhi te ho ka sawisak lai a a thinrim theih zia te kha ,ka nui hak “ Kha tih lai pawh khan ka ngaihtuah reng zel che ,phulo che khan ka in hria a ,ka hlat ve tang tang che a nihkha . Mahse maw kan phuloh leh neih theihloh a kan ngaihte hi kan lo nei ve thei tih nang ka tawn a tang che hian ka hria.








Tumah hi in phu bik kan awm lo a ,induh chuang tur kan awm heklo,hmel leh hmangaihna chu a thlir tu mit leh thinlung a lo nihzia ka hria a ,hausakna hian hmangaihna a lo thliar loh zia te chenin ka hre thar bawk " tiin ka pasal chu nuisen senin ka en chho ,ka biangah fawp zauhin kan college zirlai thar te infiam ho leh nula leh tlangval a hran a lo awm ve ho chu kan endun,nunhlui leh hlimlai hunte ,panlai nunte ngei hi a nih hi lo ngaihawm thin . Kan upa tial tial a ,Khawvel a hrehawm tual tual a ,lung a leng lo theilo .









A kut chu ka hum nghet sauh,a motor a min pawh luh luih na ah chuan ding chatin mit kan euh euhin ka en ,a rawn nui hawk hawk “ Nick tah hian chawl ang " tiin ka restaurant chawlhna fo thin amah nen pawh a kan kal ziahnaah chuan kum tam tak hnuah kan lut leh ta . A neitu berin ka hmel ahmu chu a lo phul hlut “ Awhaw in innei ta a ni maw ,in inhmeh kha ka tireng a ,in va rawn kal ngai ta lo ve " a lo tihlut ,nui sangin “ Kan buai ve em a lawm,kan lo kal leh ziah tawh hial mai thei a ni " tiin dawhkan lam chu kan pan,ka pum a puar ve tawh nen duh duha thut ka harsat tawh .








Nick chuan min lo pui vat,tleirawl rualkhat higher zirlai ni ngei tur hian kan chanchin chu an sawi a “ Model a nilawk an tia ,awi an inhmeh e pu Nick lah saw a hmeltha in a zahawm vuah a ,a mah ang saw tawng ve ila ka chak" ti a an thianho a an thusawi chu kan hre pha ,ka pasal nen chuan in enin kan nui ringawt “ Kha ei rawh u,ka lo free ang cheu naute ka lawm sakna cheu a nimai" a tihchuan kan hnial ve tak na in a tihluih tlat a vang chuan lawmthu hrilhin a thil rawn dah chu kan ei dun,momo chu ka ei pang pang .









“ Nick icecream lei haw ang aw ,chuan ar bawp pawh,chingit leh bawkbawn vel pawh ka ei chak lutuk" tiin ka pasal thil ei chu ka en ,a lu bu zeuhin ka bianga ka thil ei kai vel chu tissue chuan a rawn hru a ,ka lo hau hlak “ Mi an awm ve thup hi a inthlahrun awm,mi hmuhah a mawilo " ka tihlak,a nui suk ringawt . Kan chhuah hnu ah chuab ice cream ei tumin an zawrhna lam kan pan a , traffic a jam peih em a vangin kan car chu hmun thawl deuhah dahin ke in kan kal dun a ,a nuam phian . Ice cream chu pathum lai ka ei,a ni erawhin lollipop a fawp mual mual










Patling kum 38 tawh ina lollipop a fawp hmuh chu a nuihzatthlak in a hmuh nawm letling “ I van cute tak " tiin a biangah ka piai,ala duh lo em em zui , Christmas kan hnaih tawh a ,a nipawh a hnalam a la ngaihtuah leh rihlo,mahse an pute lam erawhin an la rawn be fo ,ala hnial tang tang zel,keimah vang tih ka hria ,dik tak chuan a hna hi bansan thei tawh se ka ti,a ni chiah hi ka neihchhun a nibawk nen chan ve mai ka hlau ,mahse min thah tumtu te hriat chhuah hma chu chawlh a tumlo tih min hrilh ziah,“ Englai pawhin an rawn inlan leh thei,nang leh ka fa hi chan cheu ka tumlo bawk" tiin nghet charhin min chhang thin.










Engtiang pawhin tum mah ila a duh a tihtlang hma chu a chawl duh dawn lo tih ka hriat avangin ka nawr lutuk duhlo thung . Kan haw meuh chuan Kyle leh Chamchami te an lo awm tawh “ Haw intum emaw tia khawnge in awm ,nangni pawh hian chance in lo nei zawk reng a nih hi " Kyle chuan a lo ti hluk hluk,kan nuih hak hak “ Lut vat ang u,rawngbawl ila tha ang a tlai tawh riau mai " tiin inchhung lamah kan inzui lut dial,rawng kan bawl ho a ,kan infiam nak nak mipa pahnih erawh ngawi reng in an harh a,keini pahnih kan tawng char char thung a.








Kan in mil tawk viauin ka hria,kan mipa te pahnih lah tawng tam silo thinrim deuh reng emaw tih mai tur an ni a ,mahse kan hriat chian avangin ngaiah kan neih thung . Zanlamah sitting room ah thu in movie kan en thap,ar bawp leh sprite mipa in an in tel a ,kei erawhin lakhuih tui ka in mial mial,nau ka pai bawk nen ka ngeih loh tur a an rin chu engmah keipawhin tihluih ka tum lo,kan pali chuan Superman kan en thap,naupang lawm mah nise hmuhnawm kan tihlawm phian ,tumah kan bengchheng lo hrim hrim, Nick pawh in ngawi reng in a en ve ngur.









Ka nuih a za ru viau puitling rualin naupang ho lawm em em kan en chu a ni sia,heng ho hi a takah awm se an in lak lal ka ring ringawt thil an ti theiin an thlawk thei bawk nen khawvel hi an thuhnuaiah an dah duh hial mai thei,chhuatah chuan ka thusawp niah a ,ka arbawp ei lai chu ka keih mial mial “ Mu tawh ang " Nick chuan tiin min pawm tho nawlh,ka arbawp peh lai nen chuan inchung lam min panpui nawl nawl “ Ka la en duh a sin" ka tisap ,rum nghutin ” I chau ang " tiin room lamah min luh pui .







NICK POV ....







Khuma ka mut hnu reilo teah a muhil leh lawi a ,ka nui hak . He hmeichhia hian ka thawk dan te thleng hian a thunun nimaiin ka hria,a mut chhuak lo tive si kha hma deuhah a muhil leh nghal a ,ka kut zungchal chu hum bet ranin tui zetin a muhil sak sak,ka mitah chuan naute ang mai a niin a duhawm a ,duat a chak awm hliah hliah zel “ Ka hmangaih kei hian venghim theilo che in lo kalsan ta che ila i tuar thei angem tih hi ka ngaihtuah a ni " a chalah chuan ka fawp vang vang .








He indo naah hian ka chak angem ka hrelo,mahse heng mite hi ka chhui chhuak tep tawh a ,engvanga kan nupa inkar a inrawlh nge an nih ka hrechhuak vat ang. Zui ru tu kan nei reng tih hi ka hailo,chuvang chuan ka nupui ngei pawh hi a tul tawp khawk ah lo chuan ka tello a a kalhran ka phallo ,a nu leh pa a chan a heti chunga tuarchhel taka a la awm thei hian hmeichhe chak tak anihzia an tilang chiang viauin ka hria.




fb Siam chhuak tuten mizo tawng an thiam hunah ka lo let anglike leh comment pe nawn lo mah ula a pawi tawhlo aw ,kan delete dawn tho a


A bulah mu thla in a lu chu ka awmah ka nghah tir,ka fa tih hriat tak pai a a dul puar lah mai hmuh hi ka kham theilo ,keihian ka veng anga an nufa a an damna tur a nihphawt chuan keihian ka nun pawh ka chan mai ang.

[Ngaia]

CHAPTER 26






“ Nick Happy Birthday " tirual thap in ka pasal vakchhuak rawn haw chu kan lo wish thap,a mak ti hawihai hmel chu a cute hle , Christmas ni hi keipawhin Nick birthday tih ka hre miahlo ,Dereck an min hrilh lo phei se chuan kan in buatsaih hman heklo ang,a mah lah hian a sawi duh der mai bawk silo va . Dereck te chhung leh keini pali zawng kan ni chung in a nuam viau tho ,ka kawngah rawn manin a lamah min hnuk hnai,ka lai lutuk chu ka sa pap pap in ka hria.










“ Ka Duatte engtin nge ka birthday i hriat reuh ni ,nizanah lah khan engmah i sawiin ka sawi hauh silo va " a tihchuan ka nuih ringawt,ni e a birthday ka hrelo hi a awm tho,a chhan pawh a birth certificate te leh thil dang pawh nise a dah bo hmak zel bawk sia “ Dereck an zingah khan min hrilh a " ka tihchuan a thianpa lam chu a melh vut “ Hey sawi lo ila lawm i tum leh tawp nang ,i kum 18 tlin kum bakloh kha lawm kan nei leh miahlo a nia,i nupui pawh i hrilh heklo,chuvang a nihkha ka hrilh" Dereck chuan a lo tinghal zung zung.









Midang chu kan lo nui dar dar ,a piang vannei ka ti,Isua nen an piangruala chumai anilo khawvel hmun hrang hrangah an lawmsak angin ka ngaihtuah,a vannei hi ka ti hliah hliah,mi then khat lip year ni khera piang ho hi ka khawngaih,an hmel upa viau mahse an kum an sawn ve zung zungin an birthday an lawm ve thei mai mai awm silo va , Nick erawh kum tin pawl tlak thla ni 25 a piangah a mahin alawm ngai miahlo vin midangin an lawmsak ve dawn tihna a nia . Ka hmuiah a rawn fawp a ,ka lo nuih sen sen .








“ Tinge sawi that ve mai tur che a nia,i nupui in i birthday pawh ka hrelo a ,ka lawm lo " tiin ka hmui tipawrhin a awmah chuan ka sawh keuh keuh,cake chu la pheiin dawhkanah kan hung a , birthday lukhum chu kan khum thap .







Nick cake hma a thu chu enin thla ka laksak, happy birthday tih kan saklaia a hlim hmel mawlh chuan min ti lawm,min hauh ka hlauhna lamah ka fimkhur em em kha a nia,a nu leh pa an awm ve thei lo erawh pawi ka ti,Chhani te pawh thla liam taah min rawn kan a,ka nu thi chu min tawrhpui zia an sawi a .









Thlakhat vel an cham hnu ah an haw ta kha a nia,nau thla 5 mi an pai ve bawk nen an chhungten an ngaihtuah ringin kan tir haw ta tawp a ,cake chu Nick chuan zaiin ka ka ah min barh a ,a la la lian em em lehnghal,ka hmuam seng tha thum meuh lo ” Nangmah mai nilo kan fapa ei kep ini tih in hre reng rawh " tiin ka thil ei biang pawng tawn tawn chu ka biangah a rawn piai vak ,midang pawh chuan an ei ve nghal zat.







Christmas zan chu kan vaiin kan hmang ho a ,mipa ho in guitar perhin an zai a , Nick pawh a zai ve rut rut ,mipui hmaa vawikhat an zai bak kha chu a zai lai ka la hmu miahlo .











Keipawh kan intawn tirh vel kha chuan show eng eng emaw ah khan ka tel thin kha a nia ,tunah chuan a lo rei ve ta hle mai ,kum lo kal chak zia hi ka hre thar ,zirlai nihlai kha chuan nite kha kalmuang kan ti em em a ,mahse lehkha zir tur leh tih tur awm tawh loh chiah hian ni lo kal chak zia hi ka hre thar uar uar bawk .








Nick pawhin kum 38 pumin a kum 39 na a hmang chho ve leh dawn ta reng mai,nakum tunang hun velah kum 39 pumin keipawhin ka kum 26 na ka pum ve tep ta,Pathian hnenah vui fo mah ila ka mipa hmangaih tak ka hnena a la awm thei hi ka tan chuan lawm man ropui tak a la ni tho tho .











Dereck te an haw a ,Chamchami leh Kyle pawh an room lam ve ve panin an lut ,kan pahnih chiah in pawnah thu in Jasmine par karah chuan kan thu “ Heng parte ka hmuh hian Nick ka hmangaihna che a zual zel in ka hria , ka tan heng thil iti hi awih har ka ti " tiin ka hming avanga a chin tir chu ka en reng,ka pangpar khawi Delhi lam atanga a lakchhoh pawh an la awmin an nung tha hle bawk . Thlasik nimahse an parmawina an tilang lo chuang lo,ka ngaina hle bawk .








A dar chu nghengin vanlam chu ka en “ Ka nu leh pate khan min lo thlir ve reng in ka ring thut zel ,hlim taka min nuih chunga chhum kar atanga min en reng ang hian ka hre thin" tisep sepin ka thaw khu ham ham chu ka en,a vawt ve tawh bawk a ,thawk chhuah zawnga khu hi hmuhnawm ka tia,ka pasal hmel en chung chuan ka nui var var ,tawng ve lem lo mahse ngawi renga ka pum a chul hauh hauh chuan min tinui lo theilo ,zan ah lah nise ka pum kuah chunga mut a hman avangin khum ah thutthleng kan dawh belha ka pum zawnah a lu dahin a mu mai zel..










A changa a naupang chhia leh thut thin hian min tinui tam na rawh,a ni hi awm lo se dam thlakhlelhna pawh ka nei tawhin ka ring lo . Ka khawvela ka neih chhun te lakbo zel an ni si a ,lengkhawm zai ri leh mimal in atanga music ri dup dup inchawhpawlh chu kan ngaithla dun,tawng miahlo in kan inkuah chial bawk .








Ka chalah a chal nghatin,a thaw lum ham ham chuan ka biang vel chu a thawk khum lum leh hak zel a ,a kawrchhungah zen lutin vawt ka tihloh nan a hnungzangah ka kut ka thuk ru nghal zat.










A pangtilum chu ka lu chuan nawr nak nakin ka bei nghal hlan . A rawn nui nghawr dawt chu ka hre reng “ He hun hi liam theilo se ka va ti ve " a tihchuan ka en haw mai,a aw ah chuan thil diklo a awm tlat a hriatna ka nei,a biang tawn tawnah vuanin ka kuaikun a mit chu hmu theilo mah ila min en chhuk ve tih ka hria “ Engkim a tha tiraw Nick,i aw ah khan tinge thil fello awm ang tlata ka hriat"tiin ka en reng,ka tah a chhuak leh mai dawn “ Min ..min kalsan i tum em ni?"ka aw chu a tah aw leh vek tawh .









Ka nunah chan ka ngah tawh lutuk a ka rilru a no zo vek tawh . Tah in peih reng ang hian ka awm,ka hlauthawnga ka bula awm te hi tumah chan ka duh tawh lo tih ka hre chiang viau “ Hey tap suh le , engtin mah ka awm dawn hleinem,i bulah ka awm reng dawn Jasmine bulah lo Nick hi a awm ngailo vang,pangpar tello a khuai leh phengphehlep an awm thei lo ang chiah hian ka pangpar zu lakna tello hian ka awm theih i ring em ni ? In bulah nang leh kan fa bulah hian ka awm reng dawn a lawm,khawiah mah ka kalsan phallo cheu " tiin min fawp vawng vawng.











Ka mittui chu a tuai nghal zat ,inchhung lamah min pawm lut a ,ka rih tawh dawn tehlul nen min pawm hi a la sim theilo . A hmai fang chu min pawm reng chung chuan ka chulsak zai zai “ Min kalsanin ka hmuh phaklohah awm tawh hauh suh.





Chutilo chu ka zui ve nghal ang che " tiin a awmah chuan ka hmai chuan ka nawr leh,a awm hlai hlupa bei hi nuam ka ti ber ,min kuahna ban te,min thlamuan thintu a aw dam dup te ,himni a min inhriat tir tu a lungphu te ,zo taka min kalpui thintu a ngal sei leh tha chak tak te hi hmuh tawhloh ka hlau .









“ Engtikah mah ka kalsan ngai lo vang cheu,chuvang chuan khatiang min zui i tumna thu kha sawi leh tawh suh. Tin ka lo kal ta thut a nihpawhin kan fa hi ngaihtuah la ,eng emaw avanga ka kal a nih pawhin kan fa tha taka i enkawl theih chuan ka lawm reng fo vang,fahrah nitura siam ka phallo tih hre reng rawh " a tihchuan ka bu nghat,khuma min nghaha a mut rualin a chungah ka lawn nghal thak ,ka pawm nghet hle bawk .









Hlauhthawnna ka nei hma zuala,a hma a hma hun ngaihtuah ngai miahlo khan ka ngaihtuah ta fo va ,hlauhthawnna hian min kiansan thei hek lo . Nick chuan ka samah a chul heuh heuh,ka hnungah a beng thek thek bawk ,min awih mut dan a niin ngaiah ka neih tawh . Ka ham bai bai “ Nick ka hmangaih che " tiin ka mit ka chhing zui riai riai a






NICK POV ..





“ Duatte ka naute " a chalah ka fawp ,ka kalsan hlau em em tu hi keipawh hian kalsan ka duh lo a ,venhim ka duh bawk . A neihchhun ka nih tawh a vang pawh hian a hlata awm ka duh lo zual,hoteah a hlauthawng hma ta em em te hi ka hailo ,a nu leh apa ,a unaunu a chan tawh a ,ka hrethiam viau,a tuarchhel lutuk hi mak ka ti zawk. Mi thenkhat ang chu nise mal riau leh fahrah lutuk bikah a in ngai ngei ang .








Mahse chung chuan vawikhat te mah a la awm lo,tah a hunah a tap a ,a natna a tilang mai thin . A nat thu sawi lo va a chetzia a a lan tir hi hmangaihtu tan chuan atawk em em,a sawi chhuak zen zen lo va ,a ngai ani tih erawh a awmdan atang hmangaih tu hian ka hrethiam vek bawk.







Ka thusawi avang khan ka taksa chu a mutthilh hnu thlengin a la kuah,kum thar lamah chuan Delhi lam ka chhuh leh a ngai dawn ,kan hotu te thu kam zawm a ngai a ,duh duh hunah ka hna hi ka bansan thei hek lo .










Tun hi ka mission tawp na ber a ni in ka bansan thei tawh ang. An niin ka nupui accident laia lo thah tum tu min chhuisak thung dawn a ,keiai chuan thil an ti thei in an hre hma bawk ang. Spy nih hi ka ngaihtuah ngailo,mahse ka hmangaih te ka venhim nan chuan a ngai miau si







“ Ka hmangaih che Liandingpui,ka tan chuan thlalera ka tuihna ini tih hre reng ang che ,tuihal dang chara ka awm changa ka tui leh khuarkhuruma ka awm chang pawha ka chhuah leh theihna hrui nei ini tih hre reng ang che" a hmuiah chuan fawp in ka mutthat tir .








A pum puar lian tawh tak chu hlimin ka beng chuan ka ngaithla “ Ka fapa i pa hi min hre thei em " ka tihchuan thawm a rawn siam ka nui hawk mai ,a nu chu a rawn che nghal tiah tiah . Mahse a muhil chhunzawm leh nghal “ Ka naute i nu nen hian ka hmangaih cheu tih theihnghilh ngailo ula,he khawvel eng i rawn hmu a nih ngai chuan i nu leh pa hlimna rawn niin i nu hi venghim thin ang che " tiin ka be mawlh mawlh,ka nupui hmeltha zet muhil chu ka thlir reng ,ka birthday lawm ka duh ngailo ,a chhan pawh tul ka ti lemlo .








Mahse zanin erawh ka birthday awm tawh zawng zawng zinga ka la hman nawm ber tum a ni. A sam tla darh niah chu ka hui kian sak,he hmeichhia hi a lo pianglo vang tih ka hlau hluah hluah,ka lungphu tiranga ka thisen rang taka tilum thei awm chhun a ni miau a . A hmui tep chiap chiap chu nuih sukin ka chul sak,he hmui fawh te hi ka kham theilo,theihse a ni hi ka tleirawl lai atang khan lo tawng ila tihchu ka duhthusam a ni .







Tho chhuakin phone chu ka hmang leh “ I rawn chhuh vat angai tih i hria tiraw ,hel ho hi an rawn pawngpawrh riau tawh a nia " lehlam a mi chuan a rawn ti ,ka lo aw ringawt “ Ka nupui in nau a neih ve leh ka rawn chhuk ang,chumi hma chuan midang khan an lo dang ve thei ang chu" ka tihchuan a rawn thaw hawk,ni e Spy a min duhzual chhan chu ka thiamna leh theihna vang hian a ni reng a ,ka tello a an thil tih a tlem viau bawk . Kan dah rualin pawnlam chu ka thlir ,motor tlan zut zut chu ka en ngur a ,ka kut ka hum ruh bawk .






ZAWMNA...





Ka nupui muhil lam bawk chu ka pan,tunah chuan pa ka ni ve ta tak tak tep ta ,a dul zawnah chuan ka bei leh hlan,a rawn che tiah tiah a ,ka lu ah arawn tuai nghal zauh chu ka nui huk . “ I la mu na nge ,mu vat ta che " a rawn tihlak,a dulah chuan fawp zauhin mit ka chhing,he kum hi a liam tep tawh a thla a ral leh meuh chuan keipawh pa ka ni ve tawh dawn .








Chu thil chuan he mipa rilru hi a tihlim hluah hluah,” Ka hmangaih em em nu " ka tihchuan mut chhuak zetin a rawn meng,amitmeng sexy leh pawl phat hian mi a tizam pha ve tlat . A mit thlak mahse ka tan chuan hmana Liandingpuii kha a la ni reng“ Mu rawh ka tihkha" tiin mit nuai chat chat in a rawn thu chhuak ,min nem mu leh in ka chungah a rawn bawk leh nghal zat . Ka mamawh lo a nilo va ,ka insum hram hram zawk a ni ,kan fa hi ka ngaihtuahlo theilo bawk .









“ Tikhan che che suh,ka insum rei tawh tih i hriat kha " ka tihchuan a thil tih lai chu a chawl chuang lo “ I insum hmel hi ka hmu ve reng a lawm,nang pawhin kan nupa inkarah thuruk awm lo in min min mamawh a nihchuan sawi thin rawh i tih kha , Nick ka mamawh che " a thusawi avang chuan a hmel chu ka en ,hmui pet fan fanin a mit a chhing,a zam ve hle tih ka hria ,ka tho chhuak a,a khabe ah chawi kangin ka fawp nghal zat . Rang zetin min rawn chhang let ,a mutkawr hak chu hlihsakin a hnute chu ka tham sak nak nak .










Ka thawmhnaw hak ka phelh ve lai chuan min lo pui ve a ,ka nuih suk,a pum puar lian tawh a vangin duh angin rem chiah lo mahse ka tan chuan buaina tham a tling lo,khum mawng lamah pawt thla in a hmuiah ka fawp leh vang vang . Ka hnungah a tham tawn tawn,ka khawihna hian a tidanglam chak thin tih ka hria ,“ Nick " ka hming a lam hian ka lungphu a rang a ,ka ta ni bik hliah hliah hian ka hre thin,a mita en reng chung chuan ka lut ruai ruai,thawk hip vakin a mit a chhing sawk,a tight bawk nen rum kawk in chet ka lak zawm zat.










A zawh dawn chuan tum dang ang lo takin thawm a rawn chhuah that that chu chuan min tihlim riau lehnghal,keipawh chu rei daih lovin ka bawh thla a ,min lo chul hauh hauh “ Birthday zan nuam tak a ni " tiin a sirah muthla in ka tak sa chungah ka pawt kai,ka awm chu a kut zungchal chuan a thai nauh nauh “ I muttheih miau loh chuan tihdan dang ka hre silo a lawm " a rawn tihchuan ka nuih hawk hawk “ Ni e tiang kha a tha ,chuvang chuan insum reng reng suh" a hnung ruak kangah chuan ka kut ka dah,a dul min do al a rawn chet takah chuan ka nui leh .











“ A rawn pet na thei lutuk hi a rawn pian hunah chuan tha a neih viau ka ring" a tisap sap,thu chhuakin a dul chu a en ngar ngar ,a che kual ka hmuh meuh chuan hlimna in ka khat .







JASMINE POV .









Ka dul chu a dawm,a nui vur vur reng ,fa a awh zia ka hria kan fa hmasa ka chhiat pawh khan pawi ka tireng a nihkha . Pa a nih chak zia ka hailo a ,chuti chung chuan ka thu awihloh avangin kan fa tur kha a piang ve hman ta lo a ,tun tum erawh chu a tha thei ang bera enkawl ka duh ,a chhip sam buk laiah chuan ka thamsak nak nak ,a be mawlh mawlh a,a fawp leh zauh thin . “ Duatte he ka fapa hian apa hi a rawn khum ngei tur a ni" a tihchuan ka nuih hak “ Apa mizia lo ang vek a nei mai angah" ka tihchuan a nui ve suk.











Kan mut hnu pawh chuan a kut chuan ala kuah ran mai .









Ni a liam zung zunga ka nau neih thla kan thleng chiah chu Nicka chuan a nghakhlel leh fal nal,ka sehsam nei tan te chu a lawmah a tla zawk emaw ni ,zing ka tho chu ka pum ana hle ,ka inpet fan fan Chamchami rawngbawlna bulah chuan ka ding khur hlak hlak “ U i pum ana leh tawh em ni?" tiin min rawn pan,kan mipa te pahnih lah chu naupang tha leh emaw tih turin an lo in rock , paper lehnghal ,ka kap lam a thil tui chhuak ka hriat rualin thutthlengah chuan ka thu hnawk “ Nick" ti a ka koh rualin ka pasal chu a rawn tlan phei nghal vat .









“ Duatte enge i tha em oh!" Ka pawnfen chhana put a hmuh rualin min en “ Nick ka tuibawm a keh " ka tihrualin “ Oh!!! Kyle, Kyle car la chhuak rawh Duattei in naute a nei dawn hmanhmawh rawh u,a tui bawm a keh ania" tiin a mah ber ber chu a tal buai “ Pa ka ni dawn e ,pa ka ni dawn e" tiin inchhungah chuan a kalkual tawn sek “ U Nick khatiang in kal kual seklo khan u Jasmine i kha rawn pawm rawh,khatiangin kal kual sek mah ta che ,damdawiinah kal vat ang u" Chamchami a tihrualin Nick chuan ka hmui pet a ka rum hlat hlat chu min pawm kang nawlhin,pawnlam chu min pan pui pawk pawk.










Kyle car lo la chhuak chu “ Hmanhmawh rawh ,naute hi car chhunga piang tur in ka duh lo a nia " a tivin hlur “ I hmanhmawh a nihkha relax" Kyle lahin a lo la tizui,hmeichhia ang maia in runluih leh inhnial hi an sim theilo “ Zochhuanmawi,Kyle Deniz ka pum ana tawh a nia,inhnial hun a nilo khalh vat ru " ka ti vin tuar ,mi na tuar lai pawhin inhnial reng mai . Rang zetin an che nghal zung zung, Nick kut chu ka hmer ngawt ngawt “ Duatte engkim a tha leh vek mai ang,kan naute tan tuar hram hram rawh" tiin ka chalah a fawp vang vang.










Tunah chuan a pangngai leh tawh a nih hmel,ka thlan thla hliam chu min hruk sakin Kyle leh Chamchami chu tlanchak turin a tur leh thin . Damdawi in kan thlenga nau neihna room lamah min nawr lut zui,ka theih tawpin ka sang a ,ka pum na lutuk chu ka thi dawn hial ten ka hria ,hetiang em em hian nau vei hi a lo na ang tih ka ring ngailo hrim hrim ,ka thlan te chu a luang zawih zawih,ka lu te thleng chuan ka san zawng chuan an na sa hlurin ka hria “ Alo chhuak tep e ,tang leh teh vawikhat chiah " doctor nu chu ka en ,a aw dam dap chuan ka nu min hriat chhuah tir .










A tawp nan tiin ka chakna zawng zawng sawmkhawmin ka sang leh vak a ,naute tap ka hriat rualin ka thaw huai,ka zawi hnawk bawk . Ka taksa chau lutuk chu ka meng thei lo,ka harh leh chuan khua a lo thim titih tawh ” Shh fapa fel an tap ngailo,hey ka fapa tap tawh suh ka tihchu,anu i ti harh ang bang rawh le ,apa hian tih dan tur che ka thiamlo a nia " ka pasal aw lo chhuahna lam ka en chu ka nui sen sen,kan naute chu lo pawmin a lo awi hliau hliau,a bulah Kyle leh Chamchamin an lo vil bawk “ Nick" ka aw a hriat rualin a rawn hawi phei a .










Rang zeta min panin ka hmui ro repah chuan min fawp zauh“ Duatte fapa kan nei ta ,pa ka ni tawh ka lawm e ka hmangaih che " tiin a fapa chu a en,a mitmenga a fapa hmangaihna lang chhuak zut zut chuan min tihlim,he mipa hi pa a ni ve tawh e ,keipawh nu ka ni ve ta bawk . Ka pasal mita lawmna mittui tling chu ka hmuh hmaih lo ” Ka nu leh pa pawh naute thlalak ka thawn a ,an lo zin dawn a nih hmel " a tihchuan ka hmui ka liak zauh “ An tar tawh si a an ngaihtuah awm e ,keimah ni zawk pawh kan kal thei reng a lawm" ka tihchuan a lu a thing vut.











“ An mahni in rawn kal an duh a lawm,ngaihtuah suh Dinsiama te nupa pawh an rawn tel dawn alawm,a hmun ngeia rawn lawm an duh tih an sawi a ,ka hnial duh ta lo a nihkha ,i dam nan hun eng emaw chen a ngai dawn si a ,an nghak theilo a nih hmel" tiin a fapa tap leh tan chu a en “ Amak e ka fapa tahbelh lutuk nih ka phal miahlo a nia" tiin a awi ka nuih hak “ Khawi hnute ka lo pe chhin a nge " tiin ka laksak doctor rawn lut chu a niin a lo chhawn thung,ka hnute ka pek rualin ka fapa tap pawh chu a bang hmak.









A hnute a hal a ni ngei ang ,a pa rin dan ngeia mipa a ni chu ka lawm a ni . Doctor leh nurse ho chuan kan fapa chu hmeltha an tih thu an sawi chamchi a ,nurse phei chuan pawm an in chuh hial,min lawm der sakna chuan min tihlim hlemai,ni e keipawhin ka fapa chu ka thlir ning theilo,a pa hnar leh hmui a chhun hle a ,a sam rawng chenin a mitah chiah keimah min chhun,ka hnute chu a hne ve dek dek a ,a kut te reuh te a hum ve ngar chu a pa chuan a hum chilh run bawk,tunah chuan chhungkua ka din ve ta tak tak e .










Damdawi in atanga chhuakin inlamah kan in enkawl a , Nick lahin afapa chu midang pawm a phal tha meuhlo,amahin a veng runa,zan laia a tah pawhin keiai a harh hmasa ngei ngei, Nick nu leh pa leh Chhani te pawh an rawn thleng a ,an ni pawh nau an neih nan thla thum chiahin a dang tawh . Kan inhmu khawm chu kan hlim dar dar hle,ka duh dan ngeiin Nicka pa chuan kan fapa hming chu phuahin Zosangpuia tihchu lawm takin kan pawm tlang .









An tupa chuan hlimna a thlen tih hai rual a nilo,an tar chaklo chung pawhin an ngaihven em em a ,kan vai chuan inkhatah chengin kan bengchheng thei hle ,Dereck lah fapa kan neih bik avangin a thinrim hlur a ,an pai leh tih lam reng ngaihtuahlo in a thianpa chu a tih tauh khum bur bur ,an naupang chhia leh thut zel hi engtia tihchi nge maw an nih ,Aruati pawh in kan fapa chu a pawm a ,a lawm ve hle . Kum khat a tling ve tawh a ,tawng a thiam ve tawh viau ,chaw eikhawmin kan ri luih luih .










Kei erawh ka fapa hnute hne paha mitchhing chial chu pawmin roomah ka awm “ Nu ,pa tunah chuan tupa in nei ve tawh a sin,nangmahni ngeiin in chawi ve dawn lo vem ni ?" keimah te chuan ka phun sep sep,ka nu leh pa ka ngaih a zual . Hetiang ni te hian min lawmpui turin ka nu tal kha la awm ve sela a tha tur “ Pi leh pu in ni tihpawh in in hre awm silo va ,nu ,pa in tupa hi tha taka a lo than len theih nan malsawmna in vur rawh u aw " tiin ka fapa chu ka en . A chalah chuan ka fawh sak vang vang a .










Tui taka mu tih hriat takin a hnar te reuh te atang chuan a thaw chhuak ve sek sek reuh a ,a kut bun te nen chuan a awm zawnah dahin a muhil,ka nui sak a duhawm hluah hluah ,kawngka a rawn inhawnga,ka pasal rawn lut chu ka en reng,chiang zetin ka hmel chu a melh. Ka tap tih a hailo tih hriat takin a mit tizim sanin min rawn hnaih vat “ Duatte engvanga tap nge i nih? I khawilai nge na " tiin ka taksa chu a enkual,ka lu ka thing nak nak ,a awmah min pawm bet kan fapa pawh chu kan inkarah a awm kek.










“ A nihchuan engvanga tap nge inih?" a tisup,ka en chho ha “ Nick ka nu leh pa ka ngai lutuk,nitin mai hian ka la mamawh zia ka hrechhuak uar uar,mahse au au mah ila an lo kir tawh dawn silo " tiin ka pasal awmah chuan ka inhnit faih “ Nangmah pawh hian min kalsan leh tur ang tlata hriatna ka nei , Nick khulamah chuan chhuk tawh lo mai rawh . Kan fapa nen hian kan bulah awm turin ka duh che a sin " tiin a awm zawn a tang chuan ka tawng mawlh mawlh.










A thaw hawk mai “ Duatte tun chiah,min lo nghak rawh u,chuan kumkhua a i kianga awm turin ka rawn let ang,nang leh kan fapa nen hian enkawl tur cheu in ka rawn let leh ang . Tun chiah hi min lo nghak leh hram rawh aw " a ti dam dup “ Aih kal tawh lo mai rawh ,spy ni kher lo pawhin a tih theih loh em ni? Governor pawh kha ni leh mahla Spy inih ai hi chuan ka lawm zawk, Nick nang leh zelin min kalsan ka duh lo" tiin ka tah aw tiau,ma samah a chul hauh hauh,ka hnungah a beng thek thek bawk.









Kan fapa chu enin a fawp leh zauh “ In pahniha in him hi ka duh ber ,ka hna hi ka kalsan a nihchuan nang leh kan fapa tan pawh hian a pawi thei tih i hriat kha ,in pahnih tan ka kal anga ka lo let leh ngei ang tih ka tiam a che . A neih chhun ka ni tih ka hriat reng hmeichhia kalsan hi ka duh lo " tiin ka chalah a chal chu a rawn nghat dat ,a nui suk a ,ka hmaiah a chul dan dan “ Ka thinlung lalnu awmna chu ka awm ve na hmun a ni,khawi hmunah pawh kalin khawih theihloh in awm mah ila.








Ka ngaihtuahna leh thinlung erawh i kiangah a awm reng ang " tiin a fapa nen chuan min en in min kuah vang vang a ,ka nuisak.

[Ngaia]

CHAPTER 27






“ Nick kal lo mai rawh " kan fapa thla khat a tling awrh chauh a ,ka pasal lah an mamawh zia an rawn hrilh chamchi bawk si,ka mittui a tling piau tawh . A fapa nen chuan min en vang vangin min kuah bet,afapa chalah chuan a fawh sak vang vang , “ Anu hi lo tibuai lutuk suh aw ,fapa fel deuh lo ni ang che " tiin a nui suk,ka mittui luang ngiai ngiai chu a rawn hru hul “ Tap mah ta che ka lo haw leh vat dawn a lawm,chumi hunah chuan nang leh kei hi kan inthen hrang leh tawh lo vang "tiin ka hmuiah chuan a fawp vang vang.










“ Engtin nge i tello in kan awm anga " tiin a kutah ka vuan bet ,a bag chu leiah nghat lehin ka biang tawn tawnah a rawn vuan “ Min en teh,ka lo let leh dawn ka tih kha ,ka rei lo vang ka lo haw leh vat dawn a lawm,khualzin mai nilo in cham hlen turin ka rawn haw leh ang ,ka hmangaih che " a awmah min kuah bet,ka chhipah a fawp tawk bawk . A ni pawhin a huphurh tih ka hria , ka inhnit faih “ Him tak in ilo let leh ang tih min tiam rawh,dam takin ilo haw tur thu sawi la ka thlah ang che" ka tihchuan a nui ta sang .









Hahdam hmel takin a thaw ta huai ” Ka tiam a che ka Liandingpuii tan hian him takin ka rawn let leh ang tih" tiin a lungphu zawna ka kut hmet bei chun chuan a sawi chhuak ,a tawp nan tiin a fapa nen chuan min kuah leh vang vang in thlawhna lam pan chuan a kal zui a , Kyle te nen chuan kan en zui thap “ Zochhuanmawi him taka i rawn let lo va ,i reh vang vang a nihchuan ka ngaidam ngai lo vang che " tiin ka au zui,a hre pha tih hriat takin lu bu nghutin thlawhna chhungah chuan a lut zui a .









“ Bawihte papa saw bye bye rawh le " tiin ka fapa kut tetakte chu la kangin a ban ka vai tir a ,a ni lah engmah hrelo in keimah chu min en in a changin a rawn tawng ve leh zauh thin. Engthu tak sawi ve ang maw ,ka pawm nghet sauh thlawhna thlawk chhuak chu ka thlir vang vang,ka in nghahna neih chhun ka pasal chu a lo haw leh angem tihchu ka ngaihtuah nasat ber a ni “ U haw tawh ang u ,khawi Sangpuia kha ka lo pawm ange " tiin Chamchami chuan a rawn pawm nghal zat .









A tawp nan thlawhna tum hmun lam chu ka hawi leh ,ka ngai nghal vawng vawng “ Awi a tawng ve nasat dan hi ,a bla bla bla bla tututu " Chamchami chu enin Kyle nen kan nernawng,naute ai mahin a tawng nasa zawk “ Khatiang in a tawng dan zir vak vak suh,mawl lutuk " Kyle chuan a tihluk hluk “ Bleh a pate luliana chu duh ve miah suh" tiin ka fapa chu a be leh nghal . Ka lo nuih hak thung,car chhungah thu lutin Kyle chuan a khalh chhuak a,Aizawl lam chu kan pan leh ta vang vang .











Ka kuta zungbun chu ka tuai nauh nauh,Malsawmi te pawh Derecka hna a vangin Delhi lamah an awm ve tho va ,an inhmu em ang chu maw ? Dereck pawh court ah mi a dinsak a ,an buai viau phei chuan an inhmu hmanin ka ringlo,in kan thlen te chuan a reh huaiin ka hria ,ka pasal aw hriat tur a awm tawh lo chuan min ti awmthiamlo,ka fapa hnute ngena nuar chu pawmin ka kawr hlim sawk sawkin ka hnute chu ka pe a ,a hne nghal dawk dawk . A tui a hal tawh hi chuan a awrawl ring zet hian a tap bai bai zel lehnghal.











A pa pawhin a aw rawl ring lutuk hi a chhuan phah reng a ,room lamah ka luh pui a ,khumah chuan ka mutpui nghal vat ,a kut chuan ka hnute chu a hum ve tai a ,ka nuihsak apa awm loh chhunga ani tal min hnem tur a a awm hi ka lawm a ni . A muhil hmel chu ka en,a duhawm hluah hluah “ Apa a awm loh avangin sual miahloh tur aw ,zanah apa in a buaipui thei tawh dawn lo che a nia " tiin ka be mawlh mawlh ,a muhil sak sak chu a hmuiah ka fawhsak zauh. Mitchhingin tih tur a awm lo bawk nen mutthilh tumin ka insiam rem a ,ka muhil ta thuai .









Ka fapa tap ri ka hriat avang chuan ka meng chhuak vat,room pawn lamaha a ni thawm chu a awm ni “ I awm tlei theih loh chuan va hruai loh mai tur che a lawm,i hmelchhe lutuka naute pawhin a hlau che a nihkha " Kyle tawng ri hmuk ri chu ka fapa tap karah chuan ka hria “ Ngawi mai teh ,naute diaper pawh thlak thiamlo pasal tlak pawh inilo lulian,khawi lo khawih ve pawh a ngai lo kal nal nal rawh kan mamawh lo a che " Chamchami ti riin a zui nghal ,ka fapa tap chu an ni pahnihin inhnial nan an hmang a nih hmel.










“ I pa tawng mawh a ,a tuarchhel teh lul nen Zosangpui i va tah belh em em ve tu nge i chhun ni tap tawh suh le " tiin ka fapa chu a awi zui a ni ngeiin ka ring,ka tho chhuaka kawngka chu hawngin an pathuma an lo vir buai chung chu ka en ,Chamchamin a awia ,an hnung lamah Kyle chu a lo vir buai ve chhen bawk ,an mahni zawk chu chhungkua ang mai an ni,ka nuih hak . Fa nei ve phei se chu an buai hle ang tih a hriat “ I hmelthat nen i tahbelh danah i len hunah i sual viau in ka ring" Chamchami chuan a tihlak hlak.









“ Nang a chhun dawn chiah che a nih chu hmeichhe kawlhrawng lutuk kha inia" an inmelh rum tha dun viau mai “ Khawi ka lo pawm ange " ka tihchuan ka lam an rawn hawi phei vat“ U a harh sia ka lo pawm chhuak tawp a; a sual dan hi a tap nghal char char ringawt" a tihchuan ka nuih hak hak “ Anutei leh putea chu an inhau nasa lutuka nuam iti lo a nimaw ,anutei te chu an inhnial peih emai anu nen infiam leh mai ang aw " tiin ka fapa chu ka en,a tap bang hmakin a mitmeng pawl deuh phat chuan min en.










Ka tawng hre ve ang mai chuan a ngawi hmak,a kut a tiche ve thei naw naw a ,a ring erawh a la control tha thei meuh lo,thla a tling ve awrh chauh a ni bawk a ,a la chak tha lutuk lo hle . Ka lawm a ,a nui ve sak sak zel . Kyle leh Chamchami lah an la inhnial tui nasa mai si,an in ngaizawng pawh an in ngaihzawn hma nen an in ang reng ,ka fapa chu pawnlamah ka chhuah pui, Jasmine par karah chuan thut puiin ka mit ka chhing vang vang ,ka pasal kha ka ngai a ni .










Tunah chuan Delhi hial pawh a thleng tawh mai thei bawk , zanlamah kan inbia a min ngaih thu a sawi chuan keipawhin ka sawi ve vat,a fapa chu en tirin a be mawlh mawlh chu ka thlir reng “ Buaina dang a awm loh chuan thlaleh ni hmasa berah ka rawn haw ang "a tihchuan rei ka tihle “ I va awm rei dawn ve ,i hna chu a khirh viau em ni? " Ka tisep ,diktak chuan nikhat lek pawh hi a rei ka ti ,ka kiangah awm reng se ka duh bawk . Kan inbiak zawh hnu chuan ka fapa chu awiin room chhungah chuan ka kal kual .









A reh ruih maiin ka hria ,zan ka mu te chu kuah lum tur a awm tawh lo bawk nen a hrehawm ka ti hle ,khua ala vawt ve si a ,ka khur leh dar dar zel .April thla kai chho vat vat ila ka duh ber ,ka mut luih ngial hnu chuan ka mu thei hram ,hun a liam ve zel Nick pawhin chanchin min rawn hrilh ve reng,ka ngai lutuk chu ka tah khum leh thin a ,hrehawm a ti tih ka hriat avangin ka insum leh vat zel thung. Min thah tum tu te pawh an hriat chhuah vat tur thu a sawi chuan ka thaw huai .








Ka nute lam pawh an zu be pawp a nih hmel a ,an ni pawh an dam tha tih ka hria a ,ka lawm. An ni awm lo se ka dam chhuakin ka ring lo,ka nu leh pa tak nilo mahse ka tan chuan nu leh pa tak aia an danglamna a tlem hle , Nick rawn haw hun pawh a hnai tial tial,kan fapa pawh a ni telin a changkang chho telh telh ,chanchinthar kan en an thu rawn puan avang chuan ka nghing dawt . Chamchami leh Kyle chuan min rawn hnaih nghal ruak .








Ram hruaitute inhmu khawm chu hel pawlin beiin hruaitu te chu an him hram ,mahse bomb puak avangin an awmna chu a kang zui a ,PM leh president bakah officer te chiah an dam chhuak tih chu an rawn puang, midang te chu an ruang pawh hlawm tur awm lo in a kan ral vek thu an sawi chuan min ti thawchham mai dawnin ka hria ,chutah thi te hming an puan phei chuan chhuatah ka thu thla hnawk “ Anilo ang, Nick chu a tel ve lo vang" ka phun sep sep.








Chamchami chuan min rawn buaipui vat “ Alo haw leh dawn a ti alawm, Nick chu a thi ve miahlo vang " ka tawng tha theilo ,kan phone a rawn ri zui a , Kyle chuan a la nghal vat . Sawrkar lam atangin a lo ni a ,ka pasal thih thu nemnghet turin min rawn bia tih ka hrechiang ta viau ,ka be theilo biak lah ka duh heklo. Ka tap chhuak hawm hawm “ Nick Zochhuanmawi min tiam tawh kha ilo let leh dawn tih " tiin ka awm dawmin ka tap chhuak hawm hawm .







Thenawm khawveng a hre hmasa apiang an rawn leng lut tumah ka chhawn theilo,ka nu leh pa laksak ka ni tawh a ,tunah ka neih chhun ngawih ngawih ka pasal laksak ka ni leh tih thu ka hriat chuan min tina mah mah ,Pathian chu ka dem ,ka dem takzet ,a ruang pawh hmuh tur awm lo a a awm tir chu ka dem a ni. Ti nge ka neih chhun a piang te min laksak zel mai le ,thil engkim chu a kal pur pur nimaiin ka hria ,Ram hruaitu te atang leh kan ram sawrkar hnen atang bakah hmun hrang hrang atangin sunpuina ka dawng.








Sipai ang maia thlah liam in ka pasal ruang hmuh tur awm lo chu an thlah liam a ,kei erawh ka bing mup mup a ni ber ,ka awih theilo nilo ! Ka awih phallo zawk ,Zochhuanmawia a thi tih ka awih theilo,a thih hmaa voice min hnut chhiah Delhi a a chenna a an hmuh chu min pe ,roomah keimah chiahin ka inkhung,ka fapa pawh hnute ka pe tih bak lohah chuan Chamchamin a enkawl rih tawp “ Ka duatte " ka tap chhuak leh hawk ,“ Zochhuanmawi ka ngai che a nia lo haw rawh .






I zin rei tawh lutuk ka ngai che ania " ka tawng chhuak mawlh mawlh “ Thudik ka hrilh loh che avangin min ngaidam ang che ,ka kal dawn khan rawn let thei tawh lo thut thei ka ni tih ka hrilh duh lo che a nihkha ,a chhan chu ka thih hma loh chuan he buaina hi a tawp dawn lo tih ka hria ,chuvang chuan nang leh kan fapa him nan ka kal angai tih ka hre chiang si,Duatte min ngaih vangin lo tap tawh lo la ,ka biak a piang che a i tah hian ka natzia i hrelo vang tiraw " ka tap chhuak hawm hawm .








“ Zochhuanmawi ka neih chhun ini tawh tih hre reng chungin engtin nge min kalsan theih,Pathian pawh hian a duh tawk ve tawh em em lo vem ni ?" ka tap rawih rawih “ Ka lo kal ta thut a nihchuan he ka thusawi hi i hmu ngei dawn a ,dama ka lo kir leh a nih thung chuan i hmulo thei bawk . Duatte he ka hna hi ka lo dah pawimawh ber thin,ka nunna chan ngai pawh nise ka kalsan ngailo vang tiin thu hial ka lo tiam tawh thin ,mahse hmeichhe tleirawl te mitmeng mawi zet ka hmuh atang khan ka ngaihtuahna iti buai a .








Ka hna hial ka kalsan chang a tam zia i hre hauh lo vang,hmeichhia ka hmangaih lovang ka lo tih thinna thu chu nang ka tawn tak atang che khan ka paih bo zo va;mitmeng pawisawi lo zet leh harh zet hmeichhia ka hmuh atang chiah khan hmangaihna khurah ka tlu lut tih ka hre thiam ve chauh va ,i hlimin ka hlim a i tahin hrehawm ka ti thin,i him na ka duh avangin vawitam ka tina che a ,ka hmangaih luatah che i mittui ka ti tla fo bawk. I neihchhun ka ni tihleh ka kalsan ve che i hlauh zia i sawi te khan ka na tih i hrelo vang tiraw .









Nangmah avangin ka hna ka sawn tlai tir a ,kalsan hlau em em a i awm lai kha ka hmuh duh loh vang a ni. Ka lo kal ta a nihpawhin tap lo la ,kan fapa kha thlah thlam hauh suh,apa fapa duat ani tih hre rengin lo enkawl tha ang che. In nufa in ka hmangaih cheu tih hre reng la,beidawng lo vin hmalam lo pan zel ang che . Siamtu lakah vui ngailo la ,ka lo thlir reng dawn che tih hria la tlu ngai lo vang che . Khawvela hmeichhe chak ber ini tih ka hria .








Min tah lo la , hlim takin min thlah liam zawk ang che,chu chu i laka ka ngen duh ber a ni . Nangmah chauh in i awm ngai dawn lo tih hre reng la ,ka duattei khan ka tello pawhin hmalam pan a tum dawn tih ka hria " ka ngaithla chhunzawm thei tawh lo,ka tap chhuak rawih rawih “ Zochhuanmawi engtin nge ka kal tir theih ang che . Ka mal tawh em hi min khawngaih lo vem ni? Tunge ka tah ni leh buaina ka tawh niten min hnem ve tawh ang ?







Siamtu dem suh min ti maw? Engtin nge ka dem loh theih ang,ka pa min laksak a ,ka unaunu ala leh a ,ka thisen zawmpui awmchhun nitawh ka nu a la leh a ,tunah tunah nang leh zel min laksak tu hi engtin nge lawm thu ka hrilh theih ang,mawh engtin nge ka dem loh theih ang,kan fapa nen kan mamawh che tih pawh hre duh miahlo va nang ka neih chhun ngawih ngawih pawh min laksak leh duhtu hi ka fak theilo,Nick engtin nge i tello vin kan fapa nen hian kan awm ve tak ang .









Tunge min enkawl ve tawh anga,tunge ka pasal ti a ka koh ve tawh ang,i fapa a rawn thang lian anga,pa tih a lam thiam hunah tuin nge eih ve anga,Nick i thih loh thu min hrilh theilo vem ni?"ka thawk a harsa a ,ka thaw kawk kawk Chamchami leh Malsawmi rawn tlan lut chuan min buaipui vak,ka hnungah an chul “ Zochhuanmawi ka la mamawh che a sin,i hria em ka la mamawh che " room chhungah chuan ka au vak vak “ Mal,ka tan hian khuanu hi a awm ve thlawt lo a ni ang tiraw ?









Hmangaih nei turin min siam a ,kan neih theihloh turin a dah leh a ,mangangte au ri chhawn tu hian ka manganna au rawl a chhawn ve silo,kan vawn tur kut min pe a kan khawih hlen theihloh tur kut min chelh tir leh a ,Evi leh Adama a siam anga leilung luah khat tur a a tih te hi leihnuaiah zal turin min ti leh a ,ka dem ngawih ngawih,ka pasal hi ka neih chhun tak meuh meuh tih hre rengin min la laksak tang tang si a nih hi,engvangin nge hetiang tur si a ka tawn tur a a lo ruat .








Ka kiang a awm hlen a phalloh chuan engvangin nge min lo intawn tir,Mal a tello chuan ka dam zo tawh lo vang,ka tawrhna hi tinge hetiang em em a a nat bik le ,hetiang taka mal a awm tur hian enge ka tihsual bik,a engpawi nge ka sawi a heti taka mal tura min dah . A tello in engtin nge ka awm ve tak ang,kan fapa nen hian tu thlazar hnuaiah nge kan awm ang. A lo haw leh tur thu min tiam a sin,a lo haw leh ngei tur thu min tiam a,mahse thudik lo min lo hrilh leh zel a ,engvangin nge heti taka na hi ka tawrh bik le .









Ka thi thei mai dawnin ka hria ,Malna hi ka tana khuanu ruat em ni a lo nih heti taka ka nunah hian nunrawnna a lan tir ,keihi eng anchhia nge ka phurh ka kianga awm apiangte lakbo sak ka nih bik " ka chau lutuk chu ka tawng tha thei tawh lo . Khumah chuan min muttirin tui chu min tulh ,ka fapa tap te chuan ka lung ngaihna a tizual,ka fapa chu hmeithai fa an titawh a nga,keipawh pasal sun tawh hmeithai mai ka ni tawh bawk ang . Ka fapa chu ka kuah vang vang,a nilah engmah hre thiam lo tih hriat takin a muhil sak sak a .









Apa chu a awm ve tawh lo va ,zantin a a mah be mawlh mawlh thintu kha a awm ve tawh lo tih reng a hre silo ,reiloteah ka chau tawngkhawng chu ka muhil,ka mangramah chuan ka pasal ngei chuan min lo nuih sang ka kuah thlawp ,“ Ka Duatte" ka samah chuan a chul hliau hliau,hmangaihna a khatin min en bawk “ Engvangin nge min kalsan" tiin ka en chho kiau“ I kiangah ka awm reng dawn alawm,ka kalsan ngai hauh lo vang che ,hre reng rawh ni leh thla hi kumkhua in an bo hlen ngailo,nang nen kan intawng theilo a nimah na









Kan lan hun rual lo mahse ni chuan englai pawhin a thla tan chakna a ni a ,a en reng thin . A thlazar hnuaiah thla chu a dah a ,a mawina pe chhuak turin a pui reng dawn,ka venghim reng fovang che ka tihkha " tiin a ral ruai ruai,ka au vak vak ,min chhang lo in a tham ral zui a ,ka au chhuak vat “ Thadang " ka phun chhuak tiau ,khua chu a lo thim vek tawh,tukverhah ka dak chhuak,motor leh bike insul pel zut zut te chu ka thlir reng , Joseph Zaihmingthanga hla chu ka play,ka mittui a luang leh zung zung,ka mit te chu a bui luk tawh tih ka hria .








Pawi tihna ka nei lo,nitin zantina min kuah thin tu kha a awm tawh lo tih ka hriatna chuan min tina fe zawk “ Tlaini tinin ka zawng thin che a ,tawnni reng i awm silo,aw khawnge maw i awm le " tih chang a in play lai phei chuan ka tap chhuak leh hawm hawm “ Zochhuanmawi,i taksa bo pui mahla nangmah ka hriat rengna che leh i sulhnu hi engtin nge ka theih nghilh theih tawh ang " tiin ka phun chhuak sap sap,aw ri chhuak tur pawh ka nei tawh lo,a aw bawk chu ka ngaithla leh .






“ Don't cry for me ,i will be okay, heaven is my home now, and this is I'll stay . Don't cry for me,it was just my time,but i will see you someday on the other side. Don't cry for me, I'm not alone, the angels are with me to welcome me home, don't cry for me, this is not the end,ill be waiting here for you when we meet again " a thusawi tin chuan ka beng a luah,nakin hunah nilo in tunah ngei hian ka bula awm turin ka duh a ni ,Zochhuanmawi hei hi mumang a ni ngei ngei ang tiraw ?






ZAWMNA...







Delhi lamah kan chhuk thla a ,an chetsualna hmunah ngei chuan kan kal ,ka fapa nen chuan kan thlir , President leh a fanu ngei min thah tum tu te an ni tihchu a chhui chhuak a ,mahse a mah a awm ve tawh silo,kan nufa him nan a bei a ,mahse amah a rawn kir ve tawh silo . Ram pumin president thil tih chu an dem thu an sawi luai luai,kei erawhin engmah ka sawi ve lem lo ,sawi pawh ni ila ka neih chhuna kha a lo let tawh dawn lo bawk .










Jail an tang tih hriat chu ka tan a tawk a ni “ Zochhuanmawi ka rawn kal ve a nia ,i fapa pawhin a zawng che a sin lo chhuak la min lo hmuak dawn lo vem ni? I duattei ka lo kal a nia " ka au chhuak rawih rawih,ka hnam pui leh kan tawng hrethiamlo vai kan tih ngei te chuan min tawrhpui na tilangin hmeichhe awm ve ho chuan min tahpui ,chungte chuan ka lung an tichhe zual ,thlahna hun an siam chu ka tan chuan mittui ko chhuak tu bawk a ni. Ni e governor lo ni meuh chu sun tu a ngah chu thil awm lo pawh a ni lo .









“ Nick i thih hnuah chiah i ram tana i thil tha tih te chuan chawimawi an hlawh a sin, Nick ka ngai lutuk che " Delhi chu ka tan tahna mai a ni,a chhan chu kan sulhnu tam tak awm na a ni ve miau si a ,hnam puan zar zara a ruang hmuh loh avanga ruang tak awm silo va an thlah liam chuan ka lung a tina zual,a ruang tal hmu ila tlemin ka tuar thiam deuh tur . Ruang hlawm tur awm lo leh ka kuah thei lo chuan min ti lungchhe takzet .










Vanlam chu ka en chho vang vang “ Ka nu ka pa,ka hmangaih kha a rawn kal ve anih ngai chuan lo vuanin in kiangah lo awm tir rawh u aw,in fanu hian tunah chuan inhumhim na tur leh belh tur a nei ve tawh lo va ,nu leh pa ,pasal hun reilote chhungin a chan vek ta si a ,in Pathian bulah khan engvanga hetiang taka ka mal hi duh nge a nih lo zawt ngei ngei rawh u aw .










Thlakhat lai Delhi kan awm hnu ah kan intawnna hmasa ber Mumbai lam kan pan a,engkim chuan lung a ti leng vawng vawng thei, Mumbai kan thlen atanga a tuklamah chuan kan inhmuh hmasak berna tuipuikamah ngei chuan ka fapa chu ka kal pui “ Bawihte hei hi anu leh apa te intawn tanna leh in hriat na hmasa ber a nih hi aw " tiin ka fapa a kut vaia tal sek chu ka thut thlak pui a ,“ Zochhuanmawi lo haw tawh rawh ,thlathum a ni tawh a nia ,lo haw rawh a rei tawh lutuk .







Kan kianga awm hlen tawh turin i rawn let leh tur thu min tiam a ni lawm ni ? I va rawn let har si ve ,Zochhuanmawi rawn chhuak rawh " tiin ka au vak vak,ka tap leh vak. Ka mittui zozai te hian awmzia an nei ve lo a ni ang,a rawn let har tawh emai “ Nick Zochhuanmawi i thusawiah ding nghet ta che ,i fapa nen hian engtin nge mal leh khawhar takin min kalsan theih zawk ,i fapa hian pa a mamawh a keiin ka pasal kha ka mamawh che a sin,ala hun lo ,i thih hi ka ring ve theilo Nick " mittui hru chung chuan ka phun chhuak sap












Mizoram a kan let hnu pawhin engmah tihchakna ka neilo, Kyle leh Chamchamin englai pawhin min awm pui a ,Malsawmi te pawh a khat tawkin an rawn lang reng,Dereck pawh a thiantha ber thihna chuan a nghawng ve hle tih ka hria , Nick nu leh pa pawhin an fapa an chan chu an hriselna hniam sawt zia Chhani leh Dinsiama chuan min rawn hrilh,ka mangang takzet . Nick awm lo chu engkim kan nunphung a buai nghal vek tih hai rual a nilo .








Hmingthana pawh a nitin a rawn leng a ,fiamthu hmanga min tih hlim hram hram a tum thin. Ka tan chuan thiantha ala ni reng a ni,nitin Bawihtea chu thil a rawn hawn ziah a,hauh tum pawhin a hauh theih tak tak loh “ Ka fapa ang a nia chuvang chuan duat theih ang zawng zawng a duat ka duh " a timai zel ,kan roomah chuan keimah in ka awm a,pawnlamah Chamchami leh Kyle an ka fapa chu an infiam pui, Nick thlalak chu enin ka chul “ Ka ngai lutuk che ,i tello a hmalam pan hi a har lutuk,ka pen thiamlo keimah chauh chuan hmalam ka pan theilo .










Nick ka mamawh zia che i hriat kha;tinge keimah chauh va khawvel hmachhawn tura min kalsan,ka theilo a har lutuk nitin hian ka mamawh zual ngawih ngawih che a sin,zing ka harh a ka kuah tur i awm tawh lo va ,miten min selna karah ka hmaa ding tur i awm tawh lo va ,i fapa in zanah lawm tu tur a nei tawh lo va . Kei ngei pawhin ka tah changin kuah tu tur ka nei tawh lo,LALPA MAL LEH TAH CHIAH HI EM NI KA TANA I RUAT CHU,MITE HMUHSIT LEH NUIHZAT CHIAH HI EM NI KA PIAN CHHAN.








KHAWVEL HIAN EI TUR LEH INTUR MIN PE A ,MAHSE NATNA LEH THIHNA MIN LEM TIR TEL LEH THIN ALO NIH HI,siam tu hian a siam a nimahna mahse a tihlawh tling tu te chu he khawvel hi te hi kan ni leh thin si . Ka pasal chu dam takin tiin ka thlah a ,mahse a ni chu a lo kir ve leh tawh dawn lo,thih hnu piah lam ramah awm in kei chu min theih nghilh tawh mai thei ,nilo min hre reng tawh hauh lo vang .






1 YEAR LATER





“ Anu " ka fapa tawng thiam chak tak leh a kum phu lo va chak chu ka lamah a rawn tlan phei ter ter a , ka lo kuah vat . A Patea thil lei chu enin a nui sen sen ,Hmingthana chu kan lam panin a rawn phei ve nghal zat “ Thil leisak ziah suh a sual zawh tawh hi " tiin a banah ka hnek zauh,a nui hawk hawk mai ka bianga rawn piai pah chuan min nuih vur vur “ Ka bem rei tawh che nen min la chhang duh miahlo hi i mak,kum khat chhung ka nghak tawh che ania " a tihchuan ka thaw hak.









Nick a awm loh hnu phei hi chuan tu mipa mah hnaih ka duhlo,amah kha ka tan chuan mipa awm chhun a ni reng ang. A dinhmun tumah luah tir ka duh hek lo “ Hming ka sawi tawh kha,thian kan ni chubakah ka pasal hi ka phatsan theilo,nitin hian a lo kir leh ka ring tlat thin" chutia kan lo titi mawlh mawlh lai chuan ralkhatah Nick ang deuh ka hmu,ka pan nghal vat “ Nick, Nick nangmah ini tiraw Nick lo chhuak rawh " tiin ka au tuar tuar ,mahse a lo bo leh daih tawh.









“Jasmine i hmuh sual a nilo maw " Hmingthana chuan ka bula rawn din pahin a ti a ,ka lu ka thing nawk nawk “ Ka hmuhsual lo ka chiang a mah ngei a ni,a pian atang khan ka hre vek" ka tihchuan Hmingthana chu ka fapa pawm chungin a thaw hawk “ Ka sawi tawh kha Jasmine i ngaihtuah nasat lutukna lamah amah emaw i ti a nihdawn kha ,haw ang u chawlh hahdam i mamawh a nihkha " a tihchuan ka melh kar “ Keihian ka pasal ka hai ang maw ,teuhlo min awih kher turin ka tilo che " tiin ka fapa chu ka pawmsak a .









Ka kalsawn nghal nal nal “ Nick ila dam a nih ngai chuan kan hmaah lo in lan vat rawh " tiin ka phun sep sep ,Hmingthana pawh chuan min rawn zuiin ngaihdam min dil,ka chhang lemlo,a thusawi kha ka haw lo bawk . Ni e ; mite ngaihdanah chuan ka pasal chu a thi daih tawh a lawm,ka la pawm theilo mai pawh a ,nichina ka thil hmuh kha hmuh sual mai mai a nilo tih ka hria. Ka thinlung hian ka pasal a niin a hre tlat a ni ,in kan thleng Chamchami leh Kyle chuan min lo buaipui vat .








“ U i tha em?" Chamchami chuan ka hmel awmdan a hmuh rualin a lo ti vat,min ngaihtuah em em a an ni pahnih hi awm lo se chuan tun ang dinhmun hi ka thlen ka ring lo va ,ka fapa pawh hi hrisel taka a awm ka ring hek lo “ Chamcham Nick ka hmu in ka hria " ka tihchuan mak tih hmel zetin min en “ Ka hmu chiang lo na chu a mah ngei a nih ka ring tlat a ni " tiin inchhunga Nick thlalak intar thup chu ka melh vang vang ; ka kut rawn chelhin“ U ka ring che a lawm,u Nick chu a la dam a a la hria cheu a nih ngai chuan alo inlar vatin ka ring.








Anihloh pawhin i laka inthupna chhan a nei pawh a ni thei keipawhin u Nick-a thih hi ka ring bik hleinem ,mipa chak tak leh tumruh tak a ni tih ka hria ,a nupui leh fapa hi rei tak a awm bosan thei cheuin ka ring lo . A chhan chu a hmangaih em em cheu si a " a tihchuan ka bu nghat,room lamah lutin Nick thlalak bawk chu ka be leh “ Nangmah ang tak ka hmu a ,nang lo nihlauhna ,Zochhuanmawi ka mitthla mai mai nih tir suh aw .








Kan thutiam kha hre reng rawh ,damchhungin,tarkun khup bih a dam dun min tiam vek tawh kha . I thilo anih ngai chuan rei tak min bihruk san suh " tiin athlalak chu ka pawm vawng vawng “ Duatte" rawn tileh thut tur angah ka ngai a ,ka hlatah ka dah phallo a thlalak hian min ko in thu min hrilh thin niberin ka hre thin. Ka kiangah awm ve rengah ka ngai,a pa pawh tunah chuan an kiangah a awm ve tawh ngei ang ,Anu erawh in min la dampui renga Chhani te nupa in an buaipui reng tih ka hria a.








Ka lawm hle bawk ,ka phone ah message a rawn lut a “ Zan chu theih nghilh suh aw " Hmingthana message chu chhiarin ka thaw hak,an hna chungchangah an pute ho vin party an buatsaih a ,ram dang atang pawha rawn kal tur pawh an awm nual a ,hotel leh company lam neite an ni nawk dawn a , India rama mi hausa then khat hlawhtling tak tak ho pawh an sawm tih ka hria ,peihlo hle mah ila min sawm ve miau avangin kal ka ngai ngei ang .








Zanah chuan kan kal dun ta ngei a ,kawrfual khup chena kak chho chu ka ha a ,Hmingthana pawhin coat suit a ha bawk ,partyna chhunga kan luh chuan an lo tam tawh viau,Hmingthana chuan an pute bakah mi chi hrang hrang min hmel hriat tir chutah dawhsan lam atang chuan “ Kan hotel lam a kan thawh pui tur thar Mr Ryan ilo sawm ang u " an tihchuan hnung lam atangin mi pakhat a rawn chhuak,dawhsana a dina a hmel light in a en rual tak chuan ka meng kawk.







Ka tha a khur a ka hawisawn theilo,a inmet fai vanga a naupan hmel hle bawk mahse a mit leh hmai vun chuar deuh chuan a naupang chhe zawk zawk tawhlo tih erawh a tichiang,a nuisanga thu chu sawiin a bulah hmeichhe pakhat ding ve in an inkuah deuh chial,ka en reng ,engvanga chunu chu kuah nge a nih. A mah ngei a ni tih ka chiang a ni . Ka mittui a hnam leh tiam tiam,keihi bum ka ni em ni?

[Ngaia]

THE GOVERNOR






CHAPTER 28







Pawnlama a chhuak chu ka zui chhuak vat,ka kal pui lam ka ngaihtuah thei tawh lo ,khawpui thlira a ding vauh vauh chu a hnung lam atangin ka kuah chawt “ Nick nangmah tiraw i nih? Engvangin nge i bo rei em em ,Zosangpuia nen kan lo nghak reng che a sin,i thih kha ka ringlo reng a ni " tiin ka tawng mawlh mawlh ,mahse min kuah let lo chutih rualin ka kut chu a dul a a awmna a ta chu a theh thla hmawk “ Min khawih hauh suh hmeichhe lepchiah lutuk " a tihchuan mak ti lutukin ka en .










Enge a sawi awmzia “ Keihi ka rawn kir i duh tak tak chiah maw ? Pasal te awm lo hre chang lo leka mipa dang hnaih leh nghal thei hmeichhe hnuaia kun leh tura ka rawn let i ring em ni? Ka fapa chu keimahin ka rawn hmu anga ka hruai bawk ang " a tihchuan a thusawi chu ka hrethiam lo deuh deuh,keichuan a lo let hun leh a kianga ka awm hun ka nghak hlel em em zawk a ni si a “ Nick engkim ka sawi thei,Hmingthana a nihchuan ka thian mai chauh a ni . I thi tih min hrilh khan engtiang chiahin nge ka tawrh i hrelo tiraw?.










Ka tuar zia hre miah lovin engtin nge hmeichhe lepchiah tak ang chuan min chhuah theih " aw khur der der in ka sawi chhuak, ti em em a a thinrim hmel hi ka la hmulo,min huat hmel lutukin min en “I thil tih te avangin alawm ka sawi ni,lo inring ang che ka fapa chu ka bulah a awm ang ,i bulah nilo vin kha mihring hlat tur a ka tih che kha hlat lo vin zaninah ngei pawh i rawn kalpui a ni lawm ni?" a ti tuar ,a inseh ruh tawlh tawlh bawk . Engtin nge Hmingthana nena kan inkarah awm awm anga a ngaih theih le .










Ka hrilh ngun hle si a ,“ Nilo ani nen chuan thian chauh kan ni ,Nick min ring rawh . Nick ka phatsan ngailo che a sin,ka ngai lutuk che Nick " ahmai khawih ka tum chu ka kut a lo vaisawn leh pawp ,ka mittui a luang ngiai ngiai “ Liandingpui i lemchan hi duh tawk rawh, ka insum theihna hi fiah hauh suh ang che" a tihchuan ka ip chawih,Duatte pawh min ti tawh lo vin ka hming ngeia min ko te chuan min tina ngawih ngawih,min nam lawp in inchhung lamah chuan a lut zui a .









Ka en vawng vawng “ Nick nangmah ini lo vem ni? Nangmah tak tak kha chuan min ring chhe ngai silo va , Nick nge min tihder zawk ,inchhung lama ka luh leh lai chuan a hmeichhe hruai nu nen chuan an inkuah chial a ,an in nuih dun bawk . Ka thin zawn na lutuk avang chuan ka dawm ,sawtiang sawn keimah chiah kha min nuih thin a sin. Hmingthana ka bula a rawn kal chua na “ Tinge ilo awm bo,i tha em?"ka hmel a hmuh rual chuan a rawn tinghal vat .








Ka bu ringawt, Nick chuan min rawn en tih ka hria ,mahse min ngaihven vang nilo vin,min nuihsawh a duh vang a ni “ Kal ang sawtiang mipa laktlak loh vang sawn i inti hnual mai a nge. A ni pawh i tello va a awm theih chuan nangpawhin theih tum rawh ,Buatsaihi nen sawn reiloteah an innei dawn tih kan pu khan a sawi a ,chuvang chuan theihnghilh rawh " a tihchuan Nick lam chu ka en








A dik ngei ang,kan haw hnu ah ka fapa chu ka pan vat,a ni hi chu ka chan ngailo vang . A bikin Zochhuanmawia lak ah ,ka natna tur tih hre rengin hei chen hi ka lo pawm a ,engtin nge ka hmangaihna hetianga a thungrulh theih ,ni e keichu tumahin min hmangaih tak tak lo,ka tan a nui ve ngai lo va ,khatianga ngaihsak khan a awm ngailo . Dawtin min puhin a ni erawh fihlim angin a insawi,he hmangaihna hi ka hua ,hmangaihna hi ka haw lutuk" ka fapa chu pawm kangin ka tap zawih zawih.









“ Bawihte apa chu a lo let a ,mahse anu hi kuah pawh a kuah duh lo va ,biak pawh a be duh tawh lo ,nang tal hi chu ka chan thei tawh lo vang che ,apa chuan nupui dang a nei dawn a ,anu chu a tan a pawimawh ve tawh lo ,bawihte apa in lo hruai che a tum anihchuan anu mal zia hi hre reng la ,min kalsan ve miah suh aw" naupang thianghlim tak ka fapa muhil chu ka be mawlh mawlh.







“ Zochhuanmawi ka ngai che a ,ka mamawh che a sin, tinge ka kianga awm tu pawh hian min hlat zel,kei hi ânchhia ka ni em ni ? Hetiang em em a mal tur hian eng em em hi nge ka tihsual,thi ila hetiang hi a reh zawk a ngem? He ânchhia englai pawh a min zui reng tu hi ka thih hunah chauh em ni tawp a tum ang ,ka tap chhuak hawm hawm “ Zochhuanmawi engtin nge ka tello va i hlim theih bik,a hma ang tho khan min kalsan leh dawn maw? Engvangin nge ka lo hmangaih che le ?.







Ka hmangaih che hi ka thil tihsual lian ber a nih hi tiraw ,englai mah a min ring ve ngailo tu mipa mawl lutuk ka lo hmangaih a ka thinlung zawng zawng ka lo pe chu a ni si a ,tunah engthil nge ka tawn leh tak hi,a let chu natna leh dawta puh ka nih na chiah hi a nih hi " ka fapa chu ka tap ri avang chuan a rawn harh“ Anu" a tawng avang chuan ka mittui hru in ka en thla “ Anu " atileh ringawt ,duh angin tawng ala thiam lo bawk nen anu tihbak hi chu a lam vak ngailo hrim hrim a











Ka pawm nghet sauh “ Ka chan ngailo vang che bawihte " tiin ka awmah chuan ka pawm bet “ Anu nute a duh " fiahlo ruai chuan a hnute duhthu chu a rawn sawi a ,ka lo nui hak ,ka kawr ka hlim rualin ka hnute chu a fawp nghal dawk dawk ,a lu ah ka chul hauh hauh. A tuklamah chuan Chamchami leh Kyle thil awmdan ka hrilh chuan an lungawi lo hle , Nick chu an dem thu an sawi mawlh mawlh,chhunah Nick leh kha hmeichhia kha an lo lang ngei a .









Kan fapa Nick an a hmuh chuan khawdang hawi miahlo vin a en ,bawihtea pawh in a en let ve kar “ Apa bulah lo kal rawh le ka fapa " a tihchuan naupang a tih takah a pa chu a pan vat,an inkuaha a hmeichhe hruai nu chuan bawihtea chu khawih ve in pawm mai a tum,bawihtea chu rak thatin ka bulah a rawn tlan vat “ U Nick i thil tih dan hi kan duh miahlo ania ,tin naupang hi kum 5 an nih hma chu nu kiang ata lak sawn theih an ni lo,kum 5 hnu ah pawh an duhthlanna an la laksak leh zel .









Hetiang ringawt chuan rawn lak tum suh ang che . Jasmine i puhna avang hian ila inchhir leh zawk ange,a mah aia nasa in hmeichhe dang nen i rawn kir lehnghal, ka lo ngaisang thin che. I thihna tuar em em tu hmeichhia pawh hetiang khawpin i ti duh a nia ,u Jasmine hi New York ah khan lo awm tir reng ila heti khawp hian a tuar lo vang,Mipa lak tlak loh tak ilo nih hi ,a ngaihdam na che ,a hmangaih na che hi nang chuanin hmangaihna leh dawhtheihna in i en ve ngailo hrim hrim a nih hi .










Sangpuia hi i kutah chuan a awm ngailo vang,court thlengin kan kal mai ang . A chhan chu maw Hmingthana leh ka u inkarah thil thleng sawi tur hi tumahin an hre lo vang,nang erawh in inkara thil awm an hre vek,naupang chuan hmangaihtu leh ngaihsak tu an hria ,tin nu nei reng chung chuan nuhrawn in an enkawl phalna hi avang khawp,diklo taka a nu a awmte a nihloh chuan hei hi hre rawh ,he in pawh hi i in a nihna ang in i nei thei ang .








Keini chuan ram kan nei a ,in kan nei bawk chu hmun ngeiah chuan kan kal ang . U Jasmine chuan a hmangaihna che a vangin a tina leh thei dawn lo che,chuvang chuan i hmuh phak lova an awm hi a tha zawk ,a hmangaihna che hi i phu tawh lo ,in duh chuan khanu nen khan fadang chu nei ve mai rawh u. Keini chuan Sangpuia hi kan hruai dawn " Chamchami chuan a tihmak,kei erawhin ngawi renga Nick ding chu ka pan,a hmaah dingin a hmel chu chiang takin ka en ,ka kut phar chhuakin ka chul zai zai.









” Ka ta ni ve theilo tura ilo piang hi khuanu thiam loh nge kan pahnih thiamloh, Nick tinge ka lo pian ve le tiraw ? Amal malin ka nun a pawimawh ber ber te laksak ka ni a ,mahse ka vui ta lo ve ,hlim takin lo awm la ,nupui i neiha chhungkaw dang i din thlengin khawiah emaw tak chuan min hrechhuak ve thin ang tiraw? Zochhuanmawi,hmangaih em em che mah ila keichuan i hmangaihna ka dawng let ve ngai dawn lo a nih hi ,kan thih hnu piahlam ah emaw kan la intawng leh ngai a nihchuan....







Ka tawp dat ,ka mittui chu a luang zung zung “Thihhnuah tal chuan ka ta nila ka ti, Nick" a awmah chuan ka bei,a kut a hum ruh tlat chu ka hum hnan “ Mumbai tuipui kamah khan ka lo zawng che a sin Nick,i thih ka ring ngai lo va ,ilo haw hunah min lo zawng mai ang tiin ka inhnema ,he kan inah ngei hian ka lo nghak tang tang che a sin . Mahse i tan chuan ka engkim hi a tling ve lo,i hmangaihna ka hlawh chhuak ve theilo va ,i tan ka tling tawk ngai lo ,ka sawi fo kha ni leh thla chu an intawng ve ngailo .








Min hmu thei mahla min khawih ngai lo vang,nang chu ka ta nilo turin thlang lenkawl ah a liampui che a ,i tana ka tlinloh zia tilang turin zan lalnu chu ka chan chhun a ni . Ni angin mawi takin i enlai in keichu tuma ngaihsak rei ni ngai lo leh mutthilh san a hawisan niturin zanah chauh keichu ka lang tawh anga,thlapui angin ar si tam tak zingah mal tak bawkin ka awm leh pawh a ni thei . Ni e ,keichu hmalai chauh in miin min ngaihsaka,mahse a rei hnuah chuan bawlhhlawh ang maia paih chhuah ka ni leh thin









Mal turin ka piang a ,tap turin ka sei lian a,ka phu tawk reng a nia nge ,ka tan hian khuanu hi a awm velo pawh a niang; dam takin aw Nick " mittui luang zung zung chuan ka en ,a ngawi renga a hmelah chuan natna ka hmu mahse ka tan a nilo vang. A hmeichhe rawn hruai lam chu ka en a “I vanneih zia hria in kalsan ngai lo la ,tina suh aw . I kutah ngaihngam takin ka hlan tawh a ,lo tina ve suh ang che . Kei anga nun a hman ngailoh nan hmangaihna leh dawhtheihna in lo en kawl la ,amah mai chuan thlahthlam ngai suh ang che .








Aiawhtu dinhmun i luah tawh dawn a ,he mipa hi mipa zaidam ber leh dawhthei tak a nihna avang hian hmusit ngai suh. A hma chuan atana pawimawh berah ka lo in ngai ve thin a ,a rohlu tluk hialah ka in ngai thin . Mahse tunah chuan a aia hlu zawk a neih theih nan a hlui hi ka kal dawn a ,tha takin lo enkawl ang che . Ka thik hle mai che " nui hakin ka tichhuak, mak tih hmel zet hian min en in Nick chu a melh,chutah a bu ta nghat , Nick bawk chu ka en “ Thihna chu damlai te tan tahna nimahse kal tawh te tan chuan lawmna a nih chang a awm thin.








Damlai te an hre tawh lo va,mi pakhat chauh fakin a tan an in pe pumhlum thin. Ka lo thi a nih pawhin ka vui lo vang,thihna chu ka tan enge a hlauhawm tawh bik ang tiraw ,ka tan chuan dam leh thih hi thuhmun reng an ni. He vanduaina hi ka kal hma loh chuan a reh dawn lo tih ka hria , Nick " ka tawng thei tawh lo ka tap chhuak hawm hawm “ Mangtha aw Nick,dam takin awm la ,i fate tan patha tak ni ang che" ka inher ,thawmhnaw kan pag sa vek tawh chu ka en ,ka fapa chu ka pawm a ,heihi a pa nen kan inhmuh tawpna ber a ni tawh dawn si.








Kyle chuan bungrua te chu a khai chhuak,theih nghilh ka neih avang chuan ka ding chawt,ka kut a zungbun chu ka en a ,ka phawi nghal vat “ Duatte " a aw chuan min va tina si em? “ Kal suh,kal miah suh,bul tan ang " a thusawi chu ka nuih hak ,ka lu ka thing nar nar bawk “ Nick nang nen hian bul tan tha tur chuan a theih tawh loh,kan intina tam mah mah tawh ,khachen bul tan that tumin ka ngaidam tawh che a ,mahse engmah a sawt lo .







Kan awm dun loh hi a tha ber ,awm dun leh pawh ni ila kan tawpna chu a ngai,kan bultanna ngaiah bawk kan tawp leh zel ang. Kan inkar hi tihian tawp fel rawh se; dam takin le ,kei leh nang chuan thawnthu zawm leh turin chakna kan nei tawh lo ,natna kan in pe tam ting. Hmeichhe âtna avang hian mipa te hian infiamna emaw min ti mah ula a pawilo,mahse hmeichhe dawhtheihna pawh hian em em tih chin a nei ve ,ka na a nih pawhin hei chu ka tawn tur ve reng a ni a ,ngaiah ka neih tawh.









Nat leh tah chu ka tana ngawlvei theih ang maiin keimahah a bet a ,ka hrethiam tawh e ,dam takin lo awm la ,hrisel takin lo dam reng ang che " a kutah zungbun chu ka hmeh bel “ Ni leh thla chu awm ve reng mahse an intawng ngailo " tisapin ka inher ,min au lawm lawm mahse ka tan chuan engah mah risk lak ka duh tawh lo . A ni nen chuan in hmangaih mah ila kan kual thui tawh lutuk,a ni pawh ka dem chuang lo ,ni e liam tur chu liam sela ,kal duh chelh reng turin ka tlin tawh bik lo a ni.







UNKNOWN POV..








Ka ruahmanna ang ngeia thil kal chuan min tinui vur vur ,ka duh ber chu Zochhuanmawia lak atanga Jasmine laksawn a ni ,ka nau ngei chuan ka thil duh chu a tipuitling ta ,Zochhuanmawian Jasmine a rinloh pauh leh ka tan kawng a awlsam a nimai,a ni in a hlat phawt chuan ka hmeichhe duh pawh ka nei tawh ang. Ka pic leh evidence neihte an thawk tih ka hrechiang bawk a ,ka thaw huai. Zochhuanmawia hmangaihna mitdel tak chuan a hmeichhe laka a thikthu hi ka tan hmanraw tha ber tih an hrelo ve ve .









Tihi chuan Jasmine nei turin hma ka la thei tawh ang,tumah ka kawngah an awm tawh lo ,ka thian fai vek tawh miau,ka nui suk a. Ka game ah hian tu tu te emaw chuan nunna an chan ta ngei a , kei erawhin ka hmeichhe duh ka neih hma chu a tul phawt chuan tual ka that zel mai ang,tunah chuan an zinchhuah hma a kidnap chiah a ni ngai tawh ni. ka fa ka pai tir anga,min neih ngei a ngai tawh bawk ang. “ Zochhuanmawi ,Liandingpuii chu ka nei leh ngei dawn e,i hmeichhe hmangaih hi i rawn chhan thei ange maw chu "?.






ZAWMNA






JASMINE POV...





Hotel ah kan awm rih a , Nick pawh a reh vang vang,pawnah chhuakin van chu ka en “ Enge ka tana i ruat hi ni chiah le ,tinge tu hmangaihna mah hi ka tan a tluan ve loh. Ka hmangaih te chiah ka kiang atangin i lasawn a ,ka chelh ve reng an rem lo a ,mi nun ka en a an ni chu malsawmna tam tak nen hlim takin i siam leh tho si,ka tan hian Pathian ini ve tak meuh em tih hi ka ngaihtuah a sin,tinge harsatna leh min kalsan tu tur zel min pek bik" ka tawng chhuak mawlh mawlh .









Chutia ka din lai chuan hnung lam ah thawm ka hriat a vangin en tumin ka inher ,ka lu risawk a vang chuan ka khawhmuh a thim nghal hmuk,ka men leh chuan ka kut leh ke phuar vekin a lo awm a ,khumah ka mu bawk . Ka awmna hmun chu ka hre hauh lo,enge ka chungah thleng ang ,kawngka a mi rawn lut chu fiahlo ruaiin ka hmu,ka lu na zet chu dawmin men fiah tumin ka inthing .








Mahse a har takzet “ Ilo harh tawh maw ,che lo khan awm la i tan pawh a nuam zawk ang " titu chu ka en ,“ Hmangaihsang engtin" ka tihchuan a nui suk “ Min hre ta a lawm,nang neih tum che hian ka beia ,i pasal ngei pawh khan venhim nan che leh i fapa tan inthen a pawm a ,chubakah ka nau nen lah in lo inhnim hnai bawk si a ,a thinrim sa tih thinrim belh chu a har lo hle bawk ,i ruih laia ka nau bula i chet dan kan hmuh phei kha chu a dam chiang lo chung khan min khawih a tum vel mawle .









Ka duh ang ngeiin a haw ta bawk che a ,mahse i kal a phalna chhan erawh i nun chhan nan a ti a ni miau va ,nang lah in engmah i hre der silo ' a tihchuan mak ka ti lutuk chu ka en tlawk tlawk “ Tunge i nau chuan Nick thil tih te hi kei min chhan nan maw " ka tihchuan a bu leh nghauh ” President jail a a khung avangin thah an tum a ,in fapa ngei pawh ,chuvang chuan a venhim theih nan a bula awm tir a duh,mahse nang pawh venhim i ngaih avangin deal ka siam pui ta a , i him a duh chuan kalsan tur che in,a thawk tha phian a nih hi" tiin a nui khawk rum rum .









“ Hmingthana hi ka cousin tih i hre hauh lo vang tiraw ? I pasal a thilo tihpawh a hria a ,a chhan chu maw thah tum tu zingah a tel miau,Zochhuanmawia vang hian engkim kan duh ang in a kal thei lo va,engtin nge a damchhuah sen ni ,thah ah che kan vau a vangin awlsam takin a then mai che a " tiin a nui leh, a thusawi chu a dik a nihchuan Nick hian min la hmangaih reng tihna maw ? Engmah hi ka hrethiamlo.







“ Hmanah tawh khan ka ta tur i ni a ,mahse Nick Zochhuanmawia hian engkim a tichhia a ,tunah erawh keichauh lo pawh hmelma a nei tih i hre lo vang maw ,chung ho in an hriat hma ngei che a then che kha a duh a,a ni hre mah se a nupui leh fapa hi an hre miau lo cheu a " tiin dawhkan chu a tuk ri kerh kerh, Nick a rukin min lo venga mahse engmah ka lo hrethiam silo,tunah te hian thah tumin an hel reng awm si a “ Engvangin nge min man,i thian a ni lawm ni? I pui miah lo a maw" ka tihchuan a nui leh mai .









Min rawn panin thinrim hmel zet a min en hnu ah “ Ka hmeichhe hmangaih ka neih theihloh chhan mipa hi ka thian a ni ngai lo vang,ka duhna che a rei tawh a sin,Hmingthana nen in naupan lai te khan ralkhat atangin ka lo thlir che a ,tet te atangin ka duh tawh che a nih chu. Mahse ilo puitlinga kha Zochhuanmawia khan min lo chet khalh khang langa ka ruahmanna a tichhe vek a ni " tiin a chhuak nal nal,engmah ka hrethiam lo,Hmingthana leh Hmangaihsanga hi cousin maw an lo nih a.









Engtin nge ka hriat loh theih,kawngka a rawn inhawng leh a Hmingthana a rawn lut nghal ,ka lo en reng,thian angin ka en a ,engtin nge hetiang a tih theih “ Hmingthan engvangin nge min man? Min chhuah rawh " ka tihchuan a ngawi reng,ka ngai theilo “ Engvang nge ka thianah ka ngai che a sin,mahse min lo bum reng a maw?" Nick nen kan inkar chhiat chhana a inrawlh tih ka hriatna te chuan min tina zual, “Ka unaupa jail ah in tan tir a sin " a tihchuan ka en kar .








“ A jail tan chhan i hria anilawm ni? A ni khan damdawi min pe in ka naute pawh a that a sin,engvanga Nick nen kan inthen duh ve nge i nih,ka baihvai zia hrechiang tu ini lo vem ni? Ka chungchang engkim i hre vek a nilawm ni? Engkim min hrilh rawh " tiin ka au khum,ka mittui a luang zung zung bawk “ Ka unau pa jail a tang tih ka hriat khan puih ka intiam a ,mahse a hmeichhe hmangaih i nih ka ring lawk hauh lo ,mahse ilo ni reng a .









Ruahmanna kan siam chho va ,jail atangin president khan a la chhuak bawk ,Joyti in Nick Zochhuanmawia a hmangaih ve miau a vang khan kan tan a harsa lo,a chhan chu thil an ti thei miau va ,i pasal chu kan bei a ,in nupa inkar a chhiat theih nan,thi anga a lan lai pawh khan keichuan an ru bo tih ka hailo,engtin nge a rawn tlanchhuah theih ni,Joyti leh apa chu man an ni ta a ,kei leh Hmangaiha erawh kan him hram thung. I pasal chuan hmelma a neih belh bakah nang i kianga ka awm ve reng nen a thinrim na leh rilru buaina chu remchangah la in kan pahnih pic thawnin ka tibuai tan a ..










A tirah chuan a awih duh mai lo ,mahse ka nu birthday a ka sawm che kha ila hria in ka ring" a tihchuan engmah hrelo va ka chahthlak kha ka hria “ Khatah khan i video ka thawn leh a ,i saruak nen" a tihchuan ka mit ka chhing . Lepchiah ti a Nick min sawi lai te chu ka ngaihtuah let ,“ I lo tenawm takzet , ka ring che a ,thianah tak tak ka ngai che a sin,mahse min lo bum reng a maw .







In tenawm unau takzet " tiin ka tal “ Min chhuah rawh u,ka ngaidam hauh lo vang che u " ti tuarin ka kut chu ka phih,an thlung nghet bawk nen a na nghal ut ut “ Ka sawi ngai thla rawh ,i tan khawilai mah a him lo,keipawhin hetia tihche hi ka duh lo. Fimkhur tak leh thuawih takin awm rawh,i pasal hian i him nan zawk a thlah che ,a chhan chu a lo sawi tawh mai thei ,tunah hian a laina hnai ho hi an dinhmun a derthawng hle .









Hel pawl hian thah tumin an pel reng che u,i him nan leh i nat loh nan a tina che a nihkha ,i chunga thil thleng tur hi a hrilh thei che mahse hlauthawnga i awm a phallo ,he thil ka sawi chhan hi chu i thian ka nihna thin a vang tih hre rawh ,min hua ang tih chu ka hria,mahse misual an sualna haichhuah nan chuan misual nih angai ve thin,i pasal hi haw suh " tihsawiin a chhuak zui ,an thusawi zawng zawng chu mak tihna in ka khat , Nick min venhim a duh vang maw ? Anih Hmingthana ve thung hi tu lam tang nge a nih.








Enge a tum chiah,tute nge min thah tum tu te chu,kan fapa lehzel pawh thah tum tu te chu tute nge ni ang “ Ilo tha maw " Hmangaihsanga chu ka en reng,eitur nen a rawn lut a ,ka thinrim lutuk chu ka puak keh lo chauh “ Lungngai suh ka fa ila pai thuai anga chumi hunah chuan min la hmangaih ngei bawk ang" tiin chaw chu min barh a tum a ,ka chil ka phui thawt “ Ka hua che " ka ti vak,thinrim zeta min en in ka hmaiah a beng thuai,ka lu a hai sawk mai .








“ Oh! Tihpalh ka hmangaih a na viau em,engtin nge kut ka thlak theih che ,mahse min ti thinrim em a nihkha" tiin ka hmui atanga thi chhuak chu a rawn hru,“ Min kal tir rawh" ka tichuan a nui leh ringawt “ Helai hmun atanga kan tlanbo theiha kalna tur hrelo a i awmna hmunah le " tiin damdawi chuan min chiu a ,reilo teah ka lu a rawn hai riai riai, Nick ka mamawh takzet hepa hian ka chungah enge a tihdawn tih ka hre der silo .








Ka taksa zawi lutuk chu duhtawkin a khawih kual ,a rum dur dur a ,namsawn ka tuma tha ka nei der silo,thih ka chak thih daih a ni ka duh ni,Zochhuanmawia ka nei theilo va ka hmangaih te tumah ka venghim thei silo . Ka pasal tan pawh ka inserh hrang thei dawn lo chu a ni si a .






Hmangaih chu i nei tawh a ,mahse i ta a nikher lo tiraw? Ni e tam tak chuan kan hmangaih te kan nei thei a ,kan kiangah an awm thei,mahse then khat erawh chuan an inhmangaihna kawng ah harsatna chiah an tawk ve thin a sin,awm lo anga i ngaihah kha chuan mi thenkhat te nun erawh a nuam ve kher heklo,i hmangaih kut i kaih theih lai khan mi thenkhat chuan an kalsan angai thin a sin,khawvel anih hi . Awmlo anga kan ngaih te pawh an lo awm leh thut thin si a

[Ngaia]

THE GOVERNOR





CHAPTER 29 LAST





Thawk leh khatah ka taksa chu a zang huai, Nick hmel ka hmu nghal thinrim zetin Hmangaihsanga chu a hnek mawlh mawlh “ Nick" ka lo ti tiau chu min rawn enin min pan nghal vut ,min kuah in “ Duatte ka tihpalh,ka tihnat leh fo che avang pawh hian " a tihchuan mittui nen ka en chho kiau,kan sirah Hmangaihsanga chu a let reng,reiloteah police an rawn lut ve nghal . Chuveleh Hmangaihsanga chu tal phutin silai chuan min tin nghal zat








Nick chuan nghet takin min kuah bet,ka mit ka chhin rualin silai a puak dur ,nilo a ni theilo ,rang zetin ka meng chhuak “ Nick silai ri kha i hre ve em ?" tiin ka en , min nuih in ka samah a chul,min la kuah bet reng “ Engkim a tha ka veng him ang che ka tihkha " a tihchuan ka nuih var var mai,Hmingthana chuan Hmangaihsanga chu a hnek tlu tawp ,ka kut huh ang ka hriat avang chuan ka kut chu ka en ,thisen ka hmuh chuan ka mengkawk .









Nick chu ka en nghal vat “ Nick thisen ,thisen! " tiin Nick chu ka en kual,rawn rum hawkin a tlu zui,ka chelh hman hram “ Min pui rawh u, Nick hi a kap fuh ania " tiin ka au tuar ,a ka atangin thisen a rawn chhuak a ,ka chi ai nghal vek “ Min en teh ,Ka duatte" tawng harsa tih hriat takin a rawn ti ban charh,ka mittui a tla zung zung bawk . Ka biangah a rawn tuai a ,a kut chuan thei leh theilo vin min ban,ka kun hniam vat “ Keimah vangin tap tawh suh. Ka tina reng che a,i mittui tlak phallo tu bawk hian vawitam ka tina che " a chawl vang vang.











Police ho che muang lutuk chu ka hua “ Ka duatte min hua ang tiraw ? Ka naute hi ka ti tap fo si a,kan fapa kha tha takin i enkawl thei tih ka hria,kei ka awm loh chuan in hlim bawk ang. Duatte i mal ngai lo; I mal ngai reng reng lo tih hria ang che " a kut ka biang a dawmna chu ka nul “ I tello in ka dam duh bik lo,i tello lehzel in hmalam hun ka thlir theilo, Nick nang tal chuan min kalsan tawh miah suh. Ka mal dawn lutuk a sin,ka ngai che tang hram hram rawh ,hlim takin kan awm tawh dawn a lawm.








Nangmah chauhin khawiah mah i kal ka phal tawh lo,Zosangpuia pawhin a mamawh che . A tawng thiam hmasak ber pawh Apa tih a ni a sin,eih tu tur neilo mahse a thulh ngai reng reng lo ,kan kiangah i awm a ngai ,kan fapa vang tal pawhin " police ho chuan an rawn buaipui, Nick chuan nikhua a hre tawh meuhlo,ka kut erawh ala hum nghet hle ,damdawi in lam panin kan tlan,a kut chu ka biangah dah in ka dawm tir “ Nick min kalsan tawh suh,i hria em ? Zochhuanmawi ni i bo daih chuan engtin nge Thla hian enna ka neih ve ang .









Ni enna tello vin Thla hian a mahin enna a neilo tih i hria a ni lawm ni? Kan planet ve ve atang hian chhuakin kan awm dun ve thei tawh lul lo vem ni? Chhuahsanin hlim takin awm ang ve tawh ang Nick,he thlapuiah hian ka cheng tawh lo anga,ka rawn pan ang che engtiang pawhin i hnen ka thlen nan hian sa mahse chu sa chu paltlang huamin ka rawn pan ang che nga,min lo hnar tawh suh aw ,nangin min rawn pan theihloh chuan keimahin ka rawn pan mai ang che ,ni leh thla an leng dun theilo an ti a ,mahse chu thil chu tidang lam tawh ang.








Thla pawh zanah chiah a lang ngai hleinem tiraw ? Ka rawn pan ang che Zochhuanmawi chuvang chuan rawn harh leh ang che . Awmdun lo tura ruat an awm an tih chu kan pahnih hian kan thlak danglam dawn lo vem ni?" ka au a ,ka bia mahse a mut ngai rengin a mu bawk si ,damdawi in kan thlenga emergency room lamah an nawr lut nghal ,ka tap char char police ho thil min zawt chhen te chu ka kham takzet .








Ka pasal thi leh dam kara a len laia chutiang buaina min zawt phet te chu ka ning lutuk “ A pasal harh hun te nghak ve ta che u ,a hahthlak lutuk mi rilru buai laiin thu zawt thin suh u ka ti cheu a ni lawm ni? A hrim hrim in engtin nge in awm lai renga hetiang in thlen tir thei nge in nih" thunei aw tak sileh dam dap hian a rawn ti a ,chulam chu ka en vat,mipa pakhat lian khup leh thunei tih hriat tak hian a rawn ti.







A banah hmeichhe pakhat raipuar a kai bawk ,a nupui a ni ngei ang “ I tha maw thian nu ,Zampuii ka nia,kan pa a lo rem chang theilo chu a pawi hle mai ,in pa chu a tha leh mai ang " a rawn tihchuan ka bu nghat “ Ka lawm e ,ni e ka beisei Liandingpuii ka nia Jasmine tiin min ko mai rawh ka ti let ve zat ,“ Anu" ka fapa aw ka hriat avang chuan ka hawi chhuak,Kyle leh Chamchami chuan ka fapa chu an rawn pawm phei “ Awi Bibi an fapa duhawm zia hi ,kan fa teh hi enge a nih ang le " Zampuii bawk chuan a pum enin a tileh sep .







An pa chua duat hmel zetin a en a ,ahmangaih zia chu hairual a nilo , Nick ka ngai zual he mite ang hian hlim takin awm ve tawh ila ka ti “ Anih kan kal phawt ange,in en tir ve kan ngai si a ,nidangah kan inhmu leh dawn ania " a rawn tihchuan nuisakin ka lo chhawn let ,misual zawk zawk an ni lo tih a hriat “ U,U Nick chu a tha leh mai ang,hei ai nasa pawh a lo hneh tawh a,a hneh leh mai ang . Sangpuia nen hian a kalsan phal cheu ka ring lo " Chamchami chuan a rawn ti.









Ni e a rawn harh leh ngei a ngai a ni,kan kiang ata awm bo tawh lo turin arawn harh ngei ka beisei tlat ani,Zochhuanmawia hi vawikhat tal be lo leh kuah lo vin ka kaltir phallo a ni . Ka kut suihin ka tawngtai mawlh mawlh ,reife hnuah doctor a rawn chhuak a ,ka lo pan vat “ A....tha..em?" ban charh leh hlauhthawnna a khat chung chuan ka lo zawt zung zung “ A tha e ,a dar dinglamah a kap hlauh a ,a vanneih thlak hle mai a mah a tuarchhel bawk a ,tluang takin kan zai thei e " doctor in a tihchuan ka lawm lutuk chu ka tap deuh par mai.











“ Ka hmu thei a ngem" ka tihchuan hmuh theih thu sawiin an rawn sawn chhuah hun nghak turin min tinghal,rei vaklo vah an rawn nawr chhuak,room a an dah fel hnuah ka lut nghal vat, oxygen hip tir a niin a dar kahna lai chu an tuam sak bar ,ka pan hnai nghal ruak “ Ka lawm e ,Lalpa " tiin ka phun sep,a kut chu ka hum “ Zochhuanmawi ka tawng i hre thei em ,min kalsan loh avangin ka lawm e ,lo harh vat rawh aw ,i bula sawi tur leh ka lungawi loh thu hrilh che ka duh a nia .










Chuan ka kianga awm reng turin ka duh che ,I fapa pawhin apa angchhunga awm a chak tawh a nia ,lo harh la lo haw zung zung rawh aw ,ka hmangaih che vawitam min tina pawh nila nang chauh ka hmangaih reng che " ka phun chhuak sep sep ,a chalah ka chal nghatin ka mittui chuan a biang a far keuh keuh “ Nick Zochhuanmawia ,ka governor a nihlaia mipa hrisel tak ang khan lo harh leh rawh se ,a nupui hi vah bosan tawh lo vin vuan tlat turin a intiam hma chu a kal phalsak a nilo." tiin a beng bulah ka tawng .







Ngawi reng mahse khawi emaw lai atanga arawn hriat ka ring tlat a ni


ZAWMNA....





Ni a liam ve zel a , Nick pawh a nitelin a chak chho a ,a kut pawh a rawn tiche thei tawh a ,chu chuan min tihlim tawk em em ,damdawi inah ka awm chilh tawp a ,hah ka pawisa hek lo,engkim Hmingthana hnen atangin ka hre vek a,a tir atang khan Hmangaihsanga leh Joyti lo ruahmanna vek alo ni a ,ka pa te ka nau thlengin ,rapthlak ka ti takzet . Nick hian engkim a lo chhui a ,Hmingthana ngei pawh a rinloh avang khan alo chhui vek a ni awm a.










Chuvanga hnaih lo tura min lo ti thin a ni tih pawh ka hre chho zel,mak tihna in ka khat kha chen engtin nge in thup taka an lo awm theih,Hmingthana ngei pawhin a thil tih sual a pawm a ,mahse a ni erawh a thil tha tih thenkhat avangin a tan hun chhung tur kum 5 in an pawh tawisak a ,kum 5 tang tur in a chung thu rel a ni bawk . Ka kut khawihtu an awm avang chuan ka meng chhuak zawk “Duatte" ka pasal mitmeng ka hmuh chuan mak ti leh lawmna in ka khat .










“Tinge ka bulah i awm?" a rawn tihchuan a kut chu ka hum nghet sauh“A chhan chu ka pasal i ni miau alawm" tiin ka nuih sen sen . Ni e min lo tihnat tawh lam ka ngaihtuah tawh lo va ,tunge a nihah ka buai tawh hek lo ,ka kianga a awm a ,a thawk chhung chu ka hlim tawk a ni. A biangah chuan ka fawp “ Kal bo tawh suh,i kiangah hian ka awm reng duh tawh ,tunge i nih a ,vawi engzat nge min lo tihnat tawh lam chhiara ,intihnat ka duh tawh lo,chan che ka hlauhna leh hmu leh tawh lo tur che a ka in ngaihtuahna hian engkim a hmuh kân a .











Nang kalsan leh che hi a duh tawh lo a ni , Nick Zochhuanmawi hrisel tak leh nuam ti tak khan ka bulah awm reng la kal bo tawh suh,kum 40 i tling tawh,pathlawia thih thak i duh loh chuan vawikhat mah kei min hlatin awm tawh suh ang che . Min titap leh a min tina leh dawn a nih rau rau chuan ka thinlung hi la la ,chu chu min tihnat dan tha ber tur chu a ni,ka tello in khawiah mah i kal ka phallo a ,ka tello va ke pen leh turin ka phal tawh hek lo che,pa i ni tawh a . I nupui leh fa venhim chu pa tih tur a ni .









Min hmangaih viau a ,mahse min hmangaih loh chang i ngah thin . Min tih hlim i duh,mahse min titap fo ,min khawih i duh,mahse min hlat leh thin . Min biak i tuma,mahse min belo in min kalpel leh mai thin bawk,heng zawng zawng hi kalsanin ka lam rawn pan la ,hmangaihna dik tak min pe tawh rawh ,nat leh tahna tel tawh lo hmangaihna chauh ka pawm thei tawh . Thik tur ka hmuh tawh lohna hmun ah leh ka thlah leh ngai tawh lo tur thinlung kawngkhar hawna luh ka duh a ,chumi ti tur chuan min pui thei angem?









Midang reng reng len ve lohna hmun,kan fate nena kan lenna tur chiah thinlung ka duh tawh a ,ka damchhunga ka ta nithei tur mipa ka duh tawh. Chuvang chuan Nick ka tan chung chu i ti thei tawh angem?" amah en reng chung chuan ka sawi chhuak sap “ Ka tina che " mahni inthiamlohnaa khat chuan a rawn ti chhuak,ni e ka ngaihdam a beisei tawh lo tih ka hria,mahse keihian chan ka duh tawh lo “ Ka hria a lawm,mahse tun atang hian min tina tawh lo turin in tiam rawh . Min kalsan tawh lo turin intiam la ka ngai dam ang che " a kut hmer vawng vawng pah chuan ka ti a .











A bu ta nghat “ Ka tiam a che nang leh ka fapa hi ka kalsan leh tawh ngai lo vang cheu"a mita mittui tling chu ka hmuh hmaih lo,he mipa hi ka lakah a inthiamlo tih ka hria ,ka fawp a ka pawm vawng vawng . Tunah rih chuan keihian bul tan hmasak ka ngai tih,a rawn nui sen sen,a hmel chu a hma ai zawngin ka hmu naupang in ka hmu hmeltha zual “ Apa ,Anu kan lo kal a nia " ka fapa aw ka hriat rualin ka awmswwn vat .









Chamchami kut atanga tal chhuakin kan fapa chuan a pa lam a rawn pan a ,a pa chu en vang vang in “ Apa pawm pawm " a tihchuan ka lo khap vat ,apa a damlo tih a hrethiam ve pek lo “ Apawilo , Kyle min lo tung tho teh,keipawhin ka Lalfapa hi ka pawm chak a lawm" a tihchuan hnial duhlo in Kyle nen chuan kan tung tho va ,ni e rei tak chhung anlo in hmu lo tawh a ,ka hrethiam lutuk. “ Lo kal rawh le ka fapa " Nick chuan a tisup .









Zosangpuia pawh chuan apa chu apan hnak hnak,a kum phulo in a fingin thil a hrethiam chak a ,ka lawm rualin a fing leh lutuk hian a chang chuan mak min tih tir “ Apa " tiin anuih hak hak a , Nick chuan a pawm vawng vawng,a mit atangin mittui a luang bawk “ Nang leh i nu ka hmuh leh theih nan cheu hian Pathian ka dil fo a sin " tiin a fapa chalah chuan a fawp vang vang. Pa hmangaihna hi ka hrethiam phak lo va ,mahse tuna Nick an a fapa a tihdan a liam hian tumahin an fa te an ti bik awm lo ve .










An pafa inbia leh in pawm vel chu kan pathum chuan kan en thap ,kan kim leh ta . He hlimna hi bo tawh lul suh se , Nick chuan min hui zauh ,ka pan hnai a ,ka kut ah chuan a hmer vawng vawng“ Ngaihdam tlak loh nimah ila,i mi ngaihdamna hian ka tan hun tha min pe leh a ni . Duatte dam châkna reng reng neilo mipa hi dam leh thei turin min pui a sin,ka lawm e Duatte in nufa hian ka kalsan leh tawh lo vang che u " tiin min kuah,a dar a nat a vangin ka kun hniam a ,ka mittui a luang ngiai ngiai.








“ Hlim taka kan awm ve a hun tawh,hlimni hi kan nei ngai dawn lo emaw ka ti hial a sin,Nick vawikhat mah min kalsan tawh suh. I tello chuan hmalam ka pan thiam lo,kaldan tur ka hrelo " tiin ka fapa nen chuan an pahnihin ka en reng ,a lu a bu nghat,a la dam chiang lo bawk nen doctor in a chiu leh a ,a muhil leh nghal thuai,Kyle leh Chamchami chu inlama haw turin ka ti a ,a chhan pawh rukru an tam tawh bawk nen in lam a ngaihtuah awm ka tih vang a ni .











Ni a liam a ,damdawi in atanga kam chhuah meuh chuan ka thaw huai, Nick pawh a dam var var tawh . Kan nunah in rawlh an awm leh tawh rih lo va ,thlamuang takin kan awm zel theih ka beisei,in kan thlen rualin room lam kan pan,kan fapa erawh Kyle leh Chamchamin an awmpui thung a , Nick chuan room chhung chu a melh kual,engkim a la ngai vek a ,mahse a thalak ka tar tel tawh thung . Ama lem lian zeta intar a hmuh chuan min rawn en ,ka lo nuih sen sen .









A mita lawmna chu ka hmuh hmaih lo,ka hmuiah a rawn fawp a,a duhthawh hle . Keipawh insum ka tumlo,phur zetin ka lo chhang ,ni e keipawhin ka pasal hi ka mamawh ve tawh miau a lawm,reiloteah kan thawmhnaw chu a bo vek ,keimah zawk zawk a koham zawk ah ka tang a nihchu “ Duatte muangchangin " Nick chuan ka hmui chul pah chuan a rawn tisup “ Mahse ka " ka hmui chu a rawn fawp leh chat “ Keimah min tih tir rawh ,keipawhin ka mamawh che ,mahse khang hun zawng zawnga kan tawrhna te kha he thil hmang hian muangchanga tihreh ka duh.









Chuvang chuan dawh thei takin le " tiin khumah chuan min nam tlu riai riai,a taksa phiar fat te . A hmelpa leh upa hmel lang tan te chu ka en ,chung a kum upatna lang tan te chuan an tihmeltha zualin ka hria ,ka awmah a bur chat a ,a fawp ner ner,thaw hak hakin rizai chu ka tham tawn tawn . Ka taksa chu a kut chuan a zut kual reng bawk ,ka taksa hmun tin chu a fawp a ,chu chuan min ti so sang zual. Amah ngei pawh chu a thaw ri hawk hawk mai “ He taksa hi ka ta chiah a ni . Ka ta a ni reng bawk ang " tiin ka chungah chuan a insiam rem a .











Ka bawp nawr kauin min en ta reng “ I mit chhing lo in min en rawh aw ,Duatte engtiang chiahin nge kan awm hi kan in hre tawn tur a ni" tiin a kut chuan ka mawngah dawmin a chawikan salh rual chuan ka taksaah a rawn lut ,kan thaw dun hawk ,a tight lutuk chuan a tir ang mai khan a tina deuh ,kan taksa inzawm rual chuan kan nunhlui ka ngaihtuah chhuak lo theilo,a mitmeng tle sarah chuan min hmangaihna leh thlakhlelhna ka hmu a .










Keimah ang bawkin nuam a ti ve tih ka hre bawk ,uar zetin kan che dun a ,keimah ngei pawh a hma a nupa nun kan hman thin ang lo takin ka awm,ka zahna thin a bo va . Hnuai lam a tang chuan ka lo d*p let ve zel ,rum hawk hawkin a che uar zauh a ,ka chungah a rawn bawk zawi ta thlarh . Kan thaw ri bak hriat tur a awm lo,inkuah chialin kan muhil dun a,ka mumang an ni mai ang tih erawh ka la hlau reng .









“ Pa ka lo haw e " Nick pa thlan ah chuan kan ding vang vang,kan vaiin Derecka te nupa ,Kyle leh Chamchami te Nick te khuaah Christmas hmang turin kan zin a ,vawiin hi apa thlan lung kan phun ni a ni bawk . A kutah chuan ka vuan,a lungchhia tih ka hria “ Ka naupan tet atangin ka nu ai ka pa hian min ngaihtuah lehzual,lehkha ka zir theih nan te khan a tuar nasa in a hah a sin. Kawng sual ka zawh loh nan thu tha tinreng min hrilhin min zilh awl lo a ,kei a fapa hian ka rul let seng dawn lo .









Mahse a kalna tur ka hria a ka lawm zawk ,ka nu hi a ni ka ngaihtuah ber ni . A lunglen zia ka hmuh pui a ,awmpui tur in min mamawh ngei bawk ang,mahsela ka nau a rawn haw tawh dawn a . Keini chu min phut kher lo vang " tiin vanlam enin ka pum a rawn en leh,a nui ta suk . Ka kut a vawnna chu a hum nghet ta sauh va ,ni e naute thlahnih mi ka pumah hian a awm ve leh tawh a ,hlim tak leh hrisel taka a pian theih ka beisei,thenkhat chuan kan fapa kum hnih pawh la tling lo a nau ka pai leh nghal mai chu min sel a .










Mahse pawi pawh ka ti lem lo ,kei leh ka pasal fanau te an him chuan fa kum tin nei dawn pawh ni ila pawi ka tilo,kan fate hi Pathian laka kan rochan an ni a ,nau ti tla leh fahrah tur a khawlaia hnutchhiah a , thi tura hnutchhiah leh thin hmeichhia te hi khawvela ka mi hlauh ber te an ni . Loh theih loh vang chu awm ve bawk mahse tam tak hi chuan mualpho kan hlauh vang a ni tlangpui,pai kan ngam chuan hrina ,enkawl hi kan ngam tur a ni.







Enkawl leh duh silo tur chuan a siam tir pawh ngam loh mai tur ,tin mipa pawhin kan neih tur leh kan enkawl theihloh tur lakah chuan insum ila a tha chawk. In lamah kan hawng a ,zanah tualah meipui chhepin mipa ho guitar perhin an zai thap thap a ,inchhung lamah kan fate an muhil tawh bawk nen an nu leh pa te ho hlimna chu an hre ve tawh lo . R . Lalhmangaiha sak “An lung a leng ve ngei ang " tihchu kan sa ho a ,mittui a hnamsawk thei ,hun liam ta te ka ngaihtuah a ,tun hun kan thleng te hi mumang ang rum rum niin ka hria .






“ Lenrual duhte nen hlim te in ,zai tin kan vawr lai kha ,ka ngai thin e thiante kha ,kan lenna a dang zo ta si,ka hming an hriat chhuah changin,kan nundan thin an dawn kir ve anga,an lung a leng ve ngei ang " a thunawn chu urhsun takin kan zai ,ni e lenrual kan kim tawh lo va . Hmana kan bula awm ve thin thenrual tam takte kha hmuh tur an awm ve tawh lo . Kan thiante tam tak khan enge an tihzui kan hre vek heklo,mahse eng emaw chang chuan min la ngaihtuah ve thin ngei anga.








Keini pawhin kan la ngaihtuah chhuak fo a ni si a ,nunhlui a rawn thar a ,he kum liam tur chelh din rual siloh hian kan hmangaihte kha an herliam pui leh in vanah an awm ngei ang a ,min rawn thlir ve pawh a ni thei. Siamtu ka dem fo thin te kha ka inchhir ve ta ,tunah chuan ka mipa hmangaih ber ka nei thei tawh a ,ka kiangah a awm ve ta bawk . Chhani nen chuan kan ti ti dun a ,inhmuh loh chhung a rei bawk a sawi tur kan ngah dun hle .







Fanu hmeltha tak kan fapa aia thlali a naupang zawk Angel Rinthanpuii an nei ve bawk . Hlim takin chu zan chu kan hmang ho ,mutna ah chuan ka pasal nen chuan kan ti ti a “ Kan dema ,kan hawisan leh thin Pathian lo that zia hi chu tiraw Nick,kan tan thil tha zawk a ruat thin tih hrelo in mihring te hian kan lo dem in kan lo sel a ,awm ve lo hialah kan lo ngaih thin kan Pathian hian kan tana rem lo tur leh kan hlimnan zawk a a lo rel sa thil te hrelo in kan lo tlanbosan fo va ,mahse a tawpah chuan a malsawmna dik tak chu min hmuh tir thin zawk a lo nih hi .









Nick ka hmangaih che a ,siamtu in ka tana a ruat dik tak ini tih ka hre ta " a awma bei chung chuan ka ti chhuak sep sep ,ka kut fawp zauhin “ Tlai ngailo Pathian,dik taka rorel thin leh hmangaihna ngah Pathian a nimiau a lawm" a rawn ti ve sup ,ni e kan hmalam hun pawh a kut ah ka hlan fel tawp tawh,kan tan a lo tha em em zawk si a .







Christmas urlawk zan kan thleng a ,thingtlang boruak leh an hun hman dan chu nuam ka ti telh telh,zanah keini lam nula tlangval tam tak anga leng kual lo vin Christmas thlenin an nei a ,chutah chuan lengkhawm in urlawk zanah intihhlimna thianghlim tak an nei thin,intih hlim zawh rualin tlaivar duh ho te chu khawpawnah woofer nen thianghlim tak siin thian ho vin an zai ho a ,in tibuai bung bung an awm ve meuh lo .









Kumhlui thlah zan chuan keini pawh chu kan fate inah mutthilh tir te te in middle school tual lamah kan phei a .









Dai maia awm a niin a hmun a rem bawk ,meipui chhemin woofer kan zai tir a ,“ Kumsul liam hnu" chu midangte playna karah arsa hem pahin kan zai pui a ,khawchhung lam atang pawhin kumhlui thlahna hla vek a richhuak a ,tumah love song play an awm meuhlo . Nick chuan min kai hrangin school hnung lamah min hruai ,a phone play in Smiley Eart Angel tihchu a play a ,a music rik rual chuan kan lam dun “ Ka hmangaih che ka lei Vantirhkoh " a rawn tihchuan ka en chho,thla eng hnuaiah a hmel chu a lang riai riai.










“ Keipawhin ka hmangaih che ka vengtu angel" tiin a awmah ka bei vang vang,hun a liam a ,kum a lo thar leh mai dawn . Tumah kan inhmu kim tawh lo mai thei,kan inthen darh hun a awm leh ngei ang a ,chung hunah te pawh chuan a ni ka kianga a awm phawt chuan ka tuar thei mai ang. Woofer off in guitar nen bawk kan zai ,ring takin CHULHNU KUMHLUI tihchu kan zai ,kan ding a vanlam chu enin “ Dam takin aw kumhlui ,ngaihlai hrui ang ka vuan che ,kum leh hun nghaka intawh leh hma zawng ,dam takin chibai mangtha le. " Tihchu insawi rual dial dial a au chhuak rawih rawih in,kan ban kan vai lauh lauh a .









Ni e inhmuh leh hma zawng ,kan hun lo la kal tur ngaihtuah na nen,enge kan tawn leh zel ang tih hrelo mah ila. He kum hian kum tha rawn her chhuah tir sela ,kan nunhlui erawh nghilh ni a awm leh thei tawh dawn lo va ,tam tak te bo mahse keini tal kan la awm a lawm,thawnthu tawp theilo chhunzawm turin,mahse chu thawnthu chu thangthar ten a an rawn chhunzawm zawk theih nan kei leh ka GOVERNOR chuan DAMTAKIN CHIBAI MANGTHA ULE tih hi mizawng zawng tan kan tih theih a ni ta .