THE GOVERNOR By Mawitei bawitlung (Completed)

[Ngaia]

THE GOVERNOR



CHAPTER 13


ZIAKTU MAWITEI BAWITLUNG




LIANDINGPUII(JASMINE) POV ..






” Sawi vat ta che engvanga ani hian fawp che nge a nih ka tih chu?" Nick chuan thinrim zetin a rawn ti leh ,a hmela natna leh thinrimna inpawlh chuan min en reng “ Ih ka duh vang a nimiahlo ,engvanga min fawp nge a nihpawh ka hrelo takzet Nick min ring rawh ka fawp let lo ka namsawn zawk a sin " ka tihchuan a nui hak; mahse a nuihzat lohzia chu a lang chiang hle







Dawhkan chu a chum bur “ Inthen i duh em? Vak chhuak lo turin ka ti lo che em ni? Min ring ve thei thlawt lo em ni Liandingpui,i pasal ka nih hi naupang nilo in i pasal engvanga chhuak leh a ni hi hmu nge inih min hrilh vat rawh " a tileh hrawk,a bek a pawng tawlh tawlh a . A meng sen rum bawk ,a thawk dan mumal lo lutuk te chuan min tihlau vek “ Ih ..ka....ka..pa thattu ..kha ka chhui tir a " ka ti bah nawk nawk .








Chu thu ka sawi chu a lungawi loh hmel zual sauh,a inhum ruh a a taksa lian leh hrawl zet chu a chet zawng ringawt pawh in a hlauhawm ngawih ngawih ,ka banah a hmer ngawt ngawt “ Min ring turin ka tilo che em ni ? Ka chhui chhuak ang ka ti a nilawm ni? Engvanga ani chu lo va hmu leh va fawp nge inih,kei hi min khamkhawp lovem ni? " tiin min sawi nawk ,ka lu a hai chhawlh thei ,lu ka thing nawk nawk .








“ Chutiang a nilo ka ring che alawm,mahse keimah ngeiin a hriat chhuah ve ka duh vang a ni . Nick khawngaihin thinrim suh,ka hre lawk bik lo a ni engvanga min fawp ngawt nge anih,ka ti tak tak Nick khawngaihin inthen ka duh lo " tiin mittui tlingpamin ka en “ Ka pa thihna khan min tina em ani ka tihpalh Nick,I thu lo a ka lo hmuh avangin ka tihpalh " tiin ka pasal rum zeta min en tu hmaah chuan ka chaklohna ka mittui te chu an rawn luang zung zung. “ Min en teh Duati " tiin ka biangah dawmin min kuai dak a.










Ka mittui a tla par par “ Ka tihpalh Nick ka tihpalh ,mahse maw Hmangaihsanga khan khatiang a tih kha ka ring lo a sin,keichuan i thian anihna angin ka ringa mahse khatiang a a awm thut kha ka hrethiam bik lo a ni " tiin ka mit ka chhing tlat ,a awmah min pawm bet a “ Shh.......engkim a tha vek,tap tawh suh le . Ka tihpalh Duatte tap tawh suh,mipa dang i fawp lai kher ka hmuh khan ka thinrim em a ni . Ka ring che a lawm,mahse vawikhat mah Hmangaiha bulah i kal tawh lo ang tih min tiam rawh " a tihchuan ka en chho ha.








“ Awle,ka tiam e ka kal tawh lo ang " tiin a awm hlai hlapah chuan ka hmai ka nawr nak nak “ Tahbelh reuh lutuk ,hauh theih miahloha awm dan lah hi i hre teh hliau si " tiin a nui suk suk ,chutia min ngaidam chu ka hlim hle ,ka hmangaih zual sawt “ Nick ka hmangaih lutuk che ,min kalsan ngai miah suh aw ka neihchhun inih tawh hi,ka in ka hawnna tur neih chhun " tiin a kut lian hlup chu la in ka kawngah ka dah tir “ Nizanah ka pa ka lo hmu a Nick,rilru nat hmel zet leh khawngaih hmel zet hian min lo en a ,biak ka tuma mahse ka thei lo ,ka ngai em a chuvanga a mah thattu te hi hriat vat ka duh a ni.









Ka pa hi thlamuang takin chawl se ka duh,kei lahin a mah thattu tak ngial pawh ka hre thei silo,ka pa hian min haw viau angem le? Ka nu lah ka tan chuan ka pan theih ani tawh silo,kan chhungkua a kan awm thin lai kha ka ngai a ni,khatah kha chuan ka nu kha ka nu ala ni a sin, Nick hringnun hi a inthlak danglam vek thei tih hi ka lo hre ngailo ,mahse ka tana khuanu ruat zawk a niang tiraw " tiniah niahin ka pasal ka thusawi ngaithla a min kuahtu bulah chuan ka sawi niah niah “ Tupawh hian hringnun hmachhawp leh kan tana duansa hi kan nei vek ,chu thil hreloa hmachhawn dan thiamloa buaina leh harsatna mahni in khawngaihna hneh thei lo te nun chu a tawp hma reng thin.









Buaina leh harsatna karah pawh hmalam pana mi selna te bengchhet ang maia ngaithla liam thei te hi mi ropui ber an ni . Michak diktak chu a nat em em lai leh vanduai bik riaua inngaih chang pawha a engzawnga hma hun thlir leh nghal thei te hi an ni ,le rawngbawl tawh ang le ,ilo awm siloa ka hlauhthawnzia i hre hauh lo ang. Hmelhriat loh hnen atangin kha thlalak ka hmu leh ngat phei kha chu ka thinrim hle renga ,tirawh le thil ka lo hawn che ania" a tihchuan phur zetin ka zui .








Chokaah min luhpuiin a thil min pek tur chu dawhkanah a lo intuam thlap “ Hawng rawh le " a tihchuan pan vat in ka phelh sawk sawk ,chutah ka thil hmuh avang chuan ka au chul mai “ Nick ka lawm lutuk awi ka lehkhabu duh ber hi engtin nge i hriat" tiin ka en kar ,ka pa damlai atang tawha ka lehkhabu duh ka sawi ziah mahse lei an phal ngailoh THE LOVE PIRATES ngei mai chu alo awm a nihchu,a changtupa Theydon saire mahse a nihna avanga Lord saire an tih hi ka duh bawn ,a changtunu vakvai tak a nu in a pa thih hnu a a thawn bo dan leh lord saire an a zinkawng tluana a buaipui leh an inhmangaih tak dan te .









Lord saire London lal pawhin a duhsak em em leh mi hausa tak hmeichhia nula leh nu ni tawh te chena an pan,mahse hmangaih erawh nei ngailo,a mah mamawh tu te duh pe a duhtawk mai thin in hmeichhe khawngaih thlak tak tawnga an in hmangaih chhoh dan vel ,chutah Sarawak thlenga a zui dan vel a ni a ,ka duh ber a ni ka feel veng veng zel (Chhiar ve ru a ngaihnawm bawn a nia aw ,library ah ka hawh thina ka lehkhabu duh ber pawl a ni,a changtupa phei hi chu ka mipa duh chi tak Ani leh nghal ,a takah hmulo mah ila ka dreamah chuan a hmeltha ber )









Nick chuan min nuih sukin ” Keiai i vei a va ang ve Duatte ,kan hralh chhawng leh daih dawn emaw ni ,kha a changtupa kha keiai i duh hmel riau " a tihchuan ka ner chiam “ Nilo e he lehkhabu a an thil ziah leh nang leh keia thawnthu hi a inang em a lawm,he tah pawh hian a changtunu pa hi a thi ve tho a ,Chuan a nu chuan mipa lawng lawng buaipuiin a hmeltha bawk nen a changtupa thleng hian a zar buai a ,a changtupa chu maw nang leh kei ang chiah a changtunu nen chuan an kum a inthlau lutuk ,a changtunu hian kum 19 a pum awrh chauh a ni.








Mahse keimah ni ang chiah an in hmangaih tho " tiin ka nuih ver ver , Nick ka ngaihsan em em nachhan chu ka thusawi ho te pawh a ngaithla a ,ka kum hre rengin ka rualpui tur angin a inthlak danglam a thiam em em bawk. Puitling taka awm hun a hria in thil reng reng ngaihtuah hmasa lo in a tive ngailo,Hmangaihsanga ka hmuh pawh khan thenkhat ang chu nise uire tiin kut min thlak vak duh ngei ang. Mahse mipa diktak a nihzia tilangin a chian loh thilah a thinrim mai mai duhlo.






Thenkhat chu kan nupui /pasal te engvanga uire nge an nih ,ka lakah a lungawina tawk a hmu lo a nithei angem? Nge ni a ka lo ngaihsak tawklo tih ngaihtuahlo in an duh duh dan zawngin an kal a ,uire ka ngaisang nilo in thil reng reng hi mi nun kan hmuhpui lo a ,nupa in ngeih miahlo leh in hmangaih miahlo a inneih te hi thil awm thei a ni a ,chutiangah chuan uire ta te pawh hi an demawm vek bik loh ,mihring chuan duh leh thinlungin a pawm zawng kan nei vek,mahse nupui pasal neih tawh hnu erawh hi chuan chung duhna leh itna te chu inhneh tirloh hram a tha.







Kan hmangaih em em pawh nise ,mi hmuhah chuan uire ,mi tenawm tak kan ni thei tih hi hriat a tul takzet ,nu kan niha pa kan nih tawh hi chuan kan kawppui te lakah hian rinawm hi kan tihtur a ni thung. Mihring chuan hmangaih em em kan nei theuh,mahse chung kan hmangaih te zawng zawng chu kan nei thei vek lo,chu ai chuan kan hmangaih loh pawh nise nupui pasal kan nih tawh hi chuan puitling taka paltlang hi tum mai tur. Nick nen erawh kan inhmangaiha ,kan inring tawn bawk ,inhmangaih loh chuan rinna te hi a awm thei heklo,chutiang bawkin rinna a awmloh chuan hmangaihna a awm thei heklo.








Thikna te hi a chang chuan hmanrua tha ber a nihrualin hmanraw hlauhawm ber a ni thei bawk. Lehkhabu chu dah tha in rawng ka bawl ,anthur bai ka hawp chak bawk nen Chhimbawng ka dahthat chu ka la chhuak a ,nghapih nen ka khawih lai chuan Nick chu alo ner sawk sawk,nghapih rim hi a ngai theilo tih ka hria ka tilui chak bawk nen a hnar ah tak ka tah sak chu a duhlo ngei mai ,tuiah sahbawn nen a inhnim nghal vat renga ,ka lo nuih uar uar thung “ A uih e te i tivei a nihkha,tikhan uih tel ve huam huam rawh " tiin gas ah chuan ka chhuang nghal.







Hmai phiha a rawn hawi chhuak chiah chu a hnar hmawr chu a senin a sen vek ,ka nuih char char “ I chak dawn lo khawp " tiin ka nui chu min fawp chawtin dawhkanah chuan min hlang nghal nawlh “ Nick rawngbawl ka ngai ania,lo awm tha teh " ka tihchuan ngaipawimawh lo zetin min khawih chhunzawm zel ,a tawpah choka dawhkanah ngei chuan nupa nun chu kan hmang dun,ka thaw ham ham mai ,min kuahin a khur ngawt ngawt,ka nghawngah hmai phumin a thaw ham ham mai .








A taksa chu a thlan dup ,keipawh ka bang biklo ka taksa te chu a zawi ngiai ,ka mut a chhuak hial “ Nangmah vang vek,engtin nge rawng ka bawl theih anga mawla " tiin intih harh tumin ka hmai ka phih,ka taksa thlanhlap te chu puanin ka hru a ,rawng chu ka bawl chhunzawm,a nipawhin min pui ve nghal vat . A lawm hmel em em lehnghal “ Min tih thinrim apiangin khatiang kha a thleng ziah ang" a tihchuan “ Kan naute i ngaihtuah loh a thu le " ka tihchuan nui hukin ka pum chu a rawn khawih zauh.








“ Thla te hi liam zung zung se lo chhuak vat rawh se ,papa hian ka hmu chak tawh a nia " tiin ka dul zawnah chuan thu hniamin a fawp zauh ,duat deuhin a be zui,ka hau duhlo fa a awh zia ka hria a ,ni e a ni ang kum rual ah chuan mite chuan fa Pali panga lai an nei tawh miau,ani erawh a nupui hmasa nen an inkar avangin tun thlengin pa ti tu tur ala neilo a ,hetia kan naute a vengthawng em em pawh hi awm lo ka tihranlo,chhungkuaah hi chuan naupang te hian hmun pawimawh ber an chang lo theilo,nupa in tih thiamloh hunah pawh kan fate hian in rem takin min awm tir leh thei.








Mahse nu leh pa te pawh hian chhungkaw hlim duh chuan mahni bakah kan fate hi tha taka kan enkawl a tul reng a ni. Khawlai vak tam reng reng naupang chuan sual kawng an zawh hma a ,inchhung khura thu tha leh zirtirna dawng reng leh biakin a an tette atanga kaihhruai fate erawh chu nu leh pa tan fa chhuanawm an ni in min ti hmingtha tu te an ni. Kan fa te kan ngaihthah lutuk te ,an thil tih kan en pui loh lutukna te hian kan fate nun sual kan hmuh kan fo thin reng a, “ Le rawngbawl zung zung ang aw ,kan naute hi a ril a tam tawh ang" Nick chuan a rawn ti a .







Ka lo bu nghat ,zanriah eikhamah inpawnah chhuakin tuala thutthleng kan dahah chuan kan thu dun a,thla a eng ruih bawk nen a hahdam thlak hle ,kan awmna vel chu a chhun pawl ruih a ,khauchher hram te chuan a mawina an belhchhah nimaiin ka hria , Nick dar ngheng chuan ka ngawi kar ,a tu a ve ve mah tawng lo in thla eng chu reife kan thlir “ Ka lung a leng" tiin ka pasal bul atang chuan kalsawnin phulah chuan ka thu thla sawt sawt ,ka phone phawrhin Michael learns hla Blue night chu ka play a ,mitchhingin ka ngaithla vang vang.






Nick phone chu riin a chhang vut “Lawma ka sawi kha hnam dang ka nilo ,Mizo hmang rawh,tin mipui hmaa i dinin English hmang tawh bawk suh ang che Mizoram a awm inihchuan mizo tawng hmang la ,hnamdang i tawng thiamlo te karah chiah English hmang rawh. I hnam tawng hmangloa hnam dang tawng i chawi len viau chuan Mizo tawng hian bo hun ala nei ang ka tifo a ni lawm ni" a tihluka ,a thusawi chu ngaithla in dik ka tihle.





English hi kan ngaisang ta mah mah ,puipunnaah pawh kan hnam tawng aiin hnam dang tawngin hmun a chang tam tawh a,hetiang zela kan hnam tawng vulh len aia hman kan zah reng chuan Mizo tawng thiamlo hi pung tual tualin Mizo te hi mahni hnam tawng pawh thiam tha thum loah kan chhuak mai ang tih a hlauhawm . English emaw Hindi emaw thiam chu a tha lutuk,mahse hman hun erawh kan hre thin lo ,sap ho bula kan awm leh kan biakin English hmang ila,vai bula kan awmin vai tawng hmang leh mai ila,kan mizo pui ngei laka thiam bik awm ang hrima English kan hmang lui chiam te hi keichuan lehkhathiamah ka ngai lemlo.









Mi fing leh rem hria apiangin a ram a hmangaih a ,a ram tawng midang ten thiam ve se tiin a hnam tawng ahmang nasa reng bawk . Vaiho te hi en ila,an hnam tawng an ngaihsan zia chu an chipui awmlohna Mizoramah ngei pawh an hnam tawng in an tawng zeih zeiha ,keini Mizo te erawh keimah ni ram leh mipui hmaa thu kan sawi apiangah English a tawng kan intih hmuh a , English thiamlo an awm thei tih hi an ngaihtuah tawh lo reng reng ,mizo kan nihchuan mizo takin awm ila kan hnam pawh a mawi zawk ngei ang.








Ka bula a rawn phei lai chuan ka lo en reng,thla eng hnuaiah chuan ramhuai lian deuh te pawh a ang “ I he zo tawh em ni?" tiin ka lo zawt nghal zat,a perfume rim pa tak pawh ka hre pha leh tawh,bu nghutin ka hmuiah a rawn fawp zauh “ Umm nghapih rim i nam" nuihza aw zeta a rawn tihchuan fiamthu mah nise ka ngei hle ” Anihtak chu Burvuan" tihlakin ka bulah ka pawt thu hnak.





Atum nasa hle “ Pathlawi nimiahlo mahla ka ngai tho che in ka ring mange" ka tihchuan ka chal a ri nghal lawlh ka au that “ Liandingpui ngawi mai mai rawh ,i ka te zet hian i tawng zet zeta,Pathian hmaah meuh pawh i tawngtheihna hmang hian vanram i in sawikai sa " a tihchuan ka nui vak vak ,a thusawi chu amah nen a inhmeh lo ngawih ngawih “ Nang ka bula ka thusawi vanga lo kai ve tum inia nga ,tihian ka ti ang‘ Ani hi ka tello in a awm theilo a ,ka lo chhawm lut thei angem?' ka ti ngei ngei ang " tiin ka nui khur dat dat.








Min pawm betin min hmer vak lehnghal “ Tawng thei si,te si,velh dawn leh mittui hmang thiam hmeichhe phakar deuhte tello hian ka awm thei pawhin ka ringlo" tiin a kawrchung chuan min tuam hlan a

f267b3f4436ce56e277daeb89290510b.jpg

ZAWMNA.....



Vanlam chu enin ka mittui a luang,nu ka nei a mahse vawikhat te mah ka nu angin a awm ngailo . Chutih laiin ka thisen zawmpui pawh nilo ka pasal in ka chhungte ai pawhin min hmangaih zawkin min tuam hlawm a ni si a , Nick hi chan leh ta ila khawnge ka kal ang le , Nick ngawi run chu ka en chho ha ,“ Ka hmangaih che tih i hria tiraw Nick,min kalsan ve mai ka hlauthawng tlat hi ka hrethiam bik lo ,thleng thut tur emaw tiin ka ngai a ka rilru hi a nuam thei lo " tiin ka thaw ham ham.








Min kuah nghet zauhin inchhung lamah min luhpui,ka mut a chhuak tawh bawk nen ka ham bai bai ,khumah min mutthlak rualin ka muhil zui mai “Nick " ka au tuar tuar ,ka tap hlawp hlawp ,ka tap chhuak tuar tuar “ Bawihi tinge harh teh harh rawh " tiin Nick chuan min sawi ,ka menchhuah rualin “ Min kalsan suh " tiin ka kuah ,ka tap char char min kalsan in ka hriat ngailohna hmunah ka lo awm a , Nick nen chuan inhre ngai lo ang chiahin kan awm “ Ka kalsan dawn lo che mu leh rawh ,mangchhia mai mai a nih kha " timahse ka ngaih a tha thei lo .








“ Min kalsan chuan Nick khawnge ka kal ve tak ang ,ih ih i bulah lo ka awm duh lo " tiin a awmah ka bei tlat ,min fawpin a mah chuan min mutpui ,ka kuah chial reng mai ,ka hnungah beng in min tawng thlamuan mawlh mawlh ,reiloteah keipawh ka mu ve leh mai ,zing lama thawm awmah chuan ka mengchhuak riai riai,police te leh Nick lo in din chilh ka hmuh chuan mak ka tihle , Nick an min rawn hmuh chuan min rawn pan vat “ Enge thlenga " ti ha in ka en chho “ President tu tih hriatloh ten a inah an luh chilh a ,mahse a him hlauh a nihchu,hel pawl an rawn tam thar bawk nen venhimna khauh zawk nen sawrkar lam mi pawimawh zawng zawng veng tura tih an ni.








Keini pawh tiamin chuvanga rawn kal an nihsaw " a tihchuan ka lo bu nghat “ Ava pawi ve tinge misual hi an tam em em le , Nick fimkhur hle rawh aw ,vah chhuah leh i ngai dawn lehnghal ,ka hlauthawng " tisepin a kut ka vuan ,ka mumang ka la ngaihtuah reng nen ka awm pawh a nuam thei lo “ Nangmah zawk hi ka vengthawng che ,in hi lo chhuahsan hauh suh,kan naute nen hian dinhmun hlauhthawn awma in din ka duh lo " tiin ka chalah a fawp ,ka lo bu zeuh “ Ka pu duty tur kan rawn thleng kim tawh a ,tunah hian in in leh a chheh vel hi enfiah mek a ni bawk " officer chuan a rawn ti a .








“ Ka nupui hi lo veng reng ang cheu ,tin he hung chhung hi tumahin an pel tur anilo ,veng uluk hle ang cheu" tiin Nick chuan choka lamah min luh pui ,rawng bawl in chaw eikham rualin a chhuak a ,inah chuan keimah chiahin ka awm leh tawh ,ka phone message ri chu ka en “ I pa thattu chu i hriat duh chuan min lo hmu rawh" Hmangaihsanga hnen atangin a ni ,ka hmu leh angem tihchu ka ngaihtuah nasa hle ,khatiang thil a thlen hnu khan ka la be leh miahlo ,ka pa thattu a hre tawh maw? Nilo he thil hi ka tan a pawimawh lutuk,ka pasal thu lo a ka kalchhuah mai a ngaih hmel.









Insiam sawk sawkin pawnlamah ka chhuak a , police ho chuan min lo dang vat,a him loh thu min hrilhin pawn chhuaklo turin min ti tang tang,mahse ka pa that tu hi hriat ngei ka duh a ni ,ka tih luih tlat avangin min chhuahtir hram ,Hmangaihsanga in ka thlen chuan a lo reh ruih ,ka au a a room atanga a rawn chhuah rual in eng emaw hi a rawn keng,“ Lo thu rawh " tiin a choka lamah a lut a ,thlamuang vak lo chuan ka thu,choka atanga a rawn chhuah chuan intur a rawn keng a “ Hmanni kha thupha ka chawi e ,ka tihpalh a ni " tisupin ka bulah a rawn thu..







“ Ka thiana lakah pawh ka in thlahrung khawp mai " a tihchuan ka nui ringawt “ Kha hei hi in rawh ,ilo kal chhuah theih ka ring miahlo a " a tihchuan “ Ka pa thattu chu tunge ka hre duh" tiin ka en ha “ Nakinah hei in phawt la kan sawi dun dawn ania,i hmanhmawh lutuk a nihkha " tiin theitui chu min rawn pe ,ka lo in ve mai bawk . Mahse reilo teah ka lu a hai riai riai “ Enge ka chungah i tih" tiin ka en,min nuiha a ka lama a rawn tawlh hnai sauh leh ka taksa a khawih mek tih zawng ka hria,engmah ka hre thei tawhlo .







Ka zawi vek,Lalpa keihi pawngsual ka ni dawn em ni? Nilo,ka pasal thu kha lo awih ilang chuan hetiang hi a thleng lo tur ,ka harh leh chuan khumah ruak deuh thaw in ka lo mu ,ka bul ka en chu Hmangaihsanga pawh thawmhnaw ha lo in a lo mu a nihchu “ Eng....engthil nge ka chungah i tih?" Tiin ka au tuar ,rawn meng suar suar in “ I pasal hnenah thil ka thawn a ,a hmu ngei tawh ang. Lungngai suh ka enkawl dawn che alawm" a tihchuan huatna in ka khat ..








“ Engtin nge hetiang i tih theih zawk nilo" ka hmai ka hup tlawk tlawk ,keihi hrai ruih ka ni,ka thawmhnaw ha sawk sawkin Nick hmuh tumin ka tlanchhuak hlawk hlawk ,mahse step ka thlen ruala ka hnung lam atanga min nam tu an awm avang chuan ka lum thla tawp tawp,nilo ka pum ,ka naute ,ka pum na lutuk chu dawmin thawk harsa tizetin ka thaw kawk kawk ,ka naute ka chan theilo,engkim chu a thim nghal hmuk .






“ Kan tihpalh ani naute chu chhan theih a ni tawh lo " chu thu chu ka mumang nge a tak tih pawh ka hre thei lo ,ka meng chhuak riai riai , Nick ka mutna bula thinrim leh rilruna tih hriat zet a lo thu reng leh ngawi renga min lo melh tu chu ka en“ Nick ka naute a tha em" ka tihchuan za lo tih hriat zet hian a nui hul hak ,hamhaih zetin ka en “ Ka pi a pawi kan ti ,i lumnaah khan naute chu i chhiat ani " doctor thusawi avang chuan ka phu dawrh “ Aih a nilo,ka naute kha ka chan theilo dawt min hrilh suh u" tiin ka au chul










Ka tal nawk nawk bawk ,thawh chhuah tumin ka bei a “ Liandingpui a tawk"Nick chuan a rawn ti tuarh “ I hlim tawh em ,i mipa kawp mai duh tawk lo in ka fa in that bawk,I lungawi tawh em vawi eng zat nge pawn chhuak lo turin ka tihche,kha pa bula i mut lai khan dawhthei taka enkawl tu che hi min ngaihtuah ve em " Nick chuan tiin min vin tawn tawn . “ Nick nilo,ka duhvang rengin ka mut...." Sawi har ka ti “ Ka duh vang reng a nilo,a nikhan ka pa that tu a hriat thu min hrilh a lawm,min ring" ka tihrual chiahin a kut a vai hluk.








“ Chhuanlam leh bawk ,keimah min ring la chuan hetiang hi a thleng lo ang,I uire na chu ka ngaidam thei che mahse ka fa leh zel i that hi ka ngaidam hauh lo ang che ,a hrehawm thei ang berin ka siam ang che ,vawitam pawn chhuak lo a ina awm tur in ka hrilh che a nilawm ni,i ngaihpawimawh lohna rah chu i tuar khawp ang" tiin min chhuahsan nal nal,mittui nen ka en liam ngawt ngawt ,ni e ka thiamlo a ni. A thu kha awih in lo chhuak miahlo ila chuan hetiang hi ka chungah a thleng lo tur .






Ina ka haw pawhin min ngaihsak tawhlo ,media ho lah chuan ka pasal ka phatsanna chu an lo hre leh vek tawh ,thu min zawh chian tumin min bawr luih luih,mahse security te azarah ka him hram,in ka thleng Nick hmuh tur a awm lo . Social media ah lah chuan ka uire thu leh nau ka chhiat thu chu an post zut zut a,ka Mizo pui te ngei pawhin tawngkam mawilo tak tak min rawn hman khum “ Nick ang mipa tawng chung pawha ,duhkhawp lo pasalte phatsan ,uire ten awm thi tlak a ni " ti a an post te chu ka hmu ve reng.







Malsawmin thil awmzia min rawn zawt ,tap teuh chungin ka sawi chhuak “ Nick hrilh la " a tihchuan “Ka tum nasa lutuk mahse min awih duhlo,min hmu duh heklo Sawm engtin nge ka tih dawn ka tihsual rah chu ka tuar mek a nih hi" tiin ka tap hlawp hlawp,khaw hmunah kan awm dun tawh bawk silo,a thiam ang ang in min rawn hnem ve ,ka tan chuan thian tha a la ni reng a nih hi,a ni chiah lam tang ka nei tawh nimai ten ka hria ,Hmangaihsanga chu ka haw takzet , Nick rawn haw chu panin buaipui ka tum,ka kut a lo vai per nawlh .







Zu a rui tih ka hre thei “ Min khawih hauh suh,hmeichhe bawlhhlawh lutuk " tihlukin a kalsawn a ,a pai deuh nawk nawk “Nick ka pui ang che ,i inhliam palh ang " tiin a zakah ka dawm lui a ,room lamah ka hruai vat khuma ka mutthlak tir lai te chuan huat hmel zetin min en “ Min phatsan lai khan min ngaihtuah ve reng reng em " seh chilh nawk nawkin a rawn tichhuak “ Nick enge i dawn chu ka hrelo,mahse ani khan min khawih lo ,min khawih nise ka hre em em ang ,ka ti tak tak min ring hram rawh ,I thulo a kal ka ni tih chu ka hria .








Mahse khatiangin a ti dawn tih ka hre lo ani" ka en chu a lo chatthla daih tawh. Ka thusawi pawh kha a hre dawn lo tihna ,a bulah chuan muthla in ka kuah chial ” Ka ngai che ,ka tihpalh " tiin ka phun sep sep,nidang ang kha chu nise amah zawk in min kuah bet leh hlun tawh anga,thawnthu min hrilh leh sup sup tawh ang. Mahse zu a in tih pawh ka hriat ngai loh khan a in anihchu ! Chupawh keimah vang ngeiin,nitin chuan ni chu a kal ngai rengin a kal ,kei erawh ka pasalin a nupui angin min en tawh lo a ,zing ka tho te chu min ngaihsakna pawh a nei tawh lo.










“ Nupa kan ni tawh lo tih hria ang che,he ina i awm chhan hi chu kalna tur dang i neilo tih ka hriat vang ani,i nu lahin a enkawl peih silo che a ,chutah kei a tuamhlawm tu che leh cheimawi tu che min phatsanin mi hmaah i inti mualpho zui a ,ka khawngain vang che in ka la hum hram hram zawk che a nih hi,uire nih hrehawm zia chu hmu mawlh rawh " ti a min tawngkhum siah siah na te chu na ti viau mah ila ka chhang let lo ,ni e ka tuar tur reng a lawm. Mahse a ni hi ka kalsan dawn lo ka bei dawn a nih hi tin kha Hmangaihsanga dawt sawi kha ka la hai chhuak ngei ang.








A rukin ka chhui zui char char ,a hna a bansan tawh tih ka hria ,khatianga kan awmdun anga a sawi avang khan tumahin officer ni turin an duh tawh nang ,ka nun zawng zawng tichhe vek tu hi ka chhuah mai mai lo ang ,hma ka la dawn a ni . Zanah Nick a rawn haw har bawk nen zawng turin ka chhuak , night club ah a kal fo tih ka hria,ka zawng kual char char ,a tawp ah hmun pakhatah ka hmu hram ,mi lian ho awmkhawmna a nih hmel ,hmeichhia in an lo bial thap a ,a awm khawm ho chu sawrkar lama thawk vek an ni tih a hriat, Nick chuan min lo hmuh rualin min melh ngur mai.








“ Nick ilo haw har lutuka ka lo hruai dawn che ,haw ila " tiin ka pan ,min ngaihsak ang pawhin a awm lo ,va khawih mai ka tum chu “ Pasalte pawh kham khawp lo ho hian a lawm khawvel hi titawp ni ,keichu min nei la chuan ka phatsan ve hauh lo ang che " hmeichhe pakhat chuan alo ti a an nui dar dar mai ,ngaipawimawh duhlo in Nick ngawt chu ka en“ Nick haw ang" tiin ka be leh “ Lo va haw rawh ka duh hunah ka rawn haw mai ang,thil pawimawh kan sawi ,lo ngaihven suh ka rawn haw ve mai ang " tiin min hnungchhawn ,Chung ho nen chuan VIP room lamah an lut dial








Chulaia pungkhawm ho in phun sep sep chunga min en te chu ka hre reng,ka mittui luang chu hru in ka chhuak hnak hnak ,in ka thlen rualin ka pangpar ho bulah ka thu ,ka khawih niap niap ,guitar la chhuakin ka pangpar bulah chuan thu in ka perh a ,Chord overstreet HOLD ON tihchu ka sa ,ka mittui a tla ngiai ngiai , Nick ka ngai ka ngai takzet ,inhnung lamah chuan ka awm a,ka zai chhun zawm zel “ Pa i fanu hian tunah hian ka mamawh takzet che ,i fanu hian amah ngeiin a hlimna te chu ala kiang a sin " tiin ka mittui chu a luang zung zung.







Inchhung ka luh a room ka pan chuan Nick pawh a lo awm tawh,a mit a chhing tlat ,a muhil a nih ka ring ,a pheikhawk pawh a phelh lo hrim hrim “ Nick i pheikhawk phelh ang aw " tiin ka phelh sak,a muhil thaw sak sak chu en in a hmaiah ka chul dan dan.


HOLD ON
Loving and fighting , accusing denying,
I can't imagine a world with you gone
The joy and the Chaos ,the demons we're made of I'd be so lost if you left me alone,
You locked yourself in the bathroom
Lying on the floor when i break through
I pull in to feel your heart beat
Can you hear me screaming please don't leave me



Hold on i still want you
Come back i still need you
Let me take your hand
I'll make it right ,I swear to love you all my love
Hold on i still need you

[Ngaia]

THE GOVERNOR





CHAPTER 14


pichnuaiah zawmna

“ Min haw tawh lutuk tiraw , Nick ka tihsual kha lo hre lawk ila chuan ka lo vak chhuak lo tur ,fa i awh zia ka hre reng a ,mahse ka atna chuan i lak atanga hla takah min dah ta si, Nick hetiang mi i nih ngailoh kha ,i zu in hi ka hmu theilo ania ,i nun i tihchhiat ai chuan keichu min dah bo mai rawh aw " ti sep sepin a mutthilh lai bak ka chan tawh loh ka pasal chu ka be mawlh mawlh,abulah mu thla in ka kuah vang vang . “ Ka ngai che Nick ka ngai lutuk che " tiin ka mittui nen mit ka chhing riai riai.








Ka kut leh ke vai thla pawp tu avang chuan ka mutui lai chu ka mengchhuak kawk “ Tho la ei rawng va bawl rawh ,tin ,ka phalna la lo in min dai tawh bawk suh " tihlukin Nick chuan rum zetin min en “ Nick hetiang hian awm tawh suh,zu in tawh suh khawngaihin zu hian engmah rah tha a chhuah lo ania " tiin ka ti dam dap,min huat laia tawngkam vin hman khum turin engmah ka ni tawh miau silo “ Huh nangai te chuan ala tha zawk e ,va bawl vat rawh vah chhuahna tur ka nei" tiin bathroom lamah luh a tum.









A hnung lam atangin ka kuah thlawp “ Nick Hmangaihsanga nen khan engtin mah kan awm lo ka ti tak tak,khawngaihin min ring rawh Nick,i tello chuan a reh lutuk ania Nick,ka tihpalh Nick" tah chhuak insum chungin ka tichhuak tiau,ka aw a khur dar dar bawk “ I mutpui lo a nihpawhin kan fa kha a lo kir leh thei chuang hleinem i tihtur chu va ti rawh " tiin min namsawn dawrh . Bathroom ah chuan en pawh min en tawh lo in a lut tlang nghal , muangchangin room atang chuan ka chhuak a .







Ka mittui luang chu ka chul thuak thuak,rawng ka bawl zawh dawn lamah a rawn chhuak a ,pawnlama police duty chu ava be daih,min pehhel a tum tih ka hria . “ Nick chaw i ei thei tawh ang" ti a auin keichu inhnung lamah ka tlan chhuak a ,ka pangpar ho bulah chuan thu in ka khawih niap niap,ni a sa leh tawh in khua a lum vur chunglam chu mitmeng zimsanin ka en chho , Delhi khawlum lutuk hi chu tawrh a har lam mah a ni .







Hung chhungah chuan ka vak kual a ,inbul hnim te chu ka pawtfai pah bawk ,ka pasal min hmu duhlo tu tan ka awm reng khan a thinrim reng dawn a ,hetia a vah chhuah dawn tala lo awm bo zawk hi ka tan pawh a tha zawk . A vah chhuah hnu chuan inchhung lamah chuan lutin ka tihtur neih ang ang chu,ka tizung zung,hla play in ka lungchhia chu ka insum hram hram a ni. Nidangah kha chuan hna chawlh hun a neih apiangin ka bulah hun hmang in ka duhna ang a piang min tihpui thin anihkha ,mahse tunah chuan khang te kha hmanlai tihturin an liam mek a nih hi.










Inah chuan awmin keimah te chuan khawhar takin ka awm ,ka tap nileng a ni ringawt . Tlai lamah a lo haw hmuak turin pawn thutthlengah ka lo thu leh reng tawh ,min haw viau mahse dawh hram hram ka duh,engtikah emaw chuan min la ngaidam leh mai thei a sin . Nick ka neih chhun,mahse nangpawhin min hlat tawh lutuk a tiraw ,keimahin he in khawhar takah hian awm ka phu reng em ni ? A car ri ka hriat rualin ka tho chhuak vat , Nick tiin kuah leh ka tum ,mahse alo rum nghut avang chuan hrechhuak leh zawkin ka kut chu ka thlak thla leh a .









Car atanga hmeichhe pakhat rawn chhuak tel chu tunge a nih ka hre hauh lo “ Hi Joyti ka nia , President nilai fanu hi ka ni e " a tihchuan nuiluiin ka chibai let “ Lut ang" Nick chuan tiin chunu kawngah chuan kuahin inchhung lamah a luhpui a ,an hnunglam atang chuan ka thlir ngawt ngawt “ Nick i sawi ang ngeiin natna zawng zawng min tuar tir i duh a ni tiraw ,natna natna zawng zawnga naber min tuar tir i duh tiraw Nick,kan inneih hma kha ka ngai a ni Nick,khatah kha chuan buaina kan nei ngailo a ,ka pa pawhin min pa dam pui a nihkha .










Tunah chuan ka khawih ve thiang tawh lo che a ,ka biak che pawhin chhanna ka dawng tha tawh heklo " tiin ka phun sep sep ,thutthlengah chuan ka thu hnawk ,ka pasalin hmeichhe dang a ngaihsak lai chu ka hmu ngam lo a ni. Police pa in khawngaih hmel zeta min en chu ka hmu reng,min sel tu karah lainattu ka hmu chuan ka tah a tichhuak zual , Mizoram ah haw chhoh lawk ka duh,ka pa thlan tlawha reilote tal insawi thawl ka duh a ni ,ka tap zawih zawih reng ,inchhung ka luh chuan tumah ka hmu mai lo ,kan nupa room ka pan chu lo infawp ngawr ngawr te avang chuan ka tawp chawt .








Nick chuan min rawn hmu tih ka hria,ka ding khawng reng,thawmhnaw erawh an la ha vek chu chuan tlemin min ti ziaawm . Ka en reng ka mittui chu a luang ngiai ngiai,chhuahsan duh pawh ni ila ka theilo,a tello hian ka awm duh lo,engtikah emaw min huatna hi a la reh mai thei a sin . An inthlah rualin a hmeichhia zawk chuan Nick hmai chu a chul dan dan ,ka kalsawn daih ,inhnuai lamah ka chhuk chu silai ri dur avang chuan ka au tuar ,ka bula glass chu a keh chuai bawk . Ka mit ka chhing tawp police duty ho chu an rawn tlan lut vat ,chhuatah chuan ka thu sawp nuaih .









“ I tha em ? " Nick chuan a rawn ti,ka hlauthawng bawk nen tawng nachang pawh ka hrelo “ Liandingpui min chhang rawh ,i tha em " a tihpawh in ka tawng chuanglo,ka awn riai riai “ Hrep chuan,in leh a vel hi en chhuak vek rawh u " tiin Nick chuan min pawm lawp “ Nick min thah an tum,nilo ka thih an duh " tiin ka tap chhuak hawm hawm “ Pa ,i fanu hi min pui rawh pa ,papa ka mamawh che " ka au tuar tuar ,ka tap bawk , Nick chuan a awmah min kuah bet,nidang ang kha chu nise thlamuang takin ka awm thei ang .









Mahse ani pawh hian min hua min hua tih ka hria ,ka taksa a zawi tial tial ka meng thei tawhlo “ Pa i bulah min hruai ve mai rawh" ti sep sepin ka muhil zui riai riai,ka tah nasat avangin ka taksa a chak lo zo tawh ,khumah min mut tih ka hria ,a bak engmah ka hre tawh lo “ Bawihte ka fanu " ka pa chuan nuisangin min lo en ,nui chungin ka pan “ Pa ka ngai lutuk che ,tinge min kalsan daih pa buaina lian tak ka tawk a sin " tiin ka pa chu ka kuah,ka lu ah chul hauh hauhin “ Ka fanu hi a chak tawk tih ka hria a lawm,ka lo thlir reng che ania,Bawihte nangmah chauhin i awm lo,i pa hi i kiangah ka awm reng tih hria la .









Tlu ngai hauh suh,miin an tiduhdah che a an tina che anihpawhin tlu ngai suh. Ka fanu mi chak tak Liandingpuii ini lawm ni,kan thlahah dawihzep mi an awm ngailo e ,engkim hi tuar la i la tuarchhuak em em ang " tiin a ral riai riai “ Pa nilo nilo kal suh pa ,ka bulah awm rawh" ka au chhuak chul “ Bawihi hahdam rawh hetah ka awm " Nick aw ka hriat chu ka mumang bawk a ni ngei ang. Ka taksa tang tung pawh ka thlah dul tial tial ,tui tak chuan ka mut zawm leh .









Ka harh leh chuan alo tlai tawh hle ,zan dar 10 alo rider tawh . Ka hawi kual a ,ka bula Nick lo mu chu mak tizetin ka en “ Ka mangan vang chiahin ka bulah i mu duh tih ka hria , Nick tupawh thlang la na dawn viau mah ila ka tuar thei em em ang. Mahse i bulah hian reilo te tal pawh awm hi ka duh a sin Nick " tiin ka tho chhuak a,bathroom lamah inbual turin ka lut nghal daih, bathtub ah chuan ka inchiah a,ka hahdam sawng sawng ” Jasmine" Nick au tuar tuar ri chuan ka ngaihtuahna ata min kai harh zawk “ Hetah ka awm " ka tihrualin thawm a reh vang vang.




atawp note chhiar ru aw




Ka chhuah chuan khumah a lo thu chhuak run, laptop ah thil a lo chhu mual mual bawk ,inthlakin khumah chuan a sirlam deuhah ka mu,min dai a duh tawhlo tih ka hrechiang tawh a ,keimah avanga khum tlanga a mu hi ka hmu thei lo . Mutthilh tumin ka mit ka chhing,ka harh chiah vang nge ka muhil theilo,ka tho chhuak leh a ,pawnlama chhuah ka tum chu “ Engthil nge tih i tum?" rawn tihmuk tu avang chuan ka ding chawt ” Ka pangpar te bulah ka kal dawn ,ka bulah awm hrehawm i ti tih ka hria lo mu hmasa rawh .









Ka muhil thei ve lo " tiin ka chhuak nghal hnak hnak ,pawn ah chuan va thu in vawiin lam ka ngaihtuah,tunge min thah tum ang,an man tawh angem tih lah ka hre der silo,hre tur pawhin ka phone ka en peihlo a ,ka pasal lah ka be tha ngam tawh der silo,in hung chhungah chuan ka vak kual char char ka mut lah chhuah a hnekin ka harh tulh tulh,dar 2 a rik pawhin inchhungah ka la lut lo ,dar 3 a rik leh takah chuan ka lut ve hram ,khuma ka pasal lo muhil chu ka en reng “ Kal ta ila i hlim angem le Nick,i hlim angem ?" tiin a mutthilh lai chuhin a taksa kuah chung chuan ka mu thla a .










A mutthilh hma chu ka mu ngailo,a chhan pawh zantin ka lo kuah thin taksa tello hi chuan ka muhil thiam tawh lo a ni zawk. Nitin chuan a hnathawk bang ka lo hmuak thin a ,biak erawh ka hlawh ngai chuang lo ,nitin hmeichhia nen an chanchin sawi tur a awm a ,mite lah chuan an dem loh thu leh zawnglai a lawm tiin an thlir liam ,kei erawh ka ram ngei pawhin hmeichhe bawlhhlawh ber angah min chhuah thung . “ Hey tinge i la awm reng a ,i mak ka ti in innei tawh bawk silo ,kalna tur dang i neilo nge tunah chuan i pasal oh! Pasal hlui hi ka lo enkawl sak ve tawh ang che " Joyti chuan a ti a ,a nui sawng bawk .









President fanu anihna a chhuang leh lutuk hi ka haw bawk“ I sawi tur a awm lo " tiin inher ka tum,mahse a tui inlaia ka kawr a rawn theh avang chuan ka thinrimna a kai chhuak chiang hle ,a samah kek in ka pawt thlu thuai ,ka tum zawt zawt bawk “ Liandingpui enge itih " tiin Nick chuan min thehsawn thuai “ Amahin min ti hmasa a nihkha " tiin Nick chu ka en “ Nick i nupui a nihloh thu ka hrilh mai a lawm,a dik lo em ni ,a rawn thinrim nghal ngawt a nihkha ,ka pa ka hrilh chuan a chak lo viau ang thi turin an ti ngei ang" a rawn tihchuan khawih leh ka tum ,mahse Nick chuan min lo dang leh tlat .










Chunu zawk chu buaipuiin a kalsawn pui,ka kut atanga thisen chhuakte chu a hmu duh miah lo ,roomah lutin ka intuam sak,ka tah a chhuak teuh bawk ,a rawn luh leh lai chuan ka kut chu ka lo tuam zo chiah,a thawmhnaw a siam mawlh mawlh “ Nick enge i tih dawn " ka tihchuan min chhang miahlo “ Nick ka biak che chu" ka tihchuan min melh hrawkin “ Kan zinchhuak dawn ,heta tang hian lo chhuak hauh suh ang che ,ka rawn let hma chu in hi i chhuahsan tur anilo " a rawn tihmuk .








“ Ka lo kal ve duh" ka tihpawh chu hreawm pawh in a awm leh tawh lo ,a insiam zawh rualin a pen chhuak nghal pawk pawk,a hnungah chuan ka um zel “ Ka lo kal ve duh Nick " ka tileh “ Liandingpui awm tur a ka tihche chuan lo awm mai rawh ,nangnena mi in min hmuh dun ka duh tawh lo tih hi hria la ,he inah hian awm la a tawk " tihrawkin a inher nghut ,car chuan a tlanliam chu ka thlir reng .







Inchhung lamah chuan beidawng zetin ka lut hnak hnak ,Sailoa hla chu ka play,ka khawsik ser ser leh ka rilruna chuan min tichau zual “ Nick ka dam lo ania Nick" ka rilru in ka au mawlh mawlh,inah chuan keimah te chauha hnutchhiah ka ni leh ta




Awmkhua har in ka han fang leh ,hmana kan sulhnu,a tlang a mual mah a dang silo ,suihlung muhnu a kai tho e kung a leng emai ,luaithlir ka nul ka tuar zo lo ve ,inthen lo'ng aw ti a kan in ngen tawn lai ni leh ,nang chauh ti a buanang pawm lai te ,runhmun lendun kan tiam lai ni leh hun zawng te kha ,tham ral mai ang ka phal thei silo " mittui luang zawih zawihin ka zai zawm zel ,ka mittui te chu hruk pawh ka tum lo,damdawi lah ka ei peih hek lo ,kan nunhlui liam ta te ,Mizoramah kha chuan buaina kan tawk ngailo asin..








Kan inhmuh hmasak ber lai te kha ka ngai a ,ka ngai a ni ,hengte hi an thamral mai ang maw? ” Nick " min nuih sangin a kut a phar ka tlan phei ka kuah nghal thlawp “ Ilo let " tiin ka nuih sen sen,“ Ka lalfanu " ti a phun sup supin a thamral leh daih,ka harh chhuak nghal kawk . Ka lo muthlu a ni ngei ang “ Nick ka mumangah chuan maw min lo pawm leh tawh a ,nangpawhin min lo ngaidam tawh a sin. Hman ang chiah khan min lo ngaihsak leh tawh a ,tumah midang an awm lo ,tumah i ngaihsak leh tawh lo a .









Mahse ka harh a a hma ang bawkin ka chan leh che , Nick ka mumang mai niturin ka duh lo ,nilo khang ka mumangah khan cham hlen ka duh a ni,he ka taksa hi chu thi in lei hnuaiah phumin awm dawn mahsela nang nena kan awmdun theihna a nihchuan kha mangramah pawh khan cham hlen ka hnial lo a sin,mumang mai mah nise kan hlim ni te kha lo kir leh se ka mittui te hian kian ni nei ve tawh sela,ka tan khua hi var ve tawh se ka ti , Nick ka inhliam hlek pawha min ngaihtuah em em tu ka GOVERNOR dik tak kha ka ngai .







Tunah chuan ka khua a sik pawhin min enkawl tu tur i awm tawh silo ...I know that your love is gone
Malsawmin min lo call ,ka lo tahkhuma min hnem pah mawlh mawlh“Ih maw? A hma kha chuan a tana pawimawh ber kha ka ni ve thin a,atana hlu tak kha ka ni thin a sin. Mahse ,hun inher danglam chuan ka parna kung atang a hla takah min thliakin min thehsawna ,ka aiawhtu a la lut ta ,anunah ka pawimawh ve tawh lo va. A hmangaihna dawng turin ka tling tawh heklo .






Hmana ka kuta kaia hlim taka min nuih pui thin tu khan mithar a nunah a seng lut tawh a . A tan chuan rose par chuai a a duhloh hnu ang mai in ka hrang ta. Awmlo tura kan lo awmna khawvelah hian intheihnghilh turin kan inhria a ,inthen turin kan intawnga ,in kalsan turin kan lo in hmangaih thin . Thinghnah chu a tla kawlh a ,a thar in a thlak leh mai thin. Ka hmangaih chu dam tak in tiin ka thlah a ,mahse in thlah hlenna tur thumai tih ka lo hre silo ,ni e ani leh keia thawnthu ah hian ani leh keichu kan lang dun ve thei tawh lo. Mangtha min ti ta miau si a ,muttui tih tala min thlah lo pawh hi ka lawm tawk e,a chhan chu tho leh tur awm tawhlo a ka mut hlen mai ka hlau si .





Mal anichuan min hmuh pawh a duh tawh lo a ,ka damlo tih pawh a hre tawh heklo,ka ngai lutuk ka tihsual tih hre mah ila hetiang em em hi chu ka ring lo a sin Mal" tiin tap zawih zawih chungin ka sawi chhuak sep sep.

7dda50a070b8105f38f6aaae39f54285(1).jpg
7dda50a070b8105f38f6aaae39f54285(1).jpg (7.99 KiB) Viewed 4122 times

ZAWMNA




“ Tuar hram hram rawh ,Jas engtikah emaw chuan ila tuarchhuak em em ang " a rawn ti ve a ,ni e keipawhin chu chu ka beisei a ni . Kan inbiak zawh hnu chuan ka mu hnak ,rawng pawh ka in bawl peih lo ,ka chau hluah hluah ,ka mit chhingin chu zan khawthim tan ah chuan keimah te chauhin ka awm leh ta ,he khawvelah hian neih reng reng ka nei ve tawh lo ,ka mal ta hluah hluah ,tinge hetiang tura ka lo pian ve le ,ka piang ve hi khawvela ka thil tihsual lian ber a ni .










Tinge tuar reng tur a ka lo pian bik le , Nick min ngaihsak tawh lo mahla keichuan ka la hmangaih reng che tih hre rawh aw ,min hmangaih ve tawh lo mahla i tan ka awm reng tho ang. Nihnih liam hnu pawhin a la rawn haw lo,nidangah kha chuan min zinchhuahsan khat a sin,tunah chuan min hmu duh tawh lo te pawh a nia nge ka phone ri chu ka en zawk ,Malsawmi tih ka hmuh rualin ka la nghal vat “ Jasmine hrilh che ka duh lo na chu,i unaunu leh Nick hi miin an sawi nasa teh a nia,awi ka thinrim emai ,hetiang hian engtin nge an awm theih an zak miahlo em ni " a tihchuan ka hamhaih hle .









“ Nick kha tah a rawn kal a maw " tiin ka zawt,a kal thu a sawi chuan ka in siam nghal sawk sawk “ Sawm ka lo haw chho dawn chuan engkim ka titawp tawh ang" ka tihchuan a nipawhin a pawm thu a sawi ve sap ,air ticket bookin ka chang hlauh,a tlai a tlaiin mizoram lam ka pan a , mizoram leilung ka rap chiah chu ka pa ka ngai thar ,ruah lah chu a sur nasa phian lehnghal. Taxi awmna lam panin ka bag nen chuan ka kal hnak hnak ,vanneih a siamin pakhat alo awl hlauh ,Lengpui atang chuan Aizawl lam panin kan tlan,Kan veng kan tlan lut a ,ka lung a phu dawt dawt .










Tunah pawh hian an awm dun ang nge awm dunlo ang tih ka ngaihtuah,kan inzawnah chuan dintir in pawisa ka pe a ,in chu ka kik dat dat,ka nu in kawngka a rawn hawna min hmuh chuan mak a tih hmel hle “ Khawnge Grace " ka tihchuan “ An leng chhuak a nihkha ,nangpawh engvanga i pasal uiresan nge inih" a rawn tinghal zat ” Ka nu engmah i hrelo chuvang chuan khatiang khan min puh hauh suh,min hrilh rawh ka pasal leh ka unau nu hi an in ngaizawng em ni " ka tihchuan ka nu chu a thaw hawk .








“ Nu khawngaihin ka mamawh ve che a sin nu,hmana ka nu kha ka ngai nu,ka beidawng ngawih ngawih a nih hi nu " tiin ka tap hawm hawm,hrehawm a ti nge min kuahin “ Aw iti dik, Nick an a rawn pan ,mahse vawikhat mah an la mudun velo tih ka hria,bawihi i pa kha la dam ve sela ngaihdam dil ka duh a ni,lo kal rawh i unaunu te chu an rawn haw chiah " tiin pawnlamah chuan min chhuah pui, Nick ka pasal ngei chu car atanga rawn chhuakin ka unaunu ka phirpui ngei nen chuan ruahsur chu do dunin an lam a nihchu,ka nu in auh a tum chu ka lo dang vat “ Nu tisuh,khawngaihin hei chiah ka ngen ang che .










He lehkha leh he zungbun hi a ni saw min lo pek sak rawh aw ,hlim reng turin ka duh tih min lo hrilh sak dawn a nia " ka tihchuan ka nu chuan “ Enge tih i tum? Jasmine heng hi engthil " a tihchuan ka kut chuan ngawi tura tiin Nick te pahnih hlim taka nuidun chu enin ka mittui a tla fap fap “ Ka kalbo dawn nu,ka kal dawn a ni keichu min ngaihtuah suh ka pa in pawisa min dahkhan ka nun bul ka tan dawn a ni,ani saw hlim takin lo siam ang cheu,a nunah hmeichhe pahnih a la lut sual tawh a ,a pathumna tal hi chuan tihlim rawh se ,tunah chuan an hmaah ka inlan theilo .









Mahse engtikah emaw chuan nui hmel nen ngei ka rawn lang ve tawh ang,chutih hunah chuan ka pa thattu hi ka chhuichhuak ngei bawk ang,ka kal ange " tiin ka nu chu ka en ,a ngawi renga ,kan in luhna dang atanga chhuakin a tawp nan Nick hlim hmel chu enin ka nui sak ”Mangtha le Nunhlui duhawm " tiin ka kal chhuak leh hnak hnak,Malsawmi phone in ka awmna ka hrilh ,a rawn thleng vat ,ka pa thlan lam panin kan inkhalh chhuak a, kalkawngah te chuan ka tap reng .









Ka pa thlanah chuan ka thu thla ,ruahsur hnuaiah chuan ka au vak vak “ Pa i fanu hi tunah chuan fahrah ka ni ta,kalna tur ka nei tawh lo ,engtin nge ka tihdawn ,pa helai hmun hi chhuahsanin belhtur ka neih awmchhun nitei te ka pan dawn a ,ka pa i fanu hi ka mal tawh lutuk ,pa ka mamawh che ania,kaldan tur leh enge tih tur pawh ka hrethiam tawh lo pa ,lo tho leh mai rawh ,i fanu hi miten an thinhrik in an hmusit ngawih ngawih tih hi i hmu ve ang tiraw ,tinge keimah chauha min kalsan pa " tiin ka tap hawm hawm .








Malsawmi chuan min kuahin min tahpui,an inlamah min hruai haw a ,a nu leh a naute chuan min lo lawm thiam viau,min tih hlim hram hram an tum tih ka hria nu Rinpuii chuan “ Jasmine a hrehawm ang tih ka hria,mahse hun harsa ber kan tawhlai hi keimah ni min tichak tu anih chang a awm a nia,beidawng lo la dinchhuah leh tum zawk ang che ,englai pawhin i tan kan awm reng tih theihnghilh suh. Nang leh i pa avangin mi min hmuhsitna tur lak ata kan hima ,inchungah hian kan lawm hle tih kha min hriatsak dawn a nia .









Engpawh ti la ,hetah nu min nei tih theihnghilh hauh suh,Malsawmi leh a naute pawh hi i unaute an ni tih hre reng la ,engthil pawh i tihnaah min theihnghilh suh ang che ,i tan kan awm reng a nia" a tisap sap ,muthmunah Malsawmi nen kan titi a ,ka mittui tla leh thin avangin thusawi erawh a har,naktukah bank a mi pawisa ka la chhuak anga , Mizoram hi ka chhuahsan tawh ang, America ka pan dawn a ni “ Jas tuarchhel takin aw,i rawn let leh hun chuan hmana ka thian hlim thei tak kha ka hmu duh dawn a nia " a tihchuan ka nuih hak hak .









Atuk lamah Bank ah kan kal a ,miin min hmuh tam loh nan cap leh mask ka vuah a ,ka pa pawisa dah ho chu tam tham tak ka la chhuak ,ni e ka mamawh na a tam dawn em ani. Kan let leh lam in kan thleng tep tihchuan Nick ka hmu ,ka ding chawt Malsawmi tawnglai chu pawtin ka luhbo pui nghal “ Nick ka hmu,kan lut thei rihlo ang,engtin nge ka tihdawn helaiah ka awm tih a hre tawh a ni hrim hrim Sawm ka hlauthawng " tiin ka hrilh,ka kutah humin “ Hetah lo awm la ,ka va bia ange engvanga kan ina rawn kal nge a nih .









Mai mai chuan ti a chhuah a tum,mahse ka dang tlat Nick chu ralkhat atangin kan thlir Malsawmi te in lam chu a melh a ,a sana a en reng bawk . Rilru hah hmel te pawh a pu,darkar chuang fe a awm hnuah a kalsawn hram ,chuveleh Malsawmi nen chuan rang zetin kan tawmna atang chuan kan chhuak a ,inchhungah lutin kan insiam nghal zung zung . Airport lam pan tur in taxi kan be fel vek tawh a ,kan insiam zawh rualin kan chhuak nghal vat ,kawng sira thil zuarte nula tlangval hlim taka nui tlang te chu tlan pah chuan ka en ,Malsawmi pawhin ka awm lo tur chu a huphurh nge a ngawi ngar mai .








Airport kan thleng ,ka ticket ka hmuh hma chuan Malsawmi nen chuan kan inkuah ” Dam takin lo awm ang che ,kan in hmu leh har dawn sia " tiin ka nuihlui sang,a tap pur mai “ Lo kir leh vat ang che ,i lungngai hmel awm tawhlo in ,lo nui tawh ang che " a tihchuan ka nui hak, ticket chu hmuhin thlawhna lam pan chuan ka kal phei hnak hnak “ Duatte " chu aw chu ka hrechiang hle “ Kal suh Duatte kal bo suh,min kalsan suh,engkim avangin ka tihpalh " Nick lam chu ka en ,ka mittui a hnam tiam tiam “ Lo hlim la chhungkua duhawm tak lo din ang che , Nick ka lo kir thei tawh lo .








Ka tello in i hlim tih ka hria a ,dam takin,i sawi dik keichu tu tan mah ka awm leh awm loh in awmzia a nei lo itih thin kha ,mangtha le Nick" tiin ka phun sep sep ,min au lawm lawm tu chu inher sanin thlawhna chhung lamah chuan ka lut zui a ,dam takin le ka hmangaih nunthar chu lo tan ngei ang che .








NICK POV...(NGEI VIAU MAH ULA CHHIAR VEK RU








Grace nen chuan inchhungah kan lut dun ,ka thil tih hi a dik em tih ka hrelo, mahse Hei hi ka nun ani a ,mi aia ka danglam bikna a awm chuang lo ti Governor ka nihna anga danglam bik tur lah ka ni heklo,mihring ve tho ka ni a ,ka duhzawng ka tih a thiang alawm tu a ka in ngaihna chuan min nawr ut ut bawk “ Hetah lo thu teh u Grace Lalnunhlim" a nu chuan a rawn tifak,engvanga lungawi lo hmel pu nge a nih ka hrethiam hauh lo “ In hlim tawh em Jasmine in tihnat chu nuam inti dun bawk maw " a ti fak fak, Jasmine a hua in ka hre sia engvanga hetianga awm nge a nih.








Lawk Duattei helaiah a rawn kal a ni thei angem “ Ka fanu ve tho a ni a ,keima thiamloh a nih avanga min hlat a ni bawk , Nick nangpawh governor i niin puitling tak turah ka ngai che ,i phuba lak duh avanga ka fanu pakhat zawk tinaa pakhat i thinrimna avanga i infiam pui hi ka duh hauh lo a nia,i duh ang ngeiin Jasmine chuan a beidawn san ta che kha hei hi la rawh ,engah mah ka in hnamhnawih peih tawh lo ve " tiin a tho chhuak,zungbun leh lehkha ka hmuh chu la kangin zungbun chu ka en chiang ka meng nghal kawk “ Duatte " ka tho chhuak nghal ,pawnah ka tlan chhuak a kawtthler chu ka enkual mahse tumah ka hmu lo.









Zankhua in ka zawng a ,Dereck pawh ka pun hial ,atuklamah a kalna tur awm angah kan kal kual,Malsawmi te inah lah a awm bawk silo “ Thiana Mizoram ah chuan a rawn kal ngei e ,bank atangin pawisa tam tham tak alak chhuah thu an sawi " Derecka chuan a rawn ti ,ka hlauthawng zual sauh,nilo airport lam pan turin Dereck chu ka bia a ,keimah pawh ka kal nghal “ Duatte reilote chiah awm bosan che a hlim taka siam che ka duh a sin,i unaunu nen kha chuan kan infiam mai mai a nihkha ,tinge ka lo tihnat che ,ka car chu ka chum pawp pawp ,mihring ka ni in thil tisual thei ka nihzia lanna chu ka hmeichhe hmangaihin min kalsan mek tih ka hriatna hian a tichiang leh zual.








Airport ka thleng,Malsawmi ka hmuh chuan thil engkim a tichiang vek ,ka tlan lut nghal hlawk hlawk “ Duatte kal suh" tiin ka au ,mahse min en in a ding zawk a ,a tawng engmah ka hre phalo ,chutah thlawhna chhunga a lut chu ka en reng,tlan luh ka tum lahin min dang zel bawk si . Ka mangang takzet “ Min thlah rawh u,nangmah ni avanga ka nupui saw a kal hman anihchuan inchak lo ang min thlah rawh u " tiin ka tal ,ka hnek bawk ,mahse min tam hneh mah mah a ni “ Thiana insum teh ,miin an en thup che ania,hetianga awm tur ini lo .








Kal tir mai rawh " Dereck chuan a rawn ti ka melh hrawk “ Kal tir duh ni ilang chuan Dereck ka inah ka awm tir tawh hauh lo ang . Min dang suh " tiin tlanphei leh ka tum,mahse thlawhna chu a thlawk chhuak hman,ka thu hnawk ka au chiam bawk ,engkim bul chu kei leh ka hna vang hi a ni ,ka hna hian ka hnaih a te piang a um bo a ,tunah chuan ka hmeichhe hmangaih pawh ka hnawt bo ,Malsawmi lo ding lam chu ka pan “ Khawiah nge a kal dawn min hrilh rawh " ka tihchuan sawi tum lo tih hriat takin a inher .








“ Min hrilh vat rawh nang hian engkim i hria ang khawiah nge Duattei kha a kal dawn " ka tihleh chuan a nui hak “ Hah Duattei a ,en teh Governor Nick Zochhuanmawi ,I hmeichhe duhtak nena ruahsur hnuaia in lam dun lai khan Jasmine i hre chang lo a ni lawm ni,tunah hriat leh i duh a maw ,nang rinna nei tlem lutuk hian ka thiannu hi i phulo,tikhan kal se mipa tha tak tawngin nang chu atheihnghilh vang vang ang che .I rinawmlohna rah chu tuar rawh ,nupui te tihsual chiah hria nangkha enge i nih bik.








I thil tih zawng zawng ngaihtuah kha chuan ka thiannu hi a dawhthei zawk ngawt a lawm,i bulah hrehawm ti chung pawhin a la awm duh a nia ,mahse khang a dawhna che kha nang chuan a kalna tur neih loh vangah i chhuah a ,I phu tawk chiah ka hnen atang chuan engtikah mah i hre ngailo ang . Ka luak iti chhuak,ka thiannu fahrah na hi nang governor mi â a hian ilo hmusit vela tiraw ,tikhan i thil chan hlutzia kha hre nawn mawlh mawlh rawh ,kan tana hlu ber te hi chu kan han chan chiah hian an hlutzia kan hrechiang tawlh tawlh ania.









Ka kal dawn tin nang Dereck Lalchhanhima pawh khan min rawn hmuh tum tawh suh. Mipa puitling pui tawh mawl bawk si in nih kha ,ka hua cheu Jasmine chuan a theihnghilh thuai ang che ka thiannu hi ka hrechiang nang ang mipa avang hian a tlu chhe ngailo ang " tiin a inher hmak,Derecka nen chuan kan en reng,a sawi dik chiah ka at man chu ka tel mek a nih hi ,inlama ka let rual chuan a lehkha hnutchhiah chu ka chhia “ Thadang,ka tihpalh ,kei min lo tawng hi,i nupui hmasa zawk nen in inkar mah i huat zia ka hria a .







Ka lo rinloh che a vang leh kan naute avang pawh khan ka tihpalh ,mahse maw ka duh vang reng a nilo tih ka sawi duh,i duh ang ngeiin ka lo inthiar fihlim mai ang aw ,hlim takin awm la ,hmeichhe tha tak i tawn theih nan ka lo dil fo ang,kei ang mai mai nilo i tawn theih nan, Nick ka ngai che tih i hria tiraw ,mahse ka bulah i awm duh mawlh silo i sawi dik ani. Keichu hmeithai fa ,chutah a nu ngei pawh in a duh loh chu ka ni ngei e ,ka kal dawna min lo ngaihtuah hauh suh.







Lo hlim tawh la ,na tawh lo turin
Hmalam pan tawh la ,ka tellohna nun ngei din leh ang che ,min theihnghilh tum la keiai tha zawk i phu tiin beiseina nen hmalam hun thlir la ,kei tina reng tu che tan i mittui ti tla tawh lo in i nun tichhe tawh suh aw ,ka kal dawn a ,min lo zawng hauh suh,keichu chhimbal ah min ngai la ,i nunah i lungngaih ni apianga lang chauh thin ah min ngai zawk ang che ,ka dem lo che a keiai tha i phu tiin keichu ka inthiar fihlim mai ang aw Nick .










Hmangaihna in a hum a ,hmangaihna chuan a kal tir leh thin ,eng hmeichhia pawh thlang la ka pawm pui vek ang che . Mahse i nun ber kha ,zu a tha lo tih i hria tiraw zu hmang khan i nun tichhe tawh suh aw . Min huatna khan i nun a vuak chhiat hma in ka in thiar fihlim dawn a ,tunah chuan mite tan malsawmna lo ni leh ang che aw . Keichu i nun tichhe tu ,i nuna tel ve lo tur he khawvela awm ve miahlo tur ka niin ka hria Nick,dam tak in lo awm la kan la inhmu leh a nih pawhin min hre ngailo angin awm rawh aw ,kei ber ka awm loh chuan a hma ang chiah khan i nun i hmang leh thei ang tiraw?.








“ Pialral kawng khar ka tan lo hawng la ,mahse chutah chuan kan in tawng leh kher angem? Ni angin ka hmel hmu thei mahla thla angin min khawih thei dawn silo ,ka sawi awmzia i hria ang tiraw ,kan inhmu in kan inbe thei animahna mahse kan inkhawih phak tawh kher angem ,ka unaunu i thlang emaw tu hmeichhia pawh lo thlang la keianga hmeichhe laktlakloh an nihloh nan ka lo dil fo ang. A tawp nan min ngaihtuah lo la ,min rawn zawng suh ang che , min rawn zawng ang tih ka hria ,a chhan chu min hmangaih .







Mahse chu hmangaihna chauh chu a tawk tawh lo ,kan pahnih chuan ni leh thla ang chiah kan ni ,an nipawh an lan hun a inang lo ang bawkin keini pawh kan intawn hun hi a tha lo a nimahna,a tawp nan ka pa thlan tal kha min lo enkawl sak rawh aw , Nick pa leh pasal tha tak niturin duhsakna ka hlan a che,fanau maltluan chawiin leng ula,khuanun vengin malsawm cheu rawh rawh se ka hmangaih ,mangtha le " tih inziak chu ka en ngawt ngawt “ Duatte i beidawng ta tiraw ,ni e i sawi dik kei hi i tan ka tling lo zawk a ni. Ka nupui pawh ka venghim theilo a ,a zahawmna pawh ka humsak thei heklo ,ka lo nghak ang che ilo haw leh ngai te a nihchuan ka lo nghak ang che. Liandingpui mikhual inihna hmunah chuan va cham hlen ngai suh ang che .











A tuklamah Delhi lam ka pan a ,in ka thleng chu ka thiamloh a lang chiang zual ,“Duatte ka lo haw ania min lo hmuak dawn lo vem ni? Ka rawn haw leh tawh hi ,ka lo haw hun nghakhlel takin he thutthlengah hian ilo nghak thin tiraw,keilahin ka hmeichhe hmangaih mal zia hre lo lekin tawng chhia tin rengin ka lo bia che a,a rilru naupang zawk khan puitling takin min lo dawh a nihkha ,Duatte lo chhuak leh rawh nitin nangmah maia awm tir tawhlo tur che in ka lo haw asin ,khawiah nge i kal ang.









Inchhung lamah chuan lut lehin engkim ka mitthla ah a rawn lang,ka haw em em chung khan ka hah leh hahloh min zawtin ka ei duh zawng kha phur takin min siamsak thu a sawi siam siam zel kha a ni a ,tunah erawh a hlimthla bak ka chang talo ,ka mittui chu hru tawkin ka thaw hrawk a “Liandingpui khawi hmunah pawh awm la ka rawn zawng chhuak ang che".


Show post links
Top

[Ngaia]

THE GOVERNOR




CHAPTER 15


pic hnuaiah ka zWm e

3 DAYS LATER





NICK POV...






Ka phone ri chu ka en zawk ,PM hnen meuh atanga call ka dawn chu phurlo zetin ka la “ Aw sir enge ni ta" tisupin ka bia a ,“ Aw ni e thlawhnaah chuan a chuang a lawm" tiin Duattei chungchang zawng zawng chu ka hrilh ” Kha kha an accident a tumah dam chhuak an awm lo an ti ,hei ka buaipui meka i nupui ruang pawh a ram rawn panpui a ni" a tihchuan ka nghing dawt “ Sir iti der aniang,an accident lo ang" khur ru chungin ka sawi chhuak hram ,hlauhthawnna in min man bawk .








“ Nick ka ring dik ngeiin ka ring, New York tuipui kam maiah an accident a ,hmanhmawh taka chhanchhuah an niin i nupui pawh hmel hmuh tlak loh khawpin darthlalangin a hmel a zai chhe vek an ti,hei an ram hruaitu te nen kan inbe mek a ,a passport atangin an ni pawhin an ram mi anilo tih hria in min rawn be reng a ,tunah hian in ram lam panpui mek a ni ,i hmu duhte a nihchuan nangpawh pvt in chho mai ta che " a rawn tihchuan ka thu thla hnawk ,phone chu dahin ka insiam mawlh mawlh .










Mizoram lam pana kan thlawh leh laite chuan ka hmai ka tuai leh pawk thin,an inlam ka pan a kalkawngah te chuan awm ngaihna ka hrelo a niber ,an in zawn kan thleng inchhung lam atanga tap aw rawn chhuak te chuan min tibing mup mup ,inchhung lam pan chuan muangchangin ka lut ,Malsawmin min rawn hmuh rualin ka hmaiah a beng sawk “ Engkim hi nangmah vang a ni. Tinge Jasmine nunah hian harsatna hlir hi a awm bik,dam takin ka thlaha mahse en teh enge thleng hi ka thiannu chu a hmel pawh hmuh tlak loh in a sin na a tawrh.








Nang mi tenawm pa avang hian maw a nunna hi a chan a sin,nang ni ho hian uire tiin lo tihrehawm lo ula ka thiannu hian kalbo tum lo in tunah te hian hlim takin kan awm leh tawh ang. Misual vek in ni,a pa a chana a nu leh a unaunu lah a tan beiseibo an ni tih hre chungin nang a neih vang che in hmalam hun a thlir hram hram a ,aw ka thian tinge vanduaina hian a um reng bik che . Ka dem lo che he khawvelah hian i mal em a ni tiraw ,pa Ramnun Jasmine chu a lo kal ania lo duat rawh aw ,i fanu khan duat a ngai teh ania .










I fanu mal tak kha nang chuan ilo tihlim thei ang tih ka hria ,in pahnihin hlim takin awm tawh rawh u " tiin a tap hawm hawm ,kuang lam chu ka pan ,ka lungphu hi a phut tin hian an chawl mek in ka hria ,ka naute ka hmangaih chu a chawl tak tak em ni“ Duatte " a hmai chu puanin an tuam chhuak vek,a thih lai lehzelin a hmel pawh ka hmu theilo chuan kei mipa meuh pawh min tina “ Ka fanu i pa nen khan min ngaidam rawh u aw ,ka fanu ka tihpalh tinge i nu hian khatianga ka lo tihmai chele ,ka chawilen ka hnute tuia ka chawilen,a tette atanga mi pawi sawi ngailo .








Midangte tuar lai hmu theilo a tahpui ve thei zel a ,mahse kei a nu ngei hian hrehawm tak leh mal takin ka siam ani si,Bawihte hun hi koh kir ka va chak em ,i pa nen khan kan pathuma hlim taka kan awm lai hun kha koh kir ka duh a ni. Ka fanu min ngaidam rawh aw ,i nu hian thil ka lo tisual a ni ,i kalbo dawna i beidawng hmel leh na hmel khan ka thinlung hi a tina a sin,tunah enge kan tawrh tak hi " tiin a tap hawm hawm reng . Kei erawhin ngawi rengin a ruang chu ka melh tlawk tlawk “ Ni angin ka hmel hmu thei mahla ,thla angin min khawih phak dawn silo a tihchu hei hi em ni?.








“Duatte min chhang teh ,i kalbo duh a nihpawhin hetiang lo zawng hian i kal theilo em ni Liandingpui ,engtin nge i tello in ka awm ve ang Duatte min chhang teh Liandingpui harh rawh ,i hmel ka hmu duh rawn meng la min lo ko leh ta che ,Duatte min hua a nihpawhin min kalsan suh,i pa laka ka thu tiam hlen thei lo in min siam suh,ka tihnatna che chu thihna hmangin maw min rulh let dawn ,Liandingpui rawn tho la i pasal hi min rawn kuah leh ta che " ka tap chhuak hawk ,he khawvela hmu leh tawh lo tur a ka indah ringawt pawhin he mipa thinlung hi a na ngawt ngawt .








Duatte ka tina lutuk che tiraw ,nitin ka lo haw hun nghakin na em em chung khan hlim hmel min hmuh a ,thlamuang taka i beina thin pawh ka sualna a vangin ka mutthilh hun nghaka ka muhil emaw ti a min kuah bet vat thin tu taksa kha ka duh ,tawngkam na tak taka ka tawngkhum vang che khan em ni hetianga min tih ,engtin nge i tello in he mipa hi a awm ang ,nitin a nui sanga min lo lawm thin tu tello in engtin nge hna ka thawh theih tawh ang. Duatte hrehawmna ka pek reng che avangin he khawvel hi i ning ngawih ngawih a ni tiraw .









Thutthlengah chuan ka thu thla hnawk ,Dereck ka bula rawn thu pawh ka ngaihven thei lo,zantin tap chunga ka hmai khawiha min ngaih thu a sawi lai khan ka beng lo chhi ngawng tlat lo ila chuan tunah hian ka naute hi hlim takin ka kiangah a awm leh tawh ang . “ Ka naute,i nu nena hrehawm tam tak ka lo tuar tir cheu a vangin i nu nen khan min ngaidam ru aw ,Duatte i tello in he mipa hian hun a hmang thei dawn lo tih i hria tiraw ,ka neih chhun ini min tilawm lawm chung khan keichuan natna bak ka pe silo che a ,dam thlahlel tawhlo in thihna chu i inhneh tir tiraw .











Hetiang hian kal mai i duh tih lo hria ila chuan ka kalsan lo tur che ,i natna zawng zawng nangmaha ka tuar tir che a vangin min ngaidam rawh aw " a hmai an tuam beh tlatah chuan ka chal ka nghat a ,ka mit atanga mittui far chuan a tuamna puan chu a tihnawm vek tawh “ Thiana insum teh ,puitling taka i awm a ngai zawk ania" Dereck chu ka melh hrawk ” I hmeichhe hmangaih ber a dam tawh lo tih hria la ,puitling takin i awm thei bik dawn em ni . Kei hian ka nupui hi ka that a ni ,a naupan na rilru hre rengin ka haider a .








Mite demna a nasat tehlul nen keihian ka naute chu runluihin ka tina a,tunah chuan nun thlakhlelhna nei tawhlo in a kal a nih hi ,puitling tur chuan min beisei suh,nitin ngaihdam min dilna te kha keihian ka haider saka ,amah maia awm tirin nitin khawhar takin ka siam a sin,tunah chuan beisei tur nei tawhlo in leh ka hmuh phakloha awm a thlang ta a nih hi ,mipa sual tak chu ka lo nih hi " tiin ka melh ngawt ngawt . Duatte khawvel dangah chuan ka rawn zawng leh ang che anga ,chutah chuan ka thil tihsual hi min ngaidam thei angem .









I pasal atna in a bual avanga tina tu che hi min pawm leh thei angem ka Duatte ,chutah chuan tina tu che ni tawhlo in tihlim tu che ka ni leh thei angem,nangpawhin chu khawvel dangah chuan min hmu duh leh ang tiraw ,hringnun dang lehah chuan he tina tu che hian ka thlah leh tawh lo ang che tih ka tiam a che ,ka tinatna te tidamin hmangaih takin min lo kuah leh thei angem ? I hmangaihna phu tawh lo leh i ngaihdam tlak ni tawh lo hi min pawm leh thei a ngem " ka mittui te chu hruk tum lo in ka hmangaih ruang dai chu ka chul ,kuanga an dah luh dawn chuan ka pawm bet vat .










“Tumahin lak bo tum suh u,ka bulah hian a awm reng tur a ni. Saw lei dai leh lumna neilo ah sawn Duattei hian awm a duh lo ,ka taksa lum kianga awm reng hi a duh in la sawn thei lo " tiin min pawhsawn tum tu te chu ka vin tuar tuar ,“Duh tawk rawh Nick,bawihtei hian apa bulah kal a chak tawh zawk ang ,heleia mite chuan natna chiah kan pe a ni ,a pa nen hlim takin awm tawh zawk rawh se" nu Tluangi thusawi avang chuan ka inthlah dul ruai ruai ,ni e a sawi dik ,he khawvelah hian ka duattei hi a mal lutuk a ni.









Thlanmual lam kan pan lai te chuan kan inhmuh tirh te ,ka umzui laia min vin pang pang thin tu hmel mitthla in ka tah nuih hak ,a thlana an thlâk thlak hma chuan ka hawn tir leh a ,kan inneih zungbun anu alo pek ngei chu phawrhin a kut chu ka la kang“Duatte tina tu che awm tawh loh na hmunah chuan min lo nghak la ,ka nupui ini ngei a ni tih hi tuman theihnghilh suh se ,kei tina tu che ilo hmangaih hi i tan i tihsual lian ber a ni tiraw,mahse keipawh hian nanglo tumah ka nunah ka la lut leh tawh ngailo ang,ka damchhungin nang chiah hi ka nupui ini tih hi hre reng ang che.







Duatte i ngaih em em i pa bulah kal tur ini tih ka hriatna avang chauhin he lei daia i mut hi ka phal ang,min ngaidam rawh aw ka hmangaih natna chauh ka pek che avangin min ngaidam rawh ,a hmai an tuam chhanah chuan ka chul ka mittui te chu a hmu in a hru thei tawh lo ,tunah chuan nui chunga apa bul atanga min en reng ka ring tawh zawk “Ka duatte he lei hrehawmna kalsana i kal bik hian min huatzia a tilang tiraw ,mangtha le ka duatte ka lo kal ve vat ang tih ka tiam a che ,nunthar leh bul thar tan turin i bul ka lo thleng vat ang " a puan chhanah chuan ka fawp .









Kuang chhina leihnuaia an zalh ka hmuh meuh chuan ka intipa zo tawh lo aw rawl chhuah meuhin ka tap chhuak “ Liandingpui ,heihi em ni i phuba lak dan chu " ka au tuar “ Nick ka neih chhun inih hi aw ,min kalsan ngai suh" ti thintu zawk khan ka hmuh phakloh ah kal a thlang ta a nih hi , Grace in min rawn kuah a tum chu ka lo vaisawn lawp ,midang haw vek hnu ah pawh kei leh Malsawmi leh Dereck te chu kan la awm reng ,a thlan thing hmanga an siam a a hming an chhut chu ka en reng,engkim hi ka mangchhia ang mai an ni.







Ka thu a ka melh ngawt ngawt ,vanlam chu en chho in “ Ka duatte i hlim tawh em ,i hlim tawh ang tiraw ,nang chuan kan naute leh i ngaih em em i pa kiang i thleng tawh a ,i hlim tawh ang tiraw " tiin ka phun mawlh mawlh “ Jasmine khan a haw reng reng lo che, America pan a tumlai pawh khan ala lam fan che a sin,a sawi i hre duh em ,ani chuan i pangpar duh em em ni thin mahse alo vuai tak avanga i duhloha i paihbo angah a nia sin a inchan ,ka thiannu vanduai lutuk leh a nun hlimna tawng ve ngailo khan a beiseina arsi neih chhun ini asin,ka thiannu hian a phatsan lo ang che .







Hrai ruih ani tih pawh kha sawi a tum a ,mahse i ngaihthlak sak duhlo a nihkha ka thiannu hi a la naupang tihchu ka hria ,mahse a mipa hmangaih hmasak ber ini a ,engtin nge in fa kha a tihtlak tehlul ang,tunah chuan inchhir in awmzia a nei tawh lo . A ni chu a kal tawh ,heleia mite hian enge atan tih kan neih,natna bak engmah kan pe ve lo ,a hmangaih ber te ngei pawhin kan duh siloh chuan a tan hian a nat tur zia hi tunah hian ka hrechiang zual ,tunah chuan amah hmangaihtu diktak khawvela pa tha ber pa Ramnuna bulah hlim takin a nui ve tawh ngei ang" a rawn ti sep sep .








A ni pawh a sawi zawng te chuan a tap leh nghal hlawp hlawp .







MALSAWMI POV ..






“ Haw tawh ang u le ,Thiana Jasmine chuan hetianga awm reng tur hian a duhlo ang cheu,a ni chu a hahdamna tur hmunah a kal tawh dawn a lawm" Dereck chuan a tisup ,“ Lo va haw rawh u,ka la awm dawn " Nick erawhin a tisup,a hmelah chuan khawvela na hmel ka hmuh tawha na ber ka hmu in ka hria ,a kehchhe mek a ni . Ni e an nupa hian a tu amah ka dem ta lo,an inkarah hian hmelma an lo tam em a ni, Nick pawh hi dem em em tur a ni bik lo .







Sawrkar a mi pawimawh tawp khawk nimahse mipa ve tho a niin thikna leh puitlin tawk lohna a neilo theilo,mihring chu inzir reng leh tisual reng kan ni si a ,Dereck chuan min kalsawn pui “ Nick kha a tha ang maw ,thil thalo a tih ka hlau a nia Dereck tinge ka thiannu kher a nih leh le , Jasmine kha lo dang ila chuan tunah hian a thi tih hi kan hre miahlo tur ka thiamloh vek a ni ka thiannu tan pawh ka awm thei silo ,hmeichhe lak tlak loh ber ka ni " tiin Nick thu kun ngul leh ka thian tha ber leh ka unaunu ni hiala ka ngaih thin thlan chu ka en.







Dereck chuan min kuah vat “ A tha ang,ka thianpa saw ka hrechiang a lawm,mahse tunah hi chuan engmah ka chiang biklo ,inah ka thlah ang che nga ka ngaihven leh ngei a ngai ang,sawtiang saw chuan a mah chauha dah rei chi anilo ang,nangpawh i chauh lutuk hma in mu hahdam rawh ,ala dam a te hian hmalam hun kan ngaihtuah a ngai fo a nia ,mitthi tawh te chuan lungkham tur leh tahna tur an nei ve tawh lo . Hlim takin pa angchhungah Jasmine pawh a awm ang tih kha ring la ,intichak rawh " tiin car ah chuan min luh pui .






Ni e ka beisei ka thiannu ,hmeichhia a zawnga tuarchhel ber leh ka unaunu hlim thei tak mahse hringnun nungrawngin a tih chhiat tak kha vanramah hlim taka a awm ka bei sei.



END OF MALSAWMI POV ...






Thlan ah chuan ka thu reng vanlam chu ka thlir reng,mitchhingin Liandingpuii hmel ka suangtuah a ,ka nui suk “ Duatte min lo hmu em ,tunah chuan he mipa hian chakna a nei ta lo,a chakna te chu a bo zo tawh Duatte vawikhat tal kuah leh che ka va chak em ,mahse tunah chuan natna awm tawh lo turin ka tihnat phak tawhlohna che hmunah min kalsan ta daih si a ,he khawvela ka hmangaih ber kha khawi hmunah pawh zawng mah ila ka hmu tawh dawn silo .







Mipa mawl ber ka lo nih hi tiraw ,ka sualna chuan ka hmangaih chu thihna kut vawt a man tir ta si ,Duatte vawikhat tal min kuah leh dawn lo em ni? Ka au che a nih hi ,tu in nge ka thinrim chang leh ka hah chang pawha beiseina min pe tawh ang. Hlim taka awm tur a min duhtu khan ka hlim theih tawhlohna tur thil i ti leh si a ,engtin nge i thi tih hre reng chunga hlim taka min siam thei ang ,lo tina viau lo che ila chuan i thihna pawh hi ka ngaithiam deuh tur,Duatte naupang te a natna ka tawrh tir che hi alo na lutuk em ni le .








Tunah chuan he khawvel chu sawiloh an sawi pialralah pawh min hmu duh tawh dawn em ni? Thil tam tak tisual chung hian engtin nge i pa nen ka hmachhawn ngam tawh ang cheu" a thlan lei vunga an chhilh chungah chuan ka mu,ka thawmhnaw bal tur ka ngaihtuah heklo ,” Nick hmeltha pa " chu aw chu ka bengah a thang khawk rum rum “ Nick Zochhuanmawi pathlawi " nuichunga titu hmel chu suangtuahin chulai thlanmual reh ruihah chuan ka awm ta reng ,suangtuah pawh ka suangtuah ngailoh leh vawikhat pawh ka la kallohna thlanmual chu tunah chuan ka tana ka nun zawng zawnga pawimawh ber pakhat ani ta.

8ecb332b82fb6ead0c954bf72fce0658(1).jpg


ZAWMNA......



Zan khawthim ruih hnuaiah chuan zu nen Duattei thlanah chuan ka awm leh ta ran ,“ I rem tihloh ber hi min hnemtu awmchhun a ni tih i hria tiraw ,nghei turin min duh a mahse nangmah vekin ka natna tur thil min pe leh si ,duatte i tello chuan ka awm thei lo tih i hria em " khauchher leh chhimbuk hram karah chuan chu thlanmual khawhar leh reh ruihah chuan ka thu run a,“ Tunah chuan vawikhat pawh ka la riahlohna leh rei tak ka awm ngai lohna hmun hi i awmna a ni tawh miau si a .








Chuvang chuan ka in awmnaah zel ka awm ang tih i hria tiraw " ka phone ri te chu chhan ka tumlo,hotu lam atangin call ka dawng renga mahse engmah ka ngaihsak peih lo ,ngaihsak lah ka tum tawh heklo,engkim bul chu ka hna vang hi a ni “ Duatte i tello chuan ka hna hi thawh zui ka duh lo,engtikah emaw chuan ka la thawk leh mahna ,i thi tih hi ka ring theiin ka ring lo,mahse i ruang ngei chu ka hmu bawk si " mit ka chhing a ,zu chu ka tlak pawp pawp bawk “ Ka Duatte nangmah chauha thlanthim taka i awm ka phallo ,he thlanmual reh takah hian kan pahnihin awm ang aw" tiin ka kawnga ka chemte pai chu ka la chhuak.










Ka chhungte leh khawvel mite ka ngaihtuah tawhlo a,ka zu ruihna chuan ka thluak a tifim lo zual “ Nangmah chauh chuan i mal lutuk a nge ka naute ,i bulah i kutthlak tur tala awm leh ka duh,i khua a har hlauh a nge ,kan pahnihin awm tlang ang aw " tiin chem chuan ka intin ruai ruai,mipa puitling pui tawh tiin min sawisel zui ngei ang. Mahse tunge mahni nunna leh chakna telloa awm thei bik ang ni ,thawk leh khatah ka kuta chem chu an rawn vai per nawlh “ Enge i hriat Zochhuanmawi,mipa dawihzep ang berin awm suh" ka thianpa chu melhin ka nui hak.









“ Ni e mipa ni tlak ka nilo,puitling tur phei chuan min beisei suh,Thiana engmah hi inhrethiam ve lo,hmangaih i neih hunah chuan ila hrethiam ve ang ,min dang suh u ,ka duattei hi helai hmuna mal leh vawt ti taka riak turin ka duh velo,a bulah ka awm anga kuah lumtu a mamawh lai hian a bulah awm ka duh. Ka duattei khan thlanmual a hlauh zia i hria em ? Chuvang chuan he thlanmuala zankhat lek riak tur pawh hian amah mai chuan ka dah thei lo " tiin chem chu chhar leh ka tum,mahse Dereck-a chuan min hnek pawp,Malsawmi chuan tap chungin min rawn kuah bet bawk.










“ Ka thiannu tan natna siam belh suh, Nick intichak ta che mipa puitling i nih tawh kha ,hetiang tirual ini tawh lo mahni inthat te hian eng hlawkna mah an hmu ngailo,heng harsatna te hi hmachhawn tum zawk rawh , Jasmine i hmangaih tih chu ka hria ,mahse ka thiannu hi zui ta la ,a lawm hauh lo ang a nichuan hmalam pan zel turin a duh zawk ang che . Mi ngaihdan tur ngaihtuah rawh governor inih hi,i chhungte miten engtin nge an sawi zui ang ngaihtuah bawk rawh,he khawvel mite hi midangte chaklohna lai sawi nuam ti ber ber leh mi nuna buai peih ber ber an ni tih i hria a ni lawm ni.









He thil hi ti tlang chiahla nangmah hrethiam tu ai sawi chhe tu che an tam zawk ang. Ka thiannu ang chiahin ,chuvang chuan puitling takin hmachhawn zawk rawh " tiin a tap hawm hawm “ Thiana a tidik ,keini a la dam a te hian hmalam kan pan a ngai a ni ,intichakla mite dem theihna tur thil che leh naupang chhe â ang maiin che suh,haw ang u ,i tawrhna chu kan hrethiam lutuk mahse ka thian ini,hetianga i awm mai mai hi ka phallo " a rawn ti chhuak hrawk “ Ka Duattei amah maiin ka dah theilo " tiin ka tap chhuak hawk .







MALSAWMI POV....LAWK ANG







“ Dereck rawn kuah rawh car lam panpui ang " tiin Nick chatthla chu ka siam rem ,thlanmual kan chhuahsan dawn chuan ka hawi let leh vang vang “ Ka thian ilo hmu em? I mipa hmangaih hi a kehchhe mekin engmah rilru fim pawh a hman theih tawh lo hi,a mamawh che a sin,keini chuan kan veng hman reng dawn lo tih i hria tiraw ,i hmangaiha hian a mamawh che anih hi " tiin ka phun sep sep ,car chhunga kan dah lui lai te chuan Jasmine a lam mawlh mawlh.









Hetiang khawpa mipa hmangaihna avanga awm ka la hmu ngailo ,a kehchhe takzet tih ka hre thei ,kan va tlai tep hial a nihkha ,kha ai khan thleng tlai ila chuan ani pawh hi a awm tawh lo ngei ang le “ Jas ,keipawh hian ka mamawh che a sin, Nick hi en teh inchhir engang mahse i hriatsak ve tawh silo a tiraw ,i unaunu lah chuan i awm loh atangin a zarbuai reng a sin, Jasmine ka thian kan vai hian kan mamawh che " Dereck ka hmaa rawn ding chu ka en chho ha ,alamah min pawt hnaiin min kuah bet thlawp “ Dereck hrehawm ka ti emai, Jasmine ka ngai lutuk Nick lah hi tunah chuan a talbuai tan mek a ni si a .











Ka thiani hi kan mamawh a ni,Dereck,ka mangan lai miten min hmuhsit lai pawha ka lam tang awm chhun ani a sin,mi'n min kawm duh loh lai pawhin ka tan a awm a ,ka tan chuan khawvela unaunu tha ber ang a sin a nih,pa Ramnuna mah tihtawh nak a laiin tunah ka thiantha ber a ni leh a ,engkim hi mumang ang mai niin ka hria ,a thleng zut zut a ,a liam tur te an liam a ,khawvel ngaihtuah tawh lo in ,ala cheng a te erawhin hrehawmna leh harsatna kan hmachhawn tam tial tial bawk a ,ka ngai a ni Dereck,a reh ngawih ngawih " tiin ka tap hlawp hlawp .









“ Engkim a tha vek,mihringte chu la thi tur vek a lawm kan nih,a kal hmasa te hi an vannei zawk a sin,tunah chuan Bible thu ang zelin khawvel hi a kal chho a ,sualna a tam in a hluar a an intih hmuh tawh a ,nun hi a tawp mek tih reng an hre silo ,lo kal hmasa te hi an vannei zawk . Keini chuan Pathian thusawi harsatna zawng zawng natna mak tak tak bakah nunrawnna in kan la khat dawn ,chung hre hman lo leh hmu hmanlo a kal te hi an awhawm zawk ,intichak la engkim hmachhawn tum rawh . Jasmine pawh hahdam takin a chawl angah ngaila ,a nipawhin a rawn thlir reng dawn cheu.









Hetianga in awm hi hrehawm te a ti ange" tiin ka chalah a fawp vang vang “ Duatte " Nick lam chu kan en ,a phun mawlh mawlh ,tleirawl hmangaihna avanga kehchhia hmu thin mah ila,mipa puitling meuh hmangaihna avanga kehchhia atak ngeia hmuh meuh chuan lung chhiat a zual ,ka thiannu hmangaih ber leh pasal a nihna pawhin khawngaihna a tipung zual bawk ” Dereck,hetiang taka mipa na tuar hi ka la hmulo ka khawngaih emai , Jasmine ilo kir leh theilo em ni ,I thiante leh i hmangaihte hian kan mamawh che a nia.








Nick chu amaha riah tir chi a nihloh avangin Dereck chuan an inah a dah phawt a ,keiin pawnah ka lo nghak thung. Ka thiannu ka ngaihtuah a ,hmanni mai kha chuan he khawvelah hian a la awm ve asin,ala nui in a aw pawh ka la hre thei a ,mahse tunah chuan ka thian chu a awm ve tawh lo ,Dereck pawh reilote ah a rawn chhuak leh a ,kan inlam kan pan lai chuan kan ngawi dun ran,mipui kawngsira lo nui bawk bawk te ,an ngaihzawng te nena infiam nui ri te chuan mi thenkhat an thi mek tih reng ngaihtuahlo in hlim takin an awm hlawm a .









Kan inkawtah chuan kan ding ka chhuah dawn chuan Dereck chuan ka kutah vuanin a lamah min pawt hnai a, ka hmuiah chuan a fawp vang vang ,hepa pawh hi ka hnar thei tawh biklo,ka mamawh hun leh na ka tawrh apiangin ka kianga awm loh lai a nei lo a ,hei vang tak hian ka tan chuan a hlu zual . “ Muttui ,tap tawhlo in nui hmel hmuh ka duh tawh ania " tiin ka hmui hnuai chu a pet leh zeuh “ Ka lawm e Dereck" tiin ka kuah vang vang,Ani hi awm lo se chuan keipawh hi buaipui ka ngai viau ngei ang le .








Inchhung ka luh hnu chuan a tlanchhuak ve chauh,ka room chhung chu ka en ka thiannu ka ngaihtuah bawk ,tukverhah chuan dak chhuakin vanlam arsi pe tuarh chu ka thlir vang vang .





DERECK point of view






In ka thlen rualin ka room lam chu ka pan vat ,ka rin ang ngeiin ka thiana chu a lo harh leh tawh ,zu bawk a lo in a a phone a Jasmine nena an thlalak chu a thlir reng,Hmangaihsanga ka huatna a zual sauh,a thiante inkar tichhia in tunah phei chuan ka thianpa hmeichhia avanga na ve thei lo leh hmeichhe ngaihsak lo emaw ka tih nun chu a tihchhiat sak vek a ni , Nick hi hetiang taka atalbuai lai ka la hmu lo .








Kan thianho ah pawh a puitling ber leh min kaihruai tu ber a ni thin. Mahse tunah chuan hmangaihna avangin a kehchhe takzet tih ka hmu ,Kimtei nen an inneih khan ngaihsakna a nei ngailo a ,an inthen hnu pawhin a na tih rinna tur a awm ngailo ,mahse Jasmine a tawn atang erawhin mipa tawng duh ngailo kha kan kiangah ngei pawh a tawng nasa ta hle in an inthenna chuan ti na mek bawk ,tunah chuan a nun a inthlak leh ta hlawk a ,mi â ang maia awm in a tihngai loh zu hial intir tu hmeichhia a tawng ta a nih hmel.







Ani lahin a kalsan leh ta mai si,vawikhat pawh atap kan la hmuh loh leh beidawng ngawih ngawiha kan awmchanga beidawng lo tura min fuih tu ber chu nun hial lakchakin a awm chuan min tina zual“ Hmangaihsang kan inhmu a nihchuan he i thiltih tha lo tak avang hian ka lak atangin i him hauhlo ang " ti a phun supin , Nick lam chu ka pan “ A hmeltha a sin,ka duattei hi khawvela hmeichhe hmeltha ber a ni " a bula ka va thut thlak rualin a lo tinghal.








A nui suk a Jasmine nen a Lotus temple a an thlalak nuisanga an lakna ngei chu a en “ Ka hlata ,ka tina a tawngkam chhe tinrengin ka naute tuarchhel em em kha ka bia a ,mahse min lo dawh tang tang a,a natna thupa min nuih lui sang thin tu hmel kha keichuan a aia natna na zawk zel ka pe a ,tunah chuan ka hmuh phakloah a awm tak hi ,ka naute hian min hrem dan a hre takzet " tiin a tah nuih hawk. Hetianga talbuai hian ka la hmuh ngai loh avangin hnem dan tur ka hre biklo .








Ka thutpui ve ta reng “ Ka huat em em lai pawh khan ka hmangaih reng a ,mahse kei khawvela pasal lak tlak loh ber hian ka nupui na hmel chu hmuh kanin ka runluih a ,ka naute khan a lo tuar hram hram zawk a ni si a ,he hmeichhia keiai naupang fe min hmangaihna hi kei a hmangaihna chuan a tluk lo takzet ,mipa nitlak pawh ka nilo ,ka hmeichhia pawh ka veng him thei silo " tiin thlalak a Jasmine nuisang chu a khawih “ Duatte ka zin ka lo haw leh tawh a nia,nitin thutthlenga thu chunga nghakhlel taka ka car tlanlut i hmuh ruala ilo tlan vat thin ang khan ka lam panin i ke i pen leh dawn lo em ni.








“ Thiana in tawh lo teh,zu hian engmah a siam tha lo ,mi puitling leh chak tak inih thin kha ,hun a liam anga chu chuan a hnem ve mai ang che ,i tana khuanu ruat tur zawk pawh an awm a ni thei a sin " ka tihchuan ka thusawi sual zia ka hre nghal Nick chuan min rawn melh hrawk rêng a “ Hmeichhe dang maw?..." Tiin za lo tih hriat tak hian a nui a “ Liandingpuii bak loh Nick Zochhuanmawia nunah hian hmeichhia an awm ngailo ang,a tawp thlengin he a hmun hi tumahin an luahlan ngai lo ang,engvanga chu thu chu sawi nge inih" tiin a tho chhuak .








A pai nawk bawk “ Enge tih i tum?" tiin ka chelh bet vat,hetianga rui chung hi chuan khawi lai mah a thleng lo ang “ Duattei bulah ka kal leh dawn min dang suh " tiin min namsawn a tum“ Luhlul chhuahlo teh i harh fim hunah kal zawk rawh ,tunah chuan engmah i tih ka phallo ,ka thian leh ka u i nihna angin ka thu chu awih rawh " tiin khum lamah ka hruai phei “ Duattei a khua a har dawn a sin,amaha awm a duh ngai hleinem,a maha mut a duh heklo,keipawhin a tello a mutthilh ka duh lo " tiin a mut chhuak chu a meng lui tawk tawk .








Ka chelh bet ,reilo teah a muhil leh “ Duatte tinge ka tan kumhlun lo tura ilo par le " ti a phun supin a mutha zui a ,ka en reng ringawt ,ni e keipawh a mah ang hi ni ila engmah ka ni bik dawn lo,mahse ka thian tha ber nun chhe lai pawh hmuh ka duh hek lo,engkim hi ka chhui a ngai tawh a ni,Hmangaihsanga lo pawh hi inrawlh an awm ngei ang,he thil hi mi pakhat chauh ruahmanna atan chuan a tam mah mah ani ,rum chu kalhin ka room lam ka pan,thil tha lo lo tih a tum tulha ti a kalh pawh ka ni ,ka laptop la chhuakin ka thiante ho ka be kual a.



End of Dereck zanin chu tikual duah ang aw






Ka harh rualin ka lu na ut ut chu ka khawih,zanlama ka awmdan ka ngaihtuah chuan ka thaw hrawk,chhuah ka tum chu pawnlamah a la inkalh zui,ka phone phawrhin Dereck chu ka call ,alak rual chuan “ Kawngka rawn hawng rawh ka haw duh " tihmukin ka dah nghal . Rei vaklo hnuah a rawn hawng a ” Thiana thil tha lo i ngaihtuah tawh loh hram ka beisei ,Jasmine hi a thi nge a dam tih pawh kan hre tak tak lo ,a ruang hi a lem pawh a ni thei " a tihchuan ka ngawi reng ringawt .









Pawnlamah chhuakin taxi ka phar ,ka thulut nghal ,Duattei nena kan pahnih intur a ka tih,a chah bi pawh kei leh a mah chiahin kan kawl ngeiah chuan ka hawng a ,inchhunga thlalak intar thluah chu ka en vang vang. Kan inneih thlalak chu ka thlir ,ka thutiam te kha ka vawng nung ve thei silo “ Liandingpui i awmna chu a nuam bawk em? An lo duat che em " tiin a thlalak lian tak ka tar tirah chuan ka chal ka nghat a ,ka thaw ham ham ,ni e zu ka in tawh lo ang . Mahse a thlan tlawh erawh ka sim theiin ka ring lo bawk .









Ka hna pawh ka thawk leh mahna ,hotu lamte pawh bia in Delhi chu kar khat liam hnua chhuh ka tum thu ka hrilh a ,an lo rem ti ve mai bawk . Tunah chuan ka Duattei bula a tan thei ang ber hun hman ka duh ,a thlan enkawl tu tur pawh ka ruat ngei ang ,inbualfaiin chaw tlem ka ei leh a,thlanmual lam bawk chu ka pan leh ,tunah chuan he hmun lo hi chu kalna tur ka nei tawh miau silo .








Ni chu a sa hle ,vanlah chu a thiang kuk a ,ka piaha Hlimen tlang lang paw pho chu ka en vang vang,thereng an hrama khawchhung lam atanga thawm ri rawn chhuak te chu ngaihtuah lo in ka hmangaih thlan chu ka en ngur “ Nithumna ,nithumna a ni tawh tih i hria em ? Ka duatte i tello in Delhi ah ka chhuk leh a ngai dawn a,i awm ve tawh lo tih ka hriatna hian min huphurh tir tih i hria em,i pangpar duat em em te pawh khan tunah chuan enkawl tu an mamawh tawh ngei ang. Lo tho leh la ,kan pahnihin chhuk dun leh ang.








Nuam i tih theih em kha ,helai hmuna hnutchhiah che hi ka duhlo tih i hria tiraw ,chuvang chuan ka awmna hmunah min zui turin ka duh che ,Duatte i tello in ka muhil theilo a ,i aw hre lo in engtin nge nitin ka awm thiam tawh ang,ka hnathawk a thiam ang anga min lo pui thin tu leh ,a nin changa min lo tibuai reng tu tello khan ka awm thiam tawh lo a nia " mi chhang thei reng reng tawhlo chu ka be mawlh mawlh ” Hetiang a thleng dawn tih hria ila chuan ka lo tina lo tur che ,ka lo â em a ni ,Min ngaidam rawh aw ka hmangaih " tiin a thlanah chuan ka thu thla .








Pangpar ka ken chu ka dahsak a ,a lei vung chu khawih in ni sa in ka lu a em sat te chu ka hre chang heklo,nileng chuan chulai hmunah chuan ka awm reng,a khat tawka chhumin ni a hliahte ,motor ri leh ar khuang bak hriat tur awm lo in a reh tlawk tlawk a.


(Ka chawl lawk dawn aw ,mahse a reilo ang,NEXT CHAPTER ATANG CHUAN A STORY PAWH A DANG LEH DEUH ANG)

Death leaves heartache
No one can heal .
Memories are treasures
No one can steal.
Some may forget you
Now that you are gone,
But we will remember
No matter how long.
We will always stay
Loved and remembered,
In every way.
No tears,no verse,
Can ever say how much
We miss you everyday.

[Ngaia]

THE GOVERNOR





CHAPTER 16(18+)

pic hnuaiah zawmna

BY Mawitei bawitlung







NICK POV....







Pangpar tui ka pek lai chuan pawnlamah thawm a rawn awma , Delhi ka chhuk tawh a , Mizoram lamah pawh awmpui la in Duattei nen kan in tura ka sak hual chhuakin Jasmine ka tuh chhuah tir veka ,a thlan tifai tur bik ka la bawk . Ka inlam pana rawn kal chu ka melh run “ Hi i dam maw " Joyti chu ka bula rawn dingin min rawn kuah atuma ,ka lo awmsawn vat ka duh ai min nel mah mah a ni,a pa nen kan inkawm ngeih avangin an inah ka chuang kai fo a ,remchang lo lak lah chu a tum phet lehnghal









Mahse mutpui emaw hnaih emaw ka tum hauh lo ,min hmangaih thu pawh min hrilh hial mahse ka enga ah mah a thawk pha lo,ka tan chuan hmeichhe pakhat chiah a awm a ,a ni hmangaihna chauh ka mamawh bawk . “ Enge i rawn tih dawn " nelawm loh zet chuan ka tichhuak hmuk “ Amak e Nick ka sawi tawh kha ,ka hmangaih che chuan hetia mal taka i awm hi ka hmu theilo bawk ,Ani chu a kal tawh theihnghilh tum zawk rawh . Hmalam pan i ngai a lawm , Nick bul tan ve ang " a tihchuan ka khi suk ringawt .









“ Hmalam chu ka pan mek reng a lawm,mahse chu ka hmalam panna kawngah pawh chuan a nilo an awm theilo tlat ,haw rawh hetah tih tur i neilo,vawikhat ka fawh che kha chu a chhan i hriat chian khawp kha ,ka nau ang bakin ka enlo che ,tin nangmah avanga i pa nen kan inkar tihchhiat lah ka duh hek lo " tiin Duattei pangpar khawi,a duat thin em em chu tui ka pek chhunzawm ,heng a thil duh te hi chu amah awm tawh lo mahse ka kiangah an awm reng tur a ni ,chu chu ka duhdan pawh a ni bawk.








Pangpar ngaina lo mah ila,ka hmeichhe hmangaih berin a ngaihpawimawh em em hi vuai tir mai ka tum lo “ Ka duh lo ka haw dawn lo ,Atul chuan ka luhkhung mai ang che " a rawn tihleh chuan ka dawh thei tawh lo ” Narez ,Joyti hi hruai chhuak la i nauten an inah dah rawh se ,tin ka phalna tello in ka inah rawn luh tir tawh suh " ka tihchuan ” Sorry sir" a rawn ti nghal thuai,Joyti ang tawn tawn an pawh chhuah rualin thaw huaiin inchhung lamah ka lut zui a ,engkim mai chu Duattei rem dan ang vekin an la awm a ,tihfai an nih chhung tihloh chu an awmna sawn ka phallo bawk .









“Ilo hmu em,nang leh keia inah hian keimah chiaha ka awm leh tak hi Duatte " tisupin chhuak turin ka insiama,pawnlama ka chhuah rualin ka driver chuan car kawngkhar alo hawng nghal vat “ Sir khawiah nge kan kal dawn " a tihchuan “ Pm in lam pan rawh tin naktukah Delhi police station kan tlawh kual dawn tihkha hre bawk la " ka tihchuan a bu nghat,kan tlan lak lawh laia ka mi hmuh avang chuan “ Ding rawh " ti tuarin ka en chiang,amah ngei a ni thinrim lutuk in ka chhuak a ,ka pan mawp mawp ka hnek nghal thuai ” Nang mihring hi ka hmaah ila rawn lang ngam a maw?" tiin ka thian anga ka lo ngaih.









Ka unaupa ni hiala ka lo ngaih thin Hmangaihsanga chu ka hnek mawlh mawlh,kan bula mi awm chuan min lo enin a thenin thla an la bawk , police pawh reiloteah an rawn thleng min thelh nghal vat ” Mahni nupui pawh ring zo lo pa chu ilo dam a maw,tunah lah i nupui chuan a thihsan daih che sia " ti a nui sawng chu hnek leh tumin ka tal phut ,min chelhtu pawh an lo inring lo nen ka tha tawpa ka hnekna avang chuan Hmangaihsanga chu nikhaw hrelo in a awm nghal “ Sir insum teh " tiin ka driver chuan min rawn pawt sawn nghal .









“ Ka pu i thinrim a nihpawhin insum teh,a phu tawk chu a hmu ang" tiin officer chuan min rawn melh,ka bu nghat car chhunga ka thut luh leh rualin ka thaw hawk ,PM in kan thlen chuan anipawhin engkim a lo hre leh hman vek tawh . “ Nick i tha maw " a tihchuan ka bu nghat “ I nupui thihna kha kan chhui tir mek e ,ruang kha a mah a ni ngei chuan an sawi a a DNA pawh a inmil thlap an ti bawk,tihngaihna a vang khawp mai ,a hmel lah hmuh theih a nibawk silo a " a tihchuan ka lu ka bu nghat ringawt ,a thi tawh tih hre mah ila thu chiang hre hmasa lo a kalliam tir tawp ka duhlo .








A chhan pawh thlawhna a chuang thi vek an tihkha thenkhat damchhuak an awm tlat a ni . Chu chuan Duattei dam leh turin min rin tir a ,mahse tuna ka thu hriat leh chuan min tibeidawng ngawih ngawih thung si. Zan thlaeng ruih hnuaiah chuan ka inpawnah chuan dingin arsi lang tuar chu ka thlir “ I know heavens is a beautiful place, because they've got you " tiin ka phun chhuak sup ,“ Chhimbal mawina neitu,reilote ilo langa ,mahse ni eng chuan ka lak atangin a la bo leh thin che . Ruah tlem sur chang chiahin ka hmu thei che a ,ruah a sur tama ni a rawn en leh a piangin hmuh tur i awm leh thin silo .












Ka chhimbal mawitak kha engtik ah nge ka hmuh theihah ilo lan leh ang,zan lalnu zanlai chiah hi ka chan tawk che a ni ta si a " ka kut chu enin ka nui suk,kum khat a tling ve tep ta ,vanlam chu ka melh leh zauh,Hmangaihsanga ka ngaihtuah chhuah a vang chuan ka thinrim tha leh ,engkim bul chu ani vang kha a ni. Ka nupui kha a lo hmangaih ve tih a sawi lai khan thinrimna in ka khat a nihkha ,Dereck pawh a rawn chhuk mek tih ka hria ,ni e unaupa ang chiaha kan en leh kan thiantha anga kan en chu kan hmelma a ni miau si a .









Ka khumah chuan muthla in Duattei thlalak bawk chu ka en leh ngar “ Tunah chuan i lak atanga min la hrang tu nang ka tihnat phahna che ka hmu tawh a ,tlem talin ka dam deuh mahna " ti a phun sup in mutthilh tumin ka mit ka chhing ruai ruai.






MALSAWMI POV...(A CHANGTUTE ANG THO AN NIH VE A VANGIN TIHLAN VE ZEL AN NGAI AW ,AN STORY HRAN KHA KA ZIAK DAWN NGE DAWN LO KA LA CHIANG LO )






“ Dereck ka kal ve kher angai em ni " ka bula thu chu ka en kar ,a mit a la chhing daih zui ka thiannu te inkara inrawlh ber kher hi hmuh ka duhlo a ni. A hma kha chuan hetiang mi a ni ang tih ka ring pha lo ,ka thiannu a hmangaih a nihchuan a hlimna a duh zawk dawn lo vem ni? Min chhang duh miahlo chu ka thin a rim hle “ Dereck Lalchhanhim " ka ti that,thlawhna chhunga awm ve dang te chu an rawn hawi rual thap,a kut la thla in min rawn melh hram ,ka haw lutuk chu ka hawi tau hmak,ka kut rawn chelhin “ Ka telloa nangmah chauha awm turin ka duh lo che .









I hriat kha ka thil chhui ah hian pawisak an nei dawn lo,i chungah ngei pawh thil thalo a thleng thei chu thil chu ka thlen tir ngailo ang,thil thalo titu chuan tualthah an hrehlo an himna tur a nihphawt chuan " a tihchuan ka bu ta nghat, Delhi kan thlen rualin taxi in Nick leh Jasmine lo awmna thin ngei lam chu kan pan,ka thiannu ka ngaihtuah chhuah leh a vang chuan ka lung a leng vawng vawng tunah hian a thih atangin thla 10 na chiah a ni ,hun hi a kalchak hle mai ,hun a liam zung zunga thilnung dang te chuan an nun pangngai rengin hun an hmanga keini mihring te erawh hun liam chuan kan hun tawp lam a herchhuahpui zel zawk si.









Nick in kan thlen chuan a lo reh ruih,a mu tawh a ni ngei ang Dereck chuan min kaiin inchhungah chuan min luhpui a ,alo zau tha hle “ Thiana" tiin a au a ,reiloteah Nick pawh a rawn chhuak,a hmel pawr fapah chuan a mu tha ngailo tih a hriat “ Ilo thleng a nimaw " tiin keichu min rawn melh,a mit a kan uk “ Khawi hmunah pawh i thawmhnaw angin a zui kual hnak hnak mai che elo?" a tileh zat “ Ngawi mai teh a mahin min hruai lui a nihkha " ka tihchuan an pahnihin an nui hawk hawk ,tun hi Jasmine thih hnu a kan nuih ho na hmasa ber a ni .







Dereck an room danga riah phal heklo kan pahnihin khum khatah kan mu dun,a kut lah chu a hlei sawt viau lehnghal,ka kawr hlimin ka dul leh nem vel chu a chul kual,a kut lum ham hamin a tawhna lai chu a hriat hle bawk,ka thaw hak ka nghawngah a hmui lum vung vunga fawpin ka beng hnuai vel chu a liak kual a ,a kut chu ka hnute ah a bur chat reng bawk . Zut thla zelin ka kap lamah a tuan a ,rilru fim put a har takzet “ Dereck " ka thaw hlap hlap tawh ,a nilahin a kut chu a chet uar sauh,ka panty chhana a khawih kual rualin a kutah ka man chawt .









“ Ka mamawh che min tihtir rawh " a tihchuan ka lu ka thing “ Dereck pasal neih hmaa sex hman ka duh lo ih,ka la naupang lutuk chubakah ka hlau,inthen leh ta ila hmeichhia chuan kan neih rohlu ber leh kan zahawmna chu kan thianghlimna kan pasalte ngeiin a an lak hi a ni. Lo inthen ta ila nang chuan bul i tan leh mai ang,keichuan inchhir reng rengin hun ka hmang dawn tih i hria tiraw ,chuvang chuan insum ang " tiin alamah ka inher “ Min hmangaih ve miahlo tiraw " a rawn tihchuan ka phu zawk.







“ Dereck" ka tihchuan leh lam a hawi hmak,ka hrilh hai hle ,keipawh hian ka mamawh lo bik a nilo a sin,mahse ka hlauthawng a ni. Ka tap khur dar dar min en duh tawh der silo,thawh tumin ka che hrat,chuveleh rang lutuk in min rawn man,ka tal nghal vat“ Enge i hriat " a rawn tithawt “ Enge i hriat zawk,ka duhloh mai avanga hetianga i awm hi ka hmu theilo,hmeichhe dang ilo mutpui thin pawh a nithei ,mahse keichuan khang hmeichhe ho anga awm kha ka duh velo,tunah lo mudun ta ila enge thleng ang. Naute lo pai ila nang hian min nei duh dawn em ni ? Mawh ,min hmangaih thu pawh min la hrilh lo a ,ka rin ngam turin i awm heklo .








Tunah pawh Rosangpuii nen in in zui reng tih ka hria ,beiseina min siam lo zawk rawh . Ka rawn zuina chhan che chu ka thiannu vang chauh ani,hetiang mai maia i awm hi ka duh heklo ,ka duh che tih i hria ,chu chu remchangah lak i tum bawk ,riak hrang ila a tha zawk ,ka sawi kha a dikchiah ka ring ngam lo che ,bialnu neilai ini tih ka hre chungin i laka ka insum theihloh avangin i thu pawh ka awih thin ,mahse hei kher chu ka theilo,he thil a zawh veleh hian inhmu tawh lo ila a tha ang " tiin pawnlamah chhuah ka tum leh a ,min pawm kang nghal nawlh.








“ Tu hmeichhia mah ka la mutpui lo a,Rosangpuii lah ka bialnu a ni heklo,ka bialnu inih duh chuan ini khawp ang " tiin khumah chuan min bawh betin min fawp nghal bawrh bawrh,a awmah leh a hnungah ka ham,ka chum bawk awmzia erawh a nei lo chiang hle ,ka kawr hlimin ka hnute kawhlah chu a hne nghal dek dek “ Dereck duhtawk rawh" tiin namsawn ka tum “ Ka bialnu nih i duh a nilawm ni,i duhloh thleng chuan ka nawrlui lo ang che mahse hei erawh ka tikhawp ang " tiin engmah sawi set set lo in a kut tang chu ka kap lamah a luh tir ,ka chelai ka tawp chawt .









A kut zungpui a ka m**n nuai ner nerin a kut chu a tiche zel,a tawpah ka khur dar dar nui sukin “ Ka sawi reng kha ,mu tawh rawh i chau ang " tiin min pawm bet chial ,a aw dam dup leh thum sup chuan thlamuanna min pe a ,reiloteah ka muhil nghal vat reng bawk. “ I ti harh ange ka ning " tihri ah chuan ka mengchhuak, Nick leh Dereck lo in din chilh ka hmu nghal , Nick chuan file a pawma Dereck erawh kekawr bul nen ala awm teu ” Ka lo va chhuak ange " tiin Nick chu a chhuak a .







Dereck chuan min rawn kuah vat “ Inthlak vat ang,Thiana kha a hmanhmawh tawh a nihkha" a tihchuan ka bu nghat,Hmangaihsanga chuan tual em that lo mahse jail ah a tang ve ngei tur ani; room kan chhuahsan chu chhum a lo zing phui luk, Nick inhnunglama awm chu Dereck nen chuan kan pan ,thawm kan neih loh avangin kan chhuak tih pawh a hrelo pangpar chu en in a phun “ Heng chhumte ang chiah hi ini Duatte ,reilote ka nun zawng zawngah rawn tel in ,a pawimawh lai zawng zawng i luahkhah hnu ah thawk leh khatah thli na tak chuan ka lak atangin a chhem bo leh duak che a .









Duatte kan inhmangaihna chu rose par reilote mawi taka par a vuai leh mai thin ang ani tiraw ,hmangaihna in kan chawm seiliana a tawpah erawh a zung chawpa vuaiin a tawih hlen ta si " ti a a phun sup chu Dereck nen chuan kan en reng ,pangpar te chu ka en ka thiannu ngainat ber ,duh taka a phun te tih ka hre thei,a chhan chu kan inbiak chang khan a rawn sawi ve fo thin. A inhnemna ber pakhat a nihkha,tunah Nick an tha taka a enkawl chu mak tihloh chi a nilo .








Station lam kan pan a ,Hmangaihsanga ka hmuh chuan ka thinrim thar leh nuisawngin min lo en hlawm a nihchu “ Mi thi tawh an thih tawh hnuah an dikna hailan in tum ania,an thih hma khan i nupui leh i fa dikna kha hailang ta che " a rawn tihchuan Nick chet tum chu Dereck-a chuan dangin a mah chuan Hmangaihsanga chu a hmachhawn nghal “ I thianpa ,a harsatna zawng zawng i hriat pui i mamawh laia tlanchhe ngailo nupui ngaizawng tur khawpa hniam maw ilo niha" a ti deuh that.








A thinrim zia a hriat theih , police ho chu awm lo se chuan Hmangaihsanga nuisawng ha bal vek tur khawpin hnek pawh nise ka dem lo vang,ka thiannu bum a an nupa inkara a inrawlh ringawt pawh a thiamloh tawh sa nak a laiin a naupai lai ngaihtuah lekloa step atanga namthla tu a nimiau , police leh Dereck chuan tul ang ang tiin court a thehluh chiah a ngai tawh. Inlama kan let leh lai chuan Dereck chuan Nick chu a hnem ve mawlh mawlh “ A sawi dik alawm,kei khan ka thinrimna kha thununin ka nupui chungchang kha chhui ila chuan hetiang hi a thleng lo ang.








Engkima thiamlo zawk chu keihi ka ni" a ti a ,a aw ah chuan hrehawm a tih tak tak zia a lang chhuak, chutia kan tlan laklawh lai chuan hmalamah motor lian tak chu chak zetin a rawn tlana ,Dereck chuan khalh kawi mahse kawngsir bang chu a su ta tho,darthlalang keh chuai rualin thil riburin a chhunzawm a ,a thim nghal hmuk mai.




44bdd204f6f507c8bf037f2c158979a3.jpg
44bdd204f6f507c8bf037f2c158979a3.jpg (10.73 KiB) Viewed 3984 times

ZAWMNA




NICK POV.....





“ Duatte " ka phun chhuak sup,ka kut chelh tu chu Duattei hmel chiah chiah ani “ I tha tiraw Nick" rawn titu aw erawh a nilo,ka meng fiah nghal kawk ,Grace-i ngei ka hmuh chuan min ti thinrim,a hmel duattei hmel ang chiah a put avang hian ka haw bawk “ Ka kut i vawnna hi paihthlak sak i duh nge nangmahin ila sawn dawn " ka tihrawk ,ka hawi kual nghal bawk ,nilo Dereck leh Malsawmi kha “ An tha em " ka tihchuan a hrethiam nge “ Aw ,tumah in na lo hlauh mahse Dereck erawh a khalh tu ber a nih avang khan tlemin a insawh na deuh a .








Mahse a ni pawh a tha e " a tihchuan ka thaw deuh huai ,kha truck kha engvanga kawng tetna lai taka rawn lang nge a nih ang. Tum sa nge tihpalh thil,ka tho chhuak a,ka nem a min kam tu awm pawh chu ka ngaihsak theilo “ Engtin nge helaiah hian i rawn kal theih ?" tiin a mitah ka en ngur,a hmel tlanchhe zet chu ka hmu chiang hle bawk “ Ih...ih ..ka thil hlui then khat ka rawn lama,chuan in accident tih ka lo hria a ka lo kal ve mai mai " a tihchuan ka nuih hak.









“ Ani chiah maw nang hian inhnamhnawihna i nei anih vaih chuan ka chhuah lo ang che " ka tihchuan min rawn en leh vat,a hmelah chuan hlauhthawnna a lang,henu pawh hi a hmel Duattei ang zet phena a rilru chhe tak hi ka hmuh hmaih lo,ka hmangaih phirpui anihna ang chiah a be tha ka ni bawk “ Nilo chutiang engmah ka hre ve lo,ka sawi tawh kha helai hmunah hian ka tette atangin ka awm tawh a ,ka ngai ve deuh mai a ni," a tihchuan ka be tawh lo ,ka tho chhuak a ka thiante pahnih awmna lam ka pan nghal .










Malsawmi chu alo tha viau “ Nick Dereck a tha em " a tihchuan ka bu nghut “ Ka hmu ve duh " tiin a rawn tho chhuak a ,kan bulah doctor in min zui ve zel bawk ,kan lu kan tuam deuh bur nen mi chuan min en duh viau ,officer rawn kal nen chuan kan in bia a .










Kha truck driver kha a lo tlanbo a nih hmel ,“ Kan zawng mek e ,kha thil thleng kha accident thil nilo in tum reng vang a nibawk ,sir in fimkhur a ngai dawn a nih hi,tunah pawh hian veng reng tur cheua thupek kan ni" a tihchuan ka bu nghut . Dereck nikhaw hrelo a mu chu Malsawmi chuan a pan hnai vat,a kutah chelhsakin a tap deuh hlawp hlawp bawk ,biak ka tumlo a ,biak dan ka hre heklo,keipawhin Duattei ka chan khan mi thusawi khan min hnem zawh loh zia ka hrechhuak a ,tawngkam thiam tak ka nilo nen inrawlh ka tum buailo .









An bulah chuan ka thu ve reng “ Dereck rawn harh ve tawh rawh,i harh har lutuk hey thu min tiam vek tawh kha " tiin a tap leh hlawp hlawp a. Ka en reng ringawt ,ka thianpa lutuam bur chu ka en ,a bulah ka thu thla ve bawk “ Insum rawh,a tha leh mai ang,nangmah pawh kha in enkawl i ngai a nia,he thil titu hi kan chhui chhuah vat a ngai bawk ,engvanga min thah tum nge an nih " tiin ka ngawi vang vang.








“ Jasmine kha la awm se chuan tunah hian ka thla pawh a muang ngei ang,mahse engkim hi nangmah vang vek a ni. Jasmine damlo pawh i zinchhuahsan a ,tunah hian hmangaihte kan chana kan nat tur zia ka hrethiam chiah,mahse a natdan a inang lo mai pawh a ,Dereck hi chu ka bulah a la awm ve tal alawm" a tihchuan ka chhanglo,duatte kha a dam lo maw? Ni e ka ngaihsak lo a ,engmah ka hre reng nang,tunah chuan anat phaklohna tur hmunah a awm tawh si a .







“ Ka lo va haw ange ,ka rawn kal leh ang,tin Duattei ka tihdanah i lung a awilo tih ka hria ,mahse i thiannu ka hmangaihna hi hmuh kan suh ang che " tiin ka chhuahsan a





UNKNOWN POV......






Hrep chuan an la dam amaw?" tiin dawhkan chu ka chum bur ” Nick Zochhuanmawi ka phuba ka lak zawh hma chu nuamsa takin i awm hauh lo ang “ Engvanga hetiang thil tinge i nih? min tiamna angin awm ta che ,kan thutiamah khan Nick tihnat a tello " ti tuar tu chu ka en nghal vat,“ Lungngai suh baby mahse ka hmangaih neih ka tumna lama min dal reng a nihchuan ka dahthat hun a thleng lo thei lo,nangpawhin i hria anilawm ni" tiin a mal chu ka zut sak nghal zat.









A thawk danah a pangngai leh tawhlo tih ka hre thei ,ka khi suk mai ,henu hi chu ka tana tangkai tak a ni. Hmana tang tawh in a tette atangin ka bulah a awm miau a lawm,“ Min fawp rawh " ka tihrualin sawm nawn a ngailo kher mai duhthawh zetin min rawn fawp nghal ,a kawr chhanah a hnute kawhlah chu ka thamsak ,hmangaih lo nei hman lo ila chuan a ni hi ka nei ngei ang,mahse keichuan ka tette atangin hmangaih pakhat chiah ka nei chu chu tun thleng hian ka la nghak bawk .










Mahse tu emaw vang phiangsenin ka tlai hman ta si ,mahse tunah chuan amah neih tumin ka bei tawh ang “ Ani ai khan ka tha zawk lo em ni,a ni chu a thi nge a dam tih pawh kan hriatloh hi" a tihchuan ka nuihsuk ringawt ,khumlamah pawm pheiin a mitmeng hurhiam chuan a duh ka hrechiang hle ,henu hi chuan min hnar thei ngailo hrim hrim . Nick duhve mahse a duh ve miau silo a ,ka bulah bawk a rawn kir leh thin ,nuam titaka ka siam laia a rak ri chu ka hmeichhe hmangaih nuam ti ri angah suangtuahin ka che na sauh ..











Ani ka neih theihloh phahna a nun a chan phahna hi keihian ka ngaidam mai mai lo ang,ana thei ang bera siam let ka duh bawk ,ani kha ka kiangah chuan awm se min hmangaih ve zawk ngei ang,mahse mi pawh a hriat chian hma in hetiang thil hi a thleng leh si .






Nick Zochhuanmawi lo inring ang che i na tuar lai hmel hi ka thlir ve thung ang.




NICK POV..





In ka thlen chuan ka thu thla nghal hnawk ,ka thaw ham ham bawk ,ka lu tuamna lah chuan min tinuamlo zual,kha accident ah khan lo thi pawh ni ila pawi ka ti em em lo “ Duatte ,i hnen ka rawn thlen teuh zia kha i hria em,khati chung pawh khan nang chuan i hnen ka thlen ila phal ta chuang lo a ,Liandingpui hmeichhe mak tak ilo nih hi,Ngai ngawih ngawih tur che in min siam renga ,mahse ka hnaih leh tak tak che erawh i phal silo,i kut ka vawn rem iti a ,mahse rei ka vawn erawh i phal leh chuang lo a .








I hmel ka hmuh rem iti a ,rei ka hmuh theihlohna turin i indah bo leh nghal a ,a tawk iti ve tawh lo maw ,Hmangaih nitur leh hmangaihtu nitur hian hetiang taka kan intihnat hi a ngai thin em ni . Ka hrethiam lo,mipa ka nih avangin nasa tak a ka natna tihlan ve rem tih a nilo a ,mipa ka nihna avangin puitling taka ka awm angai a ,mipa ka nihna avangin natna hreve theilo tur emaw ka nih tih ngaih tur hial khawpa hliam pek ka ni a ,mipa ka nihna avang vekin hmeichhia anga tah a rem ve hek lo,engkim hian tawk tih hun a nei bawk .








Mipa pawh hian natna hi kan tuar lo bik anilo a ,tilang tur a beisei kan nilo mai thin zawk ,mipa hi damna khawl nilo a ,rinchhantu a mamawh hun a awm ve tih hi i ngaihtuah ve ngai em Duatte,Lo haw tawh rawh ,lo haw rawh " tiin ka phun chhuak hawk,ka hrehawm tihna erawh a kian phah lo,min hmangaih tu kha ka mamawh ve ngawih ngawih a ,duat taka ka kuah thin awm leh kut tetakte kha ka mamawh ve tho . Mihring ka ni a ,tawrh theihloh hun ka nei ve bawk ,chu thil chu ka chungah a thleng mek zel chu a nih hi .










Ka lu na ut ut pawh ka ngaihtuah theilo,ka nun hi ka ning ve ta hluah hluah “ Sir an be duh che " an rawn tihchuan ka melh vut,tu tak ni ang maw? Tunah tak hi chuan tumah biak chak ka neilo “ A pawimawh em ni ,tunge " ka tihchuan Joyti bawk ,ka thaw hrawk mai ka insum hram hram a ni ,Duattei awmlaia ngaihsak anga ka lanna khan beiseina a siam dawn tih hria ila ka hnaih lo tawp ang le “ Nick inbia ang " inchhung a rawn lut chu ka en run ,ka hliam chu rawn khawih mai a tum,a kut ka lo vaisawn nghal hluk .









“ Rawn kal tawh suh ka tihkha " ka tihchuan zamna a hmelah ka hmulo,hmeichhia hi chu an duhzawngah chuan zahna hi an neilo anih ber hi “ I inhliam tih ka hria a ,thil ka lo ken che a lawm,engvanga i ina ka kal phallo ringawt nge inih " a rawn tihchuan be lo in ka room lamah ka luhsan ,tumah ka mamawh lo ,hmeichhe pakhat tih chauh lo kha chu.





Dereck pawh ka va kal leh chuan a lo tha tawh viau “ Thiana a va teuh ther ther ve ,tlema tlemah vanram ka han hmu zuai zuai mai a lawm" a lo tinghal hlut,ka nuih huk ringawt “ Vanram i kai pawhin ka ringlo ve " ka tihluk “ Dik bawk sia,fel famkim hi a lo har em a nih hi,enge i an tawh" a tihchuan “ Nangai chuan ka tha e ,min thihpui zo tep a nihber kha " ka tihchuan Malsawmi chuan“ In ninawm thihna lawng lawng sawi suh u,fiamthu hun pawh a nilo, Nick min su tu chu in hmu tawh em " a rawn tihchuan ka lu ka thing.











Police lamin engmah an la chhui chhuak thei lo ,a hnu a thup thiam nge pawh hriat loh,misual hi chu an lo fing reng lah taka ,ka lu pawh a ziaawm chho ta viau ,Dereck pawh a ban a la na tihloh chu na sawi tur em em a nei tawh lo,“ Thiana Hmangaiha chu an man ta a mi" a rawn tih chuan ka bu nghut , court lamin tualthah a tum vanga kum 5 chhung tang turin an ti a ,ka la lungawi chuang lo ,amah avangin ka naute leh ka Duattei ka chan phah a ni si a





Ni e khawvel hian hmangaih neih chu a phal a ,mahse kan awmdun erawh a rem tivek kher lo,kan mi hmangaihte kan nei thei vek lo a ,kan mi duhte lakah kan inlan a rem lo fo ,kan duh leh hmangaih zawng zawngte hnen atangin hmangaihna leh duhna kan hmu let vek kher lo . Hmeichhia chuan a mipa hmangaih tan dawhtheihna leh khawngaihna a nei a ,mipa erawh in a hmeichhe hmangaih tan thikna leh huatna in hun kan hmang thung. Heihi kan danglam na tak a ni .







Mipa chuan thikna a neihin tharum hmangin a tilanga ,hmeichhia erawhin na hmel pu chungin a nuihpui thin. Ana hmel chu hlim hmelin a hliah khuh theih laiin mipa erawh a nat tawpah chuan a tluchhe thin.


Hei tak hi a ni hmeichhe ropuina chu,ka duattei pawh khan na hmel pu siin min nuihlui thin a nih kha .



1 year later ....







“ Thiana ilo haw thei maw " Dereck chu a nui vur vur ,Malsawmi nen an in nei tur chu a phur zia a lang reng,ni e an inhmangaih tawna Dereck lah kum naupang a ni tawhlo nen an innei pawh hi a awm viau ,mopa thianah ka dinga Malsawmi erawhin a cousin a hmang thung,Duattei kha chu la dam se chuan a hmang ngei ang,mipui hlim mup mup karah chuan ka leng lo,kan inneih ni ka ngaihtuah a ,khatah kha chuan khawvela nui zawng zawng zinga mawi ber leh khawvela hmeichhia a hmeltha ka tihber kha ka kut kaiin a la awm ve a nihkha.









Zanthla eng ruih hnuaiah chuan pawnah zu no dawmin ka ding run,“ Duatte i thiannu leh i unaunu pawhin pasal a nei tawh a sin,i lawm pui bawk em ,keini ang lo takin an ni chuan buaina an neihloh ka beisei “ Nick lo lut vat teh, hmanhmawh rawh " Dereck chu a rawn au ,engtak hria chu nimaw muangchangin ka lut ,inneihna party rawn kal ho chuan tv lam an thlir thap ,eng tak hre hlawm nimaw ,Malsawmi chu a rawn phei “ Nick Jasmine " a tih avang chuan rang zetin tv lam chu ka en .









TV screen a ka mi hmuh avang chuan ka nghing dawt,ka thinlung chuan amah tih min hrilh nghal ,ka hmangaih ka Duattei ngei kha a ni tih ka chiang a nui sang,tv lam chu ka pan nghal ruak ,a hmelah chuan hlimna tam tak ka hmu ,model maw a lo nih a ,ka ngaihsak loh lam thil leh a thih hnu a engmah ka ngaihsak loh avangin engmah ka lo hre lo zawk a ni ” Duatte nangmah i ni tih ka chiang ani" tiin tv screen ah chuan ka chal ka nghat ,mawi leh mawilo pawh ka ngaihtuah thei tawh lo, English hneh taka a sawi thei te chuan mak min tih tir .







A mitmeng uk kharh thin a pawl ta daih erawhin ka ngaihtuahna a tibuai thung “ Duatte ka hmu che " tiin ka phun chhuak sup,ka nui hawk bawk ,rei tak hnuah hlimna tak tak neichunga ka nuih lehna hmasa ber a ni,ni e ka hmangaih chu ka hmu si .

[Ngaia]

THE GOVERNOR





CHAPTER 17


pic hnuaiah zawmna



JASMINE POV.....






“Pawi itih loh chuan zawhna ka zawt leh thei ang che ngem ? Mimal thil lam deuh" titu chu ka en a ,ka nui sak,ka bu nghat bawk “ Ka zawh tum che chu,hmangaih emaw ilo nei thin em ? Hei tunah chuan model lar ber pawl ini tawh a ,miin i personal life an hre ve chakin ka ring a ,mawi lo a ni em lo ang chu " a rawn tihleh chuan ka mitthlaah ka mipa hmangaih ber hmel a rawn lang ” Um ka nei ve thin a lawm" ka tihchuan en tu dang ho chu an lo au dur dur ,min kawm tunu pawh a nuisang mai .








“ Wow ,anihchuan tunah i nei tawh lo tihna a ni a ,engvang nge mipa i ring ngam tawh lo nge ,a bum che?" a tihleh chuan ka ngawi ta vang vang, Nick hmel a rawn langa tunah pawh hian amah bak mipa ka hnaih thei lo chu ania,mahse ka la ngaihtuah reng si “ Nilo e tihian sawi ila in hrethiam angem aw? Mi thenkhat chu kan nunah lo lutin an chhuak leh thuai thin,mahse thenkhat erawh chuan reilo te an cham chhung pawhin hriatreng tlak leh theihnghilh theihloh tur min hnutchhiah hnuah kan neih theih ve ngailoh niturin an chhuak leh daih a .








Neih theih miahloh tur nisiin a khat tawkin hriat chhuah thar leh turin kan hmuh theih ah an in lan fo,tu emaw chuan i nunah engtikah emaw rawn luh ngei ngei hun a nei dawn ,inring tawk emaw i intihlai khan a bula i awm rual chiahin i inrin tak tak theih loh zia i hrechhuak thar ziah bawk ang,thenkhat chuan kan hmangaih tak te kan nei thei a ,chu chu hringnun pakhat zawk ani. Hringnun pakhat zawk a mite erawh chu awmdun duh awm dun thei silo te an ni thung,mipa ka ring lo a nilo a ,hmangaihna hian min la ban fuhlo te pawh a niang " ka tihchuan an ang pam hlawm.








“ Oh i tan chuan ana dawn hle a nihchu,ni e i sawi atang hian mi ropui takte pawh hian hmangaihna hi an lo nei kim vek biklo tihna a ni dawn a nimaw,a pawi ka tihpui hle mai che ,a nih hmangaihna dik leh diklo hi enge i ngaihdan ,hmangaihna dik hi eng ang in nge i ngaih " a tihchuan ka kut ka sik. Nick a bawk a ni ka ngaihtuah,a ni pawhin min hmangaih chung si khan min tina em em reng a nihkha “ Tuipui thuk tak lam panin hleuh lut la ,boruak a tlem tial tialin a thim tial tial thin tiraw ?" ka tihchuan a bu nghat.







“ I hleuh thuk tulh tulh a ,boruak awm ta lo in nangpawhin hip luh tur i nei dawn heklo,atawpah chuan boruak khamkhawp hip tur i neihloh avangin chu tuipui mawng thim takah chuan i cham hlen dawn tihna ania ,ka sawi awmzia chu hei hi a ni,hmangaihna chu neih tuma i beih nasat pauh leh i lut thuk tial tial anga,a pawnlang chu dam raih mahse a chhung i luhthuk meuh chuan chhuak leh thei tawh lo in chu i hmangaihna tuipui ah chuan i cham hlen dawn tihna ani" ka tihchuan kut an beng dur dur .








“ Hmangaihna dik tak neia hlawh chhuak tur chuan a harsa tak tak i paltlang angai,hmangaihna nei tur a kan beihna leh tuipui mawng luhchhuah tum hi keichuan thuhmun rengah ka ngai,i luh thuk pauh leh i natna pawh a hnai ve zel ang" tisepin ka nui leh sak . Tunah chuan ka nunhlui kha ka hre tawh lo nilo in hriatrengloh ka duh tawh zawk a ni “ Ni e i ti dik i hmangaihna thawnthu chu engtikah emaw ala parchhuak leh mai thei a sin,chu chu kan beisei pui che ,anih hei leh chiah hmangaihna thawnthu hian tawpna hlim awm hi a phu vek em " a rawn tihleh chuan ka assistant chu a rawn chhuak zawk.









Ka lo khap nghal vat “ Hmangaihna kan sawi ta sa sa ,ni e tawpna hlimawm nei vek turin tupawhin hmangaihna thawnthu chu kan duh vek ang,mahse mihring chu kan duhdan a awm thei kan nilo ,tawpna hlimawm chu a hlu ngei e ,mahse he khawvel miteah hian hmangaih hmasa ber nei chu kan vang viau in ka ring,keipawh mi vannei te zinga pakhat ka ni,ka hmangaih hmasa ber chu ka nei " tiin ka tawp chat ,ka thusawi nghaka mipui ngawi thup chu ka en .








“ Mahse keipawh hian hei hi ka hrechiang tawh every love story doesn't have a happy ending, some begin with true feelings and affection,but only end up with loneliness and memories" ti a ka phun zawh rualin ka ding chhuak nghal “ Inkawmna hun tha tak min pek avangin ka lawm e " a tihchu ka buk khum nghat . “ Awi a va han zawt peih tak che mi nunah buai peuh zawl zawl hlawm lutuk ” Chamchami chu enin ka nuih hak ,ani hi ka accident lai ka harh chhuah leh hnu lawka ka hmuh a ni a ,tuna ka nu leh pa hian ka hnampui ngei ka kawm tur min zawnsak a .









Harsa lo takin an hmu reng bawk ,ni e ka vanneih hlauha ,damchhuak tlemte zingah ka tel hlauh,ka ruang em pawh rawn en tumloa Nick-a awm hian ka thin a tirim a ,phuba lak ngei ka duh bawk . Hetianga ka awm chhanah hian inhnamhnawih an awm a ni,a chhan pawh ka nu leh pa hian ka la dam tih an hriat khan min thah tumtu an awm thu an sawi a ,mahse an ni pahnih hian mipui tam hmain min chhanhimin min tlanbopui ta a ni. Tunge min thah tumtu ni ang tih erawh ka hre hauh lo,helamah hmelma ka neih awm ka hrelo a ,hmel hriat ka nei bawk heklo.









Mahse mi tirh an ni thei tho,kan ram lam a mi lo chuan tumahin min hre dawn lo a ,mi thil tithei tak an ni bawk ang. Vanduai thlak takin ka mit erawh ka sawhchhia a ,ka nu leh pa in theihtawpa an zawn hnu ah mit donate tu ka hmu hlauha ,tun dinhmun hi ka thlen theih phaha,ka lawm hle bawk. Kha ka mit min pe tu erawh kha chu a thizui a ,a chhungte ka hmuha an mittui tla kha ka mitthla ah ala cham reng,an fanu an duat ve em em mit kha keiin ka lo vanneih pui ta thung a .





ads khu min lo click sak rawh aw ,ahnuai bera video anga che thei khu lo hmet keuhin 20 second vel lo en ve rawh aw




Nasa taka enkawl ka niin model ni turin ka bei leh a ,ka nu leh pa mi hriat hlawh azarah model nih a harsa heklo,ka pian leh ka hmelin a zir avangin ka hlawhtling chho reng bawk a “ Inlam pan ang u ,naktuk ah kan ram pan kan ngaih kha " tiin ka bodyguard tura ka nu leh pa min laksak chu ka en,Chamchami nen a an in ngeih thei hlawllo erawh kan bengchhen phah thei viau,amah hi English leh Korean thlah pawlh a ni a ,a hmeltha viau bawk ,kan in ngaizawng anga lo sawi duh tawk an awm hial,engah mah ka ngai duh lemlo.










Ka tan chuan ka unaupa ang leh ka thiantha ang a ni,tumah ka neihloh laia ka tana awm an nih avang hian ka tan chuan an hlu zual “ K enge itih " ka tihchuan a phu zuk,ka nuih hak hak “ Bodyguard ve si ,khatiangin ka u hi i venghim thei dawn em ni ,ngelngul mai a engtin nge hetiang mi Nutei te hian an lak theih che " Chamchami chuan a tihlak . Pakhat lahin a melh rum nasa mai si “ Ngawi hmak rawh,i bawp tawi tawi nen,chawn ping si tawng thei si sihmawngpir tawngthei tak ini " tiin car kawngkhar chu a hawng a .








An inchum leh hman tho,chhungkua ang vekin kan in ena ka nu leh pa pawhin ka tan an pawimawh zia hria in kan chhungkaw mi ang maiin an en ve bawk. An fa tak ka nilo chungin kum khat chhung lek pawha ka tana an thil tih hi ka rulseng pawhin ka ring lo ,kan rama ka haw tur pawh hi an mahni ngeiin min pawmpui bawk ,ni e phuba la tur leh ka pa thattu dik tak man turin ka let dawn a ni . Zanah chuan ka intualah ka thu chhuak a ,nunhlui bawkin min rawn chenchilh leh ,thlamuang taka ka beina thin leh ka hmangaih kha ka ngai a ni.









Ka huat em em na phenah hian ka la hmangaih reng tho a ,mahse engkim hi ka chhui chhuah hma loh chu ka chawl dawn lo,anipawh inrawlhna a nei a nihphawt chuan ka ngaidam ngailo ang “ I dam tha ang tiraw ,i reh danah i hlim hle a ni ngei ang. Mahse kha i hlimna hmeichhia kha keihian ka tichhe vek dawn ani, Nick ka puitling ve tawh a sin,tunah chuan keima tan ka ding ve tawh anga,kha mualpho taka min siamtu ramah ngei khan ka dikna leh ka pa dikna ka hailang dawn a ni " tiin ka phun chhuak sap.








Ka let anga a hma a mi ka nihloh zia ka hmuh tir ang,Grace Lalnunhlim lo inring ang che ,i u hian keima kut ngeiin ka tichhia ang che " tiin ka inseh ruh a“ I mu thei nange " K chu ka en ,a hming hi Kyle a ni a mahse kei chuan K ti a koh hi nuam ka tizawk “ Um kan ram ka haw hun tur ka ngaihtuah,min lo zui chu i tum tak tak em ni " ka tihchuan a bu nghut, adarah min beitirin a hawi vauh vauh “ Ka nau dinhmun chhe taka dah tu te chu ka hmu ve duh a lawm.







Tunah chuan hmeichhe chak tak luhlul leh thinchhe zet an hmu tawh dawn miau a " tiin a nui huk huk a ,ka nuih ve tawp ,a sekah ka chum dawt dawt bawk “ Ka pa ka ngai e ,tunah te hian la dam ve se chuan helai hmun hi ka rawn thleng kher lo ang " ka tihchuan ka biangah a piai,a hmelah chuan min ngaihtuah tih a hriat hluah hluah,ka hmuh tirh kha chuan ka nello a chhan pawh a hmel hi a rum rut a ,a tawng duhlo lutuk khan min tinello zual.








Mahse nitina inzui na na na chu ani pawhin min be ve zeuh zeuh a , bodyguard ang nilo in ka u angin ka en hial bawk,“ I mipa hmangaih ka hmuh hunah chuan a thil chan hlutzia hi kan hmuh tir dawn khawp "a tihchuan ka nuih leh hak , Nick Zochhuanmawia ,ka tana ding thin mipa,mahse thil pakhatin a a thlak danglam vek ngei kha “ I hmu thei kher angem aw , Delhi ah ala awm ka ringa ,keini chu Mizoramah daih kan awm dawn a sin.







Chubakah a ni hmuh tumna ka nei lo,ka pa phuba ka la a nga chu chu ka duh tawk ,ka tihtur ka zawh rualin he hmunah hian ka let leh bawk ang" tiin ka kut ka hum ruh,ka mitthlaah Lalnunhlimi nena ruahsur hnuaia nui chunga an lam kha englai mahin a reh ngai lo . Ka hua a tihnat let ve hi ka tum ber a ni bawk,amah khawngaihna neilo turin ka infuih nasa reng bawk a “ I cham hlen leh si ange" a rawn tihchuan ka melh hrawk “ Fiamthu lo thawh reng suh" tihlakin a darah bawk ka bei leh.








“ Ka haw tak tak thei angem ka hrelo,a chhan chu ka mipa hmangaih ber ani si,mahse ka tlawm mai mai tawh dawn lo ,tikhan min en nghal ringawt suh ka mu dawn " tiin ka tho chhuak,a thaw hak mai ,a awmah min kuah bet “ Ka nau ini a i nat lehna tur engmah i tih ka phal tawh dawn hauhlo a nia,i nun hmalamah tel lo mah ila tunah erawh chuan i tana thalo tur lakah i kal ka rem tilo ang " atihchuan ka bu nghat ,inchhung lamah ka lut zui a ,ka nu leh pa mangtha in ka room lam ka pan.









Naktuk mai a ni tawh ” Nick ka lo haw dawn asin,ka hmel hmu ta la ,engtin tak awm ang che maw?" ka thi chu ka khawih neuh neuh ,ka nu leh pa chu ka kuah vang vang, airport pan turin kan inring thap tawh “ Ka ngai ngawt ang cheu,nu ,pa nangni awm lo ula chuan ka dam tawh kher awm silo a ,inchungah hian ka lawm reng fo ang " tiin ka nu mittui tla chu ka tuai sak zauh “ Ka fanu lo let leh vat ang che ,fimkhur bawk la ,nangmah tihnat tumtu te bulah i awm dawn tih hre reng ang che .







I pa nen kan lo ngaichang reng dawn che ania" a tihchuan ka bu nghat “ Ka bulah mi thawveng pahnih bengchheng ngai miahlo te an awm dawn a min ngaihtuah suh u" ka tihchuan K-a leh Chamchami chu an lo ner nasa viau,ka nu leh pa an nui nasa viau thung “ Chamcham in ramah chuan K-a kha a la kal ve silo a,va duat rawh aw ,in inhauh leh pung pung chuan kalna tur a nei ve dawn miahlo ania,va duat hle la " ka pa chuan a ti ve dut dut ,K-a erawh a lo nersawk “ Lungngai suh u,anupui tur kan zawn sak ang,kan hnam hmeichhe ho zunah a uai hnap ang.







Nute pate lo ngaihtuah suh u ,Kan in hnawtchhuak em lo ang" Chamchami pawh chuan alo tive bawk , airport lam panin kan tlan a “ U ka haw khat tawh sia,khawnge ka awm ve ang le " Chamchami chu ka en,keimah ang tho a fahrah a ni a ,ka bulah a awm ngei bawk ang “ Ka bulah haw na tur chu i nei alawm" ka tihchuan a rawn nui nghal sen sen .







Nihnih hnu ah Mizoram kan lut a,thlawhna pawn a kan chhuak chiah chu pangpar nena min lo hmuak thup ka hmuh chuan ka ding chawt,a thenin mak tih hmel zetin min en bawk ,CM ngeiin min rawn panin “ Kan lo lawm a che Jasmine i ram ah hian thlamuang taka i awm kan beisei " an tihchuan ka ngawi ngar ,ka rilru chuan ka pa ka bia “ Pa ilo hmu em tunah hian uire ti a min puhtu ka ram mipui te ngei chuan mi ropui anga min lawm tak hi " tiin ka pa thlarau chu ka au mawlh mawlh ,engtin mah ka chhang lem lo “ A theih chuan kawm ve che kan duh a arem a ngem?" titu chu ka chhan hma in Chamchami alo inrawlh vat.










“ Ka u hi a chau hle a ,chuvang chuan khawngaihin tibuai suh u,tin mipui lawm hi a duh vaklo,nangni pawhin inla hre vek ang,thi angin a thang tih nen ,chuvang chuan inhriat duh tur awm ang chu alo la lang zel zawk ang,inkawmna neih hi kan duhlo a ni e " a ti charh charh,mipui an phun nghal mur mur ,kei erawh ngawi rengin ka guard te venna hnuaiah airport pawnlam ka pan “ Jas" Malsawmi mittui nena ka lampan a rawn tlan chu ka en ,min rawn kuah nghal chawt,ka kuah let ve hauh lo .






NICK POV....





Ka hmaa hmeichhe hmeltha leh inringtawk zet ding chu ka pan hnai zel . A hmel chu ahma ai a dang deuh tawh nangin ka hai hauhlo ,a thiannu ngei pawh a kuah let hauh lo bawk “ Duatte " ka tihchuan muangchangin a rawn hawi chhuak,ka pawm nghal thlawp “ Ila dam,Duatte ila dam " ka tinghal mawlh mawlh “ Min hrethiam teh,khawngaihin min kuah lo thei angem,kuah hi ka duh vaklo a ,chubakah ka mihriat chian loh phei chu ka duhlo lehzual,duhtak lo kal vat ta che " tiin amah aia upa tur mipa lo ding reng chu a pawt nghal









Hamhaih zetin ka en “ He ramah hian ka rawn kalchhan chu tihtur pawimawh ka neih vang chauh ani. Nangni hmu tura rawn let ka ni heklo ,ka pa dikna chanvo pe tura rawn let ka ni,ka nunhlui in lo ni pawh a ni ang,mahse ka tun hunah erawh ka mamawh hran lo cheu,chuvang chuan min hnaih tum duhlo mai rawh u ,kal ang " tiin a mipa kutah chuan a chelh a ,a kalpui nghal nal nal,a hmelah chuan a inrin tawk zia leh a hma a na hmel leh min thlakhlelhna hmel kha a lang tawh lo. Mahni inring tawk hliah hliah hmel a ni ka hmuh ni ,a nuisang tawh bawk.











Chuti maiin ka kal tir theilo,a hnunglam atangin ka kuah let ,thlala tu tena camera an hmet de te pawh chu ka ngai pawimawh heklo,ka ngai tawh em a ni “ Duatte ka lo la nghak reng che ,ka ngai che hetiang hian awm suh,ka kiangah awm leh rawh ,Duatte,min la hmangaih tih ka hria " ka tinghal mawlh mawlh. Ka kut chu na zetin a paih thla a ,rawn inherin ka hmaiah a beng thuai “ Min khawih suh ka tihkha i hrelo em ni? Min hnaih tawh suh,ka hmelhriat ang pawha awm i phulo i hria em ,ka rawn kir i ring amaw? Teuhlo lutuk,min rawn hnaih tawh suh ang che ,keihian mipa pakhat chiah duh ka nei.


(mipa ho kha sexy lai chiah chhiar ka phallo aw,a vaiin chhiar ru)






Chuan a ni chu ka bula mi hi a ni bawk "tiin a kalsawna ,carah chuan a lut nghal,ka en reng ringawt hmana hmeichhe nunnem tak hmel kha tunah chuan a bo tawh tih ka hmu chiang viau bawk. A mita min huatna kha ka hmuh hmaih heklo,an tlanchhuak chu ka thlir reng ringawt “ Ka tello in hmalam i pan thei a nihchuan i hmalam panna kawng zelah ka pan ve zel ang,ka nei let leh ngei bawk ang che " tiin ka phun chhuak sup ,Malsawmi pawh a ngawi reng khatianga Duattei in a awm khum kha na a ti tih a hmelah a lang reng bawk.








“Haw ve phawt ang u,hun in ala hril mai ang " Dereck chuan a nupui kaih pah chuan a ti a ,keipawh car lam ka pan vat ,Liandingpuii lakah ka tlawm mai dawn lo a tul a nihchuan ka ru mai ang,min kalsan leh tawh ngailo turin hma ka la bawk ang. A hmasa berah chuan ka hna hi ka chawlh rih a ngai ani. Duatte ka nei let leh dawn che ,min huatna hi ka la tireh ngei ang.


a2eff23aba4571929ef6c30eaaf8a29d.jpg
a2eff23aba4571929ef6c30eaaf8a29d.jpg (9.54 KiB) Viewed 3765 times


ZAWMNA....






JASMINE POV...






Hotel atang chuan ka hawi chhuak,rei tak hnu ah ka seilenna ramah ngei ka kir leh a ,mahse ahma ang kha a nimawlh tawh silo . Ni e ,ka thiannu ngei pawh ka ring theilo ,ka chhuichhuah vek hma loh chu ka tawp dawn lo . Hmangaihsanga erawh hremna ka pek hma in a lo tang hman tih ka hriatna chuan min tihrehawm zawk mah,ka fa a that a chuti chungin hlim taka ala nui theite khan min ti thinrim hluah hluah ,tu tu te nge Nick nena kan inneih laia kan kara inrawlh te kha ka hre chhuak vek ngei ang.










Thil ri bur bur avang chuan ka room atangin ka tlanchhuak vat,ka au nghal that bawk “ Eng thil nge in tih leh taka? K hmeichhia khingsawng reng suh,Nangpawh Chamcham mipa zawk sual awt awt suh" an pahnih chuan ka thusawi hrelo ang hmakin an la in kek kun ngawr ngawr ,K hian duhse chuan a thiamna hmangin a tina tawh ang. Mahse hmeichhia a nih hria in a samah bak a khawih duh biklo ,chuti chung pawhin Chamchami chuan a hneh lo hle ,a rak tuar tuar ,a mipa zawk a tlawh awk awk ,K-a pawh a rum ve hawk tho.









“ Nangnu hi eng ang hmeichhia nge i nih hrep le " tiin K-a chuan sofa ah a nghat dawp ” Duhtawk teh u in bengchheng lutuk" tiin ka pan hnai ,va thelh ka tum chu an in khawih nasa bawk si keimah min tihnat tel ve ka hlau bawk nen ,tui bottle chu la in an lu ah ka vaw chawrh ” Hetianga in awm reng dawn a nihchuan in pahnihin pawnah in riak ang ,zaninah party naah min sawm kha in hrelo em ni hmel pem nuai khan mi hmaah in in lan ngam dawn em ni .









Tho vat rawh u ,in kal peihloh leh ka chhuahsan dawn cheu ania " tiin choka lam ka pan leh ,reiloteah an rawn phei ve . Ka lo nuih tet tet an sam a hnawk dun nasa mai siah “ In another life ,I would be your girl,we'd keep all our promises be us against the world " ka zai rat rat “ U taka engtikah nge i perform leh dawn ,nangmah ang nih ve hi ka chak e ,hmeltha si,zaithiam si piannalh bawk " a tihchuan ka lo nuih var var “ I ni ve thei dawn lo a a pawi khawp mai,i aw a teng si i bawp a tawi si,i te si i hmeltha ve leh chuang bawk silo " K-a chuan a lo tileh hmanhmawh.










Cooker in an intuk ta mai ,kha chu ana ang,K-a chal chu a pawng ta reng bawk a . “ Tawng thei si,bialnu pawh hmu thei silo ,inla pa ve ropui si tumahin nang hi an che an duh bik lo Kyle hug " tiin an in melh leh kha kha tawh ,an pahnih chuan ka beng lawlh a ,an in ngeih thei lo hi ka kham ve takzet ”Hetianga in awm reng chuan nakinah in la in ngaizawng thuai ang,in haw deuh leh in mil theilo te hi an in ngaizawng zui duh phian a nia" ka tihchuan “ Ka duhlo" an tirang hle .









Nui hak hakin rawng chu ka bawl zawm,sa tello hian ka awm thei meuh lo a bikin bawng ke rep phuihnam nena chhum tui ka tizual ,nui var varin carrot vel chu ka chan a ,an ni pahnih pawh chu purunsen vel tur ka pe a ,an mittui a tla pur mai. Ka nuih a za hle nangin ka insum hram hram a ni; ka hmui hupin lehlam ka hawi vat “ A thip lutuk ,hey Kyle kha tah khan chiah rawh rawn keng hnai suh. Hmela; dahsawn rawh " purun sen chu an mitah an lo insawr siak chu niin ,engtikah nge an puitlin ve ang le .









Laksakin keimah chuan ka bawl nghal zung zung,chaw ei ka siam tir ve thunga . Chaw eilai chuan case tihnun leh chungchang kan sawi mawlh mawlh,ni e tunah chuan keimah ngeiin ka pa thattu hi ka zawng ang,min vengtu turin mipali an awm a ,tunah hian pathum te chu pawnah awm in K-a erawh ka unaupa anga ka en avangin ka bulah a awm reng zel thung. Mi a venghim hneh hle bawk ,naupang chhia thin viau mahse a tul hunah chuan ka tan anun hlan a hreh hauh lo .









Ka inven nan pistol ka pai reng bawk,a chhan pawh min tihnat tumtu an awm tih kan hriat chian em avang a ni . Party tur chuan kan insiama ,kawrfual dum,a mal kak chho ,awm zau ve tak chu ka ha a ,model nih tawh chuan khawi hmunah pawh kal ila media lam ten min ngaihven reng vang a ni pakhat,mahse tumahin model hi ka hmaikawr tih an hre lo thung. Car chuan party na hmun tur chu kan pan a , Mizoram pawh kan lo changkang ve ta hle mai ,party na hmun kan thlen rualin camera a lo de chuai chuai.








K ka kawppui anga ka hman miau avangin a banah ka chelh a,kan hnungah leh sirah bodyguard pathum te chuan min veng bawk . Inchhung kan luh chuan mi chal lang ho chu an lo kim viau , Nick leh hmeichhe pakhat ka hmuh chuan ka ding chawt, Grace kha a neih zui ka ring a mahse tu hmeichhia nge a lo kawp leh tak saw ,ka lu ka thing nawk chutiang ngaihtuah tur ka ni tawh lo e ,tunah chuan ka phuba chiah ka ngaihtuah tur ani. Nick pawh chuan min lo hmu ngei e ,a mitmeng tang chuan ka inchei dan chu a en mek tih ka hria .








Ka mal lang te chu a melh ngur a ,lungawilo hmel leh thinrim hmel a lang chhuak zut zut ,ni e kan inneih lai pawh khan thawmhnaw sexy tak ka hak a phal ngai hauh lo a nihkha. Kan hnaih zel ,a zuna uai leh mai lo turin ka infuih a ,nem leh nghal mai lo turin ka inhrilh mawlh mawlh,a coat suit hak chuan amah a tilian leh zual,a mah chentu chu chulai hmunah chuan an vang viau ang(Chris Hemsworth a ngaihtuah ru a len em kha) .









A taksa cher silo,thau chuang silo chuan a pian nalh zia a tilang chiang viau bawk ,kum 38 na a hmang ve mek a ,mahse kum naupang tam tak ai a la mawi zawk tho . “ Insum rawh ,i khur nasa lutuk " K chuan ka bengbulah rawn phun sup paha a rawn tihchuan ka harh chhuak zawk,nunhlui ka lo ngaihtuah leh avangin ka bula awm pawh ka lo hre chang lo chu ania,mite chuan min rawn panin min be hlawm a ,a then lahin engtin nge ka dam chhuah theih tihchu an hriat chak ber ani.








Engtik ni ah emaw ka la sawi ve mahna ,K-a nen chuan in ngaizawng ang mai chuan kan awm dun, Nick hmel erawh ka en tha duhlo a chhan pawh a mitmengah chuan a thinrim tih ka hrechiang lutuk tlat ,kha leh chen ka lo chenpui leh ka lo kuah thin mipa kha a ni miau a ,wine chu ka in hlak hlak,mitin te chu ti ti in an phun mur mur hlawm a ,kei pawh K-a kalsawn hlanin dawhkanah ka kiu nghatin ka hawi kual vauh vauh.







Ka vah chhuah vak ngailoh avang khan Aizawlah hetiang hmun changkang tak hi a awm tih ka lo la hre miahlo,mi ram kan ang chho ve zel chu a nih tawh hi,rethei kan la tam zawk mai pawh a . Chutia keimah a ka awm lai chuan ka kuta rawn vuantu rawn awmin min hnuksawn nghal,midangte phun nghal sup sup pawh ngaipawimawh lo a min kalpui pawk pawk tu kut atanga tal chhuah tum chuan ka tal ve phat,mahse ka hneh lo hle ..








A duh hma loh chu min thlah dawn lo tih ka hriat avangin tan ka tum lo law law ,a taksa lianpui chu a hnung lam atangin ka thlir vang vang,tlemin a khabe hmul vel a lo zuah buk tawh a,a sam pawh a hma ai a sei deuh bawk . A bawp sei zet chuan inhnung lam min panpui zel ” Enge i hriat inchhung ah khan ka awm duh ania ,engvanga min rawn khawih ve ringawt nge maw inih le ? Min thlah teh ,ka bialpa in min lo zawng palh ang" ka tihchuan inhnung lam a pal hungna bangah chuan min nawr bet nawk.








Pawn light in a chhun phak chiah loh avangin a ruangam lianpui bak ka hmu theilo a ,athinrim nge rimlo lah ka hre thei hek lo “ Ngawi hmak rawh ka hriatah leh ka hmuhah kha mihring tlaktlai lo zet kha sawi leh tawh suh " a rawn tihchuan ka nuih hak,a zat vanga nui erawh ka ni hauh lo,ka thinrim lutuk vang a ni zawk mah . Ka namsawn dawrh a “ Eng thu maw i sawi kha tlak tlai loh a ? En teh Mr governor,ka mipa kawp a in rawlh tur leh a chungchang sawi tur hian tunge inih?








Tumah ,in inhre ngai lo a engvanga ka bialpa chungchang chu hre ber awm hrima sawi nge inih nangpawh kal pui i neih kha;khanu kha zawng zawk rawh hetiang pawnah hian ka awm peih silo a ka lo lut phawt ange,a nih aw hmelhriat satliah biak nan hun ka neilo tlat " tiin inchhung lama luh tumin ka pen; a thusawi avang chuan ka ding chawt,ka kut ka hum ruh vak bawk. “ Duatte thla anga i khawih phaklohah awm ve ta thung ila engtin nge i awm ang?" a tihchuan ka thaw hak .








Ka thinrim chu ka insum hram hram a ni. Kha ka nunhlui na taka ka awmlaia tumah ka neih miahloh lai kha hriat chhuah pawh ka duh leh tawh lo ,engvanga rawn sawi nge a nih “ Thla chu a awm talo a nihchuan khawvel hi a tawp mai dawn a sin,thla chu awm lo tur chuan ni a awm loh a ngai tih i hria ang chu tiraw ,a chhan chu thla hian a mahin enna a nei lo" a rawn tileh ,ka inher leh nghat “ A maha enna nei silo chuan a tana thil hlu ni eng tangkaina a hre silo a lawm le tiraw ,hriat leh pawh ka duh tawh lo e " ti nghatin inchhung lamah chuan ka lut leh.









K-a chuan min lo zawng nasa hle ,ka pan vat “ Hey" ka tihrualin a lamah min pawt dawrh,ka hamhaih hle ka chalah a rawn fawh phei chuan ka phu zawk,mahse kan bula rawn kal thuak pa a vang chuan ka hrethiam nghal vat “ Khawiah nge ilo kal " a rawn tihchuan a aw ah chuan min ngaihtuahna ka hre thei,ka nuih var var “ Pawnah thlifim dawng turin ka chhuak zuai a " tiin CM lo dinna lam chu ka pan zui “ Jasmine ilo kal thei chu ka lawm hle mai ,hei tunge pu Nick a bulah i let leh ang chu tihlaia " a tihchuan ka inseh ruh vak.








Tu pawh hian Nick nena inlai chinna la nei angah min ngai vek tih a hriat,ni e uire anga puh ka nih hnu leh America ka panlai thleng khan kan inthen thu tumahin an hre lo miau “ Ani nen te chuan kan inthen tawh a lawm,ani hi Kyle a nih hi" tiin ka hmelhiat tir ,rei pawh inbe lo in kan kalsawn leh thuai,kil khata Grace Lalnunhlimi ka hmuh chuan nuisakin ka pan,a nipawhin min lo hmuh rualin a meng kawk kawk mai .








Ni e a ni ber hi ani hremna ka pek tur chu ,ani hi a ni ka chhungkua min tihchhiatsak tu ,lo nghak rawh finfiahna ka nei vek tep tawh e " tiin ka rilru chuan ka ngaihtuah ka hnaih zel “ Hi unaunu " ka tihchuan a hmela mak tihna langchhuak chuan ka nuih a tiza zawk . A hmel keimah ang zet a ni te hi ka haw hluah hluah “ Ilo dam maw " ka tihleh chuan min rawn kawkin “ I...I thi .. tawh a ni lawm ni?" a rawn tihchuan ka hnaih sauh,a tawlh nghal ruak midang kan bul hnaiah an awm lo bawk a ka phur sauh.









“ Ni e tu emaw in min that turin mi a inthurual pui a mahse ka lo la dam hlauh chu anih hi,ka chunga thilsual titu te ka hrem hma loh chu ka Pathian hian chawlh a phal silo a " tiin ka nuih har har a ,K-a chu ka kalsawn pui nghal vang vang “ Haw ang u ,mahse kan in leh ka pa thlan tlawh ka duh hmasa ania " K-a en pah chuan ka ti a ,midangte chu mangtha in kan inzui chhuak nghal .








“ I tha tak tak em ? A ni khan engtin mah atilo che maw?" a rawn tihleh chuan ka bu nghat ,a hmel leh aw ah min ngaihtuah tih ka hria ,ni e ka inhliam palh hlek pawhin keiai mahin a chi ai zawk thin. Ka tan hian a hlu takzet ,englai pawhin min venghim a vawikhat mah min la phatsan ngailo,kan in lam pan chuan bodyguard pathum te nen chuan kan tlan,an ram leh an hnam awm lohnaah min zui chu hrehawm an tiru viauin ka ring ,mahse an hna a nihna angin phun nawi miahlo a min zui zel chu ka guard te mah nise ka faklo theilo.








Kum eng emaw zah chhung ka lo chen ve tawhna kan in zawnah chuan ka ding vang vang,ka mitthlaah kan tuala ka tlankual thin lai te ka nu leh pa nena infiam chunga hun kan hman thin lai a rawn lang zut zut ,ka mittui a hnam tiam tiam bawk,a hma kha chuan he inah hian hlim thawm a chhuak thin a nihkha ,mahse kum hnih liam ta atang khan engkim chu a inthlak ta vek si . A inluahluma cheihnum a,chawimawi tu tur pa ber a awm tawh lo a ,naupang hlim nui ri chhuak tur a awm tawh hek lo .







“ Nu i dam tha ang tiraw?" tisepin inchhung lam eng chu ka thlir reng “ K helai velah hian cctv a awm nge awm lo en la ,tin kan finfiahna neih nena inzui thei tur thil chhuiin an record na ho en ka duh bawk ,a tul chuan pawisa pawh hmang mai rawh helai hnai reng rengah hian kum hnih liamta July ni 27 zana thil thleng zawng zawng motor leh car ,mihring che tla reng reng kha hmaih hauhloa en ka duh,lo buaipui rawh aw . Juan nang car nen thlanmual lam pan in kal ang " tiin car chhungah ka thu lut .







Ka mittui chu ka tuai zauh “Jas i tha ang maw" K-a chuan car tukverh a rawn dak lutin a rawn ti a ,keimaha thlanmuala kal a rem tivaklo tih a hriat,mahse ka pa thlanah hian keimah chiah kal ka duh a ni . A kutah chelhin ” Min ngaihtuah suh ka lo let leh vat ang,hetah hian lo awm mai ru aw ,khawpui in la hrechiang bawk silo a ,mahse ka pa thlana kal ngei ngei ka duh ka ring dawn che ania " tiin Juan chu kalna tur lam ka hrilh a ,kan tlanchhuak nghal.








Thlanmual kan thlen rualin a reh in perhpawng hram ri chiah hriat tur a awm ,hlauhna nei miahlo in thlan tam tak kal pelin ka pa thlan lam chu ka pan zel,enkawl ngun tih hriat takin a bul vel chu a lo fai hlarh. Mak ka ti viau tunge lo tifai ang tihchu ka ngaihtuah “ Papa " ka auh thin dan ngei chuan ka au leh “ Ka lo haw a nia,i fanu duat ka lo haw pa " tiin ka thu thla hnawk ” Nangmah maia ka kalsan che avangin min ngaidam rawh aw ,pa ka ngai lutuk che ,ka hmel hi a dang tawh i ti em? .







Ih maw pa i fanu hi thah tumin mi'n min veh renga,mahse chung ka hmelma karah chuan min hmangaih tu nu leh pa thar pek ka ni leh a ,mahse maw pa nangmah ini silo a ,ka thinlung hian a pa dik tak hi a theihnghilh ngai miahlo a nia ,pa ka phuba lak tumnaah hian ka timah mah lo ang tiraw? Mahse tunah rih chuan ka thiante ngei ngei pawh ka ring thei rihlo a ni. Pa lo tho leh la ka kiangah min fuihtu ni leh turin awm la ka ti takzet ,mite chu an nu leh pa te nen hlim takin inchhung khurah an infiam ho a an nui tlang dar dar thin a .








Chung mi ka hmuh te chuan ka nu min ngaihsak ve lai kha ka ngaihtuah lo thei lo . Pa min dem biklo ang tiraw,a chhan chu ka chhungkua leh ka engkim min laksak tu te hi zalen takin an awm ka rem ti tawh lo; ka bei let ve tawh dawn a ni. Min vengin min awm pui reng rawh aw ,pa rei tak min dam pui thei la ka ti ,ka pasal neih dawna i thu min hrilh zawng zawngte kha vawn nun duh mah ila tunah chuan engkim a chhe vek tawh tih nangpawhin i hria ang tiraw ,tunah chuan model te ka ni ve tawh a sin.








I duhthusam ang ngeiin i fanu hi a hlawhtling ve tawh a nia,min lawmpui dawn tih ka hria " ka mittui chu ka hru zauh “ Hmuak tu pawh ka neilo a ,khang mipui te kha chu tumah ka chhungte an ni velo a,ka chhungte lam atang zawka hmuaktu ka nei ta lo kha pa a nih tur ang reng a ni tih hre mah ila nangmahin min lo hmuak leh tur angah ka suangtuah che a, airport ah khan ka zawng kual che a sin . Bawihte ilo haw tawh maw ,tunah chuan ka danu hi chhuang takin mi hmaah ka sawi ve thei tawh ang i tih ka beisei ve a .








Mahse i awm ve silo,pa ka tihtur hi a diklo anihchuan eng emaw takin min hriat tir rawh aw. Ka mi hmangaihte ka tihnatna turah hian a chin tawk ka hriat theih nan min pui rawh aw ,ka haw phawt ang ka lo kal leh vat ang tih ka tiam a che " tiin ka tho chhuak riai riai,mahse ka pa thlan bula thlan ka hmuh chuan min tiding chawt. Ka ruang lem chuan kan ram a thleng ngei tih ka chiang ta viau ka inhum ruh sauh sauh ” Tu chiah nge i nih ka la chhui chhuak khawp ang che " tiin thlanmual chhuahsanin ka car leh Juan awmna lam chu ka pan a .








Ka chuang lut nghal vat,khua a vawt bawk nen pawna awm rei chi pawh a nilo. K-a te chu kan lam leh a ,cctv a awm ngei thu an sawi chuan ka thaw huai ,kan thlenna kan luh rualin ka room lam ka pan,inthlak zung zungin ka khumah ka bawk thla thlawp ka chau hluah hlauh bawk nen ka che chang peih tawh thlawt lo . Ka lu a na ut ut bawk ,ka taksa chau a nih ka ring ber ka mu tlem miau a .









Reiloteah ka muhil nghal thuai

[Ngaia]

THE GOVERNOR







CHAPTER 18





“ U harh teh ,mi an lo kal a nia " Chamchami chuan min sawi nawk nawk pahin a rawn ti a ,ka mit nuai nak nakin “ Tunge lo kal chu" ka tihchuan a hriatloh thu a sawi,a tu a tak chu ni ang maw tun ang zing karah lehnghal. Nick chu nilo hram rawh se,tunah rihchuan hmuh ka duh rih lo ,intifaiin ka room atanga ka chhuah chuan mi pakhat min hnungchhawn zawnga lo ding chu ka hmu nghal “ Hei a lo chhuak a lawm " Chamchamin a tihchuan chupa chu a rawn hawi,tunge a nih ka hre hauhlo .










Min hmuh chuan a nui suk “ Hello Jasmine " atihchuan ka phu zawk,a hmel chu tha lutuk a nilo nangin tlangval luck tak tur ang chi hi a niin ka hria“ Tunge inih" ka tihchuan min rawn panin “ Hmingthanpuia ka ni e ,inbe lawk ang hmiang,min hre tawh lo tih ka hre mai e " a tih chuan mak tizetin ka en a ,hepa hian min hria a hria maw ? Zawhna mitmenga ka en chu nui sukin min en zui a “ Helamah hian thu ila,chuan engtin maw min hriat" ka tihchuan min zui pahin “Nakinah le " a tihchuan ka zawt zui bik lo.










Chamchami chu thingpui ka lum tir a ,zingtin ka in thin miau “ I lo puitling ve ta hle mai ,kan tetlaia tahbelh deuh thin kha i ang ta lo rum rum mai " atihchuan ka bo hle ,hepa hi tu chiah nge anih ang“ Parpar min hre tawh nange" a tihchuan a mi koh dan avang chuan ka harh chhuak zawk ka rilrua mipa lo lang hmasa ber hming chuan ka ko “ Pathau nangmah maw?" tiin ka nui nghal hak hak ,a lu a bu nghauh nghauh mai ,ka pawm nghal thlawp “ Awi hmela i va awm bo rei em em ve,i hnalam enge a an ?" tiin ka zawt nghal chul,Hmingthanpuia hi a hma chuan ka thian kawm ber a ni thin a .










Mahse a nute nen London lamah an pem avangin kan inhmu lo ta char char kha a nia,inhriatloh pawh a awm tho e “ Ka tluang ve zel e ,i hming i lo chhawm bawka ilo hmeltha tawh hle mai,i tahbelh pawh a zia tawh ka beisei" a tihchuan ka chum leh awk awk,a nui hawk hawk mai K-a leh Chamchami hnenah chuan ka hmelhriat tir a ,an in chibai liam liam “ Helamah i awm hlen dawn nge i rawn zin mai mai " ka tihchuan a khabe tuai zauhin “ Nupui tur ka rawn zawng dawn mawle " a tihchuan ka nuih hak.








“ I hmu dawn em ni? I chhe ve bawk sia" ka tihchuan a tum nasa hle “ Ka luck mai zia,Lal luckvela ka nih hi aw ,ka zunah ka uai tir thei che ania " tiin a mit a kan uk uk,a naupan lai ang reng khan fiamthu a la duh a nih hmel. Inhmuh loh chhung erawhin a danglam takzet ,a pian lah chu a tawk chiahin a awm tawh,kan naupan lai kha chuan a thau em a vang khan pathau tih hlirin ka ko a ,a haw ngai lem lo “ Tak takin helamah awm ka tum ve deuh,mahni ramlo a awm chu tam takah hnam dang kan nihloh zia a lang chiang leh thin








Chuvang chuan mahni ram nge nge ah hi chuan nuam ti taka ka awm theih mai ka ring,nangpawh helamah i awm hlen tawh ang chu" a tihchuan ka nuih ringawt ,awm hlen ka tum lo a chhan chu thil tam tak hi he ram ngeiah hian ka tawng a ka natma tam tak te hi he ram min pek hi a ni “ Ka hna ka zawh veleh New York lamah ka let ang " tiin K-a lo duty ngur chu thu turin ka signal zauh,mipa ka bula an awm hi a phallo a ,a lo awm ve ziah zel ka nuih a tiza thin “ Veng reng mah ta che ,mawl lutuk mi titi na karah an awm ve kur ngailo,i upat tawh nen i va zeilo teh tuh ve .









Hei vang hi a nih hi bialnu pawh i hmuh theihloh ,nupui nei phei la chu mi hmuh theihloh tura kuanga i khung men a nia ka rin ni" Chamchamin a tihchuan K-a chuan a melh rum viau,chutah an in um chhuak leh ta nge nge “ A khawhar thlak dawn loh hle mai,i awm pui te an thawven hmel emai" Hmingthana chuan a rawn ti a ,ka lo nuih ve hak “ An buai thlak tak tak ani. An in ngeih thei bawk silo,naupang in hau chiah chiah hi an ni mai ,khawiah nge i chen" ka tihchuan Zemabawk lamah tiin min chhang.









Ka bu nghat ” Kan la leng chhuak leh ang chu tiraw ,naupan lai te pawh a ngaihawm alawm,min zui kual nasa thei mai sia,tunah pawh min zui leh hnak hnak mahla kan naupan lai ai khan nuam iti ang a chhan chu hmeichhe ho hian chhelo min ti teh a nia" a tileh tawh. Mahni infak hian a leng tar thak ang tih pawh a hlauhawm ,a haw hnu chuan inbual faiin kan inbula CCTV en tur chuan kan chhuak a ,a neitute an lo fel hlauh,ka pa thattu hi chhui chhuah vat ka duh a ni. Vanduai thlak hian,an cctv ah chuan rinhlelhawm awm hmuh tur an awm lo .









Kan in lam lo vek ah kalin motor leh two wheeler te lah chu an tlan sup sup a ,tumah rinhleh awm awm an awm lo,vakchhuak vak an awm heklo,Grace-i puh theihna tur khawp finfiahna kan la nei dawn lo a nih hmel,ka lu ka tuai pawk ,a mah ani tih ka chiang a ni. Ka thaw ham ham “ Lo nghak rawh hun tam a ngai tawh lo ang,ka pa i fanu hian i phuba chu ka la dawn a ni. I thihna ah hian tupawh lo inrawlh rawh se ,ka chhui chhuah hma loh chuan ka tawp san lo ang “ Juan Grace-i hi tun atang chuan chhui zui ang che ,khawiah nge a kal tunge a hmuh thin.








Lo hriat vek tum ang che ,hmaih neilo in chuan Henry nang he ina lut leh chhuak hi hriat ka duh bawk ang" tiin K-a chu ka kalsawn pui “ Jas tunah chuan finfiahna kan la nei tha tawk lo " a tihchuan ka bu nghat ,ralkhat chu ka melh vang vang “ Kan hlawhchham thiang lo ,ka pa thlarau hian a dikna pho lang turin min au a ,ka chawlhsan theilo " ka tihchuan min kuah bet vat“ Ni e kan la chhui chhuak em em ang,mahse hmanhmawh suh hmanhmawh luatah hian chetsual palh a awl a nia,tunah chuan kan inthup hram hram a tha ber .







I unaunu hi kan ngaihven reng a ngai ang ,tunah rihchuan hahdam takin awm rawh,i lungngai hmel ka hmu duhlo ka tih kha ,ka nau hi hlim taka a awm ka duh ber titeh ka ril atam thil min ei pui rawh ,in ram pawh ka la hre chiang ve silo " a tihchuan nui hakin “ Tehreng e ka pu,kan ramah kan lo lawm a che ,helamah hian aw restaurant changkang tak ah ngei hian ei ang le " tiin ka kai ,mi chuan in ngaizawng emaw min ti ani ngei ang ,min melh hrek hrek hlawm mai,ni e tam tak hian min la hre reng tih ka hailo.








Governor nupui hlui ka ni miau a lawm, restaurant chhung kan luh chuan thutna tur lam min lo kawh hmuh vat ,Momo leh sanpiau chu ka chah a,K-a hian ala ei ngailo tih ka hria a ,ei chhin tir ka duh vang a ni pakhat ,an rawn chhawp rualin ” Ei chhin teh ,in lamah pawh Mizo chawhmeh hlir kan siam tawh dawn ania " ka tihchuan a bu ve nghat mai . “ Liandingpui " tih rawn ri hrawk avang chuan ka thil eitur chu ka tawp chawt , Nick tih chiang takin ka hria,ka hawi chhuah rualin thinrim hmel zet hian K-a lam chu a melh .









Chutah min rawn pan ta mai “ Enge i rawn tih dawn " ka lo tihmak ,min pawh thawh lawp avang chuan ka rak that ,engvanga Mizorama la awm reng nge a nih ang, Delhi ah a chhuk daih ka rin tawh men “ He naupang bulah hian i awm tam ta mah mah " tiin min kaih chhuah a tum,ka tang phat “ Nick Zochhuanmawi min thlah rawh. I duh duha i tihkual theihah min ngai suh " ka ti tuar, ka kut chu ka thing lawp bawk ,K-a chu ka bulah a rawn ding ,a hnungah min dah nghal.








“ In thiar fihlim rawh pu a ,i nupui hlui mai a nih hi a chungah thuneih tum suh" K-an a tihchuan Nick chu a nui deuh hawk. Mahse nuihzat vanga nui a nilo tih ka hrechiang lutuk,K-a hi a khawih ngei bawk ang ,ni e Nick hi governor anihna phenah hian thil tam tak ka hriatloh a inphum a ,thenkhat erawh ka hre ruai ruai,a ruka insual lam thiam tak a ni tihpawh ka hria ,K-a hi ka hlauhthawn pui bawk “ Eng maw i sawi kha? Nupui hlui maw ,kan la inthen reng reng hleinem,Liandingpui sap anga awm i tum ta sa sa .









Divorce paper ka sign hma chu kan inthenlo tih i hria ang chu tiraw ,nang naupang ka kawng lo dal suh" tiin K-a nghawngah chuan a tham sak ,K-a chuan ka hlauh ang ngei ngeiin a hnek nghal thuai,ka lo rak that Nick rawn dak chhuak leh hmelah chuan thil tha lo tak ka hmu ,K-a chu ahnek let sawk a ,an insual nghal buan buan,a upa zawk leh taksa lian zawk tih takah Nick chuan a bawh bet,dawr chhunga awm te chuan thelh pawh tum lo in hmuh nawm thlirin an thlir a ,video a lo cover tawk lah bo lo.











Tinge mi in tibuai hi hmuhnawm kan tih zawk tlat mai le , Nick chu ka pawt a chak nasa mai si keimah chauh chuan ka pawt hneh lo chiang hle “ Enge i hriat Zochhuanmawi duh tawk rawh " tiin ka au chul,K-a hmai vel chu a khem nuaih tawh“ Hepa hi maw keiaia i thlan chu" tiin a tho chhuak hram . K-a buaipui ka tum chu alamah min pawt dawrh,insum hmanlo in ahmaiah chuan ka benga ,ka ham bawk “ Ka nunah inrawlh tawh suh ka ti che a nilawm ni? Nang ang mi tenawm hi hnaih leh pawh ka duh tawh lo che .







Zochhuanmawi i ta anga min sawi hi bansan rawh. Englai mahin i ta ka ni ngai lo ang ,ka huat zia che hi hria la chuan hetiang hian i awm ngam hauh lo ang,kal bo rawh ka hmu duh lo che " tiin Kyle chu buaipui ka tum leh,mahse min manbet leh tlat “ Min zuilo a nih chuan a ai nasa in ka khawih ang" a tihchuan ka thinrim zual sauh “ Engvangin maw ka zui ang che ,nang mipa zahna chang hrelo hi ka zui lul lo ang che min hnaih suh,a tul chuan ka khing hreh dawn miah lo che ania.









Kan inthen tawh i hria em ,kan inthen tihluihna hmanga i mi vau beh theih ka ni tawh lo. I duh tawkin uireah min puh a nilawm ni? Uire chuan ka duh duh ka kawp ang, ka nunah lo buai suh,i nunah chauh khan buai zawk rawh " tiin ka au khum tawn tawn ,K-a chu kai tho in ka chhuah pui a ,Zochhuanmawia erawh restaurant chhungah chuan a la ding ngur ,tenawm lutuk. Carah chuan Kyle chu ka thut luh tir “ I tha tiraw " ka tihchuan nersawkin “ Insual ava thiam em em ve mawle ,training chhuak ang mai a ni .








Mipa tawh khirh tak a nih dawn kha,engtin nge i pasal a nih theih ni?" a ti hluk,a lungawi lo hle tih ka hriat avang chuan ka inthlahrung hle “ Tihpalh aw khatiang khan a che ang tih ka hre biklo,kan inneih lai chuan khatiang kha a ni ngailo hrim hrim,ka lo la hrechiang lo zawk a nihkha. Haw vat ang i hliam hi enkawl vat a ngai a nih hi" tiin hotel lam panin car chu ka khalh chhuak nghal ,kum hnih chhung lek pawhin khatiang khan a lo inthlak danglam thei amaw? Keihian pasal hlauhawm tak ka lo nei reng em ni.









Ka mitthlaah khawngaihna nei miahlo a Kyle a hnek lai kha a rawn lang,a thinrim mitsen rum kha uire anga min ngaih lai a mi bak kha tun hi ka hmuh lehna hmasa ber a ni. Kir leh turin min duh maw? Duh tak tak chu nise min ngen ang,mahse a ti dawn hauh silo,Zochhuanmawia ani miau a,engvang maha min ngen ka ring lo,Chamchanin min lo buaipui nghaal vat.


00f6125cdf997f4e5fccc5e640485835.jpg
00f6125cdf997f4e5fccc5e640485835.jpg (10.22 KiB) Viewed 4163 times

ZAWMNA ...






“ Awi enge atinge u Kyle chu a inhliam elo? " Chamchami chuan a lo tichul,sofa ah K chu kan thut tir a ,a ner sawk sawk mai “ Keimahin ka lo buai pui ang " Chamchamin a tih avang chuan ka room lamah inthlak turin ka luhsan ,an lo in hnial buai lo turah ka ngai . An inngeih thei silo ,mahse an inhaw leh chuang bawk silo hi enge a chhan pawh ka hre teh hrep lo,rin ang ngei ngeiin ka chhuah rualin an lo in vin leh pawng pawng tawh.








“ Dawh tha ve ta che ,insual i zir anilawm ni ? Hnek ve thuai thuai mai tur che a lawm,i nep sazu emai bialpa atan pawh i tlak dawn loh tawp hi " Chamchami chuan a lo tihlak hlak “ I hnehloh i tawn hunah i la hrethiam ve mai ang,insual zir kher hi an chak vek kher lo ,nangmah zawk hi phuba lak nan ka hnek thuai thuai mai ang che " K chuan a tihluk hluk,ka nuihza chu ka lo nui khur char char “ Min hnek la min hnek rawh,hmeichhia khing khing mipa ,pa an awm ngailo gay bak ,kha min hnek rawh mahse min hnekna lai zel ah hian damdawi i hnawih nghal zel dawn a nia.









Ka phal vek kan Kyle thinchhia an a ngam loh chalah chil a hnawm a,a chawh e hurei " Chamchami chuan tiin a nuih vak vak,“ Nang " tiin Kyle chuan a pawt lawp a ,sofa ah chuan a delh bet nghal “ Zirtir i ngai a nih hi,mipa zahna chang hrelo te si " tiin a delh bet,an inlen hlei ve bawk nen Chamchami chu a che thei der lo “ Engtia mi tih nge i tum? Hey,hmela awm sawn rawh ; u Jasmine ka au dawn a nia" a tichul,ka en reng tawh tih an hre lo chu ania ,ka nuih insumna lamah ka pum a na urh tawh. Ka nuih chhuah vaih chuan tun anga an awm hi ka hmu dawn silo.












“I duh leh au la ,nge keimahin ka auh sak dawn che ,room saw sound proof a ni tih i hria ang tiraw? A hre pha lo ang" tiin K-a chuan a fawp chawt,oh! Kha chu ka beisei loh lam daih,Chamchami tal vel chu a kut chuan a siam tha zung zung; ka nuih a za bawk si ka phone phawrhin thla ka laksak “ Min thlah rawh tenawm pa ,zaktheilo phiangsenpa ,I zaklo lutuk awi awi hmela " K-an a hnute a khawih avang chuan a au tuar “ Hnute pawh nei lian chuang lo,i engkim hi a te vek em ni ?" tiin Kyle chuan a nuihsawh,Chamchami thinrim tah tum chuan ka nuih a tiza tual tual.










Ka hmui ka hup ,ka hawi sawn zawk “ Hey tap ringawt suh. Shittt!! Hey i tahbelh lutuk aw " tiin Kyle chuan a pawm ,Chamchami lah a awmah tawmin duhtawkin a rak ,ka insum zo tawh lo chu ka nui chhuak tuar tuar; ka mittui a tla phung tawh. An rawn hawi rual thawt ” U.....Kyle hian ...Kyle hian...ka hnute a khawih ringawt a ,a te te a ti a nia aw " Chamchami chuan ka lam rawn pan pahin a ti a,a tap nasa mai si nuih reng na chi pawh a ni tawh lo ” Kyle hmeichhe duhlo chung an khawih lui ngai lo . An haw hlen mai ang che .









Nangpawh Chamcham mipa an ngam viau ngai lo,in pahnih hian ka neih chhun in ni tih hre reng ula; in tibuai tawh lo teh u,nang ni leh zel in in ngeih loh chuan ka tan hian ahrehawm a nia" ka ti dap dap ,an hrethiam aniang an ngawi kar ,Chamchami tap pawh a bang hmak “ K i hliam chu a la na viau em?" tiin ka pan hnai “ Na lo ve ,mahse i pasal hlui kha a kutthlak a na lutuk a nihkha ,upa zawk ve si " a ti leh bul bul,ka nuih hak keipawhin Nick mizia inthlak ta lutuk hi mak ka ti ,a hma kha chuan a thinrim viau pawhin tawng ka in a ching fel mai zel kha a nia.










Tunah chuan a kut a ram tawh takzet ,chaw eikham chuan keimahin ka chhuak a ,car kengchhuak lo in taxi pharin ka nute in lam ka pan, Julian ten an enthla renga thil thenkhat pawh hriat kan nei bawk,inchhungah chuan ka pen lut,ka rilru ah kum hnih hmalam kha a rawn lang leh zut zut,“ Nu " ka nu chaklo tih hriat tak leh eitur tha pawh eilo a Grace Lalnunhlimi bula lo thu leh Lalnunhlimi leh mipa pakhat in an lo hau chu thinrim zetin ka en “ Nang nu kha enge i rawn tih dawn " Lalnunhlimi chuan a rawn tinghal that









Be lo in ka nu lam chu ka pan,“ Nu" ka tihchuan min rawn enin “ Bawihte ka fanu " tiin ka nu chuan taksa chaklo tih hriat takin min rawn kuah,a tap bawk ka mittui ahnam sawk “ Ka nu hi eitur tha pawh i pe lo amaw? Duat taka enkawltu che chu hetiang khawp hian iti hrehawm a maw? Eng ang fa nge i nih,he in atang hian chhuak rawh " ka ti that ,a mipa zawk pawh chuan dawih du in min lo en ,kei erawh thinrim leh rilru na lutukin ka nu chu ka en “ Ka chhuaklo ang,ka in a nih hi " ka nui hak,ka ding chhuak nghal bawk “ Ka awm loh avang leh ka nu tana pe mai ka ni tih i hria ang tiraw .












Chuvang chuan a neitu tur dik tak ka rawn let tawha ,i awm a ngai ve tawh lo . Tin,i him rei dawn lo tih hria ang che ,tunah hian chhuak nghal rawh nge ni a ka guard te saw ka hnuhchhuah tir dawn che? Chhuak vat rawh " ka ti tuar “ Ka chhuak lo ang kalna tur ka nei hleinem" a rawn tihchuan a mipa awm pui chu en in “ He inah ilo cheng ve ta sa sa ,a ni hi hruai la chhuak rawh u " tiin ka en kar ,Lalnunhlimi au tuar tuar chu a hnuk chhuak a ,ka nu chu ka pan leh vat “ Bawihte min ngaidam rawh aw . I nu hian khawngaih pawh ka phulo,I pa lakah pawh ka inlan ngam tawh dawn em ni?.











Ka thih hunah i pa engtin nge ka hmachhawn ngam tawh ang,kan chhungkaw kima kan awmlai kha ka ngai ngawih ngawih a sin " tiin a tap ,ka pawm vat “ Nu ka dem miahlo che ania ,bul kan tan tha leh ang a ,ka pa pawhin van a tangin min lo en reng dawn tih ka hria ,ka pa hian a dem miahlo ang che ,a hmangaih che tih i hriat kha ,nu tirawh chaw ei rawh ,Julian" tiin ka au vak,reiloteah Juliana a rawn lang nghal “ Restaurant ah va kal la an eitur siam tui ber ber rawn hawn rawh" tiin pawisa ka pe a ,ka nu chu thutthlengah ka thut tir nghal vat.









A inthla hrung lutuk hmel leh nu hmeltha tak a nihna bo thak khawpa a cher te chuan ka lung a tichhia,Juliana a rawn thlen rualin ka nu chu ka eitir nghal zung zung,eitur tha a ei ngailoh vang nge a vaiin a ei zo vek ,ka phone phawrhin Kyle ka call a kan bungrua nena kan inlam pan tur a ka tihchuan a ham haih hmel viau mai ,mahse sawisel lo in an rawn kal tur thu a sawi a ,ka nu chu ka en vang vang “ Nu tunah chuan inthlahrun a ngai tawh lo a nia,ka nu i ni a i fanu hian induh khum tur che ka nilo,kha chen i hnute tuiin min chawmin min chawi lian a ,ka enkawl ve hun che a ni tawh ,tikhan lo awm lawk la tihtur tul ka nei a kan chhuak lawk a nge .











Ka nau te pahnih an lo kal dawn a ,ilo lawm thei ang tiraw nu?" ka tihchuan a bu nghat,a hmela inchhirna chuan hmana ka huatna te kha chu an hliah bo vek tawh. Ka nu a ni a ,damchhung pawhin a ni tluk ka hmu dawn chuang lo,pawn lamah chhuakin bazar lam ka pan,zanah pawh khawlai a bengchhen lohna a awm chuang lo ,thawmhnaw dawrah lutin ka nu hak tur ka en kual dan dan,ka duhzawng ho chu ka la mawlh mawlh. An pack fel hnu ah chuan taxi ka chang a ,a vang phian leh nghal ,kawng chep bawk nen ka thil lei nen chuan ka kal thei hauh lo ang,tun ang laiah rukruk hrehlo an tam tawh bawk si.










Chutia ka lo din reng lai chuan ka sirah mipa lian zet a rawn ding a ,ka en nghal vat “ Ka lo thlah ang che " Nick chu enin ka ner sawk “ Ka duhlo" ka sawi zo hmanlo ka thil lei chu khaiin a kalsawn nal nal“ Hey Zochhuanmawi enge i hriat ka thil kha min pe rawh " ka thusawi hrelo ang hmakin footpath ah chuan a kal hmawk hmawk a ngal sei zet chuan a pen pawk pawk ,ka umzui lo thei silo “ Keimah pawhin ka haw thei khawi min pe rawh ka tihchu" a kawr hnungah ka pawh a vang chuan a ding chut ,ka lamah a rawn in her “ Ka thlah ang che ka tihkha ,tunang ah misual an tam tawh. I tan a himlo " a tihchuan ka nui hak.










“ I bula ka awm hian ka himin i ngai a maw ,enteh ka thil lei kha min pe la taxi in ka haw ve thei " ka tihchuan a car hawn pahin a dah lut ,keichu ka kutah rawn vuanin a hmalam seat ah chuan min thut tirin a mah pawh a rawn lut ,chhuah leh ngaihna awm lo in a lock vek bawk si “ Hawng nghal rawh " tiin ka sawi vak vak,min chhang lo in car chu a tinunga a tlanchhuak zui “ Inbiak kan ngai " a tihchuan melh karin “ Nang nena inbiakna tur kan neih awm ka hrelo,eng vanga Delhi lama chhuk lo nge i nih " ka tihchuan min chhang lo .









“ Zochhuanmawi ka biak che chu" ka tileh tuar,ka thusawi hrelo ang maia a awmkualte chuan min ti thinrim zual “ A hunah i hre mai ang ,Duatte " ka hming huat ber leh ka theihnghilh theihloh aw ka hriatna chuan min ti thinrim zual “ Kha hming khan min ko tawh suh,ding rawh. Ka chhuak duh " ka tileh chiam,ka thinrim em em laiin a rawn zai ,ka ngawi hmak “ Samang inthen leh tur hian in THLAWI NO 2 ka lo ni a ,lengdang pawm leh hian ka mawilo "C. Zara hla chu a rawn sa , ka hawisawn hmak,ka thinrimn leh ka nuihzatna chu a inzat rengin ka ring.






I nuna lo lut leh tur in ka tlai tawh tiraw ?" a rawn tihchuan ka kut ka hum ruh vak“Dawhtheihna nena ka en lai che khan min chelh la tun hun hi kan thleng ngailo ang Nick" tiin ka natna nen chuan ka sawi chhuak,ka thei ang timah ila a bula ka awm hian ka la theihnghilh lohzia ka hrechhuak nawn awn awn ,Ka kut a rawn vuan a “ Duatte ka tihsual kha ngaihdam tlak a nilo tih ka hria ,mahse ka chan theilo che . Nang ka neih theih nan che chuan engpawh ka ti mai ang" nghet charh leh tum ruh tak hian a rawn ti leh a .









“Tum buai duh tawh suh,Nick ka dil che a ka ngen hial bawk che a nihkha ,mahse min ngaithla duh lo kei nilo in......kha Grace ngei kha i lampui a ,min ngaihtuah lo hrim hrim a nihkha,ka natzia i hrelo " tiin ka mittui rawn tla tur chu khap kir tumin ka khap sak sak ,nunhlui bawk a rawn lang leh uire ti a puh ka nihlaia ka malzia te kha ka ngaihtuah chhuah leh hian ka na ngawih ngawih.“Duatte ka tihsual chu ka pawm a lawm,he mipa hian chance vawikhat tal a phu miahlo amaw?" tiin min rawn en zawkin a car khalh lai chu a en leh nghal.








Kawng sir eng phe zeuh zeuh chu enin mipui vakchhuak ho chu street light chuah a chhun leh ralh thin “Lung pawh a keh tawh chuan a zawm khawm leh theih tawhloh" tihmakin ka hmalam ka en,a thaw hrawk ri chu ka hria ,ka en duhlo ,car a tihdin chuan ka harh chhuak chiah “ Khawiah nge min hruai hi " tiin Zochhuanmawia chu ka en a ,mahse in ka hmuh avang chuan ka tawnglai ka tawp dat . Kan pahnih a kan intur atihna hmun ngeiah khan a ni. A chahbi pawh ka la awrh,mak ka tih lehzualna turin inbul chu Jasmine vekin a hual chhuak.









“ Engtin nge heng hi i tih" ka ti that, Delhi a ka pangpar Saintpaulia ionnatha ngei ka hmuhte chuan min ti lungchhe zual,ka mittui a luang ngiai ngiai , muangchangin ka pan chhet chhet,enkawl ngun an ni tih hriat takin an tha hle. Ka khawih neuh neuh “Duatte i thi emaw ka tihlaia ka natna te pawh kha i tuar ai chuan an la nep tih ka hria ,mahse i tello in ka awm theilo " ka hnung lam atangin min rawn kuah,ka chhuah mai hlauin min kuah nghet hle bawk,ka tal chu rum hawk hian “Reilote chiah ka Lalnu ,reilote ka kuah che rem tirawh.








Hei chiah" tiin a lam hawi zawnga min kuai herin nghet em em in min kuah leh . Ka kalbo a hlau emaw tihtur khawpin min kuah nghet,hahdam ta ang mai hian a thaw ham ham ,“Mumang inilo a tak ngei i ni" tiin a phun leh sup ,ka nem leh mai hlauin ka nemsawn “Min thlah haw tawh rawh. A nih loh chuan keimahin ka haw mai ang " ka tihchuan ngawi rengin min melh tlawk tlawk,a mita min thlak hlelhna lang ka hmuh chuan nêm leh mai lo turin ka infuih mawlh mawlh ,ni e ka natna tawrh ang kha tawrh nawn leh ka duh tawh lo .









Kha ka nunhlui kha chu an la liam ve mai dawn a lawm ,a ni tello pawh hian hmalam ka panleh thei em em ang,tawng tawhlo in a car lam chu kan pan dun a ,Kan tlanchhuah hnu thlengin kan inbe tawhlo “Kan inlam pan rawh " ka tihchuan min rawn en vut,kei erawhin pawnlam thim lai chu ka melh leh thin; inchhung ka luhchun ka nu leh Chamchami chuan min lo buaipui,an lo inkawm nel hman a ni ngei ang. Ka nu in a thawmhnaw tur vek ka lei tih a hmuh chuan phawk zetin min rawn en ,ka lo nuih ringawt ,mutura an luh vek hnu ah ka room ni thin lam chu muangchangin ka pan










Engkim chu anlo la ngai vek,Lalnunhlimi khan a khawih danglam hmanlo a ni ngei ang ,“ Engkim chu an la ngai a ,kei ka danglam ta thung. Muturin ka khumah chuan ka lawn, Nick awmdan ngaihtuahin ka thaw ham ham,a hmel mawlh kha ka mitthla atangin a reh theilo.