THE PROTECTOR (S1)BY MAWITEI BAWITLUNG (Completed)

[mawitei bawihtlung]

THE PROTECTOR






CHAPTER 10






“ Bawihte i ril a tam lo vem ni?" ka nu chuan ka room pawn atangin a rawn ti a ,min ngaihtuah tih ka hria, mahse min ngaihtuah miahlo va an mualphona tur hlau va an thil tih avang hian ka lawm theilo “Tamlo ka mu duh " tiin ka chhang ve mai,Zorammawia ka ngai vawng vawng,khumah chuan mu thla in a tello va zan hmasa ber chu mutthilh luih tumin ka mit ka chhing,mahse a chhuak mawlh silo.








Ka in ngaihtuaha ka rilru a hah tawlh tawlh ,zingah chuan peihlo zetin ka tho chhuak,ka pa chuan min lo ko nghal vat “ Vawiinah Muantea te an rawn leng anga inneih ni sawn hmat kan tum dawn nia " a rawn tihchuan ka inhum ruh “ Pa in ti mah mah a ni,kha inneihna kha ka pawm tih chu ka hria ,mahse ka mipa hmangaihin min hmangaih velo emaw ka tih vang a ni,tunah chuan min hmangaih ve tawh a . Palai lo tirh a tum ve mek a sin ,pa min hrethiam ve teh u .









Keimahin u Muanawma chu ka be mai ang ,pa khawngaih in Zorammawia hi ka kalsan theilo,rawn kal mahse inneihna ka rem ti dawn lo " ka hmai chu a ri sawk,ka nu chuan ka pa chu a rawn dang. Ka hmai dawmin ka inseh ruh nghek “ Ka fanu i ni a ,ka thu chu i zawm mai tur a ni,nangmah avanga khawtlangin min sel pawh ka duh heklo,I pa Rama te pawh ka be tawh,an fapa chu an lo be ve mai ang,a fapai tu midang nei reng chunga nangin a i neih ka rem tilo " a rawn ti leh hrawk .









Chutianga finfiahna awm silo va Zorammawia a puh ringawt chu ka duhlo hle “ A fa ngei tih pawh in chiang em ni? Thla engzat mi nge a nih nen lam tin Zorammawia hian bialnu a nei thin tihchu ka hria ,mahse tu hmeichhia mah a la mutpui lo " ka ti ve that,ni e kan mutdun khan engkim min hrilh vek tawh . Angeli tak ngial pawh kha ala mutpui loh thu nen lam,infawh leh thlen thui deuh chang chu an nei tiin min hrilh tawh,ka ring thlap bawk “ I va hre chiang awm ve ,nanga kum 8 chhung awm bo chhung khan tu tu nge a kawp i hria em ni?









I tana tha tur chu kan hria,thian angin in en reng zawk ula a tha zawk,Muanawma chu i nei khawp ang " a tihleh chuan thinrim lutukin ka room lamah lutin kawngka ka khar thuai,ka tap nghal hlawp hlawp . Chaw eilai te chuan ka be lo hrim hrim,tlem barin ka kham zui a ,inchei buai ka tumlo ,u Muanawma te chu an rawn leng ta ngei a. An sual ka ti hauhlo,ka chungah ngat phei chuan an fel zia ka hria ,a nu leh pa pawhin min duat. Mahse rilru dang ka pu tlat tawh si, thu an sawi lai te chuan ka ngawi reng “ Bawihi i pindanah lo va inkawm rawh u " ka pa chuan a rawn ti dam dap.









Ka chhang lo,u Muanawma biak ka duh vang hrim hrimin room lam chu ka pan,a ni pawhin min rawn pan vat,a hmel upat ve hmel tawh leh la tha tak chu Zorammawia awm lo se chuan keipawhin ka vei ngawih ngawih tur khawpa tha a ni . Mahse hmangaih ka lo nei tawh a ,thlak leh mai theih lah a ni heklo “Chhante " ka kut chu a rawn hum,ka lo thaw ham ham thung “ U Muanawm he in neihna hi kan thulh mai thei lovem ni ?" tiin ka ngen ta tawp . Ka tah a chhuak tun bawk “ Ka hmangaih che tih i hria tiraw? I hlimna ka duh bawk a " a rawn tihchuan ka lu ka bu nghat.









Kan in kawp chhung khan sawiselna tur ka hrelo,min ngaihsak hle bawk . Duh chu nise nupui tur hmu lutuk tur chu a ni,a fel a a hmeltha a ,a mah a inchawm zo bawk ,tunah phei chuan college professor ah a tang tawh tih ka hria . Mipa pian thiam leh sang tak pawh a ni,mahse ka tan chuan Zorammawia chiah an la awm “ Anihchuan min kal tir rawh ,u Muanawm keimah avanga i tawrhna ka hria ,mahse ka thinlung hi mipa dang tan ka hlan tawh a ,ka phatsan thei biklo a ni. A ni chuan min lo nghak ve reng a sin" ka tisep.








Mipa fel tak a ni a ,thinrim in min la be ngailova keipawhin thinrima biak chu hrehawm ka ti thin. “ Anih a ni chuan keiai a hmangaih takzet che maw" beidawng aw zeta a rawn tihchuan ka hawisawn ,ka chhang theilo ni e hmangaihtu ve ve ka nei a ,mahse tu min hmangaihna nge nasa zawk tih sawi thei tur khawpa hmangaihna awmzia leh thukzia sawi fiah thei tur khawpa finna leh hriat na ka nei silo “ Maw Chhante ani chuan keiai a nasa in a hmangaih che in a tina ngai miah lovang che tih sawi la .








Chu thil ka hmuha ka fiah hunah chauh a ni tan chuan ka phal ang che " a rawn tileh “ Nang chuan hmeichhia ka ni tih hre sa in min hmangaih,i hmangaih naah i chiang bawk. Mahse ka lakah i lungawi loh hunah chu hmangaihna chu huatna in a inthlak thei ,Zorammawia erawh in tette atangin min hmangaih a ,a thian leh a unaunu ka nih kawp bawk. Mahse tu hmangaihna zawk nge nasa tih sawi fiah turin in rilru ka hre thei lo,nang chuan keimah ka nihna angin min hmangaih a.







Ani erawhin nat leh hrehawmna min pe chung siin a mah min hmangaih tir ,ka sawi awmzia chu maw pakhat in dawhtheihna nen min hmangaih a ,pakhat erawhin venhim huamin min hmangaih thung,tu hmangaihna zawk nge ka pawm dawn ka hrethiam lova,ka thinlung hian duhthlan nei sa lo se chuan nang hi ka thlang ngei ang che . Mahse he lungphu hian a awmna tur hmun a zawng hmu tawh a ,chu hmun atanga pengchhuak leh tur chuan a har mah mah tawh a ni " tiin ka mit ka chhing vang vang .









Ka kut a rawn vuan “ Min hrethiam rawh ka chan thei bik lo che ,Chhante ka hmangaih hi chan ka duh biklo " a tihchuan ka haw lutuk chuan ka kut ka la sawn “ Ka nei duh lo che " ka tituar ,room pawn lam atang chuan ka nute ho chuan min rawn au nghal “ Min chhuahsan rih rawh u,tumah ka hmu duh lo cheu" ka hmuia a rawn fawh a vang chuan ka namsawn dawrh “ Min chhuahsan nghal rawh " tiin ka nam nawk nawk ,a chhuah rual chuan “ A chau deuh a ,kan haw phawt ange a ranglama inneih chu keipawh ka duh dan a ni e .









Khuta a chhuh dawn khan lo dang tur hi ka nia ,ka tello in a awm rei lutuk a a dang deuh a nih hi . Mahse kan inneih hunah chuan a reh thuai ang " tiin an haw zui,ka pa rawn lut chuan min beng leh thuai “ Min tizak zozai lutuk,fanu lepchiah tak hi engtin nge ka neih theih che" thinrim aw khur dar dar in a rawn ti, ka biang dawmin ka mittui tla chu ka nuai “ Tinge keiang fanu chu in lo hrin duh,ka tetlai khan min lo thih tir daih mai tur cheu a lawm,tinge in fanu hi in hriat thiam duh miahloh .









Mi pawhin an duhloh chuan inneihna chu an sut leh thiang a nilawm ni,in hmingthatnan chauh maw in fanu hi min lo hrin,hmangaih ka nei ve thei tih te hre ta cheu" ka tap hlawp hlawp,ka khumah chuan mu in ka lu ka khup,Zorammawia a rawn haw hman lo vang tih ka hlau . Tlai chaw pawh ka ei duh leh talo,ka nu in min biak a tumna pawh kawngka kalh in ear phone ka ngaihthlak san,ka mipa hmangaih lah biak tlang theih an nilo va ,duh duh hunah phone khawih theih a ni miau silo .








A thlalak chu ka en “ Superman i hmeichhia hi i tlai hma hian rawn hruai chhuak rawh, ka ngai lutuk che " tiin ka mittui luang ngiai ngiai chungin ka be sep sep,u Muanawma message min rawn thawn thin zawng zawng te chu ka en ngailo,thla hial a liam a karleh maiah kan in nei tawh dawn bawk ,Dampuii mo thiana tang turin ka nuten an lo be fel vek tawh . Zorammawia nen kan mut dun thu erawh sawi ka tumlo,an hriat kher ngai ka ti heklo,ka duh lo chung mokawr kan en a ,u Muanawma chuan min be reng ka chhang lemlo.









Dampuii nen chuan an in be mawlh mawlh reng ringawt . Mokawr nalh zet chu ka hak turin an thlang a ,phurna reng reng ka nei chuang lo,Dampuii nen a fala kan awm rualin “ Din tinge i hlim lo riauin ka hria,inneihna hi i thu a ni chiah em " a tihchuan insum zolo in ka tap a ,engkim ka hrilh vek “ An va timak ve ,engpawh chu nise Zoa chu a lo haw beisei phawt ang,inlam ka tang tlat dawn a nia " a tihchuan ka lung a tichhe zual “ Naute pai mai thei dinhmunah ka ding a" ka tihchuan mak ti lutukin min en “ Kan chesual tawh,mahse tumah ka hrilh ngam lo a chhan chu ka nu leh pa hian kut min thlak leh duh mai ang.










A theih chhung chu zep ka duh " ka tihchuan min kuah vang vang“ I vah chhuah lah an phal silo va ,Zoa chu lo biak dan ka ngaihtuah ang . Nau i pai phei chuan a hriat ngei a ngai dawn bawj" a tihchuan ka bu nghat. Ka phone ri a vang chuan kan in en dun,Zorammawia hming ka hmuh rualin rang zetin ka la nghal “ Superman " tah aw tiauin ka ti,a rawn rum hawk chu ka hria “ Khawiah nge i awm, ka nu te thusawi hi a dik em" a tihchuan ka tap nasa bawk nen ka chhang theilo ,Dampuii chuan phone chu la in thil awmzia asawi zung zung .






An dah hnu chuan “ A rawn thleng chiaha ,hetah a rawn phei nghal dawn a nihchu " a tihchuan ka bu nghat,ka nu leh pa an awm loh lai a ni hlauh chu ka vanneihna a ni. Ka vah chhuah mai mai an phallo bawk nen inah ka awm deuh reng ,kawngka a rawn ri a ,ka pan nghal vat . Zorammawia hmel ka hmuh rualin inhnit leh hlawp hlawpin a awmah ka bei thlawp “ Tinge ilo haw har em em,mawh engvanga biak theih miahlo a awm nge i nih" zawhna ka zawt nghal mawlh mawlh.







Nghet zeta min pawmin inchhungah chuan min luhpui nghal “ Ka va haw a nge tikhan lo in be rawh u,in inhmu thei hlauh chu a lawmawm e " Dampuii chuan a lo tinghal zung zung. Keini pawhin kan hnial lemlo,kan in hmu ve chauh a ni si a ,Dampuii haw hnu chuan khumah min mutpui a ,a taksa chungah bawkin mittui luang chungin kan thil tawn chu ka sawi melh melh “ Tinge ka pa hi heti taka a sual tak mai le ? Kan naupan tet atanga kan bula awm an si a " ka tihchuan min kuah nghet sauh.









“ Thil an hriat sual vang a ni ngei ang " a tihchuan tho kangin ka en “ I fa pai anga insawi an awm a ,chuvang chu a ni pakhat " ka thusawi avang chuan mak ti lutukin min rawn en “ Tu hmeichhia mah in ka fa an pai lovang nge ,chu nu chu tunge ka hre duh " a tihchuan a kut hum ruh chu ka hum hnan vang vang “ Ka hrelo ,Angeli i then hnu a mi an tia,mahse ka ring che a lawm Superman" tiin a awmah bawk chuan ka bei let ,ka hmuiah rawn fawp in a uar leh tawh hle ,thawk leh khatah kawngka a rawn inhawng thuai,ka pa thinrim hmel ka hmu zui nghal bawk .








Zorammawia chu a rawn hmuh rualin alak atangin min pawt hla dawrh “ Chhuak rawh u,in lo inhmu ru ngam ve amaw" ka pa chuan tiin Zorammawia chu a melh ngar “ Ka fapa anga ka en vang che in ka ngaidam ang che ,tun a chinah Lalchhanhimi bul hnaiah awm leh tawh suh " thupe tak in a tizui nghal “ Engvangin i fanu tan hian enge ka tlinlohna ka pa " a tihchuan ka lo mitmei ,ka pa hi a danglam tawh lutuk tih a hre lo te pawh a niang “ Ngawi hmak rawh ,ka fanu hian a nei ngai lo vang che ,i pa nena thian kan nih avang chauh in ka dawh che a nih hi " ka pa chuan a ti.









Tal chhuah tumin ka che fat fat “ Lalchhanhim lo che sek suh " a tihchuan ka tal lui zel “ Pa a bulah ka awm duh" ka hmai a ri leh sawk “ Nang " tiin Zorammawia chuan ka pa nghawngah chuan a rawn rek “ I fanu ngei kut i thlak a maw" tiin ka pa chu a vin hrawk “ Superman thlah rawh " ka pa a thinrim zual dawn tih ka hailo “Nilo e a fanu i ni tihchu ka hria ,mahse hetianga kut a thlak che hu ka duhlo " thinrim takin a tihrawk,ka pa tar lam tawh leh a ni sipai exer la thang tha chak chu an in khan lo nasa si.








Chutia kan thawm ri ta vak chu nu Dintei leh pa Rama chu an rawn phei ve ,Zorammawia chu an pawtsawn vat “ Ka sawi tawh kha ka fanu hi i neih ka remti ngai dawn lo ,in hmu bawk heklo vang" ka pa chuan a tileh vak ,nu Dintei hmela natna chu ka hmuh hmaih lo “ Faka hetiang tak hian animaw kan chhungkua min lo iai a " a rawn ti ve ta fak,ka nu in lo biak a tum chu a duh bik lo “ Kan chhungkaw inthianna hi tawp rawh se ,Zorammawi rawn kal rawh. Duhlo tu che fanu hnaih reng pawh a ngai lo " nu Dintei bawk chuan a tileh,ka pa chu a ngawi reng.








Chutia kan chhungkaw hnih in hmelmak chu ka duhlo takzet ,Zorammawia a nu in kai a kalsawn pui a tum chu panin Zorammawia chu ka kuah bet tlat ,ani pawhin min pawm bet bawk “ Inthlah rawh u,Chhani thlah rawh. I pa in kan chhungkua min iai zia a tilang tawh a ,kan fapa hi hmu zolo a ni biklo ,nangin lo zar buai lo phei la chuan tunah pawh hian nupui a nei daih tawh ang. Nang pawh pasal dang neih i pawm avang a nilawm ni hetianga in awm ,thlah rawh " nu Dintei chuan a rawn ti fak.








Ka lu ka thing nawk nawk “ Ka nu ka kalsan dawn lo " Zorammawia chuan tihrawkin min pawm nghet sauh“ Lalchhanhim thlah rawh ,i nu leh i pa hi kan zak zozai tawh lutuk " ka pa chuan min pawhsawn tum pahin a rawn ti,Zorammawia chuan a lo namsawn dawrh “ Pa ka duhlo,kan awm dun phal hram rawh u" tap chungin ka ti,mahse an ngaithla lo,Zorammawia chu a pa chuan a rawn bia“ Thlah rawh,i nu leh pa rilru na hi i hmu duh lo a nihchuan thlah rawh . I nu leh pa hian kan tuithlar hma che in thlah rawh " pa Rama chuan a vawikhat nan a rawn ti ve ta .








Chutiang em em chu ka duhlo,keimah chuan ka thlah riai riai “ Kan awmdun in phal ngang lo vem ni? Nu pa ,in fanu hian a hmangaih bulah awm a chak a ,Chu chu in rem ti lo a maw ? Tinge in rem tihloh,ka hmaah hian ka hmangaih chu a awm a ,chupawh chu ka hnaih in phallo a maw " ka lu a rawn hai,ka khawhmuh a thim nghal vek . Ka harh leh chuan ka khumah ka lo mu a ,khua a thim vek tawh bawk insut hraih thawm ka hriat chuan ka khum sir lam chu ka melh vat .









Ka nu chuan a hmai hupin a lo tap fap fap a,“ Nu " ka tihchuan a rawn hawi vat. “ Nu nang chuan min hrethiam tiraw " ka mittui chu a luang leh nghal . A lu bu nghatin min rawn kuah “ Bawihte i pa hi ka hrethiam tawh biklo,Dintei te pawh thinrim takin an chhuak ta a nihkha ,tunah chuan kan chhungkhat anga kan lo en thin chu min haw tu ah kan chhuah zo ta a nihkha " a tihchuan ka kuah nghet sauh “ Nu ka tihpalh aw keimah vang vek a ni ,mahse maw nu kan hmangaih tur hi kan duha kan thlan theih an ni silo.









Ka thinlung hian ani kha ala nghak ngar ngar a ,mahse ka nghak chhuak ta chenga ka kiangah a awm ve leh thei chuan lo . Nu ana lutuk ,ana takzet "tap hawm hawm chungin ka nu chu ka kuah,Ani pawhin min tahpui bawk . “Nu a kiangah ka awm duh,nu a tello in ka awm duhlo . Zorammawia ta lo ka ni duhlo nu " ka nu chuan ka hnungah chuan a beng thek thek a. Min hau ve thin mahse nu te hi chuan fa te natna an hria a,thisen chhuaka an hrin an fate an nihna angin nu hmangaihna hi a ropui zawk an tifo thin.








Ni e nu hmangaihna chu a ropui asin pa ten an hmuh phakloh an fate natna hmu thei tu an ni miau a, pa ten min chawma nu chuan engkim min zirtir in min uap lum thung . Nu hmangaihna hi chu a lo thuk em a “Zova pawh a duhlo chungin a haw ta a nihkha" a tihchuan ka kut ka hum ruh “ Ka pa hi ka hua a ni,ka haw lutuk nu pasal chu ka nei theilo vang " ka tihchuan ka nu pawh in min khawngaih hmel zetin min en ” Ka va chhuak phawt ange,i pa a lo lungawi lo ang " tiin a chhuak zui .








Ka phone ka phawrh,Zorammawia chu ka call nghal ,ala thei miahlo . Beidawng zetin ka dah,zan rei lamah chuan ka phone ah thlalak ka dawng nawlh,ka en chu Zorammawia leh Hmeichhe pakhat in kuah lai a ni “ Tunge i nih?" ka tihchu a rawn chhanglo,Zorammawia chu ka call ngat ngat ,ala la thei chuanglo “ Superman ka ring che a nia ,henu hi i bialnu a ni lovang tiraw " tiin ka phun sep sep








Ka pa tihdan avang khan a lungawi lovin min kalsan a tum ta em ni ang ,ka tap leh ta . Engtianga rei nge ka tah la ngai dawn le ,theihse he khawvel atanga bo vang vang hi ka chak a ni. Keimah chauha ka awm theihna khawvelah awm ka chak,he khawvel hrehawm lutuk hi awm reng ka thei tawhin ka ringlo. Nge ni a mi dawihzep te tih thin dan angin ka nunna hi ka ti tawp zawk dawn .







Ka nunna hi la ta ila ka nun a nuam zawk a ngem le ? Zorammawia nena kan awm dun theih chuan loh chuan ka tan dam reng hian enge awmzia a neih chuan ang ,tho chhuakin tukverhah ka dak chhuak,an in lam chu ka thlir reng,a room chu a eng kalh, a awm a nihchuan tinge ka call a lak loh le “ Superman min hlat leh dawn ta mai em ni? Kei min neih hi i duh tak tak biklo ang tiraw,a chhan chu hmeichhe lepchiah ber ka ni si a ..






Naktukah hian tho tur awm tawh lo ta ila ui tu ka la nei ve angem,thawk la tur awm tawh lo ila tah tu ka nei angem. Tap chungin leihnuaiah zal ta ila hmangaih tu nu leh pa ka nei let leh a ngem? Mahse ka ring silo,keichu hetiang mai mai a thamral tur hi ka ni ang tiraw .





I chhungril mawina chu lo par chhuak sela,mahse kumkhua a daih ring suh,i nunah mi pakhat a rawn lan rual rualin chu i mawina chu dinhmun derthawngah a ding tih hria ang che . Thlak danglam thei tur khawp che in a zûn a na si.

[mawitei bawihtlung]

THE PROTECTOR






CHAPTER 11






An in zawnah chuan ka ding vang vang,ka nu leh pa hmuh loh turin ka chhuak ru a ,hmuh ngei ka duh,ka scooty chahbi keng in an inchhungah chuan ka lut chhat chhat “ Bawihte " nu Dintei chuan min lo en vang vang “ Nu Zoa a awm em ?" tiin ka zawt ka zawh zawh rual rualin hmeichhe nui ri ka hria ,ka hawi phei Zorammawia chu hmeichhe pakhat hian a hnunga in puak tirin an lo nuih vel a nihchu ,kei na taka ka awm laiin hmeichhe dang alo awmpui leh thei bik a .









Tinge ka lo rin leh mai le “ Naute " ka mittui luang zung zung nen chuan ka tlan chhuak ,ka tap pah hawm hawm ka scooty chu tinungin ka tlan chhuak “ Naute ding rawh " ka hnungah a bike nen min rawn um zui nghal ,kawng tetna laiah tlan lutin ramhnuai lam ka pan,dil pan chuan a kham lam panin ka tlan zel . Dam chakna ka nei tawh lo,tunah tak hi chuan mahni nunna la thinte rilru lo awmdan tur ka hre chiah,kawng awm tawhlo kal chhuah ngaihna awm tawhlo dinhmuna din meuh chuan nun reng hi a lo thlakhlelh awm loh em a ni .









Kham sang lutuk lo atang chuan tla thla in ka hnuai tui tling pum ah chuan ka inhnim bawrh,ka mit hmuh chu a thim riai riai,ka thawk thlengin ka thlah tih ka hailo .



Ka tihsual palh avanga tuar dun kan ni tih ka hailo va ,mahsela ka tihsual chu siam that a nih hnu ah pawh enga tinge ka ta inih theih chuan miahloh le ,Superman kan tan hian khuanu hi a nunrawng mah mah nge keini hi tuar tur ve renga ruat kan ni zawk. Ka natna hi ka in nghahna neih chhun te ka nu leh pa tan nuihna a ni a ,hriatthiampui lo tu pa ka nei hi ka vanduai na tur ve reng em ni. Ka nu ,ka pa in fanu hian hmangaih a tawng ve tawh a ,mahse chu pawh chu ka tan in phal silo,phur taka in hmangaih hi tu tan pawh a theih vek a ,mahse mawlmang taka awm tur chuan a taktaka in hmangaih a ngai,Ani nen erawh mittui nena in hmangaih a ngai thung.






Ka taksa tal hi chuan duat hlawh ve rawh se aw


ZORAMMAWIA POV......








Ka bike chu tidingin hmanhmawh zetin tuiah chuan ka zuang thla ve nghal,ka hlauthawng lutuk chuan engmah min ngaihtuah tir theilo. Nautei awm ang chu ka zawng kual a ,ka hmu theilo lehnghal . Ka hleuh kual ngial pawhin ka hmu theilo,tinge khatianga ka cousin ka awm pui lai alo hmuh kher le ,sawifiah nan hun a awm tawh der silo ,ka rilru chuan ka au kual,a tawpah dil mawnga a awm chu hmu in ka pawm chhuak nghal,dil kamah chuan ka hnuk chhuak a ,ka nu leh pa te bakah a nu leh pa ngei pawh an rawn lang.








“ Bawihte " nu Teremi chuan rawn tlan pheiin a tap nghal rawih rawih “ Naute" a lung a phu tawh hauhlo,a awmah chuan ka nem vak vak “ Naute harh rawh,Lalchhanhim harh ta che " tiin ka nem,a ka ah chuan ka ham pah bawk “ Bawihte i nu leh pa te hian kan lo va tisual tak em ,kan fanu neih chhun hi dam chakna nei tawh lo khawpin maw kan lo siam che . Min ngaidam rawh aw ,i nu hian i duhzawng tihsak tur che in ka huaisen tawk lo a ni bawihte ka fanu i nu hi min kalsan mai dawn em ni" nautei engmah hre tawh lo chu a au .









Keipawh ka bang heklo,ka biangah mittui a lum thla pap pap “ Ka naute ,ka hmangaih " a taksa vawt ngiak chu ka pawm “ Lalchhanhim rawn harh rawh " ka tap chhuak ta hawk hawk “ Min kalsan suh,na i tawrh laia ka awmdan khan a tina che tih ka hailo a sin,naute mipa pawh ka nilo . Engtin nge nangin hrehawm i tawrh laia ka lo ngaihsak loh che le ,i rual tala ka kal phal rawh naute,kan pahnih in hmun nuam deuhah awm i chaklo em ni? Kan pahnih a awm dun phallo tute kalsan hian kan awm dawn lo vem ni,Lalchhanhim ka kal tir theilo che lo kir rawh" ka mittui chuan a biang a far .









A kut chu humin ka pawm nghet sauh “ Lo harh la ,kan pahnihin kal bo ang aw,tumah kan inkarah an inrawlh ka phal tawh lovang a ,i kiangah ka awm reng tawh ang . Naute i tello in ka awm theilo tih i hriat kha lo harh rawh " ka kuah nghet sauh “ Engang pawhin kan awm tlan rem ti lo mahse ka kianga i awm theih nan ka nunna hial pawh chan huamin ka chelh tawh ang che . Chuvang chuan lo harh rawh" ka thusawi zawng te chuan thinrim rilru na zet in ka mit ka chhing.









“ Ka hmangaih lo kir leh rawh " tiin ka au chhuak thawt ,a tet lai ka kianga a awm lai a infiam dan zawng zawngte ka ngaihtuah let,tun hun thlengin ka nuna a lo pawimawh zia ka hrechiang leh zual,a rawn khuh bawrh bawrh a ,rang zetin ka en nghal “ Naute min hre thei em" a mit a rawn meng siar siar “ Superman" a hmun phun sapin a mit a chhing lehnghal “ Damdawiinah " tiin ka pawm kang nawlh,ka nute car rawn ken lamah chuan ka phei pui nghal hlawk hlawk .









Kalkawngah te chuan ngaihdam min dil mawlh mawlh hlawm,ka be let lem lo . Nautei dinhmun a that hma chu ka be heklo vang,ka thiante pahnih phone in thil awmzia ka hrilha ka bike leh nautei scooty la chhuak turin ka hrilh nghal,an tih tur thu an sawi rual chuan phone dahin chak zetin damdawi in lam pan chuan ka tlan leh nghal,a thawhna Greenwood hospital ah chuan kan indah lut a an lo buaipui nghal zung zung, ka kalsan duh lova ,a kut vuanin ka lo awm ve reng.








“ I nupui em ni " doctor pa chu ka en “ Ni tep" ka tihchuan anui deuh suk a “ In tlai deuh hle mai,hei ai rawn tlai ula chuan a naupai mai bakah a nu ngei pawh in chan dawn a nih hi " a thusawi chuan min thawng hle “ Eng maw naute maw ?" ka nu leh a nu pawh chuan an rawn tive bawk “ Ni e naute thlakhat mi a pai mek a nih hi ,engtin nge in hriat loh theih,amah lah doctor ve tho ani si a " chupa chu ka en ngar ,nautei hian a hria nge a hrelo ka hre hauhlo ,a zep pawh a nimai thei bawk .










A kut chu ka hum nghet sauh va ,ka fawp vang vang,ka fa a pai tih ka hailo, kan mutdun hmasak ber ka ngaihtuah a ,a in awm tawk chiah bawk “ Bawiha engtin" ka nu chuan a rawn tisap. An ni pawh a thawng hle tih a hriat “ Nu khuta a rawn kal khan in sum zo lo vin ka chetsual pui a ,chuvang ania heti taka hlauthawnga ka siam,a ni chuan ngaihngam takin a thianghlimna min hlan a ,kei lahin ka venghim thei silo . Tunah lah ka fa a thi tel tep tih ka hriat phei hi chuan keimah ngei hi vawi tam tak in tih nat mai ka duh.










Ka kalsan tawh hauh lovang,in phal emaw phallo emaw keichuan ka kalsan tawh dawn lo,in duh chuan min tui thlar mai rawh u " tiin nautei khuma mu dang bal chu ka en reng,naupai laia rilru hahdam taka awm a pawimawh zia ka hria ,ka nautei erawhin hrehawm leh lungngaihna hlir a tawng a ,keima thiamloh vek a ni . “ Min hre thei em ? Ka hmangaih che " tiin a hmuiah chuan ka fawp vang vang,tui taka mu ang mai hian a thaw sak sak a ,a mit hmul er tan te chuan a hmel thatna an belhchhah chiang hle bawk .









Ka pa leh a pa rawn lut chu ka lo melh ngur ,an ni pawh ngawi rengin ka bulah an rawn thu a . Ka be chaklo tih an hria te pawh a niang ,a doctor pui te chuan an rawn kan sap sap “ Hna a rawn kal har kan ti reng a ,hei vang hi a nimaw ,kan lawmpui a cheu " a hmeichhe doctor pui te chuan min en pahin an ti a ,ka lo bu nghut ringawt “ A bialpa i ni tak tak maw?" hmeichhe pakhat chuan ka bul cheta thut pahin min rawn zawt,ka ban te chu a rawn nek na na bawk “ Awmsawn rawh " nelawm loh zeta ka tih takah chuan hmai sen tawn tawnin a chhuak zui a .








“ Army captain Zorammawia tiraw i nih?" nurse zawkin a rawn tihchuan thaw hrawk in “ Ni e,zawhna ka ngaina lo ka hmangaih damloh lai phei hi chuan ,chuvang chuan in enkawl dawn te a nihloh chuan zawhna min zawt suh u " tiin Lalchhanhimi lam bawk chu ka melh leh ,a nilah a la muhil ta reng,a hmel dang lap a rawn reh ta erawhin min ti hahdam huai,tho kangin a chalah ka fawp leh vang vang ,min kalsan dawn anga ka ngaihtuah ringawt pawhin a tello a awm ka theilo chu a nia,he hmeichhia hi ka thlahthlam leh tawh lovang .




End of Zorammawia pov





“ Naute " ka hminga min ko tu mipa aw chu ka hrechiang hle ” Ka naute,lo harh la tichuan kan pahnih chiahin kan awm dun tawh dawn a nia,i mu rei tawh lutuk lo meng tawh rawh. I tello in he mipa hi a khua a har lutuk,rawn kawm hlim la ,i thawnthu phuah chawp te kha min hrilh leh ta che " Zorammawia thusawi avang chuan ka mengchhuak riai riai,“ I harh tiraw naute " tiin a hmel lunngaihna a khat chu hlim hmelin a rawn thlak nghal.







“ I rawn harh chu ka lawm e" ka hmuiah a rawn fawp vang vang,mak tiin ka lo en reng thung . “ Hmeichhe dang i neih tawh hnuah min hnaih suh" ka ti that ,ka kut chu a man bet chiang tak in ka mitah a rawn en “ Ani kha ka cousin a nihkha ,kan inkarah engmah a awm lo,naute min ngaidam rawh . A ni kha ka tan engmah a nilo,khawngaihin kan naute avang tal pawh khan " a rawn tihchuan ka meng kawk,ka pum lam chu ka melh .







Nau ka pai a maw ? Ka hamhaih lutuk chuan ka en reng “ A dik a ni,Princess kan pahnih fa kha kha i pum chhung ah khan a awm mek a ni " a tihchuan ka tho chhuak,ka mittui a luang zawih zawih. Min kuah beh rual chuan ka thlakhlelhna zawng zawng rawn thar leh in a laka ka lungawilohna te chu a bo nghal vek ,a nghawngah chuan hmai phumin ka tap hawm hawm .







“ Min kalsan tawh miah suh,ka tihpalh inneihna kha lo pawm lo ila tun ang hian kan awm lo vang,mahse Angeli nen khan inneih in tum thu a sawi lai khan i ngawi renga kha vang khan ka beidawng ve a sin,vawitam i then theih nan thu ka sawi a ,mahse nang chuan i duhzia i lan tir angah ka ngaia,ka inthiar fihlim theih nan leh ka theihnghilh theih nan che a mi duhna kha ka pawm a sin,mahse ka hmaah ilo lang leh a .








Ka hlat thei leh ta lo che a ,keimah ber hi bo ila engkim a that zawk ka ring a sin " ka thusawi avang chuan min kuah nghet sauh “ Chutiang sawi tawh suh,ka nunna i nih hi . Engtikah mah ka kalsan leh tawh lovang che,ka kiangah i awm reng tawh ang; a tul a nihchuan ka tlanbopui mai ang che" a tinghet charh . Mit chhingin a darah chuan ka khabe nghatin ka thaw hle hle “ Tap tawh suh aw ,kan naute kha dinhmun der thawngah a ding thei a nia.







Nang ngei pawh ,in pahniha chan cheu ka duh lo ve ve " a tihchuan ka bu nghat . Doctor Diki leh Jenny an rawn kal a,Diki chuan in enkawl tha turin min chah mawlh mawlh, Jenny in a Zorammawia a melh dan leh biak dan chuan ka mit a tikham hle “ In in nei dawn nge,sawn man ila dawn " ka melh nghek “ A hma atangin ka hrilh tawh che ,nang doctor hi mualpho i duh a nihloh chuan ka hmaah rawn lang leh tawh suh " Zorammawia chuan a tihrawk .







Engtianga rei nge ka mut le “ Diki enge a awmzia,engvanga Jenny ka pasal tur hi chhaih buai nge inih?" lawmlo zet chuan ka tifak,Diki chuan Jenny chu chhuahpui a tum a ,a nilah a lo tang tlat bawk “ I pasal tur hi maw ka duh a nimai a lawm,enge pawi mi duh neih chu a theihloh em ni ?" zamlo zet chuan ala tingam lehnghal. Kan awmna chhunga damlo leh a awmpui tute phun chuan a tizak ve lo emaw ni .






“ A duh ve silo che a ,a pawi khawp mai " ka tihchuan a thinrim hmel hle ,Zorammawia chuan namsawnin “ I hmel nghazuang ang zet kha rawn tilang leh tawh suh,chuti lo chu thil pawizawk a thleng palh ange " a tihmuk,an chhuah rualin ka thaw huai “Ni engzat nge hetianga ka mut " tiin ka zawh chuan kar khat zet ka mut thu a sawi,mak ka ti hle . Chutah ka tlakna te ka ngaihtuah,kei hian ka nunna mai bakah ka naute thlengin ka tina tep tih ka ngaihtuah chuan mahni inthiamlohna in ka khat .








“ Ka tihpalh ka naute" tiin ka pum chu ka chul,naute ka pai ka ring a ,mahse beisei loh hnuah ka hre chauh a ,mak ka tilo theilo ,Zorammawia chuan ka kut chungah a kut lian leh hlai hlap chu a rawn dah ve ,ka nuih sak “ Kan pahnih in kan enkawl dun anga" atihchuan ka nuih hak “ Bawihte " ka nute aw ka hriat rualin Zorammawia hnung lam chu ka melh .







Kan nu leh pate chu an lo ding thap “ Zo a ,Bawihte min ngaidam rawh u aw in nu leh pa te hian in nun kan tichhe vek si a ,kan tihpalh takzet a ni ,ka fanu inihna ang khan ka ngaihtuah che a ,hmeichhe pakhatin Zova fa a pai anga a rawn sawi a tang khan ka rilru a tidang zo a,nang ni lah in awmna a hla dunin in la awm dun leh ta bawk nen . Zo a lah hmeichhe kawp kual nasa tak a nih avang khan i pa hian ka fanu ka ngaihtuah em che a vang in Zova hi ka ring zo lo a ,ka nawr lui ta che a nihkha.








Min ngaidam teh u,i hma hun ka ngaihtuah lo thei silo,innei ta ula i chantur thlengin ka ngaihtuah a,i pasal in ngaihzawng dang a neihsan tur ang che a ka ngaihtuah khan ka natpui em che a ,in inkarah ka inrawlh ta a nihkha ,min ngaidam hram teh u " ka pa chu ka en vang vang,a thusawi chu dawt a nilo tih ka hria ,hnuai lam a en tlat bawk . “Pa a pawilo,thil kal tawh chu kal tawh an ni a ,kan siam tha theilo . Mahse tun hun leh hma lam hun erawh kan siam tha thei " ka tisep .








Zorammawia chuan ka kut chu a hmer nghet salh,min muttirin ka chalah a fawp leh zauh . Ka nui ver ver

[mawitei bawihtlung]

THE PROTECTOR






CHAPTER 12






“ Keimahin ka ei duh alawm" chaw min barh phet a tum chu kan inhnial char char , a lu thingin fiante chuan suakin ka ka zawnah a rawn dah,tum hmakin ka hmui ka chip“ Princess kan naute kha a ril a tam tawh a nia " “ I hre bawk lo " ka lo tihlur thung. Nui vur vur in ka kutah a rawn vuan “Ati lawm en ta che i ril a tam em kha ,anu a ril tam chuan naute a riltam tihna ,doctor pawhin a tihkha ,chu bakah doctor ve tho ini bawk a ,i dam zung zung loh chuan ka damloh hunah min enkawl tu an awm nang " a tileh sup .









Chutah thutak zawkin ka kut mitah a en “ Princess mahni intihnat tum tawh suh aw ,ka chan che a nihchuan he mipa nun hi a tawp ve nghal dawn tih hria la ,tileh tawh suh aw . I tello chuan thawk ka harsat a ,hmalam pan dan tur ka bo thin,englai pawhin ka bulah awm la min tibuai reng rawh " a tihchuan ka hmui ka pet zauh “ Hmeichhia keimah lo an nihchuan hnaih tawh suh" tihzawng sawiin a kuta chaw chu ka ka angin ka hmuam nghal zat.









Nui sukin chawhmeh chu min suah a,min rawn barh lehnghal “ Inhmuh nawm dun hle mai " kan sira damlo awm ve chuan a rawn ti,kan en rual nghal zat “ Nupa in ngeih tak in nih dawn kha ,ka awt hle mai cheu" a tihchuan mak tihna in ka en, a hmela hlim lo hmel chu ka hmu chiang viau bawk . A pum puar lah chu a en ,a mittui a luang ngiai ngiai thochhuakin a kutah ka va vuan “ I tha em? I duh chuan min hrilh thei reng a nia thiannu " tiin a kut chu ka hmer salh “ Ka lawm e,Sangtei ka nia " tiin Zorammawia rawn phei ve chu a melh zauh ,chutah mit chhing vang vangin a rawn thaw chhuak ham ham.








“ Ka naute pa hian a fa ka pai tih a hrelo va ,hrilh ka duh heklo,tihian a ni chiah hi ka neih chhun chu a nitawh mai . Ka pi in min enkawl a ,ka naute pa nen hian college kal lai in kan inchhar a ,mahse a chhungten min duh lova " tiin a ngawi leh vang vang “ I mipa hmangaih chu hrilh mai ta che ,a kalsan che ka ring lo ,tum chhin la " ka tihchuan a lu a thing nak nak “ Nupui a nei dawn,a hmaah ka in lan a rem tawhlo,ka in lan a nihchuan a nupui tur kalsan in min vuan ngei anga chu chu kan nufa tan a chhiatna tur a ni thung dawn .









Kan rethei si a ,heta ka awmna pawh hi a chhungten ka hlat avanga an lawmthu sawinan min pek a nia ,nau ka pai thu erawh kan la zep thei hram a ni . An hria a nihchuan min tihhlum sak ngei ang" a tihchuan ka khawngaih hle,dawtsawi hmel a pulo va ,a mipa chu a thinlung zawng zawngin a hmangaih tih ka chiang bawk “ Kan bulah lo awm ta cheu,ka nu leh pa chuan an rem tidawn tih ka hria ,unau dang ka neilo va,ka unau i nimai a lawm" ka tihchuan a lu a thing.







“ Nilo e ,tihian ka harsatna te ka hrilh tawh che a ,ka thawl huai mai,ka ring che a nia . Tunah pawh hian ka hmangaih chuan min zawng ngei ang,mahse a chhungte hian an dang tlata inhnaih te ni siin ka awmna a hre hauh lo a nia ,ka lawm lutuk tho ve ,mifel tak in nih ka ring chuan ka lawm pui lutuk cheu a nia,ka rawn awm ve atang i pasal hian a ngaihsakzia che ka hmu a ,ka awt hle mai cheu. Keipawh ka naute hi a la rawn piang ve anga,apa vanga ka natna te hi a rawn la tireh ve mahna " a tihchuan ka khawngaih hle ..










A pum puar len danah nau a nei har tawh in ka ringlo,a rei berah thlakhat vel chiah a ngai tawh hialin ka ring “ Um ka thiantha ber a nih kawp vang te pawh hian a niang ka chungah a that em em ni,nangpawh hlim taka awm tum la ,naupai lai chuan rilru hahdam taka awm a tha a nia . Kan thisen ringa rawn piang tur te tan hian hmalam kan pan hram hram a ngai thin" ka tihchuan a bu nghat,ka nu te lo kal chu Sangtei te chungchang chu ka lo hrilh,an ni pawh in an pawm nghal thlap bawk .








“ Rilru tha nu " ka chalah fawp zauhin Zorammawia chuan a rawn tisup,kan chhuak tawh dawn a ,Sangtei leh a pi pawh kan bulah an ding ve reng,min hnial nasa viau mahse ka tihluih tlat avangin an ni pawhin an pawm ta tawp a ,kan in lam pan tur chuan kan vaiin damdawiin chu kan chhuahsan “ I dam ve leh lo kal vat ang che i chawl rei tawh si,i hlawh kan cut a nimai " doctor Chhuantean nui sawng chunga a rawn tihchuan ka lei ka chhuah khum vak,Zorammawia nen pawh dankhatna tlin heklo man kan inhlan tawp a ,mi sawm lemlo va inkawl tawp turin kan chhungten an rel thlu tawp .









Pawi ka ti lemlo,mihriat ka duh lemlo bawk ,ka naute leh ka hmangaih ka bula an awm chuan ka duh tawk . Kan in kan thleng “ Pi inthlahrung suh u aw ,chhungkua kan ni tawh a nia " inchhung kan luh chuan Sangtei leh a pi chu ka kuah vang vang,kan in chu nalh an tih thu an sawi a ,a pi phei chuan mittui tla chungin lawmthu min hrilh hial,mi hausa kan tam nen hian kan bul hnai teah rethei tak tak an awm hi kan hrelo nge puih kan hlau thin le . Keini chuan sawrkar hna thawkin an zem kan zen a ,an ni chuan nitin thawk reng chung siin an eikhawp hmuh loh chang an ngah viau in ka ring.








Chungte ka ngaihtuah ringawt pawhin Sangtei leh a pi chu ka khawngaih zual sawt ,rethei reng renga awm phei chu tarlamah chuan a hrehawm viau ang ,an room turah ka hruai a ,kan ina room zau ber chu an pi tu riah nan kan tifai a ,kan chei vek bawk “ A nawm hmel lutuk,ka lawm e aw u Chhante " tiin Sangtei chuan min kuah “ Het lawm thu inhrilh angailo, ka unaunu i ni a ,i pi pawh ka pi a ni bawk ,chuan intih fai in duh chuan pawnlamah hian choka bulah bathroom a awm aw ,ka damdawi ei ka ngai sia ka chhuak tawh ange in rem fel te in duh ang " tiin ka chhuahsan .









Ka room ka luh rualin ka kang nawlh,ka rak that mai ” Enge i tih min dahthla rawh " Zorammawia nui vur vur chu ka beng nawk nawk “ Thil chu i hre tawh em" ka tihchuan “ Hre tep " tiin khumah chuan min mut pui ,Sangtei hmangaih tak chu tunge a nih ang tih ka chhui tir mek,a hmangaih ve a nih ngai chuan a fa nen hian a thlang ngeiin ka ring . Nu leh pa te hian tinge kan fate hi vai ho ang maia an nupui pasal ,an hmangaih miah loh pawh neih tir phet kan tum thin le .








Duhthlanna nei turin zalenna kan nei ve a ,chu zalenna chu in zahsak a tha bawk . Duhzawng leh ngainat zawng kan nei ve thin tih te hi hriat a ,kan fate hi an duh leh hmangaih tak chu eng mipawh nise iai sak nghal mai lo vin,an retheih viau pawhin mi tha tak an ni thei tihte hi hre ve ila,sum ah chauh hian hlimna a awm heklo,mi hausa tak nih avangin kan nun a hlim vek lova ,kan inhmangaih leh hmangaih loh hi a ni pawimawh ber chu,khuareiah hmangaih loh neih chu inchhirna mai a ni .








“ I chau em,zanin chu hetah ka riak ve mai dawn" a tihchuan ka en ha ,in nei ang chu ni tawh mah ila ka zak deuh rum rum . U Muanawma te pawh an rawn lang leh rihlo , message erawhin kan la inbe ve reng,ani chuan Zorammawian min tina a nihchuan min neih nghal tur thu a sawi a ,Zorammawia lah a lo thinrim nasa “ I nei ngailo vang,ka tina dawn lo bawk " a lo tihlur ,u Muanawma nui riin a zui bawk ,ka inthlahrun rualin a ni ang mipa puitling tak ka lo tawng hlauh chu ka lawm ,chuti nilo vin min neih luih tum tlat se tunah pawh hian kan la buai viau ngei ang.









“ Nu ka ril a tam " room atanga kan chhuah rualin ka tinghal lang lang,Sangtei leh ka nu te ve ve chuan rawng an lo bawl laih laih,ka pi pawh sofa ah a lo thu ve reng a ,ka pa leh pa Rama chuan an lo kawm hlim a,chutia chhungkua in ngeih taka kan awm leh ka hmuh chuan ka lung a chhe rum rum ,ni a liam ve zel a . Sangtei nen pawh kan in kawm ngeihin engkim kan inhrilh thin,a naute pa in nupui a neih thu kan hriat erawh chuan a rilru na in a tap char char ,ka khawngaih viau “ Lungngai suh midang mi tha tak tu emaw i nunah a rawn lut leh em em ang,a ni chu i tana ruat a nilo tiin in ngaihtuah la









Beidawng miah suh aw,i tan i u hi ka awm reng a nia,naute nen hian in mal hauh lovang" ka tihchuan a bu nghauh nghauh,min kuah bet tlat,Zorammawia nen in nei tawh mah ila,kan in nen a inhnaih bawk nen duh duh lamah kan riak kawi a ,Sangtei te lah an inthlahrung bawk nen ka awmpui chawt zel ,“ Ka lo leng dawn ania " u Muanawma aw ka hriat rualin a hmel a rawn lang nghal . Sangtei a hmuh chuan ding chawtin zawhna mitmengin min en ,kan inkar buai hnu pawhin in theihnghilh mai lovin thian anga awm kan rem ti a .








Zorammawia erawh a thikthu a la chhe tluang zel e ,“ Lo thu rawh ka nau thar a nih hi,nakinah ka la hrilh ang che " ka tihchuan a bu nghat,Sangtei lah chu a hmelhriat ngailoh mipa a hmuh vang nge a hmai a sen tan tan,ka ban a hmer vak bawk . Ka nuih hak “ U Muanawma a nih hi,ka hrilh tawh che kha a fel a nia " abengbulah chuan u Muanawma hriat loh tur in ka ti,a bu nghat“ Enge in in hrilh ruk a,ka hmeltha tih te chu ka hria a lawm " a rawn tichu Sangtei pawh chu tap zo chiah e tilo chuan anui hak hak .







U Muanawma chu mit kan akin ka en “ Princess " Zorammawia chu pawn lam atangin a rawn au lauh lauh,ava buaithlak thin “ Het tunge" u Muanawma a hmuh rualin a tum hmuk,rum zet a min rawn enin ka banah a rawn pawt ,ka nau pai a vangin chawlh an pe rei a , captain alo ni ve bawk nen buai erawh a buai viau,phone a hmang deuh reng . “ Sangtei a lung a lenga u Muanawma hian a ti hlim a lawm,tikhan lo awm lawk ru aw kan nupa in kan va inbe lawk ange " tiin Zorammawia chu ka pawtsawn nawk nawk .









“ Bengchheng miah suh,Sangtei hian u Muanawma saw hmeltha a ti tih ka hria ,an in hmuh rual khan an dang ve ve ania,in be tlang nel rawh se " ka tihchuan ngawi rengin a ding ve mai ,ka room atang chuan kan bihthla dak dak ,sofa hran ve ve ah thu in hmun dang an melh ve ve,an va han zeilo dun tak,Sangtei lah a nau neih thla a ni tawh bawk nen duh duhin a che thei tawh bawk silo ,a tawpah an inbe ve hram an hming vel an inzawt in ka hria, a tawpah chuan an nui dun ve hram .








Kan chhuah lai chuan an lo titi tui viau“ Nau i nei fel hle mai,engtikah maw nau chu i neih dawn " u Muanawma chuan Sangtei en chungin a tisup,“ Tun thlaah hian" pakhat lahin kun ngal chungin a ti,hetianga midang hma a a zak hmel hi ka la hmu miahlo,chiang takin u Muanawma hi tha a ti tih ka hria ,u Muanawma erawhin an inhre ve chauh nen ala pawh lutuk miahlo “ An ni ringawt buaipui suh ka awm ve reng" thinrim lutukin Zorammawia chuan a rawn tihmuk “ Ninawm lova haw rawh,thil hrilh reng che a,ka nau hi ka kawm hlim dawn i duh leh lo va kal mai rawh.









Ka nute hrilh duh te ka nei" ka tihchuan tum burin sofa ah a thu thla “ Ka nupui beisei vanga rawn leng i nih vaih chuan ka ngawi mai mai dawn lo a nia " u Muanawma lam en chung chuan a tileh hram “ Lungngai suh,thian alawm kan nih, ka chhuh lovang che ,hei Sangtei hi a khua a har dawn sia ka rawn leng zeuh zeuh vang,i nupui i hauh hmel bawk nen Sangtei kawmtu an awm lo palh ang" a tihchuan ka lo nuih hak hak “ Lengziah rawh,keilah ka awm thei bawk silo va ,englai pawha ka phei chuan nu Dintei te lakah pawh a in thlahrun awm a " tiin ka thu thla .









Zanah chuan chiang zawkin Sangtei chanchin chu u Muanawma ka hrilh,a khawngaih thu a sawi ve a,a len thin tur thu a sawi chuan ka thaw huai,in hnaih viau mah ila pasal chhungte mitmei ven a ngai ve si a ,in hmelhriat sa mah ni ila awm awl mai mai ka duh biklo ,ka chunga rawn bawk kai chu en ha in ka phone ka dah “ I pasal hi min ngaihsak ve tawh rawh " tiin ka thawmhnaw chu hlip sat satin ka taksa chhungah a rawn lut zawm nghal zat .









Kan zawh hnu chuan a chungah min pawt kaiin ka hnung a chul hauh hauh“ Ka hmangaih che Superman" tisepin a hnute hmur tetakte chu ka khalh sak niap niap “ Keipawhin ka hmangaih che princess " tisupin puan chu min sin that tir “ Kan fanu tur pawh" fanu a neih chak zawk thu a sawi fo,kei erawhin mipa naupang neih ka chak,duhawm tawk a mah ang ngei hi .



ZAWMNA





“ Bawihte khawnge in pa hi " nu Dintei chuan ka zing tho chu min lo zawt vat,keipawhin ka hre bik hauh lo “ Exer a la leh tawh a niang ,ka thawh hlim atangin abo daih ,khawi maian kha ka lo hik ang " tiin a maian hih lai chu ka laksak,min hnial ve nangin ka tilui tlat “ Naupai lai i nihkha hahdam a tha a nia " a tihchuan ka nuih hak “ Min ngaihtuah suh,a hahthlak loh em hi ka kut hmawr chiah a lawm che ,chubakah tih tur a awm chuanglo va ,exer ka lakna a ni ve mai " ti a ka sawi zaih zaih lai chuan kut huh thlurh hian ka nghawngah a rawn hmer .









Ka phu nasa lutuk chu ka au tuarh tuarh,ka lungphu thalo sa nen ka talbuai der “ Keimah princess keimah " a awmah min kuah betin ka hnungah min beng daih tum takin a rawn ti a “ I mawl em ni Zorammawi ,bawihtei kha damkawr a nihkha hre ve ta che ,Chu bakah nau pai lai chuan hriselna a pan a ,fimkhur angai a sin,i nupui kha lungthalo a chhuah i duh loh chuan khatiang tileh tawh suh" nu Dintei chuan rum taka melh pahin a rawn tihlar .







Zorammawia inthiamlo hmel chu ka en chho “ Ka tha a lawm,mahse khatiangin ti tawh suh,tunlai chu ka lung hi a tha lo nge hoteah pawh ka phu zawk zawk reng a,mahse ka tha lutuk a nia " tiin a awmah chuan ka hmai nawrin thawk ka la vang vang“ Tihpalh ka naute " tiin ka chalah fawp zauhin ka maian hih lai chu amah chuan min hih zawhsak vek ,rawng kan bawl mawlh mawlh lai chuan pa Rama pawh a rawn tho chhuak ve a “ Enge zing zingah in in vin leh tak " nui chunga a rawn tihchuan nu Dintei chuan Zorammawia awmdan chu a hrilh nghal zat.









Zorammawia chuan room lamah min tlan luh pui “ I nupui kha tlan pui suh mawla " room kan luh rualin kawngka a kalh “ Huiham ka nu in min hau reng mai dawn a nih hi,kan naute hi piang vat vat se a tha ,chuti lo chu ka nu hian min hrawk hlum thei mai ang " a tihchuan ka nuih var var “ Lungngai suh i thi hmanlo vang " ka tihchuan a nernawng “ Hetiang reng a nihchuan a fapa hi a makpa ni awm zawk ka ni " ka tileh hluk,a va han naupang chhia thei tak em ,ka kuai kun a hmuiah chuan ka fawp a,ka seh zauh.








Ka chalah a pen nghal fawk anihchu “ Zorammawi " tiin kalsawn ka tum,rang zetin min man bet ,ka tal nawk nawk “ A tawh pawh min tawk tawh suh. I thikthu a chhe si,min dai tawh suh min thlah nghal rawh " ti tuar tuarin ka sik vak vak “ Princess thinrim zel lo la ka fiam mai mai che a lawm " ka tlawh leh awk “ Fiam a nilo,nang hian min sawisak nuam i ti a nihkha " tah chhuak zetin ka ti,ka mittui a hmuh rualin mengkawk hian min pan a tum. Tawlh sawnin ka in her .









“ Min rawn zui bawk suh " tiin ka kalchhuak,nu Dintei te min lo biakna chu chhanglo in pawnlam ka pan mawp mawp “ Princess ding teh " ka ding awm hleilo emai,kan in lam chu panin ka kal zel “ Thinrim ngawt zel suh" ka bulah ka rualin a rawn kal ,en pawh ka en duhlo . Kan in ka thlen rualin ka nu leh pa chu ka kuah vang vang,Sangtei pawn a sehsam a lo tuar ni awm tak a ni “ A neih har kan ring tawh lo " a tihrualin Sangtei chuan min rawn au “ U Chhante ka bulah awm rawh aw ,keimah chuan ka thla a muanglo" a rawn tisep .








Ka bu nghat “ Kan damdawi inah rawn kal la ,ka lo buaipui thei dawn che alawm,chawlh a rem tawhlo bawk nen i tan pawh damdawi ina awm sa chu a tha ang ,u Muanawma pawh in nau a neih dawn hunah min lo hrilh ru a tihkha ,a ngaihven riau mai che " ka tihchuan lai zetin a nui ,u Muanawma hian a ngaihsak ka ti tak tak,Sangtei pawh hian a haw em em in ka hrelo ,kan haw phei leh lam chuan Zorammawia ka sawisa phei pah “ Min tih thinrim leh chuan ka hawsan nal nal ang che " ka tihchuan alo duai lo nasa .










“ Kan in hnaih emai,ka rawn tlan tel ve zel tho vang " a tihchuan a lu ah ka chhuk fawk,inchhungah chuan kan inzui lut,nu Dintei chuan min lo be leh nghal zung zung,kan naupang chhia bawk nen ka pasal nu leh pa te pawh hian hahthlak chu min ti viau ang .









Sawi ang ngeiin Sangtei pawhin nau veiin kan damdawi inah a awm,ka buaipui a ,a nau vei nat hmel lutuk chu keimah pawh ka lo hah,ka nau neih ve hunah ana dawn tih ka hailo,ka huphurh sa hluah hluah,pawnlamah ka nu leh pa ,a pi leh u Muanawma te ho in min lo nghak thap “ Sang sang leh vak teh,hei a lu a rawn lang tawh a nia " a thlan hruk sak pah chuan ka fuih mawlh mawlh,a chau tawh hle tih a hriat,a sang leh vak a,naute chu ka la nghal vak,a tap nghal al al,hru faiin puan chuan ka tuam nghal zung zung.








Hmeichhia a nei lehnghal,a duhawm lutuk chu ka nuih var var mai,a hliam te chu kan thui sak zung zung “ Fanu duhawm tak i nei a nia,ala rit tha em em zui" ka tihchuan a ni pawh a mittui a hnam sawk thei,kan chhungte ho pawh reiloteah an rawn lut ,naute chu an pawm kual nak nak,ka pasal erawh a hna avangin inlamah a awm thung . “ A hmeltha hle mai " u Muanawma pawh chuan naute pawm pahin a tive sup,thian ang in in en mahse an inkarah eng emaw tak chu a awm ka ring nghet bur,mahse zawh ka tum lemlo .









In a ka haw rualin ka pasal ka au,min chhang har zek lehnghal “ Princess " room ka luhchuan alo tivat “ Engah nge koh reng reng i hriat theihloh a ,Sangteiin fanu a nei tihte kha i hre ve em? I buai reng mai,i beng te hi a chhet zo tawh a nih hi " ka tihlak hlak . Ka kutah rawn manin a awmah a nghat “ Naktukah ka chhuh thut a ngai a " a tihchuan ka en vat “ Enga timaw " ka tihchuan thaw hawkin a mit a chhing,thil thalo tak a thleng a nih ka ring ve tawp “ Ramriah an in kap a ,ka ho ngei an ngai " a tihchuan ka hlauthawng nghal hle .










“ Aih kallo mai rawh,nilo sipai hi bansan rawh,ka chan duhlo che " ka tinghal mawlh mawlh “ Min en teh " tiin ka hamhaih lutuk chu min chelh betin ka biangah a dawm “ Ka theilo,ka ram mi te hian min mamawh ka phatsan theilo,ka ram tana theih tawp chhuaha nunna chan huama bei turin ka lo intiam tawh,chu thil chu ka sut thiang lo bawk . Ka kal anga ka rawn let leh ngei ang tih ka tiam a che" a tihpawh chuan lu ka thing nawk nawk,vanduaiah tangin rawn let tur a awm tawhloh mai ka hlau a ni .








Ka kuah bet tlat “ Ka duhlo,awm mah kan la awm dun reiloh em hi,tinge an inkah kher zel le ,ka duhlo i lo let tawh lo palh ang " mittui tling pamin ka en,a ni pawhin harsa a ti tih ka hria ,a mit a chhing ve vang vamg “ Ka lo let leh ngei dawn a lawm" a tihpawh chuan hlim harsa ka ti ,ka nui thei thlawtlo ,hlauhthawnna hlirin ka khat a ni ber.

I HMANGAIH CHU TAHNA AIIN HLIMNA PE LA,HUATNA AIAH NGAIHDAMNA PE FO LA ,A BEISEINA TIHMIH SAK TU NILO IN A BEISEINA ENG CHHIT NA TUR AWMCHHUN NIH TUM ANG CHE

[mawitei bawihtlung]

THE PROTECTOR





CHAPTER 13





Ka mittui chu hru in ka hmuiah a fawp,keipawhin kan hun tawp ang maiah ngaiin ka hnial duhlo,khumah chuan duat takin min mut ,ka thawmhnaw chu keimahin ka phelh malh malh “ Kan naute hi a tha angem " a tihchuan ka bu nghat,nupa nun kan hmang tawh zen zen lova ,a ruk tak chuan keipawhin ka chak ve tho ,ka thu a hmuh rualin nawmna min pek tumin a che zui a ,a tawpah chuan thlan hlapin ka awmah a bei chial,keipawh ka chau bawk nen ka thaw hle hle mai .







“ Ka hmangaih che " ka tihchuan min fawp leh vang vang,zankhua chu muhil lo vin kan hmang dun,a changin ka tap leh thin . Anilahin ka tah tawh chuan min buaipuiin reife ngawi rengin min pawm hlu hlu zel ,a tuk lama airport kan pan lai te chuan ka tah chhuak lutuk chu ka ngawi ran tawp,ka nu leh pa(Zoa nu leh pa te zawk aw) pawh chuan an fapa awmlo tur chu an huphurh tih ka hria ,ni e him takin a lo let leh angem kan hre miau silo a .








Airport kan thlenga a chhuah hun a la ni chiah lo nen min buaipui char char,keilahin ka en duhlo . Nilo tunah a hmel ka hmuha nakinah ka hmuh loh vaih chuan engtin nge ka awm ve ang “ Princess " ka biangah a rawn dawm ,ka mitchhingin ka mittui a luang ngiai ngiai “ Tap suh le ,ka lo let leh ang tih ka tiam a che,nang leh kan naute tan hian ka lo let leh dawn a lawm" muangchangin ka en” Kallo mai rawh,i tello in ka awm duh tawhlo engvanga sipai nih hi thlang kher nge i nih,lo let tawh lo ta la kan naute nen hian engtin nge kan awm ang?








Mawh engtin nge i tello in kan awm anga,hre rawh Zorammawi dam taka ilo let lo a nih vaih chuan " ka hmui petin ka pum puar ve ak tawh chu ka khawih “ I fa nen hian kan zui ve mai ang che" a awmah min kuah bet thlawp “ Shhh....eng thil pawh lo thleng se huaisen takin lo awm la ,chhel takin lo tuar ang che . Ka rawn kir ta lo a nih pawhin kan fa tal hian khawvel eng a hmu tur a ni,min tiam rawh nang tal hian kan fa hi ilo enkawl ang tih,Princess ka lo let zo ta lo va ,ka ruang i hmu ngei a nihchuan hmalam lo pan la










Lo tap hauh suh ang che ,ka ram tan ka nun ka chan ta a nihchuan min chhuang zawk rawh ,chutih rual erawh ka hmel ngei a ni tih i hriat loh thil i tawng a nihchuan ring hauh suh,dam taka lo let ka tum dawn a min lo nghak reng ang che . Ilo in enkawl that loh chuan ka lawm dawn hauh lo a nia " tiin ka chalah a fawp leh,ka mittui luang ngiai ngiai chu hru in min fawp leh zauh,ka thi chu phelhin a nghawngah ka awrh tir “ He thil i awrh chhung hi chuan min theihnghilhin min kalbosan thianglo,khawiah pawh awm la he thil i awrh reng chuan ka rawn zawng hmu thei zel ang che .










Chuvang chuan awrh reng ang che ,Zorammawi rawn haw leh vat ang che i hria em" ka tihchuan a bu nghat,ka hmai chu a chul hauh hauh a sana en zawkin kei leh a nu leh pa chu a en kual “ Anih phawt u,ka nupui hi ka pa in kutah ka dah a nia ,kan naute pawh " tiin ka pum chu a tawp nan a khawih leh a,ka mittui chu ala luang reng ,nundamin he indona atang hian a rawn let leh ngei angem,Lalpa ka hmangaih hi dam tak a ilo let tir leh chuan keihian ka damchhung in i Biakin panin i thu ka zawm tawh ngei ang,ka hun kal tawhah hlat thin che mah ila.







Ka hmangaih hi dama alo let a nihphawt chuan ka vahbosan leh tawh lovang che ka rilru chuan ka tawngtai mawlh mawlh,vawikhat pawh ka la in khawm lova ka tawngtai ngai heklo,mahse tunah chuan ka pasal tan ka dil mek a ni si . Hmeichhe sual tak chu ka ni ngei ang,mahse ka unaunu natna khuma a awm atang khan a ni Pathian ka hlat tak em em ,khatih hunlaia ka dilna kha chhanna ka dawng lova ,ka dil atanga reiloteah ka unaunu ka chan miau va ,khata tang khan Biakin pawh ka pan leh ngai tawh lo kha a nia .









A lut bo chu mittui nen ka en reng,reife ka din hnuah thlawhna chu a thlawk chhuak ta ruai ruai ,ka hmangaih chu a ram tana bei turin a kal liam ta ,dam in a lo let leh angem ? Ka kiangah hmel him damin a rawn lang leh angem tih pawh ka hre silo,nu Dintei chuan ka kutah a rawn vuan “ Bawiha chu a tha em em ang ,haw tawh ang u " a tihchuan ka bu nghat ,a tawp nan airport lam chu ka hawi let leh hram . Ka mittui hru in car chhungah chuan ka lut nghal zat ,ka mit ka chhing vang vang .










A tello va helai hmuna awm hrehawm zia ka chiang tawh a ,nau hi pailo ila chuan ka zui duh leh hial ang ,in kan thlen rualin ka chau bawk nen room lam panin ka mu nghal,ka lute hi ana ngut ngut ,awmpui an awm tho bawk nen nuamlo chung chuan engmah ka ti peih thlawt lo ,Zorammawia nen a kan thlalak kan print tir chu ka en vang vang,ramri a kan awmlaia vur kara kan inkiss lai ka thiante lak kha kan print tir a ,a lo nalh phian lehnghal . Ka thiante pawh tunah chuan an hna pangngai thawkin Delhi lamah an let leh vek tawh in ka ring .









Delhi a thawk lawk ka nih avangin kan inkawm nasa a,Aizawla ka thawhna hi chu thla 4 vel chiah ala ni,ka thiam na avangin damdawi in hrang hrangah pawh ka lar ve a , Delhi ah pawh a tha pawla thlan ka nih avanga sipai ho enkawl lawk tura min ruai kha an ni reng a ,a thlalak chu ka chul heuh heuh “Superman i nih ang ngeiin i ram chhanhim la,i chhan him zawh veleh Superman an a lois lane i a pan nal nal angin lo let leh vat ang che. Hetah kan lo nghak reng dawn che ania aw Superman " a nui hmel chu ka chul .










A room chhung chu a tello chuan a ruak ta huai mai hian ka hria a ,nitina ka bula awma min tibuai tu tur awm tawhlo leh min duat tu awm tawh lo chu ka ngai nghal vawng vawng,a thleng anga kan in be thei tawh dawn bawk silo . Him takin a rawn let ngei dawn em lah ka hre heklo,ngatinge ka kiangah a awm rei loh bik em em le ,mite chu an pasal te nen in chhung luahlumin damchhungin an awm thei a ,ka pasal ve chu thla tam pawh a liam hma in a ram tan a pen chhuah angai leh nghal a .








Ka pum chu ka chul heuh heuh,rinai a lian chaka a thla tlem aiin a puar lian ve tawh viau ,ka phone ri chu ka en ,Sangtei hming ka hmuh rual chuan thaw ham hamin ka la a ,ka aw a hriat rual chuan damdawi in atanga an rawn chhuah dawn thu a rawn sawi a ,nui hakin ka lo hmuah tur thu ka hrilh . Ka tho chhuak a ,pawnlam pan pah chuan ka pasal nu leh pa chu ka en “ Nu kan inah ka phei lawk dawn aw,Sangtei te an lo haw tawh dawn a ,ka hmuah ve ngei a duh sia " ka tihchuan “ Va kal rawh va kal rawh,helai chu a reh te i ti ange bawiha a awm tawh bawk silo " tiin hrethiam takin min lo bia a .









Ka thaw huai mai ,ka phei hnu reiloteah ka nu leh Sangtei chu an rawn thleng,a naute chu ka pawmsak a,ka rilru hahna thenkhat chu a ti kiang hial,ni e nakinah chuan he ka naute hi alo la piang ve ngei anga,a nu leh pa tan hian hlimna thlen tu a nih ngei ka beisei “I chau viau em " TV en pah chuan kan titi mawlh mawlh,ka pi leh ka nu erawh choka lamah chhun ei tur siamin an buai viau “U Zoa chu a chhuk tak tak em ni?" a tihchuan ka bu nghat “Ramria buai reng hi chu a buaithlak a nih hi ,enga tinge mahni ram neih chinah hian kan lungawi mai loh thin le.









Mi ram ,ramte zawk an nih phei chuan lak vek hi kan tum reng mai a nih hi " a tihchuan ka lo bu nghat “Mihring te hi duhamna a khat kan ni miau a ,midangte ken ai chuan mah niin nei teuh ila tih hi kan duh dan vek a ni bawk si a " tiin naute chu ka en ,min lo en ve kar mai “A hming chu in sa tawh em?" ti a ka zawh chuan Lalawmpuii tih a nihthu in min chhang,mawi ka ti viau ,ka fa teh hi him damin lo piang thei tak ang maw? Zorammawia bawk ka ngaihtuah leh,thlawhna aj a chuang ngei anga .








Min rawn ngaihtuah leh viau bawkin ka ring ,min ngaihtuah em em reng si a .

[mawitei bawihtlung]

THE PROTECTOR






CHAPTER 14




2 MONTH LATER





Ka pum chu chul heuh heuhin vanlam chu ni lum ai pah chuan ka en vang vang “ Zorammawi i va reh rei em em ve ,vawikhat tal min rawn be lovin engtin nge heti chen chen i awm theih bik ni " ka phun sep sep lai chuan motor thawm ka hria a,mahse en lem lo in vanlam chu ka thlir reng bawk . “ Zorammawi i chanchin lah ka hre theilo va ,engtin chiah nge i awm le ? Buaina a reh tawh chung pawhin ka kiangah ila awm chuang lo,min tlanbosan em ni ? Naute te hi i ngai ve miah lovem ni " tiin ka mittui luang ngiai ngiai in inchhung lama luh tumin ka inher a.










Ka sir lam a ke ka hmuh chuan ka mit tizim sanin a lu lam ka en chho ,“ Ka lo haw tawh a lawm princess " rawn titu chu awihlohna in ka en,ka thu chhuaka a mitah tak ka melh kar “ I nilo " ka tihlar ,ni pawh nise engvangin nge engmah a rawn sawi theihloh,ka thin a rim bawk nen belo chuan ka kalpel,ka duh kawh lah tawh nen chuan kal erawh a har viau,thla 7 na an ni ve tawh a ,ka rinai an lian in a rit daih lehnghal . Ka chet vel pawh a har tawh viau “ Princess keimah ka nih hi " ka hnungah min rawn zui .








Biak tumna ka neilo,rawn haw sin tinge nichina ka tawngte kha min chhanloh,ani hian min ngai ve tak tak lo a nih hi ,ka pen lut kan room lam chu ka pan zel “ Nu i min chhang la ,tinge min chhan duhloh,ka ngai che ka tihchu " ka hnunglam atanga min rawn kuah pah chuan a rawn tileh,a kut chu laksawn ka tum ngar ngar,a chelh nghet bawk si,ka mittui chuan a kut a far chu veleh a lam hawi zawngin min kuai her ,chiang lutukin min en bawk “ Ka tello awm nuam i ti a nilawm ni Zorammawi,ka tello chuan awm ta che " tiin ka inher leh hmak .









Min rawn be lo rei lutuk te,min ngai lo awm chiah a a awm te ,reitak chhung a reh hmak te ,kei a nupui hi engmah min hrilh lo te hian ka thin an tirim zual,ka ngaihtuah em em a ,ka ngai a ka thlahlel ngawih ngawih bawk ,engtin nge ngawi renga rawn haw in ka lung awi a rin theih ni “ Ka hmu duhlo che " tiin ka kut ka kuang kuah,ka mittui rawn tla phet chu ka ning takzet “ Ka rawn biak loh chhan che i hre duh maw ,min en rawh ,min en loh chuan engtin nge i hriat ang" a tihchuan ka inher .









A thawmhnaw a phelh a ,a awma ser lian leh thui zet ka hmuh chuan ka mengkawk ,ka dang sawp sawp bawk min rawn kuah bet vat “ Eng....tin,enge...i.... chungah thleng " tiin ka en chho kiau ,a lu thing vutin khumah chuan min mutthlak pui a ,ka hnungah a beng thek thek “ He thil vang hian a lawm ka biak theihloh che ,ka nu leh pa hnen ah erawh i chanchin ka zawt fo ,keimah avanga i lunglen dan leh i tah fo thin thu te chenin ka hria a sin.







Mahse ka ser chauh i hmu chung pawha i buai lai hian ka hliam tirh khan hmu la nang leh kan naute dinhmun tur ka ngaihtuaha ,keimah avanga mang ang leh hlauthawng lutuka awm turin ka duh lo che ,chuvanga ka chanchin hrelo pawh i ni,ka chanchin i hriat chuan tunai nasa hian i tap anga,chaw i ei duhlo hial ang. Chung chu ka phallo ,ka dam hun law law a i kianga awm ka duh avangin ka tuar a ,ka ngaih em em lai che pawhin nangmah hmang vekin ka inhnem a sin.








Ka dam a ngai a ni,khitah ka nupui leh ka fa in min lo nghak reng dawn tiin keimah leh keimah ka infuih kal thin ,ka naute hian min ngai tih ka hailo,ka inthiamlo ve tho a sin,mahse keimah avanga tun ai nasa tuar turin ka natna kha sawi ka duh lo a ni . Ka tihpalh ka naute ,ka hrilh loh che kha thil tha bera ka ngaih vang a ni" a tihchuan mittui tlingpamin ka en “ Min lo hrilh tho tur che a lawm,ka...hlauthawng...hman a sin,min be lo in i awm rei zia ka ngaihtuah a ,min tlanbosan angah ka ngai bawk " mittui luang ngiai ngiaiin ka sawi chhuak.








Ka mittui chu rawn tuai faiin ka hmuiah a fawp vang vang,min pawm nghet sauhin min nuih suk,ka biang chu a chul heuh heuh bawk “ Engtin nge ka naupan lai atang tawh a ka nuna pawimawh ber hi ka kalsan theih ang? A tello in ka awm theilo a ,a tello in ke ka pen thiamlo bawk ,ka hmeichhe hmangaih ber a tello a ka awm theihloh,kum tam tak ka nghah hnu chauha ka neih theih hi awlsam taka ka kalsan theih che i ring em ni?.








Ka nunna i ni a ,ka chakna i ni bawk,ka damdawi tha ber leh ka doctor tha ber ,ka kalsan ngai dawn lo che " a tihchuan min tilawm,ka pawm a ,a awmah chuan ka hmai ka nawr vang vang,hetiang khawp hian min lo hmangaih a ,keihian a tan engmah tih theih ka nei silo,ka pum rawn che dawtah chuan kan in en rual haw “ Wow ka hmeichhe naupangtei chu a rawn che elo? Apa a hria a ni ngei ang" tiin hlim zet hian ka dul chu a hlim sauh sauh.







“ Vawikhat mah a la che ngai hauhlo,tunkha a vawikhat chetna a ni ,anlo nghak che pawh a niang" ka tihchuan mak tiin min rawn en “ Superman he pum chhungah hian phir unau nakin lawka lo piang tur te an awm mek a ni,naute pakhat mai nilo in pahnih lo piang tur te pa ini dawn tihna a nihchu " ka tihchuan a hmelah mak tihna ,hamhaih leh lawmna engkim chu a lang chhuak zut zut.







Chutah ka pum chu fawpin a mittui a luang a nihchu,a mittui hial a tla a maw “ Princess engkim hi ka mumang a nimaiin ka hria ,a hma kha chuan ka fapai chu sawiloh ka ta nitur pawhin ka beisei ngam ngailo che ,mahse tunah chuan i pasal niin kan pahnih thisen ngei he i pumchhungah hian an awm ta mai si " tiin min en reng,ka nuih hak “ Ka tette atangin mipa pakhat min venhim chiah ka duhin amah chauh chu ka hmangaih bawk .







Chu chu nangmah ngei hi i ni ,keipawhin mumang emaw ka ti fo thin a sin. Mahse engkim hi a tak ngei a ni si,Zorammawi i kianga kan nufa za a kumkhua a awm ka duh a ni " ka tihchuan a hmelah hlimna a lang zut zut “ Ka kalsan leh tawh lovang che u . Kumkhua in in bulah ka awm tawh ang,army chawlhsanin in kianga kumkhua a awm tawh turin ka lo haw e ,ka nupui " tiin ka hmuiah a fawp leh zauh ,ka hlim a ni .








A kut lianpui chu ka hum vang vang,keipawh ka nau neih hma leh ka naute te an changkan hma chu chawlh pek ka ni a ,ka pa doctor a lo ni ve hlauh chu ka vanneihna a ni lehzel ,hmelhriat a ngah bawk a keipawh khawi damdawi inah pawh thawk dawn ila huphurh awm a ni lemlo,Sangtei te pawh an changkang tawh viau ,u Muanawma nena an inkar erawh ka hrethiam tawhlo ,in nel ve ve siin thian ang chauha in en an ang . Mahse kawppui neih leh an duh lo ve ve bawk si ,a chang chuan ka lu an tihai .








Kan inah an la awm renga ,u Muanawma pawh a khat tawkin a la leng reng bawk,in ngaihven tawn ve ve an ni tih midang pawhin kan hria a ,an mahni berin an hre thiam leh bawk silo ,an hahthlak dun takzet ,Zorammawia chu ka dul chungah a lo muhil daih chu niin , ka thlir vang vang min hmangaih avangin hliam na tak a tawrh pawh min hrilh duh lova,lawm vaklo mah ila min ngaihtuah vang zawk tih ka hriat takah chuan ka dem em em lo ,a chhan pawh naupai laia rilru hahdam taka awm pawimawh zia hrechiangtu ve tho ka ni miau va .









Ka nu leh pa an lo haw chuan tho chhuak vatin chanchin min hrilh velo chu ka vui mawlh mawlh “Bawihan tih hlauhthawn che a phalloh vang zawk a nia " ka nu chuan dam dapin a rawn ti “Khawnge a awm reng reng" ka pa in a tihchuan a mutthilh thu in ka chhang “ Tinge in va rawn haw hma ve " tiin an bag chu ka dahthat sak zung zung a“ Christmas a hnai tawh bawk sia kan chawl tawh dawn a nih hi,chhungkua a picnic ho pawh a tha a lawm.





I pa te pawh kan hrilh tawh kha " ka pa chuan a rawn ti,ka lo bu nghat nghat mai “ Ka nupui duhtak " room atang chuan Zorammawia chuan rawn chhuah pahin a rawn au dut dut a ,ka nuih hak “ Ka ril atam nu ,pa in lo dam maw ka thuchah cheu in lo ti hlawlh tling chu ka lawm hle mai " a tihzawm ,avahan in la puitling vel tak,ka nu leh pate nen chuan an inkuah liam liam,kan awmpuite pahnih Zartei leh Hmuni te chuan chaw chu an rawn siam mawlh mawlh .







A bulah ka awm ve reng a duh avangin thu chungin balhla chu ka ei mial mial “ I bansan tawh tak tak em ni?" ka pa chuan a rawn ti,Zorammawia chu a bu nghut “ Ka nupui leh la fate hi ka awm bosan duh tawhlo " a tihchuan ka lo lawm veng veng nia ,a chaw ei zawh rualin pawnlamah min chhuahpuia,Kan inlam a pan nghal nul nul ,min kai tel ve zel bawk nen ngawi rengin ka zui tawp “Ka nu ka lo haw ania" tiin a au lung lung,reiloteah ka nu leh Sangtei an rawn lang nghal zat bawk .









Inchhung lamah kan inzui lut a,chanchin an in hrilh mawlh mawlh chu ka lo en reng .




I nupui in a hmangaih ang che a i hmangaih let ve hunah chuan mawi takin i sam a tuak tawh ang.

[mawitei bawihtlung]

THE PROTECTOR






CHAPTER 15






“ Ka fanu hi vah bosan tawh suh ang che ,tunah phei chuan pa ini tawh dawn lehnghal " ka nu chuan a tihlak hlak,kei erawhin Sangtei naute chu ka lo lawm thung a “ U,u Muanawma hi a rawn lang duh tawh miah lova ,a nuam ka ti theilo " a tihchuan ka en ha ,a hmui a pet “ Tinge in in ti thiamlo vem ni " ka tihchuan min rawn enin a nui sak “ Ih min bem a ,mahse keichuan ala hma ka tia,ka duhloh em em vang pawh a nilo,mahse ka nunah bawihtei pa hi ala awm lo theilo.









Ka lo hmangaih ve lak lawh tawh si a ,chuti maia theihnghilh theih mai a ni bik silo va,nakinah kan inkar tichhe tu ala ni ang tih ka hlau a ni . Chuvang chuan a nia ka chhan loh chhan,ka chungah a tha in min ngaihtuah tih ka hria ,bawihtei pa ai daihin min ngaihsak bawk ,mahse keimahah hian hlauh thawnna a awm lo theilo a ni . Ka lo tisual tawh a ,ka tihsual nawn leh ka hlau bawk a,chuvang ania ka chhan loh chhan.








Mahse nuam ka ti chuang lo tunah phei chuan ih hmeichhe pakhat nen an ni an ti a" tiin a hmui a pet,ka kuah vat “ I rilru hrilh rawh,u Muanawma chu fela ,a rilru ana pawh a ni thei . I tlai lo a nia ,a duh ve takzet che a nihchuan englai pawhin a pawm ang che " ka tihchuan min rawn en,ka lo nuih var var “ Hrilh ngei ngei rawh " ka tihchuan a ngawi ta reng,kan haw hnu thlengin roomah a in khung,in ngaihtuah a duh a niang tiin ka tibuai duh lem lo .






SANGTEI POV...(AN STORY KA TELH VE ZEL DAWN AW )






U Chhantei thusawi angin u Muanawma in lam kan pan hnak hnak,min lo be duh angem chu ka hrelo ,mahse biak ve hrim hrim ka duh,an in kan thleng tep tih ah chuan an gate a rawn in hawng a,hmeichhe pakhat leh u Muanawma chu in kai rialin an rawn chhuak dun a,ka ding nghal chawt. Car bulah chuan ding dunin an in nuih var var a,u Muanawma chuan car kawngkhar chu hawn sakin a hmeichhia chu a thu lut nghal zat bawk .









A luh ve hma chuan min rawn hmu tih ka hria,min en reng hnu ah a lut zui hmak . Chu chuan min tina ber ,a nunah ka pawimawh ve phalo tih ka chiang ta ,ka inher a ka let nal nal . In ka thlenga ,ipik zetin ka thaw chhuak ham ham ,ka phone phawrhin a hmuh ngei tur in status ka type mial mial “ Anunah ka pawimawh ve tawk lo va , ka phuloh ban tum ai chuan a hlim nan ngawi rengin ka kiansan ta mai ,hlim se tih hi ka duhthusam ber a ni .









Keipawhin hmalam ka pan ve tawh dawn a ,chupawh a mah vang liau liau a ni bawk . Huaisen tura min lo fuih kalna ah ka lawm e aw mangtha le " tiin ka no status zawh hnuah eng kimah ka block ta vek ,ka dawihzep a timai thei. Mahse a number ka neih reng chuan ka tan natna tur leh inthlahrun zualna tur mai a ni tih ka hai mawlh silo,ka fanu chu pawm tha in ka room lam ka panpui hnak hnak a ,ka hna vawiin atan chawlh ka lo la bawk nen ka awl viau mai .








Nu Teremi te avangin restaurant changkang takah ka thawk thei a ,ka pi leh ka fanu chu ka chawm ve thei viau ,nileng chuan roomah ka awm tawp,awmpui an awm bawk nen chet pui k chak rihlo,zanlam thlengin ka roomah ka tawm deuh chawt,ka fanu muhil thaw sak sak chu ka en “ Anu hi a vanduai a ni tiraw ? Apa te khan nau an pai ve tawh anga nang hi i piang ve tih an hre hauh lo ang,i pa chuan min la ngaihtuah ve reng mai thei,mahse kan awmna a hre dawn silo ,i pa ang maia duat tu chelah tunah chuan kan chan phak a ni tawh silo va .









Kan nufa hian engtin nge kan awm zel ang tih hre lo mah ila i nu hian hrehawm ti taka i awm ka phal ngai lovang " tiin ka be mawlh mawlh,ni a liam ve zel keipawh hna ka kal leh tawh a ,ka thawhpui te lahin bawihtei chu an lawm bawk nen kan chawlh chang chuan nau in chuh in an rak chul zel “ Sangte hmu duh che an awm a " kan hotunu chuan a rawn ti a , tu tak ni ang maw “ Mipa chhelo deuh a nia " tiin a nui kar kar a ,Famkima a ni angem tihchu ka ngaihtuah,tunang ah tu in nge min hmuh duh ang ni .








Pawnah ka chhuak a ,mahse ka mipa hmuh avang chuan let leh in kawngka chu ka khar hmak,u Muanawma chuan min lo melh kur a nihchu “ Zosanglian rawn hawng rawh" tiin pawnlam atang chuan a rawn beng dawt dawt,kan hotunu in mak tih hmel zeta min rawn en chu ka lu ka thin khum ringawt “ I hria em rawn hawng rawh" a rawn ti leh “ Ka duh lo,nang nena in hmuh leh ka duh tawhlo,u Muanawm kir rawh . Tunah chuan ka mamawh tawhlo che ,hmalam ka pan ve thei tawh ka tihkha .










Chuvang chuan nang nena kan in thianna pawh tawp rawh se ,hlim tak leh nuam ti takin awm zawk rawh " dar thlalang chhan atang chuan ka en reng,thinrim zetin kawngka chu a sawi . Hotunu chuan hawn mai turin min ti,mahse ka theilo , amah zawk chuan a rawn hawng,chuveleh u Muanawma chu a rawn lut nghal zat,tlan chhiat tumin ka inher ka kutah rawn manin “ In biak ka duh ka ti a nilawm ni " tiin min hnuk chhuak dawr dawr.









Kan hotunu chuan min en tawp “ Hmingmuanawm enge i hriat bawihtei ka tlansan ringawt theilo " ka thusawi chu hrelo ang maiin min hnuk dawr dawr ,ka tang ve tang tang bawk a ,ka hah vek tawh “ Hetah hian sawi rawh ,mi nuihzata min siam hi bansan bawk la ,ka hua che ka haw lutuk che " tiin ka au tuar ,ka melh chho kar bawk,keiai kum tam takin a upa tih ka hailo,mahse ka hlauh phah teuhlo mai . Ka melh ve kha kha “ Enge i hriat ni?" tihlukin kawmkarah min pawt lut ,ka kut kuangkuah hmakin ka ding ran .









Ka hmui ka pet sawi nawk “ Sawi tur i neih loh chuan ka kal dawn a nia " tiin inher tumin ka che nghal hrat a ,Chu veleh rang lutuk in min rawn man bet lehnghal chat . Ka darah dawmin min sawi deuh nawk “ Engvanga min block vek nge i nih?" ti a min zawhna chu ka chhang duhlo,ngawi reng chuan tal chhuah tumin ka bei fat fat,ka thinrim leh ringawt tawh . Min lo ngaihsak ve na zawng zawng kha thawk leh khatah hmeichhe pakhat lakah ka chan vek tawh tih ka hriatna chuan min tina bawk .







“ Ka sawi tawh kha,hma lam pan ka duh,ka nunhlui a mi reng reng chu lak luh leh ka duh lo,mangtha le " tiin a mitah ka melh kar ,a hmel chu a rum zual sawt,a vawikhat nan a thinrim hmel ka hmu,chuan a hlauhawm hle bawk . A sam tuai pawkin a nui hak “ Engvang chuan chu vang ringawt chuan min hlat a ,eng thil nge i hriat ka bula awm i duhlo va ,chutih rualin hmeichhe dang bula ka awm i thik leh si Zosanglian enge i ngaihtuah chiah hi? Nang hian min fiam i tum tiraw ?








Ka thinlung hi infiam pui tur chiah em ni a nih" a rawn tihchuan thinrim zetin ka melh “ Ka thinlung hi a ni bik em,ka hlauthawng ani tih ngaihtuah miah lovin nang chuan i duh dana awm turin min duh a ,ka nunhlui enge a nih i hria mahse i ngaipawimawh lo . Nang chuan i hlimna chiah i ngaihtuah,a dik alawm keichu hmeichhe vanduai sawn fa pai tu mai ka ni ,min ngainep tiraw ? Ni e ngaih nep tur ka ni reng a lawm ka fa pa pawh ka nei thei lova ,kei ang pasal nei silo va fa nei hi tunge min duh reng ang?








A tha a lawm kal rawh ka dang lo che ,ka lawmpui zawk che,u Chhantei nen in inkar pawh ka hre tawh a ,tuna i hmeichhe tawn hi chu i nei thei tawh ngeiin ka ring,ka thian ilo nihna thinah ka lawm e ,min ngaihtuah suh keimah ka in enkawl thei,ka ding chhuak ve thei tawh em em ang " tiin ka inher ,ka mittui tla chu a hmuh ka duhlo ,ka tap tih ahre tur a nilo. Khanu kha ka thik tih ka duh a lawm,mahse min nuihzat tawh ngei ang ,hnawl tu zawk ka ni miau si a .









“ u Muanawm ka lawm e ,hmalam pan tura min puihnaah ,in innei dawn te a nihchuan ka lo kal loh pawhin lawmna tal ka lo thawn ve ang " tiin ka pen chhuak chhat chhat “ Zosanglian min ngaihtuah reng chung khan midang tan min phal takzet a maw " a rawn au tuar chu hre mah ila ka chhawn theilo,ni sa vawl vawl chuan ka lu a ti kiu vawng vawng,ka khaw hmuh chu a vir muai muai bawk . Ka awn riai riai, tinge hetianga ka awm leh tak? Tiang hian ka awm thei tawhlo,ka fanu in min nghak reng a sin.








U Muanawma rawn tlan phei chu ka tluk hnu pawh chuan ka la hmu,reiloteah ka bul a rawn thleng a ,ka mit chu ka chhing zui riai riai .