THE PROTECTOR (S1)BY MAWITEI BAWITLUNG (Completed)

Moderator: writers

mawitei bawihtlung
Posts: 754
Joined: November 18th, 2020, 12:53 pm

THE PROTECTOR (S1)BY MAWITEI BAWITLUNG (Completed)

Unread post by mawitei bawihtlung » November 15th, 2022, 8:58 pm

THE PROTECTOR


CHAPTER THAR PAGE 2,3 leh 4 AH πŸ‘‰

CHAPTER 1



LE THAWNTHU THAR NEN KAN LO KIR LEH TA E ,A TAWP THLENG MIN LO TAWIAWM LEH DIAL DIAL U LA AW

BY MAWITEI BAWITLUNG





Chhanhim" a lungawi lo zeta rawn ti hmuk tu chu nuih tlawn titih in ka en ,min han melh rum dan em em chu,β€œ Engvanga Angel-i lo va inhauh pui nge i nih?" a tih chuan ka thaw ta hak,a ngaihzawng nu hi ka mil theilo a ,kan inhauh phah fo . A chapo si ngawihchawi hmel deuh si hian a rilru a chhiat zia chu an hre ru fur tho .









β€œ Enge a pawi em ni ? Thu ka hrilh mai a lawm,amah a nihkha min ti hmasa " ka ti pang pang,lungawi loh hmel zeta min en chuan ka thin a tirim,ka thiantha ber a ni a ,alak ah ka pangchang thin hle ,a nipawhin ka lungawi loh chuan min thlem nileng thin . Mahse a bialnu neih chin hian a mizia a dang vek,a chhanah a bialnu hi ka puh lo theilo,an nih hma kha chuan Zorammawia hi hetiang mi a ni ngai lo β€œ A hruai sual vek che ,ka sawi a i ngaithla duh lo,i thiantha ber ka ni a .









I tana tha lo tur ni a ka hriat ka hrilh che mahse he Angelsuaki i kawp a tang hian min hlat sawt zia i hria em ? Ka peih tawh bik lo kan in thianthat na hi tawp rawh se,i duh hun huna ka chunga i lungawi lo te hi ka kham . I bialnu i duh hlum loh chauh kha va buaipui rawh " tiin ka inher nghat ,kal ka tum chu ka kut ah a rawn vuan β€œ Sorry,thinrim suh khatiangin ka tileh tawh lo vang che " a beng pawt chunga a tihchuan ka nui var var ,ka thinrim hma in ka lungawi leh hma bawk . Amah pawhin a hrechiang hle .









A chang chuan min ti thinrim lui thin,ka thinrima min thlem hi nuam a ti nge pawh ka hrelo,ngeiawm deuh deuh a awm a ching bawk . Ka kutah a rawn vuan,class lam min panpui nghal β€œ Angeli hi a tha lo tih chu ka hria ,mahse ka bialnu a ni tawh a ,dawh hram hram rawh aw . A la insiam tha ve mai ang ,ka then ringawt thei biklo,a chhan i hriat kha . Mahse ka tan chuan i pawimawh ber ka naute " tiin ka chalah a fawp zauh,ka nuih var var ka bu nghat bawk. Class a ka luh hnu thleng chuan min en zui reng .











Pawl 11 ka zir a ,a niin 12 a zir bawk . Kan school mipa ah rau rau chuan a lar a ,infiamna lam a thei a ,lam lamah pawh a thei leh zel insual a peih ve hle bawk. A chang chuan ka rilru a lo hah pui thin,school dangah pawh a larin hmeichhe ho in an duh thei hle , a ngaihsak ngai miahlo thung a,mahse nikum lam a a birthday kan lawm atang khan a mizia a dang ta vek,min biak loh thut te a hmangin hmeichhe kawp a hrat a ,Chu chu ka ngeihloh ber a ni bawk .









Tet te atangin kan inkawm a ,min chhanna avanga mi a insualpui lah an tam,ka chhungten min hauh a ,ka tah apiang in a min tahpui a,mahse midang vanga ka tah a hriat erawh chuan a aia u pawh nise a insual pui mai zel ,ka tan chuan Superman-a tluk a ni . Ka duh min pek loh lai a nei lo,thil engmah kan zep ngai lo va , thil pakhat tih loh chu chu erawh ka damchhunga keichauhin a ka hriat tur thil a ni . A hmeltha a ,a pa a ,insual a thiam in a sang tha bawk nen hmeichhe ho in a mah avangin min kawm phah fo .









A chang chuan ka ngei lek lek zel,kum 18 ka ni a ,a ni erawh kum 20 a ni tawh thung. Lehkha a thiam loh vang a ni lo,an class ah topper a niziah ,mahse ka school kal theih hun a nghah avangin a luh tlai phah mai mai zawk ani . β€œ Chhan min chhang ve tawh la " Samuel-a chu ka en ,beisei nei takin min melh. Mahse ka chhang hreh,ka chhang a nih vaih chuan min bawr leh huam huam dawn chubakah Zorammawia a thinrim leh ang .









Samuela nen ngat phei chuan an in ngeihlo bawk si ,β€œ Kan la naupang chubakah bialpa nei turin ka la in peih rihlo Samuel" tisepin ka thutna lam ka pan,mahse ka kutah rawn manin a lamah min pawt phei,kan class a awm ho chu an lo au dar dar β€œ Min chhan hma chu ka kal tir lo ang che" a rawn tihchuan ka thaw hak β€œ Ka sawi tawh kha ka duh lo che " ka tihlak,chuveleh za lo tih hriat taka nuiin min chelh nghet sauh β€œ In ngaihtuah chiang rawh ,nang hian min star thin tih ka hria a nia " a tihchuan ka ngawi reng .










Ni e high school atang tawhin ka star a lawm,a cool a chuan a fel em em bawk,mahse mipa lakah a ni pawh hi a sual β€œ Ka thei rihlo,ala hma lutuk" ka tihchuan min en vang vang β€œ Anih leh lo in ngaihtuah leh rawh aw " a tihchuan ka bu ta nghat . Ka thutna lam ka pan a ,ka thu thla hnak geography bu chu phawrh chhuakin ka zir mawlh mawlh,vawiin ah class test kan nei dawn lehnghal . Ka la thiamlo ropui si β€œ Chhan en teh Samuela hi keichu nihpui la a tha ka ti,an hausa bawk sia nangma tan pawh a tha anga,i milpui a ni bawk a ,hausa ve ve ni dun chiah ula chu in lar ngawt ang" Dampuii chuan a rawn ti.











A lu ah ka chhu fawk ,a aiah thawt mai β€œ Sawi loh tur tur hi sawi thin suh" tihlakin lehkhabu bawk chu ka melh leh β€œ Nge Zoa chu min lo tihpui tawh em ?" chu bawk chu,engvanga ka thianpa hi hmeichhe ho hian duh em em nge maw an nih le ,bialnu a nei tih an hre reng sia. Banah chuan a bike awmna lam ka pan a ,mahse a bialnu a hnunga a lo thut avang chuan ka ding chawt,β€œ Naute nakinah ka rawn hruai leh ang che . Min lo nghak la a reilo ang " a tihchuan ka chhang lo .










Ka melh reng ringawt,nidangah chuan keimah lo hmeichhe dang a phur ngailo,min hlat tial tial nimaiin ka hria ,an tlan liam chu ka en tawp . Ka lungawi takzet β€œ Ka lo thlah ang che " Samuela chu ka en,min nuih sen sen lehnghal . A hmel hi chu a tha thlawt a lawm,ka bu nghat Zorammawia ka ngei vang hrim hrim pawhin ka inthlah tir dawn hi a ni tawp . A bike hnungah chuan ka lawn,a kawngah ka kuah thak bawk ,ka thiannu lo nui vur vur chu ka chhiat khum,nui uar uar chungin a kalsawn a .










Keini pawh kan tlan chhuak ve nghal ,kawng lakah Zorammawia kan tawk ; Samuelan min phur a hmuh chuan rum zet hian min melh ,ka en duh lo ve tlat, in kan thlen rualin Samuela chu ka mangtha a ,inchhung lam ka pan nghal zat . A bike ri ka hria a ,kan in a rawn pan mek bawkin ka ring,ka roomah chuan zai rat rat pahin ka inthlak mial mial,darthlalanga ka hmel lang chu ka thlir reng ,mi hmeltha tih ka hlawlh ve viau a,mahse keimah tak chuan ka hmelthatna em em pawh ka hre chuang lo .









β€œ Lalchhanhim " kha maw a rawn au leh ta tak tak e ,ka ngaihsak duh lo ka lam dalh dalh . Music play in ka zai pui pah,ka room kawngkhar a rawn inhawng a ,a rawn pen lut mek tih ka hria ka ngaihsak duh chuang lo,ka lam chhunzawm zel a ning nge ka ban phar lai chu man betin a lamah min pawt dawrh . Ka rak that β€œ Min haider ziah suh " β€œ So as long as i live i love you" ka zai chhunzawm leh kher chu a thinrim ta nge ka woofer a off hmak, kan inmelh tawn ngar β€œ Engvanga a ni kha in thlah tir nge i nih? Ka rawn hruai ang che ka ti a ni lawm ni?" a tihrawk .









Ka ner nawk β€œ Englai pawha pahnihna nih ka duh tawhlo pawh a niang,ka puitling ve tawh min buaipui tawh lo mai rawh . I bialnu avanga nghaktu nih reng ka peihlo,ka duh chu ka inthlah tir mai ang,ka bialpa pawh a la nilo ang tih ka sawi theilo " β€œ Lalchhanhim" a rawn tinghal tuar ,β€œ Khati khan min ko suh Zorammawi " tiin ka kut kuang kuahin ka en chho ngar β€œ I bialnu i thlah zawh lo nghaha,lo awm reng tur chuan min ngai suh. Naktuk atangin keimahin ka scooty nen ka kal tawh ang









Nang nena in hauh buai reng ka peih tawhlo ,ka ning ve tho" ka tk hlak hlak β€œ I kal bawk lo vang " a rawn ti ve ,chhang tawh lo in inhnuai lamah ka chhuh thlak san ka nu chuan min lo be zung zung β€œ Nu chaw ka rawn ei ve dawn a nia" Zorammawia pui chuan a rawn ti lut ,ka nu lah chuan a lo la aw zui β€œ Angailo in inah va ei rawh. Hetah pawh rawn kal tawh suh" ka lo tinghal hlak β€œ Chhanhim khatiangin ti thin suh. Naupang in ni tawh lo,in hau reng suh u " a tizui,Zorammawia nui vur vur chu ka beng bu lawp chak.










Ka pa a rawn haw a ,Zorammawia pawh an inah va inthlak lawkin a rawn phei lehnghal . Ka lungawi loh a piangin kan inah chaw a ei a ,zanah pawh a riak mai zel . Mahse tunah erawh nulat tlangval kan inti hre ve tawh a ,kan riak tlang vak ngai ta lo,a bula awm erawh nuam ka la ti reng. Chaw chu kan ei a ,chaw ei lai pawh chuan kan inhnial leh thin,ka nu in min hau zing hle . Ka pa a lo nui hawk hawk reng thung β€œ Nang ni pahnih hi awm hrang ve ve ta ula in awm thei ange maw chu,sazu leh a mei ang hrim hian in inzui a " ka pa chuan a rawn ti a .










Ka chhang lo β€œ Pa ,Chhanhimi hian min ngai viau in ka ring,awm lo chiah ila chuan a tap thei hial ang chu " tawngtheia chuan a lo ti leh zawt zawt tawh . β€œ Ka awm thei chiang e,awm bo la keipawh ka awm bo ve thei tho " tihlak hlakin chaw chu ka khamsan a ,ka room lam ka pan nghal vang vang . Khumah ka mu thla hnak ,ka chau lehkha zir reng pawh hi ka ning ,ka bula rawn mu chu ka hrechiang hle β€œ Va haw rawh " ka tihlak hlak,ka kawngah a kut in a rawn hmer salh.









Ka taksa chu a kuah bet zui nghal,ka lungawi loh a piangin hetiang hian a ti thin β€œ Thinrim suh ka tihkha ,Angel-i khan ka thlah a duh ve bawk si a ,ka bialnu a nihna ang pawhin ka thlah angai a lawm " a tihchuan ka nui hak,ka nuihzat vang pawh a nilo,ka thinlung hi a na zawk . Hriat tir ka duh,mahse min kalsan mai ka hlau,min hlat dawn tih ka hrechiang bawk β€œ A nihchuan keipawh Samuela kha ka bialpa angah ngai la ,a duh a min thlah ve angah ngai rawh " tiin ka phun sep.








Inhnial pawh ka peih tawh lo,ka lungawi loh reng chuan kar khat chhung zet a tau leh mai ang β€œ Aih a ni kher kha chu ka duhpui lo che ,mipa dang an tam " a tihchuan ka nuih ringawt β€œ Mipa dang tam mahse amah ang an ni vek hleinem ka muhil duh,in hnial tawh lo vang " tiin ka insiam tha sat sat,a nipawh min pawm dan siam remin a mu tha a ,reiloteah a muhil nghal mai . A lam hawi zawngin ka inher ,a hmeltha leh pa tak chu ka en reng,a mithmul buk leh dum tha zet chu ka khawih.








Engtik lai atangin nge thian ang nilo a ka en ka hrelo,a rawn thleng tawp mai a ni . Hmeichhe dang nena hlim taka an awm laiin chhungril na siin lawm pui anga ka awm angai a ,alakah ka feelings te tihlan ve a rem lo . Thian anga min en tu hi keichuan mipa angin ka en si ,inpuang ila kan inthian thatna a tawp ang a ,min haw ngei bawk ang . Angel-i a duh zia ka hria a ,ka hnaih ve reng thiang tawh lo .








Lawm pui tak tak silo vin lawmpui anga ka lan luih a ngai a ,a thusawi ka ngaihthlak a ngai . Ni e duh ru tu tan chuan inthup hi a har fo thin, Kan mi duh a ten an hriat ve loh phei chuan ngawi reng siin na kan tuar tlawk tlawk zel si . A hmui sexy zet chu ka khawih niap niap, a engkim hi ka tan chuan a ngaihzawng ang nilo va a thian ka nihna anga ka khawih a ngai si,ka hmangaih a ni tih hi hria se mak a ti ang nge min haw zawk ang .









Kan tet lai a tangin ka duh ang tihloh lai a neilo va ,mahse hei kher erawh hi chu a ti duh hauh lo vang,a awmah a lungphu ngai thla in ka bei kek,aniin thian leh unau anga min en laia kei a hmeichhia zawk lehnghalin ngaihzawnna rilru pu a ka en mai hi keimah pawh ka indem . Mahse ka duh a ka tihreh theih a ni silo,duh leh hmangaih neih chu a har lo,mahse theihnghilh leh kalsan hi an harsa tawh thin.









Ka mit chhingin nui sak hian a taksa lum nuam zet chu ka ngheng hnai talh talh. Zingah ka harh chuan alo harh ve tawh a β€œ Morning " a rawn tihchuan nuih sakin ka wish let ve nghal,chuveleh phur zet hian a tho chhuak a ,min pawm kang nawlhin β€œ I thinrim tawh lo yes ,ka thaw huai mai " naupang chhia zeta tiin min dahthla,ka nuih ringawt,a hmel hlim sarah chuan ka lungawi ta chu a thawveng huai tih ka hre thei.









A haw hnu chuan inhnuai lamah ka chhuk thla ,inthenawm mai kan ni a ,kan in kal pawh zung zung mai zel,apa hian sawrkar hna a thawk a,an awm thei viau, private school an din a,an hlawk viau bawk . Kei pawh ka pa hi doctor niin ka nu in dawr a nghak a ,hausa viau tih tur chu nilo mah ila rual awt in ka awm ngailo,chaw eikham rualin a rawn thleng phei. Scooty ka ken chu a hlau tak tak tih a hriat.









Mi phurh kher kher a tum thin hi a chang chuan kan in hnial phah fo ,ka nu leh ka pa nen chuan an inkawm bawrh bawrh,nu ,pa tiin a ko a keipawhin a nu leh pa chu,nu ,pa tiin ka ko ve mai bawk . A bike hnung sang zetah chuan ka thu,ka lang sar vuah zel in ka hria β€œ Tlanchak tawh miah suh " ka tihrualin vung zetin a tlanchhuak,ka au tuar tuar chu min la nuih hawk hawk zui,ka ngei thei a nia. A dul thep tangah chuan ka sih sak hlawk mai .









A bike a min phurh apiangin a tlan chak vak zel hi ka ngei thei hle . School kan thlenga ,a bialnu duh ve em em i chuan a rawn pan leh nghal . A biangah a fawhsak a ,ka lo en reng . Zorammawia chuan min rawn enin β€œ Banah min lo nghak tawh ang che " tiin a bialnu chu a kalsawn pui,ka thlir reng ringawt . Ni e an inhmeh thlawt,lawmpui tur ka ni;mahse ka lawmpui thei der silo ,Dampuiin min rawn pan tih ka hmuh chuan ka hawisawn vat .








β€œ In inti lungawi leh tawh a law,in thinrim reilo dun thei bawk sia maw . In ti thinrim ve tawh suh u ,in lungawi hma si" a rawn tihchuan ka lo nuih hak β€œ Lut ang kan tlai dawn a nia " tiin class lam panin ka hnuk,min hau chul mai . Thau lam deuh a niin ke in a kal khat bawk nen kal chak te hi a theilo a hah zung zung zel β€œ Awi Lalchhanhim ka thi dawn min dim ve thin teh " ding chunga tihpahin a thaw hlawi hlawi .








Ka nuih hak hak ,class ah kan lut a Samuela pawh a lo awm tawh,min lo nuih leh sang. A chang chuan ka nihpui mai dawn emaw ni tiin ka in ngaihtuah fo ,pawi ka ti em em lo . Mipa dang ka nihpui chuan ani laka ka awmdan pawh kha a reh thei mai thei a sin . Ka thutna ah ka thu thla ,dawhkan bawhin ka mit ka chhing vang vang . Ka mut chhuak reng hi ka eng diklo hi nge maw ka ti thin,lehkha zir loh hi chuan ka meng leh thei viau lawi sia.





A NGAIHNAWM HMEL IN TIH CHUAN LIKE LEH COMMENT MIN LO PEK SAK RU AW,LINK NGAIAH ZEL



Link:
BBcode:
HTML:
Hide post links
Show post links

mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » November 18th, 2022, 6:34 am

THE PROTECTOR





CHAPTER 2



BY MAWITEI BAWITLUNG







β€œ Chhan kha hei ka lo ken che a " lai deuha din pahin Samuela chuan chocolate min rawn pe ,ka lo nuih var var mai . Hetiang thil tui lutuk te chu ka hnar phal teuhlo,kan class ho chu kut beng dur dur in an lo au,section B ho hi chu kan in ngeih hrim hrim a ,kan school a lian in a lar a , school tha na na na chu zirlai pawh kan tam. Mahse tute pawh section dang pawh nise kan inpawh em em tho .









β€œKa lawm e aw " tiin ka en vang vang,chuveleh ka bulah a rawn thu nghal,Dampuii lo nui put put chu ka nghawk zauh β€œI duhzawng a ni em" tiin ka chhanna nghak tih hriat tak hian min en kar,bu nghauh nghauhin a chocolate min pek chu a hmuhlai ngei chuan ka ei nghal zat . Ka kut a rawn vuan β€œ Nakinah ban hunah a falin ka hmu thei che a ngem?" a tihchuan ka en ha mai ,eng tak tih tum ang maw β€œ A reilo ang " a tih takah chuan keipawhin ka pawm thu ka hrilh,Zorammawia a thinrim em lo vang chu maw .










Lehkha kan zir leh mawlh mawlh,teacher te enloh lai erawhin dawhkan kan bawh leh thap zel . Kan test na an sem a ,ka pass ve hlauh,ka thaw huai . Fail vaih ila chuan ka nu a lawm lo leh khawp ang, break lai chuan pawnah mipa ho ball beng chu kan en thap,Zorammawia hlap tlak a pianga Angelsuaki lo au ring fal thei lutuk chu ka ngei, sports kan hnaih tawh bawk nen kan inpuah chah nasa viau,kei ngei pawh race leh javelin throw ah ka tel dawn a ,ka phur em em pawhin ka hrelo , football leh volleyball ah ka la tel dawn zui.









Angelsuaki nena tan tlan ngai tur ber chu ka huphurh β€œ Naute " Zorammawia chuan min rawn panin ka bulah a rawn thu,hmeichhe ho chuan awh hmel zet hian min thlir leh tawh. Ni e thian kan nia ,ka bulah a awm in a nui an hmuh ringawt pawhin a bula awm ve an chak miau a lawm,ani lah hian tuvak biak a nei ngai der silo . Ka biangah a rawn piai leh hlak β€œ Ana! Mawla min piai reng suh,ka biang i piai na vek tawh " ka tihlar,nui suk sukin ka bulah a rawn thu thla a .










Min kuah nghal thak,a bialnu lem lem tei pawh kan lam panin a rawn kal mek β€œ I inzir nasa tawh em ? Nge ei in lawng lawng ila buaipui " a tihchuan β€œ Inzir vak ka ngailo " tihlakin a bialnu rawn phei chu ka melh β€œ Saw i duh ve hlΓ’rh hlΓ’rh tei a rawn phei saw lo buaipui rawh. Class ah ka lut dawn ,chuan ban hun kha mi hmuh lawk tur ka nei a ,min lo nghak lawk mai dawn a nia" tiin a mi zawh chian hma chuan ka tlansawn ,min thlir zui reng tih ka hria.










An bula ka awm reng chuan ka thikna ka tihlan mai ka hlau,ban rualin Samuela nen chuan school hnung lamah kan kal dun β€œ Sam enge i sawi duh chu" tiin a mitah tak ka melh . Zam hmel a pu in ka hria ,a tukkhum a hiat nauh nauh mai β€œ Englo a nia , Ih Chhan min chhang ve tawh la,hei chen ka nghak tawh che a ; aw leh aih tal pawhin " a tihchuan ka ngawi vang vang . Ni e min nghak rei tawh a lawm high school atang tawh lehnghal in ,chubakah Zorammawia laka ka rilru a dan ve deuh nan hrim hrim pawh a tha zawk mai thei a sin.











β€œ Awle ,mahse midang inkawpsan tih vel kha ka duh dawn miahlo a nia " ka tih chuan lawm hmel zetin min en,min kuah nghal vang vang β€œ Ka lawm e ,tunah chuan ka kuah ve thei ta che . Hmeichhe dang ka pansan ngai lo vang che" a tihchuan ka nuih var var mai ,chutia kan lo in biak tui lai chuan ka kut a rawn vuan a min hnuk sawn dawr dawr tu an awm,ka en vat Zorammawia chuan engmah sawilo in min kal pui hlawk hlawk β€œ Hey enge i hriata,ka bialnu a ni tawh " Samuela chuan min rawn chelh beh pahin a ti .









Chuveleh Zorammawia chu a thinrim hmel sauh,an inhmachhawn ta ran β€œ Lo inrawlh suh" a tihmuk,nilo hetiang chuan ka chungah mai bakah Samuela chungah hian thil tha lo tak a thleng mai ang β€œ Sam ka tha ,kal rawh naktukah kan inhmu dawn a nia " ka lo tivat . Ka danglo anihchuan an insual leh duh mai ang β€œ I tha ang maw ? A nau emaw pawh i ni tawp silo,ka duhai a inrawlh tam ta mah mah " a tihchuan Zorammawia chuan a kawrawmah a tham nghal chawt. A kutah ka vuan nghal β€œ Sam kal rawh , school campus chhungah buaina siam ka duh lo a nia.








Teacher ten an hriat chuan kan tan a pawi viau ang,Zorammawi nang pawh thlah rawh. Ka tha " ka tihmak,an inthlah a . An hmel erawh a rum tha dun viau mai ,Samuela chu a kalsawn ,keini pahnih chu kan la awm reng β€œ Engvanga a nikha hnaih ziah nge maw i nih le?" A rawn tihrawk ,a lungawi loh hmel takzet ,a kut a hum ruh a. Nidanga ka hmuh ngai reng reng loh thinrimna ka hmu β€œ Enga tinge i mil theih miahloh,min duh zia i hria a ,keipawhin min duh em em tu ka hnar reng thei bik hleinem.









Nangin bialnu i neih reng lai pawhin ka sawisel ngailo che . Engvanga Samuela chu haw em em reng nge i nih? Bialpa ka neih ve dawn a piangin i sawisel loh leh i lo vau a ,ka ning ve tawh tho a nia . Puitling ka nih ve tawh hi,naupang ang maia min en hi sim tawh rawh " ka ti ve pang pang. Engmah sawilo in min melh reng,ka inthiamlo leh deuh ” Tihpalh,mahse ka bialpa lehzel chu min thlansak tawh suh" ka tihchuan ngawi rengin a kalsawn,a hnungah ka zui nghal vat .









A bike chuan ngawi rengin kan inphur ,nidanga kawngsira an icecream zawrh vel min ei pui ziah tu kha dinglo in a tlan tlang nul nul a ,keipawhin engmah ka sawilo . A thinrim tawh hi chuan ngawih reng a fuh zawk,inah min thlahin an inlam ah chuan a phei nghal nal nal . Thaw hakin ka en reng ringawt ,zanah ka va biak ngei a ngai dawn a nih hi ,chaw eikham veah an inah ka phei β€œ Nu Dinte Zorammawia a awm em ?" tiin a nu chu ka au β€œ Aw Bawihte ilo leng a ni maw ,a roomah an awm kha ,a thiannu nen lehkha an zir tlang a nihkha" a tihchuan tu tak ni ang maw tiin a room lam chu thawm dim takin ka pan.









A room kawngka chu hawngin ka pen lut them them,mahse ka thil hmuh vang chuan ka ding khawng ta reng . Ka lung chu ana nghal ut ut ,Angel-i nen chuan thawmhnaw pawh ha mumal lo in an lo infawp a ,an inchul tawn bawk . Ka mittui tla tur chu ka dang hram hram a ni,min rawn hmuh rual chuan Zorammawia chu a meng kawk,Angeli chu a namsawn nghal vat β€œ Ka tihpalh" tiin ka tlan chhuak nal nal,kan inlam pan chuan chak zetin ka tlan phei,ka roomah lut nghalin ka insut fap fap .









Ni e ,ani tan chuan a thian chauh ka ni. Thian chauh,ka mit chhingin boruak ka hip lut vang vang,tinge thian anga ka en ve theih miahloh ? A nipawhin a thei a,tinge ka theih loh . Nilo ka thei ngei tur a ni,min ngai diklo ngei ang,keimah leh keimah chu ka inhau mawlh mawlh ,ka mittui hru zung zung in ka infuih sauh sauh,tun atang chuan keipawhin thian ang chiah khan ka en leh tur a ni . Chubakah Samuela bialnu ka ni tawh bawk,Zorammawia duhna thinlung ka pu tawh tur a nilo .









Thian angin ka en ve mai tur a ni " tiin ka in fuih sauh sauh β€œ Naute i awm em? Kawngka lo hawng teh" a rawn tihchuan thawk la vang vangin nuisangin ka hawnsak,ngaihtuah hmel zet hian min enin min hnaih ruak β€œ I tha em? Nichin kha chu tihpalh liau liau a nihkha ,ilo kal ang tih rin na chang ka lo hrelo va " a tihchuan ka nuih hak,a kutah chelhin β€œA ho lutuk,khatiangin inawm ang tih rinna ka nei biklo va ,ka hamhaih a nihkha . A hrim hrimin kawngka kalh lo vin awm pui tawh reng reng suh.








Kha tiang chuan ka nute pawhin an hmu vat ang cheu" nuisanga ka tihchuan thaw huai hmel a pu ,min kuah vang vang β€œ Keipawhin ka lo timah mah a ni. I duhzawng ngaihtuah miahlo in ka lo hauh na mah mah che a ,tun atang chuan i bialpa duh apiang lawm takin ka pawmsak tawh ang che" a tihchuan ka nui ta var var β€œ I rawn phei daih a ,alo lung hnur ange min ngaihtuah suh . Va buaipui zawk rawh " ka tihchuan thawven hmel zet hian ka khumah chuan a mu thla hnawk .









β€œ A haw tawh,ka rawn kal dawn khan taxi ka phar sak a ,a haw nghal " a tihchuan ka nersak mai . β€œ I va ngaihtuah lo tak,a lo pan ve tang tang che a " tihlakin a bulah chuan ka thu thla ,min rawn enin β€œ 12 chhuah hun hian army lam luhchilh kan tum a " a tihchuan ka en vat. Chungte thleng thleng chuan an lo tum reng a ,engmah ka lo hre ve leh pek lo β€œ A va tha ve " ka ti ringawt,sawi tur ka hrelo tunah kum chanve kan hmang leh der tawh a ni sia,nakumah chuan army lamah an tling thei a nihchuan ka hmu thei tawh dawn lo tihna .









An tling ve ve dawn tih ka hrechiang,an hausak bakah sawipui tu tha an awm ngei dawn a ,an tling chiang bal ang . Alamah min pawt hnai ,a chungah chuan ka bawk β€œ I va lungngaih hmel ve ,min ngai lawk dawn a nimaw ?" a tihchuan ka nuih ringawt ” Thian kawm tur ka nei tawh dawn lo tihna a nia ,kan in be reng thei tawh awm silo va " ka tihchuan a khi ve suk. Ka kut chu hum betin a chul hauh hauh β€œ Ka lo haw apiangin thil tha tawk tawk ka lo hawn ziah ang che" a tihchuan ka bu nghauh nghauh.









Ni e ka duh tih hi a hre tur a nilo,in thianthatna tihchhiat a ,ka duh tih ka hrilh a nihchuan ka lak a tangin a bo kum khua tawh dawn si a ,hetia ataksa dai thei a ka awm chuan ka lungawi tawk em em . β€œ Keipawh 12 ah hian ka subject ka thlak anga,i inhliam changa enkawl tu che doctor nih ka duh " ka tihchuan a nui hawk hawk mai . Ka ner nang nang,ka thutak ve tehreng nen alo nui mai mai chu ka huat tawk a tling β€œ Nui suh enge sipai te chu indo thei reng in nia ,chutiang hunah te chuan doctor ka nihchuan ka lo tidam zung zung dawn che a lawm " tiin a awmah chuan ka bei than.










Ka samah chul hauh hauhin β€œ Pasal i nei daih anga min theihnghilh daih si a nge " a rawn tihchuan a banah ka seh zauh β€œ Teuhlo mai,ka mipa duhtak ka neih hma chu pasal ka nei dawnlo " ka kut phar vak pah chuan ka ti a ,ka thu chhuan bawk . A hmui petin a nui leh var var mai β€œ Nangmah zawk hi nupui i nei daih lo ang tih tunge sawi thei,i fa paitu lo awm ta se loh theihloha i neih a ngai awm sia" tiin a mitah ka en .








A lu thing nur nur in a lamah min pawt hnai leh β€œ Lungngai suh,ka hmeichhe duh tak lo chuan chu thil chu a nei ngai lo vang,ka hlawhtlin hunah chu ka hmeichhe duh tak chu ka la hmuh tir ang che. I hmh duh angem?" a tihchuan rang zetin ka lo bu β€œ Chunu chu Angeli hi a nilo tihna em ni? Nangpa hi i lerh riau " ka tihchuan za zetin a nui leh, a hmui chung veilama khuavang awm chu a inhmeh hle β€œ A la awm ve lo va,chubakah hre turin a la in peihlo " thutak zet hian a rawn ti .








Tu hmeichhia tak ni ang maw Zorammawia duh em em a nihna a vang pawh chuan a vannei hle in ka hria,a haw phei hnu chuan lehkha zirin ka zir tui tum ber a ni hial in ka hria. Nidangah chuan ka lehkha chhiar ka mutthluk loh leh ka pen leh pencil hmangin ka thai hnawk vak zel,a nihloh leh thil ngaihtuah veng veng ka ching thin . Heivang hi a niang awm lo tur dream vak vak ka ching a ,a chang leh ka kawngkal te hi bo thut a hmanlai huna luh pasaltha hmeltha leh pa tak hmu thut tur ang te hian ka in ngai thin.








A nih loh leh billionaire leh mafia ka ngaihtuah vak vak a ,zan mutna ah te hian dream chunga tawng vak vak ka ching a,ngawi renga nuih ka hrat lutuk avangin ka nu in ka mawl emaw min tiziah. Lehkha zir zawh rualin chaw eiin ka chhuak zuai tihloh chu ka roomah ka awm leh char char . Ka rilruah Zorammawia thusawi hlir chu a awm lehnghal ,holam viau angin lang mahse ka tan erawh a ho lem lo,ngaihtuah ut ut tham a ni reng a ni .








Ka mipa duh em em chu vawikhat te pawh hmeichhia angin ka hnaih ve thiang miaulo a lawm,thawnthu chhiarin tlem chuan ka thil ngaihtuah pawh a dang leh deuh,tukverh atanga arsi lang te chu ka thlir reng. An phe zeuh zeuh a ,a chang a anthlawk leh zeuh te chu duhthu ka sam hnan,thleng dik tak ang maw . Hringnun dang neih a,pian nawn leh a chu ka pian nawn leh naah chuan tu emaw tana a hmangaih em em leh a duat em em nih ve ka chak a.







A hming lam ngun ber nih a ,a kut vuantu leh a damchhung kawppui tur nih ve ka chak,chu hringnun hun leh ah chuan kiansantu zawk nilo a ,apana zawk nih ve ka chak a ni . Chu nunah ngei chuan duhtaka ka thlir thin a hriat ve ka phalloh a chuan duhtakin min thlir ve tawh anga,a ruka ka vei ngut ngut ang hian min vei ve ngei ka ring tlat a ni . Ka ngaihtuahna ram chu a taka chantir theihna awmchhun mangramah ka luhpui riai riai a .








Mangramah pawh hmu thei tak ang maw? Ka ngaihtuah a ,duhtu nun duh let ve siloh hringnun neitu hi an lo vanduai a nih hi,an mi duh ve em em chuan an duh tih hre miahlo vin midang an neihsan a,chhungkua dinin hlim takin an awm khum thin a ni awm si a ,duhtu tan erawh duh ber na na na chu theih nghilh theih an ni miau silo a le .






β€œ Bawihi tho teh tho vat teh " ka nu chuan min rawn sawi nawk nawk β€œ Enge nu " mit nuai nawk nawk chungin ka thu chhuak β€œ I pu a thi a nihchu,kan kal nghal a ngai rawn inti faila rawn chhuk rawh " a tihchuan ka phu nasa hle . Ka pu a thi tih ringawt chuan ka rilru a luah,ka pu neih chhun a ni tawh a ,ka nu nu leh pa erawh ka pian hnu lawk ah an thi tih ka hria ,ka pa pa chiah hi ka pu neih a ni tawh a . Min duat in keipawhin ka ngai thei hle .








A thi tih ka hriatna chuan ka tah a tichhuak,intifai zung zungin inhnuailamah ka tlan thla ,ka pu te in lam pan chuan kan tlan,ka nu nen chuan kan tap dun . Ka pa erawh mipa tih takah a insum thei viau ,an in kan thlen chuan mi an lo tam tawh viau mai . Ka pu mutna bulah chuan min hruai phei,ka pi awmdan leh tah dan ka hmuh ngat phei chuan ka lung a tichhe zual. Kan tap hawm hawm hlawm,chaklo chung pawh khan an in ka kal a piangin min lo lawm hram hram thin a .








A tu hmuh hmasak ber ka nihna ang pawhin min duat zual em em thin,a thi mai chuan min ti tap lo theilo β€œ Pu tho rawh ,infiam leh ang Apu,pu tho ta che naktuk hi weekend tih i hriat reng kha . Kan pahnihin kan infiam leh a hun dawn a nia tho rawh " tiin ka au vak vak,a hmai zur tak chu ka khawih,ka tap vak vak β€œ Pu tho rawh. I awm lohvin tunge min lo lawm tawh anga ,ka lo len i nghahhleh theih em kha ,min ko leh rawh pu " ka nu chuan min pawm bet tlat.







Ka hrawk ana a ,ka lung lam chu a na ut ut bawk . Ka nu leh pa in min hauh chang pawh a min chhan ziah tu leh ka thlavang hauhtu awmchhun te chu ka pi leh pute hi an ni a ,an bulah ka pangchangin ka nu in min hauh a pianga ka zualko na leh ka nu leh pa hau thintu pawh ka pu hi a ni,tar chaklo tak a nichungin a tunu min hmuh rual a piangin tiang hawlin min infiam pui a , weekend ah ka kal dawn tih hria in pawnah min lo hmuak sa thin.








Chungte ka ngaihtuah chuan ka tah a chhuak zual ,dar 11 velah kan teacher te bakah Zorammawia leh Samuela an rawn kal a,ka bulah an rawn thu ve reng,ka tap chu lainat taka min en bak tih theih an nei bik lo . Ka pu an phum tur chu ka ko tawk tawk a ,mahse leihhnuai feat chuanga thukah chuan an thlak thla riai riai,ka pi tap chu ka kuah,kan pahnih chuan kan tap dun rawih rawih,thihna hi chu kan hriat lawk theih leh kan dan theih a ni mawlh silo.








Mipui an tin hnuah pawh keini chu kan la awm reng β€œ Naute " Zorammawia chuan min kuahin a rawn tisup β€œ Tinge ka pu hi a kal mai le? Zo engtin nge ka awm ve tak ang,chawlh hmanpui tur ka nei ve tawh lo " tiin ka mittui luang zung zungin ka pu thlan an chhilh thar chu ka thlir ,ka bula mipa ding chuan min kuah nghet suah ” Weekend a piangin kan kal dawn a lawm " a tihchuan ka en ha ,bu nghatin ka kut chu a hmer na sauh.







Ka nui ta sak,ni e kal ka duh ngei ang . In lamah kan hawng a ,zanah ka tlaivar leh thak,ka muhil theilo Zorammawia pawh ka bulah a awm reng a,Samuela erawh a chhungten an ngaihtuah kan rin avangin dar 10 velah a haw ,zingah chuan ka chau tawh bawk nen roomah min hruai lut ,a dar nghengin min mut tir a,ka hnungah a beng thak thak. Chupawh chuan min ti thlamuang em em tho . Thian nih a tlin a ,ka mamawh hunah ka tan awm loh lai a nei ngailo,hei vang pawh hi a niang hlat har ka tih em em ni.

Link:
BBcode:
HTML:
Hide post links
Show post links

mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » November 21st, 2022, 9:07 pm

THE PROTECTOR






CHAPTER 3






β€œ Superman " min rawn en vut ,β€œ Tikhan min ko ziah suh" a rawn tihmuk,Superman changtupa anga ka ko chu a duhlo ve em em a ,ngaihnawm a tih tehlul nen β€œ Enge ka tan chuan Superman ang kha a lawm inih? A ni pawh midangten an mamawh a piangin an tan a awm hman ziah a ,an ni anga nilo mah ila ka tan chuan ka thiantha ber i nia,min venghim reng bawk a . Chuvang chuan ka tan chuan Superman a ang kha ini " ka ti sap sap .










Ka thusawi a vang chuan a ngawi vung vung ,a dar chu ka ngheng leh ,ka ham bai bai β€œ Anihchuan Lois lane i ang khan i Superman a thu hi awihla ,khawiah mah pensan suh ang che " ka muhil titih tawh a thusawi zawi sap chuan ka beng a luah reng,ni e sawilo mahse a hlata awm ka duhlo,ka chau tawngkhawng tawh nen ka muhil zui ta thuai . Ka hmuiah chuan fawptu an awm tih ka hria ,mahse ka mumang zawk pawh a nimai thei,tu emaw hmel phe ruai chu ka hmu,ka muhil zawm leh nghal thuai.










Ka harh leh chuan khua alo tlai tawh hle ,tlailam dar 4 a lo rithuak,ka mutui lutuk chu mak ka ti zawk . Ka taksa kuah bet tu chu ka en ,tui zet hian a mu sak sak,ka kawngah kuahin a mit a chhing chial,a hmeltha zet chu ka en vang vang β€œ Min hlat hunah kei hi engtin nge ka awm ang le ? I lak atanga ka hlat hun tur hi thleng thei lo sela ,mahse nang chuan ka rilru ang i pu ve silo va ,Superman chu a khawvel a kir turin hmun dangah a Lois hi a kalsan daih anga,a khawvel hmasa kalsanin khawvel dang a tlanbopui ang" ka thusawi hrelo tih hriat takin a thaw sak sak reng.











He mipa hi vawikhat tal ka bialpa anga kuah ka chak,ka chak ngawih ngawih mahse a rem ve ngai dawn lo . Ka kut chu la let riai riai in ka thawhsan a ,pawnlam ka pan ka nu chuan rawng a lo bawl mawlh mawlh β€œ Bawihte ilo harh elo? Khawnge Zozoa?" Zorammawia hi ka nu leh pa chuan Zozo an tihloh leh Bawiha an timai zel β€œ Ala muhil,hetah chaw ei ve leh a tum a niang " ka tihchuan ka nu chu a bu nghat nghat







Naupan tet atanga inkawm leh mu tlang thin kan ni a ,kan in riah chilh pawhin kan chhungte ve ve ah buaina a awm ngailo . Inphih harhin pawnah ka vak chhuak a ,kawta grass kan phah chungah chuan dingin tlailam boruak chu ka hip,ni tla tur in a inchhawng chhip a chhun chu enin vanlam ka en leh ,vamur thlawk kual te ,chhum niin a kah a vanga senphut te chuan ka lung an ti leng vawng vawng thei.







Panlai nun ka ngaihtuah a ,khatiang hun lai mawl mang tak leh enghelh neilo a awm lai hun kha ka ngai a ni,khatih lai kha chuan hringnun hrehawmzia kan hrethiam ve phak lo va ; mahni tal tal khan kan tal ve mai mai zel kha a ni sia. Tunah erawh kan lian tawlh tawlh a ,khawvel a hrehawmin natna tur kan hmu tam tulh tulh thung a ,rilru inthlak zo vin duh kan nei chho va ,mahse kan thil duh zawng zawng kan nei thei leh silo .









Sava ang mai nih te hi ka chak,mihring hmuh phak loh tura vansang taka thlawh ka chak a ni β€œ Eng em em nge i en,vanah vantirhkoh mipa i hmu em ni sihal riltam anga vanlam hawi a i hawi dauh dauh " Zorammawia chuan ka bula rawn din pahin a rawn ti nui vur vur. Melh nghekin ka hawisawnβ€œ Sava niha thlawh bosan che ka chak" ka tihchuan a rawn nui hawk hawk β€œ I thei chiah ang maw? Min rawn zawng leh si ange..." tiin ka bulah chuan a rawn ding.









Min tihnuih a tum ve tih ka hria ,mi tihhlim a thiamloh zia hre chiang tu pawh keimah tho ka ni . Fiamthu a thiam lo va ,a nuih ve pawhin a nui rei ngai heklo ,thian kawm a neilo va ,keimah bak keipawhin a ni bak ka kawm ngai heklo . Mahsela college kal chin chuan kan kum a inrual lo bawk nen kal tlang reng thei heklo,thian pahnih khat chu kan kawm ve ve ,mahse kan pahnih a inpawhna angin tumah midang nen kan inpawh leh chuang lo








β€œ Superman i thlawh bo hunah engtin nge ka lo awm ang le " ka tihchuan a ngawi vung vung,ka darah a rawn kuah a β€œ E min lo nghak ang ,nangpawh ilo inzir zel anga,i college kalna tur te ka thawk chhuak dawn a lawm " a tihchuan ka nuih hak hak,ka pu ka ngaihtuah thei rihlo tunah rihchuan ka bula awm pa thusawi hi ka ngaihtuah zawk . Hmeichhia leh mipa rei tak thian a nih theihloh an tih thin chu a dikzia keimah ah hian a fiah berin ka hria ,ka thiantha ber ani a,ka mipa hmangaih ber a ni bawk.









β€œ Um nia hetah ka lo nghak reng ang che nga ,kan inhmuh leh hmasak berah thil ka hrilh ang che " ka tihchuan min rawn en ,zawhna min zawh duh hmel a pu,mahse ka inpeih hma chu engmah sawipui ka duhlo β€œ Bawihi lo lut teh u,chaw ei a hun a nia ,pawnah awm reng lo khan rawn lut vat rawh u " a rawn tilang lang,ka bula dingpa chuan β€œ Tu thleng hmasa sa " tiin a tlan lut nul nul,engtik ah tak mipa puitling tak ni ang maw? Tunah rihchuan mipa tleirawl thaza tak a la ni berin ka hria.









A tlan lut chu enin ka nui sak β€œ Lalpan ka ta nilo tur a lo duan che hi ka vui chhan "an tih hla ang mai kha niin ka hria ,ka ta nilo tur si hi ka bulah a awm tir reng a . Ka hlat phalloh turin a sakhmel leh pian,a mizia thlengin a duang chhuak a ,ka khawih ngamloh tur in inngaihzawnna nilo thian nihna dinhmun min pe a ,ka hrilh theihloh tur in thuruk min neih tir bawk . Beng leh ka chu nei mah ila,duh thu chhak chhuak turin ka kΓ’ a chak tawk lo va,a mi chhanletna ngaithla turin ka ri hriatna hian a aw hriat a ngam lo a ni .









Muangchangin ka lut a ,Chaw chu ka ei tam lemlo hle ,Ka nu leh ka pa chuan min be mawlh mawlh reng,ka hlimloh an hlau a ni ber . Zorammawia pawh chuti bawk ,an pathum chuan ka thlengah chaw hmeh an indah chhawk a niber,zanah nu Dintei te an rawn leng phei a ,Zorammawia pawh a nu leh pa an rawn kal chuan a inla naute hle ,kawngka a rawn ri a . Ka pan nghal vat ,Samuela hmel ka hmuh rualin ka nui var var mai ,kan inzui lut a ,a inthlahrun hmel hle.








Ka nu leh pa hnenah chuan ka inhmelhriat tir mawlh mawlh,an nipawh chuan an lo be vat vat. Tlem chuan a nipawh a ngam hmel ta deuh β€œ Bawihte i thianpa chu a va fel ve a hmeltha bawk si ,makpa atan hual ka duh riau mai " Nu Dinteiin a tihchuan kan nui hak hak hlawm,ka nu leh pa pawhin an lo tuihnih zat . Samuela pawh laih hmel zetin a nui a ,Zorammawia thung chu a meng rum leh ul tawh . Enge a hriat leh tak ni? A inrawlh tawh loh tur thu kha a sawi reng sia.







Chutah ding vutin β€œ Nu,ka leng dawn ka bialnu rim ka ngai,nihnih chhung ka hmu bawk silo,a lo vui ange" tiin pawnlam a pan zui,thlah hman pawh a ni lo reng reng β€œ Bawiha hi chu a mak thin a nia,a bialnu lah kha a hawiher a changkang in a fel khawp mai,hmanni ah a rawn len pawhin eitur te min rawn ken a ,bawiha pawhin a duh viauin ka hria,Pathian zarah damte a kan awm a ,an la inzui zel a nihchuan mo atan pawh a iaiawm dawn lohvin ka hria" nu Dintei chuan a ti nghal zat. Ka nu leh pa pawhin hmuh ve an chak thu sawiin keichu min zawt nghal .









β€œ An class pui a nia ,a hmeltha lutuk" tihzawng ka sawi,an chanchin sawi chu nuam ka ti hlawllo,Samuela nen chuan choka lamah pheiin kan inkawm a ,ka kut chu a hum ve rauh rauh mai . Fiamthu a thawh a kan nui leh hak hak zel ,a nu leh pa in min hmuh ve chak thu sawiin an ina chaw ei tur chuan min sawm zui a ,ka nu leh pa thu thu tiin ka chhang tawp . A nu leh pa ka la hmu ngai lo va ,ka zak a ni tawp mai,a haw dawn chuan pawn thleng ka thlah .









Hawi kualin thim chinah min pawt lut a,ka hmuiah a rawn fawp ,ka phu zawk mai . Kha chu ka rinloh lam daih a ni,mahse ka haw lemlo,a bialnu ka ni tawh miau a lawm β€œ Muttui aw ,i nu leh pa chu naktukah ka lo dil ang " tiin a bike lam a pan a ,ka kut ka vai zauh. A tlanliam hnu chuan inchhungah lutin ka nute thingpui Inna chu ka seng a ,an bula ka thut leh lai chuan an hna chungchang an lo sawi tui viau mai β€œ Bawiha hi sipai lam luh a tum bur mai a ,a duh tawh lah hi thlaksak theih pawh a nilo nen.








Ka nau bia in lo tihpui deuh tur chuan kan han ti a ,a tlin hlauh chuan a lawmawm ah ngai mai ang " Pa Rengpuia chuan ka pa en pahin a ti,kei erawh ka la ngawi ta reng β€œ A tha a lawm,kan fate duhzawng tihsak aibaka hlu a awm hleinem,sual lam an pan loh phawt hi chuan ngaihtha takin awm ila,hna an thawh peih phawt chuan engpawh hi a tha mai a lawm " ka pa pawh chuan a lo tive bawk ” Bawihte kha kha i bialpa maw? I Superman-an bialpa neih a phal tawh em ni?" tiin an pali chuan an nui hlawm a .








Zorammawia mizia an hrechiang bawk a ,min zawt leh ta tak tak e β€œ Um a phal chu a tia,chubakah Samuela kha chu a fel a lawm,an hausa a mahse a chapo ngai miah lo a nia " ka tihchuan an bu nghat nghat hlawm ” Kan dang dawn lo cheu va ,mahse inthian dun hian nulat tlamgval kawngah fimkhur ula,nun uluk loh hunlai in hmang mek a ,mahni ngaihdan nei rual leh mahni thuduh rual in ni a ,chuvang chuan mahni duhdana kal mai hi a tha ngai lo va nia .







In nun uluk ula,tun atanga in nun in uluk loh chuan in hmalam hun zelah zahna zakhua thlen thei cheu ani tih hria ula,i thianpa pawh hi hrilh ngun ang che ,in nu leh pate ai hian a in pahnih thu inhrilh tawn hian awmzia a nei zawk a. Chuvang chuan nang tal hian i thianpa hi i hrilh thatloh chuan tlangval sual tak pawh ala ni thei a ,a hmeichhia zawk i nihna angin i kutah kan in nghat nasa ania " an tihchuan ka bu nghat nghat.








Ka mut a chhuah tawh avangin room lam ka pan a ,Zorammawia tehkha engtin tak awm ve ang maw? Angelsuaki chu ava rim a ni ngei ang . Engvanga Samuela hi ngai thei miahlo nge maw a nih le ,naktukah biak ngei chu a ngai a ni. Zingah Samuelan min rawn lam a ,ka nu leh pa bulah an in a chaw ei tur chuan a dil ta ngei a ,ka nu leh pa pawhin an lo rem ti ve mial .







Kan tlan chhuah dawn chuan Zorammawia rawn tlan chhuak fua chu ka hmu hman zuai chauh a ni . Kha ti em em a tlan chak, accident te a hlau lo emaw ni ? Mawl lutuk mai , school kan thleng,bike chuan hi chuan pawnfen hi a inhmeh hlawl lo kan phe puar pawp pawp in ka hria ,tlan lak lawh laiin a puar pawng ang pur pur a , college zirlai te hi ni tawh zawk ila,gate chhung kan luh rualin Zorammawia leh Angel-i pawh kut in kai rialin an lo kal dun ,thik viau mah ila tihlan ka tum tawh bik lo








Samuela nen chuan inkaiin class lam kan pan,thla a liam ve zel bawk nen kum tawp kan hnaih ta viau a ,exam kan hnaih tawlh tawlh bawk a . Peih awm loh ngei mai β€œ Chhanhim zanin ka birthday a nia ,in pahnih khan lo kal ve ru aw " Angeli chuan a rawn ti,ka en vat Zorammawia nen chuan an la inkai reng, teacher te an awm lo bawk a ,an ngam ve hle mai ” Awle kan lo kal dawn a nia,mahse hei Sam-a te inah chaw eiphawt kan ngai si a ,kan lo tlai maithei " tiin class lam chu ka pan lehnghal








Zorammawia min inti be duhlo vel kha ka hua .



(WHATSAPP LAMAH STORY PAHNIH KALPUI LAI KA NEI A ,CHUVANG CHUAN DUH ANG IN HELAI CHU KA REGU THEI RIHLO AW ,MAHSE ZANKHAT DAN ZEL KAN TUM DAWN NIA )

Link:
BBcode:
HTML:
Hide post links
Show post links

mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » November 23rd, 2022, 8:41 pm

ZAWMNA .






Haw lamah pawh Samuela ka inthlah tir a ,Zana Angelsuaki birthday kal ka rem ti bawk nen min rawn sawm tur thu sawiin a tlan chhuak nghal,kan class sang lutuk lo mahse puitling angin kan in ngai vek tawh a. Chhungte pawhin min khuahkhirh tawh em em biklo,inchhung ka lut chu sofa a lo thu kur avang chuan ka pen tawp chawt. Min han melh rum em em leh ta nghal,tunlai hi enge a hriat ni a thinrim hmel hlir ka la hmu .








β€œ Bawihi i u Zoa i rawn inphurh tirlo em ni? Tinge i va rawn haw tlai reng reng ve ,mipa te hi lenchhuahpui mai mai loh tur " ka nu chuan a rawn ti hlak hlak . Ka tum hmak rualin pakhatpa erawh a lo nui suk a nihchu,ka va han ngei mai mai tak ka nu leh pa min hauh tir a duh vang bak lohin a lo haw hma dawn lo tih ka hria β€œ Nu ka lenpui lo ,kan bang tlai deuha chuvang a lawm " tiin ka room lam ka pan,min rawn biakna pawh ka ngaithla zui tawh lo .








Ka necktie chu phelhin ka kamiz kilh chu ka hmet phelh mawlh mawlh ,bra nen chuan ka ding,darthlalangah chuan ka in en vang vang . β€œ I dul a kiar lutuk " ka au tuar ,ka in hup nghal β€œ Hmela chhuak rawh ,chhuak vat rawh " ka ti chul,ngaih pawimawh loh hmel zet hian a rawn lut β€œ I bialpa in a hmu dawn tho va ,ka hmuh hmasa chu a pawi viau em ni ?" a rawn ti sup,ka melh haw mai . Khumah chuan a kut a a mit hupin a lo mu a ,a thusawi chu ka manlo β€œ Engvang ngawtin maw ,ka bialpa te chu ka bialpa a nia" ka tihchuan a rawn nui hak.








Min rawn en tawhlo tih ka hriat avang chuan ka in ha nghal zung zung ,ka zawh rualin a bulah ka phei β€œ Engah nge ka nu bulah min lo va hek vel a ,nangpawhin i bialnu i lenpui ve reng zel sia. Ngeiawm viau suh aw " tiin a bulah ka thu thla,min chhang lo ka be mawlh mawlh reng tho β€œ Superman-a te chu a tawng tamlo a ,a pat pat nen a taka ka Superman ve hi chu i tawng thei em em ringawt" a rawn hnar ri ka hriat chuan ka en vat,hepa hi a lo muhil vel a maw ? A va han ngeiawm tak.








A mut duh te chuan sawi mai awm,a kut chu ka lak thlak sak ,a muhil hmeltha zet chu ka thlir reng . Ka tette atangin a thanglian ka hmu chho va ,min thlahthlam lai a nei ngai heklo,ka bulah a awm reng a ,hmeichhe dangin kawm an tum pawhin keilo a mamawh loh thu a hrilh mai zel . Ka duh ka sawi tawh chuan ngawi renga ngaithla in ngawi reng bawkin min tihsak thin. Ka tah a piangin min thlem a ,min tih hlim a tum hram hram zel ,hei vang te pawh hian a niang thian anga ka enna hi duhnaah a lo inthlak tak.









Nitin inhmu a awmdun reng na na na chuan inhmelhriat sa lo pawh nise an inhmangaih thei fo va ,keini inkar pawh hi ka dem em em lo . Kan thanglian duna engkim kan tidunin kan thil ngainat leh duhloh te chenin kan inhriat sak a nia ,ani chuan min duh ve lemlo mahse ka tan chuan hero ang tluk a ni. A hmui chu ka khawih ,ka nui var var reng mai ,a mutlai chu chuhin a hmuiah chuan ka fawp zauh. A harhlai chuan ka khawih thei silo va ,a mutthilh chhung hi ka tan chuan hun hlu ber a ni .









A sam buk lutuk silo a chhip buk deuh hlek chu ka tham nauh nauh,rawn in her sat satin ka kawngah ka thulai reng chu a rawn kuah β€œ Angel" a tihchuan ka en vat,a mumangah lehzel pawh a bialnu a hmu a nia . β€œ Min duh ve lo in min hmangaih ve lo mahla ,ka tan chuan ka Superman ini reng tho i hria em? Nakinah chuan ka lak atangin a la bo hlen tawh ang che anga,keipawh i lak atangin ka hla tawh viau ang ,Zorammawi hrilh ngam che ila ka ti,mahse i mutthilh laia i hming lam chhuah pawh kei ka nilo va .









Engtin nge i thinlung ka neih theih ang ni tiraw?" zawi te te chuan ka phun sep sep,ka mittui tla tur chu ka dang hram hram a ni . Reife ka awm hnuah chhuahsanin ka nu rawngbawl ka pui a ,kan titi dun mawlh mawlh β€œBawiha chu a haw em ni ? A haw lai ka va hmu lo ve " ka nu chuan a rawn ti β€œ Ka khumah a muhil leh tawh a nihkha ,tunlai hi enge a hriat pawh ka hrelo ,a thinrim reng lehnghal . A bialnu nen an inhau deuh nge tih dawn lahin an inzui chawt reng tho sia,a at a chhuak a niang " ka tihchuan ka nu chu a nui hak hak.










β€œ E taka nu zaninah Zoa bialnu birthday hi a nia min sawm ve a ,Samuela nen khan kan kal dun dawn a sin,i rem ti em ?" tiin inthlahrung tak chuan ka zawt . Ka nu hi chu nu invawng tak leh khawlai vak tamlo tak a ni a ,hei vang pawh hi a niang a nulat lai pawhin fak a hlawh thin viau β€œ Um Zoa a awmdawn bawka i kal dawn a nia ,amah erawh chu fimkhur la ,tleirawl lai hi chuan enghelh kan neilo va ,mipa lam pawh nise a falin awm dun loh hram in tum dawn a nia ,thil a pawi tawh chuan kumkhua a daih thin .









Ka sawi fo angin hmeichhe vawikhat thil tihsual chuan a damchhung a awh ka tihfo kha,mipa bula awmdan chin tawk thiam a tha ngai ,ka ringhlel lam cheu nilo vin mipa tam tak hi chuan hmeichhia hi mutpui atan bak loh an tilo fo a nia ,mahse i u Zoa a awm dawn bawk a ,a ni a awm chuan a thlamuan thlak e " a tihchuan ka hmui ka tipawrh,Zorammawia hi chu tupawh hian an fak a nih hi,ka bula a ngeiawm theih nen hian midang bulah lah a ngawi ngul a ,an thusawi tha takin a hlen thin.









Ka bulah erawh a letling hlauh thung,min tibuai renga ,buaina ral liana a ni ringawt . Zorammawia pawh dar 4 velah a rawn tho luai luai a ,ka nu chuan zana birthday a kal rual tur chuan min tizui , Samuela nen kan kal dawn tih ka sawi reng sia β€œ Nu....." Ka ti vak β€œ Enge in inhnaih zawk ,i thianpa chu hrilh la ,an inah lo nghak mai che rawh se. I u a kal ve reng dawn a midang inhruai tir kha a tulna a awm lo " a rawn ti nghal hlak. Zorammawia lah chuan lo la pawmpui zui leh ta nghal .








An intan chiang lutuk,lungawilo zetin ka tum hmuk β€œ Nu ka haw phei tawh a nge aw ,Nautei chu ka rawn lam phei dawn a nia " tiin a chhuak zui,an va han zaklo dun tak . Chaw eilai te chuan ka nu lakah ka titau char char,keiai Zorammawia a tan chu ka haw hrim hrim,chaw eikham chuan ka insiam mial mial,Samuela pawh Angeli te ina min nghak turin ka hrilh tawp ,kawrfual ka khup thleng chu ha in ka sam ka kawng vaw hnap khawpa ka zuah chu ka thlah bawk ,make up tlem azawng inhnawihin ka hmui pawh ka hnawih sen ve hlar mai.









Keimah ka ang lo rum rum,pheikhawk sanglam ka bun peihloh avangin sneaker ka kawrfual nena inhmeh tur ka bun mawlh mawlh β€œ Chhanhim i u a rawn thleng a nia " ka nu chuan a rawn tilang lang . Ka nernawk mai,ka purse la in room atang chuan ka chhuak,Zorammawia chu tshirt pawl ha in jeans kekawr dum a bawp sei zet phuar tang ha a , sneaker var ka bun ang chiah a bun,kan thawmhnaw hak chu inthurual ang hrimin a inang deuh vek ” Ehe in va inang ve " ka pa chuan a rawn ti,ka nu pawh a lo nui hak hak .








β€œ Min copy a nimaw " Zorammawia melh chung chuan ka ti,kawrfual pawl ka lo ha ve bawk nen hre ngailo phei chuan couple emaw min ti ngei ngei dawnβ€œ I zaklo ka ha hmasa zawk ,ka rawn kal tih i hria a,ka inchei dan i entawn zawk a nihkha kal vat ang kan tlai dawn thlen hmat ka ngai a nia " tiin ka kuta rawn kai chuan min kaichhuak dawr dawr β€œ Awi Zorammawi ka ning ,min hnuk phar dawr dawr tur chuan engah nge kalpui ilo rem tih? Min kalmuanpui rawh,nanga bialnu birthday mai mai ka hmanhmawh peihlo " ka tibakhlur .









Ka thinrim sa nen ka thinrim belh a ni ringawt,a ding chawt min rawn melh vung vung,en duhlo muangchangin a bike ah chuan ka lawn,ka thu vang vang β€œ I hmanhmawh viau a ni lawm ni ,rawn lawn ta che " ka tihlak hlak,a rawn lawn a a start nghal vut vut . Chak zet hian a tlan chhuak nghal nghal,ka au chul mai a hnungah ka bei thlawp,ka meng ngam tawh der lo . A taksa che dawt dawtah chuan a nui tih ka hria ,a tlan muang ta deuh.








Ka thaw huai thei,thli chuan min chhem hauh hauh ,a romantic ka ti takzet . A hnungzangah chuan ka khabe in ka nawr ,ka nui var var ,a helmet a khum lo va ,a sam chu a phe hlawp hlawp . Ka thlir reng ,min rawn en thut ka hawisawn rang hle ,β€œ Ka thiannu hian hmeltha min tiviau a nimaw?" a rawn tihchuan ka kuahna chu ka sik vawt ,thlasik a intan bawk nen zanah chuan a vawt lam mah a ni.







Angeli te intualah chuan kan ding,an inhi a compound a zau a ,a fal deuh ruih bawk . Mi an lo awm nual tawh tih hriat takin thawm riva a tam hle . Kan inzui lut , inchhung light chu a rawng chi hrang hrang in sap ho ang deuh chuan ti a ,tumah kan inhmu chiang theilo. Samuela min rawn pan chu ka hmu ,ka bul a rawn thlen rualin ka lo nuih var var,Zorammawia pawh a kalsawn nghal nal nal ,duh duh hunah hian a mood hi a inthlak a .







Angeli nen chuan an rawn phei a,midang chuan an en thup,ka thik lutuk chu ka tihlan mai ka hlau,an inhmeh takzet . An hmeltha dun bawk si,cake chu an zai a ,keini pawhin kan tem ve zauh . Beer kan in dun a ,lem erawh ka lem tamlo ka ruih chuan thil pawizawk a thleng palh ang,intihharh tumin bathroom ka zawng kual,kawngkhar ka hmuh chu ka hawng thuai ,mahse ka tawp chiang hle .







Zorammawia leh Angeli bawk chu an lo infawp a ,an inchul kual ruai anihchu . Min hmuh rualin an inthlah vat β€œ Naute " Zorammawia chuan a rawn ti,beer ka lo lem ve hlek tawh nen ka insum theilo ka mittui a rawn tla β€œ Ka tihpalh ka lo tibuai cheu a " tiin ka tlan chhuak nghal nal nal . β€œ Ding teh i hmuh ang kha a nilo " pawn ka thleng tawh ka banah a rawn vuan chawt β€œ Min thlah rawh " tiin ka kut chu ka pawt vak.







β€œ Tinge hetianga i awm ? " a rawn tihchuan ka chhang lo,kalsawn ka tum β€œ Lalchhanhim min chhang rawh " a rawn tileh hrawk β€œ Kan inthianna hi tawp rawh se ,a chhan chu maw ka hmu leh duh tawh lo che ,kalbo rawh" tiin ka mittui chu ka hru,hamhaih zetin min en Samuela rawn kal chu ka pan vat β€œ Min hruai haw rawh a nihloh pawhin khawiah emaw min kalpui rawh" ka rilru ana bawk nen engmah ka ngaihtuah theilo .







Samuela chuan min kaiin a bike lam min panpui β€œ Lalchhanhim ding teh ka insawi fiahna ngaithla rawh " a rawn tihchuan ka hawi let β€œ Insawi fiah turin ka engmah inilo va,i engmah ka ni heklo . I nun a lawm " tiin Samuela bike hnungah chuan ka lawn,kan tlan chhuak nghal vang vang . Leitan ah chuan min din puiin a sang lai kawng sirah chuan kan ding dun,a kawr chung chu min haktir thlap ,ka lo nuih hak ringawt β€œ Ka lawm e aw " ka tihchuan a bu nghat.







β€œ Sam tu emaw duh deuh ilo nei tawh thin em? Ka sawi awmzia chu kei min tawn hma hian" ka tihchuan a rawn nui hak a ,a lu a thing β€œ Ka nei ngailo ,nanglo mahse i rilru hi ka luah pha tak tak lo vin ka hria, a chhan chu nang hian duhdang i nei,ani chu i hmangaih hle bawk tih ka hria " a rawn tihchuan mak tizetin ka en,a ni hian engkim a lo hria maw ?





β€œ Sam" β€œ A pawilo ka hrethiam che alawm,min ngaihsak tute hi chu kan tan an hlu em a ,a hre reng reng em" a tihchuan ka lu ka thing β€œ Ka hrilh ngamlo ,min hua ang . Chubakah a bialnu hi a hmangaih lutuk tih ka hria" tiin ka thu hniam a ,ka bulah rawn thu ve in min kuah thak . Lir thei rawn tlan chu kan thlir dun reng,engmah sawilo vin chulai hmunah chuan kan rilru kan kawm ve ve ,dar 10 velah kan haw chauh. In kan thlen rualin ka room ah ka lut nghal .







Ka chau hluah hluah,mut tuma ka intin tuah lai chuan ka room tukverh chu a rawn ri ,ka phu zawk ka hawi phei chu ka auchhuak lo chauh. Zorammawia chu a lo ding a,tukverh chu hawng turin min mit mei ,ka chhungte an harh ka hlau bawk nen ka hawng leh ta nge nge . Chuveleh rang zetin a rawn lut nghal,zu rim a nam huam huam bawk β€œ Enge i rawn tihdawn " min chhang lo chuan min kuah bet.






Ka hamhaih hle ,chutah min nemsawn deuhin chiang takin ka hmel a en ,min rawn fawp nghal chawt,ka ding khawng awt enge a hriat ni .

Link:
BBcode:
HTML:
Hide post links
Show post links

mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » November 25th, 2022, 9:48 pm

THE PROTECTOR





CHAPTER 4




BY MAWITEI BAWITLUNG






Awm dan tur ka hrelo ham haih lutukin a mi fawh dan ang ang chuan ka awm tawp ,ka taksa chu chulin min pawt hnai sauh, harh chhuak thutin ka namsawn β€œ Zorammawi enge i hriat, i ruih avang mai in min khawih tum suh " tiin ka en kar ,a mit meng atang reng reng chuan a pangngailo hrim hrim β€œ Naute ka ruilo " a ti ve ngei lehnghal . Mai mai chuan β€œ Va haw rawh ka nuten an lo hmu che ange,enge zu te i inreng reng i bialnu emaw min ti em ni " ka melh rawm rawm .







A lu a thing β€œ Engtin nge Lalchhanhimi hi Angeli a nih theih anga,ka hailo che " tiin min rawn pan lehnghal zat β€œ Naute ka duh lutuk che " tiin min kuah bet ,a ruih vanga a thusawi ah ka ngai nghet hmiah. Ka ring tur a nilo tiin ka infuih sauh sauh,a ruihlai chuan engmah a ngaihtuah ngailo va ,a ruih reh hunah a ruihlaia a awmdan a hre leh tawh ngai heklo . Hei vang hian zu intawh lo turin ka tifo bawk ,ka kut vuanin a awmah a hmehbel ,a nui nghal suk β€œ Ka lungphu hi i hre thei em?" a chatthla tur mitmeng chuan min rawn en .








Ka lu ka thing ringawt,ka nghawngah rawn beiin a chatthla zui nghal . Khumah chuan ka mutthla a ,a pheikhawk chu ka phelh mawlh mawlh . Engvanga rawn rui haw nge a nih ang le ,Angel-i nen an inhau a nih ka ring ber ,a bulah chuan ka thu thla a ,a lu chu ka chulsak hliau hliau β€œ I ruihlai chauh nilo i harhfim hun pawh a i duh tak tak nih ka chak Zorammawi i hria em? I ruih a piangin ka kiangah i awm a ,mahse i harhfim apiangin hmeichhe dang bulah awm in keichu i thian chiah ka ni leh thin .









Engtikah emaw chuan i laka rilru diktak hi ka la sawi chhuak ngam ve mahna,tunah rihchuan i mutthilh chhung lek pawh ka chang hi ka lawm a ni " a bulah chuan ka muthla a ,min rawn kuah nghal thak . A hmel chu ka en reng,ahnar ngul sang vahte a hmui sexy tak te hi hmuhnawm ka ti ngawih ngawih,a khuavang awmna lai chu ka chulsak,a rawn phu deuh zawk lehnghal . Ka nuih hak a ; a hmui chu ka dai leh ta de de ,min hmutu awmse chuan zaklo min ti viau ang,mahse kan duhruk te chu an hriat loh lai chiah in kan ta an ni ve thei miau si a .








Hriat loh lai pawh chang phaklo tan phei chuan a na viau ang . Kan duh ve em em a,kan vei ngawih ngawih mahse an ngaihzawng te nen kan han hmu leh a hre ve lem lo mahse midang te tana hriat phakloh tur na chu duhtu thinlungah a rawn lang chhuak thin. A hre tu ten midang ngaihzawng ,emaw an nupui pasal emaw kan duh hian mi zak theilo thanin kan thang zui a. Engmah an hre thiam ve mawlh silo,an ni chu an miduh tak nen an inkawp fuh a nimai a ,mahse thenkhat an mi duh te nena inkawp theilo an awm tih an ngaihtuah pui leh thin lo .









A tawng tawh chuanin ka dinhmun hi min hriat thiam pui ngeiin ka ring ,rawn insiam remin ka kawngah a kut a rawn rawlh lut . Ka nuih var var mai,ka hnar phal thlawt lo hetianga a kuah nih ve te hi ka chak thin. A tul phawt chuan misualnu dinhmun pawh thlan ka hniallo β€œ Ka hmangaih che " he thu hi ka hrilh fo thin. Mahse a hre ve ngai chuang lo,mitchhingin a taksa kuah chial chung chuan mutthilh tumin ka insiam rem sat sat .








Ka mang lam atanga hian hun hi thlak danglam thei ila ka ti,tichuan thian ni hmasa lo va a hmangaih ka nih hmasak theih nan ka bei ngei ang,atan atan chauh a duhthusam nih theih nan ka bei tawh ngei ngei ang . β€œ Naute " ka hmai chu a chul dan dan,a mitawhna chu atak nge mumang tih ka hre theilo β€œ Ka naute chiah " a tawng chu ka ngaithla reng ,mahse engmah thawm ka hre zui tawh lo ,mumang ang in an ral riai riai. Ka room kawngka rawn inbeng dawt dawt avang chuan peihlo zetin ka meng chhuak.









β€œ Aw nu ka rawn tho dawn " tihlakin ham buai buai hian ka thu chhuak hlawl ,ka khum ka en chu Zorammawia reng reng hmuh tur a awm tawhlo ,ka mumang emaw ka ti rum rum,mahse a lukham delhna khuar danah chuan mumang mai a nilo tih ka hria,nuisakin pawnlam ka pan,school kal tura ka insiam lai chuan ka thinrimna te ka ngaihtuah let leh . Ka ning tawh takzet thian ang a en ka duh,pawnah ka chhuak vawiin chu taxi a ka kalmai a ngai dawn a nih hmel.









Taxi chu changin a rawn tlan rual chuan ka lo phar vat, school ka thleng a ka chhuk nghal vat ,reiloteah Zorammawia pawh Angel-i nen an rawn inphur leh ,thikloh tum pawh ni ila ka thiklo theilo β€œ Ding rawh " ka kalsawn tur chu Zorammawia chuan a rawn ti tuar ,ka inher lui ta tho. Ka thik zia hi a hmuh ka duhlo β€œ Lalchhanhim ding rawh ka tihchu " midang chuan min en thup tawh β€œ Ka sawi tawh kha kan inthian thatna hi tawp tawh rawh se ka peih tawh lo,min ngaihsak tawh chuang lo va









Enge thian anga awm reng hian tangkai na a neih,kan pahnih hian kawng hran ve ve kan zawh tawh Superman " tiin class lam pan chuan ka kal hlawk hlawk,ka thlen hma chuan ka kutah rawn vuanin min kalsawn pui nghal hlawk hlawk,enge a hriat leh tawh ni , school hnungah chuan kan ding dun ,bangah chuan min nawr betin min melh run . A lungawi loh zia chu a lang chiang viau in ka hria.







β€œ Engvanga thian anga awm chu duh tawhlo nge i nih?" a tihchuan ka nuih hak,duhtawka ka hmangaih thu hrilha au chiam ka chak,mahse ka thei der silo,ka hmai zawnah a rawn kun hniam a lungawi loh a pianga min melh dan thinin mit tizim sanin min en a,ka hawisawn theihloh nan a kutin ka biangah a chelh bet bawk β€œ Ka sawi tawh kha,nang leh kei hian ngaihzawng neiha an ni chauh ngaihsak tur chuan kawngdang ve ve kan pan tawh .








Chuvang chuan kei ai i ngaihpawimawh tawh zawk chu hlim deuhin vuan la ,mahse puih i ngaih hun a piangah erawh hmana i princess i kha ka la ni reng dawn a ,min rawn pan mai dawn a nia ,ka kal phawt ange " tiin ka inher sat sat ,ka lung chu ka dawm . A harsa a harsa takzet ,inthup hi a har lutuk β€œ Tinge Angeli i thik tih i sawi mai loh " a thusawi avang chuan ka phu zawk. Mahse ka hawi let chuang lo,ka hawi let a nihchuan ka duh loh deuh thil ka tipalh ang ,chuvang chuan ka na tam mai mai .







β€œ Hlim takin awm rawh u" tiin ka kalsan hlawk hlawk ,ka mittui luang chu a hmu pha awm der silo,a hma a a nuna pakhatna ni thin kha tunah chuan a nunah a pahnihna ang lek ka ni ta si a .


LIKE AND COMMENT KHA AW ZAWM LEH TUR

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » November 26th, 2022, 9:16 pm

ZAWMNA







β€œ Lalchhanhim ding teh " Sir Muanawma chuan a rawn ti chang fak,kan in mil theilo va chuvang chuan a subject hi ka ti tha duh ngailo β€œ Hmeichhia ve si hetianga zirtirtu te zahloh ,pawnah sawn i ban chunglama pharin va ding rawh,lunch break a nih hma chu awm ang che " tiin a chhuak zui ,peihlo zetin ka tho β€œ Awi sir hi a mak em em e engah nge a ngeih loh em em che le ,a hma a a duat theih che nen" Dampuii chuan a rawn ti,ka nuih ringawt.








Ni e sir Muanawma hi ala upa hauh lo , Kum 27 ang vel lek a la ni a ,tlangval a la ni bawk . A hma kha chuan min duat thei hle ,hun eng emaw ti a tang khan ka lak ah a sual ta em em ringawt β€œ Ka hrelo le ,zir nuam u " tiin kawngka bulah chuan dingin ka ban ka phar reng,miss rawn lut tur chuan min melh ha ,ka lo nuih ringawt . Class an la mawp mawp a ,school tuala sava tla chu ka melh pah,ka kut pawh a kham ve tawh viau ,an rawn chhuak thap thap,class 12 lam pawh an rawn chhuak bawk .







Zorammawia leh Angeli rawn phei chu ka hmaah an rawn ding en pawh ka en peihlo β€œ Hrem ngai te a la awm,tinge Chhanhim nangmah chiah lehnghal " Angeli chuan a rawn ti,a awmdan hi ka mil hlawllo β€œ Tunge min hrem theilo ti a ,a tul te chuan min hrem ziah ang chu" ka tihlak β€œ Chhanhim min rawn zui rawh " Sir Muanawma chuan min rawn kal pelh pahin a rawn ti ,ka kut dahthla in Samuela min rawn pan chu thil awmdan hrilhin ka kalsan vat .









School pawn lamah sir Muanawma nen chuan kan chhuak dun,engtak ti ang maw ? β€œ Sir enge kan tih dawn " in pakhat kawm karah chuan min pawt lut mak ti lutuk in ka en β€œ Sir Ih.." β€œ Ka duh che Chhante " ka phu zawk mai β€œ Engmaw??? Ih i thusawi kha " ka hre reng nangin mak ka tihna chuan min tihamhaih lutuk,min rawn hnaih ruaka ka kut chu la in min pawm bet nghal chawt. β€œ Sir hetiang chu a diklo,zirtirtu i ni a , kei i zirlai ka ni bawk ,hetiang a mawi pawh a mawilo " tiin namsawn ka tum.







Tinge ka nunah hian mipa an rawn lan thut thut le ,Samuela nena thian anga in en kan rem tih hnuah tunah heti hian a nileh a . Ka buai vek ,min kuai dakin ka hmuiah a rawn fawp ,namsawn ka tum chu min kuah nghet sauhin min fawp tawn tawn ,ka chhang let lo a tha a chak bawk si ka hneh der lo,thawk leh khatah ka taksa a tangin a hrang nawlh ,leiah a thal nghal thuai β€œ I School naupang nang hian a duhlo chung i khawih amaw ? " Zorammawia chuan thinrim zeta en chunga a tihchuan sir chu a nui hak .








Rawn tho chhuakin Zorammawia kawr nghawngah chuan a tham,an insual mai ka hlau takzet ,ka rin ang ngei ngeiin an inhnek zui sawk sawk ,ka rak that mai β€œ Duhtawk rawh u " ka tichul ,Angeli rawn lang hlawlin Zorammawia chu a pawtsawn ,ani lah a rawn la tal tang tang. Sir pawh a kam sir a thi ser ser ,kan sir a nihna ang pawhin ka buaipui a ngai tih ka hria ,ka hnaih vat β€œ Lalchhanhim va pan tawh suh " Zorammawia chuan a rawn ti tuar ,enge ka tih hi ka hre biklo mahse an ni pahnih bula awm reng ka duhlo .









β€œ Angel hruai sawn rawh ,helai chu ka lo buaipui ange " tiin sir chu ka rawmawl ka pe a ,a lo la nghal vat . Zorammawia nen chuan an la inmelh rum tha hle β€œ Lalchhanhim a nikha pan suh ka ti che a ni lawm ni " ka mit chhingin ka thaw hak β€œ Kal rawh ,ka nunah inrawlh tawh suh ka tihche kha nang nen kan inkarah inthianthatna a awm tawh lo,keimahin ka inbuaipui thei,I tello in hmalam ka pan ve thei bawk . Englai pawha i chhan ngai hmeichhia nih ka duh tawh lo " tiin sir chu ka kalsawn pui.










School kan hnaih bawk nen midangin min rawn hmuh hma a buaina chinfel kha a tha ber,sir chu ka kalsan nghal vat β€œ Chhante ka sawi kha ka tifiam lo a nia ,lo in ngaihtuah ang che keichuan mi thusawi ka ngaipawimawh lo ,ka nupui niturin ka duh che " a thusawi vang chuan ka kalsawn tum chu ka ding deuh dat . Chiang zetin ka melh,a hmelchu a tha a fel pawh a fel mahse ka thinlung hi mipa pakhat tan bak a awm theilo β€œ Min nghak suh sir ,nang leh keichu kan inthlau lutuk.







Chubakah keiai hmeichhe tha tam tak ila tawng ang,kei ang naupang lakah chuan i rilru pe lo zawk rawh " tiin school lam ka pan hlawk hlawk ,ka duh ka neih theihloh laiin engtin nge midang duh ka tihpuitlin theih bik ang ni β€œ I tha em " Samuela chuan gate ah min lo nghak reng a nih hmel . Ka lu ka bu nghat chutih rualin Zorammawia leh Angeli chuan min rawn kalpel fua ,min ngaihsak lo hrim hrim .









Ka duhthlanna a lawm tiin ka inhum ruh fan fan β€œ I tha em ?" nui chunga inphur chhuakte ka enlai chuan a rawn ti β€œ Ka hua ka haw takzet saw Angel Hmingthanpuii saw ka hua " tiin ka phun chhuak sap ,β€œ Mahse ka huat ber hi ka mi awh ber a ni bawk si. A chhan chu ka neih theih loh thinlung leh taksa neitu a ni miau a " ka tah nuih hak. Mi hmuh lohna turah min hruaiin min kuah bet β€œ I hria em ? Keichuan sawtiang sawn mi karah ka khawih ve ngamlo,a thian ang bakin ka khawih ve theilo .







Ka awt a ni ,a ni dinhmunah sawn din ka chak,ka lakah a thikthu tichhe thin mahse a thian ka nihna bakin a chhe ngailo,mahse a ni saw chuan a engkim a nei bik. Tinge ka neih ve theihloh? Ka duh ve a sin,ka hmangaih ve ngawih ngawih ,mahse tinge ka ta a nih ve theihloh ,hmangaih ngawih ngawih tu zawk awm laiin tinge a ni zawk saw a pan le Sam?" ka tap hlawp hlawp ka lu ah chulin a awmah ka hmai a nawr bet .








β€œ Ni e hmangaih kan nei a ,mahse kan nei thei vek thinlo chu anih hi ,hei hi lawm hla pawhin AN SAWI RAWLLAI HMANGAIHNA ,HMANGAIHNA VANDUAI ti a a lo sawi ,khua nu hian kan hmangaih te kher hi kan ta ni turin a dah ngailo,kan hmangaih na avang hian kan Γ’ zova min hmangaih let ve leh veloh ngaihtuah miahlo in an duh duh danin kan awm tir a ,mahse chunga min awm tir a duh loh avang zawkin a chang chuan kan hmangaih nilo vin min hmangaiha min dawhthei tu zawk ni tur mi tu emaw a rawn tir lut thin zawk a lawm.








Keini in hmangaih mah ila,an hriatthiamloh chuan chapo nan an hmanga ,kan hmangaih tih an hriat reng a vangin kan natna tur tih an chak zek zek zel a lawm" a thusawi chu dik ka ti . Mahse ka hmangaih erawh chuan ka hmangaih tih a la hre hauhlo ,Zorammawia chuan hria se chuan ka natna tur chu a ti duh hauh lo vang,nilo mak min ti dawn lutuk .









Nitin mai chuan kan inhlat tial tial,sir lah kan inah a rawn leng fo va ,biak chhiat chi a nibawk silo . Ka nu leh pa lakah lah a fel bawk nen ka nu leh pa pawhin an nel viau ,Zorammawia leh Angeli pawh an chesual tawh ni anga thuthang hial a awm , Christmas kan thleng a ,mite chu kawn cheimawi enin an leng chhuak reng ,ka nu leh pa ngei pawh an leng chhuak,keimahin kan in chungah chuan keimah in ka thu a ,guitar perhin ka zai a Selana Gomez LOSE YOU TO LOVE ME chu ka zai rat rat

β€œ We'd always go into it blindly ,I needed to lose you to find me ,this dancing was killing me softly ,I needed to hate you to love me yeah ,To love love ,yeah to love love,yeah to love love yeah ,i needed to lose you to love me yeah " arsi en chung chuan ka zai char char ,keimah te chuan ka awm reng . Mi an chhungte leh thiante an ngaihzawng te nen an awm theih laiin kei chuan mahni a awm ka thlang a nia ,beer ka lei leh ar bawp chu ka ei in ka in hlak hlak.










Woofer chu play in Christmas hla ka play tak na in rilru ah a lut theilo,β€œ Khawharna hi zanthlaeng ruih leh hmun reh takah a awm emaw ka ti a ,mahse i awmlohna hmun a piangah a lo awm reng si,nang chu a kiangah hlim takin i nui anga,kei erawh na taka hliam in ka awm mek si a " beer chu ka in pap pap,kohhran lamah ka in hmang viaulo bawk a pawi tihna em em ka neilo,ka mittui chu hru in ka ding chhuak β€œ Ani kha ka tan i dahthei lo a nihchuan ka mithmuh atang hian la bo vat rawh " tiin ka au tuar .









Rilru na zet chuan ka thu thla ,ka rui deuh bawk nen ka insum theilo β€œ Ani kha ka ta tur a nihloh chuan min theih nghilh tir rawh " tiin ka phun leh sap ,ka bula rawn ding an awm tih ka hriat chuan ka hawi chho,a thim bawk nen a hmel ka hmu thei mailo β€œ Merry Christmas " Zorammawia chu ka melh reng ringawt,chutah harh chhuak thutin ka tho chhuak a,inhnuai lama chhuh tumin ka che nghal zat β€œ Enge i hriat em em min peh hel tang tang" a rawn tihchuan ka kut chu ka vai.









β€œ Engmah ka hrelo ,kal rawh ka mu dawn " a kut chu ka vai thla thlawk,ding leh deuhvin ka en β€œ Chuan sipaia i tang dawn a nihchuan tang vat la ka hmuh phakloh ah awm rawh . A nihloh pawhin i school luhna tal sawn rawh" tiin pai chhat chhat in step chu ka pan phei ,ka hnunglam atanga min rawn kuah avang chuan ka tal nawk nawk β€œ Naute min ngaithla teh,i lungawi hma chu ka kal tir lo ang che . A chhan min hrilh thei mai lo vem ni? Mawh i lungawi nan hian enge ka tih dawn ? Engvanga min be duh lo va min hmu duhlo nge inih?" tiin min zawt mawlh mawlh.









Ka thaw ham ham,a mikuahna lai chu ka en ka insum fan fan ringawt β€œ Min hlat rawh . Hman a mi kha kan ni tawh lo ve ve ,khawngaih in min kal tir rawh ka hmu duh tawh lo che Zorammawi ka hmu duh " alamah min kuai herin ka khabe dawm chuan min kuai dak salh ,ka mit ka chhing tlat . A mitmeng hi ka hmu duh tawh lo,a chhan chu ka rilru a hriat leh vek ka hlau ,ka hmui a rawn dai ka kut che tur chu chelh betin min fawp uar sauh,ka namsawn dawrh β€œ Enge i hriat a" a hmaiah ka beng thuai ka insum thei tawh lo .









β€œ I duh duh hunah min fawh tur ka ni em? Ka hmu leh duh tawh lo che min kalsan rawh ,i bialnu ka nilo kalbo rawh " tiin ka au vak ,β€œ Ka bialnu i ni ka tilo,Lalchhanhim enge i awmdan hi ka tawh che i duhlo a nihchuan engvangin nge khatianga min en thin? Mawh engvang nge nang hian i thianpa hi min duh em ni " ngeiawm zet leh nuisawng hian min en,hetiang em em hian min lo hmusit tih ka hre miahlo ,ni e ka duh nilo ka hmangaih mahse tunah hian min hmuhsit nan a hmang a nihchu!









Ka mittui a luang ngiai ngiai,chuveleh min rawn khawih a tum ka lo awmsawn vat β€œ Nang hian min lo hmuhsit zia ka hre ta chiah e ,a tha e kan inzawmna engkim hi tawp rawh se ,i duhdanin awmla keipawh ka duhdan in ka awm tawh ang. I duhzawng ngei hmeichhia i tawn takah chuan kei min hmuhsit in lo zir dun a nih hmel " β€œ Nilo naute ka " a tawng tur chu ka kutin ka zap β€œ Vawiin atang hian Zorammawia leh Lalchhanhimi te hi " kan naupan lai a kan thutiam dan ang chiah chuan ka kut chu humin ka lu zawnah ka dah vang vang .









Tawng a tum chu ka dang leh β€œ Tisuh " tiin min rawn hnaih a ,ka back leh dat β€œ Thian kan nihna a tawp a ,engkim kan tih ho thin te pawh hun kal tawh mai a ni ,vawiin atang hian in nang leh kei hi mi hrang kan ni tawh " thi kan pahniha kan lei dun kan inthianthatna thi ngei chu ka phelh β€œ Lalchhanhim i kal thui mah mah a ni " ka nui hak β€œ I duhdan a ni e ,dam takin Zorammawi " tiin thi chu a kut ah chuan ka dah,ka inher zui nghal β€œ Kan inah hian vawikhat pawh i hmel rawn lan tawh suh " tiin inhnuai lamah chuan ka chhuk nghal zat .










Ka rui nen duh ang pawhin ka kal chak theilo,kawngka chu hawngin inchhung lamah ka lut zui a ,ka room ah chuan inkalh khumin khumah ka bawk nghal thlawp. Ka phone rawn ri chu ka en ,Angeli tih ka hmu nghal peihlo zetin ka la β€œ Engvanga ka bialpa lo tibuai ziah nge i nih? A laka i rilru ka hre vek,lo tibuai leh tawh suh " a tihchuan ka nui hak β€œ A tha a lawm, nei vek rawh keichuan ka kian ang che ,nei la lo duat ang che . A kawngsual zawh tur lakah kum 18 chhung ka lo venga .








Tunah chuan i ta a ni tawh ,nei rawh . Mahse tina miah suh aw ,chu tal chu ka ngen ang che . Ka ta a ni ve thei silo a ,tina ngai suh . Keichuan ka hmangaihna mittui nen pawh ka chelh zo ve lo va ,lo tina ngai lo la . Keimah anga kehchhe tur in ruam thukah hnutchhiah ngai suh ang che ,hlim reng rawh u" tiin phone ka dah,ka tap hawm hawm mai . Ka kalbo zawk mai dawn em ni?

INKHAMLO SIA KA DAH HUNLOAH KA ZAWM MAJ MAI AW

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)