THE PROTECTOR (S1)BY MAWITEI BAWITLUNG (Completed)

Moderator: writers

mawitei bawihtlung
Posts: 754
Joined: November 18th, 2020, 12:53 pm

Re: THE PROTECTOR CHAPTER 1-2 BY MAWITEI BAWITLUNG

Unread post by mawitei bawihtlung » January 3rd, 2023, 9:35 pm

THE PROTECTOR





CHAPTER 16







“ Tinge i harh duh loh,Zosanglian " ka hmui ah chuan tu emaw in a rawn fawp vang vang,ka meng chhuak riai riai bawk . U Muanawma hmel ka hmu nghal zat “ I harh em Sangte i harh em ?" tiin chiang zetin min melh,ka awmna chu ka hre hauh lo . Ka kutah chuan thisen chaw an lo khai a ,damdawi inah ka awm tih ka hre nghal “ Ka haw duh khawnge u Chhantei te " ka tihchuan ngawi ngurin min en “ Min thlah rawh " tiin a kut chu dahsawn sak ka tum a .









Min vuan nghet nghal sauh “ Hmingmuanawm min thlah rawh ka tihchu,khawiah nge bawihtei a awm " ti tuarin a kut chu ka vai pawp ,min kuah betin ka chet theihloh nan ka kut chu a pawm bet nghal hmak bawk “ A ni chu a tha ,Chhanite nupa in inlamah an awm a nihkha ,che lo khan awm rawh. I taksa a chak that hma chuan helai atang hian i chhuak lo vang,ka thu anga i awm lo a nihchuan heti hian ka man bet reng mai ang che " a tihchuan ka haw zual sauh.








“ I ngaihsak na der ka mamawh lo ,i bialnu kha va pan la ,keichu min rawn ngaihtuah duh suh ka tha ,ka fanu ka bulah a awm a lawm. Min hmuhsit vang nge min khawngaih vang? A eng a mah mah pawi ka tilo,pawi ka tih ber erawh kei min ngaihnep na tur a ka chanchin ilo hre ve leh ka lo hnaih che kha a ni " ka tihchuan thinrim takin min en ,a bek a pawng tawlh tawlh bawk . Ka chau hluah hluah,a thinrim pawh chu ka ngai pawimawh theilo.








“Zosanglian chuti khawp chuan maw min lo ngaih dikloh,keihian ka hmuhsitna che ka tilang tawh em?" a rawn tihrawk ,ka kut a an thil vuah chu phawiin ka tho chhuak,ka pai deuh nawk “ Min khawih suh,ka hmu leh duh tawh lo che i hria em? Ka hmu duh tawhlo che Hmingmuanawm ,kal bo rawh . Ka nunah hian lo lang leh tawh suh" ti tuar tuarin a awmah chuan ka chum dawt dawt. Ka kut chu vuanin min pawm nawlh a ,pawnlam min panpui nghal nal nal a








Doctor rawn luh tum chu bia in pawisa chu a pek tawh thu sawiin min chhuahpui nghal pawk pawk “ Min dah thla rawh,ka hnaih leh tawh ngai lo vang che . Zalen turin ka duh che,i duh ang tak i tawng tawh bawk a ,hlim takin awm rawh aw " tiin ka en chho kar ,a car bulah min dinpui. Kha hmeichhia nen min ngai pawimawh lo zeta an awm lai kha ka ngaihtuah chhuak ,ka na lehnghal vawng vawng . Ka tal leh phat chu veleh min thlah nghal chawt a .






Min khawih leh a tum chu ka kut in ka vai lehnghal “ Min dai tawh suh " ka ti tuar tuar,damdawiin bul vela awm chuan min en thap hlawm mahse pawi tihna ka neilo “ Sang" chu mipa aw rawn chhuahna lam chu ka hawi,nilo ka mipa hmangaih hmasak ber ngei a ni ,ka fanu pa a inzuah buk chhup a ,a hmel chu a hriam hrak bawk . U Famkima nen chuan kan inmelh ta ran,ka fanu pa chu ka hmaah a ding ta ngei e .








“ Enge i rawn tih dawn " u Muanawma chuan nelawm loh zetin a ti a ,ka lo ip deuh chawih,an inhmu tawh tih hriat takin an inhre nghal chat chu ania ” Famkim" ka phun sep,min nei tur a a intiam lai te ,a fa ka pai tih a hriat loh avanga midang a neih lai zawng zawng mitthlaah a rawn lang,ka mittui a luang ngiai ngiai,chuveleh an pahnih chuan min rawn hnaih nghal ruak “ Khawih hauh suh " u Muanawma chuan Famkima kutah a man nghal chat,an in melh leh ngar tawh.








“ Min dal suh nang ai min mamawh zawk,a mipa hmangaih leh a fanu pa ka ni bawk " u Famkima chuan tiin min rawn kuah a,ka chelo ka kuah let heklo . Tun lawka ka thil tawn te ,ka mipa tawn ve ve te in a min tih dan zawng zawng ,min phatsan dan te a rawn lang zut zut “ A tu amah mah ka mamawh lo che u,nupui leh bialnu nei in ni ve ve chu vang chuan kei leh ka fanu chungah thuneihna in neilo,tin u Famkim bawihtei pa ang chuan rawn in sawi reng reng suh.








I chhungten min tihduh dah em em lai pawha nupui min neihsan thei tu i nihkha ,chuvang chuan min rawn hnaih lo zawk rawh ,ka mamawh lo ve ve che u ,u Muanawm nang pawh i bialnu ngaihven zawk rawh min ngaihtuah ka ngailo, ka tan chuan ka fanu hi a pawimawh ber ,ka nunna awm chhun a ni bawk . In pahnih hian rawn lang lo ve ve rawh u,keichuan hriat leh cheu pawh hi ka duh tawh lo . Ka kal ange" tiin taxi pharin ka chuang lut .







Ka kut chuan ka mittui chu ka hru zeuh bawk ,ka rilru ana a ,mahse an hmuha tihlan ka duh lo,mipa pahnih ka tawng a ,mahse ka tawng sual ve ve a lo ni . Pakhat chu duh reng vang nilo in chhungte avangin ka then a,pakhat erawh ka phuloh em avangin ka tihlan loh law law a rem zawk ,in thlen rualin ka fanu ka zawng nghal . Inchhunga an lo thu ka hmuh chuan thaw huaiin ka pan vat “ Ehe bawihi ilo harh tawh a nimaw ,tinge i rawn haw ,tunge lo thlah che " nu Teremi leh ka pi chuan min lo zawt nghal char char .








Ka nuih ringawt,ka fanu chu la in ka pawm vang vang “ Nu Terem in ina awm reng ka duh viau na chu,tihbuai reng cheu ka duh bik silo va,insawn chhuah mai kan lo tum a sin,in luah tur ka hmu tawh a ,heta tang pawhin a hla lo a ,kan in kal pawh reng thei tho dawn a " ka tihchuan min en thap mai “ Engvang in maw ,heta awm hi nuam iti lo em ni?" a rawn tihchuan ka lu ka thing nawk nawk “ Nilo e nuam ka ti lutuk,ka tan chuan ka nu leh pa ang mai in ni .








Mahse in bula kan awm reng chuan ka puitling thei dawn lo va ,chubakah ka in luahna tur chu kan thawhna bul te a niin a to lo bawk nen awm mai ka duh a,in phal hram ka beisei hetah pawh kan la rawn lang fo dawn tho va " ka tihchuan min en vang vang in “ I Patea te lo haw se kan lo sawi dawn ania " a tihchuan thaw huaiin ka room lam chu ka pan,ni e puitlin ka duh chuan mahni a in luah hran leh mai angai ang,chubakah hetah chuan u Muanawman min rawn tibuai reng duh mai ang.







LALCHHANHIMI POV....







Ka thil ken lai chu ka thlauh baw chuai,ka bing mup mup “ Princess " ka pasal leh hmeichhe chhelo zet lo awmdan chuan min tih hrilh hai bakah min tina vawng vawng “ A vawithum nan maw Superman " ka phun sep sep ,ka thinlung na lutuk chu vawi tam tak vih ang mai hi a ni in ka hria ,ka pum puar luah chung nen chuan ka tlan chhuak “Princess ding teh" car lo tlan chuan rawn break ve tak mahse min su hman ta tho,ka pum chu ana in ka serh atang thi a chhuak zung zung.







“ I tha em nula " ka hmaa mipa lian pui chu ka en “ Khawngaihin min pui rawh,a ni saw min hmuh tir suh khawngaihin kei leh ka naute te hi min chhan him hram rawh " tiin ka phun sep sep,chuveleh Zorammawia rawn tlan phei lam chu enin ,keichu min en leh . Engmah sawi tawh lo chuan min pawm nawlhin a car chhungah min mut tir,tunge a nih hre lo mah ila a hmel atangin mi rintlak tak a nih ka ring ve tawp . Min tlan chhuah pui a ,engmah ka hre zawm tawh lo ,Zorammawia huatna in ka khat tih mailoh chu.









Ni e a hmaah ka in lan leh tawh lo ang,a hmaa ka in lan leh a nih ngai chuan phuba nen a ni tawh thung ang.



Link:
BBcode:
HTML:
Hide post links
Show post links

mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » January 6th, 2023, 8:36 pm

[b].ZAWMNA..






Ka harh leh chuan room eng uar ah hian ka lo mu ,ka mit chu ka khap fak fak “ I tha maw?" mipa aw rawn chhuahna lam chu ka en ,chutah ka thil tawn chu ngaihtuahin ka pum chu ka khawih ,mahse alo la puar lah tih ka hriat takah chuan ka thaw huai . Ka naute te ka chan dawn emaw ka ti hman a ,mahse ka pum puar lian zet chuan an la awm ngei tih min hriat tir .







“ Hlauthawng suh,i fa chu a tha e ,engvanga khatianga kawnglaia rawn lang thut nge i nih?" min chhanchhuak tupa chu ka en ,a mitmeng chu a rum lek lek ,a hmui chu a chip hmak bawk a . A incheina atang chuan mi naran a nilo tih ka hre thei ,chubakah a hmel hi mizo a ang chiahlo “ Ka lawm e ih,ka pasal" tiin ka mittui a luang nghal zung zung. Min rawn hnaihin khumah chuan a rawn thu ,ka lo en ha mai “ Ka hmu a lawm a rawn umzui che ,thui fe chu mahse ka din duhloh avangin a beidawng ta a nihkha .









Enge in inkar ni reng reng " a tihchuan ka ngawi daih,ka rilru erawh ala na viau thung. Ka mittui chu ala luang zawih zawih reng a,ka rilru ana vawng vawng bawk “ Tunah min hrilh duhloh pawhin a pawilo a nia , Dylan ka nia nang ve le " a rawn tih takah chuan thaw huaiin “ Lalchhanhimi ka ni e ,nangmah chiah in em ni i chen " tiin ka zawt nghal . A inchhung chu a lianin mi hausa tak a nih ka ring nghal mai “ Nilo e ka fapa nen kan cheng a ,a school kal nen keimahin ka awm lai a nia " a tihchuan ka bu nghat.








“ Ka mu rei viau em " ka tihchuan a nui suk ,a kut a sana chu enin “ Nikhat leh darkar 4 " a tihchuan ka meng kawk,ka vahan mu rei em em ve “ Ka nuten min ngaihtuah tawh ang,ka lawm lutuk aw " tiin thawh mai ka tum ,mahse ka kut chu alo vuan chat “ Ka thlah ang che ,a chhan chu kan awmna hi khawchhung a nilo va " a tihchuan mak ka ti leh zual,Zorammawia ka ngaihtuah a ,tunah hian min zawng nasa viau angem,engvanga a nikha fawp nge a nih ang .








Chung te ka ngaihtuah takah chuan haw ka chak leh lo chu ka ngawi kar “ Hetah hian rei lo te ka awm thei angem,ka la in lan duh lo ,i nupui in a hua angem" ka tihchuan a nui suk,ka en ha mai . Engvanga nui nge a nih ang “ Awm thei e,lungngai suh nupui ka nei tawhlo,a ni chu tunah chuan hlim takin pa angchhungah a awm tawh ang " tiin a mit a chhing vang vang,ka en ha mai a nupui a chan tawh maw “ Ka tihpalh ,sawi hrehawm tak ka zawh che a vangin " ka tihchuan a nui leh mai a .










“ A pawilo,a dik miau sia lawm,ka nupui kha theih se chuan tina lo vin a kiangah lo awm reng ila ka chan awm silo,ka at vang a ni a sawi hreh tur ka ni hleinem,ka thuruk ka hrilh che a nang pawh engvanga i pasal kha tlansan nge i nih min hrilh ve thei a ngem " a tihchuan ka thaw ham ham phawt “ Hmeichhe dang a lo fawp ka hmu a ,nidangah chuan khatiangin a awm ngai hauhlo,mahse engvanga khatianga awm kha nge a nih ka hre bik lo " ka tihchuan ani pawh a ngawi deuh vung vung .









“I ril atam em" a rawn tihchuan ka bu nghat,choka lamah kan inzui phei ,chaw chu ka ei teuh a ,Dylan pawh ka ngaina tawh viau ,a felin a tawng duh phian a ,ka tlangnel nghal thuai (DYLAN HI AMIRA FAPA KHA AW ) “ Apa " mipa naupang aw ka hriat rualin chokaa rawn tlan lut ri a awm nghal “ Ilo haw tawh elo My boy" tiin Dylan chuan a lo pawm nawlh “ Aw apa vawiin chu maw kan picnic a a nuam lutuk " tiin a pa kawrkilh chu a khawihsak niap niap,chiang zetin ka en .









A hmeltha in a duhawm takzet,ka fa te hi engtin tak rawn piang ve ang maw ,ka hre chak takzet “ Hello " tiin ka hmaah a rawn ding,keipawhin nui sen sen chungin ka lo chibai let “ Apa in i dam lo a tia,i naute te kha ka ngaihtuah lutuk a ,nute fimkhur rawh aw ,anu angin i kal bo ve daih a nge,i fate khan mi hmaah keimah ang maiin nu an nei ve lo mai ang" a rawn ti reuh a ,ka khawngaih hle . Ka kuah vat “ Anu chuan a veng reng che a lawm,a fapa hi a veng reng thin ang che . I lian tawh a ti ngawt ang ,I fel bawk si tunge i hming le " ka tihchuan a nui sen sen a .









Mipa naupang duhawm leh fing tak a ni “ Tunge i hming le " ka tihchuan “ Apa in a nu hriat reng nan Zomuanawma a ti a ,a mawi em? A nu nen kan hming a in ang a sin" a tileh,ka nuih var var reng mai . A tawngkam felfai thak chuan min nuih tir lo theilo,ka hawi chhuak chu Dylan chuan hmel hlim sangin min lo en,a hmeltha vuah a duh nise nupui a neih leh daih tawh ka ring bawk “ Nute min lo infiam pui la,ka thiante chu an nu ten an infiam pui thin a ,keichuan ka neilo .







Chuvang chuan nute anu ah tang daih la " a tihchuan ka nuih hak hak “ Awle kan infiam dawn a nia " ka tihrualin au chul chungin a room lam min panpui “ My boy nutei kha i ti hah lutuk ange,naute a pai tihkha hre reng rawh" Dylan chuan a rawn ti sup,a fapa erawhin a hriat hmel loh,kan pahnih chuan kan infiam dun,toys a ngah bawk a ,kan inchhawp hnawk viau mai . Ka phone ri chu ka en ,Zorammawia hming ka hmuh rual chuan ka off hmak.








Ka chhungte lam zawng zawng tumah ka be pawp lo a , Dylan te bulah chuan ka awm ve reng,a fapa lahin min ngaina bawk nen kan hlim thei viau mai ,ka nun erawh a khawhar ru ngawih ngawih ngawih zel ,ka ngaia ka hmu chak . Mahse ka hlauthawng bawk si,zantin arsi en chungin ka phun chhuak fo thin “ Zorammawi i dam tha em,ka ngai lutuk che " tih thu hi vawitam ka sawi chhuak a ,mahse min chhangtu tur awm lo in ka bih ruksan thin si .







Hmuh chak siin alakah ka bihruk angaia,ngai em em siin ka hrilh thei silo ,vawn chak em em siin a mit hmuha lang turin chakna ka nei heklo,ka chau a ni ber,a chang chuan tleirawlte a star deuh mahse a hrilh ngamloh nun nei nen ka inteh khin fo,huaisen taka hmachhawn chu ka chak mahse ka ngam ngang lo a ni .








Thla hial a vei meuh chuan a vawikhat nan Sangtei ka call ,mahse a thu rawn sawi avang chuan ka bing mup mup “ U tinge ilo call har em em ,tinge i biak theih loh u Zoa chu tunah hian thihna nen an in bei mek a sin,a kal hmaa i hmu duh a nihchuan vawikhat tal rawn in lan rawh . A theih nghilh loh nan che i thlalak leh i chanchin ziahna nen nitin a awm a sin,theihnghilh loh che tumin in nunhlui zawng zawng sawi chhuak in a record a a ngaithla ziah a nia " a tihchuan ka taksa a tiche theilo.








Dylan rawn phei chu ka lo tah,damdawi in a min hruai turin ka hrilh nghal bawk ,Zorammawia chu tunah hian thihna nen an in bei mek a maw? Tinge ka lo hriat loh?










[/b]

Link:
BBcode:
HTML:
Hide post links
Show post links

mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » January 8th, 2023, 10:00 pm

THE PROTECTOR






CHAPTER 17








“ Superman " mittui tla zawih zawihin ka pasal hmel dang lap tawh chu ka en,rawn meng riai riai in chiang takin min melh “ Princess " a hmui chu phun supin a mittui a luang,ka kut chu a theih ang tawka na in a hmer “ Nanglo tumah hriat a nei tawhlo,doctor chuan an indona a hliam vang kha a ni an ti a ,a dam tawh emaw an tih kha thuk takah nghawng a lo nei reng zawk a lo ni,ka fapa hian min hre tawhlo " nu Dintei chu ka en,kan tap dun .







Zorammawia lo danglam ta lutuk chuan min tina “ Tap suh,ka kalsan dawn hleinem che " a kut vawt riak tawh chuan min rawn ban ,ka hmai chu a rawn chul a,chu chuan min ti lungchhe zual “ Ka tihpalh,ka awmbosan che a,kei min hriat hram hram tuma i beihlaiin kei chuan ka bihruk san che a ,min theihnghilh ve ta la engtin nge ka awm ang, Superman min kalsan miah suh aw ,kan fate hi ngaihtuah la khawiah mah kal suh " ka mittui chu a luang zawih zawih reng.








Min nuih lui hram hramin ka pum chu a en “ Ka lo nghak rei lutuk cheu a sin,ka lalnu leh ka fate u ka lo nghak rei lutuk cheu,ka khawvel te u in pa hi min ngaidam dawn a nia aw " a mittui a tla ve zawih zawih,sawi chhuak lo mahse hun tam a nei tawhlo tih a awm danah ka hrethiam vek ,a hmui ah chuan ka fawp vawng vawng “ Zorammawi i kal theilo,i tello in kan awm duhlo ,min kalsan miah suh. I hria em? Kal suh " a kut chu nghet zetin ka hum .







Ka enkawl hma a a kal ka phallo “ I hria em Zorammawi i awm loh chuan tunge min venghim tawh ang,venghimtu hi ka awmlohna hmuna i awm hunah tunge i ven anga tu in nge kei leh i fate hi venghim ang . Kan mal dawn lutuk " a mit a chhing,chakna nei tawh silo min thlahlel si a a rawn meng tawk tawk te chuan hmangaih tu hi min tina ngawih ngawih ,a kut chu a chet a tawng leh tumin a hmui a phun,a tawng ri thei tawhlo beidawng chuan min en .








A mitah chuan min thlakhlelhna ka hmu a,min kalsan a duh biklo tih ka hria ,lalpa min pui hram teh,a mit atang in mittui a rawn luang ngiai ngiai,ka hruk sak vat “ Ka lalfanu pialralah ka lo nghak ang che aw ,ka dil a sin ka kal hmaa vawikhat tal hmuh leh che ,khang thlakhat chhung lek pawh kha ka tan chuan kum 5 chuang zeta rei ani,ka lalfanu hi keimah vangin tap tawhlo la . Ka kalsan ngai dawn lo che ,ka taksa chu a lo tawih ral a nih pawhin ka thlarau chu i kiangah a awm reng ang.







Lalchhanhim,ka hmangaih awm chhun leh ka thian awm chhun i ni tih hre reng rawh ,i nunah chhum a lo zin a piangin i mittui hru turin awm theilo mah ila i nat tluk zetin ka na dawn tih hria la , hlim hmel min hmuh tir thin zawk ang che . He thil hi ka hrilh duh miahloh nachhan che i hria em? A chhan chu ka awm loh chhung zawng zawng pawh khan ilo nat dan ka hria a ,ka hmu bawk . I pasal hi thi mai tur ka ni tih hria la,kan fate nen tun dinhmun hi in thleng thei dawn lo .







Chuvang chuan ka zep a " a khuh bawrh bawrh,harsa titakin a thaw hram hram tih a hriat ” Zorammawi tiang hian awm suh,kan naupan tet atangin ka duh a piang min pek i tum thin kha ,nangmah hi ka duh che i hria em? Tinge i sawi vat loh,mawh engvangin nge i sawi vat loh,ka awmbosan lo tur che tinge tiang mai a min kalsan i tum i fate hi i hmu ve duhlo em ni" ka au pah ,min en in ka hmai a chul “ I nat ka duhlo ka tihkha ,theih phei se hre miahlo la ka duh" a mittui a luang ngiai ngiai.







Ka hrilh hai zia te hi a hmu lo em ni “ Chutiang sawi suh kan pahnih in kan beidun dawn a lawm " a nui suk “ Ka nu ka pa" zawi te in a tileh sup,kei erawh ka tap hlawp hlawp ringawt,Sangtei leh ka nu chuan min kuah ding hram hram “ Bawiha min hria em ni,i bulah kan awm e " nu Dintei chuan tap purin a ti ” Ka nu ka pa ,ka nupui leh ka fate hi in kutah ka dah a nia ,ka enkawl ve thei dawn ta lo,a nu anga tahbelh an rawn nihchuan ka tih thin dan ang chiahin dawh theihna nen lo enkawl ang cheu.







Aw hun tlem te neih belh leh ka va chak em,ka pa ka nupui hi lo thlah thlam suh u aw ,ka awm loh hnu a a nuna midang lakluh a duh a nihpawhin dang hauh suh u,midang a nei a nihchuan keipawhin pialral atangin hlim takin ka lo thlir thei ang " keichu min rawn en leh “ I pasal hi mangtha nan i fawp dawn lo em ni ,nupui i nihna chu hlen leh hram ta che " ka lu ka thing nawk nawk ” aih aih,mumang a nih hi Zorammawi mumang mai mai a ni,min kalsan dawn lo .









Min kalsan ka phallo min ngaihtuah ve miah lo em ni ? Ka duh lo,bei ta che i kiangah nikhat em pawh ka la awm loh hi " ka mittui chu a rawn chul,keipawh chuan a hmui dai deuh riak chu ka fawp vawng vawng “ Ka Lois lane i Superman hian pial ral atangin a fate nen a rawn veng reng ang cheu,ka hmangaih che ka nuna pawimawh ber hi ka lo nghak reng ang che " chu bak eng thumah a sawi tawh lo,a taksa chu ka sawi nawk nawk ka au a ,ka ko bawk mahse min chhang thei tawhlo .








A mit chu ka en,rilru na zetin ka chhin tir “ Superman,nang lo ka tawng duhlo engtin nge i tello a ka awm ve tak ang le " ka tap chhuak rawih rawih “ Tinge ka thiantha ber leh ka hmangaih ber hi laksak ka nih bik,tinge ka lo bihruk san ni “ Zorammawi,lo meng leh tawh mawh vawikhat chiah,lo meng hram rawh tinge sipai ilo nihkher ,engvangin nge hetianga i awm " ka aw rawl tawp tawpin ka au,damdawi inah chuan tunge midang awm ve tih lam ka ngaihtuah tawhlo .







Ring takin ka tap chhuak rawih rawih,ka naupan tet ata min venghim tu,ka tihtauh chang leh ka tah changa lo thinrima ka tahchhan chu engpawh nise phuba lalo a awm ngailo ,ka hmangaih leh ka pasal nibawk chu tunah hian laksak ka ni ta . A taksa chu a rawn vawt tan,ka kuah a ka tap vak vak bawk ,ka nu leh nu Dintei pawh an tap ve bawk ,tumah in hnem tur kan awm lo ,ka pum chu a kutin ka khawih tir ,mahse a vuan thei tawhlo .








Ka tello a nikhat te pawh awm theilo,ka thiantha ber ,ka unaupa nihkawp leh ka engkim ka hmangaihna neitu kha tunah chuan ka hmangaihna zawng zawng leh min hriatrengna te nen a kalbo tawh ,Zorammawia vawitam ka tlanbosan chunga vawikhat te pawh min hawisan ve ngailo tu khan tunah chuan min nghak zo ta lo ,ka bing mup mup “ Nu ,pa Zorammawia hi au ve teh u,in thusawi a ngaihpawimawh theih em kha ,au ve rawh u mawh!







A nupui auhna hi chhang theilo mahse a nu leh pa kohna chu a chhang ngei ngei ang,Nu Dinte i fapa hi tho turin tirawh " a taksa chu ka bawh thlawp “ Aih ka phallo ka duhlo,Zorammawi min kalsan suh,min kalsan suh. I fate pawh i hmu hman dawn lo a sin,Protector " ka au chhuak rawih rawih . Ka khawhmuh a phe ruai,a taksa chungah chuan ka mit ka chhing riai riai .








Ka hmaa a mipa naupang leh hmeichhe naupang infiam chu ka en ,kei leh Zorammawia ngei kan ni bawk ” Min kalsan ngai dawn lo tiraw " ka kut zungte tipirin Zorammawia lamah chuan ka dah “ Ka tiam a che englai pawhin i bulah ka awm zel ang " titu te pahnih thu tiam chu ka en reng . Aw theih nisela hmana kan hlim hunlaiah khan tiding in,ka hmangaih thu ka hrilh anga,sipai a atan loh nan theih tawp chhuahin keipawhin ka kalsan lo tur.








“ Hrangchhuana leh Chawngmawii te ang in kan inhmangaihna hi englai mahin a tawp tur a nilo,khawi hmunah pawh awm ila rinawm takin kan awm ve ve ang " ramri a kan thusawi lai te chu chiang taka hmu in ka hre bawk . “ Superman " mawi takin min nuih suk,a hnunglam chu a eng em em bawk “ Ka nupui duh tak,lo tap lo la ,kan fanu leh fapa te kha lo chawi lian ngei ngei ang che ,pialral atangin i Superman a hian ka lo veng reng dawn cheu a ,tha takin kan fate kha lo enkawl ang che" a awma min kuah betin a phun sup sup .








“ A nih,an ni ka enkawl zawh hunah chuan i kiangah ka rawn kal ve thei tawh ang tiraw " a nui sen sen ,a hmela thlamuanna leh hlimna ka hmuh chuan keipawh chakna min pe “ Tehreng mai,he khawvelah ka ta ni theilo mahla pialral ah erawh ka ta i ni kumkhua tawh ang,kan fate khan sual kawng an zawh loh nan enkawl tha la ,ka lo thlir reng ang che u ,ka princess hi hmeichhe tahbelh tak nimahse luhlul tak a nih thin kha . Ka ring che a nia ,ka nupui ka hmangaih em em .







A hnunglam chu a en “ Tap lo la ,i angelah tangin van atang ka lo veng reng ang che ,huaisen takin khawvel hmachhawn la ,i thiantha ber leh i pasal hian pialralah a ta inih leh hun lo nghak chungin a lo thlir reng ang che . Ka kal tawh ange,ka sawi fo kha Zorammawia hian a princess tah a phal dawn lo ,chak tak leh huai takin hmachhawn la ,i beidawnga miin an sel hunah che pawh pialralah nghak tu che i nei tih hria in ka hnen i thlen ve ngei theih nan lo bei zel ang che ,ka hmangaih che " tiin ka hmuiah chuan a fawp vawng vawng .









“ Kallo mai rawh " ka au tawk tawk,nuichung chuan a thamral riai riai “ Ka hmangaih ka lo nghak reng ang che " a bo hlen ta ,ka meng chhuak riai riai naute tap ri ka hre nghal zat “ Bawihte ilo harh tiraw?" ka nu chuan mittui tling pamin min lo en ,naute chu pakhat ve ve Sangtei nen an pawm bawk “ Nu Superman khawiah nge a awm " tap zawih zawih chungin ka tichhuak tiau “ Bawihte a ni chu inah tunah hian a vuina an siam mek ang " a tihchuan ka tho chhuak nghal zawk .








“ Nu a bulah ka awm duh,ka hmu duh" tiin ka na pawh pawisa lo in ka tho chhuak,min lo dan an tum chu ka khap vat “ Kumkhua in ka hmu tawh dawn lo,he leia ka dam chhung hian,chuvang chuan tunah a bula ka awm theih lai hian awm ka duh min kal tir rawh u,phallo mah ula ka kal tho ang " min dang duh ta bik lo . Kan in kan thleng,thlakhat hnu a a vawikhatnan ka rap lut leh ta ,inchhungah chuan nidanga awm ngailo mi an lo awm teuh.









Ka pasal an lo mut chu ka en,ka pan vat “ Superman ka lo haw tawh a nia " alam pan chuan ka phei chhat chhat,mi in a mak tih hmel zeta min lo en te chu ka ngai pawimawh theilo . “ Bawihi i dam lohkha ,engvanga damdawi in rawn chhuahsan nge i nih,an zaina che kha dim a ngai a sin " nu Dintei chuan a rawn ti,a ni pawh a tahnan a mitte chu a vung vek tawh “ Ka ngen a che u,vawikhat chiah reilo te kan chhungkua in kan nupa room ah min awm tir rawh u,pa ,nu khawngaihin .








Pi leh pute u khawngaihin ka pasal hi kan nupa rooma reilote awmpui ka duh a ni " mittui tla zawih zawih in ka sawi chhuak,tute pawh chuan khawngaih hmel tak in min en vek ,an pawm tih hriat takin Supermana chu kan room lamah an zawn lut ,ka nu leh Sangtei chuan kan fate pahnih la sen tak2 chu an rawn pawm bawk . Khumah chuan a laiah ka pasal chu an mut tir,ka fate chu a dinglamah an dah ,an chhuak nghal vek bawk. Ka en reng a naupan lai mipa naupang mai a la nih lai leh keipawh hmeichhe naupang mai ka nih lai chu ka ngaihtuah .








Mittui a luang zung zung,a ruang chu a uih tan tih ka hailo,mahse chungte pawh chu ka pawisa lo ,kumkhua in a kiangah ka mu thei tawh dawn lo miau a lawm,a veilamah chuan ka mu thla “ Ka lo haw tawh a sin Zorammawi ,min lo ngai em ,thlakhat lai ka awmbosan che ania,i khua a har ngawt ang tiraw " ka en ka kuah bawk . Tenna reng ka neilo,a hmai vawt ngiak chu ka chul “ Tun bak hi i fate nen hian i bulah kan mu thei tawh dawn silo a tiraw ? A rang teh thut lutuka ka hamhaih lutuk .







Lo be vat che ila chuan hetiang hian inthiamlo reng reng in ka awm lo tur ,a biangah chuan ka fawp vang vang ,a kut chu ka hum leh “ Kimten ka dawn a ,remlo tur di hi ka tan a mawi chuang bik em ni? Pialralah tal in di ve nan duhthu ka sam,duan rem se khuanun " mittui tla ngiai ngiai chungin zawi te te in ka zai ,“ I sawi ang ngei khan i fate nen hian min lo nghak reng ang che aw .








Ka nute ho chu an rawn lut ,kan lo awmdan an hmuh chuan tap lo reng an awm lo ,an lasawn a kuang a an khung chu ka en reng “ Zorammawi ,Hrangchhuanan a di Chawngmawii rinawm taka a nghah ang khan min lo nghak la ,pialralah chuan ka tan hmun lo siamin pialral kawngkhar ka rawn thlen ve hun nghak in rinawm takin min lo nghak reng rawh aw " ka au chhuak tuar ,“ I thutiam i sut thiang lo,i nupui leh fate hi i hre tawh lo va ,min theihnghilh a nihchuan Zorammawia kha ini tawh lo angah ka ngai ang .








Thlana an phum hnu leia an chhilh vek tawh hnu pawhin ka la awm reng,tuma hruai haw ka duhlo,ka fate hnute ka pe a ,khawthim hnu thlengin ka la awm ,hei hi maw kan pahnih thawnthu kan suangtuahna te zawng zawng tawp hlenna tur chu,“ Nu lo va haw ru,ka lo haw ang ka ti tak tak,keimaha awm rih ka duh,min ngaihtuah suh u,ka fate kha an damlo palh ang " ka tihchuan ka nute chuan min en vang vang “ Ni e lo va haw ru,ka lo thlah ange " Dylan chu a haw daih tawh ka ring a ,a lo la awm reng .







“ Aih nilo e,nangpawh va haw rawh,a theih hcuan Sangtei khan min awmpui rawh se ,i fapa buaipui ve tho i ngaih kha ka tha " tiin Zorammawia thlan lamah chuan ka chhuk thla ,an haw hnu chuan ka ding reng “ Kan thutiam te kha keimah avangin kan tichhe dun a tiraw ,ka ngai lutuk che a sin,min lo zawnloh nachhan pawh kha i natna vang a ni tiraw " ka nuih hak ,a thlan a “ Zorammawia kum 29 ,thih ni ni 25.4.2022 " tih inziak kalh chu ka khawih.







“ Ka tiam a che,i hmun hi tumahin an luah ngai lova anga,kan fate hi ka enkawl puitling ngei ang ,kan pahnih thawnthu hi a tawp hlen mai lah ka phal hek lo ang .



Ih maw ka thian,hmangaih leh hmangaihtu che i nei a nihchuan engvang mahin a kal phal ngai suh, Thil dang zawng zawng aiin hmangaihna i dawn kha roh la ,vawng tha rawh. Sum leh paite ,hriselna te pawh a tlak hnuah hmangaihna chu a la awm reng dawn si a ,nunna leh rosumte an ral a nih pawhin hmangaihna chu a ral ve ngailo ,i hriatloh ruamah pawh hmangaihna chuan a chenchilh reng ang che a ,a kalsan ve ngai heklo ang che .






A bo emaw i tih hunah pawh hmangaihtu chuan ala venghim fan ang che a ,i nat a piangin i natna ang tluk zetin a na ve zel ang . I kiang a ta lak bo chu vanah i tan khek thatin a awm zawk mai thei tih hi i ngaihtuah ve ngai a nihchuan nghaktu i nei in i hmangaih takte ngei an ni ngei ang . Ni e keipawh ka hmangaih chu heleiah chuan ka hmu ve thei tawh dawn lo,mahse maw thlamuan deuhna ka nei, ka hmangaih in hlau lo tak leh nghakhlel hmel pu zawk chunga a kal ka hmuh khan ka thla a muang a ni.








Ka ngai lo a nilo,mahse a kal na tur ka hria a ,ka thla a muang a ni,keiin chelh reng dawn ila a natna tawrhkha a na em a,na ka tawrh rei tir mai mai tih ka hailo,harsa ber erawh ka hmu thei tawhlo tur hi a ni harsa chu ni,ka thih hma loh chu ka hmu leh tawh heklo ang “ Zorammawi ka PROTECTOR, nang chuan i thih thleng min venghim a nih hi tiraw ,ka haw tawh ang aw ,nitin ka lo kal ziah ang,ka hmangaih che ka pasal duhtak " harsa ti lutukin Sangtei lam chu ka pan.








“ Kal ang le ,ka pasal min lo enkawl sakna ah ka lawm e aw " tiin ka kuah vang vang ,nitin chuan ka ngaizual,an sawi thin hi a lo dik a nih hi,mitthi te hi an thih hlim ai khuarei zelah hian ngaih an lo zual zel zawk tih hi,ka fanu leh ka fapa chu ka en thin . Zorammawia lamah an kal ve ve,ka fapa hmel ka en apiangin a pa ka hrechhuak ziah bawk ,inchungah chuan thla eng hnuaiah ka ding vang vang,heihi zantin ka tih dan a ni.







Ka fate mutthilh hnuah Zorammawia nen thla kan thlir dunna thinah ka thu chhuak ziah thin,a tawp nan tap chungin ka hla duh ber chu ka au chhuah pui leh ta .




PROTECTOR,WE NEVER, NEVER, NEVER LET ME GO ,YOU SAID YOU WOULDN'T LEAVE ME AND YOU WON'T , YOU'RE RIGHT BY MY SIDE,
PROTECTOR YOU HIDE ME IN THE SHADOW OF YOUR WINGS, YOUR PRESENCE IS MY PIECE MY COVERING,MY SONG IN THE NIGHT,PROTECTOR.


I hmangaihna kha i lantir theih hunlaiin lan tir rawh,hei hi ka chah ache ,nupui pasal nei i nihchuan i kawppui ah khan lung awi la ,phatsanna thinlung pu ngai suh. I hmangaih loh pawh nise siamtu'n i kawppui tura a pek che ani tiin pawm thiamla ,hmangaih tum zawk rawh . A hnu a inchhir leh ai chuan a hun taka chet hi a fuh zawk,a tlai tawh hnu chuan engmah a tha thei tawhlo,lung nawi chu lungpuiah chantir leh nghal tum pawh nila a kehsawm tawh chuan a lian leh nghal ngailo.





I chhungkaw neih chhun kha venghim la,khawvelah nuam chen mahla vanah i chen nawn tawh dawn lo,i nun kha fimkhur takin aw ,miin an selna che leh demna ah che khan tlu ngailo la , nang mahin i chak tawk tih kha in fuih fo ang che . A tawp nan sum leh pai ngah aiin min hmangaih tu an hlu zawk tih hre reng ang che .





Keipawh in hmangaih tu ka tawng a ,mahse ka tlai ta a sin,fimkhur takin awm la ,i inchhirna tur thil ti ngai suh ang che





A TAWP TA

Season hran a awm dawn em ka hrelo aw ,peih leh hetah tho hian tlem ka rawn ziak leh thei aw,an fate emaw story

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)