KA PAHRAWN BY MAWITEI BAWITLUNG (Complete)

[mawitei bawihtlung]

ZAWMNA





Kal vat teh ang u "Nadini chuan a rawn ti hlar, picnic turin kan kal a ,a hmun kan thleng vek tawh . Dikteiin mi nghak lawk ang u a tih avanga ding leh rih kan ni a ,tute nge lo kal ve dawn ka hre hauhlo “ Tunge kan nghah a ,keichu ka ning tawh a nia " Pekpeki chuan a ti nang nang,keipawh in ka ning tawh viau “ Saw a lo thleng " bullet rik na lamah chuan kan hawi phei thap ,Daniel Lalduhawma chu sunglass nen a rawn ding chat.








A ngal sei zet chuan leiah a inrah khalh a ,muangchanga a bullet chu kar khumin leiah chuan a insiam tha thuak thuak,Diktei chu ngei zetin ka melh ,a ni erawh in min nuih tlawn vur vur “ Aw enge i peh hel reng ka duhlo,i hmangaih tih ka hria Zo ,hmachhawn tawp rawh a nipawhin a duh hmel em che saw " a la rawn ti deuh deuh . Nadini leh Pekpeki hawihai chu thil awmzia a hrilh nghal mawlh mawlh,Daniela chuan ka bul a rawn thlen rualin ka kawngah a rawn kuah.








Kan thian ho chauh kan awm bawk nen pawi a tih hmel loh ,chubakah tunlai ah chuan hetiang chu zahthlak em em pawh a ni tawh chuang lo va “ Min ngai em " a tisup,a aw thum deuh chhak chuan min tiza mer mer ,ka taksa a daina lah chuan min ti danglam hnehsawh viau “ Kal ang u" ka thiante pathum phur ta lutuk chu ka en reng ringawt,ka kuta rawn kai tu chu thin thlak ka tum a ,a chelh bet tlat lehnghal “ De" ka sam ah a rawn chul “ Hlauthawng suh,hlim taka hun hmandun ka duh mai chauh a ni .






Min ring rawh engmah ka tilo ang ,fawh bak" a tihchuan ka hmui ka pet,kan lenna tur lam pan chuan kan kal thap,lui tui luang ri ka hriat rualin phur zet in ka kalchak, Danielan min kai tih pawh hrelo in ka kal thut bawk nen a rawn inchhuih khut a ,min bawh tlu nghal rawk. Leiah chuan kan inbawh bet ran “ Eh! An va movie tak " ka thiante chuan min rawn bih thla in kan hmai zawnah an nui uar uar a ,ka melh nghek “ Tho...vat rawh " Daniela chu ka tihlar, a rit si a bawk khup zawngin ka la awm leh ta nghal .








Ka thaw a chham titih ,muangchangin a tho chhuak ruai ruai . Ka tho chhuak nghal vat,ka in beng fai nghal mawlh mawlh ,ka thaw deuh ham ham “ Kal ang u,single kan va chep ve " nui har har chungin ka thiante chu hma lamah an kal nghal . Daniela chu ka hnungah a rawn kal ve zel,a jacket hak leh a sunglass nen zawng zawng misual hotu te pawh a ang,“ Tikhan ka rahna zel rap suh " ka rahna hnu zel a rawn rah a vang chuan ka melh rum viau.








“ I bawp tawite rah zau zawng ka hre duh a lawm teddy " nui suk suk chungin ka kal zau zawng chu a zir vel a ,ka inher ka tlawh nghal thuai ” Hmela lulian biang hmul " ka au that . A rawn nui hawk hawk “ I duh tak tak a nimaw " tiin pangang a rawn phawrh chhuak,ka rak tuar tuar . Ka tlanchhe nghal vat ,ka hnungah min rawn um zui zel bawk nen ka au phei char char ,ka thiante pathum lo hawihai chu tlan pelin ka la au char char “ Lalduhawm paih nghal rawh " tiin ka tlan pah chuan ka au,a la nui hawk hawk zui.









Lui thleng chuan ka tlan,a chhungah ka zuang lut nghal a lo vawt leh si chu rang zetin ka tlan chhuak leh,chuveleh min lo man betin ka hmuiah a fawp chawt,ka kut phar dan danin rem lo zetin ka awm a ,min thlah rualin ka hmui chu ka tuai nawk nawk “ I hmeltha lutuk" ka kun reng lai chu a rawn tileh ,ka zak lutuk chu ka kun reng ringawt . Hmaichhana infak hi chu a tha lam pawh nise a zahthlak em a ni “ Thiante pawh nghahna chang hrelo tlan fua fua reng mai ,khatiang te chuan lui sangha an tlanchhe vek ang chu " Diktei chuan an rawn thlen rualin a rawn ti hlawk hlawk .









Ka lo nuih chu min chum nghal awk awk ,“ Le in swim suit kha phawrh ru,Dik tikhan chum suh i tina ange,amak thei awk awk lutuk ,hman hmawh ru kan hmang nuam hmanlo ange " Nadini chuan a rawn ti a ,Diktei pawh a tawp hram . Kan swim suit theuh chu kan in bel,Daniela pawh thawmhnaw halo in a kekawr bul nen a awm a ,a abs chu kan thlir thap “ Awi u Daniel i pian a van nalh em em ,sap ho ang mai inih kha ,Zoi hi a vannei bik riau ,tehhrekin a ngawi chawi berin mipa chhelo deuh a leh tawn a .








Thik riau mai che " Pekpeki chuan min rawn en chunga a tihchuan ka hawisawn hmak “ Ka hleuh dawn " tiin a thuk lohna lai ah chuan ka lut ,an ni pawh an rawn lut ve nghal . Daniela erawh a thukna laiah chuan lungpui chung atangin a zuang lut a ,tui hnehsawh zeta a hleuh kual chu ka en reng ,a hmeltha a ,a pa a ,chuan mipa lian tak a ni bawk . Hmeichhe tam tak te duhthusam chu amahah a kim vek ,mahse kei atan erawh hlauhthawnna tur vek a ni thung.








A tan hian ka pawimawh ve tak tak angem tih ka hrelo va ,a bulah awm ta ila min kalsan leh mai angem tih te thlengin ka ngaihtuah avang chuan ka pawm ngamlo a ni ber ,ka lamah rawn kalin ko min chawi nawlh avang chuan ka phu nasa bawk nen ka au that ,ka hnungah rawn dingin ka taksa chu a chul a ,ka khur der der . Kan thiante lah lung hmunah thla la in an kal daih bawk si ,ka kawng zawna min do runtu chu enge anih ka hailo,ka thaw ham ham . Muangchangin a lamah ka inher .








A mitah tak ka melh “ De i bialnu a ni tawh lo takzet maw ?" ka zawhna chu min chhang mai lo ,ka hmui chu a kut zungpuiin a tuai hauh hauh a . “ Nang ka hmuh atang che khan hmeichhe dang lak ah ka rilru ka pe thei tawh lo,nang hian i zunah nghet takin min uai tir tawh a lawm " a tihchuan thaw ham hamin a awmah ka bei “ Ka hlauthawng a ni,kha nu bula i nuih ang khan ka bulah i la nui ve miahlo ,chuan kei ai i ngaihsak hmel zawkin ka hria a ,kan in hmuh theih tawh loh avangin min theihnghilh ah ka ngai a .








Ih ka thiang....hlimna" tiin ka chawl dat,ka chalah a rawn fawp vang vang,tui pawnah chuan min chhuahpui nghal zat “ Ka theihnghilh ngailo che,chuan i tana mipa hmasa ber ka ni kha ka lawm lutuk ,Teddy khatiang a thlen hnu phei kha chuan kalsan che ka duhlo zual,ka fa pai la chu mi in a pa ti a min koh hun ka nghak reng a sin,ka fate nen ka hna ban min lo nghakin thingpui nen ka lam i lo pan thin anga,keiin duat takin ka nupui leh fa chu ka enkawl ngei bawk ang cheu.









Ka fate in fiam hmuh a ,buai taka i um kual vel tur ka hmu chak tawh" nui suk chungin a ti a ,ka hmui chu ka pet zauh “ Inneih hma a hman ka duh tawhlo ,nangin min kalsan leh daih sila" ka hmuiah a kut chu a rawn dah a ,ka kut chu hum in a awmah a nem bet nghal thlap ,a lungphu ri chu min ngaihthlak tir nimaiin ka hria ,a rang em em bawk . “ He lungphu hi a hmeichhe duh tak bula a awm chauhin a rang thin ,chu hmeichhia chu nangmah ngei hi i ni bawk " a dar chu min nghen tir a .








Keipawh mit chhing chialin a darah chuan ka bei hlan,a vawt ka tih avang chuan lung phenah ka in thlak a,tiau vutah chuan kan mu tlar dal a ,kan inkawm pah mawlh mawlh a,haw lamah chuan Daniela bula chuang tura min duh miau avangin a bullet hnungah chuan ka thu vang a ,ka thiante erawh an bike in an inphur chhuak dial . “ Min kuah rawh " a rawn tihchuan tim daiin ka kuah,min tlanchhuah pui nghal zat .






(BIAL CONFERENCE KAN HMANGA STORY HEI BAK KA RAWN DAH THEI TAWH RIH DAWN LO AW

[mawitei bawihtlung]

KA PAHRAWN





CHAPTER 10



sawi lawk ang,story hi a ziak tu leh a ziaktu thusawi kan en ngailo tih a hriat a ,a chhan pawh zirtawp zan ah khan bial conference kan hmang dawn ka ti mawlh mawlh a ,hmu miahlo va dah har rawn tileh thin in tam zawk a ,story te zawng chauh chhiarlo in a ziak tu leh a ziak tu thu pawimawh sawi hi min chhiar tel sak thin ula ka lawm hle ang.


“ De khawnge kan kal dawn ? Ka thiante kha zui rawh " a pen daih avang chuan ka ti that . “ Min ring rawh ,ka hrilh vek tawh a ,kan pahniha hun hman ka duh, ka in pawh ila hmulo ka inah ka hruai ang che " ka kut rawn hmer salh pah chuan a tisup a . Ka meng phawk vak “ Ka duhlo i nu leh pa te an awm ang,ka duh miahlo a nia . Min ngainat loh vaih phei chuan Daniel haw ang " ka tichul mai ,a chhungte hmaa in lan tur anga ka in ngaihtuah ringawt pawhin ka zak sa .









“ Aih" tiin in pakhat zawnah chuan a ding ta chat, concrete niin keini lam angin chhawngkhat mahse nalh zet hi a ni a ,an design kual dan chu mawi ka ti hle ,helama ka inhmuh chu chhawng nei an ni deuh vek bawk nen Daniela te in chu ka duh zawng tak a ni “ Kal ang le " a tihchuan ka tawp leh rih “ Ka duhlo min thlah haw rawh " tiin ka ding tlat , min pawm nawlhin inchhung lam chu min panpui ta mai . Ka tal nghal nawk nawk ” Daniel ka duhlo ka tihkha " inchhung kan lut chu nupa upa ve tawh tak tur chu an lo awm .









“ Bawiha enge nita kha kha tunge " ka zak lutuk “ Pa ka nupui a nih hi,helamah a awm lo bawk nen kan inru tawp a nih hi " a thusawi avang chuan ka ang phuau in ka en “ Maw? Nupui a ,tinge min hrilh sa loh a bawihi lo kal teh i ke ana em ni" a nu in a rawn tih chuan Daniela bawk chuan “ Um a ke a rawn bilh palh a " tiin dawt bawk chu a hrilh leh ,hepa hi tinge kan innei anga a sawi ngawt le ,ke na awm tak chuan awm in muangchangin ka pan ,a bul ka thlen chuan min lo vuan vat,ka la tim deuh .









“ I hmeltha hle mai,tunge i hming ni le " a tihchuan ka lai hle “ Zonuntluangi" tihchiahin ka chhang, Daniela thil tih in min thawng bawk nen awmdan tur pawh ka hrelo “ A va mawi ve ,helamah i awm lo maw? I mit te chu a hring a ka hriat chu " a tihchuan Daniela melh zauhin “ Ih ka pa hi english mi a nia ,chuan ka nu erawh Mizo a ni thunga ,tunah hian ka nu nen chiah New York ah kan awm a " ka tihchuan a bu nghat nghat “ I pa enge a tih le " a tih chuan thawk la vang vangin ka ngawi det .







“ Ani chu a thi tawh a ,kum liam ta mai khan" tiin ka nui luisak “ Aw ava pawi ve aw ,bawiha hian i chanchin hi a sawi ve zauh tawh a ,nangmah i nih kan rin loh vang a nia ka zawh che ,tihian fanu thar ka nei a nimai a lawm tiraw tikhan lo awm rawh u,i thawmhnaw pawh in lo keng rihlo a nimaw ,Bawiha i roomah va hruai rawh Awmpuii saw chawhmeh siam tur kan va hrilh ange " tiin choka lam chu a pan nghal zat , Daniela chuan min rawn panin min pawm leh nawlh .









A room ah chuan min luh pui,ka thaw ham ham “ Tinge khatianga dawt i sawi ,kan innei emaw an ti tak tak dawn a sin" ka nghawng chu a rawn fawp a nui suk suk “ Dawt a ni hleinem,i thawmhnaw pawh naktuk lamah kan la dawn a nia ,tunah chuan ka nupui i ni tawh a . Ka kiangah i awm reng tawh ang " a tihsup chuan ka meng phawk vak,tunah hian pasal ka nei amaw? Ka mumang a ni hauh silo ,ka sam chu huisawnin a thawmhnaw bawm lam a pan a ,enge a tih dawn tih ngaihtuahin ka en reng.









A kekawr bul pakhat a rawn phawrh a , tshirt nen ka lamah a rawn phei “ Inthlak la ,zanin chu hei hi ha rih mai rawh " a thusawi chu awihlo lutukin ka en, tinge ka hriat miahloha pasal ka neih theih? Muangchangin a thawmhnaw chu ka inbel,a kekawr bul ringawt pawhin ka khup a khuh thla hnawk a ,a tshirt lah ka malte a thleng zuah bawk si . Darthlalangah ka in en ,ka lan dan hnawk lutuk chu ka in nuih rih “ I inhmeh hnak hnak lutuk " ka kawnga rawn kuah chungin darthlalang atang chuan min en reng “ De kan in nei tak tak em ni?" ka tihchuan a bu nghut .








“ Aaaaa ka nu pawh kan hrilh lova,a thinrim viau ang chubakah tinge in neih i tih thut reng reng " tiin a lamah ka inher “ I hlatah ka awm duh lo " tihzawngin min chhang,a nu in a zanriah ei tura min koh avang chuan in be tawhlo vin kan chhuak zui a ,choka lam kan pan phei laia a nu leh pa rawn hawi phei chu an nui dun hawk hawk a,ka thawmhnaw hak ka in en a chu chu an nuih tih ka hre thei, ka tan chuan alian em bawk a ni “ I inhmeh hle mai ,bawiha ai mahin i inhmeh zawk a nihkha .







Mo kan nei hmeltha dawn bawk a ,ka in ti thei viau ang " apa chuan a rawn ti,mi fel tak an nih ka ring,kan luh tirh atangin lawm lo hmel min la hmuh miahlo a, Danielan a nupui tur ka ni tih a sawi rual khan lawm takin min be sawk sawk reng a nihkha ,chaw eilai chuan chawhmeh lah chu min suah char char ,ka hauh pawhin a ngai rengin min pek zawm,a nu leh pa an awm ve reng bawk nen ka zak zual ,ka hmai te hi a sa hut hut tawh “ Pe lui zel suh,i ti inthlahrung zo dawn ,kha a hmai te a sen vek kha awm mai mai rawh .








Khatiang te chuan nuamlo a tih phah zawk ang" a nu chuan tiin a vin hlak hlak , Daniela leh a pa erawh an nui kur kur thung a ,awmpui an nei bawk nen tlem chuan an hahdam phah ve in ka ring,an tar ve tawh bawk si. Mut dawn te chuan ka lai hu,kan inru dawn tih hi ka hre lo tiin sawi ila Daniela hian hauh a tawk ngei dawn bawk si,khumah chuan tim daiin ka lawn,chuveleh min lo pawt thut in puanin min in khuh pui nghal chu ka rak that that mai “ Ka nupui " a mi koh dan avang chuan ka lei ka chhuah zauh .









Ka hmuiah rawn fawpin ka thawmhnaw a phelh mial mial a ,a tih tum ka hailo keipawhin dang duh biklo in ka lo pui ve mai bawk . “ De ka nu hian a hriat hunah eng tin nge min tih ang le " a kut hum chung chuan ka zawt ,ka nu hian ahma a an awmdan avang pawh khan min haw mai thei a ni . A chhan chu a pasal angin alo lan tir ve tawh miau a ,mu dun lo mahse ka nu kha chuan a pasal tak tak angin a en tih ka hailo,ka hnute khuh tu awm lo chu a hrawm nak nak a,ka hmui chu a fawp leh tawk phawt a ,ka nuih hak









“ Hlauthawng suh i nu chuan in bula ka awmlai atang tawhin i laka ka rilru chu a hre vek alawm ,ka duh che tih a hriat vang zawk a sin ka haw pawh a rem tih " a tihchuan mak tizetin ka en ,thuruk an nei em ni? ” De ka nu nen hian thuruk in nei em? Intiam kamna in nei tiraw " tho kangin a hmel chu ka en ,a mitah tak ka melh kalh “ Ka sawi tawh kha engmah thuruk a awm lo,i nu bulah chuan ka kianga i awm phal tur zawngin ka hrilhin ka dil a lawm" a tihchuan ka in let sat sat,ka ham bai bai bawk.








“ A that chu,ka mut a chhuak,ka chau lutuk bawk ,min dim lo thei e " tiin ka hmui chu ka ti kum thla a ,ka bawk khup nghal thlawrh . Chutia ka nu nen an lo in be rem sa chuan ka thaw a tiveng huai ” Anihchuan in duat deuhin kan tileh dawn em ni?" a rawn tihchuan ben tumin ka tin,mahse a mitmeng thu tak zet ka hmuh takah chuan ka tawp chawt,min rawn hnaihin ka mawng chu tikangin ka hnungah chuan a rawn bawk titih “ De eng" ka thaw chu ka hip let vak ,hnung lam atang chuan chet ala a ,lukhamah chuan ka hmai ka nawr tawk .









Ka hnar phallo a ,a duhdana a chet theih nan keipawhin ka mawng bawr chu ka lo tikang tha leh (ningawm e forbidden love behchhan deuh ka tihkha aw ,) “ Ka hmangaih che De" tiin ka au chhuak,a ni erawh a rum deuh nghut nghut thung a. Ka taksa chhunga a rawn lum luh puat puat rual chuan keipawh ka khur ngawt ngawt,ka hnungzangah chuan a rawn bei thlap,a thawk la ri chu ka ngaithla kar ,keipawh ka bang bik lo . Ka lungphu rang lutuk chu ka thaw ve hak hak tho,ka pangngai theilo, ka chau lutuk chu ka mit ka chhing zui diar diar .








Rawn insiam rem in min pawm hlan a ,ka che peih tawh lo,ka mut a chhuak tawh takzet . “ Muhil rawh le ,ka duatte " tisupin ka sam thlan avanga ka hmai leh nghawng vela bet thlar chu a hui tha mawlh mawlh;nuisakin mutthilh tumin ka chhing ta thuai a .








“ Bawiha Zotei chu ala mu elo?" tawng ri chu ka hre ruai ruai “ Um a chau deuh a nih hi ,nu a harh ange i tawng ring thei lutuk,ka nupui hi keimah vanga chau ania tui deuhin mu rawh se " Daniela aw pawh ka hre zui nghal “ I va han zak theilo tak,khatiang sawi chi em ni? In nupa inkar te midang i hrilh a nge,i upat tawh tawh nen la â bengbuang lutuk ,ka chhuak dawn " tih ri in a zui nghal. Daniela nui hawk hawk ri chu ka bengah a chiang viau mai,a faifuk rut rut a ,eng emaw a khawih ri leh nuap nuap thin .








Kei hi pasal ka nei tih ka lo theihnghilh ,ka meng chhuak nghal vat ,ka taksa ka enkual, tshirt lian hnek hnawk ka ha tih ka inhriat chuan ka thaw huai “ Morning my wife " a rawn tihchuan lai zetin ka nui heu ringawt “ Ih thawh ka lo hai palh a " inthlahrung daka ka tihchuan a nui chhuak hawk hawk,min pawm kangin “ A pawilo ka ching chau che tih ka hria a lawm,vawiinah pawh i lo mu leh mai mai dawn a nia ,i thawmhnaw pawh a lo thleng tawh aw,helamah kan awm tawh dawn si a ,i huphurh em ?.







New york chu kan hman hunah kan zin thin anga " a tihchuan ka bu nghat “ Min dahthla teh ka zun a chhuak lutuk" ka tihchuan min dahthla ve mai a , toilet lam pan chuan ka tlan nghal vat . Ka intifai pah a ,bathroom darthlalanga ka in en chu ka sam te chu a thurin ka hmel lah chu chau tih ka hriat ngawih ngawih,ka inkhuih mam a ,a tshirt ka khul thleng hnawk nen chuan ka chhuak leh hnak hnak ,hna a lo thawk leh mawlh mawlh tawh .








“ De" a rawn hawi chhuak,a kamiz nghawng chu a kilh lo a ,a awm pharh hlai hlap chu a lang chiang hle “ Tikhan hna i thawh chhungin ka nute ka lo va pui ang aw " ka tihchuan nui sukin a bu nghut a . Keipawh chu inthlakin ka thawmhnaw ngei ka ha a ,choka lam pan chuan ka kal nghal vat ,rawngbawlin an lo buai tawh hle ,puih ngai ang ang chu puiin ka buai ve hle . Ka nu (Daniela nu) chuan awm mai mai turin min duh nangin ka awm mai mai duh bik lo.










Ka pasal hian min neih chhan chu a nu leh pa hmangaih tak leh duat taka enkawl pui turin min duh vang leh,a damchhunga a fate enkawl tura min duh vang tih ka hailo,chu chu mipa te nupui neih chhan a ni . Hmeichhe tam tak hi chuan mo nih awmzia kan hrelo a ,kan pasal te chhungkua ah hêm kan thlak a ,kan pasal chhungte kan um darh a ,an nu leh pate ngei pawh hmangaih pui a enkawlpui ai chuan biak pawh be peihlo leh chhiahhlawh atan a en duh tawk lah bo lo,pasal kan neih chhan kan theihnghilha.








Kan pasal te kan thuhnuaiah dah phet kan tum thin,chhungkaw tam tak kehchhiatna bul hi kan monute avang hian a ni chawk,thenkhat phei chu pasal kan nei tih pawh hriat loh khawpin kan incheina a sangin a sexy a ,keichuan pasal kan nei a nihchuan kan pasal neih hma kha chuan eng tiang pawhin lo nung mah ila pasal chhungte hmaah chuan zahawm taka awm ka duh,hmeichhe lalna chhungkua reng reng a nuam ngailo va ,chutih rual erawhin mipa,Mipa an nih in hre em em leh thil danga chhawr tlak leh silo kan tam hle .










Ka pasal ka tihlawm na tur chu ka inchei mawi leh amah ka ngaihsak chuk ai chuan a chhungte ka hmangaih pui a ,ka ngaihsak hian ka mawina a hmuh tam tak aiin a lawm zawk dawn tih ka hai biklo,ka rin ang ngeiin room atanga a rawn chhuah chuan a nu nena kan in be bawrh bawrh chu ngaihsan hmel takin min en vung vung mai reng a .





ENG CHHUNGKUA AH PAWH LAWI LUT LA ,I NIHNA HRECHIANG ANG CHE ,MO ZAKTHEILO,ZAWMTHAW LEH INCHEI PEIH TIH I HLAWH HLOH DAH A NGE ,I PASAL LEH A CHHUNGKUA KHA HMANGAIH TAKIN ENKAWL LA ,I INCHEI NASAT AI KHAN MIIN AN HMU MAWI ZAWK ANG CHE .

[mawitei bawihtlung]

KA PAHRAWN




CHAPTER 11






“ Nu khawi ka lo ti ang " ka nu thawmhnaw thleh chu laksakin ka tihsak mawlh mawlh,a rawn nui var var mai “ Monu hmeltha leh fel tak kan nei a,kan hahdam leh zual dawn a nih hi,bawiha hi chu mipa rilru nghet tlut mai hi a nia,engtin nge in lo intawn theih ni ? A thinchhe em em lehnghal" a tihchuan ka nuih hak hak “ A thinchhia pawh ka tilo a mizia ve reng a nia,a inhmeh ka tizawk a lawm,ih maw nu kan inhmuh hmasak ber chuan a hmel a rum sia ka hlau lutuk a .










Mahse ka rinai a lo fel daih a ,chuan hmeltha ka ti lutuk,hetiang fapa i nei hi ka vanneih pui a nih hi " ka tihchuan a rawn nui var var ,a kut chuan ka kut chelhin “ A nau damlai chuan a mizia hi hetiang a ni ngailo,mahse bawihtei thih atang khan a mizia a thlak zo va ,chuvang a nia in innei pawh hi ka lawm em em,a tawn che atang khan a mizia a pangngai chho leh a ,a hlim hmel ka hmu leh hi ka lawm a ni,chubakah kan thih hma ngeia tu hmel hmuh hi i pa nen kan chak ber a nia " a tihchuan ka sen tan tanin ka ring.








Pawnlamah kan chhuak a ,van lam chu ka en vang vang,ka hun tawn hi ka mumang a ang hi ka ti thin “ Bawiha pawh a rawn haw tep tawh ang,zan in chu in leng kan nei in ka ring,a thiante leh kan chhungkaw thenkhat in innei tih an hria a ,lo hmuh ngei che an duh a nih hmel " a tihchuan ka zam sa , Daniela rawn haw vat vat se ka duh ber . Rawngbawl pah chuan an awmpui nu nen chuan kan in kawm pah,kan nui dun hak hak a mah hmeichhe naupang lutuk a ni tawh lo nen ka u ang maiin ka en nghal .









“ Ka duatte "pawnlam atanga aw rawn chhuak avang chuan an nui deuh hak ,ka tlanchhuah rualin Daniela leh mipa pahnih ka hmu nghal ,ka zam lutuk chu ka ding chawt “ Lo kal teh " Daniela chuan min ko phei,muangchang in tim dai hian ka pan,“ Ka thiante an nih hi “ Puia leh Sawma" a tihchuan ka chibai,min nuih dun var var mai “ Kan thiana hian hetiang thil a ti hi kan awih theilo a ,kan lo kal tawp a nih hi . Nupui neih duh ngailo in a nei hi mak kan ti em a ,mahse i hmel kan hmuh hian hmanhmawh lo chi pawh alo nih loh hi .







Chan a hlau dawn che emai,zanin chu kan lawm ngei a ngai ang " Puia a tihzawk chuan a rawn ti, Daniela chu nui sukin ka kawngah a rawn kuah,inchhung lamah chuan kan inzui lut dial . “ Nu mo kan rawn lawm dawn,chaw pawh kan ei nghal dawn a nia " a thiante pahnih chuan an ti lut bawrh bawrh . An tlang nel tih a hriat,keini erawh room lam kan pan a ,kan room kan luh rualin Daniela chuan min fawp nghal tawn tawn mai,keipawhin ka lo chhang let ve vat . Ka thawmhnaw chhanah ka hnute chu a hrawm nak nak a .









Ka thaw halh halh mai “ Min lo ngai em " ka nghawng vel fawh pah chuan min zawt,a thil tih mek avang chuan ka pangngai hleithei leh tawhlo “ Um ka ngai che " ka sawi zawh rualin khumah min delh tlu a “ De midang an awm saw " a rawn nui ringawt “ Lungngai suh a pawilo chin chiah" tiin ka kawr chu a hlim a ,ka awmah chuan beiin ka kawr vek chuan a inkhuh nghal hlun. Ka nuih hak,hepa hi a va cute reuh tak,ka phone rawn ri chu ka en ,ka nu hming ka hmuh rualin ka la nghal vat .








“ Bawihi i tha em " a rawn tihchuan ka that thu in ka chhang “ Nu ih pasal ka nei a " inthlahrung daka ka tihchuan “ Ka hria a lawm, Danielan engkim min hrilh tawh a ,a enkawl tha che em " a tihchuan “ Um min duat lutuk a nu leh a pa pawhin ,a nuam ka ti lutuk a " ka tihchuan a lawmawm thu a rawn sawi,a lung a leng a nih ka ring . “ Nu i tha tiraw ,min hua em" ka tihchuan “ Hawlo e ka tha lutuk,a bula i hlim chuan chu chu ka duh ber a lawm" tiin a buai deuh thu a sawi zawm leh nghal .









Phone ka dah ruala ka pasal en tuma ka kawr ka keu chu a lo mutui ngang mai,a hmui chu a pawrh tiauh,ka nuih hak . Ka hmehsak a , a hmui lah chu ala nem em em zui,ka nui ver ver mai ,ava han hmeltha tak. A biang hmul deuh te chu ka chulsak ,a sam thur hiang nen ka awmah a bei reng bawk si nen ka che sawn thei der lo,midang pawh pawnah an la thawm nak nak, Daniela lah a chau nge a la mu tui lutuk tlat “ Papa tho tawhla " ka sawi nak nak,mut hun a nilo bawk nen chau viau mahse ka nu khan midang an lo kal dawn a ti bawk si.









Keimah chauh a hmachhawn ka duh teuhlo,a rawn rum tuah tuah “ Teddy ka chau " a tihchuan ka khawngaih ve deuh tho bawk si “ I thiante keimahin ka hmachhawn duh hleinem" ka tihchuan mitchhing reng chung chuan a rawn nui a ,ka kut chu la in a hum nghal thuk . Khua a thim tan tawh bawk nen room chhung chu a thim deuh khap tawh a ,ka pasal muangchanga tho ham buai buai chu enin khumah chuan ka thu mu dar dar “ Bawiha lo chhuak tawh ula,chaw ei a hun e ,hei midang an rawn kal hma a ei fel vat i tum teh ang u " ka nu chuan a rawn ti lang lang .









Daniela chuan min chhuahpui,sa rim leh chaw ta ni rim chuan ka pum a ti ringhal ,ka rim tam zia ka hrechhuak bawk ,chaw eilai chuan Daniela te thian thum chu an inkawm mawlh mawlh “ Bethsy in a hre tawh em? In innei thut bawk sia a tuar na viau ang " Sawma zawk chuan a rawn ti ,ka chaw eilai ka tawp chat . Chutiang bawkin ka nu leh pa pawh “ Tun hi a ni chungchang sawina hun a nih ka ring lo " Daniela chuan a ti nghut . “ Thiana ni e tunah chuan Bethsy aneilo tih i hmu reng a ,a duhlo a nimai a lawm .









Khatiang thusawi kha a mawi teh chiamlo " Puia zawk chuan a rawn ti ve leh ,a inthlahrun hmel hle . Sawma pawhin thupha a chawi ve tak nangin a lungawi vaklo tih ka hmu thei “ Kan monu hi tumahin an tluk teuhlo,Zotei alo lawi hlauh hi chu rei lo te mah nise kan hlimpui a sin,Bethsy te kha chuan a tluk teuhlo,a ni inchei peih leh len cheh em em kha chuan mo nih pawh a thiam nang,a pasal tan rilru a hah duh dawn lutuk ,chuvang chuan Maman a neilo hi kan vanneih pui zawk " ka nu in min nuih chunga a tihchuan ka ngaih a tha veng veng.







Ka pasal pawh chuan min rawn nuih suk “ Ka Teddy lo ka nei thei nang,ka Teddy chiah hian min ti muhil thei " tiin dawhkan hnuaiah ka kut dah chhuah loh zawk chu a rawn hum chat ,ka nuih sen sen ,zanah chuan ka nu sawi lawk ang ngeiin mi an rawn kal a ,an hmaa ka inlan chuan an nui dar dar zel,a chhan pawh ka zah avangin ka pasal bana vuan chunga ka kal zel vang a ni pakhat . “ Mo in nei hmeltha hle mai,a mitmeng lah a nalh bawk si,thlah pawlh hi chu an hmeltha duh a nia " an ti nak nak hlawm a .








“ Daniel" hmeichhe pakhat in chhunga rawn lut hlawk hlawk chu kan en thap,a thinrim hmel hle “ Engtin nge min phatsan theih,nang hian min tiam a ni lawm ni ? Tinge he nu hi i neih " tiin keichu min rawn melh vak “ Bethsy a tawk helai hmun hi chhuahsan rawh " Danielan a tihchuan a bialnu an sawi kha tih ka hrechhuak chiah,ralkhat atang baka a hmel ka hmuh loh avang khan ka lo hre mai lo,mahse chutia hmaichhana ka hmuh chuan a hmelthat zia ka hre chiang hle.









“ Aih min hmangaih tih i sawi kha ,nge kan vai a hriatah i thusawi kha ka sawi dawn,i nupui pawh hian hre ve nghe nghe sela a tha ang chu" a tihchuan kan en thap , Daniela chuan kai dawr dawr in pawnlamah a chhuahpui,ka hriat loh hian phiar ruk ka ni em ni? Kha nu thusawi kha enge a awmzia ni ang ,enge ka hriat loh a an ruahmanna ni ang ? Ka awm pawh a nuam tawh meuhlo , Daniela lah chu a rawn lut mai lo bawk nen ka dinna ngaiah chuan ka ding reng .








Kha nu nen khan an la awm dun a ni ngei ang “ Bawihi lo va mu rawh,Bethsy-i khan bawihan a nei mai che kha a hrethiam lo a nihdawn kha ,a zar buai hneh khawp a ,bawiha ning pawhin a hau ziah ania ,ngaihngam tak khan lo awm rawh " ka bulah rawn kalin midang hriat phak loh tur chuan ka nu chuan a rawn ti a . Ka bu nghat,ni e ka awmdan nuam tawh meuhlo nen kan room lam chu ka pan .






Daniela chu ka phone pawhin a la theilo ,khanu nen khan eng chiah nge an sawi ang? Kei hi min then leh mai a tum zawk nge ni ang. Ka suangtuahna chuan thil dang dang ka ngaihtuah kual,ka muhil chu ka hmai khawihtu avang chuan ka meng chhuak a , Daniela hmel ka hmuh rual chuan ka tho chhuak vat “Ilo haw tawh elo? Engtikah nge ilo haw " tiin ka en ha ,min nuihin khumah chuan a rawn thu thla .







“ Tinge ka phone i lak theihloh,kha nu kha tiraw i bialnu " tiin zawhna chu ka zawt nghal char char ,ani a hmuh ruala min kalsan daih kha ka lungawi theilo a,ka tawng pawh chu a bul viau mai “ Ka car ah ka dah a ,Bethsy kha a rui â bawk nen ka thlah lawk a " ti a min khawih a tum chu a kut chu ka vai per nawlh “ I thlah nan heti chen chen hi a ngai a maw? Midang hma a ka pasal neih tharin hmeichhe dang chupawh a bialnu ni thin lehnghal a chhuahpui kha ka tan hian a tlawm thlak a sin.








Engmah i ngaihtuah velo tiraw ? Khatiang tur chuan ka peihlo,ka hriat loh tur a thuruk in nei bawk a ,in then leh mai ang . Kan la in nei rei bawk silo a,chuvang chuan inthen pawh ni ila a pawi hman em em lo vang " ka thusawi avang chuan a meng rum hle “ A thleng ngai lovang" ti hmukin min kuah mai a tum,ka namsawn dawrh “ Min hnaih suh kal bo rawh ,ka haw dawn chu chu a nimai,i bialnu in min tibuai reng chunga tha taka ka awm theih ka ring lo








Chuvang chuan kan thlen thui tak tak hma hian tawp ang,ka â ka hailo,ka at lutuk ang bawkin i lakah ka lo nem hma leh thin . Chuvang chuan min zuam tiraw ,ka engkim hi i nuihzat em ,ka thinrim pawhin awlsam takin min thlem lungawi thin si a ,a nuam i ti ngawt ang . Nilo i bialnu in a sawi tak kha kei hi min fiam kual pawh a ni thei ka" “ A tawk!" A rawn tih tuarh takah chuan ka ngawi nghal hmak .







“ A tawk ka then dawn lo che,tin a ni nen kan inkarah khan engmah a awm lo bawk . I duhtawk em ,i hriat ka duh loh chuan i tan a tangkai lo tihna a nimai ,in hauh ka peih lo ka bulah i awm ang " ka mittui a tling piau tap chunga tlan chhuah ka tum,khum ka thawhsan awrh tihah ka kutah rawn vuanin a awmah min pawm bet thlawp “ Min thlah rawh i hmuhsit tura nei che ka nilo, nang hian eng atan mah min ngailo a nih hi " tiin a awmah ka chum vak vak .









“ Shhh chutiang in ngai suh,ka hmusit lo che i tana a that zawk vang a ni,tin Bethsy-i pawh kha a rawn lang leh tawh lovang,ka sawi kha a ni kha duh ni ila nang hi ka neilo vang che ,i la naupan zia ka hre chung pawhin ka nghak theilo che a ,englai pawh a duat taka enkawl che ka duh a sin . Ka duatte ka tan hian i hlu ber,hmeichhe dangin an tluk loh avang che a nei che ka ni. I hria em ka nunah i pawimawh ber ,nanglo an awm ngailo ang " a tihchuan ka in sut hlawp hlawp .









Ka rilru a no in a kawi hma a ,hei hi hmeichhe dang ka an lohna a ni ,ka thinrim hmat ang bawkin ka lungawi hma bawk . Thil hote te pawh ka lawm in ka nuih pui thei a ,ka duhloh zawng erawh chu dam chhunga haw thei ang tluk ka ni . “ Bang rawh le ,ka lo haw vat lohna chhan chu i tan thil ka lei a " a tihchuan dak chhuakin a mitah ka en kalh, a enna lam ka hawi phei chuan ka mengphawk vak “ I ta tur a nihsaw ,va en teh le " a tihchuan ka pan nghal . Teddy bear lian zet bakah rose par sen no nalh em em a lo awm a .









Present bawm a lo awm bawk ,chu chu ka hawng nghal vat ,mutkawr nalh leh a pian sexy deuh tak a lo awm a ,ka nui leh var var tawh “ I duhzawng a ni em " ka hnung lam atang a mi rawn kuah pah chuan a rawn tisup a ,ka bu nghat . “ A mawi lutuk ka lawm e " tiin ka nuih ver ver ,a biang a rawn dawh chuan ka fawhsak zauh . Mutkawr chu ka ha nghal a ,teddy bear pawh chu pawm nawlhin kan khumah chuan ka dah “ Kha leh zel kha mutpui i tum amaw" a tihchuan ka bu nghauh nghauh.








“ A ngailo " a rawn tih hluk chuan ka melh kar “ Khatin min en suh kan khum ah chuan kan pahnih chiah kan mu ang,ka lo lei duh palh palh " a ti bul hmuk. He pa hi a enga mah hma in savawm lem mai mai pawh a thik a nia “ Ilo mut duh loh leh keimahin ka mu thei " tiin khumah chuan ka inthawlh nghal than,a nipawh a rawn mu ve leh vat tho “ Tap lo turin ka duh che a ,mahse keimah hian ka ti tap leh thin che ,Teddy ka tan chuan ka milem naute duat em em ini.






I tap te ,i nui te i mitmeng engkim hian ka thinlung hi a fan rawih rawih zel,uar zeta i tah hian i duhawm in ka thlir ning theilo che . I nuih chiah hian ka hahdam sawng sawng thin,ka bula pangchang tak a i awm hi hmuh nuam ka ti bawk " a tihchuan a awm chu ka thai nauh nauh ringawt “ Muhil ang a tlai tawh " ka tihchuan nui hukin min kuah pil than a ,puan chu min sin that tir nghal zat “ Naktuk chu ka chawlh ni a nia ,khawiah emaw ka hruai ang che " a tihchuan ka phur leh em em tawh.








Mizoram ka kal ve chhun khan ka vak chhuak vak ngailo bawk nen hmun nuam an sawi thin ho kal ka neilo hle a,chungte chu kal ngei ka duh a ni . “ Ka hmangaih che " ka tihchuan ka chalah a rawn fawp vang vang,ka beng hriatah min hmangaih thu a sawi ka la hrelo ,mahse hun a liam anga min la hrilh ve thei em em ang tih hi ka ngaihdan a ni . Chu hun chu ka nghak reng bawk ,engtikah emaw chuan duhna hi hmangaihna ah a thlak ve em em ang.









Ka mit chhingin a awm lum ham hamah chuan ka bei kak “ Muttui i mumangah min hmu ang che Teddy " tiin min kuah nghet sauh. Nui sakin mangramah lendun ngei tumin ka mit ka chhing riai riai a .

[mawitei bawihtlung]

KA PAHRAWN





CHAPTER 12





prologue in nghakhlel chawng2 lutuk a ,ala thleng har deuh dawn aw


“ Awi keichu ka thin a rim riau,hmanni ah hmeichhe pakhat nen kan in hnial a ,a thil ziah leh a status ah te chuan Pathian thu a hmang kur nguai a ,mi hmuhah chuan fel hmel deuh tawng tlem deuh angin a lang a ,khual khua a tan bik ania ka tih,a takah te chuan a tawng thei rapthlak,a hrim hrimin fiamthu ni deuh si mahse mi rauh khan hre deuh hi an lo thatloh ruk zia hriat chhuahna ka timai,a tak takah heng ho hi chu an tawng theiin an rilru a chhe duh tlangpui .







A taka ka hmu ve chiah chu e ka ngaihsanna a bo vek ,mahni pawhin an zawm theihloh tur thu an sawi zuah zuah a ,amah berin zawm leh tawp silo . Kan hlen theih bikloh midang tih tir phet tum te hi ka ngai thei thak lo ,keichu e ka nihna ang ang hian ka lang chhuak tawp tawp dawn,duh leh thinchhia pawh min ti ang hmiang. Ngawi chit chet rilru chhe deuh ai chuan ka la in duh zawk fe " Pekpekin a tihchuan kan nuih tak nangin a thusawi chu a dik viau mai ,ni e fiamthu thiam kan tih te hi an lo tawng theih lutuk vang zawk a ni in ka hria .







Siamtu in an lei leh ka a siam hmang uar mah mah ka timai,mi an hnial zawt zawt a ,hnial khan an hre si,keipawh hian hetiang mi chu ka hnaih duh teh chiamlo,an tawng theih kai ka hlau thin . Chubakah mi pawi sawi a awl bik ngawih ngawih,an tawng zawih zawih a ,a dawngsawng lo tu tan a fiamthu nisi a dawng tu tana ngeiawm deuh hian an tawng zet zet a . Mipa tawng thei deuh te hi ka hlauh zawng tak,tawng dan tawk thiam ,amah in ring tawk tak hi ka duh zawng , Daniela hi a ni chiah bawk .







Thenkhat an lei leh ka zen dawn ila an tawng tam luatah kan zen hman lo ang tih tur khawp hi chu an bulah awm tam lo ila ka duh ber . Chutih rual erawh in thenkhat chuan kan lawm phian thin,keipawhin a changa fiamthu chu nuam ka ti,mahse midangte rauh zawng leh sawisel zawnga fiamthu thawh erawh ka duh hauh lo,kan tawng theih in zirtirna ka timai, nu leh pa fiamthu hmanga hnial zawih zawih te hi ka duh lemlo. Thian tawng thei deuh kawm chu an tawngthei ve ngei ngei.








Kan rauh zawih zawih te ,fiamthu nana hman inzirtir te hi ka duh ve meuh lo,chhungkua pawh hi kan in fiam tur a ni teh meuh mai . Hming duk dak lo pui pui inphuahsak ang te hi keichuan ka duh vak lo,kei ngei pawh hi duh dah deuha min koh hi chuan ka ngei lek lek zel,chubakah tawng theih lutuk hi chuan hmelma min siam thin,tawng theih hi a pawi an lo tih reng kha maw “ Tidaih teh ang ,keichu story ka chhiar a ,hmanni ah pathlawi ka vei phah a ,mahse a takah an awm leh silo , writer ho hi vuak hrep a nia ka duh,thawnthu ah pathlawi chhelo leh hmeltha pui pui in an ziak a ,a takah ka zawng a dul kiar pui pui leh zu heh deuh deuh chiah ka hmu.







Ka dream zawng zawng an tireh nghal vek,ka tah a chhuak zawk" Diktei chuan a tihlak hlak a ,kan lo nuih dar dar thung. Lehkhabu hi ka chhiar ve thina ,a bikin M&B leh pasaltha lam hi ka chhiar tamin ka ngaithla nasa bawk . Thlah pawlh nimah ila hmanlai mizote nun dan te hi kawng tam takah ka awt em em a ,an hunlaia awm ve hi ka chak thin . In run thin mahsela an nundan tam tak kha tunlai mite chuan kan hre tawh lo va ,nungchang mawi lah kan hre tawh heklo .







Tin sumin hmun a chan loh lai a nih bakah an lo feh dan ,hnadang awm lova lo neiha eizawng chung leh an in lawm dial dial na nun ang kha neih ka chak thin . Tunang laiah chuan khawvel a changkang tawh lutuk a ,thalaite hian kan hmang thiam tawh meuh lo,mi awmdan tha lo an awm duhdah avanga an rawn larchhuahna, followers neih duh vang ngawt te a awmdan mawilo pui pui in tih hmuh thalaiten kan ching chho va ,hmeichhia te lah a nasa sa kan ni bawk. Mipa lahin social media ah hmeichhe biak dan mawi hria pawh an awm tawh meuhlo .







Kei ngei pawh hian private message ka seen duhloh phah,mi an rawn biak rualin sex lam an rawn sawi nghal thawr a . Kan mipa te hian hurna chiah kan in tih hmuh nge hmeichhia te hi min ngai nep ta mah mah ka tifo ,nge ni a nu leh pa te hian kan fate hi kan thlah zalen ta mah mah zawk . Khawlaia an duh duh a an tei kan phalsak a ,hmanlaiah kha chuan hmeichhe nun kha a hniamin a hrehawm an ti thin ngei,mahse kan tunlai nun ai em hi chuan kan mawi zawkin ka ring thin.








Mipa mit lak tumin kan inchei a ,mipa chuan min chhaih ta ngei,mahse an mi chhaih danah kan lungawi leh thin silo va ,kan post chhuak leh a ,inlak luck kan tum ni berin ka hria “ Lungngai suh pathlawi chhelo deuh ka hria a lawm,fa pawh pakhat chiah a nei ania,ka u ala ni leh nghal " Pekpeki chuan thil ei pah chuan a lo ti . Ka ngaihtuahna atangin ka harh zawk “ Tak tak em ? U i neih thu i sawi ngai miah silo va ,khawi maw kan hmu duh" Nadini leh Diktei chuan an tinghal . Kan inah an rawn leng ve em em a ,inkawm ai thawnthu an buaipui leh dawn a ang .








Diktei hi story atchilh bur ang chi kha a nih laiin Pekpeki erawh games a atchilh thung a,kei leh Nadini hi chuan eng em em kan tuipui vak lo. Kan thiante pahnih thawveng lutuk hi kan en a ni ber thin,“ Awi a va pa tak ka duh min lo biak rawh aw ,awi a chhiatloh zia hi tihi chuan u Daniela ka star tawh bik lovang" Dikteiin a tihchuan kan nui dar dar ,henu bulah hi chuan rilru hah hi a awm theilo,a nun hi englai pawhin a wow reng mai a nih hi “ Teddy " sitting room a kan thu thap chu Daniela a rawn haw chu niin .








“ E in thiannu in rawn awm a nimaw in va fel ve " tiin ka thiante chu a be hlut ,kei erawhin chhelo ti em em in ka lo en leh tawh . Ka zeplo ka pasal hi mipa hmeltha leh lian tha tak a ni tih hi “ Aw ni e , New York kan kal a hun leh tawh dawn sia kan lo leng a nih hi,anilah min ruk sak daih sia,a rama awm ber i hawn daih a " an tihchuan Daniela chu a nui hawk hawk . Ka thiante lah in nuam tizetin an be leh siam siam tawh, Daniela ka chhuanna em em chu ka thiante a be reng peih a ,a ti tlang nel thiam em em bawk .






Mi tam tak chuan kan nupui pasal te thian hi kan be lumlam peih lo va ,kan kawppui thiante hian nuam lo an ti ang tih hi kan ngaihtuahpui miahlo,kan thiante hi kan nu leh pate tihloha min hnaih tu ber an ni miau va “ Kan haw tawh a nge ,i mitmengah i nupui hi kuah thuai thuai i chak tih kan hria a lawm " nui har har chunga tiin an chhuak diah diah, Danielan a chelhna thu te chu fiamthu ah an la zo a ,nui uar uar chungin an kal liam ta vek .









An awm lo chiah chu inchhung chu a reh nghal huai thei,ka pasal min huina lamah chuan kalin ka thlen rual chuan ka kawngah kuahin ka mitah tak a melh leh ran tawh,ni tin tihian a hna ban a piangin min thlir ziah . Ka lai ve ziah bawk ,ngaiah ka neih theilo “ Min ngai em ,ka nupui hmeltha te " a tihchuan ka hmai a sa leh hut hut tawh,a nui suk suk a “ I hmai a sen leh tan tawh " tiin ka hmuiah chuan a rawn seh zauh . Ka khuavang awmna hi a seh ngei ngei,enge a hriat ni “ Tikhan ti ziah suh u Awmpuii a awm ve reng saw " tihlakin ka nam det.









Ka nu leh pa an thiante damlo kanin an chhuak a ,keimah chiah a ka awm duhlo in ka thiante kha an rawn leng chauh zawk a ,“ Zaninah ka thianpa birthday ah kan kal ve dawn a nia,i duh em" a tihchuan ka bu nghat. Ka kutah kaiin roomah min luhpui a ,kan pahnih in kan infiam rak chul mai .









“ Hi thiana in lo kal thei maw ,hei hi em ni i nupui chu " tiin mipa pakhat hian a rawn ti a ,a birthday neitupa ber chu a nih ka ring . “ Um anih hi,khawnge in nu te" Danielan a tihchuan kan hnung lam chu a kawk a ,hmeichhe pakhat hian nau a lo buaipui mawlh mawlh,a naute lah chu a duhawm em em lehnghal “ Pui ve ta che " tiin Daniela chuan min pan phei pui “ I va buai dawn ve " a tihchuan chunu chu a rawn hawi chhuak vat “ Ehe u Daniel in lo kal thei animaw ,u Rema hnen atangin nupui i nei tih ka lo hria a ,keini lah kan buai bawk nen kan la rawn lawmpui hman lo cheu a .









A inthlahrun awm hle mai,tunlai chu bawihtei hi a sual a chhuak a ,kan buai thei khawp mai hei hi mi in nu chu " tiin min rawn en ,ka lo bu nghat “ Oh Rintei ka nia " tiin a kut a rawn phar chhuak a ,ka lo vuan ve vat “ Zonuntluangi ka nia Zote min timai rawh " ka tihchuan a nui ve var var mai . An fanu chu ka pawm sak a ,min la melh kiau a ,a duhawm takzet ,ka lawma a nui ve hek hek lehnghal “ Tikhan min lo awmsak thei angem mikhual chhawn ve ka duh si a ,nge ka lo paw mai dawn " a tihchuan ka pawm theih thu ka hrilh a .









Lawm hmel zetin a kalsawn nghal,thutthlengah chuan thutpuiin ka kawrnghawng chu chelhin a khalh ve nasa hle ,thla 7 vel a nih ve tawh ka ring . “ In inhmeh lutuk,naute kan neih ve vat a ngai a ni " kan pahnih inpawm en chunga a rawn tihchuan ka nuih hak “ Pathian thu thu le,kan naupai theih leh theihloh hi chu Pathian rem tih leh tihloh a nimai " ka tihchuan ka biangah a rawn piai zauh ,a thiante an rawn kal a vangin min kalsan a ,naute chu lawm chungin ka be mawlh mawlh .








“ Hi ka lo thu ve " mipa pakhat hian a rawn ti a ,ka en ha mai “ Um lo thu la " tiin ka tawlhsawn deuh a ,ka bulah chuan a rawn thu nghal chat . A te zawk zawk lo tih ka hre thei,ka hawi chhuak chuan Daniela leh kha a bialnu hlui lo in be mek chu ka hmu,thikna in ka khat lehnghal “ Sawmpuia ka nia ,nang chu Zotei tiraw " ka bula thu bawk chuan a rawn ti a ,ka lo bu nghat. Ka tawng peih vaklo, ka mit chuan ka pasal te lam chu a en reng “ An la inthlah thei meuh lo a nimaw ,tette atanga inkawm tawh an nia .









A awm tho mai,a nupui ai a ngaihsak a nih hmel" a rawn tihchuan ka ner sawk “ Min lo hrethiam la tunge i nih " ka tihchuan a rawn nui sak “ Birthday nei tupa nupui unau ka ni e " a tihchuan ka en ha “ Khawi ka lo la tawh ange,i hah lutuk ang ehe ka u nen in lo inkawm elo? Tikhan lo inkawm ru aw ,kan va mutpui tawh ange " tiin Rintei chu naute nen chuan an kalsawn a “ In tur i duh em?" Sawmpuia chuan a rawn tileh,tinge min biak buai reng le “ Ka lawm e mahse ka in ngai lo tlat" tiin thawh mai ka tum a ,mahse ka kutah a rawn vuan chat.









“ I pasalin a ngaihsak silo che a ,chuvang chuan ka bulah awm la i pasal aia nuam sa in ka siam ang che " a rawn tihchuan zak lo ti lutukin ka en “ Min thlah rawh ,a hriat pawh ka hre ngailo che ,tin min zuam tur awm in i lakah ka awm lo,ka kut hi thlah vat rawh " tiin ka pawt leh vak “ I pasal ai chuan ka ti hlim thei zawk ang che " a aia min chelh nghet chung chuan a tileh . Ka thin a rim takzet tawh,thawk leh khatah ka lak atang chuan a hla dawrh a , Daniela chuan thut bet in a hnek nghal mawlh mawlh chu ka thil hmuh leh hmasak ber a ni.










“ Ka nupui ilo khawih vel a maw" tiin a hmaiah chuan a hnek thuai thuai a ,ka dan vat angai tih ka hria . Midang ho lah chuan an en thup ringawt “ De a tawk,i tina anga sin duhtawk rawh " tiin a hnung atang chuan ka pawt,a tawp duh bawk silo chu ka kuah ta tawp “ Daniel duh tawk rawh " a bialnu hlui pawh chuan a rawn ti ve bawk a. Daniela pawh chu a tawp thei hram “ I nupui chu i va ngaihsak lo si ve ,nupui te hmuha bialnu te hruai bawk chu tinge i nupui ka kawm chu i ui viau " Sawmpuian a tih leh chuan keimah zawk ka lo in hum ruh nghek.









Ka pasal in min ngaihsak tawk loh thu a sawi rual chuan midang lah chu an lo phun mur mur,ka zah bakah ka thin a rim bawk . A sawi dik lo tlat lo,a duhloh thu min hrilh a ,mahse a rawn lan leh meuh kha chuan min rawn ngaihsak tawh lova ,chuvanga hepa in a zuam taka min khawih a ni bawk . Daniela chuan khawih leh mai a tum chu ka lo au that “ Duh tawk rawh " ti tuarin ka tlanchhuak,tinge mi hma a ka awm a pianga ka zahna tur hlir hian min lo hmuah ni “ Ding rawh " ka tlan zel ,ka kawr fual hak nen duh ang pawhin ka tlan chak theilo .









Ka zak tam tawk tawh viau e,kan in neih hlim atangin buaina a awm nghal char char a nih hi,taxi lo tlan chu pharin ka chuang lut nghal vat . Ka nu nen kan zin chang a kan awmna thin lam pan chuan ka tlan tir ,a fianrial bakah tumah an awm lo va ,a tifai tu erawh nitin a kal thung. Kan thlen rualin a man pe in inchhungah chuan ka lut zui,ka thil tawn ka ngaihtuah a ,Bethsy-i rawn tawng te ,Sawmpuia thusawi leh ka pasal awmdan bakah midangtena khawngaih hmel zeta min en te khan min ti zak hluah hluah.








Lalduhawma haw dawn ringawt ila mi hma a mi a biak chhiat chuan keimah bawk dem tur ka ni leh bawk si,pasal ka lo nei ta kher kher chu ka in chhir rum rum tawh . “ Teddy kawngka lo hawng teh " “ Kal bo rawh " ka ti tuar ,inneihna hian hlima leh lungngaihna hi a lo kenkawp ve ve a nih hi ,ka pasal a nih hma pawhin ka thik a,ka pasal a nih hnu in ka ta a ni tih ka hriat avangin ka hauh zual a ,mahse ka ta nise ka tih ang bawkin englai pawhin ka tan a awm reng thei bik silo . Inneihna hi mipa tan chuan hahdamna a ni a ,hmeichhe tan erawh chuan rilru hahna tur hi a vahan tam bik em.










“ Lo hawng teh,Teddy pawnah hian min riah tir i tum em ni " engtin nge ka awmna a rawn hriat theih le ? Min zui ve nghal a ni ngei ang ” Aw tikhan awm reng rawh ,ka lo hawng dawn lo,min ngaihsak lo a ni lawm ni? Engvangin nge ka ngaihsak ang che" kum 20 ah pasal ka nei a ,ka kum aia u daih lehnghal ,alakah ka pangchan zia a hre reng a ,tin helai hmunah hian ka thiante tihloh chu hmelhriat tha lah ka nei hek lo ,amahah ka in nghat nasa lutuk tih te hi hrethiam ve se ka duh.









“ Ka tihpalh,khapa in alo khawih che kha ka thin a rim em a ni " a rawn tihchuan “ I tihpalh a nilo " ka tinghek “ I duh leh khanu bulah khan va awm leh rawh ,i bialnu a lawm kal rawh " tihzawmin sofa ah chuan ka thu thla chawrh “ Ka duh lo duh ni ila i bulah ka rawn kal lo ang,ka tihpalh tih tih pawha ilo hawn duhloh,naupang chhia lutuk,titau peih si " a rawn ti bul hmuk . Mai mai chuan “ Ka duh leh ka tau ang,ka duh leh ka naupang chhia bawk ang,nangpawh enge i nih bik val senior thankin, beka kel sam to chin tawh ka nei duh che hi lawm hle rawh .









Nang ang putar lam tawh ka nei duh che hi lawm hle tur zawk ini " tiin ka au khum that “ Ka tar bawk lo,thankin ve si lova thang theilo bawp tawi zet chiah nei nu,i than theih te chuan kha ai a bawp sei te kha nei ve ta che ,te si,thinchhe si,tau peih si ,ka chum dawn che lahin i tawi belh ka hlau a ka dawh mai mai che nih hi bawptawinu " a rawn ti ve nghek “ Hmela ,putar tawng thei,nang ang rualah te chuan miin hmeichhe cheng an hre tawh a ,an duat tehreng nen nang ve kha mi rauh khan hre si .







Ngal sei,tangkailo,lerh si,Hnar sei si pa " ka tileh nghek “ Min duh viau tho kha lo hawng vat mai teh,chuti lo chu nupui dang ka melh daih mai ang " a rawn tileh chu ka kut ka hum ruh “ I duh leh nei rawh mipa samseipa ,nangmah chiah samsei i awm ,haw nghal rawh . Lo kal tawh pawh a ngailo " kawngka ah chuan bur ka vawm phei thuai. A rawn phun ta hluk “ Mipa dang kha sawi leh teh vei,ka vawrh leng lawp ang cheu,rawn hawng vat mai rawh ka tih chhiat i duh loh chuan" tiin kawngka chu a rawn tiche dawt dawt.









A tihchhiat ka hlau leh si chuan ka va hawn,chuveleh rang lutukin a rawn lut “ Ka thusawi te i bula ka awm te hi nghak thin rawh sazupui ti deuh anga tlan sawt euh euh zel kha sim rawh " tihlukin min kuah mai a tum a ,ka lo awmsawn “ Mi karah min hruai a ,tumah hmelhriat ka neilo tih i hre reng,min ngaihsak la chuan ka in thiar fihlim a ngai miahlo vang,engkim hi i lerh rah a nih hi lerha " a awmah chuan ka hnek dawt . Rum hawkin a ko ah min pu ta lawp a ,ka mawngah a beng deuh thlawrh .









“ Luhlul in thinchhe viau suh i thin te thlak angai mai ang " tihlukin room awmna ni a a hriat lam chu min panpui nawl nawl “ Min dahthla rawh ,thinchhia i duh loh leh thintha chu zawng la ti nia,I thin a tha lutuka lerh hawr hawr rawh an ti che mi " tiin a hnungah chuan ka chum dawt dawt ,khumah min mutthla in min bawh bet a ,kan insual zui ngat ngat. Ka thinrim em em laiin a thinrim duh veleh tawh der silo “ Min thlah nghal rawh Rotawt hmelchhepa " a hmaiah ham ka tum chu a lo awmsawn zel .









Ka taksa hi a sa chhuak vek tawh “ Nilo e Suakchhing,kan Suaktawta tur kan siam law law ang chu " nui suk a tiin ka hnute chu a tham tawk . Ka hah tawh bawk chu ka mu tlawn tawp “ Ka teddy em em thikthu chhe si,ka bialnu hlui a ni ngei a ,min biak chuan ka biakloh a mawilo tih i hria tiraw ? Chuvang chuan ka kalsan duh lo che ,ka nupui duh em em nu ,hmeichhe dang be mah ila hmeichhe tam tak ai ka bula awm hi ka tan a pawimawh ber ,tu nen mah tehkhin ka phallo " tiin min fawp zauh.








“ Haw tawh ang,ka nute kan hrilh silo " tiin thawh ka tum a ,min kuai mu leh nghal vat . “ Engmah ngaihtuah chiang lo a i tlan ter ter lai khan ka hrilh tawh " a tihchuan a awmah ka sik vak “ Ter ter min tikher suh,engtin nge i sawi " tiin a awmah chuan ka bei thlap . Ka kut chu a awmah nghatin “ Kan thiante inah kan riak nghal dawn tih ka hrilh,hun thawl kan mamawh hrim hrim a lawm,chubakah birthday pawh lawm zo hman lo in kan awm ta si a .






Kan pahnih in hun kan hmang ang chu" a tihchuan ka en ha mai,a thusawi te a chet dan te hian ka lungawi lohna pawh a tireh leh mai thin . “ Anihchuan min thlah lawk la " ka tihchuan min melh deuh ngur “ Vat vat" ka tihleh chuan min thlah ta chauh,chu veleh thu chhuakin lukham chuan ka vawm thuai “ Phuba " tiin ka tlanchhe nghal vat . Chuveleh rawn tho chhuakin min man mai a tum a ,ka tlanchhe nghal vang vang ,inchhungah chuan kan in um rak tuar tuar ,thenawm hmaizah tur an awm lo bawk nen kan bengchheng viau mai.









“ De min dawh hram hram avangin ka lawm e aw ,keimahah hian hmeichhe dangte angin i duh ang diak diak mizia hmuh tur a awm ve lo va ,ka naupang chhia in ka titau reng a ,chuvang chuan min dawhtheihna hi ka tan chuan a hlu lutuk,ka pa khan min duatin min ngaihsak a ,alakah khan ka pangchang hle thin . A awm tak lohah phei kha chuan ka rilru a na in ka ngai ngawih ngawih zel ,ka nu lahin min ngaihsak ve thei tak tak lo va ,ka pa ka zirtirtu tha ber awm tak lohah kha chuan ka mal ngawih ngawih in ka in hre thin.






Mahse nang ilo langa,ka khawharna te i ti bo va,min ti thinrim reng mahla i bula ka awm chuan ka pa bul ang chiahin ka him hliah hliah in ka hria ,ka tan chuan ka zirtirtu tha ber leh ka neih chhun ang ngawih ngawih i ni tawh a . I thlazar hnuai atang hian kalsawn ka duh in ka ring lo,ka hmangaih che Daniel Lalduhawm " tiin ka nuih sen sen,ka hmuiah chuan a rawn fawp leh vawng vawng a “ Englai pawhin i bulah ka awm anga ka venghim ang che ,i tan i in nghet tak ka ni anga ,thli in a chhem bo mai mai che ka rem ti hek lovang .







I tan i vawh changa i ai tur mei ka ni anga,ka kuah lum reng ang che . Ka duh ngawih ngawih nu " a tihchuan thlamuang zetin a awmah chuan ka bei chial,ka mut a chhuah tak avang in room lamah min hruai pheiin khumah chuan min mut a ,a mah pawh chu rawn mu ve in min kuah lehnghal thak ,ka khan nghal chial bawk . Kan hlimna hi bo lo se ,englai pawhin ka kiangah awm sela min kalsan ngai lo se tih hi ka duhthusam ber a ni .





I NAUPANG CHHIA EMAW ,I RILRU A PUITLING EMAW ,I SUAL EMAW I THA EMAW MIIN AN SEL LEH FAK CHE AVANG PAWH NILO VA ,I NIHNA ANG ANGA PAWM THEI TU CHE AI HLU AN AWM LO,CHUTIANG MI I TAWNG A NIHCHUAN KAL TIR HAUH SUH. HMANGAIHNA TAK TAK HRIATNA THA BER CHU KAN MIZE CHHE BER THLENGA MIN PAWM THEIH LEH THEIHLOH AH A IN NGHAT THIN .

[mawitei bawihtlung]

KA PAHRAWN






CHAPTER 13






Kan inneih atangin thla 6 lai a liam tawh a ,nau ka pai mai theilo chu ka inthlahrung em em a ,ka pasal nu leh pa lahin tu an hmuh chak thu an sawi sek tawh mai si . Ka pasal lah tunlai hi enge a tih pawh hriat loh in a vak chhuak deuh reng a ,kan nupa inkar chu a hla ta riau tih ka hailo . Zantin tawngtaiin nau ka pai theih nan ka dil thin,mahse ka tawngtai chhanna erawh hmuh tur mai a la awm silo ,ka ching tidawn ila doctor hnena ka in entir lahin thatlohna ka neih loh thu an sawi reng bawk si .










Tih dan tur pawh ka hrethiam tawh lo ,ka phone a message rawn lut chu ka en ,thlalak min rawn thawntu chu ka number hriat ngai miahloh atang ani. A thlalak min rawn thawn ka open chu ka pasal leh a bialnu Bethsy-i ngei mai a office a an awmdun lai a ni lehnghal,thawmhnaw an ha vek nangin ka pasal malchunga Bethsy-i thu leh a bianga a fawp lai chuan min tih hamhaih bakah ngaihthatna chi a nilo hrim hrim . Daniela ka ngaihtuah a ,tunlai a mizia a danglamin min be khat hle.








Nupa nun kan hman erawhin a duhthawh in min ngaihsak leh em em lawi si,engmah hi ka hrethiam tawh lo. A number ah chuan ka call vat “ Aw Teddy " a rawn tihsup chuan ka thaw hak “ De tunen nge in awm " ka ti nghal tawng ,ka ringchhe phal lo nang in a bialnu hlui nen ber khera an awm chuan min ti ngaihtha theilo “ Keimahin enge min ngai ami" a rawn tileh,dawt tihchu ka rilru ah a awm hmasa ber “ Aw a nihchu nih aw ka buai deuh a " ka tihchuan a thaw hrawk mai .







“ Enge i ngaihtuah ,i aw a diklo " ni e a ni ang puitling tawh chuan ka aw atang ringawt pawhin alo man hman vek ang chu “ Engmah ka tihkha ka buai deuh a ,a nih aw " tiin phone chu ka dah nghal vat . Pawnlamah ka chhuak a ,ka nu lo tawng mawlh mawlh ri chu ka hria “ Ka duhlo reng reng ka fanu chunga chutiang thil titu chu tha taka ka tihna tur a awm lo " a tihchuan ka pan hnai,Bethsy-i nen an lo awmdun ka hmuh chuan ka mengphawk vak ,Bethsy-in min hmuh chuan ka nu chu nghawk zauhin a mitmeiin ka lam hawi turin a ti a .









Ka nu rawn hawi chhuak chuan min melh kar mai “ Nang hi maw ka fanu nunna tichhe tu chu " a tihchuan ka hamhaih “ Nu enge maw i sawi le " ka tihchuan thaw hakin a kalsawn nal nal ,Bethsy-in ngeiawm zeta min nuih sawng chu panin “ Ka nu kha eng thu lawilo nge i hrilh " ka ti tuar ,a dar san akin a nui leh “ Oh Lalnunpuii tih hi i hre ngai em, new york a College rawn kal" a tihchuan ka mengkawk,ni e Nunpuii chu ka thian a ni thin,mahse Reymond avangin kan in tithiamlo va kha tang khan kan inkawm tawh ngailo.









“ Enge chu chuan kei nena inzawmna a neih" rindan chu neisa tho mah ila ka zawt nawn leh ngat ,nui hakin “ I pasal zawt rawh ,tin i naupai theihloh na chhan te pawh i pasal ka hrilh chiah a ,a lo haw mekin ka ring" a tihchuan mak ti lutukin ka en,chutah a nghawngah thamsakin “ Ka chungah enge tih i tum" ka tideuh tuar ,a dar san akin a mit chu a siai zauh a . A awmdan chu a ngeiawm hluah hluah “ I la hre mai ang ka kal phawt ange i pasal nen office ah kan awmzo chauh a ,ka chau riau" tiin dak vahin a kal chhuak chu ka en reng .









A haw hnu reiloteah Daniela chu a rawn lang ta reng bawk “ Zonuntluang eng thil teh hrep nge i tih hi,nang hian in danna ilo ei a maw " a rawn ti tuar ,biakna hun pawh neilo in min siam nghal chu a nimai sia “ De enge i sawi awmzia nau ka pai ve chak zia i hre reng a nilawm ni engtin nge chutiang chu i sawi theih " tiin ka en kar “ Awmpui rawn kal teh " tihrawkin kan awmpuinu chu a ko ,ka nu pawh in thil awmzia rawn ngaihvenin a rawn chhuak a .








Awmpuii pawh hlauhthawn hmel zet hian a rawn chhuak ve bawk ,engkim thleng zung zung chuan min ti hamhaih a,sawi tur min tihrelo “ Ka nupui hian naupailohna damdawi a ei tih hi i hriat pui em " a tih chuan Awmpuii chuan min rawn en in “ Aw ei e ka pu,min lei tir a a thawmhnaw bawm chhungah a dah kha ,u Bethsy-i khan kan inbiak lai a lo hre fuh palh a " inthlahrun hmel taka a tihchuan “ Dawt Daniel ka ei reng reng lo " ka tihchuan ka nu zawk a lo chet tlak tlak .








“ Awi maw vawiina thil thleng zozai hi a va mak em,ka fanu nun tichhe tu chu ka mo a ni a ,chutah ka fapa fa a pai loh nan damdawi a lo ei leh zel a ,i hmel fel hmel tak phenah hian khakna a lo awm reng a nih hi,Bawiha thehchhuak rang rawh ,hetiang mi ka awmpui peihlo " ka nu chuan a rawn tichhuak hlak hlak . Kei erawhin dawt a nih thu ka la sawi fan “ De engmah hi ka hrethiamlo,chuan Nunpuii kha ka tihnat a nilo,amah leh amah kha a in tina zawk a ,dan ka tum zawk a sin.







Min ring hram rawh u,keihian tumah ka tina lo takzet damdawi pawh kha ka ei lo tak tak" ka tihchuan Daniela chuan a kut a rawn vai puat “ Awmpui a damdawi ei chu i chiang ngei em ,dawt i sawi chuan ka zuah bik hauh dawn lo che a nia " a tihchuan Awmpuii chu bu nghatin kan roomah a lut ,kan zui dial bawk . Chutah ka thawmhnaw bawm ngei atanga damdawi a rawn phawrh chuan min ti phu zawk , ka eilo tih ka chiang “ Min talawh tir an tum a ni, Daniel ka eilo tak tak a nia ,engtin nge sawtah sawn a awm ka hrelo min..."







“ A tawk ,dawt i sawi zozai hi ka ngaithla peih tawhlo,ka nupui i nih avangin ka nau chunga i thil tih pawh theihnghilh ka tum hram hram a ,mahse nau i pai theihloh nan lehzel damdawi i ei hi chu ka hrethiam theilo ,a tawk tawh . He inchhungah hian tih tur i nei tawh lo chhuak rawh "a ti deuh hrawk . A aw ah chuan a thinrim zia ka hailo “ I hre nange chhuak vat rawh ,kan chhungkua tichhe tu hi kawl reng che kan chak lemlo a nia " ka nu in a rawn tih chuan ka lu ka thing nawk nawk.








“ Aih ka chhuak dawn lo,pasal ka nei tawh a chhuak leh turin ka nei lo" tiin ka mittui nen chuan Daniela ka en ,rum hawkin a chhuak zui nal nal,ka nu te pawh chu room atangin an chhuak a ,Awmpuii chu a chhuah hma in a kutah ka vuan hlauhthawn hmel fe in min rawn en “ Nang hian dawt i sawi tiraw ,khang damdawi te kha ka lei a nilo tih chiang takin i hria a ni " ka tihchuan a kut chu thin tlak pahin “ Dawt a nihloh zia chu kha a chiang reng a lawm" tiin a chhuak nal nal,ka kut ka hum ruh a .







He thil titu hi ka la chhui chhuak ngei ngei ang ,khumah chuan thu in ka mittui chu a tla zung zung ” Aw Lalpa nang chuan engkim i hria tiraw ,keihian tumah ka tina lova ,damdawi lah ka ei heklo,ka pasal tana fa ka hrinsak chak zia i hria a nilawm ni " tiin mittui tla zung zung in ka tisep sep ,tlai chaw eina ah te chuan ka nu chuan min kap fek fek a ,ka pa erawh a ngawi reng thung. Nidanga min faka min fiam reng tu te kha thawk leh khatah ka tan ramsa ang mai an ni chuan min ti na vawng vawng .








Daniela lah khawiah nge a kal ka hrelo ,mahse kei hian chhuah mai mai ka tum biklo,ka pasal tan chauh hun hmang turin ka intiam tawh a . Ka tuar anga engkim ka fiah anga chuan min pawm leh em em ang,ka tuar hram hram a ngai tiin ka infuih sauh sauh va . Zan tlai tak thleng Daniela a rawn la haw lo va ,ka phone a rawn rik chuan number hriat loh a ni ,phurlo zetin ka la a “ I pasal hi zanin chu ka hawh dawn e aw ,lo nghak duh suh,a hriat chhuah miahloh nan che ka siam dawn a ni " tiun Bethsy-i chu a nui har har .









Ka kut hum ruhin phone chu ka dah hmak“ Eng em em nge ka tihsual le ,ka hlim ve dawn a pianga ka nuna pawimawh ber ber te an bo leh duak thin ni. Ka tan hian khawvel hi a va han rawng tak em ,De nang tal chu ka bulah awm la tha tur ,ka nu lah ka hrilh thei rih silo,nilo a hriat chuan thinrimin ka dikna ka hailan hma in min hruai haw duh mai ang ,a ni chu ka hrilh theilo . Kan nunhlui ka ngaihtuah Nunpuii thih dawn a a awmdan zawng zawng chu ka ngaihtuah let ,ka hrehawm tawk tawh viau a sin le .





FLASHBACK ZUAI ANG AW





“ Nun Raymond-a hi ka duh lo ka ti tak tak lo chhuk rawh " tiin ka thian tha ber ni thin chu ka en ,inchung atanga zuan thlak a tum tih ka hriat rualin ka tlanchho ta vat kha a nia . A zuan thlak tak tak ka hlau takzet , Reymond a duh zia ka hailo, Reymond lahin keimah zawk min duh tlat bawk si ,ka thiantha ber in min huat phaha tunah amah avangin a nunna hial lak a tum a ni si a . “ I hria ani lawm ni ,ka nghaka ka duh zia pawh mahse nangmah tho a pan che " tiin a mittui a luang.








Ka hmui ka pet “ Keiin ka duh loh chuan tih theih a awm hleinem,i hria ka thiantha ber ini i hlimna tih chhiatsak che ka duh ngai reng reng lo, Reymond hi ka duh lo ,Nun min ring la rawn chhuk hram teh" ka tihchuan a lu thing nawk nawkin “ Ka hua che " tiin a awn,ka tlan phei a mahse ka man hmanlo ,inchung sang tak atang chuan a tla thla vawng vawng a ,au thatin ka hmui ka hup . Ka mittui a tla nghal zung zung,a hmunah ka pawh chhawn lo in a thi a ,kei ngei pawh rei tak chhung ka pangngai loh phah bawk.







End of flashback





Kha thil thleng tur kha hre lawk ila chuan Daniela hian a phuba lak nan mai mai min neilo in ani hi ka tawng kher lo tur ,min huatna an neilo anga ka nun pawh hlim takin ka la hmang ngei awm si a ,ka ngaihtuah let a, Daniela lo lan atanga ka nun buai tak zia te ,min hmangaih thu a lo sawi ngai miah lo te leh min ngaihsak tak tak miahlo te kha keichuan min la duh tawk loh vangah ngaiin ka lo dawh hram hram zel a .








Mahse a phuba lak duh vang zawk a min lo fiam kual mai maina vek a lo ni si a . Keilahin â takin a mi dawina huangah ka lo tal lut a ,a dawiin min zem â a ,a zunah ka uai hlen ta in ka hmangaih ta hial si a ,ka mittui chu ka tuai nauh nauh “ Thudik ngaithla duh in kan pahniha chhungkaw din ka chak zia hria la chuan ahma ang khan a der mai mah ni se hlim zetin min fiam leh tawh tur tiraw De ,tunah erawh i hmeichhe duhzawk bulah ngei chuan min kalsan ta si a .








Heti pawh hian ka na tawh tho a sin,ka inthiamlo tih ka sawi theilo a ,min be duh silo . Ka tap a ni tih hmu la ka duh a ,mahse ka hmuh phakah i awm silo,kuah che a engkim sawi ka chak a ,mahse ka khawih phakah i awm hek lo . Keiin atak tak veka engkim i tan ka tih kha nang chuan dawt in bul min lo tanpui a ,dawt hmang vekin engkim inneihna thlengin min lo tiam a ,ka mittui chu ka biangah a luang ngiau ngiai “ Tlem tal chuan min duh ve tho tiraw De ,a chhan chu i lungphu danglam ve thin te .







I mitmenga min thlakhlelhna lang ve thin te hi dawt mai a nilo tih ka hmu thiam ve a sin " khumah chuan keimahin ka mu tawm kak,alo lan atangin ka nun a pangngai lo zo va ,ka tahbelhin ka rilru a no bawk ,engkimah min ngaihtuah tak tak anga a lan avang khan ka pangchang zo va ,mahse ka tih nimiahlo a puh ka nih meuh chuan ani pawh ka chang leh ta chuang lo chu a nih hi . Zan dangah chuan min pawmin min awihlu hlu zel a,mahse tunah chuan hmeichhe dangin an bul ngeia a mut tur thu min rawn hrilh ta si .








Ka tawngtai a ,chhanin awm dawn lo mahse keimah tal hi chak tak a ka awm a ngai a ni ,Hla ka play a ,ka mittui chu a luang zung zung ni e a ni chu ka tawnmang a ka lasi tlangval leh ka pasaltha ani a ,ani nen chuan tawnmangah intawng in chutah chuan cham hlen daih ila tih hi ka duhthusam a ni . Mahse khua a rawn var anga ka nun thar ,ka natna tur hmachhawn turin ka harh leh ngei dawn si .







“ De muttui aw " tisepin ka mit ka chhing riai riai a ,zingah chuan ka nu chuan min rawn vin tho hlawk hlawk a . Mit bui lukin ka tho chhuak “ Nu tinge min huat tak em em a ,ka tih a nilo a sin" tiin ka insawi fiahna te chu ngaithla duhlo in min melh hrak reng “ Bawiha pawhin a sawi tawh a ,ka awih theilo che . Ka monu ah ka pawm che a ,mahse kan chhungkua hi min bum a ni ,tho rawh Bethsy-i chaw ei turin kan sawm a nia " a tihchuan ka phu zawk .









Nimin thleng kha chuan ala hua a ,vawiinah erawh kei min haw ta thung a ,aw mihringte rilru hi a lo va inthlak thleng ngun dawn tak em . Mihring rilru hi a lo nghet lo vin zawp hma tak a lo nih hi le .


MIHRING RILRU CHU AN THIL HRIAT THAR A PIANG LAMAH KAWI TAWN RENGIN,A ZAWP RAL THIN. MAHSE THINLUNG ERAWH IN A PHUT HUN A HAI NGAILO A ,A AWMNA TUR HMUN DIK TAK A TAWH MEUH CHUAN A PHUT DAN A THLAK NGAI LO . MUTTUI U

[mawitei bawihtlung]

KA PAHRAWN





CHAPTER 14



A TAWP NOTE CHHIAR RU AW

Chaw ei ka siam mawlh mawlh lai chuan kawngka a rawn inhawng a ,ka pasal rawn lut chu nuih sen senin ka tlanphei a ka kuah nghal chawt “ De nizan ilo haw lo a ka khua a har lutuk a sin " tiin a awmah chuan ka bei kak,min kuah let ve hauh lo . Chutah a hnung chiaha Bethsy-i lo lang chuan min nuih sak,nizan thil thleng ka ngaihtuah chhuak nghal uar uar “ A zaklo a nia kha a chhuak duh der bawk silo ,monu kan nei bawn khawp mai " ka nu in ka hnung lam atanga a rawn tihchuan ka thaw hak .







Tinge tumah hi ka lam an tan tak loh le “ Ka chau ka mu dawn " tiin Daniela chu a kalsawn a ,ka nu leh Bethsy-i chu nufa ang maiin an ti ti bawrh bawrh,Chaw ei lai te chuan Daniela chu an in a a riah thu vel a sawi a ,ka chaw ei pawh a tuilo,ka kham thuai a . Kan room lam chu ka pan chhet chhet ,khuma ka pasal lo mu chu ka en ,ka pan hnai a ,muhil tih hriat takin a thaw sak sak ,ka en reng a hmuiah chuan ka fawhsak zeuh “ Min haw mahla ka dikna ka hailan hma chu ka kalbo dawn lo " tiin ka phun chhuak sep .







Awmpuii hi a inpuan nana eng emaw ka tih ngei a ngai a ni,chumi hnuah min la pawm theilo a nihchuan na dawn mah ila ka inthiar fihlim tawh ang . Ka pasal bulah chuan mu in ka kuah vang vang,a zu thing rim te chu ka hailo,ka mittui a luang zung zung “ Ka pa ,ka pasal hi min venpui la,a nun a sual loh nan min vensak teh aw pa ,i fanu pawh hi chak taka ka awm theih nan Pathian hnenah khan min lo dilsak rawh aw " tiin ka tawng chhuak sap sap a .








“ De tui deuh in mula,chuan ilo harh leh hunah min huatna te kha bo in min pawm leh la ka ti " tiin a sam a nghawng chen laia sei chu ka khawih sak niap niap “ Wow Cinderella chuan a lalfapa chu a lo awi mu vel elo?" Bethsy chuan kan room rawn luh pahin a rawn ti,thinrim takin ka en “ Kan nupa room hi chhuahsan rang rawh ,nge mipa dang i hmu zo ngang lo . I luck lo lutuk nge " ka tihchuan a thinrim hmel hle ,min rawn ben a tum nghal ta reng a .







A kut chu ka lo chelh bet vat “ Nang hian ka chungah dawt hmang a min puh chhiata awm i tum tiraw,lo en reng rawh . I duh hi ka puitlin sak ngai lovang che " ti thatin a kut chu ka paihthlak sak “ Nang" tiin thinrim aw khur hlawk hlawkin a kut in min kawk,ka lo nuih chu a thinrim zual tih a hriat “ Nang naupang mai mai lakah hian ka tlawm lovang, Daniela hi ka ta a nih hi " a rawn ti that,ka lo nersawk a ka hmel tihdan chuan a ngeng a chhun tih a hriat“ Oh a nimaw mahse tunah rih chuan ka pasal a ni tlat,tin pasal mah ka nei thei a nihchuan naupang chhia lutuk ka ni tawhlo tihna .








I lo hre reng dawn a nia ,chhuak rawh mi nupa room a lut lut mi fing an awm lo a nia ,i inkhawm ve thin phei chuan mi pasal lo kawp tu chan tur chu i hria ang tiraw ,Bible thu te i chhiara Biak inah i tan ve thin phei chuan Pathian duhloh zawng tih a tha lo a sin,i upat ve tawh tehlul nen KTP over dawnah i hming a chhe hlauh dah ange " ka tihchuan min khawih leh tumin a rawn che phat ,ka lo nam tlu thuai chuveleh dawhkan chu a bawh ri deuh rum rum “ Engthil nge in tih " rawn ti hrawk ri avang chuan kan hawichhuak vat .








Khum atanga Daniela rawn tho vin kan awmdan a rawn hmuh chuan a bialnu chu panin a kai tho a , rum zetin min melh “ Daniel he naupang hi a huaisar mah mah a ni,kut min thlak ringawt a nia " a tihchuan ka en reng ringawt. Daniela lah chuan a tlu lai chiah a rawn hmu bawk nen min haw sa bawk si min ring dawn lo tih ka hria “ Bawiha eng thil nge ehe Bethsy i tha em" ka nu chuan Bethsy-i rawn buaipui chung chuan keichu min en “ Hrethiam rawh aw monu zak theilo leh tual thah hmang kan nei tih hre reng ta che .








Tirawh chhuak ang" tiin Bethsy-i chu a chhuahpui vang vang, Daniela bathroom lama in tifai tura lut chu a thawmhnaw tur ka lo lak chhuah sak a “ I ti thei a ni ,reilote chiah aw " tiin ka infuih mawlh mawlh,tunah hian a rukin ka en thla reng a ,Bethsy-i leh Awmpuii inbiak hun chiah a ni ka nghah tawh ,kha damdawi kha engtin nge ka thawmhnaw bawmah a awm daih theih tihkha chu rindan ka nei thiam tawh a ,Awmpuii bak a ni hek lovang . Kan nupa room a rawn tifai fo va ,ka kawm ngeih em avang khan ka lo ringchhe ngai miahlo mai a ni .









Daniela rawn chhuak chuan ka thawmhnaw dah chhuahsa chu kal pelin a thawmhnaw bawm chu a hawng a ,a dang a ha nghal mawlh mawlh . A hnung lam atang ka kuah chawta ,a thil tih lai a tawp dat . A thaw hawk chu ka kuah avang chuan ka hre thei ,a hnungzangah chuan ka bei nghet sauh “ De tiang hian awm suh,ka khua a har a nia ,khawngaihin ka thusawi ngaithla rawh aw . I nau kha ka thah a ni lo takzet " tiin ka hrilh mawlh mawlh .







Chutah ka kut chu paih thla in min rawn melh hrawk “ Ka hmaah rawn lang lo la ka nun danah buai hek suh,ilo inrawlhna tur a awm tawh lo . Nang ang hmeichhe nunrawng lutuk hi ka mamawh lo che " ti hmukin min chhuahsan lehnghal “ De " ka umzui a ,mahse kawngka chu min kalh khum hmak . Ka chum dawt dawt a ,mahse hmeichhe ho nui ri bak ka hrelo,min nuihsawh a ni ,ka awm chumin ka tap chhuak hlawp hlawp “ Tinge tinge buaina hi ka tawh zel bik,tinge mipa heti zozai zingah amah min hmangaih tir a ,mahse ka neih leh i phalloh .








Hmangaihna nunrawng ,ka lungphu rik rualin chu lungphu ngei ah chuan hmangaihna i luanluh tir a ,a phut hnan tan a nung a ,mahse chu a phut hnan ngei chu kaltir leh i tum si a maw . Eng ang hmangaihna nge ni bik,chu lung chhungah chuan a duhtawk a a tal theihnan kawng ka hawnsak a ,mahse a rei a chu ka lungphu ngeiah chuan natna leh lungngaihna ,beidawnna leh tahna a dah a,ka nalai a hmuh duh avang lekin ka chhungah luh a hnial lo va ,ka taksaah natna tam tak a siam phawt hnuah a chhuak leh daih a .









Tinge hetiang tur tih hriat lawkna i dah telloh,hmangaihna hi ka hua ,ka haw lutuk" tiin ka awm ka chum vak vak,ni nga chhung roomah chuan min kalhkhum a ,an chaw rawn dah chu ka ei ngailo,ka taksa te chu ka mut loh avang leh ka chaw ei ngailoh avang in a khur a ,ding turin tha ka nei hek lo . Mahse thudik ka record phah thei tal a,Awmpuii leh Bethsy-i ka room bul ngeia min rawn tawngkhum te chuan phone ka kawl an ring lo a ni ngei ang . Daniela ka hmuh dawn a ni .








Ka phone chu ka locker ah ka dah a ,a tawp nan kawngka chu ka chum leh vak vak ,Awmpuiin engmah a sawi ngailo tih ka hria ,ka chaw ei leh eiloh a hre miah lovang “ De ka pum ana a nia ,ka lu pawh a hai lutuk " ka aw neih ang ang chuan ka au,thawm a reh vang vang hnu ah kawngka chu a rawn inhawng a , Daniela ngei ka hmuh chuan ka nuih sen sen,ka luhai lutuk chuan min ti mengtha thei tawh lo “ Engvanga a chaw hi a ei ngailo tih sawilo nge i nih" Daniela chuan Awmpuii melh hrawk pahin a tinghut ,min pawm nghal lawp bawk .







A hmaiah chuan ka kut cher deuh riak tawh chuan ka en “ HMANGAIHNA HI KA ZAWNG TAWH DAWN LO DE ,HMANGAIHNA CHUAN MIN RAWN ZAWNG TAWH ZAWK RAWH SE " tiin mittui luang ngiai ngiai chung in ka nui leh sak “ Ka chau hle mai ,ka pa ka hmu ani" tiin ka pa hmel hlim taka nuisang ka mitthla alang chu ka nuihpui a “ Zonuntluang i mitchhing suh i hria em ? I mit kha chhing hauh suh,car lo va la chhuak rawh u " a ti tuar ,pawnlam min pan pui nghal hlawk hlawk . Ka mit ka chhing ,ka taksa chu a zawi ta hnawk .







DANIELA POV.....






A taksa dang lutuk en chuan ka rum hawk ,haw viau mah ila a kal ka duh hauh lo,a thusawi kha ka ngaihtuah a ,ka lakah a beidawnna aw kha ka hailo . Nilo kei min hmangaihna bansan in tu hmangaihna mah a pawm theilo,damdawi in chhungah chuan ka tlanluh pui a,an lo buaipui nghal zung zung. A taksa zawi lutuk chuan min ti hlauthawng hle ,ka mit chhingin ka hmai ka tuai puat,ka nu te ka bula rawn kal chu ka melh hrawk “ Ka awm loh chhung khan vawikhat mah kawng in lo hawn lo amaw " ka ti deuh tuar .








“ I kalh khuma hawn a ngai em ni? Thi mahse enge pawi kan fanu pawh a that duh a ,enge kan hmangaih chiam ang " ka nu thusawi avang chuan kut thawh lo turin ka insum hram hram a ni “ Ngawi hmak rawh ka nu,a ni anga tualthah kher kha a ngailo ,jail i tang thei tih i hre reng lo em ni" tiin ka nu chu ka hawisawn san “ Haw rawh u, ka mamawh lo che u" tinghut in thutthlengah chuan ka mit hupin ka thu thla dawt “ Nangpawh i haw ang doctor an awm tawh hi,Bethsy-i pawhin nuam lo a tih hmel em hi " a rawn tih leh chuan ka thutna chu ka chum dawt.








“ Enge nuamlo tih na tur a neih,haw rawh u ka tihchuan haw ula a nimai helai hmunah hian inhnial ka peihlo haw thuai rawh u " tilehin ka nawr sawn dawrh “ Nang pawh hian saw hmeichhia saw i hmangaih tawh a nih saw kal ang Bethsy" tiin an chhuak zui hlawk hlawk,Bethsy-i rawn hawi let tawk tawk chu melh pawh ka melh zui duhlo . Doctor rawn chhuak chu ka pan vat “ A tha em Zuala" ka tihchuan a bu nghat .







“ Engtin nge in enkawl a ,a taksa chakloh dan em em saw ni tam tak engmah eilo leh mut hmu lo ang mai a nihsaw ,saw ai darkar khat pawhin rawn tlai ula chuan a dam chhuakin ka ring lo,thiana i nupui a ni lawm ni? Ngaihsak ve deuh ta che " ti a min melh hnu ah a kalsawn nghal zat,Teddy-i an rawn nawr chhuak chu ka en reng ,a taksa cher deuh dawkah chuan khawl an vuah deuh far a , oxygen a hip ka hmuh te chuan keimah ah hrehawmna a siam a ni .







Harh leh thawveng zet a a che kual thinte kha thawk leh khatah kei hian ka tichhia tih ka hailo . Hmangaih lo mah ila ka duh ve tih ka hre chiang viau thung,a cabin a an dah hnu chuan ka lut zui nghal,a bulah chuan thu in a chalah ka fawp vang vang . A kuta thisen chaw an khai chu ka melh vang vang “ Chak takin awm ta che ,Zonuntluang he indona ah hian chak takin awm ang che " tiin ka tawng chhuak mawlh mawlh .




End of Daniela pov







Ka mit chu ka meng riai riai “ Teddy" chu aw chu ka hai mawlh lo ,ka tap chhuak a ka mittui chu min rawn hruksak vat “ De ka haw duh ka nu bulah ka haw duh " tiin ka thu chhuak ,ka kuta venflon an vuah chu ka phawi nghal zat ,ka taksa chu a zawi ngiai “ Nilo e ka bulah i awm ang" ka lu ka thing nawk nawk “ Aih ka haw duh,keimah pawhin ka haw mai ang ,helaiah hian ka awm duh tawh lo,De damdawi kha ka eilo,min rinloh chuan ka locker ah ka phone a awm a,tah chuan a awm vek " tiin ka tawng chhuak mawlh mawlh .








“ Shhh....ka hria e ka hre tawh,i eilo tih ka hria a lawm" a tihchuan mak tizetin ka en “ Mahse min rinloh kha " ka tihchuan a lu a thing vut “ Ngaihtuah tawh suh,i taksa hi a chak that hma loh chu ka hnen atang in emaw i kal ngai lovang " tiin ka hmuiah a rawn fawp a ,ka chhang lo “ Teddy" ka biangah a dawm “ Ka tihpalh " a tisup,ka mittui chu a tla leh tawh “ Aih ngaihdam min dil suh,engkim ka hrethiam tawh a lawm,chaw ka ei a nga chuan ka chak tha leh anga, New York ah ka nunbul ka tan leh anga,i nau chunga ka thil tih sual loh zia ka hmuh ang che " ka tisep.









Engmah a sawi leh tawhlo,in lamah min haw pui a ,chaw min ei tir nghal . Keipawh chaw chu tam zet ka ei a,Daniela chuan Awmpuii banin midang a lo la daih tawh zawk a lo ni ,roomah chuan min luhpui a ,a nu leh pa an lo awm miahlo . An leng chhuak te pawh a niang,ka hmuiah a rawn fawh chuan ka lo meng kawk,ka hnute chu a tham nak nak “ Teddy ka insum thei tawhlo " tiin khumah chuan min bawh bet ,keipawhin a tawpna a ni tih hria in ka hnial duhlo va ,duhthawh zetin ka lo chhang let ,a awm velah te chuan ka fawp ve ruai ,a rum deuh hawk hawk .









Ka thawmhnaw min phelhsak rual chuan a thawmhnaw pawh chu ka phelh sak ve mawlh mawlh “ Ka mamawh che De tunah " ka kap chu a rawn nawr kau a ,a rawn lut nghal zat . Ka rum nghal hak,“ Ka ta i nih hi Zonuntluang ka ta chiah " tiin a che rang sauh,kan taksa in nawk nen ka lum pup pup a ,nuam in min tuam hlawp hlawp bawk “ Ka hmangaih che De " ka au chhuak that a ,ka zawi nghal hnawk . A ni erawh in duh tawk mai tum lo in a che thar sauh sauh reng,a tawp a thlen pawh chuan a bul atangin a tan tha sauh sauh a ,kan thlan hliam tawh .








Nawmna kan tawng nawn awn awn a ,ka taksa chu a fawp chhuak vek,ka awmah a bei zawr tak thlarh ah chuan a sam chu ka chul nghal hliau hliau a,ka lungphu dawt dawt bakah ama lungphu pawh chu ka hre pha hial “ Anuam em " a rawn tihchuan ka bu nghat,a nui ta suk a “ Khatiang em em a ka chet theihna chhan chu nang hian min tiphur em a ni " tiin ka hmuiah a rawn fawp vang vang .







“ Ka nu ka hmangaih lo ka tihchu,tual thah ve kher ka duh loh vang chauh a ni" ka harh chiah Daniela aw chuan min ti tim sawk . Ka pum chu ka khawih ” Bawihte apa chuan i awm ve tih hi hrelo reng mai rawh se tiraw " ni e damdawi in kan luh khan nau ka pai tih ka hria ,ka chhiat tep bawk. Doctor hnenah Daniela hrilh lo turin ka ngen a ,engmah an hrilh lo chu ka lawm hle “ A nihchuan chhuah tir vat rawh ,Bethsy-i pawhin a nghak rei tawh che a ,a nilo zawk i nei chung pawhin ala iai miah loh che hi " a nu chuan a ti ve bawk .







An thusawi chu ka ngaithla thei tawhlo ka beng ka hup a ,ka thaw ham ham. Zing khawvar hma deuh chuan tho chhuakin ka thawmhnaw siamsa chu ka la nghal mawlh mawlh,rum chhung chu ka en kual,khuma ka pasal mu chu ka en vang vang “ De ka kal ange aw,i duh ang a i awm theih nan leh i hmeichhe hmangaih ber i neih theih nan ka kal ang aw ,De pa i ni dawn a sin " ka mittui chu hru in thawm neih hlau tak chuan ka chhuak a , dar 6 a chhuak tur ticket ka book sa a ,chuan ka nu hnenah ka haw tawh ang.









Ka kir leh tawh hek lo ang, airport ka thlen chuan khua a eng deuh uar tawh a ,ka ticket tih fel chiah ka ngai tawh . Ka pum chu ka en leh thin,ka tah a chhuak tun bawk ,mi chu nau an paia an pasal chhungte an lawm em em ngai a ,kei erawh in ka pasal leh a chhungte hnen atangin engmah ka dawng ngai dawn lo tih ka chiang si ,ka phone ri chu ka en . Min call tu ka hailo , ka lak duh mai loh avang chuan a rawn call nawn tlut tlut a,a tawpah ka la ta hram “ Teddy khawiah nge i awm ? Min lo nghak rawh aw i hria em" a tihchuan “ De ka haw dawn " ti tiauin phone chu dah mai ka tum a .








“ Min lo nghak rawh ka lo kal i hria em,khawiah mah lo kal sawn suh " a rawn tidam dup,a rilru zawng zawnga sawi nise chuan ka pawm leh mahna mahse tunah chuan ka thei tawh lo “ Ka len tawhlohna hmun leh inchhungah ka awm duh tawhlo,min rawn tibuai tawh lo la ,keipawh in hmaah ka rawn lang leh tawh lovang,Bethsy nen chuan chhungkua dinin nun thar tan ang che ,Mangtha le Daniel" tiin phone chu ka dah a ,ka mittui chu hru in ka ticket ka en tir a ,thlawhna lam pan chuan muang changin ka phei zui a.


Bial zaipawl hla kan zir tan a ,duh angin ka regu thei tawhlo mai theia,min hrethiam rih ru aw ,hla zir a pelh theih siloh a