KA PAHRAWN BY MAWITEI BAWITLUNG (Complete)

[mawitei bawihtlung]

KA PAHRAWN






CHAPTER 15



Thuhma ka lo nei lawk ange,story hi zankhat danah ka dah thin dawn a ,chutih rualin lo neia eizawng kan ni a ,kan hman ve reng lo tih in hrethiam tlang ila,hmeichhia in nih deuh vek ka ring a ,hmeichhia chuan hnathawh bakah inchhung lam chet thlengin tih kan ngai tih min hriat pui dawn nia aw ,story chhiar tak tak hma in ka lo sawi lawk a nih chu,zanah lah inkhawm angai leh zel a ,zan dar 8 velah chiah story type theih chang ka ngah a ,a tawi pawhin min lo hrethiam dawn nia chhiar nuam u )




“ Nu engtin nge ka tihdawn,min hua em " tiin ka nu min tahpui zawih zawih tu chu ka en reng,min kuaha,a lu a thing nawk nawk “ Bawihte ka haw reng reng lo che ,kan nufa hian tinge kan vanduai em em le ,lungngai hauh suh ka awm chhung chuan i naute nen hian in mal ngai lo ang ,Daniela ka neih tir che kha ka thiamlo a ni,a nupui i nih chuan kan nufa a i thiannu thih chhan dik tak kan zep te kha a ngaihdam vek tur thu che a sawi vang chauh a ni " a tihchuan mak ka ti tawlh tawlh. Ka pum chu ka chul ka tap leh ta zawih zawih .









Ka nu a chhuah hnu chuan balcony ah chuan thu in K. Hminga hla thurochhiah chu ka ngaithla ,ka mittui a luang zung zung,a thunawn lai phei chuan ka lungchhiatna a tizual ,ka hnena thutiam tu kha a la ngai a ,mahse a thu chhah chhuah zawng zawngte kha dawt mai an lo ni si “ Lalduhawm ka hmangaih che a sin engvangin nge hetiang em em a na min tawrh tir hi i duh em em a " tiin ka au chhuak tuar tuar ,ka awm chu ka chum vak vak bawk .









Nangmah avanga ka na lai hi i hmu duh tiraw ,i lawm tawh ang tiraw ,i thutiam zawng zawng te i thusawi ka lo lungawi pui em em te kha dawt vek a lo tih ka hriat hian ka lo at zia ka hre chiang leh zual thin . Kumkhua atana i tihkha kum khat pawh a tling lo a nih hi tiraw ,tenawm pa,i rilru tenawm tak hre reng chung pawhin ka la hmangaih che a ,kei hmeichhe mawl tak hi i hmangaih let ve in beisei in alo zui reng che a ,mahse natna nen i tir haw a nih hi tiraw . Nau ka pai i ring lo a ,midang thusawi i rin avangin tunah chuan pa i nih dawn thu pawh i hre ngai dawn lo a nih hi,nitin i hna ban ka lo hmuah dan tur che i sawi zawng zawng kha .









I fate i hmuhchak zia i sawi te kha ,kha i hmangaih dik tak nen a in tih tur i sawina zawk tiraw lo ni,ka hua che ,ka haw em em chung che pawhin ka nun hian ala mamawh fan che a ,i chhawn duh tawh der silo tiraw ,ka hmelma hi ka hmangaih ber a ni a nia ,hmeichhe mawl mahni hmangaihtu pawh hmuthiamlo ka lo nih hi " tiin ka mittui nen ka tawng sep sep,ka pum chu ka chul . Ka lo suangtuah ve a sin,kan fa chu a lehlam lehlama kai dunin khawlaiah leng kual ila,kawng sira an thil zawrhte eiin,kan naute a niin pawm se tiin ka ngaihtuah ve a sin.










Mahse tunah chuan suangtuahna mai hi chu a lo thleng dik ngailo tih ka hriatchianna turin ka mipa hmangaih chu ka chelh theih tawhloh leh ka hmuh phak loh ah a awm tawh a sin. Ka chan a ,ka chan hlen kumkhua tawh ang tih pawh ka hre chiang hle bawk . Ni a liam ve zel a ,ka nun erawh in ngai a awh thei meuhlo,ka na ngawih ngawih a ,ka rilru hrehawm lutuk chuan ka taksa a ticher dawk bawk . Ka naute tan chiah ka bei hram hram chauh a ni ,ka nu leh ka pi leh pu leh ka thianten englai pawhin min fuih reng a .









An ni hi awm lo se ka dam zawh tawh pawh ka ring lo ,khawlaiah Xavier nen kan vak chhuak a ,heihi New York ka let hnu a ka vah chhuahna hmasa ber tur ani,Xavier chu thil pawimawh tiin a peng zawk a ,bazarah chuan ka ei duh zawng chu eiin ka nui leh var var thin ,chutia ka fankual lai chuan ka hnung lam atanga min rawn au tu avang chuan ka khawng awt “ Teddy,khawiah nge i awm bo ka zawng char char che a sin " Daniela rawn phei chu ka en reng,ka tlansawn nghal vat “ Ding teh Teddy" ka hnungah min rawn um zel ,ka naupai la dim ngai nen tlanchak ngam lo na na na chu min rawn um pha vat.









“ In inah in awm tawhlo,khawiah nge in awm " a tihchuan ka chhang lo hrim hrim,enge helaiah a rawn tih dawn “ Min thlah teh ,ka hmu duh tawh lo che ka tihkha " tiin ka kut chu ka pawt a ,a thlah duh der silo “ Daniel enge a " Bethsy-i pawh chu a rawn lang ve nghal zat ,kei min hmuh rual chuan a ner deuh nawk ,min ngeih lo tih a hriat hluah hluah “ Nang leh bawk maw ,kan inhmuh tawh loh rin nen " a rawn tihchuan ka chhang lo “ In bia ang " titu chu a vawikhat nan a hmaiah ka beng ta siah.









Inthiamlohna ka neilo,ka chunga a thil tih avanga ka phuba lakna ah ka ngai nghal hmak “ Min khawih leh tawh suh khawvela mipa tenawm ber ini" ka ti tuar “ Baby enge thleng " Xavier chuan ka kawnga rawn kuahin Daniela lam chu a melh run,engkim a hre ve vek a chuvanga hetianga awm leh min ko hi a ni tih ka hre mai,ka haw duh lo . Lalduhawma runluih ka chak a ni ber“ Ka tha a lawm i zo tawh em ni,hei hmelhriat hluite ka lo hmu a " ka tihchuan Daniela chu a rum hawk “ Zonuntluang mipa dang ilo kawp vel amaw " a rawn ti thawt .









Ka ner khum nawk thung “Nangin i theih laiin engvangin nge ka theihloh bik ang " tiin ka nuih lui sak ,huat hmel zet chuan min en “Hmeichhe lepchiah " tiin a kalsawn nghal pawk pawk . A kalliam hnu chuan thawk ka la vak , Xavier chuan ka kutah arawn chelh nghal ,ngaihtuah hmel zetin min en chu ka nuih lui saka “Ka tha a lawm,a kal kha a tha zawk . Chutilo chu ka hma ah a lang fo anga,ka tawrhna zawng zawng aia nasa hi tawrh ka hlau a ni .







Ka hmangaih si a , Xavier a bula hmeichhia kha i hmu em? Khanu vang khan kei hi min hlat ta a sin,khanu vanneih zia ka ngaihtuah hian ka lung hi ana ut ut asin,ka hmangaih duatna zawng zawng a dawng tawh bik dawn a " tiin ka tap chhuak hlawp hlawp, Xavier chuan a car lam min pan pui nghal vat . Mi chuan min en duh hle,mahse engmah pawisak ka neilo ,ka tawrh ang hi an tuar ve te a nihloh chuan tuman min hrethiam dawn lo .









In kan thleng a ,ka nu a lo la hawng miahlo chu mak ka ti,ka phone a a la thei bawk si lo . Tun ang hunah te chuan a rawn haw ziah si a ,a hna a lak lawh em ni aw niang tihchu ka ngaihtuah,ka phone a rawn ri a ,ka nu tih ka hriat chuan ka thaw ta huai “ Aw nu ilo haw tawh dawn em" ka tihchuan lehlam atanga thu rawn sawi tu avang chuan ka nghing dawt “ I nu hi a accident a nih hmel,a nunna chhan hman ani tawh lova ilo kal thei angem " an tihchuan min ti hamhaih .






Xavier chu ka bulah a rawn kal mittui tling pamin ka lo en “ Xavier ka nu,ka nu " ka tihchuan a awmah min pawm betin ka phone chu abiak zawm a ,kalna tur hmun te chu a zawt mawlh mawlh . Kei erawh a awmah hmai phumin ka tap khur dar dar “ Tirawh le ,i nu in a lo nghak reng che a nia " tiin min hruai chhuak a ,car bawk chuan kan in phur chhuak leh . Ka nu ka ngaihtuah a ,kha chen min lo thlahthlam deuh mahse ka mangan hunah meuh chuan ka tan a awm reng a .








Hetianga a awm ta mai hi ka hrethiam lo ,a hmun kan thlenga mi lo punkhawm luih luihna lamah chuan Xavier chuan min hruai phei zel ,tinge ka nu hi kan inlam kawng pan lova helamah daih daih a kal le ,ka nu ruang leia an lo mut ka hmuh rual chuan ka thu thla hnawk “ Nu nu,tinge hetianga i awm tho teh nu " tiin ka sawi nawk nawk, police ho chuan min vengin mipui rawn kal hnai tur chu an dang a . Ka tap chhuak rawih rawih “ Nu tho teh,tinge ka pa ang mai a i mut renga i mitmeng la min en teh" tiin ka tap chhuak rawih rawih .









Ataksa chu ka sawi vak vak a ,ka sawi ang anga a awm te chuan min tina ngawih ngawih “ Nu i tello in engtin nge ka awm ve tawh anga,nu leh pa neilo in ka awm dawn a sin,ka naute nen hian tunge min enkawl ang nu,keimahin khawvel hmang turin tinge min hnutchhiah nu tho rawh" ka au vak vak, Xavier chuan min kuah bet vat “ Shh....hahdam tum rawh . I nu kha in inah hruai haw ang aw " a tihchuan ka en reng ringawt,in lama kan haw lai te chuan ka vai deuh riai.








Ka nu phone ka en a Daniela hming ka hmuh khan amah vanga ka nu hi thi a nih ka ring nghet bur ,ka pi leh pu pawh inah an lo awm a , New York a mizo awm ang ang an rawn pungkhawm bawk . Ka tap thei tawh lo va ,ka taksa chaklo lutuk chuan ka mittui a ti hul zo va ,chakna reng ka nei tawh lo “ Nu ni thar a lo in her chhuak anga,ka pa bula zal turin i awm veleh dawn tih ka hriat hian ana ngawih ngawih ,ka pa bula kal i chak viau a nih pawhin tinge kei tal hi min ngaihtuah loh .







Ka mamawh zia cheu in hre reng a ni lawm ni ,pa ka nu hi i kiangah tinge hruai vat chak a ilo awm mai le ,keimahin engtin nge ka awm theih ang . Ka khua a har dawn lutuk a sin " ka phun chhuak sep sep,khua a rawn var a ,ka nu chu Biak in lamah a vuina an siam hnuah thlanmual lamah kan kal pui leh ta ,ka mittui chu a luang zawih zawih reng a ,ka aw erawh a chhuak thei tawhlo . Tlan an laih sa ah chuan an thlak lai chu ka en ,tunah chuan keimah chiah ka ni ta .









Tinge ka hringnun hi hetiang zawng a khuanu hian a ruat bik le ,ka pa ka chan a ,ka hmangaih ka chan leh a ,tunah ka nu tinge ka hnaiha awm a piang te hi laksak ka nih bik,midang haw hnu pawh chuan ka la awm reng . Ka pa leh ka nu thlan awmdun ta ral chu ka en vang vang “ In fanu hi in hmu em,in awmdun chak tawh vang maiin mal taka in dah in fanu hi in hmu ve em " ka be mawlh mawlh,kan chhungkaw kima kan awmlai ka ngaihtuah.







Ka harh lutuk avanga ka nu in min hauh changin ka pa in min lo chhan a ,kan pathumin midang nun awt bik miah lovin kan leng kual a ,ka pa in min kaiin ka nu khan ka ei duh zawng min zawtin min leisak a ,ka pa in duat takin kan nufa in min kuah ziah thin . Mahse khang te kha reilo te chhungin an bo ta vek chu a nimai sia,nu leh pa neia ka awm lai kha chuan ka hlim ve thin a sin “ Nu,pa hriatthiam a har ka ti,heng khawvel mi zozai zingah hian hmangaihtu ka nei ve talo ,nu nimin mai kha chuan hlim tak leh chak taka awm tura min fuih in min thlah a nihkha tiraw .








Engkim a that leh vat tur thu sawi tu khan mal takin engkim a that lohzia leh ka malna belhchhah turin min hnutchhiah ta a nih hi ,engtin nge ka awm ve tak ang le . Keimah chauh a hmalam pana puitlin kawng zawh tur hi chuan ka la zuamlo ,ka....kaihruai tu ka la mamawh a sin,nu tinge nang tal chuan i hriat thiam loh le " mittui tla chungin van boruak thiang kuk leh nisa vawl vawl chu ka en chho,ka mittui chuan ka khawhmuh a tiphe vek .








“ Vanramah chuan han intawkin hlim takin awm ula,hmangaih taka in awm thin ang khan awm leh ang cheu aw ,in fanu hi rawn hre reng chung in natna leh lungngaihna awm ve tawh lohna hmun atang chuan min rawn awmpui reng rawh u aw " tiin ka phun sep sep ,in lamah ka haw a ,tunah chuan ka naute leh keimah chiah ka ni ta ,tuma awmpui ka duh lova ,Diktei te pawh ka tir haw vek . Keimaha awm a ,Daniela biak ka duh a ni ,a ni hian ka nu accident na chhan hi a hre ngei ang,an in bia a nihchuan ka nu bulah thusawi a nei ngei bawk dawn tih ka hria a ni .









A phone number chu ka dial a ,a la tawh dawn lo emaw ka tih hnu ah a rawn la hram “ Kan hmeichhe lepchiahi chu enge i hriat a " a rawn tihchuan ka kut ka hum ruh “ I tih a ni tiraw " tiin ka phun sep,thinrima hnial turin chakna ka neilo “ Min chhang rawh ka nu hi i thah a ni em " ka ti that,rum nghutin “ Engvanga chu thu chu sawi nge i nih,i duh a nihchuan naktukah khawpawna park ah khan rawn kal ang che " tiin phone chu a dah nghal hmak ,ka thaw ham ham,tilo hram rawh tiin ka rilru chuan ka tawngtai mawlh mawlh .







Lo that ta pawh nise ka man tir thei angem ka hrelo,finfiahna ka neilo va , lawyer a ni bawk nen a insawi fihlim zung zung thei dawn tih ka hria “ Ka hmangaih che a sin De" tiin ka mittui chu ka nuai nawk nawk ,dik tak chuan vawinah te khan ka bulah awm se ,amah zawkin min kuahin ka tan a awm reng thu sawi turin ka duh,mahse chung te chu ka tan chuan mumangah pawh a thleng ngai lovang . Ka khumah chuan ka thu reng,ka mut a chhuak hlawl lo,ka naute tan erawh chaw chu ka ei hram .








Pawnlamah chuan ka dak chhuak,he inchhung ka pian tirh atanga ka lo tlankualna leh ka lo bengchhenna hmun kha ,ka intihnat hlau em em a min veng thin tu nu leh pa an awm tak lohah chuan ka tan hmun khawhar mai a ni tawh,khawpui chu a lang chiang hle,ka awmna hi inchhawng sang pawl a ni bawk nen kawngpui te chu tetakte ang bakin ka hmulo,ka ngaihtuahna thenkhat chuan zuan thlaka ka nu leh pa bula kal mai duhna min neih tir a ,mahse thenkhat erawhin ka pum chhunga naute chu ngaihtuah turin min ti thung a .








Thlaeng chu en vang vang in ka zai chhuak a “ Vanin nuamah lungngaih a awm lo an ti,vanram nuamah inthen a awm tawhlo an ti,chu hmunah chuan min lo nghak tih ka hria ,vanin nuamah kan in tawk leh dawn nia " ka kut chuan ka mittui ka hru a “ Nu ,pa pialralah chuan kan chhungkua kim leh ngei ang u aw ,kan chhungkua in" tiin ka pum chu ka chul “ De nangpawh nangpawh pialralah chuan ka chhungkua i ni ve thei tawh ang tiraw ,ka mipa hmangaih ber hian pialralah chuan thudik hria in min hmangaih let ve tawh ngei ngei ang .








He thinlung khawhar hian pialral a thlen hunah chuan thudik nen a hmangaih chu a hmachhawn tawh ang a,thenna ram hi ngai tawh lovin chatuanin pa angchhungah hlim takin an cheng za tawh ngei ang ,ni e he lei hi zawng mi tuarchhel te tan pawha a hrehawm em em tho na a ni si a ,nunnem tan phei hi chuan dam chakna reng reng a lo awm lo,a khakna chu leichhungah a dah bo va ,a nunrawnna chu tuipui zau takah a dah a,a thinrimna chu thlipuiah chantirin mihringte a tina reng thin .








A lungawi hma loh zawng chu ka nun ngei chu sawi chhia in ka nun tawp hma chu a awm reng tawh dawn a nih hi . A si per chu ka nunah a rawn chhem lut a ,dawt hmangin ka nun a chawm a ,a tawpah chuan ka nuna mi pawimawh ber ber te a la bo ta vek a ,chu a si per mipa a a siam ngei chuan natna tawpkhawk min pe ta si . Zingah ka tho a ,nidanga choka a rawngbawl paha min lo be mawlh mawlh thin tu kha a awm tawh lo,ka hawi kual ruai khawi hmun pawh chu a reh ta tlawk tlawk mai .









Mittui nen ka piang a tap chung vekin hringnun ka hman a ngai a ,mittui nen bawk ka hringnun ka hmang liam leh dawn chu a ni si a ,aw mihring nun hi a lo va thlakhleh awm lo tak em? Khawvela mihlim ber te ni a kan ngaih pawh hian tah chang leh nat ngawih ngawih chang an nei vekin ka ring a ni . Chu chu helei dan a ni,hmangaihna a siam a ,chupawh a tluan tlin duhlo in thih hnua chhunzawm tur in a dah a ,nuihna tur min pe a ,mahse tap chunga hringnun hmang turin min duh leh si .








Huatna rilru min pe a ,mahse huat hlen erawh a phal leh silo,a chang chuan khuanu hi ka dem ngawih ngawih thin. Tinge kumhlun tur silo hi leiah hian min lo pian tir le? Piang lo law law ila hringnun hrehawm leh hneawm zet hi kan hmachhawn a ngai awm silo va . Ka sana chu ka en a , Daniela hmu tur chuan ka chhuak zui nghal zat a.



A PROLOGUE TEUH TAWH VE

[mawitei bawihtlung]

KA PAHRAWN





CHAPTER 16





A prologue kha chu a tlangpui thuak thuak a nia a story ah hi chuan ka her deuh dawn aw ,mahse a hrang em em dawn chuang lo





“ Rei fe ka nghah hnu ah car a rawn tlan a ,mi vei vak an awm lo bawk nen a reh tlawk tlawk . Ka hmaah a rawn pen phei a ,ka lo en reng . Ka ngaih tawh em avang chuan tlan pheiin ka kuah deuh thlawp “ De iti lo tih min hrilh hram rawh . Tinge ka nu kha i biak,nangmah avanga accident a nilo tiraw " ka ti nghal mawlh mawlh . Engtin mah min chhang lo chuan min namsawn chutih rualin car atang chuan Bethsy-i a rawn chhuak ve nghal zat .









“ Ka pasal hual kha i duh duh a i kuah ka phallo a nia" a rawn tinghal zat ,za lo zetin ka nui Daniela chu ka en ngar “ De eng emaw tal sawi rawh,ka nu hi nangmah avanga thi a ni em " ka ti leh ngat,a nihloh thu in min chhang se ka la tifan mahse a ngawi hmak mai si “ De ka neihchhun a ni tawh tih i hriat kha " ka aw tham chhal nen chuan ka en,a hmelah engmah a lang lo a . Ka na tawrhna te chu ka tawrh ve tur rengah a ngai nge a ngawi tlat si ,ka hnaih leh hrat .








“ En teh ka pa ka chan khan na ka ti in ka tuar thiam tawh loh nen,nang ka chan leh che a ,i nau phuba chu ila duhtawk tawh em em lo em ni De " tiin ka hnaih leh “ I thusawi zawng zawng te kha dawt vek em ni a nih,min chhang ta che Lalduhawm ,min tiam zawng zawng te kha dawt vek em ni a nih " tiin ka au khum that . A ngawi reng chu ka ngai thei tawh bik lo,a awmah chuan ka chum dawt dawt,ka tap pah bawk ,engkim hi ka tan hian hrehawmna vek a ni tawh.






Engkim kha dawt vek a nihkha " ka melh chho ngawt ngawt “ Ka nau phuba ka lak theih nan i nu leh nanga laka game ka khel a ,nang ni lah chuan engmah hrelo in in nufa in min zar buai a " tiin a hmeichhe hmangaih dik tak fawp chung chuan min nuih khum a,ka nu thihna te engkim kha a ni ruahmanna vek hi maw lo ni tak tak ? Keichuan ka hmangaih a sin “ Engvangin nge ka nu kha i thah?" Chu chiah chu ka hre duh .









“ A chhan chu i hre reng lo vem ni,ka nau Lalnunpuii kha a nun tihchhiatsak in damchakna neilo in in siam a nihkha " thinrim zetin a rawn tileh,ka mittui a luang,engkim kha kan tih ah a ngai a,chuvang chuan ka nu leh ka nunah rawn langin amah hmangaih tura min siam hnu ah hetiang tak hian min tileh duh a ni si a “ Ka hmangaih che a sin Daniel " ka hnaih dawn chuan min lo nam dawrh,in ring hmanlo in lei atang chuan ka awn thla ,ka kutah a rawn man bet.






“ Daniel " “ Nghet takin min vuan rawh " a rawn tisup ,ka nuih sen sen,ka mittui erawh ala luang zawih zawih “ I hria em Zonuntluang min thlah suh " a rawn ti tuarh a ,ka hnuaia lui lian zet chu ka en thla “ Theihse kan ram ngeia thih a ,kan inchhung atanga min vui turin ka duh che a sin " ka hmui ka pet “ Apa ti a an koh che kha i chak thin tiraw ? Daniel i duh ber pa kha i ni dawn a sin,mahse " ka pum chu a rawn en ,a lu a thing nawk nawk “ Min vuan nghet rawh " ka mit chhingin ka nui leh sak .






“ I hria em De ,nang tal ka ta la nila chuan ka nu awm lo pawh ka tuar thiam deuh tur ,ka tan hian dam in awmzia a nei ve lo De ,ka tan hian lei hi ka eitur a tûr awm ang mai a ni. Ka lung hi a na ngut ngut a ,tawrh theihloh khawpin ana thin ,he khawvelah hian chhungte ka nei tawh lo,khawngaihin ka pi leh pu tal kha chu tina suh aw De ,tihsual an nei ve lo a sin De ,kei ngei pawhin mahse i rinna ka hlawhchhuak ve ngai dawn lo " ka mittui chu a luang zung zung,a niin min pawh chhoh tumin tan ala ve bawk .









“ I hringnunah ni thar mawi takin lo eng tawh sela,kei chu a tawp thlengin natna nen ka liam angai dawn a nih hi,hei hi ka tan a khuanu ruat chu a lo nih hi,mittui leh natna chauh hi ka pian ve chhan a ni,hlim ka phu velo,I phuba chu la zo law law rawh aw ,ka tihpalh i unaunu tih hria ila kha ai khan chhan ka lo tum ngei ang" a kut chu vuanin ka phelh sak “ Zonuntluang tisuh " min vawn ngheh tumin tan a la leh ,mahse kei ka tang tlat bawk nen beidawng zetin min en a.








” Ka duatte" a phun sup ,kha hming a min koh hun kha ani ka nghah reng ni . “ Ka hmangaih che De " a kut chu thlahin chu tuipui leh lui inzawmna laiah chuan ka tla thla ta vawng vawng ,ka piang nawn leh a nih ngai chuan ka tana mipa tha tak tawn ve tawh ngei ka duh a ni . Tui chhungah chuan ka tla ri bawrh a ,ka beng te chu ngawngin ka ri hriatna chu a bo tial tial a,chu lui luang chuan tuipui zau tak lam pan chuan min len ta dawr dawr “ Ka hmangaih che Daniel Lalduhawm ,i hmangaih let ngailoh hmeichhe â tak hi vawikhat tal rawn hre chhuak ve rawh aw .









Ka lu lunga ka tauh tak burah chuan ka tha a zawi a ,ka khawhmuh chu a thim ta riai riai,ka naute nen hian vanah ka nu leh pa bul ngeiah kan awm ve ngei ka beisei.







DANIELA POV....(A LANG KHAT BAWKA A HUN A INTAN E )





“ Daniel tisuh " Bethsy-i min vawnna chu thingthla in chu lui luang hum humah chuan ka zuang thla ve nghal . Tuichhungah chuan ka zawng kual vak vak,mahse hmuh tur a awm lo,tui luanna lamah chuan ka hleuh thla zel a ka zawng pah bawk ,mahse a hmel reng reng hmuh tur a awm lo “ De pa i ni dawn a sin" a thusawi tinte chu ka bengah a ri tluk tluk . A mita natna,mal ni a inhriatna duat thlakhlelhna zawng zawng nena min en kiau tu kha tunah he tuipui chhungah hian a awm mek a ni si a .








“ Zonuntluang" ka au tuarh tuarh “ Khawiah nge i awm ka hmuh turin rawn chhuak rawh ,i hria em ? Ka phalna la lovin i kal theilo " tiin ka au chhuak tuar,tuiluang ri bak min chhawntu an awm heklo. Ka zawng kual vak vak,tuipui chhungah te chuan hleuh lutin ka zawng thin ,mahse hmuh tur a awm lo “ Ka duatte " vaukamah chuan beidawng zetin ka thu chhuak,ka kut ka hum ruh,reiloteah police ho rawn langin tuichhunga lut tur an tir mawlh mawlh ,kei erawh ka ngawi reng thung.








“ Ka pu tuna kan zawn tan hian a enge i nih min hrilh thei em,kan hriat danin chhungte tumah a nei tawhlo a nih hmel,i hmelhriat a ni em " thu min zawt tu thu min zawh dan chuan ka lung a tina ngut ngut,tumah nei tawh lo Zonuntluangi,ni e a sawi dik lo hauh lo,keihian ka tina a ni . Keihian a chhungkua a engkim,min hmangaihna leh kan fa thlengin ka that a ni “ A pasal ka ni" tih chiah sawiin tui chhungah chuan ka lut ve leh “ Zonuntluang ka hmuh turin vawikhat chiah rawn in lan leh teh " ka rilru chuan ka ti mawlh mawlh .








Nileng chuan a ruang tak ngial pawh hmuh tur a awm lo,reilo te chhunga a bo hmak thei chuan kei ngei pawh mak min tih tir “ Sir kan hmulo,a vang lutuk " chu thu chuan min ti thinrim hle “ Zawng rawh u,in hmuh hma loh zawng rawh u" tiin ka au chhuak hrawih,Bethsy-i min rawn vawn tum chu ka vaisawn lawp ,tuichhungah chuan ka tlan lut “ Zonuntluang min bihruk sanlo in rawn chhuak rawh,i hria em ? Ka tina tawh lo ang che ,rawn chhuak la i bulah ka awm reng tawh ang tih ka tiam a che" ka au chhuahna zawng zawngte chu tuifawn ri hlup hlup bakin an chhang lo .









Karkhat zet an zawn hnu pawhin a ruang tak ngial pawh hmuh tur a awm lo,mahni indemna in ka khat a,ka hriat loh laia min kalsan bakah keiai Xavier kha a thlang emaw ka tih a vangin a lakah ka thinrim zual a ,mahse tunah chuan keihi misual tak chu ka lo ni tih bak sawi tur ka neilo ,a nu leh pa atanga mi hriat lar a ni bawk a ,a chanchin chuan ngaihven a hlawh in kei ngei pawh min zawt tu an awm reng,police ngei pawhin ka thah a ni em tih min zawt . Engtin mah ka chhang lo ,chhan tum mah ila a thih duh chhan ka ni tih ka chiang si,lo hnawt lo ila chuan a tla hauh lovang .








Mittui luang ngiai ngiai a beiseina nen a min en lai khan lo kuah bet tlat ila chuan kha tuipui ah khan a thamral hauh lovang le ,zanah chuan a tlakna ah ngei chuan kalin ka ding reng “ De ka hmangaih lutuk che " ka mittui chu ka tuai pawk ,phuba ka lak duh vang chauh a ka hnaih hmeichhia ka hmangaih ang tih ka ring ngai lo . A engkim te ka huat em em lai pawhin ka nunah bu a lo khuar tawh a ,ka hlat theilo a nihkha . Ka nau vang chauh a hnaih emaw ka intih laiin a zûnah ka lo uai thuk ta mah mah a .








Mahse chungte chu engmah ka hre thiam silo,a awm loh hnuah ka hmangaih tih ka hre chhuak a ,a thawm ka hriat phak tawh loh leh ka hmuh phak tawhloh a a awm meuh chuan min lo hmangaih zia ka hre nawn awn awn dawn chu a nih hi “ Teddy ka tihpalh,min ngaidam duh tawhlo ang tih ka hria e ,ka inchhir tih hrilh duh che mah ila,i hre pha tawh dawn lo . Tin ka inchhir hian awmzia a nei hek lovang,i lakah ka lo nunrawng em a ni ,mahse hei chiah hi pialral atang khan lo hria la ka duh.








Haw em em tu che leh mitmei pawh hmuh ve duh lo che a ,a duat i chak em em laia hawisan tu che mipa hian ka hmangaih che tih ka hre chhuak ve ta a sin,mahse ka tlai tawh si a tiraw ,Teddy i nunhlim lai ka tichhia a ,hmeichhe naupang nunnem leh hlim thei em em kha na tak leh dam chakna neilo in ka siam ta si che . I nunze dam raih leh nuihmel mawi lutuk hmu thei tawhlo tura min siam hi ka dem lo che ,natna ka lo pe thuk em che a ni . Ka duat thlahlel lutuka min melh tawk tawk te kha ka hmuh hmaih lo a sin .








Mahse i laka ka rilru khauhna hian ka hmuh phak lohah a dah ta si che ,ni e kan nuna mi pawimawh te chu kan hmuh phak loh a an awm chiah hian kan hrethiam thin an tih hi a lo dik ngei a nih hi,i thawm ,i hmel i engkim ka hmuha ka hriat theih tawh loh hnuah chiah ka hmangaih che tih leh min lo hmangaih zia ka hrethiam thar a sin,ka hmelma emaw ti a ka huat em em hmeichhe nuimawi tak kha engtik laiin nge ka nunah ilo pawimawh tak.








Heng zawng zawng hi na taka ka siam hnu ah che leh ,i taksa pawh ka hmuh i phalloh avanga i thuhruk hnu ah chiah ka hrechhuak a sin ,kan naute kha " tawng thei tawhlo chuan ka hmalam chu ka melh ngawt ngawt,ka hawn a pianga hlim taka min lo chhawn thintu nuihmel chu ka ngaihtuah,ka chhungte nena natna kan pe awn awn chung khan a ni naupangte ni si khan alo va tuar nasa dawn em . Fa ka awh zia hria a ,a inthiamloh thu a sawi mawlh mawlh chung khan keichuan ka beng ka lo chhit ngawn san si .








Tlak dala an tih vawn chhan chu ka hnek a ,ka au chhuak tuar “ Zonuntluang min ngaidam lo mahla ka thiamlo lo che ,keihi i nuna ramsa hlauhawm tak ka nih hi,i tana thihna tur pai tu chu,engtin nge ka thih hunah i hmel leh kan fa hmel ka hmuh ngam tawh ang. Ka duatte,i thih kha ka duhlo a sin,tinge min chelh luih hram hram i tum leh loh? A hma zawng zawng pawha kal tura ka tichung che a min chelh luih ang khan min chelh tang tang la hetiang hian ka inchhir lo tur ,min hua a ka laka phuba i la duh a nihpawhin hetianga tilo hian i la theilo em ni .








Leiah chuan thu thla in a ka ngheng vang vang ,ka biangah a vawikhat nan mittui a luang ve ta,vawikhat pawh tap ngailo kha ka tih duhdah em em hmeichhe khawngaih thlak avangin ka mittui a tla ve ta e,ka chaklohna mittui ngei hmang chuan min thung rul ta a nih hi ,chu zan rehruih chuan inchhirna leh mahni inhuatna min neih tir nasa deuh deuh a ,ipik zetin ka thaw hawk hawk reng . “ Zonuntluang i aw ri ka hriat loh chuan ka khua a har,i tap ri tak ngial pawh ka hre pha tawhlo hian ka lung hi a vit ngut ngut tih i hria em .







Ka fa i pai tih tal kha lo hre hma ila a tha tur ,Teddy keipawhin nang nena chhungkua din dun ka chak a sin,mahse tunah chuan engkim ka tichhe zo ta " ka mit chu hupin za lo zet chuan ka nui chhuak ,ka phuba ngei chuan keimah min vaw let ta e ,phuba ka lak rualin ka hmeichhe hmangaih hmasak ber pawh ka chan ta nghal a . Tinge hetiang tur a huatna hi ka thinlungah i tuh,i lungawi tawh em ? A ni lehzel kha ka chanloh turin hmangaih turin min siam a ,ka hmelma ang law law khan i dah theilo em ni" tiin vanlam hawi chuan ka au chhuak tuar .








Ka zu um ken chu phawrhin ka in nghal khawlh khawlh “ Ka phuba chu ka chungah zawk ka lo la reng a ,mipa mawl tak a hmangaih pawh hrelo leh tihnat duh tu mi nunrawng mai ka nih hi ,ka rui lutuk chu chulaiah chuan ka thu reng “ De" eng pup lam chu ka hawi,nui sen sen chu mitmeng fiahlo zet chuan ka en “ Ka tihpalh teddy " tisupin pai chawn chawn chung chuan ka pan a ,a lo tawlh hla zel “ De min lo man rawh aw " tiin a tlan phei a ,ka um ve zel bawk “ Ding teh Teddy " tiin ka au a ,a ni erawh nui chungin a tlan zel thung.








“ Min hmu duh a nilawm ni min um ta che " a tihrual chuan ka khawhmuh a thim ta hmak . Sava hram nauh nauh chuan min ti harh a ,ka mengchhuak nghal vat . Ka awmna lai chu khawilai nge ka hre mai lo,ka lu lah chu ala na zui ut ut leh ta nghal ,zanlama thil thleng chu ka ngaihtuah ,ka hmai chu tuaipuatin ka ding chhuak a ,a tawp nan tuiah bawk chuan zuang thla in ka zawng kual a ,mahse beidawnna mai a ni. Thaw hawk hawkin tui pawnah chuan chhuakin vut chungah chuan ka mu reng a .










“ I hlim tawh em ,tunah chuan ka tihnat phaklohah che i awm tawh a ,i him tawh e . Zonuntluang ka tina pha tawh lo che ,mahse ka ngaih che a zual tulh tulh thung si a ,khawiah nge i awm i taksa tal min hmuh tir theilo em ni " tiin beidawng zetin ka phun chhuak leh . Ni rawn chhuak tan chuan ka mutna lai chu a rawn en a ,tui chuan ka ke lam chu a rawn theh huh reng bawk . “ Ka Duatte ka tihnat phakloha i awm chuan i thawk pawh a veng huai ang tiraw ,ka bula i awm chuan i thawk harsa khawpin natna ka siam che a .








Heleiah hmangaihtu neilo a i inhriatna tur hial khawpa na in ka hliam si che a ,ka tello a awm chu nuam iti zawk ngei ang .





(MUTTUI U,CHUAN KA KAWI VE THIN CHHAN
HI A KAL PUAT2 KHAN A HO VE THEI A ,IN COMMENT TAIMk NAN A NI AW)

[mawitei bawihtlung]

KA PAHRAWN





CHAPTER 17


CHANGTU DANG AWM KHA IN DUH NAN KEICHUAN KA DUH LEMLO AW,A CHHAN CHU KA STORY ZIAH TUM DAN A BO VEK DAWN A , CHI LOH AW ,CHUAN MIPA POV HI KA THIAM VAKLO AW






“ Ka pu meeting a hun e,vawiin kha Mr Dominic te nen a kan thawhho na tur sawi dun ni kha a nia " ka secretary chu ka en ngur ,ni e Teddy te company ka enkawl chho a ,duhlo viau mah ila an company tluk chhiat ka duh silo,a thil engkim chhuhsakah ka in ngai lo theilo . Chutih rual erawhin a ma hming vekin engkim ka ti a ,tunah chuan a hma zawng aiin an company pawh a thang chak zawk bawk . Engkim a hmingin ka ti a,ka lawyer nihna bansanin rim takin ka thawk .










Amah lo kir tawh lo mahse miten an hriat ve reng nana a hming a dah hi ka duh ber a ni, ka chhungte ka be tawh ngai lo va ,Bethsy-i lah ka hmu tawh ngai heklo,a awm loh hnu hian ka nunphung a buai a ,ka nunah bu a lo khuar nasat hman zia ka hrechiang telh telh bawk . A nui ri ka hre ngai ta lo chuan hrehawmna min siam a ,a hmel ka hmu ngailo te chuan mahni in thah ve mai chakna min neih tir fo ,mahse mipa nep tak anga mahni nunna lak em chu ka duh bik silo .








A thlalak chu phawrhin ka en vang vang,ka secretary min en reng chu chhuak turin ka hrilh nghal bawk . Min duh tih ka hailo,englai pawhin ka kiangah a awm a ,a chang chuan Teddy nen an in ang ka ti thin . Mahse a mizia leh nungchang ka hriat chian hnuah erawh Teddy a tluk loh zia ka hre chiang telh telh thung a ,thlalaka nuisang chu ka en “ Ka tihnat em em nu,i tello a ka talbuai zia i hmuh hian i lawm ngawt ang tiraw ,min nuihzat pawh nila ka hrethiam che,Teddy ka ngai lutuk che i mizia naupang chhia zet te kha ka ngai .









Ka thinrim chang a pianga tah in peihsa a thlem chakawm ngawih ngawiha min melhna mit te kha hmuh leh ka chak,i hria em tinge i ruang tal ka hnenah i hnutchhiah loh,i ruang em pawh ka hmuh i phallohna tur khawpin em ni ka lo tihnat che le ,Kum 1 kum 1 a liam tawh a ,nitin erawhin i zunin min phuar nghet telh telh chu a nih si hi . Ka nupui nunnem em em ,tina tu che hi min ngaidam hram rawh aw ,ka ngai lutuk che,ka meeting phawt ang aw " tiin a thlalak chu dah tha in muangchangin pawnlam ka pan a .









Ka mitah lens ka vuah avangin ka mitmu uk chu a pawl raih a ,tumahin sap ka nilo tih an hre hauh lo,ka hming pawh Daniel tihbak ka dah lang ngailo . Mr Dominic nen chuan kan inhmachhawn ta ran ,a upat hmel vakloh nangin pa tawhkhirh tak tih a hriat “ Model i mamawh a ,keiin ka mamawh thung che a ,ka hnuaiah model ho te an thawk tih i hria a ,kan inpuihtawnna tur hi i pawm meuh maw " ka tihchuan a ngawi run,model mai piahlamah car company ka din thara ,heng zawng zawng hi Teddy pi leh pu min puihna veka ka tih a ni bawk.









Tunah chuan an company pawh America a lar ber bawl a ni chho a ,car lam ka lo zir chian ve tawhna atang leh mi thiam teddy pu in a hmuh te atangin car tha tak tak kan buatsaih chho mek a ,kum 1 chhung lek pawhin kan kang chho chak viau, Mr Dominic chu a ngawih run run hnuah a sign a ,ka nui nghal suk . A niin oil company a nei a ,ka tan pawh chu chu remchanna tur tak a ni ,kan in chibai a ,kan in be nghal mawlh mawlh ,an ina remchan huna zanriah kil tura min sawmna chu ka pawm a.









Ka chhuahsan nghal zat ,khawpawn nitina ka kalna ah chuan ka kal leh ,rose par ka ken chu ka en vang vang “ Ka duatte tuichhung chu a nuam em ni,i awm reng le lo kir tawh rawh,i tello chuan a reh lutuk,ka khua a har Teddy " ka mitchhingin tuipui lam atanga thli rawn tleh chho chu ka inchhem tir ,“ Keipawhin ka hmangaih che Zonuntluang" tiin ka rose par chu tui lamah chuan ka thlak thla a , ka hmai chu tuai pawkin ka rum hak, ka thil tih sual leh huatna a khat ka thinlung chu keimah ngeiin natna ka pe ta si .









Vanlam chu ka thlir chho vang vang “ Rose i fanu kha i rawn let tir leh phal lul lo em ni,i fanu khan ka that lo che tih tal hi a hriat angai a sin,i fanu kha ka la mamawh ,ka hmuh phakloha awm turin ka duh lo . I fanu kha rawn let tir leh hram ta che ,ka tihnatna zawng zawng tal kha ka chungah hremna min pe turin rawn let hram rawh se " tiin leilaiah chuan ka mu thla hnawk,ni tla tur chuan van chu a chhun sen phut a , New York ka awm tirh vel chu ngaihtuahin za lo zetin ka khi suk ringawt.









Min hriat hma kha chuan nun hlim tak a nei a ,min hriat hnuah erawh mittuiin a chenchilh ta thung a ,min hmangaih em avanga a thianghlimna min hlan a ,ka nupui nih pawh hniallo a min vuan tang tang tu kha tunah chuan min huatna nen zawng zawng a thamral a ,pialralah engtin tak min lo hmachhawn ang maw? Min ngaidam ang nge min lo hmu duh lo zawk ang,ka nau hial pawhin tuna ka thil tih hi min dem hialin ka ring, ka mittui ka mutna thinga far kauh kauh chu hruk pawh tumlo in ka mutna ngaiah chuan ka mu reng .








Ni e ka kehchhia ,he thinlung hi mi hma ah pangngai takin awm mahse chhungrilah a keh darh mek a ni . Mipa mahni thu duh leh tap ngailo ,phuba lak chakna a khat vawikhat te mah hliam a tawrh pawha tap ngai lo kha ,hmangaihna in ser hmuh theihloh a thinlungah a siam a ,mi hmuh theihloh in chhungrilah a tap a ,a au thawm tumahin hrelo in a rum vawng vawng thung si . Min hmangaih tu khan min ngaihtuah tawh lo va ,ka hming lama min au thin tu khan vanah a nu leh pa a au tawh anga.








Ka awma thlamuang taka bei a muhil thin kha ,keiai hmangaih nasa tu a nu leh pa tangah thlamuang taka beiin a muhil anga,thlakhlelhna mitmenga min en thin khan pialralah ka awm ve tih pawh hrelo in a Pathian chauh a en tawh ngei ang . Thawk la ham hamin ka tho chhuak “ Ka duatte a tawp nan chiah i kiangah reilote ka awm phal rawh aw ,ka tawnmangah tal ka hmuh theihnan che rawn in lan leh ang che " tiin lei atang chuan ka zuang thla a,ka mit chhingin ka nui suk .







“ Tawnmang lasi,ka tawnmang lasi duhawm ber " tiin tuichhungah chuan hleuh pawh tum lo in ka mit chhing chuan ka awm reng,tuimawng thim khup chuan min hnuk thla zel,eng rawn lang kara Zonuntluangi hmel ka hmuh chu enin ka lo nuih sang “ Mumang duhawm ber,ka hmeichhe naupang,ka ta chauh " tiin ka lam pana rawn nui sen sen chu ka lo ban a,ka mit chu chhingin chu tuipuiah chuan ka nun chu kir tawhlo mahse pawi tihna neilo vin ka thawk rawn chham tan pawh chu engah mah ngailo in ka awm reng a .









“ De" ka hma a hmeichhe tlan chu ka en,ka hnaih dawn leh keiai hla feah a awm leh a ,ka hlat deuh leh ka lam panin a rawn tlan leh a “ De harh chhuak ta che,he khawvel hi i khawvel tur a nilo " naute a pawm a ,mawi zetin min nuih “ De kawlkila in di chial a awm Chawngmawii leh Hrangchhuana kha i hria tiraw,an ni ang khan pialralah hlim taka kan awm dun theih nan Pa ka dil fo thin a sin ,pialralah chuan ka ta ini ve tawh ang tiin ka ngaihtuah a ,mahse a diklo" tisepin a naupawm lai chu a en .







“ Teddy ka lam ah lo kal rawh,ka bulah awm leh rawh pialralah nilo in khawvel thar din leh ang Teddy i tello chuan ka awm theilo " tiin ka pan zel,a sir lama eng zet chu a en “ A mawi hle mai,i tawnmang chu a tawp dawn ta ,De ka kal a hun,heihi i mumang mai mai atan chuan a pamhmai lua e ,mahse khuanu duan hi kan thlak danglam thei silo,kawl rawn eng saw i hmu em,i mangram atang khan harh chhuak la in tichak ta che . Mipa luhlulpa ,i in tih chak a ngai a nia ,ka hmangaih che De ,i kianga awm hi ka duhthusam a ni reng fo vang " tiin a bo ta hmak.












Ka mit chu ka meng chhuak ruai ruai “ A rawn harh e ,ka pu i tha em " tute nge min lo hual thup chu ka hre hauhlo,ka thu chhuak a . Ka thawmhnaw huh dup chu ka en,tuipuikamah ka la awm reng tih ka hriat chuan ka ding nghal vat “ Ka mumang mai chauh maw " tiin tuipui lam chu ka en vang vang,“ Tuifawnin a rawn len che a ,kan lo hmu har tep che ani i tha em" an rawn tihleh chuan ka bu nghat “ Ehe Mr Daniel-a tunhnaia businessman hlawh tling deuh an tihkha i ni tiraw ? Nu ani hi tv ah pawh an rawn kawm tawh kha " mipa naupang chuan a rawn ti reuh a .









A nu leh pa pawh chuan min en ha mai “ In mipuihna ah ka lawm e ,ka kal tawh phawt ange " tiin ngawi reng chuan ka kalsawn ,ka car a ka let leh rualin ka phone ka dah chu la chhuakin ka secretary ka phone a ,tuipui kam maia chengte chu pawisa pe tura hrilhin ka car chuan ka tlan chhuak nghal zat ,ka car ah chuan C. Sanga hla TAWNMANG LASI tihchu ka play a ,hei hi teddy awm loh hnu atanga ka hla ngaihthlak ngun ber a ni . Kamumangah ka hmu fo va ,mahse zing khawvar in min rawn luahlan leh thin ,pasaltha ka inchan a .







Chu pasaltha ramchhuak chuan a sapelhna ah lasi tawngin a ni nen chuan awmdun thei silo in ,a mumangah chu lasi hmeltha chuan a rawn kan fo thin a . Mahse tak ramah erawh an leng dun ngai lo,chu mi te chu kei leh a ni ngei kha kan ni . In ka thlen rual chuan shower lam ka pan nghal vat , shower hnuaiah chuan dingin ka mit chhing chuan ka ngawi reng,ka in reh tlawk tlawk chuan luahlumtu a mamawh a ,chu a luahlumtu tur chu ka khawih phak lohah a awm tawh si .







Bathroom atang chuan chhuakin bathrobe chu ka ha nghal mawlh mawlh a ,tukverh lam chu panin khawpui eng ut chu ka thlir reng “ I hmel pawh hmu chiang hman lo leh huatna leh thikna rilru nen ka tihnat che avangin min ngaidam rawh aw Teddy ,he khawpuiah ngei hian tual i leng a,mahse chungte chu ti thei tawhlo tur che in ka siam si che " tiin motor insul pel zut zut chu ka en ,a nu ka that emaw a tichung khan min la huatloh zia tilangin min kuah a tum tawk tawk a nihkha .







Mahse keichuan ka kut ngei hian thihna luiah ka nam a nihkha ,ka doorbell rawn ri avang chuan muangchangin ka pan phei a ,kawngka ka hawn ruala ka hmeichhe hmuh avang chuan ka rum nghut ,kan company a model lar ber, America mai nilo ram dangte pawhin an chhawr chak em em Diana chu ka hmaah a rawn ding a ,min nuih var var bawk . “ Enge i rawn tih dawn " ka ti deuh hmuk ,a nilah chuan ka tawngkam nelawm loh zet chu haiderin min la nuih reng thung a .







“ Ka lo riak dawn i tan ka inphal reng ka tihkha Daniel" tiin ka bathrobe in a khuh phakloh ka awm chu a rawn chul dan dan ,a kut chu ka vawn behsak nghal chat “ Diana ka sawi tawh kha helaiah hian ka lawm lo che,kan company tihloh ah chuan in hre ngailo kan ni tih ka hrilh chiang viau tawh che " tiin a hmel ner deuh nak chu ka en ngur “ Ka duhlo i ta ka nihchuan i company tan ka tangkai zia i hre reng a nilawm ni,ka chhuak a nih vaih chuan i chan ve nasa viau ang" a tihchuan ka rum nghut .








“ Nanglo pawh an tam tih i hriat kha Diana " tiin kalsawn ka tuma ,inchhungah chuan rawn lutin ka hma ah a ding nghal chat “ Keilo an awm chuang lo,kei awm lo ila i hre ve vek Daniel " a tihchuan ka melh reng ringawt,hmeichhe zaktheilo tak chu a nih reuh hi “ Enge i duh" tihlukin ka en chhuk ngar ,a rawn nui ta var var “ Nangmah min tihlawm phawt chuan i company hi hei ai ka pui nasa ngei ang,bul min tanpui loh chuan ka tawpsan thung ang " a tihchuan ka ngawi vang vang.







Ni e kan car siam chhuah thar reng reng hi amah hian a fak a ,a pawimawh ber te zing a mi a ni bawk . A ni in a a fak chu hralh pawh kan hralh thei hle,bul ka tan tawh a tlukchhiat tir mai mai ka tum lo bawk “ Ka phal chin bak min nawr hauh suh ang che,ka sawi tawh kha hmeichhe pakhat bak ka nunah an awm lo " tiin ka kuta sana chu ka en zauh,mutpui ka tum hauhlo . Ka fa paia ka nupui ni tur chu Zonuntluangi chiah a ni .






“ Ka hria e mahse ka duh chu i hriat kha Mr Daniel " a tihrual chuan na zetin ka fawp,phur em em a min lo chhanna chu a aia thui kalpui ka tum hauh lo ,khumah lawn mai a tum chu ka dang nghal vat “ Haw tawh la a tha ang,ka sawi tawh kha,infawh aia thui kal ka duhlo,tin naktukah ka duh i hriat kha " tiin kawngka lamah chuan ka hruai phei a “ Awle keichuan ka bialpa i nihchiah ka duh" tiin a chhuak nghal zat chu ka enliam ringawt.







Ka ban thei ngawt lo a ,amah avangin teddy te company a hmingchhe tur ka duh heklo,amah aia model tha an awm lo bawk nen tunah rih chuan ka dawh hram hram a ngai tih ka hria “ Zonuntluang tun hunah hian awm vela i thik leh tawh viau ang tiraw ,nang chu awmla heng thil zawng zawng hi chu kalsanin ka tih a ngai hauh lo tur " tisupin a thlalak lian zet ka tar chu ka en vang vang .







“Sir vawiin tlai ah Mr Dominic an an ina chaw ei turin a duh che a nihchu" ka secretary chu enin ka bu nghat . Ka sana chu en zauhin meeting tur chuan ka chhuak zui a ,haw dawna Diana lo lang leh pawna reporter ho lo awm chuan thil nihdan min rinthiam tir nghal mai, Diana chu ka melh hrawk “Tilo tur che a ka tihche kha Diana " ka tihchuan in ngaihtlawm hmel tak hian min en .







“Keiin ka duh alawm,miin an hriat chuan a tha zawk " a tihchuan thaw hrawkin a kut chu ka dahthla a“Ka buai rih keimaha awm ka duh" tiin guard ho venna hnuaiah ka car lam chu ka pan, Diana nen kan chungchang min zawhte chu kam khat mahin ka chhanglo,ka Driver chu bia in Mr Dominic te inlam pan chuan ka tlantir nghal zat ,an in ka thlen chuan pawnah min lo hmuak a,kei ai a naupang hialin ka ring . Company a dinna lah a la rei bik heklo ,inchhung lamah chuan kan in zui lut a.







An awmpui ho chuan chaw ei an lo peih vek tawh a nih hmel ,chutia kan din lai chuan kailawn lama pen ri hria in kan hawi dun,tunge a nih ka la hre mailo ,mahse kan bul a rawn thlen dawn chuan ka mengkawk , Dominic an a nupui hual a nihthu a sawi te chu ka hre rei ruai chauh a ni,kan bul a lo thlen chuan nuisangin Dominic biangah chuan a fawp zauh a “Hi Melisa ka ni e " tiin a kut a rawn phar,a nui hmel zawng zawng nen chuan tunge a nih ka hailo ,ka nupui ngei kha a ni “Teddy ka tizui supa .


ZAWMNA....






“Ilo la dam renga " ka tihchuan a ngaihna hriat loh hmel zetin min en reng “Mr Daniel ka nupui hual hi i hre ngai em ni" Dominic an a rawn tihchuan ka rum nghut “ I nupui hual hi ka nupui a nih hi,eng thil nge a chungah i tih" tiin a nghawngah ka tham ,a dar san ukin “I mawl em ni? Thlah nghal rawh " Teddy chuan a rawn tinghal zat ,nui hawkin a hmel chu ka en “Zonuntluang i English name ka hrelo tur ah i ngai a nihchuan i tisual khawp ang ,hepa hi i pasal a ni ngai bawk lovang .









I la dam reng a ,min bihruksan vel a maw " ka tihchuan a hmui a pet zauh “ Duhtawk rawh ,ka nunah thu i nei tawhlo ,lo inrawlh suh nang chu misual tak i ni " a rawn tisep,ka nui leh hak. “ Ka nupui i la ni reng tih hria ang che ,pasal dang i nei a nih chuan keihian dan ang in thil ka kalpui ang" ka tihchuan thinrim zetin min en“ I nupui thih pawh i pawisa lo a ni lawm ni " rawn ti tu chu insum hmanlo in a hmaiah ka hnek nghal thuai,hmeichhe ho chu an lo rak that “ Ka rawn kir leh ang " tiin chhuah tumin ka pen a ,“ Naktukah ka rawn kal khawp ang









Lalduhawm chu chu hria ang che ,kha i model kawp nu nen khan ka company hi intih chhiat mai mai ka phallo " a rawn ti tuar ,nui sukin ka hnaih a taksa nalh zet chu ka melh kual dan dan “ Ani ai model tha tur i awm tawh a ,a nikha chu a pawimawh tawhlo ka lo nghak reng ang che " tiin ka chhuahsan nghal zat






ZONUNTLUANGI POV...







“ I tha em?" Dominic chu ka en a ,ka bu nghat “ Min neih nan chuan engpawh a ti duh mai ang " tiin rilru hah zetin ka thaw chhuak,mahse let leh mai mai ka tumlo, Dominic hi awm lo se chuan ka naute mai bakah kei ngei pawh ka thi ngei ang. Mahse a ni hian min chhan chhuakin min enkawl a ,ka naute tello a ka damchhuak bik erawhin min ti hrehawm ngawih ngawih thung . “ I duh ang ngeiin model ni turin i lut dawn a lawm,i company pawh i kutah a awm vat ang" a tihchuan ka nuihsak ringawt..








Daniela hmel ka ngaihtuah a ,ani mipa rorum leh luhlul lutuk chu duh angin kan nek thei hauh lovang,chutih rual erawh in ka nu company hi a kuta hlan mai mai ka tumlo,ka hminga awm a ni a ,ka nei let leh ngei bawk ang . Dominic chhuah hnu chuan ka tukverhah chuan ka hawi chhuak,ka mittui luang tur chu ka hru tawk “ Tap tawh suh,i nunhlui chu an liam tawh . I nun thar nen hmachhawn la ,phuba la rawh " tiin keimah leh keimah ka infuih sauh sauh, Daniela ka ngaihtuah .








A hma ang thovin ka la hmangaih a ,mahse huatna in ka khat tawh thung. A mah avanga ka chan tak te ka ngaihtuah a ,a kianga let leh tumna ka nei tawh lo,ka hmangaih tluk ang zetin ka huatna pawh a nasa bawk ,“ Nu,pa ,ka naute van atang min lo thlir reng tirawh u,engvanga ka pi leh pu hian kan company hi Daniela kut a dah nge an nih ang? A ni hian a vau a ni ngei ngei ang,tunah chuan min tihnat ang chiahin ka tina ve tawh dawn a ni" tiin ka kut chu ka hum ruh sauh sauh.








Kha a model kawp nu pawh kha ka la hnawt chhuak ngei ang . A tuklamah chuan ka nu lo din ngei company hma ah chuan ka ding vang,ka nu damlai khan vawihnih bak loh ka tlawh lo va ,mahse tunah hian Daniela vanga hma a sawn zia ka hmu nghal . Ka pen lut zel a , receptionist lo thu lam chu panin Daniela ka hmuh duh thu ka sawi chuan min en ha ,keilah ka hmanhmawh bawk si “ Phone la Melissa a rawn kal tih hrilh rawh " ti thatin ka thu thla hmak,a phone atanga reilo te ah lift rawn inhawngin ka hminga min ko ri ka hre nghal .







“ Teddy" ka khawng nghal awt ,ka lam pana rawn phei zelin ka hmuiah a rawn fawp chat a ,ka hamhaih lutuk chuan chet na chang pawh hrelo in ka lo dawh mawl tawp ,harh chhuak thutin ka namsawn nghal . Engvanga khatianga rawn che ngam nge a nih “ Engvanga min fawp nge i nih,he company hi ka ta a nih hi,i hria em,court ah ka kalpui dawn tih hria ang che " ka ti deuh that . Thinrim zeta ka enna chu haiderin ka hmel leh ka taksa chu uluk zetin a en kual a ,a mitmenga min thlakhlelhna ka hmuh chu ka duhlo takzet .







“ A tha a lawm,mahse he company i nei dawn a nihchuan ka kiang a i chen a ngai ang chu, Mizoram ah kan awm lo tih i hria ,kan la inthenlo chuvang chuan kan inthen hma chu ka kutah a awm dawn a nih chu,in ram dan i hre reng ang chu maw divorce paper ka sign hma chu keilo mipa dang i hnaih thianglo,i hnaih a nihchuan dan anga hrem theih i ni tih i inhria ang chu maw " a rawn tihchuan ka melh rum hle . Ka kutah a rawn kaih chuan ka lo vaisawn nghal “ Ka thu awih rawh ,mipuiin min en thup hi i duh nge keichuan pawi ka tichuang lova " a tihchuan ka hawi chhuak.









Chulai hmuna awm te chuan phun sep sep hian min en hlawm a ,thawk la hakin ka ngawi ta reng . Nui chungin min kaih mai a tum a “ Keimah pawhin ka kal thei " ka lo tihlak,a hnungah chuan ngawi rengin ka zui a ,lift ah pawh ka tawng heklo “ Ilo inthlak danglam hman hle mai " a tihchuan melh pawh melh lo in hmalam ngawt ka melh,lawyer a lo nihna a hmang tangkai thiam lutuk chuan ka thin a tirim hlur,a hma a ka lo inlan kher kher chu ka inchhir deuh rum rum . Mahse chuti maia tlawm erawh ka tum lo thung.








A office ah kan inzui luh dawn chuan a secretary ni ngei tur chuan min lo en reng,ner nawkin office ah chuan ka lut nghal “ Inthenna chu tifel nghal ang,chutilo chu nang hian min blackmail tiin ka sawi ngei ang" ka tihchuan a nui leh mai,a nui reng chuan ka thin a tirim zual sauh thung a “ Nilo ve ,ilo let a ka kaltir tawh dawn lo che , company hi i hming in a awm anga ka nupui i ni leh thung ang ,chumi i duh lo a nihchuan court ah kalin i duh ang chuan kan in khing thei ang,mahse pasal neih lai renga mipa kawp chu i chan a that vak ka ring lo .








He company enkawl tur hian i hnathawk te hian min thlang tih i hria ang chu maw " a tihchuan insum hmanlo in a hmaiah ka beng thuai,a thinrim dawn emaw ka tihlaiin ka banah rawn man thutin a lamah min pawt dawrh a ,a awmah chuan min kuah bet nghal chawt “ I taksa ka kuahlohna pawh a rei ta hle mai " tiin ka nghawngah hmai a rawn phum,tal chhuah tumin ka bei fat fat thung “ Min thlah nghal rawh ,mi tenawm pa ka haw lutuk che" tiin a awmah chuan ka theih tawpa na in ka chum zawt zawt reng .








Mahse min thlah pawh a tum chuang lo “ Ka ngai che" a tihchuan na zetin ka nam leh min thlah hram,“Mi tenawm lutuk i nih hi ,i hria em Lalduhawm hei hi ka company a ni,nang hian engmah tih tur i neilo,tin kha i model nu kha ban ang che ,he company hi ka nei let leh ngei ang " tihlakin ka thu thla dat “ I pasal hual in a nei reng a ni lawm ni,ka sawi tawh kha ka thusawi ka thlak dawn lo,hetah hian model angin i thawk ang . I duh chuan he company hmasawnna ,sum lakluh leh hmanchhuah dan thlengin i hre ve vek bawk ang ,chu chu i duh loh chuan engmah khapa kut a a tlakna tur in ka ti dawn lo .









Nge ni a in inzawmna a lo thuk mah mah tawh zawk " a rawn tihchuan ka nuih hak “ A nimai thei,hmeichhe tan chuan min hmangaih tu ai baka hlu an awm hleinem" ngeiawm zet a ka tihlaia a inseh ruh tun chu ka nuih hak . “ Naktukah chuan hna ka rawn tan ang,tin he company hi ka hming in a awm bawk tur a ni" tiin chhuah tumin ka inher nghal “ Ka duatte" a rawn tih avang chuan ding in ka kut ka hum ruh “ Engtia rei nge min hlat dawn " a rawn tihchuan inherin ka melh nghek ” Kumkhua in " tiin ka chhuak nghal








Ka nu thihna ka finfiah anga,natna ka pe ve ngei bawk ang . Tunah chuan engmah la ti theilo mah ila ka nu thihna hailang tur chuan ka hnaih leh a ngai tih ka hailo,phuba ka la anga kumkhua in ka lak atangin ka dah bo tawh ang . Natna min pek ang zawng zawng kha ka rul let ve dawn a ni ,tunah ka thinrim chiam hian awmzia a neilo,tihnat ka duh chuan thinrim lo a engkim hmachhawn ka zir tawh zawk . A hma kha chuan a laka ka pangchan avangin ka thinrim a piangin ka an khum a .








Tunah erawh ka tawrhna te khan chakna min pe in ka an vak vak khan hnehna min chan tir ngailo tih ka hrechiang tawh viau,tunah chuan hmalam ka pan a hun tawh a ,ka tawrhna te avanga dawh thei tak leh chak tak a ka awm a ngai tih ka hria ,thinrima tihlet aiin ngawi renga ka chet hian ka tan pawh ka phuba lak dan tur tha ber a ni .





(A TAWI LUTUK LOH NAN KA BELH MAI MAI AW , CHAPTER 18 NAKTUK ZANAH A AWM NGHAL DAWN THO A HETI HI NIMAI AW )





(

[mawitei bawihtlung]

KA PAHRAWN





CHAPTER 18



Pathian leh inzarah viewer nuaih ka nei tling hi ka lawm lutuk tihkha min lo hriat sak ula aw, chapter ala tamloh ngaihtuahin min tawiawm tha tih ka hria a,tin naktuk zanah ka next story tur KA PASAL THINGTLANG PA tih chu ka post chhin dawn a,min lo tawiawm leh vek ka beisei ,hei ai pawhin ngaihnawm inti mai thei ania,min lo chhiar sak leh vek ru aw


“ Miss Melissa keini chuan i pasal hi he company tan hian kan duh ber ,tin i kuta a awm dawn a nih pawhin i pasal kiangah i chen a ,i rintlak zia i tihlan chauhin keini hian kan pawm ang che " titu ho chu ka en kual,he company a shareholder lian ber ber te an ni tih lah ka hailo,kil khata lo nui suk suk Lalduhawma chu rum zetin ka melh “ Chutiang in ti theilo,he company hi ka nu ta a ni a ,kei hi a fanu ka ni bawk " ka ti ve nghal zat . Lalduhawm an a lo fuih pawrh tih hi ka hre chiang a ni .








“ Nilo e i nu thawhrimna kha kan hria a ,i pasal thawhrimna kan hre bawk,i kum a la naupang a ,i pasal thlazar hnuai atanga engkim i zir thiam hunah keini hian kan ring ang che. Nang pawhin he company tana theih tawp kan chhuah zia i hriat ngei kan beisei,i pasal in model i nih tur thu a sawi a ,chu chu keini pawhin kan hnial lo che " tiin an ngawi ta thap . “ Lalduhawm an ni hi eng chiah nge i hrilh " tiin ka melh kar ,a dar san ukin “ Pute u min lo va chhuahsan tawh ta che u,ka nupui hi a rawn kir duh leh duhloh a thu in he company hi a awm ang" a tihchuan an chhuak nghal diak.









Kan pahniha kan awm rual chuan min rawn panin ka sam chu a khawih “ Ilo zuah sei ve deuh a nimaw ,engpawh hi i in hmeh a nih hi,ka thusawi kha pawm la ,he company tana ka thawh nasat zia hmutu te khan i theihna hmuh ngei an duh dawn ,chu chu i modelling atang hian a intan tih hre reng rawh " tiin ka hmui bul chetah a rawn Kun hniama,ka lo hawisawn vat “ Chhuak ang le i hna hmasa ber kan tan ang " tiin ka kutah kaiin ka hnial hman hma in min hnuk chhuak dawr dawr .







Model ho lo awm thupna ah chuan min hruai a ,kha a bialnu ni a an sawi nu pawh kha a rawn lang nghal “ Daniel a ni hi tunge" tiin Daniela darah chuan a kuah vel a ,ka lo nernawk a lerh dan ngai rengin a la lerh a nih hi “ Melissa a ni e ,vawiin atang i ai a awh ang,he company neitu hi a ni e " a tih chuan an phun nghal mur mur ,a bialnu mengkawk kawk pawh chu ka hmuh hmaih lo “ Enga chutiang i ti thei ngawt lo,kei ang in a thiam hek lo vang " a rawn tihchuan ka nui hak ,min rawn melh rum hle .







“ Miss Diana chute chu kan en mai dawn a lawm " ka tihchuan rum taka min melhin a kalsawn, Daniela chuan designer ho lamah min hruaiin ka thawmhnaw leh ka makeup te nen lam min chei tur a be nghal mawlh mawlh . Min chei lai te chuan ka bulah a lo awm reng ,ni e he hna hi ka tih ngei a ngai a,mi hriat ka hlawh chuan ka company ah pawh rin ka hlawh tawh ngei ang, modelling hi chu Dominic-a bula ka awm lai khan ka zir nasa a , Daniela rin pel awkin ka che ngei ang ,duhlo va a kalsan hian eng chiah nge ka theih a hmu ngei tur a ni .









Khawpawn lamah kan kal a ,tuipui kamah car fakna neih tur a nih hmel,bikini nen ka awm chu ka zam deuh rum rum,mahse tawp san ka tumlo . Mi zawng zawng thawng turin ka che ngei ang . Tuipui kam vaivut chungah chuan ka in post kual a ,ka nuih deuh sang bawk. Daniela meng kawk kawk leh model dang ho in min en thup te chu ngai pawimawh lo in Lamborghini chungah chuan ka in post kual a ,thlala tu ho pawhin mak tih hmel zetin min en reng .






DANIELA POV....






Teddy chu ka rin phak bakin a che ani,engtin nge hetianga hnehsawh hian mipui hma ah a chet theih ,ka rin ang a ni hauh lo,a mah a pian a nalh a ,a bawp a ma tawkah sei nalh thlarh leh a bikini hak chenin a inhmeh vek bawk nen model dang ho pawh an phun deuh sep sep reng,nui sangin camera hmaah chuan a in post a ,a hmel siam kual dan te chu model lo lar tawh tak tak ho ang maia hnehsawhin a ti thei tlat .








“ A fuh hle mai,amah a inring tawk tih a hriat,ti hi chuan mipui hmaah pawh a pho chhuah nghal theih ang " thlala tu ho chuan tiin Teddy chu an pan,an chibai sap sap,a nilahin nuisangin a lo chhawn bawk . Engtik laiin nge Dominic saw a rawn kal hman ni,Teddy chu kaiin a kalsawn pui a ,in seh ruh tunin ka enliam tawp,naktuk atang chuan ka kiangah a cheng tawh ngei ang. Diana min rawn vuan chu rum hawkin ka melh chhuk ngur “ Tinge kha nu kha in ngaihsak viau hlawm a .








Khanu awm atang khan i danglam vek a nia , Daniel in duhsak hlawm si ka lawm lo takzet ,kha nu khan ka ai a awh ngai hauh lovang,a ni ai ka lar tawh a . Kha nu vang mai mai khan ka tlachhe hek lovang" a tihchuan biak pawh belo in ka kalsawn,chuta ka thil hmuh chuan thinrimna nasa tak ka chhungrilah a siam nghal,teddy leh Dominic lo in fawp chu ka melh ngur ringawt,Diana pawh chu ka bulah a rawn ding “ Tirawh kalsawn ang" a rawn ti a ,ka thinrim lutuk chu ka inthunun hram hram a ni .








Zonuntluangi hian engchiah nge a tum ni ,sawpa teh hrep saw a infawh tir a maw ,ngaihtuah chiang lo in Diana chu ka fawp ve tawn tawn . A ni lahin phur zetin min lo chhang let nghal var,hmeichhe nalh tak a ni a ,min duh tlat hi keipawhin mak tihchang ka ngah,a duh chuan ka hnuaia thawk lovin a awm thei tih ka hria,an chhungkua an hausak bakah a mah heti hi a ni bawk a . Hmeichhia mahni in enkawl zo takin heti taka min zar hi keichuan nin chang ka ngah ,ka hawi chhuak chuan Teddy min lo en reng chu ka hmu.








Kha a bialpa kha a lo kalsawn tawh a nih hmel,ka mitah tak chuan min melh ngar ,Diana chu kaiin ka kalsawn pui nghal zat . Ka hawi let leh chuan hnuai lam melha Teddy ding reng chu ka hmu,ka lakah game a khel duh a nihchuan tinge ka khelh let ve mai loh ang . A nisawn min la hmangaih tih lah ka hai heklo ,Diana lah chu in ti thei zet in a hawi kual a ,eilo viau mah ila Zonuntluangi runluih nan hrim hrim ka tih a ngai si . Diana pawh a che tha leh pek hle ,Teddy nen an in el nghal em em chuan ka nuih a tiza hle thung .







Teddy haw tum ka hmuh chuan ka umzui vat “ Ding rawh,ka inah rawn haw ang che " ka tihchuan a pen lai tawp chatin a rawn inher ,a hmelah a thinrim nge rimlo lang miahlo hian pangngai takin min en “ Kan la inthen loh avang ngawta ka rawn haw na tur ka hrelo,tunah chuan inthenna lehkha ka rawn sign a nga lo sign ang che,kawppui kan nei ve ve tho va ,chuvang chuan keichuan innei ang renga awm hi ka peih ve lem lo " a tihchuan ka nuih suk ,ka hnaih zual sauh bawk .





END OF DANIELA POV...





“ Min rawn hnaih miah suh Lalduhawm " ka ti that,ka thusawi ngaipawimawh lo zet hian ka taksa chu a melh leh tawh “ Kha i Dominic a kha i pan leh a nihchuan a chunga thleng tur ka sawi lawk theilo,ka ta chu ka hauh na thin . Kha pa kha i fawp ka hmuh rualin a fawhna che hmui kha fawp leh thei tawh lo tur che in ka siam ang,min hriat chian kha Teddy ka ta chu ka nei ngei thin,chuan tunah hian ka rualin i haw ang " a rawn ti leh nghal .






Ka thinrim chu ka insum hram hram a ni “ Nang hian khang ho kha fuihin i nupui ka nihnan ilo vau tiraw , Daniel Lalduhawm i nunrawn dan leh i hmasial dan a la ngai reng a nih hi . Mahse hei hre reng rawh ,keichu Zonuntluangi ni tawh lovin Melissa ka nitih hre reng ang che " ka tihchuan dar san ukin a mit hmul a tikang zauh va “ I danglam lo a nimahna kei erawh ka la ngai reng a nia Teddy" tiin ka kutah a rawn kai,midang an rawn kal ve tawh bawk nen ka hnial duhlo,engtin nge hetiang em em a ngeiawm hi a nih theih.









“ Ka lak a i thil tih avang zawng zawng khan inthiamlohna chhe te mah i neilo tih ka hriat hian mak pawh ka ti hran lo,i nu leh pa ang maia rilru thlak danglam hma,engmah chhui chhuah tumlo a thil ti thin in ni tih ka lo theihnghilh tep a lawm " ka tihchuan a car kawngkhar hawn tum chu a tawp chawt,ka thusawi chuan a awmdan a tidanglam tih lah ka hailo,ka lam a rawn hawi a mitah chuan reilote chhung tak tak inthiamlohna a rawn lang zawk “ Ka nu leh pa chungchang sawi tur in ka tilo che " tinghut in car chhungah chuan min nawr lut rawk ..









A chhungte sawi chuan a lo la thinrim ve thei a nih hi ,zaklo lutuk . Enge ka tih dawn hi hre khawp rawh se ,a bulah ka cheng anga a thil tihsual zawng zawng chhui chhuakin a tawpah na takin ka kalsan ve ang . A in ni ngei tur lamah chuan min hruai a , building sang zet ala nizui ,mi hausa ho chenkhawmna tih a hriat “ Kal ang " ti a min rawn kaih a tum chu ka kut ka lo vaisawn hmaka; muang changin a chhung lamah chuan ka pen lut nghal zat . Lift lama a phei chu ka zui ve zel,a chhunga kan luh rualin a lamah min pawt nghal dawrh,ka tawng hman hma in min fawp leh nghal buan buan.









Ka kawrfualin a khuh phak loh a ka mal lang te chu a chul nghal ruai,chhang let lo turin ka insum ve tang tang thung . Lift a inhawn rual chuan ka thaw deuh huai “ Kal ang min fawp leh tawh suh " tiin ka pen chhuak,mahse kalna tur lam ka hre hauh lo,nui sukin min pawm kang nawlh “ Enge i hriat min dahthla nghal rawh " tiin ka ke ka leng vak vak “ Ka nupui a rawn haw hmasak bera pawm chung ngeia inchhung a hmuh ka duh alawm" tiin corridor-ah chuan min phei pui a .








Kawngka pakhat chu password chhu in min luhpui,in zau tawk tak tih ka hre thei . Inchhung chu a fai tha hle,a thim deuh khup bawk a,“ Min dahthla vat rawh " tiin ka tal leh vak,min dahthla in choka lam a pan nghal vut chu ka en reng . Inchhung chu ka melh kual dan dan,pindan hrang bathroom leh toilet tih loh a awm lo va ,room erawh a zau tha hle ,ka piah maiah khum a awm bawk a . Ka chauh zia ka hre thar uar uar mai ,vawiina Diana a fawh atang phei kha chuan a huatin ka haw zual hlur ,tukverh sei leh lang tlang ut lam pan chuan ka phei chhet chhet .








New york khawpui lang pe ut chu ka thlir reng. Hmanah kha chuan chhungkaw kimin kan leng ho thin a,tunah erawh keimah chiah ka ni ta. Ka mittui chu englaiin nge a tlak ka hrelo,ka khabe atang chuan a far keuh keuh va ,hruk pawh ka tum heklo . Ka kut hum ruh fan fanin ka rilru ka ti paukhauh sauh sauh a “ Nu i phuba hi ka la dawn a ,mahse tihsual leh a a hmangaihna khura tluk luh hi a ni ka hlauh ber min pui ang che" tisepin ka mittui chu ka hru nghal mawlh mawlh “ Chaw rawn ei rawh " a rawn tihchuan ka chhang lo.









Muang changin choka lamah chuan ka phei a,a mit chuan ka hmel ringawt a en,a ner deuh nung bawk . “ Engvanga ka pi leh pu hian i kuta engkim dah nge an nih" ka tihchuan a fork ken lai chu enin “ Min ring tihna a nimai lawm ni,i mita min tihnat duhna kha ka hmu e ,i hriat duh chuan an mahni zawt mai rawh " tiin sa chu chemte a zai thla in a ka ah a dah nghal zauh,be tawh lo vin thinrim zetin ka plate a sa chu ka zai sawk sawk,ka ei nghal tawn tawn . Ka kham rualin bathroom lam ka pan a ,thawmhnaw hak thlak ka ken loh avangin ka kawrfual bawk chu ka ha leh









“ Kha hei hi ha rawh " tiin a tshirt chu min rawn pe a ,ka lo la ve mai . Mutna ah chuan hak a nuam zawkin ka ring, t-shirt chu ka en vang vang. Kan inneih zan ka hre chhuak lo theilo ,a tshirt ngei ha in a chhungte nen kan nui tlang a nihkha ,chu ka ngaihtuahna a rawn lut chu duhlo in ka lu ka thing nawk nawk ,khang kha chu hunliam tawh an ni a ,khang mite kha ka hmelma vek an ni tawh bawk . “ Khawiah nge ka khum tur " tiin ka melh kar “ Ka bulah i mu ang" a tihchuan ka lu ka thing nghal nawk nawk “ I bula mut ka duh reng reng lo,engvanga khum pakhat chauh nei nge i nih.








Hetiang chung hian i ina awm turin min hruai haw vel a maw,sofa ah ka mu mai ang. Nanga bula mut hi ka duh ther te love ,kan inthen hunah chuan nang hi hmuh leh che pawh ka duh tawhlo " ti a ang pah tawn tawnin sofa lam chu ka pan,ka thlen hma chuan ka hnung lam atang min rawn chawi vawk in khum lamah min kal pui nghal nawl nawl ,ka ke leng vak vakin a kut chu ka sik thul . Na ti ang pawha awm duh lovin khumah chuan min delh tlu in a ke chuan min kherh bet nghal “ Tihian ka bulah mu rawh,min ngai ve lo mahla keichuan ka ngai viau che a nia Teddy " a rawn tisup a .








Na zetin ka tal leh “ Nang hian hmangaihna awmzia pawh i hrelo,min thlah rawh i kianga awm hi ka duh reng reng lo,i hria em Dominic-a bulah lo ka mu dawn lo ,nang hi ka ten hluah hluah che " ka tihchuan thinrim takin a lamah min kuai herin ka chungah a bawk nghal . Engvanga Dominic kha sawi mai nge ka nih tih ka hre bik hauh lo “ Kha pa hming kha sawi leh teh ka tiche a nilawm ni Zonuntluang" a rawn tihrawk,a aw atang pawhin a thinrim zia a hriat .







“ Engvang chuan maw ,nang aia a that vang leh nang anga tualthah hmang a nihloh avangin maw " tiin ka nuih kher a ,a kut a rawn a rawn lek chhuah avang chuan ka mit ka chhing sawk,mahse ka lukham zawk chu a rawn hnek dawt “ I nu kha ka thah a nilo " a rawn tihchuan ka tal leh nghek “ Dawt i ka atanga chhuak hi dawt vek a ni,i hria em ? Nge i hlauthawng zawk nang hi tualthah hmang i nih hi " ka tihleh chuan a hmelah natna a lang chhuak.







Min bawhna ata chu tho chhuakin a thawmhnaw a ha mawlh mawlh a ,kawngka lam panin a chhuak nghal vang vang . Ka en reng ringawt ,a thusawi kha dawt nge thu tak tih ka hre lo ve ve ,mahse a hmela natna erawh kha chu a lem ni tur chuan ka hrechiang mah mah,a na a ni . Mahse engvangin nge a nat ve ngawt ang ? Ani ai chuan ka natna te kha a na daih zawk,a ma bul tan a ni bawk . Darkar chuang fe ka nghah hnuah pawh a rawn haw lo,khanu bulah khan a kal dawn pawh a nimahna







Ka pum chu ka khawih “ Ka naute min ngaidam rawh aw ,keimah chiah dama nang ka kaltir che avangin min ngaidam la ,i nu hi min dem suh aw . I nu tawrh nasat zia kha i hre ve reng tiraw ,a pi leh apu khan an lo duat ngei ang che. I pa hi engtin nge ka tih zel dawn ka hrelo,tual a that ngei a ni tih finfiahna hi engtin nge ka neih dawn lah ka hre heklo . Ka nu tal khan engkim min hrilh hman se chuan he ti em em hian ka huat a ngai lo tur ,i pa hi maw ka huat em em lai pawha ka thlahlel tlat hi ka mawl ngawt mai .







I pa chuan a nunah hmeichhe dang a la lut leh tawh a ,i nu hi chu a company a neihsak leh duh vang bak in min hnaih leh lovang . Chuvang chuan i pa chunga ka lo nunrawng a nih pawhin min dem hauh lovang tiraw "tiin ka pum ruak ta huai chu ka chul,kan nunhlui ngaiin ka la tap fo va . Mahse tu mithmuhah mah ka chaklohna tihlan ka duh tawh lo,kha chen ka lo tuar tawh a ,tunah chuan ka hun a intan ve tawh zawk a ni .






Ka mut a chhuah tak em avang chuan insiam remin mutthilh tum chuan ka inlet thak a . “ Miss Melissa i chungah kan lawm hle mai,nikhat thil thu lekah miss Diana i tluk thuak ania,kan car pawh rawn leitu an tam bakah nangpawh fakna dangah nen lam hmang tur che a ngenna kan dawng nasa a nia " kan manager ngei thusawi avang chuan ka nui var var ,Daniela leh Diana pawh an awmdun leh chawt tawh . Keipawh Dominic-a nen lunch ei dun kan tum avangin pawnlam ka pan a.








Company tualah chuan ka lo nghak vang vang,a rawn lang har lo . Kan tlanchhuah dawn a Daniela leh Diana rawn chhuak dun chu ka hmu hman vuai chauh a ni “ I tha em? Engvanga i pasal hlui bula awm duh tlat nge i nih? Ka bul atangin i bei let thei reng sia" a tihchuan ka thaw hak . “ ka hria a lawm mahse i bulah awm ila ka nu hnuaia lo thawk tawh pa ho hian min ring ngam dawn lo, Daniela ang a ka awm chuan min ring lovang,ka thiam lo zawkah an puh thei .






Chu ai chuan tisawn Diana nen inzui tam sela,keipawhin ka then hma zawkin ka ring " ka tihchuan a bu ta nghauh . Ni e an ni pahnih anga inzawmna nei anga kan awm leh zel anihchuan miten keimah zawk min dem dawn tih ka hailo, restaurant ah kan chawl duna,eitur a chah ho chu ka ei nghal mawlh mawlh “ Engtikah nge min nei tur a i in peih ang " a rawn tihchuan mak tizetin ka en .






Ka thian a nihbakah ka nunna chhan tu a ni a ,ka tan chuan a hlu hle . Chuvanga a mi fawh vel pawh haw duh lo ka ni,mahse pasal tur em chuan ka la ngaihtuah ngailo “ Ka hrelo,i hriat kha Dom tumah hi in zawmna nghet siam pui leh ka duh tawh rihlo " tiin eitur bawk chu ka ei lehnghal . Thawk a la hak ri chu ka hre chiang viau,ni e a fel a ,chhelo ve tawk tak a ni bawk . Mahse ka thinlunga mipa dang awm reng chunga bul tan pui ka duh lo .






A natna tura bul tan pui kha ka duh lo zawk mai a ni,a mah a in enkawl theiin a rintlak tih pawh ka hria ,mahse keichuan ka hmangaih miau silo va . Engkim hi Daniela vangin ka hlauthawng zo tawh a ,in kungkaihna nghet lah tumah ka siampui duh hek lo . Hmangaihna kawng ka lo zawh tawh zawng zawngah khan ka chau tawh,hmangaihna hi zawn ka tum tawh lova ,chu ai chuan hmangaihna chuan min rawn zawngin a rintlak zia tilang sela ka duh tawh zawk .







Thian atanga hmangaihna lah ka duh heklo,ka thian chu ka hmangaih a ,mahse hmeichhia leh mipa in hmangaih na anga ti tur chuan Dominic hi ka la ngaihtuah ngai lo,a nilah chuan min nghak ve tlat bawk si . Ka rilru a buai ve hle thin,ka duh lo tingawt dawn ila ka tana a thawh nasat zia lah ka hai lo, Daniela chuan ka thinlung tikehchhe chungin a mah hmangaih turin min siam a , Dominic erawhin min tihlim thin si in ka thinlungah thian ang bakin a thleng pha silo.







A chang chuan Dominic zawk hi lo hmangaih ila ka ti thin,mahse ka lungphu hi a tidanglam zo eih silo,Lalduhawma erawhin min tina chung leh ka haw em em chungin ka lungphu a tirangin a tina vawng vawng thei tlat si .

[mawitei bawihtlung]

KA PAHRAWN




CHAPTER 19






“Haw tawh ang" tiin Dominic chu ka en ,nilengin kan vak dun a, ka chau hnawk thei. In thlen rualin muangchangin ka pen lut a ,Daniela leh Diana saruak deuh thaw a awm ka hmuh avang chuan ka ding chawt, Danielan min rawn hmuh rual chuan ka tlan chhuak nghal hlawk hlawk ,kawngpuiah chuan ka tlan zel a . Ka mittui chu ka hru mawlh mawlh, ka haw em em chunga ka la thik tho hian ka la hmangaih zia ka hrechiang leh thin.







Kawngah chuan ka thu hnawk ,ka kuna ka tap ta tlawk tlawk “ Teddy " ka kuta rawn vuan tu chu melhin ka vai pawp “ Min khawih suh,i hria em min khawih suh,nang hian engtiang chiaha min tih nge i duh ? Maw ka thih hma loh zawng em ni min tihnat dawn ,ka nun i tichhia a ,ka nu nangmah avanga a thih bakah ka naute leh zel ka la chan chung pawhin zak miahlo in ka company i neih duh vangin midangte i tham a ,min that ta che . Heng zawng zawng hi i nei duh anihchuan kei i kawng dal tu tur ber hi min that rawh " tiin ka au khum tuar tuar .








“ Teddy min ngaithla teh, ka hria misual tak ka ni tihchu ka hria,mahse engtin nge ka kalsan theih ang che . Kan fa kha ka hmangaih ve tho a sin,mahse ka ngaihtuah chhuah apianga thinlung na vawng vawng a awm reng ka duh loh avangin nang tal neih che ka duh vangin i natna tur sawi loh ka duh a sin,Duatte ka hma..ngaih che " a rawn ti bah deuh nak,ka lu ka thing nghal nawk nawk “ Dawt ,dawt vek a ni i ka atanga chhuak reng hi dawt thu vek, bul kan tanna atang tawhin nang chuan dawt min tiam a ,i hlen theih loh thu hlir min tiam asin.








Dawt hmanga i nun laiin keichuan â em em in thudika ngaiin ka hmangaihna zawng zawng ka hlan che a ,ka at zia leh i laka ka innghah nasat zia hre reng chungin min tihnat i hreh lo,i duh duh chu kawp la tihian engkim tawp rawh se ,i bialnu nen khan ka company saw chhuahsan rawh u,chuti anihloh chuan keihian i nunna hial pawh ka la duh mai ang i hria em" tiin a awmah chuan ka chum vak vak a. Ka tap bawk ,a mit atanga mittui luang ka hmuh chuan ka thin a rim zual “ Enge i tah,nang hian na i ti ve em ni,natna awmzia pawh i hrelo .








Khang i mittui te kha a lem vek a nihkha " ti thawtin kalsan ka tum a ,ka hmuiah rawn fawpin ka biangah chuan a rawn vuan bet tlat bawk . A mittui chuan ka biang a far a ,mahse rinna ka nei thei tawh lo ,ka namsawn a tap hawm hawm chungin ka inhersan nghal zat ,a nipawh a bang lo . Tap rilo mahse a mittui a luang a ,ni e vawikhat pawh a tap ka la hmuh loh mipa kha tunah hian a tap a ni ,engmah ngaihtuah chiang lo in ka kal a ,ka din leh meuh chuan ka nu nena kan in ngeiah chuan ka lo ding reng tawh .








Ka hnunga thawm a awm avang chuan hawi letin ka en nghal “ Teddy " Lalduhawma chuan min lo la zui reng tih ka hre hauh lo “ Min rawn hnaih suh" ti tuarin inchu hawngin a chhungah ka lut zui a ,inchhung chu melh kual in nunhlui chu ka mitthla ah a rawn lang nghal zut zut,ka thianghlimna ka hlan a,ka hmangaihna zawng zawng nen ring em em in ka pan a ,mahse a nichuan phuba vang chauha min lo hnaih tih ka ngaihtuah apiang hian ka thinrim zual thin .








Ngaihdam theih ka inring tawh lo ,choka lamah te chuan pheiin ka nu damlai ka ngaihtuah a ,ka mittui karah ka nu ruangam dinin choka a a chetla chu ka en reng “ Nu " tisepin ka pan a ,a nilah tawng mawlh mawlh in ei tur a siam pah a ,ka mittui chu a luang zawih zawih reng ,thinrimna in min tuam hlup hlup bawk . Lalduhawma chu ka haw ngawih ngawih,ka hnung lam atanga min rawn kuah rual chuan chemte chu ka la vat .








Tal chhuakin ka tin ran, ka thinrimna chuan khua pawh min hmuh tir thei tawh lo,ka nu ka ngaihtuaha,ka naute engkim hi he mihring vang vek hi a ni tih chiah chu ka rilru ah a awm ,min en reng a hlau hmel pawh a pu lo ,min rawn hnaih zel “ Rawn hnai tawh suh,i hria em ka naute leh ka nu ka ngaihtuah chhuah a piangin thi ve la tih hi ka duhthusam ber a ni i hria em? Chuvang chuan min chhuahsan rawh " tiin chemte chuan ka tin ran,a nilahin min rawn hnaih zual sauh ,ka chem chu humin min pawm bet a “ Ka tihsual ka hria e ,ka duatte hlim takin awm tawh rawh,i nunah ka lo lang leh tawh lovang " tiin ka chemte hum lai chuan a mah leh a mah a invit a .








Ka hamhaih lutuk chuan ka en tawp ,a mittui chu a biangah a luanga min enin a awn riai riai “ Daniel " Diana aw ka hre nghal ,chuveleh keipawh chu harh chhuak zawkin chhuata a insawh hma chuan ka dang vat,chhuatah chuan thutpuiin ka sawi deuh nawk nawk ,rawn meng riai riai in ka hmaiah a rawn chul a ,a nui suk bawk “ Ka phuba lak duhna avangin ka hmeichhe..hma....ngaih" tiin tawng harsa tih hriat tak hian a ngawi vang vang “ Ka tina che a ,teddy kha tuipuia i tlak hnu atang khan ka nun pawh kha a tawp ve nghal vek a ni .






Nitin khan.." tiin thawk a la leh hrawk,a dul atanga thi chhuak chu ka kutin ka hup,ka tap hlawp hlawp bawk . Diana pawh chu kan bulah a rawn thu thla ve bawk a “ Ilo kir leh ringin ka nghak che a ,ka nghak chhuak reng bawk che a ,mahse ka ta i ni ve ta lo " tiin a then suk“ Tunah chuan ka fa pawh ka hmu ve ngam tawh ang" tiin a mit a chhing riai riai “ Aih Lalduhawm i mitchhing suh i hria em ,i mit chhing suh mengrawh ,engvangin nge khatiang thil kha i tih " tiin ka sawi vak vak .








Diana pawh chuan ambulance a lo call ve bawk ,kei erawh Daniela chu ka au char char ,a dul atanga thisen chhuak lah chu a nasa si,ka kawrchung chu phelhin ka thiam ang ang chuan ka tuam a , ambulance an rawn thlen rualin an la chhuak nghal . Police ho in thil awmzia min zawh te chu ka chhang theilo ,ka bing mup mup a niber;damdawi in kan thlenga an buaipui nghal chuk chuk bawk. A hmela natna min thlakhlelhna zawng zawng kha ka mitthla ah a lang a







Engvanga amah invit ta mai nge a nih,ka company a duh siloh chuan tinge min chuh,engkim chu zawhna vek a ni. Dominic chu a rawn thlenga ,amah zawkin engkim a ti nghal zung zung,media lam in an hriat lohna tur in police ho chu a be bawk . Ka bul a rawn thlen chuan ka lo kuah vat “ Engvangin nge hetianga min tih bik reng le ,tinge hlauthawng em em a min siam hi nuam a tih em em le ,Dom ka tum a nilo a sin,vih kha ka tum miahlo .






Mahse saw mipa â taksawn a mah a in vit a ,keichu min ngaihtuah ve miahlo " tiin ka tap hlawp hlawp “ Damlo chhungte hi in awm em,thisen a mamawh bakah lehkhaah hian hming sign a ngai a " nurse in a rawn tihchuan ka ding chhuak vat “ Keimah a nupui ka nia" tiin a hma a sawi ka duh miahloh chu ka sawi chhuak a ,lehkha ah chuan ka sign nghal bawk . “ A dinhmun a thalo hlea ,a hliam hian a kawchhung thil then khat a tichhe tel a ,hei hi zaia kan thlak vat loh chuan a dam chhuak zo in ka ring lo" a tihleh phei chuan ka thu thla hnawk.







“ Nilo a kal theilo,hmabak a la ngah lutuk chhan rawh u,engti kawng zawng pawhin inchhan tur a ni " tiin ka au chhuak tuar ,ka mittui chu dan rual lohin a luang chhuak bawk “ Lalduhawm min hmangaih a nih chuan i thi tur a nilo,i ka atang ngeia hriat nawn leh a thudik a ni ngei a ni tih chetzia a i lan tir hma ka pawm dawn heklo,chuvang chuan bei let rawh . Nangin na tam tak min tawrh tir chung pawha ka damchhuak thei a nihchuan nangpawhin i thei ngei tur a ni" tih thu chu ka phun chhuah pui a .






A hre pha awm der silo, min tina a ,min titap a,ka nuna pawimawh ber ber te a ka bo va ,mahse tichung chuan ana lai hmuh meuh chuan ka na ve leh tho si,ka hmangaih a ni miau a lawm

ZANIN CHU TIHI NIMAI AW,NILENGIN KA FEHA CURRENT ALO AWMLO CHAR2 NEN BATTERY KA NEILO AW

[mawitei bawihtlung]

KA PAHRAWN





CHAPTER 20



BY MAWITEI BAWITLUNG






Doctor rawn chhuak chu ka pan rawk rawk , Diana lah chuan Daniela chungchang a lo zawt ve chhen a ,ni e Daniela pawhin a ngaihven ve tih ka hria a lawm . Mahse ka pasal hi a rawn harh a ,a tha tih ka hriat hma chu ka kalsan lo ang “ Tunah chuan a tha tawh e ,thlamuang tak khan awm rawh u,ward pangngaiah kan sawn dawn a,khawngaihin in thawm in dim deuh dawn a nia " a tihchuan ka bu nghat.







Nithum a liam hnu ah pawh Daniela chu alo la harh lo,in lama inthlak tura min tih avangin ka haw zawk a , Diana erawh englai pawhin a buaipui reng,kei erawh tina tu ka nih avangin pawh mai ka harsat a ni . Ka phone ri chu enin damdawi in kawtah chuan ka ding dat “ Aw Dom " ka tihruala Dominic an Daniela a harh thu a sawi avang chuan rang zetin damdawi in lamah ka tlan hlawk hlawk . Ni e tun hi ka hmuh hnuhnun ber pawh a ni thei a sin,a awmna kawngkhar chu ka hawng a ,ka thil hmuh erawhin ka ta a nihtawh loh zia min hriat tir si.






Diana chu De-a awmah a bei chial a ,Daniela pawh chuan a hnungah a bensak det det,sawng zawng zawng saw a hma kha chuan ka hnenah chauh a ti thin asin,min rawn en phei a . Ka lo ding reng a hmuh avang chuan a meng nur nang ,ka hnaih phei zel ka baga inthenna lehkha ka sign sa chu pe in “ I duh chuan ka company saw i enkawl zawm thei ang,mahse khawngaihin De ka nu thil lo tihsa saw tidanglam suh aw ,ka nun atangin i zalen tawh e " ka mittui tla tur chu ka tuai nawk nawk .







“ Enge tih i tum" a tihchuan ka nuihsak “ Ka bibo leh mai ang chu,kei ai chuan ka company sawn an mamawh zawk che a ni,ka kal ange duhsakna ka hlan a che u " tiin Diana nen chuan ka nuihsak ,ka mit a mittui tling erawh Lalduhawma chuan a hmuh hmaih lo tih ka hria,awm reng duhlo in chhuah tumin ka inher a, Dom-a lam chu ka pan phei zel “ Zonuntluang ding rawh " Daniela chuan a rawn ti that. Kei erawh kal luiin ka chhuahsan a “ Dom,keimaha awm ka duh " tiin ka tlan chhuak nghal ,ka mittui tla chu ka hru pah mawlh mawlh .







Ka nu nena kan in lam pan chuan taxi ah ka chuang a ,ni e he khawvela thil engkim hi ka ta an ni ve theilo tih ka hrechiang tawh a ni. In ka thlen rualin tlan lut in kawngka chu ka ngheng a ,ka tap vak vak “ Nu enge ka kawng thlan hi ka hrethiamlo,engtin nge ka kalzel dawn ka hrelo nu,in fanu hian kawng ka bo a sin,kaihruaitu ka mamawh ,tinge in reh tak tlawk tlawk a ,ka mal lutuk nu " tiin ka tap chhuak hawm hawm “ Teddy kawngka lo hawng teh " ka bengchhe ri a ni ngei ang .







Ka mit chu ka chhinga kawngka chu ka la ngheng ta reng “ Duatte lo hawng teh " tiin kawngka chu a rawn beng leh ta dawt dawt “ Kal rawh,i nat kha min rawn hnaih tawh suh,tumah ka mamawh lo i hria em? Min rawn tihel tur a i rawn kal a nihchuan let rawh,i duh duh hmeichhia nei thei turin i zalen tawh ,i hria em lungngai suh min hmu tawh lovang,i hmaah ka rawn in lan leh tawh dawn lo " tiin ka ding chhuak a ,thawm chu a reh ta tlawk tlawk,inhnung lam kawngka inhawng thawm ka hriat avang chuan ka khawng awt








Ni e inhnung lam kawngkhar hi hmuh mai mai theihloh tura ka pa in a siam tir a ni a ,eng emaw thlen thut pawha kan tlan chhuah theih nana a tih a ni . Kan chhungkaw mi leh sa lo chuan an hre hek lo,Daniela chu a pum dawm chungin ka lam panin a rawn phei zel a ,ka lo en tawp ka bul a rawn thlenga rum zeta min en avang chuan ka vih avanga hremna min pek ngei ringin ka lo en ve kar ,mahse chutiang thil tilo in ka nghawngah a hmai a rawn nawr a .







Ka taksa rinchhan chuan ka taksa chu a kuah bet nghal,ka mengphawk vak “ Mi â nu" tisupin ka nghawng chu a rawn fawp zauh a , ka mak ti chuan namsawnin ka ang phiauin ka en “ Ka hmangaih che ka tihkha " tiin ka mittui chu a kut chuan min hruk sak “ Tap tawh suh,i tap ngun lutuka i hmelchhe zo dawn " tiin ka hmuiah chuan a rawn fawp leh,ka hamhaih em avangin engtin mah ka tilet lo “ Min ngai ve ani tih sawi teh " tiin ka bianga dawmin min en reng .







“ Mawh Ka duatte min ngai in min thlahlel ve tho tih sawi rawh " a ti tham tuak a ,a aw chuan min fan rawih rawih,insum zo tawh lo in a zak hnuaiah ve ve chuan ka kut zen lutin a awmah chuan a lungphu ngai thla in ka bei a ,ka tap leh nghal hlawp hlawp . Rum hawkin ka nghawngah chuan a hmai a rawn nawr leh tawk “ Ka hmeichhe hmangaih pawh hrelo leh hrilh lo in ka chan hlen dawn che emaw ka ti a sin,ka tihpalh Teddy ka tihnatna zawng zawng che ah khan ka tihpalh,kan naute ka chhan theihloh avang pawhin ka tihpalh " tiin min kuah nghet sauh.








“ Kha tuipuiah khan ka thi dawn emaw ka tih thleng khan ka au che a sin,min hmangaih lo anga ka hre chung pawh khan De ,kan naute nena thih pawh kha ka hniallo a ,a chhan chu min hmangaih thu min hrilh ve ngai lo va . Chu ai chuan Bethsy-i nena min tihnat kha nuam iti" tiin lungchhe zetin ka tap chhuak “ Ka tihpalh ,keiai Xavier i thlang anga ka ngaih khan ka thinrim a ,tichung khan ka hmangaih che tih pawh ka la hre chuang lo ,mahse ka kaltir chiah che khan ka nun zawng zawng kha a ruak nghal vek a sin,duatte i tello chuan ka nun hi a kim lo" a tihchuan a biangah dawmin ka fawp vawng vawng .








A nilah a lo duhthawh leh pek “ I inhliam kha ,chubakah tinge i dam hma a ilo chhuah " tiin ka namsawn vat “Ka na in kan thil tih tur a dal lo,i kalchhuah dan kha ngaihtha deuha ka awm theih i ring reng reng em ni? I kal bo hlauh avanga ka chelh beh theih nan che a ka thil tih zawng zawng lah ka kutah i hlan leh a,engtin nge ka mut mai mai theih ang" a tihchuan a sawi dik bawk si . Ka hmui chu ka pet zauh “ Mu ang" tiin min pawm mai a tum a ,a kutah ka beng fawk “ I hliam kha ngaihtuah ve rawh ,khawi " tiin room lamah ka kuah phei a .








Tifaitu an awm reng avangin kan inchhung pawh a fai tha hle , Daniela tih tir a ni tih ka ring thiam mai ,khumah chuan min kuai mu a ,ka chungah a rawn lawn chuan ka en haw “ Enge tih i tum,i dam hmaloh engmah tih phal a nilo,chhuk rawh i rit a nia " ka tihchuan a lu a thing nur nur “ Kumkhat leh thlaruk chhung ka nghei tawh,ka duhlo fa neih zung zung ka duh,ka hliamin min dang theilo" a tihchuan ka lei ka chhuah vak “ I nghah leh deuh angai dawn a nihchu " ka tihlak .







A lawm loh hmel ngang mai “ Ka nghak rei tawh,ka tar thlenga min dah i tum em ni,ka duh teuhlo " tihlukin ka thawmhnaw a phelh nghal,ka dang thei dawn lo tih ka hria ,ka thlahlel ve tho nen ka thawmhnaw chu keimahin ka phelh zung zung ,ni e nupa lo nihchuan chak hun a awm lo theilo . Chu chu mihring kan nihchhunga tupawhin kan neih nasat ber ,insum har kan tih ber thil a ni bawk . A thawmhnaw chu dimte in ka phelh sak ,a dul hliam ka hmuh chuan ka khawih sak a .









A hliam a hil tawh nangin la dimdawih hle a ngai bawk nen keimah zawk chu ka che hmasa a “ De i hliam hi kan tih nat belh ka hlau e " ka tihchuan sawi tawhlo turin min duh tih hriat takin ka hmuiah a rawn fawp nghal hmiah,ka bawp chu nawr kauin a rawn lut zui nghal . Keimah zawk a chunglamah tangin ka che a ,thlan hlapin a chungah ka bawk zawi thlar “ Kan inneihna kan tan tha a nga,a hma anga huatna ni tawhlo in ka hmangaihna nen ka enkawl tawh ang che " a tihchuan mittui karah nui sen sen in ka en .








Ka hmangaih hluah hluah “ Ka huat ber mipa hi ka hmangaih ber a ni tho si a ,ka hmangaih che Daniel Lalduhawm " tiin a awmah chuan lu nghatin ka kuah chial,a hliam lai chu ka en sak pah ,vanneih thlak takin a thuina a phelh lo hlauh . Chau tih hriat takin a muhil nghal mai,ni e a hliam nen a taksa a damdawi an kah luh nen chutah kan chetdunna nen a chau viau ang ,puan chu sin tirin keipawh reilote tal chhin tum chuan ka mit ka chhing nghal diar diar a ,ka harh leh chuan khua a tlai duai tawh .








Rawngbawl tumin ka tho chhuak a ,Daniela tui zeta a la mu ka hmuh chuan ka nuih har , abiang hmul to siar siar chu khawihsakin choka lam ka pan nghal zat ,chawhmeh awm ang ang parbawr tih vel chu ka siam mawlh mawlh a,he inah hian ka awm loh chhung pawhin Daniela hian a la riah chilh fo a nih hmel,chaw hmeh tur thenkhat chu vak chhuakin ka lei a ,ka haw pawhin ka pasal chu alo la mutui hle ,sa ka lei ang ang leh tomato chu kan pawlhin china ho uar em em pa chu ka siam bawk a .







“ Teddy " hlauthawng aw zeta Daniela rawn au avang chuan room lamah ka tlan lut nghal vat ,khumah a lo thu a ,a thawmhnaw lah ala inbel heklo,keipawhin a t shirt ka ha tawp kha a nia ,chutia ka va lut chu min lo kuah nghal vat . Ka dul zawnah chuan a hmai phumin a thaw ham ham a ,ka kawngah nghet zetin a kuah bawk ,a samah chuan ka chul sak hauh hauh. “ I bo emaw ka tia " tisupin min rawn en chho a ,ka lo nuih seih “ Ka bo dawn lo, i kiangah ka awm reng tawh dawn" tiin kun hniamin ka fawp zauh .








A rawn nui nghal vur vur “ Chhuak ang ka rawng bawl kha vil a ngai a nia " tiin ka kai chhuak nghal hlak hlak,chaw ei ka siam lai te chuan ka kalna a piangah min zui ve zel a ,ka nuih ringawt “ Lo thu mai mai teh " tihlakin ka thu thla a ,chaw chu ka ei nghal pawng pawng “ Ka kianga i awm leh hi ka lawm e ,ka lalnu " a rawn tisup a ,a kut chu ka chaw eilohna lam chuan ka humsak vang vang “ Min tina tawh lo la ,ka kiangah i awm ve reng keipawhin ka phut ve tawh dawn a nia " tiin ka nuih var var mai .




ZAWMNA




Zan lamah kan pahnihin mei ai dunin a dar ngheng chuan ka thu a ,ka titi siam siam . Hetiang hun kan thleng ang tih ka ring phalo,ka hlim tawk em em ringawt,ka sam chu a khawih mial mial “ I phiar dawn em ni" ka ti ha ,a lu a bu nghut chu ka nuih tet tet ,ka dawh ve hle hle “ De tihian kan awm reng tawh ang tiraw ,min kalsan tawh miah suh aw" ka ti sep ,chan leh tur anga ka in ngaihtuah ringawt pawhin ka na vawng vawng thei.






“ Ka kalsan leh tawh lovang che ,ka thi te a nihloh chuan ka hmeichhe hmangaih ber hi chan nawn leh ka tum tawh lo " tiin min fawp vang vang,ka chhang let ve vat . Room lamah min pawm lut a,ka thawmhnaw a phelh leh nghal mawlh mawlh,ni e atan chuan ka engkim hi ka chan phal a ni . A tan a nun renga ,a hmeichhe hmangaih ber nih reng ka duh,min tina thin mahse amah lo chuan min tihlim tak tak ngai dawn lo tih ka hre bawk







Thlan hlap chuan kan inkuah chial a ,ka hmai a ka sam bet deuh thlar chu min hui kiansakin min fawp leh zauh,kan kut pahnih chu insuih tirin kan innuih tawn var var a ,“ Naute kan neih hunah chuan heiai hian ka duat ang che " a tihchuan ka nui hak “ Tunah pawh min duat tho la ,i naute ka ni duh zawk a lawm" tiin mitmeng tidanglamin ka en ,nui hawk hawk hian puan chuan min inkhuh pui thuk a ,puan hnuaiah chuan kan inchhaih rak chul mai .







Company a kan kal lai te chuan ka kut a chelh tlat a ,ka hlim veng veng . Meeting na ah pawh min hruaiin engkim min zirtir a ,midangte pawhin nupa kan ni tih an hre vek tawh . Diana pawhin company a chhuahsan zui a ,pawi ka tilo nasa ,keipawhin ka model hna ka zawm a ,ka hlawhtling chho viau bawk . Engkim min zirtir a ,ka kiangah awm in min kalsan ngai heklo ka hlim lutuk chu a chang chuan ka mumang emaw ka ti hial,hlimna nei thei tawh lo tur a in ngai mittui nena hringnun hmang thin khan a mittui tih tlak sak tu hnen atang bawkin heng hlimna zozai hi ka nei ta si.









Thla a liam leh meuh chuan ka ruaklo tih ka hria,a rang lutuk chu mak ka ti . Nau ka pai theih ka ring tawh lo kha a nia chutia ka pai lehnghal mai chu ka lawm bawk si ,ka hamhaih tel bawk , Daniela lah a lawm lutuk chu a khi vur vur a office a kan awm lai leh meeting lai pawhin a au leh hluai thin . Kan meeting pui pa upa pui pui te pawh chuan an nuih ringawt thin,a nilah a zak der silo,car fakna a ka in post dawn reng rengin thawmhnaw sexy lutuk hak a phal tawh lo a ,model hlawhtling tak tak kan chhawr chho bawk nen keipawh ka chawlhsan ta tawp a .









Daniela lah nitin a bulah min awmtir a engmah ka tih a phal chuang bawk silo,a hman chang changin ka pumah a tuan a ,a be mawlh mawlh reng . Ni e pa anihchak zia kha ka la hre reng,kan inkar avangin kan fa u ber tur chu kan chan a ,mahse tunah chuan ka theihtawpa tha a in enkawl a ,ka naute hi chan nawn leh ka tum tawh lo . Ka theih tawkin ka venghim dawn a ni “ Ka hmangaih zia che hi khing arsi zawng zawngte pawh khian an sawi chhuak senglo ang" ka hnunglam atanga min kuah paha a tihchuan ka nui hak .









“ Tak tak maw arsi te chu chhiar sen an ni hleinem " ka tihchuan ka hmuiah a fawp zauh “ Ka hmangaihna che pawh sawi sen a ni chuang lo,sawi fiah dan vak a awm lo a ,engtiang chiahin nge ka hmangaih che tih chu khing arsi ho pawh khian an zat meuh lo ang " a tihchuan ka nuih var var mai ,a awmah chuan ka bei kek “ Mittui hi ka laina hnai ber emaw ka ti thin a ,mahse nang ka tawn atang che hian mittui chu min tichak tu a ni a ,hmangaihna chu min kaihruaitu leh kawng dik min kawhhmuh tu a lo ni reng si a ,huatna in hmun a chan hmasakna chu hmangaihna in tawp a khar ta reng dawn a nih hi " tiin a lungphu chu ka ngaithla reng .








Ni e huatna kan neihna chu kan hmelma an nihloh chuan kan tana khuanu ruat ngei hi an lo ni thin,huatna min neih tir thei tu chu phuba lakchaka kan hmelma kan melh leh hmangaihna avanga min tuar tir tu lakah chiah kan lan tir thin . I hmelma nilo a i huat em em chu i thinlung sawi danglam tu a ni ngei ang tih ka chiang,i neih theihloh tur avangin a nilawm ni hmangaihna i huat thin . A dik,keipawhin huatna leh hmangaihna hi ka kar tawn a ,a tawpah chuan hmangaihna ka din chan tir ta zawk a .






Bazarah ka tei chhuak a , Daniela erawh company lamah a kal thung,ka dul puar ve tan chu en in ka chul heuh heuh,kawngpui dunga ka kal lai chuan thawk leh khatah ka ka ah an rawn hup a ,car chhungah min luhpui nghal zat ,tal chhuah tumin ka tha tawpin ka tanga,mahse ka hnar a min rawn hup sak leh avang chuan ka khawhmuh chu a thim ta hmak a .






DANIELA POV ..






Ka nupui ka hmu chak tawh lutuk chu engmah pawh ka ngaihtuah tha hleithei lo,ka thawhpui ten min en leh haw haw zel te chu ka haw hlur tawh,meeting zawh rual rual in in lam ka pan nghal . Kalkawngah nidanga ka tih ang bawkin rose parsen ka leisak a,in ka thlen rualin ka au nghal lung lung,ka kianga a awm leh atangin ka danglam zo a ,ka mizia a inthlak hlawk a ni ber . Min chhan loh avang chuan inchhunga lut in ka au leh a .







A la chhang chuang lo,ka call a inchhung vel chu ka enkual pah bawk ,mahse a awm hauhlo ,phone lah a chhang thei heklo,hlauhthawnna ka thinlungah a awm nghal . A thiante ho ka be kual a , an kiangah a awm loh thu vekin min chhang a ,ka hlauthawng zual . Police lam phone in ka nupui bo thu chu ka report a ,an zawn nghal tur thu an sawi rual chuan dah in a kalna tur awm ang ka zawng kual,ka hmu bawk silo .







Ka tukkhum dawmin ka au tuar “ Teddy khawiah nge i awm ,min chhang teh " tiin a phone bawk chu ka call leh,lak tih reng reng a neilo . Ka rilruah thil a rawn lut zut zut ,police ho rawn thleng nen chuan kan zawng kual a ,hmasawnna erawh a awm lo hle thung a ,tunge ka nupui chungah kut lek duh ang ,ka hre hauh lo ,ka hriat hunah chuan a chaklo khawp ang ,ka nupui leh ka fa ka chan a nihchuan ka that duh ngei ang le .



(INRIN ZANAH EMAW LAST A AWM MAI THEI AW ,A LAST LO THEI BAWK)