KA PAHRAWN BY MAWITEI BAWITLUNG (Complete)

[mawitei bawihtlung]

KA PAHRAWN





CHAPTER 21





Ka mit chu ka meng chhuak riai riai,khawilai nge ka awm na hi ka hre hauh lo ,ka tho chhuak a . Chu room chhung thim mup chu ka en kual vang vang,chutia ka din reng lai chuan kawngka a rawn inhawng a ,Diana a rawn lut chumai nilo in Dominic lehzel pawh. Mak ti lutukin ka en “ Dom engthil " tiin rilru na zetin ka en “ A chhan maw keihian Daniela hi ka hmangaih i hria em? Mahse nang hian ilo thlem thlu leh a , Daniela ka neih theih nan hian zah pawh dawn lo in mi hma ah ka zui thin a sin.







Mahse vawikhat pawh min melh ngailo,nang i rawn lang a ,ka kianga a tihloh zawng zawng leh ka zui thin khan a zui let zawk che a , Dominic hi maw i phatsan avanga rilru na in ka hnen a rawn pan a ,chuan heng te hi kan ruahman ta a ni" tiin Diana chu a nui hak hak,ka pum puar lah a en erawh chuan a nui tawp hmak “ Kha i naute pawh kha ka that thuai ang ,lo inring rawh Daniela fa hi keilo in an pai thiang lo " tiin a nui uar uar a, mi ang lo ang chiah a ni .








“ De hian keimah lo min thlang ngai dawn lo,nang ang mi ang lo phei chu a thlang hauh lo ang che . Min that pawh nila nang chu a thlang chuang lo ang che ,a chhan chu maw a hmeichhe hmangaih awmchhun ka ni tlat " tiin ka nuih khum a ,a thinrim hmel ngei mai . Kut min thlak a tum chu Dominic chuan a lo dang vat,chutah thinrim zetin a chhuak nghal hlawk hlawk “ Melissa" min rawn khawih mai a tum chu ka hawisan hmak “ Engvanga hetiang hi tinge i nih ka ngaihtuah a ni ,ka lo ring che a ka thian angah ka ngai bawk che .








Mahse ilo tenawm takzet a ni Dom" tiin ka en ngar ,za lo zet hian a khi suk “ Ka neih theih nan che chuan i pasal hi ka that mai ang,ka nei ngei bawk ang che . I fa ngei pawh hi ka enkawl pui thei che" a tihchuan ka lu ka thing nawk nawk “ I bula awm ai chuan thih pawh ka thlang zawk e ,ka rin ang ilo nilo takzet , Diana chhiah hlawh ilo nih hi " ka ti tuar ,a thinrim hmel ve ta hle ,ka biangah na zeta rawn hmerin min kuai dak a ,ka hmuiah chuan na zetin a rawn fawp ,ka nam ve tak nang in a chak nasa mai si .








Chubakah ka naute ka vengthawng bawk nen thu awih taka ka awm rih a ngai tih ka hria ,chuti lo chu ka naute hi ka chan leh mai ang . Ka rilru chuan Daniela ka au mawlh mawlh,ka bo tih a hre tawh ngei anga,mahse ka awmna a hre awm silo . Ka mittui chu a luang ngiai ngiai “ Keihian enge pek loh che ka neih Meli,i tan theih tawp chhuahin i dam khawchhuah nan ka bei a ,mahse tina tu bawk che i pan leh a,nang hian min phatsan a ni " a tihchuan ka nui hak .








“ Hman atangin thian ang bakin ka en ngai lo che tihchu nangpawhin i hria ,ka hmangaih awm chhun chu Daniela bak an ni ngailo" ka ti ve hmak. Thinrim zeta min chhuahsan hnu chuan ka hmui chu ka hru nawk nawk a ,ka insiam tha vat . Ka pum chu ka khawih “ De min lo zawng hmu vat rawh,kei leh naute hian kan mamawh che a nia " tiin ka pasal chu beiseina chaurau tak nen chuan ka au,hre pha tak ang maw .








Ni a liam a ,ka nunpum chu chu room chhung thim zetah chuan ka hmang liam a ,chaw erawh ka naute tan ka ei lui hram hram thin, Daniela ka ngaihtuah a ,keimah vangin rilru hah in a awm a nga min hmu dawn lo leh a hrilh hai tur te ka ngaihtuah chuan ka tah a chhuak tun,min ngai tawh dawn lutuk. Ka tello a a awm theihloh zia ka hria a ,ka thi emaw ti a a beidawn mai ka hlau, Diana lahin nitin Daniela bulah a awm thu min hrilh cham chi a ,ka rilru na viau mahse ka pasal hi ka ring a ni .








Diana in an inkawp thu a sawi te chu ka awih duh lo ve ngat ngat,mahse news a an puan ka hmuh takah meuh chuan ka awih lo thei ta lo,chaw te chu ei harsa ka ti a ,ka taksa te chu a chaklo tial tial bawk . Dominic lah chuan ka rilru hmin tumin chet ala ve reng bawk ,ka tha zawi lutuk chu khumah ka mu tawp tawh a ,ka cher ruak tawh . Ka mittui lah in ka hmai a luan reng bawk ,pawnlama silai puak thuai ri chu hre mah ila tho turin chakna ka nei tawh lo . Ka beidawng tawh ,kawngka a rawn inhawng a rawn lut chu tunge a nih en tur pawhin ka meng peih tawh thlawt lo .








“ Teddy " rang zeta ka lam pana rawn tlan ri ka hre nghal,intichak hram hramin ka meng diar diar a , Daniela rawn phei leh min kuah thlawp chu ka thil hriat leh hmasak ber a ni “ Tinge min theihnghilh " tisepin ka mit chu ka chhing leh riai riai,ka taksa zawi zet chu tiche tur in tha reng ka nei tawh lo.






Ka harh leh chuan damdawi in chhungah ka awm tih ka hre nghal,ka kutah chuan thisen chaw an lo khai bawk . Ka kut hum reng tu awm anga ka hriat avang chuan ka en vat, Daniela a ni tih ka hriat rual chuan ka tah a chhuak leh ut ut tawh , Diana nen a an nui dun ka hmuh te khan min tina leh hluah hluah,ka kut chu laksawn tumin ka tiche a ,chuveleh rawn mengin min en nghal . Ka harh tih a hriat chuan min rawn hnaih nghal ruak “ Teddy i tha em " tiin ka kut chu a rawn hmer na salh .








“ Min kalsan rawh ,chuan ka tha a nimai " tisepin ka kut chu lak ka tum “ Min thlah rawh ka tihchu,ka bo a min lo zawn ka ring a ,mahse nang chuan min tina duh tu ngei mipui hma ah i inlan pui a ,keichu min ngaipawimawh tak tak lo a ni tiraw " ka ti tiau ,ka mittui chu a rawn hru fai a “ Shh...engkim kha ka ruahmanna vek a nihkha,khatianga inzawmna lem ka siam pui loh chuan i awmna ka hre thei dawn silo va ,ka ngaizawng der a ,i awmna ka hre ta chauh a ni . Ka zawng nasa che a sin,nitin khan ka ngai che ,i hria em?









I tello chuan ka nun hi a kimlo,ka nun hruai tu leh ka chakna i nih hi,ka hmuh leh theih nan che khang thil te kha ka ti a sin,teddy thinrim lo hram rawh . Kan naute nen hian in him ka duh si a ,a ni khan zep ruk a nei tih ka hria a ,in nat loh nan ka tihlawm hmasak a ngai a lawm,mahse vawikhat pawh ka tawklo tih ring rawh " a tihchuan ka tap chhuak nghal hlawp hlawp,min kuahin a awmah chuan min pawm bet chial a “ Tun ah chuan ka hlatah ka dah tawh hauh lo ang cheu,khang thil te kha a thleng leh tawh dawn lo bawk . Vengtu ka ruai tawh a ,an ni chuan englai pawhin an veng tawh ang cheu.








Chuan kei pawhin ka lalnu hian min ngaidam thei tawh a ngem " a tihchuan ka lu ka bu nghauh nghauh “ Dominic leh Diana te kha engtin nge an awm ,khatiang a an chet duh kha ka lo ring lo va . Dominic khan min tina takzet ,ka thiantha ber angah ka ngai a sin" ka tihchuan ka lu ah a chul hliau hliau “ Tunah chuan engkim a tha tawh e ,an ni pawhin hremna an hmu tawh a ,englai pawhin ka thlazar hnuaiah kan naute nen hian in awm tawh ang,ka kalsan leh tawh lovang che u ,nun thar kan tan dawn a ni ,I PAHRAWN ANGIN I NUNAH KA RAWN LUT A ,I PASAL ANG IN A TAWP KA KHAR THUNG TAWH ANG . Englai mahin ka kalsan ngai lovang che.







Zonuntluang ka hmangaih che " a tihchuan mittui karah ka nui a ,ka hlim veng veng “ Ka hmelma leh ka hmangaih niin ka nun pumpui i hruai a ,ka hmangaih i ni kumkhua tawh ang . Ka hmangaih che Daniel Lalduhawm " tiin ka kuah chial mai .







Nitin chuan a hmangaihna min hlan in min hmuh tir a ,vuina tur reng ka hrelo . Damdawi in atanga kan chhuah rualin in lamah vengtu an awm nghal a ,kan in leh a vel chu an hel kual reng thin . Ka naute pawh a hrisel tha a ,kei ngei pawh hmangaihna in ka nun a hruai chhoh tak avangin ka taksa te chu a chakin ka thau ve hle,ka vun a nung sarh bawk nen Daniela chuan min en leh vung vung zel ,ka hlim a he ka hun tawn mek hi hman ka in beisei ngailo,mahse ka nunah mi tam tak a la bo a ,ka pi leh pu ngei pawhin min kalsan ve leh ta bawk .






Mahse ka vui tawh lo,a chhan chu an aiawh tling tak a nunna ai pawha min hmangaih tu pasal min pe thung si a .





1 YEAR LATER






“ Danis i pa alo haw e " ka fapa chuan ka thusawi chu a hriat rualin a theih tawkin kawngka lam panin a tlan ve hnak hnak reuh a ,ka nuih sen sen . Kum khat leh thla lina a hmang ve mek a ,tawng a zir ve tan mek bawk . Papa tih erawh a hre bel tawh hle ,a hriselin a rualpuiah a chak fal a ,a duh duhnaah a tlan kual thei tawh bawk . Kawngka atanga a pa rawn lut chu “ Papa,papa" tiin a lo ban a , Daniela chuan a pawm nghal nawlh “ Hello ka fapa ,anu khawnge " tiin min rawn zawng nghal .







Choka a ka lo awm a hmuh rual chuan nui chung in an pafa in min rawn pan a ,kei erawhin ka cake siam chu ka lo buaipui leh mawlh mawlh thung . “ Ka duattei chu enge lawm tur kan neih a ,hetiang te a siam aw " tiin ka hmuiah a rawn fawp zauh a ,a fapa a pawm lohna zawk a kut chuan ka kawngah a rawn dawm nghal chat “ Lo thu phawt rawh u,ka zo tep thuruk a ni rih " ka tihchuan nui vur vur in kan fapa chu a thut thlakpui a ,an inchhaih nui hek hek ,an pafa a a infiam aibaka hmuhnawm tih hi ka nei ngailo .







Min ngaihsak awl lo a ,a hna pawh a rawn bang hma ziah thin,zanah lah nise Danis a sual changin amah zawk a tho a ,ka mut theih loh chang lahin min menpui ve char char thin,a ni aia pasal leh pa nih tlin an awm bik kher lovang. A fapa mai bakah a nu thleng hian a lakah kan pangchan dan a in ang ve ve ,a chhungte kan be ve zeuh zeuh nangin amah ber hian biak tam a phallo a ,mahse keichuan ka haw em em lo,a chhan chu khawvela ka mipa hmangaih ber min hrin sak tu an ni a ,an ni awm lo se Daniel Lalduhawma hi a piang hauh lovang.








“ Le papa mitchhing rawh le " tiin ka pasal hma ah chuan cake ka chhawp a,a mit chu thuawih takin a chhing ve mai bawk . A hmaah chuan test kid chu ka dahthla a “ Le a mentheih e " ka tihrual chuan rang zetin a meng a ,ka nuih hak ,test kid chu a hmuh rualin a la kang a ,a en vung vung hnu ah min rawn melh leh vut “ Daniel,Danis hian nau a nei ve leh dawn " ka tihchuan rawn tho chhuakin a fapa nen chuan min pawm kang a ,kan nui uar uar mai . He hlimna hian eng chen nge a awh dawn ka hrelo va ,mahse hei erawh ka chiang,ka pasal hian kei leh a fate hi min thlahthlam tawh ngai lovang tih hi .






A chhan chu maw ka pasal duhtak a ni miau a ,ka nunah hmelma angin a rawn lut a ,anunah pawh chuti bawk chu ka ni . Mahse a tawpah chuan hmangaihna ah kan luangliam ve ve a ,chu thil chu inhuatna leh hmelmakna pawhin a hneh theihloh tur a kan nuna bu khuar tu a ni miau a ,inchan kan tum leh tawh ngai dawn lo tih hi ka hrechiang a,inhuatna hian eng rah tha mah a chhuah lo tih chiang tu ve ve te kan ni miau a lawm,a fate a hmangaihna avang pawh hian min kalsan hek lovang . A chhan chu khawvela mipa rintlak leh ropui ber a ni si a .





A TAWP TA ,KA READER TE IN CHUNGAH KA VA HAN LAWM EM,HETI HIAN CHAPTER TLEMTE SI AH NUAIH MIN THLEN PUI A ,KA LAWM EM EM E.,KA STORY DANG PAWH MIN LO CHHIARSAK LEH VEK DAWN NIA,KA PASAL THINGTLANG PA TIH KA UPDATE LEH TANA,CHUTAH PAWH CHUAN MIN LO TAWIAWM LEH VEK KA BEISEI,IN VAIA CHUNGAH THINLUNG TAKIN LAWMTHU KA SAWI E .
BY MAWITEI BAWITLUNG.